བོད་ཡིག

e-texts based on the ACIP/ALL Input

slad kyi rgya gar gyi mkhan po byang chub sems dpa' dA na sh+rI dang/ bod kyi lots+tsha ba mal gyi blo gros grags bas bcos te gtan la phab pa'o// //rgya gar skad du/ sI ta tA ra sA d+ha naM/ bod skad du/ sgrol ma dkar mo'i sgrub thabs/ 'phags ma sgrol ma dkar mo la phyag 'tshal lo/ /ched du zla ba drug gi par/ /sgrol ma'i 'khor lo bsgom pa'o/ /dngos grub thams cad 'thob 'gyur zhing/ /'chi ba'i skyon gyis mi gos so/ /ngag gi dbang phyug gnang byas ba/ /'chi bdag bslu ba bsdus pa las/ /byung nas sgrol ma dkar mo 'di/ /bsgoms na 'jigs pa nyams byed pa/ /bzhi pa'i sde mtshan dang po a/ /bcas nas nam mkhar 'od zer 'phro/ /pad dkar zla ba'i gdan bltas la/ /gsum la skyabs 'gro yang brjod la/ /rang bzhin sgro btags gzhom phyir du/ /skad cig stong pa nyid du blta/ /de nas sngon gyi smon lam dbang/ /byang chub sems kyi yi ge bsgom/ /pad+ma dkar po'i dbus gnas pa'i/ /zla ba'i gdan gyi steng du ni/ /rdo rje skyil mo krung bcas pa/ /mchog sbyin pa dang utpal bsnams/ /ston ka'i zla ba'i 'od gnas can/ /zla ba'i rgyab la mnyam brten pa/ /rgyan rnams thams cad rab tu rdzogs/ /bcu drug lo lon lus can ma/ /sangs rgyas kun dang de sras dang/ /yum ni 'dod pa'i gzugs can ma/ /sgrol ma de yi thugs kar bsgom// 'khor lo dkar po 'od zer can/ /re mig brgyad la yi ge brgyad/ /yongs su bskor bar bya ba'o/ /oM hA gsal byed dbus gnas pa'i/ /bsgrub bya'i ming ni lte bar bya/ /zla drug rtse gcig pa yi yid/ /nges par brtan pa rtag tu bya/ /yi ge bcu pa'i sngags 'di ni// mi bskyod yid kyis bzlas bya ste/ /oM gyi yi ge dang por sbyin/ /phyis ni tA re rab tu sbyang/ /tut+tA re la tu re phyis/ /swAhA mdza' ru las kun byed/ /tshangs dbang khyab 'jug nyi zla dang/ /drag po phyogs skyong 'dod lhas kyang/ /ba spu'i rtse mo'ang gcod mi nus 'chi bdag las rgyal sgrol ma bzhin/ /skra dkar gnyer ma skal ngan nang/ /dbul ba la sogs mdor bsdu na/ /seng sogs 'jigs pa che brgyad dang/ /sdug bsngal rab tu che 'joms byed/ /bskul ba med par gos btung ba/ /khang bzang rin chen tshogs kyang 'du/ ral gri dang ni mig sman dang/ /rkang ba bum pa bzang sogs 'grub/ /tshigs bcad ma/ ban dang ngag snyan dang/ /blo gros shes rab dri med 'gyur/ /gzhan yang ci 'dod dngos grub ni/ /'khor lo de las 'byung par 'gyur/ /sgrol ma dkar mo'i sgrub pa'i thabs nad dang 'jigs pa rnam nyams pa/ /gang zhig phyung nas dge bsags pa/ /des ni skye 'gro sgrol mar shog /sgrol ma dkar mo'i sgrub pa'i thabs/ slob dpon ngag gi dbang phyug grags pa'i slob ma thu bos mdzad pa rdzogs so// //paN+Di ta don yod rdo rje dang lo ts+tsha ba khams pa dge slong ba ris bsgyur ba'o// //bcom ldan 'das ma la phyag 'tshal lo/ /mdor bsdus pa la dga' rnams phyir/ /sdom tshig le'ur byas pa yin/ /phyogs rnams gtsang mnyen bde ba dang/ /kun tu dri ngad ldang gyur ba/ /bde ba can gyi zhing khams ltar/ /sa gzhi byin gyis brlab bar bgyi/ /phyi nang ma bsgribs gsal ba dang/ /rin chen rnams las grub ba yi/ /thub pa'i dbang po sras bcas kyi/ /gzhal yas khang du byin brlab bo/ /bla ma dkyil 'khor lha tshogs dang/ /phyogs bcur bzhugs pa'i sangs rgyas sras/ /bka' sdong phyogs skyong ma lus pa/ /de ring spyan 'dren gshegs su gsol/ /gtsang zhing dri zhim bsil ba yi/ /dri chab bdud rtsi rgyun lta bus/ /rgyal ba sras bcas ma lus la/ /chu gsum gyis ni mnyes par bgyi'o/ /dus gsum bzhugs pa'i bla ma lha/ /rin chen gsum ni nam mkha' la/ /til gyi gang bu ltar dmigs nas/ /sgo gsum gus pas phyag 'tshal lo/ /me tog la sogs nyer spyod dang/ /rgyal srid bdun du grub pa'i rdzas/ /mchod sbyin nam mkha'