བོད་ཡིག

e-texts based on the ACIP/ALL Input

ba'i rnam par sbyar te/ mthe bong dag logs su gnas pa'o/ /zhes so/ /tsun de'i sgrub thabs rdzogs so// //rgya gar skad du/ kal po? k+ta da sha b+hu dza si ta mA rI tsyai sA d+ha naM/ bod skad du/ rtog pa las gsungs pa'i 'od zer can dkar mo phyag bcu pa'i sgrub thabs/ 'phags ma 'od zer can la phyag 'tshal lo/ /sngon du gsungs pa'i cho gas baM yig las skyes pa'i sna tshogs pad+ma'i steng du zla ba la maM yig dkar po las skyes pa'i 'od zer can dkar mo zhal lnga pa/ phyag bcu pa/ zhabs bzhi pa'i bdag nyid du skad cig bsam par bya'o/ /de la rtsa ba'i zhal dkar po/ g.yas nag po/ g.yon phag zhal dmar po rgyab zhal ljang gu/ dbu yi steng du zhal ser mo rin po che sna tshogs pa'i zur phud gsum gyis brgyan cing ral pa'i cod pan can/ /phyag g.yas pa lnga rnams na nyi ma'i dkyil 'khor dang/ rdo rje sngon po dang/ mda' dang lcags kyu dang/ khab kyi phyag rgya bsnams pa'o/ /g.yon pa lnga rnams na zla ba'i dkyil 'khor dang/ gzhu dang mya ngan med pa'i lo ma dang/ zhags pa dang bcas pa'i sdigs mdzub dang/ skud pa bsnams pa'o/ /lang tsho gzhon zhing phu thung stong g.yogs dkar po can/ mchod rten gyi nang na gnas pa/ phag bdun gyi shing rta la zhon pa/ khyab 'jug dang/ dbang po dang/ bde byed dang/ tshangs pa rnams zhabs bzhis mnan pa/ de'i shing rta'i dbus su gnas pa'i chus rin mnan pa' bcom ldan 'das ma gzhan te/ sku mdog nag mo phag gi gdod pa can/ /rdo rje dang sdigs mdzub ni g.yas dang g.yon gyi phyag na'o/ /g.yas phyogs su gzhan bcom ldan 'das ma ni phag zhal dmar mo phyag bzhi pa g.yas pa gnyis kyis lcags kyu dang khab bsnams pa'o/ /phyag g.yon pa gnyis kyis zhags pa dang bcas pa'i sdigs mdzub dang skud pa bsnams pa'o/ /mdzes pa'i rgyan gyis brgyan pa'o/ /g.yon gyi phyogs su rje btsun ma gzhan rnams ni phag zhal dmar po'o/ /rna ba'i bar du bkang ba'i gzhu dang/ mda' dang/ rdo rje dang/ mya ngan med pa'i shing gi yal ga ni g.yas dang g.yon gyi phyag na bsnams pa'o/ /sna tshogs pa'i rgyan gyis brgyan pa ste/ shing rta 'dren pa'i phag gi 'og nas nyi ma la sogs pa'i gzugs gza' dgu ste/ nyi mas nye bar 'tshe ba'i kyi cho gas kyang mi'i gzugs kyi 'og tu lhung bar bsam par bya'o/ /de nas snying ga'i zla ba la gnas pa'i maM gi sa bon gyi 'od zer gyis de bzhin gshegs pa rnams gdan drangs te/ dbang bskur ba blangs nas dbu la rnam par snang mdzad kyis rgyas gdab pa'o/ /de nas snying ga'i sa bon nas de bzhin du phreng ba'i rnam pa lta bu'i sngags kyi yi ge rnams kha nas 'thon nas lte ba/ lte ba nas kha ru/ kha nas slar yang lte ba la sogs par 'khor lo 'khor ba'i rim pa bzhin du sngags bzlas par bya'o/ /de la sngags ni 'di yin te/ oM mA rI tsye mAM hUM hUM phaT phaT swAhA/ /rang gi sa bon gyis byin gyis brlabs la zas la sogs pa thams cad la rjes su gnas par bya'o/ /dal na yi ge brgya pa'i sngags brjod la ci bder gnas par bya'o/ /rtog pa las gsungs pa'i 'od zer can dkar mo phyag bcu pa'i sgrub thabs rdzogs so// //rgya gar skad du/ a sho ka kAn+tA mA ri tsyai sA d+ha naM/ bod skad du/ mya