བོད་ཡིག

e-texts based on the ACIP/ALL Input

rgya gar skad du/ Arya A tsa la kro d+ha rA dza sto t+trA?/ bod skad du/ khro bo'i rgyal po 'phags pa mi g.yo ba la bstod pa/ bcom ldan 'das mi bskyod pa la phyag 'tshal lo/ /thugs rje'i bdag nyid khro rgyal brtan pa'i sku/ /brkyang bskum thabs las byung ba'i khro rgyal dang// bcas te nam mkha' i dkyil dkyil na zhugs/ tshangs pa la sogs 'bum ni skrag byed pa/ nyon mongs nye ba'i nyon mongs rnams dang ni/ /klu dang gnod sbyin sha za yi dags sogs/ /'byung po'i tshogs rnams ma lus skrag mdzad pa/ /khro rgyal khyod la bdag ni skyabs su mchi/ /sna tshogs pad+ma nyi zla'i gdan la bzhugs/ /phyag g.yas ral gri 'phyar ba ma rungs 'bul/ /rnam rtog 'joms shing rab tu grims pa'i sku/ /sku mdog mthing nag char sprin nag po 'dra/ /dbu skra ardza ka'i 'bras bu 'dra/ /sku ni shing mchog yongs 'dus brtol 'dra/ /zhabs gnyis brkyang brkum kyang kyis khros khros 'dra/ /lha mchog khyod la bdag ni skyabs su mchi/ /spyan mig pa la sha'i me tog 'dra/ /mche ba gtsigs pa zla ba tshes pa 'dra/ /ljags 'gyur ba ni nam mkha' i glog dang 'dra/ /smin ma'i khro gnyer ? shi'i lo ma 'dra/ /ral gri zla tshes mtshor lhung 'od dang 'dra/ /sbrul gyi zhabs pa rgya mtsho'i rnga rlangs 'dra/ /sku yis phyogs skyong dbang sdud ma rungs 'dul/ /khro rgyal mi g.yo mgon la phyag 'tshal lo/ /bgegs dang log 'dren ma lus zhi mdzad cing/ /'byung po'i 'khrugs sogs nad rnams ni mdzad pa/ /mi dang mi min mtshon chas 'joms mdzad pa/ /dus min 'chi dang sdig pa rnams las grol/ /dbus dang phyogs bzhir rigs lnga'i mi g.yo ste/ /mtshams bzhi nas ni khro bo bzhi po dag /gru chan phyogs mtshams lha mo brgyad ldan pa'i/ /bcom ldan mi g.yo mgon la phyag 'tshal lo/ /sku las sprul pa'i khro po bcu bo ni/ /rdo rje shugs can sku mdog mthing nag ste/ /da dang dang 'dzin gnam lcags 'khor lo bsnams/ /bgegS tshogs skrag bar mdzad la phyag 'tshal lo/ /sprul ba'i khro rgyal rdo rje chags chen ni/ /gdul bya'i don du sku mdog dmar po ste/ /chags dang chags pa'i don du mda' bzhu bsnams/ /ma rungs 'dul bar mdzad la phyag 'tshal lo/ /sprul pa'i khro rdo rje ? 'dul bya'i don du sku mdog ljang gu ste/ /'dzin cing 'dzin pa'i bdag nyid lcags kyu bsnams/ /'gro ba 'dren pa khyod la phyag 'tshal lo/ /sprul pa'i khro po rdo rje 'bar ba ni/ /sku mdog gangs ri'i rtse la nyi shar 'dra/ /mi shes mi shes 'joms pa'i brag 'dzin pa/ ma rungs 'dul bar mdzad la phyag 'tshal lo/ /rdo rje khro bo sku mdog ser po ste/ /khro dang khro ba'i bdag nyid ral gri bsnams/ /rnal 'byor bar chod rab tu zhi mdzad pa/ /khro rgyal stobs ldan khyod la phyag 'tshal lo/ /rdo rje gtum chen sku mdog ljang nag ste/ /tang snyoms btang snyoms 'gyur ba'i bdag nyid kyis/ /phyag mtshan phyag na sprin gyi zhags pa bsnams/ /'gro ba 'dren pa khyod la phyag 'tshal lo/ /sprul pa'i khro bo rdo rje thabs bdag ni/ /sku mdog ser nag du ba'i mgo 'dra ba/ /bya dang byed pa'i bdag nyid rdza rnga bsdams?/ /sgra chen sgrogs pa khyod la phyag 'tshal lo/ /sprul pa'i khro bo rdo rje stobs chen ni/ /sku mdog mthing ga sku gsum rang bzhin can/ /sman pa'i rang bzhin gnam lcags 'khor lo bsnams/ /nyon mongs sel ba khyod la phyag 'tshal lo/ /rdo rje rgyu'i stobs ni dmar gnag ste/ rten 'brel rten cir 'brel pa'i bdag nyid ni/ /ma rungs 'dul phyir phyag na be con bsnams/ /bdun rnams skrag par mdzad la phyag 'tshal lo/ /rdo rje rab byed sna tshogs phrin las kyis/ /'dod chags thams cad thabs las grol ba yi/ / bdag nyid can gyi rdo rje rtse gcig bsnams/ /rdo rje rab byed khyod la phyag 'tshal lo/ /gang zhig bstod pa 'di yis bstod byed na/ /bcom ldan mi g.yo mgon po 'khor bcas kyis/ /'jig rten 'jig rten 'das pa'i dngos grub kun/ /bstod dang bsgrub pa rnams la gsol bar 'gyur/ /'di bstod 'di ni mchod byed na/ /dngos grub myur du thob par 'gyur/ /'phags pa khro bo'i rgyal po mi g.yo ba la bstod pa/ slob dpon chen po dpal mar me mdzad ye shes kyis mdzad pa rdzogs so// // rgya gar gyi mkhan po de nyid dang/ /lo tsa ba dge slong tshul khrims rgyal bas bsgyur cing zhus te gtan la phab pa'o// //rgya gar skad du/ tsaN+Da la hA ro Sha na sA d+ha naM/ bod skad du/ khro chen gtum po'i sgrub thabs/ khro chen gtum po la/