བོད་ཡིག

e-texts based on the ACIP/ALL Input

du mgo 'gags par 'gyur ro/ /ar dza ka'i dog pa bzhin no/ /'phags ma dug sel ma'i gzungs rdzogs// //paN+Di ta don yod rdo rje dang/ khams pa lo ts+tsha ba dge slong ba ri sgyur ba'o// //rgya gar skad du/ ku ru ku l+le sA d+ha naM/ bod skad du/ lha mo rigs byed ma'i sgrub thabs/ lha mo rig byed ma la phyag 'tshal lo/ /dang por bde ba'i gdan la 'dug ste/ rig byed ma'i gzugs byas nas /sems can ma lus pa dbang du brtsams par bya'o/ /rang gi snying khar nyi ma'i dkyil 'khor ro// de'i steng du trAM dmar po'o/ /de nas 'od zer rnam pa lnga gyur ste/ de bzhin gshegs pa rnams yang dag par mchod la dkon mchog gsum la skyabs su 'chi zhes bya ba la sogs pa byas la/ stong pa nyid kyis rnam par bsgoms la phyis ni/ ud pa la dmar po/ de'i steng du nyi ma'i dkyil 'khor de'i steng du aM dmar po/ 'di thams cad yongs su gyur pa las rig byed ma rje btsun mdog dkar zhing dmar ba phyag bzhi pa/ g.yas pa'i phyag na mda' dang/ mi 'jigs pa sbyin pa'i phyag go/ g.yon pa na gzhu dang ud pa la bsnams pa'o/ /rdo rje skyil mo krung gis gnas shing sha 'gag dmar po dang bstong g.yogs dmar po can gyis rnam par bya'o/ /'og tu 'dod pa'i lha chung ma dang bcas pa bsams te/ phyin nas bsgom ba dang ldan pas sngags kyi bzlas ba bya'o/ /oM ku ru ku l+le swAhA/ rigs byed ma'i sgrub thabs rdzogs so// //paN+Di ta don yod rdo rje dang/ khams pa lots+tsha ba dge slong ba ri bsgyur ba'o// rgya gar skad du/ kal pa Ta ku ru ku