བོད་ཡིག

e-texts based on the ACIP/ALL Input

gnang ngo// //rgya gar skad du/ Arya a mo g+ha pA sha sAd+ha naM/ bod skad du/ 'phags pa don yod zhags pa'i sgrub thabs/ 'phags pa don yod zhags pa la phyag 'tshal lo/ /dang por yid dang mthun pa'i gnas su/ stan bde ba la 'dug ste/ sems can thams cad kyi don du blo skyed la/ rang gi snying gar paM las pad ma/ de'i steng du a las zla ba'i dkyil 'khor/ de'i steng du yi ge h+ri dkar po/ de'i 'od kyis lha'i 'khor lo dang/ bla ma spyan drangs te/ mdun du bzhugs su gsol la/ mchod te sdig pa bshags pa la sogs pa dang/ byams pa la sogs pa sgom par bya'o/ /de nas swa b+ha wa'i sngags kyis stong pa nyid du bsgom par bya'o/ /de nas nam mkha' i dbus su bsrung ba'i 'khor lo bsgom ste/ de'i nang du gzhal yas khang gi dbus su baM yongs su gyur pa las pad ma a yongs su gyur pa las zla ba'i dkyil 'khor de'i steng du h+ri:dkar po yongs su gyur pa las spyan ras gzigs dbang phyug zhal gcig pa phyag gnyis pa/ g.yon pa dang g.yas pa na pad+ma dang mchog sbyin no /mdog ni gser gyi mdog lta bu'o/ /shar phyogs su paM dmar po las pad ma'i steng du zla ba la/ ha:yongs su gyur pa las don yod zhags pa dmar po zhal gcig phyag bzhi pa/ g.yas kyi dang po na zhags pa gnyis pa na rdo rje/ g.yon gyi dang po na lcags kyu gnyis pa na bgrang 'phreng ngo/ /lho phyogs su baM dmar po las pad ma'i steng du nyi ma la hUM yongs su gyur pa las rta mgin zhal gcig phyag bzhi pa/ g.yas na dbyug pa dang sdigs mdzub bsnams pa/ g.yon na 'khor lo dang pad+ma 'chang ba'o/ nub phyogs su paM nag po las pad+ma'i steng du nyi ma las pha nag po yongs su gyur pa las ral gcig ma/ nag po stag gi pags pa'i sham thabs can/ khro mo'i zhal mche ba brtsigs pa'i gdong can/ phyag brgyad pa/ g.yas na ral gri dang/ zhags pa dang/ pad+ma dang/ mda' bsnams pa'o/ /g.yon pa na 'khor lo dang/ dbyug pa dang/ rtse gsum pa dang/ gzhu bsnams pa'o/ /byang phyogs su paM dkar po yongs su gyur pa las pad+ma'i steng du zla ba la Ta skya bo las khro gnyer can zhal gcig pa/ phyag bzhi pa/ g.yas kyi phyag na dbyug pa dang/ pad ma bsnams pa'o/ /g.yon pa na phreng ba dang spyi blugs bsnams pa'o/ /mdog skya bo'o/ /rten dang sa bon dang mtshan ma dang/ phyag dang zhal la sogs pa lha lnga'i bdag nyid kyis bcom ldan 'das skad cig gis blta bar bya'o/ /de nas snying ga'i sa bon gyi 'od kyis ye shes kyi 'khor lo bkug? cing gzhug pa la sogs pa dang/ de nas sa bon gyi 'od kyis 'khor lo bkug ste/ dbang bskur cing rigs kyi bdag pos dbu brgyan par bya'o/ /phyis ni spo ba dang bsdu ba byas te/ ro gcig tu gyur pas bcom ldan 'das don dam par bsgom par bya'o/ /de ltar mi nus na de'i rjes la ngag gis zlas pa'i sngags ni/ na ma:sa man ta b+hu d+ha nAM/ sarba tA thA ga tA a wa lo ki te/ kA ru Na ma ya mur ta ya/ hUM dza:swAhA/ dbus kyi bcom ldan 'das kyi snying po'o/ /a'oM h+rI:trai lokya bi dza ya a mo g+ha pA shA a pra ti ha Da h+ri:ha:hUM phaT swAhA/ de bzhin du don yod zhags pa'i snying po'o/ /na ma:sa man ta bud d+ha naM haM khA da b+hu na dza satwa ya swAhA rta mgrin gyi snying po'o/ /oM e ka dza Ti mahA ro Sha Ni tra sa ya sa ma sa ma pra sa ma na hUM hUM phaT phaT swAhA/ ral gcig ma'i snying pho'o/ /na ma:sa man ta bu d+ha naM/ sarba b+ha wa saN Da ra Ni hUM phaT pA ta ya swAhA/ khro gnyer can gyi snying po zhes bya'o/ /de nas lha'i sku la dmigs la bzlas pa bya'o/ /ye shes kyi 'khor lo gshegs su gsol te/ ji lta bde bar gnas so/ /mkhas pa gnyis med kyi rnal 'byor gyis las thams cad byas na myur du dngos grub 'grub par 'gyur ro/ /bsgrub thabs yang dag bsdus pa las/ /bdag gis bsod nams gang thob pa/ /de yis sems can thams cad kun/ /don yod zhags pa thob par shog /don yod zhags pa'i sgrub thabs/ /don yod zhags pa'i mdo las bsdus pa/ slob dpon lhan cig skyes pa'i rol pas mdzad pa rdzogs so// //rgya gar gyi mkhan po don yod rdo rje dang/ bod kyi lots+tsha ba dge slong ba ris bsgyur cing zhus te gtan la phab pa'o// //