བོད་ཡིག

e-texts based on the ACIP/ALL Input

bsgyur cing zhus te gtan la phab pa rdzogs so// //rgya gar skad du/ A rya many+dzu sh+rI nA ma saM gI ti sarba pA paM bi sho d+ha na bi d+hi maN+Dal nA ma/ bod skad du/ 'phags pa 'jam dpal gyi mtshan yang dag par brjod pa'i sdig pa sbyong ba'i dkyil 'khor gyi cho ga zhes bya ba/ 'jam dpal gzhon nur gyur pa la phyag 'tshal lo/ /srid pa'i dra ba rnam bcom nas/ /rang rig sgo nga'i spubs 'byed de/ /sems can ngan song rnam sbyong ba'i/ /'jam dbyangs de la gus btud nas/ /ma rig 'khrul ba'i sems can rnams/ /'khor ba'i rgya mtsho las bsgral ba'i/ /phan pa'i cho ga bzang po zhig /gzhan gyi don tu bri bar bya/ /de la sems can rnams ni gti mug gi mun khung du ye shes kyi snang ba ma shar ba'i dbang gis nying sha nying gis za zhing nying srog nying gis gcod pa las de'i rnam par smin pa tshe 'pho ba lta bu yang nas yang du 'byung ste/ nyon mongs pa'i 'bras bu ngan song rnams su smin pa rnams la re zhig phan pa'i sems kyis ma rig pa'i rgya dral te/ nyon mongs pa'i mdud pa las dkrol nas yang dag pa'i thar pa dang/ thams cad mkhyen pa'i lam bstan te/ tshe 'phos pa lta bu de yang de yi gzugs sam rus sam ming ngam/ stod g.yogs la sogs pa sta gon byas la/ /dang po kho nad zhe sdang gi gnyen po mi bskyod pa'i bsnyen pa byas la/ rang mi bskyod pa byang chub sems dpa' i 'khor gyis bskor ba'i snying ga'i zla ba'i rdo rje dang phreng sngags kyis 'od zer gyi byin rlabs la/ rang mi bskyod pa rdo rje rigs kyi lha tshogs kyi mtshon brjod pa'i byin rlabs las sangs rgyas kun gyi sprul pa'i sku bye ba dpag tu med pa sems can dmyal ba'i gnas su skye na/ sems can dmyal ba de rnams thams cad kyis kyang skad cig gis chos thams cad mdog par rtogs nas/ sems can dmyal ba de dag gi las kyi khams zad par byas nas dmyal ba'i sdug bsngal gyi rgya mtsho de las thon te/ nyon mongs pa dang nye ba'i nyon mongs pa'i bag chags dang bcas pa gtan spangs nas/ sems can de'i yid kyi yul dang sangs rgyas kyi thugs rig pa'i lam mtshon pa'i a dkar po thung du lta bur byas te sems can de'i gzugs kyi phung po la yid gnas par byas nas/ de dag gi sngar gyis gzugs de'i sems dang mthun par bcug la de la bdag nyid gtso bo dang lha rnams kyi thugs ka'i sngags kyi 'od zer gyi de'i bag chags dag par bya'o/ /de'i rjes la bum pa'i chus kyang dri ma bkru ba'i phyir ye shes sems dpa' i phreng sngags dang/ rig sngags dang/ sarba na ra dang/ sarba pA paM/ sarba karmma A ba ra Na bi sho d+ha ne bi sho d+ha ne swAhA zhes pas bkru'o/ /de ltar bsnyen pa rdzogs pa dang mi bskyod pa'i rigs kyi dkyil 'khor chen por bcug ste/ sems can dmyal ba las grol bar byas te dbang bskur bar bya'o/ /de na yang de dang rjes su mthun par rigs kyi bu 'am rigs kyi bu mo skal ba dang ldan pa de byol song gi gnas nas thar par bya ba'i phyir gti mug gi gnyen po rnam par snang mdzad kyis sbyang ste/ de bzhin gshegs pa'i rigs kyi mtshan brjod nas rnam pa smra? gi dkyil 'khor du bcug ste dbang bskur bar bya'o/ /de nas yang de dang rjes su mthun par phrag dog gi gnyen por don thams cad grub pa'i dkyil 'khor bris te/ lha ma yin gyi gnas nas thar par byas la rigs kyi bu de la dbang bskur bar bya'o/ /de'i rjes la 'dod chags kyi gnyen po snang ba mdza' yas kyi sbyang ste/ lha rnams kyi gnas las thar par byas nas tshe 'das pa rigs kyi bu de pad+ma'i rigs kyi dkyil 'khor chen por bcug nas dbang bskur bar bya'o/ /de'i rjes la dug gsum cha mnyam pa'i gnyen pos sbyang ste/ tshe las 'das pa mi'i gnas su byang sems rdo rje'i dkyil 'khor du bcug ste dbang bskur te nyon mongs pa de las thar par bya'o/ /de ltar nyon mongs pa lnga? dang bral nas/ khams gsum gyi 'gro ba'i rigs drug gi gnas nas thar pa de rigs thams cad bsdus pa'i dkyil 'khor du bcug ste/ dbang rnams yang dag par bskur nas rdzogs pa'i sangs rgyas kyis la nges pa can du bya'o/ /de ltar na 'di ni gzhan gyi don du gsungs pa'i cho ga yin no/ /sems can ngan song rnam sbyong bar cho ga myur du byas pa las/ /bsags pa'i dge bas 'gro ba kun/ /'khor ba'i rgya mtsho las rgal nas/ /srid pa'i sdug bsngal dang bral te/ /dpal ldan sangs rgyas thob par shog /'phags pa 'jam dpal gyi mtshan yang dag par brjod pa'i tshe 'phos pa la phan pa'i bdun tshigs kyi cho ga /slob dpon 'jam dpal bshes gnyen gyis mdzad pa/ rgya gar gyi mkhan po su badzra dang/ bod kyi lo tsa ba chos kyi shes rab kyis bsgyur ba'o/ /rdzogs so// //rgya gar skad du/ Arya many+dzu sh+rI nA ma saM gI ti bi d+hi ho ma pA paM sho d+ha ya