བོད་ཡིག

e-texts based on the ACIP/ALL Input

pho ka dkris/ /spyan ni dmar dang zlum pa ste/ /gzhon nu lang tsho la bab ma/ /phyag rgya lnga yis rnam par brgyan/ /'jigs pa chen por ljags 'dril ma/ /cung zad tshems gtsigs bsdigs par mdzad/ /ral gri gri gug phyag g.yas na/ /g.yon na utpal thod pa bsnams/ /ser zhing drag pa'i zhal gcig gis/ /cod pan mi bskyod kyis brgyan bsgom/ /bsgom pa'i stobs ni rdzogs pa na/ /rnal 'byor snyan dang gags? mkhan 'gyur ro/ /rmongs dang gal te lkugs gyur kyang/ /bsgom pa'i rol phyed gnyer ba?/ /'jam pa'i ngag gi 'thob pa dang/ /gsang sngags 'bum phrag bzlas pas kyang/ /sngags chen 'di ni yig gsum gyi/ /mthar mar phaT do snying la gnas/ /'od zer lnga dang kun nas ldan/ /gti mug bud shing bsreg byed yin/ /rnal 'byor spyod pa'i rjes 'brangs la/ /de btu ba yi cho ga bshad/ /dang por sa yi pha rol sbyin/ /dbyangs yig bzhi pas brgyan par bya/ /yi ger mnan 'bar 'phro ba'i/ /zla ba'i thig ler yang dag ldan/ /de nas yi ge traM sbyin te/ /bzhi pa nyid kyis brgyan pa'o/ /yi ge u ring legs ldan pa'i/ /yang ni haM yig sbyar bar bya/ /de nas phaT yig kyang sbyin pa/ /grub pa'i gsang sngags yongs rdzogs yin/ /mkhas pas ral gri'i gnas su ni/ /spro dang bsdu ba'i sbyor ba yis/ /sgom bya mi rus phreng ba yis/ /sngags kyi mchog ni legs par bzlas/ /brtan pa'i sems kyis brtag par bya/ /rgyun tu sgom pa goms pa las/ /mkhas pa nyid dang snyan dngags par/ /'gyur ba 'di la the tshom med/ /sgrol ma'i sgrub thabs byas pa las/ /bdag gis dge ba gang thob pa/ /der ni 'gro kun ston pa yi/ /bstan la mkhas pa nyid du shog/ 'di ni rtag pa'i rdo rjes byas/ /'dis ni blo rnon rab grub byed/ /bgrod ka 'di la paN+Di ta/ /bzang po rnams kyis bzod par rigs/ /rgya nag chen po'i lugs kyi sgrol ma'i sgrub thabs rdzogs so// //a b+ha ya las dge slong tshul khrims rgyal mtshan gyis bsgyur ba'o// // rgya gar skad du/ tA ra sA d+ha naM/ bod skad du/ sgrol ma'i sgrub thabs/ sgrol ma dkar mo la phyag 'tshal lo/ /sngar bzhin du stong pa nyid kyi bar du bsgoms la/ /thig le dkar po'i dbus gnas pa'i/ /tAM byung zla ba'i gdan la ni/ /rdo rje skyil krung legs bcings shing/ /mchog sbyin pa dang utpal bsnams/ /ston ka'i zla ba lta bu'i mdog/ rgyab ni zla ba la legs brten/ /rgyan rnams thams cad yongs rdzogs ma/ /lo ni bcu drug ma yi sku/ /rim gyis 'phags ma sgrol bsgoms la/ /de thugs 'khor lo zla 'od can/ /rtsibs brgyad la ni yi ge yang/ /brgyad kyis yongs su gad ba'o/ /oM dang gsal byed ha yi bar/ /bsgrub bya'i ming ni chud gnas pa/ /rtse gcig sems kyis lte bar bsgom/ /zla drug bstan pas de ngas bya/ /sems dub naM na yi ge bcu'i/ /sngags 'dis bzlas par bya ba yin/ /de la sngags ni 'di dag yin te/ /oM ta re tut+tA re tu re swAhA/ sgrol ma'i snying gar 'khor lo sgom pa po/ /'chi bdag skyon gyis gos par 'gyur ma yin/ /zla ba drug tu sgrub la brtson pa la/ / dngos grub kun yang 'byung bar 'gyur ba yin/ /'chi ba slu bar byed pa'i sgrol ma'i sgrub thabs rdzogs so// //a las tshul khrims rgyal mtshan gyis bsgyur ba'o// //*/ /rgya gar skad du/ si ta tA ra sA d+ha naM/ bod skad du/ sgrol ma dkar mo'i sgrub thabs/ zla ba drug du bsgrub pa la brtson pas/ /sgrol ma'i thugs kar 'khor lo bsgom pa la/ /'chi bdag skyon gyis gos par gyur ma yin/ /dngos grub rnams kyang thams cad thob par 'gyur/ /'chi ba bslu ba bsdus