བོད་ཡིག

e-texts based on the ACIP/ALL Input

sgrub thabs /rtse? bsil ba tshal chen mo ni zhal gcig phyag bzhi ma/ sku mdog dmar mo ste/ g.yas pa'i phyag gnyis na ni bgrang ba'i phreng ba dang mchog sbyin pa dang ldan pa'o/ g.yon pa'i phyag gnyis na ni rdo rje dang lcags kyus snying gan? gnaS pa'i po ti dang ldan pa'o/ /sa bon dzaM las gyur pa dang/ dbu rgyan la snang ba mdza' yas dang skyil krung phyed pas gnas pa dang/ rgyan rnam pa sna tshogs dang ldan pa dang/ nyi ma'i gdan dang/ 'od zer dang ldan pa yang yin no bya bas ni 'phags ma bsil ba'i tshal chen mo'i sgrub thabs rdzogs pa yin no// a b+ha ya las dge slong tshul khrims rgyal mtshan gyis bsgyur ba'o// //rgya gar skad du/ a thA ma nA yAn+ta re Na pany+tsa de ba to Sh+nyi? de/ bod skad du de nas gdams ngag gzhan gyi lha lnga legs par bstan par bya ba'o/ /nga la so sor 'brang ma chen mo ser mo zhal gsuM ste/ zhal so sor spyan gsum gsum ma nag mo dang dkar mo ni g.yas pa dang cig shos kyi zhal lo/ /phyag bcu las g.yas kyi phyag lnga na ni rim pa ji lta ba bzhin du ral gri dang rdo rje dang/ mda' dang mchog sbyin pa dang snying gar gnas pa'i phyag gis gdugs 'dzin pa'o/ /de bzhin du g.yon pa'i phyag ldan yang gzhu dang/ rgyal mtshan dang rin po che'i gdugs dang/ mdung dang dud ngo/ /dbu rgyan la ni rin chen 'byung ldan no/ /stong shag ni nag po'o/ /stong g.yogs dmar po bsnams pa'o// skyil krung phyed pa'i rol pas bskyod pa/ lha rdzas kyi rgyan rnams kyis kyang brgyan ? rdzogs so// //rma bya chen mo ni sku mdog ljang gu zhal gcig phyag gnyis ma ste/ phyag g.yas pa dang g.yon pas ni mchog sbyin pa dang lha rdzas kyi rma bya'i mjug sgro bsnams pas kyang rdzogs pa yin no/ /stong chen mo rab tu 'joms ma ni snga ma nyid kho na bzhin no/ /gsang sngags rjes su 'brang ba chen mo ni zhal gcig phyag bzhi ma sku mdog nag mo ste/ g.yas pa'i phyag gnyis na ral gri dang mchog sbyin pa'o/ /g.yon pa'i phyag gnyis na ni mdung dang zhags pa ste rdzogs pa yin no/ /bsil ba'i tshal chen mo ni sku mdog dmar mo zhal gcig phyag bzhi ma ste/ g.yas pa'i phyag gnyis kyis ni ral gri dang mchog sbyin pa'o/ /g.yon pa'i phyag gnyis kyis ni mdung dang zhags pa yin no/ /yi ge gsum gyis mtshan pa'i rang gi sa bon bar du rang gi ming dang bcas pa ni che ge mo'i sngags so// //rgya kar skad du/ mahA pra hyaM? gi rla/ bod skad du/ phyir bzlog ma chen mo/ phyir bzlog ma chen mo ni sku mdog nag mo zhal gcig phyag drug ma ste/ ral gri dang lcags kyu dang mchog sbyin pa ni g.yas pa'i phyag gis so/ /pad+ma dmar po dang/ tri shu la dang/ zhags pa dang bcas pa'i bsdigs 'dzub snying ga na gnas pa dang ldan pa ni g.yon pa'i phyag rnams so/ /sa bon ni hUM bo// dbu rgyan la mi bskyod pa'o/ /rgyan thams cad dang ldan pa/ /gzugs dang lang tsho phun sum tshogs ma'o/ /a b+ha ya las tshul khrims rgyal mtshan gyis bsgyur ba rdzogs so// //rgya gar skad du/ d+ha dzra? h+ra ke yA sA d+ha naM/ bod sad du/ rgyal mtshan gyi dpung rgyan gyi rtse mo'i sgrub thabs/ rgyal mtshan gyi dpung rgyan gyi rtse mo'i sku mdog ni nag mo zhal gsum phyag bzhi ma'o/ /g.yas pa dang g.yon pa'i zhal ni dmar po dang ljang gu'o/ /ral gri dang zhags ba bsnams pa ni g.yas pa'i phyag gnyis so/ /rdo rjes mtshan pa'i kha TwAM ga dang 'khor lo ni g.yon pa'i phyag gnyis na ste/ skra kham ser gyen du gyur pa/ dbu la thod pa skam po lngas rgyan du mdzad pa stag gi pags pa'i sham thabs can/ zhal gyi mche ba gtsigs