བོད་ཡིག

e-texts based on the ACIP/ALL Input

dpal rdo rje rnam par 'joms pa la phyag 'tshal lo/ /rna ba'i dbang po nyams shing rna ba gso bar 'dod pa'i sgrub pa po dam tshig dang ldan pas/ zhag gsum bsnyung par gnas shing gos gsar pa gyon la khrus kyi cho ga brgya rtsa brgyad byas la/ de'i rjes la bdag nyid rdo rje rnam par 'joms pa sku mdog ljang gur dmigs la bdag nyid kyi snying ga'i sa bon las 'od 'phros pas 'phags pa mchod sems can gyi don byas pas/ phrin las bzhi'i 'dod pa rnams yongs su rdzogs par byas pas/ de nas yang 'od 'phros pas sngar dang 'dra/ de nas 'od 'phros sgra'i lha mo grangs med pa 'phros te/ de dag re re las kyang sprul pa'i lha mo dpag tu med pa 'phros te/ snang ba thams cad sgra'i lha mo zhal nas sgra snyan ba sna tshogs pa brjod pas/ phyag na sgra snyan pa'i 'byung khungs pi wang dang/ gling? bu dang/ rdza rnga la sogs pa rnam pa sna tshogs pa bsnams shing de nyid kyi sgras sangs rgyas kyi zhing khams thams cad du mchod pa'i bye brag sprin rnam par byed pa sangs rgyas dang byang chub sems dpa' rnams mchod nas/ slar ye shes kyi 'od phung? po gcig tu gyur nas bdag nyid la bskor ba lan gsum byas nas bdag gi snying ga'i sa bon la thim nas de nyid thim pas lus dag khro bo rdo rje rnam 'joms kyi nga rgyal du dmigs la tshogs rdzogs par bya/ de nas yang 'od 'phros pas lha mo de dag gis gong ltar sems can gyi don byas nas/ yang ye shes kyi 'od phung po gcig tu gyur nas/ bdag gi snying ga'i sa bon la bstim pa snga ma dang 'dra'o/ /de nas lan gcig 'phros nas don gnyis rdzogs par byas nas bdag gi rna ba la thim pas sangs rgyas thams cad kyi snyan rnam par dag pa dri ma med cing 'od gsal ba ye shes kyi mkhyen pa rdzogs par dmigs shing snying po rgyas bsdus ci rigs par bzlas so/ /rna ba na ba rnams la khug chos chen po che'i phye ma dang rtsi mar la bzlas te blug /'on zhing sgra mi thos pa rnams la 'bru mar dang ru rta la bzlas te byug go /zug che zhing gzer ba rnams la mar sna tshogs dang sbrang rtsi la bzlas la rtsa rnams la byugs te nyi ma la bsreg go /rna ba'i dbang po nyams pa dang de'i nad gso ba'i chog /sgra las rnam par rgyal ba zhes bya ba slob dpon ye shes rdo rjes mdzad ba rdzogs so// //dpal rdo rje rnam par 'joms pa la phyag 'tshal lo/ /sna'i nang gso par byed pa'i sgrub pa po dam tshig dang ldan pas/ khrus kyi