བོད་ཡིག

e-texts based on the ACIP/ALL Input

bde dang phan pas dga' ba mchog tu 'god par ni/ /de ring gyur ces dpa' bo bskal pa brgyar yang sems/ /'dod dang rnyed pas kho bo ci bgyi bde ba rgyas/ /rdo rje phag mo'i sgrub thabs rim pa lnga pa zhes bya ba rngon pa'i gdams ngag rdzogs so// //rje btsun bung d+ha gupta'i zhal snga nas dang/ kun dga' snying pos g.yar khral du 'tshal ba'o// //rdo rje rnal 'byor ma spas pa'i sgom pa/ /*/ /oM swasti/ rgya gar skad du/ badzra yo gi nI lu ga b+ha ba/ bod skad du/ rdo rje rnal 'byor ma sbas pa'i sgom pa/ oM rdo rje phag mo la phyag 'tshal lo/ /da ni rdo rje phag mo yi/ /sgrub pa yang dag rab tu bshad/ /sems can 'khor ba sgol ba'i phyir/ /dI na ka ras brtsams par bya/ /yid dang mthun pa'i gnas su/ lus drang por bsrangS? nas 'di ltar bsgom par bya ste/ dag pa rnam par thar pa gsum/ /blo dang ldan pas bsgom par bya/ /de nas skad cig gcig de la/ /lha nyid du ni rnam par brtag /byang chub tsan dan chu shing dang/ /dpal gyi 'bras bu nyi ma zla/ /me dang sgra gcan steng na mdog /sna tshogs 'dzin ma dmar mo che/ /dmar ba'i spyan gsum kha sbu dang/ /ka pA la bsnams gar mdzad ma/ /thod 'phreng phyag rgya lnga yis brgyan/ /skra grol kha TwAM ga dang 'dus/ /g.yas su sngon mo gri thod dang/ /DA ma ru kha DwAM gu bsnams pa/ /g.yon du dkar mo zhags pa gri /chos 'byung rdo rje rtse gcig 'dzin/ /nyi ma ro yi steng na bzhugs/ /kun kyang rab tu 'bar ba'o/ /sangs rgyas rab sngags rnams snang ma/ /dbu rgyan rdo rje gsum gyis mdzes/ /rtsa rnams gsum la yi ge rnams/ /oM A ? hUM gis rab tu brgyan/ /lte ba'i 'od kyis sangs rgyas rnams/ /rang sngags 'khor lo la gzhug bya/ /pheM/ yang yang lha yi de nyid dran byas te/ /mchan khungs bsdams nas gsang sngags rgyal po bzla/ /gang 'di rnam mi rtog pa'i sems kyis so/ /'di ni lha yi de nyid nye par dmigs/ lte pa'i dbus na thig le ni/ /kha dog dmar ba nyid dmigs na/ /rlung ni yang dag bsdam par bya/ /lto ba 'phel ba ma yin zhing/ /rlung ni kha sbyor nyid du bya/ /ze'u 'bru'i nang du bde ba sgrub/ /dpral ba mgrin pa mthar snying ga /thig le thim pa 'od gsal ba'o/ /dag pa gsum gyi sbyor ba yis/ /thun mtshams 'jug pa nyid du bya/ /sha lnga bdud rtsi lngar bcas pa/ /zla ba rdo rje oM yig gis/ /sbyang zhing spel ba la sogs bya/ /a kA ro sogs gsang sngags kyis/ /gtor ma sangs rgyas rnams la dbul/ /mchod cing gsol nas gshegs? su gsol /he ru ka'i rdo rje sems/ /yang na lha mo'i nga rgyal gyis/ /phyi rol 'byung po rnams dges bya/ /ha ha'i bsnyems bcas 'jigs med pas/ /rang gi stan du bzlas pa dang/ /phaiM zhes yang yang gar stabs bya/ /tshes bcu la sogs dus rnams la/ /gzhon nu ma mchod bsgrub par bya/ /bu mo gsum mam bdun dag la/ /mchod pa rdzogs pa brtsams byas nas/ /byin gyis brlabs pa de ru brtsams/ /yang na rdo rje'i rdul gyi'o/ /sgron ma lnga bcas gtor ma ni/ /lha mo bzhi yi sngags bcas pas/ /slob ma'i 'khor lo bzhir reg nas/ /'byung ba bzhi yi bar chad bsal/ /yul dang lha sku sngags thig le/ /rim pa yis ni stong pa'o/ /'di la 'jug pa yod ma yin/ /dkyil 'khor dbang bskur nyid kyi phyir/ /hUM stong pa chos kyi 'byung gnas dbus/ /lha sku bum pa'i chu yis rlung dag gi /dga' bar bsgrub de nas gzhan/ /zung 'jug ye shes gzhug /mchan khungs bcings nas tsa NA li/ /sbar zhing thig le rlung dag gi /dga' bar bsgrub de nas gzhan/ /zung 'jug ye shes bshad par bya/ /de ltar mdor bsdus sbyar ba las/ /dge ba bdag gis gang bsags pa/ /de yis sems can ma lus pa/ /rdo rje sems dpa' nyid du shog /slob dpon chen po gupta nA tha dang/ rgyal khams pas bsgyur ba'o// //rdo rje rnal 'byor ma'i sgrub thabs/ /*/ /rgya gar skad du /badzra yo gI nI sA d+ha naM/ /bod skad du/