བོད་ཡིག

e-texts based on the ACIP/ALL Input

thugs kyi sgrub ba rdzogs sho// //rdo rje sems dpa' sgyu 'phrul dra ba 'od kyi phyag rgya zhes bya ba bzhugs/ /rgya gar skad du/ badzra sa twa ma ya dzwa la pra ba mu dran ma/ /bod skad du/ rdo rje sems dpa' sgyu 'phrul dra ba 'od kyi phyag rgya zhes bya ba/ dpal kun tu bzang po la phyag 'tshal lo/ /dngos po ji bzhin par son ba/ /bcom ldan rdo rje sems dpa' la/ /gzhi gcig dngos mjal don son pa'i/ /rnam gsum tshul du phyag 'tshal lo/ /rgyud mchog sgyu 'phrul dra ba las/ /rnal 'byor phyi ma'i don phyed du/ /tshom bu gcig pa'i dkyil 'khor gyi/ /bsgrub thabs rim pa 'di brtsams so/ /dang po pa yi rnal 'byor pas/ /shis par mthad pa'i sa phyogs su/ /sa'i bya ba kun byas nas/ /bar chad rnam gsum gsal ba'i phyir/ /yo byang rnam gsum tshang bar bsog/ stegs bu khru bzhi tshang du brtsig/ ba yu rkyang nyul byas nas kyang/ /bar chad bgegs rnams bsal bar bya/ /thig dang tshon gyi rab gnas sogs/ /shin tu rgyas par bya ba yin/ /de dag bri ba'i cho ga ni/ /rtsibs bzhi gru chad sgo ru bcas/ /yi ge gdan dang snying po sogs/ /rgyan dang bcas par bri ba yin/ /rgyan dang mtshams dang dam rdzas brlab/ /rim pa bzhin du bya bar gsungs/ /bsgrub pa'i las dag bya ba yang/ /rgyu'i dkyil 'khor bskyed pa dang/ /'bras bu'i 'khor la bstim pa dang/ /mnyes pa'i yan lag bya ba dang/ /rgyun gyi ting 'dzin nyid du bshad/ /dngos rnams nyid na dngos med paS/ /rtog pa'i smra bsam yul las 'das/ /de bzhin nyid dbyings ye shes te/ /de phyir dngos po dngos med do/ /oM ma hA shU n+ya tA dz+nyA na badzra swa b+hA ba a ta ma ko haM/ lus dag sems dang chos thams cad/ /gang na'ang mi gnas mi dmigs pa/ /mig yor tshul du sbyor ba yis/ /nam mkha' la ni nam mkha' bsgom/ /rtsa ba med pa'i sem nyid ni/ /chos rnams kun gyi rtsa ba yin/ /sems nyid yi ge'i ngo bo ste/ /yi ge yid bzhin rin chen sprin/ /yi ge'i mchog ni bsgom par bya/ /a: shin tu brtan gyur a dkar las/ /yongs su phra ba'i a 'phros pas phyoD kun gang zhing gsal gyur nas/ /bsdus kyang 'phel 'grib med par brtan/ /thams cad yi ger gsal byas nas/ /spros pas kun gang la la thim/ /snang srid ming tsam nyid du gyur/ /de nyid nam mkhar gsal ba las/ /de las 'byung ba'i dkyil 'khor bskyed/ /e yaM? paM laM raM/ mthing dang dud kha dkar ser dang/ /dmar la dang bas brtan par bya/ /de steng dkyil du bruM 'phros pas/ /yongs gyur gzhal yas khang du gyur/ /ye shes rin chen dbyibs gru bzhi/ /ma khyud pany+tsa glo 'bur bcas/ /lam gyis bsgrod phyir rta babs brgyad/ /de'i 'bras bu brgyad rdzogs phyir/ /sna 'phyong rin chen za ra? tshags/ /chu skyes rta rkang sgrom bu dang/ /sgril 'chang shar spu khyung mgo sogs/ /dbyibs dang kha dog mdzes par ldan/ /tha snyad rang rig sems snang phyir/ /rtse mo rma bya'i mdongs lta bus/ /ji ltar bltas pa de ltar snang/ /kun tu snyoms phyir byar 'dabs ldan/ /seng mgo kha nas mu tig 'phro/ /pha gu dra ba dra phyed dang/ gzugs kyi lha mo rnam par spras/ /gzhan yang rgyan mchog rim par ldan/ /pho brang rtsi bas bzhi dbus dang ldan/ /de las sgo bas rnam par brgyan/ /khri rkang brgyad ldan de bar du/ /seng ge brgyad kyis rnam par spras/ /de steng rin chen pad+ma dang/ /nyi zla gnyis te lnga yis brgyan/ /sgo ru nyi rkang rnam par bsam/ /dbus su hUM dang mUM las ni/ /rdo rje dril bur gyur pa las/ /mi skyod yab yum rnam bsgom ste/ /mthing kha rdo rje dril 'dzin pa/ /yum dang yab du 'dra ba las// g.yas pas yang khyud g.yon dril bu/ /sku ru bstan pa rnam par bsam/ /hUM dang dza dang ho du las/ /rtsibs bzhi rim bzhin sems dpa' bzhi/ /sems dpa' la sogs bzhi po dag /cho ga gsum gyis rdzogs par bskyed/ /sgo bzhir sgo ba yab yum brgyad/ /bco brgyad rnam par bsam pa ni/ /rgyu'i 'khor lo bskyed par gsungs/ /'bras bu la yang rnam pa gnyis/ /ting 'dzin 'khor lo bskyed pa dang/ /ye shes 'khor lo bstim par bshad/ /ting 'dzin 'khor lo bskyed pa ni/ /gtso bo'i thugs las bdag phye nas/ /'jig rten mas po sras kyi cha/ /bzung la gsol ba gdab par bya/ /sems nyid theg par rab des pa'i/ /sangs rgyas rdo rje sems dpa' yis/ /tshom bu gcig pa'i lha tshogs rnams/ /sku gsung thugs su bdag sbyor cig/ bskul bas 'od 'phros gnas gsum sbyangs/ /sgrib pa med pa'i yi ge gsum/ /zla rlung sbyor bas bteg nas ni/ /bskor ba byas te thugs khar thim/ /rdo rje'i lam byung chos yum mkha' / /byang chub sems su thim par bsam/ /sgra byung kun rol 'ong du gyur/ /de las hUM mUM gnyis su gyur/ /de las rdo rje dril du ste/ /de las yongs su rdzogs par bskyed/ /rdo rje dril bu 'dzin pa yi/ /mthing kha yab yum yang dag bsgom/ /byin brlab dbang bskur mkha' gsang brlab/ /sku gsung thugs kyi nga rgyal bya/ /brda' bskul gnyis med sbyar ba las/ /yum gyi mkha' la dkyil 'khor bgod/ /thig le yi ge phyag mtshan dang/ / rdzogs par bskyed la hUM mdzad bton/ /rang gi gnas su bgod pa yin/ /de'i sngags ni 'di dag go/ hUM badzra d+h+rik /mUM d+hA twi shwa ri/ oM badzra satwa oM/ oM badzra la pe oM/ oM badzra rA dzA aM/ oM badzra d+hu pe aM/ oM badzra rA ga oM/ oM badzra a gu sha dza(rgyud 'grel sngags kyis gsal byas nas/ /da la dbang bskur byin brlab pa/ /dkyil 'khor rgyas pa ji bzhin sbyar/ /rin chen smug po tsit+tA ru/ /mtshon gang 'od can bsgom pa'o/ /de rnams sku'i mtshan nyid dang/ /dgu dang ldan par bsgom mo zhes// dus gsum rgyal bas gsungs pas na/ /mkhas pa de'i rjes su 'brang/ /'di ni ting 'dzin 'khor lo'o/ /ye shes 'khor lo bstim pa ni/ /phyogs bsdus dzas bskul rdo rjer bzhengs/ /phyogs bsdus dkyil 'khor bdag nyid che/ /mi dmigs thugs kyi dkyil 'khor las/ /dkyil 'khor thams cad spyan drang ngo/ /rang snang dbyer med dkyil 'khor la/ /'jug pa'i mtshan nyid mnyam sbyor bas/ /phyogs dus kun nas gshegs pa'i/ /bsnyen pa'i dkyil 'khor rab tu rdzogs/ / nye bar gyur pa'i dam tshig mchog /kye kye bcom ldan 'das kyis dgug/ dza hUM baM hos gnyis med bya/ /de la me tog dor bar bya/ /ye shes rgyal po la sogs pa/ /gzhung rgyas tshig gis 'jigs phyir dang/ /gzhan las snang bas brim byas/ / 'di ni ye shes dkyil 'khor rnams/ /bstim ba yin zhes rnam par bstan/ /mnyes pa'i yan lag bya ba ni/ /sngaD brjod dngos po gnas bzhin bca' / /dang po phyag rgya'i rim pa ni/ /gung mo sprad pa gtso bo'i min/ /mthe bong mdzub mo rdo rje 'din/ / mthe bong gung mo rgyal ba 'dzin/ /srin lag mthe bong chags pa che/ /mthe'u chung mthe bong legs pa mchog /sgo bzhi khro bo'i phyag rgya ni/ /rim par bca' zhes yin par gsungs/ /dam rdzas lhag pa'i ting 'dzin dang/ glu dang rol? mo ye shes dang/ /sbyor sgrol tshogs kyi mchod pa dang/ /dbang po yul 'dus rig pa kun/ /gnyis med rgyan kyi mchod pa ste/ /bsam dang brjod dang sprul byas te/ /lha la lha thim tshul gyis ni/ /dkyil 'khor kun tu bzang po mchod/ bsod nams tshogs chen thab phyir ro/ /'di ni mnyes pa'i yan lag ces/ /chos brtaD phyag rgya bzhi bo dang/ /'di mi 'gal ba yin pa yis/ /gzhung du rnam par bkod pa yin/ /zhor 'byung bsgom rim lam bshad pa/ /dang po stong pa chen pos ste// cir yang mi dmigs rnam pa bsgom/ /sna tshogs dmigs pa chen po 'di/ /mi spang de la rnam par rol/ /de la rgyu ma'i dpe brgyad ldan/ /kun la rnam par bsam par bya/ /de la hUM du 'dris pa 'am/ /gang yang rung bar bsgoms pa dang/ / de las dmigs pa brtan pa dang/ /spros bsdus rdo rje 'bar dril bcas/ /de las phyag mtshan bsnams pa yi/ /lha'i dkyil 'khor nyid du bsgom/ /de las sna chags dkyil 'khor la/ /lha ni bla ma'i rim pa bzhin/ /bkod de gsal bar gyur pa dang/ /gong ma de las mnyams par/ /de nyid yan lag spros bdag ste/ /dbang bskur byin rlabs yan lag lha/ /yab yum gnyis pa de bzhin du/ /lhag ma la yang de bzhin sbyar/ /yang na dpag tshad rgyad grags sam/ /nam mkha' i dbyings ni bsam yas par/ /sangs rgyas stong gi dkyil 'khor bsgom/ /de ltar goms pa'i rim mchog des/ /ji ltar bsam pa bzhin du 'grub/ /chi? ni bcu dang drug pa yis/ /brgya brgya dag tu bsnur zhing gnas// lus ma bor bar sangs rgyas pa/ /mthong ba'i chos la mya ngan 'das/ /'di ni lhun grub rigs 'dzin pa'o/ /rgyun gyi thig le dbyibs su'o/ /de las lha'i sku bskyed la/ /rtog tshogs lha'i dkyil 'khor du/ /gsal byas rtse gcig ting 'dzin gyis/ /bzlas dang bsgom pa rgyun tu bya/ /'gro nyal 'dug sdod spyod lam bzhir/ /mi 'bral bsam pa rgyun du bya/ /'di ni rgyun gyi ting 'dzin no/ /sgyu 'phrul rgyas ba'i rgyud chen las/ /lung dang man ngag gter dag gis/ /bco brgyad grub pa'i man ngag 'dis/ / gar khyab bla med byang chub shog/ slob dpon bi ma la'i slob ma/ rgyal ba bzang po dpal sbas pas/ yul ma ga d+har gshegs pa'i dus su mdzad pa/ 'od kyi phyag rgya zhes bya ba'i sgyu 'phrul rdzogs sho// //'phan yul gyi brag khung du bim la mi tras/ /dz+nyA na ku ma ral bka' stsal te/ bsdus pa la mos pa'i don du bsgyur pa'o// //*/ /khro bo las kyi 'phreng bsdus pa bzhugs so/ /skal par gsang sngags skyen mdzad pa'i/ /khro bo'i