<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4062: byang chub kyi spyod pa la 'jug pa'i dka' 'grel<br><table><tr><td>
<input type="button" onclick="location.href='tcompletep.php?id=N4062&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4062&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4062&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">zhus te/ legs par gtan la phab pa'o// // */ /spyod 'jug 'brel? ba shar? 'byung blo gros kyis mdzad pa bzhugs// // #/ /rgya gar skad du/ bo d+hi tsAryA ba tA ra pany+dzikA?/ bod skad du/ byang chub kyi spyod pa la 'jug
 pa'i dka' 'grel/ 'phags pa 'jam dpal gzhon nur gyur pa la phyag 'tshal lo/ /'phags pa spyan ras gzigs dbang phyug la phyag 'tshal lo/ /bam po dang po/ /bde bar gshegs pa chos sku dang bcas rnams dang
 bde gshags sras/ /gti mug ljon pa rtsa nas bton cing spros pa rnams bcom pa/ /skye sogs sdug bsngal gyis bcom sems can phan la rjes 'jug pa/ /'od zer chen pos rgyal ba rnams la spyi bos phyag 'tshal te/ /byang chub spyod la 'jug pa yi/
 tshig don zab mo rtogs byed pa/ /tshig dang ngag rnams rab gsal ba'i/ /dka' 'grol bdag gis brtsam par bya/ /byang chub spyod la 'jug pa'i don gang yin la shin tu blo gros gsal ba dang/ /gsung rab rol goms pas zhugs pa'i nang gi
 bdag nyid can gyis brjod nus te/ /de yi don la blo gros blun bdag smra bar dbang pa ci zhig de lta na'ang/ /gang phyir dge ba goms byas legs pa'i 'bras bur gyur pa des na bdag 'jug yin/ /yon tan bag chags cung zad dang ni spobs pa dang/
 yon tan gyis mdzes blo gros bdag la 'ga' med kyang/ /de lta med kyi de 'dral bdag tshig 'jug gang/ /bshes gnyen dam pa bsten pa'i 'bras bur gyur pa yin/ /'dir 'phags pa zhi pa'i lha de gsung rab mdza' dag gi don gyi de kho
 na nyid rtogs shing/ /ting nge 'dzin gyi che ba'i bdag nyid brnyes pa/ /yang dag par rdzogs pa'i byang chub bzhed pa/ sems can rnams la thugs rje dang ldan pa/ rang gi bde ba la ltos pa med pa/ gzhan la phan pa dang bde ba bzhed pa
 byang chub sems dpa' i yon tan la thugs gzhol ba/ bdag nyid yon tan de la goms pas ro mtshog la zhugs shing/ gzhan dag la'ang lam de bstan pa'i ched du byang chub kyi spyod pa la 'jug pa mdzad par bzhed nas/ bde gshegs zhes
 bya ba la sogs pa'i tshigs su bcad pa gsungs pa la/ tshigs su bcad pa 'dis ni mdor bsdus nas don bdun bstan te/ dkon mchog gsum dang mkhan po la sogs pa phyag bya bar 'os pa rnams la phyag 'tshal ba dang/ brjod par bya ba dang/ dgos
 pa dang/ de'i 'brel ba brjod pa bsten pa dang/ rang bzor rtsom pa spang ba dang/ zlos pa'i nyes pa spang ba'o/ /de la bde gshegs sras bcas chos sku dang zhes pas ni dkon mchog gsum bstan to/ /phyag 'tshal te zhes bya bas ni phyag
 'tshal ba'i bya ba'o/ /gus bas zhes pas ni de nyid kyi khyad par ro/ /phyag 'os kun la'ang zhes pas ni dge ba'i bshes gnyen la sogs pa rnams la'o/ /bde gshegs sras kyi sdom la 'jug pa zhes bya bas ni brjod par bya ba bstan to/ /bstan par
 bya zhes pas ni dgos pa brjod do/ /'brel pa bston pa'i tshig ni med de/ /de ni shugs nyid kyis rtogs par bya'o/ /lung bzhin zhes pa ni rang bzor rtsom pa spong ba'i tshig go /mdor bsdus nas zhes pa ni zlos pa spong ba'i tshig ste/ 'di ni bsdus
 pa'i don to/ /yan lag gi don yang brjod par bya ste/ bde gshegs zhes pa la/ 'dir gshegs pa'i sgras ni so so'i skye bo rnams la bcom ldan 'das rnam par gcod pa ston te/ de rnams ni 'khor ba'i nang na gnas pa'i phyir dang/ bcom ldan
 'das ni 'khor ba las rnam par gshegs pa'i phyir ro/ /bde ba'i sgra ni mdzes pa la sogs pa don gsum la 'jug pas khyad par 'phags pa'i bde bar gshegs pa nyid gsungs so/ /de pas na don ni 'di yin te/ ci lta ba bzhin du bsngags
 par 'gyur ba ni 'di ltar dbu ma'i don rtogs pas nyon mongs pa la sogs pa'i sgrib pa spangs par gshegs pas bde bar gshegs pa ste/ 'dis ni spangs pa phun sum tshogs pa bstan to/ /yang na bsngags pa ni chos thams cad rang bzhin
 med pa'i de kho na nyid du gshegs pa ni rtogs pa ste bde bar gshegs pa'o/ /'dis ni rtogs pa phun sum tshogs pa bstan to/ /'di nyid kyis ni mu stegs can gyis ston pa rnams las khyad par du 'phags pa'ang bstan
 pa yin no/ /de rnams ni bdag la sogs par mngon par zhen pa'i lta bas mdzes par 'gro ba med pa'i phyir te/ bdag la sogs pa yang tshad mas gnod pa'i phyir dang/ 'khor ba'i gnyen po ma yin pa'i phyir mdzes par 'gro ba ma yin no/ /
 slar mi ldog par gshegs pa ni yang skye ba dang 'dod chags la sogs pa'i nyes pa rnams kyi rgyu ngar 'dzin pa'i sa bon ma rig pa rnam pa thams cad du spangs pas bde bar gshegs pa'o/ /'dis ni rgyun tu zhugs pa dang/ lan cig phyir 'ong ba dang/
 byang chub sems dpa' rnams las bcom ldan 'das khyad par du 'phags par bstan pa yin te/ de rnams ni bsngags par gshegs kyang rgyu rnam pa thams cad du ma spangs pa'i phyir slar ldog pa srid pa'i phyir ro/ /ma lus pa yang ji srid du bgrod par
 bya bar gshegs pa ste/ nyes pa thams cad kyi bag chags lus dang ngag dang sems kyi gnas ngan len gyi mtshan nyid dang/ /rang gi rtogs pa'i lam ston pa la mi gsal ba spangs pa'i phyir bde bar gshegs pa'o/ /de dag gis ni bcom ldan
 'das rdzogs par gshegs pa nyid du bstan to/ /'dis kyang phyir mi 'ong ba dang/ dgra bcom pa dang/ rang sangs rgyas rnams las bcom ldan 'das thun mongs ma yin pa'i yon tan dang ldan pa nyid du rig par bya'o/ /de rnams ni nyon mongs pa can
 ma yin pa'i lus dang ngag dang yid kyi gnas ngan len dang/ rang gi rtogs pa'i lam ston pa la gsal ba mi srid pa'i phyir ro/ /de lta na sangs rgyas nyid yon tan ma lus pa'i gzhi dang/ /gzhan dag dangthun mong ma yin no zhes bde bar gsheD
 pa'i ? bstan to/ /de lta bur gyur ba'i bde bar gshegs pa de rnams la gus pas te mchog tu dad pas so/ /phyag 'tshal te zhes pa ni phyag byas te bde gshegs sras kyi sdom la 'jug pa brjod par bya zhes bya ba dang sbyar ro/ /ji lta bur gyur
 bzhig tsa na/ sras bcas zhes pa ste/ thub pa rnams kyi sras kyang 'dir rab tu dga' ba la sogs pa'i sa thob pa'i byang chub sems dpa' nyid bzung? ngo/ /de rnams nyid 'dir dbang par gyur pa'i phyir de rnams dang bcas pa'o/ /bye brag 'dis?
 'phags pa'i dge 'dun la phyag 'tshal ba bsdus pa yin no/ /bye brag gzhan gsungs pa chos sku dang bcas zhes pa la/ /bcom ldan 'das kyi spros pa thams cad dang bral pa'i ngo bo nyid kyi chos kyi sku'o/ /de nyid ni rtogs pa'i rang bzhin gyi chos so/ /
 yang na sku'i sbra ni tshogs kyi don te/ skye bo'i tshogs dang dpung gi tshogs zhes bya ba yin no/ /nges gsung rab kyang gzung ste/ /de dang bcas pa'o/ /'dis kyang chos la phyag 'tshal ba bsdus pa yin no/ /de ltar na 'dis ni dkon mchog gsum la phyag
 'tshal pa nye bar bstan pa yin no/ /sangs rgyas las chos las 'phags ba'i dge 'dun te zheS pa'i go rim ma yin nam/ de ci'i phyir sangs rgyas kyi de ma thag tu 'phags pa'i dge 'dun dang/ de'i rjes la chos zhes go rim 'chol par bstan ce na/
 bden te 'dir tshigs su bcad pa sbyar pa'i ngor byas pa'i phyir go rim 'chol bar bstan par rig par bya'o/ /sbyar ba ni bde gshegs chos kyi sku mda' sras bcas la phyag 'tshal te zhes go rim nyid bzhin bya ste/ des na nyes ba med do/ /yang na
 byang chub sems dpa' rnams la yang rtogs pa'i chos mnga' ba'i phyir rjes su mthun pa'i phyir na chos kyi sku yod pa nyid de/ chos kyi sku dang bcas pa de rnams la'ang phyag 'tshal ba bstan pa'i don du'o/ /de rnams kyang chos nyid rtog par bde bar
 gshegs pa nyid du nges pa yin te/ bde bar gshegs pa dang 'dra ba'i phyir chos las sngar bstan to/ /des na mi rigs pa cung zad kyang med do/ /ci 'di rnams kho na la yin nam zhe na/ phyag 'os kun la'ang zhes gsungs te/
 gzhan phyag bya bar 'os pa mdza' dag la'ang ste/ slob dpon dang mkhan po la sogs pa rnams la yang ngo/ /gus pas phyag 'tshal te zhes pa phyed snga mas bde bar gshegs pa la sogs pa la phyag 'tshal ba brjod nas/ phyed phyi mas brjod po?/
 bya ba la sogs pa bstan pa'i phyir/ bde gshegs sras zhes bya ba la sogs pa gsungs te/ sras ni bde bar gshegs pa rnams las skyes pa'i sras te/ rgyal ba'i sras byang chub sems dpa' zhes bya ba'i don to/ /de rnams kyi sdom la
 'jug pa ni bsdams par bya ba'am 'dis sdom par byed bas na sdom pa ste/ byang chub kyi sems gzung ba sngon du song ba'i byang chub sems dpa' i bslab pa yang dag par blang ba yin la/ de 'ang skabs ji lta ba bzhin du brjod par bya'o/ /de la 'jug
 pa ni 'jug par bya ba 'am/ 'dis de la 'jug par byed pa'i phyir 'jug pa ni lam ste/ gang gis byang chub sems dpa' i go 'phang thob pa na bde bar gshegs pa nyid thob par 'gyur ba de gzhung 'dis bstan par bya'o zhes bya ba'i don to/ /de
 ltar na 'dis ston par byed pa yin pa'i phyir sdom la 'jug pa ni 'di'i brjod par bya ba yin la/ 'dis ni sdom la 'jug pa'i brjod par byed pa yin no/ /de ltar na brjod par byed pa dang brjod par bya ba'i mtshan nyid kyi 'brel ba yang don gyis
 bstan pa yin la/ bstan pa ni rjod par byed pa'i dgos pa ste/ dngos su ni brjod par bya ba'i rang gi ngo bo rtogs pa nyid de'i dgos pa'o/ /brjod par bya ba'i dgos pa yang thos pa las byung ba la sogs pa'i shes rab bskyed pa'i rim
 pas sgrib pa thams cad dang bral ba'i sangs rgyas nyid ni dgos pa mthar thug pa yin no/ /'di yang bde gshegs sras kyi sdom la 'jug ba'i sgra nyid kyis bsdus pa yin te/ de'ang gang zhig phan yon bstan pas zung gyis ston par 'gyur te/ mi gtsang lus
 'di blangs nas rgyal ba'i sku/ /rin chen rin thang med par bsgyur bas na zhes ston to/ /de ltar 'brel ba dang/ brjod par byed pa dang/ dgos pa rnams ni 'jug pa'i yan lag tu bstan te/ gzhan dun brjod par bya ba la sogs pa med bar dogs?
 pa 'dir rtog pa dang ldan pa rnams 'jug par mi 'gyur ro/ /khyod kyis rang bzor brjod pa ma yin nam/ 'dis su zhig 'dzin par 'gyur zhe na/ lung bzhin zhes gsungs te/ lung las ma 'das bar bcom ldan 'das kyis ci ltar gzhan gsung
 rab tu bstan pa de bzhin du bdag gis de'i don las ma 'das par bstan par bya'o/ /'dis ni lung las rang bzod brtsom pa yongs su spangs pa yin te/ 'di ni rang dga' ma yin no zhes pa'i don to/ /'dis bdag nyid kyis gsung rab kyi don rtogs
 par yang zur gyis bstan pa yin te/ 'di yang 'jug pa'i yan lag nyid do/ /gal te lud bzhin du bstan par bya ba ma yin nam/ de lta na lung nyid la de 'dod pa rnams 'jug par 'gyur na/ des na ci 'dis ci zhig bya zhe na/ mdor bsdus nas
 zhes gsungs te/ mdor byas nas so/ /gal te lung du bstan par gyur pa de lta mod kyis mdo sde sna tshogs pa de rnams su shin tu rgyas par bstan pa'i phyir la/ kho bos ni mdor byas shing bsdus nas bstan par bya ba ste 'di ni khyad par ro/ /
 'dir ni zlos pa yin no zhes brjod pa yin te/ 'di yang 'jug pa'i yan lag ma yin pa spangs pa yin no/ /de'i phyir 'jug pa'i yan lag yin pas na brjod par bya ba la sogs pa bstan pa ni mi rigs pa ma yin no/ /'o na phyag 'tshal ba
 brjod pa don med pa yin no zhe na/ de'ang legs pa thob pa la sogs pa'i don du brjod par byed pa yin na ji ltar na don med pa nyid yin 'di'i dgongs pa ni 'di yin te/ bde bar gshegs pa la sogs pa la phyag 'tshal ba
 las byung ba'i bsod nams kyi sems kyi rgyud yang dag par brlan pas sngon byas pa'i sdig pa'i rgyun shin tu bsrabs pas bgegs nye bar zhi ba ni brtsams pa yongs su rdzogs par 'gyur ba dang/ skye bo dam pa mdza' dag son pa'i lam du
 bdag nyid rjes su 'gro bar yang bstan par 'gyur ba dang/ 'dod pa'i lha la sogs pa la phyag byas pa thos pa las yod pa nyid srid pa yin no zhes nyan pa po rnams bdag nyid dang gzhung la yang gus pa skye bar 'gyur ba'o/ /'dir yang bde
 bar gshegs pa'i sgras brjod pa'i bcom ldan 'das kyi che ba'i bdag nyid thos pa las de 'dod pas de bskyed pa la gzhol ba'i yid kyis bde bar gshegs pa'i sras kyi sdom pa la 'jug pa yongs su shes par bya ba'i phyir 'bad pa dang
 ldan pa dag 'dir 'jug bar 'gyur ro/ /'di dag ni 'dod pa'i lha la sogs pa la phyag 'tshal ba'i 'bras bu'o/ /des ni 'di ltar gang gis gang 'dod pa dang byed par 'dod pa de nyid bya ste/ gzhan ma yin la gzhan du byed na skabs ma
 yin pa brjod pa dang/ ha cang thal bar 'gyur la/ de'i phyir 'di yang sdom pa la 'jug pa ston par mdzad pa dgongs pa yin na/ ci'i phyir skabs su ma bab pa'i 'dod pa'i lha la phyag 'tshal bar byed de/ sngar brjod ba'i nyes pa gnyis su
 thal bar 'gyur ro zhes gang zhig brjod pa de yang bsal bar gyur pa yin la/ de ma thag nyid du de la mkho bo bsnyad pa'i phyir skabs su ma bab pa brjod pa ni ma yin no/ /gang zhig de ma thag tu mkho bo de ni brjod par bya ba yin te/ /gzhan
 du ma yin no/ /de ltar na ha cang thal bar 'gyur ba med pa'i phyir thams cad 'ges? par gnas pa yin no/ /ci ste lung las lhag pa ma yin par mdor bsdus nas brjod par byed pa yin na'ang don la khyad par med pa'i phyir ji ltar na khyad par du 'jug pa'i
 yan lag gi sgo nas 'ga' zhig gis blang bar bya bar 'gyur/ de lta bas na 'dir lung las lhag ba cung zad kyang brjod pa'i bya ba yin no/ /zhes dogs nas/ sngon chad ces bya ba la sogs pa gsungs te/ 'dir lung las lhag pa sngan chad ma
 byung ba gzhan cung zad 'dir bdag la lhag pa brjod pa med do/ /yang na ni'i sgra ni gang gi phyir gyi don to/ /'o na do las lhag par brjod pa med na yang 'di'i tshig gi don spros pa'i khyad par can du 'gyur te/ de lta bas na yang khyad par du 'gyur ro zhe na/
 'dir sde ba sbyor zhes bya ba gsungs te/ sdeb sbyor ni don dang tshig bkod pa'i khyad par yang yod pa yin na/ de la mkhas shing brtags pa bdag la yod pa ma yin no/ yang na yang gi sgra ni nges par gzung ba'o/ /gal te de ltar yin na 'di gzhan
 gyi don la mkho pa nyid du ji ltar 'gyur zhe na/ de phyir gsungs te/ gzhan gyi thal bar brjod pa nyid khas len par byed de/ gang gi phyir sngon med pa brjod pa'i nus pa bdag la med cing/ sdeb sbyor mkhas pa yang bdag la yod pa ma yin no/ /
 de nyid kyi phyir gzhan don gyi bsam pa bdag la mkho ba 'di yang yod pa ma yin la/ rnam par rtog pa yang bdag la yod pa ma yin te/ de la nus pa dang bral ba'i phyir ro/ /'o na ci'i phyir 'di byed pa'i don du 'bad par byed ce na/
 rang gi yid la zhes gsungs te/ bde bar gshegs pa'i sras kyi sdom la 'jug pa goms pa'i ros khong nas gong du bsgom par 'dod pas so/ /'di zhes te/ rab tu byed pa 'am/ sdom pa la 'jug pa bstan pa bdag gis
 brtsams shing byas pa'o/ /'das pa'i rkyen bstan pa ni nang gi dngos po rdzogs par thugs la bzhag pa yin no/ /re zhig rang gi don du gzhung rtsom pa yang ma mthong la/ rang gis byas pas bdag nyid la khyad par 'jig
 pa'ang ma yin te/ dngos po la 'dus byas pa'i khyad par yang bdag nyid la sngar nyid nas yod pa'i phyir ro zhe na/ 'dir dge ba bsgom phyir zhes bya ba la sogs pa gsungs te/ gzhung 'di yis sam de'i don gyis so/ /dge ba ni dge legs te/
 de yid la byed pa'o/ /bsgom phyir ni bskrun par bya ba'i phyir ro/ /dad ba'i shugs 'phel bar 'gyur ba ni sems dang pa'i rgyun gong nas gong du 'phel bar 'gyur ba ste/ rgyun tu 'byung bar rab tu 'jug pa yin no/ /'dis ni rang gi don du byed pa
 nyid du nyams su myong bas 'di grub par bstan no/ /gzhan gyi cung zad byed pa yang srid pa yin no zhes bstan pa/ bdag dang zhes bya ba la sogs pa gsungs te/ gal te zhes bya ba ni rnam pa gzhan nye bar bkod pa'o/ /rang gi don du byed pa
 'di ni re zhig nyams su myong bas grub pa yin la/ gal te yang bdag dang rang bzhin mnyam pa gzhan kha cig gi gzhung dam don 'di mthong zhing rtogs na gzhan gyi don kha mkho ba'i phyir 'di yang don bcas yin to/ /de'i phyir yang gzhan
 gyi don la mkho ba'i yang phyir 'di dgos pa dang bcas pa yin no/ /'dis kyang ni gzhan gyi don la mkho ba yin pa'i phyir 'di don dang bcas shing dgos pa dang bcas pa yin te/ ci zhig ltar yang gzhan gyi don la mkho ba srid
 pa'i phyir ro/ /tshigs su bcad pa gnyis po 'dis bdag nyid mngon pa'i nga rgyal med pa nyid du bstan to/ /da ni sdom pa la 'jug pa bstan pa 'dzin du gzhug pa'i phyir gleng bslang ba sbyar ba/ dal 'byor zhes bya ba la sogs pa
 gsungs te/ mi khom pa brgyad spangs pa ni ngal ba 'byor pa'o/ /tshogs pa 'di ni shin tu rnyed dka' ba ste/ shin tu dka' pas rnyed par bya ba yin no/ /rgya mtsho chen po'i gnya' shing gi bu gar ru sbal gyi mgrin pa chud pa lta bur ji zhig ltang thob par bya ba thob
 pa ni rnyed pa'o/ /de yang skyes bu'i don sgrub pa ste skyes bu'i don ni mngon par mtho ba dang nges par legs pa'i mtshan nyid do/ /de sgrub pa ni rdzogs par byed pa ste/ de'i yan lag yin pa'i phyir de nus pa yin no zhes bya ba'i tha tshig go /gal te de lta bur
 gyur pa 'di la phan pa ma bsgrubs na ste/ rang dang gzhan la bde ba'i rgyu mtho ris dang thar pa sgrub par byed pa ma blangs na de'i tshe phyis te slar yang ngo/ /'di ni de bzhin gshegs pa 'byung ba dang/ dad pa dang mi khom pa brgyad spangs pa'i mi'i dngos po zhes
 bya ba ste/ 'di yang dag 'byor ba ni phrad pa dang 'du ba dang tshogs pa zhes bya ba'i tha tshig go /ga la ni ci ltar ga las kyang 'byung bar mi 'gyur te/ mi mkhom pa'i gnas skabs na shin tu rnyed par dka' ba'i phyir na chos rab tu rnam par 'byed par bya
 bar mi nus pa'i phyir ro snyam du dgongs ba'o/ /ji skad du/ 'phags pa sdong po bkod pa'i mdor/ /'phags pa rgyal ba drod kyi skye mched kyi rnam par thar pa las mi khom pa brgyad las ldog pa yang rnyed par dka' / mi nyid thob pa yang rnyed par
 dka' / ngal ba phun sum tshogs pa rnam par dag pa yang rnyed par dka' / sangs rgyas 'byung ba yang rnyed par dka' / dbang po mchad pa med pa yang rnyed par dka' / /sangs rgyas kyi chos nyan pa yang rnyed par dka' / /skyes bu dam pa dang 'gregs
 pa yang? rnyed par dka' / yang dag pa'i dge ba'i bshes gnyen rnams kyang rnyed par dka' / yang dag pa'i tshul rjes su bstan pa nye bar sbyor ba yang rnyed par dka' / mi'i 'jig rten na yang dag pa'i 'tsho ba yang rnyed par dka' o zhes gsungs so/ /'di nyid
 la dgongs nas 'jig rten na ni mi rnyed dka' / /sangs rgyas 'byung ba shin tu dka' / /de bas dang dang rab byung dang/ /grub pa'ang shin tu rnyed par dka' / /sems can kun la rjes brtsebs/ /sdug bsngal thams cad
 rab zhi'i phyir/ /byang chub sems ni brtan pa dag /gcig nas gcig tu dkon pa yin zhes gsungs so/ /yang mi khom pa ni 'di rnams yin te/ dmyal ba yi dags dud 'gro dag /kla klo tshe rings lha dang ni/ /log lta sangs rgyas mi 'byung dang/ /
 lkugs pa 'dir ni mi khom brgyad ces so/ /de bas na da lta nyid du brtson par bya'o/ /da ni byang chub kyi sems yongs su bzung ba'i don du de la 'dod pa bskyed ba'i phyir phan yon la 'jug pa/ /ji ltar mtshan mo zhes bya ba la sogs pa gsungs te/
 ci ltar mtshan mo'i sprin 'dus pa'i dus su sprin rnams kyis mun nag shin tu stug par gyur pa na glog 'gyur skad cig thang cig tsam snang bar byed de/ dngos por gyur ba cung zad rab tu gsal bar byed do/ /'dir yang dpe de nyid sangs rgyas mthu yis zhes
 bya ba la sogs gsungs te/ sangs rgyas bcom ldan 'das nyid phan pa dang bde ba la sbyor ba'i phyir skal ba can dang skal ba can ma yin pa'i sems can gyi rgyud la gzigs shing rtag tu bzhugs te/ gang gi tshig gang du thabs gang gis gang la skal
 ba dang/ ldan pa gang yin pa gzigs nas/ de'i tshe der thabs des de la de byin gyis rlob par mdzad cing/ skal ba dang mi ldan pa'i gnas skabs su btang snyoms kyis bzhugs so/ /de lta na de bzhin gshegs pa'i byin gyis brlabs kyis ci
 zhig ltar na rnyed? par dka' ba 'byung ba'i phyir 'jig rten te/ skye bo'i bsod nams phan pa dang bde ba'i rgyu dge ba'i las rnams la blo gros yud tsam zhig 'byung ste/ de ni der mi brtan pa'i phyir dang/ 'khor ba thog ma med par 'jig rten gyi
 khams mi dge ba'i phyogs nyid la goms pa'i phyir ro/ /nges cir 'gyur zhe na/ de ltas zhes bya ba la sogs pa gsungs te/ gang gis phyir de lta bas na dge ba ste/ bsod nams nyams chung ba dang stobs dang bral ba nyid glog 'gyu ba dang 'dra ba'i phyir ro//
 rtag ces bya ba ni dus thams cad shin tu nyam chung ba yin no/ /de lta na gang la shin tu stobs che ba yod ce na/ sdig pa stobs chen zhes gsungs pa la/ stobs chen ni yang mi dge ba chen po yin te/ phyi'i sprin rum gyi mun pa dang 'ang ba'i phyir ro/
 de'i mi bzad pa ni shin tu 'jigs par byed pa ste/ dmyal ba la sogs pa'i sdug bsngal skyed bar byed pa'i phyir dang/ thub par dka' ba'i phyir ro/ /de ltar 'di la nus pa chen po yod du chug kyang de lta na yang de las gzhan bsod nams stobs dang ldan
 pas rgyal bar byed par 'gyur te/ de ltar yang cung zad kyang nyams pa med do zhe na/ de ni zhes bya ba la sogs pa gsungs te/ nus pa chen po dang ldan pa de lta bu de ni gzhan gang gis te/ cig shos bsod nams kyis zil gyis gnon par 'gyur zhing
 rgyal bar 'gyur te/ gzhan gang gis kyang ma yin no/ /zhes bya ba'i don to/ /yang ci'i phyir 'di ltar brjod ce na/ rdzogs pa'i byang chub ces bya ba la sogs pa la/ rdzogs pa'i byang chub ste sangs rgyas nyid la sems can thams cad yang dag par
 gdon ba'i bsam pa de thob par bya ba'i don du ltag pa'i bsam pa sems gang zhig yid la byed pa ste/ gal te de med par gyur na'o/ /nus pa chen po yang de las gzhan stobs che bas rgyal bar byed de mtshan mo'i mun pa la nyi mas byed pa bzhin du/
 byang chub kyi sems las gzhan gnyen po srid pa yang ma yin no/ /de lta bas na de gzhom pa'i phyir byang chub kyi sems nyid blang bar bya ste/ gzhan ni ma yin no snyam du dgongs pa'o/ /byang chub kyi sems blangs par bya ba yin no zhes bskal ba zhes
 bya ba la sogs pa 'dis kyang gsungs te/ bar gyi bskal pa gcig kyang bskal pa yin la/ bar gyi bskal pa nyi shu yang bskal pa yin zhing/ bar gyi bskal ba brgyad cu yang bskal pa yin te/ de la yang bskal pa chen
 po zhes brjod la/ 'di ni bskal pa chen po nyid du gzung ngo/ /bskal pa mang por te bskal pa grangs med pa dang po'i khongs su gtogs pa rnams so/ /rab dgongs mdzad pa ni 'bad pas sems par mdzad pa rnams kyis te/ gzigs pa
 ni rtogs pa'o/ /thub dbang rnams kyis ni sangs rgyas bcom ldan 'das rnams kyis so/ /phan pa'i don thams cad grub par rung ba yin te/ de'i sa bon du gyur pa'i phyir ro/ /'di nyid ni byang chub kyi sems nyid do/ /ci'i phyir 'di kho
 na phan pa yin zhe na/ gang phyir zhes gsungs te/ gang gi phyir bde 'phel ni phul du byung ba ste/ sangs rgyas kyi mtshan nyid do/ /tshad med ni gzhal du med pa yin la/ skye bo'i tshogs ni sems can gyi phung po'o/ /thob par byed pa ni 'khor
 ba'i sdug bsngal gyi mtsho la sgrol bar byed pa'o/ /de'i phyir na 'di nyid phan pa'o/ /yang na gang gi phyir bde ba ni lta dang mi'i bde ba phun sum tshogs pa'i mtshan nyid yin la/ 'phel ba ni 'phel bar gyur ba ste don gyis na byang chub kyi
 sems nyid do/ /thob par byed pa ni shin tu chim par byed pa ste bya bla bas ches lhag par gang 'gyur ba de la 'thob par byed pa zhes brjod de/ dper na zho yis bdag tshim bar byas so zhes bya ba lta ste/ zho yi ches lhag par bya bla bar
 gyur to zhes bya ba'i don to/ /yang na rdzogs pa'i byang chub kyi sems gang las bde ba 'phel ba yin no zhes bya bar sbyar bar bya'o/ /ci'i phyir rab tu 'phel zhe na/ bde blag nyid du zhes gsungs te/ tshegs? med bar yin te skra 'phal pa
 la sogs pa'i dka' ba chen po med pas so/ /'di ltar yang byang chub kyi sems dang sdom pa nyid byang chub sems dpa' i sdom pa rnams dang ye shes kyi tshogs dpag tu med pas dang mi rnams kyi phun sum tshogs pa rab tu 'phel ba bde blag tu 'thob
 cing sems can rnams la ches lhag par tshim bar byed pa yin te/ de ltar skyo ngal kun bsal ba'i/ /byang sems shing rta zhon nas ni/ /bde nas bde ru 'gro ba la/ /sems shes su zhig sgyid lug 'gyur/ /zhes gang 'chad par 'gyur
 ba'o/ /bcom ldan 'das la 'phags pa byams pa'i stobs la sogs pa skyes pa'i rabs rnams su dka' ba chen po mdzad pa thos pa ma yin nam/ de ci ltar na bde blag nyid du bde ba 'phel bar byed can/ nyes pa 'di ni med de gang gi phyir snying
 rje'i bdag nyid can rnams kyis gzhan la phan pa dang bde ba skyed par byed pa'i sdug bsngal ni rang dang gzhan la bskyed bar bya'o/ /pha rol sdug bsngal bas sdug bsngal bar gyur ba'i blo can rnams ni sdug bsngal de 'dra ba la bde ba nyid du mthing
 bar 'gyur ro/ /rang dang gzhan la phan pa'i rgyu nyid yin pa 'di'i phyir yang byang chub kyi sems yongs su btang bar mi bya'o zhes bstan pa'i phyir/ srid pa'i sdug bsngal zhes bya ba la sogs pa gsungs te/ 'khor bar gnas pa'i dmyal ba
 la sogs ba'i 'gro ba'i sdug bsngal bde ba ma yin pa myong ba rnams yin la brgya phrag ni mthar thug pa med pa'i tshogs so/ /gzhom 'dod pas ni yongs su 'dor bar 'dod bas te/ nyan thos dang rang sangs rgyas kyi rigs rnams kyis so/ /bdag
 nyid 'ba' zhig gi ma yin par 'jig rten pa rnams kyi skye ba la sogs pa'i sdug bsngal yang bsal bar 'dod ba'i bral bar 'dod pa ste/ byang chub sems dpa' i rigs rnams kyis so/ /gcig tu rang dang gzhan kyi sdug bsngal bar 'dod
 pa ma yin gyi/ /gzhan yang bde ba dang skyid pa mang po ste/ de rnams kyi brgya phrag ni lha dang mi rnams kyi skye ba 'thob pa nyams su myong bar 'dod pa ste/ 'khor ba'i bde ba 'dod pas kyang ngo/ /rtag tu ni dus thams cad du'o//
 gtang mi bya ni dor bar mi bya ba ste/ byang chub kyi sems khas blang bar bya'o zhes bya ba'i don to/ /yang na rdzogs pa'i byang chub 'dod pa rnams nyid kyi khyad par dag go/ yon tan gyi khyad par 'di las kyang byang chub kyi sems gzung bar bya'o zhes bya bar
 'khor ba'i brtson ra zhes pa la sogs pa gsungs te/ 'khor gnyid brtson ra yin la/ /der bsdams pas ni 'ching ba dag ste/ 'dir 'dod chags la sogs pa nyid yin no zhes tshig rnam par sbyar ro/ /de lta bu'i nyam thag rnams ni nyon mongs pa
 rnams so/ /bskyed gyur pa ni dang po nyid du byang chub kyi sems dang sdom pa len pas byang chub kyi sems bskyed pa nyid na'o/ /bde gshegs rnams kyi sras zhes brjod bya zhing zhes pa ni sangs rgyas kyi sras zhes brjod par bya'o/ /skad cig gis zhes
 pa ni skad cig de nyid la'o/ /'di 'ba' zhig ni ma yin no zhes bya bar 'jig rten lha mir bcas zhes pa la sogs pa gsungs te/ lha ming? te/ lha dang mi dang lhan cig par gyur pa yin la/ gang lta ma yin gyi 'jig rten la sogs pa de rnams kyi
 yang phyag byar gyur pa ste/ /phyag bya ba'i 'os dang bstod par bya ba'i 'os su yang gyur pa'o/ /gyur pa'i sgras ni 'das pa bsal bar byed pa'i phyir byang chub kyi sems skyes pa'i dus nyid na gyur pa yin no/ /yon tan dang phan dpon mthong ba 'di
 las kyang byang chub kyi sems blang ba la 'bad par bya'o zhes bya ba ni/ mi gtsang zhes bya ba la sogs pa gsungs te/ mi gtsang ba'i lus 'di ni mi la sogs pa'i lus kyi rang bzhin de'i rgyu 'am de'i ngo bo yin te/ des bskyed ba zhes bya ba'i
 don to/ /de blangs nas ni gzung nas so/ /rgyal ba nyid rin chen te/ rnyed dka' ba thob pa la sogs pa'i yon tan dang ldan pa'i phyir ro/ /byang chub kyi sems kyis de'i skur bsgyur ba ni skyed par byed pa ste/ /de bzhin gshegs pa'i skur rdzogs par byed
 ces pa'i don to/ /ci lta bur gyur pa zhig yin zhe na/ /rin thad med pa ste/ /gang la rin thad med pa de la de skad ces brjod de/ /khams gsum po thams cad yon tan mchog tu gyur pa dang ldan pa'i phyir ro dang/ /yon tan gyi mdza' mi shes pa'i phyir ro//
 de nyid kyi phyir gser 'gyur rtsi'i rnam pa ste/ /shin tu cher sgyur bar byed pa'i phyir mchog tu bsgyur ba'o/ /de lta bu'i byang chub kyi sems 'di la gser 'gyur rtsi'i rnam pa lta bu dang gzhan byang chub kyi sems zhes brjod do// /rab brtan gzung
 ni ci ltar blangs pa de slar g.yo ba med bar ro/ /de lta bas na bdag nyid rgyal ba rin po cher byed par 'dod pas byang chub kyi sems kyi gser 'gyur rtsi chen po lta bur rab tu brtan par gzung bar bya'o/ /de yang byams pa'i rnam par thar pa
 las rigs kyi bu 'di lta ste dper na/ /dngul chu'i rigs gser du snang ba zhes bya ba od de/ /de srang gcig gis kyang lcags spang stong gser du bsgyur ro/ /dngul chu srang gcig po de ni lcags srang stong po de zad par bya ba 'am/ lcags su
 bsgyur bar mi nus so/ /de bzhin du thams cad mkhyen pa nyid du sems bskyed pa'i bcud kyis len dge ba'i rtsa ba yongs su bsdos pa'i ye shes kyis yongs su bzung ba ni las dang nyon mongs pa'i sgrib pa'i lcags thams cad zad par byas te/
 chos thams cad thams cad mkhyen pa'i gser gyi kha dog tu byed kyang thams cad mkhyen pa nyid du bskyed pa'i bcud kyis len gcig po de ni las dang nyon mongs pa'i lcags thams cad kyis kyang nyon mongs pa 'am zad par mi nus so zhes gsungs so/ /
 srid pa'i 'gro ba rnams su 'byor pa 'dod pa rnams kyis kyang 'dir the tshom dang phyin ci log mi bya'o zhes nye bar bstan pa'i phyir 'gro ba'i ded dpon zhes bya ba la sogs pa gsungs te/ 'gro ba nyid tshong rdal te/ zong gi rdzas
 nyo ba dang 'tshong ba'i grong khyer ni 'dir tshong rdal yin la/ de bzhin du dge ba dang mi dge ba'i las kyis zong gi rdzas nyo pa dang 'tshong pa'i gnas ni 'gro ba'i tshong rdal lo/ /de rnams su gnas pa ni rnam par gnas pa nyid kyi dang tshul gyi rang bzhin gang
 la yod pa de la de skad ces brjod de/ kye 'gro ba'i tshong rdal du gnas pa'i dang tshul can rnams/ rin chen byang chub sems legs brtan par zung zhes de rnams la 'bong ba yin no/ /byang chub kyi sems nyid rin chen te/ rin po che lta bu'o
 dper na yid bzhin gyi nor bu rin po che dbul ba'i ngan 'gro zhi bar byed pa'i rgyu yin pa de bzhin du byang chub kyi sems rin po che 'di yang yin no/ /dgos pa ni khyed cag tshong pa bzhin du bde ba phun sum tshogs pa thob pa don du gnyer ba yin pas rin po che 'di nyid gus pa chen pos zung zhig ces bya ba 'di yin no/ /ci'i phyir zhe na/ rin che bas zhes te/ /'di ni gtan tshigs kyi tshig yin te gang gi phyir 'di ni rin thang med pa thams cad las mchog tu gyur pa 'jig rten dang
 'jig rten las 'das pa'i phun sum tshogs pa'i rgyur gyur pa'i phyir ro/ /de'i phyir 'di nyid gzung bar bya'o zhes bya ba'i don to/ /'di ci ltar shes she na/ legs par yongs su brtags na zhes gsungs te/ shin tu nges par brtags shing
 yang dag par gtan la phab pa zhes bya ba'i don to/ /gang dag gis zhe na/ tshang med blos te/ tshad med cing gzhal bar mi nus ba'i blo dang blo gros gang la yod pa de dag gis te/ shes rab chen po dang ldan pa'i sangs rgyas dang byang chub
 sems dpa' rnams kyis so/ /de dag gis yongs su brtags pa las 'khrul pa mi mnga' ba'i phyir/ legs par yongs su brtags na zhes gsungs so/ /yang ji lta bur gyur pa zhig gis zhe na/ 'gro ba'i ded dpon gcig bu ste/ 'gro ba
 na thugs rje'i dbang du gyur pa'i sangs rgyas bcom ldan 'das dang byang chub sems dpa' 'di dag ni ded dpon gcig pu nyid do de dag gis so/ /dper na chod pa rnams la phan pa dang mi phan pa thob pa dang spong ba dag la phan par 'dod pa dang shes
 pa dang ldan pa'i deng dpon gyis khrid par gyur na nges bslu bar byed pa ma yin no/ /de bzhin du 'dir yang yin no snyam du dgongs pa'i/ /de'i phyir byang chub kyi sems rin po che rin thang med pa brtan par zungs? zhig ces pa'o/ /'di yang de nyid du /
 rigs kyi bu 'di lta ste dper na/ ji srid du nyi ma dang zla ba'i dkyil 'khor gyi 'od kyis snang bar byed pa de srid du nor dang 'bru dang/ rin po che dang/ sa le sbram dang/ dngul dang/ me tog dang/ spos dang/ phreng ba dang/ byug pa dang/
 gos? dang/ longs spyod gang gi rnyed pa de dag thams cad kyis nor bu rin po che dbang gi rgyal po'i rin bu mi bzod do/ /de bzhin du ji srid du dus gsum du thams cad mkhyen pa'i ye shes kyi chos kyi dbyings kyi yul snang bar mdzad pa de srid du lha dang mi'i
 dang sems can thams cad dang/ nyan thos dang/ rang sangs rgyas kyi dge ba'i rtsa ba zag pa dang bcas pa dang zag pa med pa gang ji snyed pa de dag thams cad kyis byang chub tu sems bskyed pa'i nor bu rin po che chen po dbang gi rgyal po'i rin du mi chog po
 zhes gsungs so/ /mchog tu thun mong ma yin pa phul du byung ba dang ldan pa'i dpag bsam gyi shing lta bu che pa'i bdag nyid bstan pa'i phyir/ dgos pa zhes bya ba la sogs pa gsungs te/ ji ltar chu shing lan cig 'bras bu bskyed nas yang
 'bras bu mi skyed pa de bzhin du byang chub kyi sems las gzhan pa'i dge ba kun ni cung zad ma yin pa nyid do/ /rnam par smin pa yongs su smin nas yang 'bras bu bskyed pa'i nus pa med pa yin te/ de tsam nyid kyis
 'di'i rnam par smin pa zad pa'i phyir dang/ rnam par smin pa yang lung du bstan du med pas yang 'bras bu dang rjes su 'bral pa med pa'i phyir ro// //bam po gnyis pa/ /yang byang chub kyi sems 'di'i khyad par rtag par yang
 zhes bya ba la sogs pa gsungs te/ rtag par dus thams cad du de las gzhan pa'i dge ba bzhin du lha dang mir skyes pa rnams la bang ba phun sum tshogs pa byung nas zad par 'gyur ba ma yin te/ brtan pa'i rang bzhin yin pa'i phyir dang/ skad
 cig so so la dge ba'i tshogs kyi /rgyun rnam pa du mas 'gengs pa'i phyir ro/ /'byin pas 'phel ba ni byang chub kyi sems kyi ljon shing ste/ rgyun mi 'chad par bde ba phun sum tshogs pa'i 'bras bu 'byin pa'i phyir dang/ gong nas gong du yon tan
 gzhan dang gzhan gyi khyad par bskyed pa'i phyir ro/ /byang chub kyi sems ni ljon shing lta bur dper byas pa yin te/ skyes bu rtag ces bya ba la sogs pa'i tshig bsdus pa lta bu'o/ /gang gi phyir de lta yin pa de'i phyir rgyun mi 'chad cing phul du byung ba
 dang ldan pa'i bde ba phun sum tshogs pa thob par 'dod pa'i rtogs pa dang ldan pa rnams kyis 'di nyid gzung bar bya'o/ /'di yang blo gros mi zad pas bstan pa las btsun pa shA radwa ti'i bu 'di lta ste dper na/ rgya mtsho chen por chu'i thigs pa lhung ba
 ni bskal pa'i mthar ma thug gi bar du bar ma dor yongs su zad pa 'am gtugs pa med do/ /de bzhin du byang chub tu yongs su bsngos pa'i dge ba'i rtsa ba ni byang chub kyi snying po la thug gi bar du bar mdor yongs su zad pa 'am/ gtugs pa med
 do zhes gsungs so/ /yang byang chub kyi sems ni dge ba ma lus pa 'phel bar byed pa 'ba' zhig ni ma yin te/ mi dge ba'i phyogs zad par byed ba'i rgyu yang yin par tshigs su bcad pa phyed dang gnyis kyis bstan pa'i phyir/ /sdig pa shin tu
 zhes pa la sogs pa gsungs te/ byang chub kyi sems yongs su bzung ba las sngar byas pa'i sdig pa mi dge ba'i las rnams ni dmyal ba la sogs rnams su bzod par dka' ba'i sdug bsngal skyed par byed pa'i phyir mi bzad pa rnams te/ shin tu
 'jig bar byed pa 'am chen po rnams so/ /byang chub kyi sems gang la brten nas te/ brtan par byas pa ni bskyed pa dang bsrung ba dang/ spel ba dang/ brten pa'i mtshan nyid las so/ /yud kyis ni skad cig ma nyid la de bskyed ba tsam gyis
 bsod nams kyi phung po chen po nye bar sogs pa'i phyir ro/ /sgrol 'gyur ba ni nges par sgrol bar 'gyur ba ste/ de'i mthus zil gyis mnan cing 'da' bar byed pas zhes bya ba'i don to/ /ji ltar zhe na/ dpa' la brten nas 'jigs pa
 chen po ltar te/ dper na kha cig gis gnod pa chen po byas pa yang skyes bu stobs dang ldan pa la brten pa nas sgrol bar 'gyur te/ de gnod pa byas pa'i 'bras bus 'jigs pa med par 'gyur ba de bzhin du skabs su bab pa la yang ngo//
 byang chub kyi sems de lta bur gyur ba de la mi shes pa'i sems can thams cad shes rab dang bral ba rmongs pa'i 'gro ba rnams kyis ci ltar na mi brten cing brten par mi byed ces bya ba'i don te de la brten par bya ba nyid yin no snyam du dgongs
 pa'o/ /'di yang de nyid las rigs kyi bu 'di lta ste dper na/ skyes bu dpa' o la yang dag par brten pa na dgra bo thams cad kyis mi 'jigs so/ /de bzhin du byang chub tu sems bskyed pa'i skyes bu dpa' o la yang dag par brten pa'i
 byang chub sems dpa' ni nyes par spyod pa'i dgra bo thams cad kyis mi 'jigs so zhes gsungs so/ /byang chub kyi sems kyis sdig pa zad pa'i dpe gzhan yang/ nges ni dus mdza' zhes bya ba la sogs pa gsungs pa la/
 dus mdza' ni 'jigs pa'i dus so/ /me ni nyi ma bdun shar ba las byung ba'o/ /dper na bsam gtan dang po dang bcas pa'i 'dod pa'i khams thams cad nges par sreg ste ma lus par sreg pa ni ji ltar thal ba yang lus pa med pa de bzhin du sdig pa
 rnams so/ /ji lta bur gyur pa zhig ce na/ byang chub kyi sems gang gis chen po ri rab dang mnyam pa du 'dod chen po la sogs pa sdug bsngal ba'i rnam par smin pa rnams nges par sreg par byed de/ de'i rnam par smin pa nye bar 'joms pas rtsa
 ba nas med par byed do/ /skad cig gi yun mi ring bas so/ /de la mi shes sems can rnams kyis cis mi brten zhes sbyar bar bya'o/ /'di yang de nyid las nyes par byas pa thams cad sreg par byed pas bsreg pa'i bskal pa'i me lta bu'o/ /
 mi dge ba'i chos thams cad nub par byed pas 'og lta bu'o zhes gsungs so/ /bcom ldan 'das kyis las byas pa chud mi za bar gsungs pa yin nam/ ji ltar na 'di skad du brjod ce na/ bden mod kyi brjod par bya'o/ /byang chub kyi
 sems la sogs pa'i bsod nams kyi tshogs skad cig so so la nam mkha' i khams khyab par byed pa chen po'i nang du chud par gyur pas rgya mtshor lan tsha srang gcig gi dpe bzhin du mi mngon pa'i phyir dang/ gnyen po'i phyogs stobs dang ldan pas
 bril gyis gnon pa'i phyir 'bras bu bskyed pa'i nus pa med pa de bsregs pa nyid yin pas nyes pa med do/ /yang nam spyad par ni las mi zad ces bya ba ni thabs med pa la dgongs nas gsungs pa yin la/ 'di ni sdig pa thams cad rtsa ba
 nas med par byed pa'i thabs chen po yin no/ /'di ltar yang gang gi tshe byang chub sems dpa' nam mkhas khyab pa'i sems can thams cad sdug bsngal thams cad las gton te/ bde ba phun sum tshogs pa thams cad la sbyar bar bya'o snyam du lhag pa'i
 bsam pa rnam par sems par byed cing sngar byas pa'i sdig pa yang rnam par sun 'byin pa kun tu spyod pas zad par byed do/ /de'i tshe byang chub kyi sems kyi stobs nyid kyis de'i rgyud la sdig pa ji ltar 'byung zhing/ gang gis na rtsod pa'i skabs yod par
 'gyur te/ thams cad du 'khrugs pa med do/ /de lta bas na/ dge gzhan gang gis zil gyis gnon par 'gyur zhes gsungs pa de yang gsal bar byas pa yin no/ /yang gzhan ni rnam par smin pa ma nges pa la dgongs nas 'di dag thams cad
 gsungs pa yin te/ rnam par smin pa des pa ni las gang gis kyang dgag par mi nus pa'i phyir ro zhes brjod do/ /'di ltar yang byang chub kyi sems blang bar bya ba nyid du gang gis zhes gsungs te/ byang chub kyi sems kyi sems gang gi phan
 yon ni ngo bo nyid du gyur pa'i yon tan no/ /dpag tu med pa ni gzhal du med pa'o/ /byams mgon ni bcom ldan 'das mi 'pham pas so/ /ji lta bur gyur pa zhig ce na/ blo dang ldan pa ste/ byang chub sems dpa' o/ /bshad pa ni
 gsungs par gyur pa'o/ /gang zhig la zhe na/ nor bzang la ste/ byang chub sems dpa' nor bzang la'o/ /de ltar yang sdong po bkod pa las/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o/ /'gro
 ba thams cad kyi dkar po'i chos rnam par 'phel bar byed pas zhing sta bu'o/ /'jig rten thams cad brten pas sa lta bu'o zhes bya ba nas/ byang chub sems dpa' thams cad yongs su bsrung bas pha lta bu'o zhes bya ba'i bar du yang
 bsgre'o/ /dbul ba thams cad yang dag par gcod pas rnam thos kyi bu lta bu'o/ /don thams cad yang dag par bsgrub pas yid bzhin gyi nor bu'i rgyal po lta bu'o// /bsam pa thams cad yongs su rdzogs par byed
 pas bum pa bzang po lta bu'o/ /nyon mongs pa'i sgra pham par bya ba la mdung thung lta bu'o zhes bya ba la sogs pa rgya cher gsungs so/ /de la mi shes sems can cis mi brten zhes pa ni 'dir yang sbyar ro/ /da ni byang chub kyi sems kyi rab tu
 dbye ba bstan pa'i phyir byang chub sems zhes bya ba la sogs pa gsungs te/ de zhes pa ni phan yon bstan ma thag pa'i byang chub kyi sems so/ /gnyis ni rnam pa gnyis te/ zhes bya ba ni go bar bya ba'o/ /rigs dang sa la sogs par
 gyur bas rnam pa du ma srid na/ ji ltar gnyis yin zhes/ mder bsdus nas zhes gsungs te/ rnam pa gzhan yod na yang 'di ni mdor bsdus nas gnyis su brjod do/ /gnyis po yang gang yin zhe na/ byang chub smon pa'i sems
 zhes pa ni gcig yin la/ byang chub 'jug pa zhes pa ni gnyis pa'o/ /byang chub la smon pa yin te/ sems de nyid dam de la sems pa'o/ /sems gang smon pa las skyes par gyur pa sbyin pa la sogs pa la 'jug pa bral ba
 de ni smon pa byang chub kyi sems te/ 'di ltar 'gro ba thams cad bskyab pa'i phyir sangs rgyas su gyur cig zhes dang po kho nar smon pa'i rnam pa'i sems lta bu'o/ /'jug pa nyid la sems pa'am 'jug pa nyid sems te/ sems de'i
 dang bzhin yin pa'i phyir ro/ /sems snga ma sngon du song ba nyid gang nas bzung ste sdom ba len pa sngon du 'gro ba'i tshogs rnams la rab tu 'jug pa de ni 'jug pa byang chub kyi sems so/ /bstan pa'i rim pas rnam pa gnyis yin te/
 dbye ba ni de dag kho na'o zhes bya bar nyid kyi sgras bstan to/ /kyang gi sgras phan tshun bsdus pa yin te/ gnyis ka yang byang chub kyi sems yin par bstan to/ /nges ni snga ma byang chub kyi sems ma yin no snyam pa'i dogs pa bsal ba yin te/ dpa' 
 bar 'gro ba'i mdo las/ btsan thabs su byang chub tu sems bskyed pa de yang sangs rgyas kyi rgyu nyid du bstan pa'i phyir ro/ /de bzhin du sdong po bkod pa las/ rigs kyi bu sems can gyi 'jig rten na sems can gang dag bla na med
 pa yang dag par rdzogs pa'i byang chub tu sems smon pa de dag kyang dkon no/ /de pas kyang gang bla na med pa yang dag par rdzogs pa'i byang chub tu 'jug pa'i sems can de dag ni shin tu dkon no? zhes gsungs so/ /da ni rab tu dbye
 ba bstan pa nyid dpes gsal bar bya ba'i phyir/ 'gro bar 'dod dang zhes bya ba la sogs pa gsungs te/ dper na skyes bu 'ga' zhig mngon par 'dod pa'i yul du phyin par bya pa'i ched du 'gro bar 'dod pa ni 'gro bar bsams pa ste
 'gro pa nyid ma yin no/ /yang gzhan ni der phyin par bya ba'i ched du 'jug pa ste 'gro ba nyid do/ /ji ltar ni ji bzhin du'o/ /de dag gi dbye ba'i khyad par shes pa ni rtogs pa'o/ /de bzhin du ni de ltar ro/ /byang chub smon pa dang 'jug pa'i
 sems 'di dag gnyis kyi bye brag ni dbye pa yin la shes par bya ba'i rtogs par bya'o/ /mkhas pas zhes pa ni shes pas so/ /ji ltar zhe na rim bzhin te/ sngar gyis smos pa byang chub kyi sems bstan pa dang/ phyis kyi 'jug pa'i
 sems zhes pa ni rim bzhin zhes bya ba'i don to/ /de la smon pa byang chub kyi sems 'di sgrub pa dang bral yang 'khor bar 'bras bu chen po 'byung bar bcom ldan 'das kyis gsungs pa yin no zhes pa ni byang chub smon pa'i zhes bya ba
 la sogs gsungs te/ de sgrub pa dang bral ba yin du chug mong kyi/ de ltar na'ang sangs rgyas nyid kyi rgyu nyid du re zhig bzhag ste/ dge ba gzhan las chen po yin par rtag par yang 'bras bu 'byin zhes bya ba la
 sogs pa'i khyad par gyis khyad par du byas pa'i phyir ro/ /de ltar yang byams pa'i rnam par thar pa las rigs kyi bu 'di lta ste dper na rdo rje rin po che ni chag kyang gser gyi rgyan khyad par du 'phags pa thams cad zil gyis gzhon
 cing rdo rje rin po che'i ming yang mi 'dor la/ dbul ba thams cad kyang rnam par bzlog go /rigs kyi bu de bzhin du thams cad mkhyen par sems bskyed pa'i rdo rje rin po che nan tan dang bral bas nyan thos dang rang sangs rgyas kyi yon tan
 gyi gser gyi rgyan thams cad zil gyis gnon cing/ byang chub sems dpa' i ming yang mi 'dor la/ 'khor ba'i dbul ba thams cad kyang rnam par bzlog go /zhes gsungs so/ /de bas na gang gis pha rol tu byin pa rnams la
 thams cad kyi thams cad rnam pa thams cad du slob par mi nus pa des kyang byang chub kyi sems bskyed par bya ba yin te/ 'di ltar thabs yongs su bzung bas 'bras bu chen po nyid du 'gyur ba'i phyir ro/ /de yang ji skad du/ 'phags
 pa rgyal po la gdams pa'i mdo las/ rgyal po chen po 'di ltar khyod bya ba mang ba/ byed pa mang ste/ thams cad kyi thams cad rnam pa thams cad kyi thams cad du sbyin pa'i pha rol tu phyin pa la bslab pa nas/ shes rab kyi pha rol tu phyin
 pa'i bar la bslab par mi nus kyi/ de bas na rgyal po chen po khyod yang dag par rdzogs pa'i byang chub la 'dun pa dang/ dad? pa dang/ don du gnyer ba dang/ smon pa 'gro yang rung/ 'greng yang rung/ 'dug kyang rung/ nyal yang
 rung/ sad kyang rung/ za yang rung/ 'thung yang rung/ rtag par rgyun du dran par gyis la yid la zung ste/ sgoms shig sangs rgyas dang/ byang chub sems dpa' dang/ 'phags pa nyan thos dang/ rang sangs rgyas dang/ so so'i skye bo thams
 cad dang/ bdag gi 'das pa dang ma 'ongs pa dang/ da ltar byung ba'i dge ba'i rtsa ba thams cad bsdus shing gzhol te brdzis la rjes su yi rang bar gyis shig /rjes su yi rang pa'i mchog gis rjes su yi rang bar gyis shig/ rjes su yi rang bas
 kyang sangs rgyas dang byang chub sems dpa' dang/ 'phags pa nyan thos dang rang sangs rgyas thams cad la mchod pa bya bar phul cig /phul nas kyang sems can thams cad dang thun mong du gyis shig /de nas sems can thams cad thams cad
 mkhyen pa'i bar du thob par 'gyur ba dang/ sangs rgyas kyi chos thams cad yongs su rdzogs par 'gyur ba nyid gcig bzhin du dus gsum du bla na med pa yang dag par rdzogs pa'i byang chub tu yongs su bsdos shig /rgyal po chen
 po khyod de ltar zhugs na rgyal po yang byed pa/ rgyal po'i bya ba yang nyams par mi 'gyur zhing/ byang chub kyi tshogs kyang yongs su rdzogs par 'gyur ro zhes bya ba la sogs pa gsungs nas/ rgyal po chen po khyod yang dag par rdzogs
 pa'i byang chub kyi sems kyi dge ba'i rtsa ba'i las kyi rnam par smin pas lan du mar lha'i nang du skyes shing/ lan du mang ma'i nang du skyes te/ lha dang ming? thams cad du skyes pa na dbang po byed par gyur kyang da dung zhes bya ba la sogs pa rgya cher
 gsungs pa yin no/ /des na spyod pa dang bral ba'i byang chub kyi sems kyang brnyes par mi bya ste/ des kyang 'khor ba'i bde ba mdza' yas pa bskyed pa'i phyir ro/ /gang yang sgrub pa snying por byed pa'i byang chub kyi sems de ni shin tu yang 'bras
 bu chen po nyid du grub pa yin no zhes bya bar ston pa ni/ ji ltar 'jug pa'i zhes bya ba la sogs pa gsungs te/ dper na 'jug pa'i sems kyi bsod nams nyid rgyun chags shing bar med pa'i dge ba'i las 'byung
 zhing 'jug pa ltar yang 'di ni de lta ma yin no snyam du dgongs pa'o/ /'di nyid bsod nams rgyun chags nyid yin par tshigs su bcad pa gnyis kyis bsgrub pa'i phyir/ gang nas zhes bya ba la sogs pa gsungs te/ gang nas bzung ste
 zhes pa ni gang nas brtsams nas so/ /gang la mdza' ste 'di tsam zhes bya ba med pa de ni mdza' yas pa ste/ de ni nam mkha' i khams kyis khyab pa'i sems can gyi khams so/ /rab tu grol ba'i phyir ni rab tu grol bar bya ba'i don du ste /
 sdug bsngal thams cad nye bar zhi bar bya ba'i rgyu mtshan du'o/ /sems de yang dag blangs gyur pa zhes bya ba ni yang dag par rdzogs pa'i byang chub kyi sems yang dag par blangs nas 'jug pa'o/ /ji ltar zhe na/ ni ldog pa'i sems kyis te/
 'jug pa nyams pa med pa'i sems kyis so/ /de nas bzung ste zhes pa ni de dang por byas nas so/ /gnyid log gam ni sems gnyid kyis non pa yin la/ bag med pa ni rnam par g.yengs pas te/ sems kyang gnyi ga dang 'brel to//
 'di yang nye bar mtshon pa tsam yin te 'gro ba dang/ 'greng ba dang/ 'dug pa dang/ za ba dang/ brgyal pa la sogs pa'i gnas skabs na yang zhes bya ba la sogs par lta bar bya'o/ /du ma zhig ces pa ni skad cig so so la rnam
 pa du ma'i bsod nams kyi rgyun mi 'chad par rtag tu bsod nams kyi shugs rab tu 'byung ste/ nam mkha' dang mnyam pa ni skad cig re re la nam mkha' i tshad tsam mo/ /de lta bas na byang chub sems dpa' bsgrub pa snying por gyur par bya'o//
 'phags pa ting nge 'dzin gyi rgyal po las/ de lta bas na gzhon nu khyod kyis sgrub pa snying por gyur pa la bslab par bya ste/ ci'i phyir zhe na/ gzhon nu sgrub pa snying por byed pa la bla na med pa yang dag par rdzogs pa'i byang chub ka'?  ma ma yin no zhes
 gsungs so/ /'di la bsod nams rgyun mi 'chad pa nyid du bcom ldan 'das kyis gsungs so zhes bstan pa'i phyir/ 'di ni zhes bya ba la sogs pa gsungs pa la/ 'di nyid bsod nams dpag tu med pa nyid yin te/ nyid kyi ni bdag nyid kyis so/
 bcom ldan 'das de bzhin gshegs pas gsungs pa ni bka' stsal par gyur pa'o/ /gang du zhe na/ dpung bzang gis zhugs pa las te/ dpung bzang gis zhus pa'i ming can gyi mdo sde las so/ /ji ltar zhe na/ 'thad pa dang bcas pa ste/ rig
 pa dang ldan par ro/ /gang gi don du zhe na/ dman mos sems can don du ste/ dman pa ni nyan thos dang/ rang sangs rgyas kyi theg pa la'o/ /mos pa ni dad pa'am 'dun pa'o/ /sems can gang la de yod pa de la de skad ces bya ste/ de'i don
 du 'di yin pa de'i phyir te/ dgos pa de la gtang nas zhes bya ba'i don to/ /'di ltar yang rigs ma nges pa yun ring po nas tshogs shin tu mang ba sogs par byed pa la 'jigs pa rnams kyis theg pa chen po la sems bzlog nas yun shin tu
 thung ngus bsod nams kyis tshogs shin tu chung ba nyan thos dang rang sangs rgyas kyi theg pa la sems bskyed par byed de/ de bzlog pa'i ngan du bcom ldan 'das kyis 'thad pa gsungs so/ /'thad pa de nyid tshigs su bcad pa gnyis kyis bstan pa'i phyir /
 sems can zhes bya ba la sogs pa gsungs te/ sngags sam sman gyi skye bo nyung zab kyi klang pa'i nad tsam bsal bar bya'o snyam du yid la byed pa na dge ba'i bsam pa can 'di legs par spyad pa tshad med pa dang ldan par blta bar bya ba yin na/ 
 'gro ba tshad med pa las sems can re re'i 'khor pa'i sdug bsngal tshad med pa bsal bar 'dod pa lta ci smos/ gzhan yang sems can thams cad kyi nang de bsal nas yon tan thams cad dang ldan par 'dod bsan bsod
 nams tshad med par 'byung ba ci ste mi 'gyur/ rnam dbye bsgyur bas sbyar bar bya ste/ rgyun mi 'chad par bsod nams shugs/ nam mkha' mnyam par rab tu 'byung ba smos ci dgos zhes bya'o/ /de lta bas na ci ltar sangs rgyas nyid tshogs
 mang pos bsgrub par bya ba yin pa de bzhin du skad cig ma re re la tshogs kyang rgya che ba'i phyir rgyu'i khyad par las theg pa chen po 'di nyid du rnyed pa chen po yin no/ /de'i phyir 'jig pa'i gnas ma yin pa las skrag pas 'di la phyir ldog par mi bya'o/
 zhes bstan par 'gyur ro/ /gang 'di ni/ byang chub sems kyi stobs nyid kyis/ /sngon gyi sdig pa zad byed cing/ /bsod nams rgya mtsho sdud byed pas/ /nyan thos rnam par myur du 'gro/ /zhes 'chad par 'gyur ro/ /de ltar sems
 can thams cad la phan pa dang bde ba'i don dru gang gis brtson par byed pa de lta la sogs pa rnams las kyang yon tan thun mong ma yin pa dang ldan pas bsngags par bya ba bstan pa'i phyir/ pha 'am zhes bya ba la sogs pa gsungs te/
 su la ste sems can la'o/ /gang gis skyes pa ste pa dang/ skyed byed ma dang/ lha ni zla ba dang chu lha la sogs pa rnams dang/ drang srong rnams ni gnas 'jog dang/ gau tam dang/ tshangs pa la yang zhes bya ba ni rigs byed can la'o//
 'di 'dra ba ni phan sems 'di yin te/ byang chub sems pa'i phan pa la sbyor ba'i blo gros bshad ma thag pa 'di lta bu byung ba dang/ 'byung ba lta zhog ste/ 'byung bar yang 'gyur ram zhes bya ba yin la/ 'byung bar 'gyur ba yang
 byang chub sems dpa' las gzhan 'ga' la yang ma yin pa nyid do/ /yang ci'i phyir de ltar yin zhe na/ sems can de dag ces bya ba la sogs pa gsungs pa ste/ de dag ni ma la sogs pa yin la/ rang gi don duAng zhes pa ni bdag nyid kyi
 dbang du byas nas kyang ngo/ /yon tan dpag med du bsgrub par yid la bsams pa 'di lta ste/ sdug bsngal thams cad dang bral bar 'dod pa'o/ /sngon ma rmis pa ni sngon ma byung ba'o/ /blo sngon du song ba'i sang pa'i gnas skabs nas
 byung ba lta zhog/ /rmi lam ni yang ngo/ /brgya la gzhan gyis don du skye'o zhe na/ /gzhan gyi don dug la skye zhes gsungs te/ 'jig rten na bdag la sogs pa phangs pa yin la/ de nyid la yang mang pa yin na gzhan gyi don du ltags? sred/
 yang na gzhan gyi don du rmi lam na yang ga la sred ces sbyar ro/ /de ltar byang chub sems dpa' i thun mongs ma yin par bstan nas mjug bsdu ba'i phyir/ sems can rin chan bya ba la sogs pa gsungs te/ de ltar rmad du byung ba'i las
 byed pas rnyed dka' ba'i phyir/ sems can nyid rin chen gyi khyad par ro/ /snga na med pa ni sngon chad ma byung ba'o/ /'di zhes pa ni 'dis ji ltar bstan pa'i yon tan can no/ /rmad cig ci ltar 'khrungs zhes pa la/ ci ltar na rmad du
 byung ba'o/ /yang ci'i phyir 'di ltar brjod ce na/ gzhan dag ces gsungs te/ bdag nyid chen po gang gzhan gyi don du sems skye ba de ni bstan pa'i rim pa bzhin du sems can gzhan dag la rang gi don du yang mi 'byung ba'i phyir ro/ /'dir
 byang chub tu sems bskyed pa'i yon tan gzhan yang brjod par bya ste/ /'phags pa sdod po dkod pa las bcom ldan 'das 'phags pa byams pas 'phags pa nor bzang gi dbang du mdzad nas gsungs pa de yang bstan bcos mdzad pa
 nyid kyis bslab pa kun las bcus par shin tu rgyas par bstan pas de nyid du shes par bya'o/ /yang byang chub kyi sems kyi phan yon bstan pa'i sgo nas byang chub sems dpa' i bsod nams tshad med pa'i bsod
 nams nyid 'gro ba kun tu dga' ba zhes bya ba la sogs pa gsungs te/ sems can thams cad kyi dga' ba kun gyi rgyu lha la sogs pa'i phun sum tshogs pa thams cad kyi rgyu rin chen sems te/ byang chub kyi sems kyi bsod
 nams gang yin pa de ni ji ltar gzhal gyis langs te/ rnam pa gang gis 'grang bar nus te/ 'di shin tu rgya che bas gzhal bar mi nus pa'i phyir ro/ /'di ni 'phags pa dpal sbyin gyis zhus pa las/ /byang chub sems kyi bsod
 nams gang/ /de la gal te gzugs mchis na/ /nam mkha' i khams ni kun gang ste/ /de bas kyang ni lhag par 'gyur/ /zhes gsungs so/ /spyir bstan du zin kyang de ltar na'ang 'jug pa'i sems kyi yin par blta bar bya ste/ de nyid
 kyi skabs yin pa'i phyir ro/ /yang de nyid kyi khyad par sems can zhes bya ba la sems can sdug bsngal rtsir gyur pa ni srog chags thams cad kyi lus dang sems las byung ba'i sdug bsngal thams cad ldog par byed pa yin pas nad thams
 cad 'joms pa'i sman chen po'i rang bzhin yin pa'i phyir ro/ /de'i phyir 'dis byang chub kyi sems mngon par mtho ba dang nges par legs pa'i rgyu yin par bstan to/ /de bas na 'di'i bsod nams bgrang du med par rigs pa nyid do zhes
 bstan pa yin no/ yang 'di ci ltar rigs pa yin snyam du dogs pa la/ de bsten pa'i phyir phan par zhes bya ba la sogs pa gsungs te/ 'gro ba thams cad bskyab pa'i phyir sangs rgyas su gyur cig ces lhag pa'i bsam pas smon cing
 'dod pa 'ba' zhig sgrub pa dang bral ba'i byang chub kyi sems las bsod nams gang zhig 'byung ba ste/ /sangs rgyas mchod las khyad par 'phags/ /zhes bya ba'i don te/ de ltar bsod nams kyi phung po skye ba'i rgyu yin par lung las 'byung ba
 nyid do/ /de ltar byang chub kyi sems dang po'i che ba'i bdag nyid bstan pa yin no/ /'di yang de nyid du/ gang+gA'i bye ma'i grangs snyed kyi/ /sangs rgyas zhing nom gang gis/ /rin chen bdun gyis bkang byas te/ /'jig rten mgon la phul ba
 bas/ /gang gis thal mo sbyar byas te/ /byang chub tu ni sems bskyed na/ /gang la mdza' ni ma mchis pa'i/ /mchod pa 'di ni khyad par 'phags/ /zhes so/ /sdug bsngal ba'i skye bo thams cad kyi sdug bsngal thams cad bsal nas
 bde ba phun sum tshogs pa thams cad dang ldan par bya'o zhes 'di ltar brtson pa byed pa la bsod nams khyad par can du ci'i phyir mi 'gyur/ phan pa dang phan pa 'thob pa dang/ spong bdag sems can rang nyid mkhas pa ma yin nam/ brtson
 pa de gang du dgos zhe na/ tshigs su bcad pa gsum gyis lan bstan pa'i phyir/ sdug bsngal zhes pa la sogs pa gsungs te/ sdug bsngal las bral bar 'dod pa rnams srog gcod pa la sogs pa mi dge ba'i las rnams kyi bgres
 pa la sogs pa'i sdug bsngal phyir 'chos par 'dod pa dag dmyal ba la sogs pa'i g.yang sa'i sdug bsngal nyid myong ba'i rang bzhin la mngon par rgyug go// de nyid la phyogs shing 'jug pa yin te/ phye ma leb mar? me'i rtse mo la mchod ba
 bzhin du sdug bsngal nyid la rab tu 'jug go zhes bya ba'i don to/ /de nyid kyi phyir bde ba 'dod pa nyid ni bde ba mngon par 'dod pa nyid rang gi bde ba dgra ltar 'joms so/ /rang gi bde ba gzhom pa'i phyir rang nyid dgra lta bur 'gyur ba ci lta bu
 zhe na/ gti mug pas zhes pa ste/ phyin ci log gi dbang du gyur pa ste/ phan pa dang mi phan pa 'thob pa dang spong ba shes pa med pa'i phyir ro/ /de bas na gang zhig ces pa ni bsod nams gyi bdag nyid can rgyu med
 par mnyes gshin pa'o/ /de bsan phongs? pa ni bde ba 'dod pa rnams thams cad du bde ba ma rnyed pa'o/ /sdug bsngal ni gzir ba'o/ /mang ldan zhes pa ni sdug bsngal rnam pa brgya phag du ma man pos gnod pa rnams so/ /de dag la zhes pa
 ni phyin ci log can la'o/ /lus la byung ba dang sems las byung ba thams cad kyi bde ba kun gyis tshim pa dang ste doms par byed pa'o/ /yang na mar ldan ni tshim pa rnam pa du mang bde ba kun gyis byed do zhes sbyar ba bya'o/ /bde ba tsam gyi tshim
 pa skyed pa ni ma yin gyi 'on kyang sdug bsngal thams cad de/ gzir ba mdza' dag gi chod pa gcod byed cing ste zhi bar yang byed do/ /sdug bsngal zhi bar byed pa 'ba' zhig ni ma yin gyi bde bas tshim par byed pa yang yin no/ /gti
 mug kyang ni sel byed pa zhes bya ba ni yongs su mi shes pa yang bzlog par byed pa ste/ 'di ni lam min 'di ni lam yin 'di las 'jig 'di nas 'dod do sgyid lug par ni ma byed cig /ces dor bar bya ba dang blang bar bya ba'i lam ston pa'i phyir
 ro/ /de ltar gang zhig gzhan sdug bsngal ba bzlog pa la gzhan dbang du gyur pa dang/ 'byung po thams cad la phan pa dang bde ba bsgrub pa la brtson pa yin no/ /de dang dge mtshungs ga la yod ces pa ni bdag nyid chen po de dang mtshungs pa'i legs
 pa gang la yod cing/ gang na 'ang yod pa ma yin no/ /rgyu med par mchog tu mnyes gshin pa'i phyir ro/ /de 'dra'i bshes kyang ga la yod de/ phan pa dang bde ba la spyod bar gzhol ba'i yid can mchog tu yod ches pa'i gnas te de 'dra ni de dang
 mtshungs pa'i?/ /bshes pa ni gal yod de srid pa ma yin no/ /bsod nams de 'dra'ang ga la yod do/ /de 'dra bar gnas ba'i byang chub sems dpa' i bsod nams gang zhig skyes pa de yang bsod nams gang dang yang mnyam pa ma yin no/ /yang de
 ltar ci'i phyir brjod ce na/ phan btags zhes pa la sogs pa gsungs te/ sngar 'jigs shing dogs pa dang nyon mongs pa rnams la phan btags pa na 'dis phan btags so zhes gang zhig lan du phan 'dogs ba de'ang re zhig 'di ni lags so
 zhes 'jig rten pas bsngags shing bstod do/ gang ma bcol legs par byed pa'i zhes pa ste/ /gsol ba ma btab par dge ba la sbyor pa'i byang chub sems dpa' lta smos kyang ci dgos shing gzhan brjod ci dgos te/ de'i bsngags pa bya bar
 mi nus so zhes bya ba'i don to/ /mthong ba'i chos la bltos nas byang chub sems dpa' i che ba'i bdag nyid bstan pa'i phyir/ /'gro ba nyung zad ces pa ste/ sems can tshad yod pa la zas dang skom tsam sbyor zhing ster bas na bsod nams byed
 pa yin no zhes 'gro pa las dam pa la dga' ba'i 'jig rten rnams kyis bkur zhing mchod par byed de/ /sbyin pa de yang skad cig ste/ nyi ma dangs pa'ang de'i phyir du ma yin te/ /'on kyang yud tsam nyid do/ /zas tsam sbyin par byed pa dang zhes bya
 ba ni zas ngan don ni zas te gya nom pa ma yin pa'i zas so/ /de 'ba' zhig nyid ni de tsam ste/ rnam pa de lta'i tshong ma dang bral ba'o/ /de sbyin par byed pa ni de gtong bar byed pa'o/ /ci ltar zhe na/ brnyas bcas ni tho 'tsham tha dang bcas ba ste/ bkur
 sti sngon du ma song bar sbyin pa'i khang par bcug cing khu tshur dang thal lcag la sogs pa bsnun cing zhes bya ba'i tha tshig yin la 'di ni bya ba'i khyad par ro/ /yang ci lta bur gyur ba zhe na/ nyin phyed 'grangs par byed ces pa ste/ /thun gnyis tsam nye bar
 ston par byed pa'i phyir te/ nyi ma phyed na zos nas yang dgongs ka zas tshol bar byed pa'i phyir ro/ /byang chub sems dpa' i sbyin pa ni 'di lam bzlog pa yin no zhes bstan pa'i phyir/ sems can zhes bya ba la sogs
 pa gsungs te/ 'di snyed cig ces mtshams chad pa med par grangs brgya 'am stong dam zhes pa 'di snyed la sbyin gyi de las gzhan pa ma yin no zhes sems can ? grangs nas sbyin par byed pa ni ma yin te/ 'on kyang mtshams chad pa med
 pa'i sems can la'o/ /dus nges pa can yang ma yin te/ 'on kyang dus ring du ste/ bskal ba brgya dang/ stong dang/ 'bum dang/ bye ba phrag brgya'i bar bya'o/ /de las gzhan du ni ma yin no zhes sbyin par byed pa ma
 yin no/ /'o na ji ltar sbyin par byed ce na/ nam mkha' zhes gsungs pa la/ nam mkha' dang 'dra ba'i skye bo ni nam mkha' i skye bo ste/ dper na nam mkha' la mthar thug pa med pa de bzhin du skye bo yang zhes bya ba'i don to/ /yang na nam mkha' dang
 skye bo ni nam mkha' i skye bo ste/ de rnams zad pa ni gtugs pa'o/ /nam mkha' i khams ji srid pa dang sems can rnams mya ngan las ma 'das pa'i bar de srid kyi mtshams te/ gang ji srid nam mkha' gnas pa dang/ 'gro ba ji srid gnas su
 gyur pa/ de srid bdag ni gnas gyur te/ zhes gang 'chad par 'gyur pa'o/ /de'i phyir mi zad ba ni zad pa med ba ste/ 'di la mdza' med do zhes byas nas so/ /'dir dgongs pa ni 'di yin te/ nam mkha' dang skye bo ma zad kyi bar du
 sbyin pa gang yin pa de ni dngos po la zad pa med pa nyid yin te/ /de dag la yongs su zad pa med pa'i phyir ro/ /dngos po so sor nges pa ni ma yin te/ 'on kyang yid la bsam pa mdza' dag yang dag par rdzogs par byed pa yin te/ gang
 gis mngon par 'dod pa kha na ma tho ba med pas bsam pa tshim par byed pa de dag thams cad mchog tu brtse ba dang/ gus pa gang/ bkur sti dang/ snyan par smra ba sngon du thong?  zhing yid rab tu dga' bas rab tu ster bar byed pa'i byang chub sems dpa' lta ci zhig smos
 te/ mchod par rigs pa yin pas de la shin tu rigs so zhes sbyar ro/ /gang sred med kyi bus zhus pa las/ dngos po sbyin par bya ba gang la de? gtong pa'i sems mi skye ba dang/ gtong ba'i blo mi 'jug pa zhes bya ba nas bdag gis lus 'di yang sems can thams
 cad la sbyin zhing yongs su gtong na/ phyi rol gyi dngos po rnams lta ci smos kyis/ sems can gang dang gang ci dgos par 'gyur ba de dag la de dang da sbyin no/ /yod de yod na lag pa 'dod pa la lag ba zhes bya ba nas mgo po 'dod pa la mgo bo yongs su
 gtong na/ phyi rol gyi dag la 'di lta ste/ nor dang/ 'bru dang/ sa le sbram dang/ dngul dang/ rin po che dang/ rgyan dang/ rta dang/ glang po che dang/ shing rta dang/ bzhon pa dang/ grod dang/ grong khyer dang/ gong rdal dang/ ljongs dang/ rgyal srid dang/ yul 'khor
 dang/ rgyal po'i pho brang 'khor dang/ tshong dus dang/ chod rngal? dang/ bran po dang/ bran mo dang/ las byed pa dang/ zho shes 'tsho ba dang/ bu dang bu mo dang/ g.yog rnams lta ci smos te zhes rgyas par gsungs so/ /de ltar yang yon tan rin po che gsum
 bsdus pa'i gnas gzhan la gcig tu phan pa bsgrub ba/ mchog tu brtul zhugs che ba'i byang chub sems dpa' la bdag nyid la phan par 'dod pas rang gi sems bsrung ba la 'bad par bya'o zhes bstan pa'i phyir/ gang zhig ces bya ba la sogs
 pa gsungs te/ de 'drin de ltar brjod pa'i rims pas so/ /sbyin bdag la zhes pa ni thams cad du bde ba ster ba'i bdag po rgyal ba'i sras la ste/ bde bar gshegs pa'i sras po byang chub sems dpa' la zhes bya ba'i don to/ /ngan sems 
 ni sdig pa'i sems so/ /rang gi yid la ni rang gi rgyud la'o/ /byed pa ni skyed pa'o/ /gang bdag nyid ngan pa de dmyal ba rnams su gnas par bcom ldan 'das kyis gsungs te bka' stsal to/ /ngan sems bskyed pa'i grangs bzhin/
 bskal par ni ste/ de'i rgyud la ngan sems kyi yid bskyed pa'i skad cig ji snyid kyi bskal par ngan sems kyi yid kyi grangs bzhin du dmyal bar 'gyur ro snyam du dgongs pa'o/ /gang rab tu zhi ba rnam par nges pa tshe 'phrul bstan pa'i mdo las/ 'jam dpal
 byang chub sems dpas byang chub sems dpa' la khong khro ba'i sems bskyed cir brnyas pa'i sems bskyed pa de srid du nges bdag bskal par dmyal bar gnas par bya'o zhes go cha bgo bar bya'o zhes gsungs so/ /de bzhin gshegs pa la ngan sems
 kyiS khrag byung pa'i sems bskyed pa'i skad cig gi grangs bzhin du bskal par mnar med par gnas par ni ma gsungs pa ma yin nam/ 'jig rten gsum na de bzhin gshegs pa las lhag pa ni yod pa ma yin na/ de ji srid na shin tu dgos
 par khyer par byed cen/ bden te tshul 'di la sgra ji bzhin du dngos po nyid rnam par bzhag pa ni ma yin te/ gsung rab thams cad la drang pa dang nges pa'i don du rnam par bzhag pa yin pa'i phyir ro/ /de bzhin gshegs pa la lha dang bcas pa'i
 'jig rten 'gas kyang ngan sems bskyed par mi nus te/ bskal? pa grangs med par sems can thams cad la byams pa'i thugs goms par bsgoms pa'i phyir 'di'i sku la mtshon gyis mi tshugs so zhes byams pa'i sems kyi phan yon
 bstan pa'i phyir ro/ /'dir las kyi rnam par smin pa ni dngos po lam bstan te/ sangs rgyas rnams ni las kyi rnam par smin pa dang bral ba'i phyir ro/ /de lta bas na gdul bya'i bsam pa la dgongs nas bstan gyis don dam par ni ma
 yin no/ /byang chub sems dpa' la gnod pa byas pa ni sangs rgyas nyid rtsa ba dang bcas pa bcom zhing nye bar bcom pa yin te/ de ltar na yang lha dang bcas pa'i 'jig rten gyi don nye bar bcom par 'gyur ro/ /lung ji lta bar 'dir bstan pa yin te/ 'di la
 don dam par ni bcom ldan 'das nyid kyis mkhyen to/ /'di yang dad pa'i stobs bskyed pa la 'jug pa phyag rgya'i mdo las 'jam dpal rigs kyi buAm rigs kyi bu mo gang la las gang+gA'i klung bye ma snyed kyi mchod rten bshig pa 'am/ bsregs la/ yang
 rigs kyi bu 'am/ rigs kyi bu mo gang zhig gis theg pa chen po la mos pa'i byang chub sems dpa' sems dpa' chen po la gnod sems dang tha ba dang khong khro ba'i sems bskyed cing sbyos te/ brgyad na 'di ni de bas ches grangs med pa'i sdig pa skye bar
 'gyur ro/ /de ci'i phyir zhe na/ byang chub sems dpa' las 'khrungs pa ni sangs rgyas bcom ldan 'das so/ /sangs rgyas las byung ba ni mchod rten dang/ bde ba'i yo byad thams cad dang/ lha'i ris thams cad do/ /byang chub sems dpa' la dam pa ma
 yin par byas na sangs rgyas thams cad la dam pa ma yin pa byas par 'gyur ro/ /byang chub sems dpa' la dam par byas na sangs rgyas thams cad la dam par byas par 'gyur ro zhes bya ba la sogs pa gsungs so/ /yang gang zhig de la sems
 dang bskyed pa de'i bsod nams rnams kyi 'bras bu ji tsam zhig skye bar 'gyur zhe na/ gal te gang zhig ces bya ba la sogs pa gsungs te/ byang chub sems dpa' la'ang gang gi bsod nams kyi bdag nyid kyis yid dang bskyed par byed na/ de'i 'bras bu yang de
 bas lhag par skye ste/ de'i sems dang? ba 'phel ba ni nye bar skye bar 'gyur ba'o/ /de bas na lhag pa ni sngar gyi sdig pa'i 'bras bu de bas ches mang bar bsod nams kyi rnam par smin pa'i 'bras bu khyad par du skye ste 'byung ba'i phyir ro/ /yang na de bas lhag pa'i
 rnam par smin pa'i 'bras bu skyed par byed pa'i las nyid la 'bras bu zhes brjod do/ /ches lhag par 'bras bu skyed pa'i las skye'o zhes pa'i don to/ /nges pa dang ma nges pa la 'jug pa'i phyag rgya'i mdo las/ 'jam dpal phal?
 te yongs su brtag pa nye bar bzung ste/ phyogs bcu'i 'jig rten khams gyi sems cen thams cad gyi mig bton par gyur la yongs su brtag pa nye bar bzung ste/ gal te rigs kyi pu 'am rigs kyi bu mo byams pa'i sems la gnas pa 'ga' zhig de dag
 thams cad kyi mig skyed par byed pa bas /'jam dpal rigs kyi bu 'am rigs kyi bu mo gang gzhan zhig gis theg pa chen po la mos pa'i byang chub sems dpa' la sems dang bas lta na 'di ni de bas bsod nams ches lhag par skye'o zhes
 gsungs so/ /de lta pas na bsod nams kyi zhing chen po la mkhas pa rnams kyis dge ba'i sems nyid du bya'o/ /gzhan yang 'di'i phyir yang dge ba'i sems nyid skyed par rigs pa yin te/ gang gi phyir byang chub sems dpa' rnams la dog la
 chen pos kyang ste/ tshegs chen pos so/ /sdig pa ni sdig pa nyid dam dan pa'i phyir sdig pa yin te/ nyes par byas pa'i las rnams do gal chen pos kyang ste/ tshegs chen pos byed la/ de rnams kyi lus dang dag dang yid kyi spyod pa mdza' dag dad bas
 skyed par byed pa'i phyir dang/ byang chub kyi sems kyi mthu las yin pa'i phyir byang chub sems dpa' rnams la 'ga' zhig gis gnod pa byed pa'i sems skye bar mi 'gyur ro/ /'dir yang 'phags pa 'jam dpal gyi rnam par thar pa las/ rigs kyi bu dper
 na rin po che'i rgyal po yid bzhin gyi nor bu cod pan la btags pa'i klu'i rgyal po rnams la pha rol gyi gnod pa dang 'jigs pa mi 'byung ngo/ /de bzhin du byang chub kyi sems dang snying rje chen po'i rin po che'i rgyal po yid bzhin gyi nor bu cod pan la bcings
 pa'i byang chub sems dpa' la ngan song dang ngan 'gro'i pha rol gyi gnod pa dang 'jigs pa mi 'byung ngo zhes gsungs pa yin na/ de'i phyir de rnam la don ma yin pa 'phel pa'i 'bras bu rtsub pa ci'i phyir 'phang cing rtsol bar byed de nyid kyi phyir /dge pa ngang gis te/ bsdu
 ba'i dngos po rnams kyi sems can thams cad la phan pa dang bde pa'i las byed pa'i phyir dang/ las yongs su dag pas gang du yang 'khrul pa med pa'i phyir de rnams la ngang gis dga' ba dang/ dang ba dang mchog tu dga' ba skye bar 'gyur ro/ /de'i phyir yang
 'bang pa med par dge pa nyid skyed pa yin no/ /da ni byang chub tu sems bskyed pa rnams la bstan bcos byed pa bdag nyid kyis shin tu lang yid rab tu ngang ba gsal bar byed pa de la phyag 'tshal ba gang la zhes pa la sogs pa gsungs te/ skyes
 bu glang po de'i sku las te/ sku lus la'o/ /phyag 'tshal zhing zhes pa ni rab tu 'dud pa'o/ /gang la te/ de rnams kyi rgyud la'o/ /sems kyi dam pa rin chen de yid bzhin gyi nor bu dang 'dra ba'i phyir sems nyid rin po che'o/ /dbul ba'i sdug bsngal thams cad
 sel ba'i phyir dam pa ste mchog go/ de ni bstan pa'i phan yon can te skyes ba ni 'byung ba'o/ /de yang yin la sems kyi dam pa rin po che yang de yin pas zhes tshig bsdu pa 'am/ de zhes bya ba ni logs shig pa'o/ /'di ni yon tan gyi gzhi la lhags
 par bkur ba yin no /de'i khyad par gzhan yang gang la gnod pa byas kyang zhes bya ba la sogs pa gsungs te/ gang la ni byang chub sems dpa' mchog tu dge pa'i thugs mnga' ba rnams la'o/ /gnod pa byas kyang ni brnyas pa byas kyang ngo/ /bde 'brel ba
 ni de byed pa la bde ba gong nas gong du 'phel bar 'gyur ba'o/ /dgongs pa ni 'di yin te/ de la gnod pa ni bya bar yi? nus la/ brgya la srid na yang de la gnod pa byed pa nyid du rgyu mtshan du byas nas 'jug pa dang pa'i bsam pa dang ldan pa rnams la yang
 rgyu mtshan 'ga' zhig gis de la sems dang ba skyes pas de la gnod pa byed pa mya ngan las 'das pa'i bde ba dang 'brel bar 'gyur te/ dper na byams pa'i stobs kyi skyes ba'i rab su lnga sde'i dbang du byas nas brjod pa lta bu'o//
 yang byang chub sems dpa' i smon lam gyis gnod pa byas ba nyid bde pa dang 'brel par brjod do/ /yang na gang dag bdag la kha zer ba'am/ gzhan dag gnod par byed pa 'am/ de bzhin phyar ga gtong ba'ang rung/ /thams cad byang chub skal
 ldan gyur/ /zhes 'chad par 'gyur ro/ /gang la gnod pa byas kyang ni/ /gang dag la gnod ba byas kyang ste/ bu sdug pas byas pa bzhin du thugs rje chen po'i lhag pa'i bsam pas sdug bsngal gyi rgyu nyid kyang bde ba nyid skyed par byed pa yid te/ ji
 skad du bzod ba'i le'u las 'chad par 'gyur ba bzhin no/ /de ltar rnam pa thams cad du bde ba'i rgyu yin pa'i phyir bde ba don du gnyer pa rnams kyi byang chub sems dpa' la brten par bya pa yin te/ rin po che don du gnyer ba rnams kyis rin po che'i
 'byung khungs bzhin du zhes bstan pa'i phyir/ bde ba'i 'byung gnas de la skyabs su mchi zhes pa la/ bde ba'i 'byung gnas ni gcig tu bde ba thams cad skyed par byed pa'i phyir ro/ /de la ste/ ji skad du/ bstan pa'i rim pas gnod pa byas kyang
 bde ba'i rgyur gyur pa la skyabs su mchi ba yin la/ de la brten par bgyi ba ste/ de rnams kyi bdag gi skyabs mdzod cig ces bya bar dgongs pa'o/ /byang chub sems dpa' i spyod pa la 'jug pa'i dka' 'grel shes rab 'byung gnas blo gros
 kyis byas pa las/ byang chub kyi sems kyi phan yon gyi le'u ste dang po'o// //bam po? gsum pa/ da ni de ltar ral ba phun sum tshogs pa rnyed par dga' ba nyob cing/ byang chub khyi sems kyi phan yon rig nas /
 byang chub kyi sems blang ba'i don du sangs rgyas dang byang chub sems dpa' rnams mngon du byas te phyag 'tshal ba dang/ mchod pa dang/ gsum la skyabs su 'gro ba dang/ sdig pa bshags ba dang/ rjes su yi rang ba dang/ sangs rgyas la bskul pa dang/ gsol
 ba gdab pa dang/ byang chub tu yongs su bsngo ba rnams bya ba'i phyir/ rin chen sems de zhes bya ba la sogs pa gsungs te/ de zhes bya ba ni phan yon bstan ma theg pa'i byang chub kyi sems rin po che yin pa gzung ba'i phyir ni bdag gir bya ba'i phyir te/ de
 bskyed pa'i phyir zhes bya ba'i don to/ /de bzhin gshegs pa rnams ni sangs rgyas rnams te/ bcom ldan 'das la mchod pa'o/ /bdag ces ba ni byang chub kyi sems len pa por bdag nyid bstan pa yin te/ 'di ni sangs rgyas dkon mchog bstan
 pa yin no/ /dam pa'i chos dkon mchog ces pa ni lung dang rtogs pa'i mtshan nyid yin la/ dri ma med ces bya ba ni dge ba gsum gyis 'khor gsum ngag pa dang/ rang bzhin gyis 'od gsal ba yin te/ thams cad du dri ma thams cad kyi gnas
 ma yin pa'i phyir dang/ nyon mongs pa zhes bya ba la glo bur pa yin pa'i phyir dang/ dri ma thams cad spong ba la mkhas pa'i phyir ro/ /'dis ni dam pa'i chos dkon mchog bstan pa yin no/ /de sangs rgyas sras te/ sangs rgyas kyi sras po yin la/
 yon tan rgya mtsho rnams ni yon tan rin po che'i rgya mtsho ste/ 'phags pa spyan ras gzigs dbang phyug dang/ 'jam dpal dbyangs la sogs pa yin te/ 'dis ni dge 'dun dkon mchog bstan to/ /'di ni dang po dkon mchog gsum po la mchod pa'i
 chog yin no/ /mchod ces pa ni thams cad du sbyar bar bya'o/ /legs par zhes pa ni mchod pa nyid kyi khyad par yin te/ legs par phyin ci ma log pa ji lta ba bzhin du gyur pa'am/ sems dang ba drag pos so/ /yang na gzung ba'i khyad par
 yin te/ legs par zhes pa ni shin tu dad ba'i sems kyis legs par gzung ba'i phyir yin la/ gzhan gyi ngo bo la sogs par ni ma yin te/ ji ltar gzung ba bzhin du nyams par mi 'gyur pa yin no/ /mchod pa nyid bstan pa'i phyir/ me tog
 'bras bu ji snyed ces pa la sogs pa gsungs te/ 'di dag gi tshad gang yin pa ni ji snyed yod pa ste/ lhag ma ma lus pa'i me tog dang 'bras bu rnams yin no/ /nam mkha' rab 'byams khams kyi mthas gtugs pa/ /yongs su bzung ba med pa de dag kun/ /blo yis
 blangs nas thub ba skyes kyi mchog /sras dang bcas pa rnams la legs bar dbul/ zhes pa gong ma thams cad la sbyar bar bya'o/ /sman gyi rnam pa ni sman gyi bye brag go /ngang pa yid du 'ong ba zhes bya ba ni rin po che'i khyad par ro/ /sa 'dzin ni ri bo'o/ /
 rin chen rang bzhin ni rin po che'i ri'o/ /dben zhing nyams dga' zhes pa ni yid 'phrog cing dpen pa ste rjes su mthun pa zhes pa'i don to/ /me tog mdzes rgyan 'bar ba zhes bya ba ni/ mdzes pa'i me tog nyid rgyan yin te/ brgyan pa de nyid kyis 'bar pa ste
 shin tu lhag ge ba'o/ /'bras bzang yal ga dung pa dang zhes pa la bzang pa ni mdzes pa ste/ kha dog dang dri dang ro phun sum tshogs pa'i 'bras bu de dag yin de rnams kyi dung pa ni dma' par gyur pa ste/ yal ga gang zhig sa la reg pa bzhin du gyur ba de
 skad ces bya'o/ /dpag bsam gyi shing ni dpag bsam gyi ljon pa'o/ /pad+mas brgyan pa ni pad+ma'i rgyan gang la yod pa de la de skad ces bya'o/ /dad pa shin tu skad snyan yid 'ong ldan zhes pa ni/ ngang pa rnams kyi skad ni sgra'o/ /shin tu yid du 'ong ba ni
 nyams dga' ba ste/ de gang la yod pa de la de skad ces bya'o/ /ma rmos 'khrungs pa'i zhes pa ni ma rmos pa nyid de thod gshol gyi slobs pa med par skyes pa rnams yin la/ skyes pa'i lo to gi rnam pa ni 'bru'i khyad par ro/ /gzhan yang mchod
 par 'os pa'i rgyan rnams zhes pa la/ gzhan yang ni logs shig la'o/ /mchod par bya ba ni mnyes par bya ba yin te/ rgyan rnams ni mdzes par byed pa rnams so/ /nam mkha' i khams kyi rab 'byams mthas gtugs pa zhes bya ba la/ nam mkha' i khams rab 'byams
 ni skabs rgya che ba'o/ /de srid kyi mthas gtugs ba ni de'i mthar thug pa'o/ /de dag ni brjod pa dang ma brjod pa dang 'dra pa yin la/ yongs su bzung pa med pa ni bdag gi ba ma yin pa rnams te/ gang gis kyang rang gir ma byas pa zhes bya ba'i don to/ /blo yis blangs nas
 zhes pa ni yid kyis zhes pa'o/ /thub pa skyes kyi mchog ni thub pa'i khyu mchog ste/ sras dang bcas pa ni byang chub sems dpa' dang do/ /legs 'bul ni legs par sbyin pa'o/ /yon gnas dam pa ni yon gyi snod bla na med pa'o/ /thugs rje che rnams ni sangs
 rgyas dang byang chub sems dpa' sems can thams cad la phan pa dang bde ba'i dgongs ba can no/ /bdag la zhes pa ni zhan cing sdug bsngal ba'i sems can la'o/ /brtser dgongs ni thugs rje mdzod cig pa ste/ bdag rjes su gzung ba'i phyir zhes bya ba'i don to/ /'di
 dag ni 'di dag thams cad de dag gis mchod par sbyar ba'i dngos po'o/ /bzhes zhes pa ni bdag gir mdzod cig pa'o/ /de ltar yin na yang 'di ltar yid las byung ba'i mchod pa tsam ci'i phyir byed de/ re zhig dngos po yid du 'ong ba de dang de dngos su ci'i phyir 'bul
 bar mi byed ce na/ bdag ni bsod nams mi ldan zhes pa la sogs pa gsungs te/ bdag bsod nams ma byas pa de nyid kyi phyir bkren chen te/ bsod nams dag gis yo byad phun sum tshogs par 'gyur ba yin la de dag bral ba'i phyir mchod pa'i nor gzhan te/
 yo byad gang ci'ang bdag ma mchis pa'o/ /des na bdag gi don slad ces bya ba ni bdag gi bsod nams bzhed pa ste/ bcom ldan 'das kyang gzhan don dgongs pa ni gzhan la phan ba dang bde bar bzhed pa yin te/ thugs rje chen po dang ldan pa'i phyir ro/ /mchod
 pa'i yo byad brjod pa 'di bdag gi phul ba nges na mgon po nyid kyi mthus de nyid kyi stobS kyiS? zhes shig pa'o/ /yang bdag dbang ba'i lus 'di yod pas de 'bul bar bya'o/ /zhes rgyal dang zhes pa la sogs pa la gsungs pa la/ rgyal
 ba rnams la bdag nyid kyang dbul bar bgyi ste/ rnam pa kun gyis zhes ba ni rnam pa thams cad du bdag gir khas blangs pa yongs su dor nas/ /de'i sras rnams la'ang ste/ sems dpa' mchog rnams la'o/ /bdag gis yongs bzhes shig
 ces pa ni bdag so so nas yongs su bzhes shig pa'o/ /skyes bu khyu mchog khyed kyi ? su bran gyi dngos por khas blang bar bgyi ste/ 'tsho ba la sogs pa 'tshal ba ma lags la/ 'on kyang gus pas ni mchog tu gus pa ste/ sems dad pa'i stobs
 kyis zhes bya ba'i tha tshig go /'o na yang 'dir yon tan ci zhig yod ce na/ bdag ni khyed kyis zhes bya ba la sogs pa gsungs te/ khyed kyis ni khyed rnams kyis so/ /srid na mi 'jigs sems can phan par bgyi ste/ chen po la brten nas 'jigs pa
 dang bral nas 'khor bar 'jig rten pa rnams la phan pa'i don bsgrub bar bgyi'o/ /chen po la brten na'ang las mi dge bas bsgribs pa dag rang la phan pa byed pa'i nus pa yang med pas sngon gyi zhes ba la sogs pa gsungs te/ sngon ma shes nas las
 mi dge ba byas pa las yang dag par 'da' bar bgyid cing rnam par sun 'byin pa kun tu spyod pa la sogs pa rnams kyis spang bar bgyi'o/ /sdig pa gzhan yang slan chad mi bgyid do zhes pa ni yang slan chad mi byed par sdom pa len pa'o/ /de ltar lus
 'bul ba la sogs pa mchang ba'i yo byed thams cad phul nas/ yang mchod pa'i khyad par bya ba bzhed nas/ rin chen 'bar ba zhes bya ba la sogs pa gsungs te/ rin chen ni iN+Da? ni la la sogs pa'o/ /'bar ba ni 'od gsal ba'o/ /gang ka ba?
 yid du 'ong ba de ni 'dod par bya ba ste/ khrus kyi khang pa der de bzhin gshegs pa rnams la bdag gis khrus gsol lo zhes sbyar ro/ /yang ji lta bur gyur ba zhe na/ mu tig rang bzhin zhes pa mu tig gis spras shing bkod pa'o/ /'od chag? ni 'od gsal ba ste/
 bla bre nyid ni bla bre yin la/ gang de dag yod pa de la de skad ces bya'o/ /gsal ba ni shin tu dri ma med pa ste/ 'tsher ba ni 'od zer dang ldan pa'o/ /'di shel gyi yin pas shel zhes pas te/ bstar ba ni sa gzhi spras pa'i khyad par ro/ /gang dri zhim pa der te arga?
 ru nag po dang tsan dan la sogs pas bdugs shing bsgos ba'i khrus kyi khang ba der yid 'ong dri chu me tog gis bkang ba ni chu dang/ me tog dang/ yid du 'ong ba'i dri de rnams kyis bkang ba'o/ /rin chen rang bzhin bum ba ni de dag bai DUrya chen po yang yin la rin po
 che'ang yin te/ de'i rang bzhin no/ /du ma yin zhes pa ni brgya dang stong dang bye pa rnams kyis so/ /de bzhin gshegs dang de yi sras rnams la/ glu dang rol mor bcas pas bdag khrus gsol/ zhes pa ni yid 'phrog pa'i glu dang gar dang rdza rnga la sogs pa'i
 zol? mo dang bcas pa rnams kyis so/ /de dag ni de bzhin gshegs pa mdza' yas pa dang de'i sras so/ /mtshungs pa med pa ni mnyam pa med pa ste/ gos ni du gu la'i ras yin la/ gtsang ba ni dri ma bkrus pa ste/ dri ma med pa zhes bya ba'i don
 to/ /dri rab bsgos pa ni a ga ru la sogs pa'i bdug spos rnams kyis so/ /sku ni sku ste/ phyi ba ni byi dor bya ba'o/ /de nas zhes pa ni phyis pa'i 'og tu'o/ /legs bsgyur ba ni legs pa'i tshon gyis shin tu legs par bsgyur pa ste/ legs pa'i
 bdug spos? rnams kyis bdug pa rnams 'bul pa'o/ /na bza' dam pa ni bla na med pa'i gos so/ /de la ni de rnams te/ bzang po ni lha yul du byung ba lha la 'os pa'o/ /srab pa yang yin la reg bya 'jam pa yang yin te ? 'jam zhing phra ba'o/ /sna tshogs
 pa ni kha dog du ma'o/ /mdzes par byas pa ste/ gang la na bza' yang yin la rgyan mchog kyang yin pa des te lhab lhub gtso bor gyur pas so/ /de dang de dag gis shes pa ni cod pan dang/ gdu bu dang dpung rgyan dang/ do shal dang?
 rkang gdub la sogs pa de rnams kyis kun tu bzang dang/ mi 'pham pa dang/ 'jam dbyangs dang/ 'jig rten dbang phyug la sogs pa byang chub sems dpa' rnams la brgyan par bgyis te chas su bgyi'o/ /stong gsum kun tu zhes pa la/ gling bzhi pa stong
 dang/ de bzhin du so sor zla ba dang nyi ma dang/ ri rab dang/ 'dod pa'i lta dang/ tshangs pa'i 'jig rten rnams ni stong sbyi phung du 'dod la/ de lta bu de stong du bsgres pa ni stong gnyis pa bar ma yin te/ de stong ni stong gsum yin na gling bzhi pa bye ba phrag
 brgya zhes bya ba'i don to/ /de ltar de phyogs thams cad du 'jig rten gyi khams mdza' yas mu med pa dang/ stong gsum thams cad du ngad? ldang bar byed pa'i ngang tshul gang la yod pa de skad ces bya'o/ /rnam pa de lta bu'i dri'i byug pa gang la yod pa de skad
 ces bya ste/ dri mchog de rnams kyis te/ gzhi mnyam pa dang/ tsan dan la sogs pa rnams kyis so/ /thub dbang gi sku de dag byug par bgyi ste bsku bar bgyi'o/ /ci lta bur gyur pa dag la zhe na/ btsom ni kha sbyar du bskol ba la sogs pas nang
 gi dri ma yongs su sbyangs pa'o/ /byi dor byas pa ni ro tsan la sogs pa'i nor bus phye bdar byas pa'o/ /sbyangs pa ni bul tog dang/ skyu ru ra dang/ lan tshwa la sogs pas phyi'i dri ma bkrus pa'o/ /de lta bur gyur pa yang yin la/ gser yang yin pa
 de'i 'od chags ni 'od zer zhes pa'i don to/ /de dang 'dra bar 'bar zhing 'od zer dang ldan pa'o/ /'di yang 'jig rten la grags pas bshad pa yin te/ de bzhin gshegs pa'i sku mdzes pa la ni 'jig rten na dpe cung zad kyang yod pa ma yin no/
 da ni phreng ba'i mchod pa thub dbang zhes bya ba la sogs pa gsungs te/ man dar ni lha rnams kyi me tog gi khyad par ro/ /mal+li ka ni parshi ka'o/ /de dag la sogs pa thams cad de/ dri zhim pa'i me tog yid 'phrog pa rnams kyis mchod gnas kyi
 mchog thub pa'i dbang po rnams la mchod par bgyi'o/ /me tog kyang yin la phreng ba yang yin te/ spel legs yid 'ong zhes pa ni legs par bsgyur cing spras pa'i khyad par te/ 'dod par 'os pa rnams kyis so/ /spos kyi mchod pa spos mchog
 ces bya ba la sogs pa gsungs pa la/ rgyas pa ni sdug pa'o/ khyab pa ni 'pho ba'am/ dri che bar ldang ba'o/ /de lta bu'i dri bdug pa'i sprin tshogs gang la yod pa de la de skad ces bya'o/ /bdug ba de rnams sprin lta bur nam mkha' i dkyil du 'khrigs
 pa'i gzugs can te/ skyes bu stag la sogs pa rnams kyi zhes pa ltar dper byas pa'i tshig bsdus pa'o/ /bdug pa rnams kyi tshogs te/ sprin bzhin du g.yen du 'gro ba rnams kyi zhes pa'i don te/ /de la zhes pa ni thub pa'i dbang po la'o/ /dbul bar
 bgyi zhes pa ni bdug pa rnams kyis lhag par bsgo bar bgyi'o/ /bshos gtsang gi mchod pa zhal zas zhes bya ba la sogs pa gsungs te/ zhal zas ni gang zhig zhal bkang nas gsol pa'o/ /bza' ba ni gang kham du bcad nas te snum khur la
 sogs pa'o/ /btung ba ni gang gtung bar bya ba de nyid do/ /sgom la sogs pa'o/ /sna tshogs pa ni rnam pa du ma legs par sbyar ba de rnams kyis so/ /de la zhes pa ni thub dbang rnams la'o/ /dbul bar bgyi ba ni sbyin par bgyi ba'o/ mar me'i
 mthod pa gser gyi pad+ma zhes pa la sogs pa gsungs te/ rin po che las grub pa'i sgron ma de rnams tshar du dngar ba gang yin pa de dag la de skad ces bya'o/ /gang du zhe na/ gser gyi pad+ma rnams su'o/ /spos kyi byug pa der zhes pa ni tsan
 dan dang gur gum la sogs pa rnams byugs pa'o/ /mu tig rin chen rgyan phreng zhes pa ni gang mdzes pa'i pho brang yin la/ dpag yas ni pho brang gi tshogs te/ 'jig rten gsal bar byed cing mdzes par byed pa rnams so//
 gser gyi rang bzhin gyi yu ba can dbyibs sdug pa mu tig gis mdzes par byas pa/ rin po che'i rang bzhin gyis gdugs yin la bsgreng ba ni yu ba gyen du bsgreng ba'o/ /da ni mchod pa'i yo byad nye bar bsdu ba bstan pa'i phyir/ de la sogs pa
 gsungs pa/ 'di la sogs pa bdag gis phul ba mchod pa'i sprin dang/ gzhan te lha la sogs pas phul ba bskal pa'am bskal pa las lhag pa mchog tu 'jug pas rab tu gnas par gyur cig pa'o/ /rol mo'i sprin rnams kyang zhes
 pa ni rdza rnga la sogs pa brdung bar bya ba rnams yin la/ bsdus dbyangs ni tshogs pa'i glu zhes bya ba'i don to/ /yang na bsdus dbyangs ni gar dang glu dang rol mo rnams tshogs pa la brjod do/ /de rnams kyi sprin ni du ma tshogs pa yin la/ de yang
 sems can thams cad tshim pa ste/ sems can thams cad dga' bar byed pa yin la/ mnyan par byed nus pa rab tu gnas par gyur cig ces 'brel pa ni ma yin no/ /dam pa'i chos la sogs pa rnams la/ spyi mdor bsdus nas mchod pa
 dam chos zhes bya ba la la sogs te/ gsung rab yan lag bcu gnyis kyi bdag nyid dam pa'i chos rin chen thams cad la yin la/ rin chen bzhin du rin chen yin te/ dngos po 'di kho na nyid gsal bar byed pa'i phyir dang/ mchog tu zhi bar
 byed pa'i rgyu yin pa'i phyir ro/ /mchod rten ni de bzhin gshegs pa'i mchod rten yin la/ sku gzugs ni sangs rgyas dang byang chub sems dpa' i gzugs brnyan rnams so/ /rin chen me tog la sogs char zhes pa ni me tog gi char dang/ rin po
 che'i char ro/ /sogs pa'i sgras kyang tsan dan gyi phye ma dang/ gos la sogs pa bzung na/ 'khor ba ji srid par rgyun mi 'chad pa'o/ /bla na med pa'i mchod pa bstan pa'i phyir/ 'jam dbyangs zhes bya ba la sogs pa gsungs te/ 'jam pa'i dbyangs dang/ kun
 tu bzang po dang/ mi pham pa dang/ 'jig rten mgon po la sogs pa/ sa bcu'i dbang phyug gu byang chub sems dpa' rnams so/ /ji ltar zhes pa ni gang gi lhag pa'i bsam pas de bzhin gshegs pa rnams mchod pa de bzhin du de'i mos pas bdag
 gis kyang de bzhin gshegs pa rnams dang sras byang chub sems dpa' i tshogs dang bcas pa rnams la mchod do/ /bstod pa'i mchod pa/ bdag gi dbyangs kyi lan lag ces pa la sogs pa gsungs te/ dbyangs ni sa 'dzin bdun la sogs pa
 yin la/ de rnams kyi yan lag ni rab tu dbye ba yin te/ ka mo de la sogs pa'o/ /de rnams rgya mtsho bzhin du shin tu mang bas ni rgya mtsho'o/ /de rnams kyis bstod pa ni bstod dbyangs du mas bstod pa rnams de/ glu dbyangs rnams bsdus pa'o//
 de rnams kyi sprin 'byung gyur cig ste/ nye bar gnas par gyur cig pa'o/ /de rnams yin te/ sangs rgyas dang byang chub sems dpa' i rnams yin la/ gzhan ni ma yin te/ ji ltar bdag gis nye bar brtags pa de lta nyid yin no zhes pa'i tha tshig go/
 sangs rgyas dang chos dang dge 'dun dkon mchog gsum la phyag 'tshal ba'i mchod pa/ dus gsum zhes pa la sogs pa gsungs pa la/ phyogs bcu'i sangs rgyas kyi zhing ji snyed pa de dag gi rdul phra mo ji snyed pa'i grangs de snyed kyis te/ dus
 gsum gshegs pa kun zhes pa ni 'das pa dang ma 'ongs pa dang da ltar byung ba'i de bzhin gshegs pa'o/ /ji lta bur gyur pa zhig la zhe na/ chos dang tshogs kyi mchog bcas la ste/ tshogs rnams kyi mchog ni rtse mos gyur pa ste/ byang chub sems
 dpa' i tshogs so/ /chos kyang yin la tshogs mchog kyang yin te/ de dag dang lhan cig pa'o/ /de bzhin gshegs pa'i mchod rten rnams la phyag 'tshal ba/ mchod rten rnams dang zhes bya ba la sogs pa gsungs pa
 la/ steng dang par dang 'og dang dang/ phyogs dang phyogs mtsham rnams su yang/ /skur bcas sku ni med pa yi/ /mchod rten rnams la bdag phyag 'tshal/ /zhes bya ba'i don to/ /byang chub sems kyi gzhi rnams dang zhes bya ba ni skyes pa'i rabs dang
 rtogs pa brjod pa dang/ bltams pa la sogs pa'i gnas rnams so/ /phyag 'os zhes pa ni sangs rgyas rnams te mchod par 'os pa'o/ /de ltar 'dis ni mchod pa dang phyag 'tshal ba'i cho ga brjod do/ /mchod pa'i cho ga 'di yang dam tshig gsum gyi
 rgyal po las bstan pa yin te/ thang las skyes pa'i rin po che'i ri po dang/ chu las skyes pa'i rin po che'i ri bo dang/ chu dang thang? las skyes pa'i phyogs bcu na gnas pa'i bdag gir yongs su bzung ba med pa rnams dbul bar bya'o zhes ji skad brjod pa lta bu'o//
 phyogs 'dis sman thams cad dang/ bcud kyi lan thams cad dang/ chu'i dkyil 'khor kha na ma tho ba med pa rnams dang/ 'jig rten gyi khams mdza' yas pa rnams na ngo dang reg bya phun sum tshogs pa'i sa zhag dang/ bdud rtsi'i shing dang/ ma rmas
 pa'i 'bras dkar dang/ byang gi sgra mi snyan rnams dang/ 'jig rten gyi khams rnam par dag pa rnams na shin tu yid du 'ong ba'i longs spyod rnams kyang ngo/ /dkon mchog sprin las kyang/ mdo sde rnams su brjod pa'i rgya che ba'i mchod pa'i las gang
 'di rnams lhag pa'i bsams pa shin tu drag pos de rnams sangs rgyas dang byang chub sems dpa' rnams la yongs su bsngo bar byed ba dang/ de bzhin du des sna tshogs pa'i mchod pa'i las rnams yongs su sems par byed de zhes gsungs so//
 nga ni dkon mchog gsum la skyabs su 'gro ba sngon du song pa'i sdig pa bshags pa/ byang chub ces bya ba la sogs pa gsungs te/ skyabs kyi don ni skyobs pa'i don yin la/ mchi ba ni de'i bka' yongs su skyong ba yin te/ gang zhig gang la skyabs su 'gro ba de
 ni de'i bka' las 'da' pa ma yin no zhes pa'i don to/ /byang chub snying por zhes pa la/ snying po'i sgra 'di ni snying po'i tshig ste/ mar gyi snying po dang 'o ma'i snying po zhes pa bzhin no/ /de lta na ji srid du byang chub kyi snying po yang dag par rdzogs pa'i byang chub
 ma thob kyi bar du zhes pa'i don to/ /phyogs rnams kun na bzhugs pa'i zhes pa la/ gsol ba ni zhes ma sangs rgyas dang byang chub sems dpa' rnams mdun du dmigs nas bsam pa thag bas 'di skad ces brjod par bya'o zhes pa 'di ston pa ni thal
 mo sbyar te zhes pas ni lus kyi rnam par rig byed brjod do/ /lag pa gnyis kha sbyar bar byas pa ni thal mo sbyar zhes pa'i don to/ /thog ma med ldan zhes pa ni sngon gyi skye pa brgyud pa yin pa/ tshe rabs 'di zhes pa ni skye ba 'di nyid la yang ste/ snga ma 'ba' 
 zhig ni ma yin no/ /ma 'tshal zhes pa ni bdag nyid gti mug chen po nyid du bstan to/ /de la lus dang ngag dang yid gsum po rnams kyis rnam pa gsum byas pa'ang ste/ bgyid du stsal pa ni ngag dang yid kyis yin la rjes su yi rang ba yang ngo/ /bdag
 non phyir zhes pa ni de'i las kyi 'bras bu bdag nyid la smin pa'i phyir ro/ /nongs pa de ni zhes pa ni ltung ba ste/ bshags pa ni 'thol ba ste bsal bar byed cing mi 'chab pa'o/ /'gyod bgyis nas zhes pa ni dmyal ba la sogs par mi dge ba'i las kyi
 rnam par smin pa sdug bsngal pa thob pas so/ /da ni ji ltar gtso bor gyur pa'i sdig pa bshags pa dkon mchog gsum zhes pa la sogs pa gsungs pa/ dkon mchog gsum ni bla na med pa'i zhing yin la/ ? zhes bya ba la sogs pas ni phan
 'dogs pa'i zhing yin te/ de la gnod pas ni sdug bsngal gyi rnam par smin pa rgya che ba dra ba yin pa'i phyir ro/ /nyes pa du mas skyon chags pa ni 'dod chags la sogs pa'i nyon mongs pas skyon chags pa ste/ rang dbang du ma yin
 no zhes bya ba'i don to/ /sdig pa'i las la skyo bar bya ba gsungs pa/ ji ltar 'di las te rnam pa gang gis so/ /mi dge ba 'di las so/ myur ba ni shin tu myur ba'o/ /khyed ci'i phyir rings she na/ bdag ni zhes bya ba la sogs pa gsungs te/ ji srid du sdig pa
 byang bar ma byas pa de srid du bdag 'chi bar ma gyur cig ces pa ste/ gzhan du na ngan song du 'gro bas 'jigs pa'i phyir re?/ ci ste sdig pa byang bar ma byas par khyed la 'chi pa'i go skabs med pa yin nam zhe na/ byas dang ma byas zhes pa la sogs pa gsungs
 te ? re zhig 'di ni byas la 'di ni ma byas so zhes te 'chi bas mi sdod do/ /yid bstan pa ni yid ches par byas nas te nges 'joms? pa'o/ /bdag nad med pa dang lang tsho dang/ stobs dang ldan pa'i lus yin no zhes bstan par mi bya'o/ /ci'i phyir zhe na/
 glo bur thog chen zhes te ma bsams par thog 'bab pa dang 'dra'o/ /gang zhig de ltar sdig pas 'jigs na 'o na ci'i phyir de byed ce na/ mdza' dang zhes pa la sogs pa gsungs te/ mdza' ba ni bdag dang bdag gi ba yin la/ mi mdza' ba ni de la gnod pa
 byed pa yin te/ mdza' ba la phan pa dang bde ba dang/ mi mdza' ba la bzlog par byed pa'o/ /rnam pa sna tshogs byas pa ni srog gcod pa dang ma byin par len pa la sogs pa'i dbye ba ste/ rnam pa du ma'o/ /'di dag thams cad yun mi ring par ngor bar bya ba
 ma yin nam/ de ci'i phyir na don med pa'i sdig pa sogs par byed ce na/ thams cad ces pa la sogs pa gsungs te/ thams cad ni mdza' ba dang mi mdza' ba yin la/ de bor nas 'gro bar bya ba yin par bdag rmongs pas 'di ma shes te yongs su ma
 bsgoms so/ /de ni lhag ma ci zhig gnas zhe na/ de de zhes pa la sogs pa gsungs te/ dngos po gang dang gang zhes pa ni bde ba'i rgyu dang sdug bsngal gyi rgyu yin la spyad pa ni de myong ba'o/ /yang ci'i phyir 'di ltar yin zhe na/ rmi lam bzhin du zhes pa la sogs pa
 gsungs te/ dper na rmi lam gyi gnas skabs na nyams su myong ba zhig ste/ mi mthong zhing der dran pa 'ba' zhig lhag ma yin no/ /de bzhin du gzhan yang ste/ mdza' ba la sogs pa dang 'grogs pa thams cad skye ba 'di nyid la mi brtan pa yin no
 zhes bstan pa'i phyir/ re zhig gnas pa zhes pa la sogs pa gsungs te/ gnas pa zhes pa ni yod pa nyid na'o/ /'das pa ni mi rtag pa nyid kyis bzung par bdag gi de ltar mthong do/ /gal te de ltar na de'i don du byas pa'i sdig pa yang de yang lhan cig tu 'gro
 par 'gyur ro zhe na/ de dag don du zhes bya ba la sogs pa gsungs te/ de rnams ni mdza' ba la sogs pa yin la/ de'i don du ni de'i rgyu mtshan du byas pa'i sdig pa yin te/ de la'ang bdag gi mdun nyid na gnas pa yin la/ de yang bdag dang lhan
 cig tu 'gro zhes pa'i don to/ /ci ste de ltar mthong na yang ci ltar bslus she na/ de ltar zhes pa la sogs pa gsungs te/ bdag ni gang gi yang do shes pa dang gang yang bdag gi ngo shes pa ma yin no zhes de ltar bdag gis rtogs par ma gyur te spyang pa ma
 yin no/ /rgyu nges na bdag dang bdag gi ba la rjes su chags pa dang/ de dang mi mthun par spyod pa la zhe sdang ba de khong khro ba'o/ /khyed kyi tshe na shin tu yun ring ba yin no/ /'chi ba'i dogs pa ci ltar yod de ci'i phyir 'di ltar 'jigs zhe na/ nyin mtshan
 zhes pa la sogs pa gsungs te/ nyin mtshan du tshe 'god? par 'gyur te/ tshe'i 'du byed zad par 'gyur ro/ /sdod pa yod med par zhes pa ni skad cig tsam yang 'god pa la rgyun chad ba med de/ /'ong ba ni rjes su 'jug pa yin la de yang bsnon pa ste/
 srid pa'i cha tsam yang yod pa ma yin no/ /de ltar na bdag ci'i phyir 'chi bar mi 'gyur te/ 'on kyang ring por gnas nas kyang gson pa ni mthar 'chi bar 'gyur ro/ /de ltar yang gang gi don du sdig pa byas pa de yang dmyal ba la
 sogs par de'i 'bras bu sdug bsngal nyams su myong ba'i tshe deng yang de dang lhan cig tu skal pa len par gyur te/ de ci'i phyir na/ 'jigs par byed ce na/ re zhig 'jig rten phyi ma lta zhog ste/ 'di na zhes pa ni srid pa ni srid pa 'di nyid na'o/ /'chi ba dang nye ba'i
 sdug bsngal gyis non pa gnyen 'dab dang 'khor gyi nang na gnas nas yang ngo/ /gnang chad pa'i tshor ba dag ces pa ni skom pa dang lus tsha ba la sogs pa'i sdug bsngal bdag nyid gcig pus myong bar 'gyur gyi/ de'i cha shin tu chung du yang gzhan la 'byung
 ba ma yin no/ /dmyal ba la sogs par ci smos zhes ston pa ni/ gshin rje'i pho nya zhes pa la sogs pa gsungs te/ dus kyi pho nyas zin pa ni des byin gyis brlabs pa yin te/ ske la zhags bas bcings nas tho bas brdung bzhin du 'brog dgon pa'i
 tsher ma stug po can dang pha bong thag thug can rnams kyi rkang pa gcod cing grogs med pa'i las nyams su myong ba'i sar khrid pa na/ gnyen gyis ci phan bshes ci phan zhes pa yin te/ der grogs 'ga' yang skyabs su 'gyur ba ma yin la de tshe bsod nams
 gcig skyabs na/ de yang bdag gis ma bsten to/ /skyabs su gyur pa'i bsod nams de yang bdag gis ma bsags so/ /yang sdig pa las skyo bar bya ba mgon po zhes pa la sogs pa gsungs pa la mi rtag pa ni tsho mi gnas pa'o/ /'jigs pa ni
 'dzin pas te/ /'di 'dra zhes pa ni dmyal ba la sogs pa'i sdug bsngal 'byung bar 'gyur ba ma shes te ma mthong nas so/ /bdag med ces pas ni lang tsho dang gzugs dang nor dang/ dbang che ba la sogs pa rgyags par gyur pas so/ /yang ci'i
 phyir khyed la de lta bu'i skyo ba mang du 'byung zhe na/ skye bo yan lag gcod ces pa la sogs pa ste/ dmyal ba'i sdug bsngal las rkang pa dang lag pa bcad pa las byung ba'i sdug bsngal 'di shin tu chung pa yin te/ de lta na yang de la gnas skabs 'di lta bur
 'gyur te/ skams ba ni bdag nyid thams cad nye bar skams par gyur pa dang/ skom pa ste skom gyis gdungs pa dang/ mig rtsa ngan pa ni phongs pa'i lta stangs so/ /gzhan du ni bzlog par ro/ /dmyal ba'i sdug bsngal shin tu che ba'i gshin rje'i pho nya zhes
 pa la sogs pa gsungs te/ 'jigs 'jigs lta'i zhes pa ni 'jug par byed pas so/ /byin gyis brlabs pa ni bdag gir byas pa'o/ /'jigs chen nad kyi thebs gyur pa ni zin par gyur pa'o/ /mi gtsang byung ba ni de las byung zhing lug pa'o/ /gos pa
 ni 'bags pa'o/ /bred sha thon pa ni zhan pa ste/ phyogs bzhir skyabs dag gsol cing tshol bar byed do/ /ji ltar byed ce na/ su zhig ces pa la sogs pa gsungs pa la/ legs par ni rgyu mtshan med par byas pa'o/ /skyobs pa'i yongs su skyob par byed
 pa'o/ /de lta na yang gang gi tshe gang du yang skyabs ma mthong nas de'i tshe slar yang skyabs med pas kun tu yi mug 'gyur ro/ /de'i tshe de'i dus na ji ltar bya ba thams cad la nus pa med pa na/ gnas der zhes pa ni rab tu tshe ba la sogs pa dmyal ba'i sar ro//
 de lta bas na da ltar nyid du phyir bcos pa nyams su blang bar rigs so zhes pa ni/ de bas rgyal ba zhes bya ba la sogs pa gsungs te/ 'gro ba'i mgon ni dbugs 'byin pa dang yid brtan pa'i gnas su gyur pa'i 'dren pa'o/ /stobs chen ni thams
 cad du nus pa thogs pa med pa ste/ 'gro ba bskyob pa'i don brtson pa zhes pa ni/ sems can thams cad yongs su skyob pa'i don du brtson pa'o/ /gal te lta mod kyi/ de la brten na yang 'jigs pa nye bar zhi bar mi 'gyur na de'i tshe skyabs su 'gro bas ci?
 zhig bya zhe na/ 'jigs pa kun sel zhes gsungs te/ sdug bsngal ba thams cad sel bar byed pa'o/ /chos dang dge 'dun dkon mchog la skyabs su 'gro ba ni/ de yis zhes pa la sogs pa gsungs te/ de yis zhes bya ni sangs rgyas
 bcom ldan 'das rnams kyis so/ /thugs su chud pa ni mngon du byas pa ste/ mya ngan las 'das pa'i chos zhes pa'i don to/ /'khor ba'i 'jigs pa sel ba ni nyon mongs pa thams cad kyi gnyen por gyur pa'i phyir ro/ /yang dag ces pa ni mchog tu dang pas
 te/ sgyu dang g.yo yis sam the tshom gyi bsam pas ma yin pa'o/ /byang chub sems dpa' i tshogs zhes pa ni dge 'dun la yang de bzhin yang dag par ro/ /da ni ji lta ba bzhin du gtso bor gyur pa'i byang chub sems dpa' rnams la lus 'bul ba ni bdag
 ni 'jigs pas zhes pa la sogs pa gsungs te/ 'jigs pas rnam skrag nas ni dmyal ba la sogs pa'i 'jigs pas rnam par 'khrugs nas so/ /kun tu bzang po ni byang chub sems dpa' ste/ bdag nyid 'bul ba ni nges par dbul bar bgyi
 ba'o/ 'jam pa'i dbyangs la'ang ste 'jam pa'i mgon po la'o/ /bdag nyid kyis zhes pa ni gzhan gyis bskul bas ma yin te rang nyid kyi sems dang bas zhes pa'i don to/ /de la yang zhes pa ni rab tu grags pa yin la/ spyan ras gzigs mgon ni
 'phags pa spyan ras gzigs dbang phyug go/ thugs rje'i spyod pa ma 'khrul pa zhes pa ni 'di la spyod pa'i dang tshul yod pa ni thugs rje'i spyod pa ma 'khrul pa'o/ /'di ni de nyid kyi khyad par ro/ /'o dod 'bod pa ni glang cher 'bod pa'o/ /nyam thag nga
 ros zhes pa ni bya ba'i khyad par te/ sdug bsngal zhing zhan pas bred pa'i da ro'o/ /'jigs pa ni las kyi rnam par smin pa la skrag pa'o/ /des zhes pa ni bcom ldan 'das spyan ras gzigs kyis so/ /sdig ldan bdag la zhes pa ni sdig pa byas
 pa bdag la skyobs shig pa'o/ /'phags pa nam mkha' i snying po zhes pa ni byang chub sems dpa' o/ /sa'i snying po yang byang chub sems dpa' gzhan te/ 'o dod 'bong ces phyi ma dang 'brel to/ /thugs rje chen po thams cad la zhes pa ni gang mtshan smos nas ma
 brjod pa gang yin pa de dag kyang mchog tu thugs rje dang ldan pa yin te/ gzhan sdug bsngal bas sdug bsngal bar gyur pa'o/ /gang zhig mthong nas zhes pa ni gang zhig mthong btsam gyis so/ /pho nya la sogs zhes pa la sogs pa'i sgras ni gnod sbyin dang srin po la
 sogs pa gzhan dag kyang ste/ sdang pa rnams 'jigs par gyur nas 'phyir? byed pa ste thag ring du 'bros par byed pa'i rdo rje can la phyag 'tshal zhes phyag 'tshal bar byed pa'o/ /rdo rje can ni gang la rdo rje yod pa ste/ byang chub sems dpa' phyag na rdo rje'o/ /
 de ltar skyabs su 'gro ba la sogs pa 'dis ni sdig pa zar par bya ba'i don du rten gyi stobs brtan pa yin no/ /gang 'phags pa chos bzhi pa'i mdo las de la rten gyi stobs ni sangs rgyas dang ches dang/ dge 'dun la skyabs su 'gro ba dang/ byang chub kyi
 sems mi gtong pa'o/ /de stobs dang ldan pha la brten nas sdig pas zil gyis gnon par mi nus so zhes gsungs so/ /yang gzhan du dogs pa bsal ba'i don du sngon chad ces pa la sogs pa gsungs pa la/ khyed kyi bka' las zhes pa ni khyed
 kyis bka' stsal pa las 'das par byas pa ste/ da ni ste nga lta'o/ /'jigs pa che mthong nas ni gang gi phyir de las 'das pas mi 'dod pa'i 'jigs pa ste/ mi 'dod pa'i 'bras bus skrag nas skyabs su mchi lags kyis so/ /de lta bas na
 gzhan du dogs par mi bya bas de'i phyir 'jigs pa bsal du gsol zhes pa yin te/ sngon byas pa'i sdig pa'i 'jigs pa bsal bar mdzod cig pa'o/ /myur ba ni skyen par te/ bdag ni zhes khong nas 'byung ngo/ /de ltar na yang khyod tshig
 las su zhig yid ches par mi 'gyur ba ma yin nam zhes dogs pa la 'dir don bstan par bya ba'i phyir/ tha mal nad ces pa la sogs pa gsungs te/ tha mal ni 'gro bzhin par 'jig pa ste/ yun ring du mi gnas zhes pa'i
 don to/ /yang ni yang ba'o/ /'di de yang yin la nad kyang yin pa ste/ de la 'jigs pa yis sman pa'i dag bzhin bya dgos na ste/ bdag gi nang ni 'phel bar ma gyur cig ces pas sman pa'i ngag las 'da' bar mi bya na nang brgyas thebs bas
 'da' bar mi bya ba lta ci smos te/ yang lta smos ci dgos/ bzhi brgya bzhi yis lhag pa yin zhes pa la/ bzhi yis lhag pa'i bzhi brgya rnams kyis zhes pa'i don to/ /dus ma yin par 'chi ba brgya dang dus su 'chi ba gcig ni brgya rtsa gcig go/
 de dag gsos la yang rlung dang mkhris pa dang bad kan dang de dag 'dus pa las gyur ba ni nang bzhi brgya rtsa bzhir 'gyur ro/ /rgyu tha dad pas 'bras bu tha dad pa yin la/ 'bras bu tha dad pas rgyu tha dad par rnam par gzhag pa yin no/ /de lta na yang
 gang zhig med pa de la ci'i phyir 'jigs par byed ce na/ de gcig gis kyang zhes bya ba la sogs pa gsungs te/ nad kyis 'khrugs pa de gcig gis kyang ngo/ /gang gi phyir 'dzam gling na gnas pa'i mi kun de srog chags rnams so/ /rlag byed pa
 ni 'chi bar byed pa'o/ /gzhan yang gang dag nad rnams kyi sman de rtsi sman gso ba'i don du gang nas kyang mi rnyed na'o/ /'dir yul ka shi'i rgyal po pad+ma'i skyes pa'i rabs? su bstan pa 'di ltar thos te/ 'das pa'i dus na bcom ldan 'das 'di byang
 chub sems dpa' i spyad pa spyod pa na ka shi'i rgyal po pad+ma zhes bya bar gyur te/ de'i tshe 'dzam bu'i gling pa'i mi thams cad la nang chen pos btab par gyur nas 'chi ba na de dag gis 'di ltar bgros te bdag cag gi rje rgyal po 'di mchog tu
 snying rje dang ldan pa slar 'chos par mdzad lags kyis 'di nyid la bdag cag gi sdug bsngal zhi bar bya'o zhes de dag gis de ltar nges par bzung nas 'dug ste/ kye rgyal po chen po rje mcho tu phan par bzhed pa khyed bzhugs bzhin du yang bdag cag 'di 'dra
 pa'i gnas skabs su gyur to zhes rgyal po de la rang gi sdug bsngal bsal bar byas par gyur to/ /rgyal po de yang snying rjes gzhan gyi dbang du gyur pa'i yid kyis de dag gi sdug bsngal ma bzod nas myur du 'di dag gi nad kyi gdung pa la sol ci gces sman pa
 rnams la bka' bsgo'o/ /de dag gis kyang de bzhin bgyi'o zhes slar mnyan nas gso ba'i bstan bcos bltas pa dang nya ro hi? ta'i 'phral gyi sha las skyabs gzhan ma rnyed nas de bzhin du rgyal po la slar gsol to zhes rgya cher ro/ /'di nyid slob dpon la ki
 nas skyes pa'i rabs kyi bstong par yang bstan to/ /zug rngu thams cad 'byin pa yi zhes pa ni lus dang yid las byung de'i zug rngu du ma 'don pa'i 'o/ /bdag nyid smad pa'i gnas yin te/ shin tu dang cing gti mug par gyur pa yin no/ /de ltar
 shes kyang gal te de bzhin gshegs pa'i bka' ltar mi byed pa ni phyir phyogs shing mi bstan pa yin la/ de'i tshe bdag la gti mug mthar thug pa yod pa yin te bdag smad par bya ba yin no zhes pa'i don to/ /ci'i phyir de ltar yin zhe na/ g.yang
 sa? zhes bya ba la sogs pa gsungs te/ g.yangs tha mal chung du ni ril sogs pa'i g.yang sa chung du yin te/ ga gla? rus pa chag pa tsam 'am 'chi ba tsam gyi sdug bsngal du gyur pa yin la/ dpag tshad stong du ltung ba zhes te dpag tshad
 stong phrag du ma'i tshad kyi mnar med pa la sogs pa'i g.yang sa zhes pa'i don to/ /yun ring zhes pa ni gang du bar gyi bskal pa la sogs pas tshe gtugs pa'o/ /de ltar 'chi ba ma mthong ba nyid yin te/ ci'i phyir skabs ma yin pa 
 sngar bas bde par gnas pa 'dor zhes pa'i dogs pa spangs par mi nus so/ /de ring zhes pa la sogs gsungs te/ gdon mi za bar zhes pa ni 'di nges pa'o/ /de lta na'ang 'jigs par yir gis so zhe na/ bdag la
 mi 'jigs zhes pa la sogs pa gsungs pa la/ gang gis na 'jigs par mi 'gyur bar gnas pa ma 'jigs shig ces mi 'jigs pa skyes bu dam pa su yis bdag la byin zhes pa'i don to/ /yang na gal te nges par thar pa'i thabs yod pa de
 ltar na yang 'jigs par mi rigs te/ de yang yod pa ma yin la/ sdug bsngal 'di las ji ltar nges par 'gyur te/ 'gyur pa ma yin no/ /bcom ldan 'das kyis gson pa thams cad 'chi ba'i mthar gtugs par 'gyur ro zhes gsungs so//
 'dis kyang yid bde bar gnas par mi rigs so zhes bstan pa'i phyir/ sngon chang myong ste zhes pa la sogs pa gsungs pa la/ mngon zhen nas zhes pa ni chags nas so/ /bla ma'i zhes pa ni sangs rgyas dang byang chub sems dpa' dang/ dge pa'i
 bshes gnyen rnams kyi 'o/ /de'i phyir 'dir nyid mtshan du 'di yid la bya bar rigs so zhes gson tshe 'di rang zhes pa gsungs pa la/ gson tshe ni sems can gyi 'jig rten yin la/ 'di ni mi la sogs pa rigs mthun pa'i mtshan nyid yin te/ gcig pu
 zhes pa ni grogs med pa'o/ /gshed zhes pa ni nges pa med pa'i gnas so/ /mi dge ba las zhes pa ni mi dge ba'i las las te/ de las zhes pa ni mi dge pa'i las so/ /nga ni las dang 'bras bu nges par byas pas mngon par zhen pa chen po'i sgo
 nas yang ltung ba bshags pa bya'o zhes bstan pa'i phyir/ bdag ni zhes pa la sogs pa gsungs te/ byis pa'i shes? pa ni mi shes pa nyid yin la/ gti mug pas zhes pa ni gti mug gi mun pas so/ /gang cung zad ces pa ni lus dang ngag dang
 yid rnams kyis so/ /rang bzhin kha na ma tho ba ni srog gcod pa la sogs pa mi dag pa bcu'i rang bzhin yin la/ bcas pa'i sdig pa ni sdom pa blangs pa rnams nyid la bcom ldan 'das kyis dus ma yin pa'i zas la sogs pa bcas pa'i rang bzhin no//
 bshags par bgyi zhes pa ni ngag gi rnam par rig byed bslang ba yin la thal sbyar zhes pa ni lus kyi rnam par rig byed do/ /yang dang yang du phyag 'tshal nas zhes pa ni shin tu yang sems skyo bar ston to/ /ltung ba la zhes pa ni dmyal pa la sogs pa
 rnams su 'dis shin tu ltung bar byed pas ni ltung ba'o/ /las mi dge ba yin pa'i phyir nongs pa nyid de nyes pa nyid du'o/ /gzung du gsol te mkhyen pa dang/ gzigs pa dang/ rig par mdzad cig pa'o/ /sgrib pa med pa'i sems kyis bdag gis
 bsal par bya ste/ bdag la 'chab ba yod pa ma yin no zhes pa'i don to/ /yang 'chab par dag pas spang bar 'dod nas phyin chad mi byed pa'i don du sdom pa len par mgon po zhes pa la sogs pa gsungs te/ gang gi tshe 'phags pa dgyes shing gang
 du 'phags pa mnyes pa/ mkhas pas bsngags pa ma yin pas mgon po bzang po ma lags pa ni dman pa ste/ 'phags pa ma yin pa'i las su brjod do/ /de nas bzung ste shes shing mthong bzhin du blo sngon du song bas yang de bdag gis mi? ste
 slan chad kyang mi bgyid par sdom par 'tshal la zhes pa'i don to/ /'di yang phung po gsum pa gdon pa'i skabs su gsal bar 'chad par 'gyur ro/ /byang chub sems dpa' i spyad pa la 'jug pa'i dka' 'grel/ shes rab 'byung gnas blo
 gros kyis byas pa las sdig pa bshags pa'i le'u ste gnyis pa'o// //bam? po bzhi pa/ da ni sdig pa bshags pa'i de ma thag tu bsod nams la rjes su yi rang ba/ sems can kun gyi zhes bya ba la sogs pa gsungs pa la
 dmyal pa la sogs pa'i 'gro par sdug bsngal nyams su myong bas ngal pa rnams legs par byas pa'i rnam par smin pa la brten nas bde ba thob pas dus cung zad cig du ngal bso ba'o/ /dga' bas rjes su yi rang ngo zhes bya ?
 sems rab tu dad pas yang dag par dga' bar bgyi ba ste/ rjes su yi dang ba yang rnam pa gsum ste/ yid dang lus dang ngag gis so/ /de la yid kyis ni sems rab tu dang yang dag par dga' bar byed pa dang/ lus kyis ni ba spu zing zhes byed pa dang/ 'chi
 ma 'byung ba dang/ lus 'dar ba la sogs pa nyams su myong ba dang/ ngag gi yang dag par dga' ba'i sems kyis legs par byas so/ /rab tu byas so/ /bzang po zhig tu byas so zhes de ltar dag tu brjod cing rjes su yi rang bar byed pa'o/ /sdug bsngal
 can dag bder gnas pa zhes bya ba ni de dag gis gang gi don du las de byas pa de yang de dag gis thob par gyur cig snyam du dgongs pa'o/ /'jig rten pa'i las la rjes su yi rang ba byas nas/ 'jig rten las 'das pa la rjes su yi rang ba ni lus can zhes bya
 ba la sogs pa gsungs pa la/ sdug bsngal las nges par thar pa zhes bya ba ni nyan thos kyi byang chub bam/ rang sangs rgyas kyi byang chub bam sems kyang rung ste/ de'i don du bskyed pa de la de skad ces bya'o/ /de'i tshe byang chub gsum la gnas pa de'ang bzung ngo//
 lus can zhes pa ni srog chags so/ /byang chub sems dpa' dang sangs rgyas nyid ces pa la/ byang chub sems dpa' nyid ni bcom ldan 'das kyi rgyu'i gnas skabs so/ /sangs rgyas nyid ni 'bras bu'i gnas skabs yin no/ /skyob pa rnams ni rang gi
 thugs su chud pa'i lam ston pa po rnams kyis so/ /skyob pa nyid gzigs lam gsung pa zhes gang gsungs pa ste/ de gang la yod pa de la de skad ces bya'o/ /yang na skyob pa rtsa? rgyun? gyi don to/ /'khor ba ji srid pa mi gnas pa'i mya ngan las 'das
 par gnas so/ /byang chub sems dpa' rnams kyi bsod nams la rjes su yi rang ba byed pa ni thugs zhes bya ba la sogs pa gsungs te/ thugs bskyed pa skad cig re re la byung ba yang mdza' yas shing gting thug pa med pas rgya mtsho dang 'dra bas rgya mtshor
 de ji lta bur gyur pa zhig yin zhe na/ sems can thams cad bde mdzad pa zhes bya ba ste/ sems can thams cad la bde bar mdzad pa ni ro de la gcig tu zhags pa'i rang bzhin can zhes bya ba'i don to/ /sems can kun la phan mdzad pa zhes bya ba ni
 phan pa mdzad pa po rnams so/ /ston pa zhes pa la ston pa ni bstan pa ste/ sangs rgyas nyid kyi thabs la goms pa yin te/ /de'i don yin pas btags ba'i phyir ro/ /de gang la yod pa de la skad ces bya ste/ ston pa ni byang chub sems dpa' rnams so//
 de skad du/ 'di ni thabs la goms pa nyid/ de'i phyir don ni bstan par 'dod ces bstan to/ /yang na 'di la ston pa'i ngang tshul yod pas ston pa zhes bya ste/ byang chub sems dpa' yang sbyin pa la sogs pa bsdu ba'i dngos po rnams kyis sems can
 rnams bsdus nas yang dag pa'i lam la 'jug par byed pa yin no/ /de dag gi rjes su yi rang ba bstan nas/ bskul ba bstan pa'i phyir phyogs rnams zhes bya ba la sogs pa gsungs pa la/ chos kyi sgron ma sbar du zhes bya ba ni mi shes pas
 bsgrib pa'i sems can lam dang lam ma yin pa yongs su shes pa med pa rnams la chos ston pa po'i bdag nyid kyi snang ba mdzad du gsol cig ces bya ba'o/ /de dag gis bskul ba brjod do/ /gsol pa btab pa bstan pa ni/ rgyal ba mya ngan
 zhes bya pa la sogs pa ste/ bya ba byas pas yongs su mya ngan las 'das par bzhed pa'i thugs mnga' ba rnams la bskal pa mdza' yas par bzhugs par gsol pa 'debs pa'o/ /ljongs par mi 'gyur bar zhes pa ni snga ma bzhin du lam
 mi shes pa dang sems pa med par ma gyur par ro/ /'dis gsol ba gdab par bstan nas/ /nga ni gsol ba gdab pa'i de ma thag tu yongs su bsngo ba ni/ de ltar de dag ces bya ba la sogs pa gsungs te/ de ltar bstan
 pa'i rim pas de dag gun mchod pa dang/ sdig pa bshags pa dang/ bsod nams la rjes su yi rang ba la sogs pa byas te bsgrubs nas/ dge ba legs par byas pa bdag gis bsags pa ste/ thob pa gang yin pa'i dge ba des ni sems can
 thams cad kyi ste sog chags mdza' dag gi'o/ /sdug bsngal thams cad rang zhir ni phongs pa ma lus pa rab tu zhi bar byed nus par gyur cig pa ste shog ni gyur cig pa'o/ /de dag gis spyir yongs su bsngos nas/ yang bye brag tu 'gro ba nang pa zhes bya ba
 la sogs pa gsungs te/ des ni zhes bya ba ci rigs par thams cad du sbyar bar bya'o/ /nad pa zhes pa ni nang kyis gdungs ba'o/ /sman zhes pa ni sman no/ /sman pa ni gso dpyad byed ba'o/ /de'i nad g.yog ni nad pa de'i rim gro byed pa'o/ /nar sos
 gyur gyi bar zhes pa ni ji srid du nang med par gyur gyi bar du'o/ /bkras pa ni ltags pa'o/ /sgom pa ni kha skom pa ste/ de dag gi gnod pa'o/ /de bzhom pa ni bzlog pa'o/ /zas dang skom gyi char phab ste/ bza' ba dang btung ba phun sum tshogs pa'i
 rgyun rnams kyis so/ /mu ge'i bskal pa bar ma'i tshe zhes pa la/ /bskal pa mtshon dang nad dang ni/ /mu ge dag gis tshar phyin byed/ /ces bya ba yin te/ de la skye dgu rnams tshal bcu pa na bar gyi bskal pa mdza' ma la mu ges 'jigs pa'o//
 lo bdun dang/ zla ba bdun dang/ nyi ma bdun 'byung bar 'gyur te/ bskal pa mtshon dang nang dang ni/ /mu ge dag gis tshar phyin byed/ /zhag rnams dang ni zla ba dang/ /lo bdun dag ste go rim bzhin/ /zhes gang bstan pa'o/ /der zas dang skom
 med bas gcig la gcig gis sha dang rus pa za ba nyid zas yin no/ /ba cig gis de yang mi rnyed la? zas med pas 'chi bar 'gyur te/ der zas dang skom du gyur cig pa'o/ /dbul ba zhes bya ba ni nor med pa rnams so/ /mi zad ces bya ba nor gang gis phyogs?
 kyang zad med pa'o/ /yo byad mkho dgu sna tshogs su zhes pa ni mal cha dang/ stan dang/ gnas? dang/ na bza' dang/ rgyan dang/ byug pa la sogs pa gang dad gang sems can rnams 'dod pa de dang de'i lo byang de nye bar mkho ba'i bye brag gi rnam par ro//
 bdag nyid nye bar gnas gyur cig ste/ so sor nye bar gnas par gyur cig pa'o/ /sems can dbul po de rnams kyi mdun du ni sdun du'o/ /yongs su bsgo? pa 'di yang 'phags pa rdo rje rgyal mtshan gyi mdo las rgya cher bstan te/ de las 'di skad du
 des dge ba'i rtsa ba de dag yongs su bsngo pa na 'di ltar yongs su bsngo ste /dge ba'i rtsa ba 'dis bdag sdug bsngal gyi phung po thams cad bzlog pa'i phyir sems can thams cad kyi gnas su gyur cig/ nyon mongs pa thams cad la yongs su dgrol
 ba'i phyir sems can thams cad kyi skyabs par gyur cig/ 'jigs pa thams cad las bsrung ba'i phyir sems can thams cad kyi skyabs su gyur cig /sa thams cad kyi rjes su 'gro ba'i phyir sems can thams cad kyi rten du gyur cig shin tu
 grub pa dang bde ba thob par bya ba'i phyir sems can thams cad kyi dpung gnyen du gyur cig rab rib med pa'i ye shes kun tu bstan pa'i phyir/ sems can thams cad kyi snang par gyur cig/ ma rig pa'i mun pa bzlog pa'i phyir sems can
 thams cad kyi sgron? mar gyur cig ces bya ba la sogs pa rgya cher 'byung ste/ de ltar bstan nas/ /yang 'di skad du/ de yang lhag pa'i bsam pa thag pa nas yongs su bsngo'o/ /tshig tsam gyis ni ma yin no/ /de yang dga' ba'i sems kyis yongs su
 bsngo'o/ /mgu ba'i sems kyis yongs su bsngo'o/ /rab tu dad pa'i sems kyis yongs su bsngo'o/ /rab tu dga' ba'i sems kyis yongs su bsngo'o/ /mnyen pa'i sems kyis yongs su bsngo'o/ /byams pa'i sems dang mdza' ba'i
 sems dang/ phan gdags pa'i sems kyis yongs su bsngo'o zhes rgya cher gsungs so/ /da ni lus la sogs pa yongs su gtong bar byed pa/ lus dang zhes bya ba la sogs pa gsungs te/ 'gro ba thams cad du 'chi 'pho dang/ skye ba dang/ bya ba thams
 cad la bltos pa med par te/ rnam pa thams cad du chags pa med par zhes bya ba'i don to/ /gtang bar bya zhes pa ni dbul bar bya ba ste sbyin par bya zhes pa'i don to/ /longs spyod ces bya ba ni nye bar spyad par bya ba'i dngos po rnams te/ rta dang
 glang po che dang/ shing rta dang/ khang bzang la sogs pa'i gnas dang/ me tog gi phreng ba dang/ tsan dan dang/ gos dang/ rgyan dang/ bu mo la sogs pa'o/ /dus gsum dge ba thams cad kyang zhes bya ba ni khams gsum par bsdus pa'i
 bsod nams dang/ 'di g.yo ba'i rang bzhin thams cad do/ /yang na sbyin pa dang tshul khrims la sogs pa dang/ bsgoms pa las byung ba ste dus gsum du gtogs pa'i ni 'das pa dang ma 'ongs pa dang/ da ltar byung ba'o/ /'o na ma 'ongs
 pa'i rang bzhin yod pa ma yin pa 'di ji ltar gtang du rung zhe na/ bden mod kyi 'on kyang de yod pa'i dus su de la zhen pa bzlog pa'i don du de skad brjod pa dang/ da lta na yang de yongs su btang bas bsam pa rnam par dag pa 'de? la bar bya ba'i don
 du yang yin no/ /de nyid ni bltos pa med pa zhes gsungs pa yin te/ de'i rnam par smin pa la rang gi don du bltos pa med pa'o/ /de ltar na bu'i don du nyams su len par byed ce na/ sems can kun gyi don sgrub phyir zhes gsungs te/
 sems can kun te khams gsum par gnas pa rnams khyi mngon par mtho ba dan nges par legs pa'i mtshan nyid kyi don rdzogs par bya ba'i phyir ro/ /'das pa dang/ ma 'ongs pa'i dge ba btang ba ni/ 'phags pa blo gros mi zad? pa'i mdo las bstan pa/
 dge ba'i sems dang sems las byung ba rnams rjes su dran la rjes su dran nas kyang byang chub tu yongs su bsngo ba 'di ni 'das pa las mkhas pa'o/ /gang ma 'ongs pa'i dge ba'i rtsa ba nges par sems shing ? byang chub la mngon du phyogs pa'i las sems pa ste/
 bdag la dge ba'i sems bskyed pa 'byung ba gang yin pa de dag bla na med pa yang dag par rdzogs pa'i byang chub tu yongs su bsngo ba 'di ni ma 'ongs pa la mkhas pa'o zhes rgya cher gsungs pa dang/ thams cad gtong ba la mos pa yongs su rdzogs te/
 gtong ba'i sems kyi shugs kyis lus kyi sbyor ba des yongs su 'dzin pa thams cad gtong ste/ yongs su 'dzin pa thams cad kyi rtsa ba srid pa'i sdug bsngal las grol ba la grol ba zhes rgya cher gsungs pa gang yin pa'o/ /'o na bdag gi don du/
 yang cung zad bsrung bar rigs pa ma yin nam snyam pa'i ser sna bzlog par byed pa/ thams cad btang bar zhes bya ba la sogs pa gsungs te/ zag pa dang bcas pa'i lus la sogs pa thams cad kyi mya ngan las 'das pa ni thar pa yin la/
 bdag gi sems pa ni don du gnyer ba yin te/ btang bya na zhes bya ba ni gal te mya ngan las 'das pa'i tshe lug la sogs pa thams cad bdag gis nges par btang la 'go bar bya ba yin pa de'i tshe sems can rnams la btang ba mchog
 yin na/ ser sna'i rgyu 'dis bzung la ci zhig bya snyam du dgongs pa'o/ /de lta bas na 'di dag la 'di 'tsham pa yin no zhes bdag gis lus can zhes bya ba la sogs pa gsungs te/ lus can thams cad de/ sems can thams cad/ 
 kyi ched du ji ltar 'dod pa dang mthun par bya ba la bdag gis rang lus sbyar bar bya'o/ /de nyid ston par byed pa ni/ rtag tu zhes bya ba la sogs pa gsungs pa yin te/ dbyug pa la sogs pas brdeg par byed pa 'am/
 bsdags pa ma yin pa brjod pas smod du chug la/ lus kyis kyang gtor du chug ste/ rdul gyis kyang thor cig pa'o/ /bdag gis de la lus byin gyis zhes bya ba ni thams cad kyis thams cad du bdag gis de rnams la yongs su btang ba yin la/
 bdag la bde ba dang sdug bsngal bas kha ngas ci zhig bya/ las rnams kyang ni byed du chug ces bya ba ni kha na ma tho ba med pa dag ste/ de nyid ni bdag la zhes pa la sogs pa gsungs te/ bdag la brten nas nam du yang ste/ 'di'am pha rol tu
 srog chags 'ga' la yang mi 'dod par ma gyur cig ces pa'o/ /gang dag gi khro ba'am gang dag gi dad pa'i sems te/ blo byung ba de dag gi ni ste khro ba 'am dang pa'i blo can rnams kyi'o/ /de nyid ni rgyur gyur cig ste/ khro ba 'am dad pa'i sems de
 nyid do/ /de na kun 'grub pa'i zhes bya ba ni bdag dang gzhan gyi mngon par mtho ba dang/ nges par legs par rdzogs pa'i ched du'o/ /skur 'debs pa zhes bya ba ni log par brtag pa'i nyes pas sun 'byin par 'gyur ba dang/ gzhan
 yang gang dag lus sam yid kyis gnod pa byed par 'gyur ba'o/ /kha zer ba zhes bya ba ni bzhad gang du byed pa'am/ co 'dri bar byed pa'o/ /de bzhin gzhan zhes bya ba ni tha mal pa tsam 'am/ dad pa rnams te/ thams cad sangs rgyas
 nyid thob par gyur cig pa'o/ /mgon med rnams kyi zhes bya ba ni mgon dang bcas par 'dod pa rnams kyi'o/ /lam zhugs rnams kyi ded dpon dang zhes bya ba ni lam du nye bar zhugs pa rnams kyi deng dpon gyi gtso bor ro/ /rgal 'dod rnams
 gyi zhes bya ba ni 'bab chu la sogs pa rnams kyi pha rol gyi 'gram du 'gro bar 'dod pa rnams kyi'o/ /sgron ma zhes bya ba ni mun pa na gnas pa rnams kyi'o/ /gnas mal 'dod pa zhes bya ba ni mal cha 'dod pa rnams la'o/ /bran 'dod pa zhes bya ba
 ni gang dag rim gro'i don du bran dang las byed pa 'dod pa'o/ /yid bzhin nor bu zhes bya ba ni bsams pa'i 'bras bu ster bar byed pa'i rin po che'i khyad par ro/ /bum pa bzang po zhes bya ba ni dngos po gang 'dod pa'i bsam pas der lag pa
 bcug na de dang de thams cad phun sum tshogs par byed pa'o/ /rig sngags grub ces bya ba ni gsang sngags grub pa ste/ gang dang gang las su bya ba de thams cad 'grub pa'o/ /sman chen dang zhes bya ba ni gnod pa dang gzir ba thams cad rab tu zhi
 bar byed pa'i rgyu gcig bu nyid gang yin pa'o/ /dpag bsam gyi ni shing dag dang zhes bya ba ni dpag cing bsam pa'i don grub par byed pa'i shing gi khyad par ro/ /'dod 'jor zhes bya ba ni gang 'dod pa bzhor yod pa'o/ /sa sogs zhes bya ba
 la sa ni nor 'dzin no/ /sogs pa'i sgas chu dang me dang/ rlung gzung ste/ 'byung ba chen po bzhi po dag go /de dag kyang ji ltar mal cha dang stan dang 'bru dang/ sman dang/ me tog dang/ 'bras bu dang/ rtsa ba la sogs pa'i rten nyid dang/
 de bzhin du btung ba dang/ zhugs pa la sogs pa'i rgyu yin pa'i phyir ro/ /de ltar gzhan la yang sbyar bar bya'o/ /nam mkha' mdza' yas par khyab pa'i sems can grangs med pa rnams kyi yongs su spyod pa nye bar gyur pa de bzhin du bdag kyang
 sems can thams cad kyi rnam pa du ma yis nye bar spyod par gyur cig pa'o/ /thams cad mya ngan 'das par da zhes bya ba ni ji srid du thams cad 'khor ba'i sdug bsngal las rnam par ma grol gyi bar du ste/ de lta pas na byang chub don du
 gnyer pa rnams kyi lus la sogs pa nyid dag btang bar bya'o/ /sbyin pa 'di dag kyang bslab pa kun las btus pa las/ shin tu rgya che/ bar bstan te/ de ni 'di ltar de nyid las byang chub sems dpa' i so sor thar pa las
 gsungs pa/ shA ri'i bu gzhan yang byang chub sems dpa' ni chos thams cad la gzhan gyir 'du shes skyed par byed de/ dngos po 'ga' yang mi len to/ /de ci'i phyir na/ nye bar len pa ni dor bya yin no zhes de srad? bstan nas/ yang de nyid las 'di
 skad ces/ shA ri'i bu de bzhin du byang chub sems dpa' rnams ni sems dpa' ? yin te/ rang gi lag pa'i bar du yongs su gtong ba yin/ rkang pa yongs su gtong ba dang/ sna yongs su gtong ba dang/ mgo yongs su gtong ba dang/ yan lag
 dang nyid lag yongs su gtong ba nas/ bdog pa thams cad yongs su gtong ba yin no zhes bstan to/ /de bzhin du sred med kyi bus zhus pa las kyang gsungs te/ dngos po gang la de gtong pa'i sems mi skye ba dang/ gtong ba'i blo mi 'jug pa'i
 dngos po de bsrel bar mi bya'o/ /rigs kyi bu 'on kyang byang chub sems dpa' de ltar sems bskyed par bya ste/ bdag gis lus 'di yang sems can thams cad la byin zhing yongs su btang na/ /phyi rol gyi dngos po rnams lta ci smos kyis zhes pa la
 sogs pa rgya cher 'byung ngo/ /de bzhin du 'phags pa blo gros mi zad pa'i mdo las kyang/ lus 'di bdag gis sems can thams cad kyi bya ba ci yod pa la nges par byas te/ dper na sa'i khams dang/ me'i khams dang/ chu'i khams
 dang/ rlung gi khams dang/ 'byung ba chen po bzhi po 'di dag sgo sna tshogs dang/ rnam grangs sna tshogs dang/ dmigs pa sna tshogs dang/ /yo byang sna tshogs dang/ longs spyong sna tshogs kyis nye bar longs spyod pa dang/ yongs su longs spyod par
 byed pa de bzhin du bdag gis kyang 'byung ba chen po bzhi 'dus pa'i lus 'di sgo sna tshogs dang/ rnam grangs sna tshogs dang/ dmigs pa dang/ yo byang sna tshogs dang/ longs spyod tshogs kyis rgya cher sems can thams cad kyi nye bar 'tsho bar bya'o zhes rgya
 cher bstan te/ rin chen sems de zhes bya ba la sogs pa nas brtsams te/ 'di dag thams cad ni byang chub kyi sems nod pa'i phyir sngon du sbyor ba yin par rig par bya'o/ /de ltar mchod pa la sogs pa la byas la lus la sogs pa sbyin par btang
 ste/ byang chub kyi sems kyi lan yon rdzogs pas dal ba phun sum chogs pa mtshog tu rnyed dka' bar rig nas dad pa'i rtsa pa brtan por nye bar bzhag ste/ sems can skyabs med pa dang/ dpung gnyen med pa rnams la snying rje dang ldan zhing rang gi bde
 pa la bltos pa med par gzhan sdug bsngal bas sdug bsngal ba de dag gdon pa'i bsam pa dang dgongs pa can sangs rgyas nyid kyi thabs 'di dag legs par mthong nas/ /de la go bogs pa/ 'di ltar bdag dang gzhan dag kyang 'jigs pa dang sdug
 bsngal mi 'dod na bdag dang bye brag ci yod kyis/ gang de bsrung la gzhan de mi bsrung snyam ste/ des bdag dang sems can gyi khams rnams kyi/ sdug bsngal mthar 'byin 'dod pa dang/ bde ba'i mthar yang 'gro 'dod pas/ dad pa'i rtsa ba brtan
 byas te/ byang chub la yang blo brtan bya/ snyam du yang dag par rdzogs pa'i byang chub tu sems ba skyed par bya ba'i phyir brtson par byed pa ni/ ji ltar sngon gyi zhes bya ba la sogs pa ste/ bsam pa gang gis sems can thams cad kyi sdug bsngal
 thams cad spang ba'i don duAm/ yang na ji ltar gzung ba de nyid bcom ldan 'das kyis mkhyen pa'o/ /byang chub thugs ni zhes bya ba la/ byang chub ni sangs rgyas nyid yin te/ bag chags dang bcas pa'i sgrib pa thams cad sangs rgyas pa'i phyir/
 chos thams cad rang bzhin med pa nyid thugs su chud pa'o/ /'di yang spros pa dang bcas par shes rab kyi le'ur bshad par bya'o/ /der thugs ni lhag pa'i bsam pas thob par bya ba'i phyir yid la byed pa ste/ sems can thams cad
 la phan pa dang bde ba bsgrub pa'i phyir sangs rgyas su gyur cig ces bya ba'i don to/ /de ltar phyed snga mas byang chub tu sems bskyed pa bstan nas/ bslab pa sdom pa bzung ba bstan pa ni/ byang chub sems dpa' zhes bya ba la sogs pa gsungs te/
 byang chub sems dpa' rnams kyi bslab pa ni byang chub sems dpa' byang chub tu sems bskyed pa gang gis rtag tu bya bar 'os pa ste/ de la zhes bya ba'i don to/ /rim bzhin zhes bya ba ni go rim bzhin du'o/ /gang gi tshe las dang po pas dang
 por bya bar nus pa ni de nyid re zhig bya bar 'os pa ste/ de bas dka' ba ni bya ba ma yin no snyam du dgongs pa'o/ /gnas skabs bar ma la yang de bzhin du shes par bya ste/ snying rje'i bsam pa ma dag bsra/ lus 'di btang bar mi bya ste/
 zhes gang 'chad par 'gyur ba yin no/ /de ltar gzhan la yang blta bar bya'o/ /da ni bdag nyid kyi sdom pa bzung ba brjod pa ni/ de bzhin zhes bya ba la sogs pa la/ de dag gzhi? bzhin du 'am/ de dag bzhin du'o/ /sdom pa gzung ba yang
 byang chub sems dpa' i bslab pa'i gnas la goms pa lhur byed pa sdom pa dang ldan pa'i thad nas nod do/ /de ltar byas dang de bslab pa las 'das na ni shin tu yang khrel yod par 'gyur zhing bla ma la bslus par dogs pa'i 'jigs pa yang skye bas
 de la ni nan tan bya mi dgos par dga' dang gus par 'grub par 'gyur te/ 'di ni sdom pa'i chos kyi spyi'o/ /de bas na byang chub sems dpa' de bzhin gshegs pa'i spyan snga nas bslab pa rnams las bslab pa gang yang rung ba 'grub par
 'dod pa rnams yid dam 'cha' bar byed do/ /de bas na sdom pa gnod par 'dod pa rnams dge ba'i bshes gnyen la gsol ba btab la/ des gsungs pa dang mthun par smra pas shin tu mnyam par bzhag pas brjod par bya'o/ /slob dpon dgongs su gsol
 bdag ming 'di zhes bgyi ba zhes brjod nas/ ji ltar 'phags pa 'jam dpal gyi sangs rgyas kyi zhing gi yon tan bkod pa'i mdo las/ bcom ldan 'das 'phags pa 'jam dpal gyi sngon gyi rtogs pa brjod pa las spyod pa dang ldan pas byang chub tu
 sems bskyed pa de bzhin du bskyed par bya'o/ /des 'di skad ces brjod de/ 'khor ba tha ma med pa yi/ sngon gyi tha ma ji srid pa/ /de srid sems can phan don du/ /spyod pa dpag yas spyad par bgyi/ /'jig rten mgon po'i spyan sngar ni/ /
 rdzogs pa'i byang chub sems bskyed ngo/ /'gro ba thams cad mgron gnyer te/ /dbul zhing phongs las dgrol bar bgyi/ /byang chub nam zhig thob par du/ /gnod sems dang ni tha ba 'am/ /phra dog dang ni ser sna'ang rung/ /de ring phan chad
 mi bgyid do/ /sdig pa'i 'dod pa spangs nas ni/ /tshangs par spyod pa spyad par bgyi/ /tshul khrims sdom dang des pa la/ /sangs rgyas rjes su bslab par bgyi/ /zhes bya ba la sogs pa rgya cher 'byung ngo/ /rnam pa de lta bu'i dge pa'i shes gnyen
 med na/ phyogs bcu na bzhugs pa'i sangs rgyas dang byang chub sems dpa' rnams mngon du bsgoms la sdom pa bzung ste/ sdom pa rang gi nus pa dang sbyar la blang ngo/ /gzhan du na sangs rgyas dang byang chub sems dpa' thams cad dang/ lha dang
 bcas pa'i 'jig rten rnams bslus par 'gyur ro/ /sdom pa 'di ni bud med nyon mongs pa chung du sems byang chub la mos pa rnams la yang skye bar 'gyur te/ byang chub sems dpa' i so sor thang pa las/ shA ri'i bu chos bzhi dang ldan na byang chub
 sems dpa' bden par smra ba yin no zhes bya ba nas brtsams te/ shA ri'i bu 'di la rigs kyi bu 'am rigs kyi bu mo bla na med pa yang dag par rdzogs pa'i byang chub tu sems bskyed nas brtson 'grus brtsams te gnas pa dang/ dge ba'i
 chos yongs su tshol ba'i phyir zhes bya ba nas brtsams te gdams pa thams cad gsungs so/ /byang chub tu sems bskyed pa 'di yang rgyu bzhis skye bar 'gyur ta?/ de ni 'di ltar chos bcu pa'i mdo las bstan pa/ rigs kyi bu 'di la byang chub sems dpa' rigs
 la gnas par gyur pa byang chub tu sems ma bskyed pa na de bzhin gshegs pa'am/ de bzhin gshegs pa'i nyan thos kyi bskul zhing skyo bar byas/ yang dag par 'dzin du bcug ste bla na med pa yang dag par rdzogs pa'i byang chub tu sems bskyed pa 'di ni
 byang chub kyi sems la mos pa'i rgyu dang po'o/ /rdzogs pa'i byang chub bam/ byang chub kyi sems kyi bsngags pa brjod pa thos nas bla na med pa yang dag par rdzogs pa'i byang chub tu sems bskyed pa 'di ni rgyu gnyis pa'o/ /de sems can skyob pa med pa dang/
 skyabs med pa dang/ gling med pa rnams mthong nas snying rje'i sems nye bar bzhag ste/ bla na med pa yang dag par rdzogs pa'i byang chub kyi bar du sems bskyed pa 'di ni rgyu gsum pa'o/ /de bzhin gshegs pa'i sku rnams thams cad yongs su rdzogs pa
 mthong nas dga' ba bskyed de bla na med pa yang dag par rdzogs pa'i byang chub tu sems bskyed pa 'di ni bzhi pa'o zhes so/ /'di dag ni byang chub kyi sems dang sdom pa'i dngos gzhi'i las yin par rig par bya'o/ /de ltar byang chub kyi sems dang
 sdom par stan nas/ mjug bstan par bya ba'i phyir/ de ltar zhes bya ba la sogs pa gsungs pa la/ sbyor ba dang dngos gzhi dang/ mjug gsum dang 'brel bar gzung ba ste/ las yongs su rdzogs pa ni 'bras bu yang nges par 'gyur ro yan lag
 gcig ma tshang bas ni las bzlog pa yin no/ /de ltar zhes bya ba ni bstan pa'i rim pas so/ /gzung nas ni yang dag par blangs nas te bskyed nas zhes bya ba'i don to/ /blo dang ldan pa zhes bya ba ni blo gros dang ldan pa ste/ byang chub sems dpa' zhes bya ba'i
 don to/ /rab dang bas zhes bya ba ni mchog tu dga' ba dang rab tu mgu ba yin te/ gzhan gyi rjes su 'brang ba la sogs pa'am 'dod rgyal gyis ma yin pa'o/ /rgyas par bya ba'i phyir zhes bya ba ni gzhan du gal te gzung nas gus pa zhan pa'am/ yid la
 gcagS par gyur na de'i tshe mi 'phel ba nyid dam/ yongs su zad par 'gyur ro/ /'di ltar ni de bsrung ba dang dag pa dang spel bar 'gyur ro/ /'di ltar zhes bya ba ni 'chad par 'gyur ba'i rim pas gzengs bstod do zhes pa ste spro bar bya'o/ /de nyid bstan pa ni/
 deng du bdag tshe 'bras bu yod ces bya ba la sogs pa gsungs pa yin te/ 'khor ba thogs ma med pa'i tshe rabs brgyud pa dag tu nam du yang 'di 'dra ba zhig thob par ma gyur to snyam du dgongs pa yin no/ /de ring sangs rgyas rigs su skyes zhes bya ba ni gang
 gi tshe byang chub tu sems bskyed pa na'o/ /sangs rgyas sras su gyur to/ /zhes bya ba ni nga rgyal khyad par du 'phags pa yid la byed pas sems dman pa nyid yongs su dor ba'o/ /rang rigs mthun pa'i las zhes bya ba ni sangs rgyas kyi gdung dang 'tsham pa'i las so//
 skyon med ces bya ba ni thogs ma dang bar ma thar yongs su dag pa'o/ /rnyog par mi 'gyur zhes bya ba ni bdag gi nye bar spyad pas sdig pa ci nas kyang mi 'gyur pa'o?/ /'di ltar yang rang gi sems yang dag par gzeng bstod par bya ste/ long bas zhes bya ba
 la sogs pa gsungs pa la/ phong? ba ni mig med pa'o/ /phyag dang? phung po nas ni kham? po che'i nyal nyil spangs nas so/ /'di dag thams cad ni shin tu yang 'phrad par dka' ba'o snyam du dgongs pa'o/ /'dir yang de nyid dpe nyid du de bzhin zhes bya
 ba gsungs te/ de kho na nyid rtogs pa'i mig med pa dag la phyag dar gyi phung po lta bu 'khor ba nas ji zhig ltar sangs rgyas kyis byin gyis brlabs kyi stobs kyi byang chub kyi sems rin po che dang 'dra ba skyes so/ /yang 'di ltar rab tu dga' 
 bar bya ste/ 'gro ba'i zhes bya ba la/ 'jig rten gson po'i 'chi ba drung nas med par bya ba'i don du byang chub kyi sems 'di bcud kyis len yang yin te sman gyi khyad par sna tshogs pa legs par sbyang ba gang zhig cho ga bzhin du bsten na rga shi las grol
 bar 'gyur ro zhes 'jig rten na grags pa'i bcud kyis len bzhin no/ /'di zhes bya ba ni byang chub kyi sems so/ /skyes pa ni byung ba'o/ /yang 'di ltar yang dag par rab tu dga' bar bya ste/ 'gro ba'i nang ces bya ba ste/ 'gro ba rnams kyi nang rnams ni
 na tsha thams cad do/ /mchog ni gtso bo ste/ lus las byung ba dang/ yid las byung pa'i nad thams cad rab tu zhi bar byed pa'i phyir ro/ /'di zhes bya ba ni byang chub kyi sems so/ /srid lam 'byam pa ni skye ba'i srid pa dang/ 'chi ba'i srid pa dang/ /
 srid pa bar mdo'i rang bzhin te/ 'khor ba'i lam na 'phyin pa'o/ /des dub pa ni yongs su ngal ba ste/ ngan 'gro ni sems can dmyal ba dang yi dags dang/ dud 'gro rnams so/ /de rnams dgrol bar byed pa ni 'da' bar byed pa ste/ /de'i rgyu mtshan du 
 spyi ste thun mong gi stegs yin no zhes bya ba 'di ni byang chub kyi sems so/ /bdag la skyes zhes bya ba thams cad du lhag ma'o/ /nyon mongs gdung ba'i tsha ba'o/ /de sel ba'i phyir shar pa ste/ rab tu skyes pa'i sems zhes pa ni byang chub kyi sems so//
 de nyid ni zla ba ste kha ba'i 'od zer can te/ gdung ba thams cad sel bar byed pa'i phyir ro/ /shar ba ni rab tu skyes pa'o/ /yang 'di ltar 'gro ba'i mi shes zhes bya ba ni mi shes pa nyid ni rab yin te/ dngos po 'di kho na nyid 'gegs pa'i phyir ro/ /dpyis
 'byin ni nges par 'byin pa'o/ /nyi ma chen po ni sems can thams cad kyi nang gi rab rib sel bar byed pa'i phyir ro/ /yang 'di ltar dam chos zhes bya ba ni bcom ldan 'das kyis gsung rab po/ /de nyid ni 'o ma lta bu ste/ de bsgrubs pa ni thos ba las byung ba la sogs pa'i
 shes rab kyis skrogs pa ste dkrugs pa'o/ /mar gyi snying bu dang 'dra ba'i byang chub kyi sems byung ba yin te skyes pa yin no/ /rnam pa gzhan yang bde ba'i longs spyod ces bya ba la sogs pa gsungs pa dang/ bde ba'i longs spyod par bya ba la longs spyod par 'dod
 pa'i sems can gyi tshogs kyi bye brag ste/ spyad par 'dod pa la zhes bya ba ni longs spyad par 'dod pa la'o/ /'di zhes bya ba ni byang chub kyi sems te/ bde ba thams cad 'byung ba'i phyir ro/ /'bras bu ma thob pa nyid yin na yang lhag pa'i bsam pa brtan
 pas 'bras bu thob pa bzhin du brjod de/ dper na char pa 'bab pa na 'bras sA lu skyes so zhes zer ba lta bur byang chub tu sems bskyed pa nas phun sum tshogs pa thams cad thob po zhes bya ba yang de bzhin no/ /mgron chen ni 'gron po ste/ de dang de'i 'gro
 bar 'gro ba dang/ 'ong bar byed pa'i phyir ro/ /tshim par byed pa yin zhes bya ba ni bde ba thams cad kyis ngoms par byad pa'i phyir ro/ /da ni byang chub tu sems brtan pa nges par byas pa la sems dang po bskyed pa ni/ bdag gis de ring zhes bya ba
 la sogs pa gsungs pa yin te/ 'gro ba ni sems can 'jig rten no/ /mgon du bos zin pa ni bde bar gshegs pa nyid dang sangs rgyas nyid la'o/ /bar du bde la ni ji srid du sangs rgyas nyid du ma thob pa de srid kyi bar du lha dang mi'i phun sum
 tshogs pa'i bde ba la'o/ /skyob pa thams cad kyi spyan sngar te/ sangs rgyas bcom ldan 'das thams cad kyi mdun du ste/ 'di la bcom ldan 'das rnams kho na dbang? du gyur pa yin no snyam du dgongs pa'o/ /lha dang lha min la sogs pa dga' 
 par gyis shig ces bya ba bdag gi bsam pa 'gro ba thams cad kyi phan pa dang/ /bde ba'i gzhi la zhugs pa 'di la lha dang/ lha ma yin dang/ /gnod sbyin la sogs pa rnams sems rab tu dang bas yi rang bar gyis shig 
 pa'o/ /byang chub sems kyi sbyong pa la 'jug pa'i dka' 'grel/ shes rab 'byung gnas blo gros kyis byas pa las le'u gsum pa'o// //bam po lnga pa/ de ltar mjug rgyas par brjod nas/ sgrub pa snying por
 byed pas byang chub yod kyi/ /de las bzlog pa la ni ma yin no zhes bstan par bya ba'i phyir/ rgyal ba'i zhes bya ba la sogs pa gsungs te/ de ltar bstan ma thag pa'i tshogs byang chub kyi sems rab tu brtan par bzung nas/ byang chub sems
 dpa' bslab pa la nan tan du bya ba ste/ byang chub sems par gyur pas bslab par 'os pa gang yin pa la zhes bya pa'i don to/ /'da' ba ni 'gom pa'o/ /de las bzlog pa ni mi 'da' ba' o/ /de la 'bang pa ni dang du blang pa'o/ /g.yel ba
 med pa ni le lo med pa'o/ /ji skad du 'phags pa ga la go ri las/ byang chub sems dpa' sgrub pa snying por byang pa rnams la byang chub yod kyi sgrub pa snying por byed pa ma yin pa rnams la ni ma yin no zhes gsungs pa lta bu'o/ /'phags pa
 ting nge 'dzin gyi rgyal po las kyang/ gzhon nu khyod kyis de lta bas na sgrub pa snying por byed par 'gyur pa de ltar bslab par bya'o/ /gzhon nu de ci'i phyir zhe na bsgrub pa snying por byed pa la ni bla na med pa yang dag par rdzogs pa'i byang chub rnyed par
 dka' ba ma yin no zhes gsungs so/ /byang chub sems dpa' i bslab pa de yang pha rol tu phyin pa dang/ tshad med pa dang/ bsdu pa'i dngos po la sogs pa'i dbye bas blo gros mi zad pa dang/ dkon mchog sprin la sogs pa'i mdo rnams las
 rgya cher bslab par bya'o/ /de bzhin du 'jig rten pa'i bslab pa la sogs pa la gnas pa rnams kyi bar la yang byang chub sems dpas bslab par bya na/ 'jig rten las 'das pa'i bsam gtan la sogs pa rnams la lta ci smos/ gzhan du na ji ltar rnam pa/
 thams cad du sems can gyi don bya bar nus par 'gyur mdor na byang chub sems dpa' i thabs dang shes rab kyi ngo bo grub pa 'di yang shes rab tsam yang ma yin la/ /thabs tsam yang ma yin no/ /de la shes rab kyi pha rol tu phyin pa ma gtogs pa'i sbyin pa
 la sogs pha rol tu phyin pa dang/ /bsdu ba'i dngos po la sogs pa 'di dag thams cad ni zhing yongs su dag pa dang/ /longs spyod chen po dang/ 'khor che ba dang/ yang dag par sems can yongs su smin pa dang/ sprul pa la sogs pa mngon par mtho
 ba'i chos thams cad sdus par byed pa'i dge ba'i rtsa ba zhes brjod do/ /shes rab ni thabs de nyid phyin ci ma log pa'i rang bzhin du yongs su gcod pa'i rgyu yin no/ /don 'di yang rgyas par ni ka ma la shi la'i bsgom pa'i rim par blta bar bya'o/ /le'u
 'dis kyang de bsrung ba dang dag pa dang sbel ba rnams sam/ /yang na de bsrung ba 'ba' zhig bstan pa yin no/ /thog ma nyid du yang byang chub sems dpa' i sdom pa la bdag nyid kyang nus pa yod dam med shes par byas la sdom pa gnod do/ /de nas
 sdom pa mnos pa'i byang chub sems dpa' 'di ltar bsam par bya'o zhes bab col zhes bya ba la sogs pa gsungs te/ /bab col zhes bya ba ni bab bab tu'o/ /brtsams pa gang yin pa ni legs par brtag pa'ang ma yin pa ste/ de la ni khas blangs
 du zin kyang bya ba'am btang zhes res kyi 'dra ba la brten nas de ltar brtag par rigs na/ /'di ni de ltar ma yin no zhes sangs rgyas rnams dang zhes bya ba la sogs pa gsungs te/ sangs rgyas kyi zhes bya ba ni lag bzangs kyis zhus pa la
 sogs pa'i mdo de dang de rnams las bsngags pa'i phyir ro/ /de'i sras shes rab chen pos zhes bya ba ni/ 'phags pa mgon po byams pa la sogs pa'i byang chub sems dpa' rnams kyis 'phags pa sdong po bkod pa la sogs
 pa'i mdo rnams las so/ /bdag nyid kyis kyang nus pa bzhin zhes bya ba ni rang gi shes rab kyi nus pa dang mthun par brtags pa'o/ /de la bshol du ci zhig yod de ci ste bshol bar byed ces bya ba 'am/ gang la the tshom du gyur pa'i lhag ma ci zhig
 yod/ de bas na ji ltar dam bcas pa bzhin du legs par brtsams pa nyid rigs pa yin no/ /gzhan du na 'dir sangs rgyas dang/ /byang chub sems dpa' thams cad dang/ lha dang bcas pa'i 'jig rten bslus par yang 'gyur ro/ /gal
 te de ltar zhes bya ba la sogs pa la/ de ltar dam bcas nas zhes bya ba ni ma rgal ba bsgral bar bya ba dang/ ma grol pa dgro la bar bya ba dang/ /dbugs ma phyung ba dbugs dbyung bar bya ba dang/ yongs su mya ngan laS ma 'das pa yongs su mya
 ngan las bzla bar bya ba'i phyir dbugs dbyung nas las kyis bsgrub par ma byas na te/ gal te las kyi bya ba yis 'di rdzogs par ma byas na 'dis lha dang mi la sogs pa'i sems can de dag thams cad bslus shing bring na bdag gis 'gro
 ba ci 'drar 'gyur te/ sems can dmyal ba la sogs pa'i 'gro ba las gzhan gyi 'gro ba med do snyam du dgongs pa'o/ /don 'di yang 'phags pa blo gros rgya mtsho'i mdo las bstan pa/ blo gros rgya mtsho 'di lta ste dper na rgyal po 'am
 rgyal po'i blon po chen pos grong khyer gyi skye bo thams cad la sang zan sbyin no zhes mgron du bos la bza' ba dang btung pa ma sbyar na des skye po'i tshogs de thams cad bslus pa yin te/ de la de dag kyang bza' ba dang btung pa'i zas ma thob bas
 'phya zhing slar 'dod ba de bzhin du blo gros rgya mtsho byang chub sems dpa' gang ma rgal pa bsgral ba dang/ ma grol ba dgrol ba dang/ dbugs ma byin pa dbugs dbyung ba dang/ yongs su mya ngan las ? 'das pa yongs su mya ngan bzla ba'i phyir sems
 can thaMs cad dbyugs dbyung la mang du thos pa dang/ de las gzhan dge ba byang chub kyi phyogs kyi chos rnams kyi bar la yang brtson par mi byed na/ byang chub sems dpa' de ni lha dang bcas pa'i 'jig rten bslu ba yin no/ /de lta bu de la de sngon sangs rgyas
 mthong ba'i lha rnams kyis mthong nas 'phya zhing gzhog 'phya byed la rnam par smod de/ gang dag mchod sbyin chen po bya bar dam bcas pa nyam 'og tu chud par byed pa'i mchod sbyin gyi bdag po de dag ni dkon no/ /blo gros rgya mtsho de lta bas na tshig
 gis lha dang mi dang lha ma yin du bcas pa'i 'jig rten bslu bar byed pa'i tshig de lta bu byang chub sems dpa' smra par mi bya'o zhes 'byung ngo/ /dam bcas pa shin tu chung ba las 'da' na yang 'bras bu ltung ba lci bar 'gyur ba yin no zhes/ dngos po phal?
 pa zhes bya ba la sogs pa gsungs te/ zan? la sogs pa'i ngo bo'i dngos po cung zad tsam ste nyung zad la yang 'di sbyin par bya'o snyam du sems kyi rnam par bsams te/ yang slar de sbyin pa la sogs pa las ldog bar byed pa de yang 'jig rten pha rol tu
 yi dags 'gyur gsungs na zhes bya ba ni lung nas brjod pa'o/ /de bzhin du tshig tu dam bcas nas sbyin par mi byed pa sems can dmyal bar 'gro bar gsungs so/ /bla na med pa ni gang las bla ma ste gong na med pa de ni bla na med pa'o/ /bde ba ni
 mngon par mtho ba dang nges par legs pa'i mtshan nyid thun mong ma yin pa'o/ /skad gsang mthon po ni rtsom pa chen pos sangs rgyas dang byang chub sems dpa' dang/ lha dang bcas pa'i 'jig rten mdun du bdag gis de ring skyob pa thams cad kyi
 zhes bya ba la sogs pa dang/ bdag gis ma rgal ba bsgral bar bgyi'o zhes bya ba la sogs pa skad ched byas nas so/ /bsam ba thag pas ni gus pa chen pos so/ /don de ma grub na bdag gi 'gro ba ci 'drar 'gyur/
 de dag kyang dam pa'i chos dran pa nye bar gzhag pa'i mdo las/ cung zad tsam zhig bsam pa las ma byin na yi dags kyi 'gro bar skye la/ /dam bcas pa las ma byin na sems can dmyal ba'i 'gro bar 'gyur ro zhes bstan na 'gro ba ma lus pa'i don
 bla na med pa dam bcas nas sgrub bar mi byed pa lta ci smos so/ /de bas na chos yang dag par bsdud pa'i mdo las kyang/ rigs kyi bu byang chub sems dpa' bden pa lhur byed bar 'gyur bar bya ste/ rigs kyi bu bden pa yang dag bar brjod pa ni/
 chos yang dag par brjod pa'o/ /rigs kyi bu de la bden pa gang zhe na gang byang chub sems dpa' bla na med pa yang dag par rdzogs pa'i byang chub tu sems bskyed nas sems de srog gi phyir yang mi gtong zhing/ /sems can rnams la yang
 log par mi byed pa 'di ni byang chub sems dpe'i bden pa'o/ /gang byang chub sems dpa' bla na med pa yang dag par rdzogs pa'i byang chub tu sems bskyed la sems te/ phyis yongs su gtong zhing sems can rnams la'ang log par byed
 ba 'di ni byang chub sems dpa' i rdzun? du smra ba tha ma yin no zhes gsungs so/ /de ltar gyur na 'phags ba shA ri'i bu sngon gyi tshe rabs su byang chub tu sems bskyed nas yang dag par rdzogs pa'i byang chub don du gnyer bas tshogs rnams
 la 'jug par byas shing sangs rgyas stong phrag bcu la bsnyan pa kur? byas nas/ de nas bdud kyi tho brtsams pas byang chub kyi sems btang ngo zhes thos te/ /de ltar na'ang nyan thos kyi byang chub thob nas sems can gyi don sgrub bar
 nus par 'gyur ba 'di ji ltar drang zhe na/ gang zhig ces bya ba la sogs pa gsungs te/ rnam pa thams cad du dngos po thams cad kyi de kho na nyid mkhyen pa'i sangs rgyas bcom ldan 'das kho nas mkhyen gyis las tshul bsam gyis mi khyab ste/ las kyi tshul sna
 tshogs pa'i rang bzhin yin pa'i phyir don 'di tshul rol mthong ba'i spyod yul ma yin no/ /gang sangs rgyas dang byang chub sems dpa' mngon du byas te blangs pa'i byang chub kyi sems btang ba sngar dam bcas pa'i yul du bya ba'i sems can de rnams 'khor ba'i sdug
 bsngal las thar bar byed pa nyid yin no/ /'di la rigs pa ni 'di snang ste/ 'phags pa shA ri'i bus thar ba'i sems rnam pa thams cad du yongs su btang ba ni ma yin te/ rdzogs pa'i byang chub kyi sems btang na'ang nyan thos kyi byang chub thob pa'i phyir ro/ /de'i
 phyir nus pa de la brten nas skal ba ji lta ba bzhin du sems can rnams sgrol bar 'gyur ba yin te nyes pa med do/ /zhang la 'ongs pa dor nas skabs la sbyar ba/ /des na byang chub sems dpa' zhes bya ba la sogs pa gsungs pa la/ nges na ste gang
 gi phyir sems can thams cad kyi don du khas blangs pa des na rgyu de'i phyir na'o/ /yang ci'i phyir de ltar yin zhe na/ /gang phyir zhes bya ba la sogs pa gsungs te/ gang gi phyir byang chub sems dpa' 'di la ltung ba dang bcas par gyur na/ sems
 can thams cad kyi don la dman par 'gyur ro/ /gal te yang 'di la gang zag gzhan gyi byed pas sems can gyi don la dman bar gyur pa de'i tshe gzhan de nyid kyi ltung ba yang lci bar gyur pa yin no zhes gang gzhan zhes bya ba la sogs pa gsungs te/ 
 gzhan zhes bya ba ni byang chub sems dpa' las gzhan pa'o/ /skad cig kyang zhes bya ba la mig btsums pa'i bar dang/ yud tsam pa dang/ chu tshod? phyed dang/ thun phyed la sogs pa'i dus lta re zhig zhog skad cig gcig tsam gyi bar du yang ste/
 bsod nams kyi gegs byed pa de'i ngan 'gro'i grang bgrad bar mi nus so/ /ci'i phyir zhe na/ sems can don ni bcom 'gyur pas zhe bya ba ste/ byang chub sems dpa' i dge ba rnam par 'joms par byed pa nges kyang sems can ma
 lus pa'i don nyams par byed par 'gyur ro/ /ji ltar na 'di'i ngan 'gro la mu mdza' med pa yin zhe na/ 'di'i 'thad pa/ sems can gcig gi zhes bya ba la sogs pa gsungs te/ phan pa zhes bya ba ni nye bar mtshon pa ste/ bde ba la yang blta bar
 bya'o/ /nyams gyur na ste/ bde 'gro nyams par byed pa'i phyir ro/ /don 'di yang dag tu zhi ba rnam par gdon mi za ba'i cho 'phrul gyi mdo las bstan te/ /'jam dpal rigs kyi buAm rigs kyi bu mo gang la la zhig dzam bu'i gling pa'i sems can thams
 cad srog dang phal zhing bdog pa thams cad phral la/ 'jam dpal rigs kyi bu 'am rigs kyi bu mo gang gzhan dag gis byang chub sems dpa' i dge ba'i sems kyi bar chad byed de/ tha na dud 'gro'i skye gnas su skyes pa la kham gcig tsam ster ba
 las byung ba'i dge ba'i bar du gcod na de ni du bas ches grangs med pa'i sdig pa bskyed do/ /de ci'i phyir zhe na/ des sangs rgyas 'byung bskyed par byed pa'i dge ba'i rtsa ba rnams kyi bar chad byed bar gnas bar gyur pa'i phyir ro zhes gang gsungs pa'o//
 de lta zhes bya ba ni sngar brjod pa'i rim pas yin te/ rang gi byed pas ltung ba dang bcas par gyur pa dang/ byang chub kyi sems rab tu brtan par mnos pa'i phyir rgyab tu drangs shing slar yang mdun du khrid par byas pa de ltar res kyis 'dre bar byed
 pas so thob pa ste/ rab tu dga' ba la sogs pa'i sa thob pa la yun ring thogs shing dus ring po 'khor bar yongs su skye bar 'gyur ro/ /de bas na ji ltar rigs shen/ de ltar zhes bya ba la sogs pa gsungs te/ ji ltar dam bcas ni
 sems can thams cad gdon par bya ba'i phyir khas blangs pa'o/ /bsgrub par bya ba ni rdzogs par bya'o/ /bdag gis brtson par ni dang du blang ba'o/ /de nas zhes bya ba ni phyi nas bya'o snyam du yid la'ang mi bya'o/ /'og nas 'og tu 'gro bar 'gyur zhes bya ba
 ni don 'gror brgyud nas 'og tu 'gro ba'i phyir ro/ /de ltar yin du zin kyang de bzhin gshegs pa 'ga' zhig bar phrad pa la brten nas nyes pa thams cad spong ba'i phyir ngan 'gro'i dogs ba ga la yod zhe na/ 'dir sems can phan pa zhes bya ba la sogs
 pa gsungs te/ grangs med pa ni 'khor ba thog ma med pa bzhin du sangs rgyas 'byung ba la thog ma med pa'i phyir ro/ /sems can thams cad tshol mdzad pa ni 'gro ba ma lus pa la phan mdzad pa dang bde bar sbyar ba'i phyir rgyun tu gzigs pa'o/ /
 de lta mod kyi/ rang gi nyes pas te bdag nyid kyi nyes bar spyad pas de bzhin gshegs pa de dag gi gso ba'i spyod yul du bdag ma gyur te/ gso bar mi rung ba'i nad kyis btab pa'i nad pa bzhin du sman pa chen po yis kyang gso ba'i skal ba med par
 gyur pa yin no/ /gang zhig nam du yang 'byung ba de ni 'byung bar mi 'gyur ro zhes bya ba 'di la rgyu ci zhig yod ce na/ da dung zhes bya ba la sogs pa gsungs te/ de bzhin zhes bya ba ni bslab pa'i sdom pa stong pa ste mi dge ba las mi ldog pa'o/ /
 bcas dang ci rkang lag dang rna ba dang sna la sogs pa'o/ /gshegs pa'i de dag nyid la mdung thung dang/ gsal shing dang mda' la sogs pas rnams kyis so/ /sogs pa'i sgras ni gsod pa dang/ 'ching ba dang brdeg pa la sogs gzung ngo/ /gzhan
 yang 'di 'dra'i 'du 'phrod ni shin tu dkon zhes pa yin pas de'i phyir der nas brtson bar bya'o zhes bstan pa'i phyir/ de bzhin gshegs pa zhes bya ba la sogs pa gsungs te/ de bzhin gshegs pa 'byung ba zhes bya ba ni sangs rgyas 'byung ba
 ni brgyal res 'ga' srid ba tsam yin pa'i phyir ro/ /dad pa zhes bya ba ni 'jig rten pa dang 'jig rten las 'das pa'i don dad pas sdud par byed pa'i phyir ro/ /mi zhes bya ba ni mi khom pa sbrangs ba'i mi'i dngos po'o/ /dge ba
 goms rung ba zhes bya ba ni dbang po mtshang ba med pa la nyams bde ba'o/ /de dag thams cad ni shin tu dkon pa ste/ bya bas bar rnyed pa ma yin na/ gang nam zhig thob par 'gyur te/ dus gang gi tshe ba thob par 'gyur ro/ /'di ltar yang myur ba kho
 nar 'dir byas nyid du rigs pa/ nang med ces bya ba la sogs pa gsungs te/ nad las rnam par grol ba'i dus so/ /zas bcas zhes bya ba ni zas med pa ma yin pa'o/ /'tshe ba med pa ni chom rkun dang/ sprul dang/ gcan gzan dang/
 sha sprang dang/ sbrang bu mchu rings dang/ sdig pa la sogs pa'i 'tshe ba dang bral ba'o/ /lus dang srog la yid ches pa dang med pa yin par bstan pa'i phyir/ tshe ni skad cig bslu ba ste / glo bur du thog chen po 'bab pa ltar skad cig nyid
 la bslu bar byed pa'o/ /lus 'di thar cig brnyan po bzhin bdag nyid kyi dbang du ma gyur pa'i phyir pha rol phyir gyi brnyan pa'i rgyun dang 'dra ba ste/ glo bur du 'chi bdag gis phral nas 'khyer ba'o/ /mi lus 'thob pa'i nges pa yang med pa yin par bstan
 pa'i phyir/ bdag gi spyad pa 'di 'bras ni zhes bya ba la sogs pa gsungs te/ bdag gi spyod pa mi dge ba byed pa rnams kyis te/ slar yang zhes bya ba ni tshe rabs gzhan du ste/ de'i tshe ngan 'gro nyid do/ /ngan 'gro lhung na yang sdig pa 'ba' 
 zhig sogs pa'o/ /ngan 'gro la dge ba spyad pa'i skal pa yod pa ma yin no zhes/ gal te zhes bya ba la sogs pa gsungs te/ dge ba'i nus pa la yod kyang ngo/ /ngan song sdug bsngal gyis zhes bya ba ni sems can dmyal ba la sogs pa'i
 gnod pas kun nas non pas kun nas brgyal ba'am/ phan pa dang mi phan pa'i yongs su shes pa med pas? bya ba thams cad la las su rung ba med pa'o/ /de spyang che ni sems can dmyal ba la sogs pa'i sdug bsngal nyams su myong ba'i skabs su'o//
 dge ba zhes bya ba ni spyod par ma gyur la/ mtho ris ni bdag las 'byung bar shog cig snyam pa de lta ma yin no zhes/ dge ba dag kyang zhes bya ba la sogs pa gsungs te/ dge ba ma byed par sdig pa bsags pa la'o/ /bde 'gro'i sgra yang
 thos mi 'gyur zhes bya ba ni bde 'gro'i grags pa tsam yang spangs pa'o/ /bde 'gro'i rgyu ni dge ba nyid yin na/ /de med par bde 'gro ga las 'byung snyam du dgongs pa yin no/ /bskal pa bye ba brgyar pad ni zhes bya ba ni ngan song gcig
 nas ngan song gzhan du 'gro ba'i phyir ro/ /de nyid lung las kyang bstan to zhes de nyid phyir na zhes bya ba la sogs pa gsungs te/ mi nyid ces bya ba ni mi khom pa brgyad rnam par spangs pa'i mi'i lus so/ /'dir dper brjod pa bstan
 pa ni/ rgya mtsho cher g.yengs zhes bya ba la sogs pa yin te/ dper na yongs su brtag pa nye bar gzung ba ste/ dzam bu'i gling thams cad rgya mtsho chen po'i chu gcig gi gzhir gyur la/ der yang gnya' shing bu ga gcig pa yongs su
 'phyo ba la shar nas rlung gis nub kyi 'gram du khyer zhing/ de bzhin du lho nas byang dang/ byang nas lho'i 'gram du ste/ rgya mtsho der rus sbal zhar ba gcig gnas shing/ de yang lo brgya 'das pa dang mgrin pa bstegs nas lta'o/
 ji ltar 'ga' zhig tu 'di 'dra ba'i tshogs pa yod par gyur pa ste/ shing gang yin pa mig zhar ba de'i phyogs su song bar gyur pa dang/ de la mi lta na yang de'i mgrin pa bu ga der chud pa bzhin du mi'i lus thob pa yang dpe de bzhin no/
 yang ci'i phyir de lta bu yin zhe na/ skad cig gcig ces bya ba la sogs pa gsungs te/ gang yang sbyor ba'i skad cig ma mang mod kyi/ de lta na yang dngos po bzhi mtshams med pa ni skad cig ma gcig nyid la 'grub par
 'gyur te/ de ltar gzhan la yang blta bar bya'o/ /yang na shin tu myur bar byed pa'i phyir skad cig ma mang po nyid la skad cig ma gcig ces brjod de/ dper na mig btsums pa du ma'i bya ba la yang myur bar bstan bya ba'i don du mig
 btsums pa tsam gyis byed do zhes brjod pa lta bu'o/ /bskal par gnas gyur na zhes bya ba ni bar gyi bskal pa gcig ste/ mnar med pa bar gyi bskal bar brjod do zhes bstan pa'i phyir ro/ /'khor ba thog ma dang tha ma med par
 yang thog med dus nas byas shing bsags pas te/ byas tsam dang bsags pa tsam gyi sdig pa yis so/ /bde 'gror mi 'gro smos ci dgos te/ bde 'gro'i grags pa tsam yang med do zhes bya ba'i don te/ 'bras bu nyams su
 myong zin pa'i las ni ldog pa med cing/ 'bras bu nyams su myong bzhin pa yang rnam par smin pa yongs su mdzad na/ de ji ltar na de ltar 'gyur ba yin zhe na/ de tsam kho na zhes bya ba la sogs pa gsungs te/ las kyi 'bras bu
 myong ba tsam kho na myong gyur nas te/ nyams su myong nas so/ /de ni zhes bya ba byed pa pos te/ las des bskyed pa'i sdug bsngal las rnam par grol bar mi 'gyur ba'o/ /gang gis na ci'i phyir de dag mi rigs pa yin zhe na/ /gang
 gi phyir nges byas shing bsags pa'i sdig pa'i las kyi 'bras bu myong bar byed pa'i sdig pa gzhan stsogs par byed do/ /de nyid kyi phyir/ rgya mtsho cher g.yengs gnya' shing gi bu gar zhes bya ba la sogs pa'i dper brjod pa rigs pa yin no/
 yang de bzhin du dal ba phun sum tshogs pa yang shin tu dkon par rig nas gal te dge ba'i phyogs 'phel bar bya ba'i phyir brtson par mi byed na rmongs pa las gzhan 'dir rgyu ci zhig yod snyam du bdag nyid skyo ba bskyed nas 'di 'dra'i zhes bya
 ba la sogs pa gsungs te/ bdag nyid kyang bdag nyid la bslu ba dge ba'i nor nyams par byed pa 'di las bslus pa chen po gzhan med do/ /gti mug kyang 'di las che zhing mchog tu gyur ba 'byung ba med do/ /gang zhig dge ba'i
 chos kyi nor lag na gnas pa mthong bzhin du 'phrog pa yin no/ /de nyid bstan pa ni 'di 'dra'i zhes bya ba la sogs pa yin te/ 'di ltar mi dge ba'i phyogs stobs che ba dang/ dal ba phun sum tshogs pa mchog tu dkon pa dang/
 gti mug ni shin tu nus pa dang ldan par rig nas ji skad du bstan pa'i bslab pa sgrub pa'i phyir dang/ rang gi sems bstan par bya ba'i phyir/ gal te bdag gis bya ba la sogs pa'i tshigs su bcad pa rnams kyi bdag nyid kyi tshul 'di
 brtags nas brtson 'grus bskyed pa ni/ de ltar zhes bya ba la sogs pa gsungs te/ de dag brtan par spyad par bya'o/ /phyir yang sgyid lug na ni le lor gyur pa ste/ dge ba'i las rnams la spro bar med pa 'am/ yid bsang par
 gyur na'o/ /ci zhig gis zhe na/ rmongs pa ste/ gal te rmongs pa'i dbang du gyur nas so/ /de'i tshe mya ngan ldang bar 'gyur te/ mya ngan 'byung bar 'gyur ba'o/ /sems can dmyal ba la sogs pa'i 'gro bar yun ring du ni dus ring por te
 phyir zhing ni ji ltar snga ma bslab pas mya ngan dang ldan pa bzhin du slar yang ngo/ /gshin rje'i pho nyas ni sems can dmyal ba'i bsrungs ma bsdigs pa dang brdeg pa la sogs pa'i las byed pa rnams kyis te/ ci'i phyir khyod kyis
 sngar 'di lta bu byas ces brjod cing sngar byas pa'i las rjes su dran pas sam/ de bzhin du brdeg pa la sogs pa sngon du 'gro bas song zhig sdong cig ces bskul bas na'o/ /bag med pa'i 'bras bu gzhan yang yod do zhes bstan
 pa ni/ dmyal me zhes bya ba la sogs pa yin te/ sems can dmyal ba'i me de ni sems can dmyal ba rnams bsregs pa'i phyir rab tu sbar ba yin pas dmyal ba pa'i 'o/ /bzod dka' ni shin tu sdug bsngal bas brten bar nus pa'o//
 bdag gis de ltar ci ste bya snyam nas phyis gdung bde nyid me dang 'dra ba ste/ sems bsreg par byed pa'i phyir ro/ /ma bslabs zhes bya ba ni bslab pa med pa ste ma bsdams pa zhes bya ba'i don to/ yang bdag nyid kyis brtags pa/
 shin tu zhes bya ba la sogs pa gsungs pa la/ phan pa'i sa ni phan pa dang bde ba'i don dang dal ba phun sum tshogs pa dang/ dge ba'i bshes gnyen dang phrad pa shin tu rnyed dka' ba ni bstan zin to/ /shes dang yang ldan pa bzhin
 ste/ /dpyad pa yang 'byung bzhin du der slar yang khrir nas so/ /gal te shes pa yod na ji ltar na khrid ce na/ sngags kyis zhes bya ba la sogs pa gsungs pa yin te/ don 'di la bdag gi sems kyis 'phrigs pa med pa'o/ /ci'i phyir
 de ltar 'gyur 'dir rigs pa ni ci yod de dag tu yang ji ltar 'gyur zhe na/ 'dir sngags kyis rmongs par byas pa bzhin zhes gsungs te/ sngags kyang gang gis rmongs par byas zhe na/ cis rmongs bdag gis kyang mi shes te zhes so//
 khyod kyi khong na gnas pa 'ga' zhig par gyur ro zhe na/ bdag gi khong na ci zhig yod ce'o/ /nyon mongs pa'i dgra nyid dag yod pa ma yin nam zhe na/ 'dir zhe sdang zhes bya ba la sogs pa gsungs te/ sogs pa'i sgras na mgo bo
 la sogs pa med par brjod de/ 'dis ni de dag dbang po thams cad kyis stong par bstan to/ /zhe sngar ni khong khro ba'o/ /sred pa ni yang srid la mngon par dga' ba dang dga' ba'i 'dod chags kyi mod la skyes pa'o/ /sogs pa'i sgras nga rgyal la
 sogs pa phra rgyas bcu bzung bar bya ste/ srid pa'i rtsa ba phra rgyas drug /'dod chags khong khro de bzhin du/ /nga rgyal dang ni ma rig pa/ /lta ba the tshom de dag bcu zhes gang gsungs pa'o/ /lta ba rnam lngar phye pas bcur 'gyur te/ 'di lta ste/
 'jig tshogs la lta ba dang/ log par lta ba dang/ /mthar 'dzin par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /de dag zhi lam dang khams bde ba'i rab tu dbye bas dgu bcu rtsa brgyad du
 'gyur ro/ /yang byang chub sems dpa' i ni brgya nyi shur 'gyur ba yin no/ /dpa' ba ste dpa' brtul dang mi ldan pa'o/ /mdzangs min te yid gzhungs pa dang ldan pa ma yin pa'o/ /de lta bur gyur pa'i yan lag thams cad ma tshang ba rnams kyis
 kyang ji zhig ltar de dag gis bdag bran bzhin byas so snyam du rang nyid la rnam par dpyod par byed pa yin no/ /'di ni shin tu yang ngo mtshar che ba yin no zhes/ bdag gi sems la zhes bya ba la sogs pa gsungs te/ bdag gi sems nyid la
 brten bcas nas bdag nyid la gnod pa byed pa ste/ dga' mgur zhes bya ba ni 'jigs pa med par sems pa'ang med pa'o/ /bsten pa rnams ni de mi rigs so/ /de la'ang ni de ltar na dran yang te/ mi rigs pa'i tshul can de dag la
 'di bdag mi khre'o zhes tshigs zur gyis ston pa yin no/ /byang chub tu sems bskyed pas ni gzhan gnod pa byed pa la ji mi snyam pa rigs pa nyid ma yin nam zhe na/ 'dir gnas min zhes gsungs te/ yul 'di lta bu la bzod
 pa'i ngang tshul can ni smad pa yin no/ /ci'i phyir de ltar de dag khyod mi bzod ce na/ gal te zhes bya ba la sogs pa gsungs te/ de dag gis ji ltar dmyal ba la sogs pa'i sdug bsngal skyed par byed pa de ltar dag gzhan
 dag gi khrid cing spyad par mi nus shing mi lcogs so/ /mnar med pa'i me ci 'dra ba zhig ce na/ ri rab kyang zhes bya ba la sogs pa gsungs pa yin te/ ri rab byang zhes bya ba ni gzhan ngan don ltar re zhig zhog /ri'i rgyal po dang me phrad na yod
 thal ba yang mi mngon par byed de/ me drag po'i 'bar ba chen pos sreg bar byed pa'i phyir ro/ /der bdag skad cig gcig la 'dor te 'di 'dra ba'i med do/ /mtshams med pa'i las kyi rgyu rnams ni stobs can nus pa dang ldan pa ste/
 gnyen pos kun nas blong ba med pa'i phyir ro/ /'o na khyod de dag la ni de ltar 'khon du 'dzin pa dam por byed la dgra gzhan dag la ni ma yin pa ji lta bu yin zhe na/ bdag gi zhes bya ba la sogs pa gsungs pa yin te/ thog mdza' med pa
 zhes bya ba ni sngon dang phyi ma'i dus te/ 'khor ba mthar thug pa ma yin pa'i phyir ro/ /gzhan dag la ni nyi ma so sor des par gnas pa yin pa'i phyir ro/ /dgra gzhan kun ni lha dang mi la sogs pa'o/ /'o na de dang mthun par sbyad na dbang du
 'gyur ba dang phan pa dang bde ba bsgrub par byed par 'gyur ba ma yin nam zhe na/ 'dir mthun par zhes bya ba la sogs pa gsungs te/ nyon mongs pa 'di dag ni de bzhin du rjes su 'brangs na mi phan ba byed pa yin pa'i phyir sems can dmyal
 ba la sogs pa'i sdug bsngal shin tu bskyed pa yin te rang bzhin mi srun pa'i phyir nan tan gyis gzhom par bya ba nyid yin no/ /de bas na nges par 'di dag nyid bdag gis bya bar 'os pa yin no zhes gsungs pa/ de ltar zhes te de bzhin du
 rgyun chags shing bar med par te/ dus thog mdza' med par nye bar gnas pa'i phyir dang/ nye bar 'joms? par byed pa yin pa'i phyir/ yun rings dgrar gyur pa yin no/ /glegs bam la lar rgyun zhes 'don pa der ni rgyun bar ma 'chad pa'i
 'jug pa'i phyir ro zhes bshad par bya'o/ /yang khyad par du byed pa ni/ gnod pa zhes pa yin te/ sems can dmyal ba la sogs pa'i sdug bsngal gyi gnod pa ji snyed pa rnams te/ de skye ba'i rgyu gcig pu kho na'i snying la legs par
 gnas pa de dag nyid/ yod na 'khor bar bdag 'jigs pa med de 'jigs pa dang bral zhing dga' bar ga la 'gyur te/ mi rigs so zhes bya ba'i don to/ /yang nyon mongs pa'i dgra bo rnams spangs pa'i phyir/ sha kho na zhugs par
 zhen pa yid la brtan par gzhag pa'i phyir/ 'khor ba'i btson ra'i zhes bya ba la sogs pa gsungs pa yin te/ nges par 'byung ba'i gnas byed pa'o/ /dmyal ba sogs na'ang gnod byed gshin rje'i skyes bu de dag yin te/ nyon
 mongs pa'i dbang du gyur pa las kyi rnam par smin pa'i dbang gis de dag snang ba'i phyir ro/ /de dag zhes nyes pa ma lus ba'i 'byung gnas su gyur pa de dag gal te yid kyi khyim du chags pa'i rang bzhin gyi gzeb gang yin pa der gal te
 gnas par gyur na ste/ rdzod la brten nas gal te 'dug na bdag la gal bde/ de bas na 'dir bdag gi 'di nyid ni rigs pa yin no snyam du bstan par bya ba/ de ltar zhes bya ba la sogs pa gsungs te/ gang gi phyir de ltar de dag
 nyes pa thams cad kyi rgyu yin pa de'i phyir ro/ /khur zhes bya ba ni glang gi rgyab tu bskal ba'i khal zhes bya'o/ /khur dang mtshungs pas na khur te dam bcas pa 'dzin pa'o/ /'di zhes bya ba ni nyon mongs pa'i rang bzhin te/ mdun na
 'dug pa'i phyir mngon sum du sgros btags na 'di zhes bstan to/ /mngon sum du zhes bya ba ni bdag gis mthong ba bzhin du'o nges par bcom pa ni rtsa ba nas med par ro/ /chung du la yang ni gnod pa chung ngu la'ang ste pa
 dang ma byas pa'i 'khon gyi rgyu mtshan la'ang ngo/ /yang na dngos po rgyu chung du la'o/ /khros gyur pa ni snying le dgrar byas pa'i zhes pa brtan po gzhag pa ste/ 'khon du 'dzin pa zhes bya ba'i don to/ /nga rgyal bdo rnams ni nga rgyal 'bar ba'i
 nga rgyal can rnams so/ /de zhes pa ni gnod pa med pa'o/ /ma bcom pa ni de gzhom bar ma byas par ro/ /gnyid mi 'od ni sems las med pa dang bde ba dang ldan par mi 'gyur ba'o/ /skabs su bab pa der nas go bgos pa nyid bstan par
 bya ba/ rang bzhin zhes bya ba la sogs pa gsungs pa yin te/ rang bzhin gyis ngo bo nyid kyis 'chi ba ste/ gson pa'i mdza' ni 'chi ba yin no zhes bya ba'i phyir ro/ /gang la de yod pa de la de skad ces bya ste/ de yang yin la de sdug
 bsngal ba yin la'o/ /de dag skye ba la sogs pa'i sdug bsngal gyis gzir bar gyur pa 'gyur ba 'am/ de yis sdug bsngal bar gyur pa'o/ /de nyid kyi phyir/ nyon mongs pa dag yin te/ snying pa'o/ /g.yul dor dang ra tshe ni g.yul sprad
 par bya ba'i gnas gtso bo ste/ g.yul gyi sa gzhi'i stobs dang ldan pa'i dpung gang na bar zhes bya ba'i don to/ /nan gyis zhes bya ba ni btsan thabs su ste/ nus pa ji lta ba bzhin du zhes bya ba'i don to/ /gzhom phyir ni srog dang
 bral ba'i phyir ro/ /drag shul can ni gzi mdangs can te/ brtsom pa brtsam pa zhes bya ba'i don to/ /ji ltar gyur pa zhig ce na/ mnga' mdung gi mtshen gyis phog pa'i sdug bsngal khyad bsad nas te/ g.yul der mtshon gyis
 rmas pa mi sems te/ skyes bu dpa' bo zhes bya ba'i don to/ /phyir phyogs 'byer bar mi byed na ni kha phyir ldog par mi 'gyur ba'o/ /don ma grub par ni mngon par 'dod par grub par ma byas par ro/ /brtan pa rnam pas nyon mongs pa lhag par
 gsungs pa/ rtag tu zhes bya ba la sogs pa gsungs pa yin te/ rtag tu ni dus thams cad du'o/ /rang bzhin gyis te gnod pa ma byas shing rgyu med pa'i dgra rnams so/ /brtson pa ni 'bad pa ste/ brtson par byas pa zhes bya ba'i don to/ /deng
 zhes pa ni dus 'dir zhes pa ste/ 'di ni 'jig rten gyi smra lugs so/ /sgyid lug pa ni bya bar 'os pa rnams la ni nus so snyam pa'i zhan pa'o/ /yi chad ni sems zhum pa 'am/ bsam pa dman pa'o/ /'di ni
 tshig bsdus pa ste/ yi chad pa mi 'byung ba sgyid lug pa mi 'byung ba zhes bya'o/ /smos ci dgos zhes bya ba ni de bas kyang lhag pa zhes bya ba'o/ /sdug bsngal brgya phrag ni dal ba brgya phrag gam/ sdug bsngal brgya phrag gi'o/ /rgyur
 gyur pa gang gis kyang zhes pa ni rang gi sems kyis rtog pa ste/ mi rigs pa yin no zhes bya ba'i don to/ /ji ltar na mi rigs pa yin zhe na/ don med ces bya ba la sogs pa gsungs te/ don med ces bya ba ni 'dir 'jig rten pha
 rol la sogs par dag par 'gyur ba'i dgos ba gzhan cung zad kyang med pa'o/ /de lta na yang dgra'i mtshon cha yis smas pa'i rma brla dang/ snying ga dang/ dpung pa dang/ lag pa la sogs pa lus la rgyan dang ldan pa ste/ rgyan cha
 bzhin du yid dga' bas 'chad par byed na/ 'di bdag la ji ltar mi rigs zhe na/ /don chen zhes bya ba la sogs pa gsungs te/ don tshan 'gro ba thams cad sangs rgyas nyid du sgrub pa ste sgrub par byed pa de'i don du'o/
 brtson 'grus brtsams pa la ci'i phyir zhes spong bar byed pa yin no/ /mchog tu dad pa'i rgyu sdug bsngal de 'dra ba ni bdag la rigs pa nyid ma yin nam/ gang 'gro ba'i gdung sel sdug bsngal la/ /dga' ba 'ba' 
 zhig 'dir bya rigs zhes brjod par 'gyur ba'o/ /gal te de ltar brtson par byed pa de ltar yin na yang rang gi bde ba dang mi 'gal ba nyid du brtson par bya bar rigs pa yin no zhe na/ 'dir nya pa zhes bya ba la sogs pa gsungs te/ rang gi
 chung ma dang bu la sogs pa dgang ba dang gso ba la sogs pa bya ba la sems chags pa'i nya ba ni nya'i dgra ste/ nya 'tshe ba la yid chags pa'o/ /dgun gyi dus gyi mtshan mo kha ba'i tshogs stugs par 'jug par byed pa dang/
 chom rkun dang/ stag la sogs pa'i 'jigs pa la mi bltos pa dang/ de bzhin du shan pa la sogs pa dang/ de ltar gdol pa yang rtag tu las ma yin pa dga' ba/ gzhan gyi nor 'phrog pa la sogs pa'i bsam pa
 can ni tsher ma can dang thag thug dang gseg ma can 'grod dga' ba'i cha 'brog gi lam du rlung dang tshad pa dang/ thog dang/ char bab pa dang/ mun pa dang ldan pa'i mtshan mo sdig sprul la sogs pa'i 'jigs pa'i sdug bsngal
 rtsis med par 'gro ba na srog la the tshom za ba bya dka' ba'i las la 'jug par byed do/ /de bzhin du gzhan gyi bud med la spyod pa la sogs pa dang/ de ltar zhing pa ste rmong bar byed pa po zhing gi las nye bar 'tsho ba zhing mong pa
 la sogs pa'i byed pa byas pa rnams kyang nyin mtshan du grang ba dang/ tsha ba dang/ rlung la sogs pa'i sdug bsngal nyams su myong ba nyid yin no/ /de bzhin du gzhan gyi gdong du lta zhing 'tsho ba zhabs 'bring ba la sogs pa dang//
 de ltar dman pa'i las la mngon par dka' ba de dag kyang grang ba dang tsha ba la sogs pa'i gnod pa bzod na 'gro la phan pa dang bde ba'i don dang skyes bu mchog gi don gyi phyir ji ltar na bdag gis mi bzod/ bdag gi slar shin tu yang bsten
 par bya bar rigs pa yin no snyam du dgongs pa'o/ /'on gal te sems can thams cad la phan pa dang bde ba bsgrub pa'i phyir smon lam btab pa de lta yin no/ /de'i tshe de nyid la nan tan bya ba'i phyir brtson par bya ba nyid yin na/ ci'i phyir
 rang nyid kyi sred pa la sogs pa spang ba gtso bo ma yin zhing dgos pa med pa'i don du brtson 'grus rtsom par byed ce na/ de phyir phyogs bcu'i zhes bya ba la sogs pa gsungs te/ phyogs bcu'i nam mkha' i tshad gyis 'tsho ba'i 'jig rten
 gyi sdug bsngal thams cad rnam par dgrol ba'i phyir sems bskyed cing tshig tu yang cher? bton nas gzhan dag lta zhog /gang gi tshe bdag nyid kyang sred pa la sogs pa'i nyon mongs pa rnams ma grol ba de'i tshe rang gi nus pa la ma bltas
 pa kho nar? tshig tu brjod par byed pa ni sems rnam par 'khrugs par gyur pa yin no snyam du bsams nas phyir mi ldog pa dam bcas pa las bstan par 'gyur bar bya'o/ /'dir dgongs pa ni 'di yin te/ bdag gis nyon mongs pa
 ma spangs par gzhan gyi nyon mongs spang ba zhes bya ba na mi nus te/ de bas na de'i thabs yin pa'i phyir de nyid dang po dngos par nyams su blang par bya ba nyid yin te/ bdag nyid kyang ma dul bar gzhan gdul bar ni nus par mi 'gyur ro//
 de lta bas na sdug bsngal thams cad khyad du bsad nas/ 'dir zhen bya zhing ste 'dir nyon mongs pa gzhom pa'i don du brtson 'grus brtan pa la nan tan du bya'o/ /khon du gzung nas ni kho na ma brjod pa'o/ /g.yul sprad? ni rtsod pas yid
 byung ba spangs pa rnam pa thams cad du 'thab mo brtsams pa'o/ /yang na 'o na gal te thog ma nyid du bdag nyid kyi nyon mongs pa spangs par ma gyur na 'di la mi rigs pa ci zhig tu 'gyur/ gang gis na gus pa chen
 pos de nyid la brtson par bya zhe na/ 'dir phyogs bcu'i zhes bya ba la sogs pa gsungs te/ 'dir bsdus pa'i don ni 'di yin te/ thams cad la'ang gzhan pas rang 'dul ba ni rang la rag pa yin la/ gang la bdag rang la'ang nus
 pa med pa de las gzhan gyi rgyud la lta ga la 'gyur te/ 'di ni mi srid pa'i phyir bzhad gang byed par zad de/ rang gi tshod mi shes par dam 'cha' bar 'gyur ba smon pa'i tshig lta bu yin no/ /de bas na bdag nyid yongs su spyad pa la dang por
 'bad par bya'o/ /gzhan thams cad ni snga ma dang 'dra'o/ /'o na gal te nyon mongs pa rnam pa thams cad du spang bar 'dod pa de lta yin na ni de'i tshe nyon mongs pa spangs pa po mngon par zhen pa gang yin pa de yang spang bar bya ba nyid du 'gyur te/
 de yang bag la nyal gyi rang bzhin yin pa'i phyir ro/ /ji ste de ltar na yang nyon mongs pa spong ba nyid du mi 'gyur ro zhe na/ 'dir ma gtogs pa zhes bya ba gsungs te/ nyon mongs pa gang zhig nyon mongs pa 'joms par byed ba'i
 gnyen po dang 'brel pa rnam pa de lta bu ste der snang ba tsam yin gyi de nyid ni nyon mongs pa can nyid pa ni ma yin te/ de dag las gzhan zhes bya ba'i don to/ /de dag gis? ni nyon mongs thams cad rnam pa thams cad du spangs pas 'khor
 bar mi spangs pas 'khor bar mi skye ba'i phyir/ bla na med pa'i byang chub 'thob par mi 'gyur ro zhes bya ba'i thal bar 'gyur ba 'di yang bsal pa yin no/ /nyon mongs pa gang dag nges par 'chi ba'i rgyur gyur pa de dag ni 'dir nges par
 gzhom par bya ba yin la/ gang yang tshogs sogs pa'i rgyu skyed pa de dag ji srid du tshogs rdzogs par ma gyur gyi bar du rta shin tu dul ba bzhin du dul bar bya ba rte gzhag par bya'o/ /phyis ni de dag kyang gzhom par bya ba kho na yin te/ 'di nyid gsungs pa ni
 nyon mongs 'joms pa dang 'brel pa zhes bya ba yin no/ /yang nyon mongs ma bsregs rtsa ltar chung zhing yang ba nyid du bya zhes gang gsungs pa'o/ /de bas na rnam pa thams cad du thams cad spang bar ni mi 'dod do/ /don 'di ni bya dka' bar rgya phrag du
 mas thob par bya ba yin te/ der yang sdug bsngal brgya phrag mdza' yas pas 'joms pa 'byung bar 'gyur ma yin nam/ de bas de'i rjes su 'brang ba nyid bla ste legs par byas par 'gyur ro zhe na/ bdag ni srogs te zhes bya ba la sogs
 pa gsungs te/ shin tu chung ba brjod pa yin te/ bdag gi dam bca' 'di nges pa nyid yin par zung shig/ rgyu ma zhes bya ba rnams kyang ji ltar 'dod pa bzhin du 'og tu lhug la dum bu ra brul bu brul bu byas pa 'am/ sha dang khrag zhig
 cing zas par? byas kyang nyon mongs pa'i dgra bo rnams la mgo bo 'dud par byas nas rjes su bsgrub par mi bya ste de'i bka' bzhin byed par mi bya zhes bya ba'i don to// //bam bo drug pa/ rnam pa kun tu zhes bya ba ni
 nam du yang ngo/ /khyod kyis rang gi gnas las bton yang gal te stobs dang ldan pa'i gnas la brten nas dgra gzhan bzhin du dgra cher gcod du 'ong ba ma yin nam/ de'i tshe 'dir ci ltar slar bcos par bya ba zhes dogs pa la/
 tha mal dgra bo zhes bya ba la sogs pa gsungs te/ /tha mal pa'i dgra bo gzhan dag ni yul nas phyung yang gnas gang zhig nas nus pa bas? shing stobs rnyed nas dgra tshar phyin par bya ba'i phyir/ phyir la ldog pa'i gnas yul gzhan de
 ni srid kyis nyon mongs pa'i dgra la ma yin te/ dgra gzhan ltar de'i spyod pa mi snang ngo/ /yang de ltar 'dod kyang ga la 'gyur zhe na/ nyon mongs nyon mongs zhes bya ba la sogs pa gsungs te/ bdag gi sems
 las yul phyung na/ nyon mongs pa'i dgra 'di gang du song nas gnas par byed gang du gnas par byas nas bdag la gnod pa bya ba'i phyir 'bang rtsol byed de/ 'di'i gnas ni ma mthong ngo/ /rtsa ba nas med par gyur ba la ldang bar mi rigs
 pa'i phyir ro snyam du dgongs so/ /blo'i rgyu ba mi zin pa'i phyir bdag la spro ba med pa 'ba' zhig tu zad kyi nyon mongs pa 'di ni rtsa ba med pa'i phyir don dam pa de kho na nyid mthong ba tsam gyis spang bar bya ba yin pas na nyon mongs yin no/ /
 de nyid rab tu bsgrub pa'i phyir nyon mongs rnams ni zhes bya ba la sogs pa gsungs te/ yid du 'ong ba la sogs pa'i yul mthong yang dbang po bsdams pa kha cig ni nyon mongs pa mi skye ba'i phyir dang/ rnam par brtags na rdul phra rab
 kyang de lam mthong ba'i phyir yul na mi gnas so/ /mig la sogs pa'i dbang po'i tshogs la yang snga ma bzhin du mi gnas te/ chos la sems pa la sogs pa'i gnas skabs na dbang bo'i dngos po yod kyang mi dmigs pa'i phyir ro
 yul dang dbang po dag gi bar na ste dbus na gnas pa'ang min te/ snang du rung ba mi dmigs pa nyid yin pa'i phyir ro/ /de dag las gzhan 'ba' zhig tu yang gnas pa'i nges pa med do/ /de bas na rtsa ba med pa'i phyir de kho na nyid du
 stong pa ste glo bur pa nyid yin te/ yang dag pa yin pa'i kun tu rtog pa tsam las byung pa'i phyir ro/ /de lta bur gyur na yang 'gro ba kun gnod byed de 'khrug par byed do/ /de ltar yin na ci ltar bya bar rigs she na/ gsungs pa
 'di ni sgyu 'dra ste/ dper na sgyu ma ni de'i rnam pas stong yang sngags dang sman gyi mthu las de rkyen 'di tsam gyis de kho na nyid du med kyang glang po che la sogs pa'i rnam par snang ba de bzhin du nyon mongs pa 'di rnams kyang phyin log gi rgyu mtshan dang
 tshul bzhin ma yin pa yid la byed pa las byung ba ste/ rkyen 'di dag tsam gyis de kho na nyid du med pa nyid du snang ngo/ /de'i phyir snying la 'jigs pa spongs te nyon mongs pa rnams so/ /don dam par rnam par dpyad na brdzun pa 'di ci zhig tu rung
 ste/ de'i phyir brtson pa sten cig ste spro bar gyis shig pa'o/ /shes phyir ni de kho na nyid rab tu rnam par 'byed pas rtogs pa'i don du'o/ /don med nyid du dgongs pa med pa'i nyid du'o/ /dmyal ba rnams su ni bsdus 'dzoms la sogs
 pa rnams su'o/ /nyon mongs pa'i dbang du gyur pas bdag la gnod pa ni gzir ba ste ci ste bya ba'o/ /da ni sngar bstan pa'i don ma lus ba nye bar bsdu bar bya ba'i phyir/ de ltar zhes bya ba la sogs pa gsungs te/ de ltar ni
 bstan ma thag pa'i le'u ma lus pas bstan pa'i don nam/ bstan ma thag pa'i sgyu ma rang bzhin la rnam par bsams te bstan par byas nas 'bad par bya'o/ /ci'i don du zhe na/ ji ltar bshad pa'i bslab pa bsgrub pa'i rgyur te/
 ji skad gsungs pa'i bslab pa ni mdo de dang de dag las byang chub sems dpa' i bya bar 'os pa gang zhig bstan pa 'am/ bstan bcos 'di nyid las mdor bsdus nas de dang der nye bar bstan pa de dag bstan pa'i don du'o/ /bcom ldan
 'das kyis mdo sde rnams su byang chub sems dpa' i bslab pa'i gzhi gsungs pa ni/ ji skad du 'phags pa dkon mchog sprin las/ rigs kyi bu ji ltar na byang chub sems dpa' rnams byang chub sems dpa' i bslab pa'i sdom pas
 bsdams pa yin zhe na 'di la byang chub sems dpa' 'di ltar dpyod de/ so sor thar pa'i sdom pa tsam gyis bdag bla na med pa yang dag par rdzogs pa'i byang chub tu mngon par rdzogs par 'tshang rgya par
 mi nus kyis de bzhin gshegs pas gang 'di mdo sde de dang de dag las byang chub sems dpa' i spyod pa dang/ byang chub sems dpa' i bslab pa'i gnas bcas pa de dag la bdag gis bslab par bya'o zhes rgya cher gsungs pa lta
 bu ste/ de bas ni bdag lta bu blo zhan pas rgya cher gsungs pa'i phyir byang chub sems dpa' i sdom pa shes par dka' na/ des na ji ltar bya ba'i rigs/ /gang gis ltung bar mi 'gyur ba'i/ /gnad kyi gnas rnams 'dis
 rig bya/ /gnad kyi gnas de gang zhe na 'di lta ste/ bdag gi lus dang longs spyod dang/ /dge ba dus gsum skyes pa rnams/ /sems can kun la btang ba dang/ /de bsrung dag pa spel ba'o/ /zhes gsungs so/ /gang la
 byang chub sems dpa' rnams sdom pa glod na yang ltung bar rnam par gzhag pa ni 'di ni byang chub sems dpa' i sdom pa mdor bsdus pa yin no/ /ji skad du byang chub sems dpa' i so sor thar pa'i mdo las gsungs pa lta bu ste/ byang
 chub sems dpa' sems can rnams thams cad kyi phyir sdug bsngal zad bar 'gyur ba'i lam gang yongs su bzung ba ste/ gal te byang chub sems dpa' lam de yongs su bzung nas gnas pa na/ bskal ba bye ba 'das nas tha na
 'dug pa tsam gyi bde ba 'dod pa'i sems cig bskyed na yang de la byang chub sems dpas sems 'di ltar bskyed bar bya ste/ bdag gis sems can thams cad kyi nyes pa dang du blangs nas 'dug pa gang yin pa de yang mdag?
 yin no zhes so/ /de nyid kyi phyir/ sman pa'i dag ces bya ba la sogs pa gsungs pa la/ dper na sman pa'i dag ltar mi byed na gang la sman bsgrub par bya ba'i sman gyis bsgrub par bya ba'i nad pa skyon med cing nad med par 'gyur ba ga la yod/
 de bzhin du thams cad mkhyen pa'i sman pa chen pos lung phog pa'i bslab pa bsgrub bar skyon med par 'gyur ba las dang nyon mongs pas bskyed pa'i skye ba la sogs pa'i sdug bsngal gyi 'jigs pa chen po las rnam par grol bar 'gyur ba lta
 gal yod de ltar sdom pa yang dag par gzung ba la ltung ba'i mtshan nyid gang dang ldan ba'i dngos po bdag nyid kyis brtags shing spong ba dang/ ltung ba'i gzugs brnyan/ ltung ba ma yin pa'i gzugs brnyan la rmongs par mi 'gyur ba'i
 ltung ba spyi'i mtshan nyid brjod par bya'o/ /byang chub sems dpas sems can thams cad kyi da ltar dang ma 'ongs ba'i sdug bsngal dang/ yid mi bde ba thams cad zhi bar bya ba dang/ da ltar dang ma 'ongs ba'i bde ba dang/ yid
 bde ba thams cad bskyed pa'i phyir g.yo med par lus dang ngag dang/ yid brtson pas nan tan mi byed pa dang/ de'i rkyen tshogs pa mi tshol ba dang/ de'i bar du gcod ba'i 'chos pa la mi 'bad pa dang/ sdug bsngal dang yid mi bde
 ba chung dus sdug bsngal dang yid mi bde ba chen po'i 'chos par 'gyur ba mi skyed pa dang/ don chen po sgrub pa'i phyir don chung du nyams par mi byed pa dang/ skad cig gcig tsam yang yal bar 'dor na ltung ba dang bcas pa yin no//
 mdor na rang gi nus pa rang gi ma yin pa'i bya ba'i yul rnams la ltung ba med de/ de la 'bras bu med pas bslab pa bcas pa med pa'i phyir ro/ /gzhan ni rang bzhin gyis kha na ma tho ba dang bcas pa yin pas bzung ba nyid do/ /
 rang gi nus pa'i spyod yul ma yin pa gang la brtson pa ni shugs kyis ltung bar 'gyur te/ /de bsam mi dgos par sbyir sdig pa bshags pa'i nang du 'dus pas de las grol bar 'gyur ro/ /de dag ni mdor na
 byang chub sems dpa' i bslab pa'i lus yin te/ rgyas par bshad na bskal pa dpag tu med pa'i mdza' bstan dgos pas so/ /yang na mdor bsdus na byang chub sems dpa' i ltung ba gnyis te/ ci nus kyis rigs pa dang mi rigs
 pa brtags nas rtsom pa 'am mi ldog pa 'am/ btang snyoms su 'jog pa ni ltung ba dang bcas pa yin no/ /brtags te ji ltar 'os pa las 'da' bar byed la/ tha na gdol pa'i bran gyis spyad na'ang ltung ba dang bcas pa yin no/ /
 gang zhig de dag goms par bya ba'i don du bye brag tu rtogs par 'dod pa de yis re zhig bslab pa kun las btus pa las spyod pa'i sgo tsam bslab pa'i don du mngon par brtson par bya'o/ /bslab pa la rtsom pa tsam yang 'bras
 bu che ba yin pa'i phyir te/ ji skad du rab tu zhi ba rnams par nges pa'i cho 'phrul las bsngags pa lta bu'o/ /byang chub sems dpa' i bslab pa mdor bsdus nas bstan pa brjod pa yin no/ /byang chub sems dpa' i spyod pa la
 'jug pa'i dka' 'grel/ /shes rab 'byung gnas blo gros kyis byas pa las le'u bzhi pa'o// //de ltar lus la sogs pa btang ba dang bsrung ba bstan nas/ yang rgyas par bsrungs ba dang sbyang ba dang
 dag par bya ba rgyas par bstan par bya ba'i phyir rtsom par byed de/ byang chub tu sems bskyed pa'i byang chub sems dpas lus btang ba yang bsrung ba dang sbyang ba dang spel ba dag bya ste/ gang gi phyir sems can rnams kyi
 longs spyod phyir/ /lus la sogs pa sbyin par bya/ /ma bsrungs longs spyod ga las 'ong/ /gang mi spyod la ci zhig sbyin/ /de bas sems can longs spyod phyir/ /dge ba'i bshes gnyen mi btang zhing/ /mdo sde dag la rtag lta bas/ lus la sogs
 po bsrung bar bya/ /zhes bstan to/ /lus la sogs pa yongs su bskyang ba la sogs pa de yang bslab pa bsrungs pa las 'gyur ba nyid yin te/ gzhan du ni mi 'gyur te/ sems can dmyal ba la sogs par ltung bar 'gro ba'i phyir ro/ /de
 bas na 'di brjod par bya ste/ /bslab pa zhes bya ba la sogs pa la bslab pa ni blang bar bya ste/ sdom pa gzung bas gnang ba rnams la bya ba dang/ bkag pa rnams la mi byed par bslab pa'o/ /de bsrung bar te/ yongs su bskyang bar ro/ /'dod bas
 ni 'dod ba'i byang chub sems dpa' te/ bdag gi sems bsrung bar bya'o/ /rab tu bsgrims nas ni 'chad par 'gyur ba bdag gis so/ /ci ste bslab pa bsrung ba'i skabs su ci'i phyir sems bsrung bar bya ba zhe na/ bslab pa zhes bya ba
 gsungs te/ gzhan du na bslab pa bsrung ba nyid du mi nus so/ /g.yo zhing dbang du ma gyur ba'i sems ma bsrungs na sems g.yo ba'i bslab pa la bstan pa mi rigs pa'i phyir ro/ /'di las kyang sems kho na bsrung bar bya'o zhes glang chen ma
 dul bya ba la sogs pa gsungs te/ byang bar ma byas pa'o/ /myos pa ni glang po che mchog ste/ 'jig rten 'di dang 'jig rten pha rol tu mnar med pa la sogs pa gang byed pa'i gnod pa de mi byed do/ /rang 'dod pa la spyod cing gnas pa'i
 sems nyid ni glang po che myos pa dang 'dra ba'ang yin te/ de bzhin gshegs pa'i bka' i lcags kyus ji zhig ltar dbang du byed ba'i phyir ro/ /de dbang du byas pa'i yon tan ni/ gtags na zhes bya ba la sogs pa gsungs pa gal te ji zhig
 ltar bcings par gyur na'o/ /dran pa ni 'chad par 'gyur ba'i mtshan nyid can no/ /de nyid ni thag pa dang 'dra ba ste/ 'ching ba'i thabs yin pa'i phyir ro/ /kun nas ni rnam pa thams cad du ste/ dam pa ma yin pa'i
 phyogs la 'jug pa 'gegs pa'i phyir ro/ /de'i tshe 'jigs pa med 'gyur te nub bar 'gyur ba'o/ /thams cad ni ma lus pa'o/ /dge ba thams cad ni mngon par mtho ba dang/ nges par legs pa'i mtshan nyid do/ /'ongs pa ni thob pa ste
 dper na char bab pa na 'bras sa lu skyes so zhes zer ba lta bu'o/ /gcan gzan khro bo dang sbrul la sogs pa nye bar 'tshe bar byed pa mang po yod pa ma yin nam/ de dag las sems dbang du byas pas ji ltar 'jigs pa 'byung bar mi
 'gyur zhe na/ stag dang zhes bya ba la sogs pa gsungs te/ go sla'o/ /yang 'di ci'i phyir zhe na/ 'di ltar zhes bya ba la sogs pa gsungs te/ las kyi 'phen pa'i dbang gis 'di dag thams cad mi 'dod pa ster ba byed pa yin no/ /las
 kyang sems nyid yin te/ sems pa las yin te/ zhes gsungs pa'i phyir ro/ /dag dang lus kyi las kyang sems nyid kyis kun nas slong bar byed pa yin pas de med par de dag mi 'byung ste bsams pa'i las zhes brjod pa'i phyir ro//
 de bas na 'di dag thams cad ni las kyi sprul pa yin la/ de yang sems las gzhan na med pa'i phyir ro/ /de ni las las 'jig rten sna tshogs skyes/ /de ni sems pa dang des byas/ sems pa yid kyi las yin te/ /de skyed lus dang
 dag gi las zhes bstan to/ /gnod pa byed pa'i sems med pa la su yang gnod pa byed par mi 'gyur te/ gang gi phyir 'jig rten na ni sdig pa'i sems/ /med la sdang dang 'jigs pa med/ /gang gis sems ni dbang byas pa/ /de'i
 bde ba nyams pa med/ /de'i phyir 'di skad du/ sems 'dul ba ni legs pa ste/ /sems 'dul ba ni bde ba 'thob/ /ces gsungs so/ /yang dag gsungs pa ni bcom ldan 'das te/ dngos po'i de kho na nyid gsungs pa'i dang tshul can
 yin pa'i phyir ro/ /des de kho na nyid 'di bstan pa ni thams cad sems las byung ba yin no zhes rab tu gsal bar byas pa'o/ /de bas na thams cad du sems nyid gtso bo yin no/ /de ltar de dag ni gzhan ma yin no zhes rab tu bsgrub pa'i
 phyir sems can zhes bya ba la sogs pa gsungs te/ dmyal ba'i srung ma rnams kyis mdung dang/ ral gri dang/ gtun shing la sogs pa 'am/ /lo ma ral gri lta bu'i nags byung ba dag /su yis byas te de la dbang phyug la sogs pa byed
 pa po 'ga' yang med de/ de byed pa po gzhan du bkag pa'i phyir dang/ 'dir yang 'gegs bar 'gyur ba'i phyir ro/ /lcags bsregs pa'i rang bzhin gyi sa gzhi su yis byas/ bud med de dag gi rgyu'i tshogs pa gzhan gyi bud med la
 spyod pa rnams kyis shal ma la'i shing gi 'og dang steng du snang ba dang/ shal ma li gang yin pa de yang ga las skyes te de'i phyir 'dir sems las gzhan pa'i rgyu yod par brtag par mi bya'o/ /gang sems can 'jig rten snod kyi
 'jig rten dag/ sna tshogs soms nyid kyis ni spros pa ste/ /'gro ba ma lus las las skyes par bstan/ /sems las ma gtogs las ni yod pa min/ /zhes gsungs pa'o/ /de bas na 'dir sems nyid rgyu yin te/ gzhan
 med do zhes de'i phyir/ sdig sems zhes bya ba la sogs pa gsungs te/ sdig pa'i las nye bar 'dus byas pa'i sems nyid de dag gi rgyu yin par bcom ldan 'das kyis gsungs te/ gzhan cung zad kyang yod pa ma yin pa nyid do/ / 
 gang gi phyir de ltar yin pa de'i phyir 'jig rten gsum na sdig pa'i sems las gzhan 'jigs pa'i rgyu 'ga' yang med do/ /de'i phyir sems kho na dbang du bya'o/ /gang 'phags pa dkon mchog sprin las/
 sems ni chos thams cad kyi sngon du 'gro ba ste/ sems yongs su shes na chos thams cad yongs su shes par 'gyur ro zhes gsungs so/ /gzhan yang/ 'jig rten sems kyis khrid pa ste/ /sems kyis sems ni mi mthong ngo/ /dge ba
 'am yang na mi dge ba'i/ /las ni sems kyis sogs pa'o/ /sems ni mgal me bzhin du 'khor/ /sems ni rlabs dang 'dra bar g.yo/ /sems ni nags kyi me bzhin bsreg /sems ni chu chen bzhin du bskyed/ ces so//
 des de ltar nye bar brtags pas na sems la dran pa nye bar gzhag nas gnas te/ sems dbang du mi 'gro'o/ /'on kyang sems de'i dbang du sems nyid 'gro bar 'gyur te/ de'i dbang du sems gyur pa na chos thams cad dbang
 du gyur pa yin no/ /de ltar yin na ji ltar na sbyin pa'i pha rol tu byin pa la sogs pa las sems gtso bo yin de ni sems can thams cad kyi dbul ba sel bar byed pa'i mtshan nyid yin no zhe na/ gal te 'gro ba zhes bya ba la
 sogs pa gsungs te/ dbul po zhes bya ba ni zag pa dang bcas pa'i bde ba'i longs spyod kyis bkren pa 'am yo byad med pa ste/ gal te de dang 'gro ba bral bar byas pas sbyin pa'i pha rol tu phyin pa rdzogs pa yin no zhes brjod
 na/ de'i tshe sngon skyob pa ste sngon mngon par rdzogs par sangs rgyas pa'i bcom ldan 'das rnams kyi de ji ltar te/ ji ltar yang rigs par mi 'gyur ro/ /ci'i phyir zhe na/ da dung 'gro bkren yod na te/ /da dung yang ji srid du 'gro
 ba'i dbul po nye bar zhi ba med do/ /gal te de ltar mi 'dod na 'o na de ji ltar 'gyur zhe na/ bdog pa zhes bya ba la sogs pa gsungs te/ bdog pa thams cad ni phyi dang nang gi dngos po thams cad de sbyin pa dang/ sbyin pa'i 'bras bu sems can thams
 cad la yongs su gtong ba goms pa'i rab kyi mthar phyin pa'i phyir gang gi tshe chags pa med pas ser sna'i dri ma dang bral ba'i sems skye ba de'i che? sbyin pa'i pha rol tu phyin pa rdzogs pa zhes brjod de/ de bas na sems nyid las gzhan na sbyin pa'i pha rol
 tu phyin pa de med do/ /tshul khrims kyi pha rol tu phyin pa yang shin tu sems nyid yin no zhes bya ba de'i phyir/ nya la sogs pa zhes bya ba la sogs pa gsungs te/ srog gcod pa kha na ma tho ba thams cad song ba'i sems nyid ni tshul khrims
 yin te/ de'i rten du gyur pa pha rol gyi yul bzlog pa'i rang bzhin ni ma yin no gal te bsad pa la sogs pa'i yul gyi dngos po med pas de gsod pa la sogs pa med pa'i phyir tshul khrims su 'gyur ro zhe na/ de'i tshe nya la sogs pa dang/
 gzhan gyi bdog pa dang/ bud med dang chang la sogs pa de dag gang zhig tu de dag mi mthong bar 'gyur bar bskrad par bya/ gzhan du na de dag bsad pa la sogs pa la 'jug par byed pa na tshul khrims su mi 'gyur ro/ /de ltar ma yin
 pa de'i phyir de dag yod pa rnams la yang spod pa'i sems ni thob pa ste/ sems ldog par yid la byed pa ni tshul khrims kyi pha rol tu phyin par 'dod de de'i rang bzhin rigs pa rnams 'dod do/ /de bas na de yang sems nyid yin no/ /
 bzod pa'i pha rol tu phyin pa yang sems las tha dad ba ma yin no zhes sems can zhes bya ba la sogs pa gsungs te/ gzhan gnod pa byed pa la sogs pa yod na'ang sems 'khrugs pa med pa nyid ni bzod pa yin no/ /gzhan du na gal te
 dgra thams cad log par ltung bar byed pas dgra tshar phyin par byas par gyur ba ni gang gis kyang dgra med pas nye bar zhi ba dang/ dgra la yang gnod pa byed pa med bar 'gyur bas bzod pa ni bzod pa yin pa de'i tshe de dag
 ni bsgrub par mi nus te/ dgra bo rnams ni nam mkha' dang mtshungs pa'i phyir mdza' yas pa nyid yin te/ de dag gsad par mi nus so/ /de lta bas na khro ba la sogs pa las sems log pa nyid de thabs kyis bsad pa dang 'dra ba yin te/ des
 gnod pa byas par mi rtsi ba'i phyir dang/ tshe rabs gzhan la dgra bo mi 'byung ba'i phyir de dag bsad pa dang 'gro? ba yin no/ /mi nus pa 'di la yang thabs kyis 'jug pa na dpe nye bar bstan pas nus pa nyid du/ sa steng zhes bya ba la sogs
 pa gsungs te/ tsher ma la sogs pa'i gnod pa bsrung ba'i don du sa steng g.yog par ni rigs na de ni mi nus te/ de snyed kyi ko ba med pa'i phyir dang/ yod du zin kyang g.yog par byed mi nus ba'i phyir ro/ /yang thabs kyis nus pa ni/
 lham mthil tsam gyi ko bas ni sa steng thams cad g.yogs pa dang 'dra bar 'gyur ro/ /dpe bstan nas don rnal ma la sbyar ba/ de bzhin zhes pa la sogs pa gsungs te/ de bzhin sa steng gi ko bas g.yogs pa lta bur ro/ /dgra
 la sogs pa'i dngos po bdag gis phyir bzlog par mi lang gis gnod pa byed pa'i bya ba las rang gi sems kyis nus pa nyid phyir bzlog pa ste/ gzhan bzlog pa la don med ba'i phyir dang/ rang gi sems bzlog pa kho nas de 'grub
 pa'i phyir ro/ /brtson 'grus kyi pha rol tu phyin pa'i dge ba'i las la spor ba'i rang bzhin yang sems nyid yin par shin tu gsal bas/ sems gsal zhes bya ba la sogs pa gsungs te/ dge ba'i phyogs la lus dang dag
 dang bcas kyang sems kyi 'jug pa/ zhin pas bsam gtan la sogs pa yul la gsal bar rab tu 'jug pa sems gcig bu zhig na yang 'bras bu tshangs pa la sogs pa 'byung ba ji 'dra ba de ltar 'bras bu mi skye ste/ de lta bas na de
 yang sems nyid yin no/ /bsam gtan ni sems can rtse gcig pa'i mtshan nyid yin te/ sems las gzhan du sma bar mi nus pas/ bzlas brjod ces bya ba la sogs pa gsungs te/ gsang sngags la sogs pa'i zlas pa'i
 mtshan nyid dag gis byed pa ni bzlas brjod de/ dka' thub ni lus kyis te dbang po 'dul ba'i mtshan nyid do/ /de rnams zhes bya ba ni dus ? goms par byas pa rnams kyang ngo/ /gzhan du na ni sems chags pas sam/ gnyis kyis
 bcos pa'i sems kyis te/ bsam gtan la gsal ba med pas zhes bya ba'i don to/ /don med pa ni 'bras bu med pa nyid do/ /'bras bu shin tu nyung ba'i phyir ram/ 'dod pa'i don la mkho ba med pa'i phyir ro/ /dper na bul byi ba mi
 byed pa'i phyir/ bu yang bum yin pa dang 'dra ba yin pa lta bu'o/ /thams cad mkhyen pa ste/ bcom ldan 'das kyis gsungs so/ /de lta bas na bsam gtan gyi pha rol tu phyin pa yang sems nyid yin no/ /shes rab ni rtsod ba med par
 sems nyid yin pas/ gang gis zhes bya ba la sogs pa gsungs te/ 'gro ba lnga'i skye ba la sogs pa'i sdug bsngal spangs pa'i phyir de spong bar byed pa dang/ mya ngan las 'das pa'i bde ba thob pa bya bar 'dod kyang sems can de rab
 'khor bar 'bras bu med cing don med pa gyi? na nyid du nam mkha' la me tog ka shi bzhin du 'khyam mo/ /de nyid kyis me lnga bsten pa 'ang skya 'dal ba la sogs pa'i brtul zhugs 'bad par byas pa gang du yang 'brel pa med par brjod pa yin no/
 su zhig de ltar 'khyam zhe na/ gang gis te 'khor ba'i 'jigs pas bred pas bde ba don du gnyer ba rnams kyis chos kyi bdog pa kun te 'jig rten dang 'jig rten las 'das pa'i chos kyi gter du gyur pa'o/ /
 sems can byis pa rnams kyi spyod yul ma yin rang bzhin pa'i ? phyir gsang ba ste/ gang gis ma bsgoms pa ni de kho na nyid kyi sems kyis yang nas yang du brtan par ma byas pa'o/ /de bas na 'di ni shin tu yang sems nyid yin no/ /ji
 skad du 'phags pa sdong po bkod pa'i mdo las kyang bsngags te/ byang chub sems dpa' i spyod pa thams cad ni rang gi sems la brten to/ /sems can thams cad smin par bya ba dang/ gdul ba ni rang gi sems la brten to/ /de bzhin du
 sbyar ro/ /rigs kyi bu de la bdag 'di snyam du sems te/ dge ba'i rtsa ba rnams kyis rang gi sems nyid nye bar brtan par bya'o/ /chos kyi sprin rnams kyis rang gi sems yongs su brlan par bya'o/ /sgrib par 'gyur ba'i chos can rnams las rang gi
 sems yongs su sbyang bar bya'o/ /brtson 'grus kyis rang gi sems nyid brtan par bya'o zhes bya ba la sogs pa'o/ /de ltar thams cad du sems kyi rang bzhin yin par bstan nas mjug bsdu ba de lta zhes bya ba la sogs pa gsungs te/
 de ltar byang chub kyi sems bskyed pas bslab pa bsrung ba la 'bad pa dang ldan par yid la bya'o/ /'chad bar 'gyur ba'i tshul gyis dran pas shin tu brten pa dang/ shes bzhin gyis shin tu bsrung pas bdag gi rang gi sems rtse gcig
 pa'i yid du bya ste/ 'di nyid nang du thams cad 'dus pa'i phyir ro/ /de bas na sems bsrung ba nyid brtul zhugs gtso bo yin te/ de bor nas brtul zhugs mang po gzhan gyis kyang bdag la ci zhig dgos te/ phan pa cung zad kyang
 med de/ de dang bral na de la 'bras bu med pa'i phyir ro/ /re shig byang chub sems dpa' i bslab pa ni 'di yin te/ 'di lta ste sems yongs su sbyang bar bya'o/ /de ni sems can gyi don thams cad kyi rtsa ba yin pa'i phyir ro/ /de ni 'di ltar chos
 yang dag par sdud pa las bstan te/ byang chub sems dpa' rnam par gnon pa'i blo gros kyis gsol pa/ chos chos zhes bgyi ba'i chos gang lags pa de ni yul na mi gnas/ phyogs na mi gnas te/ chos rang gi sems la rag las
 pa ni ma gtogs pas de lta bas na bdag gi rang gi sems shin tu gzung ba dang/ legs par mgu ba dang/ shin tu mthar gtugs pa dang/ shin tu dul ba dang/ shin tu mnyam par brtsams pa dang/ shin tu tshar bcad par bya'o/ /
 de ci'i phyir zhe na/ sems gdan mchis pa de na yon tan dang nyes pa rnams mchis kyi/ sems ma mchis pa dang ni yon tan dang nyes pa rnams ma mchis snyam ste/ de'i byang chub sems dpa' nyes pa rnams las sems bzlog nas yon
 tan rnams la 'jug ste/ de lta bas na chos ni sems la rag las/ byang chub ni chos la rag las zhes bgyi'o zhes so/ /de ltar thams cad du sems la rag las pa nges par byas nas sems bstan par bya ba'i dpe brjod pa/ ma
 grangs zhes bya ba la sogs pa gsungs te/ skye bo mnyam par ma bzhag pa'i khrod na yang nye bar gnod pa'i 'jigs pas der gtang pa'i yid kyis bag yod pa 'ga' zhig ji ltar srung ba ma'i bag byed pa bzhin du de bzhin te de ltar bslab
 pa bsrung bar 'dod pas don med par byis pa'i skye bo'i nang na gnas pa brtson pas sems kyi rma dus thams cad du bsrung ngo/ /grags pa ji bzhin du 'dir dper brjod pa yin te/ yang cung zad du yang 'dra ba med par gsungs pa/ rma'i zhes
 bya ba la sogs pags te/ rma yis byas pa'i sdug bsngal cung zad tsam ni sdug bsngal chung ngu'o/ /de yis skag pa'ang rma'i? bag byed na'ang ste/ gus pas ni lhur blangs pa nas so/ /bsdus 'joms ni sems can dmyal
 bar lhung pa'i sdug bsngal lo/ /stong phrag du mar myong bar 'gyur ba'i ris 'joms pa thams cad du khyab pa'i sdun pa'i skrag pa yis/ sems kyi rma lta cis mi bsrung ste bsrung bar bya'o zhes skabs kyis 'brel to/ /yang na bdag gis cis te
 bsrung bar mi bya zhes bsgyur te sbyar bar bya'o/ /yang na byang chub tu sems bskyed pa de ltar yid kyis bsams par bya'o zhes drangs la/ de'i tshe bsrung bar bya'o zhes gdon cing sbyar bar bya'o/ /de ltar gyur pa la yon tan ci zhig yod ce na/ yod pa
 zhes bya ba la sogs pa gsungs te/ gang gi phyir khang bzang gi steng na bud med kyi 'gro ba'i khrod na yid la byed pa 'di lta bus gnas pa na 'dod pa rnams las shin tu bzlog par mi nus pa 'di yin pa de'i phyir/ sdom brtson brtan pa zhes bya ba
 gsungs pa yin te/ yid la byed pa 'di la des par sems pa'o/ /nyams mi 'gyur te/ bslab pa bsrung pa'i yid la byed pa 'khrul par mi 'gyur ba'o/ /yang de ltar bya bar 'os pa yin no zhes don 'di la mngon par zhen pa brtan par bya ba
 bstan pa/ bdag gi zhes bya ba la sogs pa gsungs te/ chos gos dang/ bsod snyoms la sogs pa rnyed pa nyams bla zhing ni brlag kyang bla'i'o/ /bdag gi 'dod pa ni ji ltar 'dod ba'o/ /bkur sti ni gus pas bstan gding ba dang/
 zhabs la phyag 'tshal ba la sogs pa'i mchod pa'o lus dang 'tsho ba ste de dag thams cad nyams pa bla zhing gzhan yang ste/ bde ba dang/ yid bde ba'i rgyu mtshan gang ci yang rung ba de dag nyams su chug gi/ bdag gi sems dge ba
 ni dus nam du yang nyams par mi bya ba'o/ /yang 'dir gus pa bskyed par bya ba'i phyir bstan bcos mdzad pas/ sems zhes bya ba la sogs pa gsungs te/ thal mo sbyar te gsol ba 'debs/ ci'i don du ce na/ dran pa dang ni shes bzhin dag ste
 dran pa 'ba' zhig kyang ma yin la/ shes bzhin 'ba' zhig kyang ma yin no zhes pa ste/ rang gi don ni phan tshun du bltos pas so/ /de la dran pa ni 'phags pa gtsug na rin po che'i mdo las bshad de/ dran pa gang gis nyon mongs pa thams cad
 'byung bar mi 'gyur ba dang/ dran pa gang gis bdud kyi las thams cad kyi skabs mi 'byed pa dang/ dran pa gang gis lam gol ba 'am lam ngan par mi 'gro ba dang/ dran pa sgo ba lta bur gyur pa gang gis sems dang sems las byung ba'i chos
 mi dge ba thams cad kyi skabs mi 'byed pa 'di ni yang dag pa'i dran pa zhes bya'o zhes so/ /mdor na dran pa ni 'di yin te/ gnang ba dang bkag pa gnyis ci rigs par dran pa ni dran pa zhes bya ste/ gang gi phyir dran pa dmigs pa ma brjed
 pa'o zhes bstan pa yin no/ /shes bzhin yang shes rab kyi pha rol tu phyin pa las gsungs te/ spyod na yang bdag spyod do zhes rab tu shes so/ /'breng? na bdag 'greng ngo snyam du rab tu shes so/ /'dug na bdag 'dug go snyam du rab tu
 shes so/ /nyal na bdag nyal lo snyam du rab tu shes so/ /de'i lus ji lta ji ltar gnas par 'gyur ba de lta de ltar rab tu shes so/ /de bzhin du sbyar te/ de 'gro ba dang 'ong ba yang shes bzhin du sbyod pa yin no/ /lta ba dang rnam par
 lta ba dang/ bskum ba dang/ brkyang ba dang/ chos gos snam sbyar dang/ thang ba dang/ lhung bzed dang/ chos gos 'chang ba dang/ za ba dang/ 'thung ba dang/ 'cha' ba dang/ gnyid dang/ snyom pa bsal pa dang 'ong ba dang/ 'gro ba dang/ 
 'greng ba dang/ 'dug pa dang/ gnyid log pa dang/ gnyid kyis ma log pa dang/ smra ba dang/ mi smra ba dang/ nang du yang dag par 'jog pa na shes bzhin du spyod pa yin no/ /'di nyid nas kyang lus dang sems kyi gnas
 skabs la/ yang nas yang du lta ba gang/ 'di nyid kho na mdor bsdus na/ shes bzhin bsrung ba'i mchan nyid do zhes 'chad par 'gyur ro/ /gang gis 'di dag bsrung bar bya bar bstan pa 'di dag med na nyes pa ci zhig yod ce na ?
 nang kyis zhes bya ba la sogs pa gsungs te/ nang kyis nus pa nyams pa'i bu ji lta bar las rnams kun la ste/ 'gro ba dang ston mo la sogs pa'i las rnams kun la las su rung bar mi 'gyur ba de bzhin du dran pa dang shes bzhin med
 pa'i sems kyi bsam gtan dang/ ba ton la sogs pa'i mtshan nyid de las rnams ku'o/ /'di dag bsdoms nas med pa'i nyes pa bstan nas/ re re med par brjod pa'i phyir/ shes bzhin med pa'i zhes bya ba la sogs pa gsungs te/
 gang la shes bzhin yod pa ma yin pa de ni shes bzhin med pa ste/ sems de gang la yod pa de la thos pa dang/ bsam pa dang/ bsgoms pa las byung ba'i shes rab kyis dngos po yongs su shes kyang dran pa la mi gnas so/ /de dge?
 ba thams cad kyi rtsa ba yin no/ /ci ngang 'dra ba zhig ce na/ ji ltar bum pa glo rdol du kha nas chu blug pa 'og tu 'gro zhing mi gnas pa bzhin no/ /gzhan yang 'di med pa'i skyon/ thos ldan zhes bya ba la sogs pa gsus te/ mang
 pha ni mang du thos pa'o/ /de bzhin du dad pa dang ldan pa brtson pa lhur len pa ste/ bslab pa la gus par byed pa rnams kyang/ /shes bzhin med pa'i skyon rlags pas ltung ba'i rnyog pa dang bcas par 'gyur te/ lus dang sems kyi
 spyod pa so sor mi rtog pa'i phyir ro/ /de med pa'i skyon gzhan yang/ shes bzhin med ces bya ba la sogs pa gsungs te/ shes bzhin med pa ni shes bzhin dang gal ba'o/ /nyon mongs pa'i dngos po'i ngo po ni chom rkun te/ dge ba'i nor 'phrog
 par byed pa'i phyir ro/ /nges dran pa nyams pa'i rjes su 'brang bas srung zhing skyong bar 'gyur ba'i dran pa brjod pa'i dngos po'i rjes su 'brangs nas/ phrog pa ni dge ba'i nor yod pa dang bral ba'o/ /bsod nams dag ni nyer ba sogs kyang ste/ dge pa'i
 nor rnams/ bsags par byas nas kyang ngan 'gror gzhol bar 'gyur ro/ /de ci'i phyir zhe na/ de ltar na bstan pa'i don nyid gsal bar byed pa nyon mongs zhes bya ba la sogs pa gsungs te/ chom po dang rkun po de dag gi tshegs glags
 skabs tshol bar byed pa ste/ sha za? bzhin du glags skabs kyi lam lta zhing skyon tshol ba la sogs pa zhes bya ba'i don to/ /glags rnyed gyur nas de 'jug pa'i las dang phrad nas dge ba 'phrog cing/ de'i phyir 'gro ba bzang po'i srog thob
 pa 'joms par byed de/ dge ba'i rgyags med pa'i phyir ro/ /nga ni dran pa'i dbang du byas te gsungs pa/ de bas zhes bya ba la sogs pa la/ gang gi phyir dran pa med pa'i nyes pa de ltar 'gyur ba de da'i? phyir te/ 'dir nyes pa 'di? mthong
 nas dran pa dmigs pa ma brjed pa'i mtshan nyid do/ /yid sgo nas yid kyi khyim gyi 'jug pa'i sgo nas gud rnam mi btang zhing mi spang bar rtag tu bzhag par bya'o zhes bya ba'i don to/ /ji ste brgya zhig la bag med pas de de nas song nas
 de'i tshe song na'ang bzlog nas de nye bar gzhag ste/ de nyid du gtang de gzhag par bya'o/ /ji ltar zhe na/ ngan song ste sems can dmal ba la sogs pa ngan 'gro'i gnod pa dran par byas shing yid la gzhag pa'o/ /de la dran pa bcu
 gnyis po 'di dag gi 'bras bu med pa'i spyod pa spang ba'i phyir te/ de bzhin gshegs pa'i bka' las mi mnga' bar srung zhing rnam par smin pas gus par bya ba'i dran pa dang zhes bya ba la sogs pa bsleb?
 pa kun las btus pa las rab tu bstan nas te/ de nyid nas rnam par phye sta gzung bar bya'o/ /dran pa de yang gus pa drag pos skye'o/ /gus pa yang zhe gnas kyi bdag nyid chen po khong du chud nas ltar? blangs pa las skye ste/ de dag?
 kyang skabs ji lta ba bzhin du bshad par bya'o/ kha cig la rnam pa gzhan du yang dran pa skye bar 'gyur te/ de bstan pa ni bla ma dang ni zhes bya ba la sogs pa gsungs te/ slob dpon dang mkhan po dang nye pa'am/ de las gzhan
 yang rung ste mgu bar bya ba tshangs pa tshungs par spyod pa dang nye bar te 'grogs pa'o/ /de'i rjes su bstan pa 'jigs pa ni des 'jigs pa la'ang ngo/ /gus pa ni bya ba rnams la dngos po kun gyis phyogs pa nyid de brnyas pa'i gnyen po'i
 chos yin no/ /de byed pa ni mkhas pas 'bad pa dang ldan pa'o/ /de'i rjes su bstan pa ni phan pa dang mi phan pa bsgrub pa dang dgag pa nges pa rjes su 'dzin pa tshigs chung dus dran pa skye bar 'gyur ro/ /'di ltar yang gnas na dran pa yid
 la byed pa mang du gnas par 'gyur ro zhes tshigs? 'ur byas pa gnyis kyis bstan pa/ sangs rgyas zhes bya ba la sogs pa gsungs pa yin te/ sangs rgyas dang byang chub sems dpa' dus kun tu dngos po'i yul mdza' dag thogs
 pa med pa'i spyan mnga' ba rnams kyi spyan snga na dngos po'i rnam pa thams cad dus kun tu gnas pa yin te/ dngos po thams cad ltar bdag kyang de rnams kyi spyan snga na 'dug pa nyid yin no/ /zhes yid la bzhag la/ de bzhin du
 bdag nyid legs par bsdams zhing bsdang ngo/ /ngo tsha shes gus 'jigs bcas zhes bya ba la/ mi mthun pa'i las la 'jig pa ni ngo cha shes pa dang/ bslab pa la gus pa dang/ de las mi 'da' bar 'jigs pa 'am/ 'dir khril yod
 pa la sogs pa sangs rgyas dang byang chub sems dpa' rnams la go bar bya'o/ /de ltar byung na khyad par gzhan yang yod pas na/ de ni zhes bya pa la sogs pa gsungs te/ de ltar gnas pa de la skad cig re re zhing mi 'dod bzhin du sangs
 rgyas rjes su dran par yang 'gyur ro/ /shes bzhin skye ba dang brtan pa dag gis yang rgyu dran pa nyid yin no zhes brjod pa/ gang tshe zhes bya ba la sogs gsungs te/ gang gi che dran pa yid kyi sgo nas nyon mongs pa'i tshom rkun gyi tshogs /
 'jug pa phyir bzlog pa'i don du sgo ba ltar gnas par gyur pa na de'i tshe shes bzhin yang 'bad pa med par 'byung ngo/ /byung ba yang brtan par 'gyur ro/ /de ltar re zhig 'di dag gi rjes su 'gro ba dang ldog pa gang gi yon tan dang skyen brjod
 nas don med pa spang ba'i don du don med pa'i spyod pa spang ba re zhig ces bya ba la sogs pa gsungs te/ dang po re zhig 'di 'dra'i sems zhes bya ba nang du bsam par bya'o/ /rtag tu dus thams cad 'di 'dra ba'i bstan pa'i dam pa dang
 ldan par nye bar gnas par bya ste/ de las gzhan 'bras bu med pa'i sbyor pa spangs pa'i don du dbang po'i tshogs dang bral bas gzugs la sogs pa'i yul 'bras bu med pa 'dzin pa'i rnam par rtog pa thams cad bsdus la bdag
 gis gnas par bya'o/ /ci 'dra bar zhe na/ shing bzhin du zhes gsungs te/ mig la sogs pa'i byed pas stong pa'i phyir ro/ /'di nyid gsal bar byed pa/ 'bras med ces bya ba la sogs pa la/ rdzi ma gnyis cung zad phye la/ sna'i rtse
 mor bstad pa 'am/ gnya' shing gang tsam du rnam par lta bar byas te/ dang po rtsom pa'i dus na'o/ /rtag tu goms par byed bzhin phung la ba spang ba'i don du/ lha ba zhes bya ba la sogs pa gsungs te /
 lta ba dang sems skyo ba spang pa'i phyir re 'ga' ste bar skabs su phyogs su rnam par blta'o/ /ji ste brgya la 'ga' zhig de dang nye bar 'ongs na de'i tshe de'i 'ongs pa'i zhang tsam rig par byas la/ legs par byon nam zhes smra bas phebs par smra
 pa'i don du rnam par blta bar bya'o/ /gzhan du na dang de la 'phya bas mi dge ba 'byung bar 'gyur ro/ /lam du 'gro zhing de ltar lta ba na yang gnod ba bsal pa'i don du/ lam sogs zhes bya ba la sogs pa gsungs te/ 'jigs pa'i
 rgyu rkun mo la sogs pa rig par bya pa'i don du rnam par blta bar bya ba'i rim pa bzhin du'o/ /gzhan dun lus bsrung bar byas par mi 'gyur ro/ /phyogs thams cad du rnam par lta bar byed pa na rgod pa'i gnod pa spang bar bya ba'i don
 du bsdad de bya'o/ /rgyab tu rnam par lta ba na legs par log ste kha phyir bltas par 'gyur bas bya'o/ /mnyam par gzhag pa bsrung bar bya ba'i don du mdun dang zhes bya pa la sogs pa gsungs te/ 'gro ba ni mdun du'o/ /'ong ba
 ni phyir la ste/ /g.yang sa la sogs pa'i gnod pa lta bar bya na'o/ /de ltar bstan pa'i rim pa'i zung gyis rang dang gzhan la phan pa dang dgos pa khod du chung par byas na sgrub pa snying por gyur pa yin no// //
 bam pa bdun pa/ da ni shes bzhin gyi bya ba bslab pa'i phyir/ lus zhes bya ba la sogs pa gsungs te/ spyod lam bzho'o nang nas spyod lam gang yang rung bzhig la/ lus kyis 'di ltar zhes bya ba ni 'greng bas sam 'dug pas
 gnas par bya ste/ de ma thag tu kha ton la sogs pa'i bya ba'i las brtsams nas yang lus 'di ji lta bur gnas pa yin zhes skabs su rnam par blta bar bya'o/ /spyod lam de nyid la 'am/ de ste spyod lam log shig la'o/ /logs shig pa la yin na/
 yang snga ma bzhin du legs par gnas par bya'o/ /lus la so sor rtog pa brjod nas sems so sor rtog pa/ sems kyi zhes bya ba la sogs pa gsungs te/ bdag dang gzhan la phan pa'i mtshan nyid kyi chos la sems pa ni ka chen te/ 'ching pa
 dag las thar byed pa'i rgyu yin pa'i phyir ro/ /de la brtags pa yang dang yang du brtags par bya ba yin pas/ ci nas zhes bya ba la sogs pa gsungs te/ yang bdag gis yid 'di gang na spyod ces dmigs pa sA? ma 'am/ dmigs pa bzhin
 du brtags la/ sod bar rtogs na de nas bzlog la de nyid du sbyar bar bya'o/ /rang gi dang 'bab na ni btang snyoms su bya'o/ /de ltar zhi gnas kyi khur skad cig gcig kyang ji ltar mi 'tshor ba de ltar gzung bar bya'o/ /re zhig de dag gis ni tshul
 khrims ni ting nge 'dzin sgrub par byed pa yin no zhes bstan pa yin no/ /ji skad du zla ba sgron ma'i mdo las/ /nyon mongs med pa'i ting nge 'dzin myur thob ste/ /de ni tshul khrims rnam dag phan yon no/ /zhes gsungs so/ /de bas na ting nge 'dzin gyi
 rgyur gyur pas sbyor ba ji snyed pa gang ci yang rung/ bza' ba de dag ni tshul khrims rjes su song pa yin par rig par bya'o/ /de lta bas na ting nge 'dzin don du gnyer bas dran pa dang shes bzhin gyi ngang tshul can du bya'o/ /de bzhin du tshul khrims
 don du gnyer bas kyang ting nge 'dzin la nan tan du bya'o/ /ting nge 'dzin yongs su spong ba'i skabs na 'jigs dang zhes bya ba la sogs pa gsungs te/ 'jig pa ni me'i sreg pa la sogs pa'o/ /de bzhin du dkon mchog gsum la mchod pa la
 sogs pa ni dga' ston no/ /de bas ches lhag pa'i sems can gyi don la sogs pa'ang rung ste/ /de dag byung ba na gal te gnas par mi nus na de'i tshe 'dod pa bzhin du spyad do zhes gnang ba ste/ /ltung ba dang bcas
 par mi 'gyur ro zhes bya ba'i don to/ /yang ci'i phyir 'di nges pa med par 'gyur zhe na/ /'di ltar zhes bya ba la sogs pa gsungs te/ gang yang tshul khrims ni sbyin pa pas mchog tu byung ba yin mod ky i/ /de lta na yang bslab pa gzhan
 slob pa'i de ma thag tu phyi nas bslab pa'i gnas la goms pa gsal ba med pa'i phyir/ /ji zhig ltar dus de srid du de las ldog par byed na'ang ltung pa med pa yin no/ /'di sbyin pa'i dus yin gyi tshul khrims kyi ni ma yin pa ste/ /de nyid
 kyi phyir gsungs pa gal te mi nus zhes so/ /de dag tsam nyid kyi dpe brjod pa yin no/ /ji skad du de la bslab pa gcig rdzogs par byed la bslab pa phyi ma goms par ma byas pas mi nus pa la ltung ba med do zhes bstan to/ /'phags pa
 blo gros mi zad pa'i mdo las kyang/ /ji skad du/ sbyin pa'i dus su tshul khrims nye bar bsdus te btang snyoms su bya'o zhes rgya cher gsungs so/ /de lta bas na ltod par mi bya'o/ /dge ba'i phyogs gang la spyod na yang ting nge 'dzin 'ga' zhig gis
 gegs su 'gyur pa de bla bar bya ba ma yin pas/ /gang zhig bsams te zhes bya ba la sogs pa gsungs te/ /rang nyid ki rigs pa dang lung gis sam dge ba'i bshes gnyen gyi gsung gi nus pa ji lta ba bzhin du nges par gzung nas bsam
 gtan dang bsam pa la sogs pa las gang cung zad cig brtsams pa der yid gzhol bas dang por de nyid re zhig bsgrub par bya ste/ /de ma grub par du yongs su dod nas gzhan brtsams par ni mi bya'o/ /gal te de ltar ma gyur na ci nyes zhe na /
 de lta na ni zhes bya ba la sogs pa gsungs te/ /gang gi phyir de ltar na ni byas pas thams cad legs par byas par 'gyur gyi/ /de las bzlog pas na sngar kha ma blangs pa dang phyis dam bcas pa gnyi gar ma 'brel bar 'gyur ro/ /'jug pa mi brtan pa ni
 shes bzhin ma yin par rjes su 'jug pas 'phel bar 'gyur ro/ /de lta na'ang 'bras bu med pa spang bar bya'o zhes gsungs pa bre mo'i gtam ni zhes bya pa la sogs pa yin te/ /'brel pa med pa rnam pa du ma brjod pa dang gzhan dag gis byas pa
 la 'jug pa ngo mtshar ba'i dngos po mdza' dag la 'am rang gis kyang bya ba de la blta ba dang mnyan pa'i phyir dag dang sems zhugs pa las bzlog par bya'o/ /gzhan yang 'bras bu med pa spang bar bya ba'i phyir so sor thar pa las bstan/
 par bya pa spyad par bya'o zhes bya ba ni/ /don med sa rko zhes bya ba la sogs pa gsungs pa yin te/ /sa dang byang bu la sogs pa la sen mo dang/ /dbyug pa la sogs ri mo 'dren cing 'bri ba la sogs pa dgos pa med pa pyong? pa ni ltung bar
 'gyur bas bcom ldan 'das kyis 'di las bzlog par bya bar dka' sgo ba dran par byas la rnam par spang bar bya ba ste/ /de las 'dir ni 'bras bu rnam par smin pa 'jigs pa'i phyir ro/ /de'i mod la zhes bya ba ni dus der 'gro bar mi bya ba'o
 kun nas nyon mongs pa'i spyod pa la shes bzhin du bar bslab pa ni/ /gang tshe zhes bya ba la sogs pa'i tshigs su bcad pa bdun gyis bstan pa yin te/ /gang che zhes bya ba la sogs pa la dang por rang gi sems brtags nas gsungs pa ni kun
 nas nyon mongs pa med pa'i gnas skabs ltar bya ba bstan pa'o/ /de nyid ni chags pa'am zhes bya ba la sogs pa bstan par byed de/ /gang gi tshe rang gi sems chags pa'am sdad par mthong pa de'i lag pa dang rkang ba la sogs pa skyod pa tsam yang
 mi bya zhing dag gis kyang brjod par mi bya ste/ gzhan du ni des bslang ba'i lus dang ngag gi rnam par rig byed kyang kun nas nyon mongs pa can du 'gyur ro/ /de'i phyir dbang po phyi rol gyi byed pa'i rnam par rtog pa bsdus la
 de tshe shing bzhin du gnas par byas te/ byed pa thams cad dang bral ba'i phyir chos thams cad ni byed pa po med pa'o zhes yid la gzhag la shing bzhin du gnas par bya'o/ /gzhan yang rgod dang zhes gsungs pa ni dam pa'i chos la
 sogs pa nyan pa la dad pa las kyang rgod pa ste/ rnam par g.yeng pa med pa zhes bya ba'i don to/ /gzhar bces pa ni dag gi tho 'tsham pa la brtson par byed pa ste/ de dag ldan pa 'am nga rgyal ni sems khengs pa'o/ /rgyags
 pa ni rang gi chos la sems mngon par zhen pa ste/ /de dag dang ldan pa ni de dag dang yang dag par ldan pa'o/ /'tshang 'dru ba ni lus kyis tho 'tsham pa ste/ /de dang ldan pas rgod pa'o/ /sbyor 'byin ni gya gyu can nam g.yo can no/ /slu
 sems ni slu bar byed pa 'am sgyu can te/ gang gi tshe de ltar gyur pa na/ /de tshe shing bzhin gnas par bya zhes bya bar 'brel to/ /bdag la bstod pa ni rang gi yon tan shin tu yang ston pa'o/ /der snang ba ni de ru snang ba ste /
 der rnam par brtags pa'i phyir ro/ /gzhan la smod pa ni gzhan tshar gcod pa'am nyes pa bsal bar byed pa ste/ /de dang ldan pa'o/ /gshe bcas ni gzhan gyi tshig la smod pa'o/ /'gyed pa ni rtag tu 'thab pa dang rtsed pa'i rgyu
 mtshan la sems pa ste/ /'dir gnyis ga la de dang bcas par gnas pa zhes tshig bsdus pa yin no /de ltar gang gi tshe mthong ba na rang gi yid de tshe shing bzhin gnas par bya zhes spyir bstan pa dang sbyar ro/ /grags pa
 ni snyan ba'o/ /'khor ni bran po dang bran mo dang las byed pa la sogs pa'o/ /rim gro ni rkang pa 'khru ba dang nyid pa la sogs pa'o/ /'di dag don du gnyer ba ni 'dod pa ste bdag gis sems de dag las shing bzhin du gnas par bya'o/ /gzhan pa?
 don yal bar 'dod pa ni gzhan gyi don la phyir phyogs pa'o/ /rang don gnyer ba ni rang gi don la mngon par zhen ba'o/ /g.yog 'khor ni slob ma dang nye gnas la sogs ? pa ste/ 'di dag mngon par 'dod cing 'khor de dag don gu gnyer pa'o//
 mi bzod pa ni bzod pa med pa'i ngang tshul/ /le lo ni bya ba ? las su mi rung ba yin te snyoms las zhes bya ba'i don to/ /'jig pa ni lus dang 'tsho ba'i 'jib pa'i 'jib pa'i rgyu las so/ /spyi brtol ni spyis brtsan pa'o/ /mu cor smra ba ni tshig ngan pa can nam rigs
 pa dang mi rigs pa la bltos pa med par brjod par bya'o/ /rang gi phyogs ni slob ma dang nye gnas gnyen dang pha la sogs pa'o/ /zhen pa ni shin tu phyogs su ltung ba dang ldan pa'o/ /da ni phyir bcos pa'i phyogs tsam gsungs pa/ /de ltar zhes bya ba
 la sogs pa ste/ /bstan pa'i rim pas so/ /kun nas nyon mongs te kun nas nyon mongs pa dang ldan pa'o/ /rang gi sems 'bras bu med pa'i byed pa dang ldan pa shes par byas nas 'jug pa thams cad bkag la nus pa mthu chung bar byas nas
 tshar bcad par bya zhing zil gyis mnan par bya'o/ /bstan pa ni ji nas slar yang 'jug par mi 'gyur ba'i chos can no/ /nyon mongs pa'i dgra'i g.yul las rnam par rgyal bar bya ba'i phyir gngar byas pa'i dpa' o ste byang chub sems dpa' o//
 gnyan po yis ni gang zhig gang du gnyen por bstan pa ste/ /ji ltar 'dod chags pa la sogs pa'i mi sdug pa la sogs pa lta bu'o/ /de yis de las bzlog par bya'o zhes bya ba'i don to/ /rtag tu ni dus thams cad du ste gang dang gang gi tshe
 kun nas nyon mongs pa rtogs pa na'o/ /drag shul can gyis zhus pa las/ byang chub sems dpa' i khyim pa'i dbang du byas te gsungs pa/ /des 'bru'i chang dang sbyar ba'i chang bag med pa'i gnas snang bar
 bya ste/ /der ro ba med pa dang/ /myos pa med pa dang 'khrul pa med pa dang/ tshig ma 'tshal ba dang/ mi 'phyar ba dang/ mi khengs pa dang/ /mi rgod pa dang/ mi g.yeng ba dang/ dran pa nye bar gnas pa dang/ /shes bzhin dang ldan par bya'o
 zhes byas so/ /de nyid las rab tu byung ba'i byang chub sems dpa' i dbang du byas te gsungs pa/ /dran pa dang shes bzhin ni mi g.yeng pa'o zhes so/ /de bzhin du 'phags pa de bzhin gshegs pa'i gsang ba'i mdo las bstan te
 rigs kyi bu byang chub sems dpa' dag ni chags pa 'am/ sdang ba 'am/ nyon mongs pa can nam/ /skad cig gsal bar byas pa'am/ /rang gi phyogs bstod pa'i tshig gam gzhan gyi phyogs tshar bcang ba'i tshig gam/
 bdag la bstong pa la rjes su chags pa'i tshig gam/ /gzhan gyis bstod pa la gnod pa'i tshig gam/ kha 'og tu lus 'khrus par mi byed pa'i tshig gam/ /mngon pa'i nga rgyal gyis lung ston pa'i tshig mi 'byin zhes so/ /de ltar
 'bras bu med pa'i spyod pa spang ba'i phyir lus bsrung ba bstan pa yin no/ /de lta bas na bdag gis tshul khrims la sogs par gnas pa dang/ mi skyong ba dang/ mi lhod par gyur par bya'o/ /de dag kyang sems mnyam par gzhag
 pas grub par 'gyur ro/ /de'i phyir zhi gnas kyi bdag nyid chen po 'di rtogs nas de lhur blangs te bsgom par bya'o/ /'dis ni bslab pa rnams la gus pa drag por 'gyur ba yin la/ /nges kyang dran pa nye bar gnas te/ dran pa nye bar
 gnas pas 'bras bu med pa spong zhing de la don med pa phyir 'byung ngo/ /de lta bas ni lus bsrung bar 'dod pas rtsa ba dran pa btsal te dran pa nye bar gnas par rtag tu gyur par bya'o/ /de nyid ni/ de la lus bsrung gang yin na/ /gang zhig don med
 spang ba'o/ /de kun gang gis 'thob ce na/ /'bras bu med pa'i spyod spangs las/ /de yang rtags tu dran pas 'grub/ /dran pa shing tu gus las 'byung/ /gus ni zhing che bdag nyid/ /shes par gyur nas brtun pa skye/ /zhes gsungs pa
 yin no/ /zhi gnas kyi che ba'i bdag nyid kyang skabs ji lta ba bzhin du 'di las 'chad par 'gyur ro/ /'dir don med pa spang ba'i don du bsdus pa'i don 'di khong du chud par bya'o zhes tshigs su bcad pa gsum gyis bstan pa shin tu nges dang
 zhes bya ba la sogs pa gsungs te/ /shin tu nges pa ni the tshom dang phyin ci log spangs pa'o/ /rab dang ni rtag tu dga' ba dang yid bde ba mang pa'o/ /bstan pa ni ma brtag pa'o/ /gus pa ni bshad pa nyid yin no/ /zhes ni mnyes
 par bya ba rnams la sems 'dus pa ste/ /de dag dang lhan cig 'jug pa'o/ /ngo tshar bcas ni snga ma bzhin no/ /'jigs bcas ni 'khrul pa byung bas 'jig rten la 'jigs pa'o/ /zhi ba ni dbang po yang dag par sdoms pa'o/
 sems can mgu bar byed pa brtson pa dang ldan pa dang/ skye bo gcig gi 'dod pa gang yin pa de gzhan la bzlogS pa yin pas so so'i skye bo'i 'dod pa phan tshun mi mthun pa rnams kyis mi skyo ba ste yid la gcags pa med pa'o/ /ji ltar zhe na/
 brtser ldan ste/ /'di ni gtan tshigs kyi tshig yin no/ /gang gi phyir nyon mongs pa skyes pas te rang dbang med pas so/ /'di zhes pa ni de dag ste byas pa 'di dag gi phan tshun mi mthun pa'i spyod pa'o snyam du shes par byas so/ /bdag dang sems/
 can dbang byas shing ni rang dang gzhan la rag las par te dus thams cad du'o/ /ci thams cad du 'am zhe na ma yin te/ kha na ma tho med dngos la ste/ kha na ma tho ba gnyi gas stong pa rnams la'o/ /ci dang 'dra bar zhe na/
 sprul pa bzhin du ste sprul pa byas pa lta rang rgyal dang bral ba ste/ nga rgyal legs par gzung bar bya ste bdag 'di lta bu yin no snyam du byang chub sems dpa' yid la gzhag par bya'o/ /skye ba yid la byed pa 'di las kyang sems kyi don med pa spang bas
 bsrung bar bya'o zhes gsungs pa/ ring zhig ces bya ba la sogs pa yin te/ dus shin tu mang ba zhig gis thob pa'i ngal ba mchog bstan pa dran pa'i sems kyis yang dang yang du bar med par byas zhing brtan par bya'o/ /de lta bur ni brtan pa'i
 rang bzhin can du'o/ /rab tu mi g.yo ni 'dod pa la sogs pa'i rnam par rtog pa'i rlung gis ri'i rgyal po ltar bskyod par mi nus pa'o/ /de ltar tshul khrims dang ting nge 'dzin phan tshun 'phel bar byed pa de dag gis sems las yongs su bsgrub pa
 yin no/ /de lta bas na byang chub sems dpa' i bslab pa ni sems yongs su sbyad pa nyid yin no zhes bya ba de dag gnas so/ /des na gang sems bsrung brtul zhugs ma gtogs pa/ brtul zhugs mang pos ci zhig bya/ zhes gsungs te/ de
 gnas pa yin no/ /yang de gnyis gcig pu nges par legs par gzung bar bya ba'i phyir lus la so sor brtag pa/ bya rgod ces bya ba la sogs pa gsungs te/ lus la ni rnam pa thams cad du gang du yang byed pa med de bdag rang nyid la
 'ang nus pa med pa'i phyir ro/ /gzhan du sems dang bral ba'i lus bya rgod la sogs pa rnams kyis phan tshun kun tu rangs shing glongs kyang bdag nyid bsrung ba'i don du slar bcos pa ni ste mi byed ces 'dri ba'o/ /nus pa thams cad med pa'i phyir
 te/ de nyid kyi phyir ni sems yongs su spyad pa nyid bsgrub par bya ba yin no/ /de yongs su sbyangs nas 'bad pa med par lus yongs su sbyangs pa 'grub ste de ni de la rag las ba'i phyir ro/ /zhes bstan par 'gyur ro/ /de ltar rnam pa thams cad du mkho ba ma yin pa'i
 lus la bltos pa dang bcas pa dgag pa lus 'di zhes bya ba la sogs pa gsungs te/ kye yid bdag nyid ma yin pa la bdag nyid du khas blangs nas sha dang rus pa'i tshogs lus kyi ming can la ci'i phyir ni khyod bsrung par byed/ ci ste de ltar mi bya
 zhe na/ gal te khyod dang lus 'di tha dad pa yin na/ de ste 'di gong pas khyod la ci zhig god par 'gyur/ sngar nas yun ring por bdag gir byas so zhe na/ gsungs pa/ rmongs pa kye bdag gir mi byed pa ste/ khyod rmongs pas 'gyings pa 'di gtsang ma
 ni dag byed do/ /'di ni mi gtsang ba yin no/ /mi gtsang zhes bya ba 'di gsungs te/ rul pa ni sums pa'i chos so/ /'o na de lta na/ ci gzhan la med pa'i 'ang skyon brjod dam zhe na/ 'dir re zhig ces bya ba la sogs pa gsungs te/ pags pa'i rang bzhin gyi
 rim pa'o/ /rang gi blo gros kyi khyad par gyis tha dang phye cig pa ni rang gi lus rus pa las byas pa'i dra ba'i 'khrul 'khor las sol cig pa'o/ /shes rab kyi bdag nyid kyis mtshon gyis sha chod la/ de ma thag tu rus pa rnams kyang dum bur so sor
 tha dad par gyis la rkang la blta bar bya ste/ rnam par ltos shig/ lus kyi nang gang yin pa 'byung ba chen po bzhi las byung pa/ pha dang ma'i mi gtsang pa nur nur po las byung ba/ sdug bsngal gyi rang bzhin byas pa mi gzo ba'o zhes rgya cher rtogs
 par bya'o/ /'di la snying po ci yod ces bya ba ni mkhas pas bsngags pa'am rig pa dang ldan par te/ de ltar bdag nyid kyis brtags par gyis shig/ de ltar ni brjod pa'i tshul du'o/ /legs par smras pa yin no zhe na da dung du ci'i phyir te khyod
 da dung yang yon tan thams cad dang bral bar de ltar rig bzhin du yang lus srung bar byed smos shig /de lta mod kyi/ 'di las cung zad blang bar bya ba yod do zhe na/ bzang mi rung zhes bya ba ste/ mdor na gang zhig yod pa de
 ni mkho ba ma yin no zhes bya ba'i don te/ de'i phyir mi mkho ba'i lus kyis ci byed/ 'di la chags par mi rigs so zhes bya ba'i don to/ /dgos pa gzhan med pa'i phyir/ 'di ni rigs par blta bar bya'o zhes gsungs pa ni/ nyis na zhes
 bya ba la sogs pa gsungs pa yin no/ /gang gi phyir las la gang gis kyang lhan cig byed par dngos pos sbyar bar bya ba yin pas na mkho bas ni chags par bya'o zhe na/ de lta mod kyi/ 'di la mngon par zhen par mi bya'o zhes/ 'di
 ltar zhes bya ba la sogs pa gsungs te/ 'chi bdag snying brtse ba med pas khyod kyi lus phrogs te zhes bya ba stobs kyis khyer te bya rgod rnams la byin pa ni/ de'i tshe na yang 'ga' yang slar 'chos par mi 'gyur ro snyam du dgos pa
 yin no/ /de ltar gyur pa yin mod kyi/ zas dang bgo pa la sogs pa tsam gyis bskyed par bya'o snyam na/ 'dir bran g.yog ces bya ba la sogs pa gsungs te/ gal te bran g.yog la sogs pa bkol bar bya ba yin du zin na /
 de lta mod kyi/ de la 'khor du mi btub pa rang bzhin mdzangs pas shes par byas nas 'jug par byed do/ /de bzhin du skabs su bab par yang de'i chos can yin na/ kye yid khyod bsam pa gang gi yo byad zas zad ? thang gis/ 'o na ci de la rnam
 pa thams cad du skabs mi dbye 'am zhe na/ ma yin te/ 'di la zhes bya ba la sogs pa gsungs te/ gla rngan ni las kyi rin no/ /de snyed can lus 'gro ba'i tshul can 'di la byin la ste/ las la mkho bar bya ba'i phyir ro/ /kye yid rang gi
 dgos pa sgrubs shig/ ci'i phyir 'di la 'di nyid kyis bsags pa ci'i phyir 'di la sbyin par mi bya zhe na/ gang gi phyir gang cung zad las byed pa sgrub pa las byed pa de la sbyin par bya'o zhes bya ba'i rigs pa ni yod pa ma yin te/ de bas na 'jug pa
 dang zlog pa'i rgyur lus la gru'i blor gzhag nas nye bar ston pa cam byin nas/ sems can gyi don bsgrub cing rdzogs par bya ba'i phyir 'dod pa la rag las pa'i lus su gyur cig pa ste/ kye yid ces skabs yin par sbyar par bya'o/ /de ltar lus
 so sor brtags pa nas de'i rang bzhin mkho ba yang dpyad de/ lus kyi dgos pa des pa'i nye bar bsdu ba ni de ltar zhes bya ba la sogs pa gsungs pa yin te/ bstan pa'i tshul du'o/ /bdag gi sems dang lus kyi mtshan nyid rag las
 par gyis te'o/ /dus thams cad du dang ba'i bzhin du gyis shig pa ste/ smin ma dpral bar bsdus la gnyer ba ste/ dang ba nyams par byas pa mthong zhig pa'o/ /de bzhin du gzhan du gyi sngar ma bskul ba nyid du legs par 'ongs
 sam zhes bya ba la sogs pa'i dag gis phebs par smra ba'i ngang tshul dang/ rgyu med par sems can thams cad kyi gnyen du gyur pa gyis shig pa'o/ /de ltar yang don med pa spang ba'i phyir bslab pa'i bya ba/ khri la sogs pa zhes bya ba
 la sogs pa gsungs pa yin te/ bab col du tab tab por dgos pa med par lag pa dang dbyug pa la sogs pas sgo glegs byang brdung bar mi bya'o/ /mdor na rtag tu sgra med par bcom bskyur ba la mngon par dga' bar gyur par bya'o/ /da ltar
 byas pa la yon tan ci yod ce na/ /chu skyar zhes bya ba la sogs pa gsungs te/ de dag thams cad kyis bcom bskyungs shing sgra med pa dang mi rgod par gnas pas brjod par 'dod pa'i don 'thob pa de bzhin du brtu bzhugs can gyis kyang ting nge 'dzin
 gyi tsher ma spangs la gnas par bya'o/ /'di ltar bslab par bya'o/ /gzhan la zhes bya ba la sogs pa gsungs te/ mdor na 'gyod pa sel ba dang/ gdams ngag dang/ rjes su bstan pa la gus pa can 'dus pa la sogs pa
 mkhas pa gsol ba ma btab par phan par 'dod cing phan 'dogs pa'i tshig ni spyi bos blang bar bya ste/ /de dag la sun dbyung bar mi bya ste/ khyad du bsang par yang mi bya'o snyam du dgongs so/ /sems can thams cad la bla mar gus pa'i blos
 legs par dbyed par bya'o snyam pas thams cad la thams cad bslab par bya'o/ /phrag dog gi dri ma rab tu bkru ba'i phyir/ legs par gsungs pa zhes bya ba la gzhen dag la yon tan dang ldan par brjod pa la mgu par bya ba'i phyir legs
 so legs so 'di ni bzang ngo zhes bya ba'i sgra ltag pa'i bsam pas brjod par bya'o/ /dge ba'i las byed pa dag mthong na yang legs par byas so/ /skal ba dang ldan pa'o/ /lags? par bya ba'i las byed pa yin no zhes bya ba la sogs pa'i
 bstod pa brjod pa rnams kyi spro ba bskyed par bya'o// kha gsag tu dgos pa bzlog pa'i don du/ /lkog na zhes bya ba la sogs pa gsungs te/ gzhan la yon tan yod par gyur pa yin na'ang lkog tu brjod par bya'o/ /mngon sum du ni
 ma yin no/ /gzhan du ni kha cig kha gsag yin snyam par 'gyur ro/ /gzhan gyis de'i mngon sum du gzhan gyi yon tan smra bar byed pa na/ de dang mthun par smra bar byed pas de'i mngon sum du brjod par bya'o/ /gzhan du na 'di la
 ma dga' o snyam nas pha rol rang gi sems sun 'byin par byed do/ /rang gi yon tan la yon tan gyi phyogs su ltung bas dang ba 'ga' zhig gis mngon sum dang lkog tu grags par byed pa ni sems kyi khengs pa bzlog cing/
 yon tan brjod par byed pa de la yon tan la rjes su chags pa yin par yid la bya'o/ /gzhan gyi yon tan la mi bzod pa spang ba/ gal te zhes bya ba la sogs pa gsungs te/ sems can tha ma dang 'bring dang phul du byung ba thams cad kyi'am yang na
 brtson pa'o/ /sdug bsngal yongs su spong bas dga' phyir te/ yongs su ngal pa'i rtsom pa thams cad kyis ni dga' ba nyid bskyed par bya'o zhes bya ba'i don te/ dga' ba de yang nor? btang bas kyang rnyed par dka' ste rnyed par 'gyur pa ma yin pa'o//
 'dir ni 'bad pa med par 'grub cing nye bar gnas pa yin na ci'i phyir 'dod par byed snyam du shes par byas la dga' ba'i bde la longs spyod par bya ste nyams su myong bar bya'o/ /ci ste gzhan gyis 'bad pas bsgrub pa'i yon tan rnams kyis bskyed
 pa la ma yin na/ bu sdug pa'i yon tan srung ba ni mi rigs so snyam du bsgom la gzhan gyi yon tan thos pa las sems rtsub par 'gyur ba spong bar bya'o/ /'di la sogs pa yin pas/ bdag la zhes bya ba la sogs pa gsungs te/ don 'di la
 'jug par 'gyur ba bdag la 'jig rten 'dir zad pa'i zhad tsam yang 'byung ba ma yin la bsags ba ni yod do zhes ston par byed pa pha rol duAng bde ba che ste/ gzhan gyi yon tan la mngon par dga' ba'i phyir ro/ /de ltar mi byed pa la 'grib?
 pa 'jig rten gnyi gar yang sdug bsngal pa mthong ste/ /gzhan gyi yon tan mi bzod pa'i phyir ro/ /de bas na sdig pa thams cad yongs su spangs te/ rigs pa'i las bya ba? la bslab par bya'o/ /zhes gsungs pa ni/ smran zhes bya ba la sogs
 pa yin te/ kha na ma tho ba thams cad las rnam par grol ba'i phyir yid phebs pa'o/ /rim par rnam par gnas pa'i tshig dang/ /the tshom med pa'i thon? ngar?/ /yid tshim bar byed pa ngar/ mnyan na tshim par byed pa dang/ snying rje'i
 ro'i rgyu mthun pa las byung ba dang/ 'dod chags la sogs pa rgyu ma yin pa dang/ 'jam pa'i rtsub pa'i tshig spangs pa dang/ ran pa'i tshigs ni sgra ji tsam gyi go bar bya ba rtogs par 'gyur ba ste/ de las gzhan pa
 yang ma yin/ ha cang lhug pa yang ma yin par brjod par bya'o/ /drang por blta ba ni yon po ma yin zhing gya gyu can ma yin par te/ mchog tu dga' ba'i ro'i khur gyis dud par gyur pa'i mig gis skoms pa chu grang mo mchog tu tshim par byang
 pa legs par 'thud ba bzhin du sems can rnams la rnam par blta bar bya ste/ chags pas ma yin/ sngar bas ma yin/ rmongs pas ma yin te/ de dag ni mchog tu phan 'dogs par byed pa yin no/ /ci'i phyir zhe na/ gang gi
 phyir sems can de dag la brten nas rnyed par dka' ba'i sangs rgyas nyid 'thob par bdag 'gyur ba ste skye bar 'gyur ro/ /de ltar gnas pan nges pa da nyid nas kyang sems can gyi don nus pa nyid yin te/ gang kun tu mi rgong 'jam
 pa dang/ ran cing mnyes par smra ba yis/ /skal can skye bo 'dun par 'gyur/ /bzung bar 'os pa'ang skye bar 'gyur zhes gsungs pa yin te/ de dag ni byang chub sems dpa' i chos yang dag par sdud pa yin no/ /de ltar mi byed
 na ci nyes she na/ de ni gzung 'os ma yin na/ /'jig rten rgyal ba'i myu gu brnyas/ /thal bas g.yogs pa'i me bzhin du/ /sems can dmyal la sogs par bsreg ces so/ /de lta bas na sems can mgu bar bya ba nyid byang
 chub sems dpa' i las yin no/ /phan 'dogs pa'i zhing ni bsod nams 'byung ba'i rgyu thun mong ma yin pa yin pas de'i zhar la 'ongs pa gzhan yang bstan pa/ rtag tu zhes bya ba la sogs pa gsungs te/ mngon par zhen pa
 las byung ba ni yid dam du byas pa'i dang ba drag pos bskyed pa'o/ /gnyen po'i phyogs kyi nyon mongs pa'i gnyen po stod pa nyid la sogs pa bsgoms pa las byung pa'o/ /yon tan gyi zhing ni sangs rgyas dang byang chub sems dpa' la sogs pa'o
 phan 'dogs pa'i zhing ni pha ma la sogs pa'o/ /sdug bsngal ba'i zhing ni nad pa? la sogs pa ste/ de dag nyung du zhig byas pas kyang dge ba tshad med pa'i rgyu skye bar 'gyur ro/ /byang chub sems dpa' rnams kyis te 'di yang goms par bya ba
 yin no zhes gsungs pa/ mkhas shing zhes bya ba la sogs pa yin te/ thams cad du spyod pa sprin pa'o/ /ldang dang ldang ba ni le lo spangs pa'i phyir te brtson 'grus dang ldan par gyur pa'o/ /de nyid kyi phyir bdag nyid kyis thams cad bya ba ste
 las 'ga' la yang gzhan la bltos pa med par bya'o zhes pa 'di nyid skabs dbye ba zhes bya ba la sogs par bstan pa yin no/ /pha rol tu phyin pa goms par byed pa na don med pa spangs par bya ba'i phyir mthar gyis bya ba sbyin pa'i zhes
 bya ba la sogs pa gsungs te/ gong nas gong du ni sbyin pa pas tshul khrims khyad zhugs la/ tshul? khrims pas bzod pa'o zhes bya ba la sogs pa'o/ /de'i phyir pha rol tu phyin pa gzhan gyi rgyur gong ma mi btang ste/ de dang 'gal
 bas mi bsten snyam du dgongs pa'o/ /ci rnam pa thams cad du 'ang ma yin zhe na/ spyod pa'i zhes gsungs te/ byang chub sems dpa' rnams kyi spyod pa bslab pa sdom pa mtshan nyid gang yin pa de nyid ni dge ba'i chu bsrung pa'i ched du chu
 lon byas pa'o/ /de bas na las gzhan du zhes bya ba ni ma gtogs pa ste/ de ji ltar mi nyams par zhe na/ bya ba'i don to/ /de bas tshogs bsags bar 'dod pa snying rjes gzhan gyis dbang du gyur pas thams cad bya bar gsungs pa
 yin no zhes brjod pa de ltar zhes bya ba la sogs pa gsungs te/ de ltar bla na med pa shes par byas la sems can rnams kyi phan pa dang bde ba bsgrubs par bya ba'i phyir/ rtag tu brtson 'grus brtsams par 'gyur bar
 bya'o/ /ngon dkag pa la 'jug pa dag ji ltar na ltung bar bcas pa ma yin zhe na/ 'ga' zhig bkag pa yang sems can gyi don gyi khyad par shes rab kyi mig gis mthong ba las 'ga' zhig bkag pa yang bya bar 'os pa bcom ldan 'das kyis
 gnang ste/ bcom ldan 'das kyis bstan pa la nges par 'byung ba dang bcas pa yin no/ /de yang thams cad la ma yin gyi/ 'on kyang thugs rje mnga' ba ste thugs rje rab kyi mthar phyin pa la 'jug pa'i phyir ro/ /de'i gzhan dbang du gyur
 cing gzhan gyi don la ro gcig pa can rang gi dgos pa la phyir phyogs pa la ste de lta shes rab dang snying rje las byung bas gzhan gyi don la 'jug pa thabs mkhas pas rab tu 'jug par byed pa la ni ltung ba med do/ /'dir yang nye bar 'khor
 gyis zhus pa las ltung ba dang ltung ba med pa'i rnam par 'byed par rig par bya'o/ /de bzhin du thabs la mkhas pa'i mdo las bram ze'i khye'u ? ma'i dbang du byas te ltung ba dang ltung bar mi 'gyur ba'i cha shes par bya'o/ /'di ni bdag lus
 bsrung ba ste sman dang gos la sogs pa rnams kyis zhes bya ba de dag bstan par bya ba'i phyir/ log par ltung dang zhes bya ba la sogs pa gsungs te/ sman dang gos la sogs pas bdag gis lus yongs su bskyang? bar bya ste gzhan gyi don la
 mkho ba'i phyir ro/ /ji skad du sngar bstan ba lta bur ste/ de la sman ni rnam pa gnyis te/ rtag tu bya ba'i sman dang/ na ba'i gsos sman no/ /de rtag tu bya ba'i sman ni zan la sogs pa'o/ /zas de ni don du spyod? yul du spyod pa grong du 'jug
 pa na ji skad du bstan pa'i bslab pa la dran pa gzhag ste rgyu bar bya'o/ /de nas bsod snyoms rnyed pa las cha bzhir bgos pa/ log par ltung bar gyur pa dang/ mgon med pa dang brtul zhugs la gnas pa la sogs par bgo bar bya ste/ bgo skal gcig
 ni log par ltung ba rnams la gnyis pa ni mgon med pa rnams la/ gsum pa ni tshangs pa mtshungs par spyod pa rnams la byin nas/ bzhi pa bdag nyid bza' bar bya'o/ /de za ba na 'dod chags med par bza' ste/ chags par ma yin/ brkam par
 ma yin zhen par ma yin gyi gzhan du ji tsam du lus 'di gnas par bya ba dang/ bskyang bar bya ba'i phyir dran pa tsam du bza' o/ /ji ltar ha cang yang nyam dma' ba dang/ ha cang yang lus lci bar mi 'gyur ba de ltar bza' o/ /de ci'i phyir zhe na/ ha cang
 yang nyam dams na ni dge pa'i phyogs la rgyab kyis phyogs bar 'gyur ro/ /lus ha cang yang lcis na gnyid kyis non par 'gyur ro/ /des bsod nams de zos nas dge ba'i phyogs la/ mngon du phyogs par bya'o zhes 'phags pa dkon mchog sprin
 las gsungs so/ /'phags pa rin po che'i phung po las kyang zas za ba na sems 'di ltar bskyed par bya ste/ lus 'di la srin bu'i rigs stong phrag brgyad cu yod pa de dag de'i mthus bde bar gnas par gyur cig /da ltar na ni 'di dag zang zing? gis
 bsdu bar bya'o/ /byang chub thob nas ni chos kyi bsdu bar bya'o zhes rgya cher 'byung ngo/ /yang de nyid las 'od srungs ngas gnyis la dad pas byin pa gnang ste/ gnyis gang zhe na/ ldan pa dang grol ba'o zhes so/ /phyogs 'dis longs spyod thams cad
 sems can thams cad kyi don du byin gyis brlab par bya'o/ /gzhan du na bdag nyid la chags pas longs spyod pa las ni nyon mongs pa can gyi ltung ba 'byung bar 'gyur ro/ /ji skad du zla pa'i sgron ma'i mdo las de dag kha zas ro zhim bsod pa dag/ rnyed nas
 rnal 'byor mi brtson za zhing 'thung/ /de dag la ni zas de dug tu 'gyur/ /ba lang phrug gu pang? rtsam bkrus bzhin/ /zhes gsungs pa lta bu ste/ de dag rgya cher ni bslab pa kun las btus par blta bar bya'o/ /bza' ba dang
 btung ba ni thun tshong du bya ba dang/ nyin zhag tu bya ba dang ji srid du 'tsho ba'i bar du zhes bya ba ste rnam pa gsum mo/ /de dag kyang dge slong gi 'dul bar bstan pas de nyid las khong du chud par bya'o/ /gos la sogs pa lus bsrung ba chos gos gsum
 ma gtogs par sbyin zhes bya ba la sogs pa gsungs te/ gal te byang chub sems dpa' la lhung bzed dang chos pos slong ba 'ga' zhig 'ongs na/ nges shin tu gtong bar mi bya ste/ 'on kyang bcom ldan 'das kyis gnang pa gang yin pa dge
 sbyong la rung ba chos gos gsum po de las ltag pa gang yin pa ni slong ba la sbyin par bya ste/ gzhan du ni ma yin no/ /byang chub sems dpa' i so sor thar pa las gsungs pa yang gal te la la zhig 'ongs nas lhung bzed dang chos gos
 slong ba na/ gal te de la sangs rgyas kyis gnang ba'i chos gos gsum las lhag ma zhig yod na ji lta ba bzhin du btang zhing sbyin par bya'o/ /gal te de la chos gos gsum las nyung bar gyur na gang la brten nas tshangs par spyod pa la
 gnas ba de ni yongs su btang bar mi bya'o/ /de ci'i phyir zhe na/ de bzhin gshegs pas chos gos gsum btang par mi bya'o/ /gsungs pa yin no/ /shA ri'i bu gal te byang chub sems dpa' chos gos gsum yongs su btang nas
 slong ba po la gtso bor byed na des ni 'dod pa chung pa bsten pa la yin par 'gyur ro zhes ha cang btang ba bkag pa'i phyir ro/ /yang bdag bsrung ba bstan par bya ba'i phyir/ dam ba'i chos ni zhes bya ba la sogs pa gsungs te/ dam pa
 ste skyes bu dam pa byang chub sems dpa' rnams kyis sam/ dam pa'i chos te gtan la phan pa dang bde ba 'jig rten pa dang 'jig rten las 'das pa bsgrub pa ste/ de bstan pa'i lus la rgyu mtshan cung zad kyi don ched du gzhir bar mi bya ste/ gzhan
 du ni don chen po'i phung por nyams par 'gyur ro/ /de'i phyir 'di dag ni snga ma'i gtan tshigs kyi tshig yin no/ /ci'i phyir de ltar zhe na/ gang phyir shin tu 'jam pa'i brtson pa 'di nyid 'phel bas myur du sems can thams cad la phan pa dang/
 bde ba bsgrub pa nus par 'gyur ba yin no/ /gang gi phyir de bas na rang gi lus dang mgo sbyin pa la sogs pa mi bya'o zhes bkag go /gang gi tshe zhe na/ mdza' ba dang mi mdza' ba dang cig shos dang skye bo phangs pa thams cad la thun mong du
 'jug pa snying rje'i sems ma dag pa na'o/ /brtson 'grus ha cang brtsams na yang bdag dang gzhan la phan pa'i don la gnod par 'gyur ba yin no/ /bdag dang gzhan la mnyam pa'am lhags par 'jug pa'i bsam pa can la ni ma bkag ste/
 gang de bzhin du bdag dang gzhan gyi byang chub phyogs dang thos pa la sogs pa pa'i bar chad byed pa la gtong ba dang mi gtong ba mi bya'o/ /sems can gyi don la nus pa lhag pa 'am nus ba mnyam ba dang/ byang chub sems dpa' i lhag pa 'am
 mnyam pa'i dge ba'i bar chod byed pa la gtong ba dang mi gtong pa mi bya'o zhes gsungs te grub pa yin no/ /'di nyid la dgongs nas byang chub sems dpa' i so sor thar pa las bshad de/ shA ri'i bu byang chub sems dpa' i khyim gyi gnas nas
 mngon par 'byung ba byang chub kyi yan lag la mngon par brtson pa des ji ltar sbyin par bya ba gang sbyin par bya/ ji tsam zhig sbyin par bya de bzhin du sbyar ro/ /chos sbyin par byed pa dang chos kyi sbyin bdag tu bya'o/ /shA ri'i bu byang chub sems dpa' khyi 
 pa gang zhig gis sangs rgyas kyi zhing gang gA'i klung gi bye ma snyed rin po che sna bdun gyis yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/
 shA ri'i bu rab tu byung bar gyur pa'i byang chub sems dpa' gang zhig tshig bzhi pa'i tshigs su bcad pa gcig bstan na 'di ni de bas ches bsod nams mang du bskyed de/ /shA ri'i bu de bzhin gshegs pas rab tu byung bas zang zing gi sbyin pa bya
 bar ma gnad do/ /de bzhin du shA ri'i bu gang gis lhung bzed du 'ongs pa lhung bzed du chud pa'i rnyed pa chos dang mthun pa chos kyi rnyed par gyur na/ /des tshangs pa mtshungs bar spyod pa rnams dang lhan cig tu thun mong du bza' bar bya'o
 zhes so de nyid du gsungs pa shA ri'i bu khyim gyi gnas nas mngon par ma byung ba gang yin pa des ni chos kun nas bsten par bya'o/ /des de la brtson par bya'o zhes so/ /gzhan du na sems can gcig gi don bsdu ba'i phyir sems can
 gyi tshogs chen po dang sems can des kyang byang chub sems dpa' i bsam pa yongs su sbyang ba'i bar chad byas pas don chen po nyams par 'gyur ro/ /thabs la mkhas pa 'dis gnas na byang chub kyi lam la nyams par 'gyur ro/ /'dir
 dgongs pa ni 'di yin te/ sngon du lus sems can thams cad la byin mod kyi 'on kyang dus ma yin par longs spyod pa las bsrung bar bya ba 'ba' zhig yin te/ nges na ser sna'i go skabs kyang med cing dam bcas pa'i don las nyams
 pa yang med do/ /gang sman shing ljon pa blta na sdug ces pa'i/ /rtsa ba la sogs spyad 'os sa don ltar/ /rdzogs sangs rgyas kyi sman shing de bzhin du/ /byis pa dus min spyod las lags bsrung bya/ /zhes gsungs pa'o//
 sems can gyi bsam pa bsrung ba las kyang bdag bsrung bar bya'o zhes bstan pa ni/ mi gus pa la zhes bya ba la sogs pa yin te/ bcom ldan 'das kyi chos lha dang mi la sogs pas mchod pa gus par mi byed pa la chos bshad na des na lha la
 sogs pa rnams 'phya bar 'gyur te/ de dag bcom ldan 'das kyis bkag pa yin pas de'i bka' las 'da' ba ni ltung ba dang bcas par 'gyur ro/ /ras la sogs pas mgo bo bcings pa la ma yin te bcas pa'i sgra ni gsum ka dang
 yang 'brel te/ de bzhin du mchod phyir thogs pas mgo bo dkris pa la yang ma yin no/ /min bzhin du zhes bya ba ni re re la sbyar bar bya'o/ /na ba la ni ltung ba med do/ /de dag ni nye bar mtshon pa yin te/ nyal ba dang 'dug pa la 'greng bas
 ma yin zhing/ nyal ba la 'dug pas ma yin la 'dug pa la stan med pas kyang ma yin te/ lam gol ba nas 'gro bas lam nas 'gro ba la ma yin no/ /mdun nas 'gro ba la rgyab nas 'gro bas ma yin te/ rgyan dang ldan pa la sogs pa'ang
 ma yin par blta bar bya'o don med pa spang bar bya ba'i phyir rtsa ba'i ltung ba'i rgyu 'di yang mi bya'o zhes bstan pa/ dman la zhes bya ba la sogs pa yin la/ zab mo ni yid la gzhungs pa ma yin pas gting mi dpogs pa'i phyir ro/ /rgya che ba
 ni rab kyi mthar thug pa'i phyir ro/ /de 'dra ba'i chos dman pa la ni blo legs par ma sbyang pa'am dman pa la mos pa rnams la ste/ mi bshad do zhes skabs su bab pas sbyar? bar bya'o/ /bud med la gcig pu dben par song ste chos mi bshad
 mi smra ste/ bshad pa ltung ba dang bcas par 'gyur ro/ /gal te skyes pa yod na nyes pa med do/ /nyan thos kyi theg pa bshad pa 'am/ theg pa chen po bshad pa'i chos rnams sems dang pa la sogs pas mnyam par bya ste/ gzhan
 du na dam pa'i chos spang bar 'gyur ro/ /sems can zab mo dang rgya che ba'i chos kyi snod du rgyu mtshan gyis shes nas nyan thos la sogs pa'i chos la gzhug par mi bya'o/ /sdom pa'i bslab pa'i spyod par bya bar
 'os pa rnams dor nas mdo sde la sogs pa klag pa nyes kyis khyod dag par 'gyur ro zhes chos 'dod pa la bstan par mi bya'o// //bam po brgyad pa/ yang 'dir gsungs pa/ gzhan yang don med pa ni dkon
 mchog brtsegs pa las gsungs pa mthong ste/ /sems can yongs su smin par ma byas pa rnams la yid rton te ston pa byang chub sems dpa' i 'khrul pa dang/ /sems can snod du ma gyur pa rnams la sangs rgyas kyi chos rgya chen po ston pa
 byang chub sems dpa' i 'khrul pa dang/ rgya chen po la mos pa'i sems can rnams la theg pa dman pa ston pa byang chub sems dpa' i 'khrul ba'o zhes so/ /'phags pa chos thams cad rnam par 'thag pa thams cad bsdu ba las kyang
 don med phra mo gsungs te 'jam dpal dam pa'i chos spong ba'i las kyi sgrib pa ni shin tu phra'o/ /'jam dpal gang la la de bzhin gshegs pas gsungs pa'i chos la la ni bzang bar 'du shes par byed/ la la ni ngan par 'du
 shes na de dam pa'i chos spong ba'o/ /gang 'di rigs pa'o 'di ni mi rigs pa'o zhes smra ba des dam pa'i chos spangs pas de bzhin gshegs pa la skur pa 'debs ba yin/ /dge 'dun la ngan du brjod pa yin no zhes rgya cher ngo//
 'phags pa nam mkha' i snying po'i mdo las kyang/ rtsa ba'i ltung pa'i skabs su gsungs te/ gzhan yang byang chub sems dpa' i las dang po pas kha cig la 'di skad du/ khyod kyi so sor thar pa dang 'dul ba'i tshul khrims la legs par
 bslabs te/ khyod myur du bla na med pa yang dag par rdzogs pa'i byang chub tu sems bskyed pas ci zhig bya theg pa chen po lhogs shig dang/ de nas nyon mongs pa'i rkyen gyis lus dang ngag dang yid rnams kyis mi dge pa'i las gang bsgrubs pa
 de dag rnam par smin par mi 'gyur bar dag par 'gyur ro zhes smra ba 'di ni byang chub sems dpa' las dang po pa'i rtsa ba'i ltung ba gsum pa ste/ gong du ji skad smos pa'i bar du'o zhes so/ /de'i phyir 'di yang so sor thar pa las bkag pas
 spyad par mi bya'o zhes so/ /shing zhes bya ba la sogs pa gsungs pa yin te/ mchil ma ni bad kan no/ /dong bar bya ba ni gzhag par mi bya ba'o/ /longs spyad pa'i chu dang thad ni longs spyad par bya ba ste/ gci ba dang phyis la sogs pa yang smad pa'o//
 'dir yang lha la sogs pa 'phya bas bsod nams ma yin pa byung ngo/ /kha bkang pa ni kha gang bar byas pa ste/ kham chen por bcad nas so/ /sgra bcas ni cag cag la sogs pa'i sgra dang do/ kha cher phye ba ste/ rkang pa brkyang ba ni khri la
 sogs pa la 'dug pa nas sa la sogs pa la rkang pa brgyad ste 'dug par mi bya'o/ /dpung pa gnyis pa yang mnyam pa ste dus gcig bu mi gnye'o/ /rim gyis gnye ba la ni nyes pa med do/ /rkyen yod pas gcig pu ste/ gnyis pa med par
 gzhan gyis bud med la sogs pa dang ste bzhon pa la sogs par gnas par mi bya'o/ /'dir 'di ni khyim pa dang rab tu byung ba gnyi ga'i thun mong yin pas gzhan gyi zhes smos pa yin no/ /mdor na bsdus nas bstan pa ni 'jig rten zhes bya ba
 la sogs pa gsungs te 'jig rten rnams kyi dang ba skyed par byed pa ma yin pa gang yin pa de thams cad bstan bcos sam tha snyad bltas shing mkhas pa la dris nas spang par bya'o/ /zhes de dag ni 'dis bstan pa yin no/ /mthong ba yang ni gang gnad
 pa byed pa'i rnam pa de lta bu de spang bar bya ste ltung bar 'gyur ba yin no/ /gang de phyir rgyal ba'i sdom pa'i mdor/ gang gis sems can ma dang gyur/ /de ni bsgrib nas te rnam spang zhes/ /dkon mchog sprin las bka' stsal to
 ji skad du byang chub sems dpa' i legs par spyad pa de gang zhe na/ 'dir ji tsam du byang chub sems dpa' gnas dma' ba na dus ma yin par ma yin/ dus ma yin par smra ba ma yin/ /dus mi shes ba ma yin/ /yul mi shes pa ma yin/
 rgyu gang las de'i thar du sems can ma dad pa smra ba na de sems can thams cad rjes su bsrung ba dang/ /bdag gi byang chub kyi tshogs yongs su rdzogs par bya ba'i don du spyod lam phun sum tshogs shing 'jam par smra ba dang/ /dal bus smra ba dang/
 'du 'dzi mi mang ba dang/ /rab tu dben pa la mngon par phyogs pa dang/ /bzhin gyi mdangs rab tu dang pa yin no zhes gsungs pa lta bu'o/ /byang chub sems dpas byang chub sems dpa' 'ga' yang khyad du bsad par mi bya'o zhes gsungs pa/
 sor mos zhes bya ba ni mdzub mo la sogs pa'i sor mo gcig gis ci yang bstan par mi bya ste/ /'on kyang kun gyis kyang ste lag pa g.yas pa mdza' dag gis bya'i lag pa g.yon pas ni gus pa ma yin pa'i dngos po gzhan la re zhig zhag/
 lam yang bstan par mi bya'o/ /'jig rten la ma dang pa spangs pa'i phyir lag pas shas cher zhes bya ba la sogs pa la/ /dgos pa chung ngu la lag pa brten te 'ga' zhig la bod par mi bya'o/ /shin tu gal che ba la nyes pa med do//
 se gol gtogs pa la sogs pa'i sgra bya ste/ de mi byed na mnyam par ma gzhag pa dang spyod pa ma bsdam par 'gyur ro/ /de dag gis ni rgod pa spang pa yang bstan pa yin no/ /des nyal ba yongs su brtags pa ni 'di ltar yongs su brtag bar
 bya'o zhes bstan pa mgon po bya ba la sogs pa gsungs te/ bcom ldan 'das mya ngan las 'das pa chen po gzims pa bzhin nyal ba brtag par bya'o/ /mngon par 'dod pa'i phyogs su mgo bstan pa glo g.yas pa phab? ste/ rkang pa'i steng du rkang pa bzhag? la
 lag pa g.yas pa sngas su byas nas g.yon pa 'ang brkyang ste byin pa'i steng du gzhag la chos gos kyi lus legs par g.yogs pa/ dran pa dang shes bzhin dang ldan pas ldang pa'i 'du shes dang snang ba'i 'du shes kyi nyal bar byed de/ sems gnyid kyis
 non par ma yin pa dang gnyid kyi bde ba myang bar mi bya ba dang/ snyes pa'i bde ba yang ma yin te/ gzhan du na ji tsam du 'byung ba chen po rnams gnas pa dang 'tsho bar byed pa'i phyir ro/ /myur du ldang ba ni rkyen par ldang bar bya ba'o/ /bya smyangs dang/
 lus gcu ba dang le los nyams bas gnas par mi bya ste/ de dag thams cad kyang snga nas so/ /gzhan yang 'di dag mdor bsdus te bstan pa/ byang chub ces bya ba la sogs pa gsungs te/ bslab par bya ba tshad med cing grangs med pa byang
 chub sems dpa' i so sor thar pa la sogs pa las rab tu bstan pa de dag bsdus pa'i tshul dang po nyid du sems spyad ba nyid kyi spyod pa des par gdon mi za bar spyad par bya'o/ /ltung ba spyir spyod ba nyin dang zhes bya ba la sogs pa gsungs te/ nyin
 lan gsum mtshan lan gsum du phung po gsum pa ste/ phung po gsum po rnams ni sdig pa bshags pa dang/ bsod nams la rjes su yi rang ba dang/ byang chub tu bsngo ba rnams kyi mdor bsdus pa'i phung po gsum rab tu gdon bar bya'o//
 lhag ma ni rtsa ba las gzhan nam/ /yang na bsams bzhin du byas pa gang slar bcos pa ste/ /de las gzhan pa'am/ /dran pa brjed pa das pa 'am/ shes bzhin ma yin pas byas pa de dag rab tu zhi bar bya ba ni phyir bcos pa ste/ des
 zhes pa ni phung po gsum 'don pa dang/ byang chub kyi sems dang/ rgyal ba bcom ldan 'das la yang dag par bsten pas so/ /de dag gis rnam par sun 'byin pa kun tu spyod pa la sogs pa bstan pa yin no//
 de la sdig pa sbyang ba ni chos bzhi pa'i mdo las bstan pa/ /byams pa byang chub sems dpa' sems dpa' chen pos chos bzhi dang ldan na sdig pa byas shing bsags pa zil gyis non par 'gyur ro/ /bzhi gang zhe na 'di lta ste rnam
 par sun 'byin pa kun tu spyod pa dang/ /gnyen po kun tu spyod pa dang/ nyes pa bzlog pa'i stobs dang/ rten gyi stobs so/ /de la rnam par sun 'byin pa kun tu spyod pa'i stobs ni/ /mi dge ba'i las spyad na de nyid la 'gyod pa
 mang pa yin te/ de la gnyen po kun tu spyod pa ni mi dge pa'i las byas nas kyang dge pa'i las shin tu brtson pa'o/ /de la nyes pa bzlog pa'i stobs ni sdom pa yang dag par blangs nas mi byed pa'i sdom pa thob pa'o/ /de la rten gyi
 stobs ni sangs rgyas dang chos dang dge 'dun la skyabs su 'gro ba dang/ /byang chub kyi sems mi gtong ba ste/ de stobs dang ldan pa la brten nas sdig pa byas pas zil gyis gnon par mi nus so/ /byams pa byang chub sems dpa' sems
 dpa' chen po chos bzhi po de dag dang ldan na sdig pa byas shing bsags pa zil gyis gnon par 'gyur ro zhes so/ /khyad par du ni byang chub sems dpa' i ltung ba lci ba dang yang ba rnams kyi bshad par bya ba ni 'phags pa nye bar 'khor
 kyi zhus pa las gsungs te/ de dag bslab pa kun las btus par blta bar bya'o/ /byang chub sems dpa' ltung ba thams cad sangs rgyas bcom ldan 'das sum cu rtsa lnga'i spyan sngar gcig pus bshags par bya'o/ /de la
 bshags pa ni 'di yin te/ bdag ming 'di zhes bgyi pa sangs rgyas la skyabs su mchi'o zhes bya ba nas brtsams/ dge 'dun la skyabs su mchi'o zhes bya ba'i bar dang/ de bzhin gshegs pa dgra bcom pa yang dag par rdzogs pa'i sangs rgyas shAkya
 thub pa la phyag 'tshal lo/ /rdo rje snying pos rab tu 'joms pa la phyag 'tshal lo/ /zhes bya ba nas brtsams te/ thal mo sbyar bar bgyis te skyabs su nye bar mchi zhes bya ba'i bar rgya cher bstan nas gsungs pa/ shA ri'i bu 'di ltar byang chub
 sems dpa' sangs rgyas sum cu rtsa lnga po 'di dag la sogs pa de bzhin gshegs pa thams cad kyi rjes su song pa yid la byed pas sdig pa rnam par dag par bya'o/ /de ltar sdig pa thams cad rnam par dag par gyur pas de la sangs rgyas bcom
 ldan 'das rnams zhal nye bar ston to/ /de bzhin du sbyar ro byang chub sems dpa' nyin mchan du sangs rgyas bcom ldan 'das de dag gi mtshan 'dzin pa dang/ yongs su brjod pa dang/ phung po gsum pa'i chos kyi rnam grangs gdon pas ltung
 pa 'gyod pa las byung ba dang/ ting nge 'dzin yang thob pa gang yin pa de ni nyan thos dang rang sangs rgyas kyi thag pa pa thams cad kyis ltung ba 'gyod pa'i gnas rnam par spyod par mi nus so zhes so/ /de dag ma lus par bslab pa kun las
 btus pa las rig par bya'o/ /rnam par sun 'byin pa kun tu spyod pa bstan to/ /gnyen po kun tu spyod pa dang/ nyes pa bzlog pa'i stobs kyang rgyas par bslab pa kun las btus pa nyid las blta bar bya'o/ /'phags pa byams
 pa'i rnam par thar pa las byang chub kyi sems kyis sdig pa rnam par dag par gsungs te/ de yang sngar bstan pa nyid yin no/ /rgyal ba la brten nas sdig pa rnam par dag par 'gyur ba ni phag mo'i rtog pa brjod pa dper bya ste/ gang 
 dag sangs rgyas skyab song ba/ /de dag ngan 'gror 'gro mi 'gyur/ /mi yi lus 'di spangs nas su/ /de dag lha yi lus 'thob po zhes te/ de ltar chos dang dge 'dun gyi dbang du byas nas kyang brjod do?/ /
 'dis kyang rten gyi bstobs bstan to/ /yang nges pa med par bstan pa rang dam zhes bya ba la sogs pa gsungs te/ rang ste bdag nyid dam gzhan la dag las pa'ang rung ste/ /sems can gyi don la rab tu 'jug pa'o/ /yang ci
 de ltar nges pa med par brjod ce na/ rgyal sras zhes bya ba la sogs pa gsungs te/ gang gi phyir dngos po thams cad kyi de kho na nyid rnam pa thams cad du khong du chud nas thams cad la phan pa dang bde pa bsgrub pa'i don du
 brtson pa'i sangs rgyas kyi sras po rnams kyi bslab par mi bya ba gang yin pa de ni cung zad kyang yod pa ma yin te/ gzhan du na sems can gyi don thams cad du bya bar mi nus la de ltar rnam par spyod pa ni bsod nams kyi tshogs
 kyang mthar thug pa med par 'gyur ro/ /bslab pa'i gzhi'i rgyu 'di yang bzung bar bya'o zhes gsungs pa/ dngos sam zhes bya ba la sogs pa yin te/ tha na rang bras? la sogs pa byed pa 'am/ gzhan bskul pa'am brgyud
 nas pho nya bskul pa 'am/ dngos su rang nyid zang zing gi sbyin ba la sogs pa byed pa'ang rung ste/ gang sems can rnams kyi phan pa dang bde ba'i rgyur mi 'gyur ba de mi bya 'am byed du mi gzhug go / de dag 'ba' zhig tsam ni
 ma yin te 'khor ba sdug bsngal bar ltung ba'o/ /sems can rnams de nas 'byung ba'i phyir dge ba'i rtsa ba chung duAng thams cad bla na med pa yang dag par rdzogs pa'i byang chub tu bsngo bar bya'o/ /tshigs su bcad pa gnyis po
 de dag gis ni bsod nams 'phel ba nye bar bstan pa yin no/ /dge ba'i bshes gnyen mi btang zhing zhes gang gsungs pa de rtag par zhes bya ba la sogs pa gsungs te/ dge ba'i mngon par mtho ba dang nges pa legs par 'thob pa'i mtshan
 nyid kyi las so/ /gnyen ni thun mong ma yin pa'i nye ba ste / de lus dang srog chud za ba'i 'jigs pas 'jigs kyang mi btang ngo/ /dge ba'i bshes gnyen gyi phan yon yang shes rab kyi pha rol tu phyin pa brgyad stong pa'i rtag par rab tu
 du ba'i le'u las shes par bya'o/ /chos bzhi pa'i mdor yang gsungs pa/ dge slong dag byang chub sems dpa' sems dpa' chen pos ji srid 'tsho ba'i bar du dge ba'i bshes gnyen srog gi phyir yang btang bar mi bya'o zhes so yongs su
 mi btang ba'i dge ba'i ba shes gnyen gyi mtshan nyid gsungs pa/ byang chub sems dpa' zhes bya ba la byang chub sems dpa' bslab pa'i sdom pa la rnam par gnas shing/ theg pa chen po'i don la mkhas pa ste/ shin tu rnyed par
 dka' ba de lta bu'o/ /dge ba'i bshes gnyen gyi bsnyen bkur yongs su shes par bya ba'i don du/ dpal 'byung ba'i zhes gsungs te/ 'phags pa sdong po bkod pa'i le'u dpal 'byung ba'i rnam par thar pa las/ dge ba'i bshes
 gnyan gyi bsnyan bkur bslab par bya ste shes par bya'o/ /ji snyad du 'phags pa sdong po bkod pa las/ 'phags pa dpal 'byung gis bstan pa/ dge ba'i bshes gnyen gyis yang dag par zin pa'i byang chub sems dpa' rnams ni ngan
 'gror mi ltung ngo zhes bya ba'i bshes gnyen ni bya ba ma yin pa rnams khong du chud par byed pa'o/ /bag med pa'i gnas las yang dag par bdog? pa'o/ /'khor ba'i grong khyer nas 'don pa'o/ /rigs kyi bu de lta bas na de ltar yid
 la bya ba rgyun ma chad pas dge ba'i bshes gnyen rnams kyi drung du 'gro bar bya'o/ khur thams cad bskur bas yongs su mi skyo bas sa lta bu'i sems dang/ bsam pa mi byed pa'i rdo rje lta bu'i sems dang/
 sdug bsngal thams cad kyis mi sgul pa'i phyir khor yug lta bu'i sems dang/ las thams cad nyams su blang pa la mi smod bas 'jig rten gyi bran lti bu'i sems dang/ nga rgyal dang che ba'i nga rgyal rnam par spong bas phyag dar
 pa lta bu'i sems dang/ khur lci ba khur bas theg pa lta bu'i sems dang/ mi khro bas khyi lta bu'i sems dang/ 'gro zhing 'ong bas yongs su mi skyo ba'i gru lta bu'i sems dang/ dge ba'i bshes gnyen gyi ngor lta bas bu
 mdzangs pa lta bu'i sems kyis dge ba'i bshes gnyen la bsnyen bkur bya'o/ /rigs kyi bu khyod kyis bdag la ni nang par 'du shes bskyed par bya'o/ /dge ba'i bshes gnyen la ni sman pa'i 'du shes dang/ rjes su
 bstan pa la ni sman gyi 'du shes dang/ nan tan nyams su blang ba ni nad 'tsho ba'i 'du shes bskyed par bya'o/ /rigs kyi bu khyod kyis bdag la ni 'jigs pa'i 'du shes bskyed par bya'o/ /dge ba'i bshes gnyen la
 ni dpa' bo'i 'du shes dang/ rjes su bstan pa la ni mtshon cha'i 'du shes dang / nan tan la ni dgra sal ba'i 'du shes bskyed par bya'o zhes bya ba ri bar du gsungs pa lta bu'o/ /mdo sde dag la rtag lta bas zhes gang
 gsungs pa de bstan par bya ba'i phyir gsungs pa 'di dang zhes pa bstan bcos 'dir bstan pa 'di dang/ gzhan yang ste gang 'dir ma bstan pas sangs rgyas bcom ldan 'das 'di nyid kyis byang chub sems dpa' rnams
 kyi bslab pa bstan pa gang yin pa ste/ mdo sde sna tshogs pa'i don de dag 'dris par rig par bya'o/ /de nyid ni mdo sde rnams la theg pa chen po'i mdo sde dkon mchog sprin la sogs pa rnams na'o/ /bslab pa gnang zhes pas ston pa yin te
 bslab pa ni byang chub sems dpa' rnams kyis blang bar bya ba dang dor bar bya ba'i mtshan nyid do/ /gang gi phyir de ltar yin pa de'i phyir khyad par 'di bstan pa/ nam mkha' zhes bya ba la sogs pa gsungs te/ 'phags pa nam mkha' i snying po'i
 mdo las/ rgyal rigs spyi bo nas dbang bskur ba'i rtsa ba'i ltung ba lnga dang/ de bzhin du spyi'i rtsa ba'i ltung ba gcig dang/ de bzhin du byang chub sems dpa' las dang po ba'i rtsa ba'i ltung ba brgyad bstan pa yin no/ /de ltar yang de nyid
 las gsungs pa/ /rigs kyi bu rgyal rigs spyi bo nas dbang bskur ba'i rtsa ba'i ltung ba lnga ste/ rtsa ba'i ltung ba de dag gis rgyal rigs spyi bo nas dbang bskur ba dge ba'i rtsa ba sngon bskyed pa thams cad thal bar brlag ste pham par gyur cing
 lha dang mi'i bde ba'i dngos po thams cad nas ngan song du 'gro bar 'gyur ro/ /lnga gang zhe na/ rigs kyi bu rgyal rigs spyi bo nas dbang bskur bas mchod rten gyi rdzas 'phrog gam/ dge 'dun gyi 'am/ phyogs bzhi'i dge 'dun la phul ba
 'phrog gam/ /'phrog tu 'jug pa 'di ni rtsa ba'i ltung ba dang po'o/ /de bzhin du theg pa gsum du bshad pa'i chos spong ba ni gnyis pa'o/ /rab tu byung ba tshul khrims dang ldan pa 'am tshul khrims 'chal pa'i dur smig 'phrog ba 'am/
 khyas? ni? gnas par byed pa 'am/ lus la brdeg pa 'am/ btson rar 'jug pa dang/ srog dang bral bar byed pa las ni gsum pa'o/ /mtshams med pa lnga las gang yang rung ba'i mtshams med pa byed pa las ni bzhi pa'o/ /log par
 lta ba dang/ mi dge pa bcu'i las kyi las yang dag par blangs pa'am/ gzhan yang dag par len du 'jug pa las ni lnga pa'o/ /de bzhin du grong 'joms pa la sogs pa byed pa las ni thams cad kyi thun mong
 pa gcig go zhes so/ /de nyid las gsungs pa/ rigs kyi buAm rigs kyi bu mo theg pa chen po las yang dag par zhugs pa las dang po pa rnams kyi rtsa ba'i ltung ba ni brgyad de/ rtsa ba'i ltung ba de dag gis theg pa chen po la yang dag
 par zhugs pa'i las dang po pa rnams dge ba'i rtsa ba sngon bskyed pa thams cad ces bya ba la sogs pa snga ma bzhin no/ /brgyad gang zhe na/ sems can gang dag sngan nyes par sbyad pa'i rgyus snyigs ma lnga pa'i 'jig rten gyi khams nyon
 mongs pa can 'dir skyes pa de dag dge pa'i rtsa ba chud pa la zhes bya ba nas de dag gi nang na stong pa nyid ldan pa'i mdo sde mchog tu zab pa 'di zhes pa 'di zhes pa'i bar dang mdun du rgyas par dran par byed cing ston la/ de dag ni nan tan du ma sbyang?
 ba byis pa so so'i skye bo dag ste mnyan nas skrag cing zhes bya ba'i par dang/ bla na med pa yang dag par rdzogs pa'i byang chub kyi sems las phyir ldog ste/ nyan thos kyi byang chub la smon na 'di ni byang chub sems dpa' las dang po pa'i
 rtsa ba'i ltung ba dang po ste rtsa ba'i ltung ba nges zhes bya ba la sogs pa ni snga ma yin no/ /de bas na byang chub sems dpas sems can pha rol dang gang zag pha rol gyi bsam pa dang/ bag la nyal dang por shes par byas nas sems can
 rnams gyi bsam pa ji lta ba bzhin du mthar gyis chos bstan par bya ba yin pa las thabs dang bcas pa'i bla na med pa yang dag par rdzogs pa'i byang chub las bzlog ste/ theg par man? pa la gzhan gyi sems bskyed par byed pa 'di ni
 gnyis pa'o/ /so sor thar pa'i bslab pa'i sdom pa spangs nas theg pa chen po la sems bskyed pa tsam dang? de klog pas pha rol dag par bstan pa las ni gsum pa'o/ /nyan thos la sogs pa'i theg pa dag de'i 'bras bu gsungs te/ nyes
 pa rab tu ston pa dang/ theg pa chen po la ni thams cad dag par rab tu ston pa dang/ gzhan dag kyang de brjod du 'jug pa las ni bzhi pa'o/ /grags pa dang rnyed pa la sogs pa'i rgyus theg pa chen po klog pa la sogs pa byed cing de bzhin
 du de'i rkyen gyis pha rol la gshung zhing smong pa la sogs pa smra ba dang/ bdag la bstong pa dang/ /mi'i chos pa ma kha len pa las ni snga pa'o/ /klags pa tsam gyi zab mo'i chos rtogs par ston pa dang/ gzhan dag kyang de bzhin du yang dag
 par len du 'jug pa las ni drug pa'o/ /rgyal rigs kyi mdun na 'don dang/ zhang blon gdos? pa rnams kyis dge slong gang dag la nor gyis chad pas chad pa bcad cing/ dge 'dun gyi 'am/ mchod rten gyi 'am/ phyogs bcu'i dge 'dun
 gyi rdzas phrogs nas de dag la 'bul bar byed do/ rgyal rigs dang de gnyi ga la yang rtsa ba'i ltung bar 'gyur te 'di ni bdun pa'o/ /chos dang chos ma yin pa bzlog nas sngar med pa'i bslab pa ston pa dang/ rtsa pa nges cho ga nyams pa rnams
 kyi bkur sti nyams par byed pa rnams kyi nye bar sbyang pa dang/ yongs su sbyong ba la yongs su bsngos pa ma gtogs par gnyi gar yang rtsa pa'i ltung ba dang bcas par 'gyur te/ 'di ni brgyad pa'o/ /rtsa ba'i ltung ba 'di dag bde blag tu gzung
 bar bya ba'i don du bstan bcos mdzad pas bsdus pa'i tshig le'ur byas pas bstan pa brjod par bya ste/ /dkon mchog gsum gyi bkor rku ba/ phas pham pa yi ltung bar 'dod/ /dam pa'i chos ni spong byed pa/ /gnyis par thub
 pas gsungs pa yin/ /tshul khrims 'chal pa'i dge slong la'ang/ /ngur smig 'phrog dang brdeg pa dang/ /brtson rar 'jug par byed pa dang/ /rab tu byung las 'bebs pa dang/ /mtshams med lnga po byed
 pa dang/ /log par lta ba 'dzin pa dang/ /grong la sogs pa 'jig pa yang/ /rtsa ba'i ltung bar rgyal bas gsungs/ /blo sbyangs ma byas sems can la/ /stong pa nyid ni brjod pa dang/ /sangs rgyas nyid la zhugs pa dag /
 rdzogs pa'i byang chub bzlog pa dang/ /so sor thar pa yongs spangs te/ /theg pa che la sbyor ba dang/ /slob pa'i theg pas chags la sogs/ /spong bar 'gyur ba min zhes 'dzin/ /pha rol dag kyang 'dzin 'jug dang/ /rang gi yon
 tan brjod pa dang/ /rnyed pa dang ni bkur sti dang/ /tshigs bcang rgyu yis gzhan smod dang/ /bdag ni zab mo bzod pa'o zhes/ /log pa nyid ni smra ba dang/ /dge sbyong chad pas gcod 'jug dang/ /skyabs gsum gyis ni sbyin
 byed dang/ /sbyin pa len par byed pa dang/ /zhi gnas 'dor par byed pa dang/ /yang dag 'jog pa'i longs spyod rnams/ /kha ton byed la sbyin pa rnams/ /de dag rtsa ba'i ltung ba ste/ /sems can dmyal ba chen po'i rgyu/ /
 rmi lam 'phags pa nam mkha' i snying po'i/ /mdun du 'dug te bshegs par bya/ /byang chub sems ni yongs 'dor dang/ /chags dang ser smin bzod pas/ /slong la sbyin par mi byed dang/ /khros nas sems can brdeg pa dang//
 bsgrims te dga' bar byed pa na/ /sems can la ni mi bzod dang/ /nyon mongs pa dang gzhan mthun pa //chos ltar bcos ma brjod pa'o/ /zhes so/ /'di dag gso ba ni mdo sde nyid nas gsungs so/ /bslab pa kun las
 btus par yang byang chub sems dpa' rnams kyis bya bar 'os pa bstan pa yin pas de nyid kyang blta par bya'o zhes gsungs pa ni/ mdo sde zhes bya ba la sogs pa la/ bslab ba kun las btus par yang ni rang nyid kyis mdzad pa'o/ /nges par
 ni gdon mi za bar ro/ /yang dang yang du ni lan cig min par blta bar bya ste/ goms par bya'o snyam du dgongs pa'o/ /ci'i phyir zhe na/ gang gi phyir byang chub sems dpa' dam pa rnams kyi spyod pa ste/ spyod pa ni de ltar bya ba nyid yin
 te bslab pa kun las btus pa de las rgya cher rgyun chags par rab tu bstan par te/ rnam par gsal bar byas shing rab tu phye'o/ /de'i phyir gal te de la goms par byed mi nus na de'i tshe mdo sde sna tshogs pa nas phyogs gcig tu
 bdag nyid kyis mdor bsdus nas btus shing byas pa blta ste/ gzhung dam don rnams par blta par bya'o/ /'dir yang dgongs pa ni snga ma nyid yin no/ /yang na 'phags pa klu sgrub kyi mdzad pa'i bslab pa kun las btus pa dang mdo
 kun las btus pa gnyis po'ang 'bang pa ste/ gus bas blta bar bya'o/ /gang 'dir mi snang ba da ni de la snang ngo snyam du dgongs pa'o/ /bslab pa nges par mthong ba rnams kyang ma lus par thams cad la nye bar mkho ba gsungs pa/
 gang las zhes bya ba la sogs pa yin te/ gang las te ngor bar bya ba ste bya bar 'os pa ma yin pa las bzlog par bya zhing mi bya ba ste/ dge ni rab tu grub pa yin no/ /gang las ni bslab pa kun las btus pa 'am mdo kun las
 btus pa las so/ /de nyid las su bya pa ste/ de la sbyar bar bya ba ni bsgrub par bya'o/ /bkag pa dang sgrub pa de yang 'jig rten pa'i sems te/ bsam pa yin la/ de bsrung ba'i don du'o/ /de ji ltar 'khrug par mi 'gyur ba te
 bslab pa kun las btus pa la sogs pa las bslab pa mthong nas rtogs par byas la de yang dag par dbyad do/ /gang las gang zhig ji ltar dpyad bar bya ba de las de bzhin du tha snyad du 'jug
 par bya'o/ /gzhan du tha snyad kyi don la rmongs pa ni ltung ba'i dri ma can du 'gyur ro/ /de dag gis ni lus dag pa bshad pa yin no/ /lus kyi dag pa gang zhe na/ sdig dang nyon mongs rnam sbyong yin/ /rdzogs sangs rgyas kyis gsungs
 tshul du/ /'bad pa med na ngan song 'gro/ /zhes gang gsungs pa'o/ /rtag tu dran pa dang shes bzhin dpyad par bya'o zhes gang gsungs pa de la dran pa ni rang gi ming gis rang gi ngo po bstan te/ shes bzhin mi shes pas shes
 bzhin ci 'dra ba zhig ce na de'i rang gi ngo bo bstan pa'i phyir/ lus dang zhes bya ba la sogs pa gsungs te/ lus kyi gnas skabs dang/ sems kyi gnas skabs gang yin pa'i spyod lam rnams la dus thams cad du so sor
 brtags par byed cing nges par rtogs pa ste/ sngar ji skad du bstan pa bzhin no/ /bstan pa'i bslab pa de dag thams cad la mkhas par bya ba dang/ las rnams bsgrub par bya ba'i tshig tsam gyis ni ma yin no/ /zhes nges par
 bya ba'i phyir/ lus kyi zhes bya ba la sogs pa gsungs te/ yid ni lus kyis byed pa'i sngon du 'gro ba'i phyir de yang 'dis bstan pa yin no/ /nan tan gyis thams cad bsgrub par bya'i/ sgra tsam bsgrags pas ni ma yin te
 'bras bu med pa'i phyir ro/ /byang chub sems dpa' 'bad par bya'o/ /ji ltar zhe na/ sman pa'i bstan bcos klags pa tsam gyi de'i bya ba mi byed pas nad kyi thebs pa la 'bras bu ci zhig bsgrub par 'gyur/ /de tsam gyis
 ni de'i nang med par mi 'gyur ro snyam du dgongs pa yin no/ /de lta bas na bya ba de dag thams cad na na tan gyis rdzogs par bya'o/ /byang chub sems dpa' i spyod pa la 'jug pa'i bka' 'grel/ shes rab 'byung gnas blo gros kyis mdzad
 pa las le'u lnga pa'o// //de ltar tshul khrims rnam par dag pa rnam pa mang po ston pa na lus la sogs pa bsrung ba dang dag pa yang bstan nas/ dge ba rnam par dag pa bstan par bya ba'i phyir/ bzod bya
 thos pa btsal par bya/ /de nas nags su gnas par bya/ /mnyam par gzhag pa brtson bya zhing/ /mi sdug la sogs bsgom par bya/ /zhes bya ba de ngag mngon par brjod par bya ba'i phyir brtson par byed pa/ bskal pa zhes
 bya ba la sogs pa yin te/ de dag kun ces bya ba ni tshul khrims kyi sdom pa yang dag par blangs pa las byung ba'i legs par spyad pa ste/ dge ba'i ngo bos so/ /spyin pa ni sbyir rnam pa gsum mo/ /bde gshegs mchod pa
 yang rnam pa gsum mo/ /bskal pa stong phrag du mar bsags shing byas pa gang yin pa de thams cad khong khro ste sems can thams cad la rnam par sngad? bas 'joms par byed de/ me chung dus rtsa'i tshogs bzhin du sreg par
 phyir ngo/ /'phags pa 'jam dpal rnam par rol pa'i mdo las/ 'jam dpal khong khro khong khro zhes bya ba ni bskal pa brgyar bsags pa'i dge ba 'joms par byed pa ste/ de'i phyir khong khro zhes gsungs so/ /'phags
 pa thams cad yod par smra ba las kyang gsungs te/ dge slong dag dge slong 'di'i dbu'i skra dang/ sen mo'i mchod rten la yan lag thams cad kyi phyag 'tshal nas sems dang bar byed pa ltos/ btsun pa de ltar lags so/ /dge slong
 dag dge slong 'dis ji tsam zhig non pa'i 'og tu dpag tshad brgyad khri bzhi stong na gser las grub pa la thug pa'i bar na rdul phran ji snyed yod pa de snyed du dge slong 'dis 'khor los sgyur ba'i rgyal srid stong?
 'gyur du yongs su spyod par 'gyur zhes bya ba nas tshe dang ldan pa nye bar 'khor gyis bcom ldan 'das gan pa der logs su thal mo sbyar ba btud nas 'di skad ces gsol to/ /bcom ldan 'das kyis dge slong 'di'i de ltar dge ba'i rtsa ba che
 ba gang gsungs pa lta na/ bcom ldan 'das dge ba'i rtsa ba 'dis gang du bsrabs pa dang/ yongs su byang ba dang/ yongs su bas bar 'gyur ba lags/ bka' stsal pa/ nye bar 'khor ji srid du tshangs par spyod pa dam pas tshangs
 pa mtshungs par sprod pa la sdang ba'i sems ma bskyed pa de srid du zad pa dang nyams par ngas yang dag par rjes su ma mthong ngo/ /nye bar 'khor der dge pa'i rtsa ba chen po 'di yang srabs pa dang/ yongs su byang ba dang/ yongs su zad par
 'gyur ba de lta pas na mgal dum la yang sems kyis khro bar mi bya na rnam par shes pa dang bcas pa'i lus la lta ci zhig smos zhes so/ /de'i phyir zhes sdang lta bu'i zhes bya ba la sogs pa gsungs pa la zhe sdang lta bu'i sdig ba med de/
 mi dge pas bsod nams zil gyis non pa'i rgyu med do/ /bzod pa sran tshugs pa lta bu dang mnyam pa'i dka' thub med do/ /shin tu ngal ba cher byas bas bsgrub par bya ba'i phyir legs spyad do/ /gang gi phyir de ltar yin pa de'i
 phyir bzod pa ste/ lhur blang ba thams cad kyis bsgom par bya ste goms par bya'o/ /sna tshogs ni 'og nas 'chad par 'gyur ba'i thabs rnam pa sna tshogs pas so/ /mthong ba'i chos kyi nyes pa tshigs su bcad pa gsum gyis
 bstan pa/ zhe sdang zhes bya ba la sogs pa gsungs te/ zhi ba ni rab tu zhi ba'o/ /nyams mi myong ni brten pa med pa'o/ /nye bar ma zhi ba nyid ni rtag tu zhe sdang gi me 'bar ba'i phyir ro/ /dga' dang bde ba ni yid bde ba dang bde ba mi 'thob la/
 mi rnyed pa sto des mnan pa'i phyir ro/ /gnyid mi 'ong zhes brtan med na sems bde ba thob pa med pa ste/ lus dang sems kyi rgyun gdung bar byed pa'i zhe sdang zug rngu'i snying la gnas 'cha' bas so/ /mchod pa ni bkur ste ste gang dag rnyed pa
 de bkur sti rnams kyis so/ /gang yang rjes su 'tshe ba ste/ rje dbon zhe sdang can de la gnod par bya ba 'dod pa'o/ /ci ste zhe na / zhe sdang skal ngan te/ mi sdug bas zhes bya ba ste 'di ni gtan tshigs kyi tshig go / mdza' bshes pa
 rnams kyang skyo bar 'gyur te/ zhe sdang can de yis skrag par 'gyur ro/ /sbyin pa la phyogs kyang ban gyi tshogs rnams kyis bston par mi byed rjes su 'gro bar mi byed do/ /mang du smra ci dgos 'dir mdor na chos 'di ni nges par gzung bar bya
 ste/ gang gis khro bar byed pa la bde ba thob pa nye bar zhi ba'i rgyu de ni cung zad kyang yod pa ma yin no/ /sems kyi rtsub pa'i gnas skabs ni zhe sdang ngo/ /de las byung ba'i 'jug pa ni khro ba ste/ gang gis dbang gis dbyug pa la sogs
 ba len par byed pa'o/ /de ltar tha dad pa gnyi ga yang spang bar bya ba nyid kyis tha mi dad par bstan te/ de bzhin du 'dir mthong ba'i chos la yang zhe sdang gis nye bar rtog par byas nas de spang bar bya ba'i phyir 'bad rtsol dang ldan par bya'o zhes
 gsungs pa/ khro ba zhes bya ba la sogs pa yin te/ ji skad du gsungs pa'i rnam pas gang gi phyir sdug bsngal bskyed par byed ba de'i phyir/ gang zhig legs par spyad pa'i bdag nyid kyis bsgrims te drag tu mngon par zhen pas te/
 brtson 'grus brtsams pas zhes bya ba'i don to/ /de ni 'jig rten 'di dang 'jig rten pha rol tu bde'o/ /da ni zhe sdang gzhom par bya ba'i ched du de la rgyu gzhom par bya ba'i phyir rnam par bzhag pa mdzad pa mi 'dod
 ces bya ba la sogs pa gsungs te/ 'dod pa dang mi 'dod pa ni bdag dang bdag gir 'dzin pa las byung ba ste/ bdag dang bdag gi la bde ba bsgrub ba ni 'dod pa ste/ de las bzlog pa ni mi 'dod pa'o/ /de ltar na de dag ni rtog pa byas su
 zad kyi/ don dam par 'dod pa'am mi 'dod par srid pa cung zad kyang med do/ /de lta bas na log par mngon par zhen pa'i pag chags kyis mi 'dod pa byas pa dang 'dod pa bshig pas yid mi bde ba ste/ yid la sdug bsngal 'byung ngo//
 de lta bas na de byed pa'am de dang 'gal bar byed pa la zhe sdang skye bar 'gyur ro/ /de ltar na zas nus pa dang ldan pa yid mi bde ba nyid la brten nas stobs yod pa dang zhe sdang gis bdag 'joms so snyam du nges par byas nas de rgyas pa'i rgyu
 nyid dang por gzhom par bya'o/ /de bcom pas ni bde ba nyid du 'gyur te/ de bcom pa'i phyir dang/ rtsa ba dang bcas pa'i bcom pa ni slar ldang ba mi rig pa'i phyir ro/ /'o na khyod kyis shin tu mngon par zhen pa 'di ci lta bu yin zhe na /
 de ltar zhes bya ba la sogs pa gsungs te/ gang gi phyir bdag la gnod pa ma gtogs pa zhe sdang gi dgra 'di la nyin dang mtshan du gzhan cung zad kyang bya ba med do/ /de ltar zhe sdang nyes pa dang ldan pa rnam par bsgoms la thabs thams
 cad kyis de'i gnyen por gyur pa bzod pa bskyed par bya'o/ /de la bzod pa ni rnam pa gsum ste/ chos yang dag par sdud pa'i mdo las bshad pa/ 'di lta ste/ sdug bsngal dang du len pa'i bzod pa dang/ chos la nges par sems
 pa'i bzod pa dang/ gzhan zhig gis gnod pa byed pa la ji mi snyam pa'i bzod pa'o zhes so de la re zhig sdug bsngal dang du len pa'i bzod pa'i dbang du byas te/ ci la bab kyang zhes bya ba la sogs pa gsungs te/ sdug bsngal dang du len pa'i bzod
 pa'i mi mthun pa'i phyogs ni mi 'dod pa la byung ba la brten nas sdug bsngal bas 'jigs pa dang/ 'dod pa'i gegs la brten nas bde ba la chags pa ste/ de dag gis ni yid mi bde la/ de las sems zhe sdang ba 'am/ zhum par
 'gyur ro/ /de nyid kyi phyir zla ba'i sgron ma'i mdo las/ bde ba la mi chags pa dang sdug bsngal la phyir mi phyogs par mi bya'o zhes so/ /dkon mchog sprin gyi mdo las kyang gsungs te/ gang nang gi mya ngan dang smra sngags 'don pa dang/ sdug
 bsngal ba dang/ yid mi bde ba dang 'khrug pa de dag bzod cing dang du len to zhes so/ /de bas na gal te bdag gi mgo gcod na de lta na yang bdag gis dga' ba'i yid bkug par mi bya/ khong nas ldang bar mi bya'o/ /dga' ba'i yid mi
 bde ba'i ga nyen po yin te/ sdug bsngal byung yang sems rab tu dga' ba la yid mi bde ba'i go skabs med pa'i phyir ro/ /de ltar yid mi bde ba spang bar bya ba'i dga' ba 'bad pas bsrung bar bya'o/ /ci'i phyir zhe na/ yid mi bde ba
 byas kyang 'dod pa'i gegs yod na 'dod pa mi 'grub ste/ mngon par 'dod pa 'grub par mi 'gyur ba'o/ /'di ni khyad par du yod de yang dge ba nyams par 'gyur pa'o/ /yid dga' ba yang 'phags pa blo gros mi zad pa'i mdo las
 rab tu bsngags te/ de la dga' ba gang zhe na/ gang sangs rgyas kyis chos rnams dran pa dang/ rjes su dran pa la dga' ba dang/ dad pa dang mchog tu dga' ba dang/ sems mi 'gog zing mi brdzi ba dang/ 'dod pa'i dga' ba med
 pa dang/ 'dod pa'i dga' ba thams cad btang bas chos kyi dga' tha thams cad kyi rten dang/ sems rab tu dga' ba dang/ lus? rab tu tshim pa dang/ sangs rgyas la dga' zhing yid 'phar ba dang/ de
 bzhin gshegs pa'i sku la dga' zhing mos pa zhes bya ba la sogs pa rgya cher brjod do/ /gzhan yang yid mi bde ba ni ma sbyangs pas skye ba yin no zhes gsungs pa/ gal te zhes bya ba la sogs pa yin te/ gal te 'dod pa'i
 gegs bzlog pa'i phyir dang mi 'dod pa byung ba phyir bces pa'i thabs gzhan yod na de'i tshe de la mi dgar ci zhig yod/ de nyid la nan tan du gyis shig / ci ste med na de'i tshe yang de la mi dga' byas ci phan dgos pa cung zad kyang med
 de/ de thabs med pa'i phyir de dag ni thams cad du 'das pa yin no/ /de ltar rnam par dbye ba nas yid mi bde ba bsal pa nyid mchog yin no/ /goms pa sdug bsngal gnod pa med par 'gyur ba yin no zhes rab tu bsgrub pa'i phyir
 brtson par byed pa sdug bsngal zhes bya ba la sogs pa yin te/ sdug bsngal ni rnam pa gnyis te/ lus la gnod pa byung ba dang sems la gnod pa byung ba'o/ /de la lus la gnod pa byung ba ni dbyug pa la sogs pa bsnun pa las byung
 ba'o/ /yid la gnod pa byung ba ni brnyas pa la sogs pa'i rgyu mtshan las so/ /de las brnyas pa ni ngan pa byed pa'o/ /tshig rtsub ni gnas 'byed pa'i tshig ste/ mi snyan pa ni grags pa ma yin pa dang/ yon tan dang bral bar
 brjod pa'o/ /de dag thams cad ni mi 'dod pa yin no/ /gal te gzhan las byung na legs pa ma yin nam zhe na/ de'i phyir gsungs pa/ bshes rnams las zhes gsungs te/ gang la bdag nyid kyi khas blangs pa mdza' 
 po'i gnas de dag dang bdag nyid la yang ngo/ /sdug bsngal la sogs pa byed pa po dgra la de las bzlog pa 'byung/ de la ni sdug bsngal ba la sogs pa mngon par 'dod pa yin no/ /de la sdug bsngal mi bzod pa de re zhig bzlog par byed pa/ bde
 ba'i rgyu zhes bya ba la sogs pa gsungs te/ 'bad pa chen pos dge ba'i phyogs nye bar bstan pa res 'ga' 'am brgya la ste 'khor bar zag pa dang bcas pa'i bde ba shin tu rnyed pa dka' o/ /sdug bsngal ni thams cad du rnyed par sla ste 'bad pa
 med par 'grub pa'i phyir ro/ /de bas na de goms pa ni dka' ba ma yin te/ thams cad du 'dris pa'i phyir ro/ /'di ltar yang 'khor ba nas nges par 'byin pa'i thabs kyang sdug bsngal nyid yin te/ de lta na yang rgyags kyi tshul du de
 yongs su gzung bar rigs pa nyid yin no/ /gang gi phyir de ltar yin pa de'i phyir kyi sems sdug bsngal nyams su myong bar bya ba'i phyir brtan par gyis la sdang ba la gnas brtan par ma byed cig/ //bam po dgu pa/
 'on kyang sdug bsngal 'di don chen po sgrub pa'i phyir bsten par rigs so snyam du yid la bya'o zhes bya ba ni rdzong gtum mo zhes bya ba la sogs pa gsungs te / rdzong gtum mo'i bu ni gtum mo'i bu ste/ ston zla 'bring po'i tshes dgu'i dus la sogs
 par zhag gsum mam zhag gcig bu gso sbyin byas nas lus bsreg pa dang gcod pa dang 'bigs par byed pa'i sdug bsngal tshor ba 'bras bu med pa nyams su myong bar byed pa'o/ /de bzhin du yul kar+Na Ta la sogs par byung pa lho phyogs kyi
 rgyud du gong ma'i ming 'bring ba tsam gyi nga rgyal gyis phan tshun du 'gran? par byed pa'i byed pa du mas sdug bsngal nyams su myong zhing srog kyang 'dor bar byed na bdag ni bdag dang gzhan mchog tu dkon pa'i sangs rgyas nyid du bsgrub pa'i phyir brtson par
 byas pa yin na ci'i phyir sdug bsngal rnams kyi bdar bar bya/ 'o na de ltar gyur na gal te sdug bsngal shin tu chung ba ni bsten par nus kyis/ lag pa dang rkang pa dang mgo bo gcod pa la sogs pa 'am/ sems can
 dmyal ba la sogs pa'i sdug bsngal las thar ba'i don du ji ltar na bsten par bya zhe na/ 'dir goms na zhes bya ba la sogs pa gsungs te/ bstan bcos goms par byed pa dang/ sgyu rtsal la sogs pa la mkhas pa la sogs pa
 'am sdug bsngal chung ngu dang 'bring dang chen po tsam nyams su myong bar bya ba'i dngos po gang zhig goms pa'i spyod yul du mi 'gyur ba de cung zad kyang yod pa ma yin te thams cad ni goms bas bdag gir bya bar nus so snyam du dgongs pa yin no/ /
 gang gi phyir gnod pa shin tu chung ngu la sogs pa goms par 'gyur ba de'i phyir sems can dmyal ba la sogs pa'i gnod ba chen po 'ang bsten par nus te/ yun ring por shin tu goms par byas pas slar yang de nyid bde ba'i ngo bor
 yongs su 'gyur bar 'gro ba yin pas na byang chub sems dpa' rnams kyi bde ba nyid ni sdug bsngal te/ ji skad du gsungs pa/ de la sdug bsngal chung ngu la goms pa sngon du btang na dka' ba shin tu dka' ba yang goms par 'gyur te/
 dper na goms pa'i dbang gis ser sna can rnams sdug bsngal la bde bar 'du shes pa de bzhin du sdug bsngal 'byung ba thams cad bde ba'i 'du shes nye bar gnas pa goms pa'i bde ba'i 'du shes nyid du nye bar gnas par 'gyur
 ro zhes so/ /de ltar na rgyu mthun ba'i 'bras bu yang chos thams cad bde bar 'gro ba'i zhes bya ba ting nge 'dzin 'thob po/ /yab dang sras 'jal ba las/ bcom ldan 'das chos thams cad pha bde bar 'gro ba zhes bgyi ba'i
 ting nge 'dzin mchis te/ ting nge 'dzin de dag gis thob pas byang chub sems dpa' dmigs pa'i dngos po thams cad la bde ba'i tshor ba sha stag myong bar 'gyur zhing sdug bsngal gyi tshor ba mi myong la/ sdug bsngal yang ma lags/
 bde ba yang ma lags pa mi myong ste/ de la sems can dmyal ba'i gnod pas gnod ba bgyis kyang bde ba'i 'du shes nye bar gnas par 'gyur ba dang/ mi'i gnod pas gnod pa bgyis kyang bde ba'i 'du shes nye bar gnas pa dang/ lag
 pa bcad dam/ rkang ba 'am/ rna ba 'am/ sna gtubs kyang bde ba'i 'du shes nye bar gnas par 'gyur ba dang/ rtsa lcag gis gzhus sam/ rtsa lcag byed tshal lam/ lcag gis bzhus kyang bde ba'i 'du shes nye bar gnas
 ba dang/ btson rar bcug gam/ dug gi smong ltar gdugs sam/ bu ram shing brdungs pa ltar brdungs sam/ 'dam bu gzhom pa ltar bcom mam 'bru mar gyi mar me ltar 'bar bar byas sam zhes bya ba nas karla pa Na? tsam du gtubs
 sam/ 'bras phye btso ba ltar btsos sam/ glang po che rnams kyis gnyes kyang bde ba'i 'du shes 'jug go zhes rgya cher 'byung ngo/ /gal te dang po gnod pa chung ngu goms par 'gyur na/ de ltar 'gyur na/ 'on kyang de nyid med
 do zhe na/ 'dir sbrul dang zhes bya ba la sogs pa gsungs te/ sprul la sogs pas byas pa'i sdug bsngal don med pa ci ma mthong ste/ de ni 'bang pa med par grub pa yin te/ gnod pa chung ngu goms pa'i rgyu mtshan ni yod pa nyid do
 snyam du dgongs pa'o/ /yang gzhan bu rang gi sems brtan par bya ba'i phyir/ tsha grang zhes bya ba la sogs pa gsungs te/ sems bze re can ni sdug bsngal shin tu tshar gnod bar 'gyur te/ sems brtan pa la ni sdug bsngal yang
 bzlog nas so/ /sems brtan pa'i yang sdug bsngal mi bzod pa nyid ma yin nam zhe na/ 'dir la la zhes bya ba la sogs pa gsungs te/ sems brtan pa la ni mi nus pa zhes bya ba cung zad kyang med de/
 'di ltar skyes bu dpa' bo la la g.yul do'i sar bdag gi khrag mthong yang/ lhag par dpa' ba bsten par byed do/ /yang sems kyi rgyud sdang ba la la ni gzhan gyi khrag mthong bas kyang shi la thug pa'i sdug bsngal nyams su myong bar 'gyur
 te/ de dag gnyi ga yang gcig la gcig sems goms pa dang bzlog pa las yin no/ /de ltar shes par byas nas sdug bsngal rnams kyis mi tshugs byos te/ sdug bsngal rnams kyis kyang zil mi non par bya ste/ sems
 mi bsgul ba'i phyir ro/ /de bas na gnod pa zil gyis gnon cing/ des ni zil gyis mi gnon no/ /de ltar na yang gnod pa khyad du bsad par bya'o zhes mkhas pas zhes bya ba la sogs pa gsungs te/ mkhas pas sngar bstan
 pa'i dang ba nyams par mi bya'o/ /ci'i phyir zhe na/ gang gi phyir nyon mongs pa'i dgra rnams dang thabs gcig tu g.yul 'gyed par rtsom pa na/ g.yul du yang gnod pa zhes bya ba mi 'gyur ro zhes bya ba ni dkon te gnod pa ni mod pa
 nyid yin no/ /de lta mod kyi shin tu bya dka' ba 'di 'dra ba snang ba ma yin nam zhe na/ 'dir gang zhig ces bya ba la sogs pa gsungs te/ g.yul ngor dgra bo zil gyis gnon pa la mngon du phyogs pa ni nges mtshon brdeg pa
 brang du phog na'ang phog phog tu dgra las rgyal bar bya ba gang yin pa de dang de dag ni skyes bu dpa' ba yin te/ mchog tu dgra las rnam par rgyal bar byed bas 'di rnam par rgyal ba thob byas so zhes bsngags par byed do/ /yang
 gzhan gang zhig don gyis rma la sogs pas dgra zil gyis gnon pa de dag ni cung zad kyang byed pa min pas rol gsod pa ltar dpa' bo rnams kyis smad par 'os pa yin no/ /yon tan bstan pa 'dis kyang sdug bsngal dang du blang bar bya'o zhes gsungs pa
 ni/ gzhan yang zhes bya ba la sogs pa yin te/ gzhan yang sdug bsngal 'di'i yon tan ni 'di yin te/ dge ba'i rgyu rdzogs pa'i lam dang rjes su mthun pa'o/ /sdug bsngal gang yin la zhugs na skyo ba skye bar 'gyur ro/ /de'i phyir na gzugs
 dang lang tsho dang nor la sogs pas byas pa'i dregs pa sel bar byed de nyams par 'gyur ba dang/ 'khor ba la ste/ 'khor ba sdug bsngal gyis gzir ba rnams la snying rje ba'i sems dang/ 'di ni sdug bsngal pa'i 'bras bu yin no snyam
 du rig nas sdig pas 'jigs te/ mi bya ba'i sems dang sangs rgyas te/ bcom ldan 'das nyid kyis sdug bsngal zad par 'gro ba'i lam nye bar bstan pa'o snyam nas gus pa dang/ dad pa dang/ sems dang ba'o/ /sdug bsngal dang
 du len pa yang gzhan gyi rkyen gyis byung bar brtag pa mkhris pa zhes bya ba la sogs pa gsungs te/ lus 'di mkhris pa la sogs pa nyes pa gsum gyi bdag nyid de/ de yang rnam pa de lta bu'i bras dang gnas pa dang bral bas ma snyoms
 pa'i gnas skabs su gyur nas nad bskyed par byed de/ sdug bsngal thams cad kyi rgyur 'gyur ro/ /de ltar mod kyi de dag la ni bdag mi khro ste sems pa med pa'i phyir ro/ /de dag bsams bzhin du sdug bsngal bskyed par byed pa ni ma
 yin te/ 'on kyang rang gi rgyu tshogs pa'i dbang gis rab tu 'khrug par 'gyur ba yin no zhe na/ gal te de ltar yin na sems yod rnams la ci ste khro ci ste ma yin zhe na/ de dag kyang sngon gyi las la rag pa'i phyir rang gi rgyu tshogs
 pa rab tu 'khrug par gyur pas sdug bsngal bskyed ba yin no/ /de bas mkhris pa la sogs pa bzhin du de dag la yang bdag khro bar mi rigs so/ /'dir gnyi ga yang mtshungs par rgyul rag lam pa'i phyir
 ro zhes nye bar ston pa dper na zhes bya ba gsungs te/ dper na rang gi rkyen gyis nye bar bskyed pa'i nus pa can mkhris pa la sogs pa 'dod pa med par yang nges par na tsha bskyed pa de bzhin du rang gi rgyu yongs su 'gyur ba la brten pa'i nus pa yid
 mi bde ba la sogs pas khro ba bskyed do/ /de ltar na 'di dag thun mong du rgyu dang rkyen la rag las pa yin no/ /ji ste de ltar ni 'dir sems pa dang bcas pa rnams bsam nas rnam pa de ltar mi 'dod pa byed pa yin la/ cig shes ni de ltar
 ma yin no zhes/ khro bar zhes bya ba la sogs pa gsungs te/ de ni rkyen tshogs pa med par khro bar bya'o zhes de ltar blo sngon du btang nas bsams bzhin du skye bo rnams rang dgar ni med/ khro ba yang bskyed par bya'o snyam du dgongs nas rang
 dbang can du mi skye'o/ /de lta bas na 'dir 'di nyid ni tshad mas grub po zhes nye bar zhes bya ba la sogs pa gsungs te/ 'di dag thams cad ni rkyen 'di dag tsam nye bar gnas pa'i rang bzhin yin te/ rang dbang du 'jug pa ni 'ga' yang yod pa
 ma yin no/ /rkyen rnams tshogs pa de dag kyang rang gi 'bras bu bskyed pa na legs bar bsams nas mi bskyed do/ /de ni rang gi rgyu yongs su 'gyur ba te de'i chos nyid kyis rnam pa de 'dra ba'i 'bras bu skyed pa yin te/ bsams nas ni ma yin la/
 des bskyed de yang ste 'bras bu yang tshogs pa 'di dag gis bskyed do zhes sems pa yid la byed pa yod pa ma yin no/ /de lta bas na chos thams cad la byed pa med ba'i phyir/ 'di yod pas 'di 'byung la 'di skyes pa'i phyir 'di skye
 ba yi na paS?/ 'gro ba 'di ni rkyen las byung ba tsam ste/ 'dir 'ga' yang rang dbang can du 'byung ba med de/ chos thams cad rgyu dang rkyen la rag las pa'i phyir ro/ /'o na de ltar yin na rang dbang can ni yod pa ma yin te/ ji ltar grangs can pa'i gtso bo
 dang/ bdag dang rigs pa can la sogs pa'i nam mkha' la sogs pa'o/ /des na ci'i phyir 'di la rang dbang can ni 'ga' yang med do zhes brjod par byed ces dogs pa la/ gtso bo zhes bya ba la sogs pa gsungs te/ khyod kyi gang rdul dang mun pa dang
 snying stobs kyi cha mnyam pa'i rang bzhin ni gtso bo zhes 'dod pa de'o zhes bya zhes pa ni de ni tshad mas grub pa med do zhes mi 'dod pa ston par byed pa'o/ /dngos po 'ga' zhig la bdag ces brtags shing zhen pa gang yin pa de yang tshad ma dang mi
 ldan no zhes gsungs pa'o/ /gang gi phyir de nyid ni rang nyid de/ de las gzhan pa'i rgyu med pa'i phyir 'byung ngo skye'o zhes bsams nas skye ba med do/ /ci'i phyir zhe na/ gang gi phyir ma skyes par ni de ste gtso bo la sogs pa snga nas yod pa ma
 yin ba nyid yin la/ med pa yang mo gsham gyi bu la sogs pa lta bu yin na skye bar 'dod par gyur pa gang yin/ ji ste med pa ni 'ga' yang mi skye ste/ 'on kyang mi gsal ba'i gnas skabs las gsal ba'i gnas skabs su yongs su
 'gyur ba tsam yin no zhe na/ gal te de lta yin na yongs su 'gyur ba dang/ gsal ba'i gnas skabs kyang med na ji ltar skyed/ yongs su 'gyur ba dang gsal ba'i gnas skabs de de'i rang bzhin yin na de yang skye bar thal bar 'gyur ro/ /tha dad
 pa yin na 'brel pa med pa dang/ 'brel pa brtags pa yin na yang thug pa med par 'gyur te/ 'og nas rgyas par gtso bo 'gegs par 'gyur ro/ /'o na de ltar na yang bdag la yang nyes pa 'di med pa nyid de/ de la ni bdag cag skye bar
 mi 'dod de/ de ni dus thams cad du rtag pa'i rang bzhin skye ba med pa kho na'o zhe na/ de ltar 'dod du chug ba yang 'di ni rnam pa thams cad du bong bu'i rwa dang 'dra ba nyid yin te/ skye ba med pa'i phyir ro/ /de bas na 'di la
 ma skyes bar ni de med na/ /de tshe skye bar 'dod pa gang zhes bya ba'i nyes pa ldog par mi 'gyur ro/ /yod na yang 'di la bdag nyid la yang rang dbang nyid med do/ /de yang gtso bos gtod pa'i yul nyid la longs spyod pa yin na/ de'i tshe yang lus la
 longs spyod pa las sngar 'di la longs spyod pa po nyid med do/ /phyis skyes pa yang de'i rang bzhin nyid yin te/ gzhan du na de'i longs spyod pa po nyid mi rigs pa'i phyir ro/ /de skye ba na yang de yang yin pa'i phyir ji ltar na bdag la skye bar mi 'dod/
 yang de nyid ma skyes par ni de med na/ de tshe skye bar 'dod pa gang zhes bya ba 'di 'thob bo/ /'dir gzhan yang sun dbyung ba gsungs pa/ yul la rtag tu yengs 'gyur zhes bya ba la/ gang gi tshe 'di gtso bo gtad pa'i yul la
 longs spyod pa'i phyir 'jug pa yin no zhes 'dod na/ de'i tshe sngar 'jug pa med pas phyis kyang 'jug par mi rigs so/ /ji ste brgya la 'jug go zhes na de'i tshe yang yul la g.yengs pa las ldog par mi 'gyur ro/ /de nyid
 na 'gag par 'gyur ba'ang ma yin no/ /zhes gsungs pa yin te/ de'i tshe yul la longs spyod pa ldog? par yang spro ba med par 'gyur te/ de'i rang bzhin de yin pa'i phyir ro/ /de yang rtag pa'i phyir mi ldog ste/ ldog
 na yang mi rtag pa nyid du thal bar 'gyur ba'i phyir ro/ /rigs pa can la sogs pa'i bdag tu brjod pa ni rtag pa'i phyir de'i khyad par gsungs pa ci ste zhes bya ba la sogs pa la/ 'dir grangs can las bye brag ni sems ba med
 pa yin te/ gzhan ni mtshungs pa nyid do/ /de la rtag pa ni dus snga phyir rang bzhin gcig pa'o/ /sems pa med pa yang sems med pa'i rang bzhin te bems po zhes bya ba'i don te/ sems can ni gzhan dang 'brel pas sems par byed ba'o/ /
 mkha' bzhin ni khyab pa'o/ /de'i phyir mngon te byed pa med par gsal ba'o/ /gang gzhan dag 'dod pa la sogs rten dang/ rang ni sems med ngo bo dang/ /rtag dang de bzhin kun khyab dang/ dge dang mi dge'i las rnams kyi/ /byed pa po dang
 de 'bras bu/ /longs spyod pa dang sems pa dang/ /ldan phyir sems pa'i rang bzhin gyi/ /bdag tu 'di ni 'dod pa yin/ zhes bstan pa yin no/ /de ltar na 'di ni ci yang mi byed pa yin te/ bya ba 'ga' la yang mi mkho ba'i phyir ro/ /
 'on te byed pa med pa la lhan cig byed pa'i rkyen gzhan nye ba la sogs yang byed pa khas blangs par bya ste/ gang shes dang rtsol ba dang 'brel pa de la byed pa nyid du bshad ces gsungs so zhe na/ 'dir kyen gzhan zhes bya ba la sogs pa gsungs
 te/ shes pa dang rtsol ba la sogs pa rkyen gzhan rnams dang phrad na yang rtag pa'i phyir 'gyur ba med pa sngar gyi rang bzhin las 'pho ba med pa'i bdag la ci byar yod de la bya ba yod par mi rigs so/ /byed ba'i zhes bya ba la sogs pa la/
 ji ltar gang zhig sngon byed pa med pa'i dus na yin pa de ltar byed pa'i dus na yang yin na byed pa po'i rang bzhin dang bral ba de la byed pa bos ci zhig byas/ gang gis na rkyen gzhan dang phrad pa de la bya ba rnam par
 'jog par byed pa yin/ gzhan yang 'brel pa gnyi ga med pa'i phyir na bdag de'i byed pa 'di yin no zhes 'brel par 'gyur ba gang zhig yod de/ rgyu mtshan gzhan ci yod/ ci yang yod pa ma yin te/ bdag dang dbang phyug kyang rgyas
 par 'gegs par 'gyur ba'i phyir te/ rang dbang can 'ga' yang yod pa ma yin no/ /de ltar thams cad du rang dbang can ma yin par bsgrubs nas mjug bsdu ba ni/ de ltar zhes bya ba la sogs pa gsungs te
 de ltar bstan pa'i tshul gyis phyi dang nang gi dngos po'i rnam pa thams cad gzhan gyi dbang ste gzhan la rag las pa yin no/ /de ltar na 'o na gang gis dbang yin pa de ni gzhan la rag las pa ma yin no zhe na/ ma yin te/ gang gi dbang
 gis de dbang med de/ /rang gi rgyu'i gzhan gyi dbang yin no/ /de ltar na rgyu de yang gi rgyu las skye ba'i phyir thog ma med par 'khor ba'i rgyud pa la dga' yang rang dbang can du gyur pa mi srid do/ /de'i phyir chos thams cad ni byed pa yin no/ /
 don dam par su zhig su la gnod pa byed/ de bas na gnod pa byed pa gang la gnod ba byas pa gang zhig gang zhe sdang 'byung bar 'gyur/ de nyid gsungs pa mya ngan 'das lta'i zhes bya ba la sogs pa ste/ byed pa'i rtogs pa thams
 cad dang bral ba'i phyir mya ngan las 'das pa bzhin du sems pa med cing g.yo ba med pa'i chos thams cad de ltar gyur pa rnam pa su la khro bar byed de/ rtog pa dang ldan pa dag 'ga' la yang khro bar mi rigs so snyam du dgongs pa yin no/ /
 'o na de ltar yin na gcig bsgrub pa na gnyis pa nyams par 'gyur ro snyam du dogs pa gang gis zhes bya ba la sogs pa gsungs te/ bsgrubs pa'i rigs pa bzlog ba'ang ste/ phyir bzlog ba'ang myang 'das lta bu'o/ /sems med
 dngos rnams la mi rigs so/ /de ltar zhes bya ba ni gang gi tshe rang dbang can 'ga' yang ma mthong ste/ thams cad rkyen tshogs pa la brten te skyes pa yin pa de'i tshe bzlog pa po yang mi rigs so/ /gal te de ltar yin pa de ltar na yang
 ji ltar mi rigs/ byed pa po rang dbang can gang gis bzlog par bya/ rang dbang can 'jug pa gang zhig bzlog par bya/ dgos pa ni 'di yin te/ rigs pa mtshungs ba la lar ni 'jug la/ la lar ni ldog par mi rigs so/ /gcig
 tu ldog pa na thams cad du ldog par rigs kyis/ la la ni ma yin te/ rigs pa mtshungs pa'i phyir ro/ /de bas bzlog pa rigs pa min zhes bya ba de rigs pa yin no zhes gal te de ltar sems na/ 'dir lan gsungs pa bzlog par
 rigs so/ /ci'i phyir zhe na/ brten nas so/ /gang gi phyir byed pa med pa'i dngos po rnams la 'di la brten nas 'di skyes so zhes rten cing 'brel par 'gyur pa yod pa de'i phyir bzlog par rigs pa yin te/ de bas na 'gal ba med do/ /
 'di skad du bstan par 'gyur te/ gang yang chos thams cad byed pa med pa yin mod kyi/ de ltar na yang rten cing 'brel par 'byung ba'i stobs kyis gzhan gyis dbang can du bstan te/ de ltar thams cad gzhan gyi dbang zhes bstan pa'i
 phyir ro/ /de bas na mi rigs pa la sogs pa'i rkyen gyi stobs kyis gong du 'bras bu 'dren pas 'du byed la sogs pa'i ngo bo 'jug cing/ snga ma snga log pa na ldog ste/ de dag kyang phyi nas rgyas par sten par 'gyur ro/ /de'i 'khor
 pa'i sdug bsngal rgyun chad pa ldog par mngon par 'dod de/ de bas na zhe sdang la sogs pa sdig pa 'jug pa las bzlog pa 'thad pa yin no/ /de dag la brten nas rnam pa de lta bu'i mngon par mtho ba dang/ nges par legs
 pa'i rang bzhin gyi 'bras bu skye'o/ /da ni skabs nyid la sbyar bar bya ste/ de bas zhes bya ba la sogs pa gsungs te/ gang gi phyir thams cad brten nas skyes pa de'i phyir mi mdza' ba dang cig shog gnod pa byed pa rkyen las gyur to/
 zhes bde ba nyid du dmigs par bya'o/ /ci'i phyir zhe na/ 'di ni gnod pa byed pa'i rgyu'i ngang tshul can mi mdza' ba 'am cig shog 'di 'dra ba yin pa ste/ de ltar nges par byas pa bde bar 'dug la/ yid mi
 bde bar mi bya'o/ /gzhan yang sdug bsngal dang nye bas sems 'khrug na yang sdug bsngal ldog par mi 'dod do zhes bstan pa/ gal te zhes bya ba la sogs pa gsungs te/ bdag nyid kyi 'dod pa tsam gyis rgyu med pa yang mngon
 par mi 'dod pa ldog pa dang/ mngon par 'dod pa gnas par 'gyur ba med do/ /de ltar gyur na sems can su la yang sdug bsngal bar mi 'gyur ro/ /ci'i phyir zhe na/ bdag nyid sdug bsngal par 'dod pa su yang med do/ /de ltar na
 sems can thams cad ni rang bde bar 'dod pa yin no/ /sdug bsngal dang du len pa'i bzod pa brjod nas/ da ni gzhan gnod pa byed pa la ji mi snyam pa'i bzod pa bstan pa bag med pas ni zhes bya ba la sogs pa gsungs te/
 ma brtags par byed pa ni bag med pa'o/ /rang nyid ni rang nyid kyi lus la tsher ma dang dong dang/ gyo mo dang rdo ba dang/ gseg ma la sogs pa dang/ bgrod dka' ba'i lam du las ma yin pa la 'jug pa 'am/ tsher ma gting pa
 la nyal ba la sogs pa 'am/ de bzhin du zas dang skom dang/ bgo pa la sogs pa rnams kyis gnod pa byedpa' o/ /ci'i phyir zhe na/ rngam pa ste/ bgrod par bya ba yin pa gzhan gyi bud med dang nor la sogs pa thob par 'dod
 pa'i don du'o/ /'gegs pa ni spyangs pa'o/ /g.yang sa ni ri la sogs pa'i g.yang ngo/ /chu dang mer 'dug pa la sogs pa dang/ dug dang mi 'phrod pa la sogs pa za ba ste/ ha cang zab dang/ ha cang mi za ba la sogs
 pa'o/ /'ga' zhig ni mi rmongs ba'o/ /rang la ni bdag nyid kyi lus la gzhan gyis gnod pas gnod pa byed pa yod de gsod par byed pa'o/ /bsod nams ma yin spyod pa yis ni gzhan bsad pa'i bsam pas g.yul ngo la sogs par mi
 dge ba'i las byed pas so/ /gang gi tshe de ltar bstan pa'i rim pas nyon mongs dbang gyur pa ste/ nyon mongs pa'i gzhan dbang du gyur pa'i phyir/ sems can de dag bdag sdug nyid kyang ste/ phangs pa'ang gsod byed pa gzir bar byed pa
 de'i tshe de dag gzhan lus la gzhan gyi lus po la gnod pa byed pa spong bar ji ltar 'gyur/ de ltar na de dag snying brtse ba'i gnas yin pas zhe sdang gi gnas ni ma yin no zhes gsungs pa/ nyon mongs zhes bya ba la sogs pa yin te/
 sha za bzhin du nyon mongs pas smyo bar byas pa gnod pa byed pa de dag rang la gnod pa'am/ gzhan la gnod pa byed pa'i sgo nas bstan pa'i tshul du zhugs pa rnams la snying rje med pa tsam ma yin pa ste/ de tsam ma yin pa'o/ /tha
 mal pa 'am bar mar yang de la mi rigs na/ brtse ba'i gnas rnams la zhe sdang bskyed pa ci tha tshig ste/ shin tu tsher phyin ci log pa yin no/ /de ltar yang rang gi sems bzlog par bya'o zhes bya ba ni/ gal te zhes bya ba la sogs
 pa gsungs pa yin te/ 'dir ltar 'dir brtag pa rnam pa nyid bya ste/ gal te byis ? so so'i skye bo rnams kyi rang bzhin gzhan la gnod pa byed pa de 'dra ba yin na/ de'i tshe khyod kyis rang bzhin la ni ci ste gzhan la gnod pa byed ces brgal
 zhing brtag par mi rigs so zhes yongs su brtags nas bya ste/ de dag la bdag gis zhes dang bar mi rigs te/ dper na me sreg par byed pa'i phyir me sreg par byed pa rang bzhin yin pa lta bu'o/ /gzhan du de med na de'i rang bzhin
 nyid nyams par thal par 'gyur ba'i phyir ro/ /brtag pa gnyis pa'i dbang du byas te 'on te zhes bya ba la sogs pa gsungs la/ 'on te skyon 'di glo bur te de'i rang bzhin du gyur pa las gzhan nyid yin la/ /
 yang sems can gyi rang bzhin ni sems rang bzhin gyis 'od gsal ba yin pa'i phyir nges pa yin na ste/ gya gyu can ma yin la/ zhe sdang nyid ni sdang ba'i rang bzhin te/ sems can gyi ma yin na/ de ltar na'ang sems can des pa'i bar bzhin
 can de dag la khro ba mi rigs so/ /gang dang 'dra zhe na/ gang na du ba bku ba 'thul ba yod pa de dang 'dra ste/ nam mkha' dri ma med pa de la du ba bku ba'i rang bzhin med pa yin te/ 'on kyang du ba'i yin no/ /de bas na nyes pa de ni du ba
 nyid kyi nyes par rigs te/ rang bzhin gyis yongs su dag pa'i nam mkha' la ni ma yin no/ /de pas na nyes pa rnams la khro par rigs kyi sems can rnams la ni ma yin no/ /gzhan yang sdug bsngal gyi rgyu gtso bo gang yin pa de la khro ba
 rigs par 'gyur gyi gco bo ma yin pa la ni ma yin no zhes/ dbyug pa la sogs zhes bya ba la sogs pa gsungs te/ sems ma bsgoms pa'i lus la dbyug pa brdeg? pas sdug bsngal 'byung ba de bas na dbyug pa nyid sdug bsngal gyi
 rgyu dngos yin pas de nyid la khro bar rigs so/ /'on te gzhan gyi 'phangs pa yin pas dbyug pa la nye par ci yod ce na/ /de'i phyir 'phen par byed pa nyid nyes pa can du 'gyur ro/ 'o na de ltar na de yang dbyug pa bzhin du zhe sdang spyod par
 byed pas sbar pas zhe sdang la bdag khro bar rigs kyi/ spang pa la ma yin no/ /gzhan yang bde ba dang/ sdug bsngal lam gtad pa ni 'ga' yang longs spyod par mi byed do zhes rnam par bsams la/ gzhan gnod pa byed kyang de la
 sems khro bar mi bya'o zhes/ bdag gis zhes bya ba la sogs pa gsungs te/ gang gi phyir bdag gis kyang tshe rabs snga ma gzhan la sems can rnam pa 'di lta bu'i gzir par byas pa de'i phyir bu lon 'jal ba'i rigs pas bdag la gnod pa byed par
 rigs pa nyid yin te/ gnod ba de ni bdag gi las kyi 'bras bu sbyin ba'i phyir ro snyam du dgongs pa'o/ /gang zhig gang gi rgyu yin pa de las de 'byung ste/ gzhan las ni ma yin no zhes brtag cing gzhan gnod pa byed pa ji mi snyam par zhes
 bstan pa de'i mtshon dang zhes bya ba la sogs pa gsungs te/ rgyu'i tshogs pa ma tshang pa med pa ni 'bras bu thams cad kyi rgyu yin no zhes/ tshad mas des pa yin no/ /de ni 'dir yang rnam pa de lta bu yod de/ 'di ltar gnod pa byed pa de'i
 mtshon ral gri la sogs pa dang bdag gi lus te/ de dag gnyi ga tshogs pa'i ngo bo ni sdug bsngal gyi rgyu yin no/ /de lta bu nus pa can gyi rgyu yod par gyur pa na'ang ji ltar na 'bras bu mi skye/ gzhan du na de de'i rgyu ma yin par 'gyur ba dang/ /
 de las gzhan pa yang de las skye bar 'gyur ro/ /de lta bas na gal te rgyu nye ba la khro bar byed na de'i tshe bdag la'ang khro par rigs so/ /de pas na khyed rang yang sdug bsngal gyi rgyu 'dzin cing nye bar byed bas rang la mi khro na/ gzhan
 yang mi rigs so snyam du dgongs pa yin no/ bstan pa'i don rnams ba gzhan gyis gsa lbar byed pa ni/ shu ba zhes bya ba la sogs pa gsungs pa yin te/ bdag gis shu ba smin pa lus kyi rnam pa 'di bzung pa ste/ sdug
 bsngal thams cad kyi rgyu yin pa'i phyir ro/ /'joms pa thams cad mi bzod ba ni brdung ba dang brdeg pa la sogs pas kyang nyams su bar bya ba yang ma yin pa'i phyir ro/ /sdug bsngal spang bar bya ba'i phyir dang/ /dad? pa thob bar bya
 ba'i sred pa'i ste 'dod pa gang yin pa'o/ /des ldongs pa na shes rab kyi mig bkag pas de la gnod pa yod pa/ su la khro bar byed/ shu ba rtsig pa la sogs pa la byung ba'i sdug bsngal ba la rtog pa dang ldan
 po gang la khro bar mi rigs so/ gzhan yang 'bras bu don du mi gnyer ba des de'i rgyu spang bar bya ba yin na/ bdag ni blo phyi ci log tu gyur pa yin no zhes/ dpyad pa la/ byis pa zhes bya ba la sogs pa gsungs te/ phyis pa
 zhes bya ba ni byis ba'i chos phyin ci log dang ldan pa'o/ /sdug bsngal te dbyug pa la sogs pas bstan pa las byung ba ma 'dod cing/ /yang de'i rgyu lus dang slar gnod pa ste/ byed rgyu la brkam pas na ste/ /de'i phyir na
 rang gi lus kyi sdug bsngal gang yin pa de ni rang gi nyes pa las gyur pa nyid yin no/ /de bas na ci'i phyir gzhan la ste/ /de'i lhan cig byed pa tsam la bkon du yod/ /bdag nyid la gnod pa'i don du rang gis mtshon bya 'dus byas
 pa lta bu yin pas gzhan la bdag khro ba mi rigs so zhes dper na dmyal ba'i zhes bya pa la sogs pa gsungs te/ /ral gri lo ma'i nags tshal ni sems can dmyal ba byung ba ste/ /'di la ral gri lo ma yod pas na ste de'i phyir ro/
 ral gri'i smos pa ni gtso bo'i phyir te/ /sems can dmyal ba'i sdug bsngal gyi rgyu'i 'khrul 'khor dang mtshon cha gzhan dag kyang bzung ngo/ /nags tshal de na gnas pa'i bya rgod dang 'jug pa dang khwa la sogs pa'i bya rnams ji
 lta ba bzhin du rang gi las kyis bskyed pa sdug bsngal gyi rgyur gyur pa ste/ sdug bsngal gyi rgyu gzhan yod pa la yin pa de bzhin du gzhan gyi mtshon cha la sogs 'di yang sdug bsnal gyi rgyu yang yin no/ /rang gi las kyis 'di
 bskyed pa yin pas gang zhig la khro par bya/ 'di ltar yang 'di ni phyin ci log yin no zhes bstan par bya ba'i phyir/ bdag gi las kyi zhes bya ba la sogs pa gsungs te/ gang gi bdag gi las kyis bskul byas nas te/ spad nas bdag
 la gnod pa byas pas gnod pa byed pa rnams byung ste yod pa sems can dmyal bar dod na de'i phyir bdag gis 'di dag la gnod pa byed de ma brlag gam zhes rang gi sems la 'bod par byed pa yin te/ da ni 'di dag gis ma brlag go /dgongs pa
 ni yin te/ gal te bdag gis 'di 'dra ba'i las ma byas na de'i tshe de dag kyang gnod pa byed par mi 'gyur pas de bas na bdag gis byas pa'i las nyid gnod pa byed pa yin/ bdag gi blo ni phan 'dogs pa rnams rmongs pa'i dbang gis
 gnod pa byed par 'dzin pa'o zhes tshig le'ur byas pa gnyis kyis bstan pa/ 'di dag la ni zhes bya ba la sogs pa gsungs pa yin te/ 'di dag la ni gnod pa byed pa'o/ /brten bcas nas ni rgyu mtshan du byas nas te/ bzod pa
 ni bzod pa la dmigs pas so/ /bdag gis sdig pa tshe rabs snga ma la byas pa ste/ gzhan la gnod pa byas pa las byung ba'o/ /mang ba ni rnam grangs du mas byas ba'o/ /'byad ste/ sdug bsngal de nyams su myong ba rnam par
 smin pas zad par 'gyur ro/ /bdag la brtan nas ni bdag gi las kyis bskul ba ste de ltar bdag la gnod pa byas nas yang 'di dag ni dmyal ba'i tshor ba mi bzad pa brten par dka' ba'i sdug bsngal nyams su myong bar dod do/ /
 de'i phyir bstan pa'i rim pas/ bdag ni de la gnang byed la zhes bya ba la sogs pa ni go sla'o/ /gal te khyod gnod pa byed pa ma yin nam/ de lta na ni khyod sems can dmyal bar 'gro bar rigs la de dag ni ma yin no zhe na/
 bdag la bsams pa'i yon tan gyis zhes gsungs pa yin te/ slar gnod pa byed pa las log pa'i mthar thug pa de dag ni bdag gi bsams pa'i che ba'i bdag nyid yin te/ dmyal bar 'gro ba las log
 pa'i rgyu yin no/ /dmyal bar mi 'gro ba gang yin pa de ni bdag gi bsam pa'i che ba'i bdag nyid kyi stobs kyis yin la/ 'di dag ni bsams pa ngan pa'i phyir bdag dmyal bar ma ltung ba ni ma yin no snyam du dgongs pa'o/ /
 de ltar na yang/ gal te zhes bya ba la sogs pa gsungs te/ 'dir sdug pa'i don ni 'di yin te/ gal te bdag nyid gnod pa byed pa yin yang thabs la mkhas pa 'ga' zhig gis gal te sems can dmyal bar mi 'gro
 yang de'i tshe phan 'dogs par byed pa de dag la ci zhig 'byung ste ci zhig zad ci zhig nyams zhes bya ba'i don to/ /re zhig bdag nyid gcig pus khyed cag gzhan ni ma bsrungs la/ bdag nyid ni bsrung ba yin te/ de dag
 gis de dag gi yon tan dang skyon la cung zad kyang lhag pa 'am ma tshang bar 'gyur ba med do/ /gal te de lta yang khyed kyi bdag nyid bsrung ba yang mi rigs pa yin te phan 'dogs pa byas pa shes pa'i phyir ro zhes dogs pa la/
 'on te zhes bya ba la sogs pa gsungs te/ gal te phyis pa la sogs pa brdeg par byed pa la lan du gnod pa byas na de lta na'ang de dag ma bsrungs par 'gyur te/ de dag sems can dmyal par 'gro pa la sogs pa la slar
 bcos pa ci yang ma byas par 'gyur la/ brdeg kyang bdag gis slar bjig? par mi bya ba dang/ de bzhin du sems can thams cad byams pa'i sems bdag gis spangs par mi bya ba dang/ tha na mgal dum la yang khong
 khro bskyed par mi bya'o zhes bya ba la sogs pa byang chub sems dpa' i spyod pa la bdag nyid slar nyams par 'gyur ro/ /de lta bas na nga ni slar 'chos pa'i thabs med pas nyon mongs re sdug bsngal bsrung bar mi nus pa'i phyir brlag par 'gyur te /
 ngan 'gror ltung bar 'gyur ba yin pas de ltar re zhig btang snyoms su byas la phyi nas thabs la brten te ji nas 'di dag la sdug bsngal rdul tsam yang med par 'gyur ba de bya'o/ /de ltar gzhan gyis gnod pa byas la ji snyam pa'i
 bzod pa bstan nas/ da ni chos la nges par sems dpa' i bzod pa nye bar bstan pa'i phyir/ yid ni zhes bya ba la sogs pa gsungs te/ ma brtags na gnod pa skye ba'i sdug bsngal rnam pa gnyis te/ lus kyi dang sems
 kyi'o/ /de la yid la ni sus kyang dbyug pa brdeg pa la sogs pa byar mi nus te/ yid ni lus can ma yin pa'i phyir ro/ /de ltar na de las byung ba'i sdug bsngal don dam par med do/ /rtog pa las byas pa'i yid mi bde ba yod de /
 de nyid bstan pa lus la zhes bya ba la sogs pa la/ bdag gi lus 'di snyam du rnam par rtog pa gom pa'i dbang gis sdug bsngal dag gis non pa te de la yang sdug bsngal gyi rgyu des pa nyid yin no zhes/ brnyas dang zhes bya pa la
 sogs pa gsungs pa la/ brnyas pa la sogs pa'i tshogs pa ni lus kyi sdug bsngal gyi rgyu ma yin te/ gang gis phyir 'di ni lus la cung zad kyang gnod pa byed par min pa de'i phyir na sems khyod rgyu ci'i phyir khro bar byed/ 'on te
 gal te brnyas pa la sogs pa la lus la gnod par byed pa ma yin mod kyi/ de thos pas kyang bdag la 'jig rten rnams sems ma dang ba skye ba yin pas bdag mi 'dod pa yin no zhe na/ brnyas dang zhes bya ba la sogs pa
 gsungs te/ de ltar yin du chug kyang/ de lta mod kyi 'di dpyad par bya ste/ bdag la brnyas pa la sogs pa thos pa la sogs pas 'gro ba rnams la ma dad pa 'di 'jig rten 'di 'am 'jig rten gzhan cu? ci
 bdag la za bar 'gyur ram/ gang gi phyir 'jig rten ma dang pa de la bdag mi dga' / de ltar rnam par dpyad la 'di la mngon par zhen par mi bya'o/ /yang na 'di la mngon par zhen pa'i rgyu yod de/ rnyed pa'i bar chad byed par mi 'gyur ba
 yin no zhes/ rnyed pa'i zhes bya ba la sogs pa gsungs te/ 'di ltar brnyas pa la sogs pa thos pas 'jig rten rnams mi dang la/ de'i rnyed pa 'bul pa las phyir phyogs par 'gyur te/ de bas na brnyas pa la sogs pa'i
 tshogs de bdag mi 'dod pa yin no zhe na/ de ni mi rigs te/ bdag gi rnyed pa nyid du yang nyi ma so sor nges par 'dod te/ 'jig pa'i ngang can gyi chos yin pa'i phyir 'bral bar 'gyur zhing 'jig rten pha rol tu yang rjes su 'brang bar
 mi 'gyur ro/ /de'i rgyu mtshan gyis brnyas pa la sogs byed pa rnams la khros pa'i sdig pa yang yin pa de nyid ni pha rol tu gnas par 'gyur te/ 'jig rten pha rol tu rjes su 'brang bar 'gyur ro/ /brtan par zhes bya ba ni de'i
 'bras bu de longs ma spyad par 'jig par mi 'gyur pa'o/ /rang nyid kyis 'dir 'di ltar dpyad par bya'o/ /zhes bdag ni zhes bya ba la sogs pa gsungs te/ rnyed pa gang yin pa med pas nyi ma 'di nyid du bdag ni shi ba ni sla yi/
 gzhan la gnod pa byas pa'i sgo nas rnyed pa rnyed pas log 'tsho yun ring ni ma yin te/ dus yun ring por ro/ /ci'i phyir zhe na/ gang gi phyir 'tsho pa'i mdza' ni 'chi pa yin no zhes gsungs pas dus mang po zhig tu 'tsho yang nges pa'o?
 'ongs par 'gyur ro/ /'chi ba'i sdug bsngal de nyid yin te/ bdag la phyis lo brgya 'das nas byung ba yin pa de nyid da ltar nyid du 'chi par 'gyur ba yin no/ /de'i phyir yun ring por 'tsho yang khyad par ni med do/ /'di dag gis kyang khyad par med
 pa yin no zhes tshigs su bcad pa gnyis kyis bstan pa/ rmi lam zhes bya ba la sogs pa gsungs te/ dper na 'ga' zhig rmi lam du lo brgyar bde ba myong pa rmis te sang pa dang/ gzhan zhig skad cig tsam du ste/ de de tsam zhig tu bdag
 nyid bde bar gyur par rlom ste/ 'di dag gnyis ka la yang rmi lam du bde ba myong bar rmis pa sad par gyur pa na rmis pa'i bde ba zhig pa de ni phyir 'ong pa med do/ /sad pa'i gnas skabs na rjes su 'brang ba med de/ dran pa tsam zhig
 las ma lus pa yin pa'i phyir ro/ /de 'drar zang na ni rmi lam du rmis pa bzhin du skyes bu'i'o/ /'chi ba'i dus na ni 'chi ba'i tshe na'o/ /tshe ring ba dang tshe thung ba'i bde pa ni phyir mi 'ong pa yin te/ de bas na log pa'i 'tsho ba zhog cig /
 'di dag gis kyang rnyed pa dang ma rnyed pa la khyad par 'ga' yang med do zhes bstan pa rnyed pa zhes bya ba la sogs pa gsungs te/ rnyed pa mang po ni shin tu bungs tshe pa'o/ /'thob gyur kyang ni thob pas dus yun ring por longs spyad pa'i bde ba dag
 kyang ngo/ /yang 'chi pa la brten nas lag pa stong pa ste lag stong du'o/ /rnyed pa la sogs pa de dag las rgyags pa bzung zhing bde ba las lhag ma cung zad kyang gnas pa med de/ rked pa'i srad bu tsam yang ma lus pas sgren mo ste/ tshoms
 pos phrogs pa bzhin du 'jig rten 'di nas 'jig rten pha rol tu 'gro rnyed pa la ni khyad par yod pa nyid ma yin nam/ chos kos la sogs pa'i gegs med pas tshe'i 'du byed nye bar ston pa las yun ring bor 'tsho bar 'gyur te/ de nas
 ni sngar byas pa'i sdig pa dag rnam par sun 'byin pa kun tu spyod pa la sogs pa yongs su zad par bya ba dang/ bslab pa sdom pa yongs su bzung? bas byang chub kyi sems brten pa la sogs pa dang/ dge ba'i phyogs 'phel
 par bya ste/ gang chos la spyod pa ji srid yun ring 'tsho/ /de srid dge ba'i rgyun ni rab tu 'phel/ /zhes gsungs pa lta bu'o/ /de bas na rnyed pa'i bar chad byed pa la khro bar rigs pa yin no snyam du dogs pa la/ gal te rnyed pas zhes bya ba la
 sogs pa gsungs te/ gal te bstan pa'i rim pa bzhin du rnyes pa yis 'tsho ba bstan pa dang sdig pa zang pa dang/ bsod nams bya'o zhes bya ba la sogs par sems na/ de ltar ma yin te/ de bas na lhag pa'i nyes? pa ma mthong nas
 brjod pa yin no zhes rnyed pa'i don du zhes bya ba la sogs pa gsungs te/ rnyed pa'i don du ni rnyed pa'i rgyu mtshan du'o/ de'i bar chad byed pa la zhe sdang byed na legs par spyad pa nyid zad par 'gyur te/ gang bskal pa stong du bsags pa yi/ /
 sbyin dad bder gshegs mchod la sogs/ legs spyad gang yin de kun kyang/ /zhes bya ba gsungs pa'o/ /khyad par ni 'di yin te/ bzod pa ma yin pa las byung ba sdig pa'i phung po mngon par 'phel ba'o/ /ji ste 'di ltar ji zhig ltar
 du dus yun ring po de srid du rnyed pas 'tsho bar 'gyur na de tsam zhig bdag gi dgos pa yin no zhe na/ gang gi don du zhes bya ba la sogs pa gsungs te/ byang chub sems dpa' sems can dan don gyi 'tsho ba dgos pa med pa nyid 'dod par
 bya ba ni ma yin te/ 'on kyang tshogs mngon par 'phel bar bya ba'i don dang/ sdig pa zang par bya pa'i don du gal te de legs par spyad pa zang par byed pa'i rgyu mtshan du 'gyur na/ de'i tshe mi dge ba 'ba' zhig gi las byed pa'i ngang tshul
 can des ko ste de 'dra bas ci zhig bya// //bam po bcu pa /de ni smad pa nyid yin no snyam du dgongs pa'o/ /'o na de lta mong gyi rnyed pa'i bar chad byed pa'i phyir bdag la la la bsngags pa ma yin par smra ba rnams la khong khro'i
 sems skye ba ni ma yin te/ 'on kyang yon tan 'chang pa la sogs pa'i las kyi sdug bsngal gyi rgyu yin pa'i phyir ro zhe na/ gal te zhes bya ba la sogs pa gsungs te/ mi snyan smra ba ni grags pa ma yin pa brjod pa'o/ /gal te khyod kyi
 khro ba gang yin pa 'di mi snyan pa smra ba de skyon gsal bar byed cing yon tan 'chab par byed pa'i phyir khyod nyams par byed cing sun 'byin par byed pa'o snyam du rig nas de'i rgyu mtshan gyis sam/ yang na sems can te/ 'jig rten nyams pa byed
 pa/ mi snyam pa smra pas bdag la 'dzin par byed pa ste/ rang sems ma dad bas de dag kyang sems dang bar byed do zhes bya ba'i don to/ /nges na mi snyan pa smra ba la khro ba yin no zhes brjod na de'i tshe gzhan la ste/ sems can pha rol
 po la mi snyan pa brjod pa gang yin pa de yang ci ste khro mi byed/ mi snyan pa smra pa de yang sems can nyams par byed pa yin te/ de bas na 'di la yang khro ba'i tshul rigs pa yin no/ /'dir lan te dogs pa/ ma dad ces bya ba la
 sogs pa gsungs pa/ gzhan te sems can pha rol lam dad? pa rag las shing brten pa ste/ sems can gzhan yul du byas pa las byung ba yin no/ /de'i dngos po ni de nyid de/ de bas na ma dad? pa gzhan la brten pa nyid kyi phyir ro//
 dad pa med pa ni sems ma dang ba dang mi snyan pa smra pa la'o/ /khyod bzod na ni bzod pa skye na'o zhes rang gi sems nyid la 'dri pa'o/ /'dir gsungs pa/ nyon mongs skye la zhes bya ba la sogs pa la/ gal te khyod ma dad? ba gzhan la
 rag las pa gang yin pa de la bzod pa yin na/ de'i tshe rang la mi snyan smra la cis mi bzod ci'i tshul gyis so/ /nyon mongs skyes la rag las pa'i nyon mongs pa rnams kyi skyes pa na gzhan gyi dbang yin te/ ma dang
 gzhan la rag las pa nyid la bzod pa'i rgyus 'dir gnyi gar mtshungs pa yin no zhes bya ba'i don to/ /sku gzugs la sogs pa 'jig par byed pa rnams la ni dad pa'i dbang gis kyang khong khro'i sems bskyed par mi bya'o zhes gsungs pa/
 sku gzugs zhes bya ba la sogs pa ste/ 'jig par byed pa ni rnam par 'khrug par byed pa'o/ /'khyal ba ni skyon gyi blos tshul dang mi mthun par smra pa'o/ /de rnams la bdag gis zhe sdang mi rigs so/ /ci'i phyir zhe na/ gang gi
 phyir sangs rgyas la sogs pa ste/ byang chub sems dpa' dang 'phags pa nyan thos dang rang sangs rgyas la sogs pa rnams la log par mdon par zhen pa las byung pa'i bdag tu 'dzin pa log cing chags pa med pa'i phyir gnod pa ni mi
 mda' ste/ sems gzir ba'i mtshan nyid yid mi bde ba mi mda'o snyam du dgongs pa'o/ /de bas na sku gzugs la sogs pa 'jig par byed pa rnams la zhe sdang gi sems bskyed par mi bya'o/ /de'i tshe 'gal ba'i chos byed
 pa de dag la dam pa rnams kyis snying brtse ba nyid du rigs so/ /gzhan du na de khyad par med pa'i phyir sdig pa 'ba' zhig skye bar 'gyur ro/ /gal te chos kyis bzlog par nus na de'i tshe nyes pa med do/ /gang la chos 'dod pas bla ma
 dang pha ma la sogs pa la gnod pa byed pa rnams la zhe sdang gi sems skye ba de yang bzlog par bya'o zhes gsungs pa/ bla ma gnyen la zhes bya ba la sogs pa la bla ma ni chos kyi lam ston par byed cing mi dge ba'i phyogs las log
 par byed pa'o/ /gnyen ni ma lto gcig pa dang/ gnyen 'dab dang/ rus chags dang/ gnyen 'dun la sogs pa gzhan dag kyang ste/ de dag la gnod pa byed pa dang/ de bzhin du bshes la te yangs? pa'i gnas rnams la gnod pa byed pa
 rnams la yang khro ba bzlog par bya'o zhes sbyar ro/ /ji ltar zhe na/ snga ma'i tshul du rkyen dag las 'gyur ba mthong nas gang nyes pa ji snyed thams cad dang sdig pa rnam pa sna tshogs pa zhes bya ba la sogs pa gsungs te/ de pas na 'di dag
 thams cad kyang sngar gyi las kyis bskyed pa'i 'bras bu longs spyod de/ 'di la 'ga' yang bcos pa'i rgyu yod pa ma yin no/ /de bas na 'dis ni ji skad du gzhan gyi gzhung lugs las lha dang mi dang bram ze dang pha dang ma la sogs pa'i don
 du sdig byas kyang nyes pa med do zhes 'dod pa de ltar 'dir mngon par 'dod pa ma yin no zhes bstan pa yin no/ /gzhan yang dngos po'i de kho na nyid 'di yang yid la byed pas sems can rnams la khro bar mi bya'o zhes gsungs pa/ lus can
 zhes bya ba la sogs pa la 'bras bu mdza' dag gis skyed par byed pa po nyid du rjes su 'gro ba dang ldog pa dag giS tshogs pa'i mchan nyid ni rgyu yin par nges par gzung ste tshogs pa de yang dngos po'i chos yin pa'i phyir 'ga' zhig tu nus pa yod
 pa'i rang bzhin no/ /de la sems yod pas byas pa ni lag pa dang rkang pa la sogs pa bsnun pas so/ /sems med pas ni dbyug ba dang mtshon cha dang nad la sogs pas te/ de dag la yang sems yod pa bzhin du byed pa yod pa
 nyid yin te/ khyad par ni dngos dang brgyud pas byas pa yin no/ /rang nyid 'dod rgyal gyis sam/ 'ong pa dang rtsig ba la sogs pas gnod pa byas pa la sogs pa'ang rung te/ lus can rnams la gnod byas na ste/ des bar byung
 pa na 'di las bzhan gnod pa'i rgyu ni med do/ /de ltar rgyu'i tshogs pa rnam pa gnyis po skabs su babs de yang sems yid rnam par shes pa dang bcas pa'i lus la mthong ba tshang mas yongs su nges pa de
 pas na de nyid de'i skye ba'i gnas yin gyi gzhan ni ma yin te/ sems med pa la tshor pa mi rigs pa'i phyir ro/ /de bas na gang zhig gang gi skye ba'i gnas yin pa de ni de nyid du 'byung gi/ gzhan du ni ma yin te/ dper na'ang ma
 du 'dam skyes 'byung gi skam la ni ma yin pa lta bu'o/ /de bas na rigs pa 'di yis de dag ste brjod ma thag pa'i gnod pa'i rang gi ngo bo nyid bzod par gyis sran par gyis shig pa'o/ /da ni gnyi ga la yang thun mong du sun dbyung ba'i phyir su
 la yang khro bor mi rigs so zhes brjod bar bya ba'i phyir/ la la rmongs pas zhes bya ba la sogs pa gsungs te/ bdag dang bdag gir 'dzin pa la mngon par zhen pa phyin ci log gis la la kha cig gnod pa byed de/ dbyug pa
 la sogs pa brdeg pa'am brgyad bkag smra pa'i nyes pa de rang gis byas pa yin te/ gzhan ni gnod pa byas pas de la khro gyur na ste 'tshig par 'gyur na'o/ /rmongs pas ni rnam par rmongs nas te/ rang gis byas pa'i las dang
 'bras bu'i 'brel ba mi gnyer pa ste/ mi rigs pa'i sgrib pas slar brdeg pa dang/ 'khyal pa la sogs brtsom par bya'o/ /de ltar na nyon mongs pa'i srin bos brlams pa la dbang gu byas pa de la gang skyon med par
 smra zhes pa dang nyes pa dang ldan par gang la smra /'di dag gnyi ga yang thun mong du nyes pa dang ldan pa'i phyir ro/ /'di ltar yang de dag gi tshul nyid la bsams te khong khro'i sems bzlog bar bya'o zhes gsungs pa/ gang gis
 zhes bya ba la sogs pa la/ gang gi phyir te/ ci ste de bzhin du 'bras bu de dag gi rgyu'i las byas/ gang gis zhes bya ba 'di 'jig rten pa'i smra ba'i tshul lo/ /yang na gang gi phyir las la nus pa yod pa'i rgyu yis 'khyal ba dang/
 'ching ba dang brdeg pa la sogs pas gzhan dag pha rol pos gnod pa byed gzir par byed pa'o/ /gal te de lta yin na yang phyir bcos par rig pa ma yin nam zhe na/ thams cad ces bya ba la sogs pa gsungs te/ sdug bsngal gyi rgyu
 thams cad las kyi rkyen gyis bskyed cing rab tu 'jug pa yin te/ de lta na de'i 'bras bu bzlog pa'i don 'di la gzhan du bdag byar ci ste/ 'bras bu skyed pa la phyogs pa'i las la gang gis kyang bzlog par mi nus pa'i phyir ro/ /yang
 'dir rigs pa'i tshul 'di yin no zhes de ltar mthong nas zhes bya ba la sogs pa gsungs te/ sems can 'di dag ni las dang nyon mongs pa la rag las pa ste gnas pa'o/ /phan tshun du mi rigs pa'i las byed pa rnams bzlog
 par mi nus so zhes de ltar rtogs nas ste shes nas yang bsod nams dag dge pa'i las rnams la de ltar bdag gis bsgrims te bya ba ste/ gang gis rnam pa de lta bu'i nus pa thob par byas nas yang dag pa'i lam du zhugs par gyur
 pa na thams cad phan tshun gcig la gcig byams pa'i sems dang phan pa dang bde ba bsgrub pa la brtson par 'gyur ba'i rnam pa de lta bus brtson 'grus brtsam mo/ /phangs pa'i dngos po 'joms par byed pa la gnod pa'i sems
 las bzlog par bya ba'i tshad du 'jig rten pa'i dpe brjod pas zhe sdang las ldog par bya'o zhes tshigs su bcad pa gnyis kyis bstan pa dper na zhes bya ba la sogs pa gsungs te/ dper na khyim gcig na mes tshig par gyur pa na
 khyim de nas khyim gzhan du me song nas gdon rtsa dang shing la sogs pa la mchod par byed pa 'phel bar 'gyur ba na de'i nang du chud pa'i rdzas gzhan dag kyang 'tshig par dogs pas/ de ni phyung ste dod par rigs
 te so sor byas te btsal bar bya'o/ /de ltar dpe'i rim pas skabs la sbyad bar bya ste/ de bzhin zhes bya ba la sogs pa gsungs te/ de ltar bstan pa'i dpe brjod pa'i tshul gyis dngos po gang la sems yid chags na ste zhe na pas/
 zhe sdang me ni khong khro ba'i yin la mched par 'gyur ba ni yongs su gdung bar byed pa ste/ chags pa'i gnas su gyur pa'i dngos po de de'i mod la ni dus gzhan du mi 'god par yongs su dor te/ /de la mngon par zhen pa yongs su spang ngo//
 ci'i phyir zhe na/ bsod nams bdag nyid ni lus te bsod nams kyi phung po zhes bya ba'i don to/ /de ni bstan pa'i rim pas tshig par te yongs su zad par ma gyur cig ces pas so/ /gzhan du na khyim gzhan du song ba'i dngos
 po bzhin du zhe sdang gi mes de yang sreg par byed do/ /gzhan yang me'i sdug bsngal gang yin pa rnams kyis sems can dmyal pa'i 'bras bu'i las smin par 'gyur ba bya 'di ni rnyed pa rnyed pa yin no zhes bstan pa ni/ bsad pa'i
 zhes bya ba la sogs pa gsungs pa yin te/ gang zhig bsad pa'i rigs pa de gal te lag pa tsam bcad de btang na de'i tshe 'di la nyams pa gang yang med kyi/ slar yang 'chi ba'i sdug bsngal bas lag pa bcad pa'i sdug bsngal
 'di shin tu chung ba yin no zhes bdag nyid rnyed pa rnyed do snyam du sems so/ /de bzhin du gang mi'i sdug bsngal brdeg pa dang 'ching ba dang brnyas pa la sogs pa nyams su myong bar byas pas sems can dmyal ba'i sdug bsngal
 pas thar par 'gyur ba de la cung zad kyang god pa med do/ /'di ni cung zad kyang sdug bsngal ma yin te/ sems can dmyal pa'i sdug bsngal la bltos na bde ba rang nyid yin no/ /de bas na gal te mkhas pa yin na de'i tshe 'dir 'di la yid bde ba
 nyid du bya bar rigs pa yin no/ /ji ltar bdag gi sdug bsngal shin tu chung du yang bzod par nus so zhe na/ 'dir da lta'i sdug bsngal zhes bya ba la sogs pa gsungs te/ khu tshur dang thal lcag dang bod pa la sogs pas bsnun par byas pa'i
 sdug bsngal cung zad tsam yang de ltar bzod par te brten par mi nus shing mi lcogs na de 'dir khyod la 'dri bar bya ste/ gal te de ltar yin na sems can dmyal ba'i sdug bsngal gyi rgyu khro pa ste/ khong nas ldang ba 'di ci'i phyir na ldog par mi byed /
 'jil par mi byed 'di ni shin tu yang sems can dmyal ba rnams su sdug bsngal bskyed par byed pa yin pas sdug bsngal gyis 'jig pa rnams ldog par bya bar rigs pa yin no/ /gzhan yang gal te brten pa mi nus pa de ltar yin mod kyi
 khyod kyis de'i rgyu'i las byas pas mi 'dod kyang sdug bsngal du 'bab par 'gyur gyi/ 'bras bu cung zad kyang mi 'byung la/ bzod pa las ni de la don chen po rnyed par 'gyur ba yin no/ /zhes tshigs su bcad pa gnyis kyi bslab par bya ba'i
 phyir/ khro bo'i don du zhes bya ba la sogs pa gsungs te/ khro ba'i rgyu mtshan nyid kyis so/ /de bzhin du 'bras bu med par sems can dmyal pa yang sos la sogs pa rnams su stong phrag ste lan stong phrag du mar bcad pa dang/ dbyug
 po dang btsal pa la sogs pa'i rgyu rnams kyis gzir ba bdag gis myong bar byas kyang de bzhin du sdug bsngal nyams su myong ba yang bdag gi rang gi don mthong ba dang ma mthong ba'i 'bras bu bsgrub pa 'am/ bdag gi ste pha rol dag gi don phran pa
 dang bde ba bsgrub pa'i mtshan nyid ma byas so te ma bsgrubs so/ /de ltar dgos pa med pa kho nar sems can dmyal bar sdug bsngal stong phrag myong bar gyur to/ /de bas na da dung yang de bzhin du bdag mi bzong pa bya bar rigs
 pa ma yin no zhes gsungs pa/ 'di ni zhes bya ba la sogs pa ste/ sdug bsngal 'di ni sems can dmyal bar byung ba ci 'dra ba ma yin la/ 'on kyang don chen po sems can thams cad la phan pa dang bde ba'i gter du gyur pa sangs rgyas nyid bsgrub
 par 'gyur ba'o/ /de'i phyir na 'gro ba'i gnod sel 'gro ba gsum du gtogs pa ste sems can thams cad kyi sdug bsngal thams cad rab tu zhi bar byed pa'i sdug bsngal la dga' ba 'ba' zhig 'dir bya rigs kyi mi 'dod par mi bya'o snyam du
 dgongs pa yin no/ /gzhan gyi yon tan thos pa na phrag dog gi dri ma bkru bar bya ba'i phyir/ gzhan gyis zhes bya ba la sogs pa gsungs te/ yon tan lhag pa yod par bstod pas gal te dga' ba'i bde ba 'ba' zhig thob na de'i
 tshe kye yid khyod kyang de'i yon tan yang dag par brjod nas ci ste dga' ba'i bde ba nyams su myong bar mi byed/ ci'i phyir dgos pa med pa dang la phrag dog gi me 'bar bas rang gi rgyud bud shing lta bur byed bde pa thams cad ni chags pa'i
 bdag nyid yin pa'i phyir/ brten pa bkag pa nyid ma yin nam/ de bas na bdag ni bde pa thams cad las phyir phyogs pa yin pa'i phyir 'di yang len pa mi byed de/ bde bar rnam par rmongs pa'i yid/ /gang rang gang la chags gyur pa//
 de dang de bsdongs stong 'gyur du/ /sdug bsngal nyid du gyur cing ldang/ /zhes 'chad par 'gyur pa yin no zhe na/ khyod kyi zhes bya ba la sogs pa gsungs te/ dga' pa'i bde ba thams cad ni dgag pa ma yin te/ 'on kyang kha na ma tho ba dang
 bcas pa mi dge ba'i rgyu de dag dgag pa yin no/ /khyod kyis gzhan gyi yon tan la brten pa'i dga' ba'i bde ba kha na ma tho ba med pa 'di ni mi dge ba'i rgyu ma yin no/ /de'i phyir na bde 'byung ste 'di la ba re ba 'byung ba yod pas zhes de ltar yin pas so/ /
 de nyid kyi phyir yon tan ldan pa rnams kyis snang ba ste /bcom ldan 'das kyis bstan pa'i tshul shes pa rnams kyis so/ /gzhan yang 'di'o yon tan gang gzhan sdud pa'i mchog kyang yin te/ gzhan gyi yon tan rnams la dga' pas
 'di ni yon tan dag la phrag dog med pa yin no snyam na sems can gzhan yang sdud par 'gyur ro/ /de bas na 'dir dga' ba'i bde ba blang bar rigs pa yin no/ /'on te pha rol gyi yon tan dag la bdag mi bzod pa ni gang yang med de 'on kyang bstod
 pa byed pa'i bde ba de bdag gis bsten par mi nus so zhes na 'dir gzhan la zhes bya ba la sogs pa gsungs te gzhan la ni bstod pa byed pa'o/ /bde 'gyur zhes pa ni de lta bas na dgongs 'dis khyod gal te gzhan gyi yon tan bstod pa'i
 dga' ba las byung ba'i bde ba gang yin pa 'di mi 'dod na de'i tshe shin tu dogs par ltung bar 'gyur ba yin no/ /ji ltar zhe na / bran la gla rngan sbyin sogs spong gzhan yang khyod bdag rang bde ba'i rgyu mtshan du rang gi bran la sogs pa la
 bran gyi gla rngan las kyi rin sbyin pa dang/ de bzhin du phan 'dogs pa lan du phan 'dogs pa ste/ de dag la sogs pa spong ba de/ phyir phyogs pa'i phyir gzhan gyi bde ba la sdang ba can la de yang mi bya ba nyid du 'gyur ro/ /gang
 gi phyir nges kyang de la bde ba nyid bsgrub par 'gyur te de lta bas na mthong ba ni tshe 'di'i 'bras bu dang/ ma mthong ba ni 'jig rten pha rol gyi ste gzhan gyi bde ba phun sum tshogs pa la mi bzod pa'i gnyi ga nyams par 'gyur ro/ /gzhan yang
 'di ni khyod kyi log pa'i lan yin no rang gi yon tan zhes bya ba la sogs pa gsungs te/ gal te 'ga' zhig khyod la yon tan rjod par byed na ni de'i tshe gzhan de la mi 'dod kyang bde bar 'dod la ji ste gzhan gyi yon tan
 gyi rjes su bsngags pa byed pa ni de'i tshe phrag dog gi dri ma dang ldan pa'i yid kyis rang gi bde ba yang mi 'dor byed / gzhan gyi bde ba ltar re zhig zhog ces bya ba ni 'ang gi sgra'o/ /de bas na khyod kyi yon tan phun sum tshogs pa la phrag dog pa
 nyid yin te/ bstod par byed pa po'i bde ba mi bzod pa ni ma yin no/ /gzhan yang de ltar bde 'gyur zhes gal te khyod bde 'di mi 'dod ces gang gsungs pa de la khyad par sun 'byin pa/ sems can thams cad ces bya ba la sogs gsungs
 te/ khyad par du byang chub tu sems bskyed nas pha rol gzhan gyi bde ba phun sum tshogs pa mi bzod pa zhes bya ba gang yin pa ni shin tu smad pa kho na yin no/ /gang gi phyir bdag gis sangs rgyas nyid thob nas khams gsum par
 gtogs pa'i sems can thams cad la bde ba phun sum tshogs pa mdza' dga' byor bar bya'o snyam du yid la byed pas/ byang chub tu ni sems bskyed nas te/ de bskyed nas sems can la ji ste khro bar byed de dang par bya ba'i gnas
 pa rang gi sems mngon par dang pas byas nas bdag rang gi bde ba thob pa rnams la dko ste/ /de lta ci ste khro bar byed/ de bas na byang chub sems dpa' gzhan gyi bde ba phyir phyogs pa de lta bu mi bya'o snyam du dgongs pa yin no/ /
 yang byang chub tu sems bskyed pa gang zhig bdag gi rnyed pa dang bkur ste phun sum tshogs pa mthong nas sems phrag dog gi nyon mongs pa'i mya ngan des chig pa des sbyo? ba'i don du/ /'jig rten gsum zhes bya ba la sogs pa gsungs so/
 yang na de ltar mod bdag gis bde bde mi bzod pa ni ma yin no/ /'on kyang nges brjod pa'i yon tan gzhan gyis thos pa na yid dang pas de dag la rnyed pa dang bkur sti 'bul bar byed pa mi bzod pa yin no/ /zhe na 'jig rten gsum mchod ces bya ba
 la sogs pa gsungs te/ 'jig rten gsum ni 'dod pa dang/ gzugs dang/ gzugs med pa'i mtshan nyid dam 'jig rten du grags pa'i mtho ris la sogs pa'i rang bzhin gyi 'jig rten gsum ste de dag bsdus pa'o/ /de la mchod par 'os
 pas na mnon bya ste/ rjed par bya ba'o/ /'dis ni thams cad las phul du byung ba nyid du bstan pa ste/ de lta bur gyur pa'i sangs rgyas nyid du'o/ /sems can rnams ni 'dod ce na zhes bya ba la/ lo zhes bya ba 'dis ni phyin ci lag tu mthong
 nas ma mgu bar ston par ro bsnyen bkur zhes bya ba ni nye bar mtshon pa ste rnyed pa yang ngo/ /lhag ma ni go sla'o/ /rnyed pa la bsams nas/ gso bya zhes bya ba la sogs pa gsungs te/ khyod kyis gso bar bya ba phangs pa'i ? sogs
 pa khyod nyid kyi gso ba gang yin pa de khyod kyis ni sbyin par bya ba ste des ni khyod kyi zad por bya bar 'gyur ro/ /de'i phyir khyod kyi gnyen gyis 'tsho ba ste/ khyod kyi gza' yis 'tsho ba gang yin pa ste/ rnam pa de lta bu'i skyes bus rnyed
 gyur na ste/ thob par gyur nas dga' bar mi 'gyur ram zhes zur gyis 'dri ba'o/ /slar khro'am dga' bar mi byed dam zhes bya ba'i don to/ /de ltar skabs la yang sbyar te/ gang gi phyir sems can thams cad bdag gir gzung ba
 de'i de bde bas bde ba nyid du rigs pa yin no/ /'on te de dag sangs rgyas nyid du bya bar bdag gis dam bcas kyi/ bde pa gzhan la ni ma yin no snyam du dogs pa la de ci zhes bya ba la sogs pa gsungs te/ de dag kyang yang
 dag pa ma yin te/ gang gi phyir bdag gis de? ring skyob pa thams cad kyi // sbyan sngar 'gro ba bde gshegs nyid dang ni/ /bar tu bde la 'gron du bos zin gyis/ /zhes dam bcas pa yin no/
 de ltar gyur mod de ltar na byang chub tu sems bskyed pa ni sems can de dag byang chub ste/ sangs rgyas nyid byar 'dod?  kyi/ de ci gzhan gyi 'jig rten pa dang 'jig rten las 'das pa'i don gyi rnam pa mi 'dod pa yin nam zhe na/
 ji ste de ltar mi 'dod na de'i tshe byang chub kyi sems kyang nyams par 'gyur ro zhes gsungs pa de la byang chub sems ni gang la yod de byang chub sems dpa' log par dam bcas pa la'o/ /su la zhe na/ gang zhig gzhan 'byor
 khro de la 'byor pa ngan don rnyed pa dang bkur sti byung ba la'o/ /de ltar gnod byed pa ni byang chub sems dpa' i dge ba'i las ldog pa'i rgyu yin no/ /gzhan yang gzhan la rnyed pa dang bkur sti phun sum tshogs pa med na yang dngos po de
 khyod la ni mi 'byung na/ de ci'i phyir rgyu med par de la sdang bas bdag nyid 'joms pa'i don du 'bang par byed ces bstan pa gal te zhes bya ba la sogs pa gsungs te/ gal te na khyod mi bzod pa'i yul du gyur pa'i sems can des ster
 bar byed ba'i dngos po de ma thob pa de ltar na yang sbyin bdag khyim du gnas par gyur pa de las khyod la ci zhig gyud bar gyur/ rnam pa kun tuAng? de rnyed pa'ang/ khyim na gnas pa'ang rung ste/ dngos po de khyod la yod pa ma yin no//
 de bas na byin dang ma byin rung des ci bya/ /khyod la dgos pa cung zad kyang med do/ /de'i phyir na de la ni mkhas pas btang snyoms su bya bar rigs so/ /gzhan yang re zhig 'di ltar yang brtag par bya'o zhes brtan pa bsod nams
 dang ni zhes bya ba la sogs pa gsungs te/ sbyin pa byed pa dang sbyin bdag la sogs pas mngon par ngang pa rnyed pa dang bkur sti rnams kyi gang zhig la mchod pa byed pa'i bsod nams de ci'i phyir dor bar bya/ gang gi dbang gis de la rnyed pa dang bkur sti byung
 bar gyur ba sngon gyi las kyi byas pa'i rnam par smin pa mngon par phyogs pa dang/ des te rab tu dang ba dang/ sbyin pa po dang sbyin bdag dor dam/ 'on te gang la brten nas 'di dag gi dad pa skye ba de 'gro pa 'di dag bdag lam dad par
 gyur cig ces rang gi yon tan dor ram/ ji snyed par 'gyur pa yang de dag las mi glang bar bya 'am/ rnam pa gang gis 'dir khyed mgu bar mi 'gyur bas smos shig /de la bsod nams la sogs pa ni ldog par mi nus pa'i phyir dang /
 ryed par 'gyur ba 'dzin pa la yang kun tu de khyod la med na zhes bya ba la sogs pa gnod pa gsungs pa'i phyir/ mgu ba'i rgyu cung zad kyang med do/ /ji ste yang gzhan ni rkyen pa dang bkur sti phun sum tshogs pa yod la/ 'on te bdag la
 ni med pa re'i tshe gzhan la 'ang byung bar ma gyur cig snyam ste de dag bdag gi rgyu yin no zhe na/ de'i phyir khyod ni rang gis zhes bya ba la sogs pa gsungs te/ go sla ste sdug bsngal gang ci yang rung pa de dag thams cad ni sdig pa las byung
 ba yin la/ mngon par 'dod pa'i gegs kyang sdug bsngal yin te/ gang 'dod pa btsal te ma rnyed pa de yang sdug bsngal pa'o zhes gsungs pa'i phyir ro/ /gang 'dod pa rnams dang bral ba ni sdig pa spyod la 'byung bar 'gyur zhes
 'chad par 'gyur pa'o/ /gang ci yang rung pa de dag thams cad ni bsod nams las byung ba yin no zhes de ltar byas nas bde ba 'dod pa rnams? dge pa'i las la brtson par bya'o/ /gang bsod nams byed pa bde 'dod pa zhes bya pa la
 sogs pa 'chad par 'gyur ba'i phyir/ ji ltar na bsod nams byas pa dang lhan cig 'gran par rigs/ legs par byas pa nyid la bde ba nyid mngon par 'dod pa ni 'gran par rigs so zhes bya ba'i don to/ /
 gzhan yang 'di dri bar bya ste/ gal te khyod kyi dgra bo zhe sdang gi yul du gyur pa la khyod 'dod pa tsam gyis mi dga' ba mi 'dod pa byung zhing skyes na re zhig de la mi 'dod pa byung yang gyur mod/ khyod la de tsam zhig gis cing 'gyur /
 yang gzhan la gyur rung ma gyur rung bdag gi cung zad de tsam zhig gis dgos pa yin zhes gzhan gyi bsams pa'i dogs pa bsdu ba/ khyod kyis zhes bya ba la sogs pa la/ khyod kyis yid smon ni 'dod pa ste mngon pa 'dod
 pa zhes bya ba'i don to/ /de tsam gyis rgyud mi 'gyur na 'di la rgyu yod pa ma yin pa ni rgyu med pa'i don te/ mi 'gal ba'i mi 'byung ngo/ /de ltar gyur du zin mod ces khas blangs nas kyang brjod par bya ba yin pas na ji ste zhes
 bya ba la sogs pa gsungs te/ gal te zhig na khyod kyi 'dod pa'i dgral mi dga' ba bsgrub cing rdzogs na de lta na yang de la sdug bsngal 'byung ba la khyod 'dir ci yod/ cung zad kyang med de/ 'dod pa ni 'di ni dgos pa
 med pa yin no zhes bya ba'i don to/ /de sdug bsngal bas bdag dga' pa gang yin pa 'di nyid dgos pa yin no zhe na gal te zhes bya ba la sogs pa gsungs te/ de ltar yang pha rol sdug bsngal ba la dga' ba de gal te
 'tshengs par dang dgos pa yin no zhe na/ de'i tshe de las gzhan phung ba ci yod/ ci zhes bya ba ni khyad par te/ 'di nyid phung ba chen po'i zhes bya ba'i don to/ /ji ltar na 'di don med pa yin zhe na/ nyon mongs zhes bya ba
 la sogs pa gsungs te/ gang gi phyir 'di ni te rnam pa 'di lta bu gzhan phung na rung snyam pa'i sems mchil pa mi bzad gze ba ched 'jigs par byed pa'o/ /ji lta bur gyur pa zhig yin zhe na/ nyon mongs nya pas btab pa'i ste/
 nyon mongs pa ny id nya ba bzhin du spyod pa yang yin pas nya ba ste nges btab pa ni btab pa'o/ /nyon mongs nya ba gang gis nya ba nya la bya ba bzhin du dmyal ba'i srung ma gshin rje'i skyes bus khyor bzung nas bum par ni sems can dmyal ba'i bye brag tu
 'tsheng? nges te skol zhing gdung bar byed do/ /de lta bas na 'di la 'dod par mi bya'o snyam du dgongs pa yin no/ /gang bstod pa la sogs pa'i gegs byed pas sdug bsngal skye ba de yang ma brtags gtso na yin no zhes nye bar bstan pa bstod dang
 grags pa zhes bya ba la sogs pa gsungs te/ don rnam pa lnga ni mkhas pa dag skyes bu'i don du 'dod pa yin te/ 'di lta ste/ bsod nams dang tshe 'phel ba dang/ stobs 'phel ba dang/ nad med pa 'thob pa dang lud bde ba
 'thob pa dang/ bstod pa la sogs pa ni de dag dga' la yang mi mkho'i/ rang gi don ru 'gyur na ni 'di dag 'gyur la rang don shes pa ni shes rab dang ldan pa ste/ gzhan la ni gzhan duAng 'gyur ro zhes bdag nyid la spyod de/ /gal
 te dang gi don shes pa yin na yang de lta mod kyi rang gi don shes pa'i thabs ma yin pa'i phyir log tu ma bstan to /blo ldan zhes bya ba ni skabs de dang 'brel pa'i phyir de yang bstan pa yin no/ /'o na yid bde ba yod pa ma yin nam/ de'i
 phyir nges par gzung bar mi rigs so zhes na/ 'dir rgyan sogs zhes bya ba la sogs pa gsungs te/ yid bde pa ni sems bde ba bstod de tsam zhig 'dod na ni chang dang rgyan po dang smad 'tshor ma dang gzhan gyi bud med la sogs pa bstan
 par bya dgos par 'gyur ro/ /dam pa'i chos la sogs pa thos pa las yid bde pa gang yin pa de ni bsod nams smos pas bsdus pa yin pas na nyes pa med do/ /de lta bas na yid bde pa'i rgyus bstong pa la sogs pa
 byis pa'i skye bo dga' bar byed pa ni blang bar bya ba nyid ma yin no/ /de lta na yang bstod pa la sogs pa ni byis pa skye po'i tshig yin no zhes grags pa'i don du zhes bya ba la sogs pa gsungs te/ skyes bu rmongs pa 'ga' zhig yon tan de 'dra ba rang las
 shin tu ring ba na gnas na yang brgya byin la sogs pa'i yon tan gyis skye bo slongs mo gzhan dag gis bstod par byed pa ni mig gdangs pa'i bzhin gyi grags pa don du gnyer bas glang po che dang rta la sogs pa'i nor rtsa bzhin du sbyin par byed do/ /
 de bzhin du yon tan de dag dang ldan par yid la byas pas bdag brgya byin ltar dgra las rnam par rgyal pa las byung ba'i bdag gis grags pa 'gro bar rgya cher 'byung bar 'gyur ro snyam du mngon par zhen pas bzod par dka' pa'i g.yul du chas
 te gsod par byed do/ /'di la don dam par dgos bcung zad kyang med de/ /gzhan du na log pa'i rnam par rtog pa yin pa'i phyir ro zhes bstan pa tshigs 'byung rnams kyis zhes bya ba la sogs pa gsungs te/ bstod pa la sogs
 pa brjod par byed pa'i yig 'bru ste yi ge rnams kyis ci bza' zhing mur du rung dam/ /grags pa'i don du shi bar gyur na grags pa thos pa las byung ba'i bde ba de ko su la bde/ /de lta bas na de dag byis pa'i rtsed mo dang mtshungs so zhes
 nye bar bstan pa/ /bye ba'i zhes bya ba la sogs pa gsungs te byis pa kha cig rdul las byas pa'i khang bus shin tu dga' zhing yongs su rtse ba na 'ba' zhig gis de bshig pa dang/ sdug bsngal chen pos zin te/ mchog tu nyam/
 thag par gzir bas/ /da'i khang pa bshig go zhes snying rej rjer cho nges 'debs so/ /dpe de nyid ltar 'dir y ang gsungs pa de bzhin zhes bya ba la de bzhin du bstod pa dang grags pa nyams na te rnam par bcom na rang gi sems ni sdug bsngal zhugs pas
 byis pa bzhin snang ste/ /rnam par dpyad na 'dir yang bdag gi dngos por gyur pa sus kyang bshig pa med do brtag par bya'o/ /yang gzhan du dpyad na 'di ni byis pa'i tshig yin no zhes tshigs su bcad pa bzhis gsungs pa/ /re shig ces bya
 ba la sogs pa yin te/ sgra ni rjod par byed pa'i bdag nyid de phyi rol gyi don yin pa'i phyir sems med cing sems med pa ste de'i dngos po ni de yin pa'i phyir ro/ /sgra de bdag la bstod sems te bdag gi bsngags pa brjod pa'i bsam pa
 yong mi srid de de mi 'byung ngo/ /de ji ltar na yid bde bar 'gyur zhe na/ /bdag la gzhan zhes bya ba gsungs te/ skyes bu pha rol sems pa'i bdag nyid can no/ /grag pa ces bya ba ni 'di lang don med pa yin zhes mi 'dod pa ston par
 byed pa'o/ /bdag la dga' ba ni mngon par 'dod pa'o/ /de ni ste bsam pa de dga' pa'i rgyu yin grang na yang 'brel pa med pa'i phyir byis pa'i spyod pa kho nar zad ces sbyar ro/ /'brel pa med pa nyid bstan pa gzhan nam zhes bya ba la sogs pa
 gsungs te/ /gang gi phyir sems can gzhan la'am/ /bdag la dga' ba gzhan gyi rgyudla yong pasci zhig 'ongs te/ /bdag la phan bcung zad kyang med do/ /ci'i phyir zhe na/ /de nyid kyis te de'i phyir ro/ /bde ba gang yin pa ni bstod
 pa byed pa de'i dga' ba yin gyi gzhan gyi ni ma yin no/ /de bas na shas ni gzhan gyi rgyud la yod pa'i dga' ba de de las cung zad tsam ste bdag gis mi 'thob po/ /de ltar yin mod byang chub sems dpa' rnams ni gzhan bde pas bde bar gyur pa
 yin na de ci'i phyir de las cha shas mi 'thob ce na/ 'dir bde la yis zhes bya ba la sogs pa gsungs te/ gal te pha rol bde bas bde ba dang ldan par 'gyur na/ de'i tshe thams cad la'ang ste gzhan dga' ba
 yis bde bar gyur pa la yang de bzhin bya dgos na/ ci'i phyir bdag la gzhan mngon par dang pas ni gzhan la slar dga' zhing gzhan la dad pas bde bar gyur pa'i sems can la bdag bde ba ma yin/ de lta bas na de dag ni tshig tsam
 yin gyi don dam pa ni ma yin no zhes bstan par bya ba'i phyir/ de bas zhes bya ba la sogs pa gsungs te/ de las rgyu mtshan gzhan med pa'i phyir ro/ /bdag la bstod do zhes de ltar rnam par rtog pas rang la dga' ba skye bar
 'gyur zhing gzhan bde bas bde bar mi 'gyur ba'i phyir ro/ /de la yang ste gzhan la dga' bas bde bar mi 'gyur ba 'ba' zhig tu ma zad kyi/ bdag nyid kyang de ltar bstan pa'i rim pas mi 'thad cing 'brel pa med pas de dag
 gi ni byis pa'i rtse mo 'ba' zhig tu zad do/ /gzhan yang bstod pa la sogs pas ni bdag la gong pa nyid bsgrub pa yin no zhes nye bar bstan pa bstod sogs zhes bya ba la sogs pa gsungs te/ /bstod pa la sogs pa 'di dag ni
 bdag gi legs pa ste dge ba'o/ /yang na dge ba ni dge ba'i phyogs yongs su sbyong ba'o/ /de bzhin du skyo byin? 'khor ba'i sdug bsngal la skyob pa ste/ 'jig par byed pa ni 'joms par byed pa'o/ /de dag tsam du ma zad kyi 'on
 kyang yon tan ldan la phrag dog dang ste bdag gi yon tan lhag par bya'o snyam pa res gzhan gyi yon tan spang pa'i phyir ram/ de'i yon tan la mi bzod pa'i phyir ro/ /phun sum tshogs pa ni rnyed pa dang bkur sti la sogs pa'i
 ngo bo'o/ /khro par byed pa ni de dag la mi bzod par byed pa'o/ /bdag nyid kho na yon tan lhag pa dang/ bdag kho na phun sum tshogs pa thams cad rigs kyi/ gzhan dag la ni ma yin no snyam nas so/ /gang gi phyir bstod pa la sogs
 pa la nyes pa de dag 'byung ba de lta bas na bstod la sogs/ gzhom phyir te dgag par bya ba'i phyir sems can gang dag nye bar gnas pa ste 'bad pa byed pa'o/ /ngang song du lhung ba ni sems dmyal ba la sogs par ltung pa'o/ /de las
 bdag ni bsrung pa'i phyir te bskyab pa'i don du ste/ bsrung bar bya ba'i rgyu mtshan du zhugs shing brtson par byed pa min nam/ de'i phyir de dag ni dge ba'i bshes gnyen yin te gnod pa byed pa ma yin pas rnyed pa la sogs pa'i gegs byed pa
 la rnam pa thams cad du bdag khong khro ba'i sems su mi rigs so zhes bstan par bya ba'i phyir bdag ni grol ba zhes bya ba la sogs pa gsungs te/ rnam par grol bar 'dod pa la ni rnyed pa dang bkur sti rnams 'ching ba dang 'dra ste/
 chags pa'i gnas yin pa'i phyir ro/ /mi dgos pa ni thar pa'i 'dod pa la 'ching ba mi rigs pa'o/ /bdag bcings pa las 'khor ba sdug bsngal gyi mtshan nyid dam/ rnyed pa la sogs pa'i ngo bo las dgra bo mngon par 'dod pas
 dge ba'i bshes gnyen gyi bya ba byed pas grol bar byed pa ste bral bar byed pa'o/ /de dag ste mchog tu phan 'dogs pa dga' ba'i gnas dag la bdag ni ji ltar khro ste mi rigs so snyam du dgongs pa yin no/ /ji ltar mi rigs ?
 na/ bdag ni zhes bya ba la sogs pa gsungs ste/ rnyed pa dang bkur sti la mngon par zhen par 'gyur pas te/ /'khor ba'i sdug bsngal las grol bar 'dod pa la/ skyes bu dam pa'i bye brag gang zhig sgo 'phang nyid de 
 sgo glegs nyid du gyur pa ste son pa'o/ /gang las zhe na/ sangs rgyas rnams kyi byin rlabs mthu chen po bzhin du ste / de la bdag ni ji ltar khro'o/ /dge pa 'joms par byed pa rnams la yang sdang pa bzlog
 bar bya pa gsungs ba/ 'di ni bsod nams gegs byed do zhes bya ba la sogs pa ste/ 'di ni dge ba'i gegs byas so zhes de ltar yid la gzhag la/ 'dir bsod nams gyi legs byed pa rnams la stang bar rigs min te/ ci'i
 phyir zhe na/ gang gi phyir bzong ba ste ston? pa dang mtshungs shing mnyam pa'i dka' thub ni legs par spyad ba ni yod pa ma yin na ste/ dge ba'i las thams cad kyi rgyu yin ba'i phyir te/ bzod pa lta bu'i dka' thub med ces gsungs
 pa'i phyir ro/ /de la ste 'bad rtsol 'di nyid la gnas shing bsgrub pa ma yin nam/ bsod nams kyi gegs byed pa lta bu'i dor gyis bsod nams kyi rgyu nye bar gnas pa de la khron bdag nyid kyis bsod nams kyi gegs byas par
 'gyur ro zhes gsungs pa/ gal te bdag ni zhes bya ba la sogs pa yin te/ ji ste gal te bdag nyid kyi skyon mi bzod pa'i bdag nyid kyis gegs byed pa 'di la bzod cing sron bar mi byed na de'i tshe bdag nyid kyis te gzhan gyis ni
 ma yin par bsod nams 'di la gegs byas par zad do/ /ci'i phyir na/ bsod nams kyi la bsod nams kyi gegs byed pa nyid du mngon par 'dod pas nye bar gnas pa ste nye bar gyur pas so/ /yang na 'di la ni bsod nams kyi
 rgyu 'di la zhes sbyar ro/ /gal te bsod nams kyi gegs byed na 'di ji ltar na bsod nams kyi rgyur gyur/ 'on kyang de nyid ni gegs yin no zhe na/ gang zhig gang med ces bya ba la sogs pa gsungs te/ dngos po gang 'bras bur mngon
 bar 'dod pa gang zhig rgyur mngon par 'dod pa gang med na mi 'byung la ste/ de log na med pa ni 'bras bu mngon par 'dod pa de'i skye bar byed pa'i rgyu gzhan ma yin pa ste/ de dang rjes su 'gro ba dang ldog? pa ldan pa' phyir ro/ /de bzhin du skabs su bab pa/
 la yang skyed bar byed pa de ji ltar na bskyed bar bya ba'i gegs su brjod do/ /gegs kyi rgyu zhes brjod par byed/ rnam pa de lta bu la yang de ltar tha snyad du byed na ming la log par rtogs par zad do/ /bstan pa'i don dpe nye bar bstan pa'i sgo
 nas gsal bar byed pa dus su zhes bya ba la sogs pa gsungs te/ 'di ltar sbyin bdag 'ga' zhig sbyin pa byed pa'i dus la bab pa na slong mo ba slong bar byed pas sbyin pa'i gegs byed pas sbyin pa'i gegs byed pa ma yin par brjod de/ gang gi
 phyir de ni sbyin pa'i rgyu nyid yin na/ /rab tu byung bar 'dod pa gang la la'i rab tu 'byin par byed pa dang phrad pa na rab tu 'byung bar sdom pa la sogs pa len pa'i ngo bo de'i tshe gegs zhes bya bar mi rung ngo/ /'on kyang de ni rgyu nyid yin te/ de med
 par de mi 'byung pa'i phyir ro/ /de ltar skabs su bab pa la yang blta bar bya'o// //bam po bcu gcig pa/ gzhan yang bzod pa'i rgyu ni shin tu dkon pa yin pas de dang phrad pa na dga' ba kho nar rigs
 so zhes bstan pa 'jig rten na ni zhes bya ba la sogs pa gsungs te/ thams cad du thams cad na 'jig rten na slong par byed pa ni shin tu mang bar gyur pa yin te/ de ltar sbyin par byed pa na phyir mi ldog pa'i phyir ro/ /gnod pa byed
 pa ni de lta ma yin te de bas na de dag dkon pa ste/ stong phrag brgya'i nang nas gal te ji zhig ltang 'ga' zhig 'byung ba 'am ma yin no/ /de de ltar yin pa ci'i phyir zhe na/ 'di ltar zhes bya ba gsungs te/ gang gi phyir phar gnod ma byas
 na ste/ pha rol la gnod pa byed pa las ldog na bdag la rgyu mtshan med pas 'ga' yang ste gcig kyang gnod pa mi byed do/ /de ltar na shin tu dkon pa'i phyir dang/ mchog tu gan 'dogs pa'i phyir gnod la
 byed pa la mngon par dga' bar bya'o zhes gsungs ba/ de bas dal bas zhes bya ba la sogs pa gsungs te gang gi tshe ji zhig ltar gnod pa byed bar? phrad na de'i tshe khyim du byung pa'i gter bzhin du ngal ba ma byas par thob pa'i dgra la bdag
 gis 'dod par bya'o/ /byang chub spyod pa ni sangs rgyas nyid kyi tshogs nye par rdzogs pa na grogs byed par gyur pas so/ /rnam pa de lta bur skyes bu mchog gi don la grogs byed pa l byas pa shes pa'i phyir bdag lan du phan gdag par
 rigs pa yin no zhes nye bar bstan pa 'di dang bdag gis zhes bya ba la sogs pa gsungs te/ gang gi phyir de la 'dis grogs su byas pas rgyu nyid yin gyis gegs ma yin pa de'i phyir bdag gis bzod pa goms par byas pa dang/
 'dis kyang gnod pa byas pa yin te gnyi gas bskyed pa yin no/ /'di zhes bya ba ni gang bsgrub par bya ba'i phyir grogs byas shing bsten pa'i bzod pa'i 'bras bu ste/ bsod nams thob pa'i mtshan nyid do/ /'di la ste chos kyi grogs
 la thog mar phung ba dang bar bya'o/ /dper na byang chub sems dpa' byams pa'i stobs kyis lnga sde'i ched du smon lan btab pa ltar bdag gis smon lam gdab par bya'o/ /de la rgyu gsungs pa ni gang gi phyir zhes so/ /gal te bsams
 pa de nyid kyis de 'jug na de de ltar rigs na/ 'on kyang 'di ni gnod pa byed pa'i bsam ba can yin no zhes dogs pa gal te bzod pa 'grub ces bya ba la sogs pa gsungs te/ byang chub sems dpa' i bzod pa sgrub po snyam pa'i
 bsam pa med par gnod par brtson pa de'i phyir na gal te dge ba'i rgyu yin yang dgra 'di mchod par 'os pa ma yin no zhe na/ /'on te de ltar na dgongs pa mi mnga' ba'i dge ba 'grub pa'i rgyu dam pa'i chos gsung rab kyi mtshan nyid ci ste mched
 par byed de yang bsam pa des stong pa'i phyir mchod par 'os par mi 'gyur ro snyam du dgongs pa yin no/ ci ste dam pa'i chos la bsam pa med pa'i phyir gnod pa bya ba'i bsam pa 'ang med la/ 'di la de las bzlog pa snang ngo zhes gal te dgra la
 'di zhes bya ba la sogs pa gsungs te/ /gal te dgra 'di gnod pa bya ba'i bsam pa yod do snyam du bsam nas dgra po mchod bya ma yin te/ sbyin pas bsnyen bkur mi bya'o/ /zhe na / sman pa bzhin du zhes bya ste gnod pa byed pa la khro
 pa'i sems ma bzlog na ji ltar bdag gi bzod pa 'grub/ gnod pa byed pa la mi bzod pa'am/ slar gnodpar bya bar mi rigs so zhes bya pa'i don to/ /'on te gzhan du gyur mod ce na/ gzhan du yang sman pa bzhin du phan brtson na
 ste / sman pa bzang po ltar phan pa dang bde ba bsgrub par byed pa la ni gang la rtag tu dga' ba dang gus pa yod pa yin te/ zhe sdang gi rgyu'i dri yang med de/ /zhe sdang gi sems log pa las ni bzod pa zhes brjod? do?/ /da lta bas na
 gnod pa byed pa nyid la khro ba'i sems bzlog na bzod pa yin no zhes de nyid bstan pa de bas zhes bya ba la sogs pa gsungs te/ gang gi phyir sman pa phan par brtson la bzod pa mi rigs pa de pas na ste/ gtan tshigs 'di las sdang ba'i
 bsams pa can de la brten nas rgyu mtshan du byas te bzod pa yang dag par skye ba yin gyi dge ba'i bsam pa las ni ma yin no/ /de'i phyir gang gi bsam pa la brten nas bzod pa skye ba deni bzod pa'i rgyu yin gyi/ gang zhig sman pa
 bzhin sdang ba'i bsams pa med pa la ni ma yin no/ /de bas na bzod pa bsgrub pa'i bsam pa med kyang ngam pa'i tshes ltar 'di bdag gis mchod par bya'o/ /'di skad du bstan par 'gyur te bdag la bsam pa sbyar?
 'dis dgos pa ci zhig yod/ bsgrub byar mngon par 'dod pa 'grub pa yin na mkho ba yin te de tsam zhig bdag gi blang bar bya bar gyur pa yin no/ /bsam pa yon tan med pa can gyi 'bras bu ni bsam pa yon tan med pa gang yin pa de nyid kyi
 yin la/ bdag la ni dge ba 'byung ba'i rgyu nyid 'di yin pas na ji ltar mchod par 'os par mi 'gyur zhes so/ /de lta bas na tshegs la mkho pa'i rgyu dag la rang gi ngo bo dpyad pas/ ci zhig bya ste/ de dag 'di'i tshogs kyi rgyur gyur pa yin no
 zhes lung las rab tu bsgrub pa'i phyir sems can zhes bya ba la sogs pa gsungs te/ chogs 'byung zhing 'phel ba'i rgyu yin pa'i phyir sems can gyi zhing ngo/ /sangs rgyas bcom ldan 'das rnams kyang de bzhin du zhing yin te/ de lta bu de yin
 pas na sangs rgyas nyid kyi byed pa'i rgyu yin pa'i phyir rnam pa 'dis bcom ldan 'das kyis bsngags so/ /ci'i phyir zhe na/ 'di ltar gang gi phyir sems can dang rgyal ba de dag rjes su mthun par bsgrub pas mgu bar byas te mang po zhig sangs rgyas
 nyid thob nas 'jig rten dang 'jig rten las 'das pa thams cad kyi phun sum tshogs pa thams cad mthar thug pa thob pa yin no/ /'o na de ltar yin na/ gal te zhig na sems can rnams kyang phun sum tshogs pa thams cad kyi rgyu yin na
 de ltar na yang de bzhin gshegs pa rnams dang mtshungs pa mi rigs so zhe na/ sems can rnams dang zhes bya ba la sogs pa gsungs te/ gnyi ga las kyang sangs rgyas kyi chos stobs dang mi 'jigs pa la sogs pa 'grub pa dang
 'thob pa la mtshungs shing khyad med de/ gnyi ga yang de yang de la rgyu nyid yin par khyad med do snyam du dgongs pa yin no/ /de lta bas na rgyu'i dngos po thun mong yin yang rgyal ba rnams la gus par bya ba ji 'dra ba de bzhin du sems can rnams min pa de lta bu ci'i
 tshul dang go rim yin rtog pa dang ldan pas mi rigs so zhes bya ba'i don to/ /'o na sems can rnams la 'dod chags la sogs pa'i dri ma rnams kyis bsam pa zhan par gyur pa'i phyir rgyu nyid yin na yang ji ltar na bcom ldan 'das dang mtshungs pa
 nyid du rigs pa yin snyam du dog pa las bsam pa'i zhes bya ba la sogs pa gsungs te/ 'di la yang bcom ldan 'das ni bsod nams dang ye shes dpag tu med pas bskyed pa bla na med pa'i bdag nyid chen po'o/ /de ltar yang nye bar mkho
 bar sbyor ba nyid kyi phyir rgyu'i dngos po mtshungs pas na che ba'i bdag nyid mnyam par brjod do/ /gtan tshigs de'i phyir sems can de dag rgyal ba rnams dang mnyam pa yin te 'dra bar zhes brjod de/ de ltar na 'dir byed pa la khyad par med
 pa yin no/ /gang dus song nges pa'i bdag nyid gyi tshul ni khyad par de bstan pa'i phyir/ byams sems zhes bya ba la sogs pa gsungs te/ sems can rnams la byams pa'i sems su gnas pa la skye bo rnams kyis mchod pa gang
 yin pa de ni byams sems ldan pa de'i so so rang gi rnam pa'i che ba'i bdag nyid de gzhan gyis ni yin no/ /de bzhin du de bzhin gshegs pa la dmigs nas rang gi sems dang bar byed pa'i bsod nams skye ba gang yin pa de ni bcom ldan 'das
 nyid kyi che ba'i bdag nyid thun mong ma yin pa ste/ gzhan la rnam pa de lta bu'i yon tan med pa'i phyir ro/ /de ltar thun mong ma yin pa'i yon tan brjod nas skabs la bab pa'i mthug bsdu ba/ sangs rgyas chos 'grub byed ces bya ba la
 sogs pa gsungs te/ 'dir mtshungs par bsgrub pa'i sa bon ni 'di yin no zhes bya ba'i don to/ /don dam par ni sangs rgyas bcom ldan 'das rnams dang mtshungs pa'i sems can du gyur pa 'ga' yang med do/
 gal te rnam pa de lta bur gyur pa de'i tshe yang sangs rgyas nyid yin no ji ltar gyur pa'i zhe na/ yon tan rgyu mtsho mdza' yas pa'i yon tan rnams kyi mtsho ni yon tan rin po che'i 'byung gnas yin te/ gting mdza' mi dpogs pa'i phyir na
 de rnams dang do/ /yang de dag gi khyad par du byed pa gsungs pa/ mdza' yas cha ni mdza' yas shing mu med pa'i cha nyid ni phyogs kyang ste/ yon tan rgya mtsho gang la yod pa de la de skad ces bya ste sems rnams dang ngo/ /bstan
 pa'i don nyid gsal bar byed pa yon tan mchog ces bya ba la sogs pa gsungs te/ yon tan rnams la gtso bo'i phung po gcig tu mnga' pa'i bcom ldan 'das gang yin pa dang de dag gi yon tan shas tsam ni rdul phra rab tsam yang
 ste/ yon tan phra mo yang zhes bya ba nyi don to/ /gal te sems 'ga' zhig la khyad par snang na yang mthong na yang de la ste yon tan rgya mtsho de mchod pa'i rgyu mtshan du khams gsum phul yang tshungs par 'gyur/ 'jig rten gsum du byung ba'i
 rin po che la sogs pa rnams 'tshem pa/ yin no zhes bya ba'i don to/ /gal te de lta yin na/ ji ltar sems can mgu bar bya ba bstan ce na/ sangs rgyas chos mchog zhes bya ba la sogs pa gsungs te / sngar bshad pa nyid yon no//
 'di dag gis kyang sems can mgu bar bya bar rigs pa yin no zhe na/ gzhan yang zhes bya ba la sogs pa gsungs te/ g.yo med gnyen gyur pa'i ni bcos ma min pa'i bshes pa sangs rgyas dang byang chub sems dpa' rnams te //
 phan 'dogs pa mdza' yas pa mdzad pa rnams la/ lan ldon pa ni des phan gdags pa byas pa'i lan glan pa ste/ lan khyer ba zhes bya ba'i don to/ /gzhan gang zhig gis 'gyur sems can mgu bar bya ba min par te/ de nyid mchog tu
 lan ldon par byed pa yin no zhes bya ba'i don to/ /bdag po'i sems dang mthun par 'jug pa nyid bran gyi 'deng? pa 'grub par 'gyur ro snyam du shes par bys nas sems can mgu bar bya ba kho na blang bar bya ba yin no zhes bstan pa gang gi
 phyir zhes bya ba la sogs pa gsungs te/ gang dag la phan pa dang bde ba bsgrub pa'i phyir lag pa dang rkang pa dang mgo dang mig la sogs pa bcad cir rab tu ster bar byed pa dang/ de bzhin du gang gi dbang du byas te de dag gi gnod pa
 zhi bar bya ba'i don du gzhan sdug bsngal bas sdug bsngal bar gyur pa rnams mar med pa yang 'jug pa ste/ skabs su bab pa'i phyir sangs rgyas dang byang chub sems dpa' rnams yin no/ /de la ste sems can rnams la phan gdags
 lan lon 'gyur bas na gzhan du ni phan btags kyang lan lon par mi 'gyur ro/ /lan gyi sgra 'di ni 'dir skabs kyi dbang du byas pas legs par byed pa la 'jug go gang gi phyir de ltar yin pa de ltar yin pa des na mchog tu gnod pa
 rnams la yang sems khro bar mi bya ba ste/ 'on kyang thams cad de rnams pa du mar lus sam/ ngag gam/ yid dag gis bzang dgu zhig tu 'di dag la phan pa dang bde ba bsgrub par bya'o/ /bstan pa nyid bsgrub pa ni re zhig
 ces bya ba la sogs pa gsungs te/ bdag gi rjes gyur nyid ni sangs rgyas la sogs pa'o/ /rang gi bdag nyid kyi ste re zhig ces pa ni dpyod pa'o/ /gang gi phyir ni gang dag gi rgyu mtshan du ste / rang gi sku la'ang ni rang nyid kyi 
 lus 'cho ba la yang bstan pa'i rim pas mi gzigs pa ste/ mngon zhen med par rtsa bzhin du yongs su 'dor ba'o/ /de bas na bdag ni bdag gi bran du gyur pa yin no/ /sems can bdag po lta bu dang bu ltar
 mchag tu sdug pa de dag la ci ltar na nga rgyal bya zhing ste de zhig shes bzhin du ci'i phyir mi mthun par bya zhing bran gyi dngos mi bya ste bran du gyur te brnyas par mi bya/ 'di dag gis kyang sems can la gnod pa byed pa yongs su dor la de dag mgu bar
 bya ba kho na bya'o zhes gang dag bde bas zhes bya ba la sogs pa gsungs te/ bu sdug pa lta bu'i sems can gang dag gis lus dang yid las byung ba bde bas pa lta bu'i thub ba'i dbang po sangs rgyas bcom ldan 'das rnams la dgyes par 'gyur
 zhing de dag la sdug bsngal na mi da byes 'byung bar 'gyur ba ni yongs su mi mgu bar 'gyur ba ste de dag mi mnyes pa'i phyir bcom ldan 'das la de skad du brjod de/ de ni ste'u dang can ldan lta bu yin te/ nyan thos rnams la yang khong
 khro bas rjes su chags pa ni mi 'byung ba'i phyir ro/ /gzhan go sla'o/ /ji ltar na dal gnod pa byas pas thub pa rnams la gnod pa byas par 'gyur zhe na 'dir ji ltar zhes bya ba la sogs pa gsungs te/ ji ltar skyes bu'i lus la
 kun nas yan lag thams cad la khyab par me 'bar bas na 'dod pa'i yon tan lnga yis yid bde bar mi 'gyur zhing/ lus la'ang bde ba med de/ da la rab tu 'bar ba'i sdug bsngal de nyid kyi non pa'i phyir ro/ /de bzhin te de
 ltar sems can rnams la gnod pa byas na yang ste/ sdug bsngal myong ba na thugs rje'i bdag nyid sangs rgyas bcom ldan 'das rnams dgyes pa ste/ yid bde ba'i thabs dang rgyu med do/ /da ni de lta bas na yongs su ma shes
 pas sam/ nyon mongs pa'i gang na dang bcas pa'i dbang gis sems can la gnod pa byas pa'i mi dge ba gang bsags pa de yang mjug bsdu ba'i sgo nas bshags par bya ba/ de bas zhes bya ba la sogs pa gsungs te/ gang gi phyir de ltar
 sems can la gnod pa byas na thub pa rnams la gnod pa byas par 'gyur ba de'i phyir sdig pa de ring da lta so sor bshags par bgyi/ skyob pas thugs rjes chen po de dag gi spyan sngar bshags par bgyi zhing/ yang de bzhin du shes bzhin du mi
 bgyid do zhes slan chad bsdams par bgyi'o/ /mi mthun pa gang zhig spyad pa de la thugs brtse ba nyi bar bzung ste bdag la bzod pa mdzad du gsol/ bzod pa gsol nas nga ni de bzhin gshegs pa rnams mnyes par bgyi slar du zhes bya ba la sogs pas
 de la bdag nyid gcig pu gzhol bar ston par byed do/ /de bzhin gshegs pa rnams kyi bzhed pa bsgrub pa'i phyir 'jig rten dang 'jig rten gyi yul du bdag gi lus thams cad kyis sam/ dag gam yid kyi bran gyi dngos por khas blang bar
 bya'o/ /de dag kyang bdag la spyi bor bzlog pas bzhag kyang de dag gi rkang pa la rab tu dga' ba'i sems kyis mgo bor blang bar bgyi'o/ /'dis kyang bdag gis sngar nye bar byas pa sdangs bas 'gro ba'i bdag po bcom ldan 'das thugs dgyes
 bar mdzod cig/ bcom ldan 'das la gung bar byed pa rnams kyis sems can rnams la ma gus par mi bya'o zhes rab tu bsgrub pa gsungs pa/ /'gro ba 'di kun zhes bya ba la sogs pa yin te/ thams cad chos kyi dbyings so sor rtogs
 pa'i phyir sems can thams cad mnyam par bsgrub pas sam/ gzhan dang bdag rje ba la sogs pa'ang rung ste/ 'gro ba 'di kun thugs rjes bdag nyid ma yin pa la bdag gir mdzad cing zhal gyis bzhes te/ 'ga' tsam la ni ma
 yin no/ /gzhan du na sangs rgyas nyid du mi rigs pa'i phyir ro/ /de bas na sems can gyi ngo bor te sangs rgyas bcom ldan 'das nyid du sems can 'di dag mthong ba nyid yin na des na 'dir sems rmongs pa dag ci'i
 phyir bus bar mi byed/ rigs pa ma yin no snyam du dgongs pa'o/ /sems can mgu bar byed pa ni don du ma grub par byed pa'i phyir yang de nyid la brtson par bya'o zhes gsungs pa/ 'di nyid de bzhin gshegs pa zhes bya ba la sogs pa ste/
 'di'i rang gi don sangs rgyas nyid kyi tshogs gyi mtshan nyid dam/ /'jig rten gyi sdug bsngal sel bar byed pa'i rgyu yin pa'i phyir ro/ /'di ni zhes bya ba ni sems can mgu bar bya ba yin pas thams cad du sbyar bar bya'o/ /gzhan yang ma
 'ongs pa'i 'jigs pa bstan pas kyang bzhan kyang gzhan la gnod pa byed pa la phyir phyogs pa goms par bya'o zhes dpe brjod pa gsungs pa/ dper na zhes bya ba la sogs pa gsungs te/ rgyal po gang gi yul na gnas pa de'i skyes
 bu de skye bo mang po la ste/ grong khyer dang/ grong rdal dang/ grod dang/ tshed rdal na gnas pa rnams la gnod pa byed kyang ste rnam par 'joms par byed kyang de dag kyang ma 'ongs pa'i rgyal po'i chad pas 'jigs pa mthong bas/
 skye bo mang po dag tshig tsam gyis kyang ji tsam du rnam par 'gyur bar 'gro ba tsam yang mi nus so/ /des de dag shin tu yang sems kyi tshul du bskum pa nyid du gnas te/ gang gi phyir 'di ltar rgyal po'i skyes bu de grogs med pa nyid
 du mi blta'o/ /ji ltar na 'di grogs med pa ma yin zhe na/ de'i zhes gsungs te/ rgyal po'i mthu stobs nyid de'i stobs yin te/ de'i phyir phyogs 'dzin pa'i phyir ro/ /de bas na nus pa chung ba yin yang nges gnod pa byas
 nas slar mi bya'o/ /gang gi phyir de yang gcig bu ma yin pa de'i phyir sems can mgu bar bya'o/ /ci'i phyir zhe na/ 'di ltar dmyal ba'i srung ma dang ste/ de la gnod pa byas pa bzhin du brtan te slar gnod pa byed pa'o/ /thugs rje ldan
 rnams ni rgyal ba la sogs pa ste de'i phyogs su lhung bas dpung yin no/ /ji ltar bya zhe na/ ji ltar dmangs kyi rgyal gtum bzhin/ dper na rgyal po 'jigs su rung ba la rjes su 'brang ba'i las kyis rjes su 'tsho bar byed pa can thams
 cad ji ltar mnyes par byed pa de bzhin du'o/ /gzhan yang 'di ni 'jig rten grags pas 'dir bstan pa yin gyi sems can la gnod pa byas pa las byung ba'i 'bras bu dang/ rgyal po la gnod pa byas pa'i 'bras bu dag mtshungs pa
 ma yin no zhes rgyal po lta zhing khros na yang zhes bya ba la sogs pa gsungs te/ ci'i phyir zhes zur gyis 'dri ba yin te/ ci de sdug bsngal gyi rnam pa bskyed par mi'i bdag pos nus sam ma yin na snyam du dgongs pa yin no/ /
 ci 'dra bar gyur pa zhig ce na/ sdug bsngal gyi rnam pa gang gis sems can dmyal ba'i tshor ba nyams su myong bar byed pa yin no/ /byang chub sems dpa' i spyod pa la 'jug pa'i dka' 'bre ba shes rab 'byung gnas blo gros kyis mdzad pa
 las le'u drug pa'o// //rgya gar gyi mkhan po paN+Di ta chen po su ma ti kI rti'i? zhal snga nas dang/ sgra sgyur gyi lo tsA ba A tsa rya mang po chos kyi dbang phyug gis bsgyur cing zhus pa// //
 de ltar mi mthun pa'i phyogs bkag pa'i sgo nas bzod pa gsum bstan nas/ brtson 'grus bstan pa'i phyir/ de ltar na bzod bas zhes bya ba la sogs pa gsungs te/ de ltar ni brjod pa'i rim pas yin la/ bzod pa dang ldan pas
 na bzod pa ste/ rang gis goms par byas pa'i bzod pa'o/ /brtson 'grus brtsams pa ni brtson 'grus la 'bad par bya ba ste/ gzhan du na sdug bsngal bzod par mi nus pas brtson 'grus zhan par 'gyur ro/ /ci'i
 phyir brtson 'grus blang bar bya ba yin zhe na/ 'di ltar brtson la zhes bya ba la sogs pa gsungs te/ gang gi phyir brtson la byang chub gnas pa ni de'i rgya nyid kyis yin te/ de la dag las bsam sangs rgyas nyid do/ /'di yang gang las
 she na/ gang gi phyir bsod nams brtson 'grus med mi 'byung zhes te bsod nams kyi tshogs yod pa ma yin no/ /'di ni mtshon ba tsam ste/ /brtson 'grus gnyi ga'i rgyu yin pa'i phyir ye shes kyang blta bar bya'o/ /des na brtson 'grus 'di las
 bsod nams dang ye shes kyi tshogs yin la/ de dag las sangs rgyas nyid do zhes brjod pa yin no/ /brtson 'grus kyis rang gi ngo bo mi shes nas brtson 'grus gang zhes 'dri bar byed de/ /brtson 'grus zhes bya ba 'di ci yin zhe na/ 'dir
 gsung gsungs pa dge la sbro ba ste zhes pa la/ gang 'di dge ba'i las sbyin pa la sogs pa dang thos pa la sogs pa la spro ba de la brtson 'grus zhes brjod do/ /de dge ba la mi spro ba ni la lo nyid de/ /mngon par 'dod pa grub pa la mi mthun
 ba'i phyogs kyis nyams par byas pa'i brtson 'grus yan lag ma yin pa'i phyir mi mthun pa'i phyogs do spang bar bstan ba'i ched du/ de'i mi mthun pa'i phyogs zhes bya ba la sogs pa gsungs te/ de'i ni brtson 'grus kyi'o/ /
 'ga' zhig nyams par byed pa'i phyogs ni mi mthun pa'i phyogs so/ /de gang la bshad ce na/ le lo zhes pa la sogs pa la/ le lo ni snyom las nye/ lus dang yid dag las su mi rung ba'o/ /dan la ni smad par bya ba yin te ?
 rgod pa dang sgeg pa la sogs pa yin la de la zhen pa'o/ /sgyid lug pa ni sgyid lug pa nyid de dka' pa'i las la sems bzlog ba yin te zhen pa med ces bya ba'i don te/ /des bdag nyid la brnyas pa ste tshod yod byed pa yin la/ 'di ni de'i mi
 mthun pa'i phyogs so/ /de le lo dgag pa'i don du de'i rgyu re zhig bstan par 'dod nas mi rtsol ba zhes bya ba la sogs pa gsungs te/ 'khor ba'i sdug bsngal mi skyo las shes pa ni skyo ba dang bral bas/ gang zhig mi rtsol ba ni byed pa dang bral ba
 yin te/ de la'ang nges bde nyams len pa ni bde ba mngon par 'dod pa ste de dang gnyid ni gnyid kyis non pa yin la/ de dag gis te sred pa ni bsten par 'dod pa'o/ /de la le lo nye bar skye bar 'gyur zhes sbyar ro/ /yang na 'gro ba'i sdug
 bsngal mi skyo las mi rtsol ba yin te/ /dge ba'i las gang la yang mi 'jug pa'o/ /de las bde nyams len pa yin la/ de las ni gnyid yin te de las kyang brten sred pa'o/ /de'i phyir 'khor ba'i sdug bsngal la mi skyo ba bzlog pa'i don du
 'dir skyo ba sgom pa 'di mngon du bya'o zhes bya bar/ nyon mongs rgya bas zhes bya ba la sogs pa gsungs te/ rgya ni nya la sogs pa gsod par byed pa'i dra? bar brjod pa de spyod pa ni nya la sogs pa rnams te de bzhin du nyon mongs pa nyid rgya?
 yin la des bshor ba ni dbang du byas pa yin no/ /'di ci ltar zhe na/ skye ba'i rgyar ni chung pa ste/ rigs mthun zhing skal ba mnyam par skyes pa nyid skye ba'i rgyar chung pa yin no/ /der chung pa ni de'i nang du son pa zhes pa'i tha tshig go/
 'di 'dir de'i dbang du gyur pa ni 'thad pa'o/ /da dung ni 'di lta bu'i gnas skabs thob par gyur na yang ngo/ /'chi bdag khar? ni song gyur pa/ /? na yang mi shes sam zhes pa ste/ /gal te skyes par gyur na nges par 'chi bar/
 'gyur ro zhes pa'i don to/ /skyo ba'i rgyu gzhan 'di yang gsungs pa/ rang sde zhes bya ba la sogs pa'o/ /rang sde ni sde tshan te/ gang dang lhan cig tu byis pa la sogs pa'i gnas skabs na rol cing rgod pa la sogs
 pa rnam par spyad pa'o/ /rang sde de rnams ni gdol ba rnams kyis nges par gsang bar byed pa'i ma he dang 'dra'o/ /mthong bar ma gyur tam zhes pa ni bdag kyang gnas skabs 'di nyid la gnas so zhes pa'o/ /'di dus cung zad cig yongs su thob
 nas nges par 'chi bar 'gyur te/ des na dus de srid du bdag gis bde ba nyams su myong bar bya ba nyid rigs so zhe na/ gal te de lta gyur pa de ltar na yang nges par 'chi bar 'gyur ba la yid ches par rigs pa ma yin te/ thams cad du
 gsang bar bya ba'i skyes bu gshed mas byin gyis brlabs pa bsad phar? bya ba'i sar khrid pa bzhin du thar bar ma mthong na khyod kyi bde ba la spyod bar sred pa rigs pa ma yin no/ /de'i phyir skyo ba bsgoms bas rgyu dgag pa las le lo spangs te/
 dge ba phyogs la spro ba 'phel ba nyams su blang bar bya'o/ /gal te nges par 'chi bar 'gyur ba de ltar na yang de dang nye ba dang go bar byas la le lo spang bar bya'o zhes dogs nas ji srid ces pa la sogs pa gsungs te/ bsags pa ni
 tshogs par byas pa yin la/ tshogs pa ni gang gis 'chi ba'i don du nang dang rgas pa'i mtshan nyid 'byor pa'o/ /ji srid ces pa ni 'jig rten pa'i brjod pa yin la/ myur ba ni mgyogs par yin te/ shin tu nye bar gyur pa'i
 phyir ro/ /de ltar 'chi bdag gi khar son pa de'i tshe dus ma yin par la lo spangs kyang ci zhig bya ste/ de'i tshe dgos pa cung zad kyang yod pa ma yin no zhes pa'i don to/ /tshigs su bcad pa gsum gyis dus ma yin pa nyid du
 bsgrub pa'i phyir/ 'di ni ma thob ces pa la sogs pa gsungs te/ /'di ni zhes pa ni phyi nas bya'o zhes yid la byas pa ste de ma thob pa'o/ /'di brtsams pa ni dgongs pa gang zhig dang po nyid du byed par 'dod pa'o/ /'di phyed byas par gnas pa ?
 zhes pa ni gang gi cung zhig bsgrubs shing mi zhig ma bsgrubs pa'o/ /de'i phyir bya ba mthar ma thug pa nyid du/ /glo bur 'chi bdag 'ongs nas ni/ /bdag ni bcom zhes sems par 'gyur/ /shin tu dka' bas sems te myos par 'gyur tshe ci
 zhig bya zhes pa phyis 'byung ba dang 'brel to/ /mya ngan ni sdug pa dang bral bas sems yongs su gdung bar byas pa'o/ /de'i shugs ni rgyun mi 'chad par 'jug pa'o/ /des skrangs pa ni chen por gyur pa yin la/ mchi ma ni rlangs pa dang bcas pa'o//
 dmar po ni zangs kyi kha dog yin la/ mig ni lta bar byed pa yin te/ gang gi gdong la de yod pa de la de skad ces bya'o/ /de lta bur gyur pa'i gdong dam byang nye du gang rnams kyi yin pa de la de skad ces bya ste/ de rnams mthong nas ni rnam par
 bltas pa na'o/ /ci lta bur gyur pa na zhe na/ re thag chang pa la'o/ /gang du zhe na/ slar gson pa'i bsam pa dang bral ba 'am/ mgon dang bral ba de la'o/ /'chi ba'i dus na gnas pa'i gshin rje'i pho nya'i bzhin la yang ste/
 skyes bu khro ba dang bcas pa khro gnyer can mthong bana/ myos par 'gyur tshe ci zhig bya zhes so/ /rang sdig dran pas gdungs pa ni 'chi ba'i dus na 'di ci'i phyir bdag gis byas shes te/ phyis 'gyod pas gdungs pa na'o/ /'di tsam 'ba' 
 zhig ni ma yin te/ 'on kyang dmyal ba'i sgra thos pa ni nye sdug bsngal mi bzang nyams su myong bas sdug bsngal bar gyur pas bton pa'i 'o dong bos pa'i sgra dmyal ba las byung ba don 'ba' zhi la khyo ba'i sgra bzhin du de thos nas bdag kyang gnas 
 skabs 'di nyid la gnas pa yin no zhes so/ /skrag pas gang zhig la mi gtsang ba 'byung ba ni dor ba ste/ des lus bsgos pa'o/ /myos pa ni lus dang ngag dang yid kyis 'jug pa dbang du ma gyur pa ro/ /ci zhig
 bya zhes pa ni bya ba thams cad la byed pa'o/ /'di ltar rtogs par byas nas nang med pa'i gnas skabs nyid du bslabs par 'dod nas/ khyod ni nya gson zhes pa la sogs pa gsungs te/ rim gyis bza' ba'i bron du nya nyid gso
 bar byed pa yin te/ phal cher na shar phyogs na gnas pa'i skye bo rnams kyi srung bar byed do/ /gson nas mtshon pa'i nya ni nya gson ma yin te/ de'i dus na'o/ /de dang 'dra bar bdag kyang de ring dam sang ngos pa nyid du 'chi bar
 'gyur ro zhes yid la byas nas khyed kyis 'di nyid du 'jigs par rigs so/ /'dir zhes pa ni shes bzhin ldan pa'i gnas skabs nyid na'o/ /khyed ni zhes pa ni 'chi ba la 'thob par gyur pa ste/ sdig pa byas par gyur pa khyed shin tu
 bzod pa dka' ba'i dmyal ba'i sdug bsngal las 'jigs par rigs pa lta smos kyang ci dgos pa'o/ /mi rtsol ba dang bde nyams len pa'i dbang du byas pa'i chu tshan zhes pa la sogs pa gsungs te/ chu tshan kyis kyang reg pa'o/ //
 gzhon sha can zhes pa ni bod pa yin te/ shin tu 'jam pa'i lus yin pas bzod par mi nus so/ /gal te de ltar yin pa de'i tshe sdig byas shes pa la sogs pa ni go sla'o/ /gzhan gyis yang dbang du byas te brtson med ces bya
 ba la sogs pa gsungs pa la bde ba'i rgyu bskyed pa'i don du byed pas stong pa de lta na yang de'i 'bras bu bde ba 'dod pa dang sdug bsngal me bzod par byed/ de lta na'ang gnod pa mang bar byed pa yin te/ sdug bsngal thams cad
 kyi 'byung khungs yin pa'i phyir ro/ /'chi bdag gis kyang dbang du byed par ci'i phyir byed/ de ltar na'ang bdag nyid mi 'chi bar ci'i phyir sems byed ces pa'o/ /de ltar yang 'di la spyod pa'i phyin ci log pa mthong nas snying rje bzhin pas skyo ba dang bcas
 pas/ kye hud sdug bsngal dag gis bcom zhes gsungs te 'di rmongs pa chen po nyid kyis dka' ba'i gnas skabs su zhugs so zhes pa dang/ bdag nyid la yang skyo bar byed de/ de bzhin du gzhan du yang ji ltar rigs par blta bar bya'o/
 brtson med ces pa la sogs pa rnams ni 'bod pa'i tshig rnams yin no/ /gnyid kyi dbang du gyur pa'i dbang du mdzad nas/ mi'i gru zhes pa la sogs pa gsungs pa la/ mi khom pa brgyad las grol pa'i mi'i dngos po thob pa gru dang 'dra ba mngon
 par mtho ba la sogs pha rol tu sgrol ba rnyed nas so/ /sdug bsngal gyi rang bzhin gyi chu bo chen po las sgrol zhes pa ni brgal bar gyis shes pa ste/ brtson 'grus la brten nas sdug bsngal rnams la rgyab kyi phyogs par gyis shig pa'o//
 kye rmongs pa'i dbang du gyur pa ji srid du gru 'di dang nye bar gyur pa'i dus 'di ni gnyid log pa'i dus ma yin no/ /gal te de lta nyid du 'bad par mi byed na/ de'i tshe yang ngan song gi 'gro ba las grol ba'i gru 'di rnyed par dka' ste/ phyis 'di
 yang dag 'byor bar gal 'gyur zhes gang gsungs pa'i/ /de ltar le lo bkag nas/ don? la mngon par zhen pa'i phyir/ dam chos dga' ba'i? zhes bya ba la sogs pa gsungs te/ dga' ba ni las rnams la dga' ba'o/ /mchog
 ni bla na med pa'o/ /ci lta bur gyur ba zhe na/ bar med pa'i dga' ba'i rgyun yin te/ bde 'gro gong nas gong du bskyed ba'i phyir ro/ /mdza' yas ba ni mthar thug pa med pa yin te dga' ba'i rgyun te gang la bde ba'i rgyun yod pa de la de srad
 ces bya ste/ de nyid kyi phyir mchog tu brjod pa'o/ /de spangs nas te dga' ba ni mngon par dga' ba'o/ /g.yengs ba ni lus dang sems 'phangs bstog pa yin te rkod pa'i dang tshul zhes ba'i don to/ /rgod pa'i ni
 dag gis rnam par g.yeng ba yin te/ dga' ba dang bcas pa'i dag gi rnam par 'gyur ba'o zhes bya ba'i don to/ /sogs kyi sgras ni gru la sogs pa gzung ngo/ /de la khyod ci'i phyir dga' zhes te rigs pa ma yin no zhes dgongs pa'o//
 ci lta bur gyur pa la zhe na/ sdug bsngal gyi rgyu las te dmyal ba la sogs pa ngan 'gror 'khyer bar byed ba'i phyir sdug bsngal gyi rgyu'o/ /de ltar ngan la zhen pa spangs nas sgyid lug cing bdag nyid brnyas pa brtson 'grus kyis mi mthun pa'i
 phyogs spang bar 'dod ba'i de'i mi mthun ba'i phyogs gzhan yang sbang ba'i phyir du bstan pa sgyid lug med ces pa la sogs pa gsungs pa la/ sgyid lug pa las phyin ci log pa ni sgyid lug med pa yin la/ dpung tshogs ni 'tshogs pa
 yin te/ /'chad par 'gyur ba'i mtshan nyid can no/ /lhur blang ba ni grims pa'o/ /bdag nyid dbang du bya ba ni bdag nyid dbang du gyur ba'o/ /'di dag thams cad ni zlas dbye ba'i tshig bsdus pa yin no/ /yang na 'di rnams
 dang lhan cig ba'i bdag nyid dbang du byas pa yin no/ /bdag dang gzhan du mnyam pa dang/ /bdag dang gzhan du rdze ba dag ni bsam gtan gyi le'ur 'chad par 'gyur ba'o/ /'di dag ma lus pa ni le lo spang ba'i phyir dang brtson
 'grus spel ba la mthu dang ldan pa yin no zhes mdor bstan pa yin la/ mdor bstan ba'i don nyid rim gyis rgyas bar bstan pa'i ched du/ bdag gis zhes pa la sogs pa gsungs te/ bdag gis byang chub gal zhes shes la
 ni nyon mongs bdag ji ltar yang dag par rdzogs pa'i byang chub kyi snod yin te/ sangs rgyas nyid ni dbang po rnon po brtson 'grus brtsams pa/ dpag tu med pa'i bsod nams kyi tshogs bsags pa shin tu dka' ba'i spyod pa nyams su len pas bskal
 ba grangs med pa du mas skyes bu khyad par can 'ga' zhig gis bsgrub par bya ba yin la/ bdag ni de lta bu ma yin pa'i phyir bdag ci lta ba de lta bu na? sangs rgyas nyid ci ltar srid par 'gyur zhes rnam pa 'di lta bur yid la bya bas skyed lug cing brnyas par
 mi bya don chen po las nyams pa'i rgyu yin pa'i phyir ro/ /ji ltar sgyid lug pa yang don med yin zhes gsungs so/ /ci'i phyir zhe na/ gang phyir de bzhin gshegs pas te/ 'di ni 'chang par 'gyur ba yin la bden pa ni de las gzhan
 du ma yin pa yin te/ gsungs pa ni bka' stsal ba'o/ /ji ltar shes par bya zhe na/ bden pa gsungs pas zhes te/ ye shes gyi bya ba mnga' pas phyin ci ma log par gsungs pa'o/ /de'i phyir bden pa gsungs pa la 'di ni gtan tshigs
 kyi tshig yin no/ /ji lta bu'i bden pa gsungs she na/ sprad bu zhes pa la sogs pa gsungs te/ /des kyang zhes pa ni sangs rgyas bcom ldan 'das shAkya thub pa dang/ rin chen gtsug tor can dang/ mar me mdzad la sogs pa 'khor
 ba'i rgya mtsho'i 'khor ba'i nang du chud pa sngar gyi so so'i skye bo'o gnas skabs na yongs su 'khor bar gyur pa nyid du gnas pa na/ gang gis brtson ba'i stobs bskyed pa ni brtson 'grus 'phel ba'i stobs kyis tshogs bsags pa na'o//
 byang chub thob dka' ni rnyed par dka' ba yin la bla med thob pa ni mchog go/ brtson 'grus brtsams pa la cung zad kyang dka' ba yod pa ma yin no zhes pa ni bden pa nyid do zhes dgongs so/ /bdag ni mir skyes pa ste mi ru skye ba thob pa yin la/
 phan gnod ngo shes nus pa yis zhes pa ni 'di ni phan pa yin la 'di ni mi phan pa yin na zhes dge ba dang mi dge ba'i las nye bar ston pa dang ngo shes pa ste/ khong du chud par nus pa'o/ /de'i phyir bdag la shin tu yang
 byang chub rnyed dka' ba ma yin no zhes ston pa ni/ bdag gis zhes pa la sogs pa gsungs te/ 'di ltar bsams nas so/ /thams cad mkhyen pa ni dngos po'i de khon nyid mkhyen pa yin la/ tshul 'di ni blang ba dang dor ba'i de kho na nyid ston
 pa'i theg pa'o/ /ma btang ni yongs su ma spangs pa ste/ de len pa dang yongs su 'dzin pa dang bstan pa zhes pa la sogs pa'i don to/ /sangs rgyas nyid bdag gi ces mi 'thob ste tshig zur gyis 'thob pa kho nar bstan to/ /'di bcom ldan 'das kyis
 dkon mchog sprin du gsungs pa yin te/ ji ltar 'di la byang chub sems dpa' 'di snyam du mir gyur pa ni byang chub thob pa dka' ste/ bdag gi brtson 'grus 'di ni chung zhing zhan la/ bdag kyang le lo can te/ byang chub ni mgo'i
 thod la me 'bar ba bzhin du bskal ba mang po bskal ba brgya phrag mang por bsgrub dgos pas bdag ni de lta bu'i khur bskur bar mi rigs mi spro snyam du sems mi skyed de/ 'on kyang ci 'di ltar byang chub sems dpa' i na 'di ltar de
 bzhin gshegs pa dgra bcom pa yang dag par rdzogs pa'i sangs rgyas gang mngon par rdzogs par sangs rgyas pa de dag dang/ gang mngon par rdzogs par 'tshang rgya ba de dag dang/ gang mngon par rdzogs par 'tshang gyur ba de dag
 byang tshul 'di 'dra ba dang/ lam 'di 'dra ba nyid dang/ brtson 'grus 'di 'dra ba nyid kyis mngon par rdzogs par sangs rgyas/ mngon par rdzogs par 'chang rgya/ mngon par rdzogs par 'tshang rgya bar 'gyur te/ de bzhin gshegs
 pa de dag kyang de bzhin gshegs par gyur pa sha stag las mngon par rdzogs par sangs rgyas pa ma yin gyis/ bdag kyang ci nas kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar sems can thams cad
 thun mong gi brtson 'grus dang/ sems can thams cad la dmigs ba'i brtson 'grus kyi bdag gis kyang de lta de ltar btsal lo/ /'bad de zhes so 'di ni rigs pa nyid yin te/ 'on kyang gcig pu shin tu dka' ba'i spyod pa thob pas sgyid
 lug pa bzlog par mi nus so zhes pa'i rnam par rtog pa/ 'on te rkang lag ces pa la sogs pa gsungs te/ lag pa dang rkang pa dang mgo la sogs pa'i sbyin pa med par sangs rgyas nyid thob pa ma yin no zhes shin tu dka' ba'i las rnams la
 'jug bas 'jigs bas spro ba yang ldog pa nyid do zhes gal te sems na/ rang gi sems nyid la gsungs pa/ de la lci ba dang yang pa la bdag rmongs pa nyid de chung du la chen po nyid dang/ chen po chung du nyid du gti mug gi dbang du gyur pas
 yin la/ ma dpyad pa ni ma shes pas te bdag gi don dam par dpyad par ma gyur to/ /don dam par dpyad na lci ba dang yang ba 'di phyin ci log pa nyid do zhes/ bskal ba zhes pa la sogs pa gsungs te/ 'khor ba'i btson dang?
 gnas pa na de lta bu'i las kyi dbang gis bdag gcad pa ste/ lag pa dang rkang pa la sogs pa lus dang yan lag dang nyin lag gcad pa'i phyir de dmyal ba la sogs pa rnams su ni ma yin no/ /de bzhin du phug ste ni mdung dang 'phang mdung la sogs
 pa rnams kyis so/ /sreg pa ni dmyal ba'i me la sogs pas so/ /gshegs pa ni sog le 'bar ba la sogs pas so/ /lan grangs du mar lan mang du yin te 'khor ba'i lam mthar thug pa med par dmyal ba la sogs pa rnams su sdug
 bsngal nyams su myong ba yin no/ /bskal ba bye ba grangs med du zhes pa ni bgrang bar mi nus pa yin no/ /de'i phyir mi 'dod kyang mthar thug pa med pa'i sdug bsngal rnams su du ma 'byung bar 'gyur te/ de sangs rgyas kyi
 tshogs su gyur pa ni ma yin no/ /'di ni 'khor ba la mthar thug pa med pas sdug bsngal shin tu chen po dang 'bras bu med pa yang yin no/ /sangs rgyas nyid sgrub par byed pa ni shin tu chung ba dang 'bras bu dang bcas pa yang yin no zhes
 bstan pa'i phyir/ bdag gi zhes pa la sogs pa gsungs te/ sangs rgyas nyid sgrub par byed pa'i bdag gis sdug bsngal 'di ni tshad yod do zhes pa ni dus nges par gyur pa'i phyir/ yang sdug bsngal gyi rgyu de de lta bur gyur ba'i zug rdu des
 gnod pa de bsal ba'i phyir te/ de sel ba ni ldog bar byed ba'o/ /de'i rgyu mtshan du de btang snyoms su bor nas ji srid 'tsho'i bar gyi sdug bsngal bsal bar bya'o zhes pa'i don to/ /de'i zug rngu khong rlag gdon pa'i ched du lus la rma
 btong nas 'byin cing 'don par byed do zhes pa'i don to/ /dus so sor nges pa'i sdug bsngal shin tu chung ba des yun ring po'i sdug bsngal zhi ba'i rgyu mtshan yin pa de bzhin du sdug bsngal 'di la yang bzod par bya bar rigs so/ /sman pa
 kun kyang zhes pa la sogs pa gsungs pa 'dis kyang sdud pa yin te/ sman pa kun kyang ni bdag 'ga' zhig ma yin pa nyid do/ /bsnyung ba dang sman pa la sogs pa byas pas ji ltar 'dod par za ba dang 'dug pa la sogs pa bkag pa
 las byung ba'i bya ba'i sdug bsngal gyis gdungs pa rnams la nad med pa bskyed par byed de/ gzhan du na de zhi bar byed bar mi nus so/ /gang gi phyir de ltar yin pa de'i phyir shin tu yang sdug bsngal chung du la bzod bar bya'o/ /ci'i
 phyir zhe na/ sdug bsngal mang po dag gzhom phyir zhes te/ bdag dang sems can thams cad kyi yun ring po'i sdug bsngal thams cad zhi bar byed ba'i phyir ro/ /zhes ba'i don to/ /blo dang ldan pas 'di ltar ro zhig khas blangs par rigs te 'dir
 rigs pa yin yang dga' ba'i las la bcom ldan 'das kyis las dang po pa la dang por rjes su gnang ba ma yin no zhes bstan pa'i phyir/ gso spyad ces pa sogs pa gsungs te/ gso spyad 'os pa 'di 'dra ba brjod ma thag pa'i sdug bsngal
 skyed par byed pa rnams yin la/ 'os pa yin na yang ni bsten par bya ba yin na yang ngo/ /sman pa'i mchog ni bcom ldan 'das te nad thams cad 'chos par mdzad pas rnam pa thams cad du dang por gnang ba ma yin la/ las dang po pas
 bar mdzad pa'o/ /nad pa chen po ni yun ring po'i nang pa ste/ la sogs ba'i nad sel bar byed ce na/ nye bar spyod pa 'jam pos shes pa la sogs pa gsungs te/ nye bar spyod pa shin tu 'jam po'i rim pas te ji ltar bzod par gso spyad
 gsungs pas shes pa'i don to/ /gso bar mdzad pa ni nad las grol bar mdzad pa'o/ /nad pa chen po ni yun ring po'i nang pa ste/ 'dod chags la sogs pa'i nad chen po gzung ba rnams so/ /yang ci ltar nye bar spyod pa
 'jam po yin zhe na/ tshod dam zhes pa la sogs pa gsungs te/ ser sna'i dri ma spang ba'i phyir dang bde zhing bde ba'i tshogs spel ba'i don du yongs su gso bar nus pa'i sngo rdad dang bye zan gyi chang? bu tsam sbyin pa la thog ma kho nar
 'dren pas te bcom ldan 'das kyis sbyor bar mdzad de/ yang thabs kyi khyad par gyis sbyor ba mdzad do/ /de la zhes pa ni 'jig rten pa'i brjod pa yin la/ gang de ltar na sbyin pa chung du la sogs pa ster ba la goms pa'i rim pa 
 sbyin pa chen po'i chen po la goms pa phul du phyin par gyur pa na phyi nas ni dus phyi nas dka' ba med pa nyid du rang gi sha dang khrag la sogs pa yang dang bas ster bar byed do/ /yang 'di ci'i phyir zhes dgongs
 nas/ gang tshe zhes bya ba la sogs pa gsungs te/ gang gi dus na sbyin pa la sogs pa la mchog tu goms pa phul du phyin par gyur pa las ser sna rnam pa thams cad du bral bas rang gi sha la yang sngo rngad lta bu'i zhen pa med pa'i blo
 skye bar 'gyur la/ de'i tshe rang gi shal sogs pa gtong ba yang nyams su len bar mi nus pa ma yin pa'i phyir de'i dus na dka' ba ci zhig yod de cung zad kyang ma yin no zhes bya ba'i don to/ /'o na de ltar gyur na yang dus yun ring
 por gzhan gyi don du 'khor ba ji srid kyi sdug bsngal ci dang 'dra bar spang nus zhes na/ sdig pa zhes pa la sogs pa gsungs te/ sdug bsngal gyi gnod pa rnam pa gnyis kho na skyed par byed de/ /lus las byung ba dang yid las
 byung ba'o/ /de la gnyis po 'di yang byang chub sems dpa' la srid pa ma yin te/ lus dang dag dang yid rnams kyis kha na mtho ba thams cad spang ba'i phyir lus kyi sdug bsngal 'di la skye ba ma yin no/ /lung dang rigs pa
 dag gis bdag med pa gnyi ga gtan la phab pa'i phyir yid kyi yang ji ltar srid pa yin/ 'di ltar log par rtog pa dang zhes ba ni gang bden pa ma yin pa'i rnam par rtog pa des bdag dang bdag gir 'dzin pa 'jug pa dang/ dngos
 po la mngon par zhen par byas pas seMs can sdug bsngal ba dang sdig pa sta srog gcod pa la sogs pa'i lus sdug bsngal ba yin no/ /de ltar re zhig sdug bsngal gyi rgyu spangs pa'i phyir 'di la sdug bsngal skye ba ma yin no zhes
 bstan pa yin no/ /da ni 'di la bde ba kho na yin no zhes bstan pa'i bsod nams zhes bya ba la sogs pa gsungs te/ gang la bde ba skyes pa'i lus ni bde ba yin la/ bde ba gang la yod pa'i yid ni bde pa yin te/ de ltar gnyi ga la
 yang bde ba dang ldan pa'i phyir ro/ /thugs rje dang ldan pa gzhan gyi don du 'khor bar 'khor ba na sdug bsngal gang gis skyo bar byed de skyo bar sems/ yang na gang gis skyo bar byed de skyo ba'i rgyu med pa'i phyir gang gis kyang ma yin no
 zhes dgongs so/ /ji ltar ci'i phyir rgyu med par 'jigs pas phyir phyogs par byed/ de ltar gyur na yang yun ring por bsten cing bsgoms pa mang du byas pa'i bsod nams kyi tshogs chen pos yang dag par rdzogs pa'i byang chub 'thob la
 de bas rmongs pa rnams byed pa myur bas nyan thos kyi theg pa nyid la brten pa bla'o zhes dogs nas/ 'di ni byang chub sems stobs shes pa la sogs pa gsungs te/ sngar byas pa'i sdig pa gang yin pa de rnams ni byang chub kyi sems
 kyi stobs nyid kyis zad par byed do/ /ji ltar sngar yang/ /gang gi dus mdza' i me bzhin sdig can rnams/ /skad cig gcig gse nges par sreg par byed shes brjod pa lta bu'o/ /de bzhin du byang chub kyi sems kyi stobs nyid kyis sdus
 par byed pa ni ster bar byed pa ste/ bsod nams kyi rgya mtsho rnams te/ rgyun mi 'chad par bsod nams shugs/ /nam mkha' mnyam par rab tu 'byung zhes gang brjod pa'o/ /rnam pa 'di lta bu'i dad pa'i shugs kyis theg pa chen po
 la gnas ba'i byang chub sems dpa' ni nyan thos la sogs pa rnam pas kyang myur zhing mgyogs par 'gro'o/ /de ltar zhes pa la sogs pas bstan pa'i don nyid bsdus nas ston par byed de/ de ltar ni brjod pa'i rim pa yin la/ kha na ma
 tho ba spangs pa dang sngar byas pa'i sdig pa zad pa'i phyir rmi lam na yang ngan song du 'gro ba dang bral ba'i phyir dang bsam pa shin tu drag pa'i bde ba du mas nyin mtshan du nam mkha' khyab pa'i bsod nams kyi rgya mtsho mngon
 par 'phel par bya ba'i phyir bde 'gro brgyud pas lam/ bzang? por 'jug pa'i byang chub kyi sems shing rta dang 'dra ba bskyed cing zhon nas shes pa'i don to/ /ci lta bur gyur pa zhe na/ skyo bas ni yongs su nyon mongs pa ste/ ngal ba ni
 dub pa'o/ /de sel ba ni rigs pa sngar bstan pa'i phyir tshul gyis skyon kun sel ba'o/ /de bde ba gcig las gzhan gong nas gong du lhag cing lhag par lha dang mi'i bde ba phun sum tshogs pa'i mtshan nyid du 'gro ste thob par gyur na'o//
 rtog pa dang ldan pa rnams sgyid lug par 'gyur pa ci ltar srid/ de'i phyir de ltar na rnam pa du mas sgyid lug pa'i rgyu mtshan bkag pas sgyid lug pa med pa nyid du bstan nas/ dbung gi tshogs bstan pa'i phyir/ sems can
 don ni zhes pa la sogs pa gsungs te/ 'dir yang mdor bstan pa'i dag nyid yin no/ /'dun pa ni 'dir dge ba'i dod pa yin la/ brtan pa ni brtsams pa la brtan pa yin zhing/ dga' ba ni dam pa'i las la zhen pa yin te/
 gtong ba ni mi nus pa na dus cung zad cig 'jig pa'o/ /'di ni dbung gi tshogs bzhi yin te/ cha shas du mas bsdus pa'i bdag nyid yin pa'i phyir glang po che la sogs pa'i dpung bzhin no/ /sems can don grub phyir zhes pa la/
 'di brtson 'grus rgyu yin pa'i phyir la/ brtson 'grus kyang mngon par 'dod pa thams cad grub par byed pa'i phyir ro zhes pa'i don to/ /de la stobs kyi tshogs ni byed pa mang pa'i phyir 'dun pa zhes pa la sogs pas bskyed pa'i rgyu
 gsungs te / sdug bsngal 'jig pas zhes pa ni mi dge ba'i las las sdug bsngal 'byung bas 'jigs pa las 'dun pa bskyed do/ /de'i phan yon bsam pas shes te/ phan yon ni 'bras bu'i sgo nas yon tan kyi khyad par yin te de yang
 shugs kyi las dge ba nyid do/ /de bsgom pa ni dge pa'i las rnams du ma'i sgo nas 'bras bu bzang po 'byin par yang nas yang du bsam pas zhes pa'i don to/ /da ni dpung gi tshogs kyi bya ba bstan pa'i phyir/ de ltar zhes pa la sogs pa
 gsungs te/ de ltar ni brjod pa'i rgyun gyi rigs pas so/ /mi mthun pa'i phyogs ni le lo la sogs pa'o/ /spangs pa ni gnyen po bsgoms pa'i cho gas sel ba ste brtson 'grus spel pa'i phyir stobs bskyed par bya'o/ /thabs gang gis
 she na/ 'dun dang zhes pa la sogs pa smos te/ nga rgyal ni sems mthon po yin la 'di ni brtan pa'i dpung 'phel bar byed pa 'am brtan pa'i stobs nyid yin te/ 'di rnams kyi stobs kyis ni mthu rnams kyis so/ /'dir nus pa'i
 rnam grangs ni stobs kyi sgra yin no/ /de la re zhig 'dun pa bskyed pa dang por/ /bdag dang gzhan gyi zhes pa la sogs pa gsungs te/ sems can thams cad la phan btags pas bdag nyid kyi yang nyon mongs pa thams cad spang
 pa'i ched dang/ yon tan ma lus pa bskyed pa'i don du bdag gis byang chub kyi sems bskyed la de yang bya ba gzhan pas bsgrub par bya ba ma yin no zhes go bar byas nas kyang gal te brtson 'grus brtsams pa yin pa yi brtsoms pa zhan par
 gnas pa yin la/ /de'i tshe ngan song du lhung pa las gzhan gnas pa yin la/ de'i tshe ngan song du lhung ba las gzhan rten yod pa ma yin par bdag gis bsams nas skye ba mngon du bya ste/ 'dun pa bskyed par bya'o zhes pa
 ni bsdus pa'i don to/ /yan lag gi don brjod par bya ste/ dpag tu med pa ni tshad du bya bar mi nus so/ /nyes pa ni lus dang sems la brten pa'o/ /gzhom par bya ba ni spang bar bya ba'o/ /bdag dang gzhan ni
 rang gi bdag nyid dang/ gzhan gyi bdag nyid do/ /re re la zhes pa ni re zhig mang po rnams bzhag ste/ mang du ni de rnams la'o/ /bskal pa rgya mtsho ste/ bskal pa brgya stong du mas so/ /zad pa ni spong bar byed pas so/ /de la ni
 de rnams la'o/ /nyes zad rtsom pa ni nyes pa spong ba la spro ba'o/ /cung zad tsam ni cha tsam yang ngo/ /bdag la ma mthong ba ni snang ba'o/ /de'i phyir sdug bsngal dpag tu med pa'i brten te/ sdug bsngal tshang med pa'i snod yin no/ /
 bdag gi snying mi 'gas pa ni ci'i phyir ral bar ma gyur pa ste/ rnam pa gang gis so/ /bdag dang gzhan gyi zhes pa la sogs pa ni go sla'o/ /don med pa ni 'bras bu med pa nyid de/ /bdag gi skye ba ni mi khom pa brgyad las grol ba
 yin la khyer ba ni bskal pas te rgyab tu byas zhes pa'i tha tshig go /brgya la na thob pa ni rgya mtsho cher g.yengs gnya' shing gi/ bu gar rus sbal mgrin chud ltar/ yun ring pos thob pa yin no/ /de nyid kyi phyir ngo mtshar ba'i
 gnas yin pas rmad du byung ba'o/ /'di'i phyir yang nyams pa yin no zhes/ bdag gis zhes pa la sogs pa gsungs te/ de bzhin gshegs pa rnams la bsnyen bkur byas pas dga' ston chen po ste shin tu mngon par dga' ba dang
 ldan pa yin zhing/ des bde ba ni yid bde ba yin la/ ma thob pa ni bdag gis ma rtogs pa'o/ /bstan pa ni sku gzugs dang mchod rten dang/ dam pa'i chos la sogs pa la bkur sti dang/ lha khang dang kun dga' ra ba dang
 gzims cha la sogs pa'i dngos po dbul ba bya ba ste mchod pa yang ma byas so/ /dbul po rnams ni nor zhan pa rnams yin la/ bsam pa 'di 'dod pa yin te/ nye bar mkho ba'i sgo nas rdzogs par ma byas pa'o/ /'jigs la ni dgra la
 sogs pa'i 'jigs pa'i 'khrug pa rnams lam 'jigs shig ces mi 'jigs pa ma yin pa'o/ /nyam thag ni lus dang yid kyi sdug bsngal gyis gdungs pa yin la/ de bas la nas bde bar byas pa yang ma yin no/ /skyes bu dam
 pa'i chos 'di dag thams cad dang bral pa'i phyir/ bdag ma'i mngal gyi zhes pa la sogs pa gsungs te go sla'o/ /khyed rnams kyi gnas skabs ngan pa 'di yang ci'i phyir thob ce na/ chos la 'dun dang zhes pa la sogs pa gsungs te /
 chos la 'dun pa dang bral ba'i sngar gyi skye bar bsags pa nyid kyi bdag la da lta'i skye ba 'di la yang rgud pa 'di 'dra ba 'byung bar gyur te nus pa thams cad dang bral ba'i rang bzhin sngar brjod pa rnams thob par gyur par 'di ltar shes par byas nas
 su zhig chos la 'dun pa gtong bar byed de yong su gtong bar byed cing mkhas pas ci'i phyir len par mi byed ces pa'i tha tshig go /yang ci'i phyir dge ba don du gnyer ba rnams kyis 'dun pa skyed pa la 'bad par byed ces dgongs nas/ gang 'dun
 pa sdug bsngal 'jigs pas bskyed bces pa la sogs pa gsungs pa de bsal bar bya ba 'dod nas/ dge ba'i phyogs ni zhes pa la sogs pa gsungs te/ rgud pa bsal ba 'ba' zhig gi don du ni ma yin te/ dkar po'i chos
 bsags pa'i don du yang 'dun pa bskyed pa la 'bad par bya'o zhes pa ni 'ang gi sgra'i don to/ /thams cad kyi zhes pa ni 'ga' zhig ma yin pa'o/ /rtsa ba 'dun pa ni rgyu yin par bcom ldan 'das kyis gsungs te rang gis btags
 nas brjod pa ni ma yin no zhes bya ba'i don to/ /de'i yang ni 'dun pa'i yang ngo/ /rtsa ba rtag tu ni dus thams cad du'o/ /rnam smin 'bras bu bsgoms pas ni dge ba dang mi dge ba'i las kyi
 rnam par smin pa'i 'bras bu 'jig rten pha rol tu 'dod pa dang mi 'dod pa thob pa'i mtshan nyid yin la/ de bsgom pa ni yang nas yang du mngon du byed pa'o/ /de la las mi dge ba'i rnam par smin pa'i 'bras bu bstan pa'i phyir / sdug
 bsngal zhes pa la sogs pa gsungs te/ lus dang dag dang yid ji srid pa rnams kyis dmyal ba la sogs pa'i sdug bsngal sna tshogs rnam pa du ma'i 'jigs pa 'di ltar bcing zhing 'khyig pa dang brdeg pa la sogs pa rnams dang/
 yid kyis tshol ba'i rnyed pa'i bar chad 'dod pa'i gegs byed pa yang sdig pa byed pa rnams nyid las skyed cing 'byung bar 'gyur ro/ /legs spyad kyi las kyi rnam par smin pa'i 'bras bu bstan pa'i phyir/ yid la bsam pa'i zhes pa
 la sogs pa gsungs te/ 'dod pa la smon pa'i rnam par rtog pa ni yid la bsam pa yin la/ gang 'jig rten na yid kyi rgyal srid ces rab tu grags pa bzhin no/ /dge ba byas pa ni bsod nams byas pa yin la/
 gang dang gang du zhes pa ni zlos pa yin te/ 'ga' zhig kho nar ma yin no/ /'gro ba ni bskyod pa'o/ /'bras bu rin gyis shes pa ni mngon par 'dod pa'i 'bras bu ston par byed pa nyid rin bzhin du rin te/ des mchod
 pa yin no/ /yang mi dge ba'i 'bras bu bstan pa'i phyir/ sdig pa zhes pa la sogs pa gsungs te/ bde ba 'dod pa ni bde ba don gnyer ba'o/ /sdug bsngal mtshon gyis zhes pa ni byed pas te/ sdug bsngal nyid
 mtshon du de'i 'dod pa gcod par byed pa'i rgyu nyid yin pa'i phyir ro/ /so so'i skye bo dang thun mong ma yin pa'i dge ba'i las kyi rnam par smin pa'i 'bras bu thun mong ma yin pa/ rgya che zhes pa la sogs pa gsungs te/ rab tu dga' ba'i sa thob pa'i
 byang chub sems dpa' rnams mi 'dod bzhin du ma'i mngal du skye ba ma yin te/ 'on kyang bde ba can du sna tshogs pa'i 'dab ma can gyi pad+ma'i nang du skye bar 'gyur ro/ /de rnams kyi bde ba'i 'byor pa du ma ston par byed de rgya cher ba ni shin tu spangs pa
 yin la/ dri zhim pa ni yid du 'ong ba'i dri yin te/ bsil ba ni bde ba'i reg bya yin zhing/ de rnams kyang pad+ma ste 'dam skyes yin no/ /de dag gi snying po ni yang pad+ma'i snying po'i bye brag yin no/ /de rnams la gnas pa ni bzhugs pa yin la/
 shes rab dang thabs dang snying rje chen po las byung ba'i bsod nams dang/ ye shes kyi yan lag bsdus pa byang chub kyi sems dang ldan pa'i bde gshegs kyi sras su dge pas 'gyur ro zhes 'brel to/ /pad+ma'i snying po rnams su yang ci ltar rgyas
 par 'gyur zhe na/ rgyal ba'i gsung snyan zhes pa la sogs pa gsungs te/ snyan pa ni dbyangs kyi yan lag thams cad dang ldan pas mchog tu yid bde bar byed pa rnams kyis so/ /rdzogs pa'i sangs rgyas kyi chos dbyings kyi zas te /
 zhal zas kyis mdangs 'phel bar byas pa'i lus gang la yod pa de la de skad ces bya'o/ /de ci ltar skye zhe na / thub 'od ces pa la sogs pa gsungs te/ yongs su smin pa'i dus su mkhyen nas thub 'od de bzhin gshegs pa'i 'ong
 zer rnams kyi rgyas shing kha phye bar byas pa yang yin la de ni pad+ma 'ang yin no zhes pa'i don te/ /de las byung ba ni skyes pa yin la/ mtshan dang dpe byad kyis brgyan pa'i lus gang la yod pa da la de skad ces bya'o/ /de lta bur gyur pa'i bde
 gshegs kyi sras byang chub sems dpa' i rgyud du ste/ bde gshegs spyan sngar bde ba can du bcom ldan 'das 'ong dpag med kyi spyan sngar gcig tu dkar ba'i dge ba'i las rnams kyis 'byung zhing skye bar 'gyur ro//
 de ltar 'di ni ma'i mngal du skye bar 'gyur ba rnams la khyad par 'di las bzlog pa'i sdug bsngal nyams su myong bar 'gyur ro zhes bstan par 'gyur te/ 'di ltar yang de na dog pa dang dring ba dang/ pho ba'i me drod kyis tsha ba dang/ pha dang ma'i
 mi gtsang ba nur nur po las yang dag par byung zhing skyes pa dang/ ma yis zos pa dang 'thungs pa skyugs pa dang 'dra bas bskyed pa dang/ mngal gyi dri mas gos pa dang/ yongs su smin pa'i dus na brgya la phrog mgrin par phyin pa dang/
 bcar la mnan pa bzhin du btsa' ba' i dus na yang yin te phal cher mir skyes pa'i 'dren ma'i las kyi rnam par smin pa bshad pa yin no/ /gcig tu gnag pa'i las kyi rnam par smin pa gshin rje'i skyes bu zhes pa la sogs pa gsungs
 te/ gshin rje'i skyes bu zhes pa ni dus kyi pho nya pas te bshus pa ni 'bar ba'i tho ba la sogs pa'i mtshon rnams kyis rnam par phral ba'o/ /ma lus pa ni mdza' dag yin la pags pa ni shun lpags sam nus pa ste gang
 la yod pa de la de skad ces bya'o/ /rab tu nyam thag par gyur pa na shin tu 'bar ba'i lcags kyi sa gzhir ltung ngo/ /slar yang ci lta bur gyur pa zhe na/ rab tu tsha pa'i me yis zhu bar gyur pa'i zangs gang yin des lus rnams
 la blugs pa ste bkrus pa'o/ /de nas yang pags pa ma lus par bshus pa la 'bar ba'i ral gri rnams dang/ mdung thung ste mtshon cha'i khyad par rnams kyis de rnams la bsnun pa yin te rnam pa du ma'i mtshon gyis so//
 lhags shing ni rnam par bcad pa dag yin te sha'i dum bu ni mdza' dag yin la gang gi de ltar gyur pa na shin tu 'bar ba'i rang bzhin gyis gzhi rnams su lhung bar 'gyur ba'o/ /mi dge ba ni dge ba ma yin pa'i las rnams kyis so//
 mang pos zhes pa ni lan mang por yin te/ dus ring po de'i 'bras bu zad pa'i phyir ro/ /de ltar dge ba dang mi dge ba'i las de'i rnam par smin pa'i 'bras bu bstan nas/ 'dun pa'i stobs nye bar bsdu ba'i phyir de bas zhes pa la
 sogs pa gsungs te/ gang gi phyir de ltar dge ba dang mi dge pa'i las kyi 'bras bu rnam par smin pa 'jam pa dang rtsub pa yin pa de'i phyir 'di ltar yongs su bsams nas mi dge ba'i las spangs dge la 'dun pa nyid la gus par bya'o/ /
 da ni brtan pa'i stobs bstan par bzhed nas rdo rje rgyal mtshan zhes gsungs te/ rdo rje rgyal mtshan gyi mdo las gsungs pa'i cho gas yang nga rgyal te bsgrub par bya ba'i don brtsams nas bsgom par bya'o/ /yang na brtsams nas
 bsgom par bya zhes pa'i brtan par yang dag par brtsams nas bsgom par bya ste/ sems la brtan par bya ba yin la sbyor ba dman pas ni ma yin no/ /rtsom pa'i rim pa nyid bslab par bzhed nas dang por zhes pa la sogs pa gsungs
 te/ dang por snga ma nyid du mngon par 'dod pa'i don bsgrub pa'i ched du 'byor pa ste rgyu mdza' dag go/ brtags? pa de'i stobs dang ldan pa dang mi ldan pa rnams par dpyad nas stobs dang ldan na brtsams pa 'am/ stobs dang mi ldan na brtsams
 par mi bya'o/ /'di ltar brtags pa la dgos pa ci yod ce na/ ma brtsams pa ni mchag yin gyi zhes gsungs te/ mi nus na dang po nyid du brtsams nas bzlog par mi bya'o/ /ci ste 'di ltar gang gis ci zhig mi 'dod nas ston can /
 skye ba gzhan du yang zhes pa la sogs pa gsungs te/ de ltar byed pa ni skye ba gzhan la de goms pa ste/ brtsams shing sdog pa zhes bya ba yin la/ dam bcas shing yang mi byed pa'i sdig de las sdug bsngal
 'phel bar 'gyur ro/ /gzhan ni gang zhig spangs nas de brtsams pa yin la dman pa ni de chud zos pa'o/ /'bras bu'i dus kyang dman pa ni brtsams pa yongs su spangs pa'i 'bras bu'i dus te/ 'di'i 'bras bu de'i dus na gang 'bras bu
 gzhan bya ba de chud zos pa zhes pa'i don to/ /de yang ni gang brtsams nas yongs su dor ba de yang ma bsgrubs te 'grub par ma byas pa'o/ /de ltar nyes pa rnam pa lnga yin la des na 'dod pa ma yin no zhes dgongs pa yin no/ /'o na nga rgyal
 'di thams cad du bya ba ma yin nam zhen gsum po zhes pa la sogs pa gsungs te/ gsum po gang dag la zhe na/ de ni las dang nyon mongs nus zhes gsungs te/ de la nye ba'i nyon mongs pa ni dngos por phran tshegs kyi ming can te/
 khro ba dang kho na du 'dzin pa dang/ 'chab pa dang/ 'tshig pa la sogs pa lnga bcu rtsa bdun nam/ 'dod chags la sogs pa'i nyon mongs pa rnams nyid nye ba'i nyon mongs pa rnams su brjod do/ /de la las kyi nga rgyal bshad par 'dod nas/
 bdag nyid gcig bus zhes pa la sogs pa gsungs te/ gang cung zad sems can rnams kyi kha na ma tho ba pa med pa'i las bya bar gyur pa de thams cad bdag nyid gcig pus bya ste/ gzhan la skabs dbye par mi bya'o zhes pa'i don to//
 nyid bstan pa'i phyir nyon mongs zhes pa la sogs pa gsungs te/ nyon mongs pas dbang du byas pa ni skye bo'i tshogs 'di thams cad yin te/ gang du yang rang gi don bsgrub pa la nus pa dang ldan par mi 'gyur ro/ /gang rnams la bde
 pa thams cad bskyed par bya ba'i phyir bdag gis byang chub mchog tu sems bskyed de/ gang gi phyir de ltar yin pa de'i phyir skye po 'di dag 'di lta bu'i khur bskur ba la bdag la nus pa med pa ma yin no/ /de'i phyir bdag nyid kyis 'di thams cad ba'o//
 dman pa'i las la yang ldog par mi bya'o zhes pa gzhan dag dman pa'i las zhes pa la sogs pa gsungs te/ dman pa ni shin tu smad pa yin te/ 'jig rten na khur khur ba la sogs pa'o/ /bdag kyang sems can thams cad kyi bran du gyur nas
 yang 'dug te yod kyang ngo/ /bdag gi bya ba ci ltar gzhan gyis byed de bdag nyid kyis bya bar 'os so zhes pa'i don to/ /'o na las de bdag gis rjes su mthun pa nyid do zhes pa'i sems khengs pa bzlog par 'dod nas 'di la nga rgyal gyis zhes pa la
 sogs pa gsungs te/ bdag nyid de'i bu yin la las 'di ni shin tu dman pa yin te de bdag gis bya bar rigs pa ma yin no zhes nas gal te nga rgyal gyi mi byed na de'i tshe bdag gi nga rgyal brlag na bla ste/ nga rgyal chen po nyams par byed pa 'dis
 bdag la ci zhig bya/ dman pa'i las la 'jug par mi bya'o zhes pa'i don to/ /de ltar las rnams la nga rgyal bshad nas/ nye ba'i nga rgyal bshad nas nye ba'i nyon mongs pa rnams la nga rgyal bstan par 'dod nas/ sbrul ni zhes pa la
 sogs pa gsungs te/ gal te nya pa'i nyon mongs pa rnams la nga rgyal bcom pas bdag gi sems zhan par gyur te/ de'i tshe phongs pa ste ltung bas gnod par byed de/ gnod par byed cing ltung ba dang bcas par byed do zhes pa'i don to/ /
 chung du yang ni nye ba'i nyon mongs pas bskyod pa'i spyod pa zhan pa'o/ /ci lta bas zhe na/ shi pa ste srog dor ba yin la/ de lta bu'i sprul rnyed par gyur pa na dper na nam mkha' lding lta bur spyod do/ /yang ci'i phyir de ltar yin zhe na/ zhum
 byas zhes pa la sogs pa gsungs te/ sems kyi spangs mthob bor te zhum par byas pas lus dang sems kyis 'jug pa dman pa na le los bcom pa dang/ brjed ngas ba na ltung ba bla ste/ rnyed bla zhing 'byung bar
 'gyur ba nyid de/ ltung ba chung dus kyang gzhom bar bya ba yin pa'i phyir ro/ /ma zhum pa ni sems de skyes pas slar yang spro ba phun sum tshogs pa dang ldan par 'gyur te/ spyod pa dang ldan pa ni dran pa dang shes bzhin dag gis nye ba'i nyon mongs pa
 la skabs ster bar mi byed do/ /chen po yis kyang thub par dka' ste rgyal bar mi 'gyur ro/ /de bas zhes pa la sogs pas brtan pa'i stobs la brten pa'i mjug bsdu ba ston te/ gang gi phyir de ltar yin pa de bas na sems ni brtan pa yin
 te/ nga rgyal gyi go cha bgos pas so/ /lhung ba nyid nyams par byas pa ste/ gzhom par bya'o/ /rnam pa thams cad du de'i rjes su 'jug pa bkag pas de'i rgyud drungs dbyung bar bya ste/ gzhan du ltung ba'i dbang du gyur pas phongs bas
 'joms par 'gyur ro/ khams gsum las rgyal bar rtsom pa la bzhad gad de/ khrel gang kyi gnas su 'gyur ro/ /de ji lta pur gyur pa yin zhe na/ bdag gis zhes pa la sogs pa gsungs te/ ci'i phyir zhe na/ gang las
 rgyal ba nyid ni bcom ldan 'das te/ seng ge'i bdud kyi ri dags thams cad dag gis gzhom bar bya ba ma yin pa'i phyir ro/ /de rnams kyi sras bdag kyang ci ltar gzhan gyi pham pa zhes pa 'thob par byed/ de ltar yid la
 byas nas bdag gis nga rgyal 'di la gnas par bya ste/ dper na seng ge'i phrug gu mi 'jigs pa thob nas ri dags gzhan thams cad kyis zil gyis mi non pa nyid kyis nags su spyod par byed pa de bzhin du bdag kyang brtan par gnas par bya'o
 zhes pa'i don to/ /gal te de ltar na de'i tshe gang dag yang dgra la sogs pa las rgyal ba'i nga rgyal can nga rgyal yod pa de rnams kyi bsngags par bya bar ci'i phyir mi 'gyur zhe na/ 'gro gang zhes pa la sogs pa gsungs te/ nga rgyal gyis bcom pa
 ni nga rgyal gyis zil gyis mnan pa ste/ nyon mongs pa'i sdug bsngal can de rnams kyang nga rgyal can du 'gyur ba ma yin pa nyid do/ /de? rgyal can dgra'i dbang mi 'gro zhes pa ni 'di 'gro ba ma yin te/ dgra'i skye ba'i rjes su 'jug pa ma yin
 no zhes pa'i don to/ /gang dag rnams 'dod pa'i nga rgyal can de rnams dang rgyal dgra'i dbang du gyur pa yin te de'i dbang du byas naS 'jug pa yin no/ /'di nyid tshigs su bcad pa gnyis kyis bsgrub par 'dod nas/ nga rgyal gyis ni zhes pa la
 sogs pa gsungs pa/ nga rgyal bdun po rnams las gang yang rung ba'i nga rgyal gyis ngan song du khrid pa ni dmyal ba la sogs pa rnams su khrid pa'o/ /de rnams brgya la mi'i dngos po thob par gyur pa de'i der yang rgyu mthun pa'i 'bras bu
 dga' ston bcom pa ni dga' ba med par 'gyur ba yin te/ dman zhing zhan pa'i yid du 'gyur ro zhes pa'i don to/ /gzhan gyi khams za ba ni zas med pa'i phyir te/ gzhan gyi byin pa'i slongs mo'i zas za ba'o/ /bran ni gzhan
 gyi dbang du gyur pa'i khol po'o/ /glen pa ni spyod pa thams cad kyi stong pa'o/ /mi sdug pa ni lus mi mjes pa dang mi dga' ba skyed pa'o/ /nyam chung ba ni lus rdzud pa dang stobs med pa'o/ /thams cad du thams cad la gnod
 pa ma byas kyang lus dang dag gis brnyas pa thob bar 'gyur ro/ /gang gis 'di ltar yin zhe na/ nga rgyal gyis khengs dka' thub can zhes te nga rgyal gyis khengs pa ni zhum pa ma yin pa'o/ /dka' thub can ni nyon mongs pa ste/ de yang
 ni de ltar gyur ba yang gal te nga rgyal can gyi nang du gtogs na ji ltar dman pa ste bkren pa yin la snying rje'i gnas yin no zhes pa'i don to/ /slar yang gzhan ci lta bu zhig tu 'gyur smros zhes pa ni brjod cig
 ces rgol ba po la bod pa'o/ /gal te rnam pa de lta bu nga rgyal can du mi brjod na 'on de dag ji lta bur gyur pa yin zhe na/ gang zhig nga rgyal zhes pa la sogs pa gsungs te/ gang zhig nga rgyal gyi dgra las rgyal bar te rgyal bar 'gyur ba
 de nyid nga rgyal can du brjod do/ /gang zhig ni byang chub sems dpa' ste/ de bde ba yang yin la stobs dang ldan pa'ang yin zhing nga rgyal gyi dgra bcom ste bsal nas 'dod bzhin te ci ltar 'dod par skye bo 'jig rten pa las ni lha dang bcas pa
 las so/ /rgyal pa'i 'bras bu sangs rgyas kyi gnas skabs gsal bar byed de/ 'di lta bu'i nga rgyal de dgra las rgyal ba de 'di lta bu bdag cag rnams la mthong ngo zhes pa'i don to/ /de nyid ni rnam par rgyal ba yin te rgyal ba
 thob pa dang/ de nyid dba' bo yin te gzi brjid dang ldan pa yin no/ /tshig gnyis po 'di ni ji ltar rigs par bya'o/ /de ltar nye pa'i nyon mongs pa rnams la nga rgyal bshad nas/ nus pa'i nga rgyal nyon mongs zhes pa la sogs
 pa gsungs te/ nyon mongs pa'i phyogs ni sde tshan yin la de'i khrod na gnas pa'i rnam pa stong 'gyur du sran btsugs te shin tu yang brtan pa'i stobs la brten nas so/ /ci lta bur gyur pa zhe na/ nyon mongs tshogs kyis shes te /
 nyon mongs pa'i tshogs kyis tshugs par dka' ba ni mi tshugs pa ste/ ci ltar yang rgyal par mi 'gyur bar ro/ /zhes pa'i don to/ /ci ltar bur gyur pa zhe na/ ri dags tshogs kyi seng ge bzhin zhes te ji ltar ri dags kyi rgyal
 po seng ge ri dags 'khrugs pa'i dbus na gzi brjid chen po can stobs dang ldan par gyur pas nags su gnas pa na ri dags thams cad rnam par gnon la/ de dag gis ni de la gnod pa ma yin pa de bzhin du byang chub sems dpa' la tshugs par
 dka' bar 'gyur bar ro/ /'di dang rgyu mtshan gzhan yang gzung bar bya'o zhes nyam nga che dang zhes pa la sogs pa gsungs te/ che dang ste shin tu phul du byung ba yang ngo/ /nyam nga ba ste sdug bsngal yod kyang ngo/ /ro ni mngar ba la sogs
 pa lce'i dbang po'i yul yin yang mig gis mi mthong ste mi rtogs la yul du mi byed do zhes pa'i don to/ /de'i yul gzugs yin pa'i phyir yul ro la 'jug pa ma yin no zhes dgongs pa yin no/ /de ltar brjod pa'i ro dang mig gi tshul
 gyis nyam nga byung gyur kyang/ nyon mongs dbang du mi 'gyur ro/ /de ltar brjod pa'i rim pas bstan pa'i stobs bshad nas dga' ba'i stobs bstan pa'i phyir rtsed mo'i zhes pa la sogs pa gsungs te/ las ni tshogs kyi rgyu mtshan bsam
 gtan dang klog pa la sogs pa'i mtshan nyid yin la/ gang gyur pa ni rim gyis byed pa la sbyor bas thob par gyur pa'o/ /las de nyid la zhan par bya ste/ bya ba de'i ro la zhugs pa'i sems kyis so/ /las de dga' bar bya ba ni de la shin
 tu 'jug par 'dod pa'o/ /mi ngoms pa ni yang nas yang du 'dod pa dang ldan pa'o/ /ci dang 'dra bar zhe na/ rtsed mo'i 'bras bu bde ba 'dod pa ltar ste/ rgyan po la sogs pa rtsad mo'i 'bras bu gang yin pa'i bde ba de la 'dod pa bzhin du'o/ /
 rnam par dpyad pa 'dis kyang las la dga' ba bskyed par bya'o zhes bstan par bya ba'i phyir/ bde ba'i don du zhes pa la sogs pa gsungs te/ thams cad kyis kyang las kyi 'bras bu'i bde ba thob par 'dod pas byed de/ /gzhan du na de la 'jug
 par mi 'gyur te/ de ltar na yang 'di ltar sems rab tu zhugs pa yang las 'ga' zhig gi mngon par 'dod pa'i 'bras bur 'gyur zhing 'ga' zhig gi yang 'bras bu med par 'gyur te/ 'bras bu med par rtsom pa yang
 srid pa'i phyir la/ de ltar na skye bos las brtsams pa las yang 'bras bu srid pa'i phyir ldog par 'gyur ba ma yin pa nyid do/ /gang gis te yang las nyid bde bar gyur pa de'i phyis kyi bde ba gzhan 'dod pa des las mi byed de las dang bral
 na nam zhig bde bar 'gyur te/ brgya lam na'ang ma yin no zhes bya ba'i tha tshig go / 'di ltar yang bsam nas las la mngon par bya'o zhes spu gri zhes pa la sogs pa gsungs te/ gzugs la sogs pa'i yul rnams kyis 'khor
 par te 'khor ba na yang dang yang du myong bas mi ngoms te tshim pa ma yin no/ /ji ltar bur gyur bas shes na/ spu gri sor chags sprang rtsi lta'i zhes te/ spu gri'i so la sbrang rtsi ste gang sbrad rtsi'i ro gang gi tshe myong ba na ser sna'i dbang du gyur
 bas phyis lce chod pa'i sdug bsngal skye bar 'gyur ba des mtshon pa de lta bu ni dpe ste/ gang dag gis 'dra ba nges so/ /re zhig tsam gyis bde ba yang yongs su gyur pa'i sdug bsngal gyis na sems can de rnams la sdug bsngal drag pos
 'gyur ro zhes dgongs pa'o/ /bdud rtsi dang 'dra pa'i bsod nams de rnams nyid kyis ji ltar ngoms bar 'gyur/ khyad par ci lta bus shes na/ rnam par smin pa bde ba ste mngon par mtho ba'i bde pa'i 'bras bu'i rgyu nyid kyi yongs su gyur
 bas bde ba'i ro yin ba'i mchog tu bde ba bskyed par byed pa rnams kyis so/ /zhi ba ni dge bar byed pa dag yin te/ nges par legs pa bskyed par byed pas skye shi med pa'i 'bras bu 'byin par byed pa'i phyir sdug bsngal thams cad zhi
 bar byed pa sa so zhes pa'i don to/ /de nyid kyi phyir bsod nams bdud rtsis zhes pa ni 'dir 'di gtan tshigs yin no/ /de ltas zhes pas mjug sdud pas las la mngon par dga' ba bstan par bya ba'i ched du gsungs pa yin te/ las
 brtsams pa te mthar phyin na yang ste zin pa'i dus na yang 'jug par byed de/ de la mngon par zhen pa'i ro la zhugs pa nyid na gtong bar byed do/ /ci lta bu zhe na/ ji ltar sos ka'i dus na nyi ma phyed du gyur pa'i tshe kun tu chu ma rnyed cing nyi ma
 shin tu tsha bas gdungs pa'i glang po che mchog tu mngon par zhen pa'i ro dang ldan pas shin tu yang sim par byed pa'i chu bsil bas yongs su gang ba'i mtsho bran dang phrad pa na dang pe nyid du nub par byed pa de bzhin du'o zhes pa ni spyi'i don to/ /
 gang gis mtsho dang phrad pa de la de skad ces bya ste phyi nas las 'dzin pa yin no/ /dang por zhes pa dang mjug ces pa ni 'brel to/ /dga' ba'i stobs bshad nas/ da ni dor ba'i stobs ston par 'dod nas/ stobs zad ces pa la sogs pa
 gsungs te/ bsams pa'i las rdzogs par bya ba la bdag nyid nus pa zad par rigs byas nas nus pa med par gyur pa na slar yang bya'o zhes pa'i bsam pas dus re zhig du spang zhing dor bar bya ste/ de srid du 'dir rnam par g.yang bar 'gyur ba
 ni ma yin la/ gzhan du na de ltar gyur kyang de ma dor na mi 'dod pa dang phrad pa nyid du 'gyur ro/ /gang gi tshe brtsams pa'i las de legs par rdzogs par gyur pa de'i tshe 'ang dor bar bya ste/ gzhan du zhen pas de la zhugs nas slar yang bya ba la rnam
 par g.yeng bar 'gyur ro/ /de lta bas na phyi phyir khyad par 'dod pas spang ste/ dor bar bya'o/ /'di ni gang sngar dang por 'byor pa brtag bya ste zhes pa la sogs pa gsungs pa'i phyir bstan pa de'i dmigs kyis bsal ba bstan pa yin no/ /
 de ltar nang gi khyad par bstan pas stobs kyi tshogs nga rnam pa thams cad du brjod nas/ dang po mdor bstan pas rtogs par byas kyang yang 'dun pa la sogs pa'i tshogs kyi nang du brjod pa'i 'bad pa bstan ba'i phyir//
 nyon mongs mtshon zhes pa la sogs pa gsungs te/ nyon mongs pa rnams kyi mtshon ni gnod pa byed pa yin la/ gzung ba ni bzlog pa ste/ ci ltar de dag gi mtshon gyis phog par mi 'gyur bar ro zhes pa'i don to/ /slar nyon mongs pa
 rnams ni mtshon gyis btags par bya ste/ 'jebs par ni shin tu bsnun pas te ji ltar slar skabs rnyed par mi 'gyur bar ro/ /'dir dpe bstan pa ni g.yul ngor ral kha zhes pa ste dper na bslabs pa ste mtshon cha'i rigs pa la mkhas
 ba dang ldan pa'i dgra dang lhan cig tu brtson pas ral gris g.yul ngor de la rdeg par byed de/ de ni ci ltar mi 'phog par gyur pa de ltar ro/ /de la zhes pa la sogs pas 'bad par la bslab par bya ba gsungs te/ de la ni ral gri'i gcod
 pa la'o/ /dper na ral gri lag pa nas brgyal ltung bar gyur na dgra yis bdag la glags 'di rnyed par ma gyur cig ces pas myur du ste rings pa nyid du len cing 'dzin te dus la sogs pa ni ma yin no zhes pa'i tha tshig go /de bzhin du ni de dang
 'dra bar te/ nyon mongs pa'i dgra las rnam par rgyal ba'i dbang du byas te ral gri bzhin du brjed ngas pa med par dran pa mnyams par gzung bar byas shing mngon du bya'o/ /dmyal ba dag ni du 'bod la sogs pa yin la dran pa brjed par
 gyur pas ni de'i sdug bsngal la brten pa nyid du yid la bya'o/ /ci ste gang gis na de la btang snyoms su mi byed de nyon mongs pa phra ba kun tu spyod las kyang nyams ba cung zed kyang med do zhe na/ ji ltar khrag la zhes pa la sogs pa gsungs te
 nyes pa rdul tsam la yang skabs dbye bar mi byed la/ gzhan du na de tsam la yang sems la rjes su zhugs na de 'phel ba dgag par mi nus pa'i phyir ro/ /dper na lus kun gyi rma? chung du la yang? khrag dang lhan cig pa'i dug bzhin du rdul gyi tshang tsam
 gyis nyon mongs pa chung dus 'joms pa bzlog pa la 'bad par bya'o/ /yang ji ltar 'bad pa la brtan par bya bar nyungs mar zhes pa la sogs gsungs te/ dper na skyes bu 'ga' zhig la rgyal po gtum de'i bka' mang nag gis yongs su bkang
 ba'i snod bkur nas 'gred pa'i sar 'gror bcug pa na lag na ral gri thogs pa'i rgyal po'i mis mar nag thigs pa tsam gyis bos na yang lta nyid du khyod kyi srog gcod par bya'o zhes smra bas lta zhing 'gro ba na 'dir gal te bdag nyams par gyur na
 de'i tshe nges par 'dis gsod par 'gyur zhes nas 'chi bas 'jigs te 'bad par 'gyur ba de bzhin du brtul zhugs can sdom pa 'dzin pas rang bzhin las nyams pas so? dmyal ba la sogs pa'i sdug bsngal gyis 'jigs nas de skabs mi
 dbye ba'i ched du 'bad par bya ste/ lhur byed pa dang ldan par bya'o/ /brjod zin pa mjug sdud pa/ /de bas zhe pa la sogs pa gsungs te/ gang gi phyir de ltar yin pa de bas na pang du pang bar 'ong ba yin la/ sprul ni sprul
 dug can yin te/ rings la nyid du bdag la dug gis gzung bar ma gyur cig ces nas ldang ba de bzhin gnyid dang snyoms las 'ongs na ste gnyid dang rmugs pa 'ongs nas bzlog par bya ba ni de'i gnyen po mi rtag pa la sogs pa bsgom
 pas phyir bcos par bya'o/ /yang de ltar 'bad pa dang ldan yang brgya la nyams par gyur na dbang po nyams pa'i tshul gyis nyams par gyur na de'i tshe phyir bcos pa byas nas 'bad par bya'o zhes bstan pa'i phyir/ nyes pa byung ba zhes
 bya ba la sogs pa gsungs te/ dran pa nyams pa na re re ste so sor brgya la nyon mongs pa'i rjes su 'jug pa'i glags rnyed na/ phyir bcos pa'i bsam pas yid la gdung bar byas nas bsam par bya zhing kyes shin tu dka' 
 ste shes bzhin du blags rnyed pas rnam pa gang gis 'dir de phyir bcos par bya ste yang 'di phyis mi 'byung bar de ltar bstan par rtsom pa blangs nas gnas par bya ste/ slar ltod par 'gyur bar mi bya'o zhes pa'i don to/ /de nyid kyi phyir
 rnam bar dben pa 'dod pa rnams kyis dgag pa la yang snang ba phrad pa zhes pa la sogs pa gsungs te/ mkhan po dang slob dpon nam de las gzhan pa tshangs par spyod pa rnams dang mang du thos pa dang/ sde snod gsum rig pa 'gyod pa
 sel ba la mkhas pa rnams dang lhan cig tu phrad nas bsgrub par bya zhes 'dod cing smon par bya ste/ de la brten pa nyid kyi gnas par bya'o zhes dgongs so/ /lam? thob pa la zhe pa ni de la gdams pa dang rjes su bstan pa'i mtshan
 nyid dang/ ltung ba las ldang ba'i tshad du nges chad pa'i las byin pa sgrub par 'dod par bya'o/ /rgyu 'di yis de dag 'jug pa bsgrung ba'i bsam pas so/ /'di nyid bstan pa'i phyir/ ji ltar zhes gsungs te/ thabs gang gis
 zhes pa'o/ /gnas skabs 'di dag la ni nyon mongs pa 'jug pa'i gnas skabs la'o/ /dran pa goms par 'gyur pa ni 'bang pa med p nyid la bsten nas/ bdag la brjed pa med par 'gyur pa'o zhes pa ni bsams pa 'dis so//
 'dir 'di ni bsdus pa'i don te dpe pa'i bshes gnyen dang nye ba na de'i gdams ngag dang rjes su bstan pa dang de'i spyod pa mthong bas kyang rtag tu dran pa dang shes bzhin gyis gnas pas nyon mongs pas 'jug pa'i skabs mi rnyed do/ /
 de'i phyir 'di la 'gal ba med pa nyid kyi sbro ba 'phel bar bya'o zhes so/ /gang dge ba'i bshes gnyen rtag par yang srog gis phyir yang mi btang ngo zhes gsungs pa dang/ de bzhin du mkhan pos rjes su bstan pa dang/ /bla ma dang ni 'grogs pa las/ /
 'jigs pas skal ldan gus byed pa/ /dran pa shin tu skye bar 'gyur zhes so/ /'bad pa bstan nas/ da ni bdag nyid dbang du bya ba bstan par 'dod nas bag yod ces pa la sogs pa gsungs te/ bdag nyid kyi lus dang ngag dang yid kyi
 mtshan nyid las thams cad rgyas par de bzhin bya ste/ spro ba goms par byas pas dbang du bya'o zhes pa'i dan to/ /ji ltar las byung sngon ral nas zhes pa ni rtsom pa las sngon rol te snga ma bzhin nyid du rtogs shing dbang du gyur pas de'i lam
 rtogs bzhin du las la 'jug par bya'o/ /brjod pa'i don dpe'i sgo nas gsal bar bya ba'i phyir/ ji ltar zhes pa la sogs pa gsungs te/ shing bal ni ral bal la sogs pa las byung ba'o/ /ji ltar rlung 'gro ba dang 'ong bas dbang
 du byas te de la ngag las pa de bzhin du de nyid spro ba'i dbang du gyur pas te brtson 'grus kyi dbang du gyur pas so/ /'di ltar goms pa'i dban du gyur par rdzu 'phrul yang ste/ nam mkha' la 'gro ga la sogs pa thob par 'gyur ro/ /bdag dang
 gzhan du mnyam pa dang bdag dang gzhan du brjeb? gnyis kar yang mkho ba bsam gtan gyi le'ur 'chad par 'gyur ro/ /byang chub sems dpa' i spyod pa la 'jug pa'i dka' 'grel shes rab 'byung gnas blo gros kyis byas pa las brtson 'grus kyi
 le'u ste bdun pa'o// //de ltar bzod pa'i rjes la brtson 'grus brjod nas/ de nas na gsu gnas par bya/ /mnyam par bzhag la brtson bya zhing/ /mi sdug la sogs bsgom par bya/ /zhes gsungs pa/ de ltar
 brtson 'grus bskyed nas ni zhes pa la sogs pas rtogs bar bya par 'dod nas 'jug par byed de/ de ltar brjod pa'i gnyen po bsten pa la sogs pas mi mthun pa'i phyoD rtsad nas bton pas brtson 'grus spel bar byas nas
 lhun gyis grub par 'jug pas bstan par bya zhing ting nge 'dzin te/ mnyam par bzhag pa la yid de sems rtse gcig tu gzhag par bya ste/ de la gzhag par bya zhing bsdang bar bya'o zhes pa'i tha? tshig go /ci'i phyir zhe na/ rnam par
 g.yeng ba'i zhes smos so/ /ni zhes pa ni gtan tshigs yin la/ gang gi phyir mi ste skyes bu ting nge 'dzin? me? dpar rnam par g.yeng ba'i sems te mnyam par bzhag pa nye bar spyod pas brtson 'grus dang ldan yang srin po lta bu'i nyon mongs
 pa rnams kyi mche pa'i phrag na ste/ dbus na gnas la des kham du byas nas yod pa'o/ /de lta bas na de la re zhig ting nge 'dzin gyi mi mthun pa'i phyogs rnams par g.yengs pa spangs par 'dod nas gzhi 'cha' ba/ lus dang sems ni
 zhes pa la sogs pa gsungs te/ lus dben pa ni skye bo dang 'grogs pa spangs pa yin la/ sems dben pa ni 'dod pa la sogs pa'i rnam par rtog pa spangs pa nyid de/ de ltar lus dang sems dag gi rnam par mi dpen pa la zhen pa med
 pa nyid kyis rnam par g.yeng ba ste/ de dag gi gzengs bstod pa nyid la dmigs pa nyid kyis rab tu gnas pa zhes bya ba'i don to/ /mi 'byung pa ste mi skye ba'o/ /gang gi phyir de ltar yin pa de'i phyir dang por 'jig rten te/ rang gi gnyen
 dang bshes la sogs ba'i mtshan nyid spang bar bya ste dor par bya'o/ /rnam par rtog pa ni sems rnam par g.yang pa'i rgyu yin te/ yongs su dor zhing yongs su spang par bya'o/ /de la 'jig rten mi spong ba'i rgyu re zhig dgag par 'dod nas/
 rnyed dang zhes pa la sogs pa gsungs te/ bdag dang bdag gi ba'i 'dzin pas yongs su 'jug pa'i mngon par zhen pa ni chags pa ste/ de'i phyir 'jig rten mi spong la rnyed pa la sogs pa la sred pas kyang ngo/ /sogs pa'i sgras ni bkur sti dang/
 snyan pa dang/ tshigs su bcad pa la sogs pa yongs su bzung ste/ de rnam la sred pas te rab tu 'dod pas so/ /dang gi sgras ni 'jig rten mi spong zhes pa rnyed pa la sogs pa la'ang sdud do/ /gang gi phyir 'di'i rgyu mi spong ba des bas na'o/ /
 'di dag ste chags pa dang rnyed pa la sogs pa la 'am/ 'jig rten na'ang spong ba na rgyu mtshan du gyur pa'o/ /'chad par 'gyur ba 'di ltar brtag par bya zhing bsam par bya'o/ /de nyid zhi gnas shes pa la sogs pa gsungs pa la/ zhi
 gnas ni sems rtse gcig pa'i mtshan nyid kyi ting nge 'dzin yin la de dang rab tu ldan pa zhes pa ston to/ /'dir yang rab tu sbyar ro/ /yang na gtan gyi don la gsum pa yin te/ zhi gnas kyi rgyus lhag mthong dang ldan pa 'am lhan cig pa'i
 don yin te/ zhi gnas dang lhan cig tu lhag mthong dang ldan pa'o zhes so/ /lhag mthong ni ji lta bur gyur pa'i de kho na nyid yongs su shes pa'i rang bzhin gyis shes rab yin la/ de dang ldan pa ni zung ngu 'jug pas zhugs pa'i lam gyi
 sbyor pas nyon mongs pa 'joms shing spong bar byed de zhes shes par bya ste go par byas nas so/ /nyon mongs pa las grol bar 'dod pas zhi gnas thog mar te dang por btsal bya ste nye bar bya zhing bskyed par bya'o zhes pa'i tha tshig go / de'i
 rjes la ni lhag mthong ste mnyam par bzhag pas ji lta bur gyur pa shes pa nyid du ste/ gang brjod pa/ mnyam gzhag yang dag ci bzhin du/ /shes par 'gyur zhes thub pas gsungs/ /phyi rol g.yo ba bzlog pa yis/ /
 sems ni zhi las g.yo mi 'gyur/ /de yang ni zhi gnas so/ /'jig rten ni 'jig rten yul du byas pa la'o/ /bltos pa med pa ni mngon par dga' ba spangs pa ste/ de nyid kyis 'grub ste gzhan gyis ma
 yin no zhes don to/ /mngon par dga' zhing bltos pa med pa nyid 'chang par 'gyur pa'i gzhung rgyas par bstan par 'dod nas mi rtag ces pa la sogs pa gsungs te/ sems dang ldan pa su zhig rang nyid mi rtag pa rnams la chags par
 'gyur bar ji ltar rgyu gang gis de rgyu mtshan gang gis rigs shing rung bar 'gyur/ stong phrag ni skye ba du ma yin te/ mthar thug pa med pa'i 'khor bar 'khor ba na brgya la zhig na yang sdug pa mthong ba ma yin no/ /gzhan yang
 dga' bar byed pas na sdug par brjod la/ de yang 'di na med do zhes so/ /ma mthong na ni zhes pa la sogs pa gsungs te/ gang gi tshe de re zhig de mthong ba de'i tshe dga' par 'dir mi 'gyur te/ yid mi bde ba de nyid kyis ting
 nge 'dzin la 'jog par mi 'gyur te mi gnas pa nyid du 'gyur la/ de la dmigs pa la nus pa med pa yin te/ sems rnam par 'khrug pa'i phyir ro zhes pa'i don to/ /'on te gal te yang sdug pa mthong ba 'dir 'gyur ba de
 ltar na mthong yang ngoms par mi 'gyur te slar yang lhag par sred pas gdungs par 'gyur la/ de mthong bar 'dod pas sngar bzhin du ste/ ma mthong pa dang 'dra bar gdung par 'gyur ro/ /gzhan yang don nyams pa thams cad kyi rgyu
 sdug pa dang phrad pa yin no zhes bstan pa'i phyir yang dag gyur pa la sogs pa gsungs te sdug pa dang phrad par 'dod pas yang dag par gyur pa ste ma nor ba'i yon tan dang skyon mi mthong ste mi shes so/ /zhen pa de nyid kyis skyo la
 'jig rten nyams par 'gyur ro/ /de nyid dang phrad par 'dod pas sreg par 'gyur te mya ngan de yis te/ yud tsam yang rgyun ma chad par gyur pas so/ /mya ngan des ni zhes pa ni yid gdung bar gyur pa de nyid kyi sreg par byed do yongs su gdung bar byed do/ /
 sdug pa dang phrad par 'dod pa ni sdug pa dang phrad cing sbyor ba'o/ /de la 'dod pas te sred pa rgyur gyur pas slar yang/ yang nas yang du lhag cing lhag par tshor par byed pa so/ /de dang phrad pas ni don med pa'i rgyu nyid de zhes de la sems pa la sogs
 pa 'dis kyang sngon par byed de/ de la ni sdug pa la yin la/ yang na phrad pa de la'o/ /sems kyis de'i yon tan la rtag tu sems pas so/ /ci ltar yang bdag sdug pa 'di dang phrad pa rgyun chad par ma gyur ces pa 'am/ de la sems zhugs
 pas so/ /don med pa nyid ni tshe'i 'du byed skad cig re re la zad par 'gyur pa ste/ dge ba'i las cung zad tsam la yang dag par sbyar ba ma yin no zhes dgongs la/ gang gi don du tshe zad par byas pa ma yin no zhes so/ /de ltar na yang 'dza' shes
 brtan pa yin no zhe na/ rtag pa med pa'i zhes pa la sogs pa gsungs te/ nges par 'jigs par 'gyur bas mi gnas pa'i phyir mi rtag pa'i 'dza' bshes kyi rgyus chos 'jigs pas te yongs su nyams par 'gyur ba yin la/ rtag pa ni dus ring po'i
 gnas skabs chogs su gyur pa'i phyir dang/ 'bras bu chen po nyams pa med pa'i phyir ro/ /de ltar gyur na yang 'ga' zhig dang 'grogs pa las nges par phan pa dang bde ba'i rgyu mtshan thob par gyur na de ci'i phyir rnam pa thams cad du 'gog par byed
 ce na/ 'dir byis pa zhes pa la sogs pa gsungs te/ de dang 'grogs pa las don med par ma gtogs pa 'dod pa mchog cung zad kyang thob phar mi 'gyur te/ de ltar yang byis pa so so'i skye bo dang lhan cig skal? ba mnyam par spyod pa ste /
 spyod pa mtshungs pas ngan 'gror nges pa nyid du 'gro bar 'gyur te/ de dang 'dra ba'i las spyad pa'i phyir dang/ 'phags pa'i chos las phyi rol tu gyur pa'i phyir la/ 'on te 'phags pa'i chos kyi rjes su zhugs pa ni de dang mi
 'dra ba'i las byed par 'gyur ba de'i che skal ba ste mnyam por spyod pa'i byis pa mi 'dod de sdang bas na byis pa zhes pa dang 'brel te/ 'dir byed pa po la gsum yin te/ de ltar na 'jig rten gnyi ga la gnod pa'i phyir ro/ /byis pa dang 'grogs pas
 ci zhig 'thob ste/ phan pa dang bde ba'i rgyu ste/ lhag pa cung zad kyang med do zhes pa'i don to/ /rjes su mthun pa spyad kyan bdag gis bya bar mi nus so zhes skad cig ces pa la sogs pa gsung te/ gang gi dgos pa cung zad la brten nas skad
 cig tsam gyi mdza' bar 'gyur te grogs su 'gyur ro/ /rgyu mtshan cung zad tsam la dmigs nas skad cig tsam nyid kyi de nyid dgra ste mi mthun par 'gyur te/ log par sems pa'i phyir ro/ /de rnams la nges par rgyu mtshan yod pa yang ma yin no/
 gang zhig brgya la sems dga' ba'i khyad par la bzlog pa'i dbang gis khro bar byed do/ /so so'i skye bo 'phags pa ma yin pa mgu bar dka' ba yin te/ sdug bsngal dang bcas pas mgu bar nus pas so/ /byis pa'i chos gzhan yang spang ba'i
 don du phan pa zhes pa la sogs pa ston par mdzad de/ 'di ni bya ba yin la 'di ni bya ba ma yin no zhes brjod cing smras pa na khro bar 'gyur te zhe sdang bar 'gyur ro/ /yang phan pa dang mi phan pa brjod pa 'dzin par mi 'gyur te/ slar yang bdag
 phan pa las zlog par byed la/ khyod gcig pu ngal ba'i 'bras bu 'di nyams su blangs nas ci bya zhes bdag de la zhugs pa de la nges bzlog par byed do/ /gal te byis pa de rnams kyi chig ma mnyan na zhes pa ni ltag ma'o/ /gal te de'i
 tshig la brnyas nas rang gi phan pa la 'jug par byas pa de'i tsh khro bar byed de/ bdag gi tshig las 'di ma log go zhes pas so/ /de la phan pa m yin pa byed pa yin no zhes nas las des bskul pas ngan 'gror 'gro bar 'gyur ro/ /byis pa'i chos gzhan
 'di la yang skyo bar bya'o zhes bstan pa'i phyir phrag dog ces pa la sogs pa gsungs te/ bdag las khyad par mchog tu gyur pa'i rigs pa dang/ nor la sogs pa dang ldan pa phrag dog ste/ gzhan gyi phun sum tshogs pa la mi bzod pa skye par
 'gyur ba'o/ /don gyis na de rnams nyid dang bdag mnyam zhing mtshungs pa la 'gran pas rtsod do/ /bdag pas dman pa ste zhan pa la mngon pa'i nga rgyal te nga ni mchog yin no zhes mngon par nga rgyal pa'i phyir ro/ /bstod pas dregs pa ni bden
 pa dang bden pas ma yin pa'i yon tan brjod pa na bdag chen po yin no zhes sgro 'dogs pas dgod par byed do/ /mi snyan brjod pa ste bdag gi nyes pa bsgrags pa thos pa las te don gyis na mi snyan par brjod pa las khong khro ba ste zhe sdang skye'o/ /
 de ltar na nam zhig ste/ dus 'ga' zhig na byis pa las phan par 'gyur ba nam yang ma yin no zhes pa'i don to/ /'dis kyang byis pa rnams yongs su spangs nas gnas par bya'o zhes bstan pa'i phyir byis pa las byis pa la na zhes pa la sogs
 pa gsungs te/ byis pa gcig la byis pa gzhan las 'di lta bu la sogs pa'i mi dge ba ste dge ba ma yin pa nges par skye bar 'gyur ro/ /ci lta bur zhe na/ bdag la bstod pas de thes pa dang shes pa la sogs pas mchog tu bsngags pa'o/ /
 thos pa la sogs pa sba ba'i don du gzhan la smod pa ste nyes pa sgrogs pa'o/ /'khor bar dga' ba ni mngon par dga' ba yin te/ de'i gtam ni de la bsngags pa ste/ 'dod pa'i yon tan rnams la yang dag par bstod pa'i phyir te/ 'di lta bu
 la sogs pa'i rnam pa de ltar ro/ /de ltar de dang zhes pa ni gzhan dang yin pa ste/ de dang 'brel ba ste/ de gzhan gnyis pa dang 'grogs pas so/ /mi dge ba cung zad du nges par gyur to/ /gang gis de ltar yin pa'i rgyu des
 na phung par 'gyur ba ste mi dge ba 'byung bar 'gyur te/ byis pa 'di dang 'grogs pa la thob par 'gyur ro/ /de'i phyir 'phags pa'i chos la rjes su bslab pa'i don du gcig pu ste byis pa dang 'grogs pa dang bral bas gnyis pa med par rgyu bar bya'o/ /
 de dang bral bas bde ba ste bya ba 'di ni bya ba'i khyad par yin no/ /ci ltar zhe na/ des na yid ni sbyor bas zhes te/ de dang 'grogs pa spangs pa'i phyir te des byas pa'i nyon mongs pa dang bral ba'i phyir ro/ /snga ma la 'di ni gtan tshigs kyi tshig
 yin no/ /yang na bde ba ni lus kyi yin la nyon mongs med yid kyis zhes pa ni yid las byung ba yin no/ /de'i phyir byis ba'i skye bo dang 'grogs pas sdug bsngal ba spong bar 'dod pas de dang 'grogs par mi bya'o zhes bstan pa'i phyir byis
 las zhes pa la sogs pa gsungs te/ byis las te thams cad shin tu thag ring bar byol bar bya ste 'bros par bya zhing ji ltar de dang brgyal yang phrad par mi 'gyur bar bya'o zhes ba'i don to/ /'on te brgya la ste dbang gis phrad pa de'i tshe phrang
 cid tshogs pa na bsten par bya ste dga' bas te/ dga' ba'i rnam pa'i nye bar spyod pas brten par bya'o/ /bsten pa na yang 'dres chen po nyid du mi 'gyur bar te/ bsnyen bkur re ba'i bsam pas ma yin ba'o/ /yang na 'dris chen
 po rjes su chags pa ma yin gyi 'on kyang chags sdang dang bral bas tha mal pa bzhin du ste/ dam pa'i spyod pa gzu? bo lta bur ro/ /skye bo bzang po dang/ lhan cig spyod pa 'dis kyang bslab bar bzheng nas/ chos kyi don tsam zhes pa
 la sogs pa gsungs te/ chos kyi ched 'di ni chos don te/ de nyid 'ba' zhig tsam ni de tsam mo/ /de blangs nas ni gzung nas te snying po blang bar byas nas zhes pa'i don to/ /bud ba bzhin du ni sbrang rtsi byed bzhin du te/ me tog las sbrang
 rtsi len pa bzhin du'o/ /yang na chos nyid kyi don ni dgos pa ste/ 'di chos gos dang bsod snyoms la sogs pa yin no zhes tshig sdud do/ /byis pa dang 'grogs ba la rgyab kyis phyogs te/ sngon med bzhin du ste zla ba gsar pa dang 'dra
 bar gnas skabs kun tu 'am yul kun tu gnas par bya'o/ /'dris pa med pa ni ngo shes pa med pa ste/ gnas par bya ni der re dang bral bar zhes pa'i don to/ /de ltar na sdug pa dang 'grogs pa'i rgyu chags pa bsal nas da ni
 rnyed pa la sogs pa la sred pa 'jig rten mi gtong ba'i rgyu spang bar bya'o zhes bstan par bya ba'i phyir/ bdag ni rnyed pa mang zhes pa la sogs pa gsungs te/ 'di'i rnyed pa gang yin pa de la de skad ces bya ste/ chos gos dang bsod
 snyoms pa la sogs pa'i rnyed pa dang ldan pas bdag rnyed ba can dang bkur sti byas pa'ang yin te/ skye pos mchod pa yin no/ /bdag la dga' ba ni 'dod pa yin la mang po yang du ma yin te/ skye bo mang gos 'dod pa zhes pa'i don to/ /
 zhes pa ni de ltar sems pa na 'di ltar sa steng ste ma yin la/ shi ba'i 'og tu 'jigs pa skye'o/ /ci? lta bur gyur pa la zhe na/ ma bsams par thob pa la glo bur du'o/ /de ltar na thams cad du nges par 'chi ba yid la byas pas
 'jig rten pa'i skye bo la sems pa'i spyod pa yongs su bsam gas ci zhig bya ste dgos pa cung zad kyang med de blang bar bya ba ma yin no zhes pa'i tha tshig go/ byis pa dang 'grogs pa sdug bsngal gyi rgyu nyid do/ /zhes sems can
 rnyed pa med la zhes pa 'dis kyang ston te/ sems can rnyed pa med pa ste rnyed pa dang bral ba yin la/ bsod nams ma byas pa'i nyon mongs pa 'dis bsod snyoms la sogs pa shin tu nyon
 mongs pas mi rnyed do zhes 'cha' bar byed do/ /rnyed pa can la yang mi snyan par brjod de/ yon tan bdag gam sbyin pa po rnams kyi dad pa mchod nas sbyin pa po dang/ yon bdag rnams tshul 'chos la sogspas dad par byas nas chos
 gos la sogs pa'i rnyed pa thob pa yin te/ gzhan du na gzhan la yang de lta bu'i yon tan yod na/ cis na 'di nyid kyis thob la gzhan ma yin zhes de la ma dad par byed cing tshigs de ltar smra'o/ /de ltar gnyi ga la yang de rnams
 las sems zhi ba yod pa ma yin te/ de 'di ltar rang bzhin gyis sdug bsngal gyi rgyu yin pa'i phyir ro/ /yang na gang byis pa'i skye bor rnams sdug bsngal bas gnas pa yin pa de la de skad ces bya'o/ /de dag gis ni de lta bur gyur bas
 te/ lhan cig tu 'grogs par gyur pas dga' pa ji ltar skye bar 'gyur te ma yin no zhes pa'i don to/ /byis pa snying 'grogs kyang brtan pa ma yin par/ gang gi phyir byis pa zhes pa la sogs pa gsungs te/ grogs po ni snying
 du sdug pa yin la/ de bzhin gshegs pas gsungs pa ni lung rnams su gsungs pa yin no/ /ci'i phyir zhe na/ gang gi phyir rang la dgos pa med par byis pa gang la yang dga' ba skye bar mi 'gyur te/ de'i phyir de med pa las
 bzlog par 'gyur ro/ /de kyang byis pa dang 'grogs pa yin na yang bstan pa ma yin no/ /de la byams par byas pas kyang so so'i skye bo mgu bar mi nus so/ /de lta bas na de dang 'grogs pa las byung ba'i nyes pa spang ba'i ched du
 bde ba dang yid bde bas dben? pa 'dod pas gnas par bya ste/ bdag gis dgon pa la sogs pa brten pa la gnas par bya'o zhes nas de'i phan yon bstan pa'i phyir/ shing rnams zhes pa la sogs pa gsungs te/ shing rnams smod par mi
 byed pa ni ljon shing rnams so/ /rab tu bsgrims nas zhes pa ni nags la sogs pa rnams su de dangrjes su mthun pa'i yang dag par spyod pas bsten mi dgos pa ni bsten par bya ba ma yin pa ste/ nags na 'grogs pa na bsam pa ngan pa dang bral
 ba'i phyir ro/ /de'i phyir bdag nam zhig shing rnams dang lhan cig tu 'grogs par 'gyur/ ci lta bur gyur pa zhe na/ bd bar 'grogs pas te 'di ltar smon pa yin la bde ba'i rgyu yin pas bde ba yin no zhes sngar bzhin du 'ong yang gcig
 bu rgyu bar bya ba la dga' bar bya bar phug gam zhes pa la sogs pa gsungs pa la/ lha gang ni skye bo'i tshogs dang bral ba yin te/ gnas bcas ni ci ltar 'dod par nub gcig gam gnyis ngal so zhing gnas ba'o/ /ljon shing gi drung ni shing gi
 'og yin la/ phug ni ril sogs pa rnams su gsang ba'i yul yin te der yang ngo/ /bltos pa med pa ni zhen pa med pa yin te/ 'gyur zhig gu ni smon pa'i gnas 'ga' yang med bas so/ /de nyid kyi phyir rgyab tu mi lta ba ni phyis ldog pa med
 pa'i phyir ro/ /yang gzhan gsungs pas phyogs zhes pa la sogs pa la/ 'gegs par byed pa gang gis kyang sngar bdag gir ma byas pa yangs shing rgya che ba yid bde bar byed pa rnams su ste/ rang bzhin gyis ni rang nyid kyis so/ /de lta bu
 rnams su bcos ma ma yin pas gnas par bya'o/ /nam zhig bdag ces pa ni smon pa ste/ /'dir gnas pa'i bde ba gang yin pa de bstan ba'i phyir/ rang dbang zhes pa la sogs pa gsungs te/ rang dban rang dbang du spyod ba ni gzhan dbang gis 'jug pa?
 ma yin la gnas med pa ni gnas dang bral ba yin te gang la gnas la zhes pa dang bral bas gang la gnas med pa ste/ gang la yang bdag gir byas pa med pa'i phyir ro/ /de lta bur gyur pa gang dang yang 'brel ba med pa yin
 te/ ltag ma ni go sla'o/ /yang 'di ltar 'dod pa chung bas smon par bya ba yin no zhes bstan pa'i phyir/ sa'i lhung bzed tsam zhes pa la sogs pa gsungs pa la/ sa'i lhung bzang ni sa'i rang bzhin gyi slong snod do/ /de nyid 'ba' zhig ni de
 tsam yin la/ de lta bu'i bdog pa gang gi yin pa de la de skad ces bya'o/ /kun la mi mkho ba ni phyag dar khrod las gos byas pa'i phyir te yongs su longs spyad par bya ba ma yin pa dang/ mkho ba ma yin pa zhes pa'i tha tshig go/ de lta
 bu'i chos gos gang gi gos yin pa de la de skad ces bya'o/ /gnyis bo 'di gzhan gyis 'phrog pa ma yin te/ de nyid kyi phyir 'jigs pa med pa dang/ lus gson pa la bltos pa med pa yin la/ de nyid lus 'di spa ba ma byas kyang
 zhes pas ston te/ phyi dang nang gi bdag nyid kyi yongs su bzung ba med pa'i phyir bsrung ba dang bral ba yin no/ /mi rtag pa 'di yang zhen pa 'dor ba'i rgyu yin pas thams cad du bsten par bya'o zhes tshigs su bcad pa gsum gyis gsungs pa
 ni lus kyi gnyug ma'i sar song nas zhes pa la sogs pa yin te/ lus kyi gnyug ma'i sa ni dur gyis ste/ lus kyis yun ring por gnas nas kyang de bzhin du mthar gtugs ba'i phyir ro/ /gzhan rus zhes pa ni sngar she ba
 rnams kyi rus pa yin la rus pa ni rnag dang ldan pa'o/ /de'i chos can ni de'i rang bzhin la/ bdag gi lus ni 'di nyid kyang zhes pa la sogs pas de nyid mgo snyoms par ston par byed de/ 'di ltar zhes pa ni rus pa gzhan phul?
 dang rang gis lus po 'dra ba la brjod do/ /rus pa ste smad par 'gyur ba'o/ /ji lta bur gyur ba zhe na/ gang gi dri'i zhes pa la sogs pa gsungs te/ shin tu dri nga bas ci spyad zas de don du gnyer bas kyang bzod par dka' ba yin no/ /sdug pa
 dang 'grogs pa ni des kyang dgag par ston pa ni lus 'di gcig pu zhes pa la sogs pa gsungs pa la/ lus 'di gcig pu byung ba ni gcig pa nyid du brtag pa'i lus yin la/ lhan cig skyes pa ni lus dang lhan cig skyes pa'i rus dum yin/
 so sor 'gyes par gyur pa ni bral bar 'gyur na zhes pa'i don te/ mdza' ba dpag gzhan lta ci zhig smos pa ni so sor ci'i phyir mi 'gyur zhes pa'i don te/ gang thams cad du bral ba nyid du 'gyur ro zhes pa'o/ /de ltar gyur na yang bu dang chud ma
 la sogs pa rtag tu bdag gis bde ba dang sdug bsngal gyi grogs su gyur pas de rnams la rjes su chags bar bya bar 'os pa nyid do zhe na/ skye bo gcig pu zhes pa la sogs pa gsungs te/ skye ba dang 'chi ba dag gi sdug bsngal gang gis kyang thun
 mong du byed par mi 'gyur te/ thams cad kyi bar skabs su rang gi las kyis skyed ba'i bde ba dang sdug bsngal nyid myong bar 'gyur te/ de'i phyir 'di mngon par zhen pa tsam nyid do/ /sdug bsngal gyi skal ba de gang gi phyir gzhan bdag las tha dad
 pa rjes su chags pa byas pa de la sdug bsngal ba de'i cha ste cha shas len par 'gyur/ de'i de yang de nyid kyis myong bar bya ba'i phyir/ de'i phyir dge ba'i phyogs kyi gegs byed pa'i mdza' bas dgos pa cung zad kyang yod pa ma yin no/ /de kho na nyid
 du gang la la'i mdza' ba cung zad kyang gang gis kyang yod pa ma yin no zhes bstan pa'i phyir lam dag du ni zhes pa la sogs pa gsungs te/ lam du zhugs pa ni phyogs 'ga' zhig tu 'gro bar rtsol ba yin la/ ji ltar gzhan du 'gro ba dang lhan
 cig tu gnas gcig ste 'du khang la sogs pa'i gnas 'dzin par 'gyur ba de bzhin du 'khor bar yang las kyi dbang du gyur bas 'khor ba na skye ba ni rigs gcig pa dang snag gi gnyen mtshams la sogs pa rnams
 dang gnas gcig pa ste/ skye ba'i gnas yongs su len to/ /slar yang de spangs nas 'ga' zhig tu gcig pu 'gro bar 'gyur te/ der su zhig kyang de dang lhan cig tu 'gro ba ma yin no/ /de'i phyir gang la la'i dngos por gyur pa'i grogs
 la la yang yod pa ma yin no/ /des na don med stong phrag bskyed pa'i rgyu rang nyid kyis brtags nas su zhig gis grogs su byed bar 'gyur ro zhes pa'o/ /mdza' ba'i skyon de ltar brjod nas yang gcig tu nyid kyi yon tan 'di dag yin no zhes
 tshigs su bcad pa gsum gyis bstan pa'i phyir 'jig rten zhes pa la sogs pa gsungs te/ da ni gsan pa'i mdza' mi 'dod kyang nges par 'chi bar 'gyur pas khyim na gnas pa'i stobs kyis dor bar bya ba yin pa de bas na de ltar rang nyid
 kyis gson pa nyid na dor bar rigs so/ /de nas zhes pa ni khyim nas so/ mya ngan med par zhes pa ni kyi hud ces pa la sogs pa brjod pa'i tshig gis yongs su gdungs pa 'jig rten gyi gnyen la sogs pas ma byas pa de srid nyid du'o//
 de las dang po nyid du nags su 'gro bar bya'o/ /yang 'dir yon tan gyi khyad par ci lta yod ce na/ pa shes med ces pa la sogs pa gsungs te/ rjes su chags pa dang 'khon pa dang bral pa'i phyir ro/ /shi na yang mya ngan byed pa med
 pa ni mya ngan gyis bskyed pa'i sdug bsngal brten par mi 'gyur ba'o/ /ci'i phyir zhe na/ 'jig rten na ni sngar nyid shi/ gang gi tshe khyim nas byung ba de nyid kyi tshe rang gi gshes dang gnyen la sogs pa'i 'jig rten gyi yul na'o/ /
 yon tan gzhan 'di yang yod par drung na 'khod par zhes bya ba la sogs pa gsungs te/ drung na 'khod pa ni nye bar gnas pa'i gnyen dang rigs gcig pa la sogs pa rnams yin te/ nang ba de dang ma bral mya ngan te/ mya ngan bskyed pa dang gnod
 pa byed pa yang yod pa ma yin te/ bdag nyid kyi lus dang ngag dang yid la/ gdung bar byed pa ma yin no/ /yang na de rnams kyi mya ngan mthong bas 'chi ba po'i yid gdung bar byed pa ma yin no/ /'di'i zhes pa ni skye bo dang 'grogs pa dang
 bral ba'i ste/ 'chi ba'i dus na yon tan 'di 'ba' zhig ni ma yin no/ /'on kyang sangs rgyas rjes dran la sogs pa'ang yin la sogs pa'i sgras ni de kho na nyid yid la byed pa 'am chos rjes su dran pa yang ngo/ /de pas zhes pa la sogs
 bas ni mjug sdud par byed de/ gcig pu ni chags pa med par rgyu bas so/ /nyams dga' ba ni bde ba bskyed ba'i rgyu yin pa'i phyir la/ tshogs chung pa ni sdug bsngal gyi gnyen po yin pa'i phyir te/ bde ba skyed pa ni mngon par mtho ba
 dang nges par logs pa thob pa'i rgyu yin pa'i phyir la/ g.yeng ba thams cad zhi byed pa ni lus dang ngag dang yid kyis nyes bar spyod pa'i rnam par g.yeng ba thams cad zhi bar byed pa yin te/ bzlog bar byed pa'i rgyu yin pa'i phyir ro/ /
 bdag gis rtag tu bsten par bya zhes pa ni 'di nyid la mngon par zhen pas med par bya zhes pa'i don to/ /de ltar skye bo dang 'grogs pa spangs pas lus rnam par dben pa bshad nas/ sems rnam par dben pa bshad ba'i phyir/ bsam
 pa gzhan ni zhes pa la sogs pa gsungs te/ bsam pa gzhan kun ni mi bden pa'i rnam par rtog ba'i rang bzhin te de rnams btang ba ni de dang bral ba'o/ /bdag gi sems ni rtse gcig gis zhes pa ni rtse gcig pa ni gtso bo yin te/ sems
 de yid la byed pa gang la yod pa de la de skad ces bya ste/ de lta bu'i sems gang la yod pa de ni de skad ces brjod pa 'am/ sems rtse gcig pas gcig tu dbang du gyur par de'i rgyu ba la lta bar brtson pa'am/
 dmigs pa des pa la brel ba'i yid gang gi yin pa zhes tshig sdung ba yin la/ de lta bur gyur pa'i yang dag par mnyam par gzhag pa la sems zhi bar gnas pas gzhag par bya ste/ de la brtson bar 'gyur bar 'gro bar bya zhing de la/
 rtse gcig pas sbyar bar bya'o zhes pa ni 'dul bar bya ste yang dang yang du dmigs pa de nyid la sbyor ba 'am phyi'i rnam par g.yeng ba dgag pa'i phyir de la sems mnyam par gzhag pa ni gnyen po yin pa'i phyir ro/ /'dod pa'i rnam par
 rtog pa dgag bar 'dod nas 'jig rten zhes pa la sogs pa gsungs te/ /srid pa la sbyor ba ma spangs bas 'dod par bya ba nyid kyis zhen pa'i phyir 'dod pa ni gzugs la sogs pa'i yul la brjod de/ na'i sgra ni gang gi phyir gyi don yin la
 de bas 'dod la dga' mi bya zhes pa dang 'brel to/ /de yang brten pa na phung khrol skyed pa yin te/ mi 'dod pa'i 'bras bu stob pa'i phyir ro/ /'jig rten 'di ni skye ba 'di nyid yin la/ pha rol ni 'jig rten pha rol te skye ba phyi ma zhes
 pa'i don to/ /de nyid 'dir bsad dang zhes pa la sogs pas ston te/ gzhan gyi chung ma 'phrog pa la sogs pas 'jig rten 'dir 'chi ba la sogs pa'i khyad bar mngon sum nyid du rtogs la 'jig rten pha rol tu ni lung las so/ /
 de la gzhan 'dod pa'i 'dod chags rnams la 'dod pa'i chags pa ni shin tu yang dka' ba yin te/ 'di lta bud med la ste reg pa'i chags pa'o/ /de'i phyir dang por de nyid la chags pa bzlog pa'i phyir smad bar gzhad nas/ gang
 phyir zhes pa la sogs pa gsungs te/ gang phyir ni gang gzhan gyi chung ma la sogs pa'i ched du yin la/ pho nya dang pho nya mo la de'i bsam pas skyes pa dang phrin skur bar byed pa rnams kyis thal mo sbyar nas khyed kyi drin gyis bdag dang de ji ltar phrad bar
 byed pa de bzhin du mdzod cig/ de ltar na bdag khyed kyis gson par byas pa yin no zhes gsol ba 'debs pa sngon du song bas lag pa thal mo sbyar te lan du mar gsol ba 'debs so/ /de'i las kyi rnam par smin pa las 'jig rten pha rol tu
 gnod pa'i mi dge ba'i las de la yang ma bltas pa dang/ grags pha ma yin pa 'jig rten 'di la mnod? bar byed pa yin la sngon te snga ma nyid du de la gsol ba 'debs pa'i dus na ste/ de'i gson pa'i gnas skabs na zhes pa'i don to/ /
 'jigs pa la yang bdag zhugs shing zhes te/ de la zhugs pa na 'chi ba la sogs pa'i nyes dmigs kyi 'jigs pa yang de ltar byung ba la ma 'dzems pas bdag nyid ni rang gi lus bcug pa ste sbyar ba'o/ /rdzas kyang zad par
 byas pas ta gos dang rgyan dang byug pa dang ga bur la sogs pa'i byug pa spyad pas rdzas kyang zad par byed do/ /gnyis gang yang gang gi don du zhes pa dang/ sngon zhes pa dang yang 'brel te/ /gang la zhes pa ni rus pa zhes pa dang
 sbyar bar bya ste/ yongs su ma khyud pa ni brtan par mkhyud pa yin la/ mchog tu dga' ba'i ro nyams su myong bar gyur pa yin te/ de nyid kyi rus pa ni shi ba de'i rus pa yin te/ dur khrod kyi sang ltung ba rnams
 yin la gzhan gyi dbang du gyur pa ni ma yin te/ bdag gi dbang du gyur pa yin zhing bdag ma yin pa ni yongs su ma bzung ba dag yin te/ gzhan gang gis kyang bdag gir ma byas pa zhes pa'i don to/ /de'i phyir rab tu 'dod cing
 yongs su zhen nas te/ ci'i phyir ji ltar 'dod par 'khyung pa'i don du brtan par 'gro bar mi byed ces pa'o/ /dga' bar zhes pa ni sngar bzhin no /rang gi chung ma la zhen pa'i dbang du byas nas/ gang zhig dang
 po zhes pa la sogs pa gsungs te/ ngo tsha'i dbang du gyur pas chung ma'i bzhin 'og tu lta ba na ji ltar yang 'di'i byang bzhin gsal bar blta bar bya bar 'dod bas 'bad pas te 'dod pa can gyis zhen pas bskyed pa'i sems kyis bdegs
 pa na chud ma ngo tsha'i dbang du gyur pa de yang 'og tu lta bar byed de/ ngo tshas nges par 'og tu lta'o/ /sngon ni sngar dur khrod du 'gro ba las snga mar yin la de ltar na yang bya bla bas ma mthong ngo zhes mthong dam ma mthong yang zhes gsungs pa
 la/ brgyal cung zad mthong ba na rnam pa thams cad du blta bar 'dod pa ci'i phyir ldog/ seng ba'i ras kyis gdong g.yogs pa ste yul dbus na phal cher bcom rlag pa'i rigs rnams kyi rigs kyi chung ma bzhan dga' ba'i don du seng
 ras kyis g.yogs te/ gang gi byad des g.yogs shing bsgribs pa'i byang des ni dur khrod kyis na bya rgod kyis gsal bar byas pas so/ /g.yogs ma thams cad dang bral bas rnam par gsal bar byas pa'i ji ltar 'dod par
 ci'i phyir lta zhing rtog par mi byed/ ci ltar gyur pas she na/ khyod nyon mongs pa'i gdong la mi bzod gyur pa bzhin du de'i gdong blta ba'i don du khyod kyis sngon yongs su ngal bar byas pa de la khyed rnams kyis bzod par mi nus pa bzhin du de
 la da ltar 'jigs pa mthong nas 'jigs par gyur pa na ci'i phyir 'byed par byed cing 'bros par byed/ 'dod pa can la brgal zhing brtag pas bskyod pa gzhan 'di yang bstan pa'i phyir/ gzhan rnams mig gis shes pa la
 sogs pa gsungs te/ su yang de la lta bar ma byed cig ces sngar gsungs nas yod pa de/ ji srid dung ni bya rgod la sogs pas za ba la thug pa ste/ kye phrag dog can ci'i phyir srung mi byed de sbed par mi byed/ gzhan yang dang ni shin tu
 yang bsrung bar 'os so zhes/ sha'i phung po zhes pa la sogs pa gsungs te/ bya rgod la sogs pa gang rnams kyi zas te/ kha zas sha'i phung po'i gzugs la khyod kyis me tog la sogs pa rnams kyis mchod par byed/
 bya rgod dang gzhan ce sbyang la sogs pa rnams kyis sha'i phung po ste sha'i tshogs za ba 'jigs su rung ba mthong ba na ci'i phyir phrag dog can bsrung bar mi byed ces sbyar bar bya ba dang/ da lta
 ci'i phyir 'byer bar mi byed ces pa bar du chod pa dang yang 'brel to/ /'di yang khyed rnams kyis ci'i phyir lta bar mi byed ces rus gong zhes pa la sogs pa gsungs te/ mi 'gul yang ste shing dang por pa la sogs pa dang 'dra ba'i
 phyir ro/ /khyod skrag na zhes zur gyis 'dri bar byed de/ rus gong las te/ rus pa'i sgal tshigs las so/ /de ltar zhes pa ni 'di ltar 'jigs pa'i gzugs mthong ba las te bltas pa las so/ /yang na de ltar zhes pa ni skrag pa ste
 gang ring ba las kyang shin tu ring bar bros par byed ces pa dang sbyar ro/ /gang gi phyir de ltar g.yo ba las ci'i phyir 'jigs she na/ ro langs bzhin du zhes gsungs te/ gson par gyur pa 'byung po'i gdon gyis bskyod par byas pa na bskyod pa
 las cis na 'jigs par mi 'gyur te/ de'i phyir shin tu 'jigs bar rigs so zhes pa'i don to/ /re zhig de ltar smad par bya ba nyid du bstan nas/ yang gzhan du bstan pa'i phyir/ zas ni gcig pu zhes pa la sogs pa gsungs te/ 
 shes pa gti mug gis bsgribs pa 'ba' zhig dug gis myos par 'gyur ba'i sems 'dod pa can gyi de 'dod par bya ba nyid yin pas de bzhin sbrang rtsi'i btung ba bzhin du rigs nas de'i gdong 'ba' zhig gi mchil ma'i btung ba
 'dod pa la brgal zhing rtag pa mtshungs yin te/ gnyi ga'i yang rgyu gcig pu bza' ba dang btung ba'i rang bzhin las byung ba de la de dag gi nad na khyed mi gcad pa bshad ba la mi dga' zhing/ kha chu bde? kan gyi btud ba la ci'i phyir dga' ste rnam
 pa gang gis gzhan du ma yin par der dga' bar 'gyur te/ gnyi ga la yang rigs so zhes dgongs so/ /'on te de ltar na gal te yang rgyu tha dad pa ma yin pa de ltar na yang de la shin tu dri mi zhim pas phyir phyogs shing gzhan la ni de med bas
 dga' ba yin no zhe na/ 'di de ltar na yang legs par brjod pa ma yin no zhes bstan pa'i phyir/ shing ba la zhes pa la sogs pa gsungs te/ ras la sogs pa'i bal? gyis yongs su bkang ba'i nad tshangs can la sogs pa'i sngas? reg
 na 'jam pa la 'dod cing dga' bar mi byed do/ sdug par mi byed par mi gtsang ba las byung ba'i dri nga ba 'dzag pa ma yin no zhes byas nas mi gtsang bas yongs su gang ba'i bud med kyi lus po nyid la ci'i phyir dga' bar byed/ de ltar na'ang
 ci'i phyir 'dod ldan te 'dod ba'i bde ba 'dod pas gang las mi gtsang ba la rmongs te/ 'di ni gtan tshigs kyi tshig yin la/ mi gtsang ba ste yul mi gtsang ba 'am mi gtsang bas rmongs pa'o/ /mi gtsang ba la ste/ gtsang ba las
 bzlog pa de nyid las shin tu yang mngon par dga' bar nyams su myong bar 'gyur/ de lta na yang gal te rang mi gtsang ba nyid bud med kyi lus mi gtsang ba nyid dang thun mong ba de ltar na yang de gcig ni bsgribs pa yin la/ gzhan ni ma g.yogs
 pa yin te/ de'i phyir gcig yongs su spangs pas 'di la chags par byed do zhe na/ gang la g.yogs na zhes pa la sogs pa gsungs te/ mi gtsang ba'i rang bzhin g.yogs pa gang la ci mthong na yang 'di lta bu mngon par zhen pa ste ma g.yogs
 par mthong bar gyur na shin tu 'dod pa skye bar rigs te/ de lta bur gyur pa la ci'i phyir 'dod par mi byed/ 'on te de lta bur gyur ba la rnam pa thams cad du cung zad kyang dgos pa med pas phyir phyogs pa nyid yin no zhe na/ gang de ltar na ci'i phyir
 na rgyu ci g.yogs pa bye brag tu tshol te/ /de gzhan sprangs nas de nyid dang phrad pa la 'bad par byed/ gzhan yang khyed la 'di 'dri bar bya ste/ /ci khyod mi gtsang ba la chags pa dang bral ba 'am ma yin zhes so/ /'di rnam par rtag pa dang po'i
 dbang du byas te/ gal te mi gtsang zhes pa la sogs pa gsungs te/ gal te khyod mi gtsang ba la ma chags shing rnam pa thams cad du zhen pa med na 'on ci'i phyir gzhan tha dad pa pad du 'khyud/ 'di ci lta bu zhe na/ sha'i 'dam zhes/
 gsungs te/ sha nyid 'dam dang 'dra ste zhal zhal du chos mthun pa'i phyir la/ des zhal zhal byas pa ni nye bar bskus pa'o/ /ci'i phyir de ltar gyur pa yin zhe na/ rus gzeb rgyus pas sbrel ba la zhes gsungs te/ rgyus pas sbrel
 ba ni bcings shing dbang du byas pa yin la/ rus gzeb ni rus pa mdza' dag yin te/ gzhan du na dum bur 'thor bar 'gyur ro/ /de ltar 'dod chags dang bral ba'i yul du ston par byed do/ /'on te mi gtsang ba la chags pa yin
 no zhes rnam par rtogs pa gnyis pa khas len na/ de la khyod nyid ces pa la sogs pa gsungs so/ /yang na gzhan du sbyar bar bya ste/ gang brjod pa pags pa la sogs pa gzhan gyis g.yogs pa la chags par gyur na ma g.yogs
 pa de la yang gal te zhes pa la sogs pa gsungs te/ gal te pags pa la sogs pa g.yogs pa'i phyir rgyu des khyod mi gtsang ba la chags par gyur na de'i tshe ci'i phyir gzhan te gzhan gyi rus pa la
 'khyud par byed/ gzhan ni sngar bzhin du'o/ /'di la yang ci'i phyir mi rigs zhes/ khyod nyid ces pa la sogs pa gsungs te/ rang nyid de bdag nyid mi gtsang ba shin tu mang ba ni mchil ma dang snabs dang klad rgyas dang gci ba pas?
 bshad pa khyed la yod pa yin la/ rnam dran byed ni yid la bsam par byed pa'o/ /bdag gis sha 'di la zhes pa la sogs pas yang spangs pa'i ched du gzhan gsungs pa yin la/ gang gi sha la dga' ba 'di ni shal dga' 
 ba ste/ bdag yin la 'di ni rus gong gi'o/ /yang na sha la dga' ba ni sha la dga' ba yin la sngar bzhin du bdag ni 'di la'o/ /zhes te bdag 'di'i sha la dga' ba yin no zhes pa'i tha tshig go /de ltar na de la zhe na pa'i
 phyir ram slar phan 'dogs pa'i blos reg dang lta bar 'dod pa ste/ mthong ba dang reg pa la dga' ba'o/ /'dir gsungs pa sems med pa ni sems kyis stong pa yin te 'jim gong bzhin du rang bzhin gyis tha mal pa'o/ /
 yang sems dang ldan pas sems so zhes ji ltar gzhan gyis brjod pa de ltar sha la khyod ni zhes pa ltar rang bzhin ma yin pa ni ma yin no/ /'dod pa can khyod de ces mi 'dod/ de 'dod pa na 'jim pa'i dum bul yang 'gyur
 la de bzhin du yang khyod kyang sems dang bral bar 'gyur ro/ /de la sems kyi rang bzhin gyis sems yod pa de la des 'dod pa yin no zhes pa ni/ gal te sems ni zhes pa la sogs pa gsungs te/ gang sems te sems kyi
 rang bzhin 'dod na de gzugs med pa'i phyir blta bar mi nus la/ lus med pa'i phyir reg par mi nus te/ gang sha dang rus pa'i rang bzhin gyis lus reg pa dang blta bar nus shing grub pa la de dang ldan pa'i shes pa med pa yin te/
 sems dang bral ba'i phyir ro/ /de'i phyir ci zhig ces te/ sems med pa de la 'khyud par byed cing sbyor bar byed/ rmongs pa zhes pa ni 'bras bu med pa nyid du 'khyud par rigs pa ma yin no zhes pa'i tha tshig sta ? gzhan du na
 bong ba la sogs pa la yang 'khyud par thal lo/ /gzhan yang 'di yang shin tu smad pa yin no zhes bstan pa'i phyir mi gtsang zhes pa la sogs pa gsungs te/ gzhan gyis lus la mi gtsang ba'i rang bzhin du gang mi rtogs pa de
 la ngo tshar cung zad kyang med par rigs pa nyid de/ gzhan gyi rgyud kyi rigs pa de bdag nyid la/ skal pa yin pa'i phyir ro/ /'di ni shin tu yang ngo mtshar ba'i gnas yin te/ rang ste bdag nyid la mi gcad ba'i rang bzhin gang
 yin pa'i lus khyod kyis rtog par ma gyur te mgo ba'o/ /da ni bstan bcos mdzad pa de la skyo bar mdzad pa sprin bral zhes pa la sogs pa gsungs te/ sprin bral nyi zer gyis phye ba ni gsal bar byas ba ste de lta bu'i pad+ma
 gzhon nu ste/ mngon par gsar pa'i mtsho skyes bor nas mi gtsang zhen pa'i sems kyis mi gtsang ba'i gzeb las su zhig dga' ste rigs pa ma yin no zhes pa'i tha tshig go/ gzhan yangs zhes pa la sogs pa gsungs pa
 la sogs pa'i sgras ni gos pa la sogs pa yin la/ mi gtsang gis gos pa'i phyir gal te reg par mi 'dod na/ gang las te lus las yin la de byung ba ni mi gtsang ba 'thon pa ste lus de la ci ltar khyod reg bar 'dod/
 de ltar gyur na yang bdag la brgal zhing brtags pa 'di rigs pa'i ngo bo ma yin te/ gang gi phyir mi gtsang ba gcig la yang mngon par zhen pa med do zhes gal te zhes pa la sogs pas gsungs pa la/
 mi gtsang ba'i zhing ni ma'i mngal yin yin te mi gtsang ba du ma'i gnas yin pa'i phyir ro/ /der byung ba ste der skyes ba'o/ /de'i sa bon ni mi gtsang bde nyid de pha dang ma'i khu ba dang khrag gi rang bzhin gang gi sa bon yin pa de la de
 skad ces brjod do/ /des bskyed pa zhes pa ni ma yis 'thungs pa dang zos ba skyugs la dang 'dra ba'i mi gtsang ba'i ro nges 'phel bar byas pa ste/ mngal na gnas pa bskyed ba'o/ /phyir byung ba ni yang rang gis zos pa dang 'thungs
 pa'i yongs su smin pa'i mi gtsang ba'i ro yis kyang bskyed gzhan khyod ci'i phyir par du 'khyud ces pa dang 'brel te gzhan gyi bud med kyi lus so/ /de ltar na khyed la brgal zhing brtags pa yod do/ /'on te bdag mi gtsang ba la
 chags pa med do zhes pa'i phyogs khas len na de'i tshe yang brgal zhing brtag par mtshungs pa nyid do zhes mi gtsang las byung zhes pa la sogs pa gsungs te/ bshad pa la sogs pa mi gtsang ba'i rdzas las byung ba'i
 srog chags kyi rigs srin bu yang mi 'dod de zhen par mi byed par yang ma'i lus kyi tshogs mi gtsang pa shin tu mang ba'i rang bzhin mi gtsang ba las byung ba la yang sngar bzhin 'dod par byed/ 'on te 'di ltar yang
 'gyur te 'dir lan ci zhig 'debs bar byed/ gang gi phyir bdag kyang de'i lus de lta bu yin la/ des na mi gtsang ba mi gtsang ba dang phrad pa la nyis pa ci yod de gnod sbyin ji ltar bar gtor ma la de bzhin no zhe na/
 'dir khyod ni zhes pa la sogs pa gsungs te/ 'dir 'di rmongs pa chen po'i mthus bdag nyid la yod ba'i mi gtsang ba'i rang bzhin gang la re zhig smad par mi byed cing/ slar yang gzhan gyi mi gtsang ba'i rkyal ba la 'dod par byed de/
 'di ni don dang bral ba shin tu smad pa'i gnas yin no/ /mi gtsang rkyal pa zhes sgyo ba'i tshig gis de nyid la 'bod pa yin no/ /de ni mi gtsang ba'i rang bzhin mngon sum du byas par bstan pa'i phyir ga bur zhes pa la sogs pa gsungs
 te/ gtsang zhing gtsang sbra'i dngos po 'di lta bu gang phyogs gcig dang phrad pa las byung ba'i mi gtsang ba'i rang bzhin du gyur pa'i dngos po de re zhig gzhag ste de dang phrad pa las sa gzhi gtsang ba'i rang bzhin yang mi gtsang ba nyid du 'gyur ro//
 de ltar re zhig tha snyad 'di mngon sum gyis grub pa de lta na yang gal te mi rtog cing yid mi ches na nye? mthong yang dad pa ma gyur na zhes pa'i don to/ /de'i tshe dur khrod du so sor gnas pa na blta bar gyis shig/ ji lta bur gyur pa la zhe na/
 'jigs pa ste/ rnam par zos pa dang/ rnam par myags pa dang/ rnam par rnags pa la sogs pa'i rang bzhin gyis 'jigs su rung ba 'am 'jigs par byed pa'o/ /gzhan yang zhes pa ni 'di bas lhag pa'o/ /gzhan yang
 rang bzhin gyis mi sdug pa thams cad du sbyar te lus po 'di nyid mi dga' ba'i gnas su sbyar ro zhes bstan par 'dod nas/ gang zhig pags? ba'i kha phye zhes pa la sogs pa gsungs te/ kha bye ba ni rnam par phral ba ste/ gang las zhes
 pa ni lus las so/ /de'i tshe 'jigs pa chen po skye bar 'gyur ro/ /ji lta bur gyur pa zhe na/ 'di lta bur gyur pa'i rang bzhin shes kyang ji ltar de nyid kyi gnas la 'jigs pa'i gnas su nam zhig na yang ma rtogs par phyir zhing dga' zhig
 mngon par zhen pa skye bar 'gyur te/ de ltar gyur na yang ? gtsang ba'i rang bzhin gyis lus su gal te mngon sum du gyur pa de lta na yang/ tsan dan la sogs dang shug pas lus po la bslus pas 'di 'dod ?
 bya ba nyid du 'gyur ro zhes na/ lus la bskus pa zhes pa la sogs pa gsungs te/ lus la bskus pa yang tsan dan la sogs pa las byung ba'i dri 'dis gang la bsgos pa'i lus la 'dod par bya ba'i blo skye bar 'gyur te/ tsan dan 'bal? zhig
 las yin la/ /gzhan yin na zhes pa ni lus kyi ma yin pa'o/ /de'i phyir gzhan gyi dri tsan dan la sogs pa las byung bas 'dir dri zhim par mi 'gyur ba gzhan dag la ci'i phyir mngon par dga' bar byed/ gzhan yang tsan dan la sogs pa'i
 legs par sbyar bas kyang bdag nyid la gnod pa 'ba' zhig tu 'gyur te/ phan pa'i ched du ni ma yin no zhes bstan pa'i phyir gal te rang bzhin zhes pa la sogs pa gsungs te/ rang bzhin gyis phreng? ba ni lhan cig skyes pa'i rul pa'i rang
 bzhin gyis phyir ro/ /'dir zhes pa ni lus la'o/ /gal te 'dod chags ma skyes na de'i tshe legs min na ma ste legs pa nyid du 'gyur ro/ /'di lta bu'o yon tan yod bzhin du don med pa la sred pa'i 'jig rten rgyu cis lus de la
 dris skus bar byed de rnam pa thams cad du de rigs ma yin no zhes pa'i don to/ /stong phrag du mas mngon par 'du byas kyang rang bzhin gzhan du 'gyur ba ma yin no zhes 'on te dri zhim zhes pa la sogs pa gsungs te/ lus po rang
 bzhin gyis dring ba las ci zhig byung ste ci lta bur gyur pa cung zad kyang byung ba med yin no/ /dri zhim tsan dan ni zhes pa ni gang la mdzes pa'i dri yod pa zhes 'bru mang po ba ste de ltar na yang de'i rang bzhin la nyams pa med do zhes pa'i tha
 tshig go/ 'on te de'i dbang gis de la 'dod par bya ba nyid du gzung nas mngon par 'dod pa skye ba'o zhe na/ gzhan gyi dri yis zhes pa la sogs pa gsungs te/ 'di ltar yang mkhas pa ma yin no zhes pa'i don to/ /skra la sogs pa mngon par 'dul
 byas pa'i sgo nas kyang lus 'di don med pa'i rgyu yin no zhes tshigs su bcad pa gnyis kyis bstan pa'i phyir/ gal te 'di skra sen zhes pa la sogs pa gsungs te/ ring pa na lhan cig skyes ba ma bcad pa zhes pa'i don to/ /so skya ba ni dri ba ba dang
 bcas pas te so shing dang sog le la sogs pas 'dus ma byas so/ /'dam gyi dri bsgos ni dri ma nyid 'dam ste rdzab yin la des bsgos pa de la de skad ces bya ste/ khrus dang byug pa la sogs pa dang bral bas so/ /gcer bu zhes bya ba ni gos
 dang bral ba'i phyir ro/ /ji ltar skyes bu bzhin du ste ji ltar gyur pas gnas pa'o/ /gal te lus rang bzhin gyis 'jigs pa yin na yi dwags bzhin du rang bzhin gyis 'jigs par byed pa la 'bad pas te skra dang sen mo la sogs pa bcom
 pa'i khyad par dang/ so shing dang so rtsi dang khrus dang byug pa la sogs pa rnams kyis 'di lta bur gyur pa ci'i phyir byi dor byed/ ji lta bur zhe na/ rang la gnod pas mtshon bzhin te bdag nyid la gnod pa'i don du ral gri la sogs pas
 ji ltar 'dus byas pa de ltar ro/ /'di lta bu rnams rmongs pa'i dbang du gyur pa'i spyod la mya ngan mdzad pa/ bdag la rmongs zhes pa la sogs pa gsungs te/ 'bad pa dang ldan pa'i smon pa sems rang bzhin du mi gnas pas bdag nyid kyis
 bsams nas bdag nyid la rmongs pa bskyed cing yang 'di ltar phyin ci log gi lam nyams su blangs pas nyon mongs pa 'di rnams sems rang bzhin du mi gnas so zhes bstan bcos mdzad pas mya ngan imdzad ba'o/ /'di na bdag nyid shes pa 
 'ga' yang yod pa yang ma yin te/ smyon pas 'khrugs pas te sa yongs su gang ba yin no/ 'dris pa la zhar? ma byung bas lan btab nas skabs su bab pa/ /rus gong zhes pa la sogs pa gsungs pa la/ ro rnams
 kyi rus gong 'ga' zhig ste so so na gnas pa'o/ /'di skad brjod par 'gyur te/ gang las pags pa phral byas ni zhes pa la sogs pa gsungs nas/ gang shes kyang ji ltar zhes pa la sogs pa gsungs pa der gzhan gyi lan yin no/ /
 gang gis de bzhin du 'di la yang chags par mi 'gyur ba dur khrod kyi lus dang 'dra ba yod pa ma yin te/ dur khrod du de mi gtsang ba'i gnas yin la 'dir ni ma yin no zhes so/ /'dir brjod par bya ba ni rus gong zhes pa la sogs pa yin no//
 grong gi dur khrod ces pa la 'dir khyad par cung zad kyang yod pa ma yin te/ dur khrod du brtsog pa'i gnas ni lus po de nyid yin la/ grong du yang yin te mngon par dga' ba'i gnas gang yin zhes zur gyis 'dri ba'o/ /'di la mkhas
 pa'i blo can gyis mnyam bar rigs so zhes bsams pa'o/ /g.yo ba'i rus gong gis khyab shes? pa 'dis de nyid ston pa yin no/ /'di tsam khyad par yin gyi/ khyad par 'dis mi gtsang ba'i rang bzhin gyis mi gtsang ba'i rgyu
 las bzlos pa ni ma yin te/ gang gis ni 'jug pa'i yan lag gi rang bzhin du 'gyur/ khyab pa ni yongs su 'khrugs pa'o/ 'di lta bu'i mi gtsang ba'i rang bzhin yang phag la sogs pa rnams la bzhin du mngon par dga' ba'i
 gnas su gyur na yang de ltar na yang rnam pa de lta bu de nor dang bral bas rnyed par sla ba ma yin no zhes bstan pa'i phyir/ de ltar zhes pa la sogs pa gsungs te/ rin med par de nor dang bral bas rnyed cing thob par mi 'gyur la/ /de'i
 phyir de don du gnyer bas dang po kho nar nor nyid bsags par bya ste/ de gsog pa la ngal ba'i sgo nas so nam dang tshong dang bsnyen pa la sogs pa la yang dag par brten pas yongs su ngal ba las 'di nyid du chos ma yin pas kyang tshol ba'i phyir
 dmyal ba la sogs pa rnams su sdug bsngal bskyed par byed do/ de ltar de tshol ba ni 'jig rten gnyi gar don med pa'i rgyu nyid yin no/ /bsags pa nges bde ba 'thob pa yang ma yin te / sdug bsngal nyid 'ba' zhig yin no zhes bstan pa'i
 phyir/ /byis pa zhes pa la sogs pa gsungs te/ byis pa'i gnas skabs na gnas pa la nor spel ba'i nus pa med de/ byis pa nyid kyis nor gang gis sam rnam pa gang gis byis pa 'di dar la bab pa ste lang chol bab pa'i gnas
 skabs na'o/ /bde bar 'gyur te nor dang bral bas cung zad kyang ma yin no zhes pa'i don to/ /gang yang pha dang mes po la sogs pas bsags pa'i nor gyis lang tshol bab pa na bde ba nyid thob pa de ltan yang thams cad la so sor nges pa
 nyid ni ma yin no/ /'dir sngar brjod pa'i sdug bsngal gnyis las grol bar yang ma yin no/ /dang por nor sog pa nye bar mkho ba nyid yin te/ bde ba bsgrub pa'i thabs yin pa'i phyir de bsags pa nyid na yang lang tsho las nyams pa
 las 'ga' zhig la yang mkho ba'i yul ma yin no/ /'on te de ltar gyur na yang de sog pa na 'dod ba'i bde ba myong bar byed do zhe na/ 'dod ldan zhes pa la sogs smos te/ /'ga' zhig dman pa'i 'dod pa la g.yengs pa'i sems kyis
 shing dang rtsa dang lo ma la sogs pa len pa bran gyi las byed pa'i mtshan nyid nyi ma'i mthas gtugs par las khung gyis lus sems dub ste spro ba med la/ nyi ma nub pa na rang gi khyim du 'ongs nas ngo dad 'dra bar gnyid log pas nyal bar gyur pa'o//
 yang tho rangs langs nas dman pa'i las de nyid la sbyor ro/ /gyur ces pa'i sgra ni tshig gi rgyan yin te/ 'das pa'i don yul yin pa'i phyir ro/ /'dod pa can 'ga' zhig de ltar che 'dus byas pas skyel bar
 byed kyi 'dod pa'i bde ba'i ro ni myong ba ma yin no/ /gzhan bstan pa'i dbang du byas ste/ tshar gcod ces pa la sogs pa gsungs te/ kha cig ni sngar gyi rnams las gzhan ngan pa la chags pa can yin te bstan pa po zhes pa'i
 don to/ /tshar gcod bgrod pa la sogs pa rnams kyis gzhan gyi dpung las rgyal ba'i don du bgrong pa ste/ 'gro ba 'am/ gzhan gyi yul gyi nor blangs pa'i don du 'gro ba'o/ /de la sogs pas gang dag mgron du btang ba la
 sogs pa rnams mthar gyis yul gzhan du bgrod pas nyon mongs pas yongs su dal ba yin la/ des sdug bsngal gyis yongs su gdung ba can yin no/ /rnam pa thams cad du de ltar gyur pas khyud kor los kyang ste du mar zad par
 gyur kyang bu dang chung ma mi mthar ste spyod yul du ma gyur to/ /'dod bzhin du zhes pa ni des bu dang chung ma la sogs pa rnams don du gnyer bas/ de la 'dod pa rnams yin la ste de'i don nyid gzhan sten pa la sogs pa khas blangs
 pa'o zhes pa'i don to/ /kye ma 'di rnams 'bras bu med par nyams su len pa yin no zhes shin tu mya ngan mdzad par bdag ni zhes pa la sogs pa gsungs te/ bdag nyid 'dod pas bslus pas gang gi don te bde ba thob pa'i rgyu
 mtshan du btsongs shing gzhan gyi dran byas nas/ de ma thob pa ni med pa de ma thob pa yin la/ tshe'i 'du byed pa nyid kho na da ni med par gzhan gyis las nyams su len par zad par byas pa ste/ legs pa'i las 'ga' zhig
 la ni sbyar ba ma yin no zhes pa'i don to/ /bde ba thob par 'dod pas zhugs pa rnams slar sdug bsngal de nyid la 'di rnams lhung ngo zhes bstan pa'i phyir/ la la zhes pa la sogs pa gsungs te/ gang gi bde bar spyad par 'dod pas gzhan
 rnams la btsongs te gzhan gyis dbang du byas pa yin te / rang gi lus gang yin pa de la de skad ces bya ste/ de ltar gzhan de rnams kyis yin no zhes pa'i don to/ /de nyid kyi phyir rtag tu skul ba byed pa'i ngang chul can dag bdag po gzhan pha rol
 po'i dgos pa la 'gro ba na bud med rnams lam nyid du bu byung bar 'gyur ro/ /shing drung dgon sogs bab bab ces pa la/ sogs pa'i sgras ni ri'i phrag gam chu klung gi 'gram la sogs pa dka' ba'i gnas rnams su'o/ /de rnams la gzhan
 phyin ci log 'di yang yod pa ma yin no zhes bstan par 'dod nas/ 'dod pas zhes pa la sogs pa gsungs te/ rang gi dngos po btsongs nas mche ba bzhi 'khrigs pa'i yul du 'jug go/ ji lta bur gyur pa cig ce na/ srog stor
 dogs bzhin pas te/ der zhugs pas na gson par 'gyur ram mi 'gyur zhes stor dogs pas 'di ltar byas nas so/ /'dir rnyed pa thob pas 'tsho bas rgyur brtags shing 'tsho bar bya'o zhes pa'i tha tshig go /khengs phyir bran du 'gro
 bar byed ces ba ni stobs dang ldan pa 'ga' zhig gis gnod pa byas pa'i dus su rang gi nga rgyal dbyung ba'i phyir sor mo bcad pa dang/ dus kyi tshad 'dzin pas bsnyen pa khas len pa'i phyir ro/ /rmongs pa ni shes rab kyi mig gti mug
 gi mun par byas pa'o/ /de gang yin zhe na / 'dod pas bslus pa rnams te 'dod pa'i ched du 'am 'dod pas bglus pa te sbyos pa'o/ /'dod pa la zhen pa'i sems dang ldan pa rnams la skye ba 'di nyid la'ang sdug bsngal mthong ba de
 bstan pa'i phyir 'dod ldan zhes pa la sogs pa gsungs te/ gzhan gyi chung ma dang nor 'phrog pa la sogs pa'o/ /lhag ma ni go sla'o/ /gzhan yang 'di bde ba sgrub pa nyid kyis nor len par byed pa na yang don
 med pa rgyud pa skye bar 'gyur ba'i rgyu nyid do zhes bstan par 'dod nas/ bsags pa dang zhes pa la sogs pa gsungs te/ sog pa ni med pa la sogs par byed pa'o/ /bsrung ba ni dka' bas bsags? pa de yang chu dang me la sogs pa chus
 za bar byed pa lnga las yongs su skyod bar byed pa'o/ /shin tu dka' pa de ltar srung ba yang brgyal rkun ma la sogs pa rnams kyis brlag par byed pas gdung zhing yid mi bde ba sdug bsngal ba'i rgyu ni phung khrol yin la de nyid don med pa rgun?
 pa'i rgyu yin pa'i phyir rgyu la brtags nas nor nyid phung khrol du brjod do/ /bsags pa la sogs pas rtag tu rnam par g.yengs pa'i phyir dang/ nor la zhen pa'i sems kyis skad cig tsam yang ting nge 'dzin la btang ba'i skabs
 med pa'i phyir 'khor ba la brten pa'i skye ba la sogs pa'i sdug bsngal las grol pa'i skabs med de/ /rtag tu de la yid zhugs pa nyid kyis tshe'i 'du byed zad pa'i phyir ro/ /'di thams cad mjug bsdus nas 'dod pa la zhen pa
 yongs su spangs pa'i ched du skyo ba'i gtam gyis sgro bar byed pa/ 'dod ldan rnams la zhen pa la sogs pa gsungs te/ de lta bu ni brjod pa'i rnam pa la blta bo/ /nyes dmigs ni phung khrol yin te mang ba ni rnam pa du ma yin
 la/ 'dir bde pa bskyed par byed pa ni gtam tsam yang med de/ de ltar na yang phyin ci log pas brgya zhig la 'di ni bde ba'o zhes snang ste/ de ltar na gyi na'o/ /shin tu lci pa'i khur gyis mnan pa bas ngal ba'i lus dang
 ldan pa'i phyugs rtsa cung zad tsam 'dzin pa bzhin du shin tu gsog gyur cing mnog chung ba'i bde ba'i cha 'di lta bur gyur pa de phyugs dang yang thun mong pa gang yin pa de'i don du ste/ de'i rgyu mtshan dal 'byor phun sum tshogs pa ste mi khom pa brgyad las
 grol ba 'di bcom zhing nyams par byas te/ don med par byas so zhes pa'i don to/ /khyad par ji lta bu zhe na/ rnyed dka' ba yin te bshad zin to/ /gang gis zhe na/ las kyis mnar ba ste /las ni mngon gyi las yin la /
 nges mnar ba'i ni phan pa dang mi phan pa shes pa la phyin ci log pa'i blo yin te rmongs pas byas shes pa'i don to/ /'di dngos po la ni spyo ba'i tshig yin te bskal pa mnar ba nyid du brjod do/ /nges par 'jig cing chung bar gyur pa zhes pa la sogs
 pa tshigs su bcad pa gnyis kyi phyin ci log gi ngo bo nyid du ston par byed de/ nges par 'jig cing zhes pa ni mi brtan pa'i rang bzhin yin la chung ba ni 'jig rten las 'das pa la bltos nas yin te/ shin tu khyad zhugs pas chung ba yin no//
 dmyal ba la sogs par ltung byad cing zhes pa ni dpag tu med pa'i sdug bsngal bsten pas rang gi bde ba bskyed pa la yang nus pa med do zhes bya ba'i don to/ /lus ni rang gi lus te 'di'i don ni bde ba skyed pa ni ched du'o/ /gang 'di
 ni dmyal ba la sogs pa'i sdug bsngal ma bcis par byas pa ste dus thams cad du 'khor bar sngar byas pa'i bye bar yongs su ngal zhing nyon mongs pa yin la/ de las te bye ba'i brgya'i cha yongs su ngal bas sangs rgyas nyid du
 'gyur ba/ de la bltos nas shin tu chung ba'i cha yis sangs rgyas nyid 'thob ste/ de ltar na de'i don du blo gros dman pa rnams sbro bar mi byed do zhes pa'i don to/ /'on te byang chub kyi spyad pa spyod pa yang dga' ba brgya yis rtsom par
 phyir shin tu sdug bsngal stong phrag du ma skyed pa'i phyir ro zhe na/ 'dod ldan zhes pa la sogs pa gsungs te/ gang zhig 'dod pa'i don du 'khor bar spyod pa ni byang chub spyod pa'i sdug bsngal la bltos nas
 'di nyid sdug bsngal shin tu chen po yin te/ de rnams mnar med par ltung bar byed pa'i phyir dang/ gzhan gyi dbang gis yun ring por nyams su myong ba'i phyir la/ byang chub sems dpa' rnams la ni dus so sor nges par rang nyid 'dod
 pas nyams su myong pa nyid yin pas na de lta ma yin no/ /de ltar na gang byang chub sems dpa' rnams gzhan gyi don du sdug bsngal nyams su myong ba de ni byang chub tu 'gyur ba yin la/ 'dod pa dang ldan pa rnams kyis 'dod pa'i don du sdug
 bsngal myong pa ni byang chub tu 'gyur ba ma yin no zhes pa'i don to/ /yang khyad par du 'dod pa'i rgyus sdug bsngal ba nyid du bstan pa'i phyir/ dmyal sogs zhes pa la sogs pa gsungs te/ mtshon la sogs pa 'di rnams sdug bsngal
 bskyed par byed pa'i rgyu nyid du rab tu grags pa dang/ 'dod pa rnams mtshungs par 'gyur ba ni ma yin no/ /ci'i phyir zhe na/ dmyal ba la sogs pa ngan 'gro'i sdug bsngal lung las bshad pa dran pa las te/ dran pas yul du
 byas pa las so/ /mtshon cha la sogs pa/ yang dus nges par 'chi ba la sogs pa 'di rnams sdug bsngal skyed par byed pa po yin la/ 'dod pa ni dus yun ring por dmyal ba la sogs pa'i sdug bsngal mi bzang pa'i rgyu rnams yin te/
 ji lta bur de rnams kyis dper 'gyur/ 'di ltar lus rnams par dben pa'i rjes la sems rnam par dben pa brjod nas/ skabs su bab pa la sbyor? ba'i ched du/ de ltar 'dod pa zhes bya ba la sogs pa gsungs te/ 'dod pa
 ste 'jigs pa'i rgyu rnams so/ /de ltar brjod pa'i rim pas skyon zhing skrag par byas nas sngar brjod pa'i dben pa'i dga' bar mngon par dga' ba bskyed par bya'o/ /gang du gnas nas bya zhe na/ de gsungs pa/ rtsod pa dang/ zhes pa la sogs
 pa gsungs te/ 'gran zla med pas de rtsod pas stod pa dag yin la/ stag dang ri dags dang sbrul dang rkun ma la sogs pa dang bral bas dga' ba yin no/ /de'i phan yon skal ldan zhes pa la sogs pa gsungs pa la/ skal ldan ni
 legs par spyod pa rnams yin la/ zla ba ni zla ba nyid yin?/ /'od ni 'od zer yin te/ de nyid dkar zhing bsil bar chos mthun pas tsan dag yin la/ gang rlung bsil ba rnams dang ldan pa'i rdo leb de rnams la 'chag par
 byed ces pa dang 'brel to/ /khyad par ci lta bu dang ldan par zhe na/ nyams dga' bar te/ rang bzhin gyis gtsang zhing dag pa rtsub pa la sogs pa'i nyes pa dang bral ba rnams so/ /yongs pa'i rdo leb khang bzangs ni khang bzangs
 dang 'gra ba ste langs pa rnams so/ /ji lta bur gyur pa'i dam par 'chag par byed ce na/ sgra med pa ste/ mi mthun pa'i sgra dang bral bas so/ /zhi ba ni rtsub pa ma yin pa bde ba'i reg pa dang ldan pas zhes pa'i don to/ /nags kyi
 rlung ni g.yob? par byed pa'i rlung ngo/ /'chags par byed pa ni yang dang yang du dal bas 'chag pa'o/ /'chag pa tsam 'ba' zhig ni ma yin te / 'on kyang gzhan la phan pa'i ched du sems can rnams la bde ba skyed pa'i sems pa'ang
 yin no/ /rnal 'byor pa rnams kyis ni 'di thams cad 'bad? pa med par 'grub pa yin la/ 'dod pa can rnams kyis ni 'bad pas bu sgrub par bya ba yin no/ /de ltar na 'dis ni rnam par dben pa'i bde ba dbang byug gi bde ba las kyang
 khyad par du 'phags par bstan to/ /dben par gnas pa rnams la bde ba thun mong ma yin pa gzhan 'di yang yod par bstan pa'i phyir/ /bang? stong zhes pa la sogs pa snos te go sla'o/ /rang dbang spyod cing zhes pa
 la sogs ba ni bshad pa nyid kyi don gsal bar byed de/ bdag ni rang nyid yin la rang dbang du spyod ba ni 'dod pa yin te/ des rang dbang du spyod pa'i dang tshul gang la yod pa de ni rang dbang du spyod pa zhes pa'i don to/ /de ltar rnam par dben
 pa'i yon tan na bshad de skabs su bab pa bshad par 'dod nas/ de las zhes pa la sogs pa gsungs te / de las zhes bya ba ni sngar brjod pa'i rim pa ste / sogs pa'i sgras ni gzhan yang de ltar yin la/ rnam pa yis zhes pa ni lus
 dang sems kyis rnam par dpen pa yin la/ yon tan bsgom pa ni 'di ltar yang bde ba phun sum tshogs pa thams cad kyi rgyu ni bde ba yin no zhes sems la yang nas yang du mngon du byas pa'i rgyus so/ /rnam par rtog pa'i rgyu nye bar
 zhi ba ni gang gi dam pa ma yin pa'i yid la byed pa de ltar gyur ba na byang chub kyi sems bsgom par bya ste/ 'di ltar sems yongs su byang bsgom pa na byang chub kyi sems phul du phyin pa'i go 'phang skye bar 'gyur ro zhes na'i sgras khyad
 par ston to/ /de la re zhig gcig du gzhan du bdag nyid ma byas pa de srid du gzhan la phan pa dang bde ba'i sems phun sum tshogs par mi 'gyur te/ bdag tu 'dzin pa ni bdag nyid la khyad par du 'jug pa'i phyir ro/ /de'i phyir
 'di bzlog par? bya ba'i ched du dang por te thog mar bdag dang gzhan du mnyam pa bsgom par bya ste/ phyi nas ni bdag dang gzhan du bde? ba'o zhes pa'i don to/ /'di ltar zhes pa ni 'chad par 'gyur ba'i tshul gyis so/ /'bad pas
 zhes pa ni mngon par zhen pa chen pos so/ /bde ba dang sdug bsngal mnyam pas zhes pa ni de nyid kyi snam pa ston pa yin no/ /bdag las 'di dag la khyad par cung zad kyang yod pa ma yin te/ gang las ji ltar bdag sdug bsngal zhing gnod pa de
 bzhin du 'di rnams la yang ngo/ /ji ltar bdag gi bde ba yongs su bzung ba ste/ de bzhin du 'di rnams la yang zhes srog chags thams cad la bde ba dang sdug bsngal mnyam par 'gyur ba yin te/ de'i phyir bdag bzhin du bdag gis bskyang
 bar bya ste/ dper na bdag sdug bsngal dang sdug bsngal gyi rgyu las 'byin pa de bzhin du sems can gzhan yang gdon par bya ba dang dper na bdag nyid rnam pa thams cad du bde bar 'dod pa de bzhin du gzhan yang bdag bzhin du yongs su bsrung
 bar bya'o/ /'o na bdag nyid las 'gro ba du ma'i rnam pa tha dad pa'i sems can rnams gcig tu 'grub par mi 'gyur ba ma yin nam/ bde ba dang sdug bsngal ba tha mi dad par yang ji ltar 'dod par 'gyur zhe na/ 'di la lag pa la sogs pa/
 zhes pa la sogs pa gsungs pa la/ lag pa dang rkang pa dang mgo po la sogs pa dbye ba rnam pa mang po ji ltar lus gcig tu zhen pas yongs su bsrung bar bya bar 'gyur te/ sdug bsngal las bzlog pa'i phyir dang/ bde pa la bstong pa'i phyir ro//
 de bzhin du 'gro ba ste sems can gyi 'jig rten tha mi dad cing gcig pa nyid du zhen pas bdag gis yongs su bsrung bar bya ba nyid du 'gyur ro/ /bde ba dang sdug bsngal tha mi dad par yang gi sgra mi mngon par byas pas ston to/ /de ltar lag
 pa la sogs pa'i dbye ba bzhin du 'di thams cad ces te rnam pa mang po'i 'gro pa'i bye brag tha dad pa yang ngo/ /bsam pa ni 'di yin te/ lus po 'di la gcig pa nyid med kyang ji ltar goms pas gcig tu zhen pa de bzhin du 'gro ba rnams
 pa dum las yang yin te/ khyad par cung zad kyang med do/ /'di de ltar gyur na gal te khyed dang lhan cig tu 'gro ba gcig gi rang bzhin yin ba de'i tshe ji ltar khyed kyi sdug bsngal gzhan gyi rgyud la gnod par
 mi 'gyur la/ de bzhin du bzlog pa la yang sbyar bar bya'o zhes dogs nas/ gal te gzhan gyi lus zhes bya ba la sogs pa gsungs te/ gal te gzhan gyi lus te gzhan gyi lus bo dag la bdag gi sdug bsngal gal te gnod par ma
 gyur pa de ltar na yang sdug bsngal de nyid bdag gi yin no/ /ci'i phyir zhe na/ bdag la chags pas bzod par dka' ba yin te mi nus so zhes pa ste 'di ni gtan tshigs kyi tshig yin la/ cha'i sgo nas 'jug na yang sdug bsngal gyi
 rang bzhin nyid mi 'dor ro zhes pa'i don te/ /de bzhin du bzlog pa yang bshad par bya'o/ /de'i phyir rang dang gzhan gyi khyad par dor nas sdug bsngal gyi rang bzhin nyid du bzlog pa'i gtan tshigs bdag gis zhes pa la sogs pa
 gsungs pa la/ gang sdug bsngal yin pa de bdag gis bsal bar bya ste/ bdag gi sdug bsngal bzhin no/ /sems can gzhan gyi sdug bsngal 'di yang sdug bsngal yin pas zhes pa ni rang bzhin gyi gtan tshigs kyi sbyor
 pa yin te/ sdug bsngal gyi rang bzhin tsam 'byung bar 'gyur ba spang bar bya ba nyid do/ /gtan tshigs ma grub pa yang ma yin te sdug bsngal gyi rang bzhin nyid du khyad par med par bsgrubs pa'i phyir ro/ /ma nges pa yang ma yin
 te/ khyad par med pa'i phyir bdag gi sdug bsngal yang spang bar bya ba ma yin par 'gyur ro zhes ba ni bzlog na gnod pa can no/ /'di nyid kyi phyir 'gal ba yang ma yin no/ /de bzhin du sbyor pa gzhan 'di yang yin te / gang
 sems can yin pa de thams cad la bdag gis phan par bya ste/ ji ltar sems can bdag nyid bzhin no/ /srog chags gzhan yang sems can yin pa zhes pa ni rang bzhin gyi gtan tshigs nyid de/ sems can gyi bdag nyid tsam 'byung bar
 'gyur la phan gdags par bya'o/ /'di yang ma grub pa ma yin te/ sems can gyi bdag nyid kyi phyogs grub pa'i phyir ro/ /bdag nyid la yang phan mi 'dogs par thal bar 'gyur bsam nges pa yang ma yin la/ sngar bzhin du
 'gal ba yang ma yin no/ /sdug bsngal las mngon par zhen pa zhes pa bdag dang gzhan la khyad par yod pa ma yin nam/ de'i phyir de ltar na gtan tshigs ni ma nges pa yin no zhe na/ gang tshe bdag dang zhes pa la sogs pa gsungs pa la/
 bde pa ste dga' ba 'dod par mtshungs shing mnyam pa nyid la de bdag dang gzhan la khyad par ci yod de cung zad kyang med do/ /gang gi phyir bdag nyid la bde pa bskyed par bya ba'i phyir brtson la gzhan la ma yin zhes pa'i don to/ /gtan tshigs dang
 po la ma nges pa nyid spang ba'i phyir gang tshe bdag dang zhes pa la sogs pa gsungs te/ 'jigs pa ni sdug bsngal gyi rgyu yin la/ gzhan min zhes pa ni gzhan la ma yin pa'o/ /de ltar gyur na yang sdug bsngal gcig gi bdag
 nyid du khyad par med par gyur pa de lta na yang/ gang la sdug bsngal gyis gnod pa de nyid kyis bsrung bar 'os kyi gzhan gyis ni ma yin no zhe na gal te de la zhen pa la sogs pa gsungs te/ gzhan de'i sdug bsngal gyis bdag la
 gnod? pa dang gdung ba med pa'i phyir rgyu 'di yis gal te gzhan mi bsrung na gzhan 'di nyams par 'gyur te/ gang gi phyir ma 'ongs pa ste 'jig rten pha rol gyi lus dmyal bar skyes pa'i sdug bsngal gyi bdag nyid 'dir skyes pa'i
 lus po 'di la cung zad kyang gnod par mi srid de/ de gzhan yin pa'i phyir ro/ /de zhes pa ni 'jig rten pa'i brjod pa'am de'i don to/ /gang gi phyir de ltar yin pa de'i phyir bsams pa gang gis
 'dir bsrung ba lus kyi rang bzhin yin pa'i phyir te/ sdig pa las ldog pa'i phyir dang dge pa la 'jug pa'i phyir ro/ /bdag ni dus thams cad du gcig yin te/ lus dag la tha dad pa yod pa ma yin la/ de'i phyir nyes pa 'di
 med do zhe na/ bdag gis zhes bya ba la sogs pa gsungs te/ bdag ni 'gegs par 'gyur pa'i phyir dang/ cung zad bkag pa'i yang phyir gang zhig da'o zhes rtog pa'i yul du 'gyur/ de'i phyir da'o zhes shes pa'i yul gang
 la yang gcig ces pa med pa'i phyir zhen pa'i rnam par rtog pa 'di ni log pa'o/ /bdag nyid de'i tshe yang zhes pa ni 'di srid pa gzhan yin la/ sgyu ma lta bu nye bar len pa'i phung po lnga tsam dmigs pa'i phyir ro/ /'di yang
 zhe na pa'i dbang gis brjod pa yin te/ yang dngos po la ni dmigs pa cung zad kyang yod pa ma yin te rnam par rtog pa'i bdag nyid yin pa'i phyir ro/ /yang 'di ci'i phyir rnam par rtog pa log pa yin zhe na/ 'di ltar
 shi ba zhes pa la sogs pa gsungs te/ bdag cig tu phung po lnga po tsam nyid yin la/ gang gi tshe bdag la sogs pa 'ga' zhig 'jig rten pha rol tu 'gro par srid pa ma yin pa de'i tshe des? par phung po lnga po de 'di nyid du 'jig
 par 'gyur pa ni ma yin te/ de nyid 'jig rten pha rol tu skye par 'gyur ro/ /'on kyang snga ma 'gags nas des rkyen 'dis khyad par du gyur pa'i las dang nyon mongs pas 'dus byas pa bar mdo'i srid pa sngar med? pa'i
 rgyud bskyed par 'gyur te/ de'i phyir thog ma med pa'i 'khor ba nas 'jug pa'i log pa'i rnam par rtog pa la goms pa'i bag chags kyi dbang la sogs pa'i rkyen gyis phyin phyin ci log pa nyid skye bar 'gyur ro/ /gzhan yang gnod par byed
 pa gzhan 'di yin no zhes gang gi tshe zhes pa la sogs pa gsungs te/ gang gi tshe 'byung bar 'gyur ba'i lus kyi sdug bsngal bsrung pa'i don re shig zhog la/ 'dir lus po gcig la yan lag tha dad pas sdug bsngal tha dad pa
 yin te/ de'i phyir gang gzhan gyi sdug bsngal gzhan gyis bsrung ba la 'bad par mi rigs na/ rkang pa la sogs pa la 'phangs pa gang zhig mthong ba na ci'i phyir lag pa la sogs pas skyong bar byed de/ gzhan nyid du khyad par med pa'i phyir 'di rigs
 pa ma yin no zhes pa'i don to/ /'on te 'di rigs pa yin na yang lus po 'di la bdag gir 'dzin pa ste/ bdag ces pa bdag tu 'dzin pa las bdag med kyang 'jug par 'gyur te/ rkad pa la sogs pa la bsrung ba'i yid la
 byed ba 'byung bar 'gyur ro zhe na/ 'di yang legs pa ma yin t+te/ ji lta gang mi rigs pa ste rigs pa dang mi mthun pa de bzlog par bya ste/ bdag dang gzhan gyi yang bsal bar bya ste / nan gyi ni nus ba ci lta bar ro/ /nus
 pa dang bral bas ni 'dir btang snyoms nyid du bya bar rigs so zhes ba'i don to/ /gal te bdag la sogs pa med par gyur pa de lta na yang rgyud ces pa gcig yod pa yin te/ de bzhin du lag pa dang rkang pa la sogs pa mang po rnams la
 yang tshogs pa'i lus gcig yod pa yin la/ gnyis po 'jig rten 'di dang 'jig rten pha rol tu ji ltar srid par bdag sdug bsngal khyer bar byed par la sogs pa'i nges par byed par 'gyur te/ de'i phyir khyad par ci zhig yod
 ces pa'i gtan tshigs ma grub pa yin la/ snga ma ni ma nges pa yin no zhes dogs nas rgyu dang? zhes pa la sogs pa gsungs te/ rgyud ces pa 'ga' zhig don dam par srid pa ma yin te/ 'on kyang rgyu
 dang 'bras bu'i dngos po 'dug pa skad cig brgyud pa'i rgyun gyi rang bzhin nyid 'di yin te/ de la tha dad pa de ma dmigs pa'i phyir ro/ /de'i phyir skad cig ma 'di rnams tshig gcig gis blo'i tha snyad bya ba'i don du rgyud ces brngar? byas pa
 yin te/ de ltar na 'di ni brtags par yod pa nyid yin la/ des na 'dir mngon par zhen pa spang par bya ste/ gzhan du na gang gis khas mi len par 'gyur ba bdag gis gnod pa ci zhig gis byas/ de bzhin du tshogs pa
 can la sogs pa'i dngos po gcig bur gyur pa yod pa ni ma yin te/ de rnams las de tha dad par ma dmigs pa'i phyir la?/ de nyid dang gzhan du brtags pa'i cha shas kyi rnam par dpyad pas mi gnas pa'i phyir 'dir brjod par
 mi bya ste/ de'i phyir 'di yang sngar bzhin du kun rdzob tu yod pa nyid do/ /'di bdag go rim gyi lta bar dper brjod pa/ phreng ba ma dmigs zhes pa la sogs pa gsungs te/ rgyud ni phreng pa bzhin du yin la/ tshogs pa ni
 dmag la sogs pa bzhin yin pa la sogs pa'i sgras phred ba dang/ nags la sogs pa gzung do/ /ji ltar grog mo la sogs pa du ma 'di rnams snga phyi'i rim pas gnas pa rnams la rang gi ngo bo las ma gtogs pa me tog
 brgyus pa bzhin du rgyud gcig ni yod pa ma yin no/ /gang gi tshe glang po che dang rta dang rkang thang la sogs pa bsdus pa rnams las tha dad pa'i dmag la sogs pa gzhan cung zad cig kyang der yod pa ma yin te/ de bzhin du 'tshogs
 pa'ang yin la 'di yang gzhan du rgyas pas dpyad pas 'dir dpyad par mi bya'o/ /de'i phyir shes pa 'di ni brdzun pa yin te/ rtag tu dngos por dmigs pa dang bral ba'i phyir dang don la dpyad mi bzod pa'i phyir ro/ /de de ltar na bdag la sogs pa
 bdag po gang yang med pas gang dang 'brel pa'i sdug bsngal la sogs pa yang med do/ /de'i phyir sdug bsngal de'i bdag por gang zhig 'gyur te gang yang ma yin no zhes pa'i don to/ /gal te bdag la sogs pa med na de'i tshe bdag sdug bzhin zhes
 pa dang/ /sems can yin phyir bdag lus bzhin zhes bya ba'i dpe ji ltar 'thad ce na/ 'di ni bden te 'on kyang phongs pa'i sgo nas sgrub par byed pa ni ma yin te/ 'on kyang gzhan la bdag tu 'dzin pa'i mngon par zhes pa spang bar bya ba'i don du
 yin te/ gal te gzhan gyis bdag du 'dzin pa'i mngon par zhen pa de ldog pa nyid du yin pa de'i tshe rjes su dpag pa'i sbyor pa la dgos pa cung zad kyang yod pa ma yin no/ /'on te ma log pa de'i tshe bsam pa nyid kyis rang gi cha dang gzhan gyi
 char byas te rtogs par bya ba'i don du sgrub par byed pa dang dpe dgod par bya ba ste/ de ltar na dpe ma grub pa ma yin te/ tha snyad la 'jug par bya ba'i don yin pas so/ /gzhan yang zin pa'i phung po nyid la dgongs nas dpe mdzad pa la nyams
 cung zad kyang med pas 'di nyid du bdag gi sgra 'jug pa mdzad do/ /da ni skabs su bab pa bsdu bar bzhed nas/ sdug bsngal dpag tu med pa zhes bya ba la sogs pa gsungs pa la/ gsungs pa'i rim pas gang rnams la bdag po med pa zhes pa'i
 tha tshig sdud pa yin te/ bdag gi ba ma yin pa gang dang yang 'brel ba ma yin no zhes pa'i don to/ /gang cung zad thams cad nyid kyis ma yin no zhes khyad par du byed de/ gang tu yang gang gi yang bdag gi ba nyid yod pa ma yin la 'di las khyad
 par yod pa ma yin pa'i phyir sdug bsngal nyid bdag dang gzhan gyir dbye ba ma byas par bzlog par bya ba nyid du 'gyur la de la bdag gi ba la sogs pa rgyu mtshan gzhan ni bod ma yin te nges na gng gis nyid ni bzlog par bya ba
 yin la/ gzhan dag gi ni ma yin zhes pa 'di nges par 'gyur bar gang gis byas te khyad par gang gis byas/ de ltar na sdug bsngal nyid kyi phyir zhes bya ba'i gtan tshigs nges pa ma yin no zhes smras pa yin no/ /ci ste sdug bsngal can 'ga' 
 zhig kyang 'khor ba na/ gal te yod pa yin na/ de lta na sdug bsngal bzlog par bya ba ma yin pa nyid du 'gyur te/ snying rje'i zhing sdug bsngal can 'ga' yang yod pa ma yin pa'i phyir zhes dogs nas/ ci'i phyir sdug bsngal zhes bya ba
 la sogs pa gsungs te/ bzlog par bya ba ma yin pa nyid yin te/ bdag med pa'i phyir ro zhes gsal te sems na/ de'i tshe 'dir rigs pa ma yin pa ma yin no/ /ci'i phyir zhe na/ thams cad rtsod med phyir te/ rgol ba thams
 cad la rtsod pa med pa'i phyir la sogs med par rtogs pa med pa'i phyir ro/ /tshu rol mdzes pa yang 'dir rang gi sdug bsngal spong bar zhugs pa'i phyir ro/ /de rnams kyis bdag khas blangs pa nyes par ma gyur ba ni ma yin te/ de'i
 rang bzhin ma dmigs pas so/ khas blangs pa tsam gyi sgo nas de yod par grub pa ni ma yin te/ de la sgrub par byed pa med pa'i phyir dang/ gnod pa byed pa du ma brjod pa'i phyir ro/ /de ltar na sdug bsngal thams cad bzlog par bya
 ba yin pa de'i tshe thams cad bzlog par bya'o/ /gal te bzlog par bya ba ma yin na de'i tshe bdag nyid kyang zin pa'i phung po lnga'i rang bzhin gyi sdug bsngal ba yang bzlog par bya ba ma yin te/ thams cad bzhin du khyad par med pa'i
 phyir ro zhes mjug sdud do/ /ci ste thams cad kyis sdug bsngal bsal bar bya ba'i phyir brtson pa snying rje gzhan gyi dbang du gyur pas gzhan sdug bsngal bas sdug bsngal ba yin pa de lta na lhur sdug bsngal thams cad kyi rgyu de nyid dang po nyid du bskyed par bya
 pa nyid sbyar bar mi rigs so zhes gzhan gyi tshiD gis doD par byas nas/ snying rje zhes pa la sogs pa gsungs te/ nan gyis zhes pa ni rtsol bas so/ /'dir lan gsungs pa/ 'gro ba'i sdug bsngal ba la sogs pas byas pa'i rnam pa
 mang po bsam par byas na snying rje byas pa'i sdug bsngal 'di ci ltar mang ste/ snying rje can gyi sdug bsngal ni mang ba ma yin no zhes dgongs so/ /gzhan yang lan 'di yang yod do zhes/ /gal te sdug bsnal gcig gis zhes pa la sogspa
 gsungs te/ skye sbu gcig gi sdug bsngal gyis gal te sems can mang po rnams kyi sdug bsgnal med par 'gyur zhing bzlog par 'gyur na de'i de lta bu'i sdug bsngal bskyed pa bya zhing bsgrub par bya'o/ /snying rje'i bdag nyid can gyi dam
 pas rang dang gzhan gnyi ga'i sdug bsngal bsal bar bya'o/ /brtags pa ni ma yin no zhes brnyed pa'i phyir/ des na zhes bya ba la sogs pa gsung te/ /gang gi phyir snying rje can gyis rang bzhin gyi sdug bsngal nyid bskyed par bya
 ba nyid de/ de'i phyir byang chub sems dpa' me tog zla mdzes kyis rgyal po nyams pa ste rgyal po'i nyams pa'am rgyal po las nyams te shes shing go yang ngo/ /bdag gi sdug bsngal ma bsal ba ni ma bzlog pa yin te/ /brtang snyoMs su
 byas pa'i tha? tshig go / de bzhin du rgyal po'i phyir ma'i sdug bsngal yang ngo/ /sdug bsngal can gyis mi zad byas pa ste/ sdug bsngal gyis zhes skabs su bab pa la drug pa'i mdza' can gyis 'brel to/ /gang ma tog zla mdzes kyi de
 lta bu byung ba'i las 'di ltar yang 'das pa'i dus na rin po che pad+ma'i rnam par dag pa mngon par 'phags pa'i rgyal po zhe bya ba'i de bzhin gshegs pa byung zhing rgyal po yang byun bar gyur pa na bcom ldan
 'das de yang sangs rgyas kyi mdzad pa mdzad cing yun ring du bzhugs nas yongs su mya ngan las 'das so/ /de'i che yongs su mya ngan las 'das nas bstan pa nub par gyur pa na rgyal po dpa' byin zhes bya ba byung bar gyur te/ de'i pho
 brang 'khor ni rin chen ldan pa zhes bya ba yin la/ de'i tshe de'i dus na sems can rnams blta ba log bar gyur to/ /de rnams la thugs brtse ba'i don du byang chub sems dpa' rab tu byung ba mang po byung bar gyur te yul 'khor dang
 grong rdal de las de rnams kyang bskrad nas chos smra ba me tog zla mdzes dang lhan cig tu kun tu bzang po zhes bya ba'i dgon pa'i nags khod? na brten cing gnas so/ /de nas yang byang chub sems dpa' me tog zla mdzes sems can
 rnams la snying rje'i bsams pas dben par nang du yang dag 'jog la zhugs te/ bdag gis grong? dang grong rdil? dang yul 'khor du song la sems can lam ngan par zhugs pa rnams dge ba'i lam la gzhag par bya'o zhes sems la rnam
 bar rtog pa skyes te/ tshangs pa mtshungs par spyod pa rnams la don de smras so/ /de rnams kyis bkag bar gyur kyang bdag nyid nyams pa dang rgyal po yang nyams bar shes bzhin du nags khrod de las byung bar gyur te/ rim gyis chos
 ston cing rgyal po de'i pho brang gi 'khor du phyin par gyur to/ /der rgyal po'i bu dang blon po dang mdun na 'dron la sogs pa sems can mang po rnams la ji ltar 'dul bar thabs rnams ba du mas yang dag ba'i lam la 'dzog? pa'i che
 rgyal po de rgyal po'i lam du mthong ba bzhin du khros te/ phrag dog gis bslang ba'i sems kyis 'dis skye bo thams cad rangs par byas so/ /snyam nas bsad pa'i don du rang gi bu rnams la bsgo ba dang/ de rnams kyang de gsod pa la phyir phyogs par
 gnas gsod pa'i gshed ma dga' byed la bka' bsgo ba'o/ /des kyang rgyal po'i bka' bzhin du byed bas lag pa dang rkang pa la sogs pa rim gyis bcad nas mig? dag kyang skam pas phyung ste srog dang bral bar byas so/ /de nas dge slong de/
 rgyal pa'i lam du srog dang bral ba'i lus las ngo mtshar rmad du byung ba du ma byung bde mthong nas dge slong 'di ni byang chub sems dpa' nyid do zhes rgyal pos cho nges byas nas yongs su gdung bar gyur te rnam pa du mas smre sngags 'don te/ de
 ltar me tog zla mdzes kyi de lta bu byung ba cung zad 'dir mdor bsdus nas brjod pa yin te/ yang rgyas par ni ting nge 'dzin rgyal po'i mdor bstan pas de nyid du rig par bya'o/ /pha rol sdug bsngal bas sdug bsngal ba'i snying rje
 can rnams ni sdug bsngal chen pos kyang gnod par 'gyur ba ma yin no zhes bstan pa'i phyir/ de ltar rgyud ni zhes pa la sogs pa gsungs te/ de ltar ni bdag dang gzhan du mnyam pa'o/ /rgyud bsgoms pa ni sems kyi rgyud lhun
 gyis grub pas 'jug pa'o/ /gzhan gyi sdug bsngal zhi zhing nyams dga' ba ste/ bde ba'i rgyu gang la yod pa de la de skad ces bya ste/ bdag gi bde ba yang gzhan gyi sdug bsngal bas sdug bsngal ba nyid gang rnams
 kyis yin pa zhes pa'i don to/ /de rnams mnar med par 'jug pa rnams ni gzhan sdug bsngal las gdon du sdug bsngal de nyid la bde ba sems pa rnams so/ /'di nyid 'dir pad+ma'i mtsho bu dang po ltar zhes gsungs te/ mnar med
 pa'i sdug bsngal yang bde ba nyid yin te/ gang rnams kyi gzhan gyi don du yin pas sdug bsngal gyi rgyu gzhan gang gis sdug bsngal bar 'gyur/ gzhan yang de rnams kyi bde ba yang thun mong ma yin pa nyid gzhan
 gyi sdug bsngal gyis skye bar 'gyur te/ de bas na bstan pa'i phyir sems can rnams ni grol ba na zhes gsungs te/ sems can rnams sdug bsngal gyi 'ching ba las grol bar byed pa yod pa la'o/ /gang yin de zhes pa ni de rnams nyid
 kyi nyams su myong bas grub pa'i phyir 'di tsam zhes brjod par nus pa ma yin la/ de nyid kyi phyir dga' ba'i rgya mtsho yin te/ mgu ba'i rgya mtsho snying rje dang ldan pa'i rgyud rnams la skye par 'gyur ro/ /dga' ba'i rgya mtsho de nyid kyis
 mthar phyin pa ni bde ba gzhan la phyir phyogs pa las yongs su thob pa ste bde ba thams cad spangs pa yin no zhes bya ba'i tha tshig go/ ci ste de nyid bde ba'i mthar thug pa ci ltar yin te/ gcig tu nyon mongs pa'i yongs su gdung ba
 nye bar zhi pas rnam par grol ba'i bde ba yin pa'i phyir shin tu lhag pa yin no zhe na/ ro bral thar pa zhes pa la sogs pa gsungs te/ thar pa yang de la ltos nas de rnams ro dang bral ba nyid du snang ngo/ /dgongs pa ni
 'di yin te/ gzhan la phan pa dang bde ba bsgrub pa nyid de rnams kyi ro'i mchog nyid kyis zhugs pa'i phyir de la mngon par zhen pa yin la/ snying rje dang ldan pa rnams la bde ba de nyid dgos pa yin gyi/ thar pa ni ma yin no//
 de gal te nyams su len pa la ched cher byed na thar pa yang mngon du gyur na yang gzhan gyi don de nyid la ched du gnyer ba ni ma yin no/ /gang gsungs pa/ 'gro ba ma lus rang bzhin mngon du mdzad gang gi/ /de bzhin gshegs
 pa nyid ni zhar la byung ba ste/ gzhan dbang gyur pa khyed kyi yon tan rnams las ni/ cung zad tsam zhig tshig gi brjod byed snyan dngags mkhan zhes so/ /gang gi phyir thar pa la rings pa med pa de'i phyir te/ rgyu 'di las gzhan gyi don byas
 kyang ste/ de la sems gzhol bar zhugs pas rlom sems dang rgyags pa ma yin la/ ngo mtshar ba yang med de dka' ba spyad pas rmad du byung ba'i blo yang de rnams la skye bar 'gyur ba ma yin te/ /bdag gis dam pa'i las byas pa 'di yi las
 kyi rnam par smin pa'i 'bras bu 'jig rten pha rol tu 'byung bar 'gyur ro zhes pa dang/ rnam par smin pa'i 'bras bu la 'dod pa yang skye ba ma yin to/ /'di'i rgyu gcig tu gzhan don la dga' bas zhes gsungs te/ gang gzhan gyi don
 rnams la gcig tu ste dgos pa gzhan la bltos ba med pas khyad par du shin tu dga' ba yin te de nyams su len pa la tshim pa med pa yin la rgyu des so/ /'dis ni bdag dang gzhan du mnyam pa'i 'bras bu'i skabs kyi khyad par de bstan
 par 'gyur ro/ /de ltar na zhar la byung ba de ltar brjod nas/ skabs su bab pa mjug pa sdu ba'i sgo nas bstan par bya ba'i phyir de pas zhes bya ba la sogs pa gsungs te/ gang gi phyir brjod pa'i rim pas bdag dang gzhan la khyad
 par cung zad kyang med pa bde bas na'o/ /chung du na zhes pa ni sdug bsngal gyi rgyu cung zad tsam ma snyan pa las kyang bdag bsrung zhing sba bar bya'o/ /de ltar gyur na yang bdag rang gzhan du mnyam par bsgrub pa zhes bya ba 'di nyams su blangs bar
 mi nus pa nyid yin la/ de bas kyang bdag dang gzhan du brje ba ni shin yang mi nus pa yin te/ de ji ltar na glangs par bya ba yin zhes na/ goms pa yis? ni zhes pa la sogs pa gsungs pa la/ de bzhin du brjod ba'i rim pas 'dir dngos
 po goms pa'i spyod yul du 'gyur ba ni dka' o zhes pa'i blo bskyed par mi bya ste/ gang gi phyir gzhan dag ste pa ma dang 'brel ba'i khu ba khrag gi thigs pa la lus zhes zhen pa rnams la goms pas bdag go zhes
 shes par 'gyur te brtan pa nyid kyi 'jug go /'on te bdag gi zhes shes pa'i rgyu mtshan gzhan yod pa yin te/ ci'i phyir 'dir mi 'thad ce na/ dngos po med par gyur kyang zhes pa la sogs pa gsungs te/ bdag la sogs pa'i dngos
 po rgyu mtshan du gyur pa med na yang goms pa 'ba' zhig /las de ltar sgom par byed pas gzhan la yang nges pa nyid du 'gyur ro/ /de nyid de bzhin zhes pa la sogs pa gsungs te/ bdag ces ci'i phyir mi gzung ste gzung bar bya ba nyid du
 shin tu nus pa yin la/ de'i rang bzhin nyid du rang gi lus grub pa nyid do/ /gzhan du na de dang mnyam pa nyid du yang mi 'gyur te/ de ltar na bdag dang gzhan du brje ba dka' bas bsgrub dgos pa ma yin no/ /de ltar bdag dang gzhan
 du mnyam pa bstan nas/ bdag dang gzhan du brje ba bstan par bzhed nas/ bdag nyid skyon bcas zhes bya ba la sogs pa gsungs te/ rtogs pa dang ldan pa rnams kyi yon tan dang skyon blang ba dang dor ba dag gi rgyu mtshan bdag dang
 gzhan la de ma phong nas blang ba dang dor bar bya ba dag bsgom zhing goms par bya'o/ /bdag lus yongs su ngor ba ni bdag nyid la gzhan du bya'o/ /gzhan blang ba zhes pa ni gzhan rnams la bdag nyid du'o/ /de ltar na 'dis
 bdag dang gzhan du brje ba'i thabs gzhan bstan par 'gyur ro/ /de ltar gyur na sems can rnams tha dad pa mang po rnams la ji ltar so sor bdag dang gzhan du brje ba bsgom par nus zhe na/ ji ltar lag sa la sogs pa zhes pa
 la sogs pa gsungs te/ gang ste yang lag pa la soD pa tha dad pa yin pa de ltar na yang lus su zhen pa'i yan lag nyid kyis su zhes de la gcig tu yul du byed pa de bzhin du 'gro ba yang ma lus pa gcig nyid du zhen pas de'i yan lag nyid kyis srog chags
 la 'gro ba zhes gcig nyid du de ci'i phyir mi 'dzin/ bdag dang gzhan du brje ba 'di la dka' ba'i blo gros mi bya ste goms pas thob pa yin no zhes bstan pa'i phyir/ ji ltar bdag med ces pa la sogs pa gsungs te /don bshad zin la bdag
 dang gzhan du brjes pa na 'jig rten pha rol tu 'bras bu la 'dod pa skyes pa ma yin na/ /gang dang 'dra bar zhe na/ bdag nyid kyi zas zos nas te/ sbyin pa 'dis bdag dang sems can longs spyod phun sum tshogs par gyur cig ces 'bras
 bu mi 'dod pa bzhin no/ /de bzhin du ni de ltar ro/ /de ltar na 'di goms pa'i yul nyid du bstan nas/ bzlog pa la goms par bya bar rang gi sems sbyar ba'i phyir/ de bas zhes pa la sogs pa gsungs te/ 'dod pa ni mngon
 par 'dod pa'i dngos po thob pa'i ched du gdung ba ste/ sems kyi chos yin pa'am lus kyi sdug bsngal yin pa ni dper na 'go ba'i nad lta bu'o/ /mya ngan ni sdug bsngal dang bral ba la sogs pas byas pa'i sdug bsngal lo/ /sogs
 pa'i sgras ni lus dang sems kyi sdug bsngal gzhan gzung ngo/ /de nyid dpe'i sgo nas bstan par bya ba'i phyir de bas mgon po zhes pa la sogs pa gsungs te/ de nyid kyi phyir bcom ldan 'das 'phags pa spyan ras gzigs dbang phyug
 gis rang gi mtshan yang byin gyis brlabs te/ 'phags pa spyan ras gzigs dbang phyug ces bdag nyid kyi mtshan nyid kyi brlabs pa dang ldan pa yin la/ 'khor gyi 'jigs pa ni skrag pa yin te/ sems bskums nas 'jug pa
 yin la/ spobs pa dang bral zhes pa'i bar du'o/ /'gro ba ni 'jig rten pa yin la de las 'jigs pa'am de nyid kyis 'jigs pa'o/ /de bsal ba'i phyir ni de spang ba'i don du'o/ /mtshan gang sems
 can 'ga' zhig sems mos pas kyang bdag gi ming 'dzin par byed na de la sdug bsngal thams cad rnam pa thams cad du 'byung bar mi 'gyur la/ 'o na 'khor gyis 'jigs shing skrag pa yang 'byung bar mi 'gyur ro zhes byin gyis
 brlabs so/ /gzhan yang dka' ba'i tshor ba la yang goms pas dga' bar 'gyur bas na bdag cag gis ldog par mi jigs pa nyid do zhes bstan pa'i phyir dka' las shes pa la sogs pa gsungs te/ 'di ni mi nus so zhes nas ldog
 par mi bya'o/ /ci'i phyir zhe na/ gang las goms pa'i stobs 'dir mthong ste/ gang gis thos nas 'jigs pa zhes pa ni rna ba'i lam du gyur na skrag pa dang 'jigs ba skye bar 'gyur ba la/ phyi nas rgyu cung zad thob pa las sdug par
 goms pa'i dbang gis 'jigs pa'i rgyu de nyid kyis med par gyur na mi dga' bar 'gyur ro/ /gzhan yang dgos pa 'di yang yod par mthong ba yin te/ de la gus pa'i sgo nas goms pa'i dbang du gyur par bya'o zhes bstan pa'i phyir/
 gang zhig bdag dang zhes pa la sogs pa gsungs te/ gang zhig myur zhing mgyogs pa nyid du sdug bsngal gyi 'jigs pa thams cad las bskyab cing bsrung bar 'dod pas de spyad par bya ste/ bdag dang gzhan du brje? pa'o/ /
 'di lta bur gyur pa zhe na/ gsang ba'i dam pa ste de'i rigs can ma yin pa rnams skrag pa'i rgyu yin pa'i phyir ram/ ma dad pa bsal ba'i phyir shin tu yang gsang bar bya ste/ gzhan du na de yis spangs pas de rnams ngan song du 'gro
 par 'gyur ro/ /gang bdag nyid skyon bcas zhes pa la sogs pa gsungs pa'i bdag dang gzhan gyi bdag nyid nyes pa dang yon tan de rnams rgyas par bstan pa'i phyir/ bdag lus zhes pa la sogs pa gsungs te/ brtag chags pas zhes ni
 bdag tu 'dzin pas bskyed pa'i mngon par zhen pas so/ /chung zhes pa ni 'kho gyi 'jigs pa skad cig ma cung zad las kyang ngo/ /'khor gyi 'jigs pa'i rgyu yin pas na 'jigs pa'am/ rnam par rtog pas brtags pa'i 'jigs pa'ang 'jigs
 pa zhes brjod do/ /'di lta bur gyur pa'i bdag nyid la sems dang ldan pa su zhig sdang bar gyur pa'i bdag nyid la sems dang ldan pa su zhig sdang bar mi byed de sdang bar bya bar bya ba nyid de zhes pa'i don to/ /de gang yin zhe na/ dgra bzhin
 du gang gis 'jigs pa bskyed par byed pa ste/ brjod pa'i rim pas dgra bzhin du gang zhig 'jigs pa skyed par byed pa'o/ /bsam pa ni 'di yin te/ dgra la yang sdang bar byed de/ sdug bsngal bskyed par byed pa yin pa'i phyir ro//
 de 'di la yang yod pas ci'i phyir mi 'jigs te/ 'jigs par bya ba'o/ /de la nyes pa gzhan yang brjod pa'i phyir/ dman gang zhes pa la sogs pa gsungs te/ dman pa ni nad pa yin la/ bkres ba ni bru ba tsha ba yin zhing/
 sgom pa ni btung ba 'dod pa yin la/ sogs pa'i sgras ni gos la sogs pa dang bral ba'o/ /'di rnams las gso ba'i chog ni spyir 'chos ba yin te/ nye bar zi bar byed pa'i tha tshig gam/ 'di dag gi phyir 'chos pa ste/ de gso
 bar byed par 'dod pa des gang zhig na ba'i zas dang sman la sogs pa'i rgyu mtshan gyis bya dang nya dang ri dag dag gsod par byed de srog dang bral bar byed pa'o/ /mkhas pa su zhig lus de la/ 'dod cing zhes pa la sogs pa 'chad bar 'gyur ba dang
 'brel to/ /lam skug par byed pas gnas te/ lam ma yin pa nas 'jug par 'gyur ba'i rkun mo nyid la brjod de/ gzhan gyi rdzas 'phrog par byed do zhes pa'i tha tshig go /de bzhin du pha dang ma yang
 ste de dag kyang bdag nyid kyi rnyed pa'i rgyu dang rim gro'i rgyus kyang gsod par byed de/ 'di dag gson pa'i don gyis rnyed pa'am bkur sti bdag gir gyur cig ces bsams nas gso bar byed do/ /dkon mchog gsum gyis ni
 sangs rgyas dang chos dang dge 'dun gyi bdag nyid kyi yin te/ dkor ni nor yin la/ brkus nas ni blangs nas so/ /sngar brjod pa'i rgyu mtshan du 'dir yang mkhas pa su zhig lus de la zhes bya ba dang 'brel to/ /gang
 gis te pa bsang pa la sogs pa byas pas mnar med pa la sogs pa'i mes de'i las kyis skyes pa ste sreg par 'gyur te/ 'di ni mtshon pa tsam yin la/ de las gzhan pa'i dmyal ba'i bud shing gis kyang sreg go /
 yang na dkon mchog gsum gyi dkor rku bar byed pa de rab tu tsha ba la sogs pa'i sdug bsngal yin te/ mnar med pa'i sdug bsngal dang 'dra ba'i phyir ro/ /'di ltar nyes pa 'di mthong ba nam mkhas pa ste/ rig pa dang ldan pa
 su zhig gi de 'di lta bu'i sdug bsngal thams cad kyi rgyu bdag nyid 'dod cing de la dga' pa'o/ /srung ba ste yongs su skyong ba dang mchod par byed pa ste/ rnyed pas mchod par byed/ 'di la dgra bzhin du lta bar mi byed de 'on
 kyang de bzhin du bde blag tu de lta bar rigs te/ sdug bsngal thams cad kyi rgyu yin pa'i phyir zhes zur gyis ston pa yin no/ /'di ltar spyod pa'i gnas la su zhig ste mkhas pa gang zhig brnyas par mi byed cing bsten par
 byed ces pa'i tha tshig go /de ltar bdag gi nyes pa brjod na/ bdag dang gzhan gyi nyes pa dang yon tan rnams bstan par bzhed pas/ gal te byin na zhes pa la sogs pa gsungs te/ dngos po 'di la rnyed nas mngon du gnyer ba
 yang 'ongs par gyur pa na de la ci 'di sbyin pa 'am 'on te sbyor par bya zhes rnam par rtog pas nges par byed do/ /gal te sbyin na de'i tshe ci zhig spyad par bya ste/ gzhan gyis rnam pa thams cad du dbang du byas pa'i phyir ro/ /
 de ltar na bdag gi don du ste rang gi bde pa bsgrub pa'i phyir gzhan la rgyab kyis phyogs pas 'jug par 'dod pa rnams yi dwags kyi 'gro bar gsungs pa yin te/ ser sna gtso bor gyur pa'i phyir ro/ /'di las bzlog pa
 gsungs pa ni gal te zhes pa ste/ 'on te gal te spyad na 'o na ci zhig sbyin par bya ste de'i dus la bltos nas da ltar byung? ba'i sgra'o/ /de'i phyir 'di ltar rang don la bltos pa med pa gzhan gyi bde ba bsgrub pa'i ched du zhugs pa rnams
 lha'i rgyal po ste lha'i dbang phyug go /de ltar gzhan la phan pa dang mi phan pa dag brjod nas gzhan dang bdag gi gnod pa dang phan pa dag gi skyon dang yon tan rnams ji ltar srid pa'i stan pa'i phyir/ bdag phyir zhes pa la sogs
 pa gsungs te/ bdag gi bde ba yid la byed pas lus dang ngag gi chad pa rnams kyi gzhan la gnod par byas nas dmyal ba la sogs pa'i ngan? 'gro rnams su sdug bsngal myong bar 'gyur ro/ /bzlog pas ni 'jig rten pa dang
 'jig rten las 'das pa'i phun sum tshogs par 'gyur ro/ /bdag dang gzhan la sems tsam gyis kyang phan pa dang gnod par byed par 'dod pa las yon tan dang skyon gang yin pa bstan pa'i phyir/ bdag nyid ces pa la
 sogs pa gsungs te/ mtho ba ni lang tsho dang gzugs dang nor la sogs pa rnams kyis gzhan las mchog yin no zhes mngon par nga rgyal ? gang zhig de rnams nyid mtho bar 'dod cing gzhan la ste pha rol
 la spo ba ste 'pho bar byas na sngar gyi las bzlog par 'gyur ro/ /bdag dang gzhan la dag ces? du yang bde ba'i rgyu ma yin pa nyid do zhes bstan pa'i phyir/ bdag gi don du zhes pa la sogs pa gsungs te/ sogs pa'i sgras ni bdag
 gi dngos po mi sdug pa la sogs dang rje dpon nyid la sogs pa zhes pa 'dir yang sogs pa'i sgras rigs la sogs pa dang/ gzugs bzang ba la sogs ba'o/ /da ni brjod ba'i don nyid bsdus nas bstan pa'i phyir/ 'jig rten
 zhes pa la sogs pa gsungs te/ bdag bde bar 'dod pas kyang de ltar bsgrub pa thams cad bya ba ma yin pa la yang bya ba nyid du zhen par byed do/ /de'i phyir de'i las kyi sgrib pa las 'jig rten pha rol tu mi 'dod ba'i las las
 byung ba'i sdug bsngal skye bar 'gyur ro/ /bde ba zhes te bde ba dang 'brel pa yin la/ gzhan bde ba 'dod ces pa ni pha rol po rnams la la phan pa dang bde ba la sbyar ba'i ched du bsgrubs pa'i phyir ro/ /da ni bstan pa'i don nyid
 dpes mdor bsdus te bstan pa'i sgo nas bstan par bya ba'i phyir/ mang du zhes pa la sogs pa gsungs te/ rgyas pas bshad pa ci zhig bya ste/ 'di nyid 'dir mdor bsdus pas gsal bar dper brjod pa rtogs par byas
 pa la bdag la gzhan du brje ba la 'brad par bya'o/ /'di ltar yang so so'i skye bo bdag nyid kyi dgos pa la zhugs pa'i yid can dang thub pa ste/ sangs rgyas bcom ldan 'das gzhan gyi gzhan dbang du gyur pa'i khyad par
 'di bye brag tu bltos la nges par zung shig /ci? ltar lus las dang yod pa yin par bstan pa de ltar 'ang rtogs par bya ste/ de'i las bzlog pa la sems dang ldan pas kyang ci'i phyir yang spro ba med par 'gyur/ de ltar na yang sangs
 rgyas don du gnyer ba'i gal te lam 'di nyid yin na yang gang rnams 'khor ba'i bde ba tsam 'dod pa de rnams la de ji ltar bde ba'i lam yin zhe na/ bdag bde zhes pa la sogs pa gsungs te/ sangs rgyas nyid de byang chub sgrub
 par bya ba ste/ rdzogs par bya ba ni bdag dang gzhan du brje ba'i lam blang bar bya ba yin te skyes bu mchog gi don yin pas so/ /'di 'ba' zhig bdag dang gzhan du brje ba med par mi 'grub ba ma yin la 'khor ba na yang lha dang mi dag gi
 bde ba phun sum tshogs pa'i mtshan nyid de ji ltar 'gyur ba yin te ma yin pa nyid do/ /gang gi mi 'gyur zhe na/ bdag bde ba zhes gsungs te/ bdag gi bde ba dang gzhan gyi sdug bsngal brje bar nges par ma byas pa'i'o/ /bdag
 gi bde ba gzhan gyi yin pa dang/ gzhan gyi sdug bsngal bdag gi yin no zhes 'pho bar ma byas so zhes pa'i don to/ /ji ltar gal te byin na ci spyad ces zhes pa la sogs pa gsungs so/ /gzhan yang bde ba gzhan yang skye pa 'di nyid
 la gzhan la phan btags pa med par mi 'byung ngo zhes bstan pa'i phyir 'jig rten pha rol zhes pa la sogs pa smos te/ gang 'jig rten pha rol tu gzhan la phan btags ba med par bde bar mi 'gyur ro zhes bya ba 'di re shig bzhag ste
 ni re zhig de ltar gyur kyang ste/ de ni shin tu lkog tu gyur pa yin pa'i phyir ro/ /gang yang skye ba 'di nyid la mthong ba ste grub pa'i don yin la mngon par 'dod pa'i bsgrub bya'i mtshan nyid mi grub ste mi rdzogs la/ der log par rtogs pa
 med pa'i phyir ci zhig brjod par bya/ gang gi mi 'grub ce na/ bran g.yog ces pa la sogs pa smos te/ rje dpon ni bdag po yin la bran g.yog ni las kyi 'bras bu len pa bran gyis rjes su 'tsho ba yin te/
 de'i las ma byas pa na gnyi ga yang mthong pa'i chos la mi 'grub par de mthong ba nyid do/ /de yang go rim ji lta ba bzhin du de yis bsgrub par bya ba bsnyen bkur gyi bde ba la sogs pa dang de las byung ba'i zas dang gos la sogs ba yin no/ /
 'di ltar shes kyang gzhan dang bdag la yod pa'i spyod pa phyin ci log ni rmongs pa'i mthus yin no zhes bstan pa'i phyir mthong dang zhes bya ba la sogs pa gsungs te/ phan tshun bde ba bskyed pa ni bde ba bsgrub par byed do/ /ci lta bur
 gyur pa zhig ce na/ mthong dang ma mthong ba de 'grub pa ste/ mthong ba dang ma mthong ba'i 'jig rten du bde 'grub pa ste chen po nyid yin la/ bde ba'i dga' ston gyi dga' pa gang la yod pa de la de skad ces bya'o/ /de bor nas
 phan tshun du mi 'dod pa byas pas sdug bsngal pa'i phyir sdug bsngal skyed par byed pa yin pas sdug bsngal len cing 'dzin pa yin no/ /mi bzad pas ni dmyal ba la sogs par byas pa'i shin tu 'jigs su rung ba'i rang bzhin yin
 pa'i phyir ro/ /rmongs pa zhes pa ni smad pa yin te/ rmongs ba'i dbang gis phan pa dang mi phan pa ma mthong ba yin la/ yang na rnongs ba zhes pa ni 'di gtan tshigs kyi tshig yin no/ /gang gi phyir rmongs pa yin pa de'i phyir 'di rnams
 phyin ci log gis 'jug pa yin te/ de ltar na rmongs pa 'di nyid sems can rnams la gnod par byed pa yin no zhes bstan bcos mdzad pas snying brtse bar mdzad do/ /'di yid la byas pas kyang bdag tu 'dzin pa'i mngon par zhen pa
 mi bya'o zhes bstan pa'i phyir/ 'jig rten dag na nyer gnod ces pa la sogs pa gsungs pa la nye bar gnod pa ni yid mi bde ba'i rgyu gnod pa yin no/ /sdug bsngal ba rnams ni lus kyi tshor pa rnams so/ /'jigs pa ni sdug bsngal gyi rgyu rnams la
 skrag pa'o/ /'di thams cad kyi rgyu ni bdag tu 'dzin pa yin no/ /gang gi phyir de ltar yin pa de bas na sdug bsngal gyi rgyu yongs su bzung ba 'dis ci zhig bya ste/ dgos pa cung zad kyang yod pa ma yin no/ /de ltar na bdag tu 'dzin pa ni sdug bsngal
 thams cad kyi rgyu yin pa'i phyir de yod na sdug bsngal la ldog pa med do zhes 'jig rten dag na zhes pa la sogs pa smos te/ bdag ni bdag tu 'dzin pa yin la bdag yongs su dor ba 'di nyid bdag tu 'dzin pa yongs su dor ba yin no/ /de ltar
 na bdag tu 'dzin pa yongs su ma dor ba de nyid bdag tu 'dzin pa gang yin pa nyid do/ /de'i phyir bdag tu 'dzin pa yongs su ma dor na sdug bsngal ldog pa med do zhes rig par bya'o/ /'dir rjes su mthun pa'i dpe ji ltar me ni zhes pa la sogs pa
 gsungs te/ gang zhig sreg pa mi 'dod ci me yongs su ma dor na de'i sreg ba ldog par yang mi 'gyur te/ rgyu la nus pa de yod na 'bras bu mi skye bar rigs pa ma yin te/ de'i de 'bras bu nyid yin pa nyams par thal ba'i phyir dang /
 rnam pa thams cad du mi skyed par thal bar 'gyur ba'i phyir/ de'i phyir sdug bsngal ldog par 'dod pas bdag tu 'dzin par mi bya'o/ /de ltar zhes pa la sogs pas skabs su bab pa mjug sdud pa ste/ gang gi phyir bdag tu 'dzin
 pa 'di ni bdag la sdug bsngal thams cad skyed par byed pa yin la/ gzhan la yang sdug bsngal bskyed par byed pa de lta bas na bdag nyid gzhan la btang bya ste/ bdag la gzhan nyid du gzung par bya ste/ bdag nyid gzhan yin la/
 gzhan ni ma yin no zhes pa 'am/ gzhan gyi dbang du bya'o zhes te de bsten pa lhur byed pa'i phyir ro/ /de bzhin du gzhan pha rol po gzung bar bya ba ni khas blang bar bya ba yin la/ bdag bzhin du gzhan
 la bdag gi dngos por gzung bar bya ste / 'di nyid bdag yin la/ bdag ma yin no zhes so/ /'di ni 'dir bsdus pa'i don yin te/ ji ltar sngar yongs su ma shes pas bdag la yongs su ngal bas phan pa dang bde ba skyed pa'i
 phyir spyad la/ da ni gzhan rnams dang bdag gi lus yongs su brje par spyad par bya ste/ dper na gzhan la sngar spyad pa de bzhin du bdag la gzhan nyid du brjes pas na spyad par bya'o/ /ci ste ji ltar bdag med pas bdag la
 bdag nyid 'khrul pa yin pa de bzhin du gzhan? la yang yin te/ de la yang de med pa'i phyir de la ji ltar na 'khrul par khyad par med pa la 'bras bu la khyad par yod ce na/ 'khrul par khyad par med pa la yang 'bras bu'i khyad
 par mthong ba ma yin nam/ dper na mar me'i 'od la nor bu zhes zhen pas de'i yul du phyin pa na nor bu dang phrad pa med la/ yang gzhan du nor bu'i 'od la nor bu mthong ngo zhes yid la byas nas de'i yul du phyin pas nor bu
 dang phrad bar 'gyur te/ de la gnyi ga la yang 'khrul pa zhes pa yod de 'khrul par khyod par med kyang 'bras bu la khyad par yod pa yin no/ /de ltar yang mar me nor bu'i 'od dag la/ /nor bu blo yis mngon rgyug pa/ /
 log pa'i shes par khyad med par/ /ji ltar don byed la khyad yod ces gang brjod pa'o/ /de ltar na yang ji srid du gang du brgyud pa yod pa de srid du shes pa dngos po dang 'brel ba yod pa der thob ba yod la/ gang du shes
 pa dang dngos po la brgyud pas kyang 'brel pa med pa na der thob pa ma yin la thob par bya bar thob par byas pa'i khyad par yod pa ni rigs pa nyid yin te/ /'dir yang de bzhin du yod pa ma yin te/ gnyi ga la yang khyad par med pa'i phyir la/
 de ltar na 'di ni dpe dang mi mthun pa yin no zhe na/ de ni rigs pa ma yin te/ 'khrul par khyad par med kyang 'bras bu la khyad par mthong ste/ 'di tsam gyi khyad par gyis dper brjod pa dang mthun pa yin te/ gang 'khrul pa de
 thams cad la 'bras bu thun mong pa ma yin no zhes khyab pa dran pa tsam 'dir mngon par 'dod pa yin no/ /dpe'i chos dang thams cad du mthun par ni sbyar bar bya ba yang ma yin no/ /de la gal te dpe dang mthun pa ma yin pa de lta na
 yang ci ltar yang dpe dang mthun par yod pas nyes pa med do/ /shin tu lkog tu gyur pa'i don la rtog pa dang ldan pa rnams bcom ldan 'das kyis bka' nyid kyis 'jug par bya'o/ /de ltar 'dir 'khrul ba khyad par med kyang de lta bu'i
 'bras bu bsgrub pa la nus pa yod la/ 'ga' zhig gi yin gyi thams cad kyi ma yin no zhes bya ba de ni lung nyid kyis rtogs par bya ste/ rten cing 'brel par 'byung ba bsam gyis mi khyab pa'i phyir yang ngo/ /ji ltar yang
 gzhan gyi don med par rang gi don kyang mi 'grub ste/ de ltar bran g.yog las byed mi btub la zhes bya ba la sogs par mthong ba'i chos kyi chung zad bstan pa yin no/ /'dir kun rdzob tu rgyu dang 'bras bu yod pa la ni cung zad kyang
 'khrul pa yod pa ma yin te/ de ltar log pa'i kun rdzob? tu byas pa dang khyad par yod pa yin no/ /rnal 'byor spyod pa'i gzhung gis kyang rgyu dang 'bras bu thams cad kyi tha snyad ni 'khrul pa nyid yin te/ phyi rol gyi don la brten
 pa'i phyir dang dmigs pa thams cad 'khrul pa yin zhes pa'i tshig las so/ /de'i phyir 'khrul par khyad par med kyang rgyu mtshan la khyad par yod pas thams cad 'tsham mo/ /de ltar na mthar thug pa'i bsam
 pas bskul nas rang gi sems bya ba de nyid la sbyar bar bya'o zhes/ bdag ni gzhan gyi dbang gyur zhes pa la sogs pa gsungs te/ yid khyod nges par zhes pa ni 'dir the tshom dang phyin ci log tu mi bya'o zhes pa yin te/ 'di nas
 bzung nas khyod kyis sems can thams cad kyi dgos pa las ma gtogs par gzhan de rang gi dgos pa la sogs bsam par mi bya ste/ yid kyis byang mi bya zhes pa'i don to/ /ci'i phyir yang rang gi dgos pa yang bsam
 par mi bya zhe na/ /gzhan ni zhes pa la sogs pa gsungs te/ rang gi don ni rang gi dgos pa'o/ /mig ste lta bar byed pa dang sogs pa'i sgras nyan pa la sogs pa yang yin no/ /de'i ste gzhan gyi yin la mig la
 sogs pas rna ba la sogs pa gzhan yang gzung ngo/ /lag pa la sogs pa zhes pa 'dir yang rkang pa la sogs pa yang gzung ngo/ /gang gis gzhan dang 'brel par khyed kyis nges pa na rgyu de nyid kyis sems can gtso bor byas te/
 sems can gzhan gyi dbang du rgyas nas de'i dgos pa la zhug zheS pa'i tha tshig go /bdag gi lus la zhes pa ni de la rten par gyur pa yin te/ gang dang gang gos la sogs pa bde pa'i yo byad mthong zhing rtogs pa de dang de zhes
 zlos pa'i tshig gis khyad par gsungs pa yin te/ thams cad nyid yin la cung zad tsam ni ma yin no zhes pa'i don to/ /rang gi lus las phrogs shing phral nas phan zhing 'dod pa'i dngos po sbyar ro/ /da ni dman pa la sogs
 pa rnams la nga rgyal la sogs pa'i sems kyi sdig pa bsal bar bzhed nas/ dman sogs zhes pa la sogs pa gsungs te/ dman pa la bltos nas nga rgyal dang mnyam pa la bltos nas 'gran pa dang/ mchog la bltos nas phrag dog
 skye bar 'gyur ba 'di ni byis pa'i chos yin te/ gang sngar mtho la phrag dog mnyam la 'gran zhes gsungs pa'o/ /'di thams cad nyon mongs pa'i rgyu yin yang bdag dang gzhan du brjes pas rnam par byang ba'i rgyu nyid du bsgyur bar byed
 do/ de ltar na 'di nyid rnam par rtog med pa'i zhes pa la sogs pas brjod par bya ste/ rnam rtog med pa zhes pa ni the tshom med pas so/ /bsgom par bya ba ni 'chad par 'gyur ba'i tshul gyis so/ /phrag dog bsgom pa de nyid
 'chad par 'gyur ba'i gzhung gis ston pa ni/ 'di ni zhes pa la sogs pa gsungs pa yin te/ tshul khrims dang yon tan la sogs pas bdag tu mtho ba dang gzhan ni de dang bral bas dma' ba nyid du mthong bar byas bas bdag la
 'di ni bkur byas zhes pa la sogs pa'i rnam pas phrag dog bsgom par bya'o/ /'di ni zhes pa ni bdag dang gzhan du brjes pa nyid yin te/ gzhan nyid la da zhes bstan pa yin no/ /'chad par 'gyur ba thams cad la gzhan dang
 bdag tu brjes nas yod pa la sbyar bar bya'o/ /bstod pa zhes pa ni yon tan bsgrags pa'i sgo nas bsngags pa'o/ /bdag la smod pa zhes pa ni dman pa nyid kyi sgo nas smad bar bya ba'o/ /las rnams bdag gis byed pa ni dman
 pa'i las khur khyer ba la sogs pa byed pa'o/ /bde bar gnas pa zhes pa ni sems bde bar gnas pa'ang yin no/ /'di 'jig rten la che bar grags pa ni 'dis chen po nyid kyang goms shing 'bad pas bsgrub par bya ba yin te /
 de bzhin du gzhan gyis kyang khyod dang 'dra bar rnyed dka' ba ma yin no/ /gong ma gong ma mthong bas na khyed chen po phul du byung bar yang gnas pa ma yin te/ tshu rol mthong ba thams cad dman pa yin pa'i phyir ro
 de ltar na ji ltar bdag kyang yon tan chen po dang ldan pa nyid du 'gyur ba de ltar bdag gis bya ste/ grags pa'i sgras ni 'di gnyi ga la yang bya dog gi lta stangs kyis sbyar bar bstan pa yin no/ /de ltar gyur na yang bdag gi yon tan
 med pa ci zhig bya ste/ yon tan dang ldan pa nyid du bya'o zhes kha bsgad do/ /dgos pa cung zad kyang med bas bdag nyid la yon tan dang ldan pa nyid du nges par byas pa 'di nyid kyis mchog ste/ gang gzhan su la yang 'dir yon
 tan gyi cha shas nyid kyang yod pa ma yin la/ gang gi phyir bdag yon tan thams cad ldan pa yin te/ sems can gzhan la ni yod pa ma yin zhing rnam pa thams cad du yon tan dang ldan pa yang yin te/ lta bas phongs pas
 kyang yon tan thob par 'gyur ro zhes pa'i tshig las so/ /gzhan yang mthon po dang dma' ba dag ni bltos pas byas pa yin te/ 'di rnams las bdag nyid mthon por byas pa'i skyes bu dam pa de ni yod pa min la/ bdag
 las shin tu ngan pa'i dman pa lang yod pa yin zhing/ gang las bltos nas bdag kyang mchog yin te gang rnams las bdag nyid dam pa'o/ /de ltar na thams cad las bdag ni dman pa ma yin te/ 'di ni thams
 cad las mtho ba yang ma yin no/ /de ltar na yang khyed ni tshul khrims la sogs pas phongs pas sdig pa dang bcas pa'i rang bzhin yin pa'i phyir dman pa yin la/ bdag la ni de yod pa ma yin pas dman pa ma
 yin na zhe na/ tshul khrims blta bas zhes pa la sogs pa gsungs pa la/ tshul khrims kyis phongs pa ni so sor thar pa'i sdom pa blangs pas nyams pa yin la lta bas phongs pa ni 'jig tshogs la lta ba la sogs pa rnam ba lta ba lnga po
 yin te de nyid phongs pa yin pa 'am/ de rnams kyis phongs bar byas pa yin te/ sogs pa'i sgras ni spyod pas phongs pa la sogs pa yang gzung ngo/ /'di thams cad nyon mongs pa rnams kyi stobs kyis bdag nyid kyis 'dod
 pa'i dbang du gyur ba ma yin no/ /de la gal te khyed snying rje dang ldan pa yin na de'i tshe bdag gso bar bya ba yin te khyad la gang dang gang du gso ba'i nus pa yod pa ci lta ba bzhin du ste/ gang gi ces pa dang bral bar bsgrub par bya ba'i blo yod na
 zhes pa'i don to/ /yang na nus pa ci lta bar bdag gis gnod kyang dang du blang ngo zhes phyi ma dang 'brel te/ brtul zhugs dang nges pa'i dka' ba'i bya ba la sogs pa'i mtshan nyid kyi sdug bsngal ba'o/ /gal te khyed la bdag gis gso
 ba'i blo cung zad yod na de yang bdag gir khas blang bar bya'o/ /de ltar gyur na yang gcig tu khyod la 'di gso ba'i nus pa yod pa ma yin te/ bsgrub bya'i nyes pa dang ldan pa'i phyir 'di rigs so zhe na/ 'on te zhes pa la sogs pa
 gsungs te/ 'on te zhes pa ni rnam pa gzhan dgong pa yin te/ gal te 'di la bdag gso pa'i nus pa med na de rgyu cis bdag ni mtho la 'di ni dma' ba yin no zhes 'di nus ba med par yang bdag la brnyas par byed 'on te gal te yang gso
 pa'i nus pa dang bral ba de lta na yang de gzhan gyis yon tan de yis bdag la ci zhig bya ste/ dgos pa cung zad kyang med pa/ rnam pa thams cad bu nye bar mkho ba dang bral ba'i phyir ro/ /'di nyid 'ba' zhig gi dbang du byas te/ gang
 las bdag nyid de rang nyid kyi yon tan dang ldan pa 'di yin la/ de las yon tan gyi cha cung zad kyang bdag la yod pa ma yin no/ /de ltar gyur na yang snying rje'i yon tan dang ldan pas de las gzhan la yang de'i
 yon tan nye bar 'kho ba yin no zhe na/ snying rje yang dngos po la mthong ba ma yin no zhes bstan pa'i phyir ngan 'gro zhes pa la sogs pa gsungs te/ gang zhig sdig pa byed par ngan?  'gror nges pa'i phyir ngan 'gro'i khar gnas par brjod
 do/ /yang na ngan 'gror gnas pas 'dir kha zhes pa dang 'brel to/ /yang na ngan 'gro ni dman pa 'am mkho ba'i yo byad dang bral ba der gnas pa yin no/ /gdug pa'i khar gnas zhes pa la gdug pa ni sbrul dang gcan zan
 gtum po la yang brjod do/ /de rnams kyi khar gnas pa'i skye bo la snying rje pa'i yid kyis snying rje pa ma yin te/ de sdug bsngal dang bral bar 'bad par byed pa ma yin no/ /de tsam 'ba' zhig ni yod pa ma yin la khyad par 'di
 yang yin te/ gang yon tan rlom pas te/ yon tan lhag pa yin no zhes nam mkhas pa rnams las rgyal bar sde ste rgyal bar 'dod do/ /de ltar re zhig mtho las phrag dog bshad nas/ mnyam pa la brjod pa'i phyir/
 bdag dang mnyam pa la zhes pa la sogs pa gsungs te// gzhan dang lhan cig tu yon tan la sogs pas bdag mnyam par bltas shing gsal bar byas nas/ /gang nga las lhag par bya ba'i phyir te/ gzhan las
 yon tan rnams kyis bdag lhag par bya ba'i phyir 'bang? par bya'o/ /gal te rnyed pa dang bkur sti 'di la ltag pa mthong na de'i tshe 'di las phrogs nas gzung bar bya'o/ /de ltar na'ang mi ster na rtsod pa dang mtshang 'bru ba la
 sogs bas kyang bsgrub par bya ste/ bdag gi rnyed pa dang bkur sti zhes zlas dbye ba yin pa'i phyir ma nir gi rtags so/ /bdag gi zhes pa ni rang gi gang yin pa ste / ji lta 'di gzung nas 'dug ces pa'i don to/ /gzhan yang gal te
 rnyed pa la sogs pa'i yon tan mthong ba rnams kyis 'di mchod pa de ltar bdag gis bya'o/ /gang gis rnyed pa la sogs pa'i rgyu 'di 'grib par 'gyur bar bya'o zhes/ yang ni bdag gis yon tan zhes pa la sogs pa gsungs te/ yang
 ni zhes pa ni brtag pa gzung ba'i tshig dag go /ji ltar bdag gi yon tan gsal bar 'gyur ba de ltar bdag gis brtsam par bya ste/ bdag gi nus pa brtan par bya zhe na/ bdag gi skyon yang zhes ba la sogs pa gsungs te/
 yang ni sngar bzhin no/ /'dis kyang cir 'gyur na bdag ni mchod 'gyur 'di la min par 'gyur bar ro/ /des kyang cir 'gyur zhe na zhes dogs nas bdag deng rnyed pa zhes pa la sogs pa gsungs te/ gang gis bdag gi bkur 'gyur
 'di la min te / shin tu legs bar rnyed pa nges bdag gis thob ces bdag nyid la bstod pa ston par byed de/ bsgrub bya grub pa'i phyir ro/ /slar yang shin tu dga' ba gsal bar bya pa'i phyir 'di ni ma rungs zhes pa la sogs pa
 gsungs te/ rgyas pa'i mig dang ldan pa'i gdong dang yid rab tu dga' bar re zhig blta'o/ /de ltar rnyed pa 'dod pas ma rungs par byas pa rnyed pa bkur sti las phyi rol tu bya ste bsal bar bya'o zhes pa'i don to/ /yun ring po ni
 dus shin tu ring bar ro/ /nam yang 'di la brten nas kho bo cag la 'di ltar dga' ba skye bar ma gyur pa'o/ /'dis kyang ma rungs par byas pa zhes bstan pa'i phyir/ 'gro ba kun gyis zhes pa la sogs pa gsungs te/ de'i nyes pa 
 brjod pas bzhad gang du byed pa'o/ /de der zhes pa ni phyogs thams cad du'o/ /'dir yang blta zhes pa dang 'brel to/ /da ni lhag pa thob pa gyur pas sems rangs pas bdag nyid dman pa nyid du bsgom par
 bya'o zhes bstan pa'i phyir/ nyon mongs 'di yang zhes pa la sogs pa gsungs te/ 'di yang ni de ltar spyod pa'i gnas thams cad du dman pa la 'jug pa yang yin te/ de nyid kyi phyir na nyon mongs pa yin la bdag dang lhan cig tu 'gran
 te mnyam par byed par grags so/ /grags ces pa ni mi 'dod pa dang 'di mi rigs zhes pa nyid do/ /ji ltar mi rigs she na/ 'di bdag ces pa la sogs pa gsungs te/ thos pas ni bstan bcos la sogs pa rnams thos
 pa yin la/ re zhig 'di dang bdag mnyam mam ci zhes te/ shes rab ni blo khyad par du gyur pa yin la/ gzugs rigs nor gyis kyang mnyam mam zhes pa'i tha tshig go /de ltar nyid du skye bo rnams kyis kyang bdag gi yon
 tan phyogs bcur bsgrags pa thos shing mnyan nas spu ldang pa skyes par gyur pa ste lus la ba spu ldang ba dang ldan pa'o/ /dga' ba ni yid rab tu dga' ba dang ldan zhing yongs su longs spyod pa ste bde pa'i dga' ston no/ /'on te brgya
 la dga' zhig nas 'dis bag med pas rnyed par gyur na de'i tshe de ltar zhe na/ gal te 'di la rnyed yod kyang zhes pa la sogs pa gsungs te/ de ltar 'di'i rnyed pa la bar du bcad pa'i phyir 'bad par byas kyang gal te ci ltar yang 'di la rnyed
 pa yod na de'i tshe 'di'i ske la rdog pas mnan nas blang bar bya ste/ bdag gis 'di la stobs kyis blang ngo/ /ci ste rnam pa thams cad du 'di'i srog dang bral bar bya ba yin nam zhe na/ nga'i las ni zhes pa la sogs pa gsungs te
 'tsho ba tsam zhig ni re zhig srog 'dzin pa de tsam 'di'i byin nas gzhan thams cad bdag gis yongs su gzung bar bya'o/ /de lta na yang nam zhig nga'i las ni byed ces na zhes te/ gal te 'di kho bo'i bka' nyan pa la sbyor? na'am ma smras kyang rjes su mthun
 par byed na de'i tshe 'di la 'tsho ba tsam zhig sbyin par bya ste/ gzhan du ni ma yin no/ /yang 'di ji ltar na dman pa'i gnas skabs su khyed par byed ce na/ gang 'di bde las zhes pa la sogs pa gsungs te/ gang zhes pa ni gang las te bde
 ba las yin la/ nyams par bya ba ni bral bar bya'o/ /'di tsam gyis btang bar bya ba ni ma yin te 'on kyang bdag gis gnod la rtag tu sbyar bar bya ste dus thams cad du bdag gi sdug bsngal gyi/ bud 'di'i spyo bar yang dag par
 gzhan ste de'i phyir 'di la de ltar bya'o/ /yang ci'i phyir 'di ltar khyod 'di la zhe sdang bar byed ce na/ 'di yis zhes pa la sogs pa gsungs te/ sdang ba'i sems can 'dis sngar 'khor bar thams cad du bdag la lan grangs
 brgya phrag du mar gnod pa byas pa yin te/ bcing ba dang bsang pa dang brdeg pa la sogs pa rnams kyis sdug bsngal bar byas pa yin no/ /da ni sdug bsngal 'di bzod par ma nus te brgya la 'di las sems ldog par dogs
 nas thabs sla ba'i rim pas de nyid la sbyar bar bya ba'i ched du nye bar ston pa ni yid khyod ces pa la sogs pa gsungs te/ thog ma med pa'i 'khor bar gzhal bar mi nus pa'i bskal par rang gi don byed 'dod pas te goms pas
 ngal? ba chen pos dub par gyur pas sdug bsngal chen po dus ring por myong bar gyur ba'i mtshan nyid kyi sdug bsngal nyid bsgrubs pa yin te/ las de dang de las dgos pa cung zad thob pa ma yin no/ /byung bar gyur pa de dang de re zhig
 bzlog par bya ba ma yin par gyur na yang da lta 'ong ba la ci ltar rigs zhe na/ de ltar bdag gis gsol ba 'debs pa zhes bya ba la sogs pa gsungs te/ gsol ba 'debs pa na bsnyen? bkur sngon du song ba'i
 tshig brjod pa nyid kyis te/ ji ltar sngar rang nyid kyis las de dang de la zhugs pa de ltar bdag dang gzhan du brdzeb? la goms pa 'di la yang 'jug par gyis shig /spyod pa med pa zhes bya ba shin tu lkog tu gyur pa'i don la dpyod pa
 bral ba'i phyir ro/ /ci ste bsgrub pa'i don rtogs pa med par ci ltar 'di la 'jug pa nyid du 'gyur zhe na/ thub pa'i bka' zhes pa la sogs pa gsungs te/ phyis ni dus phyis nas rtogs par 'gyur te/ de'i ste bdag gi
 tshig gis zhugs pa 'am bdag dang gzhan du brjes pa'i yon tan las so/ /de khyed kyis nyams su blangs nas der 'gyur ro/ /ji ltar shes she na/ thub pa'i bka' ni yang dag pa yin pa ste/ yang dag phyin ci ma log
 pa rtogs pa byed pa yin te/ gang gi phyir bcom ldan 'das kyis bka' yin pa de'i phyir shes so/ /de ltar gyur na yang bdag gis las 'di du mar byas kyang de ltar na yang khyad par cung zad kyang ma rtogs so zhes dogs nas
 gal te khyod kyis zhes pa la sogs pa gsungs te/ khyod ni bden par smra ba ma yin te gzhan du gal te las 'di sngar bya nas de tshe khyed la las kyi 'bras bu mang 'byung bar 'gyur ro/ /de las sangs rgyas kyi phun sum tshogs
 pa'i bde ba sangs rgyas nyid ma yin pa sangs rgyas nyid kyi bde ba bor nas srid par mi 'gyur te/ gnas skabs ngan pa 'di'i skabs mi srid do/ /las de ma byas na 'bras bu yang skye bar 'gyur ba ma yin no/ /da ni mjug bsdu
 pa'i tshul gyis rang gi sems de nyid la bstan par bya ba'i phyir/ de bas zhes pa la sogs pa gsungs te/ gang las 'di lta bu'i 'bras bu 'di goms pa las skye bar 'gyur ba de'i phyir byas shing bsgrubs pa de ltar ro/ /de'i phyir brjod
 pa'i 'bras bu 'dod pas de'i bya ba la skye ba bsal nas rang bzhin nyams su blang bar bya'o zhes bstan pa'i phyir gzhan gyi zhes pa la sogs pa gsungs te/ sems can gzhan gyi rtogs mkhan zhes pa la sogs pa gsungs te /
 rab tu sbas nas de'i dgos par byed pa yin no/ /da ni bdag dang gzhan du brdze ba bor nas slar yang phrag dog bsgom pa la rang gi sems sbyang ba'i phyir/ bdag skyid pa la sogs pa gsungs te/ de bas gnas pa'i phyir skyid pa yin
 la sdug bsngal gyis gnas pas mi skyid pa yin no/ /de ltar phrag dog gyis shig ces rang gi sems la 'di ltar gsungs ba/ bdag ni zhes pa la sogs pa ste/ bdag ni zhes pa ni bdag gis lus la'o/ /gang tshe zhes pa ni dus nam
 zhig na'o/ /ci byed ces pa ni rang gi don nam/ gzhan gyi don nam/ dam pa'i las sam/ dam pa ma yin pa'i las sam/ tha mal pa'i las ci byed ci gnas zhes so/ /de ltar 'di'i lus la glags brtags ta btsal lo/ /'on te
 gang gi tshe 'di la glags ma rnyed na de'i tshe ji ltar bya zhe na/ gzhan gyis zhes pa la sogs pa gsungs pa la/ gzhan gyis byas pa'i nyes pa 'di yang khyod nyid kyi nyes par spyad pa yin no zhes gang gis 'di'i spyod pa yin no zhes
 de ltar 'di nyid kyi lus kyi mgo la bsgyur bar byos shig/ yang na gzhan gyis byas pa'i nyes pa zhes bya ba ni gzhan gyis byas pa'i nyes par spyod pa yang 'di nyid kyi mgo bo la bsgyur bar byes shig ces de'i las kyi 'bras bu'i cha nyid
 du gyis shig pa'o/ /gang 'gro ba'i sdug bsngal gang ci yang rung/ /de kun bdag la smin gyur cig / byang chub sems dpa' i dge 'dun gyis/ /'gro ba bde la gnas par shog ces 'chad par 'gyur ro//
 gang gi tshe yang nyes pa chung du yang 'di la mthong na de'i tshe sba bar mi bya'o zhes bdag gis nyes pa zhes bya ba la sogs pa gsungs te/ chung du ste lus 'di'i shin tu phra ba'i yang nyes pa rab tu shog shes te mngon par gyis shig
 pa'o/ /thub pa chen po ni sangs rgyas bcom ldan 'das te de'i spyan sngar ro/ /gang gi 'di 'jigs pas slar yang mi byed pa'i sdom pa nyid gyis gnas so/ /gal te 'di'i snyan pa gsal bar gyur pa mthong na de la gsungs pa/
 gzhan gyi zhes pa la sogs pa ste/ 'di'i grags pa gzhan rnams kyi de bas lhag pa'i grags pa gsal bar dri ma can du gyis shig ces de rnyog pa dang bcas par gyis shig pa dang sba bar gyis shig ces pa'i don to/ /
 'di la snying rje'i sems cung zad tsam yang bskyed par mi bya'o zhes bdag ni bran gyis zhes pa la sogs pa gsungs te/ nges par dman pa'i bran gyi tha ma ltar gzhan gyi dgos pa sems can gyi don rnams la 'di ltar bkol
 par gyis shig ste khur khyer ba la sbyor ba'o/ /gal te 'di la yon tan gyi cha cung zad mthong ba de'i tshe ci bstod pa bya ba'am zhe na/ 'di ni skyon can zhes pa la sogs pa gsungs te/ brgya la yon tan lhag pa lhan cig skyes pa yod
 na yang 'di ni bstod par bya ba ma yin pa nyid do/ /ci'i phyir zhe na/ gang gi phyir 'di ni nyes pa du ma'i bdag nyid yin pa'i phyir ro/ /gzhan yang yon tan rtogs pa'i sgo nas bstod par bya bar 'gyur na 'di nyid rtsa ba dang bcas pa
 nyams pa yin no zhes 'di'i yon tan zhes bya ba la sogs pa gsungs so/ /'dir mang du rjod pas ci zhig bya ste/ mdor na 'di la chad pa'i las bya'o zhes bstan pa'i phyir/ mdor na zhes bya ba la sogs pa gsungs te/ gnod pa zhes
 pa ni sdug bsngal ba'am gnod pa byed pa'o/ /'di ltar gal te yang bdag gis sdug bsngal gyi khur khyer bar min? nus so zhes smras na de'i tshe 'dir ci ltar 'jug par bya zhe na/ gang gis dag rtsub 'gyur tshul du zhes pa la sogs pa
 gsungs te/ gang gis dag rtsub par 'gyur ba ni phod pa che ba yin te ded po nyid du 'di la de ltar skabs dbye bar mi bya'o/ /'on kyang gzhag par bya ste gzung bar bya'o/ /bag ma gsar pa'i 'jug pa bzhin du'o/ /de nyid
 gsungs pa/ 'jigs dang zhes te nyams pa las skrag pa'o/ /ngo tsha zhes pa ni bya ba ma yin pa la ngo tsha ba'o/ /thams cad du mi mthun ba la 'jug pa la bzlog pa la brtson par bya la/ de ltar gnas pa na yang rnam pa thams
 cad lcags kyu med par mi bya'o zhes bstan pa'i phyir/ /'di ltar gyis shig ces pa la sogs pa gsungs te/ 'di ltar bka' nyan pa la 'jug par byas nas lus 'di dbang du gyur par bya ste/ rang la rag las pas gzhag par
 bya ste/ rta dul? ba bzhin no/ /'on te 'di ltar dbang du ma gyur na de'i chad pas bcang bar bya ste /de las 'das na ste gal te khyod bka' las 'das pas 'jug na de'i tshe chad pas bcad par bya ste spyo bar bya ba 'am/ tshar bcad par
 bya'o/ /da ni bdag gis sems dang bdag tha dad pa bzhin du yongs su brtags nas brtan pas bsdu pa'i phyir gsungs pa/ 'on te de ltar zhes pa la sogs pa ste/ gal te yang khyod 'di la rab tu zhugs par gyur te brgya la
 nyams par gyur na de'i tshe nyes pa des khyod nyid tshar bcad par bya'o/ /ci'i phyir zhe na/ nyes pa thams cad khyod la brten pa yin pa te rang nyid sems lus med par gyur pa yang khyod nyid kyi bsam pa nyid kyis 'di thams
 cad du 'jug par byed de/ des gang 'ga' zhig tu ngan g.yo can du bsten par byed do/ /der khyod kyis drang po ma yin no zhes bsam pa'o/ /de nas mi bzod pas rang gi sems nyid la bsdigs pa khyod nyid kyis zhes pa la sogs pa gsungs
 te/ bsdigs pa 'di ni 'jig rten pa'i brjod pa'o/ /gang du 'gro ba kho bos blta zhes pa ni da ni khyod kyis gang du 'bros par byed ces so/ /ji ltar khyod kyis mi shes pa na glags rnyed pa de lta da ni nus pa yin te/ da ni rang bzhin
 yongs su shes pas bdag nyid stobs dang ldan pa yin te/ de nyid gsungs pa/ dregs pa thams cad gzhom bya ste zhes pa ni khyod kyi srog blang bar bya'o/ /'on te khyod kyis sngar bzhin du bdag la da ltar yang stobs yod do zhes
 sems ba bsam par mi bya ste/ khyod kyis gang du kho bo brlag pa ste/ lam ma yin par brid pa ni gang gi phyir sngon gyi dus yun ring po gzhan yin la/ da ni dus 'di gzhan yin te/ sngon dang 'dra ba ma yin no/ /da ni sngon gyi
 dus ma yin no zhe na/ zhes ji ltar shes par bya zhe na / da dung zhes pa la sogs pa gsungs te/ sngar ni rang gi don la zhes pa'i sems nyid kyis khyod kyis kho bo bslus pa yin la/ de yang bdag la da lta yang yod do zhes
 yid la ma byed cig /'di ltar shes par byas nas sems can mang po'i don la rab tu zhugs shig / skyo bar sems te dka' ba'i blo bor cig pa'o/ /yang na sems can gyi don gyi khur khyer bar sems pa na/ sdug bsngal
 ba'i blo yis dor bar ma byed cig /ci'i phyir zhe na/ bdag gis gzhan la khyod btsongs kyis zhes te/ sngar nyid du bdag dang gzhan du yongs su brdzes pa na/ khyod bdag gis gzhan la las rag las pa la sbyar ba yin no/ /de ltar na yang bdag
 nyes pa ma byas pa la yang khyed yongs su ma mgu ba gang gis yongs su gtod pa'i blo skyed ces dogs nas/ gal te bag med ces pa la sogs pa gsungs te/ gal te yang ji ltar yang bag med par gyur te?/ blo stor bas bag med pa 'am dran
 pa nyams te sems can rnams la sems can khyod ma byin te/ rang nyid kyis byas na de'i tshe khyod kyis kho bo dmyal ba'i srung ma rnams te/ dmyal ba'i sdug bsngal skyed pa la sbyar ba shin rje'i skyes bu rnams la byin par nges te the tshom yod pa ma
 yin no/ /de ltar rjes su mthun par byas kyang khyod rjes su mi mthun pa yin te/ de'i phyir khyed la gtong ba'i blor 'gyur ro/ /'on te gang gis na de ltar rjod par byed pa brgya la de ltar gyur tam zhe na/ de ltar zhes pa la sogs pa gsungs te/
 de ltar zhes pa ni khyod la rjes su mthun pa spyad pa las te/ lan grangs du mar khyod kyis kho bo sdug bsngal 'ba' zhig gi snod du byas pa yin la/ yun ring ba ni dus ring por ro/ /ci zhig byas nas she na/ dmyal pa rnams la byin nas so/ /
 kho na rnams te sngar gyi dgra ste dgra nyid du gyur pa rnams yin te/ da ni de rnams dran par byas la gzhom par bya ste/ rtsa ba dang bcas par brlag par bya'o/ /rang gi don te khol dang bran nyid yin te/ dus thams cad du de'i dbang du gyur
 pa'i phyir ro/ /de ltar na rang gi sems de la drag tu bsnun nas slar yang zhi ba'i rim pas brlab par bya pa'i phyir de'i tshe/ bdag ni zhes pa la sogs pa gsungs te/ gal te khyod bdag nyid yun ring po nges par legs pa 'dod pa yin na 
 de'i tshe bdag nyid la dga' bar mi bya ste spang bar bya'o zhes pa'i tha tshig ste/ gzhan du na bdag nyid la dga' ba nyid du byas par mi 'gyur ro/ /gal te yang bdag nyid la khyod kyis 'jigs pa thams cad las
 bsrung ba'i blo yod na de'i tshe lus 'di bsrung bar rigs so zhes rang gi sems la brjod do/ /ci ste de lta na yang 'di la rjes su bzung bar bya bar rigs pa nyid do zhe na/ ci lta ji ltar zhes pa la sogs pa gsungs te/ 'di ni zhes pa ni rang bzhin
 phyin ci log tu gyur pa'i lus so/ /ci lta ci ltar te rnams pa gang dang gang gis ci/ srid de srid du de dang de bde ba'i yo byad bsgrubs pas 'phel bar byed par 'dod pa ni yongs su skyong bar byed pa yin no/ /de lta de ltar shin tu ni rang bzhin
 shin tu gzhon par gyur pas lhung bar 'gyur ba nyid de/ rnam pa thams cad du las thams cad la las su mi rung bar 'gyur ro/ /ci ste gal te lhung na yang lhung du chug mong nyams pa ci yod de/ de ltar na yang mngon par
 'dod pa thams cad du 'gyur ba las ldog par 'gyur ro zhe na/ 'di ni de ltar zhes pa la sogs pa gsungs te/ 'di zhes pa ni lus yin la/ de ltar zhes pa ni bde ba 'dod pa ste ltung bar gyur pa nas gzhi 'di dag thams cad ni
 'dzam gling 'di thams cad ngo/ /'dod pa chog pa med pa ni 'dod pa ste mngon par 'dod pa yin la/ chog par 'gyur ba'i nus pa dang ldan pa ma yin te/ dper na rgyal po nga las nu 'dzam bu'i gling gi bdag por gyur pas ngoms
 par ma gyur nas yang gling bzhi'i bdag po thob par gyur cing brgya byin gyi stan phyed thob pa las kyang chog pa med pa bzhin no/ /gang gi phyir de ltar su zhig ste dgang dka' ba'i lus 'di 'dod pa byed par 'gyur te ma yin no/ /ji ltar
 shin tu thal ches pa ni mi rigs la/ cung zad tsam gyi skabs yin pa la nyes pa ci yod cen/ mi nus 'dod la zhen pa la sogs pa gsungs te/ rnyed par dka' zhing mi nus par 'dod de mngon par 'dod na nyon mongs pa ste ma lus pa'i mngon par
 zhen pa dang/ de thob pa'i gegs byed pa la zhe sdang ba dang/ bsam pa nyams pa yang 'byung bar 'gyur te/ de las yid mi bde bar 'gyur ram bsam pa ni 'di yin te/ cung zad tsam la rjes su zhugs nas slar yang gong nas gong du lhag pa mngon
 par 'dod pa la 'jug pas bzlog pas mi nus pa'i 'dod pa 'phel ba yang yin te/ sred pa la nges pa med pa'i phyir 'dod pa 'di tsam zhes pa med par 'gyur ro/ /slar yang gang zhig dang po nyid du rnam pa thams cad du yul thams cad la
 skabs med par byas na de'i phun sum tshogs pa ma zhum pa yin te/ yi gar mi 'ong pa skyed par byed pa'i phyir dang/ de la sems 'jug bar mi byed pa'i phyir ro/ /gang gi phyir cung zad la yang 'dod bas tshim ba med pa nyid yin pa de
 lta bas na lus kyi 'dod pa 'phel ba'i phyir skabs dbye bar mi bya'o ste/ ci ste yul dam pa de lta bu las sems ji ltar bzlog bar mi nus zhe na/ gang gis yid 'ong zhes pa la sogs pa gsungs te/ sngar 'di nyid du brjod pa
 rang nyid kyis ni 'gro nyid la/ brtan par byas te rab tu rtogs zhes gang gsungs pa'o/ /gzhan yang gang 'dod par bya ba nyid mi 'dzin/ pa de nyid ni dngos po bzang po yin te/ gzhan du na sdug bsngal gyi phung po chen po nyid 'phel
 bar 'gyur ro/ /gzhan yang rgyu mtshan med pa nyid du mi bden pa la mngon par bdag gis sdug bsngal bsag par bya ba yin zhes khyod rang nyid kyis spyod bar bya'o zhes/ tha mar thal ba'i zhes pa la sogs pa gsungs te/ tha mar
 thal ba ni gnas skabs yin la/ mthar gtugs pa ni de la thug pa yin te/ 'di gang gi yin pa de skad ces bya'o/ /shi bar gyur pa na lus po 'di'i mthar thug pa ni tha mar thal ba yin te/ de las gzhan
 pa'i rten yod pa ma yin no zhes dgongs pa'o/ /mi gtsang lus 'di lus kyi rnam ba gzung ba yin la/ mi bzad pa ni 'jigs su rung ba 'am 'jigs par byed pa yin te/ 'jigs pa thams cad kyi rgyu yin pa'i phyir ro/ /mi g.yo?
 ba ni bong? ba dang shing lta bu yin no/ /rang nyid byed pa med pa yin na 'di 'gro ba dang 'chag pa la sogs par cir 'gyur zhe na/ gzhan gyis bskyod pa yin te/ gzhan yid kyis byed pas 'di bya ba dang ldan pa bzhin du dmigs pa
 yin no/ /zhen pa'i rgyu mtshan med pa'i phyir rgyu ces lus po 'di la bdag tu 'dzin te rjes su 'jug pa skye par 'gyur/ gzhan 'di yang khyod kyis dpyad par bya'o zhes bstan pa'i phyir/ ci'i phyir zhes pa la sogs pa gsungs
 te/ 'khrul 'khor 'di ste lus kyi bdag nyid kyis so/ /gson pa 'am shi ba yang rung ste/ bdag la ci zhig bya ste/ bdag las tha dad pa yin pa'i phyir dang/ 'di rang nyid la bya ba med pa'i phyir ro/ /de'i phyir bong
 ba la sogs pa dang khyad par ci yod do zhes ston par byed do/ /'on te bdag tu 'dzin pa'i gzhi nyid kyis khyad yod do zhe na/ 'dir gsungs pa/ kyi hud nga rgyal sel mi byed de/ 'di ltar brtags na yang yun ring po
 nas 'dris par gyur pa'i phyir ro/ /khyod ji ltar 'jigs par mi byed cing ji ltar yang brlag? par mi byed ces pa'i tha tshig go /de nyid bstan par 'dod nas/ lus zhes pa la sogs pa gsung te/ 'di ni bdag gi lus
 yin no zhe na/ bdag tu 'dzin pa'i mngon par zhen pas khyod kyi rgyu mtshan med pa nyid du sdug bsngal gyi phung po nga rgyal la sogs par byed/ yang ci'i phyir 'di ltar brjod ce na/ rjes su chags pa dang zhes pa la sogs pa gsungs te/ bong ba
 dang 'dra ba'i lus po 'di la rgyu mtshan med pa zhe sdang ste khong khro ba dang/ rjes su chags pa ste mngon par zhen bas ci zhig bya ste cung zad kyang ma yin no/ /ci'i phyir yang 'di ltar yin zhe na/ bdag gis zhes pa la sogs pa gsungs te/ 'di
 ltar thams cad rjes su gzung ba'i rnam pas bskyangs shing gsos pa 'am/ bya rgod dang ce sbyar la sogs pa rnams kyis za pa na yang phan pa de la chags par byed/ gnod par byed ba'i bya rgod la sogs pa rnams la yang gang la zhe sdang ba med
 pa'o/ /de lta bu shing dang mtshungs pa sems med pa de nyid la chags par byed/ shing dang mtshungs pa nyid du bstan nas de ma gzung bas 'bras bu dang bcas par bstan pa'i phyir/ gang zhig ces pa la sogs pa gsungs te /
 lus bdag gir ma byas shing spangs pa las khro ba ste zhe sdang ba 'di la med pa dang gang la yang mchod pa ste bsnyen bkur byas pas mgu ba ste/ rab tu dga' ba bdag la skye bar 'gyur ba ma yin te/ de nyid la sems med pa'i phyir
 mi shes pa yin te/ rtogs pa ma yin no/ /de la brten nas khong khro ba dang rjes su chags pa'i bdag nyid kyi ngal zhing dub pas gang la byas pas bdag la cung zad kyang dgos pa med do zhes pa'i don to/ /de ltar khyed kyis bslab
 par bya'o/ /de ltar rang gi sems rtogs par byas nas bdag dang gzhan du brje pa'i rang bzhin mjug bsdus? te bstan pa'i phyir/ gang zhig lus 'di zhes pa la sogs pa gsungs te/ 'di zhes pa ni bdag gi ste/ 'ga' zhig
 gis lus 'dod pa ste phan pa dang bde ba bsgrub par 'dod pa'am/ yid bde bar mthong ba'o/ /de yang bdag gis bshes yin te sdug cing chags pa'i yul yin no zhes pa'i tha tshig go /yang gi sgras
 ni bdag nyid 'ba' zhig gi ma yin no/ /kho zhes pa ni rigs pas brtags na mi bden pa nyid do/ /de lta yin du chugs na yang gzhan dang yang thun mong ma yin no zhes rigs pa nye bar bstan pa'i phyir/ thams cad rang gi
 lus zhes pa la sogs pa gsungs te/ gal te rang gi lus la rjes su chags pa'i rgyu mtshan gyis zhen pa gzhan te de las gzhan pa'i sems can yang rang gi lus 'dod do/ /brjod pa'i rims rgyu mtshan la khyad par med pas
 de rnams la bdag ci'i phyir mi dga' ste/ bdag la ni rgyu'i khyad par sngar nyid du bsal ba'i phyir de rnams la yang bdag dga' bar rigs so zhes pa'i don to/ /da ni bstan pa'i don mjug bsdu ba'i phyir/ de pas zhes pa
 la sogs pa gsungs te/ gang gi phyir bdag la zhen pa ma spangs par 'gro ba'i don rdzogs par byed mi nus pa'i phyir spobs ba med pa thams cad kyi thams cad la bltos pa spangs pas so/ /'gro la phan ba zhes pa ni sems can
 thams cad la phan pa bsgrub pa'i don du gang las 'gro ba la phan pa dang ldan pa des na lus po 'di la nyes pa mang yang ste/ nyes pa du ma'i gnas yin yang las byed pa'i spyad bzhin du gzung bar bya ste/ gzhag par bya ba 'am
 bsrung bar bya ste dgos pa'i don la mkho ba'i dngos po bzhin du'o/ /gang gsungs pa/ bsam pa gzhan ni kun btang ste/ /bdag gi sems ni mchog gcig pus zhes pa la sogs pa de mjug bsdu ba'i phyir des na zhes pa la
 sogs pa gsungs te/ gang la sems mnyam par bzhag pa med na nyon mongs pa spong bar mi 'gyur ba des na 'jig rten gyi spyod pas cho ga ste dgos pa cung zad kyang yod pa ma yin no 'jig rten gyi spyod pa ni don med pa'i rgyu yin pa'i phyir ro/ /
 de'i phyir mkhas pa ste de kho na nyid mkhyen pa'i sangs rgyas dang byang chub sems dpa' rnams dang/ de las gzhan de'i bstan pa las gnas pa rnams kyi rjes su bsnyegs te de'i bslab pa la rjes su slob po/ /ji ltar zhe na/ bag yod gtam ni
 dran byas nas te le'u bzhi pa dang bdun par brjod pa dang/ gzhan yang bslab pa kun las btus pa la sogs par brjod pa'o/ /bag med pa ni lus dang sems kyi rnam par g.yeng ba yin la de las bzlog pa ni bag yod pa yin te/
 de la bag yod pa'i don du bag med pa bzlog pa'i gtam ste/ de ston par byed pa'i gzhung dran par byas te sems la bzhag nas ji ltar brtsams pa'i don la 'khrul par mi 'gyur te/ gnyid dang rmugs pa bzlog par byed la /
 rmugs pa ni lus po zhum pa yin te le lo zhes pa'i tha tshig go/ gnyid ni gnyis kyis sems dman par byas pa yin la/ de bzlog pa na mkhas pa'i rjes su 'brang par bya'o zhes pa dang 'brel to/ /de ltar mnyam par bzhag
 pa la mi mthun pa'i phyogs spangs nas mnyam par bzhag pa la gcig tu gzhol bar bya'o zhes bstan pa'i phyir/ de bas zhes pa la sogs pa gsungs te/ sgrib pa ni nyon mongs pa la sogs pa yin la/ bsal ba ni 'chad par
 'gyur ba'i tshul gyis de dag spong bar 'dod pa ste/ mnyam par bzhag pa ste zhig nas 'brel par bya'o/ /rnam pa gang gis she na/ log pa'i lam las zhes pa la sogs pa gsungs te/ sngar brjod pa'i 'dod pa'i rnam par
 rtog pa la sogs pa rnams las so/ /yang na log pa'i lam ni le lo la sogs pa'i nyon mongs pa rnams la brjod de/ ji ltar mdor bsdus nas ting nge 'dzin thams cad kyi nyes pa ni rnam pa drug yin te/
 le lo dang/ dmigs pa la brjed ngas pa dang/ byid pa dang/ rgod pa dang mi? rtsol ba dang rnams rtsol ba'o/ /'di rnams kyi gnyen po spong ba'i 'du byed ba sgrom par bya ba yin te/ 'di ltar dad pa dang/ 'dun pa dang/ rtsol pa dang/
 shin tu sbyangs pa dang/ dran pa dang/ shes bzhin dang/ sems pa dang btang snyoms so/ /de la dang po bzhi ni le lo'i gnyen po'o/ /'di ltar ting nge 'dzin gyi yon tan rnams la mngon par yid ches pa'i mtshan nyid kyi dad pas rnal
 'byor pa de la mngon par 'dod pa skye la/ mngon par 'dod pa de las brtson 'grus rtsom zhing/ brtson 'grus kyi stobs de las lus dang sems las su rung bsgrub par byed de/ de las ni shin tu sbyangs pa'i lus dang sems yin te/
 le lo bzlog par byed do/ /des na dad pa la sogs pa rnams le lo spang ba'i ched du bsgom par bya'o/ /dran pa la dmigs pa na brjed pa'i gnyen po yin la/ shes bzhin ni byid ba dang rgod pa'i gnyan po yin te/ /yang dag pa'i yon
 tan nye bar mtshon pa'i phyir ro/ /bying pa dang rgong pa rab tu zhi ba'i dus na yang mi rtsol ba nyes pa yin te/ de'i gnyen por bying pa dang rgong pa rab tu zhi ba na sems pa bsgom par bya'o/ /gang gi tshe sems gdul dka' ba de'i tshe
 rtsol ba nyes pa yin no/ /da ni de'i gnyen por gtang snyoms bsgom par bya ste/ spong ba'i 'du byed brgyad po 'di rnams dang ldan pa'i ting nge 'dzin mchog tu las su rung bar 'gyur ro/ /zhes rgyas par gsungs so/ /de ltar
 'di'i phyir log pa'i lam las sems blan te bzlog nas so/ /'di ni dam pa'i las kyi sbyong ba bshad pa yin no/ /rang bzhin ci yin zhe na/ yang dag dmigs la rtag pa ste/ /gang cung zad dmigs pa mdor bsdus pas sam rgyas pas
 sems kyi nges pa de la brtan pa yin te/ mi mthun pa'i phyogs kyi sems par mchod par te de'i bar chod dang bral ba zhes bya pa'i tha tshig go /'dis ni mnyam par bzhag pa'i rang bzhin brjod do/ /sems rtse gcig pa de'i rang bzhin yin
 pa'i phyir/ rgyun mi 'chad pa'i sbyor pa yang brjod pa yin no/ /zhi gnas bsgom pa bsgrub pa'i rim pa 'di yang ka ma la shI la'i bsgom pa'i rim pa las gsal bar bstan te/ der brjod pa ni 'di ltar tshul khrims la sogs pa zhig nas
 kyi tshogs rnams la gnas nas yid dang rjes su mthun pa'i gnas rnams su sangs rgyas dang byang chub sems dpa' rnams la phyag 'tshal ba la sogs pa byas nas/ sdig pa bshags pa dang bsod nams la rjes su yi rang ba yang byas te 'gro ba mdza' 
 dag gdon pa'i bsam pas snying rje chen po nyid mngon du byas te bde ba'i stan la 'dug nas lus drang por bsrang ste skyil mo krung bcas nas ting nge 'dzin bskyed par bya'o/ /de la dang por re zhig gang dngos po de la dpyad par bya ste/ ji srid
 du rnam pa gang gis mdor na dngos po mdza' dag bsdus par gyur pa de la sems bstan par bya'o/ /yang mdor bsdus na dngos po thams cad ni gzugs dang gzugs med pa'i dbye bas rnam pa gnyis yin te/ de la yang las dang po pa'i
 rnam par g.yeng ba'i nyes pa spang ba'i phyir re zhig mdor bsdus pa la dmigs par rigs so/ /gal te yid la byed pa dul bar gyur na/ de'i tshe phung po dang khams la sogs pa'i dbye bas rnam par spyangs te rgyas pa la yang dmigs par bya ba
 nyid do/ /ji srid du de las nges par byas nas dngos po thams cad bsdus pa de nyid la yang sems kyi rgyun bsdam par bya'o/ /gang gi tshe bar skabs su 'dod chags la sogs pas sems phyi rol tu rnam par g.yengs pa de'i
 tshe rnam par g.yengs par tshor bar byas la/ myur du mi sdug pa bsgoms pa la sogs pas rnam par g.yengs pa zhi bar byas nas myur du de nyid la sems phyir zhing/ 'jug par bya'o/ /gang gi tshe de la sems mngon par mi dga' bar
 mthong ba de'i tshe ting nge 'dzin gyi yon tan mthong ba de la mngon par dga' ba bsgom par bya'o/ /rnam par g.yeng ba la nyes par mthong bas kyang mi dga' ba rab tu zhi bar bya'o/ /ci ste rmugs pa dang gnyid kyis non te rgyu ba ma
 gsal bas sems byid pa 'am byid du dogs par mthong ba de'i tshe snang ba'i 'du shes sangs rgyas kyi yon tan la sogs pa mchog tu dga' ba'i dngos po yid la byed pas myur du byid ba zhi bar byas la/ yang dmigs pa de kho na nyid shin
 tu brtan por bzung bar bya'o/ /ci ste gang gi tshe sngon rgod pa dang rtses pa rjes su dran par gyur pas bar skabs bar skabs su sems 'phyar ba'am/ rgod du dogs par mthong ba de'i tshe gong ma bzhin du mi rtag pa la sogs pa yid 'byung
 bar 'gyur ba'i dngos po yid la byas la/ g.yeng ba zhi bar bya zing/ de nas yang de kho na nyid la sems mngon par 'du bya ba med par 'jug par 'bad par bya'o/ /gang gi tshe byid ba dang rgod pa dang bral bar gyur nas mnyam par
 zhugs te de kho na nyid de nyid la sems rang gi ngang gis 'jug par gyur pa de'i tshe rtsol ba glod de bta' snyoms su bya'o/ /gal te sems mnyam par zhugs pa la rtsal bar byas na de'i tshe sems rnam par g.yeng bar 'gyur ro/ /
 yang gang gi tshe dmigs pa de la mngon par 'du byed pa med par 'jug pas ji ltar 'dod par 'gyur te/ de'i tshe zhi gnas grub par rig par bya'o/ /'di yang zhi gnas thams cad kyi thun mong gi mtshan nyid yin te/ sems rtse gcig pa tsam gyi rang
 bzhin yin pa'i phyir ro/ /zhi gnas kyi dmigs pa yang nges pa de nyid yin no zhes rgyas par bshad do/ /'dis dmigs pa la bar med pa nyid du bshad pa'am/ mi mthun pa'i phyogs bsal ba yang bstan pa yin no/ /byang chub sems
 dpa' i spyod pa la 'jug pa'i dka' 'grel shes rab 'byung gnas blo gros kyis mdzad pa las bsam gtan gyi le'u ste brgyad pa'o// //'phags pa 'jam dpal gzhon nur gyur pa la phyag 'tshal lo/ /gang dag gos
 pa nyid kyis spros pa kun spangs bla med go 'phang ldan/ /shes rab la sogs pha rol phyin par kun rdzob tshig gis brjod de zag pa med/ /gang zhig yang dag rtogs pas dri med blo dag mya ngan 'das mchog brnyes de la/ /phyag 'tshal nas
 ni de yi 'grel pa rab tu gsal ba'i tshig gis rim pa bzhin du bya/ /yon tan gter gyur slob dpon zhi ba'i lha 'dis gang du gsal par ni/ /gsung rab rgya mtsho chen po'i pha rol son pas brjod par spyod pa yin/ /blo gros rmongs
 pa bdag gis de don ji ltar brjod nus de lta na'ang/ /shes rab goms pas legs byas gang phyir mnyam med des na de la 'jug /yon tan phra ba 'ga' yi bag chags blo gros med pa ste/ /bdag la spobs pa'i yon tan bsags
 pa yod pa ma yin la/ /de lta mod kyi gang phyir bshes gnyen dam pa bsten pa yi/ /'bras bus de ltar de lta bu la dag ni rab tu rgyas/ de la gang zhig rigs kyi khyad par 'ga' las dge ba'i bshes gnyen bsten pa nyid kyis
 'gro ba gsum gyi nang du gtogs pa'i skye bo ma lus pa sdug bsngal gyis sdug bsngal bar gyur ba'i srog 'dzin pa thams cad sdug bsngal ma lus pa las gdon pa'i bsam pas bdag nyid kyi sdug bsngal khang du
 bsad de/ de zhi ba'i thabs su gyur pa sangs rgyas yin par 'di ltar bsams nas/ de thob par 'dod pas byang chub kyi sems bskyed pa'i che ba'i bdag nyid bde bar gshegs pa bsgrubs pa'i thabs su gyur pa tshogs gnyis yongs su rdzogs
 pa'i don du sbyin pa la sogs pa rnams la rim gyis 'jug ste/ de de ltar zhugs pa na zhi gnas dang yang dag par ldan par gyur pas kyang sbyin pa la sogs pa shes rab dang bral ba nyid kyis 'gro ba'i don bsgrub pa'i rgyus sangs rgyas
 nyid thob pa ma yin par bsams nas 'khor ba'i sdug bsngal las nges par 'byung bar 'dod pas shes rab bskyed pa'i don du 'bang par bya ste/ ji skad du zhi gnas rab tu ldan pa'i lhag mthong gis zhes pa la sogs pa gsungs
 pas so/ /de la zhi gnas bstan nas/ de ni de'i rjes la thob pa'i lhag mthong gi ming can shes rab kyi pha rol tu phyin pa bstan pa'i phyir/ yan lag 'di dag thams cad ces pa la sogs pa gsungs te/ 'di dag ces pa ni
 bstan bcos 'dir brjod ma thag pa'i mtshan nyid can sbyin pa la sogs pa'o/ /'di zhes pa ni mngon sum du gyur pa nyid la dpyod par byed do/ /yan lag 'di dag ces pa ni 'khor te ris yin la tshigs? zhes pa'i tha tshig go /brjod
 pa dang/ brjod pa'i rnam pa dang gzhan yang ste shes rab don du thub pas gsungs zhes pa dang 'brel to/ /shes rab ni ji ltar gnas pa'i rten cing 'brel par 'byung ba'i de kho na nyid rab tu rnam par 'byed pa'i mtshan nyid can yin la?/
 de nyid don yin te/ byang chub kyi rgyu'i dngos por yang dag par 'dren par byed pas gang gi sbyin pa'i mtshan nyid kyi yan lag ni dgos pa yin pa de la de skad ces brjod do/ /sbyin pa la sogs pa'i pha rol tu phyin pa'i dngos po rnams chos rnam
 par 'byed pa'i rang bzhin gyis shes rab gtso bo yin ba'i phyir ro/ /de ltar yang sbyin pa ni sangs rgyas kyi byang chub thob pa'i phyir rgyu'i dang po yin te/ bsod nams kyi tshogs su gtogs pa'i phyir ro/ /de yang tshul khrims kyis rgyan du
 byas pa nyid bde 'gro brgyud par bde ba'i longs spyod kyi nye bar mkho ba phun sum tshogs pa 'byung bar 'gyur bas bla na med pa'i ye shes 'byung ba'i rgyu yin no/ /bzod pa yang de'i mi mthun pa'i phyogs su gyur pa khong khro'i gnyen po nyid
 kyis sbyin pa dang tshul khrims kyis legs par spyad pa'i rang bzhin gyis tshogs rjes su skyong bar byed pa yin te bde 'gro nyid thob pa'i ched du rab tu 'jug go /sbyin pa la sogs pa gsum po las byung ba'i bsod nams kyi tshogs su
 brjod pa 'di yang dge ba yin te/ bsam gtan la sogs pa las byung pa ni ye shes kyi tshogs zhes pa yin la/ de dag brtson 'grus med par 'byung bas de ltar na yang tshogs gnyis ka'i rgyu yin pas sgrib pa thams
 cad spong ba'i ched du byung ba yin na/ /sems mnyam par bzhag pas yang dag pa ji lta ba bzhin shes par 'gyur bas bsam gtan gyi pha rol tu phyin pa yang bla na med pa'i ye shes thob pa'i rgyu ru 'gyur ba yin no/ /de ltar
 sbyin ba la sogs pa 'di rnams gus par byas pas bsgrubs na yang/ shes rab dang bral na bla na med pa'i go 'phang thob pa'i rgyur mi 'gyur zhing pha rol tu phyin pa'i ming thob par ma yin te/ shes rab kyis dag par byas pa
 la brten pas de yang bar chad med par rgya che pa la 'jug pas de'i rjes su mthun pas de'i rjes su 'jug pa na de'i rgyu'i dngos po thob par 'gyur la/ pha rol tu phyin pa'i ming yang thob par 'gyur ro/ /de bzhin du
 gtod pa po dang/ sbyin par bya ba dang/ len pa po la sogs pa gsum po rnams mi dmigs pa'i sbyor bas shes rab kyis yongs su spyangs te/ gus shing par chad med par dus yun ring por goms par byas pas rab kyi mthar
 thug par 'gro zhing/ ma rig pas bskyed pa'i rnam par rtog pa'i dra ba mdza' dag dang bral te/ nyon mongs pa dang shes bya'i sgrib pa las grol pa'i bdag med pa rnam gnyis thugs su chud pa'i rang bzhin bdag dang gzhan la
 phan pa thams cad kyi gzhir gyur pa don dam pa'i de kho na nyid kyi bdag nyid de bzhin gshegs pa'i chos kyi sku mngon par thob par byed pas shes rab ni gtso bo yin la/ sbyin pa la sogs pa ni phal par brjod do/ /sbyin pa la
 sogs pa las shes rab gtso bo yin na byang chub sgrub par byed pa'i rgyu de nyid 'ba' zhig zhog la/ sbyin pa la sogs pa rnams kyis ci zhig bya zhes ni brjod par mi bya ste/ de las gzhan gyis dgos pa brjod zin pa'i phyir ro/ /
 spyin pa la sogs pa 'ba' zhig ni mig dang bral pa yin te/ shes rab kyi mig dang ldan pa nyid kyis ji ltar mngon par 'dod pa'i bde bar gshegs pa nyid kyi sar 'gro bar 'gyur par byed pa'i phyir shes rab la 'dren par
 brjod de/ shes rab 'ba' zhig kyang yang dag par rdzogs pa'i byang chub bsgrub par byed pa ni ma yin no/ /de lta bas na sbyin pa la sogs pa'i 'khor ni shes rab kyi don du grub bo/ /rnam par rtog pa thams cad spangs
 pa'i phyir ram?/ sgro 'dogs pa dang skur ba 'debs pa'i mdza' gnyis po mi gsung pa'i phyir ram/ mi slob pa'i lus dang ngag dang yid kyi las kyi mtshan nyid thub pa gsum dang 'brel ba'i phyir thub pa ni sangs rgyas bcom ldan 'das so//
 sdug bsngal gsum gyis sdug bsngal ba'i 'gro ba thams cad yongs su bskyab pa'i dgongs pas gsungs te gsungs pa dang ldan no zhes bya ba'i tha tshig go / shes rab kyi ph rol tu phyin pa la sogs pa'i mdo rnams su shes rab kyi don du
 rim pas sgyin pa la sogs pa'i 'khor gsungs pa yin no/ /ji skad du 'phags pa shes rab kyi pha rol tu phyin pa stong phrag brgya pa las/ rab 'byor 'di lta ste dper na/ nyi ma'i dkyil 'khor dang zla ba'i dkyil 'khor ni gling bzhir
 las byed cing/ gling bzhi'i rjes su 'gro'o/ /gling bzhi'i rjes su 'brang ngo/ /rab 'byor de bzhin du shes rab kyi pha rol? tu phyin pa yang pha rol tu phyin pa lngar las byed cing/ pha rol tu phyin pa lnga'i rjes su 'gro'o/ /pha rol tu phyin pa
 lnga'i rjes su 'brang ste/ /shes rab kyi pha rol tu phyin pa dang bral na pha rol tu phyin pa lnga pha rol tu phyin pa'i ming mi 'thob po/ /rab 'byor 'di lta ste dper na 'khor los bsgyur ba'i rgyal po dang bral na/ rin po che sna bdun gyis 'khor
 los sgyur ba'i ming mi 'thob bo/ /rab 'byor de bzhin du pha rol tu phyin pa lnga yang shes rab kyi pha rol tu phyin pa dang bral na pha rol tu phyin pa'i ming mi 'thob bo/ /rab 'byor 'di lta ste dper na/ chu klung gang ji snyed cig yod
 pa de dag thams cad ni chu klung chen po gang gA gang na pa der 'dod do/ /de dag chu klung gang gA dang 'grogs shing rgya mtsho chen po'i nang du 'dod do/ /rab 'byor de bzhin du pha rol tu phyin pa lnga yang shes rab kyi pha rol tu phyin pas
 yongs su zin na rnam pa thams cad mkhyen pa nyid ga na ba der 'dod do zhes rgya cher gsungs so/ /yang ji skad du/ gau shi ka byang chub sems dpa' sems dpa' chen po rnams kyis shes rab kyi pha rol tu
 phyin pa 'dis ni sbyin pa'i pha rol tu phyin pa zil gyis gnon te/ /tshul khrims kyi pha rol tu phyin pa dang/ bzod? pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa ? gyis
 gnon to/ /kau shi ka 'di lta ste dper na dmus long brgya 'am stong ngam brgya phrag stong yang rung ste/ dmigs bu med par lam du 'jug par yang mi nus na grong khyer du 'gro bar lta ga la nus/ kau shi ka de bzhin du pha rol tu phyin pa lnga po
 'di dag ni dmus yong lta bur gyur pa ste/ shes rab kyi pha rol tu phyin pa med na de dag la dmigs bu med pas byang chub kyi lam yang skyed par mi nus na rnam pa thams cad mkhyen pa nyid kyi grong khyer du 'jug par ga la nus/ kau shi ka
 pha rol tu phyin pa lnga nam shes rab kyi pha rol tu phyin pas yongs su zin par gyur pa de'i tshe mig dang ldan par gyur te/ pha rol tu phyin pa lnga po 'di dag ni shes rab kyi pha rol tu phyin pas yongs su bzung na pha rol tu phyin pa'i ming 'thob po
 zhes rgya cher gsungs pa yin no/ /de bzhin du gzhan yang 'dir mdo gzhan gyi rjes su 'brangs nas ji lta ba bzhin du go bar bya'o/ /'di skad du/ dri med smad pa med khyod la/ pha rol phyin pa thams cad rnams/ thams cad
 du ni rjes 'brang ste/ zla ba'i rjes su rgyu skar bzhin/ zhes gsungs pa yin no/ /de yang 'di dag ces gsungs pa yin no/ /de bzhin du gzhan yang ba ni 'das ma thag pa'i zhi gnas kyi bdag nyid kyi rgyun no/ /yan lag ces pa
 ni shes rab kun nas slong bar byed pa nyid kyis de'i rgyu 'tshogs sam gzhi yin no/ /shes rab don du zhes pa ni sngar brjod pa'i shes rab de nyid dgos pa yin zhing bsgrub par bya ba nyid kyis gang gis yin pa ni zhi gnas kyis yongs su dag par byas pa'i
 sems kyi rgyun la shes rab skye ba'i phyir/ legs par spyangs pa'i zhing las 'bru skye ba dang 'dra'o/ /ji ltar bslab pa kun las btas par yang zhi gnas 'di'i bda nyid che ba ji lta zhe na/ yang dag pa ji lta ba bzhin du shes pa skyed par
 nus pa yin te/ gang gi phyir mnyam par bzhag pas yang dag pa ji lta ba bzhin du rab tu shes so zhes brjod de thub pas gsungs so zhes pa yin no/ /'di yang 'phags pa chos yang dag par sdud pa las/ mnyam par bzhag pa'i sems
 kyis yang dag pa ji lta ba bzhin mthong bar 'gyur ro/ /yang dag pa ji lta ba bzhin du mthong ba'i byang chub sems dpa' sems can rnams la snyin rje chen po 'jug ste/ bdag gi sems can thams cad la ting nge 'dzin gyi sgo 'di bsgrub? par
 bya'o/ /snying rje chen po nges bskul bas lhag pa'i tshul khrims dang lhag pa'i sems dang lhag pa'i shes rab kyi bslab pa yongs su rdzogs pas bla na med pa yang dag par rdzogs pa'i byang chub rdzogs par bya'o zhes gsungs so/ /ni zhes pa
 ni gang gi phyir te/ sbyin pa la sogs pa'i 'khor ram zhi gnas kyi bdag nyid kyi 'khor shes rab kyi don du yin par thub pas gsungs te/ de lta bas na shes rab bskyed par bya'o zhes sbyar bar bya'o/ /bskyed par bya'o zhes pa ni bsgrub
 par bya'o zhes pa'am/ mngon sum du bya ba 'am/ bsgom par bya ba 'am/ bsten par bya ba 'am/ mang ched du bya ba'o/ /shes rab de yang rnam pa gnyis te/ rgyur gyur pa 'am/ 'bras bur gyur pa'o/ /rgyur gyur pa 'di
 rnam pa gnyis te/ mos pas spyod pa dang/ sa thob pa'i byang chub sems dpa' i 'o/ /'bras bur gyur pa yang mtshan ma med pa'i spyor bas rnam pa thams cad kyi mchog dang ldan pa'i chos thams cad kyi stong pa
 nyid rtogs pa'i rang bzhin no/ /de la dang por rgyur gyur pa ni thos pa dang bsam pa dang bsgom pa'i rim pas goms pas sa la rab tu zhugs pa'i shes rab bskyed par byed pa yin te/ de yang sa gzhan dang gzhan 'thob pa'i sbyor bas
 mchog tu 'phel bar gyur pa yin te/ ji srid du sgrib pa gnyis dang bral rtog pa'i dra ba mdza' dag spangs pa'i sangs rgyas nyid kyis shes rab kyi rang bzhin yongs su rdzogs par byed do/ /de nyid kyi phyir sdug bsngal zhi bar 'dod pas zhes
 gsungs te/ sdug bsngal ni 'khor ba'i 'gro ba ris lngas yang dag par sdus pa'i sems can gyi phung por gtogs pa'i bdag nyid la yod pa'i skye ba dang/ nang dang/ rga ba dang/ 'chi ba'i rang bzhin dang/ sdug pa dang bral
 ba dang/ mi sdug pa dang phrad pa dang/ 'dod pa tshol ba'i gegs byed pa'i mtshan nyid dang/ mdor na nye bar len pa'i phung po'i bdag nyid kyang ngo/ /zhi ba ni mya ngan las 'das pa yin te/ slar mi skye ba'i nye bar zhi ba'i
 chos nyid kyis shin tu rgyan chad pa zhes pa'i don to/ /de la 'dod pa ni mngon par 'dod pa dang 'dun pa zhes pa'i tha tshig go / 'di ltar phyin ci log pa'i 'du shes can mi bden pa'i de kho na nyid du sgro 'dogs pa'i mngon par zhen pa'i
 stobs kyis bdag gi bar 'dzin par 'jug pas tshul bzhin ma yin pa'i yid la byed pa las byung ba/ 'dod chags la sogs pa nyon mongs pa'i tshogs yang dag par skye bar 'gyur ro/ /de las ni las yin la/ de las skye
 ba yin zhing de las kyang nad dang rga shi mya ngan dang/ smre sngags 'don pa dang sdug bsngal ba dang/ yid mi bde ba'i yongs su ngal ba la yang 'byung bar 'gyur ro/ /de ltar na 'di 'ba' zhig las sdug bsngal gyi phung po chen po 'byung bar 'gyur ro//
 de las de ltar lugs las bzlog pa'i rnam pas rten cing 'brel bar 'byung ba la yang dag pa'i shes rab kyis dmigs par byed pas/ yang de nyid bdag med pa dang/ bdag po med pa dang/ sgyu ma dang/ smig rgyu dang/ dri za'i grong khyar?
 dang/ rmi lam dang/ gzugs brnyan la sogs pa dang mtshungs pa'i rnam pa nyid kyis don dam pa rang bzhin med par mthong bas yang dag par ji lta ba bzhin du yongs su shes shing de'i mi mthun pa'i phyogs kyi bdag nyid rmongs pa'i rang bzhin
 gyi ma rig pa srid pa'i yan lag bzlog par byed la/ ma rig pa 'gags pas de'i rkyen yin pa'i phyir 'du byed 'gag go /de ltar rgyur gyur pa snga ma snga ma rnams 'gag pas 'bras bur gyur pa phyi ma phyi ma rnams 'gag par rig par bya ste/
 ji srid du skye ba 'gag pas rga shi dang mya ngan dang/ smre sngags 'don pa dang/ sdug bsngal ba dang/ yid mi bde bas yongs su ngal ba yang 'gag par 'gyur ro/ /de ltar na gcig tu sdug bsngal gyi phung po chen po 'di 'gag par 'gyur ro/ /
 de la ma rig pa dang sred pa dang len pa ni nyon mongs pa'i lam du rnam par chad la/ 'du byed dang srid pa ni las kyi lam du rnam par chad de/ yan lag lhag ma rnams ni sdug bsngal gyi lam du rnam par chad cing/ sngon gyi phyi ma'i
 mdza' 'gags pa ni 'gog pa'i lam du rnam par chad do/ /de ltar nyid du lam gsum ni bdag mang? pa ma yin la/ /bdag dang bdag gi ba med pa ste/ skye ba'i spyod pas skye bar 'gyur zhing 'gag pa'i sbyor bas 'gag par 'gyur te/
 dngos po la smyug? ma'i tshigs dang 'dra'o/ /'di yang phyi nas rigs pa dang lung gis rgyas par bstan par bya'o/ /de bas na 'di ltar 'dus byas la shes rab kyis rmi lam dang sgyu ma la sogs pa'i rang bzhin du so sor
 rtog pa na chos thams cad rang bzhin med par rtog pas don dam par khong du chud pa las bag chags dang bcas pa'i nyes pa'i phung po ldog par 'gyur zhing/ sdug bsngal thams cad nye bar zhi pa'i rgyu shes rab skye bar 'gyur te/ 'dis
 ji ltar lung dang rigs pa dag gis dpyod pa na dngos po'i de kho na nyid phyin ci ma log pa gsal bar byed pa'i phyir ro/ /kun rdzob dang ma rig pa dang/ rmongs pa dang phyin ci log ces bya ba ni rnam grangs yin no/ /ma rig pa yang mi bden
 pa'i don gyi rang bzhin sgro 'dogs par byed pa yin la/ rang bzhin mthong ba la sgrib pas na kun rdzob tu 'thad do/ /gang sA lu ljang pa las gsungs pa/ gzhan yang de kho na nyid ma rig pa dang log par rtogs pa ni mi shes pa dang
 ma rig pa yin no zhes so/ /yang gsungs pa/ ma rig pa skyes pa nyid kyis ni/ /yang dag min pa'i don snang zhing/ /yang dag sgrib par byed la 'jug/ mig ser gyis ni gnod pa bzhin zhes so/ /des nye bar bstan pa yang
 rten cing 'brel par 'byung ba'i dngos po'i rang bzhin yin pa de kun rdzob ces bya ste/ de nyid la 'jig rten pa'i kun rdzob kyi bden pa zhes brjod la/ 'jig rten pa nyid kyi kun rdzob kyis bden pa zhes bya ba las so/ /gang gti
 mug kun rdzob yin te rang bzhin la sgrib pas/ /gang zhig bcos ma kho na de yis bden par ston/ /dngos po'i don dang byas pa yang ni kun rdzob tu/ /'di ni kun rdzob bden pa zhes byar thub paS gsung zhes brjod pa'o/ /kun rdzob
 de yang 'jig rten pa nyid kyis rnam pa gnyis su 'byed de/ log pa'i kun rdzob dang yang dag pa'i kun rdzob ces so/ /'di ltar yang gang cung zad rkyen las skyes pa'i dngos po sngon po la sogs pa'i rang bzhin skyon mang pa'i dban pos dmigs pa ni
 'jig rten pa nyid las bden pa nyid yin la/ rten cing 'brel par 'byung ba las skyes pa yin yang sgyu ma dang smig rgyu dang gzugs brnyan la sogs pa rnams dbang po nyes pa dang ldan pas mthong ba dang ji ltar mu stegs can gyi rang gi grub
 mthas yongs su brtags pa yang 'jig rten pa nyid las log pa yin te/ de brjod pa/ gal te dbang po nyams par ma gyur pa'i/ /drug po rnams kyis 'jig rten yul rtogs byed/ /de ni 'jig rten nyid la bden yin te/ /
 lhag ma brtags pa 'jig rten nyid la brdzun zhes so/ /de ltar de gnyi ga yang/ yang dag pa gzigs pa'i 'phags pa rnams la ni brdzun pa yin te/ don dam pa'i gnas skabs su kun rdzob kyi bden pa ni 'khrul pa yin pa'i phyir ro
 'di de ma thag nyid rig pa'i sgo nas rtogs par bya ste/ de lta bas na ma rig pa dang ldan pa la dngos po'i rang bzhin mi snang ngo/ /dam pa ni mchog yin la/ don ni dam pa'i don yin te/ ma bcos pa dngos po'i rang bzhin gang
 gis rtogs pas sgrib pa'i bag chags dang rjes 'brel ba'i nyon mongs pa spong bar 'gyur ba'o/ /chos thams cad ngo bo nyid med pa dang/ stong pa nyid dang de bzhin nyid dang/ yang dag pa'i mdza' dang chos kyi dbyings zhes pa ni
 rnam grangs yin la/ rten cing 'brel par 'byung ba'i don thams cad rang bzhin med pa don dam pa'i ngo bo yin te/ ji ltar snang ba'i kun rdzob ni mi 'thad pa'i phyir ro/ /'di ltar yang re zhig ji ltar mthong ba'i ngo bos dngos po yod
 pa'i rang bzhin ma yin te/ de'i rjes kyi dus na mi gnas pa'i phyir ro/ /rang bzhin yang thams cad du glo bur pa ma yin pas mi g.yo ba'i rang bzhin yin pa'i phyir ro/ /gang zhig gang gis rang bzhin
 yin pa de ni ji ltar nam yang ldog pa ma yin te/ gzhan du na de'i rang bzhin nyams par thal bar 'gyur bas/ rang bzhin med pa nyid du 'gyur ro/ /de skye ba na yod pa'i ngo bos 'ga' zhig nas 'ongs pa 'am/ 'gag pa na 'ga' 
 zhig tu song par 'gyur ba yang ma yin te/ 'on kyang sgyu ma bzhin du rgyu dang rkyen tshogs pa'i rang bzhin gyis skye'o/ /de ma tshang ba las 'gag par 'gyur pa yang yin te/ rgyu dang rkyen gyi tshogs pa tshang pa las byung zhing gzhan la
 rag las pas bdag nyid thob pa na gzugs brnyan nyid du gyur pa yin la ji ltar de'i rang bzhin yin te/ gang gi don yang don dam pa ma yin la/ rgyu dang rkyen gyi tshogs pa las byung ba srid pa ma yin te/ de yang gzhan la rag
 las tshogs pa gzhan las byung ba'i bdag nyid las ngo bo thob pa rnams ni rang bzhin med pa yin pa'i phyir ro/ /de bzhin du gzhan gang zhig snga ma snga ma las rang rang gi rgyu'i tshogs pa las skye bas rang bzhin med pa nyid du blta bar
 bya'o/ /rgyu dang 'bras bu rjes su mthun pa 'dod pa rnams kyis ji ltar dngos po med pa las dngos po'i rang bzhin skye bar khas blang bar bya/ gang 'chad par 'gyur ba/ sgyu mas sprul pa gang yin dang/ /rgyu rnams kyis ni gang
 sprul pa/ /de ni gang las 'ongs gyur cing/ /gang du 'gro pa brtags par gyis/ /gang zhig gang ni nye ba yis/ /mthong 'gyur de med na min pa/ /bcos su gzugs brnyan dang mtshungs pa/ /de la bden nyid ji ltar yod/
 ces pa dang/ yang brjod pa/ gang zhig rkyen las skyes pa de ma skyes/ /de la skye ba'i rang bzhin yod ma yin/ /rkyen la rag las gang de stong par bshad/ /gang gis stong nyid shes de bag yod yin zhes pa dang/ stong pa kho na'i chos
 rnams las/ /stong pa'i chos rnams 'byung bar 'gyur zhes pas so/ /rang dang gzhan dang gnyi ga'i rgyu dang 'brel pa dang/ rgyu med pa dang 'brel pa las dngos po skye ba ni shin tu legs par 'thad pa ma yin te/ 'di ltar yang rang gi
 bdag nyid dngos po rnams rang skye ba'i rgyu mtshan gal te yin na skyes pa 'am ma skyes pa la yin/ skyes pa ni re zhig ma yin te/ rang gi bdag nyid rgyu yin pa na de'i bdag nyid thams cad rang nyid kyis skyes pa'i phyir ro/ /gang du yang
 'di la bya ba dang ldan par 'gyur ba bskyed par bya ba yang 'di la ma skyes pa gzhan gyi rang bzhin med pa'i phyir te/ gcig pu 'di la cha shas dang ldan pa'i phyir ro/ /phyis skye bar 'gyur ba gzhan 'di ni de'i? rang bzhin du rig pa ma yin
 te/ de grub pa dang ma grub pa ni de'i rang bzhin ma yin pa'i phyir ro/ /des na rang gi bdag nyid las skyes pa ni cung zad kyang srid pa ma yin no/ /yang rang las skyes pa'i phyogs la gang yang 'thad pa ma yin te/ sngar grub pa'i rang
 bzhin la gcig la gcig brten pa'i nyes par thal bar 'gyur bas so/ de ma grub pa las kyang ma yin te/ nam mkha' i me tog dang 'dra bar nus pa mdza' dag gis stong pa ni rang grub pa'i rgyu'i dngos por 'gro bar rigs pa ma
 yin no/ /gzhan du na bod bu'i rwa yang rang rang gi dngos po bskyed pa'i rgyu nyid du thal pa'i phyir ro/ /gzhan yang las zhes pa'i phyogs 'di yang ma yin te/ nyi ma las kyang mun pa'am thams cad laS thams cad skye bar thal bar 'gyur ba'i phyir dang
 bskyed par bya ba dang bskyed par byed par mi 'dod ba dag mngon par 'dod pa'i 'bras bu la bltos pa ste/ gzhan nyid du khyad par med pa'i phyir ro/ /bskyed par bya ba dang skyed par byed pa rgyu gcig pa so sor nges pa
 yang 'bras bu ma skyes pa na brtags pa nyid kyis dngos po la rigs pa ma yin no/ /ma 'ongs pa'i chos gnas pa la bltos nas 'bras bu la sogs pa'i tha snyad dngos po ma yin te/ dngos po'i rang bzhin du yod par dpyod par 'gyur
 ba'i phyir ro/ /sa bon gnas pa rnams la myu gu yod pa bltos pa ni sa bon las gzhan pa nyid yin par brtags pa ni yod pa ma yin te/ rgyu la 'bras bu yod pa nyid ni 'gegs par 'gyur ba yin ba'i phyir ro/ /gang du mthong bas
 nyid kyis dngos po rnam par dpyad pas gnas pa ma yin na der ma 'ongs pa la sogs pa rnams srid pa'i bsam pa 'ang ci yod/ gnyi ga'i phyogs kyang ma yin te/ so so pa'i phyogs la brjod pas gnyi ga'i phyogs la skyon du
 'gyur ba'i phyir ro/ /'bras bu ma skyes pa na yang gnyi ga'i rgyu'i ngo bo don dam par med pa'i phyir ro/ /skyes pa la yang cung zad kyang bskyed par byar med pas gang la gnyi ga'i ngo bo'i rgyu'i bya ba dang ldan par 'gyur/ rgyu med pa las
 zhes pa'i rnam par rtog pa yang ma yin te/ gang gi phyir med par dgag pa'i bdag nyid gyis rgyu med pa las zhes pa ni 'thad pa ma yin te/ rgyu med pa na dngos po rnams kyi yul dang dus kyi nges pa med par thal bar 'gyur ba 'am/
 rtag tu yod pa dang med par thal bar 'gyur ba dang/ thabs las byung ba 'dod pas kyang so sor nges pa'i thabs nyams su len par yang mi 'gyur ro/ /gtso bo ? phyug la sogs pa rnams rgyu yin pa nyid 'di 'geg par 'gyur ba'i phyir ro//
 rgyu med pa las dngos po'i rang bzhin thob pa ni ma yin no/ /de lta bas na dngos po rnams rang dang gzhan dang gnyi ga dang rgyu med pa las yod pa skye ba mi 'thad do/ /de skad du yang/ rang las ma yin gzhan las min/ /gnyis las ma yin rgyu med
 min/ /dngos po gang dag gang na yang/ /skyes pa nam yang yod ma yin/ zhes gsungs so/ /gcig dang bum dang bral ba dpyad pas kyang dngos po thams cad rang bzhin dang bral bas yod pa'i dngos po ni ma yin no/ de lta bas na rmi lam
 dang sgyu ma dang gzugs brnyan la sogs pa dang 'dra ba rkyen las byung ba tsam nyid 'di ma brtags na nyams dga' ba bzhag ste ji ltar sdug bsngal thams cad kyi rgyur gyur pa mngon par zhen pas ci zhig bya ste/ dgos pa yod pa ma yin no/ /de'i phyir
 'di ni don gyi de kho na nyid yin te/ bdag dang gzhan smras dngos 'di dag /yang dag tu na gcig pa dang/ /du ma'i rang bzhin bral ba'i phyir/ /rang bzhin med de gzugs brnyan bzhin zhes so/ /de ltar na rang bzhin med pa nyid dngos
 po rnams kyi gnyug ma yin te don dam pa'i rang bzhin gyis gnas pa ma yin no/ /de nyid la skyes bu'i dgos pa'i mchog dang khyad par du 'phags par brjod do/ /'di la yang mngon par zhen par mi bya'o/ /gzhan dun dngos po la mngon par
 zhen pa la khyad par cung zad kyang yod pa ma yin te/ gnyi ga yang brtags pa'i bdag nyid kyis bsgribs pa yin pa'i phyir ro/ /med par brtags pa'i rang bzhin gyis rang gi ngo bo cung zad ni yod pa ma yin la/ dngos po log pa yang dngos po
 med pa ma yin te/ log pa ni rang bzhin med pa yin pa'i phyir ro/ /gal te yang dngos po ma yin te/ log pa ni rang bzhin nyid 'ga' zhig gi rang bzhin yin na/ de'i tshe bkag pa'i bdag nyid kyang dngos po med par 'gyur ro/ /dngos
 po'i rang bzhin med do zhes bstan pa nyid yin no/ /de'i phyir dngos po log pa'i ngo bo dngos po med ces bya ba cung zad kyang yod pa ma yin no/ /dngos po dang dngos po med pa dag brjod pa'i rim pas med par bstan pa na/
 de gnyis 'dres pa'i bdag nyid dam gnyi ga bkag pa'i rang bzhin nyid ni yod pa ma yin te/ dngos po'i rnam par rtog pa nyid rnam par rtog pa mdza' dag gi rgyu yin pa'i phyir de bkag pa na 'di rnam pa thams cad nyid dgag pa gcig gis bsal ba
 yin no/ /de'i phyir yod pa dang/ yod pa ma yin pa dang/ yod pa dang med pa gnyis? ga dang/ gnyi ga'i bdag nyid kyang ma yin pa la cung zad kyang mngon par zhen pa'i yul du brtags par mi bya'o/ /de 'phags pa she rab kyi pha rol tu phyin pa las
 gsungs pa/ rab 'byor gyis smras pa/ tsho dang ldan pa shA ra dwa ti'i bu 'di la byang chub sems dpa' i theg pa po'i rigs kyi bu 'am rigs kyi bu mo thabs mi mkhas pas gzugs stong pa'o zhes yang dag par shes pa ni zhen pa'o/ /tshor ba stong pa'o
 zhes yang dag par shes na zhen pa'o/ /'du shes stong pa'o zhes yang dag par shes na zhen pa'o/ /'du byed stong pa'o zhes yang dag par shes na zhen pa'o/ /rnam par shes pa stong pa'o zhes yang dag par shes na zhen pa'o/ /de bzhin du
 mig dang rna ba dang sna dang lce dang lus dang/ ji srid du chos kyi? bar du stong pa'o zhes yang dag par shes na zhen pa'o/ /zhes rgyas par ro/ /ji skad du yang/ kun rtogs thams cad spang ba'i phyir/ /stong nyid bdud rtsi ston mdzad la/ /gang zhig
 de la zhen gyur na/ /de nyid khyed kyis shin tu smad ces gsungs pa yin no/ /yod min med min yod med min/ /gnyis kyi bdag nyid du yang med/ mdza' bzhi dag las nges grol ba/ /de nyid dbu mar mkhas rnams bzhed ces so/ /de ltar
 yang mdza' bzhi las grol ba 'dod ma nas zhi ba ma skyed pa ma 'gags pa rtag pa dang chad pa med pa la sogs pa'i rang bzhin gyi spros pa dang bral ba'i phyir nam mkha' bzhin du chags pa yed pa gnas med par 'gro ba ma lus par blta bar bya'o/ /'di ni bden
 pa gnyis su 'dod ces te/ gang zhe na/ kun rdzob dang ni don dam ste zhes 'og tu sbyar bar bya'o/ /kun rdzob ni gcig yin la bden pa ni phyin ci ma log pa yin no/ /yang don dam pa ste bden pa gzhan yin la/ dang gi sgras ni bden pa tsam du mtshungs par
 sdud par byed do/ /de la kun rdzob kyi bden pa ni 'jig rten pa'i phyin ci ma log pa'i ngo bo yin la don dam pa'i bden pa la yang bden pa ni bslu bar mi byed pa yin no/ /de kho na nyid ni 'phags pa rnams kyi'o zhes pa ni khyad par ro/ /don gyi khyad par
 'di lta bu mthong bas kyang dang gi sgra ni rigs pa yin te/ 'di skad brjod par 'gyur te/ phyi rol dang nang gi bdag nyid kyi dngos po 'di thams cad rang bzhin rnam pa gnyis 'dzin pas yang dag par skye bar 'gyur te/ 'di lta ste kun rdzob dang don
 dam pa zhes pa'o/ /de la gcig ni ma rig pa'i rab rib kyis bsgribs pa'i mig can yang dag pa ma yin pa'i bdag nyid mthong ba'i so so'i skye bo rnams kyi yul brdzun ba mthong ba nyid na yang dag par mthong bar zhen to/ /gzhan ni rnam par 'byed
 pa'i mig sman gyi thur mas ma rig pa'i ling tog bsal bas yang dag pa'i shes pa'i mig can de kho na nyid rig pa'i 'phags pa rnams kyi yang dag pa'i shes pa'i yul du gyur pas rang bzhin rnam par bzhag pa yin no/ /de ltar dngos po 'di dag
 thams cad rang bzhin gnyis 'dzin pa yin no/ /rang bzhin 'di dag las byis pa brdzun pa mthong ba rnams kyi yul de ni kun rdzob kyi bden pa yin la/ gang yang dag pa'i gnas skabs kyi de kho na nyid rtogs pa rnams kyi yul de ni don dam pa'i
 bden pa zhes bstan bcos rigs pas rnam par bzhag go /gang gsungs pa/ yang dag dang ni brdzun pa'i dngos mthong ba/ /'thob las dngos kun ngo bo gnyis 'dzin la/ /yang dag gzigs yul gang de de nyid de/ /
 brdzun pa mthong ba kun rdzob bden bar brjod ces so/ /de ltar gnyis bsdus pa la gnyis so zhes rigs so/ /'dod ces pa ni mngon par bzhed pa'o/ /gang rnams zhe na/ sgrib pa spangs pa'i thugs dang ldan pa sangs rgyas bcom ldan 'das rnams
 de'i rjes su zhugs pa'i 'phags pa nyan thos dang rang sangs rgyas dang byang chub sems dpa' rnams so/ /'di nyid bden pa gnyis yin te/ /gzhan bden pa ni yod pa ma yin no zhes dang gi sgra nges par bzung ba'i don du yang 'thad do/ /de skad du/
 bden pa gnyis la brten nas ni/ /sangs rgyas rnams kyi chos bstan pa/ /'jig rten kun rdzob bden pa dang/ /dam pa'i don gyi bden pa'o/ /zhes gsungs so/ /yab sras mjal ba las kyang/ /'jig rten mkhas pa'i bden
 pa 'di gnyis te/ /khyed kyis gzhan las ma gsan rang gi gzigs/ /de ni kun rdzob bden dang bon? dam ste/ /bden pa gsum pa gang yang ma mchis so zhes gsungs so/ /bcom ldan 'das kyis 'phags pa'i bden pa bzhi po sdug bsngal
 dang 'gog pa dang lam gyi mtshan nyid chos mngon pa las gsungs pa ma yin nam/ de ji ltar na bden pa gnyis kho na yin zhe na/ bden te 'on kyang gdul bya'i bsam pa dang bag la nyal gyi dbang gis gnyis po nyid bzhir byas nas
 bstan pa yin te/ 'di rnams gnyis po nyid du 'dus pa'i phyir ro/ /'di ltar yang sdug bsngal dang kun 'byung ba dang lam rnams ni kun rdzob kyi bden pa'i rang bzhin gyis kun rdzob kyi bden par 'dus la/ 'gog pa'i bden pa ni/
 don dam pa'i bden pa yin te/ cung zad kyang 'gal ba med do/ /de ltar na yang kun rdzob ni ma rig pas nye bar bstan pas yang dag par ma yin pa'i sgro btags pa'i rang bzhin yin pa'i phyir rnam par dpyad pa las lan brgya phrag du nyams par
 gyur na yang ji ltar bden pa yin zhe na/ de yang bden mod kyi/ 'on kyang 'jig rten pa'i zhen pa las kun rdzob kyi bden pa zhes brjod de/ 'jig rten pa nyid kun rdzob kyi bden pa zhes 'dod cing/ de'i rjes su 'brangs nas bcom ldan 'das kyis
 kyang de kho na'i don de nyid btang snyoms su bzhag nas kun rdzob kyi bden pa zhes gsungs te/ de nyid kyi phyir/ 'jig rten kun rdzob bden pa dang zhes bstan bcos su khyad par dang bcas pas slob dpon gyi zhal snga nas kyis gsungs so/ /dngos po
 la ni don dam pa'i bden pa gcig pu kho na yin te/ de bas na cung zad kyang nyams pa med do/ /ji skad du bcom ldan 'das kyis dge slong dag 'di ni gcig pu ste/ don dam pa'i bden pa'o/ /'di lta ste mi bslu ba mya ngan las 'das pa'i
 chos yin la/ 'dus byas thams cad ni brdzun pa bslu ba'i chos so zhes gsungs so/ /'di ni bden pa gnyis su brjod pa yin no/ /de la ma rig pas bslad pa'i sems de'i rang bzhin gyis kun rdzob kyi bden pa yin zhes rtogs la / /
 don dam pa'i bden pa ni ji lta bu dang mtshan nyid gang yin pa dang rang bzhin gang yin pa mi shes pas de'i mtshan nyid brjod par bya ste/ 'di ltar don dam blo'i spyod yul min zhes gsungs so/ /blo ni shes pa thams cad yin te/ shes pa
 thams cad kyi yul las 'das pa'i phyir spyod yul ma yin pa ste/ yul ma yin pa'o/ /blo de thams cad kyis rnam pa gang gis kyang yul du bya bar ma nus pa yin no zhes pa'i tha tshig ste/ ji ltar de'i rang bzhin de ltar bstan par nus/
 'di ltar yang spros pa thams cad las rnam par grol ba'i rang bzhin de bzhin nyid don dam pa'i bden pa'i de kho na nyid yin pa de'i phyir ji ltar yang rnam par rtog pas mthong ba ma yin te khyad par thams cad dang bral pa'i
 phyir te?/ /brtags pa las 'das pa'i rang bzhin yang sgra rnams kyi spyod yul ma yin te/ sgra ni rnam par rtog pas bskyed pa yin la yul ma yin pa la rnam par rtog pa'i blo 'jug pa ma yin no/ /de lta bas na rnam par rtog pa'i brjod
 pa thams cad dang bral bas sgro ma btags pa kun rdzob ma yin pa brjod du med pa ni don dam pa de kho na nyid ji ltar bstan par nus/ de lta na yang snod dang ldan pa'i nyan pa po rnams ji ltar yang rjes su bzung ba'i don du yongs su brtags pa
 bzung nas kun rdzob kyi bden pa dpe nye bar bstan pas cung zad brjod pa yin te/ dper na rab rib can la rab rib kyi mthus nam mkha' i phyogs thams cad du skra shad kyis khyab par mthong nas de dang der? gdod ba bsgyur bar byed de/
 de ltar byed pa rab rib med pas rig nas 'di ci byed ces de'i gan du song nas de mthong ba'i skra'i yul du mig phyed nas bltas kyang skra'i gzugs ni mthong par ma gyur la/ skra shad de gzhir gyur pa'i dngos po dang dngos po med pa'i
 khyad par rnams yongs su rtog pa ma yin no/ /gang gi tshe rab rib can gyis rab rib med pa la 'di na skra yod do zhes rang gi bsam pas ston par byed pa de'i tshe de'i rnam par rtog pa spang ba'i don du de la 'di na skra shad cung zad kyang yod pa ma
 yin na zhes yang dag pa ji lta ba bzhin du 'di ston par byed do/ /rab rib can gyis mthong ba'i dor dgag pa ltung byed pa nyid kyi tshig 'di smras pa yin te/ de rnams kyis de skad smras pa na yang dgag pa 'am bsgrub par byas pa
 ni yod pa ma yin no/ /skra shad kyi de kho na nyid de yang rab rib can gyis mthong ba gang yin pa de rab rib med pas mthong ba ni ma yin no/ /de bzhin du ma rig pa'i rab rib kyis nyams pa dang ldan pas de kho na nyid mthong ba'i byis pas gang phung po
 dang skye mched kyi rang bzhin 'di dmigs pa ma yin te/ de rnams kyi kun rdzob kyi ngo bo phung po la sogs pa de bzhin gang gis rab rib med pas mthong ba'i tshul gyis ma rig pa'i bag chags mdza' dag spangs pa'i sangs rgyas bcom ldan 'das
 kyis gzigs pa de ni de rnams kyi don dam pa'i bden pa yin no/ /ji skad du/ /bstan bcos mkhyen pas/ gang zhig rab rib snang bas rnam brtags pa/ /skra sogs ngo bo de nyid phyin ci log /mthong dag gang gis yang dag mthod de ni//
 de nyid yin te de bzhin 'dir shes bya/ /zhes gsungs pa yin no/ /de ltar don dam par brjod par bya ba ma yin yang/ don dam pa'i de kho na nyid gzigs pa'i sgo nas nye bar brtags pa bzung ste/ kun rdzob ji ltar yang bstan pa yin
 la kun rdzob kyi tha snyad ma lus pa spangs pa nges dngos po'i rang bzhin smra bar nus pa ni ma yin te/ ji skad du/ /yi ge med pa'i chos rnams la/ /nyan pa po gang ston pa gang/ /don gang nyan cing ston byed pa/ /sgro btegs pas na
 yi ge med/ /ces brjod gsungs so/ /de lta bas na tha snyad pa'i bden pa nyid la brten nas don dam pa ston pa yin te/ /don dam pa bstan pa rtogs pas kyang don dam pa mngon du byed pa yin te/ de nyid de'i thabs yin pa'i phyir ro//
 gang bstan bcos las/ tha snyad la ni ma brton pa/ /dam pa'i don ni rtogs med par/ /mya ngan 'das pa thob ma yin zhes gsungs so/ /de ltar don dam pa bstan pa ni thabs yin la/ /don dam pa rtog pa sad? thabs las byung ba yin te/
 gzhan du na de bstan par mi nus pa'i phyir ro/ /ci ste yang de lta 'bur gyur pa yang de lta bur gyur pa'i blo'i yul yin te/ don dam par ci'i phyir mi 'gyur zhe na/ 'di la blo ni kun rdzob yin par brjod cos
 gsungs pa yin te/ /blo la snang ba dang mi snang ba nyid kyi thams cad brtags pa'i rang bzhin yin te/ rtog pa yang thams cad du ma rig pa'i rang bzhin yin te/ dngos po med pa 'dzin pa'i phyir ro/ /gang rnam par rtog pa 'dir rang nyid kyis
 ma rig pa'i ngo bor gyur ces gsungs so/ /ma rig pa yang kun rdzob yin te/ de'i phyir brgya la yang blo ni don dam pa'i rang bzhin 'dzin par don dam par 'thad pa ni ma yin no/ /gzhan du na kun rdzob blo'i gzung par bya ba yin pas don dam pa'i rang
 bzhin nyid de nyams par 'gyur te/ dngos po la don dam pa ni kun rdzob kyi shes pa'i yul yin pa'i phyir ro/ /bcom ldan 'das kyis 'phags pa'i bden pa gnyis la 'jug pa der yang lha'i bu gal te don dam par don dam pa'i bden pa lus dang
 ngag dang yid kyi spyod yul du gyur na de don dam pa'i grangs su mi 'gro zhing kun rdzob kyi bden pa nyid du 'gyur ro/ /lha'i bu 'on kyang don dam pa'i bden pa ni tha snyad thams cad las 'das pa dang/ yang dag par ma skyes pa dang ma 'gags pa dang/ brjod
 par bya ba dang/ brjod par byed pa dang/ shes bya dang/ shes pa dang bral ba yin te/ ji srid du rnam pa thams cad kyi mchog dang ldan pa'i thams cad mkhyen pa'i ye shes kyi yul las 'das pa ni don dam pa'i bden pa yin no zhes rgyas par gsungs
 so/ /de nyid kyi phyir rnam par rtogs pa rnams kyi yul ma yin te/ gang dngos po dang dngos po med pa yin pa/ rang dang gzhan gyi dngos po dang/ bden pa dang bden pa ma yin pa dang/ rtag pa dang/ chad pa dang/ rtag pa dang/ mi rtag pa dang/
 bde ba dang/ sdug bsngal ba dang/ gtsang ba dang/ mi gtsang ba dang/ bdag dang/ bdag med pa dang/ stong pa dang/ stong pa ma yin pa dang/ gcig dang du ma dang/ skye ba dang/ 'gag pa la sogs pa'i khyad par rnams de kho na nyid du srid pa ma yin te/
 'di rnams kun rdzob kyi chos yin pa'i phyir ro/ /'di yang bcom ldan 'das kyis yab dang sras mjal ba'i mdo las ji skad du/ 'di ltar de bzhin gshegs pas kun rdzob dang don dam pa gnyis thugs su chud/ shes par bya ba yang kun rdzob dang/
 don dam pa 'dir zad do/ /de yang bcom ldan 'das kyis stong pa nyid du rab tu gzigs/ rab tu mkhyen/ legs par mngon du mdzad pas de'i phyir thams cad mkhyen pa zhes bya'o/ /de la kun rdzob ni 'jig rten gyi spyod pa de bzhin gshegs pas
 gzigs so/ /don dam pa gang yin pa de ni rjod du med pa'o/ /shes par bya ba ma yin pa dang/ rnam par shes par bya ba ma yin pa/ yongs su shes par bya ba ma yin pa/ ma bstan pa/ rab tu ma bstan pa nas bya ba med pa'i bar dang/ byed
 pa med pa nas ji srid du thob pa ma yin pa/ ma thob pa ma yin pa/ bde ba ma yin pa/ sdug bsngal ba ma yin pa/ snyan pa ma yin pa/ mi snyan pa ma yin pa/ gzugs ma yin pa/ gzugs med pa ma yin pa zhes bya ba la sogs so/ /
 de ltar kun rdzob kyi khyad par mdza' dag nub pa khyad par ma lus pa dang bral ba la dngos po mdza' yas shing yangs pa khyab ba'i ye shes kyi snang ba la gsal ba'i nang gi bdag can bcom ldan 'das kyis don dam pa'i bden pa'o/ /zhes gsungs so/ /
 'di 'phags pa nam snyid kyis rang rig pa'i rang bzhin yin pas so sor rang gis rig pa yin te/ de'i phyir de nyid 'di la tshang ma yin no/ /kun rdzob kyi bden pa ni 'jig rten pa'i tha snyad la bsten nas bstan pa yin no/ /de 'di ltar rnam par dbye
 pa ci lta bar bden pa gnyis shes pas phyin ci ma log par chos rnam par 'byed pa skye bar 'gyur ro/ /de ltar kun rdzob dang don dam pa'i dbye bas bden pa gnyis su rnam par bzhag nas/ de la dbang ba'i 'jig rten yang rnam pa gnyis
 nyid do zhes bstan pa'i phyir/ de la 'jig rten zhes pa la sogs pa gsungs te/ de la ni de dag la ste/ kun rdzob dang don dam pa'i bden pa la dbang bar gnas pa'i bden pa gnyis rtogs par byed pa po zhes bya ba'i tha tshig go/ 'jig rten ni
 skye bo yin la/ gnyis ni rnam pa gnyis yin te/ kun rdzob dang don dam pa'i bden pa rtog pa dag go /'jig rten zhes pa ni spyi'i tshig yin pa des na phung po gnyis yin no zhes pa'i don to/ /mthong ba ni lung dang rigs pas rtogs pa'o/ /
 ji ltar na rnam pa gnyis su byas she na/ rnal 'byor pa dang phal pa'o zhes pa ste/ rnal 'byor ni ting nge 'dzin yin la/ chos thams cad ma dmigs pa'i mtshan nyid yin te/ de gang la yod pa de ni rnal 'byor pa yin la/ 'jig rten pa zhes phung
 po rnams gcig tu byas so/ /de bzhin du thal? pa ni 'khor bar 'jug pa'i rgyu ma rig pa dang sred pa yin la/ de las byung ba ni phal ba yin te/ phal pa nyid phal pa yin la 'jig rten ni gnyis pa'o/ /de la rnal 'byor pa nyid ni gtso bo yin
 te phyin ci ma log par mthong ba yin no/ /phal pas dngos po phyin ci log tu mthong ba yin te/ 'khrul pa'i phyir ro/ /de ltar na yang gnyi gas yang rang gi de kho na nyid ci lta ba mthong bas gang zhig ma 'khrul ba can yin zhe na/ gang nyid la
 gzhan gyis gnod pa'o/ /yang 'di dag las gang gis gnod pa yin zhe na/ de la zhes pa la sogs pa gsungs te/ de la zhes pa ni bdun pa'i mdza' can sbyin btang ba'i tshig dang dmigs kyis dgar ba la bdun pa'o/ /de la rnal 'byor ba
 dang 'jig rten phal pa de dag gi nang nas 'jig rten phal pa ni phal pa'i riD? kyi spyi? la? dmigs? kyis bsal ba yin te/ dmigs kyis bsal nas kyang gnod ces pa ni gnod bar brjod do/ /gang las bltos nas zhe na/ rnal 'byor 'jig rten zhes pa la sogs
 pa gsungs te/ rnal 'byor pa nyid 'jig rten zhes pa la sogs pa gsungs te/ rnal 'byor pa nyid 'jig rten yin te rnal 'byor pa'i 'jig rten pa'o/ /des gnod pa ni phyin ci log gi blor rnam gzhag byed pa'o/ /ji ltar zhe na/ blo khyad kyis
 zhes pa sbyar bar bya ste/ rnal 'byor pa la ni 'jig rten pas gnod pa yin no/ /'dir bsam pa ni 'di min te/ ji ltar 'khrul pas bskyed pa'i dngos por rab rib kyis nyams par byas pa'i mig tsam gyi mi bden pa'i skra shad mthong ba'i shes pa
 la ni dngos po ji ltar gnas pa'i de kho na nyid 'dzin par rab rib med pa can gyi shes pas gnod do/ /de bzhin du rab rib med ba can gyi shes pa la ni rab rib can gyi shes pas mi gnod de/ de bzhin du ma rigs pa'i dri ma'i rab rib kyis blo'i mig
 skyon can du byas pas dngos po'i rang bzhin phyin ci log tu 'dzin pa ni phal ba'i shes pa yin la/ shes rab kyi chus bkrus pa'i mtshan nyid can dri ma dang bral ba zag pa med pa'i mig dag gis dngos po gnyug ma'i de kho na nyid rig pa'i rnal 'byor
 pas 'jig rten pa'i shes pa la gnod la/ slar cig shos kyis ni rnal 'byor pa'i shes pa la gnod pa ma yin no/ /ji ltar mthong ba'i rab rib mig can gyis/ /rab rib med pa'i ye shes la gnod min/ /de bzhin shes pa dri ma'i dbang gyur
 pas/ /dri med blo la gnod pa yod ma yin zhes gsungs te/ de bas na phal pa'i shes pa 'khrul pa nyid la gnod do/ /'on te ci phal pa nyid la gnod do/ /'on te ci phal pa nyid la rnal 'byor pa rnams kyis gnod dam/ 'on te rnal 'byor pa
 la gnod ce na/ gong ma zhes pa la sogs pa gsungs te/ rnal 'byor pa la yang rnal 'byor pa gzhan dang gzhan gyis gnod de/ phal pa 'ba' zhig la ni ma yin no zhes bya ba ni yang gi sgra'i don to/ /ji ltar bur?
 gyur pa zhe na/ gong ma gong ma'i zhes te/ gong ma las kyang gong ma de rnams kyis so/ /yon tan gyi khyad par zhes gong nas gong du gnas pa'i dbye bas khyad par thob pa ste/ /lhag cing lhag pas zhes pa'i don te/ de la ltos nas yon
 tan chung bar gyur pa 'og ma'i la gnod par byed pa yin la/ ye shes kyi cha ba'i bdag nyid la sogs pa rnams kyis zil gyis gnon to/ /ji ltar zhe na/ blo khyad kyis te/ blo ni ye shes yin te shes rab kyi khyad par ngas sgrib pa de
 dang bral bas mchog tu gyur pa yin la 'di yang mtshon pa tsam ste bsam gtan dang ting nge 'dzin dang snyoms par 'jug pa la sogs pa'i khyad par rnams kyis kyang yin no/ /'di ltar yang sa dang po rab tu dga' bar grags pa thob pa'i
 byang chub sems dpa' i shes rab la sogs pa'i yon tan las bltos na de'i gong ma dri ma med par brjod pa'i sa gnyis ba thob pa'i byang chub sems dpa' i ye shes kyi stobs la sogs pa rnams kyi yon tan khyad par du 'phags so/ /de bzhin
 dus gong ma gong ma gzhan thob pa rnams la yang rig par bya'o/ /de bzhin du bsam gtan dang po la sogs pa thob pa rnams la yang gong ma gong mas gnod par sbyar bar bya ste/ zag pa dang bcas pa rnams la zag pa med pa rnams
 kyis zhes pa'i bar du'o/ /de ltar bden na yang rnal 'byor pa'i blo'i khyad par las phal pa'i shes pa 'khrul ba yin no zhes ji ltar rtogs par nus she na/ gnyi ga yang ni 'dod pa'i dpes zhes gsungs te/ rnal 'byor pa dang phal
 pa gnyis ga 'dod cing mngon par 'dod pa'i dpe ste nye bar sbyar ba des so/ /gang 'dir mdo rnams su bcom ldan 'das kyis sgyu ma dang smig rgyu dang dri za'i grong khyer dang gzugs brnyan la sogs pa'i dpe gsungs pa yin te/ de yang gnyi ga la rang bzhin
 med par grub pa yin la/ de dang chos mthun pas chos thams cad rang bzhin med pa nyid du ston pa'i phyir ro/ /'di ltar ro zhig skye ro thams cad kyis rtogs pa'i gzugs la sogs pa rnams rnal 'byor pa de dag nyid kyis rang bzhin med pa nyid du rtogs
 pa yin te/ don dam pa'i bden pa rtogs pa'i phyir ro/ /yang gang dag gis 'di rnams sgyu ma la sogs par dmigs pa de rnams phal pa de rnams la yang 'grub ste/ de'i phyir gnyi ga la yang log par rtogs pa med pa'i phyir dpe'i chos rnams
 nyams pa med do/ /yang dpyod pa pa la sogs pa gang rnams yul dang dus gzhan gyi bdag nyid dngos po nyid de de bzhin du snang ba yin no zhes 'dod de/ de rnams kyang gzhan du sun phyung ba'i phyir de'i 'dod pa 'dir 'gegs pa ma yin no/ /rang
 gi sde pa gang dag yang sems kyi dngos po yod pa nyid rmi lam la sogs pa rnams la de ltar snang bar 'dod de/ de rnams kyang skabs ji lta bar 'og nas rang rig ba 'gegs par sun 'byin par 'gyur ro/ /rigs pas grub pa yang gnyi ga la
 grub pa yin no/ /de'i phyir dpe nges phyin ci log gi dngos po'i rang bzhin 'dzin pa tha mal pa'i shes pa 'khrul ba zhes rnam par 'jog go /de bzhin du rnal 'byor pa'i shes pa la yang ji ltar rigs par shes par bya'o/ /gal te dngos
 po thams cad rang bzhin med pa zhes pa dngos po'i de kho na nyid yin na/ 'o na sems can thams cad gdon pa'i bsam pas sbyin pa la sogs pa'i tshogs yongs su rdzogs pa'i don du de kho na nyid rtog pa'i byang chub sems dpa' yang ji ltar
 'jug par 'gyur te/ de rnams kyang rang bzhin med pa yin pa'i phyir ro zhe na/ de'i phyir dgos pa'i don du ma dpyad phyir zhes pa la sogs pa gsungs te/ dgos pa ni bsgrub bya dang blang bya dang 'bras bu
 brjod la don ni de'i rgyu mtshan du'o/ /ma dpyad pa ni ma brtags par de'i rgyu la 'jug pa'i phyir te/ de ltar gyur na yang de la 'di ni rten cing 'brel par 'byung pa'i nges pa yod pa'i phyir rgyu dang/ 'bras bu la 'gal ba med
 do/ /'di skad du/ gal te yang sgyu ma la sogs pa rang bzhin med pas sbyin pa la sogs pa rnams rang bzhin med pa lta na yang 'khor gsum yongs su dag pas gus pa la sogs pa'i sbyor ba yongs su goms pa na/ don
 dam pa rtogs pa'i ched du de lta bur gyur pa yang rgyu'i dngos po nyid du 'gyur te/ de rnams kyi thabs yin pa'i phyir dang/ rten cing 'brel par 'byung ba yang bsam gyis mi khyab pa yin pa'i phyir ro/ /'di lta bu ni 'bras bur
 rtogs te de de'i thabs las byung ba'i phyir ro zhes brjod par 'gyur ro/ /de skad du thabs su gyur pa tha snyad bden pa dang/ thabs las byung ba'i don dam bden pa dag ces gsungs so/ /'di ni des par de ltar yin te/ gzhan du
 na dri ma dang bcas pa'i gnas skabs na lam la sogs pa med na dri ma dang bcas pa'i gnas skabs la dri ma med pa la gnas pa dang/ rtog pa dang bcas pa'i gnas skabs las rtog pa med par ji ltar skye bar 'gyur te/ de don dam
 par de'i rang bzhin yin pa'i phyir ro/ /'di ni gzhan du yang mtshungs pa yin te/ chos thams cad don dam par rang bzhin med pa'i phyir ro/ /rgyu nyid dang de'i rang bzhin thams cad 'bras bur 'dod de/ /de'i phyir kun rdzob rang bzhin
 med pa las kyang dang bzhin med pa'i rtog pa nyid 'bras bu yin no/ /ji ltar 'dus byas pa'i lam las gzhan 'dus ma byas pa'i mya ngan las 'das pa thob par 'gyur te/ de ltar na sbyin pa la sogs pa dngos po la rang bzhin med pa yin na yang don dam pa'i
 de kho na nyid rtogs pa'i ched du sems can rnams la byang chub sems dpa' rnams kyi thugs rjes 'dzin par mdzad de/ gzhan du na don dam pa rtogs dang bral pa'i phyir ro/ /des na sbyin pa la sogs pa la 'jug pa ma bkag pa nyid de/ de bas na
 'dod pa dang mi 'dod pa'i 'bras bu thob pa dang spong par 'dod pas dge ba dang mi dge ba dag la 'jug pa dang ldog par bya ste/ /'di yang phyi nas gsal bar byed par 'gyur ro/ /de ltar sgyu ma la sogs pa dang mtshungs pa'i dngos po'i dang gi ngo bo'i
 rang bzhin rnal 'byor pa rtogs pa de nyid skye bo phal pas rtogs na ji ltar gang du log par rtogs pa yod par 'gyur zhe na/ 'jig rten zhes pa la sogs pa gsungs te/ 'jig rten pa ni skye bo phal pa ste rgyu dang rkyen la brtan nas dngos po rnams
 rang bzhin thob bo zhes so/ /de ltar na dngos po'i sgras ni yod pa'i rang bzhin gyis dngos po med pa brjod pa nyid du rtogs so/ /mthong ba 'ba' zhig ni ma yin gyi yang dag pa nyid du rtog par byed pa'ang yin te/ ji ltar rang bzhin rtog pa
 nyid don dam par zhen par byed do zhes pa'i don to/ /gang 'di ni bdag gi rtogs pa'i spyod? yul du gyur pa'i ngo po yin te/ de dngos po nyid yin na zhes zhen pa'i phyir la sgyu ma bzhin du ni ma yin te/ yang ji ltar rnal 'byor pas sgyu ma bzhin
 du ste/ sgyu ma lta bur don dam pa'i rang bzhin mthong pa de bzhin du rtogs pa ma yin no/ /de'i phyir 'dir zhes te 'di la spyod pa ste log par rtogs pa yin la/ rnal 'byor pa dang 'jig rten pa spyod de rnal 'byor pa dang 'jig rten pa lhan cig tu'o
 zhes pa'i don to/ /de rtogs pa'i dngos po'i de kho na nyid la 'jig rten bsam rtogs pas yang 'jig rten dang lhan cig tu de rab tu rtogs pa la rnal 'byor pas ji lta ba'i don 'gags pa'i phyir ro/ /bsam pa ni 'di
 yin te dngos po thams cad la kun rdzob dang don dam pa'i bden pa ngo bo gnyis yod pa yin te/ de la gang kun rdzob kyi bden pa de nyid ni 'jig rten pas rtogs pa yin la gang don dam pa'i bden pa de ni rnal 'byor pas rtogs so zhes brjod de/
 dper na sgyu ma mkhan gyis sprul pa'i glang po che la sogs pa'i gzugs nyid sngags la sogs pa'i mthus bslang pa'i mig can gyi skye bo rnams kyis mthong ste/ sgyu ma mkhan gyis ni de'i rang bzhin la sogs pa gnyug ma'i gzugs mthong ngo//
 de bzhin du rnal 'byor pa dang 'jig rten pas kyang yin te ji ltar rig par rtogs par bya'o/ /de ltar gyur na yang gang skye bo ma lus pa la thun mong du mngon sum gyi tshad mas mthong pa'i dngos po'i rang bzhin de don byed nus pa yin la/
 de la ji ltar bsnyon par nus zhes gzhan gyi sems kyi dogs pa bsu nas gzugs sogs mngon sum zhes pa la sogs pa gsungs te gzugs la sogs pa gang zhig mngon sum du byas nas yang ngo/ /sogs pa'i sgras ni sgra la sogs
 pa dang tshong ba la sogs pa bzung ngo/ /de yang yongs su grags pa yin te/ 'jig rten pa'i yongs su grags pa yin la tshad mas min te/ tshad mas rtogs pa mngon sum gyi gzugs la sogs pa yod pa ma yin no zhes pa dang 'brel te/
 mngon sum la sogs pa tha snyad pa'i tshad ma nyid yin pa'i phyir ro/ /des rtogs pa'i gzugs la sogs pa yang kun rdzob nyid yin te/ 'jig rten pa'i tshad mas yang dag par rtogs par bya ba de kho na nyid kyi rang bzhin ni ma yin te/
 skye ba thams cad kyis de kho na nyid rtogs par thal ba'i phyir ro/ /gang gsungs pa/ gang zhig dbang pos gang zhig dmigs pa ste/ /gal te de nyid yin gyur na/ /byis la de nyid rtogs skye bas/ /de tshe de nyid shos ci dgos zhes so/ /de lta bas
 na mngon sum yin yang tshad mas rtogs pa ma yin no/ /gzugs la sogs pa'i de kho na nyid mngon sum yin na yang gal te tshad mas ma rtogs na de ji ltar rab tu grags par 'gyur/ rab tu grags pa na yang ji ltar brdzun pa yin zhe na/ mi gtsang
 zhes pa la sogs pa gsungs te/ ji ltar yang don dam par bud med kyi lus la sogs pa mi gtsang ba la phyin ci log tu zhen pa'i sems kyis de la gtsang ba'i blo skye bar 'gyur ro/ /sogs pa'i sgras mi rtag pa la sogs pa la rtag pa la sogs
 pa'i blo skye ba gzung ngo/ /de yang de ma yin pa der 'dzin pas brdzun pa yin te/ phyin ci log tu 'dzin pa yin no zhes pa'i don to/ /de bzhin du gzugs la sogs pa rnams la yang khyad par med do/ /gal te mngon sum gyi tshad mas de ma grub
 na 'on kyang lung las grub par 'gyur te/ 'di ltar phung po dang khams dang skye mched la sogs pa'i rang bzhin gyis yod par bcom ldan 'das kyis mdo sde las bstan pa dang/ skad cig ma la sogs pa'i rang bzhin yang bstan to/ der gsungs pa
 'di yin te/ bram ze thams cad thams cad ces bya pa ni phung po lnga rnams dang skye mched bcu gnyi ma po rnams dang khams bco brgyad do zhes pa'i bar du bcom ldan 'das kyis gsungs pa dang/ 'di ltar yang/ 'dus byas thams cad skad cig ma/ /mi
 gnas bya pa ga la yod/ /'di dag byung ba de nyid ni/ /bya pa de nyid byed par brjod ces so/ /sgyu ma la sogs pa'i rang bzhin rnam pa skad cig pa dang skad cig ma yin pa la sogs pa'i chos bstan par rig pa ma yin te/ rang bzhin med pa rnams la
 rang bzhin cung zad kyang yod pa ma yin pa'i phyir de ji ltar 'di rnams don dam par yod pa ma yin zhe na/ 'jig rten gzhug pa'i don du yang zhes pa la sogs pa gsungs te/ 'jig rten ni dngos po la mngon bar zhen pa
 phung po la sogs pa bstan pas gdul bar bya ba'i sems can rnams yin te/ re shig stong pa nyid bstan pa la mi dbang bar gyur pa rnams yin no/ /stong pa nyid la gzhug pa'i don du rim pa shin du 'jam pos gzhug pa'i ched du yin no/ /
 yang ni gtan tshigs yin te/ gang gi phyir phung po dang khams la sogs pa'i mtshan nyid can gyi chos rnams dngos po la rang bzhin med pa'i phyir ro/ /mgon pos ni dmyal ba la sogs pa'i sdug bsngal las sems can rnams yongs su skyob pas
 mngon par mtho ba dang nges par legs pa'i bde ba thob par 'dod pa la sogs pa'i bsam pa mkhyen pa'i sangs rgyas bcom ldan 'das kyis bstan pa yin te/ /gsal bar mdzad pa yin gyi don dam par ni ma yin pa de lta bas na mdo 'gal
 ba ni ma yin no/ /de skad du rgyal bas bdag dang bdag gi zhes/ /dgos pa'i dpang gis gsungs pa ltar/ /de bzhin phung po skye mched khams/ /dgos pa'i dbang gis gsungs pa yin/ zhes gsungs pa'o/ /gal te don
 dam par gsungs pa ma yin na 'on de rnams ji ltar skad cig ma yin zhe na/ de nyid du de dag skad cig ma nyid min zhes gsungs te/ de kho na nyid du ste don dam par yin la/ rang bzhin med pa'i phyir skad cig ma yang ma yin no/ /
 de dag ni dngos po 'di rnams yin te/ skad cig ma la sogs pas bstan pa'i gdul bya rnams la de'i rang bzhin bstan pa'i phyir ro/ /gal te de kho na nyid du skad cig ma ma yin na/ 'o na yang ji ltar bstan zhes yid la gzhag nas/ kun
 rdzob ces smos te/ gal te kun rdzob tu skad cig mar bstan to zhes brjod na/ zhes lan dogs pa byas na de'i tshe 'gal bar 'gyur zhes te/ /kun rdzob tu skad cig ma yin zhing don dam par ma yin no zhes 'gal bar 'gyur te 'brel par mi 'gyur la/
 skad cig ma ma yin par rtogs pa dang 'gal lo/ /tha snyad pa rnams kyis skad cig ma ma yin pa'i de kho na nyid du rtogs pa dang/ kun rdzob kyi rang bzhin zhes pa ni 'gal lo zhes pa'i don to/ /'di grub pa'i mdza' gsung bas spong ba ni rnal
 'byor kun rdzob nyes med de zhes pa la/ 'di la rtogs pa dang 'gal ba'i nyes pa med do/ /ci'i phyir zhe na/ gang zag la bdag med pa'i ting nge 'dzin thob pa'i rnal 'byor pa rnams kyi kun rdzob kyi tha snyad yin te/ de skad cig ma nyid du
 rtogs so/ /bsam pa ni 'di yin te/ tshu rol mthong ba rnams kyis gal te skad cig ma nyid ma rtogs mod kyi de lta na yang rnal 'byor pa'i tha snyad kyi yul yin la/ rnal 'byor pa'i tha snyad du yang kun rdzob kyi rang bzhin spong ba ma yin te /
 blo ni kun rdzob yin par brjod ces pa'i tshig las so/ /rtogs pa dang 'gal ba yang gnod ba ma yin pa nyid de/ de lta bu'i rtogs pa ni tshad ma ma yin pa nyid kyi phyir ro/ /ci'i phyir yang kun rdzob tu yang skad cig ma nyid la sogs pa rnal 'byor
 pa nyid kyis mthong ? tshu rol mthong ba rnams kyis ma mthong zhe na gsungs pa/ 'jig rten las te tshu rol mthong ba'i bdag nyid las so/ /de rnams ni rnal 'byor pa de kho na nyid mthong ba yin te/ dbang po las mthong pa yin la/ 'di ni gtan
 tshigs kyi tshig yin no/ /gang gi phyir de rnams kyis de kho na nyid mthong ba de'i phyir skad cig ma'i bdag nyid la sogs pa 'jig rten pa rnams kyis ma rtogs kyang 'dis rtogs pa yin no/ /de nyid kyi phyir de rnams la 'jig rten gyi rtogs pas
 gnod pa yod pa ma yin no/ /nges par 'di khas blang bar bya'o zhes gzhan du zhes pa la sogs pa gsungs te/ gzhan du na gal te 'di lta bu khas mi len na de'i tshe khyod kyis khas blangs pa la 'jig rten gyis
 gnod par 'gyur ro/ /gang du zhe na/ bud med mi gtsang par nges par rtog pa na ste mi gtsad par bsgom pa'i dus ni 'dod par bya pa'i bud med 'di mi gtsang zhes des par rtogs ste/ bsgom pa'i dus na 'jig rten gyis gnang 'gyur te/
 'jig rten gyi grags pas gnod par 'gyur la/ 'jig rten pas bud med kyi lus mi gtsang ba nyid du zhen pa'i phyir ro/ /de lta bas na 'jig rten ba'i rtags pa rnal 'byor pa'i mthong ba la gnod pa ma yin no/ /'di nyid du 'di ltar
 rab rib gyis mthong ba zhes pa la sogs pa lhag pa'i gtan tshigs 'dir sbyar bar bya'o/ /lung gis kyang dngos po rnams kyi de kho na nyid grub pa ma yin no/ /de lta bas na chos thams cad ni sgyu ma dang rmi lam la sogs pa'i rang bzhin yin
 no zhes 'di nges pa yin no/ /de ltar na yang gal te sgyu ma'i rang bzhin gyis thams cad la khyab pa yin no/ /'o na ni sangs rgyas kyang sgyu ma lta bu rmi lam lta bur 'gyur ro/ /'di ni bcom ldan 'das mar gsungs te/ /de skad ces
 smras pa dang/ tshe dang ldan pa rab 'byor gyis lta'i bu de dag la 'di skad ces smras so/ /lha'i bu dag sems can de dag ni sgyu ma lta bu sems can de dag ni rmi lam lta bu ste / lta'i bu dag de ltar sgyu ma dang sems can de dag ni gnyis su
 med de gnyis su byar med do/ /lha'i bu dag chos thams cad kyang sgyu ma lta bu rmi lam lta bu'o/ /rgyun du zhugs pa yang sgyu ma lta bu rmi lam lta bu'o/ /rgyun du zhugs pa'i 'bras bu yang sgyu ma lta bu rmi lam lta bu'o/ /de bzhin du lan
 cig phyir 'ong ba dang/ lan cig phyir 'ong ba'i 'bras bu dang/ phyir mi 'ong ba dang/ phyir mi 'ong ba'i 'bras bu dang/ dgra bcom pa dang/ dgra bcom pa'i 'bras bu nyid kyang sgyu ma lta bu rmi lam lta bu'o/ /rang sangs rgyas kyang sgyu ma lta bu rmi lam lta bu'o//
 rang sangs rgyas nyid kyang sgyu ma lta bu mi lam lta bu'o/ /yang dag par rdzogs pa'i sangs rgyas kyang sgyu ma lta bu rmi lam bu'o/ /yang dag par rdzogs pa'i sangs rgyas nyid kyang sgyu ma lta bu rmi lam lta bu'o zhes pa nas ji srid du mya ngan las 'das pa yang sgyu ma lta bu rmi
 lam lta bu'o/ /mya ngan las 'das pa las khyad par du 'phags pa'i chos gzhan zhig yod kyang de yang sgyu ma lta bu rmi lta bu'o zhes smra'o zhes te de ltar na de la phan pa dang gnod pa dag las ji star bsod nams dang sdig pa skye bar 'gyur ro zhes sems
 shing dogs nas sgyu 'dra'i zhes pa la sogs pas gsungs te/ gal te bcom ldan 'das kyang sgyu ma lta bu'i rang bzhin yin na de'i tshe sgyu ma lta bur dang bzhin med pa'i rgyal ba ste bcom ldan 'das la bsod nams te/ mchod pa dang bsnyen bkur
 dang zhabs la phyag 'tshal ba la sogs pa rnams kyis legs par spyad pa ji ltar te gang dang 'dra bar 'gyur zhes sems te de 'dri yang mtshon pa tsam yin la/ de la gnod pa byas pa las sdig par yang ji lta bur 'gyur zhes blta bar bya ste/
 sgyu ma mkhan gyis sprul pa'i skyes bu la bkur sti byas pa dang/ gnod pa byed pa dag las bsod nams dang sdig pa skye bar rigs pa ma yin no zhes pa ni gzhan gyi bsam pa yin no/ /'dir sngar brjod pa nyid lan yin la/ de bzhin
 'dir gzhan la 'di skad dri bar bya ste/ dngos po yod pa gal te ji lta bur zhes pa'o/ /yong pa ste don dam par yod pa'i bcom ldan 'das la yang ji ltar te ji bzhin du zhes ga nyi ga la sbyar bar bya'o/ /dgos pa ni 'di yin te /
 dper na don dam par yong pa'i rgyal ba 'ga' zhig las don dam pa'i bsod nams skye bar 'gyur ba de bzhin du gzhan la yang sgyu ma lta bu las sgyu ma lta bu nyid yin la/ khyed dang kho bo cag la khyad par cung zad
 kyang med de/ 'di rten cing 'brel par 'byung pa tsam du gnyi ga la thun mong yin pa'i phyir ro/ /des na gang khyed kyi lan yin pa de nyid bdag cag gi yang yin te/ khyad par cung zad kyang yod pa ma yin no/ /rigs pas grub pa don dam
 bar yod pa'i dngos po'i rang bzhin cung zad kyang yod pa ma yin no zhes bsgrubs zin to/ /sgyu ma lta bu'i rgyal ba las bsod nams skyer chug pa de lta na yang 'di la lan ji ltar 'debs zhes/ gal te sems can zhes pa la sogs
 pa smos so/ /yang na gzhan du sbyar bar bya ste/ gal te rgyal ba yang sgyu ma lta bu yin na de ltar na 'khor ba'i sems can rnams la ji ltar brjod de/ de rnams kyang de bzhin du brjod de / lha'i bu sems can de rnams kyang sgyu ma lta
 bu'i zhes bya ba'i tshig las so/ /de ltar na nyes pa chen por thal bar 'gyur ro zhes pa gal te sems can zhes pa la sogs pa gsungs te/ gal te sgyu ma la sogs pa'i rang bzhin dang 'dra ba'i chos sems can srog chags rnams
 yin na/ shi nas ji ltar skye la ji ltar zhes pa ni 'dri ba 'am mi bzod pa'o/ /shi ba ni rigs mthun pa las nyams pa yin la/ ji ltar skye ste yang 'byung bar 'gyur zhes 'dir rgyu mtshan brjod par bya ba 'am 'di rigs ba ma
 yin no zhes so/ /sgyu ma'i skyes bu zhig nas skye ba ni yod pa ma yin te/ de lta bas na don dam par yod pa'i dngos po yin no zhes khas blang bar bya'o/ /'di khas blang bar mi bya'o zhes pa ji srid ces pa la sogs pa gsungs te/
 dus ji srid du rkyen rnams te rgyu rnams yin la/ sngags dang sman la sogs pa'i tshogs 'dus pa sna tshogs par gyur cing rgyu yin pa na dus de srid du sgyu ma yang 'jug pa yin te sdang ldog pa ma yin no/ /de bzhin du ji srid du ma rig pa dang las dang srid
 pa'i rang bzhin gyi tshogs pa de srid du sems can gyi rgyun gyi sgyu ma yang 'byung bar 'gyur te/ gang rkyen rnams gang yin pa ni 'jug pa'i phyir ro/ /gal te don dam par sems can med na 'khor ba ji srid du sems can gyi rgyun rnams ji ltar
 'jug par 'gyur te/ sgyu ma bzhin du yun thung bar 'byung ba ni ma yin no zhe na/ 'di la brjod pa/ ji srid rkyen rnams tshogs gyur pa/ /de srid sgyu ma 'byung bar 'gyur zhes so/ /gzhan yang yun ring du gnas pas kyang yang dag par nyid du
 rnam par gzhag pa'i sgyu ma yin no zhes/ /rgyun ring tsam gyis shes pa la sogs pa gsungs te/ rgyun ring ste dus ring por gnas pa'i rgyud 'byung ba de nyid de lta bu tsam 'ba' zhig des ji ltar te rnam pa gang gi sgo nas sems can yod cing
 bdog ces 'dri pa'o/ /yod pa ni don dam par ro/ /'di lta bu'i khyad par yod pas gang la yun ring po gnas pa'i rgyu dang rkyen gyi khyad par yod pa de yun ring por 'jug pa yin la/ gang la de gzhin du med pa de rjes su ldog pa yin te/ /de tsam
 gyis yang dag pa dung log pa ni ma yin no/ /de lta bas na sgyu ma'i rang bzhin yin na yang slang mi skye ba ni ma yin no/ /de lta na 'o na sgyu ma'i skyes bu bsang pa la srog gcod pa med pa de bzhin du de las gzhan pa'i skyes bu bsad pa la sogs
 pa yang mi 'gyur te/ rang bzhin tha dad pa ma yin pa'i phyir ro zhe na/ sgyu ma'i skyes bu zhes pa la sogs pa gsungs te/ sgyu ma'i skyes bu bsad sogs gal te srog dang bral ba la sogs pa la'o/ /sogs pa'i sgras ni 'di la ma
 byin par blangs pa la sogs pa yin la rang bzhin med pa nyid du mtshungs na yang sems te/ rnam par shes pa sgyu ma skyes bu'i rgyud la med pa ste mi srid pa'i phyir sdig med de mi dge ba skye bar mi 'gyur ro/ /
 de la yang bsad pa'i bsam pas brgyab pa las mi dge bar 'gyur ba kho nar te/ srog gcod pa ni ma yin no/ /sgyu ma'i skyes bu las gzhan la ni srog gcod par ji ltar 'gyur zhe na/ sgyu ma'i sems zhes pa la sogs pa gsungs te
 sems nyid sgyu ma yin te sgyu ma'i sems yin la de dang mtshungs te ldan pa la'o/ /sgyu ma'i rang bzhin gyis sems dang 'brel zhes pa'i don to/ /ni'i sgras ni sngar las khyad du byed pa'i don to/ /bsod nams dang sdig pa ni bsod nams
 dang sdig pa dag ste/ phan pa dang gnod pa dag gi nyes par dpyad pa dang legs par dpyad pa las byung ba ni tshogs pa'i khyad par las 'bras bu'i yin te/ dper na lci ba dang gzhan las skyes pa'i myu gu dag rnam par mtshungs par yod kyang rgyu'i
 khyad par las rang bzhin gyi khyad par yin pa de bzhin du 'di la yang brjod pa'i nyes pa yod pa ma yin no/ /gang sgyu ma'i sems dang ldan pa la zhes brjod pa na de la gzhan gyi nyams par 'gyur ro zhes sngags sogs zhes pa la sogs pa smos te/
 sngags la sogs pa'i sgras ni sman la sogs pa yin la sems bskyed pa la nus pa med pas te/ bya ba mi byed pa'i phyir sgyu ma la sems 'byung ba med cing sgyu ma'i rang bzhin ni sems su 'gyur ba ma yin te dper na gzhan rmongs pa'i rgyu mchen
 can rnams la sgyu ma mkhan gyi rab tu sbyar ba'i sngags la sogs pa'i mthus glang po che la sogs pa'i rnam par 'grub la de bzhin du sems yod pa na ma yin no zhes bya ba ni gzhan gyi bsam pa yin no/ /'di'i lan/ sna tshogs rgyan zhes pa
 la sogs pa gsungs te/ yang gi sgras ni nges par gzung ba 'am rim pa gzhan du sbyar ba yin te/ sgyu ma de sna tshogs nyid de rnam pa sna tshogs pa nyid yin la/ shin tu yang rkyen sna tshogs las byung pa yin te/ sna tshogs pa'i rkyen rnam pa du ma las
 byung zhing skyes pa gang yin pa de la de skad ces bya'o/ /dgongs pa ni 'di yin te/ gal te yang sgyu ma sgyu ma zhes bya ba'i sgra mtshungs pa de lta na yang de'i rgyu la tha dang pa med pa ma yin te/ sgyu ma'i rang bzhin na yang 'bras bu sna tshogs pa'i rang bzhin
 yin pa'i phyir ro/ /'bras bu gcig pa rgyu gcig mthong bas 'bras bu'i sgra mtshungs pa'i phyir thams cad du de nyid yin no zhes brtags par cig pa ni ma yin te/ 'on kyang sgra mtshungs na yang 'ga' zhig la 'ga' zhig gi nus pa'i rang bzhin tha dad pa'i
 phyir ro/ /de nyid bstan pa'i phyir/ rkyen gcig gis ni zhes bya ba la sogs pa gsungs te/ gcig gi nus pa 'ga' la mthong ba'i rkyen gcig ste rgyu thams cad kyi nus pa 'bras bu thams cad la nus pa yod pa ni srid la ma yin te/ 'ga' 
 zhig tu mthong zhes byas nas gang na yang ste dus 'ga' zhig gam yul 'ga' zhig tu mthor ba 'am 'dod pa ma yin no/ /de'i phyir sgyu ma 'ga' zhig sngags la sogs pa'i nus pas grub pa'i rang bzhin dang 'ga' zhig yang thog ma med
 pa'i 'khor ba nas 'jug pa'i che ba'i bdag nyid ma rig pa las byung bas rab tu 'jug go / de lta bas na thams cad la ni pa'i 'khor ba nas 'jug pa'i che ba'i bdag nyid ma rig pa las 'jig rten pa'i tha snyad kyi rjes su 'brang ste
 rtog pas sprul pa'i kun rdzob kyi dngos po'i de kho na nyid la brten nas byung ba yin gyis don dam par ni ma yin te/ don dam pa'i gnas skabs na skye ba dang 'chi ba dang 'byung ba dang 'gag pa dang rgyu dang 'bras bu dang dngos po dang/ dngos po med pa
 la sogs pa'i brtags pa med pa'i phyir na chos thams cad rang bzhin gyis ldog pa'i phyir ro/ /'di las ma bzod nas gzhan yang slar yang thal bar 'gyur ba brjod pa ni gal te don dam zhes pa la sogs pa'o/ /mya ngan
 las 'das pa ni rang bzhin gyis stong pa yin pa'i skye ba dang 'gag pa la sogs pa dang bral ba yin la/ don dam par don dam pa'i bden pa yin te/ rang bzhin gyis mya ngan las 'das par gdod ma nas zhi ba'i phyir ro/ /gal te kun rdzob ni
 kun rdzob kyi bden pas te/ brtags pa nyid kyis so/ /'khor bar 'gyur ba ni skye ba dang rga shi la sogs pa'i dang ldan par gyur pa yin la/ de'i tshe 'gal ba chen por 'gyur ro zhes sangs rgyas kyang ni 'khor 'gyur bas zhes brjod de/
 'di ltar khas blangs pa na sgrib pa thams cad dang bral bas mya ngan las 'das pa'i sangs rgyas kyang 'khor bar 'gyur te/ skye ba la sogs pa'i cha dang ldan par 'gyur ro/ /gang gi phyir de ltar na rgyu des byang chub kyi sbyod pa ci zhig bya ste/
 byang chub pa'i ched ni sangs rgyas kyi ched du spyod pa ste lag pa dang rkang pa dang mgo bo la sogs pa sbyin pa sngon du 'gro ba'i sdug bsngal du ma'i mtshan nyid kyis ci zhig bya zhing dgos pa cung zad kyang yod pa ma yin te/ brjod pa'i rim pas
 'bras bu med pa'i phyir ro/ /de yang 'khor ba'i chos thams cad ldog pa'i ched du yon tan thams cad bsdus pa la brten te sangs rgyas thob par bya ba'i phyir yang dag par brten la de lta na yang 'khor ba'i chos ma log na bsgrubs pas ci
 zhig bya zhes bsams pa'o/ /'di yang ji srid rkyen rnams tshogs gyur pa zhes bya ba la sogs pa bsal ba yin te/ slar yang khyad par bstan pa'i phyir/ rkyen rnams rgyun ni ma chad na zhes bya ba la sogs pa gsungs te/ rkyen
 rnams te rgyu rnams rgyun ma chad cing ma nyams na'o/ /ni zhes pa ni gang gi phyir te sgyu ma 'ang yin te 'khor ba 'ba' zhig ni ma yin la/ 'ang gi sgras ni sdud ba yin te/ rgyun chad cing ldog par mi 'gyur ro/ /rkyen rnams te rgyu rnams rgyun chad ba'i phyir
 ldog pas na kun rdzob kyang brtags pa nyid de/ tha snyad du yang 'khor ba srid pa ma yin no/ /rkyen rnams rgyun chad pa yang de kho na nyid la goms par byas pas ma rig pa la sogs pa rim gyis 'gal bar 'gyur bar shes par bya'o/ /de ji ltar sA
 lu ljang pa'i mdo las 'di skad du/ byang chub sems dpa' sems dpa' chen po byams pas tshe dang ldan pa shA ri'i bu la 'di skad ces smras so/ /bcom ldan 'das chos kyi rje thams cad mkhyen pas gang 'di skad du/ dge slong dag gang gis rten
 cing 'brel par 'byung ba mthong ba des chos mthong ngo/ /gang gis chos mthong ba des sangs rgyas mthong ngo zhes gsungs pa de la rten cing 'brel par 'byung ba gang zhe na/ 'di lta ste/ ma rig pa'i rkyen gyis 'du byed rnams/ /'du byed kyi
 rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred
 pa'i rkyen gyis len pa/ len ba'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung ste/ de? ltar
 sdug bsngal gyi phung po chen po 'di 'ba' zhig 'byung bar 'gyur ro/ /de la ma rig pa 'gags pas 'du byed 'gag zhes la nas/ de ltar sdug bsngal gyi phung po chen po 'di 'gag par 'gyur te/ 'di la rten cing 'brel par 'byung ba zhes brjod do
 snga ma bzhin du 'di ni rten cing 'brel bar 'byung ba ma yin te/ rtag pa dang/ srog med pa dang/ srog dang bral ba dang/ ji lta bu nyid dang/ ma nor ba dang/ ma skyes pa dang/ ma byung ba dang/ ma byas pa dang/
 'dus ma byas pa dang/ thogs pa med pa dang/ dmigs pa med pa dang/ zhi ba dang/ 'jigs pa med pa dang/ mi 'khrogs pa dang/ rnam par zhi ba ma yin pa'i rang bzhin gyis mthong ba des chos thams cad mthong ngo/ /gang gis
 'di ltar rtag pa dang srog med pa nas rnam par zhi ba ma yin pa'i rang bzhin du mthong ba des bla na med pa'i chos kyi skur sangs rgyas mthong ba zhes gong ma bzhin du'o/ /de la ma rig pa gang zhe na/ khams drug po 'di dag nyid la gang gcig
 pur 'du shes pa dang/ ril por 'du shes pa dang/ rtag par 'du shes pa dang/ brtan par 'du shes pa dang/ ther zug tu 'du shes pa dang/ bde bar 'du shes pa dang/ bdag tu 'du shes pa dang/ sems can du 'du shes pa dang/
 srog tu 'du shes pa dang/ skye bar 'du shes pa dang/ shed bur 'du shes pa dang/ shed las skyes bur 'du shes pa dang/ bdag tu nga rgyal dang/ bdag gi bar 'du shes pa ste/ 'di lta bu la sogs pa sna tshogs pa/ mi shes pa
 lam rig par brjod do/ /de la ma rig pa yod pas yul rnams la 'dod chags dang/ zhe sdang dang/ gti mug 'jug ste/ de la yul rnams la 'dod chags dang/ zhe sdang dang/ gti mug gang yin pa 'di ni ma rig pa'i rkyen
 gyis 'du byed rnams zhes bya'o/ /dngos po so sor rnam par rig pa ni rnam par shes pa'o/ /'byung ba chen po bzhi po nye bar gzung nas/ gzugs gcig po ni gzugs so/ /rnam par shes pa dang lhan cig byung ba nye bar len pa'i
 phung po bzhi po gzugs can du ma yin pa'i nye bar len pa'i phung po ni ming ste/ de dang de ni ming dang gzugs so/ /ming dang gzugs la brten pa'i dbang po rnams ni skye mched drug go /chos gsum 'dus pa ni reg pa'o/ /rig pa myong ba ni chod du
 pa'o/ /tshor ba la zhen pa ni sred pa'o/ /sred pa 'phel ba ni len pa'o/ /len pa las skyes pa yang srid pa bskyed ba'i las ni srid pa'o/ /rgyu de las phung po byung ba ni skye ba'o/ /skyes nas phung po smin pa ni rgas pa'o/ /rgas nas phung po 'jig
 pa ni 'chi pa'o/ /'chi zhing myong ste mngon par chags dang bcas pa'i nang gi yongs su gdung ba ni mya ngan no/ /mya ngan las byung ba'i tshig tu smra ba ni smre sngags 'don ba'o/ /rnam par shes pa lnga'i tshogs dang ldan pa'i mi bden pa myong ba ni sdug bsngal
 myong ba'o/ /yid la byed pa dang ldan pa'i yid kyi sdug bsngal ni yid mi bde ba'o/ /gzhan yang 'di lta bu la sogs pa nyon mongs pa gang yin pa ni 'khrug pa zhes bya'o/ /de la mun pa chen po'i phyir ma rig pa'o/ /mngon par 'ang byed ba'i phyir 'du
 byed rnams so/ /rnam par rig pa'i phyir rnam par shes pa'o/ /rlom pa'i phyir ming dang gzugs so/ /skye ba'i sgo'i phyir skye mched drug go/ reg pa'i don gyis reg pa'o/ /myong ba'i phyir tshor pa'o/ /skam pa'i phyir sred pa'o/ /nye bar
 len pa'i phyir len pa'o/ /yang srid pa bskyed ba'i phyir srid bya'o/ /phung po 'byung ba'i phyir skye ba'o/ /phung po smin pa'i phyir rgas ba'o/ /'jig pa'i phyir 'chi ba'o/ /mya ngan byed ba'i phyir mya ngan no/ /tshig gi smre ba'i phyir smre sngags
 'den pa'o/ /lus la gnod pa'i phyir sdug bsngal pa'i/ /sems la gnod pa'i phyir yang mi? bde ba'o/ /nyon mongs pa'i phyir 'khrug pa'o zhes rgyas par gsungs so/ /de ltar nye bar bstan pa'i rkyen rnams rgyun mchad na 'du byed nyams pa
 med par 'jug ste/ rten cing 'brel par 'byung ba yan lag bcu gnyis po de nyid 'du byed pa yin pa'i phyir ro/ /slob dpon gyi zhal snga nas/ ji ltar 'phangs bzhin rim gyis rgyun/ /skyes nas las dang nyon mongs
 kyis/ /'jig rten pha rol dag tu 'gro/ srid pa'i 'khor lo thog ma med/ /de ni rten cing 'brel 'byung ba'i/ /yan lag bcu gnyis cha gsum mo zhes gsungs pa yin no/ /rkyen rnams yang rgyun chad na rnam pa thams cad du
 'khor ba med par 'gyur te/ rgyu ma tshang ba'i phyir ro/ /de'i phyir sangs rgyas kyang 'khor bar thal bar 'gyur ba de ni ma yin no/ /de ltar re zhig mdo sde pa la sogs pa'i brgal ba bsal nas/ rnal 'byor spyod pa pa'i log
 par rtog pa bsal ba'i ched du de'i lugs kyis nyes par brjod pa ni/ gang tshe 'khrul ba zhes pa la sogs pa smos te/ gang gi tshe dbu mar smra ba rnams kyis 'gro ba thams cad sgyu ma'i bdag nyid kyis rang bzhin gyis stong par khas
 blangs pa na phyi rol bzhin du sgyu ma'i rang bzhin kun rdzob 'dzin par byed pa'i blo yang khyed la yod pa ma yin la/ de'i tshe sgyu ma gang gis dmigs par 'gyur te/ gang gis rtogs par 'gyur ba de 'dzin pa dngos po yod pa'i shes pa
 ma gtogs pa cung zad kyang yod pa ma yin no zhes pa'i don to/ /gang gi yang rang gi sems nyid don dam par yod pa yin la/ phyi rol gyi rang bzhin nyid kyi 'khrul bas de bzhin du snang ste/ de la ni nyes pa yod pa ma yin no zhes
 pa ni bsam pa'o/ /de lta bu bsal ba'i don du gang tshe khyod la zhes pa la sogs pa gsungs te/ glang po le sogs pa'i rnam par 'jug pas gzung bar bya ba nyid kyi gang gi tshe sgyu ma nyid khyod de/ rnam par shes par smra ba khyed
 cag la yod pa ma yin te/ /'gro ba sems can du bas len pas phyi rol gyi don med pa'i phyir de'i tshe ci zhig dmigs te/ de'i tshe 'dir ci zhig snang bar 'gyur/ phyi rol gyi don med pa'i phyir yul la sogs par rnam par chad pa'i snang ba rigs
 pa ma yin no zhes pa'i don to/ /de la gzhan gyi bsam pa'i dogs pas gal te dngos por zhen pa la sogs pa gsungs te/ rang gi sems nyid 'khrul pas phyi rol gyi gzugs nyid du glang po che la sogs ba'i rnam par snang ba yin no/ zhes
 gsungs so zhe na/ gsungs pa nyid yin te 'on kyang sems nyid rnam par shes pa nyid yin te/ de ni zhes pa ni yul la sogs pa chad par gzung bar bya ba nyid kyis rab tu snang ba dang ldan pa yin la/ rnam pa ni snang ba yin te/ gzhan
 zhes pa ni nang gi 'dzin pa sems kyi rnam pa gzhan la yod pa ni bdog pa ste de kho na nyid kyi dngos po yin la gal te yang zhes pa ni khas blangs pa brjod pa yin te/ de ltar na yang 'di ni 'brel pa ma yin no zhes bstan pa'i phyir/ gang tshe
 sems nyid sgyu ma ni zhes pa la sogs pa gsungs te/ sems nyid rnam par shes pa nyid yin te/ rig par byed pa po nyid du khas blangs pa yin la gang gi tshe sgyu ma las gzhan ma yin pa'i rig pa po sems las tha dad? pa sgyu ma zhes bya
 'ga' yang yod pa ma yin te/ de'i bdag nyid yin pas de de ltar snang ba khas blang ba'i phyir ro/ /de tshe gang zhig gang gis mthong zhes te/ gang zhig gang gis rtogs par 'gyur te/ mthong ba nyid 'ba' zhig yod kyi mthong
 bar bya ba ni med la/ mthong bar bya ba med par mthong ba yang yod pa ma yin te/ de ni mthong bar bya ba la ltos pa'i phyir ro/ /de'i phyir gang gis cung zad kyang mthong ba ma yin te/ de lta bas na 'gro ba mdza' dag yod pa nyid
 thob par 'gyur ro zhes dgongs pa yin no/ /gal te de ltar gyur na yang gal te shes pa'i bdag nyid myong ba ma yin par 'gyur la/ 'on kyang rang rig pa nyid kyis rang gi ngo bo myong ba na de las tha mi dang ba'i sgyu ma
 la sogs pa yang rtogs pa yin te/ de ltar gyur na yang cung zad kyang nyams pa med do zhes rnam par shes par smra ba'i bsam pa'i don pas gsungs pa/ /'jig rten gyis ni mgon pos kyang zhes pa la sogs pa gsungs te/ 'gro ba rang bzhin gyis
 stod pa nyid du gang gi tshe rigs pas bstan pa de'i tshe/ gang gis gang gi rang bzhin gyis dngos po zhes gang zhig gang gis rtogs par 'gyur/ bcom ldan 'das kyis chos thams cad stong pa yin te/ stong pa nyid kyis mtshan nyid sems yin zhing chos
 thams cad rnam par dben pa dang/ rnam par dben pa'i mtshan nyid kyang sems yin no zhes gsungs so/ /gzhan yang 'jig rten gyi mgon pos kyang gsungs shing bka' stsal ba yin te/ 'jig rten ni sems can thams cad yin la/ mgon
 pos zhes pa ni skyabs te sangs rgyas bcom ldan 'das kyis so/ /ci zhig gsungs she na/ sems kyis sems mi mthong zhes te/ sems kyi bdag nyid ni sems kyis shes pa ma yin te/ dngos po de kho na nyid du yod kyang bdag nyid la byed
 pa 'gal ba'i phyir ro/ /ci lta bu zhe na/ ral gri so ni rang zhes te/ ji ltar shin tu rno ba'i ral gri'i sos gzhan bzhin du bdag nyid de rang gi lus mi gcod cing gcod bar mi byed de/ bdag nyid la byed pa 'gal ba'i phyir ro/ /de
 bzhin du yid kyang ral gri'i so bzhin du bdag nyid kyis sems kyi bdag nyid mi mthong ngo zhes sbyar ro/ /shes pa gcig bu de la rig par bya ba dang rig par byed pa dang/ rig pa'i bdag nyid gsum mi rig ste/ cha shas med pa gcig la
 rang bzhin gsum mi 'thad pa'i phyir ro/ /de la 'di 'phags pa gtsug na rin po che'i mdo las/ /de sems kun tu chol ba na sems nang na yang dag par rjes su mi mthong/ sems phyi rol na yang dag par rjes su mi mthong zhes pa dang/ phung po rnams la yang sems
 yang dag par rjes su mi mthong/ khams rnams la yang sems yang dag par rjes su mi mthong/ skye mched rnams la yang sems yang dag par rjes su mi mthong ngo/ /des sems yang dag par rjes su ma mthong bas/ sems gang las byung zhes sems kyi rgyun
 kun tu tshol zhing de 'di snyam du sems te/ dmigs pa yod pa las sems 'byung bar 'gyur ro snyam mo/ /de yang 'di snyam du sems te/ ci dmigs pa de gzhan la/ sems de yang bzhan nam/ 'on te dmigs pa gang yin pa de nyid sems yin/
 gal te dmigs pa yang gzhan la sems kyang gzhan na ni sems de gnyis su 'gyur ro/ /'on te dmigs pa gang yin pa de nyid sems yin na sems de ltar mthong bar 'gyur te/ sems kyis sems mthong bar mi rung ngo/ /'di lta ste dper na/ ral gri'i so
 de nyid kyis ral gri'i so de nyid bcad par mi nus pa dang/ sod mo'i rtse mo de nyid kyis sor mo'i rtse mo la reg par mi nus pa de bzhin du sems de nyid kyis sems de nyid mthong bar mi nus so zhes rgyas par gsungs so/ /'dir sems tsam nyid smra bas rang la
 byed pa 'gal bar bsal bar 'dod cing rang gi phyogs bsgrub pa'i ched du dpe brjod pa ji ltar mar me zhes pa la sogs pa gsungs te/ rang gi dngos ni rang gi rang bzhin yin te/ dper na mar me bzhin du ste mar me ltar/ yang dag gsal bar byed cing
 mngon par byed do/ /'di ltar yang nges pas mun pa la sogs pa'i dngos po rtogs par bya ba'i ched du mar me 'degs par byed la/ de bzhin du mar me gsal bar bya ba'i ched du ni mang me gzhan ma yin te/ 'on kyang bum pa la sogs pa gsal bar 
 byed pa gang yin pa de nyid kyang gsal bar byed la/ de bzhin du skabs su bab pa'i rang rig pa la yang go bar bya zhing cung zad kyang 'gal ba yod pa ma yin no zhes thams cad du sbyang? bar bya ste/ de lta bas na mar me bzhin du 'gal
 ba med pa nyid do zhe na/ gal te de ltar sems na de'i tshe 'di skad smra bar mi bya'o/ /ci'i phyir zhe na/ mar me zhes pa la sogs pa gsungs te/ gsal bar bya ba ma yin pa nyid yin te/ bum pa la sogs pa bzhin du gsal bar bya ba ma yin pa
 kho na'o/ /gang gi phyir mar me mun gyis bsgribs pa med de mun pas g.yogs pa ma yin no/ /sgrib par byed pa yod pa sel ba ni gsal ba yin no/ /de'i phyir bum pa la sogs pa gsal ba ni de rnams sngar yong pa'i phyir la/ de ltar mar me ni
 ma yin te/ de sngar med pa'i phyir ro/ /med pa yang gsal bar rig pa ma yin te med pa nyid kyi phyir ro/ /de'i phyir 'di ltar mar me ni gsal ba ma yin te/ 'di ltar mi 'dra ba'i? phyir ro/ /mar me'i dpes ni bsgrub bya 'grub pa ma yin no/ /
 de ltar gyur na yang ji ltar med ma zhes pa la sogs pas mar me'i bdag nyid gang yin pa ni mun pas bsgribs pa gsal bar byed pa yin no zhes 'di skad du brjod pa ni ma yin la/ 'on kyang de'i rang bzhin gyi dbang du byas te/ gzhan la ltos pa
 ma yin pa tsam yin no zhes brjod par bya'o/ /'di nyid bstan pa'i phyir/ shel bzhin zhes pa la sogs pa gsungs te/ ni zhes bya ba ni gang gi phyir te/ ji ltar shel rdo rang bzhin sngon po ma yin par yod pa yon tan sngon po nyid du skyed pa la rgyu
 mtshan gzhan gyi khyad par 'dab ma sngon po la sogs pa nye ba la ltos la/ de bzhin du dngos po rang nyid kyis sngon po yin pa de lta na yang sngon po nyid du bya ba la khyad par gzhan la bltos pa ni ma yin no/ /de bzhin zhes te rnam pa nges bum pa la
 sogs pa'i dngos po cung zhig mar me la sogs pa gzhan la bltos pas/ gsal ba mthong la mar me la sogs pa 'ga' zhig yang gzhan la ltos pa ma yin zhing rang nyid gsal ba'i bdag nyid du mthong ste dmigs pa yin la/ 'di tsam nyid brjod par
 'dod pa yin no/ /de bzhin du rnam par shes pa tsam du smra pas khyad par brjod pa la/ grub pa'i mdza' smra bas sngon po nyid re zhig gzhan la bltos pa med par dpe'i sgo nas bstan pa dgag pa'i phyir/ sngo nyid min la zhes pa la sogs pa gsungs
 te/ dpe 'di yang 'dra ba ma yin te/ gang gi phyir sngon po yang ston po nyid du byed pa la shes bzhin du gzhan la ma bltos pa ma yin te/ de'i ngo bor 'gyur ba la rang gi rgyu dang rkyen la bltos pa'i phyir ro/ /'di yang nam gyi tshe gzhan la bltos pa
 yod par 'gyur zhe na/ gal te sngon po ma yin pa nyid du rang gi rgyu las skyes na yang der 'gyur ba la gzhan la ma ltos par rang nyid kyis sngon po'i bdag nyid du byed na ste de yang yod pa ma yin no/ /gang gi phyir sngon po ma yin te sngon po'i yon tan dang
 bral ba na yin no/ /zhes 'gegs par byed de /de zhes bya ba ni sngon por 'dod po'i dngos po yin la/ sngon po ste sngon po'i yon tan dang ldan pa yin zhing/ bdag nyid de rang gi ngo bo nyid kyi rang bzhin gyis byed pa ma yin la/ sngar bzhin du byed
 par nus pa ma yin te/ bdag nyid la byed pa 'gal ba'i phyir ro/ /de'i phyir sngon po yang sngon po nyid du byed pa la shel bzhin du gzhan lam ltos pa ma yin te/ 'di ltar shes rdo yang dngos po gnas pa'i ngo bo nyid khyad par gzhan dang nye bas
 sngon pos bsgyur bar gyur ba yin te/ 'on kyang thams cad rang gi nye bar lan pa'i skad cig ma dang sngon po'i khyad par lhan cig byed pa'i rkyen las kyang snga ma rang nyid kyis 'gags nas/ shel gyi rdo sngon po'i yon tan gyis bsgyur ba gzhan nyid skye
 bar 'gyur ro/ /zhes pa ni grub ba'i mdza' yin no/ /de la yon tan skyed pa la rgyu dang rkyen la rag las par ni 'di dag thun mong nyid yin la/ de bzhin du skabs su bab ba'i bsgrub bya la yang khyad par cung zad kyang yod pa ma yin no/
 'o na ni mdza' bos yid du 'ong ba bsgrubs pa yin te/ gang gi phyir rang gi rgyu dang rkyen las bems po'i rang bzhin las bzlog gis bdag nyid du bskyed ba'i shes pa nyid gsal ba gzhan lam bltos par bdag nyid gsal ba la rang rig par brjod de
 'di nyid ni kho bos kyang sngon po'i bdag nyid dpyad pas bsgrubs pa yin no/ /'di tsam nyid kyis mar me yang dper byas pa yin la/ yang kho bo cag rnams kyis las dang byed pa po dang bya ba tha dad pas shes pa'i bdag nyid gsal bar ni yod pa ma
 yin te/ yod pa gcig la las la sogs pa'i rang bzhin gsum mi rigs pa'i phyir ro/ /de bya ba tha dang pa'i sgo nas skyon brjod na yang kho bo ni cung zad kyang sun byung ba ma yin te/ rang gi rgyu las skyes ba'i bdag nyid kyi gsal ba ma nyams
 ba'i phyir ro/ /de ltar na bdag nyid rig pa la skyon brjod pas thal ba med do/ /de brjod pa/ rnam shes bems po'i rang bzhin las/ /bzlog pa rab tu skye ba ste/ /bems min rang bzhin gang yin pa/ /de nyid bdag nyid shes pa
 yin/ /gcig pa cha med rang bzhin la/ /gsum gyi bdag nyid mi 'thang phyir/ /'di yi rang bzhin rig pa ni/ /bya dang byed po'i dngos por min zhes/ /'di la brjod par bya ste/ bya ba dang byed pa po'i khyad par gyis tha snyad las grub
 pa'i sgra'i don rtogs pa nyes pa brjod pa yin te/ rang rig pa'i sgras de'i don brjod pa'i phyir ro/ /gal te yang nyes pas 'jigs nas 'jig rten la grags pa'i sgra'i don yongs su spong na/ de'i tshe khyed la 'jig rten pa nyid kyis gnod par 'gyur la
 'dis kyang rang rig pa don dam pa 'grub pa ma yin te/ de bzhin du rgyu dang/ rkyen las skyes pa'i gzugs brnyan rang bzhin med pa nyid du brjod la/ de ltar yang rang rig pa'i shes pa ni shin tu yang med pa yin te/ de kho na nyid du ? ma'i rang bzhin du med
 pa'i phyir ro/ /rang bzhin med par yang nam mkha' i utpala'i bdag nyid rang rig par yang rigs pa ma yin na/ /dbu mar smra ba po rnams kyi dbang du byas te bems po'i rang bzhin yod pa ma yin zhing/ gang gis bems po'i las bzlog pa bems po ma
 yin ba'i rang rig par 'gyur ba don dam par gang zhig kyang yod pa ma yin no/ /de lta bas na dngos por smra ba gzhan nyid kyi dbang du byas te/ 'di smra bar rigs pa yin no/ /de'i phyir na rang bzhin med pa nyid kyis nam yang rang rig pa grub pa ma
 yin no/ /'di yang phyi nas dran pa nye bar bzhag pa ston pa'i skabs su rgyas par bya'o/ /da ni mar me rang nyid gsal bar khas blangs nas blo la rang rig pa rigs pa ma yin no/ /zhes bstan pa'i ched du mar me zhes pa la sogs pa
 gsungs te/ mar me rab tu gsal ba'i bdag nyid du gyur pa de lta na yang blo rang rig par bsgrub pa la 'dra ba'i dpe ma yin no/ /zhes pa ni bsdus pa'i don to/ /mar me gsal bar byed do zhes pa ni gsal bar byed pa gzhan la mi
 bltos par rang nyid kyis gsal ba yin no zhes shes par byas nas te/ shes bas go bar byas nas blos brjod par byed cing rab tu rtogs par byed de/ mar me shes pa'i yul yin pa'i phyir ra?/ /blo ni shes pa yin la gsal ba
 nyid ces bar gang brjod pa de yang gang gis shes nas te go bar byas nas/ brjod ces gzhan la dris pa yin te/ 'dir yang blo rtogs par byed pa'i rgyu mtshan cung zad kyang yod pa ma yin na zhes pa'i sgra ni mi srid bstan par byed pa yin na//
 re zhig shes pa snga mas ni de rtogs pa ma yin te/ de'i dus nam skyes pa'i phyir de med pas so/ /dus phyis 'byung bas kyang ma yin te/ de'i tshe skad cig ma yin pa nyid kyis gzung bar bya ba 'das ba'i phyir ro/ /
 de dang dus mnyam par gyur pas kyang ma yin te/ des de la phan mi 'dogs pa'i phyir la/ phan mi 'dogs pa yang yul gyi dngos po ma yin te/ rgyu ma yin pa ni yul ma yin no zhes pa'i tshig gis so/ /rang gis kyang ma yin te de nyid la
 log par rtogs bas de ji ltar des rtogs zhes mi shes so/ /rnam pa thams cad du blo ma rtogs pa de'i rang rig pa shin tu yang mi rigs so zhes/ gsal ba 'am zhes pa la sogs pa gsungs te/ gsal pa 'am ste/ mar me
 bzhin du gsal ba'i bdag nyid dam/ mi gsal ba ste bum pa bzhin du mi gsal ba yin la/ phan tshun bsdu ba'i phyir 'am gyi sgra gnyis so/ /blo ni gang tshe sus kyang mthong ba med pa ste/ rtogs pa po 'ga' yang med la
 rtogs ba cung zad kyang med de rang dang gzhan gnyi gas kyang ma yin no/ /gang tshe zhes pa'i tshig gis de tshe zhes pa 'dren par byed de/ de'i tshe mo gsham ni mi skye ba'i chos can gyi bud med yin la/ de'i bu mo'i rol pa ni sgeg pa nyid
 yin te/ de bzhin du brjod kyang ste bstan kyang ngo/ /da don med pa ni te don dang bral ba'o/ /mo gsham gyi bu mo med pa nyid kyis ma rtogs pa'i phyir de'i rol ba shin tu yang mi rtogs pa yin no/ /yang na ma skyes pa dang ma 'gags
 pa'i rang bzhin yin pas mo gsham gyi bu mo lta bu ni blo yin la/ ma rtogs pa'i rang bzhin yin pas de'i rol pa dang 'dra ste/ rang rig pa des ma rtogs pa'i phyir de'i rtogs pa yang med do/ /de ni rang rig pa yin la/
 de ltar na brjod kyang rigs pa dang bral ba'i tshig tsam gyis don med pa ni blang bar bya ba ma yin pa'i phyir dgos pa med pa yin no/ /de lta mod kyi 'di ni rigs pas stong zhing tshig tsam yin te/ gang gi phyir 'di la rigs pa 'di yod do zhes brjod pa/
 gal te zhes pa la sogs te/ gal te rang rig yod min na zhes te/ gal te rang rig ba'i rnam par shes pa med cing yod pa ma yin pa de'i tshe rnam shes ji ltar dran par 'gyur te/ rnam par shes pa la rang rig med ba'i dus phyis dran par
 mi 'gyur la/ nyams su ma myong ba ni dran par mi nus te/ ha cang thal bar 'gyur bas so/ /de lta bas na nyams su myong ba'i 'bras bu dran pa dus phyis dmigs pa'i phyir rang rig pa'i shes pa yod do zhes dpag par bya'o/ /'di yang sgrub
 par byed pa yin pas 'dis bsgrub par bya ba ma yin te/ gang gis phyir rang rig pa'i 'bras bu nyid du dran pa nges par 'gyur na/ me dang du ba bzhin du dran pas rang rig pa bsgrubs bar byed par 'gyur te/ tshad? mas rang rig pa ma grub na drin
 pa de'i 'bras bur 'dzin pa ma yin te/ thams cad du rgyu dang 'bras bu rtogs pa ni gnyi ga rtogs pa med par ma yin no/ /mig la sogs pa la rnam par shes pa bzhin du ma mthong yang dran pa de'i 'bras bur ni grub pa ma yin te/ mig
 med bar sngon po la sogs pa'i shes pa med pas ldog ba'i sgo nas de'i 'bras bur rjes su dpog go /dran pa ni rang rig pa'i shes pa med kyang 'byung ngo zhes 'chad par 'gyur ro/ /de'i phyir rang rig pa'i 'bras bu nyid du nges pa med par dran pa
 ni de med pa yang 'byung bas rang rig pa grub pa ma yin no/ /de'i phyir dran pa yang rnam par shes pa yin pa'i phyir ji ltar grub par 'gyur zhes brjod par bya'o/ /rang la rtags ma grub bar ni gzhan gyi shes par byed pa ma yin la/
 dran pa ni rang rig pa la mngon sum nyid kyis 'dzin pa ma yin te/ de dang de gzhan yin pa'i phyir ro/ /shes pa ni shes pa gzhan gyi yul ma yin te phyi rol gyi don bzhin du 'brel ba ma grub pa la sogs pa'i
 nyes par 'gyur bas so/ /gzhan nyid du byed? par med pas rgyud gzhan gyi dngos po de yang dran pas 'dzin par 'gyur ro/ /'on te des sngar nyams su ma myong bas na dran par mi 'gyur ro zhe na/ rgyud gcig tu gyur pa yang sngar nyams su ma myong ba'i
 phyir thal bar 'gyur ba mchungs so/ /rgyu dang 'bras bu na yang de la des byed rigs pa ma yin te/ don dam bar rgyu dang 'bras bu nyid med pa'i phyir ro/ /shes pa thams cad la de yod kyang rang nyid rtogs pa la mthar thug pa yin pa'i phyir
 dang/ de 'dzin bar mi nus ba'i phyir ro/ /ji ltar tha snyad khas blangs pa na brtags pa nyid yin te/ brtags pa nyid yin pa na yang tha snyad thams cad rtog pas sbrul ba yin pa'i phyir kun rdzob bsgrub bya yin pas don dam pa ma bsgrubs par
 'gyur ro/ /de ltar dran pas rang rig pa grub pa ma yin no/ /ji ltar khyed la yang rang rig pa med par dran pa ji ltar 'grub ce na gzhan myong ba na 'brel ba las shes pa la sogs pa gsungs te/ 'dir shes pa las gzhan gzung bar bya
 pa'i dngos po yul du gyur pa nyams su myong pa ni shes pa la dran pa skye bar 'gyur ro/ /gzhan myong bas gzhan dran pa ni rigs pa ma yin te/ shin tu thal bar 'gyur pa'i phyir ro zhe na/ 'brel pa las shes gsungs te/ yul
 dran pa na 'brel ba las shes pa dran par 'gyur ro/ /rnam par shes pa yang de'i 'dzin pa nyid yin pas de dang 'brel pa yin te/ de'i phyir rnam par shes pa dran pa yin te gzhan du ma yin no/ /'brel pa bden yang 'di ma myong na gzhan
 dran pa ni bslang ba'i dran bar 'gyur ro zhe na/ ma yin te/ sngar nyams su myong ba'i yul phyis rjes su dran pa na myong ba khyad par can de nyid dran pa yin te/ des khyad par du byas pa de 'dzin pa'i phyir ro/ /shes pa nyid yul nyams su myong ba yin la gzhan
 ma yin pa'i phyir yul nyams su myong? ba dran pa las de dang 'brel pas shes pa dran par brjod par bya'o/ /yul spangs pa'i shes pa nyid 'ba' zhig ni dran pa ma yin pa'i phyir nyes pa med do/ /ci ste myong ba'i shes pas gzhag ba'i dran pa'i bag chags
 kyi sa bon med par phyis dran pa skyed ba ci lta bu zhe na/ byi ba'i dug ces gsungs te/ byi ba'i dug ni ji ltar 'brel bar phyis skye bar 'gyur ba de bzhin du dran pa yang yin no zhes pa'i don to/ /'di ltar byi ba'i dug skad cig la lus la 'phos nas yang
 dus gzhan du 'brug gi sgra'i rkyen dang phrad pa las rang rig pas gzhag pa'i dran ba'i bag chags kyi sa bon med par yang rkyen dang phrang ba nyid kyi phyir skad cig ma gzhan du rnam par 'gyur ba thob ste/ de bzhin du skabs su bab pa la yang skyon med do zhes
 dgongs so/ /slar yang rnam par shes pa tsam du smra bas rang rig pa grub par bya ba'i ched du rnam pa gzhan bstan pa'i phyir rkyen gzhan dag dang zhes pa la sogs pa gsungs te/ rkyen gzhan ni dus gzhan yin te/ lta ba'i rigs pa la sogs
 pa dang gzhin gyis sems shes pa la sogs pa'i mngon par shes pa dag dang ldan pas de'i tshogs pa dang/ 'brel pa'i sems mthong ba'i phyir te snang ba'i phyir rnam par shes pa rang nyid gsal te rang bzhin gsal zhing rig pa yod do zhes ba'i don te//
 gal te yang de thams cad du lkog tu gyur pa'i rang bzhin yin na ji ltar tshogs pa'i khyad par las brgya la yang dmigs pa ma yin te/ de'i phyir dper na tshogs pa'i khyad par las gzhan gyi sems dmigs pa de bzhin du de ma thag pa'i rkyen dang dmigs 
 pa'i rkyen la sogs pa las rang gi sems kyang dmigs pa yin no zhes bsams pa'o/ /'dis kyang shes pa'i rigs pa bsgrub ba ma yin no zhes bstan pa'i phyir grub pa'i mig sman zhes pa la sogs pa gsungs te/ grub
 pa'i yang yin la mig sman yang yin pa 'am grub ba'i mig sman no/ /de'i sbyor pa ni rnam par sbyor pa 'am rab tu sbyor ba'o/ /de las mthong ba ni bum pa 'am gter la sogs pa yin la/ de 'di ltar mig sman nyid 'gyur min te/ bum pa
 'am la sogs pa mig sman du 'gyur ba ma yin la/ gang las rtogs pa de der 'gyur pa ni ma yin te de bzhin du lta ba po'i rig pa la sogs pa dang lhan cig pa'i shes pas gzhan gyi sems bum pa la sogs ltar mthong na re zhig de rig par
 sgrub par mi 'gyur te/ de lta bas na 'di ni bsgrub bya la mkho ba'i sgrub par byed pa ma yin no/ /gal te shes pa rig pa'i ngo bor ma gyur na don yang rtogs par mi 'gyur ba ma yin nam shes pa ni mig gsal ba gsal par byed pa'i phyir te don ni
 gsal ba ma yin la/ de ma rtogs pa la don ci ltar rtogs par 'gyur te/ 'di ltar dang rig pa bkag pa'i phyir dang/ gzhan gyis gzhan 'dzin pa yang mi rigs pa'i phyir phyi ma phyi mas 'dzin par khas blangs pa na yang ma rtogs rtogs par
 bya ba'i ched du shes pa gzhan don du gnyer bas thugs pa med par thal bar 'gyur ba'i yang phyir ji ltar yang don rtogs pa ma yin te/ des na gang gzhan myong ba la sogs pa zhes brjod pa de rigs pa ma yin te/ don nyams su myong ba med
 pa'i phyir 'jig rten na mthong ba'i tha snyad 'di thams cad med par 'gyur ro zhe na/ ji ltar mthong thos zhes pa la sogs pa gsungs te/ gang mthong ba la sogs pa'i tha snyad med par 'gyur ro zhes pa de don dam pa 'am/ kun rdzob tu med par
 'gyur/ de la gal te don dam par med par 'gyur ro zhes brjod na de'i tshe 'di ni bdag 'dod pa ma yin te/ kun rdzob tu don dam pa la dpyad pa 'jug pa yod pa ma yin no/ /'on te 'jig rten gyi grags pas yin na de'i tshe/ ji ltar mthong bos shes
 pa kun/ /'dir ni dgag pa bya min te zhes so/ /ji ltar mthong ba zhes mig la sogs pa'i shes par mngon sum du mthong ba yin la/ thos pa zhes pa ni gang zag gzhan las dang lung las so/ /shes pa zhes pa ni tshul gsum pa'i rtags
 las skyes pa'i rjes su dpag par nges pa'o/ /de nyid 'dir tha snyad thams cad la brten te dgag par bya min zhes pa mi zlog ba'o/ /gang ji ltar 'jig rten rab tu grags pa de de bzhin nyid du ma dpyad pa'i ngo bo khas blangs nas 'jig rten grags pa
 yin te don dam pa ni ma yin na/ /des na shes pa'i rigs pa med pas don rtogs pa la sogs pa med ces pa'i gnyes pa don dam pa'i phyogs smra ba la 'dir glags mi rnyed do/ /gal te de de gzhin du khas len pa na de kho na ji lta bu zhig
 'gegs shen/ 'dir ni sdug bsngal zhes pa la sogs pa gsungs te/ bden pa ni don dam pa yin te rtog pas sgro btags pa ma yin pa yang zhes don mi slar gyi don to/ /de yang 'dir spyod ba 'am grub mdza' bzlog par bya ba min te
 dgag par bya ba yin no/ /ci'i phyir zhe na/ sdug bsngal gyi zhes te/ 'di ni rgyu'i tshig yin la/ gang gi phyir sdug bsngal gyi rgyu sta byed pa yin pa de'i phyir zhes pa'i don to/ /nye bar len pa'i phung po rnams yod pa dang med pa la
 sogs pa brtags pas bzhag pa 'jug pa'i rgyu nyid ni 'khor ba yin te/ sdug bsngal kun 'byung 'jig rten dang/ /lta gnas sred pa'ang? de dag nyid ces pa'i tshig las de ltar bden par rtog pa ni sdug bsngal kyi rgyu yin no/ /de lta bas na
 'dir ni bden pa ma yin pa'i 'dogs pa rtogs pa'i mngon par zhen ba dgag pa tsam bzhed pa yin la/ dngos po cung zad cig ni 'dir dgag pa ma yin no/ /de'i phyir de ltar na rang rig pa'i shes pa cung zad kyang rigs pa
 ma yin te/ rtogs bya rtogs byed rnams pa'i sems/ /de bzhin gshegs pas gzigs pa med/ /gang du rtogs dang rtogs byed pa/ /de la byang chub sems yod min/ /zhes gsungs so/ /gang der cung zad bcom ldan 'das kyis
 sems tsam nyid du yod par gsungs pa de phung po dang skye mched la sogs pa bzhin du drang ba'i don nyid yin par bshad par 'gyur ro/ /da ni zhar la byung ba yongs su rdzogs par byas nas/ skabs su bab pa la sbyad pa'i phyir/ sems las sgyu
 ma zhes pa la sogs pa gsungs te/ 'di ltar sems las sgyu ma gzhan yin par 'gyur ba 'am/ gzhan ma yin par 'gyur ba 'am/ gnyi ga'i rang bzhin yin pa'am/ gnyi ga'i rang bzhin ma yin pa zhes brtag pa bzhi'o/ /de la
 re zhig phyogs dang po ni ma yin te/ sems las gzhan khas len na yang 'gro ba sems tsam du 'dod pa'i grub mdza' dang 'gal bar 'gyur ro/ /rnam par rtog pa gnyis pa la yang gang gi tshe khyod la sgyu ma nyid med na zhes pa la sogs pa
 bstan pa nyid kyis nyes pa yod do/ /rnam pa gsum pa yang mi 'thad do/ /gcig la phan tshun 'gal ba mi srid ba'i phyir ro/ /'on te brtag pa bzhi pa yin na de yang 'brel ba ma yin la/ de nye bar bzung nas brjod par bya
 ste/ sems las sgyu ma gzhan min zhing zhes pas gzhan nyid 'gegs so/ /'o na gzhan ma yin pa yang yin no zhe na/ gzhan min par yang mi rtags na zhes te/ de nyid yin pa 'ang 'gegs pa yin la/ de ltar na gnyi ga
 bkag pa'i phyogs yin no zhes rtogs cing rnam pa gzhan byed na/ de yang rigs pa ma yin te/ phan tshun yangs pa dang ldan pa ni gcig bkag pa gcig sgrub pa med na mi 'byung ba yin pa'i phyir te/ de dag gcig pa mi srid pa'i phyir
 brtag pa bzhi pa yang mi 'thad do/ /yang dngos na zhes te gal te sgyu ma de dngos po yin na/ ji ltar de gzhan min te sems las gzhan du mi 'gyur/ 'on te gal te gzhan min zhe na/ sems nyid sgyu ma yin te/ de'i tshe dngos bor
 med de/ don dam par yod pa ma yin pa de la ste de'i rang bzhin yin pa'i phyir ro/ /sems 'ba' zhig yin pa zhes pa 'di nyid 'ongs pa yin te/ gang tshe khyod la sgyu ma nyid/ /med na de tshe ci zhig dmigs/ /zhes gsungs pa yin no//
 de ni skabs su bab pa'i bsgrubs bya bsgrubs nas mjug bsdu ba'i phyir/ ji ltar sgyu ma yod min yang/ zhes pa la sogs pa gsungs te/ dmigs par bya ba'i sgyu ma glang po che la sogs pa ltar dngos po med pa'am med pa'i rang bzhin yin
 pa ste/ de lta bu yang ji ltar blta bya ste mthong ba'i yul sgyu ma yin pa ltar de bzhin lta byed yid kyang yin te/ /med pa'i sgyu ma de nyid blta bar bya ba dang/ lta ba de bzhin du yid yin te don dam par med pa'i rang bzhin yin na yang mtho ba'i
 nus par 'gyur ro/ /des na gang gi tshe 'khrul pa 'di yod min na zhes pa la sogs pa pha rol gyis gang brjod pa des bsgrub par bya ba mjug bsdus nas bstan to/ /gzhan yang rnam pa gzhan gyis don dam par yod pa'i rnam par shes
 pa bsgrub pa'i ched du/ gzhan gyis 'bad pa'i bsam pas/ gal te 'khor ba dngos rten can zhes smras te 'di ltar kun nas nyon mongs pa dang rnam par byad ba dor bar bya ba dang blang bar bya ba nyid kyis 'di gnyis yin par ji lta ba bzhin du
 rtogs par bya ste/ de la 'dod chags la sogs pa'i dri mas bsgribs pa'i sems la kun nas nyon mongs pa zhes brjod la/ de yang yang dag pa ma yin pa'i sgro btags pa'i stobs kyis bskyed pa'i phyir glo bur ba'i
 sems la bsten nas 'jug go /de las byung ba'i las dang skye ba brgyud pa las byung ba'i 'khor pa skye bar 'gyur te/ de nyid sems yin te don dam par rang bzhin gyis 'od gsal pa blo bur ma yin pa yang dag pa ma yin pa'i kun tu rtog
 pa las byung ba/ gzung ba dang 'dzin pa la sogs pa gnyis su sgro 'dogs pa'i mngon par zhen pa'i bags kyis stongs pa gnyis su med pa'i rang bzhin glo bur pa'i nyes pa las grol ba gnas gyur pa la rnam par byang ba zhes brjod do//
 de'i phyir de ltar na kun nas nyon mongs pa dang rnam par byang pa dag yod par gyur pa'i dngos po'i sems med par rnam par gzhag pa mi 'thad do zhes sems te/ 'khor ba dang mya ngan las 'das pa yang sems kyi chos yin pa'i phyir la/
 sems nyid kun nas nyon mongs shing sems nyid rnam par byang pa'o zhes pa'i tshig las so/ /de ltar na 'di ni gzhan gyis 'dod par nges par byed pa yin te/ dngos po nyid yang dag par gyur pa'i dngos po'i sems nyid la brten pa
 gang yin pa zhes/ gal te zhes te dngos brten pa zhes 'khor ba rnam par 'jig par byed do zhes/ de'i tshe 'khor ba gzhan du 'gyur te/ sems las gzhan yin par 'gyur ro/ /dngos po las gzhan yin na dngos po med par 'gyur
 te/ sems nyid dngos po yin pa'i phyir ro/ /ci lta bu zhe na/ mkha' 'drar te nam mkha' bzhin du'o/ /'di skad du gang 'di sems la brten pa la 'khor ba zhes brjod na de ci dngos po yin nam dngos po med pa yin/ dngos po yin na
 yang sems yin nam de las gzhan yin/ de la gal te dngos po sems nyid yin na de'i tshe sems las 'khor ba gzhan ma yin te/ de la brten pa ni sems nyid yin no/ /sems de yang rang bzhin gyis 'ong gsal ba yin pa'i phyir rnam par
 byang pa'i rang bzhin yin pas spang par bya ba ma yin la/ 'on te sems las gzhan na de'i tshe sems las tha dad pa gzhan khas blangs pas grub mdza' nyams pa yin no/ /'on te dngos po med pa yin na de'i tshe 'khor ba zhes pa cung zad kyang
 yod pa ma yin te/ ri bong gir bzhin no/ /de nyid kyi phyir mkha' 'drar 'gyur zhes gsungs te/ dper na nam mkha' rtags su yod pa tsam ni med pa'i dngos pos cung zad kyang don byed nus pa yod pa ma yin te/ de bzhin du khyed kyis?
 'khor la yang yin par 'gyur ro/ /yang mkha' 'drar 'gyur zhes pa ni rang bzhin med pa yin pa'i phyir kho bo cag gi grub pa'i mthar zhugs pa yin no zhes brjod par 'gyur ro/ /de lta yin na yang gal te yang dngos po yin du tshug mod/
 de lta na yang yod pa'i dngos por gyur pa'i sems la rten pas de don byed nus par 'gyur ro zhe na/ dngos med dngos la rten pas zhes pa la sogs pa gsungs te/ med pa'i rang bzhin ni 'ga' zhig la yang brten par rigs pa ma yin te /
 rten dang brten pa'i dngos po ni rgyu dang 'bras bu ngo bo yin pa'i phyir ro/ /dngos po med pa ni gang gi yang 'bras bu ma yin te/ bskyed par bya ba ma yin par khyad par med pa'i phyir ro/ /de lta yin du chug ste/ de ltar na yang dngos po
 la brten pas te/ dngos po yod par gyur pa'i sems la brten pas dngos po med pa'i bdag nyid byed pa dang ldan pa don byed pa nyid du ji ltar 'gyur te/ nam yang rigs pa ma yin no zhes pa'i don to/ /gzhan du de dngos po yod
 par 'gyur te nus pa ni dngos po'i mtshan nyid yin la/ nus pa thams cad dang bral ba ni dngos po med pa nyid yin no zhes pa'i tshig las so/ /da? ni shin tu dpyad pa na khyed la ci zhig gnas par 'gyur zhe na/
 khyod kyis sems ni grogs med pa zhes pa la sogs pa gsungs te/ med pa nyid dngos po dang bral ba 'di 'grogs yin pas grags po med pa yin te/ ni zhes pa nges par gzung bas so/ /khyed sems gcig pu don dam par smra bas
 gcig pu nyid de/ gnyis ma yin pa nyid yin no/ /ci ste gzung ba dang 'dzin pa'i rnam pa dang bral ba gnyis su med pa'i mtshan nyid kyi sems su brjod pa de ltar na sems gcig nyid du bsgrubs pas kho bo cag cung zad kyang mi 'dod pa ma
 yin no zhes na/ de ni rigs pa ma yin te/ kun nas nyon mongs pa spang ba'i ched du dngos po nyid brjod pa yin la de sems gcig pu nyid yod par gyur pa de lta na yang gnod par byed pa las grol ba ma yin no zhes/ gang tshe sems ni
 gzung bral ba zhes pa la sogs pa gsungs te/ gzung ba zhes pa ni nye bar mtshon pa yin te/ 'dzin pa la sogs pa dang bral ba yang rig par bya'o/ /yang na gzung ba la sogs pa la rag las pa ni 'dzin pa yin no zhes pas de dang
 bral ba'i phyir 'dzin pa med pa yin la/ 'dzin pa med na yang des nyes par brtags pa'i mngon par brjod pa med pas brjod par bya ba med do zhes bstan pa'i phyir gzung bral ba zhes brjod pa yin no/ /gzung ba la sogs pa dang bral ba
 gnyis su med pa'i rang bzhin gang gi tshe 'gro ba thams cad kyi sems yin pa de'i tshe de'i sems su sems can thams cad rgyud nang du 'dus pa'i phyir 'khor ba'i sems can thams cad kyi de bzhin gshegs te/ sangs rgyas bcom
 ldan 'das nyid thob la/ 'ga' yang so so'i skye bor mi 'gyur te/ de'i phyir yong kun nas nyon mongs pa spang ba'i ched du gzhan lam bsgom pa don med par thal la/ de ltar yang ma yin te/ de lta bas na gzung ba dang 'dzin pa dang spal ba yod na yang
 dngos po la mngon par zhen pa de bzhin du gnas pas nyon mongs pa spong bar mi 'gyur ro zhes dgongs nas/ de ltar na yang zhes pa la sogs pa gsungs te/ de ltar zhes pa ni tshig phrad sdud pa yin la de ltar yin na yang don 'di la yang zhes te 'ang gi don to/
 de ltar khas blangs na yang yon tan ci zhig yod de/ cung zad kyang yod pa ma yin te/ sems tsam zhem pa ni rnam par rig pa tsam nyid du yang brtags pa la ste/ /rtogs pas brtags pa ni gnyis su med pa'i de kho na nyid yongs su shes pa dang 'brel
 pa yin na yang/ sems can thams cad kyi rgyud la 'dod chags la sogs pa yongs su gnas pa'i phyir ro/ /ci ste khyed dbu mar smra ba dang yang mtshungs pa yin no zhes skyon mtshungs pa nyid du brjod pa'i phyir/ sgyu ma lta bur shes na yang zhes pa la
 sogs pa smos te/ sgyu ma ste sgyu ma'i rang bzhin nyid du yang 'gro bas shes na/ ji ltar nyon mongs ldog 'gyur te/ ji ltar 'dod chags la sogs pa'i nyon mongs pa spong par 'gyur zhes 'dri'o/ /'dir nyon mongs pa spong pa la mi 'thad pa'i rgyu
 ci zhig yod ces gang zhig 'dri ni/ gang tshe sgyu ma'i zhes pa la sogs pa smos te/ 'dir mi spong pa'i 'thad pa'i sa bon mthong ste/ gang gi tshe sgyu ma'i bud med ste gang zhig sgyu ma mkhan gyis sprul pa'i bud med la chags pa ste/ zhen pa'i
 sems skye ste 'byung ngo/ /de byed nyid kyang ngo zhes te/ gang rmongs par bya ba'i ched du de sprul pa de rnams 'ba' zhig pa ni skye ba ma yin gyi/ 'on kyang sgyu ma'i bud med de'i? byed pa po la yang skye'o/ /de ltar 'di ni kyang gi sgra'i don to/ /gang gi tshe
 gzhan gyi sems 'khrul ba bskyed pa'i don du shin tu de'i rnam par 'khrul pa la mkhas pa'i sgyu ma mkhan po 'ga' zhig yul gyi bzang mo'i bud med nye bar ston par byed de/ de yang sngags dang sman gyi mthus sprul pa'i
 yan lag dang nyid lag thams cad kyi cha shas yongs su rdzogs ba'i mtshan nyid lang tsho gsar la bab cing mdzes pa phun sum tshogs pa yang dag par rdzogs shing gsal la yid du 'ong ba'i kha dog can 'jam zhing mnyes pas mdzes par gyur pa sprul pa mthong
 bas de'i tshe gzhan 'ba' zhig la 'dod pa'i lha'i mdangs bsnun pa'i sems kyi sdug bsngal bskye ba ni ma yin te/ 'on kyang bdag rang nyid kyis 'di sbrul lo zhes de'i rang bzhin la mkhas pa des kyang gnod par bya ba'i mdzes pa phun sum tshogs pa
 'dod pa'i bya ba la mkhas pa'i chags pa'i lus mngon par sbrul te/ 'dod pa'i bya ba mchog gi gnas skabs thob pa na des ji ltar yang sems nges par gzung bar mi nus na/ de ji ltar na sgyu ma nyid du nges na yang 'khor ba'i rgyun gcod par 'gyur
 zhe na/ 'di spang ba'i phyir de byed pa ni zhes pa la sogs pa gsungs te/ kho bo cag la nyes pa 'dir thal bar 'gyur ba ma yin te/ de byed pa ni sgyu ma'i bud med sprul ba po yin la/ gang gi phyi ma spangs shing ma bzlog pa yin no/ /ci zhig
 ma spangs she na/ shes bya dang/ nyon mongs bag chags te/ shes bya dang nyon mongs pa'i rang bzhin dang bcas par sgro 'dogs pa las zhen pa la sogs pa 'am/ dngos por sgro btags pa yin te/ shes bya'i sgrib pa zhes pa'i tha tshig
 go / de'i dbang gis thog ma med pa'i 'khor bar skye ba brgyud par goms pa log pa'i rnam par rtog pa las byung ba dang de sa bon du gyur pa'i sems kyi rgyun gyis 'dus byas pa yin te/ de ma spangs pa'i phyir ro/ /ci ste lan 'di ni rnam par
 shes par smra ba tsam la yang mtshungs pa yin te/ de la yang gnyis su med pa'i de kho na nyid yod kyang/ glo bur ba'i nyon mongs pa'i bag chags ma spangs pa'i phyir thams cad de bzhin gshegs par mi 'gyur ro zhe na/ 'di ni mchungs pa ma yin te/ gang
 gi phyir med pa'i bdag nyid kyi dri ma ni 'bras bu'i tshogs pa dang bral pa ni sgrib par rigs pa ma yin no zhes brjod zin pa nyid do/ /kho bo cag la ni rang bzhin med pa nyid bskyed bar bya ba dang bskyed par byed pa yin pas mtshungs pa yin te/ gang gi phyir de ma spangs pa des
 na rgyu 'di las de mthong dus na/ de shes bya'i rang bzhin du mthong ste dmigs pa yin la/ de'i dus na 'am sgyu ma'i bud med de mthong ba'i dus na ste dmigs pa'i dus na'o/ /de zhes pa ni nyon mongs pa'i bag chags ma spangs pa'i mthong ba po'o//
 stong pa'i bag chags nyam chung zhes pa la/ stongs pa ste dngos po'i de kho na nyid dam stong pa nyid zhes tshig bsdu ste sdeb sbyor gyi dor dngos po'i rkyen bsubs nas stong pa zhes bstan to/ /bag chags ni 'dus byas pas gzhag pa yin la de
 nyams chung ba ni nus pa dang bral pa yin te/ brtags pa'i ngo bo mthong ba'i phyir ro/ /de'i phyir de'i tshe dngos po stobs dang ldan pa yin no/ /'o na ji ltar de bzlog par 'gyur zhe na / stong nyid ces pa la sogs pa gsungs te / stong
 nyid ni sgyu ma'i rang bzhin med rang bzhin med pa nyid yin la/ bag chags ni des bzhag pa'i shugs yin te/ goms pa'i stobs kyis bstan par 'gyur zhes pa'i tha tshig go / nges na 'gal ba'i rkyen gyis spongs par 'gyur te / me dang
 nye bar gyur bas grangs pa'i reg pa bzhin bzlog par byed de/ ci zhig ce na/ dngos po'i bag chags te / thog ma med pa'i 'khor pa nas goms pas dngos por 'dzin cing zhen pa ni bag chags yin la/ de yang dag pa'i don
 yin pa'i phyir dang dngos po'i rang bzhin yin pa'i phyir dang/ gzhan ni brdzun pa yin pas glo bur ba yin pa'i phyir ro/ /dngos po la mngon par zhen pa 'am stong pa nyid du mngon par zhen pa dag mngon par zhen par khyad
 par cung zad kyang med pa ma yin nam/ de yang rtogs pa las ma 'das pa'i phyir te gang/ stong nyid blta ba thams cad las/ /nges par 'byin par rgyal bas gsungs/ /gang dag stong pa nyid blta ba/ /de dag gso bya min par
 gsungs zhes gsungs pa yin no zhe na/ 'di spang bar 'dod nas ci yang med ces pa la sogs pa gsungs te/ cung zad ces pa ni dngos po 'am stong pa nyid do/ /med pa ni yod pa ma yin la yang gi sgra ni snga ma la bltos pas sdud pa yin no/ /
 de'i phyir de ltar goms pas bag chags de spangs pa phyi nas stong pa nyid kyi bag chags kyang spong bar 'gyur te bzlog par 'gyur ro/ /bsam pa ni 'di yin te stong pa nyid rtogs pa ni dngos po la mngon par zhen pa'i gnyen po yin pa'i phyir spong
 ba'i thabs su gyur pa yin la thabs las byung ba rtogs nas gang gzings dang 'dra ba yin pa'i phyir thabs kyang phyi nas spang par nyams su blang ngo/ /'di nyid gsungs pa/ rnam rtog thams cad spang ba'i phyir/ /stong nyid bdud rtsi bstan
 pa yin/ /gang zhig de ru 'dzin pa yang/ /'di ni khyed kyis spangs pa lags shes so/ /de ltar gyur na yang gal te cung zad kyang yod pa ma yin no zhes yid la byed pa goms pa las stong pa nyid kyi bag chags spong bar 'gyur ba yin pa de
 lta na yang/ de goms pas yang dngos po med pa'i rnam par rtog pa 'jug pa bzlog par mi nus te/ des na lab? ba bcug pa las mig 'bras 'byung ba bzhin du khyed kyi nyes pa de bzhin du gnas pa yin no zhes/ gang che zhes pa la
 sogs pa smos te/ 'di yang dpyad na gnas pa ma yin no zhes ston par byed de/ gang zhig dngos po med do zhes rab tu rtog cing gang gi dngos po 'gegs par byed na de gang gi tshe rtogs pa na rab rib can gyis mthong ba'i sgra'i dogs pa bzhin
 du rang bzhin mi rnyed de/ mi 'thob bo/ /de tshe rten 'brel ba zhes pa la/ gang gi dngos po 'di yongs su rtog pa na de dang 'brel pa'i dngos po med pa'i phyir mi dmigs pa yin te/ med pa yin no/ /rtogs pas bstan pa'i lus ji ltar
 blo'i mdun na gnas te/ ji ltar 'di brtags pas blo'i mdun du snang bar 'gyur/ dngos po rang nyid kyis dngos po med par ldog par 'gyur ro/ /yang na gnas du bshad par bya ste/ stong pa nyid kyi stobs kyis gzhag pas dngos po'i pag
 chags ldog tu chug na yang de la 'gegs pa med pa'i phyir dngos po med pa'i mngon par zhen pa gang gis ldog par byed ce na / gang tshe zhes ? la sogs pa gsungs te / gzhan thams cad ni snga ma bzhin no/ /'di ni 'dir bsdus pa'i don
 yin te/ dngos po la mngon par zhen pa ni chos thams cad stong pa nyid kyis spong bar brjod la/ stong pa nyid de yang stong pa nyid mngon du byed pa yang phyi nas spong bar 'gyur ro/ /gang yang ji ltar yang dngos por rtog pa skye bar 'gyur na/
 de yang de ma thag tu dpyod par 'gyur ba ni chos thams cad stong pa nyid kyis spong bar brjod la/ stong pa nyid de yang stong pa nyid mngon du byed pa yang phyi nas spong bar 'gyur ro/ /gang yang ji ltar yang dngos por rtog pa skye bar 'gyur na /
 de yang de ma thag tu dpyod par 'gyur bas zlog par 'gyur te/ de nyid kyi phyir rnam par rtog pa'i tshogs du ma bzlog pa'i ched du bcom ldan 'das shes rab kyi pha rol tu phyin mar nang stong pa nyid la sogs pa stong pa nyid bco brgyad rgyas par
 gsungs te / stong ba nyid ni dngos po las gzhan ma yin te/ dngos po nyid de'i rang bzhin yin pa'i phyir ro/ /gzhan du na stong pa nyid chos rnams las tha dad pa yin na/ chos rnams dngos po med par mi 'gyur te/ dngos po med pa ni
 de'i rang bzhin yin no zhes sngar bsgrubs pa yin no/ /'di yang shes rab kyi pha rol tu phyin pa las gsungs pa gzhan yang rab 'byor byang chub sems dpa' sems dpa' chen po shes rab kyi pha rol tu phyin pa la sbyong
 pa na rnam pa thams cad mkhyen pa nyid dang ldan pa yid la byed pas 'di ltar rtogs te/ gzugs kyis stong pa nyid kyis gzugs stong pa ma yin te gzugs nyid stong pa'o/ /stong pa nyid gzugs so/ /tshor ba'i stong pa nyid kyis tshor ba stong pa
 ma yin te /tshor ba nyid stong pa'o/ /stong pa nyid tshor pa'o?/ 'du shes gyis stong pa nyid kyis 'du shes stong pa ma yin te/ 'du shes nyid stong pa'o/ /stong pa nyid 'du shes so/ /'du byed ki stong pa nyid kyis 'du 'byed stong pa ma yin te/ 'du byed nyid stong pa'o//
 stong ba nyid 'du byed do/ /rnam par shes pa'i stong pa nyid kyis rnam par shes pa stong pa ma yin te/ rnam par shes pa stong ba'o/ /stong pa nyid rnam par shes pa'o zhes rgyas par ro/ /yang gang zhig rten cing 'brel par 'byung/ /de nyid
 khyed kyis stong par bzhed/ /dngos po rang dbang can med ces/ /khyed kyi seng ge'i sgra mtshungs med ces gsungs pa yin no/ /de ltar na stong pa nyid ni chos rnams las tha dang pa ma yin no/ /de lta bas na stong pa nyid la yang mngon par
 zhen par mi bya'o/ /de ltar rnam par rtog pa thams cad nub pa'i phyir sgrib pa mdza' dag las grol ba skye'o zhes bstan pa'i phyir gang tshe dngos dang zhes pa la sogs pa gsungs te/ gang tshe dngos po don dam par yong pa'i rang bzhin
 yod pa ma yin te/ blo ni blo gros yin la mdun ni sdun te/ yang dag par gnas pa yin no/ /dngos med kyang ma yin te/ dngos po dang bral ba'i mtshan nyid dngos po med pa yang ma yin no/ /gang tshe blo'i mdun na gnas pa de
 tshe rnam pa gzhan med pas shes te/ /dgag pa dang bsgrub pa gzhan med pa'i phyir te/ gnyi ga dang gnyi ga ma yin pa'i phyogs gnyis po 'di bsgrub pa dang dgag pa'i bdag nyid yin pa'i phyir 'di dag las ma gtogs pa 'di gnyis kyi nang du
 'dus la der 'dus pas kyang rten med pa yin te/ yod pa dang med pa dmigs pa dang bral ba'i phyir ro/ /blo rab tu zhi pa yin la rnam par rtog pa thams cad nye bar zhi ba'i phyir zhi pa yin te/ me bzhin du 'das pa ni ma yin no zhes pa'i
 don to/ /gal te ji ltar rnam par rtog pa mdza' dag dang bral bas bskal pa grangs med pa nas 'dod pa'i gzhan gyi don phun sum tshogs pa'i thabs su gyur pa'i sangs rgyas nyid thob nas bcom ldan 'das kyis gzhan gyi don mngon par
 rdzogs par byed par ci ltar 'gyur zhe na/ 'dir yid bzhin nor bu zhes pa la sogs pa gsungs te/ yid bzhin nor bu zhes pa ni bsams pa'i 'bras bu ster ba'i rin po che'i khyad par ro/ /dpag bsam gyi shing zhes pa ni bsam pa'i
 'bras bu ster pa'i shing gi khyad par yin te/ de ji ltar rnam par rtog pa med kyang snod ji lta bar 'jig rten pa rnams kyi ra ba yongs su rdzogs pa yin zhing/ 'dod pa thob par byed pa yin te/ de bzhin rgyal ba'i skur snang ngo zhes pa dang
 'brel to/ /rgyal ba ni bdud bzhi las rgyal ba'i phyir ram/ sdig pa'i chos las rgyal bas rgyal ba ste/ bcom ldan 'das so/ /rgyal ba sangs rgyas bcom ldan 'das kyi sku ni skyes bu chen po'i mtshan sum cu rtsa gnyis kyis
 mdzes par byas pa'i lus so/ /de bzhin du ste rnam pa des snang ste/ rnam par rtog pa thams cad med kyang gzhan la phan pa dang bde bar nus rtogs so/ /yang ji ltar na 'dod pa tsam gyis grub par 'gyur zhe na /gdul
 bya smon lam dag gis ni zhes gsungs te/ gdul bya'i dbang gis yin te/ gang sangs rgyas bcom ldan 'das rnams gdul bya de rnams gdul byed rnams kyi 'bras bu'i khyad par thob pa'i rgyud dge pa'i las
 kyi rnam par smin pa de'i dbang gis so/ /smon lam gyi dbang gis te/ gang bcom ldan 'das kyi byang chub sems dpa' i gnas skabs na rnam pa du mas sems can gyi don bsgrub pa'i smon lam des 'phangs pa'i dbang gis rdza mkhan gyi 'khor
 lo 'khor ba'i tshul gyis lhun gyis grub pa'i 'jug pas sems can thams cad la phan pa dang bde ba bsgrub par 'thad pa yin no/ /gang gi nub mo de bzhin gshegs pa mngon par rdzogs par sangs rgyas nas gang du mya ngan las 'das pa'i
 bar 'dir de bzhin gshegs pas yi ge gcig kyang ma gsungs te/ de ci'i phyir zhe na/ bcom ldan 'das ni rtag tu mnyam par bzhag pa yin no/ /gang yang yi ge dang dbyangs dang sgra ni de bzhin gshegs pa'i zhal dang mdzod sbu dang /
 gtsug tor las byung pa'i sgra sems can de rnams kyis thos so zhes pa la sogs pa gsungs so/ /yang ting nge 'dzin de la mnyam bzhag pa/ /yid bzhin nor bu bzhin du gnas/ /ji ltar 'dod bzhin rtsig sogs las/ /sgron ma'i sgra ni
 'byung ba yin/ /de dag shes par 'dod don rnams/ /mi rnams kyis ni thams cad rtogs/ /skal pa bzhin du phan par yang/ /myur du thob par 'gyur pa yin zhes gsungs so/ /bstong pa bzhi pa las kyang/ /gtso bo khyed kyis 'ga' 
 zhig tu/ /yi ge gcig kyang ma gsungs te/ /chos kyi char gyis gdul bya yi/ /'gro ba ma lus tshim par mdzad ces gsungs so/ /de ltar thun mong ma yin pa'i rgyu bshad nas yang gzhan du rgyu'i gnas skabs nyid gang lhun gyis
 grub pas gzhan gyi don bsgrub par byed pa'i nus pa'i 'bras bu skye bar 'gyur ba de lta bu'i tshigs su bcad pa gnyis kyis bstan pa'i phyir dper na nam mkha' ? dag gi ni zhes pa la sogs pa gsungs te/ dper na nam mkha' lding gi ni zhes te/ dug gi de kho na
 nyid kyi rigs pa sngags kyis nus pa thob pas shing gi rang bzhin na ma rdo ba 'am gzhan gyi yang rung te/ mchod sdod bsgrubs na sngags kyis mngon par sbyangs te/ kho bo med kyang 'di nyid dug la sogs pa thams cad sel ba la nus pa dang ldan
 par 'gyur ro zhes nas 'das par gyur te/ rang nyid bya ba dang bral bar 'gyur ro/ /mchod sdong de la des sngags btab ste mkha' lding can de 'das nas yun ring lon yang ste/ yun ring por bya ba dang bral yang dug la sogs ba zhi bar byed la sogs
 kyi sgras ni gdon la sogs pa'i rnam par 'gyur ba yang 'joms par byed de? do/ /de ltar dpe nye bar bstan nas/ don la sbyar ba'i phyir byang chub sbyong ces pa la sogs pa gsungs te/ dper na zhes pa'i sgras de bzhin du zhes pa 'dren par byed de/
 de bzhin du byan chub gi byang chub kyi rgyu mtshan sangs rgyas kyi ched kyi spyod ba ni byang chub kyi spyod pa'o/ /byang chub sems dpa' 'das byung kyang zhes te/ byang chub ni sangs rgyas nyid yin te/ gcig dang du ma dang bral ba skye ba med pa/ 'gag
 pa med pa/ chad pa med pa/ rtag pa med pa/ spros pa thams cad dang bral ba/ nam mkha' dang mnyam pa/ chos kyi skur grags pa la don dam pa'i kho na nyid du brjod do/ /de nyid kyang shes rab kyi pha rol tu phyin pa dang/ stong pa nyid dang/
 de bzhin nyid dang/ yang dag pa'i mdza' dang/ chos kyi dbyings la sogs pa'i sgras kun rdzob kyi bden pa la brtsams nas brjod do/ /de nyid la dgongs nas/ /sangs rgyas rnams ni chos nyid blta/ /'dren pa rnams ni chos kyi sku/ /chos
 nyid shes par bya min pas/ /de ni rnam par shes mi nus/ zhes gsungs so/ /yang mtshan nyid med cing ma skyes pa/ /ngag gi lam min 'dus ma byas/ /nam mkha' dang mnyam byang chub sems/ /byang chub gnyis med
 mtshan nyid yin zhes gsungs te/ de la sems dpa' ni gang gi bsam pa yin pa de la byang chub sems dpa' zhes bya'o/ /de 'das par gyur kyang ngo/ /yang gi sgra ni rim pa gzhan du yin te/ mi gnas pa'i mya ngan las 'das pas don dam pa
 zhi bar gyur kyang ngo/ /rgyu'i gnas skabs log cing 'bras bu'i gnas skabs thob pa na yang zhes pa'i don to/ /de ltar gnyi gar yang rtog pa dang thams cad du dral yang gzhan gyi don sgrub pa nyams pa med par bstan pa yin no/ /de ltar
 gyur na yang gal te bcom ldan 'das rnam par rtog par dmigs pa thams cad dang bral bas sems las byung ba thams cad kyis bya ba 'das pa yin te/ 'o na ji ltar de bzhin gshegs pa mchod pa 'bras bu chen por bsngags zhes dogs
 sems med zhes pa la sogs pa smos te/ kun rdzob kyi sems dang bral ba'i bcom ldan 'das la mchod pa ste mchod pa byas pa las zhes byed pa'i khyad par ro/ /ji ltar 'bras bur ldan par 'gyur te 'bras bu dang bcas par 'gyur/
 longs spyod par byed pa med pa de la sbyin pa po dang sbyin bdag rnams la ji ltar bsod nams su 'gyur zhe na/ 'di la lan ni gang phyir bzhugs pa 'am zhes pa la sogs pa gsungs te/ mtshungs shing mnyam pa nyid du bshad de lung las
 bstan to/ /gang gi phyir bzhugs pa 'am/ mya ngan 'das pa de la'ang de'i phyir 'bras bu dang ldan par 'gyur ro/ /zhes sbyar ro/ /zhugs pa ni mya ngan las ma 'das pa yin la/ mya ngan las 'das pa ni phung po lhag ma med pa'i mya ngan
 las 'das par gyur pa yin te/ bsod nams la khyad par yod pa ma yin no/ /bsam pa ni 'di yin te/ bsod nams ni rnam pa yin la/ gtong pa dang rjes su 'brel pa ni gtong pa nyid las gang skyes pa'o/ /yongs su longs spyod pa dang rjes su 'brel pa ni
 sbyin par bya ba'i chos yongs su longs spyod pa las gang skyes pa'o/ /de la gal te bcom ldan 'das mya ngan las 'das pa la len pa med pas yongs su longs spyod pa'i bsod nams su mi 'gyur yang gtong pa dang yongs su 'brel pa gang gis bzlog par bya/
 ci ste yongs su ma blangs na ga la yang ji ltar yongs su gtong ba dang 'brel pa'i bsod nams su 'gyur zhe na/ len pa po yong na bsod nams su 'gyur la/ med na ni ma yin no zhes pa rgyu ci yin/ yang ci ste len pa po 'ga' yang med pa'i phyir ro zhe na/
 de ni rgyu ma yin pa nyid yin te/ gang phyir zhes te/ bsod nams gzhan yongs su len pa nyid kyis 'gyur na byams pa tshad med pa la sogs pa dang yang dag pa'i lta ba bsgoms pa la bsod nams med par 'gyur ro/ /de lta bas rang gi sems kyi
 mthus gzhan yongs su len pa med par yang bsod nams yod par 'dod par bya ste/ des na yon tan dang ldan pa 'das pa la yang de la gus par byas pas rang gi sems la bsod nams su 'gyur pa la 'gal ba med do/ /gzhan yang bsod nams
 dang sdig pa thams cad yod pa dag la lud dbang po nyid du lung las bshad ces te/ 'dir 'thad pa gzhan gyis ci zhig bya/ lung las te bcom ldan 'das kyis bka' las yin la/ 'bras bu ni bcom ldan 'das la mchod pa byas pas
 longs spyod chen po la sogs pa'i mtshan nyid rtogs par 'gyur ro/ /de la zhes pa ni mya ngan las 'das pa 'am mya ngan las ma 'das pa'i bcom ldan 'das la mchod pa'i khyad par 'di dag yin te/ kha cig ni 'bras bu kun rdzob yin la/
 kha cig ni yang 'bras bu don dam pa yin no zhes 'dod do/ /'di ltar dpyad pa btang snyoms su byas nas khyad par du brjod par bya ste/ kun rdzob bam de nyid duAng rung ste/ bsod nams dang sdig pa byas pa'i
 'bras bu bcom ldan 'das kyis bka' las rtogs pa yin te/ de la yang khyed dang kho bo cag la rtsod pa med pa nyid do/ /de la 'di bcom ldan 'das kyis me tog brtsegs pa'i gzungs las/ seng ge rnam par rtse ba 'ga' zhig gis
 de bzhin gshegs pa dgra bcom pa yang dag par rdzogs pa'i sangs rgyas yon tan gyi tshogs dpag tu med pa dang ldan pa de'i phyir de la mchod pa'i rnam par smin pa de yang dpag tu med par bya'o/ /seng ge rnam par rtse ba gang la la ngag
 de bzhin gshegs pa bzhugs kyang rung/ yongs su mya ngan las 'das kyang rung/ mchod par byed pa de dag thams cad ni 'di lta ste/ theg pa gsum las theg pa gcig gis yongs su mya ngan las 'da' par 'gyur ro/ /seng ge
 rnam par rtse ba gang gis de bzhin gshegs pa dgra bcom pa yang dag par rdzogs pa'i sangs rgyas mthong nas sems dang bar 'gyur la/ dang pa'i sems kyi rnyed pa dang/ na bza' dang/ zhal zas dang/ gzims
 cha dang/ bsnyun? gsol ba dang/ yo byad dang/ bde bar sbyar ba thams cad kyis bsti steng du byas shing ri mor byas te/ mchod cing rjed la rim gror byas pa dang/ gang zhig gis de bzhin gshegs pa yongs su mya
 ngan las 'das pa'i ring bsel yungs 'bru tsam gyi mchod rten la mchod pa byas pa'i rnam par smin pa ni mnyam par shes par bya ste/ bye brag gam tha dad du bya ba de bzhin gshegs pa'i mchod pa la med do zhes gsungs
 pa yin te/ gang zhig bzhugs la mchod pa dang/ /mi gnas mya ngan 'das pa la/ /sems ni mnyam par dad pa yis/ /bsod nams la ni khyad par med /yang 'di gsungs pa yin te/ gang yang seng ge rnam par rtse ba de bzhin
 gshegs pa la lo brgya'am/ lo stong yang rung ste/ bde ba'i yo byad thams cad kyis bsnyen bkur byas pa dang/ gang zhig gis de bzhin gshegs pa yongs su mya ngan las 'das pa'i mchod rten la/ byang chub kyi sems kyis yang
 dag par zin pas me tog 'ga' 'bul lam/ chu snyim pa gang tsam 'thor ram/ byug pa'i thig le 'dri'am/ me tog gnyil nyil 'phyag gam/ byug pa 'bul lam/ mar me 'bul zhing phul nas dga' ba'i sems kyis
 gom pa'i gnas skabs 'ga' bor te sangs rgyas bcom ldan 'das de la phyag 'tshal lo zhes smra tsam la seng ge rnam par rtse ba bskal pa 'am/ bskal pa brgyar ram/ bskal pa stong duAm/ bskal pa 'bum duAm/ ngan
 'gro log par ltung bar 'gro bar 'gyur ba de'i gnas med de/ 'di la dogs pa 'am yid gnyis sam the tshom za bar mi bya'o zhes gsungs so/ /'di nges par khas blangs par bya'o zhes/ dper na bden pa'i zhes pa la sogs
 pa gsungs te/ bden pa'i sangs rgyas te don dam par yod pa'i bcom ldan 'das la mchod pa byas na'o/ /'bras bur bcas zhes pa ni bsod nams dang bcas pa yin na yang ji ltar zhes te ji lta ba bzhin du dper na brjod pa
 ston par byed do/ /'dir dper brjod pa lung las gzhan yod pa ma yin no/ /de lta bas na bcom ldan 'das kyis mchod pa'i 'bras bu yod pa rnam pa thams cad du lung las go bar bya'o/ /stong pa nyid bag chags bsgos pa las
 zhes bya ba la sogs pa gang gsungs pa de la/ bye brag tu smra ba la sogs pa rnams chos thams cad kyi stong pa nyid kyis sgri pa po thams cad spong bar mi bzod pas 'phags pa'i bden pa bzhi mthong pa dang sgom pa ni
 de'i thabs su 'dod pas/ bden pa mthod pas shes pa la sogs pa smos te/ 'phags pa'i bden pa bzhi po rnams ni sdug bsngal pa dang/ kun 'byung ba dang/ 'gog pa dang/ lam gyi mtshan nyid rnams yin la mthong ba ni
 dmigs pa yin te/ mngon sum du byas pas shes pa'i don to/ /mthong bas shes pa ni mtshon pa yin te/ bsgoms pas shes pa yang lta bar bya'o/ /de skad du/ bden pa mthong dang bsgoms pa las/ /nyon mongs spong
 bar bshad pa yin zhes brjod pa yin na/ de la zhugs pas thos pa dang bsam pa dang ldan pa bsgom pa la zhugs pa/ mi gtsang pa dang dbugs 'byung ba dang rdub ba dran pa dang/ dran pa nye par bzhag pa sgom pa grub pa'i
 rim pas mi rtag pa dang/ sdug bsngal ba dang/ stong pa dang/ bdag med pa zhes pa rnam pa bcu drug po 'di rnams kyi sdug bsngal gyi bden pa la sogs pa mthong ste/ dro bar gyur pa la sogs pa nges par 'byed pa'i cha dang
 mthun pa'i sgo nas sdug bsngal la chos shes pa'i bzod pa la sogs pa skad cig ma bco lnga'i mtshan nyid ni mthong ba'i lam yin la/ de'i rjes la bsgom pa'i bam thob pas mthong ba dang bsgom pas spang bar bya ba'i khams
 gsum gyi nyon mongs pa dang nye ba'i phung po spangs pas zad pa dang mi skye ba'i shes pa skye bar 'gyur te/ de lta na 'phags pa'i bden pa rnams mngon par rtogs pa'i rim mdor bsdus pa yin no/ /'dis 'phags pa'i bden pa
 mthong ba las grol bar brjod pa yin no/ /de lta bas na grol ba 'di nyid kyis chog bas stong nyid mthong bas ci zhig bya ste/ stong pa nyid ni chos thams cad kyi rang bzhin med pa yin pa mthong bas te rtogs pa dang mngon sum du byas pas so/ /
 re zhig dgos pa cung zad kyang yod pa ma yin te/ thar pa'i thabs de las gzhan yod pa'i phyir ro zhe na/ 'di la gang gi phyir lung las zhes pa la sogs pa gsungs te/ thabs gzhan med pa 'di'i phyir zhes pa'i tha tshig go /'di nyid
 don gyi de kho na ste/ 'di ltar thams cad nyid dngos por sgro btags pa dang ma btags pa zhes ngo bo gnyis su 'gyur ro/ /de la gang ma rig pas 'phags pa'i sgro btags pa'i ngo bo de ni skye bo thams cad kyi thun mong pa yin la/ da
 dmigs pa'i nyon mongs pa spang bar mi 'thad de/ /gzhan du byis pa'i skye ba thams cad de bzhin gshegs par 'gyur ro zhes sngar bstan pa'i thal par 'gyur ba yin no/ /de bas na sgrom btags pa'i de kho na nyid mi dmigs pa'i spyor bas
 de khong du chud do/ /mi shes pa dang zag pa'i ched du nus pa thob pa yin te/ de yang shes rab kyis rnam par 'byed pa na chos thams cad mi dmigs pa'i mtshan nyid rtogs pas chos thams cad kyi stong pa nyid kho nas rnam par 'khrul
 pa'i sgrib pa thams cad spong ba'i don du nus pa dang ldan par rtogs par bya'o/ /de ltar rigs pa sngar brjod la phyis kyang gtan la 'bebs par 'gyur ro/ /yang 'dir lung nyid kyis 'di'i don rtogs par bya ba'i phyir/ gang phyir lung las
 lam 'di ni/ /med par byang chub med ces lung las gsungs te/ gang shes rab kyi pha rol tu phyin pa las/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha
 rol tu phyin pa la spyod pa'i tshe gzugs dngos po yod ces bya bar mi sgom mo/ /tshor ba dngos po yod ces bya bar mi sgom mo/ /'du shes dngos po yod ces bya bar mi sgom mo/ /'du byed dngos po yod ces bya
 par mi sgom mo/ /rnam par shes pa dngos po yod ces bya bar mi sgom mo zhes bya ba nas lam gyi rnam par shes pa nyid dngos po yod ces bya bar mi sgom mo/ /rnam pa thams cad mkhyen pa nyid dngos pa yod ces bya bar mi sgom mo/ /bag
 chags kyi mtshams sbyor pa'i nyon mongs pa spangs pa dngos po yod ces bya bar mi sgom mo/ /de ci'i phyir zhe na/ rab 'byor dngos po'i 'du shes can la shes rab kyi pha rol tu phyin pa sgom pa med do zhes bya ba nas/ dngos po'i 'du
 shes can la sbyin pa'i pha rol tu phyin pa sgom pa med do/ /dngos po'i 'du shes can la nang stong pa nyid sgom pa med do zhes bya ba nas/ dngos po'i 'du shes can la dngos po med pa'i ngo bo nyid stong pa nyid sgom pa med do/ /dngos po
 'du shes can la mngon par shes pa drug sgom pa med do zhes pa nas/ ting nge 'dzin thams cad dang/ gzungs kyi sgo thams cad dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/
 byams pa chen po dang/ snying rje chen po dang/ sangs rgyas kyi chos ma 'dres pa sgom pa med do zhes pa nas/ bag chags kyi mtshams sbyor ba'i nyon mongs pa spong pa med do/ /de ci'i phyir zhe na/ 'di ltar de dngos po la 'di bdag go/
 zhes bya bar mdza' gnyis la chags te/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab la 'di ni bdag go zhes mdza' gnyis la chags par gyur to/ /nang stong pa nyid dang zhes
 bya ba nas dngos po med pa'i ngo bo nyid stong pa nyid dang mngon par shes pa drug dang zhes pa nas/ bag chags kyi mtshams sbyor ba'i nyon mongs pa spangs pa la 'di ni bdag go zhes bya bar mdza' gnyis la chags par gyur bas de la ni thar pa med de/ de
 ci'i phyir zhe na/ rab 'byor dngos po'i 'du shes can la sbyin pa med ces bya ba nas/ shes rab kyang med/ lam yang med/ ye shes kyang med/ thob pa yang med/ mngon par rtogs pa yang med/ mthun pa'i bzod pa yang med/ gzugs
 kyang yongs su shes pa med/ tshor ba yang yongs su shes pa med ces pa nas/ rten cing 'brel par 'byung ba yang yongs su shes pa med ces pa nas bdag dang/ sems can dang/ srog dang/ skye ba po dang/ gso ba dang/ skyes bu dang/ gang dag dang/
 shed can dang/ shed bdag dang/ byed pa po dang/ tshor ba po dang/ shes pa po dang/ mthong ba po'i 'du shes kyang yongs su shes pa med ces pa nas/ bag chags kyi mtshams sbyor ba'i nyon mongs pa thams cad spang ba yang yongs su shes pa
 med na de thar par 'gyur ba lta ga la 'ong zhes gsungs so/ /yang de nyid las/ bcom ldan 'das kyis bka' stsal pa/ kau shi ka/ de de bzhin no/ /de de bzhin te/ 'das pa'i dus kyi de bzhin gshegs pa dgra bcom pa yang dag par
 rdzogs pa'i sangs rgyas gang ji snyed cig byung ba de dag kyang shes rab kyi pha rol tu phyin pa 'di nyid la brten te/ bla na med pa yang dag par rdzogs pa'i byang chub mngon par rdzogs par sangs rgyas so/ /ma 'ongs pa'i dus kyi de bzhin gshegs pa
 dgra bcom pa yang dag par rdzogs pa'i sangs rgyas gang ji snyed cig 'byung ba de dag kyang shes rab kyi pha rol tu phyin pa 'di nyid la brten cing bla na med pa yang dag par rdzogs pa'i byang chub du mngon par rdzogs pa 'tshang rgya'o/ /de ltar byung
 ba'i phyogs bcu'i 'jig rten gyi khams tshad med grangs med pa dag na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang/ chos ston pa de dag kyang shes
 rab kyi pha rol tu phyin pa 'di nyid la brten te bla na med pa yang dag par rdzogs pa'i byang chub mngon par rdzogs par sangs rgyas so/ /'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang
 ji snyed cig byung ba dang/ ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig 'byung ba dang/ da ltar byung ba'i de bzhin gshegs pa dgra bcom pa yang dag par rdzogs pa'i
 sangs rgyas rnams kyi nyan thos gang ji snyed cig yod pa de dag gis kyang shes rab kyi pha rol tu phyin pa 'di nyid la brten te rgyun tu zhugs pa'i 'bras bu thob bo/ /'thob bo/ /'thob par 'gyur ro zhes pa nas dgra bcom pa nyid thob bo/ /'thob bo//
 'thob par 'gyur ro/ /'das pa'i dus kyi rang sangs rgyas gang ji snyed cig 'byung ba dang zhes pa nas shes rab kyi pha rol tu phyin pa 'di nyid la brten te rang byang chub thob ngo/ /'thob bo/ /'thob par 'gyur ro/ de ci'i phyir zhe na/ 'di
 ltar shes rab kyi pha rol tu phyin pa 'dir theg pa gsum po thams cad rgya cher bstan te/ de dag kyang mtshan ma med pa'i tshul dang/ skye ba med pa'i tshul dang/ 'gag pa med pa'i tshul dang/ kun nas nyon mongs pa med pa'i tshul dang /
 rnam par byad pa med pa'i tshul dang zhes pa ji srid du 'jig rten gyi tha snyad kyis yin te don dam pa'i tshul gyis ni ma yin no zhes bya ba'i bar du rgyas par gsungs so/ /gang sangs rgyas rnams dang rang sangs rgyas/ /nyan thos rnams kyis nges
 bsten pa'i/ /thar lam gcig bu khyod lags te/ /gzhan du nges pa ma mchis so zhes gsungs so/ /theg pa chen po'i tshig 'di ma bzod nas/ gal te theg chen zhes pa la sogs pa smos te/ kye stong pa nyid du smra ba de theg pa chen po ni bka' 
 nyid du kho bo cag la ma grub ste/ 'dod pa ma yin la sgrub par byed pa nyid du de brjod pa ni legs pa ma yin no/ /'dir gzhan dang lan mtshungs pa'i sgo nas sun dbyung pa'i phyir/ khyod kyi lung ni zhes pa la sogs pa gsungs te/ gal te theg pa
 chen po de ma grub na ji ltar nye/ /rnam par gang gis khyod kyi lung bcom ldan 'das kyis bkar grub/ der lung nyid du sgrub par byed pa'i tshang ma lhag ba 'ga' zhig ni mthong ba ma yin no/ /gzhan gyi lan gang phyir zhes bya ba la sogs pa brjod de/
 rgyu gang gi phyir bdag gi lung 'di lung nyid du grub pa khyod dang kho bo cag gnyis la des pa yin te/ bdag gi lung la khyed kyang thag pa chen po'i rjes su 'jug pa sangs rgyas kyi bka' nyid du log par rtog pa yod pa ma yin la/ de lta bas na 'di grub pa
 yin no/ /theg pa chen po la ni bdag gis yang dag par rtogs pa yod pa ma yin pas/ gang gis ni lan 'dir 'gyur ba yin zhe na/ grub pa'i mdza' smra bas dang po khyod la 'dir ma grub ces gsungs te/ gal te khyod kyis lung lung? nyid du
 gnyi ga la grub pa rgyu yin na de'i che 'di brjod par mi bya ste/ ma grub pa'i phyir ro/ /gang gi phyir khyod nyid la 'di lung nyid du grub pa ma yin no/ /gang gi tshe zhe na/ dang por te de khas len pa las dang po ste sngon rol tu'o/ /khas blangs
 pa las dang por khyod la ji ltar yang grub pa ma yin no/ /de lta bas na gnyi ga la grub pa zhes pa ma grub pa'i phyir sgrub par byed pa ma yin no/ /gal te gnyi ga la grub pa ma grub na/ 'di ltar sgrub par byed pa 'di yod pa yin te/ sangs rgyas
 kyi gsung rab nyid du bla ma dang slob ma brgyud pa las byung ba yin la/ gang yang mdo sde la 'jug /'dul pa la snang ba'i rgyu mtshan blang bar bya zhing gus bar bya bar brjod pa yin no/ /der zhes pa ni rang gi lung la yin la
 chos nyid dang mi 'gal ba de sangs rgyas kyi bka' yin te/ gzhan ni ma yin no zhe na/ rkyen gang gis zhes pa la sogs pa gsungs so/ /rkyen te rgyu mtshan gang gis 'di la yid ches pa yin pa de ni de skad du/ gang gi rkyen gyis yid
 ches ba'i rgyu mchan blang bar bya zhing gus par bya bar rjod pa yin no/ /der zhes pa ni rang gi lung la yin la/ re zhig yin yid ches pa de 'ba' zhig 'dir theg pa chen po la yang byos shig ces te/ theg pa chen po las yang brjod pa'i yid
 ches pa yod pa'i phyir ro/ /'di ni yang sangs rgyas kyi bka' thams cad la thun mong ba'i mtshan nyid mal brul pa yin no/ /gang lhag pa'i bsam pa bskul ba'i mdo las/ byams pa gzhan yang rgyu bzhi sa ni spobs pa thams cad ni sangs
 rgyas kyis gsungs par rig par bya'o/ /bzhi gang zhe na/ byams pa 'di la spobs pa don dang ldan pa yin gyi don dang mi ldan pa ma yin pa dang/ chos dang ldan pa yin gyi/ chos dang mi ldan pa ma yin pa dang/ nyon mongs pa zad bar
 byed pa yin gyi/ nyon mongs? pa 'phel bar byed pa ma yin pa dang/ mya ngan las 'das pa'i yon tan dang/ phan yon ston pa yin gyi 'khor ba'i yon tan dang/ phan yon ston par byed pa ma yin no/ /byams pa rgyu bzhi po 'di dag
 dang ldan na sngar bzhin du rig par bya'o/ /byams pa dge slong ngam/ dge slong ma 'am/ dge bsnyen nam/ dge bsnyen ma gang su yang rung ste/ rgyu bzhi po 'di dag gi spobs pas spobs pa 'am/ spobs par 'gyur yang rung ste/
 de la rigs kyi buAm bu mo dang bcan dag gis de dag la sangs rgyas su 'du shes bskyed par bya zhing/ ston par 'du shes byas nas dam pa'i chos nyan par bya'o/ /de ci'i phyir zhe na/ byams pa legs par smras pa gang ci yang rung pa de dag thams cad
 ni sangs rgyas kyi gsungs pa yin pa'i phyir ro/ /byams pa de la gang zag la dang ba'i phyir 'di dag ni sangs rgyas kyis gsungs pa ma yin no zhes spobs pa bzhi po de dag spong zhing de dag la ma gus pa skyed par byed pa des ni sangs rgyas kyis gsungs
 pa'i spobs pa thams cad spangs pa yin te/ chos spangs nas chos kyis 'phongs par 'gyur ba'i las mngon par 'du byed pas ngan song du 'gro bar 'gyur ro/ /byams pa de lta bas na rigs kyi buAm/ rigs kyi bu mo dad pa can gang chos
 kyi 'phongS par 'gyur ba'i las las yongs su grol bar 'dod pas/ gang zag la spang ba'i phyir chos la sdang bar mi bya'o/ /de la chos nyid dang mi 'gal ba nyid ni yang dag pa'i mtshan nyid yin no/ /gang zhig don ldan chos dang nye 'brel cing/ /
 khaMs gsum kun nas nyon mongs spong byed gsungs/ /zhi ba'i phan yon ston par mdzad pa gang/ /de ni drang srong gsung yin bzlog pa gzhan zhes gsungs so/ /'di theg pa chen po la yod pas ji ltar blang bar bya ba ma yin par 'gyur/ gang dang por
 khyod la 'di ma grub ces pa de la gzhan gyis khyad par brjod de/ gang gi tshe khyod dang kho bo cag gnyi ga la grub pa zhes mi smra'o/ /'on kyang 'u bu? cag las gzhan pa gnyi ga la grub pa'i bdag nyid lung ni blang bar bya ba yin la/ theg pa chen po ni
 ma yin te/ de las bzlog pa yin pa'i phyir la des na blang bar bya ba ma yin no zhe na/ gzhan gnyis 'dod pas bden na ni zhes pa la sogs pa gsungs te/ gal te 'u bu cag rtsod pa dang bcas ba'i phyir 'dub? cag las gzhan pa gang su dag
 gnyi ga la grub pa de dag 'dod cing mngon par 'dod pa dang yang dag par 'dod pa'i bar du ste de bden pa ji lta bu'i don yin zhing khas blangs pa na rig byed sogs kyang bden par 'gyur te/ rig byed kyi dag skul bar byed pa'i
 mtshan nyid kyang bden par 'gyur te/ sogs pa'i sgras gzegs zan la sogs pa'i tshig kyang bden par 'gyur la brdzun pa ma yin par 'gyur te/ de yang rgol pa dang phyir rgol pa dag las gzhan gnyi gas 'dod pa srid pa'i phyir khyed la blangs
 bar bya bar 'gyur ro/ /de lta bas na 'di la ni khyad par yod pa ma yin no/ /de ltar gyur na yang kho bo cig lung las sangs rgyas kyi bka' nyid du rtsod pa yod pa ma yin la/ theg pa chen po la ni ma yin pas des na de ni blang bar bya ba yin
 la cig shos la ni ma yin no zhes dogs nas/ theg chen rtsod bcas zhes bya ba la sogs pa smos te/ brtsod pa dang bcas pa ni log par rtogs pa dang bcas pa yin te kha cig ni sangs rgyas kyi bka' nyid kyis 'jug pa'i yan
 lag tu 'dod la/ kha cig ni phyin ci log gi sgro btags pa nyid du 'dod do/ rgyu de'i phyir gal te gzung bar bya ba ma yin no zhe na/ de'i cho? lung dor byar 'gyur te rang gi lung yang dor bar bya ste/ de yang 'jug pa'i yang lag ma yin
 par 'gyur ro/ /ci'i phyir zhe na/ mu stegs te dpyod pa pa la sogs pa rnams dang rtsod pa dang bcas pa yin la log bar rtogs pa srid pa'i phyir dor bar bya bar rigs so/ /mu stegs can 'ba' zhig dang ni ma yin te/ 'on kyang
 rang gi sde pa dang yang yin no zhes rang dang zhes gsungs te/ bcom ldan 'das kyis bstan pa ni sde pa bzhi las bco brgyad du gyes pa yin te/ de la sde pa gcig la yang du mar gyes pa srid pa'i phyir rang gi sde pa las yang phan tshun du
 brtsod pa srid pa rang zhes te/ rang gi sde pa'i nang gi gyes pa'i khyad par la gnas pa yin la/ gzhan gyi zhes pa ni sde pa gzhan la gnas pa yin te/ dang gi sgras ni snga ma dang phyi ma'i don sdud pa yin no/ /rtsod bcas yin phyir lung dor bar bya'o
 zhes 'brel te khyod kyis khas blangs pa'i lung las gzhan gyis lung/ lung gi khyad par de yang rtsod pa dang bcas pa yin pa'i khas blangs par 'os pa ma yin no/ /khyod kyis lung yang gzhan la bltos nas rtsod pa dang bcas pa yin te/
 spangs par bya nyid du rigs pa mtshungs pa yin no/ /yang na rang zhes pa ni gyes pa gcig la gnas pa'i mdo sde dang/ mngon pa pa phan tshun du rtsod pa dang bcas pa'i phyir mdo sde dang 'dul ba dang chos mngon par yongs su dor bar rigs te gyes pa 
 gcig la gnas pa mdo sde pa la sogs pa phan tshun du rtsod pa yod pa yin no/ /gzhan zhes pa ni sde pa gcig la gnas pa la gyes pa gzhan no/ /'dis ni gang bla ma rgyur pa'i rim pas sangs rgyas kyi bka' yin no zhes brjod pa/ de 'di nyid
 kyis bsal ba yin par rig par bya'o/ /dran pa ma nyams pa'i man ngag dang ldan pa rnams la phan tshun du rtsod par rigs pa ma yin la/ thams cad mkhyen pa'i bka' rnams la phan tshun gnod pa ma yin no/ /mdo sde dang chos mngon
 pa dang/ 'dul ba rnams la phan tshun dag gcig pa nyid du khyed la srid pa ma yin la/ de la ji ltar mdo sde la sogs pa dang mthun pa sangs rgyas kyis bka' rgyu mtshan du brjod pa de lta bas na cung zad kyang ma yin no/ /de ltar na lan dang sun 'byin
 pa mtshungs par brjod nas yang gzhan gyis blangs pa la khyad par gyi sgo nas sun 'byin pa brjod pa'i phyir/ bstan rtsa zhes pa la sogs pa gsungs pas nye bar rtsom pa yin te/ bstan pa ni bcom ldan 'das kyis phan pa dang phan pa ma yin pa
 len pa dang yongs su spong ba ston pa'i mtshan nyid do/ /de la yang dge slong rtsa ba yin no/ /yang na lung la sogs par rtogs pa zhar la bsal nas/ bden pa mthong pas grol 'gyur gyi/ /stong nyid mthong bas ci
 zhig bya zhes gang brjod pa de sun dbyung ba'i phyir bstan rtsa zhes bya ba la sogs pa gsungs te/ /bstan pa ni 'di ni bya ba'o 'di ni mi bya'o/ /zhes bka' la gzhol ba la dge slong nyid rtsa ba yin te de la dge slong gi dngos po nyid dge slong
 yin la/ de nyid rtsa ba yin te/ gang gi rtsa ba yin pa de la de skad ces bya ste/ de la gnas pa yin pa'i phyir ro/ /ji ltar rtsa ba bstan pa'i shing yun ring du gnas pa nyams su myong ba na sdong bu dang/ yal ga phre'u dang/ lo ma
 dang/ 'bras bu dang/ grib mas gdung ba sel bar byed pa la sogs pa nye bar mkho ba la nus pa dang ldan par 'gyur ro zhes grags ba de bzhin du bcom ldan 'das kyis bstan pa yang dpag bsam gyi shing dge slong nyid kyi rtsab la
 brten nas/ dran pa nye bar gzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ gzugs med pa'i ting nge 'dzin la snyoms par 'jug pa dang/ byang
 chub kyi phyogs rnams dang mthun pa dang/ 'phags pa'i lam yan lag brgyad dang/ dge slong gi 'bras bu phun sum tshogs pa dang/ rdzu 'phrul gyi cho 'phrul la sogs pa rnams kyis nyon mongs pa'i gdud pa la sogs pa sel nus
 par 'gyur ro/ /de ltar na dge slong nyid rtsa ba dang chos mtshungs pa yin te/ de la ming gi dge slong dang/ khas 'che ba'i dge slong dang/ slong ba'i ngang tshul gyi dge slong dang/ gsol ba dang bzhi'i las kyis bsnyen par rdzogs
 pa'i dge slong dang/ nyon mongs pa bcom pas dge slong ste/ de ltar na dge slong ni rnam pa lnga yin no/ /de las bzhi pa dang lnga pa gnyis ni mchog yin la/ gzhan rnams ni ming mtshungs pa tsam gyi brjod bya yin pa'i phyir ro/ /de las gnyis po yang
 bstan pa gnas pa'i rgyu nyid du 'gal ba yin no/ /de la yang nyon mongs pa bcom pa'i dge slong nyid gtso bo yin te/ de nyid 'dir gzung la/ de'i dngos po dge slong nyid yin la/ de yang 'phags pa'i bden pa mthong pa des/ de ltar 'thad par 'gyur ba
 ma yin no/ /dge slong nyid ni nyon mongs pa bcom pa yin te/ nyon mongs pa spangs pa yin no zhes bya ba'i bar du'o/ /kyang gi sgra ni bshad pa gzhan sdud pa ste thar pa nyid du 'jug la/ gang gi phyir dge slong de nyid dka' bas gnas pa yin te /
 stong pa mthong ba nyid med par 'tsham ba ma yin la bden pa mthong ba 'ba' zhig gis rigs pa ma yin la/ de lta bas na bden pa mthong bas grol ba ma yin te/ nges na brjod par mi bya'o zhes bsam pa yin no/ /ji ltar dka' bas gnas pa
 yin zhe na/ sems ni dmigs par bcas rnams kyi zhes bya ba la sogs pa gsungs te/ dmigs dang bcas pa ste dngos po la mngon par zhen pas 'jug pa ni dmigs pa dang bcas pa yin te/ de ni de lta bur gyur pa'i sems yin no/ /gang
 rnal 'byor pa de rnams kyi yin pa de la de rnams kyi zhes brjod par bya'o/ /gang gi phyir sdug bsngal la sogs pa'i bden pa de rnams kyis nyon mongs pa dang bral ba la yang dngos po nyid du dmigs pas zhes khyed 'dod pa yin la/ de'i phyir dmigs pa
 dang bcas par lta ba rnams la dka' bar gnas pa yin no/ /sems dmigs pa dang bral ba rnams la ni ma yin no/ /gang slar brjod pa bden pa mthong bas grol zhes brjod pa de la brtag par bya ste/ bden pa mthong pa la rnam pa gnyis srid la
 don dam pa 'am kun rdzob bo/ /de la gal te brtag pa dang po ltar na de'i tshe kho bo cag la log par rtogs pa med de/ kho bo cag gi phyogs gtso bo yin pa'i phyir la/ kho bo cag rnams kyis chos thams cad
 don dam mthong bar khas blangs pa'i phyir ro/ /'on te gnyis pa yin na de la mi bzod de/ rigs pa dang 'gal ba'i phyir te/ kun rdzob kyi bden pa mthong bas grol ba ni rigs pa ma yin te/ sems can thams cad grol bar
 'gyur ba'i phyir la/ 'di ltar lung dang rigs pa dag gis de kho na nyid dang de kho na ma yin ? phye ba'i phyir don dam pa'i bden pa nyid kyis nyon mongs pa spong ba'i don du nges pa yin te/ kun rdzob kyis ni ma yin no/ /de yang chos thams
 cad mi dmigs pa'i mtshan nyid yin la/ de med par nyon mongs pa ldog par 'thar pa ma yin no/ /ji srid du dngos po la mngon par zhen pa de srid du rnam par rtog pa ldog pa ma yin la/ ji srid du rnam par rtog pa yod pa de srid
 du nus pa nyams pa ma yin te/ nyon mongs pa'i sems kyi rgyun gnas pa yin la/ ji srid du nyon mongs pa yod pa de srid du las kyis sprul pa'i skye ba brgyud pas rab tu gnas pa yin te/ 'khor ba yang mchog tu nyams pa
 med par mdza' yas par 'jug go /de'i phyir chos thams cad kyi stong pa nyid kho nam rig pa'i gnyen po yin pa'i phyir 'khor ba'i rgyun gcod pa'i rgyur gtogs par byas la/ bden pa mthong ba 'ba' zhig gis ni ma yin no/ /
 'di nyid slob dpon gyi zhal snga nas kyis/ stong nyid mthong pas grol 'gyur gyi/ bsam pa lhag ma de don yin zhes gsungs so/ /ji ltar 'phags pa'i bden pa rnams ni bden pa gnyis su 'dus pa yin te/ de bzhin du sngar bstan pa nyid
 yin no/ /de ltar na shin tu spros pas chog go/ gzhan yang sems ni dmigs par bcas rnams kyi/ /mya ngan 'das pa'ang dka' bar gnas zhes te/ /dge slong 'ba' zhig ni ma yin la 'on kyang mya ngan las pa yang yin no zhes 'ang gi don yin
 to/ mya ngan las 'das pa nyon mongs pa dang bral bas phung po lhag ma med pa dka' bar gnas pa yin te/ 'thad pa ma yin no/ /de la re zhig dge slong nyid mi 'thad par nyon mongs spangs pas zhes pa la sogs pa gsungs te/ gal te 'phags
 pa'i bden pa mthong bas nyon mongs pa spong par 'gyur na/ de las grol ba'i ngo bo skye bar 'gyur te/ de'i tshe de ma thag tu nyon mongs spangs pa'i phyir/ de ma thag nyid du grol bar 'gyur ba nyid do/ /su zhig gis kyang gzhan du yin no zhes smra ba
 'di yang yod pa ma yin te/ ci'i phyir 'di ltar yin zhe na/ nyon mongs med kyang zhes pa la sogs pa gsungs te/ mthong zhing rtogs pa'i lung las te gang gi phyir nyon mongs pa de rnams spangs na yang 'phags pa maung+ga la gyi bu dang/ 'phags
 pa ser phreng can la sogs pa rnams la nus pa ste 'bras bu 'byin pa'i nus pa yod pa de lta bas na/ de ma thag tu grol ba yod pa ma yin no/ /gang gi nus pa mthong zhe na/ las kyi ste dge ba dang mi dge ba'i mtshan nyid can gyi'o/ /
 gang yin zhe na/ sngar 'phags pa ma yin pa'i gnas skabs na nyon mongs pa dang bcas pa'o/ /nyon mongs pa med kyang yin no zhes bstan pa'i phyir/ nyon mongs med kyang zhes gsungs te/ lhan cig byed pa'i nyon mongs pa
 dang/ bral na yang las kyis nus po mthong ba yin no/ /ci ste yang bden pa mthong ba las ma rig pa spong ba yin te/ de spangs pa las 'du byed la sogs pa spong ba'i rim pas sred pa yang spong bar 'gyur ba yin la/
 sred pa dang phyin ci log dang ldan pa ni slar skye ba'i rgyu mtshan yin te/ de'i phyir de dag bral bas shun phrags med pa'i sa bon bzhin du las yod na yang cung zad kyang nyams ba med pa yin no/ /de skad du yang/
 log shes dang ni de skyed sred/ /bcas pa'i sems kyi dbang gis ni/ /dman pa'i gnas su skye ba yin/ /de spangs pas ni skye ba med ces gsungs te/ yang na sred pa nyid 'ba' zhig yang srid kyi rgyu yin te/ kun 'byung ba
 rgyu yin pa'i phyir bcom ldan 'das kyis kyang de la kun 'byung 'phags pa'i bden pa gang zhe na/ gang sred pa ni gang 'byung ba la mngon par dga' ba dang/ 'dod chags dang bcas pas de dang de la mngon par dga' ba yin te/ 'di lta ste
 'dod ba'i sred pa dang/ srid pa'i sred pa dang/ longs spyod kyi sred pa yin no/ /de ltar na gang sred pa med pa de la rgyu kun 'byung ba yang shing med pa'i phyir yang skye ba srid pa ma yin no zhes gsungs so/ /gzhan gyi bsam pa blangs
 nas/ re zhig nyer len zhes pa la sogs pa gsungs te/ ma rig pa spangs pas sred pa yang srid kyi nye bar len pa'i rgyu yin pa med cing/ yod pa ma yin te ce na zhes gal te bstan zhing nges par byed na'o/ /de'i tshe 'di skad
 brjod par mi bya ste/ gang gi phyir dmigs pa dang bcas pa'i lta ba pa rnams la ma rig spong ba nyid 'thad pa ma yin te/ de yod bas sred pa spangs pa yang yod pa ma yin pa'i phyir ro/ /yin du chug na yang yang 'di ltar
 brjod par bya ste/ sred 'di zhes pa la sogs pa gsungs pa la/ nyon mongs can ma yin pa yod na ste/ nyon mongs pa dang mtshungs par mi ldan pa'i sred pa 'di khyed kyi rnal 'byor pa rnams la med pa ji ltar srid de ci ste med
 ji lta bu zhe na/ rmongs pa bzhin du ste/ nyon mongs pa can ma yin pa'i shes pa bzhin du'o/ /'dis kyang sred pa spang bar mi nus so zhes tshor ba'i rkyen gyis zhes pa la sogs pa gsungs te/ reg pa'i rkyen gyis tshor ba yin la tshor ba'i rkyen gyis srid? pa
 yin te/ sred pa'i rgyu tshor ba de yang yod pa yin pas nyams pa med pa'i rgyu yod na de'i 'bras bu de yod pa ma yin no zhes ji ltar brjod par nus/ kha na ma tho ba med pa'i tshor ba med na yang sred ba yod pa ma yin no zhe na/ dngos po la mngon par
 zhen pa can la kha na ma the ba med pa nyid kyang 'grub pa ma yin no zhes brjod pa yin no/ /de'i phyir gal te nyon mongs pa can ma yin pa'i mi shes pa yod kyang sred pa khas mi len pa de ltan yang stong pa nyid mthong ba dang bral bas rigs pa'i stobs
 kyis thob pa yin no/ /'dir 'di ni bsdus pa'i don yin te/ gang gi tshe rgyud grol ba yin na yang las 'bras bus ster ba la nus pa dang ldan par mthong ba yin la/ sred pa yang tshor pa yod pa yin pa na de'i tshe nyon mongs pa spangs pa la
 yang the tshom za bas ji ltar grol bar des bya/ de lta bas na stong pa nyid med par dge slong nyid legs par gnas par snang par 'gyur zhes pa'o/ /gang sems ni dmigs par bcas rnams kyi/ /mya ngan 'das pa'ang dga' bas gnas zhes
 pa de brjod pa'i phyir/ dmigs pa dang ni zhes pa la sogs pa gsungs te/ dmigs pa dang bcas pa ni nye bar dmigs pa dang bcas pa'i sems kyis so/ /gnas pa ni zhen pa'o/ /'ga' zhig la ni mngon par zhen pa'i gnas
 'phags pa bden pa la sogs pa de dang de la 'am/ de bsgom pa'i 'bras bu rnams la zhen pa srid pas yang skye ba ldog pa ma yin no/ /yang skye ba srid pa rnams la ji ltar mya ngan las 'das pa yang the tshom mi za bar 'gyur/ de'i phyir
 brjod pa'i stong pa nyid mya ngan las 'das pa'i rgyu yin par brjod pa'i phyir/ stong pa nyid dang bral pa'i zhes pa la sogs pa gsungs te/ stong pa nyid med par sems te rnam par shes pa dmigs pa dang bcas pa'o /
 'gags pa ni dmigs pa la zhen pa'i zhags pa bsdams par 'gyur ba'o/ /yang skye bar 'gyur te/ ting nge 'dzin gyi stobs kyis dus cung zad cig tu lon na yang slar skye ba dang ldan bar 'gyur ro/ /yang gang du yang 'di lta bu mthong zhe na/
 ji ltar shes med pa'i zhes pa la sogs pa gsungs te/ dper na 'du shes med pa'i snyoms par 'jug pa la snyoms par zhugs pa na dus re zhig sems dang sems las byung ba log na yang slar yang skye bar 'gyur te/ de bzhin du gzhan
 du yang ngo shes pa'i don to/ /'di ni nye bar mtshon pa yin te/ dper na 'gog pa'i snyoms par 'jug pa bzhin no zhes kyang blta bar bya'o/ /yang na 'du shes med pa'i snyoms par 'jug pa la snyoms par zhugs nas 'du shes med
 pa'i lha rnams su skyes pa na bskal pa brgya phrag du mar/ ji srid 'gags par gyur na yang snyoms par 'jug pa'i rnam par smin pa yongs su rdzogs pa na sems dang sems las byung ba slar skye ba de bzhin no/ /gang gi phyir stong pa
 nyid med par dge slong nyid dang mya ngan las 'das pa mi 'thad de/ de la gnyi ga don du gnyer ba rnams kyis stong pa nyid bsgom par bya'o zhes des na stong nyid ces pa la sogs pa gsungs so/ /rgyu gang med pa na yang stong pa nyid
 dang 'brel pa'i sems skye bar 'gyur te/ rgyu des na yang mya ngan las 'das pa la sogs pa don du gnyer bas stod pa nyid bsgom par bya'o/ /de sgom pa ni nyon mongs pa spangs pa dang/ mya ngan las 'das pa yang thob
 par 'gyur gyi/ gcig tu bden pa la sogs pa bsgoms pas ni ma yin no zhes pa'i don to/ /dmigs pa dang bcas pa'i phyir ro/ /gang shes rab kyi pha rol tu phyin pa rdo rje gcod pa las/ rab 'byor 'di ji snyam du sems/ rgyun tu zhugs
 pa 'di snyam du bdag gis rgyun tu zhugs pa'i 'bras bu thob bo snyam du sems snyam 'am/ rab 'byor gyis gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das de ni ci la yang zhugs pa ma mchis
 pa'i slad du ste / des na rgyun tu zhugs pa zhes bgyi'o/ /gzugs la yang ma zhugs/ sgra la ma lags/ dri la ma lags/ ro la ma lags/ reg bya la ma lags/ chos rnams la yang ma zhugs te/ des na rgyun tu zhugs pa
 zhes bgyi'o/ /bcom ldan 'das gal te rgyun tu zhugs pa de 'di snyam du bdag gis rgyun tu zhugs pa'i 'bras bu thob bo snyam sems par gyur na de nyid de'i bdag nyid du 'dzin par 'gyur lags so/ /sems can du 'dzin pa dang/ srog tu
 'dzin pa dang/ gang zag tu 'dzin par 'gyur lags so zhes bya ba nas/ bcom ldan 'das kyis bka' stsal pa/ rab 'byor 'di ji snyam du sems/ dgra bcom pa 'di snyam du bdag gis dgra bcom pa nyid thob bo snyam du sems snyam
 'am/ rab 'byor gyis gsol pa/ bcom ldan 'das de ni ma lags so/ /ci'i slad du zhe na/ gang dgra bcom pa zhes bgyi ba'i chos de gang yang ma mchis pa'i slad du'o/ /bcom ldan 'das gal te dgra bcom pa 'di snyam du bdag
 gis dgra bcom pa nyid thob po snyam du sems par gyur na/ de nyid de'i bdag tu 'dzin par 'gyur lags so/ /sems can du 'dzin pa dang/ srog tu 'dzin pa dang/ gang zag tu 'dzin par 'gyur lags so zhes par bsgra bar bya'o//
 bcom ldan 'das kyis bka' stsal pa/ rab 'byor de lta bas na byang chub sems dpa' sems dpa' chen pos 'di ltar mi gnas par sems bskyed par bya'o/ /ci la yang mi gnas par sems bskyed par bya'o/
 gzugs la yang mi gnas par sems bskyed par bya'o/ /sgra dang/ dri dang/ ro dang/ reg bya dang/ chos la mi gnas par sems bskyed par bya'o zhes gsungs pa yin no/ /de lta bas na stong pa nyid ni byang chub kyi lam yin no
 zhes gnas so/ /gang zhig mdo sde la 'jug tshig ces pa la sogs pa'i tshigs su bcad pa gsum ni 'ga' zhig gis bsnan pa lta bur mtshon par bya ste/ skabs su bab pa ma yin pa ma yin pa'i phyir lung la log par rtogs
 par spyad pa'i skabs su yin no/ /bstan rtsa dge slong nyid yin na zhes bya ba la sogs pa'i lung rnams la rtsod pa las skabs gzhan yin pa'i phyir snga ma nyid du brjod par rigs so/ /'dis brjod ma thag pa'i rtsod pa yang brjod
 pa'i skabs su ni gzhung rtsom pa po skabs su bab pa la mi mkhas par 'gyur te rkyen gang gis ni zhes bya ba la sogs pas sngar brjod pa'i tshigs su bcad pa gnyis kyis brjod pa'i phyir ro/ /'od srungs chen po zhes pa la soD
 pa'i tshig ma 'brel pa'i phyir gzhung rtsom pa pos sbyar ba ma yin no zhes nges so/ /de lta bas na 'di bcug pa nyid yin no/ /de ltar gyur na yang ji lta dmigs pa dang bcas pa'i sems la zhen pa srid pa'i phyir thar pa med par
 'gyur na/ de bzhin du stong pa nyid la yang 'jig pa skye bar 'gyur te/ de lta bas na gnyi ga spangs te 'khor ba na gnas pa nyid mchog yin par rigs so zhes/ chags 'jig las ni ma grol ba las zhes te chags pa ni zhen pa yin la/
 'jig pa ni stob pa nyid kyi sbra thos pas skrag pa ste/ de'i don ma shes pa'i phyir ro/ /chags 'jig zhes pa ni zlas dbye ba'i bsdu ba yin no/ /de'i phyir gnyi ga'i phyogs spangs nas 'khor ba ste khams gsum pa'i rang bzhin 'gyur te/ gnas pa'i
 gnas skabs skye bar 'gyur ro/ /ni'i sgras ni nyes pa spang ba'i don du ste/ 'di ni stong pa nyid khas len pa la nyes par 'gyur te/ skyon thun mong ma yin no zhes pa'i tha tshig go /ci'i phyir zhe na/ mgrol bas zhes gtan tshigs kyi don gyi gsum pa ste
 thar pa med pa'i phyir ro zhes pa'i don to/ /'di ji lta bu zhe na/ sdug bsngal can zhes te/ 'gro ba lnga'i 'khor ba rnams su skye ba la sogs ba'i sdug bsngal gyis gdungs par gyur pas gnas pa'o/ /ji ltar zhe na/ don du zhes te don gyi yul la'o//
 rmongs pas zhes te ma rig pas yin la/ dmigs pa'i zhe na pas zhes pa'i don to/ /de'i phyir 'di ni stong pa nyid kyi 'bras bu yin te/ gang gis slar yang mya ngan las 'das nas 'god bar gnas par 'gyur pa'o/ /bsam pa ni 'di yin te/
 ji ltar ston pa nyid med par dmigs pa can gyi lta bas grol bar mi 'gyur la/ de bzhin du yul la chags pa'i bde ba'i sems chos thams cad kyi stong pa nyid kyis 'jigs shing skrag ste/ sngar ba'i byis pa rnams 'khor ba nyid du gnas pa mchog go
 zhes sems pas zhi ba'i bde ba la phyir phyogs te/ skye ba la sogs pa'i sdug bsngal nyams su myong bas slar yang de nyid la gnas pa yin pas 'di ci zhig bsgrubs zhes so/ /gzhan dag gis ni chags dang 'jigs mdza' las grol bar zhes pa'i tshig
 tu sems pas 'di ltar sems par byed de/ zhen pa'i rgyu yin pa'i phyir chags pa ni zhen pa'i gnas so/ /'jigs pa'i rgyu yin pa'i phyir 'jigs shing skrag pa'i? gnas so/ /de dag nyid mdza' yin te chags pa dang 'jigs pa'i gnas yin la
 rtag pa dang chad pa'i mdza' zhes pa'i don to/ /'di ltar rtag pa'i lta ba las chags pa dang/ chad pa'i lta ba skrag par dag skye bar 'gyur ro/ /de dag las grol ba ni grol bas zhes snga ma bzhin du gsum pa'o/ /
 gang zhig don dam par dpyad pas rtag pa'i mdza' spangs shing/ kun rdzob kyi bden pa khas blangs pas chad pa'i mdza' spangs pas sgro 'dogs pa dang skur pa 'debs pa'i mdza' spangs pa'i phyir dbu ma'i rtogs pa 'di bstan par 'gyur ro/ /
 de ltar na ci zhig 'thob par 'gyur zhe na/ 'khor par gnas pa grub pa ni zhes gsungs te/ shes rab kyis 'khor ba'i nyes pas ma gos pa dang/ snying rje'i gzhan dbang du gyur pas 'khor ba yang grub par 'gyur te/ gnas pa ni
 yang dag par gnas pa'o/ /ci'i phyir zhe na/ sdug bsngal can gyi don du ste/ sdug bsngal gyi sdug bsngal bar gyur pa'i sdug bsngal can 'khor pa pa'i don du de'i sdug bsngal la gdon par 'dod pas so/ /ci ste 'khor ba pa don dam
 par yod pa ma yin te/ de ji ltar gnas pa yin zhe na/ rmongs pas te phyin log gis yin la/ sems can kun rdzob la dmigs pas so/ /'di yang sdug bsngal nye bar zhi don du/ /'bras bu rmongs pa bzlog mi bya zhes 'dir phyir gsal
 par byed par 'gyur ro/ /de lta bas na stong pa nyid kyi 'bras bu ni 'di yin te/ gang snying rjes 'khor bar gnas na yang stong pa nyid mthong bas 'khor ba'i nyes pas mi gos pa yin no/ /'di ni mi gnas pa'i mya ngan las 'das pa yin te
 stong pa nyid kyi 'bras bu yin la/ stong pa nyid med na 'di med pa'i phyir ro/ /de lta bas na 'khor ba ci srid du sems can gyi don gnas par 'dod pa rnams kyis stong pa nyid bsgom par bya'o/ /'di dag thams cad mjug bsdu ba'i sgo nas bshad pa'i
 phyir de ltar zhes pa la sogs pa gsungs te/ de ni 'di yin la/ ltar ni brjod pa'i rim pas yin te/ stong pa nyid la skrag pas 'khor ba na gnas pa'i mtshan nyid yin no zhes stong pa nyid phyogs la sun 'byin pa ni 'thad pa ma yin te/ 'chad par 'gyur
 bas lan 'debs pa'i phyir ro/ /'di ltar dang po'i phyogs la sbyar bar bya ste/ gang gi phyir de ltar yin pa des na de the tshom mi za bar stong pa nyid bsgom par bya ba nyid yin la/ the tshom mi za bar ste the tshom dang bral ba dang/ som nyid dang bral bas
 so/ /de ltar gnas pas bsgom par bya ba nyid de goms par bya ba nyid do/ /stong pa nyid ni chos thams cad rang bzhin med pa nyid de/ rang bzhin gyis mi dmigs pa'i sbyor bas so/ /'dis ni gang lam 'di med par zhes pa'i mjug bsdu bar
 gyur pa yin no/ /yang stong pa nyid mthong bas ci zhig bya zhes smras pa de la stong pa nyid kyi khyad par brjod pa nyon mongs shes bya'i zhes pa yin te/ nyon mongs pa ni 'dod chags la sogs pa yin la/ shes bya ni rnam pa lnga yin te/ sgrib ces
 pa'i sgra ni gnyi ga dang 'brel to/ /nyon mongs pa rnams nyid sgrib pa yin la/ shes bya la ni sgrib par byed pas sgrib pa rnams so zhes rnam par phyi nas sbyar bar bya ste/ shes bya nyid la sgro btags pa'i rang bzhin yin pa'i phyir ro/ /sgrib bde nyid ni
 mun pa ltar mun pa yin te/ dngos po'i de kho na nyid la sgrib par byed pa'i phyir ro/ /de'i gnyen po ni spong ba'i gnyen po yin no/ /nyid ces pa ni gang gi phyir te/ stong pa nyid yin pa de'i phyir myur zhing mgyogs par thams cad mkhyen pa ste sangs
 rgyas nyid la 'dod cing mngon par 'dod pa gang gis yin pa de la de skad ces brjod do/ /thams cad mkhyen pa la 'dod pas zhes thams cad mkhyen pa 'dod pa'o/ /de ji ltar sgom mi byed ces te/ stong pa nyid de ji ltar sgom par mi byed de goms par mi byed/
 'on kyang 'bad pa chen pos bsgom par bya ba nyid do/ /gang yang brjod pa/ skrag pas stong pa nyid la 'jug par mi 'gyur ro zhes de yang rigs pa ma yin par/ dngos po gang sdug bsngal skyed byed pa zhes pa la sogs
 pa gsungs te/ phyogs gnyis pa la slar yang 'di ltar sbyar bar bya ste/ stong pa nyid la phan yon 'di yod pa yin te/ 'on kyang dang po nyid du de la skrag pas 'jug par mi 'gyur ro zhe na/ dngos gang sdug bsngal zhes pa la sogs pa gsungs
 te/ dngos po gang sdug bsngal skyed par byed cing gdung bar byed pa'i dngos po de la 'jigs shing skrag pa skye ste 'byung bar 'gyur na yang/ stong pa nyid ni slar yang sdug bsngal de zhi bar byed pa yin te 'khor ba po thams cad kyi sdug bsngal spong bar
 byed pa yin no/ /de las te stong pa nyid de la ji ltar zhes te mi 'jigs pa'i gnas las sngar bar gyur pa'i skye ba 'jigs pa ji ltar skye bar 'gyur te/ yon tan thams cad kyi 'byung gnas yin pa'i phyir de la dga' ba nyid du rigs so
 zhes bsam pa yin no/ /bdag tu 'dzin pa las byung zhing ngar 'dzin pa las skyes par gyur pa ni 'jigs pa yin te/ de kho na nyid ma rigs pa rnams la skye par 'gyur ro/ /de yang bdag tu brtags pas sgro btags pa'i ngo bo zhes
 'dzin pa yang de la med pa'i phyir gnas ma yin no/ /zhes bstan pa'i don du gal te bdag ces pa la sogs pa gsungs te/ ci yang rung las 'jigs pa ni 'jigs pa'i gnas las te 'jigs par 'gyur mod/ nam gyi tshe zhe na/
 gal te nga zhes pa cung zad nga'o snyam pa'i bdag ces pa'i yul du brjod pa/ bdag ces pa bdag tu 'dzin pa'i shes pas rigs par bya ba 'ga' zhig ste cung zad cig yod par gyur na de'i tshe 'jigs par rigs pa nyid yin te/ gang
 gi tshe yang bdag nyid cung zad kyang dngos po yod par dpyod pa na bdag cung zad sgra dang rnam par rtog pa las gzhan pa gal te yod par gyur na/ de'i tshe bdag gang zhes 'di med pa'i phyir 'jigs par 'gyur te/ skye bar 'gyur na 'di ltar dpyad pas
 'jigs bzhi bar 'gyur ro zhes bsams pa yin no/ /de skad du yang/ bdag yod ma yin 'byung 'gyur min/ /bdag gi ba med yod mi 'gyur/ /'di ltar byis pa skrag 'gyur te/ /mkhas pa yis ni 'jigs pa zad ces gsungs so/ /
 ji ltar yang bdag shes pa'i yul du gyur pas rtogs pa tsam gyis nye bar bstan pa'i phyir med pa de ltar bstan par bzhed pas/ skra dang sen mo zhes pa la sogs pa gsungs te/ so dang skra sen bdag min te/ /'di dag so so la bdag tu
 shes pa'i yul du 'gyur ba ma yin no/ /bdag ni rus pa khrag ma yin te/ rus pa dang khrag gnyis po 'di dang bdag ma yin no/ /snabs min bad kan bdag min te/ snabs dang bad kan bdag ma yin la/ chu sor ni rma'i rlon
 pa yin te/ rnag ni rmar khrag yongs su smin pa'o/ /de dag kyang bdag ma yin no/ /bdag ni zhag dang rdul min te/ zhes pa la/ zhag ni lus kyi snum yin la/ rdul ni rab tu rdul ba'o/ /tshil ni khams bzhi pa yin te/ 'di
 dag kyang bdag ma yin no/ /nang khrol yang ni bdag min te zhes pa la/ nang khrol ni grags pa nyid de/ de yang bdag ma yin no/ /zhag kyang bdag ma yin no/ /bdag ni phyi sa gcin ma yin te/ yongs su grags pa de nyid kyang bdag
 ma yin no/ /sha dang rgyus pa bdag min te/ rtsa rgyus ni rgyus pa yin te/ dro ba ni lus kyi me'i khams yin te/ 'di yang bdag ma yin no/ /rlung yang bdag ma yin te/ /rlung ni 'byung ba dang/ rdub? pa'i dbugs kyi mtshan nyid yin
 la de yang bdag ma yin no/ /bu ga dgu yang bdag min te/ bu ga dgu ni mi dmigs la sogs pa rnams yin la/ de dag kyang bdag ma yin no/ /rnam shes drug ni mig dang rna ba dang sna dang lce dang lus
 dang yid kyi rnam par shes pa rnams te/ de rnams kyang rnam kun tu ste/ rnam pa thams cad du bdag ma yin te so sor ram 'dus pa bdag ma yin no/ /so la sogs pa 'dus pa'i bdag nyid la bdag tu dmigs la/ de yang so
 sor bdag tu shes pas rig par 'gyur ba ma yin te/ so sor bdag tu 'dzin pa'i shes pa'i yul du de rnams med pa'i phyir ro/ /gzhan dag la yang skra la sogs pa re re la yang bdag tu shes pas rig par bya ba ma yin la bsdus
 pa de nyid 'ba' zhig /yin te sngar bzhin no/ /de rnams bsdus pa la yang gcig srid pa ma yin te/ de 'gegs par 'gyur ba'i phyir ro/ /du ma bsdu ba yang shes pa gcig gi yul du rig pa ma yin la/ du ma rnam la
 yang gcig tu 'dzin pa'i shes pa ma 'khrul par yang rigs pa ma yin no/ /'khrul pa la de kho na nyid kyi rnam par gzhag pa yang rigs pa ma yin te/ de lta bas na bdag go zhes pa 'di ni brtags pa tsam nyid de/ stong zhing
 dngos po med pa yin no zhes nges so/ /'di yang bslab pa kun la btus par mi sdug pa bsgom pa'i skabs su bshad pa yin te/ 'di lta ste lus 'di la skra dang/ spu dang/ sen mo dang/ so dang/ rdul dang/ dri ma dang/
 pags pa dang/ sha dang/ rus pa dang/ rgyus pa dang/ rtsa dang/ mkhal ma dang/ snying dang/ mchin pa dang/ glo ba dang/ rgyu ma dang/ gnye ma dang/ pho ba dang/ sul mangs dang/ long ka dang/ mcher pa dang/
 phyi sa dang/ mchi ma dang/ mig rngu dang/ snabs dang/ ngar snabs dang/ zhag dang/ chu ser dang/ rkang dang/ tshil dang/ 'khris pa dang/ ban kan dang/ rnag dang/ khrag dang/ klad pa dang/ klang rgyas dang/ gcin dag yod de/ dngos po
 de dag la byang chub sems dpa' yongs su rtogs pa'i rang bzhin can yin te zhes gsungs pa'o/ /de yang lus rjes su dran pa'i mthar phyis ston par 'gyur ro/ /de ltar na ngar 'dzin pa la ni yul med pa nyid do/ /gal te de ltar na yang sgra
 la sogs pa rnams ngar 'dzin pa'i rig par bya ba gal te yin par 'gyur ba de lta na yang 'di ni yul med par mi 'gyur te/ gang gi phyir nang gi byed pa dang ldan pa'i skyes bu ngar 'dzin pa'i spyod yul nyid du kho bo cag gi 'dod do zhes rigs pa can
 la sogs pa rnams brjod do/ /de yang mi 'thad de/ gang gi phyir bdag ni dkar sham dang skem pa dang/ ring ba dang 'gro ba'o zhes pa la sogs pa'i rnam par dpyod pa'i bdag nyid du shes pa 'di la snang ba yin te/ pha rol po rnams kyi 'di dag
 la bdag tu 'dod pa ma yin la rnams pa gzhan pa'i shes pas gzhan 'dzin pa ni mi rigs te/ ha cang thal bar 'gyur ba'i phyir ro/ /'di ltar yang de dang ldan pa 'di ni 'di'o zhes mtshan nyid yin par gzhan rnams kyis brjod pa yin te/ de la rigs pa
 can gyis rtag pa dang/ thams cad la khyab pa dang/ srog chags so so la tha dad pa dang/ sems pa med pa dang/ sems pa dang 'brel pas sems can dang/ bde ba la sogs pa yon tan rgyu'i rten dang/ dge ba dang mi dge ba'i las kyi
 byed pa po dang/ de'i 'bras bu longs spyod pa po dang/ 'jig rten pha rol tu 'gro ba zhes pa la gtugs par bdag 'dod de/ rigs pa can bzhin du bye brag pa yang 'dod pa yin la/ gzhan dag 'di ltar bdag 'dod de/ 'dod pa la sogs pa
 yi rten/ /rang nyid sems pa med pa dang/ /de bzhin rtag dang kun son pa/ /dge dang mi dge'i las byed dang/ /de'i 'bras la ni longs spyod dang/ /sems dang 'brel pas sems ldan te/ /rang gi ngo bos ma yin no zhes
 brjod do/ /yang rgyal dpog pas ni ldog pa dang rjes su 'gro ba'i bdag nyid dang/ blo'i gzugs su yongs su 'gyur pa dang/ sems pa dang ldan pa'i ngo bor bdag nyid 'dod do/ /sems pa dang ldan pa de yang blo'i rang bzhin yin la/ de yang 'jug pa dang ldog pa
 bdag ni ma yin la/ de gnyi ka'i rjes su 'gro ba'i rang bzhin yin pa'i phyir ro/ /'di ltar 'khyil pa'i sprul log ste drang po'i gnas skabs su gyur pa na sprul nyid ni gnyi ga la yang rjes su 'jug pa yin no/ /ji skad du/ gzhan gyi bdag
 gi mtshan nyid dang/ /ldog dang rje 'gro'i bdag nyid dang/ /sems ldan blo yi mtshan nyid do/ /sems dang ldan pa'i ngo bor 'dod/ /dper na sprul ni 'khyil pa'i skabs/ /dod nas de'i rjes drang po yi/ /gnas skabs su ni 'gyur srid de/ /
 sprul nyid ldog par mi 'gyur ro/ /de bzhin bdag gi rang bzhin yang/ /rtag pa dang ni sems ldan dang/ /gzugs ni ma lus dang 'brel dang/ /kun gyi rjes su 'gro ba'ang yin zhes brjod de 'di ni khyad par ro/ /gzhan thams cad ni snga ma dang
 'dra'o/ /rgyal ba pas rgyal dpog pa'i bzhin du sems dang bcas pa'i bdag tu 'dod de/ rdzas dang rnam grangs kyi ngo bo ji ltar rigs par rjes su 'gro ba dang/ ldog pa'i bdag nyid yin te/ de ltar yang rgyal dbog pa bzhin rgyal ba pas/
 sems kyi mtshan nyid rgyu dang ni/ /rdzas dang rnam grangs ngo bo yis/ /ldog dang rjes 'gro'i bdag nyid can zhes brjod do/ /ser skyabs ni rtag pa dang khyab pa dang/ yon tan dang bral ba dang/ rang nyid sems pa can du bdag 'dod de blo dang
 'brel pas ni ma yin na/ blo ni rang nyid rig pa med pa'i phyir ro/ /rang gi ngo bo ni sems pa dang ldan pa'i ngo bo yin no zhes brjod pa'i phyir ro/ /'bras buAm 'ga' i yang rang nyid byed pa po ma yin zhing/ de'i 'bras bu longs spyod pa po yang ma
 yin te/ bya ba dang bral ba'i phyir ro/ /rang bzhin nyid byed pa po yin te/ bdag de la 'bras bu stobs par byed pa yin no/ /yang phyin ci log gi dbang gis 'di nyid la der sgro 'dogs pa yin no/ /'di ltar yang gang gi tshe skyes bu'i sgra la
 sogs pa ni yul la longs spyod pa'i rnam par 'dod pa skye bar 'gyur te/ de'i tshe rang bzhin gyis skyes bu'i 'dod pa yongs su shes nas skyes bu dang sbyong bar byed do/ /de nas sgra la sogs pa 'byin par byed do/ /yid kyis byin gyis brlabs pa'i
 nyan pa la sogs pa'i 'jug pa rnams kyis yongs su gzung ba'i sgra la sogs pa'i yul rnams la blo zhen par byed do/ /de nas blo zhen pa'i don la skyes bus sems par byed do/ /de bzhin du sems dang ldan pa'i ngo bo yin pa'i phyir yon tan dang bral ba
 yin la/ khyab pa'i phyir bya ba med pa yin te/ grangs can gyi bu'i khyad par yin no/ /de skad du yang/ gzhan dag blo yi rang bzhin las /sems can ni tha dad 'dod/ /bdag gi gnyug ma'i gzugs nyid ni/ /sems pa can du de rnam
 rtog /gtso bo yis ni gtad pa yi/ /'bras la longs spyod 'ba' zhig yin/ byed pa po nyid de la med/ /rang bzhin nyid la de 'dod ngo zhes so/ /yon tan 'di rnams rang bzhin 'grub? pa las/ /sems can la mun bsgribs phyin ci log /
 rtswa rtse 'gugs pa tsam la dbang med kyang/ /bdag gis byas zhes mi shes na yang sems zhes brjod do/ /rig byed kyi mdza' gsang bar smra bas kyang? srog chags ma lus pa'i rgyud la yod pa dang/ gcig pu nyid dang/ khyab pa dang rtag pa'i shes
 par 'dod do/ /de rnams par gyur pa nyid kyis dang chu dang me dang rlung la sogs pa ma lus par 'gro ba 'di snang ba yin la/ de'i rang bzhin nyid kyang bdag nyid yin te/ phyi rol ni ma yin la/ cha shas can dang rdul phra
 rab la sogs pa cung zad ni gzung bar bya ba ma yin la/ rtags dang shes pa'i rnam 'gyur 'di/ /sa dang me dang chu sogs ni/ /bdag yin de yi bdag nyid ces/ /gzhan gyis yang dag brjod pa yin/ /gzung ba'i ma tsan nyid dang ldan pa/ /
 'dod na cung zad yod ma yin/ /'di ni rnam shes yongs gyur te/ /nges na thams cad yang dag mthong zhes brjod pa yin no/ /yang gang zag tu smra ba nang gi mu stegs can rnams kyi phung po rnams las de nyid dang gzhan du brjod du med pa'i gang
 zag pa'i bdag 'dod de/ gzhan dun mu stegs can gyi grub mdza' la mngon par zhen pa'i lta bar 'gyur ro/ /'dir yang bder gshegs pa 'ga' kha cig ni/ /gzhan yang bdag tu rab brjod byed ces brjod pa yin no/ /de'i phyir ji ltar
 na bdag dang 'dzin pa'i shes pa'i yul du 'gyur te/ rang rang gi ngo bos de la mi snang ba'i phyir la de ji ltar na dar 'dzin pa'i shes pa'i yul du bdag snang bar 'gyur/ de lta bas na 'di ni snang bar rtog pa tsam ste yul med par skye ba yin no
 zhes gnas pa yin no/ /da ni sems kyi rang bzhin gyis bdag tu smra ba grangs can la sogs pa rnams rnam par shes pa drug po rnams la bdag 'gegs pa ma bzod nas brjod pa/ sgra la sogs pa'i shes pa sems kyis bdag nyid la bdag
 nyid du kho bo cag gis brjod de/ de ji ltar ni 'di'i 'dod pas 'gogs zhes brjod par byed ce na/ de ltar gzhan gyi bsam pa blangs nas grub pa'i mdza' smra bas thal bar 'gyur ba brjod pa'i phyir gal te sgra'i shes zhes pa la sogs
 pas gsungs te/ gal te sgra'i shes pa'i bdag nyid yin no/ /de rtag pa yin pa'i phyir sgra'i shes pa rtag par 'gyur la/ de tshe sgra de yod pa dang med pa'i dus na yang rtag tu 'dzin par 'gyur te/ sgra 'dzin pa'i rang bzhin de yod pa dang med pa'i dus
 na rtag tu 'jug pa'i phyir ro/ /gzhan du na de rtag pa nyid nyams par 'gyur ro/ /'di ltar 'gyur ba nyid do zhe na/ shes bya med na zhes pa la sogs pa gsungs te/ shes bya nyid ni bdag tu nye bar gnas pa yin/ sgra ni re 'ga' ba yin pa'i phyir
 rnam pa thams cad du mngon pas bsal ba ma yin no/ /de'i phyir de med pa'i dus na shes bya med pa ste yul med pa na shes pa nges ci zhig rig par bya ste ci zhig shes par bya/ gang gi sgras ni med pa'i dus la 'dri ba'i khyad par la 'jug go/ gang
 shes par bya bas stong na yang shes par ji ltar brjod de/ mngon par brjod par byed/ shes bya shes par ni shes par brjod la de med na ji ltar shes pa yin zhes dgongs so/ /de nyid gal te shes med ces pa la sogs pa gsungs te/
 gang yul mi shes pa de lta na yang gal te shes par brjod na de'i che shes pa med pa'i rang bzhin gyi shing yang shes par thal bar 'gyur ro/ /gang gis na mi shes par 'gyur ba nges nyes pa byas pa ni cung zad kyang yod pa ma yin no/ /de ltar yang ma
 yin no/ /de lta bas na dper na yul yongs su shes pa med cing shes par mi 'gyur ba de bzhin du gzhan yang mi 'gyur ro/ /nges na zhes pa la sogs pa gsungs te/ gang gis yul med par shes par ma gyur pa'i rgyu des na'o/ /shes bya
 nye bar gnas pa med pa ste/ nye ba ma yin ba ni rung pa'i yul na ni gnas pa shes par bya ba ni gzung ba'i yul gang gi yin pa de la de skad ces brjod pa ste/ shes pa med de yod pa ma yin no/ /nges pa ni gcig tu 'di la bltos pa'i
 phyir ro/ /de ltar gyur pa yang sgra rtag pa yod pa ma yin pa'i phyir sgra'i shes pa yul mi nye pa ma yin te/ brgya la mi 'dzin ni gsal ba res 'ga' yin pa'i phyir thal bar 'gyur pa brjod pa'i nyes pa yod pa ma yin no zhe na //
 'di yod pa ma yin te/ gang gi phyir shes pa gang gis yongs su bcad par bya pa'i ngo bo nyid gsal pa zhes brjod la der rtag tu nye ba ma yin pa'i yul yin pas 'dzin par byed pa shes pa ma yin par brjod par bya'o/ /sgra ni rtag tu yod pa dang/ med par brjod
 par 'dod pa ma yin te/ shes pa ni brgya la 'dzin par byed pa ma yin pa zhes pa 'di nyid kyis bsgrub bya 'grub po/ /de lta bas na shes par bya ba mi nye ba 'dis shes pa 'dzin par byed pa ma yin par sgrub bo/ /gang gi ngo bos shes
 pa'i gzung bar bya ba'i yul de rtag tu nye ba ma yin pas na thal bar 'gyur pa brjod pa'i nyes pa ji ltar mi 'gyur/ sgra ji ltar rtag tu yod pa ma yin par gzhung mangs pa'i 'jigs pas ma brjod do/ /gzhan yang gal te sgra shes pa nyid bdag
 yin na de'i tshe 'dzin pa'i bdag nyid yin pa'i phyir de gzugs la 'dzin par mi 'gyur ro/ /de ni yod pa ma yin te/ gang gi phyir de nyid gzugs 'dzin par 'dod do zhe na/ 'di la de nyid kyis zhes pa la sogs pa gsungs te/ de nyid
 ni sgra'i shes pa nyid yin te/ gal te gzugs shes par 'dod na de'i tshe thos pa yang ci ste min/ de'i che ste gzugs 'dzin pa'i dus na ci ste thos pa ma yin sgra yang ci'i phyir na mi 'dzin te/ sgra'i shes pa yin pa'i phyir ro/ /'on
 te sgra mi nye pa de'i phyir na de'i shes pa ste/ sgra de'i shes pa yang med cing yod pa ma yin te/ 'di ltar sgra'i shes pa nyid du de mi 'gyur ro zhes pa'i don to/ /gzhan yang gal te sgra'i shes pa yin na de'i tshe de gzugs 'dzin pa'i bdag
 nyid mi 'thad do zhes bstan pa'i phyir sgra 'dzin zhes pa la sogs pa gsungs te/ sgra 'dzin rang bzhin ni sgra 'dzin pa'i rang gi ngo bo yin te/ sgra'i 'dzin pa po zhes pa'i tha tshig go /gang zhig shes pa de sgra 'dzin pa gzugs 'dzin pa'i bdag nyid du ji
 ltar 'gyur te/ cung zad kyang ma yin te/ cha shas med pa gcig la gzugs gnyis mi rigs pa'i phyir ro/ /ci ste dper na gcig 'ga' zhig 'ga' zhig la bltos nas pa yin la 'ga' zhig la bltos te/ de nyid du bu yin par 'gyur la/
 de bzhin du skabs su bab pa la yang gzugs nyid po dag gcig tu 'gyur ro/ /zhe na/ gcig ni pha dang zhes pa la sogs pa gsungs te/ gcig kho na pha yin te skyed pa po yin la bu yang bskyed par bya ba yin te/ de nyid 'di yin zhes pa
 ni brtags pa yin no/ /de yang de la bltos pa ni brtags par rnam par gzhag par bya ste/ yang dag nyid min de don dam pa ma yin la/ gcig gi rang bzhin nyid gnyi ga'i rang bzhin du rtogs pa'i sgro btags pa yin te/ gzugs
 tha dad pas yang gcig nyid de bzhin du sgra sna tshogs par sgra sna tshogs kyis brjod par bya ba min no/ /dngos po pa'i rang bzhin gnyis gcig tu sbyar bar bya ba yin la/ de yang nam yang rigs pa ma yin no/ /rang bzhin nyid tha dad pa yin
 pas dngos po yang gnyis su thal bar 'gyur ro/ /de lta bas na ji ltar dngos po gcig gnyis yin pa la dpe'i chos can yod pa ma yin no/ /gang yang brtags pas yod pa de ni skabs su bab pa la mkho ba ma yin te/ 'di ni cung zad
 kyang ma yin no/ /'di'i phyir yang 'di don dam par ma yin no zhes bstan pa'i phyir/ 'di ltar snying stobs zhes pa la sogs pa gsungs te/ 'di yang khyod kyis khas blangs par bya ste/ grangs can gyi gzhung lugs kyis 'gro ba
 yon tan gsum gyi bdag nyid yin la/ de'i phyir snying stobs dang/ /rdul dang mun pa yang zhes tshig phrad bsdus pa ni sdud pa'i don to/ /'di ltar zhes te gang gi phyir yon tan 'di rnams rang gi ngo bos gnas pa yin te/
 so sor ram bsdus nas so/ /de lta bas na don dam par pha yang ma yin la/ bu yang ma yin te/ thams cad du yon tan gcig kho nar yod pa yin no/ /don ni 'di yin te bu'i gnas skabs na gang zhig snying stobs dang rdul dang mun
 pa'i mtshan nyid kyi yon tan de nyid skyes par byed pa'i dngos por yang 'gyur te/ des na snga ma dang phyi ma'i dus dag tu khyad par med pa'i dngos po nyid yin no/ /de lta bas na de la ltos? nas pha ngang bu ru brjod par bya ste/ de la khyad bar ni
 yod pa ma yin no/ /de lta bsan na 'di ni brtags pa nyid kyis tha snyad yin no/ /gal te yang gzugs 'dzin pa'i dus na yang sgra 'dzin pa'i shes pa de gcig nyid yin na de'i tshe rang bzhin dmigs par 'gyur na dmigs pa yang ma yin no//
 de lta bas na de 'dzin pa'i bdag nyid ma yin no zhes bstan pa'i phyir/ de ni sgra 'dzin zhes pa la sogs pa gsungs te/ sgra 'dzin dang ldan pa ni 'brel pa yin la ni'i sgras ni khyad par brjod pa yin no/ /rang bzhin de ni gzugs 'dzin
 pa po yin te/ shes pa de mthong ba ma yin te/ rtogs pa ma yin te/ de'i phyir de'i tshe sgra 'dzin pa'i bdag nyid de yod pa ma yin no zhes nges par bya'o/ /de ltar gyur na yang gal te rtogs par ma gyur pa de lta na yang de nyid de
 yin no zhe na/ de ltar na ji ltar gzugs 'dzin par 'gyur zhe na/ de nyid ces pa la sogs pa smos te/ de nyid sgra shes pa yin la gzhan gyi gzugs kyi rang bzhin gzugs 'dzin pa'i bdag nyid gyi gzugs 'dzin pa yin no zhes pa ni
 lhag ma'o/ /de ji lta bur chos mthun pas chos mthun pa yin zhe na/ gang mkhan lta bu zhes te/ ji ltar gzhan gar gyi dus na gar gyis gzhir song te/ gang mkhan gcig pu nyid sna tshogs pa'i gzugs kyis 'jug pa re bzhin du/ skabs su
 bab pa la yang nyes pa med do zha na/ 'di la brjod pa/ de lang rtag pa min zhes te/ mi rtag pa yin la snga ma'i rang bzhin yongs su dor nas ngo bo gzhan thob pa yin no/ /snga ma dang phyi ma dag pa rang bzhin gcig pa nyid ma yin te/ gar?
 mkhan sna tshogs pa'i gzugs yin pa'i phyir ro/ /gzhan dun de'i gzugs gnyis po yang gcig tu sems la snang par 'gyur ro/ /de'i phyir bsgrub bya med pa'i dpe ltar snang ba yin no/ /'on te de lta na yang dngos po de de nyid kyi rang bzhin slar yang
 gzhan dang gzhan du skye zhing 'gag pa des na nyes pa 'di med do zhe na/ 'di la gal te tshul gzhan zhes pa la sogs pa gsungs te/ de nyid ni bdag gam gar mkhan no/ /tshul gzhan ni rang bzhin gzhan yin par gal te brjod na'o/ /de'i
 tshe gcig bu 'di nyid sngon med pa ste/ 'di ni sngar ma byung ba sngar ma mthong ba 'di lta bu'i gcig pa yin no/ /de'i dngos po gzhan skyes pa na yang gcig pa nyid yin zhing tha mi dad pa'i bdag nyid yin na 'di ltar de nyid 'di yin no zhes pa dang/
 yang gzhan gyi ngo bo yin no zhes de nyid gzhan nyid yin par brjod na phan tshun 'gal ba'i chos gnyis po 'di gcig rigs pa ma yin no/ /gang gi de skye ba dang 'gag bar 'gyur ba na yang dngos po la de dag mi 'gyur ba dngos po zhes bya ba rang bzhin
 ngo bo las gzhan ma yin no/ /de ba mi dad pa'i rang bzhin skye ba dang 'gag pa dag gi dngos po de'i gnas skabs su rigs pa yang? ma yin te/ tha dad pa ma yin pa med par thal bar 'gyur ba'i phyir ro/ /tha dad pa la 'brel pa grub pa
 ma yin zhes bsam pa yin no/ /de ltar gyur na yang gal te bdag 'di rang bzhin gnyis su bden pa yin na thal ba 'dir 'gyur ba ste/ 'on kyang 'di'i rang bzhin gnyug ma bor nas gzhan gyis ngo bo de kho na nyid ma yin
 pa yin pa'i phyir des na thal par 'gyur ba brjod pa yod pa ma yin no zhes pa'i dogs pas/ gal te tshul zhes pa la sogs pa gsungs te/ gzhan gyi gzugs de'i yul gyi khyad par can shel gyi rdo bzhin du 'di gcig pa yin no zhes gal
 te zer na/ de ltar na de'i rang bzhin smos zhes te/ rang bzhin gnyug ma'o/ /de'i bdag gi ngo bo'i de kho na nyid brjod cing smra bar gyis shig /de'i gzugs gzhan yod pa nyid yin te/ de gang zhe na/ shes pa nyid ce na zhes te/ shes
 pa'i bdag nyid de dus snga ma dang phyi ma'i la / rjes su 'gro ba can ni de'i gnyug ma'i rang bzhin te/ gzhan ni ci zhig brjod par bya/ /de'i gzugs kyis snga ma dang phyi ma dag tu gzugs gzhan dang 'brel pa na yang shel bzhin
 du 'di gcig pa yin no zhes gal te zer na'o/ /de ltar na skyes bu kun gcig tu thal bar 'gyur te/ de lta na de shes pa nyid du thun mong pa'i chos yin pas so/ /dper na snga ma dang phyi ma'i dus kyi sgra dang gzugs kyi shes pa dag
 de'i rnam pa tha dad pas tha dad pa yin na yang gcig yin pa de ltar na sems can kun te/ /srog chags kyi rgyud du gtogs pa rnams bdag gcig tu thal bar 'gyur ba thob bar 'gyur la/ dngos po tha dad pa yang khyad par med
 pa'i phyir ro/ /de ltar na yang thal ba 'dir 'gyur ba yin te zhes bstan pa'i phyir/ /sems dang zhes bya ba la sogs pa gsungs te/ gal te bar skabs kyi tha dad pa'i rgyu mchan gyi khyad par spangs nas rnam pa cung zhig la brten nas
 gcig tu brjod nas/ de'i tshe sems dang ldan pa skyes bu'i chos dang sems med pa'i rang bzhin gyi chos so kyang gi sgras ni nyes pa gzhan sdud pa yin te de rnams kyang gcig cing tha dad pa med pa'i dngos por 'gyur ro/ /ji ltar zhe na/ sems dang ldan
 pa dang/ mi ldan pa de dag gang gi phyir te rgyu mtshan gang gis yod pa ste/ bdog pa de yang dngos po rnams kyi gnyug ma'i gzugs so/ /mtshungs pa ste gnyis pa dang 'dra ba yin no/ /ci ste 'di la yang dngos po tha dad na yang 'dra ba'i rgyu mtshan
 gyis gcig pa nyid yin te de lta bas na gang 'dod pa'i dngos po bsgrubs pas nyes pa med do zhe na/ gang tshe bye brag ces pa la sogs pa smos te/ nyes pa gzhan bsal bar byed pas rang gi sgra yin no/ /bye brag ni tha dad pa'i dngos po thams
 cad nges pa med pas gang gi tshe log pa yin zhing mi bden pa gnyug ma'i gzugs yin pa de'i tshe 'dra ba'i rten gang yin te/ gang la brten nas 'dra bar rnam par bzhag par byed/ khyad par yod na yang chos mthun pa cung zad tsam gyi 'dra bar
 'gyur ro/ /khyad par med na yang de nyid du 'gyur la 'dra ba ni ma yin te/ pa lang dang ba men dag la khyad par nyams su myong ba med na ba men pa lang dang 'dra par mi 'gyur te/ 'on kyang ba lang nyid du 'gyur ro/ /de'i phyir bye brag nyid 'dra ba'i rten
 yin la/ de yang gang gi tshe don dam par mi 'gyur na/ de'i tshe gang 'dra bar 'gyur te/ mtshungs pa'i rnam pa nyid skyes buAng gzhan dag la brten pa'i rgyu mtshan du gyur pa cung zad yod pa ma yin no zhes pa'i don to/ /de'i phyir dngos po la
 gcig nyid du 'gyur pa yin te/ khyod kyi 'dra bas byas pa ni ma yin la/ de ji ltar na grub pa la bsgrubs pa'i phyir nyes pa med do zhes brjod par byed/ de bzhin du ser skya ba dang/ rgyal dpog pas yongs su brtags pa'i sems kyi rang bzhin
 gyi bdag yod par ma grub bo/ /rig byed kyi mdza' gsang bar smra bas brtags pa la yang ji ltar srid pas sun dbyung ba brjod par bya'o/ /da ni rigs pa can la sogs pas brtags pa'i sems med pa'i bdag gi yod
 pa'i tha snyad dgag pa'i ched du sems med pa yang zhes pa la sogs pa gsungs te/ sems dang ldan pa'i bdag re zhig brjod pa'i rigs pa mi 'thad la sems med kyang bdag ma yin par bstan pa'i ched du min te zhes te/ mi rigs so zhes pa ni
 'ang gi sgra'i don te/ ci'i phyir zhe na/ sems med phyir te/ sems dang mi ldan pa'i phyir ro/ /sems med pa gang yin pa de ni sems med pa'o/ /de lta bas na sems med pa de'i phyir zhes pa'i don to/ /ji lta bu zhe na/ snam sogs
 bzhin zhes te/ ji ltar snam bu dang / shing dang ri la sogs pa rnams sems dang bral ba'i phyir bdag ma yin pa de bzhin du mngon par 'dod pa yang ste las dang byed pa po la sogs pa rnams su khas blangs pa'i phyir ro/ /gzhan du na des
 cung zad kyang dgos pa yod pa ma yin no/ /sems med pa yang der rigs pa ma yin te/ dper na snam bu la sogs pa bzhin no/ /gal te yang 'di'i rang nyid sems dang ldan pa ma yin pa de ltar na yang blo'i sems kyis sems dang ldan
 par byed de/ des na nyes pa 'di med ces gzhan gyi bsam pas srid pas 'on te sems dang ldan pa'i phyir/ shes na zhes smos te/ 'on te zhes pa ni 'dri ba'o/ /'on te bdag 'di sems dang ldan pa'i phyir te/ blo dang 'du lag?
 las rang nyid sems dang mi ldan pa na yang shes par 'gyur na'o/ /shes par byed pas na shes pa yin no/ /de ltar khas len pa na mi shes 'jigs par thal te/ gang gi tshe 'di ltar ra ro ba dang brgyal pa la sogs pa'i gnas skabs na
 sems dang ldan pa log pa na bdag nyid mi shes pa ste/ cung zhig kyang mi shes pa de'i tshe 'jigs par 'gyur te/ sngar sems dang ldan pa dang 'brel pa'i rang bzhin yongs su gtong bas yongs su 'jig ? par thal bar 'gyur ro/ /ci ste sems dang/
 'brel pa dang ma 'brel pa'i dus na rang bzhin gcig nyid yin pas nyes pa med do zhes pha rol po'i dgos pas/ ci ste bdag la zhes pa la sogs pa smos te/ ci ste sems dang ldan pa skye ba dang 'gag pa dag 'gyur ba med pa nyid yin te/ ma
 skyes pa dang ma 'gags pa'i rang bzhin nyid bdag yin no zhes so/ /gal te de ltar na sems pas de la ci zhig bya ste/ sems pa dang bral ba dus thams cad du 'gyur ba med par gnas na/ bdag 'di sems dang ldan pa'i blo dang 'du bas
 ci zhig byas la/ khyad par lhag pa ci zhig bsgrubs te/ cung zad kyang ma yin no/ /blo dang 'du ba yin na/ yang sngar gyi rang bzhin de lta bu nyid ma nyams pa'i gnas skabs nyid yin pas bdag ni sems dang bcas pa nyid yin no/ /de
 ltar gnas na yang khyod kyis ci zhig bsgrubs pa yin zhes/ de ltar sems med ces pa la sogs pa gsungs te/ mi shes pa ni phan pa dang/ mi phan pa cung zad kyang shes par mi bya ba yin la/ bya ba dang bral ba ni bya ba las phyi rol
 tu gyur ba yin te/ bya ba med pa'o/ /de ni phyir bcom pa thams cad dang bral zhing/ bya rgyu thams cad la khyad par mi byed pa'o/ /yang na lus thams cad la nus pa dang bral pa'am 'gro ba la sogs pa'i bya bas stong ba yin te/ nam
 mkha' skabs su bab pa nye bar mkho ba ma yin pa'i phyir na// nam mkha' dang 'dra ba yin te/ 'di ltar yin pa na bdag ni bdag nyid kyi rang bzhin te/ rnam par bzhag cing rnam par bzhag pa yin no/ /'di yang rang gi 'dod pa la mjug
 sdud pa yin te/ ji ltar rang bzhin med pa nyid kyis bya ba thams cad kyis stong pa la brtags pa tsam gyi nam mkha' bzhin du bdag kyang yin no zhes pa'i don nam/ gzhan gyi 'dod pa yin te/ ji lter
 las dang byed la sogs pa la yin pa'i ngo bo ni nam mkha' yin te/ sems pa med pa'i phyir dang/ bya ba med pa'i phyir ro/ /da ni yang gzhan du bdag 'gegs par byed pa'i 'dod pa bstan par 'dod nas gzhan gyi gzhung lugs dgod?
 pa ni/ gal te bdag ni yod min na zhes bya ba la sogs pa gsungs te/ gal te 'jig rten pha rol po 'ga' yang med par 'gyur na de'i tshe bdag de 'jig rten pha rol tu 'gro ba yod pa ma yin zhing/ med na las 'bras 'brel
 bar mi rigs te/ las ni dge ba dang mi dge ba yin la/ 'bras bu ni de nyid 'dod pa dang mi 'dod pa yin no/ /de dang 'brel pa'am las byas pa 'bras bu dang 'brel pa yin no/ /gang nyid kyis las byas pa de nyid kyis de'i 'bras
 bu thob pa yin te/ gzhon gyis ni ma yin la/ de cis 'thad pa yin te/ mi rigs shing 'thad pa ma yin no/ /'jig rten pha rol tu las dang 'bras bu 'brel pa ni 'dod pa yang yin no/ /'di la yang bde bar gshegs pa
 pa rnams dang yang rtsod pa med do/ /de ltar yang mdo las 'di nyid kyis byas pa'i las ji ltar gzhan gyis myong bar 'gyur/ dge slong dag byas shing bsags pa'i las ni sa'i khams la smin par 'gyur ba ma yin / chu'i khams la
 ma yin/ me'i khams la ma yin la/ rlung gi khams la ma yin / zin pa'i phung po dang khams dang skye mched 'di nyid la smin pa yin no zhes rgyas bar gsungs pa yin no/ /yang gsungs pa las rnams bskal pa brgyar yang ni/ chud mi
 za zhing tshogs dang dus/ /rnyed nas lus can rnams la ni/ /'bras bu dag tu nges par 'gyur zhes so/ /de lta bas na las dang 'bras bu 'brel pa khyed kyis kyang spang ba ma yin la/ de lta bas na nges par bdag khas blangs par bya ste/ gzhan du na 'di thams
 cad mi rigs par 'gyur te/ bdag med na las dang 'bras bu 'brel par ji ltar 'thad par 'gyur zhes las byas nas ni zhes pa la sogs pa smos so/ /ni'i sgras ni gang gi phyir te dge ba dang mi dge ba'i mtshan nyid kyi las byas te/ las bskyed
 nas zhig pa na zhes te / zhig cing las byed pa 'gags ba na 'bras bu ga la 'gyur te/ bdag med pa na 'jig rten pha rol tu 'gro ba su yang med pa'i phyir ro/ /gang gi sems kyi skad cig mas byas pa'i las de skad cig ma yin pas de las
 byed pa'i dus na la gags pa'i phyir las byas pa'i 'bras bu bde 'gro 'am/ ngan 'gro la bde ba dang sdug bsngal 'jig rten pa /gang gi yin par 'gyur zhing skye bar te/ gang gi yang ma yin no/ /'jig rten pha rol du yang las byas pa nyid kyi 'bras
 bu dang ldan pa bzhin 'ga' zhig skyes ba'i phyir ro/ /de ltar na byas pas chud za zhing/ ma byas pa dang phrad par 'gyur ro/ /'di ni mtshon pa tsam yin te/ dran pa dang ngo shes kyi shes pa dang/ the tshom dang/ nges pa dang/ rang gis
 bcol ba len pa dang/ mthong ba'i don la ngo mtshar dang bral ba dang/ rgyu dang 'bras bu nyid dang rtogs pa'i tshad ma dang/ bcings pa dang/ thar pa la sogs pa dag tu yang mi 'gyur ro zhe na te gal te de ltar 'dod na/ de rigs pa ma
 yin no zhes bya ba 'bras bu bzhi zhes pa la sogs pa gsungs te / khyod dang kho bo cag gnyis la ste/ bdag tu smra ba khyed dang/ bdag med par smra ba nged cag grub cing nges pa yin no/ /ci zhig grub ce na/ bya ba 'gras? bu gzhi tha dad
 par gsungs te/ las ni bya ba yin te/ 'jig rten 'di la'o/ /'jig rten pha rol tu de'i 'bras bu'o/ /gzhi tha dad pa de dag la te/ rten sna tshogs de dag la grub bo/ /'di ltar yang lus dag gis skye
 ba de nyid la las byed pa ni ma yin te/ de nyid kyi 'jig rten pha rol du 'bras bu longs spyod pa yin no/ /de'i phyir las byed pa gzhan nyid yin la/ longs spyod pa po yang gzhan yin no/ /de lta bas na gzhi tha dad pa la bya ba dang 'bras bu
 dag tu 'gyur la 'di la yang 'u bu cag la rtsod ba yod pa ma yin no/ /de ltar gyur na yang bdag de'i bya ba med par/ de nyid byed pa po nyid dang/ /longs spyod pa po nyid dag tu mi 'gyur ro zhe na/ 'di la brjod pa der bdag byed pa med ces pa la sogs
 pa gsungs te/ byed pa med pa ni byed pa dang bral ba yin la/ de la zhes pa ni las byed pa dang 'bras bu la longs spyod pa dag la'o/ /bdag byed pa med pa nyid ni sems pa med pa'i phyir dang/ rtag pa'i phyir gang la yang byed pa la nus pa yod pa ma
 yin no/ /gang yang brjod pa/ shes pa tsam sogs gang 'brel pa/ /de la byed pa po nyid du brjod/ /bde dang sdug bsngal sogs rigs pa/ /'du ba las ni zab bo zhes so/ /de yang brjod pa'i rim pas/ snga ma dang phyi ma'i dus dag
 tu mi g.yo pa'i rang bzhin du rigs pa ma yin no/ /rgyu nges na 'dir te bdag la byed pa med pa yin la/ rtsod pa ni rnam par rtsod pa yin la gang don de khas blangs pa ni don med cing 'bras bu med pa yin te/ de la de nye bar mkho ba ma
 yin pa'i phyir ro/ / ma yin nam zhes pa ni gzhan la bod pa'i tshig go /gal te bdag med na 'o na ji ltar byas pa chud zos pa la sogs pa'i nyes bar mi 'gyur/ de ltar bas na rtsod pa don med pa ma yin no zhe na/ 'di la rgyu
 ldan zhes bya ba gsungs te/ gang rgyu dang ldan pa ni las dang ldan pa yin la nyid 'bras bu dang ldan pa yin te/ 'bras bu dang bcas pa'i phyir ro zhes bya ba ni 'di ltar mthong ba de ni srid pa ma yin la dmigs pa ma yin te/ gang gi phyir 'jig rten 'chi ba gzhan
 nyid la/ skye ba yang ni gzhan nyid do/ /de'i phyir rgyu dang ldan pa 'bras bu dang bcas pa ma yin no/ /'o na 'di nyid kyis ni byas pa'i las gzhan gyis ji lta myong bar 'gyur zhes brjod pa de ltar rtogs par bya zhe na/ 'di la rgyud gcig la ni zhes pa la sogs pa
 gsungs te/ rgyud gzhan dang gzhan skad cig ma du me brgyud pa'i mtshan nyid 'bras bu dang rgyu'i dngos pos 'jug pa 'ba' zhig la brten nas du ma rnams la 'jig rten pa'i zhen pas gcig nyid du sgro btags pa nyid kyi rgyu mtshan gyis byed pa po dang za ba po
 zhes bstan pa yin no/ /las byed pa po gang yin pa de nyid longs spyod pa po yang yin no zhes bstan pa 'di gdul bya'i bsam pa'i dbang gis bcom ldan 'das kyis bstan pa yin la gzhan du na skye bos las dang 'bras bu rgyun chad bar sems la re zhig sems
 can 'jig rten gnyi ga'i rjes su 'jug bar bshad pa ma yin no/ /de nyid kyi phyir de nyid du zin pa'i phung po dang khams dang skye mched 'di nyid la smin par 'gyur ro zhes gsungs so/ /de bzhin du sems pa'i las kyis bsam pas bsams pa'i las yin no
 zhes gsungs pas so/ /de skad du gsungs pa/ las las 'jig rten sna tshogs skye/ /las ni sems pa dang des byas/ /sems pa yid kyi las yin te/ /des bskyed lus dang dag gi las zhes so/ /gzhan yang sems can 'jig rten snod kyi
 'jig rten ni/ /sna tshogs sems nyid kyis sbrul ba yin/ /las ni sems pas ma gtogs yod min dang/ /'gro ba ma lus sems las skye bar gsungs so/ /de lta bas na sems las ma gtogs pa'i las gzhan ni yod pa ma yin la/ de yang
 dge ba dang mi dge ba'i sems skyes nas 'gags pa na rang gi nye bar len pa las byung ba'i sems kyi skad cig la/ dge ba dang mi dge ba la sogs pa'i 'du byed pa'i bag chags 'jog go /de yang des gzhag pa'i bag chags
 gzhan dang gzhan des mngon par 'du byas pa'i/ skad cig ma gzhan dang gzhan rgyun ma chad pas 'jug pa na yongs su gyur pa'i khyad par nye bar skye'o/ /las kyi khyad par dang rjes su mthun pa de lta bu'o/ /rnam pa bde ba la sogs pa'i rang bzhin
 gyi sems kyi bdag nyid kyi 'bras bu 'jig rten pha rol tu skyed par byed do zhes brjod do/ /dper na de ni sa dang sa bon la sogs pa phan tshun tshogs pa'i rkyen gyi khyad par las thob pa'i khyad par du gyur pas skad cig ma dang po las bskyed pa'i rang gi nye bar
 len pa'i 'bras bur gyur pa skad cig ma gnyis par gyur pa'i tshogs pa la 'bras bu bskyed pa'i rjes su mthun pa'i khyad par skyed par gyur nas phyi ma phyi ma khyad par du 'byung ba'i rgyud yongs su gyur pa'i khyad par las mdza' skad cig ma'i mtshan nyid phul du
 byung ba skyed pa thob bo/ /sa bon dang rjes su mthun pa sa'i? dang/ kotra ba'i myu gu skyed par byed de/ ji ltar yang rgya skyegs kyi khu bas yongs su bsgos pa ma tu lung ga la sogs pa'i sa bon btab pas de mngon par 'du byas pa rgyud pas 'jug pa me
 tog la sogs pa rnams dmang por 'byung ba yin no/ /de la cung zad kyi snga ma dang phyi ma'i dus su gcig 'jug pa ni ma yin no/ /dge ba dang mi dge ba dang/ mtshungs pa la yang rnam par rtogs pas gzhag pa'i phyir nye bar dgong pa ni mi rigs so
 de ltar yang gang gi rgyud ni 'di nyid la/ /las kyi bag chags gzhag pa las/ /'bras bu de nyid la 'gyur te/ /ras bal dmar po ji bzhin no/ /de lta bas na sa bon la sogs pa rnams la bdag med na yang 'bras bu so sor nges bo
 yin te des skye ba yang rim gyis skye bar 'gyur ro/ /de bzhin du skabs su bab pa la yang 'jig rten pha rol tu 'gro ba gcig po gcig med na yang rgyu dang 'bras bu'i dngos po'i nges pa nyid kyi phyir 'bras bu'i nges pa nyid yin te/ las dang nyon mongs pas
 'dus byas pa'i rgyud ma chad par 'jug pas 'jig rten pha rol tu 'bras bu thob par 'gyur bar brjod do/ /de'i phyir ma byas pa dang phrad par byas pa chung zos pa'i nyes pa med do/ /de'i phyir bdag med kyang las dang 'bras bu'i 'brel par mi 'thad pa maid?
 do/ /ji ltar yang bdag yod par mi 'thad pa de ltar spros na shin tu rgyas par 'gyur pas/ 'dir rgyas par ma brjod do/ /de ltar yang/ bdag med phung po tsam nyid la/ /nyon mongs las kyis mngon du byas/ /srid pa bar? ma'i rgyud kyis ni/ /
 mar me bzhin du mngal du 'jug ces gsungs/ /gang zag tu smra ba de rnams kyis kyang de nyid dang gzhan du 'gegs pa'i phyogs khas blangs pa'i phyir rang nyid kyis dngos po dgag pa yin te/ dngos po ni 'di nyid dang gzhan gyi khyad par las ma
 'das pa'i phyir ro/ /phan tshun spangs pa dang ldan pa gcig dgag pa ni gzhan spangs pa med pa'i phyir ro/ /khur khyer ba la sogs pa'i mdo snga yang don 'di la gsal ba yin no/ /de lta bas na bcom ldan 'das kyis dgongs te gsungs
 pa mi shes pa rnams kyis 'di yongs su brtags pa yin te/ dngos por yod pa ni ma yin no/ /dngos pos blangs pa na yang gzhan ma yin no zhes bdag bkag pa nyid kyis bsal pa ma yin no/ /de lta bas na 'dir khyad par du bkag pa ma
 yin no/ de ltar yang bcom ldan 'das gyis dge slong dag las yod na 'bras bu yod kyi/ byed pa po ni ma dmigs so/ /phung po 'di bor nas phung po gzhan nye bar len pa chos kyi ba brdad? byas pa las gzhan ni med do 'dir yang 'di
 chos kyi brda' yin te/ 'di lta ste 'di? yod pas na 'di 'byung bar 'gyur zhing/ 'di skyes pas na 'di skye bar 'gyur ro zhes gsungs pa yin no/ /de ltar na bcom ldan 'das nyid kyis rkyen 'di pa tsam gyi mtshan nyid rgyu dang 'bras
 bu'i dngos po yang bstan pa nyid yin no/ /'di yang rgyun gcig ces pas tha snyad ji lta ba bzhin du ma brtag pa'i ngo bor bstan pa nyid de/ rgyud kyi tshig gis ni rkyen 'di ba tsam khas blangs pa'i phyir ro/ /gzhan tu rgyud nyid med par 'gyur ro//
 des na dngos pa la grub pa'i rgyu dang 'bras bu'i dngos po la yod pa'i skyon gyis gos pa ma yin no/ /'di nyid slob dpon gyi zhal snga nas kyang gsungs pa yin te thams cad nus pa med ce na/ sa bon sogs ni myug sogs la/ /nus mthong
 gal te de kun rdzob/ /'dod na ji ltar de ltar 'gyur zhes gsungs so/ /rgyu dang 'bras bu'i dngos po so sor nges pa nyid kyis dran pa med pa yang spangs pa yin no/ /gcig rjes su 'gro ba'i bdag ni yod pa ma yin pa'i phyir dran pa po 'ga' 
 zhig kyang 'dir yod pa ma yin te/ 'on kyang sgro btags pa'i dbang gis sran pa 'ba' zhig tsam yin no/ /dngos po'i yul dran par bya ba yang 'dir dran pa po med na yang nyams par 'gyur ba ma yin no/ /nyams su myong ba'i dngos po la
 rnam par shes ba'i rgyud la dran pa'i sa bon gzhag pa las dus te yongs su smin pa'i rgyu las dran pa zhes bya ba'i 'bras bu skye bar 'gyur ro/ /de bzhin du ngo shes pa la sogs pa yang blta bar bya'o/ /de ltar na shin tu ma nges pas
 'jigs pa so sor 'dir brjod pa ma yin no/ /de bsgrubs pa ni gzhan du rgyas par bshad pas dang go bar bya'o/ /'di thams cad ni kun rdzob kyi bden pa las brtsams te bsgrub pa yin no/ /don dam par chos thams cad rang
 bzhin med pa yin pa'i phyir dang/ rnam par rtog pa thams cad rgyun chad bar phyir cung zad kyang skye ba dang/ 'gag pa dang/ rgyu dang 'bras bu bdag dang bcas pa dang/ bdag med pa yod pa ma yin no/ rnam par dpyad pa ni las dang 'bras bu
 yod pa ma yin la/ 'jig rten 'di dang 'jig rten pha rol cung zad kyang yod pa ma yin te/ rtog pas sbrul ba'i phyir ro/ /de lta bas na 'di thams cad gzugs brnyan dang mtshungs pa yin te/ rang bzhin med pa skye zhing 'gag pa dang/
 rgyu dang 'bras bu dang bdag dang bcas pa dang/ bdag med pa dang/ rtag pa dang mi rtag par brjod do/ /rmi lam bzhin du las dang byed pa po dang/ de'i 'bras bu longs spyod pa po dang/ 'jig rten 'di dang/ 'jig rten pha rol dang/ bde 'gro
 dang ngan 'gror 'gro ba yang yin te/ rtog pa rnams ma spangs pa yin pa'i phyir ro/ /de ltar na thams cad legs par gnas pa yin te/ gang 'chad par 'gyur ba/ de ltar 'gag pa yod min zhing/ /dngos po yang yod min de'i phyir/ /
 'gro ba 'di dag thams cad ni/ /rtag tu ma skyes ma 'gags nyid/ /'gro ba rmi lam lta bu ste/ /chu shing bzhin du snying po med ces bya ba la sogs pa gsungs pa yang yin te/ byed pa rang dbang las kyang ni/ /tha snyad du ni khyed kyis gsungs/
 phan tshun bltos nas grub pa ni/ /gnyis po de dag bzhed pa yin/ /byed po med cing za ba med/ /bsod nams yod min rkyen 'byung ba/ /brten nas 'byung ba ma skyes zhes/ /tshig gi dbang po khyed kyis gsungs shes so/ /ji ltar na
 chos thams cad bdag med pa la lus dang 'bras bu 'brel ba mi 'gal ba yin la/ rang bzhin med pa yang yin te/ ji ltar mthong ba'i chos mi 'gal ba yang yin te/ /de ltar yang yab dang sras mjal ba las gsungs pa yin te/
 ci skad du/ bcom ldan 'das kyis bka' stsal ba/ rgyal po chen po de bzhin du byis pa so so'i skye bo thos pa dang mi ldan pa yang mig gis gzugs mthong na btang snyoms su 'gyur ba rnam pa la yang mngon par zhen par 'gyur
 te/ mngon par zhen nas shin tu rmongs par 'gyur ro/ /shin tu rmongs nas kun nas? nyon mongs par 'gyur ro/ /kun nas nyon mongs nas gti mug las byung ba'i las du sa kyis na rnam pa gsum/ dag gi rnam pa bzhi/ yid kyi rnam pa gsum mngon
 par 'du byed de/ las mngon par 'du byas na de yang thog ma nyid/ nas zad cing 'gags la bral zhing rnam par 'gyur ba ste/ shar phyogs su brten te gnas pa ma yin te/ lho phyogs dang/ nub phyogs dang/ byang phyogs dang/ 'og dang
 steng dang/ phyogs mtshams rnams su brten te gnas pa yang ma yin no/ /'di na ma yin pha gi na ma yin/ bar don ma yin te/ dus gzhan na 'chi ba'i dus dang/ tshe de nye bar gnas pa'i tshe srog gi dbang po 'gags te/ tshe yongs su zad cing de dang
 skal pa 'dra ba'i las rnams kyang zad nas/ rnam par shes pa tha ma 'gags pa'i tshe/ 'di lta ste dper na nyal nyal ba las sad pas yul gyi bzang mo yid kyis dmigs par 'gyur ro/ /rgyal po chen po de la rnam par shes pa tha ma'i dbang dang/
 las dmigs pa de dang rkyen gnyis kyis skye ba'i char gtogs pa'i rnam par shes pa dang po de 'byung ste/ dmyal ba 'am/ dud 'gro'i skye gnas sam/ gshen rje'i 'jig rten nam/ lha ma yin gyi tshogs sam/ mi rnams sam/ lha
 rnams su dang po'i rnam par shes pa skye bar 'gyur te/ rnam par shes pa dang po skye ba'i char gtogs pa de 'gags ma thag tu bar ma chad par gang la rnam par smin pa myong bar 'gyur ba mngon pa'i sems kyi rgyud skal pa dang 'dra ba 'byung ngo/ /de la
 gang rnam par shes pa tha ma 'gags pa de ni 'chi 'pho zhes bya ba'i grangs su 'gyur/ gang rnam par shes pa dang po 'byung ba de ni skye ba zhes bya ste/ /rgyal po chen po de ltar na chos gang yang 'jig rten pha rol tu 'pho ba yang med la/ 'chi 'pho ba
 dang skye bar mngon par yang yod de/ rgyal po chen po rnam par shes pa tha ma de skye ba'i tshe gang nas kyang mi 'ong/ 'gag pa'i tshe yang gang du yang mi 'gro'o/ /las de yang skye ba'i tshe yang gang nas kyang mi 'ong/ 'gag pa'i tshe yang gang du yang mi 'gro'o/
 rnam par shes pa dang po de yang skye ba'i tshe gang nas kyang mi 'ong/ /'gag pa'i tshe yang gang du yang mi 'gro'o/ /de ci'i phyir zhe na/ ngo bo nyid med pa'i phyir te/ rnam par shes pa'i tha ma ni rnam par shes pa tha mas stong/ /las ni las kyis
 stong/ rnam par shes pa dang po ni rnam par shes pa dang bos stong/ 'chi 'pho ni 'chi 'phos stong/ skye ba ni skye bas stong la/ las rnams 'bras bu med par mi 'gyur bar yang mngon zhing rnam par smin pa myong bar mngon pa yang yod de/
 de la ming gi brda tsam ma gtogs par byed pa po 'am/ za ba po gang yang med do zhes rgyas par gsungs so/ /de bzhin du zhe sdang dang gti mug gi las rnams kyis 'dus byas pa ji ltar rig par brjod par bya'o/ /sa lu ljang pa'i mdo las
 kyang/ gzhan yang de kho na mi rtogs shing log par shes te mi shes pa ni ma rig pa'o/ /de ltar ma rig pa yod na 'du byed rnams gsum mngon par 'grub ste/ bsod nams su nye bar 'gro ba dang/ bsod nams ma yin par nye bar 'gro
 ba dang/ mi g.yo bar nye bar 'gro ba'o/ /de la bsod nams su nye bar 'gro ba'i 'du byed rnams las bsod nams su nye bar 'gro ba'i rnam par shes pa nyid du 'gyur te/ 'di dag ni ma rig pa'i rkyen gyis 'du
 byed rnams zhes bya'o/ /bsod nams ma yin pa nye bar 'gro ba'i 'du byed rnams las bsod nams ma yin par 'gro ba'i rnam par shes pa nyid du 'gyur te/ /'di ni 'du byed kyi rkyen gyis rnam par shes pa zhes bya ba'o/ /
 mi g.yo bar nye bar 'gro ba'i 'du byed rnams las mi g.yo bar 'gro ba'i rnam par shes pa nyid du 'gyur te 'di ni rnam par shes pa'i rkyen gyis ming dang gzugs shes bya'o/ /ming dang gzugs rnam par 'phel bas skye mched drug gi sgo nas bya ba byed pa
 rnams 'byung ste/ /de ni ming dang gzugs kyi rkyen gyis skye mched drug ces bya'o/ /skye mched drug po dag las reg pa'i tshogs drug 'byung ste/ /de ni skye mched drug gi rkyen gyis reg pa zhes bya'o/ /ji lta bur reg pa 'byung ba de lta bur tshor ba
 'byung ste/ /de ni rig ba'i rkyen gyis tshor ba zhes bya'o/ /tshor ba'i bye brag de dag myong ba dang/ mngon par dga' ba dang/ lhag par zhen pa dang/ /zhag par zhen nas 'dug pa de ni tshor ba'i rkyen gyis sred pa zhes bya'o/ /myong ba dang/
 mngon bar dga' ba dang/ lhag par zhen nas 'dug pa las bdag sdug ba'i ngo bo dang/ /bden pa'i ngo bo dang/ 'bral bar ma gyur cig snyam du yongs su mi gtong bar phyir zhing smon pa 'di ni sred pa'i rkyen gyis len pa zhes bya'o/ /de ltar
 smon cing yang srid bskye ba'i las lus dang ngag dang yid kyis kun nas slong ba de ni len pa'i rkyen gyis srid pa zhes bya'o/ /las de las skyes pa'i phung po lnga gang yin pa de ni srid pa'i rkyen gyis skye ba zhes bya'o/ /skyes nas mngon du grub
 pa'i phung po rnams kyi 'phel ba yongs su smin pa dang/ 'jig par 'gyur ba de ni skye ba'i rkyen gyis rga shi zhes bya'o/ /gzhan pa'ang 'gro'o/ /de la rnam par shes pa ni sa bon gyi rang bzhin gyis rgyu byed do/ /las ni zhing gi rang bzhin
 gyis rgyu byed do/ /ma rig pa dang sred pa ni nyon mongs pa'i rang bzhin gyis rgyu byed do/ /de la las dang nyon mongs pa dag ni sa bon rnam par shes pa bskyed do/ /de la las ni sa bon rnam par shes pa'i zhing gi bya ba byed do/ /sred pa ni sa bon rnam par
 zhes pa brlan par byed do/ /ma rig pa ni sa bon rnam par shes pa 'debs te/ rkyen 'di dag med na sa bon rnam par shes pa mngon par 'grub par mi 'gyur ro/ /de la las kyang 'di snyam du bdag gis sa bon rnam par shes pa'i zhing gi bya ba bya'o
 snyam du mi sems so/ /sred pa yang 'di snyam du bdag gi sa bon rnam par shes pa brlan par bya'o snyam du mi sems so/ /ma rig pa yang 'di snyam du bdag gis sa bon rnam par shes pa gdab bo snyam du mi sems so/ /sa bon rnam par shes pa yang
 'di snyam du bdag ni rkyen 'di dag gis bskyed do snyam du mi sems te/ 'on kyang sa bon rnam par shes pa las kyi zhing las bsten pa sred pa'i brlan gyis brlan pa ma rig pa'i lung kyis bran pa skye ba na skye ba'i gnas nyid mtshams sbyor ba ma'i mngal
 de dang der ming dang gzugs kyi myu gu mngon bar 'grub ste/ ming dang gzugs kyi myu gu de yang bdag gis ma byas/ /gzhan gyis ma byas/ /gnyis gas ma byas/ /dbang phyug gis ma byas/ dus kyis ma bsgyur/ /rang bzhin las
 ma byung/ byed pa la rag las pa ma yin/ rgyu med pa las kyang ma skyas te/ /'on kyang pa dang ma phrang pa dang/ dus dang ldan pa dang/ rkyen gzhan yang tshogs na bdag po med pa'i chos bdag gi med pa 'dzin pa med pa nam mkha' dang mtshungs
 pa/ sgyu ma'i mtshan nyid kyi rang bzhin dag la rgyu dang rkyen ma tshang ba med pa'i phyir skye ba'i gnas nyid mtshams sbyor ba ma'i mngal de dang der myong ba dang ldan ba sa bon rnam par shes pa ming dang gzugs kyi myu gu mngon bar bsgrub bo/ /gzhan
 la yang bsgre'o/ /de la chos gang yang 'jig rten 'di nas 'jig rten pha rol du mi 'pho mod kyi/ rgyu dang rkyen mtshang ba med pa'i phyir las kyi 'bras bu mngon par yang yod do/ /gzhan la yang bsgre'o/ /'di lta ste dper na me
 ni rgyu dang rkyen mtshang na mi 'bar gyi rgyu dang rkyen tshogs pa las 'bar ro/ /de bzhin du bdag po med pa'i chos bdag gi med pa 'dzin pa med pa nam mkha' dang mtshungs pa sgyu ma'i mtshan nyid kyi rang bzhin dag pa rgyu dang rkyen du mas mtshang ba med
 pa'i phyir skye ba'i gnas nyid mtshams sbyor ba ma'i mngal de dang der sa bon rnam par shes pa las dang nyon mongs pa rnams kyis bskyed pa'i ming dang gzugs kyi myu gu mngon par bsgrubs te/ de ltar nang gi rten cing 'brel par 'byung ba rkyen dang 'brel
 bar blta'o/ /de la nang gi rten cing 'brel par 'byung ba rnam pa lngar blta ste/ lnga gang zhe na/ rtag pa ma yin pa dang/ chad pa ma yin pa dang/ /'pho bar ma yin pa dang/ rgyu chung ngu las 'bras bu chen po 'byung ba'i dang de dang 'dra ba'i rgyud
 du'o/ /ji ltar rtag pa ma yin zhe na/ gang gi phyir tha ma 'chi ba'i phung po rnams kyang gzhan la skye ba'i char gtogs pa rnams kyang gzhan te/ tha ma 'chi ba'i phung po gang yin pa de nyid skye ba'i char gtags pa rnams ma yin gyi/ /tha ma
 'chi ba'i phung po rnams kyang 'gag pa skye ba'i char gtogs pa'i phung po rnams kyang 'byung ba de'i phyir rtag pa ma yin no/ /ji ltar chad par ma yin zhe na/ /tha ma'i 'chi ba'i phung po rnams sngon dgag pa las skye ba'i char gtogs ba'i phung po rnams
 'byung ba ma yin/ ma 'gags pa las kyang ma yin gyi tha ma 'chi ba'i phung po rnams kyang 'gag pa la de nyid kyi tshe skye ba'i cher? gtogs pa'i phung po rnams srang mda'i mthon ? na bzhin du 'byung bar 'gyur te/ de'i phyir chad par ma yin no/ /
 ji ltar 'pho bar ma yin zhe na/ sems can gyi rigs mi 'dra bas na de skal ba mnyam ba'i skye ba skye bar grub pas de'i phyir 'pho ba ma yin no/ /ji ltar rgyu chung du las 'bras bu chen po 'byung zhe na/ /las chung du byas pa las 'bras bu chen po'i rnam par smin pa
 myong ste/ /de'i phyir rgyu chung du las 'bras bu chen po mngon par 'grub bo/ /ji ltar de dang 'dra ba'i rgyud yin zhe na/ ji ltar myong bar 'gyur ba'i las byas pa de lta bur ma myong bar 'gyur ba'i rnam par smin pa myong bar de'i phyir de dang 'dra ba'i rgyud do/ /
 de ltar na nang gi rten cing 'brel bar 'byung ba'i rnam pa lnga yin no zhes rgya cher gsungs pa yin no/ /da lta bas na bdag la sogs pa med kyang las dang 'bras bu'i 'brel ba ma nyams par mdo las bcom ldan 'das nyid kyis gsungs pa yin no zhes bstan par
 'gyur ro/ /de ltar na gcig bu zhig gnyi gar 'gro ba yod pa ma yin pa yang cung zad kyang 'gal ba med do/ /gal te ji ltar yang bdag med na 'o na/ bdag nyid bdag gi mgon gyi/ /gzhan ni su zhig mgon du 'gyur/ /bdag nyid legs
 pa? 'dul ba yis/ /mkhas pas mtho ris thob par 'gyur/ /zhes tshigs su bcad pa ji ltar gsungs she na/ sems nyid bdag tu 'dzin pa'i rten yin pa'i phyir 'di la bdag gi sgrar gsungs pa yin te/ mdo sde gzhan du/ /sems 'dul ba ni
 legs pa ste/ /sems 'dul bas ni bde ba 'thob/ /ces sems 'dul ba gsungs pa'i phyir ro/ /de yang bdag tu lta ba'i mngon par zhen par gyur ba las gzhan du 'dzin pa'i rnam par rtog pa spang ba'i don du dran pa'i don gyis kun rdzob tu sems
 la bdag ces bstan pa yin te/ /don dam par ma yin no/ /'dis ni 'phags pa lang kar gshegs par gsungs pa/ gang zag rgyud dang phung po dang/ rkyen dang rgyu dang de bzhin du/ /gtso bo dbang phyug byed pa po/ /sems tsam nyid dung smra'o/ 
 zhes pas de yang bsgrubs par 'gyur ba yin no/ /gang gi phyir des kyang gzhan du gang zag tu mngon par zhen pa dgag pa'i ched du gsungs pa yin te/ sems don dam par gong pa kho nar gsungs pa ni ma yin no/ /de
 bzhin du phung po la sogs pa rnams la/ bdag bstan pa yang drang ba'i don yin no/ /de'i phyir dngos po la sems kyang nga'o snyam nas shes pa'i yul ma yin no/ /sems don dam par yod par yin pa de lta na yang dngos po la de ngar 'dzin
 pa'i spyod yul ma yin no zhes nye bar bstan pa'i phyir/ 'das dang zhes la sogs gsungs so/ /yongs su brtag pa nye bar gzung nas/ sems ni rnam pa gsum du srid de/ 'das pa dang/ ma 'ongs pa dang/ da ltar byung ba'o/ /
 de la 'das pa dang/ ma 'ongs pa ni zhig pa dang/ ma skyes pa yin la/ de'i sems ni bdag min te/ bdag tu mthong ba'i yul ma yin no/ /ci'i phyir zhe na/ 'di ni gang gi phyir gyi don te 'das pa dang ma 'ongs pa'i sems de ni de ltar yod pa ma
 yin te/ zhig pa dang ma skyes pa'i phyir ro/ /gang 'des pa de ni zad cing 'gags la/ bral zhing yongs su gyur pa yin no/ /gang ma 'ongs pa de ni ma thob pa yin no/ /de ltar na da ltar byung ba'i sems bdag tu 'gyur zhes/ 'on te skyes zhes
 pa la sogs pa gsungs te/ ji ltar skye ba'i da ltar byung ba'i sems bdag yin pa de ltar yang 'thad pa ma yin te/ gang gi phyir de ni zhig na 'ang bdag med de/ yang 'di la da ltar byung ba'i sems zhig ste/ skad cig ma gnyis pa la
 'das nas yang bdag yod pa ma yin la/ yang phyi nas sngar 'dzin ma'i sems kyang zhig par 'gyur te/ /da ltar byung ba gnas par dmigs pa ma yin no/ /de lta bas na gang gis dmigs par 'gyur ba'i sems ji ltar dmigs par 'gyur/
 de lta bas na sems dmigs pa yang yod pa ma yin la/ dmigs pa med pa nyid du ngar 'dzin pa skye bar 'gyur ro/ /de bzhin du bdag med de bdag yod pa ma yin la/ dus gsum du 'byung ba'i sems nyid de'i yul yin pa'i phyir ro/ /sems bdag tu 'dzin
 pa'i yul ma yin par bsgrubs nas/ mjug bsdu ba'i phyir/ dper na chu shing zhes bya ba la sogs pa gsungs te/ dper na chu shing gi sdong po ste/ chu shing sdong bu'i dum bu'o/ /phye zhing so sor cha shes su bye ste rnam par gzhig pa byas na dngos
 po cung zad yod pa yang mi rnyed de/ de bzhin du bdag yod par 'gyur ba yang ma yin la/ chu shing bzhin du 'gyur ro/ /bdag kyang bdag tu 'dzin pa'i shes pa'i yul du 'gyur ba yod par gyur pa ma yin te/ yod pa ma yin pa'i mo gsham gyi
 bu dang 'dra'o/ /'di la khyad par cung zad kyang yod pa ma yin no zhes dgongs pa yin no/ /ji ltar zhe na/ btsal zhing brtags te des par dpyad pa na'o/ /gzhan yang bdag la gnod par byed pa dgag pa'i ched du thal bar 'gyur ba brjod pa/
 gal te sems shes pa la sogs pa gsungs te/ gal te rnam pa thams cad du sems can dang/ bdag dang gang zag rnam par dpyad pa na yod min te/ /med na de'i tshe byang chub sems dpa' rnams kyi snying rje zhing brtse ba bsgom par bya ste/ sems
 can med par gang la dmigs nas 'jug par 'gyur/ snying rje yang yang dag par rdzogs pa'i byang chub sgrub par byed pa yin te/ des sngon? du song ba'i tshogs rgyur gyur pa sbyin pa la sogs pa la 'jug pa'i phyir ro/ /de lta bas na snying rje sngon du 'obg?
 pa'i sangs rgyas dang chos thams cad rab tu 'jug pa yin no/ /de ltar yod 'phags pa chos yang dag pa'i sdud pa las gsungs pa yin te/ des na yang byang chub sems dpa' chen po 'phags pa spyan ras gzigs dbang phyug gis bcom ldan 'das
 la 'di skad ces gsol to/ /bcom ldan 'das byang chub sems dpas chos mang po rnams la bslab bar mi bgyi'o/ /bcom ldan 'das byang chub sems dpas chos shin tu mang po la bslab par mi bya'o/ /bcom ldan 'das byang
 chub sems dpas chos gcig rab tu gzung zhing rab tu rtogs pa bgyis na bcom ldan 'das sangs rgyas kyi chos thams cad de'i lag mthil du mchis pa lags so/ /chos gcig po gang zhe na/ 'di lta ste snying rje chen po'o/ /bcom ldan 'das snying rje chen pos
 ni sangs rgyas kyi chos thams cad byang chub sems dpa' rnams kyi lag mthil du mchis pa lags so/ /bcom ldan 'das 'di lta ste dper na 'khor los sgyur ba'i rgyal po'i 'khor lo rin po che gang du mchis pa der dpung gi tshogs thams cad mchi'o/ /bcom ldan
 'das de bzhin du byang chub sems dpa' i snying rje chen po gang du mchis pa der yang sangs rgyas kyi chos thams cad mchi'o/ /bcom ldan 'das 'di lta ste/ dper na srog gi dbang po mchis nas/ dbang po gzhan rnams 'byung bar 'gyur ro/ /bcom ldan
 'das de bzhin du snying rje chen po mchis na byang chub bar byed pa'i chos gzhan rnams kyang 'byung bar 'gyur ro/ /'phags pa ga ya go ri las kyang/ 'jam dpal byang chub sems dpa' rnams kyi spyod pa gang la brtsam par bya zhing/ gang la brten par
 bya 'jam dpal gyis smras pa/ lha'i byang chub sems dpa' rnams kyi spyod pa na snying rje chen po la brtsams te/ sems can la brten pa'o zhes rgya cher gsungs so/ /de lta bas na nges par dang por sems can la dmigs pa'i snying rje khas blangs par
 bya ste/ sdug bsngal ba'i sems can ? brten nas de 'byung bar 'gyur bas? so/ /sems can med na der mi 'gyur ro zhe na zhes pa ni gal te de sems na'o/ /de'i tshe 'di brjod par mi bya'o/ zhe na/ 'bras bu don du zhes pa la sogs pa gsungs te/
 dgos pa ni mngon par 'dod pa'i bsgrub bya ste/ skyes bu'i don zhes brjod do/ /de'i don du khas blangs pas te/ des na khas blang bar bya'o/ /rmongs pas kun rdzob tu brtags pa gang yin pa ste/ sgro btags pa yon la/ sems can de la'o zhes pa'i don to//
 'di ltar yang rnam par rtog pa thams cad dang bral zhing/ sgrib pa thams cad las rnam par grol ba skyes bu mchog gi don yin pas sangs rgyas nyid 'dir bsgrub par bya'o/ /de yang chos thams cad kyi mi dmigs pa dang bral nas thob bar mi 'gyur ro/ /
 de yang shes rab phul du phyin pas 'grub par 'gyur ro/ /de yang gus shing par mchod pa yun ring por goms bar byas pa las skye bar 'gyur ro/ /de rtsom pa yang snying rje'i dbang gis 'byung bar 'gyur te/ de yang dang por sdug bsngal ba'i sems can rnams
 la 'jug pa na tshogs kyi rgyu rtsom bar 'gyur ro/ /de ltar na 'bras bu'i don du rmongs pa kun rdzob kyi bden ba'i ngo bo khas blangs pa yin no/ /de'i phyir dang por sems can la dmigs pa nyid kyi snying rje yin la/ de nas gzhan don la dmigs pa dang/
 dmigs pa med pa yin no/ /bsam pa ni 'di yin te rnam pa thams cad du sems can yod pa ma yin la/ phung po la sogs pa rnams la kun rdzob tu bdag gi sgras brjod do/ /ji skad du bcom ldan 'das kyis/ dge sbyong dam bram ze gang
 la la dag bdag ces yang dag par mthong bas phung po lnga po 'di rnams nyid mthong ba yin no zhes gsungs pa de'i phyir gal te yang shes rab kyis dpyad na don dam par sems mi dmigs pa yin te/ de ltar na yang kun rdzob tu 'gegs
 pa ma yin no/ /ji skad du/ ? shes rab don dam dang ni kun rdzob thugs rje bsten par bzhed/ khyod ni 'gro bar rang bzhin med par ji ltar don la 'jal bar 'gyur/ /gang gi tshe na stobs bcu bskyed par mdzad ma thugs
 rje dang ldan pa/ /de tshe khyod ni bu sdug bsngal la pha bzhin 'gro la brtse bar 'gyur zhes gsungs so/ /bstong pa bzhi pa las kyang/ mgon khyod sems can 'du shes la/ /rnam pa kun tu 'jug ma yin/ /sems
 can sdug bsngal gyis nyen la/ /khyod ni shin tu thugs rje'i bdag ces gsungs so/ /de lta bas na gzugs la sogs la rnams la 'di ltar kun rdzob kyi bden pa'i sgras brjod de/ de lta bas na snying rje ni yul med pa ma yin no/ /ci ste don dam par
 sems can med na gang gi 'bras bu yin/ des na de bsgrub pa'i don du 'ga' zhig 'jug par 'gyur zhes bsams nas/ sems can med 'bras bu zhes pa la sogs pa smos te/ sems can med na zhes pa ni gang gi tshe sems can med na'o/ /
 de'i tshe gcig rjes su 'gro ba med pas gzugs la sogs pa rnams skyes nas zhig pa'i phyir 'bras bu su'i yin/ su'i yang ma yin no zhes pa'i don te/ /bden zhes las len pa yin te/ 'di de ltar yin no/ /'dod ces pa ni 'di ltar
 kho bo cag 'dod pa nyid de/ cung zad cig kyang don dam par 'bras bu yod pa ma yin te/ /chos thams cad bdag po med pa'i phyir ro/ /gal te de ltar na de bsgrub pa'i don du dang por ci'i phyir 'jug ce na 'dir ni zhes te/ 'di lta bu'i spyod
 pa ni 'bras bu de don du gnyer bas rmongs pa bya ba dang ldan pa yin no/ /bdag gi 'di kho na 'bras bur 'gyur ro/ /zhes gcig tu zhes pa sems can med na yang kun rdzob tu'o/ /rten cing 'brel par 'byung ba las ma gtogs pa sgyu ma'i rang bzhin
 nyid kyis chos thams cad la dngos po la 'dod pa med pa'i phyir ro/ /ji skad du/ 'dod pa med pa stong pa nyid/ /sgyu ma bzhin du rkyen las 'byung/ mgon po khyod kyi chos rnams ni/ /rang bzhin med par rab tu bstan zhes gsungs so/ /de lta
 bas na kun rdzob nyid du 'bras bu'i don du bya ba dang ldan pa yin no/ /ci ste yang gti mug ma rig pa'i rang bzhin yin pa rnam pa thams cad du blang bar bya ba ma yin pa yin te/ ji ltar na yang slar yang de nyid khas len pa byed pa na/ sdug bsngal zhes pa la
 sogs pa gsungs te/ rmongs pa ni rnam pa gnyis te/ 'khor bar 'jug pa'i rgyu dang/ de nye bar zhi ba'i rgyu'o/ /de la gang 'khor ba'i rgyu yin pa de ni spang bar bya ba nyid do/ /gang gzhan ni sdug bsngal brgyud pa nye bar zhi bar bya ba'i don du yin te/
 sems can thams cad kyi skye ba la sogs pa gdung ba ldog pa'i rgyu mtshan yin la 'bras bu rmongs pa ste/ 'bras bu don dam pa'i bden pa'i mtshan nyid kyi rtogs pa'i ched du yin la/ rmongs pa de yang bzlog par mi bya ste/ dgag par mi bya bar yin la/
 blang bar bya ba nyid yin te/ don dam pa la mkho ba yin pa'i phyir ro/ /bsam pa ni 'di yin te/ dgos pa de yang chen po rnams kyi bdag nyid bde ba 'dod pas lags pa ma yin la/ 'on kyang sems can thams cad kyi mthar thug pa'i sdug bsngal
 thams cad bcad pa'i don du yin te/ de la yang thabs su gyur pa don dam par rtogs pa yin no/ /de'i yang thabs su gyur pa ni kun rdzob kyi bden pa yin te/ kun rdzob med par don dam pa mi rtogs pa'i phyir ro/ /de ltar na sdug bsngal nye bar zhi ba'i
 don ni rmongs pa'i 'bras bu yin no/ /'bras bu 'di ni dgos pa'i don du ma dpyad par zhes pa'i skabs su sngar bstan pa nyid yin te/ slar yang 'di sbros nas brjod pa yin no/ /gal te de ltar yang/ ji ltar sdug bsngal zhi ba'i rgyu yin pa'i
 phyir 'bras bu rmongs pa'i ma rig pa'i rang bzhin khas len pa de bzhin du bdag tu rmongs pa yang gzhag par bya ste/ de'i rgyu yin pa'i phyir la/ /de ji ltar bdag 'gegs par 'bad pa'i sgo nas byed/ de yod na yang bsgoms pas dang 'dzin pa zad
 pa'i phyir 'khor ba bzlog par 'gyur la/ de lta bsan bdag med pa bsgoms pas ci zhig bya zhe na/ sdug bsngal rgyu'i zhes pa la sogs pa gsungs te/ ji ltar 'bras bu rmongs pa sdug bsngal zhi ba'i rgyu de bzhin du gnyis pa
 bdag tu rmings pa ni ma yin no/ /de yod pas na ngar 'dzin par mi 'gyur ba'i phyir ro/ /slar yang bdag tu rmongs par 'gyur te/ bdag med pa la phyin ci ldog tu mthong ba'i phyir ro/ /slar nga rgyal 'phel bar 'gyur te/ 'phel ba nye bar skye bar 'gyur ro/ /
 ji lta bur gyur pa zhe na/ sdug bsngal gyi rgyu ste/ sdug bsngal ba'i 'khor ba'i sdug bsngal gsum gyi 'khor ba'i rgyu ste byed pa'i rgyu yin la/ ngar 'dzin pa zad ba las kyang sdug bsngal zhi bar 'dod do/ /bdag tu lta ba yod na ji ltar 'di ldog par 'gyur te/
 rgyu'i nus pa mtshang ba med pa la 'bras bu ldog pa mi rigs pa'i phyir ro/ /des sdug bsngal kyang mi ldog go /'di ltar yang bdag mthong bas 'dus byas kyi phung po dang khams dang skye mched rnams la bdag go zhes zhen pa brtan par skye bar 'gyur ro/ /
 des na sdug bsngal phyir bcos par 'dod cing/ bde ba 'dod pa'i nyes pa rnams bsgribs nas de don du gnyer bas yon tan tu sgro btags pa de bsgrubs pa rnams la 'jug ste/ /bo? bo la phan pa byed pa'o zhes blo skye bar 'gyur ro/ /nga dang bdag
 ces mthong ba'i phyir gags byed pa'i zhe sdang du 'gyur la/ des na sdug bsngal mdza' dag gi rgyu nyon mongs pa dang/ nye ba'i nyon mongs pa thams cad nyid thob cing rgyas par 'jug go /de ltar na bdag tu rmongs pa rab tu 'jug pas sdug bsngal gyi
 rgyu ngar 'dzin par 'gyur ro/ /de skad du/ slob dpon gyi zhal snga nas ? gang zhig nga? zhes bdag mthong ba/ /de la rtag pa nyid du chags/ /chags pas bde la sred 'gyur zhing/ /sred pas skyon rnams spang? par byed/ /yon tan mthong ?
 yongs su sred/ /nga yi zhes de'i sgrub byed len/ /des na ji srid bdag mngon chags/ /de srid de ni 'khor ba yin/ /bdag yod na ni gzhan duAng shes/ /bdag gzhan cha las 'dzin dang sdad/ /'di dag dang ni kun 'brel las/ /nyes pa thams cad
 'byung bar 'gyur zhes gsungs so/ /'di ltar bdag la chags pa'i ngar 'dzin pa bzlog par nus pa ma yin no/ /de las kyang bzlog med ce na zhes pa las/ de las kyang zhes bya ba na bdag mthong ba las kyang ngo/ /bzlog med pa ni bzlog par mi nus pa'o/ /
 gal te bdag tu 'dzin pa yin na/ de'i tshe bdog med du bsgoms pas mchog yin no/ /bdag med pa ni gang zag la sogs pa dang bral ba yin la/ bsgom pa ni goms pa'o/ /mchog ni gtso bo yin te/ bdag tu lta ba mi 'jug pa na ngar 'dzin
 pa ldog pa'i rgyu yin pa'i phyir ro/ /'di yang re zhig gzhag nas/ phyi nas spong bar 'gyur te/ dngos por dmigs pa yin pa'i phyir ro/ /'di ltar yang bsgom pa rab kyi mthar phyin pa las/ mngon sum du bdag med pa mthong ba'i phyir de dang
 'gal ba'i 'jig tshogs la lta ba ldog par 'gyur ro/ /de log na yang gcig tu rjes su 'gro ba mthong ba med ba'i phyir phyi ma dang snga ma ngo bos stong pa'i skad cig tsam mthong ba'i yin no/ /de lta bas na snga ma dang phyi mar sgro 'dogs pa dang bral bas bdag la
 ma 'ongs pa'i bde ba sgrub par byed pa gzhan cung zad kyang mthong ba ma yin no/ /de lta bas na de yul 'ga' la yang chags pa skye bar mi 'gyur ro/ /de dang 'gal ba la zhe sdang ba yang ma yin te/ zhen pa med pa nyid yin pas so/ /gnod pa byed pa
 la lan du gnod pa byed pa'i gnas su mthong ba yang ma yin te/ gang gis gang la gnod pa byed pa gnyis po de dag la yang skad cig ma gnyis pa med pa'i phyir ro/ /gzhan gyis gnod pa byed pa la rtogs pa dang ldan pas dgra gzhan 'joms par 
 byed pa rigs pa ma yin no/ /gang la nges byas pa de la yang ngo/ /de ltar 'dod chags la sogs pa log pa dang/ gzhan de las byung ba'i nyon mongs su pa dang nye ba'i nyon mongs pa skye bar mi 'gyur ro/ /dngos po la
 ni gnod par bya ba dang/ /nod par byed pa yod pa po ma yin te/ yang na 'di la brten nas 'di skye po zhes rten cing 'brel par 'byung ba la dmigs pas so/ /'di ltar yang gang zag gi stong pa dang/ 'jig tshogs la lta ba'i log pa la
 nyon mongs par spyod par mi 'gyur te/ rtsa ba bcad pa'i phyir ro/ /ji skad du 'phags pa de bzhin gshegs pa gsang ba'i mdo las/ zhi ba'i blo gros 'di lta ste/ shing gi rtsa ba bcad pa'i yal ga dang lo ma dang 'dab ma thams cad skam par
 'gyur ro/ /zhi ba'i blo gos de bzhin du 'jig tshogs la lta ba nye bar zhi bas nyon mongs pa thams cad nye bar zhi bar 'gyur ro zhes gsungs so/ /de lta bas na bdag med pa bsgom pa mchog yin no zhar la byung ba rdzogs so// //
 de ni yang bdag tu 'dzin pa'i yul spyod pa la 'jug go /de ltar gyur mod/ gal te de lta bas na yang bdag dpyad pas/ bong bu'i rwa dang 'dra bar bdag 'dzin pa'i yul med pa de lta na yang yan lag can gyi lus de'i yul du 'gyur ro zhe na /
 'di la lus ni zhes pa la sogs pa gsungs te/ lus kyang rnam par dpyad pas gcig pa nyid cung zad kyang yod pa ma yin no zhes ston par byed de/ 'di ltar yang lag pa dang rkang pa la sogs pa'i cha nyid 'ba' zhig mthong ste/ lus
 gcig ces pa'i mthong ba ma yin no/ /de rnams las gzhan ba'i lus po yang rig pa ma yin no/ /gang gi phyir lus ni rkang pa min te/ rkang pa dag ma yin no/ /byin pa yang lus sumi 'gyur la/ brla yang min te /
 byin pa'i phyogs kyi khyad par ni lus ma yin no/ /rkang pa yang ma yin no/ /rkeng pa yang lus ma yin pa kho na'o/ /lto ba yang ma yin te/ gsus pa yang ma yin no/ /rgyab 'di yang pus ma yin te/ lus 'di ni rgyab ma yin pa nyid do/ khrad
 gi dkyil 'khor yang lus ma yin no/ /dpung ba yang ma yin te/ /dpung pa de yang lus su mi 'gyur ro/ /lag pa yang ma yin te/ lag pa dag lus ma yin no/ /rtsi ba logs 'di yang lus ma yin te / 'di'i rtsib logs dag kyang lus
 ma yin no/ /mchan khung yang ma yin no/ /lag pa'i rtsa ba yang lus ma yin no/ /'phrag pa'i mtshan nyid kyang ma yin te/ phung po'i rang bzhin lus ma yin no/ /mgrin pa yang lus ma yin te/ ske ma yin no/ /mgo bo yang lus
 ma yin te/ mgo bo lus su mi 'gyur ro/ /rkang pa la sogs pa yang 'chad par 'gyur ba'i brtag pas rdul phra rab kyang mi gnas pa'i phyir ro/ /? pa dang rkang pa la sogs pa gzhan zhig bcad na lus po zhig pas shi bar thal
 par 'gyur ba'i phyir dang/ gzhan gyis khas blangs pa med pa'i phyir lus 'di rnams so sor bdag ma yin no/ /de bzhin du gang gi tshe lus 'di rnams so so'i rang bzhin ma yin pas 'di dag bsdus pa tsam lus yin no/ /'di la lus
 ni gang zhig yin zhes te/ yang 'di la ste rkang pa la sogs pa'i dbye ba 'di rnams mdun gnas shing lus su rtogs pa'i rgyu mtshan 'di rnams la gang zhig lus su 'gyur te/ cung zad kyang ma yin la/ gcig kyang nges par
 dpyad pa na lus kyi bdag nyid gang yang mi dmigs so zhes pa'i tha tshig go/ 'on te de ltar na yang 'di ltar rkang pa la sogs pa rnams so sor lus su brjod par bya ba ma yin gyi/ 'og kyang yan lag thams cad la khyab par byed
 pa yin pa'i phyir yan lag can dang/ /yan lag thams cad la 'jug par 'gyur ro zhe na/ 'di la gal te 'di zhes pa la sogs pa gsungs te/ yan lag thams cad la 'di 'jug pa na phyogs gcig gis 'jug
 gam/ /dus gcig tu bdag nyid thams cad kyis 'jug/ de la gal te lag pa dang rkang pa la sogs pa yan lag thams cad la lus 'di ste yan lag can gyi lus 'di'o/ /phyogs re yis ni gnas gyur na zhes te / cha 'ga' zhig bir?
 cha shas 'ga' zhig la khyab par 'gyur na bdag nyid thams cad kyis thams cad la ma yin no zhes pa'i don to/ /de'i tshe 'di skad brjod par mi bya ste/ /gang gi phyir gang gi phyogs gcig nyid kyis cha shas rnams la 'jug pa na de rnams la yang phyogs der
 la/ bzhan gyi phyogs gcig gis 'jug gam/ bdag nyid thams cad kyis 'jug ces rnams par rtog pa mi ldog go / /de la yang slar phyogs gcig gis 'jug pa'i rnam par brtog pa thug pa med par ldog par mi 'gyur ro/
 gzhan yang de la skabs med pa nyid kyi phyir cha shas rnams la 'jug pa ma yin no zhes/ /cha shas rnams zhes pa la sogs pa gsungs te/ /cha shas rnams te dum bu rnams cha shas rang rang gi gnas pa la gnas par 'gyur te/ rnam
 par gnas pa yin la/ /dngos po rnam par rang gi gnas pa yin pa'i phyir ro/ /de rang nyid gang na gnas shes pa ni de yan lag can rang nyid gang na gnas zhes pa mi rig go / 'on te rnam par rtog pa gnyis pa yin na/ de la bdag nyid
 kun gyis zhes pa la sogs pa gsungs te/ bdag nyid thams cad kyang 'jug pa srid pa na cha shas rnams la skabs med pa'i phyir/ /de yang gang du rang nyid gnas zhes thal bar 'gyur pa gegs med par 'jug go /de ltar na yang
 slar yang gzhan brjod par bya ste / bdag nyid kun gyis te dngos po thams cad kyis yin te/ phyogs gcig gis ma yin pa'o/ /thams cad lag pa la sogs pa yan lag thams cad la'o/ /sogs pa'i sgras rkang pa la sogs pa rnams la
 yin te/ gnas shing yan lag can gyi lus gal te 'brel pa yin zhe na/ /de'i tshe gang? yang nyes pa gzhan 'dir 'gyur ro zhes bstan pa'i phyir/ /lag sogs zhes pa la sogs pa gsungs te / lus zhes pa ni yan lag can gyi
 lus yin la/ /de bsnyed pa de nyid du 'gyur te/ /de'i grangs yongs su bcad pa de nyid thob par 'gyur ro/ /ji tsam du zhe na / ji snyed pa ste / lag pa la sogs pa de rnams ni / /lag pa dang rkang pa la sogs pa yan lag ji snyed pa de
 rnams su 'gyur te / /de'i grangs yongs su bcad pa rnams dang de 'brel pa'i yan lag can rnams kyang de snyed pa rnams su 'gyur te/ /de cha shas med pa'i nyid thams cad kyis de rnams la yongs su rdzogs pa'i phyir ro/ /de du ma dang 'brel
 pas du ma yin pa'i phyir gzhan du gcig tu 'gyur pa ma yin no/ /thal bar 'gyur pa 'di du ma yul gcig tu 'jug pa'i phyogs la yang sbyar bar bya ste / /de bzhin du kha bsgyur pa dang / /ma bsgyur ba dang/ /bsgribs pa dang /
 ma bsgribs pa dang/ /g.yo ba dang/ /mi g.yo ba la yang ji ltar rigs pa brjod par bya'o/ /de ltar na mngon sum la sogs pa'i tshad mas rtog par bya ba'i lus yod pa ma yin te/ /gnod par byed pa'i brjod ma thag pa
 yod pas zhes bsgrub pa'i don du ma 'jug bsdu ba phyi dang nang na zhes pa la sogs pa gsungs te/ nang gi byed pa'i skyes bu ni sngar bkag pa'i phyir ro/ /sha dang khrag la sogs pa rnams rnam par dpyad de byed pa'i phyir de ni nang gilus ma
 yin no ste/ da ni yang yan lag can dgag pa'i phyir phyi rol te/ mngon sum la sogs pa'i spyod yul du gyur ba phyi rol du sa ma yin no/ /de ltar na ji ltar na lus lag pa la sogs pa rnams la rnam par gzhag
 par byed/ 'on te lag pa la sogs pa las tha dad par 'gyur ro zhe na/ lag sogs zhes pa la sogs pa gsungs te/ lag pa la sogs pa'i yan lag rnams las gzhan tha dang pa dmigs pa'i mtshan nyid du gyur pa'i yod pa ma yin te/
 dmigs pa ma yin na/ /lag pa la sogs pa 'ba' shig dmigs pa yin no/ /de ltar na gang lan 'gal sogs pa'i rang bzhin ma yin la/ de la brten pa'i 'brel ba yin yang med do/ /nang yang yod pa ma yin la/ de la tha dad
 yang yod pa ma yin no/ /de zhes te lus so/ /ji ltar nyid du yod min zhes te/ ji ltar zhes pa ni ji ltar yang yus ma dmigs pa na de yod mi srid pa nyid kyi 'dri bar byed do/ /ji ltar rnam pa gang gis zhes so/ /kye zhes rnam par dpyod
 pa'o/ /yod zhes te/ de yod pa rnam par bzhag pa'o/ /gang gi tshe 'di ltar rnam par dpang bas/ lus rnam par bzhag par mi nus pa de'i che/ med pa nyid du de la tha snyad bya'o zhes mjug bsdu pa'i phyir/ des na zhes pa la sogs
 pa gsungs te/ nges na lus med ces pa ni gang gi phyir rnam par dpyad pa brjod pas ma dmigs pa de'i phyir dmigs pa'i mtshan nyid du gyur pa'i ma dmigs pa las lus yod pa ma yin no/ /gal te med na 'o na ji ltar lag pa la sogs pa
 rnams la lus blor 'gyur zhe na/ rmongs las zhes pa la sogs pa gsungs te/ rmongs las ni mi reg pa'i dbang las so/ /kyang zhes pa lag pa la sogs pa rdzas gcig dang bral ba rnams la lus kyi blor 'gyur te/ don dam par ni
 ma yin no/ /yang na kyang gi sgra ni nges par gzung ba yin te/ 'di ltar yang 'khor ba thogs med pa nas 'jug pa skye bar brgyud par log par gom pa pa sogs pa'i dbang gis dngos po ji ltar gnas pa'i de kho na nyid rab tu rtogs kyang de las phyin ci log tu sgro
 'dogs pa'i rnam par rtog pa skye bar 'gyur ro/ /de dang nye bar 'brel pas 'jig rten na lus la sogs pa'i tha snyad 'di 'jug ste / don dam pa ni ma yin no/ /ji ltar gzhan du mi 'gyur zhe na / 'di la gsungs pa/ dbyibs su bkod pa ste/
 lag pa dang rkang pa la sogs pa'i dbyibs su dgod pa la'o/ /de nyid kyi khyad par gzhan la tha dad pa'o/ /'khrul pa'i rgyu zhes lag pa la sogs pa nyid la yin gyi/ thams cad la ni ma yin te/ yul so sor nges pa nyid 'khrul ba'i
 'dod pas ji lta bur zhe na/ mtho yor la ni mi blo bzhin no zhes te/ ji ltar mtho yor la mi'i rang bzhin med kyang skyes pa dang mtshungs pa'i gyen du 'greng pa la sogs pa'o/ /dbyibs kyi khyad par dmigs pa dang/ ldan pa na ring po nas
 khyad par khod du mchud pa gzhan gyi khyad par 'ga' zhig gis 'khrul pas skyes bu'i blor 'gyur ro/ /de bzhin du skabs su bab pa la yang yin no zhes pa'i don to/ /de ltar na yang ji ltar yang 'di nyid la brten te rmongs pa nyid kyis lus kyi blo yin la/ dngos
 po ma yin zhes pas ji ltar zhe na/ 'di la ji ltar srid rkyen zhes pa la sogs pa gsungs te/ de ji srid du/ gang dus ki mtshams su bcad pa'i rkyen rnams te/ rgyu rnams yin la/ sa la sogs pa'i khams drug dang/ reg pa la sogs pa'i
 skye mched drug dang/ yid kyi nye bar rgyu ba bco brgyad kyi bdag nyid las la dag las pa'i tshogs kyi bsgrub pa dus de srid kyi mtshams las ni skyes pa lta bu ste/ dper na skyes bu'i rang bzhin gyis don dam par stong pa yang yongs su btags pa'i
 ngo bo skyes bu'i rang bzhin du rab tu snang ba dang tha snyad kyang byed do/ /'di ni mtshon pa tsam yin te/ bud med bzhin du zhes blta bar bya'o/ /sngar gyi nur nur po la sogs pa'i gnas skabs na ma yin la/ phyi nas kyang ma
 yin te/ rnam par 'thor ba'i phyir ro/ /thal ba la sogs pa'i gnas skabs na yang ma yin te/ gnyug ma'i rang bzhin med pa'i phyir ro/ /'dir 'di dang yang mtshungs par bstan pa'i phyir/ de bzhin zhes pa la sogs pa gsungs te /
 dper na rkyen tshogs par yod par lus skyes bu bzhin du snang la/ de med pa na mi snang la/ de bzhin du ste ji ltar lag pa la sogs pa ji srid du rkyen tshogs pa de srid du lus ni lag pa la sogs pa snang ste/ rtog pa'i dbang gi rab tu snang la/ don
 dam par ni ma yin no/ /de lta bas na lus kyi blo ni tshogs pa tshang ba la 'gyur la/ de mtshad na ma yin no/ /de lta bas rmongs pa nyid las lag pa la sogs pa la lus kyi blo yin no zhes nges so/ /'dir bsdus pa'i don ni 'di yin te/ rkyen
 gyi tshogs pa 'di dang 'di yod pa na dngos po de dang de med par yang 'gyur ro/ /de kho na nyid mthong ba po ni 'khrul pa'i dbang gis rnam par rtog pa 'di skye bar 'gyur ro/ /de'i dbang gis dbyibs kyi khyad par rnams la bud med dang skyes pa la
 sogs pa'i lus kyi tha snyad 'jug par 'gyur ro/ /de lta bas na thal bal sogs pa'i gnas skabs na tshogs pa mtshang? bas ldog par 'gyur ro/ /de lta bas na lus la sogs pa tha snyad dngos po pa ni ma yin no zhes 'chags
 par 'gyur ro/ /de skad du yang/ gang zhig gnas skabs spang par yi/ /? lus kyi rang bzhin smra bar bya/ /mer mer po dang thal ba dang/ de med phra mo dngos po yis/ de rags spangs pas gnas she na/ rang nyid
 bstan du med par 'thob/ /lus su brjod par ji ltar 'gyur zhes brjod do/ /de skad du/ gang gis rgyu ni srid 'gyur ba/ /rkyen ni med na gnas min te/ /rkyen dang bral pas bral 'gyur la //de yod ces ni ji ltar rtogs ces gsungs so/ /
 gzhung kha cig las/ ji srid rkyen tshogs de srid du/ /shing ni skyes pa ltar snang ba zhes so/ /de la bshad pa ni 'di yin te/ /ji srid du phyin ci log gi shes pa tshogs pa de srid du sdong dum la skyes bur rtogs pa yin te/ sdong
 dum gyi rang bzhin la skyes pa ltar te skyes bu bzhin du rtogs pa yin no/ /de med na ni ma yin te/ de bzhin du lag pa la sogs pa la'o/ /ji srid du rkyen tshogs pa de srid du lag pa la sogs pa 'di la lus su snang ste/ rab tu gsal ba yin la /
 phyi nas ni ma yin no/ /de'i phyir gti mug nyid las lus kyi blo yin no zhes nges pa yin no/ /gal te lus med na yang lag pa dang rkang pa rnams kyi yan lag rnams mngon sum gyis mthong ba'i phyir dgag par mi nus so zhes dgongs nas/
 lag pa la sogs pa rnams la gzhan gyis brtags pa'i rang bzhin nyid do zhes bstan pa'i phyir/ de bzhin sor mo'i zhes pa la sogs pa gsungs te/ ji ltar rnam par dpyad pa na lus med pa de bzhin du lag pa dang rkang pa la sogs
 pa yang yod pa ma yin no/ /gang gi phyir sor mo rnams kyi tshogs te bsdus pa rnams yin la/ sor mo rnams zhes pa nye bar mtshon pa yin te/ rting pa la yang blta bar bya'o/ /de'i dngos po ni nyid do/ /de lta bas na de'i rang
 bzhin zhes pa'i don to/ rkang yang gang zhig yin 'gyur te/ de dag bsdus pa ma gtogs par rnam par dpyad pa na cung zad kyang ma yin no zhes dgongs so/ /sor mo'i tshogs kyang rang bzhin gcig pa ma yin no zhes gsungs pa 
 de yang shes pa la sogs pa ste/ de yang ni sor mo'i tshogs kyang ngo/ /rnam par dbyang ba na dngos por yod ba ma yin no/ /ci'i phyir zhe na/ tshigs kyi tshogs rnams bsdus pa yin pa'i phyir ro/ /gang zhig
 yin zhes pa'i rang bzhin dang 'brel te/ /tshigs kyang so sor dngos po ma yin no zhes gsungs pa tshigs kyang zhes te dngos po ma yin no/ /ci'i phyir zhe na/ cha phye bas so/ /rang gis te bdag nyid kyis cha shas rnams phye bas te rnam par phye bas sog?
 cha yang de kho na nyid du med do zhes gsungs pa/ cha yang ste rdul phra rab phye pas so/ /cha ni tshogs kyi cha'o/ /yang ni rdul phra? rab phye bas te rdul phra rab kyi cha yis rnam par phye pas phyir btags pa nyid kyi/ rdul phra rab rnams kyang so sor don
 dam par yod pa ma yin no zhes gsungs pa/ rdul de la yang cha'i dbye ba yis zhes te/ phyogs ni shar dang nub dang lho dang byang dang steng dang 'og gi rang bzhin rnams te dbye ba'i sa sna tshogs pa'i phyir ro/ /de ni rnam par dbye bas phye ba nyid kyi
 rdul phra rab rnams cha drug tu 'gyur ro/ /phyogs dbye pa ste phyogs so so na gnas pa sna tshogs pa'i gzugs kyis cha rdul phra rab rnams de las phye bas de'i rang bzhin gnas pa ma yin no/ /phyogs kyi cha dbye ba gang la yod kyang de la gcig tu
 mi rigs so zhes pas so/ /'di ltar yang shar dang phyogs gnas pa'i rdul phra rab la mngon par phyogs pa gang zhig yin pa'i rdul phra rab dbus na gnas pa'i rang bzhin gyi rdul phra rab de gcig nyid yin nam/ gzhan ngang gzhan yin / gal
 te gcig yin no zhes pa'i phyogs yin na de'i tshe bskor ba'i gnas pa'i rdul phra rab thams cad gcig tu thal bar 'gyur ro/ /gang gi phyir shar phyogs na gnas pa'i rdul phra rab kyi yul de med par nub phyogs pa na gnas pa'i rdul phra rab zhal? gyi
 yul na gnas pa'i mngon par phyogs pa'i ngo bo'i mngon par phyogs par mi 'gyur ro/ /gzhan du na rang bzhin tha dang bar thal bar 'gyur bas yul gcig na gnas pa yang yin no/ /de khongs su 'dus ba med na shar phyogs na gnas pa ma yin no/ /rdul
 phra rab gzhan dang gzhan dag dang/ rdul phra rab bdag nyid thams cad 'brel bas de'i rang bzhin du 'dus pa'i phyir rdzas rdul phra rab tsam du 'gyur ro/ /de ltar yin na bsags pa'i ngo bo'i ngo bo la sogs par mi 'gyur ro/ /de'i phyir sa la sogs pa
 rnams kyi tshogs 'dod pa rnams kyis phyogs gnyis pa nyid khas blang bar bya'o/ /de'i tshe yang gzhan dang gzhan drug po rnams dang dus gcig tu 'brel bas dbus na gnas pa'i rdul phra rab cha drug tu 'gyur ro/ /de dang de na gnas pa'i phra rab gzhan
 dang gzhan dag 'brel bas rdul phra rab de'i rang bzhin tha dad pa'i phyir 'di ltar rdul rab kyang gcig tu mi 'thad do/ /de ltar yang slob dpon gyi zhal snga nas/ drug gi cig car sbyar bas na/ /phra rab rdul cha drug tu 'gyur/ /drug po dag ni
 go gcig na/ /gong bu rdul phran tsam du 'gyur/ zhes gsungs so/ /de rnams kyang cha phra ba rnams yin te/ de bzhin du dpyad pa na bdag med pa nyid kyi nam mkha' i rang bzhin du rtogs par byed pas/ phyogs dbye yang zhes pa la sogs pa
 gsungs te/ phyogs kyi dbye ba yang phyogs kyi dbye ba rdul phra rab rnams kyi rdul phra rab kyi cha yang sngar bzhin du cha drug tu phye ba na ci zhig yin par 'gyur te/ dngos po cung zad kyang ma yin no/ /snga ma thams cad la sbyar bar bya'o/ /ci'i
 phyir zhe na/ cha shas dang bral phyir te/ cha med pa'i phyir ro/ /de'i phyir mngon par phye ba dang/ rang bzhin med pa nyid kyis nam mkha' stong pa nyid yin no/ /rgyu nges na rdul yang med do/ /rdul phra rab med pa'i phyir 'di ltar lag pa la
 sogs pa yang rnam par dpyad pas rang bzhin med par blta bar bya'o/ /des na bus kyang don dam par cung zad kyang yod pa ma yin te/ /cig dang du ma dang bral bar bstan pa'i phyir ro/ /de ltar na yang skra la soD
 pa rnams bdag kyang ma yin pa sems kyang ma yin zhing/ lus dngos po la dar 'dzin pa'i yul ma yin no/ /de lta bas na ma rig pas kun nas bslang ba'i bdag nyid kyis bdag la sogs pa la yod pa ma yin yang bdag ces 'jug par 'gyur
 pas/ shes pa ni yul med pa nyid du skye bar 'gyur ro/ /ngas na ji skad du/ bdag nyid gang yang yod min pas/ /'jigs par 'gyur pa su zhig yin/ zhes pas bsgrubs pa yin no/ /'di dag thams cad kyis lus dran pa
 nye bar gzhag pa bstan par 'gyur ro/ /gang gsungs ba chos yang dag par sdud pa las/ rigs kyi bu gzhan yang byang chub sems dpa' nyid 'di ltar lus 'di ni rkang pa dang rkang sor dang/ khyin pa dang/ brla dang/ bcu drug med do
 dang/ lto ba dang/ lte ba dang/ sgal tshigs dang/ snying? dang/ rtsibs logs dang/ rtsibs mdang/ lag ba dang/ lag dar dang/ dpung pa dang/ thal gong dang/ mdzing? ba dang/ 'gram pa dang/ /dpral
 ba dang/ mgo bo dang/ mgo'i thod ba 'dus ba tsam te/ las 'byung ba'i byed bas bsags pa/ nyon mongs pa dang/ nye ba'i nyon mongs pa dang/ kun tu rtog pa rnam par rtog /pa tha dad pa brgya stong gi gnas su gyur pa'o/ /
 'dir rdzas mang po 'dus pa 'di lta ste/ sgra dang spu dang sen mo dang?/ so dang/ rus pa dang/ pags pa dang/ sha dang/ sha'i phyi dang/ rgyus pa dang/ tshil dang/ zhag dang/ chu ser dang/ mcher pa dang/ gcin dud?/
 byes? dang/ pho ba dang/ /lo dag dang/ khrag dang/ snabs dang/ mkhris pa dang/ rnag dang/ mchil ma dang/ klang pa dang/ klad rgyas rnams te/ de ltar na rdzas mad po 'dus pa yin na 'di la lus zhes ji skad du bya snyam du lus dran pa nye bar
 'jog go / de so sor rtog pa na 'di snyam du sems te/ lus 'di ni nam mkha' dang mtshungs so snyam nas de lus la nam mkha' ltar dran pa nye bar 'jog go/ de thams cad nam mkha' ltar mthong ngo/ /de lus yongs su shes pa'i phyir yang gang du
 yang dran pa mi 'jug go / rnam par mi 'jug go / rnam par mi 'phro'o zhes 'byung ngo yang gsung pa/ lus 'di mi sngon gyi mdza' nas kyang ma 'ongs/ phyi ma'i mthar yang mi 'pho/ /sngon gyi mdza' dang phyi ma'i mdza' las kyang mi gnas te/
 gzhan du? /yang dag pa ma yin pa'i phyin ci log las phyung ba/ byed pa po dang/ tshor ba po med pa /thog ma dang tha ma dang dbus med pa/ rtsa ba gnas pa med pa/ bdag po med pa/ da yi ba med pa/ yongs su 'dzin pa med pa ste/ tshigs
 zhes bya ba dang/ lus zhes bya ba dang/ longs spyod ces bya ba dang/ gnas zhes bya ba dang/ ro zhes bya ba dang/ skye mched ces bya ba ni glo bur gyi tha snyad rnams kyi tha snyad btags pa'o/ /lus 'di ni snying po med pa ste/ pa ma'i khu ba
 dang/ /brag las byung ba'i mi gtsang ba rul pa/ rang bzhin gyi dri mi zhim pa/ 'dod chags dang zhe sdang dang gti mug las 'jigs ba dang/ sgyid lug pa'i rkun bos dkrugs ba/ rtag tu 'jigs pas/ 'drul ba brul bar //
 rnam bar 'phor ba/ rnam par 'jigs pa'i chos can/ nang tha dad pa brgya stong gi tshad do snyam du lus dran pa nye bar 'jog go zhes 'byung ngo/ /de bzhin du gang gi tshe rnam par dbyed pa na stong pa nyid kyi rang bzhin gyis nam mkha' dang 'dra bar
 rnam pa thams cad du lus yin na/ de'i tshe log pa nyid kyis dngos po'i de kho na nyid du sgro btags? nas/ 'dod chags la sogs pa bskyed pas byis pa rnams 'khor bar nye bar 'phel ba yin no zhes bstan pa'i phyir /
 de ltar zhes pa la sogs pa gsungs te/ de ltar zhes pa ste brjod pa'i rim pas so/ /rmi lam lta bu ni rmi lam la dmigs pa nyid kyi dngos po la yid mi bde ba'i gnas la su zhig chags par 'gyur te/ gang zhig zhen par 'gyur/
 'di yang mtshon pa tsam yin pa'i phyir su zhig zhe sdang bar 'gyur zhing/ su zhig rmongs par 'gyur zhes kyang rig par bya'o/ /de bzhin du yid bde ba'i gnas rnams pa mig dag gis gzugs sna tshogs mthong nas chags pa skye bar 'gyur ro//
 yid mi bde ba'i gnas rnams la mi dag gis gzugs rnams su mthong nas zhe sdang skye bar 'gyur ro/ /btang snyoms kyi gnas rnams la mig dag gis gzugs rnams mthong nas gti mug skye bar 'gyur/ gang de bdag yid dang rjes su mi
 mthun pa med pa'i gzugs dang rjes su mthun par spyod de / nges 'di la chags pa skye bar 'gyur ro/ /yid dang rjes su mi mthun pa'i gzugs rnams la ni mi mthun pa'i spyod de/ /nges 'di la zhe sdang skye bar 'gyur ro/ /rjes su mthun par yang
 ma yin rjes su mthun par yang ma yin pa rnams la/ rmongs pas spyod de/ des 'di la gti mug skye bar 'gyur ro/ /de bzhin du sbra la sogs pa rnams la rnam pa gsum du dmigs shing nyams su myong ba sngar bzhin no/ /de la gang
 dpyod ldan su zhig ces te/ shin tu yang mig gi skye ba ched kyi rang bzhin gyis stong ngo/ /des sngon gyi mdza' yang mi dmigs pa/ phyi ma'i mdza' yang mi dmigs shing/ dbus kyang mi dmigs te/ rang bzhin gyis stong pa'i
 phyir ro/ /de bzhin du rna ba la sogs pa'i gzhan la yang rig par bya'o/ /de bzhin du shin tu yang gzugs kyi skye mched gzugs kyi rang bzhin gyis stong ngo zhes sngar bzhin no/ /de bzhin du sgra la sogs pa yang brjod par bya'o/ /de ltar na dbang po
 rnams ni rgyu ma lta bu yin la/ yul rnams ni rmi lam lta bu gang gi yin pa de la ji ltar 'dod chags la sogs pa skye bar 'gyur ro/ /de nyid kyi phyir gsungs par dpyod ldan zhes te/ dpyod pa po mkhas pa po de bzhin du'di yang dag pa
 ji lta pa bzhin du yang dag pa'i shes rab kyis mthong ba su zhig chags par 'gyur te/ sdang ba 'am rmongs par 'gyur/ 'di yang rmi lam na mthong pa'i yul gyi bzang mo la sogs pa bcom ldan 'das kyis gsungs pa nye bar bstan par
 bya'o/ /lus med na yang bud med la sogs pa rtogs pas kyang chags par rig pa ma yin no zhes bstan pa'i phyir/ lus zhes pa la sogs pa gsungs te/ kyang gi sgras ni gtan tshigs sdud pa'o/ /gang gi phyir bud med la
 sogs pa brtags pas chags par mi 'gyur ro/ /gang gi tshe lus 'di ltar brjod pa'i rigs pas med de/ rang bzhin med pa de che lus med pa'i phyir bud med pa gang zhig yin te/ chags byed ma gang zhig chags par bya bar nyid kyis
 skyes bu la ji ltar chags par 'gyur/ skyes bu yang gang zhig yin te/ chags pa po gang zhig dga' bar bya ba nyid kyis bud med la chags par 'gyur / 'bud med kyang bdag nyid la bud med ces brtags nas pha rol kyi skyes bu la
 skyes bu zhes chags pa skyes pa byed do/ /de bzhin du skyes bu yang bdag nyid la skyes bu zhes brtags nas bud med la bud med ces brtags nas chags pa skyed do/ /lus med na yang bud med la bud med ces yod pa ma yin no/ /skyes
 pal? skyes pa yod pa ma yin no/ /gang yang rang bzhin gyis yod pa ma yin te/ bud med yod pa ma yin zhing skyes pa yod pa ma yin no/ /de bas na lus po med pala bud med la sogs par brtags pas byas pa'i
 chags par rigs pa ma yin no/ /de ci'i phyir zhe na/ chos thams cad ni mtshan ma dang bral ba'o/ /ji ltar 'di gtsor bstan pa de bzhin du phreng ba dang tsan dan la sogs la yang rigs par bya'o/ /de bzhin du zhe sdang dang gti mug
 gi yul yang ngo/ /de skad yab dang sras mjal ba las bstan te/ rgyal po skyes bu gang zag 'di ni khams drug pa/ reg pa'i skye mched drug pa yid kyi nye bar 'khor ba bco brgyad pa ste/ skyes bu 'di ni khams drug pa gang smras pa
 de ci la brten te smras she na/ rgyal po chen po khams drug ni 'di dag go /drug gang zhe na/ 'di lta ste sa'i bams dang/ chu'i khams dang/ me'i khams dang/ rlung gi khams dang/ nam mkha' i khams dang/ rnam
 par shes pa'i khams so/ /rgyal po chen po de dag ni khams drug ste/ skyes bu 'di khams drug pa zhes gang ngas smras pa de ni de la brten te smras so/ /skyes bu 'di ni reg pa'i skye mched drug po'o zhes gar smra bde ci la brten
 te smra zhe na/ rgyal po chen po reg pa'i skye mched drug ni 'di dag ste drug gang zhe na/ gzugs rnams la blta ba'i phyir mig gi reg pa'i skye mched dang/ sgra rnams la nyan pa'i phyir rna ba'i reg pa'i skye mchod dang/ dri rnams
 la snom pa'i phyir sna'i reg pa'i skye mched dang/ ro rnams la myang ba'i phyir lte'i reg pa'i skye mched dang/ reg bya rnams la reg pa'i phyir lus reg pa'i skye mched dang/ chos rnams rnam par shes pa'i phyir yeng? reg pa'i skye
 mched do/ /rgyal po chen po de dag ni reg pa'i skye mched drug ste/ skyes bu 'di/ reg pa'i skye mched drug pa'o/ /zhes gang smras pa de ni de la brten te smras so/ /rgyal po chen po skyes bu 'di ni yid kyi nye bar 'khor pa bco brgyad pa zhes gang smras pa
 de ci la te smras shes na/ rgyal po chen po yid kyi nye bar 'khor ba bco brgyad 'di ni dag ste/ bco brgyad gang zhe na/ 'di la mig gis gzugs mthong ba na yid bde ba dang/ yid mi bde ba dang/ btang snyoms su 'gyur bar gzugs la nye
 bar spyod? do/ /de bzhin du rna ba la sogs pa la yang brjod par bya'o/ /rgyal po chen po de la gang dag yid bde ba nye bar spyod pa drug dang/ gang dag yid mi bde bar nye bar spyod pa drug dang/ gang dag btang snyoms su gyur pa nye bar spyod ba drug
 po de dag gcig tu bsdus nas yid kyi nye bar spyod pa bco brgyad du 'gyur ro/ /rgyal po chen po bco brgyad po de dag ni yid kyis nye bar spyod pa ste/ de bzhin du sbyar te/ rgyal po chen po gang gi sa'i khams gang zhena/ gang ci yang rung ste/
 lus 'di la nang gi khong na sra ba dang/ mkhrang ba'i rnam pa dang/ nye bar 'gyur ba dang/ zin pa'o/ /de la yang gang zhe na/ 'di lta ste/ skra dang spu dang/ san mo dang zhes pa la sogs pa'o/ /rgyal po chen po phyi rol gyi sa'i
 khams gang zhe na/ gang ci yang rung ste phyi rol gyi sra ba dang mkhrang ba'i rnam pa dang/ nye bar ma gyur pa dang/ ma zin pa 'di ni phyi rol gyi sa'i khams zhes bya'o/ /rgyal po chen po de la nang gi sa'i khams 'byung ba'i tshe gang nas kyang mi
 'ong/ 'gag pa'i tshe gang du yang sogs par mi 'gro'o/ /rgyal po chen po bud med nang bdag ni bud med do zhes rtog cing/ de nang du bud med ces brtags nas phyi rol du skyes pa zhes rtog go ? de'i? phyi rol du skyes pa skyes pa zhes brtags 
 nas chags par 'gyur te/ phyi rol gyi skyes pa dang phrad par 'dod do/ /skyes pa yang nang du bdag skyes pa zhes rtog ste/ de nang du bdag ni skyes pa zhes brtags nas/ phyi rol du bud med la bud med ces rtog go/
 phyi rol du bud med la bud med ces brtags nas chags par 'gyur ro/ /phyi rol gyi bud med dang phrad par 'dod do/ /phrad par 'dod pas phrad par 'gyur ro/ /phrad pa'i rkyen gyis mer mer po skye bar 'gyur ba'i dus de yod de/ /rgyal po
 chen po gang la kun tu brtag pa dang/ gang kun tu rtog pa de gnyis ka yang med do/ /bud med la ni bud med med do/ /skyes pa la ni skyed? pa med do/ /de ltar med cing yang dag pa ma yin par kun tu rtog pa skyes ste/ kun tu rtog
 pa de yang ngo bo nyid kyis med do/ /kun tu rtog pa ji lta ba de bzhin du phrad pa dang/ mer mer po yang ngo bo nyid gyis med do/ /gang ngo bo nyid kyis med pa ji ltar sla? ba'i skye bar 'gyur/ /rgyal po chen po de ltar kun tu rtog pa shes par byas
 nas sra ba nyid rtogs par bya ste/ ci nas sra ba ni skye ba'i tshe gang nas kyang ma 'ongs par shes par bya'o/ /rgyal po chen po 'di ltar gang lus 'di dur khrod kyi mthar 'gyur ba'i dus de yod de/ de'i sra ba de 'jig cing 'gag par 'gyur
 pa'i tshe shar phyogs su mi 'gro/ lho phyogs dang/ nub phyogs dang/ byang phyogs dang/ steng dang/ 'og dang/ phyogs mtshams rnams su yang mi 'gro ste/ rgyal po chen po nang gi sa'i khams ni de ltar blta'o/ /snga ma
 bzhin du de la rgyal po chen po de ltar sa'i khams te 'byung ba yang stong/ sa'i khams 'jig pa dang/ 'byung pa yang ngo bo nyid kyis stong ngo/ /rgyal po chen po sa'i khams ni tha snyad tsam ma gtogs par sa'i khams nyid mi dmigs te
 tha snyad de yang bud med ma yin/ skyes pa ma yin gyi /rgyal po chen po de ltar de yang dag pa ji lta ba bzhin gyi shes rab kyi rtogs shig ces gsungs so/ /des na ci zhig la dbyad par bya ste/ dpyad par bya ba'i yul ma yin no/ /de ci'i
 phyir zhe na/ chos thams cad ni dpyad pa dang bral ba'o/ /zhes so/ /de ltar lus dran pa nye bar gzhag pa bstan nas/ tshor? ba dran pa nye bar gzhag pa bstan pa'i phyir/ tshong ba rnam par dpyad pa gsungs so/ /tshor ba ni rnam pa gsum ste/
 bde ba'i tshor ba dang/ sdug bsngal gyi tshor ba dang/ sdug bsngal yang ma yin bde ba yang ma yin pa'i tshor? ba'o/ /de? la gzugs bzhin du tshor ba yang don dam par yod pa ma yin no/ /ji ltar zhe na/ gal te sdug bsngal de byed pa ma
 yin pa'i myong pa yin la/ de nyid du ste don dam par yod pa la yin na de'i tshe rab dga' la mi gnod de/ dga' ba dang ldan pa'i rnams ci'i phyir? na sdug sngal bar mi 'gyur/ bde ba yang gal te don dam par yod na/ de'i tshe mya ngan
 gdung sogs la ste/ sogs pa'i sgra ni 'dod pa dang/ 'jigs pa dang/ bsnyos pa la sogs pas gdungs pa la'o/ /zhim sogs ni gal te bde ba yin na'o/ /zhim pa la sogs pa ni ro mchog gi gza' ba dang/ btung
 ba la sogs pa'o/ /sogs pa'i sgyus? ni me tog dang tsan dang la sogs pa'i bde ba gzung ste/ bde ba'i rgyu yin pa'i phyir ro/ /gal te bde ba yin na ni ste rga bar mi byed gal te dngos po yod pa'i rang bzhin no/ /brgya la yang
 bzlog par sro bar ma yin no/ /de lta bas na bde ba dang sdug bsngal myong bar bya? ba ni/ rtogs pas gzhag pa nyid yin no/ /de brjod pa ni ci ste? rab dga' la mi gnod ces so/ /de la gzhan gyis lan 'debs ba ni stobs dang
 ldan pa zhes smos so/ /rab tu dga' ba'i gnas skabs na/ sdug bsngal rnam pa thams cad du med pa ni ma yin te/ 'on kyang phul du byung ba'i 'jug pa'i bde bas/ mi mngon par byas pa las
 yod kyang nyams su myong ba ma yin no/ /stobs dang ldan pa ni shin tu stobs dang ldan pas so/ /zil mnan phyir ni mngon par zil gyis mnan cing nye bar bcom pas so/ /de gal te yod na yang bde ba myong ba ma yin te/ rig
 par bya ba ma yin no zhes brjod de/ /de'i tshe 'di ni rigs pa ma yin no zhes/ /gang zhig nyams myong zhes pa la sogs pa smos te/ myong ba nyid ni tshor ba'i rang bzhin nyid do/ /ji ltar te rnam pa gang gis so/ /bde bde'i?
 gsal ba gang zhig nyams myong bdag nyid min na ste/ gang gis nyams su myong ba'i rang bzhin ma yin na'o/ /myong bar byed pas myong ba zhes brjod do/ /myong ba ni nyams su myong ba zhes bya ba'i tshig las so/ /gal te yang
 myong bar bya ba ma yin pa yang myong bar 'gyur na/ de'i tshe cung zad? kyang myong ba ma yin pa med par thal bar 'gyur ro/ /'on te de ltar na yang rnam pa thams cad du ma myong ba ni ma yin te/ 'on kyang nyams su myong ba na yang phre bas
 nyams su ma myong ba dang 'dra ba yin no zhes/ sdug bsngal zhes pa la sogs pa smos te/ phra mo nyid de nye bar ma mtshon pa nyid kyis so/ /sdug bsngal yod cing bdog pa'o/ /'o na bde ba stobs dang ldan pa 'di la ci zhig byas
 she na/ /'di'i rig pa bsal yin na ma zhes te/ rab tu dga' ba'i gnas skabs na rab tu 'jug pa'o/ /stobs dang ldan pa'i bde bas dregs shing stobs dang ldan pas sdug bsngal 'di bsal cing zil gyis mnan pa ma yin
 zhes pa ni gzhan la 'bod pa'o/ /kye gal te khyod ji ltar 'dod na phra ba zhes bya ba'i sdug bsngal bde ba nyams su myong ba'i dus na/ cung zhig gyang dmigs pa ma yin te/ des na ci zhig de'i phra ba yin zhes brjod par bya zhe na/ 'on te de ni de las
 gzhan dga' tsam zhes te/ de las ni phul du byung ba'i bde ba las so/ /gzhan dga' tsam ni gnyis pa bde ba tsam ste/ shin tu chung ba'i bde ba'i cha tsam du gyur pa ste/ sdug bsngal phra bar 'gyur ro zhes gal te mngon par 'dod
 do zhe na/ ci ste de'ang de'i phra nyid ste/ gzhan rab tu 'ga' ba tsam bde ba 'di'i phra ba tsam yin na sdug bsngal ma yin te/ dga' ba bde ba'i rigs yin pa'i phyir ro/ /de'i phyir sdug bsngal gyi phra ba nyid ni bde ba myong ba'i rang
 bzhin gyi dus na med do zhes pa yin no/ /de lta na yang sdug bsngal ni brtags pas glo bur ba yin te/ 'di ltar rgyu ma tshang ba'i phyir/ brgya la dmigs pa ma yin no zhes/ 'dir gal te 'gal rkyen zhes pa la sogs pa
 smos te/ sdug bsngal dang 'gal ba'i bde ba'i rkyen ni rgyu ste gang reg pa'o/ /des skyes pas te/ mngon par phyogs pa yod pa na'o/ /yang na 'gal ba'i rkyen bde pa'i rgyu skyes shing skye ba na 'am/ 'gal ba'i rkyen
 gang gi yin pa zhes pa'o/ /de skyes pa na yang ste rab tu dga' gnas skabs na rgyu dang bral ba'i phyir sdug bsngal ma skyes par brjod do zhe na/ de'i tshe rtogs pas mngon par zhen pa nyid kyi tshor ba zhen pa 'ongs pa nyid ma yin
 nam/ ci ste gang de nyid ni kho cag gi brjod pa de nyid da ltar grub cing 'ongs pa yin te/ ci zhig rtogs pas mngon par zhen cing/ rtogs pas byas pa'i mngon par zhen par byed/ nyid ces pa ni nges par gzung ba'i don to/
 de nyid tshor ba bde ba dang/ sdug bsngal dang/ de dag las gzhan pa yin te/ /gzhan dngos po'i bde ba la sogs pa 'am/ bde ba la sogs pa'i rgyu yod pa ma yin no/ /'di ltar yang gnyug ma'i rang
 bzhin dang bral ba na yang gang zhig bde ba'i rgyu nyid du yongs su brtags pa de mngon par zhen pa las bde ba myong ngo zhes skye bar 'gyur te/ /gzhan 'di las gzhan no/ /gzhan du ji ltar gang nyid gzhan sdug bsngal gyis sgrub par
 byed pa de nyid gzhan bde 'ga' zhig gi sgrub par byed par 'gyur/ gcig po de'i gang zhig sgra thos pa las kyang sdug bsngal du 'gyur na yang dus gzhan du mthong ba las dga' ba'i ngo bo skye bar 'gyur te/ de lta bas na bde ba la sogs
 pa dang/ de'i sgrub pa'i thabs ni brtags pa yin te/ dngos po pa ma yin no/ /gsungs pa yin ste/ sbrul ni rma bya'i bde ba'i ched du skye 'gyur te/ /dug la goms pa dang ldan dag ni bcud len yin/ /tshor mas rnga mo'i
 kha yi zug rngu ni/ /dga' ba'i khyad par gyi ni rgyu ru 'gyur zhes so/ /tshor ba mngon par zhen pa'i rang bzhin yin bas rnam par dpyad pa nyid kyis ldog nus so zhes bstan pa'i phyir/ bas de nyid phyir na zhes pa la sogs pa gsungs te/
 gang nyid kyi phyir tshor ba mngon par zhen pa de nyid kyi phyir rnam par dpyod pa 'di ni rnam par rtog pa 'di yin la/ /bde ba la sogs pa mngon par zhen pa'i ngo bo 'di'i gnyen po ste/ 'gal 'gegs kyi rgyu yin pa'i phyir ro/ /bsgom pa ni
 sems par byed pa yin la/ de'i sgrub par byed pa med na de'i mngon par zhen pa med pa'i phyir ro/ /gzhan yang 'dis kyang tshor ba mngon par zhen pa yin no zhes bstan pa'i phyir/ rnam rtog ces pa la sogs pa gsungs te/ de nyid
 kyi phyir zhes pa ni 'dir yang 'brel to/ /rnam par rtog pa nyid zhing yin te/ skye ba'i sa yin pa'i phyir ro/ /der skyes pa ni yang dag par byung ba'o/ /bsam gtan ni 'dod pa dang ? pa dang/ sdig pa mi dge ba'i chos rnams dang bral bas
 rtog pa dang bcas pa dang dbyod pa dang bcas pa dang/ ting nge 'dzin las byung pa'i dga' ba dang bde ba zhes pa la sogs pa'i bsam gtan ni bsgom pa yin no/ /ting nge 'dzin ni snyoms par 'jug pa'i yin no/ /rnam par rtog pa las byung ba yin pa'i
 phyir ro/ /de nyid zas yin la lus tshim par byed pa'i rgyu yin pa'i phyir te/ gang rnams kyi de dag yin pa de la de? skad ces bya'o/ /gang rnams kyis she na/ rnal 'byor pa'i ste/ 'di ni gang gi phyir te/ rtog pas sprul pa'i dga' ba dang bde
 ba'i zas kyis gzung ba'i lus ni rnal 'byor pa'i yin no/ /de lta bas na tshor ba ni rtog pa'i mngon par zhen pa yin no zhes grub bo/ /de ltar rgyu khas blangs nas tshor bar mngon par zhen par bstan pa'i phyir ni rgyu nyid mi srid pa'i phyir tshor ba dngos po
 la yod pa nyid du mi rigs par bstan pa'i phyir ro/ /gal te dbang don zhes bya ba la sogs pa gsungs te/ 'dir bsdus pa'i don na 'di yin te/ reg pa'i rkyen gyis tshor ba yin la/ yul dang dbang po dang rnam par shes pa gsum
 po dag 'dus pa ni reg pa yin te/ reg pa dug 'dus pa las byung zhes pa'i tshig las so/ /gsum 'dus pa la byad pa'i reg pa nyid de yang rig pa ma yin la/ de'i rkyen gyis tshor ba gang las 'gyur/ 'di ltar yang dbang don
 par dang bcas par 'gyur ba'am/ bar med par 'gyur ba yin/ de la dbang po dang yul te/ dbang po dang yul dag par dang bcas pa ste/ bar dang bcas pa gal te yin na de'i tshe phrad pa ste/ 'dus zhid tshogs pa gang
 las 'gyur/ /dbang po dang don 'di ngag phrad par rigs pa ma yin te/ rig pa yang 'dus pa la brjod la bar chod pa yin na yan der ji ltar 'gyur zhes dgengs pa yin no/ /'on te gnyis pa'i rnam pa yin
 med yang rigs pa ma yin na zhes bstan pa'i phyir/ bar med na yang zhes pa la sogs pa gsungs te/ bar mngon yang bar chad pa med pa yin pas gcig nyid yin te/ dbang po dang yul dag de'i bdag nyid yin no/ /cha chung
 zhig gis kyang gal te chod pa ma yin na de lta na yang bdag nyid thams cad kyis bar med par 'gyur ro/ /bdag nyid thams cad kyis der 'dus pa yin na yang de nyid yin no/ /de ltar na yang gang zhig gang dang phrad par 'gyur te/
 gcig yin na tha dad pa med pa'i phyir/ gang zhig gang dang phrad par 'gyur/ bdag nyid bdag dang phrad pa ni rigs pa ma yin no/ /de lta na yang rdul phra rab rnams cha shas med pa nyid dngos po la phrad pa yin la/ de la
 cha shas dang ldan pa'i phrad pa ma yin te/ rags pa nyid la de srid pa'i phyir ro/ /de la yang phrad pa sun phyung ba nyid kyis cung zad cig sun phyung ba ma yin no zhe na/ 'di la rdul phran zhes pa la sogs pa gsungs te/ rdul phra
 rab rnams la yang/ 'di ltar phrad par rigs pa ma yin te/ gang gi phyir rdul phra rab gcig kyang rdul phra rab gzhan la 'jug pa med de/ nang du 'jug pa yod pa ma yin no/ /ci'i phyir zhe na/ /de ni gang gi phyir te/
 skabs med cing rdul phra rab la mtshams med pa'o/ /mnyam pa de mtshungs pa yin te/ mtho ba dang? dom'? ba med pa'i phyir ro/ /de'i phyir ji ltar cha med pa la brang pa yod/ de ltar yin na yang rdul phra rab rdul phra rab la
 'jug par ma gyur mod/ phrad pa tsam 'ba' zhig ni yod pa yin te/ de lta bas na bsgrub bya grub pa ma yin no zhes/ ma zhugs zhes pa la sogs pa gsungs te/ rdul phra rab ni bdag nyid thams cad kyis 'brel pa ni phrad pa yin te/
 gzhan du na cha shas dang bcas par thal bar 'gyur ba'i phyir ro/ /de ltar na yang de'i rang bzhin bdag nyid thams cad kyis khyab pa yin te/ de ltar na de'i rang bzhin ma 'dres pa la phrad pa med par 'gyur ro/ /de la 'dres pa nyid ni de la
 zhugs pa med par 'gyur pa ma yin no/ /'dir ma zhugs? shing zhugs pa med pa yin na 'dres pa ma yin la/ tha dang pa'i rang bzhin ma yin na/ ma 'dres pa la ste 'phros pa med pa la phrad cing tshogs pa ma yin no/ /cha med pa yang
 rnam pa thams cad du blang par rigs pa ma yin no zhes bstan pa'i phyir/ cha med pa'ang zhes pa la sogs pa gsungs te/ cha med pa ni stong pa nyid kyi dngos po yin pa'ang zhes pa ni nyes pa'o gzhan sogs pa yin no/ /phrad pa ni tshogs
 pa zhes bya ba yin la/ de ji ltar 'thad par 'gyur te zhes smos pa ni srid pa'i tshig ste/ ji ltar phrad par rig par 'gyur/ phra ba thams cad kyang nges par cha gcig gi sgo nas 'gyur bar bya'o/ /yang gang la cha med pa nyid de'i lus kyis
 cha med pa las med pa nyid thob bo zhes dgongs so/ /'di la cha tsam yang tshang mas rtogs pa gang na yang ni yod pa ma yin no zhes bstan pa'i phyir/ rnam shes lus med pa zhes pa la sogs pa gsungs te/ ni zhes pa ni shin tu bsgrub
 pa ste/ rnam par shes pa ni yul rnam par rig pa yin la/ yang phrad par 'thad pa ma yin te/ rig pa ma yin no/ /ci'i phyir zhe na/ lus med pa'i phyir zhes te/ 'di gtan tshigs kyi tshigs yin la/ lus kyis stong pa'i
 rnam par shes pa ni ste/ lus med pa'i phyir zhes pa'i don to/ /phan tshun 'brel pa nyid ni phrad pa yin la/ de yang lus dang ldan pa nyid la yod do/ /gang la yang lus med pa de la ji ltar phrad par 'gyur/ de ltar
 na gsum gal yang phrad pa bkag nas/ da ni tshogs pa nyid dngos po la yod pa ma yin no zhes bstan pa'i phyir/ tshogs pa zhes pa la sogs pa gsungs te/ 'ang gi sgras ni nyes pa gzhan sdud pa yin la/ tshogs pa'ang ste?
 'dus pa yang ngo/ /rta'i rwa bzhin du dngos po med phyir te/ dngos po de kho na nyid dang bral ba'i phyir phrad pa nyid du rigs pa ma yin no zhes rang bzhin dang 'brel te tshogs pa nyid med pa'i phyir ro/ /ji ltar yang dngos po med pa nyid yin
 zhe na/ sngar ni ji ltar rnam dpyad bzhin zhes te/ ji ltar sngar gtan la phab pa bzhin yin te/ de bzhin sor mo'i tshogs nyid ces pa la sogs pa gsungs so/ /rgyu med pa nyid 'jug bsdu ba'i phyir/ de ltar zhes pa la sogs
 pa gsungs te/ de lta bas na bstan pa'i rim pas reg pa yod min te/ gsum 'dus pa med pa na tshor ba med pa yin la/ tshor ba ni bde ba la sogs pa'i ngo bo yin te/ 'byung ba ni skye ba yin la/ de gang las rigs par
 'gyur ba yin te/ rgyu med pa na 'bras bu srid pa ma yin no/ /de'i phyir don dam par tshor ba med par tha na pa dang phan pa ma yin pa'i yul med pa'i phyir ci'i don du ngal ba 'di yin/ bde ba dang sdug bsngal spang pa'i ched don dag
 tu dal pa byed pa yin no/ de ci'i phyir/ nam mkha' ldang pa'i don bzhin du rigs pa ma yin zhes dgongs so/ bde ba bsgrub pa'i ched du ngal bar ma gyur mod/ sdug bsngal shin tu bzod par mi nus pa'i phyir ro/ /de spang ba'i
 don du 'gyur ro zhe na/ gang las gang la gnod par 'gyur zhes gsungs te/ tshor ba rnam par dpyad pas rang bzhin med pa'i phyir ji ltar gnod pa'i yin te rnam par dpyad pas so/ /bdag la sogs pa sngar bsal ba'i phyir tshor pa po
 med ba'i yin no/ /dgod par byed pa'i rgyu yang rnam par rtog pas brtags pa'i phyir don dam par yod pa'i ma yin no/ /de'i phyir de ltar na gang gi gnod par 'gyur te/ sdug bsngal gyi tshor ba dang bral ba'i phyir gnod par
 byed pa'i rgyu dang bral pa'i phyir gang las 'gyur te/ don dam par gang gi yang gang las kyang 'gyur ba ma yin no/ /de lta bas na tshor ba po med pa'i phyir tshor ba yang rigs pa ma yin no/ /de ni tshor ba med pa'i phyir de'i rkyen las
 byung ba'i sred pa yang rgyu dang bral ba'i phyir don dam par skye bar rigs pa ma yin no zhes bstan pa'i phyir/ gang gi tshe zhes pa la sogs pa'i gsungs te/ gang gi tshor ba myong ba de ni tshor ba po yin la/ gang gis tshe bdag la
 sogs pa cung zad kyang yod pa ma yin te/ de med pa'i phyir dang/ de ma thag tu dpyad zin pa'i phyir tshor ba yod pa ma yin la/ de'i tshe gnas skabs 'di lta ste/ rnam pa 'di lta bu la'o/ /rang gi skye ba dang bral ba mthong nas te/
 dmigs nas sred pa ci'i phyir ldog mi 'gyur te/ de'i sdug bsngal bas sdug bsngal bar 'gyur na yang bltos pa med pa nyid du ci'i phyir ldog par mi 'gyur/ gang zhig de ltar yang de dang bdag 'bral zhing ldog pa nyid du ci ste
 dor bar mi byed/ de ltar gyur na yang gal te tshor bar byed pa po med par tshor ba yang med pa yin/ gang gis na 'di ltar bde ba sgrub par byed pa nyid kyis dngos po rnams la mthong ba la sogs pa'i tha snyad 'jug par
 'gyur zhe na/ 'di la mthong ba zhes pa la sogs pa gsungs te/ mthong pa yang gang mig gi dbang pos reg pa yang lus kyi dbang po las skyes pa'i sems kyis shes pas so/ /gal te de ltar
 na sems kyis tshor ba po dngos po la yod do zhe na/ rmi lam sgyu 'dra'i bdag nyid kyis zhes gsungs te/ rang bzhin gyis rmi lam lta bu yin la/ rang bzhin gyis sgyu ma lta bu yin no/ /rten cing 'brel par 'byung ba las
 skyes pa'i sems nyid kyis yin gyis/ don dam par yod pa ma yin no/ /lan 'ga' yang de las tha dad pa sems kyis mthong ba ni ma yin la/ lhan cig skyes pa'i phyir te/ sems dang lhan cig skyes pa'i phyir ro//
 sems dang lhan cig skyes pa nyid du de mthong ba yin te/ tshogs pa gcig la 'brel pa'i phyir dang/ rten cing 'brel par 'byung ba bsam gyis mi khyab pa'i phyir ro/ /don dam par mthong ba ni yod pa ni ma yin la/
 gang gis 'di ltar mthong ba'i tha snyad du 'gyur ba/ tshor ba de yis mthong ba ma yin te/ gang gis bde ba sgrub par byed pa la sogs pa'i tha snyad mthong ba yang gzhan nyid yin pa'i rgyu des na tshor ba mthong ba ma yin
 te/ dngos po la mthong ba ma yin no/ /'on te de ltar na yang lhan cig skyes pa mthong ba ma yin la/ /'on kyang shes pa yul gyi rnam pa can gyis de skye bar 'gyur ba dus phyi ma la 'dzin par brjod do zhe na/ sun
 dbyung ba'i don du sngar dang shes pa la sogs pa gsungs te/ nges par lhan cig tu skyes pa'i tshor ba yin te/ gzhan du na sngar te sngar byung ba dang/ phyi mar te phyis gyi dus kyi yin la/ skyes ba ste/ byung ba'i
 shes pa des dran par 'gyur gyis myong ba ma yin te/ myong ba ma yin la dran ba'i ngo bos yul du byed pa yin la mngon sum du rig pa ma yin te/ shes pa de'i dus na de 'das pa'i phyir ro/ /'das pa ni rang gis ngo bos myong bar
 rigs pa ma yin te/ med pa nyid yin pa'i phyir ro/ /myong ba ni rang gi ngo bo nyams su myong ba yin te/ de lta bas na 'di ni dran pa tsam yin la/ de la rang gi ngo bo myong ba ni rig pa ma yin no/ /tshor ba ni rang gi ngo bo rnam par 'jog
 par byed pa'i mtshan nyid du rigs pa ma yin no zhes bstan pa'i phyir/ rang gi bdag nyid ces pa la sogs pa gsungs te/ rang gi bdag nyid de rang gi ngo bo yin la/ myong ba min la ste/ rig pa ma yin te/ rang rig pa
 sngar sun phyung ba'i phyir ro/ /de ltar na shes pa gzhan des tshor ba myong ba yin no zhes/ gzhan dag gis kyang myong ba ma yin zhes gsungs te/ gzhan nyid kyis ni ma yin te/ de dang mtshungs pa'i dus su byung ba'i zhes pas
 myong ba ma yin zhing rig pa ma yin te/ shes pa bzhin shes pa gzhan gyis myong ba med pa'i phyir ro/ /tshor? ba po yang yod pa ma yin te/ gang la zhe na/ tshor ba cung zad kyang ma myong ba las te/ sems sam gzhan gyis myong ba tshor ba po 'ga' yang
 yod pa ma yin no/ /des na rgyu 'dir tshor ba med pa yin te/ tshor ba'i mtshan nyid kyis stong pa'i phyir ro/ /mngon par zhen pa las ma gtogs pa tshor ba 'dir de kho na nyid du yod pa ma yin la/ don dam par yod pa ma yin no/ /de'i rang
 bzhin ngo bo rtogs par byed pa cung zad kyang yod pa ma yin pa'i phyir ro/ /de skad du 'phags pa blo gros mi zad pa'i mdo las/ 'on kyang yang tshor ba ni mngon par zhen pa'o/ /tshor ba ni yongs su 'dzin pa'o/ /tshor ba ni nye bar len
 pa'o/ /tshor ba ni dmigs pa'o/ /tshor ba ni rnam par rtog pa'o zhes bya ba la sogs pa gsungs so/ /chos yang dag par bsdu ba'i mdo las kyang gsungs te/ tshor ba myong ba de ltar bstan pa/ /tshor ba po las
 tshor ba gzhan/ /gung na yod pa ma yin no/ /gang gis de ni tshor bar 'gyur/ /byang chub ci 'dra de bzhin du/ /zhi zhing dag la 'od gsal bar/ /tshor ba 'di la mkhas pa rnams/ /dran par de 'dra nye bar gzhag bces gsungs so/ /de lta/
 rabs na tshor ba po dang tshor ba'i rang bzhin stong pa yin la/ ci de lta bas na rten cing 'brel par 'byung ba yin la/ bya ba med pa yin zhing/ bdag po med pa sgyu ma spros pa bzhin du dmigs pa'i spyod yul du gyur pa'i lus 'di snang ngo//
 de'i phyir bde ba 'am sdug bsngal bdag gis 'gyur pa yod pa ma yin no zhes bstan pa'i phyir/ de ltar bdag med ces pa la sogs pa gsungs te/ bdag med pa la gang gis yang bdag la sogs pa'i rigs pa po med pas bdag po
 med pa'i tshogs 'di la gcig rjes su 'gro ba med pa'i phyir rten cing 'brel par 'byung ba tsam 'di la/ sgyu ma'i rang bzhin dang 'dra ba/ /dmigs pa'i spyod yul du nye bar gyur pa nyid mig 'phrul bzhin du mthong ba na/ /rmad du 'byung ba
 smra ba ni/ 'di ci gnod par bya zhes te/ 'dis ji ltar brjod pa'i rim pas myong ba po 'ga' yang med pa dang/ tshor ba yang 'ga' yang med na/ /don dam par tshor bar 'dis gang la gnod par bya ste/ sdug bsngal bar bya ba la/
 rnam par dbyed na cung zad kyang ma yin no/ /de lta bas na 'di ni phyin ci log gis rnam par rtog pa nyid kyis bde ba la sogs pa'i sgrub par byed par zhen pa yin no/ /de ltar na 'di ni tshor ba dran pa nye? bar gzhag pa bstan pa yin no/ /
 da ni sems dran pa nye bar gzhag pa bstan pa'i phyir/ yid ni dag rnams zhes pa la sogs pa gsungs te/ de la drug po'i mdza' yid kyis rnam par shes pa la rtogs par mdzad pa yin te/ 'di ltar yang gang na yid kyi rnam par shes pa 'di
 nye bar gnas par 'gyur te/ de la re zhig dbang po rnams te/ /mig la sogs pa rnams la yid gnas shing/ nye bar gnas par 'gyur ba ma yin no/ /gzugs la sogs pa'i yul rnams la yid nye bar gnas pa ma yin la/
 bar na'ang yin te dbang po dang yul gyi bar te de na yang gnas pa ma yin te/ gcig tu yang nges pa'i rang bzhin ma yin pa'i phyir ro/ /nang na yang sems min phyi min zhing zhes te/ nang ste lus kyi dbus na sems ma yin zhing/
 phyi min te phyi rol gyi lus kyi yan lag rnams la yang sems rnyed pa ma yin no/ /gzhan du yang ni rnyed ma yin zhes brjod ma thag pa'i gnas rnams las yul gzhan 'ga' zhig tu yang ma yin no/ /gang du ma rnyed ba na/ rnam par
 brtags pa thob pa ma yin no/ /de bzhin du nang du ji zhig ltar 'gyur ba yin no/ /de ltar ji ltar de dga' par byed ce na/ gang zhig lus min zhes pa la sogs pa gsungs te/ sems gang zhig lus ma yin te/ phyi rol dang nang
 gi lus la ma yin no/ /gzhan du yang ma yin te/ lus las gzhan phyi rol gyi dngos po la yang ma yin no/ /'dres min shes pa ni bya ba'i bye brag go /nang dang phyi'i bdag nyid gnyis po dang 'dres pa la yang gnas pa ma yin no//
 sems gang zhig gsum po las logs su ma yin no/ /tha dad pa yang ma yin no/ /rang dbang can yang 'ga' yang gnas pa med do/ /sems gang zhig don dam par cung zad kyang yod pa ma yin no/ /'di dngos por yod pa ma yin te/
 rtog pas brtags pa nyid yin no/ /'khor ba ji srid du sems sgyu ma dang 'dra bar rab tu snang ba yin te/ rang bzhin med pa'i phyir ro/ /de'i phyir zhes te/ rgyu des na sems dang srog rnams rang gi ngo bo nyid kyis
 mya ngan las 'das pa ma yin la/ yongs su grol ba'i rang bzhin yin zhing/ rang bzhin med pa'i mtshan nyid rang bzhin gyis mya ngan las 'das ba sems can thams cad kyi rgyud la rtag tu yod pa'i phyir ro/ /rang nyid ni bden pa ma yin yang
 yang dag pa ma yin pa'i rnam par rtog pa'i dbang gis bden par sgro btags nas nyon mongs pa'i bag chags kyis nyams par byas pa'i sems kyis rgyud rnams 'khor ba'i btson rab 'gal bar bkag pas rang dbang du 'jug pa rnams yongs su
 ma grol bar brjod de/ don dam par ni ma yin no/ /'di ltar yid rnam par dpyad kyang mig la sogs pa'i rnam par shes pa rnams dpyad pa'i ched du/ shes bya las zhes pa la sogs pa gsungs te/ 'di ltar yang shes pa ni gang
 du yang yod pa dang med pa'i dngos po gnas pa ma yin la/ 'on kyang mig la sogs pa'i tshogs pa'i rkyen las byung ba'i gzugs la sogs pa shes bya'i 'dzin pa por brjod do/ /de ltar gzhan gyi bsam pa dogs par byas nas
 rtogs par mdzad do/ /de yang shes par bya ba las sngar 'gyur ram/ shes dang dus mtshungs pa 'am/ shes bya las phyis 'gyur ba yin zhes so/ /de la gal te rnam par rtog pa dang po yin na de la gsungs pa shes bya la ste gzung bar
 bye ba'i lus las/ sbyar? te snga ma nyid du shes bya ma skyes pa nyid na gal te shes pa skyes par brjod nas/ de'i tshe de ni ci la dmigs te skyes te/ sngar shes bya dmigs pa med par ci la dmigs pas te/ ci la brten nas 'byung zhing
 skye bar 'gyur/ phyogs gnyis pa la brten te gsungs pa/ shes bya ste gzung bar bya ba'i yul dang lhan cig ste/ dus mtshungs par gal te shes pa yin na/ de ni ci la dmigs te skye bar 'gyur te/ dus mtshungs pa'i shes par bya ba
 ni rgyu ma yin pa nyid de/ dmigs pa'i ma yin pa'i phyir yul ni rgyu ma yin zhes pa'i tshig las so/ /rnam pa gsum pa khas len na/ 'on te shes bya zhes pa la sogs pa gsungs te/ 'on te zhes pa ni 'dri ba yin la/ shes
 las shes pa ni sngar gyi shes pa'o/ /phyis zhes pa ni de'i rjes la yin te/ shes bya 'gags pa'i dus la shes pa skye zhing 'byung bar 'gyur na/ de'i tshe shes pas gang las skye ste/ shes pa'i dus na shes bya 'gags pa'i phyir
 gang la dmigs nas shes par 'gyur te gang la brten nas skye bar 'gyur de lta bas na yul la sogs pa'i tshogs pa las kyang shes pa don dam par mi 'grub po/ /sems dran pa nye bar gzhag pa 'di ni dkon mchog brtsegs pa
 las ji skad du gsungs pa lta bu ste/ de 'di ltar sems yongs su tshol te/ 'dod chags par 'gyur ba 'am/ zhe sdang bar 'gyur ba 'am/ gti mug par 'gyur ba'i sems de gang yin ci 'das pa 'am/ ma 'ongs pa 'am/
 da ltar byung ba zhig yin nam/ de la sems 'das pa gang yin pa de ni zad pa'o/ /ma 'ongs pa gang yin pa de ni ma byin pa'o/ /da ltar byung ba ni gnas med do snyam mo/ /'od srungs sems ni nang na yang med/ phyi rol na yang
 med/ /gnyis ka na med pa la yang mi dmigs so/ /'od srungs sems ni dpyad du med pa/ bstan du med pa/ rten ma yin pa/ snang ba med pa/ rnam par rig pa med pa gnas pa med pa'o/ /'od srungs sems ni sangs
 rgyas thams cad kyis kyang ma gzigs/ mi gzigs/ gzigs par mi 'gyur ro/ /log par zhugs pa'i 'du shes las chos rnams 'byung ba ma gtogs par sangs rgyas thams cad kyis kyang ma gzigs/ /
 mi gzigs/ gzigs par mi 'gyur ba gang yin pa de'i rgyu bci 'dra bar rig par bya zhe na/ 'od srungs ni sgyu ma dang mtshungs te/ yang dag pa ma yin pa kun tu brtags pas skye ba rnam pa mang po yongs su 'dzin to/ /'od srungs
 'bab chu'i rgyun dang mtshungs te/ mi gnas pa skyes nas 'jig cing 'jug pa'o/ /'od srungs sems rlung dang mtshungs te/ ring du 'gro zhing bzung du med par rgyu ba'o/ /'od srungs sems ni mar me'i 'phro ba dang mtshungs te/
 rgyu dang rkyen las byung ba'o/ /'od srungs sems ni nam mkha' dang mtshungs te/ nye ba'i nyon mongs pa glo bur ba rnams kyis nye bar nyon mongs pa'o/ /'od srungs sems ni glog dang mtshungs te/ skad cig tu 'jig cing mi gnas pa'o/ /
 de bzhin du sgyur te/ 'od srungs sems ni kun tu btsal na mi rnyed do/ /gang mi rnyed pa de ni mi dmigs pa'o/ /gang mi dmigs pa de ni 'das pa yang ma yin ma 'ongs pa yang ma yin/ da ltar byung ba yang ma yin pa de ni dus
 gsum las yang dag par 'das pa'o/ /gang dus gsum las yang dag par 'das pa de ni yod pa ma yin med pa yang ma yin no zhes bya ba la sogs pa 'byung ngo/ /de ltar sems dran pa nye bar gzhag pa bstan nas/ chos
 dran pa nye bar gzhag pa bstan pa'i phyir/ brjod pa'i rim pas sbyar bar gsungs la/ de ltar na yang zhes pa la sogs pa gsungs te/ 'ang gi sgra ni kho na'i don te/ 'di ltar kho nar ji ltar brjod pa'i tshul gyis chos kun te/
 dngos po thams cad skye zhing 'byung bar rigs par bya ba ma yin te/ rtogs pa ma yin no/ /de rnams kyang nang gi rgyu las sngar ram/ dus mtshungs pa 'am/ phyi nas skye ba la skyon 'di nyid yin par ji srid par bzlog par bya'o/ /skye pa dang bral
 ba'i phyir 'gag pa yang rig pa ma yin te/ ma skyes pa las skye ba mi rigs pa'i phyir ro/ /'di nyid kyi phyir/ ma skyes pa dang ma 'gags pa'i rang bzhin nyid kyis spros pa dang bral ba'i phyir chos thams cad kyi rnam par thar pa'i sgo dang/
 chos kyi dbyings su nges pa nam mkha' i khams kyi mthas gtugs pa/ ma brtags pa/ tha snyad dang bral ba/ brjod du med pa/ brjod par bya ba ma yin pa zhes brjod do/ /de ltar chos dran ba nye bar gzhag par brjod pa chos thams cad la
 zhen pa med par skye bar 'gyur ro/ /chos thams cad dran pa nye bar gzhag pa bsgom pa yang/ 'phags pa blo gros mi zad pa'i mdo las ji skad gsungs pa lta bu ste/ byang chub sems dpa' chos la chos kyi rjes su lta zhing gnas pa gang la
 sangs rgyas kyi chos med pa dang/ gang la byang chub med pa dang/ gang la lam med pa dang/ gang la thar pa med pa dang/ gang las 'byung ba med pa med pa'i chos de gang yang mi mthong ngo/ /des chos thams cad 'byung ba shes nas
 sems can rnams la sgrib pa med par shes par bya ba'i phyir snying rje chen po'i ting nge 'dzin gyi sgo thob par 'gyur ro/ /des chos thams cad dang/ nyon mongs thams cad la yang sgyu mar 'du shes pa thob ste/ chos 'di dag ni nyon mongs
 pa med pa 'di dag ni nyon mongs pa dang bcas pa ma yin pa'o/ /de ci'i phyir zhe na/ 'di ltar de dag ni nges pa'i don gyi don la brten te nyon mongs pa'i tshogs kyang med phung por gyur pa yod med/ 'dod chags kyi dngos po yang med/ zhe sdang
 gi dngos po yang med/ gti mug gi dngos po med kyi nyon mongs pa 'di dag rtogs pa'i phyir byang chub ste/ nyon mongs pa'i ngo bo nyid gang yin pa byang chub kyi ngo bo nyid kyang de bzhin no zhes de ltar dran pa nye bar
 'jog go zhes 'byung ngo/ /de skad du yang/ gang las skye ba yod min nyid/ /de la myang 'das gang la yod/ /'gro ba sgyu mar gsal ba'i phyir/ /dang po nad zhi 'bad med par/ /gang zhig rten cing? 'brel par 'byung/ /de la khyod
 ni stong nyid bzhed/ /de bzhin du ni dam chos ste/ /de dang mtshungs pa de bzhin gshegs/ /de ni de nyid don med pa 'ang/ /de bzhin nyid kyi rdzas su bzhed/ /yang dag de ni mi bslu la/ /de rtogs pa ni sangs rgyas brjod/ ces
 gsungs so/ /de ltar chos dran pa nye bar gzhag pa bstan pas/ chos thams cad ma skyes shing ma 'gags par bstan pa yin la/ de ltar na yang kun rdzob kyi bden pa mi 'thad par 'gyur te/ de'i phyir bden pa gnyis kyis
 rnam par gzhag pa mi 'thad do zhes yongs su spang bar 'dod nas/ rgol ba nye bar dgong pa ni/ gal te de ltar zhes pa la sogs pa smos te/ gal te don dam par chos thams cad ma skyes pa dang/ ma 'gags pa'i rang
 bzhin yin na de lta na yang kun rdzob med de/ yod pa ma yin la tha snyad med par 'gyur zhing don dam pa'i bden pa gcig nyid du 'gyur ro/ /de'i phyir kun rdzob med pas na bden pa gnyis te/ kun rdzob kyi bden ba dang/ don dam pa'i
 bden pa yang ngo/ /gang brjod pa kun rdzob dang ni don dam yang/ 'di ni bden pa gnyis su bzhed ces so/ /de la bden pa gnyis pa 'di ga la yod de/ 'di ltar mi 'gyur ro/ /de med pas kyang 'jig rten pha rol du 'gro ba'i las dang bya ba'i
 'bras bu dang 'brel pa'i rang bzhin nye bar sogs pa la sogs par mi 'gyur te/ tha snyad thams cad med pa'i phyir ro/ /'on te de ltar na gal te med na yang de bzhin du/ smig rgyu la chur rtog pa nyid kyi kun rdzob kyi rang bzhin gyis rnam par rtog pa'i blos
 rnam par gzhan pa yin te/ de'i phyir bden pa gnyis 'thad pa yin no zhes dgongs pa la/ brjod pa 'on te de yang zhas? pa la sogs pa ste/ 'on te zhes pa ni 'dri ba yin la/ de yang zhes pa ni kun rdzob yin te/ gcig tu don dam pa'i bden pa
 ni ma yin no zhes pa ni yang gi don to/ /gzhan kun rdzob kyi rnam par rtog pa'i ngo bos rnam par 'jog na'o/ /yang na yang gi sgra ni nges par gzung ba dang/ rim pa tha dad pa nyid yin la/ gzhan nyid kyi kun rdzob ces sbyar bar bya'o/ /
 de ltar na gcig sgrubs na gzhan nyams par 'gyur ba yin zhes bstan pa'i phyir/ sems can mya ngan ga la 'da' zhes gsungs te/ gal te don dam par de'i rang bzhin gyis stong yang blo'i spyod yul du byas pa'i phyir kun
 rdzob tu brjod na gang zhig 'di ltar chos thams cad rang bzhin med pa'i mtshan nyid don dam pa'i bden pa mi dmigs pa'i sbyor bas rtogs nas spros pa thams cad dang bral ba'i phyir mya ngan las 'das pa thob par 'gyur na/ de yang sems
 can yongs su mya ngan las 'das pa'i phyir mya ngan las 'das pa yang kun rdzob tu 'gyur ro zhe na/ 'di la lan/ de ni gzhan sems zhes pa la sogs pa gsungs te/ gzhan ni mya ngan las 'das pa'i sems can las gzhan pa
 sems can gyi sems de'i rnam par rtog pa ni de yin te/ gang zhig mya ngan 'das pa blo'i yul du byas pa yin la/ gzhan gyi sems kyi rnam par rtog pas gzhan kun rdzob tu brjod pa ni ma yin no/ /de lta bas na gzhan gyi blo'i
 yul du byas nas yang 'di ni mya ngan las 'das pa nyid yin no/ /ci'i phyir zhe na/ gang gi phyir de ni rang gi kun rdzob yin zhes te/ snga ma las khyad par byas pa rang gi kun rdzob ste/ /gcug ma'i kun rdzob? rang
 gi rnam par rtog pas de zhes pa mya ngan las 'das pa min te/ yod pa ma yin la/ mya ngan las 'das pa nyid yin te/ 'di rang nyid ni rnam par rtog pa thams cad dang bral? ba'i phyir ro/ /de ltar na gzhan du yang gzhan kun rdzob kun
 rdzob tu ji ltar 'gyur zhe na/ phyis de des na zhes pa la sogs pa gsungs te/ 'di yod na 'dir 'gyur te/ 'di skyes pa las 'di skyes pa zhes pa ni 'di'i rkyen las byung ba tsam kun rdzob bo /de ltar na chos rnams skye ba ni phyi nas
 byung ba'i yod pa ma yin no/ /de lta bas na phyi nas nges pa'i chos gal te yod pa ma yin na de'i tshe kun rdzob yod pa nyid yin no/ /de gal te yod pa ma yin pa yin zhe na/ de'i che kun rdzob med pa nyid yin te/ nam mkha' utpal
 sngon po la sogs pa rnams rkyen 'di med pa'i phyir ro/ /'di skad brjod par 'gyur ba yin te/ gal te yang mya ngan las 'das pa'i? blo'i yul du byas na/ gzhan gyis rnam par rtog pa tsam gyis re mya ngan las 'das par mi 'gyur ba
 kho na ni ma yin te/ 'di rang gi rnam par rtog pa thams cad dang bral ba'i phyir ro/ /chags pa dang bcas pa'i sems kyis dmigs pas rang nyid kyis nyon mongs pa'i sgrib pa spangs pa'i 'dod chags dang bral ba yang 'dod chags dang bral ba
 ma yin par mi 'gyur ro/ /de lta bas na rnam par rtog pa thams cad dang bral ba'i phyir gzhan gyis kun rdzob kyi dmigs na yang rang nyid 'di don dam par mya ngan las 'das pa nyid yin no/ /de nyid kyi phyir chos thams cad rang? nyid kyis rnam par
 rtog pa dang bral ba'i phyir ma skyes pa dang/ ma 'gags pa'i rang bzhin yin pa'i phyir rang bzhin gyi mya ngan las 'das pa dang/ gdod nas zhi ba yin no zhes brjod do/ /de ltar na yang de lta bu rnams nyid las de lta bu'i chos gzhan skye ba dang 'gag par
 yang 'gyur te/ sgyu ma'i rang bzhin bzhin no/ /des na yang rang bzhin gyis rnam par tog pa'i dbang las yang dmigs pa na/ kun rdzob yin te/ dngos po'i ngo bo med pa'i phyir? ma skyes pa dang? ma 'gags par brjod de/ bong bu'i rang bzhin no/ /
 de gsungs pa/ stong pa nyid kyi chos rnams las/ /stong pa'i chos rnams 'byung bar 'gyur zhes so/ /'phags pa rgya cher rol pa las kyang gsungs pa yin te/ 'du byed mar me'i 'od ces so/ /de lta bas na don dam par skye ba dang
 'gag pa med na yang kun rdzob kyi bden pa las 'gal ba ma yin te/ thams cad 'thad pa yin no/ /gal te don dam par chos thams cad ma skyes pa dang ma 'gags pa yin na de'i tshe dngos po la shes pa med cing/ shes bya yod pa ma
 yin nam/ de lta na 'dir gang zhig gang gis 'gog par 'gyur te/ rnam par spyod pa yang med par gyur la/ de lta bas na cad mi smra bar gnas par bya'o zhe na/ rtog ces pa la sogs pa gsungs te/ rtog pa ni sgro 'dogs pa'i blo yin
 la/ ? brtags pa de des sgro btags pa yin no/ /'ang? zhes pa ni sdud pa yin te/ gnyis po 'di dag gnyi ga phan tshun rten cing yang dag par rten pa yin no/ /rtog pa la bltos nas brtags pa yin la/ brtags pa la bltos nas rtog pa
 yin te/ ji ltar 'jig rten la grags pa'i tha snyad la brten nas te gzung nas rnam par dpyod pa yin no zhes bya ba'i don to/ /thams cad brjod pa ni mdon par brjod pa'o/ /thams cad ces pa ni 'ga' zhig ma yin pa nyid do/ /rnam par dpyod pa?
 yang kun rdzob kyi bden pa ? brten nas spros nas yin la/ don dam pa'i bden pa la ma yin te/ de ni tha snyad thams cad las 'das pa'i phyir zhes pa'i don to/ /rnam par dpyod pa yang rnam par dpyad par bya
 ba bzhin du brtags pa'i rang bzhin yin pa'i phyir dpyad par bya'o zhe na/ dpyad pa po la dpyad par mi nus pa'i phyir zhes dgongs nas/ gang tshe rnam par dpyad ces pa la sogs pa gsungs te/ rnam par dpyod pas te/ yongs su
 rtog pas yang gang gi tshe rnam par dpyod pas rnam par dpyad cing/ nges par byed na de'i tshe thug pa med par te/ mi gnas par thal par 'gyur ro/ /ci'i phyir zhe na/ rnam dpyod de la yang rnam par dpyod pa'i phyir te/ gang
 zhig 'di la rnam par dpyad pa na yang rnam par dpyad pa'i don du rnam par dpyod pa nye bar byed na rnam par dpyod pa la yang rnam par dpyod pa'i rgyus so/ /rnam par dpyad par bya ba la 'di ltar dpyad na ji ltar thug
 pa med pa 'dir mi 'gyur zhe na/ /dpyad bya zhes pa la sogs pa gsungs te/ dpyad par bya ba la ste/ yongs su grtags? par bya ba la yang dngos po rnam par dpyad par byas te/ gtan la phab pa ni rnam par dpyad cing gtan la
 phab pa yang dus phyis rnam par dpyad pa'i gzhi yod pa ma yin no/ /gang la brten nas yang dpyod cing tshol ba la thug pa med pa ma yin te/ rnam par dpyad par bya ba la dpyad pas don byas pa'i phyir na yang 'dod pa med pa'i phyir ro//
 de nyid kyi phyir rnam dpyod la ni rten min te zhes te/ rten med pa'i phyir yang dpyod pa byed pa ma yin no/ /sgro 'dogs pa thams cad dgag pa byas nas dngos po'o/ /de kho na nyid yongs su shes pas bya ba byas pa'i phyir/ 'jug pa'i
 ldog ba med pa'i phyir gang la yang? re ba med pa ste/ gang la'ang 'dod pa ma yin la/ de yang mya ngan las 'das par brjod de/ tha snyad thams cad log pa'i phyir ro/ /thams cad du bya ba med pa'i phyir rang bzhin gyis zhi bas de nyid la mya ngan
 las 'das par brjod do/ /rtog pa'i yul la thams cad du nges par dpyod par byed pa yin te/ don dam par ma yin no zhes/ gang gis ltar na zhes pa la sogs pa gsungs te/ gang gi yang don dam par yod par smra pa'i gnyis po
 'di dpyod par dang dpyad par bya ba zhes pa 'di gnyi ga yang bden pa yin te/ don dam pa'i bden pa yin zhing/ kun rdzob ma yin la/ de nyid dngos po'i rang bzhin du smra pa la shin tu dka' bar gnas pa yin te/ shin tu ni ches shin tu'o/
 dka' pas gnas pa'i sdug bsngal gyi sgo nas gnas pa yin te/ dka' pa'i byed pa yin pa'i phyir ro/ /'di nyid nye bar bstan pa'i phyir/ gal te zhes pa la sogs pa smos pa yin te/ gal te shes dbang las te/ shes pa tshad
 ma'i dbang las te mthu las so/ /don te gzhal bya rnam par 'jog na/ de'i tshe yin du chug na yang/ tshad ma las gzhal yas rnam par 'jog pa zhes bya ba gang gi zlog par byed pa yin te/ 'on kyang 'dir 'di dpyad par bya ba
 yin te/ shes yod nyid la rten ci yang shes pa tshad ma la yang yod do zhes gang la nges par yod ces brjod par bya ste/ rang rig pa med pa'i phyir tshad ma bzhan tshol ba na thug pa med par thal bar 'gyur bas rten ci zhig yod de/
 brten par bya ba'o/ /de ltar na yang gal te shes pa yod pa la tshad ma gzhan tshol bar byed na thug pa med par 'gyur la/ 'on kyang gzhal bya nyid la tshad ma rnam par 'jog ste/ de rji?  ltar thug pa med par 'gyur zhes dogs nas//
 'on te zhes pa la sogs pa smos te/ 'on te zhes pa ni gzhan gyi bsam pa gsal bar byed pa yin no/ /'on te shes par bya ba ste/ gzhal bya'i dbang gis zhes pa rnam par te? gzhag byed na'o/ /
 de ltar na shes bya yod la rten ci yod ces te/ gal te shes bya'i dbang gis shes pa'i rnam gzhag byed na/ de'i tshe shes bya shes pa'o yod par bzhag pa'i rgyu mtshan du 'gyur na/ de yang tshad ma gang las grub ces 'dri
 bar byed do/ /shes bya yod pa nyid la rten cing yod ces gzhal bya grub pa'i ched du shes pa gzhan tshol ba las shes pa gzhan de yang gang las grub ces brjod par bya'o/ /de lta bas na shes par bya ba lags so zhe na/ shes
 par bya ba gang las grub pa yin te/ de grub pa la shes pa gzhan chol na yang thug pa med cing mthar thug pa med par 'gyur ro/ /de ltar gyur na yang/ gal te shes pa'am shes bya grub pa'i ched du de shes pa gzhan bltos par
 'gyur na der 'gyur te/ 'on kyang phan tshun du gcig la gcig gis grub na de'i phyir brjod pa'i nyes par thal par ji ltar 'gyur zhes gzhan gyi bsam pa sngon du song bas/ ci ste phan tshun zhes pa la sogs pa gsungs te/
 ci ste yang 'di ltar brjod par byed na phan tshun du ste/ shes pa dang shes bya yang phan tshun gyi dbang gis te/ stobs kyis shes pa dang shes par bya ba dag kyang yod pa nyid du nges pa'o zhes pa'i tha tshig go zhe na/ de de ltar
 yin na gnyi ga yang med par 'gyur te/ shes pa dang shes bya gnyi ga yang med par 'gyur la/ gcig kyang med cing grub pa med na gcig la gcig brten pa'i phyir gcig ma grub na gnyis pa yang grub par mi 'gyur ro//
 'dir rang bzhin dang mthun pa'i dpe bstan pa'i phyir/ gal te pha min zhes pa la sogs pa gsungs te/ pha ni skyed bar byed pa yin la/ gal te bu med de/ bu med par gyur na'o/ /bu skyed pa la bltos nas 'di tha snyad yin la/ de ltar na gang las bu
 'byung ba yin/ gang de gang gi phyir bu? med? pa'i phyir bskyed par bya ba'i bu 'byung zhing skye ba yod/ chi'i phyir zhe na/ bu med bar ni pha med pas zhes pa 'di ni gtan tshigs kyi tshig yin na/ /gang gi phyir bu med do yod pa ma yin na pha yod pa ni ma yin te/
 phar mi 'gyur la/ phas kyang bu bskyed par bya ba ma yin la/ de yang bu ji srid du skyed par byed pa ma yin na de srid du pha nyid du mi 'gyur te/ de srid du bu las bur 'gyur par srid pa ma yin pa'i phyir gcig la gcig brten pas na gcig med pas gzhen
 med par 'gyur ro zhes gnyi ga yang ni med par 'gyur zhes te/ bsdus pa'i don to/ /de na 'di dpe las byung ba la sbyar ba'i phyir de bzhin zhes gsungs te/ ji ltar 'di pha dang bu dper brjod pa de bzhin du shes pa dang shes bya'i gnyis po de dag yod pa
 ma yin te/ de bzhin du dngos po ma yin te/ 'di ltar yang shes par bya ba'i shes pa la shes byar brjod do/ /shes pa'i yongs su bcad par bya bas kyang shes bya yin no zhes so/ /ji srid du shes pa ma grub pa de srid du yongs su shes
 pa mi grub la/ de srid de ni yongs su bcad par bya ba nyid kyis shes par bya ba mi 'grub bas gcig la gcig rten pa nyid kyi phyir gnyi ga med par 'gyur ro zhes dgongs pa yin no/ /de ltar gyur na yang phan tshun gyi dbang gis grub po zhes
 mi smra ste 'on kyang shes bya'i 'bras bu shes pa yin la/ shes pa de las myu gu dang sa bon bzhin du shes pa drug ces gzhan gyi bsam pa dgong pa'i ched du myu gu sa bon la skye zhing zhes pa la sogs pa gsungs te/ sa bon gshogs? su?
 bu ga'i nang du chud pa'i las te/ sa bon de nyid las myu gu skyes par brjod cing go bar byed pa ji ltar yin pa de bzhin du 'dir shes bya ste/ gzhal bya lags so/ /shes pa skyes te grub pa yis so/ /de yod
 pa ste shes par bya ba de yod cing yang dag par yod pa'o/ /cis mi rtogs te/ 'dir yang sa bon dang myu gu bzhin du rgyu dang 'bras bu dngos po yod pa yin pa'i phyir ro/ /'di ni dpe dang 'dra pa ma yin zhes bstan pa'i phyir myu gu zhes pa la soD
 ba gsungs te/ myu gu ste 'bras bu las sa bon yod ces rtogs na/ de 'di nyid 'ba' zhig gi mthu ma yin te/ 'on kyang gzhan te myu gu las tha dad pa'i shes pa las de yod do zhes rtogs pa ste/ 'di ltar rung ba tsam gyis rgyu 'bras
 bus rtogs par byed pa ma yin te/ gzhan du na sa bon nyid myu gu skyed par ma gtogs pas kyang go par byed pa nyid du 'gyur/ rang gi ngo bo rtogs pa tsam gyi ma gtogs pa'i 'bras bu dang rgyu'i dngos po yang rtogs par thal bar 'gyur
 ba'i phyir te/ 'on kyang med na mi 'byung ba nyid kyi nges pa yin no/ /de'i phyir sngar rgyu dang 'bras bu dngos po rtogs pa la yang phyi nas 'ga' zhig tu sa bon las byung ba'i myu gu dmigs pa dang ldan pas sa bon du zhen pa'i bdag nyid rjes su dpag
 pa skye bar 'gyur ro/ /des sa bon yod do zhes zhen par byed do/ /de lta bas na shes pas yul du byas pa'i/ 'di ltar myu gu sa bon rtogs pa'i rgyu yin la/ shes pa yod pa nyid de/ shes pa dngos po la yod par gang las te/ gang
 gis shes par yod par rtogs par byed de/ rang rig pa med pa'i phyir dang thug ba med pa'i 'jigs pas shes pa gzhan mi 'tshol ba'i phyir ro/ /shes bya gang zhig de yis go par 'gyur ba gang las te/ shes par bya ba shes pas shes
 bya'i 'bras bu nges go zhing zhen par 'gyur/ /rang nyid ma nges pa'i rtags bsgrub bya'i go par byed pa'i rigs pa ma yin no/ /shes par byed pa'i rgyu 'di shes bya'i go par byed pa yin no/ /de lta bas na dngos po'i phyogs la shes bya dang shes bya grub bas dbyang
 par nus pa ma yin te/ brtags ba'i phyogs la ni ji ltar grags pa bzhin du tha snyad la brten nas nus pa yin no zhes nges so/ /da ni rang las ma yin gzhan las min/ /gnyis las ma yin rgyu med min/ /dngos po gang dag gang na yang/ /skyes pa nam
 yang yod ma yin/ /zhes pa'i don bsgrub pa'i don du rgyu med pa yang ma yin no zhes pa mdza' bzhi pa bsgrub pa'i don du re zhig dngos por smra pa'i 'dod pa dgag pa'i phyir/ re shig 'jig rten zhes pa la sogs pa gsungs te/ 'di ltar yang de
 rnams kyi rang dang gzhan gyis rang bzhin gyi rgyu la ma bltos pa nyid dngos po'i tshogs rnam pa sna tshogs pa skye bar 'gyur ro zhes skye bar byed do zhes brjod par byed de/ /gang gi phyir pad+ma la sogs pa rnams kyis rtsa ba dang 'dag ma dang yal ga
 dang/ ze'u 'gru la sogs pa rnams pa du ma'i khyad par tha dad pa rnam pa sna tshogs pa sems dang bral ba'i chu dang 'dam la sogs pa las skyed par mi nus so zhes so/ /sems pa dang ldan pa gzhan 'ga' zhig las de lta bus sprul pa las
 gzhol ba dmigs pa yang ma yin la/ gus par byed pa yang ma yin te/ las la mthar thug pa med pa'i phyir dang/ dus gcig tu mthar thug pa med pa'i khyad par rnams la bya ba dang ldan pa'i phyir ro/ /de lta bas na rgyu cung zad kyang
 med par 'gro ba 'di thams cad rnam pa sna tshogs par skye'o zhes pa ni de rnams kyi lugs so/ /de skad du yang/ rang bzhin smra ba de rnams kyis/ /rang nyid kyang ni rgyu ru brjod/ /thams cad rgyu la re med par/ /dngos po rnams kyi skye ba yang/
 pad+ma nyi ma ge sar sogs/ /sna tshogs gang gis byed pa yin/ /rma bya'i mdongs la sogs pa yang/ /sna tshogs gang gi sprul pa yin/ /ji ltar tsher ma la sogs pa'i/ /rno ba la sogs rgyu med ltar?/ /
 glo bur yin phyir de bzhin du/ /sdug bsngal la sogs rgyu med nyid ces brjod do/ /de la 'di ltar smra ba la ni 'jig rten gyi rtogs pa nyid kyis rgyu las nus pa med pa nyid la gnod par 'gyur ro zhes ston te/ 'jig rten pa ni skye bo thams
 cad yin la/ mngon sum gyi dbang po la brten pa'i shes pa'i yin la/ mngon sum zhes pa 'di nye bar mtshon pa yin pa'i phyir rjes su dpag pas kyang yin te/ de rtogs pa'i phyir na mngon sum dang rjes su dpag pa yin zhes pa'i tha?
 tshig go /thams cad ni rnam pa du ma yin la/ rgyu ni 'jig rten sna tshogs pa'i rgyu yin la/ mthong ba ni de'i rjes su 'gro ba dang/ ldog pa'i byed pa yang 'bras bu skyed par mthong la/ 'bras bu ni gang zhig yod na yod la/ de med
 na med par rtogs pa de ni de yi rgyu yin no zhes nges pa yin no/ /de'i phyir 'jig rten gyi rtogs pa nyid kyi rgyu'i byed pa las rgyu med ba'i dam bca' ba nyid las gnod bar byed la/ de nye bar bstan pa'i phyir/ pad+ma'i sdong po zhes pa la
 sogs pa gsungs te/ pad+ma'i sdong po la sogs pa gang yin pa de rnams te/ lo ma dang/ mdab ma dang/ yal ga dang/ ze'u 'brul la sogs pa de rnams la de skad ces brjod de/ gang gi phyir de rnams kyis khyad par sna tshogs pa
 nyid yin no/ /rgyu 'di dbye bas zhes pa'i rgyu ste rgyu'i dbye ba las khyad par skye bar gyur te 'byung bar 'gyur la/ gzhan du ni ma yin te/ nges pa med par thams cad du 'byung bar thal ba'i phyir ro/ /de'i phyir gang gis rjes su 'gro ba
 ldog pa'i rjes su byed par rtogs pa de nyid kyi 'bras bu yin te/ de gzhan las ma byung zhes khas blang bar bya ba yin no/ /de lta bas na rgyu so sor nges pa nyid las khyad par so sor nges par skye ba yin te/ de'i khyad par gyis byad bar yin pa
 phyir rgyu med pa'i ni ma yin no/ /ci ste gal te rgyu nyid la rang nyid kyi khyad par 'di grub pa yin la/ 'on kyang de nyid gang las srid par 'gyur zhes brjod par bya ste/ khyad par med pa las khyad par skye ba ma yin te/ yang rgyu med par thal?  ba'i
 phyir ro zhes pa'i dogs pa 'di spang ba'i phyir/ rgyu dbye ba gang gis zhes pa la sogs pa dogs pa song? ba smos? te/ gang gis byas zhes pa ni du zhig byas shing/ gang las byung zhes pa'o/ /rgyu'i dbye bas byas she na/ gang gis rgyu'i dbye
 ba khyad par yin no zhes brjod na'o/ /sngar gyi rgyu dbye ba nyid las so zhes te/ sngar gyi ste/ snga mi nyid las yin la/ de skyed par byed pa'i rgyu dbye ba las te/ khyad par gyi dbye ba las so/ /de'i yang rgyu snga ma gang las khyad par du 'gyur
 zhe na/ de la yang slar rgyu'i khyad bar las zhes brjod par bya ste/ de ltar phyi ma phyi ma'i khyad par 'dod pa rnams la snga ma snga ma'i khyad par las zhes lan brjod par bya la/ thug pa med pa mi 'dod pa cung zad du yang 'gyur ba ma yin
 te/ 'khor ba la thog ma med pa'i sngon gyi mdza' shes par 'gyur ba ma yin zhes khas blangs pa'i phyir ro/ /de nyid kyi phyir na 'bras bu phyin ci log pa yang rang las ma yin no zhes bstan ba'i ched du gzhan gyi dogs pa ci'i phyir zhes
 pa la sogs pa slong ba smos te/ rgyu gang las 'bras bu skyed pa'i khyad par 'bras bu 'byin pa'i mthu ste rgyu yin zhe na/ sngar gyi rgyu'i mthu las yin te/ sngar gyi de skyed par byed pa'i rgyu las te/ mthu las so/ /gang gis na lhan cig byed
 pa'i khyad par gyis skyed pa 'bras bu skyes pa'i yon tan gyi khyad par phan tshun yongs su gyur pa'i lhag par gyur pa ni gegs dang ma tshad ba mi srid na/ de lta bu'i rnam ba nyid kyis 'bras bu skyed par byed do/ /de lta bas
 na phyin ci ma log pa'i 'bras bu skyed par yang rang gi rgyu'i nus pas skyed pa nyid yin no/ /des na mngon par mtho ba dang nges par legs ba'i sgrub par byed pa'i rgyu las gong ma ji lta ba bzhin du mngon par mtho ba dang nges par legs bas 'bras bu
 skye bar 'gyur ro/ /de phyin ci log pa la'ang phyin ci log pa yin no zhes pa brgya la yang phyin ci log pa ma yin no/ /'di yang nges par rang bzhin du smra ba rgyu dang bcas par mi 'dod na yang khas blang bar bya ste/ gzhan du na gtan? tshigs med
 par dngos po rnams kyi rgyu med par dam 'cha' ba ji ltar grub par 'gyur te/ dam bcas pa tsam gyis deng du zhig gis kyang 'dzin pa ma yin pa'i phyir ro/ /gtan tshigs kyi byed pa yis de sgrub par byed pas rang nyid kyis slar yang rgyu dang bcas
 pa nyid du khas blangs pa'i phyir mo gsham yang yin la/ bdag gi ma yang yin no zhes smra ba bzhin du dam bcas pa la rang gi tshig gis gnod par 'gyur te/ de'i phyir ngos gnyis kyis thag pa'i zhags pa bzhin du dogs par sdug pa
 'di chung ba yin no/ /de skad du yang/ rgyu ni med ces brjod pa gtan tshigs dang ldan par/ dam bcas rang nyid kyis ni bsal ba ma yin nam/ 'on te gtan tshigs brjod la le lor gyur na ni/ dam bca' 'ba' zhig gis ni 'di
 la ci zhig 'gyur zhes gsungs so/ /de lta bas na 'di lta ba dan bas sprul pa nyid yin te/ /tshad mas gnod pa'i phyir ro/ /de ltar na rang bzhin du smra ba bsal nas/ rnam pa gnyis pa bsgrub pa'i ched nyid du dbang phyug 'gro ba'i rgyu
 yin pa nyid du bstan pa'i ched du de slong bar byed bas/ dbang phyug ces pa la sogs pa smos te/ dbang phyug rgyur smra bas kyang rang bzhin du byed pa'i 'dod pa sun phyud ba thos nas khur byed gog par bsams nas/ khyad par brjod pa'i ched du khyed rnams kyis
 grogs nyid byas pa yin te zhes smras te/ rgyu med par 'gro ba rnam pa sna tshogs su 'byung ba ma yin te/ yul la sogs pa nges pa med par thal ba'i phyir la/ sems pa med ga 'ba' zhig gis chu dang 'dam la sogs pa 'di rnams kyis rnam pa sna tshogs
 pa nus pa ma yin te/ zhes pa 'di brjod pa ni rigs pa yin/ de la bcom ldan 'das rnam pa sna tshogs pa sprul pa la mkhas pa 'gro ba'i ded dpon gcig pu/ 'gro ba mdza' dag gi dang por gyur ba rtag pa'i bdag nyid kyis rnam pa thams cad du nyams pa
 med pa'i nus pa'i mthu dang ldan pas dngos po thams cad kyi rgyu dang 'bras bu'i dngos po la sogs pa de nyid mkhyen pa dbang phyug gi che ba'i bdag nyid/ tshu rol mthong ba'i mdza' dag gi spyod yul ma yin pa'i rgyu des na g.yo ba dang mi g.yo ba 'di mdza' dag rgyu dang
 bcas pa'i 'gro ba zhes sems dang bcas pa las gzhan du smra bar nus zhes rigs pa can la soD bas khyim du 'gro bas dbang phyug 'gro ba'i rgyu yin na zhes smra bar byed do/ /dbang phyug ces pa ni bde byed du grags pa yin la de nyid 'gro bas te/ sna
 tshogs rgyu yin la 'byin pa dang gnas pa dang 'jig par byed pa'i rgyu yin no/ /de lta bas na sna tshogs ma lus pa 'di nyid skye bar 'gyur la/ gzhan du na sems med ba rgyu yin pa'i phyir ri dang chu klung dang sa gzhi dang rgya mtsho la sogs pa skye ba la brten
 pa ji ltar 'gyur/ sems? dang ldan pas byin gyis brlabs pa las slar yang 'di rnams skyed par nus pa yin te/ de'i byed pa nyid kyi sgrub par byed pa'i phyir ro/ /de skad du yang/ skyed ldan gzhan pa thams cad kyi/ /dbang phyug rgyu ru brjod
 par byed/ /ri la sogs pa sems med pas ni rang 'bras la/ /rang nyid kyi ni brtson nus min/ /dbang phyug rdza mkhan bzhin du sna tshogs sbrul ba byed par ma gyur na/ /ri rab 'di mi 'grub cing sa gzhi 'di min rgya mtsho ma
 yin nyid/ /nyi zla gza' skar ldan 'dir 'gong pa mig yul 'di dag tu mi 'gyur/ /yod pa'i phyir na dbang phyug 'gro ba'i byed pa yin zhes 'ga' zhig smra/ zhes brjod do/ /de lta bas na 'gro ba nyid sems pa med pa nyid dang/ sna tshogs pa'i dngos
 po'i rgyu dbang phyug yin no zhes bdag nyid brjod do zhe na/ 'di la brjod par bya ste/ 'dis rang gi khyim du brtags pa'i gzhal yas dgod pa dang/ tshig gis dgong ba spros pa'i tshogs kyis 'di ltar brjod pa la yang rang gis grub pa'i mdza' 
 la mngon par zhen pa'i blo gros rtul po rnams la dga' bar byed pa yin la/ tshad ma dang bal ba la mkhas pa rnams la dga' ba skye ba yin no/ /'di ltar yang 'di gal te snying rje dang ldan pa yin na yang ci'i phyir srog chags rnams la
 dmyal ba la sogs pa rnams su gdung bar byed / de ltar gyur na yang snying rje dang ldan pa nyid dang pas rtogs par bya ba nyid du 'gyur ro/ /rang gis byas ba'i dam pa ma yin pa'i las kyi 'bras bu nye bar longs spyod pas de la gtod pa dang/
 sel ba la gang zhig 'jug par 'gyur ba ji ltar snying rje med par 'gyur zhe na/ gang gi mi 'dod pa'i 'bras bu myong ba 'di'i las snying rje dang ldan pas mi byed par 'gyur par ji ltar mi byed/ de la yang de'i bya ba ldan pa'i phyir la skye ba dang
 ldan pa thams cad kyi rgyu mtshan yin pa'i phyir ro/ /gzhan yang de la bya ba byed pa ma yin na las de'i 'brs bu la longs spyod pa yin nam ma yin / gal te phyogs dang po yin na de skad du/ rang gi bde ba sdug bsngal lo/ /mi shes
 skye pa dang dbang min/ /mtho ris dang ni g.yangs ru/ /dbang phyug gis bskul 'gro bar 'gyur/ /zhes brjod pa der ji ltar 'gyur/ 'bras bu thams cad la yang de'i byed pa khas blangs pa la 'di nyid kis ma nges par thal bar 'gyur ro/ /'on te
 phyogs gnyis pa yin na de'i tshe 'di snying rje dang ldan pa yin na/ /gal te 'bad pas grogs nyid du gang rtogs par byed na/ de la btang snyoms ci'i phyir bsgoms par mi byed/ 'on te byas pa'i las chud zos bar 'gyur ba'i phyir nges pa nges
 de'i 'bras bu myong bar bya zhes de longs spyod pa'i ched du byed pa yin zhe na/ / yang 'di la bya ba mi byed na des bar nges ji ltar nyams su myong bar bya ste / tshogs pa dang bral ba'i phyir ro/ /yang 'di ltar chud zos na yang nyes pa ji
 ltar 'gyur te/ 'bad pa nyid kyis snying rje can de 'grub par rigs pa yin te/ 'di ltar yang de 'dod pas 'jug pa nyid kyis de ma smin pa'i phyir te/ /des na dbang phyug gis bstan pa nyid du de la 'gyur ro/ /'on te sems can
 rnams kyi las nges bskul ba de yang snying rje dang ldan pas gnas par nus pa ma yin no zhe na/ kye ma dbang phyug rang nyid kyis 'di ltar gzhan du ched gsal bar 'gyur na 'ga' zhig las kyis yang dag par grangs pa'i bdag nyid dbang
 du gyur ba'i thob bar ma gyur pa'i 'di ltar dbang phyug las kyang las nyid nus pa tshan po dang ldan pa nyid du gsal bar byas par 'gyur ro/ /gang zhig stobs kyis yang dag par 'dren pa na dbang phyug chen po yang gnas par mi nas te/
 des na lhur len pa nyid rten par gyis shig / de lta bas na 'di ni nyams pa led pa nyid de/ skyed pa po yang gang rnams la nus med las bden la phyag 'tshal zhes pas bsten par bya'o/ /'on te snying rje can ma yin na de'i tshe 'di 'dod
 chags dang bral pa yin nam/ /'dod chags dang bcas pa yin/ /gal te rnam par rtog pa dang po yin na de'i tsheg la te yang snying rje dang bral ba'i phyir 'gro ba la bde ba ster bar mi byed cing sdug bsngal ba ci'i
 phyir skyed par byed ces brjod par bya'o/ /sdug bsngal yang 'dod chags la sogs pa'i dbang gis 'ga' zhig la gtong par byed pa yin la/ /de yang 'di la med la/ /ji ltar na rgyu med pa nyid du 'gro ba'i sdug bsngal bar byed//
 rol pa'i don du sdug bsngal bar byed do zhe na/ rol pa'i don du 'dod chags dang bral ba 'brug pas 'di nges par 'dod chags dang bral ba yin te / 'dod chags la sogs pa dang ldan pa'i dbang po thul ba rnams kyang rol pa'i don
 du 'jug pa ma mthong na/ chags pa dang bral ba 'di ci'i phyir yang 'jug par 'gyur/ /sha za gtum po la sogs pa ma yin pa gzhan gyis gzhan sdug bsngal bas rol pa yang srid pa ma yin no/ /'on te 'dod chags dang ma bral
 ba'i phyogs yin na de'i tshe skye bo gzhan dang thun mong bar yod na/ ji ltar dbang phyug ma yin par mi rigs te/ 'dod chags la sogs pa'i nyon mongs pa'i zhabs pa'i dbang du gyur pas 'jug pa'i 'gro ba dbang phyug ma yin pa'i phyir rog
 gzhan du na de'i tshe de lta bu dang mtshungs pa gzhan de yang thal bar 'gyur ba'i phyir ro/ /'khor ba'i btson rar bcings pa dang rang dbang can ma yin pa la de las gzhan bzhin du rnaM pa sna tshogs pa sprul pa la mkhas par rigs pa yang
 ma yin no/ /gang zhig rnam pa 'di lta bu yang ji srid du dbang phyug tu khas len pa yod pa de ltar de nyid kyi khyed bslu bar 'gyur ro/ /de lta bu'i byed pa por gyur na 'gyur ba yang yin no/ /de lta na yang 'di'i rang bzhin du gnas pa
 pa 'am rang bzhin gnas pa ma yin pa yin/ gal te rang bzhin du gnas pa yin na ci'i phyir 'gro ba don med par sdug bsngal par byed/ rang bzhin du gnas pa ni gnod par byed pa med par skye bo sdug bsngal bar byed pa ma mthong ngo/ /'on te leg pa'i
 lam du 'gro ba nyid na gnod pa byas kyang gdung par byed pa yin no zhe na/ / log pa'i lam du 'gro bar yang 'di nyid kyis byed pa yin la/ /de ltar gyur par yang byas nas gdung par byed pa de ni 'jig rten gyi dbang phyug rten pa bas kyang shin tu yang smad pa yin no//
 de rnams kyis rang nyid kyis nyes pa byas pa nyid kyis nyes pa po la chad pa ? las byed do/ /slar yang 'di mi rang nyid kyis byed du bcug pas na khyad par che'o/ /'on te rang bzhin du mi gnas pa yin na de'i cho mtho ris dang thar ba don du gnyer ba'i rtog pa dang
 ldan pa rnams kyis de brten pa la 'jug pa legs pa yin te / smyon pa brten pa ni smyon pa las gzhan gyi byed pa rigs pa ma yin no/ /'di ltar yang mtho ris la sogs pa'i 'bras bu 'dod pas rtog pa dang ldan pa rnams rab tu 'jug par byed da? /
 de yang yongs su ma nges pa'i rang bzhin yin pas de las kyang 'byung ba ma yin no/ /de brten pa'i phyin ci log kyang srid pa yin no/ /de ster ba la 'jug pas dang pa brtan pa'i dbang gis smyon pa de la brten pas bdag nyid kyang smyon pa nyid du ston
 pa yin no/ /gzhan du na de bsten pa la ji ltar 'jug par 'gyur/ /de la smyon pa gzhan gyis nyes pa ci zhig byas te / gang gis na nges brten par mi byed/ de rnams ni nus pa khyad par can dang bral ba'i phyir ro zhe na/ skabs su
 bab ba la yang khyad par du gyur pa'i nus pa mthong ba yang ma yin no/ /'gro ba thams cad khyad par du nus pa'i smyon pa las gzhan gyis smra bar rigs pa ma yin no/ /de la 'di shin tu rnam par dpyad pa na 'ga' zhig tu gnas
 pa'i rnyed pa ma yin no/ /de bas na blo gros ngan pa rnam par g.yo ba la gus pas ci zhig bya ste/ de lta bas na 'di legs par dpyad payin no/ /gang brjod pa/ bde dang sdug bsngal la ni 'byin byed med/ /gzhan
 gyis phyung zhes pa ni blo ngan yin/ /'jig rten rang gi las kyis zhags pas mdud/ /byed par 'gyur zhes nga rgyal don med yin zhes so/ /de lta bas na rgyu gzhan mthong ba las gzhan pa'i rang dbang can sems pa dang ldan pa'i byed
 pa po 'ga' yang yod pa ma yin no/ /'di nyid rgyas par bstan pa'i phyir/ grub pa'i mdza' smra bas re zhig dbang phyug gang yin smos zhes gsungs te/ /dbang phyug tu smra ba la 'dri ba yin la/ smros zhes pa ni brjod
 cig pa'o/ /gang yin zhes pa ni khyod 'dod pa'i dbang phyug go/ re zhig gi smras pa 'di brjod pa yin te/ sa la sogs pa rnams dang/ rjes su 'gro ba dang ldog pa las kyi 'bras bu mthong ba de la khyed rnams kyis dbang
 phyug tu brjod pa de gang yin la/ ma dmigs pa'i rjes su 'gro ba dang ldog pa'i bya ba dang ldan pa'i rgyu ru brtags par rigs pa ma yin te/ /shin tu thal tshes pa'i phyir ro/ /de lta bas na de n yid 'dod pas mthong ba'i rjes su
 'gro ba dang ldo pa'i khyad par nyid khas blang bar bya'/ /sa dang sa bon la sogs pa las tha dad pa gzhan rjes su 'gro ba dang ldog pa'i rjes su byed pa'i 'bras bu mthong ba ma yin no/ /de ji ltar na de'i 'bras bu la mkho ba
 rnam par gzhag/ de skad du/ gang dag yod na gang nyid 'gyur/ /de rgyu nyid du thams cad na/ /rgyu rnams thug pa med par 'gyur zhes brjod do/ /'on te sa la sogs pa'i 'byung ba rnams nyid dbang phyug yin
 no zhes gzhan gyis bsam pa len pas 'byung rnams shen zhes smos te/ gal te 'byung ba rnams te sa la sogs pa rnams dbang phyug tu brjod na/ de'i tshe khas len pa nyid yin te/ de lta mod ces ba ni 'di nyid yod du chug cing 'di la kho bo log par
 rtog pa ma yin no/ /sa la sogs pa dang 'gro ba dang ldan pa la 'bras bu mthong ba'i phyir ro/ /gcig tu ming tsam la yang mi zhig ngal te/ ming 'ga' zhig don gyis dbye ba stong pa'i ming tsam la'o/ /yang zhes pa ni nges par gzung pa'o/ /ming tsam nyid
 la 'dir rtsom pa chen pos de sgrub pa'i ched du ci'i phyir dal bar byed/ nga yis sa la sogs par brjod pa/ khyod kyis yang de nyid la 'byung ba chen po'i dbang phyug ces pa la don la khyad par cung zad kyang yod pa ma yin no/ /log par rtog pa'i
 don gyis stong pa 'di la 'bras bu cung zad kyang dmigs pa ma yin no/ /'on te don gyi khyad par yod na/ de'i tshe 'di dbang phyug nyid du rigs pa ma yin no zhes bstan pa'i phyir/ 'on kyang zhes pa la sogs pa gsungs te/ 'on kyang zhes pa'i sgras
 lhag blo gros chen po can sa la sogs pa rnams la/ khyed rnams kyi dbang phyug nyid du brtags par rigs pa ma yin te/ /de'i mtshan nyid dang mi ldan pa'i phyir ro/ /ji ltar byas pa zhe na/ ru ma ste sna tshogs pa'i rang bzhin yin la mi rtag pa
 ni 'jig pa'i dngos po yin zhing/ g.yo pa med pa ste/ shes pa nyid kyis bya ba dang bral pa yin la/ lha min te brten par bya ba'i rang bzhin ma yin la bsgom bya nyid de 'da' bar bya ba nyid yin la/ gus pa ma yin pa'i phyir ro/ /mi gtsang ba yang
 yin te btsog pa'i phyis la sogs pa rnams la yang sa la sogs par srid pa'i phyir ro/ /sa la sogs pa rnams ni sa la sogs pa'i chu dang me dang rlung gang yin pa de rnams la de skad ces brjod do/ /de dbang phyug de lta bu'i rang bzhin du mi 'gyur te/
 rnam pa drug po 'di phyin ci log yin pa'i phyir ro/ /gal te sa la sogs pa dbang phyug ma yin na 'o na nam mkha' dbang phyug yin no zhe na/ dbang phyug mkha' min zhes pa la sogs pa gsungs te/ nam mkha' 
 yang dbang phyug tu 'gyur ba ma yin no/ /ci'i phyir zhe na/ g.yo med phyir te rang bzhin dang bral ba yin pas g.yo ba med pa'i phyir te/ gzhan gyis 'dod pas kyang byed bya med pa'i phyir ro/ /'o na bdag yi no zhen bdag min te/ sngar
 bkag zin pa'i phyir la/ sngar nyid du bkag pa'i phyir rang bzhin med pa yin te/ 'di ri bong gi rwa dang 'dra ba'o/ /'on te de ltar na yang brtag par bya ba ma yin na che ba'i bdag nyid las 'di tshu rol mthong bas 'di 'di ltar yin no
 zhes de'i rang bzhin rnam par dbye bar mi nus so zhe na/ bsam min pa'i zhes pa la sogs pa gsungs te/ gal te 'di bsam pa las 'das pa'i bdag nyid chen po yin na/ de'i tshe bsam pa yin pa yang bsam pa'i lam
 las shin tu 'das pa'i dbang phyug byed pa po ste/ dus gcig tu skyed par byed pa yang bsam min pa ste/ dpyad par bya ba ma yin pas brjod pas ci zhig bya ste/ /brjod pa ci dgos 'di byed pa po nyid kyang bsam gyis mi khyad pa
 yin pa'i phyir brjod par rigs pa ma yin no/ /de ltar yin mong 'di shin tu mtshon par dka' ba'i rang bzhin yin pa'i phyir bsam par nus pa ma yin la/ /'bras bu de ni skye ba po thams cad kyi thun mong du rtogs pa'i phyir bsam
 gyis mi khyab pa yin no zhes smra ba'i dbang du byas nas/ nges skyed cing sa la sogs pa gsungs te/ /de'i 'bras bu bsam gyis khyab par yin du chug mong/ /de ltar na yang gang gis na des skyed 'dod pa gang zhig yin zhes nye
 dbang phyug bsam gyis mi khyab che ba'i bdag nyid ngo 'bras bu ci zhig skyed cing sprul pa'i 'dod de/ mngon par 'dod pa yang yin/ gzhan gyis dogs pa dgong pa'i tshul gyis bdag yin no zhe na/ bdag nges skyed pa yin no zhes bdag 'dod
 na de 'gags par byed pa yin te/ 'di rtag pa ma yin nam/ kye 'di rtag pa ma yin te/ khyed rtag par 'dod pa yin na nges ji ltar mi byed 'gyur/ gzhan du na de rtag pa nyid nyams par 'gyur ro/ /yod cing rgyu med pa ni rtag pa yin no
 zhes pa'i mtshan nyid med par thal bar 'gyur bas so/ /gzhan la yang de'i skyed pa'i bya ba ma dmigs so zhes bstan pa'i phyir 'dir/ /so sogs zhes pa la sogs pa gsungs te/ sogs pa'i sgras chu dang me dang rlung dang nam mkha' dang dus dang
 phyogs dang yid rnams gzung bar bya'o/ /de rnams kyi rang bzhin rtag pa yin te/ de yang nges byed pa ma yin te/ sa la sogs pa'i rdul phra rab rnams rtag par khas blangs pa'i phyir ro/ /rags pa'i gzugs la yang de'i bya ba 'gaD
 par 'gyur pa'i phyir ro/ /nam mkha' la sogs pa yang rtag pa yin pa'i phyir ro/ /yon tan la sogs pa yang dpyad par bya ba yin pa'i phyir ro/ /dbang phyug ces pa ni dbang phyug kyang rtag pa yin pa'i phyir 'dis bdag nyid byed
 pa'i dam yin no/ /shes pa shes bya la skyes dang zhes pa la/ shes ba yang shes bya las skyes pa'ang zhes pa ni 'khor ba ji srid kyi par du shes bya la dmigs nas rab tu 'jug pa'i phyir de yang des byed pa ma yin no/ /bde sdug
 las las yin zhes pa ni las? ni dge ba dang mi dge bas te/ ji ltar srid par bde pa dang sdug bsngal bar yang 'gyur ro/ /'dod pa dang mi 'dod pa'i rnam par smin pa las byung ba de la yang de'i bya ba yod pa ma yin no/ /de ltar yin pas na
 de yis gang zhig bskyed pa smos zhes te/ /da ni dbang phyug nges ci zhig sbrul cing spros pa yin pa smros shig / de ltar na de'i nus pa ni 'ga' zhig tu yang dmigs pa ma yin na de ji ltar 'gro pa'i skyed pa por
 brjod/ da ni thams cad thun mong ba'i skyon/ rgyu la zhes pa la sogs pa smos te/ /'di ltar yang 'gro ba'i rgyur rtag pa'am mi rtag pa 'gyur ba yin/ rtag pa nyid du de smra ba rnams kyis yongs su brtags pa yin te/ de la gal te
 rtag pa yin na rgyu ste byed pa po la thog ma yod pa ma yin no/ /de'i tshe 'bras bu la thog ma ga la yod de/ de la 'bras bu'i dang po ga las yod/ de'i 'bras bu'i bskyed par bya ba rtag tu 'jug pa'i phyir thog ma ga las 'gyur te /
 ma yin no zhes pa'i don yin la/ rtag tu nye bar gnas pa'i grub pa'i rang bzhin gyi rgyu las 'bras bu yang ste de'i bskyed par bya ba rgyun ma chad par skye bar 'gyur ro/ /de'i phyir de'i? nus pa thogs pa med pa'i 'bras bu rtag tu skye bar 'gyur ro//
 de gang gis na rtag tu mi byed de/ 'bras bu thams cad bskyed par mi phyed / de ltar na 'ga' zhig gis 'bras bu brgyal chad par gal 'gyur/ yang na gzhan du bshad par bya ste/ gal te dbang phyug 'gro ba'i byed pa po ma yin par
 'gyur na ji ltar zhig pa'i rjes la dang por chags pa'i char 'gyur zhe na/ /'di la/ rgyu la zhes pa la sogs pa gsungs te/ thog ma med pa nas 'byung ba'i 'khor ba yin la/ rgyu de las las dang nyon mongs pa la sogs pa'i
 mtshan nyid kyi thog ma ste/ sngon gyi mdza' gal te yod pa ma yin na/ 'bras bu ste sems can gyi 'jig rten dang // snod kyi 'jig rten chags pa la sogs pa'i mtshan nyid kyi thog ma dang po'i rtsom pa gang las yod de/ yod pa
 ma yin no zhes pa'i don to/ /thog ma med pa'i 'khor bar yang sems can rnams las kyi dbang gis gnas shing chags pa dang 'jig pa'i bdag nyid rnams 'jug pa'i phyir ro/ /de brjod pa nyid yin te/ bde sdug las las yin zhes pa
 'dis bstan pa yin no/ /yang na 'dir yang dbang phyug nyid las bsams nas rgyu zhes smos pa yin te/ rgyu dbang phyug la thog ma yod pa ma yin na 'jig pa'i dus na yod de'i nus pa ma nyams pa nyid kyis che ba'i bdag nyid khas blangs pa'i
 phyir 'bras bu des byas pa'i chags dang 'jig pa'i thog ma'i mtshan nyid kyi dang por ga las 'gyur/ rtag pa nyid yin pas de'i rgyu rtag tu nus pa dang ldan pa'i phyir chags pa la sogs pa yang rtag pa nyid du 'gyur ro/ /des na rtag pa
 nus pa dang ldan pa la der 'chags pa la sogs pa'i thog mar mi 'gyur ro/ /des na ji ltar 'chags pa la sogs pa la de'i bya bar 'gyur gzhan yang 'di byed pa por 'gyur na de'i tshe rtag pa yin pa'i phyir ci'i phyir rtag tu mi
 byed ces te/ 'chags pa la sogs pa ni zhes pa ni lhag ma'o/ /'di ltar yang gal te 'chags pa byed na de'i tshe de'i rgyu byed pa'i rang bzhin yin pas rtag tu de nyid byed par 'gyur ro/ /de bzhin du gnas pa dang 'jig pa yang
 brjod par bya ste/ dus gcig tu 'am 'chags pa la sogs pa'i bya ba de yir 'gyur ro/ /de nyid kyi phyir rgyu la rgyun chad pa med pas de'i 'bras bu yang rgyun mi 'chad par 'gyur te/ gzhan snga ma bzhin no/ /'on te de ltar na
 yang 'di rtag tu nus pa'i ri rang bzhin gal te yin pa lta na yang rgyu la lhan cig byed pa'i rkyen dang bral bas mi byed do zhe na / de ni gzhan la bltos pa min zhes te/ nus pa'i rang bzhin gyi rgyu'i dbang phyug de'o/ /ni zhes pa ni
 gang gi phyir te/ gzhan lhan cig byed pa'i rgyu la mi bltos te/ rtag pa nus pa'i rang bzhin gyis yod na de'i bltos pa mi rigs pa'i phyir ro/ /rtag pa nyid kyi khyad par du pogs byar med
 pa yin te/ gzhan la bltos pa zhes pa'am/ khyad par gzhan 'byung ba ni de la tha dad pa'i rang bzhin gzhan de las skyes par thar bar 'gyur ba'i phyir ro/ /khyad par las tha dad pa nyid kyis 'bras bu skyed pas de rgyu nyid
 ma yin par 'gyur ro/ /'di de'i khyad par yin no zhes pa 'brel par sems pa na ni thug pa med pa'i nyid dang 'brel pa ma grub par 'gyur ro/ /de skad du yang/ gal te bya ba cung zad cig / yod na gzhan la bltos
 'gyur na/ /dngos gang cung zad mi byed la/ /ci phyir 'ga' zhig gis bltos 'gyur zhes brjod do/ /lhan cig byed pa yod pa yin pas de lta na yang de rtag pa 'am mi rtag par 'gyur ba yin/ / re zhig gang rnams rtag pa yin na
 rdul phra rab la sogs pa de rnams yod pa'i dngos po mtshang ba mi srid do/ /de la rag las pa'i nye pa rnams te pa dang bral ba ma yin no/ /mi rtag pa rnams kyang de la rag las pas skye po'i nye ba rnams yin te/ /gang gis na lhan
 cig byed pa'i rgyu dang bral bas mi byed do zhes brjod la/ ci'i phyir na mtshang ba zhes bya ba yin/ des na 'di 'dir lan ma yin no/ /de nyid kyi phyir/ /des byas min zhes pa la sogs pa gsungs te/ des te dbang
 phyug gis so/ /ma byas pa ste skyed pa dang ldan pa'i nges ma byas pa yin la/ de nyid yod pa ma yin te/ yong pa ma yin no/ /gzhan ni 'gro ba gzhan yin no/ rgyu nges na de la rag las nas 'jug pa'i lhan cig byed pa rnams
 rtag tu nye ba rnams yin pa'i phyir rtag par byed pa po 'di bltos par ji ltar 'gyur te/ ji ltar bltos pa dang ldan pa yin/ brgyal yang 'bras bu med par mi 'gyur ro/ /de ltar na brgyal yang de la bltos pa med pa'i phyir rtag tu 'bras bu byed pa na 'gyur
 pa'i phyir ro/ /'on te de ltar gyur na yang 'du ba'i rgyu dang 'du ba ma yin pa'i rgyu dang?/ rgyu mtshan gyi rgyu yang yin te/ rgyu gsum po rnams las 'bras bu 'byung la/ de 'di'i rgyu mtshan gyi rgyu yin pas tshogs pa la bltos nas 'bras bu
 med pa na brjod pa'i thal bar 'gyur ba yod pa ma yin no zhes gzhan gyis bsams pa'i dogs pa blangs nas/ gal te bltos nas zhes pa la sogs pa gsungs te/ gal te yang 'di rtag tu 'bras bu thams cad byed par nus ba de ltar na yang/
 tshogs pa la bltos pa yin te/ tshogs pa med par yod na yang nus pa'i byed pa po 'bras bu skyed pa yod pa ma yin te/ ji ltar snam bu skyed pa la nus pa yod pa ma yin na yang snal ma dang/ bul po dang thag pa zangs la sogs pa med par
 snam bu 'byung bar yod pa ma yin la/ de bzhin du skabs su bab ba la yang 'gyur bar gal te gsungs te/ yang dbang phyug ma yin la/ gal te tshogs pa yod pas byed la de med na mi byed do/ /zhes khas blangs pa yin la/ de'i
 tshe dbang phyug rgyu du mi 'gyur te/ tshogs pa nyid las skyes pa'i phyir ro/ /de las kyang skyes pa ma yin pa'i phyir te/ de yod pa dang med pa dag las 'bras bu yod pa dang med pa mthong ba'i phyir ro/ /dbang phyug yod pa dang med pas ni ma
 yin la/ tshogs pa'i dus na yang de gzhan gyi ngo bos byed pa po'i ngo bo yang 'di'i sngar nyid du nus pa yin no/ /ji ltar nam zhig na byed pa rgyun chad bar 'gyur/ gang yang thag pa la sogs pa bzhin du brgya la byed pa yin no zhes
 brjod pa de yang rigs pa ma yin te/ gang gi phyir thag pa la sogs pa rnams sngar nus pa med pa nyid yin na yang phyi nas/ thag bzangs la sogs pa'i tshogs pa rnyed pa las sngar med pa'i tshogs pa rnyed pa
 thob pas snam bu la sogs pa tshogs pa 'bras bu byed pa yin no/ /gzhan du na de rnams kyang sngar de'i nus pa yod pa na de byed par thal bar 'gyur ba bzlog nus pa ma yin pas dpe bsgrubs byas stong pa yin no/ /gzhan yang
 tshogs pas skyed na yang de nyid rgyu yin te/ /de thams cad du nye ba'i rang bzhin yin pas ji ltar brgyal 'di tshogs pa dang bral ba yang yin te/ /de nyid kyi phyir 'di bstan pa'i don du/ tshogs na mi skyed dbang med cing zhes pa la
 sogs pa gsungs te/ mi byed pa la dbang pa ma yin te/ byed par mi nus pa ma yin no/ /tshogs pa ste tshogs pa'i yul la 'bras bu thams cad byed pa la nus pa dang bral ba'i phyir tshogs pa skyod pa la yang btang snyoms su
 'dug par nus pa ma yin no/ /skyed pa na yang 'di ltar tshogs pa yin no zhe na/ /de med bar ni skyed pa min zhes gsungs te/ bskyed pa la yang tshogs pa la dbang ba yin no/ /ci'i phyir zhe na/ de med pa'i phyir te/ de'i tshogs
 pa med pas med pa'i phyir ro/ /med pa'i rang bzhin la mo gsham gyi bu bzhin du byed pa'i nus pa cung zad kyang yod pa ma yin te/ rang bzhin med pa'i phyir ro/ /gang 'chad par 'gyur pa/ bye ba brgya phrag rgyu yis kyang/ /dngos
 po med la rgyud med ces so/ /tshogs pa yod pa ? byed pa yod bar gyur du tshug? pa de lta na yang ci tshogs pa'i stobs kyis rang nyid mi 'dod kyang drangs nas byed pa yin nam/ 'on te 'dod nas yin zhes rnam par rtag pa yin te/ de la
 dang po'i rnam par rtog pa'i dogs pa ni/ dbang phyug mi 'dod bzhin zhes pa la sogs pa gsungs te/ mi 'dod bzhin du ste 'dod pa ma yin pa dbang phyug tu 'dod na'o/ /'bras bu byed cing bsgrub pa yin la/ gzhan gyi dbang du thal te gzhan la rag
 las shing gzhan gyi dbang du thal te yongs su thal ba yin no/ /tshogs pa'i dbang gis mi 'dod na yang byed pa ni de'i dbang du thal bar 'gyur ro/ /gzhan gyi dbang du myong ba yang ma yin te/ dbang phyug nyid dor bar thal bar 'gyur ba'i phyir ro/ /rnam
 par rtog pa gnyis pa'i dbang du byas te gsungs pa/ 'dod na'ang 'dod la rag las 'gyur zhes so// 'on te 'dod nas byed do zhes pa'i phyogs khas len na de'i tshe yang 'dod la rog las par 'gyur te/ 'dod pa yod pa na 'bras bu
 byed pa yod pa'i phyir la/ de la bltos pa yod pa'i phyir ro/ /de'i phyir byed na/ dbang phyug gang la yin te/ 'di ltar byed cing 'bras bu sgrub par byed pa yin na de ji ltar dbang phyug yin te / gang las dbang phyug yin/ 'dis ni gang
 brjod pa 'ga' zhig gis blo dang ldan pa yin pa'i phyir dbang phyug la nyes pa 'ang med la/ blo yis stong pa la ni rang nyid yod pa tsam gyis bskyed par bya bar mi ma yin pa nyid kyis 'bras bu byed la/ blo dang ldan pa la ni byed pa la dbang ba la yang mi 'dod na
 byed pa ma yin te/ da'i phyir 'di ? ci'i phyir brgal zhing rtag par byed ces pa de yang bsal ba yin no/ /de ltar yang 'dod pa de ni rang nyid yod pa tsam rgyu mtshan yin pa ci'i phyir ma byed/ /de lta bas na klan ka de nyid mo na gnas so/ /gzhan
 yar gal te lhan cig byed pa'i rgyu ma yin na ci'i phyir de rnams dang ? bas mi byed/ lhan cig byed pa'i rgyu dang bral na yang 'bras bu byed pa la thams cad du de dbang du gyur pa'i phyir ro/ /lhan cig byed pas yin no zhe na / de ltan yang
 de yod pas kyang 'bras bu thams cad ci'i phyir mi byed/ lhan cig byed pa'i rgyu tshang bas nus pa'i phyir 'ba' zhig pa nus pa med pa ni byed pa po ma yin nam zhe na/ de la 'di ci gzhan gyi ngo bos byed pa po yin nam
 de bzhin du yin no zhe na/ byed pa po ma yin pa nyid yin te/ byed pa po zhes bya ba ni rang gi ngo bos mi byed pa ma yin no/ /rang gi ngo bo 'di yang gnyug ma'i nus pa sgra'i brjod bya yin te/ 'bras bu la mkho ba yin no/ /zhe na dgos pa mang pa
 yin te/ da ni glo bur ba'i nus pa med pa rnams la bltos pas so/ /nus pa yod pa 'di yang rang bzhin gyis lhan cig byed pa'i rgyu dang nye ba ma yin na byed pa po ma yin no zhe na/ ma yang yin la rang bzhin gyis mo gsham yang yin
 no zhes pa 'di yang 'di ltar lha rnams dga' bar brjod par bya ste / de'i phyir re zhig gzhog/ /mi rtag pa yin par yang rgol ba de rnams 'dod pa ma yin no/ /de ltar yod na yang gzhan mthun mong pa'i rang bzhin ni ji ltar dbang
 phyug nyid yin/ de ltar na 'gro ba sna tshogs pa dbang phyug gis 'bras bu ma yin no zhes grub pa yin no/ /gal te blo dang ldan pa'i 'gro ba'i byed pa po ma yin na 'on kyang 'gro ba rdul phra rab kyi phung po'i rang bzhin rdul phra rab
 gnyis pa la sogs pa'i rim pas sa dang shing dang ri lo sog pa'i don du 'gyur ro zhes gang dag ces pa la sogs smos te /gang dag dpyod pa la sogs pa'i rgol ba rnams rdul phra rab rnams rtag pa yin te rdul phra mo rnams so//
 smra ba ni 'gro ba sna tshogs ba'i rgyu zhes smras pa'o/ /rgol ba de dag kyang sngar cha shas yang rdul du phye ba yis zhes pa la sogs pas rdul phra rab dpyod pa'i dus su de bkag pas bzlog pa'i yin te/ /bsal ba yin no/ /de'i phyir
 rtag ba'i rdul phra rab kyis rang bzhin yang 'gro ba 'di'i rgyu ma yin /de ltar de dbang phyug rgyu yin pa dang bar skabs su tshigs su bcad pa phyed kyis rdul phra rab rtag pa'i rang bzhin yang 'gro ba'i rgyu yin pa gsal te/ rnam pa bzhi pa de nyid bsgrub
 pa'i ched du gtso bo yongs su gyur pa'o/ /rang bzhin bsal bar 'dod pas grangs can gyi 'dod pa dgod pa'i phyir/ grangs can zhes pa la sogs pa gsungs te/ grangs can ni ser skya ste/ gtso bo ni rang bzhin zhes mi gzhan gzung ba yin la/
 'dod pa ni sems pa'o/ /rtag pa ni 'jig rten pa'i rgyu yin te / de yang rtag pa mi 'jig pa'i rang bzhin no/ /'jig rten te g.yo ba dang mi g.yo ba'i 'gro ba thams cad yin la/ rgyu ni yongs su gyur pa'i ngo bos rgyu ru 'dod do//
 gtso bo zhes bya ba 'di ci zhig ce na/ snying stobs zhes pa la sogs pa gsungs te/ snying stobs rdul dang mun pa zhes pa ni yon tan gsum po 'di mnyam par gnas pa rnams mnyam par gnas pa'i gnas skabs thob pa na gtso bo zhes
 brjod do/ /gtso bo zhes par smras so/ /'di rnams re zhig rang bzhin gyi gnas skabs yin la/ mi mnyam 'gro bar brjod la/ mi mnam par gnas pa thob pas yang yon tan 'di rnams 'gro bas brjod la/ sna tshogs shing rnam
 pa sna tshogs par yongs su gyur ba brjod do/ /'di ltar de rnams kyi lo rgyus ni gang gi tshe skyes bu yul la longs spyod pa'i rnam par 'dod pa skye ba de'i tshe skyes bu'i 'dod pa rang bzhin gyis yongs su shes nas/ skyes bu dang spyod bar byed do/ /
 de'i tshe yang sgral sogs pa 'byin pa'i ngo bos yongs su gyur pas nye bar 'gyur ro/ /de'i tshe rim pa ni 'di yin te/ /rang bzhin las ni chen po de las ni/ /ngar 'dzin de las tshogs ni bcu drug yin/ /bcu drug po yi nang nas lnga po
 rnams/ /de las kyang ni 'byung ba lnga rnams yin/ /'di'i don ni 'di yin te/ /rang bzhin las chen po ni gtso bo las chen po yin la/ chen po zhes pa ni glo bur du brjod pa yin no/ /de las zhes te chen po las
 ngar 'dzin pa yin te/ dar zhes pa'i shes pa'o/ /dar 'dzin pa de las tshogs bcu drug yin no/ /tshogs bcu drug ces pa ni dbang po bcu gcig dang de tsam lnga rnams yin te/ de la las kyi dbang po lnga po ni kha dang rkang pa dang lag pa
 dang gci ba dang bshad pa'i lam rnams so/ /blo'i dbang po lnga ni rna ba dang lus dang mig dang lce dang sna'o/ /gnyi ga'i bdag nyid ni yid yin te 'di ltar bcu gcig tu 'gyur ro/ /yang de tsam lnga ni sgra dang reg bya dang gzugs dang ro dang
 dri'o/ /lnga po rnams las 'byung ba lnga rnams ni sgra la sogs pa lnga rnams du 'gyur te 'byung ba lnga rnams ni nam mkha' dang rlung dang me dang chu dang sar grags pa rnams so/ /dang po'i rang bzhin ni rgyu nyid yin te 'bras bu ma yin no/ /chen po dang dar
 'dzin pa dang sgra la sogs pa lnga ni 'bras bu yang yin la rgyu yang yin no/ /dbang po bcu gcig po rnams dang/ nam mkha' la sogs pa lnga po rnams 'bras bu nyid yin la rgyu ni ma yin no/ /skyes bu ni yang gnyi ga'i rang bzhin spangs pa yin
 no/ /gang brjod pa rtsa ba'i rang bzhin la ni 'gyur ba med/ chen sogs bdun bo rgyu dang 'gyur ba yin/ /bcu drug po ni rnam par 'gyur ba ste/ /skyes bu rang bzhin ma yin rnam 'gyur min zhes so/ /gtso bo de yang 'bras bu ma lus
 pa nas pa'i rang bzhin nyid yon tan gsum gyi rang bzhin kho nas 'bras bu sgrub par byed pa yin te/ /gzhan du na ji ltar de la yod pa ma yin pa 'bras bu sna tshogs pa'i gzugs skyed par byed/ de skad du yang ma lus nus pa'i tshogs
 rnams kyis rang bzhin 'ga' zhig kho na las/ /'bras bu'i khyad par 'jug pa ni/ /dngos su de yi rang bzhin no/ /gal te rgyu yi bdag nyid la/ /nus pa'i ngo bor 'bras med na/ /de nyid byed par nus yin te/ /med phyir nam mkha' i pad+ma bzhin
 zhes so/ /'di ltar gtso bo la nges pa kho nar 'bras bu'i gzugs kyis 'gro ba 'jug pa dang ldog pa byed do zhes ser skya zer ro/ /'di ltar de dag thams cad nam mkha' la mngon par spras pa'i ri mo bzhin du snang ba yin zhes bsams nas
 grub pa'i mdza' smra bas sun dbyung par bzhed nas/ gcig la zhes pa la sogs pa gsungs te/ gcig tu yod na rang bzhin gsum nyid ni zhes te/ rdul dang mun pa dang snying stobs yon tan gyi dbye ba gsum gyi bdag nyid rigs min
 te 'thad pa ma yin no/ /rgyu des na yon tan gsum gyi gtso bo de yod min te/ med pa yin no/ /gcig dang du ma'i rang bzhin du zhes pa 'di ni phan tshun 'gal ba yin no/ /de'i phyir de nyid sun phyung ba na de'i 'bras bu thams cad sun
 phyung bar 'gyur ro/ /ma gyur mong gcig gi rang bzhin de yon tan gsum gyi bdag nyid do/ /yon tan de'i rang bzhin gyi yod pa yin no zhe na/ /de bzhin zhes pa la sogs pa gsungs te/ de bzhin du ste gtso bo bzhin du'o/ /yon
 tan te snying stobs dang rdul ngang mun pa'i rang bzhin te yod min no/ /de yang gsum ste/ gang gi phyir yon tan de rnams kyang so sor re re la gsum ste rnam pa gsum gsum mo/ /de bzhin du thams cad yon tan gsum gyi bdag nyid
 yin no zhes smra ba la/ /so sor yang yon tan gsum gyi rang bzhin gyis yon tan gsum gyi bdag nyid thob bo/ /de bzhin du de'i yon tan yang yon tan gsum gyi bdag nyid kyis gcig gi rang bzhin yod pa ma yin no/ /gang gi che yang
 'di ltar rnam par dpyad pa na yon tan rnams yod pa ma yin la/ de'i tshe de las gyur pa'i sgra la sogs pa yang rigs pa ma yin no/ /yon tan med na zhes pa la sogs pa gsungs te/ yon tan te snying stobs
 la sogs pa rnams yin la/ med de yod pa ma yin no/ /kyang zhes pa ni nyes pa gzhan sogs pa yin te/ sgra la sogs pa ste sogs pa'i sgra smos pas reg bya la sogs pa gzung ngo/ /yod pa nyid de yod pa ni dngos po'o/ /
 shin tu ring bu ste/ rnam pa thams cad du rigs pa ma yin la/ rgyu med pa la 'bras bu yod pa nyid du mi rigs pa'i phyir ro/ /de yang 'di dag bde sogs dang ldan/ /gsal ba bsal por mthong ba yin/ /bde dang sdug
 bsngal btang snyoms so/ /rang bzhin gcig po dmigs pa las zhes brjod de/ /de yang mi rigs so zhes bstan pa'i phyir/ sems med ces pa la sogs pa gsungs te/ 'ang gi sgra ni snga ma bzhin yin te/ sems med
 ba ni bems po'i ngo bo yin pa la'o/ /gos la sogs pa sems med pa'i snam bu la sogs pa la'o/ /bde sogs kyang sems kyi bdag nyid de/ /bdag nyid gcig par srid pa'ang min te yod pa ma yin no/ /gang gi phyir
 snying stobs dang rdul dang mun pa'i bdag ni bde ba dang sdug bsngal dang btang snyoms su brjod pa yin la/ de rnams la yang yon tan yod pa ma yin la/ de ji ltar na de la bde ba la sogs par 'gyur ba yin/ /de ltar gyur na
 yang bde ba'i bdag nyid yin pa'i phyir snam bu la sogs pa rnams bar ba'i rang bzhin yin no zhes ni mi smra'i 'on kyang bde ba la sogs pa de las skyes par dogs rdzas? de dngos zhes pa la sogs pa gsungs te/ de ni bde ba la
 sogs pa yin la/ rgyu'i ngo bo ni byed pa po'i rang bzhin phyi rol du gyur pa yin par snam bu la sogs pa yang gal te 'dod na'o/ /dngos po rnams dpyad zin nam zhes te/ snam bu la sogs pa 'di rnams yan lag can gyi ngo bo yin
 la/ rdul phra rab kyi rang bzhin yang med cing/ yon tan gsum gyi bdag nyid med de/ 'di ltar dngos po rnam par dpyad cing brtags pa na rigs pas dngos po snang ba rnams kyang sgyu ma lta bu yin te/ rang bzhin med pa'i phyir ro/ /
 de la dngos po 'di ji ltar na bde ba la sogs pa'i rgyu'i ngo bor 'gyur/ gzhan yang gsal ba bde ba la sogs pa'i rang bzhin yin na snam bu la sogs pa nyid bde ba la sogs pa'i bskyed par bya bar 'gyur ro zhes khyod kyis bde/
 sogs zhes pa la sogs pa gsungs te/ snam bu yang bde ba la sogs pa nyid kyi rgyu yin te/ khyod de khyod cag la rgyu nyid du 'gyur te/ gsal ba ni bde ba la sogs pa'i rgyu yin pa'i phyir ro/ /de lta na yang de las snam sogs te/
 sogs pa'i sgras ni tsan dan gyi phreng ba la sogs pa gzung ngo/ /slar 'di phyin ci log tu dmigs pa yin no zhes snam sogs shes pa la sogs pa smos te/ sogs pa'i smras ni tsan dan la sogs pa yin la/ /bde sogs yin
 te sogs pa'i sgras sdug bsngal la sogs par 'gyur ro/ /de med phyir na ste snam bu la sogs pa med pa'i phyir ro/ /bde sogs med pa yin te/ snam bu la sogs pa'i 'bras bu yin pa'i phyir ro/ /bde ba la sogs par
 mi 'gyur ro/ /de'i rjes su 'gro ba ldog pa'i phyir bde ba la sogs de'i 'bras bu nyid yin no/ /snying stobs la sogs pa'i yon tan gyi bdag nyid yin pas gang yang bde ba la sogs pa rtag par 'dod na/ de yang yang
 dag pa ma yin no zhes bstan pa'i phyir/ bde sogs kyang zhes pa la sogs pa gsungs te/ bde ba dang sdug bsngal dang btang snyoms kyang ngo/ /kyang gi sgras ni nyes pa ltag pa brjod par 'dod pa yin no//
 rtag pa nyid ni rtag pa'i rang bzhin nyid yin la/ nam yang dmigs pa yod pa rjes su byed pa'i ma yin te/ mthong ba ma yin te/ yon tan la sogs pa med pa'i phyir la/ de rnams rtag pa la sogs par mi rigs pa'i
 phyir ro/ /gal te yang bde ba la sogs pa rnams rtag par gyur na de'i tshe rtag tu dmigs par 'gyur ro zhes bstan pa'i phyir/ bde ba'i gsal ba nyid yod na zhes te/ gal te bde ba la sogs pa rtag pa'i rang bzhin du
 gnas pa yin na/ de'i tshe ji ltar nam zhig bde ba'i rang bzhin yin pa de bzhin du nam yang zhes pa ni rtag tu de rigs par 'gyur te/ de'i rang bzhin yongs su ma dor ba'i phyir ro zhes pa ni bsdus pa'i don to/ /bde ba'i bden
 yod nyid yin na yang bden pa'i gsal pa 'ga' zhig na gyur pa'i bde ba rtag pa yin na/ myong ba ci'i phyir 'dzin ma yin te/ bde ba'i myong bar ni thams cad du ci'i phyir mi 'gyur/ thams cad du myong ba yang ma yin no//
 de lta bas na nam zhig na ma dmigs na de ni de'i tshe yod pa ma yin no zhes ji ltar rtag pa nyid du nges pa yin/ de ltar gyur na yang rtag tu gsal ba'i ngo bor gyur na nyes pa 'dir 'gyur na/ gang gis tshe yang de nyid nus pa'i ngo bo nyid kyis mi mngon
 par gyur pa'i tshe nyes pa med do zhes/ de nyid phra mo zhes pa la gsungs te/ /de nyid gsal bar gnas par byas nas dngos po la brten pas phyi nas mi dmigs pa'i dus na phra mor 'gyur ba yin te/ nyin mo'i skar ma la sogs pa//
 bzhin du mi dmigs pa'i rang bzhin la yang dag par brten pa yin no zhe na de ni rigs pa ma yin no/ /ci'i phyir zhe na/ gal te gang gi phyir regs pa gsal ba'i ngo bo rang bzhin du yod na phra ba ji ltar yin te/ de ltar mi gsal ba'i rang bzhin bde ba
 la sogs pa de rtag pa yin pas gcig pu ni du ma'i rang bzhin nyid du gcig pu mi rigs so zhes bsams pa yin no/ 'on te de lta na yang phan tshun 'gal ba dag dus gcig tu gcig la rigs pa ma yin te/ sngar gyi chos log na yang chos
 gzhan skyes pas nyes pa med do zhes/ rags pa dor nas zhes pa la sogs pa gsungs te/ rags pa mngon par gyur pa'i ngo bo dor nas so/ /yongs su bor bar gyur na mi mngon par gyur pa yin no zhe na / 'di ltar khas len pa
 na phra rags de dag mi rtag nyid ces te/ skye ba dang 'jig pa'i dbang du gyur pa'i phyir ro/ /rags pa bstan pa ma yin pa phra ba nyid du 'gyur ro/ /gyur du chug na yang rtag pa la nyams pa ci zhig yod ce na/ de bzhin dngos po thams
 cad ni zhes pa la sogs pa gsungs te/ dngos po thams cad ni de kho na nyid nyi shu rtsa lnga'i mtshan nyid yin la/ de bzhin du ste/ rags pa phra ba bzhin du mi rtag nyid du cis mi 'dod de/ ci'i phyir rjes su 'gro ba med pa nyid kyis
 'jig par khas mi len/ bsam pa ni 'di yin te/ rags pa dang phra ba dag kyang rjes su 'gro ba med pa'i 'jig pa skye ba med par mngon pa dang mi mngon pa'i dngos por rags pa ma yin no/ /gzhan du na brgya la 'ga' zhig gis ngo bos
 gnas pa'i phyir snga ma bzhin du thal bar 'gyur ro/ /de lta bas nangs par de dag rjes su 'gro ba med par 'jig pa yang dag par skye ba nyid du khas blang bar bya'o/ /de ltar na yang de dag 'di ltar gyur pa na de bzhin du gzhan yang khyad par
 med pa'i phyir 'gyur ba yin no/ /gzhan yang gal te rags pa dang phre ba dag 'jig pa dang skye bar 'dod na/ de'i bde ba la sogs pa rnams mi rtag par thal bar 'gyur te/ 'di ltar yang rags pa de bde ba la tha dad
 pa'am tha mi dad par 'gyur/ de la gal te tha dad pa yin na de'i tshe dar log na yang sngar bzhin du bde ba'i myong bar 'gyur ro/ /snam bu log na yang bum pa mi dmigs pa rigs pa ma yin te/ de ni 'di zhes 'brel pa rtog pa la thug pa med par
 thal bas so/ /'brel ba yod na yang rgyu ma yin pa log pas gzhan ldog pa yod par rigs pa ma yin te/ pa lang log pas de'i bdag po mi ldog pa bzhin no/ /bde ba'i rgyu yang de ma yin te/ / snam bu la sogs pa nyid las bde ba skyed
 pa'i phyir ro/ /de yang rgyu ma yin te/ de ni bde ba la sogs pa dang dus mnyam pa nyid kyi phyir ro/ /'on te tha dad ma yin no zhes bya ba'i phyogs min na/ /'di la brjod par bya ste/ /dags pa bde ba gzhan min zhes te/ gal te rags pa bde
 ba las gzhan te tha dad pa yin na de'i tshe 'di bde ba nyid du 'gyur ro/ /de'i tshe bde ba gsal bar mi rtag nyid yin te/ de'i rang bzhin yin pas rags pa 'gags pa na bde ba yang 'gegs pa'i phyir bde ba mi rtag pa nyid de/ /'jigs pa nyid
 du gsal te nges pa yin no/ /gal te de gyur na yang gal te rnam pa thams cad du zhig par 'gyur na/ /de'i tshe bde ba slar skye ba ? mi 'gyur te/ gtan med pa ni nam mkha' i utpal bzhin du skye bar mi rigs pa'i phyir ro zhes gzhan gyi 'dod pa dgong
 pa'i phyir/ /gal te med pa zhes pa la sogs pa smos te/ /gal te rnam pa thams cad du rgyu med pa'i bdag nyid la yod pa ma yin pa de ni skye ba ma yin te/ /dper na nam mkha' i pad+ma gzhan no/ /de bzhin du gal te gzhan yang yin pa 'gyur na des
 tshe skye ba ma yin no/ /de'i phyir med pa ni cung zad kyang skyes pa ma yin la/ gzhan med pa'i rang gzhin cung zhig skyes? ma yin no/ /ci'i phyir zhe na/ med pa'i phyir te/ yod pa ma yin pa'i phyir la/ de ltar gal te 'dod na'o/ /'di ltar gal te
 'dod na de'i tshe 'di brjod par mi bya'o zhes gsal bar zhes pa la sogs pa smos te/ gsal bar med pa yin te/ slar yod pa'i gnas skabs na yod pa ma yin pa'i gsal ba skye ba ste/ phyi nas skye bar mi 'dod kyang ste/ 'dod pa ma yin pa
 yang khyod de yod par smra ba khyod la gnas pa nyid de yod pa yin no/ /gzhan du na sngar yang da yod pa yin na phyi ma bzhin du sngar yang de dmigs par thal bar 'gyur ro/ /ji ltar gsal ba med pa skyes pa de bzhin du gal te gzhan yang yin par
 de'i tshe 'gal ba cung zad kyang yod pa ma yin no/ /gzhan yang yod pa 'bras bur smra ba la rgyu'i gnas skabs na 'bras bu yod pa'i phyir nyes pa gzhan du yang 'gyur ro zhes brjod pa'i phyir/ gal te rgyu la zhes pa la sogs pa gsungs te//
 bza' bar bya ba'i don gyis na zas yin pa/ zas za ba po mi gtsang bar 'gyur te/ btsogs pa za bar 'gyur ro/ /ji ltar zhe na/ gal te rgyu la 'bras gnas na ste/ 'bras bu gal te rgyu la yod pa'i rang bzhin na'o/ /'di ltar
 yod par smra ba la yang zas kyi 'bras bu mi gtsang ba nyid yin na de yang zas kyi gnas skabs nyid na yod pa yin no/ /de'i phyir zas za bas na de za ba'i dogs par 'gyur ro/ /gzhan yang thal bar 'gyur ba gzhan 'di yang yod pa 'bras bur
 smra ba la brjod pa'i phyir/ res kyi rin zhes pa la sogs pa gsungs te/ gal te rgyu la 'bras gnas na zhes pa dang 'brel te/ ras bal gyi sa bon te rgyu la 'byung bar 'gyur ba'i 'bras bu ras yod pa'i phyir/ ras kyi rin gyis te/ 
 de nyo ba'i rin gyis ras bal gyi sa bon nyos la ste/ gzung nas bgo bar bgyis te/ gos su gyis shig/ 'on te de ltar na gal te don dam par rgyu la 'bras bu yod pa de ltar na yang 'di kun rdzob tu ma rigs pa'i rab
 rib kyi ye shes kyi mig nyams par byas pa'i tha snyad pa'i 'jig rten mi mthong ba yin no zhes 'jig rten rmongs pas zhes pa la sogs pa gsungs te/ rmongs pa ste mi shes pas so/ /dngos po'i de kho na nyid yon na yang mi mthong ste/
 'jig rten gyis mthong ba ma yin la/ de'i phyir brjod pa'i nyes par thal bar mi 'gyur ro/ /gal te brjod do zhe na/ de kho na nyid shes pa yang gnas pa ma yin nam/ gal te yang 'jig rten bas ma mthong bas de ltar tha snyad byed pa ma yin na
 de kho na nyid shes pa la rigs pa yin te/ gang gi phyir de kho na nyid shes pa la rigs pa yin te/ gang gis phyir de kho na nyid shes pas kyang rgyu las 'bras bu yod do zhes shes pa ma yin pa'i phyir ro/ /don dam par rigs pa'i grangs
 can de yang yod pa yin te/ de nyid tha snyad pa'i skye bo thams cad pa'i thun mong du gnas pa yin la/ de rnams kyang zas za ba la sogs pa ni 'jug pa dang/ ras don du gnyer bas ras bal gyi sa bon bston par bya ba ma mthong
 ba yin no/ /'di ni 'di lan du rigs pa ma yin no zhes 'jig rten zhes pa la sogs pa gsungs te/ 'jig rten pa ste tha snyad pa'i so so'i skye bo la yang shes pa gang gis rgyul 'bras bu yod do zhes rtogs pa de yod la de
 kho na nyid shes pa 'ba' zhig la ni ma yin no/ /de ltar yang 'bras bu mthong nas rgyu la de yod do zhes de kho na nyid shes pa dang/ 'jig rten pa gnyis ga la yang thun mong du nges pa yin no/ /des 'jig rten pas rgyu gang gis
 mi mthong/ de la 'jig rten pas mi mthong ba la rgyu mtshan brjod par bya'o/ /'jig rten pa'i mthong ba tshad ma yin no zhes 'jig rten zhes pa la sogs pa gsungs te/ tshad ma nyid yin te de'i shes pa tshad ma ma yin pa nyid la gsal bar
 mthong ba yang med pa nyid do/ /gsal bar mthong bar gyur pa'i rang bzhin mthong ba de yang yod pa ma yin pa ste/ tshad ma ma yin par 'gyur ro/ /de lta bas na dngos po'i de kho na nyid kyis rnam par bzhag pa thob pa ma yin no/ /
 'di yang kho bo cag gis 'dod pa nyid yin te/ tha snyad pa'i tshad ma thams cad don dam par tshad ma ma yin pa'i phyir ro/ /de bzhin du yang khyed cag kyang kho bo cag gi phyogs su lhung ba yin no/ /de ltar yongs su gnas pa la ser skye
 grub pa'i mdza' smra ba yang nyes pa mtshungs par rgol bas/ gal te ched ma zhes pa la sogs pa gsungs te/ gal te tshad ma yang don dam par tshad mar mi 'gyur do zhes pa khyed kyi phyogs yin na/ de gzhal brdzun par mi 'gyur
 ram/ tshang ma tshad ma ma yin pa nyid yin na nges gzhal ba ste/ /tshad ma nges yongs su bcad pa brdzun zhing bden pa ma yin pa thob po/ /gzhan cir 'gyur zhe na/ de phyir de nyid du dngos rnams stong pa nyid ni 'thad pa ma yin//
 gal te tshad ma ma yin de nyid yin na/ des bcal ba yang brdzun pa yin no/ /de'i tshe gang 'di de nyid du ste/ don dam par yin la/ dngos po rnams ni chos yin te/ stong pa nyid ni chos thams cad rang bzhin med pa yin na/
 tshad ma de yis nges pa de yang 'thad ba ma yin zhing/ rigs pa ma yin te/ tshang ma thams cad kyis nye bar bstan pa yang brdzun pa yin pas so/ /chos thams cad gang na med pa de yang de dpyod pa'i tshad ma nye bar bkod pas rigs pa
 mtshungs pa yin no zhe na/ 'di lan brtags pa'i shes pa la sogs pa gsungs te/ brtags te rtog pa yis sgo btags pa'o/ /dngos po ni chos yin lam reg pa ste/ rtog pa'i blos ma gzung
 bar de'i dngos po 'dzin pa ma yin te/ dmigs pa ma yin no/ /'di ltar yang bum pa btags pa'i de bos yongs su btags nas de dang 'brel bas bum pa med pa 'jig rten pas rtogs te/ bum pa la rnam par dpyad pas
 'jig rten la grags pa nyid/ gang gi tshe cung zad kyis ngo bor mi gnas pa'i de'i tshe med pa nyid yin te/ de las phyin ci log gi ngo bo shin tu 'ga' yod pa ma yin no/ /de nyid brtag pa bstan pa'i phyir/ de phyir zhes pa la
 sogs pa gsungs te/ gang gis phyir brtags pa'i dngos po'i dbye bas dngos po med pa 'dzin pa ma yin pa de'i phyir brdzun pa'i gang le dngos po gang na med pa'i dngos po gang yin pa'o/ /de yi dngos med gsal bar brdzun/ /
 de'i ste dngos po med pa'i rang bzhin gyis dngos po med cing bral ba gsal? ste/ nges par brdzun zhing 'den pa ma yin pa yin te/ de yang yongs su brtags pa'i dngos po yin pa'i phyir ro/ /'di ltar yang dngos po dang dngos po med pa dag yongs su
 brtags pa'i ngo bo la chos thams cad rang bzhin med pa nyid kyis gnas pa yin no/ /yang 'di nyid mjug bsdu ba'i zur gyis gsal bar bstan pa'i phyir/ /des na rmi lam zhes pa la sogs pa gsungs te/ gang gi phyir na dngos po
 dang dngos po med pa brtags pa yis nye bar gzhag pa'i phyir brdzun pa'i don yin pa de lta bas na rmi lam ste/ gnyid gyis sems mnan pa'i gnas skabs su bu skyes te/ zhig pa na bu med do bzhes pa'i rnam par rtog pa ni de med pa'i rnam
 par rtog pa'o/ /ci zhig byed ce na/ de yod rnam rtog skye ba'i bgegs yin te/ /de yod na ni bu yod pa'o/ /de yod pa ni dngos po nyid do/ /de'i rnam par rtog pa ni sgro 'dogs pa yin te/ de rnams skyes shing byung ba yin la/ de bgegs
 yin te/ 'gogs par byed pa yin no/ de lta bu de nyid de yin no zhe na/ brdzun pa yin te de brtags pa yin no/ /de yod par rtog pa 'gegs pa yang brdzun yin pa/ bden pa ma yin te/ rmi lam gyi bu ni ma skyes pa dang ma 'gags pa'i
 phyir ro/ /yang na bden par mngon par 'dod pa'i bu ni nyid rmi lam du shi ba la 'od thams cad sbyar bar bya'o/ /de ltar na chos thams cad kyis skye ba dang 'gags pa rtog pas brtags par blta bar bya'o/ /'di brjod par 'gyur te/ dper
 na rmi lam ni mthong ba'i dngos po ma skyes pa dang ma 'gags pa rtogs par nye bar bstan pa'i dngos po dang dngos po med pa dag don dam par yod pa ma yin no/ /'on kyang rnam par rtogs pas tha snyad kyi yul du nye bar gyur pa rab tu snar la/
 rtog pa de yang med pa'i yul can yin pas tshad ma ma yin te/ de'i yul kyang don dam par rang bzhin med pa'i phyir ro/ /de bzhin du sad pa'i gnas skabs na dmigs pa yang dngos po dang dngos po med pa'i tha snyad kyi lam la zhugs pa dag la rnam
 snar rtog pa'i? bstan pa'i rnam par bzhag pa yin no/ /de ltar na de tshad ma ma yin pa la yang chos thams cad rang bzhin med pa mi 'gal lo zhes gang gsungs pa/ skye dang gnas dang 'jig pa yang/ /'jig rten bsam pas khyed
 kyis gsungs / ni phyir gnas ba tsam nyid du /chos rnams thams cad bstan pa yin/ /gang gi stong nyid rnam brtags pas/ /rtog pa'ang med par brjod pa'o zhes te/ thams cad 'tsham pa yin no/ /de ltar rgyur med pa'i dang
 bzhin dang/ dbang phyug dang/ gtso bos byas pa nyid kyis 'gro ba bsam pas/ rgyu med pa las kyang ma yin no zhes bya ba'i don bsgrubs nas/ mjug bsdu ba'i phyir/ de bas de ltar zhes pa la sogs pa
 gsungs te/ gang gi phyir rang bzhin la sogs pa las gyur pa'i 'bras bu cung zad kyang skye ba ma yin no/ /de'i phyir de ltar rnam par dpyad pa ste/ brjod ma thag pa'i rnam par dpyad pas so/ /'ga' yang rgyu med yod ma yin te/ rang
 gi ngo bo la sogs pa rgyu ma yin pa las skyes pa'i 'bras bu 'ga' zhig yod pa ma yin te/ med pa yin no/ /'di ni nye bar mtshon pa yin te/ skyes bu dang/ dus la sogs pas byas pa yang yod pa ma yin te/ de rnams kyang
 rgyu med pa'i phyir de'i phyir rgyu med pa yang ma yin zhes grub pa yin no/ /ci ste gal te rang bzhin dang/ dbang phyug dang/ gtso bo la sogs pa'i rgyu med pa las 'ga' zhig med pa de lta na yang mthong ba'i rgyu nyid las don dam pa skye ba yin te/ de ltar na chos
 thams cad rang bzhin med par ji ltar grub par 'gyur zhes gzhan gyi dogs pa bsu nas/ rang las ma yin gzhan las min/ /gnyis las ma yin zhes pa'i mu gsum gyi don bstan pa'i phyir/ so so 'am ni zhes pa la sogs
 pa gsungs te/ so so'am 'dus pa rnams zhes te/ so so rnams dang 'dus pa rnams la ma yin pa'i nyid de/ de la sogs pa rnams ni re rer dang dang gzhan las ma yin no/ /'dus pa rnams la'ang ma yin te/ rang dang gzhan
 gnyis po dag rkyen rnams te/ rgyu rnams la'o/ /gnas pa ste skyes pa'i ngo bos gnas cung zad kyang ma yin no/ /de la re zhig rang las dngos po rnams skye ba ma yin te/ skye ba las sngar de'i rang bzhin med pa'i phyir gang las skye bar
 'gyur/ skyes pa na yang ngo bo yod pa de yang grub pa'i phyir ci zhig skye bar 'gyur/ gzhan yang rang nyid las skye pa las skyes pa nyid slar yang skyes par 'gyur la/ de yang rigs pa ma yin no/ /byas pa la byed pa mi 'thad pa'i phyir ro /skyes pa yang skye
 ba ni sa bon la sogs pa nyid 'khor ba ji srid du 'jug pa'i phyir myu gu la sogs pa rnams brgya la yang bskyod pa la skabs yod pa yang ma yin na/ 'di khas blangs pa na yang 'jig rten pa'i nyams su myong bas grub pa ma yin te/ sa bon la sogs
 pa la myu gu la sogs pa skye ba mthong ba'i phyir ro/ /sa bon dang myu gu gcig pa ni ma yin te/ gnyis ka yang gzugs dang ro dang nus pa dang smin par byed pa tha dad pa phyir ro/ /rang gi ngo bo bskyed par bya ba yin na yang 'ga' zhig skye ba yang
 mi 'gyur te/ gcig la gcig brten pa yin pa'i phyir ro/ /'di ltar re zhig rang gi ngo bor ma gyur pa de srid du skye ba mi 'thang la/ ji srid skyes par ma gyur pa de srid du rang gi ngo bor mi 'gyur te/ de'i phyir gcig la gcig rten pa
 yin no/ /de lta bas na rang las skye ba cung zad kyang yod pa ma yin no/ /gzhan las kyang ma yin te/ gzhan las skye bar 'dod pas na sa bon gyis kyang khre'i myu gu bskyed par thal te/ /sa li dang khre dag kyang khre'i myu gu la bltos nas
 gzhan nyid du khyad par yod pa ma yin no/ /thams cad las kyang thams cad skyo bar 'gyur te/ thams cad gzhan dang gzhan du khyad por med pa'i phyir ro/ /'on te gal te gzhan yin par khyad par med kyang de lta na yang rgyu dang 'bras bu dag
 phan tshun du bskyed par bya ba dang/ skyed par byed pa'i dngos po nges pa yin pa'i phyir thams cad skye ba ma yin no zhe na/ 'bras bu ma skyes pa la yang gang gis nus pa zhes brjod par bya/ skyes pa la yang rgyu dang 'bras bu med pa'i
 phyir gang gis nus pa zhes brjod par bya/ rgyu dang 'bras bu dag dus mi mtshungs pa'i phyir bskyed par bya ba dang/ skyed par byed pa'i dngos po so sor nges pa 'ga' zhig kyang yod pha ma yin no/ /
 de nyid kyi phyir rgyun gcig tu nges pa yin par yang rigs pa ma yin te/ rgyu dang 'bras bu med par rgyun mi srid pa'i phyir te/ de skad cig ma gcig tu gnas pa yin pa'i phyir rgyun zhes bya ba ci zhig yin/ snga ma dang phyi mang skad
 cig mar 'jug pa yang rtog pas sgro btags pa yin pa'i phyir dngos por byur ba'i rgyun yod pa ma yin no/ /'dis ni 'dra ba'i nges par byed pa yang 'dir bsal ba yin te/ /de ltar na yang 'ga' zhig dang 'ga' zhig na rgyun
 du gyur pa 'am 'dra ba'am bskyed par bya ba dang skyed par byed pa'i dngos po'i nges yod ma yin te/ /bskyed par bya ba dang skyed par byed pa yang 'dir dpyad par bya ba yin pa'i phyir ji ltar 'dis de lan du 'gyur ba yin/ de lta bas na
 gzhan las kyang cung zad kyang sred pa ma yin la/ gnyi ga yang ma yin te/ so so'i phyogs la brjod pa'i phyogs nges par thal bar 'gyur ba'i phyir ro/ /so so'i gnyis po la nus pa med pa tshogs pa la yang nus pa med
 pa'i phyir ro/ /long ba gcig gis ma mthong ba'i lam mang po rnams kyis kyang mthong bar nus pa ma yin no/ /bye ma so so la mar khu 'byin pa'i nus pa med na tshogs pa la yang de'i nus pa yod par mi 'gyur te/ /de'i phyir phyogs
 gnyi ga la brjod pa der thal bar 'gyur ba'i phyir gnyi ga las kyang skye ba ma yin no/ /de ltar na rang dang gzhan dang gnyi ga las skyes ba dang/ rgyu med pa las skyes pa yang de kho na nyid du yod pa ma yin no/ /de bas na don dam yang
 ma skyes pa dang ma 'gags pa'i rang bzhin sgyu ma dang smig rgyu mtshungs pa rten cing 'brel par 'byung ba rang bzhin gyis stong pa nyid sna tshogs pa thams cad kyi ngo bor snang ngo/ /rkyen 'di pa tsam 'di pa ni 'dir kun rdzob tu 'gegs pa ma yin no/ /gang bcom
 ldan 'das kyis sa lu ljang pa'i mdo las gsungs pa yin te/ de la rten cing 'brel bar 'byung ba mthong ba ji lta bu zhe na/ 'di la bcom ldan 'das kyis sus rten cing 'brel bar 'byung brtag pa dang/ srog med pa dang/ sog dang bral ba dang/
 ji lta bu nyid dang/ ma nor ba nyid dang/ ma skyes pa dang/ ma byung ba dang/ ma byas pa dang/ 'dus ma byas pa dang/ /thogs med pa dang/ dmigs pa med pa dang/ zhi ba dang/ 'jigs pa med pa dang/ mi 'phrogs pa dang/
 rnam par 'gyur ba ma yin pa'i rang bzhin du mthong ba des chos mthong ba yin te/ gang gis tshul 'di dang 'di par chos la yang rtag pa dang/ srog med pa dang/ srog dang bral ba zhes pa la sogs pa ni snga ma bzhin no/ /ji srid du rnam
 par 'gyur pa ma yin pa'i rang bzhin du mthong ba de 'phags pa'i chos nye bar rtogs te/ /yang dag pa'i yo shes dang ldan pa'i bla na med par chos kyi sku sangs rgyas mthong ngo zhes gsungs sa/ /smras pa ci phyir rten cing 'brel par 'byung ba
 zhes bya/ smras pa/ rgyu dang bcas rkyen dang bcas pa la bya'i/ rgyu med rkyen med pa la ni ma yin te/ /snga ma bzhin du'o/ /'di ltar yang rten cing 'brel par 'byung ba 'di gnyis kyis phyir 'byung ste/ gnyis gang zhe na/ 'di lta ste/
 rgyud da 'brel pa dang/ rkyen dang 'brel pa'i phyir ro/ /de yang phyi dang nang gi rnam pa gnyis su blta'o/ /de la phyi rol gyi rten cing 'brel par 'byung ba rgyu dang 'brel pa gang zhe na/ /'di lta ste/ sa bon las myu gu/ /myu gu las 
 'dab ma/ 'dab ma las sdong bu/ sdong bu las spu? gu/ sbu gu las snying po/ snying po las me tog/ me tog las 'bras bu'o/ /sa bon med na gyu gu mi 'byung ste/ me tog med na 'bras bu'i bar du yang
 mi 'gyur ro/ /sa bon yod na myu gu mngon par 'gyur te/ de bzhin du me tog yod na 'bras bu'i bar du mngon par 'grub par 'gyur ro/ /de las sa bon ni 'di snyam du bdag gis myu gu mngon par bsgrub po snyam du yi sems so/ /spu? gu yang
 bdag ni sa bon gyis mngon par bsgrubs so snyam du mi sems so/ /de bzhin du me tog kyang 'di snyam du bdag gis 'bras bu mngon par bsgrub bo snyam du mi sems ba'i bar du ste/ 'bras bu yang 'di snyam du bdag ni me tog gis
 mngon par bsgrubs so snyam du sems med kyi/ 'on kyang sa bon yod na myu gu mngon par bsgrub cing 'byung bar 'gyur bas na de bzhin du me tog yod na 'bras bu li bar du yang mngon par 'grub cing 'byung bar 'gyur te/ de ltar phyi
 rol gyi rten cing 'brel par 'byung ba rgyu dang 'brel bar blta'o/ /phyi rol gyi rten cing 'brel par 'byung ba rkyen dang 'brel par ji ltar lta zhe na / khams drug 'dus pa'i phyir te/ khams drug po gang 'dus ba'i phyir zhe na/ 'di
 lta ste/ /sa dang chu dang me dang rlung dang nam mkha' dang / dus kyi khams rnams 'dus pa las phyi rol gyi rten cing 'brel par 'byung ba rkyen dang 'brel bar blta'o/ /de la sa'i khams ni sa bon rten pa'i bya ba byed do/ /cu'i? khams
 ni sa bon brlan pa'i bya ba byed do/ /me'i khams ni sa bon yongs su dro ba'i bya ba byed do/ /rlung gi khams ni sa bon 'bru ba'i bya ba byed do/ /nam mkha' i khams ni sa bon la mi sgrib pa'i bya ba byed do/ /dus ni sa bon 'gyur /
 ba'i bya ba byed do/ /rkyen 'di rnams med par sa bon las myu gu mngon par 'grub par mi 'gyur gyi/ nam phyi rol gyi sa'i khams ma tshang ba med par 'gyur la/ de bzhin du chu dang me dang rlung dang nam mkha' dang dus kyang ma tshang ba med par 'gyur te/
 thams cad 'dus pa la sa bon 'gag pa na de las myu gu mngon par 'grub par 'gyur ro/ /de la sa'i khams kyang 'di snyam du bdag gis sa bon brten pa'i bya ba bya'o snyam du mi sems so/ /de bzhin du chu'i khams kyang 'di snyam du
 bdag gis sa bon brlan par bya'o snyam du mi sems so/ /me'i khams kyang 'di snyam du bdag gis sa bon yongs su dro bar bya'o snyam du mi sems so/ /rlung gi khams kyang 'di snyam du bdag gis sa bon 'bu bar bya'o snyam du mi sems
 so/ /nam mkha' i khams kyang 'di snyam du bdag gis sa bon la mi sgrib pa'i bya ba bya'o snyam du mi sems so/ /dus kyang 'di snyam du bdag gis sa bon bsgyur pa'i bya ba bya'o snyam du mi sems so/ /sa bon yang 'di snyam du bdag gis
 myu gu mngon par bsgrub po snyam du mi sems so/ /myu gu yang 'di snyam du bdag ni rkyen 'di dag gis mngon par bsgrubs so snyam du mi sems mod kyi/ 'on kyang rkyen 'di dag yong la sa bon 'gag pa ni myu gu mngon par 'grub par
 'gyur ro/ de bzhin du me tog yod na 'bras bu'i bar du yang mngon par 'grub par 'gyur te/ myu gu yang bdag gis ma byas/ /gzhan gyis ma byas gnyi gas ma byas/ dbang phyug gis ma byas/ dus kyis ma bsgyur
 rang bzhin las ma byung// rgyu med pa las kyang ma skyes te/ /'on kyang sa dang chu dang me dang rlung dang/ nam mkha' dang dus kyi khams rnams 'dus pas sa bon 'gags pa na myu gu mngon par 'grub par 'gyur te/ de ltar phyi rol gyi rten cing
 'brel par 'byung brkyen dang 'brel bar blta'o/ /de ltar phyi rol gyi rten cing 'brel bar 'byung ba rnam pa lngar blta ste/ lnga gang zhe na/ rtag pa ma yin pa dang/ chad pa ma yin pa dang/ 'pho ba ma yin pa dang/ rgyu chu du las 'bras bu chen po mngon par 'grub pa
 dang/ de dang 'dra ba'i rgyu dang/ /ji ltar rtag pa ma yin zhe na/ gang gi phyir myu gu yang gzhan la sa bon yang gzhan te/ myu gu yang yin pa de nyid sa bon ma yin la/ sa bon 'gags pas myu gu 'byung ba ma yin/ ma 'gags pas kyang ma yin te/ sa bon yang
 'gags la/ de nyid kyi tshe myu gu 'byung ste/ de'i phyir rtag par ma yin no/ /ji ltar chad par ma yin zhe na/ sngon 'gags pa'i sa bon las myu gu skye ba ma yin/ ma 'gags pa las kyang ma yin gyi/ sa bon yang 'gags la/ de nyid kyi srang mda'i? mtho dman bzhin du
 myu gu skye bas chad bar ma yin no/ /ji ltar 'pho bar ma yin zhe na/ gang gi phyir myu gu yang gzhan sa bon yang gzhan la/ myu gu gang yin pa de nyid sa bon ma yin te/ de'i phyir 'pho bar ma yin no/ /sa bon chung
 du btab pa la 'bras bu chen por mngon par 'grub par 'gyur te/ de'i phyir chung du las 'bras bu chen po mngon par 'grub bo/ /sa bon ji lta bu btab pa lta bu de'i 'bras bu mngon par 'grub pa de'i phyir
 de dang 'dra ba'i rgyud du ste/ de ltar phyi rol gyi rten cing 'brel par 'byung ba rnam pa ldang blta'o/ /de bzhin du nang gi rten cing 'brel bar 'byung ba sngar phyi rgyas par bshad pa nyid kyis bstan pa yin te/ 'di yang
 sbyar par bya'o/ /'di ltar don dam par dpyad pa na kun rdzob 'gags pa ma yin pa nyid do/ /ci ste dngos pos ni gtan med pa'i dngos por 'gyur pa ni ma yin
 gyis 'on kyang rgyu dang rkyen kyi stobs kyis ma 'ongs pa'i dus las da ltar byung ba'i dus su 'gyur la/ snang yang mi rtag pa nyid kyis stobs kyis da ltar gyur pa las 'das pa'i dus su 'gyur te/ /'di ltar skye ba dang gnas pa dang 'jig par brjod
 la/ rten cing 'brel par 'byung ba yang ji lta ba bzhin du 'di ltar 'gyur ro zhes de ltar dus gsum du smra ba'i dogs pa blangs nas /gzhan nas shes pa la sogs pa gsungs te/ gzhan nas ni yul dang dus las so/ /'ongs ba ma
 yin pa ni cung zad kyang ma 'ongs pa'o/ /'gro ba yang ma yin pa ni da ltar byung po'i dus las 'gar yang 'gro ba ma yin ba'o/ /rang bzhin de gcig pu de nyid kyis gang du yang gnas pa ma yin no/ /'di ltar yang gal te ma 'ongs
 pa'i dus na da ltar byung bar 'gyur zhing da ltar byung ba las 'das pa yin no de'i tshe 'dus byas pa yang rtag par 'gyur te/ thams cad du yod pa'i phyir ro/ /mi rtag ces bya ba yod min te/ de chos rtag pa ma yin no zhes pa de ji ltar 'grub
 'on te snga ma dang phyi ma'i dus byed pas stong pas dus rnams su chos kyi khyad par yin te/ 'di ltar gang gi tshe byed pa ma 'thob pa ci bya ba mi byed pa de'i tshe ma 'ongs pa zhes brjod de/ gang gi tshe byed pa de'i tshe da ltar byung ba yin la/ gang gi tshe byas na
 ldog pa de'i tshe 'das pa ma yin pas khyad par yod pa yin no zhe na / 'di yang cung zad kyang ma yin te/ /bdag nyid de nyid kyis de'i tshe yang de yod pa'i phyir byed pa yang ci'i phyir byed par mi 'gyur zhes brjod par bya'o/ /rkyen gzhan la bltos
 pa ? rtag tu gnas pa'i ngo bo las 'thar pa ma yin no/ /byed ps sdong pa yang dngos po yin na rta'i dral? sogs pa yang de kho na nyid du thal bar 'gyur ro/ /byed pa yang ji ltar 'das pa dang ma 'ongs pa dang da ltar byung ba yang brjod par byed de/
 ci de las gzhan pa'i byed pa yod pas bam/ rang nyid kyis yin/ snga ma la ni zhugs pa med pa yin la/ phyi ma la yang chos kyang rang bzhin gyis 'das pa la sogs pa'i rnam par gzhag pa la nyams bcung zad kyang mang
 ngo/ /gal te yang ji ltar da ltar byung brdzas su yod cing/ de bzhin du 'das pa dang ma 'ongs pa yang yod na de'i tshe 'di ltar rang bzhin gyis yod pa'i chos yin par ji ltar ma skyes pa dang 'jig pa'i rang bzhin yin/ /ci 'di sngar ma byung pa gang
 med pa las skyes pa yin no zhes brjod par byed gzhan yang phyi nas med pa yin te/ gang yed pas na zhig ba zhes brjod / de nyid kyis kyang bdag nyid snga ma dang phyi ma'i dus rtag tu yod pa na / da ltar byung ba bzhin du dmigs pa la sogs par
 thal bar 'gyur ro/ de lta bas na ma byung ba'i phyir med pa'i chos 'gro ba ma yin te/ ji ltar yang dus gsum dang ldan pa'i de kho na nyid bas len pa na 'das pa la sogs pa yod pa ma yin no/ /de la 'di ni 'dir bsdu ba'i tshigs su bcad
 pa yin te/ /rang bzhin thams cad? du yang la/ /dngos po brtag par dang? mi 'dod/ /dngos las dngos min gzhan min pa/ /gsal bar dbang phyug spyod pa yin/ zhes pa'o/ /gang yang 'das pa'i las yod pa ma 'ongs pa'i 'bras bu yod do zhes mdo'i tshig las 'das pa la
 sogs pa'i dngos po brjod pa de yang rgyu dang 'bras bu la skur ba 'debs pa'i lta ba de bzlog pa'i ched du bcom ldan 'das kyis te/ 'das pa yod do ma 'ongs pa yod do zhes gsungs pa yin te/ 'das ba ni gang sar byung zhing skyes pa zhig ba lin la/
 ma 'ongs pa ni gang rgyu yod na 'byung par 'gyur ba yin la/ de ltar rgyu la sogs pa yod do zhes brjod pa yin te/ yod pa'i sgra tshig phrad yin pa'i phyir dus gsum du 'jug pa yin no/ /de'i phyir 'di 'di ltar don? dam par stong pa nyid du bcom ldan
 'das kyis gsungs pa yin te/ dge slong dag mig skye ba na gang nas kyang 'ongs pa med do/ /'gag pa na gang du yang 'gro ba med do/ /'di ltar dge slong dag mig ma byung ba las 'byung bar 'gyur zhing byung nas kyang 'gag par 'gyur ro zhes gsungs so/ /
 gal te yang mig ma 'ongs pa na yod pa yin na ma 'ongs pa las byung ba yin no zhes mi brjod par 'gyur ro/ /de lta bas na dus gsum du 'pho ba ma yin no/ /gal te yang de bzhin du gang nas 'ongs pa 'am 'gro ba zhes pa ma yin no/ /mig yod dang
 mtshungs pa de ltar 'byung ba'i dngos po rang bzhin med pa yin te/ cung zhig kyang rnam par dpyad pas mi gnas so/ /de'i tshe sgyu ma las ni khyad ci yod/ sgyu ma las de mig 'phrul mkhan gyis sprul pa'i glang po che la sogs pa'i ngo bo mig yod dang
 mtshungs pa yang rang bzhin med pa nyid du khyad par ci yod de/ / cung zad kyang yod pa ma yin no/ /'di zhes pa ni byu? dang rkyen gyis bskyed pa'i dngos po'i ngo bo yongs su snang ba'o/ /ci'i phyir khyad par med ce na/ yang 'di nyid gsal por bshad
 par bzhed pas sgyu mas zhes bya ba la sogs pa gsungs te/ sgyu ma'i sgras 'dir sgyu mas sprul pa'i sgyu ma par shes pa la sogs pa'i khyad par brjod par bya ste/ rgyu las ? bas du brtags pa'i phyir rgyu yang sgyu ma'i rang bzhin ni rtogs par bya
 ba'i phyir don dang das sprul pa yang rtogs par bya ba'i chad du sgyu ma'i rgyus sgyu ma'i rang bzhin gyis gang zhig sprul pa zhes pa'i tha tshig go /gang yang dngos po'i ngo bo rgyu rnams kyis ste/ 'jig rten las grags pa'i rgyu rnams kyis sgrub cing
 bskyed pa'o/ /yang dang rang gi sgra gnyis ni phan tshun sdud pa'i ched du'o/ /sbrul pa ni byung pa'o/ /de lta bas ni sgyu ma sbyal? ba'am/ rgyu'i sprul pa dngos pa'i rang bzhin ni gang na ste gang las so/ /gang du 'gro ba ste zhig par gyur pa na gang
 du? 'di 'gre bar 'gyur/ de'i phyir 'di ltar brtags par gyis te/ gal te de gang nas 'ongs pa 'am/ gang du 'gro bar dmigs pa zhib pa'i lta bas brtag par gyis shig/ ci ste rgyu dang rkyen gyi mthus byung ba dngos po'i ngo
 bo de'i che/ ji lta bung 'khrul bar 'gyur zhe na de nyid kyi phyir brdzun pa yin no zhes bstan pa'i phyir/ gang zhig gzhan dang zhes pa la sogs pa gsungs te/ gang zhig dngos po'i ngo bo gzhan sgyu dang rkyen nye bar mthong ba ste/ dmigs par gyur
 pa de med na min pa ste/ de las gzhan pa'i med na ma mthong ba yin te/ de gzhan la dag las nas 'jug pa yin pa'i phyir ro/ /gzugs brnyan dang mtshungs pa ni me long gi dkyil 'khor la mthong ba'i gzugs brnyan gdod pa la sogs pa dang
 'dra bas mtshungs par gyur pa gdor pa la sogs pa'i gzugs brnyan me long gi dkyil 'khor la sogs pa la nye ba na gzugs brnyan snang ba yin la/ de med na ni snang ba ma yin la/ de bzhin du dngos po'i ngo bo yang rgyu dang rkyen nye bar dang ma nye ba
 dag go /'di lta bur gyur pa'i dngos po bcos bu gzhan la rag las pas 'jug pas rang bzhin med pa la bden pa nyid de brdzun pa ma yin pa ji ltar yod de de rigs pa ma yin no/ /gzhan gyi khyad par gyi rang bzhin las bcos ma ma yin pa
 ni mi rigs so/ /de skad du gang dag rgyu las 'byung ba rnams/ /de med par ni yod min gang/ /de rnams gzugs brnyan dang mtshungs par/ /gsal bar ci yi phyir mi bzheng ces gsungs pa yin no/ /de lta bas na rgyu dang rkyen gyis
 bskyed pa ni don dam par cung zad kyang yod pa ma yin no/ /rgyu dang rkyen rnams la yang nus pa gdan yang yod pa srid pa ma yin no/ /'di ltar gzhan dang gnyi ga'i bdag nyid rgyu rnams kyi dngos po yod pa dang dngos po med pa dang gnyi
 ga'i rang bzhin byed pa de la med pa ni byed pa ma yin no zhes bstan pa'i phyir dngos po yod par zhes pa la sogs pa gsungs te/ yod pa la rgyu'i byed pa med pa'i phyir snga ma nyid du rang bzhin yod pa la rgyu yis te/ rgyu rnams kyis dgos pa ci zhig
 yod do/ 'bras bu grub pa'i bdag nyid yin pas bsgrub par bya ba'i rang bzhin med pas na rgyu'i byed pa nye bar 'khor bar ma yin pa'i phyir ro/ /brtag pa gnyis pa'i dbang du byas te/ 'on te de ni zhes bya ba la sogs pa gsungs te/ 'on
 te zhes pa ni rnam pa gzhan gsal bar byed pa yin te/ de med pa ni med pa'i rang bzhin yin no/ /'on rgyu'i dgos pa ci zhig yod do/ /de'i tshe yang ci yang yod pa ma yin te/ de yang med pa'i rang bzhin yin pa'i phyir de la rgyu'i byed pa med pa'i
 phyir ro/ /de ltar na yang gal te yang yod pa ni grub pa'i phyir rgyu'i byed pa med pas rgyu yod na yang dgos pa yod pa ma yin la / med pa la yang ci'i phyir mi 'byung zhe na/ bye ba brgya zhes bya ba la sogs pa gsungs te/ dngos po med pa
 ste/ yod pa ni ma yin pa'i rang bzhin la bsgyur du med pa yin te/ dngos po'i rang bzhin nyid la gzhan nyid yod pa ma yin la dpyad pa nyid kyis de la yang bya rgyu med pa'i phyir ro/ /bye ba brgya phrag rgyu'i kyang ste/ re zhig rgyu brgya dang/ rgyu ster
 rnams gzhag ste/ bye ba brgya'i rgyu yis kyang de rang bzhin med pa yin pas rnam par bsgyur bar mi nus pa'i phyir ro/ /rnam par 'gyur ba med du chug mong dngos po'i rang bzhin du 'ga' zhig 'di yod pa yin no zhe na/ 'di la gnas skabs
 de zhes pa la sogs pa gsungs te/ /gnas skabs de yongs su 'dor ba med pa'i rang bzhin nyid ni dngos por mi 'gyur ro/ /med pa nyid dngos por 'gyur ba ma yin te/ 'on kyang med pa'i rang bzhin log pa na dngos po'i rang bzhin du 'gyur ro//
 'dir dngos 'gyur gzhan yang gang yin zhes gsungs te/ gal te sngar med pa dngos po'i rang bzhin du mi 'gyur na 'o na gang zhig de/ med pa las gzhan med pa nyid las tha dad par gyur pa med pa yongs su
 bor nas dngos por gyur pa gang zhig yin/ gzhan cung zad kyang rtogs par gyur pa ma yin te/ rgyu 'bras bu'i rang bzhin yin pa snga ma nyid du bkag pa'i phyir ro/ /de ltar gyur na yang gzhan 'ga' zhig dngos por 'gyur ba'i ma
 yin gyis/ 'on kyang dngos po yod pa dang 'gal ba yod pa las sngar yod pa'i dngos por 'gyur ba ni ma yin la/ phyi nas yang de dang bral bar 'gyur ro zhe na/ med tshe dngos yod ces pa la sogs pa gsungs te/ med pa'i
 rgyun gyis dus na dngos yod min te/ gal te dngos por mi 'gyur na/ dngos po yod par nam zhig 'gyur te / med pa'i dus na dngos po ma skyes pa yin na brgyal yang dngos por mi 'gyur te/ dngos po med pa'i 'gal pas rtag tu
 gegs byed pa'i phyir ro/ /de nyid kyis bskyed pas na dngos pos dngos po med pa nyams par 'gyur ro zhe na/ dngos po skyes pa zhes pa la sogs pa gsungs te/ na zhes pa ni gang gi phyir te/ skyes par ma gyur cing 'byung bar
 ma gyur na/ dngos med dang ni bral mi 'gyur te/ snga na med pa'i ngo bo dang mi 'bral cing bral ba ma yin no/ /'on te de ltar gyur na yang med pa dang bral bar mi 'gyur mod de dang ma bral ba nyid du dngos por 'gyur bar 'gyur te/ dngos
 pos byung na yang dngos po dang dngos po med pa dag phan tshun spangs pa'i phyir phyi nas dngos po med pa nyid dang bral bar 'gyur ro zhe na/ /dngos med ces pa la sogs pa gsungs te/ gal te sngar dngos po nyid du gyur na rim pa 'dir 'gyur
 ba zhig na/ /'di yang yod pa ma yin no/ yang ni gang gi phyir te/ ma bral ba nyid yin zhing ma 'gags pa yin na/ dngos po med pa la dngos po yod pa'i skabs mi srid la/ skabs yod pa ma yin te/ der 'gyur zheng dngos po yod pa srid pa
 ma yin te/ dngos po 'byung ba dang 'gal ba dngos po med pa nyid yod pa'i phyir ro/ /rgyu nyid kyis med pa'i dngos po de bzlog par byed do zhe na/ ma yin te/ rgyu ni 'bras bu nyid la byed pa'i phyir ro/ /gang 'bras bu bskyed pa de nyid kyis de
 med pa yang bzlog par byed pa yin no zhe na/ 'bras bu bskyed par byed pa de nyid kyis gal te de dang 'gal ba'i med pa bzlog par bskyed par gyur na 'gyur pa yin mod kyi de la nus pa nyams pa la de'i 'bras bu skyed bar nus pa ma yin no/ /
 rgyu yis de mang pa de dang 'gal ba byed pa ma yin te/ rgyu'i dus na yang snga na med pa de yod pas na lhan cig gnas pa'i phyir ro/ /de lta bas na yong pa'i bdag gam med pa'i bdag nyid kyis 'bras bu la rgyu'i byed pa mi 'thad do/ /gnyi
 ga dang gnyi ga me yin pa'i phyogs la yang mi 'thad de/ /phyogs so so bkag pa nyid kyis rgyu'i byed pa dgag pa byas par 'gyur ro zhes blta bar bya'o/ /de dag srid pa yang ma yin no/ /'gal ba dag gcig la dus gcig na dgag ba
 dang bsgrub pa'i dngos po med pa dang /dngos po dag mi rigs pa'i phyir ro/ /de skad du yang/ /dngos po yod pa mi skye zhing/ /med pa yang ma yin yod med min/ /rang las min gzhan las min/ /gnyi ga las min ji
 ltar skye zhes gsungs so/ /de ltar re zhig don dam par dngos po skye ba ji ltar rigs pa ma yin la/ skyed pa yang ji ltar yang rang bzhin nyams par mi rigs so/ /zhes dngos po 'ang zhes pa la sogs pa gsungs te/ 'jig?
 sgra ni snga ma la bltos nas yin te/ ji ltar dngos po med pa dngos por mi 'gyur ba de bzhin du dngos po yod med par 'gyur ba ma yin no/ /ci'i phyir zhe na/ rang bzhin gnyis su thal 'gyur phyir te/ dngos po re
 yod pa gang gi tshe dngos po med pa'i rang bzhin du 'gyur na de'i tshe dngos po gcig nyid rang bzhin gnyis su thal bar 'gyur ro/ gcig nyid dngos po dang dngos po med pa'i ngo bo yin pa'i phyir ro/ /dngos po nyid yongs su spangs nas dngos po med pa'i ngo
 bor 'gyur ro zhes bar brjod par mi rigs so/ /de'i tshe yang dngos po nyid dngos po yin pa'i phyir gang zhig med pa'i dngos por 'gyur ro zhes pa ni rigs pa ma yin la/ yod pa'i rang bzhin don dam pa yin na ldog par rigs pa ma yin te/ don
 dam pa nyid med par thal bar 'gyur ba'i phyir ro/ /de ltar dngos po skye ba dang 'jig pa dag don dam par med par bsgrubs nas mjug bsdu ba'i phyir/ de ltar zhes pa la sogs pa gsungs te/ de ltar ste brjod pa'i rim pas skye ba dang 'gags pa
 mi rigs pa'i phyir ro/ /'ang zhes pa ni gtan tshigs te/ /gang gi phyir 'gag pa med de/ 'jig pa med pa yin la/ dngos bo yang yod min te/ yang gi sgras ni sdud pa yin te/ thams cad kyi tshe thams cad kyi dus na/ /de
 bzhin gsheg rnam lcang yang rung/ de bzhin gshegs pa rnams pa ma gyur yang rung/ chos rnams kyi chos nyid 'di ni gnas pa yin te chos mnyaM pa nyid dang chos gnas pa nyid dang/ chos nges ba nyid dang/ chos kyi dbyings nyid dang/ de bzhin nyid dang/ phyin ci ma log pa'i
 de bzhin nyid dang zhes pa la sogs pa gsungs pa'i phyir ro/ /de nyid kyi phyir 'gro ba 'di dag thams cad ni rtag tu ma skyes ma 'gags pa nyid yin te/ don dam par ma skyes pa ni ma byung ba nyid yin la/ ma 'gags pa ni ma zhig pa yin no//
 de lta bas na sngar brjod pa'i skye ba dang/ 'gag pa dang bral bas ma lus ba 'di dag thams cad rang bzhin med pa dang gzhi mthun baS? yin no/ /'gro ba ni sna tshogs pa yin te/ sems can dang snod kyi 'jig rten gi ming can nas g.yo ba dang mi g.yo ba yin la/ skyu ma skyel dang 'gag
 ba bzhin du tha snyed kyi dbang gis yang skye ba dang 'ga' ba gnyi ga yin no/ /'di ni kun rdzob kyi bden pa mi 'gag go zhes bstan pa yin te/ chos yang dag par sdud par yang de skad du / ril? kyi bu de bzhin nyid ces bya ba ni stong pa nyid kyi tshig bla dags te/ stong pa nyid de ni mi skye mi 'gal
 go/ snas pa/ gad bcom ldan 'das kyis 'di skad du chos thams cad ni stong pa'o zhes gsungs te/ de bas na chos thams cad ni ma skye mi 'gag go /byang chub sems dpa' rtsom pa med kyis smras pa/ rigs kyi bu de de bzhin no/ /ji ltar khong du chud ba bzhin te/ chos thams cad mi skye
 zhing mi 'gag go /smras pa/ gang 'di bcom ldan 'das kyis 'dus byas kyi chos thams cad ni skye bo 'gag go zhes gsungs na/ de bzhin gshegs pas 'di ci la dgongs te gsungs/ smras pa/ rigs kyi bu 'jig rten gnas pa skye ba
 dang / 'gag pa la mngon par chags pas de la de bzhin gshegs pa thugs rje chen pos 'jig rten skrag pa'i gnas bsal pa'i phyir/ tha snyad kyi dbang gis skye'o 'gag go zhes gsungs te / 'di la
 chos gang yang skye ba dang 'gag ba med do zhes gsungs so/ /de lta bas na chos thams cad ma skyes pa dang ma 'gags pa'i rang bzhin yin pas gdod ma nas zhi ba dang rang bzhin gyis mya ngan las 'das pa yin
 te / de ltar na 'gro bar du bzhin med ma nyid yin la de'i khongs su gtogs pa'i dmyal ba la sogs pa'i 'gro ba rnams kyang rang bzhin med pa nyid yin no zhes bstan pa'i phyir / rmi lam
 zhes pa la sogs pa gsungs te/ rmi lam dang mtshungs pa gang rnams yin pa de rnams la de skad ces brjod de/ des nyid ces pa ni nges par gzung ba'o rmi lam na mthong ba'i rang bzhin gyis 'gro ba rnams ni dmyal ba
 dang yi dags dang/ dud 'gro dang/ mi dang lha'i rigs mthun pa'i khyad par rnams dang/ dper na rmi lam na yul gzhan la sogs par 'gro ba dang/ 'ong ba dang bde pa dang sdug bsngal la sogs pa myong ba de bzhin du don dam pa'i de kho na
 nyid khongs sum chud pa dmyal ba la sogs pa rnams su rig par bya ste/ de kho na nyid ni ma yin no/ /ji ltar yin zhe na/ rnam par dpyad na chu shing dang mtshungs pa yin te/ 'di ni gtan tshigs kyi tshig yin no/ /chos thams cad
 rang bzhin med pa nyid kyis rnam par dpyad cing rnam par brtags pa na gang gi phyir chu shing dang mtshungs pa yin te/ chu shing bzhin du snying po med pa'i 'gro ba rnams yin no zhes pa'i don te/ 'dis ni sngar brjod pa'o/ /'di ni sgru 'dra de phyir snying
 la 'jigs spongs zhes phyir brtson pa bsten zhes pa la sogs pa de yang bsgrub par bstan par 'gyur ro/ /gang gi phyir chos thams cad ma skyes pa dang ma 'gags pa de'i phyir mya ngan dang zhes bya ba la sogs pa gsungs te/ mya ngan las
 'das pa'i ched du chos thams cad kyi sgrib pa spangs pas 'ching ba thams cad las grol ba yin no/ /mya ngan las ma 'das pa ni 'dod chags la sogs pa'i nyon mongs pa'i zhags pa'i dbang du gyur pa'i sems kyi rgyud 'khor ba'i brtson
 ra'i nang du chud pa yin no/ /de dag gnyi ga yang khyad par med de/ /tha dad yod pa ma yin la/ /sred pa ma yin no// ji ltar zhe na/ dngos po la ste don dam par chos thams cad don dam par rang bzhin med pa nyid kyis rang bzhin gyis
 mya ngan las 'das pa yin pa'i phyir ro/ /yang kun rdzob tu ni khyad par yod pa yin no zhes lan grangs du mar bstan pa yin no/ /de nyid kyi phyir gsungs pa/ sangs rgyas rnams dang sems can khams/ /don gyis de dang tha dad med//
 bdag nyid kyang ni gzhan rnams kyang/ /de dang mnyam par khyod bzhed lags zhes so/ /de'i phyir byis ba'i skye bo don dam pa'i de kho na nyid yongs su ma shes pas mngon par zhen pas sgro btags pas 'gro ba'i tshogs nye bar brtags
 nas bdag nyid kyis bdag nyid 'khrug par byed do nye bar bstan pa'i phyir/ de ltar zhes pa la sogs pa gsungs te/ 'di ltar bshad pa'i tshul gyis stong pa ste/ /rang bzhin med pa rnams la thob pa ci yod de/ rnyed pa gang gis gar
 'gyur ba cung zad gang las kyang thob pa ma yin no/ /shar ci yod de/ rnyed pa gang zhig shor bas khro bar 'gyur ba ci zhig gang gis kyang gis yang shor bar 'gyur / rim gro byas pa ni mchog pa yin pa/ yongs su brnyas
 pa ni gnod pa byas pa yang yin te/ gang gis gang zhig srid par 'gyur/ /dngos po'i rang bzhin med pa na/ /gang gis gang la'ang ma yin no zhes pa'i don to/ /ci'i phyir zhe na/ bde ba dang sdug bsngal gang las yin te /
 sdug bsngal gyis rgyu med pa'i phyir ro/ /'ang gi sgras ni gnyi ga phan tshun bsdu ba'i don to/ gang zhig thob la dang sbang ba'i don du 'bad pa byed pa dga' ba ci yod de/ de dga' ba'i rang bzhin nyid kyi phangs pa ci zhig yod de/ brtags
 pa'i ngo bo yin pa'i phyir ro/ /mi dga' ba ci yang de/ 'dod par bya ba ma yin pa ci zhig yod/ 'dod par bya ba ma yin pa yang don dam par cung zad kyang med do/ /de ltar na ci'i don du sdug pa dang/ mi sdug pa dang phrad pa dang
 bral ba'i don du 'bang par byed/ gang zhig sred de skye bo gang zhig rnyed pa'i don du sred par byed/ gang la de sred par byed do/ zhen pa'i gnas kyis dngos po 'ga' la sred/ de nyid du ni btsal byas nas
 te/ rang bzhin gyis yongs su btsal bas so/ /de'i yul med pa'i phyir yul med pa nyid kyis de yang med pa yin no/ /gang gi dbang gis las de dang de son pa na/ rnam par dpyad pa na ste /don dam par rang bzhin gyi ngo bo nges
 par de dpyad pa na'o/ /gson pa'i 'jig rten ni sems can gyi 'jig rten no / /gang zhig te 'ga' zhig nyid ma yin pa yin te/ de med pa'i phyir ro/ /gang zhig 'dir ni 'chi 'gyur te/ gson pa'i 'jig rten la dpyad pas
 sems can gyi 'jig rten med pa'i phyir ro/ /gang zhig 'dir gson pa'i 'jig rten 'chi 'gyur te/ srog gi dbang bo rgyun chad par 'gyur/ 'byung 'gyur gang yin te/ gang zhig skye bar 'gyur ba yin/ /byung gyur gang yin te/ sngar
 skyes par 'gyur ro/ /de ltar na 'das pa la sogs pa'i tha snyad ni btags pa nyid yin te/ gnyen gang bshes kyang gang zhig yin/ gang gis gang sdug pa yin/ gang gi gang bshes yin te/ 'dir zhes pa ni thams cad du sbyar
 bar bya'o/ /gang zhig mngon par zhen pas mi dge ba yang 'grang bar mi byed/ de ltar rang bzhin gyis stong pa nyid yin pa'i phyir rtog pas sgro btags pa nyid de kho na nyid yin no zhes bzhes bstan pa'i phyir thams cad ces pa la sogs
 pa gsungs te/ thams cad ni brjod pa 'di dang gzhan yang ngo/ /nam mkha' 'dra ba ni brtags pa'i de kho na nyid stong pa yin pa'i phyir nam mkha' dang mtshungs pa yin no/ /yongs su gzung bar gyis zhes pa ni med pa nyid la yang
 rang gi ngo bo sgro btags so/ /bdag 'dra zhes pa ni gzhung rtsom pa po bdag nyid dper brjod par mdzad pa yin no/ /bdag 'dra ni don dam pa'i de kho na nyid yongs su shes pa'i byis pa'i skye bo rnams so/ /mi bden pa'i rnam par rtog pas
 dkrugs pa'i sems rab tu 'khrugs par byed do/ /log pa'i mngon par zhen pas khro bar byed+de/ dga' bar byed pa ni rdzun pa'i rnyed pa dang ma bral ba'i bas rab tu dga' bar 'gyur pa yin no/ /gang rnams kyis zhe na/ 'thab dang spro ba'i
 shes par bya ste/ 'di lta ste/ kun rgyu rnams kyis so/ /spro ba'i rgyu rnams kyis te/ dga' ba'i rgyu rnams kyis yin la/ ji ltar rigs par sbyar bar bya'o/ /de lta bas na don dam pa'i de kho na nyid kun rdzob nyid
 kyis dngos po'i rang bzhin la bden pa nyid du mngon par zhen pa rnams 'di dag thams cad 'dod par byed de/ /don dam par rtog pa rnams kyis ni ma yin no/ /de skad du yang/ 'di nyid kho na shes par bya ste/ 'di lta ste/ kun
 rdzob dang don dam pa'o/ /de yang bcom ldan 'das kyis stong pa nyid du legs par gzigs/ legs par mkhyen/ legs par mngon sum du mdzad pa yin te/ de'i phyir thams cad mkhyen pa zhes brjod do/ /de la kun rdzob
 ni 'jig rten pa'i spyod pa yin la/ de bzhin gshegs pas gzigs pa gang zhig ni yang don dam par yin te/ de ni brjod du med pa shes par bya ba ma yin pa dang/ rnam par shes pa bya ba ma yin pa dang/ /bstan pa ma yin
 pa dang/ rab tu bstan par bya ba ma yin pa yin te/ ji srid du bya ba ma yin pa dang byed pa ma yin pa nas/ rnyed pa ma yin ma ernyed pa ma yin/ bde ba ma yin/ sdug bsngal ma yin/ grags pa ma yin/ ma grags
 pa ma yin/ gzugs can ma yin/ gzugs can ma yin pa ma yin no zhes pa la sogs pa'o/ /de la rgyal bas 'gro ba'i dbang byas nas/ /'jig rten la ni phan phyir kun rdzob bstan/ /gang gi 'gro
 ba bde gshegs la bsnyen te/ /bde ba'i ched du dang ba skye bar 'gyur/ /mi yis seng ge kun rdzob bcas pa yin/ /sems can gyur pa 'gro ba drug tu gsungs/ /dmyal ba dung 'gro de bzhin yi dags dang/ /lha min mi
 dang lha yi tshogs rnams dang/ /dman pa'i rigs dang de bzhin rigs mtho dang/ /phyug po'i rigs dang dbul po'i rigs rnams so zhes bya ba la sogs pa'o/ /'di yang de kho na nyid shes pa'i 'bras bu yin no zhes bstan pa'i
 phyir/ /mya ngan 'bad rtsol zhes bya ba la sogs pa gsungs te/ bu dang bu mo la sogs pa dang bral bas byas pa'i mya ngan dang bde ba dang sdug bsngal spang ba dang thob pa'i rgyu mtshan gyis yongs su ngal ba'i dub pa dang/ mya ngan dang ngal ba
 de rnams kyis bdag dang 'dra pa'i 'tsho bar byed pa yin te/ tshogs chen gyis zhes pa dang 'brel to/ /mi dga' ba yang yin te/ rnyed pa dang bkur sti la sogs pa dang bral ba na mi dga' ba ste yid mi bde ba yang yin no/ /phan tshun
 bcod pa dang 'bigs pa dang zhes pa la/ phan tshun te phan tshun du'o/ /gcod pa ni rkang pa dang lag pa dang mgo bo dang sna dang rna ba la sogs pa rnams so/ /'bigs pa ni phyi rol gyi byin pa dang brla dang brang dang rtsib logs dang dpung pa
 la sogs pa rnams so/ /ngang gis sgra rjes su 'jug pa yin no/ /gcod pa dang 'bigs pa de rnams kyis kyang 'tsho bar byed pa yin te/ dus kyi rim pas 'tsho'i 'du byed pa 'phen pa yin no/ /tshogs chen ni dka' ba chen po ste/
 ji ltar thob pa'i zas dang gos la sogs pa'o/ /ji ltar gyur pa'i rgyud kyis zhe na/ sdig gis bdag nyid bder 'dod rnams zhes pa la/ sdig gis te/ mi dge ba'i las rnams kyis so/ /bdag nyid de rang nyid yin la/ bde ba 'dod pa ni
 bde ba 'dod pa'i ngang tshul lo/ /ji ltar gyur pa dang yang dag par dpyad pa'i khyad par gyis kyang shi nas ltung ba yin te/ gang gang rnams su 'chi ba ni srog gi dbang po bar ba yin la/ ltung ba ni 'gro ba yin no/ /ngan song rnams ni dmyal ba dang/ yi
 dags dang/ dud 'gro rnams so/ /ji lta bur gyur pa rnams su zhe na/ yun rings mi zad rnams su te/ yun rings pa ni dus ring por gyur pa'o/ /mi bzad pa ni shin tu bzod par mi nus pa myong bar bya ba'i rnam par smin pa yin pa'i phyir ro//
 de bzhin du ngan song de rnams su de rnams yin pa de la de skad du brjod do/ /de rnams su yang yin te/ 'ang gi sgras ni brjod pa sdud pa 'am tha dad pa'i rim pa yin no/ /rnam pa gang gis zhe na/ yang dang yang 'ongs te zhes pa la sogs pa gsungs
 te/ bde ba mang po spyad spyad nas zhes pa ni bde ba bskyed par gyur nas so/ /ji ltar zhe na/ bde 'gro yang dang yang 'ongs nas te/ mdzes pa'i lha dang mi'i 'gro ba'o/ /slar yang dang? yang thob nas de lta bur gyur pa rnams kyis sdug bsngal
 brgyud pa'i rgya mtsho mi mngon par gyur pa dang/ mngon par gyur pa yin no zhes bstan pa'i ched du/ srid pa na zhes pa la sogs pa gsungs te/ srid pa ni 'khor ba yin te/ 'dod pa dang gzugs dang gzugs med pa'i rang bzhin du'o//
 g.yang sa yang shin tu mang ba'i nye bar gnod pa'o/ /der ni 'di nyid mi 'dra zhes pa la/ der ni srid pa 'am g.yang sa'o/ /de nyid min 'di 'dra ba ni rmongs pas bslu ba 'di lta bu ste/ skye bo thams cad kyis thun mong ba ma yin pa rnam pa
 ji lta bar bstan pa'am yongs su snang bzhin pa'o/ /der yang phan tshun 'gal bas na ste der yang rnam pa 'di ltar de kho na nyid ma yin na phan tshun 'gal bas te log par rtogs pa yin no/ /rgyu gang gis zhe na
 srid na 'di nyid 'dra ba med ces te/ de lta bas na dngos po'i rang bzhin ni 'di lta bu yin te/ rnam pa du mar sgro btags pa'i phyir ro/ /der yang dpe med pa'i? mi? bzad pa mdza' yas pa'i sdug bsngal gyi rgya mtsho'o/ /der yang 'di
 lta bu dpe dang bral ba yin no/ /de dang gzhan 'di 'dra ba'i sdug bsngal med pas na dpe brjod par mi nus pa mi bzad pa/ bzod par dka' ba'i tshor ba'o/ /mdza' yas pa ni dus chad pa med par rnam par smin pas mthar gtugs
 pa med pa'i sdug bsngal rnams shin tu drag pa'i phyir theg pa chen po ma gtogs pa rnams kyis thar par mi nus pa'i phyir rgya mtsho yin no/ /de ltar na yang ji ltar yang brtson 'grus chen pos dge ba'i phyogs bsags pas dus yun ring
 po nas bde gshegs thob nas gnas par nus pa yin no zhes dgongs pas/ der ni zhes pa la sogs pa gsungs te/ der de lta bu'i gzugs gyis zhugs pa na 'di ltar yongs su mthong bar gyur pa'i gzugs stobs chung ba dang
 brtson 'grus dman pa zhes pa'i tha tshig te/ de yang tshe thung ba dang/ der yang 'di lta bur gyur pa yod pa yin na yang thung ba ste ring ba ma yin pa'o/ /tshe ni 'du byed pa rnams so/ /der yang gson pa dang nad med pa'i byed pa
 rnams kyis so/ /gson pa ni yun ring po'i dus su 'tsho ba'i bya ba rnams kyis te/ khrus dang sku byug la sogs pa rnams kyis so/ /nad med pa ni nad med pa'i shugs te/ nad nye bar zhi ba'i don du bya ba'i khyad par dge
 ba'i rtsa ba bsags pa mong par tsha ba dang kha ba dang bskal pa la sogs pa'i sman rnams kyis so/ /tshe ni don med myur 'da' zhes pa 'tshad par 'gyur ba dang 'brel to/ /de bzhin du bgres? ni ngal ba dang ste/ bgres pa ni ltogs pa yin no/ /na ba ni
 nad pa'o/ /ngal ba ni lam gyis dub pa la sogs pa ste/ de rnams kyis so/ /gnyid dang 'tshe ba zhes te/ gnyid ni rmi lam mo/ /'tshe ba ni rgod pa dang/ rab tu rgod pa dang/ rnam par 'tshe ba la sogs pa byas pa'o/ /sbrul dang
 stag dang ri dags dang sbrang bu dang sha sbrang la sogs pa rnams kyis byas pa'i bsad pa dang/ bcings pa dang/ brdeg pa la sogs pa'i mtshan nyid kyis de bzhin du yin no/ /byis dang 'grogs pa don med kyis/ /de bzhin du yin te/ byis
 pa rnams ni so so'i skye bo rnams yin la/ 'grogs pa ni 'brel pa'o/ /ji lta bur gyur pas zhe na/ don med kyis te/ bdag la bltos pa la sogs pa ngag khyal pa la sogs pa mang po rnams kyis so/ /de bzhin du zhes pa ni sngar
 brjod pa'i rim pa 'ba' zhig gis ma yin gyis/ 'dis kyang don med par tshe ni don med 'gyur pa yin no/ /don med pa ni 'bras bu med pa nyid yin te/ dge ba'i phyogs bsags pa dang bral ba'i phyir ro/ /tshe don med par 'da' ba ni 'gro
 pa'o/ /myur ba ni mgyogs pa de ? pa ma yin pa'i bya ba la zhugs pas myur ba nyid du yongs su zad pa'i phyir ro/ /de ltar na yang da ltar byung ba'i dus su yang rnam dpyod shin tu rnyed par dka' ste/ rnam par dpyod pa ni blang bar bya
 ba dang dor bar bya ba shes pa 'am/ rnam par g.yengs pa dor ba'o/ /rnyed par dka' ba ni ji ltar ni shin tu dka' bas kyang mi rnyed pa'o/ /de ltar gyur pa de lta na yang gal te brgya la mnyam par bzhag pa skye bar 'gyur la/ de'i tshe dag
 bar 'gyur na/ de yang med do zhes bstan pa'i phyir/ der yang zhes bya ba la sogs pa gsungs te/ der yang de nge? lta bu'i gnas skabs su gyur pa na'o/ /rnam g.yeng goms pa ni longs su 'dris pa'i rgod
 ba'o/ /de bzlog pa ni zhi bar byed pa'o/ /'gro ba der gyur pa na gang las kyang yod pa ma yin no/ /der yang don med pa brgyud pas gnas pa rnams brgya la dge ba'i phyogs la rtog cing skyed par byed pa na ngan song chen por nyon mongs
 pa'i bdud dam lha'i bu'i bdud ltung phyir brtson par byed de/ ngan song chen por ltar bar byed pa'i phyir te/ ltung ba'i rgyu mtshan du yin la mnar med pa'i dmyal ba la sogs pa rnams su der ba'i don to zhes ba'i tha tshig go /de ltar
 yang brgya la bden pa dang/ dkon mchog la sogs pa la mngon par yid ches pa'i dbang gis ji ltar yang dge bas nye bar skye bar 'gyur bo? zhe na/ der ni log ba'i lam zhes pa la sogs pa gsungs te/ der 'di lta bu'i gnas
 skabs thob par 'gyur te/ yang dag pa'i lta ba'i mi mthun pa'i phyogs log pa'i lam tshu rol mdzes pa dang/ spyod pa la sogs pas yongs su bstan pa mang ba'i phyir te/ mi che ba'i phyir ro/ /the tshom ni yang dag pa'i lam la ma
 yin te/ blo gros phyin ci log pa yang yin no/ /bar la dka' ste brgyal bde 'gro thob kyang brgya la yang the tshom dor bar nus pa ma yin no/ /slar yang de la ba rnyed dka' ba yin te/ mi khom pa brgyad dang bral ba rnyed par dka' 
 zhing mchog tu rnyed par dka' ba nyid yin te/ rgya mtsho cher g.yengs pa'i gnya' shing gi bu gar rus spal gyi mgrin pa chud pa ltar yin no/ /brgya lam shig na ngal ba gzhan yod kyang/ sangs rgyas 'byung ba shin tu dka' ste/ sangs
 rgyas bcom ldan 'das 'gro ba mdza' dag snang bar mdzad pa sdug bsngal thams cad kyi rtsa bar gyur pa nyon mongs pa'i zug rdu 'byin pa 'byung ba ste skye ba shin tu rnyed par dka' ba yin te/ ji ltar yang 'ga' zhig tu/ u dum ba ra'i me tog bzhin
 du 'khor ba'i rgya mtsho las thar ba'i thabs su gyur pa rnyed par dka' ba yin no/ /ji ltar yang/ sangs rgyas 'byung ba yod na yang/ /nyon mongs chu bo spang dka' ste/ /nyon mongs pa rnams ni 'dod chags la sogs pa yin la nu? yon? rgyun mi 'chad
 par 'bab pa yin te/ de spang dka' ba yin te/ sdug bsngal bas kyang spang bar mi nus pa yin no/ /de'i phyir e ma sdug bsngal brgyud par 'gyur te/ de'i phyir de ltar na kye ma zhes skye ba'o/ /sdug bsngal te dka' ba brgyud pa yin
 no/ /sdug bsngal gcig las thar yang sdug bsngal gzhan du ltung ba'i phyir ro/ /da ni sems can rjes su sdug bsngal bar gyur pa rnams nyid bltas nas snying rjes gdungs pa'i thugs dang ldan pa gzhan sdug bsngal bas sdug bsngal
 bar gyur pa'i bstan bcos mdzad pa'i sems can rnams kyis sdug bsngal la mya ngan mdzad pas/ kye ma sdug pa zhes pa la sogs pa gsungs te/ kye ma dang sdug ces pa ni skyo ba la sdud pa'i tshig yin no/ /shin tu mya ngan 'os ni shin tu
 yang mya ngan du bya bar 'os pa yin te/ phan pa dang mi phan pa ngo mi shes pa'i sems can 'di rnams sdug bsngal gyi rgya mtsho 'di dpa' rlabs brgyud par skye ba dang 'jig pas dkrugs pa'i sems dang ldan pa rnams so/ /mya ngan bya bar
 'os pa'i sems can 'di rnams gang yin zhe na/ de ltar shin tu sdug bsngal yang zhes bya ba la sogs pa gsungs te/ sems can gang dag ma rig pas long bar byas pas ye shes kyi dmigs mi mthong bar gyur pa de rnams so//
 rang sdug par gnas pa mi mthong ba yin te/ rang ni bdag nyid yin la/ sdug bsngal bar gnas pa nyid kyang shin tu sdug bsngal bar gnas pa'o/ /de ltar zhes pa ni brjod pa'i rim pas so/ /sdug pas
 gnas pa ni shin tu sdug bsngal bar gnas pa ste/ /sdug bsngal na nye bar thob pa yin no zhes bya ba'i tha tshig go /'di'i rjes su mthun pa'i dpes gsal bar bstan pa'i phyir/ /dper na 'ga' zhig ces pa la sogs pa gsungs
 te/ yang yang khrus byas pa ni chu'i nang du khrus byas shing byas nas so/ /dper na 'ga' zhig ste blo nyams pa grang bas nyen pa'i bde ba 'dod pa 'jug pa yin no/ /rab tu 'jug pa yin no/ /yang dang yang zhes pa ni skad cig ma so
 so 'am/ yang nas yang du'o/ /de ltar shes pa ni sems can rang nyid bde bar gnas pa bdag nyid bde ba phun sum tshogs par sems shing go ba yin no/ /de bzhin du yang sdug bsngal bar gnas pa yin no/ /de ltar zhes
 ba ni brjod pa'i rim pas so/ /sdug bar gnas pa ni sdug bsngal gyi me 'bar ba'i nang du zhugs pa yin no/ /kye ma sdug bsngal shin tu mang ba'i mi shes pa'i mun pas mnan pa 'di rnams bdag nyid la yod par gyur pa'i bag
 med pa yang mi mthong ngo zhes bstan ba'i phyir ro/ /rga dang zhes pa la sogs pa gsungs te/ rgas shing 'gog pa gang rnams la med pa de ni rga pa med pa yin la/ 'chi ba dang bral ba ni 'chi ba med pa yin te/ de rnams ni rga ba
 dang 'chi ba med pa bzhin du rol pa'i spyod pas gnas pas gang rnams yin pa de rnams la de skad ces brjod do/ /de rnams nyid ni rol pa 'dis gnas shing nges par spyod pas gnas pa rnams la 'ong bar 'gyur ba yin te/ bsten par
 byed do/ /rgud par ni de rnams thams cad kyi sdug bsngal gyis ci? rag pa dang/ nang la sogs pas rgud par byas pa'o/ /ji ltar 'gro bar 'gyur zhe na/ dang po nyid du bsang byas nas zhes te/ mthar phyis bcos su med cing spang du med pa/
 dang por bsang par byas nas te/ sngar byas nas so/ /de ltar yang bcom ldan 'das kyis rgyal po la gdams pa'i mdo las/ rgyal po chen po 'di lta ste dper na phyogs bzhi nas ri chen po sra ba/ brtan pa/ snying po dang ldan pa/ ma zhig pa/
 ma gas pa/ 'phan med pa/ shin tu ma bregs pa/ gcig tu sdug pa/ gzhi nam mkha' la reg cing sa blog pa ste/ rtswa dang shing dang shing gel pa dang yal ga dang lo ma thams cad sems can srog chags 'byung po thams cad phye mar 'thag
 cing 'od pa de dag ni mgyogs pas 'bras pa 'am/ stobs kyis bzlog pa'am/ rdzas dang sngags dang sman rnams kyis bzlog par sla ba ma yin no/ /rgyal po chen po de bzhin du 'jigs pa chen po bzhi 'di dag 'ongs te/ de dag las
 mgyogs pas 'bros pas stobs kyis bzlog pa'am/ nor gyis bzlog pa'am/ rdzas dang sngags dang sman gyis bzlog par sla pa ma yin no/ /bzhi gang zhe na/ rga ba dang/ na ba dang/ 'chi ba dang/ rgud pa'o/ /rgyal po chen
 po rga pa ni ngal la bab? 'joms shing 'ong/ nang ni nad med pa 'joms shing 'ong/ rgud pa ni phun sum tshogs pa thams cad 'joms shing 'ong/ 'chi ba ni srog 'joms shing 'ong/ de dag las mgyogs pas 'dros pa 'am/
 stobs kyis bzlog pa 'am/ nor gyis bzlog pa 'am/ rdzas dang sngags dang sman rnams kyis zhi bar bya ba sla ba ma yin no/ /rgyal po chen po 'di lta ste dper na/ ri dags kyi rgyal po seng ge ni ri dags kyi tshogs nang du zhugs nas 
 ri dags bzung ste/ ji ltar 'dod pa bzhin du bya ba byed do/ /ri dags de ni stobs che ba'i kha mi bzad par gzung bar dbang med par 'gyur ro/ /rgyal po chen po de bzhin du 'chi bdag gi gsal shing gis zug
 ste rgyags pa dang ni bral/ mgon ni med/ skyabs ni med/ dpung gnyen ni med/ gshis ni 'jig / tshigs ni 'bye zhing bral/ sha dang khrag ni bskams/ lus ni nad kyis gdungs/ skoms ni skom/ bzhin ni 'gyur/
 rkang lag ni g.yob/ las ni mi nus/ mthu ni mi byed/ kha chu dang/ snabs dang/ gcin dang/ ngan skyugs kyis ni lus la gos/ mig dang rna ba dang sna dang lce dang lus dang/ yid kyi dbang po ni 'gags/ skyigs bu ni 'byung
 sgra ngar nga ro ba ni 'don/ sman pas ni bor/ kha zas dang/ bza' ba dang/ thug pa thams cad kyis ni sles la bor te/ 'gro ba mdza' dag tu ni 'gro/ mal gyi tha ma la ni nyal/ thog ma med pa'i skye ba dang/ rga ba dang/
 na ba dang/ 'chi ba dang/ 'khor ba'i rgyun ni nub/ srog ni cung zad cig lus/ gshin rje'i mes ni 'jigs skrag /byur gyi dbang du ni song/ dbugs rgyu ba ni chad/ kha dang sna ni 'gags/ so ni gtsigs/ sbyin pa
 sbyin no zhes de skad gsol ba ni 'debs/ las kyi srid pa las yang srid pa la ni 'jug/ gcig pu gnyis su med cing grogs ni med de/ 'jig rten 'di ni 'dor/ 'jig rten pha rol du ni 'gro/ lam chen por ni 'jug / mun
 pa chen por ni zhugs/ g.yang sa chen bor ni lhung/ khrod stug por ni 'jug/ dgon pa chen por ni 'gro / rgya mtsho chen pos ni khyer/ las kyi rlung gis bdas/ sa tshugs med pa'i phyogs su 'gro/ g.yul ro chen por ni?
 'jug /gdon chen pos ni zin/ nam mkha' la ni 'chel/ pha ma dang/ pu nu dang/ sring mo dang/ bu dang bu mos ni bskor/ dbugs ni 'chad/ nor bgo bsha' bya zhes ni zer/ gyi hud? ma/ gyi hud la/ gyi hud bu zhes zer te/ sra ni bsheg?
 ste/ sbyin pa dang/ dka' thub dang/ chos 'ba' zhig grogs su gyur pa na/ chos ma gtogs par skyabs gzhan no med/ mgon gzhan med/ gnas gzhan med/ dpung gnyen gzhan med do/ /rgyal po chen po de'i tshe de'i dus na chos ni gling dang/
 gnas dang/ mgon dang/ bzhon pa dang/ nyal ba la mal 'jam po dang/ skom pa la chu grang mo dang/ shin tu bkres pa la kha zas bzang po dang/ mya ngan gyis gnod pa la dbugs 'byin pa dang/ gdungs pa la tshim pa dang/ dgon par lam stor
 ba la lam ston pa dang/ nad kyis btab pa la sman dang/ sman pa dang nad g.yog byed pa dang/ chus khyer ba la gzings dang/ 'dam du bying ba la 'jus dang/ brgal dka' ba'i zam pa dang/ nyam nga pa la 'bab stegs dang/ mun khung la
 sgron me dang/ rgya mtsho chen po la gru dang/ lhags pas nyen pa la rlung med pa'i gnas dang/ yul gzhan du 'gro ba la lam rgyags dang/ dbul po la nor dang/ byed par 'dod pa la grogs dang/ bcad par 'dod pa la lag cha dang/ gzhig
 par 'dod pa la rdo rje dang/ g.yul ngor zhugs pa la go cha dang/ 'jigs pa la stobs dang ldan pa'i grogs 'thab pa la dpung gnyen dang/ dogs pa la go 'byed pa dang/ mu ge la nor dang ldan pa dag mgon dang/ skyabs dang/ gnas dang/
 rten du gyur pa de bzhin du zhes bya ba la sogs pa rgya cher gsungs pa yin no/ /de lta bas na 'jigs pa 'di dag slad? ba'i don du dge ba'i phyogs nyid shes rab kyis dag par byas pa rnams la 'bad par bya'o/ /da ni skye ba la sogs pa'i sdug
 bsngal gyis sdug bsngal ba rnams kyis sdug bsngal pa'i ched du rang gi bsam pas smon pas/ de ltar zhes pa la sogs pa gsungs te/ de ltar zhes pa ni sngar brjod ma thag pa'i tshul gyis so/ /sdug bsngal
 mes gdungs la zhes pa ni sdug bsngal nyid ma yin te/ des gdungs pa'i sems can rnams so/ /zhi ba ste skye ba la sogs pa'i sdug bsngal gyi me'i gdung ba zhi bar byed par nam zhig 'gyur te/ dus nam byed cing bsgrub par 'gyur/ ji ltar
 zhe na/ rang gi bde ba'i yo byad kyis zhes te/ bde ba'i yo byad ni bde ba bsgrub par byed pa'i gos dang/ rgyan dang/ byag pa dang/ mal stan la sogs pa rnams so/ /ji ltar bu zhig nye bar bsags pas yin la gzhan gyi ma yin
 zhe na/ rang gis te/ rang gis bdag nyid kyis yin la/ bdag rang nyid kyis nye bar bsags pas yin no zhes pa 'don to/ /ci sprul pa la sogs pas bstan pas yin nam gzhan gyis yin zhe na/ /bsod nams sprin las leD 'byung bas zhes ste? bsod nams nyid sprin yin
 sdug bsngal gyis gdung ba thams cad kyis nyen pa/ zhi ba bde ba'i yo byad bsil ba'i char pa sbyin pa'i rgyu yin pa'i phyir ro/ /de rnams las legs par byung ba ni nges par 'byung ba ste/ de rnams kyis so/ /de ltar mngon par mtho ba phun
 sum tshogs par gzhan rnams kyis sems byas nas des par legs par phun sum tshogs pa bstan pa'i phyir/ nam zhig dmigs pa zhes pa la sogs pa gsungs te/ nam zhig cas pa ni dus nam zhig na'o/ /dmigs pa'i lta ba can
 rnams dngos pos 'dzin pa'i mngon par zhen pa can rnams la bstan par bya ste/ rab tu bstan par bya'o/ /stong pa nyid ni chos thams cad rang bzhin med pa nyid do/ /ji ltar zhe na/ kun rdzob kyi tha snyad kyis te/ gzhan du na rnam par rtog
 pa'i yul du gyur pas don dam par stong pa'i stong pa nyid bstan par mi nus pa'i phyir ro/ /de ltar nges pa'i legs pa'i rgyu ye shes kyi tshogs kyi rgyu mtshan nye bar bstan nas/ de'i rgyu bsod nams kyi tshogs kyi rgyu nye bar bstan pa'i phyir/ bsod nams zhes pa la
 sogs pa gsungs te/ bsod nams ni sbyin pa la sogs pa yin la/ tshogs pa ni phung po yin no/ /de nam zhig dmigs pa'i lta ba can rnams la ston par 'gyur zhes pa dang 'brel to/ /gus par zhes pa ni gus pa chen pos te/ bkur stis yin
 gyis ji ltar yang rung bas ni ma yin no/ /rnam pa gang gis she na/ dmigs pa med pa'i tshul gyis te/ sbyin pa dang/ gtong ba po dang/ len pa po la sogs pa mi dmigs pa la sogs pa'i sbyor bas te/ 'khor gsum yongs su dag pas
 zhes ba'i tha tshig go /de ltar bsod nams kyi chogs nye bar bsags pas sangs rgyas nyid thob par 'gyur ro/ /de nyid ni 'di dag thams cad kyis nyon mongs pa ma lus pa'i rgyu sgro 'dogs pa mdza' dag gi gnyen po nyid kyis sgrib pa thams cad spong
 ba'i thabs yin pa'i phyir dang/ de bzhin gshegs pa'i ma lus pa thob pa'i rgyu nyid yin pa'i phyir/ sdug bsngal thams cad nye bar zhi ba'i thabs su gyur pa shes rab skye bar 'gyur ro zhes bstan par 'gyur ro/ /gang rnams kyis ni zab mo'i tshul
 rtogs shes rab sgrin pos 'khrul pa rab spangs pa/ kun nas nyon mongs rnam byang phyogs la dri med mkhyen pa mthong ba'i dpa' bo rnams/ /mkhas la de rnams kyis ni yon tan skyon ni 'des pas de yis snying po blang/ /gal te nyes pa brjod
 na dri ma thams cad dug bzhin du ni dor bar bya/ /bdag gis 'dir ni rigs pa ma yin brjod pa dang/ /bdag gis 'khrul pa de nyid mcho tu skyes gyur pa/ /'dir ni bdag gis blo gros mkhas pa rnams kyis ni/ /rang gir byas te de ltar
 gzung bar bya min nam/ /kun rdzob gang zhig brgya la yid kyis spyod yul du ni gyur pa yi/ /de 'dra'i don la bdag 'dra'i blo gros gang gis mi 'khrul yin/ /de phyir legs gsungs don ni des pa dang ldan dbu ma'i lugs
 sten pa/ /'dir ni yon tan phra ba cung zad mthong blang bya yis glo bur 'gyur/ /yang dag shes pa mi mthun phyogs kyi lta ba sdug pa'i rmongs pa zhi bar bya ched du/ /shes rab kyis ni gsal bar rnam bar bshad pa'i tshig gis 'grel pa byas pa yis//
 bdag gis bsod nams gang zhig nye bsags phan pa'i 'bras bu de yis myur bar skye bo kun/ /'jam dpal bzhin du yon tan dam pa gcig gis gnas la shes rab 'byung gnas skye bar shog/ //
 byang chub sems dpa' i spyod pa la 'jug pa las shes rab kyi le'u'i rgya cher bshad pa/ dge slong mkhas pa shes rab 'byung gnas blo gros kyis mdzad pa rdzogs so// //byang chub sems dpa' i spyod pa la 'jug pa'i
 'grel bshad las le'u dang po gnyis dang brtson 'grus bsam gtan shes rab kyi TI kA mkhas pa chen po su ma ti kIrta dang/ lots+tsha ba dar ma grags kyis bsgyur ba'o// //dbu ru byang phyogs lcung ka mkhar grags su//
 mkhas pa chen po blo gros bzang grags pa/ /ldong stong mchod gnas rgya sgom mched grogs kyis/ /gsol btab dge slong ngar ma grags kyis bsgyur/ /slar yang yon tan rgya mtshos zhus/ lan cig mdzad// //
 spyod 'jug gi rnam bar bshad pa bzhugs so// */ /thugs rje chen po spyan ras gzigs la phyag 'tshal lo/ /gang zhig thugs rjes byang chub sems gnyis rab bskyed nas/ /brtson 'grus mtshungs ba med pas tshogs gnyis rdzogs