བོད་ཡིག

e-texts based on the ACIP/ALL Input

ngag rgya gar gyi bla ma mai tris mdzed pa rdzogs so// //rgya gar skad du/ kro d+ha rA dzA gu dzA lA kha bir dze badzra maN+Dal bi d+hi nA ma:// bod skad du/ khro bo'i rgyal po rdo rje gnas lcags 'bar ba zhes bya ba'i dkyil 'khor gyi cho ga /khro bo rdo rje gnam lcags pa la phyag 'tshal lo/ /gtum drag 'jigs pa'i sgra skad 'brug sgra sgrogs/ /rje btsun de la phyag 'tshal te/ /de yi dkyil 'khor chog bri /dad pa dang ldan pa/ dam tshig dang/ rang gi brtul zhugs bsrung ba rnam par rtog pa med cing rgyur gcig pa/ bla ma dang rdo rje gnam lcags 'bar ba la mchog tu gus pa'i slob ma yon tan dang ldan pas/ dang po maN+Dal dang tshogs kyi mchod pa chen po byas nas/ bla ma la gsol ba gdab par bya'o/ /de nas bla ma khro ba med pa sngags dang phyag rgya dang rgyud la mkhas pa/ thos pa'i pha rol tu son pa/ rgyud 'dir dbang thob pa/ dam tshig dang/ sdom pa dang ldan pa nges khro bo bskyed la bsnyen pa la thug par byas nas/ su pri ti'i sngags 'dum bzlas pa byang ni sngon du bsnyen pa/ de nas rgyud gzhan nas gsungs pa'i gnas yid du 'ong ba/ gang yang rung bar song nas bdud rtsi 'khyil pa'i sngags bzlas pa'i chu gtor de/ der dkyil 'khor byas te/ mchod pa dang gtor ma byas te rang gi khro ba dang lha mo mchod la/ 'byung po thams cad la gtor ma byin nas/ sa'i lha mo las blang ba ni/ skyob pa sangs rgyas thams cad kyi/ /spyod pa'i tshul dang khyad par dang/ /sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom pa/ /de ltar bdag gis bdud kyi sde/ /pham par bya te dkyil 'khor bri/ /zhes brjod la/ thal mo sa la brdabs pa las/ sa'i lha mo sku phyed tsam th+n nas 'dug pa las/ nga sems can gyi don du dkyil 'khor byed pas/ /bdagla byin cig ces brjod pa las/ khyod dkyil 'khor gyi bdag po yin pas/ dkyil 'khor gyis zhes brjod nas sa la thim par bsam mo/ /sa blang pa'i rim pa'o//denas bdud rtsi 'khyil pa'i rnal 'byor du gnas te/ de nas sa'i lha mo nam mkha' la gshegs par bsgoms la/ sa bsgo ste sa'i ro rnam lnga bsal la/ der rin po che lnga dang 'bru dang ldan pa'i bum pa bcug la slar rang gi sas dgang ngo/ /de nas dkyil 'khor nyis 'gyur du spos chu'i chag chag dang ba'i rnam pa lngas byug go /de nas rdo rje slob dpon gyis dkyil 'khor gyi dbus su gnas nas/ stong pa nyid sngon du 'gro bas lha'i nga rgyal bya'o/ /sa gzhi thams cad stong pa'i rang bzhin las/ hUM las rdo rje'i sa gzhir bsgoms nas/ de'i dbus su nga rgyal gyis gnas par byas la/ lha mo'i nga rgyal can dag yis dkyil 'khor bri bar gsol ba btab nas/ dkyil 'khor nam mkha' la bteg la/ rdo rje slob dpon gyi mig tum dang/ a las grub pa'i nyi ma dang/ zla ba 'od zer 'bad ba dang bcas bar bsams te/ rkang pa'i 'og tu hUM las rdo rje rgya gram 'od 'bar ba dang bcas pa bsgoms nas langs te/ byang shar gyi mtshams nas bskor ba byas te/ rdo rje'i lta ba dang/ rdo rje'i 'gros dag gis bgegs gzhom par bya'o/ /de nas yang dkyil 'khor gyi dbus su 'dug nas/ rdo rje 'bar ba'i nga rgyal du byas nas de'i snying gar gnas pa'i sa bon las gyur ba'i khro bo'i phur bu bskyed nas/ bdag gis ske nas gzung nas phyogs bcur phur bu gdab par bya'o/ /oM g+ha g+ha g+hA ta ya g+hA ta ya/ sarba duSh+Ta phaT/ kI la ya kI la ya/ sarba pA paM phaT/ hUM hUM hUM badzra kI la ya/ badzra d+ha ra/ adz+nyA pa ya ti sarba big+h+NA? na kA ya ? badzra kI la ya hUM phaT/ zhes bdud rtsi 'khyil pa'i sngags kyis gdab par bya'o/ /sa bzung ba'i rim pa'o/ /de nas dkyil 'khor gyi dbus su khru gang pa'i dkyil 'khor zlum porbyas la/ lha'i grangs dang mnyam pa'i dri'i thig le byas la/ der me tog gi tshim bu bkram la sa bon las lhar bskyed la/ nam mkha' i lha bstims la/ ye shes kyi lha spyan drangs la/ nam mkhar dgegs bskrad nas bstims la/ mchod bstod bdud rtsi myangs la/ gsol ba gdab la ni/ hUM bcom ldan rdo rje gnam lcags 'bar ba ni/ /rig sngags bdag po phyag 'tshal lo/ /snying rje'i yid kyis dkyil 'khor bri bar 'tshol/ /de nas byin brlabs gnang bar mdzad par gsol/ /dgongs shig sangs rgyas sde dang tshogs/ /lha rnams bstan ma mngon dga' ba/ /dkyil 'khor byin brlabs dngos grub mdzod/ /lan gsum brjod do/ /lha lhag par gnas pa'o/ /de nas gser dang dngul la sogs pa'i bum pa mtshan nyid dang ldan pa la lha'i grangs dang mnyam pa 'am/ yang na gnyis la sna tshogs pad+ma'i steng du rang gi mtshan nyid bri/ las kyi bum pa la pad+ma'i dbus su sna tshogs rdo rje bri bar bya'o/ /gtso ba'i bum par sman lnga 'bru lnga rin po che lnga/ dri chu bdud rtsi lngas bkang la/ /bum pa gzhan duAng de bzhin te/ mgul chings ras zung gcig gis bcing bar bya'o/ /me tog phreng ba dang gdugs kyis brgyan te/ gdugs dkar po re res dbul bar bya'o/ /tsu ta la sogs te 'bras bu dang bcas pa'i shing gis kha brgyan par bya'o/ /de nas gtso bo'i bum par pad+ma'i sku bskyed/ /phyag rgya bzhi dang ldan par byas la/ /ye shes sems dpa' spyan drangs bstims la/ mchod bstod dang bzlas pa bya/ dam tshig gi khro bo dang/ ye shes kyi bdud rtsi gnyis 'dres pas ye shes kyi bdud rtsi'i rang bzhin du bya'o/ /de nas bum pa gzhan du yang shes par bya'o/ /las kyi bum pa la pad+ma'i steng du las thams cad pa'i khro bo bskyed la/ ye shes bcug la mchod pa dang bzlas pa byas nas/ ma zhu bar skur bzhugs par bsgoms nas las ma grub bar du bgegs ma rungs pa bsrung bar gsol ba gdab po/ /bum pa lhag par gnas ba'i cho ga'o/ /de nas slob ma shar phyogs su maN+Dal phul la der 'dug la/ rdo rje slob dpon gyi gtso bo'i nga rgyal byas la gsol ba gdab po/ /dga' chen khyod bdag ston pa pas/ /slob dpon khyod ni dgongs su gsol/ /byang chub chen po'i tshul bstan pa// mgon po chen po bdag 'tshal lo/ /dam tshig de nyid bdag la gsol/ /byang chub sems kyang bdag la stsol/ /sangs rgyas chos dang dge 'dun te/ skyabs gsum dag kyang bdag la gsol/ /thar pa chen po'i grong mchog tu/ /mgon bo bdag ni 'jug par 'tshal/ /zhes gsol ba gdab po/ /de nas slob dpon gyis slob ma'i lag pa nas bzung nas/ bu tshur theg pa chen po la/ /khyod ni tshul chen snod yin te/ /gsang sngags spyod tshul cho ga ni/ /khyod la yang dag bstan bar bgyi/ /rdzogs pa'i sangs rgyas gang 'das dang/ /gang dag de bzhin ma byon dang/ /da ltar byung ba'i rdzogs sangs rgyas/ /'gro la phan phyir bzhugs pa rnams/ /de dag kun gyi gsang sngags kyi/ /tshogs mchog bzang po 'di mkhyen nas/ /dpa' bos byang chub shing drung du/ /thams cad mkhyen la mtshan med brnyes/ /gsang sngags spyod pa mnyam med pa/ /skyob pa rdo rje gnam lcags 'bar ba yis/ /bdud sde shin tu mi zad pa/ /dpung chen dag kyang 'di yis bcom/ /de nas kun mkhyen thob ba'i phyir/ /bu yis blo gros 'di gyis shig /de nas nyan par rna gtod pa dang/ sdig pa bshags pa la sogs pa byed du bcug ste/ de nas bya ba'i rgyud la sogs pa dang thun mong gi sdom pa dang/ rnal 'byor bla na med pa'i phas pham pa bcu bzhi dang/ sdom pa dpog pa la sogs pa dag kyang bya'o/ /de nas slob ma'i gnas gsum du dri'i thig le byas te/ rdo rje dang 'khor lo dang pad+ma dag bskyed de/ de dag gi lte bar sa bon gsum bsam zhing/ oM A(rgyud 'grel tog gi phreng bas brgyan pa/ bdud rtsi'i 'khyil ba'i sngags kyis btab la sbyin no/ /slob mas rtse 'cha' zhing rtsa 'brud la dkyil 'khor gyi dbus su dor ro/ /zhi ba la sogs te las dang dngos grub kyi rtags shes par bya'o/ /bsrung bskud pa bdud rtsi 'khyil pa'i mdud pa por te/ dpung pa g.yon pa la gdags par bya'o/ /de nas ku sha la las thams cad pa'i sngags kyis byin la/ shar lho mtshams su mgo btan la nyal te rmi lam dran par bya'o/ /slob ma lhag par gnas pa'i rim pa'o// // de nas yol ba'i nang du log pa mchod bstod dang bzlas pa bya'o/ /de nas nang bar dkyil 'khor gyi lha nam mkhar btag la thig gdab par bya'o/ /tshon sna lnga'i skud pa so sor stod pa nyid las yi ge lngar gyur par bsam/ de nas de dag gcig tu bsgril? la/ gser la sogs pa'i snod du bzhag pa bdud rtsi lnga'am/ spos chus bsangs te g.yas g.yon dbus dang gsum du oM A(rgyud 'grel thugs ka nas ye shes kyi skud pa 'od du gnas par bsams te/ rang gi mig gnyis su nyi ma bsams te/ rang gi mig gnyis su nyi ma bsams te/ de'i steng du dza(rgyud 'grel de nas mchod pa lngas mtshad do/ /de shes kyi skud pa'i rim pa'o/ /de nas slob dpon nub tu 'dug nas/ skud pa rdo rje'i khu tshur g.yon pas bzung la/ /gtso bor bsgoms la/ lte bar khu tshur bzhag la dza(rgyud 'grel g.yas par drangs te byin la/ tshangs pa'i thig dang po gdab po/ /oM badzra sa ma ya ma ti kra ma hUM/ zhes gyen du btab pa'i sgras de bzhin gshegs pa rnams 'gro ba'i don gyis dus la bab po bar bskul lo/ /de nas tshangs thig gnyis pa yag de bzhin du gdag par bya'o/ /de nas kha dog gcig pa'i skud pa las thams cad pas byin gyis brlabs la sa'i thig btab la/ de'i steng du ye shes kyi thig btab la snga ma'i thig byin gyis brlab par bya'o/ /de nas ye shes kyi thig le mchod pa byas la slar gshegs su gsol lo/ /de nas tshangs pa'i thig dang po btab la bya rog rjes gnyis lho byang du bri'o/ /de nas gnyis pa btab ste/ des zur bzhi'i bya rjes btsal lo/ /dang po shar gdab/ de nas nub gdab/ de nas bya ba/ de nas lho gang la/ de nas me rlung ? srin po dang dbang ldan gdab/ de nas cha chen nyi shur btab na bde ba yin/ de la dbus kyi pho brang dang sgo rta babs dang bcas pa'o/ /rdo rjer ba me ri gnyis bco brgyad ma gtogs phyin sa btsal par thig gi rim pa'o/ /de nas tshon sna lnga'i rim par ? ste/ stong pa nyid las yi ge lnga las bskyed de/ dri dang bdud rtsis bsangs la/ de nas snga ma bzhin du ye shes tshon 'bar ba'i lta bas snga ma bzhin du bkug la bstim/ oM badzra tsi tra sa ma ya stwaM zhes bzlas/ de nas byang shar mtshams nas dkar po ? te/ mdzub gar bla ma'i lag pa g.yon pa sa bri'o/ /de nas chos dbyings 'di ni dag pa ste/ /sems can khams kun sgrol byed pa/ /rgyal ba rdo rje gnam lcags mchu rab nyid/ /de bzhin gshegs pa kun gyis gnas/ /zhes brjod de/ mchod la rin po che'i snod kyis bkab la bzhag go /de nas dbus nas bri bar bya ste/ rdo rje rtse lnga rgya gram rdo rjer bar ldan pa/ de ni dbus kyi dkyil 'khor yin/ /de nas phyi yi zlum po ni/ /'khor lo rtsibs bcu'i lte ba bya/ /de yi phyi rim rdo rje'i ra ba bya/ /gru chad snam bu bzhi dang ldan/ /gru bzhi pa la sgo bzhi pa/ rta babs bzhi dang yang dag ldan/ /dril bu dang ni 'phan la sogs/ /me tog phreng ba rnams kyis brgyan/ /gru rnams dang ni sgo khyud du/ /rdo rje rin chen spras ba dang/ /de bzhin zla ba phyed pas brgyan/ /rdo rje phreng ba dang pad+ma'i phreng ba bya'o/ /mtshams dgod pa yang rdo rje rgya gram gyi lte ba la rdo rje dril bu dgod par bya/ shar gyi rdo rje'i rtsibs rtsal ral gri bri/ /lho'i rdo rje'i rtsibs rtsal ser sdeng gi phur bu/ /nub kyi rdo rje'i rtsibs rtsal gnam lcags kyi tha ba/ byang ga rdo rje'i rtsibs la lcags kyu zhags pa dgod do/ /de dag gi nang gi phyag rgya dgod pa'o/ /'khor lo'i rtsibs bcu dgod pa ni /khro bo bcu'i phyag mtshan dgod de rgyud gzhan dang mthun/ 'khor lo'i gru bzhir nang gi lha mo bzhi'i phyag mtshan dgod/ /lha snga ma gyi gzhir phyi yi lha mo bzhi'i phyag mtshan dgod/ sgo bzhir sgo bsrungs bzhi'i phyag mtshan dgod de rgyud gzhan dang mthun/ dkar po ser po dmar po dang/ /de bzhin du ni ljang dang sngo/ /sngon bo nang du shes bya ste/ /'di ni tshon gyi rim pa yin/ /shar phyogs su ni dkar po che/ /lho phyogs su ni ser po che/ byang gi ljang gu yang dag ldan /dbus kyis yin nyid ni/ /rnag po mig sman bcag dang mtshungs/ /'di dag ni dkyil 'khor bri zhing phyag rgya dgod ba'i rim pa'o/ /de nas bum pa dgod de/ gtso bo'i bum ba dbus su dgod/ las kyi bum pa byang shar mtshams su bzhag ste/ khyod kyis bgegs bsrung bgyis shig ces brjod nas/ big+ha nAna ta kri ta bzlas pa ni/ bum pa gzhan rnams dang ni dang po la gang bsgoms pa'i phyogs su bzhag go /de nas sbyin sreg gi cho ga ni/ sgrub pa'i thabs su rgyas par bshad pas 'dir ma bris so/ /de nas mchod pa'i rdzas ni/ me tog snod ni brgya 'am steng dam bcu'o/ /bdug spos dang mar me dang dri chab dang/ zhal zas kyi snod brgya'am// stong dam bcu las nyung du mi rung ngo/ /arga dang zhal bsil dang rol mo'i bye brag rnam pa sna tshogs pa dung dang/ rdza rnga dang/ mkhar rnga dang/ pi wang dang/ gling bu dang/ Da ma ru dang/ dril bu g.yer gdang pheg rdob pa dang/ rnga rings la sogs pa yang 'byor tshad do/ /gdugs dang/ rgyal mtshan dang/ ba dan dang bla re dang/ 'phan dang/ sprin chen po la sogs pa yang bri'o/ /slob ma'i grangs dang bstan pa'i gtor ma du 'byor pa dang/ gzhan yang lha rnams la 'bul ba'i tshogs kyi rdzas dang/ bdud rtsi lnga dang/ ras zung dang bcu pa mchod rdzas 'byor chad pa yang gzhag go /mchod pa'i rdzas kyi rim pa'o/ /de nas rdo rje slob dpon gyis dkyil 'khor cha rkyen thams cad phun sum tshogs par shes nas ni/ de nas rgyan gyis brgyan pa'i gu rus khams gsum rnam par rgyal ba'i nga rgyal byas te/ me tog gi phreng ba sngon po blangs te hUM bzhi'i sngags zlos shing rdo rje dril bu dkrol zhing dkyil 'khor lan gsum bskor te/ bltas la phreng ba de bcom ldan 'das la phul la/ yang gang bya ba'i tshul gyis rang gi mgo la bcings nas phyag bya'o/ /rang lha'i rnal 'byor du 'jug par bya ste/ /dang por khro bo gnod mdzes kyis bgegs bsal ba'i sbyor ba sngon du byas nas bla ma mched pa dang/ stong ba nyid dang/ ye shes kyi yan lag bsgoms nas/ 'byung ba rim brtsegs dam gzhal yas khang bsgoms pa dang/ dam tshig bskyed la ye shes spyan drangs la bstims la/ /mchod bstod bdud rtsi myang ba yon chad byas la/ gtor mas 'byung bo thams cad tshim par byas la/ de nas sgom pa sngon du 'gro bas slob ma dkyil 'khor du 'jug pa'i dkyil 'khor slob dpon gyis bsgom par bya'o/ /ye shes kyi dkyil 'khor dang bsres nas gsang gtor dang mchod pa dang/ bdud rtsi myang ba dang/ ras zung thams cad dbul bar bya'o/ /mchod pa'i dam pa'o/ /de nas rang dbang blangs la/ dkyil 'khor lha la dngos grub thams cad bsgrub pa'i phyir/ sems can don mdzod cig ces gsol gdab par bya'o/ /yang rdo rje slob dpon dka' thub che/ /sems can kun la phan pa'i phyir/ /slob ma rnams ni gzhug par bgyi/ zhes rtse mo nas 'byung ba bzhin du gsol ba btab la dpal mchog dang po nas 'gyur ba'i klus nye bar bskul ba zhes bya ste/ nam mkha' las byung mtshan ldan phyir/ /thog ma tha ma med pa'i mchog /sems dpa' i rdo rje che rang bzhin// rdo rje 'dzin par bdag bsgrubs shig /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal /mi 'gyur mchog tu bdag sgrubs shig /nyes pa med pa rtag pa ste/ /'dod chags kun gyi rjes su chags/ /'dod chags chen po dga' ba che/ /bcom ldan de nyid bdag bsgrubs shig /shin tu dag pa kun gyi mchog /gdod nas grol ba de bzhin gshegs/ /kun tu bzang po kun bdag nyid/ /byang chub sems su bdag bsgrubs shig /dngos grub chen po mchog gi mchog dbang phyug chen po rgyal bas rgyal/ /grub pa'i rdo rje che? gsal ba/ /rdo rje snyams par bdag bsgrubs shig /sems can kun gyi yid khyab pa/ sa bon? kun gyi snying la bsams? kun gyi yang nyid de/ 'dod chags mnyam pa'i dam tshig mchog /bden pa gang gis ye shes mchog shes rab thabs kyis dkyil 'khor yin pa bden pa de yis mgon bdag la/ /khye kyi 'dod pa rag rdzogs mdzad/ /chos rnams gzugs brnyan lta bu ste/ /dag cing gsal la rnyog pa med gzung du med cing brjod du med/ /rgyu dang las las kun tu 'byung/ de bzhin nyid las nges par skyes/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyis dri ma med pa mthong shog /de nas bden pa bsgrag par bya ste/ /shes rab thabs dang dkyil 'khor gyi/ /bden pa'i byin brlabs gang yin pa'o/ mgon po khyed gyi bden pa res/ /bdag gi 'dod pa skongs gyur cig /de nas slob ma phyi rol na gnas pa'i drang du/ las kyi slob dpon gyis mar me gdong g.yogs spos chu rnams bshams te/ slob ma re re nas bkug la maN+Dal phul lag na me tog tshogs pa'i slob mas gsol ba lan gsum gdab po/ /sangs rgyas rnams kyis rang bzhin sku/ /slob dpon la ni bdag skyabs mchi/ /gtso bo khri bor bcas pa yi/ /la sogs pa brjod la/ bsams la gdod g.yogs la/ rdo rje nas bzung ste nang du gzhug de nas slob dpon gyis/ de bzhin gshegs pa kun gnas zhes pa la sogs pas gsol ba gdab po/ /khyod su yin zhes kyang dri'o/ /dkyil 'khor gyi lha la sgro bzhi nas phyag byed du bcug /de nas slob ma rnam par snang mdzad du bskyed la/ de nas a khaM bI hUM? rdo rjer gyur pa'i yid kyis su/ /byang chub tshogs ni rdzogs bya'i phyir/ /lag pa stong pas mi bya'o/ /zhes me tog 'dzin du bcug la/ shar sgor bstan la hUM gis bzhag par bya'o/ /de nas sdig pa bshags pa nas dge ba'i rtsa bar bsngo ba'i bar du byed du bcug la/ de nas sgom pa sbyin par bya ste/ sangs rgyas dang dag 'dun te/ zhes pa nas mchod pa'i las kyang ci nus bgyi'i bar dang/ /gang phyir rdo rje 'dzin pa yin/ /dngos grub slob dpon rjes 'brangs nas/ /sngags pas 'di dag spangs nas ni/ /dngos grub nges par thob par 'gyur gyi bar du phag la/ slob mas gtso bo 'di ni bdag la gsan nas/ sems can mya ngan 'das la dgod kyi bar du brjod la khas blang ngo/ /de nas oM A(rgyud 'grel pas rnal 'byor du sems bskyed la/ de'i snying gar hUM las rdo rje bskyed de/ su ra ta sa ma ya stwaM ho/ /bo d+ha tsit+ta badzra sid+hya la tha su khaM zhes brjod de/ snying gar rdo rje bzhag go /dus 'dir khyod nyid na sangs rgyas grub par gsungs/ gang zhig 'di nyid ma mthong ba'i/ /mdun du smra bar ma byed cig /bag med smras na nyams par 'gyur/ /de bas nan tan gnas par bya'o/ /rdo rje gnam lcags 'bar ba'i deng/ /khyod kyi snying la yang dag zhugs mdzad de/ /gal te tshul 'di smras na ni// de ma thag tu bkas te gshegs/ /de nas pad+ma'i snod nas dri dang bdud rtsi lnga'i chu sbyin mgor rdo rje bzhag la/ 'di ni khyod kyis dmyal ba'i chu/ /dam tshig 'das na bsreg par byed/ /dam tshig bsrungs na dngos grub thob/ /'thung zhig rdo rje chu 'thung zhig/ oM badzro da ka Tha Tha Tha Tha/ der nas brtsams te khyod kyi rdo rje gnam lcags 'bar ba pa yin gyis/ /ngas gang gyis shig bsgo ba de khyod kyis bya dgos so/ /khyod kyis nga la brnyas pa'i las ma byed cig /khyod mi bde ba ma spangs par che'i dus byas nas/ sems can dmyal bar skyes par gyur cig ngam chu blud pa'i rim pa'o// //de nas slob ma a mi de bar bsgoms la/ de bzhin gshegs pa thams cad kyis byin gyis brlabs la/ rdo rje sems dpa' bdag la dbab par gyur cig ces brjod nas man ngag ji lta bzhin du ye shes dbab po/ /de nas mthong ba dri ba dri bar bya'o/ /de nas me tog dor pa ni/ ji ltar de bzhin bsod nams lha'i/ /rigs kyi bye brag 'di la'o/ /rigs kyi nang na 'di bzang ngo/ /de yi dngos grub 'di 'byung bas/ /de yi bsod nams rjes 'byung ba'o/ /de 'dra'i dkyil 'khor 'di la'o/ /zhes brjod nas me tog dor bar bya'o/ /bra tIts+tsha(rgyud 'grel bltas kyi rim pa'o/ /'dod g.yogs 'gro ba ni/ rdo rje sems dpa' ded khyod kyis/ /mig 'byed pa ni brtson mdzad de/ /rdo rje mig ni bla na med/ /phye bas thams cad mthong bar 'gyur/ he badzra pA sh+ya/ oM badzra ga sha na tsak+Shu tsak+Shu pra be sha phaT/ ces pas 'dod g.yogs dgrol lo/ /de nas dkyil 'khor bzang po 'di la bltos/ /da ni dad pa rab tu bskyed bya ba/ /la sogs pa brjod la lha ngo bstan no/ /de nas bum pa rnams kyi lhan cig tu bsdus la/ slob ma'i spyi bor dbang bskur ba sbyin te/ oM a b+hi Shiny+tsa spyi bor chu blugs la rigs kyi bdag po mi bskyod pas brgyan par bsam mo/ /de nas dbu rgyan stong pa nyid las bruM dzaM i khaM hUM las rigs lngar bskyed do/ /sangs rgyas lnga der bcug la slob ma'i mgo la bzhag la/ oM ratna na ku la shu mu tra a b+hi Shiny+tsa mi zhes brjod de dbu rgyan gyi dbang bskur ro/ /de nas rdo rje stong pa nyid las paM las a mi de bar bskyed/ bkug la mchod de gyur pa las rdo rjer byas la sbyin no/ /oM badzra sa ma ya a b+hi Shiny+tsa mi zhes pas lag tu sbyin no/ /de nas dril bu stong pa nyid las don yod grub par bskyed pa dang/ bkug la mchod de slar dril bur byas la/ lag pa g.yon pas dril bu gtong la/ oM a ti pa ta a b+hi Shiny+tsa mi zhes bdag po'i dbang sbyin no/ /de nas dril bu gnyis slob ma'i mgor bsnol te gzhag nas/ ming gi dbang rnam par snang mdzad kyi rang bzhin chos kyi rnam par snang ba'i bdag nyid sbyin par bya ste/ oM badzra satwa a b+hi Shiny+tsa mi badzra na ma a b+hi She ka ta/ zhes byin la kye dpal che ge mo zhes lha gang la me tog babs pa'i zhabs kyis mtshan ba'i ming gi dbang bskur ro/ /'di ni rig pa'i dbang lnga'o/ /rdo rje slob dpon du dbang bskur ba sbyin bar bya ste/ bdag gzhan don ni rdzogs byed pa/ /rdo rje slob dpon dbang yin te/ /thugs rje bdag po stsal du gsol/ /zhes zhus pas de nas hUM las rdo rje sems dpar bskyed la mchod de slar rdo rjer bskyed pa/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag nyid bdag /phyag na rdo rje'i skyes bu'o/ /zhes brjod nas rdo rje sbyin no/ /'di ni sangs rgyas thams cad kyi/ /shes rab dbyangs kyis rjes 'gror bshad/ /rtag par khyod kyis gzung ba yin/ /rgyal ba'i byang chub mchod par gyis/ /zhes dril bu g.yon par sbyin no/ /srid pa'i ngo bo nyid las dag /brjod la/ dkrol lo/ de nas lhag par lha'i sku phyag rgya chen po bsgom pa sbyin te/ /srid pa'i bde ba shin tu chung/ /sdug bsngal chen po zhi bya'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /ces brjod la gzhal yas khang dang lha'i rnam par dag pa bstan te/ gdams ngag lag bzhin no/ /de nas rjes gnang sbyin pa ni/ /'jig rten khams ni ma lus pa/ /sems can kun la phan pa'i phyir/ /chos kyi 'khor lo rab tu bskor/ /de bzhin du rdo rje'i 'khor lo dang/ rin po che dang/ pad+ma dang/ las kyi bar du btang ngo/ /de nas dngos grub kyi rtul zhugs sbyin par bya ste/ 'di de sangs rgyas thams cad kyi/ /phyag na rdo rje'i lag na 'dug /rtag tu khyod kyis bzung bar gyis/ /phyag na rdo rje'i brtul zhugs brtan/ /de nas slob ma sangs rgyas shAkya thub pa'i skud bskyed la bla? gos gyi mdza' ma lag pa g.yon pas bzung ba'i khu tshur snying gar bzung la/ g.yas pa mchog sbyin du byas la/ lung bstan par bya ste/ sangs rgyas byang chub sems dpa' dang/ /phags pa rnams kyis mgrin gcig tu/ /rdo rje 'dzin par lung bston gyis/ /shes rab kyi lung bstan sbyin no/ /de nas gsang ba'i ye shes bslab pa ni/ /'dod chags bral ba lta bu yi/ /khams gsum no yang sdig med do/ /de bas 'dod chags bral bar bya/ /khyod ni nam yang mi byed cing/ /bde chen theg pa 'di la ni/ /phyin cha dang gi ba yod min te/ /sdug bsngal bsris pas mya ngan 'das/ /srid la btang du dngos grub 'gyur/ /rang dog yongs su bor nas ni/ /dka' thub spyad par mi bya ste/ /ji ltar bde bar bsgrubs nas ni/ /sangs rgyas dngos grub thob par 'gyur/ /de ltar slob dpon dkyil 'khor ni/ /sngags dang rgyud kyi phrin las can/ /sangs rgyas dang ni byang chub sems/ /snying rje'i dbang gis sems can don/ /khyed kyi dkyil 'khor cho ga dag /brtson par bri dang rgyud la ni/ /nyan dang bsgrub pa dag tu gyis/ /zhes gnang ba sbyin no/ /dbang dag rdzogs nas dkyil 'khor gyi lha dang/ bla ma la sgra sna tshogs dang/ rol mo'i bye brag gis mchod nas bskyod ba byas la/ dkyil 'khor gyi lha rnams rang gi snying gar bkod la/ /tshogs dang nang gi sbyin sreg gis tshim par bya'o// de nas yi ge brgya pa gdon/ bzod par gsol/ oM A(rgyud 'grel nams gang thob pa/ /de yis khams gsum 'gro ba kun/ /dpal ldan gnas su 'gro bar shog /nor par gyur na mkhyen pa rnams la bzod par gsol/ khro bo'i rgyal po rdo rje gnam lcags 'bar ba zhes bya ba'i dkyil 'khor gyi cho ga /rgya gar gyi slob dpon chen po lho phyogs dpal gyi ri la bzhugs pa'i bla ma mai tri pas mdzad pa rdzogs so// //paN+Di ta phal po de ba bu rtsa ma ti dang/ bod kyi lo tsa ba 'gar chos kyi bzang pos bal po'i yung du bsgyur cing zhus te gtan la yab bo/ /i ti/