<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N3592: dpal rdo rje 'jigs byed kyi sgrub pa'i thabs zhes bya ba<br><table><tr><td>
<input type="button" onclick="location.href='tcompletep.php?id=N3592&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N3592&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N3592&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">ma la rak+Shi tas sbyar ba badzra b+hai ra ba'i sgrub thabs pad+ma rgyas ba rdzogs so// //dpal rdo rje 'jigs byin? gyi sgrub thabs zhes bya ba bzhugs/ /*/ /rgya gar skad du/ sh+rI badzra ber ba nams sa d+ha na no pI ka /bod skad du/ dpal rdo rje 'jigs byed kyi bsgrub pa'i
 thabs zhes bya ba/ dpal rdo rje 'jigs byed la phyag 'tshal lo/ /shin tu drag chen rang bzhin gzugs/ /dpa' bo ngo tshar spyod yul can/ /gdul bka' 'dul ba'i don gyi phyir/ /rdo rje 'jigs byed phyag byas nas/ /bsgrub ba'i thabs ni yang dag pa/ /bdag
 gis gsal bar brjod par bya/ /rgyud rnams la ni rnam 'khrul ba/ /go rims pa bzhin 'dir 'jug bya/ /rdzos? la sogs pa'i mtshan nyid kyis/ /thog mar bla ma mnyes byas te/ /rdo rje 'jigs byed las gsungs pa'i/ /thams cad slob ma de la sbyin/ /snying rjes
 dus rnams thams cad du/ /lus can kun la dmigs par bya/ /nang par sngar langs sngags pa yis/ /rjes su mthu par bsgom pa ste/ /dur khrod dam ni chu 'gram 'am/ /shing gcig mtshan ma gcig pa 'am/ /bzhi mdo 'am ni ?
 khrod dam/ /ri rtse khang pa stong pa 'am/ /ma mo'i gnas sam khang rtseg gam/ /rga ba'i gnas sam lha khang dang/ /'thab mo'i gnas sam grong rngal lam/ /dgon pa grong mdza' yid 'ong du/ /thang kha la sogs lus dmigs te/ /bdud rtsi la sogs pa yis
 mchod/ /zhi ba la sogs bye brag gis/ /'jam pa'i stan las sogs bting ste/ /'jigs byed 'byung po la sogs la/ /sha dang gtor ma thams cad sbyin/ /zhing skyong la sogs kun tu 'gro/ /lha rnams dang por bzod pa bya/ /hUM gi rnam pa 'bar ba'i 'od//
 snying kha'i nyi zla 'di dbus gnas las/ /'od zer 'phreng ba byung nas ni/ /'jigs byed la sogs spyan drangs te/ /lha mo'i phyag na thogs pa yi/ /sna tshogs mchod pa rnam byung nas/ /bcom ldan 'khor lor bcas pa la/ /phul bas yang ni mnyes par bya//
 ji tsam srid par sdig pa rnams/ /rgya chen bshags pa byas nas ni/ /'dir ni phyin cad sdom par brjod/ /rjes su yi rang bsod nams kun/ /'gro ba kun la bsngo bar bgyi'o/ /dkon mchog gsum po brjod par bya/ /byang chub snying por brtan par du/ /sems can
 thams cad bsgral bar bgyi/ /byang chub sems ni yang dag bskyed/ /tshangs pa'i lam las ni tshangs pa'i gnas pa bya zer la gnas par bya/ /mchod pa rnam bdun byas nas ni/ /mnga' bdag nam mkhar bzhugs su gsol/ /mngon gyur lha dang chos thams cad//
 bdag med par bsgom bsam par bya/ /thog mar gsang sngags brjod byas te/ /de rjes bdag med dran par bya/ /oM sarba d+harmA swa b+ha ba shud d+ha swa b+hA ba shud d+ho haM/ oM shU n+ya tA nyA na badzra swa b+hA ba ad ma ko haM/ /zhes bya ba 'dis ni chos rnams kun/ /bdag nyid
 stod par rnam par bsam/ /sems can bsgral ba'i ched du ni/ /sngon gyi smon lam dran par bya/ /stong par yang gi rnams pa las/ /byung ba'i rlung gi dkyil 'khor bsam/ /du ba mdog can rdo rje'i bdag /de dkyil dbus a las zla ba'o/ /de'i rgyab tu d+hi yi las/ /'jaM
 dpal gzhon nu'i gzugs bsam la/ /de snying a las nyid kyis 'khor/ /bdag dang 'dres rjes? gyur nyi ma la gyur nyi ma la/ /de las 'od zer rnam par byung/ /de las 'od zer rtser bsam pa/ /grangs med 'jam dpal gzhon nu'i gzugs/ /g.yag na rdo rje ral gri
 'dzin/ /g.yon pa sdig mdzub de bzhin te/ /spros nas bgegs rnams yang dag par/ /btul nas slang log rnam par bzhugs/ /yang ni 'od gzer spro byas pas/ /phyogs bcur rnam par bzhugs pa'i/ /bder gshegs byang chub sems dpa' dang/ /rig pa'i
 lha mo mngon tshogs dang/ khro bo rnams ni bskul byas nas ni/ /slar yang nyi mar rnam par zhugs/ /de la bder gshegs sogs 'jam dpal/ /'dir ni gcig gyur nyi mar bsam/ /'bar ba'i 'od gsal cher tsha ba/ /dpag tshad brgya phrag stong gi tshad/ /nam
 mkha' thams cad khyab pa'o/ /'dir ni gzhal yas khang bsam pa/ /gru bzhi pa la sgo bzhi pa/ /rta babs bzhi yis rnam par brgyan/ /dril bu 'phan dang ba dan stsogs/ /me tog chu 'phyang rnam par brgyan/ /sgo khyud kyi ni mtshams rnams su/ /rdo rje rin chen stsogs
 kyis spras/ /rim gnyis 'khor lo yang dag bsam/ /gdan ni bzhi bcu rtsa dgu rnams/ /pad+ma dang ni rlung brtsegs pa/ /de steng nyi ma'i dkyil 'khor ni/ /thams cad shin tu drag pa'i/ /'bar ba'i 'od zer gsal ba can/ /de rnams go rims ji lta bar/ /gdan
 ni bzhi bcu rtsa dgu'i mtshan ma ster/ /dbus su ro ni rnam par bsam/ /shar dang lho dang nub byang du/ /'go lag brgyu ma rkang pa rnams/ /shar dang lho dang nub dang ni/ /byang du go rims ji bzhin no/ /me la sogs pa'i mtshams bzhi ru/ /de bzhin thod skam lcang lo
 can/ /dur khrod ras dang skyes bu ni/ /gsal shing gis phug gzhag par bya/ /de'i yang ni phyi rol tu/ /phyag rgya shad stsogs snam bu bzhin/ /gri gug dang ni rtse gcig dang/ /gtun shing chu gri de bzhin no/ /rdo rje rtse gcig lcags
 kyu dang/ /ma he glang brgyad shar du'o/ /sta re mda' dang dbyig pa dang/ /kha traM 'khor lo zhags de bzhin/ /phag dang bong bu lho snam la/ /ji ltar go rims bzhin du'o/ /rdo rje cang te phub zlum dang/ /gzhu dang dril bu rlung ras dang/ /rnga mo dang ni bri st/ /nub kyi
 snam bur de bzhin no/ /sdigs mdzub pa dan gsum pa dang/ /glang chen pags pa thob dang/ /'di ltar mdud dang me thab dang/ /lug dang ce spyad rnam pa brgyad/ /byang du rtag tu bsam par bya/ /sgo dang mtshams su brjod bya ba/ /shar sgor bya rgod gzhag
 bya ste/ /lhor ru 'ug ba de bzhin no/ /bya rog nub tu seng ge ni/ /byang du rnam par bsam par bya/ /me'i mtshams su khra gzhag ste /bya chen de bzhin bden bral du/ /rlung gi phyogs su ri skyegs te/ grags pa che dbang ldan du ni de bzhin bzhad/ /thams cad cig tu gyur pa
 las/ /zla ba'i gzugs su rnam par bsam/ /zla dkyil d+hi'i yi ge las/ /snga ma bzhin du 'jam dpal gzhugs/ /gti mug phra ma 'dod chags dang/ /phra dog shar stsogs gling rnams su/ /me la sogs pa'i mtshams bzhin du/ /rim pa bzhin du bsam bya
 ste/ /rdo rje sems ma de bzhin 'dir/ /rdo rje rin chen ma bsgom bya/ /yang 'dir rdo rje chos ma dang/ /rdo rje las ma bsam par bya/ /rdor rnon rdo rje ral gri dang/ /byams pa 'jam dpal gang de bzhin/ /ye shes lus dang ngag dbang phyug /zla 'od ye shes
 rgya mtsho'o/ /brgyad po shar du dgod par bya/ /lho ru de bzhin brjod bya ba/ /gzugs rdor rdo rje gnod sbyin dang/ /rdo rje khu tshur rdo rje chos/ /rdo rje srung dang rno rdo rje/ /rdo rje rgyu dang 'od dra can/ /nub du de bzhin rnam brgyad do/ /rdo rje gsung dang rdo rje sems/ /rdo rje
 rgyal bo rdo rje chags/ /rdo rje lags pa rdor rin chen/ /nyi 'od rdo rje nyi ma'o/ /yang ni byang du brjod bya ba/ /rdo rje tog dang rdo rje bzhad/ /spos kyi glang po ye shes tog /thabs kun skye zhes bya ba dang/ /de bzhin rgya mtsho blo gros dang/ /blo gros mi bzad sgom bya ste/ /bdud
 rtsi'i 'od zer dang brgyad do/ /shar la sogs pa'i sgo rnams su/ /rdo rje lcags kyu rdo rje zhags/ /rdo rje lcags kyu rdo rje zhags/ /rdo rje lcags sgrog rdo rje dril/ /go rims bzhin du bsgoms par bya/ /me la sogs pa'i mtshams su yang/ /gnod mdzes rdo rje gtsug tor dang/ /rdo rje hUM
 mdzad de bzhin 'dir/ /gzhan gyis mi thub rdo rje'o/ /shar gyi cha ni nag po ste/ /de bzhin lho ni ser po'i/ /nub kyi phyogs ni dmar po yin/ /byang du ljang ku go rims bzhin/ /de rnams sa bon yi ge ni/ /a'oM AM dzIM khoM soM roM boM koM boM khoM meM dzaM? bOM tsoM dzOM boM yoM muM
 d+hoM roM tAM heM dzAM/ b+hOM boM rgoM goM bOM roM suM baM kEM haM gaM dz+nyAM saM sAM oM AM/ aM pAM soM g+haM suM a'uM hUM aM(rgyud 'grel kyi/ /hyi ya a yig las ni nyid dkyil 'khor/ /'dir bsams nyi ma'i dkyil 'khor las/ /'od zer rnam par 'phro ba yis/ /phyogs bcur rnam par bzhugs pa'i/ /de bzhin gshegs sogs yang dag bskul/ /mdza' yas mthar thug spyan
 drangs nas/ /slar byon te yang ni nyi ma der rab tu zhugs/ /rnam par bsgom pa byas nas ni/ /rnam rtog thams cad nub 'gyur te/ /de yis rang bzhin dag zhes pa'i/ /'od gsal ba'i ting 'dzin no/ /de yang dang por 'jam dpal dang/ /de bzhin gshegs
 pa la sogs pa/ /gtso bo dkyil 'khor thams cad kyang/ /'dir ni gcig tu gyur pa las/ /nyi ma'i dkyil 'khor bsam bya ste/ /'bar ba'i 'od zer rnam ba'o/ /de rnams dbus su rtsa sogs kyi/ /sa bon yi ge bsam par bya/ /thams cad nyi ma'i
 dkyil du ni/ /gtso bo la ni hUM yig sbyin/ /oM h+ri(rgyud 'grel bzhin gzhag /ya me do ru na yod ya/ /nub kyi snam bur sbyin par bya/ /ya nga yo ni rA ya k+She ya/ /byang du lha la dgod par bya/ /ya man ta ka sgo bzhi ru/ /shar la sogs par bsam par bya/ /hUM yig gsum dang phaT yig ni/ /me la sogs pa'i mtshams
 bzhir ro/ /thams cad 'od zer lnga'i bdag /dbus sogs shar du dkar po ste/ /ser po dmar po ljang ku'i mdog /lho dang nub dang byang du'o/ /de dag kun las 'od zer ni/ /rnam par 'phro ba bsam byas te/ /sngar bshad de bzhin gshegs
 sogs kun/ /slar? byon nas ni rab tu zhugs/ /de'i dbus kyi yi ge las/ /rdo rje chen po nag po drag /de ni 'od zer ldan bsams te/ /rdo rje phra mo'i rnam pa las/ /sangs rgyas byang sems khro bo dang/ /rig pa'i lha mo mkha' dkyil du/ /ting gyi
 gang bu ji lta bar/ /rtag tu gnas par bsam zhes bya/ /sangs rgyas la sogs de rnams kyis/ /sems can smin phyir dul byas te/ /byang chub la ni rtag bkod nas/ /de bzhin slar yang 'dus nas ni/ /rdo rje'i gzugs su zhugs par bsam/ /sngar bshad 'go
 sogs mtshan ma ni/ /yang 'dir dkyil 'khor rnams kyi'o/ /ji ltar kha dog bye brag gi 'od zer rang bzhin rnam bsam bya/ /rang rang rigs kyi lha rnams ni/ /nam mkha' i mthil du grangs med rnams/ /til gyi gang bzhin du nyi ma'i/ /gdan la kun tu
 bzhugs par gyur/ de rnams 'gro don mdzad nas kyang/ /slar yang rang gi mtshan mar zhugs/ /yang ni nyi ma'i dkyil 'khor las/ /thams cad 'og tu rang gnas zhugs/ /rang gi tshan ma gcig gyur bas/ /gtso bo dang ni dkyil 'khor rnams/ /skad cig
 gis ni yongs su rdzogs/ /h+riSh+TraM brjod pa'i rang bzhin can/ /de phyir gtso bo 'dir brjod pa/ /bsgrub pa pos ni bsgom bya ste/ /rdo rje gzugs ni de nyid las/ /zhal dgu rtag tu drag pa yi/ /ma he'i gzugs ni de nyid la/ /'od zer bskal pa'i me dang mnyam/ /
 thams cad drag po'i bdag nyid gzugs/ /dpal chen rdo rje 'jigs byed ste/ /'jig rten gsum po za ba'i stobs/ /mi bzang 'jigs pa'i rnam pa la/ lce dang dpral ba gzi brjid che/ /mi bzad mthar phyin 'jigs par byed/ /khro gnyer sman ma spyan dgrang
 des/ /'jig pa'i skal pa'i dus lta bu'i/ /drag po'i sgra ni rtag tu sgrogs/ /mi khrag zhag dang khrag dang ni/ /tshil dang rkang ni gsol bar mdzad/ /'jig rten 'jig rten 'das la sogs/ /lha rnams sdigs par byed pa'i gtso/ /brgya byin tshangs dbang
 khyab 'jug dang/ /gzhon nu log 'dran la sogs rnams/ /thams cad kyang ni za byed cing/ /thod pa'i ni dbu rgyan can/ /'jigs pa chen por mdzad pa'i lha/ /'od kyi rnam par sgra sogs sgrogs/ /shin tu ma rungs gzugs can la/ /thod pa'i rgyan gyis klubs pa'o/ /
 zhabs na bcu drug gcer bu ste/ /dmar ser gyen du rdzes pa can/ /g.yon brkyang ba'i zhabs thams cad/ /bskyod bskyod lta bu'i rang bzhin can/ /'jigs pa chen por byed pa'i sku/ /thams cad gyen du 'bar ba'o/ /phyag ni sum cu rtsa bzhi las/ /
 phyag gnyis klang chen ko rlon 'dzin/ /phyag g.yas dang por gri gug 'dzin/ /gnyis pa yis ni rtse gcig dang/ /gsum pas de bzhin gtun shing ste/ /bzhi pa lnga pa drug pa na/ chu gri rtse gcig sta ri'o/ /bdun pa mdung dang brgyad pa mda'/ /dgu pa lcags
 gyu bcu lcags sgrog /bcu gcig pa na kha TaM kha/ /de bzhin bdu gnyis 'khor lo/ /bcu gsum pa na rdo rje ste/ /bcu bzhi pa na tho ba'o/ /bco lnga pa na ral gri ste/ /de bzhin bcu drug cang te'o/ /g.yon gyi dang por thod pa ste/ /de bzhin gnyis par dbyug pa
 mgo bo dang/ /gsum par phub dang bzhi rkang pa/ /lnga pa na ni zhags pa'o/ /drug par gzhu dang bdun rgyu ma/ /brgyad par dril bu dgu lag pa/ /bcu bar dur khrod ras ma'o/ /gsal shing gis phug bcu gcig pa/ /
 bcu gnyis pa ru me thab ste/ /lcang lo can ni bcu gsum par/ /bcu bzhi pa ni sdigs mdzub ste/ /ba ngan gsum pa bco lnga ste/ /bcu drug pa na rlung ras ste/ /rim pas bzhin du bsams par bya/ /de bzhin g.yas kyi zhabs kyi mi/ /gnyis pa yis
 ni ma he sha /gsum pa yis ni byu? mchog ste/ /bzhi pas de bzhin por bu'o/ /lnga pas rnga mo drug pa yis/ /khyi dang bdun pa yis ni lug /brgyad pa yis? ni ce spyang ste/ /g.yas pa'i zhabs kyi gdan rnams so/ /g.yon zhabs dang pos bya rgod ste/ /gnyis pa yis
 ni 'ug pa'o/ /gsum par khwa dog bzhi pa ru/ /seng ge dang ste lnga par khra/ /bya chen po ni drug par ro/ /bdun par sngags pa de bzhin no/ /brgyad par du ni bya gzhad ste/ /ji ltar gdan rnams rims bzhin no/ /dpal chen rdo rje 'jigS byed kyi/ /dang po ma he'i gdong
 pa ni/ /nag po khros pa'i g.yas pa yi/ /de'i rwa g.yas zhal gsum ni/ /dang po'i zhal ni sngon po ste/ /g.yos pa dmar po g.yon pa dkar/ /g.yon pa'i rA'i zhal gsum ni/ /dkar po dud ka nag po ste/ /thams cad 'dir ni khros pa yi/ /'jigs pa'i
 zhal ni bsam par bya/ /rwa gnyis bar du dbus kyi zhal/ /brgyad pa cung zad dmar ba ste/ /de bzhin shin tu 'jigs pa yi/ /zhal nas khrag 'dzag bsgom pa bya/ /de steng kun tu bzang po'i zhal/ /mthar ru cung zad ser ba yi/ /cung zad khro bo'i rnam
 pa la/ /gzhon nu'i rgyan gyis brgyan pa dang/ /dgu pa dus rnams thams cad du/ /spyi bor zur pud lnga pa'o/ /zhal rnams kun la spyan gsum ni/ /'di ltar bdag nyid bsgom par bya/ /dkyil 'khor de rnams thams cad kyi/ /ming dang gzugs ni brjod
 par bya/ /shar du rdo rje mgo bo'i ming/ /lhor ni rdo rje lag pa ste/ /nub tu rdo rje rgyu ma dang/ /rdo rje rkang pa de bzhin byang/ /mer ni rdor thod bden bral du/ /rdo rje thod pa lcang lo can/ /rlung du rdo rje dur khrod ras/ /gsal shing la bskyon dbang ldan du'o/ /de'i phyi rol shar snam
 sogs/ /rim pa ji ltar bsgom par bya/ /rdo rje gri gug dang rdo rje/ /rtse gcig rdo rje gtun shing dang/ /rdo rje chu ri rdo rje ka na ya/ /de bzhin rdo rje lcags kyu dang/ /rdo rje ma he rdo rje ba glang brgyad/ /lhor ni rdo rje ste ba dang/ /rdo rje mnga' dang rdor dbyug to/ /de bzhin rdo rje kha ? rdo rje'i 'khor lo
 rdo rje zhags/ /de bzhin rdo rje phag pa dang/ /rdo rje bong bu dang brgyad do/ /rgyab tu rdo rje rdo rje cang te dang/ /rdo rje phub dang rdo rje gzhu/ /de bzhin rdo rje dril bu dang/ /rdo rje rlung ras shes par bya/ /de bzhin rdo rje rnga mo dang/ /rdo rje khyi dang rnam brgyad do/ /byang du rdo rje sdigs mdzub
 dang/ /rdo rje ba dan gsum ba dang/ /rdo rje glang pags rdo rje tho/ /rdor mdud rdo rje me thab dang/ /de bzhin rdo rje lug dang ni/ /rdo rje ce spyang dang brgyad do/ /gnas bzhi ru ni rnam bsgom pa/ /shar sgor bya rgod ro langs dang/ /lho ru 'ug par ro langs dang/ /nub tu bya chog ro
 langs dang/ /byang du seng ge ro langs so/ /me ruAng khra'i ro langs/ /bya chen ro langs bden bral du/ /rlung du sngags chen ro langs dang/ /ro langs gzhad gzhad ni dbang ldan du'o/ /ming kun gyi thog mar rdo rje'o/ /sngar bshad kha dog rang bzhin de/ /yang na
 gcig gi kha dog go /zhal cig pa la phyag gnyis pa/ /rang gi mtshan ma phyag na bsnams/ /g.yas brkyang zhabs kyi gnas pa yis/ /thams cad ro'i gdan la bzhugs/ /spyan gsum drag po chen po ste/ /dbu skra dmar ser 'bar ba la/ /thod pa'i rgyan gyis
 brgyan pa dang/ /zhal kun bcom ldan 'das la lta/ /gtum chen sgra ni sgrogs pa dang/ /phed kyi rnam pa'i sgra sgrogs pa'o/ /bcom ldan 'das sogs thams cad ni/ /gcer bu mtshan mgyen 'greng ba'o/ /lha rnams de dag thams cad la/ rang gi sa bon snying
 kar dgod/ /de las sprul pa'i 'od zer gyis/ /ye shes 'khor lo spyan drangs te/ dza(rgyud 'grel bdag la dngos po thams cad kyi/ /mchod pa rnam pa sna tshogs bya/ /mi'i sha sogs thams cad dang/ /khrag gis kyang ni mchod pa bya/ /de ltar dkyil 'khor rdzogs pa ni/ /snying rjes khros pa'i ting 'dzin no/ /drag po las sogs las bya phyir//
 sngags kyi bzlas pa dran par bya ste/ /bstan la gnod pa phan par bya ba'i phyir byed pa dang/ /sdang ba'i sems can brlag par bya/ /oM h+rI(rgyud 'grel oM ya ma rA tsa dzA sa do me ya ya me dor ru Na yo da la yang yo ni rA yak+She ya yak+She ya ts+tsha ni rA ma ya hUM hUM phaT phaT swAhA/ /zhes pa ni rtsa ba'i sngags so/ /'di ltar ji ltar 'dod par yang/ /sngags kyi bzlas pa de bya ste/ /'bar ba'iyi ge bsgom byas na/ /dngos
 grub myur du thob par 'gyur/ /'khor ni de rnams thams cad kyi/ /snying kar nyi ma rnams la bsam/ /dkyil 'khor sa ni thams cad kyang/ /ma he'i zhal gyi thugs kar dgod/ /snying po la sogs brtsam bya ba/ /gsang sngags gsum rnams bzlas ba
 bya/ /yang na so sor bzlas bya ste/ /bsgrub po ji ltar 'dod pas po/ /shar rnams snying po la sogs/ /de rnams lha gzhan snying dkar dgod/ /bza' ba kun dang sha'i phud/ /ma he'i zhal la dbul bar bya/ /gtor ma 'byung po thams cad la/ /gsang
 sngags bzlas la sbyin par bya/ /oM b+hu tsa rA nAM/ ya pA hA ra tsa rA ya/ mAM khe tsa rA yaM/ ta pur ba ti gA nAM/ ka da k+Shi Na di gA ya/ hUM pas tsi mA nAM/ phaT u da ta ra di gA ya/ oM in tra ya/ h+rI(rgyud 'grel ya/ na A gE ne ye/ na dya ta yi/ hUM b+hyo(rgyud 'grel 'di ltar dus gsum dag du bsgrub /yang na rgyun mi chad par bsgom/ /las rnams thams cad gang byed kyang/ /bdag nyid ma he'i ni zhal/ /ting 'dzin gsum la sems gcig pas/ /drag po 'bar ba'i gzugs can ni/ /sems can rjes gzung tshad gcad
 pa/ /yid la bya ste 'bad par bya/ /bdag nyid byang chub la brtson pa/ /de ltar sems can la 'byung bya/ /dpa' chen dus kyi rang bzhin ni/ /don dam rnam par dag pa/ /zhal brgyad thun tshong rnam pa brgyad/ /dgu pas thams cad khyab pa'o/ /rwa gnyis zla ba
 phyed pa ste/ /phyag ni chos su shes par bya/ /bcu drug bdon ni zla ba'i cha/ /yang ni zhal dgu gzar shes bya/ /phyan ni mtshams dang rgya skar ro/ /zhabs ni 'go ba bcu gnyis dang/ /de bzhin du ni dus bzhi'o/ /mtshon cha stong pa bcu drug dang/ /srid rdza'ang?
 ni? bcu drug go /glang chen pags pas bgegs chen dang /'khor ba'i 'jigs pa 'dral pa'o/ /drug po'i gzugs kyis sdang ba chen po 'dzoms mdzad pas/ /gtso bo drag po'i ni gzugs/ /byams pa chen pos kha dog gzhan/ /thod pas brgyan pa zad
 pa ?/ /dkyil 'khor lha rnams thams cad ni/ /rang bzhin skyes byung pa'i dus can no/ /sngags rnams sku gsum dag pa'o/ /lha rnams nang gi ming rnams kyi/ /oM ni dang po hUM phaT mdza' / /de rnams dag pa btung ba'i snod/ /dkyil 'khor byang chub
 phyogs rnams ste/ /bdan ni ra saM dang mtshams so/ /kha dog dag pa de bzhin gshegs/ /thams cad mngon du shes par bya/ /zhes pa bsdus pa'i dag pa ste/ /rgyas pa 'jam dpal rgyud du'o/ /bdag gis bsgrub thabs brtsams pa'i/ bsod nams
 dag ni thob pa dag /bsod nams nges ni 'jig rten gyi/ /sdug bsngal las ni mngon grol shog /rdo rje 'jigs byed rtog pa ni/ /sum brgya pa dang 'jam dpal gyi/ /rgyud las cung zad drangs nas ni/ /dpal ldan bsgrub
 thabs 'di btus pas/ /cung zad lhag pa chad pa gang/ /mkhas pa rnams kyis bdag bzod mdzod/ /bdag gis sngon du thos pa gang/ /de phyir 'di ni byas pa cam/ /dpal rdo rje 'jigs byed kyi bsgrub pa'i thabs/ slob dpon chen po a rA ya la
 li ta badzras mdzad pa rdzogs so// /paN Tri ta a dwa ya badzra dang/ glog skya shes rab brtsegs kyis bsgyur cing gtan la phab pa// shubd+ha /'jigs byed zhe dgu'i dkyil 'khor gyi chog la ri tas mdzad pa a mo g+ha 'dzra dang chos 'bar