<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2294: 'phags pa dpung bzangs kyis zhus pa'i rgyud kyi bsdus pa'i don dkrol ba'i brjed byang<br><table><tr><td>
<input type="button" onclick="location.href='tcompletep.php?id=N2294&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N2294&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N2294&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">bshad pa'i rjed byar rdzogs so// (//'phags pa dpung bzang gis zhus pa'i rgyud kyi bsdus pa'i don 'gro la bzhugs so//) !/ /rgya gar skad du/ Arya su bA hu pa ri prits+tsha nA ma tan+t+ra piN+DArtha bi ti/ bod skad du/ 'phags pa dpung bzang gis zhus pa'i rgyud
 kyi sdus pa'i don bkrol ba'i rjes byang/ bcom ldan 'das rdo rje 'dzin pa la phyag 'tshal lo/ /bcom ldan 'das gsang sngags rig sngags dbang phyug gi/ ye shes nyi ma'i 'od zer 'bar ba des/ /rig sngags rgya mtsho'i gsang sngags tshogs rnams
 kyi/ /dngos grub pad+ma nges par phye ba dang/ /dpung bzang thugs rje'i zla ba shar ba des/ /dngos grub 'tshol la rmongs a'i gti mug gis/ /mun gyis bsgribs pa'i skye bo rnams gzigs nas/ /yal la zhus pa de la phyag 'tshal lo/ /
 mdo sde 'chad par 'dod pa'i rnams/ /dga' bar byed pa'i bsdus pa'i don/ /'di ni slob dpon bdag nyid che/ /sangs rgyas gsang bas yang dag mdzad/ /de yi sdom yang rnam gsum ste/ /rgyud kyi lus su bzhag pa dang/ /kun la med du mi rung dang/ /
 don rnams bye bas mdo 'di bsdus/ /de la dang po rgyud kyi lus rnam bar bzhag pa'i dbang du mdzad nas/ mdo sde 'di las na sangs rgyas dang/ byang chub sems dpa' dang/ /'jig rten pa'i lha'i bye brag rnams kyi rig sngags dang/ gsang sngags
 bshad pa gang yin pa de dag/ rigs gsum po de bzhin gshegs pa dang/ pad+ma dang rdo rje dang/ de bzhin du gzhan yang nor can dang/ rgyas pa dang/ 'jig rten pa'i rigs kyang gsum du yang dag par bsdus pa bstan to/ /zhes gsungs so/
 de la mdo sde 'di zhes bya ba ni zhal nas gsungs pa rmad du byung ba'i sde las/ bya ba'i rgyud 'phags pa dpung bzang gi/ zhus pa zhes grags so/ /sangs rgyas zhes bya ba ni ma rig pa'i nyid sangs shing pad+ma rgyas pa bzhin du bye zhing rgyas pa'i
 don to/ /byang chub sems dpa' zhes bya ba ni/ byang chu dang sems can la dmigs pa 'am/ byang chub kyi phyir gsan thub pa'i don to/ /'jig rten pa zhes bya ba ni/ khams gsum pa'i 'dod chags dang ma bral ba'i gsang sngags kyi lha
 rnams so/ /lha'i bye brag rnams zhes bya ba ni/ sangs rgyas dang/ byang chub sems dpa' dang/ 'jig rten pa spyi dang/ so so'i rnam grangs gzhag pa'o/ /rig sngags zhes bya ba ni nyon mongs pa rnams 'joms pa dang/ don phun sum
 tshogs pa thob pa'am/ 'dis ji ltar gyur pa'i dngos po rig pas na/ rig sngags te/ de yang bud med kyi gzugs dang/ dbyibs kyi lha dang/ de ston pa'i sgra dang/ phyag rgya la sogs pa'o/ /gsang sngags zhes bya ba ni/ shes pa dang
 dpung nyen du ldan pa 'am/ gsangs te brjod pa'i phyir gsang sngags te/ gzugs la sogs pa ni snga ma las zlog pa'i skyes pa'i zhes bya bar sbyar ro/ /bshad pa gang yin pa de dag ces bya ba ni/ so so'i rgyud dang/ cho ga zhib mo tha dad
 pa'o/ /rigs gsum po zhes bya ba ni bya ba'i rgyud la gzhan dag las grags pa ste/ de bzhin gshegs pa'i rigs zhes bya ba ni/ chos thams cad kyi rang bzhin ji lta ba bzhin du mkhyen cing/ sngon gyi sangs rgyas rnams ji ltar gshegs
 pa bzhin du byon pa'i don to/ /des byin gyis brlabs pa'i gsang sngags kyi lha gtsug tor la sogs pa dang bcas pa'o/ /pad+ma'i rigs zhes bya ba ni/ nyon mongs pas ma gos pa'i thugs rje'i spyan gyis nyin mtshan dus drug tu sems
 can rnams la gzigs pa 'phags pa spyan ras gzigs dbang phyug ste/ des 'gro ba bsgral bar byin gyis brlabs pa'i rig sngags sgrol ma la sogs pa'i 'khor dang bcas pa'o/ /rdo rje'i rigs zhes bya ba ni/ bstan pa bsrung ba dang/ sdang
 ba rnams gzhom pa'i don du byang chub sems dpa' kun tu bzang po la pha rol tu phyin pa drug gis bskyed pa'i ye shes rdo rjer byin gyis brlabs nas/ de bzhin gshegs pa rnams kyis phyag na rdo rje dbang bskur te/ de'i byin gyis brlabs
 bstan pa'i gsang sngags kyi khro bo la sogs pa'i tshogs dang bcas pa'o/ /kha cig na ro rab tu grub par byed pa'i rgyud chen po las/ ro stod las ni byung ba'i mchog/ lte ba man chad tha ma yin/ /bar gyi lus las byung ba 'bring/ /
 gsang sngags rnams kyi dngos grub bstan ces gsungs pa dang/ rnam par snang mdzad mngon par rdzogs pa byang chub pa'i rgyud chen po las kyang/ /rdo rje 'dzin pa'i lus 'dra ba dang/ byang chub sems dpa' kun tu bzang po
 dang/ phyag na pad+ma'i lus 'dra bas dag/ phyogs bcu na gsang sngags kyi tshul gyi tshig rnam par dag pa'i tshig gis chos sngon pa dag kyang mthong ngo zhes kyang gsungs pas/ bshad pa de 'gal lo zhe na/ gzhan dag na re gtsug tor gyi rgyud
 las gtsug tor 'khor lo sbyar ba'i ran bzhin bshad pa las/ bcom ldan 'das 'di sangs rgyas tham cad dang/ gsang snags kyi tshul du gnas nas/ thugs rje chen po'i lus can tham cad la ston par bzhugs shing/ gsang sngags
 rnams kyis bdag po mdzad do zhes gsungs so/ /gzhan yang ji ltar nyi ma'i dkyil 'khor gyi 'od zer dpag tu med 'dres shing/ rtag tu bya ba gcig la 'jug 'jig rten la yang snang bar byed/ /de bzhin zad med dbyings na yang/ /sangs rgyas dpag tu med
 'dres shing/ /mdzad pa gcig ni mdzad pa la/ /ye shes snang g mdzad par 'dod/ ces gsungs te/ gang ltar yang mi 'gal lo/ /ji skad du/ zag med dbyings na sangs rgyas rnams/ /mkha' ltar lus ni med phyir dang/ /sngon gyi rjes
 lugs 'grang ba'i phyir/ /gcig min mang po nyid ma yin/ zhes bshad pa'i phyir ro/ /de bzhin du zhes bya ba ni snga ma gsum dang 'dra bar rig sngags kyi lha'i rnam grangs su bzhag pa'i don to/ /gzhan yang zhes bya ba ni rgyud gzhan la
 ma grags pa 'dir gleng ba'i tha tshig go /nor can gyi rigs zhes bya ba ni/ dpal nor bu bzang po la sogs pas nor gyi rgyun zad mi shes par byin gyis brlabs nas/ sems can gyi dbul ba'i gnod pa sel ces bya ba'i don to/ /rgyas
 pa'i rigs zhes bya ba na/ bu lnga brgya dang 'grogs shing tsho lo lngas rtse bar ston pas lngas rtsen te/ des bu tsha 'phan pa dang/ longs spyod 'phel ba rgyas pa'i las grub par byed ces bya ba'i tha tshig go /'jig rten pa'i rigs zhes bya ba ni/ lnga dod
 rnams la ma rtogs pa'i lha dang/ lha ma y9n la sogs pas so so'i gsang sngags cho ga dang bcas te phul ba'o/ /gsum du yang dag par bsdus pa ston to/ zhes bya ba ni/ nor can i pad+ma'i rigs kyis bsdus so/ /rgyas pa ni rdo rje'i rigs
 kyis bsdus so/ /'jig rten pa'i rigs kyang de dag gi bgab tu phal cher 'dus par rigs par bya'o/ /de dag gis ma bsdus pa rnams ni de bzhin gshegs pa'i byin gyis brlabs pas byung ba dang ma yin yang/ byang chub sems dpa' sa
 la gnas pa ltar bde bar gshegs pa nyid kyi rigs su skyes pa yang ma yin pas/ de bzhin gshegs pa'i rigs la brten pa zhes gdags te/ don de rgyud 'di nyid las kyang/ gzhan yang 'di na ka cig gnas med par/ /bde bar
 gshegs la brten cing yongs 'khyam pa/ zhes gsungs so/ /de ltar de rnams sangs rgyas kyis btul te dam tshig la gnas shing rigs gsum po'i nang du 'dus par snang gis kyang/ de bzhin gshegs pa 'jig rten du ma byung ba'i tshe
 so so nas bshad pa'i rgyud rnams ni 'dir mi bsdu bar rigs par bya ste/ rgyud 'di nyid las ji ltar du/ de nas gzhan yang 'ji ten pa bsdus nas/ zhar la bshad a 'di dag khyod kyi nyon/ zhes bya ba la sogs pa gsungs so/
 rgyud 'di thams cad la med du mi rung ba nyid du bston pa'i dbang du mdzad nas/ de dag gi rigs dang/ rig sngags dang/ gsang sngags dang/ las kyi dbye ba dang/ mnyes par bya ba'i thabs kha cig tu ni rgyas par spros la/ de las gzhan du ni
 cung zad tsam du bstan pa dang/ gzhan dag tu ni ma gsungs so snyam du dgongs nas/ bcom ldan 'das rdo rje 'chang gis rig sngags tham cad kyis mnyes par byas pa'i thab su gyur pa/ 'jug pa dang/ sbyor ba dang/
 sgrub pa dang/ grub pa'i spyod pa bstan pa rnams dpung bzang gis zhus pa'i sang sngags kyi mdo sde'i le'u bcu gcig po 'dir gtan la dbab par bstan to/ /zhes gsungs so/ /de dag gi rigs dang/ rig sngags zhes bya ba la sogs
 pa ni bshad ma thag pa'o/ /las kyi dbye ba zhes bya ba ni bzlas brjod dang sbyin sreg gi khyad par gyis/ zhi ba dang/ rgyas pa dang/ dbang dang/ drag shul spyod par gsungs so/ /mnyes par bya ba thabs zhes bya ba ni/ dam tshig 'dzin
 pa dang/ dbang bskur ba dang/ mchod pa la sogs pa'i nges pa'i mtshan nyid dang/ bzlas brjod dang/ sbyin sreg byed pa'o/ /kha cig tu ni rgyas par spros la/ zhes bya ba ni rgyud la la dag las 'phros che bar gsungs pa/ dbang po
 brtul po rnams kyis mi 'dus zhes bya ba'i tha tshig go/ de las gzhan dag tu ni cung zad tsam du bstan pa dang/ zhes bya ba ni kha cig tu zur tsam gyis bstan pa thos pa nyung dus mi go ba'o/ /gzhan dag du ni ma gsungs so/ /zhes pa
 ba ni rgyud kha cig tu gsang sngags dang de'i phan yon tsam ni gsungs la/ de dag gi rigs la sogs pa'i dbye ba dang mnyes par bya ba'i thabs ni ma gsungs so/ zhes bya ba'i tha tshig go/ dgongs nas zhes bya ba ni/ don ma
 'dus pa dang/ mgo ba dang/ cho ga med pa'i rnams bsgrub du mi rung ba las dgongs pa'i don to/ /bcom ldan 'das zhes bya ba ni bdud bcom zhing gzugs la sogs pa'i legs pa drug dang ldan pa'i don to/ /rigs
 thams cad kyis mnyes par bya ba'i thabs su gyur ba zhes bya ba ni/ 'jig rten las 'das pa dang/ 'jig rten pa thams cad la yang 'dir sbyar dgos par bstan to/ /'jug ba zhes bya ba ni/ rig sngags 'chang sgrub pa dang/ mi sgrub pa gnyis
 ga'i thun mong dang/ thun mong ma yin par 'jug pa'o/ /sbyor ba zhes bya ba ni/ lha rnam pa drug po gzugs dang/ phyag rgya dang/ yi ge dang/ sgra dang kun rdzob kyi ting nge 'dzin rnam pa dang bcas pa dang/ don dam pa'i ting nge 'dzin gnyis
 med pa la sbyar ba'o/ /sgrub pa zhes bya ba ni lus sam/ rdzas sam/ longs spyod sgrub pa'o/ /grub pa zhes bya ba ni 'bar ba la sogs pa'i bye brag gi dngos grub gang yang rung ba zhig tu gyur nas/ ji ltar spyad pa bstan pa'o/ /dpung bzang
 zhes bya ba ni phyag na rdo rje'i sras te dbang gis dpung pa bzang po las 'khrungs pa/ 'dir zhus pa'i gang zag gi dbang du mdzad de/ rgyud kyi ming yang de dang mthun par brtags par rig par bya'o/ /le'u bcu gcig po zhes bya ba ni le'u rim
 par bkod pa'i grangs so/ /gtan la phab par bstan to/ zhes bya ba ni mdor bsdus pa dang go sla bar byas te nges par bstan pa'i don to// //don rnam par dbye ba'i dbang du mdzad nas/ de la le'u dang po ni don bdun gyis bshad par
 bstan la/ tshig dang po'i don ni 'di lta ste/ mdo sde dang de 'chad pa dang/ zhu ba dang/ 'grel ba dang/ brjod par bya ba dgos pa dang/ dgos pa'i yang dgos pa rnams kyi bstan te/ zhes gsungs so/ /de la le'u dang po zhes bya ba ni
 thog mar gsungs pa'i le'u'o/ /don bdun gyis bshad par bstan la/ zhes bya ba ni don gyi rnam grangs bdun no/ /tshig dang po'i don zhes bya ba ni bdun pa'i dang po'o/ /de la med sde zhes bya ba ni dpung bzang kyis zhes pa zhes grags
 pa'o/ /de 'chad pa ni bcom ldan 'das rdo rje 'dzin to/ /zhu ba ni 'phags pa dpung bzang ste/ de gnyis kyang skye ba gcig gis thogs pa'i phyir/ byang chub sems dpa' i mngon par shes pa dang/ gzungs dang/ so so yang
 dag par rig pa dang/ ting nge 'dzin dang/ dbang dang/ bzod pa dang/ rnam par thar pa thams cad kyi dam pa'i pha rol tu son pa/ byang chub sems dpa' i sa thams cad la sgrib pa ma lus par spangs pas bshad cing bzung ba'i sgo nas gang dag
 gang zag gi rjes su 'brang pa rnams rgyud la gus pa skye'o/ /'brel pa zhes bya ba ni 'phags pa rdo rje 'dzin pa la sogs pa rig sngags thams cad du grub pas/ rgyud 'di las bshad pa 'am/ yang na rgyud 'di las goms shing/ 'di man ngag
 bzhin du spyad pas/ rig sngags 'chang rnams dngos grub thob pa'i phyir ro/ /brjod par bya ba zhes bya ba ni/ rig sngags thams cad mnyes pa'i thabs su gyur pa/ 'jug pa la sogs pa'i spyod pa rgyud 'dis ston pa'i don to/ /dgos pa
 zhes bya ba ni cho ga'i gnas rnams gtan la phab par shes pa dang/ yid la byed pa'i phan yon thob par 'gyur ba'o/ /de la cho ga'i gnas rnams gtan la phab par shes pas ni/ 'jug pa la sogs pa'i dus na las su bya ba
 thams cad rtogs par khong du chud pas bde blag tu sgrub pa la 'jug nus la/ yid byed pa'i phan yon thob pas ni zhi gnas kyi rjes su mthun pa dang lhag mthong 'phel ba'i rjes su mthun par 'gyur ba'i phyir ro/ /de yang rig
 sngags 'chang gi sde snod las/ gnas pa gsum dang/ rnam par thar ba'i sgo gsum la gzhol bar bya'o/ /de la gnas pa gsum ni 'phags pa'i dang/ lha'i dang/ tshangs pa'i gnas pa'o/ /de la 'phags pa'i gnas
 pa ni 'phags pa'i bden pa bzhi'o/ lha'i bsam gtan bzhi'o/ /tshangs pa ni tshad med pa bzhi'o/ /stong pa nyid dang/ mtshan ma med pa dang/ smon pa med pa'i mtshan nyid ni rnam par thar pa'i sgo gsum yin no/ /zhes 'byung ba dang mthun
 par 'di yang gsungs so/ /de dag 'og nas thod rgal du 'byung ba rnams 'dir sbyar bar bya ste/ de la 'phags pa'i gnas pa bden pa bzhi po 'di ci'i phyir bshad ce na/ mya ngan las 'das pa dang/ 'khor ba gnyis kyi yon tan
 dang nyes pa ma rtogs pa'i phyir/ byis pa rnams srid pa dang/ longs spyod la mngon par dga' zhing mya ngan las 'das pa la skrag go /de'i phyir 'khor ba la skyo bar bya ba'i don dang/ mya ngan las 'das pa mngon sum du bya ba'i don du bden
 pa bzhi la 'jug par bya ba'i phyir dran pa nye bar gzhag pa bsgom par bstan to/ /de la lus dran pa nye bar bzhag pa'i dbang du mdzad nas 'dod chags shas che mi gtsang sha tshil dang/ lpags pa keng rus blta bas rnam par bzlog
 ces bya ba dang/ lus 'di mi gtsang pags pa sha khrag rkang/ /glang rgyas rgyu ma mcher 'chin mkhal ma zhag /mkhris pa bad kan kha chu phyi sa dang/ /gcin snabs ba spu skra dang rul pa dang/ /mig dang rna ba sna dang kha dang ni/ /bshang
 sgo'i mtshan dang bu ga dgu po yi/ /rma nas dri ma sna tshogs mi gtsang ba/ /'dzag pa'i rgyu ni rtag tu 'byung ba yin/ /de ltar yan lag thams cad 'dus pa dang/ /sa chu me rlung nam mkha' rnams dang ldan/ /ji bzhin las kyi rje 'drang
 mi yi lus/ /thams cad ldan pa'i lus la gnas pa yin/ /'dod chags kyis ni gsungs par gyur na yang/ /lus kyi yan lag 'di dag thams cad la/ /dran pa rtse gcig mngon du byas nas ni/ /ye shes mig gis so so
 rnam par brtag/ /de ltar gang gis nges par brtags pa na/ /lus dang srog la rjes su chags pa yi/ /'dod chags rtsa nas yongs ye zhi 'gyur te/ /nyi mas mun nag gtan nas bsal ba bzhin zhes gsungs te/
 'dis ni gnas ngan len rab tu bston te/ de la yongs su brtags nas/ sdug bsngal gyi bden pa la 'jug go /zhes bstan to/ /tshor ba dran pa nye bar gzhag pa'i dbang du mdzad nas/ tshol dang mdza' shes dang ni rnam par bral/ /mi
 dug pa dang phrad cing 'dod pas gdungs/ /ngan pa skye rga 'chi ba'i sdug bsngal can/ /yul rnams kun tu song na'ang med pa min/ /sha sgrang tsha grangs bkres dang ngal la sogs/ /gang du song na'ang sdug bsngal nyid yin pas/ /yungs?
 la mngon dga' i sems ni byung ba na/ /rnam rtogs de dag rnams kyis bzlog par bya zhes gsungs te/ 'dis srid pa'i rgyu ni tshor ba ste/ de la yongs su brtags pas kun 'byung ba'i bden pa la 'jug go zhes bstan to/ /sems dran pa nye
 bar bzhag pa'i dbang du mdzad nas/ sems ni glog dang spre'u dang rlung dang mtshungs/ /rgya mtsho chen po yi ni blabs dang 'dra/ /sgyu can 'dod dgur 'dod yon mngon dga' ba/ /g.yo zhing 'phyan pa dres par gdul bar bya zhes bya ba
 dang/ de phyir bcom ldan rgyal ba'i dbang po yis/ /chos 'di kun gyi rtse ba sems zhes gsungs/ sems ni dang bar lha mi bde ba dang/ /mtho res dang ni byang grol thob par 'gyur/ /sems kyi skyon gyis dud 'gror skye ba dang/ /sems dmyal gnas
 shing mi sdug dbul por 'gyur/ /sems ni rab tu dad par gyur pa'i mis/ /sa chu me rlung skye rga 'chi sogs dang/ /bar dang tha mar gnod pa kun bral ba/ /rnam grol bde zhing zhi ba thob par 'gyur/ /gsang sngags dngos grub
 kun dang thun mong pa/ /bde ba chung zhing sdug bsngal brgya dang 'brel/ /nyon mongs dug bcas rnam par 'jigs 'gyur ba/ /dang po'i sems kyi thob par gyur pa yin/ zhes gsungs te/ 'dis ni rtag tu mngon par zhen pa'i gzhi ni sems te/
 de la yongs su brtags pas 'gog pa'i bden pa la 'jug ste/ bdag chad par dogs pa'i 'jigs pa med pa'i phyir ro/ /zhes bstan to/ /chos dran pa nye bar gzhag pa'i dbang du mdzad nas/ /'dod rgyal las kyang ma byung dus las min/
 rang bzhin dbang phyug las kyang ma yin te/ /rgyu med can min skyes bus ma byas kyang/ /las dang nyon mongs pa las sems can byung/ /gzugs ni 'byung ba che po bzhi dang ldan/ /de ni bdag ming gzugs kyang bdag ma yin/ /gzugs
 la bdag med bdag la gzugs med de/ /gzugs ni stong pa'o phung bzhi'ang rig par gyis/ /gzugs ni dbu ba rdos pa dag dang 'dra ba ste/ /tshor ba chu'i chu bur bzhin du rtag pa med/ de ltar mthong ba lta ba bzang po yin/ /gang zhig
 gzhan gyur de ni lta ngan gsungs zhes gsungs te/ 'dis ni chos la yongs su rtags pas nyung nas nyon mongs pa dang/ rnam par byang ba'i chos la rmongs pa med pa'i phyir/ lam gyi bden pa la 'jug go /zhes bstan to/ /'dir tshigs su
 bcad pa/ gnas ngan len phyir sred rgyu'i phyir/ /gzhi yi phyir dang ma rmongs phyir/ /bden pa bzhi la 'jug bya bas/ /dran pa nye bar bzhag pa bsgom/ /dran pa nye bar gzhag bsgoms pa de nyid la mi mthun pa'i phyogs dang/
 gnyen po gnyis skye 'byung dang/ ma skyes pa tha dad pas brtson 'grus rnam pa bzhi 'byung ba ni/ yang dag par yong ba ste/ mi mthun pa'i phyogs bsal ba la skyes pa rnams kyis rgyud bcad pa'i dbang du mdzad nas/ tshig
 rtsub phra ma kyal pa smra ba dang/ /gzhan gyi bud med bgrod dang brdzun smra dang/ /rku dang gzhan gyi srog gcod gnod byed dang/ /chad dang byed pa rtag tu spang bar bya/ /rmongs pa gang gis lus dang ngag dang ni/ /de bzhin yid kyi bsod
 nams bsags byas kyang/ /thams cad log par blta bas bcom pas na/ /de yi rnam smin mi 'dod 'bras bur 'gyur/ /dper na sa dang chu dang dus ldan yang/ /sa bon tshig pa myu gu mi skye ltar/ /de bzhin mi shes log ltas bcom pa yi/ /sems las
 dge ba'i chos rnams mi skye'o/ /rtag tu sems ni dge ba bcu dag gi /chos kyi lam la gnas par byas na legs/ zhes bya ba dang/ ser sna dregs dang rgyags pa rnams spangs te/ zhes gsungs te/ 'di ni sdig pa mi dge ba'i chos skyes pa rnams spang
 pa'i phyir 'dun pa skyed do/ /'bad do brtson 'grus rtsom mo/ /sems rab tu 'dzin to/ /yang dag par rab tu 'jog go zhes bstan to/ /mi mthun pa'i phyogs bsal ba la ma skyes pa'i rnams mi bskyed pa'i dbang du mdzad nas/ gang zhig dgra bcom pa ma
 gsod pa dang/ thub pa'i dge 'dun dbyen ni byed pa dang/ /de bzhin gshegs la sdang ba'i sems kyis su/ /nam zhig mi dag sku 'tshal 'byin byed pa/ /shin tu mi bzang pa yi las 'di rnams/ /rgyal bas mtshams med lnga po yin par
 bshad/ /gti mug gis ni sdig pa ci byas na'ang/ /phung po 'di la grub pa thob mi 'gyur/ /mchod rten 'jig cing byang chub sems dpa' gsod/ /nyon mongs zad pa'i ma ni sun 'byin dang/ /slob pa gsod kyi dge 'dun mnga' ba la/ /
 gang zhig 'dod pas ma nyung du 'phrog dang/ /ma tshams med nye lngar de bzhin gshegs pas gsungs/ /tshul nyams mi ni 'ga' zhig 'di byed pa/ /bskal pa'i bar du mnar med sdug bsngal myong/ /gsang sngags dngos
 grub bsgrims kyang yong mi 'thob/ /gang zhig bde gshegs gsung gi glegs bam dag/ chud gzon pa 'am mes ni bsreg pa dang/ /bsam pa ngan pas chur ni 'dor ba dang/ /yang na chos kyi sku ni spong ba 'am/ /bslab tshigs ma lus pas ni brgyan
 pa yi/ /dge slong dag dang dge slong ma gsod dang/ /dge bsnyen dang ni dge bsnyen ma gsod dang/ /ngan pa'i sems kyi lha khang sreg kyang rung/ /mi yi yul ni sdig pa 'di byas pa/ /dka' bar spyod par ldan yang grub mi thob/ /gang zhig
 dkon mchog gsum la gnod pa yi/ /bsam pas gnod pa cung zad byas kyang rung/ /bdag nyid mnar med yun ring dmyal bar bcos /de las thar na'ang las kyi dbang gis ni/ /rigs ngan mi dang dud 'gror skye ba 'thob/ /'di dag ngas ni khyod
 la mdor bshad do/ /zhes bya ba dang/ /gang zhig mi bzad las byed thub pa gsod/ /rig sngags gcod dang gnon par byed pa 'am/ /bsam pa ngan pas gsang sngags tshogs mi mchod/ /don med bzhin du sen mos rtswa gcod dang/ /rkang pas rkang
 mnyed mal la sogs pa yi/ /sna 'bigs dge 'dun la ni mi gus dang/ /'byung po byin pa 'am lha bshos gtor ma'am/ /sa la lhung ba sngags pas bza' mi bya/ /'dod chags zil gyis non pas dud 'gro dang/ /bud med bkrod bya min par bgrong mi bya//
 glang chen mi gdul sprul yang mi bzung zhing/ /rta rgyugs pa dang lcag gi gzhu mi bya/ /gang zhig sems can na dang sdug bsngal la/ /byams pa'i bsam pa brtan po med pa dang/ /las de rnams dang ldan par gyur pa de'i/ /dngos grub nam
 yang 'byung bar mi 'gyur ro/ /dper na nam mkha' mdza' thug med pa la/ /'dom gyi bcal bas mdza' rtogs mi nus ltar/ /de bzhin dkon mchog gsum la brten nas ni/ /phan gnod byas pa'i dge sdig mdza' mi rtogs/ /rgya dang snyi
 gtor rtsa ba'i dug dag gis/ /khyi la sogs pa'i sems can gsod pa dang/ /bya rog la sogs gzeb kyi sa bcing byas nas/ /'di dang pha rol tu yang grub mi thob/ /bdud dgra'i me tog rnying pa por pa'i rnams/ /rkang pas mi brji?
 mgo la gdags mi bya/ /bkres pas gdungs kyang de dag rnams la ni/ /phul ba'i lha ba shos nam lnga bza' mi bya/ zhes gsungs te/ 'dis ni sdig pa mi dge ba'i chos ma skyes pa rnams mi bskyed pa'i phyir/ 'dun pa bskyed do/ /'bad do/ /brtson
 'grus rtsom mo/ /sems rab tu 'dzin to/ /yang dag par rab tu 'jog go zhes bstan to/ /gnyen po skyes pa la/ ma skyes pa rnams skyes pa'i dbang du mdzad nas/ dge dang mi dge'i shes pa bzung na ni/ /bram ze dmangs rigs dag la khyad par med
 'on kyang 'gro ba'i blos ni bram ze dang/ /'di ni dmangs rigs yin zhes rtags par zad/ /bden pa'i lam dmigs dge ba'i rjes 'brangs na/ /dmangs rigs dag kyang rga shi med par 'gro/ /log pa'i lam zhugs nyes par spyod ldan na/ /bram ze gang
 yin mi bzang dmyal bar ltung/ /lus can shin tu dri ma ldan pa dag/ 'di na gzhan gyis 'dag par mi 'gyur te/ /de ni sdig pa rnam par bsal ba dang/ /bsod nams ma lus yongs su bzung bas 'dag/ ces gsungs te/ 'dis ni dge ba'i
 chos rnams ma skyes pa rnams bskyed pa'i phyir/ 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu gzhog go /zhes bstan to/ /gnyen po bskyed pa la skyes pa rnams kyi rgyun gyi rjes su
 'jug pa'i dbang du mdzad nas/ de ltar sdig pa'i chos la rnam grol nas/ /bde bar gshegs pas legs par gsungs pa'i chos/ /dag cing grol pa dang ni ldan gyur pa/ /zlos pas skyo ni mdo sde bklag par bya/ /gtsang zhing dben
 pa'i sa'i phyogs su ni/ /'jim pa 'am ni bye ma las byas pa'i/ /bde gshegs mchod rten rten 'brel snying po can/ /sdig pa sbyar ba'i phyir ni rtag tu bdag/ ring srel can gyi gzugs sam mchod rten la/ /stod cing phreng ba dri dang mar me dbul/ /gdugs
 dang rgyal mtshan dri dang rol mo dang/ /mchog tu dad pa yis ni mchod par bya/ zhes bya ba dang/ ji ltar chu klung nyin mtshan rtag tu ni/ /rgyun mi 'chad par 'bab par 'gyur ba ltar/ /de bzhin phyag bcas bzlas dang brtul zhugs kyi/ /bsod nams
 lus can la ni 'phel ba 'gyur zhes bya ba dang/ /ji ltar sbyin sreg dang ni bzlas brjod kyis/ /gsang sngags bsgrubs kyang dngos grub ma thob na/ /'jim pa la ni mchod rten 'bum gdab pa'am/ /yang na chu 'gram bye ma dag la gdab/ /des ni de'i
 sdig pa srid gzhan la/ /byas pa gang yin de ni zad gyur nas/ /des na gsang sngags mthu gis 'di nyid la/ /mthong ba'i chos la bsod nams 'bras bu thob ces gsungs te/ 'dis ni dge ba'i chos skyes pa rnams gnas dang/ phyir zhing
 'byung ba dang/ yongs su rdzogs par bya ba'i phyir/ /'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu 'jog go /zhes bstan te/ 'dir tshigs su bcad pa/ mi mthun phyogs dang gnyen po
 rnams/ /rnam pa thams cad yongs shes nas/ /de dag yang phyir brtson 'grus ni/ /rnam pa bzhi dag rab tu 'byung/ /mi mthun pa'i phyogs bsal ba'i brtson 'grus brtsam pa'i sems gnas pa'i lus las su rung ba nyid rdzu 'phrul gyi rkang pa
 bzhir 'gyur ba'i phyir/ yang dag par spong ba'i 'og tu/ rdzu 'phrul gyi rkang pa rnams bstan to/ /de la 'dun pa'i ting nge 'dzin gyi dbang du mdzad nas/ de ni bde bar gshegs la dad bskyed nas/ /de bzhin du ni byang chub sems kyang bskyed/ /rdo rje'i
 rigs zhes brjod pa rgya chen dang/ /nga la yang ni dad cing dga' bar bya/ zhes gsungs te/ 'di ni gang gi tshe/ 'dun pa'i dbang gi brtson 'grus rtsom pa la/ /gus par 'jug na sems rtse gcig pa nyid la reg go zhes bstan te/ /brtson
 'grus kyi ting nge 'dzin gyi dbang du mdzad nas/ grags dang ma grags rnyed dang ma rnyed dang/ /bde dang sdug bsngal de bzhin bstod dang smad/ /sems kyis 'jig rten chos rnams rab bcom ste/ /sdig pa'i gnas su gyur pa spang bar bya/ /dper na rgya mtsho skad cig tsam
 yang ni/ /mi'i ro dang lhan cig mi gnas ltar/ /de bzhin rnam rtog sems kyis sdig byas pa/ /sngags pa skad cig tsam yang gnas mi bya/ zhes gsungs te/ 'dis ni gang gi tshe brtson 'grus rtsom pa na/ rtag par sbyor bas sems rtse cig pa nyid la reg go /zhes bstan to//
 sems kyi ting nge 'dzin gyi dbang du byas nas/ 'phags pa gtsug na rin po ches gus pa'i mdo las/ snying rje chen po rab tu thob pas sems yengs par 'gyur zhes 'byung ba dang mthun par gsungs te/ byams dang snying rje'i chus gang ba zhe sdang
 la zhes gsungs so/ /'dis ni sngon gyi ting nge 'dzin gyi sa bon la brten nas/ rang bzhin gyi snying rje chen pos sems 'dzin cing/ sems rtse gcig pa nyid la reg go/ zhes bstan to/ /dpyod pa'i ting nge 'dzin gyi dbang du byas nas re zhig gcig   dgra yang mdza' bor 'gyur/ /mdza' bo dag kyang dgrar ni 'gyur ba nyid/ /de bzhin kha cig kyang ni bar mar 'gyur/ /bar ma de nyid kyang ni dgra bor 'gyur/ /de ltar mdza' shes 'gyur bar rig bya ste/ /blo gros ldan pas nam yang chags na
 ru/ /gnyan la dag ba'i sems kyis rnam rtog dag/ bzlog nas dge la ci bde bzhag par bya zhes bya ba dang/ le lo 'dod chags mi dger ldan pa'i sems/ /gang dang gang du g.yeng zhing rgyu ba dag/ de dang de nas myur du bzlog
 nas ni/ /gsang sngags yi ge mchod la legs sbyar zhes gsungs te/ 'dis ni gang gi tshe dmigs pa rab tu rnam par 'byed pa na/ /sems rtse gcig pa nyid la reg go zhes bstan to/ /sems las su rung ba de'i dgos pa gang zhe na/ le lo dang ni
 gdams ngag rnams/ /brjed dang bying dang rgod pa dang/ /'du mi byed dang 'du byed de/ /'di dag nyes pa lngar 'dod do zhes bya ba 'di spang bar dgongs pa'o/ /de'i rgyu gang zhe na/ spong ba'i 'du byed brgyad do/ gnas dang de la gnas pa dang/ /rgyu dang
 'bras bu nyid du'o/ /dmigs pa brjed par gyur pa dang/ /bying dang rgod pa rtogs pa dang/ /de yang mngon par 'du byed dang/ /zhi tshe rnal du 'jug pa'o/ zhes bshad do/ /'dir tshigs su bcad pa/ der gnas las su rung ba nyid/ /don rnams
 thams cad 'byor par 'gyur/ /nyes pa lnga spong 'du byed brgyad/ /brten pa'i rgyu las byung ba'o// //rdzu 'phrul gyi rkang pa rnams kyi sems las su rung nas/ de'i 'og tu thar pa'i cha dang mthun pa'i dge ba'i rtsa ba bskyed pa la dbang byed
 pas/ rdzu 'phrul gyi rkang pa'i 'og tu/ dbang po lnga rnam par gzhag go /dad pa'i dbang po'i dbang du mdzad nas/ dkon mchog gsum la dad bas bsten par bya zhes gsungs te/ 'dis ni gang yod pa nyi dang/ yon tan can dang bus pa rnams
 la go rims bzhin du/ mngon par yid ches pa dang/ dad pa dang/ 'dod pa rnams ni/ dad pa'i mtshan nyid du bstan to/ /brtson 'grus kyi dbang du mdzad nas/ so ga'i nags me mched pa'i me lce yi/ /ma bsgrims bzhin du tshang tshing
 kun sreg ltar/ /bzlas brjod me la tshul khrims rlung gi spar/ /brtson 'grus chen po'i me lces sdig pa bsreg ces gsungs te/ 'dis ni de ltar dad pas 'gyur ba ni 'khor ba'i btson gnas byung bar sbyor bas de'i phyir/ brtson 'grus
 rtsom ma zhes bstan to/ /dran pa'i dbang po'i dbang du mdzad nas/ /'phags pa gtsug na rin po che'i mdo las/ /yongs su bsngo ba la mkhas pa ni/ dran pa'i dbang po zhes 'byung ba dang mthun par gsungs te/ me tog dri
 bstod mar me phul ba dang/ /tshul khrims brtson 'grus dka' thub byas pa yi/ /dge ba de kun bla na med pa yi/ /sangs rgyas byang chub bla med mchog tu bsngo dper na chu klung rgya mtshor phyin pa na/ /lan tshwa'i ro ni gcig tu 'gyur ba
 bzhin/ /de ltar bla med byang chub bsngos pa yi/ /bsod nams rgyal ba'i ror ni gcig tu 'gyur/ /dper na skyes bu la las 'bras bu'i phyir/ /sA lu bskyed kyi sog ma'i phyir min yang/ /sA lu rnyed na bsgrim pa med par ni/ /sogs ma'i
 phung po zhar la 'byung ba bzhin/ /de bzhin byang chub 'bras bu 'dod pa'i phyir/ /bsod nams sgrub kyi longs spyod phyir min yang/ /sog ma'i phung po dag dang mtshungs par ni/ /ma sgrubs bzhin du mi yi longs spyod grub/ /tshe ring ba
 'di legs par thob pa dang/ /chos bzhin bsgrub pa'i yul dag rnyed pa 'am/ skye ba med par 'gyur zhing 'gro ba yi/ /bsam pa rnams ni rtag tu rdzogs par bya zhes gsungs te/ 'di ni de'i 'bras bu la re ba bsgrub pa tshul khrims
 rnam par dag pa'i rgyur 'gyur ro/ zhes bstan to/ /gzhan yang 'greng dang 'dug dang gnyid log nyal pa dang/ /'gro 'phres za klog bzlas brjod byed pa na/ /rjes su dran po so so'i yon tan dang/ /rigs par bcas te rjes su dran pa
 bya/ zhes bya ba dang/ bde gshegs chos dang dge 'dun bcas pa dran byas te/ /shA ri'i bu dang la thag sbyar btud nas nyal/ /de ltar sbags pa'i sdigs pa mdza' dag zad par bya zhes bya ba dang/ lha la sogs
 dang bgegs dang log 'dren rnams/ /brtul zhugs gnas pa de la glags mi blta/ /dper na lo rtog thams cad sa dag la/ /brten nas skyon med par ni skye ba ltar/ /de bzhin tshul khrims brten nas chos dkar mchog /snying rje'i chus brlan pas ni rnam
 par skye/ /rgyal ba ngas gsungs so so thar pa yis/ /tshul khrims rnam dag 'dul ba ma lus las/ /sngags pa khyim pas rtags dang cho gra spang/ /lhag ma rnams ni nyams su blang bar bya zhes bya ba dang/ lha yi bde ba ni 'byor pa dang/ /tshe dang
 stobs gzugs phun sum tshogs pa dang/ /thos mang mdangs bzang gcig tu yid gzhungs dang/ /dbang thang che kun dka' thub stobs kyis 'thob zhes bya ba dang/ gang gi tshe na sems ni dad ba yis/ /mi yi yul ni byang chub sems blangs pa
 de ni phyin chad lha dang lha min dang/ /'jig rten ma lus rnams kyi phyag byar 'os/ /mis ni mngon par mtho ba ma lus pa'i/ /bslab pa mdza' dag blangs par gyur pa dang/ /sems can kun la mi 'jigs sbyin pa dang/ /dkon mchog gsum gyi gdung
 yang bsabs pa yin/ zhes gsungs pa 'di dag gis ni/ /dmigs pa bsal ba'i mtshan nyid ni/ /dran pa'i dbang por bstan te/ des kyang tshul khrims kyi bslab pa bsgrub par bstan to/ /ting nge 'dzin gyi dbang po'i dbang du mdzad nas/ ji ltar
 gangs la nyi ma'i 'od zer gyi/ gdungs na gzi brjid mi zod 'ju ba bzhin/ /tshul khrims nyi ma'i 'od zer bzlas brjod kyis/ /gdungs na sdig pa'i gangs kyang zad par 'gyur/ /mun nag smag la mar me phyung ba yis/ /mun nag ma lus
 sel bar byed ba ltar/ /tshe rabs stong nas gnas pa'i sdig pa'i mun/ /bzlas brjod mar mes myur du sel bar byed ces bya ba dang/ tshe rabs gzhan du gang dang gang byas pa'i/ /sdig pa ma lus bzlas brjod byas pas 'byang/ /bzlas pas lding
 pa ma lus byang gyur na/ /dang po'i yid kyi dngos grub thob par 'gyur/ zhes gsungs te/ 'dis ni ting nge 'dzin ni rtse gcig pa'i mtshan nyid rgyu dang bcas pa yin pas/ sems kyi bslab pa sgrub par bstan to/ /shes rab kyi
 dbang po'i dbang du mdzad nas/ las kyi dbang gyur bdag po med pa dang/ /mgon med rten med tshe rabs gcig nas gcig/ lus kyi kha brgyud rjes su rab 'gro ba/ /de yi rjes su dge dang mi dge 'brang/ zhes gsungs te/ 'dis ni shes rab kyi dbang pos
 chos rnam par 'byed pa bstan to/ /'dir tshigs su bcad pa/ thar ba'i cha dang mthun bskyed nas/ /'dun dang sbyor dang dbang byed de/ /dmigs pa brjed par ma gyur dang/ /mi 'phro rnam par 'byed kyang ngo/ /dad pa la sogs de dag nyid/ /stobs dang
 ldan par gyur pa la/ /stobs rnams zhes bya ba ste/ 'dir tshigs su bcad pa/ mi mthun phyogs ni bsrabs pa'i phyir/ /stobs ldan 'bras bu phyi ma yin/ /dbang po rnams kyang stobs rnams la/ /nges 'byed cha mthun gnyis gnyis
 so/ /nges par 'byed pa'i cha dang mthun pa na zag pa med pa'i chos 'byung ba'i tshul du rigs par bya ste/ chos kyi mchog gi 'og tu mthong ba'i lam 'byung bas/ /stobs kyi 'og tu byang chub kyi yan lag rnams bshad do/ /de la dran
 pa yang dag byang chub kyi dbang du mdzad nas/ sngags kyi rtsa ba dang por tshul khrims te/ des na brtson 'grus dang ni bzod pa dang/ /rgyal ba la ni dad dang byang chub sems/ /gsang sngags dang ni le lo med pa'o zhes bya ba dang/
 chags dang rnam bral dge la dga' ba dang/ /rtag tu dkon mchog gsum la sems gzhol zhing/ /sdig pa spangs shing bzlos brjod ldan pa yi/ /mi la lha rdzas dngos grub ring ba med ces bya ba dang/ khyod kyi ji skad gsungs
 pa de bzhin du/ /mi yis legs pa spyad pa bgyis nas ni/ /de dag myur du dmyal ba'i mun bsal nas/ /nyi ma bzhin du shin du 'bar ba 'gyur/ /yan lag mi nyams sems kyang mi nyams shing/ /nad dang sdug bsngal lus nyams mi 'gyur
 ba/ /khyod la dad pa'i mis ni thob par 'gyur/ zhes gsungs pa 'dis ni/ byang chub kyi gnas yan lag ste/ dran pa'i thobs kyis dmigs pa de las mi g.yeng ba'i phyir ro/ /zhes bstan to/ /chos rnam par 'byed pa yang dag byang chub
 kyi yan lag gi dbang du mdzad nas/ lus dang nga yid lag pa mig dag ni/ /smin mtshams yan lag rnam par g.yo ba dag /rab tu bsdams nas de la yid gzhol zhing/ /byams la gnas shing ku sha'i khres la 'dug /ji srid du ni rtse
 gcig gnas gyur pa/ /de srid du ni 'bum mam nyis 'bum bzlas zhes gsungs/ /'dis ni rang bzhin gyi yan lag bstan te/ byang chub ni ye shes kyi ngo bo nyid yin pa'i phyir ro/ /zhes bstan to/ /brtson 'grus yang dag byang chub kyi
 yan lag gi dbang du mdzad nas/ /ji ltar ri dags dbang po bkres pa dag/ mthu stobs chen pos glang chen gsod pa dang/ /de bzhin sbyang ku phag dang ri dags dang/ /wa rnams kyang ni myur du gsod par ltar/ /de bzhin sngags pa seng
 ge'i tshul gyis su/ /rab dang 'bring dang tha ma'i las rnams la/ /brtson 'grus chen po dang ni ldan pa dang/ /'bad pa mchog rnams kyis kyang brtan pas bya zhes gsungs te/ 'dis ni nges par 'byung ba'i yan lag ste/ des so sor
 skye bo'i sa las shin tu 'da' ba' i phyir ro /zhes bstan to/ /dga' ba yang dag byang chub kyi yan lag bri dbang du mdzad nas/ rtse gcig sems dang ldan pa'i mi la ni/ /yid las byung ba'i dga' ba rab tu skye/ /dga' bas lus ni shin
 tu sbyang ba 'thob/ /lus sbyang bas ni bde ba'i skal ldan 'gyur/ /lus bde rtse gcig sems dang ting 'dzin gyis/ /de tshe bzlas brjod dogs pa med par 'gyur/ zhes gsungs te/ 'di ni phan yon gyi yan lag bstan te/ des lus
 dang sems la phan 'dogs pa'i phyir ro/ /zhes bstan to/ /shin tu sbyangs pa yang dag byang chub kyi yan lag gi dbang du mdzad nas/ dngos grub nyen zlos la dga' ba dang/ /sems ni sdig la nam yang dga' mi 'gyur/ /bkres skom tsha grang rlung dang ngal
 ba yin/ /sdug bsngal drag pos nyen kyang g.yo mi 'gyur/ /sbrang bu sha sbrang srin bu grog bur dang/ /sdig sbur rkang brgya pa dang sbrul dang 'dre/ /sha za srul po rnams kyang de yis ni/ /lus dang grib ma la yang mi 'gong ngo/ /tshig ni bzung bar 'os shing
 yid gzhungs la/ snyan ngag dang ni bri ba rnams la mkhas/ /chos la mngon dga' gter rnams mthong ba dang/ /lus kyi nad dang dri ma med par 'gyur/ /skye bos mthong ngam thos par gyur kyang rung/ /myur du mngon dga' yid du 'ong bar 'byung
 bud med 'dod lha'i mdangs phog pa rnams kyis/ /'dod la longs spyad sbyir ni 'bod par 'gyur/ /gang tshe mkha' las lha dang gnod sbyin dang/ /dri za lha yi bu mo lus dang sgra /mis ni dag pa'i yid kyis mthong thos nas/ /de tshe shin tu nye bar gyur
 pa yin/ zhes gsungs te/ 'dis ni kun nas nyon mongs pa med pa'i gzhi yin pas/ kun nas nyon mongs pa med pa ni rnam par dag pa'o/ /zhes bstan to/ /ting nge 'dzin yang dag byang chub kyi yan lag gi dbang du mdzad nas/ dper na rlung
 med khang pa'i nang du ni/ /mar me btsugs pa mi g.yo 'bar ba ltar/ /rtse gcig sems kyis zlos la mngon dga' ba'i/ /lus la chos kyang de bzhin 'bar bar 'gyur/ zhes gsungs te/ 'di ni lus dang sems gnyis shin tu sbyangs
 pas rjes su bzung ba'i phyir/ sems mnyam par 'jog go /sems mnyam par bzhag na yang dag pa ji lta ba bzhin du rab tu shes so/ /yang dag pa ji lta ba bzhin du mthong bas/ nyon mongs pa rnams spong ngo/ /zhes bstan te/ btang snyoms yang dag byang chub kyi yan lag gi dbang
 mdzad nas/ sna rtser blta zhing rnam par rtog pa spong/ /nam zhig bskyod kyang rnam par mi g.yo ba/ /de tshe dmigs la gnas pa thob pa ste/ /sems ni las su rung bar gyur par nges/ /ces bya ba dang/ btang snyoms ldan zhes kyang gsungs
 te/ 'dis ni kun nas nyon mongs par gyur pa dang/ mthun pa'i sems ni nyams par sems rnal du mi 'jug pa dang/ sems rtsol ba dang bcas pa'i gnyen po yin pa'i phyir kun nas nyon mongs pa med pa'i ngo bo nyid do/ /'dir tshigs
 su bcad pa/ rang bzhin yan lag gnas yan lag /gsum pa nges 'byung yan lag ste/ /bzhi pa phan yon yan lag yin/ /rnam gsum nyon mongs med yan lag/ 'di la gzhi dag gnas dang ni/ /ngo bo nyid du bstan pa yin/ /
 byang chub kyi yan lag gis mthong ba gang yin pa'i lam de thob par bsgoms pas mthong ba'i lam gyi 'og tu sgom pa'i lam du bstan pa ni/ lam gyi yan lag brgyad de sangs rgyas kyis gsung yan lag brgyad lam 'di/ /yang
 dag 'tsho dang las mdza' ting 'dzin dag /rtsol dang rtog dang dran dang lta ba rnams/ /so so so sor yang dag brten par bya/ zhes gsungs so/ /ming tsam brjod pas dar gyi ngo bo mi shes pa'i phyir re re na ston te/ de la yang dag pa'i lta
 ba'i dbang du mdzad nas/ /'jigs kyang tshangs pa brgya byin khyab 'jug dang/ /drag po rlung sogs lha la phyag mi bya/ /de yis bshad pa'i chos la mi brten cing/ /de dag dka' thub mi spyad rtags mi mchod/ /de rnams chos la'ang
 ngan sems mi bya zhing/ /de yi spyod la nam yang dga' mi bya/ /de dag bstod pa mi gdon sngags mi bzlas/ /sbyin pa sbyin tshe snying rje bskyed nas sbyin/ /bde bar gshegs pa kun gyis bsten pa yi/ /gnas dang rgyal sras rnams la
 phyag bya'o/ /rang sangs rgyas dang rgyal ba'i nyan thos rnams/ /de dag rtag tu phyag bya'i gnas yin no/ /de ltar zla ba ches la mi rnams ni/ /phyag 'tshal zla ba nya la phyag mi 'tshal/ /de bzhin dad pas rgyal ba'i thugs sras la/ /phyag bya'i de
 ltar bde bar gshegs la min/ /'jig rten kun gyi mngon mtho'i bslab pa can/ /snying rje'i bdag nyid 'gro ba'i don du ni/ /skye ba len pa de la ci'i phyir/ /bu gcig bdag nyid kun gyi phyag mi bya/ /skyes bu bsam yas rmad byung rdzu 'phrul can//
 de la mi ngan gang zhig mi 'dud pa/ de la rgyal ba thams cad thugs nub nas/ /de'i gsang sngags dngos grub mi stsol to/ /dper na shing gi me tog dang por ni/ /yid 'ong phyi nas 'bras bur gyur ba ltar/ /sems can mchog rnams me
 tog 'dra bar ltos/ /'bras bu bzhin du rgyal ba rig par gyis/ /gang gi rang bzhin chags dang rnam bral yang/ /gdul bya'i don phyir khro la khro ba dang/ /'dod chags can la chags can ltar ston pa/ /byang chub mchog gnas de la phyag 'tshal
 lo/ /gang zhig las dang rnam smin mkhyen pa yis/ /'gro ba kun dang ji ltar mthun pa yi/ /gsang sngags gzugs kyis rjes su chags mdzad pa/ sngags kyi rnam 'dren de la phyag 'tshal lo/ zhes bya ba 'di ni/ yang dag pa'i lta ba'i rgyu ste/ 'dir
 rgyu la 'bras bu btags nas/ yang dag pa'i lta bar bzhag go /gzhan yang de phyir/ log par lta ba rnams spangs la/ /yang dag lta ba la ni brten par gyis zhes gsungs te/ 'dis ni mthong ba'i lam gyis rtogs pa la/ bdag gi
 'di lta bu rtogs so/ /zhes yongs su gcod par bstan to/ /yang dag pa'i rtog pa'i dbang du mdzad nas/ bud med mtshan nyid skyes pa'i mtshan nyid dang/ /sman dang glang chen brtags pa 'am skar ma'i dpyad/ /mtshon cha brtags pa 'am rta dpyad
 rang bzo 'am/ /bstan bcos ngan pa slob cing klog pa yang/ zhes gsungs te/ 'dir ni mi mthun pa'i phyogs tsam zhig smos te/ dngos su ni yang dag pa'i rtog pas dag kun nas slong ste/ ma rtags ma dpyad par tshig mi smra ba'i phyir/ yang
 dag pa'i rtog pas bslang ba'i dag ni gzhan la go bar byed pa'i yan lag go /yang dag pa'i dag gi dbang du byas nas/ yul sa'i gtam dang mi dbang brten pa dang/ /dmag dang gyad dang na chung gtam dag dang/ /srung lte ba dang ni sngon gyi lo
 rgyus gtam/ /'dod chags dang ni smad 'tshong gtam mi bya/ /zhes gsungs te/ 'dir ni mi mthun pa'i phyogs tsam zhig gsungs te/ dngos su gzhan dag la rgol zhing lan? 'debs pa na/ bsnyad pa dang 'bral ba'i gtam rnam par nges pa
 'dis ni/ de kho na nges par rtogs so/ /zhes shes rab gzhan dag yid chas par 'gyur ro/ /yang dag pa'i las kyis mdza' i dbang du mdzad nas/ bdag la bstod par nam yang mi bya zhing/ /sems can gzhan la smad par mi bya'o/ /stag
 dang sprul dang me 'drar 'jig rten dag /bsam nas spang ste dben la dga' bar bya/ zhes bya ba dang/ sngags pa gsang sngags bslab pa mnos pa ni/ /grong dang grong khyer khyim dang gtsug lag khang/ /mchod rten bsti gnas ri dang
 dka' thub gnas/ /kun dga' lu ma rdzing bur 'gro mi bya/ /sngar bshad pa yi gnas rnams ma rnyed na/ /lha khang stong pa dag gam shing drung ngam/ /ri dang chu bo chu klung 'bab chu dang/ /nags tshal stong pa dag dang yul stong dang/ /
 gnas gang rung bar sngags pas gnas shing bzlas/ /yang na gnas ni nges par ma byas na/ /zla ba brgyad po 'di'i dus dag tu/ /gnas ni gang yang rung ba cig du bsten/ mtsho dang shing dang ri bo 'am dgon pa'i
 gnas/ /'tshe'u dang khang pa nags sam chu ngogs su/ /dgun dpyid zla ba rnams la gnas byas nas /sngags pas dbyar ni gcig tu gnas byas te/ /ji ltar rgyal bas dge slong dbyar zla gsum/ /tshul zhugs gnas gzhan mi 'gro
 gsungs pa bzhin/ /de bzhin bcom ldan 'das kyi sngags pa yang/ /zla ba gsum tu gcig tu gnas pa gsungs/ /sngags pas dbyar ni bsgrub la mi 'jug par/ /bzlas brjod kyis ni dus kyang 'da' bar bya/ /dbyar 'das nas ni
 gsang sngags gzi bskyed pas/ /bdag nyid bsrung byas bsgrub la 'jug par bya zhes gsungs te/ 'dis ni nyes par spyod pa dang/ mi mthun par bstan te/ de dang ldan na srog gi phyir yang bya ba ma yin pa mi byed do/ /de'i
 phyir 'di ni 'phags pa dgyes pa'i tshul khrims dang ldan no/ /zhes yid ches pa 'byung ngo/ zhes bstan to/ /yang dag pa'i 'tsho ba'i dbang du mdzad nas/ /yongs su 'dzin pa rnam par spangs nas su/ /chos gos dang ni bsod snyoms
 ngan mngon dang/ /stan dang ma la stan ngan don tsam gyis kyang/ /cho ga pa'i sems dang ldan pas bsod nams thob ces bya ba dang/ /gtsug phud bzhag ste skra ni bregs nas su/ /'byung kun chen gyi gos kyi kha dog bsgyur
 gos dkar dag gam shing lo 'am gso ma 'am/ /zar ma 'am shing shun rnams kyi gos bgro'o/ /ku ba 'am lcags sam 'jim pa las byas pa/ /dbyibs ni legs shing mi rtsub 'jam pa dang/ /mchog tu zlum zhing
 ma gas rma med par/ /yid du 'ong ba'i lhung bzed bcad bar bya/ /bza' btung med cing dmang rigs mang ba dang/ /'gron la mchod byed legs par gnas pa'i grong/ /ha cang mi nye ha cang mi ring la/ /bram ze phyi rol skye bo med par bsten/ /nga rgyal gyis
 ni non pa'i bram ze rnams/ /rigs kyi rlom zhing snying rje mi ldan pa/ /de dag bde bar gshegs kyi mchod rten la/ /mchod pa mthong nas bgegs kyang byed par 'gyur/ /bram ze sangs rgyas pa la ji ltar dman/ /smra las bram ze dag la dmangs rigs rnams/ /bsnyen
 bkur dang ni mchod par 'byung bas na/ /dmangs rigs kyis kyang gsang sngags ji ltar bzlas/ /lha dang 'gron mchod pa dang las drug dang/ /rgyal po dang ni me la bstan pa dang/ /bu yi don du 'gro bar bya ba dag /bram ze rnams kyis nges par sgrub
 pa yin/ /rgyal rigs rje'u rigs rnams kyang rang gi las/ /grub pa 'di la the tshom ma byed ces/ /brdzun du smra ba sna tshogs skyon dag gis/ /bdag dang gzhan gyi sems ni sreg par byed/ /yan lag brgyad lam gnas pas rtag tu ni/ /nyi ma phyed
 mtshams tshun chad bslang bar bya/ /bram ze'i dus ni phyi dro yin pas na/ /de phyir bram ze'i khyim du 'gro mi bya/ /dper na rma ni bso dang bsal ba'i phyir/ /nad pa dag la sman pa sbyin pa ltar/ /de bzhin 'dir yang bkres pa'i sdug bsngal dag
 bsal phyir rgyal bas kha zas bza' bar gsungs/ /la la lam gyis dub cing 'gro ba'i tshe/ /bkres bskom gdungs pas rang gi bu'i sha/ /za ba bzhin du rnal 'byor sems dman bzhin/ /tshe dang rgyags phyir bza' bar mi bya'o/ /mang du
 blugs na rtsol med mtho ba dang/ /de bzhin nyung dus srang ni dmar 'gyur la/ /ran pas skad cig mnyam par 'gro ba ltar/ /lus can kha zas de ltar bza' bar bya/ /dper na khang rnying mi zhig bya ba'i phyir/ /mi yis ka ba brtan
 po 'dzugs pa ltar/ /de bzhin lus kyi 'khrul 'khor gnas pa dang/ /shing rta mig bsku bzhin du kha zas bza' / /'dod pa'i khams ni kha zas kyi gnas zhes/ /rgyal bas chos gcig tu ni bka' stsal pas/ /lus ni
 chu zhing bzhin du rig bya ste/ /sems ni bza' btung sogs la chags mi bya/ /dbang po drug po yul la 'gro ba dag /bde gshegs gsungs pa'i shes pas bsrung bar bya/ /lhung bzed de dag las cig thogs nas su/ gnya' shing gang
 du blta zhing bsod snyoms sbyad/ /'dzum zhing 'gro la smra zhing mig zur can/ /yan lag thams cad yid 'phrog byed pa'i gzugs/ bud med gzugs ni mtshon cha 'jebs 'dra bas/ /skyes pa'i sems ni mngon du 'phrog par byed/ /
 lcags kyi thong lcags rab tu 'bar ba yis/ /mig ni rnam par bkab pa ches bla yi/ /gnyis ni dran pa nyams byed bud med kyi/ dkyus ring mig can bzhin ni ma mthong bla/ /gang du dag par 'gro zhing 'dzin med la/ /sems kyis
 sems ni rnam par brtul bzhin du/ /rab dang 'bring la sogs par spangs nas su/ /mi smra bar ni gzhan gyi grong du 'gro/ /gang na ba gzhon be'u phrug chung ba dang/ /gang na skyes bu chang ni 'thung ba dang/ /gang na bu mo gzhon bsten rtse
 ba dang/ /gang na khyi za dga' ston byed pa dang/ gang na skye bo mang po 'dus pa dang/ /de bzhin gang na rol mo byed pa rnams/ /der ni skyes bu nam yang 'gro mi bya/ /bsod snyoms ci rnyed khyer nas 'ongs pas kyang/ /dang po
 ji ltar bde bar dag par bya/ /rkang bkrus blo bur ba la byin nas su/ /lus bsrung phyir ni kha zas bza' bar bya/ /dus su zos nas dus gsum khrus bya ste/ zhes gsungs te/ 'dis ni lus gnas pa tsam du bya ba'i phyir//
 rigs pa dang tshong zin par/ chos gos la sogs pa 'tshal bas na/ gdon mi za bar 'dis ni yo byad rnams la sred pa spangs so/ /zhes yo byad bsnyungs par yid ches so/ zhes bstan to/ /yang dag pa'i rtsol ba'i dbang du mdzad nas/ gang
 tshe zlos ka'i sems ni zhi ba la/ /brten pas gnyis kyi dran pa rmongs gyur na/ /langs nas bcag cing phyogs su blta ba dang/ /chu yi gdong yang yongs su bkru bar bya zhes bya ba dang/ gling bu'i sgra dang rnga'i sgra rnams dang/ /shin tu 'jigs byed skye
 bo'i sgra dag dang/ /gad rgyangs ku ca dag dang glu gar dang/ /cang dang pi wang dag dang rdza rnga'i sgra/ /bya bran sna tshogs sgra dang chu sgra dang/ /bud med rgyan gyi sil khrol sgra rnams dang/ /sha sgrang tsha grang rlung gis gnod pa yis/ /mi yi sems ni g.yeng zhing
 g.yo bar byed ces gsungs te/ 'dir ni bying ba dang rgod pa'i skyon spang pa'i thabs nyi tshe tsam smos par zad kyi/ dngos su na byid ba dang rgod pa dang bral ba'i ting nge 'dzin gyi dus kyi brtson 'grus yang dag pa'i lta bas bsdus pa ni yang dag pa'i rtsol ba
 ste/ des bsgom par bya ba'i nyon mongs pa rnams spangs pa'i phyir de'i gnyen po lam bsgom pa'o/ /yang dag pa'i dran pa'i dbang du mdzad nas/ stangs dang mtshongs pa dang ni gar byed dang/ /glu len rnga rdung skye bos dpyas gyur dang/ lhag
 pa'i nga rgyal 'dring dang 'dod chen dang/ /rgyal po dang ni 'dus la blta 'dod dang/ /dus min gnyid dang mi 'grub smra ba dang/ bstan bcos ngan dang snyan ngag klog 'don dang/ chags dang tshig dang dregs dang rgyags pa dang/ /zhe la
 'dzin dang le lo g.yo rgyu spangs/ zhes bya ba dang/ glang chen rta dang ba glang bya gag khyi/ /gong mo sreg pa dur pa skyes pa dang/ /bud med bu mo de bzhin ra lug sogs/ /thab mo 'gyed pa mi blta mi bya'o/ /zhes gsungs te/ 'dir
 ni mi mthun pa'i phyogs nye tshe tsam zhig smos kyi/ dngos su ni lam bsgom pa de nyid la bying ba dang rgod pa'i nyon mongs pa'i gnyen po zhi gnas dang lhag mthong gi rgyu rnams la dran bzhin du nye bar gnas pa ni yang
 dag pa'i dran pa'o/ /yang dag pa'i ting nge 'dzin gyi dbang du mdzad nas/ 'dod chags la sogs nyon mongs tshogs ldan pa'i/ /sems ni 'khor ba yin par kun tu brjod/ /nyon mongs rnam grol shel dang zla 'dra ba/ /srid pa'i rgya mtsho'i mthar
 ni rab tu grags/ /dper na dri med chu ni rdul sogs kyis/ /skad cig du yang rnyog par byed pa ltar/ /de bzhin rnam dag dri ma med pa'i sems/ /'dod chags la sogs skyon gyi rnyogs par 'gyur ces gsungs te/ 'dis ni snyoms par 'jug pa'i
 sgrib pa dang bral bar bstan to/ /'dir tshigs su bcad pa/ yongs su gcod dang go byed dang/ /rnams gsum gzhan yid ches par byed/ /mi mthun phyogs kyi gnyen por ni/ /lam gyi lan lag de brgyad do// //rig sngags 'chad
 so so'i skye bo'i chogs kyi lam la gnas pa rnams kyis kyang/ de ltar tshul khrims rnam par dag par bya ba dang/ dbang po'i sgo bsdam pa dang/ zas kyi tshod shes pa dang/ nam gyi cha stod dang cha smad la mi nyal bar rnal 'byor la brtson pa dang/
 de bzhin du gnas pa la mngon par brtson par byas nas/ /dngos grub la gzhol zhing byang chub kyi phyogs sum cu rtsa bdun la yang bsgom dgos par bstan pa'i dbang du mdzad nas/ las 'di rnams kyi gsang sngags dngos su
 grub ci zhes gsungs te/ de bzhin du rgyur gyur pa dang/ thos pa dang/ bsam pa dang/ bsgoms pas mngon par rtogs pa dang/ rnam par thar par 'gyur ba'i gnas kyi gnod nyid du 'gyur ba'i phyir/ tshogs kyi lam la
 gnas pas kyang de'i gong ma'i lam du gyur pa'i byang chub kyi phyogs kyi chos thams cad la rjes su mthun par sgom dgos par bstan pa'i dbang du mdzad nas/ de bzhin 'dis ni mtho ris thar pa thob/ /rgyal sras sngon gyi rgyal ba 'das pa dag/
 'di nas gshegs shing de bzhin gshegs par 'gyur/ /ngoms med sems kyi lus dang ngag yid kyis/ /gus pas bsod nams gang dag bsags pa yang/ /bde gshegs gsungs pa'i bden pa'i lam dmigs nas/ /dge ba'i
 las de yang dag bskyed pa yin/ zhes gsungs so/ /'on kyang byang chub kyi phyogs kyi chos 'di rnams mdo las ci'i phyir go rims bzhin ma bkod ce na/ gsang sngags kyi rgyud kyi lugs la slob dpon gyi man ngag gces par bstan pa'i
 phyir/ don sbas pa dang/ las kyi skabs so sos ting nge 'dzin gyi sgo la sogs pa tha dad par bstan te/ slob dpon rgyal ba'i 'od kyis kyang 'di skad du/ /rgyas pa la ni dga' sems kyi/ /dbang la rab tu mdza' ba yi/ /khros pa yis ni
 drag shul la/ zhes gsungs pa'i phyir ro/ /'phags pa'i gnas pa bzhi dang sbyar ba bshad zin to// //de ltar sgrub pa'i rnal 'byor pa 'khor bas skyo zhing mya ngan las 'das pa la gzhol ba de/ snyoms par 'jug pa'i sgrib pa
 dang bral bar bya ba'i don du ting nge 'dzin sbyor ba'i phyir lha'i gnas pa bsam gtan bsgom dgos par ston te/ de la bsam gtan dang po la yan lag lnga ste/ rtog pa dang/ dpyod pa dang dga' ba dang/ bde ba dang/ sems rtse gcig pa
 nyid do/ /de la rtog pa dang/ dpyod pa'i dbang du mdzad nas/ gling bu'i sgra dang rnga'i sgra rnams dang/ shin tu 'jigs byed skye bo'i sgra rnams dang/ /gad rgyangs ku co dag dang glu gar dang/ /cang dang pi wang dag dang rdza rnga'i sgra/
 bya bran sna tshogs sgra dang chu sgra dang/ /bud med rgyan gyi sil khrol sgra rnams dang/ /sha sbrang tsha grang rlung gi gnod pa yis/ /mi yi sems ni g.yeng zhing g.yo bar byed ces bya dang/ /'dzum zhing 'gro la smra zhing mig
 zur? can/ /yan lag thams cad yid 'phrog byed pa'i gzugs/ /bud med gzugs ni mtshon cha 'jebs 'dra bas/ /skyes pa'i sems ni mngon du 'phrog par byed/ /lcags kyi thong lcags rab tu 'bar ba yis/ /mig ni rnam par bkab
 pa ches bla yi/ /gnyis na dran pa nyams byed bud med kyi/ /dkyus ring mig can bzhin ni ma mthong bla zhes bya ba dang/ /stag dang sprul dang me 'drar 'jig rten dag /bsams nas spangs te dben la dga' bar bya/ /zhes bya ba la sogs pa
 gsungs pa 'di ni/ gnyen po'i yan lag bstan te/ de gnyis kyi 'dod pa dang gnod sems dang/ tshe ba'i rnam par rtog pa la sogs pa spong ba'i phyir ro/ /dga' ba dang bde ba'i dbang du mdzad nas/ /dga' ba lus ni shin tu sbyangs pa
 thob/ /lus sbyangs pas ni bde ba'i skal ldan 'gyur/ /zhes gsungs te/ 'dis ni phan yon gyi yan lag bstan te/ rtog pa dang dpyod pa gnyis kyi gnyen po byas pa'i mi mthun pa'i phyogs la/ de las dben pa las skyes pa'i dga' 
 ba dang/ bde ba thob pa'i phyir ro/ /sems rtse gcig pa'i dbang du mdzad nas/ rtse gcig sems dang ldan pa'i mi la ni/ /yid las byung ba'i dga' ba rab tu bskyed/ ces gsungs pa 'dis ni gnyen po dang/ phan yon gnyi ga'i
 gnas kyi yan lag bstan te/ ting nge 'dzin la brten pa'i stobs kyi rtogs pa la sogs pa 'jug pa'i phyir ro/ /bsam gtan gnyis pa la yan lag bzhi ste/ nang rab tu dang pa dang/ dga' ba dang bde ba dang/ sems rtse gcig
 pa nyid do/ /nang rab tu dang pa'i dbang du mdzad nas/ sems ni dang bas lha mi'i bde ba dang/ /mtho ris dang ni byang grol thob par 'gyur zhes bya ba la sogs pa gsungs pa 'dis ni/ rtog pa dang/ dpyod pa dang nyid skyon du mthong ste/ de'i
 gnyen por bstan to/ /dga' ba dang bde ba dang sems rtse gcig pa yan lag la lhag ma gnyis pa snga ma bzhin no/ /bsam gtan gsum pa la yan lag lnga ste/ btang snyoms dang/ dran pa dang/ shes bzhin dang/ bde ba dang/ sems rtse gcig
 pa nyid do/ /de la btang snyoms kyi dbang du mdzad nas/ btang snyoms ldan zhes gsungs te/ sems mnyam pa nyid dang/ sems rnal du 'jug pa dang/ sems lhun gyis grub pa'o/ /dran pa dang/ shes bzhin gyi dbang du mdzad nas/ dper
 na rlung med khang pa'i nang du ni/ /mar me btsugs pa mi g.yo 'bar ba ltar/ /rtse gcig sems kyi zlos la mngon dga' ba'i/ /lus la chos kyang de bzhin 'bar bar 'gyur/ zhes gsungs te/ dran pa ni 'dris pa'i dngos po ma brjed pa'o//
 shes bzhin ni gzhan du mi g.yang ba ste/ 'di gsum gyis ni dga' ba'i rnam par rtog pa spong bas/ gnyen po'i yan lag du bstan to/ /bde ba dang sems rtse gcig pa nyid ni/ yan lag lhag ma rnams dang go rims bzhin no//
 bsam gtan bzhi pa la yan lag bzhi ste/ btang snyoms yongs su dag pa dang/ dran pa yongs su dag pa dang/ sdug bsngal yang ma yin/ bde ba yang ma yin pa nas/ sems rtse gcig pa nyid do/ /de la btang snyoms yongs su dag
 pa dang/ dran pa yongs su dag pa ni/ bde ba'i bsnyen po'i yan lag go /sdug bsngal yang ma yin bde ba yang ma yin pa'i dbang du mdzad nas/ grags dang ma grags rnyed dang ma rnyed dang/ /bde dang sdug bsngal de bzhin stod dang
 smad/ /sems kyi 'jig rten chos rnams rab bcom ste/ sdig pa'i gnas su gyur pa spang bar bya/ zhes gsungs pa 'dis ni/ phan yon gyi yan lag bstan to/ /sems rtse gcig pa nyid ni/ de gnyi ga'i gnas kyi yan
 lag go /'di yi dgos pa ni/ rnam par g.yeng ba las slan pa'o/ /phan yon ni ting nge 'dzin yongs su sbyong bar byed pa ste/ 'dir tshigs su bcad pa/ dmigs pa la ni sems gtad nas/ de rgyun rnam par g.yeng mi bya/ /rnam g.yeng
 myur du rtogs gyur nas/ /de las slar ni glan par bya/ /blo ldan egong nas gong du yang/ /sems ni nad du sdu bar bya/ /de nas yon tan mthong ba'i phyir/ /ting nge 'dzin la sems gdul lo/ /rnam g.yeng nyes pa mthong ba'i phyir/ /de la mi
 dga' zhi bar bya/ /brnab sems yid mi bde la sogs/ /langs pa de bzhin zhi bar bya/ /de nas sdom brtson can gyis ni/ /sems la mngon par 'du byed bcas/ /rang gi ngang gis 'byung ba thob/ /de goms pa las 'du mi byed/
 lha'i gnas pa dang sbyar ba bshad zin to// //byang chub sems dpa' i lhag pa'i bsam pa ni/ gnas skabs gang du yang sems can rnams kyi don lhur len pa la gzhol ba'i phyir/ de'i 'og tu tshangs pa'i gnas pa
 tshad med pa bzhi bsgom dgos par ston te/ de la byams pa'i dbang du mdzad nas/ byams dang zhes gsungs te/ bsam gtan la rten nas/ sems can rnams la phan pa dang/ phrad par shog cig par bsam pa'i gnas pa
 yang dag par 'byor ba'i ting nge 'dzin to/ /snying rje'i dbang du mdzad nas snying rje zhes gsungs te/ bsam gtan la brten nas/ sems can rnams la sdug bsngal dang bral bar shog cig par bsam pa'i gnas pa'i yang dag
 par 'byor ba'i ting nge 'dzin to/ /dga' ba'i dbang du mdzad nas/ dga' ba zhes gsungs te/ bsam gtan la brten nas sems can rnams la bde ba dang mi bral bar shog cig par bsam pa'i gnas pa yang dag par sbyor ba'i ting nge 'dzin to/ /btang snyoms
 kyi dbang du mdzad nas btang snyoms ldan zhes gsungs te/ bsam gtan la brten nas sems can rnams nas phan par bsam pa'i gnas pa yang dag par 'byor ba'i ting nge 'dzin sems mnyam nyid la dang/ sems rnal du 'jug pa dang/ sems
 lhun gyis grub pa'o/ /'dir tshigs su bcad pa/ byang chub sems dpa' gnod sems dang/ /rnam tshe mi dga' gnod sems dang/ /'dod pa'i 'dod chags dang ldan pa/ /nyes dmigs rnam pa mang la reg /ces bya ba dang/ nyes pa 'di
 kun byams sogs la/ /legs par gnas la mi 'byung ste/ /nyon mongs can min sems can gyi/ /don du 'khor ba'ang yongs mi gtong/ /tshangs pa'i gnas pa dang sbyar ba bshad zin to// //de nas chos kyi dbyings rtogs pa la
 'jug par gzhol ba'i yul rnam par thar pa'i sgo gsum bsgom dgos par ston te/ de la stong pa nyid bstan pa'i dbang du mdzad nas/ gzugs ni 'byung ba chen po bzhi dang ldan/ /de ni bdag min bdag kyang gzugs ma yin/ /gzug
 la bdag med bdag la gzugs med de/ /gzugs ni stong pa'o/ /phung bzhi yang rig par gyis/ zhes bya ba la sogs pa gsungs te/ 'dis ni gang zag dang chos la bdag med pa dag yongs su shes par bya ba'i phyir bstan to/ /mtshan ma
 med pa'i dbang du mdzad nas/ /bud med mtshan nyid skyes pa'i mtshan nyid dang/ /sman dang glang chen brtags pa 'am skar ma'i dpyad/ /mtshon cha brtag pa 'am rta dpyad rang bzo 'am/ /bstan bcos ngan pa slob cing klog pa yang
 zhes bya ba la sogs pa gsungs te/ 'dis ni gang zag dang chos la/ bdag du 'dzin pa nye bar zhi bar bya ba'i phyir bstan to/ /smon pa med pa'i dbang du mdzad nas/ /yul sa'i gtam dang mi dbang bsten pa dang/
 dmag dang gyong dang na chung gtam dag dang/ /bsrung ldeb dang ni sngon gyi lo rgyus gtam/ /'dod chags gtam dang smad 'tshong gtam mi bya/ zhes bya ba la sogs pa gsungs te/ 'dis ni gang zag dang chos la bdag tu 'dzin pa'i
 rten spang ba'i phyir bstan to/ /'dir tshigs su bcad pa/ yongs su shes dang spang ba dang/ /mngon sum du ni bya ba'i phyir/ /stong nyid la sogs ting 'dzin rnams/ /don rnam gsum du yongs su bsgrags/ /rnam par thar pa'i sgo gsum
 dang sbyar ba bshad zin to/ /de bzhin du bzlas brjod yan lag dang bcas pa dang/ sgra'i ting nge 'dzin la sogs te/ 'dir mos pa yid la byed pa dang/ de kho na nyid la byed pa bstan pa 'di dag gis kyang zhi gnas kyi rjes su mthun pa dang/
 lhag mthong 'phel ba'i rjes su mthun pa'i phyir yid la byed pa'i phan yon bstan pa yin no/ /dgos pa'i yang dgos pa zhes bya ba ni cho ga'i gnas la mkhas pa dang/ yid la byed pa'i phan yon thob pas mthong ba'i chos la mngon? par
 mtho ba dang/ srid pa gzhan du nges par legs pa'i 'bras bu thob pa yin no/ /de ltar 'brel pa la sogs pa'i rgyud kyi don bzang po 'di rnams khong du chud pa'i sgo nas ni/ gang dag chos kyi rjes su 'brang ba rnams/ /'chad pa la
 sogs pa la gus pa skye'o/ /bsdus pa'i don gzhan ni dngos su go bar zad do/ /'phags pa dpung bzang gi zhus pa'i rgyud kyi bsdus pa'i don bkrol ba'i rjod byad rdzogs so/ (//dpa' bo gcig sgrub pa'i 'grel pa bzhugs so/) /rgya gar