བོད་ཡིག

e-texts based on the ACIP/ALL Input

pa'i rgyud mang thos pa yis/ /byas las bsod nams gang skyes pa/ /'di las sangs rgyas sar 'grong zhog //slob dpon chen po 'gar pa'i pas mdzad pa rdzogs so// //rgya gar skad/ shi par ma swa ru pa ma ha su kha pa da badzro na ma sa ma di/ bod skad du/ dpal mchog tu gyur pa'i ngo bo nyid bde ba chen po'i go 'phang rdo rje zhes bya ba'i ting nge 'dzin/ dpal rdo rje sems dpa' la phyag 'tshal lo/ /de nas bcom ldan dpa bo che/ /bdag byin rlabs pa'i tshul gyis gnas/ /bde ba'i rnal 'byor byin brlab de'i/ /de nyid dgongs pa bshad par bya/ /snying ka'i nang son zla ba la/ /zla ba'i gzugs nyid mi shigs pa/ /'od zer sna tshogs kun tu 'phro/ /de las rdo rje rnam par bsgom/ /rdo rje las ni bdag med dang/ /mkha' 'gro ma yang bsgom par bya/ /cho ga 'di yis bskul na ni/ /sna'i mthar gnas yungs kar la/ /mkha' 'gro ma rnams bsgom par bya/ /khams gsum brtan dang g.yo ba'i/ /'gro ba'i rgyud ni yungs kar rnams/ /de ltar bsgom par gyur pa ni/ /dang byin brlab? par rab tu grags/ /gzugs sgra de bzhin dri dang ro/ /reg bya rol par byed pa yin/ /bdag min gzhan min rgyun tu ba/ /rnal 'byor de nyid bdag gi gzhung/ /bde mchog pa rnams de las gzhan/ /rdo rje pad+ma las byung bzhin/ /wa rlabs med cing snang ba med/ /rnam par mi rtog 'gyur ba med/ /cung zad 'dod pa la zhugs pas/ /bdag dang gzhan dag rnam par 'bigs/ /bi ra ma dga' dag gi mthar/ /rtog pa'i dra ba rnams par spangs/ /mi g.yo 'khrul pa las 'das pa/ /dgyes pa'i rdo rje'i rnam par gsal/ / bems min he ru ka'i rang bzhin ni/ /rnal med ma yin 'khor dang bcas/ /rang nyid he ru ka dpal mgon/ /bdag nyid kyang ni rig pa med/ /'das dang ma byung da ltar byung/ /thams cad tshe rig par 'gyur/ /rang nyid kun mkhyen bzhin du mthong/ /de bzhin du ni sangs rgyas mthong/ /yan lag kun gyi bug ni/ /spyi bo'i dra ba snal mar bcas/ /lus po med pa bzhin mthong nas/ /skad cig dgyes rdor rang bzhin 'dzin/ /ji ltar dmigs med nam ka bzhin/ /mchan ma med mcing skye ba med/ /gos pa med cing rnam rtog med/ /sgrib pa lnga ni rnam par spangs/ me long nang gi gzugs brnyan bzhin/ /sems can mi shes pa yis spangs/ /de bzhin bdag nyid he ru ka'i/ /rnam par gsal bar mthong ba yin/ /de lta na yang dbang po'i don/ /phung po yod pa nam ka bzhin/ /de bzhin kun 'byung lus po ni/ /'dus byas dag gis gnod pa med/ /gzugs ni mig gis gzung bya min/ /sgra ni rna bas thos ma yin/ /lce yis ro ni mi myod ste/ /dri yang sna yis myong ma yin/ /reg bya lus kyi gong bus min/ /'on kyang bde chen rang bzhin nyid/ /bud med bzang mthong las bde zhing/ /glu thos pa las mchog tu bde/ /sna'i dri las bde ba che/ /mngal la reg pa bde chen nyid/ /bcud kyis lan gyi sbyor ba las/ /bde ba gang gis bzlog par byed/ /'gro ba bde ba chen pos khyab/ /phan pa'i bde ba rtogs ma yin/ /sangs rgyas byang chub sems dpa' dang/ /mkha' 'gro ma sogs btsun mo bzang/ /sangs rgyas lnga 'am du mas ni/ /'gro ba bde ba nyid du rtogs/ /de nas byang chub sems dpa' chen po phyag na rdo rjes/ bcom ldan 'das la bde ba chen po so sor sdud pa thos nas/ /ched du brjod pa 'dis ched du brjod de dgos pa/ /tha mal nga rgyal gzhom don du/ /bsgom pa ru ni rab tu grags/ /tha mal gnas skabs spangs nas su/ /bsgom pa nyid ni bsgom pa min/ /byang chub sems dpa' nyid ni de de bzhin te/ /'on kyang ma dag pa'i lus sbyangs nas/ /sangs rgyas kyi skur bsgom pa yin no/ /phyag na rdo rjes gsol pa/ bcom ldan 'das thabs gang lags/ /lus can du bsgom pa'i dgos pa ci lags/ /bcom ldan 'das kyis bka' stsal pa/ gsang ba'i bdag po dgos pa yod do/ /bcom ldan 'das mngon par brjod pa de gang lags/ /rdo rje 'dzin pas bka' stsal pa/ sangs rgyas nyid do/ /sangs rgyas ji lta bu zhe na/ rnam pa thams cad mkhyen pa lus can yin nam/ de ni med to/ de'i rgyu ci lags/ /rdo rje 'chang gis bka' stsal pa/ /mtshan sum cu rtsa gnyis dang/ /dpe byad brgyad cu'i sku de ltar bdag nyid yin no/ /ci'i phyir zhe na/ mi mthun pa'i rgyu las kyang/ /bsgrub bya thob par 'gyur ro/ /phyag na rdo rjes gsol pa/ bcom ldan 'das bems po lags sam/ rdo rje 'chang gis bka' stsal pa/ nga ni me long lta bu'i ye shes so/ /de lta bu'i ye shes ji lta bu yin zhe na/ bden pa yang ma yin/ brdzun pa yang ma yin/ blang bar bya ba'ang ma yin/ dor par bya ba'ang ma yin no/ /de bzhin du nga ni mnyam pa nyid kyi ye shes so/ /nga ni so sor rtog pa dang bya ba grub pa dang/ chos kyi dbyings shin tu rnam par dag pa'i ye shes so/ /de lta bas na byang chub sems dpa' chen po de skad ma zer cig /de ni rnam pa med pa'i rtogs pa yin no/ /dngos dang dngos po med pa dang/ /gdod nas grol ba de bzhin gshegs/ /gzugs dang mi ldan zab mo gang/ /rgya che ba'i gzugs can no// sems dpa' chen po he ru kar/ /bdag med lhan cig kha sbyor ba/ /nga ni bems min bde chen pas/ /'jig rten don bems po nga/ /bud med skyes min ma ning bzhin/ /nga yis 'gro ba 'di dag khyab/ /de lta bas na 'dus par bshad/ /nga yis rgyal ba rgya mtshor bstan/ /sangs rgyas byang sems rdo rje can/ /mi nang go 'phang du ni grub/ /lha mo ma ma ki gang de/ /btsun mo'i rang bzhin ma yin te/ /sangs rgyas he ru ka ra min/ /des nang ni ma ning yin/ /'gro bas dngos po gnyis su mthong/ /thabs dang shes rab rang bzhin nga/ /shin du kha sbyor rnal 'byor gyis/ /mi bskyod pa min ma min/ /dpal mchog tu gyur pa'i ngo bo nyid bde ba chen po'i go 'phang rdo rje zhes bya ba'i ting nge 'dzin rdzogs so// //slob dpon rta mchog zhabs kyi zhal snga nas mdzad pa// //bkra shis// //*/ /rgya gar skad du/ sa hA dza sed tI/ bod skad du/ lhan cig skyes pa grub pa/ 'jam dpal gzhon nur gyur pa la phyag 'tshal lo/ /bde bar gshegs pa'i gzhung gi tshogs/ /shin tu mdzes pa'i