བོད་ཡིག

e-texts based on the ACIP/ALL Input

pa sngon du 'gro bas mi bskyod pas dbu brgyan par bsam par bya'o/ /de nas bzlas pa'i sngags ni oM tsaN+Da mahA ro Sha Na hUM phaT/ gtum po chen po'i sgrub thabs rdzogs so// //rgya gar skad du/ tsaN+Da mahA ro Sha Na sA d+ha naM/ bod skad du/ gtum mo chen mo'i sgrub thabs/ khro bo'i rgyal po mi g.yo ba la phyag 'tshal lo/ /rnal 'byor bas yid dang 'thun pa'i gnas 'ga' zhig tu stan bde ba la nye bar 'dug ste/ rang gi snying gar nyi ma'i dkyil 'khor gyi steng du hUM yig nag po lta bar bya'o/ /de'i 'od zer gyis bla ma dang sangs rgyas dang byang chub sems dpa' rnams gdan drangs te nam mkha' la blta bar bya'o/ /de nas hUM yig las 'od zer byung ste me tog la sogs pa nyer spyod ? de rnams la yang dag par mchod par bya'o/ /de rnams kyi mdun du sdig pa bshags pa dang/ bsod nams la rjes su yi rang ba dang/ bsod nams yongs su bsngo ba la sogs pa rnams bya'o/ /de nas byams pa ni sems can thams cad la bu gcig pa bzhin du dga' ba'i mtshan nyid do/ /snying rje ni sdug bsngal dang sdug bsngal gyi rgyur gyur pa rnams yang dag par gdon par 'dod pa'o/ /de la rab tu dga' ba'i gzugs ni dga' ba'o/ /btang snyoms ni dam pa ma yin pa'i nyes pa yongs su zhi ba'i rang bzhin du bsgom par bya'o/ /de nas khams gsum po stong pa nyid du rnam par bltas nas sngags kyis byin gyis brlab par bya'o/ /oM shU n+ya tA dz+nyA na badzra swa b+hA ba At+ma ko haM/ de nas bar snang la pad+ma'i steng du nyi ma'i dkyil 'khor la gnas pa'i hUM yig las byung ba'i ral gri'i 'char bar hUM yig gnas pa'i bdag nyid yongs su gyur pa las mi g.yo ba gtum po'i skur blta bar bya'o/ /zlum zhing dmar la 'bar ba'i khro bo'i spyan bgrang pa dpral la? khro gnyer bsdus pa/ ya sos ma mchu bsdams pa/ pus mo g.yon pa sa la btsugs pa/ zhabs g.yas pas bdud gdug pa can gnon pa/ phyag g.yas pas ral gri bsnams pa/ g.yon pa khu tshur sdigs mdzub dang/ zhags pas srid pa gsum gyi 'jigs pa 'joms pa/ in+d+ra nI la dang mtshungs pa'i 'od zer can/ me 'bar ba'i gtum po chen po'o/ /de nas snying ga'i sa bon gyi 'od zer gyis ye shes sems dpa' bkug nas dam tshig sems dpa' la rab tu bcug ste dbang bskur blang bar bya'o/ /dbang bskur ba'i mthar spyi bor mi bskyod pa blta bar bya'o/ /de nas bsgom pas ngal na sngags bzlas par bya'o/ /de la sngags ni 'di'o/ /oM tsaN+Da mahA ro Sha Na hUM phaT gtum po chen po'i sgrub thabs rdzogs so// //rgya gar skad du/ tsaN+Da mahA ro Sha Na sA d+ha naM/ bod skad du/ gtum po chen po'i sgrub thabs/ bcom ldan 'das mi g.yo ba la phyag 'tshal lo/ /yid dang 'thun pa'i sa phyogs