བོད་ཡིག

e-texts based on the ACIP/ALL Input

rgya gar skad du/ sid+d+ha ga ru Da ShA sta/ bod skad du/ mkha' lding grub pa'i bstan bcos/ dpal rdo rje mkha' lding la phyag 'tshal lo/ /kha sbyar mchu bar sbrul ni bsdams pa yi/ /gdengs ka'i nor bu mkha' lding me long ste/ /gnyug ma'i gzugs mthong ngo mtshar skyes gyur pa'i/ /khro ba spangs pa de ni rgyal gyur cig /mkha' lding bstan bcos skyes mod tshal nas ni/ /me tog rtsi yi sbrang rtsi de nyid ni/ /sems can don du sbrang rtsi byed pa yi dbang ldan Shad ku bdag gis 'dir de bsdu/ /gang zhig bstan pa'i sems kyis bla ma yis/ /rjes 'jug dag pa'i lam la yang dag gnas/ /mi de phrin las ma lus pa yi ni/ /dngos grub thams cad kyi ni snod du 'gyur/ /bzad dka' i dug las byung ba'i tshor ba yis/ /'khrugs pa'i 'gro ba'i srog ni 'dzin byed cing/ /chos dang nor dang 'dod dang thar pa ni/ /bsod nams byas pa'i 'gro ba de yis thob/ /'gro ba'i don phyir mkha' lding bstan bcos ni/ /dam pa'i skye bo de yis bsngags par byed/ /'dod pa can ni nor gyis dga' ba ltar/ /sngags bas sbrul gdug mi bzad pas yis so/ /de nas gdengs ka can dang rtsi ti rnams/ /rA yi dkyil 'khor can dang 'dran gzugs sogs/ /rlung gi yon tan dus dang dus min dang/ /a ma rad ta sbyor rlung bus pa'o/ /mkha' lding gis bshad sman gyi nus pa dang/ /ji ltar dug 'joms pa yi rim pa dag /gus pas des ni rtse gcig sems kyis nyon/ /gzhan dag kyang ni thos pa las byung ba'i/ /mtshon bos trin in+d+ra nI la lta bu'i lus/ /'dab brgya rgyas 'bras mtshan pa lhag ma can/ /nor rgyas lus ni kha dog dkar po la/ /mtshan pa pad+ma rgyas 'dra sngon po yin/ /shar thog nyi ma'i 'od zer lta bu la/ /mgo la g.yung drung dung chen 'jog pa bo/ /rkarke ta ni mun pa lta bu yi/ /ri mo gsum ni mgrin par yod pa yin/ /pad+ma'i lus ni kha dog ljang gu la/ /skar tshogs lta bu'i thig les gdengs ka mdzes/ /pad chen zla 'od bskus pa lta bu la/ /mdung rtse gsum pa lta bu gdengs ka yin/ /dung skyong ka ni ya ra'i me tog 'dra/ /mgrin par zla ba'i cha yis mtshan pa yin/ /rigs ldan gyi ni spyi bo'i gdengs ka dag /du bu lta bu'i zla ba phyed pa yin/ /dbyig pa yis ni brdeg pa mchog yin te/ /klu rnams gzung nas skod pa de ltar min/ /sdang bas glags ni tshol bar byed pa na/ /sngags pa dag ni gang gis thar bar byed/ /sa 'og gnas na yongs su gnas pa yi/ /dbang chen 'og gi klu rnams shin tu dkon/ /gdengs ka'i nor bus mdzes par byas pa yi/ /khol po yang ni glog gi zer ma 'dre/ /lce gnyis gdengs can phugs ces 'jigs pa'i sgra/ /rin po che ni med par gyur pa ste/ /khol po yi yang khol po'i gnas su ni/ /gus pa med pa'i lto 'phye dag yin no/ /a ku pa saM gnyis gnyis bram ze rgyal/ /me tog dang ni sa la'i dri yin no/ /de bzhin ta ma ka ba rje'u dang dmangs/ /mar dang nya'i dri ni bro ba yin/ /dug 'chang mche ba'i rtsa na legs gnas pa/ /sbrang rtsi'i me tog phreng ba lta bu yin/ /de ni 'gro ba rnams kyi rmongs byed kyi/ /dug de yongs su 'dzag par gyur pas so/ /gdengs ka can ni rang gi ngo bo'i gan ta ya na'i yin par gyur na ni/ /mgo 'jug lus la ri mo kyog po yod/ /gdengs kas dman no 'jig rten gan da ya/ /tsi ti zhes ni yongs su grags pa yin/ /de yis bzung na g.yo med skad cig gis/ /de ni 'gyur ba med pa'i rang bzhin yin/ /de nyid grub pa thob pas gal te na/ /sad par byed na dran pa 'byung bar 'gyur/ /ci ti'i rang bzhin no/ /thig btab lta bu'i ri mo ring po can/ /ban da ya ru rnam par shes par bya/ /shing dang lcug 'khyil rtsas gtugs yod par ni/ nges par shin tu legs gnas rA yil la/ /kha skom mig dmar zas dang stan mi 'dod/ /tsha dang 'khrul pa yi ni rjes la rgyal/ /dkar dang dmar dang nag dang ljang gu yi/ /ri mo med pa yin no rA yil la/ /gtso ma'i gser 'dra'i lus ldan de yis ni/ /'gro ba rnams kyi srog ni 'phrag byed yin/ /rA yil gyis ni bzung na nges par ni/ /rim gyis khyab par skrangs pa kho nar 'gyur/ /gser mdog lus de rgyu ba'i tshe na ni/ /'bar ba'i me lce chad pas 'od ma bsrag /'od ma'i rang bzhin ya ni nges sreg na/ /de yis gzung na ji ltar 'tsho bar 'gyur/ /rA yil la'i rang bzhin no/ /chu dang rlung me sa yi rang bzhin gyi/ /ko Ta rnams kyi gang zhig mtshan ba ni/ /go med sa rnams su ni shes par bya/ /dug chen skangs 'bur yang dag bskyed pa po/ /chu yi dkyil 'khor can ni dug 'dzin gyis/ /zin pa'i mtshan nyid lus ni 'brul ba yin/ /tsha dang 'dar dang skam dang skrad pa ni/ /rlung gi lus can gyis ni skyed par byed/ /lus kun gyi ni spu yi ni rtsa ba nas/ /se ba gnag 'dra'i khrag gi thigs pa 'byung/ /me yis reg bas kun nas bskyed pa ni/ /thos dang gzugs dang mthong ba nyams ba yin/ /sa yi dkyil 'khor can gyis smras pa na/ /skrangs dang tsa ba'i reg? bas gdungs pa yin/ /gnyid dang stan ngag la ni sdang bar 'gyur/ /skyes bu sems la zug zer dag gis nyen/ /phung po la ni myur du snang 'gyur ba/ /dkyil 'khor can gyi stobs kyi stobs kyang snang/ /ring po yi ni ring por skrangs pa ste/ /nges pa nyid du mang pos mang po'o/ /thal ba dang ni rus ba bshad pa 'am/ /gzhan yang lus las gang zhig byung ba yis/ /go med sa rnams kyis ni myur nyid du/ /'gro ba rnams kyis lus ni nyams par byed/ /gang zhig stobs can yang ni la la dag /mgo mjug du yang mes mtshan mes sa dang/ /yud tsam du ni 'chi ba de yis 'dzin/ /des ni 'gro bar 'chi ba the tshom med/ /'dir ni mang du smras pa ci zhig dgos pa/ /des na snying po dang du blang bar bgyi/ /sngags dang sman dang sbyor ba gang yin pa/ /ji srid dbugs rgyu'i bar du bya ba yin/ /dkyil 'khor can gyi rang bzhin no/ /gang zhig dran pa'i dug gis phye ba na/ /bram ze yin par gyur na de ni dkar/ /dmar po rgyal rigs ser po rje'u rigs yin/ /dmangs rigs nag po 'di de rnams la'o/ /gang zhig bya rog rkang 'dra'i 'dud pa la/ /phye na ri mo 'khyog po snang ba dang/ /mi mnyam thig les rnam par spras pa ni/ /nges bar nag po brtsegs pa dang ni mtshungs/ /gzhan du bcud kyis len ni bsgrub pa la/ /bram ze 'am ni de bzhin rgyal rigs kyis/ /rje'u rigs kyi ni mdze nad gzhom ba la/ /gsod pa la ni dmangs rigs rung bar bya/ /'dran pa'i mtshan nyid do/ /smad 'tshong sems kyis dor thabs kyis sems bzhin/ /bdag rgyun mi chad rnal 'byor yang dag 'grub/ /mkhas pas de bzhin rlung gi yon tan gyis/ /dus ni nges par shes pa kho na yin/ /srog chags rnams ni gang gis 'tsho ba dang/ /khyed can gang zhig nyams pas srog 'gro'o/ /don dam zhing brtson de la sems dang ni/ /bdag dang mchog dang de nyid du mi 'dod/ /'jug pa'i rang bzhin srog ni kha ba yi/ /'od la rten pas gsal bor skyed bar byed/ /bdag dang skyes bu'i rang bzhin de nyid ni/ /nyi ma'i zhing la brten nas sdud par byed/ /snying stobs rdul dang mun par babs pa na/ /dug rgyal dge dang the tshom mi dge yin/ /ston par byed de rlung gi dbye ba dag /'jug dang gnas dang dbyung ba nyid na'o/ /gtso bor chos sems pa na snying stobs te/ /yul la chags na de bzhin rdul la srog /rnongs? pa la zhes mun pas 'gog pa yin/ /gsal bor cha ni shes par gyur pa yis/ /'byung ba na ni 'byung ba kho na ste/ /'jug pa na ni 'jug pa ston par byed/ /rang gi gnyug ma'i lus la de bzhin du/ /kun tu grong khyer gzhan la'ang de bzhin no/ /zla ba dang ni nyi ma'i zhing du rlung/ /rgyu ba'i phyogs su pho nya gnas na ni/ /dug gis brgyal ba de ni 'tsho bar 'gyur/ /de bzhin stong pa'i khyim la 'chi par 'gyur/ /nyi ma'i zhing la rlung ni gnas pa na/ /gsal por pho nyas thad kar bltas pa dang/ /skyes bu rgyab nas 'dug ste yin na ni/ /ngas par zla ba'i khyim la bzang por gzung/ /dug zhir 'gro dang bya ba gang la yang/ /zla ba'i srog gi zas 'khrig 'thab mo la/ /nyi ma'i srog ni mdzes so bi su la/ khang na rdul gyi char ni bzung bar bya/ /grub pa gzhan dag gsung pa gnyis ka yang/ /zhing du sag gi rlung ni lags par gnas/ /dbye ba rnam pa bzhir ni yod pa la/ /de la sems can ngo mtshar ci yod pa/ /khyab dang steng 'og dbus su rlung dang ni/ /yon tan zhi dang lha yi bdag pa na/ /don med khyam par 'thab dang 'chi ba na/ /dri khur nga yis de rnams byed ba yin/ /skom dang bkres dang skyo ba dag dang ni/ /'dod pa'i dgos pa nyams da rtsa gsum gyi/ /'gro ba rnams la rgyal ba'i dag bskyed pa/ /mi 'chi ming na de byed lin ma yin/ gzhan don byed dka' ba mad par ni/ /bder gnas bde bskyed yid ni tshim par byed/ /dri med dri zhim la ni mngon 'dong bzhin/ /gzugs bzang lha yi bdag po nga yis byed/ /yi dags mi dang ri 'dzin sgo dang ni/ /gnod sbyin sgo gang lag pa gnyis kyis sdom// don dam thig le gang yin de dang ni/ /zlas rtsa sprod dbus gnas mtshon bar byed/ /nag dang li khrid dang pa gser sbyangs mdog /don gang yin bar ni thob bar 'gyur/ /gang dga' rjod pas dri khur rab dbye las/ /mnyan po de dag rang du thob par byed/ /mig dang kha sbyor ji lta bzhin du smra/ /dbugs 'jug 'byung ba kun nas ma nyams na/ /snying stobs la ni bab pa'i mtshan nyid do/ /rnam 'gyur mad las 'tsho bar 'gyur ba yin/ /mig gi spugs ni cung zad bye ba dang/ /rma can cung zad sgo yi phreng ba rnams/ /rmi lam bzhin du dug gi reg pa yis/ /g.yangs pas 'gags pa da ni rdul la yin/ /rma can gyi ni kha gang ngam mig kyang bgrang/ /dmas pa 'jigs su rung ba spros pa dang/ /san mo mo dang mi rnams mdog 'gyur ba/ /gsal por ti mi yi mdog gis nyal/ /gang dag la ni lag bas dangs tsam gyi/ /rtsa nas bung ngo mgo la skyes pa'i dag? /'byung po'i pha? ni gang yin de sang la/ /de la the tshom yang ni dgos sam ci/ /'thungs pa de yi mod la ldog byed de/ /sman dang chu ni ming ba gang yin la/ /srog de'i mdun du rgyugs bar byed pa ste/ /g.yog 'khor gyi ni skyem bu ji bzhin no/ /sa rtsa'i bdud rtsi zhim pa ma yin dang/ /rna ba'i sgra med mig gi glog kyang med/ /skyes bu gang gi spyi bo'i du ba ni/ /mi mthong ba ni de nas bskyod pa yin/ /nyin mtshan mtshams kyi rtags ni go bya ba/ /tshis por byas nas lor ba de yi ni/ /dkar nag dang ni gser gyi mdog can te/ /rna can gyi ni zla dang nyi mig go /zla dang nyi ma'i mig gi snying por ni/ /go bu'i gzugs brnyan snang bar mi 'gyur zhing/ /so rtsi'i bdud rtsi dag ni ma mdzad na/ /phung po'i zhing las rlung de bskyod pa yin/ /sna ni rang gi gnas nas g.yos pa dang/ /mig ni 'chi mas dkrugs dang shes pa g.yengs/ /kha yi rlung ni chu la bab pa dang/ /sna sgang du ni smra ba gang yin pa'o/ /rlung gi yon tan gyi rab tu dbye ba'o/ /lus kyi cha ni gang la rma mthong ba/ /de 'dra de ru 'pho bar byed pa ste/ /mi bzad dus kyi dbang du byas pa yis/ /rna ba'i rgyab tu ri mo dma' ba snab/ /smas pa'i sa ru spas rgyal ltar mtho yis dug gis zin pa de ni mi 'cha'o/ /khrag ni sna tshogs mdog tu 'dzag byed cing/ /de ni bya rog skad 'dra'i gzugs su snang/ /mgrin pa 'phongs chos gsang ba dang ni gra nang/ /mig dang rna ba la gsor rnams kyi rtse/ /lte ba bshad yam phrag pa rked bar ni/ /zin pa bsod nams kyis ni 'tsho ba yin/ /rma'i mtshan nyid do/ /gang gis khyam gyi tha snyad ma he dang/ /bong bu dang ni rnga mo zhon pa yi/ /pho nya ltas ngan yin zhes su zhig smra/ /su la'ang de yis ltas ngan bskyed ma yin/ /ltas ngan bden par brjod pa 'di dag ste/ /yun rings shugs ni 'dzin par byed pa dang/ /de bzhin du ni rdul dag 'byung pa dang/ /pho nya rigs gzhan dag ni yin pa dag /phal cher sngags pa ma yin kho na ste/ /yan lag nyams dang thod ba can gyi gzugs/ /gos nag ngur smrig gyon pa nye bar na/ /pho nya'i mgo la mar nag byugs pa 'am/ /yin na rdul gyi skabs la bab ngan yin/ /rkang pa g.yas brkyang ba na 'tsho ba ste/ /phal cher bud med la ni mtshon pa'o/ /rkang pa g.yon pa brkyang bas skyes pa dag /srog ni 'gro ba yin par mtshon pa yin/ /rjes kyi dbyangs med de dang sbyar ba 'am/ /yi ge phan tshun sbyar dang dang po ka /dris tshe nyon mongs tshig ni brjod pa na/ /rma can de ni the tshom med par 'chi/ /nyi mas rang gi gnas zhig bsregs nas ni/ /'od zer rnon pos sreg bzhin pa yi gnas/ /de bzhin mdun na mo la ? bar 'thul/ /lhag ma rnams ni dag pa'i rnam pa yin/ /dgos pa la ni 'gro ba'i ched du nyams pa dang/ /nyams bzhin ba dang nyams par 'gyur ba'i phyogs/ /phyogs gsum ma yin phyogs gzhan rnams su 'grub/ /sprid? pa bya rog kA rA yi dang lce? swang gnyis/ /zangs dung la sogs sgra yi dus dang 'dzom pa na/ /nyon mongs srog ni 'gro tshe phyogs nas sgrogs/ /dri khur rjes 'brangs rtog mkhas pho nya yi/ /nyis ni bzang ngan dge dang mi dge dag /dug 'joms the tshom nyon mongs 'gro ba yi/ /bden pa 'di ni nges par mkhyen pa yin/ /pho nya'i mtshan nyid do/ /ma mo'i khyim mam pad+ma can gyi mtsho/ /shing 'dzeg phug pa grog mkhar dag nas sam/ /bang? rul dur khrod kyi ni lto 'phye rnams/ /chu 'am bzhi mdo yi ni gdug pa can// drag po'i gza' la lto phye'i dug gis ni/ /'dzin na bzhi 'am bcu bzhi yin na 'jigs/ /de bzhin cha ni rab nyams gnam stong dang/ /tshes brgyad ya ni bab bar gyur na'o/ /ka ni ka dang ma g+ha a tra dang/ kha ra Ni dang mA la bi sA kha/ /sle sha 'phul sum gal te tshes dang gza'/ /rgyu skar la zin nges par brlag par 'gyur/ /pad mkhris rlung ni gtso bo mi dang ni/ /lto 'phye'i khams ni 'dra bar gyur pa na/ /de ltar shes na chos mi mthun pa dang/ /chos 'thun pa yin dka' ba med la'ang yod/ /gnas dang tshes grangs dang gza' dang rgyu skar dang/ /chos mthun pa dang mi mthun pa'o/ /nyin mtshan thun byed dag la glu rnams ni/ /gza' yi dbang gyur dag ni longs spyod de/ /nyin mo gang la de yi dus nyid de/ /mtshan mo sgo ni rnam pa gzhan du 'gyur/ /'byung po phyogs dus me dang ri bo dang/ /dus dang thar pa nyin mo'i dus su bsgreng/ /ro dus mig dang thub pa dang ni mda'/ /me dang zla ba mtshan mo dag tu shes/ /spen pa'i dus phyed snga ma bla ma yi/ /dang po 'das par dgos pa'i sa yin te/ /nyin mtshan 'pho ba'i mtshams ni gang yin pa/ /bcu drug po de rigs ldan dus yin no/ /gnyug ma'i lus la lta nan nyin zla ste/ /lag pa rna ba la reg sa skyes yin/ /sna la lag pas reg na gza' lag go /mgrin pa la reg lha yi bla ma'o/ /dbugs ni drug tu 'byin na pa ba sangs// rgod pa na yang ston pa ru ni shes/ /sa la lta na sgra gcan nyid yin no/ /dus dang dgos pa'i dbye ba dang rags pa dang stong pa ste/ /dug zin gyi mtshon byed do/ /nyi zlas sras gza' lag phur bu dang/ /pa ba sangs dang spen pas bskyed pa na/ /phyogs mig rgya mtsho re dang bcu drug dang/ /sum cu gnyis dang lnga bcu tham pa ste/ /'gro bas rang dbang can gyi lto 'phye'o/ /the tshom med pa de yang shes pa ste/ /dgos pa dang ni bcas pa'i dug dag kyang/ /stong dang stong pa ma yin dbus su yang/ /srog rdul snying gi dbus su dol ba yis// rnam par gsal ba yis ni legs gnas na/ /gnas na gnas pas de ma thag tu ni/ /yun ring brgyal ba la yang mtshan par bya/ /gnyis pa'i phyogs rtsa bstan pa'o/ /spyi bo dag ni nag po rlung yin te/ /mgrin pa lte bar me'i 'bar bas dkrigs/ /de nas dbang chen ser po mkha' lding gi /pus mo nas brtsams chu ni dkar po yin/ /brgya byin gyis mi 'dud rtsi phrogs nas kyang/ /rdo rje'i mtshon chas dgra med dga' ba yis/ /mkha' lding dgra ni ring par 'gyur ba dang/ / yid 'phrog thob pa de ni rgyal gyur cig /gar gyi dpa' brjid gshog pas skyong pa yi/ /rlung gi rigs kyi ri rnams bskyod byed pa'o/ /nam mkha' lding du ni yongs su bsgom bya ste/ /ma lus dug rnams zhi don gnyer bas so/ /rlung du bstan pas sems ni phur bus 'debs/ /'bar ba yis ni spel bar byed pa yin/ /brgya byin gyis ni gsal por rengs par phyed/ /chu zil 'bab pas dug ni brlag par byed/ /mkha' lding bye brag re re yis kyang ni/ /sel la ngas par bsgrom pa dang ldan na/ / nga med nga yis bu bzhin gnas su na/ /ma lus dug ni tshar gcod byed pa yin/ /a sti bi ShaM brjod na du yod de/ /nA asti pi ShaM sa stengs kun na med/ /bsod nams yang dag bsags la mchog gi ni/ /de nyid 'di de skye ba kho nar 'gyur lta byed mig gsum 'bar bas bstan pa yi/ /dug mchog thal ba ru ni brlag nas kyang/ /la la dag la gal te 'di skad du/ /mgrin sngon khyod brjod byin par gyur na ni/ /skyes bu de yi lus la ji srid ni/ /'tsho ba'i bar du dug ni mi 'pho ste/ /ri bong mgo la rwa ni skye ba dang/ /nam du yang ni srid par 'gyur raM ci/ /gal te 'phrog byed kha na bkag go myur bar ni/ /dga' ba'i ma? zhugs srog rlang 'gro bzhin pa/ /re shig gsal bar 'gul bar gyur na ni/ /rmas pa de ni 'tsho bar shes par bya// 'byung ba'i rlung ni nang du rdubs nas su/ /'phrog byed kyi ni kha rlung? ji bzhin blta/ /skye bo'i dgra yis dben pa'i gnas su ni/ /sbas pa'i yul la yang ni shes par bya/ /the tshom mam ni dag dang mi dge ba/ /'dra ma 'dra lhag dug gis brgyal ba ga?/ phyis na pho nya'i gos ni phrogs byed ni/ /khru yi gcal ba la ni snang bar 'gyur/ /mkha' lding gshog tshogs gar dang ldan pa yi/ /klu gzugs de la rnam par gnon pa na/ /de ltar gang gson skad cig tsam gyis ni/ /gsal bor smra ba dang ni bskyod par 'gyur/ /kha dang sna rlung rgyu ba bkag nas ni/ /skad cig tsam gyis de ni khyad par du/ gdengs ka can gyis gzung nas brgyal ba ni/ /nges pa nyid du tshor ba dang bcas 'gyur/ /dug 'joms byed pa pad+ma rgyas par yang/ /srog gi rlung gis kyang ni byed pa ste/ /yang dag 'gags pa'i 'gro ba'i snying po ni/ /slob dpon gyis ni bsgom par byed pa yin/ /dug gi skyon ni med pa kho nar yang/ /gang dag gis ni rgyu mtshan 'ga' zhig gis/ /brgyal bar byas pa mkhas pas sen mtshams su/ /sen mo yis ni sad par byed pa yin/ /dug zin gyis ni bsod nams sbyor ba yi/ /gang la thig le dkar po byung gyur na/ /de la gang dang gang ni brjod byas pa/ /de dang de ni sngags su 'gyur ba yin/ /lus kyi yan lag dang ni dkar ba la/ /gang gis gnas der me ni 'bar ba dag/ drag pa yi ni rlung gis bskyod pa na/ /rmas pa de ma thag tu 'gyel bar 'gyur/ /lhag ma'i nor bu'i gdengs ka'i 'dab ma'i rtsar/ /bsred med bu bzhin rma can bde ba nyal/ /'o ma'i mtsho yi bdud rtsi dkar po yis/ /bsgom pas dug ni 'khor? par 'gyur ba yin/ /gang dag gi lus ni dkar por bsgyur byed pa'i/ /thig le dkar po dag ni lta byed na/ /stong pa de yi dug ni stong par ni/ /bsgom pa byas pas kyang ni shes par bya/ /'phrog byed mig gi me ni 'bar ba dag /rang gis bskyod pa gang gi snying la ni/ /rab tu 'bad pas rma ni rnying ba'o/ /yud tsam gyis ni de la rgyas pa bskyed/ /rigs ldan nor gyis 'byor dang yon tan can/ /dka' thub snying stobs can dang rgan po dang/ /bud med mngal ni rab tu rgyas pa dang/ bram ze dang ni byis pa bskyed mi bya/ /mkha' ldeng ser pos dug zin dag la ni/ thig le yis ni gal te mnan pa dang/ /dum pa can gyi nyin zhag mang por yang/ /ri rab kyi ni mnan bzhin g.yo ba med/ /dug gi zin pa nor rgyas dkar po yis/ /mjug mas mgul bar bcings te mi ltung ba/ /de yi mgo las gal te gzung nas ni/ /shang shang nam mkha' na ni 'gro na yang/ /zla ba'i zhing du son pa'i nus pa ni/ /snying gi pad+ma phug nas pad kud 'dra'i/ /'dzag pa gang la zag pa bltas nas ni/ /de yi lus la dug ni gang la ste/ /gang gi gnyug ma'i lus las nus pa ni/ /'dzag pa yis ni rgyang ring gnas pa yi/ /ma lus dug kyang phig nas nges par ni/ /zhi bar byed pa kho na yin pa'o/ /sbyor ba'o/ /'dab ma dkar po rab rgyas rab 'dzag pa'i/ /kha ba'i 'od 'dra chu shel nor bu'i gzugs/ / mi bzad dug kyang dang po dbyangs kyis ni/ /bsgoms pas yang dang yang du 'joms par byed pa yin/ /lag pa g.yon du dbang phyug spyi ba'i rgyan/ /dbus gnas drug pa la ni thig les brgyan/ /dbyangs ni dug rnams sdud par byed pa ste/ /'phrog byed dkar po'i khu tshur bcangs pas so/ /sa 'og spyi bor zla bas dum bu ni/ /thig le dang bcas sgra ris spyi nag stong/ /u yig gi ni dbyangs la zhon pa ste/ /'phrog byed dkar po dug mthar byed pa yin/ /spong ba dang ni gos dag 'phrog pa dang/ /dug bcings cho long ston mos yi 'og /ji ltar nges par bsgoms pas byed pa na/ /de ltar dgod pa yang ni shes par gyis/ /'gro ba dug gis brgyal ba dag la yang/ /snying gar yang ni mgo mang dkar po ste/ /gzhan dag kyang ni brgyal bar byed pa na/ /drag po'i rlung gis bskyod pa me 'bar bas so/ /sa 'og gos gnas rlung gis drangs pa na/ /skad cig gis ni phyed tsam gyis kyang ni/ /myur du khros na 'phrog pa de la ni/ /bting bzhin 'brangs nas 'ded par byed pa yin/ /nyon mongs snying gar chud pa'i mi shig pas/ /bkug pa'i dug gi gong bu nag po ni/ /kun pa skar bcas gos ni bcings pa yis/ /nyin zhag mang po yang ni g.yo ba med/ /chos bzhi sprin nag lha yi bla ma dang/ /zla nyi pa ba sangs ni chol shing ste/ /rtsis kyi ri mo glog ni 'gyu ba dang/ /gang bor cho mor skar ma'i tshogs su ste/ /chos skur lag pa dbang phyug bzhin pa'i mig /cho lo mkhan po gnyis skyes mchog gi tshogs/ /dug zin dug las yongs su thar nas ni/ /chol res la ni lag nas yongs su 'dzin/ /de yis dug gis bzung ba'i skyes bu ni/ /rnam par dag pas skad cig khyad par 'phags/ /bza' bzos pa'i lhag ma'i dus su ni/ /chu snod bzung nas chu ni ster bar byed/ /gang zhig mthong dang thos dang gang zhig ni/ /nyams su myong ba'ang yul byas spyod pa ni/ /de kun sems kyis byed po gus par gyis/ /srid pa'i dngos po dngos med 'byung ba yis/ /de bzhin du ni na ra yas smras ba/ /nus pa gang gis myur du thar skyed dang/ /des ni dug dang 'byung po 'joms byed de/ /zla ba dang ni nyi mar zhugs pa na'o/ /'dus pa'i skye bo kha yi sbubs nas ni/ /nus pa ba mo lta bu bab pa yis/ /rgod pa'i sgra yi dug dag myur du ni/ /'joms par byed de bsgom par byas pas so/ /dug zin smra bas gal te yod pa na/ /rgyas ring na yang dug ni myur du bsdud/ /snying gar ngang pa dkar po bsgom pa ni/ /bdud rtsi'i snying po yongs su rgyas pa'o/ /bstan pa'i dug ni khur bu stong phrag kyang/ /rlung gis sdus pas dug med par ni byed/ /dad pa'i bdud rtsi 'bab par gyur pa ni/ /zla ba'i zhing nas byung bas der 'gyur ro/ /lto ba spyi bo spyi gtsug go cha ni/ /mig dang lag pa lag ser sgra ldan pas/ /re re bor ba'i ring po tshig? drag kyang/ /drug po yang ni blang bar bya ba yin/ /nyi ma'i grangs kyi dbyangs ni sbyar bya ste/ /sa mchog srid pa med dmigs pa med pas 'god/ /de ni drag po dang mnyam pa tshig btsam zhing/ /dug 'joms mi byed pa na yod ma yin/ /sa mchog ral pa bskyon bkug rings dang/ /zla phyed thig le yis ni mdzes par byas/ /mar gyi nyid khus mdzes pa bsgom na ni/ /go nas yi dug ni sel bar byed/ /gang zhig 'bum phrag bdun ni bzlas pa yis/ /bi na ya yi bu bzhin sprul du bzod/ /mi ldog snyan dngags mkhan gyi rgyal por ni/ /dbyangs can gyi ni nus pa bsgom pa na'o/ /de nyid chog drag dang bcas 'char ka yi/ /'od kyis dkrigs pa'i skyes bu gang zhig gis/ /sgom par byed na dug dang mkha' 'gro ma/ /gdengs ka can yang khro zhing 'khrugs par byed/ /snying la bsgoms pa yis ni 'gugs pa ste/ /dpral ba'i mthil du gnas pa dbang du sdud/ /yan lag mchog la btsud pa chang gi rgyun/ /dzu ba ti la 'bab pa kho nar 'gyur/ /kha yi spubs su 'bab pas dkrigs pa yi/ /su ma rab tu 'bar bas dug brgyal ba/ /'chi ba 'am ni 'tsho ba yang ni dung/ /bden par gsal po nyid du nga yis smra/ de nyid d+ha yi nang du chud gyur cing/ /pad+ma'i lte bar gnas pa bsgoms na ni/ /bdud rtsi'i bril ba 'bab pa'i tsheg drag bcas/ /dug 'joms pa yi sa bon nyid yin no/ /de nyid me yi nang du gzhag nas ni/ /nyi ma 'char ka'i 'od 'dras mngon gsal dkrigs/ /nges par dug sel rims dang 'byung po dang/ /dug gi khyad par yang ni sel bar byed/ /ka Sha sbyar ba dkar po thig? ler bcas/ /ri dags mtshan pa'i dbus su chud pa ni/ /snying la chud par byas pas dug rnams ni/ /myur du 'joms par byed pa kho na yin/ /dbyangs yig a'u ring yang dag ldan pa yi/ /yi ge de nyid mi yi seng ge'i steng/ /'jigs dang skra dang sdig dang dug dang ni/ /'byung po nad dang dbul po brlag par byed/ /yi ge hUM phaT me yi rang bzhin can/ /'bar ba'i phreng bas dkrigs pas gsal byas pa/ /gang gis mgrin par bris pa yin na ni/ /de yis gsal por don grub byed par 'gyur/ /la yig mchog ni zlum por thig ler bcas/ /gos gnas bdud rtsi dkar po rgyun 'dzag pa/ /dug gi zin la byab tu bcug na ni/ /nges par dug gis 'joms par byed pa yin/ /gri khur nag po'i dbus chud tha yig ni/ /sngags 'dis dug zin la ni byin brlabs na/ /skyod dang smra dang gzer ba'i sgra dang ni/ /langs nas kun tu lta bar the tshom med/ /gsum pa nye bar bstan pa'o// //dzhaM krA ri Ni ku ru kul+le dang/ /be duN+Na dang gser ri sa bon dang/ /gang du dug gis brgyal ba byed pa yi/ /dbye ba der ni legs par mnyan par gyis/ /sad do bA ma b+ho/ ra de skyes bu/ /lnga pa de ru yA ni dbang ldan du/ /dkar ser gnag dmar nam mkha' sor mor gnas/ /rgan lcug gung mo gsum la dzhaM kA ri/ /yi ge rnam par spras pa dag yin no/ /bzhi pa lha ni Ni yig ces bya ba/ /ming med la ni gnas pa nyid yin no/ /mkhar gnas d+ha dang wa byar thig ler bcas// dug zin ming mig dang por bar du ste/ /rgan po'i sngags dang sbyar ba dag gis ni/ /dbang ldan de ni mnyes na ma lus pa'i/ /dug ni de yi mod la zhi bar 'gyur/ /de yi skyes bu dang ni sbyar ba na/ /'byung po'i gnod pa yod na mngon gsal 'gyur/ /'jigs pa'i g+ho ri dang ni sbyar ba na/ /dag sprul dman pa yang ni mod la bskyod/ /g.yon pa mnan pas rangs pa phongs pa dang/ /dgra dang ngag dang dug dang dpung dag go /lug g.yon zla ba'i dbus gnas tha yig chud/ /dzhaM mnyes/ /dkar po 'dzag par byas nas ni/ /cha kun rdzogs pa de yis ni/ /dug dang lu ba rims 'bras mkha' 'gro ma/ /gdon dang 'byung po'i gnod dang tsha ba dang/ /nges par zhi byed yongs su bzlas pa'i chus/ /sngags pas 'gro ba rnams la de byed do/ /kha la dzhaM yig lkog mar kA yin/ /lte bar ri yig gsang Ni rkang gnyis d+hwaM/ /mda' dang nyung kar rma bya'i sgo sogs kyis/ /'byung po la sogs gnod pa 'joms byed de/ /dung sogs sgra la'ang lan bdun bzlas pas so/ /'bum bzlas sbyin bsreg khri yis mchod sdong bsgrub/ /tsan tis oM yig kha la ku yin te/ /du ni lkog mar ku ni nu prag tu/ /l+le ni gsang bar rkang gnyis swA hA'o/ /stong bzlas skud par rnar brtag nags su sbrul mi 'jigs/ /sa gar sogs bris khyim gzhag de mi 'ong/ /pi ri mahA se na tsan ra dang/ /tsan tis 'bum bdun re res dbang kun 'grub/ /oM su war+Na re khe kuk+Shu ta bi gri ha ru pi Ni swAhA/ lag mthil pad dkar 'dab brgyad dbus su ni/ / yi ge 'dren pa gzhan la gnyis gnyis brtsegs/ ba mo? 'bab pas sman ma la bsangs na/ ras bal 'bab ma rlung gis bskyod bzhin ldang/ /o e ho mA he/ b+he ru Na Te/ A a'i a'u bI dzi/ b+ha re? ya ka ra Na De/ tat+ta man+ta A g+ho She/ hUM ka re pi Sha na se thA ba ra dze ga ma aM ga dza kit+ta mahA ra ha ra hUM phaT swAhA/ /lo paM k+Shi swAhA/ Shi sid+d+ha nA thA de bA ka ri A dz+nyA sh+rI sh+rI skaN+tha sh+rI nI la ka NA/ ShI bi ShaM kha la/ ri mi dzI mi haM sa/ kI pi k+Shi pi haM sa/ hUM haM sa/ dzaM(rgyud 'grel dug zin la sogs pa/ gso dang sngar bsrung bla ma'i man ngag bzhin/ /sngags chab ji 'gro ba'i lam der na/ /dug sel byed par yid la gnod mi za/ /pad steng bum bca' sngags bdun bzlas klu mchod/ /oM pak+Shi swAhA/ zhes bya ba dang rig pa'i rgyal mo drug go /sgra ris zla dkyil lag mthil bsam pas kyang/ /dug sel bya rgod bshad pa mthong ba dang/ /skye bo'i skyid sdug bde ba'i sgra yis kyang/ /tsha gsum po la'i sa bon sbrang rtsir sbyar/ /snar blugs lus skyes sogs kyis nad 'joms byed/ tsher can shir shi'i rnga la ni/ /kha gnyis pags pas rnga g.yogs byas/ /sbrul dgra'i rkang gis brdungs nas ni/ /ji srid sgras khyab de dug 'joms/ /pha ni ja dang spu darSha na lus btags kyang/ /She te pu nar na ba'i khu blud pas/ /ma ning ka ko ti yi rtsa/ /ba mar dang 'thungs dug gsum sel/ /kan ta shir sha'i rtsa shu na 'bras bkrus chur/ /sbyar ba a shar yi nya dag la/ /'thungs na lo gcig dug ni thub pa yin/ /shu dag shing kun nim pa'i khu ba dag /snar blugs dug gis sgra rtse skye bas kyang sel/ /ka ran dza yi tsher can nim pa'i 'dab/ /mar sbrang yungs kar gong nas yang sel/ /kha gnyis lus ne'u le yi mig /sbrul dgra'i mkhris pa'i cha mnyam pa/ /khyim pa'i gzhag pas kyang sbrul mgo 'gegs/ /sh+ri bA sa/ /bi rang ga /u shir/ sardza ra sa/ lAk+Sha b+ha lA lA ta ka /kud tha/ tri pha la/ ardzu na/ ku su ma/ 'de dag cha mnyam du ba yis/ /lus skyes tsa re sbrang ma sogs/ /sbrul yang 'bros shing klu sgrub gsung/ /me tog grong khyer zhes bya ba/ /brgya byin pho brang dang mnyam par/ /zla cha zhes pa'i byab pa'i bram ze mo'i lo rgyus kyang ni lnga pa yin/ /dpal mkha' lding grub pa'i bram ze shang kus mdzad pa rdzogs so// // gu na se ga ra/ 'dir ni bla ma dam pa'i rjes 'brangs te/ /dpal ldan shang ku bdag gis mdor bsdus bris/ /dge ba de yis srid gsum ma lus pa/ /dug med bdud rtsi'i go 'phang bsten par shog /rgya gar gyi mkhan po dpal bram ze a ba d+hu tI ba chen po dpe med kyi zhal sngar/ lots+tsha ba bande pradz+nyA kIrtis bsgyur ba'o// //dbang phyug chen pos nam mkha' lding du sbrul nas mkha' lding rgya mtsho ba 'bum phrag bzhi bshad/ /de bram ze sad kus dbang bskur gyi tshe klu bdun gyi dug yod pa la/ 'jog po'i dug kham phor du mar dang sbrang rtsi byin pa ma yog / bdun pa kun gyi bu mo bkug nas chung mar byas/ 'jog po'i bkug pas mos phu byas pas dug gis zin nas shi la thug pas/ yul mi kun gyis khyed grong na ded kyi dug sus gso byas pas/ mchod sdong tshungs shig zer nas nam mkha' lding gi mchod sdong rdo rings steng du btsugs steng nas rdo rje'i gdugs phub pa gcig byas/ khos 'khyud nas sngags bzlas te/ kun dug zhi bar byed do/ /de lta bu'i shang kus mdzad do// // dus dang dus ma yin pa la lnga ste/ rma'i mtshan nyid dang/ pho nya'i mtshan nyid dang/ gnas dang/ tshes grangs dang/ gza' dang/ rgya skar dang/ chos mthun pa dang mi 'gyur ba dang/ dus rab dgos pa'i dbye ba dang/ rigs pa dang/ stong pa ste dug gzin gyi mtshan nyid dang/ dus ma yin pa mi 'chi ba bstan pa'o/ /nyid dgos lo gsum/ phrin las thams cad kyi snod du 'gyur ba'i dgos pa dang/ sems kyi srog 'dzin pa'i dang/ phyogs thams cad du grags pas khyab pa'o/ /mchod brjod sdang/ dgos 'brel dang/ gzhung bshad pa gsum mo/ /gzhung la gnyis/ lus rnam gzhag dang/ yan lag rgyas bshad do/ /oM tsakra ra hi tsakra b+hi da ni g+haN ti kA ra hiM/ sa gzhi lci bas maN+Dal gu bzhi byug /dung dang bu tsha bkrus la thug pa dang kha byang du bstan/ rang yang kha byang du bltas la dung la gu gul bdug /g.yas g.yon gang du 'khor 'dod pa des ngos su du ba bskor lag pa gnyis kyi bar du dung gzung/ dug la kha gtad la sngags bzla bu tsha'i mgo la me tog gtor/ rtsang ba lots+tsha ba'i phyag dpe las bris so// //ye d+harmA he tu pra b+hA wa he tun+te ShAn ta thA ga to hya dad te/ te ShAhtsa yo ni ro d+ha e wi pA dI ma hA sh+ra ma Na:// //mang+ga laM b+ha wan+tu// //dge'o// //