བོད་ཡིག

e-texts based on the ACIP/ALL Input

mtshan gyis bsgyur ba'o// // */ /rgya gar skad du/ saM sh+ki pa ta badzra bA rA ti sA d+ha naM/ bod skad du/ mdor bsdus pa'i rdo rje phag mo'i sgrub thabs/ /dang por re shig rnal 'byor pas dur khrod la sogs pa yid dga' ba'i gnas su'o/ /rang gi snying zla ba la yi ge oM gyi 'od zer spros pas/ bla ma dang/ sangs rgyas dang/ byang chub sems dpa' rnams spyan drangs la mdun du dmigs te/ mchod pa dang/ sdig pa bshags pa la sogs pa rnams byas la/ nam mkha' dang mtshungs par khams gsum rnam par bsam ste/ hUM las rdo rje'i rnam par gyur ba'i sa gzhir/ dur khrod brgyad gyi dbus su/ chos 'byung gi nang du chud pa'i pad+ma'i lte ba la/ zla ba la gnas pa'i nyi zla? kha sbyar ba la gnas pa'i yi ge baM las rdo rje'o/ /de'i sa bon las legs par byung ba'i bcom ldan 'das ma rdo rje phag mo ste/ bsreg pa'i bskal pa'i me dang kha dog mtshungs pa/ zhal gcig phyag gnyis ma/ g.yas pas ni phyogs thams cad du 'gro ba ma rungs pa rnams la sdigs mdzub mdzad cing rdo rje bsnams pa/ g.yon pas thod pa dang kha TwAM ga bsnams pa/ 'jigs byed dang dus mtshan brkyang bskum gyis mnan pa/ zhal phyogs rnams su gzigs pa/ skra lhug par gyur cing thod pa'i dum bu'i smad ka dang ldan pa/ zhal mche ba rnam par gtsigs ma/ spyan gsum ma/ zhal rnam par sgyur ma/ spyi bon sna tshogs rdo rje dang ldan zhing/ thod pa'i phreng bas mdzes ma/ mgo bo brgyus pa'i phreng bas 'jigs pa'i sku mdzes pa/ rgyan rnams thams cad kyis sku brgyan pa/ sangs rgyas thams cad dbang bskur gnas/ /rnam par snang mdzad rigs byung ba'i/ /dngos grub thams cad rab sbyin ma/ /sku ni spro dang bsdu bar te/ /mchod stod bdud rtsi myang ba yang/ /rnal 'byor mnyam par bzhag bas bya/ /gus dang bcas pas rtag bsgom na/ /sangs rgyas nyid ni sla bar 'thob/ /bsgom pa byas la dgod bya zhing/ /rnal 'byor rig pas gtor ma btang/ /oM rdo rje phag mo ni lte par ro/ /hAM yoM yi ma ni snying gar ro/ /h+riM moM rmugs byed ma ni kha la'o/ /h+reM h+riM kun tu bskyod ma ni mgo bo la'o/ /hUM hUM kun tu skrag byed ma ni spyi bo la'o/ / phaT phaT gtum mo ni yan lag thams cad la mtshon char ro/ /lte ba snying ga de bzhin kha dang ni/ /mgo bo spyi bo mtshon cha nyid kyang ngo/ /rtse mo 'dud byas gung mo nges par rtse sprang cing/ /mthe bong rdo rje dag ni brtan par legs brtsir te/ / dpral ba'i dbus su legs pa nyid du gzhag byas la/ /kun nas bskor ba'i bskor bar byed pas bskor bar bya/ /rkad pa mnan cing gyen du lta byed pas/ /spyi nas pheM gyi sgra ni brjod bya zhing/ /phyogs bcu 'jig rten khams na gnas pa yi/ /dpa' bo rnal 'byor ma rnams bod par bya/ /oM rnal 'byor dag pas chos thams cad kyi rnal 'byor dag pa ni bdag yin no/ /oM a ra l+li ho(rgyud 'grel kha phye la/ nam phyed na ni gtor ma sbyin par bya/ /oM kha kha khA hi khA hi sarba yak+Sha rak+Sha sarba b+hu ta pre ta pi shA tsa u ma da ya a basma ra DA ka DA ka n+ya da ya i maM pa liM grih+na na tu sa ma yaM rak+Shan+tu ma ma sid+d+heM pra yats+tshan tu ya tho baM ya the ShaM b+huM? dza tha/ pi ba thA mati kram tham ma sarbA kra ra satwa su kha bi shud+d+ha ye sa hA kA b+ha ban+tu hUM hUM phaT swAhA/ gtor ma'i sngags so/ /oM badzra pai ro tsanI ye swAhA/ snying po'i sngags yi ge bcu pa'o/ /oM sarba bud+d+ha DA ka nI? ye/ badzra war+Na nI ye hUM hUM phaT swAhA/ nye ba'i snying yi ge nyi shu rtsa gcig pa'o/ /oM sarba kA mi ni sarba b+hakA sho d+ha ya gu hyaM badzrir Ni hUM swAhA/ nas thams cad sbyang bar byed pa'i sngags so/ /yang na gdams dag gis rang gi sems bstan par byad 'dod pas rang gi lte ba'i pad+ma'i steng du zla ba kha sbyor gyi nang du gnas pa'i yi ge baM yungs kar phra mo'i tsam las nges par byung ba'i pad+ma'i de kho na nyid kyi rnam pa'i 'od zer bsgom par bya'o/ /khams gsum 'od gsal zhing bde ba chen po'i rnam par mthong bar 'gyur ro/ /'di ni mdor bsdus pa'i rdo rje phag mo'i sgrub thabs rdzogs so// //a b+ha ya'i zhal snga nas dge slong tshul khrims rgyal mtshan gyis bsgyur ba'o// //