བོད་ཡིག

e-texts based on the ACIP/ALL Input

bsgyur ba'o// //rgya gar skad du/ Arya ra ka ta ya mA re sA d+ha naM/ bod skad du/ 'phags pa gshin rje dmar po'i sgrub thabs/ gshin rje'i mgor bzhugs pa la phyag 'tshal lo/ /dang por re shig sngags pas bde ba'i stan la nye bar gnas te/ sgrub pa pos rang gi snying gar yi ge a dmar po las nges par grub pa'i nyi ma'i dkyil 'khor rnam par bsgom par bya ba'o/ /de'i steng du yi ge hUM dmar po rnam par dgod pas gshin rje gshed dmar po dang/ bla ma dang sangs rgyas dang byang chub sems dpa' rnams mdun dmigs la/ me tog la sogs pas legs par mchod cing phyag kyang 'tshal zhing gsum la skyabs su 'gro ba la sogs pa byas la stong pa nyid bsgom par bya ste/ oM stong pa nyid kyi ye shes kyi rdo rje'i rang bzhin gyi bdag nyid ni nga yin no par ro/ /de'i rjes la yi ge oM dmar po las skyes pa'i nyi ma'i dkyil 'khor gyi steng du yi ge hUM ngo/ /de yongs su gyur pa las 'dzag pa dang ldan pa'i mgo bos mtshan pa'i dbyug tho dkar po yi ge hUM gis byin gyis brlabs pa rnam par bsgom par bya ba'o/ /de dag rnams thams cad yongs su gyur pa la bdag nyid gshin rje gshed du rnam par bsam par bya ste/ sku mdog dmar g.yas bskums pa'i zhabs kyi gnas pa/ zhal gcig pa/ phyag gnyis pa'o/ /phyag g.yon pa na khrag gis yongs su gang bar gyur pa'i thong pa ste/ phyag g.yas pas ni mgo bas mtshan pa'i dbyug tho bsnams pa'o/ /sbrul gyis rgyan gyis brgyan pa/ 'jigs su rung ba/ dbu skra kham sdeng? gyen du 'khyil ba/ 'dzag par gyur pa'i stag gi lpags pa'i sham thabs dang ldan pa/ rang ltar snang ba'i shes rab ma rnam pa sna tshogs pa'i rgyan dang ldan pa/ rkyang bskum gyi zhabs kyis gnas pa la 'khyud pa'i bdag nyid du bsgom par bya ba'o/ /phyi nas ni bcom ldan 'das kyi thugs kar nyi ma'i dkyil 'khor la yi ge hUM gis byin gyis brlab ste/ de yongs su gyur pa las 'jig par gyur pa'i mgo bos mtshan pa'i dbyug tho dkar pos mi g.yo bar rnam par bsgoms la/ de'i dbus su nyi ma'i dkyil 'khor dmar po la gnas pa'i yi ge hUM kha dog dmar po rnam par bsgom par bya ba'o/ /de nas gsang bar rdo rje dang yi ge hUM yongs su gyur pa las bcom ldan 'das kyis gsang bar pad+ma 'dab ma brgyad pa la yi ge A(rgyud 'grel nyid ni nga yin no/ /de'i rjes la lte ba'i lkog tu cung zad dmar ba'i pad+ma 'dab ma brgyad pa'i steng du yi ge h+rI:dmar po 'bar bar gyur par bsam par bya ba'o/ /shes rab ma ni rgyags pas myos pa 'od 'dzag pa dang ldan pa zhal cig phyag gnyis ma bcom ldan 'das dang lhan cig mnyam par sbyor ba'i sbyor bas kun nas gnas pa'o/ /de lta bur gyur pa'i gshin rje gsheng dmar po ma he Sha'i steng na sna tshogs pad+ma la bzhugs par bsgom par bya ba'o/ /de ltar dam tshig la sogs pa rnams cho ga bzhin du sngon du 'gro bas thun tshod gnyis sam gsum mam bzhir bsgom par bya ba'o/ /oM AM drIM khaM hUM ni dam tshig byin gyis rlob pa'i sngags so/ /oM h+rI:Sh+TrI(rgyud 'grel phaT swAhA/ rtsa ba'i sngags so/ /oM ya mAn+ta ka hUM/ snying po'i sngags so/ /'phags pa gshin rje gshed dmar po'i sgrub thabs rdzogs so// `? //paN+Di ta a b+ha ya'i zhal snga nas dge slong tshul khrims rgyal mtshan gyis bsgyur ba'o// //