བོད་ཡིག

e-texts based on the ACIP/ALL Input

dpon a k+Sho b+hya badzras mdzad pa'o// //*/ /rgya gar skad du/ sa ma ya ta ra staM ba/ bod skad du/ dam tshig sgrol ma la bstod pa/ srid pa sgrol mdzad sgrol ma khyod la phyag 'tshal lo/ / srid pa'i yum ni khyod lags sdug bsngal med par mdzod/ /byang chub 'gro bar 'dod pas gtso mo khyod bsten to/ /sdug bsngal ldan pa bdag la thugs rjes bskyab du gsol/ /thugs rje'i bdag nyid 'bras bu bdag la grub par mdzod/ /byang chub lam mchog khyod la brten nas thob 'gyur ba/ /nyon mongs mi bzang dga' i me rnams 'bar ba la/ /ye shes char gyis rgyun gyis bsil bar mdzad du gsol/ /'jig rten gsum na dbyings kyi sems can ma lus pa/ /sgrol ma khyod ni rlung lha'i ngo bo 'am bdag nyid de/ /yon tan yid bzhin nor bu rin chen sku 'dra ba/ /sems can 'jigs par lhung nas bying ba bskyab par mdzod/ /khyod kyis dgra rnams ma lus myur du bsal bar mdzod/ /klu'i dug ni khyud gis bcom nas zhi ba ltar/ /khyod kyis dpal ldan sku mchog gang gis mthong gyur na/ /sdig pa kun bcom bsod nams dpag med thob par 'gyur/ /don grub khyod mthong grub pa rnams ni 'grub 'gyur zhing/ /thugs rje'i bdag nyid sems can thams cad sgrol mdzad pa/ /khyod kyis byin brlabs bka' drin bdag la 'byung 'gyur ba/ /blo dan bsod nams chung ba bdag ni gzung du gsol/ /rtag tu bdag gi khyod kyi gzugs ni g.yar dam bsgom/ /sa gzhi 'dra bar byams pas 'bras bu smin mdzad ma/ /kye ma'o rtag tu bdag ni sdug bsngal gzhir gyur te/ /ma bzhin phan pas dngos grub 'bras bu cis mi gsol/ /lha mo khyod kyis 'gro ba ma lus bde bar mdzod/ /dman pa'i sems kyis srid pa'i rgya mtshor lhung gyur pa/ /de dag skyab med gyur te shin tu sems gdung la/ /gtso mo khyod kyis 'gro ba yang nas yang du bsgral/ /zhi bar gyur ba'i gzugs can khyod ni thugs rje'i bdag /zhal ni nyi ma'i 'od pas shin tu khyab par gsal/ /sdig pa'i gti mug shin tu mi bzad 'joms mdzad pa/ /sgrol ma dam tshig sgrol mdzad khyod la phyag 'tshal bstod/ /tshangs pa ru tra la sogs rtag tu phyag 'tshal zhing/ /rin chen sna tshogs rnams kyis mdzes par spras gyur pa'i/ /dbu'i rgyan rnams khyod kyi zhabs ni brgyan gyur te/ / dang ba'i sems kyis rab tu bstod de 'dud par byed/ /mtho ris lha rnams ltung bas shin tu 'jigs par skrag /de bas sems ni shin tu dang bas dad pa skyes/ /'phags ma sgrol ma khyod kyis de phyir skyab grol mdzod/ / bskul ba thugs rjes skyes nas gsung gi mi 'jigs sbyin/ /lha rnams 'khor bcas yang ni sems ni dad pa skyes/ /man d+ha ra ba in tra ni la'i 'phred ba sogs/ /pad ma lta bu'i zhabs la lha rnams mchod mchog mchod/ sna tshogs mchod pas mchod de khyod la bstod phyag 'tshal/ /mchod pa mchog gis lha rnams khyod la mchod byed pa/ /bsod nams 'bras bu rang gi thob par bya ba'i phyir/ /mchod pa dgyes dang mi dgyes khyod la mi mda' yang/ /thugs rje'i bdag nyid ldan pas lha rnams gzung bar mdzod/ /sngon tshe mi zhig mtshan mo don gnyer lam 'gro ba/ /don sar ma phyin lam na dgra dang phrad pa la/ /shin tu 'jigs sgrag sdangs te sgrol ma rjes su dran/ / byin gyis rlabs kyis dgra de bran bzhin dbang du bsdud/ /sngon tshe mi zhig nags dkyil glang chen phrad/ /glang chen 'khros nas mche bas rab tu bzung ba las/ /ha ha zhes smras du 'bod sgrol ma sgrol mdzad bos/ /de ma thag tu gtso mos glang chen 'jigs pa bskyab/ /sngon tshe mi zhig dogs med khyim na nyal ba na/ /dgra chen gdug pas de'i khyim la me btang nas/ /skrag cing sdangs te langs nas sgrol ma sgrol mdzad bos/ /de ma thag tu char gyi rgyun gyis me 'bar zhi/ /sngon tshe smad 'tshong mdzes ma rol phyir nags tshal phyin/ /langs te a sho ka'i yal ga gzung ba la/ /yal ga'i rtsa na sbrul nag 'khros pas de la bzung/ /sgrol ma dran pa tsam gyis sdul gdug rab tu zhi/ /sngon tshe tshong dpon nor ldan don gnyer lam 'gro ba/ /grong khyer ma slebs lam du mi rgod phrad pa las/ /de'i 'jigs pas yum chen sgrol ma rjes su dran/ /byin gyis brlabs kyis dgra rnams bran bzhin dbang du bsdus/ /sngon tshe mi zhig 'phongs nas rkun mar song ba las/ /mdzod khang nang du phyin nas rgyal po'i nyul mas bzung/ /khyer nas btson khang nang du lcags sgrog mang pos bcings/ /skrag ste sgrol ma dran pas bcings pa'i sdug bsngal bral/ /sngon tsha 'phags pa'i dge bsnyen tsan tra go mi des/ /'khor bcas rgya mtshor gyur zhugs gru de lam du zhig /sgrol ma dran te thal mo sbyar te rjes su bstong/ /byin rlabs mngon du zhal/ bstan chu las gling du chags/ /rgyal po gcig ni 'chags khang nang du nub mo phyin/ /skabs su bgegs kyis gdug pas de la bzung ba las/ /shin tu 'jigs skrag sngags pas sgrol ma rjes su dran/ /gtso mo khyod kyis bsrungs pas 'byung po'i 'jigs pa bral/ /'jigs pa chen po brgyad ni de ltar med par mdzad/ /thugs rje'i bdag nyid sgrol ma khyod kyis yud tsam gyis/ /srid gsum ma lus sems can rnams ni 'jigs med mdzad// bdag ni shin tu 'jigs skrag gtso mo khyod la skyabs su mchi/ /'jig rten sems can khyod kyis mtshan tsam sus thos pa/ /thos pa tsam gyis sdig pa'i 'jigs pa 'joms par mdzad/ /bdag gis dad pas nang nub khyod bsngags rjes su dran/ /sdug bsngal bdag ldan gtso mo khyod kyis bsgral bar mdzod/ /kye ma ho bdag ni khyod kyis bsgrub par dka' ba ste/ /nang nub khyod kyi sngags ni bzlas brjod brtson par bgyis/ /bdag ni sdig ldan de phyir khyod ni grub ma gyur/ /'jigs sems ldan pa bdag la lha mos dngos grub gsol/ /ma rungs sems can rmongs bas dge spyod mi dran pa/ /gti mug drag pos bsgrib bas lam mchog ma mthong ste/ /bsod nams chud pas bdag ni sdig pa'i g.yang sar ltung/ /sdug bsngal 'joms mdzad sgrol ma khyod la skyabs su mchi/ /dgra dang glang po che dang me dang sprul dang ni/ /chom pos bcings pa chu dang 'byung po'i 'jigs pa rnams/ / sgrol ma thugs rje ldan pa bdag gis bstod byas pas/ /srid gsum sems can ma lus sdug bsngal kun bral shog /yum chen lha mo dam tshig sgrol ma la bstod pa ko sa la'i yul rin chen ri zhes bya ba'i gnas na bzhugs pa'i slob dpon dag gi dbyug tshe la dbang ba'i rig 'dzin thob pa des 'chi bdag bzlog pa'i phyir mdzad pa rdzogs so// //rgya gar gyi mkhan po mar me mdzad grags pa dang/ lots+tsha ba tshur pra ba ka ras bsgyur ba'o// //