བོད་ཡིག

e-texts based on the ACIP/ALL Input

uSh+NI? Sha sngags kyi man ngag gi sgrub thabs slob dpon sh+rI sing tas mdzad pa paN+Di ta de nyid dang bai ro tsa na'i 'gyur yin// //rgya gar skad du/ uSh+Ni Sha man+t+ra u pa de sha sad da na nA ma/ bod skad du/ a'u Ni sha sngags kyi man ngag gi sgrub thabs zhes bya ba/ dpal gtsug tor 'khor los sgyur ba la phyag 'tshal lo/ /drag po sngags kyi rba thabs/ man ngag las kyi rim pa/ /bzlog pa kun gyi yang snying/ /srung ba kun gyi gsang mchog /bca' thabs las kyi khyad par/ /dga' rab rdo rje'i man ngag /'jam dpal bshes gnyen thugs dam/ /shi ri seng da'i brnag pa/ /u Ni sha'i man ngag bshad/ /ci phyir byad ka bzlog pa dang/ /yul khams bsrung dang sa bdag srung/ /dam nyams bsgral dang 'dre srin gdul/ / rims nad lha 'dre'i chad pa srung/ /sangs rgyas bstan pa rgyas phyir bri/ /de'i man ngag bstan pa ni/ /rnam pa gsum du bsdus te bstan/ /rtogs pa lta bas bsrung ba dang/ /rten 'brel rdzas kyi bsrung ba dag/ drag sngags nus bas bsrung ba'o/ /lta bas bsrung ba rnam gnyis te/ /mtshan med stong bas bsrung ba dang/ /mtshan bcas lha skus bsrung ba'o/ /mtshan med stong pas bsrung ba ni/ /phyi'i yul gyi snang ba rnams/ /snang srid sgyu ma chen por gnas/ /nang gi rig pa byang chub sems/ / skye 'jig med pas ye sangs rgyas/ /phyi nang snod bcud thams cad ni/ /lus pa med par ye shes dang/ /mkha' dang bem po gsal ba yang/ /gsal Na par rgyan dang khyud rdzogs par sgom/ /rin chen khri rkang sen dang/ /nyi zla pad+ma'i gdan bshams nas/ /rgyu las bskyed pa'i sngags brjod pas/ /gtsug tor rnam par rgyal ba ni/ /zhal gcig phyag gnyis mthing nag sku/ /sdigs mdzub lcags kyu'i phyag rgya can/ /mtshan dang dpe byad ldan par bsam/ /hUM ka ra dang rnam par rgyal/ /dbyug sngon gshin rje mi g.yo mgon/ /rta mgrin 'dod rgyal bdud rtsi 'khyil/ /khams gsum rnam rgyal stobs po che/ /hUM gi rgyu las rang sngags brjod/ /sku mdog phyag mtshan rdzogs bar bsgoms/ /bsten pa'i sngags la 'bad de bzlas// gang la dmigs pa bzhin du 'grub/ /spyi don gnyis 'dir bstan pa/ /rten 'brel rdzas kyi bsrung ba ni/ /rnam pa gnyis su shes par bya/ /phyi'i ri rab bcas lugs dang/ /nang gi 'khor lo'i bcas lugs so/ /phyi'i ri rab bca' lugs ni/ /dbyibs dang kha dog rgyu dang ni/ /nang gi mtshan nyid bzhi du bca' / /dang por ri rab rmang dag tu/ /dkyil 'khor khru gang gru bzhi la/ /rgya dang 'phang du khrur btang/ /gling dang gling phran ri bdun bcas/ /gru bzhi zlum po zla gam dang/ /sogs ka'i dbyibs su legs bar bya/ /kha dog dmar ser dkar sngo byug /rgyu ni lha khang h+rul po dang/ /re'u rul 'dre can skyes pa drir shi'i sa/ /phung sa bkra mi shis pa'i sa/ /mdze po yugs sa'i khrag dang ni/ /dgra bo'i dri chen dri chur sbyar// mkhas pas rang gi dri ma ni/ /ma song pa ru legs par bya/ /de'i nang du gru gsum bru/ /de'i steng du brtsigs pa ni/ /dug dang khrag dang ro bsregs sol/ /bkra mi shis pa'i sa dag dang/ /kams bzang pos bsreg pa'i rgyud/ /dbyibs ni gru bzhi lam pa la/ /mdog ni nag por byug par bya/ /'phrin las mtshon pa'i sgo btod la/ /rang gi kha dog bzhin du bri/ /'phang du sor bzhi legs par bya/ /nang gi gru gsum dag tu bru/ /de steng bad chung btang nas ni/ /khri 'phang bzhi ni brtsig par bya/ /de rgyu dbang po che yi mi/ /thams cad dbang du sdud pa de'i/ /zhing sa blangs la kham par bsre/ /rta mi bud med khyi blang dmar/ /drug po dmar pa'i khrag dang sbyar/ /dbyibs ni gru bzhi bas rim bzhi'i/ /mdog ni phyi nang dmar por byug /nang gi zla gam dmar por bru/ / las ni dbang gi las mtshon no/ /bang rim gong ma'i steng du yang/ /klu rigs bzhi'i sprul bzhi bzhag /blu gnos pa dang sa bzangs bsre/ /ba dmar rgyud pas srog shing bya/ /kha dog dkar khra ser khra dang/ /dmar khra dag? khra zur bzhir bzhag /de yi steng du bzhag pa ni/ /gru bzhi sogs kar byas pa'i dbyibs/ /rgyun rgyal po la sogs pa/ /'byor pa can gyi sa blangs te/ /khams dag dang bsre ba dang/ /mkhas pas byas la pad chung btang/ /mdog ni phyi nang ser por byug/ /nang ni rgyas pa mtshon pa'i phyir/ /gru bzhi dag tu bru bar bya/ /de'i steng du rgyal chen bzhi/ /sku mdog phyag mtshan rdzogs par byas/ /phyogs bzhi dag tu legs par bzhag /de'i steng du brtsigs pa ni/ /rgyu ni phyug po bkra shis cing/ /'byor pa ldan pa'i sa dang ni/ /'bru sna lnga dang rin chen lnga/ /bdud rtsi lnga dang spos lnga dang/ /bzang drug sman rnams sbyar te bya/ /dbyibs kyi mtshan nyid bstan pa ni/ /rmad du pad+ma 'dab brgyad bya/ /nang du bshig ba'i 'khor lo bzhug /pad+ma 'dab ma bcu drug go /steng du bad chung gtang bar bya/ /de steng yid bzhin rin po che/ /rtse mo rno ba dpal dang ldan/ /bad chung steng du gzugs pa ni/ /sde brgyad bzlog pa'i phur? pa gzugs/ /thams cad dbyibs ni zlum po ste/ /pad+ma 'dab brgyad phyogs mtshon btang/ /rin chen mdangs ldan nag po ljang/ /dmar ser dkar bas me ri bcas/ /yid du 'od zhing mdzes bar bya/ /phyi nang gnyis ka zlum por bru/ /las ni zhi ba mtshon par nges/ /ri rab de yi nang dag tu/ /nang gi 'khor lo'i bca' thabs ni/ /drag po mtshon pa'i ri rab smad/ /gru gsum nang du bzhugs pa ni/ /sbrul dang sbal pa sdig pa'i sha/ /klu gnyan sa dang dkar gsum dang/ /dngar gsum bsres la gzugs bya ba /gsod byed mgo dgu nag po ni/ /klu glang dmar po chibs su bcibs/ g.yas pa nad kyi brkyal pa ste/ /g.yon pa sbrul nag thogs pa'i gzugs/ /mkhas par byas te khong par ni/ /pho 'khor me 'khor ste sbyar? gzhag /ri rab rmad gi bad chung la/ /'og tu rdo rje rgya gram bri/ /steng du gru gsum nag por bya/ /de'i lags bar kha yang gcad/ /de steng ri rab sor bzhi'i nang/ /dgra bo'i rdzas la gzugs byas la/ /snying gar gsad pa'i 'khor lo bzhug /phyogs bzhi zhi rgyas sgo nang du/ /lha srin sde brgyad gnad dbab phyir/ /rang gshed dbab pa'i 'khor lo brgyad/ /rgya shog dag la bris te bzhag /phyogs mtshon zhi rgyas dbang drag gi /gzungs thag btags te phur pa la/ /brtod de dus su sngags kyi gzer/ /de steng bang chung dag la yang/ /'og tu rdo rje rgya gram bri/ /rwa ni phyogs mtshon dag du bri/ /steng du zla gam dmar po bri/ /bang rims bzhi pa'i nang du yang/ /lha srin sde brgyad dbang bsdu'i phyir/ /rtsibs brgyad rigs bzhi sprul ldan gyi/ /'khor lo chen po brgyad pa'i steng/ /shog bu bzang po dag la yang/ /mdun rgyab gnyis su bri bya ba/ /yab ni bya rgod 'og rkyang bcibs/ /dbyug? to g.yas la khram shing g.yon/ /tha ma rang gi srog sngags bskor/ /snang srid skos kyi bdag po yis/ /pho 'dre thams cad dbang du sdud/ /yum ni dug sbrul nag po zhon/ /g.yas pa tsit+ta dmar po 'dzin/ /g.yon pa nad kyi rgyal pa bsnams/ /rang sngags srog snying mdza' bskor te/ /srid pa 'byung bzhi yid drod snyoms sam/ /mi rigs dbang du sdud par bsgom/ /nang gi 'khor lo'i zur bzhi ru/ /gshin rje bzhi yi phur pa gzugs/ /dar gyi cod pan re re gzugs/ /sku gsung thugs kyi snying po dgong/ /dang sngags dpal la dri ste gzugs/ /de steng rdo rje rgya gram yang/ /'og tu sna tshogs rgya gram bri/ /steng ma gru bzhi ser por bya/ /sa bdag klu gnyan bsrung ba'i phyir/ /klu'i 'khor lo gzugs par bya/ /'khor lo phur pa dag la brtod/ /gzungs thag btags te bzlas pa bya/ /sa bdag klu srung sngags kyis bzlas/ /de steng rdo rje rgya gram gcad/ /de steng yul khams srung ba'i/ /yungs kar yungs nag thal chen gyi/ /thun rdzas de'i nang du blugs/ /steng du 'khor lo bzhag pa yang/ /yul khams srung ba'i 'khor lo'o/ /de'i thad kar thun bug gzhag /ser ba srung ba'i sngags bzlas te/ /ser ba byung na thun rnams gtor/ /de steng rdo rje rgya gram gyis/ /kha gcad legs par gnon par bya/ /de stong rin chen tog gi nang/ /bkra shis sa la gzugs bya ba/ /rnam par rgyal ba'i sku gzugs yang/ /byas te nang du gang srung ba'i/ /ming rus bris te gzhug pa dang/ /rnam rgyal rten 'brel snying po bris pa dang/ /'bru dang dar zab gzhug par bya/ /rang nyid de ru bsgom bya zhing/ /bzlog pa'i 'khor lo rgyab tu gdags/ /srung ba'i 'khor lo mdun du ste/ /mtshon cha'i 'khor lo gdan du gding/ /de yi tha ma khro bcus bskor/ /rgya shog dag la sku gzugs bri/ /rgyab tu rang rang sngags kyis brgyan/ /nang du kha bltas bsrung bar bsam/ /gzungs thag dkar po bkra shis gdags/ /zlog dang bsrung ba'i sngags bzlas shing/ /yid bzhin rin chen khang bar bsgom/ /lha 'dre'i sbong gtong byung ba na/ /yid bzhin rin chen 'bar ba las/ /'dod pa'i longs spyod ci dgos 'byung/ /gang 'dod lha 'dre mnyes par bsam/ /de ni srung ba dam pa'i mchog /nang gi bca' gzhi'i khyad par ro/ /spyi don gsum ba bshad pa ni/ /drag sngags nus bas bsrung ba na/ /sngags ni rnam pa gnyis yin te/ /'khor lo phur dgod sngags dang ni/ /bzlas pa las kyi sngags dag go /'khor lo phur dgod sngags bstan pa/ /gsod byed 'go rgyu'i lto ba ru/ /pho 'khor mo 'khor gnyis po la/ /re'u mig brgyad la klu srog sngags/ /thang 'byams gnan pa'i sngags kyi dag /lha srin sde brgyad 'khor lo la/ /rang rang srog gi sngags kyis brgyan/ /lha srid dbang bsdus 'khor lo la/ /lha srin sde brgyad dbang bsdu'i sngags/ /rtsibs brgyad dag la bri bar bya/ /rigs bzhi klu rnams dbang bsdu'i phyir/ /sprul bar rigs bzhi'i sngags kyis dgang/ /'byung bzhi'i ming dang sngags dang ni/ /'dre srin dbang bsdu'i sngags kyang bri/ /bsud bzlog gsang pa'i 'khor lo la/ /rang rang sngags kyis brgyan par bya/ / spung? ba'i sngags la rnam gsum yong/ /yul khaMs sa bdag rang bsrung sngags/ /bri dang bzlas bar bya ba'o/ /de ltar bstan pa'i gsang sngags rnams/ /'khor lo dag la brgyan par bya/ /de ni nang gi 'khor lo sngags phyi'i phur pa rgyal mtshan la/ /bri ba'i sngags rnams bstan pa ni/ /ri rab zur la gzugs pa ni/ /byang shar phyogs su gzugs pa ni/ /mchod byed sbal pa'i rgyal mtshan gyis/ /klu rigs rang zhi rang la zlog /de mi bzlag sngags 'di dag go/ oM ka ru na tsa le tsa le hUM phaT/ /nA ga sarba duSh+Tan/ mAr ya zlog zlog/ shar lho mtshams gzugs pa ni/ /brjid gnon seng ge'i rgyal mtshan gyis/ /sdang ba'i dgra la seng ltar 'chong/ /de yi lha 'dre bzlog pa'i sngags/ /'di dag rgyan du bri bar bya/ /oM ma he b+ha ra hi sa man tra ma mu tra/ sa ma ti ma ra baM sarba lo ke swAhA/ /lho nub mtshams su gzugs ba ni/ /stobs chen srin po'i rgyal mtshan gyis/ /pho bdud dal ka g.yas su rgyud/ /de yi bzlog sngags 'di dag bo/ /oM mahA ka la man traM sarba lo ke swAhA/ nub byang mtshams su gzugs pa ni/ /gsod byed srin mo'i rgyal mtshan gyis/ /mo bdud dal ka g.yon du bsgyur/ /de la bri pa'i sngags 'di'o/ /a'oM mahA tsan ti lan gti man traM sarba lo ke swAhA/ /shog bu dag la gzugs bris te/ /mtshams bzhi dag tu legs par gzugs/ /rgyal chen bzhi la rang rang sngags/ /legs par bris te rgyab yol bya/ /yang na khong par gzhug par bya/ /phur pa brgyad la bri ba ni/ /shar du rgyal po bzlog pa yi/ /sngags 'di phur pa'i dpal la dgod/ /oM ra tsa mahA sarba lo ka du stan mA ra ya swAhA le ke swAhA/ /shar lho mo'i dpal la bri ba ni/ /lha chen bzlog pa'i sngags 'di'o/ /oM mahA b+he ra b+ha ma na traM/ /sarba lo ke swAhA/ /lho phyogs 'gong po bzlog pa'i sngags/ /oM mahA ka la g+hu na h+ri te sarba lo ki pa ra na ma ha ka la sarba ma ri na zlog zlog b+hyo/ /lho nub gza' rgyal bzlog pa'i sngags// oM ra hUM la ra ma trig sarba lo ka sa ma ya zlog /nub du bdud po bzlog pa'i sngags/ /oM badzra sarba dus stan pra ma ya hUM phaT zlog b+hyo/ /nub byang 'gong po bzlog pa'i sngags/ /oM badzra sa ma sa ma ya kye kye has bya hus bya tri pa sha ling sa ma ya sarba lo ka sarba dus stan mA ra ya/ /byang shar ma mo bzlog pa'i sngags zlog /byang phyogs btsan gyi bzlog sngags ni/ /oM mahA shu tse ra tsa sarba lo ka dus stan zlog /byang shar ma mo bzlag pa'i sngags/ /phaT ma hA de pi ki li dus stan ta ka ha na da ha pa tsa sarba dus stan b+hand+ha ba tsa ma ra ya hUM phaT/ /tra ga ra ga sha ma ma sarba ma ra ya zlog /des na ma mo bzlog pa'i sngags/ /sbur pa kun gyi dpal la bri/ /sku gsung thugs kyi yi ge dgod/ /bzlas pa las kyi sngags bstan pa/ /bsnyen sngags las sngags rnam pa gnyis/ /las sngags rnam pa gsum yin te/ /bsrung bzlog bsad pa'i drag sngags so/ /bsnyen pa dag gi sngags 'di'o/ /oM a us sni shi badzra tsakra warti sarba lo ki bruM bruM bruM bruM lo kos ta ra yan+t+ra? man+t+ra? tan+t+ra shartse Na tsur+Na bra yo gi ye na ke na ma ma kri ta gar ti tan tsa ta na sarba lo ki/ /tsind+ha tsind+ha/ b+hind+ha b+hind+ha/ ha na ha na/ da ha da ha/ de tsa ba tsa/ bi ta na sa ya/ sa ta sa ta/ phra ta phra ta/ bi tsur na/ oM a us? Ni sha badzra tsakra war ti bruM sarba lo ki swAhA/ bsrung ba'i sngags ni gsum yin te/ /yul khams bsrung dang bgegs sbyir bsrung/ /gdug pa klu bsrung rnam gsum mo/ /dang po yul khams bsrung ba ni/ /oM a u Sh+Ni sha pa tsi bi to she sha ya ma ha ya stam pa ye hUM phaT/ /gnyis pa spyi'i bgegs srung ba/ /oM a u sh+Ni sha sarba tsi ta kha tham srog gzir spar? nan 'drid phung? h+ri shag? rbad/ /gsum pa klu'i bsrung sngags ni/ /oM a ush+Ni sha ka ri ba ma bi bo ta na ga nan swAhA/ /bzlog pa bsnyen pa'i sham bu de/ /gong du bstan pas 'dir mi brjod/ /de yang bzlog dang gshig par gsungs/ /'khor lo gshigs pa'i sngags bstan pa/ /oM a us Ni sha ya ma ra tsa b+hyo zlog rbad/ /ki li ki ya b+hyo zlog rbad/ /oM ma ma te ka ma phram b+hyo zlog rbad/ /sngags ni mas bu bzlog byas la/ /'khor lo g.yon du bskor byas na/ /gang gis byas pa shigs par 'gyur/ /ri rab pad+ma 'dab brgyad la'o/ /gsad pa rnam pa gnyis yin te/ /dngos dang mnan pa rnam pa gnyis/ /gsad pa srog gi sngags 'di'o/ /oM a us sh+Ni sha ya ya rbad/ /yan+t+ra tsan+t+ra rbad/ /man+t+ra ya tsa ma zad/ /gnyis pa mnan pa'i sngags ni/ /oM a u sh+Ni sha du dus du e ka du k+She du nan/ /baM ni hUM laM sti ba nan/ /de ni mnan pa'i sngags so/ /stobs can dpa' bo'i rgyud dag las bsrung pa'i man ngag bsdus pa 'dis/ / sems can sdug bsngal grol gyur nas/ /sangs rgyas bstan pa srung bar shog/ /lnga brgya'i dus kyi snyigs ma la/ /drag sngags 'di yis don byed shog /'di la brtsams nongs gyur ba na/ /lha dang mkha' 'gro chos skyong la mi mngon dbyings su 'thol zhing gshegs/ /dzra ra jag par dgye ma dang/ /gsal ba'i mdangs ston sgyogs gcig yin/ /us Ni sha ri rang ma'i bsgrub thabs/ /slob dpon sh+ri sing ngas mdzad pa rdzogs so// //rgya gar kyi pan b+hyi ta de nyid dang/ /bod kyi lo tsa ba bai ro tsa nas bsgyur cing zhus te gtan la phab pa'o// //de nas rgyal mo g.yul sgra la babs so// ithi //