བོད་ཡིག

e-texts based on the ACIP/ALL Input

gsar 'gyur kho na yin no/ // */ (gso sbyong rang gi blang ba'i cho ga bzhugs so//) /rgya gar skad du/ bo Sha d+ha swA yaM bra ha na bid+hi/ bod skad du/ gso sbyong rang gi blang ba'i cho ga /bcom ldan 'das ngom yod zhags pa la phyag 'tshal lo/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas/ rta cang shes lta bu/ glang po chen po bya ba byas shing/ /byed pa byas pa/ khur bor ba/ rang gi don rjes su thob pa/ srid pa kun tu sbyor ba/ yongs su zad pa/ yang dag pa'i bka' / legs par rnam par grol ba'i thugs/ legs par rnam par grol ba'i shes rab can rnams kyis/ sems can thams cad kyi don gyi phyir dang/ phan par bya ba'i phyir dang/ grol bar bya ba'i phyir dang/ nad med par bya ba'i phyir dang/ mu ge med par bya ba'i phyir dang/ byang chub kyi phyogs kyi chos rnams yongs su rdzogs par bya ba'i phyir dang/ bla na med pa yang dag par rdzogs pa'i byang chub rtogs par bya ba'i phyir/ gso sbyong nges par byas pa de bzhin du bdag ming 'di zhes bgyi bas kyang/ dus 'di nas gzung ste/ ji srid sang nyi ma ma shar gyi bar du/ gso sbyong nges par blang bar bgyi'o/ /deng nas srog gcod mi bya zhing/ /gzhan gyi nor yang blang mi bya/ /'khrig pa'i chos kyang mi spyad cing/ /rdzun gyi tshig kyang mi smra'o/ /skyon ni mang pho mnyam brten pas/ / chang ni yongs su spang bar bya/ /khri stan chen po mi bya zhing/ /de bzhin dus ma yin pa'i zas/ /dri dang phreng ba dang ni rgyan/ /gar dang glu sogs spang bar bya/ /ji ltar dgra bcom rtag tu ni/ /srog gcod la sogs mi byed pa/ /de ltar srog gcod la sogs spang/ /bla med byang chub thob par shog /sdug bsngal mang dkrugs 'jig rten 'di/ /srid pa'i mtsho las sgrol bar shog /ces bya'o/ /gang phyir dge ba ma lus gso ba dang/ /rnyed pa'i sdig pa 'di yang zad byed pas/ /de ni gso dang sdig pa dag byed phyir/ /de bzhin gshegs pas gso sbyong zhes su gsungs/ /rung ba'i chus kha bkru ba la sogs pa byas nas/ tshes brgyad dang bcu bzhi dang/ bco lnga dang/ gnam stong la slob dpon nam/ de bzhin gshegs pa'i sku gzugs kyi mdun du/ gso sbyong gi tshig lan gsum bklag par bya'o/ /'di'i snying po'ang brgya rtsa brgyad bzlas so/ /gso sbyong rang gi blang ba'i cho ga 'phags pa don yod zhags pa'i mdo las phyung ba rdzogs so// // paN+Di ta don yod rdo rje dang/ /lo tsa ba dge slong rin chen grags pas bsgyur ba'o/ /rgya dpe ma rnyed 'gyur rnying zangs ma'o// //rgya gar skad du/ sh+rI many+dzu badzra sA d+ha ni/ bod skad du/ dpal 'jam pa'i rdo rje'i sgrub thabs/ /