<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N3985: sdud pa tshigs su bcad pa'i dka' 'grel<br><table><tr><td>
<input type="button" onclick="location.href='tcompletep.php?id=N3985&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N3985&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N3985&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">bsgyur ba'o// (//shes rab kyi pha rol tu phyin pa sdud pa tshigs su bcad pa'i dka' 'grel slob dpon bud+d+ha sh+rI dz+nyA nas mdzad pa bzhugs so//) /rgya gar skad du/ sany+tsa ya gA thA pany+tsi ka /bod skad du/ sdud pa tshigs su bcad
 pa'i dka' 'grel/ bam po dang po/ thams cad mkhyen pa la phyag 'tshal lo/ /rgyal ba'i dbang po dang ni bde gshegs sras dang dge sbyong tshul tsam 'dod pa rnams/ /'bras bu dam pa dang ni rgyu dang dman pa'i yid kyis 'jug pa'i bye brag gis
 rnam pa thams cad mdza' dag lam dang shes bya kun shes gang gi pha rol mchog /'gro 'gyur yum der yun rings btud nas 'khrul spangs blo yis de 'grel rgyas par bya/ /ma lus 'gro ba'i rtsa lag 'khrul pa'i dri ma bral ba yi/ /blo can
 rnams kyi 'bad pa skyed de/ 'di rgyan mdzad mod kyi/ /de nyid phyir na bdag kyang 'di la nges par 'jug rigs te/ /mkhas rnams zhugs pa'i lam ni chen po nyid du mi 'gyur min/ /de la yang dag par sdud par byed pas rgyas pa la dad pa rnams kyi dbang du
 mdzad nas rgyu dang 'bras bu phun sum tshogs pa rnam par dag par bya ba'i phyir thams cad mkhyen pa nyid gsum gyi skabs kyis bcom ldan 'das ma shes rab kyi pha rol tu phyin pa rgyas par bshad pa yang tshigs su bcad pa dag gis rgyas par
 rab tu ston pa la zlos pa la sogs pa'i nyes pa bsal bar 'dod nas/ de nas yang zhes bya ba la sogs pa smras so/ /de nas yang zhes bya ba ni rgyas par bstan pa'i mjug thogs su 'am/ 'khor shes rab mdor bsdus te bstan pa mnyan
 par rung bar thugs su chud ma thag tu ste/ tshig gi phrad 'di ni spyir na de ma thag brjod par bya ba yin pa'i phyir ro/ /rnam pa gcig tu na yang zhes bya ba'i sgra ni 'dir tshig gi rgyan yin par blta ba'o/ /bcom ldan 'das zhes bya ba ni bdud bzhi bcom
 pa'i phyir ram/ dbang phyug la sogs pa'i yon tan dang ldan pa'i phyir ro/ /skal zhes bya ba'i sgra ni dbang phyug la sogs pa brjod par byed pa yin te/ dbang phyug dang ni/ gzugs bzang dang/ grags dang dpal dang ye shes dang/ /brtson 'grus
 phun sum tshogs ldan pa/ /drug po dag la skal zhes bshad ces gang bshad pa yin no/ de la bcom ldan 'das kyi dbang phyug phun sum tshogs pa ni de bzhin nyid rnam par dag pa rnam par rtog pa'i bag chags ma lus pas dben pa'i bdag nyid yin te/
 rang dang gzhan gyi don 'grub pa ni des rab tu phye ba'i phyir ro/ /gzugs bzang ba phun sum tshogs pa ni de las gzhan pa'i ye shes kyi 'byung gnas yin pa nyid kyi phyir me long lta bu'i ye shes yin te/ bcom ldan 'das kyi rang bzhin ni ye
 shes 'dir mtshan nyid gcig pa'i phyir ro/ /grags pa dang dpal phun sum tshogs pa ni mnyam pa nyid kyi ye shes yin te/ thugs rtse ba la sogs pa'i yon tan rin po ches rab tu phye ba'i phyir 'gro ba thams
 cad la phan pa bskyed par bzod pa nyid kyis grags pa phun sum tshogs pa mdza' dag gi yang dag pa'i rten yin pa'i phyir dang/ dpal dang ldan pa'i phyir ro/ /ye shes phun sum tshogs pa ni so sor rtog pa'i ye shes yin te/ dngos
 po thams cad phyin ci ma log par yongs su gcod pa'i bdag nyid yin pa'i phyir ro/ /brtson 'grus phun sum tshogs pa ni brtson 'grus kyi pha rol tu phyin pa rnam par dag pas rab tu phye ba bya ba sgrub pa'i ye shes yin te/ yon tan rin
 po che thun mong ma yin pa de lta bus brgyan pa'i bcom ldan 'das bde bar gshegs pas/ tshigs su bcad pa 'di dag bka' stsal to zhes bya bar sbyar ro/ /'di smos pa yang tshigs su bcad pa dag gis shes rab bstan pa la ma gus pa dag
 yongs su spang ba'i phyir ro/ /de lta ma yin te de las gzhan pas bstan na log par bstan par dogs pas ma dad par 'gyur yang bcom ldan 'das ci zhig ston cing tshigs su bcad pa dag bka' stsal ce na/ yang shes rab kyi pha rol tu phyin
 pa 'di ston zhing de'i tshe tshigs su bcad pa 'di dag bka' stsal to/ /zhes bya ba gsungs te/ sngar rgyas par bstan pa gang dag yin pa de dag nyid ces bya ba'i tha tshig go /shes rab ni spyir chos rab tu rnam par 'byed pa yin no/ /de'i pha rol ni
 mos pas spyod pa'i gnas skabs na ni chos thams cad bdag med par yid ches pa yin no/ /rab tu dga' ba la sogs pa'i gnas skabs na ni rtog pa thams cad kyi dben pa yin no/ /de lta bas na gang dag de lta bu'i pha rol de'i
 bdag nyid du gyur pa de dag ni shes rab kyi pha rol tu phyin pa yin no/ /de dag ston cing zhes bya ba ni gang zag la sogs pa'i rnam par rtog pas dben par sgrogs shing ngo/ /mos pas spyod pa la yod pa'i shes rab kyi pha rol tu phyin pa ni rnam par
 rtog pa'i ngo bo yin pa'i phyir/ tshigs su bcad pa thos ma thag tu gdul bya'i skye bo'i rgyud gzhung lugs kyis 'du byed skyed pa can dag la skye bas rab tu ston pa ma yin nam/ 'jig rten las 'das pa ni de ltar ma yin to/ de ni rnam par rtog pa
 las 'das pa'i ngo bo yin pa'i phyir dang thos ma thag tu yang mi skye ba'i phyir ro/ /de lta ma yin na sgom pa don med par thal bar 'gyur ro/ /thos pa tsam gyi mjug thogs su 'khrul pa dang bral ba'i ye shes skye na ni sgom pas don cung zad kyang
 rgyas par mi byed de/ gal te thos pa tsam gyis don mthong bar 'gyur na sgom pa don med 'gyur zhes gang bshad pa lta bu yin na de ji ltar khyad par med par shes rab kyi pha rol tu phyin pa 'di ston cing zhes brjod ce na/ de ni de lta ma yin te /
 bdag med par yid ches pa ni 'jig rten las 'das pa dang cig shos kyi gnas skabs dag tu khyad par rtog pa med par skye ba'i phyir ro/ /'di ltar rnal 'byor pa 'jig rten las 'das pa'i sa mngon du byas pa rnams la yang langs pa'i tshe de kho na
 nyid 'di ni bcom ldan 'das kyis ji skad bshad pa de kho na ltar yin no zhes rnam par rtog pa'i blo thos pa dang rtogs pa tha dad par rtog pa med par can 'byung ba kho na'o/ /de lta bas na rnam par rtog pa de lta bu 'jug pa las
 bltos te tha snyad kyi sgo nas shes rab bla na med pa rab tu ston pa la 'gal ba ci yang med do/ /rtog pa'i skyon bsal ba'i ye shes ni yang dag par na bsgoms pa'i dbang kho nas 'byung bas bsgom pa 'bras bu med pa yang ma yin no/ /sngon gom pa yongs su
 bsgoms pa'i sems dang ldan pa rnams la ni shes rab kyi pha rol tu phyin pa bstan pa thos ma thag pa kho nar rnam par mi rtog pa'i ye shes skye ba'i phyir de bstan pa dngos su yang mi 'gal te/ shes rab kyi pha rol tu phyin pa'i
 bstan pa 'di bshad pas na byang chub sems dpa' drug khris mi skye ba'i chos la bzod pa thob par gyur to zhes bya ba la sogs pa gang gsungs pa lta bu yin no/ /yang ci'i phyir sngar yang rgyas par bstan zin pa 'di ston zhe na/ 'khor bzhi po de dag ces
 bya ba la sogs pa gsungs te/ de dag ces bya ba ni sngar bdag med pa bstan pa'i dbang du mdzad pa dag nyid yin gyi gzhan dag ni rung ba ma yin pa'i phyir ma yin no zhes bstan pa'i phyir ro/ /'khor bzhi po zhes bya ba ni dge slong dang dge slong ma dang/
 dge bsnyen dang dge bsnyen ma rnams te/ 'di tsam kho nas gdul bya'i skye bo gtso bo ku nas bsdus pa'i phyir ro/ /yang na rab tu byung ba'i phyogs bcom ldan 'das kyis bstan pa'i lhag pa'i tshul khrims kyi bslab pa dang ldan pa 'am/ dkon mchog gsum la skyabs su
 'gro ba la sogs pa khas blangs pas khyim na gnas pa'i phyogs thabs la mkhas pa ngo bo med pas gzugs la sogs pa'i yul nye bar spyad pa zil gyis non pa zhig bcom ldan 'das ma thos pa dang bsam pa la sogs pa'i rim gyis bsgrub par 'gyur
 gyi dbang du bya ba ma yin pa'i phyir gzhan ni ma yin pas lhag par ma smos so/ /yang dag par dga' bar mdzad pa'i phyir zhes bya ba ni mdor bsdus te bstan pa la mos pa rnams kun tu dga' bar mdzad pa'i phyir zhes bya ba'i tha tshig go /rnam pa gcig tu
 na gang zhig de kho na nyid gzigs pas gzhung rgyas pa 'di snyed gcig gis bstan pa'i don gong yin pa deng tshigs su bcad pa nyung du zhig gis rab tu bstan to zhes bcom ldan 'das gsung la mnga' ba nyid du rtogs nas gus pa dang bcas pa'i sems dang ldan
 ba rnams kyi dga' ba gang yin pa de ni yang dag par dga' ba yin te/ 'di ni mos pas spyod pa'i sa na yod pa'i 'jig rten pa yin no/ /'jig rten las 'das pas ni shes rab mdor bsdus te bstan pa'i sgo nas gzhung rgyas ba la mngon par zhen pa spangs
 pa don la gzhol pa'i sems dang ldan pa tshig gis don nyung shas shig gi rjes su 'brangs te 'gro ba mdza' dag bdag med par sgom par byed pa rnams kyis rab tu dga' ba la sogs pa dang ldan par 'gyur pa yin no/ /de lta bas na tshig 'dis ni shes rab kyi
 pha rol tu phyin pa ni brjod par bya ba yin no/ /de gsal bar byed pa ni dngos su dgos pa yin no/ /yang dag par dga' bar bla na yod pa dang bla na med pa ni brgyud pas yin no/ /de dag gi thabs dang thabs kyis bsgrub par bya ba'i mtshan nyid kyi 'brel pa ni
 tshigs su bcad pa nye bar len pa la shugs kyis bstan par khong du chud par bya'o/ /yang 'dir brjod par bya ba ni shes rab kyi pha rol tu phyin pa yin gyi gzhan ni ma yin no zhes bya ba 'di yang ji ltar shes tshigs su bcad pa de dag kyang gang yin zhe na/ dga' 
 dang gus dang ngang? pa'i mchog ces bya ba la sogs pa gsungs te/ dga' ba ni dam pa'i chos la dga' ba'o/ /gus pa ni chos smra ba la sogs pa la zhes byed pa'o dang pha ni theg pa chen po mnyan pa la sogs pa'i 'bras bu la mngon par yid ches pa ste de'i
 skabs yin pa'i phyir ro/ /mchog ces bya ba ni thams cad dang 'bral ba'i phyir 'di dag thams cad chen po'i yang chen po'o/ /nyer gzhag ste zhes bya ba ni nye bar bzhag ste'o/ /'di skad du dad pa dang mi ldan pa'i dam pa'i chos nyan pa'i mi mthun pa'i phyogs
 ni gnyis yod de ngam pa'i chos la sdang ba don ma gus pa'o/ /de dag gi go nyan por 'di gsum nye bar bzhag nas bcom ldan 'das ma mnyan par bya'o zhes bshad pa yin no/ /tshul bzhin yid la byed pa'i sgrub pa dang 'gal ba'i chos rnams yongs su
 sbangs nas zhes bstan pa'i phyir/ sgrib pa nyon mongs pa gsal nas zhes bya ba la sogs pa gsungs te/ sgrib pa nyon mongs zhes bya ba ni sgrib pa dag nyid don phyin ci log par 'dzin pa'i bgegs byed pa nyid kyis gnod par
 byed pa'i phyir 'dod pa'i 'dun pa la sogs pa'i sgrib pa'i bdag nyid kyi nyon mongs pa dag yin te de dag bsal nas zhes bya bar sbyar ro/ /dri ma las 'das pa zhes bya ba ni shin tu kun tu mi sbyod pa'i phyir sbyin pa la sogs pa chos dkar po dang 'gal
 ba ser sna la sogs pa'i dri ma dag las grol ba zhes bya ba'i don to/ /la la las ni dri ma rab zhi ba zhes ba 'byung ste/ der ni dri ma zhes bya ba'i sgra tshig snga ma dang sbyar ro/ /ra bzhi zhes bya ba ni nyan pa dang mthun pa'i spyod lam la rnam par gnas pa
 zhes bya ba'i tha tshig go /de lta bas na de lta bu dag gi shes rab kyi pha rol tu phyin pa mnyan par gyis zhes bya bar sbyar ro/ /shes rab kyi pha rol tu phyin pa de yang ni/ /dngos po brgyad kyis yang dag bshad/ /rnam kun mkhyen nyid lam shes nyid//
 de nas thams cad shes pa nyid/ /rnam kun mngon rdzogs rtogs pa dang/ /rtse mor phyin dang mthar gyis pa/ /skad cig gcig mngon rdzogs byang chub/ /chos kyi sku dang de rnams brgyad/ /ces bya ba yin no/ /de la shes rab bsgrub pa'i dgongs pa mthar
 thug ba ni sems bskyed pa la sogs pa rgyu dang 'bras bu'i rnam pa mdza' dag yongs su gcod pa'i ngo bo yin pas rnam pa thams cad mkhyen pa nyid yin no/ /de yang sems bskyed pa dang gdams ngag dang/ nges 'byed yan lag rnam bzhi dang/ /
 sgrub pa yi ni rten gyur pa/ /chos kyi dbyings kyi rang bzhin dang/ /dmigs pa dag dang ched dang ni/ /go cha 'jug pa'i bya ba dang/ /tshogs ni nges par 'byung bcas rnams/ /thub pa'i rnam kun mkhyen pa nyid ces bya ba yin te/ bcom ldan 'das
 ci'i slad du rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas kyi lags/ rab 'byor rnam pa gang dag dang rtag gang dag dang mtshan ma gang dag gis chos rnams rab tu bstan pa'i rnam par
 dag dang rtags pa de dag mtshan ma de da de bzhin gshegs bas thugs su chud de nges na rnam pa thams cad mkhyen pa nyid ni de bzhin gshegs pa'i yin no zhes brjod do zhes gang gsungs pa yin no/ /de la nyan pa po'i skye bo nyan thos la sogs pa las
 khyad bar du 'phags pa'i sgo nas sems bskyed pa bstan pa'i phyir/ 'gro don mngon zhugs zhes bya ba gsungs te/ 'gro ba'i don ni ci rigs par byang chub gsum thob pa yin no/ /de'i phyir mngon par zhugs pa ste/ sbyin pa la sogs pa dge ba'i chos la
 zhugs pa dag yin na shes rab kyi pha rol tu phyin pa mnyan par gyis shig gzhan du na chos kyi rnam pa thams cad rtogs pa med par gzhan gyi don bya bar mi 'thad pa'i phyir ro snyam du dgongs pa yin te/ shA ri'i bu 'di la byang chub sems dpa' chos thams
 cad rnam pa thams cad rnam pa thams cad du mngon par rdzogs par byang chub par 'dod pas shes rab kyi pha rol tu phyin pa la brtson par bya'o/ /zhes bya ba la sogs pa gang rgyas par gsungs pa yin no/ /rang gi don la brtson pa rnams la yang bcom
 ldan ma 'di 'dod pa'i 'bras bu 'byung ba'i rgyu mtshan du 'gyur ba ma yin nam 'di ltar nyan thos kyi sa la slob par 'dod pas kyang shes rab kyi pha rol tu phyin pa 'di nyid mnyan par bya'o zhes bya ba la sogs pa gsungs na de ji ltar 'gro don mngon zhugs
 zhes bya zhe na/ nges pa'i shes rab pha rol tu phyin ces bya ba gsungs te/ 'di skad du shes rab kyi pha rol tu phyin pa bstan pa'i 'bras bu ni gtso bor rnam pa thams cad mngon par rdzogs par byang chub pa yin la de yang byang chub sems dpa' rnams
 kho na'i yin te gzhan dag la ni de'i 'bras bu mngon par rdzogs par byang chub ba'i skabs med pa'i phyir ro zhes bshad pa yin no/ /shes rab kyi pha rol tu phyin pa 'di ji ltar na byang chub sems dpa' rnams kho na yin
 ji zhig ni khyad par 'phags snyam pa la/ gang la dpa' rnams spyod ces bya ba gsungs te/ gang la zhes bya ba ni shes rab kyi pha rol tu phyin pa la'o/ /sbyod pa zhes bya ba ni sa dang pha rol tu phyin pa goms pa'i khyad par gyi 'jug pa'o/ /dpa' 
 rnams shes bya ba ni byang chub sems dpa' rnams te/ bdud la sogs pas zil gyis mi non pa'i phyir/ /'di skad du gang la bde bar gshegs pa'i sras rnams 'jug pa de nyid de dag gi thun mong ma yin pa'i lam yin la de yang shes rab
 kyi pha rol tu phyin pa'i mtshan nyid yin te/ de nyid kyi nang du de las gzhan pa'i pha rol tu phyin pa rnams 'dus pa'i phyir te de bzhin du 'chad par 'gyur ro zhes brjod pa yin no/ /rnam pa gcig tu na shes rab kyi pha rol tu phyin pa gang la byang chub
 sems dpa' rnams sbyod pa de ni de dag gi thun mong ma yin pa nyid du sbyar par rig par bya ste/ de yang 'gro ba mdza' dag bdag med pa'i rnam pa'i sbyod yul can yin no/ /mi rtag pa la sogs pa'i rnam pa tsam gyi sbyod yul ni ma yin te de ni
 shes rab kyi pha rol tu phyin pa ltar bcos pa'i ngo bo yin no snyam du dgongs pa yin no/ /nyan thos kyi sa la slob par 'dod pas kyang zhes bya ba la sogs pa gsungs pa gang yin pa de ni byang chub sems dpa' i lam 'di nyid byang chub mdza' 
 dag yongs su gcod pa'i rgyu yin ba nyid kyis che ba'i bdag nyid brjod pa'i phyir ro/ /kha cig na re nyan thos la sogs pa'i byang chub kyi gnas skabs su ni shes rab kyi pha rol tu phyin pa snying rje chen po la sogs pa'i thabs dang bral ba yin par
 blta bar byas te nyan thos la sogs pa'i sa'i rgyu ni bos thams cad bdag med par yid ches pa thabs kyi pha rol tu phyin pa dang bral ba kho na yin pa'i phyir ro/ /gang yang shes rab kyi pha rol tu phyin pa 'di nyid la bslab par bya'o zhes bya ba khyad par
 gsungs pa de ni 'dir chos thams cad bdag med pa yid ches pa tsam la bltos pa'i phyir te byang chub sems dpa' rnams kyi de kho na nyid yid la byed pa ni thabs dam pas zin pa'i phyir nyan thos kyi yid la byed pa las tha dad pa yin no/ /
 zhes brjod do/ /gal te byang chub sems dpa' rnams kyi lam nyan thos la sogs pa dang thun mong ma yin na de ji ltar btsun pa rab 'byor la sogs pa byang chub sems dpa' la 'doms par zhugs gdam ngag gi de kho na nyid ma mthong ba ni phal
 ched gdam ngag kha na ma tho ba med par byed par bzod pa ma yin te/ de lta ma yin na rdzogs pa'i sangs rgya dang nyan thos dag gzhan gyi don bya ba la khyad par med par 'gyur ba'i phyir ro zhe na/ de spang ba'i phyir 'dzam bu'i gling 'dir chu klung ji snyed ces bya ba
 la sogs pa gsungs te/ ji snyed ces bya ba ni ji snyed yod pa'o/ /chu klung ni gang+gA dang pak+Shu dang sind+hu dang sI ta zhes bya ba bzhi ste de dag nyid la dros pa las 'byung ba'i phyir ro/ /'bab pa zhes bya ba ni rgyun gyis 'bab pa'o/ /ci zhig byed ce na/ me tog ces bya
 ba la sogs pa gsungs so/ /me tog dang 'bras bu med pa'i sman ngag dang nags 'tshal gang dag yin pa ste de rnams skyed byed ces bya ba ni skyed par byed cing/ sgrub par byed ces bya ba'i don to/ /ci zhig la ten ce na/ klu dbang ces bya ba la sogs
 pa gsungs te/ 'di skad du gang gi phyir klu dbang klu rnams kyi bdag po ma dros pa zhes bya ba gang yin pa de la brten nas chub de dag 'bab ba de'i phyir ni klu'i bdag po de kho na'i mthu dpal te mthu phun sum tshogs pa yin no zhes bshad par 'gyur ro/ /
 de dang 'dra bar rgyal ba'i nyan thos pa dag ji snyed chos ston dang zhes bya ba la sogs pa la rgyal ba'i nyan thos pa dag ces bya ba ni rab 'byor la sogs pa'o/ /chos ni gang gis rtogs pa'i rgyu mthun pa bstan
 pa'i mtshan nyid dag go /ston ces bya ba ni bstan ba'i sgo nas so/ /'chad ces bya ba ni bshad pa'i sgo nas so/ /brjod pa zhes bya ba ni de gtan la 'bebs pa'i sgo nas so/ /rig pa dag dang zhes gang gsungs pa ni bltos pa dang bya ba byed
 pa dang chos nyid dang 'thad pa'i mtshan nyid bzhi dag dang ldan par zhes bya bar yin no/ /de bstan pa'i 'bras bu bstan pa'i phyir/ mchog 'phags bde ba byed dang zhes bya ba gsungs te/ mchog ni phung po dang bcas pa'i mya ngan las 'das
 pa bas mchog yin pa'i phyir ro/ /'phags pa ni 'tshe ba thams cad dang bral ba'i phyir ro/ /bde ba byed pa ni phung po'i lhag ma ma lus pa'i mya ngan las 'das pa'i bdag nyid kyi bde ba phun sum tshogs ba'o/ /de'i 'bras bu thob pa zhes bya ba
 ni bstan pa de'i 'bras bu rgyun du zhugs pa la sogs pa'o/ /ji snyed 'bras bu grub ba yang zhes rnam par dbye bas bsgyur nas sbyar bar bya ste/ de bshad pa dang de'i 'bras bu ni bcom ldan 'das kho na'i mthu yin gyi nyan thos la sogs pa'i
 ni ma yin te de'i rang dbang med pa'i phyir ro de dag kun kyang zhes bya ba la sogs pa'i don ni go bar zad do/ /ci'i phyir zhe na zhes bya ba ni ji ltar na de bshad pa'i 'bras bu rang gis rtogs pas rab tu phye ba yin yang de dag la rang dbang med snyam
 du bsams pa yin te/ de yongs su spang ba'i phyir/ rgyal bas chos tshul gang bstan pa zhes bya ba la sogs pa gsungs so/ /de la don ni gang gi phyir rgyal bas chos kyi tshul gang zag la sogs pas stong pa'i mtshan nyid bshad pa gang
 dag yin ba de dag la bcom ldan 'das kyi slob mar gyur pa rab 'byor la sogs pas thos pa la sogs pa'i rim gyis bslabs te/ de dag mngon sum du byas nas ji ltar rtogs pa bzhin gdul bya rnams la rab tu ston par byed pa de'i phyir 'di
 bcom ldan 'das kyi mthu yin gyi de dag nyid kyi bdag nyid ni ma yin te/ bcom ldan 'das kyi lung med par rang gis rnam pa thams cad yongs su shes pa yang mi srid pa'i phyir ro/ /bcom ldan 'das rnams ni de lta ma yin te/ gzhan gyi lung med pa
 nyid du srid pa tha ma'i gnas skabs na rnam pa thams cad dang ldan pa de kho na nyid thugs su chud pa'i phyir ro zhes bya ba yin no/ /byang chub sems dpa' i lam gang yin pa de la ni nyan thos rnams kyi rang dbang thag ring du spangs pa kho na yin te/ de'i rang gi ngo bo
 rtogs pa/ cung zad kyang med pa'i phyir ro/ /'di ltar nyan thos de kho na nyid ma rtogs pa rnams kyang rgyal ba'i sras kyi tshul 'bras bu dang bcas pa rab tu ston par byed pas bcom ldan 'das kyi thugs kyi byin gyi brlabs kyi mnga' 'di ni mchog yin par gsal
 ba kho nar khong du chud par bya ste/ de lta bu ni smon pa dang 'jug pa'i bdag nyid kyi sems bskyed pa yin no/ /'di ni bde bar gshegs pa'i yon tan mdza' dag 'dren par byed pa nyid kyi byang chub sems dpa' thams cad kyi lam thun mong ma yin pa'i ngo bo nyid yin
 pa'i phyir byang chub kyi sems bskyed pas shes rab kyi pha rol tu phyin pa kho na la rnal 'byor du bya'o zhes bstan nas/ 'di nyid du mngon par 'dod pa'i 'bras bu 'thob pa'i gtso bo'i bya thabs nye bar ston pa'i rang bzhin mthong ba dang sgom pa'i lam la gdams pa bstan
 pa'i phyir/ gang la shes rab pha rol phyin mchog mi dmigs shing zhes bya ba la sogs pa gsungs te/ byang chub sems dpa' gang la zhes bya ba rnam par bsgyur te sbyar ro/ /shes rab ni 'gro ba thams cad bdag med par rtogs pa'i mtshan nyid do/ /de nyid de las
 gzhan pa'i pha rol tu phyin pa bas mchog tu gyur pa'i phyir pha rol tu phyin pa mchog yin no/ /de dmigs pa ni gang zag la sogs pa dang 'brel pa nyid duAm 'dzin pa la sogs pa'i rnam pa nyid du mngon par zhen pa ste/
 med pa zhes bya bar sbyar ro/ /byang chub sems dpa' yang gang zag la sogs pa'i rdzas dang phung po la sogs par btags pa'i bdag nyid du yang mi dmigs so/ /byang chub sems dpa' gang la mthong ba dang sgom pa'i lam gyi gnas skabs dag
 na de la skrag pa med pa'i bdag nyid chos kyi dbyings kun tu 'gro ba rtogs pa yod pa de la gdams ngag dang rjes su bstan pa yin te/ de kho na nyid rtogs pa dang chud mi za bar bya ba'i don du rig par bya'o zhes bya ba ni tshig gi lhag ma yin no/ /'di skad
 du byang chub sems dpa' stong pa la sogs pa la zhugs kyang sems can la sogs par lta ba ma bsal nas bla na med pa'i byang chub mngon du bya mi nus te/ de ni nyon mongs pa dang shes bya'i sgrib pa'i bag chags thams cad las rnam par grol
 ba'i ngo bo yin pa'i phyir la sems can la sogs par lta ba yang nyon mongs pa mdza' dag gi gnas kyi ngo bos de'i mi mthun pa'i phyogs kyi ngo bo nyid yin pa'i phyir ro/ /de lta bas na byang chub sems dpas re zhig sems can du lta ba bdag gis 'di
 bsgrub par bya'o/ /snyam pa bdag dang gzhan du shes pa'i bdag nyid dge ba dang cig shos su tha snyad gdags pa'i rjes su 'brang ba gang yin pa de yang gnyen po'i sgo nas bsal bar bya'o/ /de ma bsal na mi sdug pa la sogs par mos pa yid la byed pa tsam
 gyis ni de la rag las te 'byung ba'i nyon mongs pa'i rigs gtan nas bsal bar mi nus pa'i phyir ro/ zhes brjod par 'gyur ro/ /gzhan yang/ ting 'dzin 'jig rten na ni sgom mod kyi/ /de yi bdag gi 'du shes mi 'jig na/ /de la nyon mongs yang rab
 'khrugs 'gyur te/ /lhag spyod 'dir ni ting 'dzin sgom pa bzhin/ /zhes gsungs pa lta bu yin no/ /bdag tu lta ba'i gnyen po ni bdag med pa'i lta ba yin te/ de ni bdag med pa la sogs pa'i spyod yul can yin pa nyid kyis nga dang 'gal ba'i phyir ro//
 gal te 'di gnyis phan tshun dmigs pa 'gal pa'i? dgal bar 'dra ba ma yin nam 'di la gang lhag pa ci zhig yod na des na bdag med par lta ba kho na sems can du lta ba'i gnyen por bzhag la/ 'di ni de'i gnyen po ma yin zhe na/ de ni ma yin te/ sems can la
 sogs par lta ba ni dmigs pa med pa'i phyir ro/ /'di ltar 'da' i yul gang zag la sogs pa'i rdzas phung po la sogs pa las ma gtogs pa gzhan gyis kun brtags pa lta bu zhig yin nam/ phung po la sogs pa zhig yin par 'gyur grang/ gang zag gi
 rdzas la dmigs pa nyid gcig yin na yang sems can du lta ba mngon sum gyi mtshan nyid dam rjes su dpag pa'i bdag nyid gcig yin par 'gyur grang na/ de la re zhig 'di mngon sum ni ma yin te/ sngon po la sogs par snang ba bzhin du mig la sogs
 pa'i rjes su 'gro ba dang ldog pa'i rjes su mi byed pa'i phyir dang yongs su mi gsal ba'i rnam pa can yin pa'i phyir ro/ /dbang po'i byed pa la mi bltos par skye ba'i shes pa mi gsal bar snang ba can ni mngon sum yin par 'os pa ma yin te/ de lta ma yin na
 shes pa thams cad mngon sum nyid du thal bar 'gyur ro/ /'di ni sngon po mthong ba na sngon por rtog pa'i blo bzhin du bdag gzhan mthong ba'i rjes su 'gro ba yin pa'i phyir rnam par rtog pa'i bdag nyid kyi mngon sum yang ma yin te/ lus la sogs pa
 kun tu rig pa las ma gtogs par bdag gi rnam par mi rtog pa'i phyir ro/ /gal te 'di ni bdag gi lus la sogs pa yin no zhes tha dad par shes pa'i phyir tha dad pa rab tu grub pa yod do zhe na/ ma yin te shes pa tsam 'jug pa la mngon sum gyi tha snyad mi
 srid pa'i phyir te/ de las gzhan pa las tha dad pa sngon po la sogs pa rnam pa yongs su gsal bar mthong ba la 'di ni ser po la sogs pa la tha dad pa yin no zhes bya bar shes pa ni mngon sum gyi tha snyad kyi yul can yin
 par 'gyur ro/ /de lta ma yin te/ shes pa tsam mngon sum nyid yin na ni rtogs pa thams cad mngon sum gyi tha snyad kyi yul can yin pa'i phyir 'khrul pa'am ma 'khrul pa cung zad kyang med par 'gyur ro/ /de lta bas na/ lus la sogs pa kun tu
 rig pa las bdag tha dad par ma grub na tha dad pa'i blo 'khrul pa yin no/ /'di ni bdag gis mthong ngo blta'o blta bar bya'o snyam du shes pa'i mngon sum dus gsum gyi rjes su 'gro ba sgrub par byed pa yin yang bsal ba yin te/ dus la sogs
 pas so sor nges par khyad par du byas pa'i bde ba la sogs pa'i gnas skabs las ma gtogs pa rjes su 'gro ba'i bdag nyid gcig po mi snang ba'i phyir dang/ snang ba rnams kyang rjes su 'gro ba med pa'i phyir ro/ /shes pa yod pa tsam la
 bdag tu shes pa yang mngon sum gyi tshad ma ma yin no/ /rtags med pa'i phyir rjes su dpag pa yang ma yin te/ don lkog tu gyur pa la rtags kyis bskyed pa'i shes pa ni rjes su dpag pa yin na bsgrub par bya ba'i bdag la ni rtags cung zad
 kyang med do/ /gal te dran pa la sogs pa rtags yin no zhe na/ ma yin te/ de dag bdag mngon sum du ma gyur pa dang/ 'brel pa mi rtog pa'i phyir dang tshang mas gnod pa'i yang phyir ro/ /dran pa la sogs pa dang gis 'jig pa'i ngo bo nyid du
 gyur pa'i rang bzhin rnams ni ngang gis mi gcig pa'i ngo bo nyid du kun brtags pa'i bdag dang de'i bdag nyid du mi rung ba'i phyir ro/ /phan tshun 'gal ba'i bdag nyid rnams kyang gcig pa nyid yin na ni tha dad pa cung zad kyang med pas 'gro ba mdza' 
 dag tha dad pa dang tha dad ma yin pa'i tha snyad med par thal bar 'gyur ro/ /dran pa la sogs pa bdag gi 'bras bu yang ma yin te/ rim gyis skye ba dang ldan pa'i phyir ro/ /rgyu bdag rtag pa gcig pa'i ngo bo yin pas rim pa dang mi ldan pa la ni de tsam
 la rag las te 'byung ba'i 'bras bu rim can du rig pa ma yin no/ /gal te nang gi bdag lhan cig byed par rim pa dang ldan pa nye bar bltos nas rang gi 'bras bu skyed pa la rim pa kho nas byed pa'i phyir 'bras bu rim can yin no zhe na/ ma yin te rtag pa
 nyid kyis phan pa byar med pa ni de las gzhan pa la bltos pa med pa'i phyir ro/ /phan pa bya ba nyid yin na yang phan pa ni de dang tha mi dad pa'i ngo bo yin pa'i phyir de byas na bdag byas par thal bar 'gyur te/ de lta na yang bdag rtag pa nyid ma yin no/ /
 phan pa bdag dang tha dad pa nyid gcig yin na ni dran pa la sogs pa bzhin du 'brel pa mi 'thad la/ thug pa med par yang thal bar 'gyur ro/ /de lta bas na bdag phan pa zhes bya ba 'brel pa med pa dngos po gzhan la phan 'dogs pa'i lhan cig byed
 pa nye ba la mi bltos pa ni rim gyis byed pa dang bral ba'i phyir de tsam la rag las pa'i dran pa la sogs pa cig car 'byung bar 'gyur ro/ /de lta na ni skad cig ma gnyis pa la sogs pa 'dod chags la sogs pa nyes pa'i rgyun med pas 'gro ba ma lus
 pa 'bad mi dgos par mya ngan las 'das pa'i phun sum tshogs pa yang dag par thob par 'gyur te/ 'dod chags la sogs pa yang dag gis bskyed par bya ba yin pa'i phyir bstan ma yin pa de dag kyang cig car kho nar 'byung ba'i phyir ro/ /de lta na
 yang bdag mi rtag pa nyid yin te/ sngon dran pa la sogs pa skyed par byed pa'i de byed pa skad cig ma phyin chad de mi byed pa'i phyir ro/ /de'i tshe ni dngos po yang ma yin pa nyid ded dngos po'i mtshan nyid ni don byed nus pa yin pa'i phyir ro/ /zla ba gnyis la
 sogs par snang ba phyi rol gyi gzugs nyid du don byed pa dang bral ba dag dngos po nyid du ma grub pa'i yang phyir ro/ /'dis ni phung po la sogs pa yang rtag pa'i phyogs nyams pa'i phyir bdag tu lta ba'i
 dmigs pa nyid yin pa bkag par khong du chud par bya ste/ 'og nas de dag gcig pa nyid la sogs pa'i mtshan nyid du mi 'thad pa'i phyir ro/ /zhes kyang bshad par bya'o/ /da ni bdag la sogs pa med na ji ltar thams cad la 'di ni
 bdag go 'di ni bdag gi'o zhes bya ba ba'i tha snyad 'jug rnal 'byor pa zad pa dang mi skye ba shes pa thob pa rnams kyi bdag gi zag pa zad do zhes bya ba la sogs pa'i blo yang ji ltar rab tu 'grub ce na/ de ni de lta ma yin te/ bdag la
 sogs pa dang sems can du lta ba la sogs par 'brel pa med pa'i phyir ro/ /gang zhig gang dang 'brel par rab tu 'grub pa de kho na de bsal na 'byung bar mi 'gyur ba yin na bdag tu lta ba la sogs pa ni bdag dang 'brel par yang ma
 grub po zhes phal cher bstan zin to/ /de skye ba la phung po la sogs par snang ba ma brtags gcig pu na dga' ba ni ji ltar mthong ba bzhin rgyu yin pa nyid do/ /de nyid la dgongs nas bcom ldan 'das kyis kyang de dang de las dge slong ngag?
 gang su dag bdag go zhe 'am bdag gi'o zhes yang dag par rjes su lta ba de dag ni nye bar len pa'i phung po lnga po 'di dag kho na la yang dag par rjes su blta'o zhes gsungs so/ /gal te phung po la sogs pa bdag la sogs pa'i ngo bo ma
 yin na de ji ltar bdag la sogs pa'i blo'i yul yin zhe na/ de nyid kyi phyir de'i blo'i yul med pas 'khrul pa yin no/ /de lta ma yin te yul yod pa nyid cig yin na shes pa thams cad la 'khrul pa dang cig shos kyi tha snyad mi 'thad do/ /
 gal te 'di 'khrul pa yin na ji ltar de kho na nyid mthong ba dag 'jug ce na/ ma yin te/ de dag ni de'i mtshan nyid la kun tu rmongs pa med pa'i phyir ro/ /ngo bo gzhan yongs su 'dzin par lhag par zhen pa las bltos nas 'khrul par mngon par 'dod pa'i
 shes pa dag 'khrul par rnam par bzhag gi rang gi ngo bo la ltos nas ni ma yin te/ rang gi ngo bo ji lta ba bzhin nyams su myong ba'i bdag nyid kyi rang la sgro 'dogs pa med pa'i phyir ro/ /de lta bas na rnal 'byor pa sems kyi 'jug pa mdza' dag rang
 gi rnam pa tsam yongs su 'dzin pa dang ldan par lta ba rnam kyang rnam par rtog pa 'byung ba'i tshe rgyu 'ga' zhig gis bdag dang bdag gi zhes bya ba la sogs pa'i rnam par rtog pa 'jug pa la nyes pa med pa kho na'o/ /gal te bdag la sogs pa 'di thams
 cad yang dag par med mod kyi 'on kyang byang chub sems dpa' shes rab kyi pha rol tu phyin pa la goms par byed pa dang ldan pas byang chub mngon sum du bya dgos so/ /de mi dmigs pa na ni de goms pa yang mi srid pa'i phyir te de lta bas na de shes rab
 kyi pha rol tu phyin par blta bar bya dgos pa kho na'o zhe na/ de ni de lta ma yin te/ byang chub sems dpa' gang zag la sogs pa'i bdag nyid du med na de dang 'brel ba'i shes rab kyi pha rol tu phyin pa yang med pa'i phyir dang gzung ba la sogs pa'i rnam pa'i
 mtshan nyid dang mi ldan pa'i yang phyir ro/ /de goms pa ni de'i mtshan nyid la kun tu rmongs pa med pa dang ldan pa rnams la kun rdzob tu 'gal ba med pa kho na'o zhes phal cher bstan zin to// //de lta bas na gnyen po de
 lta bu goms pa'i sgo nas mthong ba'i lam nyon mongs pa'i bag chags thams cad 'gal ba 'dzin pa la sogs par rtog pas dben par mtshan nyid gcig pa yang dag par skyes na gang zag la sogs par rtog pa'i rgyun spong bar 'gyur ro zhes bstan
 nas/ byang chub sems dpa' yang dag pa'i gdam ngag la gnas pa la thos pa la sogs pa'i rim gyis mngon par 'phel ba'i thar pa'i cha dang mthun pa dag las rnam par mi rtog pa'i ye shes kyi me'i snga ltas yin pa'i
 phyir nges par 'byed pa'i cha dang mthun pa dro bar gyur pa skye bo zhes bstan pa'i phyir/ byang chub sems dpa' mi dmigs zhes bya ba gsungs te/ byang chub sems dpa' gang la byang chub kyi sems smon pa dang 'jug pa'i bdag nyid mi rtag pa la
 sogs pa'i bye brag gis tha dad pa dmigs shing mngon par zhen pa med pa zhes bya bar sbyar ro/ /'di ni mtshon pa med par zad kyi snang ba thob pa'i ting nge 'dzin gyi gnas skabs na dngos po thams cad brjod pa'i rjes su 'jug par rtogs pas gzugs la
 sogs pa'i phung po'i rnam pa thams cad la yang mngon par zhen pa med pa'i phyir/ 'di ni dad pa la sogs pa'i dbang po chung dus rab tu phye ba'i phyir dro bar gyur pa chung ngu yin par lta bar bya'o/ /'bring ni de skad thos nas rmongs pa med cing mi skrag
 pa zhes bya ba yin te/ rmongs pa ni yang dag par ma rtogs pa'o/ /skrag pa ni 'jigs par lta ba nyid do/ /gang la de nyid med pa ste/ de kho na nyid tshad ma dang mi 'ga' zhing tshe ba med pa dbang po 'bring po'i mos pas yul du byas pa'i phyir ro/ /chen po ni byang chub
 sems dpa' de ni bde gshegs shes rab spyod ces bya ba yin te/ spyod ces bya ba ni skye ba dang 'gal ba la mngon par zhen pa sel ba'i sgo nas yul du byed pa'o/ bde gshegs shes rab ni gang zhig skye ba la sogs par mngon par zhen pa'i gnyen po yin pa'i  phyir
 ro zhes bya ba'i tha tshig go /de lta bas na 'dis ni nyan thos la sogs pa'i dro bar gyur pa las byang chub sems dpa' i dro bar gyur pa snang ba thob pa'i ting nge 'dzin gyi mtshan nyid khyad par bzhis khyad khyad par du 'phags par bstan te/ dmigs pa'i khyad par gyis ni
 dngos po thams cad mi rtag pa la sogs pa'i rnam par dmigs pa'i phyir ro/ /rnam pa'i khyad par gyis ni brjod pa tsam du rtogs pas de la mngon par zhen pa med pa'i rnam pa can yin pa'i phyir ro/ /yongs su 'dzin pa dang rgyu nyid kyi khyad par dag ni bde bar gshegs
 pa la sogs pa thams cad kyis yongs su 'dzin pa dang byang chub gsum gyi rgyu rnam par dag pa'i ngo bo'i mtshan nyid 'og nas 'byung ba dag 'dir yang blta bar bya'o/ /nyan thos la sogs pa'i dro bar gyur pa ni phal cher phung po la sogs pa tsam la dmigs pa
 dang mi rtag pa la sogs par mngon par zhen pa'i rnam pa can dang/ bde bar gshegs pa la sogs pa yongs su 'dzin pa dang bral ba dang bdag nyid kyi nyon mongs pa tsam gyi gnyen po yin pa'i phyir/ rang gi byang chub tsam gyi 'bras bu can yin te/ de bzhin du nges
 par 'byed pa'i cha dang mthun pa lhag ma rnams la yang ci rig par khyad par bzhis shes par bya'o/ /de ltar re zhig gtso bor gang zag la sogs pa'i dngos por rtog pa dngos su bsal nas gzugs la sogs pa'i dngos por rtog pa bsal ba'i sgo
 nas dro par gyur pa'i mjug thogs su rtse mor gyur pa snang ba mdzad pa'i ting nge 'dzin gyi ngo bo nyid dbang po shin tu mchog tu gyur pa'i gnas skabs bstan pa'i phyir ro/ /gzugs med ces bya ba la sogs pa gsungs te/ gzugs la sogs pa ni
 sdug bsngal dang kun 'byung gi bden pas yang dag par bsdus pa yin no/ /bsdus pa'i don ni byang chub sems dpa' de la rtse mo'i gnas skabs na gzugs la sogs par snang ba sems tsam gyi rnam pa gnyis kyi rdul phra rab la sogs pa'i gzugs
 mi rtag pa la sogs pa'i rnam pa can yang gnas te dmigs pa'i yul rdul tsam yang yod pa min pa 'am mi snang ste de ni yang dag par rigs pa dang lung gi sgo nas mi 'thad pa'i phyir ro zhes bya ba yin no/ /gzugs la sogs pa ni gcig dang du ma'i 
 ngo bo nyid dang bral ba'i phyir te/ 'di ltar de dag thog ma dang dbus dang tha ma la sogs pa'i bye brag gis yan lag du ma'i ngo bo nyid du snang ba'i phyir dang de la ma gtogs pa'i yan lag can la sogs pa gcig pu yang mi
 dmigs pa'i phyir ngo bo nyid gcig pa ma yin no/ /'on te dmigs pa na dbus dang ni yan lag du ma la ma gtogs pa'i gcig pu rang gi bdag nyid tsam du gnas pa'i phyir du ma nyid nyams pa med do/ /phan tshun 'dres pa med pa'i ngo bor snang ba'i
 du ma ni gcig tu 'gyur bar 'os pa ma yin te/ ha cang thal bar bya ba'i phyir dang gcig 'gyur na yang thams cad 'gyur bar 'gyur ba'i phyir ro/ /rjes su dpag pa'i sgo nas kyang de gcig pa nyid du mi 'grub ste/ sngon po la sogs pa phan tshun yan
 lag tha dad pa'i bdag nyid du snang ba la de'i gcig pa nyid mngon sum gyis gnod pa'i phyir ro/ /yan lag las ma gtogs pa'i yan lag can zhig rab tu grub par rtog na ni du ma nyid nyams pa med do/ /zhes bstan zin to/ /de'i blo la 'dug pa
 me rjes su dpag pas rab tu grub pa'i phyir ri'i bdag nyid mer snang ba ni ma yin te/ de ma yin pa'i rnam par snang ba'i phyir ro/ /yan lag can mngon sum ma yin pa dang 'brel ba rab tu grub pa'i rtags kyang cung zad kyang med la rtags dang rtags
 can 'brel ba rtogs pa med par yang rjes su dpag pa mi 'jug pa'i phyir ro/ /gcig pa nyid du rtog pa ni sngon po la sogs pa yan lag sna tshogs kyi ngo bor snang ba dag la yang 'jug pa'i phyir 'khrul pa yin no/ /de skye ba'i rgyu mtshan yang sngon po
 la sogs pa de dag nyid yin te/ de mthong ba nyid la tha dad pa ma yin pa'i blo skye ba'i phyir dang de las gzhan pa'i gcig pu'i ngo bo yang ma mthong ba'i phyir ro/ /gal te 'o na sngon po la sogs pa'i rdul phra rab bsags pa yin no zhe na/ ma yin te/
 rdul phra rab cha shas med pa'i bdag nyid rnams kyang mi rtog pa'i phyir ro/ /sngon po la sogs par snang ba na yan lag med pa'i rdul phra rab kyi gzugs cung zad kyang mi dmigs te/ sngon po la sogs pa rags par snang ba nyid du shes pa'i phyir ro/ /gal te rags
 pa ni phra mo bsags pa sngon du 'gro ba yin pa'i phyir de grub na rdul phra rab kyang grub pa yin no zhe na ma yin te/ rdul phra rab dang rags pa dag 'brel ba mi rtogs pa'i phyir ro/ /rdul phra rab grub na de bsags pa'i bdag nyid rags pa rab tu 'grub par
 'gyur gyi gzhan du ni ma yin no/ /yan lag med pa rnams la bsags pa mi 'grub pa'i yang phyir te/ dbus na 'dug pa'i rdul phra rab la bltos nas phyogs dang yul tha dad pa na gnas pa'i rdul phra rab rnams bsags pa yin na/ de yang rdul phra
 rab cha shas med pa la phyogs dang yul tha dad pa mi srid pa'i phyir mi 'thad do/ /phyogs dang yul gcig nyid yin na ni rdul phra rab gcig kho nar rdul phra rab thams cad zhugs pa'i phyir sngon po la sogs pa la mthong ba tsam yang med na rags
 pa'i rnam pa so sor 'dis pas de las gzhan pa'i don byed pa lta smos kyang ci dgos mthong ba dang don byed pa dag kyang rab tu grub pa'i phyir la rdul phra rab ni dbang pos mi sod pa'i phyir dang/ sgrib pa la sogs pa'i don byed par yang rab tu mi
 'grub pa'i phyir ro/ /gcig dang du ma las ma gtogs pa gang gis na sngon po la sogs pa dngos po yod par 'gyur ba'i rnam pa gzhan ni yod pa ma yin te/ 'di gnyis ni phan tshun 'gal bas rnam pa gzhan rnam par gcod pa'i mtshan nyid
 yin pa'i phyir ro/ /de ltar gzugs kyi phung po'i mtshan nyid dang mi ldan na de la rten cing dmigs pa tshor ba la sogs pa yang mtshan nyid dang bral bar shes par bya ste/ sems dang sems las byung ba sngon po la sogs par snang ba rnams
 ji skad bshad pa'i rim gyis gcig dang du ma'i rnam pa dang bral ba'i yang phyir ro/ /de ltar gzugs la sogs pa'i bdag nyid kyi gnas bsal nas 'gog pa'i bden pas bsdus pa de bzhin nyid la sogs pa'i ngo bo
 nyid kyi gnas bsal ba'i phyir de zhes bya ba la sogs pa gsungs te/ de zhes bya ba ni byang chub sems dpa' o/ /chos kun la mi gnas zhes bya ba ni de bzhin nyid la sogs pa'i bdag nyid kyi chos thams cad mngon par zhen pa med pa
 ste/ yang dag par na de dag gzung ba med pa la sogs pa nyid kyi stong pa nyid kyi rnam pa yin pa'i phyir/ 'o na ji ltar byang chub sems dpa' lam gyi bden pas yang dag par bsdus pa'i shes rab kyi pha rol tu phyin pa la spyod ce na/ gnas pa
 med par spyod ces bya ba gsungs te/ gang zag dang gzugs la sogs pa'i chos kyi rnam pa thams cad la mi gnas pa nyid du de sgom par byed ces bya ba'i tha tshig go /gang gi phyir byang chub sems dpa' des stong pa nyid kyi rnam par rtogs pa'i
 phyir thams cad mkhyen pa nyid la yang chos dang chos can du rtog pa'i mtshan ma dag gis yongs su gzung ba med cing bdag gir byas pa med pa de nyid kyi phyir mtshan ma'i nyon mongs pa dang bral bas bde gshegs rnams kyi byang chub nyan thos la sogs
 pa dang thun mong ma yin pa 'thob po zhes bya bar sbyar ro/ /'di'i phan yon rab tu bstan pas ni kun rdzob tu yang dngos po med par rtog pa bsal bar shes par bya ste/ dag de lta bu la sogs pa rdzogs kyi bar du gang cung zad yin par bstan pa thams
 cad ni 'di lta bur dgongs pa nyid du rilga? par bya ste/ 'di ni rtse mor gyur pa chung ngu yin no/ /'bring ni ji ltar kun tu rgyu ba phreng can zhes bya ba la sogs pa yin te/ byung gyur zhes bya ba ni 'byung bar 'gyur pa'o/ /shes pa yis dmigs pa ni 'jig rten
 pa'i rtogs pa'i shes pas phyi dang nang la sogs pa'i bye brag gis 'dzin pa la sogs pa'i ngo bo nyid du lhag par chags pa ste de lta bur gyur pa med pa'o/ /phung po rnam par 'jig pa ni phung po rnam pa thams cad du mi dmigs pa ste/ de lta bur gyur pa
 ji lta bar zhes bya bar sbyar ro/ /de lta bas na 'dis ni ji skad du kun tu rgyu phreng ba can 'jig rten pa'i lam nyid che ba'i shes pas rtog pa sngon du 'gro ba'i 'jig rten las 'das pa'i lam la zhugs pa yang gal te dngos po 'ga' zhig dmigs par
 gyur na de'i tshe 'di la dad pa rnyed par yang mi 'gyur te/ 'jig rten las 'das pa dang cig shos kyi lam dag dngos por dmigs pa'i bdag nyid du khyad par med pa'i phyir ro zhes ston par byed do/ /de lta bas na dngos po rnam pa thams cad du mi dmigs
 pa'i bdag nyid kho na 'jig rten las 'das pa'i tshul yin la de las gzhan pa ni sgro btags pa'i rnam pa'i spyod yul can yin pa nyid kyi nyon mongs pa'i bag chags mdza' dag gi gnyen po ma yin pa'i phyir 'jig rten pa yin no/ /gal te gang zag
 gis dben pa'i khyad par phung po tsam la rnam par lta ba rnams kyang sems can du lta ba med na/ nyon mongs pa'i tshogs thams cad spong bar 'gyur ba kho na ma yin nam/ de ji ltar na gang zag tsam med par lta ba 'jig rten las 'das pa nyid ma yin
 zhe na/ ma yin te/ phung po la mngon par zhen pa ma spangs na sems can du lta ba mi rtog pa'i phyir ro/ /de ni phung po la mngon par zhen pa las rab tu byung ba'i phyir te/ sems can du lta ba lhan cig skyes pa ni phung por dmigs pa la ma gtogs pa gzhan
 las 'byung bar mi dmigs so/ /rtag pa la sogs par mngon par zhen pa yang phung por yongs su 'dzin pa la rag las pa'i phyir de yang phung po don dam par yod pa ma yin pa la mi rtag pa nyid du mos pas spong ba mi srid pa'i phyir ro/ /de lta ma yin na mi
 sdug pa la sogs par mos pa yid la byed pa yang nyon mongs pa'i gnyen por 'gyur par thal bar 'gyur ro/ de lta bas na phung po mi dmigs pa ni tshad mas 'thad pa'i de kho na nyid kyi yul can yin pa'i phyir de kho na nyid yid la byed
 pas nyes pa'i bag chags mdza' dag gi gnyen por gyur pa yin gyi der dmigs pa ni ma yin te/ ji skad du ji srid phung por 'dzin de srid/ de las bdag ces bya bar yang bshad do// //bam po gnyis pa'o//
 kha cig na re la la las gang zag med pa tsam rtogs pas nyon mongs pa spong bar bshad pa gang yang yin pa de ni de skad du bshad pas gdul ba'i skye bo'i dor byas pa yin gyi yang dag par yod pa ni ma yin te/ dge slong dag khur yang yod la
 khur khyer ba yang yod do zhes bya ba la sogs pa bshad pa bzhin no/ /zhes zer ro/ /de ltar dpe'i sgo nas chos thams cad bdag med par bstan nas 'di nyid la byang chub sems dpa' bar bstan pa'i phyir/ byang chub sems dpa' gang zhig ces
 bya ba la sogs pa gsungs te/ de ltar zhes bya ba ni de lta bur ro/ /gang zhig ji ltar phreng ba can gyis chos rnams yongs su shes pa de ltar shes pa zhes bya ba dang sbyar ro/ /gang zhig de ltar chos thams cad bdag med par yang rnam par lta ba mya
 ngan las 'das pa ste/ nyan thos kyi mya ngan las 'das pa la mi reg cing yul du mi byed pa zhes bya ba dang rnal du sbyar te thugs brtse ba chen pos 'gro ba thams cad la lta ba dang bcas pa ni chos thams cad mi dmigs pa yid la byed pa'i phyir ro//
 de zhes bya ba ni byang chub sems dpa' o/ /gnas zhes bya ba ni shes rab sgom par byed pa ste bde bar gshegs pa rnams kyi zhes bya ba ni tshig lhag ma yin no/ /rtse mor gyur pa chen po bstan pa'i phyir yang zhes bya ba la sogs pa gsungs te/ 'di
 zhes bya ba ni rtse mor gyur pa chen po'i gnas skabs pa'i byang chub sems dpa' o/ /shes rab kyi pha rol tu phyin pa yongs su rtog pa yang ngo bo nyid kyi sgo nas ni 'di ni gang yin gang zhes gsungs pa yin no/ /gang zhes bya ba'i sgra ni spong ba yin par blta bar
 bya ste de'i ngo bo nyid 'dzin pa la sogs pa'i rnam par mi 'thad pa'i phyir ro/ /'brel pa'i sgo nas ni su'i yin zhes gang gsungs pa yin no/ /su zhes bya ba ni snga ma bzhin te/ de dang 'brel pa'i bdag la sogs pa med pa'i phyir ro/ /yul gyi bsgo nas
 ni gang las yin zhes chos 'dir thams cad stong par rtog ces bya ba gang gsungs pa yin te/ kun nas nyon mongs pa dang rnam par byang ba'i bdag nyid kyi chos thams cad chos dang chos can gyi dngos po dang de stong pa nyid du yang mi 'thad pa'i phyir ro//
 rtog ces bya ba ni dpyod pa byed pa'o/ /zhum pa med cing zhes bya ba ni thams cad sems tsam du rtogs pa'i phyir kun tu rmongs par mi 'gyur zhing zhes bya ba'i tha tshig go /lhag ma ni go sla'o/ /de ltar rim gyis 'phel ba'i rtse mor gyur pa las gzung ba dang 'dzin
 pa med par rtogs pa'i mtshan nyid kyi bzod pa de kho na nyid kyi phyogs gcig gi ting nge 'dzin gyi bdag nyid dag skye bar 'gyur ro zhes ston cing gzugs la sogs pa'i 'du shes phyin ci log gi ngo bo nyid yin par bstan pa'i phyir/ gal te mi shes bzhin du gzugs
 su 'du shes shing zhes bya ba la sogs pa gsungs te gal te zhes bya ba ni brgya la'o/ /mi shes bzhin du zhes bya ba ni gzod ma nas skye ba med pa'i don khong du mchud par ro/ /gzugs su 'du shes pa ni gzugs la sogs pa la spyi dang khyad par gyi mtshan mar
 mngon par zhen pa'o/ /rtogs ces bya ba ni gal te phung po dag la stong pa nyid du gzung ba'i bdag nyid du rtog par byed na yang ngo/ /mtshan ma la zhes bya ba ni mtshan ma la te/ phyin ci log la zhes bya ba'i don to/ /ci'i phyir zhe na/ skye med gnas la dang ? yin zhes
 bya ba gsungs te/ skye ba med pa nyid sgrib pa'i bag chags thams cad spong ba'i gnas su gyur pa'i phyir gnas yin no/ /de la ma dad pa ni ma mos pa ste/ gang gi phyir zhes bya ba ni lhag ma yin no/ /phyin ci log 'di'i gnyen
 por phyin ci ma log pa bstan pa'i phyir/ gang zhig gzugs min tshor min zhes bya ba la sogs pa gsungs so/ /sems dpa' zhes bya ba ni/ 'du byed kyi phung po thams cad nye bar mtshon pa'i phyir ro/ /yang na 'du byed thams cad sems
 mngon par 'du byed pa'i ngo bo nyid kyi sems dpa' i bdag nyid yin pa'i phyir te/ 'du byed kyi phung po gang zhe na/ sems dpa' i tshogs drug te zhes gang gsungs pa yin no/ /mi spyod ces bya ba ni gzugs la sogs pa dngos po med pa'i ngo bo
 nyid kyi rnam pa nyid yin pa'i phyir gzugs la sogs pa gsung ba'i bdag nyid kyi ngo bo nyid dang bral bar rtogs pa'i phyir te 'di ni bzod pa chung ngu yin no/ /gnas pa med par spyod ces bya ba ni rten pa med par spyod pa ste/ kun nas nyon mongs
 pa dang rnam par byang ba'i bdag nyid kyi chos rnams ma skyes par nges par 'byung ba mi 'thad pa'i phyir ro/ /ma skyes pa ni yang dag par na gang gis na de la brten nas spyod par 'gyur ba rnam par dag par 'gyur ba'i mtshan nyid kyis nges par 'byung
 ba sgrub par mi byed de 'di ni bzod pa 'bring yin no/ /de ni spyod pa med na de dang ldan pa'i byed pa po yang spyod ces bya bar mi dmigs pas spyod ces bya ba la sogs pa'i rnam par byed pa po mtshan ma mi dmigs te/ gzugs la sogs pa'i mtshan
 ma rnam pa thams cad du med na chos thams cad gzung ba'i ngo bo nyid ma yin pa nyid kyi byed pa po med pa'i phyir ro zhes bya ba'i tha tshig go /byed pa po med du zin kyang 'on kyang ci'i phyir so so'i skye bo bzhin du der mi dmigs she na/ de ltar shes rab
 bstan zhes bya ba smos te/ shes rab kyis mtshan ma thams cad kyis mi g.yos pa'i phyir ro/ /de nyid gsal bar bya ba'i phyir skye med blo ldan zhes bya ba smos te/ 'di skad du gang gi phyir de bzod pa chen po'i dbang gis chos thams cad skye ba med
 par mos pa de'i phyir de mtshan ma de dag mi dmigs te/ skye ba med par mos pa'i mtshan ma la mngon par zhen pa thams cad kyi gnyen po yin pa'i phyir ro 'di ni bzod pa chen po yin no/ /de ltar rim gyis bzod pa chen po thob pa'i rjes la bar
 chad med par mthong ba'i lam thob pa yin pa'i phyir bar chad med pa'i ting nge 'dzin gyis bsdus pa'i chos kyi mchog gi gnas skabs kyi ting nge 'dzin zhi ba mchog la reg ces bya ba smos te/ de la dge ba rtse gcig pa'i ngo bo nyid yin pa'i phyir ting nge
 'dzin dag ste dpa' par 'gro ba la sogs pa'o/ /'dzin pa'i g.yeng ba med pa'i phyir zhi ba dag go /myur du mngon par rdzogs par byang chub pa'i rgyu yin pa'i phyir mchog dag go /de dag la reg pa ni byang chub sems dpa' bdag nyid ji lta ba bzhin
 du rang gi ming dang don byed pa'i rnam pa yul du byed do zhes bya bar sbyar te/ shes rab kyi pha rol tu phyin pa rgyas par bstan pa las ji skad du/ de la dpa' bar 'gro ba zhes bya ba'i ting nge 'dzin gang zhe na ting nge 'dzin gang gis ting nge 'dzin thams cad kyi
 skyong yul nyams su myong ba ste/ 'di ni dpa' bar 'gro ba zhes bya ba'i ting nge 'dzin zhes bya'o zhes bya ba rgyas par gsungs pa lta bu yin no/ /'di dag ni chos kyi mchog chung ngu yin no/ /'bring bstan pa'i phyir/ byang chub sems gang de ltar 'dir bdag zhir
 gnas pa zhes bya ba la sogs pa smos te/ 'dir zhes bya ba ni dpa' bar 'gro ba la sogs pa'i ting nge 'dzin na'o/ /bdag zhir gnas pa zhes bya ba ni 'dzin pa'i rtog pa'i g.yeng ba med pa'i phyir sems rab tu zhi ba zhes bya ba'i tha tshig go /de ni zhes bya ba
 ni chos kyi mchog gi gnas skabs pa'i byang chub sems dpa' o/ /sngon gyi de bzhin gshegs pa zhes smos pa ni de bzhin gshegs pa gzhan dag gis kyang de lung bstan pa'i phyir nye bar mtshon pa'i don te/ sangs
 rgyas gang dag de ltar phyogs bcu'i 'jig rten na bzhugs pa de dag kyang gang zhig ting nge 'dzin 'di dag gis gnas pa de la lung ston to zhes gang gsungs pa yin no zhes lung bstan zhes bya ba nges par rdzogs par byang chub thob par rab tu
 bstan pa'o/ /rlom sems med ces bya ba ni gnas ngan len gyi g.yeng ba mngon du mi byed ces bya ba'i tha tshig go /de nyid bstan pa'i phyir bdag ni mnyam par bzhag ce 'am langs zhes bya ba smos te/ ngar 'dzin pa ni nyes pa thams cad
 skye ba'i rgyu mtshan gyi dngos pos gnas ngan len gyi g.yang ba'i mtshan nyid yin pa'i phyir ro/ /'di las langs nas yang mngon par zhen pa med pa'i phyir gtan med par bstan pa yin no/ /'di nyid la dri ba dang bcas pa'i lan gyi sgo nas
 chos kyi mchog chen po bstan pa'i phyir/ ci'i phyir zhe na zhes bya ba smos so/ /ci'i phyir zhe na/ bdag yod na de'i ngar 'dzin phyin ci ma log pa'i bdag nyid kyis rnam par g.yeng ba'i ngo bo ma yin pa'i phyir ji ltar de kun nas mi ldang snyam du
 bsam pa yin no/ /de yongs su spang ba'i phyir chos kyi rang bzhin yongs su shes phyir zhes bya ba smos so/ /de skad du de la bdag yod na de la ngar 'dzin pa 'am de la phyin ci ma log par 'gyur ba zhig na de gnyis ni yod pa ma yin te/ gzugs
 la sogs pa'i chos bsgom par bya ba dang sgom par byed pa la sogs pa'i bye brag gis tha dad pa rnams yang dag par na med pa'i phyir dang chos kyi mchog chen po'i gnas skabs na mos pa de'i ngo bo nyid du rab kyi mthar phyin pa'i yang phyir ro
 zhes brjod pa yin no/ /nges par 'byed pa'i cha dang mthun pa'i gnas skabs 'di dag ni rnam par rtog pa dang bcas pa'i phyir mthong bas spang bar bya ba gzung ba dang 'dzin pa'i rnam par rtogs pa gnyis dang mtshungs par ldan pa yin no/ /de la gzung
 bar rnam par rtog pa rnam pa gnyis te dngos po tsam la rten pa ni gang gis na phung po la sogs pa dngos po tsam la brjod pa tsam du shes pa'o/ /gnyen po la rten pa ni gang gis na pha rol tu phyin pa la sogs pa'i rnam pa rnam par byang ba'i dngos po kho
 na las sems tsam du rnam par 'jog par byed pa'o/ /'dzin par rnam par rtog pa yang rnam pa gnyis te/ gang zag gi rdzas la brten pa ni gang gis na 'dzin pa'i rnam pa gang zag gi rdzas su sgro btags pa gtso bor sems can la sogs pa lta ba'i yul
 gyi dngos po 'gog par byed pa'o/ /der gdags pa la rten pa ni gang gis na der gdags pa tsam yang 'dzin pa ma yin pa nyid du rab tu 'byed par byed pa'o/ /'di dag kyang go rims bzhin du nges par 'byed pa'i cha bzhi po dag la lta bar bya ste/ de la
 gzung bar rnam par rtog pa dang po rnam pa dgu'i dbang du mdzad nas/ de ltar spyod na zhes bya ba la sogs pa smos so/ /de ltar zhes bya ba ni dro bar gyur pa'i gnas skabs su rab tu bstan pa'i mi dmigs pa'i tshul gyis so/ /bde gshegs rnams kyi shes
 rab ces bya ba ni sbyin pa la sogs pa chos dkar po rnams mi dmigs pa'i bdag nyid de ni rdzogs pa'i sangs rgyas kyi go 'phang thob pa'i rgyur gyur pa'i phyir ro zhes bya ba'i tha tshig go /'di ni rnam par byang ba'i dngos pa la rnam par rtog pa yin no/ /dmigs pa
 zhes bya ba ni mi 'gyur zhes bya ba dang 'grel ba'i phyir dmigs par mi 'gyur ba nyid ces bya ba'i tha tshig go /de yang ci zhig ce na/ chos gang spyod pa zhes bya ba smos te/ chos ni bdag la sogs pa'o de nyid mi dmigs pa'i spyod pa'i rten yin pa'i phyir te
 sems can du rnam par rtog pa yin no/ yang ci'i phyir na mi dmigs ji ltar na bdag la sogs pa mi dmigs pas rang dang gzhan yongs su smin pa la sogs pa'i mtshan nyid kyi spyod par 'gyur zhe na/ spyod pa zhes bya ba
 la sogs pa smos so/ /'di skad du chos thams cad skye ba mi dmigs pa'i mtshan nyid kyi spyod pa med pa gang yin pa de nyid mtshan ma dang mi 'gal ba'i phyir dang bdag dang gzhan rnam par dag pa'i rgyu yin pa'i phyir spyod pa dam pa yin te/ de lta ma
 yin na mos pa yid la byed pa tsam gyis ni sgrib pa spong ba med pa'i phyir ro 'di khong du chud nas chos ci yang mi dmigs pa yin no zhes brjod par 'gyur ro/ /de nyid 'di ni zhes bya ba la sogs pa smos pa yin to/ skye ba rnam par dag pa rnam
 bar rtog pa yin no/ /gal te chos mi dmigs pa yang ji ltar med na gang gis na/ de mi dmigs pa kho na la bshad pa'i mtshan nyid kyi spyod par 'gyur zhe na/ de ni ma yin te/ dngos po ji ltar byis pas dmigs pa tshad mas gnod pa nyid kyis
 med pa'i phyir ro zhes bshad pa yin te 'chad par yang 'gyur ro/ /'o na chos ji lta bur yod zhe na/ gang zhig yod pa ma yin zhes bya ba smos so/ /de ni yod do zhes bya ba tshig lhag ma yin te/ byis pas dmigs pa'i spyod yul ni sgro btags
 pa'i spyod yul yin pa'i phyir des sgro btags pas dben par mtshan nyid gcig pa kho na don dam pa'i yod pa yin no snyam du dgongs pa yin no/ /'di nyid la mtshan mar brjod pa'i 'brel pa/ de ni med ces bya ba smos te/ de nyid kyi phyir
 chos de ni ji ltar btags pa ltar yang ba ma yin pas med pa'i sgra brjod do zhes bya ba'i tha tshig go /de ltar yod pa ma yin te/ de'i phyir med pa zhes bya ba'i zhes gsungs pa yin te/ med par rnam par rtog pa yin no/ /gal te gzugs la
 sogs pa rab tu dbye ba tha dad pa'i chos yod pa ma yin nam de ji ltar na 'di med pa nyid yin zhe na/ ma yin te/ gzugs la sogs pa rang gi mtshan nyid kyis stong pa'i phyir ji skad sngar bshad pa lta bu te/ bcom ldan 'das ma las/ shA ri'i bu gzugs
 ni nang stong pa nyid kyi phyir yod pa ma yin no zhes bya ba la sogs pa gang gsungs pa yin no/ /phung po la sogs pa dmigs par rnam par rtog pa yin te snga ma kho na rab tu sgrub pa lhur len pa yin par khong du chud par bya'o/ /de nyid bstan pa'i phyir byis pa
 rnams kyi de zhes bya ba smos te/ byis pa zhes bya ba ni chos kyi rang gi ngo bo ma gtogs pa'o/ /de zhes bya ba ni ji skad bshad pa'i rnam pas bsgrubs pas gzugs la sogs pa'i bye brag gis tha dad pa'i chos yod pa ma yin pa zhes bya ba'i don to/ brtags
 zhes bya ba ni ming dang gzugs la sogs pa nyid du brtags nas zhes bya ba'i tha tshig ste/ ming dang gzugs su mngon par zhen par rnam par rtog pa yin no/ /de ltar brtags nas ci zhig byed ce na/ med dang yod par byed ces bya ba smos te/ med pa ni skur
 pa 'debs pa'i mtshan nyid do/ /yod pa ni sgro 'dogs pa'i mdza' i ngo bo nyid do/ /byed pa ni slong bar byed pa ste/ mdza' gnyis la chags par rnam par rtog pa yin no/ /'di nyid rang bzhin gyis skyon chags pa nyid yin par yod dang med pa 'di gnyis med pa'i chos
 nyid yin te/ zhes bya ba smos so/ /'di skad du gzugs la sogs pa yang dag par yod pa ma yin pa'i phyir de dag la sgro 'dogs pa sngon du 'gro ba yod pa dang/ med par rnam par rtog pa dag ji ltar phyin ci ma log pa'i ngo bor 'gyur te rnam pa thams cad du yod pa
 ma yin pa la ni yul dang dus dang rnam pa la bltos nas med par rnam par rtog pa 'am/ yod par rnam par rtog pa don dam pa yin par 'os pa ma yin no phyin ci log kyang kun nas nyon mongs pa dang/ rnam par byang ba yongs su mi shes pa'i ngo bo nyid yin pa'i phyir khams
 gsum pa las nges par 'byung ba'i bgegs ma rungs pa yin no/ /zhes bshad par 'gyur te/ 'di ni kun nas nyon mongs pa dang rnam par byang ba ni shes par rnam par rtog pa yin no/ /'di la gal te ji ltar na nges par 'byung
 ba'i tum bgegs yin yod pa dang med par rtog pa yod kyang sbyin pa la sogs pa'i pha rol tu phyin pa ji tsam du bsgrub pas skyon med pa'i go 'phang dang 'gal ba med pa kho na'o zhe na/ de ni ma yin te/ ji skad bshad pa'i phyin ci log dang ldan pa ni chos thams
 cad bdag med par mos pa med par sbyin pa la sogs pa'i pha rol tu phyin pa la gnas pa med pa'i phyir ro/ /'khor gsum rnam par dag pa dang bral na sbyin pa la sogs pa pha rol tu phyin pa'i tha snyad la brten pa ma yin te/ gzugs ni gzugs kyis stong ngo
 zhes bya bar dad pa mi byed pa nas byang chub ni byang chub kyis stong ngo zhes bya ba'i bar du dad par mi byed na de dag sbyin pa'i pha rol tu phyin pa la gnas pa ma yin no zhes bya ba la sogs pa gang gsungs pa yin no/ /'di ni 'phags pa'i lam la mi gnas par rnam par
 rtog pa yin no/ /dngos su ma bshad kyang rnam par rtog pa snga ma rab tu grub par bya ba'i phyir shugs kyis rgyas par bstan pa dang mthun par rjes su 'brang bar bya ste/ gzung bar rnam par rtog pa dang po rnam pa dgu yin no/ /'o na gang zhig nges par 'byung zhe na/
 byang chub sems dpa' gang gis 'di shes nges par 'byung zhes bya ba smos te/ gang gis sbyin pa'i pha rol tu phyin pa la sogs pa'i chos 'di snang ba tsam yin par shes pa des ni sgrib pa mdza' dag gi gnyen po thob pa'i phyir khams gsum pa las nges
 par 'byung ngo zhes bya ba'i tha tshig go /de lta bu ni gzung bar rnam par rtog pa gnyis pa yin no/ /de ltar gzugs la sogs pa dngos po med par rab tu bstan pa bshad pa dang 'ched par 'gyur bas ni yongs su grub pa'i mtshan nyid bshad par rig par
 bya'o/ /gal te gzugs la sogs pa snang ba tsam du zad na de ji ltar na de la bdag la sogs pas 'dzin pa nyid du shes snyam du dogs pa'i skabs 'dzin par rtogs pa dang po rab tu bstan pa'i sgo nas bsal ba'i phyir/ gang 'dir phung po lnga dag sgyu ma
 'drar shes shing zhes bya ba la sogs pa smos te/ 'di skad du gang zag rnam pa thams cad du sngar bkag pa'i phyir dang phung po rnams kyang rang gi mtshan nyid dang bral ba'i phyir byang chub sems dpa' 'di dag sgyu ma dang 'dra ba kho nar shes par bya'o/ zhes bshad pa
 yin no/ /sgyu ma smos pa ni yod pa ma yin pa las snang ba nye bar mtshon pa yin no/ /ji ste gal te de dag sgyu ma dang 'dra ba yin na 'o na ni bdag nyid thams cad kyis med pa las snang ba'i ngo bo ma yin te/ 'dra ba'i gzhi ni cung zad cig tha dad do zhe na/ sgyu ma gzhan
 dang phung po gzhan du mi byed la zhes bya ba la sogs pa smos te/ phung po la sogs pa dang/ sgyu ma ni gcig tu 'khrul pa'i bdag nyid du tha dad pa med pa'i phyir ro/ /dper smos pa ni 'jig rten na grags pa la bltos pa'i phyir ro/ /snyam du dgongs pa yin no/ /
 bdag ces bya ba la sogs par brtags pa tsam 'dzin pa'i rnam par 'dod pa dngos por yod do snyam du sems 'dzin pa'i rnam par rtog pa gnyis pa'i sgo nas bsal ba'i phyir/ sna tshogs 'du shes bral zhing zhes bya ba la sogs pa smos so/ /sna tshogs nyid kyis
 'du shes ni bdag la sogs pa rnam pa mang por 'dogs pa ste de dang bral ba'o/ /gzung ba med na de 'dzin pa mi 'thad pas de tsam la yang 'dzin pa'i rnam par mngon par ma zhen pa'i phyir te/ sems tsam brten nas phyi rol ni/ /ngo bo nyid med shes par bya/ /de bzhin
 nyid dmigs gnas nas su/ /sems tsam las ni bzla bar bya zhes gang gsungs pa yin no/ /de'i phyir phyin ci log med pas nye bar zhi spyod yin no/ /lhag ma ni go sla'o/ /de lta bas na 'dis ni phung po 'khrul pa tsam du rab tu bstan pas gzhan gyi dbang gi ngo bo nyid
 bshad pa yin te/ /de bzhin du gzhan la yang rig par bya'o/ /ji tsam du 'jig rten gyi tha snyad la bltos nas dngos po'i sgo nas bstan pa de thams cad ni kun brtags pa yin no/ /gang zhig de ltar mos par dka' ba'i shes
 rab bstan pa la skrag par mi 'gyur ram zhe na/ dge ba'i bshes dang ldan zhing zhes bya ba la sogs pa smos te/ 'dis ni rgyu gnyis kyis na 'jigs pa med par bshad de/ rten gyi stobs kyis ni dge ba'i bshes gnyen dang ldan pa nyid kyi phyir ro/ /rang
 gi shes rab kyi stobs kyis ni lhag mthong dang ldan pa nyid kyi phyir te/ shes rab 'chal ba dge ba'i bshes gnyen dang phrang ba ni don cung zad kyang rgyas par mi 'gyur ro/ /zlog pa skrag pa'i rgyu gang zhig sdig pa'i grogs ldan zhes bya ba la sog
 ba smos te/ gzhan gyi dring 'jog pa ni blo zhan pa'i phyir ro/ /de nyid gzhan dag gis choms par 'gyur ba'i phyir/ snod so ma btang chus reg zhig pa bzhin te/ nges par 'byed pa'i cha dang mthun pa'i gnas skabs thams cad du yongs su gzung ba smos pa
 khong du chud par bya'o/ /gang zag la sogs pa med na ji ltar 'di de dang de las byang chub sems dpa' byang chub sems dpa' zhes bya bar tha snyad 'dogs she na/ ci'i phyir zhes bya ba la sogs pa smos so/ /yang na ci zhes bya ba'i sgra ni spong ba'i don yin
 pa'i phyir de ltar gzugs la sogs pa med na tha snyad 'di rgyu rkyen med pa can yin no zhes bya ba yin no/ /kun rdzob tu 'jug go zhes bya ba 'ba' zhig lhur bya ba'i don yin par zad de/ rab 'byor byang chub sems dpa' zhes bya ba'i tshig gi don ni tshig gi don med pa yin
 zhes bya ba la sogs pa gang rgyas par gsungs pa yin no/ /de la tha snyad 'di'i rgyu mtshan khyad par du bstan pa'i phyir/ kun la zhes bya ba la sogs pa smos te/ gzugs la sogs pa thams cad la chags pa zad pa ni rnam par rtog pa spong ba'o/ /ci'i
 phyir der 'dod ce na 'di ltar chags pa gcod byed de rtog pa mdza' dag sel ba'i dang tshul can yin te/ de'i phyir 'di ni byang chub sems dpa' i ming 'thob bo ces bya bar sbyar ro/ /'di skad du phung po la sogs pa 'dzin pa la sogs pa'i rnam pa dang bral bar
 mtshungs mod kyi phung po'i rgyun gang zhig bshad pa dang 'chad par 'gyur ba'i nges par 'byed pa'i cha dang mthun pa la sogs pa sgrub pa rim gyis sgrib pa thams cad spong ba'i rgyu yin pa de kho na byang chub sems dpa' tha snyad gdags pa'i yul yin gyi gzhan ni ma
 yin no zhes bshad pa yin no/ /de lta bas na 'dis ni sgrub pa'i gzhi chos kyi dbyings kyi rang bzhin gyis rigs bshad pa yin te/ nges par 'byed pa'i cha dang mthun pa la sogs pa'i gnas skabs thun mong ma yin pa 'di ni byang chub sems dpa' rnams
 kyi rigs kyis rab tu phye ba yin no zhes bya bar bstan pa'i phyir ro/ /sgrub pa'i dmigs pa bstan pa'i phyir/ rgyal ba rnams kyi byang chub chags med gyur la reg ces bya ba smos te/ byang chub sems dpa' rang bzhin gyi rigs dang ldan pa'i go cha la
 sogs pa'i sgrub pa'i dmigs pa ni gtso bor na rdzogs par sangs rgyas pa'i byang chub yin pa'i phyir ro/ /chags med gyur ces bya ba ni mtshan ma thams cad dang bral ba'i byang chub ces bya bar sbyar ro/ /lhag ma ni don go sla bar zad do/ /byang chub sems
 dpar tha snyad gdags pa'i rgyu'i thabs kyis dmigs pa bshad zin to/ /sems dpa' che zhes bya ba la sogs pa 'byung ba de la byang chub la dmigs pa'i sgrub pa'i byang chub sems dpa' chen por bstan pa'i rgyu che ba'i bdag nyid kyi ched ni rnam pa
 gsum ste/ sems bskyed pa'i che ba'i bdag nyid ni/ sems can tshogs rnams mang po'i zhes bya ba la sogs pa 'byung ba yin no/ /'di ni sems can gyi tshogs mang po tshad med pa sems can gyi tshogs rab tu dbye ba dpag tu med pa'i mchog
 phul du byung bar gyur pa yin te/ 'di ltar 'gro ba yongs su bskyab pa'i phyir smon lam btab pa yin no snyam du dgongs pa yin no/ /spong ba che ba'i bdag nyid ni sems can gyi khams kyi bdag la sogs par lta ba'i rnam pa
 thams cad gcod bar byed pa yin pa'i phyir te lha rnams ni rtag pa la sogs par ro/ /rtogs pa che ba'i bdag nyid ni nges par 'byed pa'i cha dang mthun pa la sogs pa'i mtshan nyid de/ dngos su ma gsungs kyang shugs kyis khong du chud par bya ste/ rtogs
 pa'i khyad par med par 'gro ba thams cad kyi nyon mongs pa spangs par mi 'thad pa'i phyir ro/ /de lta bu ni sgrub pa'i ched yin te/ sgrub pa ni ji skad bshad pa'i che ba'i bdag nyid kyi ched du 'jug pa'i phyir ro/ /gal te de ltar na 'o na ni tshad dmigs pa las
 tha mi dad par thal bar 'gyur ro zhe na/ de ni de lta ma yin te/ dmigs pa ni sgrub pa dang dus mnyam pa nyid du de'i yul gyi dngos por rnam par bzhag pa'i phyir yin ched ni de'i 'bras bu 'byung bar 'gyur ba'i gnas skabs kyi ngo bo nyid yin pa'i phyir ro/ /
 sgrub pa de yang rnam pa bzhi ste/ go cha'i sgrub pa dang/ 'jug pa'i sgrub pa dang/ tshogs kyi sgrub pa dang/ nges par 'byung ba'i sgrub pa'o/ /de la go cha ni rnam pa drug tu rig par bya ste/ sbyin pa'i pha rol tu phyin pa'i go cha ni/ gtong ba tshe zhes gang gsungs
 pa yin te/ phyi dang nang gi dngos po'i rnam pa thams cad gtong ba'i bsam pa can yin pa'i phyir ro/ /tshul khrims kyi pha rol tu phyin pa'i go cha na/ blo che ba zhes bya ba yin te/ rang dang gzhan la brten pa'i 'chal pa'i tshul khrims kyi gnyen po'i bsam
 pa can yin pa nyid kyis blo rgya che ba'i phyir ro/ /bzod pa'i pha rol tu phyin pa la sogs pa rnam pa bzhi'i go cha ni mthu che zhes bya ba yin te gzhan gyi gdon pa dang dka' ba byed pa dang rnam par g.yeng ba nyid dang de kho na la ma mos pa rnams kyis zil gyis mi
 non pa'i bsam pa can yin pa'i phyir ro/ /'jug pa'i sgrub pa sbyor ba'i mtshan nyid ni theg pa chen zhes bya ba la sogs pa 'byung ba yin te/ theg pa chen po ni sems bskyed pa la sogs pa'i mtshan nyid ji skad bshad pa byang chub sems dpa' i lam
 'bras bu dang bcas pa yin no/ /de la zhugs pa ni de la sbyor ba byas pa zhes bya ba'i tha tshig go /de ltar sbyor ba byas pa ni tshogs yongs su rdzogs par byed de de'i phyir zhi gnas kyi tshogs go cha chen po bgos zhes bya ba smos te/ rnam par g.yeng ba thams
 cad kyis mi 'khrugs pa'i bsam pa can yin pa'i phyir go cha chen po bgos pa'o snyam du dgongs pa yin no/ /de nyid kyi mthu bstan pa'i phyir/ bdud kyi zhes bya ba la sogs pa smos te/ rtse gcig pa'i yid dang ldan pas ni bdud thams cad zil gyis mnan
 par nus pa'i phyir ro/ /de'i phyir byang chub sems dpa' la sems dpa' chen po zhes tha dad du gdags pas sems dpa' che zhes bya ba la sogs pa smos so/ /de ji ltar phyin ci ma log par 'gyur zhe na/ sgyu ma mkhan zhes bya ba la sogs pa smos so/ /
 sgyu ma mkhan zhes bya ba la smos pa ni de sprul pa dag la kun tu rmongs pa med par bstan pa'i phyir ro/ /gzhi mdo zhes bya ba smos pa ni sems can mang po kun tu rmongs pa'i rgyu nyid du bstan pa'i phyir ro/ /gsang bya de dag ci 'dra zhes bya ba ni sgyu ma byas pa'i gsang
 bar bya ba de dag ji lta bar zhes bya ba'i tha tshig go /'gro kun zhes bya ba ni 'gro ba sprul pa dang 'dra bar shes zhes bya bar sbyar ro/ /'di skad du ji ltar sgyu ma mkhan kho nas sgyu ma byas pa 'khrul pa tsam nyid du shes kyi de la kun tu rmongs pa'i phyir skye bo gzhan gyis
 ni ma yin pa de ltar byang chub sems dpa' i sbyin pa'i pha rol tu phyin pa la sogs pa la gnas pa kho nas sbyin par bya ba la sogs pa 'gro ba mdza' dag sprul pa lta bur shes so zhes bshad par 'gyur te/ byang chub sems dpa' i lhag mthong gi
 tshogs thun mongs ma yin pa yin no/ /ji ste gal te 'gro ba 'khrul ba tsam yin na de ji ltar byang chub sems dpa' de bcings pa las thar bar bya ba'i phyir 'jug ce na/ gzugs zhes bya ba la sogs pa smos so/ /
 de ci'i phyir zhe na/ yod pa min zhes bya ba smos pa yin te ji skad bshad pa'i rnam pas med pa la bcings pa dang thar pa mi 'thad pa'i phyir ro snyam du dgongs pa yin no/ /'o na ji ltar byang chub 'thob par 'gyur zhe na/ de ltar zhes bya ba la
 sogs pa smos te/ de ltar bshad ma thag pa lta bu'i so sor rtog pa'i mtshan nyid kyi shes rab kyis zhes bya ba'i tha tshig go /zhum pa'i sems med pa zhes bya ba ni rtse ba chen po'i mthus nyan thos la sogs pa'i byang chub la chags pa med pa zhes bya
 ba'i don te/ 'di ni zung du 'brel ba'i tshogs yin no/ /'di nyid kyi che pa'i bdag nyid bstan pa'i phyir go cha zhes bya ba la sogs pa smos te/ sems dpa' chen por tha snyad gdags pa'i rgyu bshad zin to/ /theg pa chen po la zhugs pa zhes bshad
 pa gang yin pa de la/ theg pa chen por tha snyad gdags pa'i rgyu mtshan gang yin zhe na/ ci'i phyir zhes bya ba la sogs pa smos so/ /de lta bas na 'dir rgyu bshad pa de gang zhes bya ba ni bshad ma thag pa lta bu'i chos dge ba'i rang bzhin la'o/ /
 zhon nas zhes bya ba ni bdag nyid tshogs bsags pa nyid kyis de la gnas zhes bya ba'i tha tshig go /de dag kyang bdag nyid kyi tshogs ji lta ba bzhin du 'god pa'i phyir te/ de lta bas na rang dang gzhan yongs su smin pa'i rgyu mtshan yin pa'i phyir 'di ni
 theg pa chen po yin te/ theg pa gzhan la rnam pa 'di mi srid pa'i phyir ro snyam du dgongs pa yin no/ /'di ni thabs la mkhas pa'i tshogs yin no/ /ji ltar de la 'di snyed kyi mthu zhig yod snyam pa la mkha' 'dra zhes bya ba smos te/ 'di ltar nang stong pa
 nyid la sogs pa'i ngo bo nyid yin pa'i phyir phyin ci ma log pa'i bdag nyid yin zhes bya ba'i tha tshig go/ /'di ni ye shes kyi tshogs yin no/ /gzhal med khang chen zhes bya ba ni 'di ltar dpa' bar 'gro ba la sogs pa'i ting nge 'dzin gyi tshogs kyi mtshan
 nyid yin pa'i phyir dga' bar byed pa nyid kyis gzhal med khang bzhin du gzhal med khang yin te/ bsod nams kyi tshogs yin no/ /'di ltar dga' ba ni zag pa med pa ste/ lam gyi tshogs kyi bdag nyid yin pa'i phyir ro/ /skyid pa ni rab tu dga' ba la
 sogs pas rnam par dag pa'i mtshan nyid yin te/ bdag nyid ji lta ba bzhin du sa'i tshogs kyis ngo bo nyid yin pa'i phyir ro/ /bde ba ni rtog pa'i tshe ba thams cad spang ba'i bdag nyid yin te/ gnyen po'i tshogs yin pa nyid kyi phyir ro/ /mngon
 par 'thob byed ces bya ba ni mngon du 'thob par byed pa'o/ /de lta bas na 'di ni theg pa chen po yin pas na theg pa'i mchog ces bya ba smos te/ tshogs kyi sgrub pa bshad zin to/ /tshogs bsags pa ni nges par 'byung bar 'gyur bas 'di man
 chad nges par 'byung ba'i sgrub pa brjod par bya ste/ de la theg pa ni phyogs gzhan la sog spar phyin par byed pa'i bdag nyid kyis 'gro ba'i byed pa'i khyad par yin par grags so de la 'di phyogs gang du 'gro na theg pa yin zhe na/ gang zhig zhon
 nas zhes bya ba la sogs pa smos so/ /phyogs zhes smos pa ni nye bar mtshon pa tsam du zad de chos thams cad kyang yul la sogs pa'i bdag nyid du dmigs su med pa'i phyir ro/ /de lta bu ni mnyam pa nyid du nges par 'byung ba'i sgrub pa yin no//
 zhon nas zhes bya ba ni sems can gyi khams gang zhig zhon nas 'gro ba de ni theg pa 'gro bar yin pa 'am/ yang na byed pa po nyid du brjod par 'dod na ni byang chub sems dpa' yin te/ de yang dmigs su med ces bya ba lhag ma yin no/ de lta bu
 ni sems can gyi don du nges par 'byung ba'i sgrub pa yin no/ /gal te 'o na ji ltar mya ngan las 'das par tha snyad gdags she na/ mya ngan las 'das pa zhes bya ba la sogs pa smos so/ /'di skad du re zhig gzhan gyis
 kun brtags pa'i 'gro ba la sogs pa'i bya ba ni mi 'thad de/ de ni rdzas la brten pa'i phyir la yan lag la sogs pa'i rdzas kyang med pa'i phyir ro zhes bshad zin to/ /de la ma gtogs pa mi dmigs pa'i yang phyir ro zhes bshad pa yin no//
 gal te 'o na yul gzhan du 'byung ba tsam bya ba yin par zad mod ce na ma yin te/ gzugs la sogs pa'i phung po med na de 'byung ba yang mi 'thad pa'i phyir ro/ /mya ngan las 'das pa kun nas nyon mongs pa med pa tsam gyi mtshan nyid du ni kun
 nas nyon mongs pa nyid 'gro ba ma yin te/ de'i tshe na de med pa'i phyir ro/ /rnam par byang ba yang ma yin te/ de yang 'khrul pa dang bral ba tsam gyi ngo bo nyid yin pa'i phyir ro/ /gal te sems bskyed pa phyin ci ma log pa'i bdag nyid kyi rnam par byang
 ba zhig der 'gro bar 'gyur ro zhe na ma yin te/ dngos po dang dngos po med pa dag 'brel ba med pa'i phyir ro/ /mya ngan las 'das pa ma yin pa'i bdag nyid yin na ni rnam par byang bar ngo bo nyid gcig pa yin pas ci'i phyir der 'gro bar 'thad
 pa ma yin no/ /de nyid der 'gro bar 'gyur ba ni ma yin te/ 'gro ba po dang bgrod par bya ba dag ni gzhi tha dad pa'i phyir ro/ /'gro ba la sogs pa ji ltar mngon par zhen pa gzung ba la sogs pa'i bdag nyid du med pa'i yang phyir ro/ /de lta
 bas na mya ngan las 'das pa ni gtso bor na 'gro ba la sogs pa mi dmigs pa tsam kho na ma btsal bas rab tu 'grub pa'i dga' ba yin no zhes bshad par 'gyur te/ lhun gyis grub par nges par 'byung ba'i bsgrub pa yin no/ /'di nyid 'jig
 rten na grags pas rab tu bsgrub pa'i phyir/ dper na zhes bya ba la sogs pa smos te/ 'jig rten gyi tha snyad mi shi bar song ngo zhes bya bar yang de'i 'gro ba mi dmigs pa tsam kho na la 'jug pa'i phyir ro snyam du dgongs pa yin no/ /der 'gro ba mi
 snang ba 'am dus su 'phos pa yin no zhes bya bar yang rig pa dang ldan pa ma yin te/ tshad med pa'i phyir dang tshad mas gnod pa'i yang phyir ro/ /de'i so na 'dug pa nyid mi snang ba la sogs pa yin na de bzhin du dmigs pa la sogs par thal
 bar 'gyur ba'i phyir te/ de lta bas na yang dag par na mi snang ba 'am dus su 'pho ba 'ga' yang med do/ /mi dmigs pa'i bdag nyid yin na ni dngos po de nyid ma yin te/ de nyid ni gzhan nyid yin par mi 'thad pa'i phyir ro/ /de lta ma yin na
 thams cad la tha dad pa med par thal bar 'gyur te/ ha cang spros pas chog go /rgyu des zhes bya ba ni sngon gyi mdza' la sogs par theg pa mi dmigs pa'i phyir te/ rnam pa thams cad du mi dmigs pa nyid mya ngan 'das par tha snyad gdags
 pa'i rgyu yin no snyam du dgongs pa yin no/ /theg pa 'di'i sngon gyi mdza' mi dmigs so/ /zhes bya ba la sogs par gang gsungs pa yin te/ de lta bu ni mdza' las 'das par nges par 'byung ba'i sgrub pa yin no/ /gal te re zhig byang chub sems
 dpa' yang yod la de'i sems bskyed pa la sogs pa'i khyad par kho na yang theg pa chen po la sogs pa yin par 'gyur ba ma yin nam zhe na/ de'i phyir sngon gyi mdza' dang zhes bya ba la sogs pa gsungs te/ sngon gyi mdza' ni so so'i skye bo'i gnas
 skabs so/ /phyi ma'i mdza' i mi slob pa'o/ /da ltar byung ba ni slob pa'o/ /yang ni sngon gyi mdza' la sogs pa ni spyir 'das pa la sogs pa'i dus yin te/ der byang chub sems dpa' gang zag la sogs pa'i bdag nyid du mi dmigs zhes bya bar
 sbyar ro/ /de nyid bstan pa'i phyir dus gsum dag pa zhes bya ba smos te/ med ba kun nas nyon mongs pa med pa'i phyir ro/ /de lta bu ni thob par byed pa bkag pa yin no/ /'dus ma byas zhes bya ba ni gong nas gong
 ma'i gnas skabs kyi ngo bo nyid du ma bsgrub pas te/ de lta bu ni thob par bya ba bkag pa yin no/ /spros med ces bya ba ni rnam par byang ba thob par dmigs pa'i spos pa med pa'i phyir te/ de lta bu ni 'thob pa bkag pa yin no/ /
 thob par byed pa la sogs pa mi dmigs pa de nyid sgrib pa med pa yin pa'i phyir nges pa 'byung ba'i mchog yin no/ /'di ni zhes bya ba la sogs pa de lta bu ni thob par nges par 'byung ba'i sgrub pa yin no/ /mi dmigs pa kho na lhur byas
 na thabs dang bral bas nam zhig rnam pa thams cad mkhyen pa nyid 'thob par 'gyur zhe na/ gang gi zhes bya ba la sogs pas smos so/ /tshe zhes bya ba la sogs pa ni dus na brdar btags pa tsam du zad pa nyid du bstan pa'i phyir ro/ /
 sems can 'du shes med ces bya ba ni sems can du mngon par zhen pa dang ldan pa la ni snying rtse ba chen po med de/ de ni kun tu rmongs pa'i gnyen po yin pa'i phyir ro snyam du dgongs pa yin no/ /de bstan pa'i phyir 'di ni zhes bya ba la sogs
 pa smos te/ sems can du dmigs pa ni sgrib pa'i gnyen po ma yin te phyin ci log gi ngo bo nyid yin pa'i phyir ro/ /gal te zhes bya ba la sogs pa la sems can dang sdug bsngal du shes ba nyid sdug bsngal yang snyam zhes bya ba la sogs pas
 gsal bar byed do/ /yongs rtog ces bya ba ni rang dang gzhan dag tu mngon par zhen pa'o/ /lhag ma ni don go bar zad do/ /thabs dang shes rab kyi rang gi ngo bo phyin ci ma log par bstan pa'i phyir/ bdag ci 'dra bar zhes bya ba la sogs pa
 smos so/ /de 'drar sems can thams cad shes zhes bya ba ni bdag nyid la bzhin du sems can thams cad la yang snying brtse bas phan pa dang bde ba skyed par zhugs pa'i phyir ro/ /de 'drar chos kun shes zhes bya ba ni shes rab kyis gzhan gyis
 kun brtags pa'i sems can bzhin du chos thams cad stong pa nyid du rtogs pa'i phyir ro/ /de bstan pa'i phyir skye ba med dang zhes bya ba la sogs pa smos te don go bar zad do/ /de lta bu ni rnam pa thams cad mkhyen pa nyid du nges par 'byung ba'i
 sgrub pa yin no/ /yang ci'i phyir skye ba la sogs par rtog pa las 'das pa kho na shes rab kyi pha rol tu phyin pa yin zhe na/ 'jig rten dag na chos ming ji snyed ces bya ba la sogs pa smos so/ /kun la skye ba zhes bya ba ni 'jig rten gyi tha snyad kyis
 bdag gis byas pa'i chos thams cad la skye ba'o/ /yang dag 'das pa ni 'gag pa'o/ /spangs nas zhes bya ba ni de gnyis yongs su spangs nas so/ /'chi med ces bya ba ni nyams pa med pa ste phyin ci log rnams kyis zil gyis mi non pa'i phyir ro/ /de'i
 phyir ye shes 'di ni dam pa yin no/ /de las gzhan med ces bya ba ni 'di ltar 'di'i gong na/ ye shes phyin ci ma log pa gzhan med do zhes bya ba'i tha tshig go /de lta bas na ye shes 'di kho na skye ba la sogs pa'i rtog pa'i dri ma dang bral ba'i phyir
 shes rab kyi pha rol tu phyin pa yin gyi gzhan ni ma yin te/ de ni dam pa ma yin pa'i phyir ro/ /de'i phyir zhes bya ba la sogs pa ni go bar sla'o/ /de la 'dir the tshom med pa'i 'jig rten las 'das pa'i lam chos thams cad mnyam pa nyid la
 gnas pa bstan pa'i phyir/ de ltar spyod ces bya ba la sogs pa smos so/ /shes rab ldan zhes bya ba ni shes rab can no/ /mnyam pa nyid la gnas pa nyid bstan pa'i phyir rang bzhin zhes bya ba la sogs pa smos te don go bar zad do/ /de lta bu ni lam 
 gyi nges par 'byung ba'i sgrub pa yin no/ /de la 'dir go rim ni 'di yin te/ byang chub kyi sems bskyed pa yang dag pa'i gdams ngag bsgrubs pas nyan thos la sogs pa dang thun mong ma yin pa'i nges par 'byed pa'i cha dag bskyed par byed do/ /
 thun mong ma yin ba'i sgrub pa de yang rten gang yin pa dang dmigs pa gang yin pa dang ched du bya ba gang yin pa nas rnam pa'i bar dang ldan pa yin no/ /de la 'dir sgrib pa med pa'i ye shes gang yin pa 'di ni rnam pa thams cad mkhyen pa nyid
 yin no/ /rnam pa thams cad mkhyen ba nyid bshad zin to// //'di'i rgyu ni lam gyi rnam par shes pa nyid yin la de yang dro ba la sogs pa'i gnas skabs kyi bye brag gis ci rigs par bdag dang
 gzhan yongs su smin par byed pa yin no/ /slob ma bse ru'i lam gang dang/ /'di dang gzhan pa'i yon tan gyis/ /phan yon che ba mthong ba'i lam/ /byed pa dang ni mos pa dang/ /bstod dang bkur dang bsngags pa dang/ /bsngo dang rjes su yi rang ba//
 yid la byed pa bla med dag /sgrub dang shin tu dag ba zhes/ /bya ba 'di ni sgom pa'i lam/ /byang chub sems dpa' mkhas rnams kyi/ /lam shes nyid ni de 'drar bshad/ /gsol pa bcom ldan 'das ci'i slad du byang chub sems dpa' rnams kyi
 lam gyi rnam par shes pa nyid lags/ bka' stsal pa/ rab 'byor byang chub sems dpa' ni nyan thos kyi lam gang yin pa dang rang sangs rgyas kyi lam gang yin pa dang sangs rgyas kyi lam gang yin pa'i lam thams cad skyed par bya zhing lam thams cad
 shes par bya'o/ zhes bya ba gang rgyas par gsungs pa yin no/ /de la byang chub sems dpas dmigs ba'i sgo nas dro bar gyur pa la sogs pa'i gnas skabs kyi nyan thos kyi lam mi dmigs pa'i tshul gyis yongs su shes pa ni gang zhig gzugs la
 zhes bya ba la sogs ba yin te/ de ni gzugs la sogs pa'i phung po la dmigs pa yin pa'i phyir de skad ces bshad do/ /chos nyid gnas pa zhes bya ba la chos nyid ni stong pa nyid de/ gang gi phyir de la gnas pa de'i phyir gzugs la sogs
 pa la mi gnas so snyam du dgongs pa yin no/ /gzugs la sogs pa dang stong pa nyid la gnas pa dgag pa dang sgrub pa dag gis ni go rim bzhin du drod dang rtse mo'i gnas skabs dag shes pa bstan to/ /rtag pa la sogs pa'i gnyen po'i sgo nas ni
 rtag dang mi rtag ces bya ba la sogs pa yin te/ 'di ni nye bar mtshon par zad kyi kun 'byung ba la sogs pa'i rnam pa dag kyang yongs su shes par bya ba yin pa'i phyir ro/ /de lta bu ni bzod pa'i gnas skabs shes pa yin no/ /'bras bu'i sgo nas ni 'bras
 bu thob dang zhes bya ba la sogs pa yin te/ 'bras bu thob pa ni slob pa'i gnas skabs na yod pa yin no/ /rang sangs rgyas dang rdzogs pa'i sangs rgyas kyis smos pa ni gang zhig mchog la yang mi gnas pa de ji ltar gnas par 'gyur zhes shes par bya ba'i
 phyir te/ de lta bu ni chos kyi mchog gi gnas skabs kyi khyad par yin no/ /de bzhin du mthong ba dang sgom pa'i lam gyi gnas skabs kyi khyad par yang 'bras bu rtog pa'i bye brag gis khong du chud par bya'o/ /yang ci'i phyir sangs rgyas kyis la yang mi gnas
 she na/ rdzogs pa'i sangs rgyas kyis ni chos thams cad la mi gnas pa'i mtshan nyid yin pa'i phyir dang 'dra bar byang chub sems dpas kyang gang la yang mi gnas par bya dgos te/ de'i phyir ji ltar 'dren pa zhes bya ba la sogs pa smos so/ /'dus ma byas
 khams? ni mya ngan las 'das pa'i dbyings so/ /'dus byas ni 'khor ba'o/ /gnas la zhes bya ba ni 'dus byas dang 'dus ma byas kyi mtshan nyid kyi gnas la zhes bya ba'i tha tshig go /gnas zhes bya ba ni phyin ci ma log pa'i phyir mi mthun pa'i phyogs rnams
 kyis mi g.yos pa yin zhes bya ba'i don to/ /de nyid bstan pa'i phyir gnas med gnas yin zhes bya ba la sogs pa smos te don go bar zad do/ /'dir ni rnam par rtog pa'i yul ma yin pas brjod du med pa nyid mi gnas pa'i
 rgyu yin par rtogs par bya ste/ 'di'i dbang du mdzad nas/ lha'i bu de ltar na 'di la cung zad kyang ston pa med do zhes bya ba gang rgyas par gsungs so/ /de lta bu ni rang sangs rgyas kyi lam la gzung ba'i rtog pa spangs pa'i khyad par yin no/ /'dis ni
 nyan thos kyi lam las khyad par du 'phags par rig par bya ste/ de la ni gzung ba'i rnam par rtog pa ma spangs pa'i phyir ro/ /lam gyi rnam par shes pa 'di nyid byang chub gsum gyi rgyu'i dngos por bstan pas lam thams cad kyi yul can nyid du bstan
 pa'i phyir/ gang bdag ces bya ba la sogs pa smos so/ /bzod pa 'di la ma brten zhes bya ba ni bdag nyid ji lta ba bzhin lam la mos pa med par zhes bya ba'i tha tshig go /'di nyid kyi dpe dper na zhes bya ba la sogs pa smos te go bar sla'o/ /gal te chos
 thams cad brjod du med pa nyid yin no/ chos smra ba la sogs pa de bshad pa la sogs pa mi 'thar? pa ma yin nam zhe na/ de'i phyir chos 'chad pa dang zhes bya ba la sogs pa smos so/ /'di skad du dngos po rnams brjod du med pa nyid yin yang bshad pa la
 sogs pa'i rnam par rtog pa gang yin pa de ni kun rdzob tu yin gyi yang dag bar ni ma yin te/ thams cad sgyu ma lta bur med pa nyid du khyad par med pa'i phyir ro zhes brjod pa yin no/ /'dis rang sangs rgyas kyi rtogs pa 'dzin par rtog pa ma spangs pas rdzogs
 pa'i sangs rgyas kyi rtogs pa rtogs pa thams cad kyis dben pas khyad par du 'phags so zhes bya bar bstan par khong du chud par bya'o/ /mos pa de lta bu'i rten bstan pa'i phyir gang zag bzhi po zhes bya ba la sogs pa smos so/ /rgyal sras bden la mkhas pa ni//
 mthong ba'i lam thob pa yin no zhes bya bar sbyar ro/ /som nyi spangs pa zhes bya ba ni the tshom dang bral ba zhes pa'i tha tshig te/ nyan thos dang rang rgyal ba'i lam mngon sum du byed pa na ni de lta ma yin no/ /ji ltar de dag gi 'bras bu mngon du byed par
 mi 'gyur zhe na/ byang chub sems dpa' mkhas rig de ltar spyod pa ni zhes bya ba la sogs pa smos so/ /mkhas pa ni bdag nyid der mi dmigs pa'i phyir de la phyin ci ma log pa zhes bya ba'i don to/ /rig ces bya ba ni mkhas pa ste/ bdag nyid ji lta ba
 bzhin du nyan thos la sogs pa'i lam gyi rnam pa la mkhas pa'i phyir ro/ /gang zhig gang la dmigs pa de ni de'i bdag nyid kho nar 'gyur ba ma yin no/ /de lta ma yin na rnam par byang ba 'phags pa'i lam kun nas nyon mongs pa'i phyogs kyi mtshan nyid la
 dmigs pa yang kun nas nyon mongs pa'i bdag nyid du thal bar 'gyur ba'i phyir ro/ /'o na gang la slob ce na/ thams cad mkhyen pa nyid ched du zhes bya ba la sogs pa smos so/ /de nyid phyin ci ma log pa nyid du bstan pa'i phyir/ gang zhig ces bya ba la
 sogs pa smos te/ slob pa ni nyan thos dang rang rgyal ba'i dro bar gyur pa la sogs pa'i gnas skabs kyi mtshan nyid do/ /mi slob pa ni de las bzlog pa ste gang zhig rnam pa thams cad du gzung ba la sogs par mngon par zhen pa med pa'i phyir de gnyis la
 mi slob pa de'i slob pa ni thams cad mkhyen pa nyid la slob pa 'di nyid yin no zhes bya bar sbyar ro/ /de lta bu ni rang sangs rgyas kyi lam gyi dro bar gyur pa'i gnas skabs shes pa yin no/ /de ji ltar byang chub sems dpa' zag pa dang bcas pa dang zag pa med pa
 dag 'grib pa dang 'phel bar bya ba'i phyir slob ce na/ gzugs 'phel zhes bya ba la sogs smos so/ /chos rnams sna tshogs ni tshor ba la sogs pa'o/ /de lta bu ni rtse mor gyur pa shes pa yin no/ /'o na ci zhig 'dzin par byed ce na/ slob cing thams
 cad mkhyen pa nyid kyang yongs 'dzin la zhes bya ba smos te/ nang stong pa nyid la sogs pa'i phyir gzugs la sogs pa la yongs su 'dzin pa med pa nyid slob pa dam pa'i ngo bo nyid yin pa'i phyir ro/ /de lta bu ni bzod pa la
 phyin ci ma log pa yin no/ /nges 'byung gang yin zhes bya ba ni 'di ltar skye ba la sogs par mi lta ba ni rtog pa thams cad las grol lo zhes bya ba'i tha tshig go /de lta bu ni chos kyi mchog la kun tu ma rmongs pa yin no/ /de ltar rang sangs rgyas kyi lam shes
 pa nyid bshad pa yin no/ /'di man chad ni byang chub sems dpa' rnams kyi lam shes pa bden pa bzhi'i yul can yin par rig par bya ste/ 'di lta ste sdug bsngal la dmigs pa'i sgo nas ni gzugs ni shes rab ma yin zhes bya ba la sogs pa
 'byung ba yin no/ /de la gzugs la sogs pa dang shes rab de'i bdag nyid du mi dmigs pa ni sdug bsngal la chos shes pa'i bzod pa yin no/ /rten dang brten pa'i dngos por mi dmigs pa ni sdug bsngal la chos shes pa yin no/ /ji ltar
 de'i bdag nyid ma yin zhe na/ 'di lta bu gzugs la sogs pa dang shes rab 'di ni nam mkha' i khams dang mtshungs te/ ngo bo nyid med pa'i phyir ro/ /de lta bu ni sdug bsngal la rjes su shes pa'i bzod pa yin no/ /ji ltar rten dang brten pa'i
 dngos po ma yin zhe na/ 'di ltar yod pa ma yin pas tha dad med de/ de ni tha dad pa la brten pa'i phyir ro/ /de lta bu ni sdug bsngal la rjes su shes pa yin no/ /de bzhin du bden pa gzhan dag la yang bzod pa dang shes pa rtog pa ci rigs
 par sbyar bar bya'o/ /de lta yin na 'khrul pa tsam yang ga las 'byung zhe na/ kun 'byung ba la dmigs pa'i sgo nas ni/ dmigs pa rnams kyi zhes bya ba la sogs pa smos te/ dmigs pa ni gzung ba'i rnam par bgrang ba gzugs la sogs
 pa'o/ /de'i rang bzhin ni rigs mthun pa'i rnam pa dus phyis 'byung ba skyed par byed pa nyid yin no/ /pha mdza' med ces bya ba ni rigs mthun pa rab tu skye ba ste rgyun chad pa med pa zhes bya ba'i tha tshig go /sems can ni 'dzin pa'i rnam par kun tu brtags
 pa'i phung po la sogs pa'o/ /lhag ma rnams ni snga ma bzhin no/ /'o na ni nam mkha' dang mtshungs pa ma yin no zhe na/ nam mkha' zhes bya ba la sogs pa smos te/ yang dag par na chos thams cad rang gi mtshan nyid kyis dben par mtshan nyid gcig
 pa'i phyir ro snyam du dgongs pa yin no/ /de ltar yul mdza' med pa'i phyir shes rab kyang mdza' med pas shes rab ces bya ba la sogs pa smos so/ /de ltar rgyu dang bcas par 'byung ba'i sdug bsngal ji ltar ldog ce na/ 'gog pa la dmigs pa'i
 sgo nas ni 'du shes zhes bya ba la sogs pa smos te/ 'du shes ni 'dzin pa la sogs pa'i rnam par rtog pa yin no/ /tshu rol yin zhes bya ba ni kun nas nyon mongs pa'i mtshan nyid kun 'byung ba yin no zhes bya ba'i tha tshig go /rnam par bshig nas zhes bya
 ba ni bor nas so/ /pha rol zhes bya ba ni rnam par byad ba'o/ /'di skad du sdug bsngal gyi rgyu ni phyin ci log ma gtogs pa gzhan med pa de la de yang gnyen po mngon du gyur pas bral ba la rnam par byang ba zhes grags te/ de la gnas pa rnams kho na ston pa'i thugs dang
 mthun par 'jug pa'i phyir ro zhes bshad pa yin no/ /gang dag ces bya ba la sogs pa'i tshig gi don ni go bar zad do/ /ji ltar na bdag la sogs par 'du shes pa tsam kun nas nyon mongs pa yin te de ni 'du shes par bya ba'i gzhan gyi dbang du gyur pa'i phyir ro
 zhe na/ lam la dmigs pa'i sgo nas ni gal te zhes bya ba la sogs pa smos so/ /'di skad du gal te bcom ldan 'das kyis sems can la sogs pa'i tha snyad dus mdza' yas pa zhig tu brjod par gyur kyang des kyang sems can la sogs pa rab tu 'grub par mi
 spyod de/ de las mi 'byung ba'i phyir dang de dang 'brel ba rab tu ma grub pa'i phyir ro zhes sngar bshad zin to zhes brjod par 'gyur ro/ /sems can la sogs pa skye ba med par rtogs pa de nyid gnyen po phan yon che ba yin pas 'di ni zhes
 bya ba la sogs pa smos ste/ spyod pa de lta bu ni mthong ba dang tshe phyi ma'i yon tan skye ba'i rgyu yin no snyam du dgongs pa yin no/ /mthong ba'i lam bshad zin to// //bam po gsum pa/ /'di man chad ni sgom pa'i lam byed
 pa dang bcas pa yin no/ /byed pa de yang rnam pa gsum ste/ lung bstan pa thob pa'i byed pa ni gang tsher ni zhes bya ba la sogs pa 'byung ba yin no/ /'di dang zhes bya ba ni sgom pa'i lam gyis bsdus pa dang zhes bya ba'i tha tshig go /mthun par smra 'gyur zhes
 bya ba ni gzhan du mi smra ba'i phyir te/ mi skye ba'i chos la bzod pa dang bcas pa 'di nyid lung bstan pa thob pa'i rgyu yin pa'i phyir ro/ /lhag ma ni go sla'o/ /mi rdzi ba'i byed pa ni 'dzin pa la sogs pa la zhugs pa la dug la sogs pas mi tshugs pa
 yin pa'i phyir shes rab pha rol phyin pa zhes bya ba la sogs pa smos so/ /'dzin pa ni tshig gis sgo nas mos pa yid la byed pas so/ /chub byed pa ni don gyi sgo nas de kho na dang mos pa yid la byed pa dag gis so/ /bar chad byed pa med pa'i byed
 pa ni 'dzin pa la sogs pa la bdud la sogs pas glags mi thod pa yin pa'i phyir zhes bya ba la sogs pa smos so/ /glags ni klan ka'o/ /rnyed mi 'gyur zhes bya ba ni rnyed par mi 'gyur ba kho na'o zhes bya ba'i tha tshig go /de la byed pa'i rim pa ni
 lung bstan pa ni yang dag par thob nas gzhan dag gis mi tshugs shing bar chad byed pa med pa ni byang chub sgrub par byed do zhes bya ba yin no/ /sgom pa'i lam ni rnam pa gnyis te/ dag pa 'jig rten pa dang 'jig rten las 'das pa'o/ /de la
 dang po ni mos pa dang rjes su yid rang ba dang bsngo ba yid la byed pa'i mtshan nyid yin no/ /mos pa yang rnam pa gsum ste/ rang gi don gyi mos pa ni de yang mchod rten la mchod pa bas phul du byung ba tshad la 'das pa'i bsod nams nye bar sogs pa'i
 rgyu shes rab kyi pha rol tu phyin pa'i glegs bam 'dzin pa la sogs pa'i rten yin no/ /mchod pa phul du byung ba de yang 'brel pa'i sgo nas ni bde gshegs zhes bya ba la sogs pa gang gsungs pa yin no/ /de'i rten gyi khyad par sgrub pa'i sgo nas ni byas
 shing zhes bya ba gang 'byung ba yin te/ rin po che sna bdun gyi mchod rten byas nas zhes bya bar sbyar ro/ /de mang ba nyid kyi sgo nas ni de dag ces bya ba la sogs pa 'byung ba yin te/ gang+gA'i bye ma snyed kyi zhes bya ba ni gang+gA'i klung gi bye ma dang mnyam pa zhes bya
 ba'i tha tshig go /yongs su rtag bzung zhing zhes bya ba ni yongs su rtag pa nye bar bzung nas te/ yang dag par na sems can de dag thams cad de lta bu'i mchod pa la sbyor ba mi srid pa'i phyir ro/ /byed pa po mang po'i sgo nas ni sems can ji snyed pa zhes bya ba la sogs
 pa 'byung ba yin te bye ba zhes bya ba ni byed pa dag na yod pa zhes bya ba'i don to/ /bar chad med par sbyor ba'i sgo nas ni las gzhan mi byed ces bya ba 'byung ba yin te mchod pa byed ces bya bar sbyar ro/ /yo byad kyi khyad par gyi sgo nas ni lha'i me tog ces bya
 ba la sogs pa 'byung ba yin no/ /dus kyi khyad par gyi sgo nas ni bskal pa 'am zhes bya ba la sogs pa yin no/ /shes rab kyi pha rol tu phyin pa'i glegs bam 'dzin pa la sogs pa ni rdzogs pa'i byang chub kyi gtso bo'i rgyur gyur pa'i phyir de bas kyang ches
 mchog tu gyur pa'i phyir gang zhig ces bya ba la sogs pa gsungs/ /bsti stang byed gyur na zhes bya ba ni bsti stang byed par gyur na zhes bya ba yin no/ /rang dang gzhan gyi don gyi mos pa ni de yang rang dang gzhan yongs su smin pa dang mthun pa shes rab kyi pha
 rol tu phyin pa rtogs pa'i yul can yin te/ de'i dbang du mdzad nas/ rig sngags che zhes bya ba la sogs pa gsungs so/ /bcom ldan 'das ma rigs sngags chen po nyid yin pa yang 'tshe ba thams cad
 zhi ba'i phyir sdug bsngal chos zhes bya ba la sogs pa 'byung ba yin no/ /dus gsum gyi bde bar gshegs pa'i rgyu gcig yin pa'i phyir ni gang dag 'das dang zhes bya ba la sogs pa gsungs pa yin no/ /mkhas pa zhes bya ba ni bshes
 gnyen can te/ shes rab kyi stobs kyi phyin ci ma log pa'i phyir ro/ /'jig rten dang 'jig rten las 'das pa'i bde ba'i rgyu yin pa nyid kyi phyir ni 'dus byas bde dang zhes bya ba la sogs pa yin no/ /'dus byas ni zag pa dang bcas pa'o/ /
 'dus ma byas ni gzhan no/ /gal te sbyin pa'i pha rol tu phyin pa la sogs pa'i tshogs mdza' yas pa zhig yod pa ma yin nam shes rab kyi pha rol tu phyin pa lhag ma ci zhig yod na gang gis na 'di kho na rig sngags chen mo zhes bya zhe na/ 'di kho nas
 bzhin du yon tan gyi lo tog skye ba'i gzhir gyur pa'i phyir ni sa bon btab nas zhes bya ba la sogs pa 'byung ba yin no/ /byang chub yon tan ni stobs la sogs pa'o/ /de dag ces bya ba ni yon tan la sogs pa'o/ /'khor los sgyur ba bzhin du
 yon tan rin po che la rang dbang yod pa'i phyir ni 'khor los sgyur rgyal zhes bya ba la sogs pa 'byung ba yin no/ /'di skad du de ni bdag med pa la phyin ci ma log par ngo bo gcig pa'i phyir dang de la rag las te rab tu skye ba'i phyir byang chub sems
 dpa' gang la shes rab kyi pha rol tu phyin pa de yod pa de kho na la de las gzhan pa'i yon tan gyi tshogs yod kyi gzhan la ni med do zhes bshad pa yin/ gzhan gyis don gyi mos pa ni de dang shes rab kyi pha rol tu phyin pa kho na las yin te/ rtag
 tu gzhan gyi don byed pa'i yul can yin no/ /de bstan pa'i phyir rgyal bas brgya byin zhes bya ba la sogs pa gsungs so/ /dri ba'i lan de nyid gal te zhes bya ba la sogs pas ston to/ /gyur la zhes bya ba ni gyur te'o/ /byur bur gtams gyur kyang zhes bya ba
 ni sangs rgyas kyi zhing rnams bde bar gshegs pa'i ring bsrel gyi/ mchod rten gyis byur bur bkang bar gyur kyang zhes bya bar sbyar ro/ /de dag kyang yongs su btang ste shes rab kyi pha rol tu phyin pa kho na gzhan gyi don dpag tu med pa'i rten yin pa'i phyir mchod
 par bya ba'i don du len to zhes bya bar shes rab kyi pha rol tu phyin pa zhes bya ba la sogs pa gsungs te/ de lta bu ni chung ngu yin no/ /bde bar gshegs pa'i ring bsrel la mchod pa yang tshogs dpag tu med pa'i rgyu yin pa'i phyir ci'i phyir de yongs su gtong snyam du
 bsams nas/ ci slad ce na zhes bya ba smos so/ /de'i lan gdab par/ sku gdung mi gus bdag ma lags zhes bya ba la sogs pa smos so/ /'on kyang zhes bya ba ni de lta yin yang ngo/ /shes rab yongs su bsgos pas zhes bya ba ni sku gdung rnams shes rab kyis
 yongs su bsgos pas zhes sbyar te/ gzugs phun sum tshogs pa phul du byung ba yang shes rab kyi rten yin pas rab tu phye ba'i phyir dang de rtogs pa'i rten du gyur pa'i phyir ro/ /mchod par bgyid ces bya ba ni mchod par bgyid do zhes bya ba'i tha tshig go /'di
 nyid kyi dpe dper na zhes bya ba la sogs pa smos so/ /'o na ni bcom ldan 'das kyis mya ngan las 'das pa bstan pa na de'i rten ma yin pa'i phyir ring bsel la mchod par mi 'gyur ro zhe na/ de nor bu'i gab tshe'i tshul gyis lan gdab pa'i phyir/ nor bu rin chen
 zhes bya ba la sogs pa smos so/ /de ni zhes bya ba ni gab tshe de yang zhes bya ba'i tha tshig go /de phyung gyur kyang zhes bya ba nor bu de phyung yod do/ /dngos bstan pa'i phyir/ de bzhin zhes bya ba la sogs pa smos so/ /'dzin 'tshal zhes bya ba ni kun 'dzin par 'tshal ba'o//
 'di ni thar pa lags zhes bya ba ni gang gi phyir zhes bya ba lhag ma yin te/ shes rab kho na rtog pa'i lcags sgrog gcod pa'i thabs yin pa'i phyir dang de'i bdag nyid yin pa'i phyir ro/ /pha rol tu phyin pa gzhan yang de la
 rag lus pa'i ngo bo yin pa'i phyir ni sbyin pa sbyin pa'i sngon du 'gro ba zhes bya ba la sogs pa 'byung ba yin no/ /sngon du 'gro ba ni rgyur gyur pa yin te/ phyin ci log tu gyur pa la ni rnam pa thams cad du sbyin pa la sogs pa mi 'thad pa'i phyir/ chud mi
 bzan phyir zhes bya ba la sogs pa ni ser sna la sogs pas zil gyis ma non par bya ba'i phyir zhes bya ba'i tha tshig go /dge ba'i chos yongs su 'dzin pa zhes bya ba ni dngos dang mjug gi gnas skabs dag tu'o/ /shes rab ni 'ba' zhig gis rang gi bya ba
 byed pas 'di la zhes bya ba la sogs pa smos te/ de lta bu ni 'bring yin no/ /shing sna tshogs kyi grib ma bzhin du pha rol tu phyin pa yul sna tshogs pa gzhan yang shes rab kyi pha rol tu phyin par ro gcig pa'i phyir ni dper na 'dzam bu'i gling na zhes bya ba
 la sogs pa 'byung ba yin te/ 'dzam bu'i gling mos pa ni gling 'di na 'dug pa rnams la grags pa'i phyir ro/ /rnam pa sna tshogs la sogs pa ni go rim bzhin du rigs dang dbyibs dang kha dog tha dad pa'i phyir ro/ /brjod pa ma rtog par zhes bya ba ni thams
 cad la grib ma zhes bya ba'i ming du brjod pa 'ba' zhig tu zang ngo zhes bya ba'i tha tshig go /rgyal ba'i zhes bya ba smos pa ni de dang 'brel pa'i sbyin pa la sogs pa sbyin par bya ba la sogs pa mi dmigs pa'i rnam pa nyid du bstan pa'i phyir ro/ /de'i phyir de
 dag shes rab ces brjod par bstan pa'i phyir/ shes rab kyi pha rol tu phyin pa'i zhes bya ba la sogs pa gsungs so/ /pha rol tu phyin pa rnams shes rab kyi bdag nyid yin pas grol ba'i rgyu'i ngo bo yin par kun tu bstan nas/ de'i bdag nyid yin par
 bstan pa'i phyir thams cad mkhyen pa nyid phyir zhes bya ba la sogs pa gsungs te/ gzhan gyi don gyi mos pa chen po yin no/ /de bzhin du snga ma dag la yang chung ngu la sogs pa'i bye brag bdag nyid ji lta ba bzhin du sbyar bar bya'o/ /mos pa yid la byed pa 'di
 nyid kyi phyin ci ma log par ston pa'i bstod pa shes rab ltar bcos pa spangs nas/ shes rab kyi pha rol tu phyin pa'i spyod pa ston pas bstan pa'i phyir/ byang chub sems dpa' gal te zhes bya ba la sogs pa gsungs so/ /bcos ma nyid gsal bar bya ba'i phyir/
 mkhas pa nam yang zhes bya ba la sogs pa smos te/ phung po la sogs pa'i chos rnams yang dag par na med pa'i phyir ro snyam du dgongs pa yin no/ /shes rab phyin ci ma log par ston pa ni gang la zhes bya ba la sogs pa 'byung ba yin te/ ston pa gang la
 zhes bya ba lhag ma yin no/ /de la mi dmigs pa'i rgyu bstan pa'i phyir chos kun skye med ces bya ba la sogs pa gsungs so 'di nyid la bkur ba ni la las gang gA'i zhes bya ba la sogs pa gsungs pa yin no/ /gang gis na zhes bya ba ni byang chub sems dpa' 
 zhes bya ba lhag ma yin te/ de sbyin pa la zhugs pa ni bsam pa dam pa las byung ba nyid kyis mchog tu gyur pa'i phyir ro/ /sems can mchog la zhes bya ba ni byang chub sems dpa' la'o/ /mchog ces bya ba'i sgra ni dam par brjod par byed pa yin pa'i
 phyir te/ byang chub sems dpa' gzhan gyis byang chub tu sems bskyed pa la zhes bya ba rgyas par gang gsungs pa yin no/ /ci'i phyir zhe na zhes bya ba ni khams gsum las 'dod chags dang bral ba las mchog tu gyur pa gzhan ci zhig yod snyam du
 bsams pa yin no/ /de'i lan gdab par smra mchog de dag ces bya ba la sogs pa smos te 'dir zhes bya ba ni shes rab kyi pha rol tu phyin pa glegs bam la bris pa la'o/ /bslabs nas zhes bya ba ni mnyan pa la sogs pa'i rim gyis goms par byas pas
 zhes bya ba'i tha tshig go /stong pa nyid rtogs pa'i 'bras bu yang ci rigs par sems can rnams kyi byang chub gsum 'byung ba yin pas/ de thos ces bya ba la sogs pa gsungs te/ de'i phyir rang gi nyon mongs pa
 tsam spangs pa'i mtshan nyid kyi dgra bcom pa nyid pas byang chub sems dpa' i shes rab kyi glegs bam sbyin pa ji skad bshad pa khyad par 'phags so snyam du dgongs pa yin no/ /'di nyid rab tu bsgrub pa'i phyir myu gu la sogs pa dang chos mthun
 par bsngags pa bstan pa'i phyir/ myu gu med par zhes bya ba la sogs pa gsungs so/ /de la myu gu lta bu ni byang chub kyi sems bsam ba dag pa'i sa'i mtshan nyid yin te/ de ni yal ga la sogs pa lta bu 'jig rten dang cig shos kyi chos dang
 rdzogs pa'i byang chub rab tu skye ba'i rgyu yin pa'i phyir dang de kho na nyid la mos pa'i sa bon las byung ba'i phyir ro/ /nyi ma lta bu ni rnam par smin pa'i sas bsdus pa yin te/ de ni mngon par 'du byed pa med par mtshan ma med pas 'od gsal
 ba'i phyir dang so so yang dag par rig pa'i 'od zer dag gis de kho na nyid rab tu ston pa sngon du 'gro ba can 'gro ba'i dge ba'i las kyi rgyu yin pa'i phyir ro/ /ma dros pa lta bu ni sangs rgyas kyis kun tu 'od sgrib pa thams cad spangs pa'i ngo bo nyid
 yin no/ /de med na chu klung lta bu thos pa las byung ba'i ye shes la sogs pa mi 'thad pa'i phyir te/ de bstan par bya ba'i phyir ye shes gang las 'byung zhes bya ba la sogs pa gsungs so/ /ye shes 'byung ba ni thos pa las byung ba'i ye shes
 kyi chu bo'i rgyun te/ de ni byang chub gsum gyi sa bon rgyas par byed pa'i rgyur gyur pa'i phyir ro/ /yon tan 'phel ba ni bsam pa dang bsgoms pa'i bdag nyid de de yang yang dag par dga' ba'i rgyu yin pa'i phyir me tog dang 'bras bu lta bu yin no/ /
 sangs rgyas kyi chos ni stobs la sogs pa yon tan rin po che'i mtshan nyid yin te/ rang dang gzhan gyi rten snang bar byed pa'i rgyu yin pa'i phyir ro/ /bstod pa la sogs pa 'di dag ni rang dang gnyi ga dang gzhan gyi don gyi skabs kyis tha dad pa'i
 rnam par bzhag par rig par bya'o/ /des na mdo gzhan las de bzhin gshegs pa rnams kyis bstod cing bkur la bsngags pa dag dang zhes gsungs pa 'di yang legs par drangs pa yin no/ /mos pa yid la byed pa bshad zin to/ /de ltar mos
 pas zin pa ni bsod nams kyi tshogs la rjes su yi rang ba'i khyad par gyis 'phel bar 'gyur bas 'jig rten 'di na zhes bya ba la sogs pa gsungs so/ /snang byed ces bya ba ni snang bar byed pa ste skar ma ces bya ba ni tha tshig go /srog chags
 ni srin bu me khyer la sogs pa ste 'di ni nye bar mtshon par zad do/ /'od zer gcig phyung zhes bya ba ni 'od cig phyung ba la zhes bya ba'i tha tshig go /mi phod ces bya ba ni char yang mi phod do zhes bya bar sbyar ro/ /de bzhin du byang chub sems dpa' i rjes su
 yi rang ba'i sems la nyan thos kyi tshogs kyis bsags pa'i bsod nams kyi tshogs kyis char yang mi phod de bsam pa dman pa'i 'bras bu yin pa'i phyir ro zhes bstan pa nyan thos tshogs rnams zhes bya ba la sogs pa gsungs te don go bar zad
 do/ /de ltar dge ba bsags pa 'phel ba yang rdzogs pa'i byang chub tu yongs su bsngo ba bya dgos so de lta bas na bsngo ba yid la byed pa rnam pa lnga ste/ mi dmigs pa'i bsngo ba ni bde bar gshegs pa la sogs pa thams cad kyi bsod nams la
 rjes su yi rang bas bskyed pa'i dge ba'i rtsa ba mi dmigs pa'i tshul gyis rdzogs pa'i byang chub tu yongs su bsngo ba'i phyir/ 'das dus zhes bya ba la sogs pa gsungs pa yin no/ /bye stong zhes bya ba ni bye ba stong rnams na'o/ /mya ngan las 'das pa
 zhes bya ba ni yongs su mya ngan las 'das nas ring po ma lon pa bstan pa ma nub pa rnams zhes bya ba'i tha tshig ste/ yongs su mya ngan las 'das nas ring zhig lon pa ni gong du 'das pa nyid du bshad zin pa'i phyir ro/ /
 de bar zhes bya ba ni dang po byang chub tu sems bskyed pa dang dam pa'i chos nub pa'i dus kyi bar gyi zhes bya ba'i tha tshig go /bsod nams de'i mtshan nyid ji lta bu zhig ce na/ pha rol phyin zhes bya ba la sogs pa gsungs te/ pha rol tu
 phyin pa'i ngo bo nyid rgyu'i gnas skabs kyis bsdus pa dang sangs rgyas kyi chos kyi bdag nyid rang dang gzhan gyi don phun sum tshogs pa 'bras bus rab tu che ba yin no snyam du dgongs pa yin no/ /gang yang zhes bya ba ni bsod nams zhes bya bar
 sbyar ro/ /sangs rgyas sras rnams zhes bya ba ni sangs rgyas kyi sras rnams kyi dge ba zag pa dang bcas pa ste/ gzhan ni slob pa la sogs pa'i bye brag gis bshad pa'i phyir ro/ /zag pa med pa zhes bya ba ni chos gang dag yin pa zhes bya ba ni
 chos yang dag yin pa zhes bya ba lhag ma yin no/ /bsdus nas zhes bya ba ni blos bsdus nas bsod nams de zhes bya ba la khong nas drang ngo/ /byang chub phyir zhes bya ba ni de'i ched du'o/ /bsngo zhes bya ba ni yongs su bsngo bar byed pa'o/ /de ltar
 yongs su bsngo zhes bya ba ni yongs su bsngo bar byed pa'o/ /gal te sems su 'du shes 'byung 'gyur zhing zhes bya ba ni yongs su bsngo ba'i sems la 'dzin pa la sogs par zhen pa ste 'du shes kyi don ni thams cad la yang de dang 'dra bar khong
 du chud par bya'o/ /'du shes na nyes pa ci zhig yod ce na/ 'du shes phyir na zhes bya ba la sogs pa smos te/ lha gnas zhes bya ba ni 'jig tshogs la lta ba la mngon par zhen pa'o/ /'di ltar sems sngar bshad pa'i 'du shes gsum gyi
 mtshan nyid kyi chags pa gsum po de la chags pa gsum po de la chags pa yin te/ de lta na yang yongs su bsngos par mi chud pas na dmigs pa yod pas zhes bya ba la sogs pa smos so/ /yongs su bsngo ba ni sngon bsags pa'i dge ba la brten nas
 rdzogs pa'i sangs rgyas nyid du rung ba'i sems skye ba yin te/ sgro 'dogs pa'i sems ni de dang mi mthun pa'i phyir ro snyam du dgongs pa yin no/ /mi dmigs pa ni phyin ci ma log pa yin pas phyin ci ma log pa'i bsngo ba ste/ de yang skad cig ma nyid du
 so sor rtog pas bdag tu phyin ci ma log pa'i sgo nas ni gal te zhes bya ba la sogs pa gsungs pa yin no/ /gang du zhes bya ba ni byang chub tu'o/ /'di skad du rnam par rtog pas yul du ma byas par ni byang chub tu yongs su bsngo ba mi srid la der
 rnam par rtog pa yang dus snga ma pa yin pas re zhig na yang dag par na de'i dmigs par gyur pa byang chub kyang 'jig par 'gyur te/ de dang tha mi dad pa'i phyir ro zhes bshad pa yin no/ /chos la phyin ci ma log pa'i sgo nas ni chos kyis zhes bya ba
 la sogs pa gsungs pa yin no/ /chos thams cad phan tshun gzung ba la sogs pa'i yin pa'i phyir dang yang dag par nam skyes pa'i phyir ro snyam du dgongs pa yin te/ chos kyis chos mi shes so zhes bya ba gang rgyas par gsungs pa yin no/ /
 phyin ci ma log pa yang skye ba med pa la yang mtshan mar mi byed pa dang ldan pa yin pas de'i phyir mtshan ma med pa'i bsngo ba ni/ gal te zhes bya ba la sogs ba 'byung ba yin no/ /chos kyi mtshan ma yang kha zas bzang po dug dang 'dres pa za ba lta bur
 mthar gnod pa'i phyir/ ji ltar dug ces bya ba la sogs pa smos so/ /de lta bas na rgyal bas snang ba'i yongs su bsngo ba kho na mchog yin pas sangs rgyas kyis snang ba'i bsngo ba ste/ de ni de ltas zhes bya ba la sogs pa gsungs pa yin no/ /ji ltar 
 zhes bya ba ni ji ltar rgyal bas mkhyen pa ltar rjes su yi rang ba dang yongs su bsngo bar bya'o zhes bya bar sbyar ro/ /de zhes bya ba ni dge ba de zhes bya bar bsnyeg go /de yongs su mkhyen pa yang rnam pa dang rgyu dang mtshan nyid kyi sgo
 nas yin par bstan pa'i phyir/ rnam pa gang yin zhes bya ba la sogs pa gsungs so/ /de ltar zhes bya ba ni tshul de ltar na sangs rgyas mi spong ba'i rgyu yin no/ /rgyal bas gsungs pa smra zhes bya ba ni des gnang ba'i yongs su bsngo ba dang
 ldan pa'i phyir ro snyam du dgongs pa yin no/ /de'i phyir bsod nams kyi tshogs mtshungs pa med pas bsod nams chen po'i bsngo ba ste lnga pa de ni de ltar yongs su bsngo zhes bya ba la sogs pa gsungs pa yin no/ /thams cad ces bya ba
 ni dmigs pa thams cad do/ /lhag ma ni go sla'o/ /dag pa 'jig rten pa'i sgom pa'i lam bshad zin to/ /'jig rten las 'das pa ni sgrub pa dang rnam par dag pa'i mngon par rtog pa'i bye brag gi rnam pa gnyis so/ /de la mngon par
 rtogs pa dang po ni pha rol tu phyin pa thams cad kyi mig tu gyur pa nyid kyis thams cad mkhyen pa nyid thob par bya ba'i ched du shes rab kyi pha rol tu phyin pa sgrub pa'i phyir te/ de ni dmus long zhes bya ba la sogs pa gsungs pa yin no/ /
 dmus long smos pa ni shin tu rang dbang med par bstan pa'i phyir te gzhan ni sngon goms pas kyang lam shes par 'gyur ro/ /mig med ces bya ba ni mig med pa dag ste/ dngos gzhi gnas skabs na shes rab kyi mig med pa'i phyir ro/ /dmigs su med pas
 zhes bya ba ni 'jug gi gnas skabs na shes rab kyi dmigs pu dang bral ba'i phyir ro/ /gang tshe zhes bya ba ni gnas skabs gang na'o/ /shes rab kyis ni rab tu zin gyur pa zhes bya ba ni shes rab kyi pha rol tu phyin pa lnga po bdag gir byas pa zhes bya bar
 sbyar ro/ /'di'i ming zhes bya ba ni shes rab ces bya ba'i ming ces bya bar bsnyeg go /de med na ri mo'i las bzhin du rnyed pa phun sum tshogs pa'i mchog med pas dper na zhes bya ba la sogs pa smos te don go bar zad do/ /de yang mi dmigs pa'i bdag
 nyid yin pas mi dmigs pa'i rnam pa sgrub pa'i phyir ni gang tshe zhes bya ba la sogs pa gang gsungs pa yin no/ /de ci'i phyir zhe na/ nam mkha' zhes bya ba la sogs pa smos te/ shes rab kyi pha rol tu phyin pa ni 'dus byas la sogs pa la dmigs pa dang
 'gal bas rnam pa thams cad du dben par spyod yul gcig pa'i phyir ro/ /'dis ni dag pa 'jig rten pa las khyad par du bstan pa yin no/ /de'i spyod yul ni chos thams cad snang ba tsam yin pa'i phyir te rnam par mi rtog pa'i ye shes kyis ni chos thams cad
 nam mkha' i ngos dang 'dra ba thugs su chud do rjes las thob pa ni chos thams cad sprul pa lta bu'i bar du gzigs so zhes gang bshad pa yin no/ /de ltar na dmigs pa dang bcas pa'i snying brtse ba yang 'khrul ba yin pas/ gal te zhes bya ba la sogs pa smos te go
 bar sla'o/ /de ltar sgrub pa ni rim gyis sgrib pa dang bral bas mngon par rtogs pa gnyis pa'o/ /de nye bar bstan pa yang rigs mthun pa las rab tu skye ba'i rgyu can yin pas de bstan pa'i phyir byang chub sems dpa' gang zhig ces bya ba la sogs pa smos so/ /
 sngon spyad spyod pa'i tshe zhes bya ba ni tshe snga ma la'o/ /som nyi med ces bya ba ni blo gros som nyi med pa kho nar gyur pa zhes pa'i tha tshig go /thos ma thag tu zhes bya ba ni thos pa tsam kho na ste/ tshe 'di la zhes bya ba lhag ma yin no/ /ston pa'i 'du shes bskyed ces
 bya ba ni shes rab kyi pha rol tu phyin pa 'di la zhes bya bar sbyar ro/ /des ni zhes bya ba ni byang chub sems dpa' de nyid kyis rtogs par 'gyur zhes bya bar sbyar te/ rdzogs pa'i byang chub tu nges pa'i phyir mthun pa'i rgyu phun sum tshogs pas de kho na nyid la mos pa'i
 phyir 'gyur zhes bya bar ni 'gyur ro/ /de spong ba'i rgyu sel ba'i sgo nas ni sngon spyod tshe zhes bya ba la sogs pa gsungs pa yin te/ bsnyen dkur byas su zin kyang zhes bya ba lhag ma yin no/ /spong byed de zhes bya ba ni
 bde bar gshegs pa la mchod pa shes rab la mos pa med pa ni de la mos pa'i rgyu ma yin pa'i phyir ro/ /skyabs med gyur pa ni de kho na nyid spong na bsod nams thams cad spangs pa'i phyir ro/ /de kho na nyid la mos pa phun sum tshogs pa ni de dang
 rigs mthun pa las rab tu skye ba can yin pas/ de lta bas na zhes bya ba la sogs pa smos so/ /legs par don du gnyer ba de spong ba dang ldan pa ni tshong pa ring po che'i gling du 'gro ba rang zod zad pa bzhin du bde bar gshegs pa la mchod pa la sogs
 pa yang don med pa kho nar 'gyur bas/ dper na tshong pa zhes bya ba la sogs pa smos so/ /'bras bu dag pa'i rnam pa'i sgo nas ni gzugs kyi dag pa zhes bya ba la sogs pa 'byung ba yin no/ /gzugs kyi zhes bya ba ni nye bar mtshon pa yin pa'i phyir
 phung po la sogs pa'i zhes bya ba'i tha tshig go /'bras bu'i dag pa ni slob pa'i gnas skabs na te/ dag pa ni sgro btags pas dben pa'i sgo nas yin par sbyar ro/ /de'i phyir gzugs la sogs pa de dang mi slob pa'i gnas skabs su yang tha mi dad pas
 'bras bu gzugs dag ces bya ba la sogs pa smos so/ /gzhan nyid yin bzhin du ji ltar de ltar yin zhe na/ nam mkha' zhes bya ba la sogs pa smos te/ dbyer med bcad du med ces bya ba ni go rim bzhin du rdzas dang rnam pa tha dad pa med pa'i
 phyir/ de ltar ro gcig par rtogs pa nyid du dag pa yin no/ /snyam du dgongs pa yin te/ de lta bu 'di ni lam gyi rnam par shes pa nyid kyi mtshan nyid bshad pa yin no// //'di man chad ni byang chub gzhan shes
 par byas nas spang bar bya dgos pa thams cad shes pa nyid kyi mtshan nyid de/ de yang shes pas srid la me gnas shing/ /snying rjes zhi la mi gnas dang/ /thabs ma yin pas ring ba dang/ /thabs kyis ring po ma yin nyid/ /mi mthun gnyen po'i
 phyogs dag dang/ /sbyor dang de yi mnyam nyid dang/ /nyan thos la sogs mthong ba'i lam/ /de 'dra kun shes nyid du 'dod/ /phung po la sogs pa tsam la mi rtag pa la sogs pa'i rnam par shes pa'i phyir te/ bcom ldan 'das ci'i slad du nyan thos dang
 rang sangs rgyas rnams kyi thams cad shes pa nyid lags/ bcom ldan 'das kyis bka' stsal pa/ rab 'byor thams cad ces bya ba ni 'di lta ste/ nang dang phyi'i chos 'di tsam du zad la de dag nyan thos dang rang sangs rgyas rnams kyi shes kyi lam thams
 cad kyis kyang ma yin la rnam pa thams cad kyis kyang ma yin no zhes gang gsungs pa yin no/ /de yang srid pa dang zhi ba la mi gnas pa'i sgo nas spong bas/ khams gsum zhes bya ba la sogs pa smos te/ khams gsum ni 'dod pa dang gzugs dang gzugs med
 pa dag go /de dag las yang dag 'das pa ni de dag gi rang gi ngo bo yongs su shes pas de la sred pa med pa'i phyir ro/ /rnam par grol ba'ang min zhes bya ba ni gzhan la phan par bya ba'i phyir skye ba la sogs pa ston pa'i phyir ro/ /de nyid bstan pa'i phyir nyon mongs gsal bar
 gyur kyang zhes bya ba la sogs pa gsungs te/ nyon mongs pa dang bral yang snying rje chen po'i gzhan gyi dbang gis grong du rgyu ba bzhin du sprul pa 'am skye ba la dbang thob pas skye ba la 'gal ba med pa'i phyir ro snyam du dgongs pa yin no/ /skye ba'i srid pa'i nyon
 mongs pa/ /kun gyi nyon mongs shes bshad pa gang yin pa de ni nyon mongs pa dang mthun pa'i skye ba la dgongs pa yin te spros pas chog go /tshul lugs rmad du byung ba 'di ga las yin zhe na/ shes rab pha rol phyin pa yis zhes bya ba smos so/ /de
 khyad par du bya ba'i phyir gar spyod ces bya ba la sogs pa gsungs te/ de ni byang chub sems dpa' rnams kyi shes rab gzhan la snying brtse bas rab tu phye ba gang yin pa de yi mig 'phrul yin no zhes bya ba'i tha tshig go /'di'i
 mi mthun pa ni srid pa'i tshogs su gyur pa'i phyir phung po la mngon par zhen pa yin pas 'gro ba 'di dag ces bya ba la sogs pa smos te/ ming ni char pa la sogs pa'i phung po bzhi'o/ /gzugs ni gzugs kyi phung po ste/ ming dang gzugs ni
 chags pa'i gnas yin pa'i phyir dang/ rgal bar dka' ba'i phyir 'dam rdzab lta bur 'dam yin no/ /de dag la chags pa yang srid pa'i rgyu ma rungs pa yin pas 'khor ba'i 'khor lo zhes bya ba la sogs pa gsungs te/ 'khor ba ni rlung
 gis 'khor lo bzhin du nyon mongs pa dang las dang tshe rnams rgyun mi 'chad par 'byung ba'i phyir 'khor lo lta bu yin no/ /de'i gnyen po yang mi mthun pa'i nyes pa rtogs pa'i sgo nas ni 'gro ba zhes bya ba la sogs pa gsungs pa yin no/ /'phrul pa
 zhes bya ba ni 'gro ba 'khrul pa zhes bya bar sbyar ro/ /ri dags rgyar tshud 'dra zhes bya ba ni ri dags rgyar tshud pa dang 'dra bar te/ nges par 'byung ba ma thob pa'i phyir ro/ /bdag nyid ma 'khrul pas 'gro ba skyabs par 'jug pa'i sgo nas ni shes rab
 ldan pa zhes bya ba la sogs pa 'byung ba yin no/ /rnam par rgyu zhes bya ba ni ming la sogs pa la mi gnas pa rnams snying rjes 'gro ba la phan par bya ba'i phyir 'jug go /de lta ma yin na byang chub gzhan spongs par mi 'gyur ro/ /zhes bya ba'i tha
 tshig go /gzugs la sogs pa 'di dag la mi spyod pa kho na sbyor ba yin pas/ spyod pa yongs dag ces bya ba la sogs pa gsungs te/ chags pa thams cad ces bya ba ni gzugs la sogs pa la bstan pa dang cig shos la sogs
 pa'i rnam par mngon par zhen pa'i mtshan nyid dag go /de yongs su spangs pa'i phyir spyod pa mchog yin pas chags las zhes bya ba la sogs pa smos so/ /spyod pa yongs dag gsal bar bya ba'i phyir de ltar zhes bya ba la sogs pa gsungs so/ /'gro zhes
 bya ba ni rdzogs pa'i byang chub tu zhes bya ba lhag ma yin no/ /rlo ma sems thams cad dang bral na sbyor ba mnyam pa nyid kyis nyi ma bzhin du 'od gsal ba'i phyir dang me bzhin du 'gro ba'i nyon mongs pa'i bud shing sreg pa'i phyir ni/ nyi ma zhes bya ba la sogs
 pa 'byung ba yin te don go bar zad do/ /de ltar rab tu sbyor ba ni rang bzhin gyis dag pa yid la byed pa'i sgo nas thams cad shes pa nyid kyi lam spong ste/ de'i yul ni kun nas nyon mongs pa dang rnam par byang ba'i bye brag gis bden pa bzhi yin pa'i
 phyir/ chos rnams thams cad ces bya ba la sogs pa smos te/ rang bzhin dag ces bya ba ni rang bzhin gyis nyon mongs pa med pa'i phyir ro/ /yongs dag ces bya ba ni shes bya'i sgrib pa dang bral ba ste/ yang dag par na med pa'i phyir ro snyam du dgongs pa
 yin no/ /gal te de ltar na 'o na ni lta ba po dag gi mtshan nyid yin pa'i phyir bdag tu dmigs pa ma yin nam zhe na/ byed pa po yang mi dmigs zhes bya ba la sogs pa smos te/ de lta bas na gang zag mi dmigs pa 'dis ni thams cad shes pa
 nyid kyi mthong ba'i lam mtshon pa yin te/ nyan thos la sogs pa'i rtogs pa ni phal cher gang zag tsam ma dmigs pa'i ngo bo yin pa'i phyir ro/ /lam gyi rab tu dbye ba 'di ni lam gyi rnam par shes pa nyid kyi skabs su rgyas par bshad zin
 pas yang mi brjod do/ /chos thams cad mi dmigs pa'i sgo nas de spong ba ni/ chos kun zhes bya ba la sogs pa yin te/ de lta bu thams cad shes pa nyid kyi mtshan nyid yin no// //byang chub sems dpas
 de ltar nges par gzung nas rnam pa kun mngon par rdzogs par rtogs pa'i mtshan nyid kyi sbyor ba yid la bya dgos pas rnam pa kun mngon par rdzogs par rtogs pa ste/ de yang rten ni sbyor bar bcas pa dang/ /yon
 tan skyon ni mtshan nyid bcas/ /thar dang nges 'byed cha mthun dang/ /slob pa phyir mi ldog pa'i tshogs/ /srid dang zhi ba mnyam nyid dang/ /zhing dag bla na med pa ni/ /rnam kun mngon rdzogs rtogs pa ste/ 'di ni thabs mkhas bcas pa yin//
 de la re zhig sbyor ba'i rten ni rgyal ba la ni zhes bya ba la sogs pa gsungs pa yin te/ shes rab spyod ces bya ba ni shes rab la mi skrag pa'i sems kyis 'jug pa zhes bya ba'i tha tshig go /'di ni sbyor ba'i rten byang chub sems dpa' i sngon
 gyi sangs rgyas la lhag par bya ba byas pa/ de la dge ba'i rtsa ba bskrun pa/ bshes gnyen dam pa la brten pa/ shes rab la mos pa dang ldan pa yin no zhes bstan pa yin te/ gzhan la ni spyod pa 'di lta bu mi 'thad pa'i phyir ro zhes sngar
 rgya cher bshad zin to/ /sbyor ba 'di ni rnam pa bcu ste/ 'di lta ste sbyor ba med pa'i sbyor ba ni/ phung po khams la zhes bya ba la sogs pa gsungs te/ khams la zhes bya ba ni mig la sogs pa la'o/ /yang phung po zhes bya ba smos
 pa ni zag pa med pa'i phung po yin par gzung ba'i phyir ro/ /byang chub sems dpa' i brtson zhes bya ba ni sbyor ba med pa nyid rnam pa thams cad du phyin ci ma log pa nyid kyis brtson pa'i bdag nyid yin pa'i phyir ro snyam du dgongs pa yin no//
 shes rab la the tshom med pa ni lung bstan pa'i gzhi yin pa'i phyir lung bstan pa'i sbyor ba ni/ sems can de ni ring nas zhes bya ba la sogs pa gsungs pa yin te/ sprul dang sgyu ma 'dra zhes bya ba ni de dag dang 'dra ba'i phyir ro/ /
 phyir mi ldog pa'i sbyor ba ni som nyi med pa'i sbyor ba la phyir mi ldog pa yin pa'i phyir/ phyir zhing sbyor byed ces bya ba la sogs pa 'byung ba yin te/ slob la zhes bya ba ni lhag pa'i tshul khrims dang lhag pa'i sems kyi bslab pa dang ldan pa/
 zhes bya ba'i tha tshig go /nges par 'byung ba'i sbyor ba ni dgon par zhugs pas gnag rdzi la sogs pa mthong ba bzhin du shes rab mnyan pa bar du gcod pa'i thibs po thams cad las 'da' ba' i ngo bo nyid yin pa'i phyir ro/ /dgon pa'i
 lam ni zhes bya ba la sogs pa 'byung ba yin te/ mtshams kyi nags tshal phun sum tshogs zhes bya ba ni grong la sogs pa'i mtshams dang ldan pa'i nags tshal phun sum tshogs pa zhes bya ba'i tha tshig go /nye ba'i zhes bya ba ni de na yod
 pa'i grong la sogs pa gang yin pa de dag nye ba'i'o/ /'di dag ces bya ba ni gnag rdzi la sogs pa'i rtags so/ /rtags zhes bya ba ni dbugs phyin pa'i rgyu'o snyam du dgongs pa yin no/ /dbugs phyin thob par gyur cing zhes bya ba ni shes rab
 mnyan pa srid pa'i nyes pa'i gnyen po yin pa'i phyir ro/ /'jig med de zhes bya ba ni rdzogs pa'i byang chub tu smos pas gzhan gyis gegs byed pa yin pa'i phyir ro/ /de bsal bar bya ba'i phyir/ dgra bcom zhes bya ba la sogs pa smos so//
 rtag tu sbyor ba ni rgya mtsho chen por 'gro ba bzhin du rdzogs pa'i byang chub tu zhugs pa yang/ de dang nye bar gyur na rtag tu 'jug pa'i rtags mthong ba yin pa'i phyir mi zhig ces bya ba la sogs pa 'byung ba yin te/ rtags zhes bya ba ni ring
 ba'i rtags te shing la sogs pa zhes bya ba'i tha tshig go /rgya mtsho chen po nye bar gyur to snyam te zhes bya ba ni de dang nye ba na shing la sogs pa med pa'i phyir ro/ /rig par bya zhes bya ba ni shes par 'gyur zhes bya ba'i tha tshig go /de ci zhig ce na/
 rnam par 'dren pas zhes bya ba la sogs pa 'byung ba yin te/ bdag ces bya ba ni bdag nyid do/ /reg par 'gyur zhes bya ba ni mngon du byed par 'gyur ba ste de'i rtags thos pa la sogs pa rtag tu
 dmigs pa'i phyir ro/ /snyam du dgongs pa yin no/ /mngon par rdzogs par byang chub par nye ba'i sbyor ba ni dpyid kyi dus su lo ma lhags pa'i sdong po bzhin du shes rab thob pa yang dri ma med pa'i yon tan gyi lo ma la sogs
 pa nye ba'i gzhir gyur pa yin pa'i phyir/ dpyid dus bzang la zhes bya ba la sogs pa 'byung ba yin te/ dpyid dus bzang la zhes bya ba smos pa ni dus log pa spang ba'i phyir/ bskrun zhes bya ba ni 'grub par 'gyur ba ste/ yal ga
 rnams kyis lo ma la sogs pa zhes bya ba bar skabs dang sbyar ro/ /lhag ma ni don go bar zad do/ /myur du mngon par rdzogs par byang chub pa'i sbyor ba ni sbrum ma sdug bsngal gyis nyen pa bzhin du shes rab la 'dun pa la sogs pa dang ldan
 pa las myur du mngon par rdzogs par byang chub pa 'byung ba yin pa'i phyir dper na zhes bya ba la sogs pa 'byung ba yin no/ /gang zhes bya ba ni sdug bsngal dag gis nyams thag pa zhes bya ba lhag ma yin no/ /skyed pa zhes bya ba ni skyed par
 byed pa'i zhes bya ba'i tha tshig go /'phel ba dang 'grib pa med pa'i sbyor ba ni myur du mngon par rdzogs par 'tshang rgya ba mi dge ba dang cig shos dag la 'phel ba dang 'grib par mi lta ba yin pa'i phyir shes rab kyi pha rol tu phyin mchog ces bya
 ba la sogs pa 'byung ba yin te/ gzugs zhes smos pa ni tshor ba la sogs pa yang nye bar mtshon pa yin no/ /chos dang chos ma min pa mi dmigs pa'i sbyor ba ni pha rol tu phyin pa'i bdag nyid kyi gnyen po mi mthun pa'i phyogs dang bcas pa
 dang chos kyi dbyings de bzhin nyid ces bya ba dmigs pa yin pa'i phyir/ gang zhig chos dang zhes bya ba la sogs pa 'byung ba yin te/ gang zhig mi mthong ba de gnas zhes bya bar sbyar ro/ /'di'i rnam par mi rtog pa'i sbyor ba yang 'dir
 sangs rgyas kyi chos la sogs pa la yang mi rtog pa yin pa'i phyir/ gang zhig 'dir spyod ces bya ba la sogs pa gsungs pa yin te/ rnam par mi rtog ces bya ba ni ngo bo nyid la rnam par mi rtog pa'i phyir ro/ /rtog bral zhes bya ba ni sgro
 'dogs pa'i rtog pa dang bral ba'i phyir ro/ /byin gyis brlabs kyis spyod ces bya ba ni smon lam gyi shugs kyis 'gro ba yongs su smin par bya ba'i ched du 'jug pa'i phyir ro/ /'dis ni rnam par rtog pa'i mtshan ma rnam pa bzhi dang bral ba'i sbyor ba
 bstan pa yin te/ phung po dang pha rol du phyin pa dang de kho na nyid dang/ sangs rgyas kyi chos rnams la go rim bzhin du rang bzhin dang/ /gnyen po dang de kho na nyid dang thob par rtog pa'i mtshan ma'i mtshan nyid yin pa'i phyir ro/ /mtshan ma'i rab tu
 dbye ba 'di ni rnam par mi rtog pa la 'jug pa'i gzungs bstan pa la khong du chud par bya'o/ /de ltar sbyor ba kha na ma tho ba med pa'i phan yon mdor bstan pa ni/ 'di ni shes rab ces bya ba la sogs pa 'byung ba yin te/ de ltar sbyor ba ni bdud kyis
 zil gyis mi non pa la sogs pa'i yon tan dang ldan pa'i phyir ro snyam du dgongs pa yin no/ /'di la bdud kyi bar du gcod par 'gyur ba yang gang dag yin zhe na/ smra ba'i zla ba sangs rgyas zhes bya ba la sogs pa smos te/ rab 'byor gyis
 zhus pa ni des gdul ba'i 'gro ba dad par bya ba'i phyir ro/ /smra ba'i zla ba zhes bya ba ni dngos po thams cad gsal bar byed pa yin pa'i phyir te/ de bas na de la zhu'o snyam du dgongs pa yin no/ /yon tan ni shes rab la sbyor ba ste/ de kho
 na'i khongs su yon tan thams cad 'dus pa'i phyir ro/ /de las zhes bya ba ni bar du gcod par 'gyur ba de dag las zhes bya ba'i tha tshig go /cung zad tsam zhes bya ba ni bar du gcod par 'gyur ba rnam pa
 dgu ste/ 'di lta ste bya ba gzhan la spobs pa ni/ /rgyal ba'i shes rab pha rol phyin ces bya ba la sogs pa yin te/ 'dri tshe zhes bya ba ni 'dri ba'i tshe na'o/ /tha dad pa nyid ni yul tha dad pa'i phyir ro/ /rnam pa du ma nyid ni yul
 gcig la rnam pa sna tshogs pa'i phyir ro/ /de la spobs pa myur ba nyid ni shes rab 'dri bar sems pa bar ma do kho nar ldog pa yin pa'i phyir ro/ /'gro ba'i don ma byas par zhes bya ba la sogs pa 'byung ba yin no/ /don zhes bya ba la
 don ni shes rab 'dri ba la sogs pa yin te/ de ni 'gro ba la phan pa'i rten yin pa'i phyir ro/ /phyir phyogs pa'i rgyu mtshan 'dzin pa nyid ni 'di las bdag gis ming ma smos pa'i sgo nas lung bstan pa med do snyam nas phyir phyogs shing spong
 ba srid pa'i phyir 'di bshad tshe na zhes bya ba la sogs pa yin te rigs ni tshe rigs so/ /bdud kyi las zhes bya ba ni de ni zhes bya ba lhag ma yin te bdud kyi byin gyis brlabs kho nas spong ba ste/ de lta bu 'byung ba'i phyir ro/ /rtsa ba 'dor
 ba ni yal ga la sogs pa lta bu'i chos gzhan gyi gzhi yin pas thams cad kyi rtsa bar gyur pa shes rab kyi pha rol tu phyin pa 'dor ba yin pa'i phyir de ltar zhes bya ba la sogs pa gsungs pa yin no/ /theg pa mchog las nyams pa ni glang
 po don du gnyer ba zhig de snyed kyang de'i rjes 'tshol ba bzhin du theg pa'i mchog tu gyur pa shes rab kyi pha rol tu phyin pa yongs su spangs nas mdo gzhan 'tshol bar byed pa yin pa'i phyir/ glang po zhes bya ba la sogs pa gsungs pa yin no/ /
 gya nom pa'i ro myang ba las nyams pa ni kha zas bzang po bor nas kha zas ngan pa 'tshol ba bzhin du shes rab bor nas lam gzhan gyis rdzogs pa'i byang chub don du gnyer bar byed pa yin pa'i phyir dper na la la zhes bya ba la sogs pa 'byung ba
 yin te/ dgra bcom rnams kyi sa dang de dang ldan pa'i mdo la sogs pas so/ /bkur sti la sogs pa la ltos pa nyid ni/ bkur sto zhes bya ba la sogs pa gsungs pa yin te/ lta dang bcas pa'i sems zhes bya ba ni ste stang la sogs pa la
 zhes bya bar sbyar ro/ /'dris byed ces bya ba ni bshes par byed pa'o/ /thabs ma yin pas thabs la mkhas pa 'tshol bas ni chos btang nas ni zhes bya ba la sogs pa 'byung ba yin te/ chos ni shes rab ces bya ba yin no/ /chos min zhes bya
 ba ni bdud kyis bstabs pa'i mdo goms par byed pa'o/ /lam gol 'gro ba ces bya ba ni de lta bur zhes bya ba lhag ma yin no/ /ston par byed pa la dga' ba med pa ni/ /gang dag de'i tshe na zhes bya ba la sogs pa 'byung ba yin te/ 'dun cing zhes bya
 ba ni mngon par 'dod cing ngo/ /dad gyur nas zhes bya ba ni shes rab kyi 'bras bu la mngon par yid ches pa'i phyir ro/ /bya ba ldan zhes bya ba ni bya ba gzhan la bral ba'o/ /rig nas zhes bya ba ni shes nas so/ /bar du gcod pa mang ba nyid bstan pa'i
 phyir de'i tshe na zhes bya ba la sogs pa gsungs te/ de'i tshe na zhes bya ba ni shes rab 'dri ba la sogs pa'i tshe na'o/ /gang dag gis zhes bya ba ni gang rnams kyis so/ /dge slong smos pa ni las gzhan med pa rnams la yang bar chad byed pa yod pa bstan
 pa'i phyir ro/ /bar chad byed pa'i rgyu bstan pa'i phyir rin chen zhes bya ba la sogs pa gsungs te/ rin chen chos zhes bya ba ni chos thams cad kyi de ko na nyid ston par byed pa yin pa'i phyir ro/ /dkon la zhes bya ba la ni shes rab rnyed pa ni yun ring mo zhig
 nas zhugs pas bsgrub par bya ba yin pa'i phyir ro zhes bshad do/ /de'i phyir de ni zhugs nas ring po ma lon par mi 'thob pas/ theg pa gsar du zhugs pa zhes bya ba la sogs pa gsungs te/ blo chung ba ces
 bya ba ni blo gros tshad yod pa'o/ /'on kyang ci'i phyir ma rnyed ce na/ de la bar chad bya phyir zhes bya ba la sogs pa smos so/ /de ni sangs rgyas kyi byin gyis brlabs kho nas rnyed par 'gyur bar phyogs bcu'i zhes bya ba la sogs pa smos so/ /
 yongs su 'dzin zhes bya ba ni 'dri ba la sogs pa bar chad med pa nyid do/ /de la sbyor ba ni brtson no zhes bya ba'i tha tshig go /shes rab la dgongs pa ni bcom ldan 'das rnams de las 'khrungs pa'i phyir ro/ /ma zhig ces bya ba la sogs
 pa smos te/ rim gro byed ces bya ba ni srid zhu byed pa'o/ /yum gyur zhes bya ba ni yum du gyur pa'o/ /dgongs pa mdzad ces bya ba ni bgegs med par bya ba'i phyir zhes bya ba khod nas drang ngo/ /bar chad byed pa'i rab tu dbye ba bshad
 zin to// //rnam pa kun mngon par rdzogs pa rtog pa 'di kho na'i mtshan nyid brjod par bya ste/ /de yang shes pa dang khyad par dang byed pa dang/ ngo bo nyid kyi mtshan nyid kyi dbye bas rnam pa bzhi'o/ /de la shes
 pa'i mtshan nyid ni thams cad mkhyen pa nyid gsum gyi sgo nas rnam pa bcu ste/ thams cad mkhyen pa nyid kyi dbang du byas nas de de bzhin gshegs pa mngon par bsgrub pa shes pa ni dus gsum gyi de bzhin gshegs pa rnams shes rab
 kyis bskyed pa yin pa'i phyir/ gang dag ces bya ba la sogs pa 'byung ba yin te/ 'di las zhes bya ba ni sbyor ba'i bdag nyid kyi shes rab ji skad bshad pa'i dbang du mdzad pa yin no/ /'jig rten zhes pa ni phung po la sogs pa'i bdag
 nyid kyi 'jig rten rang dang spyi'i mtshan nyid du yongs su gcod pa'i phyir te de ston pas 'jig rten ston pa zhes bya ba gsungs so/ /de'i phyir bcom ldan 'das ma rdzogs pa'i sangs rgyas kyi yum dngos yin pas/ /rgyal ba ces bya ba la sogs pa smos so/ /
 sems can gyi sems kyi spyod pa shes pa ni 'gro ba thams cad kyi sems kyi rab tu dbye ba ji lta ba bzhin yongs su shes pa yin pa'i phyir/ sems can gzhan gyi zhes bya ba la sogs pa 'byung ba yin no/ /chos nyid mi 'khrugs pa shes pa ni de
 bzhin nyid ni so so'i skye bo dang 'phags pa'i bye brag gis kyang gzhan pa ma yin pa'i phyir/ 'jig rten zhes bya ba la sogs pa 'byung ba yin te/ 'jig rten zhes bya ba ni so so'i skye bo dang slob pa'i ngo bo nyid do dngos bral zhes bya ba ni 'dzin pa la
 sogs par sgro btags pa log pa tsam gyi bdag nyid yin pa 'ba' zhig tu zang de de ni tshul 'dra ba tsam du rnam par bzhag pa'i rjes su 'gro ba'i rnam pa yin gyi yang dagpa'i rnam pa ni 'ga' yang med do snyam du dgongs pa yin no/ /shes rab
 pha rol phyin pas zhes bya ba ni lam gi rnam pa'i spyod yul can gyi shes rab kyis so/ /mkhyen zhes bya ba ni thugs su chud pa ste de bzhin nyid ces bya bar sbyar ro/ /ji ltar 'di tha dad pa ma yin zhe na/ rab tu dbye ba shes pa ste de bzhin gshegs
 pa rnams 'das pa la sogs pas tha dad kyang chos nyid so na 'dug pa'i phyir ro/ /mkhas pa zhes bya ba la sogs pa smos te gnas sam zhes bya ba ni gnas kyang rung ba'o/ /chos nyid nges pa zhes bya ba ni chos nyid nges pa ste/ de bstan pa'i
 phyir chos rnams stong pa zhes bya ba la sogs pa gsungs so/ /mtshan nyid med pa shes pa ni/ byang chub sems dpa' zhes bya ba la sogs pa 'byung ba yin te/ 'di zhes bya ba ni gzugs la sogs pa'i mtshan nyid kyis dben pa'i bdag
 nyid kyi de bzhin nyid ces bya bar sbyar ro/ /de'i phyir sangs rgyas su tha snyad gdags pa yin pas/ de'i phyir zhes bya ba la sogs pa smos so/ /rten rang gi chos shes pa ni rnam pa thams cad shes pa nyid
 kyis bde bar gshegs pa skyed par byed pa yin pa'i phyir dang de bzhin gshegs pa gnas pa'i rten yin pa'i phyir/ shes rab pha rol phyin pa zhes bya ba la sogs pa 'byung ba yin te/ shes rab kyi pha rol tu phyin pa 'dzin pa'i rnam
 par 'dod pa nyid dga' tshal yin te dga' ba rnam pa du ma'i rten yin pa'i phyir ro/ /de lta bu des ni ci zhig mdzad ce na/ byed pa med pa shes pa ste 'gro ba yongs su smin par bya ba la sogs pa la zhugs kyang byed pa po la sogs pa
 mi dmigs pa'i phyir/ sems can zhes bya ba la sogs pa smos so/ /ji ltar yongs su smin par byed ce na/ stong pa nyid ston par byed pa shes pa ste seng+ge bzhin du shes rab kyi ri dang/ rdzong la brten nas mu stegs can ri dags skrag par
 byed pa'i rgyu stong pa nyid kyi sgra sgrogs pa'i phyir/ dper na seng+ge zhes bya ba la sogs pa 'byung ba yin te/ 'jigs pa med par zhes bya ba ni bag tsha ba med par ro/ /ji ltar rnam par grol bar byed ce na/ stong pa nyid mthong pa'i shes pa ste/
 nyi ma'i 'od zer bzhin du bdag nyid shes rab kyi nam mkha' la gnas te srid pa'i srid pa bsal nas chos yang dag pa ji lta ba bzhin du ston pa'i phyir dper na nam mkha' zhes bya ba la sogs pa 'byung ba yin te/ shes pa'i mtshan nyid
 bshad zin to/ /sa gzhan las khyad par 'phags pa ni rnam pa brgyad de mthong bas khyad par du 'phags pa ni sdug bsngal gyi bdag nyid kyi gzugs la sogs pa mthong ba med pa nyid mthong ba phyin ci ma log pa'i ngo bo nyid yin pa'i phyir
 gzugs rnams zhes bya ba la sogs pa 'byung ba yin te/ /rnam par shes pa ni 'jug pa'i rnam par shes pa drug go /sems ni kun gzhi rnam par shes pa'o/ /yid ni nyon mongs pa can gyi yid do/ /ji ltar na mthong ba med pa nyid mthong bar
 'gyur zhe na/ nam mkha' zhes bya ba la sogs pa smos te/ 'di skad du ji ltar ka ba la sogs pa'i dngos po ma mthong ba la nam mkha' mthong ba'i tha snyad 'dogs kyi nam mkha' i dngos por gyur pa mthong ba'i phyir ni ma yin pa de bzhin du brtags pa med
 par mthong ba nyid chos mthong ba dam pa yin no zhes tha snyad brtags te de bstan pa'i thabs gzhan ni med pa'i phyir ro zhes bshad pa yin no/ /yang ma mthong ba la rang dang gzhan gyi don 'byung ba ci zhig yod ce na/ bya ba thams cad bsdus pas
 khyad par du 'phags pa ste/ shes rab kyi pha rol tu phyin pa ni blon po bzhin du bdag dang gzhan la phan pa sgrub pa yin pa'i phyir/ gang gis zhes bya ba la sogs pa 'byung ba yin te de ltar zhes bya ba ni de ltar bshad pa'i tshul du'o/ /chos kun
 zhes bya ba ni kun 'byung ba'i ngo bo nyid dag go /rgyal po btang snyoms 'dug pa ji lta ba de bzhin du zhes bya ba khong nas drang ngo/ /sangs rgyas mdzad dang zhes bya ba sems can rdzogs pa'i byang chub tu yongs su smin par byed pa'o/ /nyan thos chos
 rnams ni bden pa'i tshul la 'god pa'o/ /btang snyoms su 'dug pa nyid rab tu bstan pa'i phyir rgyal po grong du zhes bya ba la sogs pa smos te/ bsdud pa ni len pa ste blon po'i dbang gis zhes bya ba khong nas dbyung ngo/ /yon tan zhes bya ba ni rang
 gi don phun sum tshogs pa'i mtshan nyid kyi yon tan dag ste/ shes rab kyi mthus zhes bya ba lhag ma yin no/ /de ltar bdag nyid btang snyoms su 'dug na ring mo zhig tu 'bras bu phun sum tshogs par mi 'gyur bar bya ba'i phyir myur du mngon par shes
 pa nyid kyi khyad par du 'phags pa ste/ sangs rgyas dang byang chub sems dpa' rnams la dad pa dang ldan pa ni 'gog pa la chos shes pa nyid kyis myur du mngon par rdzogs par 'tshang rgya ba'i phyir gang na zhes
 bya ba la sogs pa smos te/ bstan pa ni dad ces bya bar sbyar ro/ /zil gyis mi non ces bya ba ni sgrib pa thams cad kyis ma gtses par ro/ /de bzhin du gzhan dag la yang rab tu dbye ba'i mtshams sbyar ba ni ci rigs par brtag par
 bya'o/ /dmigs pas khyad par du 'phags pa ni gru chag pa'i mi ro la sogs pa la 'ju ba kho na ltar 'gog pa la rjes su shes pas srid pa'i rgya mtsho'i pha rol du 'gro ba'i phyir/ dper na rgya mtshor zhes bya ba la sogs pa 'byung ba
 yin te/ rgya mtsho smos pa ni rten med pas rgal bar dka' ba nyid du bstan pa'i phyir ro/ /gang zhig 'dzin pa zhes bya ba ni ro la sogs pa la zhes bya bar sbyar ro/ /dad pa ni yod pa nyid dang mngon par 'dod pa'i rnam pa yin no/ /thabs ni
 snying brtse ba la sogs pa'i mtshan nyid do/ /yon tan de nyid gang dag gam shes rab gang la yod pa de la de skad ces bya'o// //bam po bzhi pa/ /rten gyis khyad par du 'phags pa ni rdza ma so btang
 ba bzhin du lam shes pa kho na byang chub kyi tshogs kyi chu thub par byed pa yin pa'i phyir/ dper na la la zhes bya ba la sogs pa 'byung ba yin te/ bde bar zhes bya ba ni bde blag tu zhes bya ba'i tha tshig go /phyin par 'gyur zhes bya ba ni bum
 pa zhes bya bar skabs dang sbyar ro/ /kyang zhes bya ba ni 'on kyang zhes bya ba'i tha tshig go /ma rung 'gyur zhes bya ba ni byang chub gzhan du lhung ba'o dad pas zhes bya ba ni dad pa can gyis so/ /sa gnyis ni nyan thos dang rang sangs rgyas kyi byang chub kyi
 mtshan nyid do/ /lhag ma ni go sla'o/ /phun sum tshogs pas khyad par du 'phags pa ni rgya mtsho'i gru bcos lags ma byas pa dang/ cig shos dag bzhin du shes rab nyams pa dang/ cig shos ngag rdzogs pa'i byang chub yongs su nyams
 pa dang thab pa'i rgyu yin pa'i phyir /dper na bcos legs ma byas zhes bya ba la sogs pa 'byung ba yin te/ nor dang bcas shing zhes bya ba ni gru nor dang bcas shing zhes bya bar sbyar ro/ /de nyid ces bya ba ni gong du bshad pa'i byang chub
 sems dpa' o/ /ma smas pa ni nyon mongs pa dag gis so/ /ma nyams pa ni shes bya'i sgrib pas so/ /yongs su bzung bas khyad par du 'phags pa ni mi nyams chung ba bzhin du lhan cig byed pa shes rab dang thabs kyis yongs su ma zin pas srid pa
 dang zhi bar lhung ba srid pa'i phyir/ lo brgya nyi shu zhes bya ba la sogs pa 'byung ba yin te/ 'jig pa med cing zhes bya ba ni nyams su myong bar mi 'gyur zhing zhes bya ba'i don to/ /mi nyams zhes bya ba ni srid pa dang zhi ba gcig tu nges par mi
 'gyur ro zhes bya ba'i tha tshig go /ro myang ba med pas khyad par du 'phags pa ni bshes gnyen dam pa'i gdams ngag gi stobs kyis mchog tu 'dzin pa med pa'i sbyin pa la sogs pa rdzogs pa'i byang chub tu bsngo ba yin pa'i phyir/ byang chub
 sems dpa' dad po'i zhes bya ba la sogs pa 'byung ba yin te/ las dang po'i sa ni mos pa spyod pa yin no/ /yang na rab tu dga' ba yin te zag pa med pa dang po'i yongs su sbyor bar gyur pa'i phyir ro/ /slob ma bzang po bla ma la gus pa
 gang yin pa de dang ldan pa'o/ /de dag gis zhes bya ba ni de rnams kyis so/ /mkhas pa zhes bya ba ni yang dag pa'i gdams ngag la mkhas pa'i phyir mkhas pa rnams te dge ba'i bshes gnyen zhes bya bar sbyar ro/ /brten par bya zhes bya ba ni
 brten par bya ba'o/ /de las zhes bya ba ni dge ba'i bshes gnyen de dag las so/ /de dag ces bya ba ni de dag 'byung bar byed pa yin te gang gi phyir zhes bya ba lhag ma yin no/ /yon tan rnams ji ltar 'byung ba de
 bstan pa'i phyir/ shes rab pha rol phyin pa zhes bya ba gsungs te shes rab la'o/ /de nyid kyi phyir 'di ni bcom ldan 'das kyis kyang gsungs pa sangs rgyas zhes bya ba la sogs pa smos so/ /da ni gdams ngag bstan pa'i phyir /
 sbyin dang zhes bya ba la sogs pa gsungs te/ byang chub ni rnam par byang ba'i bdag nyid rnams so/ /phung po ni kun nas nyon mongs pa'i mtshan nyid rnams so/ /de la de skad bstan par bya zhes bya ba ni de dag la de skad bstan par bya ba 'am de dag
 bzung bar bya'o zhes bya bar sbyar ro/ /rten gyis khyad par du 'phags pa la sogs pa bzhi po 'di dag ni lam gyi bzod pa dang shes pa'i bye brag gi sgo nas shes par bya'o/ /khyad par du 'phags pa bshad zin to// //
 de'i byed pa ni 'gro ba'i skyabs la sogs pa'i don gyis rnam pa dgu ste/ de ltar spyod pa zhes bya ba la sogs pa gang gsungs pa yin te/ legs mtsho smra ba'i zla ba ces bya ba ni mchog ston par byed pa nyid kyis gzhan gyi don sgrub pa rang gi yon
 tan phun sum tshogs pa sngon du 'gro ba can du rab tu bstan pa'i phyir ro/ /skyabs ni 'khor pa pa'i sdug bsngal bzlog par byed pa'i phyir ro/ /dpung gnyen ni mya ngan las 'das pa'i bde ba la 'god par byed pa'i phyir ro/ /gnas ni sdug
 bsngal gyi rgyu sel bar byed pa'i phyir ro/ /rten ni de'i dbang gis rnam par byad bar 'gro ba'i phyir ro/ /blo ni phan pa dang cig shos yongs su gcod pa de la rag las pa'i phyir ro/ /gling ni de la brten pa rnams srid pa'i sred pa'i chus zil gyis
 mi non pa'i phyir ro/ /yongs 'dren pa ni rang dang gzhan gyi don la 'jug pa de la brten pa'i phyir ro/ /ji ltar na de lta bu yin zhe na 'di ltar don 'dod pa yin te snying brtse ba chen po dang ldan pas so zhes bya ba'i tha tshig go/ /gsal byed ni gang
 zag la bdag med par rab tu bstan par byed pa'i phyir ro/ /sgron ma ni 'gro ba bdag med par rab tu ston par byed pa'i phyir ro/ /smra ba'i zla ba nyid yin par rab tu bstan pa'i phyir/ chos mchog smra ba ces bya ba smos te/ so so yang dag
 par rig pa rnams kyis de kho na nyid rab tu ston par byed pa'i phyir ro/ /mi mthun 'khrugs pa na mi 'jigs pa bzhi dang ldan pa'i phyir te/ de lta bu ni byed pa'i mtshan nyid yin no/ /'dir ni phyi ma phyi ma snga ma snga ma'i rgyu yin par khong du chung
 par bya'o/ /gang gis na de lta bur 'gyur ba 'di'i ngo bo nyid kyi mtshan nyid ci zhig yin zhe na/ ngo bo nyid kyi mtshan nyid de yang rnam pa brgyad do/ /dga' ba byed pa'i ngo bo nyid ni 'gro ba'i skyabs la sogs pa bya dka' yang de'i go cha gyon pa'i
 phyir ro/ grags chen zhes bya ba la sogs pa 'byung ba yin no/ /de lta na ji ltar rmongs par mi 'gyur zhe na/ mi dmigs pa'i ngo bo nyid de de'i don du brtson yang de'i phung po la sogs pa'i mtshan nyid mi dmigs pa'i phyir phung po zhes bya ba
 la sogs pa 'byung ba yin no/ /'o na ni rnam par byang ba la mngon par zhen par 'gyur ro zhe na/ mngon par zhen pa med pa'i gngo bo nyid de theg pa gsum gyi dbang du byas nas rnam par byang ba la mngon par zhen pa med cing the tshom med pa
 rnams rang dang gzhan gyi don las phyir mi ldog pa nyid du nges par gzung ba'i phyir theg pa gsum zhes bya ba la sogs pa 'byung ba yin no/ /g.yo ba med pa ni kun nas nyon mongs pa'i phyogs kyis so/ /mi 'khrugs chos can ni mya
 ngan las 'das pa ste/ de lta ma yin na phyin ci log pa'i phyir mi ldog pa nyid ma yin no snyam du dgongs pa yin no/ /spros pa med pa ni the tshom chung ngu la sogs pa gsum dang bral ba'i phyir te de nyid the tshom zhes bya ba
 la sogs pa gsungs pa yin no/ /yang ji ltar na theg pa chen por 'du shes pa de yang phyin ci log pa nyid yin de'i yul ni shin tu rnam par byang ba'i phyir ro zhe na/ dmigs pa med pa'i ngo bo nyid de chos zab pa nyid kyis dmigs par bya ba
 dang dmigs par byed pa'i khyad par med pas ston pa yang chos kyi 'khor lo bskor bar 'jug pa la thugs las chung ngur mdzad pa'i phyir 'dren pa rnams kyi zhes bya ba la sogs pa 'byung ba yin te rdzogs pa ni mthong ba'i lam gyis so/ /thob
 pa ni bsgom pas so/ /su shes snyam zhes bya ba ni 'gas kyang mi go'o/ /snyam nas zhes bya ba'i tha tshig ste/ yang dag par na med pa'i phyir dang mi mthun pa'i phyogs la mngon par dga' ba'i phyir ro/ /snyam nas zhes bya ba'i tha tshig go /de'i
 phyir 'jig rten dang mi mthun pa'i ngo bo nyid ni/ sems can rnams zhes bya ba la sogs pa 'byung ba yin no/ /gnas zhes bya ba ni sems can du lta ba ste de ni yul la sred pa la sogs pa'i rten yin pa'i phyir ro/ /'dzin pa ni chos su rnam par
 rtog pa'o/ /mi mkhas pa ni sems can du lta ba'o/ /blun mongs pa ni yul la mngon par 'dod pas so/ /mun pa bzhin zhes bya ba ni 'dzin pa la sogs par rtog pas so/ /chos ni de dang mi mthun pa yin pas/ thob par bya ba'i chos
 ni zhes bya ba la sogs pa gsungs te/ des na 'jig rten dag dang brtsod pa 'byung zhes bya ba ni de'i phyir brtsod do zhes bya ba'i tha tshig go /de nyid rab tu sgrub pa'i phyir gzhi med pa'i ngo bo nyid de/ chos kyi dbyings ni phyogs thams cad kyi
 nam mkha' bzhin du gzugs la sogs pa'i gzhi med pa'i phyir rang bzhin gyi gzhi ma yin pa'i phyir nam mkha' i zhes bya ba la sogs pa 'byung ba yin no/ /ci'i phyir tha dad pa nyid med ce na/ 'di ltar bye brag gyur pa med de thams cad du
 dben par mtshan nyid gcig pa'i phyir te de bzhin du chos kyi dbyings kyang zhes bya ba lhag ma yin no/ de ci'i phyir zhe na/ 'gro ba med pa'i mtshan nyid de kun rdzob tu dus dang rnam par byad ba la sogs pa tha dad kyang de kho na nyid la 'dzin
 pa la sogs pa'i khyad par du 'gro ba med pa'i phyir 'das pa'i zhes bya ba la sogs pa 'byung ba yin te/ 'das pa'i de bzhin nyid gang yin pa zhes de skad du sbyar ro/ /bye brag med pa ni 'dzin pa la sogs pas dben pa ni thams cad
 du 'dra ba'i phyir ro/ /de rab tu bsgrub pa'i phyir de bzhin nyid mi dmigs pa'i ngo bo nyid de de kho na nyid mngon par rdzogs par byang chub pa ni de bzhin nyid la yang mi dmigs pa'i ngo bo nyid yin pa'i phyir dang de ni de'i rjes su mthun pa'i phyir
 de'i don du yang shes rab la brtson par bya ba yin pas/ bde gshegs byang chub ces bya ba la sogs pa 'byung ba yin te/ 'di ni zhes bya ba ni de bzhin nyid ces bya bar skabs dang sbyar ro/ /thob 'dod pa zhes bya ba ni mi dmigs pa'i
 tshul gyis thob par 'dod pa'o/ /de lta ma yin te/ 'dzin pa la sogs pa'i bye brag yod na tha dad pa dang bral ba med pa'i phyir ro/ /sbyor ces bya ba ni byang chub sems dpas zhes bya bar sbyar ro/ /de ci'i phyir zhe na/ shes rab med na
 zhes bya ba la sogs pa smos te/ bya 'dab gshog med pas nyams btsal med pa bzhin du de las gzhan pa'i dge ba bsags kyang thabs dang shes rab gyi 'dab bshog med nas gzhan du ltung ba srid pa'i phyir/ bya zhig ces bya ba la sogs pa
 smos te/ lus dpag tshad brgya rtsa lnga bcu ba zhes smos pa ni de lta bur chen po yang 'dab gshog med na nam mkha' la 'gro bar mi nus par bstan pa'i phyir ro/ /sum cu rtsa gsum pa'i gnas nas dzam+bu'i gling du
 'ong ba smos pa ni yul thag ring bar bstan pa'i phyir te thag nye bar 'gro ba ni sgrub pa slab pa'i phyir 'dab gshog med kyang ji zhig ltar nus so/ /mchongs na zhes bya ba ni bor na'o/ /der ni zhes bya ba ni de nas sam dzam+bu'i gling der ni zhes
 bar sbyar ro/ /dngos bstan pa'i phyir rgyal ba rnams kyis zhes bya ba la sogs pa gsungs te/ dge ba gzhan nye bar bsags pa yang mdza' dag gi sgo nas ni sbyin pa'i pha rol tu phyin pa la sogs pa lnga car bsgrub pa'i phyir ro/ /gal
 te shes rab med na ji ltar pha rol tu phyin par tha snyad gdags she na/ bden mod kyi gzhan gyi bsam pa dang bstun par gsungs pa'i phyir nyes pa med do/ /dus ring ba'i sgo nas ni bskal pa du mar yang dag bar bsgrub pa'i phyir ro/ /spel
 ba'i sgo nas ni smon lam chen po mdza' yas pa bsgoms pas de spel ba'i phyir ro/ /'on kyang nges par 'byin pa'i gtso bo med pa'i phyir byang chub mi thob pas thabs med ces bya ba la sogs pa smos te/ mtshan nyid kyi rab tu dbye ba bshad
 zin to/ /thabs dang shes rab 'bras bu dang bcas pa yang thar pa'i cha dang mthun pa can gyi yin pas/ sangs rgyas theg pa 'di la nges 'byung zhes bya ba la sogs pa gsungs te/ sbyin pa la sogs pa yang dag par sgrub pa la mkhas pa
 mtshan mar ma byas pa ni rnam pa thams cad mngon par rdzogs par byang chub pa la thar pa'i cha dang mthun pa yin par 'dod do/ /'di la zhes bya ba ni ji skad bshad pa'i sangs rgyas kyi ye shes la zhes bya bar sbyar ro/ /nges par 'byung 'dod
 ces bya ba ni mtshan ma med pa'i sbyin pa la sogs pa la mos pas nges par 'byung bar 'dod pa zhes bya ba'i tha tshig go /gang zhes bya ba ni byang chub sems dpa' o/ /de ltar thar pa'i cha dang mthun pa thob pa de ni sbyor ba'i lam la nges par 'byed pa'i cha
 dang mthun pa sgrub par byed pas/ 'gro ba kun la zhes bya ba la sogs pa smos te/ sems snyoms zhes bya ba ni dro bar gyur pa thob pa ni brjod pa tsam du mos pas rang dang gzhan mnyam pa nyid thob pa'i phyir ro/ /pha ma'i 'du shes zhes bya ba ni rtag tu
 de la 'dod pa don du gnyer ba'i phyir ro/ /phan pa'i sems ni rtse mor gyur pa'i gnas skabs pa'i yin te/ phyi ma la phan par bya bar sems dpa' i phyir ro/ /byams pa'i yid ces bya ba ni bzod pa'i gnas skabs na yod pa ste/ bde ba kha na ma tho
 ba med pa nye bar bsgrub par sems pa'i phyir ro/ /tha ba med pa ni chos kyi mchog gi gnas skabs na yod pa yin te/ gnod sems med pa'i phyir ro/ /drang la zhes bya ba ni g.yo med pa'i phyir ro/ /de ltar bsam pa bstan nas sbyor ba bstan pa'i phyir
 tshig 'jam zhes bya ba la sogs pa gsungs te/ 'dis ni byams pa'i lus kyi las kyang nye bar mtshon pa yin no/ /'di dag kyang gong du bshad pa ni de kho na nyid yin la byed pa'i khyad par gyis rab tu phye ba yin no/ /de ni 'gro ba la phan pa'i thabs kyis
 khyad par du byas pa yin te/ de'i phyir bzlos pa nyid ma yin no/ /de bzhin du gzhan la yang mi bzlos pa nyid du skabs kyis khong du chud par bya'o/ /mi ldog rig par bya zhes gsungs pa gang yin pa de lam 'di la de dag gi rtags kyi rab tu dbye ba gang yin
 zhe na/ 'jig rten mgon po zhes bya ba la sogs pa smos te/ phyogs tsam zhes bya ba ni de dag gi yon tan mdza' dag ni bstan pa 'am mnyam par mi nus pa'i phyir ro snyam du dgongs pa yin no/ /phyir mi ldog pa de dag kyang nges par 'byed ba'i cha dang
 mthun pa dang mthong ba dang sgom pa'i lam gyi bye brag gis rnam pa gsum mo/ /de la yon tan bcu drug gis nges par 'byed pa'i cha dang mthun pa'i gnas skabs dag yin pas/ mdza' dag 'du shes bral
 zhes bya ba la sogs pa smos te/ phung po la sogs pa brjod pa'i phyir tha dad pa nyid kyi 'du shes nyid med pa dang/ 'thad par smra ba dang/ gzhan mu stegs can la mi brten pa'i phyir dkon mchog gsum la mi phyed
 pa nyid dang/ rtag tu sdig pa spong ba dang/ rang yongs su smin par bya ba'i phyir dge ba'i las kyi lam la rten pa dang/ 'gro ba yongs su smin par bya ba'i phyir zang zing med par chos kyi mchog sbyin pa dang/ sgrib pa spang ba'i phyir chos zab
 mo la mngon par dga' ba dang/ byams pa'i ngag gi las dang/ spyod lam thams cad du legs par shes bzhin du ldan pa dang/ gzung ba'i g.yeng ba med pa ni rtag tu phyi nang gi gtsang sbra dang ldan pas gzhan mu stegs can
 dad par bya ba'i phyir nang gi gtsang sbra kun tu spyod pa dang/ bsod nams kyi mthus chos gos la sogs pa la dring ba la sogs pa med pa'i phyir gos la gzob pa dang/ lus kyi las la sogs pa kha na ma tho ba med pa'i phyir sgo
 gsum dben zhing dag pa dang sbyangs pa'i yon tan kun nas nyon mongs pa med pa yang dag par len pa'i phyir rnyed pa la sogs pa la mi lta ba dang/ 'dzin pa'i g.yeng ba med na pha rol tu phyin pa'i mi mthun pa'i phyogs rnams kyis mi
 'khrugs pa'i phyir khyu mchog dang/ rtag tu chos 'dod pa dang/ bdud la sogs pas byang chub las mi zlog pa'i phyir gzhan gyi dring mi 'jog pas so/ /yon tan 'di dag ni dro bar gyur pa la sogs pa'i gnas skabs su ci rigs par
 sbyar bar bya'o/ /bcu drug gis mthong ba'i lam gyi gnas skabs dag yin pas/ bsam gtan bzhi la zhes bya ba la sogs pa smos te/ bsam gtan bzhi yid la byed pa'i rnam par mi g.yeng ba dang/ sdug bsngal gyi rnam pa la phyin ci
 ma log pa ni bsam gtan la mi gnas pa'i phyir ro myang ba med pa dang/ chos thams cad stong pa nyid du rtogs pa'i phyir grags pa mi 'dod pa dang/ kun nas mnar sems kyi dngos po dag bdag med par khong du chud pa'i phyir khro ba med pa
 dang/ thabs la mkhas pa ni sred pa med kyang 'jig rten la snying brtse bas de dag dang mthun na khyim na gnas pa kun tu ston pa'i phyir dngos po la mngon par zhen pa med pa dang 'tsho ba'i ched du yang bas longs spyod sgrub pa med pa'i phyir 'tsho ba dag pa
 dang/ nyon mongs pa can gyi sems kyis drag shul mi spyod pa dang/ bud med dbang du bya ba la sogs pa mi sbyor ba'i phyir lus kyi las dam pa dang/ khye'ur 'gyur ro zhe 'am bu mor 'gyur ro zhes bya ba ston pa la sogs pa spangs pa'i phyir
 dag gi las nyon mongs pa can ma yin pa dang/ dngos po thams cad rang bzhin gyis mya ngan las 'das par rtogs pa'i phyir dben pa'i shes rab mngon par brtson pa dang/ ngo bo nyid kyis zhi bar khong du chud pa'i phyir 'thab pa la sogs pa dang bral
 ba dang/ rgyud gzhan la yang chos gya nom pa nye bar bsgrub pa'i bsam pa can yin pa'i byir byams pa bstan pa dang/ de kho na nges par 'byung ba yin pa rtogs pas byang chub gzhan mngon par mi 'dod pa'i phyir thams cad mkhyen pa nyid
 'dod cing de'i bstan pa la gzhol ba dang/ mdza' 'khob la sogs pa spangs pa'i phyir skye ba la dbang ba nyid dang/ rigs pa dang ldan pa'i chos rtogs pas bdag nyid la byir mi ldog pa nyid du nges par 'dzin pa'i phyir rang gis la the tshom
 med pa dang/ rang gi rtogs pa ri rab dang 'dra ba'i phyir mi g.yo ba nyid dang/ 'di kho na nges par 'byung ba yin no/ /zhes bya bar rtogs na de'i phyir srog kyang yongs su mdor ba'i phyir dam pa'i chos la
 dga' bas so/ /'di dag ni bden pa so so'i bzod pa dang shes pa dang mthun par ci rigs par mi rtag pa la sogs pa'i rnam pa'i sgo nas blta bar bya'o/ /sgom pa'i lam la gnas pa rnams ni chos zab mo ji ltar mthong ba goms par
 byed pa yin pas/ gzugs dang zhes bya ba la sogs pa smos te/ mtshan ma med pa ni rang bzhin gyis gzugs su rung ba la sogs pa'i mtshan ma med pa'i phyir ro/ /zhi ba ni stong pa nyid dang smon pa med pa'i bdag nyid yin pa'i phyir te/
 de'i phyir zab mo snyam du dgongs pa yin no/ /dper na mda' yis zhes bya ba la sogs pa ni 'di skad du mda' la sogs pas rgya mtsho'i gting ji skad du bshad pa'i tshul du shes rab kyi phung po la sogs pa la gting ma rnyed pa ni phyir mi
 ldog pa dag yin par rig par bya'o/ zhes bshad pa yin no/ /'di nyid kyi yon tan dri ba mngon du 'gro ba can bstan pa'i phyir/ byang chub sems dpa' gang zhig ces bya ba la sogs pa gsungs te/ zab gyur ces bya ba ni gting dpag dka' 
 ba'i phyir ro/ /theg pa ni byang chub kyi lam yin pa'i phyir ro/ /don dam pa na ye shes dam pa'i yul yin pa'i phyir ro/ /chags med ni rang bzhin gyis dag pa'i phyir ro/ /de yang chos la bdag med pa ston par byed pa yin pa'i phyir gang la
 zhes bya ba la sogs pa smos te/ gang la zhes bya ba ni chos gang dag la zhes bya bar sbyar ro/ /bsod nams kyi tshad bstan pa'i phyir dper na zhes bya ba la sogs pa gsungs te/ skyes bu rjes su chags pa dper na brjod pa ni bud med dang
 phrad par dus btab nas de la rnam par rtog pa mang bar bstan pa'i phyir ro/ /thob par 'gyur zhes bya ba ni shes rab yid la byed pa skad cig ma cung zad gcig gis bskal pa de snyed du bsgrub par bya ba'i bsod nams sngon du byed do zhes bya ba'i tha tshig go /
 chos zab mo la goms pa yang chung ngu dang 'bring po dang chen po'i bye brag gis rnam pa gsum mo/ /de la chung du ni sbyin pa la sogs pa gzhan mchog tu gyur pa yang shes rab kyi chos sbyin pa tsam gyis zil gnon pa yin pa'i phyir/ byang chub
 sems dpa' gang zhig ces bya ba la sogs pa 'byung ba yin te/ dgra bcom pa rang rgyal zhes bya ba ni dgra bcom pa dang rang sangs rgyas dag la zhes bya ba'i tha tshig go /'bring ni shes rab kyi pha rol tu phyin pa'i rgyu las byung ba'i chos sbyin pa
 rdzogs pa'i byang chub tu bsngos na khams gsum pa'i bsod nams thams cad pas mchog yin pa'i phyir/ byang chub sems dpa' gang zhig ces bya ba la sogs pa 'byung ba yin no/ /chen po ni de ltar mchog tu gyur pa'i bsod nams kyi tshogs
 la yang gsog la sogs par rtogs pas zag pa med pa'i bsod nams gzhal du med pa yongs su dzin pa yin pa'i phyir/ bsod nams de yang zhes bya ba la sogs pa 'byung ba yin te/ gsog ni gzugs su rung ba'i mtshan nyid la sogs pas dben
 pa'i phyir ro/ /stong pa ni sdug bsngal la sogs pa'i rnam pas stong pa'i phyir ro/ /gsob ni mtshan ma med pa'i phyir ro/ /ya ma brla ni rten cing 'brel par 'byung ba'i phyir ro/ /snying po med pa ni 'dzin pa la sogs pa dang bral ba'i phyir ro/ /gzhal du med
 pa zhes bya ba ni stong pa nyid du ro gcig pas gzhal bya ba la sogs pa'i sgra mi 'jug pa'i phyir ro/ /de lta na de kho na nyid ni rnam par rtog pa med pa'i phyir gzhal du med pa zhes bya ba la sogs pa'i tha snyad kyang mi 'jug pa ma yin nam de lta na yang brjod
 pa tsam ni gnyen po ma yin pa'i phyir mi mthun pa dang gnyen po dag nyams pa dang 'phel ba med par thal bar 'gyur bas/ sangs rgyas kyis bshad ces bya ba la sogs pa smos te/ bshad ces bya ba ni mdor
 bstan pa'i sgo nas so/ /rab tu sbyar zhing zhes bya ba ni rgyas par bshad pa'i sgo nas so/ /rab tu bstan pa ni the tshom spong ba'i sgo nas so/ /bskal pa bye ba zhes bya ba la sogs pa smos pa ni gnyen po ma yin pa goms pa ni yun ring mo zhig lon?  du
 zin kyang don med par rab tu bstan pa'i phyir ro/ /de bzhin du pha rol tu phyin pa la sogs pa'i chos kyang gnyen po ma yin te/ de dag kyang sbyor ba'i dus na rnam par rtog pa'i mtshan nyid yin pa'i phyir/ rgyal ba rnams kyi zhes bya ba la sogs
 pa smos so/ /de'i lan gdab par yongs bsngo zhes pa la sogs pa smos te/ de ltar rlom sems thams cad las 'das pa'i yongs su bsngo ba nyid rnam par mi rtog pa'i go 'phang rab tu skye ba'i rgyu yin pa'i phyir ro snyam du dgongs pa yin no/ /
 sems dang po bskyed pas rab tu phye ba'i yongs su bsngo ba ni byang chub pa'i rgyu ma yin te/ de ni de'i tshe na 'gags nas yun ring zhig lon pa'i phyir ro/ /bar chad med pa'i lam gyi mtshan nyid kyang ma yin te/ sems dang po la sogs
 pa don med par 'gyur ba'i phyir ro/ /de dag 'dus pa yang ma yin te/ de dag ni rim gyis 'byung ba nyid dang ring du mi gnas pa nyid kyis lhan cig pa med pa'i phyir ro zhe na/ de 'bru mar gyi snying po sreg pa'i tshul gyis lan gdab pa'i phyir
 'bru mar snying po zhes bya ba la sogs pa smos so/ /'bru mar gyi snying po smos pa ni sreg pa'i rim pa rtogs par bya ba'i phyir te/ gzhan la ni myur du tshig pa srid pas rim pa brtag dka' bar 'gyur ro/ /'di la dgongs pa ni dper na me lce
 phrad pa dang po kho nas kyang snying po ril gyis mi sreg la dang po la sogs pa med nam phyi ma nyid kyang med pa'i phyir phyi ma kho nas kyang ma yin pa ltar byang chub tu sems bskyed pa'i rim pa yang de dang 'dra zhes bya ba yin no/ /de bstan pa'i phyir/ dang
 po'i sems kyis zhes bya ba la sogs pa gsungs te/ dang po'i sems ni mos pa spyod pas rab tu bsdus pa'o/ /zhi ba ni byang chub ces bya bar skabs dang sbyar ro/ /'byung ba zhes bya ba ni myu gu la sogs pa gcig nas gcig tu brgyud de skye ba ces
 bya ba'i tha tshig go /de yang zhes bya ba na sa bon de yang zhes bya ba'i tha tshig go /shing yang med par de mi ltar zhes bya ba ni sa bon gyi mjug thogs su yal ga la sogs pa mi skye ba'i phyir ro/ /rgyu zhes bya ba ni byed rgyu ste brgyud pas zhes bya ba lhag ma
 yin no/ /de ni snying rje dang mtshungs par ldan pas sa bon grung po dang 'dra ba'i phyir ro/ /'gags la zhes bya ba ni skad cig ma snga ma snga ma rnams tshogs su rdzogs par byed pa'i rgyu yin pa'i phyir thigs pas bum pa 'gengs pa bzhin
 dus gzhan yang yod pa ma yin pa'i phyir byang chub ni de'i ma yin te/ dngos su'o snyam du dgongs pa yin no/ /rim gyis ni sems kyi skad cig ma snga ma snga ma rnams tshogs su rdzogs par byed pa'i rgyu yin pa'i phyir thigs pas bum pa 'gengs pa bzhin
 du byang chub kyi rgyu yin pas/ chu'i thigs pa zhes bya ba la sogs pa smos te chu'i thigs pas zhes bya ba ni chu'i thigs pa dag gis so/ /rim gyis zhes bya ba ni mthar gyis zhes bya ba'i tha tshig go /de zhes bya ba ni bum pa zhes bya bar sbyar ro//
 thabs kyi mthus ni byang chub mchog rgyu yin te/ de ni tshogs yongs su rdzogs par bya ba nyid la chu lta bu yin pa'i phyir ro/ /de lta bas na chos zab mo la goms pa ni rdzogs pa'i sangs rgyas kyi rgyur gyur pa'i phyir phyir mi ldog pa nyid kyi rtags dam pa yin no//
 phyir mi ldog pa'i rab tu dbye ba bshad zin no// //de dag gis kyang mi gnas pa'i mya ngan las 'das pa la bslab par bya dgos pas 'khor ba dang mya ngan las 'das pa mnyam pa nyid ni
 stong pa zhes bya ba la sogs pa 'byung ba yin te/ mya ngan las 'das pa ni 'gro ba la phan 'dogs pa'i sems nyams pa'o/ /mtshan ma ni 'dzin pa la sogs pa'o/ /'dir dper na zhes bya ba la sogs pa smos te/ de bzhin du byang chub
 sems dpa' yang stong pa nyid du ro gcig pa'i phyir rgya mtsho'i tshu rol dang pha rol gyi 'gram lta bu 'jig rten pa dang 'jig rten las 'das pa'i gnas skabs dag la blo gros ma chags par gnas so snyam du dgongs pa yin no/ /de ltar spyod
 pa'i zhes bya ba ni bdag med pa nyid du rnam par blta ba'o/ /rlom sems med ces bya ba ni kun nas nyon mongs pa dang rnam par byang ba khyad par med pa rtogs pa'i phyir ro/ /'di la ci'ang med ces bya ba ni khyad par med par rtogs pas na byang chub
 la skrag pa med pa ste/ yang dag par na mnyam pa nyid du rtogs pa kho na khyad par dpe med pa yin pa'i phyir ro/ /de ltar mnyam pa nyid la zhing rnam par dag pa ni snod dang sems can gyi 'jig rten dag la mya ngan gyi dgon pa dang gnod sems la
 sogs pa mthong na de dag rnam par sbyang ba'i phyir phyi ma'i mdza' i dur thug par go cha gyon pa'i phyir dang de yang skyo ba med pa'i phyir/ 'jig rten dgon pa'i lam zhes bya ba la sogs pa 'byung ba yin te/ rtag tu brtson zhes bya ba ni rtag tu pha
 rol tu phyin pa rnams la rab tu zhugs pa'o/ /rab shes nas zhes bya ba ni dgon pa la sogs pa sgyu ma lta bur lta ba'o/ /zhing dag pa bshad zin to// //de yang thabs dang ldan pa'i 'bras bu yin pas
 thabs la mkhas pa ste/ de'i yul ni stong pa nyid do/ /de'i sbyor ba ni snying brtse bas sems can la lta ba sngon du 'gro ba'i shes rab yid la byed pa yin pas byang chub sems dpa' zhes bya ba la sogs pa 'byung ba yin te/ mnyam par ma bzhag ces
 bya ba ni 'jug dang sbyor ba'i gnas skabs dag na'o/ /yongs mi nyams zhes bya ba ni shes rab dang snying brtse ba dag gis 'khor ba dang mya ngan las 'das par mi ltung ba'i phyir ro/ /thabs de yang rnam pa bcu gnyis te/ bar chad byed pa las yang dag par
 'da' ba' i thabs ni sgyu rtsal la mkhas pa'i skyes bu bzhin du byams pas sems can gyi khams la dmigs te zhugs pa bdud la sogs pa bar chad byed pa las yang dag par 'da' ba' i phyir/ dper na skyes bu zhes bya ba la sogs pa 'byung ba yin te/
 brtson zhes bya ba ni goms par byas pa'o/ /sgyu ma sgrub zhes bya ba ni gcig pus kyang 'khor du ma ston pa'i phyir ro/ /'gro don rab tu 'dod pa zhes bya ba ni snying rje med pa ni nus su zin kyang gzhan yongs su bskyab pa la mi 'jug pa'i phyir ro/ /de yis zhes
 bya ba ni ji skad bshad pa'i skyes bus so/ /kun tu zhes bya ba ni thams cad la te sems can gyi khams zhes bya bar sbyar ro/ /sa gnyis las zhes bya ba ni nyan thos dang rang sangs rgyas kyis dag las te/ rab 'das nas zhes bya bar skabs dang
 sbyar ro/ /byang chub reg mi byed ces bya ba ni tshogs ma rdzogs pa'am de la yang mngon par zhen pa med pa'i phyir ro/ /snyam du dgongs pa yin no/ /thun mong ma yin pa'i thabs ni 'gro ba'i las kyi dbang gis nam mkha' la snod kyi 'jig rten gnas pa
 bzhin tu sems can yongs su mi gtong ba'i bsam pas shin tu dka' ba'i stong pa nyid la gnas pa'i phyir mkha' la bya la sogs pa 'byung ba yin te/ de la zhes bya ba ni chu'i phung po de la'o/ /'gro ba ces bya ba ni rten zhes bya bar sbyar ro/ /las 
 la spyod pa'i rgyu zhes bya ba ni snod kyi 'jig rten med pa las kyi 'bras bu la spyad par mi nus pa'i phyir ro zhes bya ba'i tha tshig go /bya ba zhes bya ba ni sbyin pa la sogs pa bsdu ba'i dngos po'i mtshan nyid dag go /bya ba
 ston pa gang la rten sems can rnams kyis shes pa'i ched du smon lam gang yin pa de kho na yod pa zhes bya bar tshig rnam par sbyar ro/ /gnas pa med ces bya ba ni stong pa nyid ni nam mkha' bzhin du rten ma yin pa'i phyir te/ 'on kyang sa gzhan
 du mi ltung ngo snyam du dgongs pa yin no/ /mtshan ma med pa'i thabs ni stong pa nyid la gnas pa mtshan ma dang mtshan ma med pa dag tu mi 'dzin pa'i phyir/ gang gi tshe na zhes bya ba la sogs pa 'byung ba yin te/ /mtshan ma la mngon par ma
 zhen pa'i phyir zhi la spyod pa yin no/ /mtshan ma med pa la mngon par ma zhen pa'i phyir rab zhi spyod pa yin no/ /mi gnas par gnas pa'i thabs ni nam mkha' dang sa dag la bya bzhin du zhi ba dang mtshan ma dag la mi gnas par sems can gyi
 don bya ba la gnas pa'i phyir bar snang zhes bya ba la sogs pa 'byung ba yin te/ de na gnas pa ma yin zhes bya ba ni nam mkha' kho na la 'gro ba'i phyir ro/ /rnam thar sgo nas zhes bya ba ni stong pa dang mtshan ma med pa dang smon pa med pa'i bdag nyid
 yin te/ grol ba'i thabs yin pa'i phyir ro/ /smon lam gyi 'phen pas rjes su 'jug pa'i thabs ni 'phong dpyad la mkhas pa ji ltar 'dod pa bzhin du mda' gnam du 'phangs pa 'dzin pa de ltar shes rab la gnas pa sngon gyi smon lam gyi
 'phen pa'i rjes su 'jug pas yang dag pa'i mdza' mngon sum du byed pa'i phyir/ dper na 'phong slabs zhes bya ba la sogs pa 'byung ba yin te/ mda' gzhan dag ces bya ba ni gnas gzhan dag gis so/ /phyi bzhin rgyud mar long btags
 nas zhes bya ba ni rgyud mar 'phangs te sngar 'phangs pa'i mnga' ste sa la lhung du mi ster ro zhes bya bar sbyar ro/ /thabs ni snying brtse ba la sogs pa'i mtshan nyid do/ /stobs ni gnas dang gnas ma yin pa zhes pa la sogs pa'o/ /rdzu 'phrul ni nam
 mkha' la 'gro ba la sogs pa'o/ /rnam dpyod pa ni ngo bo nyid med par blta ba'o/ /stong nyid dam pa ni rnam par rtog pa'i bag chags mdza' dag med pa'o/ /de thob mi byed pa ni tshogs yongs su ma rdzogs pas de mngon sum byas na lhun gyis
 grub par 'gro ba yongs su skyob pa med pa'i phyir ro/ /tshogs yongs su rdzogs pa yang dag pa'i rnam par rtog pa'i mngon par bsgrub pas bsgrub par bya ba yin pa'i phyir te/ sa mi g.yo ba las gal te sangs rgyas bcom ldan 'das de dag
 gis byang chub sems dpa' de mngon par bsgrub pa'i sgo la gzhug pa mdzad na de nyid 'di'i yongs su mya ngan las 'da' bar 'gyur ro zhes gang gsungs pa lta bu yin no/ /skyo ba med pa'i thabs ni dge slong rdzu 'phrul dang ldan pa nam mkha' la dus
 gcig tu cho 'phrul byed pa dag gis mi skyo ba bzhin du stong pa nyid la gnas pa yang sems can skyabs pa'i bya ba dag gis skyo bar mi 'gyur ba'i phyir dper na dge slong zhes bya ba la sogs pa 'byung ba yin te/ dge slong smos pa ni de la the
 tshom med pa rnams 'di la the tshom mi za bar bya ba'i phyir ro/ /cig car cho 'phrul byed pa ni dus gcig tu bya ba 'gal bar ston pa'o/ /de bstan pa'i phyir 'gro dang zhes bya ba la sogs pa smos te/ skyo ba med cing zhes bya ba ni bsam pa'i sgo nas so//
 dus la med ces bya ba ni sbyor ba'i sgo nas so/ /ye shes rdzu 'phrul pha rol tu phyin zhes bya ba ni thabs dang ye shes don yod pa phul du byung ba'o/ /zung du 'brel ba'i thabs ni mi g.yang sa chen por mchod pa bzhin du snying brtse ba sngon du 'gro ba'i rnam par
 thar pa'i sgo mngon du gyur na shes rab dang thabs kyi gdugs gnyis yongs su bzung bas sa gzhan du mi ltung ba'i phyir/ dper na mi 'ga' zhes bya ba la sogs pa 'byung ba yin te/ mchod bar byed
 cing zhes bya ba ni 'dor bar byed pa ste lus zhes bya bar sbyar ro/ /lhung bar mi 'gyur zhes bya ba ni snang bar mi 'gyur zhes bya ba'i tha tshig go /ji snyed der ni 'gro bar 'gyur zhes bya ba ni bgrod par bya ba ji snyed pa der bde blag kho
 nar 'gro bar 'gyur snyam du dgongs pa yin no/ /chos rnams shes bya ba ni stong pa nyid la sogs pa zhes bya bar skabs dang sbyar ro/ /'gro ba la phan pa bskyed pa'i thabs ni rin po che'i gling du phyin pa bzhin du ting nge 'dzin gyi mchog
 thob pa 'jig rten la snying brtse bas yang dag pa'i rnam par rtog pa mngon du byed pa'i phyir ro/ /de lta ma yin na gzhan gyi don mi 'thad pa'i phyir/ dper na rin chen 'dod pa zhes bya ba la sogs pa 'byung ba yin te/ phyir yang khyim
 du 'ong 'gyur ba zhes bya ba ni slar 'ong bar 'gyur ba zhes bya bar sbyar ro/ /yid mi bder 'jog pa min zhes bya ba ni gnyen bshes kyi tshogs sdug bsngal ba 'ba' zhig yid la bzhag nas phyir ldog pa yin te/ rang gi don ni med
 ba'i phyir ro/ snyam du dgongs pa yin no/ /stong pa nyid ni yon tan rin po che'i 'byung gnas yin pa'i phyir dang srid pa'i chu med pa'i phyir rin chen gyi gling yin no/ /chags pa med pa'i thabs ni tshong ba bzhin du mkhas par bya ba'i
 phyir lam la sogs pas rab tu zhugs kyang de la mi gnas pa'i phyir/ dper na don gnyer zhes bya ba la sogs pa 'byung ba yin te/ bar gyi zhes bya ba ni bgrod par bya ba'i lam ka yi'o/ /grong khyer gang yin pa dang grong brdal
 gang yin par zhes bya bar sbyar ro/ /'gro zhes bya ba ni grong khyer la sogs pa de dag tu 'gro ba la'o/ /de yang zhes bya ba ni grong khyer la sogs par ro/ /lam la mkhas par 'gyur zhes bya ba ni lam rgyus la mkhas par bya ba 'ba' zhig
 gi don du rtogs par byed pa kho nar zad do/ /de zhes bya ba ni byang chub sems dpa' o/ /rang rgyal rnams kyi zhes bya ba ni rnam par grol ba dang shes pa zhes bya bar sbyar te shes pa ni lam mo/ /kun la zhes bya ba ni lam la sogs pa rab tu dbye
 ba dang bcas pa la zhes bya ba'i tha tshig go/ //byams pa chen po'i sbyor ba'i thabs ni 'gro ba la byams pa mngon du 'gro ba'i stong pa nyid la sogs pa mngon sum du gyur na mya ngan las 'das pa dang
 'dus byas su gdags pa las yang dag par 'das pa'i phyir ro/ /gang tshe zhes bya ba la sogs pa 'byung ba yin te/ de ni gnas med do zhes bya ba ni byams pa'i sbyor ba dang stong pa nyid kyi ting nge 'dzin dag ni go rim bzhin du mya ngan las 'das
 pa dang srid pa gdags pa dang 'gal ba'i phyir ro snyam du dgongs pa yin no/ /mi dmigs pa'i thabs ni sprul pa bzhin du rnam par thar pa'i sgo la gnas pa ni gdul bar bya ba rnams kyis bya ba thams cad la lus tsam rtogs pa'i phyir ming tsam du
 'dogs pas/ dper na sprul ba'i zhes bya ba la sogs pa 'byung ba yin te/ mi lus mi snang ba yin zhing zhes bya ba ni kun tu rtogs pa med kyang lus kyi byed pa tsam rtogs pa'i phyir ro/ /ming gis kyang zhes bya ba ni ming kho nas zhes bya ba'i tha tshig go /phyir mi ldog
 pa'i rtags kyi thabs ni bdag nyid thabs dang shes rab la gnas shing gzhan dag la yang de ston pas phyir mi ldog pa nyid du nges par 'dzin pa yin pa'i phyir/ gal te zhes bya ba la sogs pa 'byung ba yin te/ spyod pa zhes bya ba ni spyod
 pa'o/ /chos zab mo nyid bstan pa'i phyir stong pa zhes bya ba la sogs pa gsungs so/ /phyir mi ldog pa'i sa'i chos ni 'gro ba la lta ba dang ldan pa'i stong pa nyid la sogs par goms par byed pa'i mtshan
 nyid dag go /lung ma bstan ces bya ba ni byang chub sems dpa' rung ba spyod pa la sogs pa 'dri bar byed pa rnams la ji skad du bshad pa'i chos rab bstan par bdag nyid ma mos pa'i phyir dang sems can la bslu ba'i phyir
 rdzogs pa'i byang chub kyi 'os ma yin pa'i phyir ro snyam du dgongs pa yin no/ /'dir yang thabs kyi go rim ni snga ma snga ma rab tu sgrub par phyi ma phyi ma bstan pa 'am/ yang na bdud la sogs pas bar chad ma byas pa ni thun mong du
 ma yin pa'i thabs la brten nas mtshan ma med pa la gnas pa yin no/ /zhes bya bar khong du chud par bya ste de bzhin du 'og ma dag la yang rab tu dbye ba'i go rim ni ci rigs par sbyar bar bya'o/ /rnam pa thams cad mngon par
 rtogs pa bshad zin to// //de ltar yang dag par rab tu brtson pa ni shes rab phul du gyur ba sgrub par byed pas rtse mor phyin pa'i mngon par rtogs pa ste/ de yang de'i rtags dang rnam
 'phel dang/ brtan dang sems kun gnas pa dang/ mthong zhes bya ba dang sgom pa zhes/ /bya ba'i lam ni so so la/ rnam par rtog pa rnam bzhi yi/ /gnyen po rnam pa bzhi dag dang/ /par chad med pa'i ting nge 'dzin/ /log par
 sgrub dang bcas pa ni/ /yang dag byang chub 'bras 'byung pa'i/ /rtse mo'i mngon rtogs yin par gsungs/ /re zhig de'i yid ches par byed pa'i rtags ni rnam pa dgur bshad de/ sa gzhan la dga' ba med pa'i rtags ni snying brtse ba
 dang shes rab phul du byung bas go rim bzhin du rmi lam na yang sa gzhan dang khams gsum pa dag la dga' ba med pa'i phyir/ dgra bcom sa dang zhes bya ba la sogs pa 'byung ba yin no/ /rang dang gzhan gyi don gyi dbang du byas pa'i rtags ni rmi
 lam na yang bdag dang gzhan yongs su smin par bya ba'i phyir rdzogs pa'i sangs rgyas mthong ba dang 'gro ba la chos rab tu ston pa'i phyir/ sangs rgyas rnams mthong zhes bya ba la sogs pa 'byung ba yin no/ /lung bstan yin par rig par bya zhes
 bya ba ni thams cad shes rab phul du byung ba thob pa'i phyir ro/ /snying brtse ba phun sum tshogs pa'i rtags ni rmi lam na yang ngan song du skyes pa'i sems can mthong na de'i mod la ngan song rnam par bzlog pa'i smon lam 'debs pa'i phyir /
 rmi lam na ni zhes bya ba la sogs pa 'byung ba yin no/ /mthu phun sum tshogs pa'i rtags ni bden pa'i byin gyi brlabs kyis grong khyer la me 'bar ba la sogs pa rab tu zhi bar byed pa'i phyir/ bden pa'i byin gyi brlabs zhes bya ba la
 sogs pa 'byung ba yin no/ /mngon pa'i nga rgyal med pa nyid kyi rtags ni bden pa'i byin gyi brlabs kyis 'byung po'i gdon la sogs pa rab tu zhi yang dregs par mi 'gyur ba'i phyir/ 'jig rten 'byung po'i zhes bya ba la sogs pa
 'byung ba yin te/ phan dang snying brtser ldan pa ni rnyed pa la sogs pa 'dod pa ma yin pa'o/ zhes bya bar dgongs pa yin no/ /rlom sems ni bdag ni phyir mi ldog pa yin no zhes bya ba la sogs pa mtshan mar 'dzin pa yin no/ /de sngon du
 'gro ba'i khengs pa ni mngon pa'i nga rgyal yin la mngon pa'i nga rgyal can yang phyir mi ldog pa ma yin pas/ ji ste zhes bya ba la sogs pa smos te/ de ni zhes bya ba ni byang chub sems dpa' o/ /rlom sems kyi rang gi ngo bo bstan pa'i phyir/ bdag
 lung bstan snyam zhes bya ba gsungs so/ /ci'i phyir zhe na/ bden pa'i byin gyi brlabs zhes bya ba la sogs pa smos so/ /'byor bas zhes bya ba ni 'grub par 'gyur ba ste/ gang gi phyir bdag
 gi zhes bya ba lhag ma yin no/ /gzhan gyis lung bstan zhes bya ba ni bdud kyis sangs rgyas su 'gyur ro zhes bstan pa'o/ /de nyid rgyas par bstan pa'i phyir/ ming gi gzhi las zhes bya ba la sogs pa gsungs so/ /gang la
 gzhi ming kho na yod pa de ni de skad ces bya ste smra zhes bya ba khyad par yin no/ /de nyid bstan pa'i phyir/ 'di skad ces bya ba la sogs pa smos so/ /bdun mes rgyud kyi zhes bya ba ni ming ni 'di zhes bya zhes bya ba lhag ma yin no/ /
 gang tshe khyod ni sangs rgyas 'gyur ba'i zhes bya ba ni gang gi tshe 'grub par 'gyur ba'i zhes bya ba'i tha tshig go /khyod ces bya ba ni khyod kyi'o/ /'di skad du khyod dang pha ma la sogs pa dang/ pha mes bdun rgyud kyi bar gyi ming ni
 'di zhes bya'o/ /gang gi tshe khyod rdzogs pa'i sangs rgyas su 'gyur ba de'i tshe khyod kyi ming 'di zhes bya ba kho nar 'gyur ro/ /khyod kyi sbyangs pa'i yon tan yang dag par blangs pa yang tshe snga ma la yang 'di kho na dang 'dra bar gyur pas
 khyod ni gdon mi za bar sangs rgyas su 'gyur ro zhes bdud kyis bstan pas nga rgyal 'dzin pa ni lung ma bstan pa yin par rig par bya'o/ zhes bshad pa yin no/ /dben pa ni gnas pa na rab tu dben pa'i zhes bya ba la sogs pa
 'byung ba yin no/ /bdud kyis yongs su bslang zhes pa ni bdud kyis byin gyis bslabs pa yin no/ /de lta ma yin na skye bo med pa'i grong la sogs pa la gnas pa tsam gyis ni khengs pa med pa'i phyir ro/ /byang chub sems dpa' rnams
 kyi mthun pa'i dben pa gang yin zhe na/ rtag tu grong dang zhes bya ba la sogs pa smos te/ ma gtogs par zhes bya ba ni snying rjes sems can yongs su smin par byed pa dang shes rab kyis byang chub la sbyor ba 'ba' zhig tu zad de grong la sogs pa
 na gnas kyang sems srid pa'i bde ba la ma chags so snyam du dgongs pa yin no/ /gzhar mi bskyed ces bya ba ni dgra bcom pa dang rang sangs rgyas kyi theg pa la nam yang dga' ba bskyed par mi byed do zhes bya ba'i tha tshig go /'di ni dben par gsungs
 zhes bya ba ni srid pa dang zhi ba la ma chags pas dben pa yin pa'i phyir ro/ /de las gzhan pa ni skye bos shin tu dben pa na gnas kyang 'dre bar gnas pa kho na yin pas/ gang zhig ces bya ba la sogs pa smos te 'di ni zhes bya ba ni bshad ma
 thag pa'i dben pa'o/ /lhag pa'i nga rgyal gyi yul bstan pa'i phyir ro/ byang chub sems dpa' 'gro ba'i don zhes bya ba la sogs pa gsungs te/ de la zhes bya ba ni grong gi nang na spyod pa'i byang chub sems dpa' la'o/ /brnyas pa byed pa zhes
 bya ba ni khyad du gsod par byed pa'o/ /ji ltar zhe na 'di ni dgon dben zhes bya ba la sogs pa smos so/ /de lta bas na grong dang dgon pa na spyod pa gnyis las sngar bshad pa'i dben pa kho na mchog yin pas gang zhig grong ngam zhes bya ba la sogs pa
 smos so/ /'dis che ba'i bdag nyid bstan pa'i phyir byang chub sems dpa' drod snyoms zhes bya ba la sogs pa gsungs te/ byang chub sems dpa' gang zhig dben pa de lta bu la drong snyoms zhing brnyas par byed pa de ni dben pa gzhan la rten pa'i
 phyir bdag nyid nyams shing phung por 'gyur ba 'ba' zhig tu zad de lus dub pa 'bras bu med pa tsam gyis zhes bya ba'i tha tshig go /bshes gnyen dam pa la brten pa'i rtags ni nad pa sman pa la brten pa bzhin du nga rgyal bcom zhing skyo ba med 
 par dge ba'i bshes gnyen la bsnyen bkur byed pa'i phyir/ de lta bas na zhes bya ba la sogs pa smos so/ /gso phyir zhes bya ba ni gso bar bya ba'i phyir te ji ltar nad pa'i tshogs kyis sman pa la bsnyen bkur
 bya ba de bzhin du dge ba'i bshes gnyen la brten par bya'o zhes bya ba'i tha tshig go /de yang gang zhe na sangs rgyas zhes bya ba la sogs pa smos te/ sangs rgyas gang dag yin pa dang byang chub sems dpa' gang dag yin pa dang pha rol
 tu phyin pa drug po gang dag yin pa de dag ni dge ba'i bshes gnyen yin no/ /de ci'i phyir zhe na/ de dag rjes su ston byed zhes bya ba la sogs pa smos te/ de dag ces bya ba ni sangs rgyas la sogs pa'o/ /'di ni zhes bya ba ni
 pha rol tu phyin pa drug gi mtshan nyid do/ /rgyu rnam gnyis kyis zhes bya ba ni rjes su ston pa dang rang gi mtshan nyid kyi rgyu rnam gnyis kyis zhes bya ba'i don to/ /sgrub pa de yang gtso bor shes rab yin pas shes rab dam pa la mngon
 par brtson pa'i rtags ni bde bar gshegs pa thams cad kyi bgrod pa gcig pa yin pa nyid kyi shes rab kyi pha rol tu phyin pa kho na la mngon par brtson pa yin pa'i phyir/ rgyal ba 'das dang zhes bya ba la sogs pa smos so/ /
 gsal zhes bya ba ni gsal bar byed pa ste/ rnam pa thams cad mkhyen pa nyid kyi dbang du byas pa'i phyir ro/ /sgron ma ni lam shes pa nyid kyi rgyu las byung ba'i phyir ro/ /snang ba ni thams cad shes pa nyid kyi rang gi ngo bo rab tu
 ston pa'i phyir ro/ /ston mchog ces bya ba ni nyon mongs pa tshar gcod par byed pa'i phyir dang/ byang chub gzhan la skyob pa'i phyir ro/ /chos thams cad tha dad pa med par rtogs pa'i rtags ni chos thams cad kyi ngo bo nyid shes rab
 kyi pha rol tu phyin par mtshan nyid gcig par yongs su gcod pa'i phyir ro/ /ji ltar zhes bya ba la sogs pa 'byung ba yin te/ mtshan nyid stong zhes bya ba ni 'dzin pa la sogs pa'i rnam pas so/ /chos 'di thams cad ces bya ba ni gzugs
 la sogs pa'o/ /mtshan nyid de dang 'drar shes zhes bya ba ni de kho na bzhin du 'dzin pa la sogs pa'i rnam pas dben par ro/ /de nyid gsal bar bya ba'i phyir stong zhing zhes bya ba la sogs pa smos so/ /'di skad du bshad pa yin te/ lkog tu
 gyur pa ni 'dzin pa nyid ma yin te bdag nyid kyi byed pa mi shes pa ni 'dzin pa nyid du rab tu ma grub pa'i phyir ro/ /rang gi ngo bor mi shes pa ni yod pa'i tha snyad kyi yul ma yin te/ de lta na ni thams cad kyi ngo bo nyid dus thams cad du yod par
 thal par 'gyur ba'i phyir ro/ /yul yongs su gcod pa'i sgo nas de rab tu 'grub pa yang ma yin te/ lkog tu gyur pa'i bdag nyid dang yul rig par 'grel par ma grub pa'i phyir ro/ /med na mi 'byung ba rab tu grub pa med par ni 'ga' yang
 gang gi rtags kyi dngos po yang ma yin te ha cang thal bar 'gyur ba'i phyir ro/ /gal te 'dzin pa med pa ni rang gi bems po'i bdag nyid yul yongs su gcod pa mi 'thad pa'i phyir de zhe na ma yin te/ de dag rjes su 'brel pa rtogs pa med par
 de lta bu mi srid pa'i phyir ro/ /yul bems po'i bdag nyid ni rang gi ngo bo mi 'dor ba yin pas 'dzin ba yod du zin kyang ji ltar shes par 'gyur/ 'on te de'i rang gi ngo bo nyams na rang gis rtogs pa'i bdag nyid kho nar skye bas de'i rnam pa yongs
 su gcod pa'i phyir ro zhe na ni/ 'dzin pa de'i ngo bo skyed par byed pa yin pa 'ba' zhig tu 'gyur ro/ /de ni mi 'dod pa yang ma yin te/ rang dbang du rig pa yang gzhan la rag las te skye bar khas len ba'i phyir ro/ /gal te ngas shes so
 zhes bya bar bdag tu 'dzin pa po shes pa'i phyir sngon po la sogs pa'i rnam pa nyams su myong ba rang dbang can ma yin no zhe na/ ma yin te/ de ltar nyams su myong ba med pa'i rnam par rtog pa
 de'i rtags kyi rjes su 'brang ba ma yin pa ni slob pa'i rtog pa bzhin du tshad ma ma yin pa'i phyir dang tshad mas gnod pa'i phyir yang ma yin te/ sngon po la sogs par snang ba ni gzhan gyi byed pas dben par snang ba'i phyir ro/ /
 'jig rten pa'i tha snyad thams cad ni snang ba dang rnam par rtog pa la rag las pa kho na yin la de gnyis kyang rang rig pa'i mtshan nyid yin pas 'dzin pa po lkog tu gyur pa gzhan brtag pa'i tshegs dbyung ba ni mi dgos so/ gal te
 de bas na 'dzin pa'i rnam pa ni mngon sum yin la gzung ba ni lkog tu gyur pa yin du zad mod ce na/ ma yin te/ phan tshun 'gal ba'i phyir te lkog tu gyur pa nyid ni rtogs par ma gyur pa'i rnam pa yin la gzung ba nyid ni rtogs
 par gyur pa'i rang bzhin yin pas de dag gcig la gcig par ji ltar 'gyur/ phyi rol gyi don lkog tu gyur pa yin na nyams su myong ba ni de las byung ba dang 'dra ba dag gis kyang de 'dzin pa nyid du rung pa ma yin te/ shin tu
 mngon sum du ma gyur pa ni skyed par byed pa dang 'dra ba dag tu rab tu mi 'grub pa'i phyir ro/ /nyams su myong bar so sor nges pa ni rang gi rgyu las byung ba de la rag las te 'byung ba kho na yin no/ /de lta bas na bdag nyid kyis bsal ba'i
 phyogs la lan 'debs pa'i yongs su ngal ba ni don med do/ /gal te gzung ba dang 'dzin pa'i mtshan nyid de dag ni grags pa kho na yin te/ phyi dang nang gi ldon po la sogs pa dang sim pa la sogs pa'i tshor ba dag ni yul dang
 yul can gyi ngo bo nyid du rtogs pa'i phyir ro zhe na/ de yang rig pa dang ldan pa ma yin te/ ba lang gi rwa lta bur phan tshun yongs su 'dzin pa'i byed pas stong pa de dag ni dus gcig tu snang bas gzung ba dang 'dzin pa'i dngos po so sor
 nges par mi 'thad pa'i phyir ro/ /gal te tshogs pa snga ma las so sor nges pa yin no zhe na ma yin te/ byed pa med pa nyid kyis khyad par med pa'i phyir ro/ /yul dang yul can nyid du de dag gi khyad par grub na ni dus gcig tu snang ba
 'di ga las yin zhes dris na tshogs pa snga ma las so zhes brjod par bya ba yin no lhag par zhen pa las nang gi myong ba 'dzin pa nyid du 'grub pa yang ma yin te/ de ni dkar po'i bdag nyid la ser por shes pa bzhin du gzhan du snang bas
 gnod pa'i phyir ro zhes phal cher bshad zin to/ /gal te sngon po la sogs pa ni sngon ma shes pa nang gi rig pa'i dus kho na ni snang ba'i phyir gzung ba nyid yin la sim pa la sogs pa ni rang gi rgyud la ma shes pa med pa'i phyir rang rig pa'i
 mtshan nyid kyis 'dzin pa nyid yin no zhe na/ ma yin te de bzhin du sngon po'i ngo bo la yang mi gsal ba med pa'i phyir ro/ /sngon po'i rnam par snang ba ni lkog tu gyur pa yin par 'os pa ma yin te/ de ni gzhan du 'gyur ba dang 'gal ba'i phyir smi
 pa la sogs pa yin no/ gzhan du na rtag tu rtog par gyur pa'i rnam pa nyid ma rtog par ma gyur pa'i rnam pa nyid dam de gnyi ga'i ngo bo nyid du 'gyur ro/ /de la yang ma mthong bar gyur ba'i rnam pa las tha dad par mthong bar gyur pa snang ba'i phyir de nyid rnam pa gzhan nyid ni ma
 yin te mang du brjod pas chog go /der rtog pa las ma gtogs pa lkog tu gyur pa zhes bya ba yang yod pa ma yin no/ /kun tu rtog pa dang snang ba la yod pa dag gsal ba dang/ cig shos kyi rang gi ngo bo'i mtshan nyid yin pa'i phyir tha dad
 pa med pa'i ngo bo nyid du ni thal bar mi 'gyur ro/ /snang ba la sogs pa'i rang gi rgyu so sor nges pa ni gong du phal cher bshad zin pa nyid do/ /de lta bas na ma mthong ba rtags pa ni don cung zad kyang
 rgyas par mi 'gyur ro/ /gsung rab kha cig las 'dzin pa la sogs pa'i tha snyad gdags pa 'byung ba gang yin pa de ni de la zhen pa la bltos nas gdul bya'i ngor 'dzad pa yin pas des kyang 'khrul pa med do/ /de lta bas na ji skad bshad
 pa'i shes rab kyi pha rol tu phyin pa'i tshul gyis na 'dzin pa la sogs pas dben par mtshungs pa'i phyir yang dag par spros pa med pa'i ngo bo nyid kyis tha dad pa'i mtshan nyid kyi dngos po ni cung zad kyang med do zhes bya bar gnas so/ /de ltar
 yin na sems can rnams ji ltar 'khor zhe na/ sems can zhes bya ba la sogs pa smos so/ /zas ni gzugs la sogs pa yin te spyad par bya ba yin pa'i phyir ro/ /de 'dod pa ni de dag la mngon par 'dod pa ste 'jig tshogs la
 mngon par zhen pa'i phyir ro/ /de bstan pa'i phyir yongs su rtogs pas zhes bya ba smos te/ nga dang nga'i zhes bya ba la sogs pa mngon par zhen pas so/ /'khor ba dang zhes bya ba ni rtog pa snga ma'i dbang gis bdag la sogs par rtog par 'jug
 pa nyid 'khor ba yin par dgongs pa yin no/ /yang dag par ni de'i mtshan nyid bral ba'i phyir rnam par rtog pa'i 'ching ba 'di yang nam mkha' la 'dud pa 'dor ba dang 'dra bas/ bdag dang zhes bya ba la sogs pa smos te/ gnyis zhes bya
 ba ni bdag dang bdag gi mtshan nyid kyi chos rnams so/ /yang dag min zhes bya ba ni ma skyes pa ste/ de lta bas na stong pa yin gyi gang zag dang bral ba tsam gyis na ma yin no zhes bya ba'i tha tshig go /bdag nyid kyis zhes bya ba ni bdag nyid kyis
 log par zhen pa'i mtshan nyid kyis bcings pa yin gyi dbang phyug la sogs pas ni ma yin te de ni de'i skyed par byed pa nyid du mi 'thad pa'i phyir ro/ /rigs mthun pa'i rnam par rtog pa snga ma ma gtogs par rnam par rtog pa phyi ma 'byung ba'i rgyu
 gzhan ni ma mthong ste nyams su myong ba rnam par ma brtags pa'i ngo bo nyid ma gtogs par bems po'i bdag nyid sa la sogs pa ni med pa'i phyir/ nus pa ma mthong ba ni cung zad kyang rgyu'i tha snyad kyi yul ma yin te ha cang thal bar 'gyur ba'i
 phyir ro/ /brtan pa rnams kyang rgyu ma yin pa'i phyir ro/ /zhes phal cher bshad zin to mang du mi dgos so/ /de lta bas na don gzhan med kyang dogs pa'i dug bzhin du rtog pa tsam kho na sdug bsngal 'byung ba'i rgyu yin pas/ dper na zhes
 bya ba la sogs pa smos te/ dogs pas zhes bya ba ni sprul la sogs pa mthong ba'i sgo nas dug tu dogs pas so/ /rgyal bar 'gyur zhes bya ba ni yang dag par na dug rma dang khong du song ba med kyang der 'du shes pa tsam kho nas rgyal ba la sogs par
 'gyur ro zhes bya ba'i tha tshig go /yang dag min rtog skye zhing 'chi zhes bya ba ni de bzhin du bdag la sogs pa med kyang mi mkhas pa dag der rtog pa tsam kho nas skye ba la sogs pa'i sdug bsngal gyi rgyun 'byung ngo zhes bya ba'i don to// //
 bam po lnga pa/ /chos thams cad ni stong pa'o zhes rtogs pa lhag par zhen pa'i yul la bltos nas chos rnams mtshungs pa nyid yin yang kun nas nyon mongs pa dang rnam par byang ba'i bye brag rtogs pa shes rab phul du byung ba'i rtags te dgu pa ni/ ji
 ltar zhes bya ba la sogs pa 'byung ba yin no/ /ji ltar zhes bya ba ni gzung ba la sogs pa'i mtshan nyid kyi rnam pa gang gis so/ /'dzin pa ni mngon par zhen pa'o/ /de ltar zhes pa ni de'i rang gi ngo bo kho na la bltos nas yin gyi bdag med par rtogs pa'i
 yul la bltos nas ni ma yin no snyam du dgongs pa yin no/ /de'i ngo bo ni 'dzin pa la sogs par rnam par rtog pa yang rnam par byang bar mtshan nyid gcig pa'i phyir gal te ji ltar na gcig la kun nas nyon
 mongs pa dang rnam par byang ba'i bdag nyid phan tshun shin tu 'gal ba dag tu 'gyur zhe na/ ma yin te kun nas nyon mongs pa'i phyogs kho na bdag med pa'i shes pa la dben pa'i mtshan nyid du snang bas tha dad pa ma yin pas 'dzin pa
 las bltos pa'i phyir te/ stong par shes pa shin tu brtan pa bskyed pa'i ched du de ltar rnam par bzhag pa'i phyir ro/ /dngos su ni med pa la sgro 'dogs pa med pa'i mtshan nyid gcig tu rnam par byang ba'i bdag nyid de kho na nyid rtog pa'i
 yul can las kun nas nyon mongs pa'i phyogs log pa'i rnam par rtog pa'i rgyun tu 'jug pa gzhan yin no de bstan pa'i phyir/ 'di la gang yang zhes bya ba la sogs pa smos te/ 'di la zhes bya ba ni kun nas nyon mongs pa dang rnam par byang ba
 dag la'o/ /gang yang zhes bya ba ni bdag la sogs pa'o/ /rtogs zhes bya ba ni chos dang gang zag tu kun tu btags pa med pa'i phyir kun nas nyon mongs pa dang rnam par byang ba'i bye brag ni ji skad bshad pa'i mtshan nyid kho nar zad do zhes bya
 bar khong du chud do zhes bya ba'i tha tshig go /de lta ma yin na rten cing 'brel par 'byung ba'i rang gi ngo bo rab tu rnam par dbye ba dri ma dang bcas pa dang dri ma med pa ma gtogs pas shes rab phul du byung bar mi 'gyur ro/ /rtags kyi rab tu
 dbye ba bshad zin to// //shes rab mngon par 'phel ba ni rnam pa bcu gcig ste/ 'di lta ste/ de ston pas mngon par 'phel ba ni bdag nyid shes rab yid la byed pa dang ldan la gzhan gyi don gyi
 dbang du byas nas de ston pa de las gzhan pa sbyin pa las byung ba'i bsod nams kyi tshogs pas mchog tu gyur pa'i phyir/ dzam+bu'i gling na zhes bya ba la sogs pa 'byung ba yin no/ /sbyin pa mi chud pa nyid ni rnam pa bzhi ste/ 'brel ba'i khyad par
 gyis ni sems can thams cad dang 'brel ba'i phyag te 'dzam+bu'i gling smos pa ni nye bar mtshon par zad do/ /sbyor ba'i khyad par gyis ni rdzogs pa'i byang chub kyi sems kyis rab tu sbyor ba'i phyir ro/ /gzhi'i khyad par gyis ni lo bye ba phrag du mar
 yang dag par bsgrub pa'i phyir ro/ /'jug gis khyad par gyis ni bla na med pa'i byang chub tu yongs su bsngo ba'i phyir ro/ /de bas kyang shes rab kyi pha rol tu phyin pa rab tu ston pa shin tu mchog tu gyur pa yin pas/ gang zhig ces
 bya ba la sogs pa smos te/ tha na zhes bya ba ni chung ngu na'o/ /rjes su mthun byed na zhes bya ba ni rab tu stan par byed na'o/ /bsod nams char mi phod ces bya ba ni bsod nams kyi char yang mi phod do zhes bya ba'i tha tshig go /'jug par bya zhes
 bya ba ni rab tu bstan par bya ba ste/ shes rab kyi chos sbyin pa ni bla na med pa'i byang chub kyi bde ba 'dren par byed pa yin pa'i phyir ro/ /zung du 'brel ba'i yid la byed pas mngon par 'phel ba ni shes rab dang snying rje yid la byed pa dang ldan pa 'gro ba
 thams cad kyi bsod nams don yod pa'i 'byung gnas yin pa'i phyir shes rab pha rol phyin mchog ces bya ba la sogs pa 'byung ba yin te/ snying rje'i che ba nyid ni 'gro ba mdza' dag la dmigs kyang de la phyin ci ma log pa'i phyir ro/ /de bstan pa'i
 phyir sems can 'du shes med ces bya ba gsungs so/ /don yod yongs su spyod ces bya ba ni yang dag pa'i bslab pa phun sum tshogs pas de'i chos gos la sogs pa yongs su spyod pa bdag dang gzhan gyi 'bras bu don yod par 'gyur
 pa'i phyir ro/ /gzhan gyi don du rung ba nyid kyis mngon par 'phel ba ni shes rab legs par sbyor ba sems can 'du shes med ces bya ba gsungs so/ /thams cad 'dren pa'i rgyur gyur pa'i phyir/ byang
 chub sems dpa' gang 'dir zhes bya ba la sogs pa 'byung ba yin te/ yun ring 'brel ba zhes bya ba ni thog ma med pa'i dus nas nyon mongs pa can du gyur pa'i phyir ro/ /lam yang zhes bya ba ni chos la bdag med pa'i lam ste de ni
 the tshom med pa'i rgyu yin pa'i phyir ro/ /pha rol ces bya ba ni 'gram ste mya ngan las 'das pa'i mtshan nyid do/ /ston ces bya ba ni nye bar ston pa ste/ rnam pa gzhan gyis sems can gyi khams dgrol mi nus so/ /snyam du dgongs pa
 yin no/ /shes rab pha rol phyin pa la zhes bya ba ni shes rab kyi pha rol tu phyin pa la brtson par te de'i phyir bya dgos so zhes bya ba lhag ma yin no/ /bar chad med par rab tu sbyor bas mngon par 'phel ba ni mi bkren pas rin po che rnyed de
 stor ba las rin po che yid la byed pa bzhin du shes rab la rab tu sbyor ba bar chad med pa'i phyir/ mi zhig ces bya ba la sogs pa 'byung ba yin te sngon kyang ma rnyed pa zhes bya ba ni gzhan gyis rin po che rnyed pa ni shin tu dga' ba med pa'i phyir ro//
 mchog ces bya ba ni bya ba ngan pa la dga' bar mi 'gyur ba'i phyir ro/ /rnyed par gyur te zhes bya ba ni rin po che'i mchog rnyed par gyur te zhes bya bar sbyar ro/ /rnyed ma thag tu zhes bya ba ni de'i mod la ste ring mo zhig tu spyad spyad nas stor ba ni
 phal cher ha cang sdug bsngal ba'i rgyur mi 'gyur ba'i phyir ro snyam du dgongs pa yin no/ /stor na ni zhes bya ba ni rlag na te mi gang zhig gis rin po che de zhes bya bar skabs dang sbyar ro/ /rin chen mngon 'dod ces bya ba ni rtag tu rin po che
 yid la byed pa de kho na yid la mi bde bar 'gyur ro zhes bya ba'i tha tshig go /de dang 'dra bar shes rab kyi yon tan rjes su dran pa lhur blang bar bya'o zhes bstan pa'i phyir/ de ltar zhes bya la la sogs pa smos te/ shes rab tu sbyor ba ni
 gti mug gi mun pa 'joms par byed pa yin pa'i phyir rin po che dang/ 'dra ba nyid do/ /rin chen rnyed pa dang 'dra bar bag yod par gyis shig ces bstan pa'i phyir/ rin chen rnyed nas zhes bya ba la sogs pa smos te/ rnyed nas zhes bya ba ni sngar
 stor ba'i rin po che de mthong nas zhes bya ba'i don to/ /blangs te zhes bya ba ni blangs nas so/ /rab tu brtson zhes bya ba ni bag yod par byas te'o/ /dkris nas zhes bya ba ni gos la sogs pa'i nang du dam por thum por phur nas te rin po che
 zhes bya bar skabs dang sbyar ro/ /myur du 'gro bar byed pa zhes bya ba ni gang zhig dgra 'ong gis dogs nas myur du 'gro ba de ni zhi bar 'gyur te yang rin po che de mi stor bar bya ba'i phyir snyam du dgongs pa yin no/ /spangs pas mngon par 'phel
 ba nyid ni nyi ma bzhin du byang chub sems dpa' shes rab la mngon par brtson pa dam pa ma yin pa'i lta ba'i mun pa thams cad spangs pas ci rigs par srin bu me khyer la sogs pa lta bu'i nyan thos la sogs pa bas mchog tu gyur pa'i phyir
 nyi ma zhes bya ba la sogs pa 'byung ba yin te gang la sprin dang bral ba'i 'od zer gyi dra ba yod pa de la de skad ces bya'o/ /mun nag thebs po'i mun pa zhes bya ba la sogs pa ni shin tu smag tu gyur pa ste mtshan mo zhes bya ba'i tha tshig /
 'dzoms? zhes bya ba ni sel ba'o/ /srin bu me khyer zhes bya ba ni me khyer rnams so/ /srog chags 'byung po ni de las gzhan pa'i srog chags 'od dang bcas pa rnams so/ /shes rab pha rol phyin mchog spyod ces bya ba ni ji skad bshad
 pa'i shes rab rtog pa'i sprin mdza' dag dang bral na 'od gsal ba'i phyir ro/ /byang chub sems mang zhes bya ba ni dmigs pa can zhes bya ba lhag ma yin no/ /de dag kyang zil gyis gnon to zhes bya bar sbyar
 te/ dmigs pa ni rdzogs pa'i byang chub kyi mi mthun pa'i phyogs yin pa'i phyir ro/ /gzhan yongs su smin par byed pas mngon par 'phel ba ni rgyal po'i bu bzhin du byang chub sems dpa' rang gi bde ba bgo bsha' byed pa'i ngang tshul
 can yin pas 'jig rten pa thams cad kyis mngon par 'gro bar bya ba'i 'os yin pa'i phyir/ dper na zhes bya ba la sogs pa 'byung ba yin te/ kun gyis zhes bya ba ni de las gzhan pa'i rgyal ba'i bu kun gyi nang na zhes bya ba'i tha tshig go /
 mngon par 'gro bya 'os zhes bya ba ni bsten par 'os pa yin no/ /ci'i phyir zhe na 'di ni zhes bya ba la sogs pa smos te/ da lta na yang zhes bya ba ni da lta nyid nas kyang de rgyal srid ma thob pa nyid nas zhes bya ba'i tha tshig go /smos ci
 dgos zhes bya ba ni rgyal srid la gnas na lta ha cang yang dga' bar byed ces bya ba'i tha tshig go /bdud rtsi sbyin par byed ces bya ba ni rang gis rtogs pa'i thabs gzhan dag la yang ston pa'i phyir ro/ /chos kyi rgyal po zhes bya ba ni rdzogs
 pa'i sangs rgyas te chos thams cad la mnga' sgyur ba'i phyir ro/ /mthus mngon par 'phel ba ni de ltar rang dang gzhan gyi don dang mthun pa'i shes rab mngon par 'phel ba bdud kyi gnod pa thams cad zil gyis mi non pa'i phyir/
 de'i tshe na zhes bya ba la sogs pa 'byung ba yin te/ de'i tshe na zhes bya ba ni shes rab phul du byung ba'i tshe na'o/ /zug rngu ldan par 'gyur zhes bya ba ni mya ngan la sogs pa'i zug rngu dang ldan pa'i phyir ro de bstan pa'i phyir/ mya
 ngan nyams thag ces bya ba la sogs pa gsungs te/ mya ngan nyams thag ces bya ba ni bdag gi gnod pa bya ba don du gnyer ba gang yin pa de 'dir ma grub po snyam du sems dpa' i phyir ro/ /sdug bsngal 'di lus kyi tshor ba sim pa ma yin
 pa'o/ /yid mi bde ba yid kyi'o/ /nyam chung ba ni stobs med pa'o/ /skar mda' gtong zhes bya ba ni bdud kyis zhes bya bar skabs dang sbyar te byang chub sems dpa' la 'jigs pa bstan pa'i phyir zhes bya ba ni lhag ma yin no/ /de nyid
 bstan pa'i phyir/ ji ltar zhes bya ba la sogs pa gsungs te/ ji ltar zhes bya ba ni ci nas kyang ngo/ /'gyur zhes bya ba ni 'gyur snyam nas so/ /'on kyang byang chub sems dpa' i yid 'khrug pa med pa de ci'i phyir zhe na/ gang tshe zhes
 bya ba la sogs pa smos so/ /de dag ces bya ba ni byang chub sems dpa' o/ /bsam pa rab ldan zhing zhes bya ba ni gus par byas te sbyor ba'i phyir ro/ /nyin mtshan zhes bya ba ni nyin mtshan du ste rtag tu sbyor ba'i phyir ro/ /sems mkha' 'gro
 bya ltar gyur pa nyid ni srid pa dang zhi ba la mi gnas pa'i phyir ro/ /lus dang ngag gi las dag ni des rab tu phye ba yin pa'i phyir ro/ /nag po'i rtsa lag ni bdud de sdig pa la dga' ba'i phyir ro/ /spyod pa gang zhig bdud kyis blags rnyed pa'i
 rgyu yin zhe na gang tshe zhes bya ba la sogs pa smos te/ 'thab pa ni lus kyis kun tu brtsom pa'o/ /rtsod pa ni dag gis so/ /mi mthun pa ni sngon gyi kho na rjes su dran pa'i phyir ro/ /khros pa'i sems dang ldan gyur pa ni da ltar byung ba'i
 kun nas mnar sems kyi gzhi mthong ba'i phyir ro/ /nyams bder 'gyur ba ni dga' ba sngon du 'gro ba'i lus kyi bde ba dang ldan pa'i phyir ro/ /de dga' ba'i rgyu bstan pa'i phyir/ de gnyis zhes bya ba la sogs pa gsungs te/ de gnyis
 'thab mo la sogs pa la zhugs pas na smad par bya ba'i dngos po la mngon par zhen pa'i phyir sha za dang 'dra'o snyam nas so/ /dam bcas rang gi zhes bya ba ni bdag nyid kyi'o/ /dam bcas
 pa ni rang dang gzhan gyi don sgrub pa'i smon lam mo/ /ci'i phyir de nyams she na/ sdang zhing zhes bya ba la sogs pa smos te/ sdang ba ni bsam pa'i sgo nas so/ /bzod dang bral ba ni sbyor ba'i sgo nas so/ /ga la yod ces bya ba
 ni yod re skan zhes bya ba'i tha tshig ste/ bzod pa dang bral ba'i tshogs thams cad dang 'gal ba'i phyir ro/ /phyogs dang bcas pa zhes bya ba ni 'khor dang bcas pa'o/ /lung ma bstan pa zhig gis lung bstan pa ji skad
 bshad pa'i rtags dang ldan pa rnams la sems rab tu sdang na yang bdud kyis glags rnyed pa'i rgyu yin pas/ lung bstan ma thob ces bya ba la sogs pa smos so/ /gzhi nas go cha bgo dgos so zhes bya ba ni gal te bar skabs su
 de'i gnyen po mi byed na nyes pa dang ldan pa'i sems kyi skad cig ma ji snyed pa de snyed kyi bskal par gzhi nas tshogs bsags nas rdzogs pa'i byang chub bsgrub par bya dgos te gzhan du ni ma yin no/ /dran pas mngon par 'phel ba
 ni sems sdang ba thams cad la dran pa nye bar gnas pas de las myur du nges par 'byung ba'i phyir/ sangs rgyas zhes bya ba la sogs pa smos so/ /sems ni bzang ba min snyam zhes bya ba ni sems 'di dung ba ma yin no snyam
 pa ste/ dran pa skyed byed ces bya bar sbyar ro/ /ci'i phyir zhe na/ bzod pa'i pha rol tu phyin pas zhes bya ba la sogs pa smos te/ bzod pa'i pha rol tu phyin pa thams cad dang mthun pa'i phyir ro zhes bya ba'i tha tshig go /
 de ltar dran pa nye bar gnas pa ni so sor 'chags par byed de 'di ni bdag gis mi rigs pa byas so zhes 'chags par byed do/ /phyis kyang sdom par byed de phyin chad de ltar mi bya'o zhes sems kyis sdom pa'i phyir ro/ /dga' bar mi byed pa ni
 bdag lta bu kun la phan pa dang bde ba nye bar bsgrub pa mdza' dag bya dgos pa gang yin pa des 'khrug par bya 'am zhes rang gi bsam pa la smod pa'i phyir ro/ /de ni zhes bya ba ni byang chub sems dpa' o/ /mi 'dod pa 'byung ba'i gzhir gyur pa'i
 sems can ni skyes zin pa'i phyir skye ba'i gegs byed pa yang ma yin la skad cig ma yin pas rang gi ngang kho nas zhig pa'i phyir de 'jig par byed pa ma yin nam de 'chags pa la sogs pa byed pas yon tan ci zhig 'thob ce na/ sangs
 rgyas chos 'dir slob ces bya ba smos te/ dug la sogs pa la 'gal ba'i rkyen nye bar sbyor ba bzhin du nyes pa'i gnyen po'i sems kyang ma 'ongs pa'i mi 'dod pa'i 'bras bu'i gegs byed pas mngon par 'dod pa'i bya ba 'grub pa'i rgyur
 gyur pa'i phyir ro snyam du dgongs pa yin no/ /bslab pa'i khyad par gyis mngon par 'phel ba ni pha rol tu phyin pa thams cad la 'khor gsum yongs su dag par slob pa'i phyir/ gang zhig slob che zhes bya ba la sogs pa 'byung ba yin no/ /
 khas mi len zhes bya ba ni mngon par zhen pa med pa ste/ yang dag par na rdzas la ma gtogs pa'i bya ba med pa'i phyir ro/ /slong po ni bdag la sogs pa'i byed pa'o/ /bslab pa'i chos rnams ni pha rol tu phyin pa la sogs pa'i mtshan nyid de
 dag ni bslab par bya ba yin pa'i phyir ro/ /dmigs pa ni dmigs par byed pa ste med ces bya bar sbyar ro/ /mi rtog pa zhes bya ba ni yang dag par na pha rol tu phyin pa la slob pa dang de'i mi mthun pa'i phyogs mtshan nyid kyis dben par ngo bo
 tha mi dad pa'i phyir ro zhes bya ba'i tha tshig go /pha rol tu phyin pa'i mi mthun pa'i phyogs zad pas mngon par 'phel ba ni de ltar mi dmigs pa'i spyod pas mi mthun pa'i phyogs rnam pa
 thams cad du song ba'i phyir ro/ /byang chub sems dpa' gang zhig ces bya ba la sogs pa 'byung ba yin te/ bslab nyams su zhes bya ba ni lhag pa'i sems dang lhag pa'i shes rab kyi bslab pa nyams pa'o/ /tshul khrims
 'tshal? ba ni lhag pa'i tshul khrims med pa ste mi 'gyur ro zhes bya bar sbyar ro/ /brnyes par bya phyir zhes bya ba ni brnyes par bya ba'i phyir ro/ /de ni zhes bya ba ni byang chub sems dpa' o/ /de ci'i phyir zhe na/ bslab lhag bslab
 la mkhas te lhag pa'i tshul khrims la sogs pa'i bslab pa'i ngo bo nyid shes pa yin no/ /de yang ji ltar zhe na/ 'di ltar dmigs pa med ces bya ba smos te/ bslab pa thams cad stong pa'i ngo bo nyid du shes pa'i phyir ro/ /
 de'i mjug bsdu bar mkhas pa zhes bya ba la sogs pa smos te/ slob ces bya ba ni slob pa rnams kyi'o/ /gcig tsam yang zhes bya ba ni sems bskyed pa gcig kyang mi dge bar mi 'byung ngo snyam du dgongs pa yin te/ de'i
 gnyen po shin tu ngang du gyur pa'i phyir ro/ /de dpes bstan pa'i phyir ro/ /nyi ma zhes bya ba la sogs pa smos te/ bar snang la mun pa mi gnas pa ji lta ba bzhin du zhes bya bar sbyar ro/ /bzhin zhes bya ba ni 'dra ba'i don yin no/ /gnyen
 po rnyed pas mngon par 'phel ba ni lta ba'i rab tu dbye ba ma lus pa 'jig tshogs la lta ba'i nang du 'dus pa bzhin du lhag pa'i shes rab kyi bslab pa kho na'i nang du pha rol tu phyin pa thams cad 'dus pa'i phyir/ shes rab pha rol
 phyin la zhes bya ba la sogs pa 'byung ba yin te/ 'dir ni 'dus par 'gyur zhes bya ba ni shes rab ni de las gzhan pa'i pha rol tu phyin pa rnams 'grub pa'i rgyur gyur pa'i phyir dang ser sna la sogs pa mi mthun pa'i phyogs rnam
 pa dug bzlog pa'i phyir ro/ /gnyis zhes bya ba ni rtsa gnyis te lta bar gyur pa drug cu rtsa gnyis po 'di dag ni tshangs pa'i dra ba'i mdo'i rjes 'brangs su te khong du chud par bya'o/ /'dus zhes bya ba ni 'jig tshogs la lta ba'i nang du zhes bya
 bar sbyar te/ lta bar gyur pa thams cad bdag tu lta bas rab tu phye ba'i phyir ro/ /srog gi dbang po'i nang du dbang po gzhan 'dus pa lta bu yin pas na/ dper na zhes bya ba la sogs pa smos so/ /'gag par 'gyur zhes bya ba ni 'gag
 par 'gyur ba ste/ mig la sogs pa'i rgyud kyi rgyun 'jug pa'i rgyu ni srog gi dbang po yin pas de med na de'i nang du 'dus pa mig gi dbang po la sogs pa nus pa'i bdag nyid rnams 'byung bar mi 'thad pa'i phyir ro/ /'dus par gsungs
 zhes bya ba ni de dang 'dra bar dri ma med pa'i yid la brten pa'i shes rab med na de'i nang du khyad par la brten pa'i sbyin pa'i pha rol tu phyin pa la sogs pa 'gags pa'i phyir shes rab spyod pa dang ldan pa'i pha rol tu phyin pa 'di dag thams
 cad ni de kho nar 'dus par bshad pa yin no/ zhes bya ba'i tha tshig go /mngon par 'phel ba bshad zin to/ /'di'i bstan pa ni thabs la mkhas pas skye bo de lta bu dag la phan gdags pa'i phyir bdag gis bslab par bya ba 'ba' zhig
 tu zad do snyam pas nyan thos la sogs pa'i yon tan thams cad la yang dag par slob kyang de dag la dmigs shing dga' ba med pa'i phyir/ byang chub sems mkhas zhes bya ba la sogs pa 'byung ba yin te/ de la zhes bya ba ni
 nyan thos la sogs pa'i yon tan la'o/ /gnas zhes bya ba ni dmigs pa ste med ces bya bar sbyar te/ de dag kyang yang dag par na bdag med par rtogs pa'i phyir ro/ /mi bskyed ces bya ba ni skyed par
 mi byed pa ste/ snying rje chen po'i gzhan gyi dbang du gyur pa'i phyir ro/ /snyam du dgongs pa yin no/ /de ltar phyir mi ldog pa'i chos nyid kyis brtan pa phul du byung bar gyur na phyir mi ldog pa'i sems bskyed pa ting nge 'dzin
 gyis nye bar zin pa ni de las gzhan pa'i rjes su yi rang bar byed pa rnams kyi bsod nams kyi 'byung gnas mchog yin pas/ mi ldog ces bya ba la sogs pa smos te/ srang la gzhal bas zhes bya ba ni srang la btab pas so/ /
 tshad gzung rung zhes bya ba ni tshad zin par 'gyur ba ste/ de ni 'di skad du 'jig rten gyi khams dpag tu med pa na yod pa'i ri rab rnams ni srang la gzhal bas de dag gi tshad shes par nus kyang srid kyi rjes su yi rang ba dang/
 ldan pa'i bsod nams kyi tshogs ni de lta ma yin no zhes bshad pa yin no/ /ci'i phyir zhe na 'di ltar dge ba don gnyer zhes bya ba la sogs pa smos te/ phyir mi ldog pa'i sems bskyed pa la rjes su yi rang na thar ba 'dod
 pa thams cad kyi bsod nams kyi phung po la rjes su yi rang ba yin pa'i phyir ro zhes bya ba'i tha tshig go /'gro ba'i thar pa ni rdzogs pa'i sangs rgyas kyi chos bstan pa las rab tu byung ba'i phyir la rdzogs pa'i sangs rgyas kyang/
 phyir mi ldog pa'i sems bskyed pa la rag las pa'i phyir te/ de bas na de la rjes su yi rang nas 'gro ba mdza' dag gi bsod nams la rjes su yi rang ba yin pas/ de'i phyir zhes bya ba la sogs pa smos te/ de'i phyir
 zhes bya ba ni ye shes phun sum tshogs pa'i ngo bo'i thar pa de'i ched du'o/ /kha cig las ni ci'i phyir zhes 'byung ste/ de ni ci'i phyir na zhes dri ba'i don du blta bar bya'o/ /de dag ces bya ba ni phyir mi ldog pa rnams so/ /sdug bsngal
 zad par bya phyir zhes bya ba ni nyon mongs pa bag chags dang bcas pa spang bar bya ba'i phyir te gzhan du na sdug bsngal zad pa med pa'i phyir ro/ /de ltar ting nge 'dzin thob pa'i shes rab mngon par 'phel ba las nges par 'byed pa'i
 cha dang mthun pa'i gnas skabs kyi rnam par rtog pa'i gnyen por mthong ba'i lam gyi bdag nyid mchog tu gyur pa 'byung ngo/ /rnam par rtog pa de yang gzung ba dang 'dzin par rnam par rtog pa dag re re la rnam pa gnyis gnyis yod pa'i phyir
 rnam pa bzhi'o/ /de la gzung bar rnam par rtog pa 'jug pa'i phyogs mdza' dag la rten pa de'i gnyen por sems bskyed pa la sogs pa'i chos rnams la bdag nyid kyis rnam par rtog pa med pas stong pa nyid la sogs pa'i rnam
 par yongs su shes pa'i phyir/ byang chub sems dpa' gang zhig ces bya ba la sogs pa smos te/ chos rnams kun ni 'jug pa'i phyogs su bsdus pa'i sems bskyed pa la sogs pa'o/ /spros med ces bya ba ni smon pa'i spros pa
 med par zhes bya ba'i don to/ /log pa'i chos mdza' dag la brten pa de bsal bas sgrib pa thams cad bzlog par bya ba'i phyir shes rab gang gis stong pa la sogs pa'i mtshan nyid kyi chos rnams shes shing/ de la yang gnyis kyi 'du
 shes med pas byang chub 'tshol ba'i phyir/ de ni zhes bya ba la sogs pa 'byung ba yin te/ de ni shes rab gnyis kyis zhes bya ba ni byang chub sems dpa' de ni shes rab kyi gnyis su mngon par zhen pas byang chub 'tshol bar mi byed de
 'jig rten las 'das pa'i gnas skabs na rnam par byang bar rnam par rtog pa yang med pa'i phyir ro zhes bya ba'i tha tshig go /rnam par rtog pa thams cad ni thams cad du 'dzin pa la sogs par rtog pa
 'byung ba'i phyir dang thams cad las rnam par log pa'i bdag nyid kyi dngos po la dngos po gzhan dang tha mi dad par 'dzin pa'i phyir rang bzhin gyis phyin ci ldog gi mtshan nyid kho na yin no/ /gal te de bas na de ltar shes pas
 yod pa'i phyir dngos po rnams tha mi dad pa yin par 'gyur ro zhe na/ ma yin te/ dngos po yod pa'i rang gi ro bo ni don byed nus pa yin la de dag kyang gcig pa nyid yin na ni dngos po thams cad don cig byed par thal bar 'gyur
 ro/ /de lta na yang kun nas nyon mongs pa dang rnam par byang ba dag la yang tha mi dad par 'dzin pas gcig pa nyid na bcings pa dang thar pa so sor rnam par bzhag pa mi 'thad do/ /gal te de dag nyid so so'i khyad par la brten
 pa'i nus pa tha dad pas tha snyad tha dad pa yod do zhe na/ de lta na ni dngos po'i ngo bo don gyi bya ba byed pa ni rjes su 'gro ba med pa'i phyir la brtan pa gcig bu'i bdag nyid ni rang shes pa bskyed pa'i mthu yang med pas rjes su 'gro ba ma yin pa'ang
 dngos po med pa'i mtshan nyid yin pa'i phyir thun mong ma yin pa nyid grub pa yin la/ gzung pa dang 'dzin pa'i rnam pa dang bral ba'i yang phyir te/ phal cher bshad zin to/ /de dang 'dra bar rnam par log pa ji ltar 'dzin pa yang
 'khrul ba yin pa'i phyir rang gi ngo bo la bltos nas rnam par mi rtog pa nyid yin yang sgrib pa'i gnyen po ma yin pa'i phyir byang chub sems dpa' ni des byang chub 'tshol bar mi byed do zhes bya bar gnas so/ /'dzin par rnam par rtog pa
 yang rnam pa gnyis yin te/ sems can rdzas su yod pa la brten pa dang/ der gdags pa la brten pa'o/ /de dag med par bstan pa'i phyir/ rnal 'byor pa de zhes bya ba la sogs pa gsungs te/ brtson pa ni sems can/
 don dam par yod par rtog pa med pa'i phyir te don yod na ni phyin ci log pa'i phyir brtson pa ma yin no/ /rnal 'byor pa zhes bya ba ni yang dag par btags pa tsam la yang 'dzin pa nyid du mi rtog pa'i phyir ro zhes bya ba'i tha tshig go /
 rnam par rtog pa de yang mdor bsdu na rnam pa bzhir rig par bya ste/ rigs su rnam par rtog pa ni de bsal bar bdag ni rdzogs pa'i byang chub kyi 'os yin gyi nyan thos la sogs pa'i byang chub dang mi 'gal lo snyam du yang rnam par rtog pa
 med pa'i phyir/ nam mkha' i khams zhes bya ba la sogs pa smos te/ de dang zhes bya ba ni nam mkha' i khams la de dang ngo/ /der zhes bya ba ni nam mkha' ro/ /gang gis kyang ni de ma thob ces bya ba ni gang gis kyang nam mkha' i khams de thob pa med do
 zhes bya bar sbyar ro/ /de ni 'di skad du dper na nam mkha' i khams kyi ming gzhan nam mkha' zhes bya ba dang ldan pa yang de dang 'gal ba med la dngos po med par ro gcig pa'i phyir gang gis kyang de ma thob pa de bzhin du byang chub sems dpa' nye bar
 zhi bar spyod pa yang rdzogs pa'i byang chub dang nye bar yang ma yin bdag nyid byang chub gzhan dang 'gal lo snyam du yang mi sems te/ yang dag par na thams cad dben par mtshan nyid gcig pa'i phyir ro zhes brjod pa yin no/ /yang dag par
 'grub par rnam par rtog pa de bsal ba'i phyir sgyu ma byas pa'i skyes bu bzhin du 'gro ba'i don yang dag par bsgrub pa'i rnam par rtog pa med kyang skye ba sna tshogs la sogs pa'i bya ba rab tu 'byung ba'i phyir/ skye bo'i dbus na zhes bya ba la sogs pa smos
 te/ skye bo 'di zhes bya ba ni skye bo'i tshogs so/ /de yang zhes bya ba ni skyes bu de yang zhes bya bar sbyar ro/ /de'i byed pa bstan pa'i phyir/ rdzu 'phrul zhes bya ba la sogs pa smos te/ 'gro ba rnams dang
 'brel ba'i rdzu 'phrul ston pa kho na byed pa yin no zhes bya ba'i tha tshig go /yang dag par na ji ltar ltad mo pa rnams kyis de'i lus la sogs pa la skyes bu yang dag pa'i ngo bo shes pa de lta bu ni med pas de bstan pa'i phyir/
 de la lus med ces bya ba la sogs pa smos so/ /de bzhin zhes bya ba ni sgyu ma'i skyes bu bzhin du'o/ /nam yang mi sems zhes bya ba ni gzhar yang mi sems pa ste rnam par rtog pa zhes bya ba lhag ma yin no/ /gang zhig ce na byang
 chub rtogs nas zhes bya ba la sogs pa smos te/ don dam par na gang zag la sogs pa med pa'i phyir ro snyam du dgongs pa yin no/ /skye ba sna tshogs ni skye ba la dbang ba nyid kyi mi la sogs pa skye ba'o/ /bya ba mang ldan pa zhes
 bya ba ni sbyin pa la sogs pa'i dngos po dang ldan pa'o/ /byed par rnam par rtog pa ni de dgag pas de bzhin gshegs pa'i sprul pa bzhin du bya ba thams cad mngon par 'grub pa'i phyir/ dper na sangs rgyas zhes bya ba la
 sogs pa smos so/ /sprul pa de byed pa zhes bya ba ni byed pa na ste rnam par rtog pa'i shes pa med par zhes bya bar sbyar ro// //bya ba'i 'bras bu'i rnam par rtog pa ni de bsal bas shing gis 'khrul
 'khor bzhin du rang gi byed pa'i 'bras bu thams cad mngon par bsgrub pa'i phyir/ shing mkhan zhes bya ba la sogs pa smos te/ /shing mkhan zhes bya ba ni 'khrul 'khor mkhan no/ /bzo bo zhes bya ba ni rang gi bya ba la mkhas
 pa'o/ /mkhas pa des zhes bya ba ni de las gzhan pa'i sgyu rtsal la mkhas pa ste gzhan gyis ni de lta bu'i 'khrul 'khor 'grub par mi 'gyur ro/ /skyes pa bud med dang 'dra bar zhes bya ba ni skyes pa dang bud med lta bu zhes bya ba'i don to/ /
 rnam par mi rtog pa ni bya ba nar ma'i 'bras bu la rnam par rtog pa med pa'i phyir ro/ /gal te 'o na ni bya ba la 'jug pa ma yin te/ de ni rnam par rtog pa la rag las pa'i phyir ro zhe na/ nyes pa med de/ 'khrul 'khor bzhin du
 yod pa tsam gyis de la 'jug pa'i phyir ro/ /de la ni rgyu bzo byed pa'i rnam par rtog pa yong pas 'di ni de dang mi 'dra'o/ snyam du yang dogs par mi bya ste 'di la yang sngon gyi smon lam gyi 'phen pa yod pa'i phyir ro/ /rnam par rtog pa'i
 yang rang yod pa tsam ma gtogs pa byed pa gzhan ni med pa kho na yin la de ni 'di dang yang khyad par med do/ /shin tu goms pa dang ldan pa rnams la rgyu rnam par rtog pa'i shes pa med par kha ton la sogs pa'i bya ba 'jug pa dag
 'byung ba yang mthong ste mang du mi dgos so/ /de ltar rnam par mi rtog pa'i spyod pa'i phan yon ni rnam pa gsum ste/ bkur sti phun sum tshogs pa ni brgya byin la sogs pa thams cad kyis phyag byas pa'i phyir/ de ltar spyod mkhas
 zhes bya ba la sogs pa 'byung ba yin no/ /sangs rgyas thams cad kyis dgongs pa ni sangs rgyas thams cad kyis de'i yon tan brjod pa'i phyir/ phyogs bcu'i zhes bya ba la sogs pa 'byung ba yin no/ /bar chad byed ba med pa nyid ni
 bdud thams cad kyis kyang bar chad bya bar mi nus pa'i phyir/ gang gA'i klung mnyam zhes bya ba la sogs pa 'byung ba yin te/ 'di skad du gal te 'jig rten gyi khams thams cad na yod pa'i sems can rnams bdud du gyur la bdud re
 res kyang ba spu'i bu ga re re nas byung ba'i bdud kyi lus kyi tshad de snyed gcig sprul du zin kyang 'on kyang byang chub sems dpa' rnam par mi rtog par spyod pa la bar chad bya bar mi nus so zhes bshad pa yin no/ /de nyid
 gsal bar bya ba'i phyir/ rgyu rnam bzhis zhes bya ba la sogs pa smos te/ rgyu bzhi las stong pa nyid la rnam par gnas pa ni chos bdag med pa rtogs par bdud kyis sprul pa'i yul gyi nye bar spyad pa dpe med pa dag la mngon
 par zhen pa med pa'i phyir ro/ /sems can thams cad kyi mi gtong ba nyid ni snying rjes sems can la lta ba dang bcas pa 'gro ba mi mthun pa mthong ba las yang dag pa'i mdza' mngon du mi byed pa'i phyir ro/ /dam bcas pa brtan pa
 nyid ni ji skad du smras pa de bzhin byed pas le lo med pa bya ba thams cad la bar chad med par rab tu sbyor ba'i phyir ro/ /sangs rgyas kyis dgongs pa nyid ni tshogs bsags pas bde bar gshegs pas byin gyis brlabs pa'i
 sbyor ba 'bras bu yod par 'gyur ba'i phyir ro/ /bde gshegs byin rlabs can zhes bya ba ni gang la rten bde bar gshegs pa kho na'i byin gyis brlabs pa yod pa de la de skad ces bya'o/ /thams cad du yang shes rab kho na
 gtso bo yin pas de la mos pa sngon du 'gro ba'i rab tu 'jug pa ni thams cad mkhyen pa nyid kyi tshogs yongs su rdzogs par 'gyur ba'i phyir/ de bzhin gshegs yum zhes bya ba la sogs pa smos te/ thams cad mkhyen pa
 nyid la zhugs zhes bya ba ni shes rab kyi pha rol tu phyin pa sgrub pa dang ldan pa thams cad mkhyen pa nyid gcig tu gzhol ba yin pa'i phyir ro/ snyam du dgongs pa'o/ /gal te thams cad mkhyen pa nyid la zhugs na 'o na
 ji ltar rnam par mi rtog pa yin rang gi lam gyi 'bras bu la rnam par rtog pa med pa ni de la 'jug pa mi 'thad do zhe na/ de'i lan gdab par chos dbyings zhes bya ba la sogs pa smos te/ stobs la sogs pa'i chos kyi rgyu yin pa'i
 phyir chos kyi dbyings so/ /dus thams cad du 'gyur ba med pa'i phyir de bzhin nyid de stong pa nyid de ni rtag tu de kho na bzhin pa'i phyir ro/ /gnas par mi 'gyur zhes bya ba ni de la yang mngon par zhen pa'i bdag nyid kyis gnas
 par mi byed do zhes bya ba'i tha tshig ste/ de la mngon par zhen pa ni phyin ci log pa nyid kyis de la gnas pa'i ngo bo ma yin pa'i phyir ro/ /de lta bas na gnas pa med pa ste/ mngon par zhen pa med pa kho na gnas pa zhes bya ba yin te/
 de bzhin nyid la gnas pa yin no zhes bya bar skabs dang sbyar ro/ /bar snang la sprin dang rig sngags 'chang ba dang 'dra bas/ dper na zhes bya ba la sogs pa smos te/ gnas med ces bya ba ni khyim med pa'o/ /gnas 'dod pa zhes
 bya ba ni gnas mngon par bsgrub par 'dod pas te/ 'di skad du dper na rig sngags 'chang bar snang la rgyu pa gnas mngon par bsgrub par 'dod na nam mkha' kho na la dus ma yin par me tog dang 'bras bu dang lo ma dang ldan pa'i shing gi skyed
 mos tshal la sogs pa byin gyis rlob par byed pa de bzhin du byang chub sems dpa' stong pa nyid la mi dmigs pa'i tshul gyis gnas pa yang rang dang gzhan gyi yon tan phun sum tshogs pa'i rten gyi mchog yin no zhes bshad pa yin no/ /
 gal te de lta na de bzhin nyid la mi gnas pa yin pas de ji ltar 'jig rten las 'das pa'i lam gyis de rtogs nas dag pa 'jig rten pa'i gnas skabs na gzhan dag la ston par byed ce na/ de'i lan gdab par de ltar spyod pa zhes 
 bya ba la sogs pa smos te/ rtogs par byed pa ni khong du chud par byed pa'o/ /sangs rgyas chos rnams ni stobs la sogs pa'o/ /dmigs mi 'gyur zhes bya ba ni dmigs par mi byed
 pa ste/ 'jig rten las 'das pa'i gnas skabs na zhes bya ba'i tha tshig go /chos 'dod lta bar byed ces bya ba ni tshig dang don 'dzin par nus pa'i nyan pa po ste mi dmigs zhes bya bar skabs dang sbyar ro/ /zhi 'dod ces bya ba
 ni bdag dang gzhan gyi sgrib pa spang bar 'dod pa rnams so/ /de nyid kyi khyad par ni yon tan dga' zhes bya ba yin te/ ye shes phun sum tshogs pa 'dod pa rnams zhes bya ba'i don to/ /'di ni gnas pa yin zhes bya ba ni ji
 skad bshad pa'i tshul gyis gang zag la sogs pa mi dmigs pa kho na rtog pa thams cad kyi gnyen po yin pa nyid kyis mthong ba'i lam gyi bdag nyid dang de'i rjes la thob pa ni gnas pa yin te/ mchog tu rab tu dga' ba'i
 rgyu yin pa'i phyir ro/ /gzhan ni kun nas nyon mongs pa la brten pa'i phyir ma yin no zhes bya ba'i tha tshig go /mthong ba'i lam 'di ni rdzogs pa'i byang chub kyi rgyu yin la de'i rgyu yang rnam pa gsum ste/ rdzogs pa'i byang
 chub kyi tshul la gzhan yang dag par sbyor ba ni snying brtse ba'i shes rab kyi gnas pa nyan thos la sogs pa'i gnas pa thams cad pas phul du byung ba rang dang gzhan gyi don gyi rten la gzhan yang dag par sbyor ba rdzogs pa'i
 byang chub 'dren par byed pa yin pa'i phyir/ de bzhin gshegs kyis zhes bya ba la sogs pa 'byung ba yin te/ dgra bcom rnam thar zhes bya ba ni dgra bcom pa rnams kyi rnam par thar pa gzugs can gzugs
 rnams la lta ba zhes bya ba la sogs pa ma chags pa'i mtshan nyid brgyad po ji snyed pa zhes bya ba'i don to/ /de bzhin gshegs kyi ma gtogs par zhes bya ba ni rdzogs pa'i sangs rgyas kyi gnas pa dag ma gtogs par te/ de dag
 ni rnam pa thams cad du nyon mongs pa dang shes bya'i sgrib pa'i bag chags dang bral ba nyid kyis gong na med pa yin pa'i phyir ro snyam du dgongs pa yin no/ /yang na de bzhin gshegs pa rnams kyi rnam par thar pa me long lta
 bu'i ye shes la sogs pa sgrib pa med pas rab tu phye bas dgra bcom pa ste yon tan ma lus pa'i 'os su gyur pa de ma gtogs par bya bar sbyar ro/ /gnas pa 'di ni zhes bya ba ni ji skad bshad pa'i rtog pa'i skyon dang
 bral ba mthong ba'i lam gyi bdag nyid kyi sems bskyed pa 'di ni zhes bya bar dgongs pa yin no/ /zhi ba ni bdag nyid ji lta ba bzhin du 'dod pa la sogs pa la chags pa'i nyes pa dang bral ba'i phyir ro/ /de dag ni ting nge  
 'dzin yang yin te/ bsam gtan dang gzugs med pa dang tshad med pa'i ngo bo nyid yin pa'i phyir ro/ /rab zhi bde zhes bya ba ni zab pa med pa'i tshor ba sim pa ste/ de dang mtshungs par ldan pa'i gnas pa ji snyed pa zhes bya
 bar skabs dang sbyar ro/ /kun gyi zhes bya ba ni nyan thos la sogs pa'i gnas pa kun gyi nang na'o/ /mcho ni rang gi don phun sum tshogs pa'i rgyu yin pa'i phyir ro/ /gong na med pa yin zhes bya ba ni gzhan gyi don phun
 sum tshogs pa'i rgyu yin pa'i phyir ro/ /'di ni stong pa nyid kyi spyod yul can yin yang thun mong ma yin pa'i thabs kyis bar ma dor mya ngan las 'da' bar mi 'gro ba'i phyir/ 'dab chags zhes bya ba la sogs pa
 smos so/ /'di skad du dper na bya ni nam mkha' la gnas kyang ltung bar mi 'gyur la nya ni chu'i nang la gnas kyang 'tshubs te mi 'chi ste/ /de gnyis ni yod kyis de na spyod pa'i phyir ro/ /de bzhin du
 sangs rgyas dang byang chub sems dpa' yang shes rab dang snying brtse bas chos thams cad bdag med pa gzigs bzhin du thugs skyo bar mi 'gyur bas bar ma dor rang dang gzhan gyi don dang mthun pa'i sems bskyed pa'i
 gegs byed pa'i mya ngan las 'das pa yang mngon du mi mdzad do/ /gang gi phyir de ltar shes rab kyi gnas pa don chen po yin pa de'i phyir/ sems can kun gyi zhes bya ba la sogs pa smos te/ sems can kun gyi
 yon tan ni 'jig rten dang 'jig rten las 'das pa'i bsam gtan la sogs pa'i yon tan rnams so/ /de dag gi mchog tu zhes bya ba ni mchog nyid du'o/ /'gro bar 'dod pa'i spangs pa phun sum tshogs pa ma lus
 par thob par 'dod pa'o/ /mchog reg ces bya ba ni mngon du bya ba zhes bya bar 'dod pa zhes bya ba'i tha tshig go /de ci zhig ce na sangs rgyas ye shes me long lta bu'i ye shes la sogs pa phun sum tshogs pa'i mtshan
 nyid thun mong ma yin pa'i phyir mchog tu rmad byung yin no/ /de ltar shes rab kyi gnas pa spangs pa dang ye shes kyi mtshan nyid rang gi don phun sum tshogs pa'i rgyu nyid du bstan nas gzhan la phan pa sgrub pa'i rten nyid yin
 par bstan pa'i phyir/ chos kyi sbyin pa zhes bya ba la sogs pa gsungs so/ /chos kyi sbyin pa ni pha rol tu phyin pa'i chos rab tu ston pa ste sbyin par 'dod pa gang yin pa zhes bya bar sbyar ro/ /rab ni thos pa'i
 gnas skabs na pha rol tu phyin pa thams cad kyi khams rtas pa skyed par byed pa yin pa'i phyir ro/ /mchog ni sems pa'i tshe na mdo'i don phyin ci ma log pa la rjes su 'jug pa'i thabs yin pa'i phyir ro/ /dam pa ni sgom
 pa'i che na 'jig rten dang 'jig rten las 'das pa'i don 'grub pa'i rgyu yin pa'i phyir ro/ /phan mdzad rnams kyi zhes bya ba ni bde bar gshegs pa sras dang bcas pa rnams dang 'brel ba ste/ sangs rgyas dang byang chub sems dpa' 
 'grub pa'i rten ni ji skad bshad pa'i shes rab yin pa'i phyir ro snyam du dgongs pa yin no/ /gnas shes bya ba ni gnas pa'o/ /'di la zhes bya ba ni bshad ma thag pa la'o/ /bsten par gyis zhes bya ba ni des zhes bya ba kho nas
 drang ngo/ /de bstan pa'i phyir bslab pa 'di ni zhes bya ba la sogs smos te/ 'di ni zhes bya ba ni shes rab kyi pha rol tu phyin pa'i bslab pa 'di'o/ /bslab pa yongs la brjod pa zhes bya ba ni sbyin pa'i pha rol tu phyin pa la sogs pa'i
 slab pa dag go /bslab pa ji snyed kun gyi zhes bya ba ni bslab pa thams cad kyi nang na'o/ /'di ni ser sna la sogs pa'i bag chags kyi gnyen po yin pa'i phyir mchog kyang yin la yon tan bla na med pa thams
 cad 'grub pa'i rgyu yin pa'i phyir gong na med pa yang yin no/ /gang gi phyir de lta yin pa de'i phyir mkhas pa gang zhig ces bya ba la sogs pa smos te/ bslab pa kun zhes bya ba ni bslab pa thams cad kyi'o/ /pha rol 'gro 'dod
 pas zhes bya ba ni sbyin par bya ba la sogs pa mi dmigs pa'i bdag nyid 'khor gsum rnam par dag pa'i pha rol mngon du bya bar 'dod pas zhes bya ba'i don to/ /sangs rgyas bslab pa zhes bya ba ni gang gi phyir 'di sangs
 rgyas rnams kyi thun mong ma yin pa de'i lam yin pa de'i phyir 'di kho na la slab par gyis shig ces bsgo ba'i don yin no// //tung ba dag la shes rab
 yongs su gtong pa ni thos pa la sogs pa'i rim gyis chud mi gsan pa'i phyir pha rol tu phyin pa mchog gi chos gtod pa ni byang chub dang mthun pa'i phyir te/ de bstan pa'i phyir 'di ni chos gter zhes bya ba la
 sogs pa smos so/ /'di ni zhes bya ba ni shes rab kyi pha rol tu phyin pa'i bdag nyid 'di'o/ /gter mchog ni nyan thos la sogs pa dang thun mong ma yin pa'i byang chub kyi phyogs dang mthun pa'i yon tan rin po che'i
 rten yin pa'i phyir ro/ /chos ni stobs la sogs pa'o/ /mdzod ni gnas so/ /de'i phyir sangs rgyas rigs te rgyu yin no/ /bcom ldan 'das rnams ni stobs la sogs pa'i chos kyis rab tu phye ba yin pa'i phyir la
 de dag kyang shes rab rnam par dag pa'i mtshan nyid yin pa'i phyir ro snyam du dgongs pa yin no/ /'gro ba'i bde dang skyid pa'i mdzod ces bya ba ni shes rab ces bya ba chos kyi dbyings 'di ni 'gro ba'i bde ba lhag pa'i tshul
 khrims kyi bslab pa'i rnam par smin ba'i bdag nyid lus kyi tshor ba sim pa gang yin pa dang skyid pa lhag pa'i sems kyi bslab pa las rab tu byung ba gang yin pa de'i mdzod dang gnas yin no zhes bya bar sbyar te/ lhag
 pa'i shes rab kyi bslab pa ni bslab pa thams cad rnam par dag pa'i yan lag tu gyur pa'i phyir ro zhes bya ba'i tha tshig go /sangs rgyas kyang nyung shas cig gi rigs ma yin gyi thams cad yin pas de'i phyir/
 'das dang zhes bya ba la sogs pa smos te/ chos dbyings zad mi 'gyur zhes bya ba ni bde bar gshegs pa thams cad kyis de'i bdag nyid yongs su bzung yang chos kyi dbyings 'dzin pa la sogs pa'i mtshan nyid kyis dben
 pa'i bdag nyid ni rtag tu thams cad na yong pa'i phyir zad par mi 'gyur ro zhes bya ba'i don te/ de lta bas na 'di la 'bad de thos pa la sogs pas yongs su bsrung bar bya'o zhes bya ba lhag ma yin no/ /don 'di'i gzhung rgyas
 pa'i rjes su 'brangs te 'phags pa kun dga' bo la yongs su gtad pa'i skabs nas khong du chud par bya'o// //bsod nams kyi tshogs mang ba nyid shes rab goms pa las rab tu byung ba
 rdzogs pa'i sangs rgyas kyi rgyu gsum pa ni shing la sogs pa bskyed par bya ba la sogs pa bzhin du shes rab kyang 'jig rten dang 'jig rten las 'das pa'i chos thams cad sgrub par nus pa'i phyir/ shing dang zhes bya ba
 la sogs pa smos te/ de dag ces bya ba ni shing la sogs pa'o/ /sa la yang dag 'byung zhing 'thon zhes bya ba las ni sa gzhi'o/ /de las yang dag 'byung ba ni dang por sa las gyur pa nyid du byung ba'i phyir ro/ /'thon
 pa ni rgyun gyis so/ /zad pa ni rgyun zhig pa'o/ /'phel ba ni sngon med pa'i rnam par brten pa'o/ /yongs su mi nyams zhes bya ba ni rgyun mi 'dra ba nyid du mi 'gyur ba'o/ /gang gi phyir rnam par mi rtog pa de'i phyir skyo ba med ces bya
 bar sbyar te/ skyo ba ni rnam par mi rtog pa'i chos yin pa'i phyir ro/ /sras ni byang chub sems dpa' o/ /lha rnams zhes bya ba ni lha rnams kyi ste brgya byin dang tshangs pa la sogs pa'i lha'i ris rnams kyi zhes bya ba'i don to/ /'gro
 ba kun gyi zhes bya ba ni mi la sogs pa'i yang zhes bya ba'i tha tshig go /de ltar shes rab pha rol gyi rgyu dang chos mthun par bstan nas nang gi rgyu dang chos mthun par bstan pa'i phyir/
 sems can tha ma zhes bya ba la sogs pa gsungs te/ sems can rnams kyi tha ma 'bring dang mchog gyur pa nyid ni go rim bzhin du ngan song dang mi dang lha'i 'gro ba tha dad pa'i phyir dang dbang po tha dad pa'i phyir ro/ /ma rig
 pa ni gang zag la sogs par dmigs pa yin te rig pa dang 'gal ba'i phyir ro/ /sems can 'di dag thams cad ni de las byung ba yin zhes bya bar skabs dang sbyar te/ rjes su chags pa dang khong khro ba med par ni
 thams cad du 'jug pa dang ldog pa med pa'i phyir la de gnyis kyang log par dmigs pa las byung ba'i phyir dang bdag nyid kyang phyin log gi ngo bo nyid yin pa'i phyir ro snyam du dgongs pa yin no/ /de'i phyir rkyen rnams
 tshogs shing rkyen la rag las nas 'byung ngo zhes bshad kyi rtag pa yang ma yin la rgyu med pa can ma yin te res 'ga' ba yin pa'i phyir ro/ /sdug bsngal ni nye bar len pa'i phung po'i mtshan nyid do/ /de yang byed pa po
 med kyang 'khrul 'khor bzhin du bya ba de dang de la 'jug pa mthong ba'i phyir te de la ma rig pa las ma gtogs pa rgyu gzhan ni med do snyam du dgongs pa yin no/ /'khrul 'khor de ni zad med ces pa ni ma rig pa'i
 bdag nyid do/ /phung po la dmigs pas mngon par zhen pa ni rigs mthun pa 'byung ba'i rgyur gyur pa'i phyir 'khrul 'khor lta bu yin la de yang rtag tu de'i bdag nyid kho nar 'byung ba'i phyir zad pa med do/ /
 dngos kyi mjug bsdu ba'i phyir ye shes zhes bya ba la sogs pa smos te/ ye shes ni me long lta bu'i ye shes la sogs pa'o/ /tshul ni sgom pa'i lam mo/ /sgo ni mthong ba'i lam mo/ /thabs ni nges par
 'byed pa'i cha dang mthun pa rnams so/ /rtsa ba ni de dag gi tshogs kyi bdag nyid pha rol tu phyin pa'i phung po yin te/ de kho na nyid la mos pas bsdus pa'i sbyin pa la sogs pa ni bsod nams kyi rgyun bla na med pa'i rten
 yin pa'i phyir ro/ /de kun zhes bya ba ni de dag thams cad do/ /des ni 'di skad du dper na sa las shing la sogs pas las gyur pa nyid du skye ba dang ma rig pa las sems can gyi rab tu dbye ba phyin ci log tu dmigs
 pa'i bdag nyid dag 'byung ba rnams las dang ma rig pa dag gi ngo bo zad pa med de/ 'bras bu de dag gi bdag nyid nye bar ma bzung ba'i phyir ro/ /shing la sogs pa dang srog chags rnams rang gi rgyud la yod pa'i sa
 nyid dang/ log par dmigs pa'i bdag nyid nye bar bzung nas skye ba la de skad du tha snyad 'dogs pa ni ma yin te/ de dag gi rang gi rgyud tha dad pa'i ngo bo nyid yin yang sa las gyur pa ma yin pa nyid la sogs pa las
 log pa'i bdag nyid kyis de skad du tha snyad 'dogs pa'i phyir ro/ /rgyu dang 'bras bu dag gcig pa nyid yin na ni/ rang gi ngo bo dang byed pa tha dad pa dang bral bas cung zad kyang rgyu yang ma yin la 'bras bu yang ma yin pa'i
 phyir/ 'gro ba mdza' dag la rgyu dang 'bras bu tha dad par mthong ba'i rgyun med par thal bar 'gyur ro/ /'bras bu sa las gyur pa ma yin pa la sogs pa'i ngo bor byung yang de'i rgyu 'phel ba yang med de/ sa nyid dang 
 log par dmigs pa'i bdag nyid ni rigs mi mthun pa las log pa tsam du khyad par med pa'i phyir ro/ /de bzhin du shes pa las ji skad bshad pa'i ye shes kyi rgyun skye ba la
 yang zad pa med de/ gang gis kyang de'i ngo bo longs su ma bzung ba'i phyir ro/ /'phel ba yang med de/ rtag tu 'dzin pa la sogs pas dben pa'i mtshan nyid du khyad par med pa'i phyir ro/ /rdzogs pa'i byang
 chub rgyu rnam pa gsum bshad zin to// //byang chub de ni sgrib pa zad pa dang mi skye ba'i mtshan nyid yin pa de dag kyang rten cing 'brel par 'byung ba la zad pa dang skye ba med par rtogs
 pa'i ngo bo nyid yin gyi sgrib pa spangs nas yang mi skye ba'i spyod yul can dag ni ma yin te/ chos thams cad rang bzhin gyis med pa'i phyir ro/ /mthong ba'i lam la spyod pa'i shes rab kyang rten cing 'brel par
 'byung ba'i bdag med pa'i spyod yul can yin pa nyid kyis ma rig pa'i gnyen po yin pa'i phyir ro/ /byang chub sems dpa' gang zhig ces bya ba la sogs pa smos te/ skye med ces bya ba ni gang zhig gis rten
 cing 'brel par 'byung ba la skye ba med pa nyid dang 'di nyid la zad pa med pa nyid du shes rab 'di shes pa de ni rang byung thob par 'gyur ro zhes bya bar sbyar ro/ /gzhan ni ma yin te/ ma rig pa'i ling tog gis sgrib pa'i
 phyir ro snyam du dgongs pa yin no/ /bcom nas zhes bya ba ni pha rol tu phyin pa thams cad kyi mi mthun pa'i phyogs ma rig pa'i thibs po bsal nas te/ de bzhin nyid kyi rang gi ngo bo spyod yul du gyur pa yin
 pa'i phyir ro/ /gal te ji ltar na shes rab tsam gyis pha rol tu phyin pa gzhan gyi mi mthun pa'i phyogs spongs she na/ shes rab ni de bzhin nyid kyi yul can yin pas thams cad kyi gnyen po yin pa'i phyir te/ 'khor
 gsum mi dmigs pa med par sbyin pa la sogs pas ser sna la sogs pa skye ba'i rgyu rtog pa gsal bar mi nus so/ /de nyid kyi phyir na de dag la pha rol tu phyin pa zhes tha snyad mi gdags so/ /shes rab dam pas
 rab tu phye ba'i sbyin pa la sogs pa ni skad cig ma gcig la yang pha rol tu phyin pa ril gyis tha snyad rten te/ de dag gi mtshan nyid yin pa'i phyir dang/ thams cad kyi mi mthun pa'i phyogs bzlog pa'i phyir ro/ /'di
 ltar sbyin pa'i sems kyi skad cig kho na la sems can rnams la byams pa'i phyir tshul khrims yin no/ /len pa po gshe ba la sogs pa'i bzod pa'i mtshan nyid kyi bzod pa yin no/ /'gro ba skyab pa la spro ba'i phyir brtson
 'grus yin no/ /byang chub gzhan yid la byed pa'i g.yeng ba med pa'i phyir bsam gtan yin no/ /sgyu ma lta bu la sogs par so sor rtog pa'i phyir shes rab yin no/ /de bzhin du tshul khrims la sogs pa'i sems
 kyi skad cig la sbyar bar bya ste/ rab 'byor 'di la byang chub sems dpa' sbyin pa sbyin par byed pa la ni byams pa'i lus dang ngag dang yid kyi las nye bar gnas par 'gyur zhes bya ba nas/ /de ltar na sbyin pa'i pha rol tu phyin
 pa la gnas pa ni pha rol tu phyin pa drug car yongs su rdzogs par 'gyur ro zhes bya ba'i bar gang gsungs pa yin no/ /'dis ni mthong ba'i lam skad cig ma gcig yin par bstan par rig par bya ste/ sems kyi skad
 cig kho na la pha rol tu phyin pa'i yon tan thams cad mngon du byed pa'i phyir ro/ /gal te 'o na ni rab tu dga' ba'i gnas skabs kho nar pha rol tu phyin pa thams cad rnam par dag pa'i
 phyir sa gzhan de don med par 'gyur ro zhe na/ bden des thams cad ni mtshan nyid gcig pa'i phyir 'jig rten las 'das pa'i gnas skabs la bltas nas khyad par ci yang med do/ /dgag pa 'jig rten pa'i
 gnas skabs pa'i yon tan ni kha cig mthong ba'i skad cig mas bsgrub par bya ba yin la kha cig bsgoms pas bsgrub par bya ba yin no/ /sa'i khyad par rnam par bzhag pa yang de las ltos pa'i phyir nyes pa med
 do// //de lta bu'i mtshan nyid kyi mthong ba'i lam las ji ltar mthong ba goms pa'i ngo bo nyid bsgom pa'i lam 'byung ngo/ /de yang mnyam par bzhag pa'i gnas skabs la yang mngon par
 zhen pa med pa'i mtshan nyid yin par rig par bya ste/ bsam gtan la sogs pa la gnas kyang de kho na nyid mthong ba'i stobs kyis de la mi gnas pa'i phyir/ mthu chen zhes bya ba la sogs pa smos te/ mthu
 chen zhes bya ba ni lugs dang mthun pa la sogs pa'i rim gyis bsam gtan dang po la sogs pas gnas par nus pa'o/ /de la bsam gtan dang po ni dge ba rtse gcig pa 'dod khams kyi gnyen po yin no/ /gnyis
 pa ni spyod pa'i gnyen po yin no/ /gsum pa ni yid bde ba'i gnyen po yin no/ /bzhi pa ni bde ba'i gnyen po yin no/ /bsam gtan bzhi po 'di dag dang/ gzugs med pa nam mkha' mdza' yas la sogs pa dang 'gog
 pa'i snyoms par 'jug pa dag gis te/ rab 'byor 'di la byang chub sems dpa' sems dpa' chen po ni 'dod pa dag las dben pa sdig to mi dge ba'i chos rnams las dben pa rtog pa dang bcas pa dang spyod pa dang bcas pa
 dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de bzhin du 'du byed dang tshor ba 'gog pa'i snyoms par 'jug pa rdzogs par byas te gnas so/ /de 'gog pa'i snyoms
 par 'jug pa las langs te 'du shes med 'du shes med min skye mched kyi snyoms par 'jug pa la snyoms par 'jug go /zhes bya ba'i bar rgyas par gsungs pa yin no// //
 bam po drug pa/ /rten pa zhes bya ba ni gzung bar rnam par rtog pa'o/ /gnas pa ni 'dzin pa'i rnam par rtog pa ste/ der ma byed pa ni sgom pa'i lam rtog pa'i rnam pa thams cad kyi gnyen po yin pa'i phyir ro/ /de ltar rnam
 par mi rtog pa nyid kyis skye ba'i bsam gtan la/ 'dod chags dang bral na 'o na de la gnas ci dgos she na/ /de bstan pa'i phyir/ 'on kyang zhes bya ba la sogs pa gsungs te/ 'on kyang zhes bya ba ni de lta mod kyi'o/ /bsam
 gtan 'du shes zhes bya ba ni bsam gtan rnams 'du shes tsam gyis mtshan nyid yin pa'i phyir/ kha cig las ni bsam gtan yan lag bcas pa zhes 'byung ste/ der ni rab tu dad pa la sogs pa'i yan lag dang bcas par
 'jug pas na bsam gtan yan lag dang bcas pa rnams so zhes bya bar blta'o/ /des ni 'di skad du rnam par mi rtog bzhin du de ltar bsam gtan la sogs pas gnas pa gang yin pa de ni de lta bu'i sems bskyed pa
 brgyud pas rdzogs pa'i byang chub bsgrub par bya ba yin pa'i phyir ro/ /zhes bshad par 'gyur te/ sgom pa'i lam bshad zin to// /de mchog tu gyur ba
 ni bar chad med pa'i ting nge 'dzin gyi mdza' ste/ byang chub sems dpa' i sgom pa rdo rje lta bu'i ting nge 'dzin kho na yin pa'i phyir de bstan par/ shes rab mchog thob ces bya ba la sogs pa smos so/ /shes rab
 mchog thob ces bya ba ni sa chen po'i gnas skabs ni theb pa'i shes rab mtshan ma med pa lhun gyis grub pa'o/ /bsam gtan dag la gnas pa zhes bya ba ni bshad ma thag pa'i mtshan nyid kyi bsam gtan bzhi la gnas
 pa'o/ /gzugs med ting 'dzin dam pa bzhi yang zhes bya ba ni nam mkha' mdza' yas skye mched la sogs pa'i mtshan nyid kyi gzugs med pa'i ting nge 'dzin bzhi yang nyams su myong ngo zhes bya bar sbyar ro/ /ci'i phyir
 zhe na/ 'di ltar bsam gtan 'di dag ces bya ba la sogs pa smos so/ /bsam gtan bzhi po 'di dag ni byang chub dam pa mchog ste go rim bzhin du ye shes dang spangs pa phun sum tshogs pa dam pa dang mchog
 gi khyad par du 'phags pa'i rdzogs pa'i byang chub la phan pa yin te/ lugs dang mthun pa dang/ lugs las bzlog pa'i rim gyis bsam gtan dang po la sogs pa'i snyoms par 'jug pa sngon du 'gro ba bsam
 gtan bzhi pas bsdus pa'i rdo rje lta bu'i ting nge 'dzin rdzogs pa'i byang chub kyi de ma thag pa'i rgyu yin pa'i phyir ro/ /zag pa zad pa ni nyon mongs pa'i sgrib pa spangs pa tsam yin te/ snying brtse ba chen po'i gzhan
 gyi dbang gis sngon tshogs mdza' dag yongs su rdzogs pas yang dag pa'i mdza' mngon du mi byed pa'i phyir de'i ched du mi slob bo snyam du dgongs pa yin no// //'dir log par bsgrub pa
 ni pha rol tu phyin pa'i mi mthun pa'i phyogs kun tu spyod pa yin te/ de yod na rdzogs pa'i byang chub kyi de ma thag pa'i ngo bo mi 'thad pa'i phyir ro/ /de bsal ba'i don du shes rab phul du byung ba dang ldan pa'i sbyin pa'i pha
 rol tu phyin pa la sogs pa phun sum tshogs pa'i bdag nyid rang rang gi mi mthun pa'i phyogs dang bral bar ston par mdzad de/ shes rab 'chal pa ni yum gyi gzhan gyi dbang du gyur pas le los dge ba rtsams pa thams
 cad la mi bzod cing mi dge ba'i bsam pa las ma logs pas dam pa'i chos dang zang zing la sogs pas gzhan la phan 'dogs par mi 'jug pa'i phyir ro/ /de la bsam gtan gyi pha rol tu phyin pa mi mthun pa'i phyogs ni
 rnam pa lnga ste/ mtshan ma'i g.yeng ba de'i gnyen por 'di ni zhes bya ba la sogs pa smos so/ /yon tan la sogs pa ni byang chub sems dpa' rnams te/ rang dang gzhan gyi don gyi dbang du byas nas rnam pa thams cad
 du bsam gtan gyi yon tan yang dag par bsgrub pa'i phyir ro/ /ngo mtshar ni rgyu phun sum tshogs pa'i phyir ro/ /rmad byung ni 'bras bu thun mong ma yin pa'i phyir ro/ /mtshan ma ni bdag ni mnyam par bzhag pa'o snyam pa la
 sogs pa'i rnam par rtog pa 'byung ste/ de med pa ni shes rab kyis de'i bsam gtan gyi 'khor gsum rnam par dag pa'i phyir ro/ /rnam par smin pa'i gzhan gyi dbang du gyur pa'i g.yeng ba de spang bar bsam gtan thob
 kyang 'jig rten la snying brtse bas 'dod pa'i khams su 'jug pa'i phyir/ de la gnas rnams zhes bya ba la sogs pa smos so/ /de la gnas rnams zhes bya ba ni bsam
 gtan la sogs pa la gnas pa rnams te gzhan dag ni gnyug mar zad pa'i phyir 'dod pa'i khams su skye ba la ngo mtshar cung zad kyang med do zhes bya ba'i tha tshig go /gal te lus ni zhig gyur na zhes bya ba ni gal
 te lus gang gis bsam gtan rnams thob pa de ji zhig ltar zhig par gyur na zhes bya ba'i tha tshig go /bsam pa ji bzhin zhes bya ba ni 'dod pa las 'dod chags dang bral yang gzhan gyi don du smon lam btab pa'i
 phyir skye ba mi 'gal snyam du dgongs pa yin no/ /yongs su nyams pa'i g.yeng ba de bsal bar lho dang byang gi sgra mi snyan du skye ba sngon du 'gro ba'i phyir 'dzam bu'i gling du skyes pa bzhin du byang chub sems dpa' 'dod
 pa'i khams su skyes kyang de yul rnams la mngon par chags pa med pas bsam gtan thob pa las yongs su mi nyams pa'i phyir/ dper na zhes bya ba la sogs pa smos te/ mi 'thob ces bya ba ni lhar skye ba med par
 byang gi sgra mi snyan dag tu skye bar mi 'gyur gyi 'on kyang sngar lhar gyur nas snyam du dgongs pa yin no/ /de na yongs su gzung ba'i yul zhes bya ba ni lho dang byang gi sgra mi snyan dang 'brel ba'i yul shin tu dga' dga' 
 ltar 'dug pa zhes bya bar sbyar ro/ /mthong nas zhes bya ba ni nyams su myong nas so/ /phyir 'dir 'ong bar gyur na zhes bya ba ni 'dzam bu'i gling 'di kho nar 'ong bar 'gyur na'o/ /chags pa ni mngon par zhen pa'o/ /
 de mi byed ces bya bar sbyar te/ 'dzam bu'i gling gi yul rnams ni lho dang byang sgra mi snyan gyi yul gyi phun sum tshogs pa la bltos nas ngan pa'i phyir ro snyam du dgongs pa yin no/ /de bzhin zhes bya ba ni de dang 'dra bar ro/ /
 rnal 'byor brtson zhes bya ba ni sems rnam par ma g.yengs pa'o/ /chags pa med ces bya ba ni 'gro ba'i sred pas ma gos pa'o/ /de bstan pa'i phyir chu'i pad+ma zhes bya ba la sogs pa smos te/ dper na pad+ma chu'i nang nas skyes kyang
 des mi chags pa bzhin du byang chub sems dpa' 'dod par skyes kyang de'i sred pa sa mi gos so snyam du dgongs pa yin no/ /'o na ci'i phyir der skye zhe na/ bdag nyid chen po zhes bya ba la sogs pa smos so/ /bdag nyid chen po zhes
 bya ba ni byang chub sems dpa' rnams te/ phyir yang 'dod pa'i khams su gnas bar byed do/ /zhes bya bar skabs dang sbyar ro/ /sems can yongs su smin bya ba kho nar zad ces bya ba ni gdul ba'i sems can skal pa mnyam par
 skyes pa 'dod pa na spyod pa rnams yongs su smin par bya ba'i ched 'ba' zhig tu zad do/ /zhing spyod zhes bya ba ni snod kyi 'jig rten sbyang bar bya ba'i phyir/ 'dod pa'i khams na rdo ba dang tsher ma la sogs pa mi mthun pa mthong nas de
 dag dang bral bar bya ba'i ched du dge ba'i tshogs rtsom pa'i phyir ro/ /pha rol phyin ces bya ba ni pha rol tu phyin pa 'di dag yongs su rdzogs par bya ba'i yang phyir ro/ /sems can yongs su smin par byed pa ni tshogs yongs su rdzogs
 pa'i rgyu yin pa'i phyir te/ byang chub sems dpa' rnams kyi gzhan yongs su smin par byed pa yang bdag nyid kyi sangs rgyas kyi chos yongs su rdzogs par byed par 'gyur ro zhes gang gsungs pa yin no/ /gzugs med par
 skye ba ni gzugs la sogs pa'i 'du shes kyi 'tshe ba dang bral ba'i phyir gya nom pa yin yang rnam pa thams cad du skye ba la dbang bas rang gir mi byed de/ de ni bdag dang gzhan la phan pa dang
 mthun pa pha rol tu phyin pa la sogs pa'i chos yid la byed pa dang 'gal ba'i phyir byang chub yon tan zhes bya ba la sogs pa gsungs te/ 'gyur 'ong zhes bya ba ni 'gyur na ma rung ngo snyam nas zhes bya ba'i don to/ /ro
 myang ba'i g.yeng ba ni mi zhig gis rin po che'i gter rnyed pa la sred pa med cing gnyen 'dab yongs su sbyong bar byed pa bzhin du bsam gtan gyi bde ba'i ro myang ba bor nas 'gro ba snying brtse bas 'dod pa'i khams su 'jug pa'i
 phyir/ dper na mi zhig ces bya ba la sogs pa smos so/ /chags par mi byed ces bya ba ni rin po che'i gter de la chags pa mi byed pa'o/ /des ni 'di skad du dper na mi 'ga' zhig rin po che'i gter rnyed nas de la gcig pu kho na
 chags pa mi skyed kyi 'di ni 'khor rnams la phan gdags pa'i rgyu yin no snyam nas dus gzhan zhig na blangs te khyim du song nas bdag nyid ma chags pa gnyen 'dab yongs su skyong bar byed pa dang 'dra'o zhes bshad pa yin no/ /de
 bzhin zhes bya ba la sogs pa 'byung la/ dga' ba dang bde sbyin zhes bya ba ni sems can rnams la dga' ba dang bde ba sbyin bar byed pa yin gyi bdag nyid de dag la chags pa ni ma yin no zhes bya ba'i tha tshig go /ting nge 'dzin zhi ba
 bzhi zhes bya ba ni gzugs med pa'i mtshan nyid kyi ting nge 'dzin bzhi'o/ /zhi ba zhes bya ba ni rang rang gi mi mthun pa'i phyogs dang bral ba'o/ /bsam gtan zhes bya ba ni sems rtse gcig pa nyid de/ bsam gtan dang ting nge 'dzin thob pa
 bsam gtan dang gzugs med pa'i mtshan nyid gang la de kho na 'am des bsgrub par bya ba'i bde ba yod pa de la de skad ces bya'o/ /btang ste zhes bya ba ni de la sred pa bor te'o/ /lhag ma ni don go bar zad do/ /sa gzhan yid la byed pa'i
 g.yeng ba ste/ bsam gtan la sogs pa thob kyang nyan thos dang rang sangs rgyas kyis don du gnyer ba byang chub dam pa'i gegs su gyur pa g.yeng ba'i mtshan nyid yin pa'i phyir/ gal te zhes bya ba la sogs pa smos te/ skyed
 na zhes bya ba ni gal te dgra bcom pa dang rang sangs rgyas kyi theg pa la dga' ba'i sems bskyed na'o/ /mnyam par ma gzhag pa ni rnam pa thams cad spangs ba phun sum tshogs pa dang 'gal ba'i phyir ro/ /sems rgod pa ni ye
 shes thams cad phun sum tshogs pa'i 'os ma yin pa'i phyir ro/ /sems g.yengs gyur pa ni gzhan gyi don phun sum tshogs pa'i snod du ma gyur pa'i phyir ro/ /'dir bstan tshigs sangs rgyas yon tan yongs nyams su zhes bya
 ba gsungs te/ dman pa'i yid la byed pa ni rdzogs pa'i byang chub kyi 'os ma yin pa nyid kyis ma thob par yongs su nyams pa'i ngo bo nyid yin pa'i phyir ro/ /mnyan pa gru zhig bzhin zhes bya ba ni gru zhig pa'i mnyan pa bzhin du zhes bya ba ni rgya
 mtsho mdza' dag gi pha rol tu 'gro bar mi nus so zhes bya ba'i tha tshig go /de lta bas na nyams na byang chub sems dpa' rnams la ni srid pa'i longs spyod la zhen pa yul la chags pa'i rnam par g.yeng ba sla ste/ de ni rdzogs pa'i byang
 chub dang gtan du 'gal ba ma yin pa'i phyir/ gzhan yang zhes bya ba la sogs pa smos so/ /dgra bcom rang rgyal theg bral zhes bya ba ni theg pa gzhan la dga' ba dang bral ba'o/ /byang chub sems dpa' dga' na zhes bya ba ni rdzogs
 pa'i byang chub tu nges par sems bskyed na'o/ /rtag tu mnyam gzhag yin zhes bya ba ni sangs rgyas nyid kyi 'os yin pa las 'dod pa'i yon tan la mngon par brtson pa g.yengs par mi 'gyur ba'i phyir ro/
 snyam du dgongs pa yin no// //brtson 'grus kyi pha rol tu phyin pa'i mi mthun pa'i phyogs ni rnam pa drug ste/ le lo ni de med pa 'jig rten la phan gdags pa'i don du rtag tu go cha gon pa'i phyir/ sems
 can zhes bya ba la sogs pa smos so/ /chags pa'i gnas de dang de dag la chags pa'i phyir sems can rnams yin la dge ba dang mi dge ba'i chos rnams kyi 'gro ba de dang de dag tu gang zhig zag pas na gang zag rnams yin te/
 nye bar len pa'i phung po phyin ci log lnga yin no/ /gang dag la de dag gi phyir de dag drang ba'i phyir sems dpa' ste/ sems go cha'i brtson 'grus kyis rnam par dag pa yod pa'i byang chub sems dpa' de dag la de skad ces bya'o/ /
 nga rgyal 'dzin pa ste bran mo chu chun bzhin du nga rgyal bcom pa'i yid kyis gzhan dag gis brnyas na yang 'gyur ba med pas rtag tu sems can gyi bya ba la 'jug pa'i phyir/ brtson 'grus zhes bya ba la sogs pa 'byung ba yin
 te/ bran yo chu chun zhes bya ba la sogs pa smos pa ni ngan las la yang nga rgyal med pa nyid du bstan pa'i phyir ro/ /dbang med ces bya ba ni rang dbang med ba'o/ /rje'i dbang zhes bya ba ni rje'o/ /gzhan gyi dbang du gyur pa de zhes
 bya ba'i don to/ /dpa' rnams zhes bya ba ni rang yongs su smin par byed pa'i dbang du byas nas 'jug pa'i brtson 'grus kyi stobs kyis rang gi mi mthun pa'i phyogs rnams kyis mi non pa'i phyir ro/ /bran mo rje'o dbang
 du gyur pa de nyid gsal bar bya ba'i phyir/ spyod ba byas sam zhes bya ba la sogs pa smos so/ /bzlog tshig ces bya ba ni nga la yang dang yang du brdeg tu ci yod ces phyir zlog pa'i tshig ste mi smra zhes bya bar sbyar ro/ /der
 yang ma zad kyi shin tu skrag pa'i yid kyis phyis chad pa 'od bar dogs pas 'jigs bcas shing de'i mod la sdug bsngal 'byung bar dogs pas zil gyis non par gyur te skrag pa'i yid kyis zhes bya bar sbyar ro/ /
 skrag pa nyid bstan pa'i phyir/ 'di yis bdag ni zhes bya ba la sogs pa smos te/ bdag gis bzlog na rje'o 'dis bsad par 'gyur du 'ong ngo snyam nas rgyu des na cung zad kyang mi smra'o zhes bya ba'i tha tshig go /de bzhin du byang chub
 sems dpas kyang gzhan gyis brnyas pa thams cad la bran lta bur bya dgos pas de bzhin zhes bya ba la sogs pa smos te/ gnas par bya zhes bya ba ni bran bzhin du gnas par gyis shig ces bya ba'i tha tshig go /
 ci'i phyir zhe na/ 'di ltar 'di las zhes bya ba smos te 'gro ba 'di las so/ /byang chub thob cing zhes bya ba ni byang chub 'grub cing ngo/ /yon tan rdzogs par 'gyur zhes bya ba ni pha rol tu phyin pa'i mtshan nyid kyi yon tan
 rnams kyang yongs su 'grub par 'gyur te/ byang chub sems dpa' rnams kyi rgyu dang 'bras bu phun sum tshogs pa'i rten ni 'gro ba yin pa'i phyir ro snyam du dgongs ba yin no/ /de nyid sreg ces bya ba ni 'di skad du dper na rtsa
 dang shing las byung ba'i mos rtsa la sogs pa de nyid sreg par byed pa de bzhin du rgyud gang kho na las nga rgyal la sogs pa'i me skyes pas de kho na sreg par byed de/ byang chub kyi myu gu skye pa dang mi mthun par byas pa'i phyir ro//
 de bas na byang chub sems dpa' dag ni sems can rnams la nga rgyal bcom nas 'jug go zhes bshad pa yin no/ /bdag nyid bde ba la chags pa ste bdag gis bde ba btang zhing chags pa
 med pa lan du phan 'dogs pa la mi lta ba ni mo bzhin du bar chad med par sems can gyi don bya ba la 'jug pa'i phyir bdag gi bde ba zhes bya ba la sogs pa smos te/ mngon par brtson zhes bya ba ni gzhan yongs su smin
 par bya ba'i phyir 'jug pa'i brtson 'grus dang ldan pa'o/ /bu gcig pa zhes bya ba smos pa ni de lam shin tu byams par bstan pa'i phyir ro/ /rim gro byed pa ltar zhes bya ba ni 'tsho ba byed pa ltar ro/ /gnas par gyis zhes bya
 ba ni gnas par gyis shig ces bya ba'i don to/ /skyo ba dang du mi len pa ste/ yid skyo ba med pa ni tshogs mthar phyin par bya ba'i don du yun ring por 'jug par bya ba'i phyir/ byang chub sems dpa' gang zhig ces bya ba la sogs
 pa smos te/ yun ring 'khor 'dod ces bya ba ni yun ring mo zhig tu srid pa'i kha brgyud par 'dod pa'o/ /ci'i phyir zhe na sems can don zhes bya ba la sogs pa smos te/ sems can gyi don dang zhing sbyang bar bya ba'i phyir brtson pa'i
 rnal 'byor pa ni tshogs mthar phyin par byed pa'i brtson 'grus dang ldan pas 'khor ba 'dod kyi srid pa'i bde ba la chags pa ni ma yin no zhes bya ba'i tha tshig go /yid skyo ba ni ring zhig tu bya dka' ba byed pa dang ldan du zin
 kyang brtson 'grus kyi pha rol tu phyin pa dang ldan pa ma yin te/ sems de'i mi mthun pa'i phyogs kyi zil gyis non pa'i phyir/ byang chub sems dpa' mi mkhas zhes bya ba la sogs pa smos so/ /bskal pa bye ba
 'grangs zhes bya ba ni bdag gis bskal pa bye ba 'di snyed gcig tu 'jug par bya dgos so zhes bgrangs pas zhes bya ba'i don to/ /ring bar 'du zhes bya ba ni bdag gis dus yun ring mo 'di khas blangs so snyam pa'i bsam
 ba nye bar gnas pa'i phyir ro/ /sdug bsngal zhes bya ba ni sdug bsngal ba'i yid kyis zhes bya ba'i tha tshig go /byang chub sgrub ces bya ba ni byang chub sgrub par byed pa'o/ /le lo can zhes bya ba ni 'di skad du de ltar skyo ba'i
 bsam pas pha rol tu phyin pa la sogs pa'i chos kun tu spyod pa ni dka' ba byed pas sdug bsngal nyams su myong bar 'gyur la des kyang brtson 'grus kyi pha rol tu phyin pa nyams pa yin te/ yid skyo ba ngan pa la gnas
 pa'i phyir ro zhes bshad pa yin no/ /yang gang zhig byang chub tu sems bskyed pa dang po nas bzung ste bla na med pa'i ye shes kyi bar 'di la nyin zhag cig tsam du lta bas skyo ba la ji snyam par byed pa de ni brtson 'grus brtsams pa
 yin par rig par bya ste/ byang chub mchog tu zhes bya ba la sogs pa 'byung ba yin no/ /sems bskyed ces bya ba ni byang chub tu sems bskyed pa'i sems bskyed pa dang po nas bzung ste zhes bya ba lhag ma yin no/ /nyin mtshan cig tsam
 du zhes bya ba ni nyin zhag gcig tsam du ste dus de tsam du'o/ /sems byed na zhes bya ba ni sems par byed na yid la zhes bya bar sbyar ro/ /lhag ma ni don go bar zad do/ /sems zhum pa nyid ni byang chub dka' ba brtsam pas
 bsgrub par bya ba yin no zhes thos na sems zhum pas brtson 'grus kyi pha rol tu phyin pa yongs su mi rdzogs pa'i phyir/ gal te zhes bya ba la sogs pa 'byung ba yin te/ smra ba las zhes bya ba ni smra bar byed pa las so/ /de ci zhig
 zhe na/ ri rab ri bshig pa'i zhes bya ba yin te/ bshig pa'i zhes bya ba ni bcom pa'i 'o/ /rjes la bya ba ni 'og tu'o/ /thob 'gyur zhes bya ba ni byang chub mchog mngon du byed par 'gyur ba'o/ /ji ste
 zhes bya ba ni ji ste de skad thos nas so/ /skyo ba'i blo skyed ces bya ba ni 'o na ni bdag byang chub kyi snod ma yin no zhes skyo ba skyed cing ngo/ /tshad kyang sems byed na zhes bya ba ni 'di ltar ri rab 'di ni tshad chen po yin pas bdag gis
 gzhom par mi nus so shes de snyam du sems na zhes bya ba'i tha tshig go /de yongs su spang bar brtson 'grus phun sum tshogs pa bstan pa'i phyir/ ji ste zhes bya ba la sogs pa smos te/ de ni zhes bya ba ni byang chub sems
 dpa' ste sngar smras pa lta bu thos nas sems bskyed na'o/ /ji lta bu zhig ce na/ 'di tsam tshod lta ci dka' zhes zhes bya ba ste/ ri rab bshig nas byang chub 'thob par 'gyur ba gang yin pa 'di ni tshegs chung ba'o snyam pa'o/ /de'i phyir
 skad cig tsam la zhes bya ba smos te/ skad ci kho nar ri rab thal ba bzhin du thal bar brlags te btang ngo snyam mo/ /brtson 'grus brtsams pa ste zhes bya ba ni tshogs mthar phyin pa dang mthun pa'i brtson 'grus yin pa'i phyir ro/ /'di ltar ring
 por mi thogs zhes bya ba la sogs pa 'byung ba yin te/ don go bar zad do/ /gang zag la sogs par phyin ci log pa ni bdag la sogs par 'du shes pa lus la sogs pas brtson par byas kyang gnam sa bzhin du rdzogs pa'i byang
 chub dang ring bar 'gyur ba'i phyir/ 'gro ba zhes bya ba la sogs pa smos te/ don bya zhes bya ba ni bdag gi don 'ba' zhig tu brtson par bya bar ma zad kyi 'jig rten gyi don du yang bya'o snyam du sems dpa' o/ /'on kyang le lor gyur
 pa yin te/ 'di ltar bdag tu 'du shes gnas pa ste bdag tu mngon par zhen pas so/ /bdag la sogs par phyin ci log pa ni rnam par byang ba skye ba'i gegs su gyur pa'i phyir ro/ /de gsal bar bya ba'i phyir/ thams cad mkhyen pa nyid
 las zhes bya ba la sogs pa smos so/ /de lta bas na lus la sogs pa la mngon par zhen pa med pa kho na bla na med pa'i ye shes kyi 'os yin pa'i phyir/ brtson 'grus phun sum tshogs pa'i mchog yin pas/ gang tshe zhes bya ba
 la sogs pa smos so/ /ci'i phyir lus la sogs pa'i 'du shes dang bral zhe na/ 'di ltar 'du shes rnam par log pa ste sems can la sogs pa'i 'du shes log pa chos kyi dbyings la zhes bya ba'i tha tshig go /de la gnas pa ni
 brtson 'grus kyi 'khor gsum rnam par dag pa'i phyir ro snyam du dgongs pa yin no/ /de bstan pa'i phyir/ gnyis su med chos spyod ces bya ba smos so/ /'di ni zhes bya ba ni 'di kho na ste/ brtson 'grus kyi pha rol tu phyin pa de ho na nyid la
 phyin ci ma log par/ mtshan nyid gcig pa'i phyir ro/ /de lta ma yin te/ brtson 'grus rnam par dag pa med na byang chub yod pa ma yin no/ /de lta na ni pha rol tu phyin pa'i tha snyad gdags pa yang med do/ /de ni bla na med pa'i ye shes
 kyi rgyu'i ngo bo la brten pa yin no/ snyam du dgongs pa yin no/ /de bstan pa'i phyir byang chub zhi ba ces bya ba la sogs pa smos te/ 'di ni byang chub 'dod pa'i brtson 'grus kyi pha rol tu phyin pa yin par de bzhin gshegs pas
 gsungs kyi gzhan gyis ni ma yin no snyam du dgongs pa yin no/ /bzod pa'i pha rol tu phyin pa mi mthun pa'i phyogs ni rnam pa drug ste/ gnod pa byed pa'i rkyen ni de yod na khro ba srid pa'i phyir ro/ /de bsal bar bya ba'i phyir gnod pa byed pa
 dag la yang bzod pa'i yan lag bsgom pas phan 'dogs pa'i blos yongs su dga' par 'gyur ba'i phyir ro/ /gal te gzhan las zhes bya ba la sogs pa smos so/ /phan du brjod pa ni skabs su ma
 bab par smra ba'i phyir ro/ /tshig rtsub ni mi dga' bar byed pa'i phyir ro/ /bdag bde yin zhes bya ba ni mi snyam pa la sogs pa smra ba gang yin pa 'di ni rdzogs pa'i byang chub dang mthun pa'i phyir bdag gi bde ba yin no/ /de lta ma yin te/
 gzhan gyi gnod pa byas pa la bzod pa med na ji ltar byang chub thob par 'gyur snyam nas yongs su dga' bar 'gyur gyi btang snyoms tsam du byed pa kho nar ni ma zad do zhes bya ba'i tha tshig go /bdag dang gzhan du mngon par zhen pa ni
 de nyes pa 'byung ba'i gzhi yin pa'i phyir ro/ /de yongs su spang ba'i chos la nges par rtog pa'i gzod pa ni dan du smra ba la sogs pa la chos thams cad bdag med par so sor rtog pa'i phyir su smra zhes bya ba la sogs pa
 'byung ba yin te/ su zhes bya ba la sogs pa'i sgra ni thams cad du yang spong ba yin par blta bar bya'o/ /gang gis zhes bya ba ni rgyu gang gis smras te/ yang dag par na dag kun nas slong bar byed pa zhe sdang la sogs pa med pa'i
 phyir gang gis kyang ma yin no zhes bya ba'i tha tshig go /gang zhig ces bya ba ni don rab tu bstan par bya ba'i phyir zhes bya ba lhag ma yin te/ chos thams cad brjod du med pa'i phyir gang yang ma yin no snyam du dgongs pa yin no/ /
 rgyu gang gi phyir smra zhes bya bar skabs dang sbyar te/ dngos po thams cad la byed pa med pa'i phyir dang/ bdag med pa'i phyir ro snyam du dgongs pa yin no/ /bzod pa'i pha rol phyin mchog ces bya ba ni chos la nges par rtogs pa'i
 bzod pa dang ngo/ /bzod pa'i yon tan ma mthong ba ni bzod pa de lta bu'i phan yon ma mthong na mngon du mi byed pa'i phyir ro/ /de gsal ba'i don du phan yon bstan pa'i phyir/ byang chub sems dpa' gang zhig ces bya ba la sogs pa gsungs
 te/ legs chos ldan zhes bya ba'i phan yon 'di ni gang zhig ji skad bshad pa'i yid la byed pa'i yon tan dang ldan pa'i bzod pa byed pa de'i yin gyi nyams chung pa la sogs pas byed pa ni ma yin no snyam du dgongs pa yin no/ /bsod
 nams phung pos de la zhes bya ba ni sangs rgyas la sogs pa la ni rin po che tshad med pa phul ba'i bsod nams gang yin pa des bzod pa'i pha rol tu phyin pa de la bsod nams kyi char yang mi phod de/ de ni dmigs pa can yin pa'i
 phyir la bzod pa phyin ci ma log pa'i ngo bo nyid yin pa'i phyir ro snyam du dgongs pa yin no/ /sbyin pa'i rgyu las byung ba'i bsod nams kyi tshogs lhar mi dmigs pa gang yin pa de ni pha rol tu phyin pa mdza' dag gi ngo bo nyid yin pa'i
 phyir thub par bya mi nus pa kho na'o/ /gang gis na 'dis bsod nams gzhan thob par 'gyur ba'i bzod pa 'di 'bras bu ci zhig ce na/ bzod pa la gnas pa'i zhes bya ba la sogs pa smos so/ /'bras bu de yang rnam pa lnga ste/ rgyu mthun
 pa'i 'bras bu ni lus ni yongs su dag 'gyur te zhes bya ba 'byung ba yin te/ bzod pa la goms pa'i phyir lus gnod sems la sogs pas dri ma can du ma byas pa'i phyir ro/ /rnam par smin pa'i 'bras bu ni gzugs kyi skus bsdus
 pa mtshan sum cu rtsa gnyis kyis rab tu phye ba mdza' yas pa yin te/ de ni bzod pa'i rnam par smin pa yin pa'i phyir ro/ /skyes bu byed pa'i 'bras bu ni sems can rnams la chos stong pa nyid rab tu ston pa yin te chos la nges par
 rtog pa'i bzod pa'i stobs kyis phyin ci ma log par ston par rab tu 'jug pa'i phyir ro/ /bdag po'i 'bras bu ni 'gro ba dga' bar 'gyur ba yin te/ bzod pa'i dbang gis 'gro ba'i rgyud dag la
 byang chub sems dpa' la dmigs pa'i dga' ba skye ba'i phyir ro/ /bral ba'i 'bras bu ni de kho na nyid la so sor rtog pa'i bzod pa'i mthus mi shes pa dang bral na mkhas pa yin pa'i phyir ro/ /gnod sems dang rjes su
 chags pa dang ldan pa nyid ni de dag med na byang chub sems dpa' phan 'dogs pa dang gnod pa byed pa dag la mtshungs par phan gdags pa'i lhag pa'i bsam pa can yin pa'i phyir/ gal te zhes bya ba la sogs pa smos te/
 blangs zhes bya ba ni blangs nas so/ /rab gus zhes bya ba ni shin tu gus zhes bya ba'i tha tshig go /byang chub sems dpa' la ni nyug byed la zhes bya ba ni tsandan gyi phur mas zhes bya bar sbyar ro/ /'thor byed ces bya ba ni mgo la me
 mdag 'thor bar byed pa ste byang chub sems dpa' i zhes bya bar skabs dang sbyar ro/ /gnyi ga la zhes bya ba ni phan 'dogs pa dang gnod pa byed pa la'o/ /de yis zhes bya ba ni byang chub sems dpas so/ /byang chub gzhan du yongs su bsngo
 ba ni de ni nyan thos la sogs pa'i byang chub kyi yan lag yin pas rdzogs pa'i byang chub kyi rgyu'i bzod pa'i pha rol tu phyin pa'i mi mthun pa'i phyogs su gyur pa'i phyir ro/ /de'i gnyen po ni rdzogs pa'i byang chub tu yongs su bsngo ba
 ste/ des yongs su bzung ba'i bzod pa'i pha rol tu phyin pa ni gang zag gzhan gyi bzod pa bas mchog tu gyur pa'i phyir byang chub sems dpa' zhes bya ba la sogs pa smos te/ sems bskyed de ni zhes bya ba ni ji skad bshad pa'i
 bzod pa'i mtshan nyid kyi sems bskyed pa de'o/ /dgra bcom rang rgyal zhes bya ba ni dgra bcom pa dang rang sangs rgyas kyi'o/ /sems can khams kyi zhes bya ba ni de las gzhan pa'i bzod pa ji snyed pa yang zhes bya bar sbyar ro/ /
 zil gyis gnon zhes bya ba ni zil gyis non par 'gyur ba ste/ byang chub sems dpa' i bzod pa ji skad bshad pa'i yongs su bsngos pa lta bu ni ye shes dam pa'i rgyu yin pa'i phyir ro snyam du dgongs pa yin no/ /sdug bsngal la ji mi
 snyam par mi byed pa ni de dang ldan pa bzod pa med pa srid pa'i phyir ro/ /de'i gnyen po ni 'gro ba thams cad du don med pa'i nyon mongs pa dang mthun pa'i sdug bsngal rjes su dran pas rdzogs pa'i byang chub kyi rgyur byang chub sems dpa' i
 sgrub pa'i sdug bsngal ba la sems gus pa dang bcas pa nyid de/ des sdug bsngal thams cad dang du len pa'i phyir/ bzod byed ces bya ba la sogs pa 'byung ba yin no/ /sems de bstan pa'i phyir sems dmyal zhes bya ba la sogs
 pa gsungs te/ sems can dmyal ba la sogs pa smos pa ni sdug bsngal mang po nyid du bstan pa'i phyir ro/ /'dod pa'i yon tan rgyu yis zhes bya ba ni 'dod pa la lhag par zhen pa mi 'dod pa'i bsags pas dmyal ba la sogs
 par 'gro ba'i phyir ro/ /dbang med ces bya ba ni rang dbang med pa ste/ sdug bsngal gang dag la rang dbang med pa yod pa de dag la de skad ces bya ste las kyi gzhan gyi dbang gis de nyams su myong ba'i phyir ro snyam du dgongs pa yin no//
 byang chub ched du zhes bya ba ni byang chub kyi phyir ro/ /nga zhes bya ba ni rang nyams su 'gro ba drang bar khas blangs pa'i dus na zhes bya ba'i tha tshig go /de lta bas na gang zhig 'di ltar spro ba ni bzod pa la gnas pa yin pas/ lcags dbyig ces
 bya ba la sogs pa smos te/ sdug bsngal ji snyed ces bya ba ni ji skad bshad pa'i sdug bsngal las ma gtogs pa gzhan dang gzhan dag kyang zhes bya ba'i tha tshig ste de ni bzod pa'i pha rol tu phyin pa la
 gnas pa yin no/ /zhes bya ba lhag ma yin no/ /bzod pa'i rang gi mi mthun pa'i phyogs dang bral ba bshad zin to// //tshul khrims kyi brjod par bya ste/ de'i mi mthun pa'i phyogs ni tshul khrims
 kyi tshul khrims la sogs pa'i bye brag gis rnam pa drug gi drug kho na'o/ /yul la chags pa ni des gcig tu nyes par spyod pa las rnam par mi ldog pa'i phyir ro/ /de'i gnyen po ni zhi ba 'dod pa nyid yin te/ des gcig tu nyes
 par spyod pa spong ba yang dag par len pa'i phyir/ tshul khrims kyis ni zhes bya ba la sogs pa smos te/ zhi ba 'dod ces bya ba ni thar pa 'dod ces bya ba'i tha tshig go /bya ba yongs su ma rdzogs pa nyid ni de sbyin pa'i tshul khrims kyi
 gegs su gyur pa'i phyir te/ bdag nyid bslab pa yongs su ma rdzogs pa ni phal cher gzhan dag la slob par nus pa ma yin no/ /de'i gnyen po ni stobs bcu'i spyod yul la gnas pa yin te/ de ni bslab pa rdzogs pa'i ngo bo nyid yin
 pa'i phyir/ stobs bcu'i zhes bya ba la sogs pa smos so/ /rang gi bslab pa las 'da' ba ni de bzod pa'i tshul khrims dang 'gal ba'i phyir ro/ /de'i gnyen po ni tshul khrims ma nyams pa nyid de/ rnam pa thams cad du 'chal pa'i
 tshul khrims kyi rgyu dag la bzod pa'i tshul khrims nyid kyis rang gi bslab pa mi 'khrugs pa'i phyir ro/ /theg pa dman pa mngon par 'dod pa ni spro ba chen po'i tshul khrims kyi mi mthun pa'i phyogs yin pa'i phyir ro/ de'i gnyen po ni 'gro ba mdza' dag
 la phan gdags pa'i phyir tshul khrims phun sum tshogs pa rdzogs pa'i byang chub tu yongs su bsngo ba yin te/ de yod na rang dang gzhan gyi don gyi rten can gyi brtson 'grus mdza' yas pas sdom pa'i bya ba thams cad kyi pha rol tu phyin par 'gyur
 ba'i phyir sdom pa'i bya ba zhes bya ba la sogs pa smos so/ /ji snyed ces bya ba ni sdom pa'i bya ba sdom pa dang sems can gyi don dang dge ba'i chos sdud pa'i tshul khrims kyi bdag nyid ji snyed yod pa'o/ /rjes su 'jug ces bya ba ni srung bar byed
 pa'o/ /de yang zhes bya ba ni bya ba de yang zhes bya bar skabs dang sbyar ro/ /de lta ma yin na tshul khrims kyi pha rol tu phyin pa'i 'bras bu sangs rgyas nyid thob pa'i gegs su gyur pa'i phyir 'chal pa'i tshul khrims ma rungs pa yin pas/ gal
 te zhes bya ba la sogs pa smos te/ theg pa gzhan la dga' ba ni byang chub kyi sems skye ba'i gegs su gyur pa'i phyir de dag ni byang chub sems dpa' mkhas pa rnams kyi nang na tshul khrims 'chal ba yin no/ /spyod pa nyams zhes bya ba ni spyod pa
 nyams shes te/ de ni de las gzhan pa'i byang chub sems dpa' i bslab pa las 'da' ba' i rgyu mtshan nyid yin pa'i phyir ro/ /rdzogs pa'i byang chub tu yongs su bsngos na 'dod pa'i yon tan la gnas su zin kyang tshul khrims 'chal ba nyid ma
 yin pas/ ji lte zhes bya ba la sogs pa smos te don go bar zad do/ /de ci'i phyir zhe na/ 'di ltar chos gang zhes bya ba la sogs pa smos so/ /byang chub yon tan 'byung 'gyur ba zhes bya ba ni gang las byang chub kyi yon tan stobs la sogs pa
 yang dag par 'grub par 'gyur ba'i chos de ni zhes bya bar sbyar ro/ /tshul khrims don zhes bya ba ni tshul khrims kyi ngo bo nyid de/ rdzogs pa'i byang chub kyi yon tan gyi 'os yin pa nyid kyis sgrib pa'i gdung ba thams cad kyi gnyen por gyur na phyis
 bsil bar 'gyur ba'i phyir ro/ /su dag gi yin zhe na/ yon tan chos ldan rnams kyi zhes bya ba smos te/ byang chub sems dpa' rnams kyi yin no/ /de dag rdzogs pa'i sangs rgyas kyi ngo bo don du
 gnyer ba'i phyir de rung ba'i chos kho na de dag gi tshul khrims yin gyi gzhan gyi ma yin no zhes bya ba'i tha tshig go /de bstan pa'i phyir/ chos gang phan byed rnams kyi zhes bya ba la sogs pa smos te/ byang chub yongs nyams pa zhes bya ba ni chos gang la byang
 chub las yongs su nyams par 'gyur ba yod pa zhes bya bar tshig rnam par sbyar ro/ /'di ni zhes bya ba ni chos 'di'o/ /gang gi phyir de lta yin pa de'i phyir/ gal te zhes bya ba la sogs pa smos te/ 'dod yon lnga zhes bya ba ni gzugs la sogs
 pa chags par 'gyur ba'i yul lnga'o/ /spyod kyang zhes bya ba ni spyod du zin kyang ngo/ /sangs rgyas bsgrub bya snyam du zhes bya ba ni gal te bdag gis ji ltar na nges par sangs rgyas su 'gyur ba de ltar rab tu 'bad par bya'o snyam du thams
 cad mkhyen pa nyid yid la byed na'o/ /tshul khrims pha rol phyin la gnas zhes bya ba ni tshul khrims kyi pha rol tu phyin pa la gnas pa yin te/ de'i tshe zhes bya ba ni lhag ma yin no/ /dkon mchog gsum la skyabs su 'gro bas thog drangs
 pa'i rdzogs pa'i byang chub tu sems bskyed pa'i chos ni byang chub kyi yon tan thams cad skye bar rung ba yin pa'i phyir ro snyam du dgongs pa yin no/ /de la gzhan pa ni gal te skal ba zhes bya ba la sogs pa 'byung ba yin te/ sems bskyed de
 ni zhes bya ba ni rang sangs rgyas dang dgra bcom pa'i byang chub tu sems bskyed pa gang yin pa ste/ de ni rang dang gzhan gyi don phun sum tshogs pa'i bdag nyid kyi byang chub las yongs su nyams pa'i rgyu yin pa'i phyir/ phas pham pa'i ltung bas
 kyang ches lci bar rig par bya'o/ /phas pham pa'i ltung ba ni de ltar nyams pa'i rgyu ma yin te/ de'i bsam pa ni gtan du ba ma yin pa'i phyir ro/ /ltung ba byung ba ni su yang rung ste phal cher 'di snyam du bdag gis gdon mi za bar 'khrul pa 'di kha na
 rtag tu ngang du gyur par bya'o/ snyam du ni mi sems te/ 'dod chags la sogs pa kun tu spyod pa ni phung bar 'gyur ba'i rgyu gcig pu yin pas mngon par dga' bar bya ba ma yin pa'i phyir ro/ /de nyid kyi phyir gtan du ba ma yin pas rdzogs pa'i
 byang chub kyi sems dang lhan cig mi 'gal ba'i phyir phas pham pa'i ltung ba ni ji ltar theg pa dman pa 'dod pa de ltar byang chub sems dpa' rnams kyi gtan du bar du gcod pa'i chos ma yin no/ /de ni 'jigs pa med pa'i 'bras bu gzhan don don
 du gnyer ba'i ngo bo nyid kyis bla na med pa'i ye shes kyi 'bras bu can gyi yid la byed pa dang 'gal ba'i phyir ro snyam du dgongs pa yin no/ /de lta bas na tshul khrims srung zhing zhes bya ba la sogs pa smos te/ yongs bsngo la zhes bya ba ni yongs su bsngo
 bar byed na ste/ de ltar na tshul khrims phun sum tshogs pa'i mchog tu 'gyur ro zhes bya ba'i tha tshig go /tshul khrims kyi yon tan gyis nga rgyal byed pa ni de mnyam par bzhag pa'i tshul khrims dang mi mthun pa'i phyir te/ rgyud nga rgyal gyi nye bar bcom pa
 ni mnyam par bzhag pa'i tshul khrims kun tu sgrub par mi 'gyur ro/ /de'i gnyen po ni nga rgyal bcom pa nyid de bstan pa'i phyir/ de yis zhes bya ba la sogs pa smos so/ /de yis zhes bya ba ni bshad ma thag ba lta bu'i tshul khrims kyis so/ /rlom
 sems med ces bya ba ni khyad du gsod pa med pa ste gzhan dag la zhes bya ba lhag ma yin no/ /gang zag la sogs par lta ba ni de shes rab kyi tshul khrims kyi mi mthun pa'i phyogs yin pa'i phyir ro/ /de dgag par nga'i? 'du shes zhes bya ba la sogs pa
 smos so/ /nga'i 'du shes ni nga'o snyam du lta ba'o/ /sems can du 'du shes ni rgyud gzhan dag la gang zag dang phung po la sogs par mngon par zhen pa'o/ /tha dad pa'i 'du shes dang ldan pa ni phyin ci log gi
 ngo bo nyid yin pa'i phyir don dam pa'i tshul khrims ma yin pas/ gal te zhes bya ba la sogs pa smos so/ /shin tu tshul khrims 'chal ces bya ba ni sems can dag la yon gnas ma yin pa'i 'du shes nye bar 'jog pa'i phyir dang bdag
 dang gzhan du phyin ci log pa dang ldan pa yin pa'i phyir ro/ /gang gi phyir de lta yin pa de'i phyir/ gang la bdag gi zhes bya ba la sogs pa smos te/ 'du shes 'dod chags bral la zhes bya ba ni gang la 'du shes la 'dod chags dang bral zhing
 mngon par zhen pa med pa de la sdom pa ma yin pa ga la yod de de'i rtsa ba ni der 'du shes pa yin pa'i phyir ro snyam du dgongs pa yin no/ /'di ni tshul khrims sdom par zhes pa ni tshul khrims dang cig shos dag tha dad pa med pa nyid du rtogs pas
 don dam pa'i tshul khrims yin no snyam du dgongs pa yin no/ /de bzhin du snga ma dag la yang ci rig par so so'i pha rol tu phyin pa'i rab tu dbye bas mi mthun pa'i phyogs kyi khyad par sbyar bar bya'o/ /tshul khrims kyi pha rol tu phyin pa'i mi
 mthun pa'i phyogs nyams pa bshad zin to/ /sbyin pa'i brjod par bya ste/ 'dir yang snga ma bzhin du sbyin pa'i sbyin pa la sogs pa'i bye brag gis mi mthun pa'i phyogs rnam pa drug go /lta ba dang bcas pa'i sems nyid ni de dngos
 po gtong ba'i mi mthun pa'i phyogs yin pa'i phyir ro/ /de'i gnyen po ni sdug pa dang mi sdug pa'i dngos po la mi lta ba nyid de/ de yod na phyi dang nang gi dngos po yongs su gtong ba srid pa'i phyir/ sems can dag pa zhes bya ba la
 sogs pa smos te/ bshad pa'i rim pa 'dis ni pha rol tu phyin pa snga ma rnam par dag pa phyi ma'i rnam par dag pa'i rgyu yin no zhes bya bar ston par byed do/ /lta ba med pa yin zhes bya ba ni mi lta ba yin zhes bya ba'i tha tshig go /lhag ma ni go
 sla'o/ /gang zag tu 'dzin pa ni de ser sna skye ba'i rgyu mtshan nyid kyi dngos pos tshul khrims kyi sbyin pa'i gegs su gyur pa'i phyir ro/ /de gnyen po ni rang gi sems la sogs pas bdag med pa nyid du rtogs pa ste/ des ser sna'i mtshan
 nyid kyi 'chal pa'i tshul khrims kyi bdag nyid kyi sbyin pa yang dag par 'grub pa'i phyir/ chos rnams zhes bya ba la sogs pa smos so/ /bdag med ces bya ba ni rang gis bdag med pa'i ngo bo yin pa'i phyir dang/ bdag gis byin gyis
 ma brlabs pa'i phyir te/ rgyu ma yin pa'i phyir ni byin gyis rlob pa po'i dngos por mi 'thad pa'i phyir rtag pa yang rgyu ma yin pa'i phyir te/ ji skad sngar bshad pa lta bu'o snyam du dgongs pa yin no/ /ya ma rla zhes bya ba ni rgyu'i gzhan gyi  dbang du gyur pa'o/ /de ni gnas med do zhes bya ba ni sems can du lta ba ni ser sna'i rgyu'i gtso bo yin na de med pas de yang mi srid do snyam du dgongs pa yin no/ /gang dag la bdag tu 'du shes pa yod pa zhes bya ba la sogs pa ni 'di skad du
 bdag tu 'dzin pa yod na bdag nga la chags pa'i phyir rang gi bde ba sgrub pa'i dngos po la bdag nyid du 'dzin cing de las kyang de la chags pa'i 'dod chags 'byung bas sems rmongs pa de dag la gtong pa'i blo gtan du blta ga la yod/
 mi mthun pa'i phyogs stobs dang ldan pas de shin tu zil gyis gnon pa'i phyir ro zhes bshad pa yin no/ /ser sna'i skyon ma mthong ba ni de yod na slong bar byed pa la sogs pa log par bsgrub pa la mi bzod pas ser sna 'byung ba'i phyir ro//
 de'i gnyen po ni ser sna mi mthun pa yin par rtog pa ste/ des slong bar byed pa thams cad la dge ba'i bshes gnyen yin par 'du shes shing ser sna dang bral bas bzod pa'i yan lag gi gtong ba
 yang dag par bsgrub pa'i phyir/ ser sna can ni zhes bya ba la sogs pa smos so/ /ser sna can ni zhes bya ba ni ser sna dang ldan pa ni zhes bya ba'i tha tshig go /yi dags gnas su skye bar 'gyur zhes bya ba ni skye bar 'gyur te/ yo byad la sogs
 pa la chags pa'i rnam par smin pa la sogs pa ni yi dags kyi 'gro ba yin pa'i phyir ro/ /dbul por 'gyur zhes bya ba ni rgyu mthun pa'i 'bres bu'o/ /shes nas zhes bya ba na de ltar ser sna'i nyes pas mi dang yi dags kyi 'gro ba dag na
 sems can dbul por gyur pa dag shes nas so/ /gtong la mos par 'gyur zhes bya ba ni sbyor ba'i sgo nas te/ don du gnyer pa'i skye bo mdza' dag la thams cad nye bar bsgrub pa'i phyir ro/ /lhug par gtong zhes bya ba ni bsam pa'i sgo nas te/
 gnod pa'i rnam pa thams cad kyis gegs su mi 'gyur ba'i gtong ba'i bsam pa can yin pa'i phyir ro/ /de'i phyir gling bzhi zhes bya ba la sogs pa smos te/ mchil ma'i thal ba 'dra zhes bya ba ni mchil ma'i thal ba bzhin du bdag nyid
 rin po ches brgyan pa'i gling rnams la yang mngon par ma zhen pa'i phyir ro/ /byin nas dga' bar 'gyur gyi zhes bya ba ni de dag byin nas don du gnyer ba'i skye bo mgu bar mthong ba'i phyir ro/ /theg pa gzhan du yongs su bsngo ba ni de rang dang
 gzhan gyi don gyi dbang du byas pa'i brtson 'grus chen po phul du byung ba dang ldan pa'i gtong ba'i bsam pa dang 'gal ba'i phyir ro/ /de'i gnyen po ni byang chub mchog tu yongs su bsngo ba ste/ des brtson 'grus gtan du ba'i ngo bo nyid kyi
 sbyin pa'i pha rol tu phyin pa 'grub par 'gyur ba'i phyir/ byang chub sems dpa' zhes bya ba la sogs pa smos so/ /'di byin par gyur cig snyam du zhes bya ba ni sbyin par 'dis sris pa gsum du gtogs pa'i sems can ji snyed pa de dag
 gi phun sum tshogs pa kha na ma tho ba med pa rnams 'byor par gyur cig mnyam du bsam nas zhes bya ba'i tshig go /de nas ci byed ce na/ de yang zhes bya ba la sogs pa smos te/ de ltar bsgrub pa'i bsod nams kyi phung po de yang 'gro ba sbyang
 ba'i phyir yongs su bsngo bar byed de/ des ni sbyin pa de mi zad par 'gyur ro zhes bya ba lhag ma yin no/ /mthong ba dang ma mthong ba'i srid pa'i longs spyod don du gnyer ba ni de rdzogs pa'i yid la byed pa'i rtse gcig pa'i ngo bo nyid kyi sbyin pa'i pha
 rol tu phyin pa dang 'gal ba'i phyir ro/ /de dgag pa'i phyir/ sbyin pa sbyin nas zhes bya ba la sogs pa smos so/ /dngos la gnas par byed pa ni mthong ba'i 'bras bu don du gnyer ba'o/ /rnam par smin pa ni sbyin pa'i 'bras bu 'jig
 rten pha rol pa dang 'brel pa'o/ /mkhas pa zhes bya ba ni bshes gnyen can de/ thams cad mkhyen pa nyid yid la byed pa las rnam par ma g.yengs pa zhes bya ba'i tha tshig go /thams cad gtong ba ste zhes bya ba ni sbyin pa'i rnam par smin pa
 yang sems can kho na la yongs su bsngo ba'i phyir/ mang po dpag tu med par 'gyur zhes bya ba ni sbyin par bya ba'i dngos po chu rigs kyang gtong ba'i bsam pa che ba'i phyir te/ longs spyod dang yo byad kyi rnam pa kha na ma tho ba med pa mdza' dag 'byung
 bas mang po'o/ /phung po med pa'i mya ngan las 'das pas yang mi zad pa'i phyir dpag tu med pa ste/ 'bras bu nam mkha' i mdzod la sogs par 'gyur ro snyam du dgongs pa yin/ yang na dngos po chung ngu yang gtong ba'i bsam pa'i khyad par  
 med pa kho nar sbyin pa'i pha rol tu phyin pa'i mchog yin te/ rjes su yi rang ba'i yid la byed pa tsam gyis sems can thams cad kyis bdog pa thams cad btang ba las byung ba'i bsod nams dus mi thung ba
 zhig du mngon par 'dus byas pa zil gyis gnon pa'i phyir/ srid pa gsum na zhes bya ba la sogs pa smos so/ /yongs su rtag pa bzung ste zhes bya ba ni yongs su rtag pa nye bar bzung ste'o/ /yang dag par ni sems can thams cad la de lta
 bu'i rnam pa mi srid pa'i phyir ro/ /sangs rgyas la sogs pa smos pa ni len? pa po'i khyad par gyi bsod nams che ba nyid du bstan pa'i phyir ro/ /nyan thos legs 'tshol na zhes bya ba ni rdzogs pa'i byang chub don du gnyer bas kun nas bslang
 ba'i sbyin pa byin pa'i khyad par ni thub par mi nus so snyam du dgongs pa yin no/ /thabs mkhas zhes bya ba ni sbyor ba med par bsam pa tsam gyis bsod nams mi nyung ba la sogs pa la mkhas pa'i phyir ro/ /bsod nams bya ba'i dngos la
 zhes bya ba ni bshad ma thag pa lta bu la'o/ /yongs su bsngo bas zhes bya ba ni yongs su bsngo bar byed pa ste/ yongs su bsngo ba ni sangs rgyas kyi byang chub kyi rten yin pa'i phyir ro zhes bya ba'i don to/ /zil gyis non ces bya ba ni zil gyis gnon par
 'gyur ba ste/ byang chub sems dpa' des zhes bya bar sbyar ro/ /rjes su yi rang bas ji ltar bsod nams zil gyis non pa de dpes gsal bar bya ba'i phyir/ /nor bu 'ching bu zhes bya ba la sogs pa smos so/ /des na 'di skad du dper na nor bu
 'ching bu'i phung po shin tu cher zin kyang rin po che bai DUrya gcig gis gnon par 'gyur te de ni longs spyod la sogs pa phun sum tshogs pa'i rgyu yin pa'i phyir ro/ /de bzhin du byang chub sems dpa' i rjes su yi rang bas kyang 'gro ba'i bsod nams
 kyi tshogs zil gyis gnon par 'gyur te/ de ni rang dang gzhan gyi don phun sum tshogs pa'i rgyu yin pa'i phyir ro zhes bshad pa yin no/ /chos kyi mtshan nyid la phyin ci log pa ni de phyin ci ma log pa'i bdag nyid kyis sbyin pa'i pha rol tu
 phyin pa'i mi mthun pa'i phyogs yin pa'i phyir ro/ /de'i gnyen po ni chos thams cad stong pa nyid du rtogs pa ste/ des bstangs pas sbyin pa zag pa med pa'i tshogs 'phel ba'i rgyur gyur pa'i phyir/ gal te zhes bya ba la sogs pa smos so/ /
 de la bdag gi rim byed ces bya ba ni gal te chos thams cad bdag med par rtogs pa'i phyir de la bdag nyid du mi byed na'o/ /dngos po phangs med ces bya ba ni phangs pa ni bdag gir mngon par zhen pa sngon du 'gro ba can yin pa'i phyir de med na de mi srid do
 snyam du dgongs pa yin no/ /dge ba'i chos kho na zag pa med pa nyid kyis sgrib pa thams cad spong ba'i rgyu yin pa'i phyir mthu chen ste/ byang chub sems dpa' gang la yod pa de la de skad ces bya'o/ /sprin med 'od ldan zla dkyil yar gyi ngo
 bzhin no zhes bya ba ni zla ba'i dkyil 'khor gang la sprin med pa'i 'od zer yod pa de la de skad ces bya'o/ /rtse mo'i mngon par rtogs pa'i rab tu dbye ba bshad zin to/ //mthar gyis pa brjod par bya ste/ de ni chos
 thams cad rang bzhin gyi bdag med kyang 'jig rten mngon par zhen pa spang pa'i phyir sbyin pa'i pha rol tu phyin pa la sogs pa la 'jug pa'i rim pa'i mtshan nyid yin par rig par bya ste/ bcom ldan 'das de ji ltar na chos thams cad dngos po
 ma mchis pa'i ngo bo nyid la byang chub sems dpa' sems dpa' chen po'i mthar gyis bgyid pa dag gda' lags sam zhes bya ba nas/ gal te bdag byang chub mngon par rdzogs par sangs rgyas kyang rung 'on te bdag mngon par rdzogs par
 sangs ma rgyas kyang rung ste/ chos thams cad ni dngos po med pa kho na yin mod kyi ma la bdag gis gang zhig mngon par rdzogs par sangs rgyas nas sems can dngos po'i 'du shes la spyod pa thams cad la
 dngos po med pa la 'god par 'gyur ba bla na med pa yang dag par rdzogs pa'i byang chub mngon par rdzogs par 'tshang rgya bar bya gor ma chag go snyam du zhes bya ba'i bar dang/ sems dang po bskyed pa nas bzung ste bdag nyid kyang sbyin pa
 byin zhing gzhan dag kyang sbyin pa la so sor 'god par byed do/ zhes bya ba'i bar gang rgyas par 'byung ba yin no/ /de la sbyin pa'i pha rol tu phyin pa mthar gyis pa rtogs pa ni zas la sogs pa sbyin pa la goms pas bdag dang gzhan yongs su
 smin par byed pa'i phyir/ byang chub sems dpa' i zhes bya ba la sogs pa 'byung ba yin te/ yi dags 'gro ba gcod ces bya ba ni sbyor ba'i gnas skabs kho na na rang gi nor la sogs pa 'dzin pa med pa nyid kyis yi dags kyi 'gro ba spangs
 pa'i phyir ro/ /dbul pa gcod zhes bya ba ni 'gro ba thams cad du tshegs med par yo byad phun sum tshogs pa rnyed pa'i phyir ro/ /nyon mongs pa thams cad gcod ces bya bar skabs dang sbyar te/ 'khor gsum mi dmigs pa khong na yod
 pa'i sbyin pa'i pha rol tu phyin pa bsgoms pas mthong ba'i lam gyi gnas skabs na nyon mongs pa'i sgrib pa thams cad spangs pa'i phyir ro/ /spyod tshe zhes bya ba ni sa rab tu dga' ba la sogs pa la 'jug pa na zhes bya ba'i don to/ /longs
 spyod ni 'dzam bu'i gling gi bdag po la sogs pa'i mtshan nyid do/ /mdza' yas pa ni mi gnas pa'i mya ngan las 'das pa 'dren par byed pa yin pa'i phyir ro/ /rgyas pa ni rnam pa mang pa'i phyir dang sems can thams cad kyi gsos su
 gyur pa'i phyir ro/ /sdug bsngal gyur pa zhes bya ba rnam pa gnyis te/ rgyu'i sdug bsngal gyis ni ser sna la sogs pa'i nyes pas nye bar bcom pa'i phyir ro/ /'bras bu'i sdug bsngal gyis ni dbul ba la sogs pas ces pa'i phyir ro/ /yongs su
 smin byed ces bya ba ni yongs su smin par byed pa ste/ skyon dang yon tan bri zhing 'phel bar bya ba'i phyir zang zing la sogs pas kun tu bsdus nas pha rol tu phyin pa'i chos sbyin pas rung ba nyid du byed do zhes bya ba'i tha tshig go /sbyin pas rang
 gi longs spyod la 'dzin pa spangs nas/ khrims kyis zhes bya ba la sogs pa smos te/ tshul khrims phun sum tshogs pa ni ngan 'gro thams cad dang 'gal ba'i phyir dud 'gro smos pa ni nye bar mtshon par zad do/ /mi khom brgyad ni ngan song
 du skye ba la sogs pa ste/ rang dang gzhan gyi don la 'jug par rung ba ma yin pa'i phyir de dag kyang spong ngo zhes bya bar sbyar ro/ /de las bzlog pa ni ngal ba ste de dag rnyed do/ /rtag tu zhes bya ba ni dus thams cad du ste/ sbyor ba'i gnas
 skabs nas bzung ste rdo rje lta bu'i ting nge 'dzin la thug gi bar du mi dmigs pa dang ldan pa'i tshul khrims kyis rang dang gzhan la phan pa'i lus bsgrub pa'i phyir ro/ /de ltar tshul khrims kyi pha rol tu phyin pas sdig pa'i bsam pa las
 rnam par log pa ni bzod pas zhes bya ba la sogs pa smos so/ /dam pa zhes bya ba ni bdag dang gzhan gyi nyes pa'i rten ma yin pa ste/ chos la nges par rtogs pa'i bzod pas de kho na nyid kyi ye shes dang mthun pa'i gzugs thob
 pa'i phyir ro/ /rgya chen ni sbrul pa 'od zer 'phro ba phun sum tshogs pa dpe med pa yin te/ sems can gyi don sgrub pa dag la sdug bsngal la ji mi snyam pa'i bzod pa lhun gyis grub par 'gro ba la phan 'dogs nus pa'i sku 'grub pa'i phyir ro/
 gser mdog ces bya ba ni mdog gser ltar dang ba'o/ /lta ba'i 'os pa zhes bya ba ni lta na sdug ba ste/ gzhan gyis gnod pa byas pa dang du len pa'i bzod pa ni gzhan gyi snying du sdug pa'i rgyu yin pa'i phyir ro
 de ltar bzod pa dang ldan pa ni/ brtson 'grus kyis zhes bya ba la sogs pa smos so/ /dkar po'i yon tan ni zag pa med pa'i pha rol tu phyin pa la sogs pa'o/ /de dag 'grib mi 'gyur zhes bya ba ni yang dag par spong ba'i gnas
 skabs na dri ma med pa'i ye shes kyi 'os su rung ba thob pa'i phyir ro/ /ye shes mdza' yas zhes bya ba ni byang chub kyi phyogs dang mthun pa sum cu rtsa bdun gyi bdag nyid de de ni brtson 'grus kyi pha rol tu phyin pa rnam par dag pas rab
 tu phye ba'i sa 'od 'phro can du thob pa'i phyir ro/ /rgyal pa'i bang ba ni stobs bcu la sogs pa'i mtshan nyid do/ /de'i mdzod ni gnas te/ ye shes gang yin pa de yang sangs rgyas nyid kyi gnas skabs na rnyed do zhes bya bar sbyar ro/ /de
 ltar dge ba la spro ba phun sum tshogs pa rnyed pa ni/ bsam gtan gyis zhes bya ba la sogs pa smos so/ /smad pa zhes bya ba ni 'dod pa'i yon tan smad par bya ba dag 'dor zhes bya bar sbyar te/ rdzu 'phrul gyi rkang pa dag la gnas
 pa bsan gtan la brten nas yul dag la chags pa sel ba'i phyir ro/ /rig pa ni gsum ste/ lha'i mig dang sngon gyi gnas rjes su dran pa dang/ zag pa zad pa shes pa'o/ /mngon par shes pa ni drug ste/ gsum po de dag
 dang/ lha'i rna ba dang/ rdzu 'phrul dang/ pha rol gyi sems shes pa'o/ /de dag mngon par bsgrub pa ni sa lnga pa la bsam gtan gyi pha rol tu phyin pa rnam par dag pas rim gyis mngon par shes pa la sogs pa'i yon
 tan mchog tu gyur pa thob pa'i phyir ro/ /ting nge 'dzin ni seng ge rnam par bsgyings pa la sogs pa ste/ de yang gnas skabs gong ma gong ma dag tu mngon par sgrub bo zhes bya bar skabs dang sbyar ro/ /gnyis par bzhag pa ni yang dag pa ji lta ba bya zhing
 rab tu shes par 'gyur bas/ shes rab kyis zhes bya ba la sogs pa smos te/ /dbang po dang stobs la sogs pa'i gnas skabs na yod pa'i shes rab kyis so/ /chos kyi rang bzhin yongs shes nas zhes bya ba ni byang chub kyi yan lag dang lam gyi yan lag gi
 gnas skabs na chos kyi dbyings kun tu 'gro ba'i don la sogs par rtogs nas zhes bya ba'i tha tshig go /ma lus pa las yang dag 'da' bar 'gyur zhes bya ba ni chos la bdag med par rtogs pas khams gsum pa'i sred pa thams cad spong ba'i phyir ro/ /
 'khor lo rin chen zhes bya ba ni 'khor lo rin po che ste/ de ni yang dag pa ji lta ba bzhin du rtogs pa'i ngo bo nyid kyis 'gro ba'i nyon mongs pa gcod par byed pa yin pa'i phyir dang 'od gsal ba'i phyir ro/ /de bskor byas nas zhes bya ba ni rgyud gzhan
 la rab tu sbyar nas so/ /de lta ma yin te/ yang dag par ji lta ba bzhin rtog pa po med na bstan pa la yid ches pa med par blang bar bya ba ma yin pa nyid du 'gyur ro/ snyam du dgongs pa yin no/ /chos kyang ston ces bya ba ni shes bya'i sgrib pa mdza' dag dang
 bral bas thabs la mkhas pa thob pa ni dbang byed pa dam pa'i ngang du gyur pas rtsol ba med par sngon gyi smon lam gyi 'phen pas gdul bya rnams la pha rol tu phyin pa'i chos rnam pa mdza' yas pa ji ltar rtogs pa bzhin rab tu ston par
 byed ba zhes bya ba'i tha tshig go /thabs kyi pha rol tu phyin pa la sogs pa'i rim pa ni ma bshad de/ de dag ni sbyin pa'i pha rol tu phyin pa la sogs pa 'di dag kho na'i nang du 'dus pa'i phyir/ 'di ltar rjes su yi rang ba la sogs pas sbyin pa la
 sogs pa yongs su rdzogs par byed pa ni thabs yin no/ /de ltar bsags pa rnams rdzogs pa'i byang chub tu yongs su bsngo ba ni smon lam yin no/ /rang gi mi mthun pa'i phyogs kyis zil gyis mi
 non pa ni stobs yin no/ /thams cad du rnam pa la mkhas pa ni ye shes yin no/ /mthar gyis pa'i mngon par rtogs pa mdor bshad zin to// //rgyas par ni thams cad du gzhung rgyas pa'i
 rjes su 'brangs te lta bar bya'o/ /de ltar rim gyis pha rol tu phyin pa dag la goms pa las cig car pha rol tu phyin pa thams cad kyi rang gi ngo bo rtogs pa'i mtshan nyid skad cig ma gcig la mngon par rdzogs par byang chub pa ste/
 de na sbyin pa la sogs pa re res kyang/ /zag pa med pa thams cad ni/ /yang dag bsdus phyir thub pa yi/ /skad cig gcig mngon rdzogs byang chub /de bstan pa'i phyir/ chos 'di yongs rdzogs byas nas zhes bya ba la sogs pa
 smos te/ chos 'di zhes bya ba ni pha rol tu phyin pa'i bdag nyid thams cad do/ /yongs rdzogs byas nas zhes bya ba ni sbyin pa la sogs pa nang nas pha rol tu phyin pa skad cig ma gang yang rung ba gcig gcig gis mngon du byas so//
 de dag ni gcig gi nang du gcig 'dus pas rnam par smin pa'i gnas skabs su gcig rtogs na rnam pa thams cad mngon sum du byed pa'i phyir te/ dper na zo cun? khyud mo la/ /mi yi zo ba gcig bskyod pas/ thams cad 'gul bar
 byed pa ltar/ /skad cig ye shes de dang 'dra/ /gang tshe rnam smin chos nyid kyi/ /gnas skabs chos dkar kun gyi rgyu/ /shes rab pha rol phyin skyes pa/ /de tshe skad cig ye shes 'byung zhes gang bshad pa yin no/ /rgyas par bstan pa las
 kyang/ /rab 'byor dper na gzhan 'phrul dbang byed kyi lha rnams ni yid la bsams pa kho nas yo byad thams cad 'byung bar 'gyur ro/ /rab 'byor de bzhin du byang chub sems dpa' chen po yang yid la bsam pa kho nas pha rol
 tu phyin pa thams cad yongs su rdzogs par 'gyur ro/ /zhes bya ba la sogs pa gsungs so/ /de bzhin du sa bcu pa las kyang rtsol ba med cing mtshan ma med par 'byung pa'i gnas skabs kyi dbang du mdzad nas/ de'i sems kyi skad cig re
 re la pha rol tu phyin pa bcu po dag yongs su rdzogs par 'gyur ro zhes bya ba rgyas par gsungs so/ /skad cig ma gcig gis mngon par rdzogs par byang chub pa bshad zin to// //de ltar rnam pa thams cad du
 rtog pa'i rgyun bcom pa'i pha rol tu phyin pa'i skad cig ma gcig kho nas sgrib pa'i bag chags thams cad bsal nas rang dang gzhan gyi don phun sum tshogs pa'i mtshan nyid kyi 'bras bu 'byung bar 'gyur bas chos kyi sku ste/ de ni
 ngo bo nyid la ngos spyong rdzogs bcas dang/ de bzhin gzhan ni sprul sku dang/ /chos sku mdzad par bcas pa ste/ /rnam pa bzhir ni yang dag brjod/ /de'i dbang du mdzad nas/ yongs dag zhing dang zhes bya ba la sogs pa gsungs so/ /
 de la zhing dang sems can rnam par dag pa ni don dang sems can du snang ba'i kun gzhi rnam par shes pa 'byung ba'i ngo bos me long lta bu'i ye shes kyi bdag nyid ngo bo nyid kyi sku yin te/ rtag tu bcom ldan 'das rnams kyi rnam par mi
 rtog pa'i ngo bo nyid gcig pa yin pa'i phyir ro/ /sangs rgyas rgyud ni thugs brtse ba chen pos rab tu phye ba nyon mongs pa can gyi yid gyur pa'i bdag nyid mnyam pa nyid ye shes yin te/ de ni thabs dang shes rab kyi bdag nyid kyis bde bar
 gshegs pa thams cad kyi rgyu yin pa'i phyir ro/ /chos kyi rgyud ni yid kyi rnam par shes pa rnam par rtog par byed pa gyur ba'i ngo bo gzung la dpe med pa dang mtshungs par ldan pa so sor rtog pa'i ye shes
 yin te/ de ni lung dang rtog pa'i bdag nyid kyi chos rab tu 'byung ba'i rgyu yin pa'i phyir ro/ /ye shes 'di gnyis ni longs spyod rdzogs pa'i sku yin te/ mnyam pa nyid dang so sor rtog pa dag ni ji ltar rtog pa'i chos la nye bar longs spyod pa'i
 rten yin pa'i phyir/ dge 'dun rgyud ni mig la sogs pa'i rnam par shes par gyur pa'i mtshan nyid brtson 'grus kyi pha rol tu phyin pa rnam par dag pas rab tu phye ba bya ba sgrub pa'i ye shes te/ de ni mdzad pa mdza' dag la 'jug pa'i rgyu'i dngos
 pos dge 'dun thams cad 'grub pa'i rgyu yin pa'i phyir ro/ /'di yang sprul pa sna tshogs kyi rten pa'i phyir sprul pa'i sku yin no/ /chos kun yongs su 'dzin zhes bya ba ni rang gi ngo bo tha dad pa med pa nyid du mngon sum du byed pa ste/ chos kyi dbyings rnam
 par dag pa'i ye shes kyis stobs kyis kun nas nyon mongs pa dang rnam par byang ba'i bdag nyid kyi chos thams cad tha dad pa med pa'i ngo bo rtogs so/ /chos kyi sku bshad zin to/ /de ltar ye shes mdza' dag brnyes pa'i bdag nyid kyi 'bras bu phun sum
 tshogs pa'i khyad par chos phyin ci ma log pa rab tu ston pa gtso bor sems can gyi don dam mdzad pa'i mtshan nyid kyi phrin las bstan pa'i phyir/ 'gro ba zhes bya ba la sogs pa smos te/ sman pa'i mchog tu gyur pa ni rnam pa thams cad du 'gro ba'i nyon
 mongs pa'i nad 'joms par mdzad pa yin pa'i phyir ro/ /byang chub ni sgrib pa thams cad dang bral ba 'jig rten las 'das pa'i ye shes yin no/ /gang la lam de rgyu de kho na yod pa de la de skad ces bya ste/ bstan pa'i chos ni chos kyi dbyings shin tu
 rnam par dag pa'i rgyu mthun pa yin pa'i phyir ro/ /'di zhes bya ba ni shes rab bstan pa 'di'o/ /de nyid kyi yon tan brjod pa'i ched du mi bstan pa'i phyir/ ming ni 'di zhes bya ba la sogs pa smos so/ /yon tan rin chen sdud pa ni yon tan rin po che thams
 cad 'dren par byed pa yin pa'i phyir ro/ /'di ltar byang chub kyi lam dang ldan pa ste/ rgyu byang chub dang ldan pa ni pha rol tu phyin pa'i chos rtogs par skye ba'i rgyu yin pa'i phyir ro/ /ci'i phyir gsungs she na/ lam 'di zhes bya ba la sogs pa gsungs te/ thugs
 brtse ba chen po'i ngang du gyur pa ni 'gro ba la gtan du phan pa 'byung ba'i rgyu yin pa'i phyir lam 'di sems can kun gyis thob par bya ba'i phyir bshad do/ /mngon par rtogs pa brgyad po 'di dag gi bstan pa'i go rim ni rnam pa thams cad mkhyen pa nyid dang/ lam
 gyi rnam pa shes pa nyid dang/ thams cad shes pa nyid ni mtshan nyid kyi sgo nas bstan te/ spang bar bya ba dang blang bar bya ba'i mtshan nyid kyi dbang du byas nas de dag bstan pa'i phyir ro/ /rnam pa kun mngon par rdzogs par rtogs pa ni sbyor ba'i sgo nas te/
 de thob par sbyor ba 'bras bu rang gi ngo bos nye bar mtshon pa sngon du 'gro ba'i de thob par sbyor ba rtsom pa'i phyir ro/ /rtse mo mngon par rtog pa ni khyad par gyi sgo nas te/ rab tu zhugs pa la khyad par du 'gro ba srid pa'i phyir ro/ /mthar gyis pa'i mngon par
 rtogs pa ni mngon par rtog pa'i rim pa'i sgo nas te/ sbyor ba khyad du gyur na rim gyis sa dang pha rol tu phyin pa mngon par rtogs pa 'byung ba'i phyir ro/ /skad cig ma gcig gis mngon par rdzogs par byang chub pa ni mthar thug par 'gro ba'i sgo
 nas so/ /rim gyis chos rtogs pa'i shes rab mtshan ma med cing rnam par mi rtog par 'byung ba na/ skad cig ma gcig kho nas rtogs par bya ba thams cad mngon sum du byed pa'i phyir ro/ /chos kyi sku ni rnam par smin pa'i sgo nas te/ /de ltar
 zhugs pa'i 'bras bu ni spros pa med pa'i ye shes dang chos nyid rnam par dag pa yin pa'i phyir ro/ /yang na rnam pa thams cad mkhyen pa nyid la sogs pa gsum ni yul gyi sgo na bstan to/ /de'i 'og
 ma bzhi ni rgyu'i sgo nas so/ /chos kyi sku mdzad pa dang bcas pa ni 'bras bu'i sgo nas bstan par rig par bya'o/ /'bras bu la lta gzhan gyis kyang/ /bcol na ci'i phyir 'bad mi bya/ /gu Na mi tra kho na'i ngor/ /dka' 'grel 'di ni 'dir
 byas so/ /de ltas 'di ni bdag gis zur 'dis bdag nyid blun par bstan des kyis/ /mkhas pa thugs rje rdzogs pa bdag gis de 'dir go rim cung zad mdzod/ /'gro ba'i de nyid brtags dka' gzhung la bstan pa rtogs dka' i khyim gcig
 po/ /shes rab pha rol phyin tshul 'di la bdag 'dra blun pos ci byar yod/ /dri med dge ba'i zer gyis mun pa kun gsal ba'i/ /ye shes rin po che'i tshig shas 'grel byas nas/ /dge ba 'dir thob gang des re zhig 'jig rten gyi/ /yid la
 ci nas sangs rgyas ye shes tshul 'jug shog/ //sdud pa tshigs su bcad pa'i dka' 'grel slob dpon bud d+ha sh+rI ka dz+nyA nas mdzad pa rdzogs so// //rgya gar gyi mkhan po bidyA ka
 ra sid+ha dang/ zhu chen gyi lo tsA ba bande dpal brtsegs kyis bsgyur nas zhus te gtan la phab pa'o// (//mngon par rtogs pa'i rgyan gyi 'grel ba'i cha paN+Di ta ratna kirtis mdzad pa bzhugs so//) //rgya gar skad du/ a b+hi sa