བོད་ཡིག

e-texts based on the ACIP/ALL Input

'bir wa pas mdzad pa'i 'chi med grub pa'i khams lnga'i man ngag rdzogs so// //bod yul du rnal 'byor gyi dbang phyug a mo g+ha badzras rang 'gyur du gsungs shing yi ger bkod pa'o// //nyon mongs pa phra rags sdom par bya ba bzhugs// !/ /dpal rdo rje rnal 'byor ma la phyag 'tshal lo/ /khams phra rags kyi rgyu nyid las/ nyon mongs pa phra rags sdom par bya ba'i phyir/ dang po sa'i khams las byung ba'i nyon mongs pa'i rgyu ni/ sgal tshigs nang gsengs pa'i blangs pa dang/ longs spyod kyi 'khor lo kha bye ba'i rlangs pa dang nang phrad pa las byung ngo/ /rtags ni lus sems lji ba'o/ /skyon sel ba'i thabs ni bzhi las/ dang po lus gnad dang dmigs pa gzhan du shes par bya'o/ /rdzas ni mar nag gis lus la khyed par byugs la/ shu dag zhib par btags te/ lcags phor gyi nang du dri chu bar ma dang sbyar la sigs ma mi btang bar sbug gus btung bar bya'o/ /byin brlabs bla ma la nges shes bskyed la/ rang nyid ting nge 'dzin stobs bskyed par bya'o/ /chu'i khams las byung ba'i nyon mongs pa'i rgyu ni/ mas kyis btsis pa'i sgal tshigs drug pa nas/ kun rdzob byang chub kyi sems pho bar zhen pa'o/ /rtags ni bying pa dang ring pa'o/ /skyon sel ba'i thabs bzhi las/ lus gnad dang dmigs pa gzhan du shes par bya'o/ /rdzas ni mi zhun gyis spyi bo nas rkang thil yan chad la khyed par byug bar bya'o/ /khyad par du bo kha mnye bar bya'o/ /yang ting gi nang du mar nag ya khyor phyed tsam blugs la/ rgya sran gnyis bcug nas nyi ma la dros su bcug la/ ngar yal ba dang gan rkyal du nyal nas sna bug gis rdub par bya'o/ /byin brlabs gong bzhin no/ /me'i khams las byung ba'i nyon mongs pa'i rgyu ni/ don snying rnam pa lnga po'i 'od 'phros nas dbang po lnga la zhen pa'o/ /rtags ni lus skams pa dang ring pa dang/ dbang po lnga yul la rgod pa'o/ skyon sel ba'i thabs bzhi las/ lus gnad dang dmigs pa gzhan du shes bar bya'o/ /rdzas ni chu drang mo bzhi phul gang snga dro btung ba dang/ yang a ru ra zhib mor brdungs la lcags phor nang du 'o ma ya khyor do dang bsres la sigs ma ma btang bar sbug gus btung bar bya'o/ /byin brlabs sngar bzhin no/ /rlung gi khams las byung ba'i nyon mongs pa'i rgyu ni/ srog pa rtsa'i phyed rlung gis gang ba'o/ /rtags ni lus yang zhing yul sna tshogs la shes pa 'phro ba'o/ /skyon sel ba'i thabs ni bzhi las/ lus gnad dang dmigs pa gzhan du shes par bya'o/ /rdzas ni byang chub kyi sems dangs pa dang/ grong pa'i chos kyis ma gos pa'i brog dangs ma dang/ dri chu bar ma dang sbyar la sbug gus btung bar bya'o/ /byin brlab bla ma la nges shes bskyed la rang nyid ting nge 'dzin gyi stobs dang ldan par bya'o/ /slob dpon chen po 'bir wa pas mdzad pa'i 'chi med grub pa'i sdom pa bzhi'i skyon bcos thabs kyi man ngag/ rdzogs so// // !/ /dpal rdo rje rnal