བོད་ཡིག

e-texts based on the ACIP/ALL Input

pa'i slob dpon dag gi dbyug tshe la dbang ba'i rig 'dzin thob pa des 'chi bdag bzlog pa'i phyir mdzad pa rdzogs so// //rgya gar gyi mkhan po mar me mdzad grags pa dang/ lots+tsha ba tshur pra ba ka ras bsgyur ba'o// // bde ba'i 'byung gnas dpal ldan rje btsun ma la bstod pa bzhugs so// //oM swa sti/ bde ba'i 'byung gnas dpal ldan rjes btsun ma/ /nyes tshogs 'khor ba'i 'jigs pa chen po dang/ /sdug bsngal kun la skyob par mdzad pa mo/ /bcom ldan sgrol ma yum la phyag 'tshal lo/ /yid 'ong rnam mdzes lha'i gzugs dang ni/ /srid gsum ma lus thams cad zil gyis mnan/ /yon tan mtshon dang dpe byad phun sum 'tshogs/ /tshogs gnyis mthar phyin ma la phyag 'tshal lo/ /'jigs dang 'jigs pa chen po brgyad dang ni/ /dus min 'chi dang 'khor ba'i sdug bsngal dang/ /srid pa'i rgya mtsho che las khyod kyis sgrol/ /thugs rje'i spyan mnga' ma la phyag 'tshal lo/ /kun sbyar 'ching bsang dag 'dzin pa dang/ /phyin ci log gi 'jigs tshogs lta ba la/ /bdag 'dzin nam mkha' i mdud pa grol bar mdzad/ /stong nyid sku mnga' ma la phyag 'tshal lo/ /rab tu sdug cing 'phongs par gyur pa la/ /lha mo khyod ni dran pa tsam gyis kyang/ /sdug bsngal kun las rab tu thang par mdzad/ /bkra shis bde sbyin ma la phyag 'tshal lo/ /dus gsum rgyal ba rnams kyis thugs rje las/ / khyod ni 'khrungs shing sangs rgyas rnams kyi yum/ /rgyal ba'i sras po rnams kyang khyod las skyes/ /lha'i lha mchog ma la phyag 'tshal lo/ /skyon gyis ma gos pad+ma zla gdan la/ /sna tshogs gzugs can rje btsun ma khyod ni/ / ud pa la dang rin chen rgyan gyis phreng/ /ltar mdzes kun mkhyen yum la phyag 'tshal lo/ /rmi lam ngan dang ltas ngan glo bur ba/ /bdud bzhi'i sde dang dpung rnams ma lus bcom/ /sgrib gsum nyes ba'i rtsa ba drung nas 'byin/ /dpa' mo g.yul las rgyal la phyag 'tshal lo/ /'dod pas gdung ba'i skye bo chags can la/ /rin chen gter mdzod 'phags pa'i nor bdun dang/ /zag med yon tan gdul bya'i bsam pa bzhin/ /dgos 'dod re ba skong ba'i nor bu ma/ /snyigs ma'i skal par nad mtshon mu ge'i/ /sems can dus min glo bur 'chi ba la/ /skye 'chi 'pho 'gyur med par thugs chud nas/ /dus gsum bsgres rgud med pa'i rigs 'dzin ma/ /rang rgyud nyes pa'i dmag gis bcom pa la/ /bzod pa'i go gyon shes rab mtshon cha yis/ /nyon mongs log pa'i dpung? rnams 'joms mdzad cing/ /'khor pa'i g.yul las rgyal ba'i dpa' mdzad ma/ /'gro kun sred pa'i nyes pas skom pa la/ /chags med bdud rtsi'i chu yis 'gro rnams la/ /rgyun chad med par rab tu tshim byed cing/ /nad med chos kyi 'khor lo rab bskor ma/ /gzi brjid 'od kyis gza' bdud zil gyis khrims bsil zer can/ /yon tan ri bor 'dzin phyir mdo 'od zla mo dbyed/ /thugs rje'i ? kyis srid pa'i chu klung skems/ /mthon dman kun la gsal ba'i rta bdun ma/ /lha bran skar tshogs nang na zla nya laM zhal/ /nyes pa'i gza' bral sgrib ba'i rab rib bsal/ /nyon mongs gdud ba'i tshul khrims bsil zer can/ /yon tan ri bor 'dzin phyir mdo 'od zla rgyas ma/ /bsam gtan rdzid bur nyams kyi bad sdong 'khrungs/ /drod rtag po 'dab bde ba'i ge sar rgyas/ /gdangs pa'i dri bsung bud ba'i 'khor tshogs tshims/ /bying rgod 'dam gyis ma gos chu skyes me/ /rnam dag gangs rir nus pa'i rtsal chen rdzogs/ /rigs pa'i mchu sder mu stegs ri dags 'dzoms/ /bdag med sgra'i nyan thos wa tshogs skrags/ /theg dman zil gyis gnon phyir mi 'jigs ?// dga' ba'i tshar nas byang chug stobs chen rdzogs/ /ting 'dzin chang gi nus mthus glang chen myos/ /dran pa'i mtshon chas bag med g.yul do 'dzoms/ /mos pa'i rgya mtshod 'jug pa'i rab brtan ma/ /'khor ba mya ngan thad la 'khyam ba la/ /theg chen myur mgyogs shugs kyi zhon pa la/ /rdzu 'phrul rkang pas theg chen lam bsgrod nas/ /smon lam shes rab rdzogs ba'i cang shes ma/ /nyon mongs dug la spyod kyang zhen pa med/ /nyes tshogs skyon gyis mgos sku mdog mdzes/ /ma yengs chos nyid zab mo'i mdang? la gzigs/ /ngo mtshar mdzes bskyed pa'i rma bya med /stod pa'i mkha' ltar lta ba'i gshogs rlabs gcod/ /ngan song gcod rod g.yang sar nyam nga med/ /brtul zhugs mchu sder rtogs pa'i klu rgyal 'joms/ /tshangs pa'i gsungs snyan ka la ping ka mA /bskal ba'i mun nag nyes pa'i rdul khrod du/ /rin chen sems stor btsal ba'i don chen du/ /zhi gnas lhag mthong snum gyis sgron me bskyed/ /ma rig mun pa sel ba'i snang gsal ma /bag chags g.ya' bral kun gzhi me long gis/ /rtog med sgrib pa'i dri ma rnam bsal nas/ /bsal ba'i thugs brtan pa'i gzugs brnyan shar/ /gnas lugs rang bzhin gsal ba'i mdzes ston ma/ /lnga phung btson rar yid kyi btson bu de/ /bdag 'dzin nyon mongs lcags kyis bcings pa la/ /stong nyid rnam thar rtogs pa'i lde mig gis/ /sdug bsngal 'ching las sgrol ba'i thar byed ma/ /mtshan ma'i yul ngan sdig pa'i smag rum na/ /snyoms las le lo gnyid kyis non pa la/ /brtson 'grus glog dang chos kyi 'brug sgra yis/ /gsal zhing go bar sgrogs pa'i dbyangs chen ma/ /'jig tshogs phung po mi gtsang dur khrod nas/ /lta ba'i tshe srog rtag chad mthar shi la/ /byang chub rga shi med pa'i bdud rtsi yis/ /skye 'gag med par gso pa'i bdud rtsim/ /le lo g.yeng ba'i bsod nams ra ba na/ /nyes spyod dgra kun dge ba'i nor 'phrog la/ /dran pa'i so pa bslab bya nyams skabs su/ /shes bzhin mas rtses bsrung ba'i 'tsho byed ma/ /log lta'i than pas dge ba'i myu gu gdungs/ /byams pa'i sprin 'dus thugs rje'i chu rgyud gyis/ /dad pa'i zhing spangs byang chub lo tog rnams/ /smin pas 'jig rten gso pa'i 'tsho byed ma/ /nam zhig srog gi dbang po 'gag pa'i tshe/ /bshes gnyen srog dang bral nas gshin rjes khrid/ /nyams thag nga ros ? 'dod 'bod pa la/ /'jigs ba skyob phyir srid gsum gnyen cig ma/ /rtsod dus lnga brgya'i skye ba dug lnga rag /sangs rgyas bka' smod mkhas pa'i sku la bsdo/ /log ltas byang chub bar chad byed pa'i/ /dgra bo? myur du gsod pa'i mkha' 'gro ma/ /shes rab mgo bu ma rig ling thog gis/ /mdongs nas mi kham g.yang sar ltung ba la/ /bsdu ba'i lcags kyus bzung nas yang dag lam/ /ma nor drang por 'jug pa'i lam ston ma/ /sems bskyed stobs dang smon lam 'phel stobs kyis/ /dus gsum mi bshol thugs rje phyi shol med/ /sems can don la 'khor ba ma stong bar/ /dam bcas skyo dub med ba'i byams sems ma/ /rtogs pa'i chos nyid mkha' la 'gro gyur kyang// gdug pa 'dul phyir khro mo'i skur sprul nas/ /sangs rgyas bstan pa'i bar chad byed pa yi/ /dgra bo myur du gsod ba'i sgrol byed ma/ /de ltar mtshan gyi me tog bcu rtsa gnyis/ /dpe byad brgyad cu 'bras bu'i bstod pa ni/ /don kun grub byed rin chen rgyan 'drar mdzes/ /rgyal ba kun gyi bstod pa'i rgyal po mchog /mtshan thos pas ni skal ba stong gi bar/ /ngan song mi skye las dan sdig sgrib mdzad/ /glo bur 'jigs pa kun las thar byed cing/ /blo ldan rigs dang skal par ldan par byed/ /gang zhig gtsang sbra nang par sngar lang ste/ /spro zhing gus par ma yengs ting 'dzin gyis/ /gsum 'am bdun nam nyi shu rtsa gcig sogs/ /klog gam kha ton brjod pa rab bsgrags na/ /tshe rabs sngon gyi las ban bag chags sad /nyon mongs mi dge sdig sgrib 'byang bar byed/ /mtshams med lnga dang nye ba lnga la sogs/ /sdig pa stobs chen ma lus ngag par byed/ /ngan 'gro sdug bsngal 'ching ba gcod byed cing/ / srid pa'i sdug bsngal kun las grol bar 'gyur/ /mchog dang thun mong yon tan rdzogs par byed/ /rgyal ba kun gyi sras su dbang bskur zhing/ /byams sems mkha' 'gro lha srin sde brgyad kyis/ /grogs dang rje bor bkur ba'i gnas su mthong/ /bag la nyal dang shes bya'i sgrib pa rnams/ /dag cing sangs rgyas go 'phar myur du 'thob/ /tshe 'dir 'jigs pa gnod sbyin srin po dang/ /'byung po ro langs sha za mang po'i tshogs/ /grib gnon la sogs rtsub cing sdang sems kyis/ /gnod pa'i 'jigs pa dran pas sel bar byed/ /pha rol dmag tshogs gcan zan mi rgod dang/ /rkun po dug sprul rgyal po'i chad pa dang/ /seng ge glang po stag dang me dang chu/ /'jigs pa brgyad sogs dus min 'chi pa rnams/ /mtshan 'di dran pas mos pas rab brjod na/ /sdug bsngal zhi zhing sdig las thar par 'gyur/ /mdze dang rims dang dug nad la sogs pa'i/ /gnod pa'i sdug bsngal zhi zhing sel bar byed/ /byin rlabs myur zhing rab myur thugs rje can/ /gsol ba gang btab dngos grub thams cad dang/ /brtse ba chen pos skad cig nyid la ste/ /mi bsnyel skyob mdzad yum la phyag 'tshal lo/ /rgyal ba rin po che'i dgongs ba ltar/ / phun sum tshogs pa'i dge 'dun rgya mtsho rnams/ /'dun pa 'thun zhing byams pa'i sems ldan nas/ /bde ldan zhing ltar byin gyis rlab du gsol/ /sa steng 'dzam bu gling 'di thams cad kyang/ /pha rol gdug pa'i tshogs ni zhi gyur cing ngo/ /bka' rgyud rin chen dang zhing rgyas pa dang/ /'phrin las rgyun chad med par mdzad du gsol/ /thub pa'i bstan pa nyi bzhin gsal gyur cing/ /sgrub pa po rnams gang du gnas pa'i sar/ /byin gyis rlob cing mnyam par gzhog pa dang/ /sgrub pa'i 'bras bu myur du smin mdzad gsol/ /bdag cag gang du gnas pa'i sa phyogs su/ /mngon dga' i zhing dang dga' tshal lta bur ni/ /sems can sdug bsngal thams cad zhi gyur cing/ /'gro rnams bde chen sa la 'god par shog /ding nas bzung nas byang chub snying po'i dar/ /bcom ldan 'das ma khyod dang mi 'bral zhing/ /thugs rje'i lcags kyus rtag tu bzung nas kyang/ /dus rnams thams cad byin gyis brlab du gsol// yon tan mdza' yas bcom ldan 'das ma la/ /cung zad bstod pa'i bsod nams ci mchis pa/ /'gro drug 'khor pa'i sems can ma lus pa/ /bla med byang chub myur thob shog/ //'di mtshan yongs su grags pa rin po ches gsungs pa rdzogs so// //bod kyi sgra bsgyur gyi lots+tsha ba gnyan dge slong d+harma ki rtis ras 'gyur du gtan la phab pa'o// //*/ /oM thams cad grub pa dpal 'phel