བོད་ཡིག

e-texts based on the ACIP/ALL Input

mai mai tri mai tri ye swAhA/ 'phags pa byams pa'i sgrub thabs rdzogs so// //kha che'i paN+Di ta chen po shAkya sh+rI bzang pos mdzad pa'o/ /lots+tsha ba byams pa dpal gyis bsgyur ba'o// //rgya gar skad du/ Arya mai tri ya sA d+ha ni/ bod skad du/ 'phags pa byams pa'i sgrub thabs/ rgyal ba byams pa la phyag 'tshal lo/ /thog mar a las zla ba'i dkyil 'khor gyi steng du yi ge maiM gser gyi mdog can las 'od zer 'phros pas/ bla ma dang/ sangs rgyas dang byang chub sems dpa' i tshogs dang/ rgyal ba byams pa nyid gtso byas pa yang dag par bkug ste/ oM sarba ta thA ga ta ya kA ya bAk+tsit+ta pra na me na badzra ban ta na ka ro mi zhes bya bas phyag 'tshal ba sngon du song bas/ oM badzra puShpe A: hUM swAhA/ oM badzra d+hU pe A(rgyud 'grel pa byas nas/ byams pa dang/ snying rje dang/ dga' ba dang/ btang snyoms las tshangs pa'i gnas pa legs par yid la bya'o/ /de nas oM shU n+ye tA dz+nyA na badzra swa b+hA ba At+ma ko haM zhes bya ba'i sngags lan gsum gyi bar du brjod de/ /brdzun pa'i rnam par rtog pa goms par byas pa'i bag chags kyi dbang du gyur pa/ rang gi sems mig 'phrul mkhan gyi nye bar sprul pa'i sems can dang/ snod kyi 'jig rten gyis rnam par 'khrul pa'i dri ma sbyang ba'i phyir/ rdul dang/ khug sna dang/ du ba dang/ kha ba dang/ sprin dang/ sprin gyi grib ma dang bral ba ston ka'i nyi ma phyed kyi nam mkha' lta bur chos kyi dbyings mdza' dang dbus med pa'i rang bzhin du/ phyi nang dang bcas pa'i 'jig rten gsum po ma lus pa rnam par blta bar bya'o/ /de ltar yud tsam zhig rnam par dag pa'i rang bzhin rab tu rtog pa med pa nam mkha' rdo rje'i ting nge 'dzin te/ de la gnas pa paM las pad+ma dang/ a las zla ba'i dkyil 'khor gyi steng du/ yi ge me zhes bya ba'i 'od kyis/ phyi nang dang snod bcud mdza' dag sbyangs te/ thub pa skyes mchog byams pa ni/ /zhal gsum spyan gsum gyis rnam brgyan/ /de yi gdan ni pad+ma ste/ /sems dpa' i skyil krung gis bzhugs pa/ /phyag bzhi yis ni rnam par mdzes/ /bla med chos ston phyag rgya yis/ /phyag gnyis dang po rnam par brgyan/ /phyag g.yas gnyis pa nyer bskyod pas/ /mchog tu sems can skyong ba po/ /g.yon phyag lha rdzas yal ga 'dud/ /klu shing me tog bcas pa'o/ /sangs rgyas sprin ni rab 'phro zhing byang chub sems kyi rang bzhin 'bar/ /dngos grub chen po mchog bsgom bya/ /de nas snga ma bzhin du mchod de/ /dza(rgyud 'grel drangs nas/ dam tshig sems dpa' rang nyid la dgug pa dang/ gzhug pa dang/ bcing ba dang/ dags par byas la/ dbang bskur bar gsol ba gdab par bya'o/ /de'i rjes la sku gsung thugs kyis byin gyis brlabs nas/ rang bzhin gyis 'od gsal ba nyid kyis rdzogs pa'i rim pa bsgom par bya'o/ /de 'og phyag rgya bcir byas la/ /mnyam par gzhag par gsang sngags bzlas/ lag gnyis so sor dag tu bya/ /khu tshur bcings te sdigs mdzub pa nyis/ /mthe bo'i dbus su gzhug bya ste/ /me tog rnam pa'i mchod pas so/ /oM mai mai tri mai tri ye swAhA/ /'phags pa byams pa'i sgrub thabs slob dpon thogs med kyis mdzad pa rdzogs so// //jo bo chen po dang/ dge gshes ston pas bsgyur ba las dus phyis paN+Di ta chen po bud+d+ha sh+rI dang/ gnubs lots+tsha bas dag par bcos so// //