བོད་ཡིག

e-texts based on the ACIP/ALL Input

zla ba la sngags mu tig gi phreng ba'i tshul du zlas par bya'o/ /oM ma Ni d+ha ri badzra Na mi hA pra ti sa re hUM hUM phaT phaT swAhA/ zhes pa ni sngags so/ /so sor 'brang ma'i sgrub thabs rdzogs so// //de bzhin du sngar bstan pa'i tshe gas stong pa nyid kyis rjes la sna tshogs pad+ma dang zla ba la/ ma yig ljang gu yongs su gyur pa las/ /'phags ma rma bya chen mo mdog ljang gu/ zhal gsum pa/ phyag drug pa/ zhal so so la spyan gsuM pa ste/ zhal g.yas dang g.yon sngon po dang dkar po'o/ /g.yas kyi phyag gsum la go rims bzhin du rma bya'i mjug sgro dang/ mnga' dang/ mchog sbyin pa'o/ /phyag g.yon pa gsum na rin po che'i snyem dang/ gzhu dang/ phang par gnas pa'i bum pa'o/ /sna tshogs pa'i rgyan dang sham thabs can/ sgeg pa lang tshol bab pa'i cha lugs can/ zla ba'i 'od dang ldan pa'i gdan can/ phyed kyi sgyil krung can/ /don yod grub pa'i dbu rgyan can du skad cig gis bskyed la/ de'i spyi bo dang/ lkog ma dang/ snying ga dang/ lte ba rnams su zla ba la go rims ji lta bar/ oM A:maM hUM zhes pa'i yi ge bsams te spro ba dang bsdu pa bya'o/ /de nas ngal na sngags zlas par bya ste/ oM ma hA ma yA ri bidyA rAdz+nyI hUM hUm phaT phaT swAhA/ zhes pa'o/ /'phagS ma rma bya chen mo'i sgrub thabs rdzogs so// //de bzhin thams cad sngar gyi cho gas stong pa nyid kyi rjes la/ stong chen mo rab tu 'joms ma dkar mo zhal gcig phyag drug pa ste/ g.yas kyis phyag gsum na go