བོད་ཡིག

e-texts based on the ACIP/ALL Input

mdo dag pa'o zhes so/ /bcom ldan 'das ma shes rab kyi pha rol tu phyin ma tshigs su bcad pa bdun ma'i mdo rdzogs so// //kha che'i paN+Di ta chen po su ma na sh+rI dang/ bod kyi lo tsA ba dge slong rin chen grub kyis bsgyur ba'o// //rgya gar skad du/ b+ha ga b+ha ti pradz+nyA pA ra mi tA na ba shlo ka N+DArtha/ bod skad du/ bcom ldan 'das ma shes rab kyi pha rol tu phyin pa'i don bsdus pa'i tshigs su bcad pa dgu pa/ 'jam dpal gzhon nur gyur pa la phyag 'tshal lo/ /shes rab pha rol phyin pa rgya mtsho ste/ /dge ba rin chen 'byung gnas rang nyid yin/ /pha rol phyin pa dag ni thams cad kyang/ /de ru de yi bdag nyid dag gis gnas/ /spros pa med cing snang ba med/ /rnam rtog med cing skyon dang bral/ /rang bzhin mchog shin tu phra/ /thig le sgra ni rnam par spangs/ /shes rab pha rol phyin yum ni/ /sangs rgyas thams cad bskyed pa'i mchog /rjes su mi dmigs gsum gyi tshul/ /thams cad mkhyen pa'i spyod yul gyi/ /shes rab pha rol phyin pa ni/ /gang zhig yang dag sgom 'dod pas/ /des ni tshigs bcad dgu pa'i don/ /mdor bsdus pa ni bsam par bya/ /las kyi mthu las byung ba yi/ /skye mched drug gi mtshan nyid can/ /yang srid ces byar grags pa yin/ /de ni mig yor dag dang mtshungs/ /ji ltar sprul pa'i grong khyer la/ /sprul pa rnam par lta ba bzhin/ /las rnams kyis sprul 'gro ba yis/ / gzugs rnams de bzhin mthong bar 'gyur/ /chos rnams ston pa'i sgra dang ni/ /thos pa'i spyod yul gang ci'ang rung/ /gnyan bya thos pa byung gyur pa/ /thams cad brag cha lta bu yin/ /yul la chags pas snom pa dang/ /myang dang de bzhin reg pa rnams// dmigs su yod pa ma yin te/ /'di dag thams cad rmi lam 'dra/ /ji ltar sgyu ma'i 'khrul 'khor mi/ /bya ba tha dad byed pa ltar/ /lus kyi 'khrul 'khor bdag med 'di/ /de bzhin bya ba byed par 'gyur/ /dmigs pa sna tshogs gang dang gang/ /skad cig re re 'byung 'gyur ba/ /mthong na 'jig cing mtshan nyid bral/ /'di ni smig rgyu dag dang mtshungs/ /gzung bya gzugs brnyan lta bu ste/ /thog ma med pa'i sems las byung/ /rnam par shes pa'ang de 'dra ste/ /phan tshun gzugs brnyan dag dang mtshungs/ /sgom pa dang pa'i rgyud la ni/ /ye shes zla ba gang byung ba/ /mngon sum yod pa ma yin te/ /de ni chu zla dag dang mtshungs/ /rnal 'byor pa yi ye shes gang/ /de yang nam mkha' i mtshan nyid de/ /de bas shes dang shes bya dag /thams cad nam mkha' i mtshan nyid do/ /de ltar de bzhin nyid sems pa/ /dngos po kun la mi gnas te/ /byang chub smon pa'i sems kyis ni/ /ye shes de ltar 'byung bar 'gyur/ /bcom ldan 'das ma shes rab kyi pha rol tu phyin pa'i don bsdus pa'i tshigs su bcad pa dgu pa/ slob dpon chen po kampa la'i zhal snga nas mdzad pa rdzogs so// //rgya gar gyi mkhan po a tsarya sh+rad+d+hA ka ra barma dang/ zhu chen gyi lo tsa ba bande rin chen bzang pos bsgyur cing zhus te gtan la phab pa// //rgya gar skad du/ b+ha ga ba ti pradz+nyA pA ra mi tA na ba shlo ka paN+DIrtha TI kA /bod skad