བོད་ཡིག

e-texts based on the ACIP/ALL Input

kyi cho gas kyang mi'i gzugs kyi 'og tu lhung bar bsam par bya'o/ /de nas snying ga'i zla ba la gnas pa'i maM gi sa bon gyi 'od zer gyis de bzhin gshegs pa rnams gdan drangs te/ dbang bskur ba blangs nas dbu la rnam par snang mdzad kyis rgyas gdab pa'o/ /de nas snying ga'i sa bon nas de bzhin du phreng ba'i rnam pa lta bu'i sngags kyi yi ge rnams kha nas 'thon nas lte ba/ lte ba nas kha ru/ kha nas slar yang lte ba la sogs par 'khor lo 'khor ba'i rim pa bzhin du sngags bzlas par bya'o/ /de la sngags ni 'di yin te/ oM mA rI tsye mAM hUM hUM phaT phaT swAhA/ /rang gi sa bon gyis byin gyis brlabs la zas la sogs pa thams cad la rjes su gnas par bya'o/ /dal na yi ge brgya pa'i sngags brjod la ci bder gnas par bya'o/ /rtog pa las gsungs pa'i 'od zer can dkar mo phyag bcu pa'i sgrub thabs rdzogs so// //rgya gar skad du/ a sho ka kAn+tA mA ri tsyai sA d+ha naM/ bod skad du/ mya ngan med pa'i shing gi 'od zer can gyi sgrub thabs/ 'phags ma 'od zer can la phyag 'tshal lo/ /de nas stong pa nyid bsgoms pa'i rjes la zla ba la maM yig ser po las byung ba'i mya ngan med pa'i shing/ de'i steng du maM/ de yongs su gyur pa sku mdog ser mo zhal gcig phyag gnyis pa/ mgon po rnam par snang mdzad kyi rin po che'i dbu brgyan can/ /gser lta bu'i phag pa'i rgyab tu sna tshogs pad+ma dang zla ba la 'gying bag dang bcas pas steng du bzhugs pa/ mya ngan med pa'i shing gi yal ga 'phyar ba phyag g.yon na bsnams pa/ phyag g.yas pas mchog sbyin pa/ do shal la sogs pa sku la brgyan pa/ lang tsho gzhon zhing mdzes pa 'di bzhin bsam par bya'o/ /snying ga'i mi yig gi sa bon las 'od zer 'phros pas mgon dang bcas pa'i phag gi tshogs kyis gdug pa can brlag ste/ sems can dpag tu med pa'i don sna tshogs byed pa'o/ /oM mA rI tsyai mAM swAhA zhes pa ni bzlas pa'i sngags so/ / mya ngan med pa'i shing gi 'od zer can gyi sgrub thabs rdzogs so// //rgya gar skad du/ kal pok+ta mA rI tsyai sA d+ha naM/ bod skad du/ rtog pa las gsungs pa'i 'od zer can gyi sgrub thabs/ 'phags ma 'od zer can la phyag 'tshal lo/ /bla med bde la ma chags pa/ /bla ma shes rab pha rol phyin/ /phyag 'tshal rtog pa'i 'od zer can/ /sgrub thabs da ltar bri bar bya/ /de la dang por re zhig rnal 'byor pas 'gro ba ma lus pa 'don pa lhag pa'i bsam pas oM phaT ces pa'i sngags kyis snying ga dang/ mgrin pa dang/ mdzod spu dang/ spyi bo rnams su khro bo'i khu tshur byin nas/ oM mA ri tsyai big+h+naM nu ta sA ra ya hUM phaT ces pas bgegs bsgrad nas/ rang gi snying gar aM yig yongs su gyur pa las nyi ma la maM yig bsams nas de las byung ba'i 'od zer gyis tshogs kyis bcom ldan 'das ma gdan drangs te mdun gyi nam mkha' la bzhugs su gsol te/ gser lta bu zhal gsum pa/ spyan gsum pa/ phyag brgyad pa/ dmar po ni g.yas kyi zhal lo/ /sngon po ni sdug pa phag pa'i zhal ni g.yon du'o/ /rdo rje dang/ lcags kyu dang/ mda' dang/ khab rnams ni g.yas kyi phyag bzhi na bsnams pa'o/ /mya ngan med pa'i shing gi yal ga dang/ gzhu dang/ skud pa dang/ sdigs mdzub pa ni g.yon gyi phyag bzhi rnams na bsnams pa'o/ /rnam par snang mdzad kyi dbu rgyan can/ rgyan sna tshogs pas brgyan pa/ mchod rten gyi nang na gnas pa/ /gos dmar po'i phu thung gi stod g.yogs can/ /phag bdun gyi shing