<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4060: dbu ma la 'jug pa'i 'grel bshad ces bya ba<br><table><tr><td>
<input type="button" onclick="location.href='tcompletep.php?id=N4060&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4060&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4060&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rgya gar skad du/ mA d+hya mi kA a ba tA ra sya TI ka nA ma/ bod skad du/ dbu ma la 'jug pa'i 'grel bshad
 ces bya ba 'phags pa 'jam dpal gzhon nur gyur pa la phyag 'tshal lo/ /sangs rgyas sgrib pa gnyis spangs pa'i/ /
 thams cad mkhyen la rab btud nas/ /dbu ma la ni 'jug pa'i don/ /bdag gis gsal bar bshad par bya/ /
 'dir rtog pa dang ldan pa rnams kyi 'jug pa ni brjod bya dang/ dgos pa dang/ 'brel pa dang/ dgos pa'i dgos pa rnams rtog pa
 sngon du 'gro ba can yin pas bstan bcos kyi dang por 'jug pa'i rgyur gyur pa'i brjod bya la sogs pa bstan
 par bya ste/ de la bstan bcos 'di'i brjod bya ni sa bcu gcig go /dgos pa ni rtogs pa'o/ /'brel pa ni bstan bcos dang
 dgos pa thabs dang thabs las byung ba'i mtshan nyid can no/ /dgos pa'i dgos pa ni sa bcu gcig rtogs pas kun rdzob
 dang don dam pa'i bden pa yongs su shes pa ste/ klu sgrub zhabs kyis mdzad pa'i rtsa ba'i shes rab la sogs pa dbu ma'i bstan
 bcos la 'jug pa'o/ /de nyid kyi phyir/ dbu ma'i bstan bcos la 'jug par bya ba'i phyir zhes smos so/ /de ltar brjod bya la sogs pa bstan nas  
 bstan bcos dbu ma la 'jug pa'i 'grel pa mdzad par bzhed pa'i tshigs su bcad pa dang po gnyis kyis bsdus pa'i don bstan par bya ba'i phyir/
 dbu ma'i bstan bcos la zhes bya ba la sogs pa smos so/ /de la chad pa dang/ rtag pa dang/ yod pa dang/ med pa la sogs pa'i mdza' gnyis
 dang bral ba'i de kho na nyid la dbu ma zhes bya'o/ /de ston par byed pa'i 'phags pa klu sgrub zhabs kyis mdzad pa'i rtsa ba'i shes rab la sogs pa ni dbu
 ma'i bstan bcos so/ /de yang nyon mongs pa'i dgra 'chos pa dang/ ngan 'gro las skyob par byed pas bstan bcos te/ 'di ltar bstan bcos nyan
 pa dang/ bsam pa dang/ bsgom pa'i rim gyis dbu ma'i don mngon du byas na bdag dang bdag gir lta ba las byung ba 'dod chags la sogs
 pa'i nyon mongs pa'i sgrib pa ma lus pa dang/ shes bya la mngon par zhen pas kun bslang pa'i shes bya'i sgrib pa ma lus pa spangs pas nyon mongs pa'i dgra
 'chos pa dang/ de bzhin du bstan bcos las rigs dang ldan pa'i gang zag gis dbu ma'i don rtogs nas shin tu dang ba skyes pas bsod nams shin tu mang
 po bsags nas ngan 'gro las skyob pa'o/ /de nyid kyi phyir/ gang gis nyon mongs dgra rnams ma lus 'chos pa dang/ /gang gis ngan 'gro'i 'jigs
 pa las ni skyob byed pa/ /de ni 'chos skyob yon tan ldan pas bstan bcos te/ /gnyis po 'di dag gzhan gyi lugs la yod ma yin/ /zhes gsungs
 so/ /'jug pa'i phyir zhes bya ba ni don rtogs par bya ba'i phyir te/ 'di ltar dbu ma'i bstan bcos kun rdzob dang don dam pa'i rang bzhin rgyas par brjod la/ de 'dir rgyas par bstan pas bstan bcos
 'dis de la 'jug par 'gyur ba'i dbu ma la 'jug pa rtsom par 'dod pas zhes bya ba ni slob dpon zla ba grags pas dbu ma la 'jug pa rtsom par bzhed pa'o/ /yang dag par rdzogs pa'i sangs
 rgyas dang/ zhes pa ni gang gis phyin ci ma log par kun nas de kho na nyid thugs su chud pa de yang dag par rdzogs pa'i sangs rgyas so/ /de las yang dag par smos pas ni phyin ci log gi
 shes pa bsal lo/ /rdzogs pa smos pas ni the tshom dang/ mi shes pa med par bstan to/ /byang chub sems dpa' rnams las zhes bya ba ni gang la sgrib pa thams cad dang bral ba'i rnam
 pa thams cad mkhyen pa nyid kyi mtshan nyid can gyi byang chub kyi bsam pa yod pa de la byang chub sems dpa' zhes bya'o/ /kyang smos pa ni nyan thos dang rang sangs rgyas 'ba' zhig las dang por thugs
 rje chen po la bstod par ma zad kyi/ yang dag par rdzogs pa'i sangs rgyas rnams dang/ byang chub sems dpa' rnams las kyang ngo/ /thog mar zhes bya ba ni dang por ro/ /bcom ldan 'das
 zhes pa ni zhe sdang gi dgra bcom pas so/ /snying rje chen po zhes pa la/ chen po ni sems can thams cad la khyab pas so/ /sangs rgyas nyid kyi zhes pa ni kun rdzob nyon mongs pa dang shes bya'i sgrib pa dang
 bral ba stobs bcu la sogs pa'i yon tan dang ldan pa'i ye shes ni gdul bya'i snang ba la bltos nas sangs rgyas nyid do/ /don dam par ni spros pa thams cad nye bar zhi ba chos kyi sku'i rang bzhin no/ /de nyid kyi
 phyir/ gcig dang du ma ma yin bdag dang gzhan la phan pa phun sum tshogs pa chen po'i gzhir gyur pa/ /dngos po ma yin dngos po med pa ma yin nam mkha' bzhin du ro mnyam rang bzhin mtshon par dka' / /dgos
 pa med cing 'gyur ba med pa zhi ba mi mnyam mnyam pa khyab la mtshan ma med pa gang/ /so sor rang rang gis rig dpe med rgyal ba rnams kyi chos sku de la bdag gis phyag 'tshal lo/ /zhes bstod do/ /'di'i don ni 'chad
 par 'gyur ba'i rigs pas rang dang gzhan dang/ gnyis ka dang/ rgyu med pa las skye ba bkag pas dngos po med pa'i phyir gcig nyid med pa'o/ /cig tshogs pa las du ma zhes bya la/ gcig ma grub pa'i phyir du ma med pas
 gcig kyang ma yin du ma yang ma yin pa'o/ /bdag dang gzhan la phan pa ni chos kyi sku'i mthus glo bur gyi dri ma ldog pa'o/ /bdag dang gzhan la phan pa khon phun sum tshogs pa chen po yin la/ de'i rgyur gyur pas na gzhir gyur pa'o/ /dngos po ma yin dngos po med
 pa ma yin zhes pa ni sngar bstan pa'i rigs pas dngos po ma grub pa'i phyir/ de la bltos pa'i dngos po med pa yang ma grub pa'o/ /nam mkha' bzhin du ro mnyam zhes pa ni dri ma dang bcas pa dang/ dri ma med pa'i gnas skabs mtshungs pas so/ /rang bzhin mtshon par dka' zhes pa ni
 shes pa'i spyod yul las 'das pa'o/ /gos pa med pa zhes pa ni glo bur gyi dri mas ma gos pa'o/ /'gyur ba med pa zhes pa ni glo bur gyi dri ma sangs kyang 'gyur ba med pas so/ /zhi ba zhes ni spros pa thams cad rab tu zhi bas so/ /mi mnyam pa dang mnyam
 ba zhes pa ni mnyam pa med pa'i chos kyi sku gzhan dang mnyam pas so/ /'di ni chos kyi sku gzhan du brtags nas brjod pa yin gyi/ don dam par chos kyi sku la tha dad par yod pa ni ma yin no/ /khyab la zhes pa ni sems can dang snod kyi 'jig rten la khyab
 pas so/ /mtshan ma med pa zhes pa ni gzugs kyi phung po la sogs pa'i mtshan ma med pas so/ /so sor rang rang gi rig ces pa ni gang ci yang ma dmigs pa dngos po rang rang gis rig pa'o/ /chos kyi sku zhes pa ni chos rnams kyi rang bzhin gang yin pa'o/ /
 rgyu phun sum tshogs pa dang po zhes pa ni byang chub tu sems bskyed pa la sogs pa rgyu du ma yod du zin kyang de rnams dang po ma yin pas dang po zhes smos so/ /rgyu ni byed pa'o/ /dang po'i phun sum tshogs pa zhes bya ste/ de ltar phun sum tshogs pas
 longs spyod thams cad thob par 'gyur ba de bzhin du rgyu 'di'i stobs kyis sangs rgyas nyid thob par 'gyur bas snying rje'i mtshan nyid can gyi rgyu gang yin pa de la phun sum tshogs pa'i sgras brjod pa yin no/ /'khor ba zhes pa ni gang du 'khor bas na
 'khor ba ste 'gro ba lnga'i gnas la brjod kyi/ 'khor bar 'gyur ba'i phung po lnga ni ma yin te/ de rnams sems can zhes pa'i tshig gis bstan pa'o/ /'khor ba nyid la brtson ra zhes bya ste ji ltar brtson gyi ra ba ru sems can rnams kyi sdug bsngal nyams su myong ba de bzhin 
 du 'khor bar yang skye ba la sogs pa'i sdug bsngal mang po myong pas so/ /bsdams pa zhes pa ni der nyon mongs pas bcings pa'o/ /skyabs med pa zhes pa ni bcings pa las grol bar byed pa med pas so/ /yongs su skyobs pa zhes
 pa ni 'khor ba'i btson ra las grol bar byed pas so/ /mtshan nyid can zhes pa ni de'i rang bzhin can snying rje'o/ /de nyid kyi phyir sdug bsngal dang/ sdug bsngal rgyu las 'dren par bstod pa nyid la snying rje zhes gsungs so/ /bstod par 'os pa nyid ces
 pa ni yin? no? tan ji ltar yod pa bzhin du brjod par 'os pa gang yin pa'o/ /'di'i don ni dang por sangs rgyas dang byang chub sems dpa' rnams la bstod par 'os pa yin pa las thugs snying rje chen po la dang por bstod? pa ci'i phyir byas snyam pa'i
 dogs pa bsal ba'i ched du snying rje chen po la bstong par 'os pa bstan par bya ba'i phyir/ tshigs su bcad pa gnyis brjod pa yin no/ /zhes pa'o/ /de la tshigs su bcad pa dang pos byang chub sems dpa' i gnyis su med pa'i blo dang snying rje chen po gtso bo
 nyid du bstan no/ /tshigs su bcad pa gnyis pas byang chub kyi sems dang gnyis su med pa'i blo las snying rje chen po gtso bor bstan no/ /thub pa ni nyan thos dang/ rang sangs rgyas dang/ byang chub sems dpa' rnams te/ lus dang ngag dang/ yid yang
 dag par dul bas so/ /dbang po ni sangs rgyas nyid do/ /tshig gi don gzhan ni 'grel pa las gsal lo/ /'di'i dag gi don ni gang gi phyir nyan thos dang/ rang sangs rgyas yang dag par rdzogs pa'i sangs rgyas las skye la/ yang dag par rdzogs
 pa'i sangs rgyas byang chub sems dpa' las 'khrungs la/ byang chub sems dpa' yang thugs rje chen po dang gnyis su med pa'i shes rab dang/ byang chub kyi sems las skyes pa de'i phyir thugs rje chen po la bstod pa mdzad pa yin no/ /zhes pa'o/ /
 de la thub dbang las skyes zhes pa'i tshig gi don bshad par bya ba'i phyir/ de la zhes bya ba la sogs pa smos te/ de la zhes pa ni tshig spyi'i nang nas thub dbang las skyes kyi tshig gi don ston pa'o/ /gong na med pa'i chos zhes
 pa ni theg pa chen po'o/ /dbang phyug ces pa ni gdul bya rnams kyi bsam pa ston pa gang yin pa ste/ de nyid la phun sum tshogs pa zhes bya'o/ /yang gong na med pa'i chos ni stobs dang mi 'jigs pa la sogs pa'o/ /de la dbang ba nyid du phun sum tshogs
 pa'o/ /nyan thos la sogs pa las bcom ldan 'das khyad par du 'phags par bstan par bya ba'i phyir/ nyan thos dang zhes pa la sogs pa smos te/ nyan thos la sogs pa las bcom ldan 'das mchog tu gyur pa'i dbang phyug phun sum tshogs pa
 dang ldan pa yin te/ de rnams theg pa chen po'i chos dang stobs dang mi 'jigs pa la sogs pa'i chos la dbang ba med la/ bcom ldan 'das la mnga' bas so/ /rgyu mtshan gnyis pa bstan par bya ba'i phyir/ nyan thos la sogs pa zhes bya ba la sogs
 pa smos so/ /nyan thos la sogs pa rnams yang dag par rdzogs pa'i sangs rgyas kyi bka' bzhin du sgrub par byed kyi/ sangs rgyas nyan thos la sogs pa'i dag bzhin du sgrub par mi byed pas sangs rgyas bcom ldan 'das rnams la thub pa'i dbang po zhes brjod do/
 sangs rgyas zhes pa ni gti mug gi gnyid sangs pas sangs rgyas te/ skyes bu gnyid sangs pa bzhin no/ /yang na blo'i kha phye bas sangs rgyas te/ pad+ma kha bye ba bzhin no/ /yang na de kho na nyid thugs su chud pas sangs rgyas so/ /bcom ldan 'das zhes pa rnams ni phung po dang/ 'chi
 bdag dang/ lha'i bu dang/ nyon mongs pa'i bdud bcom pas bcom ldan 'das so/ /de la mi gnas pa'i mya ngan las 'das pas phung po'i bdud dang/ 'chi bdag gi bdud bcom mo/ /rdo rje lta bu'i ting nge 'dzin gyis nyon mongs pa'i bdud bcom mo/ /byams pa'i ting nge 'dzin gyis
 lha'i bu'i bdud bcom mo/ /yang na dbang phyug la sogs pa yon tan drug dang ldan pas bcom ldan 'das te/ dpal dang grags dang ye shes dang/ /dbang phyug dang ni gzugs bzang dang/ /brtson 'grus phun sum tshogs pa'o//
 drug po de la ldan zhes bya zhes gsungs pas so/ /de la bsod nams kyi tshogs dang ldan pas dpal phun sum tshogs pa'o/ /sgrib pa dang bral bas khams gsum du grags pas grags pa phun sum tshogs pa'o/ /gang zag dang chos kyi bdag med pa
 yongs su shes pas ye shes phun sum tshogs pa'o/ /bla na med pa'i chos kyi dbang phyug mnga' bas dbang phyug phun sum tshogs pa'o/ /yul la gnas pa dang rdzogs pa la sogs pa'i mtshan dang ldan pas gzugs bzang ba phun sum tshogs pa'o//
 bskal pa grangs med pa gsum du brtson 'grus brtsams pas brtson 'grus phun sum tshogs pa dang ldan pa'o/ /yang na 'khor ba dang mya ngan las 'das pa las brgal bas na bcom ldan 'das so/ /yang na srid par 'gro ba spangs pas bcom ldan 'das
 so/ /yang na mi 'jigs pa bzhi thob pa'i phyir 'jigs pa spangs pas bcom ldan 'das te/ de nyid kyi phyir 'phags pa phyir mi ldog pa 'khor lo'i mdo las/ nam mkha' dang ni mtshungs pa'i chos/ /lus can rnams la ston par mdzad/ /de la de ni 'jigs pa
 med/ /de phyir bcom ldan 'das zhes brjod ces gsungs so/ /de rnams la zhes bya ba la sogs pa'o/ /ci ltar zhe na zhes pa ni thub pa'i dbang po la nyan thos la sogs pa rnams ji ltar skyes zhes pa'i tha tshig go /ci ltar thub pa'i dbang po las skyes pa de
 bstan par bya ba'i phyir/ sangs rgyas byung bar gyur pa na zhes bya ba la sogs pa smos te/ rten cing 'brel par 'byung ba phyin ci ma log par ston pa la zhes pa ni gzhan gyis phung po rnams la 'dod rgyal dang/ dus dang/ rang bzhin dang/ bdag dang/ dbang
 phyug nyid rgyu nyid du dang/ rgyu med par 'dod pas de phyin ci log gi rten cing 'brel par 'byung ba smra ba yin la/ de dgag pa'i phyir byin ci ma log pa zhes smos so/ /phyin ci ma log par bstan pa de yang ma rig pa'i rkyen gyis 'du byed ces bya ba la sogs pa gsungs pas
 te/ gzhan mi 'thad pa dang/ 'di kho na 'thad pa dang bcas pa'o/ /'jug pa'i phyir la zhes pa ni de'i dbang gis gdul bya rnams la chos bstan par snang ba 'byung ste/ gnyid log pa'i dus na dbugs dbyung ba dang 'jug pa bzhin no/ /ji ltar gnyid log pa la
 dbugs dbyung ba dang 'jug pa rang la snang ba med kyang gzhan rnams la snang bar 'gyur ba de bzhin du bcom ldan 'das kyis chos bstan pa nyid la snang ba med du zin kyang gzhan rnams la snang ngo/ /zhes pa'i tha tshig go /de nyan pa dang zhes bya ba la sogs
 pa la thos pa las byung ba'i shes rab ni yid ches pa lung tshad ma nyid las skyes pa'i nges pa yin no/ /bsam pa las byung ba ni rigs pas nges pas nges par rtags pa las skyes pa yin no/ /bsgom pa las byung ba ni ting nge 'dzin las skyes pa
 yin no/ /rim pa ni thos pa la sogs pa'i rim pa ji lta ba nyid kyis so/ /lhag par mos pa ji lta ba bzhin zhes pa ni rang gi don dang chos bstan pa med par rdzu 'phrul gyi sgo nas cung zad gzhan gyi don la smos pa'i dbye bas so/ /nyan thos la sogs
 pa rnams yongs su rdzogs par 'gyur ba'i phyir ro/ /zhes pa ni rten cing 'brel par 'byung ba rang bzhin med par shes nas nyan thos la sogs pa rnams yongs su rdzogs par 'gyur ba'o/ /gal te nyan thos rnams kyis gang zag gi bdag med bar
 shes pa yin gyi/ rten cing 'brel par 'byung ba rang bzhin med par ji ltar shes she na/ ji ltar nyan thos la sogs pa rnams la chos kyi bdag med pa shes pa yod pa de ltar ring du song ba de ni blos kyang lhag ces pas 'dir ston to/ /gal te rten
 cing 'brel par 'byung ba bstan pa yod du zin kyang nyan thos la sogs pa'i go 'phang las ma thob par snang bas phyin ci ma log pa'i rten cing 'brel par 'byung ba bstan pas nyan thos la sogs pa rnams yongs su rdzogs par 'gyur zhes
 ci'i phyir brjod ce na/ de la lan bstan par bya ba'i phyir/ gal te yang kha cig ces bya ba la sogs pa smos te/ don dam pa rtogs pa la mkhas su zin kyang zhes pa ni don dam pa sgro ma btags pa'i rang bzhin can dngos po med pa nyid rtogs su zin kyang ngo/ /mya ngan
 las 'das pa thob par mi 'gyur gyi zhes pa ni kha cig rkyen ma tshang ba'i sgo nas ma thob kyang ngo/ las rnam par smin par nges pa 'bras bu ltar zhes pa ni las gang yang nges par 'bras bu nyams su myong ba yod pa'o/ /lhag ma go sla'o/ /'di'i don ni ji ltar 'bras bu myong bar
 nges pa'i las kyi rnam par smin pa nges par nyams su myong ba de bzhin du gang dag rten cing 'brel par 'byung ba bstan pa la thos pa la sogs pa byas pa mthong ba'i tshe la mya ngan las 'das pa ma thob tu zin kyang de lta na yang skye ba gzhan du de rnams kyis de kho na nyid nye bar
 bstan pa'i 'bras bu'i nges par nyams su myong bar 'gyur ro/ /zhes pa'o/ /de ltar 'phags pa lhas kyang gsungs so/ /zhes bstan pa'i phyir/ de yang ji skad du zhes pa la sogs pa smos te/ 'phags pa lhas bzhi brgya pa'i le'u brgyad pa las de nyid shes pas zhes bya ba la
 sogs pa gsungs so/ /'di don ni tshe 'di la de kho na nyid mthong pa'i don du brtson 'grus brtsams pas mya ngan las 'das pa ma thob kyang de ltar na yang don dam pa'i ye shes 'grub pa la rab tu 'bad pas nges par skye ba gzhan du mya ngan las 'das pa thob par 'gyur te las
 bzhin no/ /ji ltar gti mug gis byas pa'i nges pa'i las la tshe 'di la 'bras bu med du zin kyang/ de'i 'bras bus nges par skye ba gzhan du myong bar 'gyur te/ sa bon 'gags ma thag pa'i myu gu dang/ lo ma dang me tog dang/ 'bras bu la sogs pa nges par 'byung ba lta bu
 dang/ shing tog a 'bra zos nas snying po 'dzugs pa bzhin te/ gang gis a 'bra smin pa'i 'bras bu zos nas sa bon la nyams pa bskrun pa des sa bon skrun pa de'i dus su 'bras bu mi thob kyang da ltar na yang dus gzhan du ji ltar 'dod pa'i 'bras bu thob pa bzhin no/ /des na rten cing 'brel
 par 'byung ba bstan pa la nyan thos la sogs pa 'bras bu thob pa kho na'o/ /de ltar yang 'phags pa klu sgrub zhabs kyis kyang gsungs so/ /zhes bstan par bya ba'i phyir/ de nyid kyi phyir zhes bya ba la sogs pa smos te/ de nyid kyi phyir zhes pa ni gang gi phyir rten cing 'brel par 'byung ba
 bstan pa las nges par 'bras bu 'byung ba de nyid kyi phyir ro/ /gsungs so zhes pa ni 'phags pa klu sgrub zhabs kyis le'u bco brgyad pa bdag la spyod pa las rdzogs pa'i sangs rgyas zhes bya ba la sogs pa gsungs so/ /tshig gi don lhag ma go sla'o/ /'di'i don ni yang dag par
 rdzogs pa'i sangs rgyas rnams mi 'byung zhing nyan thos rnams kyang zad par gyur na 'phags pa'i lam ston par byed pa'i rkyen ma tshang bas de kho na nyid kyi bdud rtsi thob par mi 'gyur gyi/ 'on kyang sngon gyi skye ba gzhan du de kho na nyid thos pa la thos pa'i rgyu'i stobs kho nas tshe 'di la nye
 bar ston pa la ma bltos su zin kyang gnas dben pa la brten pa tsam gyis rkyen 'dzom pas byung ba'i rang sangs rgyas kyis ma 'dres pa'i sgo nas ye shes 'byung bar 'gyur ro/ /de la ma 'dres pa ni lus dang sems rnam par dben pa gang yin pa'o/ /yang na dge ba'i bshes gnyen mi tsho la ba gang
 yin pa'o/ /gang gi phyir ma 'dres pa des sangs rgyas ma byung ba'i dus su yang rang sangs rgyas rnams kyis de kho na nyid rtogs par 'gyur bas de'i phyir sman pa'i rgyal po chen po rdzogs pa'i sangs rgyas rnams kyis gsungs pa'i de kho na nyid kyi bdud rtsi'i sgrub pa don med pa ma yin no/ /zhes
 shes par bya'o/ /nyan thos kyi tshig gi don bstan par bya ba'i phyir/ de la zhes bya ba la sogs pa smos te/ yang dag pa'i gdams ngag gi zhes pa ni dngos po'i de kho na nyid ji lta ba bzhin du rtogs par byed pa'i chos ston pa'o/ /de'i 'bras bu ni zad pa dang mi skye ba shes pa'i mtshan
 nyid can nyan thos kyi byang chub po/ /'di ltar bdag gis sdug bsngal yongs su shes so/ /kun 'byung rab tu spangs so/ /'gog pa mngon du byas so/ /lam bsgoms pas so zhes bya ba de lta bu'i rnam pa can gyi zad pa dang/ mi skye ba shes pa la byang chub ces bya'o/
 thob par byed pas na nyan thos zhes pa ni de lta bu'i byang chub gzhan dag la rna ba'i yul du byed pa nyan thos so/ /rnam pa gang gi sgo nas thos par byed ce na/ 'di ltar zhes bya ba la sogs pa smos te/ 'di ltar zhes pa ni sngar bstan pa'i don gsal bar bya ba'i ched du'o/ /bya ba
 byas so zhes pa ni sdug bsngal shes/ kun 'byung spangs 'gog pa sngon du byas/ lam bsgoms pa'i rang bzhin can gyi bya ba byas pas so/ /'di las srid pa gzhan mi shes so/ /zhes pa ni srid pa 'di las srid pa gzhan med pa'o/ /sogs pa'i sgras ni skye ba zad do//
 tshangs par spyad pa brten to/ zhes bya ba bzung ngo/ /rnam pa gzhan gyi sgo nas nyan thos kyi tshig gi don bstan par bya ba'i phyir/ yang na zhes bya ba la sogs pa smos te/ /yang na zhes pa ni rnam pa gzhan gyi sgo nas ston par byed pa'i tshig go /rnam pa gzhan de yang gang zhe na/ 'bras
 bu'i mchog gam zhes smos te/ 'bras bu'i mchog yang dag par rdzogs pa'i byang chub sgrogs par byed pas nyan thos so/ /bshad pa'i rnam pa gzhan bstan pa'i phyir/ yang dag par rdzogs pa'i zhes bya ba la sogs pa smos te/ bla na med pa yang dag par rdzogs pa'i
 byang chub kyi lam chos thams cad kyi ci ltar yod pa de bzhin du thugs su chud pa'i ye shes gang la mnga' ba'i de bzhin gshegs pa rnams la thos nas/ byang chub kyi lam don du gnyer ba rnams la rna ba'i yul du byed pa nyan thos so/ /de ltar nyan thos kyi byang chub dang/ bla na
 med pa yang dag par rdzogs pa'i byang chub dang byang chub kyi lam gzhan gyi thos par byed pas na nyan thos zhes bstan to/ /bla na med pa yang dag par rdzogs pa'i byang chub dang/ nyan thos kyi byang chub thob par byed pas nyan thos zhes pa'i don 'di la dam pa'i chos pad+ma dkar por bstan
 par bya ba'i phyir/ dam pa'i chos zhes bya ba la sogs pa smos te/ mgon po zhes pa ni bcom ldan 'das la rje'o/ /zhes bod pa'i tshig go /bdag cag de ring nyan thos gyur ces pa ni go sla'o/ /'o na rgyu mtshan gang gis nyan thos su gyur zhe na/ byang chub dam pa yang dag
 bsgrags par bgyi zhes smos te/ byang chub dam pa bla na med pa yang dag par rdzogs pa'i byang chub gzhan gyis thos par byed pas nyan thos so/ /byang chub pa'i zhes pa ni 'dir zad pa dang mi skye ba shes pa'i mtshan nyid can gyi nyan thos kyi byang chub la zer bas de'i phyir 'dir
 dam pa'i sgra ma smras so/ /sgra yang rab tu brjod ces pa ni zad pa dang mi skye ba shes pa'i mtshan nyid can byang chub ston par byed pa'i sgra gzhan dag la rab tu sgrogs pas nyan thos so/ /de bas bdag cag nyan thos zhes pa ni sngar bstan pa'i don gnyis kyis nyan thos su gyur pa'o/
 mi zad 'dra zhes pa ni nyan thos kyi tshig gi bye brag te/ ji ltar mes shing la sogs pa sreg pa de bzhin du bdag cag gi nyon mongs pa thams cad bsregs pas na mi zad pa dang 'dra ba'o/ /gal te byang chub gnyis thob par byed pas nyan thos zhes zer na/ byang chub sems dpa' yang?
 byang chub gnyis thob par byed pas nyan thos su 'gyur ro/ /zhe na/ de la lan bstan par bya ba'i phyir/ byang chub sems dpa' rnams kyang zhes bya ba la sogs pa smos te/ byang chub sems dpa' rnams nyan thos kyi byang chub dang/ yang dag par rdzogs pa'i byang chub thob par byed du zin
 kyang ngo/ /'o na nyan thos su ci'i phyir mi 'gyur zhe na/ lan ni de ltar yin mod kyi zhes bya ba la sogs pa smos te/ de ltar yin med kyi zhes pa ni byang chub gnyis thob par byed kyang ngo/ /de ltar yang sgrogs par byed pa nyid yin gyi zhes pa ni gang byang chub gnyis rna ba'i yul du byed pa nyid do/
 rjes su mthun pa zhes bya ba la sogs pas ni nyan thos yin pa'i phyir byang chub gnyis dang rjes su mthun pa'i lam sgrub par mi byed la/ byang chub sems dpa' rnams byang chub gnyis kyi lam shes pas nyan thos su thal bar mi 'gyur ro/ /zhes pa'o/ /sangs rgyas 'bring? gi tshig gi don bstan par bya ba'i
 phyir/ sangs rgyas kyi sgra zhes bya ba la sogs pa smos te/ de kho na nyid khong du chud pa la sangs rgyas kyi sgra 'jug pas de kho na nyid thugs su chud pa de yang nyan thos dang/ rang sangs rgyas kyi sa dang/ bla na med pa yang dag par rdzogs pa'i
 sangs rgyas gsum ka la yod pa yin pas sangs rgyas kyi sgras rang sangs rgyas kyang brjod pa yin no/ /gal te de kho na nyid rtogs pa la khyad par med pas rang sangs rgyas la nyan thos dang/ bla na med pa yang dag par rdzogs pa'i sangs rgyas zhes ci'i
 phyir mi zer zhe na/ de la lan ni de dag ni zhes bya ba la sogs pa smos te/ de dag ni zhes pa ni rang sangs rgyas so/ /bsod nams dang ye shes gong du 'phel ba'i khyad par gyis zhes bya ba la sogs pa la ye shes gong du 'phel ba'i khyad par ni rang sangs rgyas
 rnams kyis gzung ba'i rnam par rtog pa spangs la/ nyan thos rnams kyis ma spangs pas so/ /bsod nams gong du 'phel ba'i khyad par ni ye shes gong du 'phel ba'i khyad par dang ldan pa las shes par bya'o/ /gzhan du na nyan thos rnams bzhin du rang sangs rgyas
 rnams kyang ye shes gong du 'phel bar mi 'gyur ro/ /bsod rnams dang ye shes kyi tshogs zhes pa'i bsod nams kyi tshogs ni sbyin pa dang/ tshul khrims dang/ bzod pa'i pha rol tu phyin pa'o/ /ye shes kyi tshogs ni bsam gtan dang/ shes rab kyi pha rol tu phyin
 pa'o/ /brtson grus kyi pha rol tu phyin pa na gnyis ka'i rgyu'o/ /de'i phyir de gnyis kyi bar du smos so/ /thugs rje chen po dang zhes pa ni dmigs pa med pa'i thugs rje'o/ /rnam pa thams cad mkhyen pa nyid ces pa ni gdul bya'i dbang du byas nas sangs rgyas kyi gnas skabs
 kyi sgrib pa med pa'i gnyis su med pa'i ye shes kyi gang yin pa'o/ /sogs pa'i sgras stobs bcu la sogs pa bzung bar bya'o/ /de rnams med pas sangs rgyas rnams pas dman pa yin pas nyan thos dang/ yang dag par rdzogs pa'i sangs rgyas rnams kyi bar
 na yod pa'i phyir sangs rgyas 'bring ngo/ /zhes brjod do/ /de ltar sangs rgyas 'bring po'i tshig gi don bstan nas/ sangs rgyas 'bring po'i rnam grangs gzhan rang sangs rgyas zhes pa'i tshig gi don bstan par bya ba'i phyir/ de nyid kyi phyir zhes bya ba la sogs pa smos te/ de nyid kyi phyir zhes pa ni
 nyan thos dang/ yang dag par rdzogs pa'i sangs rgyas kyi bar na yod pas so/ /de dag ni zhes pa ni sangs rgyas 'bring po'o/ /nye bar ma bstan par ye shes byung zhes pa ni sngon gyi skye ba snga ma la de kho na nyid mnyan pa la sogs pa'i bag chags kyi dbang gi gzhan gyis bstan pa med
 par ye shes skye bar 'gyur pas so/ /bdag nyid gcig pu sangs rgyas pas rang sangs rgyas so zhes pa ni gzhan rnams la chos mi ston par bdag gcig pu sangs rgyas par 'gyur bas rang sangs rgyas zhes bya'o/ /de ltar nyan thos dang/ rang sangs rgyas kyi tshig gi don bstan
 nas/ thub dbang skyes zhes bya ba'i tshig gi don bstan par bya ba'i phyir/ ji skad du bshad pa'i tshul zhes bya ba la sogs pa smos so/ /sangs rgyas byung bar gyur pa na zhes bya ba la sogs pa ji skad bstan pa'i rigs pas de bzhin gshegs pa rnams kyis bdag gis chos bstan
 pa las skyes pa yin pas thub dbang skyes so/ /gal te rang sangs rgyas rnams la ye shes byung bas thub dbang skyes zhes ci ltar brjod ce na/ ma yin te rang sangs rgyas rnams skye ba 'di la rang byung gi ye shes skye ru zin kyang/ de lta na yang skye ba gzhan du chos bstan pa thos pa
 la sogs pa med par rang byung gi ye shes mi 'grub pas de rnams kyang thub dbang las skyes so/ /sangs rgyas zhes bya ba la sogs pa'i tshig gi 'brel ba bstan par bya ba'i phyir/ yang thub pa'i dbang po zhes bya ba la sogs pa smos te go sla'o/ /sangs rgyas dang byang chub sems
 dpa' las 'khrungs shing zhes pa ni byang chub sems dpa' i gnas skabs las de ma thag tu sangs rgyas kyi gnas skabs skye ba dang/ byang chub sems dpa' rnams sangs rgyas nyid du sems bskyed pa'i rang bzhin can yang dag par skul bar byed pas byang chub sems dpa' las sangs
 rgyas rnams 'byung zhes bstan no/ /de la gzhan ni rgol ba bstan par bya ba'i phyir/ gal te zhes bya ba la sogs pa smos te/ go sla'o/ /lan bstan par bya ba'i phyir/ 'di ni bden mod kyi zhes smos te/ sangs rgyas kyis chos bstan pa las
 byang chub sems dpa' rnams skye pa de bden pa'o/ /gal te bden pa yin na ci'i phyir khas mi len zhe na/ de la lan ni 'on kyang zhes bya ba la sogs pa smos te/ 'on kyang zhes pa ni khyad par ston pa yin te/ khyod kyis smras pa de dag khyad yod do/ /zhes pa'i don to/ /khyad par
 bstan par bya ba'i phyir/ rgyu gnyis kyis zhes bya ba la sogs pa smos te/ rgyu gnyis kyis zhes bya ba la sogs pa ni mdor bstan pa'i tshig go /gnas skabs kyi khyad par dang zhes bya ba la sogs pa ni rgyas par sten pa'i tshig go /de la gnas skabs kyi khyad par las ni zhes bya
 ba la sogs pa ni shin tu rgyas par ston pa'i tshig go /'di don ni 'di yin te/ byang chub sems dpa' rnams kyi gnas skabs kyi de ma thag tu sangs rgyas kyi gnas skabs 'byung ba yin pas gnas skabs kyi khyad par byang chub sems dpa' rnams kho na la yod pa dang/ phal
 cher sangs rgyas rnams byang chub sems dpa' rnams kyis dang por skul par byed pas byang chub sems dpa' las sangs rgyas 'byung zhes pa'i don to/ /de la mjug bsdu ba bstan par bya ba'i phyir/ de'i phyir zhes bya ba la sogs pa smos te/ de'i phyir zhes pa'i rgyu mtshan
 gnyis kyis so/ /'bras bu'i mthar thug ces pa ni/ sangs rgyas 'thob pa'o/ /rgyu gtso bor gyur pa la bltos nas zhes pa ni byang chub sems dpa' rgyu'i gtso bo rnams la bltos pa'i phyir ro/ /de bzhin gshegs pa zhes pa la sogs pa ni go sla'o/ /gang gi phyir
 byang chub sems dpa' las de bzhin gshegs pa rnams 'byung ba de'i phyir sangs rgyas rnams kyis byang chub sems dpa' rnams la bsngags pa mdzad pa yin no/ /zhes bston par bya ba'i phyir/ de nyid kyi phyir zhes bya ba la sogs pa smos te/ de nyid kyi phyir/ sangs
 rgyas bcom ldan 'das de dag gis/ byang chub sems dpa' rnams la bsngags pa mdzad pa yin na/ /zhes 'brel lo/ /ci'i phyir rgyu phun sum tshogs pa la ches brling ba yin pa'i phyir ro/ /zhes smos te/ gnas skabs kyi khyad par dang yang dag par skul bar byed pas byang chub
 sems dpa' rnams/ sangs rgyas kyi rgyu phun sum tshogs pa nyid do/ /de yang ches brling ba yin te/ de med na sangs rgyas nyid mi 'grub pas so/ /dgos pa gnyis pa bstan par bya ba'i phyir/ rgyu la zhes bya ba la sogs pa smos so/ /'dir yang rgyu la mchod par brjod pa nyid kyi don gyi
 'phangs pas 'bras bu la mchod pa brjod pa nyid du bstan par bya zhing zhes pa dang 'brel lo/ /de la rgyu la mchod par brjod pa ni byang chub sems dpa' la'o/ /'bras bu la mchod par brjod pa ni sangs rgyas la'o/ /dgos pa gsum bstan par bya ba'i phyir/ sman gyi ljon
 shing chen po zhes bya ba la sogs pa smos te/ sman gyi ljon shing chen po zhes pa ni ljon shing gang la a ru ra la sogs pa'i sman 'byung ba de la sman gyi ljon shing chen po zhes bya'o/ /shing yin yang skams pa'i dus su 'bras bu med pas de dgag pa'i phyir/ myu gu la
 sogs pa mthong zhing zhes bya ba la sogs pa smos so/ /myu gu la sogs pa dang ldan yang tar ka'i rigs 'ga' zhig bzhin du 'bras bu med pa yang mthong bas de dgag pa'i phyir/ 'bras bu dpag tu med pa star bzhes smos so/ /'di'i don ni ji ltar 'bras bu dpag tu med pa
 ster bar byed pa de bzhin du sman gyi ljon shing bzhin du 'bad nas srung bar byed pa de bzhin du byang chub sems dpa' i gnas skabs kyang yon tan dpag tu med pa dang ldan pa'i 'bras bu sangs rgyas ster bar byed pas shin tu 'bad pas bsrung bar bya ba yin no/ /zhes shes par bya
 ba'i phyir/ sangs rgyas rnams kyis byang chub sems dpa' rnams kyi bsngags pa brjod pa yin no/ /zhes pa'o/ /dgos pa bzhin bstan par bya ba'i phyir/ dus der zhes bya ba la sogs pa smos te/ dus der zhes pa ni byang chub sems dpa' rnams kyi bsngags pa brjod pa'i che'o/
 nye bar gyur cing zhes pa ni drung na 'khod pa rnams so/ /theg pa gsum la bkod pa'i sems can gyi phung pa zhes pa ni nyan thos dang/ rang sangs rgyas dang/ byang chub sems dpa' rnams kyi lam la sbyar ba'i sems can gyi tshogs so/ /theg pa chen po nyid la
 zhes pa ni gang gis mi gnas pa'i mya ngan las 'das pa'i grong khyer du 'gro ba ste lam mo/ /de la yang chen po ste/ chen po bdun dang ldan pas so/ /de la chen po bdun ni dmigs pa drang/ sgrub pa dang/ brtson 'grus dang/ thabs dang/ thob pa dang/ phrin las so/ /de
 la dmigs pa che ba ni stong phrag brgya pa la sog pa'i mdo bstan pa'i chos dpag tu med pa la dmigs pas so/ /sgrub pa chen po bdag dang gzhan gyi don thams cad sgrub par byed pa'o/ /ye shes che ba ni gang zag dang chos kyi bdag med pa yongs su shes pas so/ /brtson 'grus che
 ba ni bskal pa grangs med pa gsum du dka' ba brgya stong du ma la sbyor bar byed pa'o/ /thabs che ba ni 'khor ba dang mya ngan las 'das pa la rab tu mi gnas pas so/ /thob pa che ba ni stobs dang mi 'jigs pa la sogs pa sangs rgyas kyi chos ma 'dres pa dpag tu med cing bgrang
 du med pa'i yon tan thugs su chud pas so/ /phrin las chen po ni 'khor ba ji srid kyi bar du mngon par byang chub pa la sogs pa sangs rgyas kyi mdzad pa rjes su sgrub par byed pas so/ /de nyid kyi phyir mdo sde rgyan las/ dmigs pa che dang de bzhin du/ /gnyis po sgrub par byed pa dang/
 brtson 'grus rtsom dang ye shes ni/ /thabs la mkhas pa nyid dag dang/ /thob pa chen po nyid dag dang/ /sangs rgyas phrin las chen po ste/ /chen po de rnams dang ldan pas/ /theg pa chen po zhes ni brjod ces gsungs so/ /nges par sbyar bya ba'i phyir zhes pa ni bskul bar bya ba'i phyir ro//
 'di'i don ni gang gi tshe byang chub sems dpa' rnams kyi bsngags pa brjod pa de'i tshe nyan thos dang rang sangs rgyas kyi theg pa la bkod pa yang nye bar gnas pa yin na de rnams kyi byang chub sems dpa' rnams kyi bsngags pa brjod pa thos nas nges par byang chub sems
 dpa' i theg pa kho na don dam pa yin gyi gzhan ni dgongs pa can no/ /zhes pa'i sems skye'o/ /gzhan du na de bzhin gshegs pa rnams kyis byang chub sems dpa' rnams kyi bsngags pa ji ltar brjod/ /des na bdag kyang don dam pa'i theg pa la 'jug par bya'o snyam pa'i sems
 bskyed par bya ba'i ched du'o/ /zhes pa'i don to/ /de ltar rigs pas byang chub sems dpa' la sangs rgyas 'byung bar bstan nas/ da ni lung gi sgo nas byang chub sems dpa' las sangs rgyas 'byung ngo/ /zhes bstan par bya ba'i phyir dang/ mdo gang las sangs rgyas kyis byang chub
 sems dpa' i bsngags pa brjod pa de bstan par bya ba'i phyir/ ji skad du zhes bya ba la sogs pa smos te go sla'o/ /de la mjug bsdu ba bstan par bya ba'i phyir/ de'i phyir de ltar na zhes bya ba la sogs pa smos te go sla'o/ /byang chub sems dpa' i rgyu gang yin zhes dri ba bstan par
 bya ba'i phyir/ yang zhes bya ba la sogs pa smos te go sla'o/ /de la lan ni snying rje zhes bya ba la sogs pa smos te/ sdig pa'i chos las rgyal bas rgyal ba ni sangs rgyas bcom ldan 'das so/ /chos kyi dbyings shin tu rnam par dag pa dang rgyu mthun pa thos pa'i bag
 chags kyi snying po can yin pas/ rgyal ba'i sras ni byang chub sems dpa' o/ /byang chub sems dpa' de rnams snying rje dang ldan pa'i sems dang/ don dam pa'i byang chub tu sems bskyed pa'i rang bzhin can gnyis su med pa'i blo dang/ brda las byung ba'i byang chub sems
 bskyed pa ni rgyu yin no/ /zhes pa'o/ /de 'grel bas bstan par bya ba'i phyir/ de la zhes bya ba la sogs pa smos te/ de la 'chad par 'gyur ba'i rnam pa ni sems can la dmigs pa dang/ chos la dmigs pa dang/ dmigs pa med pa'i bye brag dang gsum ste/ dmigs
 pa'i sgo nas rang bzhin ston pas so/ /de yang dang bor bdag tu zhes bya ba la sogs pas ston par 'gyur ro/ /dngos po dang zhes bya ba la sogs pa ni dngos po dang/ dngos po med pa dang/ yod pa dang/ med pa dang/ rtag pa dang/ chad pa la sogs pa mdza' gnyis
 dang bral ba ni gnyis su med pa'i shes rab bo/ /brda las byung ba'i byang chub tu sems bskyed pa bstan par bya ba'i phyir/ byang chub sems ni zhes bya ba la sogs pa smos te go sla'o/ /chos thams cad khong du chud par bgyi'o/ /zhes pa ni byang chub kyi sems
 kyi 'bras bu bstan no/ /de la chos thams cad khong du chud pa ni rnam pa thams cad khong du chud pa ste/ rnam pa thams cad mkhyen pa nyid do/ /zhes bya ba'i tha tshig go /de byang chub kyi sems las byung bar 'gyur zhes shes par bya ste/ brda las byung ba'i byang chub tu sems bskyed
 pa de'i brgyud pa'i rgyu yin pas so/ /'o na byang chub sems dpa' i rang bzhin gang zhe na/ de la lan ni chos thams cad ces bya ba la sogs pa smos te/ chos rnams kyi dbyings ni stong pa nyid do/ /de dang mnyam pa ni chos thams cad de/ ji ltar stong pa nyid la rang bzhin
 gang yang med pa de bzhin du chos thams cad kyang ngo/ /mnyam pa nyid de yang tha dad par brtags nas bstan pa'o/ /rgyu dang rkyen gyis bskyed pas glo bur du byung ba'o/ /de nyid kyi phyir skyes ma thag tu 'jig pas na mi gnas pa'o/ /glo bur du byung ba dang/ mi gnas pa'i
 rgyu mtshan de gnyis kyis chos thams cad rang bzhin med pa yin te/ bcos ma ma yin pa dang/ mi 'jig pa gang yin pa de rang bzhin yin pas so/ /des na chos thams cad kyi dbyings dang mnyam pa'o/ /yongs su shes par bya ba ma yin pa ste zhes pa ni bsgrub par
 bya'o/ /shes par bgyi ba tsam dang zhes pa ni gtan tshigs te/ gang gi phyir chos thams cad zla ba gnyis su snang ba la sogs pa de bzhin du shes par bya ba tsam gyi de rnams la rang bzhin yod pa ma yin no/ /des na shes par bya ba ma yin te/ rang bzhin kho na shes par bya
 ba yin pas so/ /shes pa pos stong pa'i phyir ro/ /zhes pa ni gal te shes pa po yod par gyur na de'i tshe chos thams cad yongs su shes par 'gyur ba las 'chad par 'gyur ba'i rnam par shes pa po med pa'i phyir chos thams cad yongs su shes par bya ba ma yin no/ /
 'di'i don ni gang gi phyir chos thams cad shes pa pos stong pa de'i phyir chos thams cad chos kyis rang bzhin gyis shes par bya ba ma yin no/ /zhes pa'i don to/ /chos nyid zhes pa ni stong pa nyid do/ /'di lta bu ni zhes pa ni chos kyi dbyings dang mnyam pa la sogs pa dang/
 chos thams cad yongs su shes par bya ba ma yin pa'i rnam pas so/ /sems can rnams zhes bya ba la sogs pa ni go sla'o/ /sems can rnams la chos nyid khong du chud par byed pa de yang rang nyid kyis chos nyid khong du chud pa med pas mi srid pas rang gi byang chub shugs
 kyis 'phangs pa yin no/ /des na gzhan gyi don gyi ched du yang dag par rdzogs pa'i byang chub la dmigs par mngon par 'dod pa'i rang bzhin can byang chub tu sems bskyed pas bstan no/ /byang chub kyi sems de'i khyad par brjod pa'i sgo nas phan yon bstan par bya ba'i phyir/
 sems can thams cad ces bya ba la sogs pa smos te/ gang gi phyir byang chub kyi sems kyi stobs kyis sems can thams cad la phan pa dang bde bar byed pa de'i phyir byang chub kyi sems nyid la phan pa dang bde ba'i sems zhes bya'o/ /de la phan pa'i sems ni sems can rnams
 bde 'gro dang mya ngan las 'das pa thob par byed pa gang yin pa'o/ /bde ba ni skye ba 'di la dge ba'i las la sbyor bar byed pa gang yin pa'o/ /de nyid kyi phyir bla na med pa'i sems de phan pa dang bde ba'i sems la gong na med pas so/ /gang la byang chub tu sems bskyed pa de la tshad
 med pa bzhi dang ldan pas tshad med pa bzhis khyad par du byas pa'i byang chub kyi sems kyi phan yon bstan par bya ba'i phyir/ byams pas zhes pa la sogs pa smos te/ byams pas gnyen pa'i sems dang zhes pa ni/ bde ba dang ldan par 'dod pa'i rnam pas byams pa zhe sdang
 gi gnyen po yin pas/ byams pas gnyen por 'gyur ba'i sems zhes smos te/ gnyen pos dngos po gzhan la gos par 'gyur gyi/ rtsub pas ni ma yin no/ /de bzhin du byams pa'i stobs kyis sems can rnams la sems gos par 'gyur ba yin gyi/ phyir phyogs pas 
 ni mi 'gyur ro/ /zhes pa'i tha tshig go/ snying rjes mi zlog pa'i sems dang zhes pa ni sdug bsngal dang bral bar 'dod pa'i sems can gyi snying rjes sems can gyi sdug bsngal gyi skye bar mi 'gyur bas snying rje'i stobs kyis mi zlog pa'i sems dang
 ldan par 'gyur bas so/ /dga' bas 'gyod pa ma mchis pa'i sems dang zhes pa ni sems can rnams la phan pa dang bde dang mi 'bral bar 'dod pa'i rnam pa can gyi dga' bas phyis 'gyod pa mi skye ba'o/ /btang snyoms kyis dri ma ma mchis pa'i sems dang zhes pa
 ni sdug bsngal ba yang ma yin bde ba yang ma yin pa dang/ sdug bsngal dang bde ba dang ldan pa'i sems rnam pa gsum la rim pa bzhin du nyon mongs pa'i gti mug dang/ zhe sdang dang 'dod chags dang bral ba'i bsam pa'i mtshan nyid can btang snyoms kyi dri ma med
 pa'i sems yin te/ sems can rnams la sems dri ma med pas so/ /gang la byang chub kyi sems skyes pa de la ting nge 'dzin gsum dang ldan par 'gyur bas ting nge 'dzin gsum gyi sgo nas byang chub kyi sems kyi phan yon ston pa ni stong pa nyid ces bya ba la sogs pa smos te/
 stong pa nyid kyis mi 'gyur ba'i sems dang zhes bya ba ni brjod du med pa'i rang bzhin can gang zag dang chos kyi bdag med mthong bas sems gnas pa'i mtshan nyid can stong pa nyid kyi ting nge 'dzin gyis 'gyur ba med pa'i sems yin te/ rnam par mi rtog pa nyid kyis
 rnam par rtog pas sems 'gyur ba med pa'i phyir ro/ /mtshan ma ma mchis pas dmigs pa ma mchis pa'i sems dang zhes bya ba ni brjod du med pa'i dngos po'i de kho na nyid la rnam par rtogs pa'i rgyu mtshan du gyur pa phung po lnga spangs nas ji lta ba bzhin du zhi bar
 yid la byed pas sems gnas pa'i mtshan nyid can dmigs pa med pa'i ting nge 'dzin gyi dmigs pa med pa'i sems te/ nyer len gyi phung po lnga la mi dmigs pas so/ /smon pa ma mchis pas mi gnas pa'i sems shes pa ni brjod du med pa'i rang bzhin can gyi
 dngos po de nyid phyin ci log gi rnam par rtog pas kun nas bslang pa'i nyon mongs pa dang sdug bsngal gyis yongs su bzung bas skyon rnam pa du mas skyon dang ldan par mthong nas phyis kyi dus su de la mi smon pa sngon du 'gro bas sems gnas pa'i mtshan nyid can
 smon pa ma mchis pas mi gnas pa'i sems shes pa'o/ /mjug bsdu ba bstan par bya ba'i phyir/ byang chub sems dpa' rnams kyis zhes bya ba la sogs pa smos te go sla'o/ /de la rin po che'i phreng ba dbang por bstan par bya ba'i phyir/ ji skad du zhes bya ba la sogs pa
 smos te/ byang chub sems dpa' de'i rtsa ba ni ri rab bzhin du brtan pa'i byang chub kyi sems dang/ phyogs thams cad du khyab pa'i snying rje dang/ dngos po dang dngos po med pa la sogs pa'i mdza' dang bral ba'i ye shes zhes gsungs pas so/ /gal te gsum pa byang chub sems
 dpa' i rgyu yin na snying rje la ci'i phyir bstod par byed ce na/ de la lan ni byang chub kyi sems dang zhes bya ba la sogs pa smos te go sla'o/ /snying rje gtso bor bstan par bya ba'i phyir/ gang phyir zhes bya ba la sogs pa smos so/ /gang gi phyir rgyal ba'i lo tog phun sum tshogs pa'i sa bon snying rje
 kho na yin pa de'i phyir dang por snying rje la bstod pa dang/ de bzhin du rgyal ba'i lo tog phun sum tshogs pa la /tshogs kyi lam dang/ sbyor ba'i lam la sogs pa'i rim pas 'phel bar byed pa'i rgyu chu lta bu'i snying rje kho na yin pa dang/ de bzhin du gang gi phyir rgyal ba'i lo tog phun sum
 tshogs pa la yun ring du longs spyod pa'i rgyu smin pa dang 'dra ba snying rje kho na dang/ de bzhin du chos bstan pa'i sgo nas brgyud nas rgyal ba'i lo tog rgyun mi chad pa 'byung ba'i rgyu smin pa lta bu snying rje kho na yin pa de'i phyir ngas dang por snying rje kho na la bstod par bgyi'o/ zhes pa'i don to
 de 'grel las bstan par bya ba'i phyir/ ji ltar zhes bya ba la sogs pa smos te/ 'bras bu'i 'bras bu la sogs pas so/ /sogs pas na shing thog la sogs pa bsdu ba'o/ /phun sum tshogs pa ni rnam grangs mang po'o/ /sa bon dang bcas zhes pa la sogs pa ni dang po nye  
 bar mkho ba sa bon yin te/ de med na 'bras bu mi 'byung bas so/ /bar du mkho ba chu ste/ de med na myu gu dang 'dab ma dang/ yal ga la sogs pa mi 'byung bas so/ /tha ma nye bar mkho ba smin pa yin te/ de med na yun ring du longs spyad du med pa dang/ brgyud
 nas gzhan dang gzhan mi skye bas yun ring du gnas par mi 'gyur bas so/ /'o na bar dang tha mar yang sa bon dang chu nye bar mkho bas bar du chu la tha mar smin pa zhes ci'i phyir brjod ce na/ de lta bu'i dogs pa bsal ba'i ched du gtso bo zhes smos so/ /sa bon dang chu bar dang tha mar
 nye bar mkho ba yin du zin kyang bar du chu dang/ tha mar smin pa gtso bo yin pas de ltar brjod kyang/ nye bar mkho ba bya ba tsam gyis dbang du byas nas ni ma yin no/ /dus gsum car du yang zhes pa ni dang po dang/ bar dang tha mar ro/ /rgyal ba'i lo tog phun sum tshogs pa la dus gsum du
 snying rje nye bar mkho bar bstan par bya ba'i phyir/ 'di ltar snying rje can ni zhes bya ba la sogs pa smos te go sla'o/ /de la dbang po bstan par bya ba'i phyir/ ji skad du zhes bya ba la sogs pa smos te/ snying rje zhes bya ba la sogs pa ni theg pa chen po la smod pa spang bar bya ba'i ched du brtsams so/ /
 gang theg pa chen por snying rje sngon du 'gro ba can byang chub kyi sems dang/ pha rol tu phyin pa la sogs pa spyod pa thams cad stong pa nyid kyi ye shes kyis mngon par zhen pa'i dri ma dang bral bar gsungs pa'i theg pa chen po de la sems dang ldan pa su zhig smod par byed/ gang sems dang
 mi ldan pa 'ga' zhig smod par zad kyi sems dang ldan pas ji ltar smod ces pa'i tha tshig go /'dir snying rje sngon btang spyod kun dang/ ye shes dri ma med bshad pa zhes pa'i lung 'dis sangs rgyas kyi chos thams cad kyi sngon du 'gro ba can snying rje yin par bstan no/ /da ni bar du snying rje
 nye bar mkho ba'i dbang du byas nas/ byang chub kyi sems bskyed du zin kyang zhes bya ba la sogs pa smos te/ snying rje kho na chu yin pa'o/ /yang dang yang du ste skad cig so so la'o/ /bcus par ma gyur na ste snying rje dang mi ldan na'o/ /'bras bu'i tshogs pa ni sems can mdza' yas pa'i don
 byed pa'i phyir stobs dang/ mi 'jigs pa la sogs pa'i chos rnams 'bras bu'i tshogs te/ sangs rgyas nyid ces pa'i tha tshig go /ma bsags pa ni snying rje med par gyur na tshogs rgya chen po mi sogs pas so/ /nyan thos dang zhes bya ba la sogs pa ni mar me shi ba bzhin du nyan thos dang
 rang sangs rgyas kyi phung po lhag ma med par mya ngan las 'da' par 'gyur ba'o/ /tha mar snying rje nye bar mkho bar bstan par bya ba'i phyir/ 'bras bu mdza' yas pa'i zhes bya ba la sogs pa smos so/ /'bras bu mdza' yas pa ni sangs rgyas kyi chos kyi sgrib pa bag chags dang
 bcas pa spangs pa'i gnas skabs kyi thob pa gang yin pa ste/ sangs rgyas thob pa'i gnas skabs nyid ces bya ba'i tha tshig go/ snying rje'i yongs su smin pa ni rang gi ngang gis 'jug pa'i snying rje'o/ /bral bar gyur na ste sangs rgyas kyi gnas skabs dang snying rje dang mi ldan par
 gyur na'o/ /'di zhes pa ni sangs rgyas so/ /dus ring por nye bar longs spyod par mi 'gyur la zhes pa ni chos kyi longs spyod yun ring por nye bar longs spyod par mi 'gyur te/ snying rje med pas myur du mya ngan las 'da' ba' i phyir ro/ /snying rje yun ring du gnas par bstan par bya
 ba'i phyir/ 'phags pa'i 'bras bu zhes bya ba la sogs pa smos te/ 'phags pa'i 'bras bu'i tshogs chen po zhes pa ni sangs rgyas kyi mtshan nyid can no/ /rim pa gcig nas gcig tu rgyud pa zhes pa ni sangs rgyas gzhan de las yang gzhan no/ /yun ring por mngon par 'phel
 bar mi 'gyur ro/ /zhes pa ni gcig nas gcig tu brgyud pa rgyun mi 'chad pa'i rim pa dang ldan par mi 'gyur te/ sangs rgyas mngon par byang chub pa'i de ma thag tu mya ngan las 'da' bas chos bstan pa med pa'i phyir ro/ /de ltar tshigs su bcad pa gnyis kyis snying rje
 gtso bo nyid yin pa'i rgyu mtshan bstan pa'i sgo nas phyag 'tshal te/ da ni dmigs pa'i bye brag la 'jug pa'i sgo nas kyang snying rje'i rang gi ngo bo'i khyad par gsal bar byas te/ snying rje'i khyad par phyag 'tshal ba brtsams par 'dod pas da ni zhes bya ba la sogs pa
 smos te/ dmigs pa'i bye brag la zhes pa ni snying rje rnam pa gsum ste/ sems can la dmigs pa dang/ chos la dmigs pa dang/ dmigs pa med pa'o/ /de la sems can la dmigs pa'i snying rje'i dmigs pa ni sems can rnams so/ /
 chos la dmigs pa'i snying rje'i dmigs pa ni mi rtag pa'i chos rnams so/ /dmigs pa med pa'i snying rje'i dmigs pa ni sgyu ma lta bu'i chos rnams so/ /de la 'jug pa ni dmigs pa gang yin pa'o/ /kyang zhes pa ni gtso bor bstan pa 'bab zhig gi sgo nas
 phyag 'tshal bar ma zad kyi/ 'on kyang dmigs pa'i bye brag la 'jug pa'i sgo nas snying rje'i rang gi ngo bo'i khyad par mngon par gsal bar byas pa la yang ngo/ /zhes pa'o/ /de la sems can la dmigs pa'i snying rje la phyag 'tshal bar ston pa ni dang por zhes bya ba
 la sogs pa smos te/ 'gro la snying rjer gyur pa gang de la 'dud ces bya bar 'brel lo/ /'gro ba de dang de ru skye zhing 'gro bas 'gro ba ste/ sems can gyi 'jig rten la brjod do/ /'gro ba de ji lta bu zhe na/ dang por zhes bya ba la sogs pa gsungs te/
 bdag gi mngon par zhen pa'i sngon rol du phung po la mngon par zhen pa'i de ma thag tu nga'o snyam pa'i rnam pas bdag la mngon par zhen pa'o/ /'gro ba'i khyad par gzhan ston pa ni bdag gi zhes bya ba la sogs pa smos te/ bu la sogs pa 'di nga
 yi'o zhes pa'i rnam par dngos po la mngon par zhen pa byas pa'o/ /khyad par gzhan yang ston pa ni rang dbang med pa'i zhes smos te/ las dang nyon mongs dbang du gyur pas rang dbang med pa'o/ /rang dbang med pa de ji lta bu zhe na/ zo chun 'phyan ltar
 zhes bya ba smos te/ ci ltar zo chun gyi 'khor lo rang dbang med pa bzhin no/ /'di'i don ni 'di yin te/ bdag dang bdag gir mngon par zhen pa las dang nyon mongs pa'i gzhan dbang du gyur pa'i 'gro ba la sdug bsngal dang sdug bsngal gyi rgyu las yang dag
 par 'dren par bzhed pa'i snying rje gang yin pa de la phyag 'tshal lo/ /zhes pa'i don to/ /de la 'grel pas bstan par bya ba'i phyir/ 'jig rten 'di ni zhes bya ba la sogs pa smos te/ 'di nyid du bden par mngon par zhen cing zhes pa ni bdag 'di bden no/ /zhes mngon
 par zhen pa'o/ /'di ni bdag gi'o/ zhes pa ni gzhan bu la sogs pa gang yin pa'o/ /ngar 'dzin pa'i yul las gzhan pa'i dngos po'i rnam pa ma lus pa la mngon par zhen pa yin no/ /zhes pa ni ngar 'dzin gyi yul du ma gyur pa'i bu la sogs pa rnams la
 bdag gi'o/ /zhes mngon par zhen pa gang yin pa'o/ /nga ni zo chun 'phyan ltar zhes pa la sogs pa'i don bshad par bya ba'i phyir/ bdag dang zhes bya ba la sogs pa smos te/ de la zo chun gyi rgyud la chos drug ste/ thag pas bcings pa dang/
 gzhan gyi dbang du 'gyur ba'i rang bzhin nyid dang/ khron par 'khor bar byed pa dang/ 'og tu 'gro ba'i rang bzhin can 'bad pas steng du drang bar bya ba nyid dang/ snga ma dang phyi ma dang bar gyi rim pa nges par mi nus pa dang/ nyi ma re re zhing 'chag par 'gyur ba'i rang
 bzhin can no/ /de dang chos mthun pa 'gro ba rnams la yod do/ zhes nges bstan pa yin no/ /las dang nyon mongs pa zhes bya ba la sogs pa la/ las ni dge ba dang mi dge ba la sogs pa'o/ /nyon mongs pa ni 'dod chags la sogs pa'o/ /nye ba'i nyon
 mongs pa rnams ni nyon mongs pa'i yan lag yin pas logs su ma brjod do/ /las dang nyon mongs pa nyid thag pa ste/ des dam du bsdams pa'i las nyon mongs pa'i stobs kyis 'khor ba las grol bar mi 'gyur bas so/ /'khrul 'khor skor mkhan
 rnam par shes pa'i skyod pa la rag las par 'jug pa zhes pa ni rnam par shes pa nyid 'khrul 'khor skor mkhan te/ des ji ltar bskyod cing bskul ba de la rag las par 'jug pa ste/ 'di'i don ni rnam par shes pa gong du 'gro ba der sems can rnams
 skye bar 'gyur ba yin no/ /zhes pa'o/ srid pa'i rtse mo nas zhes pa ni 'du shes med 'du shes med min gyi skye mched nas brtsams nas so/ /'phyan pa zhes pa ni rnam par shes pa 'khrul 'khor skor bar byed pa'o/ /rang gi dang nyid
 kyis zhes bya ba ni dge ba la sogs pa'i las kyi 'bad pa med par ro/ /thur du 'gro bar 'jug pa zhes pa ni dmyal ba la sogs par 'gro ba'i rang bzhin can no/ /'bad pas ci zhig ltar drang bar bya ba ni dge ba la sogs pa'i las kyi stobs kyis dmyal ba
 la sogs pa las 'bad pa chen po'i sgo nas drang bar bya ba gang yin pa'o/ /mi shes pa la sogs pa nyon mongs pa dang/ las dang skye ba'i kun nas nyon mongs pa gsum yod kyang zhes bya ba ni de la ma rig pa dang sred pa dang/ len pa gsum ni
 nyon mongs pa'i kun nas nyon mongs pa'o/ /de la bden pa gnyis mi shes pa ni ma rig pa'o/ /khyad par med pa'i srid pa gzhan la mngon par dga' ba ni sred pa'o/ /lha 'am/ klur skye bar gyur cig snyam pa'i khyad par srid pa'i lam la mngon par
 dga' ba ni len pa'o/ /de la ma rig pa ni skye ba'i rgyu'o/ /sred pa dang len pa ni ma 'ongs pa'i skye ba 'grub par byed pa'i rgyu'o/ /nyon mongs pa gsum po de rnams nyid kun nas nyon mongs pa ste/ 'dis kun nas nyon mongs par 'gyur bas so/ /'du
 byed dang srid pa ni las kyi kun nas nyon mongs pa'o/ /de la mi dge ba'i las 'dod pa na spyod pa nyid dang/ dge ba zag pa dang bcas pa'i las khams gsum pa ni 'du byed do/ /ma 'ongs pa'i srid pa'i 'bras bu can gyi las la srid pa zhes brjod
 par bya'o/ /de la skye ba 'di'i rgyur gyur pa'i las ni 'du byed do/ /ma 'ongs pa'i skye ba'i rgyur gyur pa'i las ni srid pa'o/ /gnyis po 'di dag ni las kyi kun nas nyon mongs pa'o/ /de skye ba'i kun nas nyon mongs pa ni rnam par shes pa dang/ ming dang
 gzugs dang/ skye mched drug dang/ reg pa dang/ tshor ba dang/ skye ba dang/ rga shi zhes pa'i dngos po bdun no/ /de la las kyi sa bon gang yin pa des bsgos pa'i sems ni 'du byed kyi rkyen gyis rnam par shes pa'o/ zhes slob dpon zla ba grags pa gsung ngo//
 mdzod las ma'i mngal du nying mtshams sbyor ba'i dus su phung po lnga la 'du byed kyi rkyen gyis rnam par shes pa zhes gsungs so/ /rnam par shes pa'i rkyen gyis ming dang gzugs te/ de yang ma'i mngal du rnam par shes pa dang/ tshor ba dang/ 'du
 shes dang/ 'du byed de gzugs med pa'i phung po bzhi dang/ ji ltar srid par 'byung bar 'gyur ba'i gzugs te/ de kho na la nur nur po'i gnas skabs zhes bya'o/ /de la phung po bzhi po rnams yul la 'dud pa 'am srid pa gzhan la 'dud pas ming
 ste/ mngon par phyogs pa'o/ zhes pa'i don to/ /'byung ba las gyur pa'i gzugs de dro ba dang/ grang ba dang/ rtsub pa dang/ 'jam pa la sogs pa'i reg bya'i stobs kyis gzhan du yongs su 'gyur bas na gzugs so/ /ming dang gzugs de
 'phel bar 'gyur ba'i rim gyis mig la sogs pa skye ba'i rkyen du 'gyur ba ste/ de'i gnas skabs na skye mched drug yongs su rdzogs pas so/ /sems dang sems las byung ba'i skye ba'i sgo yin pas skye mched do/ /skye mched drug po de rnams
 yongs su smin pa dang/ yul mngon du gyur pa las dbang po dang/ rnam par shes pa dang/ yul gsum po tshogs pa'i sgo nas tshor ba gsum skye bar 'gyur ba'i rgyu gang yin pa de la reg pa zhes bya'o/ /yang nying mtshams sbyor ba ni skye ba'o/ /ming
 dang gzugs dang/ skye mched drug dang/ reg pa dang/ tshor ba dang/ rga shi zhes bya'o/ /dngos po bdun po 'di rnams skye ba'i kun nas nyon mongs pa ste/ bdun po 'dis skye ba kho na kun nas nyon mongs pas byas pa yin pas so//
 de la rnam par shes pa la sogs pa lnga po ni sngon gyi ma rig pa dang/ 'du byed kyi 'bras bu yin no/ /ma 'ongs pa'i skye ba dang/ rga shi ni da ltar gyi las dang nyon mongs pa'i 'bras bu'o/ /de ltar mi shes pa la sogs pa ni nyon mongs pa dang/ las
 dang/ skye ba'i kun nas nyon mongs pa gsum mo/ /snga ma dang/ phyi ma dang/ bar gyi rim pa nges par mi zin pa zhes pa ni nyon mongs pa dang/ las dang/ skye ba'i nyon mongs pa gsum po yang dang yang du 'khor bas kun nas nyon mongs pa gang snga ma yin pa dang/ gang phyi ma yin
 pa dang/ gang bar ma yin par mi shes pa ste/ dper na zo chun gyi snga ma dang/ phyi ma dang/ bar ma mi shes pa bzhin no/ /nyi ma re re zhing zhes bya ba la sogs pa ni de la tshor ba sdug bsngal ni sdug bsngal gyi sdug bsngal nyid kyi sdug bsngal te tshor ba sdug bsngal nyid kyis sdug bsngal ba
 yin pas so/ /tshor ba bde ba ni 'gyur ba'i sdug bsngal ba ste/ tshor ba bde ba yongs su 'gyur ba gang yin pa de sdug bsngal ba nyid yin pas so/ /tshor ba bde ba dang sdug bsngal gyi rgyur gyur pa'i 'du byed rnams kyang sdug bsngal gyi sdug bsngal nyid dang/ 'gyur
 ba'i sdug bsngal nyid kyis sdug bsngal ba ste/ de dag gi rgyu yin pas so/ /'dis 'du byed kyi sdug bsngal kyang mtshon par bya ste/ de la tshor ba btang snyoms 'du byed kyi sdug bsngal nyid kyis sdug bsngal ba ste/ rgyu dang rkyen gyis gzhan dbang du gyur pa de nyid sdug
 bsngal ba'o/ /de'i rgyur gyur pa'i 'du byed rnams kyang 'du byed kyi sdug bsngal gyis sdug bsngal ba'o/ /gcog pa'i phyir zhes pa ni ci ltar zo chun gyi 'khrul 'khor nyi ma re re zhing zo ba chag par gyur pa de bzhin du 'gro ba rnams nyi ma re re zhing mi rtag pa nyid
 kyis gzhan du gyur pa'o/ /za chun brgyud mo'i zhes bya ba la sogs pa ni 'gro ba zo chun gyi 'khrul 'khor gyi gnas skabs dang rjes su mthun pa nyid du bstan no/ /de'i sdug bsngal gyi sdug bsngal zhes pa ni 'gro ba rnams kyi sdug bsngal gyis sdug bsngal ba gang yin
 ba'o/ /de la shin tu snying rjes dmigs nas zhes pa ni snying rje des sdug bsngal ba'i sems can rnams la dmigs nas so/ /bskyabs par spro ba zhes bya ba la sogs pa ni go sla'o/ /de la mjug bsdu ba bstan bar bya ba'i phyir/ 'di ni zhes bya ba la sogs pa smos te go sla'o//
 de ltar sems can la dmigs pa'i snying rje la phyag 'tshal nas/ chos la dmigs pa dang/ dmigs pa med pa'i snying rje la phyag 'tshal bar bya ba'i phyir 'brel pa ston pa ni chos la dmigs pa zhes bya ba la sogs pa smos te go sla'o/ /'gro ba g.yo ba'i zhes bya
 ba la sogs pa ni ci ltar rlung gis g.yo bar gyur pa'i chu'i nang du zla ba'i gzugs brnyan g.yo ba'i rang bzhin du mthong ba dang/ gdung ba sel ba la sogs pa'i don byed mi nus pas rang bzhin med par mthong ba de bzhin du byang chub sems dpas kyang rlung dang nyi ma la
 sogs pa'i rkyen gzhan dang ldan pa'i skad cig ma so so la nus pa tha dad pas 'gro ba skad cig mar mthong ba dang/ rang las ma yin gzhan las ma yin zhes bya ba la sogs pas don dam par skye ba med pa'i phyir 'gro ba rang bzhin gyis stong par mthong nas
 sdug bsngal las 'dren par 'dod pa'i rang bzhin can gang yin pa de la 'dud do/ /snying rjer gyur ba gang zhes bya ba la sogs pa ni 'gro la snying rjer gyur gang de la 'dud ces sngar bstan pa'i tshig rkang de 'dir sbyar ba'o/ /de 'grel bas bstan par bya ba'i
 phyir/ 'di ltar zhes bya ba la sogs pa smos te/ chu rnyog ma can la gzugs brnyan mi mthong bas de dgag pa'i phyir/ shin tu dad pa zhes smos so/ /rlung te bor te drag pa ma yin pa zhes bya ba la sogs pa ni rlung ngal bas spyod par bya ba'i chu'i cha shas kyi chu'i
 tshogs 'gul na'o/ /chu shin tu dang ba yin yang rlung drag pos bskyod par gyur na chu'i nang du gzugs brnyan mi mthong bas rlung drag po ma yin pa zhes smos so/ /sngar dmigs pa rten gyi zhes pa la sogs pa ni zla ba'i gzugs brnyan mthong ba'i sngon rol du dmigs
 par bya ba'i rten yul chu'i mtshan nyid can rlung dang phrad pas de dang lhan cig tu zla ba'i gzugs brnyan skad cig ma so so la 'jig par 'gyur ba ste/ chu dang zla ba gnyis ka g.yo ba nyid du mthong ba'o/ /bdag gi dngos po mngon sum du dmigs
 pa lta bu zhes bya ba la sogs pa ni zla ba'i bdag nyid kyi dngos po mngon sum du 'char ba lta bur snang ba ste/ gzugs brnyan de zla ba dngos bzhin du snang ba yin no zhes pa'i don to/ /dam pa bdag gi gnyis po 'di zhes pa ni mi rtag pa nyid dang/ ngo bo nyid kyis
 stong pa'o/ /rang gi bdag nyid ces pa ni mi rtag pa nyid dang/ ngo bo nyid kyis stong pas rang gi bdag nyid do/ /gsal bar byed pa ltar gnas par mthong ste zhes pa 'di'i don ci ltar zla ba'i gzugs brnyan la mi rtag pa dang/ ngo bo nyid kyis stong pas rang
 gi rang bzhin gsal bar byed pa de bzhin du dam pa rnams kyis mthong ngo/ zhes pa'o/ /de ltar dpe bstan pa don dang sbyar bar bya ba'i phyir/ de bzhin du zhes bya ba la sogs pa smos te/ ci ltar zla ba'i gzugs brnyan la skad cig ma so so la mi rtag pa
 nyid dang/ ngo bo nyid kyis stong pa nyid du mthong ba de ltar ro/ /ji ltar dpe la mtsho dang/ rlung gis g.yo ba dang/ chu dang/ gzugs brnyan dmigs pa bzhin du 'dir don la yang bzhi po de bstan par bya ba'i phyir/ 'jig tshogs la zhes bya ba la sogs
 pa smos te/ 'jig par 'gyur bas na 'jig pa ste mi rtag zhes pa'i don to/ /tshogs ni tshogs pa ste/ 'jig pa yang yin la/ tshogs pa yang yin pas 'jig pa'i rang bzhin can phung po lnga la brjod do/ /'jig pa'i rang bzhin can phung po lnga la bdag
 dang bdag gir mthong ba ni 'jig tshogs la blta ba'o/ /de nyid mtsho ste/ ji ltar mtsho chu srin la sogs pa srog chags mang po'i gnas yin pa de bzhin du 'jig tshogs la lta ba yang nyes pa thams cad kyi gnas yin pas mtsho ste/ de ltar bdag
 dang rnam 'grel las/ bdag las gzhan pa'i 'du shes dang/ /bdag gzhan dbye las chags dang ldang/ /gnyis pa de dag 'brel po yis/ /nyes pa thams cad rab tu 'byung zhes gsungs so/ /'di dag ces pa ni 'dod chags dang zhe sdang ngo/ /nyes pa thams cad
 ces pa ni ser sna dang phrag dog la sogs pa'o/ /mtsho yang chu med na med pa de bzhin du 'jig tshogs la lta ba'i mtsho yang ma rig pa'i chu med na mi 'byung bas/ ma rig pa'i chu sngon po rgya che ba zhes smos so/ /tshul bzhin ma yin pa'i rnam par rtog pa'i rlung gis zhes
 pa ni dngos po dngos po'i rang bzhin ngo bo nyid med pa la sogs pa'o/ /de bzhin du rnam par rtog pa ni chos thams cad stong pa nyid do/ zhes bya ba la sogs pa tshul bzhin ma yin pa'i rnam par rtog pa ni chos thams cad rang bzhin dang bcas pa dang rtog go bya ba
 la sogs pa'o/ /de nyid rlung ste/ des ma rig pa'i rang bzhin can g.yo bar byed pas so/ /'di ltar ma rig pa ni mi shes pa la brjod la/ mi shes pa de yang tshul bzhin ma yin pa'i rnam par rtog pa'i rjes su 'brang ba ma yin pas rnam par rtog pa de yang skad
 cig so so la so sor skye bas ma rig pa g.yo ba yin no/ zhes pa'o/ /des na bskyod pa zhes smos so/ /nang na gnas pa zhes pa ni go sla'o/ /zla ba'i gzugs brnyan nam mkha' i zla ba'i gzugs brnyan yin pa de bzhin du/ 'di gang gi gzugs brnyan
 yin zhe na/ rang gi las kyi zhes bya ba la sogs pa smos te/ rang gis byas pa'i dge ba dang mi dge ba'i las kyang ngo/ /gzugs brnyan lta bur zhes pa ni dge ba dang mi dge ba'i rang bzhin gyis rjes su byed pa yin te/ dge ba dang mi dge ba'i las kyi rjes su 'brang ba'i
 sdug pa dang mi sdug par skye bas so/ /mdun na gnas pa rnams zhes pa ni de ltar las dang nyon mongs pas bsgrubs pa'i sems can rnams dang/ byang chub sems dpa' rnams kyi mdun na gnas pa'o/ /skad cig re re la zhes bya ba la sogs pa ni mi rtag pa'i rgyu dang
 rkyen la bltos pas 'du byed kyi sdug bsngal gyis sdug bsngal ba'o/ zhes pa'o/ /de dag mi rtag pa nyid kyi sdug bsngal zhes pa ni sems can rnams kyi 'du byed kyi sdug bsngal lo/ /'joms pa lta bur gyur pa zhes pa ni sangs
 rgyas kyi go 'phang thob par gyur na mi rtag pa'i sdug bsngal bzlog pas so/ /dam pa'i chos zhes bya ba la sogs pa ni thog ma dang bar dang tha mar dge ba'i phyir mdzes pa'i chos ni dam pa'i chos so/ /de nyid bdud rtsi'i khyad par can yin te/ bdud rtsi gzhan gyis
 dus 'ga' zhig tu 'chi ba'i sdug bsngal sel bar byed la/ 'dis dus thams cad du 'chi ba'i sdug bsngal ldog pa yin pas bdud rtsi'i ror phul du byung ba zhes smos so/ /de 'thung ba ni thos pa dang bsam pa dang/ bsgom pas 'dzin pa gang yin
 pa'o/ /de'i rgyu ni sangs rgyas nyid do/ /'dis ni longs spyod rdzogs pa'i rang bzhin can gyi sangs rgyas nyid bstan te/ sa bcu'i dbang phyug gi byang chub sems dpa' rnams kyi dam pa'i chos bdud rtsi btung ba'i rgyud gyur pas so/ /phyin ci log gi zhes bya ba la sogs
 pas ni phyin ci log gi rang bzhin can rnam par rtog pa thams cad ma lus par log pa'i mtshan nyid can no/ /'dis ni stong pa nyid kyi ngo bo nyid chos kyi sku bstan te/ de ltar yang byang chub kyi sems 'grel las/ dge dang mi dge rnam rtog gi/ rgyun gcod pa yi
 mtshan nyid can/ /sangs rgyas kyis ni stong nyid gsungs zhes gsungs pas so/ /'gro ba ma lus pa'i gnyen gyi rang bzhin du gyur pa zhes pa ni 'gro ba thams cad la sprul pa'i skus phan pa dang/ bde ba byed pas so/ /'dis ni sprul pa'i sku'i rang bzhin can
 gyi sangs rgyas nyid bstan to/ /de ltar snying rje bstan nas/ 'brel pa bstan par bya ba'i phyir/ de dag gi zhes bya ba la sogs pa smos te/ de dag gi zhes pa ni snying rje'i gzhan dbang du gyur pa rnams kyis so/ /byang chub kyi sems kyi dbye ba rnam pa bcu zhes pa ni sa rab
 tu dga' ba la sogs pa sa bcu'i dbye bas byang chub kyi sems rnam pa bcu bstan par 'dod pas so/ /re zhig byang chub kyi sems dang po'i dbang du byas nas zhes pa ni don dam pa'i byang chub kyi sems dang sa dang po rab tu dga' bas bsdus pa don dam pa'i byang
 chub kyi sems rnams kyi dang po yin pas dang po'i dbang du byas nas zhes smos so/ /de la rim pa ni 'di yin te/ byang chub tu sems bskyed pa nyi shu rtsa gnyis la theg pa chen po zhes kyang bya la/ de nyid la 'bras bu dang bcas pa'i byang chub sems dpa' i lam zhes
 kyang bya'o/ /de la byang chub kyi sems nyi shu rtsa gnyis ni 'dun pa dang lhan cig tu gyur pa dang/ bsam pa dang lhan cig tu gyur pa dang/ sbyor ba dang lhan cig tu gyur pa dang/ lhag pa'i bsam pa dang/ lhan cig tu gyur pa dang/ sbyin pa'i pha rol
 tu phyin pa dang lhan cig tu gyur pa dang/ tshul khrims kyi pha rol tu phyin pa dang lhan cig tu gyur pa dang/ bzod pa'i pha rol tu phyin pa dang/ lhan cig tu gyur pa dang/ brtson 'grus kyi pha rol tu phyin pa dang lhan cig tu gyur pa dang/ bsam gtan gyi pha rol
 tu phyin pa dang lhan cig tu gyur pa dang/ shes rab kyi pha rol tu phyin pa dang lhan cig tu gyur pa dang/ tshad med pa bzhi dang lhan cig tu gyur pa dang/ mngon par shes pa lnga dang lhan cig tu gyur pa dang/ bsdu ba'i dngos po bzhi dang lhan cig tu gyur pa
 dang/ so so yang dag par rig pa bzhi dang lhan cig tu gyur pa dang/ ston pa bzhi dang lhan cig tu gyur pa dang/ bsod nams dang ye shes kyi tshogs dang lhan cig tu gyur pa dang/ byang chub kyi phyogs kyi chos sum cu bdun dang lhan cig tu gyur pa dang/ zhi
 gnas dang lhag mthong dang lhan cig tu gyur pa dang/ gzungs dang spobs pa lhan cig tu gyur pa'o/ /chos gleng ba gzhi dang lhan cig tu gyur pa dang/ bgrod pa gcig pa'i lam dang lhan cig tu gyur pa dang/ thabs la mkhas pa dang lhan cig tu gyur pa'o
 de la dang po gsum ni smon pa'i sems bskyed do/ /lhag ma bcu dgu ni 'jug pa'i sems bskyed do/ /de ltar yang/ rnam pa gsum ni smon pa'i sems/ /'dun sogs gsum gyi dbye bas so/ /'jug pa zhes bya ba yi sems/ /bcu
 dgu dag tu 'dod pa yin/ /zhes gsungs pas so/ /'dun pa dang lhan cig tu gyur pa'i sems bskyed nyi shu rtsa gnyis re re yang pha rol tu phyin pa drug dang ldan pas yod pa nyid do snyam pa'i lhag par mos pa yid ches par skyes shing yon tan dang ldan pa yin no
 snyam pa'i lhag par mos pa dang ba skyes pa dang/ thob par nus par lhag par mos pas mngon par 'dod pa skyes pa'i byang chub sems dpas 'dod rgyal dang gzhan gyi rjes su 'brang ba'i sgo nas bsod nams dang ldan pa rnams kyis mngon par 'dod pa'i
 don grub pa ma yin no snyam du bsams nas byang chub tu sems bskyed pa la sogs pa'i dge tshogs bsags pa'i ched du smon pa byang chub kyi sems skyed bar byed pa yin no/ /de la 'dun pa dang lhan cig tu gyur pa'i smon pa byang chub kyi sems bskyed pa'i mtshan
 nyid ni 'phags pa chos kun 'gro ba'i mdo bstan pa'i skabs su bshad zin to/ /de yang sems bskyed pa dang po sa dang mtshungs te/ sangs rgyas kyi chos dang/ de'i tshogs skye ba'i gnas su gyur pas so/ /'di nas bzung nas byang chub sems dpa' 
 skyes bu chen po'i rtog pa brgyad mngon du byed de/ de yang gang zhe na de yang sems can thams cad kyi sdug bsngal thams cad 'joms pa'i nus pa can du nam 'gyur snyam pa dang/ dbul bas nyams thag pa'i sems can rnams 'byor pa chen po la bdag gis
 nam zhig sbyar bar bya snyam pa dang/ bdag gi lus kyi sha khrag gis sems can gyi don nam zhig byed snyam pa dang/ yun ring du dmyal bar gnas su zin kyang sems can la phan pa khon nam zhig byed snyam pa dang/ 'jig rten dang 'jig rten las 'das
 pa'i 'byor bas sems can thams cad kyi bsam pa yid bzhin du rdzogs par nam zhig mthong snyam pa dang/ sangs rgyas su gyur nas sems can thams cad 'khor ba'i sdug bsngal las nam 'dren par 'gyur snyam pa dang/ sems can la phan pa dang bral ba'i skye ba dang/ yang sems can
 gyi don la sbyar ba dang bral ba'i sems dang/ gzhan gyi don la ro cig pa ma yin pa'i lus kyi bya ba dang sems can thams cad dga' bar byed pa ma yin pa'i ngag dang/ gzhan gyi don dang bral ba'i son pa dang/ gzhan la phan pa la stobs chung ba'i lus dang/ gzhan la phan
 pa mi sems pa'i blo dang/ sems can la phan par mi 'gyur ba'i rdzas dang/ 'gro ba'i don spyod pa dang bral ba'i dbang che ba nyid dang/ gzhan la 'tshe ba la dga' ba skye zhing skye bar ma gyur cig snyam pa dang/ sems can thams cad kyi sdig pa'i las kyi 'bras bu bdag
 la smin par gyur cig snyam pa dang/ bdag gi legs par spyad pa thams cad kyi 'bras bu sems can thams cad la smin par gyur cig snyam pa ni brgyad pa'o/ /bsam pa dang lhan cig tu gyur pa ni gser bzang po lta bu ste/ pha rol tu phyin pa drug dang ldan pa'i phan
 pa dang bde ba'i bsam pa ma 'ongs pa dang/ da ltar gyi dus su rnam par 'gyur ba dang mi ldan pas so/ /de yang rnam pa gsum ste/ de bzhin gshegs pa la mchod pa yongs su rdzogs par bya bar bsam pa dang/ zhing yongs su dag par bya ba'i bsam pa dang/ sems can
 rnams bde bar bya ba'i bsam pa'o/ /dang po la gnyis te/ bla na yod pa dang/ bla na med pa'o/ /bla na yod pa ni gang yang phyogs bcu'i 'jig rten gyi khams kyi sangs rgyas bcom ldan 'das rnams gdul bar bya ba nye bar mi gnas pas mya ngan las 'das pa'i
 phyir gzhan gyis ma mthong bas 'das pa dang/ gang yang gdul bar bya ba rnams kyis mthong bar 'gyur bas da ltar ba dang/ gang yang mngon par rdzogs par sangs rgyas par ma gyur pas tshogs bsags pa myur du mngon par rdzogs par sangs rgyas
 par 'gyur ba ma 'ongs pa de rnams la bdag gis bla na med pa'i mchod pas mchod par bya'o/ /yang de'i ched du sku gzugs dang/ mchod rten dang/ nam mkha' la yang mchod par bya'o snyam pa ni mchod pa yongs su rdzogs
 par bya ba'i bsam pa bla na yod pa'o/ /bla na med pa ni byang chub kyi sems dang sbyin pa la sogs pa'i pha rol tu phyin pa bcu rnams yongs su sgrub pa ni sgrub pa'i mchod pa ste/ de yongs su rdzogs par bya ba'i bsam pa'o/ /zhing yongs su
 dag par bya ba'i bsam pa ni bdag gi sangs rgyas kyi zhing mtho ba dang/ dma' ba dang/ 'bur ba dang/ tsher ma dang/ gyo dum dang/ bong ba dang/ gcan zan dang/ rkun ma dang/ mu ge dang/ chu dang/ nad kyi gnod pa dang bral ba/ mnyan pa rnam
 par dag pa lag pa'i mthil dang 'dra ba ras bal gyi 'dab ma ltar 'jam pa/ dpag bsam gyi shing la sogs pa dang ldan pa/ /ngan song gi g.yang sa dang bral ba/ shel dang/ inda nI la dang/ be DUrya la sogs pa'i rang bzhin can du
 gyur cig snyam pa'i bsam pa'o/ /sems can bde bar bya ba'i bsam pa ni sangs rgyas kyi zhing der khams dang/ 'gro ba dang/ skye gnas dang/ ji snyed sems can gyi ris gtogs pa thams cad ngan song du yod du zin kyang lha dang mi'i
 mchog tu gyur pa'i bde ba rgyun mi 'chad pa'i bde bar gyur cig snyam pa dang/ lus dang sems kyi nad dang bral ba dang/ nye bar mkho ba gang dang gang gis de rnams la de lta bur bde ba'i nye bar mkho ba mngon par 'dod pa de dang de rnams
 bdag gi dge ba'i las kyi rnam par smin pas 'byung ba dang/ rdzogs pa'i byang chub kyi tshogs kyi rjes su mthun par 'gyur ba dang/ de ltar de rnams sangs rgyas kyi chos rnams kyi snod du rung bar byas nas yid la 'dod pa ji lta bu bzhin du
 rdzogs pa'i bla na med pa'i sangs rgyas kyi chos dang ldan par bya'o snyam pa'i bsam pa'o/ /lhag pa'i bsam pa dang lhan cig tu gyur pa ni zla ba tshes pa lta bu ste/ des dga' ba'i rtsa ba rnams 'phel par byed pas so/ /khyad par du rtogs pa'i phyir lhag par
 rtogs pa'i bsam pa yin pas na lhag pa'i bsam pa'o/ /des na shes rab kyi pha rol tu phyin pa las sems bskyed pa gsum pa'i gnas skabs su des byang chub kyi phyogs kyi chos sum cu rtsa bdun bsgom par bya'o/ zhes pa nas sangs rgyas kyi chos
 ma 'dres pa bco brgyad bsgom par bya'o/ /zhes pa'i bar du gsungs so/ /des na lhag pa'i bsam pa dang lhan cig tu gyur pa'i byang chub kyi sems ni sbyor bar yang 'gyur ro/ /gal te sngar sbyor ba dang lhan cig tu gyur pa'i rjes la lhag pa'i bsam
 pa dang lhan cig tu gyur pa'i sems skye bar brjod la/ 'dir bshad pa'i dus su sbyor ba dang lhan cig tu gyur pa'i sngar lhag pa'i bsam pa dang lhan cig tu gyur pa ci'i phyir brjod ce na/ de la lan ni gnyis ka gnyis ka la yod par bstan
 par bya ba'i phyir te/ 'di ltar lhag pa'i bsam pa dang lhan cig tu gyur pa la yang sbyor ba yod la/ sbyor ba dang lhan cig tu gyur pa la yang lhag pa'i bsam pa yod pas so/ /des na sngar dang phyis 'dra bar bstan pa'o/ /de la sems bskyed pa
 gsum po de thos pa dang bsam pa las byung ba'i shes rab kyi gnas skabs dang/ thar pa'i cha dang mthun pa'i dad pa dang/ brtson 'grus dang dran pa dang/ ting nge 'dzin dang/ shes rab dang mtshungs par ldan pa yin pas thar pa'i cha dang mthun pa'i dge ba'i rtsa
 ba'o/ /thar pa ni 'dir bral ba'i khyad par te/ nyon mongs pa dang shes bya'i sgrob pa dang bral ba'o/ /de dang cha mthun pa ni thar pa dang rjes su mthun pa'o/ /zhes pa'i don to/ /gsum po de la las dang po pa'i sa zhes kyang bya ste/ sa'i sgras shes pa khyad
 par can ston la/ des na las dang po pa thog mar 'jug pa rnams kyi shes pa gsum mo/ zhes pa'i tha tshig go /tshogs kyi lam zhes kyang bya ste/ 'di'i gnas skabs na thar pa thob par byed pa'i tshul khrims la sogs
 pa'i tshogs yod pas tshogs kyi lam ste/ 'di ltar tshul khrims la sogs pa yongs su rdzogs pas dro bar gyur pa la sogs pa'i rim gyis rang gi rgyud la bden pa mthong ba dang/ de'i sgrib pa spong ba'i rgyu rung ba thob pa nyid yin pas tshul khrims
 la sogs pa la tshogs kyi lam zhes bya'o/ /des na chos mngon pa mdzod las tshogs kyi lam gang zhe na/ so so'i skye bo'i tshul khrims dang/ dbang po sbas pa'i sgo nyid dang/ kha zas tshor shes pa dang/ nam gyi cha stong dang cha smad la gnyid mi log
 pa dang/ shes bzhin la gnas pa'o/ zhes gsungs pas so/ /de la rma med pa la sogs pa'i yon tan dang ldan pa'i yongs su dag pa'i tshul khrims ni so so'i skye bo'i tshul khrims so/ /de las 'das pa la bltos pa'i sred pa dang/ ma 'ongs pa la mngon
 par dga' ba'i sred pa dang/ da lta ba la mngon par zhen pa'i sred pa khab kyis 'bigs par mi nus pas rma med pa'i tshul khrims so/ /ltung ba kun mi spyod pa'i phyir ma nyams pa'o/ /bslab pa gcig kyang nyams pa med pa'i phyir mi dma' ba' o/ /mi dge
 ba dang ma 'dres pas ma 'dres pa'o/ /srid pa'i longs spyod kyi don du yongs su ma bsngos pas ma sbags pa'o/ /de lta bu dang ldan pa'i tshul khrims ni tshogs kyi lam gyis bsdus pa'o/ /de yang slob dpon dpa' bos/ lus dang ngag las yid las sdom
 pa gang/ /mdor na 'dir ni tshul khrims yin par gsungs/ /'di la gnas pa'i 'gro ba phan don du/ /bsam pa'i khyad par 'bras bu bcas par 'gyur zhes gsungs so/ /'dis ni tshul khrims byang chub kyi tshogs su bstan no/ /rnam par rtog pa'i nye bar gnod pa'i
 gnyen por mig la sogs pa'i dbang po spas pa'i sgo nyid bstan no/ /rten las su mi rung ba'i gnyon por zas tshong zin pa nyid do/ /'di ltar zas nyung bar zos na rten nyam chung bas spro ba med pa dang/ zas lhag par zos na gnyid la sogs
 pa'i skyon kun tu spyod pa la rten las su mi rung ba nyid do/ /des na rten las su mi rung ba'i gnod pa'i gnyen po zas tshong zin par bstan to/ /mngon par mi brtson pa'i gnyen por nam gyi cha stong cha smad la gnyid mi log par bstan no//
 'gyod pa'i nye bar gnod pa'i gnyen por shes bzhin la gnas par bstan no/ /de la sems bskyed pa dang po na dran pa nye bar gzhag pa bsgom la/ gnyis pa na yang dag par spong ba/ gsum pa na rdzu 'phrul gyi rkang pa'o/ /de yang
 dran pa'i stobs kyis nye bar gnas pas dran pa nye bar gzhag pa 'am/ yang na 'dis dran pa nye bar gnas pas dran pa nye bar gzhag pa'o/ /de la dran pa nye bar gzhag pa la rnam gzhag lnga ste/ dmigs pa dang/ ngo bo dang/ grogs dang
 bsgom pa dang/ bsgoms pa'i 'bras bu'o/ /de la/ dmigs pa ni lus dang tshor ba dang/ sems dang chos so/ /ci'i phyir dmigs pa'i rnam bzhag bzhi yin zhe na/ lan ni byis pa phyin ci log gi blo can rnams kyi sems kyi rang bzhin gyi bdag
 dbang po dang bcas pa'i lus kyi rten la brten nas/ bde ba la sogs pa nye bar longs spyod cing 'dod chags la sogs pa'i chos kyi kun nas nyon mongs pa dang/ dad pa la sogs pa'i chos kyi rnam par byang bar 'gyur ro snyam du rnam par rtog go/
 des na dang por bdag gi rten gyi dngos por lus dang/ bdag gis longs spyad par bya ba'i dngos por tshor ba dang/ sems kyi rang bzhin gyi bdag dang/ bdag gi kun nas nyon mongs pa dang rnam par byang ba'i dngos po'i chos yang dag par yongs su
 spyad pa'i don du dmigs ba rnam par bzhag pa bzhir rig par bya'o/ /ngo bo rnam pa gnyis te/ shes rab dang dran pa'o/ /grogs ni shes rab dang dran pa dang mtshungs bar ldan pa'i sems dang tshor ba la sogs
 pa sems las byung ba'i sems rnams so/ /de la sgom pa ni nang gi lus la lus kyi rjes su lta ba dang/ phyi'i lus la lus kyi rjes su lta ba dang/ phyi nang gi lus la lus kyi rjes su blta ba'o/ /de bzhin du tshor ba la sogs pa la yang sbyor bar
 bya'o/ /de la nang gi lus gang zhe na gang 'di la nang gi bdag nyid kyi skye mched gzugs can mig dang/ rna ba dang/ sna dang/ lce dang/ lus kyi dbang po ste/ nang gi bdag nyid kyi skye mched kyis bsdus pa gang yin pa dang/ sems can
 gyi grangs su gtogs pas so/ /phyi'i lus gang zhe na/ phyi'i gzugs can gyi skye mched gzugs dang/ sgra dang/ dri dang/ ro dang/ reg bya gang yin pa ste/ phyi'i skye mched kyis bsdus pa dang/ sems can gyi grangs su gtogs pa ma yin
 pas so/ /phyi nang gi bdag nyid kyi lus gang zhe na/ nang gi skye mched kyi bdag nyid dang 'brel ba phyi'i skye mched dbang po'i rten gang yin pa ste/ nang gi bdag nyid kyi skye mched dang 'brel pa'i yin pas sems can gyi grangs su gtogs
 pa dang/ gzhan gyi dbang po'i yul yin pas phyi'i skye mched kyis bsdus pa yin pas so/ /gzhan yang gzhan gyi rgyad du gtogs pa'i nang gi bdag nyid skye mched gzugs can mig la sogs pa'i dbang po rnams kyang nang dang phyi'i bdag
 nyid du gtogs pa'i gzugs te/ rang gi rgyud la bltos nas nang yin la/ gzhan gyi rgyud la bltos nas phyi'i gzugs yin pas so/ /lus kyi rjes su lta ba gang zhe na/ rnam par rtog pa'i gzugs brnyan gyi lus dang/ rang bzhing yi gzugs kyi
 lus dag pa mnyam pa nyid du lta ba gang yin pa'o/ /rnam par rtog pa'i gzugs brnyan gyi lus mthong ba'i rjes su 'brangs nas rang bzhin gyi gzugs kyi lus nges pa ste/ shes rab kyi ngo bo nyid kyis stong pa ste/ mthong ba gang yin pa'i tha tshig go/ nang
 gi tshor ba gang zhe na/ nang gi lus la brten nas 'byung ba'i tshor ba ste/ nang gi bdag nyid kyi mig la sogs pa'i skye mched la brten nas sam dmigs nas byung bas so/ /phyi'i tshor ba gang zhe na/ phyi'i lus la brten nas 'byung ba'i tshor ba ste/ phyi'i
 gzugs la sogs pa la dmigs nas byung bas so/ /nang dang phyi'i tshor ba gang zhe na/ nang dang phyi'i lus la brten nas 'byung ba'i tshor ba ste/ rang gi rgyud la yod pa'i dbang po'i rten dang/ gzhan gyi rgyud la yod pa'i mig la sogs pa la
 dmigs nas byung ba'i tshor ba gang yin pa'o/ /tshor ba'i rjes su lta ba ni shes rab kyi ngo bo nyid kyis stong par mthong ba gang yin pa'o/ /nang gi bdag nyid kyi sems ni nang gi bdag nyid kyi mig la sogs pa la rten nas sam dmigs nas byung ba'i sems gang yin pa'o/ /phyi'i
 bdag nyid kyi sems ni phyi'i gzugs la sogs pa'i skye mched la dmigs nas byung ba'i sems gang yin pa'o/ /nang dang phyi'i sems ni rang gi rgyud du gtogs pa'i dbang po'i rten dang/ gzhan gyi rgyud du gtogs pa'i dbang po la dmigs nas byung ba'i sems
 gang yin pa'o/ /sems kyi rjes su lta ba ni ye shes kyi ngo bo nyid kyis stong par mthong ba gang yin pa'o/ /nang gi bdag nyid kyi chos ni nang gi bdag gi mig la sogs pa la brten nas sam dmigs nas byung ba'i 'du shes la sogs pa gang yin pa'o/ /
 phyi'i bdag nyid kyi chos ni phyi'i gzugs la sogs pa la brten nas byung ba'i 'du shes la sogs pa gang yin pa'o/ /phyi dang nang gi chos ni rang gi rgyud du gtogs pa'i dbang po'i rten dang/ gzhan gyi rgyud la yod pa'i dbang po la dmigs nas byung ba'i//
 'du shes la sogs pa gang yin pa'o/ /chos kyi rjes su lta ba ni chos gang yin pa de shes rab kyi ngo bo nyid kyis stong par mthong ba gang yin pa'o/ /yang bsgom pa ni 'dun pa dang/ brtson 'grus dang rtsol ba dang/ spro ba dang/ ma than pa dang/
 phyir nur ba med pa dang/ dran pa dang/ shes bzhin dang/ bag yod pa'i bsgom pa'o/ /de la yid la mi byed pa nye ba'i nyon mongs pa'i gnyen por 'dun pa bsgom ste/ ngas 'di bya'o snyam pa'i brtson 'grus kyi dran pa nye bar gzhag pa la yid la mi byed pa
 mi 'jug pas so/ /nye ba'i nyon mongs pa le lo'i gnyen por brtson 'grus sgom pa ste/ sbyor ba'i brtson 'grus kyis le lo ldog par 'gyur bas so/ /nye ba'i nyon mongs pa'i bying ba dang rgod pa'i gnyen por rtsol ba bsgom ste/ skyo ba med pa'i brtson 'grus kyi
 bying ba dang rgod pa nye bar zhi bar 'gyur bas so/ /de la rmugs pa dang gnyid kyi zil gyis mnan pas sems kyi rgyu ba mi gsal ba yin pas sems bying ba'o/ zhes shes par bya'o/ /sngar nyams su myong ba'i yul 'dod pas bar du sems gzhan du 'jug
 pa gang yin pa de ni rgod pa'o/ /de gnyis zhi ba ni rab tu dga' ba byed pa sangs rgyas kyi sku yid la byed pa dang/ mi rtag pa la sogs pa bsgom pas so/ /nye ba'i nyon mongs pa sems zhum pa'i gnyen por spro ba bsgom ste/ thabs kyi brtson 'grus kyis
 sems zhum pa nye bar zhi bar 'gyur te/ sems zhum pa ni khyad par rtogs pa'i ched du bdag nyid smad pa'i sgo nas sems zhum pa skye ba'o /de zhi ba ni sbrang bu sha sbrang la sogs pas kyang sangs rgyas nyid thob nas snyam pa'i don yid la byed pas so/ /
 nye ba'i nyon mongs pa gnod pas yongs su skye ba'i gnyen por ma than pa bsgom ste/ gnod pas yongs su skyo ba ni sha sbrang dang mchu ring la sogs pa'i nye bar 'tshe ba mi bzod pa'o/ /de'i gnyen por ma than pa ste bzod pa bsgom pa'o/ /cung zad
 tsam gyis chog par 'dzin pa nye ba'i nyon mongs pa'i gnyen par phyir nur ba med par bsgom te/ cung zad kyis chog par 'dzin pa ni gnyen por 'di tsam gyi chog gis gzhan mi dgos so zhes pa'o/ /gdams ngag brjed pa nye ba'i nyon mongs pa'i gnyen por dran
 pa bsgom mo/ /ltung ba yid la bcags pa nye ba'i nyon mongs pa'i gnyen por shes bzhin bsgom ste/ ltung ba yid la bcags pa ni 'gro ba dang/ 'ong ba la sogs pa shes bzhin pa yin par spyod pas bslab pa las 'das pa sngon du 'gro ba can 'gyod
 pa'o/ /brtson pa 'dor ba nye ba'i nyon mongs pa'i gnyen por bag yod pa bsgom ste/ brtson pa 'dor ba ni bag med pa'i skyon gyi ci lta ba bzhin du brtsams pa'i dge ba'i phyogs kyi sbyor ba la sogs pa mi sgrub pa gang yin pa'o/ /bsgoms pa'i 'bras
 bu ni phyin ci log spong ba dang/ bden pa la 'jug pa dang/ lus la sogs pa dang bral ba'o/ /de la kun rdzob kyi sgo nas lus dran pa nye bar gzhag pas lus mi sdug par bsgoms pas gtsang bar phyin ci log tu 'dzin pa spong ngo/ /tshor ba dran pa nye bar gzhag
 pas bde bar phyin ci log tu 'dzin pa spong ste gang cung zad tshor ba de sdug bsngal gsum gyis sdug bsngal ba'o/ /zhes shes pa'o/ /sems can pa nye bar gzhag pas rtag par phyin ci 'og tu 'dzin pa spong ste/ rten mig la sogs pa dang/ dmigs
 pa gzugs la sogs pa tha dad pas skad cig so so la rnam par shes pa gzhan dang gzhan nyid du shes pas so/ /chos dran pa nye bar gzhag pas bdag tu phyin ci log 'dzin pa spong ste/ bdag dang bral ba'i kun nas nyon mongs pa dang rnam par
 byad ba tsam mo/ zhes shes pas so/ /gzhan yang bden pa la 'jug pa 'di rnams kyi 'bras bu yin te/ de la lus dran pa nye bar gzhag pas sdug bsngal gyi bden pa la 'jug ste/ phal cher 'du byed kyi sdug bsngal gyi mtshan nyid can gnas
 ngan len dang lus ldan par rtogs pas so/ /de la 'du byed ni dngos po skye ba'o/ /de yang don ma yin pa thams cad kyi gnas yin pas gnas ngan len no/ /'phags pa rnams dang rjes su mi mthun pas sdug bsngal
 nyid do/ /de yang ci ltar don med pa yi skye ba 'di/ skye ba yod na dgra yod do/ /rga dang 'chi dang nad dang phongs/ /gsod dang 'chi ba la sogs pa/ /gal te don med skye med na/ /'jigs pa de ni 'byung mi 'gyur/ /nags kyi me dang rlung dag
 la/ /ma skyes pa yi shing mi ltung zhes gsungs so/ /des na 'du byed kyi sdug bsngal nyid kyis lus sdug bsngal ba nyid du mthong bas lus dran pa nye bar gzhag pas sdug bsngal gyi bden pa la 'jug pa'o/ /tshor ba dran pa nye bar gzhag pas kun
 'byung gi bden pa 'jug ste/ tshor ba bde ba la sogs pa ni ldan pa la sogs pa'i srid pa'i rten yin te/ de ltar tshor ba bde ba dang ldan pa dang mi bral ba'i sred pa'i rgyu yin no/ /tshor ba sdug bsngal sdug bsngal dang mi ldan pa dang sdug bsngal
 dang bral ba'i sred pa'i rgyu yin no/ /tshor ba bde ba yang ma yin sdug bsngal ba yang ma yin pa gnas skabs de la mngon par dga' ba'i sred pa'i rgyu yin no/ /des na tshor ba'i 'bras bu'i sgo nas rnam par dpyad na kun 'byung gi bden pa la 'jug
 ste/ mdo las kun 'byung gi bden pa gang zhe na/ sred pa/ yang srid pa/ len pa la 'dun pa/ dga' ba 'dod chags dang lhan cig tu gyur pa de dang de la mngon par dga' ba'o/ /zhes gsungs pas sred pa kun 'byung gi bden par bstan no/ /de
 ltar tshor ba dran pa nye bar gzhag pas kun 'byung gi bden pa la 'jug go /sems dran pa nye bar gzhag pas 'gog pa'i bden pa la 'jug pa ste/ bdag med pa'i rnal 'byor par shes pa tsam phyis 'byung ba ma yin no snyam du mthong bas bdag chad par
 'gyur ro snyam pa'i dogs pa med pas mya ngan las 'das pa la skrag pa med pa ste/ de ltar mi rtag pa nyid la sogs pa la dpyad pas bdag tu mngon par zhen pa ldog la/ sdug bsngal gyi 'du shes kyang skye'o/ /des na bdag chad par 'gyur ba'i
 'jigs pa med pa dang/ sdug bsngal tsam 'chad pa yin pas 'gog pa'i bden pa zhi ba nyid du mthong ngo/ /des na 'gog pa la skrag pa med pas sems dran pa nye bar gzhag pas 'gog pa la 'jug par 'gyur ba'o/ /chos dran pa nye bar gzhag pas
 lam gyi bden pa la 'jug par 'gyur te/ mi mthun pa'i chos kun nas nyon mongs pa spong ba'i don du gnyen po'i chos rnam par byang ba bsten pa ste/ 'di ltar kun nas nyon mongs pa'i chos ni nyon mongs pa dang/ nye ba'i nyon mongs pa'o/ /rnam par
 byang ba'i chos ni de'i gnyen por gyur pa mi sdug pa dang/ byams pa la sogs pa dang/ dngos po med par bsgom pa la sogs pa'o/ /kun nas nyon mongs pa dang rnam par byang ba de dag la mi mthun pa'i phyogs dang/ gnyen po'i ngo bor rtogs
 nas nye bar 'tshe ba thams cad shin tu spang ba'i thabs yin no snyam nas lam gyi bden pa la 'jug go /de ltar chos dran pa nye bar gzhag pas lam gyi bden pa la 'jug go /yang 'di rnams kyi 'bras bu lus la sogs pa dang bral ba yin te/ stong pa
 nyid kyi sgo nas lus dran pa nye bar gzhag pa la sogs pa bsgoms pas lus la sogs pa mngon par zhen pa med pas so/ /de la dran pa nye bar gzhag pa bsgoms pa'i 'bras bu yang lus la sogs pa dang bral ba'o/ /sems bskyed pa
 gnyis pa la yang dag par spong ba sgom pa ste/ gang gi phyir chos dran pa nye bar gzhag pas mi mthun pa'i phyogs dang/ gnyen po'i chos yongs su shes pa de'i phyir mi mthun pa'i phyogs spang ba dang/ gnyen po'i chos 'phel bar bya ba'i don
 du'o/ /brtson 'grus rtsom pa la dran pa nye bar gzhag pa'i rjes la yang dag par spong ba sgom pa'o/ /yang dag par spong ba rnams la yang rnam gzhag lnga ste/ dmigs pa dang/ ngo bo dang/ grogs dang/ bsgom pa dang/ bsgom pa'i 'bras bu'o/ /
 de la dmigs pa ni mi mthun pa'i phyogs dang/ gnyen po skyes pa dang ma skyes pa'o/ /de la dang po'i dmigs pa ni mi mthun pa'i phyogs skyes pa ste/ des sdig pa mi dge ba'i chos skyes pa rnams spang ba'i don du 'dun pa skyes pas so/ /gnyis pa'i dmigs
 pa ni mi mthun pa'i phyogs ma skyes pa ste/ sdig pa mi dge ba'i chos ma skyes pa rnams mi skye ba'i don du 'dun pa bskyed pas so/ /gsum pa'i dmigs pa ni gnyen po'i chos ma skyes pa ste/ dge ba'i chos ma skyes pa rnams skyes pa'i don du 'dun pa bskyed pas
 so/ /bzhi pa'i dmigs pa ni gnyen po'i chos skyes pa rnams te/ des dge ba'i chos skyes pa rnams brtan pa'i don du 'dun pa bskyed pas so/ /ngo bo ni brtson 'grus so/ /grogs ni brtson 'grus dang mtshungs par ldan pa'i sems dang sems las
 byung ba'i chos rnams so/ /bsgom pa ni 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par 'jog go /zhes bya ba ste/ 'dun pa bskyed do/ zhes bya ba la sogs pa'i tshig rnams kyis brtson 'grus bsgom pa
 gnas dang bcas pa brjod do/ /de la brtson 'grus kyi gnas ni 'dun pa ste/ 'dun pa sngon du 'gro ba can brtson 'grus yin pas so/ /'bad pa ni zhi gnas dang rab tu 'dzin pa dang/ btang snyoms kyi mtshan ma yid la byed pa gang yin pa'o/ /gang
 gi tshe zhi gnas dang/ rab tu 'dzin pa dang/ btang snyoms kyi mtshan ma yid la byed pas skyon dang bral ba'i gnyen po bsgom pa de'i tshe 'bad pa zhes brjod do/ /'di ltar gang gi tshe lhag mthong bsgoms pas shes rab phul du byung bar gyur pa de'i tshe
 zhi gnas shes chung ba'i phyir rlung gi nang na gnas pa'i mar me bzhin du sems rab tu g.yo bas de kho na nyid rab tu gsal bar mthong bar mi 'gyur ba de'i tshe zhi gnas kyi mtshan ma yid la byed pa'o/ /gang gi tshe zhi gnas lhag par gyur pas skyes bu gnyid log pa bzhin du de kho
 na nyid gsal bar mi mthong ba de'i tshe rab tu 'dzin pa'i mtshan ma yid la byed pa'o/ /gang gi tshe zhi gnas dang lhag mthong rang gi rang gis 'jug pa de'i tshe btang snyoms kyi mtshan ma yid la byed pa'o/ /de ltar gnyen po sgom pa la 'bad pa zhes bya'o/ /bying ba dang rgod
 pa sel ba'i don du brtson pa gang yin pa de la brtson 'grus rtsom pa zhes bya ste/ 'di ltar gang gi tshe nye ba'i nyon mongs pa'i bying ba skye bas de gsal ba'i don du dang ba skye ba'i rgyus sangs rgyas kyi sku gzugs la sogs pa yid la byed pas sems gzengs bstod
 pa dang/ nye ba'i nyon mongs pa'i rgod pa skyes na 'khor ba la yid byung ba'i dngos po yid la byed pa na nang gi bdag nyid du bsdus pa'i sgo nas sems 'dzin par byed pa de'i tshe brtson 'grus rtsom pa zhes bya ste/ de nyid kyi phyir bying pa dang rgod pa spang ba'i thabs mi
 spong ba'i don du sems rab tu 'dzin pa dang yang dag par rab tu 'jog go /zhes bya ba gsungs pa yin no/ /'bras bu ni mi mthun pa'i phyogs ma lus pa 'grib pa dang gnyen po thob pa dang 'phel ba'o/ /de la yang dag par spong ba dang po dang gnyis pa'i 'bras bu mi mthun
 pa'i phyogs ma lus par 'grib pa ste/ de dag gis sdig pa mi dge ba'i chos skyes pa dang ma skyes pa rnams rab tu spong bas so/ /gsum pa'i 'bras bu ni gnyen po thob pa ste/ des dge ba'i chos ma skyes pa rnams skyed pas so/ /bzhi pa'i 'bras bu ni gnyen po 'phel ba
 ste/ des dge ba'i chos skyes pa rnams rgyas par byed pas so/ /sems bskyed pa gsum pa rdzu 'phrul gyi rkang pa bsgom par bya ste/ gang gi phyir brtson 'grus brtsams te sems gnas par gyur pas don thams cad 'grub par rung ba'i mtshan nyid can du
 gyur pa de'i phyir yang dag par spong ba'i rjes la rdzu 'phrul gyi rkang pa rnam par bsgom pa ste/ rdzu 'phrul ni mngon par shes pa la sogs pa'i don thams cad grub pa'o/ /de'i rgyur gyur pas rkang pa ste ting nge 'dzin bzhi'o/ /de rnams la yang
 rnam gzhag lnga ste/ dmigs pa dang/ ngo bo dang/ grogs dang/ sgom pa dang/ bsgoms pa'i 'bras bu'o/ /rdzu 'phrul gyi rkang pa rnams kyi dmigs pa ni ting nge 'dzin 'grub pas mngon par shes pa la sogs pa'i rdzu 'phrul gyi bya ba gang yin pa'o/ /
 ngo bo ni sems gnas pa ste ting nge 'dzin zhes pa'o/ /grogs ni 'dun pa dang/ brtson 'grus dang/ sems dang/ dpyod pa dang/ de dag dang mtshungs par ldan pa'i sems dang sems las byung ba'i chos rnams so/ /de la bdun pa'i ting nge 'dzin
 ni gang gus par sbyor ba la brten nas sems rtse cig pa nyid la reg pa'o/ /de la gus par sbyor ba ni shin tu gus pas sbyor ba nyid do/ /brtson 'grus kyi ting nge 'dzin ni gang rgyun tu sbyor ba la brten nas sems rtse cig pa nyid la reg
 pa ste/ gang rtag tu 'bad la nam yang mi 'bad pa med pa de la brtson 'grus zhes bya'o/ /sems kyi ting nge 'dzin ni gang sngon ting nge 'dzin bsgoms pa la brten nas sems rtse gcig pa nyid la reg pa ste/ sngon skye ba gzhan du ting nge 'dzin
 bsgoms pa la brten nas de'i sa bon rgyas pas rang gi ngang gis sems ting nge 'dzin la rjes su mthun par gyur pas ting nge 'dzin la reg pas so/ /dpyod pa'i ting nge 'dzin ni gang gzhan gyi gdams ngag la brten nas chos rab tu rnam par phye ba'i
 sgo nas sems rtse gcig pa nyid la rag pa'o/ /bsgom pa ni spong ba'i 'du byed brgyad goms par byed pa ste/ spong ba'i 'du byed brgyad ni 'dun pa dang/ rtsol ba dang/ dad pa dang/ shin tu sbyangs pa dang/ dran pa dang/ shes bzhin dang/
 sems pa dang/ btang snyoms so/ /spong ba'i don du 'du byed pa yin pas spong ba'i 'du byed do/ /'di rnams gang spong ba'i don gyi 'du byed yin zhe na/ skyon lngas te/ de la skyon lnga ni le lo dang/ gdams ngag brjed pa dang/ bying rgod dang/ mngon par 'du
 mi byed pa dang/ 'du byed pa'o/ /de la bying rgod ni sngar bshad zin to/ /mngon par 'du mi byed pa ni btang snyoms so/ /'du byed pa ni yul gzhan yid la byed pa'i sems gang yin pa'o/ /de la le lo ni sbyor ba'i dus na yin te/ des sbyor ba mi byed pas so//
 sbyor ba mi byed pa'i dus su gdams ngag brjed pa skyon yin te/ des sems mnyam par 'jog par mi 'gyur bas so/ /mnyam par bzhag pa'i dus su bying rgod skyon yin te/ de rnams las su rung bar mi 'gyur bas so/ /bying ba dang rgod pa'i dus su mngon
 par 'du mi byed pa skyon yin te/ mngon par 'du mi byed pas bying rgod kyi gnyen po yid la mi byed pa'i phyir bying rgod zhi bar mi 'gyur bas so/ /bying rgod zhi ba'i dus na 'du byed pa skyon yin te/ bying rgod dang bral bas sems mnyam pa nyid thob pa'i phyir rab tu zhi
 ba zhes brjod pa yin pas de ltar gyur pa'i tshe bying rgod kyi gnyen po mngon du byed pa skyon yin no/ /'di rnams ni skyon lnga'o/ /skyon lnga po de rnams spong ba'i don du spong ba'i 'du byed brgyad kyi rnam bzhag byed pa yin te/ 'di ltar le lo spang ba'i don du 'dun pa dang/
 rtsol ba dang dad pa dang/ shin tu sbyangs pa dang/ spong ba'i 'du byed bzhi'o/ /de la 'dun pa ni mngon par 'dod pa'o/ /rtsol ba ni brtson 'grus so/ /dad pa ni mngon par yid ches pa'o/ /shin tu sbyangs pa ni lus dang sems las su rung ba'o/ /bzhi po 'di rnams rim
 pa ci lta ba bzhin du rten dang/ brten pa dang/ rgyu dang/ 'bras bur rnam par bzhag ste/ de la 'dun pa ni rtsol ba'i rten yin no/ /brten pa ni rtsol ba ste/ rtsol ba'i sngon du 'gro ba mngon par 'dod pa yin pas so/ /rten 'dun pa'i rgyu ni dad pa yin te/ rgyu dang 'bras bu la
 dad pa yod na mnyam par 'jog pa'i bya ba 'dod pa yin pas so/ /rten rtsol ba'i 'bras bu ni shin tu sbyangs pa ste/ brtson 'grus brtsams pas rnam par rtog pa la sogs pa'i skyon dang bral nas dga' ba skye la dga' ba skyes pas
 lus dang sems las su rung ba'i mtshan nyid can shin tu sbyangs pa skye bas so/ /'dir rtsol ba rgyu dang 'bras bu dang bcas pa le lo'i gnyen po nyid du bstan no/ /dran pa dang/ shes bzhin dang/ sems pa dang/ btang snyoms ni skyon bzhi'i gnyen?
 po yin te/ de la dran pa ni dmigs pa brjed pa'i gnyen po'o/ /shes bzhin ni dran pa yod pa'i dus su bying rgod rtogs pa gang yin pa'o/ /sems pa ni bying rgod rtogs nas de spang ba'i don du gnyen po mngon par 'du byed pa gang yin pa'o/ /
 btang snyoms ni bying rgod zhi ba'i dus kyi sems rang gi ngang gis mnyam par 'jog pa gang yin pa'o/ /de la dran pa ni gdams ngag brjed pa'i gnyen po ste/ des gdams ngag brjed par mi 'gyur bas so/ /shes bzhin ni bying rgod kyi gnyen po
 ste/ des bying rgod shes pa yin pas so/ /sems pa ni mngon par 'du mi byed pa'i gnyen po ste/ des bying rgod kyi gnyen po mngon par 'du byed pas so/ /btang snyoms ni mngon par 'du byed pa'i gnyen po ste/ sems rang gi ngang gis mnyam par 'jog
 pa'i tshe gnyen po mngon par 'du byed pa btang snyoms su 'jog pas so/ /des ni bsgom pa bstan no/ /'bras bu ni mngon par shes pa la sogs pa rdzu 'phrul gyi yon tan grub pa gang yin pa'o/ /de ltar sems bskyed pa gsum gyis byang chub kyi phyogs
 kyi chos bcu gnyis bsdus so/ /sems bskyed pa gsum po 'di rnams la go cha'i sgrub pa zhes bya ste/ 'di ltar dper na rgyal rigs gang zhig rgyal srid 'dod pa de la phan par 'dod pas bskul ba na dang po go gyon par byed do/ /de nas 'jug pa ste glang po la
 sogs pa la zhon pa'o/ /de nas dpung gi tshogs sdud par byed do/ /de nas nges par 'byung ste/ mi mthun pa'i phyogs las rgyal bar byas nas rgyal srid thob pa'o/ /de ltar rang gi don bsgrubs nas/ de'i rjes la snying rje dang ldan pas ci ltar rigs par skye dgu
 yongs su skyong bar byed do/ /de bzhin du byang chub sems dpa' pha rol tu phyin pa drug sgrub pa'i go cha gyon pas sbyin par bya ba la sogs pa mi dmigs pa'i go cha gyon par 'gyur te/ gnas skabs 'dir bar du gcad pa'i mda' thams cad kyis mi phigs pas so/ /de
 ltar go bgos pas rnam pa thams cad du/ sgom pa la brtson par 'jug ste/ bsam gtan la sogs pa theg pa chen po'i chos ma lus pa la lhag par 'jog go /de nas rgyu'i mthar thug pa thob par 'dod pas tshogs sog go /de nas sangs rgyas kyi sa thob
 pa'i don du nges par 'byung ba'i sa nas nges par 'byung ba'o/ /de nas rdo rje lta bu'i ting nge 'dzin zhes bya ba'i bar chad med pa'i lam thob nas mi mthun pa'i phyogs nyon mongs pa dang shes bya'i sgrib pa bag chags dang bcas pa ma lus par spangs pa las byang chub
 sems dpa' sangs rgyas kyi sa yang dag pa'i mdza' mngon du byas pa'i rang bzhin can chos kyi rgyal po thob bo/ /de nas ci ltar rigs par sems can gyi don byed do/ /de ltar go cha dang/ 'jug pa dang/ tshogs dang/ nges par 'byung ba sgrub pa'i nang nas sems
 bskyed pa gsum gyi gnas skabs la go cha'i sgrub pa rnam par 'jog go /de nyid kyi phyir slob dpon dbyig gnyen gyi gzhung 'grel las go cha chen po bgos pa ni sems bskyed pa dang po nas brtsams te lhag pa'i bsam pa'i bar la bya'o/ zhes gsungs
 so/ /de nyid kyi phyir sa bcu'i mdo bshad pa las go cha'i smon pa'o/ zhes gsungs so/ /bcom ldan 'das kyis kyang thar pa'i cha dang mthun pa gsungs pa'i dus su sems bskyed pa dang po nas bzung ste thabs la mkhas pa dang ma bral bar sbyin pa sbyin gyi/ mtshan
 mar ni mi bya'o/ zhes bya ba la sogs pa go cha'i sgrub pa gsungs pa yin te/ sbyin pa la sogs pa sgrub pa las ma gtogs pa'i go cha'i sgrub pa gzhan med pas so/ /des ni tshogs lam gyi rang bzhin can sems bskyed gsum pa bstan no//
 de ltar tshogs kyi lam du dad pa la sogs pa'i dge bas yongs su bsgos pa'i sems dang ldan pa dang/ sbyin pa la sogs pa'i dge ba'i tshogs dang ldan pas bsod nams kyi tshogs rdzogs pas ye shes kyi tshogs bsags pa'i don du bskal pa
 grangs med pa gcig las byung nas chos kyi rgyun gyi ting nge 'dzin thob pas sangs rgyas la gdams ngag thob ste/ gdams ngag gis bstan mngon par shes/ spyod pa'i sa la rab tu 'jug ces gsungs pas lhag par mos pas spyod pa'i sa la rab tu
 'jug go/ de nas sems bskyed pa bzhi pa lhag par mos pa'i sa dang/ sbyor ba'i lam dang/ zag pa dang bcas pa'i bsgom pa'i lam dang/ nges par 'byed pa'i cha dang mthun pa'i dge ba'i rtsa ba dang/ dbang po dang/ stobs dang/ 'jug pa'i
 sgrub pa'i bdag nyid can dang/ me lta bu'o/ zhes rnam par gzhag go /de la sems bskyed pa bzhi pa la chung ngu dang/ 'bring dang/ chen po dang/ chen po'i chen po'i dbye bas bzhi'o/ /de la dang po la drod rnam par bzhag go /gnyis pa
 la rtse mor rnam par bzhag go /gsum pa la bzod pa'o/ /bzhi pa la 'jig rten gyi chos kyi mchog go /ji ltar gtsub shing gtsub gtan la gtsubs pa las me'i snga ltas su gyur pa'i drod 'byung la/ de bzhin du 'jig rten las 'das pa'i lam
 me yin la de'i snga ltas su gyur pa 'di 'byung bas na drod do/ /dge pa'i rtsa ba g.yo ba'i rtse mo yin pas na rtse mo ste/ 'di las ltung ba 'am rgal bar 'gyur bas so/ /bden pa bzhi la cher bzod pas na bzod pa'o/ /zag pa dang bcas pas na
 'jig rten pa yin la/ de'i de ma thag tu mthong ba'i lam skye bas chos kyi mchog go/ de la drod ni bden pa so so'i bdag nyid la snang ba thob pa'i ting nge 'dzin dang shes rab mtshungs par ldan pa'o/ /de la bden pa ni sdug bsngal gyi bden pa dang/ kun
 'byung gi bden pa dang/ 'gog pa'i bden pa dang/ lam gyi bden pa'o/ /de la gang skye ba sems can gyi 'jig rten dang/ gang du skye ba snod kyi 'jig rten dag la sdug bsngal gyi bden pa zhes bya ste/ las dang nyon mongs pas bskyed pa dang/
 las dang nyon mongs pa'i dbang gis byas pa'o/ /gang 'jig rten gyi khams yongs su dag pa'i sems can gyi 'jig rten dang snod kyi 'jig rten ni las dang nyon mongs pas bskyed pa yang ma yin/ las dang nyon mongs pa'i dbang gis byung ba yang ma
 yin gyi/ 'on kyang bsam gyis mi khyab pa'i smon lam las nges par byung bas sdug bsngal gyi bden pa ma yin no/ /zhes bstan pa yin no/ /de la nyan thos pas sdug bsngal gyi bden pa mi rtag pa dang/ sdug bsngal ba dang/ stong pa dang/ bdag
 med pa nyid du sgom par byed do/ /byang chub sems dpas ni de bzhin du yang sgom pa yin te/ nyan thos rnams 'dul ba'i don du'o/ /rnam pa de rnams mi dmigs pas kyang ste/ rang gi lam yongs su rdzogs par bya ba'i don du'o/ /yang na nyan thos rnams
 kyang mi dmigs pa'i sgo nas sgom ste/ de ltar sgom pa'i 'thad pa phyis bshad par bya'o/ /de la mi rtag pa la sogs pa'i rnam pa logs su sgom par mi byed kyi/ 'on kyang mi rtag pa la sogs pa mi dmigs pa sgom pa'i nang du 'dus pas so/ /de nyid kyi phyir
 nyan thos kyi lam ldog pa'i sgo nas 'phangs so/ /zhes gsungs so/ /de la sdug bsngal gyi bden pa sngar med pa 'byung ba dang/ byung ba med par 'gyur bas mi rtag par shes par bya'o/ /sdug bsngal ba nyid gsum dang/ sdug bsngal gyi rnam pa brgyad po'i
 sdug bsngal nyid kyis sdug bsngal bas sdug bsngal gyi bden pa'i sdug bsngal gyi rnam par shes par bya'o/ /de ltar sdug bsngal nyid gsum du bshad zin to/ /sdug bsngal rnam pa brgyad ni mdor bsdus na drug ste/ dog
 pa'i sdug bsngal dang/ 'gyur ba'i sdug bsngal dang/ phrad pa'i sdug bsngal dang/ bral ba'i sdug bsngal dang/ re ba 'bras bu med pa'i sdug bsngal dang/ gnas ngan len gyi sdug bsngal lo/ /de la 'gyur ba'i sdug bsngal ni rnam pa gsum
 ste/ 'gyur ba'i sdug bsngal dang/ khams 'gyur ba'i sdug bsngal dang/ /srog 'gyur ba'i sdug bsngal lo/ /de la skye ba ni dog pa'i sdug bsngal gyis sdug bsngal ba ste/ ma'i mngal na zhu ba dang/ ma zhu ba gnyis kyis bar na
 'dug pa 'am/ mngal nas byung ba ni mi gtsang ba'i rdzas sna tshogs kyis gzir ba dang/ lus kyi yan lag kun tu brtsir ba'i sdug bsngal myong ba'i phyir ro/ /rgas pa ni 'gyur ba'i sdug bsngal gyis sdug bsngal ba'o/ /na ba ni khams yongs su
 gyur pa'i sdug bsngal gyis sdug bsngal ba'o/ /'chi ba ni srog yongs su gyur ba'i sdug bsngal gyis sdug bsngal ba'o/ mi sdug pa dang phrad pa ni phrad pa'i sdug bsngal gyis sdug bsngal ba'o/ /mdza' ba dang bral ba ni 'bral ba'i sdug bsngal
 gyis sdug bsngal ba'o/ /'dod pa ma thob pa ni re ba 'bras bu med pa'i sdug bsngal gyis sdug bsngal ba'o/ /gnas ngan len gyi sdug bsngal ni 'du byed kyi sdug bsngal nyid do/ /sdug bsngal brgyad po 'di rnams sdug bsngal nyid gsum
 gyis bsdus pa ste/ skye ba dang/ rga ba dang/ na ba dang/ 'chi ba dang/ mi 'dza' ba dang/ phrad pa'i sdug bsngal zhes gang gsungs pa des sdug bsngal gyi sdug bsngal ba nyid rab tu bstan te/ skye ba la sogs pa'i sdug bsngal gyi mtshan nyid
 can yin pas so/ /mdza' ba dang bral ba dang gang 'dod pa btsal te ma rnyed pa ni sdug bsngal ba'o/ /zhes gang gsungs pa des 'gyur ba'i sdug bsngal nyid yongs su bstan te/ thob pa dang ma thob pa tshe rab bde ba nyams su myong bar 'gyur ba'i chos yongs su
 'gyur ba'i mtshan nyid can yin pas so/ /mdor na nye bar len pa'i phung po lnga la sdug bsngal lo zhes gang gsungs pa des 'du byed kyi sdug bsngal nyid rab tu bstan te/ ma byung ba byung pa dang/ byung ba mang par gyur pas sdug bsngal gyi
 rang bzhin yin pas so/ /yang na gang mi rtag pa de ni sdug bsngal ba'o/ zhes shes par bya'o/ /ci'i phyir zhe na/ skye ba'i char gyur ba dang/ 'jig pa'i char gyur pa dang/ gnyis ka'i char gyur pa'i mi rtag pa nyid la brten nas gang mi
 rtag pa de la sdug bsngal ba'o/ /zhes bya'o/ de la skye ba'i char gyur pa'i mi rtag pa nyid ni med pa'i dngos po byung ba yin la/ sdug bsngal gyi phyogs kyis 'du byed rnams byung ba de yang gnod par byed pa'i rang bzhin can yin pas mi
 rtag pa nyid la brten nas sdug bsngal gyi sdug bsngal nyid ces bya'o/ /'jig pa'i char gyur pa'i mi rtag pa nyid la brten nas 'gyur pa'i sdug bsngal zhes bya ste/ 'jig pa'i char gyur pa'i mi rtag pa nyid ni byung ba med par gyur pa la
 bya la/ de yang bde ba'i phyogs kyi 'du byed rnams la mi 'dod pa yin pas de la brten nas 'gyur ba'i sdug bsngal nyid kyis sdug bsngal ba'o/ zhes bya'o/ /gnyis ka'i char gyur pa'i mi rtag pa nyid la brten nas sdug bsngal yang ma yin bde ba
 yang ma yin pa'i gnas ngan len dang bcas pa'i 'du byed rnams 'du byed kyi sdug bsngal ba nyid kyis sdug bsngal ba'o/ zhes bya'o/ /de'i phyir gang mi rtag pa de sdug bsngal ba'o/ /de ltar na yang mi rtag pa skye ba la sogs pa dang ldan pa ste sdug bsngal bar
 shes par bya ba yin gyi/ mi rtag pa spyi ni ma yin te/ de ltar lam yang sdug bsngal ba nyid du 'gyur bas so/ /de ltar sdug bsngal gyi bden pa'i sdug bsngal gyi rnam pa bstan no/ /sdug bsngal gyi bden pa'i stong pa
 nyid kyi rnam pa ni phung po dang/ khams dang/ skye mched rnams la rtag pa dang/ brtan pa dang/ ther zug dang/ yongs su gyur pa ma yin pa'i chos bdag dang bdag gi ba med pa'o/ /de ltar na bdag med kyi bdag med pa'i yod pa gang yin pa ste/ stong
 pa nyid kyi mtshan nyid do/ /de ltar sdug bsngal gyi bden pa'i stong pa nyid kyi rnam par shes par bya'o/ /sdug bsngal gyi bden pa'i bdag med pa'i rnam pa ni bdag tu smra ba rnams kyi bdag tu brtags pa'i mtshan nyid dang/ phung po la sogs
 pa mi ldan pa ste/ phung po la sogs pa bdag gi mtshan nyid du mi 'gyur pa'o/ /de ltar sdug bsngal gyi bden pa'i bdag med pa'i rnam par shes par bya'o/ /de ltar sdug bsngal gyi bden pa dang sdug bsngal gyi bden pa'i rnam pa bstan no/ /kun
 'byung gi bden pa ni nyon mongs pa gang la sdug bsngal gyi bden pa de kun 'byung ba deang/ nyon mongs pa'i dbang gi / 'byung ba'i zag pa dang bcas pa'i las gang yin pa'o/ /gal te de ltar yin na kun 'byung ba bstan pa'i skabs su bcom
 ldan 'das kyis sred pa yang srid pa las 'byung bar 'gyur ba dga' ba'i 'dod chags dang lhan cig pa de dang de la mngon par dga' pa la kun 'byung ba'i bden par ci'i phyir bstan ce na/ kun tu 'gro bas gtso bor gyur
 pa'i phyir te/ 'di ltar sred pa dngos po thams cad la kun tu 'gro ba ste/ thob pa dang/ ma thob pa'i bdag gi dngos po dang/ yul gyi dngos po thams cad la khyab pa'i phyir ro/ /de la bdag gi dngos po thob pa la ni sred pa'o/ /ma thob pa
 la ni yang srid pa la 'byung bar 'gyur ba'o/ /thob pa'i yul rnams la ni dga' ba'i 'dod chags dang lhan cig pa'o/ /ma thob pa'i yul rnams la ni de dang de la mngon par dga' ba'o/ /gnas skabs thams cad du/ 'gro ba ni sdug bsngal
 gyi sdug bsngal nyid la sogs pa gnas skabs gsum gyi 'du byed rnams la khyab pa'i phyir ro/ /de la sdug bsngal gyi sdug bsngal nyid kyi gnas skabs thob pa la ni bral bar sred de/ ma thob pa la ni mi phrad par sred do/ /'gyur ba'i sdug bsngal
 gyi gnas skabs la ni thob pa dang ma thob pa'i bye brag gis mi 'bral ba'i sred pa dang/ phrad pa'i sred pa'o/ /'du byed kyi sdug bsngal gyi sdug bsngal gyi gnas skabs la ni gti mug gi sred pa ste/ de rnams la gti mug gi sgo nas sred pas
 'jug pa'o/ /dus thams cad du 'gro ba ni sred pa dang dus gsum po rnams kyi rjes su 'gro ba'i phyir ro/ /de la 'das pa'i dus la ni bltos pa'i rnam pas rjes su 'gro ba'o/ /ma 'ongs pa la ni mngon par dga' ba'i rnam pas rjes su 'gro
 ba'o/ /de ltar byung ba la ni lhag par chags pa'i rjes su 'gro ba'o/ /khams gsum du 'gro ba ni 'dod pa dang/ gzugs dang/ gzugs med pa dag gis sred pas khams gsum la khyab pa'i phyir ro/ /tshor ba thams cad du 'gro
 ba ni nges 'dod pa dang/ srid pa dang/ log par tshangs par spyod pa tshol ba'i phyir ro/ /de la 'dod pa tshol bas ni 'dod khams las yongs su ma grol bar de nyid du sdug bsngal grub par byed do/ /de bzhin du srid pa tshol bas ni
 gzugs dang gzugs med pa'i khams su sdug bsngal 'grub par byed do/ /srid pa'i sgras gzugs dang gzugs med pa'i khams bstan pa'o/ /log par tshangs par spyod pa tshol bas ni 'khor ba las yongs su ma grol
 bar de nyid du 'khor bar byed do/ /rnam pa thams cad du 'gro ba ni srid pa dang/ srid pa ma yin pa la srid pas rtag pa dang chad pa'i rnam pa la khyab pa'i phyir ro/ /de ltar mdo las sred pa gtso bo yin
 pas kun 'byung gi bden par bstan no/ /de la nyan thos rnams kun 'byung gi bden pa la rgyu dang/ kun 'byung ba dang/ rab tu skye ba dang/ rkyen gyi rnam pa'i sgo nas sgom mo/ /byang chub sems dpa' i rnams ni sngar bstan pa'i
 tshul gyis sgom mo/ /de la rgyu'i rnam pa ni yang srid pa'i bag chags 'jog pa'i rgyu yin pa'i phyir rgyu'i rnam pa'o/ /kun 'byung ba'i rnam pa ni sems can bag chags bsags pa rnams kyi lha la sogs pa'i sems
 can gyi ris su de'i cha byad dang/ rang bzhin dang 'dra bar bsdus nas 'byung bar byed pa'i rgyu yin pas na'o/ /rab tu skye ba ni so sor rang gi rgyu nges pa dang/ /'gro ba dang/ skye gnas la sogs pa rnams rnam pa thams
 cad du dang/ mchog tu srid pa'i rtse mo'i 'gro ba'i bar du 'byung bar byed pa'i rgyu yin pas na rab tu skye ba'o/ /rkyen ni sngon ma byung ba'i lus gzhan dang gzhan thob pa dang/ sngon thob pa'i dus 'das par byed pa'i rgyu'o/ /
 de ltar kun 'byung gi bden pa'i rnam pa bzhir shes par bya'o/ /'gog pa'i bden pa ni gang du 'gog pa dang/ gang 'gog pa'o/ /gang du 'gog na de bzhin nyid du'o/ /gang 'gog pa ni nyon mongs pa mi 'byung ba'o/ /
 gnyis po 'di dag ni 'gog pa'o/ /'di yang 'gog pa dang/ zhi ba dang/ gya nom pa dang/ nges par 'byung ba'i rnam pa bzhis sngar bzhin du sgom mo/ /de la 'gog pa'i rnam pa ni nyon mongs pa'i rnam pa dang bral ba la
 brten nas so/ /zhi ba'i rnam pa ni sdug bsngal dang bral ba la brten pa ste/ 'du byed kyi sdug bsngal nyid kyis ma zhi ba'i nyer len gyi phung po lnga dang bral bas so/ /gya nom pa'i rnam pa ni nyon mongs pa dang/ sdug bsngal dang bral ba yin
 pas bdag nyid gtsang ba dang/ bde ba'i dngos po nyid la brten nas so/ /nges par 'byung ba'i rnam pa ni rtag pa dang phan pa'i rang bzhin nyid la brten nas phyir mi ldog pa'i rang bzhin yin pas so/ /de ltar 'gag pa'i bden pa'i
 rnam pa bzhir shes par bya'o/ /lam gyi bden pa ni lam gang gis sdug bsngal yongs su shes pa dang/ kun 'byung spong ba dang/ 'gog pa mngon du byed pa dang/ lam sgom pa ste/ 'dis ni bya ba'i sgo nas lam gyi mtshan
 nyid mdor bsdus par shes par bya'o/ /tshogs kyi lam la sogs pa la yang lam gyi bden pa zhes bya'o/ /de yang lam dang/ rigs pa dang/ sgrub pa dang/ nges par 'byin pa'i rnam pa bzhis sngar bzhin bsgom par bya'o//
 de la lam gyi rnam pa ni de kho na'i don yongs su tshol ba la brten nas to/ lam 'dis de kho na nyid kyi don tshol ba yin pas so/ /rigs pa'i rnam pa ni mi rigs par 'gyur ba'i nyon mongs pa'i gnyen por 'gyur bas so/ /
 sgrub pa'i rnam pa ni de kho na nyid ma rtogs pa'i skyon gyis rtag pa la sogs pa'i phyin ci log gis phyin ci log pa'i sems dang ldan pa dang/ phyin ci ma log pa de kho na nyid rtogs pa sgrub pa yin pas na sgrub pa'i rnam pa'o/ /nges
 par 'byin pa'i rnam pa ni rtag pa nges par 'byung ba'i gnas su 'gro ba yin pas na nges par 'byin pa'o/ /de ltar bden pa bzhi la rnam pa bcu drug du shes par bya'o/ /rnam pa de lta bu'i bden pa la gang snang ba thob pa'i ting
 nge 'dzin dang shes rab mtshungs par ldan pa de drod de/ 'di ltar gang gi tshe bden pa bzhi chos thams cad bdag med pa'i sgo nas sgom pa de'i tshe don tha dad du mngon par zhen pa med pas cung zad gsal ba'i
 ye shes kyi snang bas sems tsam mthong ba de drod kyi gnas skabs kyang yin la/ snang ba thob pa'i ting nge 'dzin zhes kyang bya ste/ cung zad gsal ba'i ye shes mthong bas so/ /drong bstan zin to/ /snang ba thob pa'i ting nge 'dzin de rgyas pa
 la rtse mo zhes bya ste/ drod kyi de ma thag pa gsal ba 'bring po rtse mo zhes bya ba yin pas so/ /de ni snang ba mched pa'i ting nge 'dzin to/ /rtse mo bstan zin to/ /bzod pa ni bden pa so so'i phyogs gcig la zhugs pa dang/ rjes
 su song ba'i ting nge 'dzin dang/ shes rab mtshungs par ldan pa dang bcas pa ste gang gi tshe sems tsam la gnas pas shin tu gsal ba'i phyi rol gyi don la mngon par zhen pa dang bral ba'i ye shes kyi snang ba skye ba de'i tshe bzod pa'i
 gnas skabs te/ gcig tu nges par gzung ba rang bzhin med par rtogs pas phyogs gcig la zhugs pa dang/ 'dzin pa rang bzhin med par rtogs pa'i rjes su mthun par gnas pa yin pas phyogs gcig la rjes su song
 ba'o/ /bzod pa bstan zin to/ /'jig rten gyi chos kyi mchog ni bden pa so so la de ma thag pa'i sems kyi ting nge 'dzin dang shes rab mtshungs par ldan pa dang bcas pa'o/ /gang gi 'dzin par byed pa la snang ba med pa'i ye shes
 kyi snang ba rdzogs pa pa'i tshe 'jig rten chos kyi mchog gi gnas skabs so/ /de yang bar chad med pa'i ting nge 'dzin te/ de'i de ma thag tu 'jig rten las 'das pa'i mthong ba'i lam skye bas so/ /drod la sogs pa'i gnas skabs su
 gzung ba dang 'dzin pa'i rnam par rtog pa spong ba ni chos kyi bdag med pa'i de kho na nyid lhag par mos pa tsam gyi dbang du byas nas bshad pa yin gyi/ mthong bas spang bar bya bas bsdus pa'i nyon mongs pa'i gnyen po ni mthong ba'i
 lam kho na yin no/ /des na mthong ba'i kho nar spong bar 'gyur ro/ /'jig rten pa'i chos kyi mchog bstan zin to/ /sems bskyed pa bzhi pa 'di la lhag par mos pa spyod pa'i sa zhes kyang bya ste/ /drod la sogs pa bzhi po 'di
 rnams lhag par mos pa bstan pa dang/ yon tan gyi gnas su gyur pa yin pas so/ /sbyor ba'i lam zhes kyang bya ste/ ji ltar bud shing gi khyad par gyis me bzhin du de kho na nyid mngon du byed pa'i sbyor ba gang nas gang du khyad
 par du gyur pa la bar chad med na mthong ba'i lam shin tu nye bar 'gyur bas so/ /nyon mongs pa dang mtshungs par ldan pa'i zag pa dang bcas pa'i sgom pa'i lam zhes kyang bya'o/ /nges par 'byed pa'i cha dang mthun pa'i dge
 ba'i rtsa ba zhes kyang bya ste/ nges par 'byed pa ni mthong ba'i lam mo/ /de'i cha ni thob pa ste/ de dang rjes su mthun pa'i phyir ro/ /gnas skabs 'di la dbang po dang stobs zhes kyang bya'o/ /de la drod dang rtse mo'i gnas skabs na
 dad pa la sogs pa la dbang po zhes bya'o/ /bzod pa dang 'jig rten chos kyi mchog gi gnas skabs su ni stobs zhes bya'o/ /dbang po lnga po la rnam bzhag lnga ste/ dmigs pa dang/ ngo bo dang/ grogs dang/ sgom pa
 dang/ bsgoms pa'i 'bras bu'o/ /de la dmigs pa ni 'phags pa'i bden pa bzhi ste/ bden par mngon par rtogs pa'i sbyor bas bsdus pas bden pa'i rnam pa can yin pas so/ /ngo bo ni dad pa dang/ brtson 'grus
 dang/ dran pa dang/ ting nge 'dzin dang/ shes rab po/ grogs ni de rnams dang mtshungs par ldan pa'i sems dang sems las byung ba'o/ /sgom pa ni dad pa'i dbang pos bden pa rnams la mngon par yid ches
 pa'i tshul gyis sgom par 'gyur ro/ /mngon par yid ches pa skyes pa ni bden pa mngon par rogs par bya ba'i phyir spro ba'i tshul gyis brtson 'grus sgom par 'gyur ro/ /brtson 'grus brtsams pa ni bden pa rnams la nye bar gnas pa'i dran pa mi
 brjed pa'i tshul gyis sgom par 'gyur ro/ /bden pa rnams la dran pa nye bar gnas pa ni sems rtse gcig pa'i tshul gyis ting nge 'dzin bsgom par 'gyur ro/ /bden pa rnams la mnyam par gzhag pa ni rab tu rnam par 'byed pa'i tshul gyis
 shes rab bsgom par 'gyur ro/ /bsgoms pa'i 'bras bu ni de'i dbang gis myur du mthong ba'i lam thob pa dang/ dro bar gyur pa dang/ rtse mo dang/ bzod pa dang/ chos kyi mchog rnams thob pa ste/ dus de nyid du rgyud la nges par byed pa'i
 cha dang mthun pa yod par 'gyur pas so/ /de ltar dbang po bstan zin to/ /dbang po rnams ci lta ba de bzhin du stobs rnams la yang ngo/ /'di ni khyad par yin te/ mi mthun pa'i phyogs nges par bsrabs pas mi rdzi ba'i phyir stobs
 rnams so/ /de la stobs rnams kyi dmigs pa la sogs pa ni dbang po rnams dang mtshungs so/ /'bras bu la ni bye brag yod do/ /'di ltar stobs rnams la dbang po ji ltar brtan pa'i 'bras bu yang yod la/ ma dad pa la sogs
 pa mi mthun pa'i phyogs bsrabs pas lhag pa'o/ /de nyid kyi phyir 'di rnams la dmigs pa dang/ ngo bo nyid la sogs pa mtshungs pa yong du zin kyang rdzi bar mi nus pa'i phyir byang chub kyi phyogs tha dad par bshad do/ /stobs
 bshad zin to/ /de ltar sems bskyed pa bzhi pas byang chub kyi phyogs kyi chos bcu bsdus pa'o/ /sems bskyed pa bzhi pa 'di la 'jug pa'i grub pa zhes kyang bya ste/ de la 'jug pa ni lam de la 'gro bar rtsom pa dang/ 'gro ba dang/
 'dzegs nas 'gro ba rim pa ji lta ba bzhin du mos pas spyod pa'i sa dang/ rab tu dga' ba nas brtsams te sa bdun pa'i bar du dang/ mi g.yo ba la sogs pa rnams su'o/ /zhes slob dpon dbyig gnyen bzhed do/ /de la mos pa spyod pa'i sar
 lhag par mos pas 'gro ba rtsom mo/ /sa bdun du rtsol ba'i sgo nas 'gro'o/ /sa brgyad pa la sogs par rtsol ba med par shing rta la legs par drangs pa bzhin du 'gro'o/ /de ltar sems bskyed pa bzhi pa nas brtsams te/ sangs rgyas
 kyi sa'i bar ni 'jug pa'i sgrub pa'o/ /des na sems bskyed pa bzhi pa la 'jug pa'i sgrub pa'i rnam bzhag byed pa yin no/ /tshogs kyi sgrub pa ni 'jig rten gyi chos mchog nas brtsams te sangs rgyas kyi sa'i bar la bzhag ste/ 'dis
 byang chub chen po rdzogs par byed pa'i tshogs zhes bya'o/ /de yang mdor bsdu na rnam pa gnyis te/ bsod nams dang ye shes kyi tshogs so/ /de dag sgrub pa ni tshogs kyi sgrub pa'o/ /bsod nams dang ye shes kyi tshogs sngar
 sems bskyed pa gsum pa drang la sogs pa gsum gyi gnas skabs su bsags su zin kyang de ltar na yang 'jig rten chos mchog nas brtsams te rab tu son pa yin pas 'di nas bzung ste tshogs kyi sgrub pa'i rnam bzhag byed do//
 sems bskyed pa bzhi pa 'di me lta bu yang yin te/ des khyad par du rtogs pa mchog tu gyur pa ste/ ci ltar bud shing gi khyad par gyis me mchog tu 'gyur ba bzhin no/ /sems bskyed pa bzhi po 'di rnams la brda las byung ba dang/ kun
 rdzob kyi dang/ 'jig rten pa'i 'o/ /zhes bya'o/ /de'i phyir don dam pa'i dang/ 'jig rten las 'das pa'i zhes bya'o/ /sems bskyed pa bzhi pa dang/ sbyor ba'i lam bshad zin to/ /de la sems bskyed pa lnga pa ni
 mthong ba'i lam gyi bdag nyid can dang/ sa rab tu dga' ba'i bdag nyid can dang/ 'jug pa dang/ tshogs kyi sgrub pa'i bdag nyid can dang byang chub kyi yan lag gi bdag nyid can dang/ sbyin pa'i pha rol tu phyin pa dang lhan cig tu gyur
 pa dang/ gter chen po lta bu'o/ /de la mthong ba'i lam ni mdor bsdu na 'jig rten pa'i chos kyi mchog gi de ma thag tu mi dmigs pa'i ting nge 'dzin dang/ shes rab mtshungs par ldan pa dang bcas pa ste/ rnam par mi rtag pa'i zhi
 gnas dang lhag mthong gi mtshan nyid can no/ zhes shes par bya'o/ /dmigs par bya ba dang dmigs par byed pa mnyam pas mnyam par shes pa yang de yin te/ de yang gzung ba dang/ 'dzin pa de kho na nyid mngon du byas pas so/ /rang gi
 rgyud la sems can gyi brda dang/ chos kyi brda gsal ba dang/ thams cad tu gnyis ka'i brda' gsal ba la/ dmigs pa'i chos shes pa'ang de yin no/ /des rang gi rgyud la bdag gi mtshan mar rnam par rtog pa med pas sems
 can gyi brda gsal ba la dmigs pa'i chos shes pa'o/ /rang gi rgyud la chos la sogs pa'i mtshan mar mi rtog pas chos kyi brda gsal ba la dmigs pa'i chos shes pa'o/ /rang dang gzhan gyi rgyud gnyis ka la khyad par med par
 bdag dang chos mtshan mar mi rtog pas thams cad du gnyis ka'i brda gsal bas dmigs pa'i chos shes pa'o/ /dbye ba ni 'jig rten pa'i chos shes pa mchog gi de ma thag tu sdug bsngal la chos shes pa'i bzod pa dang/ sdug
 bsngal la chos shes pa dang/ sdug bsngal la rjes su shes pa'i bzod pa dang/ sdug bsngal la rjes su shes pa dang/ kun 'byung la chos shes pa'i bzod pa dang/ kun 'byung la chos shes pa dang/ 'gog pa la chos shes pa'i bzod pa
 dang/ 'gog pa la chos shes pa dang/ 'gog pa la rjes su shes pa'i bzod pa dang/ 'gog pa la rjes su shes pa dang/ lam la chos shes pa'i bzod pa dang/ lam la chos shes pa dang/ lam la rjes su shas pa'i bzod pa dang/
 lam la rjes su shes pa'o/ zhes pa ni skad cig ma bcu drug gi bdag nyid can no/ /de la sdug bsngal la chos shes pa'i bzod pa'i sdug bsngal ni sdug bsngal gyi bden pa'o/ /sdug bsngal gyi chos ni sdug bsngal gyi bden pa'i dbang
 du byas nas chos bstan pa gang yin pa'o/ /shes pa ni sbyor ba'i lam du sdug bsngal gyi bden pa'i dbang du byas nas bstan pa'i chos la spyod pa'i shes pa'o/ /bzod pa ni sngar rnam par dpyad pa'i dbang gis sdug bsngal gyi bden pa'i
 bdag nyid mngon sum du gyur pa zag pa med pa'i shes rab ste/ gang gis sdug bsngal mthong ba'i spang bar bya ba'i nyon mongs pa spong ba de ni sdug bsngal la chos shes pa'i bzod pa'o/ /'di'i don ni 'di yin te/ sbyor ba'i lam du sdug bsngal
 gyi bden pa'i dbang du byas nas bstan pa'i mdo la sogs pa'i chos la tshul bzhin yid la byed pas bsdus pa'i dam par spyod pa'i shes pa'i dbang du byas pa 'dis sdug bsngal gyi bden pa'i de kho na nyid mngon sum du gyur pa'i
 'jig rten las 'das pa'i yang dag pa'i rang bzhin shes rab skyes pa ste/ gang gis sdug bsngal mthong bas spang bar bya ba'i bra rgyas nyi shu rtsa brgyad spong ba de nyid tu sdug bsngal la chos shes pa'i bzod pa zhes bya'i sdug bsngal
 la chos shes pa ni shes pa gang gis bzod pa'i de ma thag rnam par grol ba mngon du byed pa ste/ bzod pa des sdug bsngal mthong bas spang bar bya ba'i nyon mongs pa spangs nas rten gnas gyur te ye shes
 gang gis gnas gyur pa rtogs pa de la sdug bsngal la chos shes pa zhes bya'o/ /sdug bsngal la rjes su shes pa'i bzod pa ni sdug bsngal la chos shes pa'i de ma thag tu sdug bsngal la chos shes pa'i bzod pa dang/ sdug bsngal la chos shes pa 'di nyis 'phags
 pa'i chos rnams kyi rgyu yin no snyam pa'i so so rang gis rig pa'i zag pa med pa'i shes rab ste/ bzod pa dang shes pa 'di gnyis slob pa dang mi slob pa'i 'phags pa'i chos thams cad kyi rgyu yin te/ de dag las de rnams
 yang dag par 'byung bas so/ /des na de dag la dmigs nas 'phags pa'i chos rnams kyi rgyu yin no snyam pa'i so so rang gis rig pa'i zag pa med pa'i shes rab la sdug bsngal la rjes su shes pa'i bzod pa zhes bya'o/ /sdug
 bsngal la rjes su shes pa gang gis rjes su shes pa'i bzod pa de nges par 'dzin pa ste/ ye shes gang gis rjes su shes pa'i bzod pa de so so rang gis rig pa de la sdug bsngal la rjes su shes pa zhes bya'o/ /de bzhin
 du bden pa lhag ma rnams la yang bzod pa dang shes pa rnams ci ltar rig par shes par bya'o/ /'jig rten las 'das pa'i lam gyi yul gnyis te/ de bzhin nyid dang yang dag pa'i ye shes so/ /de la chos shes
 pa'i phyogs kyi lam gyi yul de bzhin nyid dang/ /rjes su shes pa'i phyogs kyi lam gyi yul yang dag pa'i ye shes so/ /de nyid kyi phyir chos shes pa'i bzod pa dang/ shes pa rnams kyis ni gzung bar rtogs
 so/ /rjes su shes pa'i bzod pa dang/ shes pa rnams kyis ni 'dzin par rtogs so/ zhes bya'o/ /bzod pa dang shes pa thams cad la mtshan ma med par gnas pa'i rnal 'byor can du rig par bya'o/ /sems kyi skad cig bcu
 drug po 'di rnams ni mthong ba'i lam ste/ des sngar ma mthong ba'i bden pa bzhi mthong ba ste/ mngon sum du byas pa'o/ /zhes pa'i tha tshig go /'dir sems kyi skad cag ni sngar ma skyes pa skyes pa tsam la sems kyi skad cig ces
 brjod par bya ba ma yin gyi/ 'on kyang dus ji srid du shes bya ba la shes pa 'byung ba yongs su rdzogs par 'gyur ba de la sems kyi skad cig ces gyi'o/ /gzhan gyi ni gzhan du 'dod de/ 'di ltar nyon mongs pa spong ba'i phyir bar chad med
 pa'i lam gyi rang bzhin can sdug bsngal la sogs pa mthong bar brgyad la bzod pa zhes bya'o/ /de la sdug bsngal la sogs pa la chos shes pa'i bzod pa rnams kyis mthong bas spang bar bya ba'i 'dod pa'i khams kyi nyon
 mongs pa rab tu spong ngo/ /sdug bsngal la sogs pa rjes su shes pa'i bzod pa rnams kyis gzugs dang gzugs med pa'i khams kyi mthong bas spang bar bya ba'i nyon mongs pa rab tu spong ngo/ /des na bzod pa brgyad
 nyon mongs pas bar chad med pa'i lam gyi rang bzhin yin no/ /rnam par grol ba'i lam gyi rang bzhin can nyon mongs pa dang bral ba mngon du byed pa'i shes pa brgyad la chos shes pa dang/ rjes su shes pa zhes bya'o/ /de
 la chos shes pa rnams kyis ni 'dod pa'i khams kyi mthong bas spang bar bya ba'i nyon mongs pa dang bral ba'i rten mngon du byed do/ /rjes su shes pa ni gzugs dang gzugs med pa'i mthong bas spang bar bya ba'i nyon mongs pa dang
 bral ba'i rten mngon du byed do/ /de dang lhan cig tu spyod pa brgyad kyi nang nas chos shes pa'i bzod pa rtogs pa'i nges pa'i shes pa bzhi la chos shes pa zhes rnam bzhag bya'o/ /rjes su shes pa'i bzod
 pa rtogs pa'i nges pa'i shes pa bzhi la rjes su shes pa zhes rnam bzhag bya na 'o na gzhan du rnam par grol ba'i mngon du byed pa'i shes pa kho na la chos shes pa zhes brjod la/ chos shes pa'i bzod pa nges pa'i shes pa la yang
 'gal lo zhes na ma yin te/ gnas skabs 'dir shin tu goms pa'i gnas skabs ma yin pas shin tu gsal ba med pa'i phyir snang ba dang nges pa dag gis bzod pas de kho na nyid mngon du byas so zhes rnam par 'jog pa yin
 no/ /des na bzod pa'i de ma thag tu nyon mongs pa las rnam par grol ba mngon du byed pa'i shes pa dang lhan cig tu spyod pa'i nges pa'i shes pa yang khas len dgos kyi chos shes pa'i bzod pa la nges pa khas mi len pa rigs pa
 ma yin no/ /gal te chos shes pa'i bzod pa la nges par khas mi len na shes pa gang gis rjes su shes pa'i bzod pa nges par byed pa de la sdug bsngal la rjes su shes pa'i bzod pa nges par byed pa de la sdug bsngal la rjes su shes
 pa zhes ci ltar brjod de/ chos shes pa'i bzod pa la ma nges na rjes su shes pa'i bzod pa yang nges par mi 'gyur bas so/ /de'i phyir chos shes pa'i bzod pa nges pa chos shes pas bsdus pa yin no/ /gal te de ltar mi 'dod na
 chos shes pa'i bzod pa la nges ba yod dam med/ gal te yod na chos shes pa la mi brjod na gang la brjod/ gal te med na mngon du byed do/ zhes ci ltar tha snyad 'dogs/ gal te shin du gsal ba yin pas bzod pa dang shes
 pas mngon du byed do/ zhe na/ 'o na rjes su shes pa rnams kyang mngon du byed pa'i rang bzhin can du 'gyur gyi/ nges pa'i bdag nyid can du mi 'gyur ro/ /gzhan yang shin tu gsal ba khas len na rnam par rtog pa'i bdag nyid can nyon mongs pa
 dang/ shes bya'i sgrib pa med pas da ltar nyid du rtogs pa thams cad yongs su rdzogs pa yin pas sangs rgyas nyid du thal bar 'gyur ro/ /gal te shin tu gsal ba med kyang nges pa yod de/ de la bzod pa yang mi zer chos shes pa yang
 mi zer zhe na/ 'o na rjes su shes pa'i bzod pa la nges pa la yang rjes su shes pa zhes mi zer bas mthong ba'i lam skad cig bcu gnyis kyi bdag nyid can du 'gyur ro/ /de'i phyir nyon mongs pa las grol ba mngon du byed pa dang/ lhan
 cig spyod pa nges pa'i shes pa brgyad la yang chos shes pa dang rjes su shes pa zhes brjod dgos so/ /de nyid kyi phyir mngon pa la sogs pa gang rjes su shes pa'i bzod pa la nges pa bstan pa ste/ chos shes pa'i bzod pa nges pa'i
 nye bar mtshon pa nyid du bstan pas 'gal ba med do/ /'di'i gdams ngag 'di yin te/ gzugs la sogs pa rnams gdod ma nas skye ba med pa so sor rtogs pas sdug bsngal ba dang sdug bsngal ba'i mtshan nyid mi dmigs
 pa'i rang bzhin can la sdug bsngal la chos shes pa'i bzod pa'i skad cig ma zhes bya'o/ /de kho na la mi skye ba'i chos la bzod pa zhes kyang bya'o/ /skad cig ma de yang shes rab dang ting nge 'dzin zung du 'brel ba'i dang bral ba'o/ /'jig
 rten las 'das pa'i ye shes de'i rjes su thob pa la chos 'di rnams ni stong pa nyid kho na'o/ /zhes rnam par dag pa'i stong pa nyid kyi mtshan nyid kyis rang gi rtogs pa yongs su gcod pa'i shes pa gang skye ba dang/ 'dod pa'i khams
 kyi sdug bsngal mthong bas spang bar bya ba'i nyon mongs pa dang bral ba'i rten mngon du byed pa'i shes pa ni sdug bsngal la chos shes pa'o/ /gzugs la sogs pa'i mtshan nyid stong pa nyid gang yin pa de rnam par
 dag pa'i rang bzhin dang/ dngos po dang dngos po med par brjod du med pa'o snyam du rab tu shes nas yang brjod du med pa'i 'jig rten las 'das pa'i shes rab skye ba de nyid rjes su shes pa'i bzod pa'o/ /de'i tshe khams gsum pa'i
 chos rnams la brjod du med pa nyid so sor rtogs te/ skad cig ma gnyis kyis thob pas shes rab tu gyur pa yin pas so/ /sngar ni 'dod pa'i khams kyi sdug bsngal shin tu drag po yin pa dang/ shes rab tu gyur pa
 med pas 'dod pa'i khams kyi chos rnams kho na la brjod du med pa nyid so sor rtogs so/ /'di yang de dag dang mtshungs pa dang/ de'i rgyu can yin pa dang/ de shes pa don du gnyer ba nyid kyis rjes su shes pa'i bzod
 pa zhes bya'o/ /de nas de bzhin du chos thams cad brjod du med pa'i de kho na nyid nges pa'i shes pa gang skye ba de'i rjes su shes pa zhes bya'o/ /de bzhin du kun 'byung ba dang/ 'gog pa dang/ lam la yang bzod
 pa dang/ shes pa shes par bya'o/ /sngar chos shes pa'i bzod pa khams gsum gyi mthong bas yang spang bar bya ba'i gnyen po nyid du bstan la/ phyis ni chos shes pa'i bzod pa rnams 'dod pa'i khams kyi mthong
 bas spang bar bya ba'i gnyen por bstan no/ /rjes su shes pa'i bzod pa rnams gzugs dang gzugs med pa na spyod pa'i mthong bas spang bar bya ba'i gnyen por bstan no/ /de la bzod pa brgyad ni nyon mongs pa spong ba la rgyun
 po 'byung ba'i tshul gyis bya ba byed do/ /shes pa brgyad ni sgo 'phang gcod pa'i tshul gyis bya ba byed do/ /de la 'dod pa'i khams na spyod pa'i 'dod chags dang/ khong khro ba dang/ nga rgyal dang/ ma rig pa dang/ the tshom dang/ 'jig
 tshogs la lta ba dang/ mthar 'dzin pa'i lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa rnams ni sdug bsngal dang/ kun 'byung dang/ 'gog pa dang/
 lam mthong bas so sor bcu bcur spang bar bya ba yin pa'i phyir bzhi bcu chos shes pa'i bzod pa bzhis spong par 'gyur ro/ /de la 'dod chags ni khams gsum pa'i rjes su chags pa ste/ sred pa'i dbang gi nye bar len pa'i
 phung po lnga grub par byed pas sdug bsngal skyed pa'i las can no/ /khong khro ba ni sems can rnams sdug bsngal dang/ sdug bsngal gyi gnas su gyur pa'i chos rnams la kun nas mnar sems pa ste/ reg par mi gnas pa
 dang/ nyes par spyod pa'i rten byed pa'i las can te/ kun nas mnar sems pa'i sdug bsngal gyis gnas pas reg par mi gnas pa'o/ /nga rgyal ni 'jig tshogs la lta ba la brten nas sems khengs pa ste/ mi gus
 pa dang/ sdug bsngal 'byung ba'i rten byed pa'i las can no/ /de la mi gus pa ni bla ma rnams dang yon tan can rnams la gyong pa'o/ /sdug bsngal 'byung ba ni yang srid par 'byung bar rig par bya'o/ /ma rig pa ni khams
 gsum pa'i mi shes pa ste/ chos rnams la log par nges pa dang/ the tshom dang/ kun nas nyon mongs pa 'byung ba'i rten byed pa'i las can no/ /log par nges pa'i phyin ci log tu nges pa'o/ /the tshom ni som nyi'o
 kun nas nyon mongs pa 'byung ba ni 'dod chags la sogs pas kun tu 'byung ngo/ /de'i rten byed pa ni rmongs par gyur na nyon mongs pa thams cad 'byung ba'i phyir ro/ /the tshom ni bden pa rnams la yid gnyis
 za ba ste/ dge ba'i phyogs la mi 'jug pa'i rten byed pa'i las can no/ /dge ba'i phyogs la mi 'jug pa ni des dge ba'i phyogs lam gyi bden pa dang/ 'gog pa'i bden pa la ji ltar rigs par mi 'jug pa'o/ /de'i rten
 byed pa ni nges pa ma skyes na mi rtsom pa'i phyir ro/ /'jig tshogs la lta ba ni nye bar len pa'i phung po rnams la bdag gam bdag gir yang dag par rjes su mthong bas lta ba gang yin pa ste/ lta ba thams cad brten pa'i
 las can no/ /mthar 'dzin pa'i lta ba ni nye bar len pa'i phung po lnga po dag la rtag pa'am/ chad par yang dag par rjes su mthong nas lta ba gang yin pa ste/ dbu ma'i lam gyis nges par 'byung ba'i bar du gcod
 pa'i las can no/ /dbu ma'i lam ni rtag pa dang/ chad par 'dzin pa spangs nas rten cing 'brel par 'byung ba shes pa'o/ /lta ba mchog tu 'dzin pa ni lta ba dang lta ba'i gnas nye bar len pa'i phung po lnga po dag la
 mchog dang/ gtso bo dang/ khyad par du 'phags pa dang/ dam par yang dag par rjes su mthong nas lta ba gang yin pa ste/ lta ba ngan pa la mngon par zhen pa'i rten byed pa'i las can no/ /tshul khrims dang
 brtul zhugs mchog tu 'dzin pa tshul khrims dang/ brtul zhugs dang/ tshul khrims dang brtul zhugs kyi gnas nye bar len pa'i phung po lnga po dag la dag pa dang/ grol ba dang/ nges par 'byin pa'i yang dag
 par rjes su mthong nas lta ba gang yin pa ste/ ngal ba 'bras bu med pa'i rten byed pa'i las can no/ /tshul khrims dang brtul zhugs ni lta ba ngan pa sngon du song bar rig par bya'o/ /ngal ba 'bras bu med pa ni des nges par mi 'byung
 ba'i phyir ro/ /log par lta ba ni rgyu 'am/ 'bras bu 'am/ bya ba la skur pa 'debs pa dang/ yod pa'i dngos po 'jig pa'i log pa'i rnam par rtog pa gang yin pa ste/ dge ba'i rtsa ba gcod pa dang/ mi dge ba'i rtsa ba
 dam du 'dzin pa'i rten byed pa'i las can dang/ mi dge ba la 'jug pa dang/ dge ba la mi 'jug pa'i las can no/ /de la sbyin pa med do/ /mchod sbyin med do/ sbyin sreg med do/ /legs par spyad pa med do/ /nyes par
 spyad pa med do/ zhes pa 'di ni rgyu la skur pa 'debs pa'o/ /legs par spyad pa dang/ nyes par spyad pa'i las kyi 'bras bu rnam par smin pa med do/ zhes pa 'di ni 'bras bu la skur pa 'debs pa'o/ /'jig rten 'di ni med do//
 'jig rten pha rol med do/ /pha med do ma med do/ /sems can bsdus te skye ba med do/ zhes bya ba 'di ni bya ba la skur ba 'debs pa 'jig rten gzhan du 'gro ba dang 'ong ba'i bya ba dang/ sa bon 'debs pa'i bya ba dang/ nying mtshams
 sbyor ba'i bya ba la skur ba 'debs pa'i phyir ro/ /'jig rten na dgra bcom pa med do/ /zhes bya ba la sogs pa ni yod pa'i dngos po 'jig pa'o/ /de las gzhan tshangs pa la sogs pa byed pa po yin no/ zhes phyin ci log tu rtog
 pa thams cad la log par rnam par rtog par rig par bya'o/ /dge ba'i rtsa ba gcod pa ni log par lta ba khyad par can las 'byung gis/ thams cad las ni ma yin no/ /de la 'jig tshogs la blta ba dang/ mthar 'dzin pa'i lta ba
 la rnam pa gnyis te/ brtags pa dang/ lhan cig skyes pa'o/ /dam pa ma yin pa'i chos mnyan pa la sogs pa sngon du 'gro ba can ni brtags pa'o/ /lhan cig skyes pa'i 'jig tshogs la lta ba ni bde bar gyur
 cig sdug bsngal bar ma gyur cig snyam pa'i sred ba dang ldan pa'o/ /nga'o snyam ba'i blo gros gang/ /de ni lhan skyes 'jig tshogs lha/ /lhan cig skyes pa'i mthor 'dzin pa'i lta ba ni gang gis mngon par rtogs pa'i sbyor ba byed pa la
 skrag par 'gyur ba'o/ /de la lhan cig skyes pa'i 'jig tshogs la lta ba dang/ mthar 'dzin pa'i lta ba ni mthong bas spang bar bya ba ma yin te/ thog ma med pa nas goms pa yin pas lhan cig skyes pa'i 'jig tshogs la lta ba
 la sogs pa yun ring po nas gnas pa yin pas sgom pa'i lam kho nas spang bar bya ba yin pas so/ /de la brtags pa'i lta ba dang/ brtags pa'i lta ba la dmigs pa'i 'dod chags dang/ khong khro ba dang/ nga rgyal dang/ ma
 rig pa dang/ the tshom ni sdug bsngal dang/ kun 'byung dang/ 'gog pa dang/ lam mthong ba la gegs byed pa yin pas chos shes pa'i bzod pas 'dod pa'i khams kyi nyon mongs pa bzhi bcu spong bar 'gyur ro/ /rjes su shes pa'i
 bzod pas nyon mongs pa bcu po de rnams la khong khro phri bas gzugs kyi khams na sdug bsngal dang/ kun 'byung ba dang/ lam dang/ 'gog pa mthong bas spang bar bya ba so sor dgu dgu yin pas sum cu rtsa drug spong bar 'gyur ro/ /de
 bzhin du gzugs med pa'i khams su yang sum cu rtsa drug yin pas gzugs dang gzugs med pa'i khams su nyon mongs pa bdun cu rtsa gnyis spong bar 'gyur bas so/ /de ltar bsdoms na nyon mongs pa brgya rtsa bcu gnyis mthong ba'i
 lam gyis spong bar 'gyur ro/ /skad cig ma bcu drug bshad pa la phyogs dang po ji ltar byas nas sdug bsngal la chos shes pa'i bzod pa la sogs pa kho nas 'dod pa'i khams dang/ gzugs kyi khams dang/ gzugs
 med pa'i khams kyi nyon mongs pa spong bar 'gyur ba yin pas sdug bsngal la chos shes pa'i bzod pa la sogs pa so sor 'dod pa'i khams kyi bcu dang/ gzugs khams kyi dgu dang/ gzugs med pa'i khams kyi dgu ste
 nyi shu rtsa brgyad spong bar 'gyur ba yin pas chos shes pa'i bzod pa kho nas nyon mongs pa brgya rtsa bcu gnyis spong bar 'gyur bas so/ /de ltar skad cig ma bcu drug ni mthong ba'i lam mo/ /gal te mthong ba'i lam de skad cig ma bcu drug
 gi bdag nyid du ji ltar rigs te/ 'di ltar bden pa bzhi'i rnam pa thams cad du de kho na nyid ni stong pa nyid kho na yin la/ ngo mngon du byed pa yang cig car rigs kyi rim pas ma yin te de la cha shas med pas so/ /'di ltar rten cing 'brel par
 'byung ba la dmigs pa'i shes pas sdug bsngal la skye ba dang 'gag pa med par yongs su gcod pa gang yin pa de la sdug bsngal yongs su shes pa zhes bya'o/ /las dang nyon mongs pa la skye ba dang 'gag pa med par yongs su gcod pa
 gang yin pa de la kun 'byung yongs su shes pa zhes bya'o/ /rten cing 'brel par 'byung ba'i rang bzhin la skye ba dang 'gag pa med par yongs su gcod pa gang yin pa de la 'gog pa yongs su shes pa zhes bya'o/ /lam la yang skye ba dang 'gag
 pa med par yongs su gcod pa gang yin pa de la lam yongs su shes pa zhes bya'o/ /de ltar yang bsam gyis mi khyab pa'i spyod yul bstan pa'i mdo las/ 'jam dpal 'phags pa'i bden pa bzhi ji ltar shes par bya/ lha'i bu 'dir
 gang gis 'du byed thams cad rang bzhin gyis skye ba med par mthong ba des sdug bsngal yongs su shes pa'o/ /gang gis chos thams cad chad pa med par mthong ba de'i kun 'byung spangs par 'gyur ba'o/ /gang
 gi chos thams cad shin tu mya ngan las 'das par mthong ba des 'gog pa mngon du byas so/ /gang gis chos thams cad shin tu stong zhing ngo bo nyid kyis skye ba med pa mthong ba des lam bsgoms pa yin no/ /zhes
 gsungs so/ /des na chos shes pa'i bzod pa kho nas skad cig ma gcig pa de kho na nyid rtogs pas blta bar bya ba gzhan med pa'i phyir mthong ba'i lam la skad cig ma bcu drug gi rnam bzhag ci ltar byed/ de nyid kyi phyir/
 don gyi rang gi ngo bo gcig /bdag nyid mngon sum yin pa la/ /tshad ma rnams kyis brtags bya gang/ /ma mthong cha gzhan ci zhig yod ces gsungs so/ /'di'i don ni sngon po la sogs pa cha dang bral ba rnam pa thams cad mngon
 sum du byas pa'i dngos po cig la/ cha gzhan mi rtag pa la sogs pa ma mthong bar 'gyur pa gang la rjes su dpag pa la sogs pa'i chad mas rtogs par byed/ des na mi rtag pa la sogs pa'i yul can rjes su dpag pa don
 med pa yin te/ mngon sum kho nas mi rtag pa la sogs pa rtogs pas song zhe na/ de kho na nyid la cha shas med pas skad cig ma gcig la de kho na nyid mngon sum du byas pas so sor rtogs pa'i mngon par rtogs pa'i
 dbang du byas na mthong ba'i lam skad cig ma gcig kho na yin pa de bden mod kyi/ 'on kyang sgro btags pa'i rnam pa gzhan gsal ba'i sgo nas nges pa la ltos te skad cig ma bcu drug gi rnam bzhag byed pa yin no/ /dper na
 sngon po dang/ mi rtag pa nyid dang/ 'tsher ba la sogs pa'i khyad par can utpa la mthong nas rnam par rtog pa rim pa skye par yod du zin kyang rtog med kyi shes pa nges yul rnam pa thams cad du mngon du byas pa la gnod pa med de/ 'di
 ltar gang gi tshe rnam par rtog pa med pa'i shes pas sngon po'i dngos po mthong ba de'i tshe sngon po dang mi rtag pa la sogs pa'i chos rnams tha dad med pa te/ tha dad tu snang ba med pas so/ /de'i phyir sngon po dang mi rtag pa la sogs
 pa'i chos rnams tha dad pa ma yin pas so/ /de'i lta bu'i rang bzhin can sngon po la sogs pa rnam par rtog pa med pa'i shes pas 'dzin te/ dngos po ji ltar gnas pa de bzhin du 'dzin pa yin pas so/ /gal te sngon po la
 sogs pa'i chos ji ltar dngos po la tha mi dad par gnas pa de bzhin rnam par rtog pa med pa'i shes pas mi 'dzin pa de'i tshe rtog pa dang bral ba'i shes pa 'khrul pa yin pas tshad ma nyid du mi 'gyur ro/ /des na bdag nyid
 thams cad kyis cha shas med pa'i dngos po mngon sum du bya'o/ /yang phyis kyi dus su sgro 'dogs pa rnam par gcod pa'i sgo nas rnam par rtog pa rnams rim gyis 'jug ste/ dper na nya byis la dngul gyi rnam par sgro 'dogs pa rnam par
 gcod pa'i sgo nas nya phyis nyid do/ zhes pa'i rnam par rtog pa 'jug pa de bzhin du sngon po ma yin pa dang/ rtag pa la sogs pa'i sgro 'dogs pa rnam par gcod pa'i sgo nas sngon po la sogs pa'i rnam par rtog par rim par 'jug go /
 de bzhin du 'dir yang shes par bya ste/ 'di ltar skad cig la 'phags pa'i bden pa bzhi po rnams kyi stong pa nyid kyi mtshan nyid can de kho na nyid mngon du byas so/ /dus phyis stong pa nyid ma yin no/ zhes bya ba la sogs par sgro 'dogs
 pa rnam par bcad nas sdug bsngal la chos shes pa la sogs pa'i nges pa'i rang bzhin can rim pa skyes su zin kyang skad cig ma gcig la de kho na nyid mngon sum du byas pa la gnod pa med do/ /des na
 dngos po'i rang bzhin rnam pa thams cad kyis rtogs su zin kyang/ cha shas gang la goms pa dang gsal ba la sogs pas nges pa skye pa'i sgo nas sgro 'dogs pa gcod pa'i nus pa yod pa de kho na la shes pa de tshad mar 'gyur
 gyi/ gzhan ma yin te/ skad cig ma la sogs pa la'ang de bzhin no/ /de ltar nges pa la bltos nas mthong ba'i lam la skad cig ma bcu drug gi rnam bzhag byed pa yin no/ /'o na so so'i skye bo dang/ 'phags pa rnams la khyad
 par ci yod ces pa brjod par bya ste/ rnam pa ci tsam cig bsal bas de rnams kyis shes pa 'khrul pa'i mtshan ma dang bral ba de tsam gyis 'phags pa rnams la khyad par yod pas so/ /de yang gang gi tshe chos kyi dbyings la cha
 shas med pas bdag nyid thams cad kyis so sor rtogs su zin kyang nges par skye ba la bltos nas kun tu 'gro ba'i don du so sor rtogs pas chos thams cad rang bzhin med par mngon du byed pa'i shin tu gsal ba'i shes pa skyes
 pa de'i tshe byang chub sems dpa' mthong ba'i lam thob po/ zhes gsungs so/ /de nyid kyi phyir skad cig ma gcig la de kho na nyid mngon sum du byas nas kyang phyin ci log gi nyon mongs pa dang bcas pa'i sgro 'dogs pa rnam par
 gcod pa'i don du sgom pa'i lam yang rigs so/ /mthong ba'i lam gyi dbye ba bshad zin to/ /gnas skabs 'di nyid du bdag dang gzhan gyi don sgrub par byed pa'i 'jig rten las 'das pa'i lam thob pas byang chub sems dpa' 
 skad cig so so la rab tu dga' bar 'gyur ba de'i phyir sa rab tu dga' ba'o/ /gzhan yang rab tu dga' ba ni yid bde ba'o/ /de yang rnam pa dgu ste/ de la dad pa'i rab tu dga' ba ni dkon mchog la'o/ /rangs pa'i rab tu dga' ba ni
 dmigs pa la dga' bas so/ /sems pa mthong ba'i rab tu dga' ba ni bdag gi dga' ba yin pas na rab tu rtogs pa'i khyad par mthong bas so/ /mchog tu gyur pa'i rab tu dga' ba ni bdag gi lus dang sems rjes su bzung
 bas rgyas par 'gyur bas so/ /rab kyi rab tu dga' ba ni lus dang sems la rjes su bzung bas khyab pas so/ /spro ba'i rab tu dga' ba ni byang chub dang nye bar mthong bas so/ /mi 'khrugs pa'i rab tu dga' ba ni rang gi
 rgyud yongs su smin pa'i don du 'phel ba'i gtam gyis dus su mi 'khrug pas so/ /rnam par mi 'tshe ba'i rab tu dga' ba ni gzhan yongs su smin pa'i don du sems can yongs su sdud pa'i tshe snying rje dang thabs mkhas pa nyid kyis so//
 mi khro ba'i rab tu dga' ba ni sems can log par sgrub pa'i dus su bzod pas so/ /de ltar rnam pa dgus rab tu dga' ba'i sa zhes bya'o/ /mthong ba'i lam 'di kho na 'jug pa'i sgrub pa dang/ tshogs kyi sgrub pa ci ltar 'gyur
 ba de ltar sngar bstan zin to/ /mthong ba'i lam ni byang chub kyi yan lag gi rang bzhin can zhes kyang bya ste/ /'di ltar byang chub ni de kho na nyid mngon par rtog pa med pa'i ye shes mthong lam gyi bdag nyid can no/ /dran pa la sogs
 pa drug gi byang chub dang rjes su mthun pa yin pas byang chub kyi yan lag go /chos rab tu 'byed pa ni byang chub kyi bdag nyid can yin pas byang chub kyang yin la dran pa la sogs pa'i grogs su gyur pa yin pas yan lag kyang yin pa'i
 phyir byang chub kyi yan lag bdun zhes bya'o/ /gzhan dag ni bar chad med pa'i lam gyis bsdus pa'i chos rab tu 'byed pa la byang chub kyi yan lag ces brjod la/ rnam par grol bas bsdus pa la byang chub
 ces brjod do/ /de la byang chub kyi yan lag rnams la rnam bzhag lnga ste/ dmigs pa dang/ ngo bo dang/ grogs dang/ bsgom pa dang/ bsgoms pa'i 'bras bu'i dbye bas so/ /de la dmigs pa ni 'phags pa'i bden pa bzhi po 'di dag
 gi de kho na nyid de don dam pa yin no/ /zhes pa'i tha tshig go /ngo bo ni dran pa dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms so/ /de la byang chub kyi rten
 gyi yan lag dran pa ste/ dran pa'i stobs kyis dmigs pa de la yongs par mi 'gyur bas so/ /ngo bo nyid kyi yan lag ni chos rnam par 'byed pa ste/ byang chub shes rab kyi ngo bo nyid yin pas so/ /brtson 'grus ni nges par 'byung ba'i
 yan lag ste/ brtson 'grus kyis so so skye bo'i sa las 'da' bar byed pas so/ /dga' ba ni phan yon gyi yan lag ste/ nges lus dang sems rjes su 'dzin pas so/ /shin tu sbyangs pa dang/ ting nge 'dzin dang/ btang snyoms ni kun
 nas nyon mongs pa med pa'i yan lag ste/ de rnams kun nas nyon mongs pa'i gnyen po yin pas so/ /de la kun nas nyon mongs pa med pa'i gzhi ni shin tu sbyangs pa'o/ /kun nas nyon mongs pa med pa'i rten ni ting nge 'dzin no/ /
 kun nas nyon mongs pa med pa'i rang bzhin ni btang snyoms te/ 'di ltar nyon mongs pa med pa'i rnam par dag pa yin la/ de'i gzhi ni rgyu ste sbyangs pa'o/ /kun nas nyon mongs pa'i gzhi'i gnyen po yin pas nas nyon mongs pa med pa'i gzhi
 zhes bya'o/ /'di ltar lus dang sems las su mi rung ba'i gnas ngan len gyis sems rtse gcig tu mi gnas pas sems g.yengs par 'gyur ro/ /sems g.yengs pa la 'dod chags la sogs pa kun nas nyon mongs pa rab tu 'jog go /
 des na lus dang sems las su mi rung ba nyid kyis gnas ngan len no/ /kun nas nyon mongs pa'i gzhi'i de'i gnyen po ni shin tu sbyangs pa'o/ /de yang kun nas nyon mongs pa med pa'i gzhi ste/ lus dang sems las su rung ba las
 sems mnyam par 'jog pas yang dag pa ji lta ba bzhin du rab tu shes pas nyon mongs pa spong bar 'gyur bas so/ /de ltar kun nas nyon mongs pa'i gzhi'i gnyen po yin pas shin tu sbyangs pa la kun nas nyon mongs pa med
 pa'i gzhi zhes bya'o/ /kun nas nyon mongs pa med pa'i rten ting nge 'dzin no/ /sems mnyam par bzhag pas yang dag pa ji lta ba bzhin du rab tu shes pas nyon mongs pa sdong pas so/ /kun nas nyon mongs pa med pa'i rang bzhin btang snyoms
 te/ brnab sems dang yid mi bde ba la sogs pa dang bral bas kun nas nyon mongs pa can du gnas pa dang rjes su mthun pa'i sems mnyam pa nyid mnyam pa nyid ma yin pa'i gnyen po yin pas so/ /gzhan dag ni mthong ba'i lam gyis mthong
 pas spang bar bya ba'i kun nas nyon mongs pa spangs nas kun nas nyon mongs pa de'i rgyu dang rang bzhin gyis rnam par dag pa rnam par grol ba'i lam gyis bsdus pa zhes bya la/ rnam par nges pa'i shes rab skye ba gang yin pa de la btang
 snyoms zhes bya ste/ dgos pa grub pa'i phyir zang ngo snyam nas btang snyoms su 'jug pas so/ /ngo bo bstan zin to/ /grogs ni de rnams dang mtshungs par ldan pa'i sems dang sems las byung ba'i chos rnams so/ /bsgom pa
 ni dran pa yang dag byang chub kyi lam bden pa la gnas pa dang/ 'dod chags dang bral ba la gnas pa/ 'gog pa la gnas pa/ rnam par spong bar yongs su bsgyur ba bsgom pa'o/ /dran pa yang dag byang chub kyi yan
 lag ci lta bar btang snyoms yang dag byang chub kyi yan lag gi bar du yang de bzhin no/ /dben pa la gnas pa dang/ 'dod chags dang bral ba la gnas pa dang/ 'gog pa la gnas pa dang/ rnam par spong ba yongs su bsgyur
 pa'i tshig bzhi po 'dis byang chub kyi yan lag rnams bden pa bzhi la dmigs nas bsgom pa yin par yongs su bstan te/ 'di ltar sdug bsngal sdug bsngal nyid du dmigs pa ni de dang bral ba chol ba yin pas sdug bsngal
 la dmigs pa la dben pa la gnas pa zhes bya'o/ /sred pa'i mtshan nyid can sdug bsngal gyi kun 'byung sdug bsngal gyi kun 'byung nyid du dmigs pa na de'i 'dod chags dang bral ba tshol ba yin pas de la dmigs pa la 'dod
 chags dang bral ba la gnas pa zhes bya'o/ /sdug bsngal gyi 'gog pa sdug bsngal gyi 'gog pa nyid du dmigs pa na de mngon du byed pa tshol ba yin pas de la dmigs pa la 'gog pa la gnas pa zhes bya'o/ /sdug bsngal
 gyi 'gog par 'gro ba sgrub pa la rnam par spong ba zhes bya ste/ des sdug bsngal spong bar 'gyur bas so/ /de de bzhin du dmigs pa na sgom pa tshol ba yin pas de la dmigs pa la rnam par spong bas yongs su bsgyur
 ba zhes bya'o/ /bsgom pa bstan zin to/ /'bras bu ni mthong bas spang bar bya ba'i nyon mongs pa rnam par spangs pa ste/ byang chub kyi yan lag rnams mthong lam gyi ngo bo yin pas so/ /de ltar sems bskyed pa
 lnga pas byang chub kyi yan lag bdun bsdus so/ /des ni sems bskyed pa lnga pa byang chub kyi yan lag gi rang bzhin can nyid du bstan pa yin no/ /sbyin pa'i pha rol tu phyin pa dang lhan cig tu gyur pa ni de'i tshe sbyin pa'i pha rol
 tu phyir pa shin tu lhan cig par gyur pa yod pas so/ /de la sbyin pa'i pha rol tu phyin pa ni byang chub sems dpa' i chos nyid la gnas pa'i byang chub sems dpa' byang chub kyi sems la brten nas snying rje sngon du song ba'i sems
 kyis bdog pa thams cad yongs su gtong ba'i dus su lus dang/ ngag dang/ yid kyi las gang yin pa'o/ /de ltar sbyin pa'i pha rol tu phyin pa'i mtshan nyid rigs dang/ smon lam dang/ bsam pa dang/ dngos po dang/
 rang bzhin gyis bstan par rig par bya'o/ /de la byang chub sems dpa' i chos nyid ni rigs pas so/ /smon lam ni byang chub kyi sems so/ /bsam pa ni snying rje sngon du 'gro ba'i sems so/ /dngos po ni bdog pa thams cad yongs su
 btong ba'o/ /rang bzhin ni lus dang ngag dang yid kyi las so/ /de ltar sbyin pa'i pha rol tu phyin pa dang lhan cig tu gyur pa bstan zin to/ /sems bskyed pa lnga pa ni gter chen po dang 'dra ste/ zang zing gi longs spyod kyis
 sems can tshar med pa rnams tshim par byed pa dang/ mi zad pas so/ /sems bskyed pa lnga pa bsten zin to/ /sems bskyed pa drug pa nas nyi shu pa'i bar du sems bskyed pa bco lnga ni 'jig rten las 'das pa bsgom pa'i lam
 dang/ 'jug pa'i sgrub pa dang/ tshogs kyi sgrub pa dang/ lam gyi yan lag dang bcas pa zhes bya'o/ /ji ltar bstan pa'i mthong ba'i lam gyis mngon du byas pa'i dngos po las tha mi dad pa la dmigs pas mthong ba dang/ bsgom
 pa'i lam tha mi dad pa'i phyir bsgom pa'i lam mtshan nyid pa yin mod kyi/ de ltar na yang rten cing 'brel par 'byung pa'i chos nyid bsgom pas spang bar bya ba'i dngos po'i gnyen por sgom par byed pa yin no/ /
 des na mthong ba'i don la shes pa rgyun chags pa skye ba ni sgom pa'o/ /de yang lam yin pas na bsgom pa'i lam mo/ /de la gzugs la sogs pa la dmigs pa'i lhan cig skyes pa'i 'dod chags dang/ khong khro dang/ nga rgyal
 dang/ ma rig pa dang lhan cig skyes pa'i 'jig tshogs la lta ba dang/ mthar 'dzin pa'i lta ba dang/ 'dod pa'i khams kyi nyon mongs pa drug dang/ drug po de rnams nyid kyi khong khro dor bas gzugs kyi khams kyi nyon mongs pa
 lnga dang/ de bzhin du gzugs med pa'i khams kyi nyon mongs pa lnga yin pas bsgom pa'i lam gyis nyon mongs pa bcu drug rim gyis spong bar 'gyur ro/ /de yang bag la nyal spong bar 'gyur gyi mngon du rgyu ba ni ma yin
 te/ sngon nyid du nyams par gyur pas so/ /de la yang 'dod khams dang/ bsam gtan dang po dang/ gnyis pa dang/ gsum pa dang/ bzhi pa dang/ nam mkha' mdza' yas skye mched dang/ rnam shes mdza' yas
 skye mched dang/ ci yang med pa'i skye mched dang/ 'du shes med 'du shes med min gyi bye brag gis sa dgu yod do/ /de yang re re la yang nyon mongs pa rnam pa dgu dgu yod de/ 'di ltar 'dod pa'i khams kyi nyon mongs pa
 drug la chung ngu dang/ 'bring dang/ chen po'i dbye ba gsum yod do/ /de la chung ngu la/ chung ngu'i chung ngu dang/ chung ngu'i 'bring dang/ chung ngu'i chen po ste rnam pa gsum yod do/ /'bring la 'bring gi chung ngu dang/ 'bring gi
 'bring dang/ 'bring gi chen po ste gsum yod do/ /chen po la yang chung ngu dang/ chen po'i 'bring dang/ chen po'i chen po ste gsum yod do/ /de ltar 'dod pa'i khams kyi nyon mongs pa la rnam pa dgu yod do/ /de bzhin du sa so so la nyon
 mongs pa'i rnam pa dgu dgur 'gyur bas nyon mongs pa'i rnam pa brgyad cu rtsa gcig bsgom pas spang bar bya ba yin no/ /de bzhin du nyon mongs pa brgyad cu rtsa gcig gi gnyen po bsgom pa'i lam la yang brgyad cu rtsa gcig ste/
 'di ltar 'dod pa'i khams kyi nyon mongs pa'i gnyen po bsgom pa'i lam la chung ngu dang/ 'bring dang/ chen po nyid kyis rnam pa gsum du 'gyur la/ de la yang so sor chung ngu'i chung ngu la sogs pa'i dbye bas rnam pa dgur 'gyur ro/ /
 de bzhin du so so'i nyon mongs pa'i gnyen po bsgom pa'i lam la rnam pa dgu dgur 'gyur bas lam yang brgyad cu rtsa gcig tu 'gyur ro/ /de la yang khyad par 'di yin te/ sa so so la lam chung ngu'i chung ngu'i rnam pas nyon mongs pa
 chen po'i chen po rnam par spong bar 'gyur ro/ /de bzhin du chung ngu'i 'bring gis chen po'i 'bring dang/ chung ngu'i chen pos chen po'i chung ngu'o/ /de bzhin du 'bring gi chung ngus 'bring gi chen po dang/ 'bring gi 'bring gis 'bring gi
 'bring dang/ 'bring gi chen pos 'bring gi chung ngu'o/ /de bzhin du chen po'i chung ngus chung ngu'i chen po dang/ chen po'i 'bring gis chung ngu'i 'bring dang/ chen po'i chen pos nyon mongs pa'i rnam pa chung ngu'i chung ngu spong bar 'gyur ba yin
 pas nyon mongs pa'i rnam pa las bzlog pa'i gnyen po'i rnam par bzhag par rig par bya'o/ /ci'i phyir lam chung ngu'i chung ngu'i rnam pas nyon mongs pa'i rnam pa chen po'i chen po spong bar 'gyur zhe na/ nyon mongs pa'i rnam pa chen po'i chen po'i rnam
 pa de ngo tsha ba dang/ khrel med pa'i rgyud la kun tu spyod pas mtshon pa dang yongs su gcod pa sla ba yin no/ /des na dri ma rags pa bzhin du gnyen po chung ngus spong bar 'gyur ro/ /gang kun tu spyod pa yongs su
 gcod par dka' ba phra ba nyon mongs pa'i rnam pa chung ngu'i chung ngu dri ma phra mo bzhin du gnyen po chen po'i chen po'i stobs kyis spong par 'gyur bas mi mthun pa'i phyogs dang gnyen po'i rnam pa'i rnam bzhag bzlog nas bstan par rig
 par bya'o/ /de la lam gyi rnam pa re re la yang sbyor ba dang/ bar chad med pa dang/ rnam par grol ba'i lam gyi rang bzhin nyid shes par bya ste/ lam gang bsgom pa rim gyis nyon mongs pa'i rnam pa chen
 po'i chen po la sogs pa'i gnas ngan len dang bral bas rten yongs su 'gyur bar byed pa de la sgom pa'i lam gyi sbyor ba'i lam zhes brjod par bya'o/ /gang gis de ma thag tu nyon mongs pa'i rnam pa chen po'i chen po la
 sogs pa ma lus par bral bar 'gyur bas rten yongs su gyur pa de la bsgom pa'i lam gyi bar chad med pa'i lam zhes brjod par bya la/ de yang rkun po phyung ba'i tshul bzhin du shes par bya ste/ des nyon mongs pa'i rkun po phyung
 bas so/ /gang gis nyon mongs pa spangs pa'i rten yongs su gyur pa mngon du byed pa ste/ rnam par grol ba mngon du byed pa yin pas de la bsgom pa'i lam gyis rnam par grol ba'i lam zhes bya'o/ /de yang sgo 'phar bcad pa'i
 tshul du rig par bya/ des nyon mongs pa'i rkun po rnams la go skabs mi 'byed pas so/ /de ltar mi mthun pa'i phyogs dang/ gnyen po'i rnam par bstan pa yin no/ /de la 'dod pa'i khams na bsgom pas spang bar bya ba'i rnam pa
 dgu'i gnyen po ni bsgom pa'i lam rnam pa dgu sems bskyed pa dgu'i rang bzhin dri ma med pa dang/ 'od byed pa dang/ 'od 'phro ba dang/ spyang dka' ba dang/ mngon du byed pa dang/ ring du song ba dang/ mi g.yo ba dang/ legs pa'i blo gros
 dang/ chos kyi sprin te sa dgu po rnams so/ /de la gang zag gi rnam bzhag gi bstan par bya ste/ gang gi tshes rab tu dga' ba skad cig ma bcu drug gi bdag nyid can mthong ba'i lam gyi skad cig ma bco lnga la gnas par
 gyur pa de'i tshe gang zag de la rgyun tu zhugs pa'i 'bras bu la zhugs pa zhes bya'o/ /yang gang gi tshe skad cig ma bcu drug pa la gnas par gyur pa dang/ dri ma med pa dang/ 'od byed pa dang/ 'od 'phro ba dang/ spyang dka' 
 ba ste/ sa'i rang bzhin can bsgom pa'i lam gyi rnam pa bzhi pa la gnas pa de'i tshe rgyun tu zhugs pa nyid do/ /mngon du byed pa ste/ sa'i rang bzhin can sgom pa'i lam gyi rnam pa lnga pa la gnas pa ni lan cig phyir 'ong ba'i 'bras bu
 la zhugs pa'o/ /ring du song ba ste/ sa'i rang bzhin can bsgom pa'i lam gyi rnam pa drug pa la gnas pa la lan cig phyir 'ong ba zhes bya'o/ /mi g.yo ba ste/ sa'i rang bzhin can rnam pa bdun pa dang/ legs pa'i blo gros te/
 sa'i rang bzhin can bsgom pa'i lam gyi rnam pa brgyad pa la gnas pa la phyir mi 'ong ba'i 'bras bu la zhugs pa zhes bya'o/ /chos kyi sprin te sa'i rang bzhin can bsgom pa'i lam gyi rnam pa dgu pa la gnas pa la phyir mi
 'ong ba zhes bya ste/ 'dod pa'i khams kyi mthong ba dang/ bsgom pas spang bar bya ba'i nyon mongs pa spangs pa'i phyir 'dod pa'i khams su mi 'ong bas so/ /de ltar yang 'dod pa'i rnam pa drug pa dang/ dgu pa'i yang dag zad pa
 yis/ /lan cig phyir ni 'ong ba dang/ /phyir mi 'ong ba'i gang zag 'gyur/ /srid rtse'i tha mar zad pa yis/ /dgra bcom de rnams lam la gnas/ /de yi sbyor ba la gnas bzhi/ /de la zhugs pa zhes ni brjod//
 dgra bcom mi slob gzhan bdun slob/ /zad po slob pa yin pas so/ /zhes gsungs pa yin pas so/ /'di'i don ni 'dod pa'i khams kyi nyon mongs pa'i rnam pa drug pa spangs pas lan cig phyir 'ong ba'o/ /nyon mongs pa'i rnam
 pa dgu pa spangs pas/ phyir mi 'ong bar 'gyur ro/ /'du shes med 'du shes med min gyi skye mched kyi tha ma chung ngu'i chung ngu rnam pa zad pas dgra bcom par 'gyur ro/ /lan cig phyir 'ong ba dang/ phyir mi 'ong ba de dag
 bsgom pa'i lam la gnas pa'o/ /dgra bcom pa ni mthar phyin pa'i lam la gnas pa'o/ /rgyun tu zhugs pa la sogs pa'i 'bras bu'i sbyor ba la gnas pa la ni 'bras bu la zhugs pa zhes bya'o/ /gang zag brgyad po rnams
 kyi nang nas dgra bcom pa mi slob pa ste/ zag pa zad pa la mi slob pas so/ /gang zag gzhan bdun po rnams slob pa ste/ sgrib pa zad pa la slob pas so/ /zhes pa'o/ /de la 'dod pa'i khams kyi nyon mongs pa rnam pa dgu'i gnyen
 po sems bskyed pa dgu'i nang nas dang po ni tshul khrims kyi pha rol tu phyin pa dang lhan cig tu gyur pa'o/ /tshul khrims kyi pha rol tu phyin pa de yang gang byang chub sems dpa' i chos nyid la gnas pa'i byang chub sems dpa' byang
 chub kyi sems la brten nas snying rje sngon du btang ba'i sems kyis sdom pa thams cad yang dag par len pa dang/ rjes su bsrung ba'i lus dang ngag dang yid kyi las so/ /sems bskyed pa 'di ni rin po che'i 'byung gnas lta bu
 ste/ yon tan rin po che thams cad 'di las 'byung bas so/ /sems bskyed pa gnyis pa ni bzod pa'i pha rol tu phyin pa dang lhan cig tu gyur pa'o/ /bzod pa'i pha rol tu phyin pa de yang gang byang chub sems dpa' i chos nyid la
 gnas pa'i byang chub sems dpa' byang chub kyi sems la brten nas snying rje sngon du btang ba'i sems kyi gnod pa byed pa dang du lon pa dang/ sdug bsngal la ji snyam pa'i lus dang ngag dang yid kyi las so/ /de yang rgya mtsho lta bu
 ste/ mi 'dod pa 'byung bas mi 'khrugs pas so/ /sems bskyed pa gsum pa ni brtson 'grus kyi pha rol tu phyin pa dang lhan cig tu gyur pa'o/ /brtson 'grus kyi pha rol tu phyin pa de yang gang byang chub sems dpa' i chos nyid
 la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyi dge ba'i chos thams cad yang dag par sgrub pa'i lus dang/ ngag dang yid kyi las so/ /de yang rdo rje lta bu ste/ yang
 dag par yid ches pa brtan pas gzhig par mi nus pas so/ /sems bskyed pa bzhi pa ni bsam gtan gyi pha rol tu phyin pa dang lhan cig tu gyur pa'o/ /bsam gtan gyi pha rol tu phyin pa de yang gang byang chub sems
 dpa' i chos nyid la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyi lus dang ngag dang yid kyi las la dbang bsgyur ba'i rnam pa thams cad du sems gnas pa gang yin pa'o/ /
 de yang ri bo lta bu ste/ dmigs pa la mi g.yeng bas mi g.yo ba'i phyir ro/ /sems bskyed pa lnga pa'i shes rab kyi pha rol tu phyin pa dang lhan cig tu gyur pa'o/ /shes rab kyi pha rol tu phyin pa de yang gang byang chub sems dpa' i chos nyid
 la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyis lus dang/ ngag dang yid kyi las la dbang thob pas rnam pa thams cad du chos rab tu rnam par
 'byed pa gang yin pa'o/ /de yang sman chen po lta bu ste nyon mongs pa dang shes bya'i sgrib pa'i nang thams cad rab tu zhi bar byed pas so/ /sems bskyed pa drug pa ni thabs kyi pha rol tu phyin pa dang lhan cig tu gyur pa dang/ mi zad
 pa'i tshad med pa bzhi dang yang lhan cig tu gyur pa'o/ /de la chos gang la grub pa 'am/ 'phel ba 'am/ thob pa 'am/ rab tu spong ba'i don du gang 'os pa de de'i thabs yin no/ /de la mkhas shing 'dzangs pa ni thabs la mkhas pa
 ste/ thabs la mkhas pa kho na pha rol tu phyin pa yin pas na thabs kyi pha rol tu phyin pa ste/ bar gyi tshig mi mngon par byas pas so/ /de'i las ni sbyin pa la sogs pa mi zad par byed pa nyid ste/ des sbyin pa la sogs pa byang
 chub chen por yongs su bsngo bas so/ /tshad med pa bzhi ni byams pa dang/ snying rje dang/ dga' ba dang/ btang snyoms so/ /de la byang chub sems dpa' i tshad med pa bzhi mdor bsdus nas sems can la dmigs pa dang/ chos
 la dmigs pa dang/ dmigs pa med pa zhes pa'i rnam pa gsum gyis sgom par byed do/ /de la gang byang chub sems dpa' mos pas bde ba dang ldan pa dang/ sdug bsngal dang ldan pa dang/ bde ba 'dod pa'i
 sems can gyi dbang du byas nas bde ba nye bar bsdu ba'i ltag pa'i bsam pa dang lhan cig tu gyur pa'i byams pa'i sems kyis phyogs bcu'i sems can rnams la khyab par gnas pa de ni sems can la dmigs
 pa'i byams pa'o/ /gang yang chos tsam la nye bar btags par bsams pas mthong nas byams pa de kho na nyid sgom pa de ni chos la dmigs pa'i byams pa'o/ /gang yang chos kyang rnam par mi rtog par byams pa de kho na nyid sgom
 par byed pa de ni dmigs pa med pa'i byams par rig par bya'o/ /ji ltar byams pa la rnam pa gsum bstan pa de bzhin du snying rje dang/ dga' ba dang/ btang snyoms la yang rig par bya'o/ /de la byang chub sems dpa' sdug
 bsngal dang ldan pa'i sems can la dmigs nas sdug bsngal dang bral bar bya ba'i lhag pa'i bsam pas phyogs bcu rnams su snying rje dang lhan cig tu gyur pa'i sems sgom par byed pa gang yin pa de ni snying rje'o/ /gang
 byang chub sems dpa' bde ba dang ldan pa'i sems can la dmigs nas bde ba la rjes su yi rang ba'i bsam pa lhag pas phyogs bcu rnams su dga' ba dang lhan cig tu gyur pas sems sgom pa ni dga' ba'o/ /sdug bsngal
 yang ma yin bde ba yang ma yin pa dang/ sdug bsngal ba dang/ bde ba dang ldan pa'i sems can de rnams kho na rim pa bzhin du gti mug dang/ zhe sdang dang/ 'dod chags kyi nyon mongs pa'i bden pa'i lhag pa'i bsam pas
 phyogs bcu rnams su btang snyoms dang lhan cig tu gyur pa'i sems sgom pa de ni btang snyoms so/ /de la gang byang chub sems dpa' i sems can la dmigs pa'i tshad med pa de ni gzhan mu stegs pa rnams dang thun mong ba'o/ /gang
 chos la dmigs pa'i tshad med pa ni nyan thos dang/ rang sangs rgyas dang thun mongs pa yin gyi/ mu stegs pa gzhan dang ni thun mong ba ma yin pa'o/ /gang byang chub sems dpa' i dmigs pa med pa'i tshad med pa de ni mu stegs pa thams cad
 dang/ nyan thos dang/ rang sangs rgyas dang thun mongs ma yin no/ zhes rig par bya'o/ /de la tshad med pa bzhi po de yang mos pas spyod pa'i sa na sems can la dmigs pa'o/ /rab tu dga' ba la sogs pa
 sa bdun ni chos la dmigs pa'o/ /mi g.yo ba la sogs pa dmigs pa med pa'o/ /'dir chos la dmigs pa mthar son pa la bsams nas tshad med pa dang lhan cig tu gyur pa nyid du bstan pa yin no/ /tshad med pa dang
 lhan cig tu gyur pa bstan zin to/ /de yang bshes gnyen lta bu ste/ byams pa dang/ snying rje dang/ dga' ba dang/ btang snyoms mtshan nyid mi zad pa'i tshad med pa dang ldan pas gnas skabs thams cad du sems can
 gyi don yongs su mi 'dor bas so/ /sems bskyed pa bdun pa ni smon lam gyi pha rol tu phyin pa dang lhan cig tu gyur pa dang/ mi zad pa'i mngon par shes pa dang yang lhan cig tu gyur pa'o/ /de la smon lam ni
 mngon par 'dod pa'i bdag nyid can yin pas dus ma yin no/ /'dir ni dge ba dang rjes su mthun pa'i skye ba 'dod pa de la smon lam gyi pha rol tu phyin pa zhes bya'o/ /gang gis skye zhing skye bar sangs rgyas 'byung ba la mnyes par
 byed cing rtag tu sbyin pa la sogs pa la rab tu 'jug pa gang yin pa de las so/ /mngon par shes pa drug ni rdzu 'phrul gyi mngon par shes pa dang/ lha'i rna ba'i mngon par shes pa dang/ sems kyi rnam grangs shes pa'i
 mngon par shes pa dang/ sngon gyi gnas rjes su dran pa'i sngon par shes pa dang/ 'chi 'pho dang skye ba'i mngon par shes pa dang/ zag pa zad pa'i mngon par shes pa'o/ /de la rdzu 'phrul gyi mngon par shes pa ni bsam/
 gtan la brten nas rdzu 'phrul gyi rnam par 'phrul pa sna tshogs yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /rdzu 'phrul
 gyi rnam par 'phrul pa sna tshogs yang dag par 'byor pa ni sang gul bar byed pa dang/ gcig tu gyur nas mang por 'gyur ba dang/ snang bar gyur cing mi snang bar yang 'gyur ba dang/ rtsig pa la yang 'dzul zhing ri la yang mi thogs
 par 'gro ba dang/ nam mkha' la yang 'gro ba dang/ sa la yang steng du 'byung ba dang/ byi'u 'dzul byed pa dang/ sa chen po bzhin du chu la yang mi nub par 'gro ba dang/ du ba 'thul bar byed cing me 'bar bar yang byed pa dang/
 bdag gi lus kyang sprin chen po bzhin du gang gis stong gsum gyi stong chen po gang zhig nub par byed pa'i chu chen po 'grub par byed do/ /nyi ma dang zla ba la yang lag pas yongs su 'dzin cing kun tu nyug par byed pa dang/ tshangs
 pa'i 'jig rten gyi bar du yang lus kyis dbang sgyur cing spobs pa bde ba ster bar byed pa dang/ 'od kyang spro bar byed do/ zhes pa la sogs pa'o/ /lha'i rna ba'i mngon par shes pa ni bsam gtan la brten nas sgra sna tshogs
 nyan pa yang dag par 'byor ba'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /sgra sna tshogs nyan pa yang dag par 'byor pa zhes pa ni des
 rnam par nges pa mi las shin tu 'das pa'i lha'i rna ba'i khams kyis lha dang/ mi dang dmyal ba dang/ dud 'gro dang/ yi dags rnams kyi sgra yang thos par 'gyur ba ste/ tha na sha sbrang dang/ mchu ring dang/ 'bru
 srin dang/ bya dang 'ug? pa rnams kyi sgra yang sdug bsngal zhing nyam thag pa'i nga ror thos nas sdug bsngal de dang bral bar bya ba'i phyir shin tu 'bad pa byed pa'o/ /zhing sna tshogs pa'i sangs rgyas rnams kyi chos ston pa'i
 sgra yang 'di kho nar gnas nas thos par 'gyur ro/ /sems kyi rnam grangs shes pa'i mngon par shes pa ni bsam gtan la brtan nas sems can gzhan dag gi sems kyi spyod pa la 'jug pa yang dag par 'byor pa'i ting nge
 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /sems kyi spyod pa la 'jug pa yang dag par 'byor pa zhes pa ni nges sems can gzhan de gang zag  
 gzhan rnams kyi sems nyid kyis yang dag pa ji lta ba bzhin du rab tu shes te/ 'dod chags dang bcas pa'i sems ni 'dod chags dang bcas pa'o/ /zhes pa dang/ de bzhin du 'dod chags dang bral ba dang/ skyon dang
 bcas pa dang/ skyon dang bral ba dang/ gti mug dang bral ba dang/ bla na med pa'i sems la bla na med pa'i sems so/ zhes pa'i bar du yang dag pa ji lta ba bzhin du rab tu shes pa'o/ /sngon gyi gnas rjes su dran pa'i mngon
 par shes pa ni bsam gtan la brten nas sngon gyi mdza' i spyod pa rjes su ngan pa yang dag par 'byor pa'i ting nge 'dzin dang/ shes rab gang yin pa dang/ de dang mtshungs par ldan pa'i sems dang sems las byung ba'i chos rnams so//
 sngon gyi mdza' i spyod pa rjes su dran pa yang dag par 'byor pa zhes pa ni skye ba gcig kyang dran la/ gnyis pa dang/ gsum pa dang/ skye ba bye ba khrag khrig brgya stong gi bar du yang dag par rjes su dran par 'gyur ba'o/ /de bzhin du nyi
 ma gcig dang/ gnyis dang/ gsum dang/ bskal pa bye ba khrag khrig brgya stong gi bar du dran par 'gyur ba ni bdag ni ming 'di zhes bya ba dang/ rus ni 'di zhes bya ba dang/ rigs ni 'di zhes bya ba dang/ kha zas 'di zhes bya ba dang/ de ltar
 yun ring du gnas so zhes bya ba dang/ de ltar tshe'i mthar thug par gnas so zhes bya ba dang/ de nas 'phos nas 'dir skyes so/ /zhes pa'i rnam pa dang bcas pa dang/ ming dang bcas pa dang/ rgyu mtshan dang bcas pa'i bar du rnam pa sna
 tshogs dang bcas pa'i sngon gyi gnas rjes su dran par 'gyur ro/ /gzhan gyi sngon gyi srid pa yang de kho na'i sgo nas dran par byed do/ /'chi 'pho dang/ skye ba'i mngon par shes pa ni bsam gtan la brten nas sems can rnams kyi 'chi
 'pho dang/ skye ba mthong ba'i yang dag pa 'byor pa'i ting nge 'dzin dang/ shes rab gang yin pa dang/ de dang mtshungs par ldan pa'i sems dang sems las byung ba'i chos rnams so/ /de rnams kyi 'chi 'pho dang/ skye ba mthong ba'i yang dag
 par 'byor pa zhes pa ni des lha'i mig rnam par dag pa mi'i las shin tu 'das pa sems can rnams mthong ngo ste/ 'chi 'pho ba dang/ skye ba dang/ skyes pa rnams kyi kha dog bzang ba dang/ kha dog ngan pa dang/ dman pa dang/ gya nom
 pa dang/ bde 'gro dang/ ngan 'gro las ci lta ba bzhin du 'gro ba'i sems can rnams rab tu shes so/ /sems can gyi lus kyi legs par spyod pa dang/ ngag gi legs par spyod pa dang/ sems kyi legs par spyod pa dang ldan
 pa dang/ 'phags pa rnams la skur ba ma btab pa dang/ yang dag par lta ba dang ldan pa'i legs par spyad pa'i rgyu des lus zhig nas shi ba'i rjes la bde 'gro mtho ris kyi 'jig rten gyi lhar skye bar 'gyur ba dang/ sems can rnams kyi  
 lus kyi nyes bar spyod pa dang/ sems kyi nyes par spyod pa dang ldan pa dang/ 'phags pa rnams la skur pa btab pa dang/ log par lta ba can log par lta ba kun tu 'dzin pa'i rgyu des lus zhig nas shi ba'i rjes
 la ngan song log par lta ba kun tu 'dzin pa'i rgyu des lus zhig nas shi ba'i rjes la ngan song log par ltung ba'i dmyal bar skye bar 'gyur ro/ /zhes lha'i mig gis phyogs bcu'i 'jig rten gyi khams nam mkha' i khams kyi
 mthar gtugs pa'i 'gro ba rig drug gi sems can rnams kyi 'chi 'pho ba dang/ skye ba yang dag pa ji lta ba bzhin du shes pa'o/ /zag pa zad pa'i mngon par shes pa ni bsam gtan la brten nas zag pa zad pa'i shes pa yang
 dag par 'byor pa'i ting nge 'dzin dang/ shes rab gang yin pa dang/ de dang mtshungs par ldan pa'i sems dang sems las byung ba'i chos rnams so/ /zag pa zad pa shes pa yang dag par 'byor ba ni thabs gang gis zag pa
 zad par 'gyur ba dang gang zag pa shes pa gang yin pa'o/ /de la zag pa zad pa'i mngon par shes pa ni sa brgyad pa la thob par 'gyur te/ rnam par rtog pa mngon du rgyu ba med pas so/ /sangs rgyas kyi sar de yongs su
 rdzogs par 'gyur te/ bag chags su gyur pa'i rnam par rtog pa zad par 'gyur bas so/ /mi zad pa'i mngon par shes pa rtsol ba med par 'jug pa yin pas sems bskyed pa bdun pa mngon par shes pa !dang lhan cig tu
 gyur par bstan no/ /sems bskyed pa 'di ni yid bzhin gyi nor bu lta bu ste/ ji ltar smon bzhin du 'bras bu yang dag par 'byor pas so/ /sems bskyed pa brgyad pa ni stobs kyi pha rol tu phyin pa dang lhan cig tu gyur pa dang
 bsdu ba'i dngos po bzhi dang lhan cig tu gyur pa'o/ /de la so sor brtags pa'i stobs dang/ sgom pa'i stobs mi mthun pa'i phyogs kyis zil gyis mi non pa la stobs kyi pha rol tu phyin pa zhes bya'o/ /de la so sor rtags pa ni shes rab
 bo/ /bsgom pa ni dge ba'i chos goms pa'o/ /gnyis po de dag mi mthun pa'i phyogs kyis zil gyis mi non pas stobs kyi pha rol tu phyin pa zhes bya'o/ /de'i las ni skad cig ma so so la nges par 'byin pa la sogs pa la 'jug ste/
 so sor brtags pa dang bsgom pa'i stobs dang ldan pa la sbyin pa la sogs pa'i dge ba'i mi mthun pa'i phyogs zil gyis mi non pas so/ /mdo gzhan du gsungs pa'i stobs kyang 'dir shes par bya ste/ 'di ltar bsam
 pa'i stobs yod de/ nyon mongs pa mngon du rgyu ba med pas so/ /lhag pa'i bsam pa'i stobs kyang yod de/ sa'i shes pa yongs su sbyangs pas so/ /gzungs kyi stobs kyang yod de/ mi brjod pa'i chos can yin pas
 so/ /ting nge 'dzin gyi stobs kyang yod de/ rtag tu rnam par mi g.yeng bas so/ /yang dag par 'byor pa'i stobs kyang yod de/ mdza' yas shing mthar thug pa med pa'i 'jig rten gyi khams kyi spyod pa'i bye brag la mkhas pas so/ /
 dbang nyid kyi stobs kyang yod de/ mngon par 'dod pa thams cad yongs su rdzogs pas so/ /spobs pa'i stobs kyang yod de/ sangs rgyas kyi chos thams cad la rab tu rnam par 'byed pa dang rnam par 'byed pa la mkhas par gyur
 pas so/ /smon lam gyi stobs kyang yod de/ sangs rgyas kyi chos thams cad la spyod pa mi 'dor bas so/ /pha rol tu phyin pa'i stobs kyang yod de/ bdag nyid la sangs rgyas kyi chos yongs su smin pa dang/ sems can yongs su
 smin pa dang/ sems can thams cad la phan pa'i spyod pa mi 'dor bas so/ /byams pa chen po'i stobs kyang yod de/ sems can thams cad la bskyab pa'i don du brtson pa mi 'dor bas so/ /snying rje chen
 po'i stobs kyang yod de/ sems can thams cad sdug bsngal dang bral bar byed pas so/ /chos nyid kyi stobs kyang yod de/ sgyu ma lta bu'i chos nyid du byed pas so/ /de bzhin gshegs pa thams cad kyi byin gyis brlabs pa'i stobs
 kyang yod de/ rnam pa thams cad tu thams cad mkhyen pa'i ye shes la mngon par phyogs pas so/ /stobs kyi pha rol tu phyin pa dang lhan cig tu gyur pa bstan zin to/ /bsdu ba'i dngos po bzhi ni sbyin pa dang/ snyan par smra ba dang/
 don spyod pa dang/ don mthun pa'o/ /de la sbyin pa ni zang zhing gi sbyin pa'o/ /snyan par smra ba ni pha rol tu phyin pa ston pa'o/ /don spyod pa ni pha rol tu phyin pa la gzhan yang dag par 'god pa'o/ /don mthun pa ni gang la gzhan dag yang dag
 par bkod pa de la bdag nyid kyang yang dag par rjes su 'jug pa'o/ /de la sbyin pa ni rjes su 'dzin pa'i thabs te/ zang zing gi sbyin pa la lus rjes su 'dzin par byed pas so/ /snyen par smra ba ni rtogs par byed pa'i thabs te/ ma rtogs pa rtogs par
 byed pa dang/ the tshom sel bar byed pas so/ /don spyod pa ni rab tu 'jug par byed pa'i thabs te/ des dge ba la 'jug par 'gyur bas so/ /don mthun pa ni rjes su 'jug pa'i thabs te/ yang dag par 'god pa pos ji ltar smras pa de bzhin
 du byed par rigs nas des gzhan dag dge ba gang bkod par gyur pa de la rjes su sgrub par byed pas so/ /de sbyin pas sems can rnams snod nyid du 'gyur te/ chos nyan pa dag ston pa po'i dbang du 'gyur bas so/ /snyan par smra bas chos de la
 lhag par mos te/ de'i don rtogs pa dang/ the tshom gcod bas so/ /don spyod pas chos ci 'dra ba bzhin du rjes su sgrub par byed do/ /don mthun pas de'i sgrub pa rnam par dag par byed pa ste/ dus yun ring du sgrub par byed pas so/ /bsdu ba'i dngos
 po bzhi rnams kyang phal cher mos pa spyod pa'i sa la 'bras bu med pa'o/ /phal cher sa la zhugs pa rnams la 'bras bu dang bcas pa'o/ /rnam pa thams cad du sa brgyad pa la sogs par ni 'bras bu dang bcas pa'o/ /bsdu ba'i dngos po dang lhan
 cig tu gyur par bstan zin to/ /sems bskyed pa 'di ni nyi ma lta bu ste/ mi zad pa bsdu ba'i dngos po bzhis sems can gyi lo tog yongs su smin par byed pas so/ /sems bskyed pa dgu pa ni ye shes kyi pha rol tu phyin pa dang lhan cig tu gyur pa
 dang/ so so yang dag par rig pa dang yang lhan cig tu gyur pa'o/ /de la ye shes kyi pha rol tu phyin pa ni thams cad du theg pa chen po'i chos la sgra ji bzhin du kun tu rmongs pa dang bral ba'i ye shes so/ /sgra ji bzhin du kun tu rmongs pa ni gang gis
 dgongs pa can gyi don nas sgra ji bzhin du don rtogs pa'o/ /ye shes kyi pha rol tu phyin pa de'i phrin las ni chos la longs spyod pa de/ sems can yongs su smin pa'o/ /ye shes kyi pha rol tu phyin pa dang lhan cig tu gyur pa bstan zin to/ /
 so sor yang dag par rig pa ni bzhi ste/ chos so so yang dag par rig pa dang/ don so so yang dag par rig pa dang/ nges pa'i tshig so so yang dag par rig pa dang/ spobs pa so so yang dag par rig pa'o/ /de la chos so so yang dag par rig
 pa ni/ bsam gtan la brten nas rnam grangs su gtogs pa rnams la thogs pa med par yang dag par 'byor ba'i ting nge 'dzin dang/ shes rab gang yin pa dang/ de dang mtshungs par ldan pa'i sems dang sems las byung ba'i chos rnams so//
 rnam grangs su gtogs pa rnams la thogs pa med par yang dag par 'byor ba ni 'di lta ste/ ma rig pa nas brtsams te/ mi shes pa dang/ ma mthong ba dang/ mngon par ma rtogs pa la sogs pa'o/ /don so so yang dag par
 rig pa ni bsam gtan la brten nas rang dang spyi'i mtshan nyid dang/ dgongs pa la thogs pa med par yang dag par 'byor ba'i ting nge 'dzin la sogs pa gnag yin pa'o/ /dgongs pa ni don gzhan la dgongs pa'o/ /des pa'i tshigs so so
 yang dag par rig pa ni bsam gtan la brten nas yul gyi skad dang chos kyi nges pa'i tshig la thogs pa med pa yang dag par 'byor pa'i ting 'dzin la sogs pa gang yin pa'o/ /yul gyi skad ni ji ltar yul so so rang rang gi ming gzhan dang gzhan gyi tha snyad do//
 chos kyi nges pa'i tshig ni 'di lta ste/ 'jig pas na 'jig rten no/ /spobs pa so so yang dag par rig pa ni bsam gtan la brten nas chos rab tu 'byed pa la thogs pa med pa yang dag par 'byor pa'i ting nge 'dzin la sogs pa gang yin
 pa'o/ /chos rab tu 'byed pa ni rdzas su yod pa dang/ btags par yod pa dang/ kun rdzob tu yod pa dang/ don dam par yod pa la sogs pa'o/ /so so yang dag par rig pa dang lhan cig tu gyur pa bstan zin to/ /sems bskyed pa
 'di ni dri za'i glu snyan pa lta bu ste/ mi zad pa'i so so yang dag par rig pa bzhis gdul bya 'dul bar byed pa'i chos ston par byed pas so/ /de ltar sems bskyed pa drug pa nas brtsams te/ sems bskyed pa bcu bzhi'i bar sa dgu'i
 rang bzhin sems bskyed pa dgu 'dod pa'i khams kyi sgom pas spang bar bya ba'i nyon mongs pa rnam pa dgu'i gnyen po nyid du bstan to/ /de ltar sems bskyed pa bcu bzhi bstan zin to/ /sems bskyed pa bco lnga pa nas sems bskyed
 pa nyi shu'i bar sems bskyed pa drug ni sa bcu'i gnas skabs kyi khyad par te/ khyad par gyi lam zhes bya'o/ /de la sems bskyed pa dang po lnga po rnams la so sor dbye ba rnam pa bcu bzhi bcu bzhi byas pas rnam pa bdun cur 'gyur te/ 'di ltar sems bskyed pa
 lnga po rnams la so sor sbyor ba dang/ dngos gzhi dang/ rjes kyi rnam pa gsum gsum du 'gyur la dngos gzhi la yang chung ngu dang/ 'bring dang/ chen po dang/ chen po'i chen po'i dbye bas rnam pa bzhi bzhir 'gyur la/ yang chung ngu la sogs pa so so la
 chung ngu la sogs pa gsum gsum du phye na so so la rnam pa bcu bzhi bcu bzhir 'gyur la/ des na sems bskyed pa lnga po rnams la dbye ba bdun cur 'gyur ro/ /de la sgom pas spang bar bya ba brgyad cu rtsa gcig gi nang nas 'dod pa'i khams kyi rnam la
 dgu sa bcu pa'i bar gyis rab tu spangs so/ /lhag ma lus pa ni bdun cu rtsa gnyis so/ /de la gzugs kyi khams kyi bsam gtan bzhi po rnams la so sor rnam pa dgu dgu dang/ gzugs med pa'i khams kyi gnas gsum po rnams kyi so sor dgu dgu
 dang/ gnas bzhi la rnam pa bdun te/ sgom pas spang bar bya ba nyon mongs pa bdun cu'i gnyen po'i phyogs su gyur pa sems bskyed pa lnga'i rnam pa bdun cus rab tu spong bar 'gyur ro/ /sems bskyed pa drug pa ni rnam pa bdun cu rtsa gcig pa ste/
 sangs rgyas kyi sa'i bar chad med pa'i lam mo/ /des srid pa'i rtse mo'i nyon mongs pa'i rnam pa bdun cu rtsa gcig pa rab tu spong bar 'gyur ro/ /sems bskyed pa 'di'i ni yang dag pa'i don bsgoms pa'i rab kyi mdza' i gnas skabs dang phra
 rgyas thams cad gzhig par nus pas rdo rje lta bu'o/ /rnam pa bdun cu rtsa gcig pa 'di kho na la dgra bcom pa'i 'bras bu la zhus pa zhes rnam bzhag bya'o/ /de la rnam pa bdun cu rtsa gcig gi nang nas rnam pa dang po sum cu dor ba'i
 lhag ma rnam pa bzhi bcu rtsa gcig la nges par 'byung ba'i sgrub pa'i rnam bzhag bya ste/ 'di rnams kyis ma rgyal ba la rgyal ba thob ste/ nges par 'byung bas 'bras bu'i mthar thug pa thob par 'gyur pas so/ /de la sems
 bskyed pa drug gi nang nas sems bskyed pa dang po ni nges par ston pa dang lhan cig tu gyur pa'o de la nges par rton pa rnam pa bzhi ste/ don la rton par bya'i legs par sbyar ba la sogs pa'i tshig 'bru la ni ma yin pa dang/ chos de rigs
 pa la rton par bya'i gang zag ste gnas brtan la sogs pa la ma yin pa dang/ ye shes te bsgoms pa las byung ba'i shes rab de la rton par bya'i/ rnam par shes pa ste thos pa dang bsam pa las byung ba'i shes rab la ni ma yin pa
 dang/ sangs rgyas bcom ldan 'das mchog tu tshad med pa ma yin pas des gang nges pa'i don gyi mdo gsungs pa de la rton par bya'i/ drang ba'i don la ma yin pa ste yang dag par rton pa bzhi'o/ /sems bskyed pa'i 'di ni rgyal po chen po
 lta bu ste/ thogs pa med pa'i mthu nyid kyis gzhan gyi don sgrub par byed pas so/ /sems bskyed pa gnyis pa ni bsod nams dang ye shes kyi tshogs dang/ lhan cig tu gyur pa'o/ /de la sbyin pa dang/ tshul khrims kyi pha rol tu
 phyin pa gnyis pa ni bsod nams kyi tshogs so/ /shes rab kyi pha rol tu phyin pa ni ye shes kyi tshogs so/ /bzod ba dang/ brtson 'grus dang/ bsam gtan gyi pha rol tu phyin pa ni bsod nams dang ye shes kyi tshogs so/ /'di ltar gzhan
 gyi gnod pa byed pa la ji mi snyam pa dang/ sdug bsngal dang du len pa'i bzod pa ni bsod nams kyi tshogs so/ /chos la nges par sems pa'i bzod pa ni ye shes kyi tshogs so/ /brtson grus gang gis sems can rjes su 'dzin par byed pa ni
 bsod nams kyi tshogs so/ /brtson grus gang gis rnam par mi rtog pa'i ye shes rdzogs par byed pa de ni ye shes kyi tshogs so/ /'jig rten pa'i bsam gtan dang/ bsam gtan gang gis sems can yongs su 'dzin par byed pa de bsod nams kyi
 tshogs so/ /bsam gtan gang gis rnam par mi rtog pa'i ye shes rdzogs par byed pa de ye shes kyi tshogs so/ /yang na sbyin pa la sogs pa lnga char ye shes kyi tshogs kyang yin te/ sbyin pa la sogs pa rnams bla na med pa'i byang chub tu yongs su bsngo
 pas so/ /de la bsod nams kyi tshogs ni 'khor bar bde ba'i don du'o/ /ye shes kyi tshogs ni nyon mongs pa med pa'i 'khor ba'i don du ste/ sems can gyi don du bsam pa sngon du btang ste/ srid par skye ba yongs su bzung yang 'khor ba'i
 skyon gyis ma gos pas so/ /bsod nams dang ye shes kyi tshogs de yang byang chub sems dpa' rnams kyi bskal pa grangs med pa dang po la chung ngu dang/ gnyis pa la 'bring dang/ gsum pa la chen po zhes shes par bya'o/ /bsod nams dang ye
 shes kyi tshogs dang lhan cig tu gyur pa bstan zin to/ /de yang mdzod lta bu ste/ bsod nams dang ye shes kyi sogs kyi gnas yin pas so/ /sems bskyed pa gsum pa ni byang chub kyi phyogs kyi chos sum cu rtsa bdun ni dran pa nye bar gzhag
 pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad do/ /de la dran pa nye bar gzhag pa nas bzung ste/ byang chub kyi
 yan lag gi bar nyi shu rtsa dgu bshad zin to/ /lam gyi yan lag brgyad ni phyis 'chad par 'gyur ro/ /de yang lam chen po lta bu ste/ 'phags pa'i gang zag thams cad gshegs shing rjes su gshegs pas so/ /sems bskyed pa bzhi pa ni zhi gnas dang/ lhag mthong
 dang lhan cig tu gyur pa'o/ /de la rnam pa dgu dang ldan pa'i sems gnas pa gang yin pa de zhi gnas so/ /de la rnam pa dgu ni nang nyid du sems 'jog pa dang/ rgyun tu 'jog pa dang/ glan nas 'jog pa dang/ nye bar 'jog
 pa dang/ 'dul bar byed pa dang/ zhi bar byed pa dang/ rnam par zhi bar byed pa dang/ rtse gcig tu byed pa dang/ mnyam par 'jog pa'o/ /de la nang nyid du sems 'jog pa ni phyi rol gyi don gyi dmigs pa las sems bkug ste/ nang gi
 bdag nyid du sems nye bar 'ching ba gang yin pa'o/ /rgyun du 'jog pa ni g.yo ba dang rig pa'i sems nye bar bcings pa de nyid dmigs pa de kho na la rgyun du sbyor pas phra mor byed pas mngon par sdud pa'o/ /glan nas 'jog pa ni sems
 de nyid dran pa nyams pas phyi rol la rnam par g.yengs pa slar sdud pa'o/ /nye bar 'jog pa ni dang po nyid nas dran pas sems phyi rol du mi 'phro bar nang du 'jog pa gang yin pa'o/ /'dul bar byed pa ni dang po nyid du rnam par g.yeng pa'i
 rgyu mtshan gzugs la sogs pa la sdug bsngal ba'i 'du shes bskyed pa'i sgo nas 'phro bar mi byed pa gang yin pa'o/ /zhi bar byed pa ni sems 'khrug par byed pa'i rnam par rtog pa la sogs pa nye ba'i nyon mongs pa la sdug bsngal
 bar mthong bas rab tu 'phro bar mi byed pa gang yin pa'o/ /rnam par zhi bar byed pa ni dran pa nyams pas rnam par rtog pa la sogs pa mngon du rgyu bar gyur na de zhi bar byed pa gang yin pa'o/ /rtse gcig tu byed pa ni mngon par 'du byed
 pas par dang mtshams med par ting nge 'dzin gyi rgyun 'jog pa gang yin pa'o/ /mnyam par 'jog pa ni legs par goms pas mngon par 'du mi byed pa ste/ mi rtsol bas sems kyi ting nge 'dzin gyi rgyun rnam par mi g.yeng bar rab tu
 'jug pa gang yin pa'o/ /lhag mthong ni rnam pa bzhi ste/ chos la rnam par 'byed pa dang/ rab tu rnam par 'byed pa dang/ yongs su rnam par rtog pa dang/ yongs su dpyod par byed pa'o/ /de la spyod pa rnam par spyod pa'i dmigs pa dang/ mkhas pa nyid kyi
 dmigs pa phung po la sogs pa dang/ nyon mongs pa rnam par spyong pa'i dmigs pa ji snyed yod pa nyid shes pa de la rnam par 'byed pa zhes bya'o/ /gnas ngan len gyi mtshan ma'i gnyen po nyid kyi dbang du byas nas dmigs pa de rnams ji ltar yod pa
 bzhin du shes pa de la rab tu rnam par 'byed pa ces bya'o/ /shes rab dang lhan cig tu gyur pa'i rnam par mi rtog pa'i shes pas dmigs pa de la yongs su rnam par rtog pa zhes bya'o/ /phyin ci log thams cad las 'byin pa'i dbang du byas nas phyin
 ci log ma yin pa la sems 'jog pa gang yin pa de la yongs su dpyod pa zhes bya'o/ /zhi gnas dang lhag mthong dang lhan cig tu gyur pa bstan zin to/ /sems bskyed pa 'di ni bzhon pa bzang po lta bu ste/ zhi gnas dang lhag mthong zung du
 'brel pa rang gi ngang gis 'jug pas 'khor pa dang/ mya ngan las 'das pa gang yang rung bar mi ltung bar bde bar 'khyer bas so/ /sems bskyed pa lnga pa ni gzungs dang spobs pa dang lhan cig tu gyur pa'o/ /de la dran pa dang shes rab kyi rang
 bzhin gyi gzungs ni bzhi ste/ bzod pa'i gzungs dang/ chos kyi gzungs dang/ don gyi gzungs dang/ sngags kyi gzungs so/ /de la bzod pa'i gzungs ni a ra pa tsa na la sogs pa'i yi ge rnams la de'i don de kho na nyid sgro btags nas
 sgom par byed pa rnams la bsgom pa rdzogs par gyur na yi ge'i don dam pa la bzod pa gang skyes pa ste/ shes rab kyi rang bzhin can bzod pa skyes pa'i phyir ro/ /de ltar chos thams cad yi ge a'i sgo can te/ gdod ma nas skye ba med pa'i
 phyir ro/ /de la sgo ni chos thams cad kyi rang bzhin ji lta ba bzhin du rtogs pa'i thabs a'o/ /gang gi phyir chos thams cad dang po nyid de/ dri ma dang bcas pa'i gnas skabs na ma skyes pa de'i phyir ma skyes pa'i
 don yi ge a la sgro btags nas bsgoms pas goms pa'i stobs kyis yi ge a tsam legs par goms par gyur na chos thams cad la skye ba med pa'i bzod pa skye bar 'gyur ro/ /de ltar ma skyes pa de nyid ji a'i don no/ /de bzhin du
 chos thams cad kyi sgo'i yi ge ra te ra dza zhes bya ba rdul te de dang bral bas so/ /ji ltar nam mkha' rdul gyis mi gos pa de bzhin du de bzhin nyid kyang nyon mongs pa'i rdul gyis mi gos so zhes pa ni ra'i don no/ /de bzhin du chos thams cad
 kyi sgo yi ge pa ste/ par ma artha zhes bya ba don dam pa ste/ don dam par chos thams cad la khyad par med pas so/ /don dam pa de yang de kho na nyid do/ /zhes pa ni yi ge pa'i don to/ /de bzhin du chos thams cad kyi yi ge tsa ste/ tsa ba na zhes
 bya ba 'chi 'pho ba dang skye ba dang/ de la dmigs pa'i phyir ro/ /de bzhin nyid la skye ba'i srid pa dang/ 'chi 'pho'i srid pa med pa gang yin pa de ni yi ge tsa'i don to/ /de bzhin du chos thams cad kyi sgo yi ge na te nA ma zhes bya ba ni ming yin
 la/ de dang bral bas so/ /de bzhin nyid la ming med pa ni yi ge na'i don to/ /'di ni nye bar mtshon pa tsam yin te/ yi ge ji snyed yod pa de snyed gzungs kyi tshig go /bzod pa'i gzungs bstan zin to/ /chos kyi gzungs ni phyogs bcu'i
 sangs rgyas dang byang chub sems dpa' rnams kyis bstan pa'i chos kyi phung po 'dzin pa'i rgyu gang yin pa ste/ dpag tu med pa'i chos rnams thos pa tsam gyis dus dpag tu med pa 'dzin pas so/ /des na de'i don 'dzin pa'i rgyu ni don gyi gzungs so//
 de nas sems can rjes su 'dzin par byed pa'i sgyu ma lta bu'i sngags la dbang ba nyid ni sngags kyi gzungs so/ /de la bzod pa'i gzungs ni mos pa spyod pa'i sa la'o/ lhag ma gsum ni rab tu dga' ba la sogs pa'o/ /gzungs dang lhan cig tu gyur pa bstan zin
 to/ /ma thos pa'i chos rnams mi zad par ston pa'i rgyu gang yin pa de la spobs pa zhes bya'o/ /spobs pa dang lhan cig tu gyur pa bstan zin to/ /sems bskyed pa 'di ni kong ma'i chu lta bu ste chu 'dzin pa dang/ mi zad par skye ba dang 'dra bar thos pa dang ma thos
 pa'i chos dang don 'dzin pa dang zad pa med pa'i chos ston pa 'byung bas so/ /sems bskyed pa drug pa ni chos kyi dga' ston dang lhan cig tu gyur pa'o/ /de la chos kyi dga' ston ni bzhi ste/ 'du byed thams cad mi rtag pa'o/ /zag pa zad pa dang bcas
 pa thams cad sdug bsngal ba'o/ /chos thams cad bdag med pa'o/ /mya ngan las 'das pa thams cad zhi pa'o/ /zhes so sor rtog pa gang yin pa'o/ /de la mi rtag pa ni rtag tu med pa gang yin pa ste/ mi rtag pa'i don med pa yin pas so/ /kun
 rdzob tu ni skad cig ma 'jig pa'i don la yang mi rtag pa zhes bya'o/ /rnam par rtog pa thams cad nye bar zhi bas na mya ngan las 'das pa la zhi ba zhes bya'o/ /chos kyi dga' ston dang lhan cig tu gyur pa bstan zin to/ /de yang rab tu snyan pa'i sgra lta
 bu ste/ thar pa 'dod pa'i gdul bya rnams la snyan par sgrogs par byed pas so/ /de ltar drug pa nas sems bskyed pa bco lnga'i bar bsgom pa'i lam nyid du bstan to/ /bsgom pa'i lam de'i yang grogs lam gyi yan lag go /de la lam gyi yan lag ni
 brgyad de/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /'di rnams la rnam bzhag lngar rig par 
 bya ste/ dmigs pa dang/ ngo bo dang/ grogs dang/ sgom pa dang/ bsgoms pa'i 'bras bu'o/ /de la dmigs pa ni 'phags pa'i bden pa bzhi po rnams kyi yang dag pa'i ci lta ba ste/ mthong ba'i lam gyis phyis kyi dus su
 ci ltar mthong ba'i bden pa rnams kyi yang dag pa nyid ci lta ba de kho na lam gyi yan lag gi dmigs pa'o/ /sngar bstan pa'i yan lag brgyad ni ngo bo'o/ /de la yang dag pa'i lta ba ni yongs su gcod pa'i yan lag ste/ des ji ltar nyams su
 myong ba'i de kho na nyid nges par byed pa ste/ gang gis mthong ba'i lam gyis rtogs pa'i de kho na nyid yongs su gcod pa ste/ yang dag pa'i lta ba yin no/ /zhes pa'i tha tshig go /lam la snyoms par zhugs pa la yang de'i skye ba'i nus pa yod
 pas de rnam par 'jog go /yang dag pa'i rtog pa dang/ yang dag pa'i dag ni gzhan gyis go bar byed pa'i yan lag te/ yang dag pa'i lta bas rtogs pa'i de kho na nyid yang dag pa'i rtog pa dang/ yang dag pa'i dag gis gzhan la go bar byed
 pa ste/ rnam par ma brtags pa dang/ rnam par ma dpyad pa'i tshig mi smra'o/ /zhes gsungs pas so/ /mnyam par bzhag pa la 'di gnyis yod do/ /de gnyis skye ba'i nus pa thob pas so/ /mnyam par bzhag pa ni yang dag par mi rtog pa
 dang/ yang dag par mi brjod pas so/ /yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba ni gzhan yid ches par byed pa'i yan lag ste/ de rnams kyis rim pa ji lta ba bzhin du rtogs pa po lta ba la sogs
 pa yang dag par nges par byed pas so/ /de la yang dag pa'i ngag ni rtog pa dang rjes su mthun pa'i sgrib pa dang/ lung ston pa 'phel ba'i gtam nges pa de'i lta ba rnam par dag pa yin no/ /zhes shes pa yin no/ /yang dag pa'i las kyi mdza' 
 'gro ba dang 'ong ba la sogs pa spyod pa phun sum tshogs pas tshul khrims yongs su dag par shes te/ 'di ltar yang dag pa'i las kyi mdza' ni nyes par spyod pa dang 'gal ba yin pas de dang ldan pa srog gi phyir yang bya ba ma yin pa mi byed pas tshul
 khrims dang ldan pa yin no snyam pa'i gzhan dag la nges pa skye ba yin no/ /yang dag pa'i 'tsho bas ni ji ltar gnas pa'i chos gos la sogs pa tshol pa yin pas yo byed la 'dod pa chung ba yin no snyam du nges par 'gyur te/ 'di ltar tshul
 'chos pa la sogs pa'i skyon dang bral ba'i srog gnas pa tsam gyi ched du lus dang ngag gi kun tu spyod pa ni yang dag pa'i 'tsho ba yin pas so/ /yang dag pa'i rtsol ba ni nyon mongs pa'i sgrib pa rnam par spyod pa'i yan lag te/ 'di ltar yang dag
 pa'i lta bas yongs su bzung ba bying ba dang/ rgod pa dang bral ba'i ting nge 'dzin gyi gnas skabs kyi brtson 'grus gang yin pa de la yang dag pa'i rtsol ba zhes bya ste/ yang dag pa'i rtsol ba des sgom pas spang bar bya ba'i nyon mongs pa rnams rab
 tu spang ba'i don du de'i gnyen po'i phyogs su lam sgom par byed do/ /des na yang dag pa'i rtsol ba nyon mongs pa'i sgrib pa sbyong ba'i yan lag go /yang dag pa'i dran pa ni nye ba'i nyon mongs pa'i sgrib pa rnam par sbyong ba'i yan lag ste/ des zhi
 gnas la sogs pa'i mtshan ma mi brjod pas bying ba la sogs pa nye ba'i nyon mongs pa la go skabs mi 'byed pas so/ /'di ltar rgod pa dang/ rgod par dogs pa'i sems yod par gyur pa la yid 'byung ba'i dngos po yid la byed pa ni
 zhi gnas kyi mtshan ma yin la/ sems bying ba dang bying par dogs pa'i sems yod par gyur na rab tu dga' ba'i dngos po yid la byed pa de rab tu 'dzin pa'i mtshan ma'o/ /zhi gnas 'ba' zhig gis lam la gnas pa 'am/ zung du
 'brel par 'jug pa'i lam la bying ba dang/ rgod pa'i nye ba'i nyon mongs pas nyon mongs pa'i rtsol ba med pa'i yid la byed pa la ni btang snyoms kyi mtshan ma'o/ /de ltar zhi gnas dang/ rab tu 'dzin pa dang/ btang
 snyoms kyi mtshan ma ma brjed par bying ba la sogs pa nye ba'i nyon mongs pa la go skabs med par 'gyur ba'o/ /yang dag pa'i ting nge 'dzin ni yon tan khyad par can gyi sgrib pa rnam par spyod pa'i yan lag ste/ des mngon par shes pa la sogs
 pa'i yon tan rdzogs par byed pas so/ /'di ltar mngon par shes pa la sogs pa'i yon tan gyi bdag nyid can khyab bdag nyid kyi snyoms par 'jug pa'i sgrib pa'i bdag nyid can nyon mongs pa can ma yin pa'i mi shes pa'i mi
 mthun pa'i phyogs gang yin pa de'i gnyen po yang dag pa'i ting nge 'dzin yin te/ bsam gtan ni yon tan khyad par can thams cad 'grub par byed pa'i rten yin pas mngon par shes pa la sogs pa'i yon tan 'grub pa'i mi
 mthun pa'i phyogs su gyur pa'i snyoms par 'jug pa'i sgrib pa'i gnyen po'o/ /de ltar ngo bo bstan zin to/ /grogs ni de rnams dang mtshungs par ldan pa'i sems dang sems las byung ba'i chos rnams so/ /sgom pa ni byang chub kyi
 yan lag bzhin no/ /'di lta ste/ yang dag pa'i lta bsgom pa dang rnam par dben pa la gnas pa la sogs pa rgyas par bstan pa yin no/ /tshig 'di rnams kyi don ni ji ltar sngar bstan pa bzhin du rig par bya'o/ /bsgom pa'i 'bras bu ni
 yongs su gcod pa dang/ gzhan go bar byed pa dang/ yid ches par byed pa dang/ nyon mongs pa'i sgrib pa rnam par dag par byed pa dang/ nye ba'i nyon mongs pa'i sgrib pa rnam par dag pa dang/ yon tan khyad par can gyi sgrib pa rnam par
 dag pa'o/ /lam gyi yan lag dang lhan cig tu gyur pa bstan zin to/ /bsgom pa'i lam bstan zin to/ /sangs rgyas kyi sar gdul bya'i bsam pa la ltos nas dngos gzhi dang rjes kyi sems bskyed pa gnyis kyi bdag nyid can lam gyi rnam pa bdun cu rtsa
 gnyis pas nyon mongs pa rnam pa bdun cu rtsa gnyis pa rab tu spong bar 'gyur ro/ /'di kho na la nyon mongs pa dang shes bya'i sgrib pa rab tu spangs pas shin tu rnam par dag pa'i rang bzhin can sangs rgyas kyis kun tu 'od ces bya'o/ /gnas skabs
 de kho na la zad pa'i ye shes dang/ mi skye ba'i ye shes zhes rnam par bzhag go /de la kun 'byung ba ma lus pa rab tu spangs nas de'i gnas skabs kyi shes pa gang yin pa 'am/ yang na kun 'byung gi 'gog pa la dmigs pa'i shes pa
 gang yin pa de la zad pa'i ye shes zhes bya'o/ /ma 'ongs pa'i dus su sdug bsngal thams cad mi skye ba'i chos nyid du gyur nas de'i gnas skabs kyi shes pa gang yin pa 'am/ sdug bsngal gyi mi skye ba la dmigs pa'i shes pa gang yin
 pa de la mi skye ba'i ye shes zhes bya'o/ /sems bskyed pa nyi shu rtsa gcig pa ni bgrod pa gcig pa'i lam dang lhan cig tu gyur pa'o/ /de la bgrod pa gcig pa'i lam ni bla na med pa'i mi skye ba'i chos la bzod pa thob na de'i sa pa rnams kyi byang
 chub kyi rang bzhin can gyi sems so sor mngon du byas pas tha mi dad pa'i bya ba byed pa gang yin pa ste/ de dang lhan cig tu gyur pa'o/ /de yang chu bo'i rgyun lta bu ste/ rang gi rang gis 'jug pa yin pas so/ /bgrod pa gcig pa'i lam ni
 sa mi g.yo ba nas brtsams nas yod kyi 'on kyang 'dir bla na med par 'gyur ba'o/ /sems bskyed pa nyi shu gnyis pa ni chos kyi sku dang lhan cig tu gyur pa'o/ /de yang sprin lta bu ste/ ji ltar sprin gyis snod kyi 'jig rten yongs su rdzogs par
 'gyur ba de bzhin du sems can thams cad kyi byed pa la 'jug pa yin pas so/ /mi zad pa'i thabs la mkhas pa dang yang lhan cig tu gyur pa'o/ /de la stong pa dang/ snying rje las byung ba'i bya ba la mkhas pa ni thabs
 la mkhas pa ste/ des dga' ldan la sogs pa'i gnas su zhugs pa la sogs par yang dag par ston par byed pas so/ /'di ltar ci'i phyir bcom ldan 'das kyis dga' ldan gyi gnas su gnas par ston par byed la/ gzugs dang gzugs
 med pa'i khams su ma yin zhe na/ mi khom pa'i gnas nas 'dir byon pa yin gyi/ kho bo cag gi don du byon pa ma yin no/ /zhes bcom ldan 'das nyid la rab tu ma gus pa spang bar bya ba'i don du'o/ /gang gi phyir gzhan 'phrul dbang byed du
 gnas par ston par mi mdzad ce na/ skye ba khyad par can 'dor nas sems can rnams la rjes su brtse bas dga' ldan gyi gnas su gnas so snyam pa'i shin tu rab tu gus pa bskyed pa'i don du'o/ /de bzhin du lhums su 'jug pa la sogs pa
 yang thabs la mkhas pa'i dgos par shes par bya'o/ /rdo rje lta bu'i ting nge 'dzin dang/ zad pa dang/ mi skye ba'i ye shes la mthar phyin pa'i lam zhes bya ste/ gnas ngan len thams cad dang bral bas so/ /de ltar sems bskyed pa nyi shu
 rtsa gnyis kyi nang nas dang po 'jig rten pa'i sems bskyed pa bzhi 'dor te/ 'jig rten las 'das pa'i sems bskyed pa dang po bstan par bya ba'i phyir/ rgyal ba'i sras po zhes bya ba la sogs pa smos te/ tshigs su bcad pa 'dis sems
 bskyed pa dang po la rnam pa lnga bstan te/ dgos pa'i khyad par dang/ rgyu'i khyad par dang/ bsngo ba'i khyad par dang/ gnas kyi khyad par dang/ grangs kyi khyad par ro/ /de la 'gro ba rnams rnam par grol bar bya ba'i phyir zhes pa 'dis dgos pa'i
 khyad par bstan te/ 'jig rten gyi khams kyis bsdus pa'i 'gro ba sgrib pa gnyis kyis bcings pa rnam par grol bar bya ba'i don du'o/ /snying rje'i dbang sgyur cing zhes la 'dis rgyu'i khyad par bstan no/ /kun tu bzad pa'i smon pas rab tu bsngos? pa
 'dis yongs su bsngos pa'i khyad par bstan te/ byang chub sems dpa' kun tu bzang po'i smon lam ni 'dod pa khyad par dge ba ste/ des yongs su bsgyur ba gang yin pa'o/ /dga' ba la rab tu gnas pa zhes pa 'dis gnas kyi khyad par
 bstan te/ sa rab tu dga' ba dang sems bskyed pa dang po tha dad pa med du zin kyang tha dad pa bstan te/ sgra can gyi mgo bzhin du thun mong ma yin pa rtogs par bya ba'i don du'o/ /de ni dang po zhes bya ba 'dis grangs kyi khyad par bstan te/ 'jig rten
 las 'das pa'i sems bskyed pa rnams kyi dang po yin pas so/ /sems bskyed pa rnams pas bsdus pa yin pas spyi'i dbang du byas nas byang chub sems dpa' rnams kyi zhes bya ba la sogs pa smos te/ byang chub sems dpa' rnams kyi
 ye shes nyid la sogs zhes pa'i ming 'thob ste zhes 'brel lo/ /sogs pa'i tshig gis stong pa nyid shes par bya'o/ /zag pa med pa zhes bya ba ni zag pa rnams de la rgyas par mi 'gyur te/ 'di ltar stong pa dang/ snying rjes yongs
 su zin pa'i shes pa de lam gyis bsdus pa yin la/ lam gyi rang bzhin can gyi shes pa la zag pa rgyas par mi 'gyur te/ gang bdag tu lta ba dang/ bdag gi sred pas brlan par ma byas pa de la zag pa rnams rgyas par mi 'gyur te/
 rdo chen de la rkang mthil bzhin no/ /bdag tu lta ba dang/ bdag gi sred pas lam gyi shes pa brlan par ma byas pa yin pas zag pa med par shes par bya'o/ /char rnam par phye ba na shes pa ni chos kyi dbyings la kun tu 'gro ba la sogs pa'i
 dbye ba yongs su shes pa dang/ yon tan la sogs pa'i sgo nas char rnam par dbye bar bya ste/ 'di ltar gang phyir chos bying ba dang bral ba'i/ chos ni yod pa ma yin no/ /zhes gsungs pas chos kyi dbyings stong pa nyid de thams cad
 kyi spyi'i mtshan nyid yin pas chos kyi dbyings kun tu 'gro ba'i don du rtogs pa'i cha nas sa dang po rnam par bzhag go /de nyid kyi phyir sbyin pa'i pha rol tu phyin pa lhag par gyur pa yin te/ bdag dang gzhan la stong pa nyid tha mi dad pa mthong
 ba yin pas rang gi don bzhin du gzhan gyi don la yang 'jug pa yin pas so/ /de bzhin du chos kyi dbyings rang bzhin gyis 'od gsal ba yin pas mchog nyid du yongs su shes pa'i cha nas sa gnyis par rnam par 'jog go /de nyid kyi phyir
 tshul khrims kyi pha rol tu phyin pa lhag par gyur pa yin te/ khyad par du 'phags pa'i don de don du gnyer ba yin pas bdag snod du rung bar byed pas so/ /de bzhin du rnam pa thams cad du yongs su dag pa'i chos kyi sku zhes bya ba'i chos kyi
 dbyings kyi dbang gis zhugs pa yin pas mdo sde la sogs pa bstan pa'i chos rnams mchog yin no/ /des na chos kyi dbyings dang rgyu mthun pa bstan pa'i chos mchog tu yongs su shes pa'i cha nas sa gsum par rnam par 'jog go /de nyid kyi
 phyir sa 'dir bzod pa'i pha rol tu phyin pa shin tu lhag par 'gyur ba yin no/ /thos pa'i ched du sdug bsngal thams cad bzod pas so/ /de bzhin du chos kyi dbyings la bdag gi'o snyam pa'i zhen pa med pas bdag gi ba med pa'i mtshan nyid
 can yongs su shes pa med pa'i cha nas sa bzhi pa'i rnam bzhag bya'o/ /de nyid kyi phyir sa 'dir brtson 'grus kyi pha rol tu phyin pa shin tu lhag par 'gyur te/ spros pa med pa'i shes pas chos kyi dbyings rtog pa yin pas chos la sred pa ?
 pas chos kyi dbyings de rtogs pa'i don du brtson 'grus lhag par rtsoms pas so/ /de bzhin du 'das pa dang/ ma 'ongs pa dang/ da ltar gyi sangs rgyas thams cad dang/ byang chub sems dpa' rnams kyi rgyud kyi chos nyid dang bdag gi rgyud kyi chos nyid
 phan tshun tha mi dad pa mnyam pa nyid du mthong nas chos kyi dbyings la rgyu tha dad pa med par yongs su shes pa'i cha nas sa lnga par rnam par 'jog go /de nyid kyi phyir sa 'dir bsam gtan gyi pha rol tu phyin pa shin tu lhag par 'gyur te/ byang chub sems
 dpa' gzhan bzhin du bden pa'i rnam pa mang du bsgoms pas so/ /de bzhin du chos kyi dbyings la rten cing 'brel par 'byung ba'i mtshan nyid can kun nas nyon mongs pa glo bur ba yod pa yin pas chos kyi dbyings ngo bo nyid kyis kun nas nyon mongs
 pa can du mi 'gyur ba dang/ rang bzhin gyi rnam par dag pa yin pas rnam par ma dag par mi 'gyur ro snyam pa'i chos kyi dbyings yongs su shes pa'i cha nas sa drug par rnam par 'jog go /de nyid kyi phyir sa 'dir shes rab kyi pha rol tu phyin pa shin tu lhag
 par 'gyur te/ kun nas nyon mongs pa med pa dang/ rnam par byad? ba med do snyam pa'i chos kyi dbyings zab par rtogs pa yin pas so/ /de bzhin du gang mdo sde la sogs pa'i chos kyi mtshan mas chos kyi dbyings la 'jug cing mtshan ma de rnams
 mi 'dod pa bzhin du sbyor ba dang de'i rjes la thob pa'i shes pa las drug pa'i bar du tha dad pa nyid du mngon par 'gyur ro/ /sa bdun par mtshan ma rnams dang chos kyi dbyings ro gcig pa'i rnam pa can gyi shes pas mtshan ma med pa'i chos
 kyi dbyings rtogs pa yin pas chos kyi dbyings la rnam pa tha dad med do snyam du shes pa'i cha nas sa bdun par rnam par bzhag go /de nyid kyi phyir sa 'dir thabs kyi pha rol tu phyin pa shin tu lhag par 'gyur te mtshan ma rnams dang chos kyi
 dbyings tha mi dad par rtogs kyang mtshon mas byas pa'i bya ba mi 'gegs pas so/ /de nyid kyi phyir sa bdun pas mtshan ma med pa'i lam zhes bya'o/ /de bzhin du chos kyi dbyings rang bzhin gyis rnam par dag pa yin pas dri ma dang
 bcas pa dang/ dri ma med pa'i gnas skabs la khyad par med pas sa kun nas nyon mongs pa'i gnas skabs na chos gang yang 'grib pa med pa dang/ rnam par byang ba'i gnas skabs na chos gang yang 'phel bar mi 'gyur ro snyam du chos kyi dbyings
 la nyams pa med pa dang 'phel ba med pa yongs su shes pa'i cha nas sa brgyad pa rnam par bzhegs go /de yang dbang bzhi'i nang nas dbang gnyis kyi rten nyid du 'gyur ba shes pa yin te/ de la dbang bzhi'i ni rnam par mi rtag pa la dbang pa nyid dang/
 zhing yongs su dag pa la dbang ba nyid dang/ ye shes la dbang ba nyid dang/ las la dbang ba nyid do/ /de la rnam par mi rtog pa la dbang ba nyid ni chos kyi dbyings la rtsol ba med par mtshan ma thams cad kun tu mi sbyong par rig par bya'o//
 sa bdun par yang mtshan ma la kun tu spyod pa med par rtsol la/ 'dir ni med do zhes pa ni khyad par ro/ /zhing yongs su dag pa la dbang ba nyid ni chos kyi dbyings kyi mthus ji ltar 'dod pa bzhin du sangs rgyas kyi zhing dang/ 'khor ston
 pa'i nus pa thob par rig par bya'o/ /dbang gnyis kyi rten chos kyi dbyings yin no snyam du yongs su shes pa ni sa brgyad pa kho nar ro/ /de nyid phyir sa der smon lam gyi pha rol tu phyin pa shin tu lhag par 'gyur te/ rnam par mi rtog pa
 dang/ zhing yongs su dag pa la dbang ba nyid yin pas dge ba la bar mchad par sbyor ba yin pas so/ /de bzhin du so so yang dag par rig pa thob pas chos kyi dbyings ye shes la dbang gnyis kyi rten nyid du yongs su shes pa'i cha nas sa dgu par
 rnam par bzhag go /sngar sa bcu pa la so sor yang dag par rig pa dang lhan cig tu gyur par gang smras pa de mi zad pa'i so sor yang dag par rig pa thob pas so/ /de nyid kyi phyir sa der stobs kyi pha rol tu phyin pa shin du lhag par
 'gyur te/ shes rab gyi stobs khyad par can yod pas so/ /de bzhin du chos kyi dbyings las la dbang ba'i rten nyid du yongs su shes pa'i cha nas sa bcu par rnam par bzhag go /de la las la dbang ba nyid ni de bzhin gshegs pa'i las la dbang ba nyid
 thob pa gang yin pa'o/ /de nyid kyi phyir sa der ye shes kyi pha rol tu phyin pa shin tu lhag par 'gyur te/ chos kyi longs spyod kyis sems can sman par byed pa'i khyad par dang ldan pas so/ /cha shas rnam par phye ba bya ba bstan zin to/ /yon tan gyi
 gnas su gyur pa'i phyir ro/ /zhes pa ni ting nge 'dzin brgya thob par 'gyur ro/ /zhes pa la sogs pa 'chad par 'gyur ba'i yon tan rnams kyi gnas yin pas so/ /sa zhes bya ba'i ming thob ste zhes pa ni ji ltar sas sems can gyi gnas byed pas
 sa zhes brjod pa bzhin du sems bskyed pa yang sa zhes bya ste/ yon tan gyi rten byed pas so/ /de lta bu'i sa zhes bya ba'i shes pa la don dam par rang bzhin med pa yin pas rang gi ngo bo'i khyad par gyis byas pa'i dbye ba med du zin kyang kun
 rdzob tu dbye ba bstan par bya ba'i phyir/ de yang zhes bya ba la sogs pa smos te/ shes pa de yang sa rab tu dga' ba la sog pa'i rnam par dbye bas dbye ba rnam pa bcur bzhag gi zhes bya bar 'brel lo/ /de la 'dir sa dang po rab tu dga' ba
 sogs pa rnams la rnam pa bzhi bzhi'i sgo nas dbye ba'i rnam bzhag bya ste/ yon tan gyi grangs lhag par thob pa dang/ mthu lhag par thob pa dang/ sbyin pa la sogs pa pha rol tu phyin pa lhag par 'gyur ba dang/ rnam par smin pa mchog tu gyur
 pa'i dbye bas so/ /de la yon tan gyi grangs lhag par thob pas ni 'di lta ste/ sa dang por skad cig ma gcig la ting nge 'dzin brgya thob pa dang/ snyoms par 'jug par 'gyur ba dang/ sangs rgyas mthong bar 'gyur ba dang de rnams kyis
 byin gyis brlabs pa rnam par shes par 'gyur ba la sogs pa'o/ /mthu lhag par thob pa ni 'jig rten gyi khams brgya 'gul bar byed pa dang/ snang bar byed pa dang/ zhing brgya phrag gcig tu snon par 'gyur ro/ /zhes bya ba la sogs pa'o/ /sa gnyis par yon
 tan grangs lhag par thob pa ni skad cig ma gcig la ting nge 'dzin stong thob pa dang/ sangs rgyas stong mthong zhes bya ba la sogs pa'o/ /mthu ni 'jig rten gyi khams stong 'gul bar byed do/ /zhes bya ba la sogs pa'o/ /yon tan dang mthu
 'di dag sa thams cad la de'i tshe sangs rgyas brgya ni 'dis mthong 'gyur zhes bya ba la sogs pas sa'i yon tan ston pa'i dus su bshad par 'gyur ro/ /'dir yon dang mthu tha dad tu bstan la/ 'og tu ni mthu yon tan gyi rang bzhin
 du bstan no/ /sbyin pa la sogs pa pha rol tu phyin pa lhag par 'gyur ba sngar bstan to/ /rnam par smin pa mchog tu gyur pa'i khyad par ni sa dang po thob pa na dzam+bu'i gling la dbang sgyur ro/ /sa gnyis pa thob pas gling bzhi la dbang ba'i
 'khor lo sgyur ba'i rgyal por 'gyur ro/ /ji ltar rin po che'i phreng ba las/ sbyin pa'i pha rol phyin pa mchog /'jig rten khams brgya 'gul bar byed/ /dzam bu'i gling la dbang byed mchog /rnam par smin pa 'di ru skye zhes bya ba la sogs pa
 gsungs so/ /'di dag la zhes bya ba la sogs pa ni don dam par ye shes rang bzhin med pas so/ /de nyid las bcu'i mdo'i tshig tshad mar bya ba bstan pa'i phyir ji skad du zhes bya ba la sogs pa smos te/ ji ltar na nam mkha' la 'phur pa'i bya'i
 rjes mkhas pa rnams kyis smra ba dang mthong bar mi nus te/ nam mkha' i yul phyogs yongs su gcod par mi nus pas so/ /der bya mi 'gro ba ni ma yin no/ /de bzhin du bya'i rjes dang 'dra ba'i ming dang/ tshig dang/ yi ge'i tshogs kyi gnas su gyur pa
 byang chub sems dpa' i sa so so rang gi rig pa'i rang bzhin can mkhas pa rnams kyis smra bar mi nus pa dang/ thos par mi nus te/ sgra ji bzhin pa'i rang bzhin med pas so/ /de la kun rdzob tu ming dang/ chig dang/ yi ge'i tshogs
 dgos par mi bya ba ni ma yin no/ /de la sa bcu'i ming gi dbye ba bstan par bya ba'i phyir/ de la zhes bya ba la sogs pa smos te/ de la sems bskyed pa bcu ni rab tu dga' ba dang/ dri ma med pa dang/ 'od byed pa dang/ 'od 'phro ba dang/ sbyang
 dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi sprin zhes bya ba'i ming can no/ /de la mngal gyi gnas skabs bzhin du byang chub sems dpa' i sa bcur rig par bya ste/
 sa rnams sgrib pa dang bcas pa'i phyir ro/ /skyes pa'i gnas skabs lta bu ni sangs rgyas pa'i gnas skabs te/ bya ba yongs su rdzogs pas shes bya thams cad nyams su myong bas so/ /skye gnas dbang po thams cad kyi spyod yul nyams su myong ba
 bzhin no/ /de la mngal gyi gnas skabs rnam pa bcu ste/ khu ba'i lus kyi gnas skabs dang/ sha'i lus kyi gnas skabs dang/ lhod pa'i lus kyi gnas skabs dang/ sra ba'i lus kyi gnas skabs dang/ lus dang rjes su mthun
 pa'i lus kyi gnas skabs dang/ rang bzhin dang rjes su mthun pa'i lus kyi gnas skabs dang/ las dang bcas pa'i lus kyi gnas skabs dang/ yongs su rdzogs pa'i lus kyi gnas skabs so/ /de la rnam pa gsum ste/ dbang po
 yongs su rdzogs pa dang/ mtshan yongs su rdzogs pa dang/ chu dang zheng yongs su rdzogs pa'o/ /mngal gyi gnas skabs bcu dang sa bcu chos mthun par rig par bya'o/ /sa'i don bshad nas tshigs su bcad pa'i don bstan par ? ba'i phyir/ de la
 zhes bya ba la sogs pa smos te/ ji skad bshad pa'i tshul gyis 'gro ba g.yo ba chu'i nang gi zla ba ltar zhes bya ba la sogs pa'o/ /snying rje'i khyad par gyis nye bar bzung ba'i zhes pa ni chos la dmigs pa'i snying rje dang ldan pa'o/ /gnyis su med
 pa'i ye shes zhes pa ni bzung ba dang 'dzin pa'i rnam par rtog pa dang bral bas so/ /de'i rgyu can gyi 'bras bu nye bar mtshon pa zhes pa ni gnyis su med pa'i ye shes kyi rgyud las byung ba'i mthong bas spang bar bya ba'i nyon mongs pa spangs
 pa la sogs pa'i mtshan nyid can gyi 'bras bu nye bar mtshon pa'o/ /kun tu bzang po'i smon lam gyis yongs su bsngos pa zhes smos pa'i dgos pa bstan par bya ba'i phyir/ de la smon lam chen po zhes bya ba la sogs pa smos te/ smon
 lam chen po bcu zhes pa ni 'phags pa sa bcu'i mdo las bstan to/ /'di lta ste/ sangs rgyas thams cad la mchod cing rim gro bya ba'i phyir rnam pa'i mchog thams cad ldan pa'i mos pa rgya chen pos rnam par dag pa chos kyi dbyings
 kyis klas pa rgya che ba/ nam mkha' i dbyings kyi mthar thug pa/ phyi ma'i mdza' i mur thug pa bskal pa'i grangs thams cad du sangs rgyas grangs su 'byung ba la rim gro dang mchod pa chen po bya ba rgyun mi 'chad pa'i smon lam chen po mngon par sgrub bo//
 zhes pa ni dang po'o/ /smon lam 'di ni bsod nams kyi tshogs yongs su rdzogs par bya ba'i don du'o/ /de la mchod pa ni rnam pa gsum te/ rnyed pa'i mchod pa chos gos la sogs pa'o/ /bkur sti'i mchod pa gdugs la sogs pa'o//
 sgrub pa'i mchod pa dang pa la sogs pa'o/ /rim gro rnam pa gsum ste/ bsnyen bkur ba dang/ bka' lung nyan pa dang/ sgrub pa'o/ /rnam pa'i mchog thams cad dang ldan pa ni rab tu mang po dang/ sna tshogs pa'i dngos po dang/ gya nom pa'i dngos
 pos so/ /mos pa rgya chen pos rnam par dag pa ni shin tu dang ba dang/ byang chub tu yongs su bsngo ba'i lhag par mos pas so/ /chos kyi dbyings kyis klas pas rgya che ba ni dge ba'i rtsa ba gzhan thams cad las gtso bor gyur pas so /nam
 mkha' i dbyings kyi mthar thug pa ni 'dod pa'i 'bras bu mi rtag pa'i rgyu nyid du mi zad pas so/ /phyi ma'i mdza' i mur thug pa ni rtag pa'i 'bras bu mya ngan las 'das pa thob pa'i rgyu yin pas so/ /bskal pa'i grangs la sogs pa'i don ni bskal
 pa thams cad tu sangs rgyas 'byung ba thams cad la rim gro dang/ mchod pa chen po rgyun mi 'chad par bya ba'i don du'o/ /de bzhin du de bzhin gshegs pa thams cad kyis gsungs pa'i chos kyi tshul yang dag par gzung ba dang/ sangs rgyas thams cad
 kyi byang chub sems dpa' yongs su 'dzin pa dang/ yang dag par rdzogs pa'i sangs rgyas thams cad kyi bstan pa yongs su bsrung ba'i phyir zhes pa ni gnyis pa'o/ /smon lam 'di ni ye shes kyi tshogs yongs su rdzogs pa'i don du'o/ /de bzhin gshegs
 pa ni ston pa phun sum tshogs pa'o/ /chos kyi tshul ni mdo sde la sogs pa lung gi tshogs/ /sangs rgyas ni ji snyed pa rtogs pa'o/ /yongs su 'dzin pa rtogs pa'i ched du gdams ngag 'bogs pa'o/ /yang dag par rdzogs pa'i sangs rgyas ni ji lta ba
 bzhin du mngon par rtogs pa'o/ /bstan pa yongs su bsrung ba ni sgrub pa byed pa rnams la nye bar bsrung bas so/ /de bzhin du 'jig rten gyi khams 'byam klas pa ma lus pa thams cad du sangs rgyas 'byung zhing dga' ldan gyi pho brang dam pa na bzhugs
 ba la sogs pa ste/ 'pho ba dang/ gshegs pa dang/ lhums nas bzhugs pa dang/ bltams pa dang/ gzhon nu rol pa dang/ btsun mo'i 'khor gyi nang nas bzhugs pa dang/ mngon par 'byung ba dang/ dga' ba spyad pa dang/
 snying po byang chub tu gshegs pa dang/ bdud btul ba dang/ mngon par 'tshang rgya ba dang/ gsol ba btab pa dang/ chos kyi 'khor lo chen po bskor ba dang/ mya ngan las 'das pa'i don du nye bar 'gro ba'o/ /zhes pa ni gsum pa'o/ /gsum
 pa la sogs pa'i smon lam lnga ni sems can yongs su smin par bya ba'i ched du ste/ bsam pa ci 'dra ba dang/ sems ci 'dra ba dang/ sems can gang dang gang na gnas pa dang/ ci ltar gyur pa sems can yongs su smin par byed pa smon lam
 lngas rim pa bzhin du bstan pa'o/ /de la bsam pa'i sgo nas sems can yongs su smin par byed pa ni dga' ldan gyi pho brang na bzhugs pa la sogs pa thabs la mkhas pa'i rang bzhin yin pas so/ /tshig gi don ni go sla'o/ /de bzhin du
 byang chub sems dpa' thams cad kyi spyod pa dang/ pha rol tu phyin pas bsdus pa'i sa yongs su sbong ba'i yan lag dang nye ba'i yan lag dang bcas pa'i yongs su spyad pa la gdams ngag dang/ rjes su bstan pa'i 'bogs pa'i don du nye bar bstan
 pa'i sems bskyed pa grub pa'i phyir zhes pa ni bzhi pa'o/ /sa yongs su sbyod ba ni mngon rtogs su shes par bya'o/ /rjes su bstan pa ni gdam sngag thob pa de yongs su bsrung ba'o/ /de bzhin du khams dang/ 'gro ba dang/ skye gnas dang/ rigs
 la gnas pa'i ming dang/ gzugs kyis bsdus pa'i sems can gyi khams ma lus pa yongs su smin par bya ba dang/ sangs rgyas kyi chos la gzung ba dang/ 'gro ba grangs kyis yongs su mi chod pa thams cad mkhyen pa'i ye shes la dgod
 pa'i phyir zhes pa ni lnga pa'o/ /de bzhin du 'jig rten gyi khams yangs pa dang/ dog pa dang/ rgya chen po dang/ tshad med pa dang/ phra ba dang/ che ba dang/ snel gzhi dang/ rtse mo dang bral zhing gzhi mnyam pa dang/ rab tu 'jug pa la yang dag par gzhol ba
 dang ldan pa dang/ mig 'phrul gyi rnam pa ltar phyogs bcu'i rnam pa tha dad pa ma lus pa'i rnam pa 'jug pa rnam par phye ba'i ye shes khong du chud cing mngon du 'gyur bar bya ba'i phyir zhes pa ni drug pa'o/ /de la ji ltar rigs par yangs pa dang/ dog
 pa dang/ rgya chen po ni stong gcig dang/ stong gnyis dang/ stong gsum gyi stong chen po 'jig rten gyi khams la shes par bya'o/ /de la stong gi 'jig rten gyi khams ni dzam bu'i gling dang/ shar gyi lus 'phags dang/ ba lang spyod dang/ byang gi sgra
 mi snyan stong dang/ nyi ma dang zla ba stong dang/ ri rab stong dang/ rgyal chen bzhi nas gzhan 'phrul dbang byed kyi bar stong dang/ tshangs pa'i 'jig rten stong la stong spyi phung kyi 'jig rten gyi khams zhes bya'o/ /stong spyi phud kyi 'jig rten gyi khams
 stong la stong gnyis pa bar ma'i 'jig rten gyi khams zhes bya'o/ /stong gnyis pa bar ma'i 'jig rten gyi khams stong la stong gsum gyi stong chen po'i 'jig rten gyi khams zhes bya'o/ /tshad med pa ni sems can mdza' yas pa'o/ /phra ba ni
 gang na yid kyi rang bzhin gyi lus yod pa'o/ /che ba ni yid kyi rang bzhin gyi lus yod pa'o/ /snrel gzhi ni rim pa ma yin par gnas pa'o/ /rtse mo dang bral zhing gzhi mnyam pa ni khang khyim gyi dbye bas ma byas pa'o/ /rab tu 'jug pa la
 yang dag par gzhol ba ni khang khyim gyi dbyibs byas pa'o/ /'di ni 'jig rten gyi khams spyi'i mtshan nyid do/ /mig 'phrul gyi rnam pa lta bu ni 'jig rten gyi khams thams cad las kyi sgyu ma'i rang bzhin yin pas mig 'phrul gyi rnam pa lta bu'o/ 
 'di ni 'jig rten gyi khams kyi don dam pa'i mtshan nyid do/ /phyogs bcu'i rnam pa tha dad pa ma lus pa'i rnam pa la 'jug pas rnam par phye ba'i zhes pa ni phyogs bcu na gnas pa'i 'jig rten gyi khams ma lus pa tha dad pa yod pa
 thams cad ye shes kyi sgo nas rnam par phye ba gang yin pa'o/ /'di ni 'jig rten gyi khams rnams kyi tshad med pa'i mtshan nyid do/ /de la don dam pa'i mtshan nyid la smon pa ni ye shes kyi khong du chud par bya ba'i don du smon pa'o/ /spyi dang tshad med
 pa'i mtshan nyid la smon pa ni sngon du gyur pa'i don du smon pa'o/ /'di'i don ni 'di yin te/ kun rdzob dang don dam pa'i mtshan nyid can 'jig rten gyi khams ma lus pa shes nas der gnas te/ sems can rnams smin par bya'o/ /zhes pa'o/ /de
 bzhin du zhing thams cad zhing gcig tu yang dag par gzhol bar bya ba dang/ zhing gcig zhing thams cad du yang dag par gzhol bar bya ba dang/ yongs su sbyang ba dang/ sangs rgyas kyi zhing tshad med pa 'od mang po'i rgyan gyis rab tu brgyan par bya ba
 dang/ kun nas nyon mongs pa thams cad bsal bas yongs su dag pa'i lam dang ldan pa dang/ sems can ye shes kyi 'byung gnas tshad med pas yongs su gang ba'i sangs rgyas kyi yul rgya chen po la yang dag par gzhol zhing khong du chud par bya ba dang/
 bsam pa'i tshul bzhin du sems can rnams la yang dag par bstan cing shin tu tshim par bya ba'i phyir zhes pa ni bdun pa'o/ /'dis ni sangs rgyas kyi zhing yongs su dag par ston pa yin no/ /de yang rnam pa bdun te/ thun mong pa nyid kyi rnam par dag pa ni zhing
 thams cad zhing gcig tu yang dag par gzhol bar bya ba dang zhes pas bstan to/ /yongs su sbyang ba dang zhes pa ni dbang nyid yongs su dag pa'o/ /sangs rgyas kyi zhing tshad med pa 'od mang po'i rgyan gyi rab tu brgyan par bya ba dang/ rab tu dang bskyed par
 byed pa'i rnam par dag pa ste/ 'od kyi rgyan dang dbyibs kyi rgyan gyis so/ /kun nas nyon mongs pa thams cad bsal bas yongs su dag pa'i lam dang ldan pa dang zhes pa ni yongs su longs spyod pa rnam par dag pa'o/ /sems can ye shes kyi 'byung gnas med pa yongs su
 gang ba'i zhes pa ni der gnas pa'i sems can gyi yongs su dag pa'o/ /sangs rgyas kyi yul rgya chen po la yang dag par gzhol zhing khong du chud par bya ba dang zhes pas ni rgyu'i rnam par dag pa ste/ sangs rgyas kyi yul du gyur pa'i sbyin pa la sogs pa la
 gzhol bas so/ /bsal ba'i tshul bzhin du sems can rnams la yang dag par bstan cing shin tu tshim pa'i zhes pas ni 'bras bu'i rnam par dag pa bstan te/ de la yang dag par bstan pa ni ye shes kyis so/ /shin tu tshim par byed pa ni mthu'i sgo nas so//
 de bzhin du sangs rgyas dang byang chub sems dpa' thams cad dang bsam pa gcig ba'i sbyor ba dang/ mtshungs pa med pa'i dge pa'i rtsa ba thams cad la sogs pa dang/ sangs rgyas dang byang chub sems dpa' thams cad dang/ rtag tu rgyun mi 'chad
 par 'grogs shing mi 'bral ba dang/ sangs rgyas 'byung ba ji ltar ston pa dang/ rang gi sems bskyed pa de bzhin gshegs pa thams cad kyi mthu dang ye shes khong du chud par bya ba dang/ mnyam zhing rjes su 'brang ba'i mngon par shes pa thob par bya ba
 dang/ 'jig rten gyi khams thams cad tu rnam par bsgyur bar bya ba dang/ sangs rgyas kyi dkyil 'khor du snang ba thob pa dang/ theg pa chen po bsam gyis mi khyab pa dang ldan pa'i byang chub sems dpa' i spyod pa thams cad spyod pa rgyun mi 'chad pa'i phyir zhes pa ni brgyad
 pa'o/ /brgyad pa la sogs pa smon lam gsum ni bdag nyid kyis yongs su spyod pa'i don du'o/ /de la bsam pa gcig pa'i sbyor ba dang zhes pa ni theg pa gzhan la mi reg pas theg pa chen po la 'jug pa'i phyir ro/ /gzhan ni go sla'o/ /de
 bzhin du phyir mi ldog pa'i 'khor lo la yang dag par gnas shing byang chub sems dpa' i spyod pa spyad pa dang/ lus dang ngag dang yid kyi las don yod par bya ba dang/ mthong ma thag tu sangs rgyas kyi chos gdon mi za bar thob par
 bya ba dang/ dbyangs brjod ma thag tu sangs rgyas kyi mthu dang ye shes khong du chud par bya ba dang/ mthong ba'i de ma thag tu dad par 'gyur ba dang/ nyon mongs pa phyir bzlog par bya ba dang/ rten sman gyi rgyal po chen po lta bu rab tu thob par bya ba dang
 lus yid bzhin gyi nor bu lta bu thob par bya ba dang/ byang chub sems dpa' i spyod pa thams cad spyad pa'i phyir zhes pa ni dgu pa'o/ /de la mthong ma thag tu zhes bya ba la sogs pa'i tshig gsum gyis lus kyi la sogs pa'i bya ba bstan no//
 rang nyid sdug bsngal dang 'phongs pa'i sdug bsngal dang bral bar bya ba'i phyir sman gyi rgyal po chen po lta bu dang/ yid bzhin gyi nor bu lta bu zhes gsungs so/ /de bzhin du 'jig rten gyi khams thams cad du bla na med pa yang dag par rdzogs
 pa'i byang chub tu mngon par rdzogs par sangs rgyas pa'i don du dang/ byis pa'i lam gcig las ma log pa'i byis pa'i lam thams cad skye ba len pa dang/ gzhon nu rol rtsed dang/ btsun mo'i 'khor gyi nang du 'jug pa dang/ nges par 'byung
 ba dang/ bka' ba spyod pa dang/ byang chub kyi snying por gshegs pa dang/ bdud btul ba dang/ mngon par rdzogs sangs rgyas pa dang/ gsol ba 'debs pa dang/ chos kyi 'khor lo chen po bskor ba dang/ yongs su mya ngan las 'das pa
 chen po bstan pa'i ched du sangs rgyas kyi spyod yul gyi mthu chen ye shes kyi rjes su 'brang bar bya ba'i tshad du chos kyi dbyings kyis klas pas rgya che ba dang/ nam mkha' i khams kyi mthar thug pa/ phyi ma'i mdza' i mur thug ba/ bskal ba'i
 grangs thams cad sangs rgyas grangs su 'byung ba la rgyun mi 'chad pa'i ye shes chen po mngon par zhen pa'i don du smon lam chen po 'debs pa ni bcu pa'o/ /de la byis pa'i lam ni gdul bya byis pa rnams kyi gnas yin pas gtso bo'i dbang du byas nas
 byis pa'i lam ni dzam bu'i gling ngo/ /des na dzam bu'i gling gcig tu mngon par rdzogs par sangs rgyas pa'i dus su dzam bu'i gling thams cad tu mngon par rdzogs par sangs rgyas par ston no/ /zhes pa'i tha tshig go /mthu chen po ni 'jig rten gyi
 khams gzhan dag tu gdul bya sems can la bden pa ston pa'i don du'o/ /ye shes kyi rjes su 'brang ba ni chos kyi bdag med pa'i rnam pas chos gcig mngon par rtog pa'i sgo nas chos thams cad rang bzhin gyis zhi pa'o/ /zhes lhag par mos
 pas so/ /chos kyi dbyings kyi klas pa rgya che ba ni gsung gcig brjod pas mos pa sna tshogs pa'i sems can rnams kyis dus gcig tu rang rang gi sems la go bar byed pas so/ /smon lam chen po bcu pa bstan zin to/ /sogs pa ni bcu po dang
 'dra ba gzhan rnams so/ /smon lam 'bum phrag grangs med pa bcu po gang dag zhes pa la/ de la gcig ni gnas gcig go /bcu ni gnas gnyis so/ /brgya ni gnas gsum mo/ /de ltar bsgres pa'i bcu 'gyur tu bsgres pa'i gnas drug cu
 bar gang slebs pa de la grangs med pa zhes bya'o/ /de lta bu'i smon lam 'bum phrag grangs med pa phrag bcu sa dang po rab tu dga' ba'i byang chub sems dpa' 'debs par byed do/ /sems dang po bskyed pa zhes pa ni 'jig rten las 'das pa'i
 sems dang po bskyed pa'o/ /de dag ni zhes bya ba la sogs pa ni/ gang yang dus gsum gshegs pa rgyal ba yi/ /byang chub spyod pa'i smon lam bye brag rnams/ /bzang por spyod pa byang chub sangs rgyas rnams/ /de kun ma lus bdag gis rdzogs
 par bgyi/ /zhes bya ba la sogs pa'i kun tu bzang po'i smon lam gyi nang du smon lam 'di rnams 'dus pa yin no/ /de nyid kyi phyir/ smon lam ma lus pa zhes bya ba la sogs pa smos so/ /da ni nyan thos kyi theg par zhugs
 pa rnams kyi the tshom bsal bar bya ba'i phyir nyan thos kyis bstan pa'i sgo nas sa'i rnam par dbye ba bstan par bya ba'i don du de la ji ltar zhes bya ba la sogs pa smos te/ de la nyan thos kyi theg pa zhugs pa dang/ 'bras bu lam la gnas
 pa'i dbye bas zhes bya ba ni rgyun tu zhugs pa'i 'bras bu la sogs pa thob par bya ba'i don du sgrub par byed pa'i rgyun tu zhugs pa dang/ rgyun tu zhugs pa la sogs pa'i 'bras bu'i lam la gnas pa'i dbye bas so/ /'di'i don ni nyan thos
 kyi lam 'dir 'dod chags dang/ khong khro dang/ nga rgyal dang/ ma rigs pa dang/ the tshom ste lnga dang/ lta ba la yang sngar bstan pa'i rnam par dbye ba rnam pa lngar bya ste/ bcur 'gyur ba yin no/ /de yang mthong bas spang bar bya ba dang/
 bsgom pas spang bar bya ba'o/ /de la 'dod pa'i khams na sdug bsngal mthong bas spang bar bya ba bcu dang/ 'jig tshogs la lta ba dang/ mthar 'dzin pa'i lta ba dang/ tshul khrims dang brtul zhugs mchog tu 'dzin pa ma gtogs
 pa'i nyon mongs pa bdun bdun ni kun 'byung dang 'gog pa mthong bas spang bar bya ba yin la/ 'jig tshogs la lta ba dang/ mthar 'dzin pa'i lta ba ma gtogs pa nyon mongs pa gzhan brgyad ni lam mthong bas spang bar bya'o//
 de ltar 'dod pa'i khams na bden pa bzhi mthong bas spang bar bya ba'i phra rgyas sum cu rtsa gnyis so/ /gzugs kyi khams na bden pa bzhi mthong bas spang bar bya ba'i khong khro'i rnam pa bzhi med pas bden pa bzhi mthong bas spang bar bya
 pa'i phra rgyas nyi shu rtsa brgyad do/ /de bzhin du gzugs med pa'i khams na yang nyi shu rtsa brgyad yin pas khams gsum na mthong bas spang bar bya ba'i phra rgyas brgyad cu rtsa brgyad do/ /'dod chags dang/ khong khro dang/ /nga rgyal dang/ ma rig pa ste/ bzhi
 ni 'dod pa'i khams na bsgom pas spang bar bya ba yin no/ /bzhi po de nyid la khong khro ba ma gtogs pa'i gsum ni gzugs kyi khams na bsgom pas spang bar bya ba'o/ /de bzhin du gzugs med pa'i khams na yang gsum yin pas na bsgoms
 bas na spang bar bya ba bcur 'gyur ba yin no/ /de ltar bsdoms na phra rgyas dgu bcu rtsa brgyad tu 'gyur ba yin no/ /de ltar bsdoms nas spang bar bya ba rnams kyi gnyen po ni mthong ba'i lam ste/ de yang sdug bsngal la chos shes pa la sogs
 pa'i dbye ba skad cig ma bcu drug go /de la khams gsum pa'i sdug bsngal mngon par rtogs pa ni bzod pa dang shes pa'i skad cig ma bzhi 'byung bar 'gyur ro/ /'di lta ste/ 'dod pa'i khams kyi brgya phrag bcu'i gnyen po mi rtag pa dang/ sdug
 bsngal ba dang/ stong pa dang/ bdag med pa'i rnam pa can 'dod pa ni spyod pa'i sdug bsngal gyi bden pa la dmigs pa bar chad med pa'i lam gyi mtshan nyid can sdug bsngal la chos shes pa'i skad cig ma ni dang po'o/ /de la sngar med pa
 dang/ phyis med pas mi rtag pa'i rnam pa'o/ /'du byed kyi sdug bsngal gyis 'phags pa rnams dang mi mthun pa'i phyir sdug bsngal gyi don gyi rnam pa'o/ /nang gi bdag nyid can byed pa'i bdag nyid can gyi skyes bu dang bral ba'i phyir stong pa'i rnam
 pa'o/ /phung po rnams la bdag gi mtshan nyid med pa'i phyir bdag med pa'i rnam pa'o/ /rnam pa 'di rnams ni rtag pa dang bde ba dang/ bdag gi ba dang/ bdag tu lta ba la spyod pa rnams kyi gnyen po nyid du shes par bya'o/ /de bzhin du dmigs
 pa dang rnam pa de nyid dang ldan pa'i rnam par grol ba'i lam gyi mtshan nyid can sdug bsngal la chos shes pa ni skad cig ma gnyis pa'o/ /de bzhin du khong khro ba ma gtogs pa'i nyon mongs pa de rnams kho na gzugs med pa'i
 sdug bsngal mthong bas spang bar bya ba'i phra rgyas bco brgyad kyi gnyen po sdug bsngal la sogs pa'i rnam pa can bar chad med pa'i lam gyi mtshan nyid can sdug bsngal la rjes su shes pa'i bzod pa'i skad cig ma ni gsum mo/ /de'i rnam pa dang
 dmigs pa can nyid kyi rnam par grol ba'i lam gyi mtshan nyid can sdug bsngal la rjes su shes pa'i skad cig ma ni bzhi pa'o/ /ji ltar khams gsum pa'i sdug bsngal gyi bden pa rtogs pa la bzod pa dang/ shes pa bzhi yod pa de
 bzhin du 'dod pa na spyod pa'i kun 'byung mthong bas spang bar bya ba'i phra rgyas bdun gyi rgyu dang kun 'byung ba dang/ rab tu skye ba dang/ rkyen gyi rnam pa can 'dod pa na spyod pa'i kun 'byung gi bden pa la dmigs pa bar chad med pa'i lam gyi
 mtshan nyid can kun 'byung ba la chos shes pa'i bzod pa'i skad cig ma ni dang po'o/ /de la 'du byed thams cad ni rgyu med pa yin no snyam pa'i lta ba la spyod pa rnams kyi gnyen po ni rgyu'i gnyen po'i rnam pa'o/ /dbang phyug la sogs pa
 rgyu gcig pu'o snyam pa'i lta ba la spyod pa rnams kyi gnyen po ni kun 'byung gi rnam pa'o/ /yongs su 'gyur ba'i lta ba la spyod pa rnams kyi gnyen po ni rab tu skye ba'i rnam pa ste/ sngar med pa 'byung ba rab tu skye ba yin gyi/ yongs su 'gyur
 ba ni ma yin pas so/ /blo sngon du 'gro ba'i lta ba la spyod pa rnams kyi gnyen po ni rkyen gyi rnam pa ste/ blo sngon du 'gro ba can ma yin pa'i phyir rkyen zhes brjod pas so/ /de bzhin du dmigs pa dang/ rnam pa de nyid dang ldan pa'i rnam par grol
 pa'i lam gyi mtshan nyid can kun 'byung la chos shes pa'i skad cig ma ni gnyis pa'o/ /de bzhin du gzugs dang gzugs med pa na kun 'byung gi bden pa la dmigs pa bshad ma thag pa'i khong khro ma gtogs pa'i phra rgyas bcu gnyis kyi gnyen po'o/ /de'i
 rnam pa dang ldan pa bar chad med pa'i lam gyi mtshan nyid can kun 'byung ba la rjes su shes pa'i bzod pa'i skad cig ma ni gsum pa'o/ /dmigs pa dang rnam pa de nyid dang ldan pa'i kun 'byung la rjes su shes pa'i bzod pa'i skad cig ma ni bzhi pa'o/ /de bzhin
 du 'dod pa na spyod pa'i sdug bsngal la 'gog pa mthong bas spang bar bya ba phra rgyas bdun gyi gnyen po 'dod pa na spyod pa'i sdug bsngal 'gog pa la dmigs pa 'gog pa dang/ zhi ba dang/ gya nom pa dang/ nges par 'byung ba'i rnam pa dang ldan pa bar
 chad med pa'i lam gyi mtshan nyid can 'gog pa la chos shes pa'i bzod pa'i skad cig ma ni dang po'o/ /skye ba'i rgyun la thar pa med do snyam pa'i lta ba la spyod pa rnams kyi gnyen po ni 'gog pa'i rnam pa'o/ /yul la nye bar longs spyod pa med
 pa'i phyir dbang po rnams nyams par 'gyur bas thar pa ni sdug bsngal ba'o snyam pa'i lta ba la spyod pa rnams kyi gnyen po ni zhi ba'i rnam pa'o/ /bsam gtan gyi bde ba kho na gya nom pa'o snyam pa'i lta ba la spyod pa rnams kyi gnyen po na gya nom
 pa'o/ /yang nas yang du nyams par gyur bas thar pa rten du ma yin no snyam pa'i lta ba la spyod pa rnams kyi gnyen po rnams ni nges par 'byung ba'i rnam pa'o/ /dmigs pa dang rnam pa de nyid dang ldan pa'i rnam par grol ba'i lam gyi mtshan
 nyid can sdug bsngal 'gog pa la chos shes pa'i skad cig ma ni gnyis pa'o/ /rnam pa de nyid kyis gzugs dang gzugs med pa'i spyod pa'i sdug bsngal 'gog pa la dmigs pa'i khong khro ba ma gtogs pa'i phra rgyas bcu gnyis kyi gnyen po bar chad
 med pa'i lam gyi mtshan nyid can gzugs dang gzugs med pa na spyod pa'i sdug bsngal 'gog pa la rjes su shes pa'i bzod pa'i skad cig ma ni gsum pa'o/ /dmigs pa dang rnam pa de nyid dang ldan pa'i rnam par grol ba'i
 lam gyi mtshan nyid can gzugs med pa na spyod pa'i sdug bsngal 'gog pa la rjes su shes pa'i skad cig ma ni bzhi pa'o/ /de bzhin du 'dod pa'i khams na spyod pa'i sdug bsngal 'gog par 'gro ba'i lam mthong bas spang bar bya ba'i phra rgyas
 brgyad kyi gnyen po lam dang/ rigs pa dang/ sgrub pa dang/ nges par 'byin pa'i rnam pa can 'dod pa'i khams na spyod pa'i sdug bsngal 'gog par 'gro ba'i lam la dmigs pa bar chad med pa'i lam gyi mtshan nyid can lam la chos
 shes pa'i bzod pa'i skad cig ma ni dang po'o/ /de la lam med do snyam pa'i lta ba la spyod pa rnams kyi gnyen po ni lam gyi sgom pa'o/ /lam ngan pa'o snyam pa'i lta ba la spyod pa rnams kyi gnyen po ni rig pa'i rnam pa'o/ /lam gzhan
 yang yod pa yin no snyam pa'i lta ba la spyod pa rnams kyi gnyen po ni sgrub pa'i rnam pa ste de nyid nges pa'i phyir ro/ /lam yang ldog pa yin no snyam pa'i lta ba la spyod pa rnams kyi gnyen po ni nges par 'byin pa'i rnam pa'o/ /dmigs pa dang
 rnam pa de nyid dang ldan pa rnam par grol ba'i lam gyi mtshan nyid can lam la chos shes pa'i skad cig ma ni gnyis pa'o/ /rnam pa de nyid kyis gzugs dang gzugs med pa na spyod pa'i sdug bsngal 'gog par 'gro ba'i lam la dmigs
 pa phra rgyas bcu bzhi'i gnyen po'i bar chad med pa'i lam gyi mtshan nyid can lam la rjes su shes pa'i bzod pa'i skad cig ma ni gsum pa'o/ /skad cig ma bco lnga po 'di rnams la mthong ba'i lam zhes brjod par bya'o/ /skad cig ma
 bco lnga po 'di rnams la gnas na rgyun tu zhugs pa'i 'bras bu mngon du byed pa'i don du zhugs pa zhes bya'o/ /dmigs pa dang rnam pa de nyid dang ldan pa rnam par grol ba'i lam gyi mtshan nyid can gzugs dang gzugs med pa na spyod pa'i sdug bsngal 'gog par
 'gro ba'i lam la rjes su shes pa'i skad cig ma ni bzhi pa'o/ /de la skad cig ma bcu drug pa'o/ /de la gnas na rgyun du zhugs pa zhes bya'o/ /bsgom pas spang bar bya ba phra rgyas rnam pa bcu po rnams sngar bzhin du sa re re la rnam pa dgu dgu yin
 pas rnam pa brgyad cu rtsa gcig tu rnam par gnas pa yin la/ rnam pa re re'i gnyen por gyur pa'i lam la bar chad med pa dang/ rnam par grol ba'i lam gyi rang bzhin nyid gnas pa yin pas zhugs pa dang 'bras bu'i rnam bzhag bya'o/ /de la
 skad cig ma bcu drug la gnas pa'i 'phags pa la gang gi tshe bsgom pas spang bar bya ba'i rnam pa gcig nas brtsams te rnam pa lnga pa'i bar spangs par gyur na de'i tshe lan cig phyir 'ong ba'i 'bras bu la zhugs pa zhes bya'o/ /de nyid kyi gang gi tshe
 bsgom pas spang bar bya ba'i rnam pa drug pa spangs pa de'i tsha lan cig phyir 'ong ba zhes bya'o/ /de nyid kyi phyir gang gi tshe bsgom pas spang bar bya ba rnam pa bdun dang/ brgyad pa spang bar gyur na de'i tshe phyir mi 'ong ba'i 'bras bu la zhugs pa zhes bya'o//
 gang gi tshe de nyid bsgom pas spang bar bya ba'i rnam pa dgu pa spangs pa de'i tshe phyir mi 'ong ba zhes bya'o/ /gang gi tshe de nyid kyi bsam gtan dang po'i rnam pa gcig spangs pa nas brtsams te/ srid rtse'i rnam pa brgyad pa'i bar spangs pa dang/ rnam pa
 dgu pa spangs pa'i bar chad med pa'i lam la gnas na yang dgra bcom pa'i 'bras bu la zhugs pa zhes bya'o/ /rnam pa dgu pa spangs nas rnam par grol ba'i lam la gnas na dgra bcom pa zhes brjod par bya'o/ /de ltar zhugs pa dang/ 'bras bu'i lam
 la gnas pa'i dbye bas nyan thos kyis brgyad du rnam par bzhag par bya'o/ de bzhin du theg pa chen por yang byang chub sems dpa' rnams kyi byang chub sems dpa' i sa bcu yin no/ /zhes bya ba ni ji ltar lam la gnas pa'i dbye ba
 la brten nas nyan thos kyi sa brgyad du rnam par 'jog pa de bzhin du lam la brten nas byang chub sems dpa' i sa yang rnam pa bcur rnam par bzhag par bya'o/ /des na theg pa chen po la som nyid za bar mi bya'o/ /mthong ba'i lam gyi sngar gyi gnas
 skabs dang 'dra ba nyid yin no/ /zhes bstan par bya ba'i phyir/ yang ji ltar zhes bya ba la sogs pa smos te/ nges par 'byed pa'i cha dang mthun pa'i gnas skabs skyes pa zhes bya ba ni drod dang/ rtse mo dang/ bzod pa dang/ 'jig rten chos
 kyi mchog gnas skabs gang las skyes pa'o/ /de la rim pa ni 'di yin te/ bden pa mthong bar 'dod pas dang po so sor thar pa'i sdom pa bsrung bar bya dgos so/ /de nas bden pa mthong ba dang rjes su mthun pa'i chos nyan par byed do/ /thos
 nas phyin ci ma log par sems par byed do/ /bsams nas ting nge 'dzin bsgom pa la rab tu sbyor bar byed do/ /bsgom pa de yang 'du 'dzi dang/ mi dge ba'i rnam par rtog pa las dben na 'grub par 'gyur ba yin no/ /de la grogs med par gnas
 pas na 'du 'dzis dben pa'o/ /'dod chags dang/ gnod sems dang/ rnam par 'tshe ba'i rnam par rtog pas spangs pa ni mi dge ba'i rnam par rtog pas dben pa'o/ /dben pa gnyis po 'di yang gang la gya nom pa ma yin pa dang/ mang po
 ma yin pa rnyed pas yid mi bde ba med pa dang/ gya nom pa dang/ mang po ma rnyed pa la 'dod pa med pa de la 'grub pa yin no/ /de ltar bsgom pa'i snod du gyur pas dang po zhi gnas bsgom par bya'o/ /zhi gnas bsgom pa la yang gang zag
 gnyis te/ 'dod chags la spyod pa dang/ rnam par rtog pa la spyod pa dang/ de la gang 'dod chags la spyod pa des mi sdug pa bsgom pa'i sgo nas zhi gnas bskyed par bya'o/ /gang rnam par rtog pa la spyod pa des dbugs rdub pa dang/ 'byung ba dran pas zhi?
 gnas bskyed par bya ste/ mi sdug pa kha dog dang dbyibs la dmigs pa'i phyir rnam par rtog pa mi spong bas so/ /de la mi sdug pa bsgom pa la gsum ste/ las dang po pa dang/ yongs su sbyang ba byas pa dang/ yid la byed pa rdzogs pa'o/ /de la las dang
 po pa ni dang po nyid du lus kyi rkang pa'i mthe bong la sogs pa la dmigs pa yin la/ phyis de nyid du rul zhing myags te ltung bar mos pa bya te/ rus bar rnam sbyong zhing rim gyis rang gi lus thams cad keng rus kyi rang bzhin du lta bar byed do/ /de bzhin
 du gnyis pa la yang lhag par mos par byas te gtsugs lag khang dang/ kun dga' ra ba dang/ grong dang/ zhing gi rim gyi rgya mtsho'i mthas klas pa'i bar gyis sa gzhi rus pa'i keng rus kyis gang ba mos pa 'phel bar bya ba'i don du med par byed do//
 yang sdug pa ni sems bsdu bar bya ba'i phyir bdag gcig pu kho na la rus pa'i keng rus su mod par byed do/ /'di tsam gyis ni mi sdug pa yongs su rdzogs pa yin no/ /'di ni las dang po'o/ /de sems bsdus pa khyad par du bya ba'i phyir rus pa'i keng
 rus de las rkang pa'i rus pa rnams por nas lhag ma yid la byed cing de bzhin du thod pa'i phyed por nas thod pa phyed kyi bar yid la byed pa 'di ni yongs su sbyang ba yin no/ /de thod pa phyed kyang bor nas smin ma gnyis kyi bar du sems 'dzin par byed pa 'di ni
 mi sdug pa yid la byed pa rdzogs pa'i rnal 'byor pa yin no/ /dbugs rdub pa dang/ 'byung ba dran pa ni gang rlung nang du 'jug pa ni dbugs rdub pa'o/ /rlung 'byung ba gang yin pa ni dbugs 'byin pa ste/ de dag dran pa'o/ /de ni shes rab kyi rang
 bzhin yin du zin kyang dran pa zhes bya ste/ dran pa'i stobs kyis 'jug pa'i phyir ro/ /dbugs rdub pa dang dbugs 'byung ba ste yang bgrang ba la sogs pa rnam pa drug tu 'gyur te/ bgrang ba dang/ rjes su grang ba dang/ 'jog pa
 dang/ nye bar 'jog pa dang/ bskyur ba dang/ yongs su dag pa'o/ /de la bgrang ba ni dbugs rdub pa dang/ dbugs 'byung ba dag la sems gtad nas mngon par 'du bya ba med par lus dang sems rnal du bzhag ste dran pa tsam gyis gcig dang
 gnyis nas bcu'i bar du bgrang bar byed pa ste/ sems mngon par sdud pa dang/ rnam par g.yeng bar dogs pas ha cang mang ba dang/ nyung du ni ma yin no/ /de la dang po dbugs rdub pa bgrang zhing phyis 'byung bar dran par bya'o/ /de la skyon ni
 gsum yod de/ gal te gnyis la gcig tu 'dzin na ma tshang par bgrang ba'i skyon no/ /gal te gcig la gnyis su 'dzin na ni lhag par bgrang ba'i skyon no/ /gal te dbugs rdub pa la 'byung bar 'dzin tam/ dbugs 'byin pa la rdub
 bar 'dzin na 'chol bar bgrang ba'i skyon no/ /de las gzhan pa ni yang dag pa'i bgrang ba yin no/ /bar skabs su sems rnam par g.yeng na'ang mog nas ji srid tu ting nge 'dzin ma thob kyi bar du bgrang bar bya'o/ /rjes su 'gro ba zhes bya ba
 ni 'di dag ji srid cig tu 'byung dam 'jug /ci 'di dag lus thams cad la khyab pa dag gcig gam/ phyogs 'ga' zhig na rgyu ba dag gcig yin zhes mngon par 'du bya ba med par dbugs rdub pa dang/ dbugs 'byung ba'i rjes su
 'gro ba ste/ de 'jug pa na lkog ma dang/ snying kha dang/ lte ba dang/ rked pa dang/ brla dang/ byin par 'jug pa'i rims kyis rkang pa gnyis kyi bar du rjes su 'gro la/ 'byung ba na mtho gang dang/ 'dom gyi bar du 'byung ngo/ /gzhan dag na re rlung
 gi dkyil 'khor dang/ rnam par mthor byed kyi rlung gi bar du'o/ /zhes zer te/ 'di ni de kho na nyid yid la byed pa yin pa'i phyir rigs pa ma yin no/ /'jog pa zhes bya ba ni nor bu'i thag pa bzhin du sna'i rtse mo nas rkang ba'i mthe bo'i bar du gnas par lta
 zhing ci 'di dag phan 'dogs par byed pa zhig gam/ gnod par byed pa zhig gam/ grang ngam dro ba dag cig ces rtog pa'o/ /nye bar rtog pa ni 'di dag ni rlung 'ba' zhig ma yin gyi/ 'byung ba chen po bzhi po 'di dag kyang 'byung ba dag la mngon par 'grub
 pas rgyur byas pa'i gzugs dang/ de dag las byung ba sems dang sems las byung ba rnams kyang yod do/ /zhes phung po lngar nye bar brtag par byed pa'o/ /bsgyur ba zhes pa ni rlung la dmigs pa'i blo bsgyur te/ chos kyi mchog gi bar du gong nas gong du dge
 ba'i rtsa ba rnams la yang dag par spyod pa'o/ /yongs su dag pa ni mthong ba'i lam la sogs pa la 'jug pa'o/ /gzhan dag na re bsgyur ba ni dran pa nye bar gzhag pa nas rdo rje lta bu'i ting nge 'dzin gyi bar yin la/ rnam par dag pa ni zad pa shes pa
 la sogs pa yin no zhes zer ro/ /de ltar mi sdug pa dang/ dbugs rdub pa dang/ 'byung ba dran pa bsgoms nas zhi gnas rdzogs pas lhag mthong bsgrub par bya ba'i don du dran pa nye bar gzhag pa bsgom par bya ste/ de la dran pa nye bar
 gzhag pa la sogs pa bzhi'o/ /de la lus ngan pa nye bar gzhag pa ni lus la rang dang spyi'i mtshan nyid kyi sgo nas spyod par byed pa'o/ /de la lus kyi rang gi mtshan nyid ni 'byung ba dang 'byung ba las gyur pa nyid do/ /spyi'i mtshan nyid ni mi
 rtag pa nyid la sogs pa'o/ /tshor ba dran pa nye bar gzhag pas ni tshor ba la rang dang spyi'i mtshan nyid kyi sgo nas spyod pa'o/ /de la rang gi mtshan nyid ni bde ba la sogs pa nyams su myong ba'i rang bzhin nyid do/ /spyi'i mtshan nyid ni mi rtag
 pa la sogs pa'o/ /sems dran pa nye bar bzhag pa ni sems la rang dang spyi la mtshan nyid kyi sgo nas spyod pa'o/ /de la sems kyi rang gi mtshan nyid ni yul la so sor rig pa'o/ /spyi'i mtshan nyid ni mi rtag pa nyid la sogs pa'o//
 chos dran pa nye bar gzhag pa ni chos la rang dang spyi'i mtshan nyid kyi sgo nas spyod pa'o/ /de la chos ni 'du shes dang/ 'du byed kyi phung po dang/ rnam par rig byed ma yin pa dang/ nam mkha' dang/ so sor brtags pa'i 'gog pa dang/ so sor
 brtags pa ma yin pa'i 'gog pa'o/ /de rnams kyi rang gi mtshan nyid ni/ mjid las shes par bya'o/ /spyi'i mtshan nyid ni 'dus byas rnams kyi mi rtag pa nyid dang/ chos thams cad kyi stong pa dang/ bdag med pa nyid do/ /dran pa nye bar
 gzhag pa 'di yang thos pa dang/ bsam pa dang/ bsgom pa las byung ba'i shes rab kyi rang bzhin can nyid du shes par bya'o/ /gang gi tshe chos dran pa nye bar gzhag pas lus la sogs pa rgyun gyi mi rtag pa dang/ sdug bsngal ba dang stong
 pa dang/ bdag med pa'i rnam pa bzhir lta ba de'i tshe drod dang rtse mo dang/ bzod pa dang/ 'jig rten chos kyi mchog gi rang bzhin can nges par 'byed pa'i cha dang mthun pa skye ba yin no/ /de thams cad kyang shes rab kyi rang bzhin can no/ /dmigs
 pa ni 'phags pa'i bden pa bzhi'o/ /rnam pa ni bcu drug ste/ de rnams kyang star bstan zin to/ /de la bden pa la dmigs pa'i shes rab la chung ngu dang/ 'bring dang/ chen po dang/ chen po'i chen po'i dbye ba rnam pa bzhi'o/ /de la chung
 du ni drod do/ /'breng ni rtse mo'o/ /chen po ni bzod pa'o/ /chen po'i chen po ni chos kyi mchog go /de ltar nyan thos kyi nges par 'byed pa'i cha dang mthun pa skyes su zin kyang ji srid sdug bsngal la chos shes pa'i bzod pa
 ma skyes pa de srid du rgyun du zhugs pa'i 'bras bu la zhugs pa zhes brjod par mi bya'o/ /de bzhin du byang chub sems dpa' yang 'gyur ba yin te zhes bya ba ni sdug bsngal la chos shes pa'i bzod pa ma skyes na rgyun tu zhugs pa'i 'bras bu la zhugs
 pa zhes mi bya'o/ /des na theg pa chen po sangs rgyas kyis gsungs pa ma yin no snyam pa'i som nyi za bar mi bya'o/ /don de nyid la dkon mchog sprin gyi mdo khungs bstan par bya ba'i phyir/ dkon mchog sprin gyi mdo las zhes bya ba la sogs pa smos
 te/ mos pa chen po'i yang chen pos spyod pa'i zhes bya ba ni 'jig rten chos kyi mchog gi gnas skabs so/ /de'i chos nyid ni de kho na nyid la shin tu lhag par mos pas don 'dzin par byed pa'i rnam par g.yeng ba mi snang ba'i ye shes kyi snang ba
 'grub pa gang yin pa'o/ /sa dang po de ma thag tu thob par gnas pa zhes bya ba ni chos kyi mchog gi gnas skabs ni sa dang po'i bar chad med pa'i lam gyis bsdus pa'i phyir ro/ /'di ni byang chub sems dpa' i byang chub kyi sems ma skyes pa'i
 so/ /zhes bya ba ni sdug bsngal la chos shes pa'i bzod pa la sogs pa ma skyes pa'o/ /de'i phyir rgyun tu zhugs pa la sogs pa'i 'bras bu la sogs pa ma yin pas byang chub sems dpa' yang de bzhin du 'gyur ba yin no/ /zhes gsungs
 pa de 'thad pa yin no/ /de ni rgyas par bstan par bya ba'i phyir/ mos pas spyod pa'i zhes bya ba la sogs pa smos te/ mos pas spyod pa'i skad cig de la gnas pa yang zhes bya ba ni chos kyi mchog gi gnas skabs kyi mos pa chen po'i yang
 skad cig ma la gnas pa gang yin pa'o/ /de la dpe bstan par bya ba'i phyir/ rigs kyi bu 'di lta ste zhes bya ba la sogs pa smos te/ mi'i mdogs las ni 'das la zhes bya ba ni mtshan bzang po sum cu rtsa gnyis dang ldan pa'i gser gyi kha dog
 dang ldan pa yin pas so/ /lha'i mdog ni ma thob pa yin te zhes bya ba ni lha'i kha dog dang mi ldan pa'i phyir ro/ /'jig rten pa dang/ nyan thos dang/ rang sangs rgyas kyi sa zhes bya ba ni bsam gtan dang po la sogs
 pa 'jig rten pa'i sa dang/ sngar bstan pa'i nyan thos kyi sa brgyad dang/ gang la gzung ba mi dmigs pa'i ye shes 'byung ba rang sangs rgyas kyis rnams so/ /shin tu 'das la zhes pa ni 'di rnams byang chub kyi sems dang/ snying rje la
 sogs pa zil gyis mnan nas gnas pa yin no/ /zhes pa'i tha tshig go /don dam pa'i byang chub sems dpa' i sa ni ma thob pa yin no/ /zhes bya ba ni gang gis chos thams cad kyi de kho na nyid mthong ba de ni don dam pa'i byang chub
 sems dpa' i sa yin la/ de yang sdug bsngal la chos shes pa'i bzod pa la brjod par bya'o/ /'dis ni chos kyi mchog gi gnas skabs na rgyun du zhugs pa'i 'bras bu la zhugs pa nyid ma yin par rgyas par brjod pa yin no/ /
 de ltar sa dang pos bsdus pa'i sems bskyed pa dang po'i mtshan nyid bstan nas/ yon tan bstan par bya ba'i phyir/ yang gang gi tshe zhes bya ba la sogs pa smos te/ gang gi tshe zhes bya ba ni sdug bsngal la chos shes pa'i bzod pa'i
 gnas skabs na'o/ /de nas bzung ste zhes bya ba ni sdug bsngal la chos shes pa'i bzod pa'i rang bzhin can gyi sems bskyed pa dang po nas brtsams nas so/ /de ni zhes bya ba ni ye shes thob pa'o/ /de thob gyur pa'i sa zhes bya ba ni
 don dam pa mngon du byed pa'i ye shes thob pas so/ /byang chub sems dpa' zhes bya ba la byang chub kyi sgra ni rtogs par bya ba'i stong pa nyid la brjod par bya'o/ /sems dpa' i na de la dmigs pa gang la yod pa de'o/ /don dam pa'i
 ye shes thob pas stong pa nyid la dmigs pa'i phyir ro/ /de 'brel pas bstan par bya ba'i phyir/ sems de thob pa ni zhes bya ba la sogs pa smos te/ sems de thob pa ni zhes bya ba ni don dam pa'i sems thob pa'o/ /so so'i skye bo'i sa las 'das pa'i gnas skabs
 su zhes pa ni mos pas spyod pa'i sa las 'das pa'i gnas skabs na'o/ rnam pa gzhan gyis ni ma yin te zhes bya ba ni so so'i skye bo'i sgras brjod par bya ba ma yin pa'o/ /de'i tshe zhes pa ni sems bskyed pa dang po thob dus su'o/ /de zhes bya ba
 ni sems bskyed pa dang po thob pa'o/ /'phags pa yin no/ /zhes bya ba ni so so'i skye bo'i sa las ring du song ba'i phyir ro/ /sems bskyed pa dang po thob pa'i gnas skabs su byang chub sems dpa' i sgra kho nas brjod par bya ba nyid yin pa la shes
 rab kyi pha rol tu phyin pa'i mdo khungs bstan par bya ba'i phyir/ ji skad du zhes bya ba la sogs pa smos te/ rjes su rtogs pa'i sems dpa' zhes bya ba ni gang la chos thams cad rang bzhin med par rtogs pa'i bsam pa yod pa'o/ /tshig bla dags zhes
 bya ba ni ming ngo/ /de nyid gsal bar bstan par bya ba'i phyir/ gang gi zhes bya ba la sogs pa smos te/ gang gis zhes bya ba ni byang chub sems dpas so/ /chos thams cad ces bya ba ni 'dus byas dang/ 'dus ma byas dag go /rjes su rtogs
 shing zhes pa ni shes pa'o/ /so so'i skye bo'i kyang chos thams cad shes pas de'i phyir/ ji ltar shes she na zhes bya ba smos so/ /lan ni ma byung ba dang zhes bya ba la sogs pa smos te/ rgyu re re la mi skye ba yang tshogs pa las skye'o/ /zhe na/
 yang dag par byung ba zhes bya ba smos te/ rgyu dang rkyen tshogs pa las kyang ma byung ba'o/ /ji ltar mi skye ba de slob dpon gyi le'u drug pa las 'chang bar 'gyur ro/ /gang gi phyir yang dag par mi 'byung ba de'i phyir log pa dang zhes smos so/ /de
 bshad pa ni de dag ces bya ba la sogs pa smos te/ byis pa rnams ni blun zhing thos pa dang mi ldan pas so/ /so so'i skye bo ni bden pa ma mthong ba'o/ /ji ltar byis pa so so'i skye bo chos rnams bden pa gnyis brtags pa de
 ltar ma yin pas log pa nyid yin no/ /zhes pa'i don to/ /rnyed pa de ltar ma yin pa ste zhes bya ba ni ji ltar byis pa so so'i skye bos bden pa rnyed pa de ltar ma yin par zhes pa'i don to/ /de'i phyir byang chub sems dpa' zhes bya'o/ /zhes bya ba ni chos
 thams cad yongs su ma byung ba'i rang bzhin yongs su mkhyen pa la byang chub sems dpa' zhes brjod par bya'o/ /chos thams cad stong pa nyid la byang chub ces brjod cing/ dngos por gyur pa rnams ci'i phyir byang chub ma yin snyam nas/ de ci'i
 phyir zhe na zhes bya ba smos te/ stong pa nyid kyi rang bzhin can byang chub yin pa de ci'i phyir zhes pa'o/ /de la lan ni byang chub ces bya ba la sogs pa smos te/ rnam par ma brtags pa ni rnam par rtog pa'i spyod yul ma yin pa'o/ /ma bsgrubs
 pa ni rnam par rtog pas ma skyod pa'o/ /dmigs pa med pa'i rnam par rtog pa'i shes pa'i spyod yul ma yin pas so/ /rnyed pa med pa nyid rgyas par bstan par bya ba'i phyir/ rab kyi rtsal gyis zhes bya ba la sogs pa smos te/ rab kyi rtsal
 gyis rnam par gnon pa zhes bya ba ni bod pa'i tshig go /de bzhin gshegs pas ni byang chub brnyes pa med de zhes bya ba ni bsgrub par bya ba bstan pa'o/ /chos thams cad ma brnyes pa'i phyir ro/ /zhes bya ba ni gtan tshigs so/ /'dir yang
 dngos po'i khyad par gyi rang bzhin byang chub brnyes pa nyid ni bsgrub par bya ba yin la chos thams cad ma brnyes pa ni spyi'i gtan tshigs su bkod pa'o/ /rnam par ma brtags pa la sogs pa gsum po bsgrub bar bya ba'i phyir/ chos thams
 cad ces bya ba la sogs pa smos te/ gal te thams cad rnam par rtog pa dang bcas pa dang/ rnam par rtog pa dang bral ba'i shes pas dmigs par gyur na de'i tshe rnam par rtog pa'i yul nyid dang/ rnam par rtog pas bsgrubs pa dang/ rnam par mi rtog
 pa'i shes pa'i yul nyid du gyur pa'i byang chub 'grub par 'gyur pa yin pa las de med pa'i phyir de yang med pa'o/ /'dir yang spyi sgrub par byed pa yin la/ bye brag bsgrub par bya ba'o/ /ma rnyed pa dang ma dmigs pa de yang/ rang las ma yin
 gzhan las min zhes bya ba la sogs pas dngos po rnams kyi rang bzhin bkag pa tsam gyis 'grub par 'gyur ro/ /de lta bu ni sangs rgyas kyi byang chub ces bya ba ni chos thams cad mi dmigs pa'i mtshan nyid can stong pa nyid kho na la byang chub
 ces brjod par bya'o/ /ji skad brjod pa ni ma yin no/ /zhes bya ba ni ji ltar rnam par rtog pas dngos po nyid du brtags nas brjod pa de lta bu ni byang chub ma yin no/ /de ltar byang chub stong pa nyid kyi rang bzhin du bsgrubs nas byang chub dngos
 po nyid du khas len pa la bskyon bstan par bya ba'i phyir/ rab kyi rtsal gyis rnam par gnon pa zhes bya ba la sogs pa smos te/ sems 'di byang chub tu bskyed par bya'o/ /zhes bya ba ni byang chub tu sems bskyed pa'i rnam pa bstan no/ /gang
 du bdag cag gis zhes bya ba la sogs pa ni byang chub la mngon par zhen pa'i rang bzhin bstan pa yin te/ de dag ni byang chub sems dpa' zhes mi bya'o/ /zhes bya ba ni rlom pas dngos po la mngon par zhen pa'i chos thams cad stong
 pa nyid kyi mtshan nyid can gyi byang chub sems dpa' med pa'i phyir ro/ /gal te byang chub sems dpa' zhes bya ba ni/ ji skad du brjod ce na/ lan ni de dag gis sems dpa' skye ba zhes bya'o/ /zhes bya ba ste/ 'di dag la dngos po la mngon par
 zhen pa dang bcas pa'i bsam pa skyes pa'i phyir sems skye ba brjod par bya'o/ /de ci'i phyir zhe na zhes bya ba ni mngon par zhen pa dang bcas pa'i bsam pa skye ba ci'i phyir zhe na'o/ /de la la ni 'di ltar skye ba zhes bya ba la
 sogs pa smos te/ de la skye ba dang sems la mngon par zhen pa ni gong du bstan pa'i sems 'di byang chub tu bskyed par bya'o/ /zhes pa'i tshig gis bstan no/ /byang chub la mngon par zhen pa ni byang chub de ni yod do/ /zhes bya ba'i tshig
 gis bstan no/ /gal te byang chub dngos po'i rang bzhin yin pas de la mngon par zhen pa la skyon ci yod ce na/ de la lan ni yang byang chub ni mtshan nyid med pa ste zhes bya ba smos te bstan pa'o/ /de bshad pa ni mtshan nyid kyi rang bzhin dang
 bral ba'o/ /zhes bya ba smos te/ chos thams cad rang bzhin med pa nyid yin pa'i phyir ro/ /gang gis 'di ltar rjes su rtogs pa de ni byang chub ces bya'i zhes bya ba ni chos thams cad mtshan nyid med pa nyid du rtogs pa de la byang chub ces
 brjod par bya'o/ /rtogs pa de yang chos thams cad dmigs pa med pa de nyid do/ /yang ji skad du brjod pa bzhin du ni ma yin no/ /zhes bya ba ni sngar bzhin no/ /byang chub sems dpa' i ming gi don mdor bsdus te bstan par bya ba'i
 phyir/ rab kyi rtsal gyis rnam par gnon pa chos de rnams zhes bya ba la sogs pa smos te/ chos thams cad mtshan nyid med pa'i rang bzhin du rjes su rtogs pa la byang chub sems dpa' zhes brjod par bya'o/ /gang la mngon par zhen pa yod
 pa de la byang chub sems dpa' zhes brjod par mi bya ba 'ba' zhig tu ma zad kyi/ byang chub sems dpa' i sa las kyang ring ba yin no/ /zhes bstan par bya ba'i phyir/ rab kyi rtsal gyis rnam par gnon pa zhes bya ba la sogs pa smos te/
 chos 'di ma shes zhing zhes bya ba ni thos pa'i sgo nas so/ /rjes su ma rtogs bzhin du zhes bya ba ni bsam pa dang/ bsgom pa'i sgo nas so/ /shes pa zhes bya ba ni khams 'ches pa ste/ bdag nyid byang chub sems dpa' yin no/ /zhes khas len pa'o/ /byang chub
 sems dpa' i sa las ring pa yin zhing zhes bya ba ni sa rab tu dga' ba las ring ba yin te/ phyin ci log nyid kyis mthong ba'i lam med pa'i phyir ro/ /de ni byang chub sems dpa' i chos rnams las ring ba yin no/ /zhes bya ba ni 'khor gsum yongs su dag
 pa'i sbyin pa la sogs pa las ring bar 'gyur ba ste/ mngon par zhen pas sbyin pa la sogs pa phyin ci log tu 'gyur pas so/ /lha la sogs pa bslus pa'i skyon bstan par bya ba'i phyir/ de bzhin du de ni zhes bya ba la sogs pa smos te/ phyin ci
 log gi dbang gis bdag nyid byang chub sems dpa' ma yin pa la byang chub sems dpar khas len pa'i phyir ro/ /thams cad byang chub sems dpar thal par 'gyur ba'i skyon bstan par bya ba'i phyir/ rab kyi rtsal gyis rnam par gnon pa de'i
 tshig tsam gyis zhes bya ba la sogs pa smos te/ tshig tsam gyis zhes bya ba ni byang chub sems dpa' i don gyis stong pa'i tshig tsam gyis sgo nas so/ /rab kyi rtsal gyis rnam par gnon pa 'di ni zhes bya ba la sogs pa smos te go sla'o/ /de ltar
 sems bskyed pa dang po'i phan yon byang chub sems dpa' i ming thob pa nyid bsten nas de bzhin gshegs pa'i rigs su skye ba'i mtshan nyid can yon tan gzhan bstan par bya ba'i phyir/ ji skad du bshad pa'i zhes bya ba la sogs pa smos te/
 byang chub sems dpa' gang las rab tu dga' bar zhugs pa de bsod nams kyi dbang gis nyan thos dang rang sangs rgyas kyi sa las shin tu 'das nas sangs rgyas kyi sar rjes su 'gro ba'i mthong ba'i lam skyes pas de bzhin gshegs pa
 rnams kyi rigs su skyes pa yin te/ de'i bdag nyid kyi chos kyi sku rtogs pa'i phyir ro/ /kun tu sbyor ba gsum po zhes bya ba 'di rnams kyi srid par kun tu sbyor bas na kun tu sbyor ba'o/ /de yang gsum ste/ 'jig tshogs
 la lta ba dang/ the tshom dang/ tshul khrims dang brtul zhugs mchog tu 'dzin pa'o/ /thams cad spang bar gyur ba ni mthong ba'i lam gyi sgo nas thams cad ma lus par log pa'o/ /'dod chags la sogs pa rnams spangs su zin kyang bsgom
 pas spang bar bya ba'i 'dod chags la sogs pa rnams lhag ma lus pa'i phyir de rnams lhag ma lus par ma spangs pas/ spangs pa nyid du ma brjod do/ /gal te 'dod chags dang/ khong khro dang/ nga rgyal dang/ ma rig pa dang/ mthar
 'dzin pa'i lta ba bsgom pas spang bar bya ba rnams ma spangs pa'i phyir spangs pa nyid du mi brjod ce na/ 'o na lta bas mchog tu 'dzin pa dang/ log par lta ba dag rnam pa thams cad du spangs pa'i phyir de dag spangs
 pas ci'i phyir ma brjod ce na/ de dag la lan ni lta ba mchog tu 'dzin pa la sogs pa'i rtsa bar gyur ba tshul khrims dang brtul zhugs mchog tu 'dzin pa'i lta ba dang/ the tshom dag spangs par brjod pas de dag kyang spangs par rtogs
 par 'gyur te/ 'di ltar lta ba mchog tu 'dzin pa ni tshul khrims dang brtul zhugs mchog tu 'dzin par 'jug pa yin te/ de gang gi phyir lam ma yin pa la lam du 'dzin pa ni tshul khrims dang brtul zhugs mchog tu 'dzin pa yin
 la/ lta ba rnams mchog dang dag pa'i rgyu nyid du mthong ba'i lta ba mchog tu 'dzin pa yin no/ /des na tshul khrims dang brtul zhugs mchog tu 'dzin pa spangs pa brjod pas lta ba mchog dang dag pa'i rgyur 'dzin pa'i lta ba mchog tu
 'dzin pa yang spangs par rtog par 'gyur ro/ /log par lta ba ni the tshom gyis 'jug ste/ 'di ltar bden pa dang/ dkon mchog dang/ las dang 'bras bu la the tshom gyi sgo nas med pa'i blo 'byung bar gyur pa yin no/ /des na the tshom spangs par brjod pas
 log par lta ba yang spangs par rtogs pa yin pas log par lta ba spangs par ma brjod pa yin no/ /gzhan dag ni yul gzhan du 'gro ba'i bar gcod gsum 'byung ste/ 'gro bar mi 'dod pa dang/ lam gzhan la rten nas lam por
 ba dang/ lam la the tshom za ba'o/ /de bzhin du thar par 'gro ba la yang gsum po 'di rnams bar chad yin te/ de la 'jig tshogs la lta bas gang der med par 'gyur ro snyam nas thar pa la skrag pas grol bar mi 'dod par 'gyur ba yin no//
 tshul khrims dang brtul zhugs mchog tu 'dzin pas lam gzhan la brten nas lam nor ba'o/ the tshom gyis lam la the tshom za'o/ /des na rgyun tu zhugs pa la thar bar 'gro ba'i bar chad 'di rnams spangs par bstan par bya ba'i phyir
 bcom ldan 'das kyis gsum po de rnams spangs par gsungs pa yin no/ /de ltar de bzhin gshegs pa'i rigs su skye ba dang/ kun tu sbyor ba gsum po spangs pa'i yon tan bstan nas/ rab tu dga' ba'i mtshan nyid can gyi yon tan
 bstan pa'i sgo nas rab tu dga' ba'i des tshig bstan par bya ba'i phyir/ byang chub sems dpa' de ni dga' ba mchog tu 'gyur ba 'chang zhing zhes bya ba smos te/ mthong ba'i lam thob nas mthong bas spang bar bya ba'i nyon mongs pa spangs
 pa dang/ sangs rgyas brgya phrag gcig mthong bas la sogs pa'i yon tan thob pa'i phyir byang chub sems dpa' de ni dga' ba mchog tu gyur pa 'chang bar 'gyur ba yin no/ /gang gi phyir 'di'i gnas skabs na byang chub sems dpa' 
 mchog tu gyur pa'i dga' ba 'chad pa de'i phyir sa rab tu dga' ba zhes brjod pa yin no/ /nus pa'i yon tan bstan par bya ba'i phyir/ 'jig rten gyi khams brgya kun nas g.yo bar nus pa'ang yin zhes bya ba smos te/ 'jig rten
 gyi khams brgya'i bar du g.yo ba'i nus pa skyes par 'gyur ba'o/ /de ltar yang mdo las skad cig ma gcig gi ting nge 'dzin brgya so sor thob cing snyoms par 'jug la/ sangs rgyas brgya phrag gcig kyang mthong la/ de rnams kyis byin gyis
 brlabs bar yang 'gyur zhing/ 'jig rten gyi khams brgya g.yo bar byed cing snang bar byed pa dang/ zhing brgya las kun tu 'da' bar byed pa dang/ sems can brgya phrag gcig yongs su smin par byed pa dang/ bskal pa brgyar gnas so zhes
 bya ba la sogs pa gsungs pa yin no/ tshigs su bcad pa de 'gral pas bstan par bya ba'i phyir/ so so'i skye bo dang zhes bya ba la sogs pa la/ mthong ba'i lam thob pas mos pas spyod pa'i sa dor bas so so'i skye bo'i sa las 'das
 pa'o/ /nyan thos dang rang sangs rgyas kyi sa las 'das pa ni sngar bshad zin to/ /de bzhin gshegs pa'i zhes bya ba la sogs pa ni chos thams cad nam mkha' i dkyil dang mnyam pa nyid du mthong ba'i phyir ro/ /zhes pa'i don to/ /kun tu
 sbyor ba gsum spangs pa bshad par bya ba'i phyir/ /de'i tshe zhes bya ba la sogs pa la gang zag gi bdag med pa mngon sum du mthong bas zhes bya ba ni phung po las tha dad du gyur pa'i rtag pa nyid la sogs pa mu stegs pas sgro btags
 pa'i bdag med pa mngon sum du mthong ba yin pas 'jig tshogs la lta ba ldog pa yin no/ /de la 'jig tshogs la lta ba ni rnam pa gnyis te/ mngon par 'du byed pa las byung ba dang/ lhan cig skyes pa'o/ /de dag kyang sngar bshad
 zin to/ /'dir gnas skabs kyi stobs kyis mngon par 'du byed pa las byung ba ldog pa yin no/ /gang gi phyir gang zag gi bdag med pa mngon sum du mthong ba dang de'i phyir the tshom med pa yin no/ /the tshom med pas lam gzhan la brten pa'i mtshan nyid
 can la tshul khrims dang brtul zhugs mchog tu 'dzin pa yang med do/ /slar mi skye ba'i phyir ro/ zhes bya ba ni 'ga' zhig ldog pa yang skye ba yang yod de/ dper na rims la sogs pa lta bu'o/ /kun tu sbyor ba gsum po 'di 'gags na yang skye ba
 ma yin no/ /zhes pa'i don to/ /de nyid ldog pa'i sgo nas bstan par bya ba'i phyir/ /de kho na nyid ma mthong pa ni zhes bya ba la sogs pa la de kho na nyid ma mthong ba ni bdag med pa nyid ma mthong nas so/ /gzhan ni ma yin no/ /zhes bya ba ni de
 kho na nyid mthong na'o/ /de ni dga' ba mchog tu 'gyur 'chang zhing zhes bya ba'i don bshad par bya ba'i phyir/ nges pa la zhugs pas zhes bya ba la sogs pa smos te/ nges pa ni mthong ba'i lam mo/ /de'i rgyu can gyi yon tan thob pa dang zhes bya ba
 ni mthong ba'i lam gyi rgyu can gyi ting nge 'dzin brgya phrag gcig la sogs pa'i yon tan thob pa'o/ /sa'i mi mthun pa'i phyogs kyi skyon dang bral bas zhes bya ba ni sa rab tu dga' ba'i mi mthun pa'i phyogs su gyur pa'i mthong bas spangs par bya
 ba'i skyon de rnams dang bral bas so/ /thun mong ma yin pa'i zhes bya ba la sogs pa ni go sla'o/ /de ltar yon tan rnam pa bzhi bstan nas/ gong nas gong du rtogs pa la sogs pa'i yon tan bstan par bya ba'i phyir/ sa nas sa gnon byed
 cing zhes bya ba la sogs pa smos te/ sa nas sa gnon byed cing zhes bya ba ni sa dang po nas sa gnyis pa la sogs pa gnon par byed pa nas brtsams te/ sangs rgyas kyi sa'i bar du gnon par byed do/ /gong mar rab tu 'gro bar 'gyur
 zhes bya ba ni de'i tshe dmyal ba dang/ yi dags dang/ dud 'gror skye bar gyur pa'i las mi dge ba'i chos can du 'gyur pas so/ /so so'i skye bo'i sa rnams thams cad zad ces bya ba ni 'du shes med pa'i sems can dang/
 byang gi sgra mi snyan pa dang/ tshangs pa chen por skyes pa'i sa dang/ mos pas spyod pa'i sa rnams zad par gyur pa'o/ /de nyid nyan thos rnams la the tshom bsal ba'i don du dpe'i sgo nas bstan par bya ba'i phyir/ 'di ni 'phags pa brgyad  
 pa ji lta ji ltar nye bar bstan zhes bya ba smos te/ brgyad pa ni yas bgrang ba'i dbang du byas nas brgyad pa rgyun du zhugs pa'i 'bras bu la zhugs pa ste/ rgyun du zhugs pa ste/ rgyun tu zhugs pa zhes brjod pa ni rgyu la 'bras bur btags
 pa'i phyir ro/ /des na nyan thos rnams kyis brgyad pa ci ltar brjod pa de bzhin du 'di'i gnas skabs na byang chub sems dpa' yang yin te/ ji ltar 'phags pa nyan thos kyis rgyun du zhugs pa rnams la ngan song du 'gro ba dang/ sgo
 nga dang/ drod gsher gyi skye gnas dang/ byang gi sgra mi snyan dang/ 'du shes med pa'i sems can dang/ tshangs pa chen por skye ba dang/ za ma dang/ ma ning dang/ mtshan gnyis pa'i rten dang/ mthong bas spang bar bya ba'i nyon mongs pa rnams mi
 skye ba'i chos nyid du 'gyur ba dang/ yon tan drag pa med pa'i lam la sogs pa thob pa de bzhin du 'dir yang shes par bya'o/ /der yang byang chub sems dpa' rnams la las kyi dbang gis ngan song la sogs par skye ba zad pa yin gyi
 snying rje'i dbang gis dang pa pad+ma'i tshal du 'jug pa ltar mnar med par yang 'jug par 'gyur ba yin zhes pa'i tshul gyi 'gal ba med do/ /de nyid 'grel pas bstan par bya ba'i phyir/ 'di ni ji ltar zhes bya ba la sogs pa smos te/ ji ltar
 khob du chud pa'i chos la goms pa'i phyir dang zhes bya ba ni ji ltar khong du chud pa'i chos kyi dbyings la glo bur ba'i sgom pas spang bar bya ba'i don du spyod pa'o/ /gal te ji lta ba bzhin du khong du chud pa'i chos kyi dbyings la goms pa ma gyur cing sngar
 ma rtogs pa'i khong du chud par bya ba yod par gyur na sngar med pa'i khong du chud par bya ba'i don du 'bad pa du ma'i sgo nas ngal bar 'gyur ba'i phyir sa gzhan nas gzhan gnon par mi 'gyur ro/ /de'i phyir 'di ni ji ltar khong du chud pa zhes bya ba la
 sogs pa smos pa yin no/ /ji ltar khong du chud pa'i chos la spyod pa yin kyang phra rgyas lhag ma spang ba'i don du gal te brtson par mi byed nas gzhan gnon par ji ltar 'gyur/ des nas gnyis pa la sogs pa zhes bya ba la sogs pa smos
 te/ sa dang po la zhugs pa'i dus su sngar med pa'i rab tu dga' ba thob pas sa gnyis pa la sogs pa gnon pas spro ba che ba'i phyir ro/ /gtan tshigs gnyis kyi sgo nas sa nas sa gnon par byed pa nyid bsgrubs pa yin no/ /de'i tshe 'di'i ngan
 'gro'i lam rnams mdza' dag dgag par 'gyur zhes smos pa de bshad par bya ba'i phyir/ mdor na zhes bya ba la sogs pa smos te/ de la ngan 'gro'i lam 'gag pa dang/ so so'i skye bo'i sa rnams zad pa rgyun tu zhugs pa'i dpe'i sgo nas
 bstan pa yin no/ /'phags pa'i chos rtogs pa las zhes bya ba ni nyan thos dang rjes su mthun pa'i mthong lam thob pa las so/ /skyon dang bral zhing zhes bya ba ni ngan song du 'gro ba la sogs pa dang bral ba'o/ /yon tan 'byung bar 'gyur ba
 zhes bya ba ni skye ba bdun pa'i bar la mya ngan las 'das pa thob par 'gyur ba'o/ /de bzhin du zhes bya ba la sogs pa smos de go sla'o/ /de ltar sa nas sa gnon pa dang/ ngan 'gro'i lam rnams 'gag ba dang/ so so'i skye bo'i sa rnams
 zad par 'gyur ba'i yon tan rnams gsum brjod nas/ nyan thos dang/ rang sangs rgyas dag zil gyis gnon pa'i yon tan bstan par bya ba'i phyir/ byang chub sems dpa' 'di zhes bya ba la sogs pa smos te/
 'di zhes pa ni sems bskyed pa dang po po'o/ /khyad par de nyid bstan par bya ba'i phyir/ thub dbang zhes bya ba la sogs pa la/ thub dbang gsung skyes zhes bya ba ni thub pa'i nyan thos dang rang sangs rgyas so/ /de dag gi dbang po ni sangs
 rgyas bcom ldan 'das rnams so/ /de'i gsung ni chos bstan pa'o/ /de la skyes pa ni nyan thos te/ rang sangs rgyas rnams la rang byung ye shes skye bas so/ /bsod nams dag gis dbang gis pham byas rnam par 'phel zhes bya ba
 ni sems can gyi khams dpag tu med pa rnams la dus dpag tu med par phan pa dang bde ba'i bsam pa dpag tu med pa'i phyir/ byang chub sems dpa' i bsod nams kyi dbang gis nyan thos dang rang sangs rgyas dag zil gyis
 mnan nas byang chub sems dpa' rnam par 'phel bar 'gyur ba'o/ /byang chub sems dpa' ci lta bu zhe na/ rdzogs pa'i byang chub sems lta dang po la gnas kyang zhes bya ba smos te/ 'dir byang chub kyi sems ni gnyis te/
 brda las byung ba dang/ don dam pa'i 'o/ /de la brda las byung ba ni so so'i skye bo'i sa'i smon pa dang 'jug pa'i rang bzhin can no/ /don dam pa ni dang po'i chos nyid kyi thob pa'o/ /gnyis ka la yang bsod nams kyi dbang gis nyan
 thos dang rang sangs rgyas zil gyis gnon pa'i nus pa yod de/ de lta bu'i byang chub sems las byung ba'i bsod nams nyan thos la sogs pa la med pa'i phyir ro/ /de nyid kyi phyir spyod pa la 'jug pa las/ sems can rnams kyi
 glang nas tsam zhes bya ba la sogs pa smos so/ /'phags pa byams pa'i rnam par thar pa'i khungs kyi sgo nas brda las byung ba'i byang chub kyi sems la bsod nams kyi dbang gis nyan thos dang rang sangs rgyas zil gyis gnon pa'i nus pa yod pa nyid du bstan par
 bya ba'i phyir/ ji skad du zhes bya ba la sogs pa smos te/ rgyal ba'i mtshan dang ldan pa zhes bya ba ni dbu gdugs kyi rnam pa lta bu dang/ phyag ring ba la sogs pa'i mtshan nyid can no/ /gtso bor gyur pa zhes bya ba ni thabs mthar thug par gyur pa'o//
 rigs kyi bdag nyid che ba'i dbang gis zhes bya ba ni rgyal rigs kyi bdag nyid che ba'i dbang gis zhes pa'i don to/ /byang chub tu sems bskyed nas ring po ma lon pa zhes bya ba 'dis ni brda las byung ba'i byang chub kyi sems bskyed pa bstan pa
 yin no/ /de nyid kyi phyir/ byang chub sems dpa' las dang po npa zhes bya ba smos so/ /yun ring du tshangs par spyad pa rnams zhes bya ba ni yun ring du thar pa'i lam bsgoms pa rnams zhes bya ba'i don to/ /mdo de nyid du dpe gnyis bstan pa ni
 rigs kyi bu zhes bya ba la sogs pa smos te/ mig yongs su dag pa'i yon tan gang yin pa de ni zhes bya ba ni bya ba rnams kyi nang na des thag shin tu ring ba mthong ba yin no/ /de bzhin gshegs pa nam mkha' lding gi dbang po chen po'i rigs kyi rgyud du
 yang dag par byung ba rnams zhes bya ba ni de bzhin gshegs pa nyid nam mkha' lding gi dbang po yin te/ dper na bya rnams kyi nang na nam mkha' lding mchog tu gyur pa yin la/ de bzhin du lha dang mi rnams kyi nang na de bzhin gshegs pa mchog
 tu gyur pa yin pas nam mkha' lding gi dbang po zhes brjod pa yin no/ /de'i rigs rgyud du yang dag par byung ba ni byang chub tu sems bskyed pa'i phyir de bzhin gshegs pa rnams kyi rigs rgyud du skyes pa'o/ /thams cad mkhyen pa nyid du sems
 bskyed pa'i gshog pa'i stobs kyis pha rol mnon pa dang zhes bya ba la/ thams cad mkhyen pa nyid ni byang chub bo/ /der sems bskyed pa ni byang chub kyi sems bskyed pa'o/ /de'i stobs ni nus pa'o/ /pha rol gnon
 pa'i nyan thos dang rang sangs rgyas dag zil gyis gnon pa'o/ /lhag pa'i bsam pa zhes bya ba la sogs pa la/ lhag pa'i bsam pa ni sems can rnams sdug bsngal dang sdug bsngal gyi rgyu las yang dag par 'dren par 'dod pa'i mtshan nyid can no//
 de nyid yongs su dag pa'i mig gi yon tan yin no/ /de ltar brda las byung ba'i byang chub tu sems bskyed pa'i stobs rnams kyi dbang gis nyan thos dang/ rang sangs rgyas dag zil gyis gnon pa'i nus pa yod pa 'grel pas ma
 bstan pa dang/ de bzhin du gnas skabs gang na rtogs pa'i dbang gis byang chub sems dpa' nyan thos dang rang sangs rgyas zil gyis gnon pa de bstan par bya ba'i phyir/ de ni ring du song bar zhes bya ba la sogs pa la ring du song
 ba ni byang chub sems dpa' i sa bdun pa'o/ /blo zhes pa ni rtogs pa'o/ /yang zhes pa ni bsod nams 'ba' zhig gis lhag pa ma yin gyi/ 'on kyang ye shes kyis kyang ngo/ /lhag par gyur pa ni mchog tu gyur pa'o/ /'di'i don ni
 'dir nyan thos dang/ rang sangs rgyas dang/ byang chub sems dpa' rnams la chos kyi bdag med pa rtogs pa mtshungs pa yod du zin kyang sa bdun pa'i snga rol du sa drug pa la sogs par byang chub sems dpa' rnams kyi mdo sde la
 sogs pa gang mtshan ma mngon du byas nas lam la 'jug pa'i mtshan ma de mngon du ma byas par sa bdun pa nas brtsams te lam la 'jug pa yin no/ /de nyid kyi phyir de'i gnas skabs na kho bo lam la 'jug par bya'o snyam pa'i
 rnam par rtogs yod pa dang/ mdo la sogs pa'i mtshan ma mngon du mi byed pa dang/ rtsol ba dang bcas pa dang/ mtshan ma med pa'i lam zhes brjod par bya'o/ /sa brgyad pa nas brtsams to/ lam la 'jug par bya'o snyam pa'i rnam par rtog pa yang med
 pas rtsol ba med pa dang/ mtshan ma med pa'i lam zhes brjod par bya'o/ /nyan thos dang rang sangs rgyas dag la rnam pa de lta bu'i mtshan ma med pa'i lam med pa'i phyir/ de ni ring du song bar blo yang lhag par 'gyur zhes bstan pa yin no/ /de
 nyid kyi phyir nyan thos dang rang sangs rgyas dag gi rnam par rtog pa'i bag chags kyi rang bzhin gyi nyon mongs pa rab tu spang bar mi 'gyur la/ byang chub sems dpa' rnams kyis ni sa brgyad pa nas brtsams te/ rtsol ba med pa dang/ mtshan ma
 med pa'i lam gyi stobs kyis rnam par rtog pa'i bag chags kyi rang bzhin can gyi nyon mongs pa zad par 'gyur bas sangs rgyas nyid thob pa yin no/ /nyan thos la sogs pa rnams la de med pas bag chags zad pa yod pa ma yin no/ /
 de nyid kyi phyir slob dpon ma khol zhabs kyis/ bag chags dang bcas skyon de rnams/ skyob pa gcig pu la ni med ces gsungs so/ /de nyid kyi phyir de rnams la chos kyi bdag med pa yongs su shes pa med pa rdzogs pa yin no zhes bshad par 'gyur
 te/ rtsol ba med pa dang/ mtshan ma med pa'i rang bzhin can gyi chos kyi bdag med pa yongs su shes pa ma yin no/ /zhes pa'i don to/ /don dam pa'i byan chub kyi sems la nyan thos dang rang sangs rgyas zil gyis gnon pa'i nus pa yod pa nyid du
 bstan par bya ba'i phyir/ 'phags pa sa bcu pa las zhes bya ba la sogs pa smos te/ sa bcu pa'i gnas skabs yin pa'i phyir don dam pa kho na gsungs pa yin no/ /'di lta ste zhes bya ba la sogs pa ni go sla'o/ /lhag pa'i bsam
 pa'i che ba nyid kyis zhes bya ba ni khyad par du gyur pa'i bsod nams kyi rgyu byang chub kyi sems dang/ snying rje'i stobs kyis bya ba'i don to/ /rang gi blo'i stobs kyis zhes bya ba ni rang gi shes rab kyis mdo la sogs
 pa'i mtshan ma la mi bltos pa nyid kyis so/ /rnam par dpyad pas ni zhes bya ba ni chos kyi dbyings la 'jug pa gang yin pa'o/ /rang gi yul shes pa'i che ba la gnas pa zhes bya ba la/ rang gi yul ni chos kyi dbyings so/ /de'i shes pa
 ni rtogs pa'o/ /de'i che ba ni mdo la sogs pa'i mtshan ma mngon du byed par mi 'jug pa'o/ /sa 'og ma rnams su zhes bya ba ni sa drug pa dang lnga pa la sogs pa rnams su'o/ /da ni nyan thos dang rang sangs rgyas rnams la yang chos kyi
 bdag med pa yongs su shes pa yod pa yin no/ /zhes bstan par bya ba'i phyir/ lung 'di las ni zhes bya ba la sogs pa smos te/ gzhan dag na re nyan thos rnams la gang zag gi bdag med pa yongs su shes pa kho na yod la/ gzung
 ba rang bzhin med pa tsam du rtogs pas rang sangs rgyas rnams la chos kyi bdag med pa phyogs gcig yongs su shes pa yod pa yin la/ byang chub sems dpa' rnams la bdag gnyis med pa yongs su shes pa yod pa yin no/ /zhes brjod
 par byed do/ /de ni mi 'thad par ston pa yin te/ nyan thos dang/ rang sangs rgyas rnams la chos kyi bdag med pa yongs su shes pa yod pa ma yin no/ zhes pa de lung las sam/ 'on te rigs pa las yin/ de lung las ma yin te/ sa bcu
 pa'i mdo nyid kyis nyan thos la sogs pa la chos kyi bdag med pa rtogs pa yod par bsgrub par bya ste/ gang gi phyir sa bcu pa'i mdo las rang gi blo'i stobs kyis rnam par dpyad pas sa bdun par zil gyis gnon par gsungs la/ sa
 dang po la sogs par ma gsungs so/ /gal te nyan thos la sogs pa rnams la chos kyi bdag med pa yongs su shes pa med par 'gyur na sa dang por yang nyan thos dang rang sangs rgyas dag las byang chub sems dpa' rnams la chos kyi bdag med pa yongs su
 shes pa lhag pa yod pa'i phyir rtogs pa che ba'i bdag nyid can du ci ltar mi 'gyur zhes pa'o/ /lung 'di las na zhes bya ba ni sa bcu pa'i mdo las so/ /'jig rten pa'i 'dod chags dang bral ba ltar zhes bya ba la/ 'jig rten pa ni zag pa med pa'i lan
 ma thob pas so/ /'dod chags dang bral ba ni 'dod pa'i khams la sogs pa sa brgyad la 'dod chags dang bral ba'o/ /'dir 'dod pa'i khams dang/ bsam gtan bzhi dang/ gzugs med pa bzhi'i dbye bas sa dgu yod pa yin te/ de la
 gang 'jig rten pa'i 'dod chags dang bral ba de 'dod pa'i khams la sogs pa nas ci yang med pa'i skye mched kyi bar sa brgyad las 'og ma 'og mas rags pa nyid du dmigs shing/ sa gong ma gong mas phra ba nyid du dmigs pa'i sgo
 nas 'dod chags dang bral ba thob pa yin no/ /yod min med min gyi skye mched kyi sa las 'dod chags dang bral ba mi 'thob ste/ de'i gong nas gzhan med pas so/ /de'i phyir 'di rnams la khams gsum na spyod pa'i nyon mongs pa spong ba
 yod pa ma yin no/ /zhes brjod pa yin no/ /des ni ji ltar 'jig rten pa'i 'dod chags dang bral ba/ sems dang po bskyed pa'i byang chub sems dpas zil gyis gnon te/ 'jig rten pa'i 'dod chags dang bral ba rnams la rang bzhin med pa
 yongs su shes pa med pas so/ /de bzhin du sems dang po bskyed pa'i byang chub sems dpas nyan thos dang rang sangs rgyas zil gyis gnon par 'gyur te/ rang bzhin med par yongs su shes pa med pa nyid kyis so/ /rang gi blos rnam par dpyad pas kyang
 zhes bya ba ni rang gi shes rab kyi rang bzhin med par yongs su shes pa'i sgo nas so/ /zhes pa'i don to/ /de ltar lung gi sgo nas ma yin pa'o/ /'o na lung du ma las nyan thos la sogs pa las gang zag gi bdag med pa kho na
 yod pa yin no/ /zhes gang gsungs pa de ci ltar drang zhe na/ 'o na de ltar na lung gzhan las khur khyer ba'i gang zag yod/ rtag gam mi rtag brjod mi bya zhes gsungs pas gang zag kyang yod pa nyid du gsungs par 'gyur bas de ji ltar drang
 gal te gang zag yod do/ /zhes gsungs pa de bdag tu lta ba la mngon par zhen pa rnams gzhug pa'i don du gsungs pa yin no/ /zhe na/ 'o na rang bzhin med par yongs su shes pa la 'jug pa la skrag pa'i nyan thos la sogs pa
 rnams gzhug pa'i don du gang zag la bdag yod par gsungs pa yin pas gang zag gi bdag med pa gsungs pa de dgongs pa can yin gyi/ don dam pa ma yin pa'i phyir 'gal ba cung zad kyang yod pa ma yin no/ /gal te 'di ni
 dgongs pa can yin la 'di ni dgongs pa can ma yin no/ /zhes rigs pa'i sgo nas shes pa yin la/ des nyan thos la sogs pa rnams la bdag med pa gnyis yongs su shes pa yod pa la rigs pa gang zhig yod ce na/ de la lan
 du rigs pa'i sgo nas bdag med pa nyid yongs su shes pa yod pa bsgrub par bya ba'i phyir phyi rol pa bzhin du zhes bya ba la sogs pa smos te/ phyi rol pa bzhin du zhes bya ba ni 'jig rten pa'i 'dod chags dang bral ba bzhin du ste/ ji
 ltar 'jig rten pa'i 'dod chags dang bral ba rnams la sngar bstan pa'i tshul gyis khams gsum na spyod pa'i nyon mongs pa spangs pa med pa de bzhin du nyan thos la sogs pa rnams la yang khams gsum na spyod pa'i nyon mongs pa
 spangs pa yod par 'gyur ro/ /de nyid kyi rgyu mtshan bstan par bya ba'i phyir/ gzugs la sogs pa'i zhes bya ba la sogs pa smos te/ 'di'i don ni gal te nyan thos la sogs pa rnams la bdag med pa gnyis yongs su shes pa med la/ bdag med pa
 tsam shes pa yod pa yin na de'i tshe gzugs la sogs pa la mngon par zhen pa yang yod pa yin la/ gzugs la sogs pa la mngon par zhen pa yang phyin ci log yin te/ rang las ma yin gzhan las min zhes pa la sogs pa 'chad par 'gyur
 ba'i rigs pas gzugs la sogs pa'i rang bzhin mi 'thad pas so/ /phyin ci log kyang log pa'i shes pas nyon mongs pa spong bar rigs pa ma yin no/ /gal te log pa'i shes pas nyon mongs pa spong bar 'gyur na phyi rol pa bdag tu smra ba
 bdag la mngon par zhen pas phyin ci log pa rnams kyis kyang nyon mongs pa spong bar 'gyur ro/ /des na 'di ltar ma yin no/ /des na nyan thos la sogs pa rnams kyi nyon mongs pa spangs par khas len na bdag med pa gnyis yongs su shes pa
 khas blangs dgos so/ /de ltar na chos kyi bdag med pa yongs su shes pa med na nyon mongs pa spong bar mi 'gyur ro/ /zhes brjod nas/ de ni chos kyi bdag med pa yongs su shes pa med na gang zag gi bdag med pa yongs su shes pa nyid kyang med pa yin no//
 zhes bstan par bya ba'i phyir/ gang zag gi bdag ces bya ba la sogs pa smos te/ gang zag gi bdag med pa ni bdag gi rang bzhin med pa nyid yin la/ de rtogs pa ni yongs su shes pa'o/ /chos kyi bdag med pa ma rtogs pa na gang zag gi
 bdag med pa yang ma rtogs par 'gyur ro/ /de nyid kyi rgyu mtshan bstan pa'i phyir/ bdag du gdags pa'i rgyu phung po la dmigs pa'i phyir ro/ /zhes smos te/ bdag tu tha snyad 'dogs pa'i rgyu mtshan du 'gyur ba'i phung po gang yin pa de la
 dmigs pa'i phyir ro/ /'di'i don ni 'dir gang bdag tu mngon bar zhen pa 'jug pa de/ mu stegs pas yongs su btags pa'i phung po las tha dad du gyur pa'i bdag rtags pa la dmigs nas 'jug par mi 'gyur te/
 bstan bcos mi shes pa'i byis pa so so'i skye bo rnams kyang bdag tu zhen pa mi 'jug par thal bar 'gyur ba las/ 'on kyang phung po la mngon par zhen pa mngon du 'gro ba can bdag tu mngon par zhen pa'i bag chags kyis 'jug pa
 yin no/ /des na ji srid du phung po la mngon par zhen pa yod pa de srid du bdag la mngon par zhen pa'i bag chags mi ldog pas bdag tu mngon par zhen pa ldog par mi 'gyur pa'i phyir/ gang zag gi bdag med pa yongs su shes par yang mi 'gyur ro//
 des na gal te nyan thos la sogs pa rnams la gang zag gi bdag med pa yongs su shes pa yod par khas len na de'i tshe phung po rang bzhin med pa nyid du shes pa med na de 'grub bar mi 'gyur ro/ /des na chos kyi bdag med pa yongs su shes
 pa nyid du 'grub pa yin no/ /gzhan yang 'jig tshogs la lta ba rnam pa gnyis khas len dgos te kun tu brtags pa'i bdag la dmigs pa dang/ lhan cig skyes pa'o/ /de la kun tu brtags pa'i bdag la dmigs pa gang yin pa de
 mthong ba'i lam gyi gnas skabs su gang zag gi bdag med pa rtogs pas spong ba yin no/ /gang lhan cig skyes pa'i 'jig tshogs la lta ba de ni rang bzhin med par yongs su shes pa med par ji ltar spong bar 'gyur/ gang la mi rtag pa la
 sogs pa bsgoms pas spong zhe na/ de yang ma yin te/ mi rtag pa la sogs pa bsgom pas phung po rang bzhin med pa mngon du byed pa ma yin gyi/ 'on kyang skad cig ma so so la mi rtag pa nyid do/ /des na bdag tu gdags pa'i rgyu phung po
 yod pa'i phyir lhan cig skyes pa'i 'jig tshogs la lta ba ji ltar 'gag par 'gyur/ gal te lhan cig skyes pa'i 'jig tshogs la lta ba yod du zin kyang thar thob par 'dod na 'o ma mthong ba'i lam thob pa nyid kyis grol bar thal bar 'gyur ro/ /des na lhan
 cig skyes pa'i 'jig tshogs la lta ba spang ba'i don du chos kyi bdag med pa yongs su shes pa khas len dgos so/ /de ltar rigs pa'i sgo nas nyan thos la sogs pa rnams la bdag med pa gnyis yongs su shes pa yod par grub pa yin no/ /bdag
 med pa gnyis yongs su shes pa la rin po che'i phreng ba'i khungs bstan par bya ba'i phyir/ ji skad du zhes bya ba la sogs pa smos te/ ji srid phung po la mngon bar zhen ba yod pa de srid du bdag tu mngon bar zhen ba yod de/ phung po la mngon par
 zhen pas kun nas slong ba yin pas so/ /ngar 'dzin yod na yang las te zhes bya ba ni bdag yod na ni gzhan du shes/ bdag gzhan cha las chags dang sdang/ de gnyis dang ni 'brel pa yi/ nyes pa thams cad rab tu 'byung zhes 'byung ba'i tshul
 gyis ngar 'dzin yod na 'dod chags dang zhe sdang la sogs pa kun nas slong ba'i las byed par 'gyur ro/ /de las yang ni skye ba yin zhes bya ba ni las kyi stobs de las 'gro ba rnams su skye mched drug gi mtshan nyid can du skye ba'o zhes pa'i don to/ /lam
 gsum zhes bya ba ni ngar 'dzin pa dang/ las dang/ skye ba'i mtshan nyid can gyi lam gsum 'khor ba'i 'khor lo gang la yod pa de la de skad ces bya'o/ /thog mdza' dbus med la zhes bya ba ni gang la dang ba med pa de la thog ma med pa zhes
 bya ba la gang la tha ma med pa de la tha ma med pa zhes bya la/ de dag gi bar la dbus zhes bya bas de rnams 'di la don dam par yod pa ma yin te/ phung bo rnams rang bzhin med pa'i phyir ro/ /kun rdzob tu yang so so'i skye bo'i dbang du byas nas thog
 ma dang tha ma dang dbus yod pa ma yin te/ 'di ltar thog ma yod pa ma yin te/ rgyu med par thal bar 'gyur bas so/ /tha ma yang med de/ 'phags pa'i lam ma skyes pa'i phyir ro/ /thog mdza' med pa'i phyir dbus
 kyang yod pa ma yin no/ /'khor ba'i 'khor lo zhes bya ba la 'khor ba'i sgras 'gro ba nas 'gro ba gzhan du 'khor ba'i phung po lnga la brjod par bya'o/ /de nyid 'khor lo ste 'gro ba na 'gro ba gzhan du 'khor ba'i phyir ro/ /mgal ma'i 'khor lo
 lta bu zhes bya ba la/ shing phyed tshig pa kun tu bskor ba las 'khor lo'i rnam pa bzhin du 'khor ba'i 'khor lo yang ngo/ /zhes pa'o/ /'di'i don ni 'gal mo kun tu bskor ba las 'khrum nas 'khor lor snang ba de bzhin du 'khor ba'i
 'khor lo med du zin kyang ye shes kyi mig bkag pa dang/ lta ba ngan par ltung ba la snang ba yin no/ /phan tshun gyi rgyu can 'di ni 'khor bar 'gyur zhes bya ba 'di ni phung po la brten nas ngar 'dzin 'byung la ngar 'dzin la brten nas phung po
 'byung ba'i phyir ro/ /phan tshun gyi rgyus 'gro ba lngar yongs su 'khor ba yin no/ /mgal me'i 'khor lo dang 'dra ba de nyid kyis 'khor ba'i 'khor lo yod pa ma yin pa nyid du brjod pa yin la/ de nyid bstan par bya ba'i phyir/ de ni rang gzhan gnyis
 ka dang zhes bya ba la sogs pa smos te/ de ni zhes bya ba ni 'khor ba'i 'khor lo'o/ /rang zhes bya ba ni phung po rnams rang las skyes pa nyid du ma dmigs te/ gang gi phyir rang las skyes na rang yod pa las skye ba yin nam /'on te med pa las
 skye ba yin/ yod pa las ma yin te/ rang gi rang bzhin yod pa yin na skye ba med pa'i phyir dang/ rang gi bdag nyid la bya ba 'gal ba'i phyir ro/ /med pa las kyang ma yin te/ med pa rgyu nyid du mi 'thad pa'i phyir dang/ rang las skye ba'i phyogs
 nyams pa'i phyir ro/ /gzhan las kyang phung po skye ba mi dmigs te/ gang gi phyir gzhan las skye na rgyu las skye 'am/ rgyu ma yin pa las skye/ gal te rgyu ma yin pa las skye na thams cad las thams cad skye bar 'gyur ro/ /gal te rgyu las skye na de yang
 rigs pa ma yin te/ gang gi phyir 'bras bu la bltos nas rgyu nyid du 'jog pa yin pas ji srid du 'bras bu ma skyes pa 'di nyid du rgyu nyid ma yin pa'i phyir rgyu las 'bras bu skye ba ma yin no/ /gnyis ka dang zhes bya ba ni rang dang gzhan dag las phung po
 skye ba ma dmigs te/ phyogs gnyis ka la brjod pa'i skyon 'byung ba'i phyir ro/ /de ltar rang dang gzhan las skye ba bkag nas/ dus gsum du skye ba dgag par bya ba'i phyir/ dus gsum nyid duAng ma mthong phyir zhes bya ba smos te/ de la 'das pa dang/
 ma 'ongs pa'i dus su dngos po mi dmigs te med pa'i phyir ro/ /da ltar gyi dus su ma dmigs te/ gcig dang du ma dang bral ba'i phyir ro/ /ngar 'dzin pa ni zad par 'gyur zhes bya ba ni rang dang gzhan dang/ gnyis ka dang/ dus gsum du phung po skye ba ma
 dmigs pa de'i tshe phung po la mngon par zhen pa log par gyur pas ngar 'dzin pa zad par 'gyur ba yin no/ /de nas zhes bya ba ni ngar 'dzin pa zad pa las so/ /las dang skye ba'ang zhes bya ba ni las dang skye ba'ang zad par 'gyur ro/ /zhes bya ba'i don to/
 des na rin po che'i phreng ba las phung po la mngon par zhen pa la ngar 'dzin pa 'byung la/ phung po la mngon par zhen pa zad nas ngar 'dzin pa zad par 'gyur ro/ /zhes gsungs so/ /de'i phyir gal te nyan thos la sogs pa rnams la ngar 'dzin pa zad par
 'dod na phung po la sogs pa mngon par zhen pa med par khas blangs dgos la/ phung po la mngon par zhen pa med pas yang phung po rang bzhin med par yongs su shes pas so/ /des na nyan thos la sogs pa rnams la yang chos kyi bdag med pa
 yongs su shes pa yod pas khas len dgos so/ /yang zhes bya ba ni rin po che'i phreng ba nyid las nyan thos la sogs pa rnams la chos kyi bdag med pa yongs su shes pa yod pa nyid yang gsungs so/ /zhes bstan par bya
 ba'i phyir/ ji ltar zhes bya ba la sogs pa smos te/ mig ni 'khrul ba yis zhes bya ba ni 'khrul pa'i rgyu yul la yod pa'i stobs kyis mig 'khrul pa'i phyir ro/ /dbang po rnams kyis bya ba ni mig la sogs pa rnams kyis so/ /da lta'i yul dag ces
 bya ba ni da ltar gyi gzugs dang sgra la sogs pa'o/ /'dzin par byed ces bya ba ni mgal me'i 'khor lo bzhin du ste/ yul rnams rang bzhin med pa la da ltar gyi bzhin du 'dzin pa'i phyir ro/ /yul dang dbang po dag rang bzhin med pa la rigs
 pas bstan par bya ba'i phyir/ dbang po dang ni zhes bya ba la sogs pa smos te/ khyed kyi dbang po rnams dang/ de'i yul du gyur pa'i don rnams 'byung ba rgyur byas pa'i gzugs su khas blangs pa yin la/ gal te dbang po rnams dang/ dbang po rnams
 kyi yul du gyur pa'i don gzugs la sogs pa rnams 'byung ba'i rang bzhin te/ sa dang/ chu dang/ me dang/ rlung gi rgyu can du 'dod na'o/ /'byung ba so sor don med pas zhes bya ba ni re re zhing rang bzhin med pa'i phyir ro/ /'di dag ces bya ba ni
 'byung ba la brten pa'i dbang po dang don rnams so/ /don du zhes bya ba ni don dam par te/ 'jig rten pa'i tha snyad tsam du dbang po dang don dag 'dod pas so/ /don med do zhes bya ba ni rang bzhin med pa ste/ rten med pa'i phyir brten pa med pas so//
 ji ltar rang bzhin med pa de bstan par bya ba'i phyir/ 'byung rnams zhes bya ba la sogs pa smos te/ 'dir 'byung ba rnams so sor grub pa yin nam/ 'dres par grub pa yin/ de la so sor grub pa ma yin te/ 'byung ba rnams so sor
 tha dad par grub pa yin na/ bud shing med pa'i me thal bar 'gyur te/ bud shing la sogs pa la yod pa'i sa la sogs pa la bltos pa med pa nyid du grub par 'gyur ro/ /gal te 'dres pas grub na de yang mi rigs te/ 'byung ba rnams 'dres par gyur pa na
 so so'i mtshan nyid med par thal bar 'gyur ro/ /de ltar na 'byung ba so so'i mtshan nyid med par 'dres par gyur pa ci lta ba yin zhes pa'i don to/ /lhag ma la yang de ltar nges zhes bya ba ni ji ltar me la so so'i 'dres par ma grub pa de bzhin du/ sa
 la sogs pa lhag ma rnams la yang so so ba ma 'dres pa ma grub pa nyid du nges pa yin te/ 'di ltar gal te so so grub par gyur na de'i tshe sa sra ba nyid yin pa'i phyir/ rlan pa la sogs pa'i rang bzhin can chu la sogs pa la mi bltos par grub par
 'gyur ro/ /des na so sor grub pa ma yin no/ /'dres par grub na/ 'dus na mtshan nyid med 'gyur te/ zhes sngar bzhin du brjod par bya'o/ /de bzhin du chu'i khams la sogs pa la yang brjod par bya'o/ /de ltar 'byung ba rnams rang bzhin med par
 bstan nas/ 'byung ba rnams rang bzhin med par 'jug bsdu ba'i sgo nas dbang po dang don rnams rang bzhin med pa nyid du bstan par bya ba'i phyir/ ji ltar zhes bya ba la sogs pa smos te/ de ltar zhes bya ba ni sngar bstan pa'i tshul gyis so/ /'byung ba
 rnams gnyis su yang don med pa zhes bya ba ni 'byung ba rnams so so dang 'dres par ma grub pa'i phyir rang bzhin med pas so/ /'dus don med ces bya ba ni 'byung ba bzhi po rnams rang bzhin med pa'i phyir 'byung ba bzhi po rnams 'dus pa rang bzhin med
 pa'o/ /'dus pa don med nyid kyi phyir zhes bya ba ni 'dus pa rang bzhin med pas so/ /gzugs kyang zhes bya ba ni 'byung ba bzhi la brten pa'i gzugs dang/ sgra dang/ dri dang/ ro dang/ reg bya'i bdag nyid can rgyur byas pa'i gzugs so/ /don du zhes bya ba ni sngar bzhin
 du'o/ /don med do zhes bya ba ni rang bzhin med pa la brten pa la rang bzhin yod pa nyid du ci ltar zhes bya ba'i don to/ /de ltar gzugs kyi phung po rang bzhin med pa nyid du bstan nas/ rnam par shes pa'i phung po la sogs pa rang bzhin
 med pa nyid du bstan par bya ba'i phyir/ rnam shes zhes bya ba la sogs pa smos te/ sngon po dang ser po la sogs pa'i yul so sor rig pa tsam ni rnam par shes pa'i phung po'o/ /bde ba dang/ sdug bsngal dang/ btang snyoms nyams su myong ba ni tshor ba'i phung
 po'o/ /sems las byung ba sngon po dang ser po la sogs pa'i mtshan mar 'dzin pa de ni 'du shes kyi phung po'o/ /gzugs dang/ tshor ba dang/ 'du shes dang/ 'du byed dang/ rnam par shes pa las tha dad du gyur pa'i sems dang mtshungs par ldan pa'i
 sems pa la sogs pa dang/ sems dang mtshungs pa mi ldan pa'i thob pa la sogs pa rnams ni 'du byed kyi phung po'o/ /thams cad du zhes bya ba ni rang bzhin la sogs pa las skye ba med pa'i sgo nas so/ /so sor zhes pa ni phung po re re la'o/ /
 bdag nyid don med phyir zhes bya ba ni phung po so sor la rang bzhin med pas so/ /dam pa'i don du don med do zhes bya ba ni don dam par phung po bzhi po rnams la rang bzhin med de zhes bya ba'i don to/ /de ltar phung po rnams rang bzhin med par bstan nas/
 da ni phung po rnams rang bzhin med par yongs su shes pa'i sgo nas bde ba dang/ sdug bsngal gnyis ka med pa'i phyir/ bde ba dang sdug bsngal dang ldan pa dang bral ba'i sred pa log pas grol bar 'gyur ba yin no zhes bstan par bya ba'i phyir/ ji ltar
 sdug bsngal zhes bya ba la sogs pa smos te/ rigs pas tshor ba bde ba dang sdug bsngal med pa'i phyir bkres pa dang skom pa la sogs pa'i rang bzhin can gyi sdug bsngal phyir bcos pa ste/ kha zas la sogs pas byas pa'i tshim pa la sogs pa
 la nga rgyal byed pa'o/ /don du zhes bya ba ni rigs pas so/ /de bzhin du tshim pa la sogs pa'i bde ba 'joms/ bkres pa la sogs pa las sdug bsngal du nga rgyal rab tu skye pa'o/ /bde dang zhes bya ba la sogs pa las bdag bde ba dang ldan par gyur cig
 snyam pa'i bde ba dang phrad pa'i srid pa'o/ /de ltar ngo bo nyid med pa'i phyir zhes bya ba ni sngar bstan pa'i tshul gyis phung po rang bzhin med par yongs su shes pas so/ /sdug bsngal dang bral ba'i sred pa spong zhes bya ba ni bdag sdug bsngal dang bral bar
 gyur cig snyam pa'i sdug bsngal dang bral ba'i sred pa rab tu spong ngo/ /de'i phyir zhes bya ba ni bde ba dang sdug bsngal ba'i rnam par rtog pa med pa'i phyir ro/ /de ltar mthong bas zhes bya ba ni sred pa rnam pa gnyis rang bzhin med pa nyid du yongs su
 shes pas spong bar 'gyur ba nyid du yongs su mthong bas so/ /grol zhes bya ba ni sred pa las byung ba'i skye ba med pa'i phyir ro/ /de'i don ni 'di yin te/ bde ba dang sdug bsngal ngag dang rang bzhin med par rtogs nas 'di dag ni mngon par zhen
 pa yin no snyam du yongs su shes nas/ de dag la srid pa log pas skye ba zad nas grol par 'gyur ro zhes pas so/ /gang gis mthong bar 'gyur zhe na zhes bya ba 'dis gzhan gyi dogs pa bsu ba ste/ 'di ltar khyed kyis rang bzhin med par yongs su shes
 pas sred pa gnyis spong bar 'gyur bas grol bar 'gyur ro zhes brjod pa ste/ khyod kyis 'dod pas shes pa po med pa'i phyir/ gang gis mthong ba yin snyam nas 'dri ba'o/ /de la lan ni tha snyad du ni sems la brjod ces bya ba smos te/ 'jig rten
 pa la bltos nas sems kyis mthong ngo zhes brjod pa yin no/ /ci'i phyir don dam par sems kyis mthong ngo zhes mi brjod ce na/ sems byung med par sems med de/ zhes bya ba smos te/ tshor ba la sogs pa sems las byung ba rnams med
 na sems kyang med do/ /des na sems las byung ba la bltos nas sems yod par 'jog pa yin gyi ngo bo nyid kyis gcig tu grub pa ni ma yin no/ /gang bltos pa'i rang bzhin can de ngo bo nyid kyis yod pa ma yin te/ chu'i
 dro ba bzhin no/ /de nyid kyi phyir/ rang bzhin bcos ma ma yin zhing gzhan la bltos pa'ang ma yin no zhes gsungs so/ /don med phyir na zhes bya ba ni sems rang bzhin med pa'i phyir ro/ /yod mi 'dod ces bya ba ni don dam par sems yod pa nyid du
 mi 'dod pas don dam bar na mthong bar mi 'dod do zhes pa'i don to/ /rgol ba'i lan btab nas/ sngar bstan pa'i grol ba rgyas par bshad pa bstan par bya ba'i phyir/ de ltar zhes bya ba la sogs pa smos te/ de ltar zhes bya ba'i sngar bstan pa'i rnam pas so//
 yang dag ji bzhin du zhes bya ba ni don dam par ro/ /'gro ba don med ces bya ba ni 'gro ba rang bzhin med pa nyid du rtogs nas so/ /rgyu med pa'i me bzhin du zhes bya ba ni ji ltar bud shing log pas me ldog pa bzhin du'o/ /gnas med ces bya ba ni
 snod kyi 'jig rten rang bzhin med pas so/ /de nyid kyi phyir gang phyir dngos dang dngos med pa/ /blo yi mdun na mi gnas pa/ /de tshe dmigs pa gzhan med pas/ /dmigs pa med par rab tu zhi zhes gsungs so/ /'di'i don ni nyan thos la
 sogs pa rnams la yang chos kyi bdag med pas yongs su shes pa'i sgo nas bde ba dang sdug bsngal ba la sred pa zad pas grol bar 'gyur ba nyid du brjod pa yin no/ /des na nyan thos la sogs pa la yang chos kyi bdag med pa yongs su
 shes pa yod pa nyid du 'grub pa yin no/ /de la gzhan gyi rgol ba bstan par bya ba'i phyir/ ci ste zhes bya ba la sogs pa smos te/ rin po che'i phreng ba las rang bzhin med par mthong ba gang gsungs pa de byang chub sems dpa' rnams la gsungs pa
 yin gyi/ nyan thos la sogs pa la ma yin no/ /des na nyan thos la sogs pa la chos kyi bdag med pa yongs su shes pa yod par ji ltar 'grub ce na/ de la lan ni de yang yod pa ma yin te zhes bya ba la sogs pa smos te/ de skad du gsungs pa'i phyir ro zhes bya ba
 ni ji ltar mig ni 'khrul pa yis zhes bya ba la sogs pa gang gsungs pa'o/ /'di ji ltar shes zhe na zhes bya ba ni nyan thos pa'i dbang du mdzad nas gsungs pa yin par ji ltar shes zhe na'o/ /lan ni brjod par bya ste zhes bya ba la sogs pa smos te'o//
 'jug thog kho nar zhes bya ba ni/ rgyu med pa'i me bzhin du/ gnas med len med mya ngan 'da' zhes gsungs pa de ma thag tu'o/ /de ltar byang chub sems dpas kyang mthong nas zhes bya ba ni sngar bstan pa'i tshul gyis rang bzhin med pa nyid du mthong
 nas so/ /byang chub nges 'dod ces bya ba ni yongs su mya ngan las 'da' bar nges par 'dod pa'o/ /'o na ci'i phyir yongs su mya ngan las 'da' bar mi mdzad ce na/ lan ni de ni 'on kyang snying rje yis/ /byang chub bar du srid mtshams sbyor zhes bya ba smos te/
 byang chub sems dpa' rnams la skye ba thog ma med pa nas goms pa'i snying rjes sems can gyi don du 'khor bar gnas pa yin no/ /gal te sngar gsungs pa'i gzhung byang chub sems dpa' rnams kyi dbang du mdzad nas gsungs pa yin na de'i tshe
 de ltar byang chub sems dpas kyang zhes bya ba la sogs pa byang chub sems dpa' rnams la bye brag tu gsungs pa don med par 'gyur ro/ /kyang gi sgra yang don med par 'gyur ro/ /de'i phyir sngar gsungs pa'i gzhung ni nyan thos la sogs pa'i
 dbang du mdzad pa yin la/ phyis gsungs pa'i gzhung ni byang chub sems dpa' rnams kyis dbang du mdzad nas gsungs pa yin no/ /des na nyan thos la sogs pa rnams la yang chos kyi bdag med pa yongs su shes pa yod pa nyid du grub pa
 yin no/ /rin po che'i phreng ba kho na las nyan thos la sogs pa la chos kyi bdag med pa yongs su shes pa yod par gsungs par ma zad kyi/ 'on kyang nyan thos kyi mdo las kyang mthong ba yin no zhes bstan par bya ba'i phyir/
 nyan thos zhes bya ba la sogs pa smos te/ ji ltar dbu ba rdos par snang gi de'i na snying po yod pa ma yin pa de bzhin du gzugs kyi phung por rig par bya'o/ /ji ltar chu'i nang du chu bur skad cig ma dang snying po med par mthong ba de bzhin du rnam
 par shes pa'i phung por rig par bya'o/ /ci ltar chu ltar snang ba'i smig rgyu de thag ring po nas mthong gi nye ba nas mi mthong ba de bzhin du 'du shes kyi phung por rig par bya'o/ /ci ltar chu shing gi sdong po rnam par phye na snying po cung zad kyang yod
 pa ma yin pa de bzhin du 'du byed kyi phung por rig par bya'o/ /ci ltar sgyu ma'i glang po che la sogs pa'i rnam pa mthong ba yin la de yang yod pa ma yin pa de bzhin du rnam par shes pa'i phung por rig par bya'o/ /'du byed rnams nges par dpyad pa
 yin no zhes bya ba ni gzugs kyi phung po la sogs pa rnam par dbyed pa'o/ /yang rin po che'i phreng ba'i khungs bstan par bya ba'i phyir/ don dam pa 'di nyid ces bya ba la sogs pa smos te/ don 'di nyid ces bya ba ni nyan thos la sogs pa
 la chos kyi bdag med pa yongs su shes pa yod pa'i mtshan nyid can no/ /theg pa chen po dbu ma pas gang dngos po rnams gdong ma nas skye ba med pa de kho na la stong pa nyid ces brjod do/ /nyan thos pa rnams kyi dngos po rnams rang
 bzhin la mi gnas pa'i phyir stong pa nyid do zhes brjod cing zad pa la stong pa nyid du brjod do/ /zad dang mi skye don du ni/ gcig pa de'i phyir bzod par gyis zhes bya ba ni skye ba med pa dang zad pa dang gcig pa yin par yid la gyis shig pa'o//
 gal te rang bzhin yod na de la zad pa mi rigs te/ me'i rang bzhin dro ba de nam yang zad par mi 'gyur te/ me la dro ba ma yin pa med pas so/ /des na dngos po zad par khas len na de'i tshe dngos po rnams dang po nas rang bzhin med par khas len dgos so//
 des na zad pa dang mi skye ba dag don gcig yin no/ /des na nyan thos pa rnams kyis zad pa khas len na chos thams cad rang bzhin med par khas blangs pa yin no/ /yang nyan thos kyi mdo tshad ma nyid du 'phags pa klu sgrubs zhabs kyis mdzad pa'i dbu
 ma'i rtsa ba'i shes rab kyis tshigs su bcad pa'i sgo nas bstan par bya ba'i phyir/ bcom ldan 'das zhes bya ba la sogs pa smos te/ katyA ya na'i gdams ngag las ni zhes bya ba ni dge slong ka tyA ya ni gdams ngag las/ yod pa dang med pa gnyis
 ka dgag par mdzad zhes bya ba ni bcom ldan 'das kyis yod pa'i rnam par rtog pa dang/ med pa'i rnam par rtog pa dag dgag par mdzad de/ 'di ltar kA tyA ya na la gdams ngag gsungs pa'i mdo las/ kA tyA ya na gang gi phyir 'jig rten 'di
 phal cher yod pa de nyid dang med pa nyid du mngon par zhen pa nges skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba'i sgo nas yongs su grol bar mi 'gyur ba dang/ 'gro ba
 lngar 'khor ba las kyang yongs su grol bar mi 'gyur ba dang/ pha ma 'chi ba la gdung ba'i sdug bsngal gyis grol bar mi 'gyur zhes bya ba la sogs pa gsungs so/ /mdo 'di sde pa thams cad kyis khas len pa yin pa la/ des na nyan thos rnams
 kyis yod pa dang/ med pa dgag pa khas len na chos kyi bdag med pa nyid khas len dgos so/ /bcom ldan 'das ji lta bu zhe na/ dngos dang dngos po med mkhyen pas zhes bya ba smos te/ ji lta ba bzhin du gnas pa'i dngos po dang dngos po med pa
 mkhyen pa ni bcom ldan 'das kho na la brjod par bya'o/ /dngos po dang dngos po med pa mkhyen pa yang de dag la rnam par mi rtog pa'o/ /de ltar nyan thos la sogs pa la chos kyi bdag med pa yongs su shes pa yod pa yin no/ /zhes
 rab tu bsgrubs nas gzhan gyi dogs pa bsu bar bya ba'i phyir/ gang zhig gal te zhes bya ba la sogs pa smos te/ gang zhig ces bya ba ni nyan thos kyi theg pa'o/ /theg pa chen po bstan pa don med par 'gyur ro zhes bya ba ni nyan thos kyi theg pa las
 chos la bdag med bstan pa'i phyir ro/ /theg pa chen po bstan pa la dgos pa ci zhig yod ces pa'i don to/ /de la lan ni/ de'i lugs zhes bya ba la sogs pa smos te/ de'i zhes bya ni theg pa chen po bstan pa don med par 'gyur ro zhes brjod
 pa de'i 'o/ /rigs pa dang lung dang 'gal bar bstan par bya ba'i phyir/ theg pa chen po zhes bya ba la sogs pa smos te/ sa dang zhes bya ba ni rab tu dga' ba la sogs pa bcu'o/ /pha rol phyin pa dang zhes bya ba ni sbyin pa la sogs pa pha rol tu
 phyin pa bcu'o/ /smon lam der zhes bya ba ni sa bcu'i ba'i mdo la sogs pa las gsungs pa'i 'di ltar gyur cig /'di ltar gyur cig ces bya ba la sogs pa 'gro ba'i don gyi 'dod pa khyad par can no/ /snying rje chen po zhes bya ba ni sems can
 thams cad la dmigs pa'o/ /sogs pa'i sgras ni pha rol tu phyin pa rnams nyams su blangs pa bsdu bar bya'o/ /yongs su bsngo ba dang zhes bya ba ni dge ba'i rtsa ba sems can thams cad kyi don du bla na med pa yang dag par rdzogs pa'i byang chub tu
 yongs su bsngo ba'o/ /tshogs gnyis dang zhes bya ba ni bsod nams kyi tshogs dang ye shes kyi tshogs so/ /bsam gyis mi khyab pa'i chos nyid dang zhes bya ba ni chos rnams kyi chos nyid bsam gyis mi khyab pa gang yin pa yang yin te/ dper na/
 chu bo gang+gA'i klung gi bye ma ji snyed pa/ /skra gcig khyon la ji snyed sangs rgyas mang po bzhugs zhes bya ba la sogs pa gsungs pa lta bu'i rdzu 'phrul gyi rnam par 'phrul pa'o zhes pa'o/ /'di'i don ni gal te theg pa chen po la chos kyi bdag med pa tsam
 bstan par gyur na de'i tshe theg pa chen po bstan pa don med par 'gyur la/ 'on kyang sa dang pha rol tu phyin pa la sogs pa gzhan yang bstan pa yin pas rigs pa dang 'gal ba yin no/ /don 'di mdo las kyang mthong ba'i phyir mdo dang yang 'gal
 ba yin no/ /don 'di la rgyal po la gdams pa rin po che'i phreng ba'i khungs bstan par bya ba'i phyir/ ji skad du zhes bya ba la sogs pa smos te/ nyan thos kyi theg pas nyan thos kyi theg pa nyid kyi sangs rgyas nyid thob pa yin pas/ theg pa chen pos
 ci zhig bya zhes 'dri ba yin no/ /de la la ni nyan thos theg pa de las ni zhes bya ba la sogs pa smos te/ nyan thos kyi theg pa sngar bstan pa'i byang chub sems dpa' i smon lam rnams ma bshad pa dang/ pha rol tu phyin pa'i spyod pa yang ma bshad pa
 dang/ sngar bstan pa'i yongs su sngo ba yang ma bshad do/ /de'i phyir nyan thos kyi theg pas byang chub sems dpa' ji ltar 'gyur te/ gang gi tshe byang chub sems dpa' yang mi thob na de'i tshe sangs rgyas nyid ji ltar thob/ theg pa chen po la thams cad
 yod pa'i phyir de kho na sangs rgyas nyid thob par 'gyur ba yin no/ /de nyid rgyas par bstan par bya ba'i phyir/ byang chub sbyong la zhes bya ba la sogs pa smos te/ byang chub kyi don du spyod pa ni pha rol tu phyin pa rnams la 'jug pa'i bya ba'o/ /de la
 gnas pa ni rgyun gyis gnas pa'o/ /de'i don du nyan thos kyi theg par ma gsungs la/ theg pa chen por ni gsungs pa'i phyir theg pa chen po mkhas pa ste/ blang dor ldan pa rnams kyis sangs rgyas kyi gsung nyid du gzung ba yin no zhes pa'i
 don to/ /'dis ni theg pa chen pos smon lam la sogs pa lhag pa yin no zhes bstan pa yin no/ /da ni chos kyi bdag med pa 'ba' zhig gsal bar bya ba'i phyir theg pa chen po bstan par rigs pa yin no zhes bstan par bya
 ba'i phyir/ chos kyi bdag med pa zhes bya ba la sogs pa smos so/ /de nyid rgyu mtshan bstan par bya ba'i phyir/ theg pa chen po thams cad gtso bor chos kyi bdag med pa ston pa yin la/ gzhan du ni zur tsam ston ba yin te/ nyan thos kyi theg bar ni gzugs ni dbul
 pa rjes pa 'dra zhes bya ba la sogs pas chos kyi bdag med pa zung tsam ston pa yin no/ /des na chos kyi bdag med pa rgyas par brjod par bya ba'i phyir theg pa chen po bstan pa yang rigs pa yin no/ /zhes pa'i don to/ /chos kyi bdag med pa rgyas
 par bstan ba la/ slob dpon klu sgrub zhabs kyi khungs bstan par bya ba'i phyir/ ji skad du slob dpon gyi zhal snga nas zhes bya ba la sogs pa smos te/ mtshan ma med pa ma rtogs par zhes bya ba ni dngos po rnams la sngon po dang ser po la
 sogs pa'i mtshan ma dang gral bar ma shes na'o/ /thar pa med ces bya ba ni nyon mongs pa spong ba med pa'o/ /de'i phyir zhes bya ba ni gang gi phyir mtshan ma med pa ma rtogs na thar pa med pa'o/ /de ni zhes bya ba ni/ chos kyi bdag med
 pa'o/ /tshang bar zhes bya ba ni ji ltar de'i rang bzhin dang/ sgrib pa dang/ de spangs pa'i rnam pas so/ /zhar la 'das pas chog go zhes bya ba ni nyan thos kyi theg par chos kyi bdag med pa bstan pa la rtsod pa dang/ lan brgyud mar zhar la 'ongs
 pas chog pa nyid do/ /de nyid kyi phyir zhes bya ba ni/ gang gi phyir nyan thos kyi theg par yang chos kyi bdag med pa bstan pa la skyon med pa de'i phyir phyir ro/ /blo ma dkrugs pa rnams kyis zhes bya ba ni shes rab rnam par ma g.yangs pa rnams kyis so/ /
 rang nyid kyis don gyi de kho na nyid khong du chud par nus pa zhes bya ba ni nyan thos pa rnams la yang chos kyi bdag med pa yongs su shes pa yod pa nyid yin no/ /zhes khong du chud pa'i nus pa dang ldan pa yin gyi/ blo dman pa rnams kyi ni ma yin no zhes pa'o//
 dkyus ma nyid brjod par bya'o zhes bya ba ni sa dang po'i rnam gzhag nyid rtsom pa'o/ /de nyid ston pa ni de tshe de la zhes bya ba la sogs pa smos te/ de tshe zhes bya ba ni sa dang bo rtogs pa'i dus su'o/ /de la zhes bya ba ni byang chub sems dpa' la'o/ /dang
 po sbyin pa nyid ni ltag par 'gyur zhes bya ba ni pha rol tu phyin pa thams cad kyi nang nas byang chub sems dpa' rnams sbyin pa la 'jug pa sla ba'i phyir sbyin pa la bsod nams kyi tshogs sogs pa'i sgo nas mngon par rdzogs par byang chub pa'i rgyu dang
 po zhes bya'o/ /de yang lhag pa nyid yin te/ gang gi phyir sa dang po byang chub sems dpas chos kyi dbyings kun tu 'gro ba nyid du rtogs pa yin no/ /de la kun tu 'gro ba nyid ni ji ltar dngos po gcig la stod pa nyid yod pa de bzhin du thams cad kyi
 yang yin te/ chos kyi dbyings dang bral ba yis/ 'di ltar chos yod ma yin no zhes pa'i rigs pas so/ /gang gi che kun tu 'gro ba rtogs pa de'i tshe bdag dang gzhan dag mnyam pa nyid thob pa yin no/ /de thob nas bdag dang gzhan dag la khyad par du
 mi rtog go/ des na 'dir byang chub sems dpa' rnams bdag gi don bzhin du gzhan gyi don la yang 'jug pa yin no/ /de nyid 'grel pas bstan par bya ba'i phyir/ byang chub sems dpa' zhes bya ba la sogs pa smos te/ sbyin pa zhes bya ba la sbyin pa
 la rnam pa gsum ste/ zang zhing dang/ chos dang/ mi 'jigs pa'i sbyin pa'o/ /de la mchod pa dang/ rjes su 'dzin pa 'dod pas phyi dang nang gi kha na ma tho ba med pa'i dngos po kha lan dang rnam par smin pa la mi bltos par sems gang gi yongs su
 gtong ba dang/ lus dang ngag gi las ster ba ni byang chub sems dpa' i zang zing gi sbyin pa'o/ /'dis ni bkres pa dang skom pa la sogs pa'i sdug bsngal bsal nas sems can rnams rjes su 'dzin par byed pa'o/ /chos
 kyi sbyin pa ni sems can rnams la gnod par mi 'gyur ba'i tshor ba dang/ bstan bcos dang/ sgyu rtsal dang/ gtsug lag gi mtshan nyid can gyi las kyi man ngag sngon du 'gro ba'i bde 'gro dang mthong ba'i lam ston pa ni chos kyi sbyin pa'o/ /
 'dis kyang 'tsho ba dang/ ngan 'gro dang/ 'khor ba'i sdug bsngal bzlog nas sems can rnams la rjes su 'dzin par byed pa'o/ /mi 'jigs pa'i sbyin pa ni rgyal po dang/ chom rkun pa dang/ dgra dang/ gcan zan la sogs pas skrag par
 gyur pa de rnams las grol bar byed pa'o/ /'dis kyang srog dang/ longs spyod dang/ bu dang/ chung ma la sogs pa dang bral ba'i 'jigs pa las bzlog pa'i phyir sems can rjes su 'dzin pa yin no/ /tshul khrims ni rnam pa gnyis te/ ldog
 pa'i tshul khrims dang/ 'jug pa'i tshul khrims so/ /de ldog pa'i tshul khrims ni sdom pa'i tshul khrims so/ /'jug pa'i tshul khrims la rnam pa gnyis te/ dge ba chos sdud kyi tshul khrims dang/ sems can don byed kyi
 tshul khrims so/ /de la sdom pa'i tshul khrims ni so sor thar pa rigs bdun len pa ste/ dge slong dang/ dge slong ma dang/ dge tshul dang/ dge tshul ma dang/ bar sleb ma dang/ dge bsnyen dang/ dge bsnyen ma'o/ /dge ba'i chos sdud
 pa'i tshul khrims ni bdag nyid la sangs rgyas kyi chos yongs su smin pa'i don du 'gyur ba yin no/ /sems can don byed kyi tshul khrims ni sems can smin par byed pa'i don du 'gyur ba yin no/ /tshul khrims de rnams la gnas na srog gi tshad du
 gang sems can rnams la gnod par mi byed do/ /byed du yang mi 'jug go /bzod pa ni rnam pa gsum ste/ gzhan gyis gnod pa la ji mi snyam pa'i bzod pa dang/ sdug bsngal dang du len pa'i bzod pa dang/ chos la nges par sems pa'i bzod pa'o/ /de la
 dran pa dang/ bar ma chad pa dang/ yun ring ba gzhan gyis gnod pa byas pa las byung ba'i sdug bsngal mngon du byas pa las so sor brtags pa'i stobs kyis bzod pa de ni gzhan gyis gnod pa byas pa la ji mi snyam pa'i bzod pa'o/ /gang chos gos dang/
 bsod snyoms tshol ba las byung ba'i sdug bsngal thams cad bzod pa ni sdug bsngal dang du len pa'i bzod pa'o/ /gang yang dag par chos rab tu rnam par 'byed pa'i legs par dpyad pa'i blos lhag par mos ba'i gnas rnam pa brgyad la lhag par
 mos pa de ni chos la nges par sems pa'i bzod pa'o/ /de la lhag par mos pa'i gnas brgyad ni 'di lta ste/ dkon mchog gsum gyi yon tan dang/ de kho na nyid kyi don nyid kyi don dang/ sangs rgyas dang byang chub sems dpa' rnams kyi mthu
 dang/ rgyu dang/ 'bras bu dang/ thob par bya ba'i don dang/ de thob pa'i thabs dang/ shes par bya ba'i yul lo/ /brtson 'grus ni rnam pa gsum ste/ go cha'i brtson 'grus dang/ dge ba chos sdud pa'i brtson 'grus dang/ sems can don byed pa'i brtson
 'grus so/ /de la brtson 'grus rtsom pa'i sbyor ba'i sngar sems spro ba sngon du 'gro ba'i byang chub kyi ched du sems mi ldog pa'i phyir brtan pa nyid gang yin pa de ni go cha'i brtson 'grus so/ /gang sbyin pa la sogs pa'i pha rol tu phyin pa rnams rdzogs par bya
 ba'i phyir pha rol tu phyin pa'i sbyor ba byed pa ni dge ba'i chos sdud pa'i brtson 'grus so/ /gang don dang bcas pa'i sems can gyi don nye bar gnas pa la grogs byed pa la sogs pa ni sems can don byed kyi brtson 'grus so/ /brtson 'grus 'dis ni yon
 tan 'phel bar byed de/ sbyin pa la sogs pa'i yon tan goms pa las yon tan khyad par can 'grub pa dang/ 'phel bar 'gyur bas so/ /bsam gtan ni rnam pa gsum ste/ mthong ba'i chos la bde bar gnas par 'gyur ba'i
 bsam gtan dang/ byang chub sems dpa' i ting nge 'dzin dang/ yon tan nges par bsgrub pa'i bsam gtan dang/ sems can gyi don byed pa'i bsam gtan no/ /de la gang byang chub sems dpa' rnams kyi rnam par rtog ba thams cad dang bral ba
 lus dang sems kyi bsrabs pa skyed par byed pa mchog tu zhi ba mngon par zhen pa dang bral ba ro myang bar bya ba ma yin pa de ni mthong ba'i chos la bde bar gnas pa'i bsam gtan no/ /byang chub sems dpa' rnams kyi ting nge 'dzin gang la nyan thos
 dang rang sangs rgyas rnams kyis kyang ming yang mi shes na snyoms par 'jug pa lta smos kyang ci dgos/ stobs bcu'i rigs kyis bsdus pa'i rnam pa snang tshogs pa bsam gyis mi khyab pa'i ting nge 'dzin bsgrub pa'i don du 'gyur ba'i bsam
 gtan gang yin pa dang/ byang chub sems dpa' i rnam par thar pa dang/ zil gyis gnon pa dang/ zad par gyi skye mched dang/ so so yang dag par rig pa dang/ nyon mongs pa med pa dang/ smon nas shes pa la sogs pa'i nyan thos la sogs
 ba dang/ thun mong ma yin pa'i yon tan bsgrub pa'i bsam gtan du rig par bya'o/ /de la gang byang chub sems dpa' bsam gtan la brten nas sems can gyi don du grogs byed pa ni sems can don byed kyi bsam gtan du rig bar bya'o/
 bsam gtan 'dis ni sems can rnams bstan pa la 'jug par byed/ bsam gtan gyi stobs kyis rdzu 'phrul gyis mgu bar gyur pa rnams bstan pa la 'jug pas so/ /shes rab ni rnam pa gsum ste/ shes bya'i de kho na nyid rjes su rtogs
 pa dang/ so sor rtogs pa'i shes rab dang/ rig pa'i gnas lnga dang/ phung po gsum la mkhas par byed pa'i shes rab dang/ sems can gyi don byed pa'i shes rab bo/ /de la gang brjod du med pa'i chos kyi bdag med pa khong du chud nas bden pa rtogs pa'i ched du
 'am/ bden pa rtogs pa'i dus su 'am/ bden pa rtogs pa'i phyir gyi byang chub sems dpa' i shes rab mchog tu zhi bar gyur ba nye bar gnas pa rnam par mi rtog ba/ spros pa thams cad dang bral ba chos thams cad dang mnyam pa nyid du rjes su 'gro ba dang/ spyi
 chen po'i mtshan nyid can/ shes bya'i mthar gtugs pa sgro 'dogs pa dang/ skur pa 'debs pa'i mdza' gnyis dang bral ba'i phyir dbu ma'i lam gyi rjes su 'brang ba de ni byang chub sems dpa' rnams kyi de kho na nyid rjes su rtogs pa'i shes rab dang/ so
 sor rtog pa'i shes rab tu rig par bya'o/ /rig pa'i gnas lnga ni nang rig pa dang/ gtan tshigs rig pa dang/ gso ba rig pa dang/ sgra rig pa dang/ bzo'i gnas rig pa'o/ /phung po gsum ni don dang bcas pa'i chos kyi phung po dang/ don dang mi
 ldan pa'i chos kyi phung po dang/ gnyis ka ma yin pa'i chos kyi phung po'o/ /rigs pa'i gnas lnga dang phung po gsum po 'di rnams la mkhas pa'i shes rab ni byang chub sems dpa' rnams kyi rig pa'i gnas lnga dang/ phung po gsum la mkhas pa'i
 shes rab tu shes par bya'o/ /gnas 'di rnams nyid la dmigs pa'i shes rab gang yin pa de ni sems can gyi don byed pa'i shes rab ces bya ste/ gnas 'di rnams la mkhas pa'i phyir sems can gyi don la grogs su 'gyur ba'o/ /'dis
 gdams ngag yang dag par sbyin pa'i sgo nas sems can rnams grol bar byed pa'o/ /thabs kyi pha rol tu phyin pa la sogs pa ni sngar bshad zin to/ /da ni sbyin pa'i pha rol tu phyin pa lkog tu gyur pa'i yon tan nges pa'i rtags su bstan par bya ba'i phyir/
 rang sha ster la zhes bya ba la sogs pa smos te/ byang chub sems dpa' i rang gi sha ster ba la yang gus par byas pa'i rang gi sha ster ba gang yin pa ste/ snang du mi rung ba'i sa rtogs pa la sogs pa'i rtags su gyur pa yin no zhes pa'i
 don to/ /de nyid 'grel pas bstan par bya ba'i phyir/ de'i tshe zhes bya ba la sogs pa smos te/ de'i tshe zhes bya ba ni gtong ba'i dus na'o/ /sa rtogs pa la sogs pa zhes bya ba ni sa rab tu dga' ba la sogs pa'o/ /sogs pa'i sgras ni 'jig rten gyi
 khams brgya g.yo la sogs pa gzung bar bya'o/ /phyi dang zhes bya ba ni nor dang bu dang chung ma la sogs pa'o/ /nang zhes bya ba ni rkang pa dang lag pa nas brtsams te rkang gi bar ro/ /de nyid dang po ste/ don byed pa'i phyir ro/ /de gtong ba'i khyad par ni
 dmigs pa med pa'i sbyor bas gtong ba'o/ /de nyid kyi rjes su dpag pa ste/ 'dis rjes dpog pas na rjes su dpog pa ste rtags so/ /'di'i don ni byang chub sems dpa' sa dang po rtogs pa'i tshe chos kyi dbyings kun tu 'gro bar rtogs pa yin la/
 de yang rang gi sha la sogs pa gtong ba'i sgo nas shes pa yin no/ /de ltar gal te byang chub sems dpas chos kyi dbyings kun tu 'gro bar ma rtogs na sha la sogs pa gtong bar ci ltar nus par 'gyur/ des na rang gi sha la sogs pa gtogs
 pas chos kyi dbyings kun tu 'gro bar rtogs pa yin no zhes pa yin no/ /de bzhin du yon tan gzhan rnams la yang brjod par bya'o/ /sngar dang phyis kyi tshigs su bcad pa gnyis kyi 'grel pa bstan par bya ba'i phyir/ ji ltar zhes bya ba la sogs
 pa smos te/ sdug bsngal phyir bcos pa gtan du bde ba thob pa'i rgyu yin no zhes bya ba ni sdug bsngal phyir bcos pa kho na gtan du bde ba yin par 'dod kyi/ dngos po la bde ba ni yod pa ma yin zhes pa'o/ /sbyin pa de bde ba'i rgyu yin no zhes
 bstan par bya ba'i phyir/ skye bo 'di kun zhes bya ba la sogs pa smos te/ longs spyod ces bya ba ni longs spyod par bya bas na longs spyod de/ gzugs dang sgra la sogs pa'o/ /dang por zhes bya ba ni tshul khrims kyi gtam la sogs pa'i sngar ro/ /gzhan ni go
 sla'o/ /de nyid 'grel par bshad par bya ba'i phyir/ sdug bsngal phyir bcos zhes bya ba la sogs pa la sdug bsngal phyir bcos pa tsam zhes bya ba ni bkres pa la sogs pa'i sdug bsngal phyir bcos pa ste/ bkres pa la sogs pa log pa'i mtshan nyid
 can no/ /srid pa'i bde ba 'byung ba'i rgyur gyur pa zhes bya ba ni 'khor ba'i bde ba bkres pa la sogs pa'i mtshan nyid can de'i rgyun skye ba'i rgyu mtshan du gyur pa'o/ /phyin ci log tsam gyis bdag nyid kyi rgyun nye bar brtags pas zhes bya ba ni bde ba ma yin
 pa la bde bar zhen pa ste/ 'di ltar gal te bde ba'i rang bzhin can yin na dus nam yang ldog par mi 'gyur te/ rang bzhin ldog par mi rigs pa dang/ yongs su 'gyur pa'i sdug bsngal nyid kyis sdug bsngal yin pa'i phyir ro/ /bkres pa dang/ skom
 pa dang zhes bya ba la sogs pa ni bkres pa dang/ skom pa la sogs pa'i gnyen po zas dang skom la sogs pa nye bar 'tsho ba ste/ gnod pa bsal ba gang yin pa de la de skad ces bya'o/ /shin tu ches mngon par zhen la zhes bya ba ni bde ba'i bdag
 nyid ma yin pa'i bkres pa la sogs pa'i phyir bcos pa la bde ba nyid du chos mngon par zhen pa'o/ /gzhung 'dis ni slob dpon zla ba grags pa'i zhabs la sogs pa rnams kyis kun rdzob tu bde ba la skur pa btab pa ni ma yin no/ /'o na bde ba'i
 bdag nyid ma yin pa nyid la zhes ji ltar brjod ce na/ ma yin te/ dgongs pa can yin pa'i phyir ro/ /'di ltar 'jig rten pa rnams 'khor ba'i bde ba las yid 'byung bar bya ba'i phyir/ bde ba'i bdag nyid ma yin pa zhes gsungs pa yin gyi//
 'jig rten pa'i kun rdzob tu bde ba med do zhes gsungs pa ni ma yin no/ /de nyid kyi phyir bzhi brgya pa las zhes pa ni 'di'i bshad pa rdzogs par mdzad nas rnam par bzhag pa mdzad de/ 'di ltar khams gsum pa thams cad kyi
 skye ba la phun sum tshogs pa dang mi ldan pa'i sdug bsngal gyi gtam gyis gdul bya'i skye bo rnams 'khor ba'i btson ra'i tshogs la yid 'byung bar bya ba'i phyir mi rtag pa zhes bya ba la sogs pa skye ba la sogs pa'i sdug bsngal kho na sdug
 bsngal gyi rang bzhin can no zhes bya ba 'phags pa lha'i zhabs kyis gsungs pa yin no/ /des na ma rig pa'i mun pas blo gros kyi mig ldongs par byas pa'i byis pa so so'i skye bo rnams la yod pa ma yin pa'i phyin ci log gi rnam par rtog pas
 brtags pa yod pa'i rang bzhin ma yin pa'i bde ba dang/ yid bde ba dang/ lha dang lha ma yin dang/ mi dang/ mi 'am ci dang/ lto 'phye dang/ grub pa thob pa dang/ rig pa 'dzin pa la sogs pa'i gnas su de'i rtogs pa tshang ma'i dbang du
 byas nas bde ba dang yid bde ba ni yod pa yin te/ dper na rmi lam gyi gnas skabs na mngon par 'dod pa'i yul nye bar longs spyod pa'i bde ba dang yid bde ba bzhin no zhes brjod pa yin no/ /de la tshig snga ma rnams kyis bde ba sdug bsngal
 gyi rang bzhin can du bstan pa de dgongs pa can no zhes gsal bar mdzad do/ /dag phyi mas kun rdzob tu bde ba yod pa nyid yin no zhes gsal bar mdzad do/ /des na slob dpon zla ba grags pa'i zhabs la sogs pas kyang kun rdzob tu bde
 ba la skur ba 'debs pa bzhed pa ma yin no/ /tshig rkang gnyis pa bshad par bya ba'i phyir/ de lta bu'i zhes bya ba la sogs pa smos te/ bde ba mngon par 'dod pa zhes bya ba ni sdug bsngal phyir bcos pa tsam bde ba'i bdag nyid ma yin pa
 nyid la bde bar mngon par zhen nas bde ba mngon par 'dod pa'o/ /de'i zhes bya ba ni 'jig rten pa'i 'o/ /sdug bsngal gyi gnyen por gyur pa zhes bya ba la sogs pa la/ sdug bsngal ni bkres pa la sogs pa'o/ /de'i gnyen por gyur pa de'i phyir mngon par 'dod
 pa ste/ 'dod pa brdzun pa'i rang bzhin yin pas phyin ci log gi rang bzhin bdag nyid can gang longs spyod pa ste/ gzugs dang sgra la sogs pa rnams la longs spyod pa ste/ nyams su myong ba de las so/ /tshig rkang gsum pa bshad par bya ba'i phyir/ sdug
 bsngal phyir bcos pa'i zhes bya ba la sogs pa smos te/ de dag kyang sbyin pa las byung ba'i bsod nams bya ba'i dngos po ma bsags pa zhes bya ba ni de la kun nas slong ba sems pa dang bcas pa'i lus dang ngag gi las la sbyin pa zhes bya ba la/ de dge ba
 yin pa'i phyir bsod nams yin la/ las kyi bdag nyid yin pas byas pa yang yin la/ de kun nas slong ba'i sems pa'i rten yin pas na dngos po'o/ /de gang gis ma bsags pa de la longs spyod 'byung ba ma yin no/ /tshig rkang bzhi bshad
 bar bya ba'i phyir snyam du mkhyen nas zhes bya ba la sogs pa smos te/ 'di'i don ni 'jig rten bde ba don du gnyer ba yin la/ bde ba ni yul gzugs la sogs pa med na ni mi 'byung la/ yul gzugs la sogs pa yang sbyin pa'i 'bras bu
 yin la/ des na bcom ldan 'das kyi tshul khrims la sogs pa'i dang por sbyin pa'i gtam mdzad pa yin no/ /des na sbyin pa bde ba'i rgyu yin pa'i phyir mngon par mtho ba'i rgyu nyid yin no/ /gal te so so'i skye bo dang/ nyan thos dang/ rang sangs
 rgyas rnams gzhan gyi don la 'jug pa med pa'i phyir snying rje dang bral ba de rnams kyis sbyin pa longs spyod kyi 'bras bu can du ci ltar 'gyur zhe na/ de la lan du de ni bya ba la sogs pa la gtong ba po'i sems tshul dang mi mthun pa yod du
 zin kyang zhes bya ba ni snying rje med pa'i phyir ro/ /rang gi bya ba dang rjes su mthun pa zhes bya ba ni sbyin pa'i rang bzhin gyi bya ba ni bde ba'i rgyu longs spyod 'byung bar byed pa rjes su mthun pa yin pas so/ /bdag nyid chen po zhes bya ba ni longs
 spyod 'byung ba'i rang bzhin can no/ /de nyid rtsa bas bstan par bya ba'i phyir/ snying rje dman zhing zhes bya ba la sogs pa smos te/ shin tu rtsub sems can zhes bya ba ni snying rje'i chus brlan par byed pa'i phyir gzhan gyi don las sems rtsub pa ste/ dper
 na phyi rol gyi dngos po chus bran pa brlan pa chu med na rtsub pa bzhin no zhes pa'o/ /de nyid kyi phyir/ rang don lhur len nyid du gyur pa gang zhes bya ba smos te/ rang gi don kho na don du gnyer ba'i phyir zhes pa'o/ /sdug bsngal nyer zhi'i rgyu 'gyur
 zhes bya ba ni sdug bsngal phyir bcos pa tsam gyi bde ba'i rgyu'o/ /'di'i don ni sbyin pa'i 'bras bu ni longs spyod yin la/ 'on kyang snying rjes brlan pa'i sems kyis btang na 'bras bu chen po 'byung bar 'gyur te/ 'di ltar gang gi tshe snying rjes
 brlan pa'i sems kyis sbyin pa btang na de'i 'bras bu dang bcas te/ sems can thams cad kyi don du yongs su bsngo ba yin la/ des na sems can mdza' yas pa'i phyir sbyin pa yang mdza' yas pas sbyin pas 'bras bur chen por 'gyur
 ba yin no/ /gang gi tshe snying rjes brlan pa'i sems kyis sbyin pa kun nas ma slang na de'i tshe sems can la phan pa tsam yin pa'i phyir longs spyod kyi 'bras bu can du 'gyur gyi/ mi zad pa'i phyir 'bras bu chen por mi 'gyur ro/ /des na
 gtong ba po'i sems rtsub tu zin kyang longs spyod kyi 'bras bu can nyid du 'gal ba med do/ /de nyid 'grel pas bstan par bya ba'i phyir/ gang dag ces bya ba la sogs pa smos te/ ji ltar tshor ba dag nor shin tu chung ngu yongs su btang
 pas nor shin tu mang po 'dod pa de bzhin du sems yang rang gi don lhur len cing nor shin tu nyung ba yongs su btang bas 'jig rten pha rol tu longs spyod chen po 'dod pa yin no/ /de'i phyir 'dod pa don du gnyer ba bas kyang ches lhag par don du gnyer
 bar 'gyur zhes smos te/ slong ba pos kyang ches lhag par gtong ba por 'gyur te/ slong ba po ni kha zas la sogs pa tsam gyis tshim la/ 'di ni longs spyod chen po 'dod pas so/ /de ltar byang chub sems dpa' ma yin pa la brten nas kyang
 sbyin pa mngon par mtho ba'i rgyu nyid du bstan nas/ nges par legs pa'i rgyu nyid du bstan par bya ba'i phyir/ 'di yang zhes bya ba la sogs pa smos te/ nam zhig tshe zhes bya ba ni sbyin pa gtong ba'i gnas skabs kyi tshe na'o/ /'di zhes bya ba ni
 byang chub sems dpa' i rigs tsam ma yin pa'o/ /yang gi sgras ni byang chub sems dpa' i rigs can 'ba' zhig ma yin pa'o/ /'phags pa'i skye bo zhes bya ba ni gang gi tshe 'di sbyin pa la rab tu 'jug pa de'i tshe zhing dam pa spyan drangs pas
 'phags pa'i skye bo dang phrad par gyur pa yin no/ /des na srid rgyun yang dag bcad de zhes bya ba ni 'phags pa'i skye bo dang phrad pa las de'i gdams ngag gis lam thob nas 'khor ba'i brgyud pa bcad nas so/ /de'i rgyu can zhes bya ba ni sbyin
 pa'i rgyu can no/ /zhi bar zhes bya ba ni mya ngan las 'das pa ste/ skye ba la sogs pa dang bral ba'i phyir ro/ /de nyid 'grel pas bstan par bya ba'i phyir/ sbyin bdag ces bya ba la sogs pa smos te/ sbyin bdag gi bshad pa ni gtong ba po'o/ /thams cad
 du dam pa dag gis bgrod pa yin no zhes bya ba ni des dam pa rnams spyan 'dren gyi dam pa rnams de la brten pa ni ma yin no/ /'khor ba la yon tan med par rig cing zhes bya ba ni mi rtag pa dang/ sdug bsngal ba dang/ stong pa dang/ bdag med pa'i
 rnam pas so/ /'phags pa'i lam dri ma med pa mngon du byas pas zhes bya ba ni bden pa bzhi la dmigs pa'i zag pa med pa'i lam mngon du byas pas so/ /ma rig pa spangs nas zhes bya ba la sogs pa ni go sla'o/ /de ltar na re
 zhig ces bya ba la sogs pa'i mjug bsdu ba'o/ /da ni byang chub sems dpa' rnams kyi sbyin pa mthong ba'i chos la bde ba'i rgyu nyid yin no zhes bstan par bya ba'i phyir/ 'gro la phan par zhes bya ba la sogs pa smos te/ 'gro la phan pa'i
 mngon par mtho ba dang/ nges par legs pa thob pa'o/ /de'i don du sems dam bcas pa ste/ 'gro la phan phyir sangs rgyas 'grub par shog ces byang chub tu sems bskyed pa'i byang chub sems dpa' o zhes pa'i tha tshig go /sbyin pas ring por mi
 thogs dga' ba 'thob ces bya ba ni longs spyod pa yin te/ sbyin pa'i de ma thag tu don gnyer ba po'i yid yongs su tshim nas dga' ba thob par 'gyur ba'o/ /ji skad du bshad pa'i zhes bya ba ni mngon par mtho ba dang/ nges par legs pa'i mtshan
 nyid can no/ /nges par longs spyod pa ma yin te zhes bya ba ni dus longs spyod pa yin te/ 'di ltar gang dag 'gog byams nyon mongs med/ mthong dang dgra bcom 'bras gnas pa/ /de la phan gnod byas pa yis/ /'bras bu 'phral du myong
 bar 'gyur zhes gsungs so/ /'di'i don ni gang sems dang sems las byung ba bkag pa'i rang bzhin can mya ngan las 'das pa dang 'dra ba'i 'gog pa la snyoms par 'jug pa las langs pa rnams dang/ gang la dmigs nas su yang nyon
 mongs pa skye bar ma gyur cig snyam pa'i nyon mongs pa med pa'i ting nge 'dzin las langs pa rnams dang/ gang sems can tshad med pa rnams la bde ba'i lhag pa'i bsam pa'i rang bzhin can byams pa'i ting nge 'dzin las langs pa rnams
 dang/ gang mthong bas spang bar bya ba'i nyon mongs pa spangs pas rten gnas gyur pa thob pa mthong ba'i lam las langs pa rnams dang/ bsgom pas spang bar bya ba'i nyon mongs pa spangs pas dgra bcom pa las langs pa rnams la phan pa dang gnod?
 pa byas pa de'i 'bras bu nges par mthong ba'i chos la nyams su myong bar 'gyur ba yin no zhes pa'o/ /de rnams ni zhes bya ba ni byang chub sems dpa' rnams so/ /sbyin pa'i 'bras bu mngon sum ma yin pa nyid kyi phyir bya ba ni mngon par mtho ba dang nges
 par legs pa'i mtshan nyid can sbyin pa'i 'bras bu dbang po'i yul las shin tu 'das pa'i phyir ro/ /lhag ma go sla'o/ /mngon par 'dod pa'i sbyin pa'i 'bras bu phun sum tshogs pas zhes bya ba la/ sbyin pa'i mngon par 'dod pa'i 'bras bu
 ni slong ba po'i yid yongs su tshim pa'o/ /de'i phun sum tshogs pa ni mang po nyid do/ /'di'i don ni 'di yin te/ byang chub sems dpa' rnams kyi gzhan gyi don kho na gtso bo yin pas de rnams kyi slong ba po'i yid yongs su tshim pa'i phun sum
 tshogs pa sbyin pa'i 'bras bu 'dod pa yin no zhes pa'o/ /de'i phyir de ltar zhes bya ba la sogs pa ni mjug nye bar bsdu ba'o/ /thams cad kyis mngon par mtho ba dang nges par legs pa'i rgyu sbyin pa yin pa zhes bya ba ni/ de tshe de la rdzogs
 sangs byang chub rgyu/ /dang po sbyin pa nyid ni zhes gsungs pas brtse ba'i bdag nyid can la sbyin pa nges par legs pa'i rgyu nyid du gsungs pa yin no/ /skye bo 'di kun bde ba mngon 'dod cing zhes bya ba la sogs pa gsungs pas brtse ba'i bdag
 nyid can ma yin pa rnams kyi sbyin pa mngon par mtho ba dang/ nges par legs pa'i rgyu nyid du gsungs pa yin no/ /'gro la phan par dam bcas zhes bya ba la sogs pas brtse ba'i bdag nyid can mngon par mtho ba'i rgyu nyid du gsungs te/ de la mngon par mtho ba
 zhes gsungs pas so/ /longs spyod kyis rnam par 'gyed pa'i sgo nas ces bya ba ni gzugs la sogs pa gzhan la ster ba'i sgo nas de la lan bstan par bya ba'i phyir/ brjod par bya ste zhes bya ba la sogs pa smos te/ ci ltar
 byang chub sems dpa' rnams la slong ba po'i sgra thos pa dang bsam pa las bde ba 'byung ba de bzhin du thub pa rnams te/ nyan thos dang rang sangs rgyas rnams la zhi bar zhugs pa sems dang sems byung ba 'gog pas bde bar byed pa ma yin pa'o//
 thams cad btang bas zhes bya ba ni nang dang phyi'i dngos po bdag nyid kyis btang ba'o/ /de nyid 'grel pas bstan par bya ba'i phyir re zhig ces bya ba la sogs pa smos te/ go sla'o/ /de la gzhan dag gis 'dri ba ni yang ci gang las zhes bya ba
 la sogs pa smos te/ de skad ces bya ba ni shin tu bde ba 'byung ngo zhes brjod pa gang yin pa'o/ /snying rje dang ldan pa dang/ ser sna spangs pa'i phyir dngos po btang ba las byang chub sems dpa' rnams la rab tu dga' ba 'byung bar rigs
 kyi/ gang gi tshe na nang gi bdag nyid kyi dngos po slong ba de'i tshe rkang pa dang lag pa la sogs pa gcod pas lus la sdug bsngal yod pa'i phyir ci ltar rab tu dga' ba 'byung zhes bya ba'i don to/ /de la lan bstan par bya ba'i phyir/ bshad pa zhes
 bya ba la sogs pa smos te/ 'di ltar byang chub sems dpa' ni rnam pa gnyis te/ chos kyi dbyings kun tu 'gro ba mngon du byas pas ma chags pa'i gnas skabs thob ba dang/ de mngon du ma byas pas chags pa dang bcas pa'i gnas
 skabs so/ /de la gal te byang chub sems dpa' snga ma'i dbang du byas nas brjod na ni/ bdag nyid chen po rnams la ni zhes bya ba la sogs pa smos te/ 'di'i don ni 'di yin te/ chos kyi dbyings kun tu 'gro ba mngon du mdzad pas sems
 med pa rnams ltar bcad par bya ba dang/ gcod pa po dang/ sdug bsngal gyi rnam par rtog pa med pas sdug bsngal gyi go skabs ga la yod/ /de la mdo'i khungs bstan par bya ba'i phyir/ 'phags pa zhes bya ba la sogs pa smos te/ de dag la rjes su chags pa dang/
 zhes bya ba ni 'dis kho bo cag ma bcad pa yin no snyam du skyes bu de la rjes su chags pa mi skye ba'o/ /khong khro ba med do zhes bya ba ni 'dis kho bo cag bcad do snyam nas zhe sdang skye ba med pa'o/ /rtog pa zhes bya ba ni bcad par bya ba'o/ /'di ni gcod pa'o/
 'di ni bcad pa'o snyam pa'i mtshan nyid can no/ /rnam par rtog pa zhes bya ba rtog pa'i bshad pa'o/ /nam mkha' dang mnyam pa yin no zhes bya ba ni dper na nam mkha' sprin dang bral ba yongs su dag pa de bzhin du byang chub sems dpa' yang rnam par rtog pa
 dang bral bas bzod pa yongs su dag pa'o/ /de nyid la rin po che'i phreng ba'i khungs bstan par bya ba'i phyir/ rin po che'i phreng ba zhes bya ba la sogs pa la/ de la lus kyi sdug bsngal med ces bya ba ni byang chub sems dpa' de la sdig pa mi byed pa'i
 phyir dag bsod nams kyi tshogs bsags pa'i phyir ngan song du skye ba med pas lus la sreg pa dang gcod pa la sogs pa'i sdug bsngal yod pa ma yin no/ /de nyid kyi phyir de nyid las/ /sdig pa ngan 'gror lus skyed ni/ /sdug bsngal bkres skom
 la sogs 'byung/ /des sdig ma byas bsod nams kyis/ /sred pa gzhan na med do zhes gsungs so/ /yid kyi sdug bsngal gang la yod ces pa ni chos kyi dbyings kun tu 'gro ba'i don du rtogs pa'i phyir 'dod chags dang/ zhe sdang la sogs bas bskyed
 pa'i yid mi bde ba 'byung bar mi 'gyur ro zhes pa'i don to/ /de nyid kyi phyir de kho na la rmongs pas yid kyi sdug bsngal ni/ chags sdang 'jigs dang 'dod la sogs/ /de rten med pa'i shes pa yis/ 'di la myur ba nyid du spong zhes gsungs so/ /de la
 brten pa med pa'i shes pa ni de kho na nyid shes pas so/ /de ni snying rjes 'jig rten sdug ces bya ba ni snying rje'i stobs kyis gzhan sdug bsngal bas sdug bsngal ba'o/ /de nyid kyis yun ring gnas zhes bya ba ni gzhan gyi sdug bsngal
 gyi sdug bsngal ba nyid kyis byang chub sems dpa' 'di 'khor ba thog mdza' med par gnas so/ /'di'i don ni 'di yin te/ byang chub sems dpa' snying rje'i stobs kyis gzhan sdug bsngal pas sdug bsngal ba nyid kyi phyir ji srid du gzhan gyi
 sdug bsngal ba bsal ba de srid du de gnas pa yin no zhes pa'o/ /'dir de la lus kyi sdug bsngal med ces bya ba ni skabs su bab pa'i shes byed do/ /gal te 'dir byang chub sems dpa' la sbyin pa'i dus su lus gcod pa la sogs pa las
 byung ba'i sdug bsngal med pa yin no zhes pa'i gnas skabs yin pas rin po che'i phreng ba las/ de la lus kyi sdug bsngal med ces bya ba'i tshig gis bsod nams kyi tshogs bsags pa'i stobs kyis byang chub sems dpa' rnams
 la ngan song gis byas pa'i lus kyi sdug bsngal med do zhes gsungs pa 'di shes byer du ci ltar du zhe na ma yin te/ lus kyi sdug bsngal med ces bya ba'i tshig 'di la don gnyis te/ chags pa med pa'i byang chub sems dpa' la
 bltos pa dang/ chags pa dang bcas pa'i byang chub sems dpa' la bltos nas so/ /gang gi tshe chags pa med pa'i byang chub sems dpa' i dbang du byas nas bshad pa de'i tshe/ de la lus kyi sdug bsngal med ces bya ba ni lus rang bzhin med
 par mngon du byas pa'i phyir de la lus kyi sdug bsngal med pa'o/ /chags pa dang bcas pa'i byan chub sems dpa' la bltos nas bshad pa snga ma'o/ /des na 'dir chags pa med pa'i byang chub sems dpa' la bltos nas bshad pa'i
 dbang du byas te shes byed kyi khungs te drangs pa yin no/ /yang na 'di ni snying rje 'jig rten sdug ces bya ba 'di shes byed du bstan pa yin te/ 'di ltar byang chub sems dpa' rnams sngar bstan pa'i rigs pas lus dang yid kyi sdug bsngal yod pa ma yin no/ /rang la sdug
 bsngal med kyang 'jig rten gyi sdug bsngal gyi sgo nas lag pa dang/ rkang pa la sogs pa gcod pa'i sdug bsngal nyams su myong ba yin la/ de la gal te 'jig rten pa'i rgyu can gyi sdug bsngal gyi rgyu can rkang lag la sogs pa gcod pa'i sdug bsngal dga' ba'i
 rgyur mi 'gyur ba yin na de rnams 'khor ba ji srid du ji ltar gnas par 'gyur zhes pa'o/ /da ni chags pa med pa'i gnas skabs ma thob pa'i byang chub sems dpa' gang zhig la gcod pa la sogs pa'i sdug bsngal de yang snying rje'i stobs kyi sems can gyi
 don la 'jug pa'i rgyu nyid du 'gyur ba yin no zhes bstan par bya ba'i phyir/ yang chags pa med pa'i zhes bya ba la sogs pa smos te/ chags pa med pa'i gnas skabs ma thob pa gang zhig la zhes pa ni chos kyi dbyings kun tu 'gro bar ma rtogs pa la'o
 lus gnas pa dang 'gal ba'i yul yang dag par babs pas zhes bya ba ni lus gnas pa ste/ lus rgyun gyis rab tu 'jug pa yin la/ de dang 'gal ba'i yul mtshon la sogs pa babs pa ste/ bsnun pa gang yin pa'o/ /gzhan ni go sla'o/ /don de
 nyid rtsa bas bstan par bya ba'i phyir/ lus bcad ster zhing zhes bya ba la sogs pa smos te/ tshig gi don ni go sla'o/ /'di'i dag gi don ni gang gi tshe byang chub sems dpa' lus gtong ba'i dus na rkang lag la sogs pa gcod pa'i sdug bsngal nyams
 su myong bar 'gyur ba de'i tshe bdag gi sdug bsngal gyis dmyal ba'i sems can gyi sdug bsngal rang rig pa bzhin du nyams su myong ba yin te/ gang gi phyir de'i gnas skabs na bdag nyid kyi rkang lag la sogs pa gcod pa'i sdug bsngal ci ltar 'byung ba
 de bas stong 'gyur bas kyang de rnams kyi sdug bsngal che ba yin no zhes rnam par dpyod pa yin no/ /des na rang gi bdag nyid kyi sdug bsngal nyams su myong ba'i sgo nas de rnams kyi sdug bsngal shes pa yin pas rang rig pa bzhin
 du nyams su myong ba yin no zhes pa'o/ /des na rang gi sdug bsngal khyad du bsad nas gzhan gyi sdug bsngal bcad par bya ba'i phyir brtson 'grus rtsom pa'o/ /gshin rje'i 'jig rten zhes bya ba ni yi dags kyi 'jig rten no/ /sogs pa'i sgras
 mi'i 'gro ba la sogs pa bsdu par bya ste/ de rnams kyang sdug bsngal yin pas so/ /de rnams nyid mi zad pa ste thar par dka' ba'i phyir ro/ /lhag ma ni go sla'o/ /da ni sbyin pa la sogs pa ci ltar 'gyur ba de bstan par bya ba'i phyir/ ji skad
 bshad pa zhes bya ba la sogs pa smos te/ ji skad bshad pa zhes pa ni sngar bstan pa'i phan yon dang ldan pa'o/ /pha rol tu phyin pa'i rnam par dbye ba zhes bya ba ni pha rol tu phyin pa'i rang bzhin nyid kyis sbyin pa tsam la tha dad du dbye ba'o/ /'jig rten
 las 'das pa'i pha rol tu phyin pa dang/ 'jig rten pa'i pha rol tu phyin pa'i dbye ba'o/ /de nyid rtsa bas bstan par bya ba'i phyir/ sbyin pa sbyin bya ba la sogs pa la/ sbyin pa sbyin par bya ba dang/ len pa po dang/ gtong ba pos gtong ba
 dang/ 'jig rten las 'das pa'i pha rol tu phyin pa'o zhes bya'o/ /da ni pha rol tu phyin pa'i sbyin pa'i sgra'i don bstan par bya ba'i phyir/ de la zhes bya ba la sogs pa smos te/ de la zhes bya ba ni pha rol dang/ phyin pa'i tshig gnyis las so//
 tshig phyi ma yod na mi mngon par mi bya'o zhes bya ba ni rgya gar skad la par zhes bya ba dang i ta zhes bya ba'i tshig yod la/ de la tshig gnyis sdud par byed pa'i dus su par la gnyis pa'i gcig pa'i tshig a ma byin la/ ta'i phyir dang
 pa'i tshig tu byin la/ par ma i ta pa ra mi ta zhes tshig ba snga bar bya ba na/ am dang su mngon par 'gyur ba yin pas 'dir tshig phyi ma yod na mi mngon par mi bya ba'i sgra'i rtsa ba tshig gis su mi mngon par byas nas am mngon par byas pa yin no/ /mtshan
 nyid 'di las kyi rnam par dbye ba zhes bya ba ni gnyis pa'i tshig a ma mo/ /gzugs su gyur pa zhes bya ba ni bar mi ta zhes bya ba'i sgra'i rang bzhin du 'gyur ba'o/ /pre Sho da ri la sogs pa yin pa'i phyir ma'i mdza' can nyid du bzhag go zhes bya ba ni pre Sho dar la
 sogs pa'i tshig gi na ngan par ma zhes bya ba'i tshig ma'i mdza' can te/ pa ri zhes brjod pa yin pas mi mngon par mi bya'o zhes pa'o/ /shes rab gzung nas bye brag tu bstan pa yin te zhes bya ba ni mi dmigs pa gsum gyi rang bzhin can shes
 rab la brten nas/ sbyin pa'i pha rol tu phyin pa bye brag tu bshad pa yin no/ /gang gi tshe shes rab kyis gzung bar ma gyur cing/ 'on kyang dmigs pa gsum dang ldan pa la sogs pa la pha rol tu phyin par ji ltar brjod ce na/ lan ni sbyin pa la
 sogs pa zhes bya ba la sogs pa smos te/ sbyin pa la sogs pa dmigs pa dang bcas pa'i phyir pha rol tu phyin pa ma yin kyang pha rol tu 'gro bar nges par bzhag pa'i phyir pha rol tu phyin pa dang 'dra bas pha rol tu phyin pa'i ming thob pa yin no//
 de nyid bstan par bya ba'i phyir yongs su bsngo ba'i zhes bya ba la sogs pa smos te/ bsod nams 'dis sangs rgyas nyid thob nas 'gro ba rnams 'khor ba'i sdug bsngal las bsgral bar bya'o zhes yongs su bsngo ba'i khyad par gyi pha rol tu
 'gro bar nges par bzhag pa'i pha rol tu phyin pa'i ming thob pa yin no zhes pa'i don to/ /tshul khrims las zhes bya ba la sogs pa ni ji ltar sbyin pa mi dmigs pas zin pa gtso bo'i sbyin pa'i pha rol tu phyin pa'i ming thob la/ dmigs pa dang
 bcas pa nye bar btags nas pha rol tu phyin pa'i ming thob pa de bzhin du tshul khrims la sogs pa yang yin no zhes bya ba'i don to/ /mi dmigs pas zin pa'i sbyin pa la sogs pa pha rol tu phyin pa zhes brjod pa 'ba' zhig tu ma
 zad kyi/ 'jig rten las 'das pa'i pha rol tu phyin pa zhes kyang bstan par bya ba'i phyir/ pha rol tu phyin pa zhes bya ba la sogs pa smos so/ /de nyid kyi rgyu mtshan bstan par bya ba'i phyir/ 'jig rten las 'das pa'i phyir la zhes bya ba la sogs pa
 smos te/ dmigs pa dang bcas pa'i 'jig rten pa yin pa'i phyir dmigs pa med pa'i 'jig rten las 'das pa'o zhes pa'i don to/ /gang sbyin pa la sogs pa shes rab kyis ma zin pa de dmigs pa dang bcas pa'i phyir 'jig rten pa'i sbyin pa'i
 pha rol tu phyin pa yin no zhes bstan par bya ba'i phyir/ de ni zhes bya ba ni sbyin pa la sogs pa gtong ba nyid do/ /byang chub sems dpa' i gnas skabs ma thob pa dag gis zhes bya ba ni sa dang po ma thob pa'o/ /lhag ma go sla'o/ /da ni ji skad
 brjod pa'i zhes bya ba la sogs pas ni tshigs su bcad pa'i 'brel pa ston pa yin no/ /rgyal ba'i sras kyis yid la rab gnas shing zhes bya ba ni byang chub sems dpa' rnams kyi sems la rab tu gnas pa'o/ /yid dang gnyis su med
 pa'i ye shes tha mi dad du zin kyang tha dad par brtags nas brjod pa yin no/ /dam pa'i rten la zhes bya ba ni byang chub sems dpa' i sems la'o/ /de'i stobs kyis 'dod chags pa ste/ nyon mongs pa'i dri ma bsal bas so/ /mdzes pa
 ni yon tan dang ldan pa'i phyir ro/ /dka' ba 'di ni zhes bya ba ni dga' bar byed pas na'o/ /nor bu chu shel bzhin du zhes bya ba ni de yang rten zla ba'i stobs kyis 'dod chags pa mdzes pas mun pa stug po sel ba bzhin no zhes pa'i don to/ /rgyal ba
 zhes bya ba ni mi mthun pa'i phyogs pham par byas nas gnas so zhes bya ba'i don to/ /de nyid kyi phyir/ mun pa stug po thams cad rnam par bsal te zhes bya ba smos te/ nyon mongs pa rnams de kho na nyid mthong ba la gegs byed pa'i phyir mun pa'i rang bzhin
 can yin pas so/ /de 'grel pas bstan par bya ba'i phyir/ de ltar gyi sgra ni zhes bya ba la sogs pa smos te/ ji ltar bshad pa'i rnam pa bstan par bya ba'i phyir ro zhes bya ba ni byang chub sems dpa' de ni dga' ba mchog tu gyur/ 'chang zhing zhes bya ba ji skad
 bshad pa'i rnam pa de lta bu'o/ /lhag ma go sla'o/ /dbu ma la 'jug pa'i 'grel pa le'u dang po'i bshad pa rdzogs so// //le'u gnyis pa'i 'grel pa bstan par bya ba'i phyir/ byang chub sems dpa' zhes bya ba la sogs pa smos te/ de zhes bya ba ni
 byang chub sems dpa' o/ /tshul khrims phun tshogs yon tan dag ldan phyir zhes bya ba ni 'grel pas 'chad par 'gyur ro/ /rmi lam du yang zhes bya ba la/ yang gi sgras ni sad pa'i gnas skabs na lta smos kyang ci dgos shes bya ba'i don to/ /tshul khrims dri ma
 spangs zhes bya ba ni/ 'chal ba'i tshul khrims ni mi dge ba bcu'i las kyi lam yin na/ de nyid dri ma ste lus la sogs pa mi gtsang bar byed pa'i phyir ro/ /de spangs pa ni de dang bral ba'o/ /zhes pa'i don to/ /sems bskyed pa gnyis pa la sogs pa
 rnams kyi dbye ba ji ltar yin pa de ltar bstan par bya ba'i phyir/ sa shes bya ba la sogs pa smos te/ shes pa'i khyad par thams cad ni rang bzhin gcig nyid kyi phyir zhes bya ba ni gnyis su med pa shes pa'i rang bzhin nyid du khyad par med pa'i phyir ro/ /de
 med na mi 'byung ba'i yon tan tshul khrims kyi pha rol tu phyin pa'i phul du byung ba nyid las zhes bya ba ni gnyis su med pa'i ye shes med na mi 'byung ba'i yon tan tshul khrims kyi pha rol tu phyin pa la sogs pa phul du byung ba nyid las sems bskyed 
 pa gnyis pa la sogs pa'i sa'i dbye bar byed pa yin gyi/ ngo bo'i sgo nas ni ma yin no/ /de la tshul khrims kyi mtshan nyid dang rab tu dbye ba ni sngar ? ba las bstan zin to/ /da ni tshul khrims kyi nges tshig bstan par bya ba'i phyir/ /de la zhes
 bya ba la sogs pa smos te/ nyon mongs pa dang du mi len pa'i phyir dang zhes bya ba ni mi dge ba'i rgyur gyur pa'i nyon mongs pa'i sems kyi dang du mi len pa'i phyir ro/ /sdig pa mi 'byung ba'i phyir zhes bya ba ni rgyu med na 'bras bu med pa'i phyir ro/ /sems
 la yid gcags pa'i me zhi bas zhes bya ba ni srog gcod pa la sogs pa la 'jug pas yid gcags pa 'byung ba yin la/ de med pas bsil ba'i tshul khrims nyid do/ /nges tshig gnyis pa bstan par bya ba'i phyir/ bde ba'i rgyu zhes bya ba la
 sogs pa smos te/ bde ba'i rgyu ni bde 'gro'i rgyu nyid kyis so/ /yang na tshul khrims dang ldan pa'i bsrabs par 'gyur la/ lus bsrabs pa ni bde bar rig par bya'o zhes gsungs pas tshul khrims ni bde ba nyid kyi rgyu yin no/ /des na bde
 ba'i rgyu nyid yin pas dam pa rnams kyis bstan par bya ba nyid yin pa'i phyir tshul khrims so/ /sdom pa'i rang bzhin can gyi tshul khrims kyi dbye ba bstan par bya ba'i phyir/ de yang spong ba bdun gyi mtshan nyid can no zhes bya ba smos te/ de la spong
 ba bdun ni srog gcod pa dang/ ma byin par len pa dang/ 'dod pas log par g.yem pa dang/ brdzun du smra ba dang/ phra ma dang/ ngag rtsub pa dang/ ngag 'khyal ba spangs pa'o/ /de la srog chags gzhan gsod pa ni srog gcod pa ste/ srog chags
 yin pa dang/ srog chags su 'du shes pa dang/ gsod par 'dod pa dang/ nye bar rtsom pa dang/ dngos su gsod pa ste/ yan lag lnga dang ldan pa'o/ /de la gang gsod par 'dod pa de bsad na yin gyi/ gzhan ni ma yin no/ /de yang sbyor ba des de
 ma thog tu 'am/ phyis shi bar gyur na srog gcod par 'gyur ro/ /de spong ba ni srog gcod par spong ba'o/ /ma byin par len pa ni nor gyi bdag po gzhan la dngos su stobs kyis sam/ dngos su ma yin pa rku ba'i sgo nas nor len pa ni ma byin par len pa ste gzhan gyi yin pa dang
 gzhan gyi yin par 'du shes pa dang/ len par 'dod pa dang/ nye bar rtsom pa dang/ dngos su len pa nyid ni yan lag lnga'o/ /gal te gang len par 'dod pa de nyid spangs na de'i tshe ma byin par blangs pa yin la/ de spong ba ni ma byin par len pa las ldog pa yin no/ /'dod pa
 las log par spyod pa ni bgrod par bya ba ma yin pa dang/ yan lag ma yin pa dang/ yul ma yin pa dang/ dus ma yin par 'gro ba ni 'dod pa la log par spyod pa ste/ bgrod par bya ba ma yin pa dang/ bgrod par bya ba ma yin par 'du shes pa dang/
 mngon 'gro bar 'dod pa dang/ nye bar rtsom pa dang/ dngos su spyod pa ni yan lag lnga'o/ /de la rang gi chung ma dang smad 'tshong ma ni bgrod par bya ba ste/ de'i ched du yongs su gzung ba'i phyir ro/ /de las gzhan pa ni bgrod par bya ba ma yin pa'o/ /de
 yang rnam pa gsum ste/ rang bzhin gyis bgrod par bya ba ma yin pa dang/ gzhan gyis bdag tu bzung bas bgrod par bya ba ma yin pa dang/ bgrod par bya ba ma yin pa tsam mo/ /de la rang bzhin gyis bgrod par bya ba ma yin pa ni ma 'am/ srid mo 'am/
 bu mo 'am/ pha dang ma dang 'brel pa gang yin pa ste/ ngo tsha ba nyid kyi sgo nas yongs su dor bar bya ba yin pa'i phyir dang/ bud med rab tu byung ba yang yin te/ 'jig rten pa'i chos la yang dag par 'das pa'i phyir ro/ /de las gzhan pa rnams ni gzhan gyis
 bdag tu bzung ba'i bgrod par bya ba ma yin pa'o/ /de yang dngos su blang ba dang/ bdag tu bzung ba dang/ gzhan gyis nor byin pa'i sprul 'tshong ma'o/ /dud 'gror gtogs pa rnams dang/ rigs bsrung pa rnams ni rang bzhin gyis dman pa'i phyir dang/
 spyod pa ma yin pa'i phyir bgrod par bya ba ma yin pa tsam mo/ /gal te gang bgrod par bya ba ma yin pa nyid la bgrod na de'i tshe 'dod pas log par spyod pa'o/ /yan lag ma yin par 'gro ba ni 'khrig pa'i yan lag ni bud med kyi dbang po
 yin la/ yan lag ma yin pa ni kha dang bshang lam ste/ der spyod pa'o/ /yul ma yin par 'gro ba ni rang gi chung ma yin yang gang gi tshe yul ma yin pa dang/ mchod rten dang/ lha khang dang/ snang ba'i sar byed na yul ma yin par 'gro ba'i 'dod pas
 log par spyod pa yin no/ /dus ma yin pa ni spyad par mi 'os pa'i gnas skabs te/ shin tu sbrum ma'i gnas skabs dang/ btsas nas yun ring po ma lon pa dang/ 'khrig pa spangs pa'i dus na rang gi chung ma'i thad du 'gro na yang dus ma yin pa'i 'dod
 pas log par spyod pa yin no/ /mi 'dod pa dang/ sdug bsngal ba dang/ yid mi bde ba'i gnas skabs dang/ zla mtshan 'dzag pa gnas skabs ni dus ma yin pa tsam mo/ /de lta bu 'dod pas log par spyod pa rnam pa bzhi las ldog pa'i 'dod
 pas log par spyod pa spong ba'o/ /rnam pa gsum ni lus kyi las kyi lam mo/ /brdzun du smra ba ni lus dang ngag gis 'du shes gzhan gyi sgo nas brjod par 'dod pa'i don ston par byed pa'o/ /dngos po gzhan yin pa dang/ 'du shes dang/ gzhan
 du brjod par 'dod pa dang/ nye bar rtsom pa dang/ bsal bar brjod pa ste/ yan lag lnga'o/ /de la gzhan du brjod par 'dod pa ni bslu bar sems pa'o/ /nye bar rtsom pa ni brjod par 'dod pa'o/ /gal te gang la brjod pa des ngag de las don go
 bar gyur na de ltar brdzun du gyur pa yin gyi/ gzhan du dag 'khyal par 'gyur pa yin te/ nyon mongs pa can yin pa'i phyir ro/ /de las ldog pa ni brdzun du smra ba spong ba'o/ /gzhan mdza' bo rnams sam mi mdza' ba rnams dbye ba'i phyir ram mi
 mthun par bya ba'i ched du 'di dag bye bar gyur cig /mthun par ma gyur cig snyam pa'i nyon mongs pa can gyi sems kyis kun nas bslang ba'i dag de ni phra ma'o/ /dbye bar bya ba yin pa dang/ der 'du shes pa dang/ dbye bar 'dod pa dang/ nye bar rtsom pa dang/ 'byed
 pa ste/ yan lag lnga'o/ /gal te gang la brjod pa des don go bar yin na phra ma yin gyi/ gzhan du ngag 'khyal ba yin no/ /de la log pa ni phra ma spong ba'o/ /tshig rtsub mo ni nyon mongs pa can gyi sems kyi gzhan la kha zer ba dang/ skyon bsal bar byed
 pa'o/ /tshig rtsub mo smra bar bya ba yin pa dang/ der 'du shes pa dang/ sems rtsub pa dang/ nye bar rtsom pa dang/ mi 'dod pa brjod pa ste/ yan lag lnga'o/ /de yang don go ba na tshig rtsub mo yin gyi/ gzhan du ngag 'khyal pa yin ste/ nyon mongs
 pa can yin pa'i phyir ro/ /de las ldog pa ni tshig rtsub mo spong ba'o/ /ngag 'khyal ba ni brdzun du smra ba la sogs pa las gsum las gzhan pa'i nyon mongs pa can gyi tshig gang yin pa ste/ 'dod chags dang bcas pa dang/ chos ma yin pa dang ldan
 pa dang/ byis pa rnams la gtse ba'i tshig gam/ tshogs nas gtam byed pa 'am/ smre sngags 'don pa'am/ glu la sogs pa 'am/ gar mkhan la sogs pa'i tshig dang/ bstan bcos ngan pa ste/ ngag las 'di rnams thams cad ni ngag
 'khyal pa'o/ /don bzang po dang mi ldan pa'i tshig yin pa dang/ der 'du shes pa dang/ nyon mongs pa can gyi sems dang/ nye bar rtsom pa dang/ ngag kyal pa brjod pa ste/ yan lag lnga'o/ /de las ldog pa ngag kyal pa spong ba'o/ /de dag ni ngag gi las
 kyi lam bzhi'o/ /chos gsum po zhes bya ba la sogs pa lam chags dang zhes bya ba ni chags pa ni brnab sems te/ gzhan rnams kyi yin pa de'i yin par gyur cig snyam pa'i gzhan gyis bzung ba'i nor ram longs spyod dam bud med la mngon bar
 'dod pa dang/ len par nges pa'o/ /gzhan gyi nor yin pa dang/ der 'du shes pa dang/ de 'dod pa dang/ blang pa'i sems dang/ len par nges pa ste/ yan lag lnga'o/ /de dag la ldog pa ni ma chags pa'o/ /zhe sdang med pa dang zhes pa ni zhe
 sdang gi gnod sems te/ sems can gzhan 'di rnams la brdeg par bya'o/ /snyam pa la sogs pa'i nye bar 'tshe ba'i rnam pas 'jug pa'o/ /sdang bar bya ba 'dzin pa dang/ der 'du shes pa dang/ sems rtsub pa dang/ nges par sdang ba dang/ zhe sdang ste/
 yan lag lnga'o/ /de las ldog pa ni zhe sdang med pa'o/ /yang dag pa'i lta ba zhes bya ba ni log pa'i lta ba las bzlog pa'o/ /de las log pa'i lta ba ni rgyu dang 'bras bu dang/ bya ba la skur ba 'debs pa'o/ /skur ba gdab par bya ba yin pa dang/
 der 'dus shes pa dang/ skur pa 'debs par 'dod pa dang/ skur pa 'debs par nges pa dang/ skur pa 'debs pa ste/ yan lag lnga'o/ /dge ba'i rtsa ba kun tu gcod pa mi dge ba'i rtsa ba la 'jug cing/ dge ba'i rtsa ba la mi 'jug pa'i nyon
 mongs pa can gyi shes rab de ni log par lta ba zhes bya ba'o/ /de las gzhan pa rnams ni log pa'i rnam par rtog pa zhes bya ste/ des dge ba'i rtsa ba kun tu gcod pa ma yin pa'i phyir ro/ /de dag kun nas slong bar byed pa yin te/ zhes bya ba
 ni spong ba bdun gyis kun nas spong bar byed pa'o/ /'di'i don ni 'di yin te/ srog gcod pa la sogs pa ni zhe sdang ngam/ gti mug gis kun nas slong bar byed pa/ de rnams spong ba ni ma chags pa la sogs pas kun nas slong par
 byed pa yin no zhes pa'o/ /kun nas slong bar byed pa dang bcas pa'i tshul khrims kyi dbang du byas nas zhes bya ba ni ma chags pa dang bcas pa'i spong ba bdun gyi mtshan nyid can tshul khrims kyi gnas skabs kyi dbang du byas nas so/ /yon tan
 rnams zhes bya ba ni dge ba bcu'i las kyi lam rnams so/ /dag pa ni 'chal ba'i tshul khrims kyi dri ma kun tu spyod pa med pa'o/ /rang gi yon tan yongs su dag pa nyid kyi phyir zhes bya ba la/ tshul khrims kyi rang gi yon tan ni dge ba bcu'i las kyi lam
 yin la/ de rnams yongs su dag pa nyid kyi phyir/ tshul khrims khyad par du 'phags pa yin te/ tshul khrims de'i rang bzhin yin pas so/ /lus ngag yid kyi rgyu ba dag gyur pas zhes bya ba ni dri ma med pa'i lus dang/ ngag dang/ yid kyi bya ba'o/ /
 dam pa'i las lam zhes bya ba ni dge ba'i las kyi lam zhes bya'o/ /'dzem pa dang ldan zhing zhes bya ba ni ngo tsha dang ldan pa'o/ /snying rje la zhugs pas zhes bya ba'i bshad pa ni de srog chags 'byung po thams cad la phan pa dang/ bde ba'i sgo nas
 snying brtse ba dang zhes pa'o/ /de la srog? chags 'byung po ni srog chags su gyur pa'i 'byung po rnams so/ /phan pa ni dus gzhan du bde ba'o/ /bde ba ni tshe 'di la'o/ /de dag gi sgo nas thugs brtse ba'o/ byams pa ma yin pa ni kun tu rtog pa tsam gyis
 kyang zhes bya ba ni gnod sems tsam gyi sgo nas kyang ngo/ /lus kyis tho 'tsham pa chen po bya ba lta ci smos zhes bya ba ni bod pa dang/ dbyug pa dang/ mtshon cha la sogs pa bsnun pa'i mtshan nyid can gyis so/ /'tsho ba'i yo byad ces bya ba ni gos dang/ bza' 
 ba dang btung ba la sogs pa'o/ /de gzhan gyis bzung ba'i bud med dang zhes bya ba ni gzhan gyis bdag tu bzung ba'i bud med do/ /gzhan gyi chung ma dang zhes bya ba ni dngos su chung mar blangs pa'o/ /rigs dang/ rtags dang/ chos kyis bsrungs pa rnams
 la zhes bya ba la rigs kyis bsrung ba ni gzhon nu ma la sogs pa'o/ /rtags kyis bsrungs pa ni chos gos kyi rtags kyis bsrungs pa dge slong ma la sogs pa'o/ /chos kyi bsrungs pa ni bsnyen gnas kyi sdom pa la gnas pa'o/ /yan lag
 ma yin pa'i rnam par rig byed dam zhes bya ba ni kha la sogs par log par spyod pa'o/ /bden par smra zhing zhes bya ba ni gzhan la nges par phan pa nyid smra ba ste/ gzhan la nges par phan pa bden zhes pa'i tshig gis so//
 dus su smra ba de zhes bya ba ni dus gang du gang smra bar 'os pa de smra zhing/ gzhan du mi smra ba'o/ /tshod du smra ba dang zhes bya ba'i ni tshod zin pa nyid du smra ba'o/ /ji skad smras pa de bzhin du byed pa'o zhes bya ba ni gang smra ba de las kyis sgrub par
 byed pa'o/ /de than zhes bya ba ni srog gi phyir na yang ngo/ /rmi lam yang zhes bya ba ni rmi lam gyi gnas skabs na yang ngo/ /lta ba dang zhes bya ba ni mig gis bltas nas de mi bden pa la mi bden la la mi bden pa nyid du mthong nas zhes pa'i don to/ /bzod
 pa dang zhes bya ba ni yid kyi rnam par shes pas bsams nas shes pa'i don to/ /'dod pa dang zhes bya ba ni mngon par 'dod pa bskyed pa nas so/ /rab tu rtogs pa dang zhes bya ba ni shes rab kyis yongs su shes par byas nas so/ /brgyur te zhes bya ba
 ni rab tu 'jug par byas te zhes pa'o/ /bslu ba'i bsam pas zhes bya ba ni bslu bar 'dod pas so/ /gang pa'i gnas skabs na sems sngon du btang nas so/ /dbyen mi byed cing rnam par mi 'tsho ba la zhugs pas zhes bya ba la/ 'di dag
 rtag tu mthun par gyur cig /mi mthun par ma gyur cig snyam pa ni dbyen mi byed pa la zhugs pas so/ /'di dag byed par 'gyur ba la lus dang/ ngag dag gis rim pa bzhin du thal lcags la sogs pa dang/ gnad du phog pa'i mtshan nyid
 can gyi rnam par 'tshe ba med par gyur cig snyam pa ni rnam par mi 'tshe ba la zhugs pa'o/ /tshu gi las zhes bya ba ni 'di las so/ /pha gir bsnyod pa ma yin zhes bya ba ni gzhan la mi smra ba'o/ /bye ba rnams la yang mi gnod de zhes bya ba ni mthun
 par mi byed cing mi brjod pa'o/ /mi 'dum pa la dga' zhing mi 'dum pa la mos pa zhes bya ba ni gzhan mi 'dum pas yid bde zhing rgyun du yid bde ba skyed par byed pa'o/ /de nyid kyi phyir bden nam brdzun yang mi 'dum par bya ba'i tshig mi smra'o/ /nyer
 'debs pa dang zhes bya ba ni dge ba'i rtsa ba nyams par byed pa'o/ /bslang ba dang zhes bya ba ni mi bzod pa rjod pa/ rtsub pa dang zhes bya ba ni don rtogs pas dga' ba skyed par mi byed pa'o/ /gzhan la gnod pa dang zhes bya ba ni tshig gi bye brag 'byed pa dka' bas so//
 gzhan gyi mtshang 'bru ba zhes bya ba ni gzhan gyi skyon brjod pa'o/ /grong mi'i tshig dang zhes bya ba ni skabs su ma bab pa brjod pa'o/ /ma rabs kyi tshig ngo bor brjod pa dang zhes bya ba ni mngon sum du smra ba'o/ /ngor brjod pa pa gzhol ba dang zhes bya ba ni shugs
 kyis ngor brjod pa lta bur 'gyur ba'o/ /gzugs su gzung ba dang zhes bya ba ni rgol ba po gzhan gyis gcod par nus pa'o/ /rnar mi snyan pa dang zhes bya ba ni tshig mi snyan pa nyid kyis so/ /khro zhing gshe ba las byung ba dang zhes bya ba ni khro ba dang gshe bas bskyed
 pa'i phyir ro/ /mi snyan pa dang yid du mi 'ong bas snying na bar byed pa dang zhes bya ba la/ sgra'i sgo nas mi snyan pa yin la/ don gyi sgo nas yid du mi 'ong ba ste/ des snying na bar byed pa'o/ /yid gdung bar byed pa dang zhes bya ba ni snying ches na bar byed pa'o/ /rang gi
 sems kyi rgyu dang/ gzhan gyi sems kyi rgyud ma rungs par byed pa'i tshig ces bya ba ni rang dang gzhan ngan song du 'gro ba'i rgyu'i tshig go /de lta bu mi smra ba'o/ /gang 'di mnyen pa dang zhes bya ba ni sems can gyi khams rnams dge ba'i rtsa ba la nye bar ston
 par byed pa'o/ /'jam pa dang zhes bya ba ni mthong ba'i chos la bde bar reg pa'o/ /yid du 'ong ba zhes bya ba ni bzang po dang ldan pa'i phyir ro/ /dga' bar byed pa dang zhes bya ba ni tshig 'bru bzang po yin pas so/ /brdzun pa ma yin pa dang zhes bya ba ni pha
 rol gyi rgol ba po thams cad kyis gcod par mi nus pas so/ /rnar snyan pa dang zhes bya ba ni tshig mdzes pas so/ /snying du sdug pa dang zhes bya ba ni gdul bya dang rjes su mthun par 'jug pa'i phyir ro/ /grong khyer la zhes bya ba ni 'khor thams cad kyis
 thos par byed pa'o/ /skye bo mang po'i snying du sdug pa dang zhes bya ba la sogs pa ni thos pa dang/ bsam pa dang/ bsgom pa dang/ mthar thug pa'i gnas skabs na dga' bar byed pas so/ /rang gi sems kyi rgyud dang/ gzhan gyi sems kyi rgyud dang bar byed pa'i
 tshig ces bya ba ni rang dang gzhan dag gi mngon par mtho ba dang/ nges par legs pa'i rgyu yin pa'i phyir ro/ /lan ldon pa'i tshig dang zhes bya ba ni de'i ngag thams cad kyis gus par len pa'o/ /dus su smra ba dang zhes bya ba ni dus la bab? na smra ba'o/ /yang dag
 par smra ba zhes bya ba ni bden par smra ba'o/ /bden par smra ba yin kyang gang dogs pa med pa de mi smra ba yin no/ /zhes bstan par bya ba'i phyir/ don smra ba dang zhes bya ba smos so/ /don dang bcas par smrar zin kyang 'jig rten pa'i dgos pa dang bcas pa'i don smra
 ba yod pas de'i phyir/ chos smra ba dang zhes bya ba smos so/ /mu stegs pa rnams kyang kho bo cag ni chos smra ba po yin no snyam du zhan pa yin pas de'i phyir/ rigs par smra ba dang zhes bya ba smros so/ /chos su smra ba de yang nga rgyal gyis smra ba yod pas de'i
 phyir/ dul bar smra ba dang zhes bya ba smos so/ /gzob pa dang ldan pa dang zhes bya ba ni gang dag dro ba po dang nye ba na smra ba'o/ /dus dang rmed dang bcas pa'i tshig ces bya ba ni sems rtse gcig pas brjod pa gang yin pa'o/ /de tha na bzhad gang byas pa'i zhes
 bya ba ni gzhan la co 'dri ba'o/ /gzhan gyi longs spyod dang zhes bya ba ni kha zas la sogs pa'o/ /gzhan gyi nor dang zhes bya ba ni gser la sogs pa'o/ /yo byad ces bya ba ni mal stan la sogs pa'o/ /yang na nor dang yo byad ni longs spyod kyi bshad pa'o/
 mngon par 'dod pa tsam yang mi bskyed cing don du yang mi gnyer la mi smon te chags pa'i sems kyang mi skyed do zhes bya ba ni chags pa chung ngu dang/ 'bring dang/ chen po dang/ chen po'i chen po dbye ba byas nas brjod pa yin no/ /byams pa'i sems dang zhes bya ba ni tshe
 'di la bde ba dang ldan par 'dod pa'i rnam pa can no/ /snying rje'i sems dang zhes bya ba ni sems can thams cad sdug bsngal dang bral bar 'dod pa'i rnam pa can no/ /'jam pa'i sems dang zhes bya ba ni bde ba dang ldan pa dang mi 'bral bar 'dod pa'i rnam
 pa can no/ /skye bo thams cad la phan gdags pa'i sems dang ldan pa zhes bya ba ni sems can thams cad nyon mongs pa rnams la btang snyoms su gyur cig snyam pa'i rnam pa can no/ /khro ba dang zhes bya ba ni gnod pa'i rgyur gyur pa nye bar gnas na zhe sdang gi
 cha shas can sems 'khrug pa dbyug pa dang mtshon cha la sogs 'dzin par byed pa'i las can no/ /kho na du 'dzin pa dang zhes bya ba na de'i phyir zhe sdang gi cha shas can 'gal ba'i rgyun de nyid mi gtong ba ste/ gnod par byas pa mi bzod pa'i las
 can no/ /tha ba ni 'dod chags la sogs pa gsum ste/ gang gis thar pa thob pa'i don du sems bskyed pa las su mi rung bar byed pa'o/ /de nyid kyi phyir gnyen po thong gshol gyis rma bar dka' bas tha ba zhes bya ste/ skye ba gzhan du goms
 pa'i stobs kyis tha par gyur pa'i phyir ro/ /dri ma ni 'dod chags dang zhe sdang dang gti mug ste/ 'chal pa'i tshul khrims mi gtsang ba 'byung ba'i rgyur gyur pa'i phyir ro/ /gnod sems ni zhe sdang ste/ brdeg go bsad do snyam pa'i rnam pa can no/ /
 yongs su bdung ba dang zhes bya ba ni yongs su gdung ba yang gsum ste/ 'dod chags dang zhe sdang dang/ gti mug go /gang gi phyir 'dod chags dang zhe sdang dang gti mug la brten nas tshul bzhin ma yin pa yid la byed pa 'byung la/ des lus dang
 sems gdung bar byed pas so/ /'khrug pa dang zhes bya ba ni de rnams kyis sems 'khrug par byed pas so/ /khong khro ba zhes bya ba ni sems rtsub pa'o/ /de dag la rtog pa yin no zhes bya ba ni de dag yang nas yang du yid la byed pa'o/ /
 yang dag pa'i lam la gnas shing zhes bya ba ni yang dag pa'i lta ba nyid bde 'gro'i lam yin pas yang dag pa'i lam yin la/ de la gnas pa'o/ /dge mtshan dang zhes bya ba ni rtsis byed pa ste/ nges ma 'ongs pa yongs su shes pa'i phyir ro/ /bkra shis
 zhes bya ba ni lam du 'jug pa la sogs pa mtshan ma bzang po lta ba gang yin pa'o/ /dang tshul ngan pa'i lta ba sna tshogs dang bral ba yin te zhes bya ba ni mu stegs pa'i bstan bcos las bstan pa'i lta ba sna tshogs pa ste/ de dang bral pa'o/ /lta
 ba zhes drang bya ba'i bshad pa ni g.yo med la sgyu med pas zhes bya ba ste/ de la g.yo ni rnyed pa dang bkur sti la zhen cing 'dod chags dang/ gti mug gi cha dang ldan par rang gi yon tan ji lta ba bzhin du mi ston pa yang dag pa gdams ngag ster
 ba la gegs byed pa gang yin pa'o/ /de dang bral ba ni g.yo med pa'o/ /sgyu ni rnyed pa dang bkur sti la zhen cing 'dod chags dang/ zhe sdang dang/ gti mug gi cha dang ldan pa yang dag pa ma yin pa'i yon tan ston par byed pa'i log par 'tsho ba'i
 rten pa byed pa'i las can no/ /bsam pa nges pa yin no zhes bya ba ni dkon mchog gsum yod pa la sogs par nges par blta ba'o/ /de ltar na zhes bya ba ni sngar bstan pa'i tshul gyis so/ /sems dang po bskyed pa'i zhes bya ba ni sa dang po'i gnas skabs
 na'o/ /de la bklags te shin tu dag par 'gyur zhes bya ba ni gtan du rgyun ma chad par ma nyams pa la sogs pa'i tshul khrims mi dmigs pas kun tu spyod pa'i phyir ro/ /de zhes bya ba ni byang chub sems dpa' o/ /de dag gi zhes bya ba ni las kyi
 lam rnams so/ /ston ka'i zla ltar zhes bya ba ni ji ltar ston ka'i zla ba zhi dang 'dod chags pa de bzhin du byang chub sems dpa' rnams kyang ngo/ /de la zla ba'i zhes bya ba ni gdung ba dang bral ba'o/ /de ltar tshul khrims yongs su dag tu zin kyang gal te tshul khrims kyi don
 la mngon par zhen pa yod par gyur na tshul khrims yongs su dag pa ma yin no zhes bstan par bya ba'i phyir/ de ltar zhes bya ba la sogs pa smos so/ /tshul khrims dang ldan pa yin te zhes bya ba ni tshul khrims blangs pa gang yin pa de rjes su bsrung ba la rten nas
 sos so sor thar pa'i sdom pas bsdams shing gnas zhes bya ba ni nges par 'byung ba'i tshul khrims kyi dbang du byas nas brjod pa ste/ des 'khor ba las nges par 'byung ba'i phyir ro/ /cho ga dang spyod yul phun sum tshogs pa zhes bya ba ni gshe ba med pa'i tshul
 khrims kyi dbang du byas nas brjod pa yin no/ /de la cho ga phun sum tshogs pa ni dam pa rnams kyi spyod yul la sogs pa rnams la mi gnod pa'i phyir ro/ /phun sum tshogs pa ni spyod yul ma yin pa lnga las 'das pa'i phyir ro/ /de la spyod yul ma yin pa lnga ni
 srog chags gsod pa'i sa phyogs dang/ smad 'tshong ma'i khang khyim dang/ chang 'tshong ma'i khang pa dang/ rgyal po'i pho brang dang/ rigs ngan gyi khang pa'o/ /de rnams su mi 'gro ba'o/ /kha na ma thob phra ba rnams la yang 'jig par lta zhes bya ba ni shin tu gus
 pa'i sgo nas tshul khrims la slob pa yin pa'i phyir te/ rang bzhin gyis kha na ma tho ba bzhin du bcas pa'i kha na ma tho ba yang shin tu gus pas slob pa'i phyir ro/ /yang dag par blangs te bslab pa'i gzhi rnams la slob cing zhes bya ba ni kun nas yongs su
 rdzogs par bslab pa'i gzhi rnams la slob pa'i phyir ro/ /de nyid kyi phyir/ lus dang ngag dang zhes bya ba la sogs pas kyang go bar smos so/ /'tsho ba yongs su dag kyang zhes bya ba ni tshul 'chos la sogs pa dang bral ba'i phyir ro/ /bdag tu smra ba yin te zhes bya ba
 ni bdag yod do zhes smra ba'o/ /tshul khrims 'chal pa zhes bya ba'i bshad pa ni tshul khrims dang ldan pa ltar bcos pa zhes bya'o/ /sbyangs pa'i yon tan bcu gnyis yang dag par blangs kyang zhes bya ba de la sbyangs pa'i yon tan
 bcu gnyis ni bsod snyoms pa dang/ stan gcig pa dang/ kha zas phyir mi len pa dang/ chos gos gsum pa dang/ phying ba can dang/ phyag dar khrod pa dang/ dgon pa pa dang/ shing drung ba dang/ bla gab med pa dang/ dur khrod pa dang/ tsog pu ba
 dang/ gzhi ji bzhin pa'o/ /de la bsod snyoms pa ni 'dris pa dang ma 'dris pa'i rigs rnams las bsod snyoms rnyed pa za ba'o/ /stan gcig pa ni stan gcig la 'dug nas ci tsam za bar byed pa de za ba ste/ stan de las yang langs nas mi
 za ba'o/ /phyis mi len pa ni stan la 'dug ste ci tsam za bar mi nus pa de tsam byin len byas nas za'i byin len ma byas par mi za ba'o/ /chos gos gsum pa ni snam sbyar dang/ stod g.yogs dang smad g.yogs te/ chos gos gsum po rnams skyong
 ba'o/ /chos gos gsum las lhag pa'i gos mi 'dzin pa'o zhes pa'o/ /phying pa can ni gang chos gos gsum 'am de las lhag pa'i gos thams cad ni bal gyi 'chang gi /de las gzhan pa ni ma yin no/ /phyag dar khrong pa ni gzhan dag
 gis lam la sogs par dor ba bshang gci dang/ rnag khrag dang/ mchi ma rnams kyis gos pa de'i mi gtsang ba de bsal nas snying po blangs te bkrus nas kha dog bsgyur te chos gos byas nas 'chang ba gang yin pa'o/ /dgon pa pa ni grong dang
 grong khyer las thag ring ba'i dgon pa dang/ nags kyi nang du gnas cing nyal ba la sogs pa byed pa gang yin pa'o/ /shing drung pa ni shing gi rtsa bar gnas shing 'dug pa'o/ /bla gab med pa ni steng g.yogs med pa'i gnas so/ /dur khrod pa
 ni gang du mi ro'i tshogs skyel sa der gnas 'cha' ba' o/ /tsog pu ni khri'u 'am rtswa shing gi stan la 'dug nas dus 'da' bar byed pa ste/ rtswa shing gi phung po 'am rtsig pa 'am ka ba la sogs pa la mi rnyes pa'o/ /gzhi ji bzhin pa ni rtswa'i stan gting ba'am
 shing lo'i stan la nyal ba yin la/ de yang dang po ji ltar bting ba de kho na la nyal gyis phyis mi 'tshos pa'o/ /ci'i phyir sbyangs pa'i yon tan zhes brjod ce na/ dper na bal lam ras bal gang gi tshe ma bsed pa de'i tshe 'byar ba dang 'byar ba ma yin pas bkal bar mi
 rung la/ bsed na rung bar 'gyur ba de bzhin du/ bsod snyoms dang/ chos gos dang/ mal stan la chags pas sems las su ma rung bar 'gyur la/ de sbyangs pa'i yon tan gyis las su rung bar 'gyur ba'i phyir sbyangs pa'i yon tan zhes bya'o/ /dmigs
 par lta ba yin te zhes pa'i bshad pa ni ngar 'dzin pa dang/ nga yir 'dzin pa la gnas pa de ni zhes pa'o/ /de la ngar 'dzin pa ni kho bo ni tshul khrims dang ldan pa'o/ /nga yir 'dzin pa ni tshul khrims 'di kho bo'i'o/ /de'i phyir zhes bya ba ni gang gi phyir tshul
 khrims kyi ngo bo la mngon par zhen pa yod na tshul khrims 'chal ba yin la/ tshul khrims dang ldan pa ma yin pas so/ /dngos po dang dngos po med pa la sogs pa zhes bya ba la sogs pa la/ sogs pa'i sgras bden pa dang/ brdzun pa dang/ rtag pa dang/
 mi rtag pa la sogs pa bsu bar bya'o/ /de las gzhan pa rnams kyi zhes bya ba ni byang chub sems dpa' las gzhan pa'i so so'i skye bo la sogs pa rnams kyi'o/ /shin tu che ba nyid dang zhes bya ba ni mngon par mtho ba'i rgyu yin pa'i phyir ro/ /yon tan phun
 sum tshogs pa thams cad kyi rten nyid du 'gyur bar bstan pa'i phyir zhes bya ba ni bde 'gror skyes na dad pa la sogs pa'i yon tan du mi skye ba'i phyir ro/ /tshul khrims rkang pa zhes bya ba ni tshul khrims nyid rkang pa ste/ bde 'gror 'gro ba'i thabs yin pas so/ /nyams
 pa la zhes bya ba ni srog gcod pa la sogs pa chen po dang/ 'bring dang chung ngu kun tu spyod pas so/ /de nyid las zhes bya ba ni sbyin pa de nyid las so/ /skyed bcas dngos 'du zad pas na'o zhes bya ba ni sbyin pa'i sa bon sngar btab pa'i
 'bras bus longs spyod spyad pas dngos po nyams pas so/ /byas pa chud gson tshul can zhes bya ba ni sngar gyi sa bon skyed dang bcas pa la longs spyod cing sa bon mi 'debs pas so/ /sngar gyi sa bon tsam yang zhes pa la/ yang gi sgras ni skyes
 'ba' zhig tu ma zad de/ sa bon kyang ngo/ /dngos po 'du ba yang zhes bya ba ni snon pa'o/ /gnas ma yin par zhes bya ba ni nyi tshe ba'i sems can dmyal ba la sogs pa'i 'gro bar ro/ /snga na med pa'i 'phen pa dang bral ba'i phyir deng zhes bya ba
 ni longs spyod kyi 'bras bu can sbyin pa ma btang ba'i phyir ro/ /sngar 'phangs ma lus par nye bar longs spyod pa'i phyir zhes bya ba ni sngar sbyin pa btang bas 'bras bu gang 'phangs pa de ma lus par longs spyod pa zin par 'gyur ro/ /rang dbang 'jug
 cing zhes bya ba ni lha dang mi dag rang dbang du thos pa la sogs pa la 'jug pa'i phyir ro/ /mthun gnas pas zhes bya ba ni rjes su mthun pa'i yul na gnas pa dang/ dge ba'i bshes gnyen dang phrad pa la sogs pa'i skal pa can dang ldan pa'o/ /'di 
 zhes bya ba ni so so'i skye bo'o/ /bdag 'dzin par mi byed na zhes bya ba ni tshul khrims dang/ dad pa dang/ thos pa la sogs pa'i yon tan rnams la bdag nyid gnas par mi byed na'o/ /g.yang sar ltung bas shes bya ba ni dmyal ba la sogs par
 ltung ba'o/ /gzhan dbang 'jug 'gyur ba zhes bya ba ni mi dge ba'i las kyi dbang du 'jug 'gyur bas so/ /de las zhes bya ba ni ngan song las so/ /gang gi zhes bya ba ni thabs so/ /slong bar 'gyur zhes bya ba ni lha dang mi dag rnyed par 'gyur
 zhes pa'o/ /dbang po mthun pa'i yul na gnas pa'i 'ching ba las grol ltar zhes bya ba ni dpe'o/ /sa bde yangs na gnas pas 'ching ba las grol ba ltar ro/ /des na zhes bya ba ni 'don par 'gyur ba med pas so/ /gnod par bya ba'i phyir ngan 'gro kho nar nges
 par 'gyur ro/ /zhes bya ba ni dge ba'i rtsa ba mi sogs pa dang/ sdig pa'i las sogs par byed pas so/ /de nyid kyi phyir zhes bya ba ni gnod par bya ba'i phyir ro/ /rnam par smin gnyis zhes bya ba ni rgyu mthun gyis 'bras bu gnyis te 'og nas 'chad par 'gyur
 ro/ /gtam zad nas zhes bya ba ni gsungs pa gang yin pa'o/ /tshul khrims zhes bya ba ni tshul khrims dang ldan pa'o/ /rjes 'gro'i zhes bya ba ni sbyin par bya ba'i gtam gyi de ma thag tu'o/ /rgyal ba'i bshad pa ni sdig pa'i chos mdza' dag pham par
 mdzad pa'i zhes bya ba yin te/ sdig pa'i chos can nyon mongs pa thams cad spangs pa'i phyir ro/ /sbyin pa la sogs pa'i yon tan chud mi za bar bya ba'i phyir sbyin pa la sogs pa nyid yon tan yin la/ de chud mi za ba ni tshul khrims kyi stobs kyis bde
 'gror skyes na sbyin pa'i 'bras bu longs spyod pa'i dus su yang sbyin pa gtong bar 'gyur bas so/ /rgyu dang 'bras bu brgyud pa zhes bya ba la sogs pas sbyin pa'i 'bras bu longs spyod pa'i tshe yang sbyin pa gtong bas 'bras bu'i tshogs nye bar 'phel
 zhing dus ring por longs spyod pa por nye bar longs spyod par 'gyur ro zhes pa'o/ /gsungs skyes dang zhes bya ba ni nyan thos rnams te/ gzhan gyi chos gsungs pa la brten nas skyes pa'i phyir ro/ /'od dag brtan pa'i rgyu zhes bya ba ni kun nas slong
 ba'i sems zhes pa'i don to/ /shas che ba ni zhes bya ba la sogs pa kun nas slong ba de chen po yin no dmyal ba'i rgyur 'gyur la/ 'bring gis dud 'gro'i rgyur 'gyur zhing/ chung ngu ni yi dags kyi 'jig rten gyi rgyur 'gyur ro zhes pa'o/ /rnam par
 smin pa gnyis zhes bya ba ni rgyu mthun gyi 'bras bu yin no/ /thun mong gi longs spyod du 'gyur ro zhes bya ba ni gzhan dang thun mongs yin pa'i phyir dbang med pa'o/ /'khor g.yog yid brtan du mi rung ba zhes bya ba ni de'i 'khor g.yog
 rnams kyang yid brtan du mi rung bar 'gyur ba'o/ /dgra zla dang bcas pa'i chung mar 'gyur ro zhes bya ba ni de'i chung ma yang gzhan gyi thad du nyal po byed pa nyid du 'gyur ba'o/ /skur pa mang ba dang zhes bya ba ni gzhan gyi mang du brjod pa'o/ /g.yog 'khor mi
 'dum? pa dang zhes bya ba ni phan tshun bye bar 'gyur ba'o/ /g.yog 'khor ngan par 'gyur ro zhes bya ba ni gtum po la sogs pa de'i 'khor du 'gyur ba'o/ /yid du mi 'ong ba thos ba dang zhes bya ba ni stag dang/ seng ge dang/ mi ma yin pa'i sgra thos
 par 'gyur bas so/ /'thab mo'i tshig tu 'gyur ba'o zhes bya ba ni dus thams cad du gzhan ngang 'thab mo'i tshig 'byung bar 'gyur ba'o/ /ma nges pa'i spobs par 'gyur ba'o/ /zhes bya ba ni de'i tshig mi btsan par 'gyur ba'o/ /chog mi shes pa
 dang zhes bya ba ni gya nom pa ma yin pa dang/ chung du rnyed pa la sems yongs su gdung ba'o/ /'dod pa che ba ni ma rnyed pa'i dngos po bya nom pa dang/ mang du 'dod pa gang yin pa'o/ /phan pa mi tshol ba dang zhes bya ba ni gzhan la phan 'dogs
 pa'i blo ma skye ba'o/ /gzhan gyis gnod pa bya bar 'gyur ro zhes bya ba ni de la gzhan rnam kyis brdeg pa la sogs pas 'tshe bar byed pa'o/ /srid pa'i rtse mo'i bar du zhes bya ba la/ bar gyi sgra ni 'dod pa'i khams kyi lha drug dang bsam
 gtan bzhi dang/ gzugs med pa gsum gzung bar bya'o/ /skye ba yod par 'gyur ro zhes bya ba 'dis ni mngon par mtho ba'i rgyu nyid du bstan pa yin no/ /nges par legs pa'i rgyu nyid du bstan pa'i phyir/ de'i 'og tu zhes bya ba la
 sogs pa smos te/ de'i 'og tu zhes bya ba ni dge ba bcu'i las kyi lam yang dag par blangs pa'i 'og tu'o/ /nyi tshe ba'i sems dang zhes bya ba ni chos kyi bdag med pa yongs su shes pa ma rdzogs pa'i phyir te/ de yang sngar bstan zin te/ khams gsum
 la skrag pa'i yid dang zhes bya ba ni 'dis snying rje chen po med pa'i rgyu bstan pa yin no/ /gzhan la thos pa'i rjes su 'gro zhes bya ba'i bshad pa ni sgra'i rjes su 'brang ba zhes bya ba'o/ /shes rab kyi rnam pas zhes bya ba ni rab tu rnam par 'byed pa'i rang
 bzhin can stong pa nyid kyi rnam pa can gyis so/ /des yongs su bsgoms pa ni nye bar mtshon pa gang yin pa'o/ /nyan thos kyi theg pa zhes bya ba ni 'dir 'dod pas na theg pa ste/ mya ngan las 'das pa'o/ /gzhan las thos pa'i rjes su 'gro ste
 zhes bya ba'i tshig 'dis rang sangs rgyas las khyad par du bstan pa yin no/ /snying rje chen po med pa dang zhes bya ba'i tshig 'dis byang chub sems dpa' i theg pa las so/ /de'i 'og tu zhes bya ba la sogs pa yongs su sbyangs nas zhes bya ba ni de lhag
 par sbyangs pa ste/ gang gis gzung ba'i rtog pa spong ba'i rgyur 'gyur ba'o/ /de lta bu'i dge ba'i las kyi lam bcu yongs su sbyang na rang sangs rgyas kyis theg pa 'grub par byed do zhes sbyang bar bya'o/ /ci ltar zhe na/ rten cing 'brel par 'byung ba zab
 mo khong du chud pa zhes bya ba ni stong pa nyid kyi rang bzhin can rten cing 'brel par 'byung ba khong du chud pas so/ /de la yang gzung bar rtog pa spong ba'i thabs tsam yod pa yin gyi/ rten cing 'brel par 'byung ba zab mo nyid yongs su rdzogs par
 rtogs pa ni yod pa mi yin no/ /rten cing 'brel par 'byung bya zab mo rtogs pa byang chub sems dpa' rnams la yod pa'i phyir ro/ /snying rje chen po dang thabs la mkhas pa med pa dang zhes bya ba smos te/ snying rje chen po nyid gzhan gyi don byed pa
 la thabs mkhas pa ste/ de dang bral ba yin la rang gi don gtso bor byed pa dang rdzu 'phrul tsam gyi sgo nas gzhan gyi don byed pa'i phyir ro/ /nyan thos kyi theg pa la yang rten cing 'brel par 'byung ba zab mo khong du chud pa dang/ de
 dgag pa'i phyir gzhan la mi tshol ba dang zhes bya ba smos te/ gzhan la mi tshol ba ni gzhan dag la lam mi tshol pa'o/ /de yang ci'i phyir zhe na/ rang mngon par rdzogs par 'tshang rgya ba dang zhes bya ba smos te/ bdag nyid kyis lam mngon
 du byed pa'i phyir ro/ /de yang ci'i phyir zhe na/ rang 'byung ba dang rjes su mthun pa dang zhes bya ba smos te/ skye ba gzhan du lam goms pa'i stobs kyis ye shes rang 'byung ba dang/ rjes su mthun pa'i phyir ro/ /de nyid kyi phyir gzhan gyi dring mi 'jog
 pa dang zhes bya ba smos so/ /de nyid kyi phyir/ de nyid sems pa gal te 'dir zhes bya ba la sogs pa gsungs/ /shin tu rgya che zhing tshad med pa'i snying brtse ba dang zhes bya ba la stong pa nyid la dmigs pa'i phyir rgya che ba dang/ rang nyid stong pa nyid yin
 ba'i phyir tshad med pa'o/ /snying rje chen po ldan pa dang zhes bya ba ni chos la dmigs pa dang/ dmigs pa med pa'i snying rje dang ldan pa'i phyir ro/ /de nyid kyi phyir thabs la mkhas pa bsdus pa dang zhes bya ba smos te/ stong pa nyid dang snying rje chen
 po nyid thabs la mkhas pa yin te/ de dag gis sems can rnams la ma chags shing sdug bsngal las 'dren pa'i phyir ro/ /smon lam chen po shes du btab ba dang zhes bya ba ni byang chub sems dang ldan pa nyid du bstan pa yin no/ /de nyid
 rgyas par ston pa ni sems can thams cad yongs su mi gtong ba dang/ sangs rgyas kyi ye shes shin tu rgyas pa la dmigs pas zhes bya ba smos te/ 'di ltar 'gro la phan phyir sangs rgyas 'grub par shog ces bya ba gsungs pa des
 sems can yongs su mi gtong ba nyid bstan pa yin te/ sangs rgyas kyi ye shes shin tu rgya che ba la dmigs pa ste/ yon tan mdza' yas pa dang ldan pa'i phyir ro/ /yongs su sbyangs nas zhes bya ba la sogs pa ni 'bras bu brjod pa yin te/ yongs su sbyangs
 nas byang chub sems dpa' i sa rnams yongs su dag pa ni mthong bas spang bar bya ba dang/ bsgom pas spang bar bya ba'i nyon mongs pa rnams spangs pa yin la/ pha rol tu phyin pa yongs su dag pa ni dmigs pa med pa rnam pa gsum gyis zin pa'i 'jig rten
 las 'das pa gang yin pa'o/ /spyod pa rgya chen po zhes bya ba ni 'khor ba ji srid par sprul pa'i sku dang/ longs spyod rdzogs pa'i skal 'gro ba rnams kyi don byed pa'i phyir ro/ /ci ltar rig pas zhes bya ba ni so so'i skye bo rnams kyi mngon par mtho
 ba'i thabs yin la/ de las gzhan rnams kyi nges par legs pa'i yang ngo/ /sa 'di'i tshul khrims la rma med pa nyid yin no zhes bstan par bya ba'i phyir/ ji ltar rgya mtsho zhes bya ba la sogs pa smos te/ tshul khrims dbang zhes bya ba ni
 tshul khrims la gnas pa zhes bya ba'i don to/ /bdag nyid che zhes bya ba ni rtag tu rgyun ma chad par tshul khrims la gnas pa'i phyir ro/ /de zhes bya ba ni tshul khrims so/ /lhag ma go sla'o/ /tshul khrims kyi mjug bsdu ba bstan par bya ba'i
 phyir/ ji skad du bstan pa'i zhes bya ba la sogs pa smos te/ yon tan phun sum tshogs pa thams cad ces pa ni ting nge 'dzin la sogs pa'o/ /gling bzhi'i phun sum tshogs pa'i rgyu yin no zhes bya ba ni de ltar sa 'di la gnas pa'i byang chub
 sems dpa' ni gling bzhi la dbang ba'i 'khor los sgyur ba'i rgyal por 'gyur zhing rin po che sna bdun dang ldan pa dang/ sems can rnams kyi 'tshal ba'i tshul khrims kyi dri ma spong ba'i nus pa dang ldan par 'gyur ro zhes gsungs so/ /dbu ma la
 'jug ba'i 'brel pa'i le'u gnyis pa'i TI kA'o// /da ni sems bskyed pa gsum pa bstan par bya ba'i phyir/ da ni zhes bya ba la sogs pa la/ shes bya'i zhes bya ba ni gzugs dang/ sems dang sems las byung ba
 dang ldan pa yang ma yin pa dang 'dus ma byas so/ /de rnams nyid bud shing ste/ ji ltar mas bud shing bsregs nas mi snang bar byed pa de bzhin du stong pa nyid kyi ye shes kyi mes gzugs la sogs pa rnams mi snang bar byed pas so/ /'od 'byung
 phyir zhes bya ba ni sa dang po dang gnyis pa la bltos nas ye shes kyi me cung zad gsal ba'i phyir ro/ /zhi ba'i bdag nyid can gyi zhes bya ba ni rnam par rtog pa thams cad zhi ba'i bdag nyid can gyi'o/ /de ltar yang dge dang mi dge rnam rtog gi /rgyu mtshan
 gcod pa'i mtshan nyid can/ /sangs rgyas rnams kyis stong nyid brjod ces gsungs pas so/ /der zhes bya ba ni sa gsum pa'o/ /gnas min 'khrug pa zhes bya ba ni 'dis byang chub sems dpa' gzhan gyis khro ba'i gnas ma yin no zhes brjod par
 bya'o/ /de lta bu'i ye shes yod pa'i phyir zhes bya ba ni 'khor gsum yongs su dag pa shes pa'i phyir ro/ /dus gsum gyi don ma yin pa'i dogs pa gang gi gzhan gyi mnar sems kyi gzhir 'gyur ba zhes bya ba la dus gsum gyi don ma yin ba'i
 dogs pa ni nga la 'dis gnod pa byas so/ /nga'i 'grogs po yang ngo/ /nga'i dgra bo'i don byas so snyam pa'i 'das pa'i dus la don ma yin pa'i dogs pa 'byung ba'o/ /de bzhin du da ltar ba dang/ ma 'ongs pa la yang brjod par bya'o/ /de lta bu
 zhes bya ba la sogs pa ni go sla'o/ /'dis ni byang chub sems dpa' rnams khro ba'i gnas ma yin pa nyid du bstan pa yin no/ /sdig pa'i las de'i rkyen can zhes bya ba ni gnas ma yin par khro ba las byung ba'i sdig pa'i las dmyal ba la sogs pa'i sdug
 bsngal gyi rgyu dang ldan pa'i phyir ro/ /'dis ni kun rdzob pa'i bzod pa'i rgyu bstan pa yin no/ /don dam pa'i bzod pa'i rgyu bstan par bya ba'i phyir/ gzhan yang zhes bya ba la sogs pa smos te/ gang zhi ces bya ba ni lag pa la sogs ba'o/ /gang gis zhes bya
 ba ni gcod pa'i skyes bus so/ /gang gi tshe zhes bya ba ni dus nam gyi che'o/ /ji ltar gcod ces bya ba ni mtshon cha la sogs pa'i byed pas so/ /gang gi phyir zhes bya ba la sogs pa ni bdag med pa mthong ba'i gtan tshigs bstan pa yin no/ /sdig
 ba'i las zhes bya ba la sogs pa ni kyang gi sgra'i don ston pa yin no/ /de ltar bzod pa'i rgyu mtshan rnam pa gnyis bstan nas so so'i skye bo rnams kyi yang yon tan gyi tshogs bsrung ba'i rgyu yin no zhes bstan par bya ba'i phyir/ bzod pa 'di zhes bya ba
 la sogs pa smos te/ khro bas gzhan gyi nyes pa brjod pa las ldog par rigs par 'chad pa ni zhes bya ba la sogs pa'i sgras thal lcag dang khu tshur la sogs pa bsdu bar bya'o/ /gal te par gnod pa byas pas de kho na ldog na kho na gyis de la
 ci zhig bya zhes bya ba la/ phar gnod par byes pas zhes bya ba ni dgra bo la slar gnod par byas pas so/ /de'i kho na ldog na zhes bya ba ni gal te slar gnod pa byas pas kho na ldog par 'gyur na'o/ /kho na? gyis de la ci zhig byas zhes bya ba ni
 gang sngar dgra bos gnod pa byas pa de la khon gyi ci zhig byas cung zad kyang ma byas te/ byas zin pa de ldog par mi 'gyur ro/ /'di zhes bya ba ni tshe 'di la'o/ /de'i zhes bya ba ni lan byed pas so/ /'di'i don ni kho na byed pa'i don med pa nyid dang/
 rnam par smin pa yid du mi 'ong ba nyid yin par bstan pa'i sgo nas kho na spangs pa dang/ bzod pa bsgom pa nyid bstan pa yin no/ /bzod pa de yang sbyin pa dang tshul khrims las byung ba'i dge ba du ma rnams 'phel ba'i rgyu yin pa'i phyir yon
 tan mdza' dag bsrung ba'i rgyu yin no zhes bstan pa yin no/ /'dis ni kho na mi bya ba nyid du bstan pa yin no/ /da ni kho na byed pa la slar kho na byed ce na/ rnam par smin pa yid du mi 'ong ba 'phel ba bstan pa'i sgo nas ldog pa bstan
 par bya ba'i phyir/ gang zhig rang gis shes pa la sogs pa smos te/ rang gis nyes pa spyod pa'i 'bras bu'i khyad par nye bar spyod bzhin du zhes bya ba ni gang dgra bos gnod pa byas pa de dgra bos byas pa ma yin gyi/ 'on kyang skye ba gzhan du mi dge
 ba'i las byas pa'i 'bras bu de nyams su myong ba'o/ /lan du gnod pa byas pas zhi ba zhes bya ba la/ zhi ba ni slar gnod pa byas pas khro bzhi bar 'gyur ba'o/ /de'i gnod pas phan par 'dod pa zhes bya ba ni gnod pa byas pa'i sgo nas rgyal bar
 'dod pa gang yin pa'o/ /'bras bu gang zhes bya ba ni brdeg pa la sogs pa'i sgo nas dgra bos skyed pa'i sdug bsngal gang yin pa'o/ /zad par byed pa zhes bya ba ni 'bras bu nyams su myong bar zad par ro/ /de nyid go zhes bya ba ni sngar byas pa'i las
 kyi 'bras bu gang yin pa'o/ /gzhan la gnod pa dang ni khro bas zhes bya ba ni/ gnod par byed pa gzhan dag la/ gnod par byed cing kho na byed pas so/ /sa bon nyid du zhes bya ba ni ma 'ongs pa'i
 dmyal ba'i rgyur 'gyur ba gang yin pa'o/ /srog gcod pa'i las zhes bya ba la sogs pa la /sogs pa'i sgras ni ma byin par len pa la sogs pa bsdu bar bya'o/ /gshin rje'i 'jig rten zhes bya ba ni yi dags kyi 'jig rten no/ /sogs
 pa'i sgras ni nyi tshe ba'i sems can dmyal ba bsdu bar bya'o/ /rgyu mthun pa'i 'bras bu nyon mongs pa lhag ma cung zad lus pa can zhes bya ba ni rgyu dang 'bras 'dra pa'i 'bras bu gang yin pa de ni rgyu mthun pa'i 'bras bu ste/ dper na srog gcod pas
 tshe thung ba nyid bzhin no/ /rgyu mthun pa'i 'bras bu de lhag ma lus pa ste/ sngar rnam par smin pa'i 'bras bu nyams su myong bas so/ /de nyid cung zad de dmyal ba la sogs pa bsreg pa la sogs pa'i sdug bsngal la bltos nas phrad pa'i phyir ro/ /'bras bu yid
 du mi 'ong ba ma lus pa ldog pa'i rgyu yin pa ste/ zhes bya ba ni sngar rnam par smin pa'i 'bras bu'i nyams su myong ba dang/ da ltar rgyu mthun gyi 'bras bu nyams su myong ba yang yid du mi 'ong ba'i 'bras bu nyams su myong ba med pa'i phyir ro/ /slar yang rnam par 'gyur
 ba zhes bya ba ni dpe'i dbang du byas nas kha zas lhag par za ba la sogs pa'o/ /don gyi dbang du byas nas lan du gnod pa byed pa dang/ kho na byed pa'o/ /nad gso bar byed pa'i rgyur gyur ba zhes bya ba gnod par byed pa'o/ /'phral du sdug bsngal 'byung ba'i
 rgyu zhes bya ba ni bzod pa'i stobs kyis dus gzhan du bde ba'i rgyu yin pa'i phyir ro/ /bzod pa ma yin pa'i bsod nams kyi tshogs zad par byed pa'i rgyu nyid du bstan par bya ba'i phyir/ mi bzod pa ni zhes bya ba la sogs pa smos to/ /gang gi phyir yul
 rgyal ba'i sras po rnams la skad cig tsam yang mi bzod pa ni dge ba 'joms pas so/ de'i phyir mi bzod pa las gzhan pa'i sdig pa yod pa ma yin no zhes sbyar bar bya'o/ /gang zag gi khyad par du nges pa dang bral ba'i phyir ro zhes bya ba ni byang
 chub sems dpa' 'di yon tan mang po dang ldan pa'i sgo nas khyad par can du nges pa med pa'i phyir ro/ /da yang gzhan gyis sems nges par dka' ba yin pas so/ /nges pa yin du zin kyang zhes bya ba yon tan dang ldan pas khyad par nges pa yin
 du zin kyang ngo/ /nyon mongs pa goms pa la rag las nas zhes bya ba la/ bden par gyur pa'i skyon la lhag par sgro 'dogs pa'o/ /de rnams goms pa ni yang dang yang du yid la byed pa'o/ /rag las nas 'jug pa ni de rnams kyi dbang du
 gyur pas so/ /'di'i don ni byang chub sems dpa' i yon tan gyi khyad par dang ldan par rtogs kyang nyon mongs pa rnams thog ma med pa'i dus nas goms pa'i phyir khong khro ba'i bsam pa skye ba yin no zhes pa'o/ /bden par gyur pa dang/
 bden pa ma yin pa'i nyes pa lhag par sgro 'dogs pa ni nyes pa chung ngu la chen po nyid du sgro btags nas so/ /lhag ma go sla'o/ /gzhan yang mi bzod pa zhes bya ba la sogs pa ni 'dir gang zag rnam pa gnyis te/ nus pa dang ldan pa dang/ nus
 pa med pa'o/ /de la nus pa dang mi ldan pa rnams kyi mi bzod pa ni bdag nyid la gnod par byed pa yin te/ de gzhan rnams la gnod par byed mi nus pa'i phyir ro/ /nus pa dang ldan pa rnams kyis bdag dang gzhan gnyis ka la gnod par byed pa
 yin te/ des gzhan dag la gnod par byed pa nus pa'i phyir ro/ /'di ni nus pa dang mi ldan pa dang/ nus pa dang ldan pa dag gi mthong ba'i chos la skyon yin no/ /gnyis ka'i mi bzod pa yang ma 'ongs pa'i ngan song gi rgyu yin pas skye ba gzhan
 gyi nyes pa'o/ /de la mthong ba'i chos la ni nyes pa rnam pa gsum gyis nus pa med pa dang/ nus pa dang ldan pa dag la bdag nyid la gnod pa yin te/ de nyid bstan par bya ba'i phyir/ mi sdug pa zhes bya ba la sogs pa smos te/ mi sdug ces
 bya ba ni khro ba'i tshe gdong la sogs pa'i rnam par 'gyur bar 'byung ba'i phyir ro/ /dam pa ma yin par bkri zhes bya ba ni khro ba rnams dbyug pa dang/ mtshon cha la sogs pa 'dzin pa la 'jug par byed pa'i phyir ro/ /tshul dang tshul mi shes
 pa'i rnam spyod 'phrog byed cing zhes bya ba ni 'di ni dge ba yin pas bya bar rigs so snyam pa'i rnam par dpyod pa'i blo med par byed pas so/ /skye ba gzhan gyi nyes pa ni dus phyis ris mthun btang nas zhes bya ba la sogs pa smos te/ ris
 mthun btang nas zhes bya ba ni mi nyid btang nas so/ /lhag ma go sla'o/ /sngar bstan pa dang 'gal ba dang zhes bya ba ni sngar bstan pa'i mi bzod pa'i skyon mi sdug pa la sogs pa dang 'gal ba'o/ /de nyid bstan par bya ba'i phyir/ bzod pas zhes bya ba la sogs
 pa smos te/ mdzes shing zhes bya ba ni de'i gzugs mthong na gzhan la dga' ba khyad par can skye bas so/ /'di ni gzugs mi sdug pa dang 'gal ba'i yon tan no/ /skye bo dam pa rnams la 'phangs pa dang zhes bya ba ni skye bo dam pa rnams bzod pa dang ldan
 pa la dga' ba'o/ /'di ni dam pa ma yin pa dang 'gal ba'o/ /lugs dang lugs min shes pa la mkhas pa zhes bya ba ni tshul dang tshul min shes pa'i rnam dpyod 'phrog byed cing zhes pa dang 'gal ba'o/ /de'i 'og tu zhes bya ba ni ris mthun btang
 ba'i phyis so/ /lha dang mi'i skye ba dang zhes bya ba ni skye ba gzhan gyi skyon dang 'gal ba'o/ /sdig pa zad par 'gyur zhes bya ba ni gang gi phyir rgyal sras rnams la khro ba yis zhes bya ba la sogs pa mi bzod pa'i skyon bstan pa gang yin pa de dang 'gal
 ba'o/ /da ni 'jug bsdu ba'i sgo nas mi bzod pa spang bar bya ba nyid du bstan par bya ba'i phyir de'i phyir de ltar zhes bya ba la sogs pa smos te go sla'o/ /rdzogs sangs rgyas kyi byang chub phyir bsngos kyang zhes bya ba ni yang dag par rdzogs pa'i sangs rgyas rnams
 kyi byang chub ni sgrib pa thams cad dang bral ba'i rnam pa thams cad mkhyen pa'i ye shes nyid la der bsngos kyang ngo/ /lhag ma go sla'o/ /bsam gtan zhes bya ba ni bsam gtan bzhi'o/ /mngon shes dang zhes bya ba ni mngon par shes pa lnga ste/ 'di ltar rdzu 'phrul gyi mngon par shes
 pa dang/ lha'i mig gi mngon par shes pa dang/ lha'i rna ba'i mngon par shes pa dang/ gzhan gyi sems shes pa'i mngon par shes pa dang/ sngon gyi gnas rjes su dran pa'i mngon par shes pa'o/ /sa der zhes bya ba ni 'od byed par ro/ /'dod pa'i
 'dod chags zhes bya ba ni 'dod par bya bas ni 'dod pa ste/ gzugs la sogs pa rnams yin la/ de rnams la chags pa gang yin pa'o/ /nye bar mtshon pa'i don te zhes bya ba ni 'dis gzhan yang mtshon par bya ba yin te
 dper na gang na bya rog 'di gnas pa de ni lhas sbyin gyi khang pa yin no zhes bya ba lta bu ste/ bya rog gis lha sbyin gyi khang pa mtshon pa yin no/ /de bzhin du 'dir bsam gtan gyi sgras gzugs med pa'i snyoms par 'jug pa bzhi dang/ byams
 pa la sogs pa tshad med pa bzhi mtshon pa yin no zhes bya ba'i don to/ /'dod pa rnams las dben zhes bya ba ni nyon mongs pa 'dod chags dang mtshungs par mi ldan pa dang/ dngos po'i rang bzhin can gyi 'dod pa gzugs la sogs
 pa rnams la mi dmigs pa'i phyir ro/ /sdig pa mi dge ba'i chos rnams las dben pa zhes bya ba ni nyon mongs pa 'dod chags kyi rgyu can/ lus dang/ ngag dang/ yid kyi nyes par spyod pas bsdus pa dbyig pa 'dzin pa dang/ 'thab
 pa dang/ rtsod pa la sogs pas so/ /rtog pa dang bcas pa spyod ba dang bcas pa dang zhes bya ba ni sems pa 'am shes rab la brten nas rim pa bzhin du rtog pa med pa'i dus dang/ rtog pa dang bcas pa'i dus na yid kyis 'tshol bar byed pa gang
 yin pa de ni rtog pa yin la de yang sems kyi rags pa nyid do/ /sems pa 'am shes rab la brten nas rtog pa med pa dang/ rtog pa med pa'i gnas skabs na so sor rtog par byed pa'i yid gang yin pa de ni dpyod pa yin la de yang
 sems kyi phra ba yin no/ /de lta bu'i 'dod pa'i gnyen por gyur pa rtog pa dang dpyod pa dag dang mtshungs par ldan pa'i phyir rtog pa dang dpyod pa dang bcas pa'o/ /'dod pa'i don grub pa dang/ lus dang sems bsrabs pa'i phyir dga' ba
 dang yid bde ba dang lhan cig tu gyur pa'o/ /gnas so zhes bya ba ni bsam gtan la snyoms par zhugs nas gnas pa'o/ /de zhes bya ba ni rnal 'byor pa'o/ /rtog pa dang dpyod pa dag gi sems rnam par 'khrug par byed pa mthong bas/ de gnyis la sems
 brlan? nye rnam par rtog pa med pa dang/ dpyod pa med pa'i rgyur gyur pa la sems gtang de sems dmigs pa gang la sems 'phro par gyur pa de las tha dad du byas te/ dmigs pa mi 'phro ba la sems zhi bar gtod pa'o/ /de'i phyir rtog pa dang
 dpyod pa dang bral zhing nang yongs su dang ste zhes bya ba smos pa yin/ sems kyi rgyud gcig tu gyur pa zhes bya ba ni des sems zhi bar byas te/ rtog pa dang bcas pa nyid rma dang par dang bcas pa'i gnas skabs las 'das ste/ bsgoms pa'i stobs
 kyis rma dang bar byed pa'i gnas skabs thob pa yin te/ de'i phyir sems kyi rgyud gcig tu gyur pa zhes bya ba smos pa yin te/ rgyud du rtog pa dang dpyod pa dag mi 'jug pas ro gcig tu gyur pa yin no zhes pa'i don to/ /rnam pa thams cad du rtog pa
 dang dpyod pa thams cad spangs pa yin pas rtog pa med pa dang dpyod pa med pa zhes brjod pa yin no/ /dga' ba dang bde ba can zhes bya ba ni sngar bzhin no/ /de dga' ba'i 'dod chags dang bral bas zhes bya ba ni rigs pa'i phyir ro/ /btang snyoms la
 gnas shing zhes bya ba ni sems 'khrug par byed pa'i rtog pa dang dpyod pa dag dang/ dga' pa rnams spangs te/ de rnams la btang snyoms su 'gyur pas so/ /de yang dga' ba dang lhan cig tu gyur pa'i 'du shes dang/ yid la byed pa dag gi go
 skabs mi 'byed pa'i don du dran pa nye bar gnas par 'gyur pa yin no/ /re 'ga' 'ga' zhig gis bskyed na yang lhag par mi gnas pa'i don du shes rab shes che bar 'gyur ro/ /de'i phyir dran pa dang shes bzhin can yin te zhes bya ba smos so/ /gang
 gi tshe btang snyoms shas che ba la gnas pa de'i dga' ba dang lhan cig tu skyes pa'i sems rab tu spong zhing dga' pa ma yin pa'i zhi ba nyams su myong bar 'gyur ba de'i tshe yid kyi lus kyis tshor ba bde ba nyams su myong bar 'gyur ro/ /de'i
 phyir bde ba lus kyis myong la zhes bya ba gsungs te/ lus kyis zhes bya ba ni gzugs kyi lus dang yid kyi lus ngag gis so/ /'phags pa rnams kyis zhes bya ba la sogs pa ni bsam gtan 'og ma gnyis la de lta bu'i btang snyoms yod pa ma
 yin la/ gong na btang snyoms ni yod la bde ba ni yod pa ma yin no/ /des na bsam gtan 'di kho na bde ba dang btang snyoms kyi rten yin no/ /'phags pa rnams kyi zhes bya ba ni sangs rgyas dang nyan thos dag gis so/ /bde ba yang spangs te
 zhes bya ba ni bsam gtan gsum pa dang lhan cig tu gyur pa'o/ /'dis ni bsam gtan bzhi pas bde ba spangs pa nyid du bstan pa yin no/ /snga nas sdug bsngal ba yang spangs shing zhes bya ba ni bsam gtan dang po nas so/ /yid bde ba dang
 yid mi bde ba snga nas nub pas zhes bya ba ni bsam gtan gsum pas dga' ba spangs pa'i phyir yid bde ba nub pa yin la/ bsam gtan dang pos yid mi bde ba spangs pas so/ /tshor ba bzhi po 'di rnams spangs na sdug bsngal yang ma yin bde ba yang
 ma yin pa'i tshor ba kho na lhag mar lus pa yin no/ /de'i phyir bde ba yang ma yin sdug bsngal ba yang ma yin pa zhes bya ba gsungs pa yin no/ /btang snyoms dang dran pa yongs su dag pa zhes bya ba ni bsam gtan bzhi ni sa 'og ma pa'i skyon
 brgyad dang bral ba yin pas so/ /de la skyon brgyad ni rtog pa dang dpyod pa dang/ dbugs rdub pa dang/ 'byin pa dang/ bde ba dang/ sdug bsngal ba dang/ yid bde ba dang/ yid mi bde ba'o/ /gzugs med pa'i snyoms par 'jug pa ni
 zhes bya ba ni gzugs med pa'i sems dang mtshungs pa nyid du byed pa'i phyir ro/ /de zhes bya ba ni rnal 'byor pa'o/ /gzugs kyi 'du shes las zhes bya ba ni sngon po dang/ ser po dang/ dmar po dang/ dkar po la sogs pa'i 'du shes las so/ /yang
 dag par 'das pa te zhes bya ba ni thams cad du nam mkha' i 'du shes bsgoms pas de rnams thams cad las yang dag par 'das pa ste/ de rnams kyi 'du shes mi skye ba'i phyir ro/ /thogs pa'i 'du shes rnams dang zhes bya ba ni rtsig pa dang/ ra ba la
 sogs pa'i 'du shes so/ /sna tshogs kyi 'du shes zhes bya ba ni yang thog dang/ skyed mos tshal dang/ ri dang/ chu bo dang/ zla ba dang/ nyi ma la sogs pa'i 'du shes so/ /nam mkha' mdza' yas pa zhes bya ba ni nam mkha' mdza' yas pa nyid rnam par
 shes pa'i dmigs pa nyid du byed pa yin no zhes pa'o/ /de rnam pa thams cad du zhes bya ba la sogs pa la/ nam mkha' mdza' yas skye mched las yang dag par 'das te zhes bya ba ni nam mkha' mdza' yas skye mched la snyoms par 'jug par
 'dod pa des shes pa gang gis nam mkha' mdza' yas la lhag par mos par byas pa'i rnam par shes pa de nyid mdza' yas pa nyid du gzung nas nam mkha' mdza' yas skye mched kyi 'du shes las bzlog ste/ rnam par shes pa de nyid mdza' yas pa'i rnam pa
 nyid du lhag par mos par byed pa gang yin pa'o/ /de nyid kyi phyir rnam par shes pa mdza' yas zhes gsungs so/ /de rnam pa thams cad du rnam shes mdza' yas skye mched las yang dag par 'das te zhes bya ba ni rnam shes mdza' 
 yas skye mched las langs te/ dmigs pa btsal ba las rnam par shes pa las gzhan pa'i gzugs can nam gzugs can ma yin pa'i dmigs pa cung zad kyang ma rnyed pa de'i tshe dmigs pa ma rnyed pas rnam par shes pa mdza' yas
 las yang dag par 'das te/ ci yang med pa nyid la dmigs pa ste/ lhag par mos pa de sgom par byed pa gang yin pa'o/ /de rnam pa thams cad du ci yang med pa'i skye mched las yang dag par 'das te zhes bya ba ni de sngar ci yang med
 pa'i skye mched la snyoms par zhugs pa'i dus na cung zad yod pa'i 'du shes las bzlog pa yin la/ de ni ci yang med pa'i skye mched kyi 'du shes la rags pa nyid du mthong nas ci yang med pa'i 'du shes las log pa yin pas 'du shes med ces
 gsungs pa yin no/ /dper na sems med pa'i snyoms par 'jug pa bzhin du rnam pa thams cad du 'du shes thams cad 'gags par 'gyur ba ni ma yin no/ /'on kyang mtshan ma med pa'i 'du shes shin tu phra bar 'jug pa yin no/ /de nyid kyi
 phyir/ 'du shes med min zhes gsungs pa yin no/ /'di ni bsam gtan dang snyoms par 'jug pa'i mdo'i tshig gi don gyi bshad pa'o/ /'di'i rnam par bzhag pa ni bsam gtan dang/ gzugs med pa 'di rnams kun nas nyon mongs pa dang
 rnam par byang ba dang/ rnam par bzhag pa dang/ rnam par dag pa'i sgo nas rig par bya'o/ /de la kun nas nyon mongs pa'i sgo nas ji ltar zhe na/ lung du ma bstan pa'i rtsa ba ni bzhi ste/ sred pa dang/ lta ba dang/ nga rgyal dang/ ma rig pa'o/ /de rnams
 kyis nyon mongs pa can du gyur pa'i sems dag la nyon mongs pa can gyi bsam gtan gyi sgo nas sgrib la/ lung du ma btan pa'i nyon mongs pa dang/ nye ba'i nyon mongs pa thams cad 'jug pa'i phyir ro/ /de las sred pas ro myang ba'i nyon
 mongs pas nyon mongs pa can du 'gyur te/ bsrabs pa'i bde ba'i ro myang ba'i phyir ro/ /lta bas lta ba lhag par bsam gtan pa de nyid nyon mongs pa can du 'gyur te/ 'di la lta ba lhag par yod pas na lta ba lhag pa zhes kyang bya'o/ /bsam
 gtan dang ldan pa'i phyir bsam gtan la zhes kyang bya'o/ /de nyid kyang bsam gtan la rten nas sngon gyi mthar rtog pa la sogs pa'i lta ba la kun tu spyod pa'i phyir ro/ /nga rgyal gyi nga rgyal lhag par bsam gtan pa nyid du kun nas nyon mongs pa can du 'gyur te/
 khyad par du rtogs pa des sems pa sa mtho bar 'gyur ba'i phyir ro/ /ma rig pas the tshom lhag pa dang bsam gtan pa nyid nyon mongs pa can du 'gyur te/ de kho na nyid so sor rtogs pas thar pa 'dod pa'i khyad par du rtogs pa de la thar pa yin nam ma yin
 snyam pa'i the tshom skye ba'i phyir ro/ /de ltar nyon mongs pa can gyi sems dang ldan pa rnams la gzugs dang gzugs med pa na spyod pa'i nyon mongs pa dang nye ba'i nyon mongs pa rnams 'jug par 'gyur ba yin no/ /rnam par byang ba ji ltar zhe na/ dag pa'i bsam
 gtan dang/ gzugs med pa gnyis dge ba yin pa'i phyir 'jig rten pa yin du zin kyang kun nas dkris pa'i dri ma dang bral ba'i phyir rnam par byang ba zhes brjod pa yin no/ /rnam par bzhag pa ji lta bu zhe na/ yan lag gi rnam par bzhag pa
 dang/ snyoms par 'jug pa'i rnam par bzhag pa dang tshod zin pa'i rnam par bzhag pa dang/ ming gi rnam par bzhag pa'i sgo nas so/ /de ltar bsam gtan la bzhi'i sgo nas rnam par bzhag pa'o/ /gzugs med pa la rnam pa gsum gyi sgo nas
 rnam par bzhag pa byed pa yin te/ de rnams kyi nang nas yan lag gi rnam par bzhag pa dor nas so/ /yan lag gi rnam par bzhag pa ci lta bu zhe na/ bsam gtan dang po la yan lag lnga ste/ rtog pa dang/ dpyod pa dang/ dga' ba dang/ bde
 ba dang/ sems rtse gcig pa nyid do/ /bsam gtan gnyis pa la yan lag bzhi ste/ nang gi bdag nyid kyi yang dag par dang ba dang/ dga' ba dang/ bde ba dang/ sems rtse gcig pa nyid do/ /bsam gtan gsum pa la yan lag lnga ste/
 btang snyoms dang/ dran pa dang/ shes bzhin dang/ bde ba dang/ sems rtse gcig pa nyid do/ /bsam gtan bzhi pa la yan lag bzhi ste/ btang snyoms yongs su dag pa dang/ dran pa yongs su dag pa dang/ bde ba yang ma yin sdug
 bsngal ba yang ma yin pa'i tshor ba dang/ sems rtse gcig pa'o/ /de las gzhan pa'i sems las byung ba'i 'du shes la sogs pa yod pa ma yin nam/ ci'i phyir rtog pa la sogs pa yan lag nyid du rnam par 'jog pa yin zhe na/ lan ni rnam
 pa de tsam gyi sgo nas gnyen po'i phyogs dang/ phan yon dang/ de gnyis kyi rten gyi yan lag yongs su rdzogs pa'i phyir ro/ /'di'i don ni gnyen po'i phyogs kyi yan lag dang/ phan yon gyi yan lag dang/ de gnyis kyi rten gyi yan lag la brten
 nas yan lag gi rnam bzhag byed pa yin no/ /'di ltar bsam gtan dang po la rtog pa dang dpyod pa'i gnyen po'i yan lag ste/ de dag gis 'dod pa dang/ gnod sems dang/ rnam par 'tshe ba'i rtog pa rab tu spong ba'i phyir ro/ /dga' ba dang
 bde ba ni phan yon gyi yan lag yin te/ rtog pa dang dpyod pa dag gis mi mthun pa'i phyogs spangs pa 'am/ des dben pa las byung ba'i dga' ba dang bde ba thob pa'i phyir ro/ /sems rtse gcig pa ni de gnyis kyi rten gyi yan lag yin te/ ting
 nge 'dzin la brten pa'i dbang gis rtog pa la sogs pa la 'jug pa'i phyir ro/ /bsam gtan gnyis pa'i nang gi bdag nyid kyi dang pa ni gnyen po'i yan lag yin te/ rtog pa dang dpyod pa dag spong bar byed pa'i phyir ro/ /de la nang gi bdag nyid
 can gyi dang ba ni sngar gyi rtog pa dang dpyod pas sems 'khrug pa'i phyir/ sems dmigs pa la ches mi 'jug pa yin la/ da ni rtog pa dang dpyod pa dang bral ba'i phyir dmigs pa la sems ches pa mnyam par 'jog pa gang yin pa ste/ rtog
 pa dang dpyod pas 'khrug pa dang bral ba'i phyir rab tu dang bas 'khrug pa ma yin no/ /dga' ba dang/ bde ba dang/ sems rtse gcig pa sngar bzhin no/ /bsam gtan gsum pa'i btang snyoms dang/ dran pa dang/ shes bzhin rnam pa gnyen po'i yan lag
 ste/ de rnams kyi dga' ba spang ba'i phyir ro/ /bde ba dang sems rtse gcig pa ni sngar bzhin du shes par bya'o/ /bsam gtan bzhi pa na ni btang snyoms yongs su dag pa dang/ dran pa yongs su dag pa ni gnyen po'i yan lag yin te/ de dag gis bde
 ba spong ba byed pa'i phyir ro/ /bde ba yang ma yin sdug bsngal ba yang ma yin pa ni phan yon gyi yan lag go /sems rtse gcig pa ni de gnyis ka'i rten gyi yan lag go /gzugs med pa la ni yan lag gi rnam bzhag yod pa ma yin te ro
 gcig tu gyur pa'i zhi gnas la brten pa'i phyir ro/ /snyoms par 'jug pa'i rnam par bzhag pa ji lta bu zhe na/ yid la byed pa rnam pa bdun gyi sgo nas bsam gtan dang po la snyoms par 'jug pa yin la/ de bzhin du 'du shes med 'du
 shes med min gyi bar du'o/ /de la yid la byed pa bdun gang zhe na/ mtshan nyid so sor rtog pa yid la byed pa dang/ lhag par mos pa dang/ rab tu rnam par dben pa dang/ dga' ba yang dag par sdud pa dang/ dpyod pa dang sbyor ba mthar thug pa
 dang/ sbyor ba mthar thug pa'i 'bras bu yid la byed pa'o/ /bsam gtan dang po la snyoms par zhugs pa la yid la byed pa rnam pa bdun ci ltar ldan par 'gyur zhe na/ de la gang gi 'dod pa'i yul rnams la mi mthun pa nyid du mthong nas
 rags pa'i mtshan nyid can du so sor rtog pa yin la/ bsam gtan dang po na de med pa'i phyir/ zhi ba'i mtshan nyid can du rtog pa yin la/ 'di'i mtshan nyid ni so sor rtog pa'i yid la byed pa'o/ /de yang thos pa dang bsam pa dag dang
 'dres par bya'o/ /de'i phyir thos pa dang bsam pa dag las 'das te/ gcig tu nges par bsgom pa'i rnam pas rags pa dang/ zhi ba'i mtshan nyid kyi rgyu mtshan la dmigs pa'i zhi gnas dang/ lhag mthong bsgom zhing yang
 dang yang du rags pa dang zhi ba nyid lhag par mos pa yid la byed pa'o/ /de goms pa las dang por spong ba'i lam dang lhan cig tu gyur pa yid la byed pa ni rab tu rnam par dben pa yid la byed pa ste/ des nyon mongs pa chen po spong ba'i phyir dang
 de'i phyogs su gyur pa'i gnas ngan len 'gags pas so/ /de'i phyir rnal 'byor pa de rab tu spangs pa la dga' bar 'gyur zhing spangs pa'i phan yon mthong la/ dben pa cung zad kyis dga' ba dang/ bde ba 'dres par 'gyur ba de dus rgyun du yid
 la byed pa drag po'i sgo nas bying ba dang rgad pa spong ba'i don du sems dga' ba byed pa gang yin pa de ni dga' ba sdud par byed pa yin te/ dge ba'i phyogs la sbyor ba'i sgo nas yang dag par sbyong ba po de'i 'dod pa na spyod pa'i nyon mongs pa dang/ kun
 nas dkris pa kun tu mi spyod bar gyur nas spangs pa dang/ ma spangs pa rtogs par bya ba'i don du de skye ba dang rjes su mthun pa sdug pa'i mtshan ma yid la byed pas so sor rtog pa gang yin pa de ni spyod pa'i yid la byed pa'o/ /spyod pa'i yid la byed
 pa de la spyad cing gnyen po bsgoms pas 'dod pa na spyod pa'i nyon mongs pa thams cad dang bral ba'i don du bsam gtan dang po rnal 'byor mthar thug par gyur pa ni sbyor ba mthar thug pa yid la byed pa'o/ /de'i de ma thag tu bsam gtan
 dang po'i dngos po bzhi'i snyoms par 'jug pa thob pa ni sbyor ba mthar thug pa'i 'bras bu yid la byed pa'o/ /de la mtshan nyid so sor rtog pas spang bar bya ba dang/ thob par bya ba dag yang dag par shes nas thob pa'i don du sems smon par
 byed pa'o/ /lhag par mos pa ni de'i don du yang dag pa'i sbyor bas rtsom pa yin no/ /rab tu rnam par dben pas nyon mongs pa chen po rab tu spong ba yin no/ /dga' ba yang dag par sdud pas nyon mongs pa 'bring rab tu spong bar byed pa yin no/ /spyod pas
 thob pa la mngon pa'i nga rgyal med pa nyid la sems rnam par 'god pa'o/ /sbyor ba mthar thug pas nyon mongs pa chung du rab tu spong ba yin no/ /sbyor ba mthar thug pa'i 'bras bu ni yang dag par bsgom pa'i yid la byed pa 'di rnams la bsgoms
 pa'i 'bras bu nyams su myong bar byed pa yin no/ /ci ltar bsam gtan dang po'i snyoms par 'jug pa la yid la byed pa bdun yod pa de bzhin du yod min med min gyi skye mched la snyoms par 'jug pa'i bar du ji ltar rigs par sbyar bar bya'o/ /ci
 yang med pa'i skye mched kyi bar thams cad la mdor bsdus nas rags pa'i mtshan nyid rnam pa gnyis su shes par bya ste/ rab tu ma zhi bar gnas pa nyid kyis shin tu sdug bsngal bar gnas pa nyid dang ches tshe thung ba nyid kyis so/ /de las gong ma rnams su
 de las bzlog pa zhi ba nyid du shes par bya'o/ /tshod zin pa'i rnam par bzhag pa ji lta bu zhe na/ bsam gtan dang po chung ngur bsgom pa dang/ 'bring du bsgom pa dang/ chen por bsgom pa dang/ bsam gtan dang po ji lta ba bzhin du bsam
 gtan dang snyoms par 'jug pa lhag ma rnams la yang ngo/ /bsam gtan dang po chung ngu dang/ 'bring dang/ chen por bsgom pa'i 'bras bu ni bsam gtan du skye ba gsum mo/ /bsam gtan dang po ji lta ba bzhin du bsam gtan lhag ma
 rnams la yang bsam gtan du skye ba gsum gsum ste/ 'di ltar tshangs ris la sogs pa zhes bya ba la sogs pa'o/ /de nyid kyi phyir bsam gtan gsum pa zhes gsungs pa yin no/ /'o na bsam gtan bzhi pa sa brgyad par ji ltar
 brjod ce na/ ma yin te/ der gnas gtsang mas lnga yin pas so/ /gzugs med pa rnams la ni gnas gzhan med pa'i phyir skye ba'i dbye ba yod pa ma yin no/ /des na gzugs med pa rnams chung ngu dang/ 'bring dang/ chen por
 bsgoms pas mtho ba dang/ dma' ba nyid dang/ dman pa dang/ gya nom pa nyid yod par yongs su shes pa yin no/ /de la skyes pa la mtho ba dang/ dma' ba nyid ni tshe la sogs pa'i khyad par gyis so/ /dman pa dang/ gya nom pa nyid ni nyon mongs
 pa can dang/ nyon mongs pa can ma yin pa mang ba'i khyad par gyis so/ /ming gi rnam bzhag ji lta bu zhe na/ bsam gtan dang pos bsdus pa'i ting nge 'dzin ji snyed pa la sangs rgyas dang byang chub sems dpa' rnams snyoms par 'jug pa de
 rnams ni nyan thos dang rang sangs rgyas dag gis ming yang mi shes na shes pa dang snyoms par 'jug par lta ga la 'gyur te/ 'di rnams kyi bsam gtan gyi dbye ba rnams kyi ming bgrang du med pa dang/ grangs med pa dang/ bsam gyis mi
 khyab pa yin pas so/ /ji ltar shes rab kyi pha rol tu phyin pa las ting nge 'dzin brgya phrag gcig gsungs pa lta bu'o/ /de bzhin du theg pa chen po'i mdo gzhan de dang der spong ngo/ /ci ltar bsam gtan dang pos bsdus pa de bzhin du bsam
 gtan lhag ma rnams dang/ gzugs med pa rnams kyis bsdus pa yang shes par bya'o/ /rnam par dag pa ji lta bu zhe na/ rab kyi mthar thug pa'i bsam gtan dang po nas 'du shes med min skye mched kyi bar la rnam par dag pa zhes bya
 ste/ yon tan khyad par can bsgrub pa'i don du las su ltung ba nyid mthar thug par byed pas so/ /'di ni bsam gtan dang gzugs med pa rnams kyi bsdus pa'i don no/ /tshad med pa bzhi ni 'di lta ste zhes pa la tshad med pa ni sems can
 tshad med pa la dmigs pa dang/ tshad med pa'i tshogs kyi rgyu yin pa dang/ tshad med pa'i chos thob pa'i rgyu yin pa dang/ tshad med pa'i ye shes kyi spyod yul yin pas na tshad med pa'o/ /de yang bzhi ste byams pa dang/ snying rje dang/ dga' ba dang/ btang
 snyoms tshad med pa'o/ /de la byams pa ni rnam pa gsum ste/ mos pas spyod pa'i sar sems can la dmigs pa dang/ sa dang po nas brtsams te sa bdun pa'i bar chos la dmigs pa dang/ sa brgyad pa nas brtsams te dmigs pa med pa'o//
 snying rje yang rnam pa gsum ste/ sems can sdug bsngal ba la dmigs pa dang/ nyes par spyod pa mang ba'i sems can la dmigs pa dang/ rkyen ma tshang bas ma grol ba'i sems can la dmigs pa'o/ /dga' ba yang rnam pa gsum ste/ sems
 can bde ba dang ldan pa rnams la dmigs pa dang/ bdag gi tshogs rdzogs pa la dmigs pa dang/ dam pa'i chos kyi ro la dmigs pa'o/ /btang snyoms kyang rnam pa gsum ste/ sems can gyi don spyod pa la snod dang/ snod ma yin pa la dmigs
 pa dang/ rnyed pa dang ma rnyed pa la sogs pa 'jig rten gyi chos rnams la mnyam pa nyid du dmigs pa dang/ tshogs rdzogs par bya ba'i ched du dus dang dus ma yin pa la dmigs pa'o/ /byams pa dang ldan pa'i sems shes bya ba ni yon tan can
 nyid bstan pa yin no/ /yangs pa zhes bya ba la sogs pas yon tan bstan pa yin no/ /de la yon tan ni gsum ste/ chen po nyid dang/ bdag gcig pa nyid dang/ 'tshe ba dang bral ba'o/ /de la chen po nyid ni rnam pa gsum ste/ bsam pa dang/
 'phel ba dang/ dmigs pas so/ /de la bsam pa che ba nyid ni spangs pa zhes bya bas bstan pa yin no/ /'phel pa che ba nyid ni rgya chen por gyur pa zhes bya bas bstan pa yin no/ /dmigs pa che ba nyid ni tshad med pa zhes bya bas bstan pa yin te/
 sems can tshad med pa la dmigs pa'i phyir ro/ /rnam par rtog pa med pa dang/ gcig tu byams pa'i rnam pa can yin pas bdag nyid gcig pa ston pa ni/ mi gnyis pa zhes bya ba smos so/ /gnod sems kyi gnyen po yin
 pa'i phyir nang gi bdag nyid kyi chos kyi byas pa'i 'tshe ba med par ston pa ni kho na med pa zhes bya'o/ /phyi'i sems can gyis byas pa'i 'tshe ba med par ston pa ni 'gran zla med pa'o/ /de nyid kyi phyir sgrib pa med pa zhes bya ba smos so/ /gnod pa med pa zhes bya
 ba ni phyi rol gyi yul gyis byas pa'i 'tshe ba med pas so/ /thams cad du khyab pa zhes bya ba ni grogs dang/ tha mal pa dang/ dgra bo la yang 'jug pa'i yin pas so/ /chos kyi dbyings kyis klas pa zhes bya ba ni stong pa nyid kyi ngo bo nyid yin
 pas so/ /nam mkha' i khams kyis mthas gtugs pa zhes bya ba ni phyogs bcu rnams su khyab pa'i phyir ro/ /de nyid rgyas par ston pa ni thams cad dang ldan pa'i 'jig rten khyab par byas nas bsgrubs te gnas so zhes bya ba smras so/ /snga ma bzhin no zhes bya ba ni
 yangs pa rgya chen por gyur pa zhes bya ba la sogs pa sbyar bar bya'o/ /'on kyang snying rje dang/ dga' ba dang/ btang snyoms rnams ni gnod sems kyi gnyen po ni ma yin gyi/ 'on kyang snying rje rnam par 'tshe ba'i gnyen po yin la/ dga' ba ni mi dga' ba'i gnyen po yin
 la/ btang snyoms ni khong khro dang/ rjes su chags pa'i gnyen po yin no/ /mngon par shes pa lnga ni zhes bya ba ni rdzu 'phrul gyi mngon par shes pa dang/ lha'i rna ba'i mngon par shes pa dang/ gzhan gyi sems shes pa'i mngon par shes pa
 dang/ sngon gyi gnas rjes su dran pa'i mngon par shes pa dang/ lha'i mig gi mngon par shes pa'o/ /de ltar rdzu 'phrul gyi mngon par shes pa bstan par bya ba'i phyir/ 'di lta ste zhes bya ba la sogs pa smos te/ de rdzu 'phrul bya ba rnam pa du?
 ma nyams su myong bar byed de zhes bya ba ni mdor bstan pa'o/ /sa yang g.yo bar byed de zhes bya ba la sogs pa ni rgyas par bstan pa ste/ rtsig pa zhes bya ba ni khang pa'i rtsig pa'o/ /ra ba zhes bya ba ni gang gi khang pa bskor ba'o/ /lag pas 'dzin cing zhes bya ba ni
 rig par byed do zhes pa'o/ /kun tu nyug par byed do zhes bya ba ni yongs su 'jug par byed pa'o/ /tshangs pa'i 'jig rten gyi bar du lus kyi dbang bsgyur ro zhes bya ba ni tshangs pa'i 'jig rten gyi gzhal yas khang la yang lag pas 'dzin cing kun tu nyug par
 byed ces pa'i don to/ /lha'i rna ba'i mngon par shes pa bstan par bya ba'i phyir/ lha'i rna ba'i khams zhes bya ba la sogs pa smos te/ rnam par dag pa zhes bya ba ni yongs su gsal bar thos pas so/ /mi las 'das pa zhes bya ba ni mi'i sgra las 'das
 te/ 'og gi mnar med pa'i bar gyi sgra thos pas so/ /phra ba dang zhes bya ba ni yongs su ma gsal ba'o/ /rgya che ba dang zhes bya ba ni yongs su gsal ba'o/ /gzhan gyi sems shes pa'i mngon par shes pa bstan par bya ba'i phyir/ de sems can
 gzhan dag dang zhes bya ba la sogs pa gsungs te/ de la la la sems can nyid du yongs su grags pa yod la/ la la gang zag nyid du yongs su grags pa yod pas sems can gzhan dag dang/ /gang zag gzhan rnams kyi zhes bya ba smos pa
 yin no/ /yang na bstan pa dang bshad pa'o/ /yang dag pa ji lta ba bzhin du rab tu shes te zhes bya ba ni 'dod chags la sogs pa dang ldan pa la 'dod chags la sogs pa dang ldan par shes pa'o/ /nyon mongs pa dang bcas pa zhes bya ba ni 'dod chags dang/ zhe sdang dang/ gti mug
 las gzhan pa'i nyon mongs pa rnams dang ldan pa'o/ /nyon mongs pa med pa dang zhes bya ba ni 'dod chags la sogs pa las gzhan pa'i nyon mongs pa dang bral ba'o/ /chung ba dang zhes bya ba ni dmigs pa chung ba'o/ yangs pa dang/ chen por
 gyur pa dang/ tshad med pa dang zhes bya ba ni bshad zin pa'o/ /bsdus pa dang zhes bya ba ni dbang po'i sgo bsdams pa nyid kyis so/ /ma bsdus pa zhes bya ba ni dbang po'i sgom bsdams pa'i sgo nas so/ /mnyam par bzhag pa
 dang zhes bya ba ni bsam gtan dang po la sogs pa'i sa'o/ /mnyam par ma bzhag pa zhes bya ba ni 'dod pa'i khams pa'o/ /rnam par grol ba dang zhes bya ba ni nyon mongs pa thams cad las rnam par grol ba'o/ /rnam par ma grol ba dang zhes bya
 ni nyon mongs pa thams cad dang ldan pa'o/ /skyon can dang zhes bya ba ni nyon mongs pa dang ldan pa'o/ /skyon med pa dang zhes bya ba ni nyon mongs pa dang bral ba'o/ /sems rags pa zhes bya ba ni sbyin pa la sogs pa la 'jug pa'o/ /rags pa ma
 yin pa zhes bya ba ni sbyin pa la sogs pa la mi 'jug pa'o/ /sngon gyi gnas rjes su dran pa'i mngon par shes pa bstan par bya ba'i phyir/ de ni sngon gyi gnas rnam pa du ma zhes bya ba la sogs pa gsungs te/ rnam pa du ma rjes su dran te zhes
 bya ba ni mdor bstan pa'o/ /tshe rabs gcig kyang zhes bya ba la sogs pa ni rgyas par bshad pa'o/ /che ge mo zhig na zhes bya ba ni yul lo/ /rus ni 'di zhes bya ba ni drang srong rgyas pa la sogs pa'o/ /rigs ni 'di zhes bya ba ni bram ze la
 sogs pa'o/ /de la rigs ni spyi yin la/ rus ni bye brag go /kha dog ni 'di lta bu zhes bya ba ni dkar po la sogs pa'o/ /yun 'di srid cig gnas zhes bya ba ni yul der de tsam zhig gnas snyam pa ste/ rang gi yul lam gzhan
 gyi yul du'o/ /rnam pa dang bcas zhes bya ba ni che ge mo zhig na zhes bya ba la sogs pa'o/ /don rtags dang zhes bya ba ni ming ngo/ /rgyu mtshan dang zhes bya ba ni rgyu gang gis der skye zhes pa'o/ /lha'i mig gi mngon par shes pa bstan par bya ba'i phyir/ de lha'i mig rnam par dag pa
 zhes bya ba la sogs pa smos te/ rnam par dag pa zhes bya ba ni yongs su gsal bar mthong ba'i phyir ro/ /mi las 'das pa zhes bya ba ni yul kun na gnas pa'i gzugs mthong bar nus pas so/ /bde bar song ba dang zhes bya ba ni bde 'gror skyes pas so//
 ngan par song ba dang zhes bya ba ni ngan 'gror skyes pa'o/ /bzang po zhes bya ba ni bde 'gro ba dang ngan 'gro gnyis na yang bzang po dang ngan pa dag yod pas so/ /ngan song ngan 'gro zhes bya ba ni ngan song nyid ngan 'gro ste/ sdug bsngal gyi rgyu yin pas so/ /rnam
 par ltung ba zhes bya ba ni der skyes pas so/ /bsam gtan zhes bya ba ni bsam gtan bzhi'o/ /snyoms par 'jug pa dang zhes bya ba ni gzugs med pa'i snyoms par 'jug pa la sogs pa'o/ /de dag gi dbang gis zhes bya ba ni bsam gtan
 la sogs pa'i dbang gis so/ /thabs la mkhas pa mngon par bsgrub pa zhes bya ba ni bsam gtan la sogs pa la snyoms par 'jug kyang de rnams kyi ro mi myang ba'i phyir bsam gtan gyi skyon gyis mi gos pa'o/ /de ltar na zhes bya ba
 la sogs pa mjug bsdu ba'o/ /de la rdzu 'phrul gyi mngon par shes pas sems can thams cad kyi thad du 'gro bar byed pa yin no/ /lha'i rna ba'i mngon par shes pa dang/ gzhan gyi sems shes pa dag gis ni chos ston par byed pa ste/ de
 dag gi sgra dang don so sor rtogs pa yin pas so/ /sngon gyi gnas rjes su dran pa'i mngon par shes pa dang/ lha'i mig gi mngon par shes pa dag gis 'das pa dang/ ma 'ongs pa dag gis yin pa ste de dag ni sngon gyi mdza' dang/ phyi ma'i
 mdza' yongs su smin pa shes pa'i phyir ro/ /'dod chags zhe sdang yongs su zad par 'gyur zhes bya ba de bshad par bya ba'i phyir/ ji ltar zhes bya ba la sogs pa smos te/ dang gi sgra ni ma smos pa bsdu bar bya ba'i phyir te zhes bya ba ni ma smos pa
 gti mug yongs su zad pa bsdu bar bya ba'i ched du'o/ /'dir 'dod pa'i khams kyi nyon mongs pa chen po'i rnam pa gsum spangs par gsungs pa yin te/ gzhan du nyon mongs pa thams cad gti mug gi cha dang ldan pa yin
 pas gti mug spangs nas nyon mongs pa'i rnam pa thams cad spangs par 'gyur bas da ltar nyid du phyir mi spong bar 'gyur ro/ /de nyid kyi phyir/ de'i phyir shas cher bya ba smos so/ /rkyen la ston pa nyid yin pas zhes bya ba ni rten cing 'brel par
 'byung ba nyid kyi rang bzhin med pa yin pas so/ /'pho ba med pa nyid ces bya ba la/ 'pho ba ni ma 'ongs pa'i dus la da ltar ba'i dus la 'pho ste/ skye ba'o zhes pa'i don to/ /de med pas 'pho ba med pa ste/ skye ba med pa'o zhes pa'i don
 to/ /'dod pa'i bcings pa zhes bya ba ni 'dod chags kyi 'ching ba'o/ /gzugs kyi 'ching ba thams cad dang zhes bya ba ni yul gzugs la dmigs pa'i mngon par zhen pa'o/ /srid pa'i 'ching ba zhes bya ba ni 'dod pa'i khams kho
 na'o/ /ma rig pa'i 'ching ba zhes bya ba ni 'dod pa'i khams kho na'o/ /de'i lta bar gyur pa'i 'ching ba rnams ni snga nas spangs pa yin no zhes bya ba ni log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu
 'dzin pa las byung ba'i 'ching ba rnams ni sngar mthong ba'i lam thob pa kho nas spangs pa yin no/ /de nyid rgyas par bstan par bya ba'i phyir/ byang chub sems dpa' i sa zhes bya ba la sogs pa gsungs te/ 'phel bar bya ba ma yin par
 zhes bya ba ni yang 'phel ba med pas so/ /log pa'i zhes bya ba ni dngos po las phyin ci log tu 'jug pa'i phyir ro/ /tshig rkang 'og ma gnyis bshad par bya ba'i phyir/ de ci ltar rtag tu zhes bya ba la sogs pa smos te/ gang gis
 zhes bya ba ni sa gsum pa 'od byed pas so/ /de zhes bya ba ni byang chub sems dpa' o/ /bstan pa zhes bya ba ni byang chub sems dpa' des gsum dang ldan pa yin no zhes bstan pa yin no/ /phal cher zhes bya ba ni gtso che ba'i dbang du byas pa'o/ /'thab
 bral gyi lha rnams la yang bdag po yod pa'i phyir de gsal ba'i don du sum cu rtsa gsum gyi bdag po zhes bya ba smos so/ /gtso bo yin zhing zhes bya ba ni dbang po yin pas so/ /de zhes bya ba la sogs pa la rten gyi khyad par dang zhes bya ba ni
 phal cher khyim pa rnams so/ /tshogs kyi rang bzhin dang zhes bya ba ni bsod nams kyi tshogs so/ /'bras bu yongs su grub pa zhes pa ni gzugs kyi sku'o/ /de nyid tshigs su bcad pas bstan par bya ba'i phyir/ sbyin sogs zhes bya ba la sogs
 pa smos so/ /sbyin sogs zhes bya ba la sogs pa ni rten gyi khyad par bstan pa yin no/ /bsngags zhes bya ba ni gsungs pa'o/ /bsod nams kyi tshogs kyang de dag nyid ces bya ba ni bsod nams kyi tshogs nyid bstan pa yin no/ /sangs rgyas
 gzugs kyi bdag nyid sku'i rgyu zhes bya ba ni gzugs kyi sku'i rgyu nyid bstan pa yin no/ /cig shos dag la gcig mi srid pa ni ma yin no/ /zhes bya ba ni khyim pa rnams la ye shes kyi tshogs mi srid pa ni ma yin la/ rab tu byung ba rnams la bsod
 nams kyi tshogs mi srid pa ma yin no/ /bsod nams brgya'i mtshan nyid can zhes bya ba la brgya ni nye bar mtshon pa ste/ du ma zhes pa'i don to/ /de nas bsod nams kyi tshogs du ma bsags pa'i mtshan nyid can yin pas na bsod
 nams brgya'i mtshan nyid can no/ /rmad du byung zhing bsam gyis mi khyab pa zhes bya ba ni longs spyod rdzogs pa'i sku gsungs pa yin no/ /gzugs sna tshogs dang ldan pa'i rgyu yin no zhes bya ba 'dis ni sprul pa'i sku gsungs pa yin no/ /de la mtshan
 bzang po sum cu rtsa gnyis dang ldan pa'i phyir rmad du byung ba'o/ /nyan thos la sogs pas bsam par mi nus pas bsam gyis mi khyab pa'o/ /gdul bya'i bsam pa ji lta bu bzhin du snang ba yin pas na gzugs sna
 tshogs dang ldan pa'o/ /ye shes kyi tshogs chos kyi sku thob pa'i rgyu nyid du bstan par bya ba'i phyir/ chos kyi bdag nyid can gyi skye po med pa'i mtshan nyid can gyi rgyu ni ye shes kyi tshogs yin zhes bya ba la/ chos kyi bdag nyid can zhes pa
 ni skye ba med pas chos thams cad la khyab pa'i phyir ro/ /'gro ba'i mun pa rnam par 'joms par 'dod ces pa ni gsum pa thob pa la ni gegs byed pa'i nyon mongs pa 'joms par byed par 'dod pa'o/ /rang gtogs mun rnams zhes
 bya ba ni rang gi rgyud du gtogs pa'i sa gsum pa'i sgrib pa'o/ /bdag nyid 'byung ba'i gegs su gyur pa zhes bya ba ni sa 'od byed pa'i bdag nyid 'byung ba'i gegs su gyur pa'o/ /rnam pa de lta bu nye bar bstan pa las zhes bya ba ni sa gsum pa'i
 sgrib pa spong ba'i thabs bstan pa las so/ /yon tan zhes pa ni bzod pa'i pha rol tu phyin pa lhag pa dang ting nge 'dzin 'bum phrag la sogs pa'i yon tan thob pas so/ /bcom pas zhes pa ni sa gsum pa thob pa la gegs byed pa ni nyes pa yin
 la/ de nyid mun pa ste/ de kho na nyid mthong ba la gegs byed pas so/ /bcom pa ni spangs pa'o/ /dbu ma la 'jug pa'i 'grel pa le'u gsum pa'i bshad pa rdzogs so// //sems bskyed pa bzhi pa bstan par bya ba'i phyir/ da ni
 zhes bya ba la sogs pa gsungs te/ brtson 'grus kyi pha rol tu phyin pa lhag par bstan pa'i sgo nas zhes pa ni sa bzhi par brtson 'grus kyi pha rol tu phyin pa rab tu ston par 'gyur bas so/ /yon tan ma lus zhes bya ba ni dran pa nye bar
 gzhag pa la sogs pa dang/ stobs dang/ mi 'jigs pa la sogs pa 'bar bar gyur pa'i zhes bya ba ni lhag par gyur pa zhes pa'i don to/ /de nyid bstan par bya ba'i phyir/ dge ba'i las la zhes bya ba la sogs pa ste/ thob pa dang ma thob pa
 'phel ba dang thob pa srid pas zhes bya ba ni thob pa rnams 'phel ba dang/ ma thob pa rnams thob pa srid pas so/ /tshogs gnyis kyi rgyu nyid du ni gong du bshad zin to zhes pa ni bsod nams zhes bya ba'i tshogs dang de dag nyid ces bya ba
 de ru'o/ /rang gi yon tan yongs su dag pa'i sgo nas zhes bya ba ni mi dmigs pa'i sgo nas ting nge 'dzin bye ba phrag brgya thob pa la sogs pa'i yon tan thob pas so/ /'od 'phro ba'i des tshig bstan par bya ba'i phyir/ de ni zhes bya ba la sogs
 pa smos te/ ci ltar nyi ma 'char ba'i dus su zangs ltar snang la phyis gsal ba de bzhin du sa gsum pa'i gnas skabs na ye shes kyi snang ba cung zad 'byung la/ 'di'i gnas skabs na de las lhag pa 'byung bas 'od 'phro ba'o/ /de
 byang chub kyi phyogs kyi chos sum cu rtsa bdun zhes bya ba la sogs pa ni bshad zin to/ /de nyid la mdo'i khungs bstan par bya ba'i phyir de la zhes bya ba la sogs pa smos te/ brtun pa dang zhes bya ba ni gus pa dang rgyun tu sbyor pas so/ /shes
 bzhin dang zhes bya ba ni shes bzhin dang ldan pa yin pas so/ /dran pa dang ldan par gyur pa na zhes bya ba ni dran pa ma nyams pa'i bdag nyid can kun tu srung ba ma g.yengs par byed pa'i dran pa dang ldan pas so/ /brtson 'grus dang shes rab dang/ dran
 pa'i phan yon bstan par bya ba'i phyir/ 'jig rten la zhes bya ba la sogs pa gsungs te/ 'jig rten la zhes bya ba ni 'jig rten gyi chos brgyad la'o/ /brnab sems dang zhes bya ba ni rnyed pa dang/ grags pa dang/ bde ba dang/ bstod pa la
 chags pa'o/ /yid mi bde ba zhes bya ba ni mi rnyed pa dang/ ma grags pa dang/ sdug bsngal ba dang/ smad pa rnams la yid mi bde ba gang yin pa'o/ /snga ma bzhin no zhes bya ba ni brtun pa can dang shes bzhin dang zhes bya ba la
 sogs pa snga ma bzhin du sbyar bar bya'o/ /'dun pa skyed do zhes bya ba ni 'di ltar bya'o snyam pa'i go cha'i brtson 'grus kyis so/ /'bad do zhes bya ba ni sbyor ba'i brtson 'grus kyis so/ /brtson 'grus brtsam mo zhes bya ba ni skye ba med pa'i brtson 'grus kyis so/
 sems rab tu 'dzin to/ /yang dag par 'jog go zhes bya ba ni thabs kyi brtson 'grus kyis so/ /de la sems rab tu 'dzin cing sems rgod pa rab tu sdud pa ni thabs kyi brtson 'grus so/ /snga ma bzhin no zhes bya ba ni 'dun pa skyed do zhes bya ba la sogs
 pa rnams sbyar bar bya'o/ /gnas pa dang zhes bya ba ni skyes pa rnams ma nyams par bya ba'i ched du'o/ /mi nyams pa dang zhes bya ba ni dran pa dang ldan par bya ba'i ched du'o/ /rgyas par 'gyur ba dang zhes bya ba ni chung ngu dang 'bring gi sgo nas so/ /phyir
 zhing 'byung ba dang zhes bya ba ni chen po nyid du 'phel bar bya ba'i don du'o/ /rab tu rdzogs par bya ba'i phyir zhes bya ba ni sangs rgyas kyi sa'i gnas skabs yongs su rdzogs par bya ba'i ched du'o/ /snga ma bzhin no zhes bya ba ni brtson 'grus brtsams
 pas so/ /zhes bya ba la sogs par sbyar bar bya'o/ /'dun pa'i ting nge 'dzin skyes nas kun nas dkris pa thag bsrings te phra rgyas rnam spang ba'i don du yang dag par spong ba'i brtson 'grus rtsom na spong pa'i 'du byed brgyad 'byung bar 'gyur te de yang 'dun pa dang/ brtson
 'grus dang dad pa dang shin tu sbyangs pa dang/ dran pa dang shes bzhin dang/ btang snyoms so/ /de rnams kyang sngar bshad zin to/ /des na 'dun pa la sogs pa dang/ spong ba'i 'du byed dang ldan pa'i rdzu 'phrul gyi rkang pa sgom par byed do/ /dben pa
 la gnas pa zhes bya la sogs pa ni dben pa la gnas pa dang/ 'dod chags dang bral ba la gnas pa dang/ 'gog pa la gnas pa dang/ rnam par spong bas yongs su bsgyur ba zhes bya ba'i tshig bzhi po 'dis bden pa bzhi la dmigs pa'i rdzu 'phrul gyi rkang
 pa bsgom pa bstan pa yin no/ /'di ltar sdug bsngal nyid du dmigs pa na des dben pa tshol ba yin pas sdug bsngal la dmigs pa dben pa la gnas zhes bya'o/ /srid pa'i mtshan nyid can sdug bsngal kun 'byung ba la dmigs na de dang bral ba tshol ba
 yin pas de la dmigs pa la 'dod chags dang bral ba la gnas pa zhes bya'o/ /sdug bsngal 'gog pa sdug bsngal 'gog pa nyid du dmigs na de la mngon du byed pa tshol ba yin pas de la dmigs pa la 'gog pa la gnas pa zhes bya'o/ /sdug
 bsngal 'gog par 'gro ba'i lam la yang dag par spong pa zhes bya ste/ des sdug bsngal spong bar byed pas so/ /de de ltar dmigs nas sgom pa yongs su tshol ba yin pas de la dmigs pa la rnam par spong ba yongs su sgyur ba zhes brjod par bya'o/ /snga ma
 bzhin no zhes bya ba ni dben pa la gnas pa zhes bya ba la sogs pa la sbyar bar bya'o/ /dad pa'i dbang po zhes bya ba la sogs pa la rdzu 'phrul gyi rkang pa rnams la yang dag par sbyor ba la brtags mthong gong nas gong du khyad par skye ba la nges pa
 skyes nas dad pa skye ba gang yin pa de ni dad pa'o/ /de nyid dbang po ste/ 'jig rten las 'das pa'i chos thob pa la dbang byed pa'i phyir ro/ /de bzhin du gzhan la yang ngo/ /sogs pa'i sgras ni 'gog pa la gnas pa zhes bya ba la sogs pa la sbyar
 bar bya'o/ /de dag nyid ces bya ba ni dad pa la sogs pa'o/ /mi mthun pa'i phyogs pham par bya ba zhes bya ba ni ci ltar bdud la sogs pa dang mi mthun pa'i phyogs kyis rdzi bar mi nus shing dbang po rnams 'phel bar 'gyur bas stobs kyis mi thob pa
 yin no/ /'di lta ste/ rten de dran pa yang dag ces bya ba la sogs pa ni de la chos rab tu rnam par 'byed pa dang/ brtson 'grus dang/ dga' ba dang/ gsum ni lhag mthong gi phyogs so/ /shin tu sbyangs pa dang/ ting nge 'dzin dang/
 btang snyoms gsum ni zhi gnas kyi phyogs yin la/ dran pa ni gnyis ka'i phyogs so/ /'phags pa'i lam yan lag brgyad pa ni 'di lta ste zhes bya ba la sogs pa ni nges de rnams thob nas bdag nyid la mthong bas spang bar bya ba'i nyon
 mongs pa rnams spangs par mthong nas sgoms pas spang bar bya ba rnams spong ba'i ched du phung po gsum 'phags pa'i lam yan lag brgyad sgom par byed pa'o/ /de la yang dag pa'i lta ba dang/ yang dag pa'i rtog pa dang/ yang dag pa'i
 rtsol ba rnams ni shes rab kyi phung po'o/ /yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba rnams ni tshul khrims kyi phung po'o/ /yang dag pa'i dran pa dang/ yang dag pa'i ting nge 'dzin dag ni ting nge 'dzin gyi
 phung po 'o/ /rang du lta ba dang 'brel pa yongs su zang ces bya ba la rang gi sgras ni bdag dang bdag gi brjod pa yin no/ /nges rang du lta bas 'jig tshogs la lta ba brjod pa yin no/ /de dang 'brel ba ni sems dang 'brel pa'o/ /yongs su
 zad pa ni 'jig tshogs la lta ba dang mtshungs par ldan pa'i sems so/ /'di'i don 'di yin te lhan cig skyes pa'i 'jig tshogs la lta ba chen po la sogs pa'i rnam pa nas 'bring gi chen po'i bar 'dod pa'i khams kyi rnam pa bzhi spangs pa
 ni rang du lta ba yongs su zad pa yin no zhes pa'i don to/ /'jig tshogs la lta ba sngon du 'gro ba zhes bya ba 'di'i bshad pa ni/ bdag dang zhes bya ba nas gang zag dang zhes bya ba'i bar ro/ /phung po dang/ khams dang/ skye mched la mngon par zhen pa
 zhes bya ba 'di ni bdag gi lha pa'i bshad pa'o/ /de la dus thams cad du 'gro ba rnams su 'gro ba yin pas bdag go /'gro ba de dang de rnams su sdug bsngal nyams su myong ba yin pas na sems can no/ /'tsho bas na srog go /las kyi 'bras bus nye bar longs
 spyod pas gso ba'i phyir gso ba'o/ /dge ba dang mi dge ba'i las sogs par byed pas na skyes bu'o/ /yang dang yang du 'gro ba de dang/ der len pas na gang zag go /spungs pa'i don gyis na phung po'o/ /rigs kyi don gyis na khams so/ /sems dang
 sems las byung ba'i sgo yin pas na skye mched de/ /mngon par zhen pas zhes bya ba ni de rnams la zhen pa'i rnam par rtog pas so/ /kun nas bslang ba'i zhes bya ba ni skyes pa'o/ /g.yo ba zhes bya ba ni sgrub pa'i rtog pa'o/ /dral ba rnams dang zhes
 bya ba ni dgag pa'i rnam par rtog pa'o/ /rnam par brtags pa rnams dang zhes bya ba ni rags pa'i rtog pa'o/ /rnam par dpyad pa rnams dang zhes bya ba ni phra ba'i rtogs pa rnams so/ /brtan par 'dzin pa rnams dang zhes bya ba ni shin tu mngon par zhen pa'o//
 bdag gir 'dzin pa rnams dang zhes bya ba ni bdag gir mngon par zhen pa'o/ /'ching ba'i rnam par rtog pa rnams dang zhes bya ba ni 'dod chags la sogs pa dang mtshungs par ldan pa'i rnam par rtog pa'o/ /rten gyi gnas rnams gang yin pa zhes bya ba
 ni rnam par rtag pa de rnam sa rnam par rtog pa gzhan rnams kyi rten yin pas so/ /de dag thams cad dang bral ba yin no zhes bya ba ni chen po'i chen po'i rnam pa thams cad dang/ 'bring gi chen po'i par spangs pa yin no zhes pa'i don to/ /dbu
 ma la 'jug pa'i le'u bzhi pa'i bshad pa rdzogs so// //sems bskyed pa lnga pa dang po spyang dka' ba'i sa'i nges tshig bstan par bya ba'i phyir/ nga ni sems bskyed pa lnga ba'i dbang du byas nas zhes pa la sogs pa smos te/ go sla'o//
 bsam gtan lhag cing zhes bya ba ni bsam gtan gyi pha rol tu phyin pa lhag pa ste/ bar gyi tshig mi mngon par byas pas so/ /de yang bsam gtan rab kyi mthar son pas so/ /blo bzang zhes bya ba la sogs pa la/ blo bzang
 ni byang chub sems dpa' rnams so/ /bden pa ni 'phags pa'i bden pa bzhi'o/ /de rnams kyi rang bzhin zhib mo ni de bzhin nyid do/ /de'i rtogs pa la shin tu mkhas pa thob pa ni sems mnyam par bzhag pas yang dag par ji lta ba bzhin du
 rab tu shes so/ /zhes bya ba'i tshig gis so/ /de la 'phags pa'i bden pa bzhi ni sngar bshad zin to/ /de la gzhan dag gis rgal ba bstan par bya ba'i phyir/ gal te zhes bya ba la sogs pa smos te/ 'jig rten mkhyen pas zhes bya ba ni 'jig
 rten gyi rang bzhin ji lta ba bzhin du mkhyen pas na 'jig rten te/ sangs rgyas bcom ldan 'das nyid do/ /gzhan ma gsan par zhes bya ni rang byung ye shes mnga' pas so/ /bdon pa gsum pa gang yang ma mchis so zhes bya ba'i tshig 'dis ni
 rgol ba'i don nyid dngos su bstan pa yin no/ /slob dpon klu sgrub zhabs kyi dgongs pa dang yang mi 'gal bar bstan par bya ba'i phyir/ dbu ma las kyang zhes bya ba la sogs pa gsungs te/ 'dir sangs rgyas bcom ldan 'das rnams kyi
 chos bstan pa ni bden pa gnyis la brten nas rab tu 'jug pa yin no/ /bden pa gnyis gang zhe na/ 'jig rten pa'i kun rdzob kyi bden pa dang/ don dam pa'i bden pa'o/ /de la 'jig rten phung po gang brjod pa de la 'jig rten pa yin zhes
 gsungs pas phung po la brten nas brtags pa la 'jig rten zhes bya'o/ /kun nas sgrib par byed pas na kun rdzob ste/ mi shes pas kun nas dngos po'i de kho na nyid mthong ba la sgrib par byed pas mi shes pa la kun rdzob ces bya'o// //
 yang na phan tshun brten pa yin pa'i kun rdzob bo/ /yang na kun rdzob ni brda ste 'jig rten pa'i tha snyad ces bya ba'i tha tshig go/ de yang brjod par bya ba dang/ brjod par byed pa dang/ shes pa dang/ shes bya'i mtshan nyid can 'jig rten pa'i tha snyad rnams ni 'jig
 rten du kun rdzob po/ /gal te 'jig rten kun rdzob ces brjod pas 'jig rten ma yin pa'i kun rdzob kyang yod dam zhe na ma yin te/ ji lta ba bzhin du gnas pa'i dngos po rnams la rjes su brjod pa tsam byas pa yin pas 'dir brtag pa 'di lta bu 'jug
 pa ma yin no/ /yang na rab rib dang mig ser ba la sogs pas nye bar bcom pa'i dbang po phyin ci log tu mthong ba'i gnas skabs ni 'jig rten pa'i kun rdzob yin pas de rnams las khyad par du bya ba'i phyir/ 'jig rten kun rdzob ces bya ba smos
 pa yin no/ /'di ni 'grel pa nyid las gsal bar snyon par 'gyur ro/ /'jig rten pa'i kun rdzob tu bden pa yin pas na 'jig rten kun rdzob bden pa ste/ brjod par bya ba dang/ brjod par byed pa dang/ shes pa dang shes par bya ba la sogs pa'i tha snyad 'di
 rnams la 'jig rten pa'i kun rdzob kyi bden pa zhes brjed pa yin no/ /don dam pa la de rnams yod pa ma yin te/ de la ni brjod par bya ba ldog pa yin/ sems kyi spyod yul log pa yin/ /skye ba med cing 'gag pa med/ /chos nyid mya ngan 'das
 pa bzhin zhes gsungs pas/ /don dam pa de dag gi 'jug pa dang/ /shes pa 'jug pa ga la yod/ don dam pa de ni gzhan la brten nas rtogs pa ma yin pa dang zhi ba dang 'phags pa rnams kyis so so rang gi rig pa'i bdag nyid can dang/
 spros pa thams cad las 'das pa bstan du med pa shes par byas pa ma yin pa'o/ /de ltar yang gzhan la bltos ming zhi ba yin/ /spros pas spros pa ma yin zhing/ /rtog med don ni tha dad min/ /'di ni de nyid mtshan nyid do zhes gsungs pas so//
 dam pa yang yin la don yang yin pas don dam pa'o/ /de nyid bden pa yin pas don dam pa'i bden pa'o/ /'di'i rnam bzhag ni slob dpon nyid kyis 'grel pa las 'chad par 'gyur ro/ /bden pa 'di gnyis la brten nas sangs rgyas bcom
 ldan 'das rnams kyis chos ston pa rab tu 'jug pa yin no/ /de la lan ni bshad pa gal te zhes bya ba la sogs pa gsungs te/ de'i 'bras bu ni sdug bsngal gyi bden pa'o/ /zhes bya ba ni de'i 'bras bu'i che la sdug bsngal gyi bden pa zhes pa'i don te/
 rgyu dang 'bras bu las tha dad du gyur pa'i kun nas nyon mongs pa med pa'i phyir ro/ /rgyu ni kun 'byung gi bden pa'o/ zhes bya ba ni rgyu'i cha zhes bya ba'i don to/ /de bzhin du rnam par byang ba'i phyogs la yang brjod par bya'o/ /de la sdug bsngal dang/ kun 'byung
 dang/ lam gyi bden pa ni kun rdzob kyi bden pa'i khongs su gtogs so zhes bya ba ni kun nas nyon mongs pa'i bdag nyid can sdug bsngal dang/ kun 'byung dag rgyu dang 'bras bur gyur pa'i phung po lnga'i bdag nyid can yin pa dang/ lam ni zag pa med pa'i
 shes pa'i bdag nyid can yin pas kun rdzob kyi bden pa'o/ /'gog pa'i bden pa ni don dam pa'i bden pa rang gi ngo bo yin no zhes bya ba ni de kho na nyid kyi rang bzhin yin pas so/ /de bzhin du bden pa gzhan gang cung zad cig yod pa zhes bya ba ni
 phyis de ma thag tu 'chad par 'gyur ba'i ji skad du zhes bya ba la sogs pa'i tshig gis so/ /ci rigs par zhes bya ba ni kun rdzob kyi bden pa'i rang bzhin can ni kun rdzob kyi bden pa'i khongs su gtogs la/ de las gzhan pa rnams ni don dam pa'i
 bden pa'i khongs su gtogs pa'o/ /ji skad du zhes bya ba la sogs pa mdor bstan pa'o/ /de la kun rdzob kyi bden pa la rab tu mkhas pa yin zhes bya ba la sogs pa rgyas par ston pa ni nges sems can gzhan dag gi bsam pa zhes bya ba la sogs pa
 yin te/ bsam pa ji lta ba bzhin du tshim par byed pas zhes bya ba ni 'dod chags la sogs pa la spyod pa'i bsam pa shes nas/ sems can gzhan rnams la chos bstan pa la sogs pas yang dag par tshim par byed pas so/ /bsam pa ni kun rdzob kyis?
 bden pa'i khongs su gtogs pas kun rdzob kyi bden pa la mkhas pa'o/ /bgrod pa gcig pu la yang dag par gzhol pas zhes bya ba ni theg pa chen po ste/ bgrod pa gcig pu la brten nas so/ /de skad du yang/ chos kyi dbyings la dbyer med pas/ /khyod kyi
 theg pa'i dbye ba med/ /theg pa gsum du bstan pa ni/ /sems can gzhug pa'i don du yin zhes gsungs pas so/ /chos kyi dbyings stong pa nyid kyi rang bzhin can yin la/ de yang don dam pa'i rang bzhin can yin pas don dam pa'i bden pa la mkhas
 pa yin zhes gsungs pa yin no/ /rang dang spyi'i mtshan nyid rtogs pas zhes bya ba la/ de la chos rnams kyi rang gi mtshan nyid na gzugs su rung bas na gzugs zhes bya ba la sogs pa'o/ /spyi'i mtshan nyid ni kun rdzob tu mi rtag pa nyid la sogs pa dang/
 don dam par skye ba med pa nyid do/ /de la rang gi mtshan nyid dang/ kun rdzob ni spyi'i mtshan nyid ni kun rdzob kyi bden pa'i khongs su gtogs pa yin no/ /don dam pa'i mtshan nyid ni skye ba med pa'i don dam pa'i bden pa'o/ /chos rnam par dbye ba rnam par
 bzhag pa rtogs pas zhes bya ba ni 'di ni zag pa dang bcas pa'o/ /'di ni zag pa med pa'o/ /'di ni 'dus byas so/ /'di ni 'dus ma byas so zhes bya ba la sogs par rnam par dbye ba rnam par bzhag pa rtogs pas rnam par dbye ba'i bden pa rab tu
 shes pa yin no/ /de la zag pa dang bcas pa ni kun rdzob kyi khongs su gtogs pa yin no/ /zag pa med pa ni lam dang de kho na nyid do/ /de la lam gyi kun rdzob kyi bden par ro/ /de kho na nyid ni don dam pa'i bden par ro/ /de bzhin du 'dus byas pa dang/
 'dus ma byas la'ang zhes par bya'o/ /phung po dang zhes bya ba la sogs pa la/ phung po rnams ni du/ khams rnams ni du/ skye mched rnams ni du/ ci'i phyir na phung po/ ci'i phyir na khams/ ci'i phyir na skye mched rnams zhes bya ba
 la sogs pa yongs su rtogs pas phye ste rtogs pa'i bden par rab tu shes pa'o/ /de la phye ste rtogs pa ni 'di dang 'di lta bu'o zhes rab tu shes pa'o/ /de yang kun rdzob kyi bden pa'i khongs su gtogs pa'o/ /lus dang sems la gnod pa nyams su
 'bab pas zhes bya ba ni dngos po la mngon par zhen pa ni 'khor ba 'dren par byed pa yin pas lus dang sems la gnod pa byed pa'i phyir ro/ /dngos po la bden par mngon par zhen pa yang kun rdzob tu bden pa'i khongs su gtogs pa yin no/ /'gro
 bar nying mtshams sbyor bar gtogs pas zhes bya ba ni che ge mo'i 'gro ba che ge mor skyes so/ snyam pa'i lta'i 'gro ba la sogs par skyes pas yongs su shes pas rab tu (skye ba'i bden par rab tu) shes pa'o/ /'gro ba nying mtshams sbyor ba kun rdzob kyi bden pa'i
 khongs su gtogs pas so/ /rims nad kyis yongs su gdung ba thams cad shin tu zhi bas zhes bya ba la/ tshul bzhin ma yin pa'i yid la byed pa'i mtshan mar 'dzin par byed pa'i lus dang sems yongs su gdung bar byed pas na yongs su gdung
 bar byed pa'o/ /de yang gsum ste/ 'dod chags dang/ zhe sdang dang/ gti mug go /de nyid rims nad de/ gang gi phyir 'dod chags dang/ zhe sdang dang/ gti mug la brten nas chos ma yin pa'i 'dod chags kyi yongs su gdung bas gdung bar byed pa'i
 phyir ro/ /de la chos ma yin pa'i 'dod chags ni gang mi dge ba'i las kyi lam la rjes su chags pa'o/ /shin tu zhi ba zhes bya ba ni bag chags dang bcas pa yongs su zad pas so/ /zad pa dang mi skye ba'i bden pa rab tu shes so zhes bya ba la/ zad pa dang mi
 skye ba shes pa ni sngar bstan zin to/ /de yang kun rdzob kyi bden pa'i khongs su gtogs pa yin no/ /mi gnyis pa mngon pa bsgrubs pas zhes bya ba ni mi dmigs pa med pa mngon par 'du byas pas so/ /lam la 'jug pa'i shes pa'i bden pa rab tu shes so zhes bya
 ba ni mthong ba'i lam thob pa'i dus su zag pa med pa'i lam la 'jug pa'i shes pa ni bden pa yin la/ de la shes pa ni lam la 'jug pa'i shes pa'i bden pa yin la/ de shes pa ni lam la 'jug pa'i shes pa'i bden pa rab tu shes pa'o/ /ma
 gnyis pa yang don dam pa'i bden pa'i khongs su gtogs so/ /rnam pa thams cad mngon par rdzogs pa khongs su chud par zhes bya ba ni rnam pa thams cad chos thams cad yongs su shes pas so/ /byang chub sems dpa' i sa thams cad kyi bya ba'i dgongs
 pa bsgrubs nas zhes bya ba ni byang chub sems dpa' i sa thams cad kyi bya ba ste/ sems can gyi don bya ba yin la/ de'i dgongs pa ni 'dod pa ste bsgrubs nas so/ /de bzhin gshegs pa'i ye shes yang dag par 'byung ba'i zhes bya ba ni rnam
 pa thams cad mngon par rtogs pa dang sems can gyi don bsgrub pa'i de bzhin gshegs pa'i rgyu yin par rab tu shes so/ /de yang kun rdzob kyi bden pa'i khongs su gtogs pa yin no/ /dbu ma la 'jug pa'i 'grel pa'i bshad pa las le'u
 lnga pa'i bshad pa rdzogs so// //sems bskyed pa drug pa bstan par bya ba'i phyir/ nga ni zhes bya ba la sogs pa gsungs te/ sems bskyed pa drug pa la gnas pa'i byang chub sems dpa' i mtshan nyid bstan par bya ba'i phyir/
 mngon du phyogs pa zhes bya ba la sogs pa gsungs pa la rdzogs pa'i sangs rgyas chos la mngon phyogs shing zhes bya ba ni sa mngon du gyur pa'i nges tshig gsungs pa yin te/ gang gi phyir shes rab akyi ha rol tu phyin pa rab tu son pa thob pa las/ stobs
 bcu la sogs pa sangs rgyas kyi yon tan rnams dang nye bar gyur pa de'i phyir mngon du phyogs pa zhes bya'o/ /'di rten 'byung ba'i de nyid mthong ba ste zhes bya ba ni ma rig pa la sogs pa'i dngos po 'di rnams la brten nas 'du
 byed la sogs pa rnams 'byung ba yin pas 'di la brten 'byung ba ste/ rten cing 'brel par 'byung ba zhes bya ba'i don to/ /de'i de kho na nyid de/ rang bzhin phyin ci ma log pa gang gis mthong ba de la de skad ces bya'o/ /de'i rang bzhin yang stong
 pa nyid de/ rten cing 'brel bar 'byung ba yang don dam par na rang bzhin med pa yin pas skye ba med pa'o/ /de nyid kyi phyir/ rten cing 'brel 'byung gang yin te/ khyod kyis de nyid stong nyid 'dod ces gsungs pas so/ /shes rab gnas pas
 zhes bya ba ni shes rab kyi pha rol tu phyin pa la gnas pas so/ /'gog pa thob par 'gyur zhes bya ba ni shes pa dang shes bya mi dmigs pa'i mtshan nyid can gyi 'gog pa thob par 'gyur ba'o/ /de nyid 'grel pas bstan par bya ba'i phyir byang
 chub sems dpa' i zhes bya ba la sogs pa gsungs te/ sa lnga par bsam gtan gyi pha rol tu phyin pa yongs su dag pa thob pa zhes bya ba ni sa drug par mnyam par bzhag pa'i sems la gnas pa'i rgyu bstan pa yin no/ /yongs su dag pa thob
 pa ni de la gegs byed pa'i nyon mongs pa rab tu spangs pas rab kyi mthar son pa thob pas so/ /rten cing 'brel par 'byung ba zab mo de nyid mthong zhes bya ba la rten cing 'brel par 'byung ba zab mo ni skye ba med pa yin la/ de gang gis
 mthong ba de la de skad ces bya'o/ /shes rab kyi pha rol tu phyin pa yongs su dag pa ni sngar bzhin no/ /shes rab kyi pha rol tu phyin pa lhag pa med pa nyid du bstan par bya ba'i phyir/ shes rab lhag par gyur pa med pa'i phyir ro/ /zhes bya ba
 la sogs pa gsungs te/ sbyin ba zhes bya ba la sogs pa ni shes pa dang shes bya mi dmigs pa'i mtshan nyid can gyi 'gog pa yang nas yang du rgyun gyi grub par mi nus so/ /de ci'i phyir zhe na/ byang chub sems dpa' rnams kyis zhes bya ba la sogs pa gsungs te/
 sbyin pa la sogs pa lhag par gyur pas sbyin pa la sogs pa gzugs brnyan dang mtshungs par rtogs pa yin pas 'gog pa thob pa'i dus su gzugs brnyan dang mtshungs pa'i rnam par rtog pa yang med pas so/ /sa lnga par zhes bya ba ni sa dang po
 nas sa lnga pa'i bar ro/ /mngon du gyur pa'i zhes nges tshig bstan par bya ba'i phyir/ lam gyi bden pa zhes bya ba la sogs pa gsungs pa la/ lam gyi bden pa zhes bya ba ni shes pa dang shes bya mi dmigs pa'i mtshan nyid can no/ /dmigs pa zhes bya
 ba ni mngon du gyur pa'o/ /rdzogs pa'i sangs rgyas kyi chos la 7mngon du phyogs pa'i phyir dang zhes bya ba ni snga ma bzhin no/ /des na lam la mngon du phyogs pa dang/ yang dag par rdzogs pa'i sangs rgyas kyi chos la mngon du phyogs pa'i phyir/ sa 'di
 la mngon du phyogs pas zhes bya'o/ /da ni shes rab kyi pha rol tu phyin pa gtso bo yin no zhes bstan par bya ba'i phyir da ni zhes bya ba la sogs pa smos te/ de las gzhan pa'i yon tan gyi tshogs zhes bya ba ni shes rab kyi pha rol tu phyin pa las gzhan
 pa'i sbyin pa la sogs pa rnams so/ /de rnams nyid tshogs te/ rnam pa mang po yin pas so/ /de bzhin zhes pa ni skyes bu mig dang ldan pas long ba'i tshogs rnams 'gro bar 'dod pa'i yul du khrid pa de bzhin du'o/ /yon tan zhes bya ba ni
 sbyin pa dang/ tshul khrims dang/ bzod pa dang/ brtson 'grus la sogs pa'o/ /de rnams kyang yin te/ thar pa don du gnyer ba rnams kyis goms par bya ba yin pas so/ /rgyal nyid 'gro zhes bya ba ni sangs rgyas nyid thob par byed pa'o/ /de nyid 'grel
 pas bstan par bya ba'i phyir/ ci ltar zhes bya ba la sogs pa gsungs te/ pha rol tu phyin pa'i yon tan rnams zhes bya ba ni pha rol tu phyin pa'i mtshan nyid can gyi yon tan rnams so zhes pa'i don to/ /yang dag pa'i lam dang lam ma
 yin pa mthong ba'i rang bzhin nyid yin pa'i phyir ro/ /zhes bya ba ni shes rab rnam par dpyod pa'i rang bzhin can yin la/ rnam par dpyod pa yang dngos po'i de kho na nyid rtogs pa yin pas de'i stobs kyis dmigs pa dang bcas pa'i sbyin pa la
 sogs pa la lam ma yin pa'i rang bzhin nyid du mthong ba yin la/ mi dmigs pa'i sbyor bas lam gyi rang bzhin nyid du mthong ba yin pa'i phyir shes rab lam dang lam ma yin pa mthong ba'i rang bzhin can no/ /de ni thabs gang gis shes
 rab de bstan par bya ba'i phyir/ 'dir smras pa zhes bya ba la sogs pa gsungs te/ 'dir rang nyid kyis rten cing 'brel par 'byung ba zab mo nyid yongs su shes par 'gyur ram/ 'on te rang bzhin nyid kyis lus ngag gi rjes su 'brangs nas sam/
 'on te skyes bu khyad par can gyis byas pa'i lung phyin ci ma log par ston pa'i bstan bcos mthong nas yongs su shes par 'gyur zhe na'o/ /de la lan ni rang nyid kyis ni ma yin no zhes bstan par bya ba'i phyir/ bshad pa zhes bya ba la sogs pa de'i
 rang gi ngo bo ni rten cing 'brel par 'byung ba zab mo'i rang gi ngo bo nyid do/ /ma rig pa'i ling tog mthug pos blo'i mig ma lus par g.yogs pa zhes bya ba ni ma rig pa ni mi shes pa'o/ /de nyid ling tog ste/ dngos po'i de kho na nyid mthong ba la
 gegs byed pa'i phyir ro/ /de yang mthug po nyid yin te/ thog ma med pa'i dus nas goms pa yin pas so/ /de yis blo'i mig ma lus par g.yogs pa gang la yod pa de la de skad ces bya'o/ /ma lus pa zhes smos pa ni so so'i skye bo rnams
 kyis rnam pa thams cad du mthong ba'i yul du mi 'gyur ro zhes bstan pa yin no/ /'o na gang gis mthong ba'i yul du 'gyur zhe na/ drug pa zhes bya ba la sogs pa gsungs pa yin te/ drug pa la sogs pa gong ma la gnas pa'i zhes bya ba ni sa drug pa nas brtsams
 te sa bcu pa'i bar la gnas pa rnams so/ /rten cing 'brel bar 'byung ba zab mo nyid rtogs pa sa dang po nas yod du zin kyang sa dang po la sogs pa rnams ni sbyin pa la sogs pa lhag pa yin pas de rnams na shes rab rab tu son pa med pas de rnams su rnam
 par bzhag pa ma byas pa yin no/ /gang dag ces bya ba la sogs pa stong pa nyid phyin ci ma log pa mthong ba'i mig lta bu zhe na ma rig pa'i ling tog 'joms pas zhes bya ba la/ rab rib ni gang gis skra shad dang/ sprang bu mchu ring dang/ sbrang bu la
 sogs pa'i rnam 'gyur gang yin pa'o/ /de nyid ling tog ste/ mig 'gegs par byed pas so/ /de 'joms pa ste/ sel bar byed pa'o/ /des na rang nyid kyis rten cing 'brel par 'byung ba'i zab mo nyid khong du chud par rigs pa ma yin no/ /zhes
 bstan pa yin no/ /da ni rang dgar lus ngag gi rjes su 'brangs nas de kho na nyid khong du chud pa yang rigs pa ma yin no/ /zhes bstan par bya ba'i phyir rgol ba ni/ gal te zhes bya ba la sogs pa gsungs te go sla'o/
 / /de la lan ni de yang yod pa ma yin te zhes bya ba la sogs pa gsungs te/ lung gi dgongs pa nges par dka' ba'i phyir zhes pa ni gang gi phyir lung las gsungs pa'i don gang yin pa de so so'i
 skye bos nyams su myong ba ma yin pas lung gi dgongs pa nges par dka' ba'o/ /gal te lung gi rjes su 'brangs pas de kho na nyid mi rtogs na/ 'o na ci yang smra bar 'dug cig ce na/ de nyid kyi phyir/ rang dbang nyid kyi dbang du byas nas de skad du brjod kyis
 zhes pa gsungs te/ gal te tshad mar gyur pa'i skyes bu byas pa'i bstan bcos lung phyin ci ma log par 'chang par mthong ba med na rang dbang nyid kyi lung gi dgongs pa nges pa dka' ba yin no zhes brjod pa yin no/ /da ni tshad mar gyur
 pa'i skyes bus byas pa'i bstan bcos lung phyin ci ma log par 'chang pa mthong ba las lung gi dgongs pa phyin ni ma log par nges pa yin no zhes rang nyid bzhed pa'i phyogs ston pa ni/ tshad mar gyur pa'i zhes bya ba la sogs pa gsungs te/ tshad
 mar gyur pa yang yin la/ skyes bu yang yin pas na tshad mar gyur pa'i skyes bu ste/ 'phags pa klu sgrub zhabs la sogs pa'o/ /de rnams kyis byas pa'i bstan bcos te/ dbu ma rtsa ba'i shes rab la sogs pa'o/ /de yang ci lta bu zhe na/ lung
 phyin ci ma log par 'chad pa'o/ /de mthong ba ni rna ba'i rnam par shes pas thos pa ste/ mthong ba'i don thos pa la bya'o/ /lung gi dgongs pa nges pa ni de'i sgo nas lung gi dgongs pa nges pa'o/ /'di'i don ni 'di yin te/ kho bo dang 'dra ba rnams
 kyis lung gi dgongs pa nges par dka' ba yin gyi/ 'on kyang slong dpon klu sgrubs zhabs kyis de kho na nyid dngos su gzigs pa yin pas nges mdzad pa'i bstan bcos kyi sgo nas lung gi dgongs pa shes pa yin no zhes pa'i tha tshig go /chos zhes
 bya ba ni phung po la sogs pa'o/ /zab mo ni stong pa nyid kyi rang bzhin can no/ /rigs pa zhes bya ba ni dbu ma rtsa ba'i shes rab la sogs pa gsungs pa las so/ /'phags pa klu sgrub gzhung lugs las zhes bya ba ni 'phags pa klu sgrub zhabs kyis
 bzhed pa'i dbang du byas nas so/ /ji ltar gnas pa'i lugs bzhin brjod par bya zhes bya ba ni dbu ma rtsa ba'i shes rab la sogs par ci ltar rnam bzhag byas pa de ltar brjod par bya zhes pa'i tha tshig go /ci lta ba nyid ces bya ba ni chos rnams kyi
 rang bzhin gang yin pa'o/ /chos rnams kyi yang dag pa'i lta ba nyid ces bya ba ni stong pa nyid do/ /ci ltar gnas pa bzhin du brjod par bya'o/ zhes bya ba ni phyin ci ma log par brjod par bya'o zhes pa'i tha tshig go /lung phyin ci ma log par nges pa zhes bya ba ni gal te 'phags
 pa klu sgrub zhabs la de kho na nyid khong du chud pa yod na/ /de'i tshe lung phyin ci ma log par nges pa de la yod pa nyid du 'gyur ba las/ de la de kho na nyid khong du chud pa yod dam med pa the tshom za bas lung phyin ci ma log par nges pa ji ltar yod ce na/ de la lan
 bstan par bya ba'i phyir/ lung las zhes bya ba la sogs pa gsungs te/ dge slong zhes bya ba ni nyon mongs pa bcom pas so/ /dpal dang ldan pa'i bsod nams kyi tshogs dang ldan pas so/ /ches grags pa ni phyogs bcur grags pa bsgrags pas so/ /klu
 zhes bya ba ni klu sgrub ces bya ste/ dper na 'jigs sde la 'jigs pa zhes brjod la/ de bzhin du 'phags pa klu sgrub la klu zhes brjod pa la skyon yod pa ma yin no/ /yod dang med pa'i phyogs 'jig pa zhes bya ba ni yod pa dang med pa'i phyogs dag pa
 bgag nas dbu ma'i tshul la gnas pa yin no zhes bya ba'i tha tshig go /bla na med pa ni theg pa chen po ste/ de las mchog tu gyur pa theg pa gzhan med pas so/ /rab tu dga' ba'i sa bsgrubs zhes bya ba ni thams cad kyi de kho na nyid mngon du mdzad
 pa'i rab tu dga' ba'i sa thob nas so zhes bya ba'i don to/ /lung gzhan bstan par bya ba'i phyir/ yang 'phags pa zhes bya ba la sogs gsungs te/ lits+tsha byi zhes bya ba ni rus so/ /gzhon nu zhes bya ba ni lo nyud pas so/ /mthar gyis zhes bya ba ni
 dri ma med pa la sogs pa'i sa'i rim pas so/ /gal te lung ji ltar tshad ma yin te/ 'di ltar lung nyes pa zad pas byas pa yin pas na tshang mar 'gyur ram/ skyes bus ma byas pa yin/ de la phyogs dang po ni ma yin te/ nyes pa zad pa
 ni 'dod chags la sogs pa'i nyes pa zad pa dang/ yang dag pa'i don ji lta ba bzhin du mthong ba dang ldan pa dang/ brtse ba la sogs pa'i yon tan dang ldan pa'o/ /des byas pa ni nyes pa zad pas byas pa zhes brjod par
 bya ba yin la/ nyes pa zad pas byas pa yin pas nges par mi nus te/ gang gi phyir gzhan gyi sems shes par mi nus pa de'i phyir ro/ /'di ltar gzhan gyi sems shes pa ni 'bras bu'i sgo nas yin la/ ngo bo'i sgo nas ni ma yin te/ de nyid bsgrub
 par bya ba yin pas so/ /lus kyi bya ba la sogs pa'i 'bras bu yang skyes bu'i 'dod pas gzhan du bya bar nus pa yin te/ 'dod chags dang bcas pa rnams 'dod chags dang bral ba'i bya ba byed par mthong ba dang/ /'dod chags dang bral ba
 rnams 'dod chags dang bcas pa bzhin du bya ba byed par mthong bas de'i phyir nyes pa zad pa nyid kyi rtags nges par mi nus pas nges par dka' ba yin no/ /des na nyes pa zad pas byas par mi nges pas lung nyes pa zad pas tshad ma nyid du ma grub bo//
 skyes bus ma byas pa'i lung yang tshad ma nyid du mi 'grub ste 'di ltar skyes bus ma byas pa'i lung tshang mar smra ba rnam pa 'di ltar brjod pa yin te/ skyes bu ni yon tan dang skyon gyi rten du gyur pa yin pas de'i phyir de yis byas pa'i ngag rnams la
 phyin ci log gi don yang srid la/ bden pa'i don yang srid pas/ des skyes bu log pas don phyin ci log tu ston pa'i the tshom ldog pas skyes bus ma byas pa'i tshig tshad mar 'dod pa yin zhes pa'o/ /de yang 'thad pa ma yin te/ gang gi phyir
 ngag rnams kyi phyin ci log dang/ bden pa nyid kyi rten du gyur pa yon tan dang skyon dang ldan pa'i skyes bu log pas ngan med par thal bar 'gyur te/ bden pa nyid dang brdzun pa nyid la tha dad du gyur pa'i rnam pa gzhan med pas so/ /gzhan yang
 mgrin pa la sogs pa'i gnas dang byed pas sgra rnams 'byung bar mthong ba'i phyir ci ltar na skyes bus ma byas pa yin par 'gyur/ gal te gnas dang byed pa la sogs pas sgra gsal bar byed pa yin gyi/ skyed par byed pa ni ma yin no zhe na/ de yang mi rigs
 te/ gal te gsal bar byed na gsal ba nyid de sgra rnams kyi rang bzhin khyad par can du 'gyur ba yin nam/ sgra la sgrib pa med par 'gyur ba 'am/ 'on te shes pa skyed par byed pa yin te/ de la sgra rnams rang bzhin gyi khyad par du byed pa ni ma yin te/ rtag
 pa nyid yin pas so/ /sgrib pa dang bral ba yang ma yin te/ rtag pa nyid yin pa'i phyir sgrib pas sgra la cung zad kyang ma byas pa yin pa'i phyir ro/ /shes pa yang ma yin te/ rtag pa'i phyir sgra rnams rgyun du shes pa skyed par rung ba yin pas so/ /des na
 gsal bar byed pa mi 'thad do/ /nges na skyes bus ma byas pa nyid du ma grub pas lung tshad ma ji ltar yin zhe na/ de la lan ni ci ltar 'jig rten pa'i tshad ma yin pas de bzhin du lung yang tshad ma yin te/ 'di ltar 'jig rten na 'brel pa dang
 rjes su mthun pa'i thabs dang ldan pa dang/ skyes bu'i don rjod par byed pa dang/ mi bslu ba'i tshig ni tshad mar 'dod pa yin no/ /de la 'brel pa ni gang du tshig rnams kyi yan lag dang/ yan lag can du gyur pas sgrub pa 'am/ dgag pa 'am/
 btang snyoms kyi don gcig rtogs par byed pa gang yin pa'o/ /de la gang ma 'brel ba'i tshig de ni tshad ma yin te/ dper na se'u bcu skyed bu gsum zhes bya ba la sogs pa lta bu ste/ 'di rnams gcig la nye bar sdu ba med pa yin te/ phan tshun
 'brel pa med pa'i phyir ro/ /rjes su mthun pa'i thabs ni gang 'bras bu sgrub pa'i thabs sgrub par nus pa de la rjes su mthun pa'i thabs zhes bya'o/ /de lta bu'i tshig ni 'jig rten pas tshad ma nyid du khas len gyi/ de las gzhan pa ni ma yin te/ dper
 na dug zhi bar bya ba'i phyir 'jog po'i gtsug gi nor bu len pa'i bstan bcos bzhin no/ /de ltar gyur pa yin kyang gal te skyes bu'i don brjod pa ma yin par gyur na de'i tshe tshad ma ma yin te/ dper na bya rog gi so rtog pa'i bstan
 bcos bzhin no/ /de dag de lta bur gyur kyang rtog dpyod byas nas mi slu ba yin na de'i tshe tshad ma yin gyi/ gzhan du ni ma yin te/ dper na mngon sum dang/ rjes su dpag pa dang/ lung gis gnod pa'i don lta bu'o/ /mi bslu ba zhes bya ba ni ci
 lta bu zhe na/ brjod par bya ste/ 'dir yul gsum ste/ mngon sum dang/ lkog tu gyur pa dang/ shin tu lkog tu gyur ba'o/ /de la bstan bcos las mngon sum du 'dod pa'i dngos po rnams la mngon sum gyi yul gyi dngos por gyur pa nyid
 mngon sum gyis mi gnod pa mi bslu ba ste/ dper na sngon po la sogs pa bzhin no/ /de bzhin du mngon sum la sogs pa ma yin par 'dod pa'i dngos po rnams mngon sum ma yin pa nyid du grub pas mngon sum gyis mi gnod pa ste/ 'di
 ltar gzhan gyis mngon sum pa nyid du bstan pa nyid sangs rgyas pa'i grub mdza' las mngon sum ma yin pa la/ de rnams dpyad na mngon sum ma yin pa kho na yin te/ dper na sgra la sogs pa'i rang bzhin bde ba la sogs pa gang yin
 pa ste/ gang gi phyir nang gi bdag nyid kho nar dga' ba dang gdung ba'i rang bzhin can gyi bde ba dang sdug bsngal nyams su myong ba yin gyi/ sgra la sogs pa'i bde ba la gnas pa'i bde ba dang/ sdug bsngal nyams su myong ba ma yin pas so/ /'di ni
 grangs can pa'i 'dod pa'i dbang du byas nas brjod pa yin no/ /bye brag pa'i dpang du byas nas ni rdzas la sogs pa'i mngon sum ma yin pa bzhin no/ /'di ltar de rnams kyi cha shas las tha dad du gyur pa'i cha shas las 'du ba'i cha shas can
 khas len pa dang/ las kyang 'degs pa dang/ 'jog pa dang/ 'gro ba dang/ 'ong ba dang/ bskum pa la sogs pas rdzas la tha dad du gyur pa'i mngon sum du 'dod pa dang/ chod? pa nyid la sogs pa'i spyi rdzas las tha dad pa'i mngon sum pa nyid du 'dod pa
 yin no/ /de rnams ni mngon sum ma yin pa ste/ gang zag gi phyir gzugs la sogs pa las tha dad du gyur pa'i rdzas la sogs pa gzhan mngon sum pa yod pa ma yin te/ de las tha dad du gyur pa ma dmigs pa'i phyir ro/ /de ltar mthong ba'i dngos
 po rnams la mi bslu ba nyid shes par bya'o/ /de bzhin du rjes dpag gi yul lkog tu gyur pa'i dngos po rnams la rjes dpag gis de kho na bzhin du grub pa ni mi bslu ba ste/ dper na mi rtag pa la sogs pa'o/ /rjes su dpag par bya ba ma yin pa
 rjes su dpag par bya ba ma yin pa nyid du grub pas rjes su dpag pas mi gnod pa ni mi bslu ba ste/ dper na gtso bo dang/ dbang phyugs la sogs pa bzhin no/ /de rnams kyi rang bzhin du gyur pa'i chos ni rtag pa ma yin te/ de'i rang bzhin nyid
 bsgrub bar bya ba yin pas so/ /'bras bur gyur pa yang ma yin te/ rtag pa la 'bras bu yod pa ma yin pas so/ /de ltar lkog tu gyur pa'i dngos po la rjes su dpag pas mi gnod pas mi bslu ba yin no/ /de bzhin du lkog tu gyur
 pa'i dngos po la lung gi stobs kyis 'jug pa'i rjes su dpag pas mi gnod pa ni bslu ba yin te/ 'di ltar dngos po'i stobs kyis 'jug pa'i tshad ma gnyis kyi yul rnam par dag pa'i phyis kyi phyis tshad mar khas blangs pa'i bstan
 bcos kyi rnam par bzhag pa'i chos can la snga phyi'i 'gal ba yod med dpyad pas gang gi tshe bsam pa'i khyad par can 'jug na de'i tshe lung la brtan pa'i rjes su dpag pas gnod bar 'gyur pa yin no/ /de lta bu'i rjes su dpag pa shin tu lkog tu gyur
 pa'i dngos po la gnod pa med na mi bslu ba ste/ dper na 'dod chags la sogs pa'i rang bzhin can dang/ de las byung ba'i chos ma yin pa khas blangs na de spang ba'i don du sbyin sreg la sogs pa mi ston pa gang yin pa
 de ni rjes su dpag pas mi gnod pa yin te/ 'di ltar mu stegs pas 'dod chags dang/ zhe sdang dang/ gti mug dang/ /de las byung ba'i lus dang ngag gi las chos ma yin par brjod la/ de spang pa'i phyir rten la khrus byas pa dang/ sbyin sreg
 dang/ smyung bar gnas pa la sogs pa byed pa yin no/ /de ltar mi brjod pa gang yin pa de ni mi bslu ba ste/ 'di ltar khrus byed pa la sogs pas sdig pa sel bar mi 'gyur te/ 'dod chags la sogs pa'i sdig pa dang 'gal ba med pas so//
 gang dang gang rgyu la gnod par mi 'gyur te/ de'i gnod par byed pa ma yin te/ dper na mdar ba dang/ bsil ba dang/ /snum pa'i rdzas rnams bad kan gyi nad la mi gnod pa bzhin du khrus byed pa la sogs pas kyang sdig pa'i rgyu rnams la
 gnod pa ma yin te/ des phyi'i dri ma kho na dag par 'gyur gyi/ nang gi 'dod chags la sogs pa ma yin no/ /de ltar lung gang la yul yongs su dag pa yod pa de ni mi bslu ba yin pas 'jig rten pa'i rjes su 'brangs nas tshad ma yin te/ 'jig rten pas
 yul yongs su dag pa'i tshig kho na tshad mar 'dod pas so/ /de ltar lung tshad mar khas blangs pas 'phags pa klu sgrub zhabs lung bstan pa bden pa nyid du nges pas des mdzad pa'i bstan bcos lung phyin ci ma log par 'chad pa mthong ba'i sgo nas
 de kho na nyid nges pa ni rigs pa nyid yin no/ /de nyid kyi phyir rnam 'grel las/ 'grel pa dang ni rjes mthun thabs/ /skyes bu'i don ni rjod par byed/ /dag de dpyad par 'os pa yin/ /de las gzhan pa dpyad 'os min/ /mngon
 sum dang ni rjes su dpag /rnam pa gnyis kyi mi gnod pa/ /mthong dang ma mthong don dag la/ /don de la ni slu ma yin zhes gsungs te/ ci ltar nyes pa zad pa'i tshig yongs su gcod par nus pa mngon sum dang rjes su dpag par bya ba'i don la mi bslu ba
 de bzhin du shin tu lkog tu gyur pa'i don la yang nyes pa zad pa'i tshig mi bslu ba yin no/ /des na nyes pa zad pa'i mtshan nyid can gyi rtags shin tu lkog tu gyur pa'i don la yang skye ba'i blos yang rjes su dpag pa nyid yin no/ /'jig rten pa'i tshad mas
 rnam pa de lta bu yin te/ 'di ltar gang ci ltar bstan pa'i lung gi khyad par la brten nas rtogs pa de ni mi bslu ba yin te/ dper na mngon sum dang rjes su dpag pas rtogs par bya ba'i don rtogs pa bzhin no/ /shin tu lkog tu gyur pa'i don la
 yang ci ltar bstan pa'i lung gi khyad par la brten pa'i rtogs pa yin no/ /zhes pa'i rigs pas shin tu gyur pa'i don la lung tshad ma yin no/ /mngon sum dang rjes su dpag pas rtogs par bya ba'i gnas gnyis gang gis gsungs pa de nyid kyis
 gnas gsum pa gsungs so zhes pa de la nges pa ga la yod/ des na ci skad gsungs pa'i lung gi khyad par la brten nas zhes pa'i gtan tshigs de la nges pa yin no zhe na/ skyon 'di yod pa ma yin te/ gang ston pa dang nye ba'i nyan pa po de
 rnams kyis gnas gsum ka ston pa po gcig gis bstan pas mngon sum kho nas rtogs par 'gyur gyi/ de rnams la the tshom yod pa ni ma yin no/ /da ltar gyi nyan pa po rnams kyis ni bcom ldan 'das kyis gsungs pa'i nyes pa zad pa'i tshig gi
 mtshan nyid kyis so/ /de ltar yang bcom ldan 'das kyi gang mdo sde la sogs pa la 'jug pa dang/ 'du byed thams cad skad cig ma/ chos thams cad bdag med pa/ mya ngan las 'das pa thams cad zhi ba'o/ /zhes chos nyid rnam pa gsum dang
 'gal bar mi byed pa ste/ des 'das kyang khyed rnams kyis sangs rgyas kyis gsungs pa yin no zhes gzung bar bya'o/ /gnas gsum pa yang chos nyid dang mi 'gal par gnas pa yin no/ /kun rdzob tu skad cig ma dang
 bdag med pa dang ldan par gnas gsum bstan pa yin pas so/ /chos nyid dang 'gal ba ni nyes pa zad pas gsungs pa nyid du khas mi len pas so/ /gal te nyes pa zad pa'i tshig gi mtshan nyid 'di nyid kyang nyes pa zad pas gsungs pa yin no zhes
 gang las nges zhe na/ rigs pa yin pas so/ /gang thams cad du rigs pa brjod pa de nyid nyes pa zad pa yin no zhes pa ni zhar la 'ongs pas chog go /de ltar lung tshad ma nyid du grub pas 'phags pa klu sgrub zhabs lung bstan
 pa bden pa nyid du nges par des gsungs pa'i lung 'chad pa phyin ci ma log pa'i bstan bcos kyi sgo nas de kho na nyid nges par rigs pa yin no/ /yang na gtso bo'i don stong pa nyid la mngon sum dang rjes su dpag pas mi gnod pa'i
 mtshan nyid can mi bslu bas shin tu lkog tu gyur pa gzhan la yang mi bslu ba'i phyir lung tshad ma nyid yin no/ /de nyid kyi phyir gtso bo'i don la mi bslu bas rjes su dpag pa gzhan la'ang zhes gsungs pa yin te/ lung mi bslu ba
 nyid du grub pas gang gi gsungs pa de yang tshad ma nyid du grub pa yin no/ /de ltar thabs gang gis shes rab skye ba de bstan zin to/ /da ni stong pa nyid ston pa'i snod bstan par bya ba'i phyir/ rten cing 'brel par 'byung ba zhes bya ba la
 sogs pa gsungs te/ 'bras bu can gyi zhes bya ba ni rten cing 'brel par 'byung ba yang dag pa ci lta ba ni skye ba med pa yin pas de ston pa ni khong du chud pa'i byed pa'i 'bras bu gang la yod pa de la de skad ces bya'o/ /sngar goms
 pas rgyud la stong pa nyid kyi sa bon stong pa nyid la lhag par mos pa'i rgyu gang gi rgyud la yod pa nyid la bstan bcos bstan par bya ba yin te/ de rnams skye ba gzhan du goms pas myur du stong pa nyid la lhag par mos pa skye ba yin pas so/ /gzhan dag ni ma yin
 te zhes bya bas ni gang sngar goms pas rgyud la stong pa nyid kyi sa bon ma bzhag pa de rnams la bstan par bya ba ma yin no/ /gal te gzhan dag la stong pa nyid ston par byed pa'i bstan bcos ci'i phyir mi ston pa ce na/ de'i phyir de dag stong pa nyid
 ces bya ba la sogs pa gsungs te/ de dag ces bya ba ni gzhan rnams las so/ /de log par zhugs pa'i bsam pa dang ldan pa zhes bya ba ni dmigs par gyur pa'i dngos po rnams stong pa nyid ci ltar yin snyam du dngos po la dmigs pa'i sgo
 nas stong pa nyid la gshe ba'i bsam pa yod pas so/ /yang na dngos po chad pa'i rang bzhin can stong pa nyid yin par rtogs nas gdod nas skye ba med pa'i stong pa nyid la gshe ba'i bsam pa yod pas so/ /don ma yin pa chen po dang ldan
 pa'i phyir ro/ /zhes bya ba ni dngos po med pa'i stong pa nyid kyi don ma shes pas dam pa'i chos kyis 'phongs pa'i lam gyis nges par ngan song du 'gro bar 'gyur ba yin pas so/ /de nyid rgyas par bstan par bya ba'i phyir/ /res 'ga' ni zhes bya
 ba la sogs pa gsungs te/ mi mkhas pa zhes bya ba ni stong pa nyid yang dag pa ji lta ba bzhin du mi shes pas so/ /stong pa nyid spangs nas zhes bya ba ni dngos po la mngon par zhen pa'i sgo nas so/ /stong pa nyid kyi don ni med pa yin no
 zhes bya ba ni rgyu dang 'bras bu la skur ba 'debs pa ni stong pa nyid kyi don yin no snyam nas phyin ci log tu nges pas so/ /dngos po thams cad la skur pa 'debs pa zhes bya ba ni rgyu dang 'bras bu la sogs pa la skur pa 'debs pas so/ /de nyid kyi
 phyir rtsa ba'i shes rab las gzung bar dka' ba'i sprul dang ni/ legs par ma bsgrub rigs sngags bzhin/ /stong pa nyid log par rtogs pa yis/ /blo gros dman pa rlag par byed/ /chos 'di blo gros dman pa yis/ /rtog par dka' 
 ba mkhyen nas su/ /de bas thub pas chos kyi phyir/ /thugs ni btang snyoms mdzad pa yin/ zhes gsungs so/ /lhag par mos pa'i khyad par nges par byas te zhes bya ba ni stong pa nyid la mos pa'i khyad par nges par mdzad de zhes pa'i don to/ /
 nges par dka' ba zhes bya ba ni gzhan gyi sems kyi 'jug pa rtogs par dka' bas so/ /de'i rgyu mtshan nye bar bstan par bya ba'i phyir zhes bya ba ni lhag par mos pa'i khyad par gyi rgyu mtshan bstan par bya ba'i don du'o/ /rab tu dga' 
 ba las byung mchi mas mig brlan zhing zhes bya ba ni stong pa nyid thos nas dang ba ste/ dad pa gang yin pa de las byung ba'i mchi mas mig gang ba gang la yod pa de la de skad ces bya ste/ rab tu dga' ba'i mchi ma dang ldan pa'i mig ces pa'i
 don to/ /de la zhes bya ba ni rab tu dga' ba ldan pa la'o/ /rdzogs pa'i sangs rgyas blo'i zhes bya ba'i rdzogs pa'i sangs rgyas kyi blo'i sgrib pa thams cad dag pa'i shes rab ste/ byang chub ces bya ba'i don to/ /sa bon zhes bya ba ni de'i rgyu'o/ /des
 na phyi'i rtags gsum gyi sgo nas stong pa nyid la lhag par mos par shes pa yin no/ /de'i zhes bya ba ni de kho na nyid nye bar bstan pa'i 'o/ /rjes su 'gro ba zhes bya ba ni de kho na nyid nye bar bstan pa'i rgyu yin no/ /yon tan 'byung zhes bya ba ni
 tshul khrims la sogs pa'o/ /de mi nyams par bya pa'i phyir zhes bya ba ni stong pa nyid kyi lta ba ste ma nyams par bya ba'i ched du'o/ /tshul khrims 'chal ba'i rkyen gyis ngan 'gror ltung nas zhes bya ba ni tshul khrims 'chal pa nyid ngan song du
 'gro ba'i rgyu yin te/ sbyin pas longs spyod dag ni 'gro ba ngan na'ang zhes bya ba der ro/ /zas dang sman dang chos gos la sogs pa'i sgras mal stan la sogs pa bsdu bar bya'o/ /snying rjes yongs su zin pa ni zhes bya ba ni gang gi phyir brtse ba nyid rgyal
 ba'i lo tog phun tshogs 'di'i sa bon zhes bya ba la sogs pas bstan no/ /kha dog ngan pa thob par byed pa zhes bya ba ni kha dog ngan pa khro bas so/ /zhes gsungs pas/ de'i rkyen gyis zhes bya ba ni kha dog ngan pa'i rkyen gyis so/ /'bras bu dpag
 tu med pa rnam pa chad pa med par zhes bya ba ni sangs rgyas nyid du bsngos pa'i sbyin pa'i sbyin pa la sogs pa rnams mi zad pa'i phyir ro/ /ci'i phyir byang chub nyid du bsngo bar byed ce na/ de'i phyir 'gro ba dgrol bar bya ba'i phyir zhes bya ba smos te/ sangs
 rgyas su gyur nas 'gro ba rnams dgrol bar bya'o zhes pa'i don to/ /de ni de kho na nyid bstan pa'i 'bras bu'i khyad par brjod par bya ba'i phyir/ de ltar zhes bya ba la sogs pa gsungs te/ yun ring por bar chad med par dge ba'i tshogs gdon
 mi za bar bsags par gyur nas zhes bya ba ni tshogs dang mos pas spyod pa'i phyir ro/ /zab cing rgya che ba'i tshul la zhes bya ba ni theg pa chen po la te/ de ltar sbyin pa la sogs pa rgya chen po'i don dang/ stong pa nyid kyi mtshan nyid can
 grub pa'i ston pas so/ /rim gyis zhes bya ba ni tshogs kyi sa dang/ mos pas spyod pa'i sa'i rim pas so/ /lam 'di zhes bya ba ni de kho na nyid ston pa'i rang bzhin can no/ /de la de kho na nyid ni gang zag gi bdag med pa dang/ chos kyi
 bdag med pa la bya'o/ /de yang 'dir lung dang rigs pas bsgrub par bstan pa yin pas de la lung gis bsgrub pa bstan par bya ba'i phyir/ de la chos kyi zhes bya ba la sogs pa smos te/ yang dag pa ji lta ba nyid ces bya ba ni de kho na nyid
 ces ba'i don to/ /sa lnga pa li lam shin tu yongs su rdzogs pa zhes bya ba ni sa drug pa la 'jug pa'i bsam gtan gyi pha rol tu phyin pa'i mtshan nyid can gyi lam yongs su rdzogs pas so/ /'di'i don ni sa drug par shes rab
 shin tu lhag par 'gyur ba yin la/ de yang bsam gtan gyi stobs kyis yin te/ sems mnyam par bzhag pas yang dag pa ci lta ba bzhin du rab tu shes so zhes gsungs pas so/ /chos mnyam pa nyid ces bya ba ni chos te//
 phung po dang khams dang/ skye mched rnams mtshan ma med pa la sogs pa'i ngo bo nyid yin pas mnyam pa nyid yin no zhes pa'i don to/ /mtshan ma med pa mnyam pa nyid dang zhes bya ba ni gang kun tu brtags pa'i rtog pa dang bral
 ba spros pa med pa chos kyi dbyings de mtshan ma med pa ste/ rnam par rtog pa'i shes pa thams cad kyi yul ma yin pas so// //des na chos thams cad mtshan ma med pa zhes
 brjod pa nyid yin no/ /de'i phyir chos thams cad yongs su grub pa'i bdag nyid can yin pas mtshan ma med pa mnyam pa nyid yin no/ /mtshan nyid med par mnyam pa nyid dang zhes bya ba ni gang kun tu brtags pa'i brjod par bya ba dang/ /
 brjod par byed pa'i bdag nyid gzung ba dang/ 'dzin pa'i rnam pa can gyi chos de thams cad shin tu med pa nyid yin pa'i phyir kun tu brtags pa'i mtshan nyid des mtshan nyid med pa yin pas mtshan nyid med par mnyam pa nyid do/ /skye ba med
 pa dang zhes bya ba ni gang don dam pa yongs su grub pa'i rang bzhin can de rang gi bdag nyid kyis skye ba med pa'i phyir skye ba med par mnyam pa nyid rang nyid rgyu dang rkyen gyis ma skyed pa'i phyir ma skyes par mnyam pa nyid do/ /de kho na nyid kyi rang bzhin
 de nyid nyon mongs pa'i kun nas nyon mongs pa bral ba'i chos thams cad rang bzhin gyis rnam par grol ba yin pas na dben par mnyam pa nyid do/ /gdod ma nas rnam par dag pa dang zhes bya ba ni yongs su grub pa'i rang bzhin de nyid la sngar skye ba med pas tha
 mar chos thams cad 'gag pa med pa yin pas gdod ma nas rnam par dag par mnyam pa nyid do/ /spros pa med pa dang zhes bya ba ni don dam pa'i rang bzhin de nyid kyi 'dzin par byed pa'i yang dag pa'i shes pa la spros pa med pas des bzung bar bya ba'i
 chos thams cad la spros pa med pa zhes bya'o/ /des na spros pa med par mnyam pa nyid do/ /blang pa med pa dang/ dor ba med par mnyam pa nyid dang/ zhes bya ba ni don dam pa'i rang bzhin de nyid la bya ba med pa'i phyir skye ba gzhan du phung po gzhan yongs su dor
 ba dang/ phung po gzhan len pa don dam par med pas blang ba dang dor ba med pa'i phyir blang ba med pa dang/ dor ba med par mnyam pa nyid do/ /chos thams cad sgyu ma lta bu dang zhes bya ba ni de la sems can dang snod kyi 'jig rten gyis bsdus pa'i/
 dngos po rnams sgyu ma dang mnyam pa nyid do/ /sgyu mas sprul pa'i glang po che la sogs pa bzhin du med pa la yod pa nyid du snang ba'i phyir ro/ /yul la longs spyod pa'i mtshan nyid can ni rmi lam dang mnyam pa nyid de/ snying po med pa la mngon par
 chags pa skye ba yin pa'i phyir ro/ /lus kyi las kyi rang bzhin can rnams kyi mig yor dang mnyam pa nyid de/ chos thams cad bya ba med pa yin du zin kyang mig yor bzhin du lus kyi bya ba snang ba'i phyir ro/ /brag ca dang zhes bya ba ni dag
 gi las kyi rang bzhin can rnams brag ca dang mnyam pa nyid de/ snying po med pa la brag ca bzhin du sgra'i lam du 'jug pas so/ /chu zla dang zhes bya ba ni 'dod pas na spyod pa'i chos rnams chu zla dang mnyam pa nyid de/ chu'i zla ba bzhin du sngon gyi las
 kyi rnam par smin pa snang ba yin te/ chu'i zla ba bzhin du las ci lta ba dang rjes su mthun par skye ba yin pa'i phyir ro/ /gzugs brnyan dang zhes bya ba ni gzugs dang gzugs med pa na spyod pa'i chos rnams gzugs brnyan dang mnyam
 pa nyid de/ gzugs dang gzugs med pa na spyod pa'i ting nge 'dzin rnams kyi gzugs brnyan 'char ba yin pas so/ /de nyid kyi phyir mnyam pa nyid du byed pa'i phyir/ ting nge 'dzin la snyoms par 'jug pa zhes brjod par bya/ sprul pa lta bu mnyam pa
 nyid dang zhes bya ba ni yongs su dag pa'i sangs rgyas kyi zhing gi rang bzhin can rnams sprul pa nyid du mnyam pa yin te/ de rnams rang gi sems yongs su dag pas sprul pa'i phyir ro/ /yang na nang gi khams ni sgyu ma lta bu yin te/ sems can med pa
 nyid yin du zin kyang sems can gyi rang bzhin du snang bas so/ /phyi'i khams ni rmi lam lta bu ste/ rmi lam bzhin du brdzun pa'i rang bzhin yin du zin gyi yul snang ba'i phyir ro/ /skyes bu chen po'i mtshan nyid la sogs pas brgyan pa'i
 sangs rgyas kyi gzugs kyi skus bsdus pa ni mig yor lta bu ste/ yongs su dag pa'i mos kyi sku yis snang ba'i phyir ro/ /bstan pa'i chos kyis bsdus pa thams cad ni brag ca lta bu ste/ brag ca bzhin bcom ldan 'das kyi mthus thos pa'i phyir ro//
 sngon gyi las kyis bsdu ba'i 'bras bu thams cad ni chu zla lta bu ste/ las ni ci lta ba bzhin du skye ba yin pas so/ /sangs rgyas kyi zhing khams yongs su dag pas bsdus pa rnams ni gzugs brnyan lta bu ste/ sgrib pa'i dri ma dang bral
 ba'i sems kyi me long la gzugs brnyan bzhin snang ba'i phyir ro/ /'dus byas thams cad sprul pa lta bu ste/ snying po med du zin kyang rang rang ci lta ba bzhin du rgyu dang rkyen gyis sprul pa nyid du snang ba'i phyir ro/ /sgyu ma lta bu zhes bya ba la sogs
 pa de rnams ni mnyam pa nyid do/ /gdod ma nas ngo bo nyid med pa'i phyir ro/ /rno zhing zhes bya ba ni sa dang po la bltos nas shin tu mchog tu gyur pa'i phyir ro/ /rjes su mthun pa zhes bya ba ni sangs rgyas kyi sa dang rjes su mthun pa'o/ /bzod pa zhes bya ba ni
 mi skye ba'i chos la bzod pas so/ /de ltar lung su gsungs par bsgrubs nas/ rigs pa bstan par bya ba'i phyir 'dir zhes bya ba la sogs pa gsungs te/ chos skye ba med pa mnyam pa nyid kho na zhes bya ba ni skye ba med pa nyid kyi chos kyis
 mnyam pa nyid do/ /chos mnyam pa nyid gzhan zhes bya ba ni chos skye ba med pa mnyam pa nyid las gzhan pa'i mtshan ma med pa la sogs pa'i chos mnyam pa nyid rnams so/ /sla bar dongs te zhes bya ba ni dka' ba med par rtogs pa'o//
 dngos po rnams skye ba med pa nyid kyis ngo bo nyid med par rtogs pas mtshan ma med pa la sogs pa'i don gyis go ba yin te ngo bo nyid med pa las gzhan pa'i mtshan ma med pa la sogs pa med pa'i phyir ro/ /skye ba med pa mnyam pa nyid klu sgrub
 zhabs kyis rtsa ba'i shes rab las gsungs pa'i rigs pas bstan par bya ba'i phyir/ bdag las ma yin zhes bya ba la sogs pa gsungs so/ /de nyid 'grel pas bstan par bya ba'i phyir/ nam yang zhes bya ba la sogs pa gsungs te/ /nam
 yang zhes bya ba ni gzhar yang zhes bya ba'i don to zhes bya ba ni/ nam yang zhes bya ba dang gzhar yang zhes bya ba dag don gcig pa'o/ /rten gyi tshig ces bya ba ni rten ston par byed pa'i tshig las so/ /rten de nyid gsal bar bya ba'i phyir/ yul
 dang dus dang grub pa'i mdza' zhes bya ba smos so/ /des na 'di'i don ni 'di yin te/ yul 'ga' zhig ste shar la sogs pa'o/ /dus 'ga' zhig ste 'das pa dang/ da ltar dang/ ma 'ongs pa'i dus so/ /grub pa'i mdza' ste/ sangs rgyas dang/
 rigs pa can dang/ bye brag la sogs pa'o/ /gang nas yang bya ba dang/ 'ga' zhig gang du yang zhes bya ba'i sgra gnyis ka dus rjod par byed pa yin pas zlos par 'gyur ro zhe na /ma yin te/ gang na yang zhes bya ba ni 'das pa la
 sogs pa spyir dus rjod par byed pa yin la/ nam yang zhes bya ba ni dus kyi bye brag brjod pa yin pas skyon med do/ /brten pa'i tshig gis ni zhes bya ba ni rten pa'i dngos po rjod par byed pa'o/ /phyi dang nang gi dngos po brjod pa'o zhes bya ba ni
 mig dang/ rna ba dang/ sna dang/ lce dang/ lus kyi dbang po rten pa dang bcas pa dang/ mig gi rnam par shes pa nas yid kyi rnam par shes pa mtshungs par ldan pa'i bar ni nang gi dngos po yin la/ de las gzhan pa'i gzugs dang/ sgra dang/
 dri dang/ ro dang/ reg bya dang/ chos rnams ni phyi'i dngos po'o/ /'dir zhes bya ba ni tshigs su bcad pa 'di la'o/ /yod pa nyid kyi sgrub byed ces bya ba ni dngos po yod pa nyid du sgrub par byed pa rang las skye ba gang yin de'o/ /de dang 'gegs par
 byed pa'i tshig sbyar bar bya'o/ /de nyid kyi phyir bdag las skyes pa ma yin zhes gsungs pa yin no/ /gzhan du na rang las skyes ba yod pa ma yin no zhes 'chad par 'gyur bas so/ /yod pa 'gog pa ni shugs kyis grub pa yin no/ /
 de nyid kyi phyir/ yod pa dang ni ma yin te zhes bya ba smos so/ /de dgag pa ni zhes bya ba ni yod pa dgag pa'o/ /don yis zhes bya ba ni skabs bkag pa'i shugs kyis so/ /de bzhin du dam bca' ba gsum ka la yang sbyar bar bya'o zhes bya ba
 ni dngos po rnams gzhan las skye ba dang/ gnyis las skye ba dang/ rgyu med pa las skye ba rnams la yang ma yin zhes pa'i tshig sbyar bar bya'o/ /dam bca' ba bzhi po rnams zhes bya ba ni bdag las ma yin zhes bya ba la sogs pa dam
 bcas pa bzhi po'o/ /rjes su brjod nas zhes bya ba ni dbu ma rtsa ba'i shes rab las dam bca' ba bzhi po gang gsungs pa de dbu ma la 'jug pa 'dir tshig rkang gnyis kyis rjes su brjod pa mdzad nas so/ /rigs pas bsgrubs pa'i phyir zhes bya ba ni don 'di rigs
 pas 'thad pa yin no zhes bya ba'i phyir ched du'o/ /dam bca' ba bzhi po rjes su brjod par bstan par bya ba'i phyir/ de nyid de la zhes bya ba la sogs pa gsungs te/ de nyid de las 'byung min zhes bya ba ni dang po rjes su rjod pa'o/ /gzhan dag la
 lta ga la zhig ces bya ba ni gnyis pa yin la/ gnyis ka las kyang ma yin zhes bya ba ni gsum pa yin zhing/ rgyu med par ni ga la yod ces bya ba ni bzhi pa'o/ /de nyid 'grel pas bstan par bya ba'i phyir/ bdag las skye ba ma yin zhes
 bya ba la sogs pa gsungs so/ /de bzhin du lhag ma la yang sbyar bar bya'o zhes bya ba ni snga ma bzhin du'o/ /yang 'di ga las nges shes na zhes bya ba ni dam bca' ba bzhi po 'di gtan tshigs gang gis nges pa yin no zhes pa'i don to/ /de la
 dang po rang las skye ba 'gog pa'i gtan tshigs bstan par bya ba'i phyir/ 'di ltar zhes bya ba la sogs pa gsungs te/ de las zhes bya ba ni 'bras bu'i rang bzhin las so/ /
 / /de ni zhes bya ba ni 'bras bu'i rang bzhin nyid do/ /yon tan 'ga' yang yod pa ma yin zhes bya ba ni yon tan lhag pa cung zad kyang skye ba med pas so/ /des na rang las skye ba mi srid pa'o/ /'di'i don ni gang gi tshe rang nyid
 las rang nyid skye na de'i tshe rgyu'i rang bzhin la khyad par med pas 'bras bu'i rang bzhin skye ba 'am khyad par dang bcas par skye bar 'gyur/ de la phyogs dang po ltar na ni rang bzhin sngar yod pa'i phyir skye ba med par mi rigs so/ /gal te gnyis
 pa ltar na de yang mi rigs te/ khyad par med pa las khyad par dang bcas par skye bar 'gyur na/ sngar khyad par med pas rang las skye ba ni mi rigs so/ /des na gal te yon tan yod par 'gyur na rang
 las skyes par 'gyur la/ yon tan med pas rang la skye ba srid pa ma yin no zhes pa'o/ /de 'grel pas bstan par bya ba'i phyir/ da ni zhes bya ba la sogs pa gsungs te/ skye bzhin pa zhes bya ba'i bshad pa ni skye ba'i bya ba byed pa po
 ste zhes bya ba'o/ /'dir gang skye bzhin pa da skye ba'i bya ba byed pa po yin te/ dper na 'gro ba de 'gro ba'i byed pa po yin pa bzhin no/ /sa bon ni byed pa po 'jug par byed pa yin te/ dper na lha sbyin gyis 'gro pa'i bya ba la gzhan
 'jug par byed pa po yin pa bzhin no/ /des na myu gu nyid skye ba'i bya ba byed pa po'o/ /skye bzhin pa de nyid kyi bdag gi ngo bo las zhes bya ba'i don to/ /de ltar na bdag las skye ba'i phyogs 'di ni srid pa ma yin no
 zhes bstan pa yin no/ /da ni srid du zin kyang rigs pa dang 'gal ba yin no zhes bstan par bya ba'i phyir/ bdag las skye ba'i phyogs 'di zhes bya ba la sogs pa gsungs te/ rigs pa'i dbang du byas nas zhes bya ba ni mngon sum
 dang 'gal bas so zhes pa'o/ /skyes zin zhes bya ba ni 'di yang thal 'gyur ston pa yin te/ gal te skyes zin pa slar skye bar rtog na/ de'i tshe myu gu la sogs pa rnams skye bar mi 'gyur te/ 'jig rten pa'i dbang du byas nas
 myu gu la sogs par skye bar mthong ba yin no/ /de'i phyir rang las skye ba yod pa ma yin no/ /'di'i don ni rang las skye'o zhes bya la/ sa bon las sa bon skye ba yin gyi myu gu la sogs pa ni ma yin no/ /gal te myu gu la
 sogs pa skye ba khas len na sa bon dang myu gu mtshan nyid tha dad pa'i phyir gzhan las skye bar khas blangs par 'gyur ro/ /des na gzhan las skye ba'i phyogs khas len pa la 'jigs pas sa bon nyid sa bon skye bar khas len na/ myu gu la sogs pa skye
 bar mi 'gyur ro zhes pa'o/ /'dir thal 'gyur gyi mtshan nyid ni gzhan gyis khas blangs pa'i sgo nas gzhan la mi 'dod pa ston pa gang yin pa ste/ dper na gzhan gyi bdag las bdag skye ba'i mtshan nyid can gyi dngos po khas len myu gu
 la sogs pa rnams mi skye bar 'gyur ro zhes mi 'dod pa rjod par byed pa gang yin pa lta bu'o/ /de la 'ga' zhig na re gal te thal 'gyur gtan tshigs su 'dod na mtshams grub pa yin nam/ 'on te ma grub pa yin de la gal te phyogs dang po
 ltar na de'i tshe gnyis ga la grub pa yin pas gzhan gyis khas blangs pa zhes ci ltar brjod/ phyogs gnyis pa ltar gzhan gyis khas len par mi 'os pa yin pas gzhan gyis khas blangs pa zhes ji ltar brjod ce na/ de la lan ni tshad
 mas grub pa gang yin pa de gnyis ka la grub pa yin no zhes pa de nyid kho bos mi shes te/ 'di ltar rgol bas sgrub byed bkod pa'i dus na gtan tshigs 'god pa de la tshad mas grub pa yin grang/ gzhan la tshad mas grub par des ci
 ltar shes te/ gzhan gyi sems kyi khyad par mngon sum dang/ rjes su dpag pa'i yul ma yin pa'i phyir ro/ /rang nyid la yang tshad mas grub par ci ltar shes te/ 'khrul pa'i rgyu mtshan gyis dus ring po nas bzung ba'i phyir bslu ba 'dring
 pas so/ /de phyir rgol ba dang/ phyir rgol ba dag gis tshad ma nyid du khas blangs pa'i stobs kyis dngos po rnams kyi rang bzhin khas len pa yin no/ /des na gzhan gyis khas blangs pa'i sgo nas gzhan gyis phyogs sun 'byin par rigs pa yin no//
 gzhan yang rang rgyud kyi gtan tshigs kyi phyogs la gal te gtan tshigs dang/ bsgrub par bya ba dag la tshad mas khyab pa grub na de'i tshe rang rgyud sgrub byed du 'gyur ba yin la/ 'on kyang khyab pa mi grub ste/ 'di ltar khyab
 par byed pa'i tshad ma ni mngon sum mam rjes su dpag pa yin no/ /de la re zhig mngon sum gyis khyab pa mi 'grub ste/ 'di ltar tshang bang du mngon sum dang mi dmigs pa dag gis me dang du ba dag la/ 'di yod na 'di 'byung la/ 'di med na 'di
 mi 'byung ba rtogs kyi/ yul thams cad la yod pa ni ma yin no/ /rjes su dpag pas kyang ma yin te/ de yang yul nges pa can yin pas so/ /'di ltar rjes su dpag pa'i yul ni thams cad ma yin te/ gang gi phyir gang na bsgrub par bya ba
 dang 'brel ba'i rtags yod pa de kho na mi rtag pa la sogs pa shes pa skye bar 'gyur ba yin gyi/ yul dang dus thams cad du ni ma yin no/ /des na 'jig rten pas khas blangs pa tsam gyi sgo nas khyab pa grub pa yin gyi tshad mas ni
 ma yin pas thal 'gyur gyi gtan tshigs kyis gzhan gyi phyogs sun 'byin pa ci ltar mi rigs zhe'o/ /de ltar yang slob dpon rang nyid kyis dbu ma rtsa ba'i shes rab kyis bshad pa tshig don gsal ba las/ gal te dngos po rnams
 bdag la mi skye ba kho na yin no zhes nges pa gzung du byed na gzhan las skye ba yin par mi 'dod kyang thal bar 'gyur ro zhe na/ de ltar yang ma yin te/ med pa dgag pa brjod par 'dod pa dang/ gzhan las skye ba 'gegs par 'gyur
 bas so/ /slob dpon sangs rgyas bskyangs kyis dngos po rnams bdag las skye ba ma yin te/ de skye ba don med pa dang/ thug pa med par yang thal bar 'gyur ro/ /rang gi bdag gis yod pa'i dngos po rnams yang skye ba la dgos pa yod pa ma yin
 no/ /gal te yod du zin kyang skye na thug pa med par 'gyur ro zhes gsungs so/ /de la kha cig gis skyon brjod pa 'di ni mi rigs te/ gtan tshigs dang/ dpe ma brjod pa dang/ 'chad par 'gyur ba'i skyon ma spangs pa dang/ thal 'gyur gyi dag yin pa'i phyir skabs su
 bab pa'i don las zlog pas bsgrub par bya ba dang/ de'i gtan tshigs gsal bar 'gyur bas skye ba don dang bcas pa dang/ skye ba thug pa med par mi 'gyur ba'i gtan tshigs kyis dngos po rnams gzhan las skye bar bsgrubs pas rang gi grub
 pa'i mdza' dang 'gal bar 'gyur ro zhe'o/ /kho bos skyon 'di thams cad 'byung ba mi 'thad par mthong ba yin te/ ji ltar zhe na/ de ltar re zhig gang gtan tshigs dang dpe dag ma brjod pa dang zhes bya ba de ni mi rigs so/ /ci'i phyir zhe na/ gang
 gi phyir gzhan gyis rang las skye ba khas len na yod pa nyid yang skye ba la dogs pa dri bar bya ste/ rang las skye zhes pas ni rgyu nyid du yod pa de nyid skye ba yin no/ /zhes khyod kyis brjod la/ yod pa nyid la yang skye ba dgos pa ma mthong ba
 dang/ thug pa med par 'gyur ba yang mthong ba yin no/ /khyod kyis skyes pa yang skye bar mi 'dod pa dang/ thug pa med par yang 'dod pa ma yin no/ /des na khyod kyis rgol ba de la rigs pa med pa dang/ rang gis khas blangs pa dang 'gal
 ba yin no zhes de ltar phyir brgal na gzhan gyis khas mi len par 'gyur ram/ gang gis gtan tshigs dang dpe brjod pa dgos pa dang bcas par 'gyur ba yin/ gal te khas blangs pa dang 'gal ba'i skyon brjod du zin kyang gzhan dag mi ldog na de'i tshe
 ngo tsha med pa nyid la gtan tshigs dang dpe brjod pas kyang ldog par mi 'gyur ba smyon pa dang kho bo cag brtsad par rigs pa ma yin no/ /des na slob dpon gnas ma yin pa la rjes su dpag pa sbyor bar byed pa ni rjes su dpag pa nyid la dga' bar
 zad pa yin no zhes pa'o/ /dbu ma pas rang rgyud kyis rjes su dpag pa khas blang bar mi rigs te/ phyogs gzhan khas len pa med pa'i phyir ro/ /de skad du 'phags pa'i lhas kyang yod dang bde dang yod med ces/ phyogs gang la ni yod
 min la/ /yun ni ring por yang de'i skyon/ /brjod par nus pa ma yin no zhes gsungs pa dang/ rtsod pa bzlog pa las kyang/ gal te nga la dam bca' 'ga' / /yod par gyur na skyon 'di 'byung/ /bdag la dam bca' med pas na/ de phyir skyon 'di
 bdag la med/ /gal te mngon sum la sogs pas/ /cung zad dmigs par gyur na ni/ /'jug gam yang na ldog par 'gyur/ /de med pa yi skyon yod min gsungs so/ /gang gi tshe de ltar rang gi rgyud kyis grub pa'i rjes su dpag pa dbu ma pas smra
 bar byed pa ma yin pas de'i tshe phyi dang nang gi dngos po rnams bdag las ma skyes zhes bya ba'i rang gi rgyud kyi dam bca' ga la yod/ grangs can pa rnams kyi 'bras bu'i rang bzhin gyi bdag las sam/ rgyu'i rang bzhin gyis bdag las yin/ de
 las cir 'gyur zhe na/ gal te 'bras bu'i rang bzhin las yin na grub pa la sgrub par byed pa yin la/ rgyu'i rang bzhin las yin na ni 'gal pa'i don yin te/ skye ba dang ldan pa thams cad rgyu'i rang bzhin du yod pa nyid du skye ba'i phyir ro
 zhe na/ gang la grub pa la sgrub par byed pa nyid dang 'gal ba'i don nyid du 'gyur pa'i yod pa nyid kyi phyir zhes pa'i gtan tshigs kho bo cag la ga la yod/ des na grub pa la sgrub pa dang/ 'gal ba'i don gyi skyon spang ba'i ched du 'bad bar bya
 dgos pa ma yin no/ /des na gzhan gyis smras pa'i skyon med pa de la slob dpon sangs rgyas bskyangs kyis lan gdab dgos pa ma yin no/ /gal te de yang dbu ma pa rnams la phyogs dang gtan tshigs dang/ dpe rnams ma grub pas rang
 rgyud kyi rjes su dpag pa mi brjod pa nyid kyi phyir te/ bdag la skye ba 'gog pa'i dam bcas pa'i don bsgrub pa dang/ gnyis ka la grub pa'i rjes su dpag pas gzhan gyi dam bca' bzlog par mi byed kyang gzhan gyis dam bcas pa la rang gi rjes su dpag pas
 gnod pa'i 'gal ba brjod na/ de nyid kyi dbang du byas nas skyon dang bral ba'i phyogs dang/ gtan tshigs dang/ dpe la sogs pa brjod dgos par 'gyur ba yin la/ des na de dag ma brjod pa dang/ skyon de dag ma spangs pa'i phyir skyon de nyid yin no zhe na
 de yang ma yin te/ ci'i phyir zhe na/ gang gi phyir gang gis don gang dang bcas pa des rang gis ci ltar nges par byas pa bzhin du gzhan dag la yang nges pa bskyed par 'dod pas rigs pa gang gis don 'di rtogs pa'i rigs pa de nyid gzhan la bstan
 par bya dgos so/ /de'i phyir re zhig gang gzhan dag gi rang gis dam bcas pa'i don la sgrub byed khas len dgos pa yin no zhes bya ba 'di ni rigs pa yin la/ de yang gzhan la go byed kyi gtan tshigs su mi 'gyur te/ dpe mi srid pa'i phyir ro/ /
 des na rang gis dam bcas pa'i rjes su 'brang ba'i rang gi dam bcas pa'i don sgrub par byed pa rkyang pa khas len pa tsam yin pas rigs pa med pa'i phyogs khas len par byed pa'i phyir bdag nyid kho na bslu bar byed cing gzhan dag la nges pa bskyed par
 nus pa ma yin no zhes pa 'di nyid 'di la sun 'byin pa shin tu gsal po nyid yin te/ 'di ltar rang gis dam bcas pa'i don sgrub par mi nus pa gang yin pa'o/ /des na 'dir rjes su dpag pas gnod pa bstan pa la dgos pa ci zhig yod/ gal
 te yang rang gi rjes su dpag pa dang 'gal ba'i skyon nges par brjod par bya dgos so zhe na/ de yang slob dpon sangs rgyas bskyangs kyis brtan pa kho na yin no/ /ci ltar zhe na/ gang gi phyir dngos po rnams bdag las skye ba ma yin te/ de skye ba don med
 pa'i phyir ro zhes gsungs so/ /'dir ni de zhes bya ba 'dis rang gi bdag nyid yod pa nyid brjod pa yin no/ /ci'i phyir zhe na/ 'di ltar mdor bstan pa'i tshig 'di'i rgyas par bshad pa bdag nyid yod pa nyid la yang skye ba la yang dgos
 pa ci zhig yod ces brjod pas so/ /tshig 'dis ni bsgrub bya dang gtan tshigs kyi chos dang ldan pa'i gzhan la rab tu grags pa'i dpe bstan pa yin no/ /de la bdag nyid yod pa nyid la zhes bya ba 'dis ni gtan tshigs bstan pa yin no/ /de
 skye ba la yang dgos pa ci zhig yod ces bya ba 'dis ni bsgrub par bya ba bstan pa yin no/ /de la dper na sgra mi rtag ste byas pa yin pa'i phyir byas pa nyid mi rtag par mthong ste/ dper na bum pa bzhin no/ /sgra yang byas pa yin la/
 des na byas pa'i phyir mi rtag pa yin no zhes bya ba 'dir byas pa nyid nye bar sbyar bas gtan tshigs gsal por bstan pa yin no/ /de bzhin du 'dir yang dngos po bdag las skye ba ma yin te/ bdag nyid yod pa la yang skye ba don med
 pa'i phyir ro/ /'di mdun na gnas pa'i bum pa la sogs pa rang gi ngo bor gnas pa ni yang skye ba la bltos pa ma yin par mthong la/ de bzhin du 'jim pa'i gnas skabs na yang gal te bum pa la sogs pa rang bzhin gyis yod par
 sems na ni de'i tshe rang gi bdag nyid kyis yod pa la yang skye ba yod pa ma yin no/ /de ltar ni nye bar sbyar bas gsal por bstan pa'i yang skye ba bkag pa dang/ med na mi 'byung ba'i yod pa nyid kyis gtan tshigs kyis grangs can pa rnams
 la rang nyid kyi rjes su dpag pa dang 'gal bar gsal bar bstan pa yin no/ /des na gtan tshigs dang dpe ma bstan pa'i phyir zhes ci'i phyir brjod ces pa'o/ /gtan tshigs dang dpe ma brjod pa'i skyon med pa 'ba' zhig tu ma zad kyi/ gzhan
 gyis smras pa'i skyon spangs pa yin no/ /ci ltar zhe na/ grangs can pa na mdo ni par gsal ba'i rang bzhin can mdun na gnas pa'i bum pa la yang gsal bar mi 'dod de/ de nyid ni 'dir dpe'i rang bzhin du grub pa'i phyir dang/ mngon par gsal ba ma yin
 pa'i rang bzhin can nus pa'i rang bzhin dang ldan pa skye ba dgag pa'i khyad par can ni bsgrub bya yin pa'i phyir grub pa la sgrub pa'i phyogs kyi skyon gyi dogs pa dang/ gtan tshigs la 'gal ba'i don nyid dogs pa yang ga la yod/ de ltar na rang gi rjes su
 dpag pa 'am gnod pa'i rgol ba'i skyon bstan pa la yang ji skad bstan pa'i skyon yod pa ma yin pas gzhan gyis brjod pa skyon ma spangs pa'i nyes pa yod pa ma yin no/ /des na sun 'byin pa brjod pa 'di ni ma 'brel ba nyid yin no zhes shes par bya'o 
 bum pa zhes bya ba'i sgras nye bar mtshan nas dngos po gzhan ma lus par bsdu bar 'dod pas snam bu la sogs pa'i sgo nas kyang ma nges par 'gyur ba'i skyon yod pa ma yin no/ /yang na sbyor ba'i tshul gzhan 'di yin te/ bdag las skye ba smra ba la
 skyes bu ma gtogs pa'i dngos po rnams rang las skye ba ma yin te/ rang gi ngo bo nyid kyis yod pa'i phyir dper na skyes bu zhes bya ba 'dir dper brjod par bya'o/ /gang yang mngon par gsal bar smra ba la skye ba bkag pa
 gnod byed ma yin du zin kyang de ltar na yang sngar dang phyis kyi gnas skabs na mi dmigs pa dang/ dmigs par chos mtshungs pa yin pas mngon par gsal ba la skye ba'i sgra btags nas skye ba'i sgras mngon par bsal ba nyid brjod pa'i phyir
 sun 'byin pa 'dis gnod par ci'i phyir mi 'gyur zhes pa'o/ /thal bar 'gyur ba las bzlog pa'i don gyis ni gzhan la 'brel pa yin gyis kho bo cag la ma yin te/ dam bcas pa med pa'i phyir ro/ /des na grub pa'i mdza' dad 'gal pa
 yod pa ma yin no/ /gzhan dag la ni thal par 'gyur ba las bzlog pa'i don dang 'brel ba las skyon mang po ji snyed yod par 'gyur ba de snyed ni kho bo cag 'dod pa kho na yin pas de nyid kyi phyir slob dpon klu sgrub kyi bzhed
 pa'i rjes su 'brang ba'i slob dpon sangs rgyas bskyangs kyis go skabs rnyed par 'gyur ba'i tshig brjod pa ga la yod ces pa'o/ /des na thal 'gyur brjod pa ni gzhan gyi dam bca' ba 'gog pa atsam gyi 'bras bu can yin pas thal bar 'gyur
 ba las bzlog pa'i don dang 'brel bar 'gyur ba yod pa ma yin no/ /de ltar yang phal cher slob dpon gyis thal 'gyur gsungs pa'i sgo nas gzhan gyi phyogs 'gog pa yin te/ nam mkha' i mtshan nyid sngon rol na/ nam mkha' cung zad
 yod ma yin/ /gal te mtshan las sngar gyur na/ /mtshan nyid med par thal bar 'gyur/ gzugs la gzugs kyi rgyu med par/ /'ga' zhig du ni 'ga' nyid la/ /rgyu med par ni yod ma yin zhes pa dang/ de bzhin du yang/ re zhig mya ngan
 'das dngos min/ /rga shi'i mtshan nyid thal bar 'gyur/ rga dang 'chi ba med pa yi/ /dngos po yod pa ma yin no/ /zhes bya ba la sogs pas thal bar 'gyur ba'i sgo nas gzhan gyi phyogs dgag pa mdzad pa yin no/ /de bzhin du tshig
 gsal las/ cig shos las rab tu grub pa'i rjes su dpag pas gnod pa yod dam zhe na/ yod de rang nyid la rab tu grub pa'i gtan tshigs kho na yin gyi/ gzhan la rab tu grub pa ni ma yin te/ 'jig rten na mthong ba yin te/ 'di ltar
 'jig rten ba la lar rgol phyir rgol dag gis tshad mar byas pa'i dbang po'i tshig gis pham pa 'am rgyal bar 'gyur ba la/ la lar rang gi tshig kho nas so/ /gzhan gyi tshig gis ni rgyal bar yang mi 'gyur la pham par yang mi 'gyur ro//
 'jig rten pa'i ji lta ba de bzhin rigs pa yang de ltar te/ 'jig rten pa'i tha snyad rigs pa'i bstan bcos la yang skabs su bab pa yin pas so/ /gang gnyis ka la nges par grub pa de nyid sgrub par byed pa dang/ sun 'byin par byed pa yin gyi cig
 shos la rab tu grub pa dang/ the tshom gyis ni ma yin no zhes gang gis sems pa des kyang 'jig rten pa'i rnam bzhag la rten nas rjes su dpag pa la ji skad bstan pa'i rigs pas khas blang bar bya ste/ 'di ltar gnyis ka la grub pa'i lung nyid
 kyis gnod pa ma yin gyi/ 'on kyang rang nyid las grub pas so/ /rang gi don rjes su dpag pa la thams cad du rang nyid la grub pa kho na stobs dang ldan pa yin gyi/ gnyis ka la grub pa ni ma yin no/ de nyid kyi phyir rtog ge las mtshan nyid brjod pa
 ni dgos pa med pa nyid yin te/ sangs rgyas rnams kyis de kho na nyid la mi mkhas pa'i gdul bya'i skye bo rnams la rang nyid la ci lta ba bzhin du rab tu grub pa'i rigs pas rjes su 'dzin pas/ /zhar la 'ongs pas chog go zhes gsungs so/ /gegs
 ci zhig yod ces bya ba ni sa bon yang skye ba la gegs gang zhig yod ces pa'o/ /gang gis zhes bya ba ni gegs byed pas so/ /rang skye ba bkag nas zhes bya ba ni sa bon rang nyid skye zhing 'byung ba dor nas so/ /sdong bu zhes bya ba ni myu gu'i
 mkhrad par 'gyur ba'o/ /de nyid kyi phyir khog stong zhing ring bar gyur ba ni spubs bcas so sogs pa'i sgras ni gra ma la sogs pa bsdu bar bya'o/ /srid mthar thug par zhes bya ba ni 'khor ba ji srid kyi bar du'o/ /ji skad du bshad pa'i rgyu nyid kyi phyir
 ro zhes bya ba ni skyes zin pa'i sa bon zhes bya ba la sogs pa'i sgo nas so/ /byed pa po dang ldan cig tu gnas par 'gal ba nyid kyi phyir zhes bya ba ni sa bon dang lhan cig gnas pa 'gal ba'i phyir ro/ /ji skad smras pa'i nyes pa'i skabs med
 cing zhes bya ba ni gang gi phyir chu la sogs pa'i rkyen dang phrad nas myu gu skye ba phyir myu gu la sogs pa rnams gtan mi skye bar 'gyur ba ma yin zhes pa'o/ /gang gi phyir myu gu byed pa dang lhan cig gnas par 'gal
 ba'i phyir sa bon 'khor ba ji srid kyi bar du skye bar yang mi 'gyur ro/ /'o na rang las skye ba ji ltar yin zhe na/ de la lan ni sa bon dang myu gu dag ces bya ba la sogs pa smos te/ sa bon dang myu gu dag tha mi dad pa yin te/ nas kyi sa bon
 dang nas kyi myu gu zhes sgra gcig gi yul yin pa'i phyir ro zhes pa'o/ /de la lan bstan par bya ba'i phyir/ 'di yang mi rung ste zhes bya ba smos te/ de nyid kyis zhes bya ba ni sa bon gyi bdag nyid du gyur pa'i myu gus so/ /rang gi bdag nyid
 ces bya ba ni sa bon gyi rang gi bdag nyid kyis so/ /des na byed pa dang lhan cig gnas par 'gal ba nyid kyi phyir sa bon mi dmigs pa yin no zhes gang smras pa de ma yin no/ /de ni tha mi dad pa nyid kyang rigs pa ma yin no zhes bstan par
 bya ba'i phyir/ gzhan yang zhes bya ba la sogs pa smos te/ rdzas kyi khyad par yongs su 'gyur bas thob par bya ba ste zhes bya ba ni rdzas kyi khyad par yongs su 'gyur ba ste/ zhu pas thob pa'o/ /'di'i don ni pi pi ling la thog mar ro tsha ba
 yod du zin? kyang zhu rjes la mngar ba yin no/ /de nyid kyi phyir mkhris pa sel bar byed pa yin no/ /zhes pa'o/ /tha mi dad par zhes bya ba ni sa bon bzhin du'o/ /de la yongs su 'gyur ba smra ba grangs can pa na re/ ci ste sa bon gyi zhes bya ba la
 sogs pa smos te/ ci ltar skyes bu'i gzhon nu'i gnas skabs dor nas lang tshol bab pa'i gnas skabs len kyang gnas skabs can skyes bu gcig nyid yin no/ /de bzhin du 'dir yang nas kyi sa bon gyi gnas skabs dor nas myu
 gu'i gnas skabs len pa yin kyang gnas skabs can ni gcig nyid yin no zhe na/ de la lan ni de ltar na yang zhes bya ba la sogs pa smos te/ sngar gyi bdag gi dngos po zhes bya ba ni sa bon gyi rang bzhin no/ /bsal nas zhes bya ba ni dor nas so/ /de las
 gzhan ngo bor gyur na zhes bya ba ni sa bon de las gzhan pa'i ngo bo ste myu gu'i ngo bor gyur na'o/ /de'i che zhes bya ba ni gzhan gyi ngo bor gyur pa'i tshe na'o/ /de'i zhes bya ba ni myu gu'i'o/ /de nyid ci ltar 'gyur zhes bya ba ni myu gu sa bon las tha mi dad
 pa nyid du ci ltar 'gyur/ 'di'i don ni 'dir gang gnas skabs su yongs su brtags pa de gnas skabs can las tha dad dam/ 'on te tha mi dad/ re zhig tha dad pa ma yin te/ bum pa dang snam bu bzhin du de'i de'o zhes 'brel pa med par thal bar
 'gyur bas so/ /gal te bum pa snam bu dag la 'brel ba med pa yin la/ gnas skabs dang gnas skabs can la 'du ba'i mtshan nyid kyi 'brel pa yod pa yin la/ des na de de'i ngo bo zhes brjod par rigs pa yin no zhe na/ de lta na
 yang 'brel pa de gnas skabs dang gnas skabs can las tha dad dam/ 'on te tha mi dad? gal te tha dad na de'i tshe gnas skabs dang gnas skabs can dag phan tshun ma 'brel ba nyid snga ma bzhin du gnas pa yin no/ /gal te ma 'brel pa
 dang/ gnas skabs dang gnas skabs can la 'brel ba bsgrub pa'i don du 'brel pa gzhan khas len na thug pa med par thal bar 'gyur ro/ /gal te tha mi dad na 'o na tha dad pa dang tha mi dad pa ni tha dad pa yin te/ gnas skabs gnas
 skabs can bzhin no zhes pa'i rigs pas gnas skabs dang gnas skabs can la 'brel pa med pa de snga ma bzhin du gnas pa yin te/ 'di ltar gnas skabs dang gnas skabs can tha dad cing de dag dang 'brel pa tha mi dad pa yin pas ji
 ltar gnas skabs dang gnas skabs can gyi ngo bo tha dad pa de bzhin du 'brel ba yang tha dad pa'i phyir phan tshun 'brel pa med pa kho na yin no/ /de'i phyir gnas skabs can las gnas skabs tha dad yod pa ma yin no/ /tha mi dad pa
 yin na gnas skabs zhig pas gnas skabs can yang zhig pas ci ltar tha mi dad par brjod ces pas so/ /'di'i gzhan ma yin pa nyid ces bya ba ni myu gu'i sa bon las tha mi dad pa nyid do/ /nga ni bye brag pa'i 'dod pas rdzas dang yon tan
 smra ba'i dogs pa bsu bar bya ba'i phyir/ ci ste sa bon dang myu gu dag ces bya ba la sogs pa smos te/ sogs pa'i sgra ni ser po dang/ sngon po la sogs pa'i kha dog rnams bsdu bar bya'o/ /rdzas tha mi dad do zhes bya ba ni nas kyis rdul phra rab
 rnams kyis brtsams pa'i cha shas kyi bdag nyid can gyi rdzas tha mi dad pa'o/ /'di'i don ni dper na bum pa la sngon po dang ser po la sogs pa kha dog tha dad pa yod du zin kyang nus pa'i rdzas gcig nyid yin la/ de bzhin du 'dir
 yang dbyibs la sogs pa tha dad kyang rdul phra rab kyis brtsams pa'i rdzas ni gcig pa yin no zhes pa'o/ /de la lan ni/ 'di ltar ma yin te zhes bya ba la sogs pa smos te/ dbyibs la sogs pa'i rten nyid du zhes bya ba ni ci ltar
 bum pa dang sa gzhi dag las tha dad las tha dad du dmigs pa'i phyir rten pa nyid du rnam bzhag byed pa yin la/ de bzhin du 'dir yang dbyibs dang rdzas ngag? tha dad du mi snang ba'i phyir rdzas tha dad pa nyid du rnam bzhag ci ltar byed
 ces pa'o/ /gal te 'du ba'i 'brel pa'i stobs kyis rdzas tha dad pa nyid du mi 'dzin no zhe na/ 'o na 'du ba de rtag pa dang gcig pu yin pas sa bon gyi gnas skabs kyi 'du ba gang yin pa de nyid myu gu'i gnas skabs na yang yod pa
 yin pas gnas skabs gnyis su gnas skabs gnyis dmigs par thal bar 'gyur ro/ /skyon gzhan bstan par bya ba'i phyir gzhan yang zhes bya ba la sogs pa gsungs te/ dbyibs kyi rten nyid du rdzas ma bzung ba'i phyir dbyibs 'ba' zhig yod
 pa ma yin gyi/ rdzas ni ma yin no zhes gnas pa yin no/ /des na rdzas tha mi dad pa'i don ni sa bon dang myu gu dag gi dbyibs tha dad par bstan pa yin no/ /de la yang ci sa bon las myu gu tha mi dad pa yin nam/ myu gu las sa bon tha mi dad
 pa yin/ gal te phyogs dang po ltar na/ de la lan ni sa bon zhes bya ba la sogs pa gsungs so/ /phyogs gnyis pa khas len na yang na zhes bya ba la sogs pa gsungs so/ /'di'i don ni gal te khyod kyi 'dod pas sa bon las myu gu
 tha mi dad pa yin na de'i tshe myu gu bzung ba'i dus su sa bon mi dmigs pa bzhin du myu gu yang mi dmigs pa thal bar 'gyur te/ sa bon las myu gu gzhan ma yin pa'i phyir ro/ /gal te myu gu las sa bon tha mi dad na de'i tshe myu gu
 bzhin du sa bon yang mi dmigs par thal bar 'gyur te/ myu gu las gzhan ma yin pa'i phyir ro zhes pas so/ /de yang zhes bya ba ni sa bon kyang ngo/ /de dag gcig pa zhes bya ba ni sa bon dang myu gu tha mi dad pas so/ /de'i phyir zhes bya
 ba ni sngar bstan pa'i skyon yod pas so/ /'di ni khas mi blang zhes bya ba ni gcig pa nyid du khas mi blang ba'o/ /de ltar rang las skye bar mi rigs pa'i gnod pa bstan nas/ 'jig rten pa'i gnod pa bstan par bya ba'i phyir/ de ltar zhes bya
 ba la sogs pa smos te/ de nyid rtogs par 'dod pa'i lugs gzhan du brtags pa'i zhes bya ba ni de kho na nyid mngon du byed par 'dod pas na de nyid rtogs par 'dod pa ste/ mu stegs pa rnams so/ /de nyid kyi phyir/ 'dod pa zhes bya ba
 smos te/ rnyed pa ma yin no zhes pa'o/ /lugs gzhan zhes bya ba ni grangs can pa la sogs pa'i 'dod pa'o/ /nges brtags pa ni blos brtags pa yin gyi dngos po ni yod pa ma yin no zhes pa'o/ /bzlog nas zhes bya ba ni rigs pa'i
 sgo nas so lugs gzhan du blo ma sbyangs pa'i 'jig rten gyi tha snyad du yang zhes bya ba ni grub pa'i mdza' la mi bltos pa'i phyir lugs gzhan du blo sbyangs pa ste 'jig rten gyi tha snyad brgyud pas sbyangs par 'jig rten gyi blo gang yin pa
 de'i tha snyad kyis so/ /rtog pa 'di zhes bya ba ni rang las skye ba gang yin pa'o/ /'jig rten pa'i tshad ma'i skyes bu'i 'dod pas kyang rang las rang skye bar ni mi 'grub la/ tha mal ba'i skyes bu ni 'jig rten na yang tshad ma nyid du mi 'dod pas so
 de'i phyir blo sbyangs pa zhes bya ba smos pa yin no/ /rgyu zhig nas zhes bya ba ni sa bon zhig kyang ngo/ /de yis zhes bya ba ni 'jig rten pas so/ /'bras bu mthong ba'i phyir zhes bya ba ni 'bras bu mi 'jug par mthong ba yin no/ /de dag gcig pa yin
 zhes bya ba ni sa bon dang myu gu dag gcig pa nyid du'o/ /da ni mjug bsdu ba bstan pa'i phyir gang gi phyir zhes bya ba la sogs pa gsungs te/ phyogs gnyis ka ltar na yang zhes bya ba ni grub pa'i mdza' la bltos pa'i phyogs dang
 'jig rten pa'i phyogs gnyi ka ltar na yang ngo/ /de nyid kyi phyir na yang zhes bya ba ni gang gi phyir phyogs gnyis ka ltar na yang rang las skye ba mi rigs pa'o/ /khyad par du ma mdzad ces pa ni don dam pas khyad par du ma mdzad pa'o/ /khyad
 par du byed pas zhes bya ba ni rang las skye ba 'gog pa la don dam par zhes bya ba'i khyad par khas len pa'o/ /de'i don dam par zhes bya ba'i khyad par don med zhes bya ba de gang gi phyir tshogs gnyis ka la yang rang las skye ba mi rigs
 bas de'i phyir don dam par khyad par du byas pa la dgos pa ci zhig yod ces pa'o/ /rang las skye ba la yang skyon gzhan yang bstan par bya ba'i phyir/ gzhan yang zhes bya ba la sogs pa smos te/ rang las skye bar 'dod na bskyed par bya ba dang/ skyed
 par byed pa dang/ byed pa po dang/ las dang gcig tu thal bar 'gyur ro/ /de las bskyed par bya ba dang/ skyed par byed pa nyid gcig tu 'gyur ba ni pha dang bu lta bu'o/ /las dang byed pa po gcig tu 'gyur ba ni me dang bud shing lta bu'o/ /'dir 'bar
 bzhin pa'i bud shing ni las yin la/ mi ni byed pa po yin no/ /gal te skye ba'i gnas skabs yin pas skyed par byed pa dag gcig nyid tu 'gyur grang/ byed pa po dang las dag la ci ltar 'gyur te/ bud shing ni me'i 'bras bu ma yin pas so zhe na
 ma yin te/ byed pa po dang las nyid ni rgyu dang 'bras bu'i rnam par yin pas so/ /'di ltar me ni 'bar bya'i bud shing gi rgyu kho na yin te/ de'i stobs kyis bud shing khyad par can du skye ba'i phyir ro/ /bskyed par bya ba dang skyed par byed pa dag gcig
 yin grang/ de la skyon ci yod ce na/ lan ni rgya cher bshad pa'i nyes par thal bar 'gyur ba'i phyir ro zhes bya ba smos te/ dbyibs dang kha dog la sogs pas sngar skyon gang brjod pa de 'dir yang thal bar 'gyur ba'i phyir gcig nyid du khas blang bar
 bya ba ma yin pa'o/ /ji skad du zhes bya ba la sogs pa ni rtsa ba'i shes rab las te/ nam yang zhes bya ba ni dus nam gyi tshe yang ngo/ /de ni dam bca' ba tsam yin pa rigs pas bstan par bya ba'i phyir/ gcig pa nyid ni yod pa ma yin
 te zhes bya ba la sogs pa gsungs te/ gcig nyid du 'gyur na skyon ci yod na/ pha dang bu dag ces bya ba la sogs pa smos so/ /de nyid kyi phyir zhes bya ba ni rgyu dang 'bras bu dag gcig tu rigs pa'i phyir ro/ /gal te shing de me yin na zhes
 bya ba la/ shing ni bsreg par bya ba'i shing la sogs pa'i las su gyur pa gang yin pa'o/ /byed pa po ni sreg par byed pa'i me'o/ /de la bud shing gang yin pa de nyid med yongs su rtog na de'i tshe byed pa po las nga? gcig tu 'gyur ba la
 de ltar mi mthong ba ma yin gyi/ bum pa dang rdza mkhan yang gcig tu thal bar 'gyur pas so/ /de ltar yang khas mi len pa'i phyir ro/ /zhes bya ba ni rtsa ba'i shes rab nyid las so/ /de'i phyir de lta bu zhes bya ba la sogs pa ni mjug bsdu ba'o//
 sogs pa'i sga ni sngar bstan pa'i dbyings dang zhes bya ba la sogs pa bzung bar bya'o/ /bden pa gnyis shes par bya ba'i don dam pa'i bden pa dang/ kun rdzob kyi bden pa'o/ /'dir rang las skye ba 'gog par byed pa la gzhan dag gis rgol
 bar byed de/ dngos po rnams rang las mi skye bar nges pa de tshang mas bskyed pa yin nam/ 'on te tshad ma ma yin pas bskyed pa yin/ de la gal te tshang mas bskyed par 'dod na ni de'i tshe tshad ma ni du zhig yin/ mtshan nyid gang dang ldan pa yin
 yul gang dang ldan pa yin/ ci rang las sam/ gzhan las sam/ gnyis ka las sam/ rgyu med pa las yin zhes bya ba 'di brjod par bya dgos so/ /'on te tshang ma ma yin pas bskyed pa yin no zhe na/ de yang mi rigs te/ gzhal bya rtogs
 pa ni tshar ma la rag las ba yin te/ sngar ma rtogs pa'i dngos po ni tshang ma med na khong du chud par mi nus pas tshang ma med pas don khong du chud pa med pa'i phyir khyed la yang dag par nges pa gang las skyes/ des na dngos po rnams skye ba med
 pa yin zhes pa de rigs pa ma yin no/ /yang na khyed la dngos po rnams skye ba med pa nyid du nges pa gang las skye bar 'gyur ba de nyid kyis kho bo cag la yang dngos po thams cad yod pa nyid du 'grub par 'gyur ba yin no/ /ci ltar khyod la dngos po
 thams cad skye ba med pa yin no zhes nges pa skye ba de bzhin du kho bo cag gi yang dngos po thams cad skye bar 'gyur bar nges pa yin no/ /'on te khyod la dngos po thams cad skye ba med do snyam pa'i nges pa med na de'i tshe rang nyid la nges pa med par gzhan dag la
 rtogs pa bskyed pa mi srid pas bstan bcos rtsam pa don med pa nyid yin pa'i dngos po thams cad ma bkag par yod pa nyid yin zhe na/ lan brjod par bya ste/ gal te kho bo cag la nges pa 'ga' zhig yod na de tshad ma las sam/ tshad ma ma yin pa
 las zhes par 'gyur ba yin gyi/ de yang yod pa ma yin te/ 'dir ma nges par yod par 'gyur na de la bltos pa'i de'i gnyen po nges pa yod par 'gyur gyi/ gang gi tshe kho bo cag la ma nges pa yod pa ma yin pa de'i tshe nga dang 'gal ba'i nges
 pa yod pa ga la 'gyur te/ 'brel ba can gzhan la ma bltos pa'i phyir bong bu'i ru ring ba dang thung ba la sogs pa bzhin no/ /gang gi tshe nges pa khas mi len pa de'i tshe gang bsgrub pa'i don du tshang ma khas len par byed grangs dang/ mtshan nyid dang
 yul dang/ rang dang/ gzhan dang/ gnyis ka dang/ rgyu med pa las skye ba yod par ga la 'gyur te/ thams cad kho bo brjod par mi bya'o/ /gal te khyed la nges pa med na dngos po rnams/ /bdag las ma yin gzhan las min/ /gnyis las ma
 yin rgyu med min/ zhes bya ba'i nges pa'i rang bzhin can gyi tshig ji ltar brjod ce na/ de la lan ni 'jig rten pa rnams la rang nyid la grub pa'i rigs pas nges pa'i dag yin gyi/ 'phags pa rnams la ni ma yin no/ /ci 'phags pa rnams la rigs
 pa yod dam med do zhes gang gis brjod/ don dam par 'phags pa rnams ni ci yang mi gsung bar 'gyur ba de la gang gis rigs pa dang mi rigs par 'gyur ba'i spros pa ga la yod/ gal te 'phags pa rnams rigs pa mi gsung na/ don dam pa gang
 gis 'jig rten pa rnams la rtogs par byed ce na/ 'phags pa rnams ni rang nyid pa grub pa'i rigs pa gsung bar ma mdzad kyi/ 'on kyang 'jig rten pa la grub pa'i rigs pa gang yin pa de gzhan la rtogs pa'i don du
 khas blangs nas de nyid kyis 'jig rten pa rnams la rtogs par byed pa yin te/ dper na lus la mi gtsang ba nyid yod du zin kyang phyin ci log gi rjes su 'brang ba'i chags pa can gyis mi dmigs pa dang/ sdug pa'i rnams pa yod pa ma yin no/
 pa la sgro btags nas yongs su nyams thag pa yin no/ /de rnams la 'dod chags dang bral ba'i don du de bzhin gshegs pa 'am sprul pa 'am/ 'phags pa rnams kyis sngar sdug pa'i 'du shes kyis g.yogs pa'i lus 'di la skra la
 sogs pa yod do zhes bya ba la sogs pas lus kyi nyes pa brjod pa yin la/ de yang sdug pa'i 'du shes de dang bral bar 'dod pas 'dod chags dang bral ba thob pa yin no/ /de bzhin du 'dir yang 'phags pa ma yin pa rnams rnam
 pa thams cad du mi dmigs pa'i rang bzhin gyi dngos po rnams la ma rig pa'i rab rib? gyis blo'i mig nye bar bcom pas phyin ci log gi rang bzhin can du sgro btags nas la lar cung zad khyad par byas nas shin tu nyam thag par 'gyur ba
 yin la/ 'phags pa rnams kyis de dag la grub pa'i rigs pas khong du chud par byed pa yin te/ dper na bum pa yod pa de 'jim pa la sogs pa las mi skye ba yin no zhes khas len pa de bzhin du bum pa skyes pa'i sngon rol na yang yod
 pa'i phyir de la skye ba med do zhes nges par gyis zhes pa'o/ /ji ltar gzhan du gyur pa'i 'bar ba dang sol ba la sogs pa las myu gu skye ba ma yin no zhes khas len pa de bzhin du brjod par 'dod pa'i sa bon la sogs pa las kyang skye ba yod par
 yin no zhes nges par gyis zhes pa'i don to/ /gal te kho bo cag la nyams su myong ba yod zhe na/ de yang ma yin te/ bum pa gang gi phyir nyams su myong ba ni bden pa'i yul can ma yin no/ /nyams su myong ba'i phyir rab rib can gyis zla ba gnyis nyams su myong
 ba bzhin no/ /nges na nyams su myong ba'i phyir bden zhes bya ba de nyid kyang bsgrub par bya ba yin pas de'i sgo nas lan gdab par mi rigs so/ gal te 'jig rten pa'i tshad ma dang gzhal bya'i tha snyad 'di kho bos kyang bstan bcos la rdzas su brjod pa yin
 no zhe no/ 'on rdzas su brjod pa de'i 'bras bu brjod par bya dgos te/ rtog ge ba rnams kyi mtshan nyid phyin ci log brjod pas de bshig pa yin la/ kho bos de'i mtshan nyid yang dag par brjod pa yin no zhe na/ de yang mi rigs te rtog pa mi
 mkhas pas byas pa'i phyin ci log gi mtshan nyid kyis 'jig rten gyi mtshan gzhi phyin ci log par gyur na de'i tshe de'i don du 'bad ba dgos pa dang bcas par 'gyur ba las de ltar yang ma yin te/ nges na 'bad pa don med pa kho na yin no/ /gzhan
 yang gzhal bya rtogs pa tshad ma'i dbang gis yin na tshad ma de rnams gang gis yongs su gcod ces bya ba la sogs pa rtsod pa bzlog pa las skyon gang bstan pa de ma spangs pas mtshan nyid yang dag par gsal bar byas pa ma yin te/ 'di
 ltar rtsod pa bzlog pa las/ /gal te don ni de dang de/ khyod la tshad ma grub gyur na/ /khyod la tshad ma de dang de/ /ci ltar 'grub la gyur par smos/ /gal te tshad ma'i stobs kyis don de dang de ste gzhal bya grub pa de ste gzhal bya rnams grub par
 'dod na ci ltar tshad mas gzhal bya grub pa de bzhin du mngon sum dang rjes su dpag pa dang/ lung dang/ nye bar 'jal ba ste tshad ma bzhi po rnams gang gis grub/ gal te tshad ma gtan la 'beb par byed pa la tshad ma gzhan khas len na tshad ma
 med par dngos po rnams mi 'grub po zhes dam bcas pa de nyams par 'gyur ba yin no/ /gal te tshad ma gzhan dag gis/ /'grub na thug med thal bar 'gyur/ /de la thog ma dbus dang mdza' / /grub pa yod pa ma yin no//
 gal te 'di snyam du tshad ma gzhan gyis gzhal bya grub pa'i tshad ma de rnams gzhan gyis grub na thug pa med par thal bar 'gyur ro/ /gal te thug pa med par 'gyur grang/ skyon ci yod ce na/ lan ni thog ma grub pa med de/ de ci'i phyir zhe na/
 tshad ma de rnams de las gzhan pa'i tshad mas grub pa dang/ de yang gzhan gyis yin pas 'di thog ma med pa'i phyir dbus dang mdza' dag ga la yod/ des na tshad ma 'di rnams la tshad ma gzhan gyis 'grub pa ni rigs pa ma yin no/ /gal te
 tshad ma ma yin pas/ /de rnams 'grub na rtsod pa zad/ /de dag mi mtshungs pa nyid kyis/ /khyad par gyi ni rtags brjod dgos/ /gal te 'ga' zhig tshad mas grub la 'ga' zhig ni ma yin no zhe na/ de yang mi 'thad de/ rgyu mtshan gang gis
 'ga' zhig tshad mas grub la/ 'ga' zhig ni ma yin no zhes sgrub par byed pa'i khyad par gyi gtan tshigs brjod dgos pa la/ de yang ma bstan to/ /des rtogs pa 'di yang rigs pa ma yin no/ /de la 'ga' zhig lan 'debs par
 byed de/ 'dir tshad ma gnyis de/ mngon sum dang/ rjes su dpag pa'o/ /de yang mngon sum ni rnam pa gnyis te/ don gyi bya ba sgrub par byed pas snang ba dang/ don gyi bya ba snang ba'o/ /de la dang po ni thag ring po na me snang ba gang yin pa'o/ /gnyis
 pa ni me'i bya ba sreg pa la sogs pa nyams su myong ba gang yin pa'o/ /de la rjes su dpag pa ni rang nyid las tshad ma nyid du nges pa yin te/ 'grel pa yod pa'i rtags las skyes pa'i phyir ro/ /'di ltar gal te der me med par gyur na du ba yang yod par mi
 'gyur la/ gal te du ba med par gyur na du ba mi rtogs pa dang/ du ba nges par yang mi 'gyur ro/ /des na mi shes par yang mi 'gyur ro/ /de'i phyir 'brel pa yod pa'i rtags las skyes pa'i rjes su dpag pa ni rang nyid las tshad ma nyid du nges pa yin no/ /
 sreg pa la sogs pa nyams su myong ba'i mtshan nyid can gyi don gyi bya ba ni snang ba'i mngon sum ni rang nyid las mtshan mar grub pa yin te/ don gyi bya ba nyams su myong ba'i tshe 'di don gyi bya ba yin nam 'on te ma yin na snyam pa'i the tshom 'ga' zhig
 la yang mi skye bas so/ /don gyi bya ba sgrub par byed pa snang ba'i mngon sum gyi shes pa ni rgyu gnyis la skye ba yin te/ goms pa dang ma goms dag la'o/ /de la gang don gyi bya ba sgrub par byed pa'i snang ba goms pa dang bcas pa'i rgyud la skye ba
 gang yin pa de ni tshad ma nyid du rang las nges pa yin te/ 'khrul pa dang 'khrul pa ma yin pa dag rang nyid kyis nges par 'gyur bas so/ /dper na nor bu rtog mkhan gyis nor bu bcos pa ma yin pa nges pa bzhin no/ /gang don gyi bya ba sgrub par
 byed pa'i snang ba ma goms pa'i rgyud la skye ba de la bden nam mi bden snyam pa'i the tshom skyer zin kyang/ dus phyis don gyi bya ba'i shes pa skyes nas the tshom ldog pas tshad ma nyid gzhan las des pa yin no/ /thug pa med par yang mi 'gyur te/
 don gyi bya ba'i shes pa la bden nam mi bden snyam pa'i the tshom za ba med pas so/ /des na tshad ma gzhan gyis yin na zhes bya ba la sogs pa'i skyon gang smras pa de ni mi rigs so/ /gal te don gyi bya ba'i shes pa la yang bden pa dang mi bden
 pa'i the tshom skyed pa yod de/ 'di ltar rmi lam na yang don gyi bya ba'i shes pa yod la/ sang pa'i gnas skabs na yang yod pas de'i phyir ci ltar rmi lam na don gyi bya ba med pa la don gyi bya ba'i shes pa skyes pa de bzhin du 'dir yang don gyi bya ba
 med pas don gyi bya ba'i shes pa yin nam/ 'on te yong pa yin zhes the tshom skyes pas tshad ma gzhan btsal dgos pas na/ thug pa med par thal ba'i skyon gnas pa yin no zhe na/ de la lan brjod par bya ste/ rmi lam na mthong ba dang/
 sang ba'i dus kyi don gyi bya ba la khyad par yod pas rmi lam du mthong ba de don gyi bya ba ma yin pas rmi lam du mthong ba'i don gyi bya ba'i shes pas the tshom skye ba ma yin te/ 'di ltar sang pa'i gnas skabs kyi don gyi bya ba gang yin pa de ni mthun
 par snang ba yin te/ yul don gnas pa'i gzhan rnams kyis kyang dmigs pa yin pas so/ /rmi lam du mthong ba ni mthun par snang ba ma yin te/ rmi lam mthong ba'i skyes bu de nyid mthong bas so/ /nges na mthun par snang ba ma yin pa'i phyir
 rmi lam du mthong ba ni don gyi bya ba ma yin pa nyid do/ /gzhan yang rmi lam gyi don gyi bya ba yul ma nges pa yin te/ 'di ltar bA ra NA se na don gyi bya ba dmigs pa'i dus de nyid na yul gzhan du yang dmigs pa yin la/ de bzhin du sang
 pa'i gnas skabs kyi don gyi bya ba ma nges pa nyid du mi dmigs pas so/ /nges na rmi lam gyi dus na mthong ba'i don bya ba ma yin no/ /gzhan yang rmi lam gyi bya ba ni 'bad pa med par grub pa yin te/ 'di ltar sang pa'i gnas skabs kyi so
 nam dang/ tshod byed pa la sogs pa'i 'bad rtsol chen pos bza' ba dang/ btung ba la sogs pa'i don gyi bya ba 'grub pa yin la/ rmi lam na ni 'bad rtsol med pas 'grub pa'i phyir rmi lam du mthong ba de don gyi bya ba ma yin no/ /gzhan
 yang rmi lam na mthong ba'i don gyi bya ba ni rdzogs par mi dmigs te/ 'di ltar rmi lam na 'khrig pa'i bde ba nyams su myong ba'i tshe sen mo btab pa la sogs pa'i phyis mi mthong la/ thig le 'dzag pa tsam mthong ba'i phyir don gyi bya
 ba rdzogs pa ma yin pas de'i don gyi bya ba ma yin no/ /gzhan yang rmi lam gyi don gyi bya ba la rgyun yod pa ma yin ste/ 'di ltar sang pa'i gnas skabs na khrus? byas te khas zas zos nas skra gsher ba'i gnas skabs dang/ tshim pa'i gnas skabs yun
 ring du rjes su 'jug pa yin la/ rmi lam gyi dus na ni de ltar ma yin pas don gyi bya ba nyid ma yin no/ /mthun snang min dang ma nges dang/ /'bad rtsol med dang ma rdzogs dang/ /bya ba rjes su ma 'brel phyir/ /rmi lam na snang yod ma yin zhes bya ba ni bsdu
 ba'i tshigs su bcad pa'o/ /de la gang mthun pa'i snang ba ma yin pa'i phyir don gyi bya ba ma yin no zhes gang smras pa ni mi rigs te/ gang gi phyir don gyi bya ba de rmi lam ni mthong ba'i skyes bu rnams la thun mongs par snang ba ma yin nam/ 'on te sang pa'i
 gnas skabs na mthong ba'i skyes bu rnams dang mthun par snang ba yin te/ gal te phyogs dang po ltar na ni de'i mthun snang ba ma yin pa nyid du ma grub pa ste/ gzhan gyis kyang dmigs pa'i phyir ro/ /gal te sang pa'i gnas skabs kyi skyes bu rnams kyi
 mi dmigs pas rmi lam gyi dngos po de brdzun pa yin zer na/ de'i tshe sad pa'i gnas skabs kyi don gyi bya ba yang rmi lam gyi gnas skabs na yod pa'i skyes bu rnams kyis ma dmigs pa'i phyir sad pa'i gnas skabs kyi don gyi bya
 ba yang med pa nyid du thal bar 'gyur ro/ /nges na mthu na snang ma yin pa'i phyir don gyi bya ba yin par mi rigs so bya ba de mi 'thad do/ /gzhan yang yul ma nges pa'i phyir zhes smras pa de yang mi rigs te/ sad pa'i gnas skabs na yang yul
 ma nges pa nyid du dmigs pa'i phyir ro/ /'di ltar gang gi tshe grang ba la sogs pa 'jug pa de nyid kyi tshe/ dro ba la sogs pa 'jug pa mthong ba dang/ dro ba la sogs pa 'jug pa'i dus su grang ba la sogs pa yod kyang don gyi bya ba ma yin par
 mi 'gyur ba de bzhin du rmi lam gyi gnas skabs na yang yin pas 'gal ba ci zhig yod/ gzhan yang rmi lam gyi lus gzhan pas yul gzhan 'gro ba la sogs pa la gegs ci zhig yod de/ gnyid kyi stobs kyi lus
 khyad par can gzhan skyed pa yin pas so/ /dper na rnal 'byor pas byin gyis brlabs pa'i gzhan gyi lus bzhin no/ /des na ma nges pa'i phyir don gyi bya ba med pa ni ma yin/ /'bad rtsol med pa las kyang don gyi bya ba med par mi 'gyur te
 gang gi phyir rmi lam na yang zhing rmed? pa dang nyo tshong la sogs pa sngon du 'gro ba'i don gyi bya ba dmigs pa'i phyir ro/ /gal te 'ga' zhig tu 'bad rtsol med pas bsgrub par bya ba zhes brjod na/ de'i tshe sang ba'i gnas skabs na yang mtshungs
 pa yin te/ de la yang rgya lam na lta la sogs pas byin gyis brlabs kyis gser srang stong phrag gcig la sogs pa thob pa'i phyir don gyi bya ba 'bad rtsol med par 'grub pa yin la/ de yang med pa ma yin no/ /de bzhin du
 'dir yang yin pas 'gal ba med do/ /don gyi bya ba ma rdzogs pas kyang don gyi bya ba med pa ma yin te/ gang gi phyir rmi lam na don gyi bya ba rdzogs pa nyid dmigs pa yin te/ dper na khu ba 'dzag pa bzhin du sen mo'i rjes la
 sogs pa yang der dmigs pa yin pas so/ /gal te sang pa'i gnas skabs na don gyi bya ba rdzogs par mi dmigs zhe na/ 'o na sang ba'i gnas skabs kyi don kyi bya ba yongs su rdzogs pa de rmi lam mi dmigs te/ 'di ltar skye
 bu 'ga' zhig gis khrus byas te/ /ba zas zos na skra gsher ba nyid nyal ba'i rmi lam gyi gnas skabs na bkres pa dang/ skra skam po dmigs na don gyi bya ba rdzogs par mi dmigs pas sad pa'i gnas skabs kyi byad yang yongs su
 ma rdzogs par thal bar 'gyur ro/ /des na yongs su ma rdzogs pa'i phyir don gyi bya ba med pa ma yin no/ /rgyun chags pa ma yin pa'i phyir don gyi bya ba med pa yang mi rigs te/ rmi lam gyi gnas skabs na rgyun chags pa nyid yin pas so/ /gal te sang
 ba'i gnas skabs na rgyun chags pa med pas mi bden pa yin na sad pa'i gnas skabs na mthong ba'i don gyi bya ba yang rmi lam gyi gnas skabs na rgyun chags pa med pas de yang med par thal bar 'gyur ro/ /des na rgyun chags pa med pas don gyi
 bya ba med par mi 'gyur ro/ /gzhan yang khyod kyi gtan tshigs ldas don gyi bya ba mi mtshungs pa nyid du brjod pa yin la/ mi mtshungs pa tsam gyis don gyi bya ba med pa ma yin te/ gnyis ka yang don gyi bya ba nyid du dmigs pa yin pas so/ /
 gal te don gyi bya ba dmigs su zin kyang mi 'dra ba tsam gyis don gyi bya ba ma yin pa nyid du 'gyur na/ 'o na bum pa dang snam bu dag gis bsgrub par bya ba'i don gyi bya ba yang mi 'dra ba nyid du dmigs pa'i phyir don gyi bya ba ma yin par thal bar
 'gyur ro/ /des na rmi lam gyi don gyi bya ba yin no/ /de la dmigs pa'i don gyi bya ba shes pa bden pa nyid du khyod kyis mi 'dod la/ des na don gyi bya ba'i shes ba mi bden pa'i rang bzhin can nyid du yod pa'i don gyi bya ba'i shes pa la yang
 bden pa dang mi bden pa'i the tshom dag ldog pa ma yin pas tshad ma gzhan tshol na thug pa med par thal bar 'gyur ba yin no/ /des na 'ga' zhig rang las tshad ma yin na/ 'ga' zhig gzhan las tshad ma yin no zhes brjod pa de rigs pa
 ma yin no/ /des na tshad ma ma grub pa'i phyir ro/ /de rnams kyi mtshan nyid yang dag par brjod pa ga la yod ces pa'o/ /de la sems tsam pa rnams ni ra de ni don gyi bya ba ma yin pa las yan don gyi bya bar dmigs pa'i phyir don gyi bya ba'i shes pa
 la bden pa nam mi bden pa snyam pa'i the tshom mi ldog pas phyi rol gyi don la shes pa rnams tshad ma ma yin grang/ rang rig pa de ci ltar na tshad ma ma yin te/ 'di ltar don dang don gyi bya ba dag shes pa las phyi rol na med du
 zin kyang shes pa'i bdag nyid du yod pa yin pas de dag la gsal bar snang ba nyid du rig pa yin no/ /gal te shes pa yang yod par ma gyur na gang gi bdag nyid du snang pa yin/ des na gsal bar snang ba nyid de gzhan du mi rigs pas shes pa'i ngo
 bor grub pas bden nam mi bden snyam pa'i the tshom med pas rang rig pa kho na tshad ma yin no/ /de nyid kyi phyir snang ba dag med na mi 'byung ba'i gnyug ma'i chos gsal bar snang ba nyid kyis yod pa nyid du grub pa'i snang ba tshad ma yin no/ /
 zhes brjod do zhe na/ de la lan brjod par bya ste/ gal te rang rig pa yod par gyur na de'i tshe de brjod par rigs pa yin pa la rang rigs kyang yod pa ma yin te/ 'di ltar bdag nyid kyis bdag nyid rab tu snang bar byed pa de la rang rig ces
 brjod pa yin la/ gcig la shes pa dang shes bya'i bdag nyid du mi rigs te/ byed pa po dang las dag gcig tu thal bar 'gyur ba dang/ rang gi bdag nyid la byed pa 'gal ba ste/ ral gri'i so de nyid la gcod par mi rigs pa
 bzhin no/ /gal te shes pa dang shes bya'i bdag nyid can gcig la rang rigs pa zhes mi brjod kyi 'on kyang rang gi bdag nyid gsal ba de gsal ba gzhan la mi bltos par gsal bar skye ba gang yin pa'o/ /zhe na/ 'o na de yang rgyu dang
 'bras bu dag grub pa ma yin te/ yang 'gegs par 'gyur ba yin pas so/ /gzhan yang rang rig de dngos por gyur pa zhig gam dngos po ma yin pa zhig /re zhig khyod kyis gsal ba'i bdag nyid can yin pas dngos
 po med par mi 'dong la/ gal te dngos po yin na rtag pa 'am mi rtag pa zhig tu 'gyur ro/ /rtag pa yang mi rigs te/ rim dang gcig car gyis don byed par 'gal ba'i phyir ro/ /mi rtag pa nyid yin na yang rim dang gcig car gyis don byed par 'gal ba
 kho na yin gyi/ rgyu dang 'bras bu dag mi 'thad pa'i phyir ro/ /des na gsal ba dang dngos po'i bdag nyid can du grub pas rang rig tshad mar grub pa ma yin no/ des na tshad ma ma grub pas tshad ma rnams la bstan bcos kyi mtshan nyid yang dag par
 gsal bar ci ltar byed/ des na rtog ge'i mtshan nyid brjod pa don med pa yin no zhes brjod pa de rigs pa yin te/ tshad ma dang/ gzhal bya'i tha snyad 'jig rten pa nyid las grub pa'i phyir ro/ /tshad ma dang tshad ma ma yin pa'i tha snyad 'jig rten
 pa nyid las yin no zhes slob dpon rang nyid kyis gsal bar mdzad par gyur pa yin no/ /zhar las 'ongs pas chog go /skabs su bab pa brjod par bya ste/ de ltar rang las skye bar 'dod pa bkag nas/ gzhan las skye ba dgag pa'i don du phyogs
 snga ma dgod pa ni/ 'dir dngos po rnams zhes bya ba la sogs pa smos te/ gzhan du gyur pa'i rgyu rnams las ga las skye zhes smras pa de la mi rigs so/ /mi rigs pa nyid bstan par bya ba'i phyir/ 'di ltar gzhan du 'gyur ba'i zhes bya ba la
 sogs pa smos te/ gzhan du gyur pa'i zhes bya ba ni tha dad du gyur pa las so/ /rgyu zhes bya ba ni rgyu'i rkyen no/ /dmigs pa zhes bya ba ni dmigs pa'i rkyen no/ /de ma thag pa zhes bya ba ni de ma thag pa'i rkyen no/ /bdag po zhes bya ba ni bdag po'i
 rkyen no/ /rgyu'i rkyen la sogs pa rnams kyi mtshan nyid bstan par bya ba'i phyir/ de la kha cig na re zhes bya ba la sogs pa gsungs te/ 'dir rgyu ni drug ste/ byed pa'i rgyu dang/ lhan cig 'byung ba'i rgyu dang/ skal ba mnyam pa'i rgyu dang/ mtshungs
 par ldan pa'i rgyu dang/ kun tu 'gro ba'i rgyu dang/ rnam par smin pa'i rgyu'o/ /de la 'dus byas kyi chos rnams kyi rang gi ngo bo ma rtogs pa'i 'dus byas dang/ 'dus ma byas kyi chos rnams kyi byed pa'i rgyu'o/ /gal te gang gis 'di byed pa de rnams byed pa'i rgyu
 yin grang na/ gang gis 'di mi byed pa de rnams ci ltar byed pa'i rgyu yin zhe na/ skye ba la gegs mi byed pa'i phyir byed pa'i rgyu'o/ /gegs byed par mi nus pa rnams gegs mi byed pa'i sgo nas byed pa'i rgyur ci ltar 'gyur te/ dper na mya ngan
 las 'das pa la sogs pa bzhin no zhe na/ 'di yang mthong ste grong gi dpon po nus pa med du zin kyang grong gi mi rnams 'dis kho bo cag bde bar byas so zhes brjod par 'gyur ba bzhin no/ /des na gnyis ka la yang gegs mi byed par 'gyur
 ba yod pas byed pa'i rgyu nyid du 'gal ba med do/ /chos gang dag phan tshun 'bras bu can yin pa de dag ni lhan cig 'byung ba'i rgyu yin te/ phan tshun gyi stobs kyis de rnams 'jug pa'i phyir ro/ /sems ni sems kyi rjes su 'brang ba'i
 sems las byung ba rnams kyi lhan cig 'byung ba'i rgyu yin la/ sems kyi rjes su 'brang ba rnams kyang sems kyi lhan cig 'byung ba'i rgyu yin te/ phan tshun rjes su 'brang ba yin pas so/ /mtshan nyid dang mtshan gzhi yang lhan cig 'byung
 ba'i rgyu yin no/ /de la mtshan nyid ni skye ba la sogs pa yin la/ de rnams la mtshan gzhi'i lhan cig 'byung ba'i rgyu yin la/ mtshan gzhi yang de rnams kyi yin te/ phan tshun rjes su 'brang ba'i phyir ro/ /chos 'dra ba rnams chos 'dra ba
 rnams kyi skal ba mnyam pa'i rgyu yin te/ dper na dge ba'i chos rnams dge ba'i chos rnams kyi yin/ mi dge ba'i chos rnams mi dge ba'i chos rnams kyi dang/ lung du ma bstan pa rnams lung du ma bstan pa rnams kyi yin no zhes bya ba la
 sogs pa'o/ /de yang sngar bskyed pa rnams phyis skye ba rnams kyis so/ mtshungs par ldan pa'i rgyu ni rten gcig pa'i sems dang sems las byung ba dag ste/ dper na mig gi rnam par shes pa'i rten mig gi dbang po'i skad cig ma gang min pa de nyid de dang mtshungs
 par ldan pa'i tshor la sogs pa rnams kyi yang yin pa lta bu ste/ yid kyi rnam par shes pa de dang mtshungs par ldan pa rnams kyi yid kyi dbang po'i skad cig ma yin pa'i bar du yang de bzhin du rig par bya'o/ /mtshungs par ldan pa'i rgyu gang yin
 pa de ni lhan cig 'byung ba'i rgyu yang yin no/ /yang don gang gis na lhan cig 'byung ba'i rgyu yin zhing gang gis na mtshungs par ldan pa'i rgyu yin zhe na/ phan tshun 'bras bu yin pa'i phyir lhan cig 'byung ba'i rgyu yin te/ 'gron po rnams phan tshun
 gyi stobs kyis lhan cig lam du 'gro ba bzhin no/ /rten dang/ dmigs pa dang/ rnam pa dang/ dus dang/ rdzas mtshungs pa ste lnga'i sgo nas mtshungs par ldan pa'i rgyu yin te/ 'gron po de dag nyid zas la sogs pa'i longs spyod pa'i bya ba la
 'dra bar sbyor ba bzhin no/ /gcig med na yang mtshungs par mi ldan pas 'di ni de dag gi rgyu'i dngos po yin no/ /kun tu 'gro ba'i rgyu ni rang gi sa bon gyi kun tu 'gro ba'i chos sngar skyes pa rnams ni nyon mongs pa'i chos rnams kyi kun tu
 'gro ba'i rgyu yin no/ /de la kun tu 'gro ba'i chos ni sdug bsngal mthong bas spang bar bya ba'i 'jig tshogs la lta ba dang/ mthar 'dzin pa'i lta ba dang/ log par lta ba dang/ lta ba mchog tu 'dzin pa dang/ tshul khrims dang brtul
 zhugs mchog tu 'dzin pa ste/ lta ba lnga dang/ sdug bsngal mthong bas spang bar bya ba ma rig pa dang/ the tshom ste/ sdug bsngal mthong bas spang bar bya ba bdun dang/ kun 'byung mthong bas spang bar bya ba'i log par lta ba dang/ lta ba
 mchog tu 'dzin pa ste lta ba gnyis dang/ de nyid kyis spang bar bya ba'i ma rigs pa dang the tshom ste/ kun 'khyer? mthong bas spang bar bya ba ste yin no/ /de ltar na nyon mongs pa can bcu gcig ni kun tu 'gro ba'o/ /nyon mongs pa
 can spyi'i rgyu yin pas skal pa mnyam pa'i rgyu las logs su rnam par 'jog pa yin te/ skal ba mi mnyam pa'i yang rgyu yin pas so/ /rnam par smin pa'i rgyu ni mi dge ba rnams dang/ dge ba'i chos zag pa dang bcas pa rnams ni rnam par smin pa'i rgyu
 yin no/ /de la byed pa'i rgyu ma gtogs pa'i lhan cig 'byung ba'i rgyu la sogs pa lnga ni rgyu'i rkyen yin no/ /de la dmigs par bya bas na zhes bya ba la sogs pa ni 'dus byas dang/ 'dus ma byas kyi chos thams cad ci ltar srid par dmigs
 pa'i rkyen yin te/ dper na mig gi rnam par shes pa dang mtshungs par ldan pa dang bcas pa'i gzugs yin pa nas yid kyi rnam par shes pa'i chos thams cad yin pa'i bar du'o/ /phung po lhag ma med par mya ngan las 'das par 'jug pa'i
 sems las zhes bya ba ni gang gi phung po ldog pa'i mtshan nyid can gyi mya ngan las 'das pa 'jug pa'i sems gang yin pa de la 'di skad ces bya'o/ /de la 'jug pa'i sems ni mtshungs pa de ma thag pa'i rkyen du mi 'gyur te/ de'i de ma thag tu phung
 po 'gags pas sems dang sems las byung ba mi 'byung ba'i phyir ro/ /byed rgyu ni bdag po'i rkyen yin no zhes bya ba ni gang rgyu'i rkyen gyi nang du byed pa'i rgyu ma brjod pa ste/ bdag po'i rkyen yin no zhes bye brag tu smra ba rnams so/ /gang zhig ces
 bya ba ni rgyu'i mtshan nyid can no/ /gang gis zhes bya ba ni 'bras bu'o/ /skyed par byed pa zhes bya ba bshad pa ni sa bon gyi ngo bor gnas pa zhes bya ba yin te/ 'bras bu bskyed pa la rung ba nyid du gnas pa gang yin pa'o/ /de ni zhes bya ba ni skyed par
 byed pa'o/ /de'i zhes bya ba ni 'bras bu'o/ /rgyu las zhes bya ba ni mig la sogs pa'i rgyu las so/ /dmigs pa gang gis zhes bya ba ni gzugs la sogs pa rnams kyis so/ /rgyu 'gags ma thag pa ni zhes bya ba la sogs pa ni gang 'gags nas gang skye ba de'i
 mtshungs pa de ma thag pa'i rkyen no/ /gang zhig yod na zhes bya ba ni ser sna dang snang ba la sogs pa'o/ /gang 'byung ba zhes bya ba ni myu gu dang mig gi rnam par shes pa la sogs pa'o/ /lhan cig skyes pa dang phyi nas skyes pa la sogs pa zhes bya ba ni de la lhan cig skyes pa ni
 dper na sems dang sems las byung ba la sogs pa phan tshun rgyur 'dod pa bzhin no/ /phyi nas skye ba la sogs pa ni dper na dus thams cad na dngos po yod par smra ba rnams kyis dngos por gyur pa'i ma 'ongs pa shes pa'i rgyur 'dod pa bzhin no/ /de
 dag kyang 'di rnams kyi nang du 'dus pa yin no zhes bya ba ni bshad pa snga ma ltar rgyu'i rkyen dang/ bdag po'i rkyen gyi nang du 'dus pa yin la/ bshad pa phyi ma ltar na bdag po'i rkyen gyi nang du 'dus pa'o/ /dbang phyug la sogs pa dag ni rkyen ma
 yin te zhes bya ba la sogs pa'i sgras ni gtso bo dang bdag la sogs pa bsdu bar bya'o/ /de rnams rtag pa nyid yin pas 'bras bu byed pa dang 'gal ba'i phyir de rnams rkyen ma yin no/ /de ltar gzhan las skye ba'i phyogs snga ma bkod nas/ lan
 bstan par bya ba'i phyir/ 'di ni zhes bya ba la sogs pa gsungs te/ rigs pa dang lung dang 'gal ba'i phyir zhes bya ba ni rigs pa dang lung dang 'gal ba yin no zhes pa'o/ /gzhan la brten nas zhes bya ba ni sa bon la brten nas so/ /gzhan zhig
 'byung bar 'gyur na ni zhes bya ba ni myu gu 'byung bar 'gyur ba'o/ /de ni mthong ba 'am zhes bya ba ni me lce las mun pa mthug po 'byung ba mthong ba ma yin pa'o/ /rigs pa yang ma yin te zhes bya ba ni mngon sum gyis gnod pa yod pa'i phyir ro/ /'di ni
 zhes bya ba ni gzhan las skye ba yin no/ de nyid kyi phyir zhes bya ba ni gzhan las skye ba mi rigs pa'o/ /rgyu dang zhes bye ba la sogs pa ni rgyu dang 'bras bu'i gzhan nyid do/ /tha dad pa ni nam yang 'thad par 'gyur pa ma yin no zhes pa'o/ /de dam
 bca' ba tsam yin pas 'thad par bstan par bya ba'i phyir/ rgyu dang zhes bya ba la sogs pa gsungs te/ gal te rgyu dang 'bras bu tha dad pa nyid yin na de'i tshe myu gu de sa bon la mi bltos pa'i phyir rgyu las bltos pa med pa'i phyir 'bras bu skye bar
 'gyur te/ bum pa dang snam bu bzhin no/ /des na rgyu ma yin pa dang mtshungs par 'gyur ba la de ltar yang ma yin no/ /des na rgyu gzhan nyid du srid pa ma yin no/ /de ltar 'gal ba las 'gal ba skye ba la skyon brjod nas/ skyon gzhan bstan
 par bya ba'i phyir/ gzhan yang zhes bya ba la sogs pa gsungs te/ thams cad las zhes bya ba ni me lce la sol ba dang nas kyi sa bon la sogs pa las so/ /thams cad ces bya ba ni sA lu'i myu gu dang bum pa dang snam bu la sogs pa'o/ /de
 nyid sgrub byed bstan par bya ba'i phyir/ ci'i phyir zhe na zhes bya ba la sogs pa smos te/ ji ltar skyed par byed par 'dod pa'i me du ba las gzhan nyid yin pa de bzhin du sa bon la sogs pa las gzhan nyid yin pa'i phyir ro/ /de la
 gzhan dag gi dogs pa bsdu bar bya ba'i phyir/ 'dir smras pa zhes bya ba la sogs pa smros te/ nges par mthong ba'i phyir ro zhes bya ba ni sA lu'i sa bon nyid las sA lu'i myu gu 'byung ba mthang la nas kyi sa bon las ni ma yin no/ /des na
 thams cad la thams cad skye bar 'gyur ba'i skyon yod pa ma yin no/ /de nyid bstan par bya ba'i phyir/ 'di nges pa ni 'di yin te zhes bya ba la sogs pa smos te/ rab tu bya bar nus pa zhes bya ba ni gang bya bar nus pa de la 'bras bu zhes brjod pa
 yin pas sA lu'i sa bon gyis sA lu'i myu gu kho na bya bar nus kyi/ nas kyi myu gu ni ma yin pa'i phyir sA lu'i myu gu kho na bskyed pa yin no/ /gang zhig 'bras bu bskyed nus pa de ni gzhan yin yang rgyu nyid yin no/ /des na skyed par byed pa ma yin pa rgyu nyid du thal bar mi 'gyur
 las 'bras bu skyed pa'i nus pa med pa'i phyir ro/ /rgyud gcig rtogs dang zhes bya ba ni sA lu'i rgyu nyid las sA lu'i myu gu skye ba yin gyi/ nas kyi sa bon gyi rgyu las ni ma yin no/ /des na skyed bar byed pa las zhes bya ba ni snga ma'i skad cig ma snga ma kho na
 las yin gyi/ skyed par byed pa ma yin pa'i skad cig ma phyi ma las ni ma yin no/ /de ltar min zhes bya ba ni skye ba ma yin no zhes pa'i don to/ /nus pa don la zhes bya ba ni bya ba nus pa'i don la'o/ /tri ta'i rkyen can te zhes bya ba ni rgya gar skad du 'bras
 bu'i ming kar zhes bya ba'i sgra las ra la ga la yod pa de las tri ta'i rkyen can zhes bya'o/ /lhag ma go sla'o/ /de la lan 'debs pa ni 'di ni mi rung ste zhes bya ba la sogs pa gsungs te/ tshig gi don ni go sla'o/ /'di'i don ni thams cad las thams cad 'byung
 bar thal bar 'gyur bas sA lu'i sa bon las sA lu'i myu gu kho na skye ba yin no zhes rgyu dang 'bras bu'i nges pa mthong ba ci'i phyir zhe na zhes kho bos dris pa de la khyod kyis nges pa mthong bas so zhes lan brjod pa yin la/ de yang mi rigs te/ sgrub par bya ba nyid sgrub par
 byed pa nyid du mi rigs pas/ /de nyid kyi phyir gang gi phyir nges pa mthong ba zhes bya ba la sogs pa smos te/ bshad zin pa'i nyes pa zhes bya ba ni thams cad las thams cad thal bar 'gyur ba'o/ /gal te nges par mthong ba'i phyir zhes bya ba 'dis
 nus pa nges pa yin zhes brjod na de la yang mtshungs pa yin te/ gzhan la yang nus pa ci'i phyir yod par mi 'gyur/ de ltar mthong ba'i phyir ro zhe na/ 'o na nges pa mthong ba gang gi phyir zhe na/ nges pa mthong ba'i phyir ro zhes pa'i skyon de sngar bzhin du
 gnas pa yin no/ /gal te nges pa mthong bas nus pa nges par sgrub par mi byed kyi/ rang gi rgyu kho na las khyad par can skye bas so zhe na/ 'o na nges pa mthong ba'i phyir zhes bya ba'i gtan tshigs de dgod par rigs pa ma yin no/ /gzhan
 yang rang gi rgyu las khyad par can de skye ba de rgyu dang 'bras bu'i dngos po grub par 'gyur na 'grub pa yin pa la de yang mi rigs te/ gang gi phyir rgyu rtag pa 'am mi rtag pa las 'bras bu skye ba yin/ re zhig rtag pa las ni mi rigs te/ rim dang cig
 car gyi don byed nus pa 'gal ba'i phyir ro/ /mi rtag pa la kyang mi rigs te/ gang gi phyir de zhig pa las skye ba 'am 'on te ma zhig pa las skye/ zhes pa la ma yin te/ 'bras bu la rgyu med par thal bar 'gyur ba'i phyir ro/ /ma zhig pa las
 kyang ma yin te/ rgyu dang 'bras bu dag cig car skyes pas 'bras bu la rgyu med par thal bar 'gyur bas so/ /des na rgyu dang 'bras bu'i dngos po dag ma grub pa'i phyir rang gi rgyu las khyad par can skye ba ga la yod par nus pa nges par khas
 blangs nas skyon brjod pa yin la/ da ni nus pa nges pa nyid dang mi srid pa nyid du bstan par bya ba'i phyir/ gzhan yang zhes bya ba la sogs pa smos te/ khyad par du yongs su ma bcad pa zhes bya ba ni sngar 'di ltar gzhan du ma gyur ba'i rkyen
 bzhi po zhes bya ba la sogs pa'i tshig gis gzhan pa tsam gtan tshigs su bkod pa'i phyir ro/ /ci lta ba bzhin 'dod pa la gnod du yod pa yin no zhes bya ba ni sA lu'i sa bon nyid las sA lu'i myu gu skye bar 'dod pa la gnod byed du 'gyur ba'o//
 ge sar dang zhes bya ba ni pad+ma la sogs pa'i ze'u'i 'bru'o/ /ki shu ka zhes bya ba ni me tog gi khyad par ro/ /'dra ba ma yin nyid ces bya ba ni sA lu'i dang nas dag rigs tha dad pa'i phyir ro/ /de la zhes bya ni sA lu'i myu gu de la'o/ /ji skad du
 bshad pa'i khyad par gyis khyad par can du gyur ba ma yin te zhes bya ba ni skyed par byed pa la sogs pa'i khyad par gyis khyad par can du gyur pa'i phyir ro/ /de ltar re zhig ces bya ba la sogs pa la grub grub ltar rjes su brjod nas zhes bya ba ni 'bras bu la bltos nas rgyu
 gzhan nyid ma grub tu zin kyang gzhan nyid du khas blangs nas skyon brjod pa yin no zhes pa'o/ /da ni gtan tshigs su bkod pa'i gzhan nyid kyang ma grub pa yin no zhes bstan par bya ba'i phyir/ myu gu sa bon dang ni zhes bya ba la sogs pa smos te/ sa bon dang
 ni dus mnyam yod pa ma yin te zhes bya ba ni sa bon yongs su ma gyur na myu gu mthong ba med pas so/ /gzhan pa nyid du ga la 'gyur zhes bya ba ni myu gu ma skyes na myu gu la bltos pa'i sa bon las gzhan pa nyid ma grub pas sa bon las gzhan pa nyid ga la yod par 'gyur
 zhes pa'o/ /sa bon las zhes bya ba ni gzhan nyid las so/ /sa bon rnam par ma gyur pa zhes bya ba ni 'das pa la sogs par ma gyur na'o/ /lhag ma go sla'o/ /bshad pa yin no zhes bya ba ni rtsa ba'i shes rab las so/ /rgyu 'am zhes bya ba ni mtshungs pa de ma
 thag pa'o/ /rkyen zhes bya ba ni lhan cig byed pa'i rgyu'o/ /rgyu dang rkyen gyi tshogs pa zhes bya ba ni gnyis ka'i'o/ /de las yang rung zhes bya ba ni de dag las gzhan du gyur pa'i bum pa dang snam bu la sogs pa'o/ /'bras bu rnams kyi rang bzhin med
 pa kho na ste zhes bya ba 'di rnams yod na 'bras bu rnams kyi rang bzhin yin te/ yod pa nyid med pa yin no zhes pa'o/ /de med pa na zhes bya ba ni 'bras bu rnams kyi rang bzhin med na'o/ /rkyen la sogs pa rnams la zhes pa'i bdun pa'i tshig gi
 rkyen la sogs pa gyur na 'bras bu yod par 'gyur ba'i mtshan nyid can no/ /gang yod pas yod par mtshon pa zhes bya ba la gang yod pas zhes bya ba ni rkyen la sogs pa yod pas so/ /yod pa mtshon pa zhes bya ba ni 'bras bu yod par
 mtshon pa'o/ /'dis zhes bya ba ni mtshan nyid 'di'i sgo nas so/ /'di ni bdun pa yin no zhes bya ba ni rkyen la sogs pa la zhes bya ba'i tshig 'di bdun pa'o/ /gang gi tshe gzhi yin pa de'i tshe ni zhes bya ba ni rkyen la sogs pa
 rnams la bdun pa'i tshig ni gzhi ston par byed par 'dod na'o zhes pa'o/ /'di'i don ni 'di yin te/ bdun pa'i don gnyis te/ de yod na yod par mtshon pa dang/ rten gyi don to/ /de la dang po'i dbang du byas pa'i bshad pa ni snga ma bzhin no//
 rten gyi dbang du byas pa'i bshad pa ni phyi ma bzhin no/ /de la dang po'i dpe ni bum pa yod na snam bu yod pa bzhin no/ /de la dang po'i dpe ni 'khar gzhong dang rgya shug lta bu yin no zhes pa'o/ /med par yang zhes bya ba ni gal te 'bras bu de
 ten la sogs pa rnams la brtan pa nyid du yod par ma gyur na'o/ /de dag las zhes bya ba ni rkyen la sogs pa las so/ /rkyen min las kyang 'bras bu ni/ /ci'i phyir ni skye mi 'gyur/ zhes pa ni rgyu ma yin pa rnams la yang med pa nyid du
 mtshungs pa'i phyir ro/ /ci skad du gsungs pa yin no zhes bya ba ni dbu ma rtsa ba'i shes rab las so/ /slob dpon nyid kyis zhes bya ba ni slob dpon klu sgrub zhabs kyis so/ /gzhan gyis gzhan nyid du bsgrub pa'i phyir/ 'dir smras pa zhes bya ba la sogs
 pa gsungs te/ de bzhin du sa bon 'gag bzhin pa na myu gu skye bar 'gyur ro zhes bya ba ni 'gag pa la mngon par phyogs pa'i sa bon dang skye ba la mngon par phyogs pa'i myu gu dag dus mnyam pa nyid yin pas gzhan nyid du grub pa nyid yin no zhes
 pa'o/ /de nyid bstan par bya ba'i phyir/ 'di ltar gang kho na'o zhes bya ba la sogs pa gsungs so/ /sa bon 'gag pa zhes bya ba ni 'jig pa'o/ /myu gu skye ba zhes bya ba 'byung ba'o/ /gnyis dus gcig pa'i phyir zhes bya ba ni 'jig pa dang skye ba dag dus
 mnyam pa'i phyir ro/ /de'i phyir zhes bya ba ni gang kho na'i tshe sa bon 'gag pa de nyid kyi tshe myu gu skyes pas so/ /sa bon dang myu gu dag kyang dus mnyam par 'gyur la/ zhes bya ba ni 'gag bzhin pa'i sa bon dang skye bzhin pa'i myu gu dag dus mnyam par 'gyur
 ba'o/ /des na gzhan nyid yod pa kho na yin no zhes pa'o/ /de nyid dpe'i sgo nas ston pa ni ji ltar zhes bya ba la sogs pa gsungs te/ dus mnyam pa ma yin pa ni min par zhes bya ba ni dgag pa'i tshig gnyis kyis skabs su bab pa'i don go bar byed
 pa yin no zhes pa ste/ dus mnyam par 'gyur ba yin no zhes pa'o/ /bskyed par bya ba dang skyed par byed pa dag gi skye 'gag 'gyur zhe na zhes bya ba ni srang mnga' i dpe la 'jig pa skye ba dag dus mnyam pa nyid du bstan pas 'gag bzhin pa sa bon dang/
 skye bzhin pa'i myu gu dag dus mnyam pa yin no zhes pa'o/ /de'i phyir nyes pa med do zhes bya ba ni gang gi phyir sa bon dang myu gu dag dus mnyam pa de'i phyir gzhan nyid du ma grub bo zhes bya ba'i skyon de yod par mi 'gyur ba'o/ /de la lan bstan par
 bya ba'i phyir/ de lta na yang zhes bya ba la sogs pa gsungs te/ gal te gcig tshe yin na zhes bya ba ni gal te sa bon dang myu gu dag la dus gcig gi tshe na skye ba dang 'jig pa dus gcig pa'i sgo nas dus gcig pa nyid khas len na'o/ /de yod min
 zhes bya ba ni lus gcig pa nyid do/ /'dir zhes bya ba ni sa bon dang myu gu'i gnas skabs na'o/ /dus gcig med ces bya ba ni gang gi phyir sa bon dang myu gu dag dus mnyam pa ma yin pa'i phyir ro/ /de nyid bstan par bya ba'i phyir gal te srang gi dpes
 zhes bya ba la sogs pa smos te go sla'o/ /dus gcig pa nyid mi rigs par bstan par bya ba'i phyir/ ci ltar yod pa ma yin zhes bya ba la sogs pa gsungs te/ 'di'i don ni skye bzhin pa'i myu gu dang/ 'gag bzhin pa'i sa bon dag dus mnyam pa
 nyid rigs pa ma yin te/ gang gi phyir skye ba la mngon par phyogs pa la skye bzhin pa zhes brjod pa yin la gang du ma skyes pa ma 'ongs pa zhes pa'i don to/ /'gag pa la mngon par phyogs pa la 'gag bzhin pa zhes bya ste/ gang du ma
 'gag pa ste da ltar zhes bya ba'i don to/ /des na yod pa dang/ med pa'i da ltar ba dang/ ma 'ongs pa'i dus gcig pa nyid ci ltar yin zhes pa'o/ /des na srang gi dpe dang mtshungs pa nyid du yod pa ma yin no/ /gzhan gyi dogs pa bsu bar bya
 ba'i phyir/ chos dag ces bya ba la sogs pa smos te/ chos dag dus gcig pa nyid med mod kyi zhes bya ba ni 'gag bzhin pa dang/ skye bzhin pa'i sa bon dang/ myu gu dag dus gcig pa nyid ma yin gyi/ 'on kyang de'i bya ba ste/ 'jig pa dang skye ba'i
 mtshan nyid dag la dus gcig yod pa ma yin no zhe na/ de la lan bstan par bya ba'i phyir/ de yang mi rung ste zhes bya ba la sogs pa smos te/ chos las tha dad pa zhes bya ba ni 'gag bzhin pa dang/ skye bzhin pa'i sa bon dang myu gu dag las tha dad
 pa'o/ /de ltar bya ba sring par khas blangs te/ skyon brjod nas/ nga ni bya ba nyid kyang mi srid pa yin no zhes bstan par bya ba'i phyir gzhan yang zhes bya ba la sogs pa smos te/ de'i byed pa po myu gu ni zhes bya ba ni gang gi phyir myu gu skye ba de'i phyir myu
 gu byed pa po yin te/ lhas sbyin 'gro ba bzhin no/ /de med na zhes bya ba ni myu gu med pa'o/ /rten med par zhes bya ba ni myu gu med par ro/ /'di yod par ma yin la zhes bya ba ni skye ba'i bya ba'o/ /gal te zhes bya ba la sogs pa ni rtsa ba'i shes
 rab kyi tshigs su bcad pa'o/ /gzhi mthun no zhes bya ba ni don gang dngos po'i sgras brjod pa de nyid de zhes bya ba'i tshig gis kyang brjod pa yin pas sgra'i brjod bya mtshungs pa nyid yin no zhes pa'o/ /med na zhes bya ba'i dngos po'i khyad par ro zhes bya
 pa'i byed pa po'i mtshan nyid kyi dngos po med par gyur na'o/ /ci zhig gi sgra ni skye bar 'gyur ro zhes bya ba'i sgra 'di dang sbyar bar bya ste zhes bya ba ni ci zhig skye bar 'gyur zhes bya ba'i don to/ /don 'di nyid la lung dang 'gal ba bstan par bya ba'i phyir/ gal te srang
 ma pa'i zhes bya ba la sogs pa gsungs te go sla'o/ /de la lan bstan par bya ba'i phyir/ nye bar bkod pa ni bden mod kyi zhes bya ba la sogs pa smos te/ de gzhan las skye ba bstan par bya ba'i phyir ma yin no zhes bya ba ni rnam par dpyad na gzhan las
 skye bas grub pa'i phyir ro/ /rang gi mtshan nyid kyi skye ba bstan par bya ba'i phyir/ yang ma yin no zhes bya ba ni don dam pa'i rang bzhin gyi dngos po skye ba bstan par bya ba'i phyir yang ma yin te/ rgyu dang 'bras bu mi 'thad pa'i phyir don dam par dngos
 po med pas so/ /ma brtags par zhes bya ba ni ci ltar sgyu ma'i glang po la sogs pa med du zin kyang 'jig rten pa la glang po la sogs par mngon par zhen pa 'byung la/ de bzhin du 'dir yang sa bon du myu gu dag cig car skye ba med du zin kyang 'jig
 rten pa rab tu grags pa'i yongs su ma rtags na nyams dga' ba cig car brten nas 'byung ba'i mngon par zhen pa la brten nas sA lu ljang ba'i mdo las sngar gyi dpe nye bar bkod pa yin pas skyon gang yang yod pa ma yin no zhes pa'o/ /ji
 skad du zhes bya ba la sogs pa ni 'phags pa klu sgrub zhabs kyis bstod pa las te/ sngar bstan pa'i rigs pas zhig pa dang ma zhig pa'i rgyu las 'bras bu dag mi 'byung ba'i phyir thams cad mkhyen pa nyid kyis skye ba thams
 cad sgyu ma lta bur gsungs pa yin no zhes pa'o/ /da ni bye brag tu smra ba rnams kyi dogs pa bsu ba'i phyir/ 'dir smras pa zhes bya ba la sogs pa gsungs te/ gang du cig car ba nyid yod pa zhes bya ba ni mig dang/ mig gi rnam par shes pa dang/
 tshor ba la sogs pa'o/ /der gzhan nyid yod pa zhes bya ba ni dus mnyam pa nyid kyis gzhan nyid yod pa yin no zhes pa'o/ /de nyid bstan par bya ba'i phyir/ dper na zhes bya ba la sogs pa smos so/ /de la lan bstan par bya ba'i phyir/ de ni
 yod pa ma yin te zhes bya ba la sogs pa smos te/ dus mnyam pa la gzhan las skye ba yod do zhes gang smras pa de ni yod pa ma yin zhes pa'o/ /mig gi blo la zhes bya ba ni mig gi rnam pa shes pa la'o/ /'du shes pa la sogs pa zhes bya
 ba la sogs pa'i sgras ni tshor ba la sogs pa bzung bar bya'o/ /lhan cig 'byung ba dang zhes bya ba ni rnam par shes pa dang lhan cig tu gyur pa'o/ /gzhan nyid yod na zhes bya ba ni gal te mig gi rnam par shes pa la 'du shes pa la sogs pa
 dang/ mig la sogs pa las gzhan nyid yod par 'gyur na'o zhes pa'o/ /yod la 'byung bas dgos pa ci zhig yod ces bya ba ni gal te mig gi rnam par shes pa mig la sogs pa las gzhan nyid yin na/ de'i tshe gzhan nyid de yod pa nyid du
 zin kyang gang yang yod par gyur pa de la skye bas dgos pa ci zhig yod ces so/ /ci ste de med na zhes bya ba ni gal te skye ba med pa'i skyon spang ba'i phyir mig gi rnam par shes pa yod par khas mi len na'o/ /'di la nyes pa bshad zin to zhes bya
 ba ni mig gi rnam par shes pa med na mig la sogs pa gzhan nyid du ma grub pas gzhan las skye ba med do zhes pa'o/ /de 'grel pas bstan par bya ba'i phyir/ gal te zhes bya ba la sogs pa smos te go sla'o/ /mjug nye bar bsdu ba
 bstan par bya ba'i phyir/ de'i phyir de ltar gzhan las zhes bya ba la sogs pa gsungs te/ de mi srid pa'i phyir zhes bya ba ni 'bras bu mi srid pa'i phyir ro/ /gnyis ka mi srid cing zhes pa ni 'bras bu skye ba la mi bltos pa'i gzhan nyid ma
 grub pa'o/ /gnyis ka yang mi srid pas zhes bya ba ni gzhan nyid dang gzhan las skye ba yang mi srid pa'i phyir te/ 'di ltar gal te 'bras bu skyes par gyur na/ de'i tshe 'bras bu la bltos pa'i rgyu gzhan nyid du yod par 'gyur ba yin pa las/ 'bras bu la
 skye ba med pas rgyu gzhan nyid du gyur pas yod ma yin te/ de med pas gzhan la skye ba yod pa ma yin zhes pa'o/ /phyi rol gyi don yod pa ma yin pa'i phyir zhes bya ba ni gzhan las skye ba skye ba'i mtshan nyid can gyi don med pas so/ /phyi rol gyi don
 stong pas zhes bya ba ni gzhan las skye ba yin no zhes bya ba'i sgra de gzhan las skye ba'i mtshan nyid can gyi don gyis stong pa'o/ /sgra tsam 'ba' zhig las par 'gyur te zhes bya ba ni brtags shing dpyad na don gyis stong pa sgra tsam lus pa'o/ /de ltar
 rgyu dang 'bras bu dag cig car yod pa ma yin pa gzhan nyid mi srid par bstan nas da ni 'bras bu med pa nyid kyi phyir 'bras bu rgyu'i dus la bltos pa yod par ma yin pa dang/ rgyu yang 'bras bu'i dus la bltos pa med pa'i phyir gzhan nyid yod
 pa ma yin no zhes bstan par bya ba'i phyir/ da ni rgyu dang zhes bya ba la sogs pa smos te/ bskyed bya gzhan zhes bya ba ni 'bras bu'o/ /gzhan skyed par byed pa ma yin pa nyid du bstan par bya ba ma yin pa'i phyir/ yod pa 'am zhes bya
 ba la sogs pa gsungs te/ 'dir 'bras bu yod pa zhig skyed dam/ 'on te med pa zhig gam/ 'on te yod pa dang med pa'i bdag nyid can nam/ 'on te yod pa yang ma yin med pa yang ma yin pa gnyis ka ma yin pa'i rang bzhin can
 zhig skyed par byed/ de la yod pa ni skyed par byed pa ma yin te/ yod pa la skye ba don med pa'i phyir ro/ /med pa yang skyed par byed pa ma yin te/ ri bong gi rwa bzhin du med pa'i phyir ro/ /gnyis ka'i rang bzhin can yang skyed par byed pa ma yin te
 phyogs gnyis ka la bstan pa'i skyon yod par 'gyur bas so/ /yod pa dang med pa gnyis ka ma yin pa yang skyed par byed pa ma yin te/ de mi srid pa'i phyir ro/ /des na 'bras bu med pa'i phyir gnyis ka gnyis ka'i dus la bltos
 pa ma yin no zhes so/ /de 'grel pas bstan par bya ba'i phyir/ re zhig ces bya ba la sogs pa gsungs te/ ci ltar zhes bya ba la sogs pa ni bzhi brgya pa'i tshigs su bcad pa'o/ /'di'i don ni grangs can pa dang/ bye brag tu smra ba dag rgyu'i gnas skabs na
 'bras bu yod par smra ba yin te/ grangs can pa'i gang yod pa de dus thams cad du yod pa kho na yin te med pa skye ba dang yod pa 'gag pa med do zhes pa ni 'dod pa yin te/ gang gi phyir med pa byed pa 'thad pa min phyir dang zhes bya ba la sogs pa 'bras
 bu yod pa nyid du khas blangs pa yin te/ 'bras bu med par skye ba khas len na ni thams cad las thams cad skye bar thal bar 'gyur ba'i phyir ro/ /de ltar yang yod pa ma yin no/ /des na rgyu la 'bras bu yod pa kho na yin no zhes pa'o/ /bye brag tu
 smra ba rnams ni dngos po med pa skye bar thal bar 'gyur ba'i 'jigs pas dngos po rnams dus gsum na yod pa yin no zhes rtog par byed de tshogs pa ni gnas skabs kyi 'bras bu can yin gyi/ rdzas kyi 'bras bu can ni ma yin pas dus
 gsum na gnas pa'i rdzas la rgyu dang rkyen gyi tshogs pa da ltar gyi gnas skabs tsam du byed pa yin gyi/ sngar med pa'i rdzas skyed par byed pa ni ma yin no zhes 'dod pa'o/ /bye brag pa dang/ mdo sde pa dang/ sems tsam pa rnams ni 'bras bu
 med par smra ba yin te/ de rnams ni 'bras bu yod pa skye na skye ba don med pa yin no snyam du bsams nas 'bras bu med pa kho na yin no/ zhes khas len pa'o/ /de la bye brag pa rnams ni sa la sogs pa'i rdul phra rab las rdul phra rab gnyis pa la
 sogs pa'i yan lag can gyi rdzas skye ba yin zhes 'dod pas 'bras bu med par skye ba khas len pa yin no/ /mdo sde pa rnams kyang dge slong dag mig med pa 'byung bar 'gyur ba dang/ yod pa ni 'gag par 'gyur ro zhes bya ba'i lung gis rgyu las 'bras bu
 med pa skye ba yin no zhes khas len no/ /sems tsam du smra ba rnams kyang dngos po thams cad skye ba'i rgyu bag chags kyi bye brag gi rten kun gzhi rnam par shes pa las bag chags yongs su smin pa'i rkyen nye bar gnas pa'i gang 'jug pa'i rnam par
 shes pa la sogs pa skye ba de ni med pa'i skye ba yin no zhes khas len pa yin no/ /de ltar smra ba po rnams ni 'bras bu yod pa dang med pa'i skye ba nyid du smra ba las mi 'da' ba yin no/ /de ltar smra ba gnyis ka la yang
 //khyim gyi don du gang ka ba dang sgo dang sgo skyes la sogs pa rnams la ri mo la sogs pa bkod pa'i khyad par can gyi bdag nyid can gyi rgyan de re zhig 'bras bu yod par smra ba'i phyogs la mi rigs te/ de'i 'bras bur gyur pa'i
 khyim yod pa nyid kyi phyir ro/ /rnam pa gzhan gyis khyim de bsgrub par bya ba nyid du khas len na 'bras bu med par khas len par 'gyur bas so/ /gang yang 'bras bu med par khas len pa de yang ji skad du bstan pa'i ka ba la sogs pa'i rgyan yang
 don med pa kho na yin te/ 'bras bu med pa'i phyir dang/ mo gsham gyi bu de gang gis kyang bskyed par mi nus pa'i phyir ro/ /de bzhin du 'bras bu med par smra ba rnams la yang 'bras bur gyur pa'i khyim 'grub par mi 'gyur ro/ /gal te skyon de spang bar
 bya ba'i phyir 'bras bu rnam pa thams cad du med pa nyid du khas mi len na 'bras bu med par smra ba nyams par 'gyur ro/ /ci ltar khyim yod pa dang med pa bsgrub pa'i don du ka ba la sogs pa'i rgyan mi rigs pa de bzhin du phyi dang nang gi 'du byed dang/ myu
 gu la sogs pa dngos po thams cad la yod pa dang med par brtags pas ma rigs pa dang sa bon la sogs pa'i rgyu rnams don med pa nyid du brjod par bya'o/ /dbu ma las zhes bya ba ni rtsa ba'i shes rab las so/ /'bras bu'i ngo bo nyid du
 yod na zhes bya ba la sogs pa ni gal te rgyus 'bras bu skyed par byed pa na des 'bras bu de yod pa zhig skyed dam 'on te med pa zhig skyed/ gnyis ka yang mi rigs te/ 'di ltar 'bras bu ngo bo nyid kyis yod pa de ni yang skye bar mi 'gyur te/ yod
 pa'i phyir bum pa yod pa bzhin no/ /ngo bo nyid kyis med pa'i 'bras bu de yang rgyus skyed par mi byed de/ ngo bo nyid kyis med pa'i phyir bong bu'i rwa bzhin no/ /de la gzhan dag ni rgyus 'bras bu skyed pa'i bya ba byed par khas blangs na/ khyod kyis brjod pa'i
 skyon yod pa yin gyi/ 'on kyang 'bras bu skyed pa'i bya ba mi byed par rgyu'i ngo bo nyid du yod pa yin la/ 'bras bu med na yang rgyu rgyu nyid du mi 'grub pa yin pas de'i phyir 'bras bu yang yod par 'gyur ba yin no zhe na/ de la la ni gal
 te skyed par byed pa ma yin pa rgyu nyid du 'grub na de rgyur 'gyur ba yin pa las skyed byed ma yin pa rgyu nyid du ci ltar rigs/ gal te rgyus 'bras bu skyed pa'i bya ba mi byed du zin kyang de ltar yang 'bras bu yod pa yin te/ rgyu med na 'bras bu
 yang mi rigs pa'i phyir 'bras bu yod pas na rgyu yang yod par 'gyur ro/ zhe na/ de la lan brjod par bya ste/ gang gi tshe skyed par byed pa ma yin pa rgyu nyid du mi rigs pa brjod pa de'i che rgyu nyid med pas 'bras bu gang gi yin par 'gyur des na 'bras
 bu yod pa yang ma yin no/ /gnyis nyid yin na yang de la zhes bya ba ni 'bras bu yod pa dang med pa nyid du gyur kyang ngo/ /bshad zin pa'i nyes par thal bar 'gyur ba'i phyir ro zhes bya ba ni yod pa'i phyogs dang med pa'i phyogs la skyon gang brjod pa de
 yod par thal bar 'gyur ba'i phyir ro/ /gnyis kyi dngos po 'di gnyis nyid yin cing zhes bya ba ni grangs tsam mo/ /gnyis nyid la yod pa ni zhes bya ba ni yod pa dang med pa'i dngos po de la yod pa'o/ /de ltar yod pa dang med pa'i phyogs kyi dngos po khas blangs
 nas skyon brjod pa yin la/ da ni yod pa dang med pa'i rang bzhin can gyi dngos po yod pa ma yin no zhes bstan par bya ba'i phyir/ yod pa dang med pa'i zhes bya ba la sogs pa smos te/ de'i rang bzhin can gyi zhes bya ba ni yod pa dang med pa'i bdag nyid can no//
 bstan bcos las zhes bya ba ni dbu ma'i rtsa ba'i shes rab las so/ /mya ngan las 'das pa zhes bya ba la sogs pa ni phan tshun 'gal ba'i dngos po dang/ dngos po med pa dag bdag mya ngan las 'das pa gcig nyid la mi srid pas mya ngan las
 'das pa dngos po dang/ dngos po med pa ci ltar yod par 'gyur te/ yod par 'gyur ba ma yin no zhes pa'i don to/ /ci ltar zhe na/ snang ba dang ni mun pa bzhin zhes bya ba smos te/ dper na khyim gcig gi nang du phan tshun 'gal pa snang ba dang mun
 pa dag dus gcig tu mi srid pa yin no/ /de bzhin du zhes bya ba la sogs pa la byed pa por gyur pa 'am ma gyur pa zhes bya ba ni gyur pa ni bya ba dang ldan pa'o/ /ma gyur pa ni bya ba dang mi ldan pa'o/ /de la byed pa por gyur pa dang ma gyur pa ste/ bskyed
 par bya ba'i rang bzhin can dang/ bskyed par bya ba ma yin pa'i rang bzhin can gyi las mi byed de/ de zhes bya ba ni tshigs las brjod pa yin pas so/ /ci'i phyir zhe na/ dngos po gcig la dus gcig tu bskyed par bya ba'i rang bzhin can dang/ bskyed
 par bye pa ma yin pa'i rang bzhin can du mi rigs pas so/ /des na byed pa por ma gyur pa'i las byed pa ma yin te/ med pa'i phyir ro zhes pa'i don to/ /'dis ni phan tshun 'gal ba'i chos gnyis dngos po gcig la yod pa ma yin no zhes brjod pa
 yin no/ /phyogs bzhi pa dgag par bya ba'i phyir gnyis ka dang bral ba zhes bya ba la sogs pa smos te go sla'o/ /yod pa ma yin pa'i rgyu mtshan bstan par bya ba'i phyir/ yod pa dang med pa nyid ces bya ba la sogs pa smos te/
 de dag bkag pas zhes bya ba ni yod pa dang med pa dag bkag pas so/ /cung zad kyang khyad par du mi 'gyur ro zhes bya ba ni yod pa dang med pa dag bkag pas khyad par du byas pa'i dngos po cung zad kyang med pas so/ /de nyid bstan par bya ba'i phyir/ gang gi tshe
 zhes bya ba la sogs pa smos te/ ji skad du zhes bya ba la sogs pa ni dbu ma rtsa ba'i shes rab las so/ /dngos min dngos po med min pa zhes bya ba ni/ gal te dngos po zhes bya ba 'ga' zhig yod par gyur na/ de bkag pas mya ngan las 'das
 pa dngos po med ces brtag par mi rigs pa dang/ gal te dngos po med pa 'ga' zhig grub na de bkag pas mya ngan las 'das pa dngos pos grub par 'gyur ba las/ gang gi tshe dngos po dang dngos po med pa dag ma grub pa de'i tshe de dag
 bkag pa yang med pas mya ngan las 'das pa dngos po dang/ dngos po med pa yin no zhes brtag pa de rigs pa ma yin no/ /'dis ni gnyis dang bral ba yang med pa yin no zhes gsungs pa yin no/ /gal te zhes bya ba la sogs pa ni
 'jig rten pa'i sgo nas gzhan las skye ba sgrub par byed pa yin te/ rigs pa gang dang gang smras pa zhes bya ba ni nges pa mthong ba dang srang mnga' ? la sogs pa'i dpes bstan pa gang yin pa'o/ /skye ba rab tu bsgrub pa'i phyir zhes bya ba ni
 gzhan las skye ba bsgrub pa'i don du'o/ /de dang de ni zhes bya ba ni rigs pa'o/ /khyod kyis zhes bya ba ni dbu ma pa'i 'o/ /blo'i mes bya ba ni blo nyid me yin te/ ci ltar sreg pa yin zhe na/ bud shing skam po mar gyis bran pa lhar zhes
 bya ba smos te/ ji ltar bud shing skam po la mar gyis bran pa la mes sreg par byed pa bzhin no/ /khyod kyi shes rab kyi me spor ba lhur byed pa zhes bya ba ni shes rab 'phel bar byed pa yin no zhes pa'o/ /des na rigs pa'i bud shing nye bar bskul bas chog ste/
 rigs pa de bud shing dang 'dra ba yin te/ dbu ma'i blo'i mes bsreg par bya ba yin pa'i phyir ro/ /'di'i don ni kho bo cag gzhan las skye ba rigs pas mi sgrub ste/ gang gi phyir gzhan las skye ba ma yin no zhes pa'o/ /de la dbu ma pa'i dogs
 pa bsu bar bya ba'i phyir te/ gal te zhes bya ba la sogs pa smos te/ brjod par 'dod pa'i don 'grub par zhes bya ba ni brjod par 'dod pa'i don gzhan las skyo ba grub pa'o/ /de la gzhan gyi lan ni yod pa ma yin no/ /zhes bya ba la sogs
 pa gsungs te/ brjod par 'dod pa'i don grub pa nyid yin no zhes pa'o/ /ji ltar grub pa yin zhe na/ don gang zhig ces bya ba la sogs pa gsungs te/ 'jig rten pa'i shes pas gzhan las skye ba grub pa yin no zhes pa'o/ /de nyid bstan
 par bya ba'i phyir/ gang gis zhes bya ba la sogs pa gsungs te/ 'dir gzhan las skye ba sgrub pa la rigs pa brjod pas ci zhig bya ste/ gang gi phyir 'jig rten pa rang gi lta ba la gnas pa ste/ bdag nyid kyi mngon sum la gnas pa tshad mar
 gyur pa yin te/ rang gis nyams su myong ba dang bcas pa'i 'jig rten pa tshad ma yin no zhes pa'i tha tshig go /'jig rten las 'das kyang rgyu gzhan las 'bras bu'i dngos po gzhan 'byung ba yin no zhes rtogs pas so/ /des na gang gi phyir zhes bya ba ni
 'jig rten pas gzhan las skye ba mngon sum gyis grub pas gzhan las skye ba yod pa kho na yin no/ /des na 'jig rten pa'i mngon sum grub pa'i dngos po la rigs pas ci zhig bya zhes pa'o/ /de 'grel pas bstan par bya ba'i phyir/ 'jig rten pa
 'di zhes bya ba la sogs pa gsungs te/ stobs dang ldan pa yin zhes bya ba ni mngon sum las brling ba'i tshad ma med par des grub pa la rigs pa gzhan dgos pa med pa'o/ /de nyid bstan par bya ba'i phyir/ gzhan
 kho na las zhes bya ba gsungs te/ gal te rigs pa brjod par 'dod na dngos po mngon sum pa 'am/ 'on te mngon sum ma yin pa la yin grang na/ de la phyogs dang po ni mi 'thad de/ mngon sum gyi grub pa la rigs pa bkod pa
 don med pas so/ /phyogs gnyis pa la rigs pa brjod par 'os kyis/ 'dir gzhan las skye bar mngon sum gyi grub par rigs pas ci zhig bya/ des na 'thad pa ma brjod kyang dngos po rnams las gzhan la skye ba rigs pa yin no zhes pa ni
 phyogs snga ma'o/ /de la lan gyi rim pa bstan par bya ba'i phyir/ gang zhig bstan bcos kyi zhes bya ba la sogs pa gsungs te/ bstan bcos kyi don phyin ci ma log pa ma rtogs shing zhes bya ba ni gang gis dbu ma'i bstan bcos kyi don
 phyin ci ma log par khong du ma chud pa'o/ /thog ma med pa'i 'khor bar dngos po'i bag chags bzhag pas yongs su smin pa zhes bya ba ni thog ma med pa'i 'khor bar dngos po yod do snyam pa'i rnam par rtog pa'i dngos po'i bag chags
 bzhag pa gang yin pa de yongs su smin pa ste/ 'bras bu bskyed pa'i gnas skabs mdza' ma thob pa de la de skad ces bya'o/ /dngos po la mngon par zhen pa'i mdza' bo dang bral ba thos pas yi mug par 'gyur ba zhes bya ba ni
 dngos po rnams la dngos po yod pa nyid yin no snyam pa'i mngon par zhen pa gang yin pa de mdza' o yin te/ thog ma med pa'i 'khor par 'dris pa'i phyir ro/ /de dang bral ba ste/ gzhan las skye ba bkag pas dngos po la mngon par
 zhen pa bzlog pas so/ /de thos pas ni gzhan las skye ba bkag pa'i sgro nas dngos po la mngon par zhen pa bkag pa'o/ /yi mug par gyur pa ni lan brjod par mi nus pa'o/ /'jig rten gyis gnod pa'i rdol thabs la brten pa 'di ni zhes bya ba ni 'jig rten
 pa la grags pa'i gzhan la skye bas gzhan la skye ba 'gog pa la gnod pa de nyid rdol thabs te/ nga ro 'byin pa de la brten pa'o/ /'jig rten gyi byung tshul zhes bya ba ni 'jig rten gyi tha snyad do/ /shin tu mang zhing rgya che ba ma bshad par zhes bya ba ni bden
 pa gnyis kyi rnam bzhag gi sgo nas so/ /khyad par can zhes bya ba ni 'jig rten pa la grags pa nyid do/ /bden pa gnyis kyi rnam par bzhag pa zhes bya ba ni kun rdzob dang don dam pa'i bden pa gnyis kyi rnam par bzhag pa ste/ de dag gi sgo nas 'jig rten gyi
 gnod pa'i yul khong du chud pas so/ /de la yul gyi sgo nas kun rdzob dang don dam pa'i rnam bzhag bstan par bya ba'i phyir/ dngos po kun zhes bya ba la sogs pa gsungs te/ dngos kun zhes bya ba ni phyi dang nang gi bdag nyid kyi dngos po rnams so/ yang
 dag rdzun pa mthong pa yis/ /dngos rnyed ces bya ba ni yang dag pa dang brdzun pa mthong ba ste/ dmigs pa des bdag nyi thob pa yin gyi/ dngos su ni yod pa ma yin no zhes pa'i tha tshig go /ngo bo gnyis ni 'dzin par 'gyur zhes bya ba ni kun rdzob dang/ don dam
 pa'i rang bzhin gnyis yod pa'o/ /yang dag mthong yul gang de de nyid de zhes bya ba ni yang dag pa phyin ci ma log pa dmigs pa gang la yod pa de ni yang dag par mthong ba ste/ dngos po'i rang bzhin phyin ci ma log par thugs su chud pa'i sangs rgyas bcom
 ldan 'das rnams so/ /de rnams kyi yul gang yin pa de ni de kho na nyid do/ /de dag gi yul dang yul can gyi dngos po ni yul dang yul can mi dmigs pa gang yin pa'o/ /mthong ba brdzun pa kun rdzob bden pa gsungs zhes bya ba gsungs te/ mthong ba
 brdzun pa ni phyin ci ma log pa'i de kho na nyid ma rtogs pa dang/ dngos po brdzun pa rnams la mngon par zhen pas so/ /de rnams kyi yul gang yin pa de ni kun rdzob yin no zhes pa'o/ /de 'grel pas bstan par bya ba'i phyir/ 'di na bden pa
 gnyis kyi zhes bya ba la sogs pa gsungs te/ 'di na zhes bya ba ni kun rdzob dang don dam pa'i gnas skabs na'o/ /ye shes kyi khyad par gyi yul nyid kyis zhes bya ba ni nyon mongs pa dang shes bya'i sgrib pa bag chags dang bcas pa spangs pa ni ye shes kyi
 khyad par yin la/ de'i yul nyid kyi sgo nas bdag gi rang gi dngos po rnyed pa ste/ gnyis mi dmigs pa'i sgo nas gang nyams su myong ba spros pa thams cad dang bral ba'i rang bzhin can yin no zhes pa'i tha tshig go /de'i yul nyid kyis bdag gi ngo bo rnyed
 pa yin gyi zhes bya ba 'di yang gdul bya rnams kyis de ltar brtags pa yin pas de ltar brjod pa yin gyi/ don dam pa'i gnas skabs na ni yul dang yul can cung zad kyang yod pa ma yin no/ /rang gi bdag nyid kyis grub pa ni ma yin te/ zhes
 bya ba ni de'i yod pa dang/ med pa dang gnyis ka dang gnyis ma yin pa'i ngo bor ma grub pas so/ /'di ni ngo bo nyid yin no zhes bya ba ni don dam pa'i bden pa'i rang bzhin no/ /gzhan gyi zhes bya ba ni kun rdzob kyi bden pa'o/ /ci lta ba de lta bu'i rang bzhin du rang gi
 ngo bos 'gyur ba'i ma yin no zhes bya ba ni ji ltar so so'i skye bo rnams kyis dngos po yod pa dang med pa la sogs par brtags pa yin gyi/ de lta bu'i rang bzhin ni med pa yin te/ yod pa dang med pa la sogs pa rigs pas mi 'thad pa'i phyir ro//
 'dzin pa yin no zhes bya ba ni rtogs pa'i sgo nas rang bzhin de dag yod pa yin no zhes pa'o/ /de'i zhes bya ba ni de kho na nyid kyi'o/ /rang gi ngo bo ni bshad par bya'o zhes bya ba ni rab rib mthu yis sgra bshad la sogs pa'i zhes bya ba la sogs pa de'i
 rang bzhin 'chad par 'gyur bas so/ /da ni kun rdzob kyi bden pa'i dbye ba bstan par bya ba'i phyir/ de'i phyir de ltar zhes bya ba la sogs pa smos te/ bden pa gnyis rnam par bzhag nas zhes bya ba ni yang dag pa dang/ brdzun pa mthong ba'i yul gyi sgo nas bden pa
 gnyis su rnam par bzhag nas so/ /mthong ba brdzun pa rnams la yang zhes bya ba ni 'jig rten pa rnams la yang ngo/ /mthong ba yang dag pa dang brdzun pa nyid las zhes bya ba ni go sla'o/ /gal te mthong ba brdzun pa'i kun rdzob bden par gsungs zhes pa'i tshig
 des 'jig rten pa'i thams cad brdzun par mthong bar gsungs pas de rnams yang dag pa'i mthong ba ci ltar yin zhe na/ 'phags pa rnams la bltos nas thams cad brdzun par mthong ba yin pas so/ /'phags pa rnams la bltos nas brdzun par
 mthong pa yin du zin kyang/ 'jig rten pa rnams la rab rib la sogs pa'i rnam 'gyur gyi stobs dang/ de dang bral bas brdzun par mthong ba dang/ yang dag mthong ba dag yod de/ bden pa dang bden pa ma yin par mngon par zhen pas so/ /'phags
 pa rnams la bltos nas ma yin pas skyon yod pa ma yin no/ /gnyis yod pas zhes bya ba ni yang dag pa dang/ brdzun pa mthong ba yod pa'o/ /des gzung bar bya ba'i don dang zhes bya ba ni yang dag par brdzun pas gzung bar bya ba'i don to/ /shes pa'i zhes bya
 ba ni 'dzin par byed pa'o/ /gnyis nyid ces bya ba ni yang dag pa dang brdzun pa'i rang bzhin can no/ /gnyis 'dod de zhes bya ba la gnyis bstan par bya ba'i phyir/ dbang po gsal dang dbang po skyon ldan no/ zhes bya ba la sogs pa gsungs te/ de la dbang po
 gsal ba ni nang gi rab rib la sogs pa dang phyi'i mgal me myur du bskor ba la sogs pa ma bcos pa'i mig la sogs pa dang/ bstan bcos ngan pa la sogs pas ma bcom pa'i yid kyi dbang po gang yin pa'o/ /dbang po skyon dang ldan pa
 ni de las bzlog pa'o/ /dbang po legs gyur shes pa bltos zhes bya ba ni dbang po'i skyon dang bral ba'i shes pa la bltos nas zhes bya ba'i tha tshig go /de la dbang po gsal ba can ni zhes bya ba la sogs pa ni nang gi 'khrul pa rgyu dang
 bral bar ston pa yin la/ rnam pa de lta bu'i phyi rol gyi zhes bya ba la sogs pa ni phyi rol gyi 'khrul pa rgyu dang bral bar ston pa yin te/ rnam pa de lta bu'i phyi rol gyi yul zhes bya ba ni phyi rol gyi dngos po ji ltar yod pa de bzhin du'o/ /de las
 bzlog pa dag ni zhes bya ba ni nad dang phyi'i khrul pa'i rgyu dang ldan pa gang yin pa'o/ /de bzhin du yul yang yin no zhes bya ba ni yang dag pa dang bstun pa'i bdag nyid can gang yin pa'o/ /dbang po drug rnams kyi yang zhes bya ba ni mig dang/ rna ba dang/
 sna dang/ lce dang/ lus dang/ yid kyi dbang po rnams kyi yang ngo/ /'jig rten nyid las bden yin zhes bya ba ni 'jig rten pa rnams kyi bden par mngon par zhen pas bden pa yin gyi/ don dam par ni bden pa ma yin no/ zhes pa'i tha tshig go /
 lhag ma ni zhes bya ba ni nye bar bcos pa'i dbang po drug gi gzung bar bya ba gang yin pa'o/ /d+ha d+hu ra zos pa la sogs pa zhes bya ba la/ d+ha d+hu ra ni thang phrom ste/ de'i 'bras bu zos na thams cad gser du snang ba'o/ /sogs pa'i sgras ni rim
 la sogs pa bsdu bar bya'o/ /dbang po la gnod pa'i rkyen phyi rol na yod pa bstan par bya ba'i phyir/ til mar dang zhes bya ba la sogs pa gsungs te/ de la til mar dang/ chu dang/ me long rnams ni gzugs brnyan 'dzin pa'i rgyu
 yin la/ brag phug la sogs pa nas brjod pa'i sgra ni brag ca 'dzin pa'i rgyu yin no/ /sogs pa'i sgras ni lha khang dang/ dpangs mtho ba la sogs pa nas brjod pa'i sgra bsdu bar bya'o/ /sogs pa'i sgra gnyis pas ni rnga brdung ba la sogs
 pa'i sgras bsdu bar bya'o/ /yul dang/ dus khyad par can dang nye bar gyur pa'i nyi ma'i 'od zer la sogs pa rnams ni zhes bya ba la/ yul khyad par can ni mya ngan gyi thang la sogs pa'o/ /dus khyad par can ni nyi ma gung la sogs pa'o/ /sogs pa'i sgras ni sprul la sogs
 par 'khrul pa'i rgyu mun nag la sogs par gzung bar bya'o/ /dbang po la gnod pa'i rkyen zhes bya ba ni de rnams kyis dngos su dbang po la rnam 'gyur med du zin kyang mar la sogs pa'i dbang gis smig rgyu la sogs par snang ba 'byung ba'i phyir dbang po la rnam
 'gyur byas pa lta bur gyur pa'i sgo nas dbang po la gnod pa'i rkyen no/ /de nyid kyi phyir/ de dag ni zhes bya ba la sogs pa gsungs so/ /sngags dang sman la sogs pa dag kyang zhes bya ba la sogs pa'i sgras ni nor bu la sogs pa gzung bar bya'o/ /mig
 'phrul mkhan la sogs pas zhes bya ba la sogs pa'i sgras ni sngags mkhan bsdu bar bya'o/ /de dag dang zhes bya ba ni sngar bstan pa'i dbang po la gnod pa'i rkyen rnams so/ /yang dag pa ma yin pas byas pa'i grub pa'i mdza' zhes bya ba ni mu stegs pas
 byas pa'i grub pa'i mdza' o/ /sogs pa'i sgras ni 'jigs pa la sogs pa bsdu bar bya'o/ /rjes su dpag pa ltar snang ba dag ste zhes bya ba ni gson po'i lus 'di chos can bdag dang bcas pa yin te/ srog dang ldan pa'i phyir ro zhes bya ba la sogs
 pa bsdu bar bya'o/ /rmi lam la sogs pa'i zhes bya ba la sogs pa'i sgras ni 'khrul pa'i shes pa gzhan rnams bsdu bar bya'o/ /rnam par bzhag pa zhes bya ba ni/ bden pa dang brdzun pa'i rnam bzhag go /'chad par 'gyur ro zhes bya ba ni ci ltar rmi
 lam zhes bya ba la sogs pas 'chad par 'gyur ba'o/ /'jig rten pa'i rjes su 'brangs nas bden pa dang brdzun pa'i rnam bzhag bstan par bya ba'i phyir/ de ltar zhes bya ba la sogs pa gsungs te/ 'jig rten nyid la bltos nas log pa yin no
 zhes bya ba ni 'jig rten pas de la rdzun pa nyid du rtogs pas so/ /bshad zin pa'i don zhes bya ba ni gzugs rnyan la sogs pa rnams 'jig rten pa nyid la bltos nas log pa yin no zhes bya ba'i don bstan pa gang yin pa'o/ /dpe
 bstan par bya ba'i phyir/ mi shes gnyid kyi zhes bya ba la sogs pa gsungs te/ mi shes pa ni gti mug yin pa la de nyid yin te/ dngos po'i rang bzhin yongs su mi shes pas so/ /skyod ces bya ba ni ma rig pa'i g.yo bar byas pa'o/ /bdag nyid ji
 bzhin brtags pa dang zhes bya ba ni gti mug gi stobs kyis yon tan gsum la sogs pa brtags pa gang yin pa'o/ /sgyu ma smig rgyu la sogs pa zhes bya ba sgyu ma la glang po la sogs pa'i rnam pa dang/ smig rgyu la chu'i rnam pa dang/ sogs
 pa'i sgras thag pa la sogs pa'i sgras sbrul la sogs pa'i rnam pas brtag pa gang yin pa de rnams 'jig rten las kyang bden pa nyid du yod pa ma yin pa ste/ 'jig rten pas phyin ci log nyid du shes pa yin no zhes pa'i tha tshig go /
 'di ltar gang mu stegs pa'i yongs su brtags pa'i dbang phyug la sogs pa'i dngos po gang yin pa de rnams brtags pa tsam yin gyi/ phyi'i dngos po nyid du ni ma yin te/ phyi'i dngos po nyid du mi snang ba'i phyir ro/ /des na de rnams 'jig rten
 pa rnams la bltos nas kyang brdzun pa nyid yin no zhes pa'o/ /de nyid 'grel pas bstan par bya ba'i phyir/ mu stegs can zhes bya ba la sogs pa gsungs te/ de kho na nyid la 'jug par 'dod pas zhes bya ba ni de kho na nyid mngon du byed
 pa la 'jug par 'dod pas so/ /skye bo ma byang ba zhes bya ba ni bstan bcos gang dang ma 'gris pa'o/ /gnag rdzi dang bud med la sogs pa zhes bya ba la sogs pa'i sgras ni byis pa la sogs pa bsdu bar bya'o/ /de rnams la rab tu grags pa'i
 dngos po ni sa bon dang myu gu la sogs pa'o/ /skye ba 'jig pa la sogs pa zhes bya ba la sogs pa'i sgras ni dngos po'i ngo bo bsdu bar bya'o/ /nges par ma gzung ba zhes bya ba ni/ med pa skye ba yod min zhing/ /yod pa 'jig pas ma yin no zhes bya bas rang bzhin
 gyis khug ma'i nang nas 'byung ba dang 'jug pa'i sgo nas skye ba dang/ 'jig par brjod pa skye ba dang/ 'jig par nges par ma brjod pa'o/ /gzugs la sogs pa las tha dad du gyur pa'i yan lag can du brtags pa'i phyir dngos po ngo bo nges par ma bzung
 ba'o/ /phul du byung bar 'gro bar 'dod pas zhes bya ba ni de kho na nyid rtogs pas 'jig rten pa thams cad las phul du byung ba 'gro bar 'dod pas so/ /yal ga snga ma btang bas zhes bya ba ni 'jig rten la grags pa'i ji ltar gnas pa'i kun rdzob kyi
 bden pa yongs su dor nas so/ /yal ga phyi ma ma bzung ba ltar zhes bya ba ni yal ga phyi ma don dam pa bden pa ma bzung ba'i phyir ro/ /lta ba ngan pa'i ri sul dag tu ltung bar 'gyur zhing zhes bya ba ni lta ba ngan pa'i yon tan gsum la sogs pa yod pa
 lta ba'o/ /de nyid ri ste bzhig par dka' bas so/ /sul ni lta ba ngan pa'i phyogs gcig go /ltung ba ni lta ba ngan pa'i phyogs gcig po de la zhen pa'o/ /'bras bu mi thob par gyur ro zhes bya ba ni de kho na nyid khong du chud pa'i rang bzhin gyi 'bras
 bu mi thob pas so/ /'di'i don ni ci lta shing thog don du gnyer ba'i skyes bu shing thog thob par bya ba'i ched du shing thog dang bcas pa'i sdang po la 'dzeg cing yal ga snga ma btang nas yal ga phyi ma ma bzung na shing thog ma thob bar g.yang sa chen por
 ltung bar 'gyur ba de bzhin du mu stegs pa rnams so zhes pa'o/ /yon tan gsum la sogs pa zhes bya ba la/ bde ba dang/ sdug bsngal dang/ btang snyoms kyi mtshan nyid can gyi rdul dang/ mun pa dang/ snying stobs gsum ni yon tan no/ /de rnams
 cha mnyam pa la rang bzhin zhes brjod pa yin no/ /sogs pa'i sgras ni dbang phyug la sogs pa bsdu bar bya'o/ /de dag 'jig rten gyi kun rdzob tu yang yid pa ma yin pa nyid do zhes bya ba ni ji ltar mu stegs pa rnams kyis
 brtags pa de bzhin du 'jig rten pa rnams la mi snang ba'i phyir brtags pa tsam du yod pa yin pas so/ /de ltar 'jig rten pa'i rjes su 'brangs nas kun rdzob kun gyi bden pa'i dbye ba'i rnam bzhag byas nas 'jig rten gyi mngon sum gzhan las skye ba
 'gag pa la gnod byed ma yin no zhes bstan par bya ba'i phyir/ de'i phyir zhes bya ba la sogs pa gsungs te/ de'i phyir zhes bya ba ni gang gi phyir 'phags pa dang/ 'jig rten pa'i dbang du bya nas don dam pa dang/ kun rdzob kyi rnam bzhag byas
 nas so/ /'dir zhes bya ba ni kun rdzob dang don dam pa'i bden pa'i rnam bzhag gi skabs su'o/ /ji ltar rab rib can gyi dam pa yis zhes bya ba ni dbang po skyon dang bcas pa rnams kyi shes pa skra shad la sogs pa snang ba'o/ /rab rib med shes
 la gnod min zhes bya ba ni dbang po skyon dang mi ldan pa'i shes pa skra shad la sogs pa mi snang ba la mi gnod pa ste/ 'jig rten pa la de ltar ma grags pas so/ /de bzhin du dri med ye shes pa'i blo ste/ dri ma med pa'i zag pa med pa
 yin la/ de spangs pa'i blo gang la yod pa ste/ zag pa dang bcas pa'i 'jig rten pa'i zhes pa'o/ /de rnams kyis shes pas dri med blo la ste/ zag pa med pa'i ye shes la gnod pa yod pa ma yin no zhes pa'o/ /des na 'jig rten pa'i mngon
 sum gyis gzhan la skye ba grub pas 'phags pa'i spyod yul du gyur pa'i gzhan las skye ba med pa la gnod pa yod par 'gyur ba ma yin no zhes bya ba'i tha tshig go /de nyid 'grel pas bstan par bya ba'i phyir/ gzhan las skye ba zhes bya ba la
 sogs pa gsungs te/ 'phags pa rnams kyis gzigs pa khas blangs nas yin no zhes bya ba ni 'phags pa rnams kyis gzhan las skye ba bden pa nyid du ma gzigs pa'i phyir ro/ /skye ba dgag pa 'di byed par du yin pa zhes bya ba ni/ skye ba dgag pa ni 'phags pa
 rnams la bltos nas brjod pa yin gyi/ 'jig rten pa la bltos nas ni brjod pa ma yin no zhes pa'o/ /de lta bu'i yul la zhes bya ba ni 'phags pa'i skye bo rnams kyi spyod yul lo/ /gzhan pas skye ba brjod pa zhes bya ba ni 'jig rten pa'i shes pas gzhan
 la skye ba grub pa yin no zhes brjod pa yin pa'o/ /de ltar kun rdzob dang don dam pa'i bden pa'i ngo bo nyid kyi dbye ba brjod pa'i sgo nas 'jig rten pa'i shes pas gnod pa ni gnod pa nyid ma yin no zhes bstan nas/ da ni kun rdzob kyi nges tshigs bstan pa'i
 sgo nas kun rdzob la 'jig rten pa dang/ 'phags pa la bltos nas dbye ba'i rnam bzhag bstan par bya ba'i phyir/ de'i phyir 'dis zhes bya ba la sogs pa gsungs te/ gti mug kun rdzob ste zhes bya bar sbyar bar bya'o/ /de ci'i phyir zhe na/ sgrib pa'i phyir
 zhes bya ba smos te/ gti mug gi stobs kyis yod pa dang med pa la sogs pa dang bral ba'i de kho na nyid mi snang ba dang/ med pa'i rang bzhin can yod pa dang/ med pa la sogs par sgro 'dogs pa'i phyir ro/ /des bya ba ni gti mug gi rang bzhin can gyi kun
 rdzob kyis so/ /gang bcos ma zhes bya ba ni rten cing 'brel par 'byung ba'i dngos po gang yin pa'o/ /bden pa'i snang zhes bya ba ni bden pa'i rang bzhin can du zhen pa'o/ /de ni zhes bya ba ni bden pa'i rang bzhin du zhen pa'i dngos po'o/ /kun rdzob bden
 zhes thub pa res gsungs te zhes bya ba ni bcom ldan 'das kyis dngos po de ni kun rdzob kyi bden pa'o zhes gsungs te/ 'jig rten pa de ltar zhen pas so/ /bcos mar gyur pa'i dngos ni kun rdzob kyi tu'o zhes pa ni gang kun rdzob tu rten cing 'brel par
 'byung ba gzugs brnyan dang brag ca la sogs pa can gyi gti mug gi dang/ de bzhin du snang ba dang bcas pa'i spyod yul can gyi 'phags pa rnams la shes bya'i sgrib pa'i mtshan nyid can gyi nyon mongs pa can ma yin pa'i gti
 mug gi phung po la sogs pa gang snang ba de kun rdzob yin no zhes thub pas gsungs kyis/ kun rdzob kyi bden par ni ma yin te/ 'jig rten dang 'phags pa rnams la ci ltar rig par de dag la bden par zhen pa med pas so/ /de nyid kyi phyir de kun
 rdzob tsam yin gyi/ kun rdzob kyi bden pa ni ma yin no/ /'di'i don ni kun rdzob kyi dbye ba ni gnyis te/ kun rdzob kyi bden pa dang/ kun rdzob tsam mo/ /kun rdzob tsam la yang gnyis te/ 'jig rten pa la bltos pa'i kun rdzob dang/ 'phags
 pa la bltos na kun rdzob bo/ /de la 'jig rten pa la bltos pa'i kun rdzob tsam ni dper na brag cha la sogs pa lta bu'o/ /'phags pa la bltos pa'i kun rdzob tsam ni snang ba dang bcas pa'i 'phags pa rnams la snang ba gang yin pa'o/ /de
 nyid 'grel pas bstan par bya ba'i phyir/ de la 'dis zhes bya ba la sogs pa gsungs te/ de la zhes bya ba ni tshigs su bcad pas gti mug la sogs pa brjod pa la'o/ /ji ltar gnas pa'i dngos po lta ba la zhes bya ba ni stong pa nyid kyi
 dngos po mthong ba la'o/ /dngos po ni rang gi ngo bo yod pa ma yin pa sgro 'dogs par byed pa zhes bya ba ni/ rtag pa dang/ mi rtag pa dang/ bde ba dang/ sdug bsngal la sogs pa dngos po'i rang gi ngo bo yod pa ma yin pa sgro 'dogs par byed pa'o//
 rang bzhin mthong ba la sgrib pa'i bdag nyid can zhes bya ba ni yod pa dang med pa la sogs pa dang bral ba'i rang bzhin ni de kho na nyid yin la/ mi dmigs pa'i sbyor bas mthong ba gang yin pa de la sgrib par byed pa ste gti mug yod na de kho
 na nyid mthong bar mi 'gyur ro zhes ba'i don to/ /kun rdzob des zhes bya ba ni nyon mongs pa can gyi gti mug gi zhes pa'o/ /bden pa snang zhing zhes bya ba ni ngo bo nyid med pa la yod pa dang/ rtag pa la sogs pa'i ngo bor snang ba yin no zhes pa'i don to/ /'jig rten
 phyin ci log tu gyur pa'i zhes bya ba ni ma rig pa'i ling tog gis phyin ci log tu gyur pa'i zhes pa'o/ /kun rdzob tu bden pas zhes bya ba ni gti mug gis bden pa yin gyi/ ngo bo nyid kyis bden pa ni ma yin no zhes pa'o/ /de ni zhes bya ba ni 'jig rten
 kyi kun rdzob kyi bden pa gang yin pa'o/ /da ni 'jig rten pa la phyin ci log tu snang ba dang/ don dam pa'i bden pa dag kun rdzob kyi bden pa ma yin no zhes bstan par bya ba'i phyir/ brten nas byung ba gzugs brnyan dang zhes bya ba la sogs pa
 gsungs te/ gzugs dang/ sems dang/ tshor ba la sogs pa zhes bya ba la sogs pa'i sgras ni 'du shes la sogs pa gzung bar bya'o/ /rang bzhin ni zhes bya ba ni yod pa dang med pa la sogs pa'i bral ba'i de kho na nyid do/ /ma rig pa dang
 ldan pa zhes bya ba ni nyon mongs pa can dang nyon mongs pa can ma yin pa'i gti mug dang ldan pa rnams la'o/ /mi snang ngo zhes bya ba ni gegs su gyur pa'i kun tu rmongs pa yod pa'i phyir ro/ /kun rdzob kyi bden pa yod pa ma yin no zhes bya ba ni rang
 bzhin gang yin pa de ni kun rdzob kyi yang ma yin la kun rdzob kyi bden pa yang ma yin te/ gti mug gi stobs kyis mi snang ba'i phyir ro/ /gang zhig kun rdzob tu yang brdzun pa zhes bya ba ni gzugs brnyan dang brag ca la sogs pa rnams ni kun rdzob
 gyi bden par mi 'gyur te/ bden par zhen pa med pa'i phyir ro/ /don dam pa'i bden pa yang ma yin te/ gti mug gi dbang gis snang ba'i phyir ro/ /des na kun rdzob tsam yin no/ /nyon mongs pa can gyi ma rig pa'i dbang gis kun rdzob tsam gyi rnam
 bzhag bstan pa yin no zhes bya ba ni mjug bsdu ba bstan par bya ba'i phyir ro/ /de ltar re zhig ces bya ba la sogs pa gsungs te/ srid pa'i yan lag gis yongs su bsdus pa zhes bya ba ni ma rig pa'i rkyen gyis 'du byed do
 zhes bya ba la sogs pa'i sgo nas srid pa'i yan lag bcu gnyis gang brjod pa de ni ma rig pa'i nang nas nyon mongs pa can gyi ma rig pa srid pa'i yan lag tu gang gsungs pa de'i sgo nas kun rdzob kyi bden pa'i rnam bzhag byas
 nas nga ni srid pa'i yan lag tu ma gyur pa'i nyon mongs pa can ma yin pa'i ma rig pa'i dbang du byas nas kun rdzob tsam gyi rnam bzhag bstan par bya ba'i phyir/ de yang nyan thos dang zhes bya ba la sogs pa gsungs
 te/ de yang zhes bya ba ni gzugs dang/ tshor ba la sogs pa'o/ /nyon mongs pa can gyi ma rig pa spangs pa zhes bya ba ni 'khor ba'i rgyur gyur pa'i ma rig pa med pas so/ /de yang 'du byed thams cad gzugs brnyan la sogs pa dang
 'dra bar gzigs pas so/ /gzugs brnyan la sogs pa'i yod pa nyid ji ltar 'jig rten pa rnams kyis bden par mngon par zhen pa med pas brdzun par 'dod la/ de dang 'dra ba'i gzugs dang tshor ba la sogs pa'i 'du byed
 rnams kyang gzigs pa yin pas so/ /de nyid kyi phyir/ bdag dang bdag gi'o zhes bya ba'i mngon par zhen pa med pa'i phyir 'dod chags la sogs pa'i nyon mongs pa'i tshogs rnams kyi kun nas slong bar byed pa ma yin pas 'khor
 ba'i rgyu ma yin pa'i phyir nyon mongs pa can ma yin pa'i ma rig pa zhes bya'o/ /bcos ma'i rang bzhin can yin gyi zhes bya ba ni rten cing 'brel par 'byung ba yin no zhes pa'i don to/ /bden pa ni ma yin te zhes bya ba ni brdzun pa nyid
 du rtogs pas kun rdzob tsam yin gyi bden pa ni ma yin no zhes bya ba'i tha tshig go /kun rdzob tsam du bsgrub par bya ba'i phyir/ byis pa rnams la ni zhes bya ba la sogs pa gsungs te/ gal te kun rdzob tsam yin na byis pa rnams la bden par mngon par zhen
 pa ji ltar 'byung zhe na/ byis pa rnams la ni slu bar byed pa yin pa'i phyir la zhes bya ba la sogs pa gsungs te/ gang gi phyir kun rdzob 'dis byis pa rnams la bden pa ma yin pa la bden par zhen pas slu bar byed pa yin gyi don dam par bden pa ni
 ma yin te/ sngar bstan pa'i rnam pas rgyu dang 'bras bu dag mi 'thad pa'i phyir ro/ /des na byis pa rnams la ni kun rdzob tsam ma yin no/ /de las gzhan pa rnams la ni kun rdzob tsam du 'gyur ba yin no/ /de nyid bstan par bya ba'i phyir/ de las gzhan pa
 zhes bya ba la sogs pa gsungs te/ de las gzhan pa zhes bya ba ni nyan thos dang/ rang sangs rgyas dang/ byang chub sems dpa' rnams la ni sgyu ma la sogs pa ltar rten cing 'brel par 'byung ba nyid du snang bas kun rdzob tsam du 'gyur ba yin no//
 gal te nyon mongs pa can gyi ma rig pa log pa yin na de'i tshe sgyu ma la sogs pa ltar rten cing 'brel par 'byung ba rnams ci ltar snang zhe na/ de la lan ni de yang shes bya'i zhes bya ba la sogs pa gsungs te/ de yang zhes bya ba ni sgyu ma la
 sogs pa ltar rten cing 'brel par 'byung ba nyid du snang ba gang yin pa'o/ /shes bya'i sgrib pa'i mtshan nyid can ma rig pa tsam kun tu spyod pa'i phyir zhes bya ba ni yod pa dang med pa la sogs pa dang bral ba'i de kho na nyid ni shes bya yin la/
 de'i sgrib pa ni gang gis de mi snang bar byed pa'o/ /de'i mtshan nyid can gyi ma rig pa gang yin pa de tsam zhig kun tu spyod pa'i phyir ro/ /'di'i don ni 'di yin te/ ma rig pa la rnam pa gnyis te/ nyon mongs pa can dang/ nyon mongs pa can ma yin
 pa'o/ /de la nyon mongs pa can ni mi shes pa gang bdag dang bdag gi'o snyam pa'i mngon par zhen pa skyed pa'i sgo nas 'khor ba'i rgyur gyur pa'o/ /nyon mongs pa can ma yin pa ni gang gzugs la sogs pa rnams snang ba tsam gyi rgyu
 yin gyi bden par mngon par zhen pa'i rgyu ni ma yin no/ /bden par zhen pa med pa de nyid kyis 'dod chags la sogs pa'i nyon mongs pa rnams skyed par mi byed pas nyon mongs pa can ma yin pa'o zhes bya'o/ /des na nyon mongs pa can ma yin
 pa'i ma rig pa tsam kun tu spyod pa'i phyir nyan thos la sogs pa rnams la sgyu ma la sogs pa bzhin du rten cing 'brel par 'byung ba rnams kun rdzob tsam du snang ba yin no/ /snang ba dang bcas pa'i spyod yul can gyi zhes bya ba ni sngon po la
 sogs pa'i rnam pa dang bcas pa'i shes pa nyams su myong ba rnams kyi'o/ /snang ba med pa'i spyod yul mnga' rnams la ni zhes bya ba ni sngon po la sogs pa'i rnam pa dang bcas pa'i shes pa nyams su myong ba mi mnga' ba'i sangs rgyas bcom ldan
 'das rnams la ni kun rdzob tsam snang ba med pa'o/ /gal te sangs rgyas bcom ldan 'das rnams la kun rdzob tsam du snang ba mi mnga' na ci zhig snang zhe na/ de la lan ni sangs rgyas la ni zhes bya ba la sogs pa gsungs te/ chos thams
 cad rnam pa thams cad du mngon par rdzogs par byang chub pa'i phyir zhes bya ba ni yod pa dang/ med pa la sogs pa dang bral ba'i rnam pa thams cad kyi phung po dang/ khams dang/ skye mched kyi chos thams cad mngon par rdzogs par byang chub
 pa ste/ ci yang thugs su chud pa med pa'i sgo nas byang chub pa'i phyir sems dang sems las byung ba'i rgyu ba gtan log par 'dod pa yin te nyams su myong ba'i mtshan nyid can gyi sems dang tshor ba la sogs pa sems las byung ba rnams
 kyi spyod pa ste 'jug pa la sogs pa 'dod pa yin no/ /sems dang sems las byung ba rnams 'jug par ma yin no/ /zhes pa'o/ /des na ci yang snang ba med pa yin no zhes pa'i tha tshig ste/ rnam par rtog pa thams cad 'gags pa'i phyir ro/ /'di'i don ni 'di yin te/
 'dir sgrib pa ni rnam pa gnyis te/ nyon mongs pa can gyi dang/ nyon mongs pa can ma yin pa'i ma rig pa'o/ /de la nyon mongs pa can gyi ma rig pa 'khor ba'i rgyun 'jug pa'i rgyu yin la/ nyon mongs pa can ma yin pa'i ma rig pa ni gzugs la sogs pa snang
 ba'i rgyu yin no/ /bcom ldan 'das rnams la ni sgrib pa gnyis ka mi mnga' bas rgyu med pas 'bras bu med pa'i phyir 'khor ba dang gzugs la sog pa dag snang ba med pa'i phyir ji ltar kun rdzob tsam snang bar 'gyur/ de nas sems dang sems byung log par 'dod pa yin te/
 de ltar spyod pa la 'jug pa las/ stong nyid bag chags goms pa ni/ dngos po'i bag chags spong 'gyur zhing/ /ci yang med ces goms pas na/ /de yang phyi nas grol bar 'gyur/ /gang tshe gang zhig med do zhes/ /brtags bya'i dngos po mi dmigs pa//
 de tshe dngos med rten bral ba/ /blo yi mdun na ji ltar gnas/ /gang tshe dngos dang dngos med dag /blo yi mdun na mi gnas pa/ /de tshe dmigs pa gzhan med pas/ /dmigs pa med par rab tu zhi zhes gsungs so/ /gal te bcom ldan 'das rnams kyi sems
 dang sems byung log par 'dod na sku gsum dang sems can gyi don gyi rnam bzhag byed pa mi 'thad de/ 'di ltar bcom ldan 'das rnams kyi rnam pa thams cad du sems dang sems las byung ba'i rgyu ba log pas lhag ma 'ga' zhig grang med pas
 chos kyi sku mi 'thad de/ de la chos ni stobs dang/ mi 'jig pa la sogs pa'i yon tan rnams yid la/ sku ni rang bzhin te/ stong pa nyid yin pas chos med pas rang bzhin med pa'i phyir chos sku yod pa ma yin no/ /de bzhin du sems dang sems
 las byung ba dag log pas rgyun ma chad par chos kyi bdud rtsi la longs spyod pa med pas longs spyod rdzogs pa'i sku yang mi rigs so/ /de bzhin du sems dang sems las byung ba log pas sprul pa med pa'i phyir sprul pa'i sku yang ji ltar
 rigs/ de bzhin du chos ston pa'i rgyu ye shes med pa'i phyir sems can gyi don gyi rnam bzhag kyang med pas bcom ldan 'das rnams kyi sems dang sems las byung ba'i rgyu ba log par ci ltar 'dod ce na/ de la lan ni sangs rgyas kyi sar
 bcom ldan 'das la sku gsum gyi bstod pa'i gnas skabs su slob dpon rang nyid kyis 'chad par 'gyur bas 'dir ma brjod do/ /mjug bsdu ba bstan par bya ba'i phyir/ de ltar na re zhig ces bya ba la sogs pa gsungs te/ kun rdzob kyi bden
 pa zhes bya ba ni bden par zhen pa'i 'jig rten pa la bltos nas so/ /kun rdzob tsam du gsungs pa yin no zhes bya ba ni 'jig rten pa'i 'khrul pa'i shes pa dang/ snang ba dang bcas pa'i 'phags pa'i gang zag rnams la bltos nas so//
 da ni don dam pa la yang bltos pa'i dbang gis rnam bzhag bstan par bya ba'i phyir/ de la zhes bya ba la sogs pa gsungs te/ de la zhes bya ba ni kun rdzob dang don dam pa'i gnas skabs la'o/ /don dam pa gang yin pa zhes bya ba ni de
 rnams la bden par zhen pa yod pas brdzun par snang ba med pa'i phyir ro/ /de'i rang bzhin stong nyid gang yin pa zhes bya ba ni kun rdzob tsam de'i rang bzhin stong pa nyid gang yin pa'o/ /de rnams kyi don dam pa'o zhes bya ba ni 'phags pa rnams la
 snang ba ma log pas so/ don dam pa ni rang bzhin nyid yin zhing zhes bya ba ni stong pa nyid yin no zhes pa'i tha tshig go /de rnams la snang ba 'jug pa med pas so/ /de yang zhes bya ba ni don dam pa'o/ /bslu ba med pa nyid ces bya ba ni
 ji ltar rtogs pa de ltar yod pas so/ /de'i phyir don dam pa'i bden pa yin la zhes bya ba gsungs te/ dam pa 'jig rten las 'das ye shes yin la/ don ni yul yin pa'i phyir don dam pa yin la/ de yang bden pa nyid yin te/ mi bslu ba'i phyir ro//
 yang na mchog tu gyur ba'i don ni don dam pa yin te/ de yang stong pa nyid do/ /stong pa nyid las lhag pa'i dngos po mchog tu gyur pa med pas so/ /bden pa ni sngar bzhin du'o/ /de ni zhes bya ba ni don dam pa'i bden pa'o/ /de rnams kyis zhes bya ba ni bcom
 ldan 'das rnams kyis so/ /so so rang gis rig par bya ba yin no zhes bya ba ni dmigs pa med pa'i sgo nas so/ /don dam pa'i bden pa ma yin no zhes bya ba ni 'jig rten pas mngon par zhen pa'i yod dang med pa la sogs pa rnams ni 'jig rten pa'i shes pa'i
 yul yin pa'i phyir rnam par dpyad na mi rigs pas so/ /da ni don dam pa'i bden pa bstan par bya ba'i phyir/ de ltar zhes bya ba la sogs pa gsungs te/ kun rdzob kyi bden pa brjod nas zhes bya ba ni 'jig rten pa'i gti mug gi stobs kyis bden
 pa gnyis su brjod nas so/ /de ni zhes bya ba ni don dam pa'i bden pa'o/ /brjod du med pa'i phyir zhes bya ba ni sgra thams cad kyi yul ma yin pa'i phyir ro/ /shes pa'i yul ma yin pa nyid kyi phyir zhes bya ba ni rnam par rtog pa'i shes pa'i yul ma
 yin pa'i phyir te'o/ /de rnams yod pa dang med pa la sogs pa'i yul la 'jug pas so/ /dngos su bstan par mi nus pas zhes bya ba ni rnam par rtog pa dang sgra med par gzhan la bstan par mi nus pas so/ /rang gi myong ba nyid du zhes bya ba
 ni 'jig rten pa rang gis nyams su myong ba'i dpe'i sgo nas so/ /nyan par 'dod pa rnams la zhes bya ba ni de kho na nyid nyan par 'dod pa rnams la'o/ /de'i rang bzhin gsal bar bya ba'i phyir zhes bya ba ni don dam pa'i rang bzhin
 gsal bar bya pa'i phyir ro/ /'di'i don ni don dam pa'i bden pa ni sgra dang rnam par rtog pa'i yul ma yin pa nyid kyis dngos su bstan par nus pa ma yin du zin kyang dpe'i sgo nas bstan par bya ba yin no zhes pa'i don to/ /rab rib mthu
 yis zhes bya ba la sogs pa rab rib mthus gang snang ba'o zhes pa'o/ /skra bshad la sogs pa zhes bya ba la sogs pa'i sgras ni sbrang bu la sogs pa bzung bar bya'o/ /ngo bo log pa gang zhes bya ba ni phyis kyi dus brdzun pa nyid du rtogs
 pas so/ /de nyid zhes bya ba ni skra bshad la sogs pa'i ngo bo'o/ /bdag nyid gang gis zhes bya ba ni dngos po dang dngos po med pa dang bral ba'i bdag nyid kyis so/ /mig dag pas zhes bya ba ni rab rib la sogs pas nye bar ma bcom pa'o//
 de nyid ces bya ba ni skra shad la sogs pa'o/ /de bzhin 'dir shes kyis zhes bya ba ni don la sbyar ba yin te/ 'di ltar rab rib can la snang ba'i skra shad la sogs pa'i de kho na nyid mig dag pas mthong ba yin la/ de bzhin du 'jig rten pa
 la snang ba'i kun rdzob kyi bden pa de spyan dag pa sangs rgyas bcom ldan 'das rnams kyis bdag nyid gang gis gzigs pa de kho na nyid gzigs pa de kho na yin no zhes pa'i don to/ /de nyid 'grel pas bstan par bya ba'i phyir/ rab
 rib kyi mthus zhes bya ba la sogs pa gsungs te/ rab rib med pas rab rib can gyi tshogs thob par rig ste/ skra shad kyi rnam pa de dag ma dmigs pa yin no zhes pa'i tshig sbyar bar bya'o/ /bse ru la sogs pa'i snod kyi nang na
 zhes bya ba la sogs pa'i sgras ni dngul dang gser la sogs pa'i snod bsdu bar bya'o/ /des gsal bar 'dod nas zhes bya bas ni skra shad kyi tshogs bsal bar 'dod nas so/ /snod de la zhes bya ba ni skra shad kyi tshogs kyi snod la'o//
 'dre zlog byed pa'o zhes bya ba ni kha spub pas bzlog pa'o/ /de ci byed pa zhig snyam nas zhes bya ba ni rab rib can 'di snod 'dre bzlog byed pa 'di ci zhig yin snyam nas so/ /de'i gan du phyin nas zhes bya ba ni rab rib can gyi'o/ /skra shad kyi yul der mig gtang
 kyang zhes bya ba ni snod kyi nang na yod pa'i skra shad kyi yul la mig gtad kyang ngo/ /rnam pa de dag ces bya ba ni rab rib can la snang ba gang yin pa'o/ /skra shad de'i rten can zhes bya ba ni skra shad la dmigs nas skyes pa'o/ /dngos po dang dngos po
 med pa dang zhes bya ba ni skra shad la sogs pa'i tshogs pa 'di dngos po 'am dngos po med pa yin snyam pa'i spyi'i rnam par rtog pa gang yin pa'o/ /skra shad dang skra shad ma yin pa dang zhes bya ba ni bye brag gi rnam par rtog pa'o/ /sogs pa'i
 sgras ni nag po bsdu bar bya'o/ /de'i rnam par rtogs pa bsal bar 'dod pas zhes bya ba ni skra shad kyi rten can dngos po dang/ dngos po med pa la sogs pa rnam par rtog pa bsal bar 'dod pas so/ /rab rib can gyi dmigs pa'i dor
 byas nas zhes bya ba ni rab rib can la skra shad du snang ba gang yin pa de la brten nas te/ rab rib med pa rang nyid kyis skra shad la sogs pa ma dmigs pa'i phyir rab rib can gyi rjes su 'brangs nas de'i rnam par rtog pa bsal ba'i
 chung ngu rab rib med pa 'di ni skra shad dag yod pa ma yin pas 'di na skra shad la sogs pa dag yod pa ma yin no zhes dgag pa lhur byed pa'i tshig gi tha snyad dag brjod pa yin pas so/ /'di zhes bya ba ni rab rib med pa'o/ /de la skur
 pa 'debs pa zhes bya ba ni skra shad la sogs pa las te/ rang nyid kyi skra shad dmigs nas skra shad dag yod pa ma yin no zhes skur pa 'debs pa ma yin no/ /skra shad dag gi de kho na nyid ni zhes bya ba ni dngos po dang dngos po med pa dang/ skra shad
 dang skra shad ma yin pa la sogs pa dang bral ba'o/ /cig shos ni ma yin no zhes bya ba ni rab rib can gyis te/ de la rab rib kyi stobs kyis skra shad la sogs pa'i rnam par rtog pa kun tu dpyod pas so/ /de ltar dpe bstan nas
 don la sbyar bar bya ba'i phyir/ de bzhin du zhes bya ba la sogs pa gsungs te/ de bzhin du zhes bya ba ni rab rib can gyi dpe'i tshul gyis so/ /ma rig pa'i rab rib kyis zhes bya ba ni ma rig pa nyid rab rib yin te/ ci lta ba bzhin du gnas pa'i
 dngos po'i de kho na nyid mi shes pas so/ /des blo'i mig la gnod pa byas so/ /de kho na nyid ma mthong ba dag gi zhes bya ba ni de kho na nyid ma mthong ba'i phyir dngos po'i rang bzhin phyin ci log tu sgro 'dogs pa'o/ /phung po dang/ khams dang/ skye
 mched la sogs pa zhes bya ba la/ phung po ni gzugs dang/ tshor ba dang/ 'du shes dang/ 'du byed dang/ rnam par shes pa'i phung po ste lnga'o/ /khams ni mig dang/ rna ba dang/ sna dang/ lce dang/ lus dang/ yid kyi khams dang/ de bzhin
 du mig gi rnam par shes pa la sogs pa'i khams drug dang/ de bzhin du yul gzugs la sogs pa'i khams drug yin pas bco brgyad do/ /skye mched ni/ mig dang/ rna ba dang/ sna dang/ lce dang/ lus dang/ yid kyi skye mched de drug
 dang/ de bzhin du de rnams kyi yul gzugs la sogs pa'i skye mched drug yin pas skye mched bcu gnyis so/ /de la khams kyi rnam bzhag byas pa'i skabs su mig gi rnam par shes pa la sogs pa khams drug dang/ yid kyi khams te
 bdun gang bstan pa de skye mchod kyi rnam bzhag byed pa'i gnas skabs su ni yid kyi skye mched kyis bsdus pa'i phyir mig gi rnam par shes pa'i khams la sogs pa rnams skye mched kyi nang du mi 'dus pa ni ma yin no/ /de la phung po'i don ni spungs
 pa'i don yin te/ 'das pa dang/ ma 'ongs pa la sogs pa'i gzugs la sogs pa'i tshogs gi gzugs kyi phung po la sogs pa'i ming btags pa yin no zhes pa'i don to/ /khams kyi don ni rigs kyi don yin te/ dper na ri gcig la zangs dang/ dngul la sogs
 pa'i rigs du ma yod pa de bzhin du rgyud gcig la sems dang sems las byung ba'i rigs bco brgyad yod pa yin no zhes pa'i don to/ /sems dang sems las byung ba dag rgyas par byed pa'i phyir skye mched do/ /rgyas par ni mngon pa las shes par
 bya'o/ /sogs pa'i sgras ni gang zag la sogs pa bsdu bar bya'o/ /de ni zhes bya ba ni phung po dang/ khams dang skye mched la sogs par snang ba'o/ /de dag gi zhes bya ba ni dngos po rnams kyi'o/ /ngo bo kun rdzob pa'i zhes bya ba ni gti mug gi stobs
 kyis byung ba gang yin pa'o/ /phung po la sogs pa de dag nyid ces bya ba ni ma rig pa'i rab rib kyis bcom pa'i blo dang ldan pa rnams la snang ba gang yin pa'o/ /rang bzhin gang gis bya ba ni phung po dang/ khams dang/ skye mched dang/ yod pa dang/ med
 pa la sogs pa dang bral ba'i rang bzhin nyid kyis te/ de rnams snang ba'i rgyu ma rig pa med pas so/ /ma rig pa'i bag chags dang bral ba zhes bya ba ni nyon mongs pa can dang/ nyon mongs pa can ma yin pa'i bag chags med pa'i phyir ro/ /de dag gi zhes
 bya ba ni dngos po rnams kyi'o/ /'di'i don ni 'di yin te/ 'dir skyes bu 'ga' zhig la rab rib kyi mthus snod kyi nang na gnas pa'i skra shad la sogs pa snang ba de la rab rib med pa'i skyes bu 'ga' 'ongs nas 'di na skra shad med do zhes rigs pa'i sgo
 nas ji srid du ma brjod pa de srid du skra shad la bden par mngon par zhen par byed la gang gi tshe rab rib med pa'i rigs pa'i tshig gis skra shad la sogs pa bden pa ma yin pa nyid du rtogs pa de'i tshe yang/ des skra shad la sogs pa'i don dam pa rtogs pa
 ma yin te/ rab rib kyi mthus skra shad la sogs pa 'khrul pa yod pa'i phyir ro/ /'on kyang bden pa tsam du zhen pa log pa'o/ /gang gi tshe rab rib log pas skra shad la sogs par snang ba log pa de'i tshe skra shad la sogs pa ni gdod
 ma nas skye ba med pa yin no/ /zhes rtogs pa yin la/ de'i yul can gyi yod pa dang med pa la sogs pa'i rnam par rtog pa thams cad kun tu spyod pa med pa de'i tshe skra shad la sogs pa'i rang bzhin yang dag par rtogs pa yin no/ /de bzhin du
 ma rig pa'i rab rib kyis bsgribs pa'i mig can so so'i skye bo rnams la ma rig pa'i mthus phung po la sogs pa rnams snang ba yin la/ de rnams la ma rig pa'i rab rib dang bral ba'i sangs rgyas bcom ldan 'das rnams kyi rig pa'i sgo nas
 phung po la sogs pa 'di rnams ni yod pa ma yin no zhes ji srid du ma gsungs pa de srid du de rnams la bden par zhen pa yod pa yin la/ gang gi che bcom ldan 'das rnams kyis phung po la sogs pa 'di rnams ni 'ga' zhig kyang yod pa
 ma yin no zhes gsungs pa de'i tshe rnam pa du ma dang/ thabs du ma dang/ dus yun ring por stong pa nyid goms pa las thog ma med pa nas goms pa'i bden par mngon par zhen pa ldog pa yin gyi/ brdzun par snang ba ni ldog pa ma
 yin no/ /de'i tshe yang phung po la sogs pa'i rang bzhin yongs su shes pa ma yin te/ nyon mongs pa can ma yin pa'i ma rig pas phung po la sogs pa snang ba'i 'khrul pa yod pas so/ /'on kyang bden par zhen pa las log pa tsam
 yin no/ /gang gi cho nyon mongs pa can dang/ nyon mongs pa can ma yin pa'i ma rig pa rnam pa thams cad du log pas phung po la sogs pa rnam pa thams cad du ma snang bde'i tshe phung po la sogs pa de rnams kyi rang bzhin rtogs pa yin te/
 gdod ma nas skye ba med pa khong du chud pa'i phyir ro/ /de'i tshe rnam par rtogs pa thams cad log pas phung po la sogs pa rnams kyi rang bzhin rtogs pa yin/ /de'i dus na phung po la sogs pa rnams kyi rang bzhin ci ltar snang ba de'i don dam pa'i bden pa'o/ /de yang
 kun rdzob kyi tha snyad kyi dbang du byas nas sems dang sems las byung ba'i rgyu ba gtan log pa'i mtshan nyid can du brjod pa yin gyi/ don dam pa'i dbang du byas nas sems dang sems las byung ba'i rgyu ba gtan log pa'i mtshan nyid can? ma yin
 te/ sems dang sems las byung ba nyid gdod ma nas skye ba med pa'i phyir zhes pa'o/ /gal te sems dang sems las byung ba gtan log pa'i mtshan nyid can yin na/ de ci ltar mthong zhe na/ de nyid bstan par bya ba'i phyir/ gal te rnam pa de lta bu'i
 zhes bya ba la sogs pa gsungs te/ mthong ba med pa nyid ces bya ba ni sems dang sems las byung ba med pa'i phyir phung po la sogs pa dang bral ba'i de kho na nyid mthong ba las 'das pa'i phyir/ /de dag gis zhes bya ba ni sangs rgyas rnams
 kyis so/ /de la lan bstan par bya ba'i phyir/ bden mod kyi zhes bya ba la sogs pa gsungs te/ mi dmigs pa'i tshul gyis dmigs pa bsgrub pa'i don du mdo'i khungs bstan par bya ba'i phyir/ ji skad du zhes bya ba la sogs pa gsungs te/
 don dam par na zhes bya ba khyad par smos pa ni kun rdzob kyi tha snyad du brjod pa yin pas so/ /lus dang ngag dang yid kyi yul gyi rang bzhin du 'gyur ba na zhes bya ba ni lus kyis reg par bya ba nyid dang/ ngag gis brjod par bya ba nyid dang/ yid
 kyis dmigs par bya ba nyid kyi spyod yul du gyur na'o/ /de don dam pa'i bden pa zhes bya ba'i grangs su mi 'gro ste zhes bya ba ni rgyu dang 'bras bu'i dngos po mi rigs pas yod pa dang med pa la sogs pa dang bral ba'i de kho na nyid la yul gyi rang
 bzhin du 'gyur ba mi rigs pa'i phyir de 'dzin par byed pa yang mi rigs pa'i phyir ro/ /kun rdzob kyi bden pa nyid du 'gyur ro zhes bya ba ni ma rig pa'i stobs kyis gzung ba dang/ 'dzin pa'i dngos po nyid du snang ba'i phyir ro/
 tha snyad thams cad las 'das pa'i zhes bya ba ni don dam par na de kho na nyid dang/ don dam pa dang/ stong pa nyid dang/ yang dag pa'i mdza' zhes bya ba'i tshig rnams kyi tha snyad kyi yul ma yin pas so/ /bye brag med par zhes bya ba ni sngon po
 dang/ ser po dang/ rtag pa dang/ mi rtag pa la sogs pa'i khyad par dang mi ldan pas so/ /ma skyes pa zhes bya ba ni skye ba med pas so/ /de nyid kyi phyir ma 'gags pa'o/ /tha snyad nyid las 'das pa nyid kyi rgyu mtshan bstan par bya ba'i phyir
 smra ba bya ba dang/ zhes bya ba la sogs pa gsungs te/ sgra dang rnam par rtog pa dag gi spyod yul ma yin no/ zhes bya ba'i tha tshig go /rnam pa thams cad kyi mchog dang ldan pa thams cad mkhyen pa'i ye shes kyi yul gyi bar lam 'das
 pa yin te/ stobs dang mi 'jigs pa la sogs pa'i yon tan dang ldan pa'i thams cad mkhyen pa'i ye shes kyi yul dang bral ba yin te/ mu bzhi dang bral ba la yul gyi dngos po mi rigs pa dang/ gdul bya rnams kyis thams cad
 mkhyen pas de kho na nyid thugs su chud pa yin no zhes yul gyi dngos po brtags pa yin pas so/ /ci ltar don dam pa'i bden pa'o zhes brjod pa ltar ni ma yin no zhes bya ba ni de bzhin nyid dang yang dag pa'i mdza' dang don dam pa'i sgras ji ltar
 brjod pa de ltar ni ma yin te/ de kho na nyid kyi sgra dang rnam par rtog pa'i yul ma yin pa'i phyir ro/ /gal te stong pa nyid chos thams cad dang tha mi dad pa'i phyir ro/ /chos thams cad de kho na nyid yin par 'gyur ro zhe na/ de la lan ni chos thams cad
 ni brdzun ti bslu ba'i chos so zhes bya ba la sogs pa gsungs te/ chos thams cad ni zhes bya ba ni phung po la sogs pa rnams so/ /brdzun te zhes bya ba ni bden pa ma yin pa'o/ /bslu ba'i chos so zhes bya ba ni slu bar byed pa ste/ gang gi phyir chos thams cad slu
 bar byed pa de'i phyir brdzun pa yin pas don dam pa'i bden pa ma yin no zhes pa'o/ /de nyid kyi phyir don dam pa'i bden pa ni gcig pa dang tha dad pa nyid du brjod du med pa'o/ /smra bar bya ba dang/ smra ba dang zhes bya ba'i tshig de rgyas par bstan par bya ba'i phyir
 lha'i bu zhes bya ba la sogs pa gsungs te/ gang gis ston pa dang zhes bya ba ni ston pa'o/ /ci ston pa dang zhes bya ba ni sgra dang rnam par rtog pa dag gi yul gang yin pa'o/ /gang la ston pa zhes bya ba ni nyan pa po gang la'o/ /rab tu ma skyes pa'o
 zhes bya ba ni rgyu dang 'bras bu'i dngos po mi 'thad pa'i phyir ro/ /de'i phyir zhes bya ba ni rab tu ma skyes pa'i phyir ro/ /ther zug dang zhes bya ba ni rgyun chad pa ma yin pas so/ /rtag pa dang zhes bya ba ni dus thams cad du rang bzhin de nyid yin pas so/ /mi
 rtag pa dang zhes bya ba ni skad cig ma so so la 'jig pa'i rang bzhin can yin pas so/ /song pa dang zhes bya ba ni bdag gi ba dang bral bas so/ /mi stong pa dang zhes bya ba ni bdag gi ba nyid kyis so/ /mtshan nyid dang mtshan gzhi dang zhes bya ba la/ dper
 na kha dog dang dbyibs kyi bdag nyid can gyi sar snang ba ni mtshan gzhi yin la/ sra ba nyid ni mtshan nyid na mtshan nyid yin pa lta bu'o/ /skye ba dang 'gag pa la sogs pa'i zhes bya ba la sogs pa'i sgras ni 'gro ba dang 'ong ba la sogs pa bsdu
 bar bya'o/ /srid pa ma yin te zhes bya ba ni go sla'o/ /de ci'i phyir zhe na/ de rang gi ngo bo ma dmigs pa'i phyir zhes bya ba gsungs te/ rig pa'i sgo nas dngos po dang/ dngos po med pa dag mi 'thad pa'i phyir de'i rang gi ngo bo ma dmigs pa'i
 phyir ro/ /de kho na nyid bsam pa las 'phags pa rnams kho na tshad ma yin gyi zhes bya ba ni de rnams nyid kyis mi dmigs pa'i tshul gyis gzigs pa'i phyir ro/ /'phags pa ma yin pa dag ni ma yin no zhes bya ba ni so so'i skye bo rnams ni tshad
 ma ma yin pa'o/ /des ni de kho na nyid bsam pa la 'phags pa rnams kho na nyid tshad ma yin pa'i phyir de rnams kyi spyod yul la 'jig rten pas gnod pa ma yin no zhes bya ba'i tha tshig go /gal te yul de kho na nyid la 'jig rten gyi gnod pa brjod par 'dod
 pas 'jig rten gyi tshad ma khas len na/ de la lan bstan par bya ba'i phyir/ de ltar yin dang zhes bya ba la sogs pa smos te/ gal te yul de kho na nyid la 'jig rten tshad ma nyid du khas len na de'i tshe 'jig rten pas de kho na nyid mthong bar
 'gyur ro/ /'di'i don ni 'dir mi bslu ba nyid yin par 'gyur na tshad ma nyid du 'gyur ba yin la/ mi bslu ba nyid kyang dngos po ji lta ba bzhin du gnas pa yongs su shes pa'i rgyu can yin la/ yongs su shes pa de yang yod pa dang med pa dang bral ba'i
 dngos po yongs su shes pa yin no zhes pa'o/ /des na 'jig rten pas de kho na nyid mthong bar 'gyur la/ de'i phyir ma rig pa spangs par 'gyur ro/ /de nyid brtan par bya ba'i phyir/ blun po tshad mar rigs pa yang ma yin no zhes bya ba gsungs te/ dngos po ci lta
 ba bzhin du gnas pa yongs su ma shes pa dang/ yod pa dang med pa nyid la sogs pa'i phyin ci log gi dngos por sgro btags pa la blun po zhes bya ba/ de ci ltar na tshad ma ste mi bslu bar 'gyur/ dngos po phyin ci ma log par yongs su shes pa med
 pa'i phyir ro/ /de'i phyir tshad ma nyid du khas len na ma rig pa spangs pa yin par nges par khas blang bar bya dgos so/ /des na 'jig rten las gzhan du gyur pa'i lam ston par byed pa'i 'phags pa rnams kyis dgos pa ci zhig yod/ 'jig rten nyid lam
 ston par byed pa'i phyir ro/ /gzhan yang 'phags pa'i lam gyis kyang dgos pa ci zhig yod de/ 'jig rten pa'i mig nyid kyis de kho na nyid mthong ba'i phyir ro/ /gal te 'jig rten gyi mig nyid kyis de kho na nyid mthong bar ma gyur na de'i tshe 'phags pa'i lam
 dgos pa yod pa yin la/ 'on kyang 'jig rten gyi mig nyid kyis de kho na nyid mthong bas 'phags pa'i lam gyis ci zhig bya zhes pa'o/ /de nyid 'grel pas bstan par bya ba'i phyir/ 'jig rten tshad ma nyid du zhes bya ba la sogs pa gsungs te/ gang
 la zhes bya bas ni skyes bu la'o/ /gang gi yul can gyi zhes bya ba ni dngos po'i rang bzhin can gyi yul can no/ /de ni zhes bya ba ni skyes bu'o/ /de la zhes bya ba ni dngos po'i rang bzhin la'o/ /nor bu rin po che la zhes bya ba la sogs pa'i sgras ni ras
 yug la sogs pa bsdu bar bya'o/ /'phags pa'i lam khong du chud par zhes bya ba ni mthong ba'i lam khong du chud par bya ba'i phyir ro/ /tshul khrims dang/ thos pa dang/ bsam pa dang/ bsgom pa la sogs pa zhes bya ba ni/ tshul gnas thos dang
 bsam ldan pa/ /bsgom pa la ni rab tu sbyor zhes bya ba'i tshul gyis so/ /sogs pa'i sgras ni sbyin pa la sogs pa bsdu bar bya'o/ /de ni de ltar yang ma yin na zhes bya ba ni mig la sogs pa rnams kyis de nyid mthong bas 'phags pa'i lam dgos
 pa med pas na? ni? yin no/ /de'i phyir zhes bya ba ni 'jig rten 'di de kho na nyid mthong ba ma yin pas so/ /de nyid skabs su zhes bya ba ni de kho na nyid kyi gnas skabs ? ste/ spyod yul ma yin pa la tshad ma nyid du mi rigs pa'i phyir ro/ /de'i phyir de kho na nyid
 kyi skabs su 'jig rten gyi yul ma yin pa nyid kyi phyir 'jig rten gyi gnod pa yod par mi 'gyur te/ rab rib can gis rab rib med pa'i shes pa la ni gnad pa bzhin no/ /ji skad du bshad pa'i tshul 'di las na zhes bya ba ni 'phags pa rnams
 kyi dgos pa med pa dang/ mig la sogs pa'i de kho na nyid mthong bas 'phags pa'i lam dgos pa med pa nyid du bstan pa'i tshul las so/ /de ltar de kho na nyid kyi skabs su 'jig rten tshad ma yin pas 'jig rten gyi gnod pa yod
 par mi 'gyur ro zhes bstan nas/ 'jig rten gyi gnod pa'i yul gyi khyad par bstan par bya ba'i phyir/ 'o? na ji ltar zhes bya ba la sogs pa gsungs te/ gal te de kho na nyid kyi skabs su 'jig rten gyis gnod par mi 'gyur na/ 'o na gang la 'jig rten gyis gnod
 par 'gyur zhe na/ de la lan bstan par bya ba'i phyir/ bshad pa zhes bya ba la sogs pa gsungs te/ 'jig rten don ni zhes bya ba ni 'jig rten pas rtogs pa'o/ /'jig rten grags pa nyid kyis zhes bya ba ni 'jig rten la grags pa'i don gyis so/
 de nyid la dpe bstan par bya ba'i phyir/ dper na zhes bya ba la sogs pa gsungs te/ 'dir yang 'jig rten gyis rtogs pa'i don ni gnyid sad pa'i mthong ba'i bum pa'o/ /de rmi lam gyi shes pa'i yul du gyur pa'i bum pa dang dper byas
 nas gang gi tshe sang pa'i gnas skabs kyi bum pa yod pa ma yin no zhes sun 'byin par byed pa de'i tshe 'jig rten gyis gnod par 'gyur ba yin te/ gang gi phyir sang pa'i gnas skabs na mthong ba'i bum pa 'jig rten gyis bden pa nyid du rtogs
 la/ rmi lam gyi gnas skabs na mi bden pa nyid du mthong ba des sad pa'i gnas skabs na mthong ba la bden pa ma yin no zhes ji ltar rjod par byed de/ dper na rab rib med pa la bse ru la sogs pa'i snod skra shad dang mi ldan par mthong la/
 rab rib can gyis bse ru la sogs pa'i snod skra shad dang ldan par mthong bas mi gnod kyi/ 'on kyang bden par rtogs pas gnod pa de bzhin du 'dir yang ngo/ /des na sad? pa'i gnas skabs na bum pa bden par rtogs pas bum pa med pa
 nyid sel ba nyid yin pas 'jig rten gyis gnod par 'gyur ba'o/ /de lta bu la sogs pa'i yul zhes bya ba la sogs pa'i sgras ni gser 'di rdzas ma yin te/ gzhal bya yin pa'i phyir rmi lam gyi gser bzhin no zhes bya ba la sogs pas bsdu bar
 bya'o/ /gang gi tshe 'phags pa'i gzigs pa la gnas te zhes bya ba ni 'phags pa'i gzigs pa khas len na ste/ 'phags pa'i gzigs pa la bltos nas so zhes bya ba'i tha tshig go /skye bo mkhas pa tshad mar byed pa de'i tshe ni zhes bya ba ni 'phags
 pa'i skye bo tshad mar khas len pa de'i tshe'o/ /'jig rten gyi gnod pa yod pa ma yin no zhes bya ba ni rab rib med pas mthong ba la rab rib can gyis mthong ba de bzhin du 'jig rten pa'i gnod pa yod pa ma yin no/ /phyogs 'dis zhes bya ba ni gzhan las skye
 ba 'gog pa la 'jig rten gyis gnod pa yod par mi 'gyur ba'i rigs pas so/ /gzhan yang dpyad par bya'o zhes bya ba ni rang gi bdag nyid mi mthong ba des gzhan yang mi mthong ste/ dper na bum pa bzhin mig gis kyang gzugs mi mthong ba ste/ rang gi
 bdag nyid mi mthong ba'i phyir ro/ /de la gzhan dag na re mig gis gzhan mthong bar 'jig rten la grags pa'i phyir 'jig rten la grags pa'i gzhan mthong bas mig gis gzhan mthong ba 'gegs pa de sel bar byed pa yin no zer na/ de la sngar bstan
 pa bzhin du yan lag brjod par bya ste/ gang mig gis gzhan mthong ba'i 'gog pa de ni 'phags pa rnams kyi gzigs pa la blto nas yin la/ de la yang sngar bstan pa'i tshul gyis 'jig rten la grags pa'i gnod pa med pa'i phyir 'jig rten gyi gnod pa yod par 'byung
 ba ma yin no zhes khong du chud par bya'o/ /de ltar 'jig rten la grags pas gzhan las skye ba khas blangs nas 'jig rten gyi gnod pa spong ba bstan nas/ da ni 'jig rten pa'i grags pas kyang gzhan las skye ba yod pa ma yin no zhes bstan par
 bya ba'i phyir/ de'i lta ba zhes bya ba la sogs pa gsungs te/ de'i lta ba la gnas nas kyang zhes bya ba ni 'jig rten pa'i mthong ba la/ brten nas kyang ngo/ /sa bon tsam zhes bya ba la sogs pa ni nur
 nur po la sogs pa skyed par byed pa'i mi gtsang ba tsam mo/ /bdag gis bu 'di bskyed ces smra byed cing zhes bya ba ni ma'i mngal nas btsas pa'i dbang po dang ldan pa mthong nas bu 'di bdag gis bskyed pa yin no zhes rjod par byed pa dang/ de
 bzhin du a mra la sogs pa'i sa bon tsam btsugs nas a mra skyes pa na a mra gang gis btsugs pa yin zhes brjod pa'o/ /gang gi phyir mi gtsang ba dang/ bu ngag dang/ sa bon dang a mra'i rgyu dang/ 'bras bu dag la 'jig rten gyis gcig
 nyid du nges pa de'i phyir 'jig rten gyi rtogs pas gzhan la skye ba mi 'grub ste/ gcig tu rtogs pa dang/ gzhan nyid du rtogs pa 'gal bas so/ /gzhan las skye ba 'jig rten las kyang med do/ /zhes bya ba ni gang gi phyir 'jig rten
 pas skyed par byed pa dang bskyed par bya ba dag gcig nyid du nges pa de'i phyir 'jig rten pa'i sgo nas gzhan las skye ba grub ma yin no zhes pa'o/ /de nyid 'grel pas bstan par bya ba'i phyir/ pho'i dbang po zhes bya ba la sogs pa gsungs
 te/ 'di rnam pa 'di lta bu zhig ces bya ba'i pho'i dbang pos mngon par gsal bar byas pa'o/ /de'i sa bon du gyur pa zhes bya ba ni bu'i sa bon du gyur pa'o/ /gzhan nyid yin na ni gang zag gzhan ltar de yang nye bar ston par mi 'gyur ro zhes
 bya ba ni gal te 'jig rten pas sa bon dang myu gu dag gzhan nyid du rtogs par 'gyur na ni ci ltar sa bon de la rang gi bu gzhan nyid yin pa de bzhin du rang gi bu las gang zag gzhan yang rang gi sa bon las gzhan yin la/ des na gzhan
 nyid du zin kyang ci ltar gang zag gzhan rang gi bu nyid du mi ston pa de bzhin du gzhan nyid khyad par med pa'i phyir rang gi bu yang bu 'di pas bskyed pa yin no zhes ston par byed par mi 'gyur pa'o/ /de bzhin du sa bon dang ljon shing dag la yang sbyar bar bya'o zhes
 bya ba ni gang zhig ljon shing nye bar ston zhing ljon shing 'di'i sa bon btsugs pa yin no zhes brjod la/ ljon shing de btsugs pa ni ma yin gyi/ 'on kyang de'i sa bon tsam mo/ /des na gcig nyid yin no/ /gzhan nyid yin na ni ljon shing de gzhan
 bzhin du de yang nye bar ston par mi 'gyur ro zhes bya bar sbyar bar bya'o/ /ji skad du bshad pa'i tshul la zhes bya ba rang dang/ gzhan las skye ba bkag pa'i rigs pa las so/ /rten cing 'brel par 'byung ba rtag pa dang chad pa med par grub pa'i sgo nas zhes
 bya ba ni 'dir gzhan las skye ba yin na sa bon dang/ myu gu dag gzhan nyid du 'gyur ba yin na/ gzhan las skye ba med pas gzhan nyid ma grub pa'i phyir myu gu bzhin du sa bon yang chad par mi 'gyur ro/ /de ltar rten cing 'brel par 'byung ba
 chad pa med pa'i chos nyid do/ /de bzhin du rang las skye bar gyur na sa bon dang myu gu dag gzhan ma yin pa nyid du 'gyur la/ de med pas rang bzhin med pa'i phyir sa bon gang yin pa de nyid myu gu ma yin pas sa bon 'jig pa med pa bkag pa'i
 phyir rtag pa nyid du mi 'gyur ro/ /ji ltar rten cing 'brel par 'byung ba rtag pa ma yin pa'i chos nyid do/ /de nyid bstan par bya ba'i phyir/ gang phyir zhes bya ba la sogs pa gsungs te/ de phyir myug tshe sa bon zhig pa med ces bya ba ni gzhan nyid med
 pas myu gu yod pa nyid sa bon yod pa min no zhes bya'o/ /myug tshe sa bon yod ces brjod mi bya zhes bya ba ni gcig nyid ma yin pas myu gu skye na sa bon zhig pa srid pas so/ /'di'i don ni gal te sa bon dang myu gu dag la rang bzhin yod par
 gyur na de'i tshe? gcig pa nyid dang tha dad pa nyid rigs pa yin pa las 'on kyang rang gzhan las skye ba bkag pa'i rang bzhin bkag pa yin pas gcig dang bdag nyid ga la srid/ de med pas rten cing 'brel par 'byung ba ni rtag pa dang chad pa
 med pa'i chos nyid do/ /de nyid 'grel pas bstan par bya ba'i phyir/ gal te myu gu zhes bya ba la sogs pa gsungs te/ myu gu yod bzhin du yang sa bon rgyun chad par 'gyur te/ zhes bya ba ni sa bon zhig nas myu gu skye ba yin pa'i phyir ro/ /de la dpe
 bstan par bya ba'i phyir/ gang gi phyir zhes bya ba la sogs pa gsungs te/ go sla'o/ /sa bon yod na myu gu 'byung 'gyur zhing zhes bya ba ni sa bon yod na myu gu 'byung ba gang yin pa de chos can no/ /sa bon gang yin myu gu de nyid min zhes bya ba ni sa bon
 dang myu gu dag gzhan ma yin pa de nyid ma yin no zhes bsgrub par bya ba'o/ /de las gzhan min de yang ma yin phyir zhes bya ba ni rang bzhin ma grub pa'i phyir de nyid dam gzhan nyid du brjod par bya ba ma yin pa'i phyir ro/ /zhes gtan tshigs bstan pa yin no/
 de ltar phyogs gnyis char yang zhes bya ba ni gzhan dang gzhan ma yin pa nyid kyi phyogs dag go /don 'di nyid ces bya ba ni gzhan dang gzhan ma yin pa mi rigs pa'i don de nyid do/ /'du byed rnams ni zhes bya ba la sogs pa 'du byed de dag nyid du
 yod min zhes bya ba ni rang dang gzhan las skye ba med pa'i phyir ro/ /g.yo ba dang bral ba zhes bya ba ni bya dang mi ldan pa ste/ ma rig pa yang ngas 'du byed bskyed par bya'o snyam du sems pa med pa dang/ 'du byed kyang ma rig pas bskyed do/ /
 snyam pa mi 'byung ba'i phyir ro/ /bshad pa zhes bya ba ni mdo las so/ /bstan bcos las kyang zhes bya ba ni rtsa ba'i shes rab kyi 'jig rten pa'i de kho na nyid kyi mtshan nyid ston pa'i gnas skabs las so/ /gang la brten te gang 'byung ba
 zhes bya ba ni rgyu gang la brten nas 'bras bu gang 'byung ba ste/ dper na sa lu'i sa bon la brten nas sa lu'i myu gu skye ba bzhin no/ /de nyid re zhig de nyid min zhes bya ba ni sa bon gang yin pa de nyid myu gu ma yin te/ bskyed par bya ba dang bskyed
 par byed pa dag gcig nyid du thal bar 'gyur la/ des ni pha dang bu dag kyang gcig nyid du 'gyur ro/ /gzhan ma yin pa nyid kyi phyir myu gu'i gnas skabs na myu gu bzhin du sa bon yang dmigs par 'gyur ba dang/ sa bon bzhin du myu gu yang
 dmigs par mi 'gyur ro/ /de ltar na sa bon rtag par thal bar 'gyur te mi 'jig par khas blangs pas so/ /des na skyon chen po rtag par thal bar 'gyur ba dang/ las kyi 'bras bu la sogs pa med par thal bar 'gyur la/ de ltar re zhig sa
 bon gang yin pa de nyid myu gu yin par mi rigs pa'o/ /de las gzhan pa yang ma yin pa zhes bya ba ni sa bon las myu gu gzhan pa yang ma yin te/ sa bon med par myu gu skye bar 'gyur ba dang/ myu gu'i gnas skabs na yang sa bon yod
 par 'gyur bas so/ /des na 'chol ba'i skyon du 'gyur ro/ /des na/ de'i phyir rtag min chad pa'ang min zhes bya ba gsungs te/ gang gi phyir rgyu gang la brten nas 'bras bu gang skye ba'i rgyu nyid 'bras bu ma yin pa dang/ rgyu de las 'bras bu de gzhan
 ma yin pa'i phyir/ des na rgyu de chad pa dang rtag pa nyid du rnam par bzhag par mi nus so/ /da ni skye ba med pa gdon mi za bar khas blang bar bya ba yin no zhes bstan par bya ba'i phyir/ ci ltar zhes bya ba la sogs pa gsungs te/ de ltar ma yin
 te zhes bya ba ni don dam par dngos po'i rang bzhin skye bar khas len na'o/ /gal te rang gi mtshan nyid rten gyur na zhes bya ba ni rgyu dang rkyen la brten nas so/ /de la skur pa zhes bya ba ni dngos po'i rang bzhin la skur pa btab pas so/ /dngos po
 'jig pa'i phyir/ stong nyid dngos po 'jig pa'i rgyur gyur na zhes bya ba ni don dam par rang bzhin skyes pa la stong pa nyid kyi dngos po'i rang bzhin bkag pas so/ /de ni rigs min zhes bya ba ni dngos po'i rang bzhin yod par
 gyur na stong pa nyid kyis dngos po stong pa nyid du bya bar mi rigs te/ me yod par gyur na de'i rang bzhin tsha pa nyid gzhan du bya bar mi nus pas so zhes pas so/ /de nyid 'grel pas bstan par bya ba'i phyir/ gal te zhes bya ba la sogs
 pa gsungs te/ gzugs dang tshor ba la sogs pa zhes bya ba la sogs pa'i sgras ni 'du shes la sogs pa gzung bar bya'o/ /rang gi mtshan nyid rang gi ngo bo dang rang bzhin zhes bya ba ni gong ma gong ma 'og ma 'og mas bshad par bya/
 ci ltar skyes pa'i rang bzhin la skur pa btab pas stong pa nyid rtogs par 'gyur te zhes bya ba ni dngos po rang gi rgyu las skyes pa la stong pa nyid du mthong bas skur pa stong pa nyid du brtags pa'i sgo nas stong pa nyid du rtogs par 'gyur ba'o
 zhes pa'o/ /de ni rung ba yang ma yin te zhes bya ba ni rang bzhin stong pa nyid du bya bar mi rigs pa dang/ stong pa nyid du mthong ba log pa'i shes par thal bar 'gyur bas so/ /thams cad kyi tshe skye bas khas blangs par mi bya'o zhes bya ba
 ni gdod ma nas skye ba med par khas blang bar bya dgos te/ bcos ma ma yin pa'i dngos po la skye ba nyid med pas so/ dbu ma'i lam zhes bya ba ni dngos po dang dngos po med pa la sogs pa'i rnam par rtog pa dang bral ba'i lam gang
 yin pa'o/ /de'i bshad pa ni yang dag par so sor rtog pa ni zhes bya ba la sogs pa yin te/ dngos po ci lta ba bzhin du yang dag par yongs su shes pa gang yin pa'o/ /yang dag par so sor rtog pa ni zhes bya ba de nyid rgyas par bstan par
 bya ba'i phyir/ gang stong pa nyid kyis zhes bya ba la sogs pa gsungs te/ 'dir sems tsam pa rnams kyis kun brtags dang/ gzhan dbang yongs su grub pa ste/ ngo bo nyid rnam gsum brjod la/ de la kun gzhi rnam par shes pa las sngon po la sogs
 par snang ba'i shes pa skye ba gang yin pa de ni gzhan gyi dbang gi ngo bo ste/ rkyen gyi dbang gis 'jug pa'i phyir ro/ /de nyid don dam par gnyis su med pa yin pa la gnyis kyi dngos por brtags pa gang yin pa de ni kun brtags kyi ngo bo yin te/ brtags
 pa tsam du yod pa'i phyir ro/ /sngon po la sogs pa snang ba'i shes pa de nyid la dus thams cad du gzung ba dang 'dzin pas stong pa nyid gang yin pa de ni yongs su grub pa'i ngo bo nyid yin te/ dus thams cad du de bzhin du gnas pas so/ /de nyid kyi phyir/ gang
 zhig snang ba 'di gzhan dbang/ /ci ltar snang ba 'di kun brtags/ /rkyen gyi dbang du 'jug phyir dang/ /brtags pa tsam du yod phyir ro/ /snang ba de la ji lta bar/ /snang bzhin rtag tu med nyid gang/ /de ni yongs grub ngo bo nyid/ /shes bya gzhan du mi
 'gyur phyir zhes gsungs pas so/ /de la sems tsam pa rnams kyis sngon po la sogs pa'i snang ba'i gzhan gyi dbang yongs su brtags pa'i gzung ba dang 'dzin pas stong pa nyid kyis stong par byed la/ de'i dbang du byas nas gang stong pa nyid kyis
 zhes bya ba la sogs pa smos te/ stong pa nyid kyis te stong pa nyid chos thams cad kyis stong pa nyid yin no zhes stong pa nyid kyi rnam pas bsgoms pa las byung ba'i sems rtse gcig pa'i mtshan nyid can stong pa nyid kyi ting nge 'dzin gyis so/ /chos rnams
 te gzhan gyi dbang gi ngo bo'i chos can no/ /stong par mi byed pa ste/ stong pa nyid kyi chos dang ldan par byed pa ma yin gyi 'on kyang gzhan gyi dbang gi mtshan nyid kyi chos kho na gdod ma nas skye ba med pa'i phyir stong pa nyid yin no zhes bya ba'i tha tshig go /
 mtshan ma med pa zhes bya ba ni nam mkha' bzhin du mtshan ma thams cad dang bral ba'i stong pa nyid de nyid spros pa thams cad dang bral ba las zhi ba'i rnam par bsgoms pa las byung ba'i mtshan ma'i rnam pa dang bral ba'i sems rtse gcig
 pa'i mtshan nyid can gyi mtshan ma med pa'i ting nge 'dzin gyis chos rnams mtshan ma dang bral bar byed pa ma yin gyis/ 'on kyang chos rnams kyi rang bzhin skye ba med pa'i phyir gdong ma nas chos rnams mtshan ma dang bral ba'o/ /gang smon pa med
 pa rnams smon pa med par mi byed de zhes bya ba ni khams gsum pa dngos po med pa'i rnam par mthong nas chos thams cad la mi mthun pa'i 'du shes nye bar skyed nas de la shin tu smon pa rab tu gnas par mi bya'o zhes bsgom pa las byung
 ba'i sems rtse gcig pa'i mtshan nyid can smin pa med pa'i ting nge 'dzin gyi chos 'di rnams la smon pa dang bral bar mi byed kyi/ 'on kyang chos rnams nyid ngo bo nyid kyis ma skyes pa'i phyir smon pa dang bral ba'o/ /gang mngon par 'du bya ba med pas
 zhes bya ba la sogs pa la mngon par 'du bya ba'i stong pa nyid dang/ mtshan ma med pa dang/ smon pa med par rnam par rtog pa'o/ /rnam par rtog pa'i ngo bo skye ba med pa'i phyir stong pa nyid dang/ mtshan ma med pa dang/ smon pa med par rnam
 par rtog pa'i yul du chos thams cad 'gyur ba ma yin no snyam du rtogs pa las byung ba'i sems rtse gcig pa'i mtshan nyid can no/ /mngon par 'du bya ba med pa'i ting nge 'dzin yin la des chos rnams mngon par 'du bya ba med par mi
 byed kyi/ 'on kyang rnam par rtog pa'i ngo bo skye ba med pa'i phyir chos rnams mngon par 'du byed pa med pa'o/ /'dir 'ga' zhig na re skye bas dngos po rnams skyed par byed pas skye ba med na dngos po rnams skye ba ma yin no zhes brjod pa
 de'i dbang du byas nas gang ma skyes pa zhes bya ba la sogs pa 'di gsungs pa yin te/ dngos po rnams ngo bo nyid med pa'i phyir ro/ /'ga' zhig na re skye ba'i stobs kyis dngos po rnams skye ba ma yin gyi/ 'on kyang rgyu'i stobs kyis 'byung ba yin
 la/ ma byung bas de rnams mi 'byung bar byed pa yin no zhes brjod pa de rnams kyi dbang du byas nas gang ma byung bas zhes bya ba la sogs pa 'di gsungs pa yin te/ ngo bo nyid kyis ma byung ba'i phyir ro/ /de ltar dbu ma pa rnams kyi dbang du byas nas
 stong pa nyid la sogs pas chos rnams stong pa nyid du byed pa ma yin gyi sems tsam pa'i dbang du byas nas stong pa nyid kyi chos rnams stong par 'gyur ba yin no zhes bstan par bya ba'i phyir/ gang zhig gzhan gyi dbang gi ngo bo zhes bya ba la
 sogs pa gsungs te sngar bshad zin to/ /de nyid dang gzhan nyid du brjod par bya ba ma yin par zhes bya ba ni gal te gzhan gyis dbang las stong pa nyid gzhan yin par 'gyur na de'i tshe tha dad pa'i stong pa nyid rtogs pa gzhan gyi dbang gi
 gzung ba dang rnam par rtog pa mi ldog pa'i phyir grol ba med par thal bar 'gyur ro/ /gal te gzhan nyid ma yin par gyur na ni de'i che dus thams cad du grol bar thal bar 'gyur ba dang/ stong pa nyid dngos po nyid du thal ba dang/ gzhan gyi
 dbang stong pa nyid du thal bar 'gyur ro/ /des na de nyid dang gzhan nyid dang gzhan nyid du brjod par bya ba ma yin no zhes pa'i tha tshig go /mi rtag pa nyid la sogs pa ltar zhes bya ba la sogs pa'i sgras byas pa la sogs pa bsdu bar bya'o/
 de la gal te chos can las mi rtag pa nyid la sogs pa tha dad pa yin na chos can de rtag par thal bar 'gyur la/ tha mi dad pa yin na chos can dang/ chos dag gi dbye ba med pa dang/ mi rtag pa nyid mngon sum gyis grub par
 thal bar 'gyur ro/ /des na de nyid dang gzhan nyid du brjod par bya ba ma yin pa'o/ /de la zhes bya ba ni sems tsam pa la'o/ /stong pa nyid kha nas zhes bya ba ni chos kyi ngo bo gzung ba dang 'dzin pa stong pa nyid kyis so/ /chos thams cad
 stong pa nyid yin gyi zhes bya ba ni gzhan gyi dbang gi mtshan nyid can gyi chos rnams stong pa nyid dang 'brel pas stong pa'o/ /rang bzhin nyid kyis ni ma yin zhes bya ba ni gzhan dbang yod pa nyid du khas blangs pa'i phyir ro/ /bzhi brgya pa las zhes bya ba la
 sogs pa la mya ngan las 'das pa la bdag gir gyur cig snyam nas stong pa nyid ma yin pa'i dngos po stong pa dang ldan par mthong ba ma yin te/ de ci'i phyir zhe na/ log par lta bas mya ngan las mi 'da' bar de bzhin gshegs pa rnams kyis
 gsungs te/ gzhan du gnas pa'i dngos po gzhan du mthong ba gang yin pa de ni phyin ci log tu mthong ba yin la/ gal te rang bzhin gyis stong pa ma yin pa'i dngos po rnams rang bzhin gyis stong pa yin no snyam du mthong bar gyur na de'i tshe log
 par lta ba nyid kyis mya ngan las 'das pa thob par 'gyur ba las log par lta ba dang ldan pa'i gang zag rnams la sangs rgyas bcom ldan 'das rnams kyis mya ngan las 'das pa thob pa rnam bzhag mdzad pa ma yin te/ yang dag pa'i
 lta ba mngon du 'gro ba can nyid kyis mya ngan las 'das pa thob par rnam bzhag mdzad pa'i phyir ro/ /des na sgyu ma gzhan du rten cing 'brel par 'byung pa yin pa'i phyir ngo bo nyid kyis stong pa kho na chos thams cad stong pa yin te/ ngo bo nyid kyis
 stong pa'i phyir zhes bcom ldan 'das kyis gsungs pas stong pa ma yin pa stong pa nyid du byed pa ni ma yin no/ /dper na mtshan me dge tshul btung par bya ba ma yin pa'i don bum pa?  bzhin du ste/ dge tshul 'ga' zhig slob dpon gyis mtshan mo
 btung bar bya ba ma yin pa'i don du yang dang yang du mngags pa dang/ des de la 'di dge slong rnams la mi 'os bas khyed ci ltar gsol zhes smras pa dang/ des smras pa 'di chu yin no snyam du bsam nas kho bos 'thung ba yin no zhes smras pa dang/ des kyang
 nyi ma gzhan la chu nyid khyer te 'ongs so/ /des smras pa/ ci'i phyir khyod kyis gzhan nyid khyer te 'ongs/ dge tshul gyis smras pa/ gang gi tshe khyed kyis chu yin no snyam du bsams nas gsol na de dag la khyad par ci zhig yod/ ci ltar 'dir chu'i sgo nas
 chang gi sred pa mi ldog pa de bzhin du log par lta bas kyang mya ngan las 'das pa thob par mi 'gyur zhes bya ba'i tha tshig go /bstan bcos kyang zhes bya ba ni rtsa ba'i shes rab las so/ /stong nyid ces bya ba la sogs pa la lta ba thams cad ces
 bya ba ni mngon par zhen pa thams cad do/ /nges par 'byin pa zhes bya ba ni mi 'jug pa ste log pa gang yin pa de nyid stong pa nyid do/ /lta ba thams cad log pa tsam ni dngos ba ma yin gyi/ gang stong pa nyid la yang dngos por zhen par byed pa
 de dag la kho bo cag gis cung zad kyang brjod du med pas kho bo cag gi gdams ngag las rtog pa thams cad log pas ci'i phyir de rnams thar pa thob 'gyur te mi 'gyur ro zhes pa'i don to/ /gang dag khyed ci yang ma yin pa zhig rin du sbyin no zhes
 brjod pa na ci yang ma yin pa ni de kho bo la byin cig ces brjod par gyur na de la thabs gang gi sgo nas ci yang ma yin pa'i dngos po ring du sbyin par nus/ de bzhin du gang dag la stong pa nyid la dngos por mngon par zhen pa yod pa de dag la
 thabs gang gis dngos po la mngon par zhen pa 'gog par byed/ des na sman chen po yin du zin kyang skyon gyi 'du shes kyis mchog tu gyur pa'i 'tsho mdzad sman pa'i rgyal po chen po de bzhin gshegs pa rnams kyis dor ba yin no/ /de nyid
 kyi phyir 'phags pa dkon mchog brtsegs pa'i mdo las/ 'od srungs ri rab tsam gyi gang zag gi bdag tu lta ba la brten pa bla'i mngon pa'i nga rgyal dang ldan pas stong pa de nyid tu lta ba ni ma yin no/ /de ci'i phyir zhe na/ 'od
 srungs lta ba'i rnam pa thams cad kyi nges par 'byin pa ni stong pa nyid yin la/ gang la stong pa nyid kho na lta bar gyur pa de gso bar bya ba ma yin no zhes nga smra'o/ /'od srungs dper na skyes bu nad par gyur pa la de sman pas sman byin no/ de la smad
 des nad thams cad nye bar gsal nas sman nyid khong du zhen nas 'byung bar ma gyur na/ 'od srungs de ci snyam du sems/ skyes bu de nad las grol bar 'gyur ram/ gsol pa/ bcom ldan 'das de na ma lags so/ /gang la nad thams cad sel
 bar byed pa'i sman de nyid khong du lus nas phyir ma byung na skyes bu de la nad shin tu lci bar 'gyur ro/ /bcom ldan 'das kyis bka' stsal pa/ 'od srungs de bzhin du lta ba'i rnam pa thams cad ni stong pa nyid kyis nges par 'byin par byed la
 gang stong pa nyid kho nar lta bar gyur pa kho bos gso bar bya ba ma yin no zhes gsungs so/ /de ltar don dam par gzhan las skye ba med par bstan nas/ kun rdzob tu yang skye ba yod pa ma yin no zhes bstan par bya ba'i phyir phyogs snga ma 'god pa ni/
 'dir smras pa zhes bya ba la sogs pa gsungs te/ 'dir zhes bya ba ni skye ba med pa'i skabs su'o/ /gzhan dag gis smras pa ni don dam par bdag dang gzhan las skye ba med par 'dod pa nyid do zhes pa'i tha tshig go /mngon sum dang rjes su
 dpag pa dag gis dmigs pa zhes bya ba ni de la dngos su shes pa bskyed pa rung ba rnams ni mngon sum gyis dgags pa yin la/ dngos su shes pa bskyed par rung ba ma yin pa gzhan gyi sgo nas rtogs par bya ba rnams ni rjes su dpag gis dmigs
 pa yin na/ /de bzhin du tshor ba la sogs pa rang gi rgyud du gtogs pa rnams ni mngon sum gyis dmigs pa yin la/ gzhan gyi rgyud du gtogs pa rnams ni rjes su dpag pas dmigs pa yin no/ /gdon mi za bar gzhan las skye bar 'gyur ro zhes bya ba ni
 'jig rten pa'i mngon sum la sogs pas gzhan las skye bar rtags pa'i phyir ro/ /ci ste de ltar mi 'dod na ni zhes bya ba ni gal te gzhan las skye bar mi 'dod na'o/ /bden pa gnyis ci ste brjod de zhes bya ba ni kun rdzob tu gzhan las skye ba med
 pas gdod ma nas skye ba med pa'i rang bzhin can stong pa nyid kho na lus pa'i phyir bden pa gnyis mi 'thad pas don dam pa'i bden pa gcig kho nar 'gyur ro/ /de'i phyir zhes bya ba ni gang gi phyir bden pa gcig kho na ma yin pa de'i phyir gzhan las skye ba
 yod pa nyid yin no zhes bya ba ni phyogs snga ma'o/ /'di la bshad par bya ste zhes bya ba la sogs pa ni lan no/ /'di ni bden mod kyi zhes bya ba ni bden pa gnyis ci ste brjod ces bya ba de'o/ /de nyid bstan par bya ba'i phyir/ don dam par ni zhes bya ba la
 sogs pa gsungs te/ rigs pas dpyad na rang dang gzhan las skye ba ma grub pa'i phyir skye ba med pa'i rang bzhin can stong pa nyid kho nar gnas pas don dam par bden pa gnyis yod pa ma yin no zhes bya ba'i tha tshig go /de nyid la mdo'i khungs bstan
 par bya ba'i phyir/ dge slong dag zhes bya ba la sogs pa gsungs te/ mya ngan las 'das pa zhes bya ba ni rnam par rtag pa thams cad zhi ba'i mtshan nyid can stong pa nyid kyi rang bzhin no/ /'du byed thams cad ces bya ba ni phung po la sogs pa rnams so//
 brdzun pa zhes bya ba ni med pa la yod par snang ba'i phyir ro/ /des na bslu ba'i chos can no/ /gal te don dam pa'i bden pa gcig kho na yin na 'o na bden pa gcig kho na brjod par rigs kyi bden pa gnyis zhes ci ltar brjod ce na/ lan ni de'i phyir
 zhes bya ba ni brtags shing dpyad na don dam pa'i bden pa gcig tu grub pa'i phyir ro/ /don dam pa la 'jug pa'i thabs yin pa'i phyir zhes bya ba ni 'jig rten pa'i shes pa dang shes bya dang/ brjod par bya ba dang/ rjod par byed
 pa'i mtshan nyid can gyi kun rdzob kyi bden pa khas ma blangs na don dam pa'i bden pa bstan par mi nus la/ ma bstan na rtogs par mi nus pas kun rdzob kyi bden pa ni don dam pa'i bden pa rtogs pa'i thabs yin no/ /'jig rten pa'i
 lugs kyi zhes bya ba ni 'jig rten pa'i tha snyad kyis so/ /bdag dang gzhan las skye ba ma dpyad par khas len par byed pa yin no zhes bya ba ni dpyad par gyur na bdag dang gzhan las skye ba mi 'grub pa'i phyir ro/ /de nyid bstan par bya ba'i phyir/
 'di ltar zhes bya ba la sogs pa gsungs so/ /gang gi phyir dngos po ste gzugs dang tshor ba la sogs pa rnams dpyad na ste/ ci bdag las skye 'am 'on te gzhan las skye zhes dpyad par gyur na de nyid bdag can dngos po las te skye ba dang
 'gag pa med pa'i mtshan nyid can don dam pa'i rang bzhin las gzhan du gyur pa'i phyogs la gnas pa rnyed pa ma yin pa don dam pa'i rang bzhin kho na gnas pa de'i phyir ro/ /'jig rten gyi tha snyad bden pa la ste 'di yod na 'di 'byung ngo
 zhes 'jig rten pa'i tha snyad tsam du kun rdzob tu don bden pa la bden pa zhes brjod pas rnam par dpyad par mi bya'o/ /de nyid 'grel pas bstan par bya ba'i phyir/ 'di ltar zhes bya ba la sogs pa gsungs te/ tshul rol te gzhan
 du gyur pa'i cha zhes bya ba ni skye ba la sogs pa'i rang bzhin can kun rdzob kyi bden pa'i dngos po la'o/ /gzhan la rag las pa'i zhes bya ba ni/ 'jig rten pa'i tha snyad kyi rjes su 'brangs so/ /'phags pa'i lhas zhes bya ba ni bzhi brgya pa las so//
 ci ltar zhes bya ba la sogs pa ni 'di ltar kla klo rnams kyis skad gzhan mi go bas rang gi skad kyis ston par byed pa de bzhin du 'jig rten pa la yang 'jig rten pa'i dngos po'i rnam par bzhag pa'i sgo nas de kho na nyid bstan par nus kyi/ mkhas ba
 'ga' zhig 'jig rten pa'i kun rdzob la ma zhugs par bdag dang chos dag la sgyu ma lta bu nyid don dam pa'i rang bzhin brjod du med par rtogs pa skyed mi nus so/ /'jig rten gyi kun rdzob la ji lta ba bzhin du zhugs par gyur na ni sgyu ma lta bu
 nyid du rtogs pa skyed nus pa yin pa/ sgyu ma lta bu la zhugs par gyur na don dam pa shin tu brjod pa med pa'i chos gzung bar bya bar nus pa'o/ /des na ci ltar bstan pa'i 'jug pa'i rim pa nges par bya dgos te/ byis pa brdal ma byang ba
 rnams bzhin no/ /dper na byis pa chung ba rnams skad gzhan gyi go bar mi nus pa de bzhin du 'jig rten so so'i skye ba rnams kyang ngo/ /de nyid kyi phyir 'jig rten 'jug pa'i thabs yin pa'i phyir bcom ldan 'das kyis yod pa dang med pa nyid du
 bka' stsal pa yin no/ /'dis ni don dam pa'i bden par bden pa gcig kho na yin la/ ma dpyad par 'jig rten 'jug pa'i thabs yin pa'i phyir kun rdzob kyi bden pa yin no/ /don 'di nyid la rtsa ba'i shes rab kyi khungs bstan par bya ba'i
 phyir bstan bcos las kyang zhes bya ba la sogs pa gsungs te/ gal te don dam pa spros pa med pa'i rang bzhin yin la/ de nyid yod du chug phung po dang khams dang skye mched dang 'phags pa'i bden pa dang rten cing 'brel par 'byung ba la
 sogs pa don dam pa ma yin pa bstan pa dgos pa ci zhig yod de/ de kho na nyid ma yin pa ni dor bar bya ba yin pa dor bar bya ba gang yin pa de la bstan pa la dgos pa ci zhig yod ce na/ bshad par bya ste bden mod kyi 'on kyang rjod par
 byed pa dang brjod par bya ba dang/ shes pa dang shes bya la sogs pa'i mtshan nyid can 'jig rten pa'i don dam pa khas ma blangs na don dam pa'i bden pa bstan par mi nus la/ ma bstan na khong du chud par mi nus la/ don dam
 pa khong du ma chud na mya ngan las 'das pa thob par mi 'gyur ro zhes bya ba bstan par bya ba'i phyir tha snyad la ni ma brten par zhes bya ba la sogs pa gsungs te/ mya ngan las 'das pa mngon du bya ba'i thabs yin pa'i phyir ci lta ba bzhin du
 gnas pa'i kun rdzob dang po nyid du khas blang bar bya dgos te/ dper na chu don du gnyer bar snod bzhin du'o/ /de nyid kyi phyir kun rdzob la ma bltos pa'i stong pa nyid kyis ni legs par ma bzung ba'i sbrul bzhin du'o/ /rnam par dpyad na
 'jig rten gyi tha snyad 'jig par 'gyur ba yin te/ rnam par dpyad na 'jig rten gyi tha snyad mi 'grub pas so/ /de nyid mdo'i khungs kyis bstan par bya ba'i phyir/ ji skad du zhes bya ba la sogs pa gsungs te/ rgyud ces bya ba ni sbreng bar
 bya ba'i srang bu'i khyad par ro/ /shing zhes bya ba ni gang la srad bu 'brel pa'o/ /gsum tshogs na zhes bya ba ni shing dang rgyud dang lag pas brtsal ba'o/ /sgrog byed pi wang gling bu la sogs las zhes bya ba ni rgyud gsum pa la sogs pas rol mo'i cha
 rkyen las so/ /de dag las skyes zhes bya ba ni rgyud gsum pa la sogs las byung ba'o/ /de nas zhes bya ba ni sgra byung ba'i de ma thag tu'o/ /mkhas pa las bya ba ni blo dang ldan pa 'ga' zhig gis so/ /phyogs dang zhes bya ba ni shar la sogs pa'o//
 phyogs mtshams zhes bya ba ni shar lho la sogs pa'o/ /gang nas 'ongs la gar song zhes bya ba ni phyogs dang phyogs mtshams gang nas 'ongs shing phyogs dang phyogs mtshams gar song snyam du brtags nas so/ /'ong ba 'am 'go ba rnyed mi 'gyur zhes
 bya ba ni phyogs dang phyogs mtshams rnams su sgra'i 'ong ba 'am 'gro ba rnyed par mi 'gyur te/ de ltar ma dmigs pas so/ /de ltar rgyu dag dang ni rkyen dag las zhes bya ba ni las dang ma rig pa la sogs pas so/ /'du byed gyur pa thams cad 'byung ba ste zhes bya
 ba ni gzugs dang tshor ba la sogs pa rnams skye ba'o/ /rnal 'byor pa rnams kyis ni ma rig pa la sogs pa yang dag pa mthong ba ste/ ci lta ba bzhin du gnas pa'i de kho na nyid mthong bas 'du byed stong pa ste gdod ma nas skye ba med par ro/ /yo ba
 med pa ste bya ba med par mthong ba'o/ /de nyid rgyas par bstan par bya ba'i phyir/ phung po ngag dang zhes bya ba la sogs pa gsungs te/ nang yang stong la zhes bya ba ni mig la sogs pa nang gi bdag nyid can rnams stong pa ste/ rnam par dpyad na mi
 'thad pas so/ /phyi rol stong pa ste zhes bya ba ni phyi rol gyi gzugs la sogs pa rnams stong pa'o/ /de nyid kyi phyir/ bdag nyid kun gyis stong zhing zhes bya ba smos so/ /gnas med la zhes bya ba ni yul med pa'o/ /de nyid dpe'i sgo nas bstan par bya ba'i
 phyir/ chos kyi mtshan nyid nam mkha' i ngo bo nyid ces bya ba ni chos thams cad ni nam mkha' dang mtshungs pa yin no zhes bya ba'i tha tshig go /des na gal te rnam par dpyad pa byas pa de'i tshe chos thams cad nam mkha' i mtshan nyid can yin par rnam par
 dpyad na 'jig rten pa'i tha snyad 'jig par 'gyur ro/ /de ltar rnam par ma dpyad pa'i dbang du byas te/ kun rdzob kyi rnam bzhag bstan nas/ de ni kun rdzob rdzas su yod pa nyid dgag par bya ba'i phyir phyogs snga ma ston pa ni ci ste yang zhes bya ba la sogs pa la/ dngos po la mngon par zhen pa'i
 bdog pa thams cad kun nas gcod pa na zhes bya ba ni gzugs dang tshor ba la sogs pa'i dngos po rnams kun rdzob tu rdzas su yod pa yin no zhes mngon par zhen pa gang yin pa de nyid bdog pa thams cad de de lhag par mngon par zhen pa yod
 pas so/ /kun nas gcod pa na ste/ kun rdzob tu yang rdzas su yod pa ma yin no zhes bya ba'i tshig brjod pa na'o/ /des bred sha thon pa ste ngas ci zhig bya snyam nas bya ba la rmongs pa'o/ /de nyid kyi phyir tha snyad kyi bden pa la mngon par zhen la ste kun
 rdzob kyi bden pa la mngon zhen pa'o zhes bya ba'i tha tshig go /'di zhes bya ba ni kun rdzob tu rdzas su yod par smra ba'o/ /gang zhig ces bya ba la sogs pa ni dper na sems tsam pa rnams kyis ji ltar rdzas su yod pa'i rnam par shes pa skye bar 'dod pa'i rnam
 par shes pa de nyid la gzung ba dang 'dzin par zhen pa yod na kun nas nyon mongs pa yin la/ gzung ba dang 'dzin pa dag log na rnam par byad ba yin no zhes brjod pa ste phyogs snga ma'o/ /de la lan bstan par bya ba'i phyir de ltar na yang zhes bya
 ba la sogs pa gsungs te/ de ltar na yang zhes bya ba ni kun rdzob rdzas su yod pa la skye bar rtog na'o/ /tshig tsam zhes bya ba ni kun rdzob rdzas yod pa la skye ba ma grub pa'i phyir don gyis stong pa'i tshig tsam yin no zhes bya ba'i tha tshig go /de skad
 du smra ba la zhes bya ba'i rdzas su yod pa skye bar brjod pa la'o/ /de nyid rgyas pa bsten par bya ba'i phyir/ ci'i phyir zhe na/ zhes bya ba la sogs pa gsungs te/ ci'i phyir zhe na zhes bya ba ni tshig tsam yin pa ci'i phyir zhe na/ de nyid skabs su zhes bya
 ba ni don dam pa'i skabs su'o/ /rigs pa gang zhig gis bdag dang gzhan las skye ba rigs min pa'i zhes bya ba ni/ skyes par gyur pa slar yang skye bar rigs pa'ang ma yin te zhes bya ba la sogs pa dang/ gzhan la brten nas gal te gzhan zhig
 'byung bar 'gyur na ni/ 'o na me lce las kyang mun pa stug po 'byung bar 'gyur zhing/ zhes bya ba la sogs pa'i rigs pas ci ltar don dam par bdag dang gzhan las skye bar mi rigs pa'i rigs pa de nyid kyis tha snyad kun rdzogs tu yang skye ba mi
 rigs pas khyod kyi phyogs la skye ba gang gis 'grub par 'gyur te rigs pa med pas so zhes bya ba'i tha tshig go /de 'grel pas bstan par bya ba'i phyir/ ci ltar zhes bya ba la sogs pa smos te/ de'i phyir rang gi mtshan nyid kyi skye bas bden pa gnyis kar du
 yang yod pa ma yin no zhes bya ba ni gang gis phyir bdag dang gzhan las skye ba ma grub pa de'i phyir dngos po'i rang gi mtshan nyid kyi skye ba ni bden pa gnyis kar la yang 'grub pa ma yin no/ /de nyid kyi phyir gang dag bdag las ma yin zhes bya ba la sogs pa
 slob dpon klu sgrub kyi zhal snga nas kyis gzung ba dang 'dzin par brtags pa'i ngo bo nyid kyis gang yin pa de kho na bkag pa yin gyi sngon por snang ba la sogs pa'i shes pa'i mtshan nyid can gzhan gyi dbang gi ngo bo ni bkag pa ma yin no snyam pa de
 yang mi rigs so zhes bstan par bya ba'i phyir/ gang dag ces bya ba la sogs pa gsungs te/ de dag gi zhes bya ba ni brtags pa la skye ba med par smras pa dag go /'dod pa zhes bya ba ni brtags pa la skye ba bkag par 'dod pa'o/ /'di yang
 gtan tshigs med par mi 'grub pas zhes bya ba ni rgyu mtshan med par mi 'grub pas so/ /'di'i don ni gal te rigs pa la brtags pa 'gog pa'i nus pa yod pa bzhin du gzhan dbang 'gegs pa'i nus pa med par 'gyur ba 'am/ slob
 dpon klu sgrub kyi zhal snga nas bdag las ma yin zhes bya ba la sogs pa'i rigs pas khyad par brtan nas bkag pa mdzad pa ma yin na de'i tshe rigs pa yin gyi/ 'on kyang rigs pa la brtags pa 'gog pa'i nus pa yod pa bzhin du
 gzhan dbang 'gog pa la nus pa yod pa'i phyir dang/ bdag las ma yin zhes bya ba la sogs pa'i rigs pas dngos po spyi'i dbang du byas nas skye ba bkag pa yin gyi bye brag gi dbang du byas nas ma yin pas slob dpon klu sgrub zhal snga nas
 kyi brtags pa'i ngo bo nyid bkag pa yin zhes ci ltar brjod/ des na brtags pa'i ngo bo nyid bkag par 'dod pa de dag ni rgyu mtshan med pa yin zhes pa'o/ /da ni gzhan dag gi dogs pa bsu ba'i phyir ro/ 'o na ni zhes bya ba la sogs pa
 gsungs te/ gal te skye ba med na ngo bo nyid med pa ci ltar dmigs par 'gyur te/ ri bong gi rwa la sogs pa rnams la skye ba med pas ngo bo mi dmigs pa bzhin no/ /des na ngo bo nyid dmigs pa'i phyir skye ba yod pa yin no zhe na'o/ /de la lan bstan par
 bya ba'i phyir/ bshad pa zhes bya ba la sogs pa gsungs te/ gzugs brnyan zhes bya ba la sogs pa'i sgras sgra brnyan la sogs pa bsdu bar bya'o/ /tshogs la bltos nas ma grags pa'ang min zhes bya ba ni gdod dang me long la sogs pa'i
 tshogs la bltos nas gzugs brnyan la sogs pa'i tshogs 'byung ba'i phyir/ tshogs pa la bltos par grags pa yin no zhes bya ba'i tha tshig go /da ni ma brtags ma dpyad par 'jig rten gyi tha snyad la brtan nas brjod pa yin gyi rigs
 pa'i sgo nas ma yin te sngar nyid du bstan pa'i phyir ro/ /ci ltar zhes bya ba la sogs pa ni ci ltar gzugs brnyan la sogs pa stong pa las gzugs brnyan gyi rnam pa can gyi shes pa skye bar 'gyur ba bzhin du'o/ /'dis ni rang gi skye ba med
 pa la yang ngo bo nyid dmigs pa'i dpe bstan pa yin la/ don bstan par bya ba'i phyir/ de bzhin zhes bya ba la sogs pa gsungs te/ de bzhin zhes bya ba ni dpe de bzhin du'o/ /dngos po thams cad stong pa na yang zhes bya ba ni rigs pas
 skye ba ma grub pa'i phyir rnam par shes pa la sogs pa'i dngos po rnams stong pa nyid yin yang/ /stong nyid dag las rab tu skye bar 'gyur zhes bya ba ni gzugs la sogs pa las skye bar 'gyur ro zhes pa'o/ /des na dmigs pa tsam las rang gi
 mtshan nyid kyi skye ba mi 'thad pas so/ /gal te skye ba med pa rnams kyang snang bar 'gyur na ri bong gi rwa la sogs pa rnams ci'i phyir mi snang zhe na/ 'di ni khyod la yang mtshungs te/ ci ltar gzugs brnyan la sogs pa rnams rang gi mtshan nyid kyi skye ba med
 kyang snang la/ ri bong rwa la sogs pa rnams ci'i phyir mi snang/ khyod kyis lan ci ltar brjod pa de bzhin du kho bos kyang brjod par bya ba yin pas skyon ci zhig yod ces pa'o/ /de nyid 'grel pas bstan par bya ba'i phyir/ dngos po thams cad las zhes bya ba
 la sogs pa gsungs te/ rgyu dang 'bras bu dag las tha dad pa med par gnas pa yin la zhes bya ba ni rgyu dang 'bras bu'i ngo bo nyid du gnas pa'o/ /dngos po thams cad ces bya ba ni gzugs la sogs pa rnams te/ nam mkha' la sogs pa dngos po med pas so/
 gzugs brnyan rang bzhin med pa'i rnam par bzhag pa yang zhes bya ba ni shes pa'i rgyur gyur pa'o/ /de la mdo'i khungs bstan par bya ba'i phyir/ ci skad zhes bya ba la sogs pa gsungs te/ dngos po thams cad kyi gzugs brnyan stong pa me long
 shin tu yongs su dag pa'i nang du mthong ba yin la/ de bzhin du rten cing 'brel par 'byung ba'i chos rnams shes pa'i spyod yul du 'gyur ba yin no zhes pa'o/ /da ni bden pa gnyis kar yang chad pa dang rtag pa ma yin no zhes bstan par bya ba'i phyir/ de nyid kyi
 phyir zhes bya ba la sogs pa gsungs te/ gal te dngos po rnams la rang bzhin yod par gyur na de dus ji srid du gnas nas phyis 'jig par 'gyur na chad par 'gyur ba yin la/ de bzhin du dngos po'i rang bzhin du thams cad du gnas par gyur na
 rtag pa nyid du 'gyur ba yin gyi/ 'on kyang phyogs gnyis ka la yang skye ba ma grub pa'i phyir rang bzhin med pa rtag pa dang chad par lta ba dag ga la yod/ /ji skad du bstan bcos las zhes bya ba ni rtsa ba'i shes rab las so/ /gang zhig ces bya ba la
 sogs pa la gang zhig ngo bo nyid kyis yod par brjod na/ ngo bo nyid de nam gyi tshe yang med par mi 'gyur bas ngo bo nyid yod par khas len na rtag par dga' bar 'gyur la/ sngon gyi gnas skabs na dngos po'i rang bzhin khas
 blangs nas/ da ltar ba'i dus na re zhig pa'i phyir yod pa ma yin no zhes phyis de ltar khas len na chad pa'i lta bar 'gyur la/ dngos po'i ngo bo nyid mi rigs pa'i phyogs de la rtag pa dang chad par 'gyur pa'i skyon yod par 'gyur ba ma yin te/
 dngos po'i ngo bo nyid ma dmigs pa'i phyir ro/ /gal te dngos po rnams kyi rang bzhin yod pa ma yin no zhes khas len na dngos po ma dmigs pa'i phyir rtag par lta bar mi 'gyur gyi /nges bar chad par lta bar 'gyur ba yin no zhe na/ de ltar ma yin te/ gang sngar
 dngos po'i rang bzhin khas blangs nas phyis de zhig pa las dmigs na de la sngar skyes pa'i dngos po la skur ba btab pa'i phyir chad par lta bar 'gyur la/ gang zhig rab rib can gyi dmigs pa'i skra shad la sogs pa rnams rab rib med pas cung zad kyang
 mi dmigs la/ de med do zhes brjod pa ni ci zhig med par brjod de/ dgag par bya ba cung zad kyang med pas so/ /phyin ci log tu gyur pa rnams la sogs par zhen pa bsal ba'i don du rab rib med par brjod par byed pa bzhin du kho bo cag gis dngos
 po thams cad yod pa ma yin no zhes brjod par bya ba yin pas kho bo cag de ltar brjod pa la chad par lta bar 'gyur ba yod pa ma yin no/ /de ltar yang mdo las/ bcom ldan 'das gang zhig gi dngos po thams cad khas blangs te/ phyis 'dod chags
 dang/ zhe sdang dang/ gti mug las byung ba'i dngos po rnams ni yod pa ma yin no/ /zhes brjod na de'i chad par smra bar 'gyur ro zhes bya ba la sogs pa rgyas par gsungs pa lta bu'o/ /gang gzhan gyi dbang du gyur pa'i sems dang sems las byung ba'i
 dngos po tsam khas blangs nas kun tu brtags pa'i dngos po rnams med pas yod par lta ba yongs su spang ba yin la/ kun nas nyon mongs pa dang rnam par byang ba'i rgyu mtshan du gyur pa gzhan gyi dbang gi dngos po tsam yod pa'i phyir med par lta ba yongs su spong ba
 yin no zhes brjod pa de yang mi rigs te/ 'di ltar de'i kun tu brtags pa med pa'i phyir dang/ gzhan dbang yod pa'i phyir yod pa dang/ med pa'i lta ba gnyis nye bar gnas pas ci ltar mdza' gnyis yongs su spong bar 'gyur/ rgyu dang rkyen gyis bskyed pa'i dngos
 po'i rang bzhin mi rigs pa'i phyir bshad pa'i don mi 'thad pa de kho na'o/ zhes pa'o/ /des na dbu ma pa'i lta ba kho na la yod pa dang/ med pa nyid kyi lta bar thal bar mi 'gyur gyi/ sems tsam pa la sogs pa'i lta ba la ni ma yin no zhes khong du chud par bya'o
 de lta bu'i gdul bya'i skye bo dang rjes su bstun pa'i phyir dang/ don dam pa'i bden pa mthong? ba'i thabs yin pa'i phyir bcom ldan 'das kyis thugs rje chen po'i dbang gis drang ba'i don nyid du sems tsam gsungs pa yin te/ mang pos bkur ba la sogs pa la
 gang zag gsungs pa de bzhin du nges pa'i don ni ma yin no zhes khong du chud par bya'o/ /ji skad du 'phags pa ting nge 'dzin rgyal po'i mdo las/ gang du bde bar gshegs pas stong nyid gsungs pa yi/ /mdo sngags pa'i don gyi khyad par yin shes kyis/ gang
 du gang zag sems can skyes bu rnams bstan pa'i/ /chos de thams cad drang ba'i don du shes par gyis/ zhes gsungs pa lta bu'o/ /yang dbu ma'i bstan bcos kyi khungs bstan par bya ba'i phyir/ ji skad du bstan bcos las zhes bya ba la sogs pa
 gsungs te/ dngos po rnams skye ba med par shes par 'dod dgos te gzhan du gang yang ma brtags na nyams dga' ba'i dngos po'i rnam bzhag las gal te dngos por lta bar khas len na ni de la nges par lung dang shin tu 'gal ba'i rtag pa dang chad
 par lta par 'gyur ro/ /ci'i phyir zhe na/ gang gi phyir yongs su brtag par bya ba'i dngos po de rtag par 'gyur ba zhig gam/ 'on te mi rtag pa zhig /gal te rtag pa yin na ni de'i tshe rtag par smra bar 'gyur la/ gal te mi rtag na ni de'i tshe
 chad par smra bar nges par 'gyur ro/ /de ltar rtag pa dang chad pa dang bral pa'i bden pa gnyis bstan nas/ da ni stong pa'i dngos po las stong pa skye ba la dbu ma'i bstan bcos kyi khungs bstan par bya ba'i phyir/ ci ltar zhes bya ba la sogs pa gsungs
 te/ dpe 'di'i sgo nas rang bzhin med pa rnams la 'bras bu skyed par byed par nyid nges pa yin te/ dper na ston pa ste/ sangs rgyas bcom ldan 'das rdzu 'phrul phun sum tshogs pa ste/ rdzu 'phrul gyi mthus sprul pa sprul nas gang sangs rgyas
 bcom ldan 'das kyi sprul ba des kyang sprul pa gzhan sprul par byed/ de la gang sprul pa gzhan sprul par byed pa'i sprul pa ngo bo stong pa nyid de rang bzhin med pa'o/ /gang sprul pa pos sprul pa'i sprul pa gzhin de yang stong pa nyid de de bzhin
 gshegs pa'i rang bzhin dang bral ba nyid gin no? zhes pa'i don to/ /de bzhin nyes bya ba la sogs pa ni ci ltar 'dir rang bzhin med pa rnams la rang bzhin med pa'i bya ba dang byed pa nyid dang/ las dang byed pa por brjod par 'gyur ba de bzhin du
 'dir las kyi bde ba po ni sprul pa'i rnam pa can yin te rang bzhin stong pa'i/ /rang bzhin stong pa'i byed pa po des las gang byed pa de yang ngo bo nyid kyis stong pa yin te/ dper na sprul pa pos sprul pa gzhan sprul ba de bzhin du rig par bya'o/
 de'i phyir gnyis su med par smra ba'i dbu ma pa rnams la log par lta ba ga la yod ces pa'o/ /sprul pa'i dpa' i pa'i zhig gis rang bzhin med par lta bar rig par ma zad kyi gzhan yang dpe 'di rnams kyis sgo nas kyang dngos po rnams rang bzhin med pa yin no/
 zhes gsal bar khong du chud bar gyis zhes bstan par bya ba'i phyir/ nyon mongs las dang zhes bya ba la sogs pa gsungs te/ de la nyon mongs pa ni 'dod chags la sogs pa ste/ sems can gyi sems kyi rgyud nyon mongs par byed pas so/ /las ni dge ba dang/
 mi dge ba dang/ mi g.yo pa'i las so/ /byed po ni sems dang lus so/ /'bras bu ni rnam par smin pa dang/ rgyu mthun pa dang/ bdag po'i 'bras bu la sogs pa'o/ /nyon mongs pa la sogs pa 'di rnams dri za'i grong khyer gyi rnam pa la sogs pa bzhin du
 rang bzhin med par rig par bya'o/ /de'i phyir dbu ma pa rnams kho nas dngos po rnams kyi rang bzhin khas ma blangs pa'i phyir rtag pa dang chad par lta bar thal bar 'gyur ba yod pa ma yin no zhes khong du chud par bya'o/ /de ltar rtag pa dang chad par lta ba spangs
 nas rang bzhin med pa nyid la dge ba dang mi dge ba'i las dang 'bras bu'i 'brel pa rig pa yin no zhes bstan par bya ba'i phyir/ de'i phyir de ltar zhes bya ba la sogs pa gsungs te/ dge ba dang mi dge ba'i las zhes bya ba la dge ba'i las ni srog gcod
 pa la sogs pa las ldog pa'o/ /mi dge ba'i las ni srog gcod pa la sogs pa'o/ /'bras bu'i 'brel pa ni dge ba'i las kyis bde 'gror yid du 'ong ba'i 'bras bu dang/ mi dge ba'i las ni ngan song du yid du mi 'ong ba'i 'bras bu dang 'brel pa'o/
 'gag nas yun ring du lon nas zhes bya ba ni skyes nas myong par 'gyur ba la sogs pa'i las rnams kyi 'bras bu dus gzhan du nyams su myong bar 'gyur bas so/ /kun gzhi rnam par shes pa'i rgyun dang chud mi za ba dang thob pa la sogs pa yongs su
 rtog pa med pa yang 'thad pa yin no zhes bya ba ni kun gzhi rnam par shes pa'i rgyun med du zin yang 'bras bu 'thad pa yin te/ ji ltar bag chags kyis bsgos pa'i kun gzhi rnam par shes pa'i rgyun skye ba dag las dus gzhan du 'bras bu skye bar
 gzhan gyis brtags pa de ltar ni ma yin no/ /de bzhin du chud mi za ba'i chos med pas kyang 'bras bu skye ba yin gyi/ gzhan gyis ji ltar brtags pa bzhin du ni ma yin te/ gzhan dag na re dge ba'i las ni skyes pa'i de ma thag tu
 chud za ba ma yin na de 'gags pas 'bras bu med par thal bar 'gyur ro/ /des na gang gi tshe las de byas pa'i dus de nyid du las de las chud mi za bar zhes bya ba'i chos ldan pa ma yin pa zhig byed pa po'i rgyud la bu lon gyi yi ge lta bu zhig skye
 bar 'gyur ba yin la/ de ltar na yi ge bzhin du chud mi za bar rig par bya'o/ /gang las chud mi za ba'i chos skye ba'i las de bu lon bzhin du rig par bya'o/ /ji lta bu lon gyi yi ge yod pas bu lon de spyad du zin kyang nor gyi bdag po'i nor
 chud za bar mi 'gyur bar skyed dang bcas pa'i nor gyi tshogs dang ldan pa kho na yin no/ /de bzhin du las zad du zin kyang chud mi za ba zhes bya ba'i chos gzhan yod pas de'i sgo nas 'bras bu dang byed pa po dag 'brel pa yin no/ /gang gi tshe bu lon gyi yi
 ges nor khugs te longs spyod nas phyis yod dam med kyang rung nor 'ong ba'i nus pa yod pa ma yin no/ /de bzhin du chud mi za ba yang rnam par smin pa nyams su myong bar byas nas yod dam med kyang rung nor spyad pa'i yi ge bzhin du yang rnam par smin
 pa 'byin par nus pa ma yin no/ /thob pa med du zin kyang 'thad pa yin no/ /gzhan dag gi dge ba dang mi dge ba'i las rnams kyi thob pa zhes bya ba'i ldan pa ma yin pa'i chos zhig yod pa la/ gang thob pa las zhig tu zin kyang dge ba'i las kyang
 ldan par brjod pa yin no/ /de las dus gzhan du 'bras bu skye bar 'gyur ro/ /zhes brjod pa de ltar ma yin pa'o/ /sogs pa'i sgras ni las kyi bag chags bsgos pa'i yid kyi rnam par shes pa bsdu bar bya ste/ des kyang gzhan du 'bras bu 'byin pa
 ma yin no zhes pa'o/ /ji ltar zhe na zhes bya ba ni kun gzhi rnam par shes pa la sogs pa med na las dang 'bras bu 'brel par ci ltar 'gyur zhe na'o/ /de la lan bstan par bya ba'i phyir/ gang gi phyir zhes bya ba la sogs pa gsungs te/ gang gi phyir las de
 rang bzhin gyis mi 'gag ste/ las de na thog ma nas skye ba med pa'i rang bzhin med pa las de 'jig pa med pas las de las 'bras bu 'byung bar 'os pa yin no/ /'di'i don ni dper na da ltar pa'i gnas skabs na de la rang bzhin med du zin kyang de
 las 'bras bu 'byung ba de bzhin du las la rang bzhin med pa'i phyir 'jig pa med pa las ma zhig pa las 'bras bu skye ba su zhig gi 'gag go /de'i phyir 'jig rten gyi tha snyad kyis 'gags nas yun ring por lon pa las kyang mi'i 'gro ba la
 sogs pa la lar kun gzhi rnam par shes pa la sogs pa med du zin kyang las 'di nus pa ste/ mthus bde ba dang sdug bsngal gyi rang bzhin can gyi 'bras bu 'byung bar rig par bya'o/ /de nyid 'grel pas bstan par bya ba'i phyir/ gang gi
 ltar na zhes bya ba la sogs pa gsungs te/ gang gi zhes bya ba ni las kyi rang bzhin 'gag par smra ba rnams so de la zhes bya ba ni las 'gag par smra ba la'o/ /'gags zin pa'i las kyi nus pa bzhag par bya ba'i phyir zhes bya ba ni 'gags zin
 pa'i las kyi nus te/ mthu gnas par bya ba'i don du ste de ltar ma yin na dus gzhan du 'bras bu skye ba mi srid pa'i phyir ro/ /lhag ma go sla'o/ /ji skad du bstan bcos las zhes bya ba ni rtsa ba'i shes rab las so/ /gang phyir las ni zhes bya ba
 la sogs pa ci'i phyir las skye ba med ce na/ slob dpon gyis smras pa/ gang gi phyir rang bzhin med pa'i phyir skye ba med pa'o/ /gal te rang bzhin med pa'i phyir skye ba med pa'i yin na ci'i phyir bcom ldan 'das kyis/ las rnams bskal
 pa brgyar yang ni/ /'jig par 'gyur ba ma yin te/ /tshogs shing dus la bab ba na/ /lus can rnams la 'bras bur smin/ zhes ji ltar gsungs zhe na/ brjod par bya ste/ gang phyir de ni ma skyes pa/ de phyir chud zar mi 'gyur ro/ /
 zhes bcom ldan 'das kyi dgongs pa yin pa'i phyir khyod de skad zer bas kho bo cag la gnod pa ma yin la/ las la rang bzhin yod na las kyi rang bzhin de nges par gzhan du 'gyur ba med pa'i phyir rtag par thal bar 'gyur te/ nam mkha' i rang bzhin
 gzhan du mi 'gyur ba bzhin no/ /des na las de ma byas kyang yod pa nyid du 'gyur te/ gang gi phyir rtag pa zhes bya ba ni yod par 'gyur ba yin la/ gang yod pa de ni bya bar mi rigs pas rgyu la bltos pa ma yin pa'i phyir dge mi dge'i las ma byas su
 zin kyang 'jig rten pa la rnam par smin pa 'byung bar 'gyur ba yin pas ma byas kyang myong bar 'gyur ro/ /khyod kyi phyogs la yang ma skyes pa nyid kyis 'bras bu 'byin na ma byas pas myong bar ci'i phyir mi 'gyur zhe na/ gang gi phyir kho bos 'jig
 rten gyi tha snyad du las gang byas nas 'jig par 'gyur ba de la rnam par dpyad na skye ba dang 'jig pa med pas de la 'bras bu skye ba yin no zhes brjod pa yin gyi/ 'jig rten pa'i tha snyad du ma byas kyang 'bras bu myong ba ma yin no/ /des na skyon yod pa
 ma yin no/ /don dam par las chud mi za ba la mdo'i khungs bstan par bya ba'i phyir/ mdo las kyang zhes bya ba la sogs pa gsungs te/ mi'i tshe'i tshad lo brgya ste zhes bya ba ni mi rnams kyi tshe lo'i tshad ni lo brgya yin la rgyu dang 'bras bu
 dag mi rigs pa'i phyir dus kyang ma grub pas lo brgya'i rang bzhin can gyi lo la phung por spungs pa yod pa ma yin no/ /sgrub pa 'di yang zhes bya ba ni phung po rnam pa lnga'i mtshan nyid can mi nyid kyi phung po yang de dang mtshungs te/ stong pa nyid
 yin no zhes bya ba'i don to/ 'dis ni rang bzhin gyis stong pa nyid kyi phyir skye ba med par bstan pa yin no/ /zad pa med par bstan bar bya ba'i phyir/ zad pa med ces bya ba la sogs pa gsungs te/ ngas las zad pa med pa dang zad pa gang smras pa de ni stong pa'i rnam
 pas las de zad pa med pa yin la/ tha snyad kyi rnam pas zad par smras pa yin no zhes pa'i don to/ /ci skad bstan pa'i don nyid ces bya ba ni las dang 'bras bu'i 'brel pa'i mtshan nyid can no/ /sad kyang zhes bya ba ni sad pa'i gnas skabs na yang ngo?/ /rang
 bzhin yod min ba'i zhes bya ba ni don dam par ro/ /'gags zhing zhes bya ba ni 'jig rten pa'i tha snyad kyis so/ /don 'di nyid la mdo'i khungs bstan par bya ba'i phyir/ /ci skad du srid pa 'pho ba'i mdo las zhes bya ba la sogs pa gsungs te/ yul gyi bud
 med bzang mo zhes bya ba ni yul na yod pa rnams kyi nang na mdzes pa'o/ /ma mchis shing zhes bya ba ni ci'i phyir zhe na/ mi dmigs pa lags na zhes bya ba smos te/ rnam par dpyad na mi dmigs pa'i phyir ro/ /phongs shing zhes bya ba ni yid mi bde
 ba'i rang bzhin can no/ /dub pa zhes bya ba ni lus kyi sdug bsngal dang ldan pa'o/ /'chi dus dang tshod nye bar gnas pa'i tshe zhes bya ba ni 'chi kha na'o/ /de dang skal ba 'dra ba'i las sad nas zhes bya ba ni mi la sogs pa'i 'gro ba gang du skyes pa de
 dang skal pa mnyam pa'i las sang nas so/ /dper na nyal nyal ba las zhes bya ba la sogs pa ni dper na rmi lam na mthong ba'i bud med sad pa'i gnas skabs na med du zin kyang dran pa skye ba'i rgyur 'gyur ba de bzhin du las kyang don dam pa'i
 dbang du byas nas 'jig pa med pa yin la/ kun rdzob kyi dbang du byas nas zhig tu zin kyang yid la 'bras bu skyed pa'i don du mngon phyogs par 'gyur ba yin no zhes bya ba'i tha tshig go /de dang skal ba 'dra ba'i zhes bya ba ni rnam par smin pa nyams su 
 myong bar 'gyur ba dang rjes su mthun pa'o/ /de la chos gang yang 'jig rten 'di nas 'jig rten pha rol tu 'pho ba yang med la zhes bya ba ni bdag la sogs pa'i mtshan nyid can no/ /lhag ma go sla'o/ /'dis ni las 'gag tu zin
 kyang chung mi za bar bstan pa yin no/ /de la gzhan gyi dog pa bsu bar bya ba'i phyir ci ste zhes bya ba la sogs pa gsungs te/ rang bzhin gyis ma skyes pa la zhes bya ba ni las la'o/ /rnam par smin pa byas zin pa las kyang zhes bya ba la sogs pa ni rnam
 par smin pa'i 'bras bu bskyed zin pa las rnam par smin pa 'byung ba'i phyir thug pa med par thal bar 'gyur ro/ /ci'i phyir zhe na/ de la zad pa med pa'i phyir zhes bya ba gsungs te rnam par smin pa'i 'bras bu nyams su myong ba yang las de zad pa
 med pa'i phyir ro/ /de la lan bstan par bya ba'i phyir/ de ni yod pa ma yin te zhes bya ba la sogs pa gsungs te/ de ni zhes bya ba ni thug pa med pa'i skyon no/ /de nyid bstan par bya ba'i phyir/ ci ltar zhes bya ba la sogs pa gsungs te/ dper
 na rab rib can la yul med pa nyid du mtshungs kyang skra shad la sogs pa snang ba yin te/ ri bong gi rwa la sogs pa ni mi snang ngo/ /de nyid kyi phyir dngos gzhan rnam par ma yin ltar zhes gsungs so/ /de ltar dpe bstan nas don bstan par bya ba'i phyir/ de bzhin  
 smin nas slar smin min shes kyi zhes bya ba gsungs te/ ji ltar med pa nyid du mtshungs kyang thams cad mi snang ba bzhin du rnam par smin pa dang ma smin pa dag gi dus su las kyi rang bzhin 'jig pa med par mtshungs su zin kyang rnam par smin pa'i
 lus las rnam par smin pa 'byung bar mi 'gyur ro/ /de nyid 'grel pas bstan par bya ba'i phyir/ dper na zhes bya ba la sogs pa gsungs te/ rnam par smin pa nges par 'gyur ro zhes bya ba ni yang rnam par smin pa'i nus pa med pa'i phyir rnam par smin pa
 lan cig 'byin pa las nges par 'gyur ba'o/ /dpe 'dis zhes bya ba ni rab rib can gyi dpe'i sgo nas so/ las rnams ma nges pa ma yin pa zhes bya ba ni rnam par smin pa lan cig 'byin pa la nges pa'o/ /rnam par smin pa yang nges pa yin no zhes bya ba ni dge ba las yid du
 'ong ba'i mtshan nyid can nyid dang/ mi dge ba'i las yid du mi 'ong ba'i mtshan nyid can gyi rnam par smin pa nyid do/ /de'i phyir zhes bya ba ni rab rib can gyi dpes so/ /nag po las zhes bya ba ni mi dge ba'i mtshan nyid can las so/ /rnam smin mi dge zhes bya ba ni
 ngan 'gror yid du mi 'ong ba'i rnam par smin pa'i mtshan nyid can no/ /rnam smin dge ba nyid ces bya ba ni bde 'gror yid du 'ong ba'i mtshan nyid can gyi rnam par smin pa'o/ /dge las zhes bya ba ni dge ba'i mtshan nyid can las so/ /mthong zhes bya ba ni lung gi sgo
 nas khong du chud pa'o/ /dge mi dge med blo can thar 'gyur te zhes bya ba ni chos thams cad rang bzhin med par yongs su shes pa'i sgo nas dge ba dang mi dge ba'i las mi dmigs pa'i phyir/ /nyon mongs pa dang shes bya'i sgrib pa log pa'i mtshan nyid can gyi
 thar pa thob par 'gyur ro/ /las 'bras rnams la sems pa'ang dgag par mdzad ces bya ba ni gang gi skra shad la sogs pa'i dpe'i sgo nas las dang 'bras bu'i nges pa de'i phyir bcom ldan 'das kyis ci'i phyir las 'di la 'bras bu 'di skye bar 'gyur
 ba yin zhes bya ba'i sems pa dgag par mdzad pa yin te/ nor bu dang sngags dang sman la sogs pa'i nus pa bsam gyis mi khyab pa yin no zhes bya ba'i rigs pas so/ /de nyid 'grel pas bstan par bya ba'i phyir/ gal te yang zhes bya ba la sogs
 pa gsungs te/ ci'i phyir nges zhe na/ de lta na 'ang skra shad la sogs pa mthong ba nges pa de nyid kyi phyir na zhes bya ba la sogs pa gsungs so/ /las kyi 'bras bu rnams la sems pa de bcom ldan 'das kyis gsungs pa gang gi sgo nas dgag pa
 mdzad ce na/ las rnams kyi rnam par smin pa ni bsam gyis mi khyab po zhes gsungs pas so/ /gal te dpyad par gyur na kun rdzob kyi bden pa nyams par 'gyur ro zhes bstan par bya ba'i phyir/ de nyid kyi phyir zhes bya ba la sogs pa gsungs
 te/ rgyu 'di las 'bras bu 'di skye'o zhes bya ba ni mngon sum dang mi dmigs pa dag gis khong du chud pa yin la/ las dang 'bras bu dag ni tshu rol mthong na dus nam yang mthong ba med pa'i phyir las dang 'bras bu dag ci ltar 'grub par 'gyur zhing zhes
 brtags shing dpyad na chad par lta bar 'gyur bas chad pa med pa'i 'khor pa'i rgyun gyi mtshan nyid can gyi kun rdzob kyi bden pa 'jig par 'gyur du 'ong bas bcom ldan 'das kyis las dang las kyi rnam par smin pa la sems pa dgag par mdzad do//
 gal te de ni sems tsam pa'i rgol ba bstan par bya ba'i phyir/ gal te de ltar zhes bya ba la sogs pa gsungs te/ las rnams kyi 'bras bu dang 'brel pa rnam par bzhag na zhes bya ba ni kun gzhi rnam par shes pa med pa yin yang las rnams
 rang bzhin med pas kun rdzob tu las zhig tu zin kyang las 'bras bu 'byin pa'i rnam par bzhag pa byed na'o/ /chos mdza' yas pa'i nus pa'i khyad par gyi gzhi zhes bya ba la/ chos mdza' yas te sngon po dang ser po la sogs par snang ba'i
 shes pa rnams so/ /de rnams kyi nus pa ni bag chags te/ dper na til me tog dang nye ba las dri 'byung ba de bzhin du sngon po la sogs pa'i shes pa rnams kyis kun gzhi rnam par shes pa la bag chags bsgos pa'o/ /bag chags de rnams kyi gzhi ste
 rten no/ /de phyir sa bon thams cad pa ste/ shes pa thams cad kyi rgyu yin no zhes bya ba'i don to/ /de la dpe bstan par bya ba'i phyir/ rlabs rnams la zhes bya ba la sogs pa gsungs so/ /dngos po thams cad skye ba'i rgyu zhes bya ba ni sngon por snang ba'i
 shes pa skye ba la sogs pa'i rgyur gyur pa'i phyir ro/ /'phags pa lang kar gshegs pa la sogs pa rnams la zhes bya ba ni/ kun gzhi rnam shes zab cing cha phra la/ sa bon thams cad chu bo'i rgyun bzhin 'bab/ /bdag tu yongs su rtogs par 'gyur snyam nas//
 byis pa rnams la bdag gis 'di ma bstan/ zhes bya ba la sogs pa gsungs so/ /rnam pa thams cad du med pa zhig ma zhes bya ba ni gtan med pa yin nam zhes pa'o/ /de la lan bstan par bya ba'i phyir/ de ltar ni ma yin te zhes bya ba ni med pa ma yin
 gyi/ 'on kyang bcom ldan 'das kyis dgongs pa'i dbang gis yod pa nyid du gsungs pa yin no zhes bya ba'i don to/ /de skad du nye bar bstan pas gdul bya rnams la de yod pa nyid du bstan pa'i phyir ro zhes bya ba ni kun gzhi rnam par shes pa yod par bstan pas gdul
 bya'i skye bo rnams la kun gzhi rnam par shes pa yod pa nyid du bstan pas so/ /don dam par ni kun gzhi rnam par shes pa zhes bya ba stong pa nyid kho na la brjod pa yin no zhes bstan par bya ba'i phyir/ dngos po thams cad kyis zhes bya ba la sogs pa gsungs te//
 dngos po thams cad kyi rang bzhin rjes su zhugs pa'i phyir zhes bya ba ni gang gi phyir bdag las ma yin gzhan las min/ zhes bya ba la sogs pas dngos po stong pa nyid kyi rjes su 'jug pa'i phyir stong pa nyid kho na kun gzhi yin la de nyid rnam par
 shes pa ste/ chos thams cad mi dmigs pa'i sbyor bas yongs su shes pa'i phyir nges na stong pa nyid la kun gzhi rnam par shes pa'i sgras bstan par rig par bya'o/ /ci ltar bcom ldan 'das kyis kun gzhi rnam par shes pa dgongs pa'i dbang gis
 gsungs pa de bzhin du gang zag kyang dgongs pa'i dbang du mdzad nas yod par gsungs pa yin no zhes bya ba'i phyir/ kun gzhi rnam par shes pa zhes bya ba la sogs pa gsungs so/ /des gdul ba'i skye bo la zhes bya ba ni gang zag gi sgo nas gdul
 ba'i skye bo rnams la'o/ /de yod pa nyid du bstan pa zhes bya ba ni/ gang zag yod pa nyid du bstan pas so/ /rjes su 'jug pa'i phyir ro zhes bya ba ni phyis 'chad par 'gyur ba'i sgo nas so/ gang zag yod pa nyid gsungs so zhes bstan par bya ba'i phyir/ ji skad du
 zhes bya ba la sogs pa gsungs te/ 'ga' zhig la gang zag bkag nas phung po tsam zhig bstan par mdzad do zhes bstan par bya ba'i phyir/ kha cig la ni zhes bya ba la sogs pa gsungs te/ nyan thos kha cig la ni sems zhes bya ba 'am/ yid ces bya
 ba 'am/ rnam par shes pa zhes bya ba ni rnam grangs yin te/ de ltar yang/ sems dang yid dang rnam par shes/ de dag don nyid cig pa nyid ces gsungs pas so/ /sems tsam pa rnams na re sems kun gzhi rnam par shes pa yin la/ yid ni nyon
 mongs pa can gyi yid yin la/ rnam par shes pa ni 'jig pa'i rnam par shes pa tshogs drug ste/ tha dad par 'dod la de dgag pa'i ched du don gcig ces brjod pa yin no/ /dad pa dang tshul khrims zhes bya ba la sogs pa la/ sogs pa'i
 sgras thos pa la sogs pa bsdu bar bya'o/ /gong du 'gro ba na zhes bya ba ni bstan pa na'o/ /phyi ma la mtho ris su 'gro bar 'gyur ro zhes bya ba ni bshad pa ste/ 'chi 'phos nas ma 'ongs pa'i dus mtho ris su 'gro bar 'gyur ro zhes bya ba'i tha tshig go /
 da ni kun gzhi rnam par shes pa la sogs pa gsungs pa de dag dgongs pa can nyid du gsal bar bstan par bya ba'i phyir/ 'di dag thams cad ni zhes bya ba la sogs pa gsungs te/ 'di dag thams cad ni zhes bya ba la sogs pa ni kun gzhi
 rnam par shes pa dang/ gang zag dang/ phung po rnams so/ /dgongs pa dngos bstan par bya ba'i phyir/ brjod par bya ste zhes bya ba la sogs pa gsungs te/ de ltar zhes bya ba ni bdag las ma yin gzhan las min zhes bya ba la sogs pa'i
 sgo nas rnam par shes pa tsam gyis kyang stong pa gdod ma nas skye ba med pa zhes bya ba'i don to/ /de la 'o zhes bya ba ni chos zab mo khong du chud par mi 'gyur ba las so/ /'ba' zhig nyid ces bya ba ni gang zag dang bral ba'o/ /de nyid 'brel pas bstan par
 bya ba'i phyir/ gdul bya gang dag ces bya ba la sogs pa gsungs te/ gdul bya gang dag ces bya ba ni mu stegs kyi lta ba la lhag par goms par bya ba'o/ /chos nyid zab mo zhes bya ba ni yod pa dang med pa la sogs pa'i mdza' bzhi dang bral
 ba'o/ /'jug par mi nus shing zhes bya ba ni yun ring por mu stegs kyi lta ba la goms par byas pas stong pa nyid la lhag par mos par mi nus pa'o/ /de nyid kyi phyir dus yun ring por mu stegs kyi lta ba la goms par byas pas zhes bya ba
 gsungs so/ /bdag 'byung bar mi 'gyur ro zhes bya ba la sogs pa ni sngar bstan pa'i rnam pas chos nyid stong pa nyid thos pas chos nyid stong pa nyid de la gdod ma nas skye ba med pa'i don khong du ma chud pas thar pa thob pa'i dus na thams cad med
 par 'gyur ro snyam nas stong pa nyid kyi don khong du chud nas bdag med par 'gyur ro zhes skrag pa rnams la'o/ /thog ma kho nar ston pa'i nye bar bstan pa la/ g.yang sa dang 'dra bar sems pa zhes bya ba ni gang zag yod pa la sogs par bstan
 pa'i sgo nas rung ba nyid ma mdzad par dbu ma'i don bstan par gyur na chad pa'i lta bar ltung bas g.yang sa dang 'dra bar sems pa'o/ /de la rgyab kyi phyogs ba zhes bya ba ni chos zab mo la phyir phyogs pas so/ /don chen po bsgrub par mi 'gyur ro
 zhes bya ba ni stong pa nyid la phyin ci log tu mngon par zhen pa de rnams dmyal ba la sogs par ltung bas don chen po sangs rgyas nyid bsgrub par mi 'gyur gyi/ don med pa kho na 'grub par 'gyur ro zhes bya ba'i don te/ dus yun ring po
 nas bdag la lhag par mngon par zhen pa rnams la de dang rjes su mthun par bstan pa'i sgo nas bstan pa la gzhug par nus pa'i phyir ro/ /de ltar thog mar stong pa nyid bstan pa la don dam par 'byung bar 'gyur ba yin no zhes bstan
 nas/ nga ni ches thog mar kun gzhi rnam par shes pa la sogs pa bstan na don chen po 'dren par 'gyur ba yin no zhes bstan par bya ba'i phyir/ ches thog mar zhes bya ba la sogs pa gsungs te/ ches thog mar zhes bya ba ni stong pa nyid
 ston pa'i thog mar ro/ /kun gzhi rnam par shes pa la sogs pa bstan pas ni zhes bya ba ni sogs pa'i sgras ni gang zag la sogs pa bsdu bar bya'o/ /mu stegs kyi lugs bsal bas zhes bya ba ni bdag la mngon par zhen pa bzlog
 nas so/ /de dag gi don chen po 'dren par 'gyur zhing zhes bya ba ni gzung ba'i don la mngon par zhen pa la sogs pa la bzlog pas chos bstan pa de 'bras bu sangs rgyas kyi rgyur 'gyur bas so/ /'di ltar mu stegs pa 'jig rten 'di nas
 'jig rten pha rol tu 'gro ba dang bcings pa grol ba'i rten du gyur pa'i bdag rtag pa khas len par byed la/ de dang rjes su mthun pa'i kun gzhi rnam par shes pa gsungs pa la gang gi phyir kun gzhi rnam par shes pa de yang 'jig
 rten 'di nas 'jig rten pha rol tu 'gro ba dang bcings pa grol ba'i rten du gyur pa yin te/ 'di ltar ji srid du kun gzhi rnam par shes pa la nyon mongs pa'i bag chags 'jug pa de srid du bcings pa yin la/ gang gi tshe lam bsgoms
 pas nyon mongs pa'i bag chags log pa de'i tshe rten yongs su gyur pas grol ba nyid do/ /'on kyang khyad par ni bdag ni rtag pa yin la/ kun gzhi rnam par shes pa ni mi rtag pa yin no/ /de ltar yang kun gzhi rnam par shes pa gsungs
 pas bdag la mngon par zhen pa ldog par 'gyur ba dang/ kun gzhi rnam par shes pa gsungs pas phyi rol gyi don la mngon par zhen pa med pa'i phyir phyi rol gyi don la mngon par zhen pa yang ldog pa yin no/ /des na kun gzhi rnam par shes pa
 bstan pas don chen po 'dren par 'gyur ba yin no/ /phyi nas zhes bya ba 'dis ni kun gzhi rnam par shes pa gsungs pa'i phyir ro/ /gsung rab kyi don phyin ci ma log pa rig pa rnams zhes bya ba ni bdag las ma yin zhes bya ba la sogs pas kun gzhi
 rnam par shes pa la sogs pa'i don yang stong pa nyid khong du chud pas so/ /de dag spong bar 'gyur bas zhes bya ba ni kun gzhi rnam par shes pa la sogs pa rnams kyang 'dod par 'gyur bas so/ /yon tan kho na 'byung gi zhes bya ba ni kun gzhi rnam par
 shes pa gsungs pas bstan pa la 'jug pa'i mtshan nyid can gyi yon tan kho na 'byung bas skyon med do/ /ji skad du 'phags pa'i lhas zhes bya ba ni bzhi brgya pa las so/ /gang zhig ces bya ba la sogs pa ni phan pa ston pa na yang gzhan gyi bsam pa sun
 ma phyung bar dang ba 'phel bar byed pa'i gzhan gyi bsam pa'i rjes su 'jug pa de ni bstan par bya ba yin te/ 'di ltar ser sna can la sbyin pa gtong ba'i gtam dang/ tshul khrims 'chal pa la tshul khrims kyi gtam gyis dang/ khro ba dang ldan pa la
 bzod pa'i gtam gyis dga' bar mi 'gyur gyi/ 'on kyang longs spyod 'dod pa la sbyin pa'i gtam dang/ mtho ris 'dod pa la tshul khrims kyi gtam dang/ gzugs bzang ba 'dod pa la bzod pa'i gtam gyis dga' bar 'gyur ro/ /de lta bu
 la sogs pa'i gtam dang por bstan nas/ phyis snod du gyur par khong du chud par bya ste/ zab mo'i gtam brjod par bya dgos so/ /dang po nyid du mi mthun pa'i gtam gyis sun phyung nas de las phyir log cing phan pa bstan pa'i don du mi 'gyur ro//
 de nyid gyi phyir bzhi brgya pa las/ dang po bsod nams min las bzlog /bar du bdag las bzlog pa dang/ /phyis ni thams cad las bzlog pa/ /gang gis de shes blo ldan yin/ /dman pa rnams la sbyin pa brjod/ /bar ma la ni tshul
 khrims brjod/ /mchog tu gyur la zhib brjod/ /de gsungs rtag tu mchog du 'gyur/ zhes gsungs pa dang/ gzhan yang/ bsod nams 'dod pas stong pa nyid/ /rnam pa kun ni brjod mi bya/ /gang phyir gnas min pa la sman/ /byin na drug tu 'gyur
 ba yin zhes gsungs so/ /gdul bya rnams gzhug pa'i don du kun gzhi rnam par shes pa la sogs pa rnams yod pa nyid du gsungs pa 'ba' zhig tu ma zad kyi/ 'on kyang dngos po thams cad yod pa nyid du gsungs pa yin zhes bstan par bya ba'i phyir/
 gzhug par bya ba'i phyir zhes bya ba la sogs pa gsungs te/ gzhug pa'i phyir zhes bya ba ni mu stegs pa rnams bstan pa la gzhug pa'i ched du'o/ /'jig tshogs la lta ba dang bral yang zhes bya ba ni bdag dang bdag gir lta ba dang bral du zin kyang/
 nga dang nga'i bstan pa ltar zhes bya ba ni de'i tsho de'i dus na che ge mo zhig tu gyur to zhes bya ba dang/ nga mya ngan las 'das pa'i 'og tu nga'i bstan pa dus 'di srid gcig tu gnas so/ /zhes bya ba la sogs pa bdag dang bdag gir lta ba'i sgo nas chos ci
 ltar bstan ba de bzhin du rang bzhin med pa'i dngos po rnams yod ces bstan par mdzad pa ni drang pa'i don du ste/ dngos po la bden par zhen pa'i 'jig rten pa rnams dbu ma la 'jug par bya ba'i don du'o/ /de nyid kyi phyir bzhi brgya pa las
 de nyid tshol ba rnams la ni/ /thog mar thams cad yong ces bstan/ /phyi nas don rnams rtogs pa la/ /som nyi med la dben pa nyid ces gsungs so/ /de nyid 'grel pas bstan par bya ba'i phyir/ 'jig tshogs la lta ba zhes bya ba la sogs pa gsungs
 te/ mdza' dag ces bya ba ni bag chags dang bcas pa'o/ /nga dang nga'i sgo nas gsungs pa'i ci phyir zhe na/ nga dang nga'i zhes bsnyad pa'i 'jig rten gyi khong du chud pa'i thabs yin pa'i phyir zhes bya ba smos te/ sngon gyi skyes rabs la sogs pa'i gtam khong du chud
 pa'i thabs yin no/ /de yod pa nye bar bstan pa zhes bya ba ni/ dngos po thams cad yod pa nyid nye bar bstan pa'o/ /'jig rten gyi khong du chud pa'i thabs yin pa'i phyir zhes bya ba ni 'jig rten pa rnams kyis stong pa nyid khong du chud pa'i thabs yin pa'i
 phyir te/ 'di ltar phung po dang khams la sogs pa bstan nas bdag tu 'dzin pa ldog pa yin te/ phung po rnams kho na yod pa yin gyi/ 'di dag ni 'ga' zhig kyang yod pa ma yin no/ /snyam du bdag tu 'dzin pa ldog pa yin no/ /gang gi tshe bdag tu 'dzin
 pa la sogs pa de'i tshe phyi rol gyi don la mngon par zhen pa bzlog pa'i don du kye rgyal ba'i sras dag khams gsum pa 'di dag ni sems tsam mo zhes sangs rgyas bcom ldan 'das rnams kyis sems tsam du bka' stsal to/ /gang tshe phyi rol gyi don
 la zhen pa log pa de'i tshe rnam par shes pa tsam yod pa'i mngon par zhen pa spang ba'i ched du/ gang zhig rkyen gyis skye 'gyur ba/ /de ni skye ba ma yin te/ /de la rang bzhin gyis skye ba/ /yod pa nyid ni ma yin no/ zhes bya ba la sogs pa dbu ma'i lam
 gsungs pa yin no/ /de phyir 'jig rten gyis khong du chud pa'i thabs yin pa'i phyir thams cad yod pa nyid du bka' stsal pa yin no zhes bya ba'i tha tshig go /de nyid la mdo'i khungs bstan par bya ba'i phyir/ ji skad du zhes bya ba la sogs pa gsungs te/
 gal te 'jig rten rnam par 'dren pa rnams te/ 'jig rten la lam ston par byed pa po rnams gal te 'jig rten dang mthun par ma zhugs na sus kyang sangs rgyas bcom ldan 'das shes par mi 'gyur zhing nges gsungs pa'i chos kyang shes par mi
 'gyur la/ 'jig rten dang mthun pa ma zhugs na gal du bya rnams kyi bsam pa dang mi mthun pa'i phyir chos nyan par mi 'gyur zhing/ sangs rgyas dang chos dag shes par mi 'gyur bas so/ /da ni 'jig rten dang mthun par 'jug par gyis par
 bstan par bya ba'i phyir/ phung po dag dang khams rnams dang zhes bya ba la sogs pa gsungs te/ phung po dang/ khams dang/ skye mched rnams rang bzhin gcig pa nyid de/ thams cad ngo bo nyid med pa'i phyir ro/ /de ltar na yang phung po dang/ khams dang/ skye mched
 rnams kyi khyad par gyi rang bzhin can 'dod pa dang/ gzugs dang gzugs med pa rnams ston par mdzad pa gang yin pa ni 'jig rten dang rjes su mthun par 'jug pa yin no/ /ming med pa'i chos rnams kyi zhes bya ba la sogs pa ni rang bzhin med pa nyid kyi
 phyir rnam par rtog pa dang brjod pa'i spyod yul ma yin pas phung po dang/ khams dang/ skye mched kyi chos rnams thams cad brjod du med pa yin la/ brjod du med pa'i chos rnams bsam du med pa'i ming gi tshogs kyi sgo nas sems can rnams la gang
 yongs su brjod pa 'di ni 'jig rten pa dang rjes su mthun par 'jug pa'o/ /dngos med nye bar ston mdzad cing zhes bya ba la sogs pa ni rang bzhin stong pa nyid la zhugs pa'i sangs rgyas bcom ldan 'das rnams kyi dngos po rnams med pa ste/ dngos po/
 rnams skad cig ma gnyis par mi sdod pa'i mtshan nyid can mi rtag pa nyid nye bar ston par mdzad cing skad cig ma gnyis par mi sdod pa'i dngos po rnams med pa de 'ga' yang 'dir yod pa ma yin te/ dngos po nyid ma grub pa'i phyir ro/ /gang
 mi rtag pa nyid bstan pa de ni 'jig rten dang rjes su bstun pa yin no/ /'gog pa de ni don dam pa'i don zhes bya ba ni 'gog pa ste mya ngan las 'das pa'i mtshan nyid can yin la/ dam pa'i don de mchog tu gyur pa'i dang/ de la don zhes kyang ni gsungs
 zhes bya ba ni 'gog pa de yang mya ngan las 'das pa'i don du gnyer ba rnams kyis don du gnyer bar bya ba yin pas don zhes kyang bya'o/ /don dang don min mi gzigs la zhes bya ba ni 'gog pa de yang don dam ma yin pa dag tu mi gzigs pa ste/ de dag brtags
 pa ma yin pa'i phyir ro/ /de ltar yin yang 'gog pa gsungs pa ni 'jig rten dang mthun par 'jug pa yin no/ /zhig pa med cing zhes bya ba la sogs pa ni 'gro ba rnams skye ba yang ma yin zhing 'jig pa yang ma yin te/ rab rib can la skra shad la sogs
 pa snang ba bzhin du gdod ma nas skye ba med pa'i phyir ro/ /de nyid kyi phyir chos kyi dbyings dang mnyam gyur kyang zhes bya ba la sogs pa gsungs te/ stong pa nyid kyi rang bzhin yin pas zhes bya ba'i tha tshig go /de ltar yin du zin kyang mes bskal pa'i mthar
 sreg par ston par mdzad pa 'di ni 'jig rten dang mthun par 'jug pa'o/ /dus gsum dag tu zhes bya ba la sogs pa ni 'das pa dang/ da ltar dang/ ma 'ongs pa'i dus su sems can rnams kyi rang bzhin ma dmigs kyang sems can gyi khams te rigs
 ston par mdzad pa 'di ni 'jig rten mthun par 'jug pa'o/ /de ltar kun gzhi rnam par shes pa gsungs pa de dgongs pa can yin no/ /zhes bstan nas/ da ni sems tsam pa'i lugs dgag par bya ba'i phyir phyogs snga ma ston pa ni de'i phyir zhes bya ba la
 sogs pa gsungs te/ dbu ma pa'i lugs ji skad bstan pa zhes bya ba ni gdod ma nas skye ba med pa gang gi bdag nyid kyis kyang yod pa ma yin pa'i lugs gang yin pa'o/ /mi bzod cing zhes bya ba ni mi tshugs pa'o/ /rang gi rnam par rtog pas sbyor
 ba'i lugs brjod pa'i sgo nas zhes bya ba ni chos thams cad rnam par shes pa'i bdag nyid du yod pa yin no zhes rang gi rnam par rtog pas brtags pa'i rnam gzhag gang yin pa nges gsal bar byas pa'i sgo nas so/ /don dag 'jig par byed pa rnams kyis
 zhes bya ba ni gzugs la sogs pa'i don rnam par shes pa'i bdag nyid du 'jog par byed pas so/ /ji skad du bshad pa'i lugs gsal bar bya ba'i phyir/ smras ba zhes bya ba ni/ mngon du phyogs pas mnyam gzhag sems gnas te/
 rdzogs pa'i sangs rgyas chos la mngon phyogs shing/ 'di rten 'byung ba'i de nyid mthong ba'o/ shes rab gnas pas 'gog pa thob par 'gyur/ zhes bya ba'i sngar rnam par bzhag pa gang yin pa de gsal ba'i phyir/ gzung ba med par zhes bya ba la
 sogs pa gsungs te/ sa drug pa la gnas pa'i byang chub sems dpa' srid gsum ste/ khams gsum pa rnam shes tsam du ste phyi rol gyi don yod pa ma yin no zhes rdzogs par 'gyur ro zhes sbyar bar bya'o/ /byang chub sems dpa' ci lta bus
 zhe na/ shes rab la gnas zhes bya ba gsungs te/ shes rab kyi pha rol tu phyin pa bsgom pa las gnas pas so/ /yang ji lta bu zhe na/ rnam shes tsam du de nyid rtogs par 'gyur zhes bya ba gsungs te/ gzhan gyi dbang gi sems la gzung ba
 dang 'dzin par brtags pas stong pa'i rang bzhin can du rtogs pa ste/ gzung ba dang 'dzin pa dang bral ba'i sems dang sems las byung ba tsam du rtogs pa gang yin pa'o zhes pa'i tha tshig go /de yang ci ltar rtogs she na/ gzung pa med par 'dzin pa
 ma mthong zhing zhes bya ba gsungs te/ gzung bar bya ba'i don med pas shes pa gang 'dzin par byed pa nyid don tha dad par rtogs pa'i mtshan nyid can ma mthong zhing dang gsal ba tsam du khong du chud pa yin no zhes bya ba'i tha tshig go /'di'i don ni
 sems tsam pa rnams na re shes pa la skur pa gdad? par mi nus te/ shes pa med na snang ba yang mi 'grub bas so/ /des na shes pa'i bdag nyid can du gyur pa'i snang ba nyid kyi sgo nas shes pa nyid grub pa yin no zhes pa'o/ /gnod byed kyang yod
 pa ma yin te/ gang gi phyir gnod par bya ba'i shes pa de la shes pa de nyid kyis gnod dam/ gzhan gyis gnod/ de la phyogs dang po ltar ni mi rigs te/ zla ba gnyis snang gi shes pa de nyid kyis bdag nyid la gnod par mi nus te nyams su myong ba'i phyir ro//
 shes pa gzhan gyis kyang mi gnod de nyams su myong bas 'gags pa la gnod par mi rung ste bum pa'i shes pa 'gags pa snam bu'i shes pas gnod par mi 'gyur te/ rang gi dus su nyams su myong pa'i phyir dang/ snam bu'i shes pa'i dus na de ma grub
 pa'i phyir ro/ /des na sgrub byed yod pa'i phyir dang gnod byed med pa'i phyir shes pa nyid yod pa nyid yin gyi/ 'on kyang de la byas pa rnams kyis thog ma med pa'i ma rig pa'i bag chags kyi stobs kyis gzung ba dang 'dzin par brtags pa de med par yongs su
 shes pas byang chub sems dpa' i sa drug par byang chub sems dpa' dngos po'i ngo bo nyid sems tsam du mngon du byed pa yin no zhes pa'o/ /de nyid 'grel pas bstan par bya ba'i phyir/ gnas zhes bya ba'i sgra 'di ni zhes bya ba la sogs pa gsungs te go
 sla'o/ /de kho na nyid ces bya ba ni stong pa nyid de/ gzung ba dang 'dzin pa dang bral ba'o/ /rnam par shes pa tsam du zhes bya ba ni stong pa de yang rnam par shes pa tsam la gtogs pa'o/ /rnam par shes pa tsam du rtogs pa'i rgyu mtshan bstan pa'i sgo nas
 gang gi don ston pa ni/ gzugs med pa zhes bya ba la sogs pa gsungs te/ rten cing 'brel par 'byung pa'i dngos po tsam zhes bya ba ni gzhan gyi dbang ngo/ /rgyu mtshan nyid rtsa ba'i tshig bshad pa'i sgo nas bstan par bya ba'i phyir/ yang ji ltar
 zhes bya ba la sogs pa gsungs so/ /'chad par 'gyur ba'i rigs pas zhes bya ba ni ci ltar rlung gi zhes bya ba la sogs pa'o/ /rim pa 'dis zhes bya ba ni gzung ba med par 'dzin pa ma mthong zhing zhes sngar bstan pa'i tshul gyis/ /da ni gzung ba med
 pa'i tshul gyis shes pa tsam skye ba bsgrub pa'i phyir phyogs snga ma 'god ba ni/ gal te zhes bya ba la sogs pa gsungs so/ /de la lan bstan par bya ba'i phyir/ smras pa zhes bya ba la sogs pa gsungs te/ ci ltar rlung gis bskul bas zhes bya ba ni
 chu'i yan lag rlung gis bskyod pa las so/ /de bzhin du kun gzhi rnam par shes pa las rnam par shes pa tsam ste 'jug pa'i rnam par shes pa la sogs pa rnams 'byung bar 'gyur pa'o/ /kun gzhi rnam par shes pa ci lta bu las zhe na/ kun gyi sa bon zhes bya ba la sogs pa
 gsungs te/ rnam par shes pa thams cad kyi rgyur gyur pa'o/ /rang gi nus pa zhes bya ba ni kun gzhi rnam par shes pa'i rang gi nus pas so/ /de la kun gzhi rnam par shes pa'i rang gi mtshan nyid ni kun nas nyon mongs pa'i chos thams cad kyi bag
 chags rnyed nas sa bon yongs su gzung pa'i sgo nas skye ba'i rgyur gyur pa yin pa'o/ /'di'i don ni kun nas nyon mongs pa'i phyogs 'dod chags la sogs pa dang lhan cig tu skye ba dang 'gag pa yang dang yang du nyams su myong bar byas nas sa bon yongs su
 bzung pa'i sgo nas skye bar 'gyur ba de rnams kyi skye ba'i rgyur gyur pa'o/ /de yang sa bon yongs su bzung ba'i sgo nas yin te/ de la sa bon yongs su bzung ba ni gang skye ba dang lhan cig tu skye ba dang 'gag pa nyams su myong ba'o/ /de lta bur gyur pa la
 bag chags zhes bya ba'i sa bon yongs su bzung pa nyid 'thad pa yin no/ /de dang ldan pa'i sgo nas de de rnams kyi rgyur gyur pa yin gyi gtso bo la sogs pa ni ma yin te/ ji skad du bshad pa'i sa bon yongs su 'dzin pa mi rigs pas so/ /de rnams
 rtag pa'i phyir lhan cig tu 'byung ba rnams dang skye ba 'gag pa nyams su myong ba med pa'i phyir ro/ /de lta bu'i kun gzhi rnam par shes pa de ltar yod par cis grub ce na/ de la lan brjod par bya ste/ gal te kun gzhi rnam par shes pa grong?
 ma gyur na gnyid stug po log pa'i sad pa'i rnam par shes pa gang la skye bar 'gyur/ gnyid stug po log pa'i gnas skabs na 'jug pa'i rnam par shes pa tshogs drug dang nyon mongs pa can gyi yid yong pa ma yin te/ mi dmigs pa'i phyir ro/ /des na kun
 gzhi'i rnam par shes pa yod pa yin te/ gang las sad pa'i dus rnam par shes pa skye ba'o/ /de bzhin du gnod du drag po bsnun pa dang/ brgyal ba las langs pa'i dus dang 'gog pa'i snyoms par 'jug pa las langs pa'i tshe gal te kun
 gzhi rnam par shes pa mi 'dod na rnam par shes pa gang las skye bar 'gyur/ des na gang las rnam par shes pa skye bar 'gyur ba'i kun gzhi rnam par shes pa yod pa nyid do/ /de nyid 'grel pas bstan par bya ba'i phyir/ ci ltar rgya mtsho'i zhes
 bya ba la sogs pa gsungs te/ ji ltar rgya mtsho las rba rlabs te chu rlabs yongs su rgyug pa ste/ phan tshun 'gro bar rtogs pa ste nges pa'o/ /rba rlabs ci lta bu zhe na/ gnyid log pa lta bu'i zhes bya ba gsungs te/ rlung med pa'i dus na g.yo ba med pa'i
 phyir gnyid log pa lta bu'o/ /khyad par gzhan ci lta bu zhe na/ 'gran pa'i sgo nas bdag gi lus rnyed pa ltar zhes gsungs te/ 'dis lang bzhin du kho bo ci'i phyir mi lang snyam du 'gran pa lta bu'i sgo nas bdag gi lus rnyed pa ltar ro/ /ci'i phyir rnyed ce na/
 rlung tsam gyi rkyen nye bar rtags pas zhes bya ba gsungs te/ gang gi phyir lhan cig byed pa'i rkyen rlung dang phrad pas so/ /de nyid kyi phyir chu'i yan lag rlung gis bskyod pa las zhes bya bas rgya mtsho las khyad par du byas so/ /'dir kun gzhi rnam par shes
 pa ni rgya mtsho lta bu yin la/ gnyid log pa lta bu ni bag chags yin zhing/ yongs su smin pa'i rkyen ni rlung gis bskyod pa lta bu yin la/ 'bras bur gyur pa'i shes pa ni chu rlabs lta bu yin no/ /de ltar dpe bstan nas don dang sbyar ba'i phyir/
 'dir yang zhes bya ba la sogs pa gsungs te/ 'dir yang zhes bya ba ni rnam par shes pa skye ba'i dus na yod/ /rnam bar shes pa gcig nas gcig tu brgyud pa zhes bya ba ni sngon po dang ser po la sogs pa'i shes pa brgyad pa'o//
 thog ma med pa'i dus nas zhugs pa zhes bya ba ni 'khor ba thog ma med pa'i phyir ro/ /de yang ci lta bu zhe na/ gzung ba dang/ 'dzin pa zhes bya ba la sogs pa gsungs te/ 'di ni shes par bya ba 'di ni shes pa yin no zhes bya ba'i rnam par rtog
 pa gang yin pa de la gzung ba dang 'dzin par mngon par zhen pa zhes bya ba la/ de'i bag chags ni gzung ba dang 'dzin par rnam par rtog pa dang/ rjes su mthun pa'i shes pa skye ba'i nus pa'i khyad par ro/ de yongs su smin pa ni de ma thag tu 'bras bu
 skye ba gang yin pa'o/ /de las bdag nyid kyi dngos po yod pa thob pa gang yin pa'o/ /'gag bzhin pas zhes pa ni da ltar ba'o/ /rnam pa de lta bu'i rnam par shes pa gcig nas gcig tu brgyud pas gang kun gzhi rnam par shes pa la sngon po
 la sogs pa'i shes pa bskyed pa'i nus pa gang bzhag pa de las so/ /de yang ci lta bu zhe na/ rang gi rnam pa dang rjes su 'brel pa'i zhes bya ba'i zhes bya ba gsungs te/ sngon po la sogs pa'i rnam par shes pa gcig nas gcig tu brgyud pa rang gi rnam pa
 ste/ sngon po la sogs pa dang gzung ba dang/ 'dzin pa'i rnam pa'o/ /de dang rjes su 'brel pa ni sngon po la sogs pa dang gzung ba dang 'dzin pa dang ldan pa'i shes pa gzhan skye ba gang yin pa'o/ /de'i rgyur gyur pa'i khyad par ro/ /de las
 zhes bya ba ni bag chags kyis bsgos pa'i kun gzhi rnam par shes pa las so/ rim gyis zhes bya ba ni yongs su smin pa'i rkyen la nga lus pa'i phyir ro/ /yongs su smin pa'i rkyen lhags pa'i zhes bya ba ni yongs su smin pa'i rkyen lhan cig byed pa yod na'o/
 dper na sgo'i rnam par shes pa yod na nang rol gyis shes pa yongs su smin pa'i rkyen yin pa dang/ dus shes pa med shes pa'i yongs su smin pa'i rkyen yin pa la sogs pa'o/ /gang yongs su ma dag pa gzhan gyi dbang tsam zhig nye bar skye ba zhes bya ba ni gzung ba
 dang 'dzin pa'i rnam par rtog pa'i rgyu nyid kyis yongs su ma dag pa yin la/ phyi rol gyi don gyis stong pa'i phyir gzhan dbang tsam cig nye bar skye ba de nyid la byis pa rnams gzung ba dang 'dzin par kun tu rtog par byed kyi/ rnam par shes pa las tha dad du
 gyur pa'i gzung ba ni cung zad kyang pa ma yin no zhes pa'i tha tshig go/ dper na dbang phyug la sogs pa'i zhes bya ba la sogs pa'i sgras ni rang bzhin la sogs pa bsdu bar bya'o/ /'di lta ste dbang phyug la sogs pa rgyud smra ba rnams na re 'bras bu gang
 yin pa de ni blo dang ldan pa'i byed pa po sngon du 'gro ba can yin te/ dper na bum pa la sogs pa bzhin/ shing dang ri la sogs pa de dag kyang 'bras bu yin pas zhes dbang phyug rgyu nyid du 'dod pa yin no/ /de bzhin du sems tsam pa rnams kyis ni kun
 gzhi rnam par shes pa rgyu nyid du brjod pa yin no/ /dbang phyug tu smra ba'i 'dod pa de nyid dpe'i sgro nas bstan par bya ba'i phyir/ ba ni zhes bya ba la sogs pa gsungs te/ dper na ba ni rgya rnams kyi rgyu yin pa dang/ chu shel chu rnams kyi rgyu yin pa dang/
 pAk+Sha yal ga rnams kyi rgyu yin pa de bzhin du dbang ni lus can rnams kyi rgyu yin no zhes pa'o/ /dbang phyug smra ba dang kun gzhi rnam par shes pa smra ba dag mtshungs pa yin no zhes bstan par bya ba'i phyir/ de bzhin du shes bya ba la sogs pa gsungs te/
 de bzhin du zhes bya ba ni dbang phyug smra ba de bzhin du'o/ /dngos po mdza' dag gi dmigs pa'i sa bon gyi rten nyid kyi zhes bya ba ni sngon po dang ser po la sogs bar dmigs pa'i bag chags kyi rten nyid kyis so/ /sa bon thams cad pa zhes bya ba ni
 thams cad kyi rgyur gyur pa'o/ /de ni smra ba po gnyis mtshungs du zin kyang mi 'dra ba'i cha bstan par bya ba'i phyir/ gang dbang phyug ces bya ba la sogs pa gsungs so/ /da ni sems tsam pa'i lugs kyis rnam bzhag bstan par bya ba'i phyir/ gang gi phyir
 zhes bya ba la sogs pa gsungs te/ gang gi phyir sems tsam du sma ba rnams kyi rnam bzhag 'chad par 'gyur ba'i tshul 'di yin pas des na gzhan gyi dbang yod pa yin zhes pas khas len dgos so zhes pa'o/ /grags pa zhes bya ba ni 'chad par 'gyur ba'i rigs
 pas gzhan dbang yod par ma grub pas mi 'dod pa nyid du ston pa'o/ /gang gi phyir gzhan gyi dbang gi ngo bo khas blang bar ba dgos so zhe na/ de la lan ni dngos po brtags pa yod pa'i gyur gyur cing zhes bya ba gsungs te/ tha snyad tsam du yod pa don dam par
 yod pa ma yin pa de la dngos po brtag par yod pa zhes bya la/ sems tsam pa rnams ni gzung ba dang 'dzin pa'i rnam par rtogs pa'i tshogs la dngos po brtags par yod pa zhes brjod la/ de rgyun ji rten te gzhan gyi dbang ngo/ /sngon por snang ba'i mtshan
 nyid can med na gzung ba dang 'dzin par rnam par rtog pa'i tshogs gang la brten par 'gyur/ des na gzhan gyi dbang yod pa yin no zhes bya ba'i tha tshig go /'dis ni gzhan gyi dbang yod pa nyid du bstan pa yin no/ /phyi rol gzung ba med pa 'byung 'gyur la zhes
 bya ba ni gzhan dbang gi ngo bo de sngar bstan pa'i rnam pas pa phyi rol gyi sngon po la sogs pa med par 'byung bar 'gyur ba yin no/ /'dis ni gzhan dbang gi ngo bo shes bya med kyang rang gi bag chags las skye ba nyid du bstan pa yin no/ /yod dang spros
 kun yul min rang bzhin yod ces bya ba ni gzhan gyi dbang de rnam par rtog pa thams cad kyi yul gyi rang bzhin ma yin te/ gang gi phyir ji srid du rnam par rtog pa thams cad kyis gang brtags pa de srid du ni gzung ba dang 'dzin ba dag yin la/
 gnyis su med ba'i rang bzhin gyi gzhan dbang la bzung ba dang 'dzin pa'i rang bzhin dag yod pa ma yin no/ /de'i phyir spros kun yul min no/ /'dis ni gzhan dbang spros pa thams cad kyi yul ma yin pa nyid du bstan pa yin no/ /de nyid 'grel pas bstan par bya
 ba'i phyir/ gzhan gyi dbang gi zhes bya ba la sogs pa gsungs te/ de la ma bltos par zhes bya ba ni thag pa la mi bltos par ro/ /phyi rol gyi don med na zhes bya ba ni shes pa las tha dad du gyur pa'i sngon po la sogs pa'i don med na'o/ /ci'i rgyu mtshan
 can zhig tu 'gyur zhes bya ba ni gzhan dbang de med par gyur na sngon po la sogs pa'i rtog pa de ci'i phyir rgyu mtshan du 'gyur zhes pa'o/ /kun nas nyon mongs pa dang rnam par byang ba'i rgyu yin pa'i phyir ro zhes bya ba la/ de la rnam par rtog pa'i rten
 yin pa'i phyir kun nas nyon mongs pa'i rgyu yin la/ rnam par rtog pa log pa'i rten yin pa'i phyir rnam par byang ba'i rgyu yin no/ /stong pa nyid kyang legs par bzung bar gyur ro zhes bya ba ni stong pa nyid ni mi rtag pa nyid bzhin du chos yin pas
 chos la yang chos can khas len dgos pa yin la/ de'i phyir stong pa nyid kyi rten gzhan dbang khas len par bya dgos la/ des na gzhan dbang la yod pa'i stong pa nyid gang gi tshe rtog pa de'i tshe stong pa nyid chos su legs par 'gyur ro zhes bya
 ba'i tha tshig go/ don 'di la lung gi khungs bstan par bya ba'i phyir/ de ltar na gang gi phyir zhes bya ba la sogs pa gsungs te/ gang gi phyir gang la gang med pa de ni zhes bya ba la sogs pas stong pa nyid la phyin ci ma log par 'jug par gsungs pa
 de'i phyir stong pa nyid kyang legs par gzung bar 'gyur ro zhes bya ba'i tha tshig go /gang la zhes bya ba ni gzhan dbang la'o/ /gang med pa zhes bya ba ni gzung ba dang 'dzin pa'i rang bzhin no/ /de ni zhes bya ba ni gzhan dbang ngo/ /des zhes bya ba ni gzung ba dang
 'dzin pa'i rang bzhin gyis so/ /yang dag par rjes su mthong la zhes bya ba ni rnal 'byor pas so/ /gang zhig 'di ltar lhag ma lus pa de zhes bya ba ni gzung ba dang 'dzin pas stong pa'i shes pa'o/ /'dir zhes bya ba ni don dam pa'i gnas skabs na'o//
 'di ni stong pa nyid la phyin ci ma log par 'jug pa'o/ /zhes bya ba ni stong pa nyid chos kyi ngo bo nyid du ji ltar gnas pa bzhin du khong du chud pas so/ /spros pa thams cad kyi yul ma yin pa nyid kyi rgyu mtshan bstan par bya ba'i phyir/ de ni zhes bya ba la
 sogs pa gsungs te/ de ni zhes bya ba ni gzhan gyi dbang gi ngo bo'o/ /gang gi phyir mngon par brjod pa ni gzung ba dang 'dzin par brtags pa'i rnam par brjod pa yin la/ gzhan gyi dbang ni gnyis su med pa'i rang bzhin yin pa'i phyir te mngon
 par brjod pa'i yul ni ma yin no/ /de nyid kyi phyir/ ji srid mngon par brjod pa la sogs gsungs so/ /mjug bsdu bstan par bya ba'i phyir/ de'i phyir mdor bsdu na zhes bya ba la sogs pa gsungs te/ 'dir zhes bya ba ni tshigs su bcad par ro//
 gal te dngos por btags par yod pa'i rgyur gyur pa nyid kyang don gzhi bar gsungs pas gsum zhes ji ltar brjod ce na/ de la lan ni btags su yod pa'i zhes bya ba la sogs pa gsungs te/ yod pa nyid las grub pa'i phyir zhes bya ba
 ni gang gi phyir gzhan gyi dbang yod pa de'i phyir gdags su yod pa'i gzung ba dang 'dzin pa dag gi rgyur gyur pa yin no zhes rtogs pa'i phyir log su ma gsungs so/ /de la lan bstan par bya ba'i phyir/ 'di la bshad par bya ste zhes bya ba la
 sogs pa gsungs te// de la khyod kyi shes pa med na snang ba mi 'grub pa'i phyir rang rig gi sgo nas shes bu grub pa yin no zhes gang smras pa de mi rigs te/ gang gi phyir don med na don du snang ba mi rigs pas phyi rol gyi don yang grub pa'i
 phyir sems tsam du ji ltar grub/ gal te rmi lam na don med kyang don du snang ba'i sgo nas don 'grub par mi 'gyur ro zhe na/ de la slob dpon nyid kyis/ phyi rol med sems dper ni gang du yod ces bya ba la sogs pas lan 'debs par 'gyur bas
 lan mi brjod do/ /nges na nyams su myong bas 'grub par 'dod na gnyis ka yang nyams su myong bas khas len dgos so/ /gal te de ltar mi 'dod na gnyis ka yang nyams su myong bas mi 'grub po/ /khyod kyis gnod byed med pa'i phyir zhes gang brjod
 pa de yang mi rigs te/ gang gi phyir sngon po phyi rol gyi don du snang ba de la gang gis gnod shes pa de nyid kyis sam/ 'on te gzhan gyis gnod/ de zhig sngon po shes pa de nyid kyis ni ma yin te/ nyams su myong ba ma yin pa nyid du mi rigs pa'i
 phyir ro/ /shes pa gzhan gyis kyang ma yin te/ de'i dus na de med pa'i phyir ro/ /des na phyi rol gyi don la sgrub byed yod pa dang/ ga med byed med pa'i phyir sems bzhin du phyi rol gyi don yang 'dod dgos so/ /yang na gnyis ka yang ma yin te/
 'di nyid ce ba bya ba ni phyi rol gyi don med pas kun gzhi rnam par shes pa la bsgos pa'i bag chags kyi khyed par las don du snang ba'i shes pa skye ba yin no zhes pa'o/ /smras pa zhes bya ba ni sems tsam pas so/ /rmi lam ji bzhin zhes bya ba
 ni ji ltar rmi lam na phyi rol gyi don med kyang don du snang ba'i shes pa skye ba de bzhin du sang pa'i gnas skabs na yang zhes bya ba'i don to/ /de 'grel pas bstan par bya ba'i phyir/ khang mig ces bya ba la sogs pa gsungs te/ khang mig shin tu chung ba'i
 nang du nyal zhing zhes bya ba ni khang pa shin tu mig chud pa'i nang du nyal nas so/ /cung zad gnyid kyis log pas zhes bya ba ni gnyid stug po log pa'i gnas skabs na rmi lam mthong ba mi srid pas cung zad gnyid kyis log pas zhes gsungs so/ /
 glang po che myos ba'i khyu rmis pa ni ci zhig ltar yang yod pa ma yin te/ zhes bya ba ni shin tu mi srid pas bstan par bya ba'i phyir/ glang po che myos pa'i khya zhes bya ba smos pa yin no/ /nges na rmi lam na phyi rol gyi yul med kyang shes
 pa yod pa nyid du grub pa yin no/ /'di la zhes bya ba ni don med kyang shes pa skye pa'i mtshan nyid can du 'dod pa 'di la'o/ /snying po med pa nyid du zhes bya ba ni mi rigs pa nyid du'o/ /de bsam bya ba ni rmi lam na don med pa'i shes pa yod pa yin no zhes bya
 ba de yang bsam par bya'o/ /yang de ci zhig ce na zhes bya ba ni bsam par bya ba gang zhig yin zhes bya'o/ /gang tshe zhes bya ba la sogs pa ni dbu ma pa gang gi tshe rmi lam na yang sems med pa de'i che rmi lam gyi dpe de ma grub pa yin no zhes bya
 ba'i tha tshig go /de nyid bstan par bya ba'i phyir/ de tshe khyod kyi dpe yod min zhes bya ba gsungs te/ sems tsam pa khyod kyi dpe de ma grub pa yin no zhes bya ba'i tha tshig yin no/ de 'grel pas bstan par bya ba'i phyir/ ba lang zhes bya ba
 la sogs pa gsungs te/ yul ltar zhes bya ba ni phyi rol gyi don bzhin du'o/ /ma skyes ba'i phyir ro zhes bya ba ni bdag las ma yin zhes bya ba la sogs bas skye ba bkag pa'i phyir ro/ /gnyis ka las grub pa'i dpe zhes bya ba ni sems
 tsam pa dang dbu ma pa dag la grub pa'o/ /sems tsam pa'i dogs pa bsu bar bya ba'i phyir/ ci ste rmi lam na zhes bya ba la sogs pa gsungs te/ gzhan gyi bsam pa ni gnyid sang ba'i gnas skabs na rmi lam dran pa yod la/ dran ba
 de yang nyams su myong ba med pa ni yod par mi 'gyur bas nyam su myong ba dang/ shes pa dag rnam grangs yin pa'i phyir rmi lam na rnam par shes pa yod pa nyid yin no zhe na'o/ /de la lan bstan par bya ba'i phyir/ 'di yang mi rung ste zhes bya ba
 la sogs pa gsungs te/ gnyid sang pa'i gnas skabs na dran pa'i sgo nas gal te rmi lam gyi gnas skabs na rnam par shes pa yod par khas len na phyi rol yul yang de bzhin 'gyur zhes bya ba gsungs te/ nyams su myong ba dran pa bzhin du don
 yang dran pa'i phyir rmi lam na yang don yod pa nyid yin no zhes ci'i phyir khas mi len/ ci'i phyir zhe na zhes bya ba ni nyams su myong ba bzhin du phyi rol gyi don yang yod pa ma yin no zhes bya ba de ci'i phyir zhe na/ de la lan bstan par bya ba'i phyir/ ci ltar
 zhes bya ba la sogs pa gsungs te/ ci ltar nyam su myong ba la ni ngas mthong ngo snyam pa'i dran pa yod pa de bzhin du yul yang khas blang bar bya dgos so/ /yang na rnam par shes pa yang yod pa ma yin no zhes bya ba ni gal te yul dran du zin kyang
 yul khas mi len na rnam par shes pa dran yang rnam par shes pa med pa khas blangs pa'i phyir kho bo'i phyogs grub pa yin no/ /rmi lam na don med pa'i sgrub pa'i gzhan gyi dogs pa bsu bar bya ba'i phyir/ 'dir smras pa zhes bya ba la sogs
 pa gsungs te/ de gzung bar bya ba'i phyir zhes bya ba ni glang po che la sogs pa rnams gzung bar bya ba'i don du'o/ /de ni yod pa yang ma yin te/ zhes bya ba ni mig gi rnam par shes pa yod pa ma yin pa'o/ /de med pa'i rgyu mtshan bstan par bya ba'i
 phyir/ gnyid kyis zhes bya ba la sogs pa gsungs te/ gnyid log pas mig dang rna ba dang/ sna dang/ lce dang/ lus kyi rnam par shes pa'i tshegs snga phyir 'jug pa bkag pa'i phyir rnam par shes pa'i tshogs lnga med pa'o/ /gang gi phyir zhes bya ba la
 sogs pa ni gang gi phyir rmi lam na mig gi rnam par shes pa mi srid pa de'i phyir/ yid kyi rnam par shes pa kho na glang po che la sogs pa'i rnam par skye ba yin la/ glang po che la sogs pa'i rnam pa de la 'jig rten pas phyi rol gyi don du mngon par zhen
 par byed la/ de bzhin du sad pa'i gnas skabs na yang shes pa'i rang bzhin gyi sngon po'i rnam pa nyid la phyi rol gyi don med kyang phyi rol gyi don du mngon par zhen par 'dod na'o/ /'di'i don ni yul du gyur pa'i gzugs la sogs pa rnams mig gi rnam par
 shes pa la sogs pa'i yul nyid kyis khyab pa yin la/ de med na de la don yod pa ma yin pas yid kyi rnam par shes pa'i rnam pa kho na la don du zhen pa de bzhin du sad pa'i gnas skabs na yang yin pas dpe grub pa yin no zhes pa'o/ /de 'grel pas
 bstan par bya ba'i phyir/ rmi lam du zhes bya ba la sogs pa gsungs te go sla'o/ /de la lan bstan par bya ba'i phyir/ de ltar ma yin te zhes bya ba la sogs pa gsungs te/ de ltar ma yin te zhes bya ba ni rmi lam na yid kyi rnam par shes pa'i
 rnam pa kho na la don du zhen pa ni ma yin no zhes pa'o/ /de ci'i phyir zhe na/ lan ni rmi lam na yid kyi rnam par shes pa 'byung ba mi srid pa'i phyir ro zhes bya ba gsungs te/ de yang bdag las ma yin zhes bya ba la sogs pa skye ba ma grub pa'i phyir
 ro/ /de nyid bstan par bya ba'i phyir/ 'di ltar zhes bya ba la sogs pa gsungs te/ ji ltar sems tsam du smra bar byed pa khyod kyi rmi lam du phyi rol gyi don ma skyes pa de bzhin du kho bo'i yang rmi lam na rnam par shes pa ma skyes pa yin no/ /des
 na yid kyi rnam par shes pa'i rnam pa kho na la phyi rol gyi don du ji ltar zhen pa yin zhes pa'o/ /de ci'i phyir zhe na gang gi phyir yid kyi rnam par shes pa ma skyed pa de'i phyir ro/ /mig dang zhes bya ba ni mig gi dbang po'o/ /yul dang zhes bya ba ni sngon po la
 sogs pa'o/ /des bskyed sems zhes bya ba ni mig gi dbang pos bskyed pa'i mig gi rnam par shes pa'o/ /gsum po thams cad ces bya ba ni mig gi dbang po dang yul sngon po la sogs pa rnams dang/ mig gi rnam par shes pa rnams so/ /brdzun pa
 yin zhes bya ba ni bden pa ma yin pa'o/ /gsum po 'di dag ci lta bar zhes bya ba ni bstan ma thag pa rnams so/ /sna tshogs gsum po lhag ma la skye ba med ces bya ba ni rmi lam gyi rna ba'i sgra dang rna ba'i rnam par shes pa rnams kyang stong pa nyid yin no zhes pa'o//
 'di dbu ma pa gzhan dag rmi lam na yul yod pa nyid du bstan pa'i sgo nas sems tsam pa'i 'dod pa sun 'byin pa ni/ gang zhig chos kyi zhes bya ba la sogs pa gsungs te/ chos kyi skye mched du gtogs pa'i zhes bya ba ni chos kyi skye mched kyis bsdus pa
 ste/ des ni sad pa'i mig gi rnam par shes pas yul du mi byed pa'i phyir/ gzugs kyi skye mched kyis bsdus pa ma yin no/ /de nyid kyi phyir de ni yid kyi rnam par shes pas gzung bar bya'o/ /de'i phyir zhes bya ba ni gang gi phyir rmi lam na chos kyi skye mchad
 du gtogs pa'i gzugs yod pa'i phyir ro/ /phyogs 'di ni rigs pa ma yin no zhes bstan par bya ba'i phyir/ de yang rigs pa ma yin pa nyid de zhes bu ba smos te/ rmi lam na yul yod pa nyid du brjod pa de mi rigs pa'o/ /de la rgyu mtshan bstan par bya
 ba'i phyir/ rmi lam na yang zhes bya ba la sogs pa gsungs te/ gsum po zhes bya ba ni dbang po dang yul dang rnam par shes pa'o/ /ci ste gzhan gyi gzhung lugs gsal bar bya ba'i phyir zhes bya ba la sogs pa ni gal te gzhan dag na re kho
 bos rang gi phyogs rnam par gzhag pa'i don du de skad du brjod pa ma yin gyi/ 'on kyang sems tsam pa'i gzhung lugs kyi rmi lam na don med pa'i rnam par shes pa yod pa yin no zhes bya ba'i grub mdza' de dgag par bya ba'i phyir rmi lam na chos kyi skye
 mched du gtags pa'i gzugs yod pa yin no zhes de ltar khas len pa yin no zhe na'o/ /de la lan bstan par bya ba'i phyir/ de'i tshe zhes bya ba la sogs pa gsungs te/ de'i tshe zhes bya ba ni gzhan gyi gzhung lugs dgag par bya ba'i phyir rmi lam na yul
 yod pa nyid du khas len na'o/ /rmi lam gyi dpe don med pa nyid du 'gyur te zhes bya ba ni dbu ma pas chos thams cad rang bzhin med par bsgrubs pa la rmi lam gyi dpe don med par 'gyur ba'o/ /ci'i phyir zhe na/ lan ni de brdzun pa zhes bya ba la sogs
 pas gsungs te/ de zhes bya ba ni rmi lam mo/ /brdzun pa ma yin pa'i don can nyid kyis zhes bya ba ni rmi lam na yang chos kyi skye mched kyis bsdus pa'i gzugs yod pa'i phyir ro/ /dpe las byung ba zhes bya ba ni sad pa'i dus kyi dbang po la sogs pa gsum mo/ /
 dngos kyi don brdzun pa'i don can du bstan pa mi srid pa'i phyir ro zhes bya ba ni de ni yang gzugs yod pa'i phyir ro/ /des na 'dir lan 'di mi rigs pa'o/ /gang gi phyir rmi lam na gsum car yang ma skyes pa de'i tshe kho bo'i phyogs la dpe 'di rigs pa yin no
 zhes bstan par bya ba'i phyir/ gang gi phyir zhes bya ba la sogs pa gsungs te/ rab tu grub pa'i sgo nas zhes bya ba ni rmi lam gyi dpe rang bzhin med par grub pa'i sgo nas so/ /ma grub pa zhes bya ba ni sad pa'i dus na gsum po 'di rang bzhin med par
 ma grub pa'o/ /bsgrub pa'i phyir zhes bya ba ni rang bzhin med par ro/ /de nyid bstan par bya ba'i phyir/ rmi lam ji ltar zhes bya ba la sogs pa gsungs te/ ji ltar rmi lam na gsum car yang brdzun pa de bzhin du sad pa'i dus na yang dbang po la sogs pa
 gsum brdzun pa'o/ /mjug bsdu bar bya ba'i phyir/ sems de yod pa ma yin zhes bya ba la sogs pa gsungs so/ /de 'brel pas bstan par bya ba'i phyir/ ji ltar rmi lam du zhes bya ba la sogs pa gsungs so/ /de la mdo'i khungs bstan pa bya ba'i phyir/ de'i phyir zhes bya ba la sogs pa gsungs te/ gang gi phyir rmi lam la sogs pa thams
 cad brdzun pa de'i phyir ro/ /sgyu ma'i sems can rnams dmigs pa ste snang ba yin gyi/ de kho na nyid du yod pa ma yin te/ shing dang por ba la sogs pa'i phyir ro/ /de ltar bde bar gshegs pas chos thams cad sgyu ma dang rmi lam dang 'dra bar
 gsungs pa'o/ /de bzhin du srid pa'i 'gro ba rnams kyang yin no zhes bstan par bya ba'i phyir/ de bzhin du zhes bya ba la sogs pa gsungs te/ srid pa ni mdor bsdu na 'gro ba rnam pa lnga po rnams yin la/ de yang rmi lam lta bu yin te de'i phyir/ 'di la su 'ang
 mi skye 'chi ba med ces bya ba la sogs pa yin pa'i phyir ro/ /de ci'i phyir zhe na/ chos 'di rnams ni dbu ba chu shing 'dra zhes bya ba gsungs te/ brtags shing dpyad na chu shing bzhin du snying po med pa'i phyir ro/ /legs par bshad par 'gyur ro zhes bya ba ni gal
 te rmi lam na chos kyi skye mched kyis bsdus pa'i gzugs yod par khas len na mdo las bstan pa'i rmi lam gyi dpe dang 'gal zhing kho bo'i phyogs ltar na ni 'gal ba yod pa ma yin no zhes pa'o/ /gang rmi lam gyi dpe las gsum ma skyes par brjod pa de
 sad pa la bltos nas yin gyi/ rmi lam gyi dus la bltos pa ni ma yin no zhes bstan par bya ba'i phyir/ 'di'i phyir sad pa zhes bya ba la sogs pa gsungs so/ /rmi lam na zhes bya ba la sogs pa ni ji srid du rmi lam gyi gnas skabs las ma sad pa de bzhin du
 ni de la gsum po yod pa yin no zhes pa'o/ /'di ltar na sad bzhin zhes bya ba ni ji ltar sad pa'i gnas skabs ma rig pa'i bdag gnyid log pa na gsum po yod pa de nyid du rmi lam gyi gnas skabs na yang yin no zhes pa'o/ /de 'grel pas bstan pa
 bya ba'i phyir/ ji ltar mi shes pa'i zhes bya ba la sogs pa gsungs te/ so so'i skye bo thams cad la dus rtag tu ma rig pa'i gnyid stug po yod pas so de las tha dad pa'i gnyid sad pa zhes bya ba ni ma rig pa'i gnyid dang ldan du zin kyang de las tha dad pa'i tha
 mal pa'i gnyid kyi mtshan nyid can gnyid gzhan gang yin pa de sad pa'o/ /ma rig pa'i gnyid kyis zhes bya ba'i tha mal pa'i gnyid kyi gnas skabs las sad du zin kyang ma rig pa'i gnyid dang ma bral bas so/ /de bzhin du zhes bya ba ni tha mal pa'i
 gnyid sad pa'i gnas skabs bzhin du'o/ /de lta bu'i rang bzhin can zhes bya ba ni sad pa'i gnas skabs kyi rang bzhin can dang mtshungs pa'o/ /da ni tha mal pa'i mtshan nyid sad pa na ji ltar gnyid kyi gnas skabs na snang ba gsum po de
 med pa de bzhin du ma rig pa'i gnyid sad pa na yang gsum po de yod pa ma yin no zhes bstan par bya ba'i phyir/ sad par gyur na zhes bya ba la sogs pa gsungs te/ sad par gyur na zhes bya ba la sogs pa dpe bstan pa yin la/ gti mug
 gnyid ces bya bas don bstan pa'o/ de 'grel pas bstan par bya ba'i phyir/ ci ltar zhes bya ba la sogs pa gsungs te/ chos kyi dbyings mngon sum du mdzad pa rnams la yang zhes bya ba ni stong pa nyid mngon sum du mdzad pa rnams la yang
 ngo/ /yang sems tsam du smra ba rnams kyis phyi rol gyi don med kyang shes pa yod pa nyid du bsgrub pa ni 'on rab rib can gyi zhes bya ba la sogs pa gsungs so/ /de la lan bstan par bya ba'i phyir/ de yang mi 'thad do zhes bya ba la sogs pa gsungs te/
 de yang zhes bya ba ni rab rib can gyis yod pa ma yin pa'i skra shad la sogs pa dmigs pa'i phyir yul med pa'i shes pa yod pa yin no zhes pa de yang ngo/ /ci'i phyir zhe na zhes bya ba ni skra shad la sogs pa med kyang shes pa yod na nyes pa
 ci yod snyam pa'o/ /de la lan ni dbang po rab rib bcas pas zhes bya ba la sogs pa gsungs te/ rab rib dang bcas pa'i mig gis rab rib kyi stobs kyis shes pa gang gis skra shad kyi rnam pa gang mthong ba de ni rab rib can gyi shes pa la
 bltos nas skra shad dang shes pa gnyis ka bden pa yin te/ des bden pa nyid du rtogs pa yin pa'i phyir ro/ /rab rib med par gsal bar mthong ba la bltos nas shes pa dang/ skra shad la sogs pa gnyis ka yang bden pa ma yin te/ de la
 skra shad la sogs pa'i shes pa med pa'i phyir ro/ /de 'grel pas bstan par bya ba'i phyir rmi lam kho na ltar zhes bya ba la sogs pa gsungs te/ ci ltar rmi lam na gnyis ka bden zhing gnyid sad pa'i gnas skabs na gnyis ka yang ma skyes pa de bzhin du
 'dir yang khong du chud par bya'o/ /de nyid rgyas par bstan par bya ba'i phyir/ rab rib can gyi zhes bya ba la sogs pa gsungs so/ /rab rib can la bltos na gnyis ka bden pa nyid kyi rgya mtshan bstan par bya ba'i phyir yul med par shes pa nges par
 dka' ba'i phyir ro zhes bya ba gsungs te/ yul med pa'i shes pa ma mthong bas so zhes bya ba'i tha tshig go /'di'i don ni gdon mi za bar bya dgos te zhes bya ba ni yul med pa'i shes par nges par 'dod dgos zhes pa'o/ /de rgyas par bstan par bya ba'i
 phyir/ de ltar ma yin te zhes bya ba la sogs pa gsungs te/ shes bya skra shad la sogs pa'i blo yod par 'gyur na/ skra shad de'i yul dang mig gi rjes su 'brel ba'i rab rib med pa la'ang zhes bya ba ni rab rib can gyi mthong ba'i skra shad kyi yul la
 zhugs pa'i rab rib dang bral ba la yang ngo/ /skra shad blor gyur na zhes bya ba ni skra shad med kyang skra shad kyi blo skye bar 'gyur ba'o/ /de ltar ma yin no zhes bya ba ni rab rib can ma yin pa la rab rib can gyis mthong ba'i skra shad kyi yul la skra shad kyi blo skye
 bar 'gyur ba ma yin pa'o/ /de'i phyir zhes bya ba ni bstan ma thag pa'i rgyu mtshan gyis so/ /de yod min zhes bya ba ni yul med kyang blo yod pa yin no zhes pa de ma yin pa'o/ /de nyid 'grel pas bstan par bya ba'i phyir/ gal te rab rib can zhes bya ba
 la sogs pa gsungs te/ de dang 'dra ba zhes bya ba ni rab rib can bzhin du'o/ /yul med par mtshungs pa'i phyir zhes bya ba ni rab rib can dang rab rib med pa dag las skra shad med par 'dra ba'i phyir ro/ /de'i phyir zhes bya ba la sogs pa ni 'jug
 pa'o/ /de la gzhan dag na re gang gi phyir rab rib can la snang la rab rib med pa la mi snang ba de nyid kyi phyir yul med pa yin te/ mthun par mi snang ba'i phyir ro zhe na/ de yang mi rigs te/ yul thun mong ba yin du zin kyang dngos po gang la mthong
 ba'i mthun rkyen gang yod pa de mthong ba yin la/ de med na mi mthong ba yin pas rab rib med pa la yul mthong ba'i lhan cig byed pa'i rkyen rab rib med pa'i phyir de mi mthong ba la 'gal ba ni ci zhig yod ces 'ga' zhig smra bar gyur na de la lan
 ji ltar 'debs/ des na lan de yang mi rigs pa'o/ /yang sems tsam pas yul med pa'i rnam par shes pa la yod pa nyid du ston pa ni 'dir gal te zhes bya ba la sogs pa gsungs te/ de ltar 'gyur ba zhig go zhes bya ba ni yul med na blo med
 pa nyid du 'gyur ba yin no zhes pa'o/ /rnam par shes pa'i bag chags sngar bzhag pa smin pa dang ma smin pa dag ces bya ba ni sngar skra shad la sogs pa'i shes pas kun gzhi rnam par shes pa la bag chags bzhag pa de smin pa las skra shad kyi rnam
 par shes pa skye ba dang/ ma smin pa las mi skye ba yin no/ /gzhan la ni ma yin no zhes bya ba ni gang la bag chags smin pa yod pa ma yin pa la'o zhes pa'i tha tshig go /de la lan bstan par bya ba'i phyir/ 'di yang mi rung ngo zhes bya ba la sogs pa gsungs
 te/ 'di yang zhes bya ba ni bag chags smin pa dang ma smin pa dag rnam par shes pa skye ba dang mi skye ba'i rgyur 'dod pa'o/ /mi rigs pa nyid bstan par bya ba'i phyir/ gang gi phyir zhes bya ba la sogs pa gsungs te/ gang gi phyir mthong ba dag pa
 rab rib med pa'i kun gzhi rnam par shes pa la blo skyed pa'i nus pa ste/ bag chags yongs su smin pa med pa de'i phyir rab rib med pa de la skra shad kyi blo mi skye ba yin gyi/ shes bya med pa nyid kyis ni ma yin no zhes bya ba ni phyogs snga ma rjes su
 brjod pa'o/ /de la lan ni nus pa med pas 'di'i ni grub pa ma yin zhes bya ba gsungs te/ kun gzhi rnam par shes pa la nus pa ma grub pa'i phyir blo'i nus pa smin pa dang ma smin pas/ rnam par shes pa skye ba dang mi skye ba dag 'grub pa ma yin no zhes
 bya ba'i tha tshig go /de 'grel pas bstan par bya ba'i phyir shes bya zhes bya ba la sogs pa gsungs te/ de smin pa dang ma smin pa dag la zhes bya ba ni nus pa smin pa dang ma smin pa dag la'o/ /de'i phyir 'di mi 'grub po zhes bya ba ni nus pa med pa'i
 phyir smin pa dang ma smin pa rnam par shes pa 'byung ba dang mi 'byung ba dag tu mi 'grub po/ /nus pa med pa nyid du bstan par bya ba'i phyir/ skyes la zhes bya ba la sogs pa gsungs te/ skyes pa ste da ltar ba'i rnam par shes pa 'bras bur gyur pa la
 nus pa srid pa ma yin pa'o/ /ma skyes ngo bo la yang nus pa yod min zhes bya ba ni ma skyes pa'i ngo bo 'das pa dang/ ma 'ongs pa'i shes pa dag kyang nus pa yod pa ma yin te/ ci ltar nus pa med pa de ltar ni slob dpon nyid kyi 'grel pa las bshad
 par 'gyur ro/ /de 'grel pas bstan par bya ba'i phyir/ 'dir nus pa zhes bya ba la sogs pa gsungs te/ 'dir zhes bya ba ni kun gzhi rnam par shes pa'o/ /rnam par shes pa da ltar ba'i 'grel ba can zhig gam zhes bya ba ni kun bzhi
 rnam par shes pa las gang rnam par shes pa skyes pa da ltar ba de dang 'brel pa can zhig yin nam zhes pa'o/ /ma skyes ngo bo la'ang zhes bya ba'i bshad pa ni rnam par shes pa 'das pa dang ma 'ongs pa'i 'brel ba can zhig tu 'gyur grang zhig
 bya ba ste/ 'das pa dang ma 'ongs pa dag ma skyes pa'i phyir ro/ /de la skyes pa la nus pa mi srid pa bstan pa la phyogs gnyis te/ skyes pa la 'brel pa can gyi nus pa srid pa ma yin pa dang/ da ltar bar skyes pa de nus pa la bltos pa srid pa
 ma yin pa'o/ /de la phyogs dang po 'gog pa ni/ de la re zhig ces bya ba la sogs pa gsungs te/ gang gi tshe nus pa'i zhes bya ba drug pa yin la de'i tshe ni rnam par shes pa dang 'brel pa can gyi nus pa can srid pa yod pa ma yin no
 zhes bya ba'i don yin no/ /rnam par shes pa 'bras bu'i ngo bor gyur ba ni zhes bya ba ni da ltar ba'i shes pa'o/ /rgyu nyid du yang yod do zhes bya ba ni nus pa'i rgyu nyid du yod pa'o/ /gzhan yang gal te rnam par shes pa de rgyu nyid du 'dod na de'i tshe 'bras
 bu rgyu med pa nyid du 'gyur te/ gang gi phyir rnam par shes pa dang 'brel pa can yin pa'i phyir nus pa phyis 'byung ba yin la/ rnam par shes pa'i mtshan nyid can gyi 'bras bu ni nus pa med par skye ba'i phyir 'bras bu rgyu med pa nyid du yang 'gyur ro/
 myu gu skye ba na yang sa bon mi 'jig par 'gyur ro zhes bya ba ni/ ci ltar rnam par shes pa'i mtshan nyid can gyi 'bras bu med pa nus su zin kyang skye ba de bzhin du myu gu yang sa bon med par skye bas sa bon mi 'jig par 'gyur ro/ /de'i phyir zhes bya
 ba la sogs pa ni/ drug pa'i phyogs mi 'thad pa yin no zhes bya ba'i mjug bsdu ba yin no/ /da ni da ltar bar skyes ba de nus pa la bltos pa 'dod pa 'gog pa ni/ gang gi tshe zhes bya ba la sogs pa gsungs te/ nus pa las zhes bya ba lnga
 ba yin pa zhes bya ba ni gal te lnga pa'i tshig yin na de'i tshe ni don 'dir 'gyur te/ nus pa las skye ba yin no zhes bya bar 'gyur la/ de yang rigs pa ma yin no zhes ston pa ni/ de'i tshe zhes bya ba la sogs pa gsungs so/ /ci'i phyir mi rigs
 she na/ yod pa'i phyir zhes bya ba gsungs te/ yod pa la ni nus pas dgos pa cung zad sa kyang yod pa ma yin no/ /sngar bshad zin to zhes bya ba ni skyes par gyur pa slar yang skye bar 'gyur ba ma yin no zhes bya ba la sogs pas so/ /phyogs gnyis
 pa yang mi rigs pa'i mjug bsdu ba bstan par bya ba'i phyir/ de ltar na zhes bya ba la sogs pa gsungs so/ /ma skyes pa la yang rnam pa gnyis te/ 'das pa dang/ ma 'ongs pa'o/ /de la ma 'ongs pa la bltos nas nus pa dgag par bya ba'i phyir/ ma
 skyes pa'i zhes bya ba la sogs pa gsungs te/ ma skyes pa'i rang bzhin can te/ ma 'ongs pa la nus pa yod pa ma yin no/ /ci'i phyir zhe na/ gang gi phyir zhes bya ba la sogs pa gsungs te/ khyad par zhes bya ba ni ma 'ongs pa'i rnam par shes pa
 yin te/ gang gi phyir rnam par shes pa des nus pa rnam par shes pa dang 'brel par byed pa'i phyir ma 'ongs pa'i rnam par shes pa de med na khyad par de med pas khyad par can yod pa ma yin te/ ma 'ongs pa'i rnam par shes pa med na ma 'ongs
 pa'i rnam par shes pa dang 'brel pa'i nus pa ji ltar yod par 'gyur/ gal te rnam par shes pa med kyang rnam par shes pa'i nus pa khas len na med pa tsam du mtshungs pa'i phyir mo gsham gyi bu la yang nus pa yod pa yin no zhes ci'i
 phyir khas mi len don de nyid bstan par bya ba'i phyir/ mo gsham bu yang de ni yod par thal zhes bya ba gsungs te/ de 'grel pas bstan par bya ba'i phyir/ khyad par med par zhes bya ba la sogs pa gsungs te/ khyad par med par zhes bya ba ni
 rnam par shes pa med pa'o/ /khyad par du bya ba yod pa ma yin pa de nyid do zhes bya ba ni nus pa yod pa ma yin pa nyid do/ /khyad par ci ltar med ce na/ gang ma skyes pa zhes bya ba la sogs pa gsungs te/ dgag pa dang/ sgrub pa'i dngos po
 zhes bya ba ni rnam par shes pa zhes bya ba sgrub pa dang/ rnam par shes pa ma yin no zhes dgag pa'i dngos pos so/ /gang gi tshe de ltar yin pa de'i tshe zhes bya ba ni gang gi tshe rnam par shes pa bstan par mi nus pas na'o/ /gang gis nus pa khyad par du byed
 par 'gyur zhes bya ba ni rnam par shes pa med pa'i phyir nus pa la khyad par du byed pa long ba ma yin no zhes pa'o/ /'di ni 'di'i nus pa'o zhes bya ba ni rnam par shes pa'i nus pa ni 'di yin no zhes bya'o/ /gang gi tshe de ltar khyad par
 yod pa ma yin pa zhes bya ba ni rnam par shes pa'i mtshan nyid can gyi khyad par yod pa ma yin pa'o/ /khyad par du ma smras pa zhes bya ba ni rnam par shes pa'i mtshan nyid can gyi khyad par ma grub pas so/ /'dis cung zad kyang bstan par mi 'gyur zhes
 bya ba ni gang las gang skye ba yin zhes bya ba'i khyad par cung zad kyang mi rtogs pas so/ /yang gal te ma skyes pa la nus pa 'dod na zhes bya ba ni khyad par med du zin kyang nus pa 'dod na ces pa'o/ /mo gsham gyi bu la yang 'dod par bya dgos te zhes
 bya ba ni med par khyad par med pa'i phyir mo gsham gyi bu la yang nus pa yod par ci'i phyir mi 'gyur zhes bya'o/ /de'i phyir ma skyes pa la nus pa yod pa ma yin no zhes bya ba ni mjug bsdu ba'o/ /gzhan dag gis khyad par bsgrub pa ni ci ste zhes bya ba
 la sogs pa gsungs te/ skye bar 'gyur ba'i rnam par shes pa de snying la bsams nas gzhan phyogs snga ma 'god pa'o/ /'di las 'di 'byung bar 'gyur ro zhes bya ba ni skye bar 'gyur ba'i rnam par shes pa la bltos nas rnam par shes pa'i nus
 pa 'di la ma 'ongs pa'i rnam par shes pa 'di 'byung ba yin no zhes bya'o/ /de ltar khyad par dang khyad par gyi gzhi'i dngos po 'grub par 'gyur te zhes bya ba ni skye bar 'gyur ba de snying la bzhag pa la bltos nas so/ /skye bar 'gyur ba la
 bltos pa'i dpe bstan par bya ba'i phyir/ ji skad du brten nas 'bras chan tshos shig ces bya ba la sogs pa gsungs te/ de la 'bras chan 'tshong pa ni ma yin gyi/ 'on kyang 'bras 'tshong ba yin la/ ci ltar 'dir 'byung bar 'gyur ba'i 'bras chan
 gyi ming 'bras la btags pa de bzhin du 'dir yang ngo/ /snal ma 'di la ras yug thogs shig ces bya ba ni 'dir btags zin pa'i ras yug ji ltar 'thag /'on kyang 'byung bar 'gyur ba la bltos nas ras yug thogs shig ces brjod pa yin la de
 bzhin du 'dir yang 'byung bar 'gyur ba'i rnam par shes pa la bltos nas khyad par dang khyad par gyi gzhi'i dngos po la grub pa yin no/ /'jig rten gyi dpe bstan nas bstan bcos kyi dpe bstan par bya ba'i phyir/ bstan bcos las kyang zhes bya ba la sogs
 pa gsungs te/ bstan bcos las kyang zhes bya ba ni mdzod kyi rtsa ba las so/ /mngal du 'jug pa zhes bya ba la sogs pa ni 'khor los sgyur ba dang/ rang sangs rgyas dang/ yang dag par rdzogs pa'i sangs rgyas la mngal du 'jug pa med kyi/ 'on kyang
 'byung bar 'gyur ba'i ming la bltos nas 'khor los sgyur dang rang 'byung gnyis zhes gsungs pa yin la/ de bzhin du 'dir yang yin pas nyes pa yod pa ma yin no zhes pa'o/ /de la lan bstan par bya ba'i phyir/ de yang zhes bya ba la sogs
 pa gsungs te/ de yang zhes bya ba ni 'byung bar 'gyur ba'i ming la bltos nas brjod par 'dod pa la yang ngo/ /snying po med ces bya ba ni don gyis stong pa'i phyir ro/ /gal te 'byung bar 'gyur bas bsnyad 'dod na zhes bya ba ni gal te dus gzhan
 dus 'byung bar 'gyur ba'i rnam par shes pas khyad par dang khyad par gyi gzhi'i dngos po'i mtshan nyid can brjod par 'dod na ste/ 'dis ni phyogs snga ma rjes su brjod pa'o/ /de la lan ni nus pa med par 'di'i 'byung 'gyur med ces bya ba gsungs te/ skye ba'i
 nus pa med par ma 'ongs pa'i shes pa skye bar 'gyur ba nyid med pa'o/ /'di'i don ni gal te ma 'ongs pa'i dus na rnam par shes pa 'byung bar 'gyur ba yod na de'i tshe 'byung bar 'gyur pa'i rnam par shes pa la bltos nas khyad par khyad par
 can gzhi'i dngos pos 'grub par 'gyur ba las/ da ltar ba'i nus pa med pa'i phyir de 'byung bar 'gyur ba med pas 'byung bar 'gyur ba'i ming la bltos na brjod pa ni 'thad pa ma yin no zhes pa'o/ /de 'grel pas bstan par bya ba'i phyir/
 res 'ga' zhes bya ba la sogs pa gsungs te/ 'gyur na ni zhes bya ba ni ma 'ongs pa'i shes pa 'byung ba'o/ /de 'byung bar 'gyur gyi zhes bya ba ni zhes pa de las 'byung bar 'gyur pa zhes brjod pa'o/ /de ltar spyir bstan nas khyad par bstan par bya ba'i
 phyir/ de'i phyir 'di zhes bya ba la sogs pa gsungs so/ /dpe bsgrub par bya ba dang mtshungs pa nyid du bstan pa'i phyir/ 'dis ni zhes bya ba la sogs pa gsungs te/ 'dis ni zhes bya ba ni ma 'ongs pa' rnam par shes pa ma grub pas nus pa ma grub par
 brjod pa'o/ /'bras chan zhes bya ba la sogs pa ni 'dir yang nus pa grub na 'bras chan la sogs pa 'byung bar 'gyur ba grub pa yin pa las/ 'on kyang ma 'ongs pa'i 'bras chan la sogs pa ma grub pa'i phyir de la bltos pa'i nus pa yang ma
 grub pas 'bras chan la sogs pa 'byung bar 'gyur ba med pas bsgrub par bya ba dang mtshungs pa yin no/ /de ltar rnam par shes pa mi srid pas nus pa med pa nyid du bstan nas/ da ni nus pa yod du zin kyang gzhan gyi dbang gi mtshan nyid can gyi rnam
 par shes pa don dam par grub pa ma yin no zhes bstan par bya ba'i phyir gzhan yang zhes bya ba la sogs pa gsungs te/ phan tshun don la brten pa'i grub pa ni zhes bya ba ni rnam par shes pa la bltos nas nus pa grub pa dang nus pa la bltos nas
 rnam par shes pa gru'o/ /grub min nyid ces dam pa rnams kyis gsungs zhes bya ba ni mkhas pa rnams kyi phan tshun brten nas grub pa gang yin pa de ni grub ma yin no zhes gsungs pas so/ /gang gi phyir rang bzhin gang yin pa de ni gzhan la bltos
 pa ma yin te/ bcos ma ma yin pa'i phyir ro/ /gang bltos pa can de ni rang bzhin ma yin te/ bcos ma yin pa'i phyir ro/ /des na phan tshun brten nas grub pa gang yin pa de ni ma grub pa ma yin no snyam pa'o/ /de 'grel pas bstan par bya ba'i phyir/ rnam par
 shes pa zhes bya ba la sogs pa gsungs te/ phan tshun gyi don la brten par 'gyur ro zhes bya ba ni rnam par shes pa yod na rnam par shes pa'i nus pa yod pa yin la/ rnam par shes pa'i nus pa yod na rnam par shes pa 'byung ba gang yin pas phan
 tshun gyi don la brten par 'gyur ba'o/ /de ltar gyur mod ce na zhes bya ba ni phan tshun gyi don la brten par 'gyur du chug ces pa'o/ /phan tshun gyi don la brten pa la rang bzhin yod pa ma yin pa la dpe bstan par bya ba'i phyir/ dper na zhes bya ba la
 sogs pa gsungs te/ dper na ring po dang thung ngu la sogs pa rnams la ngo bo nyid kyis ring po la sogs pa yod pa ma yin te/ 'on kyang phan tshun bltos nas yin la/ de bzhin du 'dir yang yin par 'gyur ro/ /des na rang bzhin gyis rang bzhin med
 pas bltos pa can la rang bzhin yod pa nyid du ma grub pa'i phyir rang bzhin med pa kho nar khas blangs pa yin no zhes bstan par bya ba'i phyir/ de ltar yin na ni zhes bya ba la sogs pa gsungs so/ /ji skad du bzhi brgya pa las zhes bya ba la sogs pa ni cung zad
 kyang mi byed pa ni rgyu nyid du mi srid pa'i phyir/ rang bzhin gyis grub pa'i rgyu ni 'ga' zhig kyang yod pa ma yin pa de'i phyir 'bras bu skye ba dang 'brel ba'i rgyu mtshan gyis rgyu nyid thob pa'i phyir dngos po rnams ji ltar na rang gi 'bras bu'i 'bras bu nyid du mi
 'gyur/ 'bras bu nyid du 'gyur na ni myu gu la sogs pa bzhin du 'di la rtag pa nyid ga la yod/ de ltar na ni rgyu dang 'bras bu'i dngos po'i rnam bzhag ma nges pas gnyis ka yang ngo bo nyid kyis ma grub pa'o/ /gal te 'bras bu'i rgyu yod na yod pa
 yin te/ 'di ltar sa bon yod na myu gu skye'i myu gu yod pa la ni ma yin no/ /des na 'bras bu nyid du 'gyur ba ma yin no zhe na/ de yang ma yin te/ gang gi phyir sa bon zhes bya ba'i dngos po myu gu skye ba'i sngon rol du yongs su rtogs par byed
 na rgyur gyur pa zhig gam/ de rgyur ma gyur pa zhig ces yongs su brtag pa gnyis las mi 'da' ste/ phung po gsum pa mi srid pa'i phyir ro/ /de la re zhig rgyu ma yin par gyur pa me la sogs pa las bzhin du 'di skye ba ni mi rigs so/ /rgyu nyid du ni
 'bras bu skye ba'i sgo nas 'gyur ba yin la des na 'bras su skye ba'i sngon rol du mi srid pas so/ /'bras bu skye ba med par bya ba khas blangs nas 'ga' zhig rgyu nyid kyi mi thob na de'i tshe thams cad kyi rgyu nyid du thal bar 'gyur ba las/ de ltar yang ma
 yin no/ /des na rgyu rgyu med pa nyid du thal ba las 'bras bu skye ba la mi bltos par ngo bo nyid kyis grub pa ni med do/ /des na rgyu thams cad ni 'bras bu nyid du thal bar 'gyur ba yin no zhes bya ba'i skyon gnas pa yin no zhes pa'o/ /bstan bcos las zhes
 bya ba ni rtsa ba'i shes rab las so/ /der yang bltos nas grub pa yin gyi/ ngo bo nyid kyis ni ma yin no zhes gsungs pa yin no/ /gal te dngos po gang zhes bya ba la sogs la/ de nyid la yang? bltos nas ni zhes bya ba ni rnam par shes pa de nyid
 la bltos nas ni zhes pa'o/ /bltos bya gang yin zhes bya ba ni nus pa'o/ /de nyid la yang bltos nas zhes bya ba ni rnam par shes pa la bltos nas so/ /da ni gnyis ka ma grub pas zhes bya ba ni nus pa dang rnam par shes pa dag go /gang la
 bltos nas gang zhig 'grub par 'gyur ba zhes bya ba ni nus pa la bltos nas rnam par shes pa 'grub par 'gyur ram/ 'on te rnam par shes pa la bltos nas nus pa 'grub par 'gyur ba'o/ /dngos po bltos grub gang yin pa zhes bya
 ba ni rnam par shes pa'i dngos po'i mtshan nyid can gang yin pa nus pa bltos nas 'grub pa de'o/ /de'i phyir de ltar na zhes bya ba la sogs pa ni mjug bsdu ba'o/ /de ltar ma 'ongs pa la nus pa med par bstan nas/ nga ni 'das pa la yang nus pa yod pa
 ma yin no zhes bya ba bstan par bya ba'i phyir/ /nga ni zhes bya ba la sogs pa gsungs te/ gal te 'gags pa'i bzhes bya ba la sogs pa ni dngos po 'gags pa'i nus pa ste bag chags yin la/ de smin pa las te/ 'bras bu
 skye ba yongs su gyur pa'i khyad par las gal te sngon po la sogs pa'i shes pa skye bar 'gyur na ni de'i gzhan gyi nus pa las so de/ /sngon po'i shes pa gzhan gyis nus pa las sngon po'i rnam par shes pa gzhan 'byung bar 'gyur ba las/ de
 ltar yang mi rigs te/ thams cad las thams cad 'byung bar 'gyur ba'i phyir ro/ /de 'grel bas bstan par bya ba'i phyir/ gal te zhes bya ba la sogs pa gsungs te/ skyes nas 'gag bzhin pa'i rnam par shes pas zhes bya ba ni da
 ltar bas so/ /'bras bu'i don du zhes bya ba ni sngon po'i rnam par shes pa gzhan skye ba'i don du'o/ /nus pa'i khyad par gang bzhag pa rnam par shes pa 'gag pa'i nus pa smin pa gang yin pa de la zhes bya ba ni rjes su mthun pa'i shes pa skye
 ba'i don du nus pa'i khyad par gang bzhag pa yongs su smin pa de las so/ /gzhan gyi nus pa las zhes bya ba ni sngar gyi sngon po'i rnam par shes pa'i nus pa las so/ /gzhan 'byung bar 'gyur ro zhes bya ba ni 'byung bar 'gyur ba'i sngon po'i rnam
 par shes pa 'byung bar 'gyur ro ces pa'o/ /gal te sngon po shes pa gnyis ka yang 'dra ba'i phyir rgyu gcig pa yin pas gzhan gyi nus pa las gzhan 'byung ba ci ltar 'gyur snyam sems la bzhag nas ci'i phyir zhe na zhes gsungs so/
 de la lan bstan par bya ba'i phyir/ gang gi phyir zhes bya ba la sogs pa gsungs te/ gang gi phyir rgyun der rgyun can rnams tha dad par yod do/ /de'i phyir nus pa gzhan las gzhan 'byung bar 'gyur ro/ /'di'i don ni 'di yin te/
 gal te 'dir rgyun rtog par byed na rgyun de rgyun can las tha dad par rtog gam/ tha mi dad par rtog /re zhig tha dad pa ni ma yin te/ tha dad du mi snang ba'i phyir ro/ /tha mi dad pa yin na ni rgyun can kho na yin pas de rnams phan tshun tha dad pa yin
 na gzhan gyi nus pa las gzhan 'byung bar 'gyur ba yin no zhes bya ba'i skyon de nyid na gnas pa yin no zhes bya ba'i don to/ /de 'grel pas bstan par bya ba'i phyir/ ta nu zhes bya ba la sogs pa gsungs te/ ta nu ni rgyas pa la'o zhes bya
 ba'i byings 'di la rkyen byin pa'i sgo nas brgyud pas na rgyun zhes bya ba'i rang bzhin gang yin pa de brjod pa yin no rgyun de yang ci lta bu zhe na/ rgyu dang 'bras bu 'brel par 'jug pa na zhes bya ba gsungs te/ rgyu dang 'bras bu'i ngo bo nyid du
 gang gnas pa'o/ /'di ni gzugs dang sgra la sogs pa bzhin du rgyu dang 'bras bu ma grub pa rnams la rgyun gcig pa nyid bkag pa yin no/ /bar med par rim par rnam par ma chad par gnas pa zhes bya ba la/ bar med pa ni skad cig gzhan
 gyis bar ma chad pas so/ /rim par ni cig car du ma yin pas so/ /rnam par ma chad par gnas pa ni rgyun chad pa med pas so/ /'on ni rim par rnam par ma chad par gnas pa de yang ji ltar zhe na skye ba dang 'chi ba brgyud pas zhes bya ba gsungs te
 lus gcig dor nas lus gzhan len pa'i brgyud pa'i sgo nas so/ /'du byed kyi skad cig dus gsum pa'i nye bar len pa can la bya la zhes bya ba ni 'du byed rnams kyi 'das pa dang ma 'ongs pa dang da ltar ba'i skad cig ma gang yin pa de
 ni nye bar len pa can yin te/ de la brten nas tha snyad byed pa'i phyir ro/ /'dis ni rgyun tha dad pa nyid yin pa bkag pa yin no/ /rlung gi rgyun ltar rgyun chags pa zhes bya ba ni ji ltar chu ba'i snga ma dang phyi ma'i chu'i skad cig ma snga ma dang phyi ma rnams la chu
 klung gi rgyun zhes brjod pa de bzhin du'o/ /de zhes bya ba ni rgyun no/ /rgyun gyi cha shes zhes bya ba ni rgyun la yod pa'i sngon po'i shes pa'i skad cig ma rnams so/ /des na rgyun gyi cha shas te/ sngon po'i shes pa'i yan lag go /rdzas kyi skad cig ces
 bya ba ni sngon po'i shes pa'i skad cig go /rgyun can zhes brjod do zhes bya ba ni de rnams la rgyu na yod pa yin pas so/ /de dag ces bya ba ni rdzas kyi skad cig ma rnams la'o/ /gzhan gyis zhes bya ba ni sems tsam pas so/ /des na gzhan nyid grub pa
 yin no zhes bya'o/ /gal te rgyun can tha dad par yod du zin kyang rgyun ni gcig pa nyid yin no zhe na/ brjod pa rigs pa ni ma yin te/ de las tha dad du gyur pa'i rgyun yod pa ni ma yin no zhes sngar bstan zin pas so/ /ci 'dod pa'i phyir/ 'dir skyon ma yin
 no snyam na zhes bya ba ni gzhan gyi nus pa las gzhan 'byung bar 'dod pa kho na yin no snyam na'o/ /de la lan bstan par bya ba'i phyir/ de ltar ni ma yin te/ zhes bya ba la sogs pa gsungs te/ de ltar 'dod na zhes bya ba ni gzhan gyi nus pa las gzhan skye bar 'dod na'o//
 thams cad thams cad las skye bar 'gyur zhes bya ba ni gzhan gyi nus pa las skye bar 'gyur na thams cad las thams cad skye bar 'gyur ro/ /bshad zin pas zhes bya ba ni thams cad las thams cad skye bar 'gyur te zhes bya ba'i tha tshig
 gis so/ /de las gzhan gyi dogs pa bsu ba ni/ 'dir smras pa zhes bya ba la sogs pa gsungs te/ gal te rgyun can tha dad pa yin yang de ltar yin na yang de dag gi rgyun gcig pa yin no zhes pa'o/ /de dag la zhes bya ba ni rgyun can rnams la'o//
 de'i phyir nyes med ce na zhes bya ba ni gzhan gyi nus pa las gzhan 'byung ba med pas thams cad las thams cad skye bar 'gyur ro zhes bya ba'i skyon med do zhes pa'o/ /de 'grel pas bstan par bya ba'i phyir/ gal te zhes bya ba la
 sogs pa gsungs te/ rgyun 'di ni gcig pa kho na yin pas zhes bya ba ni sngon po'i rnam par shes pa la sogs pa'i mtshan nyid can rnams so/ /gal te de ltar yin na zhes bya ba la sogs pa ni lan ston pa yin te/ gal te de ltar yin na zhes
 bya ba ni gal te rgyun gcig pa yin par grub na'o/ /'di nyid ma grub pas na zhes bya ba ni rgyun gcig pa nyid do/ /'di ni bsgrub bya zhig go zhes bya ba ni rgyun gcig pa nyid bsgrub par bya ba yin no zhes pa'i don to/ /ci'i phyir zhe na zhes bya ba ni
 rgyun gcig pa nyid bsgrub par bya ba nyid yin pa ci'i phyir zhe na'o/ /de la lan bstan par bya ba'i phyir/ /tha mi dad rgyun skabs mi rigs phyir ro zhes bya ba gsungs te/ rgyun tha mi dad pa'i go skabs yod pa ma yin no zhes bya ba'i tha tshig go /
 de 'grel pas bstan par bya ba'i phyir/ skabs ni zhes bya ba la sogs pa gsungs te/ bdag gi dngos po phan tshun tha dad pa rnams zhes bya ba ni sngon po'i shes pa'i skad cig ma rnams so/ /rgyun tha mi dad pa'i rten can nyid
 du yod par ma 'ongs te zhes bya ba ni tha mi dad pa'i rgyun gyi rten nyid du gang brtags pa de mi rigs pa'o/ /ci'i phyir mi rigs she na/ lan ni gzhan yin pa'i phyir zhes bya ba gsungs te/ rten gyi skad cig ma rnams tha dad pa'i
 phyir ro/ /rgyun gzhan gzhin no zhes bya ba ni ci ltar byams pa dang nyer spas kyi chos dag rgyud gcig la brten pa ma yin pa de bzhin du skad cig tha dad pa la brten pa ma yin pa de bzhin du skad cig tha dad pa la brten pa'i rgyun gcig
 yod pa ma yin no zhes pa'o/ /de nyid bstan par bya ba'i phyir/ byams pa zhes bya ba la sogs pa gsungs te/ byams pa'i chos nag po nyid la sogs pa dang/ nyer spas kyi chos rnams rgyud gcig tu gtogs pa ma yin te/ byams pa dang nyer spas kyi rgyud
 dag gzhan dag gis phan tshun tha dad par 'dod pa'i phyir ro/ /de nyid kyi phyir gzhan nyid kyi phyir zhes bya ba gsungs pa yin no/ /gang dag rang gi mtshan nyid kyi so so ba zhes bya ba ni gang sngon po'i shes pa'i skad cig ma rnams rang rang gi mtshan nyid kyi so
 sor yod pa yin gyi/ gzhan du na skad cig ma rnams ngo bo gcig tu thal bar 'gyur bas skad ce cig ma gcig tu 'gyur bas so/ /des na tha dad pa yin la/ de yang rgyun cig gi rten du rigs pa ma yin no zhes pa'o/ /de bzhin du 'dir yang zhes bya ba
 ni sngon po'i shes pa'i skad cig ma rnams la yang ngo/ /des na nus pa smin pa dang ma smin pa dag gi shes pa skye ba dang mi skye ba dag yin par mi rigs pa'o/ /yang sems tsam pa'i 'dod pa ston pa ni/ de skad ces bya ba la sogs pa gsungs te/ rang gi
 lugs brjod pa lhur byas pa nyid kyis zhes bya ba ni mig gi rnam par shes pa skyed pa'i nus pa la mig gi dbang po'i tha snyad byed pa dang/ shes pa'i rnam pa nyid la phyi rol gyi don du mngon par zhen pa yin no zhes pa rang gi lugs brjod pa gang
 yin pa de nyid lhur byas pa gang la yod pa des so/ /mngon par 'dod pa'i don grub par zhes bya ba ni mig gi dbang po dang phyi rol gyi don med kyang rnam par shes pa grub par ro/ /mig blo'i zhes bya ba la sogs pa ni don du 'di ni sngar bstan du
 zin kyang mig gi dbang po la sogs pa'i rnam bzhag sngar ma bstan pa dang/ rnam pa la phyi rol gyi don du mngon par zhen pa yin no zhes bya ba re dag sngar bstan du zin kyang zhib tu ma bstan pas zlos pa'i skyon yod pa ma yin no/ /rang gi nus pa
 gang zhig las de ma thag tu mig gi rnam par shes pa skye bar 'gyur ba'i nus pa de la mig gi blo skye ba yin no/ /des na kun gzhi rnam par shes par la yod pa'i mig gi rnam par shes pa'i rten du gyur pa'i nus pa'i skad cig ma la mig
 gi dbang po zhes bya bar rtogs pa yin te/ kun gzhi rnam par shes pa la yod pa'i mig gi rnam par shes pa skyed par byed pa'i nus pa smin pa la mig gi dbang po zhes brjod pa yin gyi/ bag chags las tha dad du gyur pa'i mig gi dbang po ni
 yod pa ma yin no zhes pa'i don to/ /de 'grel pas bstan par bya ba'i phyir/ mig gi zhes bya ba la sogs pa gsungs te/ rnam par shes pa gzhan gyis zhes bya ba ni mig gi rnam par shes pa gzhan gyis so/ /'jig bzhin pa na zhes bya ba ni da
 ltar ba'o/ /de'i rnam pa'i rjes su byed pa'i zhes bya ba ni mig gi rnam par shes pa'i rjes su byed pa'i 'o/ /nus pa'i skad cig par med pa gang zhig las zhes bya ba ni kun gzhi rnam par shes pa la yod pa'i bag chags yongs su smin pa'i mtshan nyid can
 nus pa'i skad cig ma las so/ /rgyur gyur pa'i skad cig ma de la gti mug gi mig gi dbang po yin no snyam du rtogs pa'o/ /de nyid kyi phyir rten du gyur pa zhes bya ba la sogs pa gsungs so/ /de bzhin du dbang po gzhan la yang nges par bya'o zhes bya ba
 ni rna ba la sogs pa'i dbang po yang de bzhin du shes par bya'o/ /'di na zhes bya ba ni phyi rol gyi don tha snyad du byed pa na'o/ /phyi gzung ba med par zhes bya ba ni phyi rol gyi don med kyang ngo/ /rang gi sa bon las zhes bya ba ni kun gzhi rnam par
 shes pa la yod pa'i bag chags smin pa'i mtshan nyid can gyi sa bon las so/ /sngo sogs zhes bya ba la sogs pa ni mig gi rnam par shes pa sngon po la sogs pa'i rnam pa nyid du skyes pa yin no snyam du khong du ma chud pas
 shes pa'i rnam pa kho na la phyi rol du mngon par zhen nas sems las tha dad du gyur pa'i phyi rol gyi don yod pa yin no zhes mngon par rtogs pa yin gyi/ phyi rol gyi don yod pa nyid ni ma yin no zhes bya ba'i tha tshig go /de nyid 'grel pas bstan par bya ba'i
 phyir/ ci ltar zhes bya ba la sogs pa gsungs te/ dmar po'i rnam pa can du skye ba na zhes bya ba ni rang bzhin gyis dmar po yin pas so/ /nor bu dag ces bya ba la sogs pa ni ji ltar nor bu chu shel la sogs pa'i phyi rol gyi nye bar bsgyur ba tshon ras dmar
 po la sogs pa la bltos pa yin gyi/ de bzhin du ban d+hu ka la sogs pa ni ma yin no zhes pa'o/ /'on kyang zhes bya ba la sogs pa ni band+hu ka la sogs pa rnams kyi gang gi sa bon des band+hu ka dmar po bskyed pa'i nus pa 'phangs pa gang yin pa de dang
 ldan pa'i myu gu la sogs pa'i rgyun las so/ /rnam pa khyad par can nyid du skye bar zhes bya ba ni rang gi rgyu ma yin pa'i dmar po'i rnam pa gzhan la ma bltos par ro/ /sngon po la sogs par snang ba 'byung ba yin la zhes bya ba ni sngon po la sogs
 pa'i rnam pa can no/ /de'i sngon po la sogs par snang ba nyid ces bya ba ni sngon po la sogs pa'i rnam par snang ba nyid do/ /de la dpe bstan par bya ba'i phyir/ dper na zhes bya ba la sogs pa gsungs te/ dogs mthar skyes pa'i zhes bya ba ni mtsho'i 'gram
 du skyes pa'o/ /yod ba lta bur dmigs mod kyi zhes bya ba ni chu'i nang na yod pa bzhin du snang ba'o/ /de'i nang na yod pa ni ma yin na zhes bya ba ni pad+ma rA ga la sogs pa de chu'i nang na yod pa ni ma yin pa'o/ /de bzhin du rnam par shes pa la yang
 sbyar bar bya'o/ /zhes bya ba ni chu'i nang na yod pa'i rin po che'i rnam pa rin po cher snang ba bzhin du shes pa'i rnam pa kho na la phyi rol du mngon par zhen pa yin zhes bya ba'i tha tshig go /de ltar rnam par shes pa las phyi rol gyi don yod pa ni ma yin no
 zhes bya ba ni mjug bsdu ba'o/ /rnam pa gcig tu na zhes bya ba la sogs pa ni rnam pa gzhan gyi sgo nas shes pa'i rnam pa kho na la phyi rol tu mngon par zhen pa ston pa yin te/ gzugs don gzhan med par zhes bya ba ni phyi rol gyi don
 med par ro/ /de'i rnam pa can sems zhes bya ba ni sdom po'i rnam pa can gyi sems 'byung ba yin pa'o/ /rang nus smin las zhes bya ba ni nus pa'i mtshan nyid can gyi rang gi rgyu smin pa las so/ /de la lan bstan par bya ba'i phyir/ de ni de ltar ma yin no zhes bya ba
 gsungs te/ rmi lam gyi dpe'i sgo nas shes pa'i rnam pa la phyi rol du mngon par zhen par 'dod pa de mi 'thad pa'o/ /de'i rgyu mtshan 'dri ba ni ci'i phyir zhe na zhes bya ba'o/ de la lan ji ltar zhes bya ba la sogs pa gsungs te/ mig med par ni zhes bya ba ni rmi lam na mig gi bya ba med pas
 so/ /rmi lam du zhes bya ba la sogs pas ni sngon po la sogs par snang ba ste/ sngon po la sogs pa'i rnam par snang ba'i yid kyi rnam par shes pa skye bar 'gyur ba'o/ /'dir zhes bya ba ni sad pa'i gnas skabs na yod pa la sngon po las
 sogs par snang ba yid kyi rnam par shes pa ci'i phyir 'byung bar mi 'gyur te/ ci'i phyir mi skye ba'o/ /gang las skye zhe na/ rang gi sa bon no/ /smin las zhes bya ba gsungs te/ kun gzhi rnam par shes pa la yod pa'i bag chags las zhes
 bya ba'i don to/ /de la 'grel pas bstan par bya ba'i phyir/ gal te zhes bya ba la sogs pa gsungs te/ mig gi rnam par shes pa'i rnam pa dang rjes su mthun par skye na zhes bya ba ni ci ltar mig gi rnam par shes pa ches gsal bar sngon po
 la sogs pa snang bar skye ba de bzhin du gal te yid kyi rnam par shes pa ches gsal bar sngon po'i rnam par skye na'o/ /de lta bu zhes bya ba ni mig gi rnam par shes pa dang mtshungs par ro/ /'di'i don ni gal te ci ltar rmi lam gyi dpe don
 med kyang don gyi rnam pa can gyi sems skye ba can du sgrub na de bzhin du rmi lam gyi dpes long ba la yang mig gi rnam par shes pa dang rjes su mthun par yid kyi rnam par shes pa ci'i phyir skye bar mi 'gyur zhes pa'o/ /gang gis ni zhes bye ba ni mig gi
 rnam par shes pa dang rjes su mthun pa'i yid kyi rnams so/ /gnyis ka yang zhes bya ba ni rmi lam dang sad pa'i gnas skabs dag go /ci ste zhes bya ba la sogs pa ni gzhan gyi dog pa bsu ba yin te/ rnam pa de lta bu zhes bya ba ni mig gi rnam par
 shes pa'i rnam pa dang rjes su mthun pa'o/ /de yang zhes bya ba ni nus pa smin pa'o/ /de la lan bstan par bya ba'i phyir/ de yang mi rigs so zhes bya ba gsungs te mig la sogs pa'i rnam par shes pa lnga la bltos nas drug pa yid kyi rnam par
 shes pa la gnyid kyi rkyen gyi stobs kyis rmi lam na nus pa smin pa yod la/ sad pa na gnyid kyi rkyen med pas nus pa smin pa med par gal te khyod kyis 'dod par gyur na zhes bya ba ni phyogs snga ma rjes su brjod pa'o/ /ci ltar sad pa'i
 gnas skabs na long ba la drug pa yid kyi rnam par shes pa'i nus pa smin pa med pa de bzhin du rmi lam gyi tshe yang drug pa nus pa med ces ci'i phyir mi rtogs pa zhes pa'o/ /de 'grel pas bstan par bya ba'i phyir drug pa'i zhes bya ba la
 sogs pa gsungs te/ tshig gi tshul tsam kho nas zhes bya ba ni tshig tsam la ma gtogs pa'i rigs pa gzhan yod pa ma yin no zhes pa'i tha tshig go /nged cag gis tshig gis kyang 'dod par bya dgos zhes sbyar bar bya'o/ /ci 'dod ce na/  
 'di na ci ltar sad pa la rnam pa de lta bu'i zhes bya ba la sogs pa gsungs te/ de bzhin du zhes bya ba ni sad pa bzhin du'o/ /de la gzhan dag na re nus pa smin pa'i lhan cig byed pa'i rkyen ni gnyid yin la/ des na sad pa'i gnas skabs na de
 med pas rnam pa de lta bu'i yid kyi rnam par shes pa med pa yin la/ rmi lam na ni rkyen yid kyi rnam par shes pas rnam pa de lta bu'i yid kyi rnam par shes pa yod pa yin no zhe na/ de la lan bstan par bya ba'i phyir/ ci ltar
 zhes bya ba la sogs pa gsungs te/ ci ltar long ba 'di la gnyid log pa'i skyes bu bzhin du mig gi bya ba med du zin kyang mig med pa de ni de'i rnam pa de lta bu'i yid kyi rnam par shes pa skye ba'i bag chags smin pa'i rkyen ma yin la/ de bzhin
 du rmi lam na gnyid yod du zin kyang mig gi rnam par shes pa'i? rnam dang rjes su mthun pa'i yid kyi rnam par shes pa skye ba'i bag chags yongs su smin pa'i rkyen yin par mi 'gyur ro zhes nges par gyis/ 'di'i don ni gnyis ka la yang mig med par mtshungs
 su zin kyal gcig la ni mig gi rnam par shes pa'i rnam pa dang rjes su mthun pa'i yid kyi rnam par shes pa skye bar 'gyur la/ gcig la ni mi 'gyur bas mig med ba ni rgyu ma yin la/ de bzhin du gnyid yod sad du zin kyang rnam pa de lta bu'i
 yid kyi rnam par shes pa skye bar 'gyur na gnyid kyi rgyu can ma yin no zhes nges par gyis zhes pa'o/ /de 'grel pas bstan par bya ba'i phyir/ rmi lam mthong bas ni zhes bya ba la sogs pa gsungs te/ rmi lam mthong bas ni zhes bya ba
 ni chos can no/ /sad pa'i gnas skabs kyi long ba ltar zhes bya ba ni ci ltar gnyid sad pa'i long ba la mig gi bya ba med pas rnam pa de lta bu'i yid kyi rnam par shes pa skye bar 'gyur ba ste dpe de bzhin du'o/ /rnam par shes pa de'i rten
 dbang po'i byed pa dang bral ba'i phyir zhes bya ba ni mig gi rnam par shes pa de'i rten mig gi dbang po yin la de'i bya ba med pa ste/ mig gi dbang po'i bya ba med pa'i phyir zhes pa gtan tshigs so/ /rnam par shes pa mig gi dbang po zhes bya
 ba la sogs pa ni phyi rol gyi dbang po med pas nus pa'i ming can gyi mig gi dbang po gang yin pa de la brten pa'i rnam par shes pa ste mig gi rnam par shes pa zhes bya ba'i don to/ /de'i rnam pa'i rjes su byed pa yid kyi rnam par shes pa ni mig gi rnam par
 shes pa dang mtshungs pa'i yid kyi rnam par shes pa'o/ /de'i nus pa ni rgyur gyur pa'i bag chags so/ /de smin pa ni 'bras bu skyed pa la mngon du phyogs pa'o/ /de yongs su 'gyur ba ni de las skyes pa'i yid kyi rnam par shes pa yin la/ de gang la yod
 pa de la can zhes bya ba ste/ mig gi rnam par shes pa dang mtshungs pa'i yid kyi rnam par shes pa dang ldan par 'gyur ba ma yin no zhes bya ba ste bsgrub par bya ba'o/ /des na ci ltar long ba la mig med pa yin du zin kyang rnam par de lta bu'i yid kyi rnam
 par shes pa'i rgyur mig med pa de mi 'gyur ba de bzhin du rmi lam na yang gnyid yod du zin kyang rnam par shes pa de lta bu'i rgyu nyid du 'gyur ba ma yin no zhes pa'o/ /gang gi phyir de ltar yin pa de'i phyir zhes bya ba ni gang gi phyir gnyid rnam par shes pa
 de lta bu'i yid kyi rnam par shes pa'i rgyu ma yin pa de'i phyir ro/ /rmi lam du yang zhes bya ba ni rmi lam gyi gnas skabs na yang ngo/ /de dngos zhes bya ba ni gang rmi lam gyi gnas skabs na gzugs mthong ba'i rgyu gang yin pa'o/ /mig ji lta bu
 zhe na/ brdzun pa'i spyod yul rtogs pa'i rgyu zhes bya ba smos te/ sad pa la bltos nas brdzun pa'i spyod yul gzugs gang yin pa de rtogs pa'i rgyu gang yin pa'o/ /de 'grel pas bstan par bya ba'i phyir/ de'i phyir zhes bya ba la sogs pa
 gsungs te/ rnam pa de lta bu'i yul dang zhes bya ba ni rmi lam du nyams su myong ba'i yul lo/ /shes pa de lta bu dang zhes bya ba ni rmi lam na nyams su myong ba'i shes pa gang yin pa'o/ /rnam pa de lta bu zhes bya ba ni rmi lam gyi mig gi rnam par shes
 pa'i rten du gyur pa gang yin pa de khas blang bar bya dgos kyi/ gzhan du na long ba la mig gi rnam par shes pa ci'i phyir skye bar mi 'gyur zhes pa'o/ /de'i phyir zhes bya ba ni gang gi phyir rmi lam na gsum char khas blang bar bya dgos pa
 de'i phyir ro zhes pa'o/ /'di yis zhes bya ba la sogs pa ni dbu ma pa la sems tsam du smra bas lan gang dang gang btab pa de'i lan de dang de sems tsam du smra ba 'di'i dam bca' dang mtshungs par mthong bas sems tsam du smra ba 'di sel
 bar byed pa yin ces bya ba'i tha tshig go /de 'grel pas bstan par bya ba'i phyir/ sad pa'i zhes bya ba la sogs pa gsungs te/ 'di ni dbu ma pa'i thal 'gyur yin te/ sad pa'i gnas skabs na gsum char ngo bo nyid kyis stong pa yin te/
 dmigs pa yin pa'i phyir ro/ /rmi lam bzhin no zhes dbu ma pa'i brjod pa la/ sems tsam pa na re sad pa'i dus kyi rnam par shes pa don gyis stong pa yin te/ rmi lam gyi shes pa bzhin du shes pa yin pa'i phyir dang/
 de bzhin du sad pa'i gnas skabs su dmigs pa'i yul ni brdzun pa'i rang bzhin can yin te/ yul yin pa'i phyir rmi lam gyi yul bzhin no zhes bya ba dang/ de bzhin du kun nas nyon mongs pa dang rnam par byang ba dag chos can gzhan
 gyi dbang med pa na yod pa ma yin te zhes bya ba ni bsgrub par bya ba yin la/ rten med pa'i phyir zhes bya ba ni gtan tshigs yin la/ rus sbal gyi spu'i gos bzhin no zhes bya ba ni dpe'o/ /de bzhin du rab rib can gyi dpe dag gis kyang brjod
 par bya'o zhes bya ba ni sad pa'i rnam pa'i rnam par shes pa ni don gyis stong pa yin te/ rnam par shes pa yin pa'i phyir rab rib can gyi shes pa bzhin zhes bya ba la sogs pas rnam par shes pa don gyis stong par bsgrub pa'i ched du
 sems tsam du smra bas lan gang dang gang brjod pa'i lan de dang de dbu ma pas dam bca' ba dang mtshungs par mthong nas rtsod pa 'di bzlog par byed pa yin te/ 'di ltar sngar bstan pa'i rnam pas rmi lam gyi rnam par shes pa la don gyis stong pa nyid dang/
 brdzun pa'i yul can du ma grub pa dang/ gzhan gyi dbang nyid du bsgrub pa'i bya ba yin pa'i phyir dang/ rus sbal gyi spu'i gos kyang brtags pa'i dngos por yod pas med par ma grub pa'i phyir dang/ rab rib can la sogs pa'i shes pa yang sngar de blo la
 bltos gnyis kar bden pa ste zhes gsungs pas thams cad la yul med par ma grub pas lan thams cad dam bca' ba dang mtshungs par kho na yin no/ /de bzhin du lung gis gnod pa la sogs pa'i nyes pa yang srid pa ma yin te zhes bya ba
 la sogs pa'i sgras ni rjes su dag pa'i gnod pa bsdu bar bya'o/ /lung gi gnod pa med pa nyid bstan par bya ba'i phyir/ gang gi phyir zhes bya ba la sogs pa gsungs so/ /srid gsum ni btags pa tsam zhes bya ba ni khams gsum pa thams cad
 tha snyad tsam mo/ /ngo bo nyid kyi dngos po med ces bya ba ni ngo bo nyid kyi sgo nas dngos po yod pa ma yin te/ ngo bo nyid la 'jig pa med ces bya ba ni ngo bo nyid kyi sgo nas dngos po yod pa ma yin te/ ngo bo nyid la 'jig pa med pa'i phyir ro/ /btags pa
 zhes bya ba la sogs pa ni re zhig dngos po ni yod pa ma yin gyi/ 'on kyang btags pa de nyid la rtog ge pa ngan pa dngos po'i rang bzhin du phyin ci log tu rtogs nas dngos po'i rang bzhin du rtog par byed/ /rang bzhin med cing zhes bya ba ni dngos po la
 spyi 'gog pa'o/ /rnam rig med cing bya ba ni gzhan dbang gi mtshan nyid can gyi rnam par shes pa 'gog pa'o/ /kun gzhi med cing zhes bya ba ni kun gzhi rnam par shes pa 'gog pa'o/ /dngos po med na zhes bya ba ni/ gzung ba dang 'dzin pa'i rang bzhin
 can nyid du brtags pa 'gog pa'o/ /byis pa ngan pa rtog ge ba zhes bya ba ni rang bzhin phyin ci log tu rtog par byed pa'i byis pa rnams kyis dngos po la sogs pa 'di dag btags pa'o/ /de nyid kyi phyir ro dang 'dra ba zhes bya ba
 gsungs te/ snying po dang snying po med par spyod pas stong pa'i phyir ro/ /gal te srid pa gsum ni btags pa tsam/ ngo bo nyid kyis dngos po med pa zhes bya ba la sogs pa dngos po bkag pa de ni gzhan dbang la gzung ba dang 'dzin pa'i dngos po bkag pa
 la dgongs nas gsungs pa'i phyir lung dang 'gral ba yod pa ma yin no zhe na de la lan bstan par bya ba'i phyir/ gcig la med pa'i zhes bya ba la sogs pa gsungs te/ gcig la ste gzhan dbang la gcig pa med pa ste gzung ba dang 'dzin pa'i
 mtshan nyid can gyi dngos po med pa gang yin pa'o/ /de dag gis stong pa nyid kyis dngos po med pa nyid du gal te brjod pa na de yang mi rigs pa'o/ /de la lung gi sgo nas mi rigs pa nyid du ston pa ni blo gros chen po zhes bya ba la sogs pa gsungs te
 thams cad kyi tha shal yin no zhes bya ba ni thams cad kyi nang na dman pa ste/ des 'khor ba'i sa bon du gyur pa'i dngos po dang/ dngos po med par rnam par rtog pa rnams ldog par mi 'gyur bas so/ /gcig la gcig med pa'i stong pa nyid
 rigs pa dang 'gal bar ston pa ni/ ba lang rta ma yin pa'i phyir zhes bya ba la sogs pa gsungs te/ ci ltar ba glang rta ma yin no zhes brjod pa na ba glang rta ma yin pa nyid du 'grub kyi/ ba glang ma yin pa nyid du mi 'gyur te/ ba glang gi ngo bo nyid du ni
 yod pa'i phyir ro/ /de bzhin du gzhan dbang la gzung ba dang 'dzin pa bkag pas gzhan dbang gi ngo bo nyid du yod pas dngos po med pa nyid du ni mi 'grub bo zhes bya ba la sogs pa brjod par bya'o zhes bya ba la sogs pa'i sgras ni gal te rnam
 bar shes pa'i rang bzhin 'grub par 'gyur na de'i tshe gcig la gcig med pa'i stong pa nyid kyis dngos po rnams la rang bzhin med pa nyid rig pa yin gyi/ 'on kyang bdag las ma yin gzhan las min zhes bya ba la sogs pas dngos po'i rang bzhin bkag
 pa'i phyir gzhan gyi dbang yod pa ma yin pas gcig la gcig med pa'i stong pa nyid kyis dngos po med pa nyid du ci ltar brjod pa bya zhes brjod par bya'o/ /yang lung gi sgo nas mi rigs pa nyid du bstan par bya ba'i phyir/ de bzhin du zhes bya ba la sogs pa
 gsungs te/ de la zhes bya ba ni stong pa nyid stan pa'i gnas skabs la'o/ /dbang po la 'jug pas chos kyi dbyings la 'jug pa zhes bya ba ni dbang po rnams stong pa nyid du rtogs pa'i sgo nas chos thams cad stong pa nyid du rtogs pa'o/ /de la dbang po
 rnams la 'jug pa nyid bstan par bya ba'i phyir/ dbang po nyi shu rtsa gnyis te zhes bya ba la sogs pa gsungs te/ dbang po nyi shu rtsa gnyis te zhes bya ba ni mdor bstan pa'o/ /mig gi dbang po dang zhes bya ba la sogs pa ni rgyas bar bstan
 ba'o/ /mig gi rnam par shes pa la sogs pa lnga'i rten du gyur pa gzugs kyi rdul phra rab dang ba ni mig gi dbang po la sogs pa lngar shes par bya'o/ /rnam par shes pa drug 'gags pa'i de ma thag pa 'das pa'i skad cig ma ni yid kyi
 dbang po yin no/ /'doms kyi dbang po'i cha gang yin pa de ni mo'i dbang po dang pho'i dbang po'o/ /gang drong dang rnam par shes pa la gnas pa'i rgyu de ni srog gi dbang po'o/ /rjes su 'dzin par byed pa'i rnam par shes pa lnga dang mtshungs par ldan pa
 dang/ bsam gtan gsum pa nas yid kyi rnam par shes pa dang mtshungs par ldan pa'i tshor ba ni bden pa'i dbang po'o/ /gnod par byed pa'i rnam par shes pa lnga dang mtshungs par ldan pa'i tshor ba gang yin pa de ni sdug bsngal gyi dbang po'o//
 bsam gtan gsum pa las gzhan pa'i 'dod pa'i khams dang/ bsam gtan dang po dang/ gnyis pa'i rjes su mthun pa'i yid kyi rnam par shes pa dang mtshungs par ldan pa'i tshor ba yid bde ba'i dbang po yin te/ gzhan na
 yid bde ba'i dbang po med pa'i phyir ro/ /yid kyi rnam par shes pa dang mtshungs par ldan pa rjes su mi mthun pa'i tshor ba ni yid mi bde ba'i dbang po'o/ /rnam par shes pa lnga dang mtshungs par ldan pa dang/ yid kyi rnam par shes dang mtshungs par ldan pa'i tshor
 ba bde ba yang ma yin sdug bsngal yang ma yin pa ni btang snyoms kyi dbang po'o/ /bden pa dang dkon mchog dang las dang 'bras bu ngag la yid ches pa ni dad pa'i dbang po'o/ /dge pa'i las la spros pa ni brtson 'grus kyi dbang po'o/ /dmigs
 pa mi brjod pa ni dran pa'i dbang po'o/ /sems rtse gcig pa ni ting nge 'dzin gyi dbang po'o/ /chos rnam par 'byed pa ni shes rab kyi dbang po'o/ /mthong ba'i lam gyi yid dang yid bde ba dang sdug bsngal dang btang snyoms te dbang po bzhi dang dad pa
 la sogs pa'i dbang po lnga ni mi shes pa kun shes pa kun shes par byed pa'i dbang po ste/ mthong ba'i lam gyi mi shes ba kun shes pa la 'jug pa'i phyir dbang po dgu bo de rnams sgom pa'i lam du ni kun shes pa'i dbang po yin te/ bsgom pa'i
 lam na sngar med pa'i shes par bya ba med pas de nyid phra rgyas lhag ma rnams spang ba'i ched du shes pa'i phyir ro/ /dbang po dgu po de rnams mi slob pa'i lam la shes pa dang ldan pa'i dbang po yin te/ zad pa dang mi skye ba shes ba thob pa'i tshe des
 sdug bsngal shes so/ /yang shes par byar med do zhes khong du chud pa'i phyir ro/ /'di ni dbang po rnams kyi rang bzhin bstan pa'o/ /dbang po'i mig gi don ni mig la sogs pa lnga po rnams kyi rang rang gi don dmigs pa la dbang byed bas dbang po
 nyid yin no/ /kun nas nyon mongs pa la dbang byed bas na tshor ba rnams dbang po nyid yin te/ 'di ltar mdo las tshor ba bde ba la ni chags pa skye bar 'gyur la/ sdug bsngal la ni khong khro dang sdug bsngal yang ma yin bde ba yang ma yin pa la ni ma rig
 pa'o zhes gsungs pas so/ /dad pa la sogs pa lnga po rnam par byad pa la dbang byed pas dbang po nyid yin te/ 'di ltar de rnams kyis nyon mongs pa rnams zil gyis gnon cing lam skyed par byed pas so/ /gong ma gong ma thob pa la dbang byed bas
 na mi shes pa kun shes par byed pa la sogs pa gsum po rnams dbang po yin te/ 'di ltar mi shes ba kun shes par byed pa'i dbang po ni kun shes par byed pa'i dbang po thob pa la dbang byed la/ kun shes par byed pa'i dbang po ni kun shes pa dang
 ldan pa'i dbang thob pa la dbang byed pa dang/ kun shes pa dang ldan pa'i dbang po ni mya ngan las 'das pa thob pa la dbang byed pas so/ /rgyas bar mdzad du shes par bya'o/ /dus gsum du yang mi dmigs so zhes bya ba ni bdag las ma yin zhes bya ba la
 sogs pas skye ba med pas so/ /de ni mig ma lags so zhes bya ba ni rang bzhin med bas so/ /dbang po ma lags so zhes bya ba ni dbang po'i don med pas/ /'di'i tha snyad ci ltar 'tshal bar bgyi zhes bya ba ni mig dang dbang po nyid kyi tha snyad do/ /chad pa stong pa ni
 zhes bya ba ni tshad pa'i nang stong pa'o/ /brdzun pa zhes bya ba ni nang stong bas so/ /ma mchis pa zhes bya ba ni sor mo la sogs pa'i bkod pa yang med bas so/ /ma mchis pa ci'i phyir zhe na/ yang dag ba ma lags pa zhes bya ba gsungs te/ bdag las
 ma yin zhes bya ba la sogs pa'i rigs pas skye ba med pa'i phyir ro/ /ming du gdags par bas kyi zhes bya ba ni don gyis stong pa'i phyir ro/ /stong pa yang mi dmigs zhes bya ba ni chad pa'i stong pa nyid kyang mi dmigs pa'o/ /chad pa yang mi dmigs so
 zhes bya ba ni sor mo la sogs pa yi bkod pa mi dmigs pas so/ /don la sbyar bar bya ba'i phyir de bzhin du zhes bya ba la sogs pa gsungs te/ chad pa stong pa ltar zhes bya ba ni mdor bstan pa'o/ /brdzun zhing zhes bya ba la sogs
 pa ni rgyas par bstan pa'o/ /'dir 'og ma 'og mas gong ma gong ma bshad pa'o/ /byis pa 'dring ba zhes bya ba ni byis pa rnams slu bar byed pa yin no zhes bya ba'i tha tshig go /phyin ci log la gnas pa'i sems can rnams la zhes bya ba ni bdag dang
 bdag gir phyin ci log tu gnas pa'o/ /gzung ba'i slad du zhes bya ba ni gzhug pa'i ched du ste stong pa nyid la'o/ /gzhan du na dang po kho nar chos thams cad stong pa nyid du bstan na skrag par 'gyur bas so/ /don dam par ni ma lags so zhes bya ba ni
 go sla'o/ /don dam par ma lags pa ci'i phyir zhe na/ de la lan ni/ dbang po ni rang bzhin dang bral zhing zhes bya ba la sogs pa gsungs te/ dbang po ni rang bzhin dang bral zhing dbang po nyid kyi stong pa ste zhes bya ba ni spyir dgag pa'o/ /de la
 mig ni zhes bya ba la sogs pa ni bye brag tu 'gegs pa'o/ /'di ni dam bca' ba tsam yin pas sgyu mtshan 'dri ba ni de ci'i slad du zhe na zhes bya ba gsungs so/ /de la lan bstan par bya ba'i phyir/ mig ni zhes bya ba la sogs pa gsungs te/
 bdag las ma yin zhes bya ba la sogs pas mig gi rang bzhin bkag pas so/ /de la sngar mig gi dbang po dus gsum yang ma dmigs so zhes gang bstan pa de gsal bar bya ba'i phyir/ chos gang la zhes bya ba la sogs pa gsungs te/
 'dir yang 'og ma 'og ma gong ma gong ma'i bshad pa yin pas shes par bya'o/ /rmi lam na yang des de dag ma rnyed na zhes bya ba ni bdag las ma yin zhes bya ba la sogs pas skye ba med par bsgrubs pa'i phyir ro/ /rten cing 'brel
 bar 'byung ba la sogs pa dag ces bya ba la sogs pa'i sgras ni bsam gtan dang tshad med pa dang gzugs med pa la sogs pa rnams bsdu bar bya'o/ /de dag ces bya ba ni phung po dang/ khams dang/ skye mched la sogs pa rnams la'o/ /des na gcig
 gcig med pa'i stong pa nyid kyis stong pa nyid ni ma yin gyi/ 'on kyang ngo bo nyid kyis stong pas so/ /mjug bsdu ba bstan par bya ba'i phyir de'i phyir ston pa'i zhes bya ba la sogs pa gsungs te/ sems tsam du smra ba'i khyad par ni ston pa'i gsung rab ma
 dpyad pa dag gis zhes bya ba gsungs te/ ston pa sangs rgyas bcom ldan 'das kyi gsung rab gang bstan pa de'i dgongs pa ni gzhed pa yin la/ de gang gis ma dpyad pa de la de skad ces bya'o/ /de nyid kyi phyir shes rab kyi rtsal med par sbyangs
 zhes bya ba gsungs te/ yang sems tsam du smra bas yul ba'i shes pa sgrub pa ni/ 'dir smras pa zhes bya ba la sogs pa gsungs te/ 'o na gang bla ma'i man ngag las rnal 'byor pa rnams kyis sa gzhi keng rus kyis yongs su gang bar
 mthong ba zhes bya ba ni gang gi tshe 'dod chags la spyod pa'i skyes bu la bla mas mi sdug pa bskom pa'i gdams ngag phog pa de'i tshe rnal 'byor pa de mi sdug ba sgom pa na rgya mtsho la thug pa'i bar dus gzhi keng rus kyis yongs su gang bar mthong gi
 keng rus de ni de na yod pa ma yin la/ 'on kyang keng rus kyi yul can gyi shes pa ni skye ba'i phyir yul med pa'i rnam par shes pa skye ba yin no zhes bya ba ni grub pa yin no zhe na'o/ /de la lan bstan par bya ba'i phyir/ bshad pa rnal 'byor pa'i zhes
 bya ba la sogs pa gsungs te/ go sla'o/ /ting nge 'dzin de ni log pa yid la byed par bstan pa'i phyir zhes bya ba ni 'dir ting nge 'dzin rnam pa gnyis te/ de kho na nyid yid la byed pa'i rang bzhin can dang/ de kho na nyid ma yin pa yid la byed pa'i
 rang bzhin can no/ /de la stong pa nyid bsgom pa la sogs pa de kho na nyid yid la byed pa'i rang bzhin can yin te/ dngos po ci lta ba bzhin du bsgom bas so/ /mi sdug pa bsgom pa la sogs pa ni de kho na nyid ma yin pa yid la
 byed pa yin pa'i rang bzhin can te/ dngos po la keng rus la sogs pa med pas so/ /des ni yul med pas shes pa yang yang ba ma yin no zhes bya ba'i tha tshig go /'di ni gdon mi za bar de ltar khas blang bar bya'o zhes bya ba ni de kho na nyid ma yin pa yid
 la byed pa nyid do/ /de ltar ma yin te zhes bya ba ni de kho na nyid ma yin pa yid la byed par ma gyur na'o/ /khyod kyi dbang blo'i zhes bya ba la sogs pa la/ ci ltar mig gi rnam par shes pa la sogs pa la gzugs la sogs pa'i rnam pa sems tsam
 pa khyod kyis yod par 'dod pa de bzhin du mi sdug pa bsgoms pa la yang keng rus yid kyi yul yin par 'gyur na'o/ /de bzhin zhes bya ba ni mi sngag pa bsgom pa bzhin du'o/ /yul der blo gtad ces bya ba ni keng rus la sogs pa'i
 yul la yid gtad ba la'o/ /cig shos kyi zhes bya ba ni mi sdug pa sgom par mi byed pa rnams kyis kyang ngo/ /rtogs 'gyur zhes bya ba ni keng rus rtogs par 'gyur ba'o/ /de ni brdzun par yang mi 'gyur zhes bya ba ni ting 'dzin de kho na nyid ma
 yin pa yid la byed pa ma yin par mi 'gyur ro zhes pa'o/ /de 'grel pas bstan par bya ba'i phyir/ ji ltar zhes bya ba la sogs pa gsungs te/ de'i rnam pa can gyi shes pa skye ba zhes bya ba ni keng rus kyi rnam pa can gyi shes pa'o/ /sngon po
 la sogs pa'i rnam par shes pa bzhin no zhes bya ba ni zlos gar gyi ltad ma la sogs pa la lta ba na sngon po la sogs pa'i rnam par shes pa thun mong du skye ba de bzhin rnal 'byor pa ma yin pa rnams la yang keng rus kyi rnam pa can gyi shes pa skye
 bar 'gyur ro zhes pa'o/ /ting nge 'dzin de kho na nyid ma yin pa yid la byed pa yang mi 'gyur ro zhes bya ba ni thams cad kyis keng rus kyi rnam par rtog pa yin pas so/ /de bzhin du gzhan la yul med pa'i blo yod pa ma yin no zhes bstan par bya ba'i phyir/ de bzhin
 du zhes bya ba la sogs pa gsungs te/ de bzhin du chu 'bab pa'i klung la yi dags rnams rnag gi blo 'byung ba gang yin pa de ni rab rib can la skra shad snang ba dang mtshungs pa shes par bya'o/ /rab rib can dang mtshungs pa nyid ston pa ni/ rab
 rib mthu las skra shad gang mthong ba zhes bya ba la sogs pa gang bshad pa zhes bya ba la sogs pa'i sgras ni/ dbang po rab rib can bcas pa'i blo gang gis/ rab rib mthu las skra shad rnams gang mthong ba/ /de blo la bltos gnyis kar bden pa
 ste zhes bya ba sngar gsungs pa bsdu bar bya'o/ /de lta bu'i rigs can zhes bya ba ni rab rib can gyi blo'i rigs can no/ /gzhan yang zhes bya ba ni yi dags kyis rnag gi blo la sogs pa'o/ /'di'i don ni 'khrul pa'i shes pa thams cad la yul med bas
 gsum char yang ma skyes pa yin la/ 'khrul pa'i shes pas nges pa'i dbang du byas nas ni gsum char yang bden pa yin la/ 'khrul pa med pa'i shes pa la bltos nas ni gsum char yang bden pa ma yin no zhes pa'o/ /spros pas mchog go zhes bya
 ba ni yul med pa'i shes pa yod pa nyid du bsgrub pa dang de 'gegs par byed pa'i spros pas mchog go zhes bya ba'o/ /don mdor bsdus te bstan par bya ba'i phyir/ mdor na zhes bya ba la sogs pa gsungs te/ mdor na ci ltar shes bya med pa de
 bzhin du dmigs pa'i blo yang yod pa ma yin no zhes bya ba'i don 'di shes par gyis shig ces pa'o/ /de 'grel pas bstan par bya ba'i phyir/ shes bya zhes bya ba la sogs pa gsungs te/ shes bya'i rnam pa can gyi blo yang zhes bya ba ni shes bya
 rnams 'di lta bu yin no zhes dpyod pas na shes bya rnam pa can gyi blo zhes bya'o/ /rang gi bdag nyid kyis ma skyes par zhes bya ba ni shes bya rang bzhin med pa nyid kyi phyir shes pa yang ma skyes pas so/ /ji skad du zhes bya ba la
 sogs pa ni slob dpon klu sgrub kyis mdzad pa'i bstod pa las te/ ma shes pa ni shes bya min zhes bya ba ni gang shes pas yul du ma byas pa de shes par bya ba ma yin/ des na shes pa la bltos nas shes par bya bar 'gyur ro/ /de
 med rnam par shes med pa zhes bya ba ni shes bya med na shes pa yod par mi 'gyur la/ des na shes bya la bltos nas shes pa yod par 'gyur ba'o/ /de'i phyir phan tshun bltos pa yin pas ring po dang thung ngu dag bzhin du shes pa dang shes
 bya dag kyang rang bzhin yod pa ma yin no zhes bcom ldan 'das khyed kyis gsungs pa yin no zhes pa'o/ /de bzhin du zhes bya ba la sogs pa la/ nyi ma'i gnyen gyis zhes bya ba ni nyi ma'i rigs las 'khrungs pa'i sangs rgyas bcom
 ldan 'das ni nyi ma'i gnyen yin la/ khyed kyis kyang bdag la ma yin zhes bya ba la sogs pa rnam par shes pa don dam par ma grub pas rnam pa shes pa sgyu ma dang 'dra bar gsungs pa'o/ /rnam par shes pa de'i dmigs pa'i
 yul yang rnam par shes pa bzhin du nges par sgyu ma'i dngos po dang 'dra ba yin te/ gang gi phyir dmigs pa ni shes pas dmigs par bya ba nyid yin la/ des na dmigs pa ni shes pa la bltos pas rang bzhin gyis ma grub
 pas sgyu ma'i dngos po dang 'dra ba'o/ /da ni sems tsam pa la gco 'dri ba'i sgo nas mjug bsdu ba ston pa ni/ de'i phyir zhes bya ba la sogs pa gsungs te/ phyi rol gyi yul la skur pa 'debs pa zhes bya ba ni/ phyi rol gyi yul med
 pa rnam par shes pa tsam khas len pas so/ /rnam par shes pa rdzas su smra ba ba'i brjed byed kyi gdon gyis bzung ba zhes bya ba ni rnam par shes pa don dam yod pa yin no zhes gang smra ba de ni brjed byed kyi gdon yin te/ rigs pa'i dran pa
 nyams par byed pas so/ /des gzung ba ni de'i dbang du gyur pas so/ /de lta bu'i sems tsam du smra ba de ni dam pa snying rje dang ldan pa rnams kyis ci ltar dngos po zhen pa'i mtshan nyid can gyi g.yang sar mi ltung ba de ltar shin tu dam par gzung bar
 bya'o/ ci ltar gzung bar bya zhe na/ lung dang rigs pa'i gsang sngags bzang po btab pas zhes bya ba gsungs te/ lung dang rigs pa nyid sngags bzang po yin la de btab pas so/ /'di'i don ni ci ltar brjed byed kyi gdon gyis gzung ba la sngags
 btab pas zhi ba'i sgo nas g.yang sar ltung ba las 'dzin pa yin la/ de bzhin du sems tsam du smra ba 'di yang lung dang rigs pa'i gsang sngags bzang po btab pas dam du gzung bar bya ba'o zhes pa'o/ /da ni gzhan gyi dbang yod
 pa nyid gang bstan pa de yang dgag par bya ba'i phyir/ de'i phyir de ltar zhes bya ba la sogs pa gsungs te/ gnyis kyis stong pa'i phyir zhes bya ba ni gzung ba dang 'dzin pa dag gis stong pa'o/ /'di ni yod par gang gis shes par 'gyur
 zhes bya ba ni gzhan gyi dbang 'di yod par shes pa gang gis shes par 'gyur zhes pa'o/ /gal te shes pas ma shes kyang grub pa yin no zhe na/ lan mi bzung bar yod ces byar mi rung zhes bya ba gsungs te/ gang gis kyang ma shes ba de
 yod pa yin no zhes ji ltar 'grub/ de 'grel pas bstan par bya ba'i phyir/ gal te zhes bya ba la sogs pa gsungs te/ rang gi bdag nyid la byed pa 'gal ba'i phyir ro zhes bya ba ni rang la gang gis bya ba byed par mi rigs pa'i phyir ro/
 de la dpe bstan par bya ba'i phyir/ 'di ltar zhes bya ba la sogs pa gsungs so/ /de ni shes pa gzhan gyis 'dzin pa yang ma yin te zhes bya ba ni gzhan gyi dbang 'di ni rnam par shes pa gzhan gyis 'dzin pa nyid du yang mi rigs
 pa'o/ /rang gi grub pa'i mdza' dang 'gal ba'i phyir te zhes bya ba 'di bshad pa ni gal te zhes bya ba la sogs pa'o/ /gal te shes pa gzhan gyis shes pa gzhan yul du byed na yul gyis stong pa'i rnam par rig pa tsam yin no zhes bya ba'i
 rang gi grub pa'i mdza' gang yin pa de nyams par 'gyur te/ shes pa gcig la shes pa gzhan yul nyid du yod pas so/ /ji ltar shes pa'i yul shes pa gzhan yin pa de bzhin du phyi rol gyis don yang yin par 'gyur bas rang gi grub pa'i
 mdza' dang 'gal ba yin no/ /de la shes pa la 'dzin pa yod pa nyid du bsgrub pa yin 'dir smras pa zhes bya ba la sogs pa gsungs te/ gal te yang shes pa gzhan gyis shes pa gzhan 'dzin pa yod pa ma yin mod kyi/ 'on kyang ngo bo
 nyid kyis rang rig pa yin pas gzhan dbang grub par 'gyur ro zhe na'o/ /de la lan bstan par bya ba'i phyir/ de yang zhes bya ba la sogs pa gsungs te/ de yang zhes bya ba ni rang rig pa kho nas 'dzin pa nyid do/ /de nyid kyis zhes bya ba ni
 gzhan dbang gi dngos pos so/ /de zhes bya ba ni gzhan dbang ngo/ /ma grub pa yin zhes bya ba ni gang gi phyir rang rig ni rang gi ngo bo rang nyams su myong ba la/ de yang gcig nyid la byed pa dang/ bya ba mi 'thad pas rig pa ma yin no/ /de 'grel pas
 bstan par bya ba'i phyir/ de nyid kyi phyir zhes bya ba la sogs pa gsungs so/ /de la gzhan dag gi phyogs snga ma bstan par bya ba'i phyir/ 'dir kha cig gis zhes bya ba la sogs pa gsungs te/ rang gi bdag nyid ces bya ba ni me'i
 bdag nyid do/ /'od 'jug pas zhes bya ba ni me'i 'od zer rnams 'jug pa'i sgo nas so/ /sgras kyang zhes bya ba ni bum pa'i sgra skyes pa nyid na bum pa'i sgra la dmigs pa'i shes pa skye bar byed pa dang/ bum pa'i don la dmigs pa'i shes pa skyed par
 byed pa de bzhin du'o/ /de ltar dpe bstan nas/ don bstan par bya ba'i phyir/ rnam par shes pa yang zhes bya ba la sogs pa gsungs te/ rang gi bdag nyid ces bya ba ni shes pa'i bdag nyid do/ /gal te rang rig mi 'dod na me yang rang gis rang
 gi bdag gsal ba nyid ci'i phyir 'dod/ de'i phyir zhes bya ba la sogs pa ni mjug bsdu ba'o/ /de ltar dpe'i sgo nas rang rig grub par bstan nas/ dran pa'i mtshan nyid can gyi 'bras bu'i brtags kyi sgo nas rang rig bsgrub par bya ba'i phyir/ /gang
 zhig mi 'dod pa des kyang zhes bya ba la sogs pa gsungs te/ gzhan du na zhes bya ba ni gal te rang rig khas mi lan na'o/ /mthong ngo zhes dus phyis 'byung ba'i dran pas yul dran pas yul dran pa nyid du mi 'gyur te zhes bya ba ni bstan pa yin la
 de'i bshad pa ni ngas mthong ngo zhes bya ba la sogs pa gsungs so/ /'di'i don ni mthong bas khyad par du byas pa'i yul dran pa yin la/ dran pa yang nyams su myong ba dran pa yin gyi/ nyams su ma myong ba ni ma yin no/ /des na mthong ba la yang nyams su myong
 bas grub pas rang rig grub pa yin no zhes pa'o/ /de nyid kyi rgyu mtshan bstan par bya ba'i phyir/ ci'i phyir zhe na zhes bya ba la sogs pa gsungs so/ /dbu ma pa'i lugs ltar na/ shes pa la sgrub byed med pa nyid du bstan par bya ba'i phyir/ rang rig pa med
 pa'i phyir na zhes bya ba la sogs pa gsungs te/ 'dir shes pa nyams su myong bar 'dod na/ shes pa rang gis sam 'on te shes pa gzhan gyis/ de la re zhig rang rig gis ni ma yin te/ khyod kyi phyogs la rang rig med pa'i phyir ro/ /shes pa
 gzhan gyis nyams su myong bas sun 'byin pa ni shes pa gzhan gyi sa zhes bya ba la sogs pa gsungs so/ /de la rgyu mtshan bstan par bya ba'i phyir/ shes pa gzhan gyis nyams su myong na zhes bya ba la sogs pa gsungs te/ thug pa
 med par thal bar 'gyur ro zhes bya ba ni sngon po'i shes pa'i skad cig ma dang po gzhan gyis nyams su myong na de yang gzhan gyis yin pas thug pa med par thal bar 'gyur ro/ /de nyid rgyas par bstan par bya ba'i phyir/ 'di ltar zhes bya ba la sogs
 pa gsungs so/ /shes pa gzhan gyis nyams su myong ba la thug pa med par 'gyur ba'i skyon brjod nas skyon gzhan bstan par bya ba'i phyir/ shes pa yul gzhan zhes bya ba gsungs te/ thal bar 'gyur ro zhes tshig snga ma dang sbyar bar bya ste/ sngon po la
 bltos pa'i yul gzhan ser po la sogs pa yongs su mi gcod par thal bar 'gyur ba'o/ /de'i rgyu mtshan bstan par bya ba'i phyir/ rnam par shes pa'i rgyun zhes bya ba la sogs pa gsungs te/ sngon po'i shes pa skad cig ma dang po'i
 yul sngon po nyid yin pa la/ shes pa'i skad cig ma gzhan rnams kyi yul can ni shes pa snga ma snga ma yin pas so/ /gal te shes pa gnyis cig car skye zhing de la shes pa gcig gis yul gzhan yongs su gcod par byed la/ gnyis
 pas shes pa yongs su gcod par byed pa yin zhe na/ de la lan bstan par bya ba'i phyir/ sems can rnams rnam par shes pa'i rgyud gcig yin pa'i phyir zhes bya ba gsungs te/ gang gi phyir sems can rnams rnam par shes pa'i rgyud
 gcig nyid yin pa'i phyir cig car shes pa gnyis skye bar mi 'gyur ba'o/ /gal te gar mkhan gyi khang pa la sogs par zhugs pa'i tshe shes pa cig car du skye ba mthong ba yin te/ 'di ltar der zhugs pa'i de ma thag tu gar mkhan gyi
 gdong la dmigs pa'i mig gi rnam par shes pa dang/ gling bu la sogs pa'i sgra la dmigs pa'i rna ba'i rnam par shes pa dang/ ga pur la sogs pa'i dri la dmigs pa'i sna'i rnam par shes pa dang/ so rtsi la sogs pa'i ro myong ba'i dmigs pa lce'i
 rnam par shes pa dang/ gos la sogs pa la reg pas lus kyi rnam par shes pa nyams su myong ba'i phyir ci ltar cig car du shes pa mi skye zhe na/ de la lan bstan par bya ba'i phyir/ rnam par shes utpa la'i zhes bya ba la sogs pa gsungs te rnam
 par shes pa rim gyis 'byung ba rnams cig car du 'jug pa lta bur mngon po yin no zhes tshig sbyar bar bya'o/ /ci'i phyir zhe na/ 'jug pa myur bas zhes bya ba gsungs te/ gang gi phyir rnam par shes pa rnams myur du 'jug pa de'i
 phyir ro/ /ci lta bu zhe na/ utpa la'i 'dab ma brgya 'bigs pa ltar zhes bya ba gsungs te/ ci ltar khab kyis utpa la'i 'dab ma brgya 'bigs pa ltar de la khab kyis rim gyis 'bigs su zin kyang cig car 'bigs pa bzhin du 'dir yang shes pa
 rnams cig car du 'jug pa lta bur mngon pa yin gyi/ shes pa rnams cig car du 'jug pa ni ma yin no/ /des na shes pa gzhan gyis nyams su myong ba mi rigs pa'o/ /nyams su myong ba nyid kyang mi rigs pa te/ dran pa med pa thal bar 'gyur bas
 so/ /des na rang rig khas blang bar bya dgos so zhes bstan par bya ba'i phyir/ de'i phyir thug pa med pa'i zhes bya ba la sogs pa gsungs te/ de'i phyir zhes bya ba ni shes pa cig car du mi 'jug pa de'i phyir ro/ /de ltar na ni zhes bya ba ni rang
 rig khas blangs nas so/ /gnyis ka'i yul can gyi zhes bya ba ni shes pa dang shes bya dag gi'o/ /gnyis ka'i yul can gyi dran pa'i rnam pa ston pa ni/ nges mthong ngo snyam du zhes bya ba'o/ /de nyid rgyas par bstan par bya ba'i phyir/ shes pa'i
 rang bzhin zhes bya ba la sogs pa gsungs te/ de'i yul can gyi zhes bya ba ni shes pa'i rang bzhin gyi yul can gyi'o/ /mjug bsdu ba bstan par bya ba'i phyir/ de'i phyir zhes bya ba la sogs pa gsungs te/ ngas mthong ngo snyam du
 dus byis dran pa'i shes pa skye ba las nyams su myong ba'i shes pa skyes so zhes nges pa yin no/ /nyams su myong ba'i shes pa yang ci lta bu zhe na/ rang gi bdag nyid dang yul gyi bdag nyid myong zhes bya ba gsungs te/ rang dang gzhan nyams su myong ba'i
 rang bzhin can gang yin pa'o/ /khyad par gzhan yang ji lta bu zhe na/ gang la dus phyis gnyis ka'i yul can gyi dran pa skye ba zhes bya ba gsungs te/ rang gi bdag nyid dang gzhan gyi bdag nyid nyams su myong ba'i shes pa gang las rang
 gi bdag nyid dang gzhan gyi yul can gyi dran pa skye ba gang yin pa zhes pa'o/ /rang nyams su myong ba yod na zhes bya ba ni rang rig yod par gyur na'o/ /gzhan gyi dbang yod pa yin pas zhes bya ba ni rang rig gi sgo nas gzhan dbang grub
 pas so/ /'di nye bar bstan pa yin no zhes bya ba ni gzhan dbang gis yod par rtogs pa de rang rig yin no zhes bstan pa yin no/ /de la lan bstan par bya ba'i phyir/ de yang rigs pa ma yin no zhes bya ba la sogs pa gsungs te/ de yang
 rigs pa ma yin no zhes bya ba ni rang rig gis gzhan dbang yod pa nyid du mi rigs so zhes bya ba'i don to/ /mi rigs pa nyid bstan par bya ba'i phyir/ de nyid kyis de zhes bya ba la sogs pa gsungs te/ rang rigs gis gzhan dbang yod
 par grub pa ma yin no zhes bya ba'i don to/ /gzhan gyi dogs pa bsu bar bya ba'i phyir/ gal te bya ba la sogs pa gsungs te/ gal te phyis byung ba'i dran pas rang gi grub pa yin no snyam du sems na/ de la lan bstan par bya ba'i phyir
 ma grub ces bya ba la sogs pa gsungs te/ de la re zhig rang las ma yin zhes bya ba la sogs pa'i rigs pas rang rig dang dran pa dag ma grub pas rang rig sgrub pa'i don du ma grub pa'i dran pa sgrub byed du 'god pa rigs pa ma yin no zhes pa'o/ /'jig
 rten pa'i tha snyad du yang rang rig la bya ba byed pa 'gal bas rang rig ma grub pa'i phyir ma grub pa'i rang gi rgyu mtshan can du dran pa yang ma grub pas dran pa rang rig 'grub par 'gyur ba ma yin no zhes bya ba'i tha tshig go /de 'grel pas bstan par bya ba'i
 phyir/ de la gal te zhes bya ba la sogs pa gsungs te/ rdzas sgrub par byed pa'i dbang du byas nas zhes bya ba ni rdzas su gyur pa don dam pa'i rang rig sgrub par byed pa'i dbang du byas nas sam/ 'on te rdzas su gyur ba don dam pa'i dran pa gang yin
 pa de nyid sgrub par byed pa'i dbang du byas nas yin zhes pa'o/ /de skad du smra na ni zhes bya ba ni gal te phyi dus dran pa las 'grub na zhes brjod na'o/ /de'i tshe zhes bya ba ni rdzas sgrub par byed pa'i phyogs pa'o/ /dran pa mi srid pas zhes bya ba ni 'di
 ni nye bar mtshon pa tsam yin te/ rang rig pa nyid kyang mi srid pas so/ de nyid kyi phyir ma grub pa'i dran pas ma grub pa'i rang rig sgrub par 'gyur zhes bya ba gsungs so/ /'on te 'jig rten gyi tha snyad kyi dbang du yin na zhes bya ba ni rdzas sgrub par
 byed pa'i phyogs khas mi len na'o/ /de ltar na yang rang rig pa'i rgyu can gyi dran pa mi srid do zhes bya ba ni 'jig rten gyi tha snyad kyi dbang du byas nas yang rang rig pa ma grub pa'i phyir ro/ /de'i rgyu mtshan 'dri ba ni/ ci'i phyir zhe na zhes bya ba gsungs so/ /
 de la lan no/ gal te 'dir zhes bya ba la sogs pa gsungs te/ me bzhin du zhes bya ba ni ci ltar me de dang me de'i rgyu can gyi du ba mngon sum gyis grub pa de bzhin du gal te rang rig pa grub par gyur na de'i tshe de'i rgyu can gyi dran pa
 'grub par 'gyur ba las 'on kyang rang rig pa nyid ma grub pas de'i rgyu can gyi dran pa yang ma grub pa'i phyir dran pa'i sgo nas rang rig ci ltar rjes su dpog par byed ces ba'o/ /de ma des pa nyid du dpe'i sgo nas bstan par bya ba'i
 phyir/ 'di ltar zhes bya ba la sogs pa gsungs te/ de dag med par yang zhes bya ba ni nor bu chu shel dang nor bu me shel dag go /char la sogs pa yang zhes bya ba la sogs pa'i sgras ni gangs zhu ba la sogs pa bsdu bar bya'o/ /gtsubs shing gtsubs pa
 la sogs pa zhes bya ba la sogs pa'i sgras ni lcags kyi gong bu brdungs pa la sogs pa bsdu bar bya'o/ /de ltar ston par 'gyur ro/ /zhes bya ba ni gang gi phyir gang gis yul myong 'gyur de las zhes bya ba la sogs pas so/ /de med
 par med pas zhes bya ba ni rang rig med par de'i rgyu can dran pa yod pa ma yin no zhes bya ba'o/ /mig gis gzung bya nyid bzhin no zhes bya ba ni ci ltar sgra la mig gi gzung bya nyid ma grub pa de bzhin du dran pa yang rang rig gi 'bras bu nyid du
 ma grub pas rang rig sgrub byed du ci ltar 'gyur zhes pa'o/ /nga ni rang rig khas blangs kyang dran pa yod pa ma yin no zhes bsgrub par bya ba'i phyir/ ci ste de ltar zhes bya ba la sogs pa gsungs te/ de ltar rnam par dpyod pa btang nas kyang
 zhes bya ba ni rigs pa dor nas kyang ngo/ /de ltar zhes bya ba ni rang rig khas blangs su zin kyang dran pa mi rigs te de'i rgyu mtshan ston pa ni/ gzhan phyir ma shes zhes bya ba la sogs pa gsungs te/ shes pa'i rgyud yin pas na shes pa'i
 rgyud de byams pa'i shes pa'i rgyud ces bya ba'i don to/ /ma shes pa'i rgyud ni shes pa'i rgyud ma yin pa ste nyer spas kyi rgyud yin la/ de las skyes pa de bzhin du ste ci ltar byams pa'i shes pa'i rang rig pa de nyer spas kyi rgyud la
 skyes pa'i dran pa ma dran pa bzhin du'o/ /dran pa po'o dran pa mi rigs pa de ci'i zhe na/ de la lan ni/ gzhan phyir zhes bya ba gsungs te/ nyams su myong ba'i shes pa las dran pa'i shes gzhan yin te/ ji ltar nyer spas
 kyi dran pas byams pa'i shes pa mi dran pa de bzhin du dran pas kyang nyams su myang ba'i shes pa dran pa ma yin te/ gzhan yin pa'i phyir zhes pa'o/ /gal te nyams su myong ba'i shes pa dang/ dran pa'i shes pa dag rgyud gcig tu gtogs pa dang
 de bzhin du rgyu dang 'bras bu'i dngos po yang yin la/ byams pa dang nyer spas kyi shes pa dag ni rgyud gcig tu gtogs pa dang/ rgyu dang 'bras bu'i dngos po yod pa ma yin pa'i phyir gzhan yin pa tsam gyi sgo nas dran pa med par ci ltar sgrub
 ce na/ de la lan ni gtan tshigs 'dis ni khyad par dag kyang 'joms zhes bya ba gsungs te/ gzhan yin pa'i phyir zhes bya ba'i gtan tshigs 'dis rgyud gcig tu gtogs pa nyid dang/ rgyu dang 'bras bu'i dngos po'i mtshan nyid
 can gyi khyad par dag 'joms par byed pa'o/ /'di'i don ni ji ltar byams pa dang nyer spas kyi shes pa dag gzhan nyid yin du zin kyang rgyud gcig tu gtogs pa nyid dang rgyu dang 'bras bu'i dngos po ma yin pa de bzhin du 'dir yang gzhan
 yin pa de nyid yod pas rgyud gcig tu gtogs pa dang/ rgyu dang 'bras bu'i dngos por ci ltar 'gyur/ de 'grel pas bstan par bya ba'i phyir/ gal te yang zhes bya ba la sogs pa gsungs te/ de ltar na zhes bya ba ni rnam par dpyad na
 rang rig mi rigs pas rang rig khas blangs pa tsam du ston pa'o/ /de dag dran pa ni zhes bya ba ni rang rig dang yul lo/ /de la rgyu mtshan bstan par bya ba'i phyir/ dran pa'i shes pa ni zhes bya ba la sogs pa gsungs te/ sngar nyams su
 ma myong ba zhes bya ba ni nyer spas kyi shes pas byams pa'i shes pa nyams su ma myong bas so/ /ma shes pa'i rgyud la skyes pa ltar zhes bya ba ni nyer spas kyi rgyud la skyes pa'i shes pa bzhin no/ /nyams su ma myong ba'i phyir zhes
 bya ba ni dran pa'i shes pas sngar shes pa dang don dag nyams su ma myong bas so/ /dran par mi 'gyur ro zhes bya ba ni shes pa dang don dag go /ci ste zhes bya ba la sogs pa ni gzhan gyi dogs pa bsu ba yin te/ rgyu dang 'bras bu'i dngos
 po gnas pa'i phyir zhes bya ba ni skad cig ma snga ma dang phyi ma rnams rgyu dang 'bras bu'i dngos po nyid du gnas pa'i phyir ro/ /gtan tshigs 'dis zhes bya ba ni gzhan phyir zhes bya bas so/ /rgyu dang 'bras bu'i dngos po la sogs pa'i zhes bya
 ba la sogs pa'i sgras ni gzhan yin pa'i phyir rgyud gzhan du gtogs pa'i shes pa bzhin no zhes bya ba yang bsdu bar bya'o/ /khyod kyi ltar na ci ltar zhe na zhes bya ba ni gal te kho bo las gzhan yin pa'i phyir dran pa'i shes pas nyams su
 ma myong ba'i shes pa dran par mi rigs na khyod kyi 'dod pa ltar na ci ltar brjod par byed ce na'o/ /de la lan bstan par bya ba'i phyir/ brjod par bya ste zhes bya ba la sogs pa gsungs te gang gis yul myong 'gyur zhes bya ba ni
 sngon po'i shes pa gang gis yul nyis su myong bar 'gyur ba'o/ /de las dran pa 'di gzhan nga la yod pa min pa zhes bya ba ni yul shes pa de la dran pa'i shes pa gzhan ma yin pa'o/ /de'i phyir nga yis mthong snyam du dran pa 'gyur te zhes
 bya ba ni gang gi phyir nyams su myong ba'i dran pa las dran pa'i shes pa gzhan nyid ma yin pa de'i tshe gang nyams su myong ba'i shes pas gang nyams su myong ba de nyid dran pa'i shes pas kyang nyams su myong ba yin pas nga yis mthong snyam
 du dran par 'gyur ba'o/ /gal te shes pa rnams skad cig ma yin pa dang rang rig med pas ngas mthong ngo snyam du ji ltar dran zhe na/ de la lan ni/ 'di yang 'jig rten tha snyad tshul lugs yin zhes bya ba gsungs te/ 'jig rten pa'i tha snyad brtag
 dpyad kyi go skabs med pas na 'jig rten na ci ltar yod pa de ltar khas blang bar bya dgos pas so/ /des na 'jig rten pas rang rig med du zin kyang mthong ngo snyam pa'i tha snyad byed pas nyams su myong ba'i shes pa dag gcig tu zhen pa yin pas skyon yod
 pa ma yin no zhes pa'o/ /'di'i don ni gal te nyams su myong ba dang dran pa'i shes pa dag tha dad du khas len na de'i tshe rgyud gzhan du gtogs pa'i shes pa bzhin du dran par mi rigs so/ /gal te 'jig rten pa la bltos nas nyams su myong ba dang dran pa'i
 shes pa dag tha mi dad pa de'i tshe nyams su myong ba'i shes pa gang mthong ba de dran pas kyang mthong ba'i phyir ngas mthong ngo snyam pa 'byung bar 'gyur ba yin la/ de nyid kyi phyir dran pa rang rig gi 'bras bur 'gyur ba ma yin no/ /gzhan 'jig rten
 pas rang rig gi sgo nas tha snyad mi byed kyi/ 'on kyang yul nyams su myong ba'i sgo nas yin pas 'jig rten pa'i dbang du byas nas dran pa'i sgo nas rang rig pa 'grub pa ma yin no/ /de 'grel pas bstan par bya ba'i phyir/ gang gis yul myong
 ba ste zhes bya ba la sogs pa gsungs te/ de ltar ni sngar bshad zin to zhes bya ba ni/ gzhan phyir ma skyes rgyud la skyes pa bzhin/ /gtan tshigs 'dis ni khyad par dag kyang 'joms zhes bya bas so/ /dran pa dang yul dang
 ldan par 'byung la zhes bya ba ni dran pa nyams su myong ba'i shes pas nyams su myong ba'i yul dang ldan pa yin no zhes pa'o/ /mjug bsdu ba bstan par bya ba'i phyir/ gang gi phyir zhes bya ba la sogs pa gsungs te/ gang gi phyir nyams su 
 myong ba dang dran pa'i shes pa dag tha mi dad pa yin pa de ci'i phyir nyams su myong pa'i shes pa las gzhan du gyur pa'i dran pas rang rig pa yod pa nyid ni ma yin no/ /khyod kyi gzhan dbang gang gis 'dzin par 'gyur zhes bya ba ni
 khyod kyi phyogs la rang rig pa med pa'i phyir gzhan dbang gang gis 'dzin par 'gyur zhes pa'o/ /de ltar dran pa'i sgo nas rang rig mi 'grub par bstan nas/ rang rig ngo bo'i sgo nas kyang mi rigs pa nyid du bstan par bya ba'i phyir/ byed
 po las dang zhes bya ba la sogs pa gsungs te 'dir rang rigs ni bdag nyid kyis bdag nyid rig pa yin la/ bdag nyid kyis yin par khas len na bdag nyid byed pa por khas blangs pa yin la/ bdag nyid rig par bya ba yin
 pas bdag nyid bya bar yang khas blangs pa yin pa'i phyir dang/ rig pa zhes bya ba de yang tha dad pa med pa'i phyir byed pa dang las dang bya ba rnams gcig tu yang rig pa ma yin te/ gcig pa nyid la grub pa dang ma grub pa dag 'gal ba'i
 chos su thal bar 'gyur bas so/ /de nyid kyi phyir/ de nyid kyis de 'dzin par rigs ma yin zhes bya ba gsungs so/ /de 'grel pas bstan par bya ba'i phyir/ bdag rig byed do zhes bya ba la sogs pa gsungs te/ de nyid kyang byed pa po yin
 zhing zhes bya ba ni bdag nyid byed pa po yin na'o/ /de'i zhes bya ba ni bdag gi'o/ /bya ba zhes bya ba ni nyams su myong ba'i rang bzhin can no/ /'di dag gcig pa nyid du ma mthong ngo zhes bya ba ni lhas sbyin gyis zor bas brda'o zhes bya ba la sogs
 pa 'dir byed pa po dang las dang bya ba rnams tha dad pa nyid du mthong ba'i phyir ro/ /de la mdo'i khungs bstan par bya ba'i phyir 'phags pa lang kar gshegs pa las kyang zhes bya ba la sogs pa gsungs te/ ci ltar ral gri'i so la gcod par
 mi byed pa dang ci ltar sor mo rang nyid la reg par mi byed pa de bzhin du sems kyis kyang rang gi bdag nyid rigs pa ma yin no zhes pa'o/ /des na gzhan dbang la sgrub byed kyi tshad ma med pa dang/ gnod byed yod pa'i phyir gzhan dbang yod pa nyid du ma grub pa'o/ /gal
 te sgrub byed kyi tshad ma med pa dang/ gnod byed kyi tshad ma yod kyang gzhan dbang khas len na ni de'i tshe skyon bstan par bya ba'i phyir/ de'i phyir de ltar zhes bya ba la sogs pa gsungs te/ de ltar zhes bya ba ni sgrub byed med pa dang/ gnod byed yod pa'o/ /mi
 shes pa'i bdag can zhes bya ba 'dis ni sgrub par byed pa med pa nyid bstan pa yin la/ skye ba med cing zhes bya ba 'dis ni bdag las ma yin zhes bya ba la sogs pas skye ba ma grub pas gnod byed yod pa nyid du bstan pa yin no/ /gzhan dbang ngo bo'i
 dngos yod na zhes bya ba ni gal te sngon po la sogs pa snang ba'i bdag nyid can gyi gzhan dbang gi ngo bo yod par gyur na'o/ /gzhan la mo gsham bus gnod pa ci zhig bskyal/ /sems tsam du smra ba gzhan la mo gsham gyis bus gnod pa ci zhig
 byas te/ de yang yod pa nyid du khas blangs par bya dgos so zhes pa'o/ /gang gis na zhes bya ba ni gnod pa byas pas so/ /'dis zhes bya ba ni mo gsham gyi bu'o/ /de 'grel pas bstan par bya ba'i phyir/ gzhan gyi dbang zhes bya ba la sogs pa gsungs te/
 gong du spyir bstan pa yin la zhes bya ba ni bdag las ma yin zhes bya ba la sogs pas spyir skye ba bkag pa'o/ /ma shes pa'i bdag nyid can du yang bstan par bya ba yin zhes bya ba ni de lta na ni gzhan dbang la shes byed med pa nyid ston pa'o/ /'di
 zhes bya ba ni ma shes pa'i bdag nyid can du chos mtshungs kyang ngo/ /'di yang zhes bya ba ni mo gsham bu yang ngo/ /spros pa thams cad spangs shing zhes bya ba ni rnam par rtog pa thams cad las 'das pa'o/ /brjod du med pa'i rang bzhin can zhes
 bya ba ni sgra'i yul las 'das pa'o/ /de ltar gzhan gyi dbang yod pa nyid bkag nas dngos por btags par yod pa'i rgyur gyur pa dgag par bya ba'i phyir/ gang yang zhes bya ba la sogs pa gsungs te/ de yang zhes bya ba ni dngos po btags
 par yod pa'i rgyu mtshan du gyur pa yang ngo/ /cung zad yod min ni zhes bya ba ni de la sgrub par byed pa med pa dang/ gnod par byed pa yod pas so/ /kun rdzob kyi rgyur ni gang zhig 'gyur zhes bya ba ni sems tsam du smra bas khas blangs pa'i dngos por
 btags pa yod pa'i rgyur gyur pa'i gzhan dbang med pas sngon po dang ser po la sogs pa rnam par rtog pa rnams la rgyu ci yod de/ gzhan dbang la ma gtogs pa'i rgyur gyur pa cung zad kyang yod pa ma yin no zhes pa'i don to/ /des na sems
 tsam du smra ba rnams la kun rdzob kyi bden pa rgyun 'chad par 'gyur ba'o/ /de 'grel pas bstan par bya ba'i phyir/ kun rdzob rnams la zhes bya ba la sogs pa gsungs te/ rgyu gang yin pas zhes bya ba ni gzhan gyi dbang ste/ gzhan dbang
 rnams la rtog pa thams cad kyi rgyu nyid du khas blangs pa'i phyir ro/ /'di la zhes bya ba ni sems tsam du smra ba rnams la'o/ /yod pa ma yin pas zhes bya ba ni gzhan dbang med pas so/ /kye ma kyi hud ces bya ba ni shin tu nyam? thag pa'o/ /rdzas la chags
 pa yis zhes bya ba ni gzhan dbang gi mtshan nyid can gyi rdzas la chags pas so/ /gzhan gyi ltar na zhes bya ba ni sems tsam du smra ba rnams kyi ltar na'o/ /rnam bzhag kun zhes bya ba ni 'dug cig song zhig byos shig ces bya ba la sogs pa'o//
 brlag ces bya ba ni rnam par rtog pa'i rgyur gyur pa'i gzhan gyi dbang med pas so/ /de 'grel pas bstan par bya ba'i phyir/ shes rab med pas zhes bya ba la sogs pa gsungs te/ rdzas cha shas tsam la chags pa'i sgo nas zhes bya ba ni
 gzhan dbang tsam gyi cha shas la chags pa'o/ /gzhan gyi dbang gi bum pa so ma btang bar chu dang 'dra ba blugs nas zhes bya ba ni ci ltar bum pa so ma btang bar chu blugs na chu dang/ bum pa gnyis ka brlag par 'gyur la/ de bzhin du rnam par rtog pa'i rgyur
 gyur pa'i gzhan gyi dbang khas len na gzhan gyi dbang med pas rnam par rtog pa med pas kun rdzob kyi bden pa yang nyams par 'gyur ba'o/ /rang gi blo gros kyi tshul ngan pa'i phyir zhes bya ba ni sems tsam du smra ba'i blo gros kyi tshul zhen pas so/ /rgyud pa nyid
 'ba' zhig ces bya ba ni skyon 'ba' zhig go /mngon par mthong ba ni ma yin no/ /dge ba 'am shis pa ni yod pa ma yin no/ /de ltar sems tsam du smra ba rnams la kun rdzob kyi bden pa yang med pa nyid du bstan nas/ da ni de rnams la don dam pa'i bden pa yang
 yod pa ma yin no zhes bstan par bya ba'i phyir/ de'i phyir de ltar zhes bya ba la sogs pa gsungs te/ phyin ci log la zhes bya ba ni dngos po thams cad rang bzhin med pa yin pa las rnam par shes pa dngos po nyid du khas blangs pas so/ /slob dpon zhes bya
 ba ni sems tsam du smra ba rnams so/ /rang gi rnam par rtog pas sbyar ba'i lugs kyi lam kho nar zhugs pa zhes bya ba ni sems tsam du smra ba rnams kyis gnyis su med pa'i shes pa don dam par yod pa yin no zhes rang gi rnam par rtogs pas brtags
 pa'i lugs kyang yin pa de nyid las so/ /slob dpon klu sgrub zhabs kyi lam las ni/ phyi rol gyur la zhes bya ba ni stong pa nyid kyi lam las phyi rol du gyur pa rnams te/ rnam par shes pa rdzas yod du khas len pas so/ /zhi ba'i thabs med do zhes bya ba ni
 thar pa'i thabs yod pa ma yin no zhes bya ba'i tha tshig go /ci'i phyir zhe na zhes bya ba ni thar pa'i thabs med pa ci'i phyir zhe na'o/ /de la lan bstan par bya ba'i phyir/ 'di ltar zhes bya ba la sogs pa gsungs te/ kun rdzob de gnyid bden las nyams
 zhes bya ba ni kun rdzob dang don dam pa'i bden pa dag las yongs su nyams pa'o zhes pa'o/ /de las nyams pas zhes bya ba ni kun rdzob dang don dam pa'i bden pa las nyams pa'o/ /thar pa grub yod min zhes bya ba ni mya ngan las 'das
 pa 'grub par mi 'gyur te/ sems bskyed pa dang/ pha rol tu phyin pa'i spyod pa la sogs pa'i rang bzhin can kun rdzob kyi bden pa las nyams nas thar pa 'grub pa ma yin no zhes pa'o/ /yang ci'i phyir zhes bya ba la sogs pa ni thar pa mi 'grub
 pa'i rgyu mtshan 'dri ba'o/ /de la lan bstan par bya ba'i phyir/ bshad pa zhes bya ba la sogs pa gsungs te/ tha snyad bden pa thabs su gyur pa dang zhes bya ba ni kun rdzob kyi bden pa thar pa thob pa'i thabs su gyur pa ste/ de med na chos ston pa la sogs
 pa med pas so/ /don dam bden pa thabs byung gyur pa ste zhes bya ba ni chos bstan pa'i sgo nas sems bskyed pa la sogs pa la zhugs pa ste/ sgrib pa thams cad spangs pa'i chos kyi dbyings shin tu rnam par dag pa'i mtshan nyid can gyi byang  
 chub thob pas so/ /de gnyis rnam pa dbye ba gang gis mi shes pa zhes bya ba ni sems tsam du smra ba gang gis kun rdzob kyi bden pa dang don dam pa'i bden pa'i bden pa gnyis las 'di ni kun rdzob kyi bden pa'o/ /'di ni don dam pa'i bden
 pa'o zhes bya ba'i rnam par dbye ba mi shes pa'o/ /de ni rnam rtog log pas lam ngan zhugs zhes bya ba ni shes pa'i rang bzhin can gyi kun rdzob don dam pa nyid du khas blangs pa'i phyir sems tsam du smra ba de rnams kyis bden pa gnyis
 kyi rang bzhin ji lta ba bzhin du khong du ma chud pas lam ngan par zhugs pa'o/ /bden pa gnyis kyi rnam bzhag lung gi sgo nas bstan par bya ba'i phyir ro/ ji skad du zhes bya ba la sogs pa gsungs te/ 'jig rten mkhyen pas zhes bya ba ni
 bcom ldan 'das kyis so/ /ma gsan par zhes bya ba ni bcom ldan 'das rnams la slob dpon med par rang 'byung gi ye shes mda' bas so/ /gzhan la zhes bya ba ni gdul bya'i sems can rnams la'o/ /bden pa gnyis ka yin zhe na/ de la lan ni
 gang zhig kun rdzob de bzhin don dam ste zhes bya ba gsungs so/ /bden pa gnyis yin pa kho na ci'i phyir zhe na/ de la lan ni/ bden pa gsum pa gang yang ma mchis so zhes bya ba gsungs te/ kun rdzob kyi bden pa dang don dam pa'i bden pa las
 gzhan pa'i bden pa gsum pa med pa ste/ bcom ldan 'das kyis bden pa gzhan gsungs pa de rnams bden pa 'di gnyis su 'dus pa yin no zhes sngar bstan bcos mkhan pos so/ /'dis ni bden pa gnyis mdor bstan pa yin no/ /kun rdzob kyi
 bden pa bstan pa'i dgos pa bstan par bya ba'i phyir/ gang gis zhes bya ba la sogs pa gsungs te/ gang gis zhes bya bas ni kun rdzob kyi bden pa bstan pas so/ /dad pa skye 'gyur zhes bya ba ni dge ba dang mi dge ba'i las kyi sgo nas 'gro ba drug
 la sogs pa bstan pas bcom ldan 'das rnams bdag cag rnams la phan par mdzad pa nyid yin no snyam du rtogs nas dad pa skye bar 'gyur bas so/ /gang gi don du dad pa skye zhe na/ bde ba'i don du zhes bya ba gsungs te/ mngon par mthong
 ba dang/ des par legs pa'i mtshan nyid can gyi bde ba thob pa'o/ /'gro ba rnams kyi don slad du zhes bya ba ni 'gro ba rnams la phan pa'i don ched du'o/ /de'i bshad pa ni/ 'jig rten phan phyir zhes bya ba ste/ 'gro ba drug la sogs pa bstan
 pa'i sgo nas las dge ba las ni bde 'gro dang/ mi dge ba las ni ngan song yin no zhes bya bar khong du chud pa nas mi dge ba'i las spong zhing byang chub kyi sems la sogs pa dge ba'i las la 'jug pas 'jig rten la phan pa mdzad pas so/ /de ltar kun rdzob
 kyi bden pa bstan pa'i dgos pa bstan nas kun rdzob kyi bden pa'i rang bzhin shes par bya ba'i phyir/ sems can tshogs kyi zhes bya ba la sogs pa gsungs te/ bcom ldan 'das kyi sems can gyi tshogs kyi 'gro ba drug gang
 bstan pa de ni kun rdzob tu btags pa mdzad pa yin no zhes pa'o/ /'gro ba drug bstan par bya ba'i phyir/ sems can dmyal ba dang zhes bya ba la sogs pa gsungs te/ mtshungs med khyod kyis zhes bya ba ni mi'i 'gro ba'i bye brag bstan par bya ba'i
 phyir/ rigs dma' zhes bya ba la sogs pa gsungs te/ khyad par bstan pa'i mjug bsdu ba bstan par bya ba'i phyir/ 'gro ba'i khyad par zhes bya ba la sogs pa gsungs te/ mtshungs med khyod kyis zhes bya ba ni gzhan dang mtshungs pa med
 pa'i sangs rgyas bcom ldan 'das rnams kyis so/ /mi la de bstan to zhes bya ba ni kun rdzob kyi bden pa'o/ /de ni 'gro ba drug gi skyon bstan par bya ba'i phyir/ /'di la dga' ba'i zhes zhes bya ba la sogs pa gsungs te/ 'di la zhes bya ba
 ni 'gro ba drug po rnams la'o/ /'gro ba zhes bya ba ni 'gro ba drug gi dbye ba tha dad pa'o/ /'khor ba na zhes bya ba ni 'gro ba nas 'gro bar 'khyam pa'o/ /'gro ba'i chos brgyad la ni 'jug 'gyur te zhes bya ba ni 'jig rten pa'i chos brgyad la
 'jug par 'gyur pa'o/ /'jig rten pa'i chos brgyad gang zhe na/ the pa dang zhes bya ba la sogs pa gsungs te/ snyan pa dang mi snyan pa ni lkog tu'o/ /bstod pa dang/ smad pa ni mngon sum du'o/ /thob pa dang ma thob pa'i 'bras bu bstan
 par bya ba'i phyir/ thob pa rnyed na zhes bya ba gsungs te/ gal te rnyed pa thob par gyur na mi rnams la bltos pa byed par 'gyur ba'o/ /ma thob gyur na des kyang 'khrug par 'gyur zhes bya ba ni rnyed pa ma thob par gyur na mi rnams la
 la rab tu 'khrug par 'gyur ba'o/ /gang gzhan ma bstan tshul 'dis shes par bya zhes bya ba ni gzhan te 'jig rten pa'i chos drug gi 'bras bu ni mdor bsdu na 'dod chags dang zhe sdang gi mtshan nyid can yin par bya'o/ /de nyid kyi phyir/ nang rnams
 brgyad kyis de rgyun gnod par 'gyur zhes bya ba gsungs te/ 'jig rten gyi chos brgyad gang yin pa de rnams nad de/ 'dod chags dang zhe sdang bskyed pa'i sgo nas dmyal ba la sogs pa'i sdug bsngal gyi rgyu yin pas so/ /de rnams kyis dus
 rtag tu 'gro ba rnams la gnod pa byed par 'gyur ba'o/ /de ltar 'gro ba drug gi skyon bstan nas/ kun rdzob la don dam du phyin ci log tu 'dzin pa'i skyon bstan par bya ba'i phyir/ kun rdzob de la don dam du smra ba zhes bya ba la sogs
 pa gsungs te/ gang gis kun rdzob la don dam pa'i rang bzhin du rtog pa de nor pa'i blo gros dang ldan pa nyid du shes par bya'o/ /phyin ci log tu rtog pa nyid bstan par bya ba'i phyir/ mi sdug dang zhes bya ba la sogs pa gsungs te/ mi sdug pa
 ste mi gtsang ba'i dngos po gang yin pa la sdug pa ste/ gtsang ba nyid du smra ba dang/ sdug bsngal gyi dngos po gang yin pa de la bde ba'o/ zhes smra ba dang/ bdag med pa'i rang bzhin gang yin pa de bdag go zhes smra ba dang/ mi rtag pa'i
 chos la rtag pa'o zhes rjod par byed pa'o/ /de ltar dga' ste mtshan mar gang gnas pa zhes bya ba ni gang de ltar sdug pa la sogs pa la dga' ba de ni mtshan ma la gnas pa'o/ /de rnams kyis chos la gshe bas 'bras bu ngan song du
 skye ba yin no zhes bstan par bya ba'i phyir/ de dag ces bya ba la sogs pa gsungs te/ de dag ces bya ba ni mtshan ma la dga' ba'o/ /bde gshegs gsung ni thob 'gyur na zhes bya ba ni sangs rgyas bcom ldan 'das kyis dngos po
 rang bzhin med pa dang/ skye ba med par gsungs pa thos par gyur na rang bzhin med pa la 'jig shing sangs rgyas kyi gsung spong bar byed pa'o/ /ci'i phyir zhe na/ ji bzhin mi rtog pa ste stong pa nyid la gdod ma nas
 skye ba med pa'i don ma rtogs pas chad pa yi don du khong du chud nas zhes bya ba'i tha tshig go /tshul min zhes bya ba ni phyin ci log gi sgo nas te/ thabs yin pa zhes bya ba'i tha tshig go /bde ba tshol bgyid kyang zhes bya ba ni mngon mtho dang
 nges legs kyi mtshan nyid can gyi'o/ /de ltar kun rdzob kyi bden pa bstan nas/ bstan pa phyin ci ma log par rtogs pa'i blo gros can rnams kyi 'bras bu bstan pa'i sgo nas don dam pa'i bden pa bstan par bya ba'i phyir/ 'jig
 rten la phan pa'i zhes bya ba la sogs pa gsungs te/ ma log blo yis zhes bya ba ni kun rdzob kyi bden pa dang/ don dam pa'i bden pa'i dbye ba shes pas so/ /chos 'di thams cad rang bzhin med pa ste zhes bya ba ni chos 'di thams cad rang bzhin
 med pa ste/ ci'i phyir zhe na/ de la lan ni/ mtshan mas stong pa yin phyir zhes bya ba gsungs te/ rgyu med pa'i phyir ro zhes pa'i don to/ /don dam pa zhes bya ba ni rang bzhin med pa'i rgyu dang bral ba brjod du med pa gang yin pa de ni don dam pa yin no zhes pa'o//
 de lta bu thos nas ces gang bstan pa la dga' ba skye ba de dag bsams pa dang bsgoms pa'i sgo nas bla na med pa'i byang chub thob par 'gyur ba'o/ /de bzhin te zhes bya ba ni rang bzhin gyis stong par gzigs pa'o/ /dbang po'i grong ni zhes
 bya ba ni dbang po'i tshigs so/ /mjug bsdu ba bstan par bya ba'i phyir/ kun kyang zhes bya ba la sogs pa gsungs te/ dngos po thams cad phyin ci log par rang bzhin med par gzigs pa yin no zhes pa'o/ /de ltar kun rdzob dang don dam pa'i
 bden pa'i rnam pa'i dbye ba bstan nas kun rdzob kyi bden pa bstan pa ni thabs yin no zhes bstan par bya ba'i phyir/ 'dir tha snyad kyi zhes bya ba la sogs pa gsungs te/ yi ge med pa'i zhes bya ba ni brjod pa thams cad dang bral ba'o/ /chos zhes bya ba ni stong pa
 nyid can rtogs pa'i chos so/ /nyan pa gang dang ston pa gang zhes bya ba ni brjod pa thams cad las 'das pa la nyan pa dang/ ston pa dag mi srid pas so/ /brjod du med pa la sgro btags pas/ 'on kyang nyan cing ston pa yin zhes bya ba ni don dam par brjod du med par
 zin kyang ngo bo nyid kyis dben pa'i stong pa nyid la blos sgro btags nas nyan pa dang ston par mdzad pa'o/ /tha snyad kyis bden pa kho na la zhes bya ba ni kun rdzob kyi bden pa kho na la ste/ gzhan du na brjod pa dang rjod pa po la sogs pa'i spros pa med pas so/ /bstan bcos
 las zhes bya ba ni rtsa ba'i shes rab las so/ /tha snyad la ni ma brten par zhes bya ba ni 'jig rten pa'i shes pa dang shes bya dang/ rjod par byed pa dang/ brjod par bya ba'i mtshan nyid can gyi spros pa rnams khas ma blangs na don dam pa'i bden pa ston par mi nus la
 ma bstan pa ni khong du chud par ni mi nus la/ don dam pa'i bden pa khong du ma chud na ni mya ngan las 'das pa'i grong khyer thob par mi 'gyur la/ des na mya ngan las 'das pa thob pa'i thabs yin par nges pas ci lta ba bzhin du gnas pa'i kun rdzob kyi bden
 pa khas blangs par bya dgos te chu don du gnyer bas snod bzhin du'o/ /de la don dam pa'i bden pa ni thabs las byung bar gyur cing zhes bya ba ni don dam pa'i bden pa ni thob par bya ba can yin pas thabs las byung ba yin la/ don dam pa'i bden pa
 bstan pa la thabs las byung ba nyid du brjod pa ni nye bar btags pa yin te/ don dam pa'i bden pa khong du chud pa la ni bstan pa ma gtogs pa'i thabs gzhan med pas so/ /da ni gzhan gyis dbu ma pa la kun rdzob kyi bden pa'i rnam bzhag mi 'thad pa nyid du
 ston pa ni/ 'dir smras pa zhes bya ba la sogs pa gsungs te/ smras pa zhes bya ba ni sems tsam pas so/ /khyod kyis zhes bya ba ni dbu ma pas so/ /kho bo cag la zhes bya ba ni sems tsam du smra ba rnams la'o/ /shin tu bltos pa med par smra na
 zhes bya ba ni kun rdzob dang don dam pa'i bden pa las nyams par brjod pas so/ /nged cag kyang zhes bya ba ni sems tsam du smra ba rnams kyang ngo/ /khyod la zhes bya ba ni dbu ma pa rnams la'o/ /gzhan gyi phyogs sun 'byin pa can la mkhas par zhes bya ba
 ni sems tsam du smra ba'i phyogs sun 'byin pa tsam la mkhas par 'gyur pa'o/ /gzhan gyi phyogs sun 'byin pa tsam la mkhas pa zhes bya ba'i don de nyid ston pa ni/ 'thad pas mi rigs pa'i phyir zhes bya ba la sogs pa gsungs so/ /kho bo cag
 gis kyang zhes bya ba ni sems can du smra ba rnams kyang ngo/ /khyod la grags pa'i zhes bya ba'i dbu ma pa rnams la grags pa'o/ /ji skad du smras pa'i 'thad pa kho nas zhes bya ba ni/ bdag las ma yin gzhan las min zhes bya ba la sogs pa gnod
 byed pa bkod pa dang khyod kyi gzhan dbang gang gis 'dzin par 'gyur zhes bya bas gzhan dbang gis 'dzin par 'gyur yod pa'i sgrub byed med pas so/ /de la co 'dri ba'i sgo nas lan bstan par bya ba'i phyir/ gal te zhes bya ba la sogs pa
 gsungs te/ gal te khyod rangs par 'gyur na 'gyur la rag ste kho bo cag gis mngon par mtho ba dang dge ba nyid du 'gyur ro zhes sbyar bar bya ste/ rgyu mtshan gang gis rangs par 'gyur na/ de la lan ni slar 'phrogs pa bzhin du bya ba smras so/ /rdzas
 phyir 'phrogs pa'i bya bas so/ /de yang ji ltar zhe na/ dug dang bcas pa'i zas byin nas zhes bya ba gsungs so/ /gang la zhe na thog ma med pa'i dus na dka' ba brgya phrag gis bsags pa'i nor gyi tshogs 'phrog pa po la zhes bya ba la sogs pa
 gsungs so/ /mngon par mtho zhing zhes bya ba ni dga' ston du gyur pa'o/ /'di'i don ni gal te sems tsam du smra ba rnams kyis sems tsam 'phrog pa'i dbu ma pa rnams la kun rdzob 'thad pa kho nas mi rigs pa'i phyir zhes dbu ma pa la skyon 'gel bar byed na de ni kho bo
 cag gis 'dod pa kho na yin no zhes pa'o/ /mngon par mtho ba de nyid bstan par bya ba'i phyir/ 'di ltar zhes bya ba la sogs pa gsungs te/ gang gi phyir sems tsam du smra ba khyod kyis gzhan gyi dbang gi dngos po 'thad pas rigs pa yin no zhes rang dgar ci
 ltar khas len pa de bzhin du kho bo cag gis kun rdzob khas ma blangs pas so/ /'o na ci ltar zhe na/ 'bras phyir zhes bya ba la sogs pa gsungs te/ 'thad pas rigs pa ma yin no zhes smras pa'i sgo nas kun rdzob 'di med du zin kyang yod do zhes brjod pa ni kun
 rdzob bzlog pa'i don du ste/ bstan pa'i kun rdzob kyi sgo nas shes pa dang shes bya la sogs pa'i mtshan nyid can gyi spros pa thams cad zlog par 'gyur bas so/ /de 'grel pas bstan par bya ba'i phyir/ ji ltar zhes bya ba la sogs pa gsungs te/ 'thad
 pas rigs pa ma yin no zhes pa'i sgo nas rang dbang du byas nas zhes bya ba ni 'jig rten pa dor nas 'thad pas rigs pa yin no zhes blangs nas so/ /rang gi gzhung lugs kyis zhes bya ba ni sems tsam du smra ba'i grub mdza' la brten nas so/ /de ltar kho
 bos kun rdzob ma yin te zhes bya ba ni sems tsam du smra ba bzhin du kho bos rang dbang la brten nas ni brjod pa ma yin no zhes bya ba'o/ /yod pa ma yin zhes bya ba ni 'jig rten 'di rjes su 'brangs nas bstan pa'i kun rdzob bo/ /de zlog pa'i thabs yin
 pa'i phyir ro zhes bya ba ni kun rdzob kyi bden pa ldog pa'i thabs yin pas so/ /kun rdzob 'jig rten pa'i rjes su 'brangs nas bstan pa la khungs bstan par bya ba'i phyir/ ji skad du zhes bya ba la sogs pa gsungs te/ ji ltar nga dang lhan cig rtsod kyi
 zhes bya ba ni nga'i yul dang 'gal ba des khas blangs pas so/ /nga ni 'jig rten dang mi rtsod de zhes bya ba ni des khas blangs pa ngas kyang khas blangs pas so/ /de rgyas par bstan par bya ba'i phyir/ 'jig rten na zhes bya ba la sogs pa gsungs so//
 gal te 'jig rten na kun rdzob yod par ma gyur na de'i tshe ngas kyang khas len pa ma yin zhes bya ba bstan par bya ba'i phyir/ ji ltar zhes bya ba la sogs pa gsungs te/ phung po spangs nas zhes bya ba ni gzugs la sogs pa'i phung po rnams
 dor nas so/ /zhir zhugs pa zhes bya ba ni phung po lhag ma med pa'i mya ngan las 'das par zhugs pa'o/ /dgra bcom pa rnams la zhes bya ba ni zag pa zad pa rnams la'o/ /yod pa nyid min zhes bya ba ni kun rdzob bo/ /de ltar na zhes bya ba ni dgra bcom
 pa rnams bzhin du'o/ /de bzhin du zhes bya ba dgra bcom pa rnams bzhin du'o/ /'di zhes bya ba ni kun rdzob bo/ /'di'i don ni gal te dgra bcom pa bzhin du 'jig rten pa rnams la yang phung po snang ba med par gyur na de'i tshe 'jig rten pa'i rjes su 'brangs nas kyang kho bos kun rdzob khas blang bar mi bya'o
 zhes pa'o/ /de 'grel pas bstan par bya ba'i phyir/ dgra bcom pa zhes bya ba la sogs pa gsungs te/ bdag nyid thams cad du kun rdzob yod pa ma yin pa zhes bya ba ni phung po lhag ma med par mya ngan las 'das pa rnams phung po rnams
 rgyun chad pas so/ /de bzhin du zhes bya ba'i bshad pa ni dgra bcom pa la sogs pa'i phung po la sogs pa bzhin du bya'o/ /'di dag ces bya ba ni kun rdzob bo/ /gzhan la rag las pa nyid kyis zhes bya ba ni 'jig rten la rag las pas so/
 gang gis zhes bya ba ni 'jig rten pas so/ /de kho na la zhes bya ba ni 'jig rten pa la'o/ /gzhan la bltos nas ni ma yin no zhes bya ba ni 'jig rten pa ma yin pa la'o/ /gzhan la bltos nas ni ma yin no zhes bya ba 'di'i don bstan
 par bya ba'i phyir/ gal te khyod la zhes bya ba la sogs pa gsungs te/ kun rdzob 'di khyod kyis 'jig rten kho na dgag par gyis shig dang/ kho bo ni kun rdzob 'jig rten pa kho na la zhugs pas so/ /khyod la 'jig rten mi gnod na zhes bya ba ni gal te sems
 tsam du smra ba khyod la snang bzhin pa'i chos rnams yod pa ma yin par ci ltar bstan/ /zhes 'jig rten pa'i gnod pa yod par mi 'gyur na zhes pa'o/ /des na khyod dang 'jig rten 'dir ni rtsod gyis dang zhes bya ba gsungs te/ gal te 'jig rten gyi
 gnod pa yod pas kun rdzob 'gog na khyod dang 'jig rten dag kun rdzob dgag pa'i don du rtsod par gyis shig dang zhes pa'o/ /phyi nas stobs ldan bdag gis brten par bya zhes bya ba ni gnyis po dag rtsod pa las na gang rgyal ba de la bdag gis
 brten par bya ste 'jig rten gyi gnod pa yod pas 'jig rten rgyal bar gyur na 'jig rten kho na la brten par bya'o zhes pa'o/ /de 'grel pas bstan par bya ba'i phyir/ kho bo cag ni zhes bya ba la sogs pa gsungs te/ 'jig rten gyi kun rdzob ldog par
 bya ba'i phyir zhes bya ba ni gang 'jig rten la bltos pa'i shes pa dang shes bya la sogs pa'i mtshan nyid can gyi spros pa yin la/ de bzlog par bya ba'i ched du ste/ stong pa nyid mngon du bya ba'i don du zhes pa'o/ /lhag ma go sla'o/ /da ni lung gi
 gnod pa bstan par bya ba'i phyir/ 'dir smras pa zhes bya ba la sogs pa gsungs te/ smras pa zhes bya ba ni sems tsam du smras pas so/ /khyod kyi zhes bya ba ni dbu ma pas so/ /lung gi gnod pas 'jigs pas zhes bya ba ni/ 'chad par 'gyur ba'i
 lung gi gnod pas 'jigs nas so/ /lung gi gnod pa bstan par bya ba'i phyir/ ji skad du zhes bya ba la sogs pa gsungs te/ de zhes bya ba ni byang chub sems dpa' o/ /brjod par bya ste zhes bya ba la sogs pa ni lung gi gnod pa spang bar bya ba'i
 don du co 'dri ba sngon du 'gro ba'i sgo nas lan ston par byed pa yin te/ /bde bar gshegs pa'i gsung gi nor bu anda rnyil las sbyar ba'i mdo sde'i sa gzhi bstar ba la zhes bya ba ni bde bar gshegs pa ste sangs rgyas
 bcom ldan 'das yin la/ gsung ni ngag ste de nyid nor bu anda rnyil yin la/ des gang sbyar ba ni mdo sde'i sa gzhi bstar ba de la'o/ /dper na khang pa 'ga' zhig gis gzhi khyad par can du bya ba'i don du nor bu anda rnyil las so
 gzhi legs par bstar bar byed pa de bzhin du 'dir yang bcom ldan 'das kyi gsung nyid nor bu anda rnyil yin la/ des sbyar ba'i mdo sde ni sa gzhi bstar ba'o/ /rnam par shes pa dngos por smra ba'i chu'i rnam par yongs su gyur pa zhes
 bya ba ni rnam par shes pa dngos por yod do zhes smra ba gang yin pa de nyid chu'i rnam pa can du yongs su 'gyur bar 'khrul pa yin la/ de gang la yod pa de la de skad ces bya'o/ /ji ltar bai DUrya'i rang bzhin gyis sa gzhi bstar ba la 'jig rten pa rnams
 la chu ru 'khrul pa skye ba de bzhin du sems tsam pa rnams la mdo sde rnams su rnam par shes pa dngos po'i rang bzhin du gsungs pa yin no/ /snyam pa'i chur 'khrul pa dang mtshungs pa'i 'khrul pa skye ba yin no zhes pa'i don to/ /de'i rang bzhin gyi khyad
 par ma zin par byas na zhes bya ba ni bai DUrya'i sa gzhi bstar bar ma rtogs pa de bzhin du mdo sde'i don khong du ma chud par ro/ /rnam par shes pa dngos por smra ba'i chu tsam zhig bcu bar 'dod pas zhes bya ba ni dper na baiDUrya sa bstar ba'i sa gzhi la chur
 'khrul pas chu bcu bar 'dod pa 'byung ba de bzhin du mdo sde rnams la sems tsam du smra ba rnams la rnam par shes pa dngos po nyid du chu la bcu bar 'dod pa 'byung ba yin no zhes pa'o/ /rang gi blo gros kyi sa'i bum pa so ma btang ba bshal zhing
 bsnyugs nas zhes bya ba ni sems tsam du smra ba'i rang gi blo gros nyid sa'i bum pa so ma gtang ba yin te/ blo gros yongs su ma smin pas so/ /de bshal zhing bsnyugs pas so/ /dper na 'ga' zhig bai DUrya sa gzhi bstar ba la chu bcu pa'i don du bum pa so ma btang ba bsnyugs par byed pa de bzhin
 du'o/ /dum bu rnam pa brgyar klog pa na zhes bya ba ni sa gzhi bstar ba mkhregs pa yin pas de bum pa so btang yang bsnyug par byed na dum bu brgyar gyur pa srid pa yin la/ de bzhin du sems tsam pa'i rang gi blo gros kyis rnam par shes pa dngos po
 chu bcu bar bya ba'i don du mdo sde'i sa gzhi bstar ba la bsnyugs par byed na rigs pas mi mthang pa'i phyir dum bu rnam pa brgyar klog par 'gyur ro/ /bdag nyid ces bya ba ni sems tsam pa'i bdag nyid do/ /de'i rang bzhin shes pa rnams kyi zhes bya ba ni
 in+d+ra ni la mdo sde'i sa gzhi bstar ba'i rang bzhin shes pa rnams kyi 'o/ /mdo sde'i dgongs pa 'di ni zhes bya ba la sogs pa ni khams gsum pa 'di ni sems tsam ste zhes bya ba'i mdo der phyi rol gyi don bkag pa'i sems tsam nyid yod pa yin no
 zhes bya ba'i dgongs pa de ltar na yin no zhes pa'o/ /dgongs pa'i khyad par 'dri ba ni/ yang 'dir mdo'i don ci zhig yin zhes bya ba gsungs so/ /de la lan bstan par bya ba'i phyir de'i phyir bshad pa zhes bya ba la sogs pa gsungs te/ mngon
 gyur zhes bya ba la sogs pa ni byang chub sems dpa' mngon du gyur pa la mngon par phyogs pas srid gsum ste/ ma khams gsum sems tsam nyid du rtogs pa yin pas de la dgongs pa'o/ /de la dgongs pa 'di yin te/ byang chub
 sems dpa' nges byed pa po ni sems tsam yin par rtogs pa yin te/ ji ltar khong du chud ce na/ rtag bdag byed po bkag par rtogs phyir zhes bya ba gsungs te gzhan gyis bdag rtag pa dge ba dang mi dge ba la sogs pa'i byed pa
 por 'dod pa de bkag nas sems nyid byed pa nyid du rtogs pa yin no zhes pa'o/ /'di'i don ni khams gsum pa ni sems tsam ste zhes gsungs pa de phyi rol gyi don 'gegs pa la gzhol ba ma yin gyi/ 'on kyang bdag la sogs
 pa rnams byed pa po yin pa bkag nas sems kho na byed pa por bstan pa yin no zhes pa'o/ /sems kho na byed pa po nyid du bstan par ci ltar shes zhe na/ de la lan bstan par bya ba'i phyir/ gang gi phyir mdo de nyid las zhes bya ba la sogs
 pa gsungs te/ lugs su byung ba'i rnam par shes bya ba ni ma rig pa'i rkyen gyis 'du byed yin la 'du byed kyi rkyen gyis rnam par shes pa'o zhes bya ba la sogs pa'i tshul gyis so/ /sdug bsngal gyi phung po zhes bya ba ni sdug bsngal gyi tshogs
 so/ /sdug bsngal gyi ljon pa zhes bya ba ni yang nas yang du 'bras bu sdug bsngal 'byin pas so/ /byed pa po dang tshor ba po med par zhes bya ba ni sdug bsngal gyi phung po 'di la dge ba dang mi dge ba'i las rnams la bdag la sogs pa'i byed pa po
 gang yang med pa dang/ dbang phyug la sogs pa bzhin du dge ba dang mi dge ba'i tshor ba po med pa'o/ /de zhes bya ba ni rten cing 'brel par 'byung ba so sor khong du chud par byed pa la'o/ /byed pa po la mngon par zhen pas las rnams long
 par 'gyur ro zhes bya ba ni gal te bdag la sogs pa byed pa po 'ga' zhig yod par gyur na de'i tshe de la bltos nas bya ba 'jug par 'gyur ba yin te/ bya ba thams cad byed pa po la rag lus pa'i phyir ro/ /de nyid kyi phyir/ gang na zhes
 bya ba la sogs pa gsungs te/ 'di ni sems tsam ste zhes bya ba ni byed pa po dang tshor ba po dang bral ba'o/ /rab tu phye ba ste zhes bya ba ni khams dang/ 'gro ba'i bye brag gis so/ /de'i phyir mdo 'dis ni byed pa po gzhan bkag pa'i sgo nas
 sems kho na byed pa po nyid du gsungs pa yin no zhes mjug bsdu ba bstan par bya ba'i phyir/ de'i phyir de ltar zhes bya ba la sogs pa gsungs te/ kun rdzob tu zhes bya ba ni ma brtags par nyams dga' ba 'di yod na 'di 'byung ngo zhes bya ba'i rten cing
 'brel par 'byung pa brtsams las so/ /byang chub sems dpa' i nges tshig bstan par bya ba'i phyir/ byang chub ces bya ba la sogs pa gsungs te/ de la bshad pa dang po'i sems pa zhes bya ba'i sgras ni bsam pa rjod par byed pa'o/ /gnyis pas ni
 yod pa nyid brjod pa yin no/ /gsum pas ni gang zag brjod pa'o/ /bar gyi tshig mi mngon par byas pa'i tshig bsdu ba'o zhes bya ba ni nges pa zhes bya ba ni tshig de mi mngon par byas pa yin no zhes pa'o/ /mdo'i don bshad nas
 zhes bya ba ni sems byed pa po'i mtshan nyid can no/ /don 'di nyid ces bya ba ni sems byed pa po'i mtshan nyid can no/ /de'i phyir zhes bya ba la sogs pa ni gang gi phyir bdag la sogs pa bkag nas sems kho na byed pa po yin pa de'i phyir ro/ /blo
 ldan zhes bya ba ni byang chub sems dpa' rnams so/ /blo ni 'phel bya'i phyir zhes bya ba ni blo gros 'phel bar bya ba'i ched du'o/ /mu stegs spo mthon ri 'joms zhes bya ba ni mu stegs pa nyid spo mthon po'i ri yin la/ de 'joms par byed
 pa ste/ ci ltar thog gis ri bo 'joms par byed pa de bzhin du bcom ldan 'das kyi gsung gi rdo rjes mu stegs kyi spo mthon po'i ri bo 'joms par byed pa'o/ /gang las gsungs she na lang kar gshegs pa'i mdo zhes bya ba la sogs
 pa gsungs te/ yod pa bcad phyir zhes bya ba ni gang zag la sogs pa yod pa nyid dgag pa'i ched du'o/ /'dis ni zhes bya ba ni gang zag ces bya ba la sogs pa'o/ /gang zag ces bya ba ni gang phung po 'di dor nas phung po gzhan nye
 par len pa'i gang zag ni yod pa yin no zhes bye brag tu smra ba rnams kyis brjod pa lta bu'o/ /rgyun dang zhes bya ba ni sems kyi rgyu no phung po dang zhes bya ba ni gzugs dang tshor ba la sogs pa'o/ /rkyen dang zhes bya ba ni rgyu la sogs
 pa'i rkyen bzhi'o/ /rdul dag dang zhes bya ba ni sngon po la sogs pa snang ba'i dbyibs su gyur pa'o/ /gtso bo zhes bya ba ni phyis 'chad par 'gyur ba'i rang bzhin no/ /dbang phyug ces bya ba ni 'gro ba thams cad sprul bar byed pa'o/ /de nyid kyi phyir byed pa po
 zhes bya ba smos so/ /byed pa po zhes bya ba'i tshig ni thams cad la sbyar bar bya'o/ /sems tsam du ni ngas bshad do zhes bya ba ni 'di las gzhan pa'i byed pa po gzhan med pas so/ /des na mdo gzhan du yang byed pa po gzhan bkag pas sems tsam mo
 zhes bya ba la sogs pa'i dag 'di ni byed pa po gzhan bkag pa yin gyi/ phyi rol gyi don bkag pa ni ma yin no zhes pa'o/ /'di'i don dgrol ba'i phyir zhes bya ba ni bstan bcos mkhan po nyid kyis so/ /de de las zhes bya ba ni bye brag tu smra ba dang
 mu stegs pa'i bstan bcos la sogs pa las so/ /de dag ces bya ba ni gang zag la sogs pa'o/ /ji bzhin rang gi zhes bya ba ni grub mdza' i rjes su 'brangs nas so/ /de dag ces bya ba ni gang zag la sogs pa'o/ /de dag sangs rgyas bcom ldan 'das
 rnams kyis byed pa po nyid du ma gzigs nas 'jig rten gyi byed pa po ni sems tsam yin no zhes gsungs pa'o/ /de la gang zag dang gtso bo dag ni phyis 'gegs par 'gyur ro/ /rgyun ni sems la tha dad du gyur pa mi snang ba'i phyir sems kyi bdag
 nyid can kho na yin no/ /gzugs kyi phung po ni rnam par shes pa med na mi snang ba'i phyir sems kyi bdag nyid can kho na'o/ /gzhan rnams ni sems las byung ba'i khongs su 'dus pas so/ /ldan pa ma yin pa ni btags pa tsam yin pas so/ /rkyen
 nyid kyang sems kho na yin te/ de'i stobs kyis dge ba dang mi dge ba'i las kyi rnam par bzhag pa byed pas so/ /rdul rnams kyang phyogs cha'i dbye bas brtags na mi 'thad pa'i phyir sems kho na byed pa po nyid bstan pa yin no zhes bya ba'i tha tshig go /
 'dir yang don dam pa'i sems ni byed pa por gyur pa yin gyi/ 'on kyang gang zag la sogs par mngon par zhen pa spang ba'i ched du de ltar gsungs pa yin te/ gzhan du na bdag las ma yin zhes bya ba la sogs pas sems kyang ma grub pas de
 skad du ji ltar brjod par bya/ mu stegs pa rnams kyi zhes bya ba ni phal che ba'i dbang du mdzad nas gsungs pa yin gyi/ phal cher de rnams kyis gang zag la sogs pa bstan pa yin te/ gzhan du na bye brag tu smra ba rnams kyis kyang gang zag byed
 pa po nyid du khas blangs bas mu stegs pa rnams kyi zhes bya ba ji ltar brjod/ de nyid kyi phyir chos 'di pa dag gis kyang zhes bya ba la sogs pa gsungs so/ /rnam pa gcig tu na zhes bya ba ni bye brag tu smra ba rnams dang mu stegs pa rnams mtshungs
 pa'i phyir de dag kyang mu stegs pa yin no zhes bstan par bya ba'i phyir/ don phyin ci ma log par khong du ma chud pa'i phyir zhes bya ba gsungs te/ gang zag la sogs pa rnams rigs pas ma grub pa'i phyir drang ba'i don du bstan pa ma rtogs nas de dag gi
 don dam pa nyid du brtags pas so/ /khyab par byed pa kho na'o zhes bya ba ni chos 'di pa rnams kyang mu stegs pa rnams dang mtshungs pa'i phyir ro/ /nges par bstan pa 'di ni zhes bya ba ni mu stegs pa rnams zhes bya ba'i tha tshig gis so/ /ji skad du zhes
 bya ba ni rgyal po la gdams pa'i rin po che phreng ba las so/ /gang zag phung po smra ba'i zhes bya ba la sogs pa ni dmigs pa dang bcas pa thams cad dang thun mong ma yin pa'i chos 'di yin no zhes ston par byed pa yin te/ de la grangs can ni grangs kyi
 bstan bcos kha ton byed pa'o/ /'ug phrug ces bya ba ni 'ug pa'i slob ma ste bye brag pa'o/ /gang zag dang phung por smra ba ni gang zag phung por smra ba ste bye brag tu smra ba la sogs pa rnams so/ /de dang bcas pa'i 'jig rten pa rnams la
 yod pa dang med pa dag las 'das pa mdza' gnyis dang bral ba'i de kho na nyid yod dang med ces dris shig dang smra 'am ste smra bar mi 'gyur ro zhes bya ba'i tha tshig go /gal te grangs can la sogs pas ci'i phyir mi brjod ce na/ gang gi phyir re zhig
 grangs can pa rnams skyes bu dang rang bzhin dag yod pa nyid khas len cing sa la sogs pa rnams bskal pa chen po'i bar du yod pa nyid dang/ de'i phyir 'jig rten pa nyid du khas len pa 'ug phrug pas kyang rdul phra rab gcig dang gnyis la sogs
 pa'i rim pas byas pa'i bum pa la sogs pa rnams la yod pa dang med pa nyid du khas len pa'o/ /gos med pas kyang thams cad thams cad kyi bdag nyid yin pa dang thams cad thams cad kyi bdag nyid ma yin pa nyid du khas len pa'o/ /de bzhin sogs ni yod pa nyid
 yin la/ gzhan ni yod pa ma yin no zhes khas len pa'o/ /gang zag dang phung por smra ba dag gis ni gang zag dang phung po la sogs pa yod pa nyid du khas len pa dang/ 'das pa dang ma 'ongs pa dag ni med pa yin zhes khas len pa'o/ /de ltar yod pa dang med
 pa las 'das pa ni gang yang yod pa ma yin no snyam du bsams nas dris shig ces smos pa yin no/ /de'i phyir zhes bya ba ni bstan ma theg pa'i rgyu mtshan gyis so/ /yod med las 'das pa zhes bya ba ni yod pa dang med pa'i mdza' las 'das pa'o/ /'chi
 med ces bya ba ni mya ngan las 'das pa ni 'chi ba med pa yin la/ de thob par byed pa'i thabs yin pas na bstan pa de la de skad ces bya'o/ /zab mo zhes bya ba ni mu stegs pa rnams kyis rtogs par mi nus pa'i phyir ro/ /bstan pa zhes bya ba ni blang
 bya dang dor bya dag blang ba dang dor bar ston pa gang yin pa'o/ /chos kyi khung pa yin shes kyis zhes bya ba ni thun mong ma yin pa nyid du shes par gyis shig ces pa'o/ /phyi rol pa nyid du rig par bya'o zhes bya ba ni phung po la sogs pa la
 mngon par zhen pa de dag la ni mu stegs pa nyid du brjod par bya'o zhes pa'o/ /de nyid kyi phyir zhes bya ba ni mu stegs pa rnams kyis zhes rtsa ba'i tshig gis bstan pas so/ /'o na mu stegs gang zhe na/ 'khor ba 'di ni zhes
 bya ba la sogs pa gsungs te/ rtog pa zhes bya ba ni phung po la sogs pa byed pa po'i mtshan nyid can no/ /'di ni rtog pa rnams kyang srid pa par 'gyur pa yin no zhes bstan pa yin la/ da ni rtog pa 'di
 rnams da ltar yang yod pa yin no zhes bstan par bya ba'i phyir/ 'di ltar da ltar nyid du yang zhes bya ba la sogs pa gsungs te/ dge slong skya bseng la sogs pa dag la zhes bya ba ni gcer bu pa'i dge slong
 rnams la'o/ /byed pa po gzhan bkag pas zhes bya ba ni phung po la sogs pa rnams byed pa po nyid bkag pas so/ /don byas zin pa'i phyir zhes bya ba ni dgos pa bsgrubs zin pas so/ /tsam gyi sgras
 zhes bya ba ni sems tsam 'jig rten byed pa por gsungs zhes bya ba 'dir tsam gyi sgra gang smos pa nges so/ /shes bya 'gog par mi nus par brjod nas zhes bya ba ni byed pa po gzhan bkag pa'i dgos pa yod pa'i
 phyir ro/ /rnam pa gzhan du bshad pa las kyang zhes bya ba ni tsam gyi sgras sems gtso bo nyid du bstan pas so/ /phyi rol 'gog par mi srid par bstan par bya ba'i phyir zhes bya ba ni tsam gyi sgras sems gtso bo nyid bstan
 par bya ba'i phyir ro/ /de nyid bstan par bya ba'i phyir/ de nyid rtogs la zhes bya ba la sogs pa gsungs te/ ci ltar tshig snga ma mi mngon par byas pas de kho na nyid rtogs pa la sangs rgyas zhes brjod pa de bzhin du 'dir yang khams gsum
 ni sems gtso bo yin pas tshig phyi ma mi mngon par byas nas brjod pa yin no zhes pa'o/ /gzugs ni 'dir 'gog pa de ltar mdo'i don ma yin zhes bya ba ni tsam gyi sgras ni phyi rol gyi don 'gog pa ma yin no zhes bya ba'i tha tshig go /de 'grel pas
 bstan par bya ba'i phyir/ ci ltar zhes bya ba la sogs pa gsungs so gzhan gtso bo yin pa bkag nas zhes bya ba ni gzugs la sogs pa gtso bo yin pa bkag nas so/ /'dis ni zhes bya ba ni khams gsum pa 'di ni sems tsam pa ste zhes bya
 bas so/ /gzugs la sogs pa 'gog pa ma yin pa'i rnam pa bstan par bya ba'i phyir/ sems tsam zhig ces bya ba la sogs pa gsungs so/ /yod pa nyid 'gog pa ma yin no zhes bya ba ni gzugs la sogs pa rnams so/ /de bzhin du zhes
 bya ba ni sems gtso bo nyid bstan pa'i don du yin gyi gzugs dgag pa'i don du ni ma yin pas so/ /khyod kyi lugs ltar zhes bya ba ni gzugs bkag nas sems tsam zhig yod par 'dod pa'o/ /de las zhes bya ba ni mdo las so/ /'di dag ces
 bya ba ni khams gsum mo/ /slar yang zhes bya ba la sogs pa ni mdo de nyid las sems ma rig pa dang 'du byed la skye ba ci'i phyir gsungs zhes pa'o/ /'di'i don ni gal te don dam par 'gyur na de'i tshe rang bzhin gzhan la bltos pa
 med pa'i phyir gti mug dang las la bltos par mi 'gyur ba yin pa las bltos pa nyid kyang yin pas des na rnam par shes pa ngo bo nyid kyi yod pa ma yin no zhes bya bar grub pa'o/ /de 'grel pas bstan par bya ba'i phyir/ 'phags
 pa zhes bya ba la sogs pa gsungs te/ rang gi mtshan nyid kyis grub pa ni ma yin no zhes bya ba ni gzhan la ma bltos par ngo bo nyid kyis grub pa ni ma yin no zhes bya ba'i tha tshig go /de nyid rgyas par bstan par bya ba'i phyir/ gal te zhes bya ba la sogs
 pa gsungs te/ ma rig pa zhes bya ba ni mi shes pa'o/ /'du byed ces bya ba ni dge ba dang mi dge ba la sogs pa'i mtshan nyid can no/ /phyin ci log gi rkyen yod na yod pa'i phyir la zhes bya ba ni gzhan la ma bltos par ngo bo nyid kyis grub pa ni ma yin no zhes
 bya ba'i tha tshig go /ji skad du zhes bya ba ni mdo las so/ /'di ltar zhes bya ba ni 'chad par 'gyur ba'i rnam pas so/ /lugs su byung ba'i rnam par shes bya ni ma rig pa dang las kyi mtshan nyid can phyin ci log gi rkyen yod na rnam par shes pa yod pas so/ /ma rig pas
 byas pa'i zhes bya ba ni ma rig pa las byung ba'o/ /las kyi zhes bya ba ni dge ba dang mi dge ba dang mi g.yo ba'i mtshan nyid can no/ /rnam par smin pa zhes bya ba ni rnam par smin par bya ba yin pas na rnam par smin pa zhes bya'o/ /sems dang po ni zhes bya
 ba ni nying mtshams sbyor ba'i sems so/ /rnam par shes pa dang lhan cig skye ba yin pa'i phung po bzhi ni zhes bya ba ni nyon mongs pa dang bcas pa'i tshor ba dang/ 'du shes dang/ 'du byed dang/ gzugs kyi mtshan nyid can rnams so/ /de la ming ni
 gzugs med pa'i phung po rnams yin la/ gzugs ni gzugs kyi phung po'o/ /ming dang gzugs rnam par 'phel ba ni skye mched drug go /zhes bya ba ni gzugs med pa'i phung po rnams 'phel ba las yid kyi skye mched yin la/ gzugs kyi phung po rnam
 par 'phel ba las mig la sogs pa'i skye mched lnga'o/ /dbang po dang zhes bya ba la sogs pa ni dbang po dang yul dang/ rnam par shes pa gsum phrad pa ni reg pa yin te/ gang yod na gsum phan tshun mngon par phyogs pas phrad pa dang 'dra ba'i phyir de ni
 reg pa yin no zhes pa'i don to/ srid pa'i rkyen tshor ba'i rgyu yin pas reg pa de yang zag pa dang bcas pa'o/ /reg pa dang lhan cig skyes pa ni tshor ba'o zhes bya ba ni reg pa dang tshor ba dag lhan cig 'byung ba'i rgyu yin pas so/ /tshor ba las chags
 pa ni srid pa'o zhes bya ba ni tshor ba bde ba la sogs pa rnams la mi 'bral ba la sogs par mngon par zhen pa ni sred pa'o/ /sred pa rnam par 'phel ba ni len pa'o zhes bya ba ni sred pa de rab tu son pa ni len pa'o/ /len pa las byung ba'i zag pa dang
 bcas pa ni srid pa zhes bya ba ni 'dis yang srid pa len pas na srid pa'o/ /las kyi rgyu mthun pa ni skye zhes bya ba ni las kyi rjes su 'brangs nas ma 'ongs pa nyid mtshams sbyor ba'i rnam par shes pa 'byung ba'o/ /skye ba ste zhes bya ba'i bshad pa ni phung po
 'byung ba'o zhes pa'o/ /phung po yongs su smin pa ni zhes bya ba ni gong nas gong du skad cig ma khyad par can skye bas brnyings par 'gyur pa'o/ /rgas pa'i phung po 'jig pa ni zhes bya ba ni phung po brnyings nas 'jug par 'gyur ba'o zhes pa'o/ /chags
 pa dang bcas pas zhes bya ba ni sngon gyi brgad pa dang/ dga' ba dang/ rtse ba la sogs pa la mngon par zhen pa dang ldan pa gang yin pa'o/ /mya ngan las byung ba'i zhes bya ba ni snying la gdung ba skyes pa'o/ /tshir brjod pa ni zhes bya ba ni yul 
 dor nas gang zhig tu 'gro bar 'gyur zhes brjod pa'o/ /dbang po lnga'i nyams su bab pa ni zhes bya ba ni dbang po lnga nyams pa'o zhes bya ba'i tha tshig go /yid kyi lta ba nyams su bab pa ni zhes bya ba ni yid kho na lta ba yin te nges pa'i rang bzhin can yin
 pas so/ /de'i nyams su bab pa ni mi gsal ba ste yid mi bde ba'o/ /sdug bsngal ba dang yid mi bde ba mang po 'byung ba ni 'khrugs pa ste zhes bya ba ni sdug bsngal ba dang yid mi bde ba mang pos sems 'khrug pa ste sems nyams chung bar 'gyur
 ba'o/ /'ba' zhig ces bya ba ni bdag la sogs pa med pa'o/ /de ltar yan lag bcu gnyis po rnams kyi rang gi mtshan nyid bstan nas da ni yan lag so so'i 'bras bu bstan par bya ba'i phyir/ de la ma rig pa ni zhes bya ba la sogs pa gsungs te/ bya ba gnyis su
 nye bar gnas pa yin te zhes bya ba ni bya ba gnyis byed pa yin no zhes bya ba'i don to/ bya ba gnyis po de bstan pa ni/ sems can rnams zhes bya ba la sogs pa gsungs te/ ma rig pa'i stobs kyis dmigs pa rnams ci lta ba bzhin du mi shes pa'o//
 rgyu yang 'byin pa'o zhes bya ba ni las bskyed pa'i don du bag chags kyi mtshan nyid can gyi nus pa rtod pa'i byed pa yin no zhes bya ba'i don to/ /ma 'ongs pa'i rnam par smin pa yang 'grub par byed pa dang zhes bya ba ni gang ma 'ongs pa'i rnam par smin pa'i
 rang bzhin can gyi mig la sogs pa de rnams 'grub par byed pa'o/ /rgyu yang 'byin pa'o zhes bya ba ni sngar bzhin du'o/ /srid pa'i nyid mtshams sbyor ba yang byed pa dang zhes bya ba ni srid pa'i 'dod pha la sogs par nying mtshams sbyor bar byed pa'o//
 phan tshun brten pa yang byed pa dang zhes bya ba ni phung po bzhi phan tshun gyi stobs kyis gnas pa yin pas so/ /rang gi yul rnam par phye ba yang ston pa dang zhes bya ba ni skye mched drug po rnams kyis phan tshun yul nyams su myong ba med pas so/ /dmigs pa la
 reg pa yang byed pa dang zhes bya ba ni dmigs pa la mngon par phyogs par byed pa'o/ /gnyis ka las rnam par grol ba myong bar byed pa zhes bya ba ni yid du 'ongs dang mi 'ong ba dag las rnam par grol ba ste btang snyoms pa myong bar byed pa'o/ /chags
 par 'gyur ba'i dngos po la kun tu chags par byed pa dang zhes bya ba ni chags pa skye ba'i rgyu la chags pa skye bar yang byed pa'o/ /srid pa'i 'gro ba gzhan gnas par byed pa dang zhes bya ba ni srid par mi la sogs pa'i 'gro ba rnams nye bar gnas par
 byed pa'o/ /gong ma lta bu dang zhes bya ba ni srid pa'i 'gro ba gzhan gnas par byed pa'o/ /dbang po yongs su 'gyur bar yang byed pa dang zhes bya ba ni mig la sogs pa'i dbang po rnams gzhan du 'gyur bar byed pa'o/ /'du byed
 'jig par byed pa dang zhes bya ba ni phung po 'jig par byed pa'o/ /yongs su mi shes pa rgyun mi 'chad pa'i rgyu yang 'byin pa'o/ /zhes bya ba ni ma rig pa rgyun mi 'chad par byed pa'o/ /de lta bu la sogs pa zhes bya ba ni lugs las 'byung ba'i
 rten cing 'brel par 'byung ba'i rnam pa'i mjug bsdu ba bstan nas/ da ni lugs las bzlog pa'i rten cing 'brel par 'byung ba'i rnam pa bstan par bya ba'i phyir/ de ltar re zhig ces bya ba la sog pa gsungs te/ de med pa zhes bya ba
 ni ma rig pa la sogs pa med pa na'o/ /de yang med pa zhes bya ba ni 'du byed la sogs pa'o/ /de nyid rgyas par bstan par bya ba'i phyir/ ma rig pa 'gags pas zhes bya ba la sogs pa gsungs te/ ma rig pa 'gags pas 'du
 byed rnams 'gag go /zhes bya ba'i bshad pa ni/ rkyen ma rig pa med pas zhes bya ba la sogs pa'o/ /nye bar zhi zhing zhes bya ba'i bshad pa ni brten pa med pa'o zhes pa'o/ /de zhes bya ba ni byang chub sems dpa' o/ /'di snyam du sems
 te zhes bya ba ni 'chad par 'gyur ba'o/ /'du ba las ni 'dus byas 'byung ngo zhes bya ba ni rgyu dang phrad pa las so/ /bral ba las ni zhes bya ba ni rgyu dang phrad pa las zhes pa'o/ /rgyu gcig pu'i stobs las 'das byas 'byung ba ma yin no
 zhes bstan par bya ba'i phyir/ tshogs pa las ni 'dus byas 'byung ngo zhes gsungs te gcig ni gang gi yang skyed par byed pa ma yin gyi/ 'on kyang tshogs pas skyed par byed pa'i tshul gyis so/ /nyes pa mang po'i skyon chags pa zhes bya
 ba ni skye ba la sogs pa'i nyes pa mang po'i skyon gyis skyon dang ldan pa'o/ /'du ba 'di dang zhes bya ba la sogs pa ni rgyu log pa'i sgo nas 'bras bu rnams ldog pa yin te bzhag du na 'dus byas nyes pa mang po'i skyon chags pa de bzlog par mi nus pas so//
 'du byed rnams shin tu zhib thob par mi bya'o zhes bya ba ni 'du byed rnams shin tu log na/ sems can gyi don byed par mi 'gyur bas so/ /de nyid kyi phyir/ sems can yongs su smin par bya ba'i phyir zhes gsungs so/ /kye rgyal ba'i sras dag ces bya ba
 la sogs pa la/ de zhes bya ba ni byang chub sems dpa' o/ /'du byed du gyur ba zhes bya ba ni 'du byed kyi rnam pa'o/ /ngo bo nyid med pa dang zhes bya ba'i bshad pa ni/ ma skyes pa ma 'gags par zhes bya ba'o/ /'dis ni rgyu dang rkyen gyis sems skye bar
 'gyur ba yin la/ de med na mi skye ba yin no zhes pa'o/ /des na gzhan la bltos pa'i phyir sems la ngo bo nyid med pa yin no zhes rtogs pa yin no/ /de'i phyir zhes bya ba la sogs pa gsungs te/ de nyid las gsungs pa'i zhes bya ba ni sa bcu pa'i
 mdo las so/ /rdzas su yod pa zhes bya ba ni sems don dam par yod pa yin no zhes bya ba'i tshul gyis so/ /de ni lta bar byas pa nyid du 'gyur ro zhes bya ba ni rtag pa dang chad pa'i lta ba'i rnam pa dag tu ltung bar 'gyur ba'o/ /de ltar yang rang bzhin gyis
 ni gang yod pa/ /de med min pas rtag pa yin/ /sngar byung da ltar yod min pa/ /de ni chad par 'gyur ba yin zhes gsungs pas so/ /de'i phyir zhes bya ba la sogs pa ni mjug bsdu ba bstan pa'o/ /sems kyi gtso bo zhes bya ba la sogs pa la/
 sems can 'jig rten dang zhes bya ba ni 'gro ba de dang de rnams su sdug bsngal nyams su myong bas na sems can zhes bya ba la/ 'jig pa'i phyir na 'jig rten te/ sems can yang yin la 'jig pa yang yin pas sems can gyi 'jig rten te
 'jig par 'gyur ba 'gro ba lnga po rnams su sdug bsngal nyams su myong bar 'gyur ba'i phung po lnga zhes bya ba'i tha tshig go /snod kyi 'jig rten zhes bya ba ni 'jig pa'i rten du gyur pa gang yin pa'o/ /shin tu sna tshogs zhes bya ba
 ni khams dang/ 'gro ba dang/ skye gnas la sogs pa'i dbye ba las so/ /de la rgyu mtshan bstan par bya ba'i phyir/ 'gro ba ma lus las las skye bar gsungs zhes bya ba gsungs te/ /sems can dang snod kyi 'jig rten gyis sdus pa'i
 'gro ba ma lus pa rnams las las skye bar gsungs pa'o/ /gal te las las skye bar gsungs na sems las skye bar ji ltar brjod ce na/ de la lan ni sems spangs nas ni las kyang yod pa ma yin zhes bya ba gsungs te/
 sems las mi gtogs pa'i sems pa'i mtshan nyid can gyi las dang sems pas byas pa'i las dag yod pa ma yin pas so/ /des na sems kho nas 'god pa yin no zhes bya ba de la skyon yod pa na yin no zhes pa'i don to/ /de
 'grel bas bstan par bya ba'i phyir/ de la zhes bya ba la sogs pa gsungs so/ /de la zhes bya ba ni sems can dang snod kyi 'jig rten gyi nang nas so/ /rlung gi dkyil 'khor zhes bya ba la sogs pa'i sgras ni chu dang/ sa dang/ ri rab la sogs
 pa bsdu ba'i bya ba'o/ /bya ba sogs pa zhes bya ba la sogs pa'i sgras ni ne tso la sogs pa bsdu bar bya'o/ /mdongs? la sogs pa zhes bya ba la/ sogs pa'i sgras ni gshog pa la sogs pa sna tshogs pa bsdu bar bya'o
 las thun mong ma yin pas bskyed pa'o zhes bya ba ni smra ba la sogs pa rnams kyis skye ba snga ma la thun mong ma yin pa'i las rang gi rgyu kho na las 'bras bu skyed par byed pa'i las gang byas pa des bskyed pa yin te/ de las
 bzhin du med pas so/ /sems can thams cad kyi las thun mongs pas bskyed pa yin te/ zhes bya ba ni thams cad kyi dga' pa'i rgyu yin pas nye bar spyad par bya ba yin pas so/ /de bzhin du gzhan la yang shes par bya'o zhes bya ba ni skyes bu rnams kyi gzugs
 sdug pa dang mi sdug pa la sogs pa sna tshogs pa ni thun mong ma yin pa'i las las skyes pa yin la/ sa la sogs pa rnams kyi skam pa dang gsher ba la sogs pa sna tshogs pa rnams ni las thun mong bas skyed pa'o/ /ji skad du zhes bya ba la
 sogs pa ni las thun mong bas bskyed pa'i khungs ston pa'o/ /dus su skyes bya ba ni dus kyi khyad par las byung ba'o/ /nag po zhes bya ba ni ri'o/ /sems dmyal zhes bya ba la sogs pa la dmyal ba ni ral gri lo ma'i nags la sogs pa'i
 mtshan la sogs pa dang/ mtho ris kyis 'jig rten du ni dga' ba'i chal la sogs pa'i rin po che'i shing la sogs pa ni sems can gyi las dbang gis byung ba'o/ /sogs pa'i sgras ni ro myags kyi 'dam dang rkang pa bzhag
 cing bteg na 'phar zhing nem byed pa bsdu bar bya'o/ /'gro ba ma lus zhes bya ba ni sems can dang snod kyis bsdus pa dag go /las kyang sems la brten pa yin te zhes bya ba ni las ni 'di bzhin du bya'o snyam pa'i rang bzhin can yin la/
 sems pa yang sems dang mtshungs par ldan pa yin pa'i phyir las ni sems la brten pa yin no zhes pa'o/ /de nyid bstan par bya ba'i phyir/ sems pa dang bcas pa zhes bya ba la sogs pa gsungs te/ las sogs pa'i phyir zhes bya ba ni sems
 pas byas pa'i dge ba dang mi dge ba'i mtshan nyid can gyi lus dang ngag gi las sogs pa'i phyir ro/ /las med pa'i phyir ro zhes bya ba ni sems pa'i rang bzhin can gyi las dang sems pas byas pa'i las dag med pas so/ /de'i phyir zhes bya ba ni sems
 med na las med pas so/ /gzhan ni ma yin pas zhes bya ba ni gzugs ni ma yin no zhes bya ba'i tha tshig go /de nyid bstan par bya ba'i phyir/ ci'i phyir zhes bya ba la sogs pa gsungs te/ de la ni zhes bya ba ni gzugs la'o/ /des na
 zhes bya ba ni gzugs la byed pa po mi srid pas so/ /sems las gzhan pa'i byed pa po zhes bya ba ni sems las gzhan pa'i byed pa po gtso bo la sogs pa rnams so/ /gzugs ni bkag pa ma yin no zhes bya ba ni khams gsum pa ni sems can
 mo zhes bya ba des ni gzugs bkag pa ni ma yin no zhes bya ba'i tha tshig go /de 'grel pas bstan par bya ba'i phyir/ 'di na zhes bya ba la sogs pa gsungs te/ 'di na zhes bya ba ni byed pa po'i gnas skabs na'o/ /kha cig gis ni zhes bya
 ba ni grangs can la sogs pas so/ /gtso bo la sogs pa zhes bya ba la sogs pa'i sgras ni dbang phyug la sogs pa bsdu bar bya'o/ /kha cig gis ni sems la 'dod kyi zhes bya ba ni bye brag tu smra ba la sogs pa ni/ gzugs byed pa po
 ma yin pa yang rtsod pa med de zhes bya ba ni gzugs bem po yin pa'i phyir gnyis kas kyang byed pa po nyid du khas mi len pa'i phyir ro/ /de'i mtshan nyid ces bya ba ni gtso bo la sogs pa'i mtshan nyid do/ /rtsod pa'i gnas kyi yul zhes bya ba ni gtso bo la sogs pa'o/ /'das sogs zhes
 bya ba ni byed pa po nyid des gtso bo la sogs pa dor nas sems kho na la gnas pa yin no zhes pa'o/ /de la lan bstan par bya ba'i phyir/ /yul gcig la zhes bya ba la sogs pa gsungs te/ yul gcig la dbang byed par 'dod pa'i zhes bya ba ni yul
 gcig gi rgyal po byed par 'dod pa'o/ /dgra zla gcig bton nas zhes bya ba ni rgyal po gzhan phung nas so/ /rang gi yul thob cing zhes bya ba ni rang gi yul du rgyal srid thob pa'o/ /de bzhin du sems dang gtso bo la sogs pa
 byed pa nyid du brjod pa las gtso bo la sogs pa byed pa po nyid yin pa bkag nas sems kho na byed pa po nyid du gnas pa'o/ /gnyis ka la nye bar mkho ba'i zhes bya ba la sogs pa la/ rgyal po gnyis ka la 'bangs rnams mkho ba yin pas/ rgyal po
 gnyis kas de rnams la gnod pa mi byed pas so/ /don bstan par bya ba'i phyir de bzhin no zhes bya ba la sogs pa gsungs te/ gnyis ka la nye bar mkho ba'i phyir zhes bya ba ni sems byed pa por 'dod pa dang/ gtso bo la sogs pa byed pa por
 'dod pa dag la'o/ /gzugs yod pa nyid kyi mjug bsdu ba bstan par bya ba'i phyir/ de'i phyir zhes bya ba la sogs pa gsungs te/ ji skad du bstan pa'i tshul gyis zhes bya ba ni/ sems tsam zhes bya ba de tsam gyi sgras gtso bo la sogs
 pa byed pa po nyid du bkag pa yin gyi gzugs ni ma yin no zhes bya ba'i tshul gyis so/ /lnga char yod ces bya ba ni gzugs dang tshor ba la sogs pa'o/ /'jig rten pa'i de nyid las zhes bya ba ni kun rdzob kyi bden pa'o/ /de nyid ye shes 'chad
 bar 'dod pa na zhes bya ba ni rnam par mi rtog pa'i ye shes skyes pa la'o/ /'byung mi 'gyur zhes bya ba ni de rnams la yod pa dang med pa la sogs pa'i rang bzhin gang du yang snang ba med pa'i phyir ro/ /gang gi phyir zhes bya ba la sogs pas
 ni dbu ma pas sems tsam pa rnams la gdams ngag nye bar 'bogs pa yin te/ gang gi phyir de ltar yin pa de'i phyir zhes bya ba ni gang gi phyir de kun rdzob tu phung po lnga yod pas so/ /gzugs med na ni sems yod ma 'dzin cig ces
 bya ba ni yul med na yul can med pas so/ /sems yod nyid na'ang gzugs med ma 'dzin cig ces bya ba ni gzugs mi rigs na sems yod pa nyid kyang mi rigs pas so/ /gal te rigs pa dang 'gal ba yang 'jig rten pa la
 bltos nas sems yod pa nyid du khas len na ni gzugs kyang yod pa nyid du khas blang bar bya dgos so zhes pa'o/ /de 'grel pas bstan par bya ba'i phyir/ gang gi tshe zhes bya ba la sogs pa gsungs te/ 'thad pa zhes bya ba
 ni bdag las ma yin zhes bya ba la sogs pas so/ /de ltar rtogs par bya ste zhes bya ba ni kun rdzob du gnyis ka yod pa dang/ don dam par ni gnyis kar yang ma skyes pa'o/ /shes rab tshul mdor zhes bya ba ni shes rab kyi pha rol tu phyin
 pa'i mdo las so/ /mtshungs par zhes bya ba ni cig car ro/ /spangs shing zhes bya ba ni bkag pa'o/ /mngon pa'i chos las gsungs zhes bya ba ni chos mngon pa las yod pa nyid du gsungs pa'o/ /rang dang spyi'i mtshan nyid la sogs pa
 rab tu dbye ba'i sgo nas zhes bya ba ni rang gi mtshan nyid ni gzugs su rung bas na gzugs zhes bya ba la sogs pa dang/ spyi'i mtshan nyid ni mi rtag pa la sogs pa'o/ /sogs pa'i sgras ni khams dang/ 'gro ba dang/ skye gnas la
 sogs pa bsdu bar bya'o/ /bkag pa ma yin te zhes bya ba ni gnyis ga yang ngo bo nyid kyis skye ba med pas so/ /de nyid bstan par bya ba'i phyir/ rab 'byor zhes bya ba la sogs pa gsungs so/ /lung dang rig pas zhes bya ba ni sngar bstan pa'i
 tshul gyis so/ /bden pa gnyis rim pa 'di dag ces bya ba ni kun rdzob tu gal te sems yod na gzugs kyang yod pa nyid dang/ gal te gzugs yod na sems kyang yod pa'o/ /don dam par ni gnyis kar yang ngo bo nyid med pa'o/ /bshig
 nas zhes bya ba ni sems rdzas su yod par khas blangs pas bden pa gnyis kyi rim pa 'di dag bshig pa yin no zhes pa'i tha tshig go /khyod kyi rdzas ni dkag pas 'grub mi 'gyur zhes bya ba ni gzugs spangs pa'i gzhan gyi dbang gi
 rang bzhin can gyi sems tsam rdzas su 'grub par mi 'gyur ba'o/ /ci'i phyir zhe na/ de la lan ni bkag pa zhes bya ba smos te/ sngar bdag las ma yin zhes bya ba la sogs pas rdzas su grub pa nyid bkag pas so/ /de 'grel pas bstan par bya ba'i phyir/ gzugs
 med pas zhes bya ba la sogs pa gsungs te/ ngal ba don med pa nyid du 'gyur ro zhes bya ba ni sems rdzas su yod par bsgrub pa la ngal ba byas pa don med pa nyid du 'gyur ba'o/ /mjug bsdu ba bstan par bya ba'i phyir/ de'i phyir zhes bya ba la sogs pa gsungs te/
 de lta'i rim pas zhes bya ba ni sngar bstan pa'i rim pas so/ /de nyid ma skyes zhes bya ba ni 'phags pa'i ye shes la bltos nas ma skyes na zhes bya ba'i don to/ /'jig rten skyes rig ces bya ba ni 'jig rten la bltos nas skyes pa yin no zhes bya ba'i don
 to/ /yang gzhan gyi lung dang 'gal ba ston pa ni/ 'dir smras pa zhes bya ba la sogs pa gsungs te/ mdo'i don 'di zhes bya ba ni khams gsum pa ni sems tsam mo zhes bya ba'i mdo'i don to/ /de ltar bshad mod kyi zhes bya ba ni/ byed pa po
 gzhan dgag pa'i don du dang/ sems tsam gtso bo nyid du bstan pa'i don du bshad pa'o/ /lung dngos dgod pa ni/ ji skad du zhes bya ba la sogs pa gsungs te/ phyi rol snang ba yod med de zhes bya ba ni gang gzugs la sogs pa snang ba de ni phyi rol na yod
 pa ma yin te rnam par shes pa las tha dad pa ma yin no zhes pa'o/ /sems ni sna tshogs nyid snang zhes bya ba ni sems nyid rnam pa sna tshogs par snang ba'o/ /de nyid bstan par bya ba'i phyir/ lus dang zhes bya ba la sogs pa gsungs te/ de la
 lus ni mig la sogs pa'i skye mched rnams yin te/ de rnams lus su 'dus pa'i phyir ro/ /longs spyod ni gzugs la sogs pa yin te/ longs spyod par bya ba yin pas so/ /gnas ni snod kyi 'jig rten yin te/ der sems can rnams gnas
 pa yin pas so/ /lus dang longs spyod dang gnas rnams sems gang la snang ba de la de skad ces brjod par bya'o/ /sems tsam zhes bya ba ni phyi rol gyi lus la sogs pa stong pa'o/ /de 'brel bas bstan par bya ba'i phyir/ de la zhes bya ba la sogs
 pa gsungs te/ phyi rol lta bur mngon par yin no zhes bya ba ni gzung bar mngon par zhen pa'o/ /lung dang 'gal ba'i skyon spang bar bya ba'i phyir/ mdo 'di yang zhes bya ba gsung te/ 'di yang zhes bya ba ni phyi rol spang ba zhes pa log pa'o/ /dgongs pa can zhes bya ba ni drang ba'i
 don to/ /mdo sde gang las zhes bya ba la sogs pa ni lung dang 'gal ba nyid rjes su brjod pa'o/ /de'i dgongs pa ni 'di yin te zhes bya ba ni 'chad par 'gyur ba'o/ /de nyid bstan par bya ba'i phyir/ gzugs la zhes bya ba la sogs pa gsungs te/ shin tu
 chags zhes bya ba ni mngon par zhen pa'o/ /de dag la zhes bya ba ni gzugs la mngon par zhen pa rnams la'o/ /gzugs bzlog pa ste zhes bya ba ni gzugs bkag pa yin no zhes bya ba'i don to/ /de yang zhes bya ba ni mdo de yang ngo/ /'di'i don ni gzugs
 la mngon par zhen pa rnams kyi gzugs la mngon par zhen pa spang ba'i don du gzugs bkag pa yin gyi/ gzugs spangs pa'i rnam par shes pa tsam rdzas su yod par ston pa'i don du ni ma yin no de nyid kyi phyir/ drang don nyid ces bya ba gsungs te/ de
 'grel pas bstan par bya ba'i phyir/ de la zhes bya ba la sogs pa gsungs te/ shin tu re ba dang bcas pa zhes bya ba ni mngon par zhen par bcas pa'o/ /de'i rkyen can gyi zhes bya ba ni gzugs la mngon par zhen pa'i rgyu can/ /rjes su chags pa
 zhes bya ba ni 'dod chags so/ /khong khro ba zhes bya ba ni bud med kyi gzugs la sogs par mngon par zhen nas de nyid la gzhan mngon par zhen pa la khong khro ba'o/ /gzugs khyad par can gyis mtho ba nyid du sems pa ni nga rgyal lo/ /sogs pa'i sgras
 ni phrag dog la sogs pa bsdu bar bya'o/ /'jug pa rang dbang med par byas par 'gyur zhes bya ba ni sems kyi 'jug pa ni 'dod chags la sogs pa la rag lus pa yin pa'i phyir ro/ /de la mngon par zhen pas zhes bya ba ni gzugs la sogs par mngon par zhen
 pas so/ /sdig pa chen po dang zhes bya ba ni mi dge ba bcu'i las kyi lam rnams nas so/ /bsod nams dang ye shes kyi tshogs bsags pa las zhes bya ba la/ dge ba bcu'i las kyi lam dang sbyin pa la sogs pa rnams ni bsod nams kyi tshogs so/ /thos pa
 dang/ bsam pa dang/ bsgom pa las byung ba'i shes rab ni ye shes kyi tshogs so/ /de dag las nyams par 'gyur ba'o/ /de dag las zhes bya ba ni sdig pa bsags shing bsod nams dang ye shes kyi tshogs las nyams pa rnams la bcom ldan 'das
 kyis sems tsam nyid bstan pa yin no zhes sbyar bar bya'o/ /ci'i phyir bstan zhe na/ de'i lan ni/ gzugs kyi rkyen gyi nyon mongs pa de gzhom pa'i phyir zhes bya ba gsungs te/ gzugs kyi rgyu can gyi 'dod chags la sogs pa gzhom pa'i phyir zhes
 bya ba'i tha tshig go /de la dpe ston pa ni phyi rol gyi yul la chags pa 'joms pa'i keng rus ltar zhes bya ba gsungs te/ ci ltar 'dod chags can rnams la phyi rol gyi yul la chags pa gzhom pa'i keng rus bsgom pa'i thabs ston pa de bzhin du'o//
 de ltar bur gyur pa ma yin yang zhes bya ba ni gzugs keng rus kyi rang bzhin ma yin du zin kyang ngo/ /des na gzugs bdag nas sems tsam du sgrub pa'i lung ni ma yin gyi/ 'on kyang gzugs la chags pa'i 'dod chags la sogs pa spang ba'i don du yin no
 zhes pa'o/ /lung drang ba'i don yin pa'i shes byed bstan par bya ba'i phyir/ yang lung 'di zhes bya ba la sogs pa gsungs te/ 'di ni zhes bya ba ni phyi rol snang ba yod med zhes bya ba la sogs pa'o/ /da ni sems tsam pa rnams dang/ rjes su
 mthun pa'i mdo gzhan dag kyang dang ba'i don du bstan par bya ba'i phyir/ mdo 'di zhes bya ba la sogs pa gsungs te/ 'di zhes bya ba ni phyi rol snang ba yod med de zhes bya ba la sogs pa'o/ /gzhan yang zhes bya ba ni dgongs pa
 nges par 'grel pa la sogs pa'o/ /lung gi zhes bya ba ni ci ltar nad pa la zhes bya ba la sogs pa'o/ /brtags pa med pa nyid dang zhes bya ba ni gnyis su med pa'i shes pa la gzung ba dang 'dzin par yongs su brtags te med pa'o/ /gzhan
 gyi dbang yod pa nyid dang zhes bya ba ni rgyu dang rkyen gyis bskyed pa'i sngon po la sogs par snang ba'i shes pa yod pa'i phyir ro/ /yongs su grub pa yod pa nyid do zhes bya ba ni gzung 'dzin gnyis kyis stong pa'i shes pa la gzung ba dang 'dzin pa'i
 stong pa nyid dag yod pas so/ /de ltar gzhan dbang yod pa nyid du bstan pas sems tsam don dam par yod pa yin no zhes sems tsam du smra ba rnams kyis brjod pa'o/ /sems tsam du ston pa'i lung gzhan yang ston pa ni/ de bzhin du zhes
 bya ba la sogs pa gsungs te/ len pa'i rnam par shes pa zhes bya ba ni 'dis bag chags thams cad len pa'i phyir len pa'i rnam par shes pa'o/ /zab cing zhes bya ba ni byis pa rnams kyis rtog par dka' bas so/ /phra zhes bya ba
 ni nyan thos rnams kyis rtog par dka' bas so/ /sa bon thams cad chu ba'i rgyun bzhin 'bab zhes bya ba ni ci ltar chu bo cher skyes pa'i tshe? chu bos shing la sogs pa mang po khyer ba de bzhin du kun gzhi rnam par shes pa la yang dag
 chags mang po sogs pas so/ /ci'i phyir nyan thos la sogs pa la ma gsungs she na/ bdag tu rtog par zhes bya ba la sogs te/ gal te de rnams la kun gzhi rnam par shes pa bstan par gyur na de'i tshe byed pa po la sogs
 pa'i yon tan dang ldan pa'i bdag tu yongs su rtog par 'gyur ro snyam nas ma gsungs so/ /'di zhes bya ba ni sems tsam stan par byed pa'i lung gnyis so/ /ji ltar zhes bya ba ni ji ltar nad pa la rlung dang/ mkhris pa dang/ bad kan gyi rnam 'gyur rnams so sor
 rtogs nas sman pas nad dang rjes su bstun pa'i sman gyi bye brag gtong ba de bzhin du sems can rnams kyi bsam pa mkhyen nas sems tsam ston par mdzad pa yin pas sems can gyi bsam pa dang bstun nas gsungs pa yin gyi/ don dam pa ni ma
 yin no zhes bya ba'i tha tshig go /yang drang ba'i don gyi mdo sde gzhan bstan par bya ba'i phyir/ de bzhin du zhes bya ba la sogs pa gsungs te/ dper na de bzhin gshegs pa'i snying po gsungs pa de ni drang ba'i don yin la/ de bzhin du sems tsam
 gsungs pa de yang drang ba'i don du gsungs pa yin no zhes pa'o/ /de bzhin gshegs pa'i snying po zhes bya ba ni sems can thams cad de bzhin gshegs pa'i snying po zhes mdo las gsungs pas/ /de zhes bya ba ni de gshegs pa'i snying
 po'o/ /dang bzhin gyi 'od bsal bas zhes bya ba ni rang bzhin gyis 'od gsal ba ste dri ma med pa yin la/ de'i mtshan nyid can gyi rnam par dag pa gang yin pa nges so/ /thog ma nas rnam par dag pa nyid ces bya ba ni nam mkha' bzhin du gdod ma
 nas dri ma med pas so/ /mtshan sum cu rtse gnyis dang ldan pa zhes bya ba ni de rnams stong pa nyid kyi rang bzhin can yin pas/ de rnams kyang der 'dus pa yin pas so/ /sems can thams cad kyi lus nang na mchis par brjod de zhes bya ba ni stong pa
 nyid kyis thams cad la khyab pa'i phyir ro/ /de nyid dpe'i sgo nas bstan par bya ba'i phyir/ bcom ldan 'das kyis zhes bya ba la sogs pa gsungs te/ rin thang chen po zhes bya ba ni nor ches mang pos blu dgos pas so/ /rin po che zhes bya ba ni pad+ma
 rA ba la sogs pa'o/ /dpe don dang sbyar bar bya ba'i phyir phung po dang zhes bya ba la sogs pa gsungs te/ phung po dang/ khams dang/ skye mched kyi gos kyis yongs su dkris pa zhes bya ba 'dis ni phung po la sogs pa rnams gos dang
 mtshungs pa nyid du bstan pa yin no/ /dri ma nyid ston pa ni 'dod chags dang zhes bya ba la sogs pa gsungs te/ yang dag pa ma yin pa la yongs su rtog pa zhes bya ba ni bdag la sogs pa dang/ gzung ba dang 'dzin par rnam par rtog pa ste de dag gis
 yang dag pa ma yin pa'i dngos po la yongs su brtags pas so/ /rtag pa zhes bya ba ni 'gyur ba med pa'o/ /brtan pa zhes bya ba ni chad pa med pas so/ /ther zug ces bya ba ni thog ma med pas so/ /de bzhin gshegs pa'i snying po bstan pa thos nas
 byang chub sems dpa' rnams kyis bcom ldan 'das la zhu ba ni bcom ldan 'das zhes bya ba la sogs pa gsungs te/ 'di ni zhes bya ba ni de bzhin gshegs pa'i snying po bstan pa'o/ /mu stegs kyi zhes bya ba ni mu stegs pa rnams kyi
 zhes pa'o/ /de rnams kyis ci ltar bdag tu smra ba de dang mtshungs pa ci'i phyir mi 'gyur zhes pa'o/ /de nyid bstan par bya ba'i phyir bcom ldan 'das zhes bya ba la sogs pa gsungs te/ bcom ldan 'das zhes bya ba ni pod pa'i tshig go/ byed pa
 zhes bya ba ni dge ba dang mi dge ba la sogs pa'i las rnams kyi byed pa po'o/ /yon tan med pa zhes bya brtul mun pa snying stobs gsum gyi yon tan dang mi ldan pas so/ /mi 'jig pa'o zhes bya ba ni 'jig pa med pa'o/ /de la lan bstan
 par bya ba'i phyir/ bcom ldan 'das kyis zhes bya ba la sogs pa gsungs so/ /de bzhin gshegs pa'i snying po bsnyan pa de drang ba'i don nyid du gsungs pa yin no zhes bstan par bya ba'i phyir/ blo gros chen po zhes bya ba la sogs pa gsungs te/
 stong pa nyid dang zhes bya ba ni gzung ba dang 'dzin pas stong pas so/ /yang dag pa'i mdza' zhes bya ba la yang dag pa ni dngos po rnams yin la/ /de'i mdza' ni stong pa nyid yin te/ rigs pas grub pa'i phyir ro/ /mya ngan las 'das pa zhes bya ba 'dir rnam
 par rtog pa thams cad nye bar zhi bas mya ngan las 'das pa ni stong pa nyid kho na la bya'o/ /ma skyes pa dang zhes bya ba ni gang la skye ba med pa ste stong pa nyid kho na la'o/ /mtshan ma dang zhes bya ba ni yang dag pa'i mtshan ma ste rgyu yin la/ de gang la
 med pa ste stong pa nyid/ /smon pa med pa zhes bya ba ni stong pa nyid las ma 'ongs pa'i dngos po la mngon par dga' ba med pas gang la smon pa med pas te stong pa nyid kho na'o/ /sogs pa'i sgras ni de bzhin nyid la sogs pa bsdu bar bya'o/ /byis
 pa rnams zhes bya ba ni bdag la sogs pa'i bag chags goms pa rnams so/ /bdag med pas 'jig rten par 'gyur ba'i gnas rnams spang ba'i don du zhes bya ba ni bdag med pa gnyis kho na bdag chad par dogs pas 'jigs pa'i gnas
 yin la/ de spang ba'i don du ste/ cig car stong pa nyid bstan nas skrag par 'gyur bas so/ /de bzhin gshegs pa'i snying po zhes bya ba la sogs pa la/ rnam par mi rtog pa'i gnas zhes bya ba ni rnam par mi rtog pa'i ye shes kyi yul lo/ /snang ba
 med pa'i zhes bya ba ni sngon po la sogs pa snang ba med pas so/ /'di'i don ni gal te dang po nyid du stong pa nyid la sogs pa'i sgra don stong pa nyid la sogs pa'i sgras brjod par 'gyur na/ de'i tshe bdag la sogs pa la mngon par zhen pa'i byis pa
 rnams skrag par 'gyur ba yin la/ gang gi tshe bdag la sogs pa brjod par dung ba'i sgra'i sgo nas bstan par gyur na/ de'i tshe de rna nas skrag par mi 'gyur ba'i phyir de bzhin gshegs pa'i snying po bstan pa'i sgo nas bcom ldan 'das kyis
 gsungs pa yin no zhes pa'o/ /blo gros chen po zhes bya ba la sogs pa la 'dir zhes bya ba ni de bzhin gshegs pa'i snying po'o/ /de dpe'i sgo nas bstan par bya ba'i phyir/ blo gros chen po dper na zhes bya ba la sogs pa gsungs
 te/ snod rnam pa sna tshogs byed do zhes bya ba ni bum pa dang 'khar phor la sogs pa'o/ /srad bu la sogs pa dang zhes bya ba la sogs pa'i sgras ni 'khor lo bsdu bar bya'o/ /nan tan dang zhes bya ba ni dbyig gus 'khor lo bskor bar byed pa'o//
 ldan pa zhes bya ba ni kun la sbyar bar bya'o/ /chos bdag med ba zhes bya ba ni stong pa nyid kyi mtshan nyid can no/ /rnam par rtog pa'i mtshan nyid rnam par log pa zhes bya ba la/ rnam par rtog pa thams cad log pa yin te/ stong pa nyid rnam
 par rtog pa'i yul ma yin pa dang/ mtshan nyid thams cad rnam par log pa yin te/ mdza' bzhi dang bral ba'i phyir ro/ /shes rab dang thabs la mkhas pa dang ldan pa zhes bya ba ni chos thams cad kyi rang bzhin du mkhyen pas shes rab dang
 ldan pa yin la/ gal te chos thams cad ji lta ba bzhin du gnas pa'i rang bzhin bdag med pa stong pa nyid la sogs pa'i sgras bstan na de'i tshe byis pa rnams 'dir skrag pas 'jug par mi 'gyur ba'i phyir de bzhin gshegs pa'i snying
 po bstan pa'i sgo nas ston pa yin pas thabs la mkhas pa'o/ /rdza mkhan bzhin du zhes bya ba ni dper na rdza mkhan 'dzim pa'i rdul gyi phung po gcig las byung ba'i snod rnam pa sna tshogs pa byed pa de bzhin du stong pa nyid kyi mtshan nyid
 can gyi don las byung ba'i yi ge dang tshig gi rnam grangs rnam pa sna tshogs kyis stong pa nyid ston ba'o/ /de la yi ge ni yi ge re re'o/ /tshig ni bum pa la sogs pa'o/ /rnam grangs ni de dag gi rang bzhin te/ de dag las ma gtogs pa'i
 rnam grangs med pas so/ /de ltar zhes bya ba la sogs pa ni mjug bsdu ba ston pa yin te/ drang ba'i phyir zhes bya ba ni de bzhin gshegs pa'i snying po bstan pa'i sgo nas de rnams mi sgrag? pas bstan pa la bde blag du 'jug par 'gyur bas so/ /rnam par thar pa
 gsum gyi spyod yul gnas pa'i bsam pa dang zhes bya ba ni stong pa nyid dang/ mtshan ma med pa dang/ smon pa med pa'i rang bzhin can gyi rnam par dag pa gsum gyi spyod yul la bsam pa gtang ba'o/ /des ji ltar de bzhin gshegs pa'i snying po bstan pa'i
 don stong ba nyid kho na yin pa de bzhin du sems tsam bstan pa yang stong pa nyid la 'jug pa'i thabs yin no zhes bya ba'i tha tshig go /yang mdo'i khungs kyi sgo nas stong pa nyid kyi don bstan pa de nyid bstan par bya ba'i phyir/ yang de nyid dang zhes bya ba la sogs
 pa gsungs te/ mdo sde'i nang du chud pa zhes bya ba ni mdo thams cad kyis stong pa nyid kyi don ston pa'i phyir ro/ /'di'i don ni bcom ldan 'das kyis mdo thams cad du rten cing 'brel bar 'byung ba'i rang bzhin gsungs la/ gang rten cing 'brel par 'byung ba
 de bltos pa can yin pas ngo bo nyid med pa'i phyir stong pa nyid kho na mdo thams cad kyi nang du chud pa yin no zhes pa'o/ /de'i phyir de ltar na zhes bya ba la sogs pas ni sems tsam du smra ba rnams kyis lung drangs pa rnams drang ba'i don yin no zhes 'jug
 bsdu ba ston pa'o/ /rnam pa de lta bu'i mdo sde zhes bya ba ni khams gsum ba ni sems tsam mo zhes bya ba dang/ phyi rol snang ba yod med de zhes bya ba la sogs pa'o/ /nges pa'i don du khas blangs pa thams cad ces bya ba ni don dam pa'i don can nyid du khas
 blangs ba'o/ /drang ba'i don nyid yin par zhes bya ba ni don dam par ston pa ma yin par ro/ /lung 'dis zhes bya ba ni rten cing 'brel bar 'byung ba lugs las 'byung ba'i rnam pa la rtog go zhes bya ba la sogs bas so/ /de ltar khams gsum pa ni
 sems tsam mo zhes bya ba la sogs pa'i lung de rnams la lung gzhan gyi sgo nas drang ba'i don nyid du bstan nas/ rigs pa'i sgo nas drang ba'i don nyid du bstan par bya ba'i phyir/ rigs pas zhes bya ba la sogs pa gsungs te/ shes bya
 med na zhes bya ba ni shes bya mi 'thad na'o/ /shes ba bsal pa ni zhes bya ba ni shes pa med pa'o/ /bde blag rnyed ces bya ba ni bde blag tu khong du chud pa'o/ /'di'i dgongs pa ni 'di yin te/ gang sems tsam du gsungs pa de don dam par yod pa
 nyid sgrub pa'i don du ma yin gyi/ 'on kyang shes bya med na shes pa ci ltar yod ces shes pa med pa bde blag tu khong du chud par bya ba'i don du yin no zhes pa'o/ /de ltar rigs pas shes pa yod pa nyid du ma grub pa'i phyir shes pa yod par
 bstan pa ni drang ba'i don kho na yin no zhes pa'o/ /de 'grel pas bstan par bya ba'i phyir/ sangs rgyas zhes bya ba la sogs pa gsungs te/ rim gyis zhes bya ba ni bdag la sogs pa bkag pa'i sgo nas yin te/ gzhan du na stong pa nyid la
 bskrag pa nas 'jug par mi 'gyur bas so/ /de la dpe ston pa ni/ de la zhes bya ba la sogs pa gsungs te/ chos nyid la 'jug pa'i thabs yin pas zhes bya ba ni longs spyod la bltos pa med pa tshul khrims la sogs pa la 'jug
 pa'i sgo nas bsod nams byas pa dag med pa khong du chud pa'i thabs yin pas so/ shes bya bkag pa ni shes pa bdag med par rtogs pa'i thabs yin pas bde blag tu 'jug pa ston pa ni/ shes bya rang bzhin med par zhes bya ba la
 sogs pa gsungs te/ gzhan yang de bzhin du zhes bya ba ni sems yod par ston pa'i gsung rab rnams brtag par bya'o zhes bya ba ni drang ba'i don nyid do/ /brtag par yang drang ba dang/ nges pa'i don gyi mdo'i mtshan nyid med na mi shes pas de
 dag gi mtshan nyid bstan par bya ba'i phyir/ de ltar lung gis zhes bya ba la sogs pa gsungs te/ de ltar lung gi lo rgyus shes bya ste zhes bya ba ni drang ba dang nges pa'i don gyi dbye bas lung gi lo rgyus shes par byas nas so/ /mdo gang de nyid ma yin bshad
 don can zhes bya ba ni mdo gang du de kho na nyid ma yin pa bshad pa ste/ phung po la sogs pa ston par byed pa'o/ /gang blos de nyid rtogs 'gyur drang don gsungs zhes bya ba ni gang du shes rab kyi sgo nas don dam pa'i don nges par byed pa de ni drang ba'i don
 to/ /stong nyid don can nges don 'ang shes par gyis zhes bya ba ni mdo gang du stong pa nyid dngos su ston par byed pa de ni nges pa'i don ston par byed pa yin te/ mdor shes par bya'o/ /de 'grel pas bstan par bya ba'i phyir/ mdo sde gang dag ces bya ba la
 sogs pa gsungs te/ dngos su gsal bar byed pa ma yin pa zhes bya ba ni gzugs la sogs pa gsungs pas so/ /rang bzhin med pa la 'jug pa'i rgyu nyid du ci ltar 'gyur ba de bstan par bya ba'i phyir/ ji skad du zhes bya ba la sogs pa gsungs te/ slob dpon klu sgrub zhabs
 kyis mdzad pa'i bstod pa las gzugs bstan pa rang bzhin med pa la 'jug pa'i rgyu nyid du ci ltar 'gyur ba de bstan par bya ba'i phyir/ 'byung rnams mig gzung ma yin na zhes bya ba ni/ sa dang chu dang/ me dang/ rlung gi mtshan nyid can gyi 'byung ba rnams sra ba dang
 gsher ba dang/ dro ba dang/ yang zhing g.yo ba'i rang bzhin can reg par bya ba yin pas mig gi gzung bar bya bar mi rigs pas so/ /de byung zhes bya ba ni 'byung ba las gyur pa'i gzugs so/ /mig gzung ci ltar 'gyur zhes bya ba ni mig gi rnam par shes pa la gzung bar
 bya ba nyid du ci ltar rigs te/ reg bya mig gi bar shes pas gzung bar bya ba nyid yin na dbang po lnga don med par thal bar 'gyur ba yin pas so/ /gzugs la de skad gsungs pa na zhes bya ba ni bcom ldan 'das khyod kyi gzugs 'byung ba las gyur par gsung
 na'o/ /gzugs kyi 'dzin pa bzlog ces bya ba ni gal te gzugs 'byung ba las gyur pa yin na de'i tshe mig gis gzung bar bya ba nyid ci ltar 'gyur zhes gzugs la mngon par zhen pa bzlog pa'o /des na shes rab kyis ma brtags na nyams
 dga' bar sgyu ma ltar gzugs la sogs pa 'di rnams snang ba yin no zhes stong pa nyid kyi don brtag par bya'o/ /mdo'i sgo nas kyang stong pa nyid kyi don ston pa ni mdo las kyang zhes bya ba la sogs pa gsungs te/ mi rtag don ni mdo zhes bya ba ni gsungs so/ /zhes
 bya ba ni gang rtag tu med pa de ni mi rtag pa'o/ /des nas mi rtag pa las bstan pas stong pa nyid kyi don nges par bya'o/ /mtshan nyid de lung gi sgo nas kyang bstan par bya ba'i phyir/ ji skad du zhes bya ba la sogs pa gsungs te/ nges don zhes bya ba la sogs pa ni go
 sla'o/ /yi ge tha dad ces bya ba ni sgra tha dad pa'o/ /don gcig ste zhes bya ba ni sngar bstan pa'i rnam pas stong pa nyid kyi don gcig ston pas so/ /yongs su bsgrags par nus ma yin zhes bya ba ni mdo rnams kyi mtshan nyid brjod par nus pa ma yin no zhes pa'o/
 dngos po gcig ni bsam byan zhes bya ba ni gzugs la sogs pa'i mtshan nyid can gyi dngos po gcig la bsam par byas nas so/ /de dag thams cad bsgom 'gyur te zhes bya ba ni mdo'i don thams cad sgom par 'gyur ro zhes bya ba yin te/ stong pa nyid
 kyi don thams cad bsgom par 'gyur zhes bya ba yin te/ stong pa nyid kyi don thams cad du mtshungs pa yin pas so/ /sangs rgyas kun gyi chos mang po zhes bya ba la sogs pa ni sangs rgyas bcom ldan 'das rnams kyis chos ji snyed cig gsungs pa de rnams kyi
 chos thams cad kyi bdag med nyid du gsungs pa yin la/ mi gang don ma mkhas pa ste bdag med pa shes pa rnams kyis so/ /gnas 'di la ni bslab byas nas zhes bya ba ni bdag med pa'i gnas 'di la thos pa dang/ bsam pa dang/ sgom pa'i sgo? nas?
 bslab par gyur na'o/ /sangs rgyas chos rnams rnyed mi dka' zhes bya ba ni sangs rgyas rnams kyi chos stobs dang mi 'jigs pa la sogs pa rnams bde blag tu skye bar 'gyur ba'o/ /mdo gzhan gyi sgo nas kyang drang ba dang nges pa'i don gyi mdo'i mtshan nyid ston pa
 ni de bzhin du zhes bya ba la sogs pa gsungs te/ rgya cher bstan pa yang zhes bya ba ni drang ba dang nges pa'i mdo'i mtshan nyid do/ /'di ltar mdo las drang ba'i don gyi mdo ni gang zhe na/ mdo gang las kun rdzob gsungs pa 'di ni drang ba'i don yin no/ /nges ba'i
 don gyi mdo gang zhe na/ mdo gang las don dam pa'i bden pa mngon du bya ba'i phyir gsungs pa 'di ni nges pa'i don te/ mdo gang nas tshig dang yi ge sna tshogs su gsungs pa de ni drang ba'i don yin la/ mdo gang zab pa blta bar dka' ba khong du chud par dka' 
 bar gsungs pa de ni nges pa'i don yin la/ mdo gang bdag dang sems can dang/ srog dang/ gso ba po dang/ skyes bu dang/ gang zag dang/ shed? las skyes pa dang/ shed bu dang/ byed pa po dang/ tshor ba po'i sgra dang/ skad sna tshogs pa bdag po med pa la bdag
 po yod pa bzhin du gsungs pa ni drang ba'i don yin la/ mdo gang las stong pa nyid dang/ mtshan ma med pa dang/ smon pa med pa dang/ mngon par 'du byed pa med pa dang/ ma byung ba dang/ ma skyes pa dang/ dngos po med pa dang/ sems can med pa dang/ srog med pa
 dang/ gang zag med pa dang/ bdag po med pa dang/ rnam par thar pa'i sgo gsungs pa de ni nges pa'i don yin no zhes rgyas par gsungs so/ /phyogs tsam zhig ni brjod par bya ste zhes bya ba ni drang ba dang nges pa'i don gyi mdo'i rnam par dbye ba bsten pa'i don du
 phyogs tsam brjod par bya ste zhes bya ba'i tha tshig go /de yang ngo bo gsum bstan pa'i sgo nas bstan par nus pas kun brtags dang/ gzhan dbang dang/ yongs su grub pa'i rab tu dbye ba ston pa ni/ dper na zhes bya ba la sogs pa gsungs te/ rten cing 'brel
 par 'byung ba la zhes bya ba ni lag pa'i bya ba'i khyad par dang thag pa la rten nas 'byung ba'o/ /thag pa bsngogs? pa zhes bya ba ni 'khyil pa'i rnam pa yin pas so/ /brtags pa yin te zhes bya ba ni 'jig rten pa'i tha snyad kyis de la sbrul med
 pas so/ /yongs su grub pa zhes bya ba ni 'jig rten pa'i tha snyad kyis sbrul dngos su yod pas so/ /de la dpe bstan nas/ don la sbyar bar bya ba'i phyir/ de bzhin du zhes bya ba la sogs pa gsungs te/ gzhan gyi dbang gis byas pa zhes bya ba ni rgyu dang rkyen gyis dbang
 gis 'jug pa'i phyir gzugs dang sems la sogs pa ni gzhan dbang ngo/ /kun tu brtags pa yin te zhes bya ba ni gzugs dang/ sems la sogs pa don dam par yod pa yin no zhes rang bzhin gang brtags pa de ni kun tu brtags pa'o/ /de la
 dbu ma rtsa ba'i shes rab las khungs ston pa ni/ rang bzhin dag ni zhes bya ba la sogs pa gsungs so/ /'di'i don ni ran gi dngos po rang bzhin yin te/ dngos po gang gi gnyug ma'i rang bzhin gang yin pa de ni de'i rang bzhin brjod par bya'o/ /gang gang gi bdag gi
 ba yin zhe na/ gang bcos ma ma yin pa'o/ /gang bcos ma ma yin pa de ni bdag gi ba yin te/ dper na chu'i dro ba nyid bzhin no/ /yang gang gang gi dbang du gyur pa de ni de'i bdag gi ba yin te/ dper na rang gi bran dang rgyal po'i blas bzhin no/ /gang
 gang gi gzhan dbang du gyur pa de ni de'i bdag gi ba ma yin te/ dper na dus ji srid cig tu g.yar ba'i rang mi dbang ba'i dngos po bzhin no/ /gang gi phyir bcos ma dang gzhan la bltos pa la rang bzhin 'dod pa ma yin pa de'i phyir me'i dro ba nyid rgyu
 dang rkyen la rag las pa dang/ sngar ma byung ba phyis skyes pa'i phyir byas pa yin pas rang bzhin yod pa rigs pa ma yin no/ /gang gi phyir de ltar yin pa de'i phyir me las dus gsum car du yang mi 'khrul bar gnyug mar gnas pa bcos ma
 ma yin pa/ sngar ma byung ba ma yin pa gang rgyu dang rkyen la bltos pa med pa chu'i dro ba nyid dang/ pha rol tshu rol dang/ ring po dang/ thung ngu la sogs pa bzhin du gzhan la bltos pa med pa de la rang bzhin zhes brjod par bya'o/ ci me la de lta bu'i rang bzhin yod
 dam/ rang bzhin yod pa yang ma yin la med pa yang ma yin no/ /de ltar yin yang nyan pa po rnams la sgrag pa spang ba'i don du kun rdzob tu sgro btags nas de yo? ? ngo zhes brjod pa yin no/ /de ltar yang yi ge med pa'i chos rnams la zhes bya ba la sogs
 pa gsungs pa dang/ dbu ma rtsa ba'i shes rab las kyang/ stong nyid ces kyang brjod mi bya/ /mi stong zhes kyang brjod mi bya/ /gnyis ka gnyis min zhes mi brjod/ /tha snyad tsam du brjod par bya zhes gsungs so/ /gal te sgo btags nas yod pa yin no zhes brjod
 na de ji lta bu zhe na/ chos rnams kyi chos nyid gang yin pa de nyid de'i rang bzhin no/ /'o na chos rnams kyi chos nyid gang yin zhe na/ chos rnams kyi gshis so/ /chos rnams kyi gshis gang zhe na/ ngo bo nyid do/ /ngo bo de nyid gang zhe na/ stong pa nyid do/ /stong pa nyid de gang zhe na/
 rang bzhin med pa'o/ /rang bzhin med pa gang zhe na/ de bzhin nyid do/ /de bzhin nyid gang zhe na/ de bzhin du yod pa dang/ mi 'gyur ba nyid dang/ dus rtag tu gnas pa nyid dang/ rnam pa thams cad du me la sogs pa'i skye ba med pa nyid gzhan gyi dbang du gyur pa dang
 bcos ma ma yin pa'i phyir rang bzhin zhes brjod par bya'o/ /'di'i don ni ma rig pa'i rab rib kyi nus pas dmigs pa'i dngos po'i tshogs rnams ma rig pa'i rab rib spangs pa'i 'phags pa rnams la gang gis bdag nyid ma gzigs pa'i
 tshul gyis yul nyid du gyur pa'i rang bzhin de nyid de rnams kyi rang bzhin yin no zhes rnam bzhag bya'o/ /de'i rang bzhin dag ni bcos min dang/ gzhan la bltos pa med pa yin/ zhes slob dpon 'di rnams kyi mtshan nyid rnam bzhag mdzad pa yin no 
 zhes rigs par bya'o/ /dngos po rnams kyi skye ba med pa'i bdag nyid can gyi rang bzhin de yang ci'i ngo bor ma grub pa nyid kyis ngo bo nyid med pa tsam gyi rang bzhin yin pas rang bzhin med pa kho na yin pa'i phyir dngos po la rang bzhin yod
 pa ma yin no zhes brjod par bya'o/ /des na gzugs la sogs pa rnams la gzugs la sogs pa nyid du rang bzhin gang brtags pa de ni kun tu brtags pa'o/ /gzugs bzhin pa'i zhes bya ba la sogs pa la/ rten cing 'brel par 'byung ba byas pa can
 zhes bya ba ni gzugs la sogs pa'o/ /gzugs brnyan dang 'dra ba dang/ zhes bya ba ni bdag las ma yin zhes bya ba la sogs pas mi 'thad pas so/ /brtags pa zhes bya ba ni rang bzhin yod pa nyid du rtags pa'o/ /sangs rgyas kyi spyod yul la ni
 dngos po yin te zhes bya ba ni gdod ma nas ma skyes pa'i dngos po ni sangs rgyas bcom ldan 'das rnams kyis ma gzigs pa'i tshul gyis gzung bar bya ba yin pa'i phyir ro/ /kun tu ma brtags pa'i phyir ro zhes bya ba ni bcos ma'i dngos po la
 rang bzhin kun tu ma brtags pas so/ /don de nyid bstan par bya ba'i phyir/ dngos po byas pa can zhes bya ba la sogs pa gsungs te/ ma rig pa'i zhes bya ba ni gzugs la sogs pa der mi snang bas so/ /rang bzhin zhes bya ba ni stong pa nyid mtshan
 nyid can no/ /mngon sum du mdzad pas zhes bya ba ni mi dmigs pa'i tshul gyis so/ /de nyid ces bya ba ni skye ba med pa'i mtshan nyid can de kho na nyid do/ /mjug bsdu pa bstan par bya ba'i phyir/ de'i phyir zhes bya ba la sogs pa gsungs te/ rnam par bzhag
 pa rtogs par byas nas zhes bya ba ni sngar bstan pa'i tshul gyis so/ /mdo'i dgongs pa rnam par bshad par bya'o/ /zhes bya ba ni drang ba dang nges pa'i mdo'i don brjod par bya'o/ /'di lta ste kun tu brtags pa dang/ gzhan gyi dbang gi don la brten nas
 mdo gang gsungs pa de ni drang ba'i don yin la/ gang yongs su grub pa'i don la brten nas gsungs pa de ni nges pa'i don no/ /da ni sems tsam du smra ba'i 'dod pa'i dbang du byas nas kun brtags kyi rnam bzhag rigs pa ma yin no zhes bstan par bya ba'i phyir
 gzung ba dang 'dzin pa gnyis ni zhes bya ba la sogs pa gsungs te/ gzhan gyi dbang las ma gtogs par dngos po med pa'i phyir zhes bya ba ni ci ltar kho bo cag gi 'dod pa ltar na ni rang bzhin yongs su grub pa la yod pas gzugs dang sems
 la sogs pa byas pa can la rang bzhin de brtags pa yin na kun brtags rigs pa yin la/ khyod kyi ltar na gzung ba dang/ 'dzin pa gnyis ni gzhan gyi dbang las ma gtog par gzhan du dngos su yod pa ma yin pa'i phyir/ gzung ba dang 'dzin
 pa dag kun tu brtags par mi rigs pa'o/ /de gnyis zhes bya ba ni gzung 'dzin gnyis so/ /spros pas chog go zhes bya ba ni sems tsam du smra ba zhar la 'ongs pa ngos cho go zhes pa'o/ /dkyus ma nyid bshad par bya'o zhes bya ba ni skye ba dgag pa nyid
 do/ gnyis ka las skye ba dgag par bya ba'i phyir/ de'i phyir de ltar zhes bya ba la sogs pa gsungs te/ gnyis ka las skye ba'ang zhes bya ba ni bdag dang gzhan las so/ /rig pa'i ngo bo ma yin zhes bya ba ni 'thad pa ma yin zhes pa'o/ /de dam bca' 
 ba tsam yin pas de'i gtan tshig ston pa ni/ bshad zin nyes pa zhes bya ba la sogs pa gsungs pa ste/ gang gi phyir bdag las skye ba'i phyogs dang gzhan las skye ba'i phyogs la skyon gang brjod pa de dag gnyis ka las skye bar 'dod pa
 la thog tu 'bab pa yin pas de'i phyir gnyis ka las skye ba mi 'thad pa'o/ /de 'grel pas ston pa las dang por gcer? bu pas brjod pa'i gnyis ka las skye ba 'gog pa'i phyogs snga mi ston pa ni/ de la zhes bya ba la sogs pa gsungs te/ de la zhes
 bya ba ni gnyis ka las skye ba 'gog pa'i gnas skabs la'o/ /tshig gal gnyis su smra ba rnams ni zhes bya ba ni thams cad thams cad kyi bdag nyid yin zhing thams cad thams cad kyi bdag nyid ma yin no zhes brjod pa na tshig gnyis su
 smra ba ste gcer bu ba rnams so/ /gnyis ka las skye ba'i tshul rgyas par ston pa ni/ de la 'jim pa'i zhes bya ba la sogs pa gsungs te/ skud pa dang zhes bya ba ni gang gis 'jim pa'i gong bu las bum pa so sor byed pa'o/ /dbyug gu zhes pa ni
 gang gis 'khor lo skor bar byed ba'o/ /sogs pa'i sgras ni lag pa'i bya ba bsdu bar bya'o/ /de la rang las skye ba bstan par bya ba'i phyir/ gang gi phyir zhes bya ba la sogs pa gsungs so/ /gzhan las skye ba ston pa ni/ gang gi phyir rdza mkhan zhes
 bya ba la sogs pa gsungs so/ /de ltar phyi rol gyi dngos po rnams gnyis ka las skye bar brjod nas nang gi dngos po rnams kyang gnyis ka las skye ba bstan par bya ba'i phyi rol gyi ngag la zhes bya ba la sogs pa gsungs so/ /de rgyas par bstan par bya
 ba'i phyir/ de la zhes bya ba la sogs pa gsungs te/ srog ces bya ba ni 'di nas 'jig rten pha rol tu 'gro ba'o/ /srog ma yin pa zhes bya ba ni dbang po la sogs pa'o/ /bsod nams dang sdig pa dang zhes bya ba ni dge ba dang mi dge
 ba'i las dag go /zag pa dang bcas pa zhes bya ba ni 'dod chags la sogs pa nyon mongs pa rnams so/ /sdom pa zhes bya ba ni dge slong dang dge slong ma'i sdom pa lta bu'o/ /sogs pa'i sgras ni sdom pa ma yin pa la sogs pa bsdu bar
 bya'o/ /lhag ma go sla'o/ /kho bo cag gnod par byed pa ma yin te zhes bya ba ni bdag las skye ba'i gcig pu 'gegs pa dang/ gzhan las skye ba'i gcig pu 'gags pa'o/ /de la lan bstan par bya ba'i phyir/ rtsod pa 'di yang zhes bya ba la
 sogs ba gsungs te/ 'di yang zhes bya ba ni gnyis ka las skye bar smra ba yod/ phyi rol gyi dngos po rang las skye bar 'dod pa'i phyogs la skyon bstan par bya ba'i phyir/ gang gi phyir zhes bya ba la sogs pa gsungs so/ /rang gi dngos po rang? las skye
 bar 'dod pa'i phyogs la skyon bstan par bya ba'i phyir/ de bzhin du zhes bya ba la sogs pa gsungs so/ /phyi rol gyi dngos po gzhan la skye bar 'dod pa'i phyogs la skyon ston pa ni/ gang gi phyir bum pa zhes bya ba la sogs pa gsungs so/ /nang gi
 dngos po gzhan las skye bar 'dod pa 'gegs pa ni/ pha dang ma la sogs pa zhes bya ba la sogs pa gsungs so/ /mjug bsdu ba bstan par bya ba'i phyir/ de la zhes bya ba la sogs pa gsungs te/ de la 'jig rten gyi kun rdzob tu bdag
 las skye ba bkag pa ni 'jig rten gyis kyang 'di dag gcig nyid du ni zhes mi len zhes bya ba la sogs pas so/ /'jig rten gyi kun rdzob tu gzhan las skye ba bkag pa ni 'jig rten pa'i sa bon tsam zhig blag par gyur nas nga yis bu
 'di bskyed ces smra byed pas zhes bya ba la sogs pas so/ /don dam par rang las skye ba bkag pa ni de ni de las 'byung ba yon tan 'ga' yang yod ma yin zhes bya ba la sogs pa'o/ /don dam par gzhan las skye ba bkag pa ni gzhan
 la brten nas gzhan zhig 'byung bar 'gyur na ni zhes bya ba la sogs pas so/ /de nyid bstan par bya ba'i phyir/ 'di ni 'jig rten las min de nyid du yang 'di min te zhes bya ba gsungs so/ /sngar bstan pa la skyon lhag pa bstan par bya ba'i phyir/ sngar
 bshad pa'i zhes bya ba la sogs pa gsungs te/ 'dir bshad pas kyang zhes bya ba ni gnyis ka las skye ba 'gags pa'i gnas skabs su bstan pas kyang ngo/ /de nyid bstan par bya ba'i phyir/ dper na zhes bya ba la sogs pa gsungs te/ re res
 bskyed par 'gyur na ni zhes bya ba la sogs pa gsungs te/ re re las ni skye ba grub pa yod pa ma yin zhes bya ba ni gang gi phyir bdag las skye ba dang/ gzhan las skye bar 'gyur na de'i tshe gnyis ka las skye bar 'gyur ba yin pa?
 de ltar yang ma yin pa'i phyir gnyis ka las skye ba yod pa ma yin no/ /de 'grel pas bstan par bya ba'i phyir/ dper na zhes bya ba la sogs pa gsungs te/ re res bskyed par 'gyur na ni zhes bya ba ni bdag gam gzhan gang yang rung bas so/ /de lta bu'i
 rang bzhin can mang po rnams kyis kyang zhes bya ba ni bskyed pa'i nus pa can mang po rnams kyis kyang ngo/ /de'i phyir zhes bya ba sogs pa ni gnyis ka las skye ba 'gegs pa'i mjug bsdu ba'o// //da ni rgyu med pa las skye bar 'dod pa dgag par bya ba'i
 phyir/ 'dir rang bzhin smra ba ni zhes bya ba la sogs pa gsungs te/ nyes pa de dag tu 'gyur ba zhig na zhes bya ba ni bdag dang gzhan dang/ gnyis ka las skye bar 'dod pa'i phyogs la skyon gang brjod pa rnams so/ /dngos po rnams kyi skye ba ni rang bzhin las byung
 ba kho na yin te zhes bya ba ni dngos po rnams rgyud la ma bltos par ngo bo nyid kyis 'byung ba yin no zhes pa'o/ /rang bzhin las 'byung ba rgyas par bstan par bya ba'i phyir/ 'di ltar pad+ma'i zhes bya ba la sogs pa gsungs te/ 'ga' zhig ces bya ba ni rgyu'o//
 rtsub pa dang 'jam pa dag ces bya ba ni sdong bu rnams rtsub pa dang/ 'dab ma rnams 'jam po nyid do/ /de'i 'dab ma dang zhes bya ba la sogs pa ni pad+ma'i 'dab ma dang ze 'bru la sogs pa'o/ /sna tshogs pa dag ces bya ba la/ 'dab ma rnams ni dmar po'o/ /ze'u
 'bru rnams ni ser po dang dkar po dag go /snying po rnams ni ser po nyid do/ /de bzhin du dbyibs kyang tha dad pa'o/ /de bzhin du pa nas dang bal po se'u la sogs pa sna tshogs pa yang 'ga' zhig gis byed par mthong ba ma yin zhes sbyar ba'o/ /pa nas zhes
 bya ba ni shing tog khyad par ro/ /sogs pa'i sgras ni ltar ga la sogs pa bsdu bar bya'o/ /phyi rol gyi dngos po rang bzhin las skye ba yin no zhes bstan nas/ nang gi dngos po yang rang bzhin las skye ba yin no zhes bstan par bya ba'i phyir/ phyi rol dag la zhes bya ba la
 sogs pa gsungs te/ ti ti ri zhes bya ba ni bya'i khyad par ro/ /sogs pa'i sgras ne tso la sogs pa bsdu bar bya'o/ /de la lan bstan par bya ba'i phyir/ 'di bshad par bya ste zhes bya ba la sogs pa gsungs te/ de'i tshe zhes bya ba'i rgyu med par skye bar 'dod pa'i
 tshe'o/ /mdza' dag rtag tu thams cad las kyang zhes bya ba la sogs pa ni dngos po mdza' dag dus rtag tu rgyu 'am rgyu ma yin pa thams cad las skye bar 'gyur te gzhan la bltos pa med pas so/ /'bras 'byung ched du zhes bya ba la sogs pas ni skyon
 gnyis ston pa yin te/ 'jig rten pa rnams kyis sa bon la sogs pa bsdud par yang mi 'gyur ba'o/ /sogs pa'i sgras ni gos dang rgyan la sogs pa 'dod pa rnams kyis snal ma dang gser la sogs pa sdud par byed par yang mi 'gyur ba bsdu bar
 bya'o/ /ci ltar sa bon la sogs pa sdud par byed na smras pa/ brgya phrag dag gi sgo nas zhes bya ba gsungs te/ thabs du ma'i sgo nas so/ /'dis ni mthong ba dang 'gal ba nyid brjod pa yin no/ /de 'grel pas bstan par bya ba'i phyir/ gal te zhes bya ba
 la sogs pa gsungs te/ glo bur bar 'gyur na ni zhes bya ba ni rgyu la bltos pa med na'o/ /des ni shing tog gi zhes bya ba ni pa na sa'i 'bras bu'i'o/ /nim pa dang a 'bra la sogs pa zhes bya ba ni shing gi khyad par ro/ /de dag las kyang zhes bya ba ni ma pa
 dang a 'bra la sogs pa rnams las kyang ngo/ /rgyu ma yin pa nyid du 'dri ba'i phyir ro/ /zhes bya ba ni pa na sa dang/ a 'bra dang ni ma pa la sogs pa rnams rgyu ma yin pa nyid du mtshungs pa'i phyir ro/ /de bzhin zhes bya ba ni shing pa
 na sa'i 'o/ /de ltar rgyu med pa las skye bar thal bar 'gyur ba nyid bstan nas/ nga ni dus thams cad du skye bar thal bar 'gyur ro zhes bstan par bya ba'i phyir/ yang gang zhig ces bya ba la sogs pa gsungs te/ dus tshigs la bltas shing?
 zhes bya ba ni dpyid la sogs pa'i dus rnams la bltos pa'o/ /smin pa las skyes pa'i skye ba zhes bya ba ni skye ba stobs kyis gang dkar po dang dmar po la sogs pa'i gnas skabs khyad par can skye'o/ /a 'bra dang la gu tsa la sogs pa rnams kyi zhes bya
 ba ni shing tog gi khyad par rnams kyis so/ /res 'ga' mngon par zhes bya ba 'dis ni dus tshigs la bltos pa'i brjod pa nyid do/ /mngal gyi gnas skabs na yang zhes bya ba ni nur nur po la sogs pa'i gnas skabs na yang ngo/ /rtag tu skye bar 'gyur na
 zhes bya ba ni dus kyi khyad par las skye bar mi 'gyur ba'o/ /des ni yod pa yang ma yin pas zhes bya ba ni rtag tu skye ba yod pa ma yin pa'o/ /rang bzhin du smra ba zhes bya ba ni rgyu med par smra ba'o/ /rigs pa dang 'gal bas brjod nas zhes bya ba ni rgyu med
 par skye ba khas len na mi 'dod par thal bar 'gyur ba bstan bas so/ /mthong ba dang 'gal ba zhes bya ba ni mngon sum dang 'gal ba'o/ /skyon gzhan bstan par bya ba'i phyir/ gzhan yang zhes bya ba la sogs pa gsungs te/ gal te 'gro ba rnams la rgyu
 med par 'gyur na ni de'i tshe 'gro ba gzung du med pa nyid du thal bar 'gyur ba'o/ /de la dpe ston pa ni/ nam mkha' i utpa la'i dri'i mdog ji bzhin zhes bya ba la sogs pa gsungs te/ dper na nam mkha' i utpa la'i dri dang kha dog la rgyu med pa'i phyir gzung du med
 pa de bzhin du 'gro ba rnams kyang gzung du med pa nyid du 'gyur te/ rgyu yis stong pa'i phyir ro/ /'gro ba rnams gzung du med pa nyid ma yin pas rgyu dang ldan pa yin no zhes bstan par bya ba'i phyir/ shin tu ches bkra'i zhes bya ba la sogs pa gsungs te/ rnam pa sna
 tshogs pa'i kha dog dang dbyibs la sogs pa'i dbye bas shin tu ches bkra ba'o/ /de dpe bstan par bya ba'i phyir/ rang gi blo bzhin bya ba la sogs pa gsungs te/ ci ltar rang bzhin las skye bar smra ba po rnams la sngon por snang ba'i blo sngon po med na mi 'gyur bas
 de'i phyir blo rgyu las skyes pa yin la/ de bzhin du 'gro ba 'dzin pa yang 'gro ba med na mi 'byung bas 'dzin pa rgyu dang ldan pa'i phyir 'gro ba yang rgyu dang ldan par 'gyur ba'o/ /zhes pa'o/ /de 'grel pas bstan par bya ba'i phyir/ gal te zhes bya ba la
 sogs pa gsungs te/ 'dzin pa'i lam du mi 'gyur ba nyid na zhes bya ba ni 'dzin pa'i rgyu nyid du mi 'gyur ba'o/ /rang gi blo ji ltar zhes bya ba'i bshad pa ni/ khyod kyi ltar na zhes bya ba la sogs pa yin te/ khyod kyi zhes bya ba ni rang bzhin smra ba'o/ /de ltar ngang
 bzhin las skye bar smra ba bkag nas/ mthong ba rgyu ru smra ba'i phyogs snga ma bstan par bya ba'i phyir/ sems pa zhes bya ba la sogs pa gsungs te/ sems pa 'byung ba las gyur pa dag na zhes bya ba ni sa la sogs pa'i 'byung ba rnams las sems
 'byung bar brjod pa de dag ni sems pa 'byung las gyur pa dag go/ de'i 'dod pa bstan par bya ba'i phyir/ rgyu dmigs bzhin pa la ni zhes bya ba la sogs pa gsungs te/ rgyu dmigs pa la zhes bya ba ni shing tog a 'bra dang pa nas la sogs pa rnams kyi mthong
 ba'i rgyu ni shing pa na sa dang a 'bra la sogs pa rnams kyis so/ /ji skad bshad pa'i skyon du thal bar 'gyur ba'i phyir te/ zhes bya ba ni rang bzhin smra ba la brjod pa'i skyon du thal bar 'gyur ba'i phyir/ mthong ba'i rgyu nyid bstan par bya ba'i phyir/ rgyu dang 'bras
 bu'i dngos po zhes bya ba la sogs pa gsungs so/ /de rgyas par bstan par bya ba'i phyir/ de nyid bzhin kho na ste zhes bya ba la sogs pa gsungs te/ yongs su smin pa'i khyad par las zhes bya ba ni gnas skabs khyad par can rnyed pa las so/ /dngos po'i de kho na
 nyid sna tshogs yongs su gcod pa por gyur pa zhes bya ba ni dngos po'i rang bzhin gsal bar byed pa'i de kho na nyid las skye ba yin no zhes bya ba ni sa la sogs pa'i 'byung ba chen po rnams kho na las skye ba yin no zhes pa'o/ /'byung ba rnams sA
 blo skye ba la dpe bstan par bya ba'i phyir/ de la ci ltar zhes bya ba la sogs pa gsungs te/ 'byung ba'i bye brag phrad pa yongs su 'gyur ba'i khyad par las zhes bya ba ni chang gi rgyur gyur pa'i phabs la sogs pa'i 'byung ba'i khyad par gang yin pa de rnams
 sna tshogs pa de'i yongs su 'gyur ba ste/ dus kyi khyad par gyi sgo nas gong nas gong du gnas skabs khyad par can thob pa gang yin pa'o/ /myos par 'gyur ba'i nus pa zhes bya ba la/ myos pa ni rab tu dga' ba ste sems spro ba'i khyad par ro/ /nga rgyal ba ni
 dran pa nyams pa'o/ /sogs pa'i sgras ni 'thab rtsod la sogs pa bsdu bar bya'o/ /nur nur po la sogs pa'i 'byung ba chen po khyad par can yongs su smin pa las zhes bya ba ni ma'i mngal du khu ba dang khrag gi thigs pa dang tshogs pa'i gnas skabs
 ni nur nur po yin la/ sogs pa'i sgras ni mer mer po la sogs pa bsdu bar bya'o/ /de nas sa la sogs pa 'byung ba khyad par can gang yod pa de rnams dus kyi khyad par gyis yongs su smin pa las glo dag skye ba yin no zhes pa'o/ /'jig rten pha rol po dag
 yod pa nyid ni ma yin no zhes bya ba ni kha cig gis gang 'jig rten gzhan nas 'dir 'ongs pa dang/ 'di nas pha rol tu 'gro ba'i gdag yod do zhes smra ba dang/ kha cig gis sems su smra ba dang/ kha cig gis srog tu smra ba de rnams ni yod pa ma yin no
 zhes pa'o/ /gang du zhes bya ba ni bdag gam/ sems sam/ srog la'o/ /byas pa'i las zhes bya ba ni skye ba gzhan la'o/ /'jig rten gzhan du zhes bya ba ni ma 'ongs pa'i dus su'o/ /de nyid sems la bzhag nas sems pa 'byung ba las gyur pa
 rnams kyis/ mdzes ma zhes bya ba la sogs pa smos te/ mdzes ma zhes bya ba ni gzugs khyad par can dang ldan pa'i bu mo la bod pa'i tshig go /legs par spyod cing zhes bya ba ni bgrod par bya ba dang/ bgrod par bya ba ma yin pa spongs la legs par longs
 spyod cig ces pa'o/ /bza' bar gyis zhes bya ba ni bza' bar bya ba dang bza' bar bya ba ma yin pa dag spongs la bza' bar gyis shig ces pa'o/ /lus mchog ces bya ba ni lus kyi khyad par can no/ /ci'i phyir de ltar spyad par bya zhe na/ 'dis gang zhes bya
 ba la sogs pa gsungs te/ gang dge ba dang mi dge ba'i las 'das pa de dag khyod la mi 'byung ba ste/ khyod dang 'grel par mi 'gyur ba'o/ /ci'i phyir zhe na/ lus 'di zhes bya ba la sogs pa gsungs te/ 'jigs ma zhes bya ba ni bud med yin pas 'jigs
 ma zhes bod pa'o/ /song ba ldog par mi 'gyur ro zhes bya ba ni gang 'das pa de slar 'ong ba ma yin no/ /des na dge ba dang mi dge ba'i las dag gis 'bras bu yod pa ma yin no/ /lus 'di tshogs par gyur pa tsam zhig ste zhes bya ba ni lus 'di 'byung ba
 rnams tshogs pa tsam zhig yin la/ des na 'jig rten pha rol 'ga' zhig kyang yod pa ma yin no zhes bya ba ni phyogs snga ma'o/ /de la lan bstan par bya ba'i phyir/ 'di la brjod par bya ste zhes bya ba la sogs pa gsungs te/ khyod kyis zhes bya
 ba ni 'jig rten pha rol med pa smra bas so/ /gzhan gyis lan brjod pa ni/ mngon sum pa ma yin pa nyid kyi phyir ro zhen zhes bya ba gsung pa te/ gang gi phyir kho go cag la 'jig rten pha rol mngon sum du ma gyur pa de'i phyir 'jig rten pha rol med par
 nges pa yin no zhe na/ de la slob dpon gyis lan brjod pa ni/ khyod kyis zhes bya ba la sogs pa gsungs te/ gang khyod kyis mngon sum ma yin pa nyid kyi phyir zhes gtan tshigs brjod pa de mngon sum gyi yul du gyur pa zhig gam/ 'on te mngon sum
 gyi yul ma yin pa zhig grang/ de la gal te mngon sum ma yin pa nyid de mngon gyi yul nyid du brjod na de la lan bstan pa ni/ 'jig rten pha rol zhes bya ba la sogs pa gsungs te/ gal te dngos po med pa mngon sum gyi yul yin
 na skyon ci zhig ce na/ de'i phyir zhes bya ba la sogs pa gsungs so/ /dngos po med na skyon bstan par bya ba'i phyir/ de'i phyir dngos po med pa zhes bya ba gsungs te/ zla bo med pa'i phyir zhes bya ba ni dngos po'i zla bo ni dngos po med pa yin na de med pa'i phyir dngos
 po yang med par 'gyur te/ gnyis ka phan tshun bltos pa'i phyir ro/ /dngos po dang dngos po med pa dag med na zhes bya ba ni dngos po med pa ni med na dngos po med de/ dngos po med pa na mngon sum yin pas dngos po med pa med la/ de'i phyir gnyis ka med pas 'byung
 ba rnams kyi yod pa nyid nyams par 'gyur ba dang/ 'jig rten pha rol med pa yang nyams par 'gyur te/ dngos po med pa med pa'i phyir ro/ /des na mngon sum ma yin pa nyid ni mngon sum gyi yul nyid du mi 'gyur ro zhes bstan nas/ mngon sum gyi yul ma yin par
 yang mi 'thad ces bstan par bya ba'i phyir ci ste zhes bya ba la sogs pa gsungs te/ de nyid ces bya ba ni gang 'jig rten pha rol med pa bsgrub pa'i don du bkod pa'i gtan tshigs de nyid do/ /mngon sum ma yin pa'i phyir ma bzung bas zhes bya ba ni mngon sum
 ma yin pa'i mtshan nyid can gyi gtan tshigs mngon sum gyis ma bzung bas so/ /ma bzung ba'i sgo nas zhes bya ba ni mngon sum ma yin pa'i mtshan nyid can gyi gtan tshigs ma bzung bas so/ /'jig rten pha rol med par rjes su dpog par 'gyur zhes bya ba ni
 'jig rten pha rol med par rjes su dpog par mi rigs te gtan tshigs khong du ma chud pas so/ /ci ste zhes bya ba la sogs pa ni gzhan dag gi lan yin te/ gang phyir ma bzung ba gtan tshigs ma yin pa de'i phyir rjes su dpag pas mngon sum ma yin pa nyid kyi
 mtshan nyid can gyi gtan tshigs bzung ba yin la/ rjes su dpag pas grub pa'i mngon sum ma yin pa nyid kyis don bsgrub pa yin te/ 'jig rten pha rol med par sgrub par byed pa yin no zhe na/ de la lan bstan par bya ba'i phyir/ rjes su dpag pa las zhes bya ba la
 sogs pa gsungs te/ 'di ni zhes bya ba ni rjes su dpag pas don bsgrub pa'o/ /khas ma blangs pa nyid bstan par bya ba'i phyir/ ji tsam zhes bya ba la sogs pa gsungs te/ myos par byed pa'i nus pa dang ldan pa'i 'byung ba khyad par can chad yin pa de bzhin du
 sems pa'i nus pa dang ldan pa'i 'byung ba'i cho gas dbang po'i spyod yul du gyur pa gang yin pa de nyid skyes bu yin te/ de las gzhan pa'i 'jig rten pha rol tu 'gro ba'i skyes bu ma mthong ba'i phyir ro/ /'dis ni sems pa 'byung ba las gyur bar smra ba
 rnams kyi mngon sum kho na tshad ma nyid du khas blangs pa yin no zhes bstan pa yin no/ /gzugs phun sum tshogs pa dang ldan pa'i phyir bzang mo ste bod pa'i tshig go /mang du thos pa 'ga' zhig gis 'jig rten pha rol yod pa yin no zhes gang smras pa de nyid spyang
 ki'i rjes dang 'dra ba yin te/ slu bar byed pa yin no zhes pa'i don to/ /rtsis mkhan 'ga' zhig mi blun po'i yul khams 'ga' zhig tu 'ongs nas skyes bu mang po'i mdun du do nub spyang ki'i ngos nas khyed thams cad za bar 'gyur ro zhes smras so/ /
 de nas de rnams 'jigs shing skrag nas mtshan mo khyim dor nas ri la song ngo/ /rtsis mkhan des lam du spyang ki'i rjes mang po byas nas de rnams kyi khyim du song ste nor rnams blangs nas skye bo mang po de rnams bslus par byas so/ /de bzhin du med du
 thos pa'i tshig kyang slu bar byed pa yin no zhes pa'o/ /des na rjes su dpag pa med pa nyid khyod kyis khas blangs pa yin no zhes pa'o/ /des na rjes su dpag pas mngon sum ma yin pa nyid 'grub pa ma yin no zhes bya ba'i tha tshig go /sogs pa'i sgras ni bzang
 mo ma shi'i bar du bde bar 'tshos/ /shi nas de'i spyod yul min/ /lus ni thal ba bzhin song nas/ /slar skye bar yang ga la 'gyur/ /zhes bya ba bsdu bar bya'o/ /thams cad la zhes bya ba ni sangs rgyas bcom ldan 'das la sogs pa'o/ /skur pa
 'debs par byed pa zhes bya ba ni sangs rgyas bcom ldan 'das med do zhes bya ba la sogs pa'o/ /sun 'byin pa bshad zin pa'i lam gyi rjes su 'brangs te zhes bya ba ni sngar ji ltar 'jig rten pha rol skur pa 'debs pa rnams la skyon brjod pa de'i rjes su
 'brangs nas te/ 'di ltar khyod kyis sangs rgyas bcom ldan 'das yod pa ma yin no snyam pa'i nges pa 'di ga las yin/ mngon sum ma yin pa nyid kyi phyir ro zhe na/ mngon sum ma yin pa nyid kyi phyir sangs rgyas bcom ldan 'das mngon sum ma yin pa
 nyid ci mngon sum zhig gam/ mngon sum ma yin pa zhig yin grang zhes bya ba la sogs pa sngar sun 'byin bshad zin pa'i rjes su 'brangs la sun 'byin pa khong du chud par bya'o zhes pa'o/ /da ni 'jig rten pha rol la skur pa 'debs pa gang
 'jig rten pha rol med do snyam pa'i shes pa yod pa de log pa'i shes pa yin no zhes bstan par bya ba'i phyir/ gzhan yang zhes bya ba la sogs pa gsungs te/ gzhan yang zhes bya ba ni skyon gzhan yang brjod par bya'o/ /yang dag pa ma yin
 ba'i zhes bya ba'i bshad pa ni rnam pa de lta bu gzhan yang mi bden pa kho na yin pa zhes bya'o mtho ba'i dngos po phyin ci log tu rtog pa'i zhes bya ba ni 'byung ba rnams rang bzhin med pa la rang bzhin dang bcas par bzung bas so/ /'jig rten pha
 rol la sogs pa med par shes pa gzhan yang zhes bya ba ni 'jig rten pha rol med par shes pa dang sangs rgyas pa med par 'dod pa gang yin pa'o/ /'byung ba de dag ces bya ba la sogs pa la/ sa la sogs pa'i 'byung ba rnams bdag nyid gang zhig gis
 te/ rang bzhin dang bcas pa nyid kyis khyod kyi blo'i yul du byung ba de rnams de'i bdag nyid de/ rang bzhin dang bcas pa yod pa ma yin no zhes bya ba'o/ /'di nyid du zhes bya ba ni 'byung ba rnams la'o/ /gang la zhes bya ba ni sems pa 'byung ba las gyur par
 smra ba rnams la'o/ /yid kyi mun pa mthug bo zhes bya ba ni mi shes pa shin tu shas che ba'o/ /des na 'jig rten pha rol yang dag rtogs par 'gyur zhes bya ba ni 'jig rten pha rol la skur pa 'debs pa des 'jig rten pha rol yang dag par ji ltar
 rtogs par 'gyur te yid kyi mun pa mthug po yod pas khong du chud par 'gyur ba ma yin no zhes bya ba'i tha tshig go /de 'grel pas bstan par bya ba'i phyir/ sa zhes bya ba la sogs pa gsungs te/ ci ltar zhes bya ba ni rang bzhin dang bcas pa gang
 yin pa'o/ /'dis ni 'jig rten pha rol ma rtogs pa nyid bstan pa yin no/ /da ni 'jig rten pha rol med pa nyid du rtogs pa de log par lta ba yin no zhes bstan par bya ba'i phyir/ gzhan yang zhes bya ba la sogs pa gsungs te/ shes bya'i rang bzhin
 phyin ci log tu lta bar rtogs zhes bya ba ste zhes bya ba ni 'jig rten pha rol med pa'i mtshan nyid can gyi shes bya'i rang bzhin la phyin ci log tu lta ba 'jig rten rgyang phan pa 'di la yod pas na shes bya'i rang bzhin phyin ci log tu lta ba zhes
 pa'o/ /'jig rten pha rol med pa'i phyin ci log gi shes pa can yin no zhes bya ba'i tha tshig go /bdag nyid ces bya ba ni sems pa 'byung ba las gyur par smra ba'i rang gi bdag nyid do/ /'jig rten pha rol 'gog par byed pa'i dus su zhes bya ba ni
 'jig rten pha rol yod pa ma yin no zhes 'jig rten pha rol med par sgrub par byed pa'i dus su'o/ /'di'i don ni 'jig rgyang phan pa'i bdag nyid chos can yin la/ 'jig rten pha rol 'gog par byed pa'i dus su shes bya'i rang bzhin phyin ci
 log tu lta ba dang ldan par rtog par bya ste zhes bya ba ni bsgrub par bya ba'i chos so/ /gtan tshigs ni/ de'i lta ba'i rnam pa'i rten mtshungs lus dang ldan/ nyid phyir zhes bya ba smos te/ 'jig rten rgyang phan pa de'i 'jig rten pha rol med do/ /'jig
 rten na sangs rgyas med do snyam pa'i lta ba'i rnam pa de'i rten mtshungs pa de yang dag pa'i lta ba la sogs pa'i rten du ma gyur pa log pa'i lta ba dang ldan pa nyid yin te/ rgyu gang yin pa de nyid yul yin pa de dang ldan pa'i phyir ro/ /de la dpe bstan par bya
 ba'i phyir/ gang tshe zhes bya ba la sogs pa gsungs te/ gang gi tshe sa la sogs pa'i mtshan nyid can gyi 'byung ba rnams kyi bdag nyid yod pa nyid khas len pa de'i tshe bzhin du ste/ ci ltar de'i tshe de'i lta ba'i rnam pa'i rten du mtshungs pa lus
 dang ldan pa nyid dang phyin ci log tu lta ba yod pa de bzhin du 'dir yang ngo/ /'di'i don ni 'byung ba'i rang bzhin rtogs pa'i gnas skabs na log par lta ba'i rten du mtshungs pa'i lus dang ldan pa nyid dang/ bdag las ma yin gzhan las min zhes bya ba
 la sogs pa 'byung ba rnams kyi rang bzhin ma grub pas rang bzhin yod pa nyid du snang ba'i phyir phyin ci log gi shes pa yang yod pa nyid yin la/ de bzhin du 'jig rten pha rol 'gags pa rtogs pa'i gnas skabs na yang de'i lta ba'i rnam pa'i rten du mtshungs
 pa'i lus dang/ ldan pa nyid kyi phyir phyin ci log gi shes pa yang yod par 'gyur pa yin na zhes pa'o/ /de 'grel pas bstan par bya ba'i phyir/ mtshungs pa ni zhes bya ba la sogs pa gsungs te/ mtshungs pa ni mnyam pa ste 'dra ba zhes bya'i don to zhes bya ba ni ming
 gi rnam grangs ston pa ste/ yang dag pa'i lta ba dang the tshom gyi rten ma yin zhing log par lta ba dang ldan pa yin no zhes pa'o/ /rten gyi tshig gi don ston pa ni/ rten ni gnas pa'i rgyu'o zhes bya ba la gnas yin te de'i stobs kyis gnas pas so/ /lus kyi tshig gi don
 ston pa ni/ lus ni khog pa'o zhes smis so/ /de'i lta ba'i rnam pa'i tshig bsdu ba ston pa ni de'i zhes bya ba ni la sogs pa'o/ /rten mtshungs lus dang zhes bya ba'i tshig bsdu ba ston pa ni/ rten yang zhes bya ba la sogs pa gsungs te/ khyad par gyi tshig bsdu ba'o zhes bya ba
 ni rten dang mtshungs pa'i tshig dag lus kyi tshig gi khyad par yin zhes pa'o/ /de'i lta ba'i rnam pa dang rten mtshungs lus zhes bya ba'i tshig dag gi bsdu ba ston pa ni rten du mtshungs pa zhes bya ba la sogs pa gsungs so/ /ldan pa'i tshig gi don ston pa ni/ de
 'di la yod pas na ma tub kyi rkyen no zhes bya/ ma tub ces bya ba ni ldan pa yin no zhes pa'o/ /de'i dngos po ni zhes bya ba ni de'i don to/ /bsdus pa'i don gang yin pa de nyid do/ /sngar mtshungs pa'i sgra'i rnam grangs bstan nas/ da ni don bshad par bya ba'i phyir/ rten
 de ni zhes bya ba la sogs pa gsungs te/ rten de ni zhes bya ba ni lus so/ /the tshom gyi zhes bya ba ni 'jig rten pha rol yod dam med snyam pa'o/ /rten nyid du zhes bya ba ni rgyu nyid du'o/ /rten du mtshungs pa nyid du 'gyur bas zhes bya ba ni lus mtshungs pa nyid du 'gyur bas
 so/ /dpe dang don gyi gnas skabs tha dad pa nyid du bstan par bya ba'i phyir/ 'di ltar zhes bya ba la sogs pa gsungs te/ de'i zhes bya ba ni sems pa 'byung ba las gyur pa'o/ /gnas skabs gnyis ston pa ni gcig ni zhes bya ba la sogs pa gsungs so/ /de la
 gcig ni phyogs su byas pa nyid kyis na zhes bya ba ni 'jig rten pha rol la skur pa 'debs pa'i gnas skabs phyogs su byas pa nyid kyis so/ /de tshe bzhin zhes bya ba'i tshig gi don ston pa ni/ gnas skabs der yang zhes bya ba gsungs te/ der yang zhes bya ba ni
 'byung ba'i bdag nyid can gyi yod pa nyid du khas len pa'i dus na'o/ /de la gzhan gyi phyogs snga ma 'god pa ni/ ci ste zhes bya ba la sogs pa gsungs te bdag nyid ces bya ba ni sems pa 'byung ba las gyur pa ni bdag nyid can no/ /dpe bsgrub byas
 stong pa yin no zhes bya ba ni 'byung ba'i bdag nyid can gyi yod pa nyid mthong ba'i dus na phyin ci log tu mthong ba med pas so/ /de la lan bstan par bya ba'i phyir/ de yang zhes bya ba la sogs pa gsungs te/ de yang yod pa ma yin te zhes bya ba ni
 phyin ci ma log par mthong ba yod pa ma yin no zhes pa'o/ /yang sems pa 'byung ba las gyur pa rnams kyis smra ba ni 'byung ba dag ces bya ba la sogs pa gsungs so/ /de la lan ston pa ni ma yin te zhes bya ba la sogs pa gsungs te/ bsgrubs zin
 pa nyid ston pa ni/ 'byung ba de dag ces bya ba la sogs pa gsungs te/ bshad zin pa nyid bstan par bya ba'i phyir/ gang gi phyir na zhes bya ba la sogs pa gsungs so/ /de 'grel pas bstan par bya ba'i phyir/ dngos po rnams zhes bya ba la sogs pa
 gsungs so/ /skyon 'di thams cad la sbyar bar bya ba'i phyir/ de bzhin du zhes bya ba la sogs pa gsungs te/ thams cad mkhyen pa la skur pa 'debs pa dang zhes bya ba ni thams cad mkhyen pa nyid yod pa ma yin no zhes skur pa 'debs par byed pa'o/ /dngos po
 yod pa nyid du smra ba dang zhes bya ba ni dngos po rnams yod pa nyid yin zhes smra ba gang yin pa'o/ /dngos po med pa nyid smra ba dang zhes bya ba ni phyi rol gyi dngos po yod pa ma yin no zhes smra ba ste/ sems tsam du smra ba rnams so/ /dbang phyug dang zhes bya ba ni dbang
 phyug 'gro ba'i byed pa por smra ba rnams so/ /dus dang zhes bya ba ni dus kyi khyad par las dngos po rnams skye ba yin no zhes dus su smra ba'o/ /rdul dang zhes bya ba ni rdul gnyis la sogs pa'i rim pas bum pa la sogs pa'i 'bras bu rnams skye ba yin no zhes
 smra ba'o/ /rang bzhin dang zhes bya ba ni snying stobs dang/ rdul dang/ mun pa'i rang bzhin can gyi rang bzhin las 'bras bu rnams skye ba yin no zhes smra ba ni rang bzhin smra ba'o/ /ngo bo nyid smra ba ni zhes bya ba ni ngo bo nyid las 'gro ba thams cad skye ba yin no zhes
 ngo bo nyid smra ba'o/ /de dag las gzhan pa zhes bya ba ni bdag la sogs pa smra ba rnams so/ /rang gi ji lta ba yin pa smra ba ni zhes bya ba ni 'byung ba'i bdag nyid yod pa nyid du khas len pa'i sgo nas thams cad mkhyen pa ma skur pa 'debs pa dang/ dngos po yod pa nyid la
 sogs pa'i shes pa la yang rtogs pa phyin ci log sbyar bar bya'o/ /rtogs pa phyin ci log tu sbyor ba la phyogs tsam zhig bstan par bya ba'i phyir/ 'di ltar zhes bya ba la sogs pa gsungs te/ shes bya'i rang bzhin phyin ci log tu lta ba rtogs bya ste zhes
 bya ba ni sangs rgyas bcom ldan 'das la skur pa 'debs pa gang yin pa de ni shes bya'i rang bzhin yin la/ de log pa'i shes pa dang ldan pa'i bdag nyid du shes par gyis zhes pa'o/ /de'i lta ba'i rnam pa'i rten dang mtshungs pa'i lus dang ldan pa nyid kyi phyir
 zhes bya ba ni bcom ldan 'das la skur pa 'debs pa'i lta ba'i rnam pa'i rten du mtshungs pa'i lus dang ldan pa nyid kyi phyir ro zhes pa'o/ /de ltar dpe bstan par bya ba'i phyir/ gang tshe 'byung ba'i zhes bya ba la sogs pa gsungs te/ de tshe bzhin zhes bya ba ni ji ltar
 'byung ba'i bdag nyid yod pa nyid du khas len pa'i tshe de'i lta ba'i rnam pa'i rten du mtshungs pa'i lus dang ldan pa nyid yod pa'i lus dang ldan pa nyid yod pa dang/ phyin ci log gi shes pa'i bdag nyid yod pa de bzhin du'o/ /zhes bya ba la sogs pa
 zhes bya ba la/ sogs pa'i sgras ni shes bya'i rang bzhin phyin ci log tu lta bar rtogs bya ste/ dngos po sgrub par byed pa'i dus su bdag nyid ni/ de yi lta ba'i rnam pa'i rten mtshungs lus dang ldan nyid phyir/ /gang tshe 'byung ba'i bdag nyid khas len de tshe
 bzhin zhes bya ba dang/ pha rol bdag nyid 'gog par byed pa'i dus su bdag nyid ni/ shes bya'i rang bzhin phyin ci log tu lta bar rtogs bya ste/ de yi lta ba'i rnam pa'i rten mtshungs lus dang ldan nyid phyir/ rnam par shes pa'i bdag nyid yod nyid de tshe khas
 len bzhin zhes bya ba dang/ de bzhin du dbang phyug la sogs pa la yang dbang phyug sgrub par byed pa'i dus su bdag nyid ni zhes bya ba la sogs pa yang sbyar bar bya'o/ /gal te khyed cag la yang rtsod pa 'di mtshungs pa yin te/ 'di ltar gang gi
 tshe khyod kyi sems tsam 'gog par byed pa de'i tshe na de'i lta ba'i rnam pa'i rten mtshungs lus dang ldan nyid phyir zhes bya ba 'dis khyod la phyin ci log gi shes pa dang ldan par bsgrub par bya ste/ khyod kyis sems tsam 'gog pa'i dus su sems tsam pa la
 grub pa'i gzugs med pa khas blangs pa'i lus kyi gnas skabs dper brjod pa yin la/ de'i tshe dbu ma pa khyod la rnam par shes pa la skur pa 'debs pa'i rten du mtshungs pa'i lus dang ldan pa nyid dang phyin ci log gi shes pa yang yod pa yin te/
 gang gi phyir gal te dngos po 'ga' zhig yod par gyur na de la bltos pa'i med pa nyid du 'gyur ba yin la/ gang gi tshe yod pa nyid med pas med pa nyid med pa de'i tshe gzugs med par khas len pa'i dus su phyin ci log gi shes pa yod pa yin no/ /des na
 sems tsam la skur ba 'debs pa'i lta ba'i rnam pa'i rten du mtshungs pa'i lus dang ldan pa nyid yod pa'i phyir/ phyin ci log gi shes pa yang yod pas khyod la yang thal bar 'gyur ba 'di mtshungs so snyam pa'i dogs pa bsu nas lan 'debs
 pa ni/ yod pa dang med pa nyid ces bya ba la sogs pa gsungs te/ gnas skabs 'grar yang zhes bya ba ni sems tsam 'gog pa'i gnas skabs na'o/ /mi 'dod pa thob pa yod pa ma yin te zhes bya ba ni phyin ci log gi shes pa thob pa med pa'o
 'di'i don ni gal te kho bo cag gis 'ga' zhig med pa nyid du sgrub par byed na ni de'i tshe kho bo cag la phyin ci log gi shes par thal ba'i skyon 'byung ba yin la/ 'on kyang gdod nas skye ba med pa nyid kyis phyogs gang yang khas mi len pa'i phyir/
 mi 'dod pa 'thob pa ma yin no zhes pa'o/ /tshigs su bcad pa 'dis gzhan gyi phyogs thams cad ma lus par bsal bar nges par bya'o zhes mjug bsdu ba bstan par bya ba'i phyir/ de'i phyir mkhas pa zhes bya ba la sogs pa gsungs te/ yongs su sgyur la
 zhes bya ba ni 'jig rten pha rol 'gog pa'i dus su zhes bya ba la sogs pa ming yongs su bsgyur ba'o/ /gzhan gyi phyogs bkag pa'i 'bras bu bstan par bya ba'i phyir/ rtog pa'i dra ba zhes bya ba la sogs pa gsungs te/ ji srid du dngos po la mngon par zhen pa
 yod pa de srid du rtog pa rnams 'jug pa yin la/ gang gi tshe dngos po rnams ma grub pa de'i tshe na rtog pa rnams log pa las thar pa thob par 'gyur ba yin no zhes pa'o/ /de la gzhan dag na re/ gal te gdod ma nas skye ba med pa yin pas yod pa dang med
 pa nyid ma grub pa'i phyir med pa nyid sgrub par mi byed kyang gdod ma nas skye ba med pa nyid bsgrub par bya ba yin na/ gdod ma nas skye ba med par sgrub par byed na ni gang du skye ba med par grub pa'i dpe 'ga' zhig nges par brjod dgos la/ dpe de la gdod
 ma nas skye ba med pa'i shes pa ni log pa'i shes pa kho na yin te/ skye ba ma grub pa'i phyir skye ba med pa yang ma grub pa'i phyir ro/ /des na de'i khas len pa'i dus su de'i lta ba'i rnam pa'i rten du mtshungs pa'i lus dang ldan pa nyid dang/ phyin ci log gi
 shes pa yang yod pas gang du gdod ma nas skye ba med par sgrub par byed pa der phyin ci log gi shes par thal par 'gyur ro snyam du bsams nas/ ci ste zhes bya ba la sogs pa gsungs so/ de la lan bstan par bya ba'i phyir/ de yang zhes bya ba la sogs pa
 gsungs te/ de yang zhes bya ba ni thal bar 'gyur ba mtshungs pa nyid do/ /ci'i phyir yod pa ma yin zhe na/ de la lan ni/ kho bo cig ces bya ba la sogs pa gsungs te/ ci ltar sems pa 'byung ba las gyur par smra ba rnams la phyin ci log par bsgrub par
 la dpe yod pa de bzhin du dbu ma pas skye ba dang skye ba med pa dang yod pa dang med pa nyid la sogs pa khas mi len pa'i phyir phyin ci log par bsgrub pa la dpe yod pa ma yin la/ gang dpe dang bsgrub par bya ba'i chos dag la
 gdong ma nas skye ba med par brjod pa de ni gzhan la grags pa'i bsgrub par bya ba'i chos can dang dpe'i chos can dang skye ba la brten nas brjod pa yin pas skyon yod pa ma yin no zhes pa'o/ /kho bo cag la skyon de mi mtshungs pa 'ba' zhig tu
 ma zad kyi yon tan yang yod pa yin no zhes bstan par bya ba'i phyir/ 'jig rten na zhes bya ba la sogs pa gsungs te/ 'jig rten gzhan rtogs yod pa nyid du rtogs pa'i dus su zhes bya ba ni 'jig rten pha rol tu rtogs pa'i sems can rnams
 yod pa nyid du khong du chud pa'i dus su'o/ /bdag ces bya ba ni dbu ma pa'i bdag nyid do/ /shes bya'i rang bzhin dam pa'i don ni lta bar rtogs bya ste zhes bya ba ni 'jig rten gzhan du rtogs pa'i sems can yod pa nyid ni shes bya yin la/ de'i rang bzhin ngo bo
 ste/ de'i dam pa'i don du lta ba ni phyin ci ma log par khong du chud pa ste/ gzhan gyis de ltar shes par gyis shig ces pa'o/ /bdag gi lta ba'i rnam pa'i rten mtshungs lus dang ldan nyid phyir zhes bya ba ni 'jig rten pha rol yod par lta ba'i
 rnam pa'i rten du mtshungs pa'i lus dang ldan pa nyid kyi phyir ro/ /de la dpe ston pa ni/ gang gi tshe ni bdag med rtogs par khas len de tshe bzhin zhes bya ba gsungs te/ ci ltar bdag med khong du chud pa'i dus na bdag gi lta ba'i rnam pa'i
 rten du mtshungs pa'i lus dang ldan pa nyid dang/ phyin ci ma log par lta ba yang yod pa de bzhin du 'dir yang bdag gi lta ba'i rnam pa'i rten du mtshungs pa'i lus dang ldan pa nyid dang phyin ci ma log par lta ba nyid dang yod pa yin no zhes
 pa'o/ /de bzhin du thams cad mkhyen pa nyid yod pa la yang sbyar bar bya ba'i phyir/ de bzhin du zhes bya ba la sogs pa gsungs te/ 'di na thams cad mkhyen pa yod ces rtogs pa'i dus su zhes bya ba ni thams cad mkhyen pa nyid yod pa nyid yin no zhes khong du chud
 pa'i dus su'o/ /shes bya'i rang bzhin dam pa'i don ni lta ba rtogs bya ste zhes bya ba ni thams cad mkhyen pa nyid yod pa nyid du phyin ci ma log par mthong ba'o/ /gtan tshigs dang dpe dag ni de kho na'o zhes bya ba ni bdag gi lta ba'i rnam pa'i rten mtshungs lus
 dang ldan pa nyid phyir zhes bya ba ni gtan tshigs yin te/ gang gi tshe bdag med rtogs par khas lan te tshe bzhin zhes bya ba ni dpe'o/ /thams cad mkhyen pa nyid yod pa yin no snyam pa'i lta ba'i rnam pa'i rten mtshungs pa'i lus dang ldan pa'i phyir zhes
 pa'o/ /gzhan ni snga ma bzhin no/ /de bzhin du dngos po thams cad nges pa la yang sbyar bar bya'o/ /zhes bya ba ni dbang phyug la sogs pa 'gegs pa'i dus su yang de bzhin du gtan tshigs dang dpe la sogs pa sbyar bar bya'o zhes pa'o/ /de'i phyir tshul 'dis ni
 zhes bya ba ni sngar bstan pa'i tshul gyis so/ /gzhan gyi phyogs snga ma 'god pa ni/ 'dir smras pa zhes bya ba la sogs pa gsungs te/ 'o na ci ltar skye zhes bya ba ni skye ba mthong ba'i phyir ro zhes pa'i tha tshig go /de la lan bstan par bya ba'i phyir/ bshad pa zhes bya
 ba la sogs pa gsungs te/ dmigs par 'gyur ba zhig gam zhes bya ba ni de la skye bar 'gyur ba dmigs par 'gyur ba yin no zhes pa'o/ /skye ba'i rnam par rtog pa gzhan mi srid pa'i phyir zhes bya ba ni bdag dang/ gzhan dang/ gnyis ka dang/ gnyis ka ma
 yin pa'i rnam par rtog pa dor ba'i skye ba'i rnam par rtog pa gzhan mi srid pa'o/ /gal te dbang phyug la sogs pa la skye ba 'am snyam pa'i rnam par rtog pa lnga pa yod pa yin no zhe na/ de la lan bstan par bya ba'i phyir/ gang dag ces bya ba la sogs
 gsungs te/ de rnams bdag dang gzhan dang gnyis ka'i phyogs kyi khongs su 'dus pa yin no zhes pa'o bshad zin pa'i skyon las mi 'da' ste zhes bya ba ni bdag dang gzhan dang gnyis ka'i phyogs la brjod pa'i skyon las mi 'da' ba' o//
 rnam par rtog pa lnga med pas so/ /rnam par rtog pa bzhis zhes bya ba ni bdag dang gzhan dang gnyis ka'i dang rgyu med pa'i rnam par rtog pa ste bzhis so/ /gang gi phyir zhes bya ba la sogs pa ni gang gi phyir dngos po rnams bdag dang gzhan dang gnyis ka
 dang rgyu la ma bltos pa skye ba med pa de'i phyir dngos po rnams rang bzhin dang bral ba'o/ /de'i phyir rang bzhin ni skye ba yod pa ma yin no zhes pa'o/ /de la gzhan dag gi phyogs snga ma snga ma 'god pa ni/ 'dir smras pa zhes bya ba la sogs pa
 gsungs te/ ma skyes pa zhes bya ba ni rang bzhin skye ba med pa'i phyir ro/ /de la lan bstan par bya ba'i phyir/ bshad pa zhes bya ba la sogs pa gsungs te/ khyod kyis gang sngon po la sogs pa rnams kyi rang bzhin 'dzin pa nyid du bstan pa de ni
 ma yin te gang gi phyir sngon po la sogs pa rnams kyi bcos ma ma yin pa dang/ gzhan la mi bltos pa'i rang bzhin de ni sus kyang bzung bar 'os pa ma yin te/ de ni 'phags pa'i skye bo rnams kyi so so rang rang gis thugs su chud pa'i phyir ro/ /de
 nyid bstan par bya ba'i phyir/ sngon po la sogs pa rnams kyi zhes bya ba la sogs pa gsungs so/ /'di'i don ni gal te sngon po la sogs pa rnams kyi rang bzhin yul nyid du gyur pa yin na de'i tshe de rnams kyi rang bzhin 'dzin pa yin la/ ma rig
 pa'i mun pa yod pa'i phyir rang bzhin yul nyid du mi 'gyur bas bzung ba ma yin no zhes pa'o/ /de la gzhan gyi phyogs snga ma ston pa ni/ gal te de ltar na zhes bya ba la sogs pa gsungs te/ mdun na snang bar mthong ba zhes bya ba ni sngon po la sogs
 pa'o/ /ci zhig tu 'gyur bar 'os ce na zhes bya ba ni gal te rang bzhin ma yin na ci zhig yin zhes pa'o/ /de la lan bstan par bya ba'i phyir/ bshad pa zhes bya ba la sogs pa gsungs te/ 'di ni zhes bya ba ni mdun na snang ba'i sngon po sogs pa'o/ /rang bzhin ni ma yin te
 zhes bya ba ni bcos ma ma yin pa nyid la sogs pa med pa'i phyir ro/ /phyin ci log nyid kyis na zhes bya ba ni sngon po la rang bzhin med pa la rang bzhin yod pa nyid du snang bas so/ /de la rgyu mtshan bstan par bya ba'i phyir/ ma rig pa dang bcas pa zhes bya ba la sogs pa
 gsungs te/ bdag nyid der zhes bya ba ni rang bzhin yod par ro/ /ma rig pa dang bral bas zhes bya ba ni 'phags pa rnams kyis so/ /gang gis zhes bya ba la sogs pa la/ sprin tshogs dang mtshungs gti mug stug po zhes bya ba ni dper na sprin gyi tshogs
 shin tu stug po yod na cung zad kyang mthong ba ma yin pa de bzhin du ma rig pa'i mun pa'i tshogs yod par gyur na byis pa rnams kyis dngos po'i rang bzhin mthong ba ma yin no zhes pa'o/ /log pa dag tu snang bar 'gyur zhes bya ba
 ni rang bzhin yod pa nyid du'o/ /de 'grel pas bstan par bya ba'i phyir/ sprin tshogs zhes bya ba la sogs pa gsungs te/ mngon par zhen pa'i gnas skabs su gyur pa zhes bya ba ni chags pa'i gnas su gyur pa'o/ /de ci'i phyir zhe na/ de la lan ni 'di bden par mngon
 par zhen pa rnams la zhes bya ba smos te/ gang mdun na snang ba'i sngon po la sogs pa 'di rnams ni bden pa yin snyam du mngon par zhen pas so/ /de la gzhan dag gis brjod pa ni/ 'dir smras pa zhes bya ba la sogs pa gsungs te/ 'di'i don ni mun nag yod
 par byung na dngos po rnams mi mthong par 'gyur la/ rang bzhin phyin ci log tu mthong ba ni ma yin la/ de bzhin du 'dir yang sngon po la sogs pa rnams kyi rang bzhin ma mthong ba ni 'gyur la rag na rang bzhin phyin ci log tu mthong ba ma yin no zhes
 pa'o/ /de la lan bstan par bya ba'i phyir/ de lta bur gyur pa zhes bya ba la sogs pa gsungs te/ phyi rol gyi dpe'i sgo nas zhes bya ba ni skra shad la sogs pa'i mtshan nyid can no/ /de nyid bstan par bya ba'i phyir/ ci ltar zhes bya ba la sogs pa gsungs te/
 'ga' zhig ces bya ba ni rab rib can no/ /log par 'dzin par byed pa zhes bya ba ni phyis kyi dus kyi blo la bltos nas so/ /sogs pa'i sgras ni sbrang bu na chu ring la sogs pa bsdu bar bya'o/ /de 'grel pas bstan par bya ba'i phyir/ ji ltar rab rib can gyi zhes bya ba la
 sogs pa gsungs so/ /dpe bstan nas don la sbyar bar bya ba'i phyir/ de bzhin du zhes bya ba la sogs pa gsungs te/ de bzhin du zhes bya ba ni rab rib can bzhin du'o/ /'di'i don ni ci ltar rab rib kyis mthus ma skyes pa'i skra shad la sogs pa
 mthong ba de bzhin du 'gro ba rnams kyang gti mug gi stobs kyis khams dang 'gro ba dang skye gnas la sogs pa'i dbye bas tha dad pa'i 'dus byas rnams mthong bar 'gyur ro/ /ma rig pa'i stobs kyis phyin ci log tu snang ba la mdo'i khungs bstan par bya ba'i
 phyir/ 'di ni zhes bya ba la sogs pa gsungs te/ ma rig pa'i rkyen gyis 'du byed rnams zhes bya ba ni ma rig pa'i rgyu can dge ba dang mi dge ba la sogs pa'i las rnams so/ /de nyid gsal bar bya ba'i phyir yang mdo'i khungs gzhan ston pa ni/ de bzhin du
 ma rig pa dang zhes bya ba la sogs pa gsungs te/ ma rig pa dang rjes su 'brel pa zhes bya ba ni ma rig pa dang ldan pa zhes bya ba'i don to/ /mngon par 'du bya ba dang zhes bya ba ni mngon par 'du byed bas na 'du ba ste las yin no zhes bya ba'i tha tshig go /mi g.yo ba
 zhes bya ba ni gzugs dang gzugs med par nges pa'i las so/ /de ltar 'jug pa'i rim pa bstan nas/ ldog pa'i rim pa bstan par bya ba'i phyir/ de bzhin du ma rig pa 'gags pas zhes bya ba la sog pa gsungs te/ des na rig pa'i stobs kyis
 las dang rnam par shes pa la sogs pa 'jug pas de 'gags nas las dang rnam par shes pa la sogs pa 'gag pa yin no zhes gsungs pas/ ma rig pa ni las dang rnam par shes pa la sogs pa snang ba'i rgyu nyid du 'gyur ba yin no zhes mdo las gsungs
 pa yin no zhes pa'i tha tshig go /phyin ci log tu shes pa 'di yang mi mkhas pa rnams kho na la 'byung ba yin te/ mkhas pa rnams la ni ma yin no zhes bstan par bya ba'i phyir/ de'i phyir tshul 'dis zhes bya ba la sogs pa gsungs te/ tshul 'dis ni zhes
 bya ba ni ma rig pa'i rkyen gyi 'du byed yin la/ ma rig pa 'gags pas 'du byed rnams 'gag go zhes bya ba'i tshul gyis so/ /gal te zhes bya ba la sogs pa la gti mug med par de mi 'byung zhes bya ba ni ma rig pa med na las 'byung ba ma yin no zhes pa'o/  
 mi mkhas pa kho nas rtogs par gor ma chag ces bya ba ni gnyis ka gdong ma nas skye ba med par ma rtogs par ma rig pa'i dbang gis las 'byung ba dang/ de med na de med do/ /zhes rtogs pas so/ /blo bzang nyi mas mun pa stug po rnam par gsal ba'i
 zhes bya ba ni dngos po med pa la sogs pa'i rnam par rtog pa dang bral ba'i blo gros mchog tu gyur pa de nyi ma ste/ gti mug gi mun pa sel bar byed pas so/ /des mun pa stug po gang la rnam par bsal ba de la de skad ces bya ste/ 'phags pa yin no zhes
 bya ba'i tha tshig go /mkhas pa dag ni zhes bya ba ni blo gros dam pa dang ldan pas so/ /stong nyid khong du chud cing zhes bya ba ni gang rten cing 'brel par 'byung ba skye ba med pas stong pa nyid yin no snyam du khong du chud pa yin gyi skye ba 'gags pa ni ma yin no zhes pa'o
 grol bar 'gyur zhes bya ba ni stong pa nyid kyi rang bzhin khong du chud cing ma rig pa la sogs pa nyon mongs pa rnams log pa 'khor ba las grol bar 'gyur ba yin zhes pa'o de 'grel pas bstan par bya ba'i phyir/ shes rab can ni zhes bya ba la sogs
 pa gsungs te/ 'du byed rnams rang bzhin med par zhes bya ba ni gdod nas skye ba med par yongs su rtogs pa'o/ /'du byed rnams nye bar mi len pa la rgyu mtshan bstan par bya ba'i phyir/ de nyer bar len pa'i rgyu spangs pa'i phyir ro zhes bya ba gsungs te/
 'du byed kyi nye bar len pa'i rgyu ma rig pa spangs pa'i phyir ro zhes pa'o/ /de ltar sngon po la sogs pa rnams rang bzhin med du zin kyang snang ba yin no zhes bya bar grub pa yin no/ /da ni gzhan dag na re sngon po la sogs pa rnams snang ba'i phyir na don dam par yod
 pa yin no zhes bya ba'i phyogs snga ma 'god pa ni/ 'dir smras pa zhes bya ba la sogs pa gsungs te/ de dag gi zhes bya ba ni gzugs la sogs pa rnams kyi'o/ /de nyid bstan par bya ba'i phyir/ gal te dngos po rnams zhes bya ba la sogs pa gsungs
 te/ gal te don dam par dngos po rnams yod par mi 'gyur na de'i tshe dngos po de rnams kun rdzob tu yang yod par mi 'gyur te/ kun rdzob tu yang de rnams snang bar mi 'gyur ba'o/ /de la dpe bstan par bya ba'i phyir/ mo gsham bu bzhin zhes bya
 ba gsungs te/ de ltar mo gsham gyi bu don dam par med pas kun rdzob tu yang mi snang ba de bzhin du'o/ /de dag rang bzhin gyis na yod pa nyid ces bya ba ni gang gi phyir dngos po rnams kun rdzob tu snang ba de'i phyir don dam pa yin no zhes pa'o/ /de la
 lan bstan par bya ba'i phyir/ 'di la brjod par bya ste zhes bya ba la sogs pa gsungs te/ de yang rab rib can gyi dpe'i sgo nas 'gegs par byed pa yin no zhes bstan par bya ba'i phyir gang dag ces bya ba la sogs pa gsungs te/ de dag ma skyes pa
 zhes bya ba ni ngo bo nyid kyis ma skyes par khas len pas so/ /re zhig de dag nyid la brtsad bya ste zhes bya ba ni gang dag don dam par rang bzhin med pa de kun rdzob tu yang yod pa ma yin te/ mo gsham gyi bu bzhin no/ /des na rab rib can la yang ngo
 bo nyid kyis med med pa'i skra shad la sogs pa ji ltar snang/ gal te de ltar na mo gsham gyi bu yang snang bar thal bar 'gyur ro zhes rab rib la brtsad pa gyis shig ces pa'o/ /phyi nas ma rig rab rib rjes su 'brel la'o/ /zhes bya ba ni ma rig par de
 nyid rab rib yin la de dang rjes su 'brel pa ste de dang ldan pa'o/ /de dang ldan pa la phyis sngar bzhin du rtsod la gyis shig ces pa'o/ /de 'brel pas bstan par bya ba'i phyir zhes bya ba la sogs pa gsungs te go sla'o/ /dbu ma pa'i phyogs la
 skyon yod pa ma yin no zhes bstan par bya ba'i phyir/ kho bo cag la ni zhes bya ba la sogs pa gsungs te/ 'dir brgal zhing brtags pa ma yin te/ zhes bya ba ni ci'i phyir ma skyes pa'i rang bzhin can gzugs la sogs pa dag mthong la/
 mo gsham gyi bu ma yin no zhes pa'i rtsod pa de kho bo cag la ni rigs pa ma yin no zhes pa'o/ /de rgyas par bstan par bya ba'i phyir/ ji ltar zhes bya ba la sogs pa gsungs te/ lung ji lta ba bzhin du zhes bya ba ni lung gi rjes su 'brangs nas so/ /rnal
 'byor pa ye shes kyis thugs su chud pa'i sgo nas zhes bya ba ni ngo bo nyid med par thugs su chud pa'i sgo nas rnal 'byor pa rnams la bltos nas so/ /gzhan dag ces bya ba ni so so'i skye bo'o/ /rang gi shes pa la bltos nas ni ma yin no zhes
 bya ba ni bdag ni so so'i skye bo yin pas dngos po rnams rang bzhin med par khong du ma chud pas so/ /de'i rgyu mtshan ston pa ni/ kho bo cag ni zhes bya ba la sogs pa gsungs so/ /de la mdo'i khungs bstan par bya ba'i phyir ji skad du zhes bya ba la
 sogs pa gsungs te/ stong pa nyid ces bya ba ni gzung 'dzin dag gis stong pas so/ /gal te gzung ba dang 'dzin pas stong pa'i phyir stong pa nyid yin na sems tsam du smra ba'i 'dod pa bzhin du gzung 'dzin rnam pa gnyis dang bral ba'i
 shes pa yod pa yin no zhe na/ de la lan ni/ dben zhes bya ba gsungs te/ rnam par shes pa'i rang bzhin gyis kyang dben pa'o/ /khams kyi rang bzhin stong zhing zhes bya ba ni khams bco brgyad kyi rang bzhin dang de bzhin du'o//
 gang chos de yang rang bzhin stong pa ste zhes bya ba ni skye mched rnams kyang de bzhin du'o/ /ye shes ldan pas zhes bya ba ni phung po dang khams dang skye mched rnams 'phags pa'i lam skyes pa rnams la stong pa nyid yin te/ des na rang
 bzhin med pa nyid du thugs su chud pas so/ /byis pas min zhes bya ba ni so so'i skye bo rnams kyis ma yin te/ des de'i rang bzhin khong du ma chud pas so/ /gang gang la stong pa nyid yongs su shes pa yod pa de ni byang chub kyi lam la spyod pa yin no zhes
 bstan par bya ba'i phyir/ ye shes rang bzhin zhes bya ba la sogs pa gsungs te/ shes pa po 'dra bar rtogs 'gyur na zhes bya ba ni ci ltar gzhan gyis shes pa po bdag tu khas blangs pa ji ltar stong pa de bzhin du 'gro ba thams cad rtogs
 par 'gyur na zhes pa'o/ /byang chub lam la de dag spyod ces bya ba ni de lta bu ni byang chub kyi spyod pa yin no zhes brjod par bya'o/ /mjug bsdu ba bstan par bya ba'i phyir/ de'i phyir 'di ni zhes bya ba la sogs pa gsungs te/ 'di ni zhes bya ba
 ni ci'i phyir ma skyes pa'i rang bzhin can gzugs la sogs pa dag mthong la zhes bya ba la sogs pa'o/ /de la rgyu mtshan bstan par bya ba'i phyir/ de dag gis ni zhes bya ba la sogs pa gsungs so/ /'di'i don ni gal te kun rdzob tu rnal
 'byor pa rnams la sngon po la sogs pa'i rang bzhin snang bar gyur na de'i tshe mo gsham gyi bu la sogs pa yang snang bar 'gyur ba las 'on kyang de rnams las kun rdzob tu yang sngon po la sogs pa'i rang bzhin snang ba med pa'i phyir
 mo gsham gyi bu la sogs pa rnams ci ltar snang bar 'gyur zhes pa'o/ /don dam par yang ma yin no zhes bya ba de don dam pa ni mdza' bzhi las grol ba'i phyir ro/ /rab rib can la brgal zhing brtag pa lta bu 'dug cig ces bya ba ni rab rib can la brgal
 zhing brtag pa mi bya'o zhes pa'o/ /'di ni zhes bya ba ni 'chad par 'gyur ba'o/ /gal te zhes bya ba la sogs pa la dri za'i grong khyer zhes bya ba ni 'ga' zhig nam mkha' la ltas ngan pa'i dbang gis grong khyer dang 'dra ba gang mtho ba de ni dri za'i grong khyer
 ro/ /smig rgyu'i chu dang 'dra zhes bya ba ni nyi ma'i gung la nyi ma'i 'od zer dang ldan pa'i bye ma'i thang la chur snang ba'o/ /ci ltar der 'gyur te mi rigs zhes bya ba ni rmi lam la sogs pa ma skyes pa nyid snang ba de bzhin du mo gsham gyi bu yang ji ltar snang
 bar mi rigs zhes pa'o/ /de 'grel pas bstan par bya ba'i phyir/ dper na zhes bya ba la sogs pa gsungs te/ bdag nyid brgal zhing brtag par gyis dang zhes bya ba ni ci'i phyir ma skyes pa'i rmi lam la sogs pa mthong la/ mo gsham gyi bu ma yin
 par 'gyur zhes de ltar brgal zhing brtag par gyis zhes pa'o/ /'dis ni rang gi 'dod pa dang 'gal ba nyid bstan pa'o/ /da ni ma nges pa nyid bstan par bya ba'i phyir de nyid du zhes bya ba la sogs pa gsungs te/ de nyid du zhes bya ba ni don dam par ro/
 'di zhes bya ba ni rmi lam du mthong ba la sogs pa'o/ /ci ltar skye med kyang zhes bya ba ni skye ba med pa yin yang ngo/ /'di'i don ni gang rmi lam du mthong ba la sogs pa de rnams don dam par skye ba med kyang mo gsham gyi bu ltar mthong ba'i yul du
 mi 'gyur ba yin gyi/ 'on kyang mthong ba'i spyod yul du 'gyur ba yin no zhes pa'o/ /de'i phyir na smras pa/ 'di ma nges pa'i zhes bya ba ni gal te de ltar gzugs la sogs pa rnams la zhes bya ba la sogs pa gang smras pa de rmi lam la sogs pa'i
 dpe rnams kyis ma nges pa yin no zhes bstan pa'o/ /de la mdo'i khungs ston pa ni/ ji skad du zhes bya ba la sogs pa gsungs te/ 'khor ba na 'gro ba lnga po rnams gang yod pa de
 rnams rmi lam dang mtshungs par gsungs pa'o/ /de nyid du ni  rnam ma bzhag ces bya ba ni don dam par de rnams la skye ba la sogs pa'i rnam bzhag byas pa ma yin pa'o/ /rmi lam gang la dngos po med zhes bya ba ni phyogs gang yang yod pa ma yin no/ /log pa'i blo ldan mngon par zhen zhes bya ba ni gang phyin ci
 log gi blo dang ldan pa de rnams kyis 'di rnams 'gro ba yin no snyam na mngon par zhen pa'o/ /gzhan na zhes bya ba ni phyogs bcu las gzhan yang ngo/ /grong khyer ming tsam zhig gis rab tu bzhag zhes bya ba ni ming las ma gtogs pa'i dngos po
 gzhan med pas so/ /yongs su rtogs pas dkrugs zhes bya ba ni yongs su rtogs pas bskyed pa'o/ /gzhan go sla'o/ /kho bo cag la ni 'di brtsad du med pa nyid de zhes bya ba ni gal te de ltar gzugs la sogs pa rnams la zhes bya ba la sogs pa'i
 rtsod pa de kho bo cag la yod par mi 'gyur ba nyid de/ kun rdzob tu yang rang bzhin yod par khas mi len pas so/ /de nyid bstan par bya ba'i phyir/ ji ltar zhes bya ba la sogs pa gsungs so/ /rang bzhin ni bcos ma ma yin pa dang gzhan la mi
 bltos pa'i phyir kun rdzob dang don dam pa'i dbang du byas nas rang bzhin skye bar mi rigs pa'i phyir mo gsham gyi bu la sogs pa dang mtshungs pa kho na yin no/ /gang gi phyir de ltar yin pa de'i tshe zhes bya ba ni kun rdzob dang don dam par yang rang
 bzhin skye ba med pa de'i phyir ro/ /zhi zhes bya ba ni rtsam par mi rtog pa'i ye shes kyi yul yin pas so/ /skye bral zhes bya ba ni skye ba med pas so/ /rang bzhin gyis yongs su mya ngan las 'das pa zhes bya ba ni gdod ma nas rang bzhin med pas so/ /rtag tu
 zhes bya ba ni kun rdzob dang don dam pa'i gnas skabs dag tu'o/ /de la lung gi khungs ston pa ni/ lung brjod pa ni zhes bya ba la sogs pa gsungs te/ chos rnams mgon po khyod kyis bstan zhes bya ba ni kye mgon po khyod kyis 'khor lo skor ba'i dus
 na chos kyi rnam pa 'di lta bu gsungs pa yin no zhes pa'o/ /phyis byung nas kyang yang 'gyur ba ni ma yin no zhes bya ba ni skad cig ma yin no zhes bya ba ni skad cig ma brgyud ma'i sgo nas skye ba med pas so/ /gzhan ni go sla'o/ /gal te bum pa la sogs pa rnams
 kun rdzob tu rang bzhin gyis ma skyed na 'o na ci ltar snang bar 'gyur/ snang ba'i phyir na kun rdzob tu rang bzhin skye bas don dam pa yang yod par 'gyur ro snyam pa'i dogs pa bsu nas lan 'debs pa ni/ rang gi bde ba rnams la zhes bya ba la sogs
 pa gsungs te/ 'di ni brgal ba ma yin pa de nyid de zhes bya ba ni bstan ma thag pa'i rgol ba de mi rigs pas so/ /de dag gis zhes bya ba ni rang gi bde ba ste/ dbu ma pa rnams so/ /'jig rten rab tu grags par yod ji bzhin zhes bya ba ni de ltar bum pa
 la sogs pa rnams 'jig rten la rab tu grags pa tsam du 'byung bar 'gyur ba'o/ /de bzhin zhes bya ba ni 'jig rten la rab tu grags pa tsam gyis thams cad 'gro bar 'gyur ba'i dngos po rnams 'byung bar 'gyur ro/ /mo gsham gyi bu dang
 mtshungs par thal mi 'gyur zhes bya ba ni mo gsham gyi bu dang mtshungs par mi snang bar thal bar mi 'gyur bas so/ /'di'i don ni kho bo cag gis snang ba tsam gyi sgo nas rang bzhin skye ba ni mi brjod kyi/ 'on kyang ma brtags na nyams dga' bar
 'jig rten la rab tu grags pa'i dbang du byas nas des dngos po rnams don dam par ji ltar yod par 'gyur/ des na don dam par skye ba med du zin kyang ma brtags na nyams dga' ba'i 'jig rten gyi kun rdzob tu skye bas dngos po snang ba la 
 skyon ci zhig yod/ mo gsham gyi bu la sogs pa rnams ni 'jig rten gyi kun rdzob tu skye ba yang ma grub pas snang ba med pa yin no zhes pa'o/ /gzhan yang gzhan dag gi mo bsham gyi bu dang mtshungs par thal ba'i skyon ston pa ni/
 ci ste gal te zhes bya ba la sogs pa gsungs te/ reg bya la sogs pa zhes bya ba la sogs pa'i sgras ni rang rig bsdu bar bya'o/ /gdags pa'i rten zhes bya ba ni bum pa dang rnam par shes pa gdags pa'i rten du gyur pa'o/ /rgyu dang bcas
 pa zhes bya ba ni sa la sogs pa'i rten dang bcas pa'o/ /thams cad brtag pa tsam kho na yin gyi zhes bya ba ni dngos po med pa'i phyir btags pa tsam nyid do/ /brtags pa'i rten zhes bya ba ni sa la sogs pa'o/ /mo gsham gyi bu dang 'dra bar
 thal ba zhes bya ba ni ci ltar mo gsham bu la 'dogs pa'i rgyu med pas mo gsham gyi bu btags pa med pa de bzhin du bum pa la sogs pa rnams su 'dogs pa la yang rgyu med par thal bar 'gyur ro zhes pa'o/ /de lan bstan par bya ba'i phyir
 de yang mi rigs te zhes bya ba la sogs pa gsungs te/ rdzas su sgrub par mi nus pa'i phyir ro zhes bya ba 'di'i dgongs pa ni bum pa la sogs par 'dogs pa'i rgyu rdzas su yod par sgrub par byed pa yin nam 'on te btags yod du'o/ /gal te rdzas
 yod du sgrub par 'dod na lan ni rdzas su sgrub par mi nus pa'i phyir ro zhes bya ba smos so/ /ji ltar rdzas yod du sgrub par mi nus pa de ltar bstan par bya ba'i phyir/ ji skad du zhes bya ba la sogs pa gsungs te/ bzhi brgya pa las so/ /gzugs la sogs
 pa ma gtogs par zhes bya ba la sogs pa ni gzugs la sogs pa las tha dad pa'i bum pa ma grub pa de bzhin du bum par 'dogs pa'i rgyur gyur pa'i gzugs la sogs pa rnams kyang rlung la sogs pa'i 'byung ba chen po bzhi las tha
 dad du gyur pa'i rigs pa ma yin te/ rgyu med par thal bar 'gyur bas so/ /ji ltar rlung la sogs pa las ma gtogs pa'i gzugs dang ro la sogs pa mi srid pa de bzhin du 'byung ba rnams kyang phan tshun du ma bltos par ma grub pa'i phyir rang bzhin ma grub
 pa yin no zhes rin po che phreng ba'i khungs bstan par bya ba'i phyir/ de bzhin du zhes bya ba la sogs pa gsungs te/ sa la sogs pa rnams kyi nang nas 'byung ba re re ngo bo nyid du yod pa ni ma yin no/ /ngo bo nyid du med pa la rgyu mtshan ston pa ni/ gang gsum zhes bya
 ba la sogs pa gsungs te/ gang gi phyir sa la sogs pa re re yang chu la sogs pa gsum gsum med na yang med la/ sa la sogs pa'i mtshan nyid can gyi 'byung ba gcig med par yang gsum med la/ des na 'byung ba rnams rang bzhin yod pa
 ma yin te/ phan tshun bltos nas rang bzhin thob pas ngo bo nyid kyi yod pa ma yin no zhes pa'i tha tshig go /rang bzhin med pa la 'dus pa yod pa ma yin no zhes bstan par bya ba'i phyir/ so sor zhes bya ba la sogs pa gsungs te go sla'o/ /rnam pa bzhan gyi
 sgo nas btags pa'i bum pa la rgyu rdzas yod du mi rigs so zhes bstan par bya ba'i phyir/ ji ltar zhes bya ba la sogs pa gsungs te/ rtag pa las mi rtag pa skye bar mi 'dod pa zhes bya ba ni rgyu la rnam 'gyur med pas 'bras bu med pas so/ /de bzhin du
 rdzas su yod pa'i gzugs la sogs pa las rdzas su med pa'i bum pa 'byung bar mi rigs pa'o/ /ji skad du zhes bya ba ni/ dngos po rtag pa las byung ba zhes bya ba ni mi rtag pa'i sa bon las myu gu zhes bya ba'i 'bras bu mi rtag pa skye ba yin no zhes
 'jig rten la rab tu grags pa yin gyi/ gang du yang rtag pas mi rtag pa skye ba ni ma yin te/ 'di ltar rgyu 'bras mtshan nyid mi mthun pa nam yang mthong ba ma yin no zhes bya ba smos te/ rgyu rtag pa yin la 'bras bu mi rtag pa yin no zhes bya ba'i
 mtshan nyid mi 'dra ba nyid 'jig rten na nam yang mthong ba ma yin pas rtag pa rgyu nyid du mi rigs pa'o/ /bsdus pa'i don bstan pa'i sgo nas btag par yod pa ni btags par yod pa'i rgyu yin no zhes bstan par bya ba'i phyir/ de'i phyir de ltar
 zhes bya ba la sogs pa gsungs te/ bzhin la sogs pa'i zhes bya ba la sogs pa'i sgras ni mgul pa la sogs bsdu bar bya'o/ /bzhin la sogs pa la btags su yod pa nyid bum pa la sogs pa bzhin du shes par bya'o/ /gzugs brnyan zhes bya ba
 ni skyes bu dang 'dra ba'i rnam pa'o/ /thams cad du btags par yod pa nyid sngar bzhin du khong du chud par bya'o/ /de la dbu ma rtsa ba'i shes rab kyi khungs bstan par bya ba'i phyir/ ji skad du zhes bya ba la sogs pa gsungs te/ 'dir ni rdzu 'phrul phun
 sum tshogs sprul zhing/ /sprul pas sprul pa gzhan sprul byed/ des kyang sprul pa gzhan sprul la/ /de ltar sprul pa dang mtshungs pa'i/ /byed pa po dang des byas las/ /ci ltar sprul pas sprul pa gzhan/ /sprul pa byed pa de bzhin du/ /nyon mongs dang ni
 las dag dang/ /lus dang byed po 'bras bu yin zhes bya ba'i gzhung 'di sogs pa'i sgra dang bar du zhes bya ba'i tshig gis gzung bar bya'o/ /'di'i don ni ci ltar ston pa sangs rgyas bcom ldan 'das kyi rdzu 'phrul gyi mthus sprul pa sprul bar mdzad
 la/ gang sangs rgyas bcom ldan 'das kyis sprul pa sprul pa des kyang sprul pa gzhan sprul par byed do/ /de la sprul pa gzhan sprul par byed pa'i sprul pa gang yin pa de stong pa nyid rang bzhin med pa de bzhin gshegs pa'i rang bzhin dang bral ba
 yin no zhes pa'o/ /sprul pa sprul pa gang yin pa de yang stong pa nyid rang bzhin med pa de bzhin gshegs pa'i rang bzhin dang bral ba'o/ /ji ltar 'dir rang bzhin med pa rnams kyi rang bzhin med pa 'bras bus byed pa dang/ byed pa po dang las kyi
 ming 'thob par 'gyur ba de bzhin du 'dir yang las byed pa po de ni sprul pa'i rnam pa ste ngo bo nyid kyis stong pa'o/ /ngo bo nyid kyis stong pa'i byed pa po nges las gang cung zad byed pa de yang rang bzhin gyis stong pa yin te/ dper na sprul pa pos sprul pa gzhan
 sprul pa de bzhin du rig par bya'o/ /sprul pa'i dpes rang bzhin med par lta ba 'ba' zhig tu ma zad kyi/ 'on kyang dpe 'di dag gi sgo nas kyang gsal bar dngos po rnams rang bzhin med par khong du chud par gyis shig ces bstan par bya ba'i phyir/ nyon
 mongs dang ni las dag dang zhes bya ba la sogs pa gsungs te/ de la nyon mongs pa ni 'dod chags la sogs pa'o/ /sems kyi rgyun nyon mongs shing gnod par byed pas so/ /las ni dge ba dang mi dge ba dang mi g.yo ba'o/ /lus dang byed pa po zhes bya ba ni
 sems dang lus ni byed pa po'o/ /'bras bu ni rnam par smin pa dang/ bdag po dang/ rgyu mthun gyi la sogs pa'o/ /nyon mongs pa la sogs pa'i de rnams dri za'i grong khyer gyi rnam pa la sogs pa bzhin du rang bzhin med par rig par bya'o/ /des na
 rdzas su yod pa brtags kyi rgyu ma yin du zin kyang btag yod rgyur ni rigs pa yin no/ /de'i phyir 'di brgal ba ma yin no zhes bya ba ni/ brtags pa la rgyu med pa'i phyir mo gsham gyi bu bzhin du thal bar 'gyur ro zhes bya ba ni brgal ba de ma yin no/ /de la
 gzhan gyi phyogs snga ma 'god pa ni/ 'dir smras pa zhes bya ba la sogs pa gsungs te/ phyogs gnyis kar yang zhes bya ba ni kun rdzob dang don dam pa'i phyogs dag du'o/ /kun rdzob tu skye ba ci ltar nges par bya ste 'gal ba yin no zhes pa'o/ /de la lan
 bstan par bya ba'i phyir/ de brjod par bya ste/ zhes bya ba la sogs pa gsungs te/ de'i phyir brten nas rab tu skye bar 'gyur zhes bya ba ni ma brtags na nyams dga' bar gzhan la brten nas skye ba yin gyi/ rang bzhin skye ba ni ma yin te phyogs gnyis car
 yang rang bzhin skye bar 'gegs par 'dod pas so/ /de 'grel pas bstan par bya ba'i phyir/ gang gi phyir zhes bya ba la sogs pa gsungs te/ ji skad bshad pa'i tshul gyis zhes bya ba ni bdag las ma yin zhes bya ba la sogs pa'i
 tshul gyis so/ /sred med kyi bu zhes bya ba khyab 'jug ste/ 'ga' zhig gis khyab 'jug 'gro ba rnams kyi rgyur 'dod pas so/ /sogs pa'i sgras ni bdag la sogs pa bsdu bar bya'o/ /de tsam zhig la zhes bya ba ni rten cing 'brel par 'byung ba tsam la'o/ /
 'jig rten gyi tha snyad mi bcad pa'i don du zhes bya ba ni rten cing 'brel par 'byung ba la ma brten na 'jig rten gyi tha snyad rgyun chad par 'gyur bas so/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs te/ chos kyi
 brda zhes bya ba ni chos rnams kyi skye ba'i tha snyad do/ /'di yod na 'di 'byung zhes bya ba ni rgyu'i dngos po 'di yod na 'bras bu dngos po 'di 'byung bar 'gyur ba yin gyi rang bzhin skye bar 'gyur ba ni ma yin pa'o/ /'o na rtag pa yang rgyur 'gyur te/
 dbang phyug yod na 'bras bu yod par 'gyur bas so zhe na/ de la lan ni/ 'di skyes pas 'di skye ste zhes bya ba gsungs te/ mi rtag pa kho na rgyu yin gyi rtag pa ni rgyu ma yin no zhes pa'o/ /de dpes bstan par bya ba'i phyir/ gang 'di zhes bya ba la sogs
 pa gsungs so/ /de la don 'di nyid rin po che'i phreng ba'i khungs bstan par bya ba'i phyir/ de bzhin du zhes bya ba la sogs pa gsungs te/ de yod pas na 'di 'byung zhes bya ba ni rgyu yod na 'bras bu 'byung ba'o/ /de dag rang bzhin gyis grub pa ni ma yin te/ phan
 tshun bltos pa'i phyir ro/ /de la dpe ston pa ni/ dpe ring po yod na thung ngu bzhin zhes bya ba la sogs pa gsungs te/ ci ltar 'dir phan tshun bltos nas 'grub pa de bzhin du yang ngo rtag pa rgyur 'dod pa 'gegs pa ni/ 'di skyes pas na 'di skyes dper zhes
 bya ba gsungs so/ /bstan bcos la zhes bya ba ni rtsa ba'i shes rab las so/ /'di tsam zhig kho na la zhes bya ba ni phan tshun bltos nas rgyu dang 'bras bu'i dngos po tsam mo/ /byed po las la brten byas shing zhes bya ba ni 'dir las la ma bltos pa'i cung zad kyang mi byed pa  
 ni byed pa po nyid ma yin pas las la bltos pa'i byed pa po ni byed pa pa nyid yin no/ /las kyang byed pa po la ma bltos par las su bya ba mi rig pas byed pa po kho na la bltos pa yin no/ /des na byed pa po de la brten nas 'byung ba yin no/ /de ltar las dang byed pa po
 dag phan tshun ltos te grub pa ma gtogs pa grub pa'i rgyu gzhan ni mthong ba'o/ /ci ltar las dang byed pa po dag phan tshun bltos nas grub pa de bzhin du dngos po gzhan la yang yin no/ /zhes bstan par bya ba'i phyir/ de bzhin zhes bya ba la sogs pa
 gsungs te/ de bzhin zhes bya ba 'dis ni bstan ma thag pa'i las dang byed pa po dag brtags pa nyid du bstan pa yin no/ /nyer len zhes bya ba 'dis ni nye bar len pas na nye bar len pa ste zhes bya ba bstan pa yin no/ /de yang rang gi sgrub par byed pa po dang len pa
 po dang/ nye bar blang bar bya ba las ma bltos pa yin no/ /nye bar blang bar bya ba dang nye bar len pa po dag las dang byed pa po bzhin du phan tshun bltos nas grub pa yin gyi rang bzhin gyis ni ma yin no/ /ci'i phyir rang bzhin gyis ma yin zhe na/ las dang byed
 po bsal phyir ro zhes bya ba bsal ba ni spangs pa'o/ /des na 'di'i don ni rgyu mtshan gang gis byed pa po dang las dag la kho bo lan brjod pa'i rgyu mtshan de nyid kyis nye bar len pa po dang nye bar blang bar bya ba dag kyang bkag par rig par bya'o//
 phan tshun bltos nas grub pa'i phyir byed pa po dang las dag bkag pa yin pa 'ba' zhig tu mkhas kyi gzhan yang yod do zhes ston pa ni/ byed pa po dang las dag gis/ /dngos po lhag ma shes par bya/ zhes bya ba smos te/ shes rab can gyis
 zhes bya ba tshig gi lhag ma'o/ /las dang byed pa po dang nye bar len pa po dang nye bar blang bar bya ba las ma gtogs pa'i gang dngos po gzhan skyed bar byed pa dang/ skye bar bya ba dang/ 'gro ba po dang/ 'gro ba dang/ mthong bar bya ba dang/
 mthong ba dang mtshan nyid dang/ mtshon bya dang/ de bzhin du cha shas dang/ yon tan dang/ yon tan can dang/ tshad ma dang/ gzhal bya la sogs pa dngos po ma lus pa de rnams las dang byed pa po dag dpyad pa'i sgo nas rang bzhin gyis yod pa nyid bkag
 nas phan tshun bltos nas grub pa shes rab can gyis rtog par bya'o snyam pa de lta bu'i rten cing 'brel par 'byung ba khas blangs pa la yon tan bstan par bya ba'i phyir/ de ltar rkyen nyid 'di ba tsam gyi zhes bya ba la sogs pa gsungs te/ rkyen 'di nyid
 'di pa tsam gyis zhes bya ba ni 'di yod pas na 'di 'byung ngo zhes bya ba 'di tsam gyis so/ /skye ba la sogs pa la zhes bya ba la sogs pa'i sgras ni bdag las skye ba la sogs pa bsdu bar bya'o/ /rtag pa dang zhes bya ba ni rgyun mi 'chad pas so/ /ther zug pa
 dang zhes bya ba ni skye ba dang 'jig pa med pas so/ /gnyis pa la sogs pa zhes bya ba la sogs pa'i sgras ni bdag dang bcas pa dang bdag med pa la sogs pa bsdu bar bya'o/ /gang phyir dngos po zhes bya ba la sogs pa la/ rtog pa 'di dag brtags par  
 mi nus pa zhes bya ba ni rtag pa la sogs pa'i rtogs pa rnams te/ dngos po'i rang bzhin yod par gyur na rtog pa rnams 'jug par gyur ba nas/ rten cing 'brel par 'byung pa nyid kyi dngos po'i rang bzhin med pas rtag pa la sogs pa'i rtog pa
 rnams gang du 'jug par 'gyur ces pa'o/ /rten 'byung rigs pa 'di yis ni/ zhes bya ba ni rten cing 'brel par 'byung ba de nyid rigs pa yin pas so/ /lta ngan dra ba zhes bya ba ni rtags pa la sogs pa'i lta ba'i dra ba rnams so/ /de 'grel pas bstan par
 bya ba'i phyir/ gang gi phyir zhes bya ba la sogs pa gsungs te/ gzhan du ma yin pa de'i phyir zhes bya ba ni bcos ma ma yin pa dang/ gzhan la mi bltos pa ma yin pa'o/ /rten cing 'brel par 'byung ba rigs pa 'dis ci ltar lta ba ngan pa'i dra ba gcod par
 'gyur zhe na/ de la lan ni/ 'di ltar rkyen nyid ces bya ba la sogs pa ni gsungs te/ ji skad du zhes bya ba la sogs pa na slob dpon klu sgrub zhabs kyis so/ /de dang de rten gang 'byung bas zhes bya ba la sogs pa ni rgyu dang rkyen gyis dngos po de dang de la brten nas
 myu gu la sogs pa gang skyes pa de dag rang gi ngo bor skyes pa ma yin zhing/ de la rang bzhin yang pa ma yin te/ rang bzhin ni bcos ma ma yin pa la sogs pa dang ldan pas so/ /gang ngo bo nyid kyis ma skyes pa de ni skyes pa zhes ji ltar brjod par bya ste/ rang bzhin med pa'i phyir ro/ /des na rang bzhin
 skye ba med pas lta ba ngan pa'i dra ba mdza' dag 'gag par 'gyur ba yin la/ dbu ma rtsa ba'i shes rab kyi khungs bstan par bya ba'i phyir/ de bzhin du zhes bya ba la sogs pa gsungs te/ gang rten cing 'brel par 'byung ba ste rgyu dang rkyen la bltos pa'i myu
 gu dang rnam par shes pa la sogs pa rnams kyi rab tu skye ba de ngo bo nyid kyis skye ba ni ma yin te/ gang ngo bo nyid kyis ma skyes pa stong pa nyid rkyen gyis bskyed pa la rang bzhin med pas so/ /gal te stong pa nyid yin pa de la rgyur byas nas brtags
 pa yin no/ /zhes rnam par bzhag par bya ste 'khor lo la sogs pa shing rta'i yan lag la brten nas shing rta zhes 'dogs pa yin la/ de la rang gi yan lag la brton nas brtags pa gang yin pa de ni rang bzhin gyis ma skyes pa yin la/ gang
 rang bzhin gyis ma skyes pa de ni stong pa nyid yin no/ /gang rang bzhin gyis ma skyes pa'i mtshan nyid can stong pa nyid de nyid la dbu ma'i lam zhes brjod par bya ste/ ngo bo nyid kyis ma skyes pa de la yod pa nyid med pa dang/ ngo bo nyid ma skyes pa la 'jig
 pa med pas med pa nyid med pa yin la/ des na dngos po dang dngos po med pa'i mdza' gnyis dang bral ba'i rang bzhin ma skyes pa'i mtshan nyid can stong pa nyid da nyid la dbu ma'i lam yin no zhes brjod par bya'o/ /des na stong pa
 nyid kho na las rten cing 'brel par 'byung ba dang/ stong pa nyid dang rgyur byas nas brtags pa dang/ dbu ma'i lam zhes bya ba ni ming gi rnam grangs so/ /don 'di la mdo'i lungs bstan par bya ba'i phyir/ mdo sde las kyang zhes bya ba la sogs pa gsungs
 te/ gang zhig rkyen las skyes pa de ni ma skyes pa yin te ci'i phyir zhe na/ de la skye ba'i rang bzhin yod ma yin zhes bya ba gsungs te/ rang bzhin bcos ma ma yin zhing/ gzhan la bltos pa yod ma yin/ zhes gsungs pas so/ /des na gang rkyen gyi dbang
 du gyur pa de ni stong pa nyid do/ /bag yod pa yin zhes bya ba ni 'dod chags la sogs pa'i nyon mongs pa rnams kyis bag med par ma gyur pa'o/ /gang gi tshe de ltar rang bzhin khas ma blangs pa de'i tshe zhes bya ba ni rten cing 'brel par 'byung ba nyid
 yin pas rang bzhin khas ma blangs pa de'i tshe ci ltar bstan pa'i 'du byed la sogs pa rnams la rang bzhin med pas rtag pa la sogs pa'i rnam par rtog pa rnams gang du 'jug par 'gyur zhes pa'o/ /de nyid bstan par bya ba'i phyir/ gal te zhes bya
 ba la sogs pa gsungs te/ rnam pa gzhan du ni ma yin no zhes bya ba ni rang bzhin med na'o/ /rtog rnams dngos po yod na 'gyur ba ste zhes bya ba ni de rnams dngos po'i yul can yin pas so/ /dngos po ci ltar med pa yongs dpyad zin zhes bye ba ni bdag
 las ma yin zhes bya ba la sogs pas dngos po med pa nyid du bsgrubs pas so/ /'di rnams zhes bya ba ni rtog pa'o/ /de la des bstan par bya ba'i phyir/ dper na bud shing med par me yod min de bzhin zhes bya ba gsungs so/ /de 'gel pas bstan par
 bya ba'i phyir/ gang gi phyir zhes bya ba la sogs pa gsungs te/ ma gzigs pa'i tshul gyis zhes bya ba'i chos gang yang ma gzigs pa de nyid gzigs pa de nyid gzigs pa yin no zhes bya ba'i tha tshig go /de nyid bstan par bya ba'i phyir/ chos gang la yang
 zhes bya ba sogs pa gsungs so/ /de kho na nyid mthong ba'i 'bras bu bstan par bya ba'i phyir/ thog ma med pas goms pa zhes bya ba la sogs pa gsungs so/ /rnam par rtog pa log pa tsam gyi 'bras bu de rgyas par bstan par bya ba'i phyir/ dper na zhes bya ba la
 sogs pa gsungs te/ rang bzhin gzhan gyis zhes bya ba ni/ yod pa'i rang bzhin gyis so/ /de'i phyir zhes bya ba ni gang gi phyir rnam par rtog pa la sogs pa de'i phyir ro/ /rtog pas bcings zhes bya ba ni dngos po la mngon par zhen pas 'dod chags la sogs pa'i rnam par
 rtog pa'i sgo nas 'khor par ltung par byed pas so/ /mi rtog rnal 'byor pa ni grol 'gyur pas zhes bya bas ni rnal 'byor pas dngos por mi rtog cing 'dod chags la sogs pa'i rnam par rtog pa log pas 'khor ba las grol bar 'gyur ro zhes pa'o/ /de 'grel
 pas bstan par bya ba'i phyir/ gang gi phyir zhes bya ba la sogs pa gsungs te/ chos nyid 'di zhes bya ba ni dngos po rang bzhin med pa nyid kyis rnam par rtogs pa ldog pa'i mtshan nyid can no/ /ji skad du zhes bya ba ni bzhi brgya pa las so/ /dngos po zhes bya ba
 la sogs pa ni de kho na nyid mthong pa'i don du stong pa nyid gsungs na de kho na nyid ni rang bzhin te/ ngo bo nyid yin la/ rang bzhin de dngos po 'ga' zhig la yod par 'gyur na/ de'i tshe de nyid don dam pa yin pa'i phyir de mthong ba de kho na grol bar 'dod
 pa rnams la bde legs su 'gyur ba yin gyi/ stong pa nyid mthong bas ni grol ba ma yin te/ de'i tshe yon tan gyi don du ma yin pa 'ba' zhig tu ma zad kyi skur pa 'debs pa la zhugs pa'i phyir skyon 'di kho na'i don du 'gyur ba yin la/ gang gi tshe
 dngos po rang bzhin med pa rnams phyin ci log gi dbang gis rang bzhin dang bcas pa snang ba ni 'jig rten pa'i mngon par zhen pa'i rgyur 'gyur ba yin no/ /des na 'khor ba'i rgyun 'jug pa yin no/ /dngos po zhen pa'i rgyun can gyi las dang nyon
 mongs pa dag las skye ba'i rgyun 'byung ba yin pas so/ /des na rang bzhin med pa gsal bar byed pa'i bstan bcos ni sgro 'dogs pa dang skur pa 'debs pa dag bsal ba'i sgo nas rang bzhin med pa'i dngos po rnams rang bzhin med pa nyid du bstan pa
 yin no/ 'jig rten pa rnams kyi dngos po'i rang bzhin med pa rnams rang bzhin med pa nyid du rtogs nas gzugs brnyan la sogs pa bzhin du dngos po rnams la mngon par zhen pa med cing dngos po la mngon par zhen pa'i rgyu can las dang nyon
 mongs pa dag zad pa las 'dod chags la sogs pa'i 'ching ba mdza' dag rgyun chad pa'i sgo nas nges par grol bar 'gyur ba'o/ /des na bstan bcos 'dir dngos po rnams rang bzhin med pa nyid du bstan pa yin no/ /'dir rten cing 'brel par
 'byung ba la skur pa 'debs ba ni ma yin no zhes bstan par bya ba'i phyir/ rtog pa mthong bas 'ching ba ste zhes bya ba la sogs pa gsungs te/ yang dag pa ma yin pa'i dngos po la sgro 'dogs pa la rtog pa zhes bya la/ de'i sgo nas
 sems can rnams bcings pa rtogs nas rtog pa de ldog pa'i ched du sems can rnams sdug bsngal bas sdug bsngal ba thugs rje chen po mnga' ba de bzhin gshegs pa rnams byang chub sems dpa' rnams kyis rten cing 'brel par 'byung
 ba la mi gnod par dngos po rnams rang bzhin med pa nyid du sems can rnams la 'khor pa'i sdug bsngal rgyun bcad par bya ba'i don du gsung bar mdzad pa yin no zhes pa'o/ /des gsungs pa'i mdor bsdus pa'i don ni 'di yin no zhes slob
 dpon gyis bstan bcos 'dis 'chad pa yin no/ /de nyid kyi phyir zhes bya ba ni gang gi phyir bstan bcos ni rnam par rtog pa ldog pa'i ched du yin pa de'i phyir ro/ /dpyad ces bya ba ni chos kyi rang bzhin gyi yul can gyi yongs su dpyod pa'o/ /rtsod la chags pa'i phyir
 zhes bya ba ni rang gi phyogs rnam par bzhag pa dang/ gzhan gyi phyogs bzlog pa'i rang bzhin can gyi rtsod pa la chags pa'i phyir ro/ /de nyid ces bya ba ni stong pa nyid kyi mtshan nyid can no/ /de 'grel bas bstan par bya ba'i phyir/ de nyid kyi phyir zhes bya ba la
 sogs pa gsungs te/ rnam par dpyod pa shin tu cher mdzad pa zhes bya ba ni bdag las ma yin zhes bya ba la sogs pa'o/ /de ni rtsod la chags pa ste zhes bya ba'i bshad pa ni gzhan zil gyis gnon par 'dod pas ma mdzad do zhes bya ba'o/ /thar pa thob par
 gyur na ci ma rung zhes bya ba ni 'dod chags la sogs pa log nas so/ /de las gzhan dag gi phyogs snga ma 'god pa ni/ gal te khyod kyis zhes bya ba gsungs te/ bkod cing bkod cing zhes bya ba ni phyogs snga ma bkod cing bkod cing ste 'di ltar bdag las skye ba
 'gog pa'i gnas skabs na gal te 'di snyam du myu gu skye ba las phan 'dogs pa'i chu la sogs pa'i rkyen rnams zhes bya ba sogs bas phyogs snga mar bkod par mdzad pa dang/ de bzhin du gzhan las skye ba 'gog pa'i gnas skabs na gang gzhan
 dag las ni ga la zhig ces bya ba la sogs pa gang brjod pa de ni mi rigs so zhes bya ba la sogs pas phyogs snga ma 'god pa yin no/ /des na bstan bcos rtsod pa'i don du ci'i phyir ma yin ce na'o/ /de la lan bstan par bya ba'i phyir/ brjod par bya ste zhes bya
 ba la sogs pa gsungs te/ 'di'i don ni bdag las ma yin zhes bya ba la sogs pas dngos po rnams skye ba bkag pa'i sgo nas stong pa nyid kyi mtshan nyid can gyi don bstan nas/ dngos po rang bzhin gyis zhig bar 'gyur bas kho bo cag la nyes pa ci zhig
 yod ces pa'o/ /de nyid bstan par bya ba'i phyir/ gal te de nyid ces bya ba la sogs pa gsungs so/ /ji skad du zhes bya ba ni bzhi brgya pa las so/ /chos 'di de bzhin gshegs rnams kyis/ /rtsod pa mdzad phyir gsungs ma yin zhes bya ba ni gal te chos 'di rtsod pa
 bya ba'i ched du gsungs par gyur na de'i tshe lta ba ngan pa thams cad rab tu gzhom pa'i phyir chos bstan pa yin no zhes bya bar 'gyur ba yin pa las rtsod pa'i ched du gsungs pa ni ma yin te/ rnam par thar pa'i sgo nyid du gsungs pa'i phyir ro/ /de ltar yin du zin kyang/
 'on kyang me yis bud shing ltar/ /'di yis phas kyi rgol ba sreg /ces bya ba gsungs te/ chos 'di rtsod pa mdzad pa'i ched du ma gsungs kyang phas kyi rgol pa thams cad tshar gcod pa yin te/ dper na me don du gnyer ba ni 'tshed pa la sogs pa'i don du yin
 gyi bud shing bsreg pa'i don du ma yin no/ /de ltar na yang rang gi 'dod pa'i 'bras bu sgrub par byed cing sreg par byed pa'i rang bzhin can yin pas bud shing yang sreg par byed pa yin no/ /me ci ltar ba de bzhin du chos thams cad bdag med par shes pa
 yang dad pa can gyi rgyud la skye zhing shes par bya'o/ /de ltar ma yin te zhes bya ba ni de kho na nyid kyi don du ma yin no/ brtog pa ldog pa nyid ni srid do/ zhes bya ba ni 'dod chags dang zhe sdang gi rnam par rtog pa 'jug pas so/ /de nyid ston pa ni/ ci'i phyir zhe na zhes bya
 ba la sogs pa gsungs te/ gzhan gyi lta la 'khrug gang zhes bya ba ni rtog pa nyid yin no zhes sbyar bar bya'o/ /rtsod pa'i ched du ma mdzad la phan yon bstan par bya ba'i phyir/ gang gi tshe chos 'di zhes bya ba la sogs pa gsungs so/ /ji skad du zhes bya ba la
 sogs pa ni 'phags pa'i lha'i zhabs kyis so/ /rtsod med che ba'i bdag nyid can zhes bya ba ni bdag nyid chen po 'phags pa rnams la ni rtsod pa yod pa ma yin te/ gang gi phyir 'phags pa rnams la yod pa dang med pa la sogs pa'i phyogs 'ga' yang
 yod pa ma yin pas so/ /gang la phyogs yod pa ma yin pa de la gzhan gyi phyogs lta ga la yod de/ gzhan gyi phyogs ni rang gi phyogs la bltos nas 'jog pa yin pas so/ /des na rang gi phyogs dang gzhan gyi phyogs dag med pas rtsod pa med pa'i ched du bya ba'i bdag nyid can rnams so/ /de'i
 phyir chos 'di ni rtsod pa mdzad pa'i phyir gsungs pa ma yin no/ /de bzhin du zhes bya ba la sogs pa ni mdor bsdu na phyogs ni rnam pa gnyis te/ rang gi phyogs dang/ gzhan gyi phyogs so/ /de la gal te stong pa nyid kyi phyogs dag legs pa yin no zhes rang gi phyogs la
 chags pa yod na gzhan gyi phyogs phyin ci log yin pas khyod mi dga' ba de'i phyir mya ngan las 'das par 'gro ba ma yin te/ rjes su chags pa dang khong khro ba dag gis nye bar bcom pa'i gnyis la dpyod pa la mya ngan las 'das pa yod pa ma yin pas so/ /thams cad
 la btang snyoms pas chags pa dang sdang ba dag bcad nas ldog pa med pa bde ba dang ro gcig pa zhi ba nyid thob pa yin no/ /gang la 'dod chags dang zhe sdang ngag yod pa des mya ngan las 'das pa thob pa ma yin no zhes mdo'i khungs kyi sgo nas ston pa ni/ mdo sde
 las kyang zhes bya ba la sogs pa gsungs te/ gang lung 'di thos nas rjes su chags shing 'dod chags skyed pa dang/ mu stegs pa'i bstan bcos las bstan pa'i chos ma yin pa thos nas khong khro skyed par byed pa'i rnam pa de lta bu'i nga rgyal dang rgyags pas bcom
 pa de ni ngan song du sdug bsngal nyams su myong bar 'gyur ro zhes pa'o// //de ltar chos kyi bdag med pa bstan nas/ da ni gang zag gi bdag med pa bsten par bya ba'i phyir/ de'i phyir de ltar zhes bya ba la sogs pa gsungs te/ lung dang rig pa dag gis zhes
 bya ba la sogs pa rigs pa ni bdag las ma yin zhes bya ba la sogs pa gsungs so/ /lung ni ji skad du 'phags pa sa bcu pa'i mdo las zhes bya ba la sogs pas so/ /de la gang zag gi bdag med pa ston pa'i rgyu mtshan bstan par bya ba'i phyir/ nyon mongs skyon
 rnams zhes bya ba la sogs pa gsungs te/ 'jig tshogs lta las 'byung bar zhes bya ba ni bdag dang bdag gi bar lta ba las skyes par ro/ /nyon mongs skyon rnams ma lus zhes bya ba ni khams gsum pa'i 'dod chags la sogs pa
 rnams dang/ skye ba la sogs pa rnams so/ /'di'i yul du zhes bya ba ni 'jig tshogs la lta'i yul du'o/ /rnal 'byor pa yis bdag ni 'gog par byed ces bya ba ni bdag bkag pa'i sgo nas 'jig tshogs la lta ba 'gog par byed pas so/ /de 'grel  
 bas bstan par bya ba'i phyir/ de la zhes bya ba la sogs pa gsungs te/ nga dang nga'i snyam pa'i rnam pa can gyi shes rab nyan thos la sogs pa la yod pas/ de'i phyir nyon mongs pa can zhes bya ba gsungs te/ nyan thos la sogs
 pa la 'dod chags la sogs pa dang mtshungs par ldan pa'i shes rab med pas de rnams kyi 'jig tshogs la lta bar thal bar mi 'gyur ba'o/ /nyon mongs pa la sogs pa rnams 'jig tshogs la lta ba'i rgyu yin pa la mdo'i khungs bstan par bya
 ba'i phyir/ nyon mongs pa thams cad ni zhes bya ba la sogs pa gsungs te/ 'dir ni 'jig tshogs la lta ba'i rtsa ba can zhes bya ba la sogs pa la/ phyi ma phyi ma snga ma snga ma'i bshad pa yin par shes par bya'o/ /'du byed mngon par grub pa'i phyir
 dang/ zhes bya ba ni 'dod chags la sogs pa rnams mngon par grub pa'i phyir ro/ /ma lus pa zhes bya ba ni nyon mongs pa dang skyon no/ /bdag gi bdag med pa nyid khong du chud pa la zhes bya ba ni bdag gi stong pa nyid khong du chud pas so/ /bdag ces bya
 ba ni ci zhig ces bya ba'i bshad pa ni/ bdag de ci zhig ces pa de nyid mi shes so/ /zhes bya ba'o/ /de la gzhan gyi kun brtags pa'i bdag gi rang bzhin bstan par bya ba'i phyir/ de la re zhig ces bya ba la sogs pa gsungs te/ rtag dngos zhes bya ba ni dus
 thams cad du 'gyur ba med pas so/ /byed pa po min zhes bya ba ni 'chad par 'gyur pa'i nam pas rang bzhin la sogs pa nams byed pa po nyid du khas len pas so/ /za ba po zhes bya ba ni yul la nye bar longs spyod pas so/ /yon tan med ces bya ba ni bde ba dang sdug
 bsngal dang gti mug gi rang bzhin can gyi yon tan med pas so/ /bya med ces bya ba ni thams cad la khyab pa'i phyir yul gzhan du 'gro ba'i mtshan nyid can gyi bya ba med pas so/ /de dbye cung zad cung zad la brten nas zhes bya ba ni yon tan dang bcas pa nyid dang bya ba dang gces
 pa nyid la sogs pa'o/ /'di ni 'grel pas gsal bar 'chang ngo/ /lugs ni zhes bya ba ni rnam par bzhag pa'o/ /de la grangs can pa rnams kyi bdag gi rnam bzhag bstan par bya ba'i phyir/ de la grangs can pa dag ni zhes bya ba la sogs pa gsungs te/ rtsa ba'i rang
 bzhin zhes bya ba la/ rtsa ba smos pa ni de la rgyu gzhan med pas 'di nyid thams cad kyi rgyu yin no zhes pa'i don to/ /rnam par 'gyur min la zhes bya ba ni rnam par 'gyur ba la mi brten pas rtag pa yin no zhes pa'o/ /chen po sogs bdun rang bzhin rnam 'gyur
 zhing zhes bya ba la/ de la chen po'i sgra ni blo brjod pa yin la/ des na blo dang nga rgyal dang sgra dang reg bya dang ro dang gzugs dang dri zhes bya ba ste bdun ni 'bras bu gzhan byed pa'i phyir rang bzhin yin la/ rang bzhin gyis de rnams byed pa yin pas rnam 'gyur
 zhes kyang brjod par bya'o/ /bcu drug po ni rnam par 'gyur ba ste zhes bya ba ni ngag dang/ lag pa dang/ rkang pa dang/ rkub dang/ 'doms te/ las kyi dbang po lnga dang/ rna ba dang/ pags pa dang/ mig dang/ lce dang/ sna ste blo'i dbang po lnga dang/ nam mkha' dang/
 rlung dang/ me dang/ chu dang/ sa zhes bya ba ste 'byung ba 'di gzhan gyi rgyu yin pa'i phyir ro/ /skyes bu rang bzhin ma yin gyi rang bzhin ma yin te/ gzhan gyi 'bras bu yin pa dang 'di gzhan gyi rgyu yin pa'i phyir ro/ /skyes bu rang bzhin ma yin rnam 'gyur min 
 zhes bya ba ni byed pa po ma yin pa dang rtag pa'i phyir gzhan gyis rnam 'gyur byar med pas so/ /de nyid 'grel pas bstan par bya ba'i phyir/ de la zhes bya ba la sogs pa gsungs te/ rab tu byed pas na rang bzhin no zhes bya ba'i 'bras bu skyed par byed
 pas na zhes bya'o/ /skyes bu'i 'dod pa mthong ba'i dus so/ /zhes bya ba ni gang gi tshe skyes bu la yul la 'dod pa skyes pa mthong ba de'i tshe de nyid bstan par bya ba'i phyir/ gang gi tshe zhes bya ba la sogs pa gsungs te/ sgra la sogs pa zhes bya ba la sogs pa'i sgras ni
 reg bya la sogs pa bsdu bar bya'o/ /rang bzhin dang skyes bu sbyor zhing zhes bya ba ni theng bo dang long ba bzhin du bsdebs nas te/ ji ltar theng bo rang nyid kyis 'gro mi nus la long bas kyang mi mthong ba'i phyir gcig pus bya ba byed mi nus pas gnyis bsdebs nas
 'gro ba la sogs pa'i bya ba byed pa de bzhin du skyes bus rang bzhin la bskul nas rang bzhin gyis sgra la sogs pa'i yul rnams 'byin par byed pa'o/ /de la tshul ni 'di yin te zhes bya ba ni/ de la 'byin par byed pa'i rim pa ni 'di yin no zhes pa'o/ /de nyid
 bstan par bya ba'i phyir/ rang bzhin las ni zhes bya ba la sogs pa gsungs te/ chen po zhes bya ba ni glo yin te 'di ni bum pa'o/ /'di ni snam bu'o zhes bya bar yul nges pa'i mtshan nyid can no/ /de las nga rgyal zhes bya ba ni chen po las nga rgyal skye ba yin la/ de yang
 bdag skal pa dang ldan par lta bar bya ba yin no zhes bya ba la sogs pa'i mtshan nyid can no/ /de las bcu drug po'i tshogs so zhes bya ba ni nga rgyal de las las kyi dbang po dang/ blo'i dbang po lnga dang/ de tsam lnga dang/ yid de bcu drug po'i tshogs skye ba'o/ /de la yid ni kun tu rtog
 pa'i mtshan nyid can yin te/ dper na bram ze phrug gus grong gzhan na ston mo yod do zhes thos pa yin la der nga 'gro'o snyam pa'i rnam par rtog pa yin la/ ci don bur ma dang zho yod dam 'on te zho yod snyam pa'i kun tu rtog pa'i mtshan nyid can gyi yod do/ /lnga las na
 'byung ba lnga ste zhes bya ba ni/ mdor bstan pa'o/ /de nyid rgyas par ston pa ni/ sgra la sogs pa zhes bya ba la sogs pa gsungs te/ sgra las nam mkha' dang/ reg bya las rlung dag gzugs las me dang/ ro las chu dang/ dri las sa'o zhes de tsam lnga las 'byung ba rnam pa lnga skye pa'o/ /rang bzhin
 gyi don bstan par bya ba'i phyir/ rnam par 'gyur min la zhes bya ba la sogs pa smos te/ rab tu byed pa kho na yin gyi zhes bya ba ni chen po la sogs pa'i 'bras bu byed pa kho na'o/ /rnam par 'gyur ba ni ma yin te zhes bya ba ni rtag pa yin pas rnam 'gyur la brten pa ma yin no zhes bya ba'o/ /rang gi rnam
 par 'gyur ba la bltos nas zhes bya ba ni nga rgyal la sogs pa'i rnam 'gyur la bltos nas so/ /rang bzhin la bltos nas rnam par 'gyur ba yin no zhes bya ba ni nges rnam par bsgyur bar bya ba yin pas so/ /blo'i dbang po la sogs pa zhes bya ba la sogs pa'i sgras ni las kyi dbang po lnga dang
 'byung ba chen po lnga dang yid bsdu bar bya'o/ /rnam par 'gyur ba kho na ste zhes bya ba ni gzhan gyi rgyu ma yin pas so/ /de nyid kyi phyir na'i sgra ni zhes bya ba la sogs pa smos so/ /skyes bu zhes bya ba la sogs pa ni gzhan gyi rgyu ma yin pa dang/ rtag pa yin pa'i phyir ro/ /rim pa 'dis zhes bya
 ba ni rang bzhin las ni chen po'i zhes bya ba la sogs pas so/ /rnam par 'gyur ba'i tshogs zhes bya ba ni chen po la sogs pa'o/ /skyes bu ci ltar longs spyod pa po yin snyam nas dri ba ni/ 'dod pa skyes pa'i zhes bya ba la sogs pa gsungs so/ /de lan bstan par bya ba'i phyir na/ rna ba la
 sogs pa zhes bya ba la sogs pa gsungs te/ yid kyis byin gyis brlabs pa dag gis zhes bya ba ni sgra la sogs pa rtogs par gyur cig ces yid kyis byin gyis rlob pa'o/ /yongs su bzung ba'i zhes bya ba ni rna ba la sogs pa 'jug pa tsam gyi sgo nas dmigs pa'o/ /blos zhen par
 byed la zhes bya ba ni sgra la sogs pa 'di'o zhes mngon par zhen par byed pa'o/ /skyes bu sems par byed de zhes bya ba ni mngon par zhen par byed pa'i sgra la sogs pa'i rang bzhin shes par byed pa'o/ /'di'i don ni yid kyis byin gyis brlabs pa'i rna ba la sogs pas 'jug
 pas gang gi tshe gzugs la sogs pa la dmigs pa de'i tshe mngon par/ zhen pa'i rang bzhin can me long ngos gnyis pa dang 'dra ba'i blo 'jug pa yin la/ gang la yul gyi grib ma 'char ba dang/ skyes bu'i grib ma 'char ba'o/ des na gzugs brnyan gnyis phrad pa ni
 gnas skabs na yul nyams su myong ba'i mtshan nyid can longs spyod par 'gyur ba'o/ /des na skyes bu ni sems pa yod pa'i rang bzhin yin pas yul nye bar longs spyod pa'o zhes brjod pa yin no/ /de ltar 'khor bar skye ba'i rim pa bstan nas 'dod chags dang bral ba'i rim
 pa bstan par bya ba'i phyir/ de ltar 'dod pas zhes bya ba la sogs pa smos te/ de ltar zhes bya ba ni rna ba la sogs pa'i zhes bya ba la sogs pas brjod pa'i rim pas so/ /bsam gtan bsgoms shing lha'i shes pa yang dag par blangs pa zhes bya ba ni bsam gtan gyi stobs
 kyis yang dag par blangs pa ste bskyed pa lha'i mig gi shes pa gang yin pa de la de skad ces bya'o/ /des bltas pa dang zhes bya ba ni rang bzhin la ltas pa na'o/ /rang nyid phyir nur byed cing zhes bya ba ni rang bzhin de rang gi bdag nyid phyir nur pa'o/ /de nyid du zhes bya ba ni rang bzhin
 la'o/ /rnam par 'gyur pa'i tshogs zhes bya ba ni chen po la sogs pa'o/ /skye ba'i rim pa las zlog pa'i sgo nas zhes bya ba ni 'byung ba lnga po rnams de tsam lnga la thim par 'gyur ba dang/ tshogs drug po rnams ni nga rgyal la thim par 'gyur zhing/ nga rgyal ni blo dang/ blo ni rang
 bzhin la thim par 'gyur ro zhes bya ba'i rim pa 'dis so/ /mi gsal ba'i ngo bor 'gyur ba zhes bya ba ni rnam par 'gyur ba'i tshogs rnams mi snang bar 'gyur ba yin no zhes pa'o/ /de'i tshe skyes bu nyag gcig gnas te zhes bya ba ni rang bzhin dang bral bas sngon po la sogs par
 snang ba dang bral ba'i skyes bu gcig pu gnas pa'o/ /des na 'dod chags la sogs pa'i nyon mongs pa'i 'ching ba rnams med pas rnam par grol ba yin no zhes brjod pa yin no/ /de yang rtag pa yin no zhes ston pa ni de ni zhes bya ba la sogs pa gsungs te/
 /de ni zhes bya ba ni skyes bu'o/ /rnam par 'gyur ba zhar zin kyang zhes bya ba ni rang bzhin la thim nas kyang ngo/ /zha bar mi 'gyur ba nyid kyis zhes bya ba ni mi gsal ba'i ngo bo nyid du mi 'gyur bas so/ /yan gar ba'i ngo bor zhes bya ba ni rang bzhin dang bral ba'i ngo
 bor ro/ /rtag pa zhes bya ba ni rang bzhin ni glo bur ba yin pas so/ /de ltar rtag pa'i ngo bo nyid du bstan nas byed pa po ma yin pa la sogs pa'i khyad par bstan par bya ba'i phyir/ rang bzhin nyid ces bya ba la sogs pa gsungs te/ rnam par 'gyur ba rnams las kyang kha cig ces bya ba ni
 blo dang nga rgyal dang/ de tsam gyi mtshan nyid can no/ snyoms las can nyid ces bya ba ni 'bras bus byed pa'i bya ba med pas so/ /rdul dang mun pa dang/ snying stobs kyi rang bzhin med pa'i phyir na zhes bya ba ni bde ba dang/ sdug bsngal dang/ gti mug gi rang bzhin med pas/ khyad par byed pa
 nyid yod pa'i phyir na bya ba med pa nyid de zhes bya ba ni ma khyab pa'i yul du 'gro ba'i phyir bya ba dang bcas par rigs kyi/ khyab pa la ni ma khyab pa'i yul med pas bya ba med pa yin no/ /rdul dang/ mun pa dang/ snying stobs rnams ni yon tan gsum mo zhes bya ba ni sdug bsngal dang/
 gti mug dang/ bde ba'i mtshan nyid can gyi yon tan gsum mo zhes pa'o/ /de la rdul ni g.yo ba dang/ 'jug pa'i bdag nyid can zhes pa'o/ /rdul gyi stobs kyis blo la sogs pa rnams bstan par mi 'gyur ba'i phyir na g.yo ba dang/ de nyid kyi phyir 'jug pa'i bdag
 nyid can yin te gnas gcig tu dga' ba med pas so/ /'bras bu rnams rgyu la yod pas rdul la g.yo ba dang 'jug pa'i bdag nyid can zhes bya'o/ /mun pa ni lci ba dang g.yo ba'i bdag nyid can no zhes bya ba ni mun pa'i stobs kyis lus la sogs pa rnams lci ba nyid du
 'gyur ba dang/ dngos po'i rang bzhin yongs su mi shes pas so/ /rgyu la 'bras bu yod pa ni sngar bzhin du'o/ /snying stobs ni yang ba dang rab tu gsal ba'i bdag nyid can zhes bya ba ni snying stobs kyis 'bras bu ni lus la sogs pa rnams yang ba nyid dang rab tu dang ba'o/ /'dir
 rgyu la 'bras bu yod par ni sngar bzhin du shes par bya'o/ /'di dag kho na'i rnam grangs so zhes bya ba ni rdul dang/ mun pa dang/ /snying stobs rnams kyi'o/ /'di dag ces bya ba ni sdug bsngal la sogs pa rnams so/ /cha mnyam pa'i gnas skabs ni zhes bya ba ni rdul
 la sogs pa'i nang nas gang la yang shes che bar gyur pa med pa'o/ /gnas skabs de la gtso bo zhes brjod par bya ba'i rang bzhin gyi sgras ni brjod par mi bya'o/ /de nyid kyi rgyu mtshan bstan par bya ba'i phyir/ 'dir yon tan dag ces bya ba la sogs pa gsungs te/
 gtso bor 'gyur ba ste rab tu zhi bar 'gyur ba ste shas che bar 'gyur ba ma yin no ces pa'o/ /de dag ces bya ba ni/ sdug bsngal dang/ gti mug dang/ bde ba rnams so/ /de dag rnam par 'gyur ba'i gnas skabs ni rang bzhin no zhes bya ba ni gang yang rung ba shas che ba'i gnas
 skabs ni rang bzhin yin no zhes pa'o/ /rnam par 'gyur ba can dang zhes bya ba ni sdug bsngal gyi cha dang ldan pa'o/ /snying stobs can dang zhes bya ba ni bde ba'i cha dang ldan pa'o/ /gnyis ka'i bdag nyid can gyi yid de zhes bya ba ni las kyi dbang po dang/ blo'i dbang po dag gis
 byin gyis rlob pa po yin no zhes pa'o/ /nga rgyal gnyis ka'i 'jug par byed pa po zhes bya ba ni rnam par 'gyur pas dang snying stobs can gyi nga rgyal dag gi'o/ /rang bzhin dang rnam par 'gyur ba nyid yin zhing zhes bya ba ni blo la sogs pa gzhan dag gi byed pa po
 yin pa dang rang bzhin la sogs pa gzhan gyis bskyed par bya ba yin pas so/ /rnam par 'gyur ba nyid kho na yin la zhes bya ba ni gzhan gyis skyed par byed pa ma yin pas so/ /de'i dbye ba cung zad cung zad la brten nas zhes bya ba ni bdag gi khyad par la brten nas so/ /de
 la bye brag pa yis 'dod pa'i bdag gi rnam bzhag bstan par bya ba'i phyir 'di lta ste zhes bya ba la sogs pa gsungs te/ sdug bsngal ni de las bzlog pa'o zhes bya ba ni sdug bsngal ni mi 'dod pa'i yul nyams su myong ba'o/ /de'i mthar thug pa zhes bya ba ni bsgrub par bya
 pa la nan tan byed pa'o/ /de las bzlog pa ni chos ma yin pa'o zhes bya ba ni gang las ngan song dang 'khor ba 'grub pa de ni chos ma yin pa'o/ /shes pa las skyes shing shes pa'i rgyur gyur pa zhes bya ba ni lhan cig byed pa'i rkyen 'chad pa po'i sgra la sogs pa dang/ nye bar len pa'i rgyu yid kyi rnam par
 shes pa las skyes pa sngar dang 'dra ba'i shes pa rgyu gang yin pa de ni 'dus byas pa'i shugs te/ dper na mnga' i 'phong gi 'du byed yul gzhan 'thob pa'i rgyur 'gyur ba de bzhin du shes par khyad par can skye ba'i rgyu 'du byed kyi shugs yin no zhes pa'o/ /ci ltar 'khor ba dang thar pa thob
 par gyur pa dag bstan par bya ba'i phyir/ bdag gi zhes bya ba la sogs pa gsungs te/ bdag la 'du shing yod pa zhes bya ba ni bdag la 'du ba'i 'brel pa'i sgo nas 'du ba'o/ /de dag gis sbyar ba'i zhes bya ba ni 'dod pa dang sdang ba la sogs pas 'jug pa'o/ /yang dag par rtogs pa'i shes
 pas zhes bya ba ni rnam par mi rtog pa'i shes pa thob pas so/ /rtsa ba dang bcas par gcod pa zhes bya ba ni 'di ji ltar yang skye bar mi 'gyur ba de ltar gcod pa'o/ /rang gi bdag nyid la gnas shing thar par 'gyur ro zhes bya ba ni 'dod chags la sogs pa'i nyon mongs pas 'chid ba med
 pas so/ /de ltar khyad par bstan par bya ba'i phyir/ bdag de yang zhes bya ba la sogs pa gsungs so/ /rtag pa dang zhes bya ba ni skye ba dang 'jig pa med pas so/ /byed pa po dang zhes bya ba ni dge ba dang mi dge ba la sogs pa'i las kyi byed pa po yin pas so/ /za ba po dang zhes bya ba ni dge ba dang mi
 dge ba'i las kyi 'bras bu'o/ /yon tan dang bcas pa zhes bya ba ni 'dod pa dang sdang ba la sogs pa'i yon tan rnams dang ldan pas so/ /khyab pa ni sngar bzhin shes par bya'o/ /bskum pa dang rkyong ba nyid kyis zhes bya ba ni gang lus 'dor bar byed pa de las bskum pa dang/ gang lus
 len pa de la kyong ba'o/ /bum pa la sogs pa'i nam mkha' lta bur lus tha dad pas gcig sna tshogs pa nyid ces bya ba ni ci ltar nam mkha' gcig nyid yin du zin kyang bum pa la sogs pa tha dad pas nam mkha' tha dad pa yin no zhes bstan par bzhin du 'dir yang bdag gcig
 yin du zin kyang lus tha dad pas de yang tha dad pa yin no/ /sogs pa'i sgras ni ma khyab pa la sogs pa bsdu bar bya'o/ /de ltar phyogs snga ma bkod nas lan bstan par bya ba'i phyir/ mu stegs can rnams kyi zhes bya ba la sogs pa gsungs te/ ?
 lugs re re las zhes bya ba ni grub mdza' so so las so/ /de ltar gyur ba'i zhes bya ba ni sngar bstan pa'i chos dang ldan pa yin no/ /yod min zhing zhes bya ba ni bsgrub par bya ba dang po'o/ /'di ni ngar 'dzin rten duAng mi rigs la zhes bya ba ni bsgrub par bya ba gnyis pa'o
 'di zhes bya ba ni bdag go /ngar 'dzin gyis rten du zhes bya ba ni ngar 'dzin gyi yul lo/ /skye ba dang bral phyir zhes bya ba ni gtan tshigs so/ /mo gsham bu ltar zhes bya ba ni dpe ste ji ltar mo gsham gyi bu skye ba dang bral ba'i phyir yod pa ma yin pa dang/ ngar 'dzin gyi rten
 du ma gyur pa de bzhin du bdag kyang yin no zhes pa'o/ /gal te don dam par de yod pa ma yin zhing ngar 'dzin gyi yul du gyur pa ma yin kyang 'on kyang kun rdzob tu de gnyis yod par 'gyur ro zhe na/ de la lan ni/ 'di ni kun rdzob tu yang yod mi 'dod ces bya ba gsungs te/ skye ba dang
 bral phyir zhes bya ba ni gtan tshigs kyi bdag 'di ni kun rdzob tu yang yod pa ma yin pa dang/ ngar 'dzin gyi rten du ma gyur par bstan pas kun rdzob tu yang 'di gnyis car yod pa ma yin no zhes pa'o/ /de 'grel pas bstan par bya ba'i phyir/ rang nyid kyi
 zhes bya ba la sogs pa gsungs te/ rang nyid kyi rjes su dpag pa dang/ 'gal ba'i phyir zhes bya ba ni ci ltar khyod kyis mo gsham gyi bu la skye ba dang bral ba'i phyir ro/ /yod pa nyid dang ngar 'dzin gyi yul du mi 'dod pa de bzhin du bdag la yang ma skyes pa'i phyir
 gnyis po 'di dag med pa thal bar 'gyur bas/ de nyid kyi rjes su dpag pa dang 'gal bas so/ /ji skad smras pa'i zhes bya ba ni sngar bstan pa'i chos kyi khyad par dang ldan pa'o/ /nga ni bdag la mu stegs pa rnams kyis chos gang kun tu brtags pa de yang
 rigs pa ma yin no zhes bstan par bya ba'i phyir/ 'di yang yod pa nyid dang zhes bya ba la sogs pa gsungs te/ 'di zhes bya ba ni bdag go /bstan bcos las zhes bya ba ni grangs can dang bye brag pa'i bstan bcos las so/ /de'i khyad par zhes bya ba ni rtag pa nyid
 la sogs pa'o/ /rang grags ma skyes gtan tshigs kyis zhes bya ba ni skye ba bral ba'i gtan tshigs te mu stegs pa nyid la grags pa yin te/ des de ltar khas blangs pas so/ de 'grel pas bstan par bya ba'i phyir/ de la grangs can pa'i zhes bya ba la
 sogs pa gsungs te/ rang nyid kyis zhes bya ba ni phung po rang nyid la grags pas so/ /bdag tu smra ba thams cad zhes bya ba ni rig byed du smra ba la sogs pas kun tu brtags pa rnams so/ /de nyid kyi phyir phung po las tha dad du gyur pa'i bdag yod pa ma yin no zhes
 bstan par bya ba'i phyir/ de'i phyir de ltar na zhes bya ba la sogs pa gsungs te/ gang gi phyir skye ba dang bral ba'i phyir zhes bya ba'i gtan tshigs kyi bdag med pa de'i phyir phung po las tha dad du gyur pa'i bdag yod pa ma yin pa'o/ /de dag ces bya ba ni phung po
 rnams las so/ /de nyid bstan par bya ba'i phyir/ gal te zhes bya ba la sogs pa gsungs te/ phung po ma gtogs de 'dzin ma grub phyir zhes bya ba ni phung po ma gtogs pa'i bdag gi yul can gyi ngar 'dzin pa ma grub pa'i phyir ro/ /ji skad du zhes
 bya ba ni dbu ma rtsa ba'i shes rab las so/ /gal te nye bar len pa las gzhan du ste tha dad pa'i bdag nyid yod par gyur na de nye bar len pa las tha dad du 'dzin par 'gyur te/ bum pa las snam bu bzhin du'o/ /'dzin pa nyid kyang ma yin pa de'i phyir nye bar
 len pa las tha dad du 'gyur ba'i bdag nyid yod pa ma yin no zhes pa'o/ /de yang nye bar len pa med pa'i nye bar len pa po nye bar len pa las gzhan du nam mkha' i me tog bzhin du yod pa ma yin no/ /gal te phung po la sogs pa ni gal te phung 
 po rnams las bdag gzhan du 'gyur na ni phung po'i mtshan nyid med par 'gyur ro/ /de la phung po ni 'du byas yin pa'i phyir skye ba dang gnas pa 'jig pa'i mtshan nyid can yin pas phung po ma yin pa'i mtshan nyid can bdag yod par gyur
 na skye ba dang gnas pa dang 'jig pa'i mtshan nyid dang mi ldan par 'gyur ro/ /gang de lta bu ngo? med pa'i phyir ram 'dus ma byas yin pa'i phyir nam mkha' i me tog bzhin du 'am mya ngan las 'das pa bzhin du bdag ces bya ba'i ming mi thob pa dang/ dar 'dzin gyi yul nyid du
 mi rigs pa'i phyir phung po las tha dad du gyur pa'i bdag ni mi rigs pa'o/ /yang na don 'di yin te gal te bdag phung po las tha dad du gyur pa yin na de phung po'i mtshan nyid med par gyur te/ gzugs su rung ba dang nyams su myong ba dang mtshan mar 'dzin pa dang
 mngon par 'du byed pa dang/ yul so sor rig pa'i mtshan nyid can gyi phung po lnga yin la/ bdag ni gzugs nas rnam par shes pa'i bar las tha dad du 'dod par 'gyur na mtshan nyid tha dad du grub par 'gyur ba dang/ mtshan nyid tha dad du grub par 'dzin
 pa nyid du 'gyur te/ gzugs las sems bzhin no/ /de ltar 'dzin pa yang ma yin no/ /des na phung po las gzhan du gyur pa'i bdag ni yod pa ma yin no zhes bya'o/ /de ltar phung po las gzhan pa'i bdag yod pa ma yin no zhes bstan nas/ 'jig rten pa'i ngar 'dzin
 gyis yul du yang 'gyur ba ma yin no zhes bstan par bya ba'i phyir/ phung po las zhes bya ba la sogs pa gsungs te/ blo'i rten du yang zhes bya ba ni blo'i yul du yang ngo/ /de nyid kyi rgyu mtshan ston pa ni/ de rig min pa'ang bdag lta'i phyir zhes bya ba gsungs
 te/ gang bdag rtag pa la sogs pa'i khyad par can du mi shes pa de rnams la yang bdag tu lta ba yod pa'i phyir ro/ /gal te tha dad du gyur pa'i bdag gi yul can ngar 'dzin gyi blo yin par gyur na de'i tshe bdag gi rang bzhin mi shes pa rnams la ngar 'dzin
 gyi blo mi skye bar 'gyur ba las skye ba yang yin no/ /des na ngar 'dzin gyi blo'i yul ni bdag ma yin no zhes pa'o/ /de 'grel pas bstan par bya ba'i phyir/ gang dag bdag dang zhes bya ba la sogs pa gsungs te/ rnam pa de lta bu'i zhes bya ba ni rtag pa dang ma skyes pa la sogs
 pa'i khyad par dang ldan pa'o/ /mngon par zhen pa'i khyad las zhes bya ba ni skye ba thog ma med pa nas goms pa'i bdag dang bdag gi snyam pa'i mngon par zhen pa las so/ /de la gzhan gyi phyogs snga ma 'god pa ni/ ci ste gang dag ces bya ba la sogs pa gsungs
 te/ da ltar zhes bya ba ni skye ba 'di la'o/ /sngar goms pa'i dbang gis zhes bya ba ni skye ba snga ma la rtag pa dang ma skyes pa la sogs pa'i khyad par dang ldan pa'i bdag tu 'dzin pa las goms pas so/ /de'i yul can zhes bya ba ni bdag gi yul can no/ /
 'di'i don ni gal te tshe 'di la rtag pa dang ma skyes pa la sogs pa'i khyad par dang ldan pa'i bdag yongs su ma shes kyang skye ba gzhan du bdag khyad par can de des bzung ba'i phyir de'i 'du byed kyi stobs kyis skye ba 'di la bdag gi yul can gyi ngar 'dzin
 gyi blo 'jug pa yin no zhes pa'o/ /de la lan bstan par bya ba'i phyir/ de yang yod pa ma yin te zhes bya ba la sogs pa gsungs te/ kha cig dag kho na la zhes bya ba ni gang skye ba snga ma la grangs can pa dang bye brag ba la sogs par 'gyur ro/ /de dag gi bstan
 bcos la goms par byas pa la zhes bya ba ni ser skya dang 'ug pa bas byas pa'i bstan bcos la goms par byas pa las so/ /'dir zhes bya ba ni skye ba 'di las so/ /sngar goms pa med du zin kyang ngar 'dzin gyi blo 'jug pa de nyid
 dpe'i sgo nas bstan par bya ba'i phyir/ 'di lta ste zhes bya ba la sogs pa gsungs te/ bskal mang zhes bya ba ni bskal ba du mar ro/ /des kyang zhes bya ba ni dud 'gro'o/ /'di zhes bya ba ni bdag go /de dag la yang zhes bya ba ni dud 'gro rnams la
 yang ngo/ /des ni zhes bya ba ni dud 'gro rnams la ngar 'dzin mthong bas so/ /rnam pa de lta bu'i zhes bya ba ni rtag pa dang ma skyes pa'o/ /kyang gi sgra ni zhes bya ba la sogs pa la/ des kyang zhes bya ba ni kyang gi sgra gang yin pa des dmyal ba la
 sogs pa rnams skye ba bsdu bar bya'o/ /'di'i don ni gal te skye ba gzhan du bdag tu 'dzin pa la goms pa'i dbang gis da ltar bdag la dmigs pa'i ngar 'dzin pa'i blo skye bar 'gyur na de'i tshe bskal pa du mar dud 'gro'i skye ba nas su bskyal ba'i
 dud 'gro rnams la ngar 'dzin med par 'gyur te/ sngar bdag tu 'dzin pa la goms pa med pas so/ /mjug bsdu ba bstan par bya ba'i phyir/ de'i phyir phung po las tha dad pa'i bdag med do zhes bya ba smos so/ /de ltar phung po las tha dad du gyur pa'i bdag
 bkag nas phung po las tha mi dad pa'i bdag dgag par bya ba'i phyir phyogs snga ma 'god pa ni/ 'dir rang gi sde ba dag na re zhes bya ba la sogs pa gsungs te/ rang gi sde pa zhes bya ba ni mang pos bkur pa'i sde pa rnams so/ /phung po las zhes bya ba la sogs
 pa ni bdag tu lta ba'i dmigs pa ni phung po kho na yin te/ ci'i phyir zhe na/ phung po las gzhan bdag grub pa med pa'i phyir zhes bya ba gsungs te/ phung po ma gtogs de 'dzin ma grub phyir zhes bya ba'i tshul gyis so/ /phung po las tha dad pa'i bdag ma grub pa'i
 phyir ro/ /de 'grel bas bstan par bya ba'i phyir/ gang gi phyir zhes bya ba la sogs pa gsungs te/ ji skad bshad pa'i rigs pa zhes bya ba ni bstan ma thog pa'i rigs pas so/ /rang gi sde pa zhes bya ba ni sangs rgyas pa'o/ /de las kyang zhes bya ba ni mang pos bskur ba'i phyogs
 la'o/ /kha cig ces bya ba la sogs pa nas mang pos bskur ba kha cig na bdag tu lta ba ste 'jig tshogs la lta ba'i dmigs par gzugs la sogs pa'i phung po lnga car yang 'dod pa yin te/ phung po lnga la dmigs nas 'jig tshogs la lta ba skye ba yin no/
 zhes bya ba'i don to/ /kha cig ni 'jig tshogs la lta ba'i dmigs pas sems gcig pu yin par 'dod pa'o/ /de 'grel pas bstan par bya ba'i phyir/ /kha cig dag gi zhes bya ba la sogs pa gsungs te/ 'di yang zhes bya ba ni phung po lnga rnams la'o/ /phung po lnga la bdag tu
 mngon par zhen pa la mdo'i khungs bstan par bya ba'i phyir/ ji skad du zhes bya ba la sogs pa gsungs te/ 'dir gang gi phyir nye bar len pa'i phung po lnga po 'di dag kho na la yang dag par rjes su lta'o zhes gsungs pa de'i phyir bdag tu lta ba'i dmigs pa ni phung po lnga kho na yin par grub
 pa yin no/ /de nyid kyi phyir zhes bya ba ni phung po lnga 'jig tshogs la lta ba'i dmigs pa yin pa'i phyir ro/ /lta ba 'di ni 'jig pa'i bdag nyid can gyi tshogs pa yin gyi zhes bya ba ni gang gi phyir po lnga la dmigs pa yin pa de nyid kyi phyir 'jig tshogs la lta ba'i ming thob pa yin te
 gang gi phyir 'jig par 'gyur bas ni 'jig pa dang/ tshogs pa'i phyir na tshogs pa yin pas 'jig pa yang yin la tshogs kyang yin pas 'jig pa'i tshogs te/ 'jig bzhin pa'i phung po rnam pa lnga'o/ /de la bdag dang bdag gir rnam pas 'jug pa'i shes rab gang yin pa
 de la 'jig tshogs la lta ba zhes brjod par bya'o/ /des na phung po lnga la dmigs pa yin na 'jig tshogs la lta ba zhes bya ba'i ming 'thob pa yin no/ /de'i phyir/ bdag gam bdag gi ba la ni ma yin no zhes bya ba gsungs so/ /gzhan dag ni zhes bya ba ni mang pos bskur ba gzhan dag go /sems
 la bdag go zhes 'dod de zhes bya ba ni phung po lnga car 'jig tshogs la lta ba'i dmigs pa ma yin gyi 'on kyang sems kho na yin no zhes pa'o/ /de la mdo'i khungs ston pa ni/ bdag nyid bdag gi zhes bya ba la sogs pa gsungs te/ bdag nyid bdag gi mgon yin gyi zhes bya ba ni
 bdag gi sems mgon ni bdag gi sems kho na yin te/ rang gi sems kho nas rang gi sems 'dul bar nus kyi dbang phyug la sogs pas ni ma yin no/ /de nyid kyi phyir/ gzhan ni su zhig mgon du 'gyur zhes bya ba gsungs te/ rang gi sems las gzhan pa'i dbang phyug la sogs
 pa rnams mgon nyid du mi dmigs pa'i phyir ro/ /bdag nyid legs par thul bas ni zhes bya ba ni sems dul po nyid kyis so/ /mkhas pas mtho ris thob par 'gyur zhes bya ba ni gang gi tshe sems legs par dul ba de'i tshe mi/ dge ba ma byam pa las ?
 dang ldan pas mtho ris thob pa yin no zhes pa'o/ /sems las bdag gi sgrar gsungs so zhes bya ba ni tshigs su bcad pa 'di las sems bdag gi sgras gsungs pa yin no/ /'di gra las she na zhes bya ba ni 'dir gsal ba bdag gi sgra dmigs pa yin gyi sems kyi sgra ni gsungs
 pas bdag ma yin par ci ltar khong du chud ce na'o/ /de la lan bstan par bya ba'i phyir/ phung po las zhes bya ba la sogs pa gsungs so/ /mdo gzhan las kyang sems la bdag gi sgras gsungs pa yin zhes bstan par bya ba'i phyir/ mdo gzhan las kyang zhes bya ba la sogs pa gsungs
 te/ sems 'dul bar gsungs pa'i phyir te zhes bya ba ni gang gi phyir mdo gzhan las sems 'dul bar gsungs pa de bzhin du mdo 'dir yang bdag nyid legs par thul ba ni bya bas 'dul bar gsungs pas bdag gi sgras sems kho na brjod pa yin no zhes pa'o/ /sems
 dul ba zhes bya ba la sogs pas ni gang sems dul ba de ni bde ba 'dren zhes bya ba gsungs te/ gang gi phyir sems dul bas mtho ris dang byang grol gyi bde ba thob pa de'i phyir sems dul ba ni legs pa'o/ /de'i phyir zhes bya ba ni mdo las sems dul bar
 gsungs pa de'i phyir/ bdag nyid bdag gi mgon yin gyi zhes bya ba der sems kho? na bdag gi sgrar gsungs pas so/ /des na 'jig tshogs la lta ba'i dmigs pa ni sems kho na yin no zhes pa'o/ /de la lan bstan par bya ba'i phyir/ 'di la zhes bya ba la sogs pa gsungs
 te/ gal te phung po bdag na zhes bya ba ni gal te phung po rnams bdag kho na yin na'o/ /de mang bas zhes bya ba ni phung po rnams mang bas so/ /bdag de dag kyang mang por 'gyur zhes bya ba ni phung po dang bdag tha mi dad pa'i phyir bdag de dag kyang mang por 'gyur pa las khyod kyis
 de lta ?? 'dod pa ma yin no/ /bdag ni rjes su gyur zhing zhes bya ba ni bdag phung po las tha mi dad pa'i phyir phung po rnams rdzas su yod pa'i phyir bdag kyang rdzas su yod par thal bar 'gyur ro/ /der lta ba zhes bya ba ni phung po las tha mi dad par ro/ /bdag ni rdzas su yod par 'dod pa
 yang ma yin no/ /rdzas la 'jug pas phyin ci log mi 'gyur zhes bya ba ni 'jig tshogs la lta ba ni phung po lnga'i mtshan nyid can gyi bdag la dmigs nas rdzas la dmigs pa'i phyir ro/ /phyin ci log tu mi 'gyur pa'o/ /de 'grel pas bstan par bya ba'i phyir/ de la zhes
 bya ba la sogs pa gsungs te/ bdag kyang mang por 'gyur ro zhes bya ba ni phung po rnams dang tha mi dad pas so/ /de'i ltar na yang zhes bya ba ni rnam par shes par rdzas smra ba rnams kyi ltar na yang ngo/ /mig la sogs pa'i rnam par shes pa'i dbye bas sam
 zhes bya ba ni mig dang/ rna ba dang/ sna dang/ lce dang/ lus dang/ yid kyi rnam par shes pa rnams mang ba'i phyir de rnams dang tha mi dad pa'i bdag kyang mang po nyid du thal bar 'gyur ro/ /skad cig re re la rnam par shes pa skye ba dang 'gag pa mang ba'i phyir
 zhes bya ba ni yang na mig gi rnam par shes pa la sogs pa re re yang skad cig re re la skye ba dang 'gag pas mang po'i phyir de rnams dang tha mi dad pa'i bdag kyang mang bar 'gyur ba'o/ /yang na ji ltar rigs pa bzhin du nyes pa brjod par bya'o zhes bya ba
 ni gal te phung po bdag ni de'i phyir te mang bas bdag de dag kyang mang por 'gyur te zhes bya ba'i gzhung 'di phung po rnams bdag yin no/ zhes bya ba'i phyogs brjod par byed pa yin gyi rnam par shes pa bdag
 yin pa'i phyogs la ni rjod par byed pa ma yin pas phung po rnams bdag yin pa'i phyogs kho na la brjod par bya la/ bdag ni rdzas su 'gyur zhing der lta ba zhes bye ba la sogs pa ni phyogs gnyis ka la yod pa yin pas gnyis ka la brjod par bya'o zhes pa'o
 bshad pa snga ma'i mjug bsdu ba bstan par bya ba'i phyir/ de ltar zhes bya ba la sogs pa gsungs te/ de la phung po rnams bdag yin no zhes bya ba la sogs pa dang/ gang gi ltar na sems bdag yin pa de'i ltar na zhes bya ba la sogs pas
 nyes pa brjod pa gang yin pa'o/ /'chad par 'gyur pa'i nyes pa gzhan yang zhes bya ba la sogs pas ni bdag ni rdzas su 'gyur zhing zhes bya ba la sogs pa'o/ /'di la zhes bya ba ni rnam par shes pa bdag tu smra ba dag la'o/ /phyogs gnyis ka la yang zhes
 bya ba ni phung po bdag tu smra ba dang rnam par shes pa bdag tu smra ba'i phyogs dag pa'o/ /bdag mang por gyur na nyes pa ci zhig yod snyam na/ de la la ni/ 'jig rten zhes bya ba la sogs pa gsungs te/ lung? las gang zag nyag gcig yin no zhes 'byung bas
 na bdag mang po 'dod pa ma yin no zhes pa'o/ /skyon gzhan bstan par bya ba'i phyir/ bdag ni zhes bya ba la sogs pa gsungs so/ /de la rgyu mtshan bstan par bya ba'i phyir/ gzugs la sogs pa la zhes bya ba la sogs pa gsungs te/ gzhan gyi rdzas su
 yod pa'i phung po lnga brjod pas so/ /dge slong dag ces bya ba la sogs pa ni/ ming tsam zhes bya ba la sogs pa la phyi ma phyi ma ni snga ma snga ma'i bshad pa yin par shes par bya'o/ /'dir mya ngan las 'das pa'i sgras ni so sor brtags pa'i 'gog pa
 brjod pa yin te/ de yang sdug bsngal la sogs pa 'phags pa'i den pa rnams la so sor 'jal zhing dpyod pa'i sgo nas 'gog pa thob pa gang yin pa'o/ /de la mya ngan las 'das pa zhes bya ste/ de yod na nyon mongs pa rnams ldog par
 'gyur bas so/ /'di ni gang zag ming tsam yin no zhes gsungs pas gang zag rdzas su yod pa ni ma yin no/ zhes gsungs pa yin no/ /gang zag rdzas su med pa la mdo'i khungs gzhan yang bstan par bya ba'i phyir ro/ /de bzhin du ji ltar zhes bya ba las so/?
 pa gsungs te/ yan lag tshogs rnams la zhes bya ba ni 'khor lo la sogs pa rnams la'o/ /kun rdzob sems can zhes bya'o zhes bya ba ni phung po rnams la brten nas sems can zhes brtags pa yin no zhes pa'o/ /de'i phyir zhes bya ba la sogs pa ste de
 ltar lud gi sgo nas bdag rdzas su med par bstan nas/ rdzas su yod pa la yang skyon bstan par bya ba'i phyir/ gzhan yang zhes bya ba la sogs pa gsungs te/ 'jig tshogs la lta ba rdzas kyi yul can yin pa'i phyir na zhes bya ba ni gal te bdag
 phung po dang rnam par shes pa las tha mi dad par khas len na de'i tshe bdag rdzas su yod pa'i phyir na de yul can 'jig tshogs la lta ba phyin ci log nyid du mi 'gyur te/ /rdzas su yod pa la dmigs pa'i phyir ro/ /ji ltar sngon po
 dang ser po la dmigs pa'i shes pa rnams rdzas su yod pa'i sngon po la sogs pa la dmigs pa'i phyir phyin ci log gi shes pa ma yin pa gzhin du'o/ /phyin ci log tu gyur pa ma yin no skyon ci yod snyam na/ de la lan/ de'i phyir zhes bya ba la
 sogs pa gsungs te/ de'i phyir zhes bya ba ni gang gi phyir 'jigs tshogs la lta ba phyin ci log ma yin pa'i phyir ro/ /kun tu 'byung ba yang spangs par mi 'gyur ba'am zhes bya ba ni 'dir spangs pa ni rnam pa gnyis te/ ngo bo spangs pa dang/
 de la dmigs pa'i 'dun pa'i 'dod chags spangs pa'o/ /de la dmigs pa la phyin ci log tu zhugs pa rnams kyis ni ngo bo spangs pa'i mtshan nyid can gyi kun tu 'byung ba spang pa'i spangs pa ste/ ci ltar rtag pa dang gtsang ba la sogs
 pa'i phyin ci log gi sgo nas 'jug pa'i 'dod chags la sogs pa rnams so/ /de la dmigs pa'i 'dun pa'i 'dod chags spong ba ni sngon po dang ser po la sogs pa'i shes pa rnams kyi yin te/ de rnams dmigs pa la phyin ci ma log par 'jug
 pa'i phyir de rnams 'dod chags la sogs pa bzhin du ngo bo spong ba ni ma yin gyi 'on kyang rnam par shes pa la dmigs pa'i 'dun pa'i 'dod chags spong pas rnam par shes pa de rnams spangs pa yin no zhes brjod pa de bzhin du
 'dir yang gal te 'jig tshogs la lta ba rdzas su yod pa'i bdag la dmigs pa yin na de'i sngon po dang ser po la sogs pa'i shes pa bzhin du de phyin ci log nyid ma yin pa'i phyir de la dmigs pa'i 'dun pa'i 'dod chags kho na yod par 'gyur ba las
 de ltar yang ma yin te ngo bo sdong bar 'dod bas so/ /des na bdag rdzas su/ yod pa nyid ma yin no zhes pa'o/ /yang phung po dang rnam par shes pa bdag tu smra ba'i phyogs la skyon bstan par bya ba'i phyir/ gzhan yang zhes bya ba la sogs pa gsungs te/ mya ngan 'das che nges
 bar bdag chad 'gyur zhes bya ba ni phung po lhag ma med pa'i mya ngan las 'das pa'i dus su phung po lnga chad pas bdag kyang chad par 'gyur ro/ /des na mthar 'dzin pa'i lta bar thal bar 'gyur ro/ /mya ngan 'das sngon skad cig dag la ni skye 'jig ces bya ba ni bung bo
 lhag ma med pa'i mya ngan las 'das pa'i sngon rol du phung po rnams skad cig so so la skye ba dang 'jig pa yod pas bdag la skye ba dang 'jig pa yod par 'gyur ro/ /de'i phyir de'i dus na da 'byung bar 'gyur ro/ zhes pa de mi 'thad de/ bdag zhig pa yin pa'i phyir skyon gzhan
 bstan bar bya ba'i phyir/ byed po med pas de 'bras med ces gsungs te/ gal te bdag phung po las tha mi dad pa'i phyir skad cig ma yin na de'i tshe las kyi byed pa po zhig pa las kyang rten med pas zhig pa'i phyir 'bras bu med par 'gyur ba'o/ /gal te bdag gi skad cig ma dang ba las
 byas nas skad cig ma phyi mas 'bras bu longs spyod pa yin no zhe na/ de yang mi rigs so zhes ston pa ni/ gzhan gyis bsags pa las gzhan gyis za bar 'gyur zhes bya ba smos te/ skad cig ma gzhan gyis byas pa'i las kyi 'bras bu skad cig ma gzhan gyis long spyod par 'gyur na ni lhag
 sbyin gyis las byas nas mchod sbyin gyis 'bras bu nye bar long spyod pa por thal bar 'gyur ro/ /de 'grel pas bstan par bya ba'i phyir/ gal te zhes bya ba la sogs pa gsungs te/ mya ngan las 'das pa'i che zhes bya ba ni phung po lhag ma med pa'i mya ngan las 'das pa'i che'o/ /mthar 'dzin bas mthar lta bar
 thal bar 'gyur te zhes bya ba de rgyas par 'chad pa ni/ gang gi phyir zhes bya ba la sogs pa gsungs te/ bdag ni mya ngan las 'das pa'i dus su mang zhes bya ba ni phung po las tha mi dad pa'i bdag mya ngan las 'das pa'i dus su yang ngo/ /gal te bdag rgyun ma chad par khas blangs na skyon ci yod snyam na ma yin te/ phung
 po rnams kyang rgyun mi 'chad par 'gyur bas so/ /mjug bsdu ba bstan par bya ba'i phyir/ de'i phyir bdag ni phung po'i bdag nyid kyis ma yin no zhes bya ba gsungs so/ /mya ngan las 'das par zhugs pa'i sngon rol gyi gnas skabs na phung po'i rang bzhin can gyi bdag la skyon bstan par bya ba'i phyir mya ngan
 las 'das par zhes bya ba gsungs so/ /skad cig re re la skye zhing 'jig pa las skyon bstan par bya ba'i phyir/ de'i phyir ci ltar zhes bya ba la sogs pa gsungs te/ nga'i lus 'di 'gyur bar 'gyur ro zhes bya ba ni lus me la sogs pas zhig bas so/ /'di yang gsung bar mi 'gyur te zhes bya ba ni bcom ldan 'das
 kyi bdag dang nga la nu'i bdag la skad cig re re la skye zhing 'jig pas mi rtag pa nyid du khas blangs bas so/ /de nyid bstan bar bya ba'i phyir/ de'i tshe bdag kyang zhes bya ba la sogs pa gsungs so/ /bstan bcos las kyang zhes bya ba ni dbu ma rtsa ba'i shes rab las so/ /nye bar len nyid ces bya ba la sogs pa la/ gang phung po lnga
 zhes bya ba'i nye bar len pa de ni skad cig re re la skye zhing 'jig la bdag ni phung po las de nyid dang gzhan nyid dang rtag pa nyid dang mi rtag pa nyid du brjod par mi nus te/ skyon du mi 'byung bar 'gyur te/ bdag rtag pa yin na rtag par smra bar 'gyur la /mi rtag pa yin na chad par lta bar thal bar 'gyur ro/ /rtag pa dang mi rtag pa zhes
 bya ba gnyis po 'di ni don ma yin pa chen po sgrub par byed bas khas blang bar 'os pa ma yin no/ /des na nye bar len pa po'i phung po rnam pa lnga zhes bya ba'i nye bar len pa de nyid bdag yin no zhes bya bar mi rigs pa'o/ /gzhan yang nye bar len pa por ci lta bur ni 'gyur ba yin zhes bya ba ni nye par blang bar bya ba
 yin pas na nye bar len pa po ste las so/ /de la nges par nye bar len pa po ste/ sogs pa po dgos par 'gyur la/ gal te nye bar len pa bdag nyid du 'dod na de'i tshe nye bar len pa kho na bdag yin par 'gyur bas des na byed pa po dang las
 dag gcig tu 'gyur bas gcod pa po dang/ bcad bar bya ba dang/ bum pa dang/ rdza mkhan dang/ me dang/ du ba la sogs pa rnams kyang gcig nyid du 'gyur ba las de ltar mthong ba ma yin no zhes pa'o/ /phung po rnams bdag ma yin no zhes brjod pa las bstan bcos
 kyi khungs gnyis pa bstan par bya ba'i phyir/ de bzhin du zhes bya ba la sogs pa gsungs te/ gal te phung po rnams las bdag yin par 'gyur na phung po rnams la skye ba dang 'jig pa yod pas bdag la yang skye ba dang 'jig pa yod par 'gyur ro/ /gal
 te bdag la skye ba dang 'jig pa nyid yod na skyon ci yod snyam na de la lan ni/ skye ba dang 'jig pa nyid yod na zhes bya ba la sogs pa gsungs te/ las la yang rten med pa'i phyir med pas zhes bya ba ni las kyi rten ni byed pa po yin pas de'i phyir de la rten
 med pas las kyang 'jig pas so/ /las rnams 'bras bu dang 'brel ba med pa nyid du 'gyur ro zhes bya ba ni gang las rnams kyi 'bras bu yid du 'ong ba dang mi 'ong ba'i mtshan nyid can dag byed pa po dang 'brel ba nyid du mi 'gyur ba'o/ /gzhan gyis 'brel
 ba sgrub par byed pa ni/ gal te zhes bya ba la sogs pa gsungs so/ /gzhan gyis bsags pa'i zhes bya ba ni lhas sbyin gyis bsags pa'o/ /rnam par smin pa gzhan gyis longs spyod pa'i phyir zhes bya ba ni mchod sbyin gyis rnam par smin pa longs
 spyod pas so/ /byas pa chud zos pa dang zhes bya ba ni lhas sbyin byas pa'i las kyi 'bras bu nyams su mi myong bas so/ /ma byas pa dang phrad par 'gyur ro zhes bya ba ni mchod sbyin gyis las ma byas par 'bras bu nyams su myong bar 'gyur na ma byas pa dang phrad
 par 'gyur ba'o/ /bstan bcos las kyang zhes bya ba ni dbu ma rtsa ba'i shes rab las so/ /gal te 'di ni gzhan 'gyur na zhes bya ba la sogs pa ni gal te da ltar ba'i bdag 'di sngon gyi bdag las gzhan yin par gyur na de'i tshe sngon gyi bdag de med par yang ste
 yongs su dor zhing de la ma bltos par de'i rgyu can ma yin pa nyid du 'gyur ro/ /de bzhin du ni gnas 'gyur zhing zhes bya ba ni gal te sngon gyi bdag las bdag 'di gzhan nyid yin par gyur na ni de'i tshe gzhan yin pa'i phyir bum pa skyes nas snam bu ma zhig de?
 bzhin du phyis kyi bdag skye tsa na sngar gyi bdag 'gag par yang mi 'gyur la/ ma 'gags pa'i phyir de sngar lha dang mi la sogs pa'i skye ba gang du skyes ba kha dog dang dbyibs la sogs pa gang gis sngar dmigs pa de'i rnam pa de nyid kyis der gnas
 par 'gyur ba 'am/ sngar gyi de nyid ma shi bar 'di skye bar 'gyur ba las mir skyes pa'i dus su sngon lha'i bdag nyid de bzhin du gnas par 'gyur ba ni mi srid pa yin no zhes pa'o/ /de la gzhan dag na re sngar gyi bdag nyid yongs su dor nas 'dir mir
 skyes pa la skyon ci zhig yod ce na skyon mang po yod par 'gyur ro/ /ji ltar zhe na/ gang gi phyir de ltar yin par gyur na/ chad pa dang las rnams chus za ba dang zhes bya ba la sogs pa gsungs te/ gal te sngon gyi bdag spangs pa yin par gyur na de ltar
 na sngon gyi bdag de der zhig pas 'dir gzhan skye ba'i sngar gyi bdag chad par 'gyur la/ bdag de chad par gyur na las kyi rten chad pas las chad pa'i phyir dang byed pa po yang med pas chud za ba kho nar 'gyur ro/ /gal te sngar gyi bdag gis byas pa'i las kyi
 'bras bu phyis kyi bdag gis myong bar 'gyur ba rtog na gzhan gyis byas pa'i las kyi 'bras bu gzhan gyis longs spyod par 'gyur la des na ma byas pa dang phrad bar 'gyur ro zhes bya ba'i mi 'dod pa thob par 'gyur ro/ /sogs pa zhes bya bas ni gzhan bcings la/ gzhan grol ba la sogs
 par 'gyur ba bsdu bar bya'o/ /de'i phyir zhes bya ba la sogs pa ni mjug bsdu ba'o/ /de la gzhan dag gi phyogs snga ma 'god pa ni/ 'dir smras pa zhes bya ba la sogs pa gsungs te/ gal te yang skad cig snga phyi dag gzhan nyid yin
 mod kyi zhes bya ba ni las kyi byed pa po dang longs spyod pa po skad cig gzhan nyid yin kyang ngo/ /rgyud 'di gcig kho na yin pas zhes bya ba ni skad cig snga phyi dag gcig tu zhen pas so/ /kho bo cag la nyes pa 'di med do zhes bya ba ni/ skye 'jig byed po med pas
 de 'bras med/ /gzhan gyis bsags la gzhan gyis za bar 'gyur zhes pa'i nyes pa 'di'o/ /de la ston pa ni/ brjod par bya ste zhes bya ba la sogs pa gsungs te/ de nyid du rgyud yod na skyon med na zhes bya ba ni gang du de kho na nyid don dam par rgyud yod
 par gyur na bstan ma thag pa'i nyes pa med par 'gyur ro/ /rnam dpyad tshe rgyud nyid la nyes pa bshad zin zhes bya ba ni sngar rang rgyud la spyod pa'i skabs su byams pa dang nyer sbas zhes bya ba la sogs pas skyon brjod zin pas de'i phyir rgyud mi rigs pa'o/ /
 skyon gar brjod ce na/ de la lan ni/ byams pas nyer sbas la zhes bya ba la sogs pa gsungs te/ byams pa nyer sbas la brten chos rnams ni/ /gzhan phyir rgyud gcig tu ni rtogs ma yin/ /rang gi mtshan nyid kyis kyang so sor gang/ /yod pa de
 yang rgyud gcig rtogs rigs min zhes bya ba der ro/ /gal te zhes bya ba la sogs pa ni lha las mi gzhan yin par 'gyur na de'i tshe ci ltar shing nim pa'i rgyud ni shing nim pa'i yin gyi/ shing a 'bran ni rgyud du mi 'gyur ba de bzhin du mi dang lha
 yang rgyud gcig tu rtogs par yang mi 'gyur ba'o/ /des na sngar gyi zhig pa'i phyir mi rtag pa kho nar 'gyur ba'o/ /gal te lha mi las gzhan yin na de'i tshe rgyud gcig tu 'jug pa 'thad par mi 'gyur ba las lha dang mi rgyud gcig tu rtogs pa yin no
 zhes rgyu /dag cig tu 'jug pa yang yod pa yin no/ /des rgyud med par thal bar 'gyur ba las lha las mi gzhan du 'gyur ba dag ni ma yin no/ /gsungs zhes bya ba ni dbu ma'i rtsa ba'i shes rab las so/ /mjug bsdu ba bstan par bya ba'i phyir/ /de'i phyir de ltar zhes bya ba
 la sogs pa gsungs te/ thal bar 'gyur ba ldog par yang med de zhes bya ba ni skye 'jig byed po med pas de 'bras med zhes bya ba la sogs pa'o/ /phung po dang sems dag la bdag nyid med pa'i mjug bsdu ba bstan par bya ba'i phyir/ de'i phyir phung po la zhes
 bya ba la sogs pa gsungs so/ /phung po dang sems la bdag khas len pa la skyon gzhan bstan par bya ba'i phyir/ ji skad bshad pa'i zhes bya ba la sogs pa la/ ji skad bshad pa'i nyes par thal bar 'gyur ba las zhes bya ba ni gal te phung po bdag na de phyir de
 zhes bya ba la sogs pa skyon gang brjod pa der thal bar 'gyur bas so/ /'di las kyang ste zhes bya ba ni 'chad par 'gyur ba'i skyon las kyang ngo/ /de nyid bstan par bya ba'i phyir/ 'jig rten zhes bya ba la sogs pa gsungs te/ gang gi phyir 'jig rten mdza' 
 dang ldan pa nyid la sogs pa med pas lung las 'don pa de'i phyir phung po 'am sems bdag yin no zhes bya ba mi rigs te/ gal te phung po dang sems bdag yin par gyur na de'i tshe de rnams phung po lhag ma med par mya ngan las 'das pa'i dus su chad par
 'gyur bas bdag kyang chad pa'i phyir mdza' dang ldan pa nyid du 'gyur ba las lung dang 'gal ba'i phyir mdza' dang ldan par 'dod pa yang ma yin no/ /des ni phung po 'am sems ni bdag ma yin no zhes pa'o/ /de 'grel pas bstan par bya ba'i phyir/ gang gi phyir zhes bya
 ba la sogs pa gsungs te/ lung du ma bstan pa'i dngos po bcu bzhi zhes bya ba ni 'jig rten mdza' dang ldan pa dang/ 'jig rten mdza' dang mi ldan pa dang/ mdza' dang ldan kyang ldan pa mi ldan kyang mi ldan pa dang/ mdza' dang ldan pa yang ma yin mdza' dang mi ldan pa yang ma yin no/
 zhes bya ba bzhi dang/ 'jig rten rtag go zhes bya ba dang/ 'jig rten mi rtag go zhes bya ba dang/ rtag kyang rtag la mi rtag kyang mi rtag go zhes bya ba dang/ rtag pa yang ma yin mi rtag pa yang ma yin zhes bya ba bzhi dang/ de bzhin gshegs
 pa grongs nas yod pa dang/ de bzhin gshegs pa grongs nas med pa dang/ yod kyang yod la med kyang med pa dang/ yod pa yang ma yin med pa yang ma yin pa bzhi dang/ srog de lus yin srog kyang gzhan lus kyang gzhan zhes bya ba gnyis yin pas/ de ltar
 na bcu bzhi'o/ /'di rnams lung bstan par bya ba ma yin pas na lung du ma bstan pa'i dngos po zhes bya'o/ /sde pa thams cad kyis zhes bya ba ni thams cad yod par smra ba dpal chen pa la sogs pa'i sde pa rnams kyis so/ /de ltar bkag pa dang zhes bya
 ba ni rtag pa nyid la sogs pa bkag pas so/ /lung du ma bstan pa'i dngos po bstan pa de lung gzhan gyi sgo nas bstan par bya ba'i phyir/ dge slong zhig gal te zhes bya ba la sogs pa gsungs so/ /de ltar lung du ma bstan pa'i dngos po bcu bzhi par
 yang brjod par bya'o zhes bya ba ni 'jig rten mthal dang ldan no zhes bya ba nas bzung nas srog kyang gzhan la lus kyang gzhan no zhes bya ba'i bar gyi lta ba can la yang skyed pa'i las bya'o zhes brjod par bya'o/ /'jig rten gyis sgras phung po rnams
 'dzin na zhes bya ba ni bdag dang phung po dag tha mi dad pa'i phyir phung po kho na 'jig rten gyi sgra brjod na de'i tshe 'jig rten mi rtag go zhes bya ba yang lung du bstan par 'gyur te/ gang gi phyir skyes pa mi 'jig pa la ni
 rtag ba zhes bya ba la/ phung po rnams skad cig so so la 'jig pas bdag kyang 'jig par 'gyur bas ji ltar mi rtag mi rtag pa nyid du lung du ma bstan pa nyid du 'gyur zhes pa'o/ /mya ngan las 'das pa'i 'og rol tu zhes bya ba la sogs pa ni phung po lhag
 ma med par mya ngan las 'das pa'i phyis kyi dus su phung po rnams lhag ma ma lus par log pas bdag kyang log pa'i phyir 'jig rten mdza' dang ldan pa yin no zhes ji ltar lung du ma bstan par 'gyur shes pa'o/ /de bzhin du de bzhin gshegs pa la yang grongs pa'i
 phyis phung po mi mnga' bas de bzhin gshegs pa grongs nas yod pa ma yin no zhes bya ba lung du ma bstan par 'gyur zhes pa'o/ /de la 'jug bsdu ba bstan bar bya ba'i phyir/ de'i phyir zhes bya ba la sogs pa gsungs te/ phung po bdag nyid du khas len na ni 'jig rten
 mdza' dang ldan par 'gyur ro zhes pa la sogs pa'o/ /skyon gzhan bstan par bya ba'i phyir/ gzhan yang zhes bya ba la sogs pa gsungs te/ khyod kyi phyogs kyi rnal 'byor pas bdag med par mthong ba'i tshe dngos po med par thal bar 'gyur te/ phung bo dang
 bdag tha mi dad pas bdag med par mthong ba'i dus su phung po med par 'gyur bas so/ /de 'grel pas bstan par bya ba'i phyir/ gal te zhes bya ba la sogs pa gsungs te/ sdug bsngal gyi bden pa zhes bya ba ni phung po lnga'i mtshan nyid can no/ /de ltar ni
 'dod pa ma yin te/ phung po med par mthong ba bdag med par mthong ba ma yin gyi/ 'on kyang phung po las tha dad du gyur pa'i bdag gis stong pa nyid mthong ba ni bdag med par mthong ba'o/ /de la gzhan gyi phyogs snga ma 'god pa ni/ ci ste gang gi tshe
 zhes bya ba la sogs pa gsungs te/ las dang 'bras bu 'brel ba'i dus su zhes bya ba ni gang gi tshe las dang 'bras bu dag 'brel ba'i dus gang gi tshe'o/ /bdag gi sgra sbyor ba zhes bya ba ni dper na las dang 'bras bu'i 'brel pa ni bdag gi yin par
 'gyur ro/ /zhes bya ba 'dir ro/ /bdag gzhan mi srid pa'i phyir zhes bya ba ni phung po las tha dad pa'i bdag ni mi srid pa'i phyir ro/ /phung po rnams kho na la 'jug pa zhes bya ba ni 'di la bdag gi sgra zhes bya ba 'di dang sbyar bar bya'o/ /'dis ni phung po rnams kho na 
 la bdag yin no zhes bstan pa yin no/ /gang gi tshe bdag med par mthong ba zhes bya ba ni gang gi tshe rnal 'byor pas phung po bdag med pa'i rnam pas mthong ba'o/ /gzhan gyis kun tu brtags pa nang gi kun tu byed pa'i skyes bu nyid
 la 'jug ste zhes bya ba ni gzhan mu stegs pas kun tu brtags pa'i lus kyi nang na bde ba sdug bsngal la sogs pa longs spyod par byed pa'i rang bzhin can gyi skyes bu gang phung po las tha dad du gyur pa de la bdag ces bya ba'i sgra 'jug pa'o/ /des
 na bdag med par mthong ba'i dus su phung po med par mthong bar 'gyur ba ni ma yin no/ /de nyid ston pa ni/ de'i phyir zhes bya ba la sogs pa gsungs so/ /de la lan bstan par bya ba'i phyir/ brjod par bya ste zhes bya ba la sogs pa gsungs te/ rtag bdag
 spong na de'i tshe zhes bya ba ni de tshe ste/ phung po rnams bdag med pa'i rnam pas mthong ba'i dus su gal te phung po las tha dad du gyur pa'i bdag rtag pa yod pa ma yin no zhes bdag spong bar 'gyur na de'i phyir sems sam phung po ni bdag tu mi 'gyur ro/ /des
 na phung po rnams bdag yin no zhes gang khas blangs pa de dang 'gal bar 'gyur ro zhes pa'o/ /de 'grel pas bstan par bya ba'i phyir/ gal te yang zhes bya ba la sogs pa gsungs te/ bdag gi sgra zhes bya ba ni bdag med par zhes bya ba 'dir gang dgag par
 bya ba'i bdag gi sgra des so/ /phyogs nyams par 'gyur ro zhes bya ba ni phung po 'am sems bdag yin zhes bya ba'i phyogs gang yin pa de nyams par 'gyur ba'o/ /de la gzhan gyi phyogs snga ma 'god pa ni/ ci ste rnam pa de lta bu'i zhes bya ba la sogs
 pa gsungs te/ rnam pa de lta bu'i yul la zhes bya ba ni gang gi tshe rnal 'byor pas phung po bdag med pa'i rnam pas mthong ba'i gnas la'o/ /'di 'jug par mi 'dod de zhes bya ba ni bdag gi sgra 'di phung po la 'jug par mi 'dod kyi/ 'on kyang
 gzhan gyis kun tu brtags pa'i bdag la'o/ /de'i phyir skyon med do zhes bya ba ni phyogs nyams par 'gyur ro zhes bya ba'i skyon gang brjod pa de skyon du mi 'gyur ba'o/ /'di'i don ni gal te rnam pa thams cad du tha dad du 'gyur ba'i bdag la bdag gi sgra
 'jug par 'dod na de'i tshe phung po 'am sems ni bdag gi zhes gang brjod pa de dang 'gal bar 'gyur ba las 'on kyang bdag med par mthong ba'i skabs su bdag gi sgras gzhan gyis kun tu brtags pa'i bdag brjod pa yin la/ gzhan du na phung po
 'am sems yin pas ci ltar 'gal bar 'gyur te/ de dag kyang bdag med du khas blangs pas so zhe na/ de la lan bstan par bya ba'i phyir/ 'di yang yod pa ma yin te zhes bya ba la sogs pa gsungs te/ 'dod dgur spyod pa zhes bya ba ni 'ga' zhig
 tu phung po la sa tha dad pa rtag pa'i bdag la bdag gi sgras brjod la/ 'ga' zhig tu phung po 'am sems la bdag gi sgras brjod pa yin no zhes rang dgar spyod pa ci ltar thob zhes pa'o/ /'dir zhes bya ba ni bdag med par mthong ba'i gnas skabs so//
 gzhan gyis smras pa/ mi srid pa'i phyir zhe na zhes bya ba gsungs te/ 'dir gal te bdag med par mthong ba'i gnas skabs su bdag med pa'i sgra phung po la 'jug pa yin na de'i tshe bdag med par mthong ba'i dus su phung po med par mthong bar 'gyur
 ba las/ phung po med par mthong ba ma yin no/ /des na gnas skabs 'dir phung po la bdag gi sgra 'jug pa srid pa ma yin no/ /des na nang gi byed pa'i rang bzhin can gyi skyes bu nyid brjod pa yin no zhe na'o/ /de la lan bstan par bya ba'i phyir/ phung po rnams
 la zhes bya ba la sogs pa gsungs te/ 'di 'jug pa zhes bya ba ni bdag gi sgras 'jug pa'o/ /srid pa yod pa ma yin no zhes bstan zin to zhes bya ba ni gal te phung po bdag na de phyir te/ mang bas bdag de dag kyang mang por 'gyur zhes bya ba la
 sogs pas phung po rnams la bdag gi sgra 'jug pa srid pa ma yin no zhes bstan zin pa'o/ /'jug bsdu ba bstan par bya ba'i phyir/ de'i phyir zhes bya ba la sogs pa gsungs te/ gzhan du yang mi 'dod par bya dgos so zhes bya ba
 ni las dang 'bras bu'i 'brel pa'i dus su'o/ /ci ste gzhan du zhes bya ba ni sngar bzhin du'o/ /de 'dir yang 'dod par bya dgos so zhes bya ba ni/ chos thams cad bdag med pa'i zhes bya ba 'dir yang ngo/ /skyon gzhan bstan par bya ba'i phyir/ gzhan
 yang zhes bya ba la sogs pa gsungs te/ khyod kyi phyogs kyi rnal 'byor pas phung po las tha dad pa'i bdag med pa mthong na phung po las tha dad pa'i bdag med par yongs su shes pas gzugs la sog pa'i phung po rnams kyi de kho na nyid rtogs
 par mi 'gyur la/ des na de'i ngo bo rtogs med phyir te/ gzugs la sogs pa'i rang bzhin ma rtogs pa'i phyir 'dod chags la sogs pa skye bar 'gyur ro/ /gal te 'dod chags la sogs pa bdag la dmigs nas 'jug pa'i phyir skye bar mi
 'gyur ro zhe na/ lan ni gzugs la dmigs nas 'jug phyir zhes smos so/ /de dpe'i sgo nas 'grel pas bstan par bya ba'i phyir/ ze 'bru la sogs pa zhes bya ba gsungs te/ de tsam gyis ni zhes bya ba ni khu byug yod ces brjod pa tsam gyis so/ /de'i zhes
 bya ba ni ze 'bru'i 'o/ /de la zhes bya ba ni ze 'bru la'o/ /der rtog pa'i zhes bya ba ni ze 'bru'i dgos pa'o/ /de ltar dpe bstan nas don bstan par bya ba'i phyir/ de ni du 'dir yang zhes bya ba la sogs pa gsungs te/ de'i rang bzhin yongs su ma shes
 pas zhes bya ba ni gzugs la sogs pa'i rang bzhin yongs su ma shes pas so/ /de la zhes bya ba ni rnal 'byor pa la'o/ /'dir khu/ byug dang mtshungs pa ni bdag med pa yin te/ ci ltar khu byug yod pa yongs su shes kyang ze 'bru'i mdar ba nyid mi rtogs pa
 de bzhin du bdag med pa yongs su shes kyang gzugs la sogs pa'i ngo bo ma dmigs pa yin no zhes pa'o/ /yang na gzugs zhes bya ba la sogs pa la de la dmigs pa'i 'dod chags la sogs pa spong na yang zhes bya ba ni gzugs la sogs pa la dmigs pa'i 'dod
 chags la sogs pa spong yang ngo/ /bdag gi dngos po med pa la ci zhig 'byung bar 'gyur te/ /zhes bya ba ni des cung zad kyang byas pa ma yin te/ gzugs la sogs pa'i rang bzhin yongs su shes pas 'dod chags la sogs pa spong zhing bdag med pa yongs su shes pas
 gzugs la sogs pa'i 'dod chags la sogs pa yongs su mi spong bas so/ /'dir yang khu byug med ces pa ni bdag med pa dang mtshungs pa yin te/ ji ltar khu byug med par yongs su shes kyang ze 'bru'i mngar ba nyid dmigs pa dang mngar ba'i yul can
 gyi mngon par zhen pa ldog par mi 'gyur la/ de ni du 'dir yang bdag med pa yongs su shes kyang gzugs la sogs pa dmigs pa'i phyir gzugs la sogs pa'i yul can gyi mngon par zhen pa mi ldog par 'dod chags la sogs pa skye bar 'gyur ba
 kho na yin no/ /bdag gi dngos po med pa la ci zhig byas par 'gyur zhes bya ba 'di rgyas par bstan par bya ba'i phyir/ gang gi na zhes bya ba la sogs pa gsungs te/ de sdug bsngal bar dogs pa zhes bya ba nang gi byed pa'i skyes bu sdug bsngal bar dogs
 pas so/ /gang gis na zhes bya ba ni yul bden pa dang yongs su dor bas so/ /de med pas yongs su shes pa las zhes bya ba ni nang gi byed pa'i rang bzhin can gyi skyes bu med par shes pa las so/ /de'i phyir zhes bya ba la sogs pa ni mjug bsdu ba ste/ /de'i rang gi ngo bo
 yongs su shes pa 'dod chags la sogs pa/ /spong ba'i rgyu med pa'i phyir te zhes bya ba ni 'dod chags spong ba'i rgyur gyur pa gang gzugs la sogs pa'i rang bzhin yongs su shes pa de med pa'i phyir te/ gzugs la sogs pa'i dmigs pa'i 'dod
 chags la sogs pa rnams la gzugs la sogs pa'i ngo bo yongs su shes pa spong ba yin gyi/ bdag med pa yongs su shes pa ni ma yin te zhes pa'o/ /de la dpe ston pa ni/ phyi rol ba bzhin zhes bya ba gsungs te/ ci ltar
 'dis sangs rgyas pa las phyi rol pa la gzugs la sogs pa'i rang bzhin yongs su shes pa med pas 'dod chags la sogs pa spong bar mi 'gyur ba de bzhin du'o/ /de la gzhan gyi dogs pa bsu bar bya ba'i phyir te/ ci ste/ kho bo cag ces bya
 ba la sogs pa gsungs te/ lung tshad mar byed pa la zhes bya ba ni kho bo cag gi lung tshad mar khas len pa'o/ /rtog ge pa'i tshad mas gnod pa ma yin la zhes bya ba ni rtog ge'i bstan bcos las tshad ma gang brjod pa des gnod pa ma yin te
 kho bo cag gis lung gsungs pa kho na tshad mar 'dod pas so/ /des na ji skad du zhes bya ba la sogs pa'i lung gis phung po rnams kho na bdag yin no zhes khas blang bar bya'o zhes pa'o/ /de nyid bstan par bya ba'i phyir/ lung gis kyang zhes bya ba
 la sogs pa gsungs te/ de bzhin du 'dir zhes bya ba ni phung po bdag tu khas len pa'i gnas skabs na yang ngo/ /de la lan bstan par bya ba'i phyir/ gang phyir ston pas zhes bya ba la sogs pa gsungs te/ gang gi phyir ston pas phung po rnams
 bdag yin no zhes gsungs pa de'i phyir khyod kyis phung po rnams kho na bdag yin par 'dod na zhes phyogs snga ma rjes su brjod nas lan 'debs pa ni/ de ni phung po las zhes bya ba la sogs pa gsungs te/ dge slong ngag ces bya ba la sogs
 pa'i lung gi phung po rnams bdag nyid du bstan pa ma yin gyi/ 'on kyang phung po las tha dad pa'i bdag 'gog pa ston pa ni 'di ltar de dag ni nye bar len pa'i phung po lnga po 'di dag kho na la yang dag par rjes su lta'o zhes gsungs pas phung po
 rnam pa lnga las tha dad du gyur pa'i bdag de dag gis mthong pa ma yin no zhes gsungs pa yin no/ /des na phung po rnam pa lnga las tha dad du gyur pa'i bdag dgag pa kho na lung gi don yin no zhes pa'o/ /gal te lung gi don phung po las tha dad pa'i bdag 'gog pa yin
 la/ phung po rnams bdag nyid du bstan pa ma yin no zhes pa de gang las rtogs par gyur zhe na/ de la lan bstan par bya ba'i phyir/ gzugs bdag min sogs mdo gzhan gsungs phyir ro zhes bya ba gsungs te/ gang gi phyir mdo gzhan las gzugs
 ni bdag ma yin no zhes bya ba la sogs pas phung po rnams la bdag nyid bkag pas de'i phyir phung po las tha dad du 'gyur ba'i bdag kho na lung gi don yin no zhes khong du chud pa yin no/ /de 'grel bas bstan par bya ba'i phyir/ mdo 'dis ni zhes bya ba
 la sogs pa gsungs te/ yid ches par 'gyur ba zhes bya ba ni nges par 'gyur ba'o/ /dgos pa la dgos pa ci zhig yod ce na/ de la lan ni/ kun rdzob kyi bden pa la bltos nas zhes bya ba gsungs te/ ci ltar mu stegs pa rnams kyis bdag phung
 po las tha dad du 'gyur ba dang/ rtog pa la sogs pa'i yon tan ldan pas kun tu brtags pa de kun rdzob tu yang yod pa ma yin no zhes bya ba'i tha tshig go /kun rdzob kyi bden pa phyin ci ma log par gsal bar bya ba'i phyir ro zhes bya ba ni kun rdzob tu
 yang yod pa ma yin pa'i bdag la sogs pa yongs su ma brtags pas kun rdzob kyi bden pa phyin ci ma log par gsal par 'gyur ba'o/ /de 'di ltar gang las nges she na zhes bya ba ni dge slong dag dge spyod dam zhes bya ba la sogs pa'i lung 'di phung
 po las tha dad du gyur pa'i gdag 'gog pa kho na yin la/ phung po rnams la bdag nyid du ston par byed pa ma yin no zhes bya ba ni gang las nges she na'o/ /de la lan bstan par bya ba'i phyir/ mdo gzhan las zhes bya ba la sogs pa gsungs te/ gang
 gi phyir mdo gzhan las gzugs la sogs pa rnams la bdag nyid yin pa bkag pa de'i phyir dge slong dag ces bya ba la sogs pa der phung po rnams kho na bdag yin no zhes mdo'i bzhed pa ma yin no/ /de 'grel pa'i?
 bstan par bya ba'i phyir/ de'i phyir zhes bya ba la sogs pa gsungs so/ /gang phyir gzugs tshor bdag min zhes bya ba la sogs pa'i dgongs pa bstan par bya ba'i phyir/ gang las gzugs la sogs pa rnams kyang zhes bya ba la sogs pa
 gsungs te/ brten nas gdags pa'i bdag ces bya ba ni phung po la brten nas tha snyad btags pa'i bdag go /phung po'i nye bar len pa can zhes bya ba nyi phung po nye bar len pa gang la yod pa de la de skad ces bya ste/ phung po la rten
 nas tha snyad btags pa'i bdag de yang yod pa ma yin no zhes bya ba'i don to/ /gal te kun rdzob tu tha snyad gdags par bya ba bdag yod pa yin pas ji ltar 'gegs par byed ce na/ lan ni de kho na nyid sems pa'i skabs yin
 pa'i phyir ro zhes bya ba gsungs te/ don dam pa la spyod pa'i gnas skabs yin pas/ brten nas 'degs par bya ba'i bdag kyang yod pa ma yin no zhes pa'o/ /bdag bkag pa'i dgos pa bstan par bya ba'i phyir/ gang gi phyir zhes bya ba gsungs te/ nye
 bar len pa po ma dmigs na zhes bya ba ni phung po nye bar len par byed pa'i bdag ma dmigs pas so/ /de'i nye bar len pa yang yod pa ma yin no zhes bya ba ni nye bar len pa la bltos nas nye bar len pa'i rnam bzhag byed pa yin pas nye bar len pa
 po med na nye bar len pa yang med pa'o/ /des na phung po la sogs pa med pas kho bo'i mngon par zhen pa ni dngos po dang bral ba yin pas phung po la sogs pa'i yul can gyi 'dod chags la sogs pa rnams log par 'gyur
 pa'o/ des na rten nas gdags pa'i bdag bkag pa'i dgos pa ni gzugs la sogs pa la 'dod chags dang bral ba'i don du'o/ /mjug bsdu ba bstan par bya ba'i phyir/ /gang gi phyir zhes bya ba la sogs pa gsungs te/ mdo gzhan las de skad
 gsungs pa zhes bya ba ni gang gi phyir gzugs bdag min zhes bya ba la sogs pa'o/ /sngar gyi zhes bya ba ni dge slong dag dge spyod dam zhes bya ba la sogs pa sngar bstan pa gang yin pa'o/ /skyon gzhan bstan par bya ba'i phyir/ gzhan yang mdo sde
 zhes bya ba la sogs pa gsungs te/ mdo sde bstan pa 'di ni zhes bya ba 'di ni dge slong dag ces bya ba la sogs pa'o/ /sgrub pa'i tshul du nges kyang zhes bya ba ni phung po rnams bdag nyid du bstan pas sgrub pa'i tshul du nges kyang ngo/ /ci'i phyir zhe na/ /zhes bya ba ni ston
 par mi nus pa ci'i phyir zhe na'o/ /de la lan bstan par bya ba'i phyir/ 'di ltar zhes bya ba la sogs pa gsungs te/ phung po rnams bdag nyid ces pa brjod pas na phung po mang po tshogs pa bdag tu 'gyur gyi phung po re re ni bdag gi rang bzhin ma yin no/ /de
 'grel bas bstan par bya ba'i phyir/ dper na zhes bya ba la sogs pa gsungs te/ shing gi ngo bo ma yin pa zhes bya ba ni shing re re'i rang bzhin can ni nags tshal du mi 'gyur ro zhes pa'o/ /ci'i phyir zhe na/ de la lan ni/ shing re re zhes bya ba la sogs pa
 gsungs te/ phung po tshogs pa nyid bdag yin gyi phung po re re ni ma yin no zhes pa'o/ /phung po tshogs pa bdag nyid du 'gyur na skyon ci yod ce na/ de la lan bstan par bya ba'i phyir/ de'i phyir zhes bya ba la sogs pa gsungs te/ ci yang ma yin pa nyid kyi
 phyir zhes bya ba la sogs pa ni dngos po med pa'i rang bzhin yin pas dngos po med pa yang mgon rnam 'dul ba 'am dbang po nyid du rigs pa ma yin pa'o/ /des na tshogs pa yang bdag nyid du mi rigs pa'o/ /de 'grel pas bstan par bya ba'i phyir/
 gang bcom ldan 'das kyis zhes bya ba la sogs pa gsungs te/ bdag nyid bdag gi mgon yin te zhes bya ba ni bdag nyid bde 'gror 'gro ba'i las la sems 'jug par byed pa yin pas mgon yin te/ phan 'dogs par
 byed pa yin pas so/ /bdag nyid bdag gi dgra yang yin zhes bya ba ni ngan 'gror 'gro bar byed pa'i las la 'jug pa byed pas so/ /legs dang ngan par byas pa la/ bdag nyid bdag gi dbang po yin zhes bya ba ni dge ba dang mi dge ba'i las byas
 pa la bdag nyid dbang po yin te/ des nyams su myong ba yin pas so/ /de la gzhan gyi dogs pa bsu bar bya ba'i phyir/ ci ste zhes bya ba la sogs pa gsungs te/ tshogs pa tshogs pa can las tha dad du med pa'i phyir ro/ /zhes bya ba ni gzugs
 la sogs pa'i phung po lnga la tha dad du gyur pa'i tshogs pa med pa'i phyir ro/ /'bras bu zhes bya ba la sogs pa ni tshogs pa ni bdag yin no zhes bya ba ni/ tshig 'dis tshogs pa bdag tu bstan pa yin la/ bdag tu bstan pa de'i tshig gis
 'bras bu yin pas 'bras bu yin no/ /de yang tshogs pa mi srid pas phung po re re bdag nyid du gtogs pa'i phyir te/ bdag rdzas su yod pa bdag la mgon dang 'dul ba nyid dang dbang po nyid du rigs pa yin no zhe na/ de la lan bstan par bya ba'i
 phyir/ 'di yang yod pa ma yin te zhes bya ba la sogs pa gsungs te/ nyes pa bshad zin pa'i phyir ro zhes bya ba ni phung po re re bdag tu 'dod pa'i phyogs la/ gal te phung po bdag 'dod na zhes bya ba la sogs pa skyon sngar bstan zin pa'i
 phyir phyogs 'di ni mi rigs pa'o/ /skyon gzhan bstan par bya ba'i phyir/ gzhan yang zhes bya ba la sogs pa gsungs te/ gal te phung po'i tshogs la bdag ces brjod pa ni tshogs pa can bdag nyid du khong du chud pa yin na de'i tshe yan lag
 gi tshogs la shing rta zhes brjod pa na yan lag can shing rta nyid du rtogs pas shing rta'i dbyibs su ma byas pa'i spungs nas gnas pa'i shing rta'i yan lag rnams kyang shing rta nyid du 'gyur ba'o/ /de'i rgyu mtshan bstan par bya ba'i phyir /de'i yan lag tshogs zhes bya ba smos te/ shing rta'i yan lag yin pas so/ /shing rta
 dang bdag mtshungs so zhes bya ba ni ci ltar 'khor lo la sogs pa shing rta'i yan lag gi tshogs pa la brten nas shing rtar 'dogs pa de bzhin du phung po la brten nas bdag tu brtags pa tsam yin no/ /de 'grel pas bstan par bya ba'i phyir/ mdo
 las kyang zhes bya ba la sogs pa gsungs te/ bdag ces bya ba 'dod byed na zhes bya ba ni bdag yod do zhes sems par byed na'o/ /khyod kyi bdud lta'i rnam pa yin zhes bya ba ni bdag yod do zhes khyod kyis sems par byed na ni bdud kyi lta
 ba'i rnam pa yin te/ de ci'i phyir zhe na/ 'du byed phung po 'di stong ste zhes bya ba gsungs te/ gang gi phyir gzugs la sogs pa'i 'du byed rnams kyi phung po ste/ tshogs ni stong pa yin pas so/ /des na 'di la sems can yod ma yin zhes bya ba
 gsungs te/ 'du byed kyi tshogs rnams stong pa'i phyir sems can gyi rten med pas sems can ga la yod ces pa'o/ /gal te sems can med na bdag ces bya ba'i tha snyad ci ltar byed ce na/ de la lan ni/ ci ltar zhes bya ba la sogs pa gsungs
 te/ ci ltar shing rta'i yan lag gi tshogs pa la brten nas shing rtar 'dogs pa de bzhin du gzugs la sogs pa'i phung po rnams la brten nas sems can zhes tha snyad byed pa'o/ /des na bdag med du zin kyang sems can btags pa tsam du yod pa'i
 yang phung po'i tshogs bdag nyid yin pa la skyon gzhan bstan par bya ba'i phyir/ de ltar na zhes bya ba la sogs pa gsungs te/ de ltar na zhes bya ba ni/ de bzhin phung po rnams brten nas/ /kun rdzob sems can zhes brjod do zhes bya ba'i rnam pa
 'dis mdo las phung po rnams la brten nas bdag brtags pa yin no zhes gsungs la/ des na phung po'i tshogs tsam ni bdag ma yin no/ /ci ltar phung po'i tshogs tsam bdag ma yin pa de bstan par bya ba'i
 phyir/ gang zhig la brten nas zhes bya ba la sogs pa gsungs te/ phung po la sogs pa'i spyi tsam la rten nas gang bdag la sogs par btags pa'i dus su spyi de dag la sogs pa 'dogs pa'i rgyu yin du zin kyang bdag ni ma yin no/ /de la
 rgyu mtshan bstan par bya ba'i phyir/ brten nas brtags pa'i phyir zhes bya ba gsungs te/ phung po la sogs pa'i tshogs pa la brten nas btags pa'i phyir ro/ /de la dpe bstan par bya ba'i phyir/ 'byung ba las gyur pa bzhin no zhes bya ba gsungs
 te/ ci ltar 'byung ba rnams la rten nas 'byung ba las gyur par btags pa yin gyi/ 'byung ba kho na 'byung ba las gyur pa ma yin te/ 'byung ba las/ gyur pa yang reg par bya bar thal bar 'gyur bas so/ /de bzhin du 'dir yang
 phung po'i tshogs tsam la brten nas bdag tu btags pa'i phyir phung po'i tshogs tsam bdag tu 'gyur ba ni ma yin no/ /de rgyas par bstan par bya ba'i phyir/ ci ltar zhes bya ba la sogs pa gsungs te/ 'dir phyi dang nang gi dbye bas dpe rnam
 pa gnyis so/ /de la gzhan dag gis brjod pa ni/ bum pa la sogs pa rnams kyis zhes bya ba la sogs pa gsungs te/ ci ltar gzugs la sogs pa la brten nas bum par 'dogs kyi/ gzugs la sogs pa spangs pa'i bum pa
 ni 'ga' yang yod pa ma yin gyi/ 'on kyang gzugs la sogs pa'i chogs tsam bum pa'o/ /de bzhin du 'dir yang phung po la brten nas bdag tu 'dogs pa'i phyir phung po'i tshogs pa tsam ni bdag yin no/ /des na bum pa la sogs pas
 ma nges pas gtan tshigs 'di bsgrub par bya ba sgrub par byed pa ma yin no zhe na/ de la lan bstan par bya ba'i phyir/ de yang yod pa ma yin te zhes bya ba gsungs te/ ma nges pa yod pa ma yin no zhes bya ba'i tha tshig go /gzugs la sogs pa tsam nyid yin par
 ma grub pa'i phyir dang zhes bya ba ni gal te phung po la sogs pa gzugs la sogs pa'i tshogs pa tsam yin par gyur na de'i tshe gzugs la sogs pa'i tshogs pa thams cad la bum pa'i blo skye bar 'gyur ro/ /des na gzugs la sogs pas dbyibs
 khyad par can gang bskyed pa de bum pa yin pas des na ma nges pa ma yin no/ /brgal zhing brtag pa mtshungs pa'i phyir ro zhes bya ba ni gal te gzugs la sogs pa'i tshogs pa kho na bum pa yin na ni tshogs pa ci yang med pa yin pas bum pa yang
 med par thal bar 'gyur ro/ /gal te tshogs pa med pas tshogs pa can bum pa nyid yin na/ de'i tshe gzugs la sogs pa re re bum par thal bar 'gyur ba dang/ gzhan yang 'ga' zhig la brten nas gang btags pa de de las tha dad pa yin te/
 dper na 'byung ba las gyur pa bzhin no/ /bum pa yang brten nas btags pa'i phyir ci ltar tha dad par mi 'gyur ba des na bdag dang brgal zhing brtag pa mtshungs par 'gyur ba'o/ /de la gzhan dag gis phung po dang bdag dag 'byung ba dang 'byung
 ba las gyur pa dag dang mtshungs par bsgrub par bya ba'i phyir/ ci ste zhes bya ba la sogs pa gsungs te/ phang lo la sogs pa tsam ni shing rta ma yin te zhes bya ba ni phang lo la sogs pa tsam shing rta nyid du gyur na 'byung ba las gyur pa bzhin du
 brten nas btags par mi 'gyur gyi 'on kyang dbyibs la sogs pa khyad par can dang ldan pa phang lo la sogs pa'i tshogs pa tsam ni ma yin no/ /des na dbyibs khyad par can dang ldan pa'i shing rta ni phang lo la sogs pa'i tshogs pa las tha dad
 pa'i phyir brten nas btags par 'gyur ba yin no/ /dpe de don dang sbyar par bya ba'i phyir/ de bzhin du zhes bya ba la sogs pa gsungs te/ shing rta bzhin du dbyibs khyad par can dang ldan pa'i gzugs la sogs pa rnams
 bdag yin la gzugs la sogs pa tsam ni ma yin no/ /des na dbyibs khyad par can dang ldan pa'i gzugs la sogs pa'i tshogs pa de tshogs pa tsam las tha dad pa'i phyir brten nas btags pa'i tha snyad 'thad pa yin no snyam na'o/ /de la lan
 bstan par bya ba'i phyir/ de yang yod pa ma yin no zhes bya ba gsungs so/ /de'i rgyu mtshan 'dri ba ni ci'i phyir zhe na zhes bya ba gsungs so/ /de la lan ni/ dbyibs ce na zhes bya ba la sogs pa gsungs so/ /gal te gzugs can gyi chos rnams kyi dbyibs
 kyi khyad par la bdag ces brjod na de'i tshe dbyibs de gzugs can mig la sogs pa kho na la yod pa'i phyir khyod kyi phyogs la gzugs can kho na bdag gi ming 'thob par 'gyur gyi rnam par shes pa dang/ tshor ba dang/ 'du shes dang/ 'du byed
 kyi tshogs pa rnams bdag nyid du mi 'gyur te/ de rnams la dbyibs med pas so/ /des na gzugs kyi phung po kho na bdag nyid du 'gyur gyi phung po lnga ni ma yin no/ /de nyid bstan par bya ba'i phyir/ ci'i phyir zhe na zhes bya ba la sogs pa gsungs so/ /
 yang bdag dang nye bar len pa dag gcig yin pa la skyon bstan par bya ba'i phyir/ gzhan yang zhes bya ba la sogs pa gsungs te/ nye bar len pa po bdag nyid ni nye bar len pa ste/ nye bar blang bar bya ba'i phung po lnga dang cig car du rigs pa ma
 yin no zhes pa'o/ /de lta na las dang byed po cig nyid 'gyur zhes bya ba ni len pa po dang nye bar len pa dag gcig nyid du khas len na las dang byed pa po dag kyang gcig nyid du 'gyur ba'o/ /de 'grel bas bstan par bya ba'i phyir/ 'dir zhes bya ba
 la sogs pa gsungs te/ 'dir zhes bya ba ni nye bar len pa po dang nye bar len pa'i gnas skabs na'o/ /byed pa po dang las gcig nyid du 'gyur na zhes bya ba ni byed pa po ste nye bar len pa po bdag dang las te/ nye bar blang bar bya ba'i phyir phung po rnams gcig nyid du
 'gyur pa'o/ /gyur na skyon ci zhig yod snyam na/ de la lan ni de ni 'dod pa yang ma yin te zhes bya ba gsungs so/ /ji skad du zhes bya ba ni rtsa ba'i shes rab las so/ /gal te zhes bya ba la sogs pa ni shing ste bsregs par bya ba'i bsreg bya shing la sogs pa ni
 las su 'gyur ro/ /de sreg par byed pa po'i byed pa po ste me'o/ /de la gal te bud shing de nyid me nyid du yongs su rtogs na de'i las dang byed pa po dag gcig nyid du thal bar 'gyur la/ de ltar yang mthong ba ma yin te/ bum pa dang rdza mkhan dag kyang gcig nyid
 du thal bar 'gyur la/ de ltar khas len pa yang ma yin no/ /me dang shing gis zhes bya ba la sogs pa ni de la nye bar blang bar bya ba yin pas na nye bar blang ba ste/ nye bar len gyi phung po lnga'o/ /de la brten nas gang brtags pa de la nye bar len pa'i phung po
 lnga len par byed cing sgrub par byed pa'i bdag ces brjod par bya ste/ ngar 'dzin gyi yul yin pas so/ /bdag dang nye bar len pa grub pa'i rim pa gang yin pa de me dang bud shing gi bshad pa yin no zhes khong du chud par bya ste/ ci ltar me dang bud shing dag tha
 mi dad par ma grub pa de bzhin du bdag dang nye bar len pa dag la yang ngo zhes bya ba'i tha tshig go /de nyid bstan par bya ba'i phyir/ 'dir ji ltar zhes bya ba gsungs so/ /de la gzhan dag gi phyogs snga ma bstan par bya ba'i phyir ci ste zhes bya ba la sogs pa
 gsungs te/ nye bar len pa po ni 'ga' yang yod pa ma yin pa nyid de zhes bya ba ni phung po rnams nye bar len pa'i nye bar len pa po ste byed pa po 'ga' zhig kyang yod pa ma yin pa'o/ /nye bar len pa lus tsam gcig tu zad do zhes bya ba ni bdag ces gang
 brjod pa de ni nye bar len pa'i phung po lnga 'dus pa tsam zhig tu zad do snyam pa'o/ /de la lan bstan par bya ba'i phyir/ de yang zhes bya ba la sogs pa gsungs te/ byed po med las yod snyam blo yin na zhes bya ba ni
 len pa po ni yod pa ma yin la nye bar len pa tsam yod pa yin no snyam na te/ phyogs snga ma rjes su brjod pa yin la/ ma yin te zhes bya ba la sogs pa ni lan yin te/ ma yin zhes bya ba ni phyogs de yod pa ma yin no zhes pa'o/ /ci'i phyir zhe na/ de la
 lan ni/ gang phyir byed po med las med ces bya ba gsungs te/ gang gi phyir byed pa po med na las med pa de'i phyir nye bar len pa po med na nye bar len pa yang med par thal par 'gyur ro/ /'di'i don ni nye bar len pa po dang nye bar len pa dag phan tshun bltos nas rang
 bzhin 'grub pa'i phyir nye bar len pa po yod na nye bar len pa yod pa dang nye bar len pa po yod pas nye bar len pa po la ma bltos pa'i nye bar len pa yod pa ni rigs pa ma yin no zhes pa'o/ /de nyid bstan par bya ba'i phyir/ de ni de ltar ma yin
 te zhes bya ba la sogs pa gsungs te/ rgyu med pa'i zhes bya ba ni nye bar len pa ni nye bar len pa po la bltos pa yin pas nye bar len pa po med na rgyu med pa'i nye bar len pa de ci ltar yod par 'gyur zhes pa'o/ /bstan bcos las kyang zhes bya
 ba ni rtsa ba'i shes rab las so/ /de bzhin nye bar len shes par bya zhes bya ba la sogs pa la/ de ni zhes bya ba 'dis ni bstan ma thag pa'i las dang byed pa po bzhin du btags par ston pa'o/ /nyer len shes par bya zhes bya ba 'dis nye bar len
 pa tsam brjod pa yin no/ /de rang gi sgrub par byed pa po dang nye bar blang bar bya ba las la bltos pa yin no/ /des na nye bar len pa'i sgra ni nye bar len pa po dang nye bar blang bar bya ba brjod pa yin no/ /nye bar len pa po dang nye bar blang bar bya ba de dag
 kyang phan tshun la bltos nas byed pa po dang las lta bur grub pa yin gyi rang gi ngo bo'i sgo nas ni ma yin no/ /ngo bo'i sgo nas ci'i phyir ma yin zhe na/ lan ni/ las dang byed po bsal phyir ro zhes bya ba gsungs te/ kho bo cag gis byed pa po las gtan tshigs
 gang gis bkag pa'i gtan tshig de nyid kyis nye bar len pa po dang nye bar blang bar bya ba de dag kyang bkag pa yin par shes par bya'o/ /de dag kho na phan tshun bltos nas 'grub pa 'ba' zhig tu ma zad kyi 'on kyang byed pa po dang las dag gis dngos po
 lhag ma'ang shes par bya ba gsungs te/ las dang byed pa po dang nye bar len pa po dang nye bar blang par bya ba las tha dad du gyur pa'i skyed pa po dang skyed par bya ba dang/ 'gro ba dang/ 'gro bar bya ba dang/ lta ba po dang/ lta bar bya ba dang/ mtshan
 nyid dang mtshan bzhi dang/ de bzhin du cha shas dang cha shas can dang/ yon tan dang yon tan can dang/ tshad ma dang gzhal bya la sogs pa dngos po lhag ma ma lus pa gang yin pa de rnams la yang las dang byed pa po dpyad pa'i
 sgo nas ngo bo nyid kyis grub pa bkag nas phan tshun ltos nas grub pa yin no zhes shes rab can gyis khong du chud par gyis shig ces pa'o/ /de bzhin nye len shes par bya zhes bya ba ni don de nyid bshad pa ni/ 'dir dngos po la zhes bya
 ba la sogs pa gsungs te/ u bad+ha zhes bya ba'i sgra'i dbyings la lyu ta'i skyen byin na nye bar len pa zhes bya bar 'gyur la/ des na nye par len pa'i sgra'i don ni nye bar len pa tsam gyi rang bzhin can gyi bya ba gang yin pa'o/ /dngos po yang sgrub par byed pa med par 'byung ba ma
 yin pas zhes bya ba ni nye bar len pa'i bya ba ni las dang byed pa po gnyis la bltos pa yin te/ 'di ltar nye par blang par bya ba gang gis len pa de la byed pa po zhes bya la/ gang nye bar blang par bya ba de la las zhes brjod par bya'o/ /des na nye par len pa'i
 bya bas byed pa po dang las dag 'phen pas las dang byed pa po dag tu 'dod pa yin no/ /des na de bzhin nyer len shes par bya ba 'di'i don ni 'di yin te/ las dang byed pa po bzhin du nye bar len pa po dang/ nye bar len pa dag
 kyang shes par bya'o zhes pa'o/ /nye bar blang ba dang zhes bya ba ni las so/ /nye bar len pa po ni zhes bya ba ni byed pa ni byed pa'o/ /de ltar nye bar len pa'i sgras bya ba nye bar len pa brjod par bya na don de sngar bshad pa yin no/ /da ni nye bar len pa'i sgras las brjod par byed pa'i phyogs bstan par
 bya ba'i phyir/ nye bar len pa'i sgras ni zhes bya ba la sogs pa gsungs te/ nye bar len pa'i sgras ni nye bar blang bar bya ba'i las kyang brjod pa nyid do zhes bya bar sbyar ro/ /gal te lyuTa'i rkyen gyis bya ba tsam brjod pa'i phyir las ci ltar brjod ce na/ lan
 ni tri ta dang lyu ta ni phal cher ro zhes bya ba smos te/ tri ta dang lyuTa ni phal cher ro zhes bya ba'i sgra ni tshig phal cher ro zhes bya ba'i ma nges pa ston pa'i sgra de las la yang lyu ta rjod pa srid pas nye bar len pa'i sgra'i don nye bar blang bar bya ba'i las
 kyang yin no/ /las kyang byed pa po la bltos nas nye bar len pa'i sgra'i don ni nye bar blang bar bya ba dang/ nye bar len pa po dag go /des na phyogs gnyis ka ltar na yang nye bar len pa'i sgra'i don ni nye bar blang bar bya ba dang/ nye bar len pa po yin
 no/ /des na don ci ltar 'gyur ba de bstan par bya ba'i phyir/ de'i phyir de ltar zhes bya ba la sogs pa gsungs so/ /de'i phyir zhes bya ba ni nye bar len pa'i sgra'i don nyid yin pas so/ /gzhung 'dis ni nye bar len pa gcig tu yod pa ma yin no zhes pa
 yin no/ /yang de ltar zhes bya ba la sogs pa ni dbu ma pa'i shes rab nyid las so/ /de ltar nye bar len pa las gzhan ma yin no zhes bya ba ni bdag dang ni nye bar len pa las gzhan du yod pa ma yin te/ nye bar len pa la ma ltos par tha dad du 'dzin
 bar thal bar 'gyur bas so/ /de nyid nye bar len nyid kyang min zhes bya ba ni bdag de ni nye bar len pa nyid kyang ma yin te/ nye bar len pa dang nye bar len pa po dag gcig nyid du thal bar 'gyur ba dang/ skye ba dang 'jig par thal bar 'gyur bas so/ /'o na nye bar len
 pa dang bral ba yin no zhe na/ de la lan ni/ nye bar len pa med min zhes bya ba gsungs te/ nye bar len pa las mi bltos par tha dad du 'dzin par thal bar 'gyur bas so/ /'o na bdag yod pa ma yin no snyam na de la lan ni/ med pa nyid du yang de ma des zhes
 gsungs te/ gang phung po la brten nas btags pa de med pa nyid du ji ltar 'gyur te/ mo gsham gyi bu ci yang med pas phung po la brten nas 'dogs pa ni ma yin pas so/ /nye bar len pa yod la nye bar len pa po med pas so zhes bya ba de ci ltar rigs des na
 'di med pa nyid kyang rig pa ma yin no/ /de'i phyir bdag med do zhes nges pa de mi rigs pa'o/ /'dir skabs su bab pa ni med pa nyid duAng de ma nges zhes bya ba 'di yin te/ nye bar len pa yod na nye bar len pa po nyid med pas mi srid pas so/ /mjug bsdu ba bstan par bya
 ba'i phyir/ de'i phyir de ltar zhes bya ba la sogs pa gsungs so/ /gal te lung las byed pa po ni ma dmigs kyi las kyang yod la rnam par smin pa yang yod do zhes ci ltar gsungs te/ der nye bar len pa po med pa'i nye bar len pa po yod do zhes ci ltar gsungs
 te/ de ltar lung dang mi 'gal snyam pa'i dogs pa bsu nas lan 'debs pa ni/ yang gang las zhes bya ba la sogs pa gsungs te/ gang las zhes bya ba ni lung las so/ /byed pa po dang rang bzhin du gyur pa bkag pa shes par bya ba'i zhes bya ba
 ni bcos ma ma yin pa gzhan la mi bltos pa byed pa po bkag pa yin no zhes pa'o/ /de la brten nas gdags par bya ba zhes bya ba'i bshad pa ni/ tha snyad kyi yan lag du gyur pa zhes bya ba'o/ /don dam pa'i byed pa po bkag pa yin la tha snyad kyi byed pa po bkag
 ba ma yin pa la khungs bstan par bya ba'i phyir/ de skad du yang zhes bya ba la sogs pa gsungs te/ lung 'dir gang zag byed po nyid du gsungs pas sngar gyi lung las rnam pa thams cad du byed pa po bkag pa ma yin no zhes
 shes par bya'o/ /phung po bdag nyid du 'dod pa'i phyogs la skyon gzhan bstan par bya ba'i phyir/ gzhan yang zhes bya ba la sogs pa gsungs te/ gang gi phyir thub pas sa dang chu dang me dang/ rlung dang/ rnam par shes pa dang/ nam mkha' zhes bya ba'i khams drug
 la brten nas bdag nye bar btags pa yin no zhes gsungs pas des na khams drug las bdag gzhan ma yin pa nyid ma yin te/ brten nas brtags pa'i phyir gzugs la sogs pa bzhin no snyam du bsams pa'o/ /gal te mdo las phung po brten
 nas yin gsungs pas de'i phyir phung po 'dus tsam bdag ma yin zhes bya bas don? 'di nyid sngar gsungs pa'i phyir yang brjod pa la dgos pa ci zhig yod ce na/ bden te 'on kyang blo gros dman pa 'ga' zhig la phung po'i tshogs pa bdag ma yin
 kyang/ khams la sogs pa bdag tu 'gyur ram snyam pa'i dogs pa gsal ba'i phyir yang gsungs pa yin te/ khams la sogs pa'i yul can gyi ngar 'dzin pa spang ba'i ched du'o/ /mig sogs reg pa'i rten drug ces bya ba ni skye mched drug
 gyi rkyen gyis reg pa'o zhes gsungs pas mig la sogs pa drug ni reg pa'i rten yin la mig la sogs pa de rnams pa bdag 'di tha mi dad pa yang ma yin no/ /yid kyi nye bar rgyu ba rnams sems dang sems las byung ba'i ngo bo yin pas chos yin
 pa'i phyir chos sems dang sems las byung ba yid kyi nye bar rgyu ba'i mtshan nyid can la brten nas bdag nye bar 'dogs pa'i phyir sems dang sems las byung ba las bdag nyid tha mi dad pa yang ma yin te/ rgyu mtshan ni sngar bzhin no//
 gal te khams la sogs pa las tha mi dad pa nyid du mi 'dod kyi de ltar na yang khams la sogs pa'i tshogs nyid bdag yin snyam na/ de la lan bstan par bya ba'i phyir/ tshogs tsam nyid min te zhes bya ba gsungs te/ sngar bstan pa'i rigs pas khams la
 sogs pa'i tshogs tsam bdag ma yin no zhes pa'o/ /de'i phyir ngar 'dzin blo de rnams la min ces bya ba ni/ gang gi phyir khams la sogs pa bdag ma yin zhing de rnams kyi tshogs pa tsam yang ma yin pa de'i phyir khams la sogs pa rnams ngar 'dzin gyi
 blo skye bar rigs pa ma yin no/ /zhes pa'o/ /de 'grel pas bstan par bya ba'i phyir/ mdo sde de las zhes bya ba la sogs pa gsungs te/ skyes bu gang zag 'di ni zhes bya ba ni skyes bu ni bdag go /de nyid kyis yang dang yang du 'gro ba dang de len par byed pas na
 gang zag ces pa'o/ /rgyal po chen po zhes bya ba ni bod pa'i tshig go /khams drug dang zhes bya ba ni khams drug la brten nas skyes bu dang gang zag tu bstan pa'o zhes pa'i don to/ /reg pa'i skye mched drug dang zhes bya ba ni mig la sogs pa la brten nas
 btags pa yin pas so/ yid kyi nye bar longs spyod pa bco brgyad do zhes bya ba ni yid kyi nye bar longs spyod pa bco brgyad la brten nas btags pas so/ /de la bco brgyad ni phyis 'grel pas 'chad par 'gyur ro/ /de rnams la yid kyi nye bar longs spyod pa zhes
 brjod pa yin te/ gang gi phyir yid la brten nas yid bde ba la sogs pa rnams yul la longs spyod pa'i phyir ro/ /gzhan dag na re yul rnams la yid longs spyod par byed pa'i phyir yid kyi nye bar longs spyod pa zhes bya ste/ tshor ba'i dbang gis
 yid yul rnams la yang dang yang longs spyod pas so/ /khams drug bstan par bya ba'i phyir/ de la zhes bya ba la sogs pa gsungs so/ /reg pa'i rten brten par bya ba'i phyir/ mig la sogs pa'i zhes bya ba la sogs pa gsungs so/ /yid kyi nye bar
 rgyu ba bco brgyad bstan par bya ba'i phyir/ yid kyi nye bar rgyu ba zhes bya ba la sogs pa gsungs te/ yid bde ba'i nye bar rgyu ba la gzugs la sogs pa la dmigs pa'i dbye bas drug tu 'gyur ba de bzhin du yid mi bde ba'i nye bar rgyu ba yang yin zhing btang snyoms
 nye bar rgyu ba yang yin pas yid kyi nye bar rgyu ba bco brgyad du 'gyur ba yin no/ /de dag la brten pa dang zhes bya ba'i bshad pa ni sems dang sems las byung ba'i chos rnams nye bar gzung na zhes bya'o/ /ji skad bshad pa'i chos de rnams zhes bya ba ni khams 
 drug la sogs pa rnams so/ /da ni gang zag gi bdag bkag pa bstan pa'i dgos pa bstan par bya ba'i phyir/ gang gi tshe zhes bya ba la sogs pa gsungs te/ phung po rnams ngar 'dzin pa'i yul yang ma yin la zhes bya ba ni/ sngar bstan pa'i rigs pas
 phung po rnams bdag nyid ma grub pas so/ /phung po las tha dad pa yod pa ma yin pas zhes bya ba ni/ phung po ma gtogs de 'dzin ma grub phyir zhes bya ba'i rigs pas bkag pa'i phyir ro/ /bdag gi ba yang snying po dang ldan pa ma yin pa nyid du shes shing zhes bya ba ni bdag gi ba ni bdag la bltas pa'i
 phyir ro/ /'dus byas mdza' dag ces bya ba ni phung po lnga'i mtshan nyid can no/ /nges par len pa med par mya ngan las 'da' bar 'gyur te zhes bya ba ni nye bar len gyi phung po lhag ma med pa nges par mya ngan las 'da' bar 'gyur ro zhes pa'o/ /rnam
 par dpyod pa 'di ni ches mdzes so zhes bya ba ni bdag dpyad pa'i dgos pa mya ngan las 'das pa yin pas so/ /'ga' zhig gis 'jig tshogs la lta pa'i dmigs pa ni phung po 'am sems yin no zhes 'dod pa de la skyon bstan par bya ba'i phyir/ ngar 'dzin pa'i yul
 ni zhes bya ba gsungs te/ bdag tu 'dzin pa'i gzhi dngos po yod pa'i phyir ro zhes bya ba ni ngar 'dzin pa'i rten du gyur pa'i phung po dang sems kyi mtshan nyid can gyi dngos po yod pa'i phyir ro/ /de nyid rgyas par bstan par bya ba'i phyir/ bdag med rtogs tshe zhes
 bya ba la sogs pa gsungs te/ gal te bdag med par rtogs pa'i dus su bdag med do snyam pa'i rnam pas yongs su spong na'o/ /'di ni ngar 'dzin rten du yang mi 'dod pa zhes bya ba ni bdag 'di ni ngar 'dzin pa'i rten du yang mi 'dod pa yin te/ phung po dang sems dag ngar 'dzin gyi yul du 'dod pa'i phyir ro/ /de'i zhes bya ba la sogs pa ni
 phung po las tha dad pa'i bdag gi dngos po med par shes pas rang gi lta ba de 'jig tshogs la lta ba dpyis kyang 'byin pa ste/ drungs 'byin pa yin no zhes smra ba gang yin pa de ni shin tu ngo mtshar che ste/ bdag tu lta ba bdag gi yul can ma yin pa dang/ yul ma
 yin pa dpyis 'byin pas de la ci zhig byas par 'gyur zhes pa'o/ /de 'grel pas bstan par bya ba'i phyir/ gal te zhes bya ba la sogs pa gsungs so/ /de med pas zhes bya ba ni bdag rtag pa med pas so/ /ngar 'dzin pa'i yul ni gzhan yin zhing zhes bya ba ni
 phung po dang sems dag go /gzhan dngos po med pa mthong ba las zhes bya ba ni phung po las tha dad pa'i bdag gi dngos po med pa mthong ba las so/ /kye ma khyod kyi mdzes? so zhes bya ba ni spyo 'dri ba'i tshig go /phan tshun 'brel pa zhes bya ba ni phung po las tha dad pa'i bdag
 med pa mthong bas phung po dang sems bdag gi yul can gyi ngar 'dzin ldog par 'gyur ba ni ma yin pas so/ /dpe ston pa ni/ rang khyim zhes bya ba la sogs pa gsungs so/ /'di na glang chen med ces dogs pa bsal te zhes bya ba ni khyim 'di na glang po che yod
 pa ma yin no zhes bsams nas sprul la 'jigs pa yang yongs su dor ba de ni kye ma gzhan dag gi gang mor 'gyur nyid de gzhad gang gi gnas su 'gyur ro/ /zhes pa'i tha tshig go /de bzhin du phung po lnga dang sems ni sprul lta bu yin la/ glang po che ni bdag lta bu
 yin la/ de'i skabs su ji ltar glang po che med par yongs su shes kyang skyes bu de sprul gyis 'dzin la/ de bzhin du 'dir yang bdag med par yongs su shes kyang phung po dang sems dag yod pa de'i yul can gyi ngar 'dzin 'jug pa'i phyir 'khor ba'i du(mdo 'grel nyams su myong bar 'gyur gyi thar pa ni ma yin no/ /de nyid 'grel pas bstan par bya ba'i phyir/ gang zhig ces bya ba la sogs pa gsungs te/ 'jigs pa'i rkyen nyer zin kyang zhes bya ba ni sprul dang nye yang ngo/ /phyir 'chos par mi
 byed par zhes bya ba ni sprul gyis 'jigs pa spong ba'i don du gnyen po mi bstan pa'o/ /de la yod pa'i 'jigs pa ma mthong zhes bya ba ni sprul la yod pa'i 'jigs pa ma mthong bas so/ /de lta bu'i skyes bu de ni bdag nyid rmongs ba nyid du sal bar byed pa yin zhes
 pa'o/ /rmongs pa nyid de bstan par bya ba'i phyir/ de ni zhes bya ba la sogs pa gsungs so/ /phung po dang bdag dag rten dang brten par 'dod pa'i phyogs gsal bar bya ba'i phyir/ /de'i phyir de ltar zhes bya ba la sogs pa gsungs so/ /ci ltar mi rigs par bstan
 par bya ba'i phyir/ phung po bdag yod ma yin zhes bya ba la sogs pa gsungs te/ phung po bdag yod ma yin zhes bya ba ni rten phung po la brten pa bdag yod pa ma yin pa'o/
 /bdag la yang phung po de rnams yod min zhes bya ba ni brten par 'gyur ba'i phung po rten du 'gyur ba'i bdag la yang yod pa ma yin pa'o/ /ci'i phyir zhe na/ de la lan ni gang phyir 'di zhes bya ba la sogs pa gsungs so/
 de ltar bdag las tha dad pa ma yin la/ gang gi phyir phung po dang bdag dag gzhan yin par 'gyur na rten dang brten pa'i rtog pa 'dir 'gyur bar 'os na bdag dang phung po (dag gzhan nyid du med pas phung po) dang bdag dag rten dang brten par rtog pa tsam ste don cung zad kyang yod
 pa ma yin zhes pa'o/ /de 'grel pas bstan par bya ba'i phyir/ gzhan nyid yod na ni zhes bya ba la sogs pa gsungs so/ /de ltar bdag las tha dad pa ma yin la zhes bya ba ni sngar tha dad pa'i bdag bkag pas so/ /de ltar rten dang brten
 pa'i phyogs bkag nas bdag dang bdag gi ba'i mtshan nyid can gyi 'brel pa'i sgo nas ldan pa'i phyogs gzhan gyis khas len na de dag dgag bar bya ba'i phyir/ phung po ldan pa nyid kyang zhes bya ba la sogs pa gsungs te/ bdag ces bya ba la sogs pa ni/ bdag ni gzugs
 dang ldan par 'dod pa yang mi bya ste ci'i phyir zhe na/ lan ni/ gang phyir bdag yod min zhes bya ba gsungs te/ phung po las tha dad pa'i dang tha mi dad pa'i bdag sngar bkag zin pas so/ /de'i phyir ldan don sbyor ba med ces bya ba ni bdag yod pa ma yin pa'i phyir ldan pa'i don
 mod pa ma yin zhes pa'i don to/ /ldan pa'i don ci ltar med pa de rgyas par bstan par bya ba'i phyir/ gzhan na zhes bya ba la sogs pa gsungs te/ lhas sbyin gnag dang ldan no zhes bya ba 'dir gnag dang lhas sbyin dag tha dad par yod du zin kyang/ bdag dang bdag gi ba'i
 'brel pa'i sgo nas ldan pa'i don mthong ba yin la/ 'dir gzugs dang bdag tha dad pa med pa'i phyir/ bdag la ldan pa'i don yod pa ma yin no zhes pa'o/ /de bzhin du lhas sbyin ni gzugs dang ldan no zhes bya ba 'dir tha mi dad pa'i phyir ram/ so sor ma grub
 ba'i phyir 'du ba'i 'brel ba'i sgo nas ldan pa'i don mthong ba yin la/ tha mi dad pa nyid dang so sor ma grub pa nyid yod pa ma yin te/ phung po dang tha mi dad par gyur pa'i bdag bkag pa dang tha dad du gyur pa'i bdag bkag pa'i phyir ro/ /de nyid kyi phyir/ de nyid gzhan nyid
 med ce bya ba gsungs te/ bdag la tha dad pa dang tha mi dad pa nyid med pas so/ /de 'grel pas bstan par bya ba'i phyir/ bdag ces bya ba la sogs pa gsungs so/ /de ltar bdag phung po dang ldan pa nyid bkag nas/ phung po dang bdag dag la phyogs ci snyed bkag pa de grangs
 kyi sgo nas mjug bsdu ba bstan par bya ba'i phyir/ da ni zhes bya ba la sogs pa gsungs te/ bkag zin pa'i phyogs rnams bsdoms te bstan pas zhes bya ba ni bkag pa'i phyogs bsdus nas bstan pas so/ /'jig tshogs la lta ba dmigs pa la rnam pa log pa'i 
 sgo nas 'jug pa zhes bya ba ni dmigs pa'i rnam pa ni dmigs pa'i rnam pa de dmigs pa 'dzin pa'i khyad par ro/ /de log pa yang yin te/ rigs pas mi 'thad pa'i phyir ro/ /de'i 'jug pa ni dmigs pa la log pa'i rnam
 pas 'jug pa'o/ /grangs kyi sgo nas zhes bya ba ni rnam pa nyi shu'i sgo nas so/ /de nyid bstan par bya ba'i phyir/ gzugs bdag ma yin zhes bya ba la sogs pa gsungs te/ gzugs bdag ma yin zhes bya ba 'dis ni tha mi dad pa'i bdag bdag bkag pa
 yin no/ /bdag ni gzugs ldan min zhes bya ba ni ldan pa'i phyogs bkag pa yin no/ /gzugs la bdag med ces bya ba 'dis ni gzugs rten dang bdag brten pa nyid bkag pa yin no/ /bdag la 'ang gzugs yod min zhes bya ba 'dis ni bdag rten
 dang gzugs rten nyid bkag pa yin no/ /de ltar rnam bzhir phung po kun shes bya zhes bya ba ni tshor ba dang/ 'du shes dang/ 'du byed dang/ rnam par shes pa'i mtshan nyid can gyi phung po rnams la rnam pa bzhi bzhir khong du chud par bya ste/ 'di
 ltar tshor ba bdag ma yin/ bdag ni tshor dang ldan pa ma yin zhing tshor ba la bdag med pa dang/ bdag la'ang tshor ba yod pa ma yin no zhes bya ba dang/ de bzhin du 'du shes la sogs pa la sbyar bar bya'o/ /grangs sdom pa de bstan par bya ba'i phyir/ de dag
 bdag tu lta ba nyi shu 'dod ces bya ba gsungs te/ phung po re re la rnam pa bzhi bzhi'i sgo nas 'jug pas 'jig tshogs la lta ba la rnam pa nyi shur 'gyur ba yin no zhes pa'o/ /de 'grel pas bstan par bya ba'i phyir/ phung po zhes bya ba la sogs
 pa gsungs so/ /de la gzhan gyi phyogs snga ma bstan par bya ba'i phyir/ gal te zhes bya ba la sogs pa gsungs so/ /rnam par dpyad pa rnam pa lnga lnga skabs su bab pa la zhes bya ba ni phung po dang bdag tha mi dad pa'i phyogs dang tha dad pa'i phyogs
 dang/ de dang ldan pa'i phyogs dang/ phung po dang bdag rten dang brten pa'i phyogs dang/ bdag dang phung po rten brten par 'dod pa'i phyogs so de ltar phung po re re rnam pa lnga lngar byas pas rnam pa nyi shu rtsa lngar 'gyur la nges na 'dir/ ci ltar phung po re re la tha dad
 pa'i phyogs dor nas rnam pa bzhi bzhir brjod pas rnam pa nyi shur ji ltar ston/ rnam pa nyi shu rtsa lnga la dbu ma rtsa ba'i shes rab kyi khungs bstan par bya ba'i phyir/ bstan bcos las kyang zhes bya ba la sogs pa gsungs te/ gal te de bzhin gshegs pa
 zhes bya ba 'ga' zhig yod par 'gyur na de phung po'i rang bzhin nam/ phung po las tha dad pa dang/ de bzhin gshegs pa la de 'gyur ba 'am/ phung po de 'gyur ba 'am/ phung po dang ldan par 'gyur pa'o/ /de la phung po nyid de bzhin gshegs pa ma yin te/ gal te
 yang dag pa rdzogs pa'i sangs rgyas nyid nye bar len pa yin na byed pa po dang las dag gcig tu 'gyur ba dang/ skye ba dang 'jig par thal bar 'gyur bas so/ /des na phung po nyid de bzhin gshegs pa ma yin no/ /phung po las de bzhin gshegs pa gzhan
 yang ma yin te/ gal te nye bar len pa las de bzhin gshegs pa gzhan yin na nye bar len pa de med du zin kyang yod par 'gyur ba dang/ de bzhin du phung po las tha dad par gyur pa yin na phung po'i mtshan nyid dang mi ldan par yang 'gyur ro/ /phung po rnams
 de bzhin gshegs pa dag tha dad pa med pa'i phyir phung po la de bzhin gshegs pa dang de bzhin gshegs pa la phung po zhes bya ba yang mi rigs pa'o/ /de bzhin gshegs pa la phung po dang ldan pa yin no zhes bya ba yod mi rigs te/
 de nyid gzhan yin pa'i phyogs bkag pas so/ /des na de ltar rnam pa lnga'i sgo nas dpyad na gang dmigs pa de ji ltar na de bzhin gshegs pa yin zhes pa'o/ /de nyid kyi phyir/ de bzhin gshegs pa gang zhig yin zhes bya ba gsungs so/ /de ltar rnam pa lnga
 gsungs pa'i phyir 'dir rnam pa bzhir ji ltar brjod snyam pa'o/ /de la lan bstan par bya ba'i phyir/ 'jig tshogs la lta ba zhes bya ba la sogs pa gsungs te/ 'jig tshogs la lta ba cha de dag ni zhes bya ba ni nyi shu'o/ /des kyang  
 zhes bya ba ni 'jig tshogs la lta bas so/ /phung po rnams ma gzung bas zhes bya ba ni phung po rnams la mi dmigs par ro/ /rnam pa bzhi bzhi'i sgo nas zhes bya ba ni phung po las tha dad du gyur pa'i bdag gi phyogs dor nas so/ /de nyid bstan par bya ba'i
 phyir/ 'di ltar zhes bya ba la sogs pa gsungs so/ /phung po ma gtogs par ni zhes bya ba ni 'ga' zhig la phung po ma gtogs par tha dad du gyur pa'i bdag la tha dad du mngon par zhen pa yod pa ma yin pa'o/ /phung po la dmigs pa nyid kyi
 phyir 'jig tshogs la lta ba zhes bya ba'i ming thob pa yin no zhes sngar bstan zin to/ /des na bdag tha dad pa yin no zhes bya ba'i phyogs lnga pa dor nas 'jig tshogs la lta ba'i rnam pa nyi shu bstan pa yin no/ /'o na bstan bcos las rnam pa lnga ji
 ltar bkag ce na/ de la lan bstan par bya ba'i phyir/ bstan bcos las zhes bya ba la sogs pa gsungs te/ mu stegs pa rnams kyis tha dad pa'i bdag yongs su rtogs pa de dgag pa'i phyir rnam pa lnga bkag pa yin no/ /'di'i don ni
 'jig tshogs la lta ba'i dbye ba'i gnas skabs su gal te 'jig tshogs la lta ba phung po ma gtogs par tha dad pa'i bdag la dmigs pa yin na de'i tshe de la rnam pa nyi shu rtsa lngar 'gyur ba yin pa las 'on kyang 'jig tshogs la lta ba ni  
 phung po la mi dmigs par mi 'jug pa de'i phyir tha dad pa'i bdag la dmigs med pas 'jig tshogs la lta ba'i rnam pa nyi shu kho nar 'gyur ba yin la/ tha dad pa'i bdag dgag pa ni mu stegs pa'i 'dod pa dgag pa'i don du'o zhes pa'o/
 'jig tshogs la lta ba'i dbye ba bstan pa'i sgo nas lung gi don bstan par bya ba'i phyir/ de la zhes bya ba sogs pa gsungs te/ rtse mo nyi shu mtho ba zhes bya ba ni gzugs bdag go zhes bya ba la sogs pa rtse mo nyi shu 'jig tshogs la lta ba'i
 gang la yod pa de la de skad ces bya'o/ /'jig tshogs la lta ba'i ri zhes bya ba ni 'jig tshogs la lta ba nyid ri yin te/ ye shes kyi rdo rje ma yin pas 'jom par mi nus pas so/ /ye shes kyis bcom nas zhes bya ba ni bdag med pa'i ye
 shes kyi rdo rje bcom nas so/ /rgyun tu zhugs pa'i 'bras bu zhes bya ba ni sngar bstan zin to/ /lta ri zhes bya ba ni 'jig tshogs la lta ba nyid ri yin pas so/ /bdag med rtogs pa'i rdo rje ye shes ces bya ba ni bdag med rtog pa de nyid rdo rje yin
 te/ 'joms par byed pa'i bdag nyid can no/ /gang dang lhan cig ces bya ba ni rnam pa nyi shu'i rtse mo dang lhan cig du'o/ /lhun stug la gnas la zhes bya ba ni thog ma med pa'i 'khor ba nas goms pas so/ /rtse mo mtho bar 'gyur ba 'di dag go zhes bya ba ni lung las
 gang rtse mo bstan pa de ni 'di kho na yin no/ /de 'grel pas bstan par bya ba'i phyir/ 'jig tshogs la lta ba'i ri bo zhes bya ba la sogs pa gsungs te/ 'phags pa'i ye shes kyi rdo rje babs pas zhes bya ba ni 'phags pa rnams kyi chos thams cad stong pa nyid kyi
 yul can gyi ye shes gang yin pa de nyid rdo rje babs pa yin te/ rnam par rtog pa'i brag ri thams cad snyil bar byed pa yin la de med pas so/ /nyin re zhing nyon mongs pa'i brag ri 'phel ba zhes bya ba ni nyi ma re re bzhin du 'phel ba'i nyon mongs pa 'dod chags pa rnams
 kyi kho na brag rdo gang la yod pa de la de skad ces bya ste/ 'jig tshogs la lta ba'i dbang gis 'dod chags la sogs pa nyon mongs pa'i tshogs 'phel bar 'gyur bas so/ /'khor ba thog ma med pa nas byung ba zhes bya ba ni brtan pa zhes bya ba'i don to//
 dpangs khams gsum du mtho ba zhes bya ba ni 'jig tshogs la lta bas khams gsum du khyab pas so/ /phyogs kyi ngos ma lus pas khyab pa zhes bya ba ni 'jig tshogs la lta bas phyogs thams cad du khyab pas so/ /ji ltar ri
 rab gser gyi sa gzhi las 'thon pa de bzhin du 'di yang yin no zhes bstan par bya ba'i phyir/ ma rig pa'i gser gyi sa gzhi las 'thon pa zhes bya ba gsungs to/ ma rig pa nyid gser gyi sa gzhi yin la/ de las byung ba yin pas na de skad ces bya ste/ 
 'jig tshogs la lta ba ni ma rig pa las byung ba yin pas na de skad ces bya ste/ 'jig tshogs la lta ba ni ma rig pa las byung bas so/ /rtse mo ches mtho ba dag dang zhes bya ba ni rnam pa nyi shu dang ngo/ /de dag ni rtse mo yin par shes par bya'o zhes bya ba ni gzugs
 bdag yin no zhes bya ba la sogs pa'o/ /de ltar mang po bkur pa pas brtags pa'i phung po las tha mi dad pa'i btags yod kyi bdag bkag nas rdzas su yod pa'i bdag dgag par bya ba'i phyir de ni zhes bya ba la sogs pa gsungs te/ de la dang po phyogs snga ma
 ston pa ni kha cig de nyid gzhan nyid ces bya ba la sogs pa gsungs te/ de la kha cig ces bya ba ni mang pos bkur ba pa'i khyad par ro/ /de nyid gzhan nyid rtag mi rtag /la sogs brjod du med ces bya ba ni phung po las tha dad pa dang/ tha mi dad pa'i
 phyogs la sngar brjod pa'i skyon yod par 'gyur bas tha dad pa dang tha mi dad par brjod du med pa dang/ de bzhin du rtag pa dang chad pa'i mthar thal bar 'gyur bas rtag pa dang mi rtag pa nyid du yang brjod du med pas so/ /sogs pa'i sgras ni ther
 zug pa bsdu bar bya'o/ /rdzas yod ces bya ba ni don dam par yod pa'o/ /rnam shes drug gi shes byar de 'dod cing zhes bya ba ni phung po ma gtogs pa bdag tu 'dzin pa ma grub pas so/ /de ni zhes bya ba ni bdag go /de 'grel pas bstan
 par bya ba'i phyir/ de la re zhig ces bya ba la sogs pa gsungs te/ de la zhes bya ba nas brjod du med do zhes bya ba'i bar gyis tha dad pa dang/ tha mi dad pa nyid dang/ rtag pa dang mi rtag pa nyid du brjod du med pa nyid bstan pa yin no/ /rdzas su yod pa nyid du bstan
 par bya ba'i phyir/ gang zag de ni zhes bya ba la sogs pa gsungs te/ de la byed pa po nyid dang za ba po nyid du brjod pa'i phyir zhes bya ba ni bdag de las kyi byed pa po dang 'bras bu longs spyod pa po nyid du brjod pa'i phyir ro/ /'khor ba dang mya ngan las 'das pa dang bcings pa dang
 thar pa'i dang 'brel ba can nyid yin pa'i phyir yod pa yin no zhes sbyar bar bya'o/ /de la 'khor ba ni 'gro ba nas 'gro ba gzhan du 'gro ba'o/ /mya ngan las 'das pa ni 'gro ba nas 'gro ba gzhan du 'gro ba ma yin gyi/ phung po lhag ma med pa'i mya ngan las 'das pa'o//
 bcings pa ni 'dod chags la sogs pa nyon mongs pas so/ /thar pa ni de rnams dang bral ba las so/ /de ltar phyogs snga ma bstan nas lam bstan par bya ba'i phyir/ smra ba 'di yang zhes bya ba la sogs pa gsungs te/ smra ba 'di yang zhes bya ba ni bdag rdzas su yod
 par smra ba'o/ /gang gi phyir zhes bya ba la sogs pa ni gang gi phyir rdzas su yod na brjod du med pa ma yin pas so/ /ci'i phyir zhe na/ dngos yod brjod med rtogs pa ma yin nyid ces bya ba gsungs te/ gang rdzas su yod pa de ni brjod du med pa ma yin te/ dngos por yod na
 de nyid dang gzhan las mi 'da' ba' i phyir ro/ /gal te dngos por yod pa brjod du med pa yin na sems kyang brjod du med par 'gyur ro/ /dpe bstan nas don dang sbyar bar bya ba'i phyir/ gal te zhes bya ba la sogs pa gsungs so/ /gal te bdag 'ga' zhig rdzas su yod par 'gyur na
 brjod du med par mi 'gyur te/ sems bzhin du brjod par bya ba nyid du 'gyur ro zhes pa'o/ /gang gi phyir bdag brjod du med pa de'i phyir rdzas su yod pa ma yin pa'o/ /tshigs su bcad pa 'di'i ngag gi don bstan par bya ba'i phyir/ de'i phyir zhes bya ba la sogs pa
 gsungs so/ /gang gi phyir zhes bya ba la sogs pa ni/ gang gi phyir bum pa la sogs pa yan lag can ma grub pa'i phyir gzugs la sogs pa las de nyid dang gzhan du brjod du med par 'gyur ba de'i phyir bdag 'di yang brjod du med
 pa'i phyir dngos po yod par mi 'gyur ro ces pa'o/ /de bstan par bya ba'i phyir bdag gang zhes bya ba la sogs pa gsungs te/ bdag gang phung po las de nyid dang gzhan du brjod du med par gyur pa'i bdag de la rang gis yod par grub pa yin no zhes bsam par
 mi bya'o/ /'on kyang btags pa tsam du yod pa yin no/ /de 'grel pas bstan par bya ba'i phyir/ bum pa la sogs pa zhes bya ba la sogs pa gsungs te/ de nyid dang gzhan du brjod du med cing zhes bya ba ni gal te bum pa gzugs la sogs pa las
 tha mi dad par 'dod na de'i tshe gzugs la sogs pa kho na yin pas bum pa med par thal bar 'gyur la/ gal te tha dad pa yin na de'i tshe gzugs la sogs pa spangs nas kyang snang bar thal bar 'gyur ro/ /des na de nyid dang gzhan nyid du brjod du med pa'o/
 btags par yod par 'dod pa zhes bya ba ni tha snyad tsam du yod par 'dod pa'o/ /de bzhin du bdag kyang zhes bya ba la sogs pa ni don dang sbyar ba'o/ /dgag pa dang bsgrub pa nye bar bstan nas zhes bya ba ni de la tshigs su bcad pa dang pos ni dgag pa bstan pa
 yin te/ brjod du med pa nyid rdzas su yod pa la mi 'thad pa bstan pas so/ /gnyis pas ni bsgrub pa bstan pa yin te/ brjod du med pa de btags pa la yod pas so/ /dngos po'i chos kyi rten can ma yin pa nyid kyis zhes bya ba ni dngos po'i chos ni de nyid dang gzhan
 nyid yin la de dag gi rten du bdag mi 'gyur te/ brjod du med par khas blangs pas so/ /bdag 'gog par rtsom pa zhes bya ba ni tha dad pa dang tha mi dad pa'i rten ma yin te/ phyir bdag ni yod pa ma yin pa'o/ /de nyid bstan par bya ba'i phyir/ khyod kyi rnam shes
 zhes bya ba la sogs pa gsungs te/ ci ltar khyod kyi rnam par shes pa rang gi ngo bo la bltos nas tha mi dad par 'dod cing gzugs la sogs pa la bltos nas tha dad par 'dod pas des na dngos po la rnam pa gnyis mthong ba yin te/ rnam par shes pa dngos po yod
 pa la de nyid dang gzhan nyid du khas blangs pa'o/ /des na dngos po'i chos tha dad pa dang tha mi dad pa la sogs pa med pas na bdag med pa yin no zhes pa'o/ /de 'grel pas bstan par bya ba'i phyir/ gal te zhes bya ba la sogs pa gsungs te/ rang gi bdag nyid
 las zhes bya ba ni phung po lnga'i mtshan nyid can gyi bdag nyid las so/ /de ltar dngos po med pa nyid du bstan nas/ ngar 'dzin gyi rten du yang 'gyur ba ma yin no zhes bstan par bya ba'i phyir gang gi phyir zhes bya ba la sogs pa gsungs te/ gang gi phyir gang zag rdzas
 su yod pa nyid du mi rigs pa de'i phyir dngos po med par 'dzin gyi rten du mi 'gyur pa'o/ /phung po las gzhan min zhes bya ba ni phung po las tha dad pa'i bdag 'gog pa'o/ /phung po'i ngo bo min zhes bya ba ni phung po dang gcig pa'i bdag 'gog pa'o/ /phung
 po rten min zhes bya ba ni gnyis ka la rten dang brten pa'i phyogs 'gog pa'o/ /'di ni de ldan min zhes bya ba ni ldan pa'i phyogs 'gog pa'o/ /de 'grel pas bstan par bya ba'i phyir/ ngar 'dzin pa'i yul ni zhes bya ba la sogs pa gsungs te go?
 sla'o/ gnyis ka la rten dang brten pa'i phyogs dgag par bya ba'i phyir/ phung po rnams kyang rten pa yang ma yin no zhes bya ba la sogs pa gsungs te/ phung po rnams kyi rten yang ma yin no zhes bya ba ni bdag phung po rnams kyi
 rten du yang mi 'gyur ba'o/ /'di la rten phung po yod pas na phung po rten zhes bya ba ni phung po'i rten yin la bdag rten pa yin pa'i phyogs su yang mi 'gyur ro ces pa'o/ /de nyid kyi phyir rten dang brten pa'i phyogs gnyis
 ka bsal ba'i zhes bya ba gsungs so/ /ma dmigs par 'dod pas zhes bya ba ni ji ltar mu stegs pas brtags pa'i bdag yod pa yin gyi mi dmigs pa yin no zhes 'dod pas kyang ngo/ /ji skad smras pa'i rnam pa dag gis zhes bya ba ni sngar bstan
 pa'i gzugs bdag ma yin zhes bya ba la sogs pa'i rnam pas so/ /khas blang bar mi bya'o zhes bya bas ni sngar bstan pa'i rnam pas khas blang bar mi bya ba ste/ brtags na mi bzod pas so/ /'o na ji ltar khas blang bar bya zhe na/ de la lan ni/ 'di ni phung po rnams rten 'grub
 par 'gyur ro zhes bya ba gsungs te/ phung po rnams la brten nas ma brtags na nyams dga' ba tsam gyis bdag btags pa tsam 'di grub pa yin gyi/ dpyad na ni ma yin te/ brtags shing dpyad na rnam pa gang yang mi rigs pa'i phyir ro/ /de 'grel pas bstan
 par bya ba'i phyir/ ji ltar 'di la zhes bya ba la sogs pa gsungs te/ kun rdzob kyi bden pa'i rnam par bzhag pa ma chad par bya ba'i phyir zhes bya ba ni 'di las 'di 'byung zhes bya ba'i skye ba nyid 'jig rten pa'i tha snyad tsam du yod pas so/ /ji skad bshad
 pa'i skyon dang ldan pa'i rnam pa bsal nas zhes bya ba ni tha dad pa dang tha mi dad pa la sogs pa'i phyogs bsal nas so/ /bdag tu tha snyad btags pa mthong ba'i phyir ro zhes bya ba ni bdag 'di'o 'di bdag gi yin no zhes bya ba la sogs pa'i tha snyad mthong bas so//
 ji skad bshad pa'i don nyid gsal bar bya ba'i phyir zhes bya ba ni bdag dpyad par mi rigs shing ma brtags na nyams dga' ba tsam du yod pas so/ /de la dpe bstan par bya ba'i phyir/ shing rta zhes bya ba la sogs pa gsungs te/ gzhan 'dod min zhes bya ba
 ni shing rta yan lag las tha dad du mi dmigs pa'i phyir ro/ /gzhan min ma yin zhes bya ba ni yan lag rnams du ma yin pa'i phyir shing rta ma yin pa'i phyir shing rta yang du mar thal bar 'gyur ba dang/ yan lag re re yang shing rta nyid du 'gyur bas so//
 gal te tshogs pa las tha mi dad pa yin no zhe na/ de yang ma yin te/ tshogs pa ni tshogs pa can las tha dad du med pa'i phyir skyon de nyid du thal bar 'gyur/ de ldan yang min zhes bya ba ni tha dad pa dang tha mi dad pa'i phyogs bsal bas de dang ldan pa'i phyogs kyang ma
 grub bas so/ /yan lag la min yan lag dag der min zhes bya ba ni yan lag rnams la shing rta yod par mi 'gyur ba dang/ shing rta de la yang yan lag yod par mi 'gyur ba yin te/ tha dad yod na gnyis ka rten dang brten par 'gyur ba las tha dad pa
 nyid med pas so/ /'dus pa tsam min zhes bya ba ni yan lag rnams 'dus pa tsam yang shing rtar mi 'gyur te/ yan lag 'dus pa yang shing rta nyid du thal bar 'gyur bas so/ /dbyibs min zhes bya ba ni yan lag gi dbyibs tsam yang shing rtar mi rigs
 te/ yan lag can med pa'i phyir yan lag kyang med pas so/ /de 'grel pas bstan par bya ba'i phyir/ de'i phyir 'dir zhes bya ba la sogs pa gsungs te/ sngar bstan zin pa nyid do zhes bya ba ni bdag bkag pa'i gnas skabs su'o/ /phyogs lnga po
 bstan par bya ba'i phyir/ de nyid kyi phyogs dang zhes bya ba la sogs pa gsungs te/ de dag ston pa brtsam par bya ste zhes bya ba ni tshogs pa dang dbyibs dag gong tshogs tsam zhes bya ba ni yan lag gi tshogs spungs pa'o ces pa'o/ /'di ni sngar bshad
 zin kyang zhes bya ba ni de'i tshe de'i yan lag tshogs gnas rnams/ shing rta nyid 'gyur shing rta dang bdag mtshungs zhes bya ba der ro/ /skyon gzhan brjod pa'i sgo nas zhes bya ba de/ yan lag can med pa'i phyir yan lag rnams dang med pas zhes bya ba ni
 gang gi tshogs shing rta yin par 'gyur zhes bya ba'i skyon gzhan brjod pa'i sgo nas so/ /de nyid kyi phyir zhes bya ba ni gang gi phyir tshogs pa la yang skyon mtshungs par yod pa de'i phyir ro/ /dbyibs tsam shing rta rigs pa'ang min zhes bya ba ni/ cha shas
 rnams kyi dbyibs tsam yang shing rtar rigs pa ma yin ces pa'o/ /'ang gi sgras ni cha shas kyi tshogs pa tsam yang shing rta ma yin no/ /ci'i phyir zhe na/ gang gi phyir yan lag can med yan lag med pas zhes bya ba gsungs te/ gang
 gi phyir yan lag can med na yan lag kyang med pa de'i phyir yan lag tshogs pa 'am/ yan lag gi dbyibs tsam shing rta ma yin pa'o/ de 'grel pas bstan par bya ba'i phyir/ gang gi phyir yan lag can med na zhes bya ba la sogs pa gsungs
 te/ 'ang gi sgra ni bsdu ba'i don to zhes bya ba ni/ dbyibs tsam shing rtar rigs pa 'ang min zhes bya ba'i 'ang gi sgras ni tshogs pa tsam shing rta ma yin no zhes bya ba sdud par byed pa'o/ /de nyid kyi phyir tshogs pa tsam po 'ang mi rigs so zhes
 shes par bya ba'i phyir ro zhes bya ba gsungs so/ /gang las she na zhes bya ba ni tshogs pa tsam med par gang las shes she na'o/ /lan ni gang gi phyir zhes bya ba la sogs pa gsungs te/ rang nyid kyis zhes bya ba ni mang pos bkur pa nyid kyis so//
 gang gi phyogs kyi yan lag can yod par 'dod pa de'i phyogs la yang g.yo ba dang mi g.yo ba dang/ dmar po dang dmar po ma yin pa la sogs pa mi rigs pas cha shas can med pas yan lag kyang med pa'o/ /dbyibs smra ba'i phyogs
 la skyon gzhan bstan par bya ba'i phyir/ gzhan yang zhes bya ba la sogs pa gsungs te/ tshogs pa'i yin par zhes bya ba ni/ 'phang lo la sogs pa'o/ /sngar gyi dbyibs kyi khyad par ma btang ba dag gi zhes bya ba ni sngar gyi dbyibs kyi khyad
 par gang gis bar ma dor med la de skad ces bya ste/ sngar gyi dbyibs kyi khyad par la gnas pa'o/ /zhes pa'o/ /btang ba dag gi zhes bya ba ni/ sngar gyi dbyibs kyi khyad par btang ba dag gi zhes pa'o/ /gong ma shes 'dod na zhes bya ba ni/ sngar gyi
 dbyibs kyi khyad par ma btang ba'o/ /ci'i phyir zhes bya ba la sogs pa ni/ ci ltar khyod kyi phyogs la 'phang lo la sogs pa'i yan lag rnam pa te sngar gyi gnas skabs na re re ste/ so so la dbyibs yod pa'i yan lag de rnams shing rtar gyur pa'i dus su yang dbyibs de
 bzhin du yin no zhes bya ba'i phyogs snga ma rjes su brjod nas/ lan 'debs pa ni bya bar gyur pa'o zhes bya ba la sogs pa gsungs te/ de ltar de dag tshogs pa'i dus na shing rta med pa yin te/ sngar rang bzhin ma btang bas so/ /de la dpe bstan par bya ba'i phyir bye
 bar gyur pa zhes bya ba smos te/ ji ltar 'phang lo la sogs pa bye bar gyur pa rnams la shing rta nyid yod pa ma yin pa de bzhin du da ltar mang yod pa ma yin no zhes pa'o/ /de 'grel pas bstan par bya ba'i phyir/ gal te zhes bya ba la sogs pa gsungs te/ de'i
 yan lag gi dbyibs tha mi dad pa'i phyir ro zhes bya ba ni/ shing rta'i yan lag 'phang lo la sogs pa rnams kyi dbyibs bye bar gyur pa'i skabs dang khyad par med pas so/ /ci ste phyogs gnyis pa zhes bya ba ni khyad par btang ba dag gi zhes bya ba'i
 phyogs yin no/ /de nyid bstan par bya ba'i phyir/ dbyibs gzhan kho na zhes bya ba la sogs pa gsungs te/ khyad par can gyi shing rta'i yan lag gi dbyibs las dbyibs gzhan 'byung bar 'dod na'o/ /de ltar na yang zhes bya ba ni/ dbyibs
 gzhan yongs su rtog na'o/ /da ltar gal te zhes bya ba la sogs pa ni 'dir 'phang lo la sogs pa la de ltar te/ shing rta nyid kyi dus na gal te dbyibs kyi khyad par yod par 'dod na de'i tshe? sngar gyi gnas skabs las 'phang lo la sogs pa'i dbyibs kyi khyad par
 bzung bar gyur na ste/ 'phang lo la sogs pa'i dbyibs gzhan kho na 'dzin par 'gyur ba'o/ /de yang yod min te zhes bya ba ni/ 'phang lo la sogs pa dbyibs kyi khyad par gzhan du 'dzin par yod pa ni ma yin zhes pa'o/ /de'i phyir dbyibs tsam shing rta yod ma yin zhes
 bya ba ni mjug bsdu ba'o/ /de 'grel pas bstan par bya ba'i phyir/ gal te zhes bya ba la sogs pa gsungs te/ lham pa zhes bya ba ni leb ma'o/ /zlum pa zhes bya ba ni phyogs kun zlum pa'o/ /sogs pa'i sgras ni mnyam pa la
 sogs pa bsdu bar bya'o/ /gang zhig sngar yod par gyur pa zhes bya ba ni bye bar gyur ba'i gnas skabs na'o/ /de las zhes bya ba ni sngar gyi dbyibs kyi khyad par las so/ /gzhan zhig kho na zhes bya ba ni sngar gyi dbyibs las gzhan nyid do//
 de zhes bya ba ni sngar gyi dbyibs kyi khyad par las gzhan pa'i dbyibs so/ /gzung ba yang ma yin no zhes bya ba'i bshad pa ni/ 'di ltar zhes bya ba la sogs pa gsungs te/ rang gi dbyibs gzhan du 'gyur ba nyid ces bya ba ni rtsibs la sogs pa'i gzhan
 nyid du mthong bar 'gyur ba'o/ /de'i phyir zhes bya ba ni mjug bsdu ba'o/ /de ltar yan lag rnams kyi dbyibs kyi khyad par ni shing rta ma yin no zhes bstan nas/ da ni tshogs pa'i dbyibs kyi khyad par yang shing rta ma yin no zhes bstan par bya ba'i phyir
 ci ste zhes bya ba la sogs pa gsungs te/ phyogs snga ma'o/ /de la lan 'debs pa ni/ de yang mi rigs so zhes bya ba la sogs pa gsungs te/ dbyibs de yan lag tshogs kyi ma yin na zhes bya ba ni yan lag gi tshogs kyi dbyibs de ni shing rta
 ma yin pa'o/ /ci'i phyir zhe na/ de la lan ni/ gang phyir khyod kyi tshogs pa cang med pa zhes bya ba gsungs te/ gang gi phyir khyod kyis 'dod pas tshogs pa ste spyi 'ga' yang yod pa ma yin te/ tshogs pa ni tshogs can las gzhan du ma grub
 pa'i phyir ro/ /des na tshogs pa med pa'i phyir tshogs pa la brten pa'i dbyibs kyi rang bzhin can yod pa ma yin no zhes bstan par bya ba'i phyir/ gang gi phyir zhes bya ba la sogs pa gsungs te/ gang tshogs pa de ci yang med pa de
 dngos po med pa yin la/ de la brten nas shing rta ci ltar 'gyur te rdzas su med pa'i tshogs pa ni dbyibs kyi nye bar len par mi rigs pas so/ /de 'grel bas bstan par bya ba'i phyir/ gal te zhes bya ba la sogs pa gsungs te/ de'i rten can zhes bya ba ni rdzas su
 yod pa'i tshogs pa'i rten can no/ /'di'i rten can gyi zhes bya ba ci yang med pa'i rten can no/ /btags pa ni rdzas kyi rten can kho nar khas blangs pa'i phyir ro zhes bya ba ni mang po bkur ba bas rdzas su yod pa'i nye bar len pa la brten nas dbyibs su nye bar 'dogs
 par 'dod pas so/ /gal te mang po bkur ba las rdzas su med pa snying po med pa tshogs pa'i dbyibs kyi rang bzhin can la shing rtar 'dogs par 'dod na de'i tshe kho bo cag gi 'dod pa yang 'grub pa yin no zhes bya ba'i phyir/ ci ste zhes bya ba la sogs pa
 gsungs te/ khyod kyi 'di ni ci ltar 'dod ces bya ba ni khyod kyi phyogs kyis ji ltar brdzun pa'i tshogs la brten nas brdzun pa'i dbyibs 'dogs 'dod pa'o/ /de ltar zhes bya ba ni de bzhin du'o/ /mi bden pa yi rgyu la brten byas nas zhes bya
 ba ni rgyu brdzun pa la brten ces pa'o/ /'bras bu'i zhes bya ba la sogs pa ni brdzun pa'i rang bzhin can gyi 'bras bu thams cad skye ba yin par shes par gyis shig ces pa'o/ /des na shing rta'i yan lag rdul phra rab kyi bar la yang bden pa nyid
 khas blang bar mi bya'o zhes pa'o/ /de 'grel pas bstan par bya ba'i phyir/ ma rig pa zhes bya ba la sogs pa gsungs te/ 'du byed bya ba ni dge ba dang mi dge ba'i las rnams so/ /ma lus pa yang zhes bya ba ni phyi dang nang gi dngos po thams cad la
 yang ngo/ dngos po'i grib ma'i ri dags lta bu la mngon par zhes bya ba ni dngos po nyid grib ma'i ri dags dang mtshungs pa ste/ ci ltar ri dags kyi grib mal rang bzhin med pa de bzhin du dngos po rnams kyang yin no zhes pa'o/ /gang gi zhes bya ba ni grib
 ma'i ri dags so/ /'dis ni bum pa la sogs pa yang bstan pa yin no zhes brjod par bya ba'i phyir/ 'dis ni zhes bya ba la sogs pa gsungs te/ 'dis ni zhes bya ba ni shing rta'i dpes so/ /de ltar gnas rnams la zhes bya ba
 ni dbyibs khyad par can la gnas ba rnams te/ ci ltar shing rta la rnam par dpyad pa byas pa de bzhin du gzugs la sogs pa la yang bya ste/ 'di ltar gal te dbyibs tsam bum par 'dod na dbyibs de yan lag gi 'am/ tshogs pa'i yin
 par rtog pa zhes pa'i rnam par dpyad pa 'dir yang 'jug par bya'o/ /gzhan yang gal te gzugs la yod par gyur na de'i tshe rnams kyi dbyibs bum par 'gyur ba zhig na/ 'on kyang gzugs la sogs pa nyid med pa de rnams kyi dbyibs
 bum par ci ltar 'gyur zhes pa'o/ /de nyid bstan par bya ba'i phyir/ gzhan yang zhes bya ba la sogs pa gsungs te/ skye ba med pa zhes bya ba ni bdag las ma yin/ gzhan las ma yin zhes bya ba la sogs pa skye ba bkag pas so/ /de'i phyir
 yang zhes bya ba ni skye ba med pas kyang ngo/ /mi rigs zhes bya ba ni gzugs la sogs pa dbyibs bum par rigs pa ma yin zhes pa'o/ /de 'brel bas bstan par bya ba'i phyir/ ji ltar zhes bya ba la sogs pa gsungs te/ de ltar ni sngar bshad
 zin to/ zhes bya ba ni/ bdag las ma yin zhes bya ba la sogs pa gsungs so/ /rdzas kyi nye bar lan pa can zhes bya ba ni rdzas su yod pa'i gzugs la sogs pa'i nye bar len pa can du'o/ /de la gzhan dag gi phyogs snga ma bstan par bya ba'i phyir/ 'dir smras
 pa zhes bya ba la sogs pa gsungs te/ rnam pa bdun gyis btsal ba ni zhes bya ba ni de nyid dang/ gzhan nyid dang/ rten dang rten pa'i phyogs dang/ ldan pa'i phyogs dang/ 'dus pa tsam dang/ dbyibs kyi rnam par dpyad pa na'o/ /'di'i don ni gal te
 shing rta med par 'gyur na shing rta'i sgo nas shing rta 'o na cig ces bya ba la sogs pa'i lo ka na tha snyad med par 'gyur ba las tha snyad mthong ba'i phyir shing rta yod pa yin no zhe na/ de la lan bstan par bya ba'i phyir/ brjod par bya ste zhes bya ba la sogs pa gsungs
 te/ nyes pa 'di ni zhes bya ba ni/ shing rta'i tha snyad med pa'i mtshan nyid can no/ /de nyid rgyas par ston pa ni/ 'di ltar zhes bya ba la sogs pa'o/ /sngar bshad pa'i tshul zhes bya ba ni shing rta rang yan lag las gzhan 'dod min zhes bya ba la sogs pas so/ /shing rta
 la skye ba med pa yin du chu ga rnam par ma dpyad par shing rta'i tha snyad byed pa yin no snyam na/ de la lan ni khyod kyis kyang zhes bya ba la sogs pa gsungs te/ grub pa'i mdza' bas gzhan zhes bya ba ni lo ka'i tha snyad tsam gyis dngos po rnams yod par 'jog
 pa'i mtshan nyid can no/ /'di'i don ni khyod kyis rnam par dpyad na dngos po rnams grub par 'dod pa yin la/ rnam pa bdun gyi sgo nas dpyad na shing rta yod par ma grub pas ci ltar shing rta'i sgo nas tha snyad byed ces pa'o/ /de ltar gzhan gyi phyogs la skyon brjod
 nas/ rang nyid kyi phyogs la nyes pa med pa nyid du bstan par bya ba'i phyir/ kho bo? cag la ni zhes bya ba la sogs pa gsungs te/ gang gi phyir de nyid dang lo ka ru yang rnam pa bdun gyis dpyad na shing rta 'grub par 'gyur gyi/ de ltar na yang rnam par dpyad pa
 med par 'phang lo la sogs pa'i rang gi yan lag la brten nas shing rta zhes tha snyad 'dod pas shing rtar grub pa yin no/ /'di'i don ni kho bos ni rnam par dpyad pa'i sgo nas kun rdzob khas len pa med kyang kun rdzob ni lo ka'i tha snyad kyi don du lo ka'i sgo nas
 khas len pa'i phyir kho bo phyogs la ni shing rta'i tha snyad med pa'i mtshan nyid can gyi skyon nyid du thal bar mi 'gyur ro zhes pas so/ /de 'grel pas bstan par bya ba'i phyir/ shing rta zhes bya ba la sogs pa gsungs te/ sogs pa'i sgras ni gzhan min ma yin
 de ltar yang min zhing zhes bya ba la sogs pa bsdu bar bya'o/ /'di na zhes bya ni shing rta'o/ sngon po la sogs pa dang tshor ba la sogs pa ltar zhes bya ba ni phyi dang nang la ltos nas dpe gnyis bstan pa yin te/ ci ltar sngon po la
 sogs pa rnams yod pa ma yin du zin kyang lo ka'i tha snyad kyis yod pa de bzhin du'o/ /de'i phyir zhes bya ba la sogs pa'i sgras ni mjug bsdu ba'o/ /phyogs 'dir zhes bya ba ni 'jig rten gyi tha snyad kyi rjes su 'brang nas ma brtags na nyams dga' ba tsam du
 kun rdzob yod pas so/ /phyogs 'di la 'jig rten gyi tha snyad thams cad 'thad pa yin no zhes bstan par bya ba'i phyir/ 'jig rten grags pa'i zhes bya ba la sogs pa gsungs te/ 'di'i ming gi khyad par zhes bya ba ni cha shas dang cha shas can dang/ bya ba
 dang byed pa po zhes bya ba la sogs pa'o/ /'di'i zhes bya ba ni 'jig rten pa'i'o/ /ming gi khyad par grub pa nyid bstan par bya ba'i phyir/ 'di lta ste zhes bya ba la sogs pa gsungs te/ de nyid yan lag can zhes bya ba ni shing de nyid 'phang lo la
 sogs pa rang gi yan lag la bltos nas yan lag 'di rnams la yod pas na lag can zhes bya ba grub bo/ /cha shas can zhes bya ba ni 'phang lo la sogs pa'i cha shas rnams de la yod pas na de skad ces bya ba'o/ /shing rta byed po zhes bya ba ni
 'phang lo la sogs pa nye bar blangs pa nye bar blang ba'i bya ba la bltos nas shing rta nyid la byed pa po zhes bya'o/ /de ltar skye bo rnams la mi rnams gang yin pa ma brtags na nyams dga' ba tsam la bltos nas grub pa yin no/ /de 'ba' 
 zhig de ltar grub pa ma yin gyi 'on kyang 'phang lo la sogs pa rang gi nye bar blang bar bya ba len pa'i phyir skye bo rnams la len po nyid du yang grub pa yin no/ /tha dad pa med na ci ltar tha snyad byed ce na/ ma brtags na nyams dga' bar
 'jig rten gyi tha snyad tsam gyis grub pa yin no zhes pa'o/ /de 'grel bas bstan par bya ba'i phyir/ de la shing rta ni zhes bya ba gsungs te/ gang zhig rnam par dpyad par byas nas yan lag la sogs pa 'ba' zhig khas len pa de la ming gi khyad par med pa nyid du
 bstan par bya ba'i phyir/ gang 'ga' zhig ces bya ba la sogs pa gsungs te/ de lta bu'i rnam par gnas pa'i zhes bya ba ni ma brtags na nyams dga' pa'i 'jig rten gyi tha snyad tsam gyis rnam par gnas pa'o/ /gsung rab kyi don phyin ci log tu rtogs pas zhes bya ba
 ni lung la kun rdzob kyi bden pa'i mtshan nyid kyi phyin ci log tu rtogs pa'o/ /phyin ci log tu rtogs pa de bstan par bya ba'i phyir/ /yan lag tshogs pa tsam yod kyi bya ba la sogs pa gsungs te/ 'di yang ci ltar phyin ci log yin ce na/ gtan tshigs de nyid
 kyis zhes bya ba smos te/ mi dmigs pa'i gtan tshigs de nyid kyi yin te/ ji ltar yan lag las tha dad pa'i yan lag can la mi dmigs pa'i phyir ro/ /yan lag can med pa de bzhin du yan lag kyang ma dmigs pa'i phyir yan lag yod pa ma yin te/ /yan lag rnams yan lag can
 la bltos pa'i phyir ro/ /de bzhin du gzhan rnams la yang sbyar bar bya'o/ /de'i phyir gal te rnam par dpyad na ni de'i tshe ni gnyis ka yang yod pa ma yin la gal te rnam par ma dpyad na ni de'i tshe 'jig rten gyi tha snyad tsam du ni gnyis ka la yod pa yin
 te/ ma dpyad na 'jig rten gyi tha snyad grub pas so/ /'di ni zhes bya ba ni yan lag yod par smra ba'o/ /ci ltar dgag par bya zhe na/ lan ni/ 'jig rten grags pa'i kun rdzob ma brlag cig ces bya ba gsungs te/ yan lag dang yan lag can la sogs pa'i
 'jig rten la grags pa'i kun rdzob de brlag par ma byed cig ces pa ste/ de brlag na 'jig rten gyi tha snyad chad par 'gyur ba'o/ /ma dpyad par grub pa'i kun rdzob khas blangs na de kho na nyid la bde blag tu 'jug pa yin no zhes bstan par bya ba'i phyir/
 gang gi phyir zhes bya ba la sogs pa gsungs te/ rim pa 'di nyid kyis ces bya ba ni bdag las ma yin zhes bya ba la sogs pa dang/ shing rta rang yan lag las gzhan min zhes bya ba la sogs pas so/ /de kho na nyid la
 bde blag ji ltar 'jug par 'gyur zhes 'dri ba ni/ ji ltar zhe na zhes bya ba smos te/ lan ni rnam pa bdun gyi zhes bya ba la sogs pa gsungs te/ rnam bdun gyis med gang zhes bya ba ni shing rta gang sngar bstan pa'i rnam pa bdun gyi sgo nas med pa'o
 de ji lta bur yod ces bya ba ni shing rta de rnam pa gang gi sgo nas yod par 'gyur te/ rnam pa bdun las tha dad pa'i rnam pa gzhan med pas so/ /'di zhes bya ba ni shing rta'i 'o/ /de nyid la'ang bde blag 'jug 'gyur bas zhes bya ba ni gang gi phyir
 kun rdzob 'di ngo bo nyid kyis grub pa ma yin gyi/ 'on kyang ma rig pa'i dbang gis de ltar snang ba yin pa de'i phyir de kho na nyid la bde blag tu 'jug par 'gyur ba yin te/ dngos po'i ngo bo nyid kyis yod par 'gyur na/ dngos po ngo bo nyid kyis
 bzlog par mi nus pas de kho na nyid la bde blag tu 'jug par mi 'gyur ba las gang gi phyir ma rig pa tsam gyi dbang gis snang bar gyur pa de'i tshe ma rig pa log par gyur na kun rdzob snang ba med pa'i phyir de kho na nyid la 'jug pa yin
 no zhes pa'o/ /'dir de'i grub pa de bzhin 'dod par bya zhes bya ba ni ma brtags na nyams su dga' ba tsam gyis 'jig rten gyi tha snyad kyis kun rdzob kyi bden pa yod par 'dod par bya ba yin no zhes pa'o/ /de 'grel pas bstan par bya
 ba'i phyir/ nye bar rtog pa zhes bya ba la sogs pa gsungs te/ nye bar rtog pa'i zhes bya ba ni rnam par dpyod par byed pa'o/ /de zhes bya ba'i dngos po'o/ /'ang gi sgras ni zhes bya ba ni des de nyid la'ang bde blag 'jug 'gyur bas zhes bya
 ba'i 'ang gi sgras so/ /kun rdzob nyams par yang mi 'gyur ba ste zhes bya ba ni brtags na nyams dga' ba tsam gyi kun rdzob khas len pas so/ /'di ni zhes bya ba ni shing rta'o/ /skyon med cing zhes bya ba ni 'jig rten gyi tha snyad dang rjes su mthun pas so/ /phan yon dang
 bcas pa'i zhes bya ba ni kho na nyid dang bde blag tu 'jug par 'gyur bas so/ /da ni shing rta med du zin kyang yan lag med pa nyid gzhan gyis ma bzod na phyogs snga ma 'god pa ni/ 'dir smras zhes bya ba la sogs pa gsungs te/ lan bstan par bya ba'i phyir/
 bshad par bya ste zhes bya ba la sogs pa gsungs te/ bzhad gang du bya ba zhig ste zhes bya ba la sogs pa ni shing rta med kyang yan lag tshol bar byed pa de ni snam bu tshig na thal ba la snal ma tshol ba dang 'dra bas khyod ni bzhad gang du bya bar 'os pa yin no
 zhes pa'o/ /de nyid bstan par bya ba'i phyir/ shing rta yod nyid min na zhes bya ba la sogs pa gsungs te/ de'i tshe zhes bya ba ni shing rta ma dmigs pa'i dus na'o/ /yan lag can med de'i yan lag kyang med ces bya ba ni gal te yan lag med par gyur
 na de'i tshe gang gis yan lag tu 'gyur te/ yan lag can ni yan lag rnams la bltos pas so/ /de'i zhes bya ba ni yan lag can gyi'o/ /gzhan dag gi yan lag can med kyang yan lag ni yod pa ma yin no zhes bstan par bya ba'i phyir/ /gal te zhes
 bya ba la sogs pa gsungs te/ shing rta zhig na zhes bya ba ni gzer phyung ba'i gnas skabs na'o/ /yan lag can med par yan lag dag kyang med do zhes ci ltar brjod ce na zhes bya ba ni shing rta med kyang shing rta'i yan lag ni yod pa yin no zhes pa'o
 de la lan bstan par bya ba'i phyir/ de ni de ltar ma yin te zhes bya ba la sogs pa gsungs te/ 'brel pa rig pa kha nas zhes bya ba ni gang gis sngar 'phang lo la sogs pa dang shing rta 'brel ba mthong ba de kho nas shing rta'i yan lag yin no
 snyam du rtogs pa yin gyi/ 'brel pa ma mthong ba la ni ma yin no/ /des ni shing rta'i yan lag rnams ngo bo nyid kyis yan lag tu grub par gyur na de'i tshe 'brel pa ma mthong bas kyang rtogs par 'gyur ba las rtogs
 pa yang ma yin no/ /des na 'phang lo la sogs pa rnams yan lag gi ngo bo nyid du yod pa yin no zhes kyang brjod par mi rigs pas so/ /de nyid bstan par bya ba'i phyir/ des ni rang gi cha shas la zhes bya ba la sogs pa gsungs so/ /gzhan
 yang shing rta mi rigs pa'i shing rta'i yan lag kyang rigs pa ma yin no zhes dpe'i sgo nas bstan par bya ba'i phyir/ gzhan yang zhes bya ba la sogs pa gsungs te/ dpe 'di las zhes bya ba ni shing rta tshig pa'i dpe'i sgo nas so/ /don 'di ni zhes bya ba ni shes rab kyi mes shing
 rta bsregs na shing rta'i yan lag kyang tshig pa'i mtshan nyid can no/ /shing rta tshig na zhes bya ba la sogs pa ni ji ltar mes shing rta tshig par 'gyur ba na 'phang lo la sogs pa'i shing rta'i yan lag rnams kyang yod pa ma yin te/ shing rta tshig na de
 rnams kyang tshig pas so/ /dpe bstan nas don dang sbyar ba ni/ blo mes yan lag can bsregs yan lag go zhes bya ba gsungs te/ yan lag can te shing rta'i mtshan nyid can shes rab kyi mes bsregs par 'gyur ba na yan lag rnams kyang tshig pa nyid yin te/
 yan lag rnams ni yan lag can kho na la bltos pa'i phyir yan lag can med pas yan lag rnams ga la yod/ /de 'grel pas bstan par bya ba'i phyir/ dper na shing rta zhes bya ba la sogs pa gsungs te/ rnam par dpyod pa'i btsubs shing btsubs
 pa las zhes bya ba ni/ rnam par dpyod pa nyid shing btsubs pa yin te/ me byung ba'i rgyur gyur pa'i shing gi khyad par gtsubs par de ji ltar gtsubs shing gtsubs pa las me byung ba de bzhin du rnam par dpyad ba las blo rno ba 'byung bar 'gyur ba
 blo'i me zhes bya ba ni blo nyid me yin te ji ltar mes sregs par byed pa de bzhin du shes rab kyi mes kyang shing rta mi dmigs pa'i mtshan nyid can du sreg par byed pa'o/ /de nyid kyi phyir mi dmigs pa'i sreg par byed pa can gyi/ shing rta lus pa med par bsregs
 pas na zhes bya ba gsungs so/ /shes rab kyi me'i bud shing du gyur pa zhes bya ba ni shes rab kyi me'i bsreg byar gyur pa ste/ de dag kyang cig par gyur pa'o/ /ji ltar shing rta lo ka'i tha snyad tsam du khas len pa de bzhin du bdag kyang btags pa tsam du yod pa 'jig
 rten gyi grags pa las khas blang bar bya'o zhes bstan par bya ba'i phyir/ ji ltar zhes bya ba la sogs pa gsungs te/ shing rta rnam par dpyod pa'i tshul la bsams te zhes bya ba ni rnam pa bdun gyi sgo nas rnam par dpyad na shing rta mi 'thad pa yin no snyams
 pa'i tshul sems la bzhag nas so/ /rten nas gdags pa rnam par gzhag pa zhes bya ba ni shing rta'i yan lag la brten nas shing rta 'dogs pa'i rang bzhin can no/ /de kho na nyid la bde blag tu 'jug par bya ba'i phyir zhes bya ba ni sngar bstan zin
 to/ de bzhin bya ba la sogs pa ni ji ltar rnam pa bdun gyi sgo nas dpyad na bdag mi rigs pas bdag med du zin kyang phung po la sogs pa la brten nas bdag 'gro'o bdag gi shes so 'di ni bdag gi'o/ zhes bya ba la sogs pa 'jig rten gyi tha
 snyad mi bcad pa'i don du bdag nye bar len pa po nyid du btags na 'dod pa'o/ /de nyid kyi phyir/ 'jig rten grags pa zhes bya ba gsungs te/ gzhan du 'jig rten gyi tha snyad 'chad bar 'gyur bas so/ /de 'grel pas bstan par bya ba'i phyir/ ji ltar 'phang
 lo la sogs pa dag la brten nas shing rtar zhes bya ba la sogs pa gsungs so/ /ji ltar 'jig rten gyi rjes su 'brangs nas bdag tu khas len pa de bzhin du las dang byed pa po la sogs pa'i tha snyad btags pa yang 'jig rten gyi tha snyad ma bcad pa
 bya ba'i phyir 'jig rten pa'i rjes su 'brangs nas khas blang bar bya zhes bstan par bya ba'i phyir/ ji ltar phung po la sogs pa dag shing rta'i zhes bya ba la sogs pa gsungs te/ nye bar len pa dang nye bar len pa po'i
 rnams par bzhag pa 'di zhes bya ba ni 'phang lo la sogs pa dang phung po la sogs pa dag ni nye bar len pa yin la shing rta dang bdag la sogs pa ni nye bar len pa po ste de dag gi rnam par bzhag pa'o/ /las dang byed pa po'i rnam par bzhag
 pa yang zhes bya ba ni phung po rnams ni bdag gi nye bar blang bar bya ba yin pas na phung po rnams ni las su rnam par gzhag la phung po la sogs pa rnams bdag gis nye bar len par byed pas na bdag la nye bar len pa po nyid du rnam
 bar bzhag pa'o/ /shing rta ltar khas blang bar bya'o zhes bya ba ni btags par yod pa tsam du khas blang bar bya'o zhes pa'o/ /nyer len zhes bya ba ni phung po la sogs pa'o/ /'di ni zhes bya ba ni bdag go /de ltar brten nas btags pa la
 yon tan bstan par bya ba'i phyir/ brten nas btags pa zhes bya ba la sogs pa gsungs te/ brten pa dang mi brtan pa la sogs pa'i rtog pa'i rten nyid ma yin pa nyid las zhes bya ba ni gal te dngos po yod na brtan pa dang mi brtan
 par 'gyur ba yin la/ sngar bstan pa'i rigs pas bdag dngos por med pa bdag brtan pa dang mi brtan pa la sogs pa'i rtog pa'i rten du ji ltar 'gyur zhes pa'o/ /rtag pa dang mi rtag pa la sogs pa'i rtog pa zhes bya ba ni de nyid dang
 gzhan nyid la sogs pa bsdu bar bya'o/ /de la skyes nas mi 'jigs pa ni rtag pa yin la/ skyes nas 'jig pa ni mi rtag pa'o/ /de nyid dang gzhan nyid med ces bya ba ni phung po la sogs pa dang bdag las tha dad pa dang tha mi dad pa bdag med pas so
 bstan pa dang mi brtan pa la sogs pa ma yin pa'i rgyu mtshan bstan par bya ba'i phyir ro/ /dngos po yod min zhes bya ba gsungs te/ bdag dngos po yod pa ma yin pa'i phyir ro zhes pa'o/ /de 'grel pas bstan par bya ba'i phyir/ phung po dag la brten nas zhes bya ba la sogs
 pa gsungs te/ de la gal te bdag mi brtan pa yin na ni bstan bcos dang 'gal bar 'gyur ro zhes sbyar bar bya ste/ /bstan bcos dbu ma rtsa ba'i shes rab dang 'gal bar 'gyur ro zhes pa'o/ /de nyid bstan par bya ba'i phyir nye bar len pa nyid ces bya ba la sogs
 pa gsungs te/ gang nye bar len pa'i phung po lnga zhes bya ba de dag ni skad cig so so la 'byung ba dang 'jig pa yin la bdag ni phung po las de nyid dang gzhan nyid dang rtag pa dang mi rtag pa nyid du brjod par mi nus te skyon du mi 'byung bar 'gyur bas so/ /'di
 ltar gal te bdag rtag pa yin na rtag par smra bar 'gyur ba dang/ mi rtag na chad par thal bar 'gyur ro/ /rtag pa dang chad pa zhes bya ba'i gnyis ka yang don ma yin pa chen por 'gyur bas khas blang bar bya ba ma yin pa'o/ /de ltar nye bar blang ba'i phung po lnga nyid
 bdag nyid du mi rigs pa'o/ /gzhan yang nye bar blang ba nye bar len pa por ji ltar 'gyur te bum pa dang rdza mkhan dag kyang gcig tu thal bar 'gyur ba'o/ /de bzhin du ma byung ba las zhes bya ba la sogs pa ni gal te bdag sngar ma byung ba phyis ma byung bar
 'gyur na de'i tshe bdag byas par thal bar 'gyur ba las/ bdag byas par 'dod pa yang ma yin te/ mi rtag par 'gyur bas so/ /de las tha dad pa'i de sgrub par byed pa'i byed pa po yang med pas bdag byas pa nyid du khas len pa ni 'khor ba thog ma dang ldan par
 'gyur ba dang/ sngar med pa'i sems can 'byung bar 'gyur ba las de ltar 'dod pa yang ma yin no/ /des na bdag ni byas pa ma yin no/ /gzhan yang 'byung ba rgyu med can du 'gyur zhes bya ba ni sngar med pa'i bdag 'byung bar 'gyur na/ rgyu med pa las skye bar 
 'gyur pa yin te/ sngar bdag med pas byed pa po med pas rgyu med pa can du 'gyur pa'o/ /'dis ni bstan bcos las bdag mi rtag pa nyid ma yin no zhes bstan pa yin no/ /gal te bdag mi rtag pa nyid kyi rten du khas len na de'i
 tshe bstan bcos dang 'gal ba'o/ /de nyid kyi phyir zhes bya ba ni gang gi phyir bdag mi rtag pa nyid du mi 'dod pas so/ /de'i phyir 'di ni mi rtag pa nyid du yang mi 'thad zhes bya ba ni mjug bsdu ba'o/ /bstan pa yang mi 'thad pa de bstan bcos kyi khungs kyi sgo nas
 bstan par bya ba'i phyir/ de bzhin du zhes bya ba la sogs pa gsungs te/ ji skad du zhes bya ba ni dbu ma rtsa ba'i shes rab las so/ /'das pa'i zhes bya ba la sogs pa ni gang 'das pa'i skye bar byung ba 'di nyid gal te da ltar byung bar gyur na de'i tshe 'das
 pa'i dus na byung bar gyur pa yin no zhes bya ba rigs pa las de ltar yang mi 'thad lhag par nyid du thal bar 'gyur ba dang/ rtag pa 'khor bar yang mi rig pa dang/ 'gro ba gcig la gnas su zin kyang 'gro ba sna tshogs pa 'dzin par thal par 'gyur
 pas so/ /'dir dmyal ba la sogs pa'i 'gro ba can du gyur nas da ltar mir skyes na nga nyid dmyal bar gnas so zhes de ltar rtog na de nyid 'di la mi rigs te/ ji ltar na mi nyid dmyal ba la sogs par 'gyur zhes pa'o/ /'o na mdo las de'i tshe de'i  
 dus na de nyid 'khor los sgyur ba'i rgyal po nga la nu zhes bya bar gyur to zhes bya ba de ji ltar khong du chud par bya zhe na/ de ltar gsung ba de ni gzhan nyid dgag pa tsam yin gyi de nyid du ston par mdzad pa ni ma yin no zhes par khong du chud par bya'o/ /de nyid kyi
 phyir de'i tshe de'i dus na gzhan ma yin no zhes brjod pa yin no/ /gal te sngon gyi de nyid da ltar gyi 'di yin no zhes de bzhin du gyur na skyon ci yod ce na/ rtag par thal bar 'gyur ro zhes bya ba'i skyon brjod du zin kyang yang brjed par bya ste/ de nyid bdag tu
 'gyur snyam na/ nye bar len pa tha dad par 'gyur zhes bya ba gsungs te/ gal te sngon gyi bdag nyid de nyid da ltar gyi yin par 'gyur na/ de'i tshe phung po lnga'i mtshan nyid can gyi nye bar len pa la khyad par med par 'gyur ro/ /bdag ni nye bar len pa la khyad par med pa
 yang ma yin no/ /'on kyang nye bar len pa ni khyed par du gyur pa yin te/ nye bar len pa'i rgyu las tha dad pa dang/ dus tha dad pa'i phyir ro/ /des na nye bar len pa khyad par can ma yin pa'i phyir bdag nyid de nyid du rigs pa ma yin no/ /gal te nye bar len pa khyad par can
 yin du chug /bdag ni cig nyid yin pas bdag la khyad par med pa'i phyir 'das pa'i dus na ded ltar gyur pa yin no zhes bya ba 'byung ba yin no zhes na/ de la lan ni nye bar len las ma gtogs par/ khyod kyi bdag ni gang zhig yin zhes bya ba gsungs te/ gal te
 nye bar len pa gzhan yin la bdag gzhan min par gyur na/ de'i tshe nye bar len pa khyad par can yin du zin kyang bdag las khyad par med par 'gyur pa las 'di ni bdag go /'di ni nye bar len pa'o zhes bya ba'i tha dad du bstan par mi nus te/ bdag
 de nye bar len pa'i rang bzhin las tha dad pa yin na rgyu med pa can du thal bar 'gyur ba dang/ tha dad du 'dzin par tham bar 'gyur bas so/ /gang gi tshe nye bar len pa las ma gtogs par bdag ston par mi nus pa de'i tshe nye bar len pa ni khyad par can
 yin la/ bdag ni khyad par can ma yin no zhes bya ba de ltar brtag par mi nus so/ /de ltar bstan pa ces kyi sgo nas bdag bstan pa nyid du mi rigs so zhes bstan nas/ skye 'jig med pa nyid bstan bcos kyi sgo nas bstan par bya ba'i phyir/ skye 'jig can du
 'gyur zhes bya ba la sogs pa gsungs te/ khyad par gnyis zhes bya ba ni skye 'jig yin zhes bya ba'i khyad par gnyis so/ /rtag pa la sogs pa yang bdag yod pa ma yin no zhes bstan bcos kyi sgo nas bstan par bya ba'i phyir/ 'di la zhes bya ba la sogs pa gsungs
 te/ ji skad du zhes bya ba ni dbu ma rtsa ba'i shes rab las so/ /de bzhin gshegs pa brtag pa'i tshul gyis bdag yongs su rtog pa mdzad pa na zhes bya ba ni de bzhin gshegs pa la de dag yongs su brtags nas dpyod pas so/ /rtag dang zhes bya ba la
 sogs pa ni bcom ldan 'das kyi mdo las lung du ma bstan pa'i dngos po bcu bzhi gsungs la de rnams ni sngar bshad zin to/ /de ltar ci ltar de bzhin gshegs pa la stong pa nyid la sogs pa mi srid pa de bzhin du brtag pa la sogs pa bzhi yang
 srid pa ma yin pa nyid kyis bcom ldan 'das kyis mo gsham gyi bu'i sngo bsangs dang dkar sham la sogs pa bzhin du 'jig rten pa la rnam pa bzhi lung ma bstan pa yin no/ /ci ltar de bzhin gshegs pa rnams la bzhi pa 'di mi sred pa de bzhin
 du mdza' dang mdza' med pa la sogs pa yang zhi ba'i de bzhin gshegs pa la srid pa ma yin no zhes bstan par bya ba'i phyir/ mdza' dang zhes bya ba la sogs pa gsungs so/ /de bzhin gshegs pa grongs nas phyis 'byung bar 'gyur ro zhes bya
 ba la sogs pa'i rnam par rtogs pa bzhi 'jug pa mi srid do zhes bstan par bya ba'i phyir/ /gang gis zhes bya ba la sogs pa gsungs te/ gang gis mngon par zhen pa chen pos de bzhin gshegs pa yod do zhes shin tu stug pas gzung bar 'gyur
 ba ste yongs su rtog pa bskyed pa'o/ /des nges par de bzhin gshegs pa yongs su mya ngan las 'das par gyur na grongs pa'i phyis kyi dus su de bzhin gshegs pa 'byung bar mi 'gyur ba 'am/ de bzhin gshegs pa chad pa 'am de bzhin
 gshegs pa yod pa ma yin no zhes rnam par rtog par byed na'o/ /de ltar rnam par rtog na de'i tshe lta ba'i rnam par 'gyur ro/ /gang gi phyogs la gnas skabs 'ga' zhig na yang de bzhin gshegs pa la yod pa nyid dang med pa nyid med pa de'i
 phyogs la ni nam mkha' la ri mo'i gzugs rtog pa bzhin du rtag pa ni yod pa ma yin zhes bya ba la sogs pa'o/ /de nyid bstan par bya ba'i phyir/ ngo bo nyid kyis stod de la zhes bya ba la sogs pa gsungs so/ /de ltar brtag pa dang mi rtag pa la sogs pa med pa nyid du
 bstan nas/ bstan bcos kyi sgo nas de nyid dang gzhan nyid yod pa ma yin no zhes bstan par bya ba'i phyir/ 'di ni phung po dag la zhes bya ba la sogs pa gsungs te/ sngar bshad zin to/ /de bzhin du shing nyid min ma yin te/ zhes bya ba la sogs pa gsungs so zhes bya ba la
 sogs pa'i sgras ni/ shing las me ni gzhan min te/ me ni bud shing dag ldan min/ me la shing min der de min/ bdag dang nye bar len pa yi/ /rims thams cad ma lus par/ me dang shing dag gis bshad do/ /'di'i don ni/ gal te bud shing me
 yin na/ las dang byed pa gcig nyid 'gyur zhes bya ba 'dis shing dang me dag gcig nyid bkag pas shing nyid me ma yin no/ /gal te shing las me gzhan na/ shing med par yang yod par 'gyur zhes bya ba 'dis gzhan nyid yin pa bkag pas shing
 las me gzhan nyid du yang mi 'gyur ro/ /de nyid dang gzhan nyid kyi phyogs gnyis ka bkag pas de dang ldan pa'i phyogs dang rten dang ldan pa'i phyogs dag kyang shugs kyis bkag nas/ de mjug bsdu ba bstan par bya ba'i phyir/ me ni bud shing dang ldan min
 zhes bya ba la sogs pa gsungs so/ /bud shing 'di la yod pas bud shing dang ldan no/ /de yang tha dad pa'am mi dad pa nyid du yod par 'gyur na 'thad pa las me dang bud shing dag la phyogs gnyis bkag pa'i phyir me bud shing dang ldan pa nyid bkag pa
 yin no/ /gzhan nyid yin na ni 'khor gzhong bzhin du rten nyid du grub pa yin la/ /bud shing dang me dag las gzhan nyid med pa'i phyir mi la bud shing ngo zhes pa yang mi rigs so/ /bud shing la yang me yod pa ma yin pa ste gzhan nyid bkag pa'i phyir ro//
 ji ltar rnam pa lnga'i sgo nas dpyad na mi 'thad pa de bzhin du bdag kyang ma yin no zhes bstan par bya ba'i phyir/ bdag dang nye bar len pa'i zhes bya ba la sogs pa gsungs te/ de la nye bar blang bar bya ba yin pas ni nyer len te nyer len gyi phung
 po lnga'o/ /de dag la brten nas btags pa nye bar len pa 'dzin cing bsgrub par byed pa'i bdag ces bya ste/ bdag de dang nye bar len pa dag grub pa'i rim pa gang yin pa de thams cad me dang shing dag gis bshad pa nyid du khong du chud par bya'o/ /thams cad
 dang ma lus pa la khyad par ci zhig yod snyam na/ thams cad smos pas ni bshad ma thag pa'i phyogs lnga bstan pa yin la/ de na phyogs lnga po thams cad me dang bud shing bzhin du bdag dang nye bar lta ni pa pa dag la ma tshang ba med par sbyar bar bya'o/
 gang phyogs lnga bstan pa la 'thad pa'i rim pa bstan pa ma lus par bdag dang nye bar len pa dag la yang shes par bya ste/ me dang bud shing dag gis bdag dang nye bar len pa dag la rnam pa thams cad du dgag pa mtshungs pa nyid du khong du chud par
 bya'o zhes bstan par bya ba'i phyir/ /ma lus pa zhes bya ba smos pa yin no/ /de la nye bar len pa gang yin pa de nyid du bdag nyid du mi rigs te las dang byed pa po dag gcig nyid du thal bar 'gyur bas so/ /nye bar blang bar bya ba gzhan nyid dang nye bar len
 pa po gzhan nyid du yang mi rigs te/ phung po las tha dad du bdag dmigs par 'gyur bas so/ /gcig pa dang tha dad pa dag bkag pas bdag phung po dang ldan pa yang ma yin pa'o/ /gzhan nyid med pas bdag la phung po dang bung po la yang bdag
 yod pa ma yin no/ /gang gi phyin rnam pa lnga'i sgo nas bdag yod pa ma yin pa de'i phyir las dang byed pa po bzhin du bdag dang nye bar len pa dag phan tshun bltos na grub pa ma yin no zhes bya ba gnas pa yin no/ /bstan bcos kyi gzhung 'dis ni
 bdag dang nye bar len pa dag la de nyid dang gzhan nyid bkag pa yin no/ /rtag pa la sogs pa'i rnam par rtog pa'i rten ma yin pa nyid kyi rgyu mtshan bstan par bya ba'i phyir/ yang ci'i phyir zhes bya ba la sogs pa gsungs te/ de la zhes bya ba ni bdag la'o/ de zhes bya
 ni bdag go/ bdag med pa la mdo'i khungs bstan par bya ba'i phyir/ ji skad du zhes bya ba la sogs pa gsungs te/ 'jig rten mgon gyi zhes bya ba ni la ka ba rnams kyi mgon po ste/ rje bo sangs rgyas bcom ldan 'das gyis so/ /bzhi gang zhe na/ sems can zhes bya ba la sogs pa gsungs te/ sangs rgyas chos med?  zhes bya ba ni stobs bcu la sogs pa'o gnas/
 'chad par 'gyur bas so/ /sems can la sogs pa rnam ji ltar na mthing ba yin snyam na/ gal te zhes bya ba la sogs pa gsungs te/ gal te sems can la sogs pa rnams rdzas su yod par 'gyur na de'i tshe yongs su zad par 'gyur ba las/ 'on kyang bdag las ma yin zhes
 bya ba la sogs pa gdod ma nas skye ba med pa nyid du bstan nas/ ji ltar na 'di rnams yongs su med par 'gyur zhes pa'o/ /de ltar rtag pa la sogs pa'i rtog pa'i yul bdag ma yin pa nyid du bstan nas/ bdag la mngon par zhen pa ni 'ching
 ba'i rgyu yin la/ bdag la mngon par zhen pa med pa ni grol ba'i rgyu yin no/ zhes bstan par bya ba'i phyir/ gang zhig ces bya ba la sogs pa gsungs te/ gang zhig ces bya ba ni bdag go /rnam pa bdun gyis gtsal na zhes bya ba ni tha dad pa
 dang tha mi dad pa dang/ de dang ldan pa dang/ rten dang brtan pa'i rnam pa gnyis dang/ phung po'i tshogs dang/ phung po'i dbyibs kyi tshogs pa ste 'dun gyis so/ /gang zhig ces bya ba ni bdag go/ 'khor bar 'gyur la zhes bya ba ni/ bdag yod
 na ni gzhan du shes/ bdag gzhan gnyis la 'dzin dang chags/ /de gnyis dang ni 'brel pa las/ nyes pa thams cad 'byung ba yin zhes bya ba'i tshul gyis so/ 'di ni bdag gi zhes bya ba ni bdag med sa la yod pa nyid du mngon par zhen pa 'khor
 ba'i rgyur gyur pa gang yin pa'o/ /rtag tu 'gro rnams ngar 'dzin blo zhes bya ba ni gang la rnam pa thams cad du 'gro ba rnams la ngar 'dzin pa'i blo'i 'jug par 'gyur pa de ni bdag yin no zhes khong du chud pa'o/ /de'i gang yin ngar
 'dzin blo 'byung la zhes bya ba ni phyi dang nang gi dngos po gang yin pa bdag de dang 'brel ba gang zhig gis 'brel ba der der 'dzin pa'i blo 'byung bar 'gyur pa'o/ /dngos po thams cad yod pa ma yin na ngar 'dzin gyi blo dang bdag gi ba'i blo ji
 ltar skye par 'gyur zhe na/ ma brtags grags par gti mug las yin no zhes bya ba gsungs te/ mi shes pas ma brtags par grub pa'i log pa'i tha snyad las so/ /de 'grel pas bstan par bya ba'i phyir gang zhig ces bya ba la sogs pa gsungs
 te/ yongs su tshol ba na zhes bya ba ni de'i rang bzhin la dpyad na'o/ /de nyid bstan par bya ba'i phyir mu stegs pa zhes bya ba la sogs pa gsungs te/ de'i rang bzhin las phyin ci log tu gyur pa zhes bya ba ni
 bdag gi rang bzhin las phyin ci log tu gyur pa'o/ /ci'i phyir zhe na/ de'i rigs pas mi 'thad pa zhes bya ba gsungs te/ sngar bstan pa'i rigs pas bdag 'di mi rigs pas so/ /phung po las tha dad par zhen cing zhes bya ba ni phung
 po las bdag tha dad par yod par zhen nas so/ /rang gi sde ba zhes bya ba ni sangs rgyas pa rnams so/ /gal te phung po rnams mi rtag pa yin pas phung po rnams pa dag nyid du ci ltar 'bring? snyam na/ /de la lan ni/ 'khral ba zhes bya ba gsungs te/
 phung po rnams la bdag med pa la bdag gi ngo bor 'khrul pas so/ /'di zhes bya ba ni bdag go/ brgya phrag ces bya ba ni nye bar mtshan pa tsam yin te/ dum yongs su grol bar 'gyur pa yin zhes pa'o/ /de ni bdag yin no zhes bya ba ni bdag de lta bu'i
 khyad par can yin par shes par bya'o/ /de'i gang yin der zhes bya ba bshad par bya ba'i phyir du 'di zhes bya ba la sogs pa gsungs te/ 'di zhes bya ba ni bdag go /dbang ba nyid dam zhes bya ba ni bu dang chung ma la sogs pa ste de'i dbang gis 'jug pas so//
 'brel pa 'ga' zhig tu 'gyur ba zhes bya ba ni khang ba dang nor la sogs pa rnams la ste de rnams la bdag dang bdag gi pa'i 'brel pa yod pas so/ /'di gdags pa'i rten zhes bya ba ni bdag tu gdags pa'i rgyu mtshan du gyur pa'o/ /phyi rol zhes
 bya ba ni bu dang chung ma dang khang pa la sogs pa'o/ /rang gi ngo bos grub pa ni ma yin no zhes bya ba ni rang bzhin gyis grub pa ni ma yin te/ sngar bstan pa'i rig pas rang bzhin mi 'thad pas so/ /rnal 'byor pa dag gis rnam pa thams cad du ma dmigs
 pa zhes bya ba ni gang gi phyir mi shes pa'i dbang gis de yod pa yin la ngo bo nyid kyis ma yin pa'i phyir rnal 'byor ba rnams la mi shes pa med pas de mi dmigs pa yin no zhes pa'o/ /de'i nye bar len pa rnams mi 'byung bar 'gyur ro zhes bya ba ni bdag gi
 nye bar len pa mig la sogs pa rnams 'byung bar mi 'gyur ba ste/ bdag gi ba ni bdag la bltos pa yin pas bdag ma dmigs na bdag gi yang ma dmigs pas so/ /de'i phyir 'khor ba las rnam par grol bar 'gyur ro zhes bya ba ni yongs su brtags
 na bdag? rang bdag gi ba ma dmigs pas/ bdag dang bdag gir 'dzin pa dag yongs su zad pa las 'dod chags la sogs pa nyon mongs pa thams cad log pas skye ba zad cing rnam par grol bar 'gyur pa yin no/ /ji skad du zhes bya ba ni dbu ma rtsa ba'i shes
 rab las so/ /nang dang phyi rol zhes bya ba la sogs pa la/ nang ste nang du ngar 'dzin zad pas phyi rol gyi bdag gi'o snyam pa zad pas na phung po la sogs mtshan nyid can gyi nye bar len pa 'gags par 'gyur zhing nye bar len pa zad pas na yang srid pa'i
 mtshan nyid can gyi skye ba zad par 'gyur ba yin no zhes pa'o/ /de skad du yang rin po che'i phreng ba las/ ngar 'dzin las ni phung po 'byung/ /don du ngar 'dzin de mi bden/ /de yi 'bras bu ci phyir bden/ /de na phung po brdzun mthong na/ ngar 'dzin
 rab tu spong bar 'gyur/ ngar 'dzin rab tu spangs pas na/ /yang na phung po srid ma yin zhes gsungs so/ /bdag ma dmigs na mig la sogs pa yang mi dmigs pa yin no zhes bstan par bya ba'i phyogs snga ma 'god pa ni yang/ ci ltar zhe na zhes bya ba la
 sogs pa gsungs so/ /de la lan bstan par bya ba'i phyir/ zhes bya ba gsungs te/ ci ltar byed pa po med na las med pa de bzhin du bdag med na bdag gi ba yod pa ma yin la/ des na bdag dang bdag gi stong pa lta zhing rnal 'byor pa rnam par lta zhing
 grol ba thob par 'gyur ba yin no zhes pa'o/ /de 'grel pas bstan par bya ba'i phyir/ ci ltar zhes bya ba la sogs pa gsungs so/ /'di'i don ni phung po rnams ngar 'dzin pa las byung ba yin pas ngar 'dzin med na phung po mi srid pa yin no zhes pa'o//
 'khor ba ma gzigs pa zhes bya ba ni skye ba brgyud pa'i mtshan nyid can gyi 'khor ba mi dmigs pas so/ /ci ltar rnam par grol ba de bstan par bya ba'i phyir/ gzugs zhes bya ba la sogs pa gsungs te/ der rtogs pa'i zhes bya ba ni gzugs
 la sogs par rtogs pa'o/ /len pa dbang bar zhes bya ba ni lhag ma med par ro/ /snying rje'i gzhan gyi dbang gis zhes bya ba ni sems can dang/ chos dang/ dmigs pa med pa'i snying rje rnam pa gsum gyi gzhan gyi dbang gis so/ /byang chub kyi bar du zhes
 bya ba ni byang chub la mchis kyi bar du'o/ /da ni ji ltar shing rta dang bdag btags yod du bstan pa de bzhin du gzhan yang btags yod du bstan par bya ba'i phyir/ ci ltar zhes bya ba la sogs pa gsungs te/ dngos po gzhan rnams kyi zhes bya ba ni bum
 pa la sogs pa rnams kyi'o/ /bum pa zhes bya ba la sogs pa rnams ni 'dir bum pa la sogs pa rnams gzugs la sogs pa dang tha dad pa 'am tha mi dad pa yin grang na/ tha dad pa ma yin te/ gzugs la sogs pa las tha dad du dmigs par thal bar 'gyur bas so//
 tha mi dad pa yang ma yin te/ bum pa la sogs pa gcig la yang gzugs la sogs pa du ma yod pas bum pa du mar thal bar 'gyur ro/ /tha dad pa dang tha mi dad pa med pa'i phyogs med pas gzugs la sogs pa bum pa dang ldan pa yin no zhes bya ba'i phyogs
 mi rigs te/ phyogs de la tha dad pa dang tha mi dad pas khyab pas so/ /tha dad pa dang tha mi dad pa med pa'i phyir rten dang brten pa'i phyogs gnyis kyang ma rigs te/ rten dang brten pa'i phyogs dag la tha dad pas khyab pa'i phyir ro/ /gzugs la sogs pa'i tshogs bum
 pa ma yin te/ 'jim pa'i gong bu la yod pa'i gzugs la sogs pa yang bum pa nyid du thal bas so/ /dbyibs kyang ma yin te/ cha shas las tha dad pa'i cha shas can ma dmigs pa dang/ yan lag can med pas yan lag med pa'i phyir dbyibs kyang med pas so//
 de bzhin du snam bu la sogs pa la yang shes par bya'o/ /de nyid kyi phyir/ de rnams shing rta'i rnam par dpyad pa rnam bdun yod pa ma yin zhing/ de las gzhan du gyur pa 'jig rten grags pa'i sgo nas yod pa yin zhes bya ba 'di dang sbyor zhes bya ba ni phyis
 kyi tshigs su bcad pa rkang pa gnyis 'dir sbyar bar bya'o zhes pa'o/ /de las gzhan du gyur pa zhes bya ba ni bum pa la sogs pa ? gzhan du gyur pa gzugs la sogs pa 'dogs pa'i rgyu mtshan du gyur pa ste/ des na bum pa la sogs pa ni 'jig rten la grags
 pa'i sgo nas yod pa yin no zhes pa'o/ /yang bsgre bar bya ba'i phyir/ ga la zhes bya ba la sogs pa gsungs so/ /de lta bu'i rigs brtson? gyi zhes bya ba ni bum pa dang snam bu la sogs pa'i rigs can cha shas can la sogs pa gzhan la bltos pa'i mtshan nyid/ de
 bzhin de rnams rtogs bya ste zhes bya bar sbyar bar bya ste/ de la de bzhin zhes bya ba ni ma brtags na nyams dga' ba'i 'jig rten grags pas so/ /de rnams rtogs bya ste zhes bya ba ni yan lag can la sogs pa rnams khong du
 chud par bya ba'o/ /de lta bu'i rigs can gyi dngos po gang zhe na/ gang dag sgo nas skyes 'dis bsnyad pa zhes bya ba gsungs te/ yan lag dang yan lag can la sogs pa gang dag gi sgo nas skyes bu 'dis tha snyad byed pa de rnams so/ /de bzhin zhes bya ba'i bshad
 pa ni ma brtags par kho na ro zhes bya'o/ /ci'i phyir zhe na/ zhes bya ba ni ma rtags par grags pa kho nar khas len pa ci'i phyir zhe na'o/ /de la lung gi sgo nas lan bstan par bya ba'i phyir/ gang phyir zhes bya ba la sogs pa gsungs te/ thub pa'i dbang
 po ste sangs rgyas bcom ldan 'das ni 'jig rten pa dang lhan gcig tu rtsod pa mdzad pa ma yin te/ bcom ldan 'das kyis kyang 'jig rten grags pa'i don zhal gyis bzhes pa yin te/ rnam par dpyad na 'jig rten pa'i tha snyad chad par 'gyur
 la des na ches ston pa la sogs pa yang mi rigs pas bcings par grol ba la sogs pa rnam par bzhag pa yang med par 'gyur ro zhes pa'o/ /de la lung gi khungs bstan par bya ba'i phyir/ 'jig rten zhes bya ba la sogs pa gsungs te/
 'jig rten nga dang lhan cig rtsod kyi zhes bya ba ni kho bo dang 'gal ba 'jig rten khas len pas so/ /nga ni 'jig rten dang mi rtsod de zhes bya ba ni des khas blangs pa ngas kyang khas len pas so/ /gang dag sgo nas skye 'dis bsnyed pa zhes gsungs pa la 'di 'dri
 ba ni/ yang 'jig rten zhes bya ba la sogs pa gsungs te/ de zhes bya ba ni gang gi sgo nas 'jig rten tha snyad 'dogs pa'o/ /de nyid bstan par bya ba'i phyir yan lag ces bya ba la sogs pa gsungs so/ /yan lag ni gyo dum la sogs pa'o/ /yon
 tan ni gzugs la sogs pa'o/ /'dod chags ni mngon par chags pa'o/ /mtshan nyid ni lto ldir ba la sogs pa'o/ /bud shing ni bsreg par bya ba'i shing la sogs pa'o/ /sogs pa'i sgras ni 'gro ba la sogs pa bsdu bar bya'o/ /yan lag can gyi gyo dum la sogs pas
 brtsams pa'i bum pa la sogs pa'o/ /yon tan ni gzugs las sogs pa dang ldan pa'i bum pa la sogs pa'o/ /chags can ni 'dod chags dang ldan pa'i skyes bu'o/ /mtshan gzhi ni mtshan nyid kyi sgo nas mtshon par bya ba'i dngos po'o/ /me ni sreg par byed
 pa'o/ sogs pa'i sgras ni 'gro ba la sogs pa bsdu bar bya'o/ /des na skyes bu rnams gang gi sgo nas tha snyad byed pa de bstan pa yin te/ yan lag la sogs pa'i sgo nas tha snyad byed pa'o zhes pa'o/ /de rnams shing rta'i rnam dpyad byas pas rnam bdun
 yod min zhing zhes bya ba ni de ltar shing rta tha dad pa dang tha mi dad pa la sogs pa rnam pa bdun gyi sgo nas mi rigs pa de bzhin du yan lag dang yan lag can la sogs pa yang rnam pa bdun gyi sgo nas yod pa ma yin te/ 'di ltar gal te cha shas
 las cha shas can tha dad pa yin na de'i tshe tha dad du snang bar thal bar 'gyur la gal te tha mi dad na de'i tshe yan lag kho na yin pas yan lag med par thal bar 'gyur ba dang/ yan lag can med pas yan lag kyang med par thal bar 'gyur te/ yan lag ni
 yan lag can la bltos pas so/ /gang gi phyir yan lag dang yan lag can dag la tha dad pa dang tha mi dad pa'i phyogs mi rigs pa de'i phyir/ de dang ldan pa'i phyogs dang/ rten dang brten pa'i phyogs kyang mi rigs pa'o/ /yan lag tshogs pa'i phyogs kyang mi
 rigs te/ tshogs pa dngos po med pa'i phyir dang/ yan lag can med pas yan lag med pa'i phyir gang dag gis tshogs par mi 'gyur zhes pa'o/ /dbyibs kyang mi rigs te yan lag rnams med pa kho na zhes bya ba la sogs pa sngar bzhin du brjod par
 bya'o/ /de bzhin du yon tan can bum pa las sngo bsangs la sogs pa'i yon tan rnams tha dad pa yin na tha dad du snang bar thal bar 'gyur na/ bum pa sngo bsangs ma yin par thal bar 'gyur ro/ /gal te tha mi dad na ni rdzas kho na
 yod par 'gyur gyi yon tan ni ma yin te/ yon tan rdzas las tha mi dad pas so/ /tha dad pa dang tha mi dad pa'i phyogs bkag pas de dang ldan pa dang/ rten dang brten pa'i phyogs dag mi srid pa'o/ /tshogs pa dang dbyibs kyi phyogs kyang mi srid pas brjod
 par mi bya'o/ /de bzhin du 'dod chags dang chags can dag gal te tha dad na skyes bu chags pa dang mi ldan par 'gyur te/ skyes bu 'dod chags las tha dad pas so/ /gal te tha mi dad na ni 'dod chags med par thal bar 'gyur te/ 'dod chags skyes
 bu las tha mi dad pas so/ /tha dad pa dang tha mi dad pa'i phyogs bkag pas phyogs gzhan yang bkag pa yin no/ /tshogs pa dang dbyibs dag ni srid pas ma brjod do/ /de bzhin du gal te mtshan nyid mtshan gzhi las tha dad na mtshan gzhi med par yang mtshan nyid yod
 par thal bar 'gyur ro/ /gal te tha mi dad na ni mtshan nyid dang mtshan gzhi med par thal bar 'gyur ro/ /ldan pa'i phyogs dang rten dang brten pa'i phyogs dag ni sngar bzhin no/ /phyogs gzhan mi srid pas ma brjod do/ /de bzhin du me bud shing las tha dad na ni bud shing
 med kyang me yod par 'gyur ro/ /gal te tha mi dad na ni byed pa po dang las dag kyang gcig nyid du thal bar 'gyur ro/ /phyogs gzhan dgag pa ni sngar bzhin du shes par bya'o/ /des na yan lag la sogs pa rnam pa bdun gyis yod pa ma yin no/ /gal te
 yan lag la sogs pa rnams yod pa ma yin na ci ltar grub ce na/ de las gzhan du 'gyur ba 'jig rten grags pa'i sgo nas yod pa yin zhes bya ba gsungs te/ de las gzhan du gyur ba ni yan lag la sogs pa la bltos nas yan lag can la
 sogs pa grub pa yin la/ yan lag can la sogs pa grub pa las yan lag la sogs pa grub pa yin te/ de yang ma brtags na nyams dga' ba'i tha snyad kyis yin pas 'di la spyad par mi gzhug ste/ de la zhugs na 'jig rten gyi kun rdzob nyams par
 'gyur bas so/ /des na sngar ci ltar tha snyad 'dogs she na/ gang smras pa de la lan ni 'jig rten grags pa'i sgo nas yod pa yin zhes bya ba la sogs pa gsungs so/ /de 'grel pas bstan par bya ba'i phyir/ ji ltar zhes bya ba la sogs pa gsungs te/ gyo mo la
 sogs pa zhes bya ba la sogs pa'i sgras ni rdul gnyis pa la sogs pa bsdu bar bya'o/ /sngo bsangs la sogs pa zhes bya ba la sogs pa'i sgras ni dmar ba nyid la sogs pa bsdu bar bya'o/ /mgrin pa ring ba nyid la sogs pa zhes bya ba la sogs pa'i sgras ni kha dog la sogs pa bsdu bar bya'o
 de bzhin du snam bu la sogs pa rnams la yang sbyar bar bya'o zhes bya ba ni der yang snam bu ni yan lag can yin la snal ma ni yan lag nyid do/ /snam bu ni yon tan can yin la dkar po nyid la sogs pa ni yon tan no/ /snam bu ni mtshan gzhi yin la/ chu ring ba dang
 zheb che ba nyid la sogs pa ni mtshan nyid do/ /snam bu la sogs pa zhes bya ba la sogs pa'i sgras ni khang khyim la sogs pa bsdu bar bya'o/ /lhag par zhen pa'o zhes bya ba ni mngon par zhen pa'o/ /'dod chags kyi rten no zhes bya ba ni skyes bu'o/ /ji ltar de rnams grub
 pa de bstan par bya ba'i phyir/ de la yan lag ces bya ba la sogs pa gsungs te/ shing rta'i dpe dang mtshungs te zhes bya ba ni ji ltar shing rta la bltos nas shing rta'i yan lag tu 'dogs pa dang/ shing rta'i yan lag la bltos nas shing rta yin pa de bzhin du
 'dir yang shes par bya'o/ /khang du zhes bya ba'i sgras ni yon tan dang yon tan can la sogs pa bsdu bar bya'o/ /da ni rgyu dang 'bras bu dag kyang phan tshun bltos pa yin no zhes bstan par bya ba'i phyir/ yan lag ces bya ba la sogs pa gsungs te/ gang phyir zhes bya ba la sogs
 pa ni gal te rgyus de byed pas bskyed par bya ste 'bras bu skyed par byed na de ltar na ste bskyed par bya ba skyed par byed pa de nyid du 'gyur ba'o/ /des na 'bras bu skyed pa de rgyur 'jog pa'i rgyu mtshan no/ /de ltar 'bras bu rgyu nyid kyi rgyu mtshan du bstan
 nas 'bras bu mi skyed na rgyu nyid du mi rigs par bstan par bya ba'i phyir/ gal te 'bras bu zhes bya ba la sogs pa gsungs te/ gal te rgyus 'bras bu mi skyed na ni 'bras bu de med pas rgyu rgyu med pa can du 'gyur te/ rgyu de rgyur 'jog pa rgyu mtshan dang mi
 ldan par 'gyur la des na thams cad thams cad rgyu nyid du thal bar 'gyur ro/ /'dis ni rgyu rgyu nyid du 'jog pa'i rgyu mtshan ni 'bras bu skyed pa yin no/ /zhes bstan pa yin no/ /'bras bur 'jog pa'i rgyu mtshan yang rgyu yin no/ /zhes bstan par bya ba'i phyir/
 'bras bu yang ni zhes bya ba la sogs pa gsungs te/ gang phyir rgyu yod par gyur na 'bras bu skye bar 'gyur ba de'i phyir 'bras bu 'jog pa'i rgyu mtshan yang rgyu yin no des na rgyu dang 'bras bu dag ni phan tshun bltos nas grub pa yin no zhes pa'o/ /de nyid bstan par
 bya ba'i phyir/ de'i phyir zhes bya ba la sogs pa gsungs te/ de las gzhan yod na zhes bya ba ni/ rgyu 'am 'bras bu'o/ /cig shos yod pa nyid yin no zhes bya ni rgyuAm 'bras bu yod pa nyid do/ /rgyu dang 'bras bu dag ces bya ba la sogs pa ni gang yang
 rang bzhin gyi rgyu nyid du yod pa 'am 'bras bu nyid du yod pa yin no zhes pa'i rgyu dang 'bras bu'i rang bzhin ni yod pa ma yin no/ /de nyid bstan par bya ba'i phyir/ ci ste zhes bya ba la sogs pa gsungs te/ de gnyis zhes bya ba ni rgyu dang 'bras bu'o/ /gang
 las gang zhig 'gyur ba zhes bya ba ni gal te sngar rgyu yod par 'gyur na de'i tshe rgyu las 'bras bur 'gyur ba yin la/ gal te 'bras bu sngar grub na 'bras bu las rgyur 'gyur ba'o/ gang zhig la sngar gang zhig 'gyur te smos zhes bya ba ni 'bras bu
 las rgyu sngar yod pa yin nam/ 'on te rgyu las 'bras bu sngar yod pa yin pa de smros shig ces pa'o/ /gal te rgyu dang por yin la 'bras bu phyis yin na de'i tshe sngar bstan pa'i tshul gyis rgyu la rgyu nyid med par thal bar 'gyur ro/ /gal
 te sngar 'bras bu yin la phyis rgyu yin na de'i tshe 'bras bu la rgyu med par thal bar 'gyur ro/ /de 'grel pas bstan par bya ba'i phyir/ ci rgyu 'am zhes bya ba la sogs pa gsungs so/ /de gnyis las zhes bya ba ni rgyu 'bras dag las so/ /de'i phyir zhes bya ba la sogs
 pa ni mjug bsdu ba yin te/ gdags pa yang shing rta ltar rgyur byas nas yin par bya ba'i zhes bya ba ni rgyu la brten nas 'bras bur gdags pa dang/ 'bras bu la brten nas rgyur gdags par rig par bya ste/ 'jig rten gyis tha snyad ma dpyad par
 grub pa yin pas so/ /rgyu dang 'bras bu dag rang gi ngo bos yod par gyur na da skyon gzhan yang bstan par bya ba'i phyir/ gzhan yang zhes bya ba la sogs pa gsungs te/ phrad nas sam zhes bya ba ni chu bo dang rgya mtsho dag bzhin du gcig tu 'brel nas
 skyed bar byed dam zhes pa'o/ /ma phrad par zhes bya ba ni so sor gnas pa la'o/ /de la phyogs dang po 'gegs pa ni/ de la re zhig ces bya ba la sogs pa gsungs te/ rgyu yis phrad nas 'bras bu skyed byed na zhes bya ba ni phyogs dang po rjes su brjod pa'o//
 de'i tshe zhes bya ba la sogs pa ni lan yin te/ de dag nus pa gcig las zhes bya ba ni bskyed par bya ba dang skyed par byed pa dag gcig yin pas skye bar bya ba'i nus pa 'am mi skyed par byed pa'i nus pa yod pas bskyed par bya ba dang skyed par byed pa
 dag tha dad du mi 'gyur ba'o/ /'di'i don ni 'dir phrad pa ni mi rigs pa yin la/ des na rgyu dang 'bras bu dag reg par 'gyur na de'i tshe de dag bdag nyid thams cad kyis reg pa yin nam phyogs gcig gis yin bdag nyid thams cad kyis
 yin na de'i tshe gnyis po dag gcig nyid du thal bar 'gyur te/ phan tshun bdag nyid thams cad kyis ma zhugs na bdag nyid thams cad kyis reg pa med pas so phyogs gcig gis reg par 'dod na ni de la gang phyogs gcig gis reg pa de'i nang du zhugs pa yin la/
 gang phyogs gcig gis ma reg na de la ma phrad pa'i phyogs la skyon brjod pa de 'byung bar 'gyur ro/ /des na phrad nas 'bras bu skyed par byed pa yin no/ /ma phrad pa'i phyogs la skyon bstan par bya ba'i phyir/ so sor na ni zhes bya ba la sogs pa gsungs te/
 gal te rgyu 'di 'bras bu la so sor gyur na de'i tshe rgyu ma yin pa rnams dang khyad par med par 'gyur te/ ci ltar du ba las rdza mkhan tha dad pa yin pas du ba'i rgyu ma yin la/ de bzhin du me yang yin pas du ba la rgyu med par 'gyur ro/ /gal te rgyu ma yin pa
 dang khyad par med pa las skye bar 'gyur na ni/ thams cad las thams cad skye bar thal bar 'gyur ro/ /'on te phrad pa dang/ ma phrad pa'i phyogs las gzhan pa'i phyogs kyis skyed par byed pa yin no zhe na/ de yang rigs pa ma yin no zhes bstan par bya ba'i phyir
 gnyis po 'di dag ces bya ba la sogs pa gsungs te/ gnyis po 'di dag ni zhes bya ba ni phrad pa dang ma phrad pa dag go /rtog pa gzhan yang yod par 'gyur ma yin zhes bya ba ni gnyis ka 'am gnyis ka ma yin pa'i rang bzhin can gyi phyogs  
 gsum pa 'gal ba'i chos rgyu dang 'bras bu'i dngos po dag la yod par 'gyur ba mi srid pas so/ /de 'grel pas bstan par bya ba'i phyir/ de la gal te zhes bya ba la sogs pa gsungs so/ /gal te phrad pa dang ma phrad pa'i phyogs la skyon brjod pa'i
 'jigs pas rgyus 'bras bu skyed pa khas mi len na de la skyon bstan par bya ba'i phyir/ de'i phyir ci ste zhes bya ba la sogs pa gsungs te/ khyod kyi phyogs kyis rgyu'i 'bras bu skyed par mi byed pas 'bras bu med par khas len na zhes bya ba ni
 phyogs snga ma rjes su brjod pa'o/ /gang gi tshe zhes bya ba la sogs pa ni lan 'debs pa yin te/ rgyu med can zhes bya ba ni rgyu la rgyu nyid du 'gyur ba'i rgyu mtshan med pas so/ /de 'grel pas bstan par bya ba'i phyir/ rgyu rgyu nyid du zhes bya ba la sogs pa gsungs te 'bras
 bu 'byung ba zhes bya ba ni 'bras bu skyed pa'o/ /da ni dbu ma'i phyogs la gzhan gyi dri ba bstan par bya ba'i phyir/ khyod kyis ji ltar zhes bya ba la sogs pa gsungs te/ gal te kho bo'i phyogs la phrad pa 'am ma phrad pa'i sgo nas rgyus 'bras bu skyed par mi
 byed na khyod kyi phyogs kyis ji ltar skyed par byed ce na'o/ /de la dbu ma pas lan 'debs pa ni/ gang gi phyir zhes bya ba la sogs pa gsungs te/ 'di dag gnyis car zhes bya ba ni rgyu dang 'bras bu'i rang bzhin dag go /sgyu ma dang 'dra zhes bya ba ni ji ltar
 sgyu ma'i glang po che la sogs pa med du zin kyang snang ba de bzhin du rgyu dang 'bras bu gnyis med du zin kyang/ ma rig pa'i dbang gis snang ba yin la gang gi phyir gnyis car sgyu ma dang mtshungs pa de'i phyir rgyu dang 'bras bu rang bzhin gyis yod par smra ba la skyon sngar brjod pa de kho na'i phyogs la
 yod bar gyur ro/ /des na ma brtags par grags pa'i rgyu dang 'bras bu la sogs pa 'jig rten pa'i dngos po rnams yod pa ma yin no zhes pa'o/ /de 'grel pas bstan par bya ba'i phyir/ gang gi ltar na zhes bya ba la sogs pa gsungs te/ rang gi mtshan nyid ces bya ba ni
 rdzas su yod pa'o/ /rnam par dpyad pa 'di 'gyur gyi zhes bya ba ni phrad nas zhes bya ba la sogs pa'i rnam par dpyad pa ste/ rnam par dpyad pa'i yul ni rdzas su yod pa yin pas so/ /log par kun tu brtags pas zhes bya ba ni thog ma med pa nas dngos po la mngon bar zhen pa la goms pas kun nas blangs pas so/ /de la bsam du
 med pa nyid de zhes bya ba ni phrad pa la sogs pa'i rnam par dpyod pa bsam du med pa'o/ /thams cad 'grub zhes bya ba ni rgyu dang 'bras bu la sogs pa'o/ /yang dbu ma pa la gzhan dag gis skyon mtshungs pa nyid du stan pa ni/ 'dir kha cig ces bya ba
 la sogs pa gsungs te/ 'dir zhes bya ba ni rgyu dang 'bras bu dag sun 'byin pa'i gnas skabs na'o/ /kha cig ces bya ba ni rgyu dang 'bras bu rdzas su yod par 'dod pa'o/ /lan du zhes bya ba ni sun 'byin pa'i lan du'o/ /de nyid bstan
 par bya ba'i phyir/ ji skad du zhes bya ba la sogs pa gsungs te/ khyod la yang zhes bya ba ni dbu ma pa la'o/ /brtag pa mtshungs pa nyid bstan par bya ba'i phyir ji ltar zhe na/ sun 'byin 'dis zhes bya ba la sogs pa gsungs te/ rgyu dang 'bras bu
 phrad nas skyed par byed dam/ 'on te ma phrad par skyed par byed ces gang sun 'byin smras pa des rgyu dang 'bras bu'i dngos po sun dbyung bar phrad nas sun 'byin nam/ 'on te ma phrad par yin/ gal te phrad nas sun 'byin par byed na ni sun dbyung bar bya
 ba dang sun 'byin par byed pa dag gcig tu gyur pas gang gis gang sun 'byin gal te ma phrad par sun 'byin na ni sun 'byin pa sun 'byin pa ma yin pa dang mtshungs pas sun 'byin sun 'byin ma yin par thal bar 'gyur ba dang/ thams cad
 sun 'byin pa nyid du thal bar 'gyur ro/ /nyes pa 'di ni khyod la'ang 'gyur ba ma yin nam zhes bya ba ni rgyu dang 'bras bu ji ltar sun phyung ba de khyod la yang 'gyur ba yin no zhes pa'o/ /de 'grel pas bstan par bya ba'i phyir/ /gal te zhes bya iba la sogs
 pa gsungs te/ sun dbyung bya sun 'byin pa'i nus pa yang ba zhes bya ba ni phrad nas 'bras bu skyed par byed dam/ 'on te ma phrad par skyed par byed ces bya ba'o/ /khyod kyis sun 'byin pa nyid sun phyung ba yin pas zhes bya ba ni sun dbyung bar bya ba
 sun 'byin par ma nus pas so/ /shugs kyis zhes bya ba ni sun 'byin par byed pa sun 'byin pa nus pa med pa nyid du bstan pas rgyu dang 'bras bu'i dngos po ma khegs pas rgyu dang 'bras bu'i dngos po grub pa yin no zhes pa'o/ /de nyid bstan par bya ba'i
 phyir/ gang gi tshe zhes bya ba la sogs pa gsungs te/ gang gi tshe phrad nas 'bras bu skyed par byed dam/ 'on te ma phrad par 'bras bu skyed par byed ces de skad smra zhing rang gi phyogs de sun dbyung bar bya ba dang/ sun 'byin par byed pa'i phyogs rnam par 'joms shing
 rlag par byed/ de yang phrad pa la sogs pa'i dpyod pa 'jug pas skyon mtshungs pa'i phyir ro/ /de tshe khyod kyi sun dbyung sun ni 'byin par nus ma yin zhes bya ba ni gang gi tshe rang gi phyogs la skyon mtshungs par 'gyur ba de sun 'byin las sun dbyung bar bya ba
 sun 'byin par byed pa'i nus pa med pas de rgyu dang 'bras bu dngos po la sogs pa rnams sun 'byin par mi nus pa'o/ /skyon gzhan yang bstan par bya ba'i phyir/ gzhan yang zhes bya ba la sogs pa gsungs te/ ltag cod kyis zhes bya ba ni sun 'byin pa ltar
 snang ba'o/ /ji ltar sun 'byin pa ltar snang ba yin zhe na/ lan ni/ rang gi tshig la'ang thal bar mtshungs pa'i zhes bya ba gsungs te/ phrad pa la sogs pa'i dpyad pa dbu ma pa'i sun 'byin la yang 'jug pas so/ /rigs pa med par dngos po mdza' dag la skur
 pa 'debs pa zhes bya ba ni 'chad par 'gyur ba'i tshul gyis rigs pa med par rgyu dang 'bras bu sun 'byin pa'i sgo nas dngos po mdza' dag la skur pa 'debs pa'o/ /de'i phyir/ khyod ni skye bo dam pa bzhed mi 'gyur zhing zhes bya ba la sogs pa gsungs te
 gang gi phyir rigs pa med par dngos po mdza' dag la skur pa 'debs par byed pa de'i phyir khyod ni skye bo dam pa rnams kyis bzhed par mi 'gyur ba de'o/ /sun ci phyin du rgol ba yin zhes bya ba ni rang gi phyogs rnam par bzhag pa dang bral zhing gzhan
 gyi phyogs sel ba tsam la zhugs pa'i rgol pa yod pa'i phyir ro/ /de nyid kyi phyir/ khyod la rang phyogs med pa zhes bya ba gsungs te/ dbu ma pas phyogs gang yang khas ma blangs pas so/ /de 'grel pas bstan par bya ba'i phyir/ de la zhes bya ba la sogs
 pa gsungs te/ rang gi tshig las thal par 'gyur ba mtshungs pa nyid ni smras zin to zhes bya ba 'di sun 'byin 'dis sun dbyung bya phrad nas 'byin nam ma phrad par zhes bya ba la sogs pa'o/ /khab len gyis zhes bya ba ni lcags 'dren par byed
 pa'i rdo'i khyad par ro/ /rang ba'i yul na gnas pa zhes bya ba ni yul thag nye ba na gnas pa'o/ /thams cad ni ma yin no zhes bya ba ni thag rings na gnas pa ma yin pa'o/ /'bras bu rung ba kho na skyed par 'gyur ro zhes bya ba ni/ gang bya bar yang rung ste/ gang gi rgyud la skyed par byed
 pa'i nus pa yod pas so/ /thams cad skyed par mi 'gyur gyi zhes bya ba ni bya ba mi rung ba ni/ skyed pa ma yin no/ /sun ci phyin du rgol ba'i mtshan nyid bstan par bya ba'i phyir/ rang gi phyogs zhes bya ba la sogs pa gsungs so/ /de la dbu ma pas lan 'debs pa ni/ 'di la brjod par bya ste zhes bya ba la sogs pa
 gsungs te/ gang gis 'dod pas sun 'byin pas sun dbyung bar bya ba ma phrad par sun 'byin par byed dam phrad nas sun 'byin par byed ces bya ba nges par phyogs yod pa de'i 'dod pa la sun 'byin pa 'dis sun dbyung bya phrad nas sun 'byin nam ma phrad par zhes bya ba gang gsungs
 pa de nyes par thal ba yin la/ kho bos ni phyogs 'di khas ma blangs pas sngar bstan pa'i skyon du thal bar mi 'gyur ba'o/ /'di'i don ni gal te sun 'byin pa dang sun dbyung bar bya ba dag dngos por grub pa yin na de'i tshe phrad pa la sogs pa'i dpyad pa
 'jug pa yin gyi 'on kyang sun 'byin pa dang sun dbyung bar bya ba dag ma brtags na nyams dga' bar 'jig rten gyi grags pa tsam du 'dod pas ji ltar na phrad pa la sogs pa'i phyogs 'jug par 'gyur te dngos po kho na phrad pa la sogs pa'i phyogs
 'jug pas so zhes pa'o/ /de nyid kyi phyir rang gi tshig la'ang thal ba mtshungs pa'i ltag chod kyis zhes gang brjod pa de yang 'gyur ba ma yin no zhes bstan par bya ba'i phyir/ nges par phyogs yod do zhes bya ba la sogs pa gsungs so/ /de 'grel pas
 bstan par bya ba'i phyir/ de la rang gi tshig la zhes bya ba la sogs pa gsungs so/ /don de la shes rab kyi pha rol tu phyin pa'i khungs bstan par bya ba'i phyir/ ji skad du zhes bya ba la sogs pa gsungs te/ ci
 zhig bya ba ni dri ba'o/ /tshe dang ldan pa rab 'byor zhes bya ba ni bod pa'i tshig go/ skyes pa'i chos kyis zhes bya ba ni/ gang gis 'bras bu thob par byed pa'i dngos po des so/ /ma skyes pa'i thob pa thob par 'gyur ram zhes bya ba ni skye ba med pa'i phyir ma skyes pa'i rgyun/ tu bzhugs pa'i 'bras bu la
 sogs pa'i mtshan nyid can gyi thob par bya ba thob par 'gyur ram zhes pa'o/ /'on te ma skyes pa'i chos kyis ma skyes pa thob par 'gyur zhes bya ba ni thob par bya ba dang thob par byed pa gnyi ka skye ba med pa'i phyir ro/ /rab 'byor gyis smras pa zhes bya ba ni/ rab 'byor gyis shA ri'i bu la
 lan 'debs so/ /de la lan ni/ /tshe dang ldan pa zhes bya ba la sogs pa'o/ /thob pa thob par mi 'dod do zhes bya ba ni skyes pa dang ma skyes pa dag dang/ ma skyes pa dag la thob pa med pas so zhes pa'o/ /shA ri'i bus lan 'debs pa ni/
 shA ri'i bus smras pa zhes bya ba la sogs pa gsungs te/ thob pa med cing zhes bya ba ni sbyar ba'i gnas skabs na'o/ /mngon par rtogs pa med de zhes bya ba ni dngos gzhi'i gnas skabs na'o/ /de la rab 'byor gyis lan 'debs pa ni/ rab 'byor gyis smras pa
 zhes bya ba la sogs pa gsungs te/ gnyis kyis tshul gyis ni ma yin no/ /zhes bya ba ni thob par bya ba dang thob par byed pa'i dngos po gnyis kyi tshul gyis ni ma yin no/ /de nyid kyi phyir/ tshe dang ldan pa shA ri'i bu zhes bya ba la sogs pa gsungs so/ /thob pa dang
 mngon par rtogs pa rgyas par bstan par bya ba'i phyir/ rgyun tu zhugs pa zhes bya ba la sogs pa gsungs te/ rgyun tu zhugs pa la sogs pa ni sngar bstan zin to/ /don dam par ni thob pa med cing mngon par rtogs pa med do zhes bya ba ni don
 dam par thob par bya ba dang thob par byed pa dag med pas so/ /gnyis su med par thal bar 'gyur ba'i phyir zhes bya ba ni thob par bya ba dang thob par byed pa dag gnyis su thal bar 'gyur bas so/ /lung gi don skabs su bab pa la sbyar bar bya ba'i
 phyir/ de bzhin du sun dbyung bar bya ba dang zhes bya ba la sogs pa gsungs so/ /de nyid dpe'i sgo nas bstan par bya ba'i phyir/ gzhan yang zhes bya ba la sogs pa gsungs te/ gzas gzung ba la sogs pa rnams tshe zhes bya ba ni nyi ma sgra gcan gyis gzung
 ba'i gnas skabs na'o/ /sogs pa'i sgras ni nyi ma'i dkyil 'khor la ltas ngan pa'i dbang gis bu la sogs pa'i rnam 'gyur gyi gnas skabs bsdu bar bya'o/ /khyad par rnams zhes bya ba ni phyed bzung ba dang ril por bzung ba la sogs pa'o/ /gzugs
 brnyan la yang zhes bya ba ni gzhong pa'i nang gi chu la sogs pa'i gzugs brnyan la yang ngo/ /nyi ma dang ni gzugs brnyan gyi rnam pa dang ma phrad bar mi rigs mod kyi zhes bya ba ni gzhong ba'i nang gi yod pa'i chu dang phrad nas gzugs brnyan
 skyed pa yang mi rigs te/ nam mkha' la yang yod pa'i nyi ma med par thal bar 'gyur bas so/ /ma phrad pas kyang ma yin te/ gzhong? pa kha bkag pa'i chu nang du gzugs brnyan mthong bar thal bar 'gyur ba dang/ gzugs brnyan zhes bya ba cung
 zad kyang med pas so/ /de ltar rnam par dpyad na gzugs brnyan ma grub par bstan nas/ ma brtags na nyams dga' bar lo ka yis grags pas gzugs brnyan grub pa yin no zhes bstan par bya ba'i phyir/ brten nas tha snyad tsam zhig
 'byung 'gyur zhing zhes bya ba gsungs te/ nyi ma dang zla ba'i dkyil 'khor la sogs pa la brten nas gzugs brnyan gyi tha snyad tsam cig 'byung bar 'gyur ba yin no zhes pa'o/ /des na lo ka phrad pa la sogs pa med par yang gzugs
 brnyan 'byung bar 'gyur ba de bzhin du sun 'byin par bya ba dang sun 'byin la yang yin no zhes pa'o/ /de ltar phrad pa dang ma phrad pa med du zin kyang sun 'byin pa 'thad pa nyid du bstan nas/ da ni rang bzhin med pa'i sun 'byin pas sun dbyung bar bya ba
 sun 'byin par byed pa yin no zhes bstan par bya ba'i phyir/ mi bden pa nyid duAng zhes bya ba la sogs pa gsungs te/ ji ltar me long la sogs pa'i nang du bzhin gyi gzugs brnyan mi bden pa rang gi byad bzhin mdzes par rtogs pa bsgrub
 par bya ba'i ched du nus pa dang ldan par 'gyur ba de bzhin du 'dir yang ste/ sun 'byin par bya ba dang sun 'byin par byed pa'i gnas skabs na yang ngo/ /'thad pa dang bral ba las kyang bsgrub bya rtogs zhes shes par bya zhes bya ba ni ji ltar bzhin gyi gzugs
 brnyan rang gi bzhin mdzes par rtogs pa'i rgyu mtshan du gyur pa de bzhin du rang bzhin med pa'i gtan tshigs kyang bsgrub par bya ba rtogs pa'i rgyu mtshan du gyur pa'o/ /ji ltar rang gi gzugs brnyan rang gi byed bzhin mdzas par rtogs pa'i rgyu yin pa
 de bzhin du gtan tshigs kyang yin no zhes bstan par bya ba'i phyir/ de bzhin 'dir yang zhes bya ba la sogs pa gsungs te/ shes rab nyid gdong yin la de sbyad? ba ste yongs su dag par rtogs pa'i rgyu yin pas so/ /de 'grel pas bstan par bya ba'i
 phyir/ ji ltar gzugs brnyan zhes bya ba la sogs pa gsungs te/ gzugs brnyan nye ba las zhes bya ba ni/ nyi ma'i dkyil 'khor yod pa las so/ /rtogs par 'dod pa'i don nges par byed pa ni nyi ma'i dkyil 'khor la gnas pa'i gnas skabs kyi khyad par nges par
 byed pa'o/ /gnyis su thal bar yang mi 'gyur bas zhes bya ba ni sun 'byin pa dang sun dbyung bya dngos por thal bar mi 'gyur bas so/ /shes rab gdong yin pas zhes bya ba ni gtso bo yin pas so/ /nus pa mthong bar 'gyur ba'i zhes bya ba ni gtan tshigs kyis
 bsgrub par bya ba rtogs pas bsam pa dang sgom pa'i rig pas shes rab yongs su dag par rtogs pa yin no zhes pa'o/ /mjug bsdu ba bstan par bya ba'i phyir/ gang gi phyir zhes bya ba la sogs pa gsungs te/ btags par
 yod pa rnams la zhes bya ba ni de rnams ma brtags na nyams dga' ba tsam du khas blangs pas dngos po nyid du ma grub pa'i phyir phrad nas sam ma phrad par zhes bya ba'i dbyad pa mi 'jug pas so/ /gnyis su smra ba zhes bya ba ni phrad pa dang ma phrad pa'i dngos
 po gnyis yod par smra ba'o/ /de nyid kyi phyir zhes bya ba ni btags par yod pa'i phyir ro/ /gnyis la brten nas zhes bya ba ni phrad pa dang ma phrad pa'i dngos po gnyis la brten nas so/ /sun 'byin pa dang zhes bya ba ni sun 'byin pa 'dis sun
 dbyung bya phrad nas 'byin nam me phrad par zhes bya ba la sogs pa'o/ /lan zhes bya ba ni gang ma phrad par mtshungs pas zhes bya ba la sogs pa'o/ /glags mi rnyed do zhes bya ba ni sun dbyung par bya ba dang sun 'byin par byed pa dag dngos po nyid du
 ma grub pa dang/ khab len la yang rtsod pa mtshungs pas so/ /de yang phyis 'chad par 'gyur ro/ /dbu ma pa'i phyogs la yang gzhan gyis glags mi rnyed pa la 'phags pa lha'i khungs bstan bar bya ba'i phyir/ ji skad du zhes bya ba la sogs pa
 gsungs te/ ji skad du zhes bya ba ni bzhi pa rgya pa las so/ /yang dang med dang zhes bya ba ni phyogs 'dzin yod na de dgag pa'i phyir dus de nyid du 'am dus gzhan nyid du sun 'byin pa srid pa yin la/ gang la yod pa dang med pa dang gnyis ka'i phyogs spang bas phyogs
 'dzin mi srid ba de la yun ring po len yang klan ka brjod par nus pa ma yin te/ nam mkha' de gzugs can nam da ltar mi srid pa de bzhin du na ma yang gzugs can nyid du rtogs par mi nus la de bzhin du rgol ba po rnams kyis kyang
 nga'i rten du gyur pa'i phyogs gsum char med pas stong pa nyid smra ba la sun 'byin pa ni yun ring po lon yang brjod par mi nus pa'o/ /nam mkha' i ri mo la lcags bsnun pa'i 'tshe ba bzhin du stong pa nyid smra ba la klan ka tshol ba yang de dang mtshungs par mkhas pas
 khong du chud par bya'o/ /ji ltar nam mkha' la mun nag gi tshogs nyi ma'i 'od zer gyis nye bar bsal zhing nyams pas nyi ma'i 'od zer gyi tshogs gsal ba la yun ring po lon yang dri ma can du byed mi nus la/ de bzhin du zab pa dang rgya che ba bsam gyis mi khyab
 pa'i rten cing 'brel par 'byung ba sgom pas khong du chud pa'i nyi ma'i zer la rgol ba'i 'dod pa'i mun pa ma lus par bsal zin pas kyang zhes khong du chud par bya'o/ /don de la dbu ma rtsa ba'i shes rab kyi khungs bstan par bya ba'i phyir/ de bzhin du
 zhes bya ba la sogs pa gsungs te/ brtsad byas tshe zhes bya ba ni gzhan gyi phyogs sun 'byin pa'i tshe'o/ /gzugs rang bzhin med do zhes bya ba de ltar stong pa nyid kyi sgo nas rang bzhin med par bsgrub pa la/ gal te gzhan dag na re tshor ba la sogs
 pa yod pa yin pas de bzhin du gzugs kyang med pa yin no zhes lan 'bebs par byed pa'i lan thams cad ni lan nyid du mi 'gyur te/ gang gi phyir tshor ba la sogs pa yod pa nyid kyang bsgrub par bya ba gzugs dang mtshungs par rig par bya'o/ /ji ltar
 gzugs rang gi rgyu las de nyid rang bzhin nyid du dbyad na yod pa ma yin pa de bzhin du reg pa'i rkyen gyis tshor ba dang/ rnam par shes pa dang lhan cig tu skyed pa'i 'du shes dang/ ma rig pa'i rkyen gyis 'du byed dang/ 'du byed kyi rkyen gyis rnam par
 shes pa dang/ rang rang gi rgyu reg pa la sogs pa la dpyad na de nyid dang gzhan nyid du med pas thams cad kyang bsgrub par bya ba dang mtshungs par 'gyur pa'o/ /ji ltar tshor ba la sogs pa rnams bsgrub par bya ba dang mtshungs pa de bzhin du mtshan
 nyid dang mtshan gzhi dang 'bras bu rgyu dang yan lag dang yan lag can la sogs pa'i dngos po thams cad kyang bsgrub par bya ba'i gzugs dang mtshungs pas gzhan gyis lan 'debs pa ji ltar rigs te/ 'di yis smras pa
 thams cad bsgrub par bya ba dang mtshungs par 'gyur bas lan rnams dbu ma pas bsgrub par bya ba dang mtshungs pa nyid du brjod par gyis shig ces slob dpon gyis 'doms par byed pa'o/ /de la tshigs su bcad pa dang pos ni dbu ma pa la skyon med
 nyid du bstan la/ gnyis pas lan 'debs mi nus pa nyid du bstan pa'o/ /sun 'byin pa 'dis sun dbyung bya phrad nas 'byin nam ma phrad par zhes bya ba 'di la kha cig lan 'debs pa yin la/ 'di yang rigs pa ma yin no zhes bstan par bya
 ba'i phyir/ 'di ni zhes bya ba la sogs pa gsungs te/ 'di ni zhes bya ba ni dbu ma pa la sngos por smra bas lan ma thebs par bstan pas so/ /skyod par byed pa'i rgyu yang rnam par shes par bya'o zhes bya ba ni gang gzhan gyis skyed par byed pa'i rgyu
 lan nyid du smra ba de ni lan ma yin no zhes bshad par bya'o/ /de nyid bstan par bya ba'i phyir/ de la kha cig ces bya ba ni dbu ma rang rgyud pa'o/ /dbu ma'i bstan bcos 'dir skyed par byed pa'i rgyu skabs su babs pa yin gyis zhes bya ba ni rgyus 'bras bu rang
 bzhin gyis skyed par byed na phrad nas sam phrad par skyed grang zhes bya ba 'dir skyed par byed pa'i rgyu dpyad par bya ba nyid du skabs su bab pa'o/ /gsal par byed pa ni ma yin la zhes bya ba ni rgyu dang 'bras bu'i gnas skabs na ni gsal bar byed pa
 skabs su ma bab pas so/ /phrad pa dang ma phrad pa'i brgal ba yang gsal bar byed pa'i rgyu la yin gyi zhes bya ba la 'dir gsal bar byed pa'i sgras ni shes par byed pa brjod pa yin la/ des na gzhan gyi sun 'byin 'dis sun dbyung bya phrad nas
 'byin na ma ma phrad par zhes bya ba la sogs pa gsal bar byed pa'i rgyu la phrad pa dang ma phrad pa'i brgal ba byed pa'o/ /skyed par byed pa la ni ma yin pas zhes bya ba ni sun 'byin 'dis sun dbyung bya zhes bya ba la sogs pas skyed par byed pa'i rgyu la phrad pa dang ma phrad
 pa'i brgal ba ma byas pas so/ /kho bo cag gi tshig rnams la ltag cod kyi skabs med pa nyid do zhes bya ba'i rgyus 'bras bu skyed par byed na phrad nas sam ma phrad par byed grang? zhes bya ba kho bo cag gi tshig rnams la ltag cod kyi skabs yod pa ma yin no zhes pa'o/ /'di'i don
 ni ji ltar khyod kyis skyed par byed pa'i rgyu khas blangs pa de la kho bos phrad pa la sogs pa'i brgal ba byas la de bzhin du gal te kho bo cag gis kyang skyed par byed pa'i rgyu khas blangs par 'gyur na ni de'i tshe phrad pa la sogs pa'i brgal ba 'jug par thal bar
 'gyur ba mtshungs pa'i phyir kho bo cag gi tshig rnams lhag cod yin par 'gyur gyi 'on kyang sun dbyung bar bya ba dang sun 'byin pa'i gnas na gsal bar byed pa'i rgyu khas blangs pa'i phyir thal ba na gyur ba mtshungs pa'i sgo nas ci ltag cod du 'gyur zhes pa'o/
 de la lan bstan par bya ba'i phyir/ /de'i 'di ni lan ma yin te zhes bya ba la sogs pa gsungs te/ de'i 'di ni lan ma yin te zhes bya ba la/ de'i zhes bya ba ni dbu ma rang rgyud ba'o/ /'di ni lan ma yin te zhes bya ba ni gsal byed pa'i rgyu'i sgo nas lan 'debs pa de ni lan ma
 yin no zhes pa'o/ /lan ma yin pa de rgyas par bstan par bya ba'i phyir ro/ gang gi phyir zhes bya ba la sogs pa gsungs te/ glegs dang bcas pa'i dngos po brjod na zhes bya ba ni brtsod pa'i go skabs dang bcas pa'i gsal bar byed pa'i rgyu'i mtshan nyid can gyi dngos po
 bsu len pa'o/ /pha rol po zhes bya ba ni rgyu 'bras dngos por smra ba'o/ /mi bzod pa nyid yin la zhes bya ba ni phrad pa la sogs pa'i brtsal ba 'jug pa 'byed pa'o/ /gsal byed kyi rgyu khyod kyis khas blangs pas gzhan gyi brtsod pa'i glegs yod pa yin no zhes ston pa ni
 skyed pa byed pa ltar zhes bya ba la sogs pa gsungs te/ ji ltar gzhan dag gis rgyu dang 'bras bu'i gnas skabs su skyed par byed pa'i rgyu khas blangs pas phrad ba la sogs pa'i sgo nas thal bar 'gyur ba 'jug pa de bzhin du
 khyod kyis kyang sun 'byin pa'i gnas skabs na gsal bar byed pa'i rgyu khas blangs pas phrad pa la sogs pa'i sgo nas thal bar 'gyur ba 'jug pa kho na yin no/ /des na khyod kyis lan btab pa de ni lan ma yin no zhes pa'o/ /yang rang rgyud pa skyon
 gzhan bstan par bya ba'i phyir/ gzhan yang zhes bya ba la sogs pa gsungs te/ 'dis zhes bya ba ni rang rgyud pas so/ /bstan bcos su dam bcas pa'i don bsgrub par bya ba'i phyir zhes bya ba ni dbu ma'i bstan bcos su rang bzhin med par dam bcas pa'i
 don sgrub par byed pa'i ched du'o/ /yongs su gzung ba'i sgrub byed kyi sun 'byin pa rnams la zhes bya ba ni rang bzhin med pa bsgrub pa'i ched du sgrub par byed pa'i gtan tshigs yongs su bzung ba de la sun 'byin pa ni ma grub ba la sogs pa rnams gzhan
 gyis brjod na'o/ /ltag cod 'god par byed pa'i lan smra bar zhes bya ba ni lan gang gi ltag cod 'god par byed pa de lta bu'i lan sun 'byin pa la smra bar byed pa ste/ ma grub pa la sogs pa'i skyon spangs nas gnyis ka la grub pa'i gtan tshigs khas blangs
 pa de'i sgo nas gzhan gyi phyogs kyang grub pa'i phyir lan de'i ltag cod 'god par byed pa yin no/ /de nyid kyi phyir/ 'di ni gzhan gyis sun dbyung ba kho na yin pas zhes bya ba gsungs te/ rang bzhin med par smra bas dngos po khas blangs na sun 'byin pas so//
 'di'i don ni rgyu dang 'bras bu'i dngos po 'gegs pa'i gnas skabs na sa bon la sogs pa rnams myu gu la sogs pa'i skyed par byed pa ma yin te/ gzhan yin pa'i phyir bum pa bzhin no/ zhes sgrub par byed pa brjod ba na thams cad thams cad kyi
 bdag nyid can yin no zhes gcer bu pa rnam kyis 'dod pas gzhan nyid grub pa ma yin no zhes skyon brjod na de'i tshe skyon de sbad ba'i ched du nges par gzhan nyid sgrub par byed la/ gang gzhan nyid sgrub bar byed pa de ltag cod 'god par byed pa yin te/ gzhan nyid sgrub na dngos
 por grub pa yin te/ gzhan nyid dngos po la brten pa yin pas so/ /des na khyod kyis rang bzhin med pa'i phyogs nyams par 'gyur ba yin no/ /de ni dug dang gang du bsgrub par bya ba'i phyir/ gtan tshigs 'god cing skyon spong bar byed na de dang der gzhan
 dag gi skyon rjod par byed ba'o/ /kho bo cag gis btab pa'i lan ched mdzes so zhes bya ba ni sun 'byin pas sun dbyung bya ma phrad sun ni 'byin byed dam zhes bya ba la sogs pa la lan 'debs pa de ni ches mdzes pa yin ces pa'o/ /de la rang
 rgyud du smra ba rnams la sngar ni khyad par gyi dbang du bya nas skyon brjod pa yin no/ /da ni dngos por smra ba rnams kyis dbu ma pa rnams la skyon gang brjod pa de dbu ma ba'i 'dod pa khong du ma chud par brjod par bya ba yin no zhes bstan par bya ba'i phyir/ gzhan yang zhes
 bya ba la sogs pa gsungs so/ /dngos grub dang zhes bya ba ni dngos po nyid du grub pa'o/ /dngos su bsgrub nyid 'gyur zhes bya ba ni bsgrub par bya ba'i dngos po'i rang bzhin du yod na'o/ /phrad ba la sogs pa rigs par sbyor bar 'gyur ro zhes bya ba ni phrad nas sun
 'byin par byed dam ma phrad nas sun 'byin par byed ces ba bya ba la sogs pa'o/ /de yang yod min pas zhes bya ba ni sgrub par bya ba dang sgrub par byed pa dag dngos po nyid du ma grub pas ma brtags na nyams dga' ba tsam du khas blangs pas so/ /des na dngos por smra ba'i phyogs ma phrad
 pa la sogs pa'i skyon 'god par 'os pa gang yin pa de dngos po med par smra ba'i phyogs la 'god pa kho na khyod kyi yi chad par 'gyur gyi/ sun dbyung bar bya ba sun 'byin pa'i nus pa yod pa ma yin no zhes pa'o/ /de 'grel pas bstan par bya ba'i phyir
 yongs su dag pa'i zhes bya ba la sogs pa gsungs te/ yongs su ma dag mthong ba'i skyon zhes bya ba ni phrad nas sun 'byin nam zhes bya ba la sogs pa'i skyon de ni dngos por smras pa'i phyogs la mthong ba'o/ /yongs su dag pa'i phyogs
 la zhes bya ba ni dngos po nyid du khas mi len pa'i phyogs kyi'o/ /don med par zhes bya ba ni phrad pa la sogs pa'i dbyad pa ni dngos por khas len pa'i rgyu mtshan gyis yin pa de med bas so/ /de la dpe bstan par bya ba'i phyir/ dper na zhes bya ba la sogs pa
 gsungs te/ ci ltar rab rib can gyi dmigs pa'i skra shad la sogs pa rnams kyi gcig nyid dam mang po nyid la sogs pa'i sun 'byin pas rab rib med pa rnams la gnod pa ma yin te/ des de rnams ma dmigs pa de bzhin du'o/ /gnyis
 yongs su bzung nas zhes bya ba ni bsgrub par bya ba dang bsgrub par byed pa dag dngos po nyid du gzung nas so/ /de ltar rang gi phyogs la nyes pa med pa nyid du bstan nas mig ma phrad pa mtshungs bas bskyed par byed pa ma yin pa nyid do zhes bya ba 'di la rigs pa ci zhig ces bya ba la
 sogs pa gzhan gyis lan btab pa de yang lan ma yin no zhes bstan par bya ba'i phyir/ de nyid kyi phyir zhes bya ba la sogs pa gsungs te/ de nyid kyi phyir zhes bya ba ni ma phrad par rang gi 'bras bu skyed par byed pas so/ /rang gi bya ba byed pa zhes bya ba/
 ni mthong ba dang 'dren pa la sogs pa'o/ /bkag par rig par bya ba ste zhes bya ba ni ji ltar rgyus 'bras bu ma phrad par skyed na ma phrad pa thams cad par 'gyur ro zhes gang smras pa de bzhin du 'dir yang ma phrad pa mig gis gzugs mthong na thams
 cad mthong bar 'gyur ba dang/ khab len gyis ma phrad par lcags 'dren na thams cad 'dren par thal bar 'gyur bas de dag kyang bkag par rig par bya ste/ de dag kyang bsgrub par bya ba nyid du mtshungs pa'i phyir ro/ /de nyid kyi phyir/ de dag la
 yang thal bar 'gyur ba mtshungs pa'i phyir ro zhes bya ba gsungs te/ de dag la yang zhes bya ba ni mig la sogs pa rnams la yang ngo/ /rgyu dang 'bras bu'i dngos po sgrub par byed cing spong ba'i sgo nas dngos po rnams rang bzhin yod pa nyid du sgrub par byed pa de don
 med pa nyid du bstan par bya ba'i phyir/ gang zhig ces bya ba la sogs pa gsungs te/ dang bor zhes bya ba ni des myur du sangs rgyas kyi mtshan nyid can gyi go 'phang thob par 'gyur bas so/ /rtog ge ngan pa'i lam zhes bya ba ni dngos po yod na rnam par rtog pas
 yod pas rtog ge ngan pa'i lam mo// shin tu 'khyog pa zhes bya ba ni lam des tshogs chen pos kyang sangs rgyas nyid thob par mi 'gyur te/ lam nyid nor bas so/ /rang gi rnam par rtog pa'i gzo ngan pas sbyar ba zhes bya ba ni rnam par rwa rtog pa yang yin la/
 bzo yang yin pas rnam par rtog pa'i bzo ste/ lam rtsom pa'i bya ba yin la des sbyar ba de don dam par yod pa ma yin pas so/ /yang dag pa'i lam 'gogs par byed pas zhes bya ba ni stong pa nyid kyi mtshan nyid can gyi lam 'gegs par byed pas so/ /te por
 che ba zhes bya ba ni dngos po rnams rang bzhin yod pa nyid du bsgrub pa'i mtshan nyid can ni shin tu tshogs ches tshe ba'o/ /de ltar dngos po rang bzhin dang bcas pa sgrub par byed pa la skyon bston nas/ da ni dngos po rang bzhin dang bcas pa sgrub pa de dka' ba
 yin zhing dngos po rang bzhin med pa sgrub pa ni chos sla ba yin no zhes bstan par bya ba'i phyir/ gzhan yang zhes bya ba la sogs pa gsungs te/ dngos po med par zhes bya ba ni dngos po dang bral bar ro/ /de ltar rang bzhin gzhan dag la zhes bya ba ni me la
 sogs pa rang bzhin dro ba nyid la sogs pa bcos ma ma yin pa dang gzhan la mi bltos par khong du chud par mi nus pas so/ /rtog ge ngan pa'i dre bas lo ka ci ste 'dir gtsol byed ces bya ba ni rtog ge'i gzhung lugs las bstan pa'i mngon sum la sogs pa'i
 tshad mas dngos po'i rang bzhin sgrub par byed pas lo ka ci'i phyir blo mi bde bar byed de/ mngon sum la sogs pa'i tshad mas dngos po'i rang bzhin mi 'grub pas so/ /de 'grel pas bstan par bya ba'i phyir/ ji ltar zhes bya
 ba la sogs pa gsungs te/ sogs pa'i sgras ni gzugs brnyan la sogs pa bsdu bar bya'o/ /rang gi phyogs la grub pa'i dpe zhes bya ba ni de rnams lo ka bas brdzun pa nyid du rtogs pas so/ /gnyis ka la grags pa'i dpe med pas phyir ro/ zhes
 bya ba ni rang bzhin med pa dang rang bzhin dang bcas par smra ba dag la grags pa'i dpes rang bzhin dang bcas pa'i dpe med pas so/ /de ltar yin dang kho bos rtsod pa thams cad bzlog pa yin la zhes bya ba ni gang gi phyir dngos po med par grub pa
 tshes sla ba de'i phyir kho bos rtsod pa thams cad bzlog pa yin no zhes pa'o/ /lan yang sus kyang nus par brjod par ma yin no zhes bstan par bya ba'i phyir lan thams cad bsgrub par bya ba dang mtshungs pas so/ /da ni gzhan la snying rje med pa nyid du
 bstan par bya ba'i phyir/ de'i phyir zhes bya ba la sogs pa gsungs te/ ci'i phyir zhes bya ba ni rang bzhin med par rtogs su gzhug pa sla ba yin pas so/ /lo ka la don ma yin pa bya ba'i phyir su zhig gis spang cing zhes bya ba ni gang lo ka'i sa gnod
 pa byas pa des nga la lo ka 'dis gnod pa byas pas nga khyod kyis lo ka slus shig ces skul bar byed pa'o/ /ci'i phyir zhe na/ khyod lo ka zhes bya ba la sogs pa gsungs te/ gang gi phyir lo ka'i lteng du rgyal 'jug par byed ces sbyar bar bya'o/
 lo ka ci lta bu zhe na/ nyon mongs pa zhes bya ba gsungs te/ snying rje'i gnas su gyur pa'o/ /dar gyi srin bu ltar rang gi rtog pa'i spubs kyis gtum pa'i zhes bya ba gsungs te/ ji ltar dar gyi srin bu rang gi kha chu'i spubs byas na de nyid
 kyis gtums pa de bzhin du rang gi rtog pa nyid spubs yin pa des gtums pa'o/ /rgya ji lta bu zhe na/ rtog ge ngan pa'i sras bus bres pa'i zhes bya ba gsungs te/ rtog ge ngan pa nyid srad bu yin la de byas pa'o/ /'di'i don ni 'jig rten rang gi rnam par rtog pa'i
 stobs kyis 'khor par bcings pa/ de'i steng du rtog ge ngan pa'i gzhung lugs kyi ming ngan sum la sogs pa'i tshad mas dngos po rnams rang bzhin nyid du bsgrub pa'i phyir yang 'chid ba'i rgya byed pa ste/ rang bzhin yod par bsgrubs pas 'jig rten pa rnams
 'khor bar shin tu dam por bcings pas grol bar mi 'gyur bas so zhes pa'o/ /des na rtog ge ngan pas bres pa'i srad bu gya dor bar bya ba yin no zhes bstan par bya ba'i phyir/ rtsod pa 'di ni zhes bya ba la sogs pa gsungs te rtsod pa 'di ni zhes bya
 ba ni rtog ge ngan pas byas pa'o/ /rtog ge ngan pa ni tshad ma dang gzhal bya la bltos pa yin pas de dgag pa'i phyir/ dngos po zhes bya ba gsungs te/ gang gi phyir chos thams cad gzugs brnyan dang 'dra bas brdzun pa yin pa de'i phyir rang gi mtshan nyid la
 sogs pa yod pa ma yin no/ /rang gi mtshan nyid med cing spyi'i mtshan nyid kyang med la zhes bya ba ni gzhal bya bkag pa yin la/ mngon sum 'am rjes su dpag pa'ang ci zhig yod ces bya ba ni tshad mas bkag pa'o/ /rtog ge ngan pa'i gzhung lugs kyis mngon
 sum dang rjes su dpag pa dag tshad ma ma yin na gang zhig tshad ma yin zhe na/ lan ni 'dir zhes bya ba la sogs pa gsungs te/ gang chos thams cad mi dmigs pa'i sgo nas thugs su chud pa de nyid mngon sum gyis tshad ma yin te/ de kho nas chos kyi rang
 bzhin ci lta ba bzhin rtogs pas so/ /de yang lud gi rjes su 'brangs nas kun rdzob tu yod pa yin no zhes brjod par bya ba'i dngos po nyid du yod pa ni ma yin no/ /de ltar rang bzhin med par bsgrub pa ni sla ba nyid du bstan nas dngos por smra ba rnams kyis rgyu dang
 'bras bur bsgrub pa la sun 'byin pa la lan btabs pa gang yin pa de la yang lan gdab pa'i ched du dang/ sun ci phyin du rgol ba'i nyes pa yang yod pa ma yin no zhes bstan par bya ba'i phyir/ gzhan yang zhes bya ba la sogs
 pa gsungs te/ sun 'byin lhag ma 'dir gtang bya zhes sbyar bar bya'o/ /sun 'byin lhag ma gong du bstan pa yang ni shes byas nas zhes bya ba ni rten cing 'brel par 'byung ba rnam par bzhag pas gzhan gyi phyogs la skye ba dgag pa sun 'byin gang bshad
 pa de nyid las sun 'byin lhag ma ste/ bdag las ma yin zhes bya ba la sogs pa ci rigs par shes par byas nas so/ /ci'i phyir sun gtang bar bya zhe na/ phrad pa la sogs pa/ phyogs kyi lan gyi ched du zhes bya ba gsungs te/ phrad nas 'bras bu skyed
 (par byed dam 'on te/ ma phrad par 'bras bu skyed par byed ces sun 'byin par byed pa'i phyogs ga yin pa de'i lan te/ gang ma phrad) par mtshungs par skyed par byed pa ma yin pa nyid do zhes bya ba 'di la rig pa ci zhig yod ces bya ba la sogs pa'o/ /de'i ched du ste/ gang mig dang khab len gyi
 dpe'i sgo nas rgyu dang 'bras bu smra ba skyon spang bar bya ba'i don du sun 'byin lhag mar/ 'dir btang bar bya'o zhes pa'o/ /'di ltar bdag las ma yin zhes bya ba la sogs pas rten cing 'brel par 'byung ba la sogs pa'i gnas skabs su skyon gang brjod
 pa de yang mig la sogs pa la sbyar bar bya'o/ /gal te ma phrad par rung ba kho na skyed par byed pa yin no zhes gang brjod pa de la rung ba zhes bya ba ci zhig yin zhe na/ gang bya bar nus pa de ci zhig yin zhe na/ gang gi rgyu la nus pa yod pa'o/ /'dir skyed
 zin pa la nus pa srid pa ma yin zhes bya ba la sogs pas rten cing 'brel par 'byung ba'i sa la sogs pa skabs su sun 'byin gang brjod pa de 'dir yang gtang bar bya'o/ /de bzhin du rten nas gdags pa'i ji ltar shing rta rang yan lag
 las gzhan 'dod min zhes bya ba la sogs pas shing rta la sun 'byin pa brjod pa de bzhin du phang lo la sogs pa yang gtang bar bya'o zhes pa'o/ /sun ci phyin tu rgol pa yang ci ltar yong min pa de ltar sngar bshad ces bya ba ni gal te kho bos rang gi phyogs 'dzugs
 pa dang bral zhing gzhan gyi phyogs 'gegs par byed na de'i tshe kho bos sun ci phyin tu rgol bar 'gyur ba las phyogs gnyis ka yang yod pa ma yin pas kho bos sun ci phyin tu rgol ba ji ltar yin/ 'di ltar gzhan gyis khas blangs pa'i dngos po bkag pa'i sgo nas rnam
 par rtog pa ldog pa tsam bsgrub par bya ba nyid du bstan pas rang gi phyogs 'dzugs pa dang bral bar ji ltar 'gyur/ de yang rtog rnams dngos po yod na 'byung ba ste/ dngos po ci ltar med pa yongs spyod zin/ /dngos po med par 'di rnams mi 'byung dper/ /bud
 shing med par me yod min de bzhin/ /so so'i skye bo rnams ni rtog pas bcings/ /mi rtog rnal 'byor pa ni grol 'gyur bas/ /rtog rnams log par gyur pa gang yin de/ /rnam par spyad pa'i 'bras bur mkhas rnams gsung zhes bya ba bstan pa yin no/ /gzhan
 gyi phyogs 'gegs pa yang yod pa ma yin te/ gang gi phyir dgag par bya ba'i gzhan gyi phyogs dngos po grub pa med pas so/ /de'i phyir kho bo sun ci phyin tu rgol ba yang ma yin no/ /lhag ma phyogs 'di nyid kyi rtogs par bya zhes bya ba ni sun ci phyin tu rgol ba la
 skyon lhag ma brjod pa yang skyon sngar bstan pa 'di nyid kyis te sun ci phyin du rgol ba yang ci ltar yin pa de skad sngar bshad pa zhes bya ba'i phyogs 'dis rtogs par bya ste btang bar bya'o/ /gal te bdag gis gzhan gyi phyogs bsal nas sun ci phyin tu rgol
 bar 'gyur ba dang/ 'ga' zhig gis rang gi phyogs 'dzugs shing gzhan gyi phyogs 'gags na de'i tshe kho bo de las bzlog par sun ci phyin tu rgol bar 'gyur ba las 'on kyang dngos por 'gyur ba 'ga' med par rang gi phyogs dang gzhan gyi phyogs med
 pas de dag la sgrub pa dang dgag pa ma grub pa'i phyir bdag las bzlog pa'i bdag sun ci phyin tu rgol ba ci ltar 'gyur zhes bya ba la sogs pa'i skyon lhag ma rnams kyang brjod par bya'o/ /de 'grel pas bstan par bya ba'i phyir/ rten
 cing 'brel par 'byung ba zhes bya ba la sogs pa gsungs te/ rten cing 'brel par 'byung ba rnam par bzhag pa dang zhes bya ba ni chos la bdag med pa ston pa'i gnas skabs na'o/ /brten nas brtags pa rnam par bzhag pa zhes bya ba ni gang zag
 gi bdag med bston pa'i gnas skabs na'o/ /gzhan gyi phyogs la zhes bya ba ni rang bzhin dang bcas par smra ba'i phyogs la'o/ /sun 'byin pa gang bshad pa de nyid las zhes bya ba ni bdag las ma yin zhes bya ba la sogs pa'o/ /sun 'byin pa'i lan gyi
 don du zhes bya ba ni dngos po dang bcas par smra bas sun 'byin pa'i lan gdab pa'i don du gang ma phrad par mtshungs pas skyed par byed pa ma yin pa nyid do zhes bya ba 'di la rigs pa ci zhig yod ces bya ba la sogs pa gang smras pa de nyid la sun
 'byin gtang bar bya'o/ /sun ci phyin tu rgol ba ma yin pa nyid du bstan par bya ba'i phyir bstan bcos las ni zhes bya ba la sogs pa gsungs te/ bstan bcos las ni zhes bya ba ni dbu ma'i bstan bcos las so/ /sun 'byin pa lhag ma bstan par
 bya ba'i phyir/ gang gis na zhes bya ba la sogs pa gsungs te/ gang gis na zhes bya ba ni rang gi phyogs bzhag pa dang gzhan gyi phyogs bzlog pas so/ /mtshan nyid byas pa 'di yang dag pa mtshan nyid du 'gyur ba zhes bya ba ni rang gi phyogs
 'jog pa dang bral zhing gzhan gyi phyogs sel ba tsam la 'jug pa'i rgol ba ni sun ci phyin tu rgol ba yin no/ /zhes bya ba'i mtshan nyid de yang dag pa'i mtshan nyid du 'gyur ba'o/ /mtshan nyid 'di ni zhes bya ba sun 'byin ci phyin tu rgol ba'i mtshan
 nyid do/ /de lta bu la sogs pa zhes bya ba la sogs pa'i sgras ni gnyis ka la grub pa'i chos can dang/ gtan tshigs dang dpe ma grub pas rang gi phyogs rnam pa gzhag pa mi rigs so zhes bsdu bar bya'o/ /phyogs 'di nyid kyis zhes bya ba ni sun ci phyin tu rgol ba yang ji
 ltar yod min pa de skad sngar bshad ces bya ba'i phyogs 'di gnyis kyis so/ /da ni bsdus pa'i don bstan par bya ba'i phyir/ de la de nyid ces bya ba la sogs pa gsungs te/ 'di yan chad kyis ni zhes bya ba ni de ltar sngar bshad lhag ma phyogs 'di nyid kyis rtogs
 par bya ba'i bar gyis so/ /de'i phyir 'di ston cing zhes bya ba ni chos kyi bdag med pa dang/ gang zag gi bdag med pa ston cing bstod pa nyid kyi rab tu dbye ba zhes bya ba ni bdag med pa dang stong pa nyid ming gi rnam grangs so/ /bdag med 'di ni zhes bya ba la sogs pa
 la chos dang gang zag dbye bas zhes bya ba ni chos kyi bdag med pa dang gang zag gi bdag med pa'i dbye bas zhes bya ba'i tha tshig go /de ci'i phyir zhe na/ 'gro ba rnams dgrol phyir zhes bya ba la sogs pa gsungs te/ de las rnam par grol ba ni rnam pa gnyis te/ nyon mongs
 pa'i sgrib pa spangs pa'i mtshan nyid can dang/ nyon mongs pa dang shes bya'i sgrib pa spangs pa'i mtshan nyid can no/ /de la nyon mongs pa'i sgrib pa spangs pa'i mtshan nyid can gyi rnam par grol ba ni gang zag gi bdag med pa yongs su shes pas nyan thos dang rang
 sangs rgyas dag la rnam bzhag bya'o/ /gnyis ka spangs pa'i mtshan nyid can gyi rnam par grol ba ni byang chub sems dpa' dang sangs rgyas rnams la rnam bzhag bya'o/ /rnam par grol ba de yang bdag med pa gnyis yongs su rtogs pa las gyur ba yin la/
 'gro ba rnams dgrol ba'i phyir zhes bya bar gsungs pa yin no/ /de 'grel pas bstan par bya ba'i phyir/ bdag med pa 'di zhes bya ba la sogs pa gsungs te/ rnam par grol ba'i phyir bstan la zhes bya ba ni nyon mongs pa thams cad ni bdag tu 'dzin pa las
 byung ba yin la/ bdag tu 'dzin pa log na nyon mongs pa thams cad ldog pa'i phyir ro/ /rnam pa thams cad mkhyen pa thob pas zhes bya ba ni chos kyi bdag med pa rtogs pa'i sgo nas rnam pa thams cad du chos thams
 cad kyi dngos po ji ltar gnam pa bzhin du thugs su chud pas so/ /rnam par grol par bya ba'i phyir zhes bya ba ni nyon mongs pa'i sgrib pa dang shes bya'i sgrib pa dag las grol par bya ba'i phyir chos rnams ji ltar rang bzhin gnas pa bzhin du thugs
 su chud pas shes bya'i sgrib pa ldog pas so/ /gal te ji srid du phung po la mngon par zhen pa yod pa de srid du bdag la mngon par zhen pa ma spangs pas phung po la mngon par zhen pa med na bdag la mngon par zhen pa mi 'byung bas
 de rnams la rten cing 'brel par 'byung ba rkyen 'di pa tsam yongs su shes pa las chos kyi bdag med pa yongs su shes pa yod pa de rnams kyi bdag med pa gnyi ga yang shes pa'i rnam bzhag ji ltar mi bya zhe na/ de la lan bstan par bya ba'i
 phyir/ nyan thos dang zhes bya ba la sogs pa gsungs te/ rten cing 'brel par 'byung ba rkyen nyid 'di pa tsam mthong mod kyi zhes bya ba ni 'di yod na 'di 'byung ngo zhes bya ba rten cing 'brel par 'byung ba de tsam du mthong ba yin gyi rten cing 'brel pa 'byung
 ba ngo bo nyid kyis mthong ba ni ma yin no/ /chos kyi bdag med pa yongs su rdzogs pa bsgoms pa med de zhes bya ba ni mtshan ma med cing rtsol ba med pa'i mtshan nyid can/ sangs rgyas kyi chos rnams thob pa'i rten rgyur gyur pa de de rnams kyi la
 yod pa ma yin pas so/ /des na de rnams la chos kyi bdag med pa yongs su rdzogs pa bsgom pa med pas de rnam bzhag ma byas pa yin no/ /de nyid kyi phyir khams gsum na zhes bya ba la sogs pa gsungs te/ khams gsum gyi nyon mongs
 pa'i rgyur gyur pa'i bdag tu mngon par zhen pa spang ba'i thabs tsam gyi rang bzhin can de dag la yod pa yin no zhes pa'o/ /de dag la zhes bya ba la sogs pa ni gang zag gi bdag med pa yongs su ma rtogs pas 'dod chags la sogs pa mi spong bas so/ /de ltar sngar
 bstan pa'i bdag med pa rnam pa gnyis kyi mjug bsdu ba bstan nas/ bdag med pa de dag rgyas par bstan par bya ba'i phyir/ de ltar zhes bya ba la sogs pa gsungs te/ 'di nyid ces bya ba ni bdag med pa nyid do/ /rnam pa mang zhes bya ba ni rnam pa bcu drug dang
 bzhi'i sgo nas so/ /slar yang zhes bya ba ni rnam pa gnyis la bltos nas so/ /gdul ba rnams la zhes bya ba ni nang stong pa nyid la sogs pa'i sgo nas gdul bya rnams la'o/ /de 'grel pas bstan par bya ba'i phyir/ bdag med pa zhes bya ba la sogs pa gsungs te
 gdul bya'i bsam pa sna tshogs pa nyid kyis zhes pa ni gdul bya rnams la stong pa nyid la sogs pa'i sgo nas stong pa nyid la 'jug pa'i mos pa yod pa las so/ /de la stong pa nyid nyi shu'i rnam bzhag bstan par bya ba'i phyir/ de la zhes bya ba la sogs pa gsungs
 te/ spros dang bcas pa zhes bya ba ni rnam pa bcu drug gi sgo nas rgyas par ro/ /mdor bsdus te slar yang bzhir bshad zhes bya ba ni mdor bsdus te stong pa nyid bzhi gsungs pas so/ /theg chen du yang bzhed pa yin zhes pa ni stong pa nyid nyi shu la theg pa chen
 por yang bzhed pa yin te/ de rnams lam gyi rang bzhin yin pas so/ /'di'i don ni rgyas par phye na stong pa nyid bcu drug yin la/ mdor bsdu na ngo bo nyid stong pa nyid la sogs pa bzhi yin la/ shin tu mdor bsdu na chos kyi bdag med pa dang gang zag gi bdag
 med pa'i dbye bas gnyis so/ /stong pa nyid nyi shu mdo'i khungs kyi sgo nas bstan par bya ba'i phyir/ ji skad du zhes bya ba la sogs pa gsungs te 'di rnams ni gong du 'chad par 'gyur ro/ /'di rnams kyi? dbye ba yang kun rdzob tu yin no zhes bstan par bya ba'i phyir/ /stong pa nyid dam stong pa nyid ma
 yin pa ni zhes bya ba la sogs pa gsungs te/ stong pa nyid dang stong pa nyid ma yin pa ni phan tshun bltos nas 'jog pa'i phyir rang bzhin cung zad kyang yod pa ma yin pas so/ /rnam pa de lta bus gdul bya'i skye bo'i dbang gis zhes bya ba
 ni stong pa nyid kyis gdul bya'i skye bo'i dbang du mdzad nas so/ /bstan bcos las zhes bya ba ni dbu ma rtsa ba'i shes rab las so/ /gal te zhes bya ba la sogs pa ni gal te dngos po 'ga' zhig stong pa nyid ma yin pa ste/ rang bzhin dang ldan par gyur na de'i tshe
 de la bltos nas stong pa nyid cung zad yod par 'gyur ba las 'on kyang stong pa nyid ma yin pa'i dngos po cung zad kyang med pas de'i tshe de la bltos nas btags pa'i stong pa nyid yod par ga la 'gyur/ stong ngo zhes kyang mi brjod de zhes bya ba ni 'ga' 
 zhig gi dngos po rnams phyin ci ma log pa nyid du brjod par 'dod pas rnam pa thams cad du stong pa nyid dam mi stong pa 'am gnyis ka 'am gnyis ka ma yin no zhes brjod par mi bya'i/ 'on kyang rang bzhin ji lta ba bzhin du gnas pa ma brjod
 na ni khong du chud par mi nus pas kho bo cag gis kun rdzob kyi bden pa nyid la gnas te tha snyad kyi don du gdul bya'i skye bo rnams dang rjes su mthun par sgro btags nas stong ngo zhes kyang brjod par bya la/ mi stong zhes bya ba dang/ stong dang mi stong
 zhes bya ba dang/ stong pa yang ma yin mi stong pa yang ma yin/ zhes kyang brjod par bya'o/ /de nyid kyi phyir/ gdags pa'i don du brjod par bya ba zhes bya ba smos te/ 'dir dgongs pa ni 'di yin par rig par bya ba ste/ 'di ltar dbu ma rtsa ba'i shes rab
 las/ thams cad bden zhing bden pa yin/ bden dang mi bden pa yang min/ /bden min mi bden pa yang min zhes bya ba gsungs so/ /'di'i don ni/ gang dang gang las sngar gang dga' / /de dang de ni de la spyad/ snang bar gyur na dam chos kyi/ /snod du nam
 yang 'gyur ma yin zhes gsungs pas/ re zhig dang po nyid du bcom ldan 'das kyis rang la grub pa'i dngos po dang/ dngos po dbye ba'i rang bzhin gyi khyad par thos pa'i don du mngon par 'dod pa'i skyes pa'i gdul bya'i skye bo rnams la/ dper na kla klo'i skad gzhan gyis/ /go bar
 mi nus de bzhin du/ /'jig rten 'jig rten nga med par/ /nas yang go bar nus ma yin zhes bya ba dang/ /de bzhin du 'jig rten pa dang lhan cig rtsod kyi/ /gang 'jig rten pas yod par 'dod pa de ngas kyang yod pa 'dod pa yin la/ gang 'jig rten las yod par mi 'dod pa
 de ngas kyang yod par mi 'dod do zhes bya ba'i lung gis ma rig pa'i rab rib can gyis phung po dang khams dang skye mched la sogs par bden par btags pa de nyid re zhig bcom ldan 'das kyis de mthong ba la bltos nas bden pa nyid du yin no/ zhes gsungs pa
 yin te/ gang gis srid pa'i rtse mo'i mthar thug pa nam mkha' i khams kyis mthas klas pa rlung gi dkyil 'khor la sogs pa rnams kyi chags pa dang gnas pa dang 'jig pa'i dbye ba rnam pa sna tshogs pa rgyu dang bcas pa dang/ ro myang ba dang bcas pa dang/ skyon
 dang bcas pa'i phyin ci ma log par nye bar ston pa'i bcom ldan 'das thams cad mkhyen pa thams cad gzigs pa 'jig rten gyi spyod pa rnam pa ma lus pa mkhyen pa'o zhes bdag dang bdag la 'jig rten gus pa bskyed par bya ba'i don du'o/ /de ltar bcom ldan
 'das la thams cad mkhyen pa yin no zhes blos gus pa skyes pa'i gdul bya'i skye bo rnams la phyis kyi dus du thams cad bden pa ma yin no/ /zhes gsungs pa yin no/ /de la bden pa ni gang gzhan nyid du mi 'gyur ba yin la/ 'du byed rnams ni skad cig so
 so la 'jig pa yin pas gzhan nyid du 'gyur bar mthong bas thams cad bden pa ma yin no/ /la lar thams cad bden pa dang bden pa ma yin pa gsungs te/ so so'i skye bo rnams la bltos nas thams cad bden pa nyid yin no zhes gsungs la/ 'phags pa'i skye
 bo rnams la bltos nas thams cad brdzun pa yin no zhes gsungs te/ de rnams kyis de ltar dmigs pas so/ /la lar dus shin tu yun ring bar de kho na nyid mthong ba la goms pa sgrib pa cung zad drungs ma byung ba rnams
 la bden pa yang ma yin la mi bden pa yang ma yin pa nyid do zhes gsungs pa yin te/ sgrib pa cung zad yod pa de spang ba'i ched du mo gsham bu'i sngo bsangs dang/ sngo bsangs ma yin pa 'gegs pa bzhin du gnyis ka bkag pa yin no/ /'di
 ni sangs rgyas bcom ldan 'das kyis rjes su bstan pa yin te/ lam log pa las blan nas lam yang dag pa 'god pa ni bstan pa zhes bya ba la/ de ltar gdul bya'i skye bo rnams la bstan gang yin pa de ni rjes su bstan pa'o/ /da ni stong pa
 nyid rnams kyi don bstan par bya ba'i phyir/ de la nang stong pa nyid ces bya ba la sogs pa gsungs te/ mig gi stong zhes bya ba ni mig ngo bo nyid kyis stong pa'o/ /de zhes bya ba ni mig gi'i 'o/ /rang bzhin de zhes bya ba ni ngo bo nyid kyis stong pa'i
 mtshan nyid can no/ /de bzhin zhes bya ba la sogs pa ni rna ba la sogs pa yang rna ba la sogs pa'i ngo bos stong pa yin te/ de rnams kyi rang bzhin yang stong pa nyid yin pas so/ /rang bzhin gang gis de rnams stong pa nyid yin zhe na/ de la lan ni/ ther
 zug gnas pa nyid dang ni/ /mi 'jig ma yin nyid kyi phyir/ zhes bya ba gsungs te/ rnam 'gyur med pa dang/ 'jigs pa med pa'i rang bzhin la bltos nas de rnams la rang bzhin med pa yin te/ 'di ltar gal te mig la sogs pa la rang bzhin
 yod par gyur na/ de'i tshe rang bzhin la rnam 'gyur med pa dang 'jig pa med pas de rnams rnam par 'gyur ba dang/ 'jig pa med pa 'gyur ba las de yang yod pa ma yin pa'i phyir de rnams rang bzhin med pa'o/ /nang stong pa nyid du 'dod ces
 bya ba ni mig la sogs pa rnams sems can nyid du rtogs pas so/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs te/ ther zug tu gnas pa nyid dang mi 'jig pa ma yin pa nyid bshad par bya ba'i phyir/ de la gang dag ces
 bya ba la sogs pa gsungs te/ rang bzhin mi 'dor ba zhes bya ba ni rnam par mi 'gyur ba'i rang bzhin can no zhes pa'o/ /'dir slob dpon gyi bzhes pa'i dbang du byas na ni mdo'i tshig dang de'i bshad pa yang 'dir gsungs pa bzhin du yin no/ /'phags
 pa rnam grol sde'i dbang du byas nas ni/ mdo'i tshig ther zug tu gnas pa ma yin pa dang/ 'jig pa ma yin pa nyid ces bya bar 'gyur la/ de'i bshad pa ni ther zug pa ste 'tshogs pa yin la/ der dngos po'i rang bzhin ma dmigs pas dngos po ther
 zug ma yin pa'o/ /de lta bu la 'jig pa med pas 'jig pa ma yin pa nyid do/ /de lta bu'i skye ba med pa nyid dang 'gag pa med pa'i chos nyid kyi rang bzhin 'di la yod pas na mig la sogs pa rnams la nang stong pa nyid ces bya'o zhes bzhed do/ /de la bstan
 bcos kyi khungs bstan par bya ba'i phyir/ ji skad du zhes bya ba la sogs pa gsungs te/ ji skad du zhes bya ba ni dbu ma rtsa ba'i shes rab las so/ /rang bzhin rgyu dang rkyen dag las/ /'byung ba rigs pa ma yin no/ /zhes bya ba ni gal te myu gu dang 'du byed la sogs
 pa rnams la rang bzhin yod par gyur na/ de'i tshe yod pa rnams la rgyu dang rkyen ci zhig dgos/ ji ltar de lta'i 'du byed dang myu gu la sogs pa yang bsgrub pa'i don du ma rig pa dang sa bon la sogs pa nye bar len par mi byed pa de bzhin du gzhan la yang
 de? skye ba'i don du byed par mi 'gyur te/ de'i rang bzhin yod pas so/ /gal te ma skyes pa'i snga rol tu dngos po 'ga' zhig la yang rang bzhin yod pa ma yin te/ gal te yod par gyur na skye ba don med par 'gyur ba las 'on kyang skye ba'i sngon rol na rang
 bzhin de rgyu dang rkyen la brten nas phyis skye bar 'gyur ba yin no zhe na/ de ltar 'dod na/ rgyu dang rkyen las byung na ni/ /rang bzhin byas pa can du 'gyur zhes bya ba gsungs so/ /gal te rgyu dang rkyen las byung ba yin pas rang bzhin
 byas pa nyid du 'dod pa yin no/ /des na rang bzhin byas pa nyid du khas len pas byas pa nyid du thal bar 'gyur ba des kho bo cag la gnod pa ma yin no zhe na/ de yang rigs pa ma yin no/ zhes bstan par bya ba'i phyir/ rang bzhin byas pa yin no zhes/ ji
 lta bur na rung bar 'gyur zhes bya ba gsungs te/ byas pa dang rang bzhin dag ni phan tshun 'gal ba'i phyir mi rigs pa kho na yin no/ /'di ltar rang gi ngo bo yin pas na rang bzhin no zhes bya ba ni des tshig yin pas gang byas pa'i dngos po zhes mi
 brjod de dper na chu'i dra ba nyid de me lce las 'brel pa las 'byung ba dang/ chu shel la sogs pa la pad+ma ra ga la sogs pa'i ngo bo lta bu'o/ /gang ma byas pa de la rang bzhin zhes bya ba ste/ dper na me'i dro ba nyid dang bcos ma ma yin pa'i
 pad+ma rA ga la sogs pa la yod pa'i ngo bo ste/ de rnams kyis dngos po gzhan dang phrang ba las ma byung bas so/ /de ltar ma byas pa ni rang bzhin yin no zhes 'jig rten gyi tha snyad gnas pa la kho bo cag kyang dag me'i dro ba nyid gang yin pa de
 rang bzhin ma yin no zhes smra te/ byas pa yin pas so/ /nor bu dang bud shing dang nyi ma rnams phrad pa dang gtsub shing gtsubs pa la sogs pa la sogs pa las me rgyu dang rkyen la bltos par dmigs pa yin la/ me las tha dad du gyur pa'i
 dro ba nyid kyang mi srid do/ /des na dro ba nyid dang rgyu dang rkyen gyis bskyed pa yin pas byas pa'i phyir chu'i dro ba nyid bzhin rang bzhin nyid du mi 'gyur ro zhes gsal bar khong du chud pa yin no/ /gal te ba glang rdzi dang bud med la sogs pa rnams la che ba nyid
 me'i rang bzhin yin par grags pas rang bzhin ma yin pa nyid du ji ltar brjod ce na/ kho bo cag gi ma grags pa yin no zhes mi brjod kyi/ 'on kyang kho bo cag gis 'di rang bzhin du 'gyur pa ni 'os pa ma yin no zhes brjod pa yin te/ rang bzhin gyi mtshan nyid dang mi
 ldan pas so/ /ma rig pa'i phyin ci log gi rjes su 'brangs nas 'jig rten gyi rang bzhin med pa'i dngos po'i tshogs la rang bzhin dang bcas pa rtog pa yin te/ ji ltar rab rib can rab rib kyi skyon gyis skra shad la sogs pa rang bzhin med pa nyid rang bzhin
 dang bcas par mngon par zhen pa de bzhin du ma rig pa'i rab rib kyis bcom pa'i blo gros kyi mig nyid kyis byis pa rnams dngos po'i tshogs rang bzhin med pa rnams la rang bzhin dang bcas par mngon par zhen pa yin no/ /ji ltar mngon par zhen pa
 bzhin du mtshan nyid brjod pa yin te/ me'i mtshan nyid dro ba nyid yin te/ de las gzhan du ma dmigs pa'i phyir thun mong ma yin pa nyid kyis rang nyid kyi mtshan nyid yin pas rang gi mtshan nyid do zhes brjod pas so/ /bcom ldan 'das kyis kyang byis pa'i skye bo
 rnams la rab tu grags pas 'di rnams kyi rang gi mtshan nyid chos mngon par rnam bzhag mdzad pa yin no/ /mi rtag pa la sogs pa rnams thun mongs pa yin pas spyi'i mtshan nyid do zhes gsungs so/ /gang gi tshe ma rig pa'i rab rib med pas dri ma med pa'i
 shes rab kyi mig gis mthong ba la bltos nas de'i tshe rab rib med pa rnams kyis rab rib kyi rkyen gyis dmigs pa'i skra shad mi mthong ba bzhin du byis pa'i skye bo'i blo gros kyis yongs su brtags pa'i mi dmigs pa'i rang? bzhin can 'phags pa
 rnams kyis dngos po rnams kyi rang bzhin ni 'di ma yin zhes gsungs pa yin no/ /de la smras pa/ gal te me'i dro ba nyid la sogs pa 'di rgyu dang rkyen dag las byung ba'i phyir byas pa nyid yin pas rang bzhin med par brjod na 'on rang bzhin gyi mtshan nyid ci zhig yin/ rang
 bzhin nyid kyang ci zhig yin pa de brjod par bya dgos so zhe na/ de la lan brjod par bya ste/ rang bzhin nyid ni bcos min dang/ gzhan la bltos pa med pa yin zhes gsungs te 'di ni bshad zin to/ /'di'i don ni ma rig pa'i rab rib
 kyis dmigs pa'i dngos po'i tshogs rnams ma rig pa'i rab rib dang bral ba 'phags pa rnams la rang bzhin gang gis ma dmigs pa'i tshul gyis spyod yul du gyur pa de la rang bzhin zhes bya'o/ /de'i mtshan nyid ni/ rang bzhin nyid ni/ bcos min dang/ gzhan
 la bltos pa med pa yin/ zhes slob dpon klu sgrub la sogs pa rnams kyis rnam bzhag mdzad pa yin no/ /bcos ma ma yin la sogs pa'i rang bzhin de yang cung zad kyang ma yin pa de nyid kyis dngos po med pa'i rang bzhin can yin pas rang bzhin med pa'i
 phyir dngos po'i rang bzhin yod pa ma yin no zhes shes par bya'o/ /yang ci gang zhig zhes bya ba la sogs pa la rnam pa de lta bu'i rang bzhin zhes bya ba ni bcos ma ma yin pa de gzhan la bltos pa med pa'i rang bzhin no/ /slob dpon gyis zhes bya ba ni
 klu sgrub zhabs kyis so/ /bstan bcos las khyad par du mdzad pa zhes bya ba ni bcos ma ma yin pa dang/ gzhan la bltos pa med pa yin no zhes bya ba'i khyad par mdzad pa'o/ /de la lan bstan par bya ba'i phyir/ gang gi dbang du mdzad nas zhes
 bya ba la sogs pa gsungs te/ gang gi dbang du mdzad nas zhes bya ba ni chos nyid do/ /byung kyang rung ma byung yang rung zhes bya ba ni gal te de bzhin gshegs pa rnams kyis chos nyid de mdzad par gyur na de'i tshe de bzhin gshegs pa rnams byung
 ba dang ma byung ba dag las de yod pa dang med pa dag las 'gyur ba yin gyi/ gang gi phyir de dag gis mdzad pa de'i phyir de rnams byung yang rung ma byung yang rung chos nyid ni gnas pa kho na yin no/ /chos nyid ces bya ba ni yod ces bya ba ni gang chos
 rnams kyi chos nyid kyi rang bzhin de yod pa yin no zhes pa'o/ /de la chos nyid kyi rang bzhin khong du ma chud nas 'dri ba ni/ chos nyid ces bya ba 'di yang ci zhig ces bya ba gsungs so/ /chos nyid kyi rang bzhin bshad pa ni/ mig la sogs pa 'di dag gi rang bzhin no zhes
 gsungs so/ /rang bzhin yang khong du ma chud pas 'dri ba ni/ de dag gi rang bzhin yang gang zhig yin zhe na zhes bya ba la/ de dag gi zhes bya ba ni mig la sogs pa rnams kyi'o/ /de la lan ni 'di dag ni zhes bya ba la sogs pa gsungs te/ 'di dag ni zhes bya ba ni mig la
 sogs pa'o/ /bcos ma ma yin pa dang zhes bya ba ni chu'i dro ba nyid bzhin du bcos ma ma yin no zhes pa'o/ /gzhan la bltos pa med ba zhes bya ba ni gzhan la rgyan g.yar ba bzhin du gzhan bltos pa dang bcas pa'i phyir rang dbang can ma yin pa nyid du ma gyur pa'o/ /de na 'phags
 pa'i skye bo kho nas thugs su chud pa yin no zhes bstan par bya ba'i phyir/ ma rig pa zhes bya ba la sogs pa gsungs so/ /rang bzhin de yod dam med ces dri ba ni/ ci de yod dam zhes bya ba gsungs te/ de zhes bya ba ni 'phags pa'i shes pas rtogs par bya'o/ /de la lan
 bstan par bya ba'i phyir/ med do zhes de skad du smra ba zhes bya ba gsungs so/ /yod pa nyid du bsgrub par bya ba'i phyir/ gal te med na ni zhes bya ba la sogs pa gsungs te/ pha rol tu phyin pa'i lam bsgom par 'gyur te zhes bya ba ni sbyin pa la sogs pa'i mtshan nyid can
 gyi lam bsgom pa'o/ /de ltar zhes bya ba ni sbyin pa la sogs pa'i pha rol tu phyin pa rnams kyi sgo nas so/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs te/ 'gag pa med pa zhes bya ba ni grangs can pas gtso bo'i ??
 ma'i nang du thim par 'gyur bar 'dod pa bzhin du ni ma yin no/ /'jig pa med pa dang zhes bya ba'i lhag ma ma lus par 'jig pas so/ /yi ge rnams kyi brjod par bya ba yin pa dang zhes bya ba ni tshig gi tshogs kyis so/ /yi ge rnams kyis rab tu bsnyad du med cing zhes
 bya ba ni dag gi tshogs rnams kyis so/ /spros pas rtogs pa ma yin te zhes bya ba ni de rnam par rtog pa'i spyod yul ma yin pas so/ /mjug bsdu ba bstan par bya ba'i phyir/ rigs kyi don dam pa ni zhes bya ba la sogs pa gsungs
 te/ brjod du med cing zhes bya ba ni tshig dang dag gi yul ma yin pas so/ /zhi ba zhes bya ba ni rnam par rtog pa'i spros pa'i yul ma yin pas so/ /gang gi don du zhes bya ba ni don dam pa gang gi ched du'o/ /yang dag par dad pa zhes bya ba ni mtho ris thob par bya
 ba'i ched du ma yin gyi/ sangs rgyas nyid thob par bya ba'i ched du'o/ /khyim med pa zhes bya ba ni shing drung la sogs pa dgon pa'i gnas su 'dug pas so/ /skra'am mgo la me shor ba ltar brtson 'grus rtsom zhing gnas pa zhes bya ba ni ji ltar skra 'am
 mgo la me shor na shin tu myur bar me bsad pa'i don du skyes bu rnams brtson 'grus rtsom ba de bzhin du don dam pa thob par bya ba'i ched du brtson 'grus brtsom pa'o/ /rnam par 'jig pa med pa zhes bya ba ni de bzhin gshegs pa rnams 'byung yang
 rung ma byung yang rung ste/ de bzhin du gnas pa yin pa'i phyir ro/ /tshangs par spyod pa la zhes bya ba 'am tshangs pa ni mya ngan las 'das pa yin pa de gang gis spyod pa de tshangs par spyod pa ste thar pa'i lam mo/ /de bzhin gshegs pa rnams 'byung ba
 don med par 'gyur ro/ /zhes bya ba ni don dam pa ston pa'i ched du de bzhin gshegs pa rnam sa 'byung ba yin pas so/ /don dam pa yod par khas blangs pa la skyon brjod pa ni/ 'dir smras pa zhes bya ba la sogs pa gsungs te/ kye ma ma la
 zhes bya ba ni ngo mtshar zhing yid mi bde ba'o/ /gang zhig dngos po cung zad kyang mi 'dod cing zhes bya ba la sogs pa ni dmu ma gang dngos po cung zad kyang 'dod pa ma yin te/ yod dang med dang yod med dang/ gang la phyogs ni yod ma yin zhes
 gsungs pas so/ /de la lan bstan par bya ba'i phyir/ /brjod par bya ste zhes bya ba sogs pa gsungs te/ bstan bcos kyi dgos pa ma rig pa zhig ste zhes bya ba ni dbu ma'i bstan bcos kyi dgongs pa khong du ma chud pas so/ /bstan bcos kyi dgongs pa
 gsal bar bya ba'i phyir/ 'di'i dgongs pa ni zhes bya ba la sogs pa gsungs te/ 'di zhes bya ba ni bstan bcos kyi'o/ /byis pa'i skye bos gzung bar bya ba ni rdul phra rab dang sa'i rang bzhin can rnams so/
 /de rnams kyi zhes bya ba ni mig la sogs pa rnams kyi'o/ /phyin ci log tu gyur pas kyang zhes bya ba ni ma rig pa'i stobs kyis zhes bya ba'i phyin ci log tu gyur pas so/ /rang bzhin du de zhes bya ba ni mig
 la sogs pa'i rang bzhin no/ /'di nyid rang bzhin med pa zhes bya ba ni rdul phra rab dang sa'i mtshan nyid can rnams so/ /de lta ba'i don du zhes bya ba ni don dam pa de don gnyer ba'i ched du'o/ /de zhes bya ba don dam pa'i rang bzhin no/ /kun rdzob kyi bden
 pa la bltos nas zhes bya ba ni don gsal bar byed pa'i kun rdzob kyis so/ /don dam par ni de brjod du med pas brjod par bya ba ma yin no/ /byis pa'i skye bos blta bar bya ba ma yin pa de ni zhes bya ba ni gzhan du na so so'i skye bo rnams kyang
 'phags par thal bar 'gyur bas so/ /de nyid ni rang bzhin du rigs la zhes bya ba ni bcos ma ma yin pa nyid dang/ gzhan la mi bltos pa nyid do/ /de tsam gyis zhes bya ba ni bcos ma ma yin pa nyid la sogs pa bstan pas so/ /dngos po ma yin
 zhing dngos po med pa yang ma yin zhes bya ba ni dngos po dang dngos po med pa dag phan tshun bltos pa'i phyir don dam pa ma yin pas so/ /de nyid kyi phyir/ de ni rang bzhin gyis zhi ba nyid kyi phyir ro zhes bya ba gsungs te/ don dam pa'i rang bzhin rnam par
 rtog pa thams cad las 'das pa'o/ /'di'i don ni gang mig la sogs pa rnams kyis rdul phra rab dang sa'i mtshan nyid can gyi rang bzhin gang yin pa de yod pa nyid du kho bos brjod na de'i tshe rang bzhin de sngar kho bos bkag pa'i phyir/
 kye ma ma la zhes bya ba la sogs pa phan tshun 'gal ba'i skyon brjod pa de kho bo la 'byung bar 'gyur ba las 'on kyang bcos ma ma yin pa dang/ gzhan la mi bltos pa nyid khas blangs pas bcos ma yin pa dang gzhan la bltos pa'i phyir rang bzhin du khas blangs
 pas phan tshun 'gal ba'i don ji ltar brjod par 'gyur/ 'o na rang bzhin de yang ji ltar yod par 'gyur te/ yod pa nyid ni med pa nyid la bltos pa yin pas so/ /de yang ma yin te/ ma brtags na nyams dga' ba'i kun rdzob la bltos nas de yod pa nyid
 du brjod pa yin te/ nyan pa po'i skye ba rnams la dpe'i sgo nas khong du chud par bya ba'i ched du yin gyis don dam par ni ma yin te/ de brjod du med pa'i phyir ro/ /de bzhin du de la bcos ma ma yin pa nyid la sogs pa yang kun rdzob tu brjod pa yin no
 zhes pa'o/ /de lta bu'i rang bzhin de gnyi ga la yang grub pa yin no zhes bstan par bya ba'i phyir/ rang bzhin 'di ni zhes bya ba la sogs pa gsungs te/ slob dpon gyis zhes bya ba ni klu sgrub zhabs kyis so/ /gzhan yang zhes bya ba ni dngos por smra ba la
 yang ngo/ /don 'di zhes bya ba ni bcos ma ma yin pa la sogs pa'i mtshan nyid can gyi rang bzhin no/ /de skad du yang/ rang bzhin rgyu dang rkyen dag las/ /'byung pa rigs pa ma yin no zhes bya ba la sogs pa gsungs pas so/ /gang dag me la sogs pa'i
 rang bzhin chab? la sogs pa yin par smra ba de dag mi rigs so zhes bstan par bya ba'i phyir/ gang dag ces bya ba la sogs pa gsungs te/ gang dag ces bya ba ni dngos bar smra ba'o/ /de la gzhan dag na re gang gi phyir me la sogs pa'i rang bzhin che
 ba la sogs pa yod pa'i phyir bcos ma nyid dang gzhan la bltos pa ni ma yin no zhe na/ lan ni/ yod pa nyid kyi phyir zhes bya ba la sogs pa gsungs te/ de la zhes bya ba ni tsha ba la sogs pa'i rang bzhin no/ /de la zhes bya ba 'dis rang bzhin brjod pa ma yin te/
 zhes bya ba ni de la zhes bya ba'i sgras ni rang bzhin yod par brjod par nus pa ma yin te/ ci'i phyir zhe na/ dngos po med pa'i phyir la zhes bya ba gsungs te/ tsha ba la sogs pa'i mtshan nyid can gyi dngos po med pas so/ /'di'i don ni gal te tsha ba la sogs pa'i mtshan nyid
 can gyi rang bzhin yod par 'gyur na/ de'i tshe yod pa'i phyir bcos ma nyid la sogs pa ma yin par gyur pa las 'on kyang yod pa nyid du ma grub pas de la bcos ma ma yin pa nyid la sogs pa ci ltar yod par 'gyur/ gal te yod pa ma yin na de'i tshe tsha ba
 la sogs pa'i rang bzhin yod do zhes 'jig rten gyi tha snyad ji ltar byed ce na/ de la lan ni kun rdzob tu zhes bya ba la sogs pa gsungs te/ rgya chen pos chog go zhes bya ba ni zhar la 'ongs pa rgya chen por 'gyur bas chog pa yin no zhes pa'o/ /dkyus ma nyid
 bshad par bya'o zhes bya ba ni stong pa nyid kyi dbye ba dag go /de la mig la sogs pa rnams la stong pa nyid gang smras pa de phyi rol gyi don yod par smra ba dang/ sems tsam du smra bas 'dod pa bzhin du ni ma yin no zhes bstan par bya ba'i phyir/ /de la zhes bya ba
 ni mig la sogs pa rnams stong pa nyid du brjod pa'i gnas skabs na'o mig la sogs pa nyid kyis stong pa nyid ces bya ba ni mig la sogs pa'i rang bzhin gyis stong pa yin gyi/ nang gi byed pa'i skyes bu dang bral ba nyid kyis ni ma yin no/ /gcig la gcig
 med pa stong pa nyid ni ma yin no zhes pa'o/ /gcig la ste mig la sogs pa rnams la gcig med pa ste/ nang gi byed pa'i skyes bu stong pa nyid dam/ yang na gcig la ste mig la sogs pa rnams la gcig med pa ste/ gzung ba dang 'dzin pa'i dngos po stong pa nyid
 de phyi rol gyi don yod par smra ba dang/ sems tsam du smra ba bzhin du ni ma yin no zhes pa'o/ /de ltar nang stong pa nyid bstan nas/ phyi stong pa nyid bstan par bya ba'i phyir/ de la phyi stong pa nyid ni zhes bya ba la sogs pa gsungs te/ de la
 zhes bya ba ni stong pa nyid kyi nang nas so/ /phyi stong pa nyid ni zhes bya ba ni phyi stong pa nyid du bshad par bya'o zhes pa'o de la bshad par bya ba'i phyir/ gang gi phyir zhes bya ba la sogs pa gsungs te/ gzugs ni gzugs kyis stong zhes bya ba ni gzugs gzugs kyi
 rang bzhin gyis stong pa yin gyi/ gcig la gcig med pa'i sgo nas ni ma yin no zhes pa'o/ /de'i zhes bya ba ni gzugs kyi rang bzhin de zhes bya ba ni gzugs rang bzhin gyis stong pa de'o/ /ji ltar gzugs phyi'i skye mched kyis bsdus pa dang/ sems can du
 gtogs pa ma yin pas phyi stong pa nyid la yin/ de bzhin du sgra la sogs pa yang phyi rol pa nyid yin no zhes bstan pa'i phyir sgra dang zhes bya ba la sogs pa gsungs te/ sgra la sogs pa rnams sgra la sogs pa'i rang bzhin gyis stong ste/ de rnams
 kyi rang bzhin de yin pas so/ /gang gi phyir gzugs la sogs pa rnams kyi ngo bo nyid med pa rang bzhin yin pa de'i phyir/ gzugs la sogs pa rnams kyi rang bzhin med pa nyid gang yin pa de phyi stong pa nyid du 'dod pa'o/ /de la mdo'i
 khungs bstan par bya ba'i phyir/ ji skad du zhes bya ba la sogs pa gsungs te snga ma bzhin no zhes bya ba ni ther zug tu gnas pa ma yin pa dang/ 'jig pa ma yin pa nyid la brten nas gzugs la sogs pa rang bzhin med pa yin gyi gcig la gcig
 med pa'i stong pa nyid ni ma yin no zhes sngar bshad pa bzhin du shes par bya'o/ /de bzhin du 'og ma rnams la yang shes par bya'o/ /phyi nang stong pa nyid bstan par bya ba'i phyir/ gnyis car zhes bya ba la sogs pa gsungs te/ gnyis car zhes bya ba ni
 phyi dang nang gi dngos po ste/ de yang mig la sogs pa'i dbang po'i rten rnams yin la/ de rnams sems can du gtogs pa'i phyir dang/ gzhan gyi mig gi rnam par shes pa'i yul yin pas phyi'i skye mched kyis bsdus pa'i phyir ro/ /de la mdo'i
 khungs bstan par bya ba'i phyir/ ji skad du zhes bya ba la sogs pa gsungs so/ /stong pa nyid stong pa nyid bstan par bya ba'i phyir chos rnams zhes bya ba la sogs pa ste/ chos rnams ni 'dus byas dang 'dus ma byas thams cad yin la/ de rnams kyi rang
 bzhin med pa gang yin pa de la stong pa nyid ces bya la/ stong pa nyid de yang stong pa nyid kyi ngo bos stong pa yin te/ stong pa nyid ma yin pa'i dngos po la bltos nas rnam par 'jog pas so/ /des na rang bzhin med pa'i mtshan nyid can gyi stong pa nyid gang yin pa
 de'i stong pa nyid gang yin pa de la stong pa nyid stong pa nyid ces bya bar bsnyad par bya ste/ stong pa nyid kyi rang bzhin gang yang yod pa ma yin no zhes pa'o/ /de la dgos pa bstan par bya ba'i phyir/ stong nyid dngos po blo can gyi zhes bya ba la sogs pa gsungs te/
 gang stong pa nyid la dngos por mngon par zhen pa rnams kyi dngos por zhen pa bzlog pa'i phyir gsungs pa yin no zhes pa'o/ /de mdo'i khungs kyi sgo nas bstan par bya ba'i phyir/ ji skad du zhes bya ba la sogs pa gsungs te/ gal te stong pa nyid stong pa
 nyid kyi mtshan nyid can ni chos thams cad kyi stong pa nyid yin na/ stong pa nyid stong pa nyid dang chos thams cad stong nyid kyi mtshan nyid la khyad par ci yod ce na/ lan ni/ stong pa nyid des zhes bya ba la sogs pa gsungs so/ /don de nyid la 'phags
 pa klu sgrub zhabs kyi bstod pa'i khungs bstan par bya ba'i phyir/ ji skad du kun rtog ces bya ba la sogs pa gsungs te/ kun rtog thams cad gzhom pa'i phyir zhes bya ba ni rnam par rtog pa thams cad spangs pa'i ched du'o/ /stong nyid bdud rtsi
 bstan par mdzad ces bya ba ni stong pa nyid bdud rtsi yin te/ 'khor ba'i rga shi sel bar byed pa yin la de bstan pa'o/ /gang la de la'ang 'dzin yod pa zhes bya ba ni skyes bu gang la stong pa nyid la yang dngos por mngon par zhen la 'god
 pa'o/ de ni khyod kyis smad par mdzad ces bya ba ni stong pa nyid bstan pa'i sgo nas bcom ldan 'das khyod kyis stong pa nyid la mngon par zhen pa bzlog par mdzad pa'o/ /chen po stong pa nyid bstan par bya ba'i phyir/ sems can zhes bya ba la sogs pa
 gsungs te/ 'dir phyogs rnams stong pa nyid la chen po stong pa nyid ces brjod la/ 'dir phyogs rnams chen po nyid yin pa ci'i phyir zhe na/ mu mdza' ni med phyir zhes gsungs so/ /de yang ci'i phyir zhe na/ sems can ni zhes bya ba la sogs pa gsungs te/
 sems can dang snod kyi 'jig rten ma lus pa la phyogs kyis khyab pas phyogs rnams la mu mdza' med pa'i phyir chen po nyid ces pa'o/ /chen po nyid la dpe bstan par bya ba'i phyir/ tshad med dpe yis zhes bya ba gsungs te/ ji ltar byams pa
 la sogs pa rnams kyis sems can rnams la khyab pa stong pa nyid kyis chen po yin la/ de bzhin du phyogs kyang yin no zhes pa'o/ /de 'grel pas bstan par bya ba'i phyir/ phyogs las zhes bya ba la sogs pa gsungs te/ phyogs rnams
 kyis zhes bya ba ni phyogs kyi rang bzhin gyis so/ /chen po nyid kyi dgos pa bstan par bya ba'i phyir/ chen por 'dzin pa bzlog phyir gsungs zhes bya ba la sogs pa gsungs so/ /de la mdo'i khungs bstan par bya ba'i phyir/ ji skad du zhes bya ba la
 sogs pa gsungs so/ /gal te gang la phyogs rnams la chen por mngon par zhen pa yod na ji ltar zhes bya ba la sogs pa gsungs so/ /don dam pa stong pa nyid bstan par bya ba'i phyir/ de ni zhes bya ba la sogs pa gsungs te/ don dam mya
 ngan 'das pa yin zhes bya ba ni gang gi mya ngan las 'das pa la don dam pa zhes brjod pas so/ /ci'i phyir mya ngan las 'das pa la don dam pa zhes brjod ce na/ lan ni/ de ni dgos pa mchog yin pas zhes bya gsungs te/ 'dis ni don gyi sgras dgos pa'ang bstan
 pa yin te/ mya ngan las 'das pa las dgos pa mchog tu gyur pa gzhan med pas mya ngan las 'das pa la don dam pa zhes bya'o/ /de ni de'i stong pa nyid gang zhes bya ba ni mya ngan las 'das pa de yang mya ngan las 'das pa'i rang bzhin gyis stong pa'o/ /dgos pa
 bstan par bya ba'i phyir/ mya ngan las 'das dngos po zhes bya ba la sogs pa gsungs te/ don dam mkhyen pas zhes bya ba ni sangs rgyas bcom ldan 'das rnams kyis so/ /de la mdo'i khungs bstan par bya ba'i phyir/ ji skad du zhes bya ba la sogs gsungs te/ don
 gyi sgras ni dgos pa'i tshig gam zhes bya ba sngar bstan pa bzhin du'o// shes bya'i tshig go zhes bya ba ni don dam pa zhes bya ba 'dir don gyi sgra ni shes bya brjod pa yin la/ des na don dam pa zhes bya ba ni shes bya mchog tu gyur pa yin la/ de yang mya ngan
 las 'das pa las gzhan med pa'i phyir mya ngan las 'das pa la de skad bya'o/ /'dus byas stong pa nyid bstan par bya ba'i phyir/ rkyen las byung ba'i phyir zhes bya ba la sogs pa gsungs so/ /rkyen las byung ba'i phyir zhes bya ba ni las la sogs pa'i
 rgyu'i stobs kyis bskyed pa 'dod pa gzugs dang gzugs med pa'i mtshan nyid can gyi khams gsum la 'dus byas zhes bya'o/ /de ni zhes bya ba ni khams gsum mo/ /de yis zhes bya ba ni khams gsum gyi rang bzhin gyis so/ /de la mdo'i khungs
 bstan par bya ba'i phyir/ /ji skad du zhes bya ba la sogs pa gsungs so/ /'dus ma byas stong pa nyid bstan par bya ba'i phyir/ gang las skye gnas zhes bya ba la sogs pa gsungs te/ gnas pa las gzhan du 'gyur ba med pa'o zhes bya ba ni
 rgas pa med pa'o/ /mdza' las 'das pa stong pa nyid bstan par bya ba'i phyir/ gang la mdza' ni zhes bya ba la sogs pa gsungs te/ gang la rtag pa dang chad pa med pa de ni mdza' las 'das pa ste/ longs spyad rdzogs pa'i sku yin
 la/ de skad cig ma brgyud pas gnas pa'i phyir rtag pa ma yin la/ chad pa ma yin pa'i phyir chad pa'i mdza' las 'das pa'o/ /de zhes bya ba ni mdza' las 'das pa'i longs spyod rdzogs pa'i sku'o/ /de kho na zhes bya ba ni longs spyod rdzogs pa'i sku'i
 rang bzhin gyis so/ /de la mdo'i khungs bstan par bya ba'i phyir/ ji skad du zhes bya ba la sogs pa'o/ /thog ma dang tha ma med pa stong pa nyid bstan par bya ba'i phyir/ thog ma dang zhes bya ba la sogs pa gsungs te/ de la thog ma'i
 sgras ni dang po brjod la/ tha ma'i sgras ni mdza' brjod pa yin no/ /de dag med pa zhes bya ba ni thog ma dang tha ma med pas thog ma dang tha ma med par sgras 'khor ba brjod pa yin/ /de nyid kyi phyir 'khor ba ni thog ma med par brjod ces
 bya ba gsungs te/ thog ma dang tha ma med pa de yang don dam pa ste/ 'khor bar 'gyur ba'i dngos po 'ga' yang med pas so/ /de nyid kyi phyir/ 'gro 'ong bral phyir zhes bya ba gsungs te/ don dam par 'gro ba nas 'gro ba gzhan du 'gro ba
 med pa'i phyir ro/ /'di'i don ni gal te 'gro ba dang 'ong ba yod na 'khor ba yod pa yin la/ gal te 'khor ba yod na thog ma dang tha ma yod par 'gyur ba las 'on kyang 'gro ba dang 'ong ba med pas 'khor ba med pa'i phyir thog ma dang tha ma
 yan med pa de nyid kyi phyir thog ma dang tha ma rnams kyi stong pa nyid gang yin pa de 'khor ba stong pa nyid yin te/ de rnams las tha dad pa'i 'khor ba med pas so/ /de nyid kyi phyir thog ma dang tha ma dang dbus rnams kyi stong ste zhes gsungs pa
 yin no/ /de yis dben nyid ces bya ba ni srid pa nyid kyis so/ /bstan bcos las ni zhes bya ba ni dbu ma'i bstan bcos 'di las so/ /de la mdo'i khungs bstan par bya ba'i phyir/ ji skad du zhes bya ba sogs pa gsungs te/ de la dbus med cing ces bya ba ni gang la thog ma dang tha ma
 med pa de la de dag la bltos pa'i dbus kyang med pa'o/ /thog ma dang tha ma med pa nyid 'chad pa ni/ gang la zhes bya ba la sogs pa gsungs so/ /dor ba med pa stong pa nyid bstan par bya ba'i phyir/ dor ba zhes bya ba sogs pa gsungs te/ de la dor ba'i rnam grangs ni 'thor ba
 dang 'bor ba zhes bya ba gsungs te dor ba'i sgra ni stong pa'o/ /dor ba med ces bya ba ni stong pa spangs pa'o/ /de nyid kyi phyir/ 'ga' yang 'bor med gang yin pa'o zhes bya ba gsungs te/ gang du chos gang yang dor ba med pa ste/ dge ba'i chos theg pa chen po yin no zhes pa'o/ /de nyid kyis zhes bya ba ni
 dge ba'i chos kyi rang bzhin can theg pa chen pos/ /de nyid ces bya ba ni theg pa chen po'o/ /des na theg pa chen po'i stong pa nyid gang yin pa de la dor ba med pa stong pa nyid ces pa'o/ /de la mdo'i khungs bstan par bya ba'i phyir/ /ji skad du zhes bya ba la sogs pa gsungs so/ /dor ba med pa'i don ston pa ni/ /dor ba ni zhes bya
 ba la sogs pa gsungs so/ /rang bzhin stong pa nyid bstan par bya ba'i phyir/ /'dus byas zhes bya ba la sogs pa gsungs te/ slob ma zhes bya ba ni nyan thos rnams te/ de rnams kyi ye shes ni gzhan gyis bstan pa la rag lus pas so/ /'dus byas la sogs pa zhes bya ba la sogs pa'i sgras
 'dus ma byas bsdu bar bya'o/ /de dag gi ngo bo nyid ni rang bzhin te chos nyid ces bya ba'i tha tshig go/ de nyid kyis zhes bya ba ni rang bzhin gyi bdag nyid can chos nyid kyis so/ /de ni zhes bya ba ni chos nyid do/ /de la mdo'i khungs bstan par bya ba'i phyir/ ji skad du zhes bya ba la
 sogs pa gsungs te/ ma byas shing zhes bya ba ni sngar ma byung ba byung ba'i sgo nas so/ /mngon par 'dus ma byas pa ste zhes bya ba ni gnas pa gzhan du 'gyur ba'i sgo nas ma byas pas so/ /chos thams cad stong pa nyid bstan par bya ba'i phyir/ khams bco
 brgyad ces bya ba la sogs pa gsungs te/ khams bco brgyad ni sngar bshad zin te/ reg drug dang zhes bya ba la/ reg pa ni sngar bshad zin to/ /de las byung ba'i tshor ba drug dang zhes bya ba ni reg pa las byung ba'i tshor ba drug go /gzugs
 can zhes bya ba ni gzugs la sogs pa'o/ /gzugs can min zhes bya ba ni rnam par shes pa la sogs pa'o/ /'dus byas zhes bya ba ni rgyu dang rkyen gyis bskyed pa ste phung po lnga'o/ /'dus ma byas zhes bya ba ni nam mkha' la sogs pa ste/ de rnams
 la chos thams cad ces bya'o/ /khams bco brgyad kyi chos kyi khams kyi nang du reg pa dang tshor ba dag ni 'dod chags pa'i dngos kyi rgyu yin pas gtso bo nyid du bstan par bya ba'i phyir logs su smos pa yin no zhes pa'o/ /gzugs can dang gzugs can
 ma yin pa dag kyang gzugs can ma yin pa'i khams bco brgyad kyi chos thams cad bsdu bar khong du ma chud pa rnams la gzugs can dang gzugs can ma yin pa dag logs su bstan pa yin no/ /gzugs dang gzugs can ma yin pa dag tu chos thams cad
 'dus su zin kyang de dag tu chos thams cad 'dus par khong du ma chud pa rnams la 'dus byas dang 'dus ma byas dag logs su bstan pa yin gyi/ 'di rnams la don gyi sgo nas tha dad pa ni yod pa ma yin no zhes pa'o/ /de dag gis dben
 zhes bya ba ni chos thams cad rang bzhin gyis dben pa'o/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs so/ /rang gi mtshan nyid stong pa nyid bstan par bya ba'i phyir/ gzugs su rung bas nas zhes bya ba
 ba la sogs pa gsungs te/ gzungs su rung bas na gzugs/ nyams su myong bas na tshor ba zhes bya ba la sogs pa'i mtshan nyid yod pa ma yin pas de la rang gi mtshan nyid stong pa nyid ces bya ba'o/ /gzugs ni gzugs rung mtshan
 nyid can zhes bya ba ni rnam par bsgyur bas bya ba ma yin bas na gzugs te/ lan pas rig pa'i sgo nas rnam par 'gyur ba'o/ /zhes bya ba la sogs pa gsungs pas so/ /tshor ba myong ba'i mtshan nyid can zhes bya ba ni de la sogs pa'i nyams su myong ba'i bdag nyid
 can yin pas so/ /'du shes mtshan mar 'dzin pa ste zhes bya ba ni 'du shes ring po la sogs pa mtshan mar 'dzin pa'i rang bzhin can yin pas so/ /'du byed mngon par 'du byed pa'o zhes bya ba la mngon par 'du byed pa'i rnam par smin pa 'phen
 par byed pa ste/ sems pa la sogs pas rnam par smin pa 'phen par byed pas 'du byed rnams la mngon par 'du byed pa zhes bya'o/ /yul la so sor rnam par rig pa zhes bya ba ni sngon po la sogs pa'i yul rnams so sor rig pa ni rnam
 par shes pa'i mtshan nyid do/ /phung po sdug bsngal rang mtshan nyid ces bya ba ni sdug bsngal gyi sdug bsngal la sogs pa'i sgo nas sdug bsngal gyi rang bzhin yin pa'i phyir/ phung po ni sdug bsngal gyi mtshan nyid can no/ /khams kyi rang bzhin sbrul gdug 'dod ces bya ba
 ni ji ltar srul gyis skyes bu 'dzin pa de bzhin du khams kyis kyang skyes bu rnams la gnod par byed pa'i phyir/ khams rnams la sbrul gdug pa zhes bya'o/ /de 'grel pas bstan par bya ba'i phyir/ 'dzin par chos mthun pa'i sgo nas zhes bya ba la
 sogs pa gsungs so/ /skye mched kyi mtshan nyid bstan par bya ba'i phyir/ skye mched ces bya ba la sogs pa gsungs so/ /sems dang sems las byung ba dag gi skye ba'i sgo yin pas skye mched ces bya'o/ /de'i 'grel pa bstan par bya ba'i phyir/ sdug
 bsngal 'byung zhing zhes bya ba la sogs pa gsungs te/ sdug bsngal ni sems las byung ba'i nang du 'dus pa'i phyir rtsa ba'i bshad pa dang 'gal ba ni ma yin no/ /rten cing 'brel par byung ba'i mtshan nyid bstan par bya ba'i phyir/
 rten cing zhes bya ba la sogs pa gsungs te/ 'di ni rgyu'i sgo nas mtshan nyid brjod pa yin te/ de nyid kyi phyir rten cing 'brel par 'byung ba 'du 'phrod kyis rab tu phye ba nyid kyi phyir zhes bya ba gsungs te/ tshogs yod par
 'gyur ba ni rten cing 'brel par 'byung ba yod par 'gyur ba yin pas na rten cing 'brel par 'byung ba ni 'du 'phrod kyi mtshan nyid can no zhes brjod pa yin no/ /pha rol tu phyin pa drug gi mtshan nyid bstan par bya ba'i phyir/ stong pa zhes bya ba la
 sogs pa gsungs te/ sngar bstan pa'i sbyin pa'i pha rol tu phyin pa'i 'bras bu'i sgo nas mtshan nyid brjod pa yin te/ de yod na dngos po stong pa yod pas so/ /tshul khrims gdung med mtshan nyid ces bya ba 'di yang 'bras bu'i sgo nas yin
 gyi/ sngar bstan pa'i tshul khrims kyi mtshan nyid can gyi pha rol tu phyin pas bde 'gror skye bas na ngan 'gror gdung ba med pas so/ /bzod ba khong khro med mtshan nyid ces bya ba ni bzod pa ni khro ba med pa'i mtshan nyid can yin pas so/ /brtson
 'grus kyi mtshan nyid kha na ma tho med nyid do zhes bya ba ni brtson 'grus ni dge ba yongs su 'dzin pa'i mtshan nyid can yin pa'i phyir kha na ma tho ba ste sdig pa med pas so/ /bsam gtan sdud pa'i mtshan nyid can zhes bya ba ni bsam gtan
 gyi sgo nas byang chub kyi phyogs la sogs pa'i dge ba'i chos rnams bsgoms pas so/ /shes rab chags med mtshan nyid de zhes bya ba ni des dngos po 'ga' yang chags pa med pa'i phyir ro/ /mjug bsdu ba bstan pa'i phyir/ pha rol phyin pa
 drug rnams kyi ces bya ba la sogs pa gsungs so/ /bsam gtan bzhi la sogs pa'i mtshan nyid bstan par bya ba'i phyir/ bsam gtan zhes bya ba la sogs pa gsungs te/ mi 'khrugs pa mtshan du gsungs zhes bya ba ni rgyu'i sgo nas
 mtshan nyid bstan pa yin te/ de nyid kyi phyir/ de dag khong khro ba spangs pa'i phyir zhes bya ba gsungs te/ de dag zhes bya ba ni bsam gtan la sogs pa'o/ /nges par 'byung byed par mtshan nyid ces bya ba ni 'khor bas 'byung bar byed pa'i rgyu yin pas so/
 bsam gtan la sogs pa dag ni sngar bshad zin to zhes bya ba la/ bsam gtan dang/ tshad med pa dang gzugs med pa la sogs pa rnams ni sems bskyed pa gsum par bshad zin to/ /byang chub kyi phyogs kyi chos sum cu bdun ni sems bskyed
 pa bzhi par bstan zin to/ /stong pa nyid la sogs pa rnam par thar pa'i sgo gsum gyi mtshan nyid bstan par bya ba'i phyir/ stong pa nyid kyi mtshan nyid ni zhes bya ba sogs pa gsungs te/ stong pa nyid kyi mtshan nyid dmigs pa med pas rnam dbyen nyid
 ces bya ba ni dngos po ma dmigs pas dngos po'i rgyu mtshan can gyi rnam par rtog pa med pa'i phyir ro/ /rnam pa brtog pa thams cad kyis dbyen ba ni stong pa nyid kyi mtshan nyid do/ /mtshan ma med pa zhi nyid de zhes bya ba ni byang chub kyi phyogs la sogs pa'i mtshan
 ma ma dmigs pa'i sgo nas sems la rnam 'gyur med pa'o/ /gsum pa'i mtshan nyid sdug bsngal dang gti mug med ces bya ba ni sdug bsngal dang gti mug med pa ste/ shes rab kyi sgo nas son pa med pa'i ting nge 'dzin skyes pas so/ /de 'grel
 pas bstan par bya ba'i phyir/ /rnam par thar pa'i sgo zhes bya ba la sogs pa gsungs te/ /'du byed sdug bsngal gyi bdag nyid can rnams la yang dag par rjes su lta zhing zhes bya ba ni kun rdzob tu sdug bsngal gyi sdug bsngal la sogs
 pa gsum gyis 'du byed rnams sdug bsngal gyi bdag nyid can du lta zhing ngo/ /shes rab kyi 'du byed kyi 'du byed rang bzhin la lta ba na zhes bya ba ni shes rab kyi stobs kyis 'du byed rnams rang bzhin med par lta ba na'o/ /rnam par thar pa brgyad
 kyi mtshan nyid bstan par bya ba'i phyir rnam par thar pa rnams kyi zhes bya ba la sogs pa gsungs te/ 'di rnams kyi sgrib pa las rnams grol bar 'gyur ba yin pas na rnam par thar pa rnams kyi mtshan nyid ni
 rnam par grol bar byed pa'o/ /rnam par thar pa rnams sngar ma gsungs pas rnam par thar pa brgyad bstan par bya ba'i phyir/ rnam par thar pa brgyad ni zhes bya ba la sogs pa gsungs te/ de la sprul pa'i sgrib pa dang bral bas na rnam
 par thar pa brgyad po gnyis so/ /sbrul pa'i nyon mongs pa'i sgrib pa'i rnam par grol bar byed pas na gsum pa'o/ /ro myang ba las rnam par 'grol bar byed pas na gzugs med pa'i rnam par thar pa bzhi pa'o/ /de la ro myang ba ni 'di ni zhi ba'o//
 'di ni gya nom ba'i zhes bya ba la sogs pa'o/ /de las rnam par grol bar byed pa'o/ /de nyid kyi phyir dga' ba zhes brjod par bya'o/ /'du shes dang tshor ba 'gog pa'i sgrib pa las rnam par grol bar byed pa na brgyad pa'o/ /'di rnams la
 bdun ni ting nge 'dzin gyi rang bzhin can yin la/ brgyad pa ni sems dang sems byung ba 'gog pa'i rang bzhin can no/ /ting nge 'dzin gyi rang bzhin can 'di rnams kyi dmigs pa ni ming gi rjes su 'brangs nas shes par bya'o/ /brgyad pa
 la dmigs pa med de/ sems dang sems las byung ba 'gog pa'i rang bzhin can yin pas so/ /'di rnams ni mdor bsdu na lam gyis bsdus pa yin te/ sprul pa'i lam dang/ sprul pa'i kun nas nyon mongs pa'i gnyen po'i lam
 dang/ mthong ba'i chos la bde bar gnas pa'i lam mo/ /de la sprul pa'i lam ni rnam pa gnyis te/ bdag nyid la gzugs med pa'i 'du shes mi sgom pa dang/ sgom pa'o/ de dag ni rim pa bzhin du dang po gnyis so/ /sprul pa ni kun
 nas nyon mongs pa'i gnyen po yang rnam pa gnyis te/ sdug pa'i gzugs sprul pa la rtsol ba'i sgrib pa'i gnyen po dang/ mi sdug pa'i gzugs sprul pa'i mi mthun pa'i gnyen po'i sgrib pa'o/ /de ni yang gsum pa yin te/ gnyi ga'i gnyen po yin pas so//
 mthong pa'i chos la bde bar gnas pa'i lam la yang gnyis te/ zhi bar gnas pa'i lam dang/ thar pa dang rjes su mthun pa'i gnas pa'i lam mo/ /de la dang po ni rnam par thar pa bzhi yin la/ gnyis pa ni 'du shes tshor ba 'gog par rnam par
 thar pa'o/ /brgyad po 'di rnams kyi nang nas dang po dang gnyis pa'i las ni sprul par mngon par sprul par byed pa'o/ /gsum pa'i las ni sdug bsngal pa la kun nas nyon mongs pa med pa'o/ /bzhi pa'i las ni zhi ba'i rnam par thar pa'i ro
 myang ba med pa'o/ /brgyad pa'i las ni mchog tu zhi ba'i 'phags pa'i gnas pas gnas pa'o/ /'di ni rnam par thar pa brgyad kyi dag gi don no/ /tshig gi don ni bsam gtan la brten nas rang gi bdag nyid la gzugs med pa la brten te
 gzugs med pa'i 'du shes mi sgom pa 'am/ gzugs kyi 'du shes pa don du byas nas nang gzugs su 'du shes pas phyi rol gyi gzugs rnams la kha dog sdug pa dang mi sdug par lta ba yin te/ rim pa bzhin du bying ba
 rgod pa zhi bar bya ba'i don du ste/ de la mi sdug pa bsgom pas sems kyi rgyun bying bar mthong na kha dog sdug par sta ba/ kha dog sdug par bsgom pas sems kyi rgyud rgod par mthong na kha dog mi sdug pa la lta bar bya'o/ /de la
 lta ba ni mos pas sprul pa rnams la yid kyis blta ba'o/ /nang gzugs su 'du mi byed pa la sogs pa ni gzugs med pa'i snyoms par 'jug pa rnams la rten nas lta ba po'i rang bzhin ni bdag nyid la gzugs med pa'i 'du
 shes bsgoms pas sam gzugs med pa'i 'du shes mngon du byas nas so/ /lhag ma ni sngar bzhin du'o/ /'di dag gi khyad par ni nang gi bdag nyid la yin gyi/ phyi la ni ma yin no/ /sdug pa'i rnam par thar pa bsam
 gtan bzhi pa'i bdag nyid can gsum pa'o zhes bya ba ni sdug pa dang mi sdug pa'i gzugs so so la phan tshun bltos pa'i 'du shes dang/ phan tshun rjes su zhugs pa'i 'du shes dang/ phan tshun ro gcig tu gyur pa'i 'du shes thob pas lta ba
 la gnas pas sa dag par 'byor pa'i ting nge 'dzin gang yin pa'o/ /de la sdug pa dang mi sdug pa dag la phan tshun bltos pa'i 'du shes dang/ phan tshun rjes su zhugs pa'i 'du shes la brten nas phan tshun ro gcig pa'i 'du shes thob par
 'gyur te/ 'di ltar gzugs sdug pa la bltos nas de las gzhan pa'i mi sdug pa'o zhes 'byung ba yin la mi sdug pa la bltos nas kyang sdug pa yin gyi/ ma bltas par ni ma yin te/ ci mthong ba la sdug pa dang mi sdug pa'i blo mi
 skye bas so/ /de bzhin du sdug pa la mi sdug pa nyid rjes su zhugs pa yin la/ mi sdug pa la yang sdug pa nyid yin te/ sdug par 'dod pa'i skra la sogs pa yang mi gcod pa'i rdzas sum cu rtsa drug gi nang du 'dus pas so/ /de ltar phan
 tshun gzugs thams cad bsres nas sdug pa dang ro gcig pa'i 'dus shes kyis lhag par mos par byed pa yin no/ /de nyid kyi phyir sdug pa'i rnam par thar pa zhes brjod pa yin no/ /ji ltar 'dod pa bzhin du gzugs la lhag par mos
 pa'i yang dag par 'byor pa thob pa de la sprul pa'i kun nas nyon mongs pa spong bar 'gyur ba'o/ /gzugs med pa bzhi ni zhes bya ba ni nam mkha' mdza' yas skye mched kyi rnam par thar pa dang/ rnam shes mdza' yas kyi dang/ ci yang
 med pa'i ngang/ yod min med min gyi skye mched kyi rnam par thar pa'o/ /de la nam mkha' mdza' yas skye mched kyi rnam par thar pa ni rnam par thar pa dang rjes su mthun pa nam mkha' mdza' yas skye mched la gnas pa'i yang dag par 'byor pa'i mtshan nyid can gyi ting nge 'dzin
 gang yin pa'o/ /de bzhin du rnam shes mdza' yas pa la sogs pa 'di rnams kyang zag pa med pa dang rjes su mthun pa ni thar pa zhes bya ba'i ming thob par 'gyur te/ de'i ro myong ba la rnam par thar par byed pas so/ /'du shes dang tshor ba 'gog pa ni zhes bya ba ni
 yod min med min gyi skye mchad la brten nas zhi ba'i rnam par thar pa las 'das te/ thar pa dang rjes su mthun par yang dag par 'byor pa 'du shes dang tshor ba 'gog pa'i sgrib pa las rnam par thar par bya ba'i phyir sems dang sems las byung ba'i
 chos rnams 'gog pa ma yin pa'o/ /rnam par thar pa brgyad po 'di dag ni 'phags pa'i gnas zhes bya ste/ 'di dag gi 'phags pa rnams gnas pa'i phyir ro/ /de la 'phags pa dag ni gnas gnyis lan mang du gnas te/ gsum pa dang
 brgyad pas 'phags pa rnams phal cher gnas te mchog yin pa'i phyir ro/ /de'i phyir 'di dag la lus kyis mngon du byas nas rdzogs par byas te gnas so zhes gsungs so/ /gzhan dag la ni ma yin te/ gzugs can
 dang gzugs can ma yin ba'i rnam par thar pa'i sgrib pa ma lus pa rim pa bzhin du di dag gis spangs pa so/ /stobs kyi mtshan nyid bstan par bya ba'i phyir/ stobs rnams zhes bya ba la sogs pa
 gsungs te/ gnas dang gnas pa ma yin pa la sogs pa la thogs pa med pa'i ye shes mnga' bas shin tu gtan la phebs pa'i mtshon can de mi mthun pa'i phyogs kyis zil gyis gnon par mi nus pas so de nyid
 kyi phyir shin tu rnam par gtan la phebs pa nyid kyis zhes bya ba gsungs so/ /mi 'jig pa rnams kyi mtshan nyid bstan par bya ba'i phyir/ skyob pa'i zhes bya ba la sogs pa gsungs te/ skyob pa ni nyid kyi thugs su chud pa'i lam rab tu ston par mdzad
 pa'i sangs rgyas bcom ldan 'das yin la/ de'i gang mi 'jigs pa de ni shin tu brtan pa'i mtshan nyid can de/ dam bcas pa rnam pa bzhi la sus kyang g.yo bar mi nus pas so/ /de rnams sngar bstan pas 'dir bstan par bya ba'i phyir/ mi 'jigs pa ni
 bzhi ste zhes bya ba la sogs pa gsungs te/ de la mi 'jigs pa bzhi ni mngon par rdzogs par byang chub pa la mi 'jigs pa dang/ zag pa zad ba la mi 'jigs pa dang/ bar du gcod pa'i chos rnams la mi 'jigs pa dang/ nges par 'byung pa'i
 lam la mi 'jigs pa'o/ /mngon bar rdzogs par byang chub ba la mi 'jigs pa ni bsam gtan la brten nas rang gi don gyi dbang du byas te/ shes bya rnam pa thams cad du mngon par rdzogs par byang chub par dam bcas pa rab tu gnas par
 dbang 'byor pa'i ting nge 'dzin dang shes rab dang de dag dang mtshungs par ldan pa'i sems dang sems las byung pa'i chos rnams so/ /de nyid bstan par bya ba'i phyir/ 'di lta ste zhes bya ba la sogs pa gsungs te/ su yang rung ste zhes bya ba ni dge sbyong
 la sogs pa las gzhan no/ /chos dang mthun par zhes bya ba ni rigs par ro/ /zag pa zad pa la mi 'jigs pa ni rang gi don gyi dbang du byas te/ rnam pa thams cad du zag pa zad par dam bcas pa la brtan ba la dbang 'phyar pa'i zhes bya ba la
 sogs pa snga ma bzhin no/ /de nyid bstan par bya ba'i phyir kye ma da zag pa zad pa zad do zhes bya ba la sogs pa gsungs so/ /bar du gcod ba'i chos rnams la mi 'jigs pa ni/ gzhan gyi don gyi dbang du byas te rnam pa thams cad du bar du gcod
 pa'i chos su bstan bar zhal gyis 'che ba 'jog pa la dbang 'byor pa'i zhes bya ba snga ma bzhin du'o/ /de nyid bstan par bya ba'i phyir/ ngas gang zhes bya ba la sogs pa gsungs te/ bar du gcod pa'i chos zhes bya ba ni bying ba dang rgod pa la sogs pa'o/ /nges
 par 'byung ba'i lam la mi 'jigs pa ni bsam gtan la brten nas gzhan gyi don dbang du byas te/ rnam pa thams cad du nges par 'byung ba'i byed pa'i lam bstan par zhal gyis 'che ba 'jog pa la dbang 'byor pa'i zhes bya ba la sogs pa snga ma
 bzhin no/ /de nyid bstan par bya ba'i phyir/ gang yang zhes bya ba la sogs pa gsungs te/ 'phags pa zhes bya ba ni zag pa med pas so/ /nges par 'byin pa zhes bya ba ni thar pa'i rjes su mthun pas so/ /de byed pa zhes bya ba ni lam bsgom par byed pa gang zag go /de dag
 la nan tan byas na zhes bya ba ni lam bsgom pa la'o/ /shin tu bstan pa'i mtshan nyid can zhes bya ba ni dam bca' 'di rnams gzhan dag gis 'gyur bar bya bar mi nus pa'i phyir ro/ /mi 'jigs pa bzhi pa 'di rnams ni rang gi don dang gzhan gyi don gyi
 dbang du byas nas rig par bya ste/ de la rang gi don ni rnam pa gnyis te/ ye shes kyi khyad par dang/ spangs pa'i khyad par ro/ gzhan gyi don la yang rnam pa gnyis te/ mi mthun pa'i phyogs kyi chos yongs su spong ba dang/ gnyen po'i chos la yongs su brten pa'o/ /de la
 mngon par rdzogs par byang chub ba la mi 'jigs pa ni ye shes kyi bdag nyid can bdag gis don gyi dbang du byas pa'i ting nge 'dzin la sogs pa'o/ /de bzhin du gzhan la yang shes par bya'o/ /so so yang dag par rig pa'i mtshan nyid bstan par bya ba'i
 phyir/ so so yang dag par rig pa rnams ni zhes bya ba la sogs pa gsungs te/ spobs zhes bya ba ni rigs pa dang thog ma med par brjod pa yin pa'o/ /sogs pa'i sgras ni chos dang don la nges pa'i tshig rnams bsdu bar bya'o/ /tshad mang mtshan nyid
 can zhes bya ba ni so so yang dag par rig pa ni tshad med pa'i mtshan nyid can te/ chos dang don dang nges pa'i tshig dang spobs pa rnams thogs pa med pas so/ /tshang med pa rnams sngar bshad zin pas so so'i mtshan nyid bstan par bya ba'i
 phyir 'gro la phan par zhes bya ba la sogs pa gsungs te/ 'gro la phan pa nyer sgrub pa zhes bya ba ni sems can thams cad bde ba dang ldan par 'gyur cig /bya ba'i phan pa nye bar bsgrub pa la byams pa chen po zhes bya'o/ /yongs su skyob pa zhes bya ba ni
 sems can thams cad sdug bsngal las yongs su drang bar bya'o snyam pa'i yongs su skyob pa'i mtshan nyid can ni snying rje chen po'o/ /rab dga' i mtshan nyid ces bya ba ni sems can thams cad dus thams cad du bde ba dang mi 'bral bar gyur cig snyam
 pa'i rab tu dga' ba'i rnam pa can dga' ba'o/ /btang snyoms ni ma 'dres mtshan nyid can zhes bya ba ni sems can thams cad rnyed pa dang ma rnyed pa la sogs pa'i yod par gyur na rjes su chags pa dang khong khro ba la sogs pa dang ma 'dres pa'i
 sems dang ldan par gyur cig snyam pa'i de lta bu'i rnam pa can ni btang snyoms su shes par bya'o/ /sangs rgyas kyi chos ma 'dres pa bco brgyad kyi mtshan nyid bstan par bya ba'i phyir/ sangs rgyas chos ni zhes bya ba la sogs pa gsungs te/ ma 'dres
 pa zhes bya ba ni thun mong ma yin pa'o/ /bcu dang brgyad ces bya ba ni bco brgyad do/ /gang phyir ston des mi 'phrog pa zhes bya ba ni de'i sgo nas gzhan gyis pham par byed mi nus pa'o/ /mi 'phrogs rang mtshan nyid ces bya ba ni pham par mi nus pa'i mtshan
 nyid can no/ /sangs rgyas kyi chos ma 'dres pa bco brgyad sngar ma bstan pa de rnams bstan par bya'i phyir/ de la zhes bya ba la sogs pa gsungs te/ de rnams kyi rnam par bzhag pa ni thun mong ma yin pa'i sku dang gsung dang thugs kyi 'phrin
 las yongs su dag pa yang dag par 'byor pa dang rten dang bcas pa dang 'bras bu dang bcas pa dang/ de bzhin gshegs pa'i dbang po brnyed pa las yongs su mi nyams pa'i yang dag par 'byor pa dang/ thun mong ma yin pa'i las kyi kun spyod pa'i ye shes kyi
 gnas pa'i yang dag bar 'byor pa dang/ thun mong ma yin pa'i ye shes kyi gnas pa'i yang dag par 'byor pa'i ting nge 'dzin la sogs pa gang yin pa de ni sangs rgyas kyi chos ma 'dres pa bco brgyad do/ /de la 'di rnams kyi nang nas dang po drug ni thun mong ma yin
 pa'i sku dang gsung dang thugs kyi 'phrin las yongs su dag pa'i ting nge 'dzin la sogs ba'o/ /de bas 'khrul pa mi mnga' o zhes bya ba ni sku'i 'phrin las yongs su dag pa'i dbang du mdzad nas so/ /ca co mi mnga' o zhes bya ba 'dis mi gsung gi 'phrin las kyi dbang du
 mdzad nas so/ /bsnyel ba mi mnga' o zhes bya ba dang/ thugs mnyam par ma bzhag pa mi mnga' o zhes bya ba dang/ tha dad pa'i 'du shes mi mnga' o zhes bya ba dang/ so sor ma brtags pa'i btang snyoms mi mnga' o zhes bya ba 'di ni thugs kyi 'phrin las yongs su
 dag pa'i dbang du mdzad nas yin par rig par bya'o/ /'dun pa nyams pa mi mnga' zhes bya ba nas/ rnam par grol ba nyams pa mi mnga' o zhes pa'i bar ni rten dang bcas pa dang 'bras bu dang bcas pa'i de bzhin gshegs pa'i dbang po brnyes pa
 las ni nyams pa'i yang dag par 'byor pa'i ting nge 'dzin la sogs pa'o/ /de la rten ni 'dun pa'o/ /'bras bu ni rnam par grol ba'o/ /dbang po ni brtson 'grus la sogs pa la rig par bya'o/ /sku dang gsung dang thugs kyi 'phrin las thams cad ye
 shes sngon du 'gro zhing ye shes kyi rjes su 'brang ngo zhes bya ba gsum po 'di ni thun mong ma yin pa'i 'phrin las kun tu spyod pa'i ye shes gnas pa'i yang dag ba'i 'byor pa'i ting nge 'dzin la sogs pa gang yin pa'o/ /'das pa'i dus la ma chags ma
 thogs pa'i ye shes gzigs pa 'jug ces bya ba nas/ de ltar brjod bar bya'o zhes bya ba'i bar gsum ni thun mong ma yin pa'i ye shes kyi yang dag par 'byor pa'i ting nge 'dzin la sogs pa'o/ /'di rnams kyi don ni/ de la
 de bzhin gshegs pa la 'khrul pa mi mnga' o zhes bya ba ni ji ltar dgra bcom rnams la grod? la sogs bar bsod snyoms la 'gro ba la glang po che dang rta dang glang dang khyi gdug pa dang tsher ma dang sprul la sogs pas gnod pa dang/ dgon pa ru
 chom rkun dang/ stag la sogs pa'i 'jigs pa 'byung ba de lta bu'i 'khrul pa de bzhin gshegs pa rnams la rnam pa thams cad du mi mnga' o/ /ca co mi mnga' o zhes bya ba 'dir/ ji ltar dgon par lam nor pa'i dgra bcom pa rnams la skad
 shin tu chen po 'byin par 'gyur ba 'am bag chags kyi dbang gis gang mo chen po rgod par 'gyur ba de lta bu sangs rgyas bcom ldan 'das rnams la mi mnga' ste/ rtag tu mnyam par bzhag pa yin pas so/ /bsnyel ba mi mnga' o zhes bya ba ni
 ji ltar dgra bcom pa rnams sems ma gtad na bya ba mi byed pa dang/ dus las 'da' ba de bzhin du sangs rgyas bcom ldan 'das ma yin te thugs rje chen po mnga' bas so/ /thugs mnyam par ma bzhag pa mi mnga' o zhes bya ba ni ji ltar dgra bcom
 pa rnams snyoms par 'jug pa'i dus nyid na mnyam par bzhag pa yin gzhan du ni ma yin pa de bzhin du sangs rgyas bcom ldan 'das ni ma yin te/ rtag tu mnyam par bzhag pa'i phyir ro/ /de bzhin du tha dad pa'i 'du shes dang zhes bya ba
 la/ mi mnga' o zhes bya ba thams cad du sbyar bar bya'o zhes de bzhin du zhes bya ba'i sgras bstan pa yin no/ /des na tha dad pa'i 'du shes mi mnga' o zhes bya ba'i don du 'gyur ba yin te/ ji ltar dgra bcom pa rnams gcig nges par phung po la mi
 mthun pa'i 'du shes dang ldan la/ mya ngan las 'das pa la zhi ba'i 'du shes dang ldan pa de bzhin du sangs rgyas bcom ldan 'das ni ma yin te/ rang bzhin gyi bdag med pa'i phyir gnyi ga la rnam par rtog pa mi mnga' bas so/ /so sor ma brtags pa'i
 btang snyoms mi mnga' o zhes bya ba ni ji ltar dgra bcom pa rnams so sor ma brtags par sems can gyi don yal bar 'dor ba de bzhin du sangs rgyas bcom ldan 'das ni ma yin te/ de'i dus la sogs pa so sor brtags pa nyid kyis btang snyoms su gnas
 par 'gyur gyi gzhan du ma yin no/ /'dun pa nyams pa mi mnga' o zhes bya ba la/ ji ltar dgra bcom pa rnams la rigs kyi dbang gis sangs rgyas kyi rgyuAm/ sangs rgyas kyi mdzad pa rnams la 'dun pa la sogs pa med par 'gyur la/ des na de rnams de
 las ma thob pa'i nyams pas nyams par 'gyur ba yin la/ de bzhin du sangs rgyas bcom ldan 'das ni ma yin te/ de rnams la chos kyi khyad par ma thob pas mi mnga' bas so/ /de bzhin du dgra bcom pa rnams brtson 'grus dang dran pa dang ting nge
 'dzin dang shes rab dang rnam par grol bas kyang ma thob pa las nyams pas yongs su nyams par 'gyur ba de bzhin du de bzhin gshegs pa rnams la yongs su nyams ba mi mnga' ba'o/ /lus kyi las thams cad ces bya ba ni ji ltar dgra bcom
 pa rnams dus gcig la dge pa'i las la 'jug cing dus cig lung du ma bstan pa la'o/ /ji ltar lus kyi las la yin pa de bzhin du ngag gi las dang yid kyi las la yang ngo/ /de bzhin gshegs pa rnams ni las gsum car yang ye shes
 sngon du 'gro zhing ye shes kyi rjes su 'breng ba'i phyir lung du ma bstan pa'i las ni mnga' ba ma yin no/ /de la ye shes kyis kun nas bslang bas na ye shes sngon du 'gro ba zhes bya la/ ye shes dang lhan cig tu spyod pa'i phyir/ ye shes kyi rjes su 'brang ba zhes bya'o//
 'das pa'i dus la ma chags zhes bya ba la sogs pa ni gang gi dgra bcom pa rnams la chags pa med pa'i ye shes mthong ba 'jug pa/ dus gsum gyi shes bya'i dngos po rtsol ba tsam gyi sgo nas shes pa med cing/ gang gis
 na thogs pa med pa'i ye shes kyi gzigs pa 'jug pa thams cad shes pa yang med la/ de bzhin gshegs pa rnams ni dus gsum gyi shes bya rnams rtsol ba tsam gyis thams cad mkhyen pa yin no/ /des na bco brgyad po 'di rnams la
 sangs rgyas kyi chos ma 'dres pa zhes brjod pa yin no/ /mi 'phrogs pa bshad par bya ba'i phyir/ de lta bu'i zhes bya ba la sogs pa gsungs so te/ 'khrul pa la sogs pa zhes bya ba la sogs pa'i sgras ni ca col sogs pa bsdu bar bya'o/ /klags
 med pa nyid kyis zhes bya ba ni de rnams la gzhan gyis klags mi rnyed pas so/ /de rnams kyi bshad pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ lus 'khrul pas zhes bya ba ni lus gzhan du
 'gyur pas so/ /chos dang mthun par zhes bya ba ni rig pas zhes ba ste gzhan du na gang gang la 'khrul ba mi brjod ces pa'o/ 'khrul pa mi mnga' ba la rgyu mtshan 'dri ba ni/ de ci'i phyir zhe na zhes bya ba gsungs so/ /de la lan ni/ sangs rgyas
 zhes bya ba la sogs pa gsungs te/ kun tu lta dang zhes bya ba ni phyogs kun tu gzigs pa'o/ /rnam par lta ba dang zhes bya ba ni khyad par du gzigs pa ni rnam par lta ba ste/ phyogs gcig tu gzigs pa yin no zhes pa'o/ /bskum
 pa dang zhes bya ba ni zhabs la sogs pa'o/ /brkyang ba dang zhes bya ba ni zhabs la sogs pa skyong ba'o/ /de rnams kyi dus na chos gos sbyar ba dang/ thang ba dang/ lhung bzer dang/ ches gos thogs pas/ thang ba dang/ lhung bzed pa/ chas
 gos thogs pas spyod lam mdzes pa ste/ de la chos gos sbyar ma ni phyed shar ro/ /thang gos ni chos gos so/ /lhung bzed ni bsod snyoms kyi snod/ /chos gos ni snam sbyar ro/ /de rnams thogs pa ni 'chang pa'o/ /bye brag tu bstan nas/ /spyir bstan par bya ba'i phyir/ spyod
 lam bzhi yod pa dang/ zhes bya ba la sogs pa gsungs te gzims pa dang/ bzhugs pa dang/ bzhengs pa dang/ sku 'chag pa mnga' bas so/ /rkang mthil zhes bya ba la sogs pa ni zhabs kyi 'thil gyi 'og tu 'khor lo rtsibs stong dang ldan pa'i
 steng du pad+ma mngon par 'byung ba'o/ /rdzi rlung yug pa'i rlung gis kyang zhes bya ba ni chags pa'i dus kyi rdzi rlung gi khyad par te/ de rnams shin tu shugs dang ldan pa'i phyir ro/ /de ltar sku la 'khrul pa med par bstan nas/ gsung las 'khrul ba med pa bstan
 par bya ba'i phyir byis pa 'am zhes bya ba la sogs pa gsungs te/ dus su smra zhes bya ba ni dus thams cad du mi gsung par dus la bab pa'i tshe gsung ngo/ /tshigs su smra ba zhes bya ba ni skabs su bab pa gsung gi skabs su ma bab pa mi gsung ngo/ /yang dag par
 smra ba zhes bya ba ni bden par gsung ba'i phyir ro/ /de bzhin byed pa po zhes bya ba ni/ ji skad du gsungs pa de bzhin bsgrub par mdzad pa'o/ /shin tu nges pa'i tshig dang ldan pa'o zhes pa ni yi ge nges par bye nas don dang ldan pa'i gsung mnga' 
 ba ste/ dper na 'jig pas na 'jig rten zhes pa lta bu'o/ /sems can thams cad tshim par byed pa'i tshig dang ldan pa'o zhes bya ba ni/ bcom ldan 'das kyi gsung gi sems can rnams kyi bsam pa bzhin du tshim par mdzad pas so/ /mi
 bzlos pa'i tshig dang ldan pa'o/ zhes bya ba ni sems can gyi bsam pa la mi bltos pa sngar gsung ba yang mi gsung bas so/ /gus pa'i tshig 'brus brgyan pa'i tshig dang ldan pa'o/ (/zhes bya ba ni gus par) gus pas gsungs pas so/ /skad cig brjod pas
 sems can thams cad kyi bsam pa tshim par byed pa ste/ zhes bya ba ni chos gcig gsungs pas sems can rnams kyi bsam pa ji lta ba bzhin du chos bstan par snang bas so/ /de yang gdul byas brtags na de
 ltar snang ba yin gyi/ don dam par gsungs pa ni yod pa ma yin no/ /de nyid kyi phyir slob dpon klu sgrub zhabs kyis/ khyab bdag khyed kyis yi ge gang/ /gcig kyang gsungs pa yod ma yin/ /gdul bya skye bo ma lus pa/ /chos kyi char gyis tshim
 par mdzad/ ces gsungs so/ /de ltar ngag gi 'khrul pa med par bstan nas/ thugs la 'khrul pa mi mnga' bar bstan par bya ba'i phyir/ gang gi phyir zhes bya ba la sogs pa gsungs te/ sangs rgyas kyi bya ba thams cad byed kyang zhes bya ba ni/
 sngon smon lam gyi dbang gis dang/ de bzhin gshegs pa'i mthus sems can gyi don la 'jug pas so/ /sems der mi gtong zhes bya ba ni chos thams cad thugs su chud par bya ba'i phyir rtsol bar mi mdzad pa'o/ /chos thams cad la chags
 pa med pa'i ye shes mthong ba 'jug ste/ zhes bya ba ni mngon par zhen pa mi mnga' ba'i ye shes kyis chos thams cad gcig pa'o/ /'khrul pa thams cad spangs pa'i phyir zhes bya ba ni lus dang ngag dang sems kyi 'khrul ba spangs
 pa'i ched du'o/ /'di ni de bzhin gshegs pa'i las bco lnga pa'o zhes bya ba ni/ gzungs kyi dbang phyug gi rgyal pos gsungs pa'i mdo las/ (sum cu rtsa gnyis gang gsungs pa de rnams kyi nang nas 'khrul pa thams cad spangs) pa'i don du chos bstan pa gang yin pa
 de ni de bzhin gshegs pa'i las bco lnga par rig par bya'o/ /sangs rgyas kyi chos ma 'dres pa rnams kyi nang nas/ sangs rgyas kyi chos ma 'dres pa dang po'i zhes gsungs so/ /de bzhin du 'og ma rnams la yang shes par bya'o/ /de
 bzhin gshegs pa la ca co mi mnga' ba'i de'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ ca co med do zhes bya ba ni nyon mongs pa 'am 'jigs pas kun nas bslang ba'i sgra mi mnga' ba'o/ /bdud kyi rigs kyi lha
 lha 'am zhes bya ba ni bdud dang mtshungs pa'i 'khor du gtogs pa'i lha'o/ /ca co'am zhes bya ba ni 'dod chags kyi stobs kyis so/ /rjes su ca zo zhe sdang gi stobs kyis so/ /rjes su chags pa dang khong khro ba dang bral zhes bya ba ni 'dod chags dang zhe sdang mi
 mnga' bas so/ /'dod chags dang zhe sdang mi mnga' ba rgyas par bstan par bya ba'i phyir/ sems can thams cad kyi zhes bya ba la sogs pa gsungs te/ gal te de bzhin gshegs pa la 'gyod pa mnga' bar gyur na/ de'i tshe mya ngan gyi ca co 'byung
 bar 'gyur ba las/ de bzhin gshegs pa la 'gyod pa mi mnga' bas ca co mi mnga' ba'o/ /de nyid bstan par bya ba'i phyir/ bya dka' ba'i zhes bya ba la sogs pa gsungs te/ gal te de bzhin gshegs pa la bya ba 'ga' zhig bya dka' bar
 'gyur na/ de'i tshe bya ba de mdzad mi nus pas 'gyod pa skye bar 'gyur ba las de med pas 'gyod pa mi mnga' ba'o/ /mthar ma phyin pa zhes bya ba ni brtsams pa ma rdzogs pa'o/ /ca co'i rgyu rtsod pa med pas ca co med pa yin no/ /zhes bstan par bya ba'i phyir/
 de bzhin gshegs pa ni zhes bya ba la sogs pa gsungs te/ de'i phyir zhes bya ba ni rtsod pa med pas so/ /nyon mongs pa med pa la gnas pa ste/ zhes bya ba ni bsam gtan la brten nas gzhan gyis nyon mongs pa skye bas rjes su bsrung ba'i gnas
 ba yang dag par 'byor pa'i ting nge 'dzin gang yin pa de ni nyon mongs pa med pa yin la/ de gnas pas nyon mongs pa med pa la gnas pa'o/ /nga'i? 'ang med pa dang nga yir 'dzin pa zhes bya ba ni bdag gi ba'i mngon par zhen pa med pas so/ /de
 nyid kyi phyir len pa med pa zhes bya ba gsungs te/ bdag tu lta ba'i nye bar len pa'i rang bzhin gyi 'jig tshogs la lta ba med pas so/ /'dud pa thams cad dang bral ba ste zhes bya ba ni bdud ba ste nyon mongs pa 'di la mi
 mnga' bas so/ /de'i phyir zhes bya ba ni nyon mongs pa med pa la gnas pa la sogs pas so/ /ji ltar zhes bya ba ni sngar bzhin du'o/ /sangs rgyas kyi chos ma 'dres pa gsum pa mdo'i sgo nas bstan par bya ba'i phyir/ rigs kyi bu zhes bya ba la
 sogs pa gsungs te/ chos gang la yang zhes bya ba ni phung po la sogs pa'i nang nas chos 'ga' zhig la yang ngo/ /bsam gtan dang/ rnam par thar pa dang/ ting nge 'dzin dang/ snyoms par 'jug pa thams cad la zhes bya ba ni bsam
 gtan bzhi dang/ rnam par thar par brgyad dang/ nam mkha' mdzad la sogs pa'i ting nge 'dzin rnams dang/ bsam gtan dang po nas 'gog pa'i snyoms par 'jug pa'i bar gyi snyoms par 'jug pa rnams la de bzhin gshegs pa bsnyel ba med
 pa'o/ /sems can thams cad kyi sems kyi spyod pa dang g.yo ba la rnam par lta zhing zhes bya ba la/ sems can thams cad kyi sems kyi spyod pa ni 'dod chags la sogs pa'o/ /g.yo ba'i ni 'dod chags dang bcas pa la sogs pa dang/
 rjes su mthun pa'i yul la 'jug go /de rnams la rnam par lta zhing ni gzigs la ste/ de rnams la de bzhin gshegs pa bsnyel ba mi mnga' ba'o/ /ci rigs par chos nyid ston pa la zhes bya ba ni 'dod chags la sogs pa la spyod pa rnams
 dang rjes su mthun par chos ston pa'o/ /don dang zhes bya ba la sogs pa ni 'chad par 'gyur ba'i so so yang dag par rig pa rnams la de bzhin gshegs pa bsnyel ba med pa'o/ /gzhan na ni sngar bzhin no/ /sangs rgyas kyi chos ma 'dres pa
 bzhi pa mdo'i sgo nas bstan par bya ba'i phyir rigs kyi bu zhes bya ba la sogs pa gsungs te/ ting nge 'dzin zab mo'i mchog thob pa zhes bya ba ni ting nge 'dzin zab mo rnams rab kyi mthar son pa'o/ /sgrib pa med pa'i bsam gtan byed pa zhes bya ba na zag
 pa med pa'i bsam gtan bsgom pa'o/ /de bzhin gshegs pa'i byin gyis brlabs ma gtogs par zhes bya ba ni de bzhin gshegs pa'i byin gyis brlabs med na mi shes pa ste/ gal te de bzhin gshegs pa'i byin gyis rlabs yod na de'i
 tshe shes pa yin no zhes pa'o/ /de'i phyir sangs rgyas kyi mthus sems kyis sems kyi kun tu rtogs pa shes zhes bya ba la sogs pa gsungs so/ /sangs rgyas kyi chos ma 'dres pa lnga pa mdo'i sgo nas bstan par bya ba'i phyir rigs kyi bu zhes bya
 ba la sogs pa gsungs te/ tha dad pa'i 'du shes bya ba zhes bya ba na 'khor ba dang mya ngan las 'das pa dag la tha dad pa'i 'du shes med pa'o/ /de'i rgyu mtshan bstan par bya ba'i phyir/ rang bzhin gyis med pa'i phyir ro zhes gsungs te/ chos thams
 cad rang bzhin gyis ngo bo nyid med pa'i phyir ro/ /chos kyi dbyings 'dres shing zhes bya ba ni stong pa nyid kyi mtshan nyid can gyi chos kyi dbyings pa yin pas so/ /de nyid kyi phyir/ mnyam pa nyid du shes pa'i phyir zhes bya ba gsungs te/ dmigs pa
 gcig yin pas ye shes kyang mtshungs pas so/ /chos rnams las tha dad pa'i 'du shes med do zhes med do zhes bya ba ni nyan thos la sogs pa'i chos mdo sde la sogs pa rnams la tha dad pa'i 'du shes med pa'o/ /de'i rgyud mtshan 'dod chags dang bral
 ba'i chos nyid kyi phyir zhes bya ba gsungs te/ thams cad kyi khams gsum las 'dod chags dang bral ba thob pa'i phyir ro/ /sangs rgyas kyi chos ma 'dres pa drug pa mdo'i sgo nas bstan par bya ba'i phyir/ rigs kyi bu zhes bya ba la sogs
 pa gsungs te/ so sor ma brtags pa'i btang snyoms med do zhes bya ba ni ma dpyad pa'i dpyad pa'i btang snyoms med pa'i de'i rgyu mtshan 'dri ba ni/ de ci'i phyir zhe na zhes bya ba gsungs te/ de la lan ni de bzhin gshegs pa zhes bya ba
 la sogs pa gsungs te/ bcom ldan 'das kyis gang gi lam bsgom pa de'i tshe btang snyoms su mdzad pa yin no/ /bya ba byas pa'i phyir lam btang snyoms su dor ba'o/ /de ltar mdor bstan nas/ rgyas par bstan par bya ba'i phyir/ de bzhin du zhes
 bya ba la sogs pa gsungs te/ chos thams cad stong pa nyid du dmigs pa'i shes rab bsgoms nas btang snyoms mdzad pa'o/ /de bzhin gshegs pa'i btang snyoms ni ye shes dang ldan pa yin pa dang/ zhes bya ba dang/ chos thams
 cad stong pa nyid kyi rang bzhin du mkhyen nas de rnams la btang snyoms su mdzad pas so/ /de nyid kyi phyir 'jig rten las 'das pa yin te/ 'jig rten par ltung ba ni ma yin no/ zhes bya ba gsungs te/ ji ltar 'jig rten pa glang bya dang dor bya yin pa de la
 btang snyoms su byed pa de bzhin du chos thams cad btang snyoms su mdzad pa ma yin no/ /de nyid kyi phyir/ de bzhin gshegs pa ni btang snyoms chen po de lta bu phun sum tshogs pa zhes bya ba gsungs te/ stong pa nyid kyi sgo nas chos thams cad btang
 snyoms su mdzad pas so/ /sangs rgyas kyi chos ma 'dres pa bdun pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ 'dun pa'i don bstan par bya ba'i phyir/ 'di lta ste zhes bya ba la sogs pa gsungs te/ dag
 ba'i chos la 'dun pa'o zhes bya ba ni nyon mongs pa can ma yin pa'o/ /de nyid bya ba rgyas par dri ba'i sgo nas bstan par bya ba'i phyir/ de yang gang zhes na/ zhes bya ba la sogs pa gsungs te/ sems can 'dul ba dang zhes bya ba ni sems can rnams
 bstan pa la 'jug pa'o/ /sems can yongs su smin par bya ba dang zhes bya ba ni sems can rnams nyon mongs pa spong ba dang rjes su mthun par mdzad pa'o/ /rab tu dben pa dang zhes bya ba ni nyon mongs pa spong ba'o/ /byang chub yang dag par 'dzin du bcug pa
 zhes bya ba ni smon pa dang 'jug pa'i rang bzhin gyi sems skyed pa dag go/ dkon mchog gsum gyi rigs rgyun mi bcad pa zhes bya ba ni rin po cha gsum gyi rgyud pa rgyun mi 'chad pa la 'dun pa'o/ /de bzhin gshegs pa no 'dun pas 'gro ba ma
 yin gyi zhes bya ba ni de bzhin gshegs pa 'dun pa'i dbang du 'gyur ba ma yin no zhes pa'o/ /de bzhin gshegs pa'i 'dun pa ni ye shes sngon du 'gro ba nyid zhes bya ba ni chos thams cad yongs su mkhyen pa'i dbang gis 'dun pa 'jug pas so/ /'di
 yang gdul bya la bltos nas gsungs pa yin gyi/ sangs rgyas bcom ldan 'das la bltos pa mi mnga' bas ngor 'dod pa mi mnga' bas so/ /sangs rgyas kyi chos ma 'dres pa brgyad pa mdo'i sgo nas bstan par bya ba'i phyir/ rigs kyi bu zhes
 bya ba la sogs pa gsungs te/ gdul bya sems can rnams yal bar mi 'dor ba'i brtson 'grus dang zhes bya ba ni sdug bsngal ba ni gang/ gang gi sems can nyon mongs pa rnams kyi bsgribs/ gang 'phongs pa'i 'dam du bying/ gang ngan song
 gi sa las 'dras nas me 'jigs pa'i lam la dgod par bya ba la sogs pa'i mtshan nyid can no/ /brnyes pa med pa'i brtson 'grus so zhes bya ba ni sang gam gnangs bshad par bya'o/ zhes bya ba'i brtson 'grus sems can rnams la brnyas par
 mi mdzad pa'o/ /de nyid sangs rgyas par bstan par bya ba'i phyir/ gal te zhes bya ba la sogs pa gsungs te/ ma ldang ngo zhes bya ba ni chos gsung ba las so/ /rgyud las zhes bya ba'i sku'o/ /lus la dal ba zhes bya ba ni gshegs pa na'o/ /ngag
 ngal ba zhes bya ba ni chos gsung ba na'o/ /bsngags pas ba zhes bya ba ni brtson 'grus kyi yon tan brjod? ba'o/ /'phags pa'i rnam par grol ba zhes bya ba ni nyon mongs pa spangs pa'i mtshan nyid can gyi rnam par grol ba'o//
 sangs rgyas kyi chos ma 'dres pa dgu pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ yong ye nyams pa med do zhes bya ba ni rnam pa thams cad du nyams pa med pa'o/ /de bzhin gshegs pa la dran pa
 nyams pa mi mnga' ba rgyas par bstan par bya ba'i phyir de ci'i phyir zhe na/ zhes bya ba la sogs pa gsungs te/ sems can gyi spyod pa ji lta ba bzhin du shes kyang zhes bya ba ni sems can gyi 'dod chags la sogs pa'i spyod pa mkhyen kyang ngo/
 de la zhes bya ba ni sems can gyi spyod pa shes pa la'o/ ye shes kyang stong pa yang med do zhes bya ba ni de shes bar bya ba'i don du yang ye shes tshor ba de? ni mdzad pa'o/ /phung po gsum du rnam par dgong pa dang zhes bya ba ni dus ji srid pa'i
 nyan thos dang/ rang sangs rgyas dang/ byang chub sems dpa' i rigs kyis/ sems can rnams phung po gsum du rnam par dgong pa'o/ /sems can gyi dbang po 'jug pa zhes bya ba ni sems can rnams kyis rigs kyi rjes su 'brangs
 nas/ ngang pa la sogs pa'i dbang po 'jug pa la dran pa nyams pa med pa'o/ /sems can gyi bsam pa 'jug pa dang zhes bya ba ni rigs kyi khyad par gyis rang gi don dang/ gzhan gyi don la sogs pa'i sems kyi bsam pa 'jug pa la'o//
 sems can gyi spyod pa la rnam par blta bas dran pa nyams med de zhes bya ba ni sems can rnams kyi rigs kyi khyad par gyi bsam pa'i rjes su 'brangs pa'i spyod pa gzigs pa la dran pa nyams pa mi mnga' ba'o/ /dran par byas sam zhes bya ba ni snga
 nyams su myong ba dran par mdzad nas so/ /bsam sam zhes bya ba ni dpyad nas so/ /rnam par brtags te zhes bya ba ni rnam par brtags nas chos ston pa ma yin te/ de bzhin gshegs pa rnams la rnam par rtogs pa mi mnga' bas so/ /chos ston kyang dran pa
 nyams pa mi mnga' ba'o/ /sangs rgyas kyi chos ma 'dres pa bcu pa bstan par bya ba'i phyir/ rigs kyi bu zhes bya ba la sogs pa gsungs te/ chos thams cad mnyam pa nyid dang zhes bya ba ni chos thams cad de dmigs par bya ba dang/ dmigs par byed pa'i rang
 bzhin can chos rnams kyi mnyam pa nyid de/ mi dmigs pa'i tshul gyis chos thams cad la dmigs pa yin no zhes pa'o/ /de nyid rgyas par bstan par bya ba'i phyir mi mnyam pa ma yin pa dang zhes bya ba gsungs te/ dngos po gang yang mi dmigs pas mi mnyam
 pa med pas so/ /ji lta ba bzhin du zhes bya ba ni mnyam pa nyid ni phyin ci ma log pa'i rang bzhin yin pas ji lta ba bzhin no/ /ting nge 'dzin las mi mnyam pa la rgyu mtshan 'dri ba mi ci'i phyir na zhes bya ba la sogs pa gsungs so/ /lan ni de bzhin nyid ces bya ba la sogs
 pa gsungs te/ de bzhin nyid gang dang mnyam pa zhes bya ba ni de bzhin nyid ni chos nyid dang mnyam pa'o/ /de dang ting nge 'dzin mnyam pa'o zhes bya ba ni chos nyid dang ting nge 'dzin mnyam pa'o/ /ting nge 'dzin gang dang mnyam pa de dang/ de bzhin gshegs pa mnyam pa
 ste/ zhes bya ba ni chos nyid dang mnyam pa'i ting nge 'dzin dang/ de bzhin gshegs pa mnyam pa'o/ /'di'i don ni chos nyid dang de bzhin gshegs pa mnyam ba'o/ /'di'i don ni chos nyid dang de bzhin nyid dang ting nge 'dzin dang/ de bzhin gshegs pa rnams chos
 nyid kyi rang bzhin gyi gcig pa yin pas de bzhin gshegs pa ni ting nge 'dzin las mi mnyam pa'o zhes pa'o/ /khams gsum car la yang mi gnas pa'i phyir zhes bya ba ni chos nyid kyi rang bzhin gyis so/ /sangs rgyas kyi chos ma 'dres pa bcu gcig
 pa bstan par bya ba'i phyir rigs kyi bu zhes bya ba la sogs pa gsungs te/ gang chos thams cad rab tu shes pa ste zhes bya ba ni chos thams cad rang bzhin med par yongs su shes par bya'o/ /gzhan gyi dring mi 'jog pa'i shes pa'o zhes bya ba ni/  
 gzhan gyis bstan pa'i stobs las ma byung ba ste/ spros pa mdza' dag dang bral ba'i ye shes rang bzhin nyid kyi thugs su chud pas so/ /sems can gzhan dag dang zhes bya ba ni gang gis gang zag khas mi len pa de'i dbang du mdzad nas so/ /gang zag gzhan rnams
 la zhes bya ba ni gang gis gang zag khas len pa de'i dbang du mdzad nas gsungs pa'o/ /so so yang dag par rigs pa la mkhas pas tshig rab tu dbye ba shes pa zhes bya ba ni chos so so yang dag par rigs pa la sogs pa la mkhas pa nyid kyi tshig rab
 tu dbye ba sgra dang don gyi sgo nas mkhyen pa'o/ /tshig la 'jug pas zhes bya ba ni tshig gi sgo nas so/ /bskal pa brgya stong du gnas shing ston pa shes pa'o zhes bya ni tshig gcig gi sgo nas bskal pa du ma na gnas pa'i dngos po thams cad ston pa mkhyen pa ste/
 tshig gcig gis sgo nas dngos po thams cad stan nus pa'i ye shes mnga' ba yin no zhes pa'o/ /ji ltar dris pa bzhin du the tshom gcod pa'i shes pa'i zhes bya ba ni ji ltar dris pa bzhin du the tshom gcod pa'i ye shes mnga' pa'o/ /thams cad du chags pa med
 pa'i ye shes shes pa'o zhes bya ba ni gang la yang mngon par zhen pa med pas so/ /theg pa gsum rnam par dgong pa bstan pa zhes pa'o zhes bya ba ni nyan thos dang/ rang sangs rgyas dang/ byang chub sems dpa' i theg pa rnams kyi rnam bzhag mdzad pa  
 shes pa ste/ rang bzhin gsung pa mkhyen pa'o/ /sems can gyi sems kyi spyod pa brgyad khri bzhi stong yongs su shes pa'i shes pa'o zhes bya ba ni 'dod chags dang/ zhe sdang la sogs pa la spyod pa'i dbye bas sems kyi spyod pa brgyad khri bzhi stong
 yang mkhyen pa'o/ /chos kyi phung po brgyad khri bzhi stong so sor ci rigs par sngon pa shes pa'o zhes bya ba ni spyod pa re re'i gnyen por chos kyi phung po re re gsungs pa'i phyir chos kyi phung po brgyad khri bzhi stong 'dod chags la spyod pa dang zhe sdang la sogs pa la
 gang la gang 'os pa de ltar ston pas mkhyen pas so/ /mdza' yas bzhes bya ba ni skad cig ma so so la chad pa med pas so/ /de nyid kyi phyir zad pa med pa zhes smos so/ /tshad med pa bstan pa'o zhes bya ba ni shes rab kyi rang bzhin bstan pa la tshad med pas so/ /de rnams
 stong pa nyid kyi dbang du mdzad nas gsungs pa'o/ /sangs rgyas kyi chos ma 'dres pa bcu gnyis pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ nyan thos rnams kyi rnam par grol ba ni sgra'i rjes su 'gro ba
 zhes bya ba ni nyan thos rnams la chos bstan pa'i sgo nas/ thos pa dang bsam pa dang bsgom pa'i rim pas nyon mongs pa'i sgrib pa spong pas so/ /rang sangs rgyas rnams kyi rnam par grol ba ni rkyen khong du chud pa'o zhes bya ba ni rang sangs rgyas rnams  
 sngar gyi skye ba gzhan du sngar bdag med pa la gom pa'i rkyen gyi dbang gis da ltar bdag med pa khong du chud pas rnam par grol pa'o/ /de ltar yang skye ba 'di la de nyid shes mya ngan las 'das pa ma thob kyang/ 'bad pa med par skye gzhan la//
 nges par thob 'gyur las bzhin no/ /rdzogs sangs rgyas rnams ma byung zhing/ /nyan thos rnams ni zad pa na/ /rang sangs rgyas kyi ye shes ni/ /ma 'dres par ni 'jug par 'gyur zhes gsungs so/ /chags pa dang 'dzin pa thams cad dang bral ba
 zhes bya ba ni/ 'dod chags dang gzung ba dang 'dzin pa'i mngon par zhen pa thams cad dang bral ba'o/ /sngon gyi mdza' yang ma bcings zhes bya ba ni rnam par du grol ba stong pa nyid kyi mtshan nyid can yin pas 'das pa'i dus dang ma 'brel
 pa'o/ /phyi ma'i mdza' yang mi 'pho zhes bya ba ni ma 'ongs pa'i dus su yang mi 'pho ba'o/ /da ltar byung ba la yang mi gnas so zhes bya ba ni de ltar byung ba'i dus la yang mi gnas so/ /'dzin pa thams cad dang bral ba gang sngar bstan pa ni
 rgyas par bstan par bya ba'i phyir/ mig dang zhes bya ba la sogs pa gsungs te/ mig dang gzugs la sogs pa gnyis su 'dzin pa las rnam par grol ba'o zhes bya ba ni mig dang gzugs so snyam pa'i gnyis su mngon par zhen pa dang bral ba
 ste/ rnam par grol ba de la mig dang gzugs kyi rnam par rtogs pa med pa'o/ /rna ba la sogs pa yid dang chos gnyis su 'dzin pa'i las rnam par grol ba ste/ zhes bya ba ni rna ba dang/ sgra dang/ sna dang/ dri dang/ lce dang ro dang/ lus dang reg bya
 dang/ yid dang chos kyi rnam par rtog pa dang bral ba'o/ /mjug sdu ba bstan pa'i phyir/ 'dzin pa mngon par zhen pa gnas las rnam par grol ba'o zhes bya ba la sogs pa gsungs te/ mig dang gzugs la sogs pa dang dngos po la mngon par
 zhen pa'i brten du mi 'gyur ba'o/ /de bzhin gshegs pa'i rnam par grol ba'i rang bzhin bstan par bya ba'i phyir/ sems rang bzhin gyis 'od gsal ba zhes bya ba la sogs pa gsungs te/ sems gdod ma nas ma skyes pa'i phyir/ stong pa
 nyid kyi rang bzhin yin pas nyon mongs pa'i dri mas ma gos pa'i phyir sems rang bzhin gyis 'od gsal ba yin la/ de bzhin du rang bzhan gyis 'od gsal ba nyid kyis mi dmigs pa'i tshul gyis shes pa gang yin pa de ni rnam par grol
 pa'o/ /de'i phyir zhes bya ba ni sems rang bzhin gyi 'od gsal pa'i shes pa la rnam par grol ba zhes brjod pas so/ /sems kyi skad cig cig dang ldan pa'i shes rab kyis zhes bya ba ni/ skad cig ma gcig gi rang bzhin can gyi sems dang
 shes rab kyis so/ /bla na med pa yang dag par rdzogs pa'i byang chub tu mngon par rdzogs par sangs rgyas so zhes bya ba ni sgrib pa dang bral ba'i de kho na nyid la cha shas med pa'i phyir skad cig ma gcig la mngon par rdzogs par byang chub
 ba'o/ /sangs rgyas kyi chos ma 'dres pa bcu gsum pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs so/ /sangs rgyas kyi chos ma 'dres pa bcu bzhi pa mdo'i sgo nas bstan par bya ba'i phyir/ rigs kyi bu
 zhes bya ba la sogs pa gsungs te/ 'bras bu yod pa'i chos bston pa'o zhes bya ba ni gal te de bzhin gshegs pa'i chos bston pa ye shes sngon du 'gro zhing ye shes kyi rjes su 'brang ba ma yin na/ de'i tshe 'bras bu med par 'gyur
 ba las de ltar ma yin na chos ston pa 'bras bu dang bcas pa'o/ /chad par lung ston pa'o zhes bya ba ni dngos po gang la ji ltar lung bstan pa de bzhin du 'gyur gyi gzhan du ma yin pa'o/ /shin tu nges pa'i tshig smra ba'o zhes bya ba ni/ don
 dang ldan pa'i tshig gsungs pa'o/ kun sheg par byed pa'o zhes bya ba ni bsam gyi mi khyab pa'i chos kyi dbyings yang dag par ston pas/ /rnam par shes par byed pa'o zhes bya ba ni bsam du yod pa'i sbyin pa la sogs pa yang dag par
 ston pa'o/ /mi mtho ba'i zhes bya ba ni bstod pas nyon mongs pa can du mi 'gyur ba'o/ /mi dma' ba' o zhes bya ba ni smad pas nyon mongs pa can du mi 'gyur ba'o/ /mi g.yo ba zhes bya ba ni ma spas par chos ston pa'o/ /ldab ldib ma yin pa'o
 zhes bya ba ni don gsal bar dmigs pa'o/ nam mkha' i tshad du rjes su 'gro ba'o zhes bya ba ni ji ltar nam mkha' i tshad med pa de bzhin du bcom ldan 'das kyi gsung yang yin pas so/ /rnam pa'i mchog thams cad dang ldan pa'o zhes bya ba ni sngar? ? 
 bstan pa'i yon tan rnams dang ldan pa'o/ /yan lag drug cu dang ldan pa'o zhes bya ba ni kun shes par byed pa dang/ rnam par shes par byed pa la sogs pa'i rnam pa drug cu dang ldan pa'o/ /de rnams de bzhin gshegs
 pa'i gsang ba'i mdo dang/ mdo sde rgyan las shes par bya'o/ /sangs rgyas kyi chos ma 'dres pa bco lnga pa mdo'i sgo nas bstan par bya ba'i phyir/ gzhan yang zhes bya ba la sogs pa gsungs te/ de bzhin gshegs pa ni sems kyis brjod par
 bya ba ma yin pa zhes bya ba ni kun gzhi rang bzhin gyi sems su brjod par bya ba ma yin te/ bcom ldan 'das ni kun gzhi rnam par shes pa'i rang bzhin gyi sems nyid yin no zhes brjod du med pa yin no zhes pa'o/ /yid kyis ma yin no zhes bya ba ni
 de bzhin gshegs pa ba nyon mongs pa can gyi yid kyi rang bzhin can yin no zhes brjod par bya ba ma yin pa nyid do/ /rnam par shes pas ma yin zhes bya ba ni de bzhin gshegs pa ni mig gi rnam par shes pa la sogs pa'i rnam par
 shes pa drug gi rang bzhin can yin no zhes brjod par bya ba ma yin pa nyid do/ /gal te de bzhin gshegs pa kun gzhi rnam par shes pa la sogs pa'i rang bzhin can ma yin na ji lta bu'i rang bzhin can yin zhe na/ de la lan ni/ ye shes kyi
 rab tu phye ba ste zhes bya ba gsungs te/ chos thams cad ma dmigs pa'i mtshan nyid can gyi ye shes kyis de'i rang bzhin mtshon par byed ba'o/ /de nyid kyis bshad pa ni ye shes kyi bdag por gyur pa'o zhes gsungs te/ ye shes kyi
 sgo nas de bzhin gshegs pa'i tha snyad byed pa'o/ /de bzhin gshegs pa'i ye shes kyi rang bzhin can yin du zin kyang/ de bzhin gshegs pa'i yid kyi las thams cad ces bya ba la sogs pa gsungs pa de rnams thams
 cad gdul bya rnams kyi brtags pa'i yid kyi las dbang du mdzad nas gsungs pa yin no/ /de bzhin du gzhan la yang shes par bya'o/ /bcom ldan 'das ye shes kyi rang bzhin yin la/ de yang dus thams cad du yod pas ye shes sngon
 du 'gro zhing ye shes kyi rjes su 'brang ba zhes gsungs pa yin no/ /sems can thams cad kyi sems kyi rjes su song ba'o zhes bya ba ni sems can thams cad kyi sems mkhyen pas so/ /chos thams cad la nges par bsam pas so zhes bya ba
 ni chos thams cad kyi rang bzhin yongs su mkhyen pas so/ /lam gyi yan lag shin tu bsgoms pas so zhes bya ba ni ting nge 'dzin thams cad bdag nyid kyi bskyed pa yin pas so/ /dmigs pa la shin tu 'das pa'o zhes bya ba ni dmigs par
 bya ba'i dngos po cung zad kyang med pas so/ /rkyen las skye ba dang bral ba'o zhes bya ba ni rgyu dang 'bras bu dag mi rigs pas so/ /srid pa gsum gsal ba'o zhes bya ba ni srid pa gsum gyi 'gro bas ma bsdus pa'o/ /bdud kyi
 las thams cad las rnam par grol ba'o zhes bya ba ni bdud kyi glags mi rnyed pa'o/ /chos kyi dbyings dang dbyer med pa ste zhes bya ba ni stong pa nyid dang ro gcig pa'o/ /de bzhin gshegs pa'i zhes bya ba ni mjug sdu ba'o/ /sangs
 rgyas kyi chos ma 'dres pa bcu drug pa mdo'i sgo nas bstan par bya ba'i phyir/ gzhan yang zhes bya ba la sogs pa gsungs te/ tshogs pa man cing zhes bya ba ni bltos pa med pa'o/ thogs pa med pa'o zhes bya ba ni gang la yang thogs
 pa med pa'o/ /ye shes mthong ba zhes bya ba ni ye shes kyi gzigs pa'o/ /de dag ces bya ba ni sangs rgyas kyi zhing rnams so/ /mngon sum gyi shes pa dang rjes su 'gro ba'i shes pas zhes bya ba ni gdul bya rnams kyis brtags 
 pa'i mnyam dang zhag dang rjes kyi shes pas so/ /sangs rgyas kyi chos ma 'dres pa bcu bdun pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ ma 'ongs pa'i sems kyi rgyud bskal
 par 'gyur ba ma yin par zhes bya ba ni da lta ba nyid du gsal bar mi rigs pas so/ /ma 'ongs pa la lta bas sems can rnams la chos ston te zhes bya ba ni ma 'ongs pa'i dus su 'di ltar 'byung ngo zhes bya ba'am/ yang na ma 'ongs
 pa'i dus su khyed kyis 'di lta bu bya dgos so zhes chos ston pa'o/ /sangs rgyas kyi chos ma 'dres pa bco brgyad pa mdo'i sgo nas bstan par bya ba'i phyir/ rigs kyi bu zhes bya ba la sogs pa gsungs te/ rigs thams cad ces bya ba
 ni bram ze la sogs pa'i rigs rnams so/ /sa'i rdul phra rab dang rdul gyi char dgod pa thams cad kyi rab tu bgrang ba'i tshul gyis rab tu shes so zhes bya ba ni sa'i khams thams cad la rdul phra rab dang rdul 'di tsam zhig yod do zhes
 bgrang ba'i tshul gyis shes pa'o/ /skra'i rtse mos blangs pa zhes bya ba ni chu'i khams la skra'i rtse mos blangs na skra'i rtse mo 'di tsam zhig longs par 'gyur ro zhes shes par 'gyur ba yin no/ /me'i khams kyi skye ba dang 'gag pa'i zhes
 bya ba ni me'i khams kyi skad cig ma so so la yod pa'i skye ba dang 'gag pa grangs kyi sgo nas mkhyen pa'o/ /rlung gi khams thams cad gzugs su gyur pa las bab pa'i tshul dang zhes bya ba ni gzugs can rnams la rlung rnams
 'gyur byed pa'i tshul gyi mkhyen pa yin te/ rlung gi khams kyi gzugs la rnam 'gyur 'byung bas so/ /nam mkha' i khams thams cad skra'i rtse mos rgyas par dag pa'i tshul gyis rab tu shes so/ zhes bya ba ni nam mkha' i khams skra'i rtse
 mo'i cha 'di tsam zhig gis khengs pa yin no zhes bya ba mkhyen pa'o/ /de bzhin gshegs pa la ni gnyis kyi rjes su 'brang ba'i rnam par shes pa med cing zhes bya ba ni gzung ba dang 'dzin pa dag ni mnga' ba dang/ sangs rgyas kyi zhing la sogs pa yongs su
 mkhyen pa'i gdul bya rnams kyi brtags pa yin pas so/ /de ltar sangs rgyas kyi chos ma 'dres pa rnams kyi mtshan nyid bstan nas/ rnam pa thams cad mkhyen pa'i mtshan nyid bstan par bya ba'i phyir/ rnam kun mkhyen nyid ye shes ni zhes bya ba la
 sogs pa gsungs te/ chos thams cad rnam pa kun te ngo bo dang/ khyad par gyi mtshan nyid dang/ dbye ba'i rnam pas mkhyen pa ni rnam pa kun mkhyen pa'o/ /'di yang 'dul bya'i dbang du byas nas brtags pa yin gyi/ don dam par ni chos thams
 mi dmigs pa'i tshul gyis yongs su shes pa ni rnam pa kun mkhyen pa'i ye shes so/ /mngon gsum mtshan nyid can du 'dod ces bya ba ni 'di kho na la chos thams cad shin tu gsal bar snang bas so/ /gzhan ni zhes bya ba ni kun shes pa nyid do/
 nyi tshe ba nyid kyis zhes bya ba ni chos thams cad rnam pa thams cad kyi sgo nas mi shes pas so/ /mngon gsum zhes byar mi 'dod do zhes bya ba ni de nyid kyi phyir mngon gsum du 'dod pa ma yin te/ dgra bcom bse ru ston rnams kyi/ /stong
 gnyis gsum dang grangs med gzigs/ zhes gsungs so/ de ltar chos rnams kyi mtshan nyid bstan nas/ rang gi mtshan nyid stong pa nyid kyi mjug bsdu ba bstan par bya ba'i phyir/ gang zhig ces bya ba la sogs pa gsungs te/ 'dus byas
 zhes bya ba ni phung po khams dang skye mched do/ /'dus ma byas kyi mtshan nyid gang zhes bya ba ni mi sgrib pa la sogs pa'o/ /mi dmigs pa stong pa nyid bstan par bya ba'i phyir/ da ltar ba 'di zhes bya ba la sogs pa gsungs te/ mi gnas shing
 zhes bya ba ni gal te da ltar gnas pa yin na/ de'i tshe skye ba dang 'jig pa rang bzhin gyi thog ma dang tha ma yod par 'gyur la/ skye ba dang gnas pa dang 'jigs pa'i dus su dngos po yod par khas blangs pas dngos po rnams
 kyi skad cig ma cha gsum du 'gyur bas skad cig mar mi 'gyur ba'o/ /des na da lta ba la gnas pa med pas da ltar ba mi gnas pa zhes bya'o/ /de ltar yang/ ji ltar skad cig mdza' yod pa/ de bzhin thog dang dbus brtag dgos//
 de ltar skad cig gsum bdag phyir/ 'jig rten skad cig gnas pa min zhes gsungs so/ /'das dang ma 'ongs yod pa min zhes bya ba ni 'das pa dang/ ma 'ongs pa dag da ltar ba'i dus na med pa dang/ rang gi dus na da ltar bzhin du
 thal bar 'gyur bas 'das pa dang ma 'ongs pa dag yod pa ma yin no zhes pa'o/ /gang du de dag mi dmigs pa zhes bya ba ni dus gsum du 'das pa la sogs pa'i dus gsum mi dmigs pa'o/ /de la mi dmigs pa zhes brjod ces
 bya ba ni dus gang la 'das pa la sogs pa ma dmigs pas mi dmigs pa zhes bya'o/ /mi dmigs pa zhes bya ba ni dus gsum gyi rang bzhin gyi dus so/ /de rang ngo bo de'i dben zhes bya ba ni dus gsum po dus gsum gyi rang bzhin
 gyis stong pa'o/ /ther zug gnas min 'jig min pa zhes bya ba ni sngar bzhin no/ /de'i 'grel pas bstan par bya ba'i phyir/ 'dres pa dang zhes bya ba la sogs pa gsungs te/ gang du zhes bya ba ni dus su'o/ /mi dmigs pa zhes bya
 ba ni mi dmigs pa'i phyir dus gsum la mi dmigs pa zhes bya'o/ /mi dmigs pa stong ngo zhes bya ba ni dus gsum gyi rang bzhin gyis stong pa la yin no zhes pa'o/ /dngos po med pa'i ngo bo nyid bstan par bya ba'i phyir/ rkyen las byung phyir
 zhes bya ba la sogs pa gsungs te/ dngos po rnams la 'dus pa'i ngo bo ste/ tshogs pa yod pas rang bzhin gang skye ba de yod pa ma yin te/ ci'i phyir zhe na/ lan ni/ rkyen las byung phyir zhes bya ba gsungs te/ rgyu dang rkyen gyi dbang gis skye bos
 de yang rang bzhin rgyu dang rkyen dag las/ skye bar 'gyur ba yod ma yin zhes bya ba der bstan to/ /'dus pa de ni de nyid kyis stong pa nyid ces pa ni 'dus pa ste/ tshogs pa'i rang bzhin gyi dngos po yin la/ de yang tshogs pa rnyed nas skye ba yin
 pas rang bzhin du mi 'gyur bas dngos po med pa nyid yin no/ /des na dngos po med pas sgras ni tshogs pa las skye ba'i dngos po brjod pa yin la/ de de'i rang bzhin gyi stong pa la dngos po med pa'i ngo bo nyid stong pa nyid ces bya'o/ /'dus
 pa zhes bya ba'i sgra 'dis tshogs pa las byung ba'i dngos po thams cad mtshon par bya'o/ /de'i 'grel pas bstan par bya ba'i phyir/ 'dus pa ni zhes bya ba la sogs pa gsungs te/ 'dus pa las byung ba'o/ zhes bya ba ni tshogs pa yod na
 'byung ba yin pas 'dus pa las byung ba ste 'bras bu zhes bya ba'i tha tshig go /gal te 'dus pa la ngo bo med na ci zhig yin zhe na/ lan ni dngos po med pa nyid yin la zhes bya ba gsungs te/ 'bras bu ni dngos po med pa'i rang bzhin can no/
 de ltar stong pa nyid bcu drug rgyas par bstan nas/ mdor bsdus te stong pa nyid bcu bzhi rgyas par bstan par bya ba'i phyir dang po dngos po stong pa nyid bstan par bya ba'i phyir dngos po'i sgras ni zhes bya ba la sogs pa gsungs te/
 'byung bar 'gyur bas ni dngos po'i sgras mdor bsdus na phung po lnga brjod pa yin no/ /de rnams zhes bya ba ni phung po lnga'o/ /de yang zhes bya ba ni phung po lnga'i rang bzhin nyid kyis so/ /dngos po med pa'i stong pa nyid bstan par bya ba'i
 phyir/ mdor bsdu na zhes bya ba la sogs pa gsungs te/ mi 'byung bas dngos po med pa'i sgras ni nam mkha' la sogs pa 'dus ma byas rnams brjod pa'o/ /de nyid ces bya ba ni 'dus ma byas so/ /dngos med de stong pa nyid ces bya
 ba ni 'dus ma byas kyi rang bzhin gyis so/ /zlos pa'i skyon ni yod pa ma yin te/ sngar? rgyas par bstan nas 'dir 'dor bsdus nas bstan pas so/ /rang bzhin stong pa nyid bstan par bya ba'i phyir/ rang bzhin zhes bya ba la sogs pa gsungs te/ rang bzhin
 ni chos nyid yin la/ de'i ngo bo nyid med pa ste/ stong pa nyid gang yin pa de ni rang bzhin stong pa nyid ces bya'o/ /chos nyid la rang bzhin zhes ci'i phyir brjod ce na/ de la lan ni/ 'di ltar zhes bya ba la sogs pa gsungs so/ /gzhan gyi dngos po
 stong pa nyid bstan par bya ba'i phyir/ sangs rgyas rnams ni zhes bya ba la sogs pa gsungs te/ gzhan gyi sgras ni mchog tu gyur pa'i don brjod pa yin te/ sangs rgyas rnams byung yang rung ma byung yang rung stong pa nyid yod pa'i phyir dngos
 po thams cad kyi nang nas stong pa nyid la mchog tu gyur pa zhes bya ste/ bcos ma ma yin pa nyid la sogs pa'i rang bzhin gyi mtshan nyid dang ldan pas so/ /dngos po gzhan rnams ni ma brtags na nyams dga' ba tsam du yod pas so/ /stong pa
 nyid de la yang dag pa'i mdza' zhes bya ste/ chos thams cad de'i mthar thug pas so/ /de bzhin nyid ces bya ba ni rtag tu rnam 'gyur med par de bzhin du gnas pas so/ /de bzhin dngos po stong pa nyid do zhes bya ba ni gzhan gyi dngos po ni stong pa
 nyid yin la/ des stong pa ni gzhan gyi dngos po stong pa nyid do/ /de 'grel pas bstan par bya ba phyir/ gzhan med dngos po zhes bya ba la sogs pa gsungs te/ gzhan gyi dngos po'i sgra'i don gzhan bstan par bya ba'i phyir/ rnam pa gcig
 tu na zhes bya ba la sogs pa gsungs te/ gzhan te ye shes phul du byung ba yin la/ de'i dngos po ni yul yin pas ye shes phul du byung bas rtogs par bya ba la gzhan gyi dngos po med ces bya ste/ stong pa nyid do/ /de'i stong pa nyid ni gzhan gyi dngos po
 stong pa nyid do/ /gzhan gyi dngos pa'i sgra'i don ston pa ni/ yang na zhes bya ba la sogs pa gsungs te/ gzhan gyi dngos po ni 'khor ba las 'das pa'i phyir 'khor ba las gzhan pa'i dngos po la gzhan gyi dngos po zhes bya ste/ des na gzhan gyi dngos po'i
 sgras ni de kho na nyid dang/ stong pa nyid dang/ yang dag pa'i mdza' dang/ de bzhin nyid brjod pa yin la/ de stong pa ni gzhan gyi dngos po stong pa nyid ces bya'o/ /khyod kyi stong pa nyid 'di rnams gar mthong snyam na/ de la lan ni/ shes rab pha rol phyin tshul las
 zhes bya ba la sogs pa gsungs te/ shes rab kyi pha rol tu phyin pa'i mdo las/ stong pa nyid nyi shu po 'di rnams gsal bar mdzad pas so/ /'dis ni? rang dga' nyid spangs pa yin no/ /sa drug pa'i mjug bsdu ba bstan bar bya ba'i phyir/ da ni zhes bya ba
 la sogs pa gsungs te/ thun mongs ma yin pa'i yon tan phul du byung ba brjod pa'i sgo nas zhes bya ba ni shes rab kyi 'od zer gyi dngos po thams cad gsal bar snang ba la sogs pa'i mtshan nyid can du ston pas so/ /de ltar blo gros zer gyis
 snang ba gsal byas pa zhes bya ba ni sngar bstan pa'i rnam par dpyad pas shes rab kyi 'od zer gyis dngos po rnams kyi de kho na nyid gsal bar snang ba'i phyir ro/ /tha snyad bden pa'i stobs kyis 'gog par 'gro ba zhes bya ba ni kun rdzob kyi bden
 pa'i stobs kyi rnam par rtog pa'i dra ba mdza' dag dang bral ba'i mtshan nyid can gyi 'gog pa ste/ stong pa nyid kyi ting nge 'dzin la snyoms par 'jug pas so/ /don dam par sems dang sems las byung ba rnams gang dom nas skye ba med pa'i
 phyir 'gog pa med pa kun rdzob kyi bden pa la bltos nas 'gog pa zhes gsungs pa yin no/ /de nyid kyi phyir tha snyad bden pa'i stobs kyi 'gog par 'gro zhes bya ba gsungs so/ /de'i 'grel bas bstan par bya ba'i phyir/ de
 ltar zhes bya ba la sogs pa gsungs te/ ji skad bshad pa rnam par bshad pa nye bar bstan pa'i don du'o zhes bya ba ni bdag las ma yin zhes bya ba la sogs pas rnam par dpyad pa gang bstan pa de bstan par bya ba'i don du'o/ /snang ba'i
 bshad pa ni/ de kho na nyid mthong ba la gegs byed pa'i mun pa 'joms pa'i zhes bya ba'o/ /de ni zhes so bya ba ni byang chub sems dpa' o/ /kun rdzob kyi bden pa'i stobs kyis zhes bya ba ni kun rdzob kyi bden pa la bltos nas 'gog pa'i
 rnam bzhag byed pas so/ /'gog pa'i ngo bos zhes bya ba ni 'gog pa'i bsam pas so/ /'gro ba yongs su skyob pa'i bsam pas yongs su 'dor ba yang ma yin no zhes bya ba ni thugs rjes yongs su mi 'dor pas so/ /de nyid bstan par bya ba'i phyir rtag
 tu zhes bya ba la sogs pa gsungs te/ sbyor ba ni 'khor bar gtogs pa yin pa zhes bya ba ni snying rje'i stobs kyi 'khor ba ji srid par gnas pa'i don du sbyor bar byed pas so/ /lhag pa'i bsam pa ni mya ngan las 'das bar gtogs
 pa yin pas zhes bya ba ni shes rab kyi sgo nas stong pa nyid sgom pa 'jug pas so/ /da ni byang chub sems dpa' rnams las 'dun pa nas brtsams te/ nyan thos dang rang sangs rgyas rnams zil gyi gnon pa'i nus pa yod pa nyid du
 bstan par bya ba'i phyir/ de gong zhes bya ba gsungs te/ de gong zhes bya ba ni sa drug pa'i gong ste/ bdun pa yan chad du'o/ /bde gshegs gsung skyes bya ba ni nyan thos rnams so/ /sangs rgyas 'bring zhes bya ba ni rang sangs rgyas
 rnams so/ /blo yi phan par byed pa'ang yin zhes bya ba ni mtshan ma med pa'i lam dang/ rang gi ngang gi 'jug pa'i yon tan de dag la med pas so/ /de'i 'grel pas bstan par bya ba'i phyir/ sangs rgyas par ma zhes bya ba la sogs pa gsungs so/ /
 'di nas brtsams te de rnams kyi yon tan gyi mdza' son pa nyid du bstan pa'i phyir/ kun rdzob de nyid ces bya ba la sogs pa gsungs te/ ngang pa'i rgyal po yon tan rgya mtsho'i pha rol tu 'gro zhes bya ba sbyar te/ 'dir byang chub sems
 dpa' la ngang pa'i rgyal po zhes bya'o/ /ngang pa'i rgyal po la gshog pa yod pas 'dir gshog pa gang yin zhe na/ lan ni kun rdzob de nyid gshog yangs dkar po rgyas gyur pa zhes bya ba gsungs te/ kun rdzob ste sbyin pa la sogs pa
 dang/ de nyid de stong pa nyid 'di la gshog pa dkar po ste/ nyon mongs pa'i dri ma dang bral ba yod pa ste/ kun rdzob kyi bden pa'i sgo nas sems can gyi don byed cing don dam pa'i sgo nas stong pa nyid la zhugs nas yon tan gyi rgya mtsho'i pha rol
 tu 'gro ba ste/ sangs rgyas nyid thob par byed pa yin no zhes pa'o/ /de gcig pu 'gro 'am gzhan dag dang lhan cig tu 'gro'o zhe na/ de la lan ni/ de ni skye bo ngang pa yis/ /mdun du bdar nas zhes bya ba gsungs te/ byang chub sems dpa' gzhan yang
 rnam pa'i yon tan gyi mtsho'i pha rol thob par byed pa yin no zhes pa'o/ /dge ba'i rlung gi shugs stobs kyis zhes bya ba ni ji ltar ngang pa rlung gi stobs kyis 'gro ba de bzhin du byang chub sems dpa' yang dge ba'i chos byang chub kyi phyogs la sogs
 pa'i stobs kyis bzhud pa'o/ /rgyal ba'i yon tan rgya mtsho'i pha rol mchog tu 'gro zhes bya ba la rgyal ba'i yon tan ni dran pa nye bar bzhag pa la sogs pa yin la/ de rnams nyid rgya mtsho yin te/ de rnams kyi mdza' rtogs bar dka' bas so/ /pha
 rol mchog tu 'gro zhes bya ba ni sangs rgyas kyis 'i gnas skabs na yon tan rnams mchog tu rab kyi mthar 'gro bas so/ /de 'grel pas bstan par bya ba'i phyir/ de'i zhes bya ba la sogs pa gsungs te/ kun rdzob kyi yon
 tan rnams zhes bya ba ni dran pa nye bar gzhag pa la sogs pa rnams so/ /skye bo'i ngang pa phul du byung ba skye ba rnams dang lhan cig ces bya ba ni gang gi tshe gcig pu 'gro bar 'gyur na de'i tshe 'di chen po nyid du mi 'gyur la/ gang gi tshe skye bo'i ngang pa rnams dang lhan
 cig 'gro bar gyur na de'i tshe 'di chen po nyid du 'gyur ba'o/ /de nyid kyi phyir/ phul du byung ba bskyed pa rnams dang zhes bya ba gsungs te/ byang chub sems dpa' la lhag par phul du byung bar skyed par byed pas so/ /sems bskyed pa drug pa'i 'grel pa bshad
 pa'o// //sems bskyed pa bdun pa'i byang chub sems dpa' i mtshan nyid bstan par bya ba'i phyir da ni zhes bya ba la sogs pa gsungs te/ bdun pa zhes bya ba ni sems bskyed pa bdun pa'i'o/ /ring du song ba zhes bya ba ni sa 'dir byang chub kyi phyogs
 dang/ bden pa dang rten cing 'brel par 'byung ba la sogs pa la dmigs pa'i mtshan ma med pa la gnas pa la rtsol bas 'jug pa'i phyir ring du song ba zhes bya ste/ mtshan ma med pa la gnas pa sngar med pa de ltar thob pas so/ /'di ni zhes bya ba ni byang  chub sems dpa' o/ /'gog par 'jug 'gyur zhing zhes bya ba ni stong pa nyid kyi mtshan nyid kyi ting nge 'dzin la'o/ /thabs kyi pha rol phyin pa legs 'bar ba thob ces bya ba ni chos gang sgrub pa dang 'phel ba dang/ thob pa'i don du 'am/ spangs pa'i don du
 rigs pa de de'i thabs zhes bya'o/ /de la mkhas pa ni rab tu shes pa yin la/ de nyid pha rol tu phyin pa legs pa nyid yin te/ gnas skabs 'dir thabs la mkhas pa rab kyi mthar son pas so/ /de shes rab gang gis thob pa de la de skad ces bya
 ste/ thabs la mkhas pa shes rab rab tu 'gyur bas so/ /'dir mkhas pa'i sgra ni mi mngon par byas pa yin no/ /de 'grel pas bstan par bya ba'i phyir/ 'gog pa zhes bya ba gsungs te/ yang dag pa'i dngos po rnams kyi mdza' ste/ mthar thug pa ni stong pa
 nyid yin te/ de las gzhan pa'i yang dag pa'i mdza' med pas so/ /de la snyoms par 'jug pa ni de la rab tu 'jug pas so/ /stong pa nyid la 'gog pa zhes brjod pa'i rgyu mtshan bstan par bya ba'i phyir/ 'dir spros pa thams cad 'gog par 'gyur ba'i
 phyir ro zhes gsungs pa la/ 'dir zhes bya ba ni de kho na nyid la'o/ /spros pa thams cad la zhes bya ba ni rnam par rtogs pa thams cad do/ /skad cig dang skad cig la 'gog pa la snyoms par 'jug pa la/ mdo'i khungs bstan par bya ba'i phyir/  
 ji skad du zhes bya ba la sogs pa gsungs te/ 'gog pa mngon sum du byas zhes ni mi bya'o zhes bya ba ni 'gog pa mngon du byas na de las mi ldang ba'i phyir yongs su mya ngan las 'da' bar thal bar 'gyur ba'i phyir ro/ /pha rol tu phyin ba bzhi po
 'di yang shes rab kyi rang bzhin yin no zhes bstan par bya ba'i phyir/ shes rab nyid ces bya ba la sogs pa gsungs te/ de la thabs kyi pha rol tu phyin pa shes rab kyi rang bzhin ji ltar yin pa de ni sngar bstan zin to/ /smon lam gyi
 pha rol tu phyin pa yang shes rab kyi rang bzhin yin te/ 'di ltar gang skye zhing skye bar sangs rgyas 'byung ba la mnyes par bgyid pa dang/ sbyin pa la sogs pa la 'jug par byed pa'i dge ba dang rjes su mthun pa'i skye ba don du gnyer ba ni smon lam gyi
 pha rol tu phyin pa zhes bya ste sa brgyad pa smon lam thams cad yongs su smin pa'i tshul gyis rnam par rtogs pa med pa'i ye shes dang ro cig tu gyur pas shes rab kyi rang bzhin du rnam bzhag byed pa yin no/ /don du gnyer ba khyad par
 can yang shes rab kyi stobs kyi 'byung bar 'gyur bas smon lam gyi pha rol tu phyin pa shes rab kyi rang bzhin can du rnam par rtogs pa yin no/ /stobs kyi pha rol tu phyin pa yang shes rab kyi rang bzhin can yin te/  
 gang gi phyir so sor brtags pa'i stobs dang/ bsgoms pa'i stobs la sogs pa mi mthun pa'i phyogs kyis zil gyis mi non pa la stobs kyi pha rol tu phyin pa zhes brjod la/ de yang mthar phyin pa'i gnas skabs 'dir rtog pa med
 pa'i shes pa dang/ ro gcig tu gyur pas shes rab kyi rang bzhin yin pa dang/ mi mthun pa'i phyogs kyis zil gyis mi non pa de yang shes rab kyi stobs kyi 'byung ba'i phyir/ de yang shes rab kyi rang bzhin can yin no zhes pa'o/ /ye shes
 kyi pha rol tu phyin pa yang shes rab kyi rang bzhin can yin te/ gang gi phyir dgongs ba can gyi don yongs su shes pas sgra ji bzhin par kun tu mongs pa dang bral ba'i shes pa ni ye shes kyi pha rol tu phyin pa'i rang bzhin yin pas/ ye
 shes kyi pha rol tu phyin pa yang shes rab kyi rang bzhin nyid yin no/ /gal te bzhi po yang shes rab kyi pha rol tu phyin pa'i rang bzhin can kho na yin na drug pa kho na shes rab kyi pha rol tu phyin pa'i rnam bzhag ji ltar bya zhe na/ de la lan
 ni/ rab tu rnam par 'byed pa'i zhes bya ba la sogs pa gsungs te/ sa drug pa kho na rab tu rnam par 'byed pa'i shes rab lhag par gyur pas de kho nar rnam bzhag byas so/ /gzhan du ni ma yin no zhes bya ba ni sa bdun pa la sogs par ro/
 sems bskyed pa bdun pa'i 'grel pa'i bshad pa'o/ /sems bskyed pa brgyad pa bshad par bya ba'i phyir/ de ni zhes bya ba la sogs pa gsungs te/ yang yang sngar dgre las lhag thob bya ba'i phyir zhes bya ba ni byang chub kyi
 phyogs la sogs pa'i chos sngar thob pa de rnams rab kyi gnas skabs thob par bya ba'i phyir ro/ /gang du phyir mi ldog pa nyid 'gyur pa zhes bya ba ni sa brgyad par byang chub sems dpa' rnams mi ldog pa nyid du 'gyur ba yin te/ sangs rgyas kyi ye shes las
 mi ldog pas/ /mi g.yo ba de la zhes bya ba ni gang gi phyir byang chub kyi phyogs dang bden pa dang rten cing 'brel par 'byung ba la sogs pa la dmigs pa'i mtshan ma med pa la gnas ba rtsol ba med pa rang gi ngang gi 'jug pa rnam par rtog pas g.yo bar
 mi nus pas mi g.yo ba zhes bya'o/ /bdag nyid che de zhes bya ba ni byang chub sems dpa' i bdag nyid can no/ /de 'grel pas bstan par bya ba'i phyir/ byang chub sems dpa' de ni zhes bya ba la sogs pa gsungs so/ /yang nas yang du sngar gyi dge ba
 las lhags ba thob pa las mdo'i khungs bstan par bya ba'i phyir/ ji skad du zhes bya ba la sogs pa gsungs te/ ched du bskyod cing 'bro bar bya ba yin te zhes bya ba ni skyes bu'i rtsol bas/ 'gro bas so/ /ched du bskyod mi dgos par 'gro ste
 zhes bya ba ni skyes bu'i rtsol pa med par rlung gi shugs kyis 'gro bas so/ /de nyid kyi phyir/ rlung gi dkyil 'khor gyi bskyod na zhes bya ba gsungs te/ dper bstan nas don dang sbyar ba'i phyir/ kye rgyal ba'i sras zhes bya ba la sogs pa gsungs te/ dge
 ba'i rtsa ba'i tshogs shin tu bsags pa zhes bya ba ni sbyin pa la sogs pa'i tshogs yongs su bsags pa'o/ theg pa chen po yang dag par sgrub pa la mngon par 'dzeg ba zhes bya ba ni 'bras bu dang bcas pa'i byang chub sems dpa' i lam la
 theg pa chen po zhes bya la/ de yang dag par bsgrub pa ni thob pa yin la/ de'i don du mngon par 'dzegs pa ste/ der 'jug par byed pa'o/ /byang chub sems dpa' i spyod pa'i rgya mtshor phyin nas zhes bya ba ni byang chub sems dpa' rnams kyi mtshan
 ma med pa dang/ rtsol pa med pa'i rang bzhin gyi spyod pa gang yin pa de nyid rgya mtsho yin te/ rnam par mi rtogs pa'i ye shes kyi rang bzhin can yin pas shin tu zab pa yin la de thob nas so/ /lhun gyi grub pa'i ye shes
 kyi zhes bya ba ni ye shes rang gi ngang gi 'jug pas so/ /sngon gyi ched du byas pa'i las kyi zhes bya ba ni/ sa dang po nas bdun pa'i bar gyi bsdus pa'i chad du bya ba'i las kyis so/ /sa 'di kho nar smon lam gyi pha rol tu phyin pa shin tu
 lhag par 'gyur pa yin no zhes bstan par bya ba'i phyir/ 'di ni zhes bya ba la sogs pa gsungs te/ gang don dam pa'i sems bskyed pa dang po'i gnas skabs su smon lam chen po bcu la sogs pa smon lam 'bum phrag grangs med pa
 phrag bcu gang dag mngon bar btab pa de rnams la smon lam zhes bya la/ smon lam de rnams 'dir rnam par dag par 'gyur ba yin te/ yongs la smin pa'i tshul gyi rang gi ngang gis 'jug pas so/ /rgyal ba rnams kyis 'gog pa las
 slong bar mdzad ces bya ba ni byang chub sems dpa' de rgyal pa sangs rgyas bcom ldan 'das kyis 'gog pa ste/ stong pa nyid kyi ting nge 'dzin las slong par mdzad bas so/ /de 'grel pas bstan par bya ba'i phyir/ 'dis sems dang po
 zhes bya ba la sogs pa gsungs te/ 'di la yongs su dag par 'gyur bas zhes bya ba ni rang gi ngang gi 'jug par 'gyur bas so/ /de nyid kyi phyir 'di'i smon lam gyi pha rol tu phyin pa ches lhag par 'gyur ro/ zhes bya ba gsungs so/ /
 byang chub sems dpa' rnams kyi zhes bya ba ni ji ltar rgyal ba'i sras gzhon nu'i gnas skabs dang/ rgyal tshab kyi gnas skabs dang/ rgyal por dbang bskur ba'i gnas skabs gsum du rnam par 'jog pa de bzhin du 'dir rgyang pa
 la sogs pa gsum la gzhon nu'i gnas skabs dang/ rgyal tshab kyi gnas skabs dang dbang bskur pa'i gnas skabs gsum du brjod par bya ste/ phyir mi ldog pa brnyed pas so/ /'gog pa las slong par mdzad pa la mdo'i khungs bstan par
 pa'i phrir/ ji skad du zhes bya ba la sogs pa gsungs te/ sngon gyi smon lam gyi stobs bskyed pa dang zhes bya ba ni/ 'gro la phan phyir sangs rgyas 'grub par shog/ ces bya ba'i smon lam gyi stobs bskyed pa la gnas pa'o/ /chos kyi sgo'i rgyun zhes bya
 ba ni ting nge 'dzin gyi sangs rgyas rnams kyi gdams ngag thos pa de la chos kyi sgo'i ting nge 'dzin zhes bya ste/ de bla gnas pa'o/ /de bzhin gshegs pa'i ye shes nye bar sgrub par mdzad de zhes bya ba ni de bzhin gshegs pa rnams kyis byin gyis rlob par
 mdzad pa yin no zhes pa'o/ /de la zhes bya ba ni byang chub sems dpa' la'o/ /'di ni don dam pa'i bzod pa yang yin no zhes bya ba ni stong pa nyid kyi ting nge 'dzin gang yin pa de nyid don dam pa'i bzod pa yang yin no/ /sangs rgyas kyi chos kyi rjes su rtogs par bya ba
 la zhes bya ba ni stobs dang mi 'jigs pa la sogs pa thob par bya ba la'o/ /sangs rgyas kyi chos phun sum tshogs pa zhes bya ba la ni sangs rgyas kyi chos sgrub pa'o/ /sbyor ba byos shig ces bya ba ni de la rtsol pa gyis shig ces pa'o/ /brtson 'grus
 rtsoms shig ces bya ba ni yang dang yang du sbyor pa byed pa'i sgo nas so/ /bzod pa'i sgo zhes bya ba ni mi skye pa'i chos la bzod pa de nyid mngon par rdzogs par byang chub pa'i thabs yin pas na sgo'o/ /zhi ba'i rnam par thar pa la gnas kyang zhes bya ba
 ni yang dag pa'i mdza' i ting nge 'dzin gyi snyoms par 'jug pa'i mtshan nyid can de thob kyang ngo/ /rnam par rtogs pa rnam pa sna tshogs kyi yid dbyen spyor ba yin zhes bya ba ni rnam par rtogs pa rnam pa sna tshogs pas sems nye bar bcom pa'o//
 'di dag la soms shig ces bya ba ni sems la gyis shig ces pa'o/ /sngon gyi smon lam ngar zhes bya ba ni 'gro la phan phyir sangs rgyas 'grub par shog/ ces bya ba'o smon lam btab pa de dran par gyis shig ces pa'o/ /
 thams cad mkhyen pa'i ye shes mngon par bsgrub pa'i sgo zhes bya ba ni thams cad mkhyen pa'i ye shes mngon du byang ba'i rgyu'o/ /de zhes bya ba ni byang chub sems dpa' o/ /de nyid kyi tshe yongs su mya ngan las 'da' bar 'gyur te zhes bya ba ni
 'gog pa las mi ldan? pas so/ /de ni sa brgyad pa la gnas pa'i byang chub sems dpa' rnams la nyon mongs pa mngon du rgyu ba ni yod pa ma yin no zhes bstan par bya ba'i phyir/ gang gi phyir zhes bya ba la sogs pa gsungs te/ gang
 gi phyir zhes bya ba ni sa brgyad par yang dang yang du 'gog pa'i ting nge 'dzin thob pas so/ /'di zhes bya ba ni byang chub sems dpa' o/ /tshogs pa med pa'i blo ni skyon rnams dag dang lhan cig mi gnas phyir zhes bya ba ni gang chags pa med
 pa'i blo ste/ mngon par zhen pa med pa'i blo de ni skyon rnams te/ nyon mongs pa mngon du rgyu rnams dang lhan cig tu gnas pa ma yin te/ de la nyon mongs pa mngon du rgyu ba rnams ni yod pa ma yin no zhes pa'o/ /de dag rtsar bcas zhes bya
 ba ni mngon du rgyu rnams kyi nyon mongs pa phra ba yang log pas so/ /dri ma zhes bya ba ni nyon mongs pa rnams so/ /nye bar zhi 'gyur zhes bya ba ni nyon mongs pa rnams spangs pas so/ /nyon mongs pa spangs kyang sangs rgyas bcom ldan 'das kyi yon
 tan khyad par can de rnams kyis thob pa ma yin no zhes bstan par bya ba'i phyir/ nyon mongs zad cing zhes bya ba la sogs pa gsungs te/ sangs rgyas bcom ldan 'das rnams kyi 'byor pa ste/ yon tan thams cad yang dag par 'byor
 pa yin pa de rnams thob par mi nus pas so/ /'byor ba'i khyad par ni/ mkha' ltar mdza' bral zhes bya ba gsungs te/ nam mkha' ltar yon tan yang dag par 'byor pa mdza' yas pa'o/ /nyon mongs zad cing zhes bya ba ni mngon du rgyu ba'i khams gsum
 gyi nyon mongs pa rnams spangs pas so/ /de'i phyir sa gsum bla mar gyur kyang zhes bya ba gsungs te/ khams gsum gyi nyon mongs pa rnams spangs pas khams gsum gyi bla ma zhes bya ste/ 'di'i don ni khams gsum gyi nyon mongs pa rnams
 spangs su zin kyang de rnams kyi bag chags yod pa'i phyir bcom ldan 'das rnams kyi mdza' yas pa'i yon tan rnams kyi mthar thug par ni ma gyur pa'o/ /de'i phyir sgom pas spang par bya ba'i phyir nyon mongs pa'i bag chags yod pa'i phyir da
 dung yang phyir mi 'ong bar mi 'gyur ro zhes mngon pa las rnam bzhag byas pa yin no/ /de 'grel pas bstan par bya ba'i phyir/ rnam par mi rtogs pa zhes bya ba la sogs pa gsungs te/ rnam par mi rtogs pa'i ye shes de nyid nyi ma yin la/
 de shar ba ste skyes pas so/ /'khor bar skye ba'i rgyur gyur pa zhes bya ba ni 'khor bar skye ba'i rgyur gyur pa nyon mongs pa sngon du rgyu rnams log pas yin gyis/ 'khor ba'i rgyur ma gyur pa'i bag chags kyi mtshan nyid can gyi nyon mongs
 pa rnams ni ma log pa yin no/ /khyad par 'di nyid kyi sngon du rgyu'i nyon mongs pa rnams ldog pas yin gyi bag chags rnams na? ma yin no zhes bya bar rtogs pa yin te/ gzhan du na khyad par gyi tshig don med par 'gyur pas so/ /de dag
 spangs pa zhes bya ba ni khams gsum na brjod pa'i nyon mongs pa rnams spangs kyang ngo/ /gnas skabs der zhes bya ba ni nyon mongs pa sngon du rgyu ba rnams spangs pa'i gnas skabs na'o/ /de thob bar bya ba'i phyir zhes bya ba ni bag chags spangs nas
 mdza' yas pa'i yon tan gyi 'byor ba rnams thob par bya ba'i ched du'o/ /'dis zhes bya ba ni sa brgyad pa la gnas pa'i byang chub sems dpas so/ /gal te byang chub sems dpa' nges de'i nyon mongs pa thams cad spangs
 par ji ltar 'gyur zhe na/ de la lan ni/ de nyid kyi tshe zhes bya ba la sogs pa gsungs te/ gang gi phyir mdo las de nyid kyi tshe yongs su mya ngan las 'da' bar 'gyur te/ zhes bya ba gsungs pa de'i phyir 'di la khams gsum na spyod pa'i nyon
 mongs pa rnams logs pa yin no zhes rtogs pa yin te/ gzhan du khams gsum gyi 'dod chags dang ma bral ba la mya ngan 'das pa mi srid pa'i phyir/ yongs su mya ngan las 'da' bar 'gyur te zhes ji ltar gsungs
 zhes pa'o/ /de nyid bstan par bya ba'i phyir/ 'dod chags dang ma bral ba zhes bya ba la sogs pa gsungs te/ 'dod chags dang ma bral ba zhes bya ba ni khams gsum gyi 'dod chags dang ma bral ba'o/ /de la gzhan gyi rgol ba bstan par bya
 ba'i phyir gal te zhes bya ba la sogs pa gsungs te/ mi la sogs par rtogs pa'i 'khor bar gnas nas bsgoms pa'i stobs dang snying rje'i dbang gis sems can gyi don byas pa las sangs rgyas kyi chos yongs su rdzogs te/ 'khor
 ba med pas sangs rgyas kyi chos rnams ji ltar yongs su rdzogs par 'gyur zhe na'o/ /de la lan bstan par bya ba'i phyir/ bshad pa zhes bya ba la sogs pa gsungs te/ de dag gi zhes bya ba ni dbang brdus so/ /rang gi bdag nyid sna tshogs ston
 par 'gyur zhes bya ba ni byang chub sems dpas ni rang gi bdag nyid sna tshogs te/ dus yun ring du gnas pa la sogs par ston par byed pa ste/ gsal bar ston pa'o/ /ston pa dang gsal ba ni rnam grangs so/ /srid pa'i 'gro ba zhes bya ba ni
 la sogs par 'gro bar ro/ /de 'grel pas bsten par bya ba'i phyir/ 'di'i 'khor ba ni zhes bya ba la sogs pa/ gsungs te/ yid kyi rang bzhin gyi zhes bya ba ni las dang nyon mongs pa las ma grub pa dang/ yid kyi sprul pas so/ /de la dbang bcu
 mdo'i sgo nas bstan par bya ba'i phyir/ de la dbang bcu ni zhes bya ba la sogs pa gsungs te/ bskal pa brjod du med pa'i yang brjod du med pa'i tshe tshad byin gyis rlob pas tshe la dbang thob pa'o zhes bya ba ni/ bskal pa brjod du med pa dang yang
 brjod du med pa dag bsdoms pa la grangs ji snyed cig yod pa de'i tshe'i tshad tsam du byin gyis rlob pas tshe la dbang thob pa/ de ltar tshe la dbang pa bstan nas/ sems la dbang pa bstan par bya ba'i phyir/ ting nge 'dzin zhes bya ba la sogs pa
 gsungs te/ sems la dbang thob pa'o zhes bya bar sbyar ro/ /ji lta bu zhe na/ de la lan ni/ dpag tu med pa zhes bya ba la sogs pa gsungs te/ tshad gzung bar mi nus pas dpag tu med pa'o/ /grangs kyis yongs su gcod mi nus pas
 grangs med pa'o/ /ting nge 'dzin la nges par sems dpa' ste sems gtong pa yin la de'i ye shes la 'jug pa ste/ sems la dbang ba nyid kyis ting nge 'dzin du ma la snyoms par 'jug pa yin no zhes pa'o/ /yo byad la dbang ba bstan par bya
 pa'i phyir/ 'jig rten gyi khams zhes bya ba la sogs pa gsungs te/ 'jig rten gyi khams thams cad rnam pa sna tshogs pas ni brgyan te mu tig dang gser dang dngul la sogs pa rnams kyis brgyan par byin gyis rlob par ston par
 mdzad pa yin te/ des na 'jig rten gyi khams thams cad yo byad sna tshogs dang ldan par ston pa'o/ /'di'i don ni byang chub sems dpa' rnams yo byad la dbang pa thob pas 'jig rten gyi khams thams cad du sems can rnams la
 tshad med pa dang rin thang med pa'i yo byad nye bar mkho ba rnams kyi char 'bebs pa byed pa yin no zhes pa'o/ /las la dbang ba nyid bstan par bya ba'i phyir/ las kyi rnam par smin pa zhes bya ba la sogs pa
 gsungs te/ rnam par smin pa byin gyis brlabs kyis dus ji lta ba bzhin du ston par mdzad ces bya ba ni dus gang gi tshe las kyi rnam par smin pa yod pa de'i tshe byin gyis rlob par byed pa'o/ /'di'i don ni khams dang 'gro ba dang skye gnas dang/
 gnas skabs gzhan du myong bar 'gyur ba'i las rnams gzhan du yongs su sgyur bar byed pa yin no zhes pa'o/ /skye ba la dbang ba nyid bstan par bya ba'i phyir/ 'jig rten gyi zhes bya ba la sogs pa gsungs te/ 'jig rten gyi khams thams cad
 du skye ba kun tu ston pas zhes bya ba ni bsam gtan la gnas nas ma nyams par 'jig rten gyi khams thams cad du 'dod pa'i khams la sogs par skye bar ston par byed pa'o/ /smon lam la dbang ba bstan par bya ba'i phyir/ sangs
 rgyas kyi zhing zhes bya ba la sogs pa gsungs te/ sangs rgyas kyi zhing dang dus gang du ci dga' bar mngon bar rdzogs bar byang chub par ston pa zhes bya ba ni bdag ji ltar dga' ba'i sangs rgyas kyi zhing dang dus khyad par can gang du 'dod pa der mngon
 par rdzogs par byang chub bston pa ste/ ji ltar des sangs rgyas kyi zhing dang dus gang du mngon bar rdzogs par byang chub par smon lam btab pa de ltar 'byung bar 'gyur ba'o/ /'di'i don ni ji 'dod ba rang gi don dang gzhan gyi don phun
 sum tshogs par byed cing smon lam chen po grangs med par mngon par sgrub par byed pa de ni smon lam la dbang ba nyid de 'bras bu dang bcas pa nyid du 'gyur ba yin no zhes ba'o/ /mos pa la dbang ba nyid bstan par bya ba'i phyir/
 'jig rten gyi khams zhes bya ba la sogs pa gsungs te/ 'jig rten gyi khams thams cad sangs rgyas kyi skus rab tu gang bar sun tu ston pas zhes bya ba ni mos pa'i dbang gi 'jig rten gyi khams thams cad sangs rgyas kyi skus rab tu
 gang bar kun tu ston par byed pa'o/ /'di ni nye bar mtshon pa yin te sa la sogs pa rnams kyang tshul sogs pa'i rang bzhin du ston par byed pa yab yin no zhes pa'o/ /rdzu 'phrul la dbang byad pa nyid bstan par bya ba'i phyir/ sangs rgyas kyi
 zhing thams cad ces bya ba la sogs pa gsungs te/ sangs rgyas kyi zhing thams cad du rdzu 'phrul gyi rnam par 'phrul pa kun tu ston pa zhes bya ba ni sangs rgyas kyi zhing thams cad rdzu 'phrul gyi rnam par 'phrul pa ste/ bai DUryal sogs
 ba'i rang bzhin du kun tu ston pa'o/ /'di yang nye bar mtshon pa tsam yin gyi rdzu 'phrul gyi dbang gis sems can rnams 'dun bar bya ba'i phyir re/ tshad med pa'i rdzu 'phrul rnams ston par byed pa'o/ /ye shes la dbang ba nyid bstan par
 bya ba'i phyir/ de bzhin gshegs pa zhes bya ba la sogs pa gsungs la/ de bzhin gshegs pa'i stobs rnams ni 'og nas 'chad par 'gyur ro/ /mi 'jigs pa dang sangs rgyas kyi chos ma 'dres pa rnams ni sngar bshad zin
 to/ /mtshan rnams kyi phyag dang zhabs kyi mthil 'khor los brgyan ba dang/ phyag dang zhabs kyi sor mo rnams dra bas 'brel ba'o zhes bya ba la sogs pa sum cu rtsa gnyis so/ /dpe byad bzang po ni sen mo zangs kyi mdog
 lta bu dang/ sen mo snum pa dang/ sen mo mtho ba dang/ ser mo zlum pa dang/ sor mo rgyas pa dang/ sor mo rnams byin gyis phra ba dang/ rtsa mi mngon pa dang/ rtsa mdud pa med pa la sogs te brgyad cu'o/ /de rnams kyang stong
 phrag nyi shu rtsa lnga pa'i mdo las shes par bya'o/ /mngon par rdzogs par byang chub pa zhes bya ba ni sgrib pa gnyis dang bral ba'i stong pa nyid la dmigs pa'i ye shes gang yin pa ste/ de rnams ston par byed pa'o/ /
 'di yang nye bar mtshon pa yin te/ ye shes la dbang bas chos dang/ don dang/ nges pa'i tshig dang spobs pa rnams kyi rab kyi mthar thug pa yang thob par 'gyur bas so/ /chos la dbang pa nyid bstan par bya ba'i phyir/ mdza' dang zhes bya ba
 la sogs pa gsungs te/ mdza' dang dbus med pa'i chos kyi snang ba kun du ston pa zhes bya ba ni 'dir mdza' i sgras thogs ma dang tha ma yang gzung bar bya ste/ des na mdza' dang dbus med pa zhes bya ba'i sgras don dam par thog ma dang tha
 ma dang dbus med pa'i chos te/ mdo sde la sogs pa'i chos kyi rnam grangs so/ /de nyid sgo ste rnam par grol ba'i thabs yin pas so/ /de nyid snang ba ste thar pa'i thabs gsal bar byed cing de ston par byed pas so/ /de'i don ni chos la dbang ba nyid kyis
 mdo sde la sogs pa'i chos kyi sgo rnams kyis dus gcig tu sems can thams cad kyi sems yongs su dga' bar byed par 'gyur ba'o/ /sems bskyed pa brgyad pa'i 'grel pa'i bshad pa'o/ /sems bskyed pa dgu pa bstan par bya
 ba'i phyir/ de ni zhes bya ba la sogs pa gsungs te/ stobs mdza' dag rdzogs pa dag 'gyur zhing zhes bya ba ni so sor brtags pa'i stobs dang sgom pa'i stobs la sogs pa'i mtshan nyid kyi stobs thams cad rab kyi mthar son par
 'gyur ba'o/ /yang dag rigs chos rang gi yon tan yongs su dag pa'ang thob ces bya ba ni chos so so yang dag par rig pa la sogs pa bzhi rang gi mtshan nyid la sogs pa yongs su shes pa'i rang bzhin can gyi rang gi yon tan dag
 pa thob par 'gyur ba'o/ /de 'grel pas bstan par bya ba'i phyir/ byang chub sems dpa' i zhes bya ba la sogs pa gsungs te/ yongs su dag par 'gyur zhing zhes bya ba ni rab kyi gnas skabs thob pa'o/ /so so yang dag pa rig pa rnams kyi mtshan nyid
 bstan par bya ba'i phyir/ chos so so yang dag par rigs pa dang zhes bya ba la sogs pa gsungs te/ chos rnams rang gi mtshan nyid kyi sgo nas so sor rigs pa'i chos so so yang dag par rig pa'o/ /chos rnams spyi'i mtshan nyid kyi sgo nas so sor
 rigs pa ni don so so yang dag par rig pa'o/ /yul gyi skad dang nges pa'i tshig so so yang dag par rig pa'o/ /rnam pa du ma'i sgo nas chos rnams yongs su ston pa ni spobs pa so so yang dag par rig pa'o/ /rang gi mtshan nyid ces bya ba ni chos rnams
 kyi thun mongs ma yin pa'i mtshan nyid do/ /spyi'i mtshan nyid ces bya ba ni mi rtag pa nyid la sogs pa'o/ /chos rnams ma 'dres par ston par rab tu shes so zhes bya ba ni yul gyi skad dang nges pa'i tshig shes pa'i sgo nas chos ma 'dres par ston
 shes pa'o/ /mthun pa'i rgyun rgyun chad pa med pa nyid du rab tu shes so zhes bya ba ni chos rnams rab tu 'du shes pa dang brtags par yod pa la sogs pa'i rab tu dbye ba ston pa'i sgo nas chos ston pa'i rgyun chad pa med pa nyid du rab tu shes pa'o//
 sngar lam gyi rnam bzhag byas pa'i skabs su ni chos mngon pa'i rjes su 'brangs nas so so yang dag par rig pa rnams kyi mtshan nyid bstan pa yin la/ 'dir ni gzhung 'di'i rjes su 'brangs nas bstan pa yin no/ /de dag la cung zad khyad par yod
 kyang skyon yod pa ma yin te/ bcom ldan 'das kyi gdul bya dang rjes su bstun nas chos ston pa'i khyad par cung zad yod pas so/ /'di nas? legs pa'i blo gros zhes bya ste/ so so yang dag par rig pas chos ston pa'i phyir/ byang chub sems
 dpa' rnams la blo gros legs pa dang ldan pa'i phyir legs pa'i blo gros so/ /sems bskyed pa dgu pa'i 'grel sa'i bshad pa'o/ /sems bskyed pa bcu pa'i byang chub sems dpa' i mtshan nyid bstan par bya ba'i
 phyir da ni/ zhes bya ba la sogs pa gsungs te/ kun nas sangs rgyas rnams las zhes bya ba ni phyogs bcu na bzhugs pa'i sangs rgyas rnams las so/ /dbang bskur ba dam pa thob cing zhes bya ba ni 'od zer gyi sgo nas bskur bas so/ /de
 yis zhes bya ba ni byang chub sems dpa' o/ /ye shes lhag par mchog tu gyur ba'ang yin zhes bya ba ni chos ston pa la sgra ji bzhin pa la rmongs pa dang bral bas dgongs pa can gyi don yongs su shes pa rab kyi mthar phyin pas so/ /sa bcu
 pa 'dis yang chos kyi sprin zhes kyang brjod par bya'o/ /de la sgra 'jug pa'i rgyu mtshan bstan par bya ba'i phyir/ char sprin zhes bya ba la sogs pa gsungs te/ ji ltar char sprin rnams la lo tog skye ba'i phyir char 'bebs pa de bzhin du
 byang chub sems dpa' rnams dang/ byang chub tu sems pa skyed pa la sogs pa'i dge ba'i lo tog gi ched du rtsol ba med par chos kyi char 'bebs par mdzad pas na chos kyi sprin zhes bya ste/ sprin bzhin du chos kyi char 'beb pa'i
 yin no zhes pa'o/ /'di rnam pa gsum gyi sgo nas sprin dang chos mtshungs/ khyab pa dang/ rdul rab tu zhi bar byed pa dang/ 'byin par byed pa'o/ /de la khyab pa ni sa 'dir chos thos pas nam mkha' bzhin du rten thams cad khyab par 'gyur
 bas so/ /rdul rab tu zhi bar byed pa ni chos des sems can rnams kyi nyon mongs pa'i rdul rab tu zhi bar byed pas so/ /'byin par byed pa ni sprin gyi char gyis lo tog 'byin par byed pa bzhin du dga' ldan gyi gnas su gnas pa la
 sogs pa'i rim pas sems can rnams 'dran par byed pas so/ /'dir char 'beb pa dang mtshungs par brjod pa ni nye bar mtshon pa'o/ /de 'grel pas bstan par bya ba'i phyir/ byang chub sems dpa' i zhes bya ba la sogs pa gsungs so/ /dbang
 bskur ba la mdo'i khungs bstan par bya ba'i phyir/ ji skad du zhes bya ba la sogs pa gsungs te/ ting nge 'dzin grangs med pa 'bum phrag bcu ji snyed ba zhes bya ba la/ grangs med ba zhes bya ba ni grangs kyi gnas gzhan drug cu la grangs
 med ba zhes bya la/ de 'bum phrag drug cu 'gyur tu bsgres pa ni ting nge 'dzin grangs med pa 'bum phrag bcu zhes bya'o/ /thams cad mkhyen pa'i ye shes dbang bskur ba dang ldan pas zhes bya ba ni ting nge 'dzin gang la gnas nas thams
 cad mkhyen pa'i ye shes thob pa'i don du 'od zer gyi sgo nas dbang thob pa'o/ /stong gsum phrag bcu'i gtos dang mnyam pa'i/ zhes bya ba ni ri rab dang gling bzhi la sogs pa stong la stong spyi phud ces bya la/ de stong 'gyur la stong
 gnyis bya la/ stong gnyis stong 'gyur du bsgres pa ni stong gsum zhes bya ba la/ stong gsum bcu 'gyur du bsgres pa ni tshad dang mnyam pa'o/ /rin po che rnam pa thams cad kyi mchog dang ldan pas spras pa zhes bya ba ni mtshan nyid dang ldan pa'i
 pad+ma rA ga la sogs pas spras pa'o/ /stong gsum 'bum phrag bcu tshang ba'i rdul phra rab kyi rdul snyed kyi padmo'i 'khor dang ldan pa 'byung bar 'gyur te zhes bya ba ni stong gsum 'bum phrag bcur bsgres pa la rdul phra rab ji snyed yod pa de snyed kyi
 padmo'i 'khor dang ldan pa 'byung bar 'gyur te/ stong gsum bcu 'gyur du bsgres pa la rdul phra rab kyi grangs ji snyed yod pa de snyed kyi pad+ma chen po pad+ma'i 'khor dang bcas pa'o/ /byang chub sems dpa' de'i lus kyang de dang 'tsham zhing de'i rkyen du
 bab par gnas so zhes bya ba ni stong gsum phrag bcu'i gtos dang mnyam pa'i pad+ma chen po de byang chub sems dpa' i dkyil mo dkrung gis khyab par gyur pa de'i lus gnas bar 'gyur ba'o/ /de'i ting nge 'dzin de thob ma
 thag ces bya ba ni ting nge 'dzin thams cad mkhyen pa'i ye shes kyi dbang bskur ba dang ldan pa thob pa na'o/ /mdzod spu zhes bya ba ni spu ni smin mtshams su 'jam zhing dkar ba grangs na mdo 'am gsum la sogs pa'i tshad dang ldan pa
 btang na g.yas su 'khyil zhing rtse mo gyen du langs ba/ sgyu ru ra'i 'bras bu'i tshad dang mtshungs pa rdul gyi dbu ba dang 'dra ba'o/ /de nyid brjod de/ 'od zer gyi gnas yin pas so/ /dbang bskur bar mdzad do zhes bya ba ni byang chub sems dpa' i lus
 la sangs rgyas kyi 'od zer rnams bzhugs par 'gyur ro/ /sems bskyed pa bcu pa'i 'grel pa'i bshad pa'o/ /da ni sa bdun la gnas pa'i byang chub sems dpa' i so so'i yon tan bstan pa'i phyir/ da ni zhes bya ba la sogs pa gsungs
 te/ de dag gi yon tan gyi grangs thob pa'i zhes bya ba ni sems dang po skyed pa nas brtsams te so so'i yon tan gyi grangs thob pa'o/ /de'i tshe 'di ni sangs rgyas brgya mthong zhes bya ba ni byang chub sems dpa' 'dis don dam pa'i sems
 dang po bskyed pa'i tshe/ sangs rgyas brgya phrag gcig mthong bar 'gyur ba'o/ /de dag byin gyis brlabs kyang 'di yis rtogs zhes bya ba ni byang chub sems dpa' 'dis sangs rgyas de rnams kyi byin gyis brlabs kyang khong du chud
 par 'gyur ba ste/ gang gis sangs rgyas rnams kyi ye shes bzhin du rnam par mi rtag pa'i ye shes nyams su myong bar 'gyur ba de la byin gyis brlabs pa zhes bya'o/ /de nyid tshe na bskal pa brgyar gnas shing zhes bya ba ni sems
 dang po bskyed pa'i dus de na bskal pa brgyar gnas pa'i nus ba yod pa yin no zhes pa'o/ sngon dang phyi ma'i mthar yang yang dag par 'jug ces bya ba ni bskal pa brgya phrag gcig gis sngon gyi mdza' rab phyi ma'i mdza' i sgo nas yang dag bar shes pa ste/
 sems can rnams kyi sdig pa las log pa la brten nas las kyi 'gro ba stong pa yin no zhes pa'o/ /blo ldan zhes bya ba ni byang chub sems dpa' o/ /ting 'dzin brgya phrag snyoms bar 'jug cing gtong byed de zhes bya ban ting nge 'dzin brgya phrag gcig
 la snyoms par 'dug cing de las ldang bar yang byed pa yin no zhes pa'o/ /'jig rten khams brgya 'di yis kun nas g.yo zhing snang ba nus zhes bya ba ni 'jig rten gyi khams brgya 'di yis kun nas g.yo zhing snang bar nus pa yin no zhes pa'o/ /de
 bzhin rdzu 'phrul gyis de sems can brgya phrag smin byed cing zhes bya ba ni rdzu 'phrul gyi sgo nas sems can brgya phrag gcig dge ba'i las la 'god par nus shing sangs rgyas kyi zhing brgya phrag gcig tu yang 'gro bar nus pa'o/ /'dis ni 'gro ba dang
 snang ba'i sgo nas sems can rnams smin par byed pa yin no zhes ba'o/ /des ni chos kyi sgo rnams yang dag 'byed byed thub dbang sras zhes bya ba ni byang chub sems dpa' des chos kyi sgo brgya phrag gcig gis grangs yang dag par khong du chud
 pa yin te/ rang gi blo gros yongs su smin par bya ba'i phyir de rnams kyi don sems par byed pa'o/ /thub dbang sras ni byang chub sems dpa' yin la/ rang gi lus la byang chub sems dpa' i lus brgya phrag gcig kun tu ston par bar byed
 pa'o/ /lus dri lta bu zhe na/ rang gi 'khor dang bcas pas mdzes 'byor lus na re re zhing zhes bya ba gsungs te byang chub sems dpa' i lus /re re byang chub sems dpa' i 'khor dang bcas par ston par byed pa'o/ /'khor gyi grangs
 nges pa ston pa ni/ rgyal ba'i sras po brgya phrag dag dang rjes su 'brel pa'ang ston zhes bya ba gsungs te/ byang chub sems dpa' brgya phrag gcig dang 'brel pa ston pa'o/ /de la mdo'i khungs kyi sgo nas bstan par bya ba'i phyir/
 ji skad du zhes bya ba la sogs pa gsungs te/ skad cig thang cig yud tsam zhig la zhes bya la/ gang la cha'i dbye ba brtag pa mi srid pa de ni dus kyi mthar thug pa ste skad cig ma zhes bya'o/ /skad cig ma brgya nyi shu la de'i skad cig go/ de'i
 skad cig drug cu ni thang cig go/ thang cig sum cu ni yud tsam cig/ dus de tsam la ting nge 'dzin la snyoms par 'jug cing ldang bar byed pa'o/ /de dag gi zhes bya ba ni sangs rgyas rnams kyi'o/ /gzhan rnams ni bshad zin to/ /thams cad du
 brgya phrag bstan pa ni nges par 'gyur ba yin pas so/ /thabs la mkhas pa'i stobs kyi grangs la nges pa med kyang ngo/ /de nyid kyi phyir mos ba spyod pa'i sar yang ting 'dzin grangs med pa thob pa dang/ sangs rgyas la sogs pa rnams kyang
 mthong bar gsungs pa yin no/ /de yang phyis 'dzam bu'i gling la dbang 'byor pa dang dbang che ba chos rjes su bsrung bar 'gyur ro zhes 'chad par 'gyur ro/ /sems dang po bskyed pa'i yon tan bstan nas// //sems gnyis pa bskyed
 pa'i byang chub sems dpa' i yon tan bstan par bya ba'i phyir/ blo ldan zhes bya ba la sogs pa gsungs te/ yon tan de dag ni zhes bya ba ni brgya phrag ni grangs kyis smos pas so/ /de bzhin kho nar zhes bya ba ni sa dang po pas yon tan
 thob pa bzhin du'o/ /dri ma med gnas pas bya ba ni sa gnyis pa la gnas pas so de dag ni zhes bya ba ni yon tan rnams so/ /de 'grel pas bstan par bya ba'i phyir/ sems dang po zhes bya ba la sogs pa gsungs te/ rgya cher bgrang
 bar bya'o/ zhes bya ba ni skad cig gcig la ting nge 'dzin stong phrag rab tu thob pa dang/ sangs rgyas stong phrag mthong ba dang/ de rnams kyi byin gyis brlabs kyang yang dag par shes pa dang/ 'jig rten gyi khams stong g.yo bar byed cing
 snang bar byed pa dang/ zhing stong du 'gro ba dang/ sems can yongs su smin par byed pa dang/ bskal pa stong du gnas shing sngon dang phyi ma'i mthar 'jug pa dang/ chos kyi sgo stong rnam par 'byed pa dang/ lus stong kun tu ston par byed pa dang/ lus
 re re la yang byang chub sems dpa' i 'khor dang ldan par kun tu ston pa'o zhes bya'o/ /de yang gling bzhi la dbang ba'i 'khor los bsgyur ba'i rgyal po rin po che sna bdun dang ldan pa sems can rnams kyi tshul khrims 'chal pa'i dri ma 'khrul
 par nus pa'o/ //da ni sems bskyed pa gsum pa la sogs pa sems bskyed pa lnga la gnas pa'i byang chub sems dpa' rnams kyi yon tan gyi grangs bstan par bya ba'i phyir/ yon tan de dag nyid ces bya ba la sogs pa
 gsungs te/ 'bum phrag dang bcas bya ba ni sems gsum pa bskyed pa'i byang chub sems dpa' sngar bstan pa'i yon tan stong phrag brgya thob par 'gyur ba ste/ ji skad du/ skad cig gcig la ting 'dzin 'bum phrag gcig thob cing
 sangs rgyas 'bum phrag gcig mthong ba dang/ de dag gi byin gyis brlabs kyang yang dag par shes pa dang/ 'jig rten gyi khams 'bum phrag gcig g.yo bar byed pa dang/ snang bar byed pa dang/ zhing 'bum phrag gcig tu yang
 'gro ba dang/ sems can 'bum phrag gcig yongs su smin par byed pa dang/ bskal pa 'bum phrag gcig tu gnas shing sngon dang phyi ma'i mthar 'jug pa dang/ chos kyi sgo 'bum phrag gcig rnam par 'byed pa dang/ lus 'bum
 phrag gcig ston pa dang/ lus re re la yang 'khor byang chub sems dpa' 'bum phrag re re dang ldan par kun tu ston zhes gsungs pa lta bu'o/ /de yang gsum cu rtsa gsum la dbang byed pa'i lha'i rgyal por
 'gyur te/ sems can rnams 'dod pa'i 'dam las drang ba'i phyir/ sems can rnams 'dod pa'i 'dod chags las ldog pa'i thabs nye bar sgrub pa la mkhas pa'o/ /bye ba phrag brgya zhes bya ba ni sems bzhi pa bskyed
 pa'i byang chub sems dpa' yon tan de dag nyid bye ba phrag brgya thob ste/ ji skad du skad cig gcig la ting nge 'dzin bye ba phrag brgya thob pa dang/ sangs rgyas bye ba phrag brgya mthong ba dang/ de dag gis byin gyis brlabs kyang yang
 dag par shes pa dang/ 'jig rten gyi khams bye ba phrag brgya g.yo bar byed cing snang bar byed pa dang/ zhing phye ba phrag brgyar 'gro ba dang/ sems can bye ba phrag brgya yongs su smin par byed pa dang/ bskal pa bye ba phrag brgyar
 gnas shing sngon dang phyi ma'i mthar 'jug pa dang/ chos kyi sgo bye ba phrag brgya rnam par 'byed pa dang/ lus bye ba phrag brgya kun tu ston pa dang/ lus re re la yang 'khor gyi byang chub sems dpa' bye ba phrag brgya brgyag dang ldan par
 kun tu ston pa'o/ zhes gsungs pa lta bu'o/ /de yang 'thab bral la dbang byed pa'i lha'i rgyal por 'gyur te/ sems can rnams la yang dag pa'i lta ba la 'god pa'i ched du sems can rnams kyi 'jig tshogs la lta ba
 kun nas drungs 'byin pa la mkhas pa'o/ /bye ba stong 'gyur thob ces bya ba ni sems lnga pa bskyed pa'i byang chub sems dpa' yon tan de dag nyid bye ba stong 'gyur du thob par gyur te/ ji skad du/ skad cig gcig la ting nge
 'dzin ni bye ba stong thob pa dang/ sangs rgyas bye ba stong mthong ba dang/ de dag gi byin gyis brlabs kyang yang dag par shes pa dang/ 'jig rten gyi khams bye ba stong g.yo bar byed cing snang bar byed pa dang/ zhing bye ba stong du 'gro ba dang/
 sems can bye ba stong yongs su smin par byed pa dang/ bskal pa bye ba stong du gnas shing sngon dang phyi ma'i mthar 'jug pa dang/ chos kyi sgo bye ba stong rnam par 'byed pa dang/ lus bye ba stong kun tu ston pa dang/ lus re re la yang 'khor byang
 chub sems dpa' bye ba stong dang ldan pa kun tu ston pa'o zhes gsungs pa lta bu'o/ /de yang dga' ldan la dbang byed pa'i rgyal por 'gyur te/ sems can rnams bden pa rnams rlab tu 'god pa'i don du sems can rnams mu stegs kyi
 gnas thams cad la bzlog pa la mkhas pa'o/ /bye ba brgya phrag stong 'gyur thob ces bya ba ni sems drug pa bskyed pa'i byang chub sems dpas yon tan de dag nyid bye ba brgya phrag stong 'gyur du thob pa yin te/ ji skad du/ skad
 cig la ting nge 'dzin bye ba brgya phrag stong thob pa dang/ sangs rgyas bye ba brgya phrag stong cha mthong ba dang/ de dag gi byin gyis brlabs kyang yang dag par shes pa dang/ 'jig rten gyi khams bye ba brgya phrag stong g.yo bar byed
 cing snang bar byed pa dang/ zhing bye ba brgya phrag stong du 'gro ba dang/ sems can bye ba brgya phrag stong yongs su smin par byed pa dang/ bskal pa bye ba brgya phrag stong du gnas shing sngon dang phyi ma'i mthar 'jug pa dang/ chos
 kyi sgo bye ba brgya phrag stong rnam par 'byed pa dang lus bye ba brgya phrag stong kun tu ston pa dang/ lus re re la yang 'khor byang chub sems dpa' bye ba phrag brgya stong stong dang ldan par kun tu ston pa'o zhes gsungs pa
 lta bu'o/ /de yang 'phrul dga' la dbang byed pa'i rgyal por 'gyur te/ sems can rnams rten cing 'brel par 'byung ba rnams la 'dzud cing sems can rnams mngon pa'i nga rgyal zil gyis gnon pa
 la mkhas par 'gyur ba'o/ /bye ba khrag khrig brgya phrag brgyar rdzogs par bsgyur dang slar yang stong phrag tu/ yang dag par ni bsgyur ba mdza' dag rab tu thob par 'gyur zhes bya ba ni sems bdun pa bskyed pa'i byang chub sems dpas
 yon tan de dag nyid bye ba khrag khrig ste bye ba khri khrag gcig yin la/ de brgya 'gyur du 'gres shing de yang stong 'gyur du 'gres pa la grangs ji snyed yod pa de snyed kyi grangs kyi yon tan thob par 'gyur ba yin te/ bye ba khrag
 khrig 'bum phrag thob par 'gyur ba yin no zhes pa'o/ /ji skad du skad cig la ting nge 'dzin bye ba khrag khrig phrag 'bum thob pa dang/ sangs rgyas bye ba khrag khrig phag 'bum mthong ba dang/ de dag gi byin gyis brlabs kyang
 yang dag par shes pa dang/ 'jig rten gyi khams bye ba khrag khrig phrag 'bum g.yo bar byed par byed cing snang bar byed pa dang/ zhing bye ba khrag khrig phrag 'bum du 'gro ba dang/ sems can bye ba khrag khrig phrag 'bum yongs su smin par
 byed pa dang/ bskal pa bye ba khrag khrig phrag 'bum du gnas par byed cing/ sngon dang phyi ma'i mthar 'jug pa dang/ chos kyi sgo bye ba khrag khrig phrag 'bum rnam par 'byed par byed pa dang/ lus bye ba khrag khrig phrag 'bum kun
 tu ston pa dang/ lus re re la yang 'khor byang chub sems dpa' bye ba khrag khrig 'bum phrag 'bum dang ldan bar kun tu ston pa'o/ /de yang gzhan 'phrul dbang byed la dbang ba'i rgyal por 'gyur te/ sems can rnams
 mngon par rtogs pa nye bar bsgrub pa la mkhas pa'o/ /de 'grel pas bstan par bya ba'i phyir/ de la zhes bya ba la sogs pa gsungs so/ /sems bskyed pa brgyad pa'i byang chub sems dpa' i yon tan bstan par bya ba'i phyir/ de yan chad
 ni zhes bya ba la sogs pa gsungs te/ grangs kyis yongs su bgrang bar mi srid par zhes bya ba ni bye ba la sogs pa'i grangs kyis bgrang bar mi srid pa'o/ /rdul phra rab rnams kyis zhes bya ba ni 'jig rten gyi khams kyi rdul phra
 rab rnams kyi'o/ /de nyid bstan par bya ba'i phyir/ mi g.yo ba'i sar gnas zhes bya ba ni la sogs pa gsungs te/ des zhes bya ba ni byang chub sems dpas so/ /stong gsum brgya phrag stong bsdoms 'jig rten na zhes bya ba ni stong gsum
 brgya phrag du bas stong du bsgyur ba ste/ stong gsum gyi 'jig rten gyi khams 'bum phrag gcig na rdul phra rab ji snyed yod pa de snyed kyi yon tan thob par 'gyur ba'o/ /de 'grel par bstan par bya ba'i phyir byang chub sems
 dpa' zhes bya ba la sogs pa gsungs te/ ji skad du bstan pa'i yon tan nas dag ces bya ba ni ting nge 'dzin rab tu thob pa la sogs pa ste/ ji skad du skad cig la ting nge 'dzin stong gsum gyi 'jig rten gyi khams 'bum gyi rdul phra
 rab kyi rdul ji snyed yod pa de snyed kyi ting nge 'dzin rab tu thob pa dang/ sangs rgyas de snyed mthor ba dang/ de dag gi byin gyis brlabs kyang yang dag par shes pa dang/ 'jig rten gyi khams de snyed g.yo zhing snang bar byed pa
 dang/ de snyed kyi sangs rgyas kyi zhing du 'gro ba dang/ sems can de snyed yongs su smin par byed pa dang/ bskal pa de snyed du gnas par byed cing sngon dang phyi ma'i mthar 'jug pa dang/ chos kyi sgo de snyed rnam par 'byed pa dang/
 lus de snyed cig kun tu ston pa dang/ lus re re la yang 'khor byang chub sems dpa' de snyed dang ldan pa kun tu ston pa'o zhes gsungs pa lta bu'o/ /sa 'dir byang chub sems dpa' de 'jig rten stong la
 dbang ba zil gyis gnon par byed cing/ zil gyis gnon par mi nus pa dbang thob pa sems can rnams pha rol tu phyin pa la gzhug pa'i tshad du las thams cad bsdu ba'i dngos po rnams kyi sgo nas byed pa'o/ /sems dgu pa bskyed
 pa'i byang chub sems dpa' i phan yon bstan par bya ba'i phyir/ legs pa'i blo gros zhes bya ba la sogs pa gsungs te/ grangs med pa zhes bya ba ni gcig gnyis zhes bya ba la sogs pa 'jig rten gyi khams rnam grangs kyi gnas gzhan drug
 cur yongs su bshad pa'i grangs la grangs med pa zhes bya la/ de rnams brgya 'gyur du byas nas de yang stong 'gyur du byas nas stong 'gyur de yang bcu 'gyur du byas pa la rdul phra rab ji snyed yod pa de snyed kyi ting nge 'dzin rab tu thob pa la sogs pa
 yon tan rnams thob par byas par 'gyur ba yin te/ ji skad du skad cig la stong gsum gyi khams grangs med pa 'bum phrag bcu'i rdul phra rab kyi grangs ji snyed yod pa de snyed kyi ting nge 'dzin rab tu thob cing sangs rgyas de snyed mthong ba dang/ de
 dag gi byin gyis brlabs yang dag par shes pa dang/ 'jig rten gyi khams de snyed kyang g.yo bar byed cing snang bar byed pa dang/ sems can de snyed cig yongs su smin par byed pa dang/ bskal pa de snyed cig tu gnas par byed cing sngon dang phyi
 ma'i mthar 'jug pa dang/ chos kyi sgo de snyed cig 'byed pa dang/ lus de snyed cig kun tu ston pa dang/ lus re re la yang 'khor byang chub sems dpa' de snyed dang ldan par kun tu ston pa'o zhes gsungs pa lta bu'o/ /byang chub sems dpa' 
 'di ni stong gnyis la dbang ba'i tshangs pa'i mnga' bdag pha rol tu phyin pa'i nye bar ston pa la mkhas pa'o/ /sems bcu pa bskyed pa'i byang chub sems dpa' i phan yon bstan par bya ba'i phyir/ re zhig ces bya ba la sogs pa gsungs te/ 'jig rten
 gyi khams lus kyi spyod yul las 'das shing dag gi spyod yul ma yin pas bsgres pa'i 'jig rten gyi khams rnams na rdul phra rab ji snyed yod pa de snyed kyi grangs dang mnyam pa'i yon tan thob par 'gyur ba'o/ /re zhig smos pa ni yon tan
 ma brjod pa rnams kyang bsdu bar bya ba'i ched du'o/ /de 'grel pas bstan par bya ba'i phyir/ byang chub sems dpas zhes bya ba la sogs pa gsungs te/ sangs rgyas kyi zhing brjod du med pa'i yang brjod du med pa'i rdul phra rab kyi rdul snyed thob
 par 'gyur ro zhes bya ba ni ngag gi spyod yul las 'das pa'i sangs rgyas kyi zhing rnams kyis bgres pa'i ngag gi spyod yul ma yin pa'i sangs rgyas kyi zhing gang yin pa la rdul phra rab ji snyed yod pa de snyed kyi yon tan thob par 'gyur ba yin
 te/ ji skad du skad cig la phyogs bcu na bgrang ba las 'das pa'i rdul phra rab ji snyed yod pa de snyed kyi ting nge 'dzin thob pa dang/ sangs rgyas de snyed mthong ba dang/ de dag gi byin gyis brlabs kyang yang dag par shes pa dang/ 'jig rten gyi
 khams de snyed cig g.yo bar byed pa dang/ zhing de snyed du 'gro ba dang/ sems can de snyed cig yongs su smin par byed pa dang/ bskal pa de snyed cig tu gnas par byed cing sngon gyi mdza' dang phyi ma'i mthar 'jug pa dang/ chos kyi sgo de snyed
 cig rnam par 'byed pa dang/ lus de snyed cig kun tu ston pa dang/ lus re re la yang 'khor byang chub sems dpa' de snyed re re dang ldan par kun tu ston pa'o zhes gsungs pa lta bu'o/ /de yang gnas gtsang ma'i lha'i rgyal po mnga' 
 bdag sems can rnams pha rol tu phyin pa ston pa la mkhas pa'o/ /re zhig gi sgra'i don ston pa ni/ re zhig bcu pa des de'i zhes bya ba la sogs pa gsungs te/ go rim bzhin ston par byed do zhes bya ba yin no/ /'dir
 yon tan 'di tsam zhig brjod pa yin gyi gzhan yang yod pa yin zhes pa'o/ /yon tan gzhan rnams kyi phyogs tsam bstan par bya ba'i phyir/ gzhan yang zhes bya ba la sogs pa gsungs te/ ba spu'i khung bur zhes pa ni ba spu'i bu gang
 grangs las 'das pa'i sangs rgyas bcom ldan 'das rnams 'khor byang chub sems dpa' dang bcas par bstan pa'o/ /de bzhin du lha min dag kyang zhes bya ba ni sangs rgyas rnams bzhin du lha dang lha min dang mi rnams kyang ba spu'i bu gang
 ston par byed pa'o/ /de 'grel pas bstan par bya ba'i phyir/ byang chub sems dpa' zhes bya ba la sogs pa gsungs te/ kyang gi sgra ni ma smos pa bsdu ba'i don du ste zhes bya ba ni mi dag kyang zhes bya ba'i kyang gi sgra 'dis brgya byin dang
 tshangs pa la sogs pa'i gzugs bzung nas chos ston par byed pa yang bsdu bar bya'o/ /de nyid bstan par bya ba'i phyir/ brgya byin dang zhes bya ba la sogs pa gsungs te/ sogs pa'i sgras ni gdul bya rnams bsam pa ji lta ba
 bzhin du/ cig car lus ston par mdzad pa dang/ skyil mo krung gcig gis zhing khams thams cad khyab par byed pa dang/ rang gi lus kyi rdul phra rab dang phyi rol gyi rdul phra rab re re la zhing khams thams cad sangs rgyas dang/
 byang chub sems dpa' rnams kyi spyod pa'i rnam 'phrul dang/ sems can gyi khams 'jig pa dang/ chags pa dag ston cing rdul phra rab de rnams kyang 'phel bar yang mi 'gyur bas sangs rgyas la sogs pa de rnams kyang 'grib
 bar mi 'gyur zhing 'dres par yang mi 'gyur ro/ /de rnams kyang sangs rgyas kyi zhing rgyas pa ji lta ba bzhin du 'dir yang phan tshun 'dres par gnas pa yin no/ zhes bya ba la sogs pa'i lus kyi las dang/ tshig gcig la gdul bya rnams kyi bsam 
 pa ji lta ba bzhin du chos ston pa dang/ tshig gcig gis zhing khams thams cad khyab pa dang/ dbyangs gcig la dbyangs kun snang ba yin no zhes bya ba la sogs pa ngag gi las dang/ ting nge 'dzin gcig gis ting nge 'dzin dpag tu med pa sgrub
 par byed pa yin no zhes bya ba la sogs pa yid kyi las kyang bsdu bar bya'o/ /de ltar sa bcu la gnas pa'i byang chub sems dpa' rnams kyi yon tan bstan nas/ da ni sangs rgyas kyi sa'i yon tan bstan par bya ba'i phyir/ de'i 'og tu zhes bya
 ba la sogs pa gsungs te/ de'i 'og tu zhes bya ba ni byang chub sems dpa' rnams kyi yon tan brjod pa'i rjes la'o/ /yon tan cung zad tsam zhig brjod par 'dod pa zhes bya ba ni yon tan 'ga' zhig ston par 'dod pa ste/ yon tan ma
 lus par brjod par mi nus pas so/ /de nyid kyi phyir/ sangs rgyas bcom ldan 'das nyid kyis zhes bya ba la sogs pa 'chad par 'gyur ro/ /bstod pa bsgrub pa'i sgo nas zhes bya ba ni yon tan ji lta ba bzhin du brjod pa'i sgo nas so/ /de la spangs pa phun
 sum tshogs pa dang/ rtog pa phun sum tshogs pa dang ldan pa'i sgo nas bstod pa bstan par bya ba'i phyir/ ji ltar zhes bya ba la sogs pa gsungs te/ ji ltar nam mkha' dri ma med pa la tshes bco lnga'i zla bas snang ba gsal bas yun pa sel
 ba'i sgo nas 'gro ba ma lus par gsal bar nus pa de bzhin du sems bcu pa bskyed pa'i tshe stobs bcu bskyed pa ste/ sangs rgyas kyi sa kun tu 'od ces bya ba thob pa'i don du bag chags dang bcas pa'i nyon mongs pa dang dral bas yon
 tan thams cad thugs su chud pa'i ched du sems bcu pa bskyed nas slar yang ste/ phyis 'chad pa ste/ brtson 'grus brtsams par 'gyur ba'o/ /'di'i don ni tshes bco lnga'i zla pas mun pa ma lus pa bsal? nas snang
 ba gsal bar 'byung ba de bzhin du sangs rgyas kyi chos rnams la mun pa ma lus pa bsal nas snang ba gsal bar 'dod pa'i don du 'bad par 'gyur ba yin no zhes pa'i don te/ /'og min du ni zhes bya ba ni bsam gtan bzhi pa'i
 mdza' i 'og min gyi gnas su'o/ /gang gi don du 'bad 'gyur zhes bya ba ni/ sangs rgyas kyi chos rnams thugs su chud pa'i don du 'bad par 'gyur ba'o/ /go 'phang mchog zhi ba zhes bya ba ni sangs rgyas kyi chos thugs su chud pa'i rang
 bzhin can gyi go 'phang gang yin pa de mchog ste/ de las mchog tu gyur pa gzhan med pas so/ /de zhi ba yang ste/ rnam par rtog pa thams cad las 'das pas so/ /yon tan mdza' dag mthar thug ces bya ba ni/ dran pa nye bar gzhag
 ba la sogs pa'i yon tan rnams 'dir mthar thug pa yin te/ sgrib pa thams cad dang bral bas so/ /mtshungs pa med de zhes bya ba ni de dang 'dra ba'i go 'phang gzhan med pas so/ /brnyes zhes bya ba ni de lta bu'i go 'phang de khyod kyis
 'og min du brnyes pa'o/ /'di'i don ni sangs rgyas bcom ldan 'das kyis sangs rgyas kyi go 'phang gang thob pa de ni 'og min gyi gnas kho na yin te/ 'di ni gdul bya rnams kyi don du sprul pa'i sku'o zhes bstan pa yin no/ /gzhan du ni
 mi rnams kyis sangs rgyas kyi go 'phang thob par mi 'gyur ro snyam nas skye bo rnams sangs rgyas kyi go 'phang thob pa'i don du snyom las byed par 'gyur pas so/ /de 'grel pas bstan par bya ba'i phyir/ dper na zhes bya ba la
 sogs pa gsungs te/ sangs rgyas kyi chos rnams thob pa la gegs byed pa'i mun pa sbyong ba nyid du mdzad pa zhes bya ba ni sangs rgyas kyi chos rnams stobs dang mi 'jigs pa la sogs pa rnams thob pa la gegs byed pa'i mun pa ste/ rnam
 par rtog pa'i bag chags kyi mtshan nyid can yin la/ de sbyong ba nyid mdzad pa ni bag chags kyi chung ngu'i rnam pa lus pa'o/ /bcom ldan 'das zhes bya ba ni 'byung bar 'gyur ba'i mtshan nyid la brten nas te/ dper na 'bras bu skye ba bzhin du'o//
 thugs bskyed pa bcu pa brnyes pas zhes bya ba ni sa bcu pa la gnas pas so zhes pa'o/ /rang nyid sangs rgyas kyi chos brnyed pa mkhyen nas zhes bya ba ni/ mun pa thams cad ma bral bas thugs su ma chud pa'i phyir ro/ /gong na med pa'i phyir ro zhes
 bya ba ni de las mchog tu gyur pa gzhan med pas so/ /da ni skad cig ma gcig la mngon par rdzogs par byang chub pa bstan par bya ba'i phyir/ der mngon par rdzogs par sangs rgyas pa na zhes bya ba la sogs pa gsungs te/ der zhes bya
 ba ni 'og min du'o/ /thams cad mkhyen pa'i ye shes zhes bya ba ni shin tu rnam par dag pa'i de kho na nyid kyi ye shes kyi mtshan nyid can no/ /de nyid ston pa ni/ ji ltar zhes bya ba la sogs pa gsungs te/ ji ltar snod kyi dbye ba ste bum pa  
 dang gzhod pa la sogs pa'i dbye bas nam mkha' la dbye ba med pa yin te/ bum pa la sogs pa yod du zin kyang mi sgrib pa'i mtshan nyid can du mtshungs pas so/ /de bzhin du de kho na ste stong pa nyid kyi mtshan nyid can la dngos po byas te/ /
 gzugs dang tshor ba la sogs pas byas pa'i dbye ba 'ga' yang yod pa ma yin te/ rang gi rnam par rtog pa'i stobs kyis byis pa rnams la gzugs dang tshor ba la sogs par snang ba dang de kho na nyid yod pa dang/ med pa la
 sogs pa'i rang bzhin gang du yang ma grub pas de dag gis rnam 'gyur bya bar mi nus pas so/ /ro mnyam nyid du yang dag thugs su chud par mdzad gyur na zhes bya ba ni/ rnam 'gyur med pa nyid kyis de kho na nyid ji
 lta ba bzhin du ro mnyam pa nyid du mkhyen pas so/ /de'i phyir sangs rgyas bcom ldan 'das khyed kyis mkhyen bzangs te/ sgrib pa med pa'i thugs kyis shes bya de kho na nyid skad cig gcig la thugs su chud pa'o/ /de 'grel pas bstan
 par bya ba'i phyir/ dper na zhes bya ba la sogs pa gsungs te/ sogs pa'i sgra ni sgron me la sogs pa bsdu bar bya'o/ /der rtogs pa'i zhes bya ba ni/ bum pa dang gzhod pa la sogs par rtogs pa'o/ /gzugs dang tshor ba zhes
 bya ba la sogs pa'i sgras ni 'du shes la sogs bsdu bar bya'o/ /de yang zhes bya ba ni de kho na nyid do/ /de kho na nyid thugs su chud pa la gzhan dag gi rgol ba bstan par bya ba'i phyir/ 'dir smras pa zhes bya ba la sogs pa
 gsungs te/ 'dir smras pa zhes bya ba ni de kho na nyid thugs su chud pa la phyogs snga ma 'god pa'o/ /gang gi tshe zhi ba de nyid yin zhes bya ba ni gang gi tshe skye ba med pa'i rang bzhin can gyi de kho na nyid shes pa dang shes bya la sogs pa'i
 spros pa dang bral bas zhi ba'o/ /de la blo gros 'jug mi 'gyur zhes bya ba ni skye ba med pa'i rang bzhin can de kho na nyid blo gros 'jug par mi 'gyur te/ gzung ba dang 'dzin pa'i rang bzhin gyi yul dang yul can gyi dngos po mi
 'thad pa dang/ de kho na nyid la rnam pa gang gi sgo nas kyang rnam pa med pa'i phyir ro/ /blo ma zhugs na skyon ci yod snyam na/ de la lan ni/ blo ma zhugs par zhes bya ba'i yul can nges pa rigs pa ma yin la zhes bya ba gsungs te/ yul
 de kho na nyid la blo ma zhugs na de kho na nyid kyi yul can gyi nges pa rigs par mi 'gyur ro/ /gal te de kho na nyid nyams su ma myong ba nyid nyams su myong ba zhes brjod na/ de la lan ni/ kun nas shes pa med par ni shes pa ji ltar 'gyur te/ 'gal bar
 'gyur zhes bya ba gsungs te/ gang mi shes par ji ltar 'gyur te/ shes pa dang mi shes pa dag phan tshun 'gal ba'i phyir ro/ /mkhyen pa po med par zhes bya ba la sogs par ni/ gang gi tshe de kho na nyid rang shes na de'i tshe de kho na nyid mkhyen pa po med
 pas khyed kyi nang nas skye ba med pa de kho na nyid yin no zhes su zhig gis gzhan la go bar byed de/ ston pa ni shes pa sngon du 'gro ba can yin pas so/ /de 'grel pas bstan par bya ba'i phyir/ skye ba med pa ni zhes bya ba la sogs pa gsungs te/ de yang
 zhes bya ba ni/ de kho na nyid do/ /de la zhes bya ba de kho na nyid la'o/ /rnam pa med pas zhes bya ba ni skye ba med pa'i rang bzhin can gyi de kho na nyid la yod pa dang/ med pa la sogs pa'i rang bzhin can gyi rnam pa gang yang med pas so/ zhes bya
 bya ba'i yul can gyi zhes bya ba ni de kho na nyid kyi yul can gyi'o/ /khyed cag gi zhes bya ba ni khyed cag gi nang nas so/ /de'i phyir 'di mi rigs so zhes bya ba ni de kho na nyid thugs su chud par rigs pa ma yin no zhes pa'o/ /de la phan? bstan par bya ba'i
 phyir/ 'di la brjod par bya ste zhes bya ba la sogs pa gsungs te/ dngos po thams cad skye ba med pa gang yin pa de ni de kho na nyid yin te/ gzhan ni bcos ma yin pa'i phyir de kho na nyid kyi rang bzhin du mi rigs pas so/ /blo yang skye
 ba dang bral ba zhes bya ba ni dngos po thams cad gdod ma nas skyo ba med pas blo yang skye ba med pa'i de tshe de rnams zhes bya ba la sogs pa ni de kho na nyid kyi rnam pa skye ba med pa gang yin pa de blo ?? brten pa ste/ blo yang skye ba
 med pa'i rnam pa can yin pas blo de yis skye ba med pa'i rang bzhin can gyi de kho na nyid rtogs pa lta bu yin te/ gang yul skye ba med pa'i phyir de nyams su myong ba yin pa la de kho na nyid rtogs pa yin no zhes
 nye bar brtags pa yin gyi de la gsal bar byed pa dang/ gsal bar bya ba dag ni yod pa ma yin no zhes pa'o/ /don de mdo sde pa'i dpe'i sgo nas bstan par bya ba'i phyir/ ji ltar zhes bya ba la sogs pa gsungs te/ ci ltar gal te sngon po'i
 rnam pa can gyi shes pa skye bar 'gyur na de'i tshe sngon po la sogs pa'i yul shes pa des yongs su shes so zhes tha snyad byed pa yin gyi don dam par ni ma yin te/ don dam par phyi rol gyi don mi snang bas so/ /de bzhin tha snyad brten nas rig pa
 yin zhes bya ba ni sngon po yongs su shes pa bzhin du tha snyad la brten nas de kho na nyid thugs su chud par brjod pa yin gyi/ don dam par ni ma yin no/ /'di'i don ni ji ltar dus mnyam pa la phan gdags par bya ba dang/ phan 'dogs par byed pa mi
 'thad pas sngon po la sogs pa'i don nyams su myong ba med kyang sngon po'i rnam pa can gyi shes pa skyes pas sngon po nyams su myong ba yin no zhes nye bar btags nas rnam bzhag byed pa de bzhin du 'dir yang blo la skye ba med pa'i rnam pa yod pas
 skye ba med pa'i mtshan nyid can gyi de kho na nyid nyams su myong bar brtags nas rnam par 'jog pa yin gyi/ dngos su ni ma yin te/ de kho na nyid smos pa mdza' dag las 'das pa'i phyir ro/ /des na dngos po gang yang rung mi dmigs pa de nyid de kho na nyid
 thugs su chud pa yin no/ /de la khyed kyis nyams su myong ba gang yin pa de nyams su myong bar ci ltar rigs te/ de gnyis phan tshun 'gal ba yin te zhes gang smras pa de yang ma rigs te/ gang de kho na nyid ma rtogs pa de nyid la de kho na nyid rtogs par
 mi brjod la/ 'on kyang dngos po gang yang mi dmigs pa de/ de kho na nyid nyams su myong ba yin pas 'gal bar ji ltar 'gyur zhes pa'o/ /de 'grel pas bstan par bya ba'i phyir/ 'di zhes bya ba la sogs pa gsungs te/ 'di na zhes bya ba ni rig pa'i gnas skabs
 na'o/ /de'i rnam pa'i rjes su byed pa 'dzin pa zhes bya ba ni yul gyi rnam pa'i rjes su byed pa na'o/ /shes pa de kho na nyid kyi rnam pa'i rjes su byed pa skye ba na zhes bya ba ni shes pa yang skye ba med pa'i rang bzhin can yin pas so/ /de'i rnam pa'i rjes su byed pa nyid ces bya ba ni
 de kho na nyid kyi rnam pa'i rjes su byed pa'o/ /de rnams brten las zhes bya ba ni de kho na nyid kyi rnam pa brten pa la'o/ /gal te dngos su rtogs pas yin par brtags nas yin pa ci'i phyir zhe na/ de la lan bstan par bya ba'i phyir/ shes pa dang shes bya gnyis
 ka yang ma skyes pa nyid kyi phyir ro/ zhes bya ba gsungs te/ mkhyen po med par zhes bya ba la sogs pa gang smras pa de la lan bstan par bya ba'i phyir/ gang yang zhes bya ba la sogs pa gsungs te/ zhes pa 'di skye ba med pa kho na yin par bden
 mod kyi zhes bya ba ni dngos po thams cad la skye ba ma grub pas ye shes kyang skye ba med pa nyid do/ /'dir 'ga' zhig ni bcom ldan 'das la sgyu ma'i rang bzhin gyi ye shes yod par 'dod la/ de yang don dam par skye ba med pa'i phyir shes pa
 yang skye ba med pa yin no zhes brjod la/ ye shes de yang ldog pa'i sgo nas lnga ste/ chos kyi dbyings shin tu rnam par dag pa'i ye shes dang/ me long lta bu dang/ mnyam pa nyid dang/ so sor rtog pa dang/ bya ba sgrub pa'i ye shes so/ /de la chos
 kyi dbyings shin tu rnam par dag pa'i ye shes ni bag chags dang bcas pa'i sgrib pa gnyis dang bral ba'i snying rje dang shes rab gnyis su med pa spangs pa dang rtogs pa phun sum tshogs pa mnga' ba de kho na nyid bsgoms pa rab kyi
 mthar gyur pa chos kyi dbyings su thugs su chud pa gang yin pa'o/ /me long lta bu'i ye shes ni gang du mdza' med pa'i khams gsum gyi sems can dang cig shos ring ba dang/ cig shos kyi yul las 'das pa dang/ ma 'ongs ba
 pa dang da ltar ba'i dngos po rdul phra rab dang/ gnas skabs so so me long la gzugs brnyan bzhin du thams cad la gsal bar snang ba'o/ /mnyam pa nyid kyi ye shes ni gang gis de ltar gzugs brnyan lta bu snang ba'i 'gro ba rnams la chos kyi
 bdag med pa mnyam pa nyid du thugs su chud nas sems can thams cad la rtag tu bdag nyid dang mnyam pa'i thugs brnyed pa'o/ /so sor rtog pa'i ye shes ni gang gis bcom ldan 'das de ltar mnyam par bzhag pas rnam par mi rtog pa
 kho na yin du zin kyang/ sngon gyi smon lam dang/ sems can rnams kyi bsod nams kyi dbang gis sems can rnams kyi spyod pa so sor rtogs pa'o/ /bya ba grub pa'i ye shes ni gang gis de ltar rtogs pa'i 'gro ba rnams la bya ba sgrub par
 mdzad pa'o/ /ye shes lnga po 'di rnams ni sku gsum gyis bsdus pa ste/ de ltar yang slob dpon tsan dra go mi yis/ nyon mongs yid ni gnas gyur la/ /mnyam nyid ye shes zhes ni brjod/ /yid kyi rnam shes gang yin te/ /so sor
 rtogs pa'i ye shes yin/ /de dag longs spyod rdzogs sku nyid/ /chos kyi longs spyod gzigs phyir dang/ /byang chub sems dpa' chen po rnams/ /chos kyi longs spyod rgyu yin phyir/ /me long lta bu'i ye shes kyang/ /kha cig longs spyod
 rdzogs skur brjod/ /kha cig de yang de rgyu yis/ /btags nas de bzhin brjod pa yin/ /sgo lnga'i dbang po'i shes pa gang/ /des don kun ni 'dzin nyid phyir/ /sems can kun gyi don phyir du/ /bya ba bsgrub pa'i ye shes brnyas/ /de yang thams
 cad thams cad du/ /dus dang bsam pa ji lta bar/ /sangs rgyas ye shes sprul sku ste/ /sprul pa thams cad mdzad phyir ro/ /kha cig yid ni kho na la/ /sprul pa'i sku nyid du ni 'dod/ /sgo lnga'i rnam shes gang yin des/ /longs spyod rdzogs pa'i sku ru brjod
 ces gsungs so/ /de la nyon mongs pa can gyi yid ni kun gzhi rnam par shes pa la brten cing/ kun gzhi rnam par shes pa la dmigs pa bdag tu lta ba dang/ bdag tu rmongs pa dang/ bdag tu nga rgyal ba dang/ bdag tu zhen pa zhes bya ba'i
 nyon mongs pa bzhi dang mtshungs par ldan pa yid la byed pa'i bdag nyid can no/ /gnas gyur pa ni bag chags dang bcas pa'i nyon mongs pa dang shes bya'i sgrib pa spangs pa'i phyir bdag tu lta ba la sogs pa dang bral ba bdag dang
 gzhan mnyam pa nyid kyi ye shes brnyes pa'o/ /yid kyi rnam par shes pa gang yin te/ zhes bya ba la sogs pa gang chos la dmigs pa'i rnam par rtog pa'i shes pa gnas gyur pa las so sor rtog pa'i ye shes bya'o/ /de dag ces bya
 ba ni mnyam pa nyid dang/ so sor rtog pa'i ye shes so/ /longs spyod pa'i sku'i sgra 'jug pa'i rgyu mtshan gnyis ston pa ni/ chos kyi longs spyod gzigs phyir dang/ zhes bya ba la sogs pa gsungs te/ ston pa rang nyid kyis ston pa'i tshe de dag gi
 mchog tu kha na ma tho ba med pa'i theg pa chen po'i chos longs spyod pa dga' ba dang bde ba nyams su myong ba dang byang chub sems dpa' chen po rnams de'i dbang gis bai bUrya la sogs pa'i rang bzhin can gyi sku las sa bcu pa'i byang
 chub sems dpa' rnams kyi chos ston pa thos nas/ dga' ba dang bde ba nyams su myong bas so/ /me long lta bu'i ye shes kyang zhes bya ba la sogs pa ni kha cig gis me long lta bu'i ye shes kyang longs spyod rdzogs pa'i skur
 brjod do/ /de la bai DUrya rgya la sogs pa'i rang bzhin gyi sku dang/ chos ston par snang bas so/ /kha cig de yang de rgyu yis zhes bya ba la sogs pa ni kha cig me long lta bu'i ye shes la chos kyi skur brjod pa yin te/
 rnam pa thams cad du mi g.yo ba'i phyir ro/ /de la mi g.yo ba ni rnam pa thams cad du yod pa dang/ rnam par rtog pa g.yo bar mi nus pa'i phyir ro/ /de nyid kyi phyir/ mdo sde rgyan las/ me long ye shes g.yo ba med ces gsungs so/ /
 de yang chos kyi sku dang ro gcig pa'i phyir 'thad pa yin no zhes pa'o/ /de nyid kyi bcom ldan 'das rnams la dran pa nyams pa mi mnga' ba rigs pa yin te/ dus thams cad du dngos po thams cad me long bzhin du snang bas so//
 ye shes gzhan rnams ni dus re 'ga' ba yin pas g.yo bar mi nus pa'i phyir ro/ /gdul bya rnams kyis de ltar brtags pas so/ /des na me long lta bu'i ye shes la longs spyod rdzogs pa'i skur gang brjod pa de ni longs
 spyod rdzogs pa'i sku'i rgyu yin pa'i phyir ro/ /sgo lnga'i dbang po zhes bya ba la sogs pa ni gang sgo lnga'i rnam par shes pa gnas gyur pa de sems can thams cad kyi don du gzugs dang sgra la sogs pa yongs su 'dzin pas bya ba grub
 pa'i ye shes zhes bya ba'i ming brnyes pa yin no/ /de nyid sprul pa'i sku yin no zhes ston pa yin/ de yang thams cad thams cad du zhes bya ba la sogs pa gsungs te/ de yang zhes bya ba ni bya ba grub pa'i ye shes so/ /thams cad
 thams cad du zhes bya ba ni dus dang yul dag tu'o/ /bsam pa ji lta bar zhes bya ba ni sems can rnams kyi bsam pa bzhin du'o/ /kha cig yid ni kho na las zhes bya ba ni kha cig yid kyi rnam par shes pa gnas gyur pa la sprul
 ba'i sku zhes brjod de/ yid kyi rnam par shes pa gnas gyur pa las sems can gyi don mdzad pa'o/ /sgo lnga'i rnam shes bya ba la sogs pa ni/ gang sgo lnga'i rnam par shes pa de longs spyod rdzogs pa'i skur brjod pa ste/ khyad par can gyi
 bai DUrya rgya la sogs pa'i rang bzhin can gyi sku la sogs par snang ba 'byung bas so/ /ye shes lnga po 'di rnams kyang ldog pa tha dad pa'i sgo nas tha dad pa yin gyi rgyud tha dad pa la yod pa'i shes pa lnga rang bzhin du tha dad pa ni ma yin te/ 'di
 ltar gcig nyid la chos kyi dbyings mkhyen pa'i sgo nas chos kyi dbyings shin tu rnam par dag pa'i ye shes su rnam par 'dog par byed pa yin la/ de nyid rten cing 'brel par byung ba'i chos thams cad yongs su shes pa'i sgo nas me
 long lta bu'i ye shes su rnam par 'jog pa dang/ rten cing 'brel par 'byung ba'i chos de rnams mnyam pa nyid du rtogs pa'i sgo nas de nyid la mnyam pa nyid kyi ye shes su rnam par 'jog cing/ sems dang sems las byung ba'i rten cing
 'brel par 'byung ba'i chos rnams la 'dod chags la sogs par yongs su shes pa'i sgo nas de nyid la so sor rtog pa'i ye shes su rnam bzhag byed la/ 'dod chags la sogs pa'i spyod pa'i sems can rnams la bsam pa ji ltar 'os
 pa bzhin du chos ston pa yongs su mkhyen pa'i sgo nas de nyid la bya ba sgrub pa'i ye shes rnam bzhag byed pa yin no/ /des na ye shes gcig nyid la cha dang char tha dad par rtogs nas ye shes lngar rnam par 'jog pa yin no/ /ye shes gcig
 gis bsdus pa'i dran pa nye bar gzhag pa la sogs pa'i yon tan rnams kyang tshul 'di bzhin du rig par bya ste/ de rnams ye shes gcig dang ro gcig tu gyur pas so/ /mtshan nyid tha dad pa yod pa ni rgyu'i gnas skabs la brten nas
 yin par rig par bya'o/ /ye shes de yang chos kyi dbyings shin tu rnam par dag pa'i ye shes la sogs pa'i ye shes bzhi'i rang bzhin can la ni dngos gzhi'i rnam bzhag byed pa yin la/ de'i dbang gis
 chos ston pa yongs su rdzogs pa'i phyir ye shes de nyid bya ba sgrub pa'i cha nas rjes thob kyi ye shes su rnam par 'jog pa yin no/ /de ltar sangs rgyas kyi ye shes sgyu ma lta bur 'dod pa rnams kyi rnam bzhag de ltar yin no/ /gzhan rnams
 kyis 'di ltar ston te/ gal te bcom ldan 'das la ye shes yod par 'dod na ye shes de bcom ldan 'das la snang ngam mi snang/ gal te mi snang bar 'gyur na de'i tshe de yod pa yin no zhes ji ltar tha snyad byed/ gal te snang bar
 'gyur na don dam par snang ba de yod pa cig snang ba yin nam 'on te med pa cig snang ba yin/ de la phyogs dang po ni ma yin te/ bdag las ma yin zhes bya ba la sogs pas ye shes don dam par bkag pas so/ /don dam par med
 kyang snang na ni bcom ldan 'das rnams la ma rig pa yod par thal bar 'gyur ro/ /de ci'i phyir zhe na ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba gsungs pas so/ /gal te ma rig pa'i rkyen gyis
 'du byed ces bya ba la sogs pa 'dis nyon mongs pa dang bcas pa'i 'khor bar gyur pa'i rnam par shes pa la ma rig pa'i rkyen can du gsungs pa yin gyi shes pa thams cad la ni ma yin te/ bcom ldan 'das kyi ye shes
 ni snying rje'i rgyu can yin te/ snying rje'i stobs kyis bcom ldan 'das rnams 'khor ba ji srid du bzhugs pas so/ /dper na mar me dang po 'bru mar gyi rgyu can yin du zin kyang 'bru mar zad nas mar blags na mi ldog pa de bzhin du 'dir
 yang shes pa ma rig pa'i rgyu can yin du zin kyang ma rig pa log nas snying rje'i stobs kyis ye shes snang bas bcom ldan 'das rnams ma rig pa dang bcas par thal bar mi 'gyur ba'o/ /de la kha cig na re bcom ldan 'das la snying rje'i stobs
 kyis ye shes snang du chug de ltar na yang ma rig pa log par mi 'gyur te/ 'di ltar gal te snying rje'i dbang gis ye shes snang bar gyur na/ don dam pa yod pa'i ye shes snang ba ma yin te/ don dam par yod pa sngar bkag zin pas so/ /don dam par med
 par snang ba gang yin pa de 'khrul pa med par mi rigs te/ dper na rab rib can la med pa'i skra shad dang zla ba la sogs pa snang ba 'khrul pa med na mi rigs la de bzhin du 'dir yang med par snang ba 'khrul pa med na 'byung bar mi 'gyur ba yin la/
 'khrul pa yang ma rig pa nyid do/ /des na sangs rgyas la snying rje sngon du 'gro ba can gyi ye shes mnga' na ma rig pa dang bcas par thal bar 'gyur ba yin no/ /gal te de bzhin gshegs pa la ma rig pa yod kyang skyon ci yod ce na/ ma yin te phyi rol pa'i 'dod chags
 dang phral ba rnams bzhin du bcom ldan 'das rnams la yang ma rig pa sngon du 'gro ba'i nyon mongs pa 'jug par thal bar 'gyur ba'o/ /de yang ma yin te/ gang gi phyir phyi rol pa'i 'dod chags dang bral bas ni ma rig pa ma rig pa nyid du ma shes pa yin la
 bcom ldan 'das kyis ma rig pa ma rig pa nyid du mkhyen pa yin la des na de sngon du 'gro ba'i nyon mongs pa 'jug pa ma yin no/ /de yang ma yin te/ gal te de bzhin gshegs pa rnams kyis ma rig pa nyid du mkhyen du zin kyang de bzhin gshegs pa
 la ma rig pa yod pa nyid du khas blangs pa yin te/ dper na rab rib can rnams la skra shad la sogs pa snang ba na nga la rab rib kyi dbang gis 'di mi bden pa snang ba yin no/ /snyam du 'khrul par yongs su shes kyang 'khrul pa mi ldog pa yin la/ de
 bzhin du 'dir yang ngo/ /de ltar na ni bcom ldan 'das kyi nyon mongs pa bag chags dang bcas pa spangs pa yin no zhes gang brjod pa de rigs pa ma yin no/ /de yang ma yin te/ bcom ldan 'das rnams la ma rig pa spong ba'i
 nus pa mnga' ru zin kyang bcom ldan 'das rnams kyi thugs rje'i dbang gis ma rig pa mi spong ba yin te/ gzhan du na chad par 'gyur pas so/ /bag chags dang bcas pa'i nyon mongs pa'i sgrib pa dang shes bya'i sgrib pa spangs par gsungs
 pa ni spong bar nus pa mnga' ba'i phyir gsungs pa yin no/ /de nyid kyi phyir/ gzhan las/ nyon mongs ma bsregs rtsa rtsa bzhin/ /spangs pa nyid du mdzad pa yin zhes gsungs so/ /de ltar kha cig bcom ldan 'das la ye shes mnga' bar
 bzhed do/ /gzhan rnams kyis 'di ltar ston pa yin te/ bcom ldan 'das rnams ni mtshan ma med cing rtsol ba med pa'i lam rab kyi mthar son pas ye shes kyi mtshan ma mi snang ba dang/ sngar bstan pa'i rigs pas rang rig
 mi 'thad pa'i phyir ye shes ji ltar snang bar 'gyur/ /gzhan yang gal te chos kyi dbyings shin tu rnam par dag pa dang rten cing 'brel par 'byung ba'i chos rnams dmigs par bya ba yin na de'i tshe de dag la dmigs pa'i
 ye shes 'byung zhing snang bar 'gyur ba las 'on kyang sangs rgyas kyi sar dmigs par bya ba dang/ dmigs par byed pa dag phan tshun mnyam pa nyid du gyur pas chos kyi dbyings shin tu rnam par dag pa dang/ rten cing
 'brel par 'byung ba'i chos rnams dang ye shes rnams stong pa nyid dang ro gcig tu gyur pas ci ltar na ye shes snang bar 'gyur zhes pa'o/ /gal te ye shes snang ba med na ci ltar chad par mi 'gyur zhing sems can gyi
 don ji ltar 'grub par 'gyur zhe na/ de yang ma yin te/ khyod kyi ye shes mi snang na chad par 'gyur zhes brjod pa de/ bcom ldan 'das rnams chad par rtog gam /'on te ye shes chad par rtog /de la bcom ldan 'das rnams ni ma yin te/ bcom
 ldan 'das rnams chos kyi sku'i rang bzhin can yin pas so/ /chos kyi sku yang yon tan rnams dang ro gcig pa'i de bzhin nyid ces bya ste/ de ltar yang 'phags pa rdo rje gcod pa las /gang dag nga la gzugs su mthong/ /gang dag nga la sgrar
 shes pa/ /log par spong bar zhugs pa ste/ /skye bo de dag nga mi mthong/ /sangs rgyas rnams ni chos nyid lta/ /'dren pa rnams ni chos kyi sku/ /chos nyid rig par bya min pas/ /des ni rnam par shos mi nus zhes gsungs te/ 'di'i don ni gang
 gzugs kyi sku mthong ba tsam gyis sam/ sgra rjes su thos pa tsam gyis kho bos de bzhin gshegs pa mthong ngo/ /shes so snyam du sems can de rnams ni sangs rgyas mthong ba la gegs byed pa'i las kyi sgrib pa spong ba'i don du log
 par zhugs pa yin te de nyid las gus par zhugs pa de rnams kyis nga mthong ba ma yin zhing phyis kyang mthong bar mi 'gyur ba'o/ /gal te gzugs kyi sku mthong ba tsam gyis sangs rgyas mthong bar mi 'gyur gyi/ 'di de mthong ba dang
 rjes su mthun pa yin no snyam du sems ni/ de'i tshe nga mthong bar 'gyur ba yin gyi gang gi tshe ma mthong ba mngon par zhen pa yod na ni de'i tshe ji ltar mthong bar 'gyur ro/ /de'i chos nyid mthong ba gang yin pa de nyid sangs rgyas mthong ba yin te/ de de
 dang ro gcig pa yin pas so/ /chos kyi sku'i rang bzhin chos nyid de yang gzugs mthong ba dang/ sgra thos pa tsam gyis so so'i skye bos khong du chud pa'i ma nus so/ /don dam par ni yongs su dag pas kyang ma yin na
 shes pa dang shes bya dag nub par 'gyur bas so/ /des na sangs rgyas rnams ni chos nyid lta zhes bya ba gsungs te/ chos thams cad mthong ba nyid sangs rgyas mthong ba'o/ /de nyid kyi phyir gzhan las kyang/ thams
 cad la ni khyad med kyang/ de bzhin nyid dag gyur pa la/ /de bzhin gshegs brjod de'i phyir/ lus can thams cad de snying can zhes gsungs so/ /de nas bcom ldan 'das rnams ches sku'i rang bzhin can yin bas chad par 'gyur ba yod pa
 ma yin no/ /gal te ye shes chad par rtog na de yang mi rigs te/ de chad kyang bcom ldan 'das rnams chos kyi sku'i rang bzhin yin pas chad pa med pa'i phyir ro/ /kho bo cag la ci zhig gnod par gyur/ gzhan yang ye shes la dang po rang bzhin
 yod par 'gyur na de phyis chad pa las chad par smra bar 'gyur la/ 'on kyang thog ma nas kyang de la rang bzhin med pa'i phyir gang zhig chad par 'gyur/ de skad du yang/ 'di la dor ba ci zhig yod/ /'di la bsnan pa ci yang med/ yang dag nyid
 la yang dag lta/ /yang dag mthong nas rnam par grol zhes gsungs so/ /des na ye shes la chad pa yod pa ma yin no/ /sems can gyi don yang chad pa ma yin te/ longs spyod rdzogs pa'i sku dang sprul pa'i skus 'gro ba'i don rdzogs par mdzad pas so//
 de yang phyis 'chad par 'gyur ba'o/ /bag chags dang bcas pa'i nyon mongs pa dang shes bya'i sgrib pa spong ba'i nus pa mnga' bas bcom ldan 'das rnams bag chags dang bcas pa'i nyon mongs pa dang shes bya'i sgrib pa spangs par 'jog
 la/ rnam pa thams cad du ma spangs pa dang/ bcom ldan 'das rnams kyis snying rje'i stobs kyis ma rig pa bzhag pa yin no zhes bya ba de grang las gsungs/ nyon mongs ma bsregs zhes bya ba la sogs pa de mdzad pa'i tshig yin gyi mdo las ni
 yin no/ /yang na 'di'i don ni khyed kyis nyon mongs pa ma bsregs te/ zhig bar mdzad pa ma yin te nyon mongs pa rnams la rang bzhin med pas so/ 'on kyang nyon mongs pa rnams kyi rang bzhin med par thugs su chud pas rtsa'i rtse mo bzhin du spang bar mdzad pa yin no
 zhes pa'o/ des na 'gal ba yod pa ma yin no/ gal te bcom ldan 'das la ye shes lnga'i rnam bzhag byas pa gang yin pa de ni ji ltar rigs pa yin zhe na/ de la lan bstan par bya ste/ gang gi tshe chos kyi sku'i dbang gis longs spyod rdzogs pa'i sku dang/
 sprul pa'i sku dag la sngon gyi smon lam dang sems can rnams kyi bsod nams kyi dbang gis gdul bya rnams la ye shes lnga dang rjes su mthun pa'i chos ston par snang bar 'byung bar 'gyur la/ de'i tshe bcom ldan 'das rnams la ye shes lnga mnga' ba yin no
 zhes gdul bya rnams kyis yongs su rtogs pa yin te/ 'dir ltar gang gi tshe chos kyi dbyings shin tu rnam par dag pa dang rjes su mthun pa'i chos par gyur pa ste/ de'i tshe bcom ldan 'das la chos kyi dbyings shin tu rnam par dag pa'i ye shes mnga' ba
 yin no zhes yongs su rtog pa yin no/ gang gi tshe sems dang tshig shos la sogs pa'i dngos po yongs su shes par ston par snang bar 'gyur ba de'i tshe bcom ldan 'das la me long lta bu'i ye shes mnga' ba yin no/ /zhes yongs su rtog pa yin no/ /gang gi
 tshe bdag dang gzhan mnyam pa nyid la sogs bar ston par snang bar 'gyur ba de'i tshe bcom ldan 'das la mnyam pa nyid kyi ye shes mnga' ba yin no zhes yongs su rtog pa yin no/ /gang gi tshe sems can gyi spyod pa la
 sogs pa ston par snang bar 'gyur ba de'i tshe bcom ldan 'das la so so'i rtog pa'i ye shes mnga' ba yin no zhes yongs su rtog pa yin no/ gang gi tshe 'dod chags la sogs pa spyod pa'i gnyen po'i chos ston
 bar snang bar 'gyur ba de'i tshe bcom ldan 'das la bya ba grub pa'i ye shes mnga' ba yin no zhes yongs su rtog pa yin no/ /de nyid kyi phyir bcom ldan 'das la chos kyi sku'i rgyu can ye shes rnam pa lnga mnga' ba yin pas
 ye shes rgyun chad par 'gyur ba yang ma yin no/ /yon tan rnams kyi rnam gzhag kyang de ltar shes par bya'i/ chos kyi sku'i gnas skabs na bcom ldan 'das la yon tan tha dad par mnga' ba ni ma yin te/ de rnams chos kyi sku dang ro
 gcig pas so/ /gang gi phyir bcom ldan 'das rnams chos kyi sku'i rang bzhin yin cing/ bcom ldan 'das thams cad kyi chos kyi skur ro gcig pa de'i phyir chos kyi sku la mngon par byang chub pa'i dus dang/ gnas pa'i dus
 la mdza' yod pa ma yin no zhes 'chad par 'gyur ro/ /de ltar yod mdo sde rgyan las/ rigs kyi dbye dang don med min/ /rdzogs dang thog ma med nyid dang/ /dri med rtog la dbye med phyir/ /sangs rgyas gcig min dus 'ang min zhes
 gsungs so/ /'di'i don ni sangs rgyas gcig nyid du yang 'dod pa ma yin te/ de ci'i phyir zhe na/ rigs tha dad pa'i phyir te/ sangs rgyas kyi rigs can sems can mdza' yas pas de la gcig nyid mngon par rdzogs par sangs rgyas la gzhan rnams ci'i phyir
 mngon par rdzogs par sangs rgyas par 'gyur ba ma yin zhes pa'o/ /bsod nams dang ye shes kyi tshogs don med par yang 'gyur te/ byang chub sems dpa' gzhan rnams mngon par rdzogs par 'tshang mi rgya bas so/ /don med pa
 yang ma yin te/ de'i phyir sangs rgyas pa nyid yin no sangs rgyas rnams kyis sems can gyi don rtogs par yang mi 'gyur te/ 'ga' zhig kyang sangs rgyas nyid la ma bkod pas kyang mi rigs pas so/ /dang po'i sangs rgyas 'ga' 
 zhig kyang yod pa ma yin te/ tshogs ma bsags pa'i sangs rgyas nyid mi rigs pa dang/ sangs rgyas gzhan ming na tshogs sogs pa mi rigs so zhes thog ma med pa'i phyir sangs rgyas gcig nyid kyang rigs pa ma yin no/ /sangs rgyas mang po nyid kyang 'dod pa ma yin te/ zag
 pa med pa'i khams la chos kyi sku'i dbye ba med pa'i phyir zhes pa'o/ /de'i phyir chos kyi sku la bltos nas mngon par byang chub pa'i dus dang gnas pa'i dus la mdza' yod pa ma yin no/ /des nas chas kyi sku la bltos nas dang po'i sangs rgyas kyi rnam gzhag
 kyang rigs pa ma yin te/ don dam par chos kyi sku'i rang bzhin gcig nyid yin pas so/ /mangs par 'gyur bas tshig go /dkyus ma nyid brjod par bya ste/ gal te ye shes skye ba med pa yin na de'i tshe mkhyen pa po med par 'jig rten na de kho na nyid ston pa
 ji ltar srid par 'gyur zhe na/ de la lan ni/ 'jig rten na de nyid ston pa mi srid pa yang ma yin no zhes bya ba gsungs so/ /de rgyas par bstan par bya ba'i phyir/ ji ltar zhe na zhes bya ba la sogs pa gsungs so/ /de'i zhes bya ba ni/ chos kyi sku'i bdag nyid kyi sangs rgyas so//
 longs spyod rdzogs sku zhes bya ba ni 'og min gyi gnas na gang bzhugs pa'o/ /bsod nams brgya yis zin dang zhes bya ba ni bsod nams kyi tshogs bsags pa las byung bas so/ /sprul pa mkha' gzhan las zhes bya ba la/ sprul pa ni 'dir sku
 bltam pa la sogs pa bstan nas/ mngon par byang chub la sogs pa gang yin pa'o/ /mkha' ni nam mkha' o/ /gzhan las te/ shing la sogs pa las chos ston pa'i sgra gang byung ba des chos kyi de kho na nyid ston par 'gyur ba yin te/ chos
 rnams kyi de kho na nyid stong pa nyid kyi mtshan nyid can ston par byed pa gang yin pa'o/ /de'i mthus zhes bya ba ni chos kyi sku'i dbang gis so/ /de la 'jig rten pa'i las kyis kyang de nyid rig ces bya ba ni sgra de las 'jig rten gyis skye ba med pa dang/ 'gag
 pa med pa'i rang bzhin can gyi de kho na nyid khong du chud par 'gyur ba'o/ /'di'i dong ni chos kyis sku'i dbang gis longs spyod rdzogs pa'i sku dang sbrul pa'i sku ngag dang/ nam mkha' la sogs pa gzhan mas kyang gdul
 bya rnams la ston par snang bas de kho na nyid ston par srid pa yin no zhes pa'o/ /de 'grel pas bstan par bya ba'i phyir/ /de bzhin gshegs pa zhes bya ba la sogs pa gsungs te/ gzugs kyi sku gang la bzhugs nas zhes bya ba
 ni longs spyod rdzogs pa'i sku la bzhugs nas so/ /chos kyi dbyings zhes bya ba ni de bzhin nyid kyi rang bzhin can chos kyi sku'o/ /bsod nams brgyas zin pa zhes bya ba ni brgya smos pa ni nye bar mtshon pa yin te/ bsod nams kyi tshogs/
 mdza' yas pa smos pa yin te/ bsod nams kyi tshogs ni longs spyod rdzogs pa'i sku'i rgyu yin pas so/ /bsam gyis mi khyab pa zhes bya ba ni sa bcu la gnas pa las gzhan pa'i byang chub sems dpa' rnams kyi yul ma yin
 pas so/ /sna tshogs pa'i gzugs mnga' ba zhes bya ba ni/ bai DUrya'i rang bzhin can la sogs pa'i sku ston pa'o/ /de nyid rgyas par ston pa ni/ /de ni ngo bo nyid de dang der zhes bya ba la sogs pa gsungs so/ /gang las zhes bya ba ni
 'jig rten pas de kho na nyid nges pa las so/ /de dung yang zhes bya ba ni da ltar yang ngo/ /'jam dpal zhes bya ba la sogs pa ni de bzhin gshegs pa ni de bzhin nyid kyi rang bzhin can yin la/ de la skye ba dang 'gag pa med pas
 so/ /de bzhin gshegs pa'i byin gyi brlabs kyis zhes bya ba ni chos kyi sku'i byin gyis brlabs kyis so/ /rnam pa de lta bu'i chos nye bar ston pa'i snod du gyur pa zhes bya ba ni phyin ci ma log pa'i de kho na nyid ston pa'i snod du gyur
 pas so/ /de la byin gyis brlabs kyis zhes bya ba ni chos kyi sku'i byin gyis brlabs kyis so/ /brag la sogs pa las zhes bya ba la sogs pa'i sgras ni rnga la sogs pa brdung bar bya'o/ /de'i mthus zhes bya ba ni chos kyi sku'i mthus so//
 sems dang sems las byung ba 'jug pa med du zin kyang zhes bya ba ni rtsol ba med du zin kyang ngo/ /'dir gzhan dag gi dogs pa bsu ba ni/ yang ji ltar zhes bya ba la sogs pa gsungs te/ sems dang sems las byung ba med pa'i
 rang bzhin can zhes bya ba ni chos kyi sku sems dang sems las byung ba'i rab tu rgyu ba mi mnga' bas so/ /rnam par rtog pa med pas na zhes bya ba ni rnam par rtog pa thams cad dang bral bas so/ /bya ba da ltar ba mi srid kyang zhes bya ba ni
 rtsol ba med du zin kyang/ ji skad bshad pa'i bya ba 'byung ba'i rgyu nyid du 'gyur zhes bya ba ni chos ston pa'i bya'i rgyu nyid du ltar 'gyur zhes pa'o/ /de la lan bstan par bya ba'i phyir/ de bstan par bya ba'i phyir zhes bya ba la sogs pa gsungs
 te/ de bstan pa'i phyir zhes bya ba ni bya ba da ltar ba med du zin kyang bya ba 'byung ba'i rgyu nyid du 'gyur pa'o/ /phyi rol gyi dpe zhes bya ba ni rdza mkhan gyi 'khor lo la sogs pa'o/ /de nyid bstan par bya ba'i phyir/ ji ltar zhes bya ba la sogs pa gsungs te/ 'dir
 zhes bya ba ni bum pa la sogs pa byed pa'i dus na'o/ /bskor zhes bya ba ni dbyug pa la sogs pas so/ /de rtsol zhes bya ba ni rdza mkhan gyi rtsol ba'o/ /bum pa la sogs pa rgyur mthong ltar zhes bya ba ni 'khor lo 'khor zhing bum pa la sogs pa'i rgyu nyid du
 mthong ba'o/ /dpe bstan nas don dang? sbyar bar bya ba'i phyir/ de bzhin zhes bya ba la sogs pa gsungs te/ da ltar skyes bu rtsol ba med bzhin du zhes bya ba ni sems dang sems las byung ba 'jug pa'i rang bzhin can gyi rtsol ba da ltar med kyang ngo/ /chos kyi bdag can
 sku nyid la bzhugs de'i zhes bya ba ni de bzhin nyid kyi rang bzhin can gyi sku la bzhugs pa'i bcom ldan 'das so/ /de'i zhes bya ba ni chos kyi sku'i'o/ /'jug pa zhes bya ba ni sems can gyi don la 'jug pa'o/ /skye bo'i dge dang
 zhes bya ba ni 'jig rten pa rnams kyi chos nyan par 'gyur ba'i bsod nams kyi khyad par gyis so/ /smon lam gyi khyad par gyi zhes bya ba ni byang chub sems dpa' gnas skabs na btab pa'i smon lam gyis so/ /'phags
 zhes bya ba ni/ de rnams kyis 'bras bu 'byin pa la mngon par rtogs par byas pas so/ /'di'i don ni ji ltar rdza mkhan gyi rtsol ba dang/ dbyug pas bskor ba'i 'khor lo ni rdza mkhan gyi rtsol ba dang dbyug pa med du zin kyang 'khor zhing
 bum pa la sogs pa 'byung pa'i rgyur mthong ba de bzhin du chos kyi sku yang sngon gyi smon lam dang bsod nams kyi dbang gis da ltar 'bad rtsol med du zin kyang sems can gyi bya ba'i rgyu nyid du 'gyur ba yin no zhes pa'o/ /de ltar yang
 'phags pa rgya mtsho'i blo gros kyis bstan pa las dper na dge slong zhig /gaN+Di byin gyis brlabs nas 'gog pa la snyoms par zhugs par gyur na/ des gaN+Di'i sgra ma thos shing rtog par yang mi byed la/ ldang bar yang 'gyur ba
 yin no zhes gsungs so/ /de 'grel pas bstan par bya ba'i phyir/ de la gang gis na zhes bya ba la sogs pa gsungs to/ rtog pa med par 'gyur du zin kyang zhes bya ba ni shes bya'i bud shing skam po rnams bsregs pas
 rtog pa med pa'i phyir ro/ /yid bzhin gyi nor bu dang dpag bsam gyi shing 'dra ba zhes bya ba ni ji ltar dpag bsam gyi shing dang/ yid bzhin gyi nor bu la sogs pa rnams la rnam par rtog pa med kyang gzhan gyi bsam pa'i
 don phun sum tshogs pa sgrub par 'gyur ba bzhin du'o/ /chos kyi dbyings las skad cig mi bskyod la zhes bya ba ni dus thams cad du chos kyi sku la zhugs pas so/ /sems can gdul ba'i dus las kyang mi 'phang? bar zhes bya ba ni gang gi dus na gang 'dul bar 'gyur ba dus de ni 'dul bar
 mdzad pa'o/ /de'i shugs dang zhes bya ba ni nus pas so/ /don bya ba yang 'grub po zhes bya ba ni mngon par mtho ba dang nges par legs pa'i mtshan nyid can no/ /de ltar skyes bu'i 'bad rtsol med par zhes bya ba ni dus da ltar ba'i 'bad rtsol med du zin kyang ngo/ /de ltar
 de kho na nyid stan par mi rigs pa'i skyon spangs nas chos kyi sku'i rang bzhin bstan par bya ba'i phyir/ /da ni zhes bya ba la sogs pa gsungs te/ chos kyi sku zhes bya ba ni chos nyid kyi rang bzhin gyi sku ni chos kyi sku'o/ /de nyid la ngo bo nyid kyi sku zhes kyang bya ste/ rang
 bzhin ni ngo bo nyid yin la des na byang chub kyi phyogs la sogs pa chos rnams kyi rang bzhin skye ba med pa bcos ma ma yin pa 'dus ma byas pa 'jig rten las 'das pa'i lam gyis thob par bya ba spros pa'i sgro btags pa mdza' dag log pa rang bzhin
 med pa nyid ni ngo bo nyid kyi sku'o/ /'o na gang gis chos kyi sku'i rang bzhin blo bur gyi dri ma dang bral ba zag pa med pa rnam pa thams cad du yongs su dag pa spros pa med pa'i ye shes kyi bdag nyid can gang yin pa byang chub kyi phyogs la sogs pa'i chos rnams sku
 gang zhig gis bsdus she na/ chos kyi sku nyid kyis te/ bag chags kyi dri ma ma lus pa dang bral bas rang bzhin med pa'i bdag nyid can gyi chos nyid kyi ngo bo nyid yin pa'i phyir te/ de rnams tha dad du mi dmigs pas so/ /longs spyod rdzogs pa'i sku dang
 sprul pa'i sku mis bcu'i byang chub sems dpa' rnams dang de las gzhan pa'i sems can rnams kyis so sor dmigs pa'i phyir de dag la tha dad pa'i rnam gzhag rigs pa'o/ /byang chub kyi phyogs la sogs pa'i chos rnams kyi mtshan nyid tha
 dad du bstan pa ni rgyu'i gnas skabs kyi rjes su 'brang ba yin par rig par bya'o/ /shes bya'i bud shing skam po ma lus pa bsregs pas zhes bya ba ni shes par bya ba'i dngos po ma lus pa de rnams nyid bud shing skam po
 yin la de rnams shes rab kyi mes bsregs pas so/ /de ltar yang dngos po yod na rnam rtog 'byung ba gsungs so/ /zhi zhes bya ba ni sems dang sems las byung ba dag dang bral bas so/ /de rnams chos kyi sku ste/ de zhes bya ba ni/ sems
 dang sems las byung ba dag log pas zhi ba'i bdag nyid can gyi de kho na nyid kyi rang bzhin brnyes pa gang yin pa'o/ /chos kyi sku de yang skye ba med cing 'gag pa med pa yin te/ de bzhin nyid la yang skye ba dang 'gag pa med pa'i
 phyir ro/ /'o na sems dang sems las byung ba 'gags na chos kyi sku ji ltar mngon du mdzad ce na/ de la lan ni/ sems 'gags pa de sku yis mngon sum mdzad ces bya ba gsungs te/ spros pa'i rang bzhin gyi sems 'gags
 pas longs spyod rdzogs pa'i skus ma gzigs pa'i tshul gyis mngon sum du mdzad pa'i sgo nas bsnyes pas sku yis mngon sum du mdzad pa yin no zhes rnam par 'jog pa'o/ /de tshe zhes bya ba ni chos sku mngon du mdzad pa'i dus
 na'o/ /de 'grel pas bstan par bya ba'i phyir/ ye shes kyi rang bzhin gyi zhes bya ba la sogs pa gsungs te/ shes bya skye ba med pas skye ba med pa dang ldan par 'gyur ba zhes bya ba ni yul med pas yul can med pa'o/ /ye shes
 kyi rang bzhin gyi zhes bya ba ni chos nyid kho na ye shes kyi rang bzhin yin pas gzhan ni bcos ma yin pas rang bzhin nyid du mi 'thad pas so/ /'di nyid kyi dbang du mdzad nas zhes bya ba ni zhi ba'i rang bzhin can ni chos kyi sku'i dbang du
 mdzad nas so/ /sangs rgyas rnams ni zhes bya ba la sogs pa'i don sngar bshad zin to/ /kun rdzob tu zhes bya ba ni gdul bya rnams la bltos nas yin gyi de lta bu'i de kho na nyid mngon du mdzad pa yod pa ma yin te/ de ni spros ba thams cad dang bral ba
 yin pas so/ /de nyid kyi phyir yum shes rab kyi pha rol tu phyin pa las rnam pa thams cad yongs su dag pa'i chos rnams kyi rang bzhin gang yin pa de ni de bzhin gshegs pa dgra bcom pa yang dag par rdzogs pa'i sangs rgyas so zhes gsungs so/ /
 slob dpon tsen+d+ra go mis kyang/ rnam rtog kun gyi spyod yul min/ /'di yi chos sku de bzhin nyid/ /de ni don kun dang gnyis med/ /yod dang med dang gnyis med dang/ /yod dang med dang mi rtags pa dang/ /rtag dang sna tshogs gcig nyid dang/ /dag dang ma dag
 byang chub rnams/ /'di ni thams cad brtags pa yin/ /rnam pa de lta'i sku gang yin/ /skyob pa 'di yi chos kyi sku zhes gsungs so/ /longs spyod rdzogs pa'i sku bstan par bya ba'i phyir/ 'di ni zhes bya ba la sogs pa gsungs te/ de la ston pa po
 bdag nyid chos ston par mdzad pa na dga' ba dang/ bde ba nyams su myong bar 'gyur zhing sa bcu'i dbang phyug gi byang chub sems dpa' rnams zab cing rgya che ba'i chos bstan pa thos nas kyang mchog tu kha na ma tho ba med de pa'i chos la longs spyod pas F dga' ba dang bde ba nyams su myong ba'i sgo nas yang dag par longs spyod pas longs spyod pa 'am/ byang chub sems dpa' rnams 'dus nas longs spyod pas na longs spyod pa ste/ de'i rgyur gyur pas na longs spyod rdzogs pa'i sku zhes bya ste/ mtshan dang
 dpe byad rnams kyis mdzes pa dang/ bdag gi don phun sum tshogs pa dang/ gzhan gyi don phun sum tshogs pa mdzad pa'o/ /yang na zab cing rgya che ba'i chos bstan pas longs spyod pa ste/ yongs su skyob pa 'am nyams su myong bar mdzad pa'o/ /yang na byang chub
 sems dpa' de rnams kyis longs spyod rdzogs pa'i sku 'di chos bstan pa dang/ de'i brjod bya nyams su myong ba'i sgo nas longs spyod rdzogs pa'i sku zhes bya'o/ /de yang slob dpon nyid kyis/ sangs rgyas rnams kyi sku gzugs ni//
 mtshan dang dpe byad rnams kyis mdzes/ /gdul bya'i mos pas sku sna tshogs/ /rgyal ba rnams ni 'dzin par mdzad/ /dpag tu med pa'i bsod nams tshogs/ /bsags pa'i sku de rgyal ba'i sras/ /sa bcu la gnas pa yis mthong/ /de ni chos la longs
 spyod phyir/ /rgyal ba'i sras kyis longs spyod pa'o zhes gsungs so/ /zhi zhes bya ba ni sku gang gis chos kyi sku mngon du mdzad pa de ni zhi ba yin te/ sems dang sems las byung ba dang bral ba'i phyir ro/ /de yang chos kyi sku spros pa mdza' dag las 'das
 pas so/ /sems dang sems las byung ba dag dang bral du zin kyang/ sems can gyi don gyi bya ba nyams pa ma yin no zhes bstan par bya ba'i phyir/ /dpag bsam shing ltar zhes bya ba gsungs te/ sems dang sems las byung ba dag dang bral du zin
 kyang dpag bsam gyi shing la sogs pa bzhin du mngon par 'dod pa'i don sgrub par mdzad pa'o/ /de nyid 'jig pa med pa'i rtag pa nyid kyis rtag pa yin no zhes bstan par bya ba'i phyir/ 'gro grol bar du zhes bya ba la sogs pa gsungs
 te/ ji srid du 'gro ba rnams grol ba'i dus de srid du 'jig rten gyi 'byor ba ste/ sangs rgyas thob pa'i ched du spros pa dang bral ba ste rnam par rtog pa med pa'i byang chub sems dpa' rnams kyis mthong bar 'gyur ba'o/ /de 'grel pas
 bstan par bya ba'i phyir/ sku gang gis zhes bya ba la sogs pa gsungs te/ sku gang gis zhes bya ba ni longs spyod rdzogs pa'i sku'o/ /chos kyi de kho na nyid 'di zhes bya ba ni de bzhin nyid kyi mtshan nyid can no/ /mngon sum mdzad par zhes
 bya ba ni chos? thams cad ma gzigs pa'i tshul gyis so/ /de ni zhes bya ba ni longs spyod rdzogs pa'i sku'o/ /sems dang sems las byung ba dang bral ba'i phyir ro zhes bya ba ni skye ba med pa'i de kho na nyid kyi rang bzhin can la sems dang sems las byung ba 'jug
 pa med pa'o/ /'di zhes bya ba ni longs spyod rdzogs pa'i sku'o/ /'khor ba ji srid du bzhugs pa'i bshad pa ni rtag ces bya ba'o/ /sku 'di ni zhes bya ba ni longs spyod rdzogs pa'i sku'o/ /tshul 'dis zhes bya ba ni dpag bsam gyi shing dang yid bzhin gyi nor
 bu'i tshul gyis so/ /bsod nams brgya'i mtshan gyis rgyan pa'i zhes bya ba ni bsod nams dpag tu med pas bskyed pa'i mtshan sum cu rtsa gnyis kyis brgyan pa'o/ /byang chub sems dpa' spos pa dang bral ba zhes bya ba ni sa bcu'i dbang phyug gi byang chub sems
 dpa' o/ /shes rab dri ma med pa'i me long zhes bya ba ni shes rab dri ma med pa nyid me long yin te/ de la longs spyod rdzogs pa'i sku'i snang ba'o/ /da ni longs spyod rdzogs pa'i sku mang ba nyid dang shin tu mthu che ba nyid du bstan par bya ba'i phyir/ chos kyi sku las
 byung ba 'am zhes bya ba la sogs pa gsungs te/ gzugs kyi sku'i mthu las yin yang rung ste zhes bya ba ni longs spyod rdzogs pa'i sku las byung ba'o/ /ji skad bshad pa'i sku las gzhan du gyur pa zhes bya ba ni longs spyod rdzogs pa'i sku gzhan no//
 rgyu mthun ba'i sku gang dag ces bya ba ni chos sku dang longs spyod rdzogs pa'i sku dang 'dra ba'o/ /sems can 'dul ba'i rgyus zhes bya ba ni gdul bar bya ba'i sems can 'dul ba'i ched du'o/ /de dag la yang zhes bya ba ni longs spyod rdzogs pa'i sku gzhan
 rnams las so/ /thub dbang zhes bya ba ni sangs rgyas bcom ldan 'das rnams so/ /de'i rgyu mthun zhes bya ba ni chos kyi sku dang longs spyod rdzogs pa'i sku dag dang rgyu mthun pa'o/ /gzugs sku gcig la zhes bya ba ni longs spyod rdzogs pa'i sku'o/ sangs rgyas
 kyi gnas skabs kyi sngon rol gyi skye ba'i gnas skabs mdza' dag ston par mdzad pa yin no zhes sbyar bar bya'o/ /skye ba'i gnas skabs ji lta bu zhe na/ gsal dang ma 'tshol zhes bya ba la sogs pa gsungs te/ byung tshul ma
 lus par gsal par ston pa'i phyir gsal ba yin la byung tshul de rnams phan tshun ma 'dres par ston pas 'tshol ba'i byung tshul ma lus pa ste/ bram ze dang rgyal rigs su skye ba'i gnas skabs rnam pa sna tshogs pa ston par mdzad
 pa'o/ /de 'grel pas bstan par bya ba'i phyir/ thams cad mkhyen pa'i ye shes kyi gnas skabs kyi sngon rol/ /zhes bya ba ni sangs rgyas pa'i gnas skabs kyi sngon rol gyi'o/ /gsal ba'i rgyu mtshan ston pa ni/ byung tshul ma lus pa bstan pa'i
 phyir zhes bya ba gsungs so/ /mi 'chol ba'i bshad pa ni phan tshun ma 'dres pa zhes bya ba gsungs so/ /rgyu mthun pa'i sku gcig nyid la zhes bya ba ni longs spyod rdzogs pa'i sku'o/ /de ltar skye ba'i gnas skabs ston pa'i dbang du mdzad de mthu phul
 du byung ba nyid du brjod nas/ /nga ni spyod pa'i dbang du mdzad nas mthu phul du byung ba nyid du bstan par bya ba'i phyir/ 'di byang chub sems dpa' i zhes bya ba la sogs pa gsungs te/ byang chub sems dpa' i spyod pa la spyad pa'i zhes bya ba ni
 sangs rgya ba'i snga rol tu byang chub sems dpa' i spyod pa spyad pa gang yin pa'o/ /byung tshul gang dag ces bya ba ni spyod pa'i khyad par gang dag go /gang du zhes bya ba ni yul lo/ /ji ltar zhes bya ba ni rnam pa'o/ /gang gi don du zhes bya ba ni dgos
 pa'o/ /de thams cad kyang zhes bya ba ni yul dang bcas pa dang/ rnam pa dang bcas pa dang/ dgos pa dang bcas pa byung ba'i tshul lo/ /sangs rgyas zhing ji 'drar zhes bya ba ni bai DUrya la sogs pa'i rang bzhin can no/ /de dag ces bya ba ni thub pa'i
 dbang po rnams so/ /sku mthu stobs ci 'dra dang zhes bya ba ni/ de la sku'i mthu ni sku gcig la sku du ma spro ba la sogs pa'o/ /spyod pa'i mthu ni bslab pa bsrung ba dang/ chos ston pa'i sgo nas sems can gyi don byed pa'o/ /nyan thos dge 'dun ni ji snyed
 ji lta dang zhes bya ba ni sangs rgyas de rnams la yang nyan thos kyi dge 'dun ji snyed yod pa dang rnam pa gang gi sgo nas yod pa de yang ston par mdzad pa'o/ /byang chub sems dpa' rnams der gzugs de 'dra zhes bya ba ni 'dis ni byang chub sems
 dpa' i dge 'dun bstan pa yin no/ /ji 'dra'i chos dang zhes bya ba ni sangs rgyas bcom ldan 'das rnams kyi theg pa gsum gyi rang bzhin gyi chos so/ /de bdag ci 'dra dang zhes bya ba ni byang chub sems dpa' i de byang chub kyi spyod pa'i gnas skabs kyi bram
 ze la sogs pa'i rigs kyi rang bzhin can no/ /spyod pa gang la spyad pa dang zhes bya ba ni bslab pa bsrungs pa'o/ /de dag la zhes bya ba ni sangs rgyas rnams la'o/ /gang zhes bya ba ni gser la sogs pa'o/ /ci tsam zhes bya ba ni tshang ngo/ /de 'grel pas
 bstan par bya ba'i phyir /bcom ldan 'das zhes bya ba la sogs pa gsungs te/ chu dang zhed dang kun nas zlum pa dang bcas pa zhes bya ba ni chu dang zheng kun nas zlum pa dang bcas pa'i sangs rgyas kyi zhing ngo/ /de la brten pa'i sems can gyi khyad
 par gyis nye bar mdzes pa ci 'dra ba zhig na zhes bya ba ni sangs rgyas kyi zhing la brten pa'i tshad la sogs pa dang ldan pa'i sems kyi khyad par nye bar mdzes pa zhig na'o/ /bltam pa la sogs pa zhes bya ba la sogs pa'i sgras ni byang chub
 la sogs pa gzung bar bya'o/ /ji ltar dang zhes pa'i bshad pa ni/ chos kyi rjes su mthun pa'i chos kyi nan tan zhes bya ba gsungs te/ bstan pa'i chos kyi rjes su ste phyis chos la bsgrub pa'i rang bzhin can gyi nan tan gang yin pa des so/ /gnas
 la sogs pa zhes bya ba la sogs pa'i sgras mal cha la sogs pa bsdu bar bya'o/ /theg pa gcig dang gsum gyi rten can zhes bya ba ni don dam par theg pa chen po gcig nyid yin la/ nyan thos kyi theg pa dang/ rang sangs
 rgyas kyi theg pa dang/ theg pa chen po dang gsum bstan pa ni sems can rnams gzhug pa'i don du'o/ /bram ze la sogs pa zhes bya ba la sogs pa'i sgras ni rgyal rigs la sogs pa bsdu bar bya'o/ /spyod pa gang lags zhes bya
 ba'i bshad pa ni lhag ma dang bcas pa dang lhag ma med pa'i bslab ba khas blangs pa ste zhes bya ba gsungs te/ bslab pa mdza' dag bsrung ba dang/ mthang dag mi bsrung ba'o/ /bza' ba la sogs pa zhes bya ba la sogs pa'i sgras
 ni bldag pa dang 'jib pa la sogs pa bsdu bar bya'o/ /ji ltar sbyin pa'i pha rol tu phyin pa la spyod pa'i dus kyi byung tshul thams cad rang gi sku la ston pa de bzhin du pha rol tu phyin pa gzhan rnams la spyod pa'i dus kyi byung tshul
 rnams kyang ston par byed pa yin no zhes shes par bya'o/ /zhes bstan par bya ba'i phyir/ sbyin pa zhes bya ba la sogs pa gsungs so/ /da ni ba spu'i khung bur yang spyod pa thams cad ston pa'i sgo nas mthu khyad par can bstan par bya ba'i
 phyir sku gcig la zhes bya ba la sogs pa gsungs te/ nyid kyi spyod pa kun sku'i ba spu'i khung bur gsal bar ston zhes bya ba gsungs te/ sangs rgyas pa'i gnas skabs na rang nyid la spyod pa de thams cad ba spu'i khung
 bu re rer ston par mdzad pa'o/ /yang ba spu'i khung bu kho nar bdag nyid kyi spyod pa ston par mdzad pa de bzhin du 'ongs pa dang/ ma 'ongs pa dang/ da ltar ba'i sangs rgyas rnams thugs dang po bskyed pa nas brtsams te byang chub kyi snying po brnyes
 pa'i bar gyi spyod pa thams cad ston par mdzad pa'i sgo nas lhag par mthu che ba nyid du bstan par bya ba'i phyir bdag nyid kyis zhes bya ba la sogs pa gsungs te/ nam mkha' mthar thug par zhes bya ba ni sangs rgyas mdza' yas pas so zhes bya ba'o//
 gdangs mthon chos ston zhes bya ba ni tshangs pa'i dbyangs kyis chos gsal bar ston pa'o/ /sdug bsngal gyis gzung ba'i zhes bya ba ni sdug bsngal gsum gyis gzung ba'o/ /'gro dbugs 'byin cing zhes bya ba ni ma 'jigs shig ces
 dbugs 'byin pas so/ /spyod pa'i dus bstan par bya ba'i phyir/ dang po'i zhes bya ba la sogs pa gsungs te/ thugs dang po bskyed pa nas bzung nas byang chub kyi snying po'i bar gyi spyod pa rnams gang yin pa'o/ /bdag bzhin zhes bya ba ni bdag
 nyid kyi spyod pa ston pa bzhin du'o/ /de lta bu'i spyod pa ci ltar ston par nus she na/ lan ni dngos rnams mig 'phrul gyi rang bzhin mkhyen nas zhes bya ba gsungs te/ dngos po med pa'i rang bzhin can rnams dngos po med par ston pa ci'i phyir mi
 nus/ mig 'phrul mkhan gyis mig 'phrul ston pa bzhin du'o/ /de 'grel pas bstan par bya ba'i phyir/ re zhig ces bya ba la sogs pa gsungs te/ mig 'phrul gyi tshul shes pa zhes bya ba ni sgyu ma byed shes pa'o/ /tha mal pa zhes bya ba ni
 so so'i skye bo'o/ /dngos po rnams la sna tshogs pa ston nus na zhes bya ba ni rang gi lus la grong khyer dang ri la sogs pa ston nus pas so/ /dngos po'i rang bzhin mig 'phrul gyi rang bzhin rnam pa de lta bu dang tha mi dad par mkhyen nas zhes bya ba ni
 dngos po rnams stong pa nyid kyi rang bzhin du mkhyen nas so/ /dpe 'di'i sgo nas bya ba ni mig 'phrul gyi dpe'i sgo nas so/ /yang ba spu'i khung bu kho nar byang chub sems dang rang sangs rgyas dang so so'i skye bo rnams kyi spyod pa kun tu ston pa'i sgo nas
 mthu phul du byung ba nyid du bstan par bya ba'i phyir/ ci ltar zhes bya ba la sogs pa gsungs te/ de lhag skye bo'i zhes bya ba ni byang chub sems dpa' la sogs pa rnams kyis lhag ma ste/ so so'i skye bo rnams so/ /sku phun sum tshogs brjod nas
 zhes bya ba ni/ sku'i mthu phun sum tshogs pa bstan nas so/ /bzhed pa la mnga' sgyur ba nyid phun sum tshogs par zhes bya ba ni bzhed pa la mnga' sgyur ba nyid yongs su rdzogs pa'o/ /rnam par mi rtog pa la bzhed pa ji ltar yod de/ bzhed pa ni rnam par rtog pa'i
 rang bzhin can yin pas so/ /de yang ma yin te/ bcom ldan 'das kyi chos kyi sku'i dbang gis dang/ sems can rnams kyi dbang gis rdul phra rab la sogs pa de ltar snang ba bzhed pa yod pa nyid du brtags pa yin pas so/ /sku'i mthu dang bzhed pa
 la mnga' sgyur ba dag ni 'dul bya'i rjes su 'brangs nas brjod pa yin gyi gzhan du na gnyis ka de'i dbang gis grub pa'i phyir 'di ni mthu phun sum tshogs pa yin la/ 'di ni bzhed pa la mnga' sgyur ba nyid phun sum tshogs pa yin no zhes bya ba 'di ci
 ltar rigs zhes pa'o/ /dag pa 'di ni zhes bya ba la sogs pa la dag pa 'di ni zhes bya ba ni longs spyod rdzogs pa'i sku'i rang bzhin can gyi sangs rgyas nyid do/ /bzhed pa 'jug pa yis zhes bya ba ni bzhed pa tsam gyis so/ /rdul gcig yul zhes bya
 ba ni rdul phra rab gcig yul nyid de/ der nam mkha' i mthar thug pa'i sems can dang/ snod kyi 'jig rten gyis bsdus pa'i 'jig rten ston par mdzad pa'o/ /'jig rten mdza' yas phyogs khyab rdul ston mod ces bya ba ni/ rdul phra rab gcig
 gis kyang 'jig rten mdza' yas pa la khyab par stan pa'o/ /rdul rags mi 'gyur zhes bya ba ni gang gi tshe rdul phra rab gcig gi yul la 'jig rten ston par mdzad pa de'i rdul phra rab der rags par yang mi 'gyur bas so/ /'jig rten
 phra mi 'gyur zhes bya ba ni gang gi tshe rdul phra rab gcig gis khyab par ston pa de'i tshe 'jig rten phra rab yang mi 'gyur ba'o/ /de 'grel pas bstan par bya ba'i phyir/ sangs rgyas zhes bya ba la sogs pa gsungs te/ ji ltar gnas pa zhes bya ba ni
 rdul phra rab dang 'jig rten dag go zhes bzhed pa tsam gyis zhes bya ba ni gdul bya la brtags pa'o/ /'jig rten ma lus pa zhes bya ba ni snod dang bcud dag go /da ni dus la bltos nas bzhed pa la mnga' sgyur ba nyid bstan par bya ba'i phyir/ de bzhin
 du zhes bya ba la sogs pa gsungs te/ rnam rtog mi mnga' khyod kyis skad cig re re la ste skad cig ma shin tu yun thung ba re re la sbyin pa la sogs pa'i rang bzhin can gyi spyod pa la sbyin pa dang sbyin pa chen po dang mchog tu gyur pa'i sbyin pa la sogs
 pa'i dbye ba sna tshogs pa srid pa'i mdza' i bar te/ sangs rgyas thob pa'i bar du ji snyed ston par dzam+bu'i gling ma lus pa rdul phra rab ji snyad yod pa de dag la de snyed kyi grangs yod pa ma yin te/ dzam+bu gling ma lus pa la yod pa'i rdul phra rab grangs
 pas spyod pa'i grangs lhag pa yin no zhes pa'o// //de 'grel pas bstan par bya ba'i phyir/ rnam par rtog pa mi mnga' ba zhes bya ba la sogs pa gsungs te/ tshad de'i grangs zhes bya ba ni spyod pa'i tshad kyi grangs so/ /'di ni thun mong ma
 yin pa'i yon tan phul du byung ba zhes bya ba ni thun mong ma yin pa'i yon tan rab tu gsal bar byed pa'o/ /bstod pa zhes bya ba ni phyin ci ma log pa'i yon tan rab tu gsal bar byed pa'o/ /bstod pa zhes bya ba ni phyin ci ma log pa'i yon tan brjod pa'i
 rang bzhin can no/ /stobs bcus rab tu phye ba yin pa'i phyir zhes bya ba ni gnas dang gnas ma yin pa mkhyen pa la sogs pa'i stobs bcu dang ldan pa'i phyir ro/ /de rnam par dbye ba tsam/ zhig ces bya ba ni stobs bcu cung zad tsam nyid kyis bstan
 par bya ba'i rnam pa thams cad bstan pa nyid du mi nus pas so/ /gnas dang gnas min mkhyen stobs zhes bya ba ni/ /bsam gtan la brten nas rnam pa thams cad du rgyu dang rgyu ma yin pa la ma chags ma thogs pa'i
 ye shes mngon du mdzad pa'i ting nge 'dzin dang/ shes rab de dang mtshungs par ldan pa'i sems dang sems las byung ba gang yin pa'o/ /de bzhin las rnams smin blo dang zhes bya ba la/ blo'i sgras ye shes brjod pa yin te/ des na las dang
 rnam par smir pa mkhyen pa'i stobs so/ /de yang rnam pa thams cad du las dang rnam par smin pa la ma chags ma thogs pa'i ye shes mngon du mdzad pa'i ting nge 'dzin la sogs pa gang yin pa'o/ /mos pa sna tshogs thugs chud dang zhes bya
 ba ni mos pa sna tshogs mkhyen pa'i stobs yin te/ de yang rnam pa thams cad du mos pa sna tshogs pa la ma chags ma thogs pa'i ye shes mngon du mdzad pa'i ting nge 'dzin la sogs pa gang yin pa'o/ /sna tshogs khams ni
 mkhyen stobs dang zhes bya ba ni khams sna tshogs mkhyen pa'i stobs te/ de yang rnam pa thams cad du khams sna tshogs la ma chags ma thogs pa'i ye shes mngon du mdzad pa'i ting nge 'dzin la sogs pa gang yin pa'o/ /de
 bzhin du dbang po mchog dang mchog ma yin mkhyen dang zhes bya ba ni dbang po mchog dang mchog ma yin pa mkhyen pa'i stobs te/ de yang rnam pa thams cad du dbang po mchog dang mchog ma yin pa la ma chags ma thogs pa'i ye shes
 mngon du mdzad pa'i ting nge 'dzin la sogs pa gang yin pa'o/ /thams cad du 'gro ba'i lam mkhyen pa'i stobs te/ de yang rnam pa thams cad 'gro ba'i lam ma chags ma thogs pa'i ye shes mngon du mdzad pa'i ting nge 'dzin la sogs pa'o//
 bsam gtan rnam thar ting nge 'dzin dang/ /snyom par 'jug sogs blo stobs dang zhes bya ba la sogs pa'i sgras ni gzugs la sogs pa bsdu bar bya'o/ /de yang rnam pa thams cad du bsam gtan dang rnam par thar pa dang ting nge 'dzin dang
 snyoms par 'jug pa la sogs pa rnams la ma chags ma thogs pa'i ye shes mngon du mdzad pa'i ting nge 'dzin la sogs pa gang yin pa'o/ /sngon gnas dran pa mkhyen pa dang zhes bya ba ni/ sngon gyi gnas rjes su dran pa mkhyen pa'i stobs
 te/ de yang rnam pa thams cad du sngon gyi stobs dang rjes su dran pa la ma chags ma thogs pa'i ye shes mngon du mdzad pa'i ting nge 'dzin la sogs pa'o/ /de bzhin 'chi 'pho skye blo dang zhes bya ba ni/ 'chi 'pho ba dang skye ba mkhyen pa'i stobs te/ de
 yang rnam pa thams cad du 'chi 'pho dang skye ba la ma chags ma thogs pa'i ye shes mngon du mdzad pa'i ting nge 'dzin la sogs pa'o/ /zag rnams zad pa mkhyen stobs te zhes bya ba ni zag pa zad pa mkhyen pa'i stobs te/ de yang rnam pa
 thams cad du zag pa zad pa la ma chags ma thogs pa'i ye shes mngon du mdzad pa'i ting nge 'dzin la sogs pa gang yin pa'o/ /stobs ni bcu po 'di dag go zhes bya ba ni mjug bsdu ba ste/ de rnams ni mi mthun pa'i phyogs kyis
 zil gyis mi non pas stobs zhes bya'o/ /gnas dang gnas ma yin pa mkhyen pa'i stobs kyi mtshan nyid bstan par bya ba'i phyir/ de la gnas dang zhes bya ba la sogs pa gsungs te/ rgyu'i mtshan nyid can gyi dngos po gang zhig
 las 'bras bu gang zhig nges par skye bar 'gyur ba'i rgyu de 'bras bu de'i gnas su brjod pa yin te/ rgyu de la 'bras bu de gnas pa yin pas so/ /de mkhyen rnams kyis zhes bya ba gnas de mkhyen pa rnams kyis so/ /bshad pa
 las zlog gnas min zhes bya ba ni rgyu gang las gang zhig skye bar mi 'gyur ba de ni gnas min yin no/ /shes bya mdza' yas pa zhes bya ba ni rgyu dang rgyu ma yin pa mdza' yas pa'i phyir stobs kyi nges tshig bstan par bya ba'i phyir/ thogs
 pa spangs pa zhes bya ba gsungs te/ mi mthun pa'i phyogs kyis zil gyis mi non pas so/ /de 'grel pas bstan par bya ba'i phyir/ rgyu gang las zhes bya ba la sogs pa gsungs te/ 'di ni nye bar mtshon pa ste zhes bya ba ni gang las gang thob
 pa zhes bya ba mtshon par byed pa'o/ /de bstan par bya ba'i phyir de'i phyir zhes bya ba la sogs pa gsungs te/ de'i phyir zhes bya ba ni gang gi phyir nye bar mtshon pa yin pa'i phyir ro/ /mya ngan las 'das pa zhes bya ba la/ mya ngan las 'das pa 'bras
 bu nyid du mi rigs te/ so sor brtags pa'i 'gog pa dang/ chos kyi sku'i rang bzhin can gyi mya ngan las 'das pas 'bras bu nyid du mi 'thad pas so/ /de lta bu la sogs pa zhes bya ba la sogs pa'i sgras so sor brtags pa ma yin pa'i
 'gog pa yang bsdu bar bya'o/ /skye ba can de'i gnas de zhes bya ba ni 'bras bu de'i rgyu gnas yin no zhes pa'o/ /'dir gnas pas na zhes bya ba ni rgyu 'dir 'bras bu gnas pa'i phyir ro/ /brtags pa'i tshul gyis zhes bya ba ni 'jig rten pas rgyu
 la 'bras bu yod pa yin no zhes brtags pas so/ /mthong ba'i lam thob pa la srid pa brgyad pa mngon par 'grub pa mi 'byung ba bzhin no zhes bya ba ni rgyun du zhugs pa ji ltar thogs na srid pa lan bdun pa'o zhes mdo las gsungs pas
 srid pa brgyad la mngon par mi 'grub pa'o/ /mi mthun pa'i phyogs dang bral ba zhes bya ba ni ye shes 'dis gang mkhyen pa de bzhin du yin gyi gzhan du ni ma yin no zhes pa'o/ /de la mdo'i khungs bstan par bya ba'i phyir/ ji skad du zhes
 bya ba la sogs pa gsungs te/ gnas la yang gnas su yang dag pa ji lta ba bzhin du rab tu shes so zhes bya ba ni rgyu la rgyu nyid du mkhyen pa'o/ /gnas ma yin pa la gnas ma yin par yang dag pa ji lta ba bzhin du rab tu shes so zhes bya ba ni rgyu
 ma yin pa la rgyu ma yin pa nyid du rab tu mkhyen pa'o/ /de rgyas par bstan par bya ba'i phyir/ rigs kyi bu zhes bya ba la sogs pa gsungs te/ rigs kyi bu zhes bya ba ni bod pa'i tshig go /go skabs med de zhes bya ba ni gnas ma yin zhing zhes
 bya ba'i bshad pa ni srid pa ma yin no/ /zhes pa'i tha tshig go /gang lus kyis nyes par spyod pa zhes bya ba ni srog gcod pa la sogs pa rnam pa gsum mo/ ngag gi nyes par spyod pa dang zhes bya ba ni brdzun du smra ba la sogs pa rnam pa
 bzhi'o/ /yid kyi nyes par spyad pa'i zhes bya ba ni brnab sems la sogs pa rnam pa gsum gyi'o/ /'dod pa dang sdug pa dang dga' ba dang yid du 'ong bar 'gyur ba zhes bya ba ni rim pa bzhin du bde ba chung ngu rang 'bring dang chen po dang chen po'i
 rgyu yin pas so/ /'di'i don ni 'dod pa la sogs pa'i rnam par smin pa'i rgyu ni lus kyi nye bar spyod pa'i la sogs pa ma yin no/ /'di ni gnas yin zhing zhes bya ba la sogs pa ste/ sngar las bzlog nas bshad par bya'o/ /ser sna zhes
 bya ba ni chags pas so/ /longs spyod chen po zhes bya ba ni/ gos dang rgyan dang bza' ba la sogs pa'i longs spyod rnams te/ ser snas longs spyod chen po nyid grub par mi 'gyur zhes pa'o/ /ngang tshul ngan pas zhes bya ba ni mi dge ba
 spyad pas so/ /lha dang mir skye ba dang zhes bya ba ni tshul khrims 'chal pas bde 'gror skye ba med pas so/ /gnod sems kyis zhes bya ba ni sems can la zhe sdang bas so/ /mdzes par 'gyur ba dang zhes bya ba ni gzugs mdzes pa la 
 sogs par skye bar 'gyur bas so/ /mngon par rtogs pa thob pa dang zhes bya ba ni/ bden pa bzhi mngon du byed pa'o/ /sems g.yengs pas zhes bya ba ni bag med pa'i sems kyis so/ /skyon med pa la 'jug pa dang
 zhes bya ba ni mthong bas spang bar bya ba'i nyon mongs pa spong ba la 'jug pa'o/ /'chal ba'i shes rab kyis zhes bya ba ni dngos po la mngon pa zhen pa'i shes rab kyis so/ /bag chags kyi mtshams sbyor ba thams cad kun tu 'joms par
 'gyur ba dang zhes bya ba ni nyon mongs pa dang shes bya'i sgrib pa'i bag chags kyi 'brel pa spong bar 'gyur pa'o/ /mtshams med pa byed pa zhes bya ba ni pha gsod pa la sogs pa'i mtshams med pa lnga byed pa'o/ /sems/
 gnas par 'gyur ba dang zhes bya ba ni sems mnyam par bzhag par 'gyur te/ yid mi bde bas sems rnam par g.yengs pas so/ /dmigs pa can zhes bya ba ni dngos po la mngon par zhen pa'o/ /rjes su mthun pa'i bzod pas zhes
 'gyur ba dang zhes bya ba ni drod dang rtse mo la sogs pa'i rim pas chos la nges par sems pa'i bzod pa chos thams cad skye ba med par rtog pa'i rang bzhin can no/ /'gyod pa la gnas pa'i zhes bya ba ni sdig pa'i las byas pa'i mya ngan
 byed pa'o/ /sems shin tu sbyangs par 'gyur ba zhes bya ba ni dge ba'i las la rung ba nyid du 'gyur ba'o/ /gnas ma yin zhing go skabs med de zhes bya ba la sogs pa ni bud med kyi lus de nyid kyis 'khor los sgyur ba'i rgyal po dang/
 brgya byin la sogs pa thob pa ma yin pas so/ /thams cad bzlog nas sbyar bar bya zhing zhes bya ba ni tshul khrims kyis lha dang mir skye ba dang/ bzod pas mdzes par 'gyur ba yin no zhes bya ba la sogs pa bzlog nas sbyar bar bya'o/ /'di ni
 de bzhin gshegs pa'i las dang po'o zhes bya ba ni las sum cu rtsa gnyis kyi nad nas las dang po yin la stobs bcu'i nang nas stobs dang po'o/ /stobs gnyis pa bstan par bya ba'i phyir/ da ni zhes bya ba la sogs pa gsungs te/ 'dod dang mi 'dod
 las bzlog dang zhes bya ba la/ de la 'dod pa ni dge ba'o/ /mi 'dod pa ni mi dge ba'o/ /de las bzlog pa ni gang dge ba gcig pa yang ma yin (mi dge ba gcig pa yang ma yin) pa ste 'dres pa nyid ces pa'o/ /de nyid kyi phyir/ 'grel pa las bzlog dang zhes bya ba'i bshad pa ni yid du 'ong ba
 dang mi 'ong ba'i las dang zhes bya ba gsungs so/ /mi zad dngos las dang zhes bya ba ni zad pa med pa mya ngan las 'das pa thob pa'i rgyu yin pas na zad pa med pa'i las so/ /de'i zhes bya ba ni las rnam pa gsum gyi'o/ /rnam smin zhes bya ba ni bde 'gro dang ngan 'gro'i
 mtshan nyid can no/ /shin tu sna tshogs pa'ang zhes bya ba ni lha dang mi dang dmyal ba la sogs pa'i dbye ba shin tu sna tshogs pa'o/ /deng ye shes 'jug pa gang yin pa de ni stobs su 'dod ces sbyar bar bya'o/ /ye shes de yang ji lta bu zhe na/ nus mthu thogs med ces
 bya ba gsungs te/ mi mthun pa'i phyogs gang gis kyang zil gyis gnon par mi nus pas so/ /ye shes de yang phyogs gcig pa ma yin te zhes ston pa ni/ dus gsum shes bya khyab mdzad ces bya ba gsungs te/ dus gsum pa'i las dang rnam par
 smin pa mkhyen pas so/ /de 'grel bas bstan par bya ba'i phyir/ las yid du 'ong ba dang zhes bya ba la sogs pa gsungs te/ rnam par smin pa de'i rnam par smin pa zhes bya ba la zag pa med pa'i las ni srid pa'i chus ma bran pas rnam par smin pa med pa'i phyir/
 rnam pa gsum po zhes bya ba gsungs pa yin no/ /rnam par smin pa las ltar shin tu sna tshogs pa zhes bya ba ni las sna tshogs pa ltar rnam par smin pa yang sna tshogs pa'o/ /'jig rten ma lus pa khyab pa yang zhes bya ba ni las dang rnam par
 smin pas 'jig rten ma lus pa khyab pas so/ /rang gi ngo bo dang rab tu dbye ba la sogs pa thams cad yongs su mkhyen pa zhes bya ba ni las dang rnam par smin pa'i rang gi ngo bo rang dbye ba rab tu mkhyen pa dang sogs pa'i sgras dus la sogs
 pa yongs su mkhyen pa bsdu bar bya'o/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs te/ las rnams zhes bya ba ni phyag byed pa la sogs pa'i dge ba dang mi dge ba rnams so/ /las yang dag par blangs pa rnams zhes
 bya ba ni sdom pa dang sdom pa ma yin pa dag gis bsdus pa'o/ /gnas dang zhes bya ba la sogs pa ni yul gang du las byas pa dang/ las kyi rgyu gang yin pa dang/ las kyi rang bzhin dang/ las kyi rnam par smin pa gang yin pa'o/ /mkhas
 pa zhes bya ba ni rnam par smin pa shin tu sna tshogs pa nyid mkhas pa yin te/ 'di yang yul can gyi sgo nas yul bstan pa yin te/ mkhas pa nyid kyis rnam par smin pa shin tu sna tshogs pa nyid mkhyen pas so/ /dge ba'i rgyu las byung ba/
 zhes bya ba ni ma chags pa la sogs pa'i rgyu dang ldan pa'o/ /dge ba dang bral ba zhes bya ba ni chags pa la sogs pa dang bral ba'o/ /dge ba'i rgyu 'byin pa'ang zhes bya ba ni dge ba skye ba'i bag chags 'jog par 'gyur ba'o/ /las yang
 dag par blangs pa gang zhes bya ba ni srog gcod pa la sogs pa'o/ /mi dge ba'i rgyu las byung ba zhes bya ba ni chags pa la sogs pa'i rgyu las byung pa'o/ /dog ba dang bral ba zhes bya ba ni ma chags pa la sogs pa dang bral ba'o/ /
 mi dge ba'i rgyu 'byin pa zhes bya ba ni mi dge ba'i bag chags 'jog par 'gyur ba'o/ /las yang dag par blangs pa gang zhes bya ba ni bsam gtan la sogs pa'i mtshan nyid can no/ /nyams pa'i cha dang mthun par 'gyur ba dang
 zhes bya ba ni nyon mongs pa skye ba dang rjes su mthun pa ste/ gang gi dbang gis 'og mar ltung bar 'gyur ba'o/ /gang khyad par gyi cha dang mthun par 'gyur ba zhes bya ba ni sa 'og ma thob ba dang rjes su mthun pa'o/ /de bzhin du re re zhing phyogs mthun pa la shes
 par bya'o zhes bya ba ni 'das pa dang da ltar ba dang ma 'ongs pa'i dus na nyams pa'i cha dang mthun pa las nyams pa'i cha dang mthun pa 'byung par 'gyur ba dang/ khyad par gyi cha dang mthun pa las khyad par gyi cha dang mthun par 'byung bar mkhyen
 pa'o/ /sbyor ba chung ba zhes bya ba ni kun slong gi sems chung bas bslang ba'o/ /sbyor ba rgya che ba 'byung ba dang zhes bya ba ni kun slong gi sems chen po slong bar 'gyur pa'o/ /brtsom pa chung la zhes bya ba ni zhing khyad par can la las chung du byas pa'o/ /khyad
 par chen po 'byung ba dang zhes bya ba ni/ 'bras bu chen po nyid du 'gyur ba'o/ /rtsom pa chen por 'gyur la zhes bya ba ni zhing dman pa la sbyin pa la sogs pa'i las chen po rtsom pas so/ /khyad par du 'gyur ba chu dang zhes bya ba ni 'bras bu chung
 pa'i phyir ro/ /nyan thos kyi rgyu 'byin pa dang zhes bya ba ni snying rje la ma bltos pa'i las kyis dus ji srid pa'i nyan thos kyi rigs rtod par byed pas so/ /rang sangs rgyas nyid dang zhes bya ba ni spobs pa med pa'i rang bzhin gyi rgyu 'byin pa'o//
 rgya 'byin pa zhes bya ba ni rang sangs rgyas dang sangs rgyas kyi rigs rtod pa'o/ /da ltar byung ba na sdug bsngal ba zhes bya ba ni bya dka' bas so/ /ma 'ongs pa na rnam par smin pa bde bar 'gyur ba dang/ zhes bya ba ni bde 'gro'i 'bras bu
 gi?  nyams su myong bar 'gyur bas so/ /de ltar byung ba na bde la zhes bya ba ni ma byin par len pa la sogs pa da ltar gyi dus na bde ba'i rang bzhin can yin pas so/ /ma 'ongs pa na rnam pa smin pa sdug bsngal ba 'byung ba zhes bya ba
 ni ngan 'gro'i 'bras bu nyams su myong bar 'gyur bas so/ /las gang yin pa dang zhes bya ba ni sngon gyi las so/ /rgyu gang yin pa dang zhes bya ba ni da ltar ba'i dus kyi rgyu gang yin pa'o/ /rnam par smin pa gang yin pa dang zhes bya ba ni bde ba dang sdug
 bsngal nyams su myong ba'i mtshan nyid can/ /de kho na nyid zhes bya ba'i bshad pa ni gzhan ma yin pa la brten pa zhes bya'o/ /stobs gsum pa bstan par bya ba'i phyir/ de ni mos pa sna tshogs zhes bya ba la sogs pa gsungs te/ 'dod chags dang zhe/
 sdang dang gti mug dang de bzhin du dad pa la sogs pa'i stobs kyis te/ sa bon gyi stobs kyis dman pa dang 'bring dang mchog tu gyur pa'i mngon par 'dod pa gang yin pa de ni nyon mongs pa gzhan mngon du rgyu bas bsgrib pa yang mkhyen pa gang yin pa de/
 ni mos pa sna tshogs pa mkhyen pa'i stobs zhes bya'o/ /dus gsum 'gro ba ma lus khyab pa zhes bya ba ni khams gsum gyi sems can gyi mos pa'i yul can yin pas so/ /de 'grel pas bstan par bya ba'i phyir/ 'dir 'dod chags zhe sdang la sogs pa//
 gsungs te/ 'dod chags kyi sgra ni nyon mongs pa'i nye bar mtshon pa yin pa'i phyir zhes bya ba ni sogs pa'i sgras dge ba'i phyogs 'dzin pas 'dod chags kyi sgra ni nyon mongs pa nye bar mtshon pa yin pa'i phyir zhes bya ba gsungs pa yin no/ /'byung ba'i
 sgras sa bon brjod pa'i rgyu mtshan bstan par bya ba'i phyir/ /'byung ba'i sgras ni zhes bya ba gsungs te/ de las gzhan pa'i chos kun tu sbyor pas bsgrib pa zhes bya ba ni zhe sdang kun spyod pas 'dod chags la sogs pa'i 'dod pa la bsgribs su zin kyang
 do/ /sems can gzhan dag ces bya ba ni gang zag khas mi len pa rnams la bltos nas so/ /gang zag gzhan rnams kyang zhes bya ba ni gang zag khas len pa la bltos nas so/ mos pa du ma zhes bya ba'i bshad pa ni mos pa sna tshogs
 pa zhes bya'o/ /'dod chags la gnas pa zhes bya ba ni 'dod chags kun tu spyod pa dngos su yod pas so/ /zhe sdang la mos pa dang zhes bya ba ni 'dod chags kyis yongs su sgrib pa'i zhe sdang la mos pa'o/ /de bzhin du gzhan la yong zhes bya ba ni sbyor
 ba chud la zhes bya ba ni 'byor pa med pas sbyin pa la sogs pa dman pa'o/ /bsam pa rgya chen po la mos pa dang zhes bya ba ni ser sna dang bral ba'i sems so/ /sbyor ba rgya che la zhes bya ba ni/ sbyin pa chen po gtong bas so/ /bsam pa chung ba la mos
 pa zhes bya ba ni sems kyis gtong bar mi nus pas so/ /khyad par la gnas pa 'gyur ba dang zhes bya ba ni sangs rgyas kyi go 'phang thob par 'gyur ba'o/ /chung ngu la gnas par 'gyur ba dang/ zhes bya ba ni nyan thos la sogs pa'i go
 'phang thob par 'gyur ba la'o/ /yang dag pa nyid du nges zhes bya ba ni bzhin gshegs pas chos ston kyang rung mi ston kyang rung ste/ rnam par grol bar rung ba gang yin pa ste/ de yang dus ji srid pa la bltos nas yin gyi gzhan
 du na log pa nyid du nges pa'i khams la 'jog par 'gyur ba rigs pa ma yin no/ /de la log pa nyid du nges pa'i khams ni de bzhin gshegs pas bstan kyang rung ma bstan kyang rung ma bstan kyang rung ste grol par mi rung ba ste/ de yang dus ji
 srid pa rkyen la bltos nas yin gyi gzhan du na sems can thams cad de bzhin gshegs pa'i snying po can du mi rigs pas so/ /log pa nyid du nges la zhes bya ba la sogs pa ni snga ma las bzlog pa'o/ /ma nges pa la
 zhes bya ba ni gang rkyan gyi stobs kyis rnam par grol bar 'gyur la/ gzhan du ma yin te/ de yang dus ji srid pa la bltos nas yin gyi thams cad rigs gcig yin pas so/ /stobs bzhi pa bstan par bya bzhi phyir de ni
 khams sna tshogs zhes bya ba la sogs pa gsungs te/ mig sogs dag gis zhes bya ba ni mig khams la sogs pa rnams so/ /sogs pa'i sgras ni gzugs la sogs pa'i khams dang/ /sa la sogs pa'i
 khams bsdu bar bya'o/ /rang bzhin gang zhes bya ba ni stong pa nyid do/ /de zhes bya ba ni stong pa nyid kyi mtshan nyid can gyi rang bzhin no/ /khams kyi rnam par dbye ba mkhas rnams kyis zhes bya ba ni sangs rgyas kyi khyad par de stong pa nyid
 kyi dbye ba la mkhas pa nyid do/ /rnam kun khams kyi khyad par la 'jug ces bya ba ni rnam pa thams cad du stong pa nyid thugs su chud pas so/ /mdza' yas shing zhes bya ba ni khams thams cad la khyab pas so/ /de 'grel
 pas bstan par bya ba'i phyir/ rang bzhin dang zhes bya ba la sogs pa gsungs te/ nang stong pa nyid la zhes bya ba la sogs pa la/ sogs pa'i sgras ni phyi stong pa nyid la sogs pa bsdu bar bya'o/ /rab tu dbye ba du mar gyur pa
 zhes bya ba ni rnam pa nyi shu rab tu dbye bar 'gyur ba'i/ /khams mdza' dag gi rab tu rnam par dbye ba la mkhas pa zhes bya ba ni/ stong pa nyid kyi dbye ba mdza' dag la mkhas pa nyid do/ /de la mdo'i khungs bstan par bya pa'i phyir
 ji skad du zhes bya ba la sogs pa gsungs te/ de la mig gi khams nang stong pa nyid du rab tu shes shing gzugs kyi khams phyi stong pa nyid du rab tu shes la mig gi rnam par shes pa'i khams phyi nang stong pa nyid du shes te/ /
 mig gi rnam par shes pa ni mig la sogs pa dang/ phyi'i gzugs la brten nas skye ba'i phyir/ mig gi rnam par shes pa phyi dang nang gis bsdus pa'o/ /de bzhin du khams bco brgyad car yang zhes bya ba ni/ rna ba dang sgra dang rna
 ba'i rgyal? par shes pa nas yid dang chos dang yid kyi rnam par shes pa'i bar rnams stong pa nyid du shes pa'o/ /ba la sogs pa'i khams kyang rab tu shes so zhes bya ba la sogs pa'i sgras ni chu la sogs pa bsdu bar bya'o/ /nam
 mkha' i khams ji lta ba bzhin du zhes bya ba ni ji ltar nam mkha' i khams gdod ma nas skye ba med pa de bzhin dus la sogs pa'i khams kyang rab tu shes pa'o/ /yongs su brtags pa las yang dag par 'byung bar zhes bya ba ni rnam par rtog
 pa'i dbang gis khams rnams byung ba yin gyi/ don dam par ni yod pa ma yin no zhes pa'o/ /'dus byas kyi khams zhes bya ba ni 'dus byas kyi chos thams cad do/ /mngon par 'du bya ba'i mtshan nyid can du zhes bya ba ni 'dus byas
 kyi chos 'di rnams mngon par 'du bya ba ste/ rgyu dang rkyen las grub pa yin no zhes bya ba'i mtshan nyid rab tu shes pa ste/ bcos ma yin pa'i phyir/ 'di la rang bzhin yod pa ma yin no zhes bya ba rab tu shes pa'o/ /'dus ma byas kyi khams
 zhes bya ba ni chos nyid la sogs pa rnams so/ /mngon par 'du bya ba med pa'i mtshan nyid can du'o zhes bya ba ni sus kyang ma byas pa nyid du ste/ des na gdod ma nas skye ba med pa'i phyir stong pa nyid du rab tu shes pa'o/ /kun nas
 nyon mongs pa'i khams zhes bya ba ni 'dod chags la sogs pa'i nyon mongs pa rnams so/ /blo bur gyi nyon mongs pa'i mtshan nyid can du'o zhes bya ba ni de bzhin nyid rang bzhin gyis 'od gsal ba'i phyir nam mkha' la sprin bzhin
 na blo stsang? ba nyid du shes par bya'o/ /rnam par byang ba'i khams zhes bya ba ni de bzhin nyid kyi mtshan nyid can no/ /rang bzhin gyis 'od gsal ba'i mtshan nyid can du zhes bya ba ni nam mkha' la sbrin bzhin du nyon mongs pa rnams kyis
 ma gos pas so/ /'khor ba'i khams zhes bya ba ni 'gro ba nas 'gro ba gzhan du 'gro ba'i mtshan nyid can no/ /tshul bzhin ma yin pa'i ma rig pa'i mtshan nyid can du'o zhes bya ba ni dngos po'i de kho na nyid la ji lta ba
 bzhin du mi 'jug pa'i mi shes pa'i mtshan nyid can du ste/ 'khor ba ni mi shes pa las byung pa yin gyi 'di la ngang bzhin 'ga' yang yod pa ma yin no/ zhes pa'o/ /tshul bzhin rig pa'i mtshan nyid can du'o zhes bya ba ni dngos
 po'i de kho na nyid ji lta ba bzhin du yongs su shes pa'i mtshan nyid can te/ de'i gnas skabs na dngos po gang gi yang rang bzhin mi dmigs pas de yang stong pa nyid du rab tu shes pa'o/ /mjug bsdu ba bstan par bya ba'i phyir/ de
 ltar na zhes bya ba la sogs pa gsungs te gnas pa'i khams gang yin pa dang zhes bya ba ni mig la sogs pa nas 'dus byas kyi khams kyi bar rnams gnas pa'i khams yin te/ der 'jig rten gnas pa'i phyir ro/ /thob
 pa'i khams gang yin pa dang zhes bya ba ni 'dus ma byas kyi khams te/ thams cad de kho na nyid la thim par 'gyur bas so/ /sbyor ba'i khams gang yin pa dang zhes bya ba ni kun nas nyon mongs pa dang rnam par byang pa'i
 khams dag ste/ de dag la spong ba dang mngon du bya ba'i tshad du sbyor bar byed pa'o/ /rten gyi khams zhes bya ba ni 'khor ba dang mya ngan las 'das pa dag ste/ de dag la snying rje dang shes rab kyi stobs kyis brten pas so/ /stobs
 lnga pa bstan par bya ba'i phyir/ da ni zhes bya ba la sogs pa gsungs te/ kun tu rtog sogs chos rno zhes bya ba ni kun tu rtog pa dang dad pa la sogs pa chen po nyid do/ /mchog bzhed pa zhes bya ba ni gang chen por gyur pa de la mchog
 gi sgras brjod pa'o/ /'bring gnas skabs dang rdul nyid mchog min par bshad dang zhes bya ba ni chung dang 'bring la mchog ma yin pa'i sgras brjod pa'o/ /mig la sogs pa dang phan tshun sgrub nus chub pa la zhes bya ba ni mig dang rna ba la sogs pa dbang po nyi shu
 rtsa gnyis dang/ mig la sogs pa rnams phan tshun rgyu nyid du bsgrub nus par rnam par rtog pa gang yin pa'o/ /de 'grel pas bstan pa'i phyir/ kun tu rtog pa ni zhes bya ba la sogs pa gsungs te/ yang dag pa ma yin par lhag par sgro 'dogs
 pa'o zhes bya ba ni kun tu rtog pa'i ming gi rnam grangs bstan pa yin te/ yang dag pa ma yin pa'i dngos por sgro 'dogs pas so/ /kun tu rtog pa nyid dbang po yin no zhes bston pa ni/ kun tu rtog pa ni zhes bya ba gsungs te/ 'dod chags la sogs pa skyed
 pa la mnga' bdag nyid du gnas pa'i phyir ro zhes bya ba ni dbang po'i bdag po'i don yin pas yang dag pa ma yin pa yongs su rtogs pa ni 'dod chags la sogs pa la dbang byed bas na dbang po'o/ /dge ba'i rgyu can rnams zhes bya ba ni chags pa la sogs
 pa'i rgyu can no/ /phul du byung ba zhes bya ba ni chen po'i gnas skabs so /dbang po nyi shu rtsa lnga ni sngar bshad zin to/ /phan tshun 'bras bu sgrub par nus pa'i rang gi ngo bo thugs su chud pa la zhes bya ba ni mig gi dbang po la rna ba'i dbang po'i mtshan nyid
 can gyi 'bras bu sgrub pa'i nus pa yod pa dang/ rna ba'i dbang po la yang mig gi dbang po'i mtshan nyid can gyi 'bras bu sgrub pa'i nus pa yod do snyam du rtogs pa la'o/ /de la mdo'i khungs bstan par bya ba'i phyir ji skad du zhes bya ba la sogs
 pa gsungs te/ dbang po'i rim pa zhes bya ba ni dad pa la sogs pa'i dbang po rnams kyi chung ngu dang 'bring dang chen po nyid do/ /mthar song ba zhes bya ba'i bshad pa ni rab tu 'gyur ba'o zhes bya ba'o/ /'dod chags dang zhe sdang dang gti mug bcos
 ma skye ba zhes bya ba ni sa bon rgyas pa ma yin pa dang ldan par skye ba'o/ /snrel zhing zhes bya ba ni ma 'dres pa ste res 'ga' 'dod chags la sogs pa skye zhing res 'ga' zhe sdang dang/ res 'ga' gti mug skye ba'o/ /tshar
 bcas pa'i zhes bya ba ni sngon du rgyu ma yin pa'o/ /dbang po gang dag dge ba'i rgyu las byung ba dang zhes bya ba ni ma chags pa la sogs pa las byung ba'i dad pa la sogs pa'o/ /nges par 'byung ba'i rgyu las byung la zhes bya ba ni/ gang gis nges
 par 'byung bas na nges par 'byung ba ste lam yin la/ de las byung ba'i dad pa la sogs pa gang yin pa'o/ /dbang po rnams phan tshun rgyu nyid du bstan pa ni dbang po gang zhes bya ba la sogs pa gsungs te/ dbang po gang rna ba'i dbang po
 'jog pa zhes bya bar sbyar bar bya'o/ /rna ba'i dbang po ji lta bu zhe na mig gi dbang po'i rgyu las byung ba zhes bya ba smos te/ sgra thos pa la lta bar 'dod pa byung ba'i dus dang/ gzugs mthong ba la sgra thos par 'dod pa 'byung ba'i dus lta
 bu ste/ phan tshun rgyu dang 'bras bu yin pas so/ /de bzhin du rna ba'i dbang po la sogs pa rnams kyang rig par bya'o zhes bya ba ni dbang po gang rna ba'i dbang po'i rgyu las byung ba mig gi dbang po 'jog pa zhes bya ba la sogs pa yang
 rig par bya'o/ /sbyin pa'i dbang po can yin la zhes bya ba ni sbyin pa'i sems pa gang yin pa de sbyin pa'i dbang po yin te/ gtong ba la dbang byed pas so/ /tshul khrims la sbyor ba zhes bya ba ni tshul khrims srung bar byed pa'o/ /dbang po
 mchog dang mchog ma yin pa shes pas zhes bya ba ni sbyin pa'i dbang po chung ngu dang 'bring dang chen po nyid shes pas so/ /de bzhin du tshul khrims dang zhes bya ba la sogs pa ni/ sems can gang tshul khrims kyi dbang po can yin
 la/ de yang sbyin pa la sbyor ba de la de bzhin gshegs pa dbang po mchog dang mchog ma yin pa shes pas tshul khrims kyi gtam byed do zhes bya ba la sogs pa yang sbyar bar bya'o/ /nyan thos kyi theg pa 'di dbang po can yin la
 zhes bya ba ni mig la sogs pa skye mched drug gi khyad par can mtshan nyid can gyi rigs kho na la dbang po'i sgra brjod pa yin te/ des na nyan thos kyi byang chub la dbang byed pas so/ /rang sangs rgyas kyi theg pa la sbyor ba zhes bya ba ni/ rang sangs
 rgyas kyi theg pa nyan pa dang bsam pa la sogs pa byed pa la'o zhes bya ba la sogs pa zhes bya ba la sogs pa'i sgras ni gang rang sangs rgyas kyi dbang po can la/ de nyan thos kyi thegs la sbyor ba zhes bya ba la sogs pa la yang sbyar bar bya'o/
 dbang po yongs su smin pa rnams zhes bya ba ni dge ba khyad par can skyed pa la dad pa la sogs pa dbang po rnams yongs su smin pa'o/ /yongs su ma smin pa rnams kyang zhes bya ba ni de las bzlog pa'o/ /nges par 'byung ba ma yin pa rnams zhes
 bya ba ni gang gis 'khor ba las nges par 'byung bar mi 'gyur ba'o/ /nges par 'byung ba dang bcas pa rnams zhes bya ba ni gang gis 'khor ba las ngos par 'byung bar 'gyur pa'o/ /mjug bsdu ba bstan par bya ba'i phyir/ sems
 can gyi dbang po zhes bya ba la sogs pa gsungs te rnam pa gang yin pa dang zhes bya ba ni rigs kyi bu zhes bya ba nas dbang po rnon po yang rab tu shes so zhes bya ba'i bar do/ /bsam pa gang yin pa dang zhes bya ba ni/ yongs su rtog
 pa'i dbang po zhes bya ba nas/ gang gis tshar bcad pa'i 'dod chags dang zhe sdang dang gti mug skye ba zhes bya bar ro/ /sbyor ba gang yin pa dang zhes bya ba ni gang sbyin pa'i dbang po can yin la de yang tshul khrims la sbyor ba zhes bya
 ba la sogs pa'o/ /gang gi rgyu las byung ba dang zhes bya ba ni/ dbang po gang dag dge ba'i rgyu las byung ba zhes bya ba la sogs pa'o/ /rkyen gang yin pa dang zhes bya ba ni/ dbang po yongs su smin pa dang zhes bya ba la sogs pa gsungs so
 dmigs pa gang yin pa dang zhes bya ba ni/ dmigs pa med pa'i dbang po med pas dmigs pa ni shugs kyis bstan to/ /mthar thug pa gang yin pa dang zhes bya ba ni/ nges par 'byung ba dang bcas pa rnams kyang zhes bya ba la sogs pa
 gsungs so/ /mdza' gang yin pa dang zhes bya ba ni mthar thug pa gang yin pa dang zhes bya ba'i bshad pa'o/ /stobs drug pa bstan par bya ba'i phyir/ da ni thams cad du 'gro ba'i zhes bya ba la sogs pa gsungs te/ lam 'ga' rgyal ba nyid dang
 zhes bya ba ni lam 'ga' zhig gis ni sangs rgyas thob pa'o/ /gang zhig rab rgyal zhes bya ba la 'gro ba zhes bya ba thams cad du sbyar bar bya'o/ /dmyal sogs zhes bya ba la/ sogs pa'i sgras ni mi la sogs pa rnam pa sna tshogs pa'i lam
 bsdu bar bya'o/ /de la zhes bya ba ni thams cad du 'gro ba'i lam mo/ /de 'grel pas bstan par bya ba'i phyir/ de la zhes bya ba la sogs pa gsungs te/ lam gyi tshig ston pa ni/ lam gang la thams cad du 'gro ba'i ngang tshul yod pa
 de ni zhes gsungs te/ sangs rgyas nyid dang rang sangs rgyas dang nyan thos dang mi la sogs pa'i 'gro ba lnga ru 'gro ba'i phyir ro/ /sogs pa'i sgras ni rnam pa sna tshogs par mtshon pa'i don to zhes bya ba ni dmyal la sogs pa zhes
 bya ba ni sogs pa'i sgra 'dis ni dmyal ba la sogs pa rigs re re la yang dbye ba rnam pa sna tshogs pa gang yod pa de bsdu ba'i don du'o/ /lam gang zhig ces bya ba ni theg pa chen po la sogs pa'i rang bzhin can no/ gang du 'gro ba'i
 zhes bya ba ni sangs rgyas la sogs par 'gro ba'o/ lam de ni zhes bya ba ni theg pa chen po la sogs pa'o/ /der 'gro ba zhes bya ba ni sangs rgyas nyid la sogs par 'gro ba'o/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs
 te/ gang dag rgyu'i stobs can zhes bya ba ni rigs dang ldan pa'o/ /sngon gyi sbyor ba phun sum tshogs pa zhes bya ba ni skye ba snga ma la thos pa dang bsam pa dang sgom pa'i sbyor ba dang ldan pa'o/ /zur tsam gyis go ba zhes bya ba ni/ tshig gcig tsam bstan pas
 don go ba'o/ /dbang po rnon po'i zhes bya ba ni dang pa la sogs pa'i dbang po rnams chen po nyid du 'gyur ba'o/ /de dag la zhes bya ba ni dbang po rnon po dag la'o/ /sngon gyi rgyu dang stobs zhes bya ba ni/ sngon gyi rigs dang goms pa'i stobs mkhyen nas so/ /chos
 ston to zhes bya ba ni lam ston par mdzad pa'o/ /'dis ni bcom ldan 'das la yongs su mkhyen pa nyid bstan pa yin te/ ma shes na ston pa mi srid do/ /rkyen gyi stobs can zhes bya ba ni sngon thos pa la sogs pa chung ba'i phyir da ltar nyan pa la sogs
 pa'i rkyen la bltos pa'o/ /yongs su smin par bya ba'i phyir mtshan nyid can zhes bya ba ni de nyid kyi phyir ma smin pas dge ba'i bshes gnyen rnams kyis smin par bya ba'i mtshan nyid can no/ /'doms shing rjes su bstan pa dang zhes bya ba la/ khong du chud pa'i don du ston
 pa gang yin pa de ni 'doms pa ste chos ston pa'o/ /chos bstan pa'i rjes la sgrub pa nyams su len du 'jug pa gang yin pa de ni rjes su bstan pa'o/ /rgyu dang rkyen dang ldan pa'i zhes bya ba la sogs pa ni rten cing 'brel bar 'byung ba'i lugs la
 byung ba dang/ lugs las bzlog pa dang ldan pa'i chos thos nas so/ /tshul bzhin du rab tu sbyor ba zhes bya ba ni/ dngos po'i de kho na bzhin du 'jug pas so/ /yongs su sbyang bar ma byas pa zhes bya ba ni/ thos pa la sogs pa la goms par ma byas pa'o/ /re
 chung ba zhes bya ba ni/ brtson 'grus dang shes rab chung ba'o/ /de nyid kyi phyir blun po'o/ /de nyid kyi phyir na/ snod du ma gyur pa zhes bya ba smos te/ lam gyi snod ma yin pas so/ /de yang dus de la bltos nas yin gyi/ gzhan du na de dag gi ched du
 byang chub sems dpa' rnams go cha gyon par mi 'thad pas so/ /de nyid kyi phyir/ rigs dang mi ldan pa'i sems can yod pa ni ma yin no zhes bya ba grub pa yin no/ /sdug pa'i rnam pa las skye ba yang yod ces bya ba ni bud med la sogs pa mdzes pa'i
 rnam pa mthong nas skye ba'o/ /rjes su chags pa'i rnam pa las skye ba yang yod de zhes bya ba ni bsting ba dang/ spyo ba la sogs pa'i rnam pa las skyes pa'o/ /sngon gyi bag la nyal gyi rgyu las skye ba yang yod pa zhes bya ba ni sngon gyi 'dod chags
 kyi bag chags las skyes pa'o/ /khong khro ba'i rgyu las skyes pa yang yod ces bya ba ni/ gzhan gyis gnod pa byas pa las byung ba'i khong khro ba las so/ /bsam pa yongs su ma rdzogs pa las skye ba yang yod ces bya ba ni mngon par 'dod pa'i
 don ma thob pa las so/ /sngon bag la nyal las skye ba yang yod ces bya ba ni sngon gyi khong khro'i bag chags las so/ /ma rig pa'i rgyu las skye ba yang yod ces bya ba ni/ ma rig pa dang 'jig tshogs la lta ba dag lhan cig tu spyod pa'i
 phyir 'jig tshogs la lta ba ni ma rig pa'i lhan cig 'byung ba'i rgyu'o/ /de bzhin du the tshom gyi rgyu las skye ba yang shes par bya'o/ /'jug pa'i rgyur gyur pa dang zhes bya ba ni 'dod chags la sogs pa'i lam rnams so/ /ldog pa'i rgyur
 gyur pa'i lam zhes bya ba ni yang dag par nges pa'i lam rnams so/ /de dag la zhes bya ba ni lam mo/ /stobs bdun pa bstan par bya ba'i phyir/ da ni bsam gtan dang zhes bya ba la sogs pa gsungs te/ de la bsam gtan ni bzhi'o//
 rnam par thar pa ni brgyad do/ /ting nge 'dzin ni dge ba la sems rtse gcig pa'i mtshan nyid can no/ /snyoms par 'jug pa ni dgu'o/ /kun nas nyon mongs pa dang rnam par byang ba dag gang las ldang bar 'gyur te/ kun nas nyon mongs pa dang rnam par
 byang ba dag gang las ldang bar 'gyur ba de kun nas nyon mongs pa dang/ rnam par byang ba'i ldang ba ste/ de dag gi rgyu gang yin pa'o/ /dge la thogs pa med par mkhyen pa'o/ /ye shes ni stobs so/ /de nyid bstan par bya ba'i phyir/ 'jig rten zhes
 bya ba la sogs pa gsungs te/ rnal 'byor bye brag las tha dad ces bya ba ni rnal 'byor pa dbang po rtul po la sogs pa'i dbye ba tha dad pas bsam gtan la sogs pa yang tha dad pa'o/ /gcig dang brgyad gyur pa zhes bya ba ni mthar gyis
 gnas pa'i snyoms par 'jug pa dgu'o/ /de 'grel pas bstan par bya ba'i phyir/ de la zhes bya ba la sogs pa gsungs te/ de la bsam gtan la sogs pa ni sngar bshad zin to/ /mthar gyis gnas pa'i snyoms par 'jug pa dgu'i bshad
 pa ni/ bsam gtan bzhi dang zhes bya ba la sogs pa'o/ /kun nas nyon mongs pa dang/ rnam par byang ba'i bshad pa ni/ kun nas nyon mongs pa'i rgyu ni zhes bya ba la sogs pa gsungs te/ de la ma rig pa ni mi shes pa'o/ /rtag pa dang gtsang
 ba dang bde ba la sogs pa de kho na nyid ma yin pa yid la byed pa ni tshul bzhin ma yin pa yid la byed pa yin la/ de ni kun nas nyon mongs pa'i rgyu yin te/ de dag gi stobs kyis 'dod chags la sogs pa skye ba'i phyir ro/ /gzhan
 la rjes su mthun pa'i sgra dang zhes bya ba ni dbang po dang rjes su mthun pa'i chos ston pa'o/ /tshul bzhin yid la byed pa ste zhes bya ba ni de kho na nyid ji lta ba bzhin du yid la byed pa'o/ /de ni rnam par byang ba'i rgyu yin te/ des 'dod chags la
 sogs bsngon bar byed pas so/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs te/ rgyu ni zhes bya ba ni dngos kyi rgyu'o/ /rkyen ni ma rig pa'o zhes bya ba/ lhan cig byed pa'i
 rgyu ste tshul bzhin ma yin pa yid la byed pa yod na ma rig pa yod pas so/ /'du byed rnams ni rkyen to zhes bya ba ni dge ba dang mi dge ba la sogs pa'i rang bzhin can gyi 'du byed kyi 'gro ba rnams su bde ba dang sdug bsngal nyams su
 myong ba dang ma rig pa'i stobs kyis nyon mongs pa rnams skye bar 'gyur ba yin te 'du byed ni rgyu'o zhes bya ba ni sngar bzhin du'o/ /lta ba ni rgyu'o zhes bya ba ni bdag dang bdag gir lta ba'o/ /sred pa ni rkyen to zhes bya ba ni
 bdag dang bdag gir sred pa las 'dod chags la sogs pa skyabs so/ /bag la nyal ni rgyu'o zhes bya ba ni bag chags kyi rang bzhin can no/ /kun nas ldang ba ni rkyen te zhes bya ba ni nyon mongs pa mngon du rgyu rnams te/
 dper na bdag dang bdag gi ba'i mngon du rgyu yod na bdag dang bdag gi ba dang mi mthun pa la zhe sdang ba ni bag chags kyi stobs dang/ chags pa'i stobs kyis zhe sdang skye'o/ /zhi gnas la rtse gcig pa dang zhes bya ba
 ni ting nge 'dzin gyi stobs kyis sems rtse gcig par 'gyur ba'o/ /lhag mthong la mkhas pa zhes bya ba ni dngos po'i rang bzhin yongs su shes pa la bya ba'o/ /de la yang tshul bzhin du yid la byed pa rgyu yin la gzhan
 la sgra thos pa ni rkyen no/ /de yang zhes bya ba ni rgyu dang rkyen te/ ye shes dang ldan pa zhes bya ba ni rgyu dang rkyen mkhyen pa'i ye shes so/ /'dod pa rnams la dpen pa zhes bya ba la sogs pa ni bsam gtan dang po'i snyoms
 'jug gis 'gog pa'i snyoms par 'jug pa las ldang bar 'gyur ba'o/ /'gog pa la snyoms par zhugs te zhes bya ba la sogs pa ni 'gog pa la snyoms par zhugs pas bsam gtan dang po las ldang ba'o/ /lugs dang mthun par yang snyoms par 'jug
 zhes bya ba ni dang po las gnyis par zhes bya ba la sogs pa'i rim pas so/ /lugs dang mi mthun pa dang zhes bya ba ni brgyad pa nas bdun pa la sogs par te/ rim pa ma yin pas so/ /snel zhing yang ngo zhes bya ba ni/ dang po las gsum pa dang gsum las
 lnga dang zhes bya ba la sogs pa'i tshul gyis so/ /bcom ldan 'das kyi ting nge 'dzin ni ting nge 'dzin dang snyoms par 'jug pa mdza' dag dang re gcig pa'i phyir ting nge 'dzin zhes bya ba la sogs pa gsungs te/ ting nge 'dzin la sred pa gang yang
 med cing zhes bya ba ni ting nge 'dzin rnams kyi bya ba tha dad par snang bas so/ /dmigs pas ting nge 'dzin la snyoms par 'jug par bya ba med do zhes bya ba ni de bzhin gshegs pa'i ting nge 'dzin la dmigs pa med pas so/ /sems rtse gcig tu 'jug pa
 med pa zhes bya ba ni de bzhin gshegs pa'i ting nge 'dzin ni ting nge 'dzin dang snyoms par 'jug pa mdza' dag dang ro gcig pa'i phyir ro/ /sems mnyam par ma bzhag par mi rigs so zhes bya ba ni sems mnyam par ma bzhag pa mi
 mnga' ba'o/ /sus kyang blta bar mi nus te/ zhes bya ba ni nyan thos la sogs pa'i khongs su chud par bya ba ma yin pas so/ /zil gyis mi non pa ste zhes bya ba ni mi mthun pa'i phyogs kyis so/ /'di la zhes bya ba ni
 de bzhin gshegs pa'i ting nge 'dzin la'o/ /stobs brgyad pa bstan par bya ba'i phyir/ /nga ni sngon gyi gnas zhes bya ba la sogs pa gsungs te/ sngon gyi gnas rjes su dran pa mkhyen stobs ni zhes bya ba ni sngon gyi gnas ni skye ba gzhan gyi
 gnas so/ /de rjes su dran pa ni mngon du byed pa'o/ /de mkhyen pa ni stobs so/ /ji srid gti mug ces bya ba la sogs pa ni/ ji srid gti mug ces bya ba 'dis ma rig pa thog ma med pa'i phyir skye ba brgyud pa rnams la thog ma med pa
 nyid du bstan pa yin no/ /de srid gnas 'das zhes bya ba ni 'das pa'i skye ba de srid pa'o/ /skye ba de gang gi yin zhe na bdag dang sems can gzhan re re'i zhes bya ba smos te/ bdag dang sems can rnams re re'i srid pa 'das pa'o/ /gzhan gyi srid pa ji lta bu
 zhe na/ /sems can ji snyed de snyed mdza' yas zhes bya ba gsungs te/ sems can mdza' yas pas srid pa yang mdza' yas pa'o/ /yang ji lta bu zhe na/ gzhir bcas yul phyogs dang bcas rnams la zhes bya ba gsungs te/ de la nga sngar skyes pa'i yul du gyur pa
 ni 'di yin no zhes bya ba ni gzhi dang bcas pa'o/ /nga der gnas so snyam pa ni yul phyogs dang bcas pa'o/ /nga kha dog 'di lta bu dang ldan par gyur to snyam pa ni rnam pa dang bcas pa'o/ /de lta bu la mkhyen pa thogs pa med pa ni sngon gyis gnas rjes su dran pa mkhyen
 pa'i stobs so/ /de 'grel pas bstan par bya ba'i phyir/ ji srid ces bya ba la sogs pa gsungs te/ yul nyid du bshad do zhes bya ba ni thog ma med pa'i skye ba gcig nas gcig tu brgyud pa ni sngon gyi gnas rjes su dran pa'i yul nyid du ji srid gti mug ces bya
 ba'i sgras brjod pa'o/ /bsdu bar brjod do zhes bya ba ni sems can gyi khams mu mdza' med pa'i sngon gyi skye ba gcig nas gcig tu brgyud pa yul nyid du sdu bar bzhed pa'o/ /gzhir bcas zhes bya ba ni rgyu dang bcas pa nyid do/ /de zhes bya ba ni sngon gyi gnas so
 lhag ma ni rgyu dang bcas pa rjes su dran pa'o zhes bya ba ni mdo las kha cig dang phyogs las gang gzhan rjes su dran pa gsungs pa de thams cad rgyu dang bcas par rjes su dran pa'o/ /stobs kyi dgos pa bstan par bya ba'i phyir/ stobs 'dis ni zhes
 bya ba la sogs pa gsungs so/ /cho 'phrul yod par ston par mdzad pa yin no zhes bya ba ni sngon gyi rgyu'i stobs dang ldan pa dang mi ldan pa nyid mkhyen pas de dang rjes su mthun pa'i chos ston pas chos bstan pa 'bras bu dang bcas pa yin no zhes pa'o/ /de la mdo'i khungs
 bstan par bya ba'i phyir/ ji skad du zhes bya ba la sogs pa gsungs te/ de bzhin du chos ston pa zhes bya ba ni sngon gyi rgyu'i rjes su 'brangs nas so/ /sems kyi rgyu ba 'das pa yang de bzhin gshegs pas rab tu shes so bya ba 'di rgyas par bstan par bya ba'i phyir/
 sems gang gis zhes bya ba la sogs pa gsungs so/ /yongs su shes pa 'di nyid mdza' yas par bstan par bya ba'i phyir/ /de ltar ci tsam du zhes bya ba la sogs pa gsungs so/ /'di'i don ni chu bo gang+gA'i bye ma snyed dang mtshungs pa'i sems can rnams kyis
 kyang sems can gcig nas gcig tu brgyud pa brjod par mi nus pa'i sems kyi de de bzhin gshegs pas rab tu mkhyen te/ dag gi spyod yul las 'das pa'i sems kyi rgyun mkhyen pa yin no zhes pa'o/ /yang mu mdza' med pa nyid bstan par bya ba'i phyir/
 phyi ma'i mu mthar thug pa bstan kyang zhes bya ba la sogs pa gsungs te/ gal te bcom ldan 'das kyis 'khor ba'i mdza' ma'i bar du sems kyi rgyun bstan par gyur kyang yang sngon gyi gnas rjes su dran pa shes pa 'di ston pa la mdza' yod par mi 'gyur ro/
 gal te 'khor ba las mdza' med pas phyi ma'i mur thug pa zhes ji ltar brjod ce na/ de la lan ni/ yongs su brtags pa nye bar gzung ste zhes bya ba gsungs te/ 'khor ba mdza' yod par brtags nas zhes bya ba'i tha tshig go /bsam gyis mi khyab cing zhes
 bya ba ni byang chub sems dpa' gzhan rnams kyi sems kyi yul ma yin pas so/ /mtshungs pa med la zhes bya ba ni de bzhin gshegs pa las gzhan pa rnams la de lta bu'i ye shes mang pas so/ /tshad med pa de zhes bya ba ni grangs kyis bgrang bar
 mi nus pas so/ /de nyid bstan par bya ba'i phyir/ /de'i mdza' ni bstan par sla ba ma yin no zhes bya ba la mdza' ni zhes bya ba ni 'di tsam zhig go zhes bya'o/ /sangs rgyas khyu mchog tu gyur pa zhes bya ba ni sangs rgyas la mi 'jigs
 pa mnga' bas so/ /dge ba'i rtsa ba la dmigs pa de dang des bya ba ni dge ba'i rtsa ba sangs rgyas la skrun pa la sogs pa sems la byas nas so/ /phyir mi ldog par 'gyur ba zhes bya ba ni byang chub las so/ /de bzhin gshegs pa'i stobs dgu pa bstan
 par bya ba'i phyir/ da ni zhes bya ba la sogs pa gsungs te/ 'chi 'pho? dang skye ba mkhyen pa'i stobs zhes bya ba la/ 'chi ba ni phung po 'jig pa'o/ /skye ba ni phung po nying mtshams sbyor ba'o/ /'di ni nye bar mtshon pa ste/ 'jig pa dang 'chags pa la sogs
 pa yang rig par bya'o/ /de dag la mkhyen pa thogs pa med pa gang yin pa de ni stobs so/ /'jig rten la gnas zhes bya ba ni 'jig rten pa'i khams na yod pa'o/ /nam mkha' i mthar thug dang zhes bya ba ni mdza' yas pa ste nam mkha' la mu mdza' med pas
 sogs bkra mang zhes bya ba ni/ las sna tshogs pas rnam pa sna tshogs par bskyed pas so/ /de la zhes bya ba ni 'chi 'pho dang skye bas so/ /skad cig 'jug pa yis bya ba ni skad cig ma gcig gis so/ /de 'grel pas bstan par bya ba'i phyir 'chi 'pho ni zhes
 bya ba la sogs pa gsungs so/ /phung po nying mtshams sbyor ba'o zhes bya ba ni yang skye ba len pa'o/ /las shin tu sna tshogs pa'i bzos sbyar ba zhes bya ba ni las shin tu sna tshogs pa nyid bzo bo yin la des byas pa gang yin pa'o/ /de'i ye shes yul
 'ga' la yang chags pa mi mnga' ba zhes bya ba ni thams cad mkhyen pa yin pas gang la yang thogs par mi 'gyur ba'o zhes pa'o/ /'chi 'pho dang skye ba mkhyen pa nye bar mtshon pa tsam du bstan par bya ba'i phyir bcom ldan 'das kyis zhes bya ba la sogs pa
 gsungs te/ 'chags pa dang 'jig pa zhes bya ba la 'chags pa ni sems can dang snod gyi 'jig rten byung bas so/ /'jig pa ni sems can dang snod kyi 'jig rten 'jig par 'gyur ba'o/ /sogs pa'i sgras ni gnas pa gzung bar bya'o/ /thams cad kyang
 zhes bya ba'i bshad pa ni ma tshang ba med pa zhes bya ba'o/ /de la mdo'i khungs bstan par bya ba'i phyir ji skad du zhes bya ba gsungs te/ chos kyi dbyings kyis glas pa zhes bya ba ni stong pa nyid kyi rang bzhin can yin pas so/ /nam mkha' i khams kyi mthas gtugs pa
 zhes bya ba ni nam mkha' bzhin du mdza' yas pa'o/ /tshad med pa zhes bya ba la sogs pa ni phyi ma phyi mas snga ma snga ma bshad pa'o/ /zhing du snang ba zhes bya ba ni zhing nyid snang bar bya ba yin pas na zhing du snang ba zhes bya'o/ /bde 'gro dang zhes bya ba ni lha dang yir?
 'gro ba'o/ /ngan 'gro dang zhes bya ba ni dmyal ba la sogs par 'gro ba'o/ /las ji lta ba bzhin nye bar 'gro ba zhes bya ba ni dge ba dang mi dge ba'i las dag gi stobs kyis 'gro ba gang yin pa'o/ /'chi 'pho ba zhes bya ba ni dga' ldan gyi gnas la sogs pa las so//
 mngal du 'jug pa dang zhes bya ba ni ma'i mngal du 'jug pa'o/ /'byung ba zhes bya ba ni mngal las so/ /tshe na 'du byed 'dor ba zhes bya ba ni 'jig rten gyi khams de na gdul bya med pas sku tshe gtong ba'o/ /de nyid kyi phyir yongs su mya ngan las 'das pa
 zhes gsungs so/ /rdzu 'phrul ston pa yon sbyong ba zhes bya ba ni lus las me 'bar ba dang chu 'brub pa yongs su ston pas yon bdag la sogs pa dang bskyes pa'i sgo nas yon yongs su dag par 'gyur ba'o/ /sems can gang dag mi snang bar gyur pa
 dag dang zhes bya ba ni so so'i skye bo dang nyan thos dang rang rgyal dang byang chub sems dpa' dag la gang mi snang bar 'gyur ba de la sems can gang dag mi snang bar gyur pa dag ces bya'o/ /phyi rol gyi zhes bya ba ni phyi rol mu stegs pa'i 'dod
 chags dang bral ba rnams so/ /mngon par shes pa lnga po zhes bya ba ni/ zag pa zag pa mkhyen pa ma gtogs pa ste de rnams la zag pa med pas so/ /mig gi lam du zhes bya ba ni mig gi yul nyid du'o/ /shing rta'i 'khor lo tsam gyi
 phyogs na zhes bya ba ni shing rta'i 'phang lo'i tshad tsam gyi nam mkha' i go sa na'o/ /de dag gi zhes bya ba ni sangs rgyas kyi gdul bya'o/ /sems can de dag ces bya ba ni sangs rgyas kyi gdul bya'o/ /de ma yin pa'i sems can gzhan gyi zhes bya ba ni sangs
 rgyas ma yin pa'i byang chub sems dpa' la sogs pa rnams kyis so/ /stobs bcu pa bstan par bya ba'i phyir/ nga ni zag pa zad pa zhes bya ba la sogs pa gsungs te/ zag pa zad pa mkhyen pa'i stobs zhes bya ba la zag pa ni nyon mongs rnams yin la
 de rnams zad pa ni med pa yin la de mkhyen pas na stobs so/ /rnam kun mkhyen pa'i stobs kyis zhes bya ba ni rnam par dag pa'i de bzhin nyid mkhyen pa'i stobs kyis so/ /slob ma la sogs pa zhes bya ba ni nyan thos dang rang sangs rgyas rnams so/ /nyon mongs
 blo yis 'gog pa gang zhes bya ba ni lam gyi rang bzhin can gyi shes rab kyis nyon mongs pa 'gog pa'o/ /de la zhes bya ba ni nyon mongs pa bag chags dang bcas pa 'jig pa dang nyon mongs pa 'gog pa la'o/ /mdza' yas zhes bya ba ni yul mdza' 
 yas pas so/ /de 'grel pas bstan par bya ba'i phyir/ de la zhes bya ba la sogs pa gsungs te/ nyon mongs par byed pa'i phyir ro zhes bya ba ni nyon mongs pas 'jig rten la 'khor bar gnod par byed pa'o/ /rgyud 'bag par byed cing bsgo bar byed la
 rjes su bgrod par byed pa zhes bya ba la 'bag par byed cing zhes bya ba'i bshad pa ni bsgo bar byed la rjes su bgrod par byed pa zhes bya'o/ /de la 'bag par byed pa ni nyon mongs pa'i sa bon dang 'dra bar byed pa'o/ /de nyid kyi phyir rjes su bgrod par byed pa'o/ /nyon
 mongs pa'i mur thug pa zhes bya ba ni nyon mongs pa mngon du rgyu med pa'i phyir phra ba'i gnas skabs so/ /rtsa ba dang zhes bya ba ni sa bon no/ /til mar dang me tog la sogs pa dang zhes bya ba la sogs pa'i sgras ni rtsi mar la sogs pa bsdu bar bya'o/ /de dang phrad pa
 zhes bya ba ni til mar dang me tog la sogs pa dang phrad pas so/ /yon tan phra mo dmigs pa bzhin no zhes bya ba ni/ til mar dang me tog la sogs pa'i dri dmigs pas so/ /bag chags yod pa zhes bya ba ni spre'ur gyur pa'i dus su mchod zhing mchod zhing 'gro ba
 la sogs pa des sa bon gyi rang bzhin gyi bag chags bzhag pa las so/ /dmangs mor brjod pa'i kun tu rtog pa zhes bya ba ni dgra bcom pa 'ga' zhig sngon bram zer gyur pa de bram ze'i rigs kyi stobs kyis dmangs rigs gzhan la brnyas pa byed pa'i dus su
 dmangs rigs kyi tshig brjod pa la gom par gyur pa de'i stobs kyis sems la bag chags bzhag pa des da ltar dgra bcom pa thob tu zin kyang gang+gA'i lha mo la bag chags kyi stobs kyis dmangs mor brjod pa'i kun tu spyod pa 'byung bar 'gyur ba'o//
 shes bya yongs su gcod pa'i gegs su gyur pa zhes bya ba ni de'i stobs kyis shes bya ji ltar yod pa bzhin du khong du mi chud pas so/ /lus dang ngag gi 'jug pa rnam pa de lta bu'i rgyu yang yin te zhes bya ba ni mchod pa la sogs pa lus kyi spyod pa dang dmangs
 mor brjod pa la sogs pa dag gi spyod pa de dag ni rgyu'o/ /yang zhes bya ba ni shes bya yongs su gcod pa'i gegs kyi rgyu yang ngo/ /rnam pa thams cad mkhyen pas zhes bya ba ni chos kyi dbyings shin tu rnam par dag pa'i ye shes kyis so/ /gzhan dag la ni ma yin
 no zhes bya ba ni nyan thos dang rang rgyal ba dag la'o/ /nyon mongs pa bag chags lhag ma lus pa spangs pa dang zhes bya ba ni nyan thos dang rang rgyal dag go /bag chags kyi mtshams sbyor ba'i nyon mongs pa spangs zhes bya ba ni bag chags dang bcas
 pa'i nyon mongs pa spangs pa'o/ /de la mdo'i khungs bstan par bya ba'i phyir/ ji skad du zhes bya ba la sogs pa gsungs te/ tshangs par spyod pa ni bstan zhes bya ba ni ngas thar pa'i lam brten to zhes bya ba'o/ /bya ba ni byas te
 zhes bya ba ni bag chags dang bcas pa'i nyon mongs pa dang shes bya'i sgrib pa spangs pa'o/ /'di las srid pa gzhan mi shes so zhes bya ba ni srid pa 'di la srid pa gzhan mi len pa'o/ /sems rnam par grol ba shes rab rnam par grol ba zhes bya ba ni sems
 dang sems las byung ba la bltos nas so/ /rnam par dag pa zhes bya ba ni nyon mongs pa'i sgrib pa dang bral bas so/ /dri ma med pa zhes bya ba ni shes bya'i sgrib pa dang bral bas so/ /yongs su dag pa zhes bya ba ni sgrib pa gnyis dang bral bas so/ /'od
 gsal ba zhes bya ba ni stong pa nyid rang bzhin gyis ngo bo nyid kyis rnam par dag pa'o/ /bag chags kyi mtshams sbyor ba thams cad yang dag par bcom pa zhes bya ba ni bag chags thams cad dang bral ba ste/ nyon mongs pa dang shes bya'i sgrib pa dang bral bas
 so/ tshad yod pa zhes bya ba ni nyan thos rnams kyi nyon mongs pa spangs pa ni 'di tsam zhig yin no zhes brjod par nus pas so/ /snying rje chen po dang bral ba zhes bya ba ni de dag la dmigs pa med pa'i snying rje med pas so/ /spobs pa dang bral ba'o zhes bya ba
 ni rigs pa dang thogs pa med par brjod mi nus pas so/ /rnam pa'i mchog thams cad dang ldan pa zhes bya ba ni stobs dang mi 'jig pa la sogs pa'i yon tan rnams mthar phyin pa'i gnas skabs yin pas so/ /thugs rje chen pos kun tu bzung pa zhes
 bya ba ni thugs rje chen po dang ldan pa'o/ /mi 'jig pa dang spobs pa dang ma bral ba zhes bya ba ni mi 'jigs pa mnga' ba nyid kyis spobs pa dang ldan pa'o/ /'jig rten thams cad zil gyis mi non pa ste zhes bya ba ni 'jig rten thams cad log
 kyang gzhan du bsgyur mi nus pa ste/ ji ltar zhe na sems kyi skad cig dang ldan pa'i shes rab kyis so zhes bya ba gsungs so/ /sems kyi skad cig dang shes rab kyi skad cig ma gcig kyang gzhan du byed mi nus na sems kyi skad cig du ma gzhan du
 byed mi nus pa lta smos kyang ci dgos ces pa'o/ /spyod lam 'khrul pa'i bag chags med do zhes bya ba ni mchod zhing 'gro ba la sogs pa'i rang bzhin can no/ /nye bar len pa spangs pa'i phyir chos ston to zhes bya ba ni 'dod pa nye bar len pa dang/ bdag
 tu smra ba nye bar len pa dang/ lta ba nye bar len pa dang/ tshul khrims dang/ brtul zhugs nye bar len pa spang pa'i ched du'o/ /de las 'dod pa nye bar len pa ni rdzas sum cu rtsa bzhi ste/ 'dod chags dang nga rgyal dang khong khro dang/ ma rig pa
 rnams re re la yang bden pa bzhi mthong pas spang bar bya ba dang/ sgom pas spang bar bya ba'i dbye bas rnam pa lnga lngar 'gyur pas nyi shu dang the tshom la bden pa bzhi mthong bas spang bar bya ba rnam pa bzhi dang/ ngo tsha med pa dang/ khrel med pa dang/ phra
 dog dang/ ser sna dang/ rgyags pa dang 'gyod pa dang/ rmugs pa dang/ gnyid dang/ khong khro ba dang/ chags pa zhes bya ba'i kun nas dkris pa bcu ste sum cu rtsa bzhi'o/ /bdag tu smra ba nye bar len pa ni rdzas sum cu rtsa brgyad de/ gzugs su gtogs
 pa'i 'dod chags dang nga rgyal dang ma rig pa re re la bden pa bzhi mthong bas spang bar bya ba dang/ bsgom pas spang bar bya ba'i dbye bas rnam pa lnga lngar 'gyur bas rnam pa bco lnga yin la/ de bzhin du gzugs med pa'i khams su yang yin pas sum cu
 tham par 'gyur la/ gzugs khams kyi the tshom la bden pa bzhi mthong bas spang bar bya ba yin pas rnam pa bzhi dang/ gzugs med pa'i khams kyi the tshom la yang bden pa bzhi mthong bas spang bar bya ba'i dbye bas bzhi yin pa'i phyir brgyad do/ /de ltar
 na sum cu rtsa brgyad du 'gyur ba yin no/ /lta ba lnga las tshul khrims dang brtul zhugs mchog tu 'dzin pa logs su bye la/ lta ba nye bar len pa la rdzas su sum cu tham pa yin te/ 'dod pa'i khams kyi 'jig tshogs la
 lta ba dang/ mthar 'dzin pa'i lta ba dag sdug bsngal mthong bas spang bar bya ba nyid yin pas rnam pa re re yin pa'i phyir gnyis dang/ log par lta ba dang/ lta ba mchog tu 'dzin pa dag re re yang bden pa bzhi mthong bas spang bar bya ba nyid kyis
 rnam pa brgyad de bcu'o/ /de bzhin du gzugs dang/ gzugs med pa'i khams kyi yang ma yin pas sum cu tham par 'gyur bas so/ /tshul 'khrims dang brtul zhugs nye bar len pa ni rdzas drug ste/ 'dod pa'i khams kyi tshul khrims dang/
 brtul zhugs mchog tu 'dzin pa sdug bsngal mthong bas spang bar bya ba dang/ lam mthong bas spang bar bya ba rnam pa gnyis dang/ de bzhin du gzugs gzugs med pa'i khams na yang yin pas rnam pa drug go /de la zag pa rnams
 dang nye bar len pa rnams kyi khyad par ni zag pa rnams la kun nas dkris pa med pa'o/ /chos ston pa'i rang bzhin bstan par bya ba'i phyir/ kye ma zhes bya ba la sogs pa gsungs te/ yang dag pa ma yin pa'i yongs su rtog pa las byung ba
 dag ces bya ba ni/ gang gis dngos po med pa la yod pa nyid du rtog pa ni yang dag pa ma yin pa yongs su rtog pa yin la/ de las byung ba'i yang dag pa ji lta ba bzhin du so sor rtogs shig ces bya ba ni stong pa nyid kyi rang bzhin du shes bar gyis shig
 ces pa'o/ /de dag la zhes bya ba ni nye bar len pa dang bcas pa rnams la'o/ /nye bar bkod pa'i dpe rnams kyis zhes bya ba ni 'dra ba nyid gang la bkod pa'i dpe de lta bu rnams kyis te/ rmi lam dang brag ca dang smig rgyu la sogs pa'i dpe
 rnams kyis te/ de rnams snang du zin kyang dngos po nyid du med pa de bzhin du zag pa rnams kyis yin no zhes bya ba'i tha tshig go /chos gang yang nye bar mi len pa zhes bya ba ni rnam par dpyad na chos gang yang mi dmigs pas nye bar len pa med pa'o/ /
 stobs bcu'i mjug bsdu ba bstan par bya ba'i phyir/ de ltar gang dag ces bya ba la sogs pa gsungs te/ gang dag ces bya ba ni stobs rnams so/ /rnam pa thams cad du yongs su rdzogs pa nyid la zhes bya ba ni mthar thug par 'gyur ba'o/ /ye shes kyi
 yul bsam gyis mi khyab pa mnga' ba zhes bya ba ni rnam par mi rtog pa'i ye shes dang ldan pa'o/ /de dag las gzhan pa'i yon tan mdza' dag dang ldan zhes bya ba ni stobs bcu las gzhan pa'i mi 'jigs pa dang/ sangs rgyas kyi chos ma
 'dres pa la sogs pa mdza' dag dang ldan pa'o/ /chos kyi sku dang tha mi dad par bzhugs pa zhes bya ba ni chos kyi sku dang ro gcig pa'o/ /yon tan rgyas par zhes bya ba la sogs pa ni yon tan re re la yon tan rgyas pa yong pa de nam mkha' i dpes
 dpe byed pa'o/ /'di'i don ni yon tan re re la yang yon tan rgyas par ci tsam yod pa de nam mkha' dang mtshungs pa de mdza' yas pa yin no zhes bya'o/ /'gro ba 'dod pa dang zhes bya ba la sogs pa ni 'dir chu po ni bzhi ste/ 'dod pa'i chu bo dang/ srid
 ba'i chu bo dang/ lta ba'i chu bo dang/ ma rig pa'i chu ba'o/ /de la 'dod pa'i chu bo ni rdzas nyi shu dgu ste 'dod pa'i khams kyi 'dod chags dang/ khong khro dang/ nga rgyal rnams re re la bdan pa bzhi mthong bas spang bar bya ba dang/ bsgom pas spang bar bya
 ba nyid kyis re re la rnam pa lnga lngar phye bas bco lnga dang/ the tshom la bden pa bzhi mthong bas spang par bya ba nyid kyis rnam pa bzhi dang/ sngar bshad pa'i kun nas dkris pa bcu bsnan pas nyi shu rtsa dgu'o/ /srid pa'i chu bo ni rdzas nyi shu brgyad de/
 gzugs kyi khams kyi 'dod chags dang/ nga rgyal dag la bden pa bzhi mthong bas spang bar bya ba dang/ bsgom pas spang bar bya ba nyid kyis re re la lnga lnga yin pas bcu dang/ de bzhin du gzugs med pa'i khams na yang yin
 pas nyi shu yin te/ de dag na khong khro med pas so/ /gzugs dang gzugs med pa dag gi the tshom so sor bzhi bzhi mthong bas spang bar bya ba yin pas rnam pa brgyad du 'gyur la/ de ltar na srid pa'i chu bo ni rdzas nyi shu rtsa brgyad du 'gyur ba yin no/ /lta ba'i
 chu bo ni rdzas sum cu rtsa drug ste/ 'dod pa'i khams na sdug bsngal mthong bas spang bar bya ba'i lta ba lnga dang/ kun 'byung mthong bas spang bar bya ba gnyis dang/ 'gog pa mthong bas spang bar bya ba gsum yin pas bcu gnyis su 'gyur ba dang/ de bzhin du
 gzugs dang gzugs med pa'i khams na yang yin pas lta ba bcu gnyis sum 'gyur du byas pas lta ba'i chu bo rdzas sum cu rtsa drug du 'gyur ba yin no/ /ma rig pa'i chu bo rdzas bco lnga ste/ khams gsum gyi ma rig pa re re sdug bsngal dang kun 'byung
 dang 'gog pa dang lam mthong bas spang bar bya ba nyid dang/ sgom pas spang bar bya ba nyid kyis rnam pa lnga lngar 'gyur bas ma rig pa'i chu bo rdzas bco lngar 'gyur ba yin no/ /chu bo smos pa ni dge ba'i phyogs nyams par byed pa'o/ /de ltar chu bo bzhi'i
 nang du chud pa'i 'gro ba rnams so/ /mgon med pa zhes bya ba ni bcom ldan 'das las gzhan pa'i rje bo med pas so/ /mgon du gyur pa zhes bya ba ni chu bo las 'dren pa'i phyir ro/ /sa kun du 'ong ngo zhes bya ba ni chos kyi dbyings rnam par dag pa'i ye shes
 kyi nyi ma shar ba'i kun nas 'od 'di la yod pas na'o/ /rnam pa thams cad du yongs su dag par 'gyur ro zhes bya ba ni bag chags dang bcas pa'i sgrib pa lhag ma ma lus par spangs pas so/ /rgya bskyed pas chog go zhes bya ba ni yon tan rgyas par brjod
 pas chog zhes pa'o/ /gzugs kyi sku zhes bya ba ni longs spyod rdzogs pa'i sku'o/ /ba spu'i bu ga re re dang zhes bya ba la sogs pa ni ba spu'i bu ga re re la sogs yon tan gyi khyad par spyod pa ni sangs rgyas kho nas spyod kyi gzhan gyis ni ma yin no zhes pa'o/
 gal te gsungs na ni zhes bya ba ni ba spu'i bu ga la sogs par yon tan rgyas par brjod na'o/ /rang nyid kyi ye shes kyi yul du gyur pa zhes bya ba la sogs pas ni sangs rgyas bcom ldan 'das kyis rang nyid kyi ye shes kyi yul du gyur pa
 grangs kyi gnas gzhan drug cus yongs su bcad pa'i skal ba chen po ni bskal pa grangs med pa yin la/ bgrang ba las 'das pa'i phyir bsam gyis mi khyab pa yin zhing/ de dag gis sku tshe'i tshad byin gyis brlabs pa ni bskal pa grangs med par
 bzhugs pa'o/ /phrin las gzhan mi mnga' bar zhes bya ba ni bya ba gzhan mi mdzad par yon tan rgyas par brjod pa'i phrin las mdzad pa'o/ /skyen pa skyen par zhes bya ba ni shin tu myur bar ro/ /yon tan yongs su rdzogs par mi 'gyur na zhes bya ba ni/
 yon tan mthar thug pa rgyas par brjod par mi 'gyur ro zhes pa'o/ /don 'di nyid ces bya ba ni yon tan rgyas par brjod pa mthar thug par mi 'gyur ba'o/ /nam mkha' med par zhes bya ba la sogs pa la/ 'dab chags zhes bya ba ni bya khyung yin la
 de nam mkha' med pas nam mkha' la 'phur ba las ldog par mi 'gyur gyi/ 'on kyang bya khyung 'di ni rang gi mthu ste/ stobs zad pa'i sgo nas nam mkha' la 'phur ba las ldog pa de bzhin du rang sangs rgyas dang bcas pa'i byang chub sems dpa' 
 rnams rang gi mthu stobs zad pas sangs rgyas rnams kyi yon tan nam mkha' ltar mdza' yas pa ma brjod par ldog par 'gyur gyi yon tan gyi mthar thug pa las ni ma yin no/ /de 'grel pas bstan par bya ba'i phyir/ 'di ltar zhes bya bar
 sogs pa gsungs te/ 'dab gshog yangs pa'i rlung gi shugs kyis pha rol gnon pa thob pa zhes bya ba ni gshog pa rgyas pa'i rlung gi stobs kyis bskyed pa'i nus pa'i khyad par rnyed pa'o/ /rnam par thar pa bsam
 gyis mi khyab pa brnyed pa zhes bya ba ni stong pa nyid la sogs pa'i rnam par thar pa thob pa'o/ /ldog par gnas na zhes bya ba ni yon tan brjod par mi byed cing gnas pa'o/ /rang sangs rgyas sam zhes bya ba la sogs pa ni gang du byang chub sems
 dpa' rnams la nus pa med pa de la nyan thos dang rang sangs rgyas rnams kyis ji ltar nus zhes pa'o/ /lo rab 'di zhes bya ba ni nyan thos dang rang sangs rgyas dang byang chub sems dpa' rnams kyi yon tan brjod pa mi srid pa'i lo rgyus gang yin pa'o/
 yang dag pa ji lta ba bzhin du lkog tu gyur pa zhes bya ba ni bcom ldan 'das kyi phyin ci ma log pa'i rang bzhin ni shin tu lkog tu gyur pa yin pas so/ /bdag 'dras zhes bya ba ni so so'i skye bo'o/ /'di dag ces bya ba ni yon tan rnams so/ /dogs
 spangs zhes bya ba ni kho bos yon tan ji ltar brjod par nus snyam pa'i som nyi spangs nas so/ /cung zhig tsam zhig smras zhes bya ba ni stobs bcu'i phyogs tsam zhig brjod pa'o/ /khyod kyi ngo bo nyid mi shes na ji ltar brjod ce na/ 'on kyang de dag
 'phags pa klu sgrub kyis bshad pa'i phyir zhes bya ba gsungs te/ 'phags pa klu sgrub kyis stobs bcu bshad pa'i phyir/ kho bos kyang de'i rjes su 'brangs nas bshad pa yin no zhes pa'o/ /de 'grel pas bstan par bya ba'i phyir/ de ltar zhes bya ba
 la sogs pa gsungs te/ gzhan la brten nas zhes bya ba ni 'phags pa klu sgrub kyi zhabs la brten nas so/ /de cing ces bya ba ni gzhan la brten nas so/ /da ni bsten bcos 'di'i bsdus pa'i don bstan par bya ba'i phyir/ mdor bsdus na zhes bya ba la
 sogs pa gsungs te/ 'di las zhes bya ba ni dbu ma la 'jug pa'i bstan bcos las so/ /yon tan rgya che ba nyid dang zhes bya ba ni sangs rgyas rnams kyi yon tan mchog tu gyur pas so/ /chos nyid zab pa zhes bya ba ni chos nyid khong du chud par dka' 
 bas so/ /yon tan gzhan rnams zhes bya ba ni sbyin pa dang/ tshul khrims la sogs pa rnams so/ /de'i phan yon bstan par bya ba'i phyir/ zab ba dang zhes bya ba la sogs pa gsungs te/ stong pa nyid dang sbyin pa la sogs pa'i rang bzhin shes pas
 stobs bcu la sogs pa'i yon tan thob par 'gyur ba'o/ /de ltar longs spyod rdzogs pa'i sku bstan nas/ sprul pa'i sku bstan par bya ba'i phyir/ de ni zhes bya ba la sogs pa gsungs te/ sprul pa'i sku de zhes bya ba ni thams cad nas thams cad du
 'khor ba ji srid pa dang/ nam mkha' ji srid par dus ji lta bar bsam pa ji lta ba bzhin du sems can ma lus pa'i mngon par mtho ba dang/ nges par legs pa'i las 'grub pa'i rgyur gyur pa gzhan gyi don phun sum tshogs pa mdzad pa'i rang bzhin can no//
 nyan thos dang rang sangs rgyas dang byang chub sems dpa' thams cad kyi don thun mong ba dang/ zhes bya ba ni de rnams thams cad kyis mthong ba'i spyod yul du gyur pas so/ /de nyid kyi phyir/ thabs thun mongs pa 'byung
 ba dang zhes bya ba gsungs te/ des chos bstan pa'i sgo nas 'bras bu thob par 'gyur ba'i phyir ro/ /ci rigs par 'gyur ba zhes bya ba ni gang gang la mos pa bzhin du'o/ /bde 'gro la sogs pa zhes bya ba la sogs pa'i sgras ni rgyun tu zhugs pa'i 'bras bu
 la sogs pa bsdu bar bya'o/ /slar yang zhes bya ba ni longs spyod rdzogs pa'i skus sems can gyi don gyi don mdzad nas skrul ba'i skus kyang sems can gyi don mdzad pa yin no zhes pa'o/ /srid pa gsum byon nas zhes bya ba ni 'dod pa dang/ gzugs dang/ gzugs 
 med pa'i khams su byon nas so/ /mi g.yo sku mnga' khyed kyis zhes bya ba ni g.yo ba med pa'i chos kyi sku mngal bas so/ /gshegs pa dang zhes bya ba ni dga' ldan gyi gnas nas so/ /bltams pa zhes bya ba ni shAkya'i rigs su sku 'khrungs pa'o//
 byang chub ces bya ba ni yul ma ga d+har byang chub kyi shing drung du'o/ /zhi ba'i zhes bya ba ni mngon par mtho ba dang nges par legs pa dag gi rgyu'o/ /'khor lo zhes bya ba ni chos kyi 'khor lo'o/ /sna tshogs spyod ldan zhes bya ba ni 'dod chags la sogs pa'i
 sgo nas so/ /re ba'i zhags pa ni/ mang pos bcings pa zhes bya ba ni sred pa sna tshogs pa nyid zhags pa yin te/ de'i sgo nas 'khor ba las grol bar mi 'gyur bas so/ /de 'grel pas bstan par bya ba'i phyir/ bcom ldan 'das ni zhes bya ba la sogs
 te/ khams gsum las 'das su zin kyang zhes bya ba ni khams gsum pa'i nyon mongs pa bag chags dang bcas pa spangs kyang ngo/ /sras la sogs pa zhes bya ba la/ sogs pa'i sgras ni btsun mo la sogs pa bsdu bar bya'o/ /'jig rten dang
 rjes su mthun te zhes bya ba la sogs pa gdul bya rnams dang rjes su mthun pa ste/ gal te bcom ldan 'das kyi yab yum dang sras la sogs pa dang 'brel par ma bstan na de'i tshe mi gyur ba byang chub mi thob par dogs nas 'ga' yang byang chub kyi lam la 'jug
 par mi 'gyur ba dang/ shAkya'i rigs rnams kyang rjes su ma bzung bar 'gyur bas so/ /ji ltar 'tsham pa'i chos bstan pa 'jug pa'i sgo nas zhes bya ba ni 'dod chags las spyod pa dang rjes su mthun pa'i chos ston pas so/ /de bzhin gshegs pa'i sku'i
 rnam par bzhag pa byas nas zhes bya ba ni sku gsum gyi rnam bzhag byas nas so/ /theg pa ni gcig yin la zhes bya ba ni gang gis 'gro bas na theg pa ste/ thar par 'gro ba'i thabs yin la de yang gcig kho na te/ 'chad par 'gyur ba'i tshul gyis
 gzhan mi rigs pas so/ /theg pa gsum bstan pa ni zhes bya ba ni nyan thos kyi theg pa dang/ rang sangs rgyas kyi theg pa dang/ theg pa chen po rnams bstan pa'o/ /dgongs pa can nyid ces bya ba ni gdul bya'i bsam pa la bltos nas bstan pa yin gyi don dam
 par ni ma yin no zhes pa'o/ /de bstan par bya ba'i phyir/ gang gi phyir 'di na zhes bya ba la sogs pa gsungs te/ de nyid shes las zhes bya ba ni dngos po rnams stong pa nyid kyi rang bzhin du shes pa las so/ /dri ma mdza' dag sel ba ni lhur byed ces bya ba
 ni/ bag chags dang bcas pa'i nyon mongs pa spong ba la nan tan tu byed pa'o/ /gzhan zhes bya ba ni dngos po'i de kho na nyid mi shes pa rnams so/ /chos rnams de nyid rnam 'gyur dbye ba la'ang ston min zhing zhes bya ba ni chos rnams kyi de kho na nyid stong
 pa nyid kyi mtshan nyid can ni gzhan du rnam par mi 'gyur zhing de la dbye ba'ang yod pa ma yin pa'o/ /gal te rnam 'gyur ram dbye ba yod na ni de'i tshe theg pa tha dad pa yod par 'gyur ba las de yang yod pa ma yin no/ /de nyid yul blo gros 'di yang
 zhes bya ba la 'di yang zhes bya ba ni stong pa nyid kyi yul can gyi shes pa'o/ /tha dad 'gyur ba ma yin pa zhes bya ba ni de kho na nyid la dbye ba med pas shes pa la dbye ba med pa'o/ /de nyid kyi phyir na mi mnyam pa ste/ de dang mtshungs pa gzhan med pas so/
 de 'grel pas bstan par bya ba'i phyir/ gang zhig ces bya ba la sogs pa gsungs te/ de kho na nyid mi shes pa des zhes bya ba ni stong pa nyid yongs su mi shes pas so/ /nyon mongs ba rnams ma lus par spang bar mi nus la zhes bya ba ni nyon mongs
 ba bag chags dang bcas pa rnams spang bar mi nus te/ dngos po yod na rnam rtog 'byung zhes pa'i tshul gyis so/ /sngar bshad zin to zhes bya ba ni snod kyi dbye bas nam mkha' la dbye ba med pa ltar zhes bya ba la sogs pa'o/ /mthong ba tha dad
 kyi zhes bya ba ni mthong ba du ma yod pas so/ /de la dbye ba med pas zhes bya ba ni skye ba med pa'i rang bzhin can gyi de kho na nyid la'o stong pa nyid kyi rang bzhin can gyi de kho na nyid la rnam 'gyur dang dbye ba bya bar mi nus pas de kho na nyid kyi yul can shes pa yang de kho
 na yin no zhes bya ba'i phyir/ /'di ltar ye shes bya ba la sogs pa gsungs te/ rang bzhin ci ltar gnas pa bzhin ma rtogs pas so zhes bya ba ni/ rang bzhin gcig tu gnas pa'i stong pa nyid khong du ma chud pas so/ /mjug bsdu ba
 bstan par bya ba'i phyir/ gang gi phyir zhes bya ba la sogs pa gsungs so/ /de la mdo'i khungs bstan par bya ba'i phyir/ 'od srungs zhes bya ba la sogs pa gsungs te/ chos thams cad mnyam pa nyid du rtogs na zhes bya ba ni chos thams cad la
 stong pa nyid kyi rang bzhin gyis mnyam pa nyid yod pa de khong du chud na'o/ /de zhes bya ba ni mya ngan las 'das pa'o/ /des na gang theg pa gsum gyi rnam gzhag mdzad pa de ni byis pa rnams gzhug pa'i don du gsungs pa yin gyi nges pa'i
 don ni ma yin no/ /de ltar yang lang kar gshegs pa las/ byis pa rnams ni drang ba'i phyir/ /nga yis theg pa'i dbye ba brjod/ /theg pa rnam gzhag yod ma yin/ /nga yis theg pa gcig tu brjod ces gsungs pas so/ /tshogs chung ngu bsags
 pa nyid dang/ tshogs tshad med pa bsags pa nyid kyis rnam par gzhag pa yin gyi theg pa la dbye ba yod pa ma yin te/ chos kyi dbyings la dbye ba med pa'i phyir ro/ /de ni 'jug pa'i sgo bstan pa yin no/ /de ltar yang 'phags pa klu sgrub zhabs
 kyis/ chos kyi dbyings la dbyer med phyir/ /khyed la theg pa'i dbye ba med/ /theg pa gsum du bstan pa ni/ /sems can rnams ni gzhug phyir ro zhes gsungs pas so/ /des na gang chos kyi dbyings mtshungs pa yin pas nyan thos la sogs pa chos
 kyi dbyings tha mi dad pas theg pa ni gcig kho na yin te/ bgrod par bya ba yin pas na theg pa yin pa'i phyir dang/ bag med pa mtshungs pa'i phyir/ nyan thos la sogs pa rnams kyi bdag gi dngos po med pa nyid mtshungs pas theg pa gcig nyid yin te/
 'di bgrod pas na theg pa yin pas so/ /rnam par grol ba mtshungs pas na theg pa gcig yin te/ bgrod pas na theg pa yin pas so/ /gal te theg pa gsum bstan pa dgongs
 pa can yin na/ de ltar theg pa gcig bstan pa yang dgongs pa can yin no zhes lung du sde pa kha cig gis brjod pas na theg pa gcig tu bstan pa de drang ba'i don du gsungs pa yin no zhes bya ba de bden zhing mtshungs par 'dod na/ 'o na shA ri'i bu khyod ma 'ongs
 pa'i dus na yang dag par rdzogs pa'i sangs rgyas pad+ma'i 'od ces par 'gyur ro zhes bya ba la sogs pa dam pa'i chos pad+ma dkar po'i gzhung dang 'gal ba yin te nges gnod do/ /'on kyang gdul bya'i dbang gis theg pa gsum du bstan pa la gzhug pa'i
 thabs kyi don ngo bo nyid bstan par bya ba'i phyir/ bcom ldan 'das kyis theg pa gcig bstan pa ni dgongs pa can yin no zhes lung kha cig las gsungs te/ de lta gdul bya rnams kyi mos pa tha dad pas de rnams gzhug pa'i don du thabs kyis
 mdzad pa'o zhes chos bcu pa'i mdo la sogs pa gsungs pa'o/ /des na bcom ldan 'das kyi theg pa gsum gsungs pa ni gdul bya la bltos pa'i thabs tsam yin gyi dngos po la bden pa ma yin no/ /zhes shes pa'i theg pa chen po'i rigs can gyi
 gdul bya rnams de la gzhug par mi nus te/ rigs pas gnod pas so/ /des na lung kha cig las theg pa gcig tu gsungs pa ni dgongs pa can yin na/ /zhes 'di'i rjes su 'brangs nas 'phags pa byams pas mdo sde rgyan las/ theg pa gcig tu
 gsungs pa ni dgongs pa can yin no zhes gdul bya kha gcig gzhug pa la dgongs nas gsungs pa yin gyi de ltar dngos po la dgongs pa nyid ni ma yin te/ de ltar dgongs pa can nyid du bstan pa de la dgongs pa yod pa
 nyid yin no zhes pa'o/ /shes rab kyi pha rol tu phyin pa las/ nyan thos kyi dbang du mdzad nas gal te bla na med pa yang dag par rdzogs pa'i byang chub tu thugs bskyed pa mdzad pa de dag gi dge ba'i rtsa ba la bar du gcod par mi bya'o zhes gsungs
 pas so/ /de bzhin du ting 'dzin rgyal po'i mdo las/ 'gro rnams thams cad sangs rgyas nyid 'gyur gyi/ 'di na snod med sems can 'ga' yang med/ /ces gsungs so/ /'di ni dri ma rnams glo bur ba yin pa'i phyir dang/ sems rang bzhin gyis
 rnam par dag pa yin pa'i phyir dang/ 'gro ba ma lus pa rnams la sangs rgyas nyid du rung ba nyid yod pa yin no zhes bshad par 'os pa yin no/ /yang bcom ldan 'das kyis mdo rnams las sems can thams cad de bzhin gshegs pa'i snying po can zhes gsungs pa 'dis
 thams cad bla na med pa'i byang chub kyi go 'phang thob par rung ba nyid yongs su gsal bar mdzad pa yin no/ /'phags pa byams pa'i zhal gyis kyang theg pa chen po rgyud bla ma nas/ thams cad la ni khyad med kyang/ de bzhin nyid ni dag gyur pa
 /de bzhin gshegs nyid de yi phyir/ lus can mdza' dag de snying can zhes pa 'dis kyang theg pa gcig nyid du gsungs pa yin no/ /bden pa gnyis la 'jug pa'i mdo las kyang/ /chos thams cad rang bzhin med pa nyid du
 bsgom pas nyon mongs pa spong gi gzhan gyis ni ma yin te/ nyon mongs pa rnams kyi rtsa ba ni dngos po la mngon par zhen pa yin no/ zhes bstan pa yin no/ /de ltar yang 'jam dpal ji ltar na nyon mongs pa rnams 'dul bar 'gyur ba dang/ ji ltar na yongs su shes par
 'gyur/ 'jam dpal gyis gsol ba don dam pa shin tu skye ba med cing 'byung ba med pa'i dngos po'i chos thams cad la kun rdzob tu phyin ci log tu zhes pa las kun tu rtog cing rnam par rtog pa de las tshul bzhin ma yin pa yid la byed pa 'byung zhing de las bdag tu spro 'dogs pa 'byung la/ de las lta ba
 kun nas ldang bar 'gyur la/ de las nyon mongs pa rnams 'jug par 'gyur ro/ /lha'i bu gang don dam par skye ba med cing 'byung ba med pa'i chos thams cad de rab tu mi shes pa'i tshul gyis rab tu shes pa gang de ni don dam par phyin ci ma log pa yin zhing de ni
 rtog pa med cing rnam par grol ba dang bral ba de ni tshul bzhin du yid la byed pa yin la/ de la don dam pa med par sgro 'dogs par mi 'gyur zhing lta ba dang ldang bar mi 'gyur skye ba med pa de la nyon mongs pa rnams mthong ba med pa'i tshul gyis na shin tu
 dul bar blta bar bya'o/ /gang gi tshe nyon mongs pa rnams snang ba med pa'i shes rab kyi ye shes kyis don dam par dngos po rnams shin tu stong pa dang/ shin tu mtshan ma med pa/ don dam par skye ba med par mi shes pa'i tshul gyis rab tu shes pa de'i tshe
 lha'i bu dag nyon mongs pa rab tu mi shes pa'i tshul gyis yongs su shes par 'gyur te/ dper na gang sbrul la rig sngags brjod pa de'i tshe dug zhi bar 'gyur ba de bzhin du nyon mongs pa rnams kyi rigs shin tu rab tu mi dmigs pa'i tshul gyis yongs
 su shes pa de'i nyon mongs pa rnams rab tu zhi bar 'gyur ro/ /lha'i bu gang yang shin tu skye ba med cing 'byung ba med pa dngos po med pa'i chos thams cad la yang dag par rtog pa 'di'i nyon mongs pa rnams kyi rigs yin no zhes gsungs so/ /des
 na nyon mongs pa dang las dang skye ba'i kun nas nyon mongs pa rnams kyi dra ba 'byung ba ni dngos po la mngon par zhen pa'i rtsa ba can yin pas de'i gnyen po phyogs su gyur pa dge pa'i grong khyer du 'jug par byed pa'i shes rab kyi pha rol tu phyin pa zhes bya
 ba'i dngos po ma lus pa rnams stong pa nyid du sgom pa gcig nyid kho na de don du gnyer ba rnams kyis lam ngan pa'i rnam par rtog pa thams cad ril dor ba la brten par bya'o/ /de ltar theg pa chen po'i bdag nyid can gyi theg pa
 gcig tu grub pa yin no/ /theg pa chen po'i tshig bstan par bya ba'i phyir/ theg pa chen po zhes bya ba la sogs pa gsungs te/ chen po nyid kyi rgyu mtshan bstan par bya ba'i phyir/ ma rig pa zhes bya ba la sogs pa gsungs te/ ma rig pa ma lus par spangs pa
 zhes bya ba ni ma rig pa bag chags dang bcas pa spangs pa'o/ /de rnams kyi lam theg pa'o/ /pri Sha u d+ha ra zhes bya ba la sogs pa la/ rgya gar skad du theg pa chen po zhes bya de ma ha ta yA na zhes bya ba yod la/ de la ta la a byas nas ma hA yA na zhes
 bya bar 'gyur la/ de la ta'i gnas su a ci ltar 'ong bar 'gyur de la lan ni/ pri ShA u d+ha ra zhes bya ba la sogs pa'i tshig gi nang du 'di yang yod pas ta'i gnas su a yang rigs pa'o/ /theg pa chen po'i bshad pa gzhan bstan par bya ba'i
 phyir/ yang na zhes bya ba la sogs pa gsungs te/ theg pa yang de yin la chen po yang de yin pas theg pa chen po ste/ lam chen po zhes bya ba'i don to/ /chen po nyid kyi rgyu mtshan bstan par bya ba'i phyir/ sangs rgyas zhes bya ba la sogs pa gsungs
 te/ gang gi phyir bsam gyis mi khyab pa'i ye shes mnga' ba'i sangs rgyas rnams der bzhugs pa'i phyir lam chen po zhes bya ste/ dper na rgyal po'i pho brang la chen po zhes brjod pa bzhin no/ /rgyu mtshan bstan par bya ba'i phyir/ dngos po rab tu dbye
 ba mdza' yas pa'i yul can yin pa'i phyir ram bya ba la sogs pa gsungs te/ phung po dang khams la sogs pa'i dbye bas mdza' yas pa'i dbye ba dang ldan pa'i 'dus byas la sogs pa'i yul can yin te/ stong pa nyid kyi sgo nas dngos po thams
 cad dmigs pa'i phyir chen po yin te/ ci ltar nam mkha' dngos po mdza' dag la khyab pas chen po nyid ces brjod pa bzhin no/ /yang chen po nyid kyi rgyu mtshan bstan par bya'i phyir/ mi shes pa ma lus pa zhes bya ba la sogs pa gsungs te/ nyon mongs pa
 bag chags dang bcas pa spangs pa'i phyir theg pa chen po nyid ces bya ste/ stobs dang ldan pa dgra las rgyal ba la chen po nyid thob pa bzhin no/ /de la gzhan gyi dogs pa bsu bar bya ba'i phyir gal te zhes bya ba la sogs pa gsungs te/ thog pa dang man
 ngag gcig yin pa'i phyir bgrod par bya bas na theg pa ste/ mya ngan las 'das pa la brjod la/ de ni gcig kho na yin pas nyan thos dang rang sangs rgyas kyi theg pas bcom ldan 'das kyis mya ngan las 'da' bar bstan pas de dang 'gal bar 'gyur ro zhe na/
 'dir theg pa gsum bstan pa ni dgongs pa can yin no zhes bshad pa'i sgo nas lan bstan par bya ba'i phyir/ bstan pa 'di zhes bya ba la sogs pa gsungs te/ bstan pa 'di zhes bya ba ni theg pa gsum bstan pa'o/ /dgongs pa can zhes bya ba ni gdul
 bya la bltos nas bstan pa yin gyi don dam par ni ma yin no zhes pa'o/ /de nyid bstan par bya ba'i phyir/ gang gi phyir zhes bya ba la sogs pa gsungs te/ snyigs ma zhes bya ba ni rtsigs ma'o/ /de yang lnga ste/ sems can gyi snyigs ma dang/ bskal pa'i
 snyigs ma dang/ nyon mongs pa'i snyigs ma dang/ lta ba'i snyigs ma dang/ tshe'i snyigs ma rnams dang/ de ltar snyigs ma ci yang rung ba bzhin du sems can rnams snyigs ma lngas don dam pa'i ye shes la mi rung ba nyid kyis snyigs ma zhes
 brjod par bya'o/ /de la sems can gyi snyigs ma ni lus kyi tshad chung ba la sogs pa'o/ /bskal pa'i snyigs ma ni char ches pa dang chung ba la sogs pa'o/ /nyon mongs pa'i snyigs ma ni nyon mongs pa rnams bdo ba'o/ /lta ba'i snyigs ma ni lta ba
 rnams shas che ba'o/ /'di dag ni khyim pa dang rab tu byung ba'i dbang du byas nas so/ /me'i snyigs ma ni tsha thung ba nyid kyis so/ /de na rgyu mtshan gang gis 'gro ba rnams la snyigs ma lnga yod pa de'i phyir ting zab pa ste/ stong pa nyid kyi
 mtshan nyid can gyi lam la 'jug par mi 'gyur zhes bya ba bar sbyar bar bya'o/ /gting zab pa ji lta bu zhe na/ sangs rgyas spyod yul zhes bya ba gsungs te/ sangs rgyas rnams kyi mi dmigs pa'i tshul gyis gzigs pas so/ /snyigs ma ci lta bu zhe na/
 nyes pa skyed byed ces bya ba gsungs so/ /nyon mongs pa skyed pa'i gyur gyur pa'o/ /nyon mongs pa rnams shas che bar 'jug pa'i phyir/ de rnams ni mi rung ba nyid yin pas theg pa gsum bstan pa la dgongs pa ci zhig yod ce na/ lan ni bde
 gshegs zhes bya ba la sogs pa gsungs te/ sangs rgyas rnams kyis mi dmigs pa'i tshul gyis gzigs pas so/ /gang gi phyir bde bar gshegs pas khyod la shes rab thabs snying rje dang bcas pa mnga' ba dang/ de bzhin du bdag gi
 sems can rnams sgrol ba bya'o zhes zhal gyis ba zhes pa mnga' ba de'i phyir sems can rnams bcom ldan 'das kyis yal bar 'dor bar mi mdzad pa'o/ /'di'i don ni gal te bcom ldan 'das la shes rab mi mnga' bar 'gyur na de'i
 tshe thams cad mkhyen pa'i sgo nas sems can rnams yal bar 'dor bar 'gyur ba las de mnga' ba dang sems can rnams rnam par sgrol bar bya'o/ /zhes zhal gyi bzhes pas bcom ldan 'das ci ltar na snyom las mdzad par 'gyur zhes pa'o/
 de 'grel pas bstan par bya ba'i phyir lus dang zhes bya ba la sogs pa gsungs te/ 'jug pa shas che ba'i rgyur gyur pa zhes bya ba ni nyon mongs pa shas chen po 'jug pa'i rgyu yin pas so/ /lhag par mos pa khyad par du 'phags pa
 'joms par byed pa yin pa'i zhes bya ba ni gang zag gi bdag med pa dang/ chos kyi bdag med pa la mos pa ldog par byed pa'i phyir ro/ /'di tsam gyis zhes bya ba ni sangs rgyas kyi ye shes la mi 'jug pa tsam gyis so/ /de dag rnam par grol
 bar bya ba la zhes bya ba ni 'gro ba rnams smin par bya ba la'o/ /de'i zhes bya ba ni 'gro ba rnams kyi'o/ /rnam pa gzhan gyi sgo nas zhes bya ba ni stong pa nyid mkhyen pa las rnam pa gzhan gyi sgo nas so/ /'di dag ces bya ba ni snyigs ma rnams so/ /gtan
 mi za bar zhes bya ba ni dam bcas pa nges par bsgrub par bya dgos pas so/ /theg pa gsum bstan pa dgongs pa can yin pa dpe'i sgo nas bstan par bya ba'i phyir/ de'i phyir zhes bya ba la sogs pa gsungs te/ mkhas pa zhes bya ba ni byang
 chub sems dpa' i rigs can shes rab dang ldan pa'i ded dgon gyis so/ /rin po che'i gling du chas pa'i skye tshogs kyis zhes bya ba ni rin po che'i gling du rin po che tshol ba'i ched du 'gro ba'i skye bo'i tshogs so ngal ba nye bar sol zhes bya ba ni kha zas
 dang mal cha dang stan dang gos la sogs pa sna tshogs pa yod pas so/ /yid 'ong zhes bya ba ni khang pa brtsegs pa dang/ skyed mod tshal la sogs pa dang ldan pa'i phyir ro/ /bar du zhes bya ba ni rgya mtsho'i dkyil du'o/ /rnam par bkod pa zhes bya
 ba ni sprul pa'o/ /dpe bstan nas don bstan par bya ba'i phyir/ khyed kyis zhes bya ba la sogs pa gsungs te/ khyed kyis zhes bya ba ni bcom ldan 'das rnams kyis so/ /theg pa 'di'i zhes bya ba ni nyan thos dang rang sangs rgyas dag gi
 theg pa'o/ /zhi ba'i tshul khrims la yang sbyar zhing zhes bya ba ni nyon mongs pa zhi bar bya ba la thugs gtad nas so/ /rnam par dben pa la'ang zhes bya ba ni byang chub sems dpa' i rnam par dben pa las so/ /blo sbyangs rnams las logs su
 gsungs zhes bya ba ni 'khor ba las blo dben par byas pa rnams la'o/ /de la byang chub sems dpa' rnams kyi rnam par dben pa ni nyan thos dang rang sangs rgyas dag gi rnam par dben pa'i rnam par
 rtog pa mngon du mi byed pa'o/ /'di dag ni 'khor ba la chags pa dang rnam par bral ba rnam par dben pa'o/ /logs su zhes bya ba ni theg pa chen po las so/ /de 'grel pas bstan par bya ba'i phyir/ dpe 'di ni zhes bya ba la sogs pa gsungs
 te/ zhi ba'i bde ba'i rten du gyur pa zhes bya ba ni nyon mongs pa nye bar zhi ba nyid bde ba yin la de nyid rten du gyur pa'o/ /theg pa chen po'i tshu rol du zhes bya ba ni de rnams la theg pa chen po bstan pa'i sngon rol du'o/ /de thob pa'i thabs
 su gyur cing zhes bya ba ni theg pa chen po thob pa'i thabs su gyur pa ste/ nyan thos kyi theg pa dang/ sangs rgyas kyi theg pa dag? gis nyon mongs pa rnams spangs nas yid las byung ba'i bdag gi dngos pos tshogs rdzogs par
 byas te/ sangs rgyas nyid thob par 'gyur bas so/ /'di'i don ni nyan thos kyi theg pas mi rtag pa nyid la sogs pa yongs su shes pa dang/ rang sangs rgyas kyi theg pa bzung bar mngon par zhen pa spong bas grol bar
 bstan pa yin no/ /des na de dag shes pas gang gi tshe nyon mongs pa rnams spong bar 'gyur pa de'i tshe de bzhin gshegs pa rnams kyis mi rtag pa la sogs pa rnams dang/ gzung bar mngon par zhen pa spangs pa tsam de kho na
 nyid ma yin te/ gang mi rtag pa de rgyu rang rkyen las byung ba'i phyir/ skye ba med pa yin pas rang bzhin med pa dang/ gzugs med na 'dzin pa med pas 'dzin pa rang bzhin med pa yin no zhes chos ston cing sad par mdzad do/ /des na de rnams
 ngo bo nyid med pa'i mtshan nyid can gyi theg pa chen po la 'jug cing tshogs rdzogs par byas te/ sangs rgyas nyid thob par 'gyur ba yin no zhes pa'o/ /'khor bar nyon mongs pa spangs pa thob pa zhes bya ni nyan nyos dang rang sangs rgyas dag go /theg
 pa chen po kho na nye bar bstan la zhes bya ba ni sangs rgyas nyid thob pa'i ched du'o/ /gal te nyan thos la sogs pa rnams la phra rgyas nye bar spangs pas skye ba yang shin tu log pas skye ba du mar brgyud pas bsgrub par bya ba'i sangs rgyas nyid
 ga la yod ce na/ de yang ma yin te/ de rnams kyi skye ba la sogs pa shin tu log pa nyid du ma grub pas so/ /de ltar yang dpal gyi phreng ba seng ge sgra'i mdo las/ dgra bcom pa la yang 'jig pa yod de/ 'jigs pa gang gis dgra bcom pa
 rnams dang rang sangs rgyas dag kyang 'jigs nas sangs rgyas nyid la skyabs su 'gro'o/ /de rnams la skye ba ma zad pa nyid yod de/ gang ma spangs pas mya ngan las 'das pa'i khams las ring du 'gyur ba de rnams la spong bar bya ba'i chos du ma yod do
 zhes gsungs so/ /gang nyan thos la sogs pa rnams la nga'i skye ba zad do zhes bya ba la sogs pa'i zad pa dang/ mi skye ba shes pa bstan pa de ni mdo de nyid las drang ba'i don du gsungs te/ 'di ltar bcom ldan 'das gang dgra bcom pa dang rang
 sangs rgyas dag gi rnam par grol ba'i so sor rtog pa'i shes pa mthar thug pa gang yin pa 'di ni dgongs pa can drang ba'i don lags te/ 'chi 'pho ba ni gnyis te/ sems can rnams kyi rnam par 'chad pa'i 'chi 'pho ba dang/ bcom ldan 'das yid las
 byung ba'i lus can dgra bcom pa dang rang sangs rgyas rnams dang/ dbang thob pa'i byang chub sems dpa' rnams la byang chub kyi snying po'i mthar thug pa bsam gyis mi khyab pa yongs su bsngo bar 'gyur ba'i 'chi 'pho ba yod par 'gyur ba yin no/ /rnam par 'chad pa'i
 'chi 'pho ba'i dbang du byas nas dgra bcom pa dang rang sangs rgyas dag la yang dal skye bzang ngo snyam du shes par 'gyur ba yin no zhes gsungs so/ /rnam par chad pa'i 'chi 'pho ni sngar gyi 'gro bas bsdus pa'i bdag gi dngos
 po chad pas so/ /bsam gyis mi khyab pa'i yongs su bsngo ba'i 'chi 'pho ba la bsam gyis mi khyab pa ni 'dod pa la sogs pa'i khams kyis ma bsdus pas so/ /yongs su bsngo ba ni sangs rgyas nyid du yongs su bsngos pas so/ /des dgra bcom pa dang/ rang sangs
 rgyas dag nyon mongs pa spangs ba dang ma rigs pa'i bag chags spangs bar mi 'gyur la/ de ma spangs pas nyon mongs pa thams cad kyi bag chags ma spangs par 'gyur la/ yang de dag gis srid pa gzhan blangs nas byang chub sems dpa' i spyod
 pa la spyod do/ /yang srid pa ji ltar len zhe na/ rgyu'i stobs dang rkyen gyi stobs kyis te/ de la gang nyon mongs pa rab tu spangs pa'i bag chags yod pa de ni rkyen yin la/ zag pa dang bcas pa'i dge ba'i rtsa ba yang srid pa len par byed pa'i zag pa med
 pa'i dge ba'i rtsa ba ni rgyu yin no/ /de ltar yang rgya mtsho blo gros 'khor bar 'ching bar byed pa'i dge ba'i rtsa ba dang mtshungs par ldan pa'i nyon mongs pa gang zhe na/ 'di lta ste/ gang gis byang chub pa rnams nyon mongs par 'gyur ba de ni 'di yin te/
 bsod nams kyi tshogs tshol bar byed pa la mi ngoms pa nyid dang/ yang dag par bsams nas srid pa len pa dang/ sangs rgyas dang phrad par 'dod pa dang/ sems can rnams yongs su smin par byed pa la yongs su mi ngal ba dang/ dam pa'i
 chos yongs su 'dzin par 'dod pa dang/ sems can rnams la ca bya snyam pa'i 'dor ba dang/ /chos la chags pa'i phra rgyas mi 'dor ba dang/ pha rol tu phyin pa'i kun tu sbyor ba rnams yongs su
 mi 'dor ba'o/ /smras pas bcom ldan 'das gang gi tshe dge ba'i rtsa ba yin na/ ci'i phyir na nyon mongs pa zhes brjod/ /bka' stsal pa/ 'di lta ste/ rgya mtsho blo gros 'di lta bu'i rang bzhin 'di rnams kyi byang chub sems dpa' rnams khams gsum du gnas
 par 'gyur zhes khams gsum yang nyon mongs pa las byung ba yin la/ de la byang chub sems dpa' rnams thabs la mkhas pa dang dge ba'i rtsa ba'i stobs bskyed pas yang dag par ched du bsams nas khams gsum du gnas pa yin no/ /des nas
 khams gsum du gnas par byed pa'i dge ba'i rtsa ba dang mtshungs par ldan pa'i nyon mongs pa zhes bya ba'i sems nyon mongs par byed pa'i phyir ni ma yin no zhes bya ba la sogs pa gsungs so/ /theg pa chen po rgyur bla ma las kyang/ ma rig pa'i gnas pa dang ma rig
 pa'i gnas pa'i rkyen las byung ba'i spros pa'i rgyu ba phra mos kun nas bslangs pa'i zag pa med pa'i las la brten nas yid las byung ba'i phung po 'byung bar 'jug pa yin no/ /de la nyon mongs pa'i kun nas nyon mongs pa lta bu ni ma rig pa'i gnas sa
 yin la las kyi kun nas nyon mongs pa lta bu ni zag pa med pa'i las mngon par 'du byed pa'o/ /skye ba'i kun nas nyon mongs pa lta bu ni yid las byung ba'i bdag gi dngos po rnam pa gsum mngon par 'gab pa'o/ /de'i rkyen can gyi rga shi lta bu ni bsams
 gyis mi khyab pa dang yongs su bsngo ba'i 'chi 'pho ba'o/ /ma rig pa'i gnas dang sa dang zag pa med pa'i las kyi rgyu can 'di rnams la yang skye ba yod do zhes dpal phreng seng ge'i sgra'i mdo las 'di lta ste/ bcom ldan 'das dper na nyer? len pa'i rkyen can brag? pa dang bcas pa'i las
 kyi rgyu can srid pa gsum srid pa de bzhin du bcom ldan 'das ma rig pa'i gnas pa'i rkyen can zag pa med pa'i las kyi rgyu can dgra bcom pa dang/ rang sangs rgyas dang dbang thob pa'i byang chub sems dpa' rnams la yid kyi rang bzhin gyi lus
 gsum srid pa yin no zhes bya ba rgyas par gsungs so de la yid las byung ba'i lus gsum ni nyan thos dang/ rang sangs rgyas dang/ byang chub sems dpa' rnams kyi'o/ /sa brgyad par byang chub sems dpa' rnams chos thams cad la
 dbang ba nyid thob par 'gyur ro/ /da ni bdag gi dngos po 'jig rten 'di pa 'am/ 'jig rten phyi ma zhig ste/ 'dod pa'i khams na 'am/ gzugs kyi khams na 'am/ gzugs med pa'i khams na yin zhes bya ba 'di brjod par bya dgos te/ 'gro ba 'am/
 skyes gnas sam/ 'jig rten nam/ srid pa gsum yang bgrang bar mi bya'o/ /'o na bdag gi dngos po 'grub pa de ji lta bu zhe na/ yid las byung ba sprul ba bzhin du lta'i sprul pa ni ma yin no/ /srid pa zhes brjod pa ni 'chi 'pho la skye ba'i dbang gis nye bar
 btags nas brjod pa yin te/ sems can rnams kyi don yod na dbang thob pa nyid kyis 'gro ba dang/ skye gnas de dang der snang ba yin gyi sems can gyi don med na ni snang ba ma yin no/ /bdag gi dngos po de yang zag pa med pa'i dge ba'i rtsa
 bas 'dus byas pa'i phyir 'dus byas kyi 'khor ba zhes brjod par bya'o/ zag pa dang bcas pa'i las dang nyon mongs pa dag gis mngon par 'dus ma byas pa'i phyir na 'dus byas pa dang mya ngan las 'das pa zhes bya'o/ /de ltar bcom ldan 'das
 'dus byas pa'i 'khor ba yang mchis/ 'dus byas pa dang 'dus ma byas pa'i mya ngan las 'das pa yang mchis zhes gsungs so/ /pha rol tu phyin pa las kyang byams pa las dang nyon mongs pas nye bar 'gro ba'i skye bor mi brjod kyi 'on kyang dgra
 bcom pa rnams la bsam gyis mi khyab pa yongs su bsngo ba'i skye bor brjod par bya'o zhes gsungs so/ /bdag tu chags pa dang ldan pa rnams la sdug bsngal dang bde ba dag 'dod pa dang/ thob par 'dod pa mngon par dga' ba sngon du 'gro ba can
 gyi gnas gyi gnas yongs su 'dzin pa yin pas nyon mongs pa rnams la khams gsum du skye ba'i nus pa yod pa yin no/ /de rnams log pas 'bras bu khams gsum du skye ba yang ldog pa yin gyi/ zag pa med pa'i khams su skye ba ni ldog pa ma yin no//
 lang kar gshegs pa las kyang/ nyan thos dang rang sangs rgyas kyi mtshan nyid la mngon par zhen pa'i dbang gi 'khor ba'i rgya mtshor bying bar 'gyur ba dang/ ma rig pa'i gnas pa'i 'ching bas gcig tu nges par mya ngan las mi 'da' ba dang/
 rnam par grol ba med pa dang/ nyon mongs pa tsam las grol ba dang/ mya ngan las 'das pa med du zin kyang mar me shi ba bzhin du mya ngan las 'da' snyam pa'i 'du shes can la zag pa med pa'i ting nge 'dzin dang ldan pa'i zag pa med pa'i khams su sangs
 rgyas kyi zhing yongs su dag par bskal pa ji snyed par pad+ma'i snying por gnas pa yin la/ de nas snang ba mdza' yas la sogs pa'i de bzhin gshegs pa rnams kyis byin gyis brlabs nas 'od zer gyis zad par byas te/ ting nge 'dzin de las langs
 nas sangs rgyas dang byang chub sems dpa' rnams kyi 'jig rten las 'das pa rab tu 'byor ba mthong nas byang chub kyi sems skyed de/ /skye ba dbang thob pa'i stobs kyis mi g.yo ba la sogs pa'i sa la gnas pa'i byang chub sems dpa' rnams
 bsams bzhin du skye ba rnams kyis dmyal bar rgyu ba bzhin du/ 'gro bar 'gro zhes byang chub mchog thob par 'gyur ro zhes shin tu gsal bar gsungs so/ /des na theg pa gcig yin gyi gsum du gsungs pa ni dgongs pa can yin no/ /zhes bya ba/
 'di gnas pa yin no/ /mdo kun las btus pa zhes bya ba la sogs pa la mdo kun las btus pa ni slob dpon klu sgrub zhabs kyis mdzad pa'o/ /sogs pa'i sgras ni mdo rnams bsdu bar bya'o/ /mngon par byang chub pa'i dus dang zhes bya ba
 ni dus gang gi tshe chos kyi dbyings shin tu rnam par dag pa mngon du mdzad pas so/ /bzhugs pa'i dus zhes bya ba ni dus ji srid du bzhugs so/ /de nyid bstan par bya ba'i phyir/ bde bar gshegs pa zhes bya ba la sogs pa
 gsungs te/ de la zhing ste sangs rgyas kyi zhing rnams la rdul phra rab ji snyed yod pa byang chub mchog rang dam par gshegs pa'i bskal pa de zhes sbyar bar bya'o/ /sangs rgyas zhes bya ba ni sangs rgyas kyi ye shes kyi yul lo/ /ma lus phyogs
 zhes bya ba ni phyogs bcu na'o/ /'di yang sangs rgyas thams cad kyi chos kyi sku nyid gcig yin pas de ltar brjod pa yin gyi/ gzhan du na sangs rgyas gzhan du 'byung bar mi 'gyur bas so/ /de nyid kyi phyir/ khyod kyi gsang ba 'di ni bsnyad pa ma
 lags so zhes bya ba gang gsungs te/ 'di ni gsang bar bya ba nyid yin te/ gzhan du na chos kyi sku la dgongs pa ma shes nas sangs rgyas gcig kho na bzhugs kyi gzhan rnams la sangs rgyas mi srid pas tshogs bsags pa don med do snyam
 nas log par lta ba skye bar 'gyur ro/ /de nyid kyi phyir snyad pa ma lags so zhes gsungs so/ gang gi chos kyi sku la brten nas 'di gsungs pa yin no/ zhes shes pa de la 'di bstan par bya ba yin no/ /de 'grel pas bstan par bya ba'i phyir/ sangs rgyas zhes bya
 ba la sogs pa gsungs te/ shAkya'i rigs su 'khrungs pa la sogs pa bstan pa gang yin pa de ni sprul pa'i sgo nas yin gyi rdo rje'i gdan du mngon par rdzogs par byang chub pa mngon du mdzad pa ni ma yin no zhes pa'o/ /sprul pa'i sku 'byung
 ba'i rgyu zhes bya ba ni chos kyi sku'o/ /de'i bya ba ni chos kyi sku'o/ /de'i tshad ces bya ba ni dus kyi'o de na zhes bya ba ni 'jig rten gyi khams na'o/ /dge ba'i rtsa ba ma bsags pa rnams kyi zhes bya ba ni dus ji srid pa'i nyan thos la sogs pa'i
 rigs can rnams kyis so/ /de lhag par mos par byed pa rnams la zhes ba ba ni chos kyi sku la lhag par mos par byed pa'i byang chub sems dpa' i rigs rnams la'o/ /bzhugs pa'i dus bstan par bya ba'i phyir/ de ltar re zhig ces bya ba la
 sogs pa gsungs te/ mchog tu rab zhi bar zhes bya ba ni mchog tu rnam par mi rtog pa'i gnas skabs na'o/ /nam mkha' rnam 'jig 'gyur min de srid du zhes bya ba ni nam mkha' ji srid du 'jig par mi 'gyur ba de srid du khyod la zhi bar 'gyur yin te/
 mya ngan las 'das pa gang la mnga' zhes sbyar bar bya'o/ /shes rab yum gyis bskyed pa zhes bya ba ni/ shes rab kyi pha rol tu phyin pa bsgoms pas chos sku mngon du mdzad pa'o/ /thugs brtse ma ma'i tshul lugs zhes bya ba ni
 thugs rje'i dbang gi 'khor ba ji srid par bzhugs pa ste/ chos kyi sku'i dbang gis sems can gyi don bya ba rgyun mi 'chad par 'gyur bas de gnas pa yin no zhes pa'o/ /de 'grel pas bstan par bya ba'i phyir/ bcom ldan 'das ni zhes bya ba la
 sogs pa gsungs so/ /dri ba'i sgo nas snying rje'i rang bzhin bstan par bya ba'i phyir gang gi zhes bya ba la sogs pa gsungs te/ gang gi zhes bya ba snying rjes so/ /de'i rang bzhin ston pa ni/ bshad pa zhes bya ba la sogs pa ste/ ji ltar khyod de sangs
 rgyas skye bo rnams la thugs brtse ba de ltar kha zas dug dang bcas pa'i zas kyis phyis bu 'grel log byed pa mas mthong bas sdug bsngal de yid la mi bde ba 'byung bar 'gyur ba'o/ /skye bo'i khyad par ni nang min zhes bya ba smos te/ nges 'di drang
 bar bya'o zhes zhal gyis bzhes pas so/ /yang skye bo'i khyad par ni 'jig rten kha zas dug bcas za ba'i zhes bya ba gsungs ste/ gzugs dang sgra la sogs pa 'dod pa'i yon tan rnam pa lnga la 'jig rten pa'i kha zas zhes bya ba la/ de bden
 bar zhen pa'i longs spyod pa'i phyir 'khor ba sdug bsngal gyi rgyu yin pas dug dang bcas pa'o/ /ci'i phyir zhe na/ gti mug skyon gyis zhes bya ba gsungs te/ ma rig pa'i stobs kyis zhes bya ba'i tha tshig go /de
 nas mgon no mchog tu rab zhir gshegs par 'gyur ba lags zhes bya ba ni gang gi phyir bden par mngon par zhen pa 'jig rten pa rnams sdug bsngal gyi rgyur ba'i 'dod pa'i yon tan rnam pa lnga la longs spyod pa de'i phyir sdug bsngal sel
 bar dam bcas pa khyod mya ngan las 'da' bar mi 'gyur ba'o/ /de 'grel pas bstan par bya ba'i phyir/ 'jig rten zhes bya ba la sogs pa gsungs te/ 'dod pa'i yon tan zhes bya ba la 'dod par bya bas na 'dod pa ste/ gzugs la sogs
 pa rnams so/ /de rnams nyid goms par bya ba yin pas na yon tan lnga'o/ /'di nyid du mngon par zhen pa zhes bya ba ni gang gzugs la sogs pa nyams su myong ba ni bden pa yin no zhes mngon par zhen pa'o/ /sdug bsngal rgya chen po'i rgyu yin pa'i phyir
 zhes bya ba ni dmyal ba la sogs pa'i sdug bsngal rgya chen po'i rgyu yin pas so/ /gti mug gi skyon las zhes bya ba ni ma rig pa'i skyon gyis de kho na nyid mi shes pas so/ /de ltar snying rje'i rang bzhin bstan nas khyad par du 'jig rten sdug bsngal
 bar gzigs nas thugs rje'i dbang gis bcom ldan 'das mya ngan las 'da' bar mi 'gyur ro zhes bstan par bya ba'i phyir thugs rjes zhes bya ba la sogs pa gsungs te/ sdug bsngal sna tshogs nyams su myong ba'i gzhir gyur pa zhes bya
 ba la skye ba la sogs pa'i sdug bsngal sna tshogs pa yin la/ de nyams su myong ba'i rten du gyur pa'i 'jig rten no/ /dngos po dang dngos po med par zhen pa'i blo can gyis zhes bya ba ni las dang 'bras bu la yid ches pa yod na 'jig rten
 pha rol yod do zhes bya ba la sogs pa'i dngos po la mngon par zhen pa'i blo 'byung ba'i dngos po la mngon par zhen pa'i blo can zhes bya'o/ /log par lta ba yod na 'jig rten pha rol med do zhes bya ba la sogs pa'i dngos po med pa la mngon par
 zhen pa'i blo can no/ /de la khyad par gyi sgo nas rgyu mtshan bstan par bya ba'i phyir mi mkhas pa zhes bya ba gsungs te/ gang gi phyir ma rigs pa dang ldan pa de'i phyir ro/ /'jig rten gnas skabs dang zhes bya ba ni mi rtag pa'i gnas skabs te/ 'dis ni rga shi
 dag bstan pa yin te/ gnyis ka la mi rtag pa nyid kyis khyab pas so/ /sdug dang mi sdug bral phrad kyis bskyed ces bya ba ni mdza' ba dang bral bas bskyed pa'i sdug bsngal dang/ mi mdza' ba dang phrad pas bskyed pa'i sdug bsngal lo/ /'di ni dngos
 po la mngon par zhen pa'i sdug bsngal lo/ /dngos po med pa la mngon par zhen pa'i 'bras bu bstan par bya ba'i phyir/ sdig can 'gro ba thob pa zhes bya ba gsungs te/ mnar med pa la sogs pa'i 'gro ba rnams so/ /zhi las zhes bya ba ni bag chags
 dang bcas pa'i nyon mongs pa spangs su zin kyang ngo/ /de 'grel pas bstan par bya ba'i phyir de la gang gi phyir zhes bya ba la sogs pa gsungs te/ las dang 'bras bu la yid ches pa zhes bya ba ni/ yang dag pa'i lta ba yod na'o/ /yod par lta ba
 zhes bya ba ni las dang 'bras bu dag yod par lta ba'o/ /gong du bshad pa'i sdug bsngal zhes bya ba ni skye ba la sogs pa'i sdug bsngal rnams so/ /da ni dbu ma la 'jug pa'i bstan bcos las kun rdzob dang don dam pa'i bden pa'i rnam
 bzhag mdzad pa de gzhan rnams dang/ thun mong ma yin no zhes bstan par bya ba'i phyir/ lugs 'di zhes bya ba la sogs pa gsungs te/ lugs 'di zhes bya ba ni kun rdzob dang don dam pa'i rnam gzhag go /dge slong zhes bya ba ni
 dge slong gi sdom pa dang ldan pa'o/ /dbu ma'i bstan bcos las btus nas zhes bya ba ni slob dpon klu sgrub zhabs kyis mdzad pa'i dbu ma rtsa ba shes rab la sogs pa nas btus so/ /lung ji bzhin du zhes bya ba
 ni/ mdo sde la sogs pa'i mtshan nyid can gyi lung dang mi 'gal bar ro/ /man ngag ni ji lta ba bzhin zhes bya ba ni/ gcig nas gcig tu brgyud pa'i slob dpon klu sgrub zhabs kyi gdams ngag gi rjes su 'brangs nas so/ /'di las
 gzhan na chos 'di ni zhes bya ba ni ji ltar dbu ma'i bstan bcos 'di las gzhan na stong pa nyid kyi mtshan nyid can gyis chos 'di ni yod pha ma yin la/ de bzhin du dbu ma la 'jug pa'i bstan bcos 'di ni kun rdzob dang don dam pa'i rnam
 gzhag gang byas pa de bstan bcos gzhan rnams na yod pa ma yin no zhes mkhas pa rnams kyis nges par mdzad ces pa'o/ /de 'grel pas bstan par bya ba'i phyir/ ci ltar zhes bya ba la sogs pa gsungs te/ bstan bcos gzhan las bya ba
 ni/ dbyig gnyen la sogs pas byas pa las so/ /bstan bcos gzhan la tshul lugs 'di yod pa ma yin no zhes gsal bar bya ba'i phyir/ de'i phyir zhes bya ba la sogs pa gsungs te/ kha cig gis zhes bya ba ni slob dpon 'ga' zhig gis so//
 lugs 'ga' zhig don dam par smras pa zhes bya ba la mdo sde pa'i 'dod pa ni gang snang ba de shes pa las tha mi dad pa yin te/ dper na zla ba gnyis su snang ba la sogs pa bzhin no/ /sngon po la sogs pa yang snang ba nyid yin pas des na shes pa
 las tha mi dad pa yin no/ /sngon po la sogs par snang ba de rnams kyang res 'ga' snang la res 'ga' mi snang bas res 'ga' ba yin pa'i phyir/ de la rgyu khas blang dgos kyi gzhan du na rgyu med gzhan la mi bltos phyir/ /rtag tu yod pa 'am med
 par 'gyur zhes bya ba'i rigs pas rtag tu yod pa 'am med par 'gyur ro/ /des na sngon po la sogs pa snang ba 'di rnams kyi rgyu gang yin pa de ni phyi rol gyi don yin la/ de yang mi rtag la/ shes pa yang mi rtag pa yin la/ de gnyis ka yang dbang phyug
 la sogs pa'i byed pa dang bral ba dang/ bdag dang bdag gi ba dang bral ba'o/ /de dag mi rtag pa la sogs par yongs su shes pas bdag dang bdag gir 'dzin pa la sogs pa las/ bdag dang bdag gi bas kun nas bslang ba'i 'dod chags
 la sogs pa'i nyon mongs pa rnams med pas so rnam par grol ba yin no zhes bya ba 'di ni mdo sde pa rnams kyi lugs don dam par smra ba'o/ /de nyid ces bya ba ni lugs don dam pa nyid do/ /kun rdzob tu 'dod do zhes bya ba ni don dam pa'i rnam gzhag
 byas pa de kun rdzob nyid du 'dod pa yin no zhes bya'o/ /de yang mi rigs so zhes bstan par bya ba'i phyir/ de ni zhes bya ba la sogs pa gsungs te/ dbu ma'i bstan bcos kyi don gyi de kho na nyid mngon par mi shes pa zhes bya ba ni gang dbu ma'i bstan
 bcos kyis don phyin ci ma log pa de ni mi shes pa nyid kyis de ltar brjod pa yin no/ de lta bu'i rnam pa can gyi don 'jig rten la grags pa med pa yin no zhes sngar bstan to/ /yang gzhan dag gi 'dod pa la skyon bstan par bya ba'i phyir/ gang dag
 ces bya ba la sogs pa gsungs te/ slob dpon kha cig na re gang bye brag tu smra ba rnams kyis rnam gzhag byas dbu ma pa rnams kyi kun rdzob kyi rnam gzhag yin no zhes 'dod pa yin no ji ltar bye brag tu smra ba rnams kyis don dam par 'dus byas kyi chos dang/
 'dus ma byas kyi chos kyang khas len pa yin no/ /de la 'dus ma byas ni nam mkha' dang/ so sor brtags pa'i 'gog pa dang so sor brtags pa ma yin pa'i 'gog pa'o/ /de la nam mkha' ni mi sgrib ba'i mtshan nyid can no/ /so sor brtags pa'i
 'gog pa ni so sor brtags shing dpyad na nyon mongs pa rnams kyi 'gog pa gang thob pas so/ /so sor brtags pa ma yin pa'i 'gog pa ni rgyu ma tshang bas 'gog pa thob pa gang yin pa ste/ dper na gzugs gcig la mig dang
 yid zhugs pa'i skyes bu la gzugs gzhan la rgyu ma tshang bas mig gi rnam par shes pa'i 'gog pa thob pas mig gi rnam par shes pa mi skye ba lta bu'o/ /'dus byas ni gzugs dang tshor ba la sogs pa'o/ /de dag thams cad mi rtags pa dang/
 bdag dang bdag gi ba dang bral ba dang/ dbang phyug la sogs pa'i byed pa po dang bral ba'o/ /de rnams mi rtag pa la sogs par yongs su shes pa las sngar bzhin du grol bar 'gyur bas so/ /de la rigs pa ma yin zhes bstan par bya ba'i phyir/ snyam
 du sems pa dag gis kyang zhes bya ba la sogs pa gsungs te/ dag gis kyang zhes bya ba ni gang de ltar brjod pa de rnams kyis kyang ngo/ /ma rig pa nyid bstan par bya ba'i phyir ji ltar zhes bya ba la sogs pa gsungs te/ 'jig rten las las pa'i chos
 zhes bya ba ni bye brag tu smra ba dang mdo sde pas don dam par brtags pa gang yin pa'o/ /'jig rten pa'i chos dang chos mtshungs par mi rig pa'i phyir zhes bya ba ni 'jig rten pa'i chos rnams ni 'jig rten pa'i rjes su 'brangs
 nas grub pa yin gyi/ mi rtag pa nyid dang/ stong pa nyid dang/ bdag med pa nyid la sogs pa ni 'jig rten pa nyid las grub pa ma yin no/ /des ni 'jig rten las 'das pa dang 'jig rten pa dag chos mtshungs par mi 'gyur ba'o/ /lugs 'di ni thun mong
 pa ma yin pa'o zhes bya ba ni kun rdzob dang don dam pa'i rnam gzhag 'di thun mong ma yin pa ste/ gzhan las yod pa ma yin no zhes pa'o/ /de ltar yang 'jig rten pa'i rjes su 'brang nas kun rdzob kyi rnam gzhag byas pa de rigs? pa ma yin par grub
 pas thun mong ma yin pa'o/ /de nyid kyi phyir zhes bya ba ni lugs 'di gzhan gyis mi shes shing zhes kho bos khong du chud pas so/ /thugs dgongs mi shes shing zhes bya ba ni kun rdzob dang don dam pa'i rnam gzhag go /don gyi de kho na nyid nges par zin pa med pa
 zhes bya ba ni de bzhin gshegs pa la sogs pa rnams chos kyi sku'i rang bzhin can gyi don du nges par ma zin? par ro/ /yi ge tsam nges par 'jig par 'gyur ba rnams kyis zhes bya ba ni sangs rgyas yongs su brtag pa dang/ bden pa bzhi yongs su brtag
 pa dag las sangs rgyas bkag pa dang/ bden pa bzhi bkag pa'i tshul gyis don nges par byas te 'jig par 'gyur ba rnams kyis so/ /'jig rten las 'das pa'i chos 'di zhes bya ba ni sgrib pa gnyis spong ba'i rgyur 'gyur ba'i de kho na
 nyid bstan pas so/ /bstan bcos kyi don gyi de kho na nyid phyin ci ma log par bstan par bya ba'i phyir zhes bya ba ni bstan bcos las gsungs pa de phyin ci ma log pa yin gyi phyin ci log ni ma yin no zhes bstan pa'i ched du'o/ /de nyid bstan par bya
 ba'i phyir/ klu sgrub ces bya ba la sogs pa gsungs te/ de la klu dang srid sgrub dag dang mtshungs pa'i phyir klu sgrub ste/ ji ltar klu rnams mtsho mdza' dor nas dkyil du gnas pa de bzhin 'dir yang yod pa dang med pa la sogs pa'i mdza' spangs nas
 dbu ma'i lam la gnas pa dang/ ji ltar srid sgrub kyis mdo'i tshogs kyis gzhan gyi dpung tshogs bcom pa de bzhin du 'dir yang gnyis su med pa'i ye shes kyi mdo'i tshogs kyis sred pa'i dgra bcom pas srid sgrub dang klu dag mtshungs
 pa'o/ /blo mtsho zhes bya ba ni blo nyid mtsho yin te/ zab pa'i phyir ro/ /shin tu rgya che zhes bya ba ni mdza' rtogs par dga' bas so/ /kha dog gis 'jigs pas zhes bya ba ni mtsho'i dbang du byas na sngo? ba la sogs pa'i kha dog gi sgo nas//
 blo'i dbang du byas na blos kun nas bslang pa'i sgra rnams kyi don ji lta ba bzhin du khong du ma chud pas 'jigs pas so/ /lugs bzang zhes bya ba ni klu sgrub zhabs kyi bzhed pa'o/ /rgyang ring spangs pa zhes bya ba ni bstan bcos kyi
 don ma dpyad pa ste/ bstan bcos la ma zhugs pas so zhes pa'o/ /ji ltar thag ring po nas mtsho'i kha dog shin tu 'jigs par byed pa mthong nas yongs su 'dor ba de bzhin du slob dpon klu sgrub zhabs kyi bstan bcos kyi sgra thos pa tsam gyis
 gzhan gyis yongs su spangs pa yin no zhes pa'o/ /de'i tshig le'ur byas pa'i kha ma 'bus ku mu da kha phyed pa'i chus zhes bya ba ni klu sgrub zhabs kyis mdzad pa'i tshig le'ur byas pa nyid kha ma 'bus pa'i ku mu da yin te/ gzhan rnams kyis de'i don gsal
 bar ma byas pas so/ /de'i kha phye ba ni tshig le'ur byas pa'i don gsal bar byas pas so/ /de nyid chu ste de'i sgo nas so/ /da lta zla ba'i grags pa phyogs rnams rab tu 'gengs par byed ces pa ni slob dpon zla ba grags pas phyogs thams cad gang bar
 mdzad pa'o/ /'di'i don ni ji ltar 'ga' zhig gis mtsho'i kha dog gis 'jigs pas mtsho dor la phyis 'ga' zhig 'ongs na mtsho de nyid kyi gting du 'dzul ba dang steng du byung pa dag byas nas de las bcus pa'i chus yul yongs su gang bar byas
 pa de bzhin du slob dpon klu sgrub zhabs kyi bstan bcos kyi sgra'i 'jigs pas gzhan gyis dor ba de kho bos tshig le'ur byas pa'i don gsal bar byas pa'i chus phyogs rnams yongs su gang bar byas pa yin no zhes pa'o/ /tshig le'ur
 byas pa'i don khong du chud pa de thun mong ma yin no zhes bstan par bya ba'i phyir/ gal te zhes bya ba la sogs pa gsungs te/ de skad du smra'o zhes bya ba la sogs pa ni de rnams kyis kyang yongs su spangs pa yin no zhes pa'o/ /
 spangs par khong du chud pa'i rgyu mtshan bstan par bya ba'i phyir/ bshad par bya ste zhes bya ba la sogs pa gsungs te/ de nyid ces bya ba ni stong pa nyid kyi mtshan nyid can no/ /zab mo zhes bya ba ni don rtogs dka' bas so/ /'jigs rung zhes bya ba
 ni sgra tsam thob pas so/ /sngon goms pa nyid las zhes bya ba ni skye ba snga ma la de kho na nyid la thos pa dang bsam pa la sogs pa byas pas so/ /nges par rtogs 'gyur 'di ni zhes bya ba ni the tshom med par khong du chud par ro/ /gsan rgya che yang zhes bya
 ba ni dge ba'i bshes gnyen la brten nas thos pa'i mtshan nyid can rgya che yang ngo/ /gzhan gyis zhes pa ni sngon goms par ma byas pa rnams kyis so/ /thugs su chud mi 'gyur zhes bya ba ni de kho na nyid rtogs par mi 'gyur ba'o/ /de'i phyir tshul
 lugs zhes bya ba ni kun brtags pa dang/ gzhan dbang dang/ yongs su grub pa'i mtshan nyid can no/ /rang blos sbyar ba zhes bya ba ni slob dpon dbyig gnyen la sogs pa rang rang gi blos brtags pa'o/ /de dag mthong nas zhes bya ba ni gzhan
 gyi tshul lugs mthong nas so/ /bdag tu brjod gzhung lugs rnams ltar zhes bya ba ni mu stegs pa rnams kyi bdag la sogs pa bsal bar byed pa'i bstan bcos rnams bzhin du'o/ /gzhan lugs zhes bya ba ni slob dpon dbyig gnyen
 la sogs pa'i 'dod pa'o/ /gzhad gzhung 'di las zhes bya ba ni slob dpon klu sgrub zhabs kyis bzhed pa las so/ /gzhan la zhes bya ba ni slob dpon dbyig gnyen la sogs pas mdzad pa las so dga' blo dor bar zhes bya ba ni de rnams
 la blo brtan par mi bya'o zhes pa'o/ /'dis ni slob dpon klu sgrub kyi bzhed pa spangs pa yin sngon de kho na nyid ma goms par rgyu mtshan du bstan par yin no/ /de 'grel pas bstan par bya ba'i phyir/ ji ltar zhes bya ba la sogs pa gsungs
 te/ 'dod pa dang/ gzugs dang/ gzugs med pa'i nyon mongs pa spangs shing zhes bya ba ni srid pa'i rtse mo'i nyon mongs pa'i gnyen por gyur pa gong mas bsdus pa'i 'jig rten pa'i lam med pas so/ /de
 rnams kyis srid pa'i rtse mo'i nyon mongs pa spangs kyang zhing chag mo gang ma brtab pas brngas pa ma yin no zhes bya ba'i tshul gyis nyon mongs pa spangs shing zhes brjod par 'os pa yin no/ /grub pa'i mdza' gzhan nye bar sbyor
 nus par mthong du zin kyang zhes bya ba ni grangs can la sogs pa'i grub mdza' sbyor nus kyang ngo/ /de bzhin du de dag gis kyang zhes bya ba ni slob dpon dbyig gnyen la sogs pas kyang ngo/ /mang du gsan pa rnam pa de lta bu mngar zin
 kyang zhes bya ba ni sgra dang tshad ma dang mngon pa la sogs pa du ma gsan du zin kyang ngo/ /deng sang nyid na yang zhes bya ba ni da ltar yang ngo/ /rgyu'i stobs kho na las zhes bya ba ni stong pa nyid la lhag par mos pa'i bag chags kyis so//
 'di bden par mthong ba rnam par nyams pa rnams kyis kyang zhes bya ba ni slob dpon dbyig gnyen la sogs pas kyang ngo/ /mang du gsan na rnam pa de lta bu mu stegs pa'i gzhung lugs 'di bden pa yin no zhes mthong ba spangs pa
 la yod pa de la de skad ces bya ste/ stong pa nyid la lhag par mos pa'o/ /stong pa nyid kyi gting dpog par mthong zhes bya ba ni stong pa nyid yang dag par khong du chud pa yin no zhes pa'o/ /gzhan pa'i gzhung lugs zhes bya ba ni
 slob dpon dbyig gnyen la sogs bas mdzad pa'o/ /bdag bsal bar byed pa'i gzhung lugs zhes bya ba ni mu stegs pa'i bstan bcos las bya ba ltar ro/ /dga' ba'i blo gros dor bar bya ste zhes bya ba ni
 'di kho na nyid yin no snyam du nges par ma byed ces pa'o/ /stong pa nyid gyi lta ba la lhag par mos pa kho na la ya mtshan par rtogs par bya'o zhes bya ba ni stong pa nyid la lhag par mos pa kho na la sems brtan por gyis shig ces pa'o/ /
 bsod nams yongs su bsngo bar bstan par bya ba'i phyir/ slob dpon zhes bya ba la sogs pa gsungs te/ lugs bzang bsnyad la zhes bya ba ni kun rdzob dang don dam pa'i mtshan nyid kyi bzhed pa bstan pa las bdag gi bsod nams
 gang thob pa des 'jig rten bde bar gshegs pa'i sa kun tu 'od ces bya bar bgrod par shog ces bya bar sbyar ro/ /phyogs kyi mthar khyab cing zhes bya ba ni bsod nams de phyogs thams cad la khyab pa ste mdza' yas pa yin no zhes pa'o/
 yid mkha' zhes bya ba ni yid kho na nam mkha' yin pas na yid mkha' ste/ stong pa nyid kyi rang bzhin can yin pas so/ /yid kyi mkha' ji lta bu zhe na/ nyon mongs kyis sngo zhes bya ba gsungs te/ blo bur ba'i nyon mongs pas dri ma can du byas
 pas so/ /bsod nams ji lta bu zhe na/ ston ka'i rgyu skar ltar dkar ba zhes bya ba smos te/ ston ka'i sprin dang bral bas skar ma rnams ji ltar dkar ba de bzhin du bsod nams 'di yang mi dge ba'i dri ma dang bral bas dkar ba'o/ /bsam
 pa'i mtshan la nyin gyi nor bu dang 'dra zhes bya ba la/ bsam pa ni yod pa dang/ med par rnam par rtog pa gang yin pa'o/ /de nyid mtshan mo ste/ dngos po'i de kho na nyid yongs su mi shes pas so/ /de spang ba'i don du nyin gyi nor bu
 dang 'dra ba ste/ nyi ma lta bu'o/ /bsod nams 'dis rnam par rtog pa dang bral bas so/ /de ltar yang skye ba 'di nyid la de nyid ces bya ba la sogs pa gsungs so/ /zab pa zhes bya ba ni stong pa nyid ston pas so/ /gya che ba zhes
 bya ba ni sbyin pa la sogs pa lnga ston pas so/ /theg pa mchog la thugs gzhol ba zhes bya ba ni theg pa chen po la thugs shin tu dang ba mngal bas so/ /mi 'phrogs pa'i mkhyen rab dang thugs rje
 mnga' ba zhes bya ba ni shes rab dang thugs rje dag mi mthun pa'i phyogs kyis zil gyis gnon par mi nus pa'o/ /ri mor bris pa'i ba drus las 'o ma bzhos pas bden par zhen pa bzlog par mdzad pas zhes bya ba ni ri mor
 bris pa'i ba las 'am bzhos pas gzhan gyi dngos por mngon par zhen pa zlag bar mdzad pa des mdzad pa'o/ /dbu ma la 'jug pa'i 'grel bshad sangs rgyas kyi gnas skabs kyi 'grel pa'i bshad pa'o// //
 mnga' ris yul 'khrungs skye bo yon tan ldan pas kun la rab grags thugs rjer ldan/ /nor gyi tshogs kyis phongs pa mdza' dag khyab mdzad tshul khrims ma nyams mod mi dma'/ /nam yang gang gi thugs la skad cig tsam
 yang khro ba skyes par ma gyur pa/ /brtson 'grus kyis ni mdza' yas skyon dang yon tan tshogs dag 'joms shing 'phel mdzad la/ /rnam par g.yeng ba du mas gang gi sems ni ting nge 'dzin las mi 'phrogs shing/ /shes rab
 phun tshogs chu yis dri ma mdza' dag 'khru ba'i chus mnga' ba/ /thabs kyis srid pa'i chu bor bying ba'i sems can mdza' yas chos kyi phyag gis 'dren mdzad cing/ /skye ba du mar sbyangs pas gang gi smon lam shin tu
 mdza' ru son gyur pa/ /sbyin la sogs pa'i sbyor la goms pas gang gi stobs rnams kyang ni 'phel 'gyur la/ /thugs kyi bstan bcos du ma rnam dpyod mkhas shing chos kyi phung po ston mdzad pa/ /tshul khrims
 dang ldan ting nge 'dzin bzlas brjod mngon bco na skye bo'i tshogs kyis rgyun du bskor/ /mi nyag yul gyi mnga' bdag chos rjes bla mar bkur zhing spyi bos phyag mdzad pa/ /'gro ba rnams kyi don du sangs rgyas 'bum gyis brgyan pa'i gtsug
 lag khang chen mdzad/ /gang gis de las gzhan pa'i gnas rnams su yang rgya chen gtsug lag khang mdzad la/ /thugs rje phul du byung bas sems can sdug bsngal dra bas sdug bsngal gang gyur pa/ /'gro bas mthong ngam thos
 bas rangs ba bskyed mdzad dge slong gsung bcad yongs kyi bshes/ /de yis gsol ba btab nas kha che yi/ /yul nas 'ongs pa'i mkhas pa rgyal ba kun/ /dga' zhes bya bar grags pas dbu ma la/ /'jug pa 'di 'grel
 bshad pa'i don gsal byas/ /bdag gis 'grel bshad 'di byas las/ /bsod nams kun da zla 'dra la/ /gang thob de yis 'jig rten kun/ /dbu ma'i gnas thob rgyal rgyur cig /dbu ma la 'jug pa'i 'grel
 ba'i bshad pa don gsal bar byed pa zhes bya ba kha che'i paN+Di ta chen po dza ya A nandas mdzad pa rdzogs so/ /longs spyod phun sum tshogs pa lha yi yul dang mtshungs/ /chos rgyal gdung mi
 'chad par 'byung ba'i mi nyag yul/ /chu bo rma yi dogs dang ri bo rtse lnga'i 'dabs/ /rgyal po'i pho brang dpung tshogs gnas pa ya/ /khyad par mkhar sku zhes bya'i gtsug lag khang chen du/ /kha che'i mkhas pa
 chen po rtsom mdzad de nyid dang/ /bod kyi lots+tsha bande kun dga' grags zhes pas/ /dbu ma la 'jug 'grel bshad don gsal zhes bya bsgyur/ /'di bsgyur ba las dge ba gang/ /thob des 'gro
 pa ma lus pa/ /sgrib pa rnam pa gnyis spangs nas/ /bla med byang chub thob par shog /kha che'i mkhas pa chen po dza
 ya A nan dang/ /bod kyi lots+tsha ba bande kun dga' grags kyis bsgyur cing zhus te gtan la phab pa'o// //'phags pa 'bum gsal brtsegs pa
 zhes bya ba'i gtsug lag khang chen po'i 'dabs su/ /gnas brtan chen po su ra sa pa hye na gyon ti shi'i phyag dpe la bris nas/ shAkya'i dge slong smon lam rgyal
 bas gzhan las sbyin par bya ba'i chos su bzhengs nas spyan drangs pa'o// //bkra shis //