བོད་ཡིག

e-texts based on the ACIP/ALL Input

gyi mkhan po paN+Di ta dz+nyA na si la dang/ lots+tsha ba dge slong chos 'bar gyis bsgyur ba'o// //*/ /tshe dpag med kyi rgya gzhung bsgrub thabs bzhugs so// //rgya gar skad du/ a yu a pa ra mi ta sa d+ha nas/ bod skad du/ tshe dpag tu med pa zhes bya ba'i sgrub thabs/ mgon po tshe dang ye shes dpag tu med pa la phyag 'tshal lo/ /dang brtson 'gro rnams sgral 'dod pas/ /bsod nams tshogs ni sngon song nas/ /tshangs pa'i gnas bzhi bsgom par bya/ /rang nyid snying khar h+ri dmar las/ /ye shes me 'bar rnam smin bsregs/ /de rjes rang sems thig le dang/ /h+ri:dmar tsheg drag gyur pa las/ /'od 'phros don byas tshur 'dus pas/ /rta mchog spyan gsum zhal bsgrad pa/ /dbyug pa sdigs 'dzub rab 'jigs bsgom/ /de'i thugs khar pad zla'i steng/ /h+ri:las bcom ldan tshe dpag med/ /mdog dmar rgyan mdzes 'dzum zhing sgeg /bum pa yongs su 'dzin pa'o/ /de'i thugs khar pad nyi'i steng/ /h+ri:las 'bruM chad 'khor lo ni/ /rtsibs brgyad yongs su gyur pa las/ /gzhal yas gru bzhi sgo bzhi pa/ /'dab brgyad khyams dang pad rag dang/ /'dod yon dra phyed pa gus brgyan/ /rta babs mchod rten la sogs mdzes rdo rje ma ri dmar smug 'khrug /dang zhing thogs pa med pa yi/ /'od zer tshogs 'khrugs bsgom par bya/ /de yang h+ri las pho brang gi /dbus su saM gcig chad pa las/ /mi 'jigs brgyad du gyur par bsgom/ /de stengs paM a ri las/ / pad zla rta bdun ngag tu gyur/ /de'i steng du h+ri:las ni/ /'od 'phros don byas tshur 'dus pas /pad ma dmar po 'dab lngar gyur/ /de las bcom ldan tshe dpag med/ /mdog dmar gzhon sgeg brgyan gyis mdzes/ /bgro rnams re bskong dpag bsam shing/ /bum pa'i kha brgyan thugs khar 'dzin/ /'gying bcas 'ong 'khrug skyil krungs bcas/ /de'i g.yon du paM dang a/ /gyur pas nged? zla'i gdan stengs su/ /a las yum mchog gos dkar mo/ /mtshal mdog 'gying bcas 'dzum zhing sgeg /thugs khar pad ma ra ga'i/ /bum pa yongs su 'dzin pa'o/ /shar du pad zla nyi ma yi/ /steng du hUM las rdo rjer 'gyur/ /de las mi bskyod tshe dpag med/ /be dur sngon po'i mdog 'dra ba// skyil krung dang bcas bum pa 'dzin/ /de'i g.yon du pad zla'i steng/ /swa las yum mchog sangs rgyas spyan/ /mdog dkar phyag gnyis bum pa 'dzin/ /gzhon sgeg skyil krung bzhugs pa'o/ /lho ru pad? zla? nyi stengs su/ /swa las rin chen tshe dpag med/ /btso ma gser mdog skyil krung bzhugs/ /bum 'dzin rin chen brgyan spras so/ /g.yon du pad zlar nyid las/ /byung ba'i yum mchog ma ma ki /nam mkha' i mdog can 'dzum sgeg mdzes/ /bum pa bsnams shir skyil krung bzhugs/ /nub du pad ma nyi ma yi/ /steng du bruM las 'khor lor gyur/ /de las snang mdzad tshe dpag med/ /dkar zhing skyil krung bzhugs pa'o/ /g.yan du pad zla nyi ma las/ /dbyings phyug ma ni dung gi mdog /'gying bcas rin chen brgyan gyis spras /zhabs gnyis rdo rje skyil krungs so/ /byang du pad zla nyi ma yi/ /steng du a las rgya gram pa/ /de las don grub tshe dpag med/ /mdog ljang bum pa skyil krung mdzes/ /g.yon du pad ma zla ba'i steng/ /ta las dam tshig sgrol ma ni/ /sngo ljang sna tshogs rgyan gyis mdzes/ /thugs khar bum pa 'dzin pa'o/ /shar khyams zla ba'i gdan stengs su/ /hUM bzhi rdo rje bzhir gyur pas/ /rdo rje rigs kyi sems dpa' bzhi/ /g.yas pa rang rtags rdo rje 'dzin/ /g.yon pa tshe'i bum pa 'dzin/ /rgyan mdzes rdo rje'i skyil krung mdzes/ /lho phyogs pad ma zla ba'i steng/ /swa las rin chen 'bar ba bzhi/ /rin chen rigs kyi sems par gyur/ /g.yas pa rin chen g.yon pa na/ /tshe'i bum pa thugs khar 'dzin/ /btso ma gser 'dra skyil krung bzhugs /nub du pad zla h+ri bzhi las/ /pad ma 'dab ldar gyur pa las/ /pad ma'i sems dpa' bzhi ru 'gyur/ /phyag g.yas rang rtags pad ma bsnams/ /g.yon pa bum 'dzin rgyan spras shing/ /skyil krung dag gis bzhugs pa'o/ /byang du gdan stengs a bzhi las/ /rdo rje rgya gram las gyur ba'i/ /las kyi sems dpa' bzhi ru gyur/ /sngo ljang rgya gram bum pa 'dzin/ /gzhon sgeg mdzes shing skyil krung bzhugs/ /'od zer tshogs gyis bskor ba'o/ /shar sger dza dang lcags kyu las/ /lcags kyu ma ni mu tig mdog /lho sgor hUM las zhags ba ser/ /nub du baM las lcags sgrog dmar/ /byang du ho? las dril bu ljang/ /lha mo de dag thams cad kyang/ /'khril ldem gzhon sgeg rgyan spras mdzes/ /zhal ni phyir gzigs bzhengs pa'o/ /gru chad bzhi la mchod pa'i/ /lha mo spyi dang 'thun bar bsam/ /de las thugs kha'i 'od zer gyis/ /rang bzhin gnas nas ye shes pa/ /'di brjod spyan ni dad? bar bsam/ /hUM gdod nas rang bzhin mkha' ltar dag /thugs rjes gzha' tshon skur ston pa/ /bcom ldan gsung mchog 'od dpag med/ /rang bzhin lhun grub gzhal yas nas/ /ting 'dzin gzugs brnyan dam pa 'dir/ /'gro ba'i don du spyan 'dren na/ /tshe zad tshe? nyams bsal mdzad phyir/ /gnas 'di nyid du gshegs su gsol/ /rdo rje rin chen pad+ma dang/ /las kyi rigs mchog tshe dpag med/ /mchod pa'i lha mo rnams bzhi dang/ /sems pa bcu drug sgo mar bcas/ /rang bzhin dkyil 'khor chen po nas/ /ting 'dzin gzugs brnyan dam pa 'dir/ /tshe dang longs spyod rgyas pa dang/ /thugs mchog ye shes thob bya'i phyir/ /gnas 'di nyid du spyan 'dren gyis/ /byin gyis brlab phyir gshegs su gsol/ / dza hUM baM hos dgug cing gzhug /mnyes par gyur la mchod pa dang/ /bstod pa rgyas dang bsdus pa bya/ /sku gsung thugs ni byin gyis brlab/ /de nas bying rgod rab spangs la/ /ma yi? lha rnams rab tu bsgom/ /de rjes bzlas pa bya ba ni/ /lha rnams thugs kha'i bum pa'i nang/ /h+ri hUM swa bruM a las ni/ /rang rang sngags kyis bskor bar bsgom/ /oM h+ri bruM badzra dz+nye na a yu she swAhA/ /oM hUM bruM badzra dz+nya na a yu she swAhA/ /oM swa b+huM badzra dz+nya na a yu she swAhA/ /oM b+h+ruM bruM badzra dz+nya na a yu she swAhA/ /oM a druM badzra dzA na a yu she swAhA/ /de rnams yab kyi bsnyen pa'o/ /yum gyi bum par a pa ra/ /mi ta bsams la sngags 'dis bskor/ /oM bruM a pa ra mi ta a yu dz+nya na su bi no tsi ta ta tsi ra tsa ya swAhA/ /yum mchog lnga'i snying po brjod/ /phyogs bcu'i sems dpa' bcu drug po/ /gtso bo'i sngags rnams bskor ba bsgom/ /dza hUM baM ho a pa ra mi ta a yu dz+nya na su b+hi ni swAhA/ sgo ma bzha'i snying po'o/ /de ltar bum pa'i sngags rnams la/ /dmigs nas bzlas pa byas pa yis/ /yig 'bru rnams las bdud rtsi'i rgyun/ /byung bas bum pa gang bar bsaM// bum nang ye shes bdud rtsi'i rgyun/ /rang gi gnas gsum thim pa yis/ /lus ngag yid gsum nad gdon dang/ /sdig sgrib dag nas dbang bzhi thob/ /'chi med dngos grub thob par bsam/ /de nas rang gis sngags bzlas bas/ /dkyil 'khor lha tshogs thams cad kyang/ /rang rang gsang sngags zlos par bsam/ /rang snying sa bon shar phyogs nas/ /lha mo dkar mo lcags kyu thogs/ /dpag med shar du 'phros pa yis/ /nad gdon zhi ba'i las byas nas/ /dri za'i lag nas tshe bkug nas/ /rang dang bum bar bstim par bya/ /de bzhin lho'i zhags pa las/ /tshe dang long spyod rgyas byas nas/ /gshin rje'i lag nas che bkug nas/ /gong bzhin du ni bstim par bya/ /nub kyi lcags sgrog dmar mo yis/ /srid gsum ma lus dbang bsdus te/ /chu lha'i lag nas tshe bkug nas/ /bstim zhing klu gdon dag par bsam/ /byang gi dril bu dges mdzad mas/ /nad gdon log 'dren tshar bcad nas/ /gnod sbyin lag nas tshe bkug nas/ /gong bzhin dmigs pa gsal bas bstim/ /shar phyogs rnam rgyal bum par ni/ /rdzas dang mgul chings kha rgyan bcas/ /phyag mtshan bris la bzhug par bya/ /phyi ni bum pa'i rnam pa la/ /nad ni gzhal yas khang du bsam/ /gong bzhin bdud rtsis bum pa gang/ /de yis rang gzhin thams cad kyi/ /nad gdon sdig sgrib sangs dag nas/ /'chi med dngos grub thob par bsam/ /las bum rta mgrin bskyed pa yang/ /bgegs kyi steng du bzhag par bya/ /de yis rang gzhan bar chad srung/ /bdud rtsi dmar pos khrus bya'o/ /de ltar rang don gzhan don la/ /ma yengs bskyed rim gsal bo yis/ /zla ba gcig tu sngags bzlas na/ /rtags rdzogs zla drug zhal mtheng 'gyur/ /de yang rgyun du nyams len na/ /kha ta'i skad kyis ma non par/ /mdun du gtso bo yab yum bsam/ /gsol ba btab la mchod bstod bya/ /bum ba dag la dmigs nas/ ni/ /gsang sngags nyi shu rtsa gcig bzlas/ /de'i bdud rtsi'i rgyun byung nas/ /rang gi spyi gtsug thim pa yis/ /'chi med tshe'i dngos grub thob/ /tshe dpag med par gyur par bsam/ /brtan pa'i yan lag sngags bzlas so/ de yis tshe nyid nyi zlar 'gyu/ /tshe nyams la sogs smos ci dgos/ /gsangs nas bsgrub pa rab tu bsngags /de nas gsang sgrub bshad par bya/ /dkyil 'khor gong dang 'dra ba la/ /yab lnga'i sku mdog dmar zhing 'tsher/ /sna tshogs rin chen rgyan gyis spras/ /bum pa thod par bcas 'dzin pa/ /rdo rje skyil krungs bzhugs pa'o/ /yum lnga sku mdog yab dang 'dra/ /gzhon sgeg rgyan mdzes sku sha rgyas/ /'dzuM zhing nu ma 'bur ba yi/ /g.yas pa pad+ma rdo rje dang/ /rin chen 'khor lo rgya gram ste/ /g.yas pa rang rtags phyag mtshan 'dzin/ /g.yon pa thad? pa bdud rtsis bkang/ /yab la stob cing skyil krungs 'khril/ /yab kyi 'od zer dkar ba'i mdog /yum la phog cing yum gyi ni/ /'od zer yab la phog pa yi/ /yab yum 'od zer tshogs 'khrug cing/ /snyoms 'jug zag med bde ba rgyas/ /gnyis su med pa'i sbyar mtshams nas/ /byang sems dkar dmar bdud rtsi'i rgyun/ /rang gi gnas gsum phog pa yis/ /lus ngag yid gsum sdig sgrib dang/ /thun mong ma yin dbang bzhi thob/ /rang lus zag med bde bas rgyas/ /ye shes lus la mgon por bskyed/ / shar phyogs khyams la rdo rje'i rigs/ /khro bo zhal gcig phyag gnyis pa/ /mdog dmar phyag g.yas rdo rje bsnams/ /g.yon pa ra ga'i bum ba bsnams/ /sprul dang rin chen sna tshogs brgyan/ /me ri 'bar ba'i rlong dkyil gnas/ /g.yas bskum g.yon brkyang bzhengs pa'o/ /yum kyang mdog dmar rdo rje dang/ /bum pa 'dzin cing yab la 'khyud/ /khro zhing cung zad dgyes par bsam/ /lho phyogs su ni rin chen rigs/ /yab yum g.yas pa rin po che/ /g.yon na tshe'i bum pa bsnams/ /nub phyogs bud+d+ha'i khro bo ni/ /yab yum g.yas pa 'khor lo ste/ /g.yon pa tshe'i bum pa bsnams/ /byang shar 'phrin las khro bo ni/ /yab yum g.yas pa rgya gram bsnams/ / g.yon pa tshe'i bum pa bsnams/ /dbus kyi steng dang 'og tu ni/ /khro bo yab yum g.yas pa ni/ /pad+ma 'dab lnga bsnams ba ste/ /g.yon pa tshe'i bum pa'o/ /phyogs bzhi khro bo gnyis gnyis bsgom/ /rgyan dang cha lugs sku mdog rnams/ /shar phyogs bzhin du bsam par bya/ /sgo ma bzhi ni mdog dmar zhing/ /zhal ni phyir gzigs khro mo'o/ /gtso bo lnga dang khro bcu'i/ /bum pa dag la dmigs nas ni/ /gsang ba'i sngags ni bzlas bar bya/ /oM h+ri hUM sba bruM a/ dza hUM paM ho/ a pa ra mi ta a yu dz+nya na ma ha si ti/ ha sa ni ri swAhA/ de skad ma yengs bzlas pa yis/ /bum pa'i chu rgyun spyi bor phog /sdig sgrib dag nas dbang bzhi thob/ /de nas rang nyid yab yum du/ /gsal la gsang ba'i sngags bzlas so/ /shar dang byang shar mtshams su ni/ /bum pa lhar gnas gong bzhin bsam/ /rang dang lha rnams sngags zlos bsam/ /'chi med bdud rtsis bum pa khengs/ /rjes su lha rnams zhu pa'i chus/ / rang gzhan thams cad khrus bya'o/ /de yis mchog dang thun mong gi /dngos grub thams cad 'byung bar 'gyur/ /de nas kho na nyid 'di bsgrub/ /lus gnang gtum mo bzhin du bya/ /rang nyid mgon por gsal ba yis/ /gsang gnas tshes 'byung gru gsum du/ /h+ri:dang raM las me 'bar bas/ /khong pa'i nang rnams thams cad khengs/ /spyi bo haM brgyad zhu ba las/ /bde chen bdud rtsi'i rgyun babs pas/ /rtsa rnams khengs pas bde ba rgyas/ /drod dang bde ba'i khyad par kun/ /steng 'og rlung gi gnad ces bya/ /rta bdun ri bong rgyas btab nas/ /mthar thug lhun grub rnam gsum thob/ /bcu gsum sa rnams rdzogs par 'gyur/ /bcom ldan 'das tshe dpag tu med pa'i bsgrub thabs/ ye shes gyi mkha' 'gro ma grub pa'i rgyal mos mdzad pa rdzogs so// // */ /tshe dpag med kyi dkyil 'khor cho ga bzhugs so// //rgya gar skad du/ a ba ra mi ta a yu