<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2131: dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba<br><table><tr><td>
<input type="button" onclick="location.href='tcompletep.php?id=N2131&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N2131&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N2131&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 3 volumes<br><br><a href="tcomplete.php?id=N2131&coll=TN&volcur=0">volume 1  (rgyud 'grel (yi）)</a> - <span style="color:red;border: 2px solid red;border-radius: 5px;padding:3px;">volume 2 (rgyud 'grel (ri）)</span> - <a href="tcomplete.php?id=N2131&coll=TN&volcur=2">volume 3  (rgyud 'grel (li）)</a> - <br><br>de ltar shes rab kyi pha rol tu phyin pa'i dum bur/ bcom ldan 'das rdo rje 'chang chen po dpal mchog dang po /
 kun gzhi rnam par shes pa'i gnyen po/ byang chub kyi sems phyag rgya chen po'i ngo bos thams cad du khyab par bstan nas /
 da ni dum bu gnyis pa'i rtsa ba'i rgyud du/ rdo rje 'chang ba chen po dpal mchog dang po/ nyon mongs pa can gyi yid kyi gnyen po/
 nam mkha' dang mnyam pa nyid kyi ngo bo chos thams cad kyi mtshan nyid la mngon par zhen pa dang bral ba'i ngo bo nyid kyis sbyin pa'i pha
 rol tu phyin pa dang/ dam tshig gi phyag rgya'i mtshan nyid can gang yin pa de gdul bya rnams kyi mngon du bya ba'i phyir/
 de nas zhes bya ba la sogs pa gsungs te/ de nas zhes bya ba'i sgra ni snga ma bzhin te/ bcom ldan 'das 'dod pa'i khams thams
 cad kyi/ gzhan 'phrul dbang byed kyi lha'i rgyal po'i gzhal yas khang ni/ lag na rdo rje la sogs pa'i byang chub sems dpa' rnams
 kyi yongs su bskor te bzhugs pa na/ de'i rjes thogs nyid la shes rab kyi pha rol tu phyin pa'i sgo 'di gsungs pa yin no/ /bcom
 ldan 'das zhes bya ba la sogs pa ni bshad zin to/ /de bzhin gshegs pa yang yin la/ thams cad kyang yin pas de bzhin gshegs pa thams cad de/ 'jig
 rten gyi khams thams cad kyi rdul phra rab dang mnyam pa'i sangs rgyas dang/ byang chub sems dpa' rnam par smin pa'i sku'i rang bzhin can thams cad do/ /de
 rnams kyi gsang ba'i chos nyid ni dkyil 'khor la sogs pa'i de kho na nyid bcu'i nges pa mkhyen pa ste/ de brnyes pas de bzhin gshegs pa thams cad kyi gsang
 ba'i chos nyid brnyes pa zhes bya'o/ /chos thams cad spros pa med pa zhes bya ba ni/ sangs rgyas rnams kyi rnam par smin pa'i sku'i mnyam pa nyid kyi ye shes
 nyon mongs pa can dang bral ba dang/ chos thams cad mtshan ma med pa'i rnam par thar pa'i sgo ste/ de rnams la spros pa 'di yod pa ma yin pas spros pa
 med pa ste/ rtog pa thams cad dang bral ba'i sbyin pa'i pha rol tu phyin pa'i ngo bo nyid ces bya ba'i tha tshig go /yang zhes bya ba ni dum bu dang po shes
 rab kyi pha rol tu phyin pa bstan pa las bltos nas yang zhes bya ba'i sgra smos pa yin te/ yang shes rab kyi pha rol tu phyin pa 'di gsungs so zhes bya bar sbyar
 ro/ /'di zhes bya ba ni/ blo la gnas pa ste/ 'og nas bshad pa'i bde ba chen po zhes bya ba la sogs pa gsungs pa'o/ /bde ba yang yin la chen po yang yin
 pas na/ bde ba chen po ste/ sbyin pa'i pha rol tu phyin pa'i ngo bo nyid nam mkha' dang mnyam pa nyid kyi ye shes te/ mi 'gyur bde ba kun grub pas/ /bde ba chen
 po zhes bshad do zhes gsungs pa yin no/ /de nyid bzung ba dang 'dzin pa'i rnam par rtogs pa rnams kyi mi shigs pas na rdo rje'o/ /de nyid ni dkyil 'khor la
 sogs pa'i rgyur gyur pas na dam tshig ste/ de la dkyil 'khor la sogs pa nges par 'byung ba'i phyir te/ de skad ces bya ba gsungs pa'o/ /de ji lta bu zhe na/ don yod ces bya ba la sogs pa gsungs te/
 don yod pa ni 'bras bu yod pa'o/ /rdo rje chos nyid ni rgyu'o/ /don yod pa yang yin la rdo rje chos nyid kyang yin pas na rdo rje chos nyid de/ dkyil 'khor la sogs pa'i de kho na nyid nges par rdzogs zhes bya ba'i tha tshig
 go /de yang ji lta bu zhe na/ shes rab kyi pha rol tu phyin pa zhes bya ba la sogs pa gsungs te/ 'dir shes rab kyi pha rol tu phyin pa ni nam mkha' dang mnyam pa nyid kyi ye shes so/ /de'i sgo ni 'jug pa'i thabs
 te/ thos pa dang bsam pa dang bsgom pa'i rang bzhin can gyis ye shes gang gis rtogs shing mngon sum du byed pa de la de skad ces bya'o/ /de yang ji lta bu zhe na/ mchog dang po zhes bya ba gsungs te/ mchog
 ni phul du byung ba'o/ /dang po ni skal pa bzang po la sogs pa thog mar gnas pa'o/ /mchog kyang yin la dang po yang yin pas na mchog dang po'o/ /'di nyid gsungs pas ni thog ma tha ma med ces bya ba yin
 te/ de la dang po ni thog mar byung ba'o/ /tha ma ni dus tshig nges pa can gyi 'jig pa'o/ /gang la thog ma dang tha ma med pa de ni thog ma dang tha ma med pa ste/ mnyam pa nyid kyis ye shes kyi ngo bo chos kyi dbyings so//
 dbus mchog zhes bya ba dbus kyang yin la mchog kyang yin pas na dbus mchog ste/ dngos po dang dngos po med par rtag pa dang bral ba/ nam mkha' dang mnyam pa nyid kyi ye shes yin no/ /zhes
 ston to/ /gsungs zhes bya ba ni bka' stsal pa'o/ /'di skad ston te/ bcom ldan 'das rnam par snang mdzad thog ma dang tha ma med pa'i nam mkha' dang mnyam pa'i ye shes mngon du byed pa'i rgyur gyur pa dang/ sku de thob
 pa'i rgyur gyur pa'i shes rab kyi pha rol tu phyin pa'i sgo ston par mdzad pa'o/ /byang chub sems dpa' chen po rnams kyi 'dod chags chen po'i dngos grub ces bya ba la sogs pa la 'dod chags kyang yin la chen po yang
 yin pas na/ 'dod chags chen po ste/ chos bdag med pa la chags pa dang/ de'i rgyu mthun pa las byung ba'i rdo rje sems dpa' i sku'o/ /de yang 'dod chags chen po bcom ldan 'das/ /dngos grub kun la rjes
 su dgyes/ /rdo rje sems dpa' i phyag rgya 'di/ /'od zer dmar po sna tshogs 'bar zhes gsungs pa yin no/ /de'i dngos grub kyi mchog ni 'dod chags chen po'i dngos grub kyi mchog ste /
 dpal rdo rje sems dpa' i dngos grub dang/ de'i rigs kyi dngos grub ni 'dod chags chen po'i dngos grub bo/ /byang chub chen po'i rang bzhin gyi sems dpa' ni/ sems
 dpa' chen po ste/ mi bskyod pa'i rang bzhin can gyi sems dang sems las byung ba rnams so/ /de rnams kyi phyag rgya chen po la sogs pa'i rang bzhin can gyi dngos grub gdul bya'i skye bo rnams kyi rgyud la phyag rgya chen po la sogs pa bskyed pa gang yin pa de ni
 bde ba chen po dngos grub kyi mchog dam pa la 'jug par 'gyur te/ rgyu'i ngo bor zhal gyis bzhes par mdzad pa'o/ /bde ba chen po bshad zin to/ /der rdzogs pa ni bde ba chen po'i dngos grub kyi mchog grub pa'o/ /'di skad ston te/ rdo rje sems dpa' i phyag rgya chen po'i
 dngos grub dam pa ni/ rdo rje sems dpa' i gzugs brnyan dang mtshungs par bsgom pa'i dngos grub des gnyis su med pa'i ye shes kyi ngo bo bde ba chen po'i ngo bor gdul bya rnams gyur pa'o/ /'dis ni rdo rje sems dpa' i dkyil 'khor ston to/ /bde ba chen po'i dngos grub dam
 pa zhes bya ba la bde ba chen po ni gnyis su med pa'i ye shes te/ de rdzogs shing rtogs pa ni byang chub sems dpa' chen po rnams kyi bde ba chen po'i dngos grub dam pa zhes bya ste/ bla na med pa yang dag par rdzogs pa'i byang chub kyi rang bzhin can gyis sems dang sems las
 byung ba gang yin pa de la bde ba chen po'i dngos grub kyi dam pa zhes bya'i nyan thos dang/ rang byang chub kyi rang bzhin ni ma yin no/ /byang chub sems dpa' chen po rnams kyi de bzhin gshegs pa thams cad kyi byang chub chen po ni/ de bzhin gshegs pa thams cad kyi byang
 chub chen po dang/ byang chub chen po'i rgyur gyur pa ste/ byang chub chen po'i dkyil 'khor ro/ /de'i dngos grub kyi mchog ni de bzhin gshegs pa'i phyag rgya chen po la sogs par rdzogs par 'gyur ba ste/ de'i don du 'jug pa zhes bya ba ni/ bla na med pa yang dag par rdzogs
 pa'i byang chub kyi rang bzhin dmigs pa med pa'i snying rje chen po'i ngo bo'i sems dang sems las byung ba mkhyen nas/ cha mnyam la spyod pa'i sems can rjes su gzung ba'i phyir/ de bzhin gshegs pa'i dkyil 'khor la sogs bskyed par mdzad la/ des kyang gdul bya rnams
 de bzhin gshegs pa'i phyag rgya chen po la sogs pa'i dngos grub tu 'gyur ro zhes bya ba ste/ 'dis ni de bzhin gshegs pa'i dkyil 'khor gyi dngos grub ston to/ /byang chub sems dpa' chen po de bzhin gshegs pa thams cad kyi byang chub chen po'i dngos
 grub kyi dam pa ni bshad zin to/ /bdud chen po'i stobs thams cad rab tu 'joms pa'i dngos grub kyi dam pa la 'jug pa ni/ bdud chen po yang yin la thams cad kyang yin pas na bdud chen po thams cad de/ mtho ris dang thar ba'i dge ba'i srog gi bar du gcod
 par byed pa drag po la sogs pa 'khor dang bcas pa'o/ /de rnams rab tu 'joms pa ni rdo rje rigs kyi de gzhom pa la sogs pa 'jug pa skrag par mdzad nas/ gdug cing gtum pa nyid las bzlog pa'o/ /de'i dngos grub kyi mchog ni phyag rgya chen po la sogs
 pa'o/ /'di skad ston te gang gi che sems can gdug cing gtum pa rnams kyi don du de bzhin gshegs pa'i rang gi ngo bo bzhi pa'i tshul gyis mdzad par mi spyod pa de'i tshe/ rdo rje rigs sprul nas des gdug cing gtum pa rnams skrag par mdzad de/ sdig pa las
 bzlog nas rdo rje rigs kyi phyag rgya chen po la sogs pa'i dngos grub bskyed par mdzad pa ste/ /'dis ni rdo rje rigs kyi dkyil 'khor gyi don bston to/ /bdud thams cad rab tu 'joms pa'i dngos grub kyi mchog ni/ bshad zin to/ /de ni byang chub sems dpa' chen po
 rnams kyi khams gsum ma lus pa'i bdag po'i dngos grub la 'jug par gyur pa ni phyogs bcu na 'dod pa dang gzugs dang gzugs med pa'i khams kyi ngo bor gnas pa ni khams gsum ma lus pa ste/ khams gsum thams cad do/ /der bdag por gyur
 ba ni khams gsum pa na spyod pa'i nyon mongs pa bag chags dang bcas pa spong ba rang dbang du gyur pa de'i dngos grub kyi mchog ni 'gro ba thams cad 'dul ba'i ting nge 'dzin bsnyems pa'o/ /'dis ni don 'di skad ston te/ gang gi tshe sems can gdug cing gtum par ma
 gyur ba de rnams kyi don rdo rje rigs kyi tshul gyis mdzad pa mi spyod pa de'i tshe/ rang bzhin gyis dag pa'i ting nge 'dzin gyis de rnams la yang dag pa'i lam legs par ston par mdzad nas/ de las de rnams 'gro ba 'dul ba'i phyag rgya chen po la sogs pa'i dngos grub sgrub par gyur pa de/
 'dis ni 'phags pa spyan ras gzigs dbang phyug gi dkyil 'khor gyis don bstan pa yin no/ /byang chub sems dpa' chen po'i khams gsum ma lus pa'i bdag po'i dngos grub kyi mchog ni bshad zin to/ /ma lus shing lus pa med pa'i bde ba chen po'i dngos grub kyi
 mchog la 'jug par 'gyur ro zhes bya ba la sems can gyi khams ma lus shing lus pa med pa zhes bya ba ni bshad zin to/ /de rnam par sbyong ba ni sgrib pa thams cad sbyangs pa ste/ nyon mongs pa'i sgrib pa dang/ chos kyi sgrib pa dang/ las kyi sgrib pa spangs pas yang dag par
 sbyangs pa'o/ /de'i don du 'jug pa ni mngon par 'dod pa'o/ /de'i rdzogs pa'i rgyun rgyur gyur pa de la 'jug pa ji skad bshad pa'i dngos grub kyi mchog la 'jug pa ste/ de ji skad bshad pa'i dngos grub sems can gyi khams sbyor ba la brtson zhing bskyed par mdzad pa'i
 rgyu'i ngo bor gyur pa'o zhes bya pa'i tha tshig go /ji lta bu'i byang chub sems dpa' chen po rnams kyi zhe na/ rtag tu 'khor bar 'jug rnams kyi zhes bya ba ste/ skad cig re re zhing sems can rnams rnam par spyad bar bya ba'i phyir/ 'khor ma mdza' med par yongs su mi 'dor pa 'di
 thugs dang ldan pa rnams kyi'o/ /brtson 'grus chen po rnams kyi zhes bya ba la/ brtson 'grus ni dge pa'i chos la mngon par spro ba'i brtson pa chen po gang la mnga' ba de ni brtson pa chen po ste/ brtson 'grus chen po dang ldan pa de rnams kyi 'khor ba ji srid par khams gsum
 pa'i rgya mtsho chen po las sems can rnams sgrol ba la sbyor bar mdzad do zhes bya ba'i tha tshig go /sems can gyi khams ma lus shing lus pa med pa yongs su skyobs pa zhes bya ba ni kun nas yongs su skyob par mdzad pa ste/ phyogs bcu'i sems can gyi khams ma
 lus pa'i dmyal ba la sogs pa'i 'jigs pa las bzlog cing thar bar mdzad pa'o/ /phan pa thams cad ni ma 'ongs pa'i dus na rnam par smin pa bde bar gyur pa'i las so/ /bde ba thams cad ni lus 'di nyid kyi bde ba myong ba dang/ bsam gtan
 las byung ba'i yid kyi bde ba'o/ /ji skad du bshad pa'i phan pa dang bde ba thams cad kyi yongs su skyob pa ni/ phan pa dang bde ba thams cad kyis yongs su skyabs pa ste/ des sems can gyi khams mchog tu bstan zhing bde ba la rab tu sbyor ba'o/ /de gang zhe na bde
 ba chen po'i dngos grub ste/ sangs rgyas nyid dang rdo rje 'chang ba nyid thob pa'o/ /de'i don du 'jug pa ni ji skad du bshad pa sgrub pa'o/ /'di skad ston te/ gang gi tshe gdul bya'i sems can gyi khams brtson 'grus zhan pa rnams 'jig rten dbang phyug gis rang
 bzhin gyis dag pa'i ting nge 'dzin la 'jog par mi nus pa de'i tshe/ thugs rje chen po'i gzhan gyi dbang gi phyi ma'i mdza' med pa'i 'khor ba'i gdul bya'i sems can gyi khams bya ba grub pa'i ye shes kyi sangs rgyas nyid dang/ rdo rje 'chang ba nyid kyi dkyil 'khor nges
 bar sbyor ba ste/ /'dis ni nam mkha' i snying po'i dkyil 'khor gyi don bstan pa yin no/ /de ci'i phyir zhe na zhes bya ba ni rgyu gang gi phyir te/ gdul bya'i sems can gyi khams le lo can gdul ba la rab tu sbyor ba'i phyir rnal 'byor pa thugs rje chen po'i gzhan gyi dbang gi
 'khor ba phyi ma'i mdza' med par gnas par byed do zhes bstan par bya ba'i phyir/ ji srid ces bya ba la sog pa gsungs te/ 'khor ba nas 'khor ba ste/ sems can gyi 'jig rten dang de'i gnas snod kyi 'jig rten no/ /der gnas pas na 'dug par gyur pa'i tshe
 ste 'dug par gyur ba ni gnas par mdzad pa ste/ mi gnas pa'i mya ngan las 'das pa'i tshul gyis so/ /'dug par gyur pa de yongs su zhig yin zhe na/ mkhas mchog ces bya ba smos te/ mkhas pa ni gzi can te/ shes rab kyi pha rol tu phyin pa dang/ thabs kyi mes nyon mongs
 pa bag chags dang bcas pa'i bud shing nges par bsreg par mdzad pa ste/ rdo rje 'chang chen po la sogs pa'i byang chub sems dpa' chen po rnams so/ /mchog ni dam pa'o/ /de srid mtshungs med sems can don zhes bya ba ni gdul bya rnams skal ba rnams ji lta ba bzhin du mtshungs
 pa med cing/ nyan thos dang/ rang sangs rgyas dang/ 'jig rten pa'i lha rnams la sogs pa dang 'dra zhing mnyam lam yin pa'i sems can gyi dgos pa'i don mya ngan las mi 'da' zhing phung po lhag ma med pa'i mya ngan las 'das pas/ /mya ngan
 las mi 'da' bar don byed cing rdzogs par nus shing spyod par 'gyur ro zhes bya ba'i don to/ /de bas na 'khor ba'i gnas su mkhas pa'i mchog de rnams 'dug par 'gyur ba yin no/ /bag chags dang cas pa'i nyon mongs pa'i bud shing bsreg par gyur kyang ji ltar 'khor
 bar gnas par 'gyur zhe na/ shes rab des bya ba la sogs pa ste/ shes rab kyi pha rol tu phyin pa ni bshad zin to/ /phyag rgya chen po la sogs pa'i ngo bo gzugs brnyan dang 'dra ba dang/ rmi lam dang 'dra ba dang/ sprul pa dang 'dra ba la sogs pa nye bar gzung ba ni
 thabs te shes rab kyi pha rol tu phyin pa dang/ thabs ni shes rab kyi pha rol tu phyin pa'i thabs so/ /de'i ye shes ni rtogs pa'o/ /der byin gyis brlabs pa ni snga ma 'phen shugs te/ dmigs pa med pa'i snying rje chen po thugs rje zhes bya ba'i tha tshig go /des sgrub pa ni bskyed
 pa ste mi gnas pa'i mya ngan las 'das pa grub pa sgrubs zhes bstan pa yin no/ /ci 'khor ba'i nyes pas de gos par 'gyur ram zhe na/ chos kun zhes bya ba la sogs pa gsungs te/ chos kyang yin pa kun kyang yin pas na chos kun te/ byang chub sems dang sbyin pa'i
 pha rol tu phyin pa dang/ shes rab kyi pha rol tu phyin pa dang/ brtson grus kyi pha rol tu phyin pa'i ngo bo de rnams kyi rnam par dag pa ni gnyis dang bral ba nyid de/ chos thams cad rnam par dag par rgyur gyur pa nges so/ /ni zhes bya ba ni nges par gzung ba ste/ chos thams cad rnam
 par dag pa'i phyir zhes bya ba'i don to/ /dngos rnams dag par 'gyur ba yin zhes bya ba la srid pa ni 'khor ba ste/ de dag ni srid pa'i nyes pa dang bral ba'o/ /'khor ba srid du zhes bya ba ni 'khor ba ji srid gnas par ro/ /ni'i sgra ni gang gi phyir zhes
 bya ba'i don te gang gi phyir mkhas pa'i mchog de rnams chos thams cad rnam par dag par byed par 'gyur ro/ /de bas na 'khor ba'i nyes pa dang bral ba yin no/ /ji ltar na de rnams 'khor ba'i chags pa dang bral bzhin du 'khor bar zhugs par mdzad ce na/ chags las zhes bya ba la sogs pa
 smos te/ 'dod chags ni rdo rje sems dpa' o/ /sogs pa'i sgras ni de bzhin gshegs pa dang/ rdo rje dang pad+ma dang/ nor bu'i rigs rnams bsdu'o/ /'dod chags la sogs pa gang yin pa de ni chags pa la sogs pa ste/ de nyid kyis 'dul bas na chags
 pa la sogs pa 'dul ba'i 'jig rten sems can rnams so/ /'dis sems can gyi khams 'dul bas na 'dul ba ste/ sangs rgyas nyid dang rdo rje 'dzin pa nyid la rab tu 'jog pa'o/ /ci'i phyir 'jig rten rnams chags pa la sogs pas 'dul zhe na/
 'jig rten sdig byed la zhes bya ba la sogs pa smos te/ 'khor ba thog ma dang tha ma'i mdza' med pa na 'dod pa'i srid pa la sogs pa'i rang bzhin can gyi srid pas na 'khor ba yin la de bas na 'khor ba thog mdza' med pa nas srid pa rgyu ba'i tshe/ rtag tu bud
 med bsten pa la sogs pa'i sdig pa'i 'jig rten de rnams sbyang bar bya ba'i phyir/ 'khor ba srid du bdag nyid 'dul zhes bya ba yin te/ 'dod pa dang gzugs dang gzugs med pa'i srid pa rnams ni rtag tu bud med la sogs pa'i yul bsten cing mngon par
 zhen pa'i sdig pa la 'jug pa rnams bzlog cing sbyar bar bya ba'i don du'o/ /ni zhes bya ba ni nges par gzung ba ste/ de rnams sbyang bar bya ba'i don nyid du zhes bya ba'i don to/ /'dul ba ni mi gnas pa'i mya ngan las 'das pa'i ngo bor byed pa'o/ /'khor ba srid du
 zhes bya ba ni 'khor ba phyi ma'i mdza' med pa'i bar du'o/ /bdag nyid ces bya ba ni rang gis te mi dmigs pa'i snying rje chen po'i ngo bo nyid dbyer med pa'o/ /'gyur pas mi gnas pa'i mya ngan las 'das pa'i rang bzhin can gyi las kyi ngo bo nyid bdag nyid bya'o/ /zhes bya ba'i tha
 tshig go /'das ni don 'di skad ston te/ gang gi phyir rdo rje sems dpa' la sogs pa'i sgeg pa dang zhi ba dang/ drag po dang dpa' bo la sog pa'i nyams kyis 'dul ba'i sems can rnams yod la/ de rnams gdul bar bya ba'i phyir mkhas mchog de rnams
 bdag nyid rdo rje sems dpa' la sogs pa'i tshul gyis 'khor ba ji srid bar mi gnas pa'i mya ngan las 'das pa'i ngo bo nyid du byed do zhes bya ba'i don to/ /gal te de rnams sems can gdul bya'i phyir 'khor ba ji srid par gnas na 'khor ba'i nyes pa 'dod
 chags la sogs pa ji ltar gos par mi 'gyur zhe na/ ji ltar zhes bya ba la sogs pa smos te ji ltar pad+ma'i rang gi ngo bo nyid kyi kha dog dmar pos nan tan du dmar bas na rab tu dmar ba'o/ /yang zhes bya ba ni kyang zhes bya ba'i don te/ rab tu dmar yang ngo/
 tshon gyis nyes pa zhes bya ba ni zhen pa'i nyes pa na tshon gyis nye pa ste/ rdzas gzhan dang 'dres pa'i nyes pa la sogs pa yongs su mi 'dor ba ste/ de ni 'dod chags la sogs pa'i nyes pas gos par mi 'gyur ro/ /de yang tshon yod pa'i ljan ljin la sogs pa'i
 dri mas gos shing 'phags par mi 'gyur ro zhes bya ba'i tha tshig go /de bzhin gnas kyi nyes pa yis/ /'gro phan rnams la mi gos zhes bya ba la gnas ni khams gsum pa ste/ mi gnas pa'i mya ngan las 'das pa'i srid pa'i ngo bo nyid kyi gnas pa'o/ /de'i
 nyes pa ni 'dod chags la sogs pa'o/ /de'i nyes pa ni 'dod chags pa'o/ /des ma gos pa ni gos par mi 'gyur ro/ /rtag tu zhes bya ba ni rgyun du'o/ /'gro phan rnams la zhes bya ba ni sems can gyi khams thams cad la phan pa thams cad rdzogs par byed pa'i
 sems ldan pa'o/ /'di skad ston te ji ltar pad+ma shin tu dmar zhing chu las skyes su zin kyang/ chu'i 'dam la sogs pa chu'i nyes pas gos shing 'dre bar mi 'gyur ro/ /de bzhin du sems can thams cad smin cing grol bar byed pa'i 'dod chags
 kyi chags pa'i byang chub sems dpa' rnams 'khor bar skyes su zin yang 'dod chags la sogs pa'i 'khor ba'i nyes pa rnams kyis gos par mi 'gyur ro/ /yang ji ltar na sems can smin cing grol ba'i 'dod chags kyi chags pa'i byang chub sems dpa' 
 rnam pa 'khor bar gnas pa na 'khor ba'i nyes pas ji ltar gos par mi 'gyur ro/ 'dod chags la zhen pa'i sems can gzhan dag dang 'dra bar gos pa kho nar 'gyur ro zhes rtogs shing 'di snyam du sems pa de bsal bar bya ba'i phyir/ 'dod chags
 chen po rnam par dag ces gsungs te/ 'dod chags chen po ni snying rje chen po'o/ /des rnam par dag pa ni 'dod chags chen po rnam par dag pa ste/ gang gi phyir de rnams la dmigs su med pa'i snying rje chen po mnga' ba de ni de rnams la rnam par rtog pa
 mi mnga' yang/ /sngon gyi 'phen shugs kyi sems can gyi don la 'jug par mdzad do/ /de bas na 'dod chags chen po rnam par dag pa'i phyir te/ rnams las 'dod chags la sogs pa'i 'khor ba'i nyes pa rnam par rtog pa'i rang bzhin can gyis gos
 par mi 'gyur ro zhes bya ba'i don to/ /kyi zhes bya ba la sogs pa gsungs te/ de bzhin gshegs pa yang yin la thams cad kyang yin pas de bzhin gshegs pa thams cad de nam mkha' dang mnyam pa nyid kyi ye shes kyi ngo bo nyid sbyin pa'i pha rol tu phyin pa'i rang
 bzhin can gyi sems dang sems las byung ba ste/ de rnams kyi sku dang gsung dang thugs rdo rje thams cad de las byung ba'i rin po che'i rigs kyi sku dang gsung dang thugs rdo rje'o/ /de nyid ni gsang ba'i don yod pa'i sems can thams cad kyi bsam yongs su
 rdzogs par byed pa brtan zhing mi phyed pa'i phyag rgya yin pas na/ gsang ba'i don yod pa'i phyag rgya bstan pa ste/ phyag rgya de rnams kyi sku dang gsung dang thugs rdo rje thams cad rgyas btab pa yin pa de la de skad ces bya'o/ /'dis ni bcom ldan 'das rnam par snang mdzad rin po che'i
 rigs kyi ngo bo nyid yin par ston to/ /da ni pad+ma'i rigs kyi ngo bo nyid kyang yin no zhes bstan par bya ba'i phyir/ de bzhin gshegs pa zhes bya ba la sogs pa gsungs pa ste/ shes rab kyi pha rol tu phyin pa ni so sor rtog pa'i ye shes kyi rang bzhin can gyi sems dang sems
 las byung ba'o/ /de rnams kyi dam tshig chen po thams cad ni pad+ma'i rigs so/ /nam mkha' i khams thams cad khyab pas ni chen po nyid do/ /gzugs thams cad kyi ngo bo nyid yin pas na dam tshig chen po thams cad do/ /phyag rgya dam tshig zhes bshad do zhes gsungs pas
 so/ /der zhugs pa ni pad+ma'i rigs su gtogs par gyur pa'o/ /ci'i phyir der zhugs she na/ chos nyid kyi ye shes thugs su chud pa la rab tu gnas pa zhes bya ba gsungs te/ gang gis rang bzhin gyis rnam par dag pa'i chos nyid kyi ye shes thugs su chud cing mngon sum du
 mdzad par gyur pa de ni chos nyid kyi ye shes thugs su chud pa'o/ /de la rab tu gnas pa ni phi ma'i mdza' thug pa med par rnam par mi rtog pa'i tshul gyis zhugs pa'o/ /'dis ni pad+ma'i rigs ngo bo nyid yin par bstan to/ /de ltar bcom ldan 'das pad+ma'i rigs kyi ngo bor
 bstan nas/ da ni las kyi rigs kyi ngo bo nyid kyi ngo bo nyid du bstan par bya ba'i phyir/ de bzhin gshegs pa thams cad kyis ces bya ba la sogs pa gsungs te/ de bzhin gshegs pa thams cad kyi brtson 'grus kyi pha rol tu phyin pa dang bya ba sgrub pa'i ye shes kyi ngo bo nyid rang
 bzhin gyis 'od gsal ba'i sems dang sems las byung ba ste/ de rnams kyi bya ba sna tshogs so/ /de las skyes pa'i dge ba'i las te de'i las ni sangs rgyas mchod pa dang/ sems can rnams kyi don byed pa'o/ /las de dus gsum ste 'das pa dang/ ma 'ongs 
 pa dang/ da ltar gyi dus rnams su 'jig rten gyi khams ma lus pa na gang dag gnas par gyur pa dang/ gnas par 'gyur ba dang/ gnas pa gang yin pa de rnams la spros pas ni khyab pa'o/ /de nyid las kyi mdza' ste/ las su gyur
 pa gang yin pa de la de skad ces bya'o/ /bcom ldan 'das ni de bzhin gshegs pa rnam par snang mdzad chen po'o/ /'dir bcom ldan 'das rnam par snang mdzad chen po yin gyi rgyu las 'bras bur nye bar btags nas rdo rje 'dzin pa chen po la ni mi bya'o/ /de ci'i
 phyir zhe na/ rdo rje 'chang chen po 'di'i 'og nas logs cig tu bstan pas so/ /'dis kyang bcom ldan 'das las kyi ngo bo nyid du bstan to/ /de ltar bcom ldan 'das kyi khyab par bstan nas/ bde ba chen po rdo rje 'dzin pa'i bzhugs gnas kyi gzhal
 yas khang gi khyad par bstan par bya ba'i phyir/ zla ba phyed pa du ma la rab tu gnas pa zhes bya ba la sogs pa gsungs te/ zla ba phyed pa du ma ste mang por rab tu gnas pa'i gnas gang yin pa de ni zla ba phyed ba du ma rab tu gnas pa zhes bya'o/ /rdo rje rin po
 che yang yin la chen po yang yin pas rdo rje rin po che chen po ste/ rdo rje rtse lnga pa'i rtse mo la yid thams cad kyis gsang ba'i mchog gi dngos grub grub po zhes bya'o/ /rdo rje 'dzin pa chen por 'gyur ro zhes bya ba la chos thams cad kyi de bzhin nyid ni rdo
 rje chen po'o/ /de 'chang bas na rdo rje 'chang ba chen po ste de bzhin nyid du ro gcig pa'i ye shes kyi ngo bo nyid kyi chos kyi dbyings thog ma dang tha ma med pa'i bdag nyid can rnam par snang mdzad chen po'o/ /de bzhin gshegs pa zhes bya ba ni de bzhin gshegs
 pa lnga'i ngo bor gyur pa'o/ /'dis ni 'di skad ston to/ /rnal 'byor pa shes rab kyi pha rol tu phyin pa klog pa la sogs pa nyams su len pa dang ldan pa ni dpal rdo rje sems dpa' phyag rgya chen po la sogs pa'i dngos grub thob par 'gyur la/ yang
 des kyang de bzhin gshegs pa thams cad kyi gnyis su med pa'i ye shes thob cing nges kyang rdo rje 'dzin pa chen po nyid dam/ de bzhin gshegs pa nyid thob par 'gyur ro/ /bde ba chen po'i rdo rje ni gnyis su med pa'i ye shes so/ /de nyid ni don yod pa'i dam tshig ste/ rigs lnga po
 bskyed par byed pa'i rgyu'o/ /de bas na ji skad du bshad pa'i mchog dang po dang de thob par byed pa'o/ /de bzhin gshegs pa thams cad kyang yin la bde ba chen po yang yin pas/ de bzhin gshegs pa thams cad kyi bde ba chen po'o/ /de nyid ni mi phyed pas na rdo rje'o//
 shes rab kyi pha rol tu phyin pa'i sgo zhes bya ba ni shes rab kyi pha rol tu phyin pa thob pa'i thabs kyi sgo la shes rab kyi pha rol tu phyin pa'i sgo zhes bya'o/ /de ltar shes rab kyi pha rol tu phyin pa'i sgo'i chos kyi rnam grangs dpal rdo rje sems dpa' la sogs pa'i dkyil
 'khor bskyed pa'i rgyur gyur pa bstan nas/ /da ni bde ba chen po rdo rje sems dpa' i gzhal yas khang bsgoms pa'i stobs kyi bskyed nas der 'dug ste/ bcom ldan 'das dpal rnam par snang mdzad kyis rang gi rigs sprul par bya ba'i phyir/ rdo rje sems dpa' la
 ji lta ba bzhin du dbang bskur ba ni/ de nas zhes bya ba la sogs pa'i gzhung gis ston to/ /de nas bcom ldan 'das bde ba chen po rdo rje sems dpa' i gzhal yas khang na bzhugs so zhes bya ba sbyar ro/ /de nas zhes bya ba'i sgra ni de ma thag pa ste shes
 rab kyi pha rol tu phyin pa'i sgo bstan nas/ gzhal yas khang sgom pas bde ba chen po'i rdo rje sems dpa' i gzhal yas khang bskyed pa'i rjes thogs nyid la'o/ /bcom ldan 'das zhes bya ba ni rnam par snang mdzad do/ /'di nyid ji lta bu zhe na/ de bzhin gshegs
 pa zhes bya ba la sogs pa gsungs te/ de bzhin gshegs pa yang yin la thams cad kyang yin pas de bzhin gshegs pa thams cad de byang chub kyi sems chen po'i rang bzhin gyi sems dang sems las byung ba rnams te/ de rnams kyi rdo rje sems dpa' 
 la sogs pa'i gzugs so/ /yang na de bzhin gshegs pa thams cad kyang yin la rdo rje sems dpa' yang yin pas de bzhin gshegs pa thams cad kyi rdo rje sems dpa' ste/ byang chub chen po'i rang bzhin mi bskyod pa'i sems dang sems las
 byung ba'i ngo bo nyid ces bya ba'i tha tshig go /de'i byin gyis brlabs ni sngon gyi 'phen shugs so/ /de'i rdo rje ni sems dpa' i rdo rje'o/ /de'i gsang ba'i mchog gi dngos grub ni de bzhin gshegs pa'i rigs byung ba ste/ de las de byung ba yin pa'i phyir/ de'i cho ga
 rgyas pa ni de kho na nyid bcu'i bdag nyid can no/ /cho ga rgyas pa des rgyal por gyur zhing 'bar la mdzes pas na/ bcom ldan 'das rnam par snang mdzad la de skad ces bya'o/ /'dis ni de bzhin gshegs pa'i rigs kyi ngo bo nyid du bstan to/ /da ni 'di
 de bzhin gshegs pa'i rigs kyi ngo bo nyid yin par yang ma zad kyi/ rin po che'i rigs kyi rang bzhin yang yin no zhes bstan pa'i phyir/ de bzhin gshegs pa thams cad nyid ces bya ba'i sgra ni nges par gzung ba ste mi gos pa kho na yin no/ /'dis ni sems can
 thams cad kyang rdo rje sems dpa' i ngo bo nyid yin no zhes ston to/ /bde ba che zhes bya ba la bde ba chen po ni bshad zin to/ /gang la bde ba chen po mnga' ba de ni bde ba chen po ste/ 'dod chags chen po'i rnam par dag pa nyid kyi rnam par rtog pa'i kun tu spyod pa dang shin tu 
 bral ba yis ni bde ba che'o/ /'dis kyang de bzhin gshegs pa'i ngo bo nyid yin par bshed do/ /nor che la zhes bya ba ni gdug cing gtum pa'i sems can rnams gdul bar bya ba'i phyir/ /thabs dang shes rab kyi khro bor snang ba'i nor gang la mnga' ba de ni
 nor chen po'o/ /'dod chags chen po rnam par dag pa nyid kyis rnam par rtog pa dang bral ba de ni nor che ba ste 'dis kyang rdo rje rigs kyi ngo bo nyid yin par ston to/ /khams gsum pa'i dbang phyug ni 'jig rten dbang phyug ste/ de'i ngo bo nyid yin pas
 na khams gsum dbang phyug nyid de thob pa'o/ /'dod chags chen po rnam par dag pa nyid kyi nyon mongs pa bag chags dang bcas pa spangs pa'i phyir 'jig rten dbang phyug nyid brnyes pa ste/ 'dis kyang pad+ma'i rigs kyi ngo bor bshad pa yin no/ /sems can don rnams brtan
 par byed ces bya ba ni bya ba sgrub pa'i ye shes kyis 'khor ba'i phyi ma'i mdza' ji srid kyi bar du sems can rnams skal ba ji lta ba bzhin du 'dul ba ni sems can gyi don te/ don de mkhas pa'i mchog de rnams mdzad pa'o/ /brtan pa ni mi phyed pa'o/ /de yang don du
 gnyer bas na don te mkhas pa'i mchog de rnams 'dod chags chen po rnam par dag pa nyid kyis skad cig ma re re zhing sprul pas sems can gyi don rnams mdzad do zhes bya ba'i tha tshig go /'dis kyang nor bu'i rigs kyi ngo bo nyid du bshad pa yin no/ /da ni shes
 rab kyi pha rol tu phyin pa'i sgo ston pa'i phan yon bstan pa'i phyir gang la la zhig ces bya ba la sogs pa gsungs te/ gang la la zhes bya ba ni bud med dam skyes pa 'am khye'u 'am bu mo gang zhig ji skad du gsungs pa'i shes rab kyi pha rol tu phyin pa'i sgo 'di
 nyid re re zhing nang par langs nas 'don pa gzhan gyis bstan pa las ji skad du bstan pa 'am/ glegs bam du byed po 'am/ klog par byed pa 'am nyan pa ni slob dpon gyis bstan pa ni rna ba'i rnam par shes pa'i rang bzhin 'dzin par byed pa ni thos par
 byed pa'o/ /thos nas tshig dang don shes par 'gyur ba ma brjod par blo la 'jog par byed pa ni 'dzin pa'o/ /yi dam du glegs nas glegs bam klog par byed pa'o/ /dad zhes bya ba ni bsdus pa'i don yin gyi phyogs gnyis su brtag pa'i don ni ma yin
 gyi/ gang gi phyir tshe 'di nyid la dngos grub thob par 'gyur ro zhes gsungs pas so/ /brtag pa'i don du khas blangs nas ni glegs bam bklags pa tsam gyis tshe 'di nyid la dngos grub kyi mchog tu gyur na de ltar mi 'dod de bsgom pa'i rang bzhin
 can gyi ye shes nyams su len pa med par dngos grub kyi mchog tu 'byung bar mi 'gyur ro zhes bya ba la sogs pas rnal 'byor pa kha ton byed pa la sogs pa la rab tu sbyor ba ni rdo rje 'chang ba la sogs pa'i bde ba dang yid ba de 
 ba thob par 'gyur la/ bde ba dang yid bde ba des kyang bde ba chen po rdo rje don yod pa'i dam tshig gi dngos grub ces bya ba dpal rdo rje sems dpa' i phyag rgya chen po'i dngos grub po khyab par ji lta bu zhe na/ phul du byung ba zhes bya ba ste phyi ma'i mthar thug pa med par
 gnas pa tshe 'dir zhes pa de ltar nyid la bsnyen cing thob par 'gyur ba'o/ /de bzhin gshegs pa thams cad kyi gsang ba chen po'i dngos grub kyi mchog kyang 'grub bo zhes bya ba ni rdo rje sems dpa' i phyag rgya chen po la sogs pa grub pa des kyang/
 rnal 'byor pa'i de bzhin gshegs pa thams cad kyi gnyis su med pa'i ye shes kyi dngos grub thob par 'gyur bas na/ de bzhin gshegs pa yid bzhin gyi nor bu rin po che yod pa'o/ /zla ba phyed pa la rab tu gnas pa yang
 yin la rdo rje rin po che yang yin pas zla ba phyed pa du ma rab tu gnas pa'i rdo rje rin po che chen po'o/ /de rnams kyi 'od zer sna tshogs rnam par 'phro zhing 'gying la de nyid ni 'bar ba rnam par 'phro ba yin zhing de nyid 'di yin no/ /des snang zhing
 gsal bar byas pa de ni 'od gsal ba byas pa'o/ /ji skad du bshad pa'i 'od kyi gsal bar byas pa der ro/ /de 'od kyi gsal bar byas pa 'ba' zhig tu gyur par ma zad kyi gser gyi dril bu btags pa'i ba dan sna tshogs rlung gis bskyod
 bas mdzes par byas pa yin no/ /gser gyi dril bu ni gser gyi rgyu las byas pa'i dril bu'o/ kha dan sna tshogs ni kha dog sna tshogs dang ldan pa'i dar gyi ba dan no/ /rlung gis bskyod pa ni g.yos par byas pa'o/ /btags pa ni sprel ba'o/ /de ltar na de dag gis brgyan cing mdzes par bya'o/ /
 de lta bu 'ba' zhig tu ma zad kyi me tog rnam pa sna tshogs pa'i chu ni 'phyang dang/ gos dang/ me long rab tu 'phyang ba'i dra bas kyang rab tu brgyan pa zhes bya ba ste/ rigs sna tshogs zhing tha dad pas nam pa du mar gyur pa'i rgyu de nyid kyis ni me tog sna
 tshogs pas mdzes par byas pas so/ /me tog gi chun 'phyang ni me tog gi phreng ba snga de lta bu'i phreng ba dang/ gos dang me long rab tu 'phyang ba'i dra bas kyang rab tu brgyan cing mdzes par byas pa yin no/ /de de lta bu 'ba' zhig
 tu ma zad kyi kha khyer sna tshogs pa'i legs par gnas pa'i lha'i bu mo dgod cing sgeg la glu dang gar byed pas bsngags shing bstan pa'o zhes bya ba ste/ sna tshogs shing kha dog du ma dang ldan pa'i kha khyer gyi nang na gnas pa'i lha'i
 bu mo chen mo de bzhin gshegs pa thams cad kyis gzungs kyi ngo bo nyid dgod cing sgeg pas rtse ba dang/ /glu dang gar gyis kyang kun nas brgyan cing mdzes par byas pa ste/ de rnams kyi glus dkyil 'khor gyi de kho na nyid ston cing rab tu bskul ba'o/ /
 de rnams kyis glu nyid kyis bstod pa ni de kho na nyid gsum gyi glus yang dag par yon tan brjod pa'o/ /de lta bu'i yon tan gyi khyad par ldan pa'i bde ba chen po rdo rje sems dpa' i gzhal yas khang na bzhugs pa'o/ /bde ba chen po ni
 gnyis su med pa'i ye shes yin par bshed do/ /de las byung ba rdo rje sems dpa' ni sku'i gsang ba'i ngo bo bde ba chen po rdo rje sems dpa' o/ /de'i bzhugs gnas ni pho brang ste/ de nyid gzhal yas khang yin pas bde ba chen po rdo rje sems dpa' i
 bzhugs gnas kyi gzhal yas khang ste/ der bzhugs pa ni bcom ldan 'das rnam par snang mdzad gnas par mdzad pa'o/ /de ltar shes rab kyi pha rol tu phyin pa bstan nas/ de'i don bsgoms pas bde ba chen po rdo rje sems dpa' i bzhugs gnas
 kyi gzhal yas khang bskyed nas ji skad du bshad pa'i yon tan gyi khyad par dang ldan pa'i bcom ldan 'das rnam par snang mdzad ji skad du bshad pa'i yon tan gyi khyad par dang ldan pa'i gzhal yas khang na bzhugs nas/ /de'i rjes
 thogs nyid la bcom ldan 'das rdo rje sems dpa' rang gi dkyil 'khor bstan par bya ba'i phyir/ de bzhin gshegs pa la rjes su gnang ba dang/ dbang bskur bas gsol ba 'debs pa yin par bstan pa'i phyir/ de nas zhes bya ba la
 sogs pa gsungs te/ de nas zhes bya ba'i sgras ni de ma thag pa'i don ston pa'i tshig go /de bzhin gshegs pa thams cad kyi zhes bya ba la sogs pas ni rdo rje sems dpa' i khyad par ston te/ /de bzhin gshegs pa thams cad kyi sku dang
 gsung dang thugs rdo rje ni bshad zin to/ /de rnams kyi byin gyis brlabs ni de'i 'phen shugs so/ /des na dam tshig sems dpa' thams cad ni de bzhin gshegs pa'i rigs kyi ngo bo'i sems dpa' rnams zhes bya ba'i tha tshig go /'dis
 ni bcom ldan 'das rdo rje sems dpa' i de bzhin gshegs pa'i rigs kyi ngo bo nyid yin par bshad do/ /dbang bskur ba thams cad ces bya ba la dbang bskur ba yang yin la thams cad kyang yin pas na dbang bskur ba thams cad do/ /'dis ni
 rin po che'i rigs kyi rang bzhin yin par bshad do/ /thams cad mkhyen pa'i ting nge 'dzin ces bya ba la thams cad kyang yin la mkhyen pa yang yin pas na thams cad mkhyen pa ste/ pad+ma'i rigs kyi lha rnams kyi sangs rgyas thams cad gcig tu
 bsdus pa la sogs pa'i rang bzhin gyis rnam par dag pa'i chos nyid du nges pa'o/ /de rnams kyi ting nge 'dzin ni thams cad mkhyen pa'i ting nge 'dzin te 'di la sems yang dag par gtod cing gnas pas na ting nge 'dzin to/ /'dis kyang bcom ldan 'das
 de shes rab kyi pha rol tu phyin pa'i rang bzhin gyi ting nge 'dzin gyi tshul gyis pad+ma'i rigs kyi ngo bo yin par bshad do/ /las thams cad kyi zhes bya ba las kyang yin la thams cad kyang yin pas las thams cad de/ brtson 'grus kyi pha rol tu phyin pa'i las thams
 cad do/ /de mchog tu gyur pa ni phul du byung ba'o/ /de yang 'khor gsum yongs su dag pa'i brtson 'grus kyi pha rol tu phyin pa'i tshul gyis las thams cad la 'dra ba'i gnyis pa med pa yin la de bas na mchog tu gyur pa ste/ bcom ldan 'das
 rdo rje sems dpa' mchog ni las kyi rigs kyi rang bzhin can yin no/ /'dis ni bcom ldan 'das las kyi rigs kyi ngo bor bshad do/ /khams gsum thams cad ni phyogs bcu mdza' yas pa'i 'jig rten gyi khams kyi sangs rgyas kyi zhing nyon mongs
 pa can no/ /de rnams gdul ba zhes bya ba ni 'dul bar mdzad pa ste/ de la dbang phyug chen po la sogs pa gdug cing gtum pa 'dul bar mdzad pas 'dir bcom ldan 'das rdo rje hUM mdzad la bya bar 'dod do/ /khams gsum pa thams cad kyi gdul bya'i
 dbang phyug thams cad ces bya ba la dbang phyug kyang yin la/ thams cad kyang yin pas na dbang phyug thams cad de bsdus pa'i dkyil 'khor gyi rang bzhin yin pas thams cad do/ /de'i bdag po yin pas na dbang phyug go /rigs thams cad
 bskyed pas na byed pa po'o/ /khams gsum thams cad bskyed pas na 'byin pa po'o/ /'dod pa thams cad ces bya ba ni rdo rje sems dpa' dang/ rdo rje yid las byung ba la sogs pa'i sku'i rang bzhin yin pas na 'dod pa thams cad de bcom
 ldan 'das rdo rje sems dpa' ni 'dod pa'o/ /zhes bshad pas na 'dod pa'i phyir 'dod pa ste/ gdul bya rnams mngon par dga' bas zhes bya ba'i tha tshig go /'dod pa yang yin la thams cad kyang yin pas na 'dod pa thams cad do/ /
 dngos grub kyi cho ga rgyas par thams cad ces bya ba la dngos grub kyang yin la thams cad kyang yin pas na dngos grub thams cad de rigs thams cad kyi phyag rgya chen po la sogs pa'i dngos grub po/ /de'i cho ga ni sgrub pa'i
 thabs so/ /de'i rgyas pa ni rigs kyi dkyil 'khor gyi dbye bas phye ba rnam pa sna tshogs kyi sgrub pa'i rgyun no/ /rtag pa zhes bya ba ni thog ma dang tha ma med pa'o/ /de bzhin gshegs pa la gsol ba gdab po zhes bya ba ni bdag la rjes su gnang ba gsol cig ces
 pa'o/ /gsang ba'i rtog pa rang? bshad pa zhes bya ba ni/ bcom ldan 'das rnam par snang mdzad la gsol ba gdab bo/ /rdo rje sems dpa' ji skad du bshad pa'i ji srid 'khor ba'i gnas 'dug pa zhes bya ba la 'dir 'khor bas na 'khor ba ste snod kyi 'jig
 rten no/ /der gnas pa ni bzhugs pa ste mi gnas pa'i mya ngan las 'das pa'i tshul gyis de ji srid gnas shing 'dug pa de srid kyi bar du'o/ /de srid mtshungs med sems can don zhes bya ba ni/ sems can rnams kyi 'dod cing don du gnyer ba yin pas na sems
 can don de sangs rgyas nyid dam byang chub sems dpa' nyid do/ /de lta bu'i sems can gyi don mchog ste/ dam par gyur pa bdag bgyid par rjes su gnang pa stsol cig pa ni bdag 'khor ba ji srid gnas pa'i bar du sems can gyi don bgyid par gnang ba
 gsol cig ces bya ba'i tha tshig go /ci'i phyir zhe na/ /sems can khams ni mdza' yas zhes bya ba gsungs pa ste/ gang gi phyir sems can gyi khams ni mdza' yas pa yin pas mdza' yas pa yin la/ de yang dus ring mo zhig nas
 sangs rgyas nyid dam rdo rje 'dzin pa nyid la 'dag par 'dod nus kyi thams cad du dus gcig gi tshe skal ba dang ldan pa nyid du bya ba ni mi srid do/ /gzi can srid pa tshol byed pa zhes bya ba la gzi can ni byang chub sems dpa' chen po'o/ /de rnams
 kyi srid pa 'dod pa ni 'khor ba ji srid par mig nas pa'i mya ngan las 'das pa skye bar bzhed pa ste/ /de rnams kyi srid pa 'dod pa ni srid pa'i nyes pa gzhig par bya ba ste/ 'dod chags la sogs pa nyes pa zhi bar bya ba'i phyir ro/ de nyid kyis na srid pa'i nyes
 bzhag pa yis bde ba chen po 'phel ba'i phyir/ byang chub sems dpa' de dag nyid rgyud sna tshogs kyi phye zhing tha dad pa'i chos rnams thugs su chud pa'i thams cad mkhyen pa'i ye shes thugs su chud pa ni de'i don du bdag la rjes su snang ba gsol
 cig ces pa'o/ /yul gang la zhe na/ gsang ba'i rtog pa mchog bshad pa zhes smos te/ gsang ba yang yin la rtog pa yang yin pas na gsang ba'i rtog pa'o/ rtog pa yang gzhan las khyad par du 'phags pas na mchog ste/
 bde ba chen po rdo rje sems dpa' i rtog pa bshad par bdag la gnang ba gsol cig pa'o/ /de nas zhes bya ba ni rjes su gnang ba gsol ba gdab pa'i rjes thogs nyid la'o/ /bcom ldan 'das de bzhin gshegs pa zhes bya ba ni de bzhin gshegs
 pa rnam par snang mdzad do/ /ji skad du bshad pa byas nas dang po'i rdo rje bde ba chen po'i rdo rje sems dpa' i ji skad bshad pa'i dngos grub kyi mtshan mar bde ba chen po rdo rje sems dpa' i lag pa gnyis su byin no zhes bya bar sbyar ro/ /chos thams
 cad sgrib pa med pa la dmigs te/ zhes bya ba la thams cad kyang yin la chos kyang yin pas na chos thams cad de rdo rje sems dpa' la sogs pa'o/ /de rnams kyi sgrib pa med pa ni de bzhin nyid de la dmigs pa ni mngon sum du mdzad
 pa'o/ /ci zhig mdzad ce na gdul bya thams cad ces bya ba la sogs pa smos te/ /'dis sems can rnams 'dul bas na 'dul ba ste chos kyi dbyings so/ /thams cad kyi 'dul ba ni thams cad 'dul ba ste/ /de nyid ni thugs rdo rje chen po
 yin la/ de yang dmigs pa med pa'i thugs rje chen po ste/ de las byung ba'i dang po'i rdo rje zhes pa sna tshogs rdo rje bcom ldan 'das rdo rje sems dpa' i rdo rje rtse lnga pa ste/ de la dmigs pa'i ming de skad bya ba'i ting nge
 'dzin de la snyoms par zhugs shing mngon sum du mdzad pa ste/ dang po'i rdo rje'i rnam par thugs rtse gcig tu mdzad ces bya ba'i tha tshig go/ /bde ba chen po'i rdo rje dang po de zhes bya ba ni rdo rje dbyings kyi dkyil 'khor chen por bcom
 ldan 'das rnam par snang mdzad kyi phyag na gnas pa gang yin pa de rdo rje sems dpa' sprul pa'i dus su dang po'i rdo rje chen po de ni dmigs pa med pa'i thugs rje chen po las byung ba'i phyir bde ba chen po zhes bya'o/ /bde ba chen po'i rdo rje de rgyu ci
 zhig gi phyir stsal ce na sems can gyi khams zhes bya ba la sogs pa gsungs te/ ma lus shing lus pa med pa'i zhes bya ba ni bshad zin to/ /sems can gyi khams ma lus shing lus pa med pa'i bsam pa thams cad yongs su rdzogs
 pa ni mngon par 'dod pa thams cad bskang ba'o/ /des kyang sems can thams cad yongs su bskangs pa ni 'jigs pa thams cad yongs su bzlog pa'o/ /phan pa dang bde ba ni bshad zin to/ /dngos grub thams cad ni phyag rgya chen po la
 sogs pa rdzogs pa'o/ /phun sum tshogs pa ni rdo rje 'dzin pa chen po la sogs pa'i 'byor pa'o/ /de rnams kyi las shes pa ni mchod pa'i las bcu drug gi las so/ /dngos grub kyi mchog ni sa dang pha rol tu phyin pa la sogs pa rdzogs
 pa'o/ /ji skad du bshad pa'i sems can gyi khams thams cad kyi bsam pa yongs su rdzogs par mdzad pa'i yongs su skyob pa dang/ phan pa dang bde ba dang/ dngos grub thams cad dang/ phun sum tshogs pa dang ye shes dang las dang dngos
 grub kyi mchog ni sems can gyi khams ma lus shing lus pa med pa'i bsam pa thams cad yongs su rdzogs pa dang/ sems can yongs su skyob par byed pa'i phan pa dang bde ba dang/ dngos grub thams cad phun sum tshogs pa'i ye shes
 kyi las kyi dngos grub kyi mchog rnams zhes bya ba ste/ de'i don du zhes bya ba ste de'i don du zhes bya ba ni de bskyed par bya ba'i phyir ro/ /bar du zhes bya ba'i sgras ni rdo rje yid las byung ba la sogs pa bsdu'o/ /de bzhin gshegs pa thams cad kyi
 de kho na nyid ni rnam par snang mdzad la sogs pa de bzhin gshegs pa lnga'i de kho na nyid do/ /rdo rje 'chang chen po'i de kho na nyid ni shes par zad de/ de bzhin gshegs pa thams cad dang/ rdo rje 'chang chen po'i de kho na nyid thob pa ste/
 de nyid ni dngos grub kyi dam pa ste/ rgyu de dag gi phyir/ ji skad du bshad pa'i rdo rje lag pa gnyis su byin pa'o/ /rgyu ci zhig gi phyir zhe na/ de bzhin gshegs pa thams cad kyi 'khor los sgyur ba nyid du zhes pa gsungs te/ de
 bzhin gshegs pa thams cad kyi 'khor lo ni dkyil 'khor ro/ /de bskor ba'i dang tshul 'di la yod pas na de'i ngo bo nyid do/ /de nas de bzhin gshegs pa thams cad kyi 'khor los sgyur ba nyid du zhes bya'o/ /
 de bzhin gshegs pa thams cad kyi 'khor lo bskor ba nyid kyis der ci zhig byed ce na/ de bzhin gshegs pa thams cad ces bya ba la sogs pa gsungs pa te/ rnam par snang mdzad dang/ mi bskyod pa dang/ rin
 chen 'byung ldan dang/ snang ba mdza' yas dang/ don yod par grub pa ni de bzhin gshegs pa thams cad do/ /de rnams kyi sku ni phyag rgya chen po'o/ /de'i phreng ba de rnams kyis nye bar mtshon pa'i cod pan rtse
 phran can gang yin pa ste/ /de'i dbang bskur bas dbang bskur ba ni/ /cod pan te de'i mgo la bzhag nas rdo rje de'i lag pa gnyis su byin pa'o/ /de nas rdo rje de byin pa dang 'jig rten gyi khams thams cad kyi rdul phra rab
 dang mnyam pa'i rnam par snang mdzad la sogs pas ming gi dbang bskur bar gyur to/ /gang du song zhe na/ /'jig rten gyi khams zhes bya ba la sogs pa gsungs te/ /'jig rten gyi khams kyang yin la thams cad kyang yin pas na
 'jig rten gyi khams thams cad de sangs rgyas dang bcas pa'i sangs rgyas kyi zhing rnams so/ /rdul phra rab kyang yin la thams cad kyang yin pas na/ /rdul phra rab thams cad de de rnams kyi sa dang chu dang me dang rlung gi khams nye bar
 gzung ba'i gzugs kyi rdul te de nyid ni phra rab ste/ /de'i tshogs ni 'jig rten gyi khams thams cad kyi rdul phra rab kyi dkyil 'khor ro/ /de rnams su gtogs pa ni chud pa'o/ /de dag tu gtogs pa'i de bzhin gshegs pa
 thams cad kyis bcom ldan 'das rdo rje 'chang chen po zhes bya ba'i ming gis dbang bskur bas dbang bskur ro/ /de la chos kyi dbyings thog ma dang tha ma med pa'i rdo rje chen po ste/ de las byung ba'i dang po rdo rje rtse lnga pa la yang nye bar
 btags pas rdo rje chen po zhes bya'o/ /de bas na chos kyi dbyings/ thog ma med pa'i rdo rje de bzhin nyid du ro gcig pa'i ye shes 'di lag pas 'dzin par byed pas rdo rje 'chang chen po ni bcom ldan 'das phyag na rdo rje'o/ /de ltar na
 bcom ldan 'das rnam par snang mdzad ces bya ba nas brtsams te/ /rdo rje ming gi dbang bskur bas dbang bskur ro/ /zhes bya ba'i mthar thug pas bstan pa'i don gzhan la dgongs pas ni/ /dang po sbyor ba'i ting nge 'dzin bshad pa yin
 no/ /da ni de nas bcom ldan 'das zhes bya ba la sogs pas ting nge 'dzin gnyis pa gsungs pa yin te/ de nas zhes bya ba'i sgra ni snga ma bzhin no/ /bcom ldan 'das zhes bya ba la sogs pa ni bshad zin no/ /ji skad du bshad pa'i
 sems can gyi khams bde ba chen po dam pa 'grub pa ni rdo rje 'chang chen po nyid 'grub pa'o/ /ming thog mar byas te dngos grub thams ces bya ba la/ rdo rje yid las byung ba la sogs pa'i ngo bo thob par bya ba'i phyir sems dpa' i skyil
 mo krung du 'dug cing bcas te/ lus drang por bzhag nas zhes bya ba gang bcom ldan 'das rnam par snang mdzad kyis byin ma thag pa'i rdo rje g.yon dkur brten nas/ /rang gi thugs kar 'jog pa'i tshul gyis bsnams shing zhes
 bya ba ni bshad zin to/ /bde ba chen po'i rdo rje zhes bya ba ni bde ba chen po ni bshad zin to/ /de'i rdo rje ni de las byung ba'i snying po yi ge bcu bdun gyi bdag nyid can gyi rang bzhin gang yin pa la ming de skad ces bya ste gsungs so/ /zhes bya
 bar sbyar ro/ /'di zhes bya ba ni bshad ma thag pa'o/ /khyad par ji lta bu zhig yin zhe na zhes bya ba smos te/ rang nyid kyi phyag rgya thams cad ni phyag rgya thams cad de bcom ldan 'das bde ba chen po rdo rje sems dpa' i sku dang gsung dang
 thugs rdo rje'i phyag rgya'o/ /de gang gi bskyed cing 'byin par byed pa'i snying po de ni rang gi bdag nyid thams cad kyi phyag rgya'o/ /de gang las byung zhe na/ rang gi sku dang gsung dang/ thugs rdo rje las zhes
 bya ba gsungs te sku dang gsung dang thugs rdo rje ni bshad zin to/ /de rnams las bcom ldan 'das bde ba chen po rdo rje sems dpa' i snying po de phyung ba'o/ /oM zhes bya ba la sogs pa ni yi ge bcu bdun gyi snying po'o/ /de nas zhes bya ba la sogs pa ni go bar zad do/ /de
 bzhin gshegs pa thams cad kyi khu tshur yongs su 'dzin pa zhes bya ba ni lag pa gnyis kyi byang chub mchog gi phyag rgya bcings pa'o/ /slar yang byang chub chen por mngon par 'tshang rgya'o zhes bya ba ni de bzhin gshegs bzhi pa'i
 nyams mi snang bar mdzad nas/ rdo rje sems dpa' la sogs pa nas/ rdo rje 'bebs pa'i bar gyis sgeg pa'i nyams kyi cha lugs su bzhugs par mdzad pa'o/ /bzhad pa chen po sems dpa' tsha?  zhes bya ba ni thams cad du khyab pa'i 'dzum pa ni bzhad pa
 chen po ste/ de mdzad pas ni bzhad pa che ba'o/ /sems dpa' che ni rdo rje sems dpas 'dul ba'i sems can gyi don rdzogs par gzigs nas de bzhin gshegs pa rnams thugs dgyes pas 'dzum pa mdzad do/ /zhes bya ba'i tha tshig go /'jig
 rten gyi khams thams cad g.yos te/ zhes bya ba ni 'jig rten khams mi mdzad dang 'dra ba'i sangs rgyas kyi zhing nyon mongs pa dang bcas pa de dag ni 'jig rten gyi khams thams cad do/ /de rnams snying po 'di'i mthus g.yos pa'o/ /de nyid shin tu g.yos
 pa ni/ rnam pa drug tu g.yos pa ste/ rnam pa drug tu 'gul ba'o/ /de nyid rdo rje sems dpa' zhes bya ba ni der gtogs pa'i sems can gyi khams rnam par sbyangs pas rnam par dag pa'o/ /khams gsum pa ma lus par rgyas par zhes bya ba ni khams
 gsum pa nyid ni/ khams gsum pa nyid de/ de rgyas par ni rab 'byam mo/ de'i spros pa ni khyab pa ste/ gang gis bcom ldan 'das rdo rje sems dpa' i dkyil 'khor chen po de de lta bu'i tshad du gyur zhing byung ba'o/ /de lta bu'i tshad du gyur pa des ji skad
 du bshad pa'i 'jig rten gyi khams na gnas pa'i sems can thams cad bde ba dang yid bde ba thams cad kyi ye shes skyes pa'i zhes bya ste/ bde ba thams cad ni 'jig rten dang/ 'jig rten pas 'das pa ste/ rdo rje sems dpa' la sogs pa las byung ba'o//
 yid bde ba ni dge ba ste de yang de bzhin du shes par bya'o/ /de nas don 'di skad ston to bde ba dang yid bde ba thams cad thob par gyur to zhes bya ba yin no/ /de nas zhes bya ba la sogs pa la/ de nas zhes bya ba ni 'das ma thag pa'o/ /de bzhin gshegs
 pa yang yin la thams cad kyang yin pas de bzhin gshegs pa thams cad rdo rje sems dpa' la sogs pa'i gnyis su med pa'i sems dang sems las byung ba'o/ /de rnams kyi don yod pa ni 'bras bu yod pa ste/ 'dod pa'i don rdzogs par byed pa'o//
 thogs pa med pa ni de don yod pa nyid yin pa'i phyir ro/ /mngon par 'phags pa ni nam mkha' i dbyings thams cad du rtag par gnas pa'i sku dang gsung dang thugs rdo rje nyid du phyung ba'o/ /de gang zhe na bcom ldan 'das rdo rje sems dpa' i thugs kar gnas pa'i
 sems dpa' i rdo rje'o/ /de lta bu'i phyag rgya'i ngo bo la dmigs pas ming de skad ces bya ba'i ting nge 'dzin gang yin pa de ni de bzhin gshegs pa thams cad kyi don yod pa'i thogs pa med pa mngon par 'phags pa'i rdo rje chen po'i phyag rgya zhes bya
 ba'i ting nge 'dzin la snyoms par zhugs pa'o/ /bcom ldan 'das snyoms par zhugs nas yang ci zhig mdzad ce na/ /bde ba chen po zhes bya ba la sogs pa gsungs te/ bde ba chen po bshad zin to/ /de las byung ba ni sems dpa' i rdo rje ni
 bde ba chen po'i rdo rje'o/ /de'i dam tshig ni rdo rje yid las byung ba la sogs pa'i phyag rgya chen po ste/ de rnams de las byung ba yin pa'i phyir ro/ /de rnam par gnon pa ni ming de skad ces bya ba ste/ rdo rje yid las byung ba la sogs pa'i gzugs
 kyi 'dul ba'i sems can gyi khams rnams la/ yid las byung ba la sogs pa'i mthus te rtogs pa rdzogs par byas pas rnam par gnon pa de mdzad nas/ bcom ldan 'das bde ba dang yid bde ba thams cad 'khrungs par gyur te zhes bya bar sbyar ro//
 sku thams cad ces bya ba la sogs pa la ji skad bshad pa'i tshul gyis bcom ldan 'das rdo rje 'chang chen po bde ba dang yid bde ba thams cad la 'khrungs nas/ rdo rje yid las byung ba la sogs pas sku thams
 cad nas phyung ste/ logs thams cad du gnas par gyur pa'o/ /khyad par ji lta bu zhe na/ dngos grub thams cad ces bya ba la sogs pa smos te/ dngos grub kyang yin la thams cad kyang yin pas na dngos grub thams cad de rdo rje yid
 las byung ba la sogs pa'i phyag rgya'i dngos grub rnams so/ /de rnams nyid kyi bde ba dang yid bde ba dngos grub thams cad bde ba dang/ yid bde ba ni don gyi dngos grub kyi bde ba dang yid bde ba'o/ /de rnams stsol ba ni bskyed par mdzad
 pa'o/ /rtag tu 'brel pa zhes bya ba ni bcom ldan 'das rdo rje 'chang ba chen po skad cig ma re re zhing rjes su 'brel pa nyid yin pas na rtag tu rjes su 'brel pa'o/ /don 'di nyid bstan pa'i spyod pa mdzes pa zhes bya ba yin no/ /bde ba chen po rdo rje ni
 bshad zin to/ /de'i dam tshig sems dpa' ni kun rdzob kyi sems dpa' i rang bzhin gyi sems dpa' ni dam tshig sems dpa' o/ /ji skad du bshad pa rnams bcom ldan 'das kyi sku las phyung ste/ bcom ldan 'das kyi phyogs dang mtshams kyi
 ngos thams cad du gnas pa las mdun du rdo rje gsang ba'i yid las byung ba'o/ /zhes bya ba ni rdo rje yid las byung ba nyid rdo rje yid las byung ba gsang ba yin no/ /g.yas su zhes bya ba la sogs pa ni go sla'o/ /de ltar na de nas bcom ldan 'das
 zhes bya ba nas brtsams te/ dran rnams so zhes bya ba'i bar du bstan pas ni ting nge 'dzin gnyis pa bshad pa yin no/ /de nas bsdu ba sngon du 'gro ba ni gsum par shes par bya'o/ /de ni dam tshig dang dbang bskur ba thob pa bzlas pa dang bsgom
 par bya'o zhes bya ba 'di'i don bstan par bya ba'i phyir/ de nas zhes bya ba la sogs pa gsungs so/ /slob dpon las kyi cho ga dang slob ma 'jug pa la sogs pa'i cho ga bstan pa'i phyir/ de nas bcom ldan 'das de bzhin gshegs pa zhes
 bya ba la sogs pa gsungs te/ bcom ldan 'das rnam par snang mdzad do/ /byang chub rdo rje zhes bya ba'i ting nge 'dzin ni rdo rje sems dpa' la dmigs pa'i sems rtse gcig pa nyid do/ /sems can thams cad kyi zhes bya ba la sogs pa la
 sems can thams cad kyi bde ba'i don du zhes bya ba ni 'jig rten dang 'jig rten las 'das pa'i bde ba rdzogs par bya ba'i phyir ro/ /yang dag par bskyed de zhes bya ba ni yang dag par byung ba'o/ /rgyal ba chen po zhes bya ba ni/ rgyal ba yang yin
 la bde ba chen po yang yin pas na rgyal ba chen po ste/ bag chags dang bcas pa'i nyon mongs pa dang bral ba zhes bya ba'i tha tshig go /'di gang las shes she na/ gang phyir zhes bya ba la sogs pa smos te/ gang gi phyir bag chags dang bcas pa'i
 nyon mongs pa spangs shing 'dod chags dang bral du zin kyang 'dod chags dang ldan pa rnams rjes su gzung zhing bla na med pa'i byang chub thob par bya ba'i phyir/ rang gi btsun mo sprul pa'i skus rang gi btsun mo yang stsol ba mdzad nas phyi'i dngos
 po rnams kyang smos ci dgos gang gi phyir/ de ltar sems can thams cad la phan par bya ba'i phyir/ rgyal ba chen po 'khrungs pa de bas na rang nyid 'dul ba mchog ces bya ba smos te/ 'dis sems can 'dul bas na 'dul ba ste/ rdo rje sems
 dpa' la sogs pa grub cing byang chub chen por 'jog ces bya ba'i tha tshig go /de nyid ni mchog ste gsang ba'i rtogs pa dam pa'o/ /bde ba chen po rdo rje che zhes bya ba ni rdo rje sems dpa' i dkyil 'khor chen po ste/ de nyid ni brtag pa las byung ba'i
 phyir dang/ brtags pa'i rang bzhin yin pa'i phyir gsang ba'i rtog pa'o/ /dngos grub rab gsol gsungs zhes bya ba ni gang gi rdo rje sems dpa' la sogs pa'i dngos grub bo/ /stsol zhes bya ba ni dngos grub de ster bas na dngos grub rab
 stsol zhes bya'o/ /gsungs zhes bya ba ni ji skad du gsungs pa'i grub pa'i phyir zhes gsol ba 'debs pa yin no/ /bcom ldan 'das rnam par snang mdzad ni rdo rje 'chang chen po'o/ /de nas zhes bya ba ni bar ma chad pa ste gsol ba btab pa'i rjes thogs nyid
 la'o/ /bcom ldan 'das zhes bya ba ni rdo rje 'chang chen po ste/ dkyil 'khor chen po bka' stsal to zhes bya bar sbyar ro/ /khyad par ji lta bu zhe na/ don yod cing thogs pa med par bstan pa zhes bya ba gsungs te/ bstan pa de bka' don yod cing 'bras bu dang bcas la thogs pa
 med pa'i 'di la mda' bas na bstan pa don yod cing thogs pa med pa zhes bya'o/ /ci zhig mdzad nas she na bde ba thams cad ces bya ba la sogs pa gsungs te/ bde ba yang yin la thams cad kyang yin pas bde ba thams cad de rdo rje sems dpa' la sogs pa'i dngos grub ces
 bya ba'i tha tshig go /de nyid ni 'dul ba ste/ gang gi phyir 'dis 'dul zhing rdo rje sems dpa' la sogs pa'i bde ba thams cad grub pa thob par byed pas na de skad ces bya'o/ /rdo rje 'dod pa ni rdo rje sems dpa' la sogs pa'i phyag rgya'i ngo bo nyid do/ /de'i mchog ni chos
 kyi dbyibs te/ de las byung ba ni rdo rje las mchog 'bul bar rnam par gnon pa zhes bya ste rdo rje sems dpa' i dkyil 'khor chen po'i ngo bo nyid kyi sems can gyi don bya ba ste mdzad pa'o/ /'di zhes bya ba ni 'og nas bshad pa'i shugs la gnas pa'o/ /rdo rje chen po gsang
 ba'i dam tshig ces bya ba ni rdo rje yang yin la chen po yang yin pas na rdo rje chen po ste/ byang chub kyi mtshan nyid can gyi sems so/ /de gsang ba'i rdo rje sems dpa' i sku thams cad de las byung ba ni rdo rje sems dpa' i dkyil 'khor chen po'o/ /dam tshig de skad ces bya ba'i
 dkyil 'khor chen po bka' stsal pa ni gsungs pa'o/ /de nas zhes bya ba ni snga ma bzhin te ting nge 'dzin gsum gyi rjes thogs la zhes bya ba'i tha tshig go /gang phyir zhes bya ba'i rgyu ste/ gang gi phyir dkyil 'khor du 'jug pa med par sems can rnams snod dang ldan par
 mi 'gyur zhing/ rdo rje sems dpa' la sogs pa'i phyag rgya la sogs pa mi 'grub pa de bas na yang dag par bshad par bya zhes bya ba ste/ yang dag par rab tu phye ste bshad pa zhes bya'o/ /de ci zhig zhe na/ dkyil 'khor chen po zhes bya ba gsungs te/ rdo rje sems dpa' i
 dkyil 'khor chen po'o/ /dam pa ni mchog go /ming ji skad ces bya zhe na bde ba chen po zhes bya ba la sogs pa smos te/ bde ba chen po ni bshad zin to/ /de'i rdo rje mchog ni sems dpa' i sku thams cad do/ de las byung ba ni dam tshig mchog ste zhes bya ba ni/ rdo rje sems
 dpa' i dkyil 'khor chen po'i'o/ /de ji ltar bri zhe na legs sbyangs zhes bya ba la sogs pa smos te sa sbyangs pa dang yongs su gzung ba'i cho ga dag gi dkyil 'khor gyi gnas legs par sbyangs la/ dkyil 'khor gyi sa de'i dbus su dkyil 'khor ji lta ba bzhin du sgrub
 par bya'o/ /de yang sngon du bsnyen pa cho ga ji lta ba bzhin du byas la/ dkyil 'khor gyi sa'i dbus su dpal rdo rje sems dpa' i phyag rgya chen por mnyam par bzhag la dkyil 'khor chen po 'di bsgrub par bya'o/ /sar pa zhes bya ba ni dkyil 'khor gzhan du ma spyad pa 'am gzhan
 du spyad pa ma myong ba'o/ /legs par bsgril ba zhes bya ba ni dri zhim pos bsgos pa'i gser gyi snod la sogs par bzhag pas so/ /mdud pa rnams ni med 'gyur ba zhes bya ba ni go sla'o/ /srad du kha bsgyur bas zhes bya ba ni rgya skyegs dang ljang gu dang/ sngo ba dang ser po
 dang dkar po'i kha dog tshon sna lnga kha bsgyur ba'i srad bu kha dog lnga dang ldan pa ni thig skud kha bsgyur ba'o/ /de lta bu'i tshon skud kyi legs par thig gdab pa ni dmar po dang/ ljang gu dang/ sngon po dang/ ser po dang/ dkar pos kha bsgyur ba'i srad bus de legs
 par thig btab la/ dkyil 'khor legs par bri bar bya'o/ /zur bzhi zhes bya ba la sogs pa ni go sla'o/ /kha khyer gyis ni rab bskor ba zhes bya ba ni gzhal yas khang gi phyi rol nas kun nas skor phyogs su kha khyer gyis bskor ba ste/
 des legs par bskor cing yongs su 'khor ba'o/ /mkhas pas legs par dgod par bya zhes bya ba ni khyams kyi grwa tshams rnams su de bzhin gshegs pa thams cad kyi gzungs kyis nang bzhin can gyi lha mo rnams kyi rab tu sad cing nye bar bskul bar byas
 pa don 'di nyid ni dkyil 'khor zhes bya ba la sogs pas ston pa yin te/ yang zhes bya ba ni bsdu ba dang rim pa tha dad du dbye ba'o/ /dkyil 'khor gyi ni grwa dang ni/ /sgo khyud kyi ni mtshams rnams su zhes bya ba la/ de la dkyil 'khor gyi mtshams ni ri mo
 gnyis phrad pa'o/ /sgo rnams kyi sgo khyud na sgo khyud rnams te ri mo dod pa'o/ /de rnams kyi mtshams ni ri mo gnyis 'dus pa'o/ /de lta bu'i dkyil 'khor gyi grwa dang/ sgo rnams kyi mtshams so/ /de rnams su zla ba phyed pa la gnas pa'i rin po che gang yin
 ba da ni zla ba phyed pa la gnas pa'i rdo rje rin po che'o/ /de rnams kyi 'od ni 'od zer te des nye bar 'bar? bar de bri bar bya'o/ /'dis ni 'di skad ston pa yin te/ dkyil 'khor gyi grwa rnams dang sgo khyud kyi ni mtshams su zhes bshad pa gang yin pa de dag tu rdo rje
 rin po che'i gzugs bri bar bya'o/ /de la sgra sgrogs dril bu mchog ces bya ba ni rlung gis bskyod pa'i dril bu dang bcas pa'i ba dan sna tshogs te/ des sna tshogs shing kha dog du ma dang ldan pa des nye bar mdzes par byas pa'o/ /de bzhin du me long dang dra ba dang
 me tog gi chun 'phyang gis kyang brgyan par phyi'i dkyil 'khor bri bar bya ste/ me long dang dra ba dang me tog gi chun 'phyang gang la yod pa de dag la de skad ces bya ste/ de rnams kyi brgyan cing mdzes par byas par phyi'i dkyil 'khor de lta bur bri bar bya'o/ /
 de'i zhes bya ba ni phyi'i dkyil 'khor gyi'o/ /nang du zhes bya ba ni nang na ste dbus su zhes bya ba'i tha tshig go /'khor lo ni dkyil 'khor ro/ /ji lta bu zhe na/ dkyil 'khor brgyad pa dang 'dra ba zhes bya ba la sogs pa smos te/ dum bu dang po las bshad pa'i rdo rje sems dpa' i
 dkyil 'khor bzhin du shes par bya'o/ /de'i nang ni dkyil 'khor dbus te lte bar ci rigs par bar snang gi phyogs nas bab ste sa ma yastwaM zhes bya ba dang rang gi snying po brjod la rang gi gnas su bzhag par bya'o/ /sangs rgyas kyi phreng ba dang/ rin po che dang/ pad+ma dang rdo rje phreng
 ba dang ldan pa'i cod pan dang/ rna cha la sogs pas kyang brgyan cing spras pa dang/ dri dang tshon dang gur gum la sogs pas kun tu gtor bar bya'o/ /tshon gyi zhes bya ba ni dri zhim po'i pir dang bcas pa'o/ /lhag ma ni go sla'o/ /de bzhin du lha mo'i dkyil 'khor ni
 khyims su dgod par bya'o/ /zhes bya ba ni dkyil 'khor chen po ji lta ba bzhin du 'dir mdun du ni rdo rje mtshon cha sku mdog dmar po mtshon cha'i thabs la brtson pa'o/ /rdo rje yid las byung ba dgod do zhes bya ba la sogs pas ni dgod pa'i cho ga gsungs pa
 yin no/ /de lta ba de bzhin gshegs pa'i dkyil 'khor dang/ rdo rje sems dpa' i gsang ba'i dkyil 'khor du mdun du rdo rje yid las byung ba/ oM badzra driSh+Ti sa ma ya ke maT ces bya bas bud med du grags pa rnams dgod par bya'o/ /g.yas logs su ni rdo rje kI li kI la hUM badzra kI la kI la
 hUM zhes bya bas dgod do/ /rgyab tu ni rdo rje dran pa hUM sma ra badzra hUM zhes bya bas so/ /g.yon logs su ni rdo rje bsnyems ma hUM du d+hya badzra Ni hUM zhes bya bas so/ /de bzhin du rdo rje sbrang rtsi ma la sogs pa nas gang ma'i bar gyi mchod pa'i lha mo rnams rang gi snying pos dgod par byas la rdo rje lcags kyu ma la sogs
 pa yang lha mor grags pa dgod par bya'o/ /de nas dza(rgyud 'grel shes sems dpa' dang/ rang bzhin gcig tu gyur pas lha thams cad bzhugs par mdzad par bya'o/ /zhes bya ba'i tha tshig go /de nas zhes bya ba la sogs pa la de ltar dkyil 'khor bris pa'i rjes thogs nyid la/ bum pa gang ba la
 sogs pa'i mchod pa thams cad kyi yang dag par mchod la/ dar dang dril bu la sogs pa dang bcas par dkyil 'khor grwa bzhir gnas su bzhag par bya'o/ /lhag ma ni go bar zad do/ de nas rang gi dam tshig gi zhes bya ba la sogs pa la/ de ltar
 dkyil 'khor bris nas/ sgo phye la bsu ba byas nas mtshan brgya rtsa brgyad pas yang dag par bstod la/ bcom ldan 'das rdo rje sems dpa' i phyag rgya chen po bcings la g.yas pa'i rdo rje lcags kyus bcom ldan 'das rdo rje sems dpa' 'khor
 dang bcas pa dkyil 'khor du ji lta ba bzhin du bcug la mchod yon phul nas/ de'i rjes thogs nyid la/ bcom ldan 'das rdo rje sems dpa' la sogs pas rang gi dam tshig gi phyag rgya rnams kyis bsgrub par bya'o/ /dza hUM baM ho(rgyud 'grel ba brjod la/ dgug cing zhes bya ba la sogs pa la bcom ldan 'das rdo rje sems dpa' i phyag rgya chen po ji skad du bshad pa'i lcags kyus dgug pa dang/ dkyil 'khor du gzhug pa dang/ rang gi gnas rnams su dam tshig gis bcings pas bcings
 nas de'i 'og tu rdo rje sems dpa' la sogs pa dbang du 'gyur ro zhes bya ba yin no/ /phyag rgya chen por mnyam par bzhag ste zhes bya ba ni bcom ldan 'das rdo rje sems dpa' i phyag rgya chen po bcing ba'o/ /de bzhin g.yas mdzub lcags kyur bya zhes bya ba ni/
 g.yas pa'i mdzub mo lcags kyur byas la de bzhin zhes bya ba rnam pa 'di phyag rgya chen po'i dngos grub du 'gyur ro zhes bya ba'i tha tshig gi /'di dag ni dgug pa'o/ /lhan cig mchog tu 'gugs par byed pa zhes bya ba ni/ de bzhin du phyag rgya chen po'i lcags
 kyu bcings la rjes thogs nyid la 'og nas bshad pa'i/ oM mahA su kha zhes bya ba la sogs pa grub pa'i snying po lan gcig brjod par bya'o/ /de nas bcom ldan 'das rdo rje can rdo rje sems dpa' rang nyid dkyil 'khor du byon par gyur ba ni bris pa'i dkyil 'khor
 du byon nas gnas ji lta ba bzhin du zhugs par 'gyur ro zhes ston pa yin no/ /yang na bcom ldan 'das rang nyid gzigs par 'gyur ro zhes bya ba ni yang na rnal 'byor pa rang nyid rdo rje sems dpar gyur par bcom ldan 'das rdo rje sems dpa' rang nyid kyi mthong
 bar 'gyur ro/ /de nas zhes bya ba la sogs pa la de ltar bcom ldan 'das dkyil 'khor du bcug nas/ dam tshig gi phyag rgya rnams kyi ji lta ba bzhin du yang dag par bsgrubs la/ chos dang las dang phyag rgya chen po rnams kyis rgyas btab la cho ga thams
 cad rjes su spyod nas de'i rjes la 'jug pa'i cho gas bdag nyid 'jug par bya'o/ /de nas cho ga thams cad byas pas rang nyid zhugs pa'i bsam gtan gyi slob dpon ma/ dkyi 'khor gzhan du dkyil 'khor gyi slob dpon du 'gyur ro zhes bya bar dgos so/ /yang zhes
 bya ba'i sgras ni gzhan dag ni mi gzhug go zhes ston to/ /rdo rje 'dzin kun slob dpon ni zhes bya ba la rdo rje 'dzin pa yang yin la kun kyang yin pas rdo rje 'dzin pa kun te/ rigs thams cad kyi rang bzhin gyis sangs rgyas dang byang chub sems dpa' rnams so/ /de rnams
 kyi dkyil 'khor gyi slob dpon ni rdo rje 'dzin kun slob dpon no/ /phyag rgya thams cad kyi zhes bya ba ni/ phyag rgya yang yin la kun kyang yin pas na phyag rgya kun te/ rigs thams cad kyi mtshan ma'i phyag rgya ste de rnams kyi grub pa'o/ /dam tshig kun mkhyen pa la zhes
 bya ba la dam tshig kyang yin la kun kyang yin pas na dam tshig kun te rigs thams cad kyi dam tshig gi dkyil 'khor ro/ /de mkhyen pas na dam tshig thams cad mkhyen pa'o/ /las thams cad nus pa zhes bya ba la rigs thams cad kyi las kyi dkyil 'khor ni las thams 
 cad de/ de rnams byed par nus pas las thams cad nus pa ste/ bcom ldan 'das kyis las thams cad nus par byin gyi rlobs par mdzad do zhes re re zhing sbyar bar bya'o/ /cho ga ji tsam gyis zhugs nas bcom ldan 'das rdo rje sems dpa' de ltar byin gyis
 slob par mdzad ce na 'di yis zhes bya ba gsungs te/ rjes thogs la 'chang par 'gyur ba'i 'jug pa'i cho ga 'dis zhes bya ba'i don to/ /da ni cho ga de bstan pa'i phyir rang nyid ces bya ba gsungs te/ rdo rje slob dpon bdag nyid rdo rje sems dpar byin gyis brlabs pa'i slob dpon
 ni rdo rje slob dpon no/ /ji snyed pa'i dris byugs shing bsgos la zhes bya ba la/ ji tsam snyed par gyur pa'i dri lus la nye bar byug cing bskus pa yin pas de skad ces bya'o/ /rgyan dang bcas pa zhes bya ba ni rdo rje sems dpa' dang rjes su 'thun pa'i rgyan rnams kyis brgyan par byas
 pa'o/ /lus shin tu chas pa zhes bya ba ni rgyan dang bcas pa'i me tog gis phreng ba rnams kyis spud pa'o/ /gos dmar pos zhes bya ba la sogs pa la gos dmar po gcig gis smad g.yogs byas la gnyis pas stod g.yogs byas nas/ rang nyid rdo rje dang bcas pa'i rdo rje bsnyems
 pas rang nyid 'jug par bya'o zhes bya ba ni rdo rje dang lhan cig pas na rdo rje dang bcas pa'o/ /rdo rje bsnyems ma ni rdo rje sems dpa' i phyag rgya chen po ste/ rdo rje bsnyems ma'i rnal 'byor dang ldan pa yis bsgrub par bya ba'i bu mo'o/ /rdo rje dang bcas pa yang yin la rdo rje bsnyems ma yang yin pas rdo rje
 dang bcas pa'i rdo rje bsnyems ma de dang lhan cig bdag nyid 'jug pa bya'o/ /'di skad ston te dpal rdo rje sems dpa' i phyag rgya chen po bcings la bsgrub par bya ba rdo rje bsnyems ma'i rnal 'byor dang ldan pa'i sngon du spyad pa byas la rjes su gnang ba thob pa dang/ rdo rje sems dpa' i phyag rgya chen
 po'i sbyor ba dang ldan pas/ bu mo rdo rje dril bu 'dzin pa lag pa g.yas pas bzung ba'i tshul gyis blangs la rdo rje slob dpon dkyil 'khor du 'jug par bya'o/ /bcom ldan 'das la mngon par bstod cing zhes bya ba ni drug ldan la sogs pa'i glus rdo rje glu len cing 'jug par bya'o/ /
 'dod chags zhes bya ba la sogs pa la 'dod chags dam tshig yin par bshad ces gsungs pas 'dod chags ni rdo rje sems dpa' o/ /sogs pa'i sgras ni rdo rje yid las byung ba nas brtsams te/ rdo rje 'bebs pa'i bar du gzung ngo/ /'dod chags la sogs pa gang yin pa de ni 'dod chags la sogs
 pa ste de nyid ni bde ba yang yin la thams cad kyang yin pas na bde ba thams cad de/ /des gang gis yid mdzes par gyur pa de ni 'dod chags la sogs pas bde ba yid de/ de bzhin gshegs pa rnams so/ /khyed ni de rnams bsdus pa ste yang dag par bsdus pas na bsdus pa
 yin te de rnams kyi nye bar blangs shing rtogs pa zhes bya ba'i tha tshig go /ni zhes bya ba ni gang gi phyir zhes bya ba'i don te/ gang gi phyir khyed ni de rnams kyi skyes bu'i don grub par bya ba'i phyir nye bar blangs pa yin pa de'i phyir/ khyed bdag la bde ba stsol bar mdzod cig ces bya ba ni/
 ji ltar khyed sangs rgyas rnams kyis bsdus par gyur pa'i tshul gyis skyes bu'i don grub par gsol ba de bzhin du bdag la'ang bsdus pa'i tshul gyis skyes bu'i don grub pa'i dngos grub stsol bar mdzod cig ces slob dpon gsol ba 'debs pa'o/ /rdo rje sems dpa' dgongs pa mdzod
 cig ces bya ba ni stsol ba nyid dgongs shing mngon sum du mdzod cig pa'o/ /bdag la brtan par mdzod cig ces bya ba ni/ bdag la bde ba gsol ba mi phyed par mdzod cig ces pa'o/ /myur du zhes bya ba ni rings par ro/ /bdag la dgyes par mdzod cig ces bya ba ni mngon sum du
 phyogs shing grub par mdzod cig pa'o/ /yongs su mnyes par mdzad pa dang zhes bya ba la rtsa'i sgra ni bsdu ba'o/ /bde ba rnams kyi mchog yin pas ni bde mchog go /mchog nyid yin pas na bde mchog go /phyag 'tshal lo zhes bya ba ni rab tu 'dud pa'i tshig rang gi dbang bskur
 ba bdag la gsol cig ces ston pa yin no/ /de nas zhes bya ba la sogs pa la de nas 'jug pa'i rjes thogs la bcom ldan 'das rang rang gi ngo bos bcom ldan 'das mngon du byas la dran par bya'o/ /thog ma dang tha ma med pa'i sems dpa' ni chos kyi dbyings kyi rang bzhin gyi
 sems dpa' o/ /rdo rje sems dpa' zhes bya ba ni gzung ba dang 'dzin pa'i rtog pa dang bral ba'i phyir mi phyed pa'i sems dpa' ni rdo rje sems dpa' o/ /bde ba chen po zhes bya ba ni thar ba'o/ kun tu bzang po khyed ces bya ba ni khyed las kun tu bzang por 'gyur ro zhes
 bya ba'i don to/ /khyed ni kun tu bzang po ste zhes bya ba ni kun tu bzang po yin zhes bya ba ste/ bcom ldan 'das rdo rje sems dpa' dang lha mo rdo rje bsnyems ma'i phyag rgya chen po'o/ /de'i bdag po yin pas na rdo rje bsnyems ma'i bdag po'o/ /de yang byang chub gyi sems chen po'i dbang gi
 rdo rje bsnyems ma rgyun mi 'chad par 'byung bas de'i phyir byang chub kyi sems kyi rang bzhin ni rdo rje sems dpa' yin pas rdo rje bsnyems ma'i bdag po'o/ /de yang sems ni bcom ldan 'das te 'dod chags chen po ni de'i lha mo'i zhes bshad pa yin no/ /khams gsum gyi dbang phyug yin
 pa dang rigs thams cad kyi gtso bo yin pas na khyab bdag go/ sems zhes bya ba ni dge ba'i khams rnams kyis bsags pas na sems so/ /de yang ji ltar na bcom ldan 'das sems can thams cad yin zhe na/ bsam mi khyab cing rgya che zab/ /mi 'gyur bde ba kun grub pa
 kun tu khyab cing dri ma med/ /byang chub sems ni cha zhing brtan zhes gsungs pas sems dpa' zhes bya ba ni sems de nyid de/ de bzhin nyid de de bzhin nyid kyi rdo rje dang gcig tu gyur bar bsgoms pa'i mthus/ rnam par rtog pa thams cad kyis bskyod par mi nus pas na sems
 dpa' ste/ sems can kun gyi sems gang yin brtan pa'i phyir na sems dpar bshad ces gsungs pa'i phyir/ ting nge 'dzin zhes bya ba ni mi g.yo ba'i sems rtse gcig po de nyid dang ldan pas ting nge 'dzin la mnyam par 'jog pa'i phyir ting nge 'dzin zhes bshad do/ /rdo rje zhes bya
 ba ni ting nge 'dzin gyi rang bzhin can gyi sems te de nyid zla ba'i dkyil 'khor la sogs pa'i rims kyi zla ba'i dkyil 'khor gyi steng du rdo rje rtse lnga pa'i gzugs su gyur pa ni rdo rje zhes bshad de/ des pa'i phyir na rdo rjer gyur ces zhes bshad pa'i phyir ro/ /de bzhin rdo rje 'dzin zhes
 bya ba ni rdo rjer gyur pa'i rdo rje sems dpa' i thugs de nyid bsgoms pa'i stobs kyi rdo rje sems dpa' i phyag rgya chen po'i ngo bo rdo rje dang dril bu 'dzin par gang gi cho gyur ba de'i tshe rdo rje 'chang ba yin to/ sems dpar byin brlabs sbyor ba yis/ /slar yang rdo rje sems dpar? gyur des gsungs
 pa'i phyir ro/ /kun mchog ces bya ba la kun gyi mchog ni chos kyi dbyings te de las byung ba'o/ /kun mchog dam tshig ces bya ba ni phyag rgya chen po la sogs pa'i rang bzhin gyi dam tshig ste phyag rgya'i dam tshig ces bsgrags zhes gsungs pa'i phyir ro/ /dngos grub ces bya ba ni rang bzhin gyi phyag
 rgya chen po la sogs pa'i ngo bor grub cing byung ba'o/ /rdo rje sems dpa' de grub mdzod ces bya ba ni rdo rje sems dpa' yang yin la de yang yin pas na rdo rje sems dpar de ste bdag de grub par gyur cig ces slob dpon la gsol ba 'debs pa'o/ /de nas zhes bya ba la sogs pa la
 de ltar dkyil 'khor du zhugs nas slob dpon gyis dran na bcom ldan 'das rdo rje sems dpa' dgyes par gyur la/ de nas bcom ldan 'das rdo rje 'chang ba de dgyes bas slob dpon la nyid kyi yon tan bskyed pas byin gyis brlab pa mdzad do/ /de nas byin gyis brlabs pa des sngon cha
 ma myong zhing sngar ma byung ba'i slob dpon dang gzungs ma rdo rje bsnyems ma gnyi ga la zhugs pas rang rig pa'i bde ba nyams su myong zhing skye bar 'gyur ro/ /bde ba des kyang phra mo 'bab par gyur ba dang/ byang chub sems rtogs shing thabs shes par yang 'gyur ro/ /de nas bdag ?la
 bcom ldan 'das grub par gyur to zhes shes par bya'o/ /bde ba phra mo 'bab cing skyes pa des bdag ni bcom ldan 'das rdo rje sems dpar grub par gyur to zhes de ltar shes shing des par brtag par bya'o/ /de nas de bzhin du 'dug la ci 'dod bar ni bzlas brjod bya'o zhig
 bya ba ni phyag rgya gang zhig bcings nas zhugs pa de nyid dang/ sems dpa' i skyil mo krung gi 'dug la/ ji srid mtshan ma byung bar gyur pa de srid kyi bar du bzlas brjod bya'o/ /don 'di nyid bstan pa ni de nas de bzhin du zhes bya ba la sogs pa gsungs pa yin te/ 'jug pa'i
 phyag rgya ji ltar bcings pa nyid dang/ sems dpa' i skyil mo krung gis 'dug la bzlas brjod dpag tu med pa byed cing 'dug pa ni de bzhin du 'dug pa zhes bya'o/ /rang gi bsod nams byin brlabs kyis zhes bya ba ni rang gi bsod nams dang rjes su 'thun
 pa'i stobs kyis mkhas pa rnams yid la 'dod pa'i dngos grub rnams thob par gyur pa'o/ /de nas brtsams te zhes bya ba ni de nas gzung ste/ rdo rje sems dpa' la sogs pa nas rdo rje 'bebs pa'i bar du sgrub par 'gyur zhing bzlas pa tsam gyis rang nyid
 dbang du 'gyur ro/ /rang dbang nyid du gyur pa'i stobs nyid kyis de mthong bar 'gyur/ /de nas de mthong bas ji ltar mngon par 'dod pa'i dngos grub thams cad de la stsol bar mdzad do/ /'di'i rigs thams cad kyi mtshan ma'i phyag rgya yang bdag rang nyid kyis bcings
 nas las thams cad la mtshan ma'i phyag rgya thams cad kyi las rnams pa grub par 'gyur ro/ /dam tshig thams cad ni rigs thams cad kyi dkyil 'khor rnams brtan par 'gyur zhing rang gi dngos grub stsol ba'i phyir mi phyed par 'gyur ba dang/ las thams cad
 de rigs kyi las thams cad kyi dkyil 'khor gyi tshul du bsams pa tsam gyis byed pa dang/ phyag rgya chen po la sogs pa'i las byed pa'o/ /thams cad ces bya ba la sogs pa ni go sla'o/ /de nas zhes bya ba la sogs pa la de nas kyi sgra ni phyogs gzhan ston
 par byed pa yin te/ de nas bshad ma thag pa'i cho gas bdag nyid kyi don du dkyil 'khor brtag par bya ba ma yin mdo kyi 'on kyang sems can thams cad gzhug pa'i don du dkyil 'khor bris la de nas rdo rje sems dpa' i rnal 'byor byas te/ rdo rje sems dpa' i rgyan
 gyis brgyan nas/ rab tu bde ba'i rdo rje'i dam tshig gi phyag rgya mtshan nyid 'og nas bshad pa bcings la des me tog gi phreng pa blangs la sngar bshad pa'i glu len cing 'jug par bya'o/ /de nas snga ma bzhin du dran par bya'o/ /dgug pa byas te zhes bya ba ni chos thams
 cad rjes su spyad la bsdu ba ji lta ba bzhin du byas nas/ snga ma bzhin du rdo rje sems dpa' la sogs pa rang gi dam tshig gi phyag rgya la sogs pa bsgrub par bya'o/ /de nas chos dang las dang phyag rgya chen pos rgyas btab la cho ga thams cad rjes su spyad do/ /rab tu bde ba'i rdo rje dam
 tshig gi phyag rgya bcings nas ji lta ba bzhin du bzhugs la/ dran par byas nas 'di skad ces brjod do/ /srid pa'i bde ba zhes bya ba la sogs pa la 'byung bas na srid la ste/ mig nas pa'i mya ngan las 'das pa'o/ /de las byung ba'i bde ba ni srid pa'i bde ba'o/ /de'i
 rnam par dag pa ni rnam par rtog pa dang bral ba nyid do/ /de'i don ni sngar byung ba'i gan ste so so'i skye bo'i gnas skabs su bcom ldan 'das rdo rje sems dpa' i gzhal yas khang ngo/ /mi gnas pa'i mya ngan las 'das par 'dis rang bzhin gyis mi gnas pa'i mya ngan las
 'das par gyur pas gzhal yas khang ngo/ /dga' ba ni chags par 'gyur ba'o/ /'dod pa thams cad ni rdo rje sems dpa' la sogs pa ste/ de rnams kyi dngos grub ni gdul bya'i rgyud la de bskyed par gyur pa'o/ /de'i don gyi dngos grub ni 'gro ba thams cad la yang bskyed?
 pa ste/ sems can thams cad grub par/ byas pa'o zhes bdag kyang zhes bya ba'i sgras ston to/ /de ltar slob ma gzhug pa'i phyir rjes su gnang bar blangs nas dkyil 'khor gyi lha rnams me tog la sogs pa yang dag par mchod de slob ma gzhug par bya'o/ /de yang rang
 gi lha bzhug pa'i cho gas rang gi lha'i dkyil 'khor du 'jug pa'i phyag rgya rnams kyis gzhug go /de ltar rang gi lha 'jug pa'i cho gas bcug pa'i rjes thogs nyid la 'di skad ces brjod par bya'o/ /'dod chags bral ba zhes bya ba la sogs pa la 'dod chags dang
 bral ba ni nyan thos dang/ rang sangs rgyas kyi mya ngan las 'das pa'o/ /'dis 'dul bas na 'dul ba ste/ nyan thos dang rang sangs rgyas kyi mya ngan las 'das pa la rab tu 'jog pa zhes ston pa yin no/ /'dod chags dang bral ba sa 'dul ba gang yin pa de ni 'dod chags
 dang bral bas 'dul ba'i 'jig rten no/ /sems can gyi khams 'dod chags bral bas dag pa zhes bya ba ni 'dod chags dang bral bas 'dul ba'i 'jig rten gang yin pa de ni ji skad du bshad pa'i nyan thos dang/ rang sangs rgyas ?? mya ngan las 'das pa'i chags
 pa dang bral bas yang dag par 'gyur zhing 'khor ba'i dri ma dang bral bar 'gyur ro/ /rdo rje sems dpa' sbas pa yin zhes bya ba'i 'dod chags dang bral bas 'dul ba'i 'jig rten la ni bcom ldan 'das rdo rje sems dpa' gsang zhing sba bar bya ba yin gyi bstan par mi bya'o/ /ni'i
 sgra ni rgyu'i don te gang gi phyir 'dod chags dang bral bas 'dul zhing mos pa dman pa dang ldan pa rnams la chos bdag med pa'i 'dod chags rdo rje 'chang chen po'i chags pa chen po shin tu zab mo thos nas spong bar 'gyur la/ de spangs pas dmyal ba chen po mnar med par
 ltung bar 'gyur ro/ /de bas na rdo rje sems dpa' sbas pa yin no/ /'dod chags chen po ji lta bu zhe na/ mi dmigs pa'i thugs rje chen po'i stobs kyi sems can thams cad yongs su smin par byed pa'i bde ba chen po thar pa chen po'o/ /ji skad bshad pa'i 'dod chags dang
 bral ba dang 'dra zhing mtshungs pa'i sdug bsngal gzhan dag ni yod pa ma yin te/ lus dang ngag dang sems shin tu 'grags pas bde ba thams cad med pa'i phyir rang bzhin gyi bde ba thams cad med pa yin la/ de bas na 'dod chags dang bral zhing bral bar ma byed
 cig ces pa'o/ /yang bya ba ni gang gis phyir 'dod chags dang bral ba lta bu'i sdug bsngal gzhan dag med pa de bas na 'dod chags bral ba nyan thos dang rang sangs rgyas kyi byang chub thob ba'i ?gzhas su mya ngan las 'da' bar ma byed cig ces bzlog pa'o/ /yang zhes bya ba ni
 sems deng nam yang ma byed cig ces pa'o/ /de nas de kho na nyid chen po brjod par bya'o/ /zhes bya ba ni dkyil 'khor go rim ji lta bu bzhin du bstan pa de bzhin gshegs pa'i gsang ba brjod par bya'o/ /de ni 'di yin te/ sems can kun gyi yid khyab cing/ /sems
 can kun la bde bar stsol/ /rdo rje sems dpa' sems dpa' che/ /'dod pa 'di ni dam tshig mchog /'di ni thog ma tha ma med/ /nam mkha' las byung mtshan nyid can/ /kun tu bzang po kun bdag nyid/ /rdo rje bsnyems bdag bdag po'i gtso/ /'di nyid kho na 'gro ba'i sems//
 brtan pas sems dpa' zhes brjod de/ /mnyam par bzhag pas ting nge 'dzin te/ /des pa'i phyir na rdo rjer gyur/ /sems dpa' i byin brlabs sbyor ba yis/ /slar yang rdo rje sems dpar 'gyur/ /'di nyid thog ma'i sems dpa' ste/ /'dod dang 'gro ba kun gyi bdag /'di nyid kho na
 sangs rgyas nyid/ /'di nyid de bzhin gshegs pa nyid/ /'di ni khams gsum thams cad de/ /dang po'i sems dpar yang dag byung/ /chags bral gyis mthar mu stegs rnams/ /de 'dul ba yi dbang gis 'di/ /bcom ldan 'das sbas gsang nyid du/ /bde bar gshegs pas
 mdzad pa yin/ /de nas bcom ldan 'das bstan par byas te 'di ni bcom ldan 'das phyag na rdo rje bde ba chen po rdo rje sems dpa' sems can thams cad dgug pa dang gzhug pa dang bcing ba dang dbang du byed pa'i dam tshig ni 'di yin no zhes dang po'i sems dpa' nas brtsams
 te/ de bzhin bshegs pa'i bar du khyed kyis de la brnyas par mi bya zhing nam yang yongs su spang bar mi bya'o/ /'di la brnyas par gyur na 'di dag gang yang khyod las 'byung bar mi 'gyur ro/ /snying po yang ci 'dod par byin la zhes bya ba ni dbang bskur ba thams cad kyi dbang bskur
 la de rnams ji lta ba bzhin du yang dag par mchod nas de'i rang gi mnyes par bya ba'i yi dam lha'i snying po sbyin par bya'o/ /de byin nas kyang phyag rgya bzhi'i ye shes bslab par bya'o/ /bsgrubs nas zhes bya ba ni snying po byin nas/ phyag rgya bzhi'i ye shes bslabs la rang
 gi lha'i rnal 'byor 'di ltar gyis shig ces bslab par bya'o/ /de nas ye shes sems dpa' dgug pa dang/ gzhug pa dang/ bcing ba dang/ dbang du byas nas mdun du ji lta ba bzhin du ji lta ba byed du bcug la de rang gi lus la gzhug pa bstan pa'i rjes thogs nyid la/
 ye shes sems dpa' dang lhan cig tu gyur pas gyis shig ces bya bas bsgrubs la chog thams cad de la bstan par bya'o/ /rang gi lhag pa'i dbang bskur bas dbang bskur te zhes bya ba ni/ snying po byin pa gang yin pa 'di nas brtsams te phyag rgya bzhi la sogs
 pa sbyin pa slob ma la brjod pa de rang gi lha'i dbang bskur ba la sogs pas dbang bskur nas sbyin par bya'o zhes bya ba'i don to/ /mtshan ma de lag pa gnyis su byin la zhes bya ba la sogs pa la rang gi lha'i chu yis dbang bskur ba dang phyag rgya dang cod pan gyi dbang bskur la/ rdo
 rje la sogs pa rang gi lha'i mtshan ma'i dbang bskur ba'i sngags kyis slob ma'i lag pa gnyis su sbyin par bya'o/ /byin nas de la hUM zhes bya ba la sogs pa'i snying po 'dis/ rang gi rigs kyi ming gi dbang bskur bas dbang bskur bar bya'o/ /de nas phyag rgya ji lta ba bzhin
 du bslab par bya'o/ /de'i rjes la mahA su kha badzra satwa dza(rgyud 'grel tu dga' ba la bskul na 'dod pa thams cad de dngos grub kyi dam pa myur du 'grub par 'gyur ro/ /de bas na dam tshig chen po'i de kho na nyid brjod par bya'o/ /bcom ldan 'das 'di ni khams gsum gyi dbang phyug ste/ thogs ma'i sems dpa' yin pas 'dod pa kun
 gyi dbang phyug go /mdul ba rnams la rdo rje bsnyems ma 'chang ba'i mchog yin te/ de bas na rdo rje bsnyems ma don gyis brjod par bya'o/ /bcom ldan 'das ni thog ma dang tha ma med pa kun tu bzang po'o/ /'dod pa ni 'gro ba kun gyi bdag po'o/ /phyag na rdo rje ni rdo rje bsnyems
 ma'i bdag po'o/ /de rab tu dga' ba 'di'i sbyor ba rdo rje 'chang bas na de bzhin gshegs pa thams cad thugs 'byung bar mi byed do/ /gang gi tshe rab tu dga' ba bstod par bya zhing rdo rje sems dpa' 'di ni bde ba chen po yin pa des na nyon mongs pa mi mnga' bar/ bde ba de nyid kyi
 sangs rgyas kyi byang chub la sogs pa'i dngos grub thams cad du myur du thob par 'gyur te/ des na rab tu bde ba'i phyag rgya 'di bstod de 'jog cing bcom ldan 'das g.yon pa bsnyems ma dang bcas pa g.yon phyogs su spyod pa'i sems can rnams dbang du byed cing mgu bar byed pa yin no/ /de ci'i
 phyir zhe na/ 'gro ba rnams dga' ba'i sbyor bas mgu bar byed par ma zad kyi zhi bar bya ba 'am zhi ba nyid kyis 'dul bar mi nus pa dag la 'dir bsnyems pa la yang sbyor re/ /bsnyems pa 'ba' zhig gis 'di dag 'dul bar nus pa ma yin gyi de'i don du bcom ldan 'das rdo rje bsnyems
 ma'i bdag por gyur nas 'jig rten gyi khams thams cad du gdul mi nus pa dag kyang 'dul bar spyod pa yin no/ /de ltar phyag rgya bcing ba 'di/ oM mahA satwa dza(rgyud 'grel nar 'byor cing thob par 'gyur ro/ /'di dag ni bcom ldan 'das rdo rje sems dpa' i 'di'i yan lag yin no/ /'di ni bcom ldan 'das kyi yan lag ste/ myur du 'bigs pas na snying po'o/ /g.yas su ni rab tu bde ba'i sbyor ba bde ba chen po'o/ /rgyab tu ni rtse ba'i 'ching bas chu srin 'dra
 ba yin pa des na 'di na chu srin gyi rgyal mtshan no/ /g.yon du ni bsnyems ma dbang du byed pa yin no/ /'di dag ni rab tu dga' ba'i mchod pa ste me tog la sogs pa'o/ /'di dag ni sgeg mo la sogs pa'i rdo rje sgeg mo rnams so/ /'di dag ni ming chags par byed pa la sogs pas chags
 pa'i lcags kyu la sogs pa ste/ 'di ni de bzhin gshegs pa thams cad kyi gsang bar 'jug pa dngos grub thams cad kyi bde ba rab tu gsol ba yin te/ 'dis ni sangs rgyas nyid kyang thob par gyur na/ dngos grub gzhan lta smos kyang ci dgos/ de bzhin gshegs pa thams cad
 kyi dam tshig gi mchog yin pa'i phyir ro/ /de nas snying po byin la de nas phyag rgya bcings pa bslab par bya'o zhes bya ba ni/ de nas phyag rgya chen po bcing ba bslab par bya ste/ bsnyems pa dang bcas pas rdo rje gsor zhing Tak+ki hUM dza(rgyud 'grel de bzhin gshegs pa thams cad kyi rjes su bstan pa la 'jug par 'gyur ro/ /de nas rdo rje rang gi snying gar bstod pa'i tshul gyis 'dzin cing Tak+kir dza(rgyud 'grel las byung ba la sogs pa'i phyag rgya chen po ji ltar bris pa dang rjes su 'thun pa bslab par bya'o/ /ji ltar mngon par 'dod pa'i mchod pa byas nas zhes bya ba ni de ltar slob ma 'jug pa la sogs par rjes su dpyad nas/ slob dpon gyis ji ltar mngon par 'dod pas dkyil 'khor thams
 cad la mchod par bya'o/ /de byas nas slob ma yang byed du gzhug go /de nas slob ma thams cad kha zas dang gnas pa thams cad kyis tshim par bya ba dang/ rang nyid kyi phyag rgya dang/ phyag rgya'i lan dang gar gyi mchod pa byas te slob dpon rang gi rdo rje yid las byung ba'i las kyi phyag rgya gar
 bya ba'i tshul gyis bcing bar bya'o/ /de nas ni rdo rje bsnyems ma'i las kyi phyag rgya'o/ /de nas ni rdo rje kI li kI li'i phyag rgya'o/ /de nas rdo rje dran pa'i phyag rgya'o/ /de nas ni rdo rje sbrang rtsi'i phyag rgya'o/ /de nas rdo rje dgun gyi phyag rgya'o/ /de nas ni rdo rje ston gyi phyag rgya'o/ /de nas ni rdo rje gar
 ma'i phyag rgya'o/ /de nas ni rdo rje bzhad ma'i phyag rgya'o/ /de nas ni rdo rje klu ma'i phyag rgya'o/ /de nas ni rdo rje lcags kyu'i phyag rgya'o/ /de nas ni rdo rje 'bebs pa'i phyag rgya'o/ /de nas ni rdo rje zhags pa'i phyag rgya'o/ /de nas ni lcags sgrog gi phyag rgya bcing bar bya'o/ /de nas
 dpal rdo rje sems dpa' i phyag rgyas bcings nas 'grub par 'gyur ro/ /de nas zhes bya ba la sogs pa la de ltar phyag rgya dang phyag rgya'i lan gyi gar gyi mchod pas bcom ldan 'das 'khor dang bcas pa yang dag par mchod nas de'i rjes thogs nyid la slob ma thams cad
 slar btang nas 'di skad ces brjod par bya'o/ /ji skad brjod par bya zhe na/ rab tu dga' ba zhes bya ba la sogs pa smos te rab tu dga' ba ni bshad zin to/ /de la rag las pa ni 'bral cing rag lus pa ste/ de nas rdo rje sems dpa' nas brtsams te rdo rje 'bebs pa'i mthar
 thug pa'i thog mdza' de la'o/ /'gro ba'i kun rgyu ba ste zhes bya ba ni skye 'gro bas ni 'gro ba'o/ /'di zhes bya ba ni mngon du gyur pa'o/ /thams cad ni ma lus pa'o/ /dkyil 'khor gyi lha rnams kyi ngo bo yin par bstan pa'i phyir rgyu ba zhes bya ba gsungs te sems dang bcas pa'o/ /de yang 'gro ba
 sems dang bcas pa 'di dag thams cad ni rdo rje sems dpa' i phyag rgya chen po'i ngo bo nyid nas rdo rje 'bebs pa'i phyag rgya'i ngo bo nyid kyi bar yin te rab tu dga' ba la rag las pas na zhi ba byang chub kyi sems kyi kha na lus pa yin no zhes bya ba'i tha tshig go /gang gi phyir de ltar de yin pa des na
 rdo rje mdzod ces mi phyed par mdzod cig pa'o/ /sems dpa' chen po zhes bya ba ni byang chub chen po'i ngo bo/ ci'i phyir zhe na/ slar yang gshegs par mdzad du gsol zhes bya ba yin no/ /'di ni ji srid khyed la bdag spyan 'dren par bgyid pa de srid kyi bar du gshegs par mdzod la slar
 spyan 'dren pa de'i tshe na mi phyed pa'i thugs su mdzad de de bzhin gshegs par mdzod cig ces pa'o/ /'di skad ston te gang gi phyir byang chub kyi sems dang 'brel ba yin pas 'gro ba 'di dag thams cad ni rdo rje sems dpa' la sogs pa'i phyag rgya chen po'i ngo bo nyid yin pa'i phyir/ rdo rje
 'bebs pa'i mthar thug pa yin no/ /de bas na khyed la rag lus pa'i phyir bdag cag rnams la rjes su brtse ba'i don du khyed slar yang gshegs pa'i slad du mi phyed pa'i thugs su mdzod cig /khyed gshegs pas sems dpa' 'di dag thams cad byon nas bdag gi bsam pa thams
 cad rdzogs par mdzad par 'gyur ro zhes ston to/ /de nas snyims pa'i me tog gtor la 'byung bar bya'o/ /de ltar bcom ldan 'das gshegs pa'i phyir spyi bor snyim pa'i me tog gtor bas bskul bar bya zhing/ oM mahA su kha badzra satwa dza(rgyud 'grel bcom ldan 'das 'khor dang bcas pa gshegs su gsol bar 'gyur ro/ /de ltar snyim pa'i me tog gtor bas oM mahA su kha zhes bya ba la sogs pa zlos zhing rang nyid kyi dkyil 'khor phyag par bya'o/ /gal te slong ba yod na phye ma de las ri lu byas te dkyil 'khor de
 rnams lan brgya rtsa brgyad bzlas la bzhag par bya ste/ des dbang du bya ba la sogs pa'i las thams cad 'grub par 'gyur ro/ /de nas zhes bya ba la sogs pa ni go sla'o/ /gang zhig ri mo'i las la mkhas par ma gyur pa des ni rdo rje la
 sogs pa mtshan ma 'am phyag rgya la sogs pa bzhag par bya'o/ /gang zhig mtshan ma'i phyag rgya la sogs pa yang dkyil 'khor du 'dri bar mi nus pa des ni lha rnams dam tshig gi phyag rgya rnams kyi rab tu bsgrubs la de rnams kyi chos dang phyag rgya chen po
 bcing bar bya'o/ /phyag rgya'i cho ga rgyas pa zhes bya ba ni bri ba'i phyag rnams kyis 'khor brtag pa'i cho ga gsungs pa gang yin pa 'di'i mtshan ma'i phyag rgya rnams dang lag pa'i phyag rgya rnams kyis bya ba de ni phyag rgya'i cho ga rgyas pa zhes bya'o/ /de ltar de nas
 bcom ldan 'das zhes bya ba nas brtsams te/ phyag rgya'i cho ga rgyas pa'o zhes bya ba'i bar du bstan pas/ slob dpon las kyi cho ga dang/ slob ma 'jug pa la sogs pa'i cho ga rgyas pa gsungs pa yin no/ /yang 'dis bde blag tu rtogs par bya ba'i phyir/ brjod
 par bya ste/ re zhig dang por ji skad du bshad pa'i phyi'i khrus sam nang gi khrus byas la lha'i khang par ji lta ba bzhin du zhugs nas 'dug par bya'o/ /de nas sngar bshad pa'i cho gas bdag bsrung ba dang bgegs bsal ba la sogs pa bya'o/ /de nas mchod yon
 la bzlas pa'i bar gyi cho ga rjes su spyad la rtag tu rdo rje dril bu 'chang zhing thams cad dgug pa'i mchod pa ste/ bdag byin brlabs sogs sgrub pa yis/ /dngos grub mchog ni bsgrub par bya/ /lugs ma 'am 'bur du brkos pa 'am/ /byas pa'am yang na bris pa
 yis/ /'khor lo dang por rab bzhag nas/ /de yi mdun du bsgrub par bya/ /sngar bshad pa'i rdo rje 'khor lo'i phyag rgya dkyil 'khor sprul la me tog la sogs pas yang dag par mchod de/ oM sarba ta thA ga ta kA ya pAk+tsit+ta pra Na me na badzra band+ha nAM ka ro mi
 zhes bya bas bcom ldan 'das la phyogs thams cad nas dkyil 'khor lnga pas phyag byas la phyag bzhi la sogs pa'i cho ga spyad la sdom pa gzung bar bya'o/ /de'i rjes la a n+yo n+ya a nu ga ta sarba d+harmA zhes bya bas thal mo khod stong bcing bar bya'o/ /de nas pa ra spa ra
 a nu pra biSh+Ta sarba d+harma any+dza li zhes brjod cing rdo rje thal mo bcing bar bya'o/ /de nas a tyan+ta a nu pra biSh+Ta sarba d+harmA badzra band+ha zhes brjod cing thal mo bsdams pa bcing bar bya'o/ /de nas badzra ban+ta tra Ta ces brjod cing rdo rje bsdams pa snying gar lan gsum dral bar bya'o/ /rdo
 rje dbang pa'i dam tshig gi phyag rgya bcings la badzra a be sha ya a zhes bya bas bdag nyid la dbab par bya'o/ /de nas tiSh+Tha badzra zhes pa la sogs pa rdo rje dbab pa'i phyag rgyas rang gi snying gar dgrol bar bya'o/ /de nas badzra muSh+Ti zhes brjod cing rdo rje khu tshur gyi dam tshig gi phyag
 rgya bcing bar bya'o/ /de nas badzra san+ti paM zhes lan gsum bzla bar bya'o/ /de nas yi ge hUM zlos shing dang po'i rdo rje bcing bar bya'o/ /de lta bus ni phyag rgya thams cad bcing bar 'grub cing rang gi las rnams byed par 'gyur ro/ /de nas dpal rdo rje sems dpa' la sogs
 pa nas rdo rje 'bebs pa'i bar gyi dam tshig gi phyag rgya rnams la sa ma ya stwaM zhes brjod cing bcings la de rnams kyi rang gi snying po lan gsum brjod de oM badzra mu(rgyud 'grel bya bas phyag rgya dang ldan pas sdig pa thams cad dgug par bya'o/ /de nas 'di'i phyag rgya ni/ /rdo rje'i phyag rgya gnyis nang du/ /mdzub mo gnyis na bcings nas su/ /legs par gyen du 'phangs pa ni/ /ltung ba slong ba'i dam pa'o zhes bya ba yin no/ /de'i rjes la oM badzra pA Ni bi spho
 Ta ya sarba band+ha ni pra mok+Sha ya sarba pA paM sarba a ba ya ga ti b+hya/ sarba satwa na sarba ta thA ga ta badzra sa ma ya ta Ta ces bya ba 'di'i phyag rgya dang ldan pa'i sdig pa thams cad dral bar bya'o/ /rdo rje bcing ba bsdam bya ste/ /gung mo gnyi ga sbyar nas ni/ /tha ma bzhi ni rtse mor sbyar
 sdig pa 'joms par grags pa yin/ /de nas rang gi snying gar dang po'i rdo rje'i dbus su/ oM mahA su kha zhes bya ba la sogs pa yid kyi bris la de nyid yid la zlos shing chos thams cad bdag med par bsgom par bya'o/ /de nas de nyid yid la
 zlos shing de nyid dbyangs kyi yi ge bcu drug dang bcas pa las rang gi sems kyi gzugs brnyan zla ba'i dkyil 'khor lta bur bsam par bya'o/ /de'i steng du snying po de yi ge la sogs pa dang bcas pa las zla ba'i dkyil 'khor gnyis pa bsam par bya'o//
 de nas snying po de nyid zlos shing zla ba'i dkyil 'khor de dang po'i rdo rjer bsam par bya'o/ /de nas de'i dbus su snying po de yid kyis bsams la de nyid zlos shing rdo rje'i nga rgyal bsgoms la rdo rje sems dpa' i dkyil 'khor gyi lha 'jig rten gyi khams thams cad kyi
 rdul phra rab dang mnyam par rdo rje las byung ba de rnams kyi nam mkha' i khams thams cad bkang la sems can thams cad kyi don byas nas yang rdo rje der yid kyi bcug ste/ sems dpa' i byin gyis brlabs pa'i sbyor bas rdo rje de rdo rje sems dpa' i bdag
 nyid du bsam zhing badzra satwa haM zhes kyang bzla bar bya'o/ /de nas bsnyems pa dang bcas pas/ rdo rje gsol ba yang badzra satwo haM zhes brjod par bya zhing de yang chos kyi dbyings thog ma dang tha ma med pa'i rang bzhin gzugs brnyan dang 'dra bar nges par byas la mahA sa
 ma ya satwa haM zhes brjod par bya'o/ /de nas dang po'i rdo rje bcing la/ mahA sa ma yo haM zhes brjod la/ de nyid kyis snying ga dang/ dpral ba dang/ lkog ma dang/ spyi bor byin gyis brlab cing sa ma ya satwa a d+hi tiSh+Tha swa mAM zhes kyang brjod par bya'o/ /de nas
 bsnyems pa dang bcas pas lus drang por bzhag la bsnyems pa dang bcas pas nyid ki rdo rje gsor zhing Tak+ki hUM dza(rgyud 'grel 'dir phyag rgya chen po bcing ba 'dis bdag la byin gyis brlab pa yin la de bas na 'dis rnal 'byor pa rdo rje sems dpa' i sku dang gsung dang thugs rdo rje'i ngo bo nyid du 'gyur ro/ /de nas nam mkha' dang mnyam pa'i sbyor bas rang gi lus la yid kyis nang du zhugs la/ rang
 gi snying ga'i dkyil 'khor la rdo rje 'khor lo'i phyag rgyas dkyil 'khor sprul la/ 'jug pa'i cho ga gnyis pas ji lta ba bzhin du zhugs nas rang gi spyi bor me tog gi phreng ba dor la dngos grub kyi rdo rje brtul zhugs blang ba'i bar gyi cho ga ji lta ba bzhin du spyad la
 dkyil 'khor de rang gi zla bar zhu nas de dang gcig tu gyur par bsams nas/ rang gi lus la rang gi lha'i gnas rnams su yi ge h+ri las sna tshogs pad+ma bskyed la gzhi'i lus kyi rang gi gnas su bzhag ste/ oM mahA su kha badzra satwa dza(rgyud 'grel zhes brjod la gzhi'i lus kyi phyi rol tu sna tshogs pad+ma'i steng du dang po'i rdo rje kha dog dmar po bskyed par bya'o/ /de nas rdo rje'i dbus su sngags yid kyis bris la badzro haM zhes de'i nga rgyal bsgom par bya'o/ /de nas sngags de yid kyis brjod la badzra satwa haM
 zhes bya bas rdo rje de rdo rje sems dpa' i bdag nyid du bsgom par bya'o/ /de bzhin du rdo rje 'bebs pa'i bar gyi phyag rgya chen po bcings la gzhi'i lus la yid kyis A badzra g+haN+Ta zhes bya ba rang gi gnas par bya'o/ /rang gi lus kyi phyi rol gyi mdun du sna tshogs
 pad+ma'i steng du rdo rje dril bu bskyed la/ de'i dbus su badzra g+haN+Ta zhes bya ba yid kyi bris la badzra g+haN+To haM zhes bya bas dril bu'i nga rgyal bsgom par bya'o/ /yang badzra g+haN+To zhes yid la brjod la badzra a be sho haM zhes bya bas rdo rje 'bebs pa'i bdag nyid du bsgom par
 bya'o/ /de nas rdo rje lcags kyu la sogs pa'i las kyi phyag rgya dgug pa dang gzhug pa dang bcing ba byas pas/ rdo rje sems dpa' la sogs pa nas rdo rje 'bebs pa'i bar du rang gi gzugs brnyan la rang gi dam tshig gi phyag rgyas go rim 'dis
 bsgrub par bya'o/ /dang po rdo rje bcings la/ oM mahA su kha badzra satwa dza(rgyud 'grel sh+ya zhes bya bas rdo rje 'bebs pa blta bar bya'o/ /de nas dpal rdo rje sems dpa' i phyag rgya chen po bcings la g.yas pa'i mdzub mo lcags kyu dpal rdo rje sems dpa' la sogs pa rang gi lus la rang gi gnas su snying po 'dis gzhug par bya'o/ /oM mahA
 su kha badzra satwa a yaM h+ri shI g+h+raM mahA su kha badzra gu he sa ma ya ma nu smA ra pra bud+d+hA sa ma yastwaM dri Dha su to sho a nu rak+to su po Sh+yo me b+ha ba a d+hi tiSh+Tha b+ha ga bAn a na di na hi na sa ta sid+d+ha sid+d+ha mi me man pra de dza(rgyud 'grel yastwa zhes brjod de 'od zer dmar po 'khrug pa'i 'bar ba'i 'od kyi dkyil 'khor can bskyed la sa ma yastwaM sa ma yastwaM dza(rgyud 'grel nyid gcig tu gyur par bsgom par bya'o/ /de bzhin du rdo rje 'babs pa'i bar gyi dam tshig gi phyag rgya bcings la/ sa ma yastwaM zhes brjod cing 'od zer dmar po 'bar ba 'khrug pa'i 'od kyi dkyil 'khor bskyed la sa ma yastwaM a haM dza(rgyud 'grel g+haN+Da zhes lan gsum bzlas la/ bcom ldan 'das rdo rje 'babs pa dang bdag nyid gcig tu gyur par bsgom par bya'o/ /de ltar na thams cad bsgrub par 'gyur ro/ /de bzhin du bcom ldan 'das rdo rje sems dpa' la sogs pa chos dang las
 dang phyag rgya chen po rnams kyis rgyas btab la snga ma bzhin du yid kyis legs so zhes bya ba'i sbyor bas sangs rgyas thams cad lus la bcug la dam tshig phyag rgya bsgrub par bya'o/ /de nas chos dang las dang phyag rgya chen pos yang rgyas btab la/ yang dang
 po'i rdo rje bcings nas badzra satwa a d+hi tiSh+Tha swa mAM zhes bya bas rang gi snying ga'i zla ba la dang po'i rdo rje rtse lnga pa bskyed par bya'o/ /badzra ratna a d+hi tiSh+Tha swa maM zhes bya ba dang dpral bar rdo rje rin po che/ badzra d+harmA a d+hi tiSh+Tha swa maM zhes bya ba dang/ lkog ma'i phyogs su rdo rje
 pad+ma badzra kArma a d+hi tiSh+Tha swa maM zhes bya ba dang/ spyi bor sna tshogs rdo rje bsam par bya'o/ /de ltar byin gyis brlab pa byas nas sngar bshad pa'i dbang bskur ba'i phyag rgya rnams kyi sangs rgyas dang/ rin po che dang/ pad+ma dang/ sna tshogs rdo rje'i phreng ba'i dbang bskur ba'i
 cod pan bskyed la yi ge brgya pas brtan par bya'o/ /de nas dang po'i rdo rje bdag po dang/ ming gi dbang bskur ba blangs nas dngos grub kyi rdo rje brtul zhugs blang bar bya'o/ /de nas rdo rje mtshon cha ma la sogs pa bcu gnyis kyi las kyi phyag rgyas bdag nyid yang
 dag par mchod la/ rol pa'i dga' ba'i rdo rjes bcom ldan 'das la phyag byas la de kho na nyid kyis rdo rje gzung zhing chos kyi dril bu dkrol la/ dam tshig gis phyag rgya chen por byin gyis brlabs par bya'o/ /de nas dam tshig gsum gyis rdo rje'i glu'i mchod pa byas
 la phyag rgya chen po ji lta ba bzhin du bcing bar bya'o/ /de ltar phyag rgya chen po rab tu bsgrubs nas snying gar rdo rje 'khor los de bzhin du dkyil 'khor sprul la oM mahA su kha badzra satwa dza(rgyud 'grel gnas pa'i rdo rje sems dpa' dkyil 'khor gyi dbus su bzhag par bya'o/ /de bzhin du badzra g+haN+Da zhes bya ba dang rang gi snying gar gnas pa'i rdo rje sems dpa' i dkyil 'khor gyi rang gi gnas su rdo rje 'bebs pa'i bar du bzhag par bya'o/ /de nas oM badzra At+ma
 konyahaM oM swa b+hA ba shud+d+ha oM sarbba sa mo haM zhes bya ba'i snying po gsum zlos shing rdo rje'i bdag nyid du bsams la bde ba chen po rdo rje rab mchog dam tshig dam pa zhes bya ba'i dkyil 'khor gyi rang bzhin gyi rang nyid yin no zhes nga rgyal bskyed la/ oM mahA su khaM
 zhes bya ba'i sngags lha thams cad kyi thugs kar gnas pa'i rdo rje'i dbus su bsams la yid kyis rdo rje tshig tu rab tu dga' ba'i rigs rdo rje'i tshig zlos shing thams cad bdag yin no zhes ji srid mngon du mthong bar gyur pa de srid
 kyi bar du nyin re zhing bsgom par bya'o/ /de nas de'i dkyil 'khor ji lta ba bzhin du bris la bsgrubs na rdo rje 'chang ba nyid 'thob par 'gyur ro/ /yang na snga ma bzhin du rnal 'byor chen po byas la rang gi snying po zlos pa la brtson pa dang/ g.yon pa'i
 mig tu Ta las zla ba'i ste/ g.yas par ma bkod pa las nyi ma bsam/ h+ri yis mig 'bras bskal pa'i me lta bur gnas pa 'dis ni rdo rje blta bar bya/ rnal 'byor pas yid kyis nam mkha' i phyogs su gnas la snod kyi 'jig rten gyi 'og tu rlung gi
 dkyil 'khor la yi ge hUM las rdo rje rtse lnga pa 'bar bar bsams la rdo rje de'i dbus su yi ge ni rdo rje'i ra ba bsams te/ rdo rje de rdo rje me lta bu'i 'od dang ldan pas kun nas nyon mongs pa can gyi sangs rgyas kyi zhing thams cad thal bar byas par bsam
 par bya'o/ /de nas yi ge khaM las bcom ldan 'das rnam par snang mdzad dkar po nam mkha' i gtogs thams cad khyab pas rdo rje bdud rtsi chu'i rgyun gyis sangs rgyas kyi zhing tshig par gyur par bkrus te/ 'o ma can gyi rgya mtsho chen po rba rlabs kun
 tu 'khrug pa kun tu gang bar gnas par bsam par bya'o/ /de nas yi ge ra yis mes 'o ma can gyi rgya mtsho chen po bskol la/ ra'i me dang rgya mtsho chen po'i dbus su pad+ma chen po bsam par bya'o/ /pad+ma'i rtsa bar yi ge pra las shes rab kyi pha
 rol tu phyin pa'i rang bzhin can gyi gser gyi ru spal tshad mdza' yas pa dang/ pad+ma'i ze ba la shes rab kyi pha rol tu phyin pa'i rang bzhin can gyi yi ge pra gser gyi mdog can dang/ /bcom ldan 'das rnam par snang mdzad yi ge khaM gi gzugs su
 nam mkha' i phyogs nas byon nas bzhugs par bsams la/ pad+ma dang yi ge pra dang yi ge khaM gcig tu byas la hUM saM hUM zhes brjod de/ de las ri'i rgyal po ri rab zur bzhi pa rin po che sna bzhi'i rang bzhin can rin po che sna tshogs kyis brgyan pa bskyed par bya'o/ /de nas
 yang nam mkha' i phyogs du 'dod pa'i khams thams cad kyi gzhan 'phrul dbang byed kyi lha'i rgyal po'i lha'i gzhal yas khang dang po'i rdo rje bcings la hUM zhes de sa la bzhag nas/ a nu rA ga ya mi hUM zhes brjod la/ sprul nas lha thams cad kyi gnas su yi ge h+ri
 las sna tshogs pad+ma'i gdan bsams te/ oM badzra dri Dho me b+ha ba rak+Sha sarbaM swAhA zhes brjod de rdo rje bsdams pa brkyang bas bzhag nas byin gyis brlabs par bya'o// //de nas dkyil 'khor gyi sa'i dbus su ji lta ba bzhin du 'dug la snga ma bzhin
 du mngon par byang chub pa rnam par bsgoms nas 'og min gyi gnas nas babs te/ 'dod pa'i khams thams cad kyi gzhan phrul dbang byed kyi lha'i rgyal po'i gnas na/ phyag na rdo rje la sogs pa'i byang chub sems dpa' rnams kyis yongs su bskor nas mdun gyis
 bltas te gnas so/ /de nas 'dod chags chen po ni byang chub sems dpa' chen po'i dngos grub kyi mchog go zhes bya ba la sog pa/ shes rab kyi pha rol tu phyin pa'i sgo ston pas dkyil 'khor sprul pa'i phyir/ rdo rje sems dpar yang dag par sprul te/ shes rab kyi
 pha rol tu phyin pa'i don la lhag par mos pa'i stobs kyi bde ba chen po rdo rje sems dpa' i bzhugs gnas kyi gzhal yas khang bskyed de/ der rnal 'byor pa rnam par snang mdzad kyi nga rgyal gyis gnas par bya'o/ /de nas rdo rje sems dpa' i nga rgyal gyi
 bcom ldan 'das rnam par snang mdzad la gsol ba gdab par bya ste/ ji srid 'khor ba'i gnas su ni/ /de srid mtshungs med sems can don/ /sems can khams ni mdza' yas pa/ /gzi can srid pa tshol byed pa/ /srid pa'i nyes pa gzhig pa yis
 bde ba chen po 'phel ba'i phyir/ /gsang ba'i rtag pa mchog bshad pa/ /bdag la rjes su snang ba stsol/ /de nas rnam par snang mdzad kyi rdo rje 'chang ba la dbang bskur bar bya'o/ /dang po'i rnal 'byor gyi ting nge 'dzin to/ /de nas rdo rje sems
 dpa' i phyag rgya chen po bcings te/ oM mahA su kha badzra satwa dza(rgyud 'grel bzhag par bya ste/ 'di ni dkyil 'khor gyi mchog ces bya ba'i ting nge 'dzin gnyis pa'o/ /de nas sgo dbye ba dang bsdu ba byas la rdo rje dbyings kyi dkyil 'khor chen po las gsungs pa'i tshul gyis bcom ldan 'das 'khor dang bcas pa byon nas ji lta
 bar bzhugs par bsams la dbang bskur ba blangs te/ lcags kyu la sogs pas dgug pa dang/ /gzhug pa dang bcing ba dang dbang du byas la rdo rje gnod sbyin gyis bgegs bsal ba la sogs pa yang bya/ rdo rje khu tshur gyis sgo rnams bcad la
 rdo rje bsdu bas yang dag pa bsrungs te/ bcom ldan 'das rdo rje sems dpa' 'khor dang bcas pa la rdo rje sems dpa' i snying po bzlas pa'i mchod yon phul la bcom ldan 'das rdo rje sems dpa' 'khor dang bcas pa'i dam tshig gi phyag rgya
 rnams kyi bsgrub par bya'o/ /de nas chos dang las dang phyag rgya chen po 'khor dang bcas pas rgyas btab la/ dbang bskur ba'i phyag rgya rnams kyis dbang bskur te/ rim pa 'dis rang rang gis las la nges par sbyar bar bya'o/ /dpal rdo rje sems
 dpa' i phyag rgya chen po bcings la dpal rdo rje sems dpa' la 'di skad brjod par bya ste/ de bzhin gshegs pa thams cad la sogs pa dang/ sems can gyi khams thams cad 'dod chags chen po'i dngos grub kyi mchog la rab tu bzhag
 par mdzod cig /rdo rje yid las byung ba'i phyag rgya chen po bcings la rdo rje yid las byung ba la 'di skad ces ces brjod do/ /de bzhin gshegs pa la sogs pa dang sems can gyi khams thams cad 'dod chags chen po rab tu rtogs pa la sbyor bar mdzod
 cig /kI li kI la'i phyag rgya chen po bcings la kI li kI la la 'di skad ces brjod do/ /de bzhin gshegs pa la sogs pa'i sems can gyi khams thams cad 'dod chags chen po mngon du byed pa'i dngos grub la rab tu bzhag par mdzod cig /rdo rje
 dran pa'i phyag rgya chen po bcings la rdo rje dran pa la 'di skad ces brjod do/ /de bzhin gshegs pa la sog pa'i sems can gyi khams thams cad thugs rje chen po'i chags pa'i 'ching bas bcings la mi gnas pa'i mya ngan las 'das pa'i
 dbyings la rab tu bzhag par mdzod cig /rdo rje bsnyems pa'i phyag rgya chen po bcings la rdo rje bsnyems pa la 'di skad ces brjod do/ /de bzhin gshegs pa la sogs pa sems can thams cad la dbang byed pa'i bdag po dngos grub kyi bsnyems
 pas dbang du mdzod cig /rdo rje sbrang rtsi'i phyag rgya chen po bcings la de la 'di skad ces brjod do/ /de bzhin gshegs pa la sogs pa dang sems can thams cad rdo rje sems dpa' i bsam gtan gyi pha rol tu phyin pa la rab tu 'jog par mdzod cig/
 rdo rje sprin gyi phyag rgya chen po bcings la de la 'di skad ces brjod do/ /de bzhin gshegs pa la sogs pa dang sems can gyi khams thams cad rdo rje sems dpa' i shes rab kyi pha rol tu phyin pa la rab tu 'jog par mdzod cig /rdo rje ston gyi phyag rgya bcings
 la de la 'di skad ces brjod de/ /de bzhin gshegs pa la sogs pa dang/ sems can thams cad rdo rje sems dpa' i smon lam gyi pha rol tu phyin pa la rab tu 'jog par mdzod cig /rdo rje kun gyi phyag rgya chen po bcings la de la 'di skad ces brjod do/ /
 de bzhin gshegs pa la sogs pa dang/ sems can thams cad rdo rje sems dpa' i thabs kyi pha rol tu phyin pa la rab tu 'jog par mdzod cig /sgeg mo'i phyag rgya chen po bcings la de la 'di skad ces brjod do/ /de bzhin gshegs
 pa la sogs pa dang sems can gyi khams thams cad rdo rje sems dpa' i tshul khrims kyi pha rol tu phyin pa la rab tu 'jog par mdzod cig /bzhad ma'i phyag rgya chen po bcings la de la di skad ces brjod do/ /de bzhin gshegs pa dang
 sems can gyi khams thams cad rdo rje sems dpa' i 'dzum pa rmad du byung ba la rab tu 'jog par mdzod cig /glu ma'i phyag rgya chen po bcings la de la 'di skad ces brjod do/ /de bzhin gshegs pa la sogs pa dang sems can gyi
 khams thams cad bzod pa'i pha rol tu phyin pa la rab tu 'jog par mdzod cig /gar ma'i phyag rgya chen po bcings la de la 'di skad ces brjod do/ /de bzhin gshegs pa la sogs pa dang sems can gyi khams thams cad rdo rje
 sems dpa' i brtson 'grus kyi pha rol tu phyin pa la rab tu 'jog par mdzod cig /rdo rje lcags kyu ma'i phyag rgya bcings la de la 'di skad ces brjod do/ /de bzhin gshegs pa la sogs pa dang sems can gyi khams thams cad byang chub kyi sems chen po'i
 lcags kyus thar pa chen po'i grong khyer du gzhug par mdzod cig /rdo rje zhags pa'i phyag rgya chen po bcings la de la 'di skad ces brjod par bya'o/ /de bzhin du gshegs pa la sogs pa dang sems can gyi khams thams cad pha rol tu phyin pa
 bcu'i zhags pas thar pa chen po'i grong khyer du gzhug par mdzod cig /rdo rje lcags sgrog gi phyag rgya chen po bcings la de la 'di skad ces brjod par bya'o/ /de bzhin gshegs pa la sogs pa dang sems can gyi khams thams cad de
 bzhin gshegs pa'i bsam gtan gyis bcing bar mdzod cig /rdo rje 'bebs pa'i phyag rgya chen po bcings la de la 'di skad ces brjod do/ /de bzhin gshegs pa la sogs pa dang sems can gyi khams thams cad rang bzhin gyi 'od gsal ba'i ye shes
 dbab pas dbang du mdzod cig /'dir 'di ni las kyi rgyal po mchog ces bya ba'i ting nge 'dzin gsum pa'o/ /de ltar ting nge 'dzin gsum rnam bar bsgoms la yang sgo dbye ba dang/ bsdu ba dang/ mtshan brgya rtsa brgyad kyi bstod pa yang byas la/ bcom ldan 'das kyi
 phyag rgya chen po bcings te/ g.yas pa'i mdzub mo'i lcags kyus bcom ldan 'das 'khor dang bcas pa'i dkyil 'khor chen po ji lta ba bzhin du bcug ste/ rdo rje gnod sbyin dang rdo rje khu tshur dang rdo rje srung ba'i las rnams snga ma bzhin du byas la/ mchod yon
 de bzhin du phul nas bcom ldan 'das rdo rje sems dpa' 'khor dang bcas pa dam tshig gi phyag rgya bsgrub par bya'o/ /de nas chos dang las dang phyag rgya chen po rnams kyi rgyas btab la dbang bskur la mchod pa rnam pa lnga dang/ rdo rje mtshon cha la sogs pa
 mchod pa rnam pa bcu gnyis kyis yang dag par mchod nas rnam par sgeg pa'i dga' ba'i rdo rjes phyag rgya bya ba dang/ phyag bzhi byas la bcom ldan 'das rdo rje sems dpa' i phyag rgya chen po bcings te/ dkyil 'khor gyi lha thams cad kyi sku dang gsung dang thugs
 rdo rje'i ngo bor bdag nyid bsam zhing/ oM badzra At+ma konyahaM zhes bzla bar bya'o/ /de nas rang bzhin gyi 'od gsal zhing rang bzhin dag par lhag par mos par byas la/ oM swa b+hA ba shud+d+honyahaM zhes brjod par bya'o/ /de nas chos kyi dbyings thog ma dang tha ma med pa las
 byung ba lha thams cad kyi sku dang gsung dang thugs kyi ngo bo'i gzugs brnyan dang mnyam par bdag nyid bsams la/ oM sarba sa mo haM zhes brjod par bya'o/ /de nas rdo rje chen po gsang ba'i dam tshig gi dkyil 'khor chen po'i rang bzhin ni bdag nyid yin no zhes nga rgyal
 bskyed la/ lha thams cad kyi thugs kar gnas pa'i rdo rje la/ oM mahA su kha badzra satwa dza(rgyud 'grel thams cad kyi zhal nas sngags kyi sgra mngon par gyur bar bsam zhing nges pa bskyed par bya ste/ de lta bus ni thams cad 'grub par 'gyur ro/ /de ltar nyin re zhing nang par sgrub pa lan gcig byas la/ de'i 'og tu ji ltar 'dod par bya'o/ /kun bzang de bzhin thams
 cad byed/ /spyod pa ci dgar 'dod pa byed/ /langs pa dang ni 'dug pa dang/ /'chags gam de bzhin gnas pa dang/ /rgod dam rab tu smra yang rung/ /gang ni ji ltar spyod kyang rung/ /dbang po gang dang gang lam 'gyur/ /de dang de yi ngo bor bya/ /mnyam
 par ma bzhag sbyor ba yis/ /rang gi lhar ni bsgrub par bya/ /de nyid sbyor ba de yis ni/ /'di dag thams cad bsgrub byas nas/ /thams cad rdo rje sems dpa' dngos/ /rtag tu bltas pas rab bsgrub 'gyur/ /gang gi tshe mnyam par bzhag pa'i rnal
 'byor gyis dub na mnyam par ma bzhag pa'i rnal 'byor bsgom par 'dod pa de'i tshe/ bcom ldan 'das rdo rje sems dpa' i phyag rgya chen pos rang gi gnas su bzhag la dang po'i rdo rje bdag nyid byin gyis brlabs te de bsgom par bya'o/ /de nas bya ba thams cad
 byas la yang slar zhugs te dang po'i rdo rje gnyis kyis dza(rgyud 'grel gnyis kyis yang dag par mchod de/ rnam par sgeg pa'i dga' ba'i rdo rje dang phyag bzhi yang byas la snga ma bzhin du bsgom par bya'o/ /gang gi tshe dang po'i gnas skabs sam gnas skabs gnyis par bcom ldan 'das gshegs su gsol bar 'dod na yang de'i tshe mtshan brgya rtsa
 brgyad kyis bstod pa dang mchod pa dang phyag byas la mngon par 'dod pa'i dngos grub kyi don du dge ba'i rtsa ba yongs su bsdom la/ phyag rgya gang dang gang nas byung ba de dang de nas dgrol ba ni/ ji skad bshad pa'i rdo rje bsdams pa dgrol ba dang badzra mu(rgyud 'grel nas gnas kyi des pa ni 'di yin te/ sngags pa'i snying ga'i zla ba dang mdun du rdo rje sems dpa' dang/ rdo rje yid las byung ba dpral ba'i rdo rje kI li kI la la/ lkog mar rdo rje dran pa/ spyi bor bsnyems pa mgo la rdo rje dpyid/ gsang bar rdo rje sprin/ mig gnyis su rdo rje ston
 nu ma dang brang dang snying ga'i phyogs su rdo rje dgun ma/ nang gir gtogs pa'i rdo rje sems dpa' i g.yon logs su sgeg mo rnal 'byor pa'i so'i phreng ba gnyis su rdo rje bzhad ma dran pa'i g.yon logs su glu rdo rje bsnyems ma'i g.yon logs su gar ma/ rnal 'byor ba'i brla
 g.yas par rdo rje lcags kyu/ brla g.yon par zhags pa/ byin pa g.yas par lcags sgrog /byin pa g.yon par 'bebs pa yang dag par gnas so/ /lha'i rnal 'byor gyis dus su de bzhin gshegs pa rnams ni phung po lnga'i ngo bo nyid kyis thams cad du khyab pa'i
 phyir de rnams kyi gnas kyi nges pa med do/ /phyag rgya dgrol ba'i dus su ni rnam par snang mdzad ni spyi gtsug gi gnas su dgrol lo/ /mi bskyod pa ni rdo rje sems dpa' i gnas su'o/ /rin chen 'byung ldan ni kI li kI la'i gnas su'o/ /'od dpag tu med pa ni rdo rje bran pa'i
 gnas su'o/ /don yod par grub pa ni rdo rje bsnyems ma'i gnas su dgrol bar bya'o/ /de ltar phyag rgya bkrel nas rang gi snying gar gnas pa'i rdo rje rin chen gyi dam tshig gi phyag rgya rang gi dbang bskur ba'i gnas su bzhag pas dbang bskur la mdzub mo gnyis kyi phreng ba dkris pa
 bcings la/ de bzhin du go bgo ba bcing zhing/ oM badzra ratna a b+hi Shiny+tsa sarba mu dra mai tri d+h+ri ku ru pa ra ka ba tse na baM zhes bzla bar bya'o/ /de nas de bzhin du mthar mnyam pa'i thal mos mnyes par bya'o/ /de nas rab tu dga' la rag las pa zhes bya ba la sogs pas bskul la/
 snyim ma'i me tog gis lha rnams ji lta ba bzhin du gshegs su gsol bar byas nas/ sprul pa rnams rang gi lus la bsdus te/ rdo rje srung ba dang/ rdo rje gnod sbyin dang/ rdo rje khu tshur dang rdo rje sems dpa' i gtsug tor gyi phyag rgya byams pa'i go chas
 bdag bsrung bar byas la/ langs nas ji ltar mngon par 'dod pa'i dge ba bya bas gnas par bya'o/ /de ltar ji srid dkyil 'khor mngon sum du mthong bar gyur pa de srid kyi bar du nyin re zhing bya'o/ /de ltar byas na sngon du bsnyen pa byas par 'gyur ro/ /gang zhig
 bsgom par mi nus pa des ni rnal 'byor chen po byas la lha thams cad kyi sngags re re zhing bzlas brjod 'bum 'bum bya'o/ /sngon du bsnyen pa'i cho ga'o// //de ltar rig pa'i brtul zhugs rjes su spyad la/ dngos grub don du gnyer bas ji skad du bshad pa'i
 sbyar ba dang/ sa yongs su gzung ba byas la dkyil 'khor bri bar bya'o/ /de la re zhig dang por ni bgegs gzhom par bya'o/ /de nas rdo rje 'khor los dkyil 'khor sprul la phyag 'tshal lo la sogs pa sngon du 'gro bas sdom pa bzung la rnal 'byor chen po dang
 gzhal yas khang dang gdan rnams bskyed la dbus su sems dpa' i skyil mo krung gis 'dug ste/ bdag nyid spro ba bskyed par bya'o/ /deng du bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam par/ /gyur par
 bdag ni som nyi med/ /byang chub sems dang sems gcig la/ /mi ldog par ni bdag gyur te/ /de bzhin gshegs pa'i rigs su ni/ /deng bdag skyes par the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad
 spyan 'dren pas/ /der bdag 'dus pa'i mchog yin no/ /de nas lus thams cad kyis phyag byas la lag na sbos snod thogs te/ sangs rgyas thams cad spyan drang bar bya ste/ ma lus phyogs na bzhugs pa yi/ /sangs rgyas thams cad dgongs su gsol/ /
 bdag ming 'di zhes bgyi ba yis/ /rdo rje can gyi dkyil 'khor bri/ /sangs rgyas thams cad 'dir gshegs te/ /dngos grub 'di ni stsal du gsol/ /zhes brjod la lus thams cad kyis phyag byas la dang po'i rnal 'byor dang/ dkyil 'khor gyi rgyal po mchog dang/ las kyi
 rgyal po'i mchog bsgom par bya'o/ /de nas phyag rgya chen po bcings la/ oM mahA su kha badzra satwa(rgyud 'grel ba btab par bsam par bya'o/ /sems can kun la phan pa'i phyir/ /rgyal ba chen po yang dag 'khrungs/ /gang phyir chags bral bdag nyid kyis/ /chags dang bcas pa gzung ba'i phyir/ /rnam par grol bas gsol ba 'debs/ /rang nyid 'dul ba'i mchog
 bshad pa/ /bde ba chen po rdo rje che/ /gsang rtogs dngos grub rab stsol gsungs/ /de nas langs la de bzhin gshegs pa thams cad kyi zhabs la phyag byas la/ de bzhin gshegs pa thams cad kyi nam mkha' kun tu gang bar bsams la 'di skad brjod par
 bya'o/ /bdag ni rang nyid rdo rje can/ /rdo rje sems dpa' rang bdag nyid/ /bdag ni sangs rgyas rgyal po che/ /stobs chen rdo rje can bdag yin/ /rnal 'byor dbang phyug rgyal po bdag /phyag na rdo rje bstan bdag ste/ /bdag po rdo rje chen po bdag /byin gyis brlabs
 pa mi 'dor ro/ /oM mahA su kha badzra satwa dza(rgyud 'grel pas/ /dkyil 'khor thams cad bsgrub par bya/ /dam tshig che gsum zhes bya ba/ /rgya 'di gsang sngags sgrub byed pa'o/ /dngos grub cho ga thams cad la/ /rdo rje dril du rab bskul bas/ /cho ga lhag gam ma tshang ba/ /'grub 'gyur smad par mi bya'o zhes bcom ldan
 las rdo rje 'chang chen pos gsungs so/ /de nas dang po'i rdo rjes oM mahA su kha badzra dza(rgyud 'grel la yang phyag rgya chen po bcings la badzra driSh+Ti maT zhes bya ba mig gnyis su bkod la/ de bzhin 'dug la de bzhin langs/ /kun tu rnam par bltas nas ni/ /snying po kun tu rjod byed cing/ /bgyings pa'i tshul gyis yongs su bskor/ /yi ge a las rkang pa gnyis kyi
 mthil du sna tshogs rdo rje bsams la rkang pa'i mthil nas yongs su gsungs te/ nam mkha' i khams rab 'byam ma lus pa'i tshad tsam gyi sa'i cha rdo rjer gyur par mos par byas la/ rdo rje lta bas g.yon nas bskrad par byas la g.yas nas 'og bcing ba dang
 nam mkha' dang phyogs dang mtshams dang dkyil 'khor bcing ba dang/ rdo rje dra ba bya'o/ /de nas sgo dbye ba'i phyag rgyas sgo phye la rdo rje rgyu'i ngo bo zhal bzhi dang phyag bzhi pa'i gsang ba'i dkyil 'khor sngags dang phyag rgya 'di dang ldan par dgug par bya'o/ /oM badzra maN+Da la
 hUM dza(rgyud 'grel rdo rje khu tshur gnyis kyis mgal me'i 'khor lo bskor ba'i tshul du 'khor lo bskor ba ni 'di'i phyag rgya'o/ /de nas seng ldeng las su byas pa'i rdo rje phur bu yi ge hUM las stong khro bo'i gzugs la smad rdo rje rtse gcig pa lta bu mdza' yas dang/ rnam par
 rgyal ba dang/ sprin sgra dang/ gsus po che dang/ rgyal ba zhes bya ba dang rin pa bzhin du bskyed la tsandan dmar pos byugs shing me tog gi phreng ba dmar pos brgyan la srad bu dmar pos bcing ba byas la haM kro d+ha ya mahA tre ti ma ta zhes bya ba'i sngags
 lan brgya rtsa brgyad bzlas te/ g.yon pa'i rdo rje khu tshur gyis gzung la phyi'i dkyil 'khor mtshams bzhir dbang ldan gyi phyogs nas brtsams te/ /g.yas nas bskor zhing rdo rje'i tho bas brdung bar bya'o/ /de nas rdo rje gnod sbyin gyis bgegs bsal bsrung bar byas
 te/ rdo rje khu tshur gyis sgo bcad la/ rdo rje srung bas bsrung ba thams cad yang dag par bsrungs la rdo rje gnod sbyin bzlas pa'i bum pas bsang gtor gyi don du dkyil 'khor gyi khang pa'i sgor bzhag la rdo rje srung ba yang yongs su bzlas pa'i spos chab rdo rje gnod sbyin
 gyi sngags zlas bzhin du dbang ldan gyi phyogs nas brtsams te/ g.yas nas bskor ba'i rim gyi dkyil 'khor gyi sa gzhi byug pa 'am byug tu gzhug par bya'o/ /de nas lha thams cad kyi gnas su dri'i dkyil 'khor byas la/ dpal rdo rje sems dpa' la sogs pa'i snying
 por lag pa reg pa de re re zhing lan bdun bdun bzlas la dkyil 'khor de rnams su dpal rdo rje sems dpa' la sogs pa nas/ rdo rje 'bebs pa'i bar du bkod la mchod pa rnam pa lngas yang dag par mchod la phyi rol du gtor ma sbyin par bya'o/ /de nas rnam par rgyal
 ba'i bum pa la rdo rje gnod sbyin dang/ rdo rje me dang rdo rje sems dpa' ji lta ba bzhin bzlas la dpal rdo rje sems dpa' i spyan sngar mtshan nyid ji lta ba bzhin du bzhag la bsnyen pa bya'o/ /dkyil 'khor gyi zhag yang bzlas brjod thun gsum bya'o/ /de nas rdo rje
 gnod sbyin rdo rje sems dpa' dang/ sangs rgyas spyan la sogs pas re re zhing mar la sogs pa'i sbyin sreg brgya rtsa brgyad byas te/ 'di ni lhag par gnas pa'i sbyin sreg gi cho ga'o/ /de nas mtshan brgya rtsa brgyad pas bstod la/ rdo rje mtshon cha ma la sogs
 pa'i phyag rgya'i mchod pa bcu gnyis kyis yang dag par mchod nas dkyil 'khor gyi lha rnams la phyag byas la mchod yon phul te sngar bshad pa'i cho gas slob ma lhag par gnas par bya'o/ /de nas lha lhag par gnas pa'i cho ga yang de bzhin du byas
 la bcom ldan 'das la phyag byas te mtshan brgya rtsa brgyad pas bstod la/ mchod yon phul nas yang dag par mchod de phyag byas nas slob ma rnams la zab cing rgya chen po'i chos bshad la yang dag par spro bar byas la slob dpon
 slob ma'i tshogs dang bcas pa dkyil 'khor gyi sa'i mthar ji skad du bshad pa'i mal du nyal bar bya'o/ /de nas mal nas langs la rnal 'byor chen po ji lta ba bzhin du byas nas nyi ma 'char ba'i dus su dkyil 'khor nam mkha' i steng du de bzhin du bzhag ste/ oM
 badzra sa ma ya su tra mA ti kra ma hUM zhes zlos shing snga ma bzhin du thig gdab par bya'o/ /de nas tshon dmar po la sogs pa dkyil 'khor ji lta ba bzhin du bris la/ dkyil 'khor dbus ma'i dbus su sna tshogs pad+ma'i steng du lugs ma la sogs pa'i gzugs
 'dzum pa dang bcas pa zla ba'i mdog can 'od zer dmar po 'bar ba 'khrug pa/ sangs rgyas kyi phreng ba la sogs pas brgyan cing yan lag spras pa/ sems dpa' i skyil krung gi bzhugs pa phyag rgya chen po rdo rje dril bu bsnams pa'i bcom ldan
 'das rdo rje sems dpa' sa ma ya stwaM/ oM mahA su kha badzra dza(rgyud 'grel mdun du mi bskyod pa'i gnas su rdo rje yid las byung ba sku mdog dmar po g.yon pa'i khu tshur gyis me tog gi gzhu bsnams pa/ phyag g.yas pa mnga' gsor ba la brtson pa'o/ /bcom ldan 'das kyi g.yas logs su rin chen 'byung ldan gyi gnas su badzra
 kI li kI li sku mdog shin tu dkar ba phyag gnyis rdo rje khu tshur gnyis bcings pas rang gi thugs ka dang po rdo rje yongs su 'khyud de bzhugs pa'o/ /bcom ldan 'das kyi rgyab tu 'od dpag tu med pa'i gnas su rdo rje dran pa sku mdog ser po phyag g.yas kyis
 chu srin gyi rgyal mtshan bsnams shing phyag g.yon gyis gdan la brten te bzhugs pa'o/ /bcom ldan 'das kyi g.yon logs su don yod grub pa'i gnas su rdo rje bsnyems ma sku mdog sngon po phyag gnyis rdo rje gnyis bsnams nas dku gnyis su 'gying dag gis
 bzhugs so/ /nang gi dkyil 'khor de nyid kyi me'i mtshams su rdo rje dpyid gser gyi mdog can bden bral rdo rje sprin shin tu sku mdog dkar ba/ rlung gi mtshams su rdo rje ston ser pa/ dbang ldan gyi mtshams su rdo rje dgun sku mdog sngon po'o/ /yang 'di dag go
 rim bzhin du me tog dang spos dang/ mar me dang/ dri bsnams pa dang/ spyi bo'i gnas su thal mo sbyar te 'jog pa'o/ /phyi'i dkyil 'khor gyi lha'i snam bu la me'i mtshams su sgeg mo sku mdog dmar ba/ /khu tshur gnyis kyis rdo rje gnyis bsnams
 nas rdo rje bsnyems pa'i tshul gyis 'dzin cing gsum pa g.yos pas rab tu 'dung pa'o/ /bden bral gyi phyogs su bzhad ma sku mdog shin tu dkar pa so'i phreng ba gnyis dang bcas pa'i rdo rje rtse lnga pa gnyis dang bcas pa bsnams nas/ rdo rje sems dpa' la
 sogs pa 'dzum pa rmad du byung bas rab tu 'jog par mdzad pa/ phyag g.yon pa gdan la brten te bzhugs pa'o/ /rlung gi mtshams su glu ma chen mo sku mdog ser ba/ rdo rje pi wang len pa la brtson par bya'o/ /dbang ldan gyi phyogs su gar ma sku mdog sngon
 po phyag gnyis kyi rdo rje rtse gsum pa bsnams nas gar byed pa'i tshul gyis bzhugs pa'o/ /phyi dang nang du bcas pa'i shar sgo gnyis su rdo rje lcags kyu sku mdog dmar po rdo rje lcags kyus rdo rje sems dpa' la sogs pa'i de bzhin gshegs pa 'gugs pa'i tshul gyis/
 bzhugs pa'o/ /lho phyogs kyi sgo gnyis su rdo rje zhags pa sku mdog shin tu dkar ba/ rdo rje zhags pa rdo rje sems dpa' la sogs pa'i de bzhin gshegs pa rnams thar ba chen por grong khyer du 'jug par mdzad cing bzhugs pa'o/ /nub phyogs gyi sgo gnyis su
 rdo rje lcags sgrog sku mdog ser po rdo rje lcags sgrog gi rdo rje sems dpa' la sogs pa'i de bzhin gshegs pa thams cad 'ching bar mdzad pa'o/ /byang phyogs kyi sgo gnyis su rdo rje 'bebs pa sku mdog ser po phyag g.yas pa rdo rje dril bu dkrol
 ba'i tshul gyis rdo rje sems dpa' i de bzhin gshegs pa rnams mnyes par mdzad cing phyag g.yon pa gdan la brten te bzhugs pa bri bar bya'o/ /de la 'di dag ni rdo rje yid las byung ba la sogs pa nas rdo rje 'bebs pa'i bar gyi dgongs pa snying po rnams
 yin no/ /ho d+hi shi sa ya ka ma ta hUM/ badzra kI li kI li hUM hUM sma ra badzra band+ha hUM/ badzra ro Sha hUM/ hUM ma d+hu badzri hUM/ badzra me g+he hUM/ sha ra ta badzra haM badzra/ hUM badzra she she Sha/ hA badzra lA sya hA/ ha ha swa badzri Ni/ /oM badzra gI te/ /oM badzra Ni te badzri dza(rgyud 'grel sha/ hUM badzra pA sha/ baM badzra spho Ta a badzra g+haN+Ta/ rdo rje yid las byung ba nas 'bebs pa'i mthar thug pa 'di thams cad kyang sangs rgyas lnga'i cod pan sems dpa' i skyil mo krung gis bzhugs pa dpal rdo rje sems dpa' la mngon du phyogs pa sna tshogs pad+ma'i
 gdan la bzhugs pa yin no/ /de ltar dkyil 'khor bris nas/ rdo rje hUM mdzad kyi sbyor bas dkyil 'khor gyi sgo phye la dpal rdo rje sems dpa' i sbyor bas bsdu ba byas la mtshan brgya rtsa brgyad pas bstod pa bya'o/ /de nas bcom ldan 'das kyi phyag rgya chen
 por bsams la g.yas pa'i mdzub mo lcags kyus bcom ldan 'das 'khor dang bcas pa'i dkyil 'khor du bcug la/ rdo rje gnod sbyin dang/ rdo rje khu tshur dang/ rdo rje srung bas de bzhin du las rnams byas la/ oM mahA su kha zhes bya ba la sogs
 pa'i snying pos/ bcom ldan 'das 'khor dang bcas pa la mchod yon phul nas dam tshig gi phyag rgya rnams kyis bcom ldan 'das 'khor dang bcas pa de bzhin du bsgrub par bya'o/ de nas chos dang las dang phyag rgya chen pos rgyas btab la dbang bskur
 ba'i phyag rgya rnams kyis dbang bskur nas yang mchod yon la sogs pa phul te/ bcom ldan 'das rdo rje sems dpa' 'khor dang bcas pa la dbul ba la sogs pas mchod par bya'o/ /dril bu rtser btags rgyal mtshan ni/ /grwa rnams su ni bzhag par bya/ /phyi yi
 mtshams kyi gnas su ni/ /bum pa yal gas brgyan pa bzhag /bum pa spos chus gang ba dang/ /nor dang rdo rje dang bcas pa/ /rdo rje sems dpa' i spyan sngar bzhag /me tog yal ga la yongs bzla/ /'di skad ston te bum pa rtsa ba nag po ma yin pa/ gsus pa che ba ske ring ba
 ? 'phyang? ba/ gser dang byu ru dang dung dang mu tig dang pad+ma rA ga ste/ rin po che thams cad dang bri ha sti dang/ kaN+Da ka ri dang/ ha sa de ba dang/ daN+Dotpa la dang ki ri ka ni dkar po ste sman thams cad dang/ 'bras sA lu dang nas dang gro dang til dang/ ma sha ste 'bru thams cad dang/
 tsandan dkar po la sogs pa'i chu dang me tog dkar po dang dri zhim pos yongs su gang ba dang/ phyi rol kun tu dri zhim pos byugs pa me tog gi phreng ba btags pa rang gi lha'i phyag rgyas mtshan pa mgul pa ras gtsang zhing bzang bas bcings pa/ me tog dang lo ma can gyi
 yal ga yod pa'i lcug ma rdo rje dang bcas pa'i rdo rje khu tshur gyis bzung la rang gi sngags brgya rtsa brgyad bzlas te/ bum pa de rnams kyis lha rnams kyi phyi rol tu kun nas re re dbul bar bya'o/ /dang por ni dpal rdo rje sems dpa' i bum pa shar phyogs kyi sgo la bltas
 par dbul lo/ /gnyis pa ni bcom ldan 'das rdo rje sems dpa' i spyan sngar sngags 'di lan nyi shu rtsa gcig bzlas la bzhag par bya'o/ /oM mahA su kha badzra sa ma ya a b+hi She ka dza(rgyud 'grel yongs su bzlas la lha rnams la re re dbul bar bya'o/ /de nas ras zung 'bum mam/ bri 'am stong ngam re re zhing zur re la oM dang badzra ratna mahA su kha zhes bya ba bzlas pa dang/ bla re dang gdugs dang/ rgyal mtshan dang rnam pa sna tshogs bdag kyang badzra spha ra khaM zhes zlos
 shing/ bcom ldan 'das 'khor dang bcas pa la dbul bar bya'o/ /me tog gi rigs la bzlas pa'o/ /me tog gi shing brgya 'am bzhi 'am me tog thams cad dbul bar bya'o/ /ga phur dang tsandan la sogs pa'i dri rnams ni dri'i rig pas so/ /a ka ru nag
 po la sogs pa'i bdug spos rnams kyis bdug pa'i rig pas so/ /kha zas ro brgya pa la sogs pa ni a kA ro mu khaM sarba d+harmA NAM Adya nutpa n+na twAta ces bya ba bzlas la mngon par dbul lo/ /mar la sogs pa'i mar me ni mar me'i rig pa zlos la sdong bu legs par btsugs pa'i
 snod stong rtsa nas tha na bzhi yan chad de bzhin du dbul bar bya'o/ /rol mo stong dam rol mo bcu po'i yi ge hUM zlos shing rol mo'i phyag rgya dang ldan pas de bzhin du dbul bar bya'o/ /de bzhin du gzhan dag kyang snga ma'i rjes su 'brangs nas shes par bya'o/ /de nas phyi
 rol tu gtor ma dang sbyin sreg bya'o/ /de nas phyag btsal ba la sogs pa sngon du 'gro bas sdom pa blangs la/ sarba yo ga tsit+ta utpA dA yA mi zhes bya bas byang chub kyi sems chen po bskyed la/ g.yas pa'i rdo rje khu tshur gyis dang po'i rdo rje blangs la rang gi snying gar bzhag ste rang gi snying
 gar hUM las rdo rje las rdo rje bskyed de/ su ra te sa ma ya stwaM ho badzra sid+d+hi ya tha su khaM zhes brjod do/ /de nas sgo'i phyi rol na gnas pa'i bum pa'i chus bdag nyid dbang bskur ba la rdo rje slob dpon rang nyid ji snyed pa'i dris byugs shing yan lag byug pa dang/ rgyan gyis brgyan cing
 me tog gi phreng bas spud pa dang/ gos dmar po'i zung gis bgo ba dang kha dri zhim por bya zhing gos dmar pos gdong g.yogs la/ rdo rje bsnyems pa'i sbyor ba dang ldan pas sngon du spyod pa byas pas lag pa g.yon pas rdo rje thogs pas bu mo'i lag pa g.yas
 pa nas de 'dzin pa'i tshul gyis gzung la phyag rgya chen pos 'jug par bya'o/ /rA ga d+hi sarba su sha na ma san taM saM gra ho d+hi b+ha ba me su kha d+harmA badzra satwa driSh+Ti b+ha ba me la gung du sh+yA sid+d+hya tsa su kha gu hya nA ma zhes gsang ba'i tshul drug ldan la sogs pa'i glu'i tshul
 gyis glur blangs shing dang po shar phyogs nas zhugs la dza(rgyud 'grel spho Ta zhes bya bas rdo rje lcags sgrog gi bdag nyid bcing bar bya'o/ /yang byang phyogs kyi sgo nas de bzhin du zhugs la a badzra gaN+Da zhes bya bas rdo rje 'bebs pas bdag nyid dbab par byas la yang shar phyogs kyi sgo nas de bzhin du zhugs la/ thog mdza' med pa'i sems
 dpa' ni/ rdo rje sems dpa' dga' ba che/ /khyod ni kun tu bzang po ste/ /rdo rje bsnyems pa'i bdag po gtso/ /sems dang sems dpa' ting nge 'dzin/ /rdo rje de bzhin ting nge 'dzin/ /kun mchog dam tshig rnams grub pa/ /rdo rje sems dpa' bdag grub mdzod ces brjod
 par bya'o/ /de nas rdo rje gar las byung ba'i bcom ldan 'das kyi phyag rgya chen po bcings la phyag bya'o/ /de yang/ g.yon pa'i mig gis rdo rje yis/ /zhus nas mgon la phyag byas te/ /g.yon pa bsnyems pas gnas pa'i mchog /rol pa'i mig ni 'dzum
 par bya zhes gsungs pa yin no/ /oM ba ra ma su kha tsit+ta la li ta bi lA sya ni mi te na mA mi b+ha ga baM band+ha naM dza(rgyud 'grel la de kho na nyid 'di lan gcig brjod par bya'o/ /'dod chags chen po bde ba che/ /rdo rje che zhing nor che ba/ /ye shes chen po las che ba/ /rdo rje sems bdag deng grub mdzod/ /yang dza(rgyud 'grel bdag nyid la dbab par bya'o/ /yang g.yon pa'i khu tshur gyis sems ma rdo rje dral la 'dis bdag nyid la dbab par bya'o/ /oM mahA su kha badzra satwa dza(rgyud 'grel hUM mahA su kha badzra satwa pra tIts+tsha sa ma ya stwaM/ de nas de blangs la snying po 'dis rang gi mgo la bcing bar bya'o/ /deng khyod de rdo rje can gyis ni/ /dngos grub thams cad grub pa'i phyir/ /'dod pa kun gyi dbang phyug dang/ /sems can kun la bde
 rab stsol/ /thams cad grub pa'i dbang bskur ro/ /oM badzra mahA su kha badzra satwa a b+hi Shiny+tsa su ra ta stwaM/ de nas snying po 'dis gdong g.yogs dgrol bar bya'o/ /oM badzra tsak+Shu sa ma ya sarba su ra tastwaM/ de nas hUM las mig gnyis su rdo rje bsams la he badzra pa
 sh+ya zhes brjod par bya'o/ /de nas shar phyogs kyi sgo nas brtsams te/ rdo rje sems dpa' i mthar thug gi bar du dkyil 'khor chen po bstan par bya'o/ /de nas 'jug pa'i phyag rgya bcings la tiSh+Tha badzra zhes bya ba la sogs pas rang gi snying gar dgrol bar
 bya'o/ /de nas shis pa brjod pa'i tshul gyis rdo rje thal mo sgeg pas bskor la thal mo sbyar te/ bcom ldan 'das la mtshan brgya rtsa brgyad pas bstod par bya'o/ /de nas rdo rje mtshon cha ma la sogs pa'i gsang ba'i mchod pa bzhis bcom ldan
 'das la yang dag par mchod la klu dang rol mo la sogs pa'i mchod pas kyang mchod nas phyi'i dkyil 'khor gyi nang du 'jug pa'i sgo la mngon par phyogs par sna tshogs pad+ma bris la/ yang rnam par rgyal ba'i bum pa la bum pa'i
 sngags lan nyi shu rtsa gcig de bzhin du bzlas te/ dpal rdo rje sems dpa' i phyag rgya chen pos pad+ma de la ji lta ba bzhin du 'dug ste/ me tog la sogs pas bdag nyid legs par mchod cing mchod yon blangs nas rdo rje sems dpa' i sku
 gzugs mgo bor bzhag ste/ rdo rje khu tshur gyis rnam par rgyal ba'i bum pa la chu blugs la/ oM mahA su kha badzra satwa dza(rgyud 'grel oM mahA su kha badzra satwa dza(rgyud 'grel rin po che'i cod pan dang/ dbang bskur ba'i phyag rgya rnams kyi bdag nyid la dbang bskur la yi ge hUM gis dang po'i rdo rje byin gyis brlab cing ma las bskyed pa'i rdo rje dril bu dang bcas pa'i dang po'i rdo rje snying po 'dis blang bar bya'o/ /hUM sarba ma mahA badzra d+ha ra su kho b+ha ba e
 Sha stwaM a b+hi Shiny+tsa grih+Na h+ri da ti badzra te/ kye che ge mo grub pa a de ltar rdo rje dbang bskur ba blangs nas snying po 'dis bdag po'i dbang bskur blang bar bya'o/ /dza(rgyud 'grel badzra ha ra su ra ta stwaM mahA badzra satwaM oM b+hur b+hu ba swa/ de nas rdo rje de spyi bor bzhag la snying po 'dis ming gi dbang bskur ba blang bar bya'o/ /sarba badzra a d+hi pa ti stwaM a b+hi Shiny+tsa mi mahA badzra nA ma sid+d+ha sa ma ya stwaM b+hur b+hu ba swa:/ de nas snying po 'dis dngos grub kyi brtul
 zhugs kyi rdo rje blang bar bya'o/ /oM sarba ta thA ga ta sa ma ya a d+hi pa tistwaM a b+hi Shiny+tsa mi/ 'di ni sangs rgyas thams cad nyid/ /rdo rje can gyi rdo rje nyid/ /rdo rje can gyi brtul zhugs ni/ /khyod kyis kyang ni rtag tu bcad/ /'di ni de bzhin gshegs pa thams cad
 kyi byang chub kyi sems dam pa yin te 'di yongs su ma spangs pas rtag tu bcing ba yin no/ /zhes bya ba ni 'di'i gsang ba yin te hi badzra garb+ha ba pa de hi badzra nA ma sid+d+ha sa ma ya stwaM b+hur b+hu ba swa zhes kyang brjod do/ /de nas de nyid kyis ni rdo rje gzung/ /chos kyi dril bu dkrol
 bar bya'o/ /dam tshig gis ni phyag rgya cher/ /byin gyis brlabs kyis snying po bzla/ /yang dril bu dkrol/ dam tshig gsum gyi glus bstod la/ /mchod pa rnam pa lnga dang/ rdo rje mtshon cha la sogs pa'i rnam pa bcu gnyis kyis kyang bdag nyid la mchod nas/ rdo rje thal
 mo bskor bas bcom ldan 'das la phyag byas la mchod pa rnam pa lnga dang/ dbang bskur ba blang bar bya'o/ /yang bcom ldan 'das la phyag byas la sngags gzung ba dang/ phyag rgya bzhi'i ye shes dang/ gzengs bstod pa dang lung bstan pa
 bcom ldan 'das la mnos la bdag la byin gyis brlab pa la sogs pa snga ma bzhin du byas te/ mdun du skyil mo krung gis 'dug ste bu mo dang lhan cig la 'jug pa'i phyag rgya bcings la ji srid yid la mngon par 'dod pa'i dngos grub thob pa de srid kyi bar
 du bzlas brjod bya'o/ /de nas mchod pa thams cad kyis bcom ldan 'das la yang dag par mchod nas phyag byas nas slar 'byung bar bya'o/ /de nas slob ma gzhug par bya ba'i phyir dkyil 'khor brtag par bya ste/ de nas bu mo med par rab tu dga' ba'i rdo rje
 slob dpon bdag nyid 'jug pa'i cho ga rjes su spyad la cho ga rnams byas nas/ srid pa'i bde ba rnam dag phyir/ /khyod sngon khyim la dga' ba'i phyir/ /'dod pa kun gyis dngos grub ces/ /sems can kun don grub phyir bgyid zhes bya bas gsol ba btab la
 bcom ldan 'das 'khor dang bcas pa mchod pa thams cad kyis yang dag par mchod la slob ma gzhug par bya'o/ /slob dpon gyi las kyi cho ga rdzogs so// //de nas slob ma bslab pa'i gzhi lnga yongs su 'dzin pa 'am dge slong gi sdom pa
 yongs su blangs pas sngar bshad pa'i cho gas rig pa'i sdom pa bzung la de nas des/ oM sarba ta thA ga ta yo ga tsit+ta utpA dA ya mi zhes bya ba las slob dpon gyis byang chub kyi sems bskyed du gzhug go /de nas de'i snying gar rdo rje ji lta ba bzhin du bskyed la/
 de nas rdo rje sems dpar byin gyis brlabs la dri dang me tog la sogs pas mchod nas 'di skad brjod par bya'o/ /deng khyod de bzhin gshegs pas byin gyis brlab par 'gyur gyis/ khyod kyis de bzhin gshegs pa thams cad kyi gsang ba'i dkyil
 'khor du ma zhugs pa la smra bar ma byed cig /dad pa mi ldan pa rnams la yang ma yin no/ /de nas thog ma lnga po bsdu ba bcings la 'di skad ces brjod do/ /sangs rgyas thams cad bsgrub pa yi/ /khyed kyis gsang ba'i dam tshig 'di/ /sangs rgyas thams cad rab
 grub byed/ /gal te dkyil 'khor ma mthong smras/ /khyed kyi rigs kun bcom par 'gyur/ /oM mahA su kha ha na ha na sa ma ya mA ti kra ma su ra ta stwaM/ de nas yon gyi mchog blangs la shar phyogs kyi sgo la bltas nas phyi rol na gnas pa'i bum pa'i chus dbang
 bskur la rab tu dga' ba'i rdo rje'i dam tshig gi phreng ba 'dzin du btsug la slob ma thams cad gzhug pa'i cho gas gzhug par bya'o/ /de nas zhugs nas rna bar 'di skad ces bstan par bya'o/ /chags bral gyis 'dul 'jig rten la/ /chags bral gyis ni sbyong bar byed//
 'dod chags chen po bde ba che/ /rdo rje sems dpa' sbas pa yin/ /'dod chags bral ba 'dra ba'i sdig /sdug bsngal dngos po gzhan med de/ /de bas 'dod la chags bral ba/ /khyod kyi nam yang ma byed cig /de nas 'di skad ces brjod par bya'o/ /deng khyod
 de bzhin gshegs pa thams cad kyi rigs su zhugs kyis ngas khyed la ye shes gang gis de bzhin gshegs pa thams cad grub pa'ang thob na dngos grub gzhan lta smos kyang ci dgos te de lta bu'i ye shes bskyed par bya'o/ /khyod kyis dkyil 'khor chen po ma mthong ba
 rnams la smra bar ma byed cig /dam tshig nyams par gyur ta re/ /de nas rdo rje slob dpon rang nyid kyis sems ma rdo rje ma'i phyag rgya kha thur bstan pa dang gyen du bstan pa bcings la rdo rje slob ma'i spyi bor bzhag ste/ 'di skad ces brjod par bya'o/ /'di ni khyod kyi dam
 tshig rdo rje yin gyis/ dam tshig yin gyis gal te 'ga' zhig la smras na klad ba 'gas par 'gyur ro/ /de nas dam tshig gi phyag rgya de nyid dang/ /mna' snying po lan gcig bzlas la slob ma de 'thung du bcug la 'di skad ces brjod par bya'o/ /rdo rje sems dpa' 
 deng khyod kyi/ /snying la yang dag gzhug par mdzad/ /gal te tshul 'di smras na ni/ /de ma thag tu dral nas gshegs/ /badzro ba ka Tha/ de nas slob ma la 'di skad ces brjod par bya'o/ /de nas brtsams te khyod kyis phyag na rdo rje ni nga yin
 gyis ngas 'di byos shig ces bsgo ba gang yin pa de khyod kyis bya dgos so/ /khyod kyis nga la brnyas par ma byed cig mi bde ba ma spangs par khyod dus byas nas dmyal bar ltung bar gyur te/ de nas de bzhin gshegs pa thams cad kyis byin gyis brlob la rdo rje
 sems dpa' bdag la 'beb par gyur cig ces smos shig ces brjod par bya'o/ /de nas rdo rje slob dpon gyis rings bar sems ma'i rdo rje bcings la de'i snying gar bzhag ste/ 'di skad ces brjod par bya'o/ /'di ni rdo rje'i dam tshig ste/ rdo rje sems
 dpa' yin par bshad/ /rdo rje ye shes bla med ni/ /de ring nyid du 'bab par shog /de nas A be sha a zhes bya ba 'di lan brgya rtsa 'don du gzhug go /yang g.yon pa'i khro bo'i khu tshur gyis rdo rje sems mas dral la/ oM mahA su kha badzra satwa dza:
 hUM baM ho(rgyud 'grel ba dang/ gdong g.yogs dgrol ba dang/ dkyil 'khor bstan pa dang/ phyag rgya dgrol ba rnams slob dpon gyi cho gas bya'o/ /de nas de kho na nyid chen mo brjod par bya ste de ni 'di yin no/ /sems can kun gyi yid khyab cing/ /sems can kun la bde
 rab stsol/ /rdo rje sems dpa' sems dpa' che/ /'dod pa 'di ni dam tshig mchog /'di ni thog ma tha ma med/ /nam mkha' las byung mtshan nyid yin/ /kun tu bzang po kun bdag nyid/ /rdo rje snyems tshul bdag po'i gtso/ /'di nyid kho na 'gro ba'i sems//
 brtan pas sems dpa' zhes brjod de/ /mnyam par bzhag pas ting 'dzin te/ /nges pa'i phyir na rdo rjer 'gyur/ /sems dpa' i byin rlabs sbyor ba yis/ /slar yang rdo rje sems dpar 'gyur/ /'di nyid thogs ma'i sems dpa' ste/ /'dod pa 'gro ba kun gyi bdag /'di nyi kho nas sangs
 rgyas nyid/ /'di nyid de bzhin gshegs pa yin/ /'di ni khams gsum thams cad de/ /dang po'i sems dpar yang dag byung/ /chags bral gyis mthar mu stegs rnams/ /de 'dul ba yi dbang gis 'di/ /bcom ldan rab sbas gsang nyid du/ /bde bar gshegs pa mdzad pa yin
 de nas bcom ldan 'das bstan par bya ste/ bcom ldan 'das phyag na rdo rje 'di ni bde ba chen po sems dpa' yin te/ /sems can thams cad dgug pa dang gzhug pa dang/ /bcing ba dang/ dbang du bya ba'i dam tshig ni 'di yin no/ /zhes dang po'i sems dpa' nas brtsams te de
 bzhin gshegs pa'i bar du de rnams khyed kyis brnyas par mi bya zhing nam yang yongs su spang bar mi bya'o/ /'di la brnyas par gyur na khyed la nyes pa thams cad mi 'byung ba ma yin no/ /de nas yon gyi mchog blangs te sna tshogs pad+ma de bzhin du bris la slob ma rdo rje sems
 dpar byin gyis brlabs te/ /pad+ma der de rdo rje sems dpa' i phyag rgya chen por sbyor bas bzhag la mchod yon byin nas me tog la sogs pas yang dag par mchod de rdo rje khu tshur gyi rnam par rgyal ba'i bum pa las chu blangs la/ slob dpon gyi cho gas dbang bskur bar bya zhing chu de
 blud la 'di skad ces brjod par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrung na dngos grub 'gyur/ /rdo rje bdud rtsi chu 'thung zhig /rdo rje dril bu'i phyag rgya dag /gal te dkyil 'khor ma thong smras/ /skye bo 'dus pa'i nang smras
 na/ /dad pa med par brgad par 'gyur/ /de nas phyag rgya'i dbang bskur ba dang/ cod pan dang/ dar dpyangs dang/ rdo rje dang bdag po dang ming gi dbang bskur ba byin la dngos grub kyi rdo rje brtul zhugs byin nas de kho na nyid dang chos dang dam tshig kyang sbyin par bya'o/ /de nas me tog la
 sogs pa dang rdo rje mtshon cha sogs pa phyag rgya'i mchod pa'i phyag rgya bcu gnyis kyis de yang dag par mchod la/ oM mahA su kha badzra satwa dza(rgyud 'grel bya'o/ /dam tshig chen po ni sems dpa' la bya'o/ /de kho na nyid ni rab tu dga' ba zhes bya ste/ bcom ldan 'das rab tu dga' ba la bskul bas dngos grub kyi mchog 'dod pa thams cad myur du 'thob par 'gyur ro/ /de bas na dam tshig chen po de kho na nyid ces bshad
 do/ /bcom ldan 'das 'di ni khams gsum gyi dbang phyug dang po'i sems dpa' nyid yin pas 'dod pa kun gyi dbang phyug ste ma dul ba rnams la rdo rje bsnyems ma'i bdag po mchog yin no/ /de bas na rdo rje bsnyems ma'i don nyid du brjod par bya'o/ /bcom
 ldan 'das thog ma tha ma med pa kun tu bzang po'i sku 'gro ba thams cad kyi bdag po phyag na rdo rje bsnyems ma'i bdag po de rab tu dga' ba'i sbyor bas rdo rje 'di 'chang bar mdzad cing/ de bzhin gshegs pa thams cad mnyes par byed pa yin la/ gang gi tshe rab tu
 dga' bas gzengs bstod pa de'i tshe 'di ni bde ba chen po rdo rje sems dpa' yin te nyon mongs pa med cing bde ba nyid kyis/ sangs rgyas kyi byang chub la sogs pa dngos grub thams cad myur du thob par 'gyur ba yin no/ /de nas 'dis ni rab tu dga' bas bstod pa'i
 phyag rgya bcom ldan 'das g.yon bsnyems pa'i tshul gyis 'dod chags la spyad pa'i sems can rnams dbang du mdzad nas mgu bar mdzad pa yin no/ /de ci'i phyir zhe na/ dga' ba'i sbyor bas 'gro ba rnams mgu bar mdzad pa 'ba' zhig tu ma zad de/ zhi ba nyid
 kyis tshul gyis 'dul bar mi nus pa rnams la 'dir bsnyems ma'i tshul la yang sbyor bar mdzad do/ /bsnyems ma 'ba' zhig gi 'dul bar mi nus pa la 'di don du bcom ldan 'das rdo rje bsnyems ma'i bdag por gyur nas 'jig rten gyi khams thams cad
 du gang 'dul bar spyod pa'o/ /de'i phyag rgya bcings la oM mahA su kha badzra satwa dza(rgyud 'grel de'i yan lag yin la 'di ni bcom ldan 'das kyi 'dod chags kyi yan lag gi thugs 'bigs par byed pas na mchod cha'i snying po'o/ /g.yas na rab tu dga' ba'i sbyor bas/ bde ba chen po'i rgyab nas chags pa'i 'ching bas chu srin lta bu yin bas chu srin gyi rgyal mtshan no/ /
 g.yon na ni bsnyems pas dbang du byed pas na dbang du byed pa ste/ 'di rnams ni rab tu dga' ba'i mchod pa'o/ /me tog ma la sogs pa dang sgeg mo la sogs pa 'di dag ni rdo rje rnam par rtse ma ste/ 'di dag ni mig gi chags pa'o/ /rtse ba'i lcags kyu la sogs pa'o/ /de
 bzhin gshegs pa thams cad kyi gsang ba'i 'dir de zhugs na 'di ni sangs rgyas nyid kyang 'thob par 'gyur na dngos grub gzhan rnams lta smos kyang ci dgos te/ de bzhin gshegs pa thams cad kyi dam tshig gi mchog yin pa'i phyir ro/ /de nas snying po byin la phyag rgya chen
 po la sogs pa bcing ba'i sbyor ba bzhi ji lta ba bzhin du brlab par bya'o/ /lha'i rnal 'byor du byas la sa ma ya satwa a d+hi tiSh+Tha swa ma zhes bya ba dang/ rang gi dam tshig gi phyag rgya bdag nyid ji lta ba bzhin du byin gyis brlabs par bya la bsnyems pa dang bcas pas
 rdo rje gsor zhing 'di skad ces brjod par bya'o/ /Tak+ki hUM dza(rgyud 'grel dza(rgyud 'grel gshegs pa la sogs pa dang dad pa de rnams la yang 'dir de bzhin gshegs pa la sogs pa'i rang gi dam tshig la sogs pas 'grub par 'gyur ro/ /de nas bcom ldan 'das 'khor dang bcas pa la mchod pa thams cad kyis yang dag par
 mchod la de bzhin gshegs pa thams cad la ci nus par mchod cig ces bsgo la/ slob ma thams cad ci nus par mchod pa byed du gzhug go /de nas kha zas dang spyod lam thams cad kyis slob ma nas tshim par byas la phyag rgya dang phyag rgya'i lan thams cad kyis gar
 gyi mchod pa bya'o/ /de nas rdo rje bsdams pa snying gar dam du bcings la badzra mu(rgyud 'grel rab dgar rag las pa/ /'gro ba thams cad 'di yis mthus/ /sems dpa' chen po rdo rjer 'gyur/ /slar yang byon par mdzad du gsol zhes bya ba brjod de/ de nas oM mahA su kha badzra satwa dza(rgyud 'grel gyen du gtor bar bya'o/ /de ltar bcom ldan 'das 'khor dang bcas pa gshegs su gsol bar 'gyur ro/ /de nas sprul pa rnams ji lta ba bzhin du bsdu ba byas la 'dod chags chen po ni zhes bya ba la sog pa'i shes rab kyi pha rol tu phyin pa'i sgo gdon par bya'o/ /
 de nas rdo rje srung ba la sogs pas bsrung ba byas la/ oM mahA su kha zhes bya ba la sogs pas dkyil 'khor rang nyid kyis dbyi bar bya'o/ /gang du khyad par gyi cho ga med par der dkyil 'khor cho ga gzhan dag la yang cho ga 'di bzhin du shes par bya'o/ /slong ma
 gzhug pa'i cho ga rgyas pa rdzogs so// /de ltar slob dpon las kyi cho ga rgyas pa dang/ slob ma 'jug pa la sogs pa'i cho ga rgyas par bshad nas da ni dam tshig dang dbang bskur ba thob pa rnams la slob dpon gyis dngos grub kyi ye shes bstan par
 bya'o/ /zhes bya ba'i cho ga 'di bstan par bya ba'i phyir de ltar bcom ldan 'das don yod pa thogs pa med pa zhes bya ba la sogs pa gsungs te/ de nas zhes bya ba'i sgras ni 'das ma thag pa ston pa'i tshig go /bcom ldan 'das zhes bya ba ni rdo rje 'chang chen po ste des 'di skad
 ces bka' stsal to zhes bya bar sbyar ro/ /don yod pa zhes bya ba la sogs pa la de la don yod pa ni 'dod pa'i 'bras bu nges par gsol ba'o/ /'dod pa'i 'bras bu stsol bar mdzad pa'i don la bzlog par mi nus pas na thogs pa med pa'o/ /myur du grub pa ni tshe 'di nyid la
 sangs rgyas nyid dam rdo rje 'chang ba nyid du grub pa'o/ /de'i cho ga ni rdzogs par byed pa'i rgyu te gal te bsgrub par 'dod na zhes bya ba la sogs pa gang bshad pa'o/ /cho ga de'i rgyas par ni yul rnam pa sna tshogs dang ldan par gyur pa'i gsang ba'i mchod pa rnams kyis yang
 dag par mchod de rang rang gi phyag rgyas rab tu bsgrubs nas drug ldan la sogs pa snyan pa'i glu dang bzlas pa'i don gyis rdo rje sems dpa' rab tu bsgrub par bya'o/ /zhes 'og nas rjes thog nyid ston par 'gyur ba'o/ /de'i dam tshig ni rdo rje sems dpa' la sogs pa'i
 ngo bo ni rdo rje dang 'dra ba ste ming 'di skad ces bya ba'i ting nge 'dzin ni/ ting nge 'dzin gyi cho ga rnam par gnon pa de gang yin pa de mdzad pa ste/ de la rdo rje sems dpa' la sogs pa'i tshul gyis sems can gyi don rdzogs par mdzad pa thugs rtse gcig pa ni ting nge 'dzin to/ /de'i
 cho ga ni rdo rje sems dpa' la sogs thugs rje 'gro ba'i don mdzad pa ste de ni rnam par gnon pa'o/ /'di skad ston te rdo rje sems dpa' i sku bskyed nas des 'dul ba sems can gyi khams rnams rdo rje sems dpa' la sogs pa'i ting nge 'dzin la nges par sbyar bar mdzad do/ /
 'di gsungs so zhes bya ba ni bde ba chen po zhes bya ba la sogs pa'i rjes thogs la ston pa'o/ /su zhig gis ji skad gsungs zhe na rdo rje 'chang chen pos zhes gsungs pa yin no/ /bde ba chen po rab grub phyir zhes bya ba ni spyod pa rgya chen po dang ldan pa'i sems can rnams kyis de bzhin gshegs
 pa rnam par thar pa mngon sum du bya ba'i phyir ro/ /'dod chags chen po rnam dag phyir zhes bya ba ni sngon gyi 'phen shugs kyis gzugs thams cad ston pa'i ye shes kyis sems can gyi don mdzad pa ni 'dod chags chen po rnam par dag pa
 ste de'i don to/ /rdo rje sems dpa' i sgrub pa ni zhes bya ba ni bshad ma thag pa'i de bshad par bya'o/ /myur du ni rings par ro/ /rtag tu brtan pa ste 'khor ba ji srid kyi bar du gnas pa'o/ /ji srid gnas zhes bya ba la 'dir 'khor ba na 'khor ba ste snod kyi 'jig rten
 no/ /de gnas pa ni phyi ma'i mthar thugs pa med par bzhugs pa ste/ mi gnas pa'i mya ngan las 'das pa'i tshul gyis 'khor bar bzhugs pa'o/ /ni zhes bya ba ni nges par gzung ba'o/ /ji srid ces bya ba ni brjod par 'dod pa'i don ma lus par ston par
 byed pa'i tshig ste/ de srid sems can don mdzad pa ni 'khor pa'i rgya mtsho chen po las de snyed cig kho na phyag rgya chen po la sogs pa'i phyag brkyang bas sangs rgyas nyid stsol bas 'don par mdzad do/ /'di skad ston te ji srid kho na mi gnas pa'i mya ngan las
 'das pa'i tshul gyis 'khor bar bzhugs par mdzad pa de srid kho nas byang chub sems dpa' rnams sngon gyi 'phen shugs kyis phyag rgya chen po la sogs pa'i phyag brkyang bar mdzad pa la sems can gyi khams dpag tu med pa'i 'khor ba'i rgya mtsho
 chen po las gdon par mdzad pa'o/ /mya ngan las 'das zhes bya ba la sogs pa ni nyan thos dang rang sangs rgyas ltar phung po lhag ma med pa'i mya ngan las 'das pas yongs su mya ngan las 'das na 'khor ba phyi ma'i mthar thug pa med par sems can
 gyi don shin tu byed par mo nus so/ /ci'i phyir zhe na/ byang chub sgrib ces bya ba gsungs te/ nyan thos dang/ rang sangs rgyas kyi byang chub la sgrib cing gshegs pa 'di la mnga' bas na byang chub sgrib ste 'dis bsgribs pas na sgrib pa'o/ /shin tu mi snang
 bar gyur pas na de'i phyir mya ngan las 'das par gyur pas 'gro ba'i don byed mi nus pa'o/ /de bas byang chub sems dpa' mi gnas pa'i mya ngan las 'das par bsgrub par bya ba'i phyir/ byang chub sems dpa' i lam thabs dang shes rab zung du 'jug pas bsgom par
 bya'o zhes ston pa yin no/ /de nyid kyis na zhes bya ba la sogs pa lan zhes bya ba'i sgra ni gang gi phyir zhes bya ba'i don to/ /gang gi phyir phung po lhag ma med pa'i mya ngan las 'das pa'i shin tu mi snang bar gyur na sems can gyi don byed mi nus so/ /rgyu des na byang chub sems
 dpa' dam pa rnams kyi phyi ma'i mthar thug pa med pa'o/ /'khor ji srid pa'i bar du 'khor bar gnas shing 'dod pa dang gzugs med pa'i srid pa yongs su mi 'dor bar 'khor ba'i tshul gyis mi gnas pa'i tshul gyis mi gnas par mya ngan las 'das pa'i ngo bos
 sems can gyi don nyid ces pa sems can gyi don gyi phyir/ 'khor ba yongs su mi 'dor bar bzhed cing yongs su 'dod pa yin no/ /dngos po la mngon par zhen pa ni ma yin no/ /'o na ji ltar zhe na thams cad dag pa'i mchog chos can zhes bya ba gsungs te/ thams
 cad ces bya ba'i sgras ni so sor rtogs pa'i ye shes kyi rang bzhin can gyi sems dang sems las byung ba la bya bar bshad do/ /de rnams kyi dag pa ni thams cad ni dag pa ste gzung ba dang 'dzin pa'i rnam par rtog pa dang bral ba'o/ /de nyid ni mchog chos te
 de gang la yod pa ni thams cad dag pa'i mchog chos can zhes bya ste/ rnam par rtog pa thams cad dang bral ba/ dmigs pa med pa'i thugs rje chen po'i rang bzhin can no zhes ston pa yin no/ /gal te de ltar byang chub sems dpa' rnams 'khor bar ji
 srid par gnas te phyi ma'i mthar thug pa med pa'i sems can gyi don mdzad par gyur na/ sbyin pa'i pha rol tu phyin pa la sogs pa'i spyod pas kyang de lta bu'i sems can gyi don byed par gyur pas/ gsang sngags kyi spyod pa ci zhig bya zhes de ltar rtog par
 'gyur ba dag yod pas de'i phyir/ de ltar yin zhes bya ba la sogs pa gsungs te/ ji ltar phyag rgya chen po nyid dam rdo rje 'chang ba nyid la sogs pa'i 'thob pa'i mtshan nyid can gyi sems can gyi don du 'gyur te/ de lta bur byang chub kyi spyod
 pa'i mchog sbyin pa'i pha rol tu phyin pa la sogs pa 'dis tshe 'di nyid la thob par mi 'gyur ba'o/ /rang gi sems ji lta ba bzhin du shes pa ni byang chub ste/ de'i don gyi spyod pa ni byang chub kyi spyod pa'o/ /de yang 'khor gsum yongs su dag pa'i pha rol tu phyin pa
 bcu'i spyod pa'o/ /de rnams kyi mchog ni phul du byung bar gnas pa ste/ de la yod pa'i sbyin pa'i pha rol tu phyin pa la sogs pa ni byang chub spyod mchog go /byang chub spyod mchog kyang yin la sbyin pa'i pha rol tu phyin pa yang yin pas na byang chub kyi spyod pa'i mchog
 sbyin pa'i pha rol tu phyin pa la sogs pa'o/ /ji ltar phyag rgya chen po la sogs pa phyag rgya thams cad kyi dngos grub thams cad sgrub pas de bzhin gshegs pa nyid dam/ rdo rje 'chang nyid la sogs pa thob pa'i mtshan nyid can gyi sems can thams cad kyi don 'grub
 par 'gyur ba de ltar sbyin pa'i pha rol tu phyin pa la sogs pa byang chub kyi spyod pa'i mchog de rnams kyis 'grub par mi 'gyur ro/ /ji ltar gsang sngags kyi tshul la phyag rgya chen po la sogs pa'i dngos grub bsgrub pas tshe 'di nyid la de bzhin gshegs pa nyid dam/ rdo rje
 'chang nyid la sogs pa thob pa'i mtshan nyid can gyi sems can gyi don du 'gyur ba de ltar sbyin pa'i pha rol tu phyin pa la sogs pa byang chub kyi spyod pa'i mchog rnams kyis kyang ci'i phyir mi 'gyur zhe na/ de bzhin gshegs pa zhes bya ba la sogs pa gsungs
 te/ gang de bzhin gshegs pa rnams kyis 'dul bar mi 'gyur ba de ni de bzhin gshegs pas mi 'dul ba ste/ de bzhin gshegs pa mthong ba'i skal ba med pa'i sems can rnams so/ /mi 'dul ba de rnams la sems can gyi don sangs rgyas nyid
 du bya ba la sogs pa'i de bzhin gshegs pa mi mdzad do/ /ni zhes bya ba'i sgra ni gang gi phyir de bzhin gshegs pa rnams ni mi 'dul ba rnams la sems can gyi don mdzad do/ /de bas na ci zhig tu des zhe na ji ltar sngags kyi tshul la phyag rgya chen po la sogs pa'i dngos
 grub bsgrubs pas/ tshe 'di nyid la de bzhin gshegs pa la sogs pa bskyed par byed do/ /de bas na sbyin pa'i pha rol tu phyin pa la sogs pa byang chub kyi spyod pa'i mchog gis ni de ltar mi 'gyur ro/ /gsang sngags kyi tshul la yang de dang 'dra mod/ ci'i
 phyir de ltar mi 'gyur zhen 'di na zhes bya ba la sogs pa gsungs te/ gang gi phyir 'di na gsang sngags kyi tshul la skal ba dang mi ldan pa rnams kyis kyang dkyil 'khor la sogs pa ma mthong ba'i phyir mi ldog pa'i bag chags bskyed pas phul du byung bas tshe 'di nyid la de
 bzhin gshegs pa nyid la sogs pa de rnams grub pa'i phyir phyag rgya chen po la sogs pa'i dngos grub rab tu grub cing rdzogs pa yin no/ /de bas na 'di ni bcom ldan 'das de bzhin gshegs pa de ltar byung bar ngo bo nyid kyis chos kyi dbyings thog ma dang tha ma med
 pa'i rang bzhin du grub pa yin no/ /dus thams cad kho nar ji ltar mngon par 'dod pa'i dngos grub rab tu ster zhing thams cad byed pa yin no/ /de la 'di ni zhes bya ba la sogs pa gang gi phyir gsang sngags kyi tshul 'di la de bzhin gshegs pa'i dkyil 'khor mthong ba la sogs
 pa'i stobs kyis dus thams cad du gdul bya rnams la mngon par 'dod pa'i dngos grub rab tu gsol bar mdzad do/ /de bas na sngags kyi tshul las gsungs pa'i sgrub pa 'di ni sgrub pa'i dngos grub myur du grub par byed par bshad do/ /'di khyad par ji lta bu zhig ce na dngos grub shin tu rtag
 pa yin zhes bya ba la sogs pa gsungs te/ de bzhin gshegs pa nyid dang/ rdo rje 'chang ba nyid la sogs pa'i rang bzhin can gyis mngon par 'dod pa'i dngos grub tshe 'di nyid la shin tu rtag pa'i dngos grub kyi rgyur gyur pa'i phyir dngos grub shin tu rtag pa yin zhes smra'o/ /yang
 ci'i phyir dngos grub kyi rgyur gyur pa la sgrub pa'i sgrar brjod/ grub pa nyid ni ma yin zhe na/ gang gis srid pa 'di nyid du shin tu rtag pa'i dngos grub thob pa'i rjes thogs nyid la bshad pa'i phyir te/ gang gis zhes bya ba ni grub pa gang gis so/ /srid pa
 'di nyid du zhes bya ba ni skye ba gang la bsgom pa la mngon par brtson pa byas pa de nyid la grub ba ste/ sangs rgyas nyid dam rdo rje 'chang nyid 'grub par 'gyur ba'o/ /khyad par ji lta bu zhe na shin tu rtag pa zhes bya ba ste phyi ma'i mthar med par gnas pa'o/ /dkyil 'khor
 dag tu ma zhugs kyang zhes bya ba 'di ni 'og nas ston pa'i sgrub pa'i bdag nyid che ba ston pa ste ji skad du bshad pa'i dkyil 'khor du 'jug pa'i phyag rgyas dkyil 'khor du ma zhugs pa ni dkyil 'khor du ma zhugs pa'o/ /kyang zhes bya ba'i sgras ni
 dkyil 'khor du zhugs pa rnams ni shin tu yang 'grub par 'gyur ro/ /zhes ston to/ /dam tshig rnam par spangs pa 'am zhes bya ba ni dam tshig mi shes pa'i mdun du sngags dang phyag rgya ston pa ni dam tshig ste/ rdo rje sems dpa' la sogs pas spangs pas na dam
 tshig gi spangs pa'o/ /de yang gal te 'og nas ji skad du bshad pa bzhin du grub par byed na/ bsgoms pa'i stobs kyis dngos grub nges par thob par 'gyur na/ bsam gtan dang ldan zhing dkyil 'khor du 'jug pa'i phyag rgyas zhugs pa lta smos kyang ci dgos/ srid pa
 'di las myur du 'grub ces bya ba ni/ des skye ba gang la sgrub par brtsams pa skye ba de nyid las 'grub pa des myur ba nyid du 'grub par 'gyur/ bsod nams med kyang thams cad du zhes bya ba la dag par byed pas na bsod nams te ma chags pa dang zhe sdang med pa dang/
 gti mug med pa'i spyod pas sbyong bar byed do zhes bya ba'i don to/ /de 'di la yod pa ma yin pas med pa'o/ /kyang zhes bya ba'i sgras ni gang gi phyir/ bsod nams dang mi ldan pa yang rigs thams cad kyi dngos grub kyi ji skad bshad pa thams cad tshe 'di nyid la myur du 'grub
 par 'gyur bas/ bsod nams dang ldan pa rnams ni shin tu yang myur du 'grub par 'gyur ro zhes ston to/ /gal te dngos grub bsgrub 'dod na zhes bya ba ni/ ji srid rdo rje sems dpa' la sogs pa'i dngos grub sgrub par 'dod par gyur na'o/ /rtag tu yul dang ldan gyur na
 zhes bya ba ni rdo rje sems dpa' la sogs pa'i sgrub pa pos rdo rje sems dpa' la sogs pa'i ngo bor bskyed do zhes bya ba'i don to/ /ci zhig byas nas spyad par bya zhen yang dag mchod ces bya ba la sogs pa gsungs te lha'i rnal 'byor ji lta ba bzhin du byas nas ye shes sems
 dpa' rang gi lus la bcug la rang gi dam tshig gi phyag rgyas rab tu bsgrubs te byin gyis brlabs te dbang bskur la dngos grub kyi rdo rje brtul zhugs blangs nas rdo rje mtshon cha la sogs pa gsang ba'i mchod pa bzhis mchod la ka ka lya? dang/ drug ldan la sogs pa glu'i
 khugs thams cad kyis ji skad bshad bzhin du ji ltar mngon par 'dod pas/ oM mahA su kha zhes bya ba la sogs pa'i sngags kyi sgra zlos shing don la dmigs pa'i sgo nas ci nus par bya'o/ /ci nus par zhes bya ba ni bdag nyid kyi nus pa dang rjes su mtsham pas sngags zlos shing
 bcom ldan 'das rdo rje sems dpar bdag nyid bskyed la bsgrub par bya'o/ /'di yis zhes bya ba ni zlos pa'i cho gas so/ /'dod pa kun gyi dbang phyug ces bya ba ni rdo rje sems dpa' la sogs pa nas rdo rje 'bebs pa'i bar gyi lha thams cad kyi ting nge 'dzin 'dod pa tsam gyis mngon
 sum du byed par nus pa'o/ /de la ji ltar mngon par 'dod pa'i phyogs kyi bdag po zhes bya ba ni phyogs de nas 'dir steng du yang 'gro ba ste de lta bu'i bsam pa tsam gyis so/ /gang gi phyir de ltar yin pas des na bshad ma thag pa'i dngos grub thams cad kyi bdag po gtso bo grub
 pa'o/ /rdo rje sems dpa' la sogs pa'i phyag rgya chen po'i dngos grub rnams kyis rga shi na med par 'gyur ba'o/ /mchod sbyin ba zhes bya ba la sogs pa ni go sla'o/ /bde ba chen po rdo rje zhes bya ba ni rdo rje sems dpa' 'grub pa'i rnal 'byor pa ni/ bde ba chen po rdo rje sems
 dpa' grub pa'o/ /des mdzes pas na phyag rgya chen po ste bde ba chen po'o/ /rdo rje grub pa yang yin la rgyal po yang yin pas na bde ba chen po rdo rje grub pa'i rgyal po'o/ /de bzhin gshegs pa la sogs pa gang yin pa de ni de bzhin gshegs
 pa la sogs pa ste/ rdo rje sems dpa' rdo rje yid las byung ba la sogs pa'o/ /de bzhin gshegs pa la sogs pa de rnams kyi phyag rgya chen po la sogs pa'i dngos grub thams cad ni de bzhin gshegs pa la sogs pa'i dngos grub thams cad de/ de gdul bya
 rnams la stsol bar mdzad pas de bzhin gshegs pa thams cad kyi dngos grub thams cad stsol ba'o/ /rdo rje 'chang chen po byang chub sems dpar grub par gyur pa ni sems can gyi don rdzogs par mdzad pa'o/ /'di skad ston te snga ma bzhin du rdo rje sems dpa' i
 rnal 'byor byas la ye shes sems dpa' rang gi lus la bcug ste/ bdag la byin gyis brlab pa dang/ dbang bskur ba dang dngos grub kyi rdo rje'i brtul zhugs kyi bar du ji lta ba bzhin du rjes su spyad la/ rdo rje mtshon cha la sogs pa gsang ba'i mchod pa bzhis bdag nyid
 mchod la de kho na nyid dang/ chos dang dam tshig gis bzung nas bcom ldan 'das rdo rje sems dpa' i phyag rgya chen po bcings la/ rnam par sgeg pa'i dga' ba'i rdo rjes bcom ldan 'das la phyag 'tshal te/ oM mahA su kha zhes bya ba la sogs pa bzlas par bya
 ba'i snying po rang gi snying gar gnas pa'i rdo rje'i dbus su yid kyi bris la/ ka ka lya dang drug ldan la sogs pa'i bzlas pa'i don ci nus pas rdo rje sems dpa' bsgrub par bya'o/ /bdag la byin gyis brlab pa la sogs pa dang por lan gcig byas nas ji srid nyin re la bdag nyid rdo
 rje sems dpar mngon sum du mthong bar gyur pa de srid kyi bar du bzlas brjod bya'o/ /de nas dpal rdo rje sems dpa' i cha lugs 'dzin pa'i rnal 'byor pa bcom ldan 'das rdo rje sems dpa' i rig pa'i brtul zhugs khams gsum rnam par rgyal ba'i rgyud la gsungs pa spyad
 par bya'o/ de nas dkyil 'khor bris la zla ba nya ba la mtshan thog thag bsgom par byas na rdo rje 'dzin pa chen po dang 'dra ba'i byang chub sems dpa' chen por 'gyur ro/ /de nas zhes bya ba la sogs pa la gal te sgrub pa po de bzhin gshegs pa'i dngos grub kyi mchog grub par 'dod na/ sgrub
 pa po des bcom ldan 'das rnam par snang mdzad phyag gnyis kyi byang chub mchog gi phyag rgya bcings la de bzhin gshegs pa thams cad kyis yongs su bskor ba ras ris kyi dbus su 'dir gzhug go /ngos thams cad du zhes bya ba ni shes rab kyi pha rol tu phyin pa'i dum bu las gsungs pa'i
 sangs rgyas kyi sku gzugs brgyad kyis bcom ldan 'das rnam par snang mdzad la bskor bar bri bar bya'o/ /de'i mdun du zhes bya ba la sogs pa la ras ris de'i mdun du rnal 'byor pa nub tu bltas te byang chub mchog gi phyag rgya bcings la/ oM mahA su kha zhes bya ba la sogs
 pa rdo rje dam tshig gi bzlas brjod 'bum bya'o/ /de nas 'bum rdzogs pa na de la bgegs byed pa'i phyir mtshan khyed kyi dus na bdud kyi tshigs 'ong bar 'gyur ro/ /de nas de la bdud kyi stobs thams cad gzhom pas bcom par bya'o/ /zhes bya ba ni bdag nyid mi bskyod par bsam la
 rang gi snying gar sems ma rdo rje ma bsgoms te/ de bzhin gshegs pa'i khu tshur bcings la g.yon pa'i khu tshur rang gi snying gar bzhag la g.yas pa'i khu tshur gyis sor mo thams cad brkyang bas reg par byas la oM mahA su kha badzra satwa dza(rgyud 'grel de nas sgrub pa po'i lus 'gyur ba rdo rje 'dzin pa gtum po la sogs pa rnams kyis bdud kyi stobs thams cad bcom par byas pa'o/ /de nas zhes bya ba la sogs pa la de ltar bdud bcom par byas pa'i rjes thogs nyid la byang chub kyi mchog gi phyag rgya bcings te/ ji srid ni langs
 kyi bar du yang bde ba chen po bzla bar bya'o/ /de nas de bzhin gshegs pa 'am byang chub sems dpar 'gyur ro/ /'dis ni don 'di skad ston te rdo rje sems dpa' i rnal 'byor ji lta ba bzhin du byas la dngos grub kyi rdo rje brtul zhugs kyi bar gyi cho ga rjes su spyad nas/ rdo rje mtshon cha na
 la sogs pa gsang ba'i mchod pa bzhis bdag nyid mchod la de kho na nyid dang chos dang las dang/ dam tshig gzung nas phyag rgya bzhi byas la/ rnam par sgeg pa'i dga' ba'i rdo rjes phyag byas te/ byang chub mchog gi phyag rgya bcings te rnam par snang
 mdzad du bdag nyid bsgoms la dam tshig chen po'i de kho na nyid bzlas brjod 'bum byas na sngon du bsnyen par 'gyur ro/ /de nas ras ris 'brir bcug ste/ ras ris bcom ldan 'das rnam par snang mdzad spyan drangs la rdo rje sems dpa' i dam tshig gi phyag rgya bsgrub par bya'o/ /
 de nas chos kyi phyag rgyas btab po/ /de nas dam tshig chen po'i de kho na nyid zlos shing de bzhin gshegs pa'i las kyi phyag rgya chen pos rgyas btab la rdo rje rin chen gyi phyag rgyas dbang bskung la mchod pa rnam pa lnga dang/ rdo rje mtshon cha ma la sogs pa'i phyag rgya'i
 mchod pa bcu gnyis yang dag par mchod nas phyag bzhi byas la/ rnam par dga' ba'i rdo rjes kyang phyag byas nas byang chub mchog gi phyag rgya bcings te bzlas brjod 'bum byas na de nas nang par de bzhin du 'grub par 'gyur ro/ /de nas rdo rje 'chang chen po nyid du zhes bya ba
 la sogs pa la gal te rnal 'byor pa rdo rje 'chang chen po bsgrub par 'dod na rnal 'byor pa des bcom ldan 'das rdo rje sems dpa' i sku lugs ma 'am brkos pa byed du gzhug go /ji lta bu zhig ce na dkyil 'khor bzhin zhes gsungs te/ ji ltar dkyil 'khor gyi skabs su de'i
 mtshan nyid bshad pa bzhin du zhes bya ba'i tha tshig go /de lta bur byas nas de'i mdun bdag la byin gyis brlab pa la sogs pa byas nas/ der bcom ldan 'das ji lta ba bzhin du spyan drangs te mchod pa thams cad kyis yang dag par mchod la bcom ldan 'das kyi thugs kar gnas
 pa'i rdo rje la bzlas pa bya ba'i snying po yid kyis bris la phyag rgya chen po bcings te/ nyin re zhing ji skad du bshad pa'i tshig gis sngags zlos shing bsgom par bya'o/ /mthar zla ba nya ba la mtshan thog thag bsgom par bya'o/ /de lta bus ni zla ba drug gis rdo rje 'chang chen po dang 'dra bar
 'gyur ro/ /de ltar dang por sgrub pa la sku gzugs kyis khyad par byas pa yin no/ /ji ltar rdo rje 'chang ba sgrub pa la sku gzugs kyi khyad par 'dir bshad pa ltar sngar bshad pa'i rdo rje sems dpa' i sgrub pa la yang de bzhin du shes par bya'o/ /rdo rje sems dpa' thob pa ji
 ltar sgrub pa gsungs pa bzhin du zhes bya ba ni/ ji ltar sngar bshad pa'i sgrub pa la rdo rje sems dpa' i cha lugs su byas nas sgrub par gsungs pa ji ltar thob pa de bzhin du 'dir yang shes par bya'o/ /zla ba drug gis ni rdo rje 'chang chen po'i dngos grub 'grub bo zhes bya ba
 ni bshad ma thag pa'i sku gzugs kyi sgrub pas zla ba drug gi rdo rje 'dzin pa chen po'i dngos grub chen po rnal 'byor pas 'thob par 'gyur ro zhes bya ba'i tha tshig go /de nas rdo rje 'chang chen po bgug pa zhes bya ba la sogs pa gal te sgrub pa po rdo rje 'chang chen po 'gugs
 par byed par 'dod na/ des ji srid mtshan ma thob par 'gyur ba de srid kyi bar du sngon du bsnyen pa bya'o/ /de nas ras ris 'drir gzhug go /de nas de'i mdun du bdag la byin gyis brlab pa la sogs pa byas la/ ras ris la bcom ldan 'das sngar bshad pa'i
 bcom ldan 'das spyan 'dren pa'i sngags dang/ gsang ba'i lcags kyu mas phyag rgyas dgug pa dang/ gzhug pa dang/ bcing ba dang/ dbang du byas la dang po'i rdo rje'i phyag rgyas bsgrubs la/ chos dang las dang phyag rgya chen po rnams kyis rgyas btab la/
 dbang bskur ba'i phyag rgyas dbang bskur te/ mchod pa thams cad kyis yang dag par mchod pa phyag bzhi bya zhing rnam par sgeg pa'i dga' ba'i rdo rjes yang phyag bya'o/ /de ltar cho ga thams cad rjes su spyad nas sgrub pa pas yang gsang ba'i lcags kyu ma bcings
 la/ ji srid zla ba phyed tsam lon pa de srid kyi bar du ji srid mngon par 'dod pa nyin re zhing bsgrub par bya'o/ /de nas bcom ldan 'das rdo rje 'dzin pa chen pos thams cad stsol bar 'gyur ro/ /de nas rang gi phyag rgya sgrub pa ni zhes bya ba ni gal te
 rnal 'byor pa bdag nyid kyi rang gi lha'i phyag rgya chen po'i tshul bsgrub par 'dod na/ des cho ga thams cad rjes su spyad la rang gi lha'i phyag rgya chen po bcings te/ bzlas pa nyid kyis rang gi lha'i sngags zlos shing sgom pas de'i nga rgyal mngon du bya ba'i
 tshul gyis bdag ni rdo rje sems dpa' o zhes bya ba la sogs pa bsgom par bya'o/ /bsgoms nas bsgrub par bya'o/ /ji ltar 'dod pa bzlas pa zhes bya ba 'dis ni 'dir bsgom pa gtso bo yin gyi/ grangs kyi nges pas ni ma yin no/ /zhes ston to bdag nyid bsgrub
 par bya'o/ /zhes bya ba 'dis ni tshul de lta bu'i ji ltar 'dod pa'i bzlas brjod kyis bdag nyid rdo rje sems dpa' i bzlas pa'i don nyid du bskyed par bya ba'i phyir ras ris la sogs pa'i tshul gyis ni ma yin no/ /yang bsgom zhing bsgom zhing bzlas pa zhes bya ba bzlas pa'i tshul
 don yang dang yang du mngon du byas la bdag nyid rdo rje sems dpa' zlos shing bsgom zhing bsgom zhing bzla bar bya'o/ /ji srid zla ba phyed kyi rdo rje 'chang ba nyid thob pa zhes bya ba ni nyin re zhing bdag nyid la byin gyis brlab pa la sogs pa sngon du 'gro bas phyag rgya chen po
 bcings la rang gi lha'i skur bdag nyid nyin re zhing mngon sum du mthong bar gyur pa de srid kyi bar du bzlas brjod dpag tu med pa bya'o/ /de nas zla ba phyed bshad ma thag pa'i phyag rgya chen po bcings la bsgom par byas nas/ de'i rjes la 'grub par 'gyur ro/ /de nas 'dod pa
 thams cad kyi dbang phyug bsgrub par 'dod na zhes bya ba ni/ 'dod pa la spyod pa'i gzugs dang/ sgra dang dri dang/ ro dang/ rog bya ni 'dod pa thams cad de/ de rnams la dbang phyug yin pas na 'dod pa thams cad kyi dbang phyug ste/ gzhan 'phrul dbang byed kyi lha'i rgyal po de'i
 dngos po ni 'dod pa thams cad kyi dbang phyug nyid de/ de'i sgrub pa ni rang gi lus dang ngag dang yid de'i rang bzhin du skyes pa'o/ /de ji ltar 'gyur zhe na/ de bzhin du zhes bya ba la sogs pa gsungs te/ dpal rdo rje sems dpa' sku gzugs rang gi lha mo dang bcas pa
 mdun du bzhag ste/ bdag la byin gyis brlab pa la sogs pa byas nas ji srid nyin re zhing bsgom pa'i dus su/ bdag nyid lha mo dang bcas pa'i 'dod pa'i dbang phyug nyid dang 'dra bar mngon sum du mthong bar gyur pa de srid kyi bar du mngon sum du bsnyen pa bya'o/ /de nas zla btab la
 bcom ldan 'das lha mo dang bcas pa'i phyag rgya chen po bcings la sgrub pa la zhugs te ji srid bdag nyid 'dod pa'i khams kyi dbang phyug lha mo dang bcas pa nyid du 'gyur zhing/ ma'i rang bzhin las mi snang bar 'gyur te lha'i 'dod pa'i dbang phyug gi dga' ba'i ngo bo nyid du gyur
 pa de srid kyi bar du bsgom par bya'o/ /de nas sgrub pa po khams gsum ma lus pa'i bdag por 'gyur ro/ /de nas bcom ldan 'das rdo rje 'chang chen po ji skad du bshad pa'i don mdzad nas/ ting nge 'dzin gyi phyag rgya'i las bka' stsal to zhes bya bar sbyar ro/ /de nas zhes bya ba'i
 sgras ni 'das ma thag pa ston pa'i tha tshig go /'dod pa'i khams thams cad ni phyogs bcu na gnas pa'i khams gsum pa thams cad kyi 'dod pa dang gzugs dang/ gzugs med pa'i khams thams cad do/ /khams gsum ma lus pa der don yod pa ni 'bras bu yod pa ste/
 gdul bya rnams kyi don skal pa ji lta ba bzhin du mdzad pa'o/ /las rnams kyi tshogs kyi tshogs ni rgyun gang yin pa ste/ gang gis phrin las khams gsum pa na don yod pa'i las kyi rgyun ni rdo rje 'chang chen po'o/ /ci zhig mdzad nas gsungs she na thams cad ces bya
 ba la sogs pa gsungs te/ chos thams cad kyi rang bzhin du ngo bo nyid kyis grub cing rdzogs par gyur pas na/ rang bzhin gyis grub pa'i chos nyid de/ shes rab kyi pha rol tu phyin pa'i rang bzhin gyis dag pa'i ngo bo nyid kyis sems dang sems las byung ba gnyis su med pa'i
 ngo bo nyid ces bya ba'i tha tshig go /sems dang sems las byung ba thams cad kyi rang bzhin gyis grub pa'i chos nyid ni/ thams cad rang bzhin gyis grub pa'i chos nyid de ye shes der nges pa'o/ /de'i rnam par rol pa ni de'i dbang du byas nas gdul bya rnams kyi srung ba la sogs
 pa las rdzogs par mdzad pa'o/ /de mdzad nas thugs la bzhag pa 'di gsungs so/ /'di ci zhig ce na ma bsgrub pas zhes bya ba la sogs pa gsungs te/ ma bsgrub pa ni ma bskyed pa ste sgrub pa pos rang dbang du ma byas pa'o/ /bde ba chen po gsang ba'i gtsug tor la
 sogs pa'i phyag rgya ni ma bsgrubs pa'i phyag rgya'o/ /de rnams kyi las ni bdag bsrung ba la sogs pa'o/ /de'i rgyun rdo rje ni rgyun rnam pa sna tshogs pa rdo rje ltar mi phyed pa'o/ /de'i cho ga rgyas pa ni gang gi las kyi rgyun de mi phyed par rdzogs par 'gyur ba'o/ /de bka' stsal
 pa ni gsungs pa'o/ /de nas ma bsgrub pa'o zhes bya ba la sogs pa la/ de nas zhes bya ba'i sgra ni de'i rjes thogs la'o/ /gang gi tshe ji skad du bshad pa'i dngos grub ma bsgrubs pa de'i tshe ma bsgrubs pa'i snying po zhes bya'o/ /ma bsgrubs pa de'i las 'og nas bshad
 pa rnams brtsams pa yin no/ /de yang gang zhig ce na 'di ltar zhes bya ba la sogs pa gsungs te 'di ltar zhes bya ba ni nye bar bstan pa'i don to/ /bdag nyid bsrung ba ni bdag bsrung ba ste gdon la sogs pa'i 'jigs pa rnams bzlog pa'o/ /de gang gi 'gyur zhe na/
 bde ba chen po rdo rje gsang ba'i gtsug tor gyi bya ba gsungs te/ bde ba chen po rdo rje gsang ba ni bcom ldan 'das rdo rje sems dpa' o/ /de'i gtsug tor ni skyes bu chen po'i mtshan no/ /de bskyed par byed pa'i phyag rgya ni bde ba chen po rdo rje gsang ba'i gtsug tor zhes bya'o/ /
 de'i mtshan nyid ni 'di yin te dang po'i rdo rje bcings la mahA su kha zhes bya ba la sogs pas zlos shing gtsug tor gyi gnas su bzhag na bdag bsrung bar 'gyur ro/ /thams cad bsrung ba zhes bya ba ni srin po la sogs pa'i 'jigs pas skrag pa la srin po la sogs
 pa'i bzlog pa ni thams cad bsrung ba'o/ /de ji ltar 'gyur zhe na/ bde ba chen po rdo rje gsang ba'i mdzod spus zhes bya ba gsungs te/ bcom ldan 'das rdo rje sems dpa' i smin mtshams kyi dpral ba'i thig le'i gnas na skyes bu'i mtshan mdzod spu dkar po g.yas
 su 'khyil ba ni bde ba chen po rdo rje gsang ba'i mdzod spu ste de ston pa'i phyag rgya chen po la yang de skad ces bya ste/ des thams cad bsrung bar 'gyur ro/ /'di skad ston te snga ma bzhin du rdo rje sems dpa' i rnal 'byor byas la dang po'i rdo rje bcings te/ oM mahA su kha zhes
 bya ba zlos shing spyi gtsug gi gnas su bzhag nas spyi gtsug gi gnas las byung ba'i rig pa'i rgyal po'i rdo rje mdzod spu rnams kyis bsrung bar bya ba'i sems can rnams rang rang gi ngo bor mdzad nas de rnams kyi srin po la sogs pa kun tu skrag par bya bar bsams
 par bya ste/ de lta bus ni de rnams bsrung bar 'gyur ro/ /phyogs thams cad dang mtshams dang dkyil 'khor bcing ba ni zhes bya ba la/ phyogs thams cad ni phyogs bcu ste/ de rnams kyi bcing ba ni rdo rje bar mtshams med par khyab pa'o/ /mtshams bcing ba
 ni mngon par 'dod pa'i sa'i phyogs bzhi nas rdo rje phan tshun kun 'byar bas mtshams su bcad pa bdag gis byas pa'o/ /dkyil 'khor bcing ba ni bdag gis byas pa'i sa'i char ra ba'i rtsa ba'i gnas rdo rje'i rang bzhin du byas pa'o/ /'di dag thams cad ji ltar
 'gyur zhe na/ bde ba chen po rdo rje gsang ba'i 'bar ba'i phreng bas so zhes bya ba gsungs te/ bde ba chen po rdo rje gsang ba ni bcom ldan 'das rdo rje gsang ba ste/ de'i 'bar ba'i tshogs ni 'bar ba'i phreng ba'o/ /de skyed par byed pa'i phyag rgya la yang de skad ces bya ste
 des phyogs thams cad bcing ba la sogs par 'gyur ro/ /de yang de bzhin du dang po'i rdo rje bcings la rang gi snying gar bzhag nas bde ba chen po bzlas pas rang gi snying gar gnas pa'i rdo rje las 'bar ba'i 'od zer spros la des phyogs bcing ba la sogs pa bya'o/ /
 zhes bya ba'i tha tshig go /bdud thams cad ni nyon mongs pa dang/ phung po dang/ 'chi bdag dang/ lha'i bu'i rang bzhin can no/ /de rnams kyi stobs ni sde ste/ dgra bor gyur pa ni dpung ngo/ /de gzhom pa ni mi snang bar mdzad pa'o/ /de gang gis 'gyur zhe na/
 bde ba chen po rdo rje gsang ba'i mi bskyod pas so zhes bya ba gsungs te/ ji skad du bshad pa'i bde ba chen po rdo rje gsang ba'i rdo rje sems dpa' mi bskyod pa ste/ de bzhin gshegs pa mi bskyod pa'i sku phyag rgya dang de ston par byed pa'i phyag rgya ste des der 'gyur ro/
 de yang de bzhin du thams cad byas nas dang po'i rdo rje bcings la de bzhin gshegs pa mi bskyod pa'i ting nge 'dzin gyis bde ba chen po'i sngags bzlos shing rang gi snying gar rdo rje rtse lnga pa 'dzin cing rdo rje de bsams nas rang gi lus las byung ba'i rdo rje 'dzin pa gtum po la
 sogs pa bdud rnams kun tu bcom par bsam par bya'o/ /de lta bus ni bdud kyi stobs thams cad 'joms par 'gyur ro/ /tshe 'phel bar bya ba ni bde ba chen po rdo rje gsang ba'i bdud rtsis so zhes bya ba la/ tshe ni srog ste de'i mngon par 'phel ba ni
 tshe'i rgyun gong nas gong du 'phel zhing rgyun mi 'chad pa'o/ /de gang gis 'gyur zhe na/ bde ba chen po rdo rje gsang ba'i bdud rtsi'i phyag rgya ste 'grub par 'gyur ro/ /de ni 'di yin te de bzhin du dpal rdo rje sems dpa' i sbyor ba byas la dang po'i rdo rje las
 gung mo sbyar te kha dgab par bya'o/ /ji ltar zhe na/ oM mahA zhes bya ba zlos shing steng du bltas la phyag rgya bcings pa las/ dpal rdo rje sems dpa' sku mdog dkar po bdud rtsi'i rgyun 'bebs pa rnams byung bas rang gi kha nas yan lag thams
 cad kun tu 'gengs par bsam par bya'o/ /de lta bu ni rga ba dang 'chi ba med par 'gyur zhing rdo rje tshe thob par 'gyur ro/ /gzugs chen po phun sum tshogs pa zhes bya ba la gzugs kyang yin la chen po yang yin pas na gzugs chen po ste dpal
 rdo rje sems dpa' la sogs pa'o/ /de'i phun sum tshogs pa ni sgrub pa po'i rgyud pa ma tshang ba med par gyur pa'o/ /de ji ltar 'gyur zhe na/ bde ba chen po rdo rje gsang ba'i gzugs can gyis so zhes bya ba ni bde ba chen po rdo rje gsang ba'i gzugs can zhes bya ba'i phyag rgya
 de 'thob par 'gyur ro/ /de ni 'di yin te de bzhin du thams cad byas la dpal rdo rje sems dpa' i sbyor bas dang po'i rdo rje bcings la sngags zlos shing des rang gis gdong yongs su byugs la rang gi snying gar bkrol la phyag rgya bcings la bcom ldan 'das rdo rje sems dpa' 
 rang gi snying ga nas yan lag thams cad khyab par rdo rje sems dpar gyur par bsam mo/ /de lta bus ni rdo rje sems dpa' la sogs pa'i gzugs thams cad phun sum tshogs par 'gyur ro/ /gzi brjid dang na tshong shin tu bzang po rab tu 'phel ba la ni zhes
 bya ba la? gzi mdangs shin tu mdzes pa ni gzi brjid shin tu che ba? ? ste/ rdo rje sems dpa' i gzi mdangs so/ /na tshod bzang po ni na tshod shin tu gzhon pa ste/ dpal rdo rje sems dpa' nyid kyi lo bcu drug lon pa lta bu'i gnas skabs so/ /de gnyis mngon par 'phel ba ni rang gi rgyud la
 de dag gi rgyun gong nas gong du rgyun mi 'chad par bskyed pa'o/ /de ji ltar 'gyur zhe na/ bde ba chen po rdo rje gsang ba'i bcud kyis len gyis so/ /zhes pa gsungs te/ bde ba chen po rdo rje gsang ba'i bcud kyis len ni bde ba chen po rdo rje gsang ba'i gzi mdangs dang na
 tshod 'phel bar byed pa'i phyag rgya nges so/ /de yang de bzhin du rdo rje sems dpa' i rnal 'byor byas la/ oM mahA su kha badzra satwa dza(rgyud 'grel rje dbu ma las chu'i rgyun bzhin du 'byung bas bldag par gyur cing/ des kyang yan lag thams cad kun tu tshim zhing rdo rje sems dpar gyur par bsam mo/ /de lta bus ni gzi brjid dang na tshod bzang po shin tu 'phel bar 'gyur ro/ /'di ni bde ba chen po rdo rje gsang ba'i
 bcud kyis len yin no/ /de bzhin du 'og nas bshad pa'i las sgrub pa thams cad la yang oM mahA su kha zhes bya ba la sogs pa bzlas par shes par bya'o/ /stobs dang mdog 'phel ba la ni zhes bya ba la ni lus dang ngag gi stobs dpal rdo rje sems dpa' dang 'dra
 ba ni stobs so/ /de nyid kyi sku mdog zla ba'i mdog can 'dra ba ni kha dog go /de nyid 'phel ba ni snga ma bzhin du'o/ /stobs dang mdog 'phel ba la ni lus dang ngag gi stobs rgyud la bskyed pa'o/ /de ji ltar 'gyur zhe na/ bde ba chen po rdo rje gsang
 ba ni mthu yis so zhes bya ba la sogs pa gsungs te/ bcom ldan 'das rdo rje sems dpa' i stobs thogs pa med pa 'di ni stobs so/ /thogs pa med pa ni mthu'o/ /de skyed par byed pa'i phyag rgya la ming de skad ces bya ste/ des de ltar 'gyur ro/ /'di skad ston pa yin no/ /de
 bzhin du rdo rje sems dpa' i sbyor bar byas la/ dang po'i rdo rje bcings pa rang gi dpung mgo gnyis dang/ snying gar bzhag nas phyag rgya chen po bcings pa las byung ba'i bcom ldan 'das rdo rje sems dpa' yan lag kun tu gang zhing de'i stobs dang kha dog dang
 ldan par bsam par bya'o/ /de lta bus ni stobs dang mdog 'phel bar 'gyur ro/ /dbang bskur ba thams cad thob pa ni zhes bya ba la 'jig rten dang 'jig rten las 'das pa'i dbang bskur ba rnams thob pa ni dbang bskur ba thams cad thob pa'o/ /de ji ltar 'gyur
 zhe na/ rdo rje gsang ba'i cod pan gyis zhes bya ba gsungs te/ rdo rje gsang ba ni rdo rje sems dpa' o/ /de cod pan skyed par byed pa'i phyag rgya ni rdo rje gsang ba'i cod pan te des der 'gyur ro/ /de yang dpal rdo rje sems dpa' i sbyor bas lnga po bsdus pa bcings la mdzub
 mo gnyis lcags kyur byas pas cod pan dang dar dpyangs bcings pas dbang bskur ba'i tshul gyis rig pa 'dzin pa'i 'khor lo sgyur ba la sogs pa'i dbang bskur ba thob pa bsgom par bya'o/ /de lta bus ni dbang bskur ba thams cad thob par 'gyur ro/ /nor thams
 cad thob par byed pa la ni/ nor thams cad ni nor bu'i rigs dang 'jig rten pa'i gter la sogs pa ni thams cad do/ /de'i thob pa ni rnyed pa'i de ji ltar 'gyur zhe na rdo rje gsang ba'i dbyig gis so zhes bya ba gsungs te/ de bzhin du rdo rje sems dpa' i sbyor bas
 lnga po bsdus pa bcings pa/ mdzub mo gnyis lcags kyur gnyis su byas la bdag nyid nor bu'i rigs kyis bdag nyid du bsgoms la/ lcags kyur 'di gnyis kyis rang gi gsang ba'i gnas nas gser gyi dong tshe 'byin pa'i tshul du bya ba 'am/ gter gyi gnas
 nas nor de blangs shing de dang bdag nyid ldan par bsam par bya ste/ de lta bus ni nor thams cad 'thob par 'gyur ro/ /rgyal srid thob pa la ni zhes bya ba la mkhar gyi rgyal po la sogs pa'i rgyal srid rnyed pa ni rgyal srid thob pa'o/ /de ni rdo rje gsang ba'i rgyal po'i phyag rgya 'thob par
 'gyur ro/ /de ni 'di yin te de bzhin du bshad ma thag pa'i tshul gyis lcags kyu gnyis bcings la/ spyi gtsug gi steng du bzhag ste bdag nyid kyis mngon par 'dod pa'i rgyal srid thob par bsgom par bya'o/ /sa ma lus pa thob pa zhes bya ba la ni dzam+bu'i
 gling ma lus pa'i bdag po nyid thob pa'o/ /rdo rje gsang ba'i rtsal gyis so zhes bya ba ni/ rdo rje gsang ba'i rtsal gyi phyag rgyas 'gyur ro/ /da ni 'di yin te lnga po bsdus pa de nyid bcings la de las mdzub mo lcags kyur byas te/ /des sa rnams dgug cing
 bsdu ba'i tshul du bya zhing phyir rgol ba thams cad kyang rang gi lus la byung ba'i dpung gi cho gas yan lag bzhi pas zil gyis mnan nas rang dbang du byas te rab tu 'dung pa nyid du bsam par bya'o/ /thams cad dbab pa la ni zhes bya ba la sogs pa la
 rgyu ba dang mi rgyu ba'i dngos po thams cad dbab pa ni thams cad la dbab pa'o/ /de rnams nyid rang gi gnas nas g.yo bar byas pa ni bskyod pa'o/ /de bzhin du de rnams nyid gar byed du gzhug pa dang de rnams nyid dus gsum bden pa nyid du
 smrar gzhug pa'i dus gsum gyi dngos po bden pa nyid du ston du gzhug pa'o/ /de ji ltar 'gyur zhe na/ bde ba chen po rdo rje gsang ba'i dam tshig ston du gzhug pas so zhes bya ba gsungs te/ de la dpal rdo rje sems dpa' i sbyor bas lcags kyu gnyis de bzhin
 du bcings te/ des rgyu ba dang mi rgyu ba'i dngos po thams cad la rdo rje sems dpa' dbab pa'i bsam pas rang gi mtshan ma las bkug nas de lta bus de 'bab par 'gyur ro/ /de nyid kyis sems dpa' bcug la des dngos po thams cad rang gi gnas nas
 g.yo bar byas te/ de lta bus ni thams cad pa spyod par 'gyur ro/ /de nyid kyis dngos po thams cad la rdo rje sems dpa' bcug la gar byed par bsams na gar byed du bcug par 'gyur ro/ /de nyid kyi dngos po thams cad la rdo rje sems dpa' bcug la dus gsum bden
 par smra ba'i bsam pa bskyed na/ de lta bu ni dus gsum bden pa nyid du smrar gzhug par 'gyur ro/ /pra sen thams cad grub pa ni zhes bya ba ni nam mkha' dang me long dang ral gri dang mthe bo dang/ sa gzhi star ba 'tsher bar byas pa dang/ mar me dang/ snod la sogs pa'i
 mngon par 'dod pa'i dngos po thams cad kyis yang dag pa nyid nges par shes pa'i yi ge la sogs pa bra se na thams cad grub pa'o/ /de ji ltar 'gyur zhe na/ rdo rje gsang ba'i pra se na dbab pas so/ /zhes bya ba gsungs te/ de bzhin du dpal rdo rje sems
 dpa' i sbyor bas lcags kyu gnyis bcings la rang dang gzhan gyi mig dang rna ba gnyis la yi ge hUM las rdo rje bsams la rdo rje sems dpa' i sbyor bas bden pa gang gis chos thams cad gzugs brnyan dang 'dra ba dang/ bden pa gang gis chos thams cad brag ca dang 'dra
 ba'i bden pa des/ bdag gis mngon par 'dod pa'i dngos po smros shig /ston cig ces bden pa'i byin gyis brlabs byas la/ chos thams cad gzugs brnyan lta bur bsgom pa dang/ sgra thams cad brag ca lta bur bsgoms pas thams cad mthong ba dang thos par
 'gyur ro/ /rdo rje sems dpa' i byin gyis brlab pas byin gyis brlab pa gzhan ngag gis kyang mthong ba dang thos pa bya bar 'gyur ro/ /lcags kyu gnyis po de rang gi mtshan ma khar drangs na gdon thams cad las thar to zhes bya ba la 'phags pa rig pa mchog las gsungs
 pa'i gdon bco brgyad ni gdon thams cad de/ de rnams las thar bar bya ba ni gdon thams cad las thar bar bya ba'o/ /de ltar ci zhig gis 'gyur zhe na/ rdo rje gsang ba'i gdon las thar bas so zhes bya ba gsungs te rdo rje gsang ba ni bcom ldan 'das rdo rje
 gsang ba ste de'i gdon las thar ba'i phyag rgyas so/ /de ni 'di yin te snga ma bzhin du dpal rdo rje sems dpa' i sbyor bas lnga po bsdus pa bcings la de'i mdzub mo gnyis kyis lcags kyu gnyis su byas nas bdag nyid rdo rje sems dpa' sku mdog nag po shin tu drag
 par bsgoms zhing lcags kyu gnyis po des rang gi mtshan ma la gtugs te/ lcags kyu de nyid du dgrol zhing rdo rje sems dpa' drag po chen pos gdon gyis zin pa'i spyi bo nas brtsams te/ rkang mthil gyi bar gyi lus kun tu gang bar gyur par bsam par bya ste/ de lta
 bus ni gdon thams cad las thar bar 'gyur ro/ /gdug pa thams cad gzhig pa la ni zhes bya ba la gdug pa yang yin la thams cad kyang yin pas na gdug pa thams cad de/ 'phags pa dpung bzang las gsungs pa'i bgegs thams cad do/ /de rnams
 gzhig pa ni gzhom pa ste mi snang bar 'gyur ba'o/ /de ji ltar 'gyur zhe na/ rdo rje gsang ba'i bgegs gzhom pas so zhes bya ba gsungs so/ /rdo rje gsang ba rdo rje sems dpa' i bgegs gzhom pa'i phyag rgyas so zhes bya ba'i tha tshig go /de ni 'di yin te de bzhin du
 dpal rdo rje sems dpa' i sbyor ba byas la bdag nyid rdo rje sems dpa' 'bar ba'i phreng ba 'od kun tu 'khrug pa drag po chen por bsams la sngar bshad pa'i lcags kyu gnyis bcings nas nges rang gi mtshan ma la gtugs nas log 'dren gzhom pa'i bsam pas
 lag pa g.yon pa'i mthil du g.yas pa'i mthe bo mtshan mas bsnun cing log 'dren gyi steng du rdo rje sems dpa' 'od zer 'bar ba'i phreng ba 'khrug pa 'bab par bsam par bya ste/ de lta bus ni de bcom par 'gyur ro/ /thams cad rengs par bya ba ni zhes bya ba
 la gzhan gyi dpung dang seng ge dang stag dang rkun po dang sprin dang sbrul dang srin po la sogs pa mi 'gul bar byas pa ni rengs par byas pa'o/ /der ji ltar 'gyur zhe na/ rdo rje gsang ba'i rengs pas so zhes bya ba gsungs te rdo rje sems dpa' i rengs pa ni
 rdo rje gsang ba'i rengs pa ste de'i phyag rgyas thams cad rengs par 'gyur ro/ /'di skad ston te rdo rje sems dpa' i rnal 'byor ji lta ba de bzhin du byas la pha rol gyi dmag tshogs la sogs pa'i steng du rdo rje sems dpa' dbang chen gyi dkyil 'khor la bzhugs pa nam mkha' 
 dang mnyam pa de mnan nas bzhugs par bsam zhing sngar bshad pa'i lcags kyu'i phyag rgyas rang gi mtshan ma btsir ba de lta bus ni thams cad rengs par 'gyur ro/ /thams cad gnyid log par bya ba la ni rdo rje gsang ba'i gnyid kyis so zhes bya ba la sems can thams cad
 gnyid log par bya ba ni thams cad gnyid log par bya ba ste/ de ni bcom ldan 'das rdo rje gsang ba ste rdo rje sems dpa' i gnyid kyi phyag rgyas 'gyur ro zhes bya ba'i don to/ /de'i mtshan nyid ni de yin par shes par bya ste de bzhin du rdo rje sems dpa' i rnal 'byor byas la
 bshad ma thag pa'i lcags kyu gnyis bcings la/ rang gi mtshan ma la rig par byas la yid kyis bsgrub par bya ba dang gcig tu gyur par byas nas bsgrub par bya ba gnyid log tu gzhug pa'i bsam pas rang gi mig btsum par bya'o/ /thams cad rgyas btab pa ni gdug  
 cing gtum pa'i sems can thams cad rgyas btab po/ /der ji ltar 'gyur zhe na/ bde ba chen po rdo rje gsang ba'i dam tshig gi mkha' 'gro mas so zhes bya ba gsungs te/ rdo rje sems dpa' i dam tshig gi mkha' 'gro ma ni dpal he ru ka 'khor dang bcas pa'i skus nam mkha' 
 khyab pa'o/ /de skyed par byed pa'i phyag rgya ni dam tshig gi mkha' 'gro ma zhes bya'o/ /de ni 'di yin te de bzhin du rdo rje sems dpa' i sbyor ba byas la bshad ma thag pa'i lcags kyu'i phyag rgyas rang gi mtshan ma la reg par byas shing dpal he ru ka'i sku can gyi rdo rje sems dpa' 
 mkha' 'gro ma'i tshogs dang bcas par bdag nyid bsams la/ g.yon logs su phyag rgya bskor bar byas la bsgrub par bya ba la khro bo'i lta bas blta zhing bcom ldan 'das dpal he ru ka nam mkha' thams cad dang mnyam pa'i sbyor bas bsgrub par bya ba'i lus la bcug nas
 des de rgyas btab par bsam par bya'o/ /de ltar na thams cad rgyas btab par 'gyur ro/ /thams cad du bsad pa la ni zhes bya ba la dkon mchog gsum la gnod par byed pa dang/ sems can mang po 'khu bar byed pa ni thams cad do/ /de rnams bsad par bya
 ba ni rgyal bar bya ba dang/ rnam par sbyad par bya ba'i phyir gtan 'pho bar bya ba'o/ /des ji ltar 'gyur zhe na/ rdo rje gsang ba'i mthar byed pas so zhes bya ba gsungs te/ rdo rje gsang ba ste rdo rje sems dpa' i mthar byed pa ni gdug pa'i phyag rgya'o/ /'dis ni don
 'di skad ston pa yin te/ rnal 'byor pa bsam pa rnam par dag pa snying rjes gzhan dbang du gyur pas gal te sems can 'ga' zhig mtshams med pa'i las la sogs pa la 'jug pa mthong na/ gang gis de thabs gang gis sdig pa de las bzlog par
 nus pa de'i tshe de bzhin du rdo rje sems dpa' i rnal 'byor byas la/ bshad ma thag pa'i phyag rgyas rang gi mtshan ma la rag par bya ste/ bzlog la kha 'gram gnyis su mche ba ston pa'i tshul gyis 'jig cing bdag nyid rdo rje gnod sbyin gyi mche ba gtsigs pa
 'khor dang bcas pa bsams la/ bsgrub par bya ba rang gi khar bcug nas de bza' bar bsam par bya ste/ de ltar na thams cad gsod par 'gyur ro/ /thams cad bsgyel ba la ni rdo rje gsang ba'i hUM mdzad kyis so/ /zhes bya ba la dbang phyug chen po la sogs
 pa bsgyel ba ni thams cad bsgyel ba'o/ /bcom ldan 'das rdo rje gsang ba'i hUM mdzad ni rdo rje hUM mdzad kyi phyag rgya ste thams cad bsgyel bar 'gyur ro/ /'di skad ston te de bzhin du hUM mdzad kyi sbyor ba byas la sngar bshad pa'i lcags kyu'i mtshan mas rang gis mtshan ma
 la reg cing/ g.yas pa'i mdzub mo bsgreng la nges bsgrub par bya ba la sdig mdzub bya zhing rdo rje hUM mdzad du bdag nyid bsams la bsgrub par bya ba'i steng du phyag rgya bcings la/ rdo rje hUM mdzad spros la bsgrub par bya ba'i steng du 'bab par bya ste/ de lta
 bus ni thams cad bsgyel zhing ltung bar byas par 'gyur ro/ /thams cad bslang ba la ni zhes bya ba la ni dbang phyug chen po la sogs pa bsgyel ba thams cad bslang ba'o/ /de ltar ji ltar 'gyur zhe na/ rdo rje gsang ba'i dam tshig bslang ba'i phyag rgya ste zhes bya ba
 gsungs te/ rdo rje gsang ba'i dam tshig bslang ba ni rdo rje gsang ba'i dam tshig bslang ba'i phyag rgya ste/ des bsgyel ba thams cad slong bar 'gyur ro/ /de ni 'di yin te snga ma bzhin du rdo rje sems dpa' i rnal 'byor byas la des bshad ma thag pa'i phyag rgya bcings nas
 des rang gi mtshan ma la reg par bya zhing bdag nyid rdo rje hUM mdzad du bsams la/ des sdigs mdzub byas pa'i tshul nyid du byas pas bsgrub par bya bas las bslang ba'i tshul du byas te/ de lta bu lhung ba thams cad slong bar 'gyur ro/ /thams cad bcing ba ni khams
 gsum pa'i srin po la sogs pa thams cad bcing ba'o/ /de ji ltar 'gyur zhe na/ rdo rje gsang ba'i bcings pas so zhes bya ba gsungs te/ rdo rje chen po'i gsang ba ste rdo rje sems dpa' i bcing ba ni rdo rje gsang ba bcing ba'i phyag rgya gang yin pa ste des thams cad
 bcing bar 'gyur ro/ /de ni 'di yin te de bzhin du rdo rje sems dpa' i sbyor ba byas la sngar bshad pa'i lcags kyu gnyis bcings te phyag rgya bcings pa des rang gi mtshan ma la reg par byas nas/ bdag nyid rdo rje lcags sgrog tu bsams la mthe bong dang mthe'u
 chung bsgreng la bsgrub par bya ba ni rdo rje lcags sgrog gis bcing bar bsam par bya'o/ /thams cad thar bar bya ba ni dbang phyug chen po la sogs pa'i 'jig rten gsum gdung ba la sogs pa'i bcing ba las ni thar par bya ba ni thams cad thar par bya'o/ /de ltar
 cing 'gyur zhe na/ rdo rje gsang ba'i yi ge mus so zhes bya ba gsungs te/ de'i mtshan nyid ni 'di yin te/ de bzhin du rdo rje sems dpa' i sbyor ba byas la/ sngar bshad pa'i lcags kyu gnyis bcings te rang gi mtshan ma la bzhag nas/ oM mahA su kha badzra
 satwa dza(rgyud 'grel zin pa la thar bar bya ba ni phra men ma thams cad kyis g.yo ba med par byas shing shi ba'o/ /de'i sngon gyi gnas skabs rjes su sbyin pa ni/ sems dang bcas par sbyin par bya ba dang shi ba g.yo ba'o/ /'di gnyis ji ltar 'gyur zhe na/ gsang ba chen po he ru ka'i rdo
 rjes so zhes bya ba gsungs te/ gsang ba chen po ste rdo rje gsang ba'i he ru ka bskyed pa'i phyag rgya ni gsang ba chen po he ru ka'i rdo rje zhes bya ba ste/ des de gnyis 'grub par 'gyur ro/ /'di skad ston te de bzhin du dpal rdo rje sems dpa' i sbyor ba byas nas/ dang po'i
 rdo rje bcings la dpal he ru kar bdag nyid bsams la phra men ma thams cad kyis zin pa la dang po'i rdo rje mthe'u chung gnyis kyis rdo rje bsnun par byed cing dpal he ru ka'i rdo rje mkha' 'gro ma dang bcas pa nad pa'i lus la zhugs pas phra men ma'i phyag rgyas
 thams cad thal bar byas la 'od zer gyi cho gas kyis nad pa'i snying phra men ma'i lus las bkug nas nad pa'i lus la bcug ste/ nang pa nad med par byas nas tha mal par gnas par bsam par bya'o/ /ma mo'i gdon thams cad las thar par bya ba
 la ni rdo rje gsang ba brtag pas so zhes bya ba ni/ ma mo'i gdon thams cad las thar bar bya ba ni ma mo'i gdon thams cad las thar bar bya'o/ /rdo rje gsang ba ni rdo rje sems dpa' ste/ de'i bdag po ni rdo rje gsang ba'i drag po'i phyag rgya gar gis/ ma mo'i gdon
 thams cad des par bsreg cing thar bar byed pa'o/ /'di skad ston te dpal rdo rje sems dpa' i rnal 'byor byas la dang po'i rdo rje bcings nas bdag nyid rdo rje 'dzin pa chen po drag po chen po'i zhal rnam par 'gyur ba 'khor dang bcas pa bsams la ma
 mo'i gdon gyis zin pa'i steng du phyag rgya de gdod rnam par 'gyur zhing mi sdug pas 'phangs la/ bcom ldan 'das drag po chen po'i gzugs can 'khor dang bcas pa bsgrub par bya ba'i lus la zhugs pas kyang de'i lus la gnas pa'i ma mo'i gdon bsreg
 par 'gyur zhing sos par 'gyur ro/ /de lta bus ni ma mo'i gdon thams cad las thar bar 'gyur ro/ /phra men ma thams cad kyis rgyas btab pa las thar bar bya ba ni zhes bya ba la 'jig rten dang 'jig rten las 'das pa'i phra men ma mkha' 'gro ma rnams kyis
 rgyas btab pa de las thar bar bya ba ni de las dgrol ba'o/ snying zos pa las snying gzhan 'byung ba zhes bya ba la sogs pa de rnams kyis de ltar rgyas btab pa'i tshe snying gi pad+ma dral nas zos par gyur pa gang yin pa de'i snying 'byung ba ni snying gi pad+ma gzhan
 bskyed pa'o/ /de rnams kyi lus la phra men ma thams cad 'jug pa ni babs pa ste/ phra men ma'i phyag rgya g.yo ba med par byas pa de rnams kyi sems yod par byas shing nad med par byas pa ni shi ba gsos pa'o/ /'di dag thams cad ji ltar
 'gyur zhe na/ dam tshig chen po gsang ba'i he ru ka'i rdo rje dbang bskur ba'i phyag rgyas so zhes bya ba gsungs te/ bcom ldan 'das rdo rje sems dpa' i dam tshig chen po'i gsang ba'i dpal he ru ka bskyed par byed pa ni dpal rdo rje he ru ka gsal bar byed cing
 de skyed par byed pa'i phyag rgya gang yin pa de ni rdo rje he ru ka'i dbang bskur ba'i phyag rgya ste/ des 'di dag thams cad byed par 'gyur ro/ /'di'i don ni 'di skad ston par 'gyur te de bzhin du rdo rje sems dpa' i rnal 'byor nas dang po'i rdo rje bcings pa bzlog
 nas dpral ba'i phyogs su bzhag nas gyen du bltas la/ dpal he ru kar bdag nyid bsgom par bya ste/ zhal bzhi pa de la zhal dang po drag pa zhal g.yas pa rab tu rmongs pa rmongs par mdzad pa'o/ /rgyal gyi zhal gdug pa'i pags pa za bar mdzad pa la brtson pa/ zhal g.yon
 pa zhig pa phyag gnyis kyis rlung gi gos 'dzin pa'i tshul gyis mi'i pags pa rlon pa bsnams pa gnyis kyis dpral ba'i phyogs su he ru ka'i rdo rje'i phyag rgya 'chang ba/ g.yas pa'i phyag gsum pas rdo rje rtse lnga pa 'bar ba gsor ba la brtson pa bzhi pa khrag chen pos
 bkad pa'i thod pa bsnams pa/ g.yon gyis phyag gsum pas dril bu dang bcas pa'i rdo rje kha TwAM ga bsnams pa bzhi pa sha chen pos yongs su gang ba'i thod pa bsnams pa'o/ /yang na zhal gcig pa phyag gnyis pa dpung pa g.yon par dril bu dang bcas pa'i rdo rje kha TwAM
 ga mchod phyir thogs kyi tshul du bsnams pa/ phyag g.yas kyi ba dan gsum pa'i tshul gyi rdo rje rtse lnga pa 'bar ba/ phyag g.yon pas sha chen pos yongs su gang ba'i thod pa bsnams pa'o/ /'di dag gnyis yang thod pa'i cod pan gyi phreng ba can spyi gtsug nas sangs
 rgyas kyi gtsug gi nor bu can sna tshogs pad+ma la bzhugs pa/ zhabs g.yon pa sa la bzhag nas zhabs g.yas pa sems dpa' i skyil mo krung gi tshul du bzhag nas de'i zhabs mthil g.yon gyi dang sbyar ba'i tshul du byas nas bzhugs pa sku'i gzi mdangs sngon po 'tshed
 pa 'od kyi dkyil 'khor 'jig pa chen po'i dus kyi bar dur khrod kyi me ltar 'bar zhing dmar ba/ dbu skra dmar ser 'bar ba sna tshogs pa rnams 'bar bar 'gyur zhing drag po la sogs pa'i nyams dang ldan pa khro gnyer rnam par 'gyur zhing bsdus pa/ blta ba rnam par 'bar
 bar snang zhing g.yo ba'o/ /de ltar bdag nyid dpal he ru kar bsams nas ji skad du bshad pa'i nad pa'i lus la bcom ldan 'das rdo rje mkha' 'gro ma'i cho gas dang bcas pa yid kyis gzhug par bya'o/ /de nas nad pa'i lus la gnas pa'i phra men ma'i phyag rgya thams
 cad bcom zhing zlos par bsams par bya'o/ /de nas rdo rje rnal 'byor ma 'od zer 'bar ba'i gzugs can rnams sprul la der gnas pa nyid kyis de mkha' 'gro ma de bkug la nad pa'i lus la bcug ste de rnams las snying blangs la nad
 pa'i lus des brtas par bya'o/ /de nas de rnams yang dag par bcir ba'i nges par gzung la nad pa sos shing rnal mar byas shing bslang bar bya'o/ /gdug pa thams cad kyi phyag rgya gzhig pa la ni zhes bya ba la log 'dren thams cad kyi phyag rgya ni gdug pa thams
 cad gyi phyag rgya'o/ /de rnams gzhig pa ni bsgrub par bya ba'i rgyud la log 'dren gyis bcings pa rnams rnam par gzhig pa'o/ /yang srin po la sogs pa'i gdug pa thams cad nye bar gnod pa byed pa'i phyir 'ongs nas phyag rgya bcing ba'i phyag rgya de
 rnam par brlag pa ni gdug pa thams cad kyi phyag rgya gzhig pa'o/ /der ji ltar 'gyur zhe na/ rdo rje gsang ba'i phyag rgyas so zhes bya ba gsungs te/ rdo rje gsang ba ste/ rdo rje sems dpa' i rdo rje ni rdo rje gsang ba'i rdo rje'i phyag rgya gang gis de ltar gyur pa de rdo rje
 gsang ba'i rdo rje des gdug pa thams cad kyi phyag rgya gzhig par bya'o/ /'dis ni 'di skad ston par 'gyur te snga ma bzhin du rdo rje sems dpa' i rnal 'byor byas la/ dang po'i rdo rje bcings te/ bdag nyid rdo rje sems dpa' shin tu drag po bsams la dang
 po'i rdo rje gdug pa'i phyag rgya'i steng du rdo rje 'bar ba dbab pa'i bsam pas nam mkha' phyogs su mnan par bya ste/ de lta bus ni gdug pa thams cad kyi phyag rgya bcom par 'gyur ro/ /rims thams cad ni nyin gsum pa dang/ nyin bzhi pa dang/ yang
 dang yang zlo ba dang/ rtag pa dang khyab 'jug gi rims so/ /de rnams zhi ba ni de dag kyang bral ba'o/ /de gang gi 'gyur zhe na/ rdo rje gsang ba'i 'bar ba'i lta bas so zhes bya ba gsungs te/ rdo rje gsang ba ste rdo rje sems dpa' i 'bar ba'i lta ba ni bskyod cing
 'dzum pa'i lta ba'o/ /de dang bcas pa'i phyag rgyas bcings pas sbyar bar bya ste/ /des rims nad thams cad rab tu zhi bar 'gyur ro/ /'di skad ston te de bzhin du dpal rdo rje sems dpa' i sbyor ba byas la dIpta dri sh+ya oM ku shi dza(rgyud 'grel rab tu 'bar bas g.yo ba'i mig /mig gi rdzi ma 'dren pa ni zhes bya ba'i 'bar ba'i lta ba'i phyag rgyas rims kyis zin pa rnams la bltas la/ dang po'i rdo rjes byas par bya zhing lta ba las byung ba'i rdo rje 'bar ba'i lcags kyus rims mgo bo gsum ba/
 lag pa gsum pa rkang pa gsum pa drangs la/ rgya mtsho chen por dor te/ bsgrub par bya ba'i spyi bo nas brtsams te/ rkang mthil gyi bar du bcom ldan 'das rdo rje sems dpas khyab cing rdo rje sems dpar gyur par bsam par bya'o/ /de lta bus ni
 rims nad thams cad rab tu zhi bar 'gyur ro/ /grang ba'i rims zhi bar bya ba'i phyir ni bcom ldan 'das sku mdog dmar po bsams la/ tsha ba'i rims zhi bar bya ba'i phyir ni zla ba'i mdog can du bsam par bya'o/ /dug thams cad ni rgyu ba dang/ mi rgyu ba rnams
 so de rnams zhig pa ni rnam par gsal ba ste/ /de rnams nyid rang dbang du byas nas bzla bar bya ba'o/ /de rnams nyid g.yo ba ni 'bab pa'o/ /'gul mi nus pa'i sems can bde bar bya ba ni 'chi ba slar gso ba'o/ /'di dag thams cad ji ltar 'gyur zhe na/
 gsang ba chen po'i rdo rje'i nor bu'i phyag rgyas so zhes bya ba gsungs te dang po'i rdo rje mthe'u chung gnyis kyis rgyab bkug la nor bur bya ba 'di ni gsang ba chen po'i nor bu'i phyag rgya'o/ /'di bcings la rdo rje sems dpa' i sbyor bas mthe'u chung gnyis kyi nor bur dug la
 brdeg par byas la dug dngos po med pa'i ngo bo nam mkhar gyur bar bsam par bya'o/ /de lta bus ni dug thams cad 'jig par 'gyur ro/ /de bzhin du dug la reg cing rdo rje sems dpa' sku mdog dkar po phra rab tu yongs su gyur bar bsam la de ltar bdud rtsi byas
 nas dug thams cad bza' bar bya'o/ /de bzhin du reg par byas shing dug gis zin pa 'am dug gam dug gis zin pa'i shugs sam dug gi shugs kyi 'og tu yi ge ha la 'am yaM las rlung gi dkyil 'khor de'i steng du yi ge raM las me'i
 dkyil 'khor/ de'i steng du yi ge oM dus mdza' rlung gis bskyod pa'i bskal pa'i me'i phung po lta bu de'i steng du dug gis zin pa 'am dug gnas pa me des bud shing skam po ltar 'bar bar gyur pa bsam par bya ste de lta bus ni 'bab par 'gyur ro/ /de
 bzhin du dug gi shugs phog cing shi ba la reg par byas la bcom ldan 'das rdo rje sems dpa' i zla ba'i mdog can gyis de'i spyi bo nas brtsams te/ rkang mthil gyi bar du de'i yan lag kun tu gang zhing rdo rje sems dpar gyur par bsam par bya'o/ /de
 lta bus ni shi ba slar sos par 'gyur ro/ /dug thams cad dang sbyar ba'i dug bdud rtsir bya ba ni zhes bya ba la dug thams cad ni sngar bshad pa rnams so/ /sbyar ba'i dug ni yi dwags kyi 'gro ba bsdus pa'i sems can la gnod par byed pa'i sems can
 gyi sgra dang sen mo dang/ dri ma la sogs pa'i sbyor ba byas nas sems can sdug pa rnams kyis btang ba'o/ /de rnams bdud rtsir bya ba ni sems can la gdags par bya ba'i phyir gzugs bsgyur bar bya'o/ /de ji ltar 'gyur zhe na/ rdo rje gsang
 pa'i dug med pas so zhes bya ba gsungs te dang po'i rdo rje bcings la mdzub mo gnyis sbyar te rtse mor byas pa'i mdzub mo gnyis kyi rtse mo dpal rdo rje sems dpa' zhabs kyi sor mo'i gzugs su yid kyis bskyed la dug thams cad dang sbyar ba'i dug gi
 steng du bzhag ste/ des dug thams cad sbyar ba'i dug rdo rje sems dpa' i zhabs kyis sor mo dang reg pas rdo rje sems dpa' i bdud rtsi'i phra rab rnams kyi bdud rtsir gyur par bya'o/ /de lta bus ni dug thams cad dang sbyar ba'i dug bdud rtsir byed par 'gyur ro/ /
 gshed byed thams cad ni sngags kyi stobs kyis dgra bo'i srog 'phrog par bya ba'i phyir khro bo'i lha bskyed pa gang gis phur bu'i phyag rgya 'am/ seng ldeng la sogs pa'i phur bus btab la/ ro la sngags kyi stobs sam sman gyi stobs kyis dgra bo bsad par bya ba'i
 phyir shi ba'i ro la mkhas pas srin po la sogs pa bcug ste byas pa 'am yang na gzhan la gnod par bya ba'i phyir rang nyid shi ba'i lus la srin po la sogs pa zhugs pa gang yin pa'i ro la sa de'o/ /gyur ni go bar zad do/ /gshed byed la sogs
 'di dag bshig pa ni rdo rje gsang ba'i sbyin sreg gis 'gyur ba ni/ de bzhin du rdo rje sems dpa' i rnal 'byor byas la mdun du rdo rje sems dpa' spyan drangs mchod pa thams cad yang dag par mchod la phyag byas te/ 'bar ba'i phreng ba kun tu 'khrigs pa'i ye
 shes kyi me thabs kyi dbus na bzhugs pa'i drag po chen pos gshed byed la sogs pa za bar spyod pa der bsams la dang po'i rdo rje bcings te mdzub mo gnyis sbyar bas gshed byed la sogs pa blangs te/ dgang blugs la sogs pa de ltar de'i zhal du 'bab
 par bsam mo/ /de ltar na gshed byed la sogs pa rnam par 'jig par 'gyur ro/ /rtsod pa thams cad ces bya ba la sogs pa la mi dge ba bcu'i las kyi lam chen po'i chen po kun tu spyod pa ni rtsod pa thams cad do/ /zhe sdang gi zil gyis gnon pa
 rnams phan tshun gcig la gcig mi snyan par brjod pa ni 'thob pa'o/ /thab mo 'di ni grags pa nyid do/ /rtsod pa'i dbang du byed pa la brtson pa rnams kyis khyed kyi ni mi rigs so/ /nga'i rigs te nga'i 'di ni chos gsal bar byed pa'i tshig yin
 no zhes 'gal bar smra ba ni rtsod pa'o/ /'di dag zhig par ji ltar 'gyur zhe na/ rdo rje gsang ba'i zhal rab tu gdangs pas so zhes bya ba gsungs te/ rdo rje gsang ba ste rdo rje sems dpa' i zhal gdangs pa ni/ rdo rje gsang ba'i zhal gdangs pa'i phyag rgya
 ste/ des de rnams 'jig par 'gyur ba'o/ /de yang lnga po bsdus pa bcings la 'dzub mo gnyis lcags kyu gnyis byas la de nas de nyid khar dgrol ba 'di ni rdo rje gsang ba'i zhal gdangs ba'o/ /'di skad ston te de bzhin du rdo rje
 sems dpa' i sbyor ba byas la/ rdo rje gsang ba'i zhal gdangs ba bcings te bsgrub par bya ba dang/ yid kyi gcig tu gyur par byas la phyag rgya rang gi snying gar dgrol te/ bcom ldan 'das rdo rje sems dpa' rtsod pa dang 'thab mo la sogs pa 'jig
 par mdzad pa'i bsam pas bsgrub par bya ba'i khar bcug nas bcom ldan 'das de zhugs pas bsgrub par bya ba kun tu bzang por gyur nas rtsod pa dang 'thab mo la sogs pa dang bral bar bsam par bya'o/ /yams dang 'tshe ba thams cad ces bya ba la
 sogs pa la sems can rnams kyi lung pa dang dbugs mi bde ba dang/ rims la sogs pa'i sdug bsngal skyed par byed pa'i bdud kyi phyogs kyi dpung du gyur pa'i lha rnams ni yams thams cad do/ /srin po la sogs pa nas yul nye bar
 gtses pa ni 'tshe ba thams cad do/ /khyab 'jug dang 'chol ba'i rgyud kyi don nyams su len pa ni sdig pa'o/ /rmi lam ngan pa ni rgyud de dang de las shes par bya'o/ /'di rnams gzhig par ji ltar 'gyur zhe na/ rdo rje gsang ba'i zhi bas so
 zhes bya ba gsungs te/ rdo rje gsang ba ni rdo rje sems dpa' ste de'i zhi ba ni rdo rje gsang ba'i zhi ba'i phyag rgya'o/ /'dis ni 'di skad ston te/ bcom ldan 'das rdo rje sems dpa' i sbyor ba ji lta ba bzhin du byas la/ mdun du bcom ldan 'das spyan drangs la
 mchod pa thams cad kyis ji lta ba bzhin du yang dag par mchod nas phyag byas nas/ ye shes kyi me 'bar ba'i phreng ba 'khrug par zhugs pa zhal gyi mche ba gtsigs pa/ yams la sogs pa thams cad bzlog par mdzad pa la brtsams pa bdag nyid kyang
 drag po chen po bsams te/ lnga po bsdus pa bcings te mdzub mo gnyis kyi lcags kyus yams la sogs pa bkug ste/ bcom ldan 'das kyi zhal du dgang blugs dbul ba'i tshul du bstab par bya'o/ /de ltar na yams la sogs pa rnam par
 'jig par 'gyur ro/ /gzhan gyi dpung thams cad rengs par bya ba dang gnyid log par bya ba dang/ rmongs par bya ba dang/ lkugs par byed pa dang/ rgyas btab pa dang bsad ba la ni zhes bya ba ni bshad zin to/ /de dag thams cad ji ltar 'gyur zhe na/
 bde ba chen po rdo rje dam tshig gi gsang ba'i gshed byed kyis so zhes bya ba gsungs te/ bde ba chen po rdo rje dam tshig gi gsang ba ni rdo rje sems dpa' ste/ de'i gshed byed skyed par byed pa'i phyag rgya ste/ des de thams cad rengs par 'gyur ro/ /'dis ni
 don 'di skad ston par 'gyur te/ bcom ldan 'das rdo rje sems dpa' i sbyor ba snga ma bzhin du byas la bshad ma thag pa'i lcags kyu gnyis bcings la bdag nyid rdo rje sems dpa' drag po chen por bsams la/ mthe'u chung gnyis rang gi skye gnas su bcug la
 lcags kyu'i phyag rgyas dral nas/ rang gi lus las kyang gshed byed drag po chen po gzugs can rnams phyung la des gzhan gyi dpung mnan par bsam par bya'o/ /de lta bus ni gzhan gyi dmag tshogs rengs par 'gyur ro/ /de nyid dbye ba mdza' yas
 pa'i gzugs can spros la/ gzhan gyi dmag tshogs kyi sems can re re'i lus sku bcug ste mig btsums na de lta bus ni gzhan gyi dpung gnyid log par byas par 'gyur ro/ /de nyid spros la gzhan gyi dpung gis sems can rnams kyis lus rnams
 la bcug na bdag nyid kyi lus kyi yan lag thams cad la lhod par gyur bar bya ste/ de lta bus de ni rmongs par byas par 'gyur ro/ /de bzhin du de bcug la gzhan gyi dpung gi tshogs phrogs par gyur par bsams na lkugs par byas par 'gyur ro/ /de bzhin du
 de bcug la des gzhan gyi dpung rgyas btab par bsams na de lta bus ni rgyas btab par 'gyur ro/ /de bzhin du de spros la gzhan gyi dpung za bar mdzad par bsams na de lta bus ni gsod par 'gyur ro/ /'thab pa thams cad las rgyal ba thob
 pa la ni rdo rje gsang ba'i rgyal mtshan gyi rtse mos so zhes bya ba ni de bzhin du rdo rje sems dpa' i sbyor ba byas la srin po la sogs pa dang 'thab pa'i nang du zhugs pa na lnga po bsdus pa bcings la mdzub gnyis lcags kyur byas te/ srin lag gnyis gzhibs te rtse
 mo sbyar nas mthe'u chung gnyis gshibs pa phye ste steng du gzhag la bzung bar bya zhing rang gi lus las kyang dpung gi tshogs yan lag bzhi phyung la des gzhan gyi dpung bcom pa dang brlag pa dang byed par bsam par bya ste/ de lta pus ni 'thab pa thams cad las
 rgyal ba thob par 'gyur ro/ /gdug pa thams cad 'jig pa ni rdo rje gsang ba'i rdo rje legs pa'i gsang bas so zhes bya ba la de bzhin du rdo rje sems dpa' i sbyor ba byas la mi la sogs pa'i gtse ba dang phrad na rdo rje bsdams pa bcings la/ mdzub mo dang mthe
 bos legs so legs so zhes bya ba sbyin pa'i tshul du yang dang yang du byas la/ rang gi lus las byung ba dang/ rdo rje lags pa'i sku la legs so zhes bya ba'i sgra brjod pa la brtson pas mi la sogs pa'i gdug pa bcom par gyur par bsam par bya'o/ /
 de lta bus ni gdug pa thams cad 'jig par 'gyur ro/ /bgegs thams cad zhi bar bya ba la ni rdo rje gsang ba'i bdud rtsi thab sbyor gyis so zhes bya ba ni de bzhin du rdo rje sems dpa' i sbyor ba byas la/ bdag nyid bdud rtsi thab sbyor gyi gzugs su bsams la/
 de'i phyag rgya bcings te bdud rtsi thab sbyor sku mdog nag po zhal gyi mche ba gtsigs pa/ phyag g.yas na rdo rje dang ral gri dang dgra sta bsnams pa/ phyag g.yon na gcig gis sdigs mdzub byed pa la brtson pa/ gnyis pas gtun shing bsnams pa gsum
 pas zhags pa bsnams pa g.yon brkyang ba las bzhugs pa/ nag po chen po rgyan thams cad kyis brgyan par bsam mo/ /de nas rang gi lus las bdud rtsi thab sbyor gyi gzugs dpag tu med pa spros la des bgegs thams cad gzhom par bya'o/ /de la
 'di'i phyag rgya ni rdo rje bsdams pa bcings la mdzub mo gnyis dang mthe bo gzhibs la mthe bo gnyis cung zad phye ste cung zad bkug la/ mdzub mo gnyis mche ba ltar khar bzhag par bya'o/ /'di ni 'phags pa bdud rtsi thab sbyor gyi phyag rgya'o/ /dgra bo thams
 cad rnam par gzhig pa la ni rdo rje gsang ba'i rnam par mthong bas so zhes bya ba ni de bzhin du rdo rje sems dpa' i rnal 'byor byas la/ bdag nyid rdo rje sems dpa' nag po chen por rnam par bsams la/ lha dang mi la sogs pa'i dgra bo thams cad rnam
 par bcom pa'i don du bdugs par dmigs la rdo rje rnam par 'thor ba'i phyag rgya bcings la/ rang gi lus la rdo rje gnod sbyin dang srin po dang ro langs rnams phyung ste/ des de rnams rnam par gzhig par bya'o/ /de la phyag rgya ni 'di yin te dgra bo rnam
 par gzhig pa'i bsam pas rdo rje bsdams pa bcings la bskor te dral bar bya'o/ /bdud kyi stobs thams cad gzhom pa la ni rdo rje gsang ba'i rab tu 'dul bas so zhes bya ba la de bzhin du rdo rje sems dpa' i rnal 'byor byas la/ bdag nyid de bzhin gshegs pa
 mi bskyod par bsams la/ rang gi snying gar sems ma rdo rje ma de las rdo rje bsdams pa bcings la rdo rje bsdams pa brkyang ba'i lag mthil sa la reg par byas la/ rang gi lus kyang rdo rje sems dpa' la sogs khros pa rnams spros la des bdud kyi sde
 thams cad gzhom par bya'o/ /sprin bskyed pa la ni rdo rje gsang ba'i sprin chen po zhes bya ba ni de bzhin du rdo rje sems dpa' i rnal 'byor byas la mdun du yaM las rlung gi dkyil 'khor bsams la/ dang po'i rdo rje bcings 
 la rang gi lus las rdo rje klu spros te dang po'i rdo rje sprin bskyed pa'i tshul du byas la/ des kyang rdo rje klu yis rlung dang chu'i dkyil 'khor bsams pa tsam gyis bteg par 'gyur bar bsam par bya ste/ de lta bus ni sprin bskyed
 par 'gyur ro/ /char dbab pa la ni rdo rje gsang ba'i sprin gyis so zhes bya ba la ni de bzhin du rdo rje sems dpa' i sbyor ba byas la sngar bshad pa'i tshul gyis sprin bskyed nas dang po'i rdo rje bcings pa la mdzub mo gnyis gzhibs te rtse mor byas la
 rtse mo des char gyi rgyun 'bab pa'i tshul du byas la/ des kyang rdo rje klu nam mkha' i ngos thams cad bkang la char gyi rgyun 'bebs par byed par bsam par bya'o/ /de lta bus ni 'char 'bab par 'gyur ro/ /theg 'bab pa dang/ glog dang rlung dang
 char zhi bar bya ba la ni rdo rje gsang ba'i srid srung gis so zhes bya ba ni snga ma bzhin du rdo rje sems dpa' i rnal 'byor byas la/ dang po'i rdo rje bcings te mdzub mo gnyis gshibs la rtse mo sbyar te rtse mo de la raM las me'i dkyil 'khor/ de'i steng
 du ye ge hUM bsams la/ rtse mo des thog dbab pa dang glog dang rlung char sdigs mdzub bya zhing yi ge hUM de las rdo rje 'bar ba rnams spros la des thog 'bebs pa la sogs pa thal bar bya bar bsam par bya'o/ /de lta bus ni thog dbab pa la sogs
 pa zhi bar 'gyur ro/ /sprin dang mun pa dang khug? rna zhi bar bya ba la ni rdo rje gsang ba'i bde ba chen po'i spyan gyis so zhes bya ba ni/ de bzhin du rdo rje sems dpa' i sbyor ba byas la/ dang po'i rdo rje sprin la sogs pa ga la ba'i tshul gyi rdo rje lta bas blta bar
 bya'o/ /de lta bus ni sprin dang mun pa dang khu rna zhi bar 'gyur ro/ /klu thams cad dgug ba la ni rdo rje gsang ba'i phyag rgyas so zhes bya ba ni de bzhin du rdo rje sems dpa' i sbyor ba byas la lnga po bsdus pa bcings te mdzub mo gnyis lcags kyur byas nas klu
 thams cad dgug par bya'o/ /bcom ldan 'das rdo rje lcags kyus kyang klu dpral ba'i phyogs su lcags kyus phug la bkug bar gyur bar bsam par bya'o/ /de lta bus ni klu thams cad 'gugs par 'gyur ro/ /klu thams cad dbang du bya ba la ni gsang ba
 thams cad kyi nor bu'i phyag rgyas so zhes bya ba ni snga ma bzhin du rdo rje sems dpa' i rnal 'byor byas la bshad ma thag pa'i lcags kyus bcings la/ des klu bkug ste mdun du bzhag la mdzub mo g.yas pa'i rgyab bkug pa'i tshul gyis nor bu byas la bdag nyid
 rdo rje klur bsams la bkug pa'i klu la phyag rgya bstan par bya'o/ /de ltar na klu thams cad dbang du bya bar 'gyur ro/ /klu thams cad rjes su 'brang bar bya ba la ni rdo rje gsang ba'i klu 'dul bas so zhes bya bas de bzhin du dpal rdo rje sems dpa' i sbyor bas lnga
 po bsdus pa bcings la de bzhin du mdzub mo gnyis lcags kyur byas te mthe'u chung gnyis gzhibs la rtse mor byas la rtse mo dgus me'i dkyil 'khor gyi steng du yi ge haM bkod la klu la sdigs mdzub bya'o/ /de lta bus ni de rjes su 'brang bar 'gyur ro/ /klu
 thams cad 'byin pa la ni rdo rje gsang ba'i klu gdon pas so zhes bya ba ni/ de bzhin du rdo rje sems dpa' i sbyor ba byas la mdzub mo gnyis kyi lcags kyu gnyis byas te/ lcags kyu gnyis po des klu gnas dang bcas par sa 'og nas dgug par bya'o/ /de
 lta bus ni klu thams cad 'byin par 'gyur ro/ /sa ma lus par g.yo zhing 'gul ba la ni rdo rje gsang ba'i thar pas so zhes bya ba las sa ma lus pa rnams kyis g.yos pa ni sa ma lus pa g.yos pa ste/ sa thams cad bskyed pa'o/ /de nyid 'gul
 ba yin no/ /de ni rdo rje gsang ba'i thar pa'i phyag rgyar 'gyur ro/ /'di skad ston pa yin te/ snga ma bzhin du rdo rje sems dpa' i sbyor ba byas la/ dang po'i rdo rjes gzung nas bskul zhing bcom ldan 'das rdo rje sems dpa' i zhabs gnyis kyis btsir ba na
 pad+ma'i 'dab ma bzhin du g.yo par gyur par bsam par bya ste/ de lta bus ni sa thams cad g.yo bar gyur par bsam par bya'o/ /de lta bus ni sa thams cad g.yo zhing 'gul bar 'gyur ro/ /chu'i med par chu'i phung po shas cher bsil
 zhing dri ma med pa bskyed pa la ni bde ba chen po rdo rje klu'i phyag rgyas so zhes bya ba la/ rdo rje chags pa'i gzugs 'dzin pa'i sems dpa' ni bde ba chen po klu'i rgyal po'o/ /de'i phyag rgya ni de ston par byed pa'i phyag rgya ste/ de'i chu'i phung po 'byung
 bar 'gyur ro/ /'di skad ston par 'gyur te/ bcom ldan 'das rdo rje sems dpa' i rnal 'byor byas la dang po'i rdo rje bcings nas mdzub mo gnyis kyis klu'i gdengs ka gnyis kyis tshul du bstan la rdo rje klu'i rgyal po'i gzugs su bdag nyid
 bsams nas chu med pa'i sa phyogs su 'og gi cha'i klu'i gnas nas ri la sogs pa phug ste/ yid kyis bteg la phug pa de la chu bo dpag tu med pa'i rgyun rgya mtsho chen por 'bab par gyur par bsam par bya ste/ de lta bu'i chu'i phung po chen po
 'byung bar 'gyur ro/ /mun par snang ba chen po bskyed ba la ni rdo rje nyi ma'i phyag rgyas so zhes bya ba ni de bzhin du dang po'i rdo rje phyag rgya bcings la chu dang mthe bo gnyis kyis rtse mo gnyis nyi ma'i 'od zer gtong ba'i tshul du bstan la bdag nyid byang chub
 sems dpa' rdo rje nyi mar bsam par bya ste/ de lta bus ni mun bar nyi ma'i snang ba chen po 'byung bar 'gyur ro/ /rlung thams cad dbang du bya ba la ni rdo rje rlung thams cad kyis so zhes bya ba la ni snga ma bzhin du bcom ldan 'das rdo rje sems dpa' i rnal 'byor byas la dang po'i rdo rje
 bcings ste mdzub mo gnyis gzhibs la de'i rtse mos rlung dbang du bya zhing rlung bskyed pa'i tshul nus gyis bdag nyid rdo rje rlung du bsams la rlung thams cad rang dbang du bya'o/ /nam mkha' la gzugs thams cad kun tu ston pa la ni rdo rje gsang ba'i 'dzin pas so
 zhes bya ba la/ rdo rje gsang ba'i 'dzin pa ni me long gi phyag rgyas chos thams cad gzugs brnyan dang 'dra ba bsgoms pa dngos po thams cad bskyed pa'o/ /de'i mtshan nyid ni 'di yin te/ lnga po bsdus pa bcings la mdzub mo gnyis lcags kyur byas te
 mdzub mo gnyis kyi ngos me long gi dkyil 'khor bstan ba'i tshul gyis gzung bar bya ste/ 'di ni rdo rje gsang ba'i 'dzin pa'o/ /'dis bcings la bdag nyid rdo rje sems dpa' dngos po thams cad kyi bdag nyid can du bsams la/ chos thams cad gzugs
 brnyan dang 'dra bar bsgoms nas/ nam mkha' la gzugs brnyan thams cad bstan par bya'o/ /nam mkha' las dngos po thams cad 'byung bar bya ba ni rdo rje gsang ba las zhes bya ba ni de bzhin du rdo rje sems dpa' i sbyor ba byas la lnga po bsdu ba bcings
 te mdzub mo gnyis lcags kyu gnyis su byas la lcags kyu de nam mkha' la dngos po thams cad bskyed ba'i tshul du bya'o/ /de nyid ni da'i 'og nas ston bas 'chad do/ rol ba la ni rab tu dga' ba'i rdo rjes so zhes ston pas 'chad de rab
 tu dga' ba'i rdo rjes nam mkha' las dngos po thams cad bskyed pa'i tshul gyis dngos po thams cad bskyed cing bsgrub par bya'o/ zhes ston pa yin no/ /nam mkha' las rang gi mtshan nyid bstan par bya ba la ni/ rdo rje gsang ba'i rdzu
 'phrul gyis so zhes bya ba ni de bzhin du dpal rdo rje sems dpa' i sbyor ba byas la bshad ma thag pa'i lcags kyu gnyis bcings nas nam mkha' i phyogs su yaM las rlung gi dkyil 'khor/ de'i steng du laM las dbang chen gyi dkyil 'khor/ de'i steng
 du rdo rje lta bas blta zhing bdag nyid dpal rdo rje sems dpa' i ngo bor ston pa'i phyir bdag nyid kyi ngo bo de ltar bsams na de lta bus ni nam mkha' la rang gi ngo bo ston par 'gyur ro/ /nam mkha' la de bzhin gshegs pa dang rdo rje 'dzin pa la sogs ba byang
 chub sems dpa' thams cad dang/ 'jig rten gyi khams thams cad la rdo rje gsang ba'i rnam 'phrul bas so zhes bya ba ni de bzhin du rdo rje sems dpa' i rnal 'byor byas la bshad ma thag pa'i lcags kyu gnyis bcings te/
 steng du nam mkha' la bskor bar bya zhing/ de bzhin gshegs pa dang rdo rje 'dzin pa la sogs pa byang chub sems dpa' thams cad dang/ 'jig rten gyi khams thams cad gzugs brnyan gyi tshul du bsgoms pas nam mkha' la bsams na de lta bus
 ni de thams cad ston par 'gyur ro/ /nam mkhar shing thams cad la lo ma dang me tog dang 'bras bu thams cad 'byung ba la ni rdo rje gsang ba'i dus kyi phyag rgyas so zhes bya bas ni de bzhin du rdo rje sems dpa' i sbyor ba byas la bcom ldan 'das rdo rje
 yid las byung ba'i rdo rje'i phyag rgyas bcings la bdag nyid rdo rje yid las byung bar bsams la/ lo ma dang nam mkha' la me tog dang 'bras bu bskyed pa'i bsam pas phyag rgya de shing thams cad dang ljon shing thams cad dang/ nags dang 'bru thams cad la
 bzhag par bya'o/ de lta bus ni de rnams bskyed par 'gyur ro/ /sa'i cha thams cad las 'bru thams cad smin par byung ba ni rdo rje gsang ba ste/ rdo rje gsang ba'i gshol gyi phyag rgyas 'gyur ro/ /de ni 'di yin te de bzhin du rdo rje sems dpa' i sbyor ba
 byas la bcom ldan 'das rdo rje yid las byung ba'i dam tshig gi phyag rgya bcings te/ /rdo rje yid las byung bar bdag nyid bsams la phyag rgya des lcags sgrog rnon po dang bcas pa'i gshol
 gyis byin gyis brlabs la nges sa khang zhing las byas te/ de lta bus ni sa'i cha thams cad las 'bru thams cad smin par 'byung bar 'gyur ro/ /thams cad las lha'i kha zas dang btung ba dang gos dang rgyan dang gnas pa sar pa dang/ pu mo gzhon
 nu 'byung ba dang skyes pa dang bud med dang bran pho dang bran mo thams cad 'byung bar bya ba la ni zhes bya ba la/ thams cad las zhes bya ba ni dngos po thams cad las so/ /lha'i kha zas dang btung ba dang gos dang gnas pa gsar pa dang/ bu mo gzhon nu bskyed cing 'byung
 ba dang skyes pa dang/ bud med dang/ bran pho dang bran mo dang thams cad bskyed pa de ji ltar 'gyur zhe na/ bde ba chen po rdo rje dam tshig gi bsod nams kyi chu'i so zhes bya ba ni bde ba chen po'i rdo rje'i dam tshig ni rdo rje sems dpa' i bsod nams kyi chu bo'i phyag rgya
 ste des de 'byung bar 'gyur ro/ /'dis ni 'di skad ston par 'gyur te de bzhin du rdo rje sems dpa' i sbyor ba byas la/ bcom ldan 'das rdo rje yid las byung ba'i dam tshig gi phyag rgya bcings te/ rdo rje yid las byung bar bdag nyid bsams la phyag rgya des
 dngos po thams cad las bdag nyid kyi lha'i kha zas la sogs pa thams cad dgug par bya ste/ de ltar na thams cad las lha'i kha zas la sogs pa thams cad 'byung bar 'gyur ro/ /yul du dpung gi tshogs yan lag bzhi pa bstan te g.yul 'gyed pa de
 la ni zhes bya ba de ni gzhan gyi dmag tshogs kyi mdun du rang gi dpung gi tshogs yan lag bzhi pa sprul pa nye bar bstan nas des gzhan gyi dpung gi tshogs las rgyal ba ni g.yul 'gyed pa'o/ /'di ji ltar 'gyur zhe na/ rdo rje bde ba chen po'i sdom pas so
 zhes bya ba gsungs te/ rdo rje bde ba chen po yang yin la sdom pa yang yin pas na rdo rje bde ba chen po sdom pa'i phyag rgya'o/ /des dpung gi tshogs yan lag bzhi pa sprul la/ g.yul 'gyed pa rdzogs par bya ba'o/ /de ni 'di yin te de bzhin du rdo rje
 sems dpa' i sbyor ba byas la/ bcom ldan 'das rdo rje yid las byung ba'i dam tshig gi phyag rgya bcings te/ rdo rje yid las byung bar bdag nyid bsams te phyag rgya de dpung gi tshogs yan lag bzhi pa sprul la g.yul 'gyed pa'i bsam pas gzhan gyi dmag
 tshogs kyi mdun du bskor bar byas te/ de lta bus ni dpung gi tshogs yan lag bzhi pa bstan nas g.yul 'gyed par 'gyur ro/ /sgyu ma thams cad bstan pa la ni rdo rje bde mchog gis so zhes bya ba la rdo rje ste/ rdo rje sems dpa' i bde ba'i mchog
 ni rdo rje bde mchog ste/ de bzhin gshegs ba la sogs pa'i dngos po thams cad sprul pa'i rjes thogs la bde ba dang yid bde ba thob par gyur pa gang yin pa ste/ shi zhes bya ba bde bar bshad/ /sangs rgyas kun gyi bde ba che/ /sgyu ma kun gyis sbyor ba yis/ /
 bde mchog des ni bde ba'i mchog ces gsungs pa'i phyir ro/ /'di skad ston te/ de bzhin du rdo rje sems dpa' i sbyor ba byas la/ rdo rje khu tshur gnyis bcings nas de bskyed pa'i bsam pas phyag rgya des glog 'gyur ba 'gyur ba'i tshul du bskor la des de bzhin gshegs
 pa la sogs pa dngos po thams cad bstan par bya'o/ /bde mchog gi bya ba thams cad ni/ rdo rje sgyu ma'i bya bas so zhes bya ba thams cad ni/ sangs rgyas thams cad ni bde ba dang 'jig rten pa'i bde ba skyed par byed pa'i bde ba ni bde mchog thams cad de/ de'i
 don bya ba ni lus su bya ba ste/ de la bde mchog thams cad kyi bya ba'o/ /rdo rje ni rdo rje sems dpa' ste de'i sgyu ma ni rdo rje'i sgyu ma ste/ de bzhin gshegs pa las dngos po thams cad sprul pa'o/ /de'i don du byas pa ni rdo rje sgyu ma byas pa ste/ phyag rgya
 gang gis de skyed bar byed pa'o/ /'di skad ston te/ bcom ldan 'das rdo rje sems dpa' i sbyor ba byas rdo rje khu tshur bcings te/ de bzhin gshegs pa la sogs pa thams cad sprul pa'i bsam pas g.yas phyogs nas bskor nas de nas de thams cad 'byung
 bar 'gyur ro/ /yang bde ba de nyams su myong bar bya ba'i phyir bskor na bde ba de nyams su myong bar 'gyur ro/ /rmad du byung ba dang chu 'phrul thams cad bstan pa la ni zhes bya ba la de bzhin gshegs pa la sogs pa'i dngos po gang yin pa de ni sngon chad ma byung bas rmad du byung
 ba'o/ /rdzu 'phrul dang/ kun brjod dang byin gyis brlab pa dang rjes su bstan pa'i mtshan nyid can gyi cho 'phrul rnam pa bzhi ni cho 'phrul thams cad do/ /de ji ltar 'gyur zhe na/ rdo rje rmad du byung ba rdzu 'phrul gyis rnam par 'phrul pas so zhes bya ba gsungs te/ rdo rje ste rdo rje sems dpa' i smad du byung ba'i rdzu 'phrul
 gyi rnam par 'phrul pa ste/ des rmad du byung ba dang cho 'phrul thams cad bstan par 'gyur ro/ /'di ni 'di skad ston te/ dpal rdo rje sems dpa' i sbyor ba byas la/ rdo rje khu tshur gnyis bcings nas de rmad du byung ba dang/ cho 'phrul thams cad bstan pa'i bsam pas nam
 mkha' i glog 'gyur ba'i tshul du bskor nas de las de thams cad 'byung bar 'gyur ro/ /lan thams cad gdab bar bya ba ni zhes bya ba ni 'das pa dang/ ma 'ongs pa dang/ da ltar gyi dngos po bstan pa ni lan thams cad gdab pa ste/ de nyid bya ba yin pas na lan
 thams cad gdab pa yin no/ /de ji ltar 'gyur zhe na/ rdo rje lan bstan pas so zhes bya ba gsungs te rdo rje'i lan bstan pa ni rdo rje'i lan bstan te phyag rgya gang gis de bskyed par 'gyur ba'o/ /de ni 'di yin te/ de bzhin du rdo rje sems dpa' i sbyor ba byas la/
 g.yon pa'i rdo rje khu tshur g.yas pa'i rdo rje khu tshur gyis bsnun pa dang/ bcom ldan 'das rang gi lce la gnas par gyur pa'i lce des 'das pa dang/ ma 'ongs pa dang/ da ltar gyi dngos po'i lan rnams smra bar bsam par bya ste/ de lta bus ni lan thams cad
 ston por byed par 'gyur ro/ /me rengs par bya ba la ni rdo rje shin tu bgrang bas so zhes bya ba ni de bzhin du dpal rdo rje sems dpa' i sbyor ba byas la/ me'i steng du baM las chu'i dkyil 'khor ro/ /de'i steng du dpal rdo rje sems dpa' i rang gi spyi bo'i phyogs bzhi
 nas 'o ma'i rgya mtsho chen po bzhi me la sogs pa'i mtshams bzhir gang+gA dang sind+hu dang/ pak+Shu dang si ta ste chu bo bzhi spyi gtsug nas mtsho chen po bzhi me la sogs pa'i mtshams ma dros pa'i lcang lo 'khyil zhing sgra dang bcas la snu ba dang/ rba rlabs kun tu
 'khrug pa 'byung bar bsams la/ rdo rje khu tshur gnyis bcings te me'i steng du drag tu 'bab pa nyid du bsams te/ de lta bus ni me rengs par 'gyur ro/ /chu 'bab par bya ba la ni rdo rje chu shel gyis so zhes bya ba ni/ snga ma bzhin du rdo rje sems
 dpa' i sbyor ba byas la nor bu chu shel 'dzin par bdag nyid bsams la rdo rje khu tshur gnyis bcings te mdzub mo gnyis bsgreng la rgyab bkug pa'i tshul gyis rin po che lta bur byas nas bzung ste/ rang gi lag na gnas pa'i nor bu rin po che chu shel
 las chu'i rgyun yid kyi 'bab par bya ste/ de lta bu'i chu'i rgyun 'bab par 'gyur ro/ /dgon par grong dang nags tshal dang chu bo dang rdzing bu dang skyed mos tshal dang/ zas dang/ skom dang/ gtsug lag khang sprul pa ni rdo rje grub pa mo zhes bya ba la de
 bzhin du dpal rdo rje sems dpa' i sbyor ba byas la/ dgon pa 'brog stong pa'i dbus su rdo rje khu tshur gnyis bcings la mdzub mo gnyis gzhibs te rtse mor byas la grong khyer chen po la sogs par sprul par bya'o/ /chu'i steng du 'chag pa dang/ bdag
 nyid mang po'i gzugs ston pa dang/ mi snang ba dang mkha' la 'gro ba'i dngos grub la ni rdo rje gsang ba'i dngos grub kyis so zhes bya ba ni snga ma bzhin du rdo rje sems dpa' i rnal 'byor byas la g.yon pa'i mthe bo bu gar g.yas pa'i mdzub mo byang
 chub mchog gi phyag rgya'i tshul du bcug la/ chu'i phra rab thams cad rdo rje'i gzugs su bsams la steng du bzhag par bya'o/ /phyag rgya 'di nyid bcings la rdo rje sems dpa' la sogs pa'i dngos po thams cad rang gi lus la yid kyi bcug ste/
 gzugs brnyan gyis tshul du bsgoms pas gzugs thams cad bstan pa yin no/ /'di nyid bcings la bdag nyid nam mkha' dang mnyam par bsams na de lta bus ni mi snang bar 'gyur ro/ /'di nyid bcings la gzhan 'phrul dbang byed kyi lha'i rgyal po
 la sogs pa'i gnas kyi bar du rdo rje skal gyi phreng bar bsams na des gzhan 'phrul dbang byed kyi lha'i rgyal po'i gnas la sogs par 'gro bar byas te/ de lta bus ni nam mkha' la 'gro bar 'gyur ro/ /lha la sogs pa thams cad mngag gzhug par bya ba la ni rdo rje
 gsang ba'i bka' bsgos so zhes bya ba ni/ de bzhin du dpal rdo rje sems dpa' i sbyor ba byas la lnga po bsdus pa las mdzub mo gnyis su byas te/ mngag gzhug pa'i tshogs sprul la dbang phyug chen po la sogs pa'i lus la yid kyis btsugs te de rnams dang
 lhan cig gcig tu gyur nas bka' nod pa la sogs pa bsams nas/ dbang phyug chen po la sogs pa mngag gzhug par bya ba'i phyir phyag rgya des steng gi nam mkha' las bka' bsgo ba'i tshul du byas te/ de lta bus dbang phyug chen po la sogs pa de rnams
 mngag gzhug pa'i tshogs de rnams kyi rang dbang du byas nas/ sgrub pa po'i mngag gzhug pa byed par 'gyur ro/ /sems can thams cad dbang du bya ba la ni rdo rje gsang ba'i dbang gis so zhes bya ba ni de bzhin du dpal rdo rje sems dpa' i sbyor ba byas la bshad
 ma thag pa'i lcags kyu gnyis bcings te/ des rang gi mtshan ma g.yo bar byas shing bcom ldan 'das rdo rje sems dpa' i sku mdog dmar po 'od zer dmar pos bsgrub par bya ba kha dog dmar pos byas la dbang po gnyis snyoms par 'jug pa'i tshul gyis dbang
 du byas par bsam par bya ste/ de lta bus ni dbang du bya bar 'gyur ro/ /mi rgyu ba thams cad drang ba dang/ dbab pa dang bden pa smrar gzhug pa la ni rdo rje gsang ba'i dngos grub kyi phyag rgyas so zhes bya ba ni de bzhin du bcom ldan 'das rdo rje sems dpa' i sbyor ba
 byas la/ bshad ma thag pa'i lcags kyu gnyis dang gung mo gnyis gzhibs te rtse mo byas la/ mi rgyu ba'i dngos po thams cad dgug cing drang ba'i bsam pas de dang mi rgyu ba'i dngos po thams cad drangs nas 'od bar 'gyur ro/ /mi rgyu ba'i dngos po de nyid la dpal
 rdo rje sems dpa' dbab pa'i sbyor bas phab na mi rgyu ba thams cad 'bab pa yin no/ /phab pa de nyid la bden pa smrar gzhug pa'i bsam pas ni mi rgyu ba thams cad bden par sma bar 'gyur ro/ /gzugs thams cad dbab pa dang/ dgug
 pa dang/ rgod pa bya ba dang/ gar byed du gzhug pa dang/ rol par bya ba dang/ bsgo ba thams cad byed du gzhug pa dang/ thams cad khyer te 'ong ba dang 'phrog tu gzhug pa dang las thams cad byed du gzhug pa ni bde ba chen po rdo rje'i dam tshig sa bid
 tra so zhes bya ba ni de bzhin du rdo rje sems dpa' i sbyor ba byas la lnga po bsdus pa bcings la mdzub mo gnyis bcug pas lcags kyu gnyis bcings la/ bskyod pa dang/ btsir ba'i phyag rgya 'dis gzugs brnyan thams cad la dbab pa'i bsam pas byas
 nas de la dpal rdo rje sems dpa' 'jug par 'gyur ro/ /de nas gzugs brnyan thams cad la gzhug pa dang/ gzugs brnyan dgug pa'i bsam pas bskyed pa dgug par 'gyur ro/ /rgod du gzhug pa'i bsam pas ni dgod par 'gyur ro/ /gang byed
 ba'i bsam pas ni gar byed par 'gyur ro/ /kun tu rol bar bya ba'i bsam pas ni gzugs brnyan thams cad kun tu rol par 'gyur te rtse bar byed do/ zhes bya ba'i tha tshig go /bsgo ba thams cad byed du gzhug pa'i bsam pas ni gzugs brnyan thams
 cad byed do/ /thams cad khyer te 'ongs pa'i bsam pas ni gzugs brnyan thams cad khyer te 'od do/ /thams cad 'phrog tu gzhug pa'i bsam pas ni gzugs brnyan thams cad kyis thams cad 'phrog go /las thams cad byed du gzhug pa'i
 bsam pas ni gzugs brnyan thams cad kyis las thams cad byed par 'gyur te/ gzugs brnyan thams cad la dbab pa sngon du 'gro ba 'di dag ni gzugs thams cad kyi las yin par shes par bya'o/ /thams cad rjes su chags par bya ba
 la ni bde ba chen po rdo rje yid las byung bas so zhes bya ba ni/ bcom ldan 'das rdo rje sems dpa' i sbyor ba byas la rdo rje yid las byung ba'i phyag rgya chen po bcings te/ rdo rje yid las byung bar bdag nyid bsams la mdun du rdo rje sems dpa' la sogs
 pa ji lta ba bzhin du spyan drangs te/ cho ga thams cad rjes su spyad nas phyag rgya 'dis rjes su 'gebs par byed do/ /de lta bus ni thams cad rjes su dgyes par 'gyur ro/ /rgyu ba dang mi rgyu ba thams cad rtser gzhug pa la ni rdo rje ki li ki la'i gsang bas so/ zhes
 bya ba ni de bzhin du bcom ldan 'das rdo rje sems dpa' i sbyor ba byas ki li ki la'i phyag rgya chen po bcings la ki li ki lar bdag nyid bsams nas gnod sbyin mo la sogs pa'i gzugs brnyan la gnod sbyin la sogs pa bkug ste/ de'i
 phyag rgya chen pos gnod sbyin la sogs pa dang 'khyud pas bzla ba bya ste/ de lta bus ni thams cad dang dga' mgur spyod cing dga' bar 'gyur ro/ /thams cad bstan par bya ba la ni rdo rje chu srin gyi phyag rgyas so zhes bya ba la ni snga ma bzhin du
 rdo rje sems dpa' i sbyor ba byas la bcom ldan 'das rdo rje dran pa'i phyag rgya chen po bcings te bdag nyid rdo rje dran par bsams te/ de nas yid kyis sgrub par bya ba dang lhan cig gcig tu byas la bzlas brjod byas te de lta bus ni brtan par 'gyur ro/ /thams
 cad dang bar bya ba la ni rdo rje bsnyems pas so/ /zhes bya ba ni de bzhin du dpal rdo rje sems dpa' i sbyor ba byas la/ bcom ldan 'das rdo rje bsnyems pa'i phyag rgya chen po bcings te rdo rje bsnyems par bdag nyid bsams la khros pa thams cad kyi sems dang bar
 bya ba'i phyir? yid kyis bsgrub par bya ba dang lhan cig gcig tu bya ba ste/ bsgrub par bya ba de lta bus ni sems dad par bya'o/ /rmi lam gdab pa gsol ba la ni rdo rje slongs mo bas so/ /zhes bya ba ni de bzhin du rdo rje sems dpa' i sbyor ba byas la/ bcom ldan
 'das mdun du spyan drangs te mchod pa thams cad kyis ji lta ba bzhin du yang dag par mchod nas phyag byas la hUM gnyis las mig gnyis dang/ rna ba gnyis su rdo rje bsams la de nas 'di skad dang/ bcom ldan 'das rdo rje sems dpa' 
 bden pa gang gis chos thams cad rmi lam dang 'dra bar mnyam pa'i bden pa des bdag 'dod pa'i rmi lam che ge mo mthong bar mdzod cig /thos par mdzod cig ces brjod par bya'o/ /de nas rdo rje bsnyems pa'i phyag rgya chen po bcings la/ mdzub mo gnyis
 gzhibs te/ rtse mor byas nas sngags zlos shing rtse mo des slong ba'i tshul du byas te/ de lta bus ni rmi lam du bcom ldan 'das thams cad ston par mdzad pa dang gsung bar mdzad do/ /mtshan phyed dam thun tha ma la ni rmi lam du gdab par bya'o/ /yang na
 gzhan gyi mngon par 'dod pa'i rmi lam mthong bar bya ba la zhes bya ba ni sgrub po gzhan dag rang dbang du byed par 'dod pa la de rnams kyis ji ltar mngon par 'dod pa'i rmi lam bstan par bya'o/ /ji ltar zhe na rdo rje rmi lam mthong bas so zhes bya ba gsungs so/ /rdo rje
 ste rdo rje sems dpa' i rmi lam mthong ba'i phyag rgya gang yin pa des bstan par bya'o/ /'di skad ston te/ bcom ldan 'das rdo rje sems dpa' i sbyor ba byas la/ yid kyis bsgrub par bya ba dang lhan cig tu byas nas bsgrub par bya ba'i mdun du bcom ldan 'das
 rdo rje sems dpa' i bsgrub par bya ba ci 'dod pa'i tshul gyis sgra ston par mdzad par bsams/ /bden pa'i byin gyis brlabs byas nas rdo rje bsdams pa bcings te/ mdzub mo gnyis kyis rang gi mig gnyis bkab la mig ma btsums pa 'dis gzhan rnams
 kyis ji ltar mngon par 'dod pa'i rmi lam ston par mdzod cig ces bcom ldan 'das bsgom par bya'o/ /rmi lam ngan pa thams cad gzhig pa la ni rdo rje sreg blugs kyis so zhes bya ba ni sgrub pa po gang gi tshe rmi lam ngan pa mthong ba de'i tshe/ bcom ldan
 'das kyi sbyor ba byas la/ bcom ldan 'das mdun du spyan drangs nas cho ga thams cad ji lta ba rjes su spyad la/ bdag nyid rdo rje sems dpa' drag po chen po'i skur bsams te/ thabs kyi dbus su ye shes kyi me la bcom ldan 'das drag po chen po'i tshul can rnam
 par bsgoms nas/ rdo rje bsdams pa bcings te mdzub mo gnyis gzhibs te rtse mor byas la/ rmi lam ngan pa thams cad ston par byed pa'i sdig pa mdzub mo rtse mor blangs la/ bcom ldan 'das kyi zhal du sreg blugs dbul ba'i tshul gyis btab par
 bya ba ste/ de lta bus ni rmi lam ngan pa thams cad 'jig par 'gyur ro/ /rmi lam bzang po thams cad sgrub pa dang brtan par bya ba la ni rdo rje rmi lam grub pas so zhes bya ba la ni rmi lam du bdag nyid byang chub kyi snying por 'gro ba dang/ bdud btul ba dang/
 thams cad mnyam pa byang chub chen por mngon par byang chub pa 'di/ chos kyi 'khor lo bskor ba la sogs pa mthong ba ni rmi lam bzang po thams cad do/ /de sgrub par bya ba ni rdzogs par bya ba'o/ /brtan par bya ba ni mi 'gyur bar bya ba ste/ gnyid log pa ni
 rmi lam du byang chub kyi snying por 'gro ba la sogs pa nyid mthong gi mi dge ba'i las kyi 'bras bu gzhan dag ni ma yin pa'i rdo rje rmi lam gyi phyag rgya gang yin pa des der 'gyur te rdo rje rmi lam grub pa des rmi lam bzang po thams cad grub pa dang brtan par byed par
 'gyur ro/ /'di skad ston pa yin te de bzhin du rdo rje sems dpa' i sbyor ba byas la/ bcom ldan 'das rdo rje sems dpa' i mdun du spyan drangs te/ cho ga thams cad rjes su spyad la hUM las mig gnyis su rdo rje bskyed la rdo rje bsdams pa bcings te/ mdzub mo gnyis
 kyis mig bkag ste/ bzlas brjod bya'o/ /de lta bus ni rmi lam bzang po thams cad bsgrub pa dang/ brtan par bya ba'i dngos grub thams cad 'grub par 'gyur ro/ /nad dang gdon thams cad bsal ba la ni rdo rje sman gyis so zhes bya ba la ni skya chab la sogs pa'i
 nad thams cad do/ /gcod chen po la sogs pa ni gdon thams cad do/ /nad dang gnod pa de thams cad bsal ba la ni bcom ldan 'das rdo rje sman gyi phyag rgyas 'gyur ro/ /'dis ni 'di skad ston pa yin te de bzhin du dpal rdo rje sems
 dpa' i sbyor ba byas la/ bdag nyid 'phags pa gtsug 'phyang gis gzugs su bsams pa rdo rje bsdams pa bcings nas mdzub mo gnyis gzhibs te rtse mor byas la de brtan pas gzung bar bya'o/ /bcom ldan 'das gtsug 'phyang yang nad pa'i lus la zhugs pas nad
 pa'i lus thams cad khyab pa dang/ dpal rdo rje sems dpa' i phra rab kyi rang bzhin can gyi sman nad pas zos par bsam par bya'o/ /rims nad thams cad gzhig pa la ni rdo rje bcud kyis so zhes bya ba ni de bzhin du dpal rdo rje sems dpa' i sbyor ba byas la/
 'phags pa bdud rtsi thab sbyor du bsams te mdzub mo gnyis gshibs la rtse mor byas la btung bar bya'o/ /bcom ldan 'das 'phags pa bdud rtsi thabs sbyor gyis nad pa'i spyi bo nas brtsams te rkang pa'i mthar thug pa'i bar du khyab pa dang/ rdo rje sems dpa' i phra
 rab kyi tshogs 'khrungs par bsam par bya'o/ /de nas nad pa 'phags pa bdud rtsi thab sbyor du gyur par bya'o/ /dus ma yin par 'chi ba gzhig pa la ni rdo rje dur bas so zhes bya ba ni/ de bzhin du dpal rdo rje sems dpa' i sbyor ba byas la mdun du dpal rdo rje
 sems dpa' spyan drangs la cho ga thams cad rjes su spyad la bdag nyid rdo rje sems dpa' drag po chen por bsams te mdun na bzhugs pa'i rdo rje sems dpa' ye shes kyi me thab kyi dbus na bzhugs par bsams te/ rdo rje bsdams pa bcings te mdzub mo gnyis
 rtse mor sbyar te/ mdzub mo'i rtse mor dus ma yin par g.yo ba'i gzugs can blangs la/ bcom ldan 'das kyi zhal du sreg blugs 'bul gyis bstan par bya ba ni bcom ldan 'das kyi bzhed par gyur par bsam par bya'o/ /dmyal ba la sogs pa'i
 ngan 'gro thams cad gzhig pa la ni rdo rje sdig pa dral bas so de bzhin du rdo rje sems dpa' i sbyor ba byas la bdag nyid dpal rdo rje hUM mdzad du bsams la snga ma bzhin du rdo rje bsdams pa'i mdzub mo gnyis rtse mo sbyar la mthe bong gnyis 'og tu mnyam por
 brkyang la ngan song gsum des brdeg cing bsgrubs la rdo rje 'bar ba nam mkha' dang mnyam par ngan song gsum thal bar bya bar bsam par bya'o/ /de nas ngan 'gro de rnams de bzhin gshegs pa mi bskyod pa'i sangs rgyas kyi zhing du skyes shing
 sa brgyad thob par bsam par bya ste/ de lta bus ni sdig pa thams cad dral bar 'gyur ro/ /sku thams cad sgrub pa ni rdo rje'i sku'i mchog gis so zhes bya ba ni dpal rdo rje sems dpa' la sogs pa'i sku ni sku thams cad do/ /de'i dngos grub ni
 bskyed pa ste rdo rje bsdams pa bcings la mdzub mo gnyis gzhibs te rtse mo sbyar la the bong gnyis skyil mo krung du bya ba ni rdo rje sku'i mchog ste/ 'di bcings la dpal rdo rje sems dpa' la sogs pa'i sbyor bas/ rdo rje sems dpa' la sogs pa'i
 sku gang dang gang bsgrub par 'dod pa'i de dang der bdag nyid bsam par bya ste/ de lta bus ni sku thams cad 'grub par 'gyur ro/ /gsung thams cad grub pa la ni rang gi lce la rdo rje gsang ba'i ljags kyi mchog gis so zhes bya ba ni de bzhin du dpal rdo rje sems
 dpa' i sbyor ba byas la rang gi lce la rdo rje dkar po bsams la der bzlog par bya ba'i phyir sngags yid kyis bris te/ rdo rje sku'i mchog bcings la gung mo gnyis kyis pad+ma ltar byas nas gang byin pa'i tshul du byas te de lta bus ni gsung gi dngos grub tu gyur
 la 'das pa dang/ ma 'ongs pa dang bltar gyi dngos po thams cad bden par ston pa'i mtshan nyid can/ rdo rje gsang ba'i lcags sgrog gi mchog gi 'gyur ro/ /thugs thams cad grub pa ni rdo rje thugs bskyed pas so zhes bya ba la de bzhin du dpal 
 rdo rje sems dpa' i sbyor ba byas la/ rang gi snying ga'i zla ba la rdo rje rtse lnga pa bsams te/ rang gi snying ga'i phyogs su rdo rje sku'i mchog bcings la/ oM bo d+hi tsit+ta utpA da yA mi zhes rdo rje'i snying po dam pa zlos shing rdo rje sems
 dpar bdag nyid bsgom par bya ste/ de lta bus ni thugs kyi dngos grub thob par 'gyur ro/ /rdo rje thams cad kyi dngos grub ni rab tu dga' ba'i rdo rjes so zhes bya ba ni de bzhin du rdo rje sems dpa' i sbyor ba byas la rang gi snying gar yi ge sa las sna tshogs
 rdo rje bsams la rdo rje sku'i mchog bcings te g.yas pa'i mthe bong g.yon pa'i mthe bong gi bu gar bcug la bsgom par bya ste/ de lta bus ni rdo rje thams cad 'grub par 'gyur ro/ /dkyil 'khor thams cad du 'jug pa la ni rdo rje 'khor
 los so zhes bya ba ni de bzhin du dpal rdo rje sems dpa' i sbyor ba byas la bdag nyid byang chub sems dpa' i sems bskyed ma thag tu chos kyi 'khor lo bskor bar bsams la/ rdo rje khu tshur gnyis bcings la glog 'gyur ba 'degs pa'i
 tshul gyis g.yas phyogs nas bskor ba 'di ni rdo rje 'khor lo ste/ 'dis dkyil 'khor du 'jug par 'gyur ro/ /phyag rgya thams cad bcings pa'i dngos grub ni zhes bya ba ni/ phyag rgya chen po la sogs pa'i dngos grub ni zhes bya ba ni phyag rgya
 chen po la sogs pa'i phyag rgya thams cad bcings pa'i dngos grub po/ /de ji ltar 'gyur zhe na/ rdo rje gsang ba'i dam tshig gi phyag rgya chen pos so zhes bya ba gsungs te/ rdo rje ni de kho na nyid do/ /de'i gsang ba ni dam tshig ni dang po'i rdo rje'o//
 de'i phyag rgya chen po rdo rje sems dpa' i las kyi phyag rgya ni rdo rje bsnyems pa'o/ /'di skad ston te/ rdo rje sems dpa' i sbyor ba ji lta ba bzhin du byas la/ rdo rje sems dpa' i las kyi phyag rgya dang/ rdo rje dang bcas pa bcings la rang gi sngags
 brjod par bya ste/ de lta bus ni phyag rgya thams cad bcing ba bsgrub par 'gyur ro/ /dam tshig thams cad grub pa ni rdo rje dam tshig gi phyag rgyas so zhes bya ba la sde bzhin du dpal rdo rje sems dpa' i sbyor ba byas la khro bo'i khu tshur gyis sdigs mdzub byed pa la brtson
 pa dang/ yi ge hUM gis bdag nyid rdo rje khu tshur bsams la bsgrub par bya ba rdo rje rigs kyi lta mdun du spyan drangs la sdigs mdzub byas te de lta bus ni de dgyes nas rang gi dngos grub stsol bar mdzad do/ /de ltar na rdo rje rigs kyi ngo bo dam tshig thams cad
 'grub par 'gyur ro/ /las thams cad grub pa la ni rdo rje gsang ba'i mchod pas so zhes bya ba ni de bzhin du dpal rdo rje sems dpa' i sbyor ba byas la/ lnga po bsdus pa bcings te mdzub mo gnyis kyis lcags kyu gnyis byas la de gar bya ba'i tshul gyis bteg
 nas spyi bor thal mo sbyar ba byas nas lus thams cad las byung ba/ rdo rje mtshon cha ma la sogs pas byang chub tu sems bskyed pa la sogs pa'i bsgrub pa'i mchod pas bdag nyid mchod par gyur par bsam par bya'o/ /de lta bus ni las kyi dkyil 'khor la
 sogs pa'i las thams cad 'grub par 'gyur ro/ /dngos grub thams cad ni bde ba chen po'i gsang ba'i bde ba gus pas so zhes bya ba ni rigs thams cad kyi phyag rgya chen po la sogs pa ni dngos grub thams cad de/ de ni rdo rje bde ba chen po ste
 rdo rje sems dpa' i gsang ba'i bde ba sgrub pa bskyed pas thob par 'gyur ro/ /'di skad ston par 'gyur te de bzhin du dpal rdo rje sems dpa' i sbyor ba byas la/ bcom ldan 'das kyi las kyi phyag rgya bcing bar bya ste/ de lta bus ni phyag rgya thams cad sgrub pa
 po'i dbang du 'gyur/ /phun sum tshogs pa thams cad la ni rdo rje ltung ba las gdon pa'i phyag rgyas so zhes bya ba ni 'jig rten dang 'jig rten las 'das pa'i 'byor pa ni phun sum tshogs pa thams cad do/ /rdo rje ni rdo rje sems dpa' o/ /ltung ba ni
 rgud pa dang ldan pa'i sems can de rgyal srid las nyams pa rnams gdon cing slar yang rgyal srid la bzhag par bya ba'i phyir don gyi phyag rgyas rdo rje ltung ba las gdon pa'i phyag rgya ste/ gang gis ltung ba las slong bar byed
 pa'o/ /de ni 'di yin te/ de bzhin du rdo rje sems dpa' i sbyor ba byas nas yid kyis sgrub par bya ba dang lhan cig tu byas la rdo rje khu tshur gnyis bcings nas mthe'u chung gnyis phan tshun rgyab tu mdud pa byas la/ mdzub mo gnyis bkan te gzhibs
 la rtse mo byas nas 'og nas bteg la dbang bskur ba'i gnas su bde bar bzhag par bya zhing ji ltar mngon par 'dod pa'i dbang gis bdag nyid dbang bskur bar bsam par bya ste/ de lta bus ni rgyal srid las nyams pa rnams slar yang rgyal srid kyi 'byor pa
 thams cad thob par 'gyur ro/ /thams cad mkhyen pa thob pa la ni rdo rje ye shes kyi phyag rgyas so zhes bya ba la/ de bzhin du rdo rje sems dpa' i sbyor ba byas la/ byang chub mchog gi phyag rgya bcings te/ rnam par snang mdzad du bdag nyid bsams nas/
 de lta bus ni thams cad mkhyen pa'i ye shes thob par 'gyur ro/ /mchod pa thams cad ni zhes bya ba ni mchod pa thams cad dang thams cad kyi mchod pa ni mchod pa thams cad do/ /de'i ngo bo nyid ni mchod pa thams cad nyid do/ /de ji ltar 'gyur zhe na/ rdo rje
 gar gyis so zhes bya ba gsungs te/ rdo rje gar gyis phyag rgyas so zhes bya ba'i don to/ /de yang rdo rje sems dpa' i sbyor ba byas la/ rdo rje khu tshur gnyis bcings te bsgyings pa dang bcings pas glog 'gyu ba 'degs pa'i phyag rgyas g.yas nas bskor ba
 'di ni rdo rje gar te 'dis ni ji srid rdo rje sems dpa' la sogs pas mthar mngon sum du gar gyi sbyor bas mchod par gyur pa de srid kyi bar du bzla bar bya'o/ /rdo rje thams cad kyi dngos grub dam pa ni rdo rje bde ba chen po'i rdo rjes so zhes bya ba la sogs pa
 ni dang po'i rdo rje la sogs pa'i rdo rje thams cad de/ des dam pa grub pa ni rdo thams cad kyi dam pa grub pa'i bde ba chen po ni rdo rje sems dpa' ste de'i rdo rje gang yin pa des de grub par 'gyur ro/ /de ni 'di yin ta de bzhin du rdo rje sems dpa' i sbyor ba byas
 la/ rang gi snying ga'i zla ba la dang po'i rdo rje rtse lnga pa'am yang na de bzhin gshegs pa la sogs pa'i rdo rje gzhan bsams la rdo rje khu tshur gnyis bcings te mdzub mo gnyis kha phyir bltas par bsgreng ste bshibs la rtse mor byas nas snying ga'i phyogs su bzhag
 la zhes bya bas dang po'i rdo rje'i rang bzhin du bdag nyid bsgom par bya ste de lta bus ni rdo rje thams cad kyi dngos grub dam par 'gyur ro/ /sems dpa' thams cad kyi dngos grub dam pa ni rdo rje sems dpa' i bde ba chen pos so zhes bya ba ni de bzhin du bshad ma thag
 pa'i phyag rgya bcings la sems dpa' i rdo rje snying pos bdag nyid rdo rje sems dpa' la sogs pa byang chub sems dpa' chen po bdag go zhes bya ba bsgom par bya ste/ de ltar na sems dpa' chen po thams cad kyi dngos grub dam par 'gyur ro/ /de bzhin
 gshegs pa thams cad kyi dngos grub dam pa ni rdo rje gsang ba'i bde ba chen pos so zhes bya ba ni de bzhin du rdo rje sems dpa' i sbyor ba byas la byang chub mchog gi phyag rgya bcings te/ bdag ni de bzhin gshegs pa'o zhes bya ba bsgoms na de lta bus ni de bzhin
 gshegs pa thams cad kyi dngos grub thob par 'gyur ro/ /rdo rje 'dzin thams cad kyi dngos grub dam pa ni zhes bya ba ni rdo rje 'dzin pa chen po yang yin la thams cad kyang yin pas rdo rje 'dzin pa chen po thams cad de/ rdo rje sems dpa' dang rdo rje yid las
 byung ba la sogs pa rdo rje rigs kyi lha thams cad do/ /de rnams kyi dngos grub dam pa ni phyag rgya chen po'i dngos grub bo/ /de la ji ltar 'gyur zhe na/ bde ba chen po gsang ba'i dam tshig gi phyag rgyas so zhes bya ba gsungs te/ bde ba chen po rdo rje gsang
 pa'i dam tshig gi phyag rgya ni dpal rdo rje sems dpa' i phyag rgya ste des de 'grub par 'gyur ro/ /'di skad ston te snga ma bzhin du rdo rje sems dpa' i rnal 'byor byas la/ cho ga thams cad rjes su spyad nas bcom ldan 'das kyi phyag rgya
 chen po bcings la de'i sku gsang ba 'am/ rdo rje yid las byung ba la sogs pa bsgom par bya'o/ /de lta bus rnal 'byor pas rdo rje 'dzin pa chen po thams cad kyi dngos grub pa 'grub par 'gyur ro/ /las kyi phyag rgya bsgrub pa brgya po 'di dag ni
 dpal rdo rje sems dpa' i sgrub pa po yin par bshad do/ /dpal rdo rje sems dpa' i sgrub pa po la ji ltar bshad pa de bzhin du spyir gsungs pa yin pa'i phyir rdo rje yid las byung ba nas rdo rje 'bebs pa'i bar gyi rnal 'byor pa rnams kyis kyang rang gi
 rnal 'byor sngon du 'gro ba'i rang gnas kyi sgrub par shes par bya'o/ /bde ba chen po rdo rje ni gnyis su med pa'i ye shes yin par bshad zin to/ /de'i gsang ba ni de'i rgyu 'thun par gyur pa rdo rje sems dpa' i dkyil 'khor la sogs pa de kho na nyid
 do/ /de'i rnam par rtog pa ni rtog pa'o/ /de ston par byed pa'i sgra'i cho gas la yang nye bar brtags pas rtog pa zhes bshad do/ /de yang rtog pa gzhan rnams las shin tu lhag pa'i tshul gyis mdzes shing 'bar ba na rtog pa chen po'i rgyal ba'o//
 rtsa ba'i rgyud kyi rang bzhin de las rab tu dga' ba'i rdo rje gsang ba chen po zhes bya ba'i rdo rje sems dpa' i cho ga rgyas par bya ba dang bsgrub pa'i rgyun no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las/ dpal
 mchog dang po'i rgyud chen po'i dum bu gnyis pa rtsa ba'i rgyud las/ dpal rdo rje sems dpa' i rtog pa bshad pa rdzogs so// //de ltar 'dod chags kyis 'dod chags spang bar bya ba'i phyir/ dpal rdo rje sems dpa' i rtog pa
 gsungs nas/ nga ni sems can rang bzhin bzang ba de bzhin gshegs pas 'dul ba las brtsams te/ de nas bcom ldan 'das zhes bya ba la sogs pa gdul bya dran pa dang/ shes rab dang yang dag par ldan pa rnams kyis de bzhin gshegs pa'i
 gzugs dang ye shes thob par bya ba'i de bzhin gshegs pa'i rtog pa gsungs pa yin no/ /de nas zhes bya ba'i sgra ni de ma thag pa ston par byed pa'i tshig ste/ dang po'i sbyor ba'i rjes thogs la'o/ /dang po'i sbyor ba ni dpal rdo rje sems dpa' i dkyil 'khor
 du bshad pa nyid yin no/ /bcom ldan 'das ni rnam par snang mdzad do/ /bcom ldan 'das 'di'i khyad par ji lta bu zhe na/ bde ba chen po zhes bya ba la sogs pa gsungs te/ bde ba chen po'i rdo rje ni de bzhin gshegs pa rnams kyi gnyis su med pa'i dran pa dang
 shes rab dang yang dag par ldan pa'i thugs so/ /de'i dam tshig ni de bzhin gshegs pa'i dkyil 'khor ro/ /bde ba'i sems dpa' i ni rgyu'i rang bzhin du de bzhin gshegs pa'i thugs la gnas pa sems dpa' i rdo rje'i tshul rdo rje 'chang chen po'o/ /de'i
 byin gyis brlabs ni sngon gyi 'phen shugs so/ /de'i gsar ba'i chos kyi dkyil 'khor gyi ngo bor gyur pa gang yin pa de la de skad ces bya'o/ /de bzhin gshegs pa thams cad ni bcom ldan 'das rnam par snang mdzad chen po'o/ /de bzhin gshegs pa 
 thams cad kyi khu tshur yongs su 'dzin pa ni phyag rgya gnyis kyi byang chub mchog gi phyag rgya bcings pa'o/ /de la rdo rje sems dpas gsol ba btab po zhes sbyar ro/ /ci zhig mdzad ce na/ de bzhin gshegs pa thams cad ces bya ba la sogs pa gsungs te de
 bzhin gshegs pa thams cad kyi 'khor lo ni de bzhin gshegs pa thams cad kyi 'khor lo ste/ rjes thogs nyid la ston par mdzad par gyur pa'i de bzhin gshegs pa'i dkyil 'khor de byin gyis rlob cing thugs la bzhag par mdzad pa'i ting nge 'dzin gang gis
 rdo rje ltar mi byed par gyur pas ming de skad ces bya ba'i ting nge 'dzin la snyoms par zhugs shing mngon sum du mjad nas rang gi rdo rje sems dpa' ste nyid kyi byang chub kyi sems chen po gsol ba 'debs shing gsol ba la bzhugs
 par gyur pa'o/ /de ji lta bu zhe na bde ba chen po zhes bya ba la sogs pa smos te/ bde ba chen po ni thar pa chen po'o/ /de rab tu grub pa ni nyon mongs pa bag chags dang bcas pa spangs pa'i tshul gyis rdzogs pa'o de'i don du/ 'dod chags chen
 po rnam dag phyir zhes bya ba ste/ 'dod chags kyang yin la chen po yang yin pas na 'dod chags chen po ste/ gzugs thams cad kun tu ston pas sems can gyi don mdzad pa'o/ /de'i rnam par dag pa ni sngon gyi 'phen shugs kyi stobs kyi lhun
 gyis 'grub par 'jug pa'o/ /de bzhin gshegs pa'i mdza' yas nyid ces bya ba ni de bzhin gshegs pa rnams kyi mdza' yas shing tshad med pa'o/ /nam mkha' dang mnyam pa ni nam mkha' i khams thams cad khyab par byed pa'o/ /bskyed du gsol
 zhes bya ba ni kun nas bslang ba'o/ /rigs dam pa ni rigs bzang zhing mdzes pa ste rigs kyi mchog bskyed par mdzod cig ces bya ba'i tha tshig go /'dis ni 'di skad ston par 'gyur te/ bcom ldan 'das rnam par snang mdzad kyi dkyil
 'khor sprul par mdzad pa'i phyir/ rang gi dkyil 'khor gyi rnam par thugs rtse gcig tu mdzad pa ni/ bcom ldan 'das dpal rdo rje sems dpas gsol ba btab pa yin no/ /bcom ldan 'das rdo rje 'chang chen pos gsung so zhes bya bar sbyar
 ro/ /de nas zhes bya ba'i sgra ni snga ma bzhin no/ /de nas bcom ldan 'das rnam par snang mdzad kyis rang gi rigs sprul par mdzad pa'i phyir/ bcom ldan 'das rdo rje 'chang bas gsol ba btab nas de bzhin gshegs pa'i dkyil 'khor sprul
 pa'i phyir gzungs gsungs pa yin no/ /ci zhig mdzad nas ce na/ de bzhin gshegs pa thams cad kyi zhes bya ba la sogs pa smos te/ de bzhin gshegs pa thams cad kyi dam tshig ni de bzhin gshegs pa'i dkyil 'khor ro/ /de nyid ni bde ba chen po'i
 rgyu 'thun pa yin pa'i phyir bde ba chen po mngon sum du byed pa'i rgyur gyur pa nyid yin pa'i phyir bde ba chen po'o/ /de mi phyed pa'i rnam par gnon pa ni skyes bu byed pa'i rtsal te/ de bzhin gshegs pa'i dkyil 'khor gyis 'dul ba'i sems can gyi khams rnams
 la de bzhin gshegs pa'i gzungs rtags pa bskyed do zhes bya ba'i tha tshig go /rnam par gnon pa de mdzad nas/ bcom ldan 'das rdo rje 'chang chen po ci zhig mdzad/ bcom ldan 'das zhes bya ba la sogs pa gsungs te/ bcom ldan 'das de bzhin
 gshegs pa rnam par snang mdzad chen po byang chub mchog gi phyag rgya phyag gnyis kyis bcings nas/ sku'i rdo rje thams cad la ni phyag rgya chen po'i phra rab thams cad gsung gi rdo rje thams cad la ni ljags kyi phra rab thams cad thugs kyi rdo rje thams cad la ni rang gi
 thugs kar gnas pa'i sems dpa' i rdo rje phra rab thams cad zhugs par gyur to/ /de nas zhugs te ci zhig mdzad ce na/ thams cad kyi bdag nyid dang mnyam par zhes bya ba la sogs pa gsungs te/ sku dang gsung dang thugs rdo rje'i rdul phra rab thams cad
 phra rab de rnams pa rang gcig kyang mang por zhugs te/ der lha thams cad kyi sku dang gsung dang thugs rdo rje'i ngo bo thams cad kyi bdag nyid rnam par snang mdzad rnam par spros nas/ sku dang gsung dang thugs rdo rje phra rab ma lus pa der khyab nas/ de dang chu dang
 'o ma bzhin du gcig tu gyur pa'o/ /bde ba chen po rdo rje gnyis su med pa'i dran pa dang shes rab dang rab tu ldan pa'i de bzhin gshegs pa'i thugs so/ /de'i phyag rgya ni de'i rgyu 'thun pa las gyur pa'o/ /de bzhin gshegs pa'i dkyil 'khor ro/ /de skyed
 par byed pa'i gzungs gang yin pa de gsungs pa ni bka' stsal pa ste/ oM d+hi zhes pa'o/ /'di zhes bya ba ni thugs la gnas pa'o/ /de nas zhes bya ba la sogs pa la/ de nas bcom ldan 'das rdo rje sems dpa' rnam par snang mdzad dang
 gcig tu gyur nas oM d+hi zhes bya ba 'di gsungs pa tsam gyis rjes thogs nyid la 'jig rten gyi khams thams cad kyi rdul phra rab dang mnyam pa'i de bzhin gshegs pa sras dang bcas pa thams cad rnam par drug tu g.yos par gyur to/ /de nas de rnams
 rnam pa drug tu g.yos pas bskul bar 'gyur bas 'dus par mdzad do/ /brtan pa ni mi phyed pa'o/ /de la rnam pa drug tu g.yos pa ni 'di yin te/ sku'i stod mtho na ni sku'i smad dma'/ sku smad mtho na sku stod dma'/ g.yas logs mtho na
 g.yon logs dma'/ g.yon logs mtho na g.yas logs dma'/ sku'i dbus mtho na mdza' dma'/ mdza' mthon dbus dma'o/ /thams cad grub pa'i phyir dkyil 'khor chen po'i tshul gyis zhugs so zhes bya ba ni/ rdo rje sems
 dpa' i dkyil 'khor chen po'i dbyings kyis/ de bzhin gshegs pa'i dkyil 'khor de de bzhin gshegs pas 'dul ba'i sems can rnams la/ de bzhin gshegs pa'i dkyil 'khor du gsungs pa'i dngos grub thams cad grub par bya ba'i phyir zhugs so//
 ci zhig mdzad nas zhugs she na/ bshad ba chen po'i khyad par gyi/ rmad byung chen po rab tu bzhad ces bya ba la sogs pa gsungs te/ bshad pa yang yin la chen po yang yin pas na bzhad pa chen po ste/ 'jig rten gyi khams thams cad dang mnyam
 pa'i bdag nyid kyi dngos po thams cad du 'gro ba'i 'dzum pa rab tu mdzad do/ /ngo mtshar chen por gyur ba'i tshul ni rmad byung chen po'o/ /'dis kyang don 'di skad ston pa yin te/ de bzhin gshegs pa'i dkyil 'khor sprul pas sems can gyi khams thams
 cad kyi de bzhin gshegs pa'i gzungs thob par gzigs pas thugs dgyes par gyur nas bshad pa chen po thams cad du song ba'i 'dzum pa mdzad par gyur to/ /de ltar na de nas zhes bya ba nas brtsams te/ bzhad pa chen po'i khyad par gyis/ /rmad byung chen po
 rab tu bzhad ces bya ba'i bar gyis ni ting nge 'dzin gnyis bshad pa yin no/ /de nas sgo dbye ba byas la bsdu bar bya'o/ /de nas de bzhin du rang gi dbang bskur ba blang ba'i phyir/ rdo rje lcags kyu la sogs pas dgug pa dang gzhug pa dang bcing ba dang dbang du byas nas/
 bcom ldan 'das rnam par snang mdzad 'khor dang bcas pa la dam tshig gi phyag rgya rnams kyis ji lta ba bzhin du rab tu bsgrubs nas chos dang las dang phyag rgya chen pos rgyas btab nas dbang bskur ba'i phyag rgya rnams kyis dbang bskur la/ las la sbyor bar bya
 ste/ 'di ni las kyi rgyal po mchog ces byas te ting nge 'dzin gsum pa'o/ /de la las ni 'di rnams yin te/ bcom ldan 'das rnam par snang mdzad kyi phyag rgya chen po bcings la 'di skad ces brjod do/ /bcom ldan 'das rnam par snang mdzad sems
 can gyi khams thams cad nyid kyi gzungs dang/ ye shes rtogs par mdzod cig /rdo rje mtshon cha ma la sogs pa nas/ rdo rje 'bebs pa'i bar gyis ni rdo rje sems dpa' i dkyil 'khor chen po las bshad pa'i rdo rje yid las byung ba la sogs pa'i las la
 sbyar ba nyid yin par shes par bya'o/ /da ni dam tshig dang dbang bskur ba thob pa rnams kyi bzlas brjod dang bsgom par bya'o/ /zhes bya ba 'di'i don bstan par bya ba'i phyir/ de nas zhes bya ba la sogs pas slob dpon gyi las kyi cho ga rgyas pa dang slob ma 'jug pa
 la sogs pa'i cho ga rgyas par gsungs pa yin no/ /de nas zhes bya ba'i sgra ni snga ma bzhin te de ltar las kyi rgyal po mchog gsungs pa'i rjes thogs nyid la'o/ /bcom ldan 'das de bzhin gshegs pa'i rdo rje sems dpa' zhes bya ba ni rdo rje sems dpa' i sku'i
 tshul 'dzin par mdzad pa'i rnam par snang mdzad la de bzhin gshegs pa rdo rje sems dpa' zhes bya'o/ /de bzhin du rdo rje bsnyems mas zhugs te zhes bya ba ni/ ji ltar rdo rje sems dpa' i dkyil 'khor chen por bcom ldan
 'das rdo rje sems dpa' phyag rgya chen pos bzhugs pa de bzhin du 'dir yang bcom ldan 'das rnam par snang mdzad rdo rje bsnyems pas rdo rje sems dpa' i phyag rgya chen pos zhugs nas dkyil 'khor 'di gsungs so/ /zhes bya bar sbyar ro/ /'di
 zhes bya ba ni thugs la gnas pa'o/ /bde ba chen po'i dam tshig ces bya ba la bde ba chen po thar pa chen po'o/ /de'i dam tshig ni de bzhin gshegs pa'i gzungs so/ /de nyid ni rdo rje gsang ba ste/ skye bo thams cad dang thun mong ma yin pa bcom ldan
 'das rnam par snang mdzad kyi mi phyed pa'i gsang ba'o/ /ming de skad ces bya ba'i gzungs kyi phyag rgya rnams kyis dkyil 'khor gsungs pa ni bka' stsal pa'o/ /ji ltar chos kyi zhes bya ba la sogs pa la de bzhin gshegs pa'i dkyil 'khor gyis
 sgrub pa pos rdo rje sems dpa' i dkyil 'khor chen por bshad pa'i sngon du bsnyen pa'i cho gas bsnyen par byas la/ de nas sa sbyang ba dang/ khang pa brtsegs pa dang bsrung ba'i cho ga rnams rjes su spyad la lhag par gnas par byas nas ji ltar bshad pa'i
 cho gas thig gdab par bya'o/ /de nas tshon rtsi dgye ba byas nas sa ma yastwaM oM d+hi zhes zlos shing bcom ldan 'das rnam par snang mdzad las bab te sna tshogs pad+ma'i gdan la lugs ma dang brkos pa la sogs pa'i gzugs brnyan gyi sku rdo rje sems dpa' ltar
 rdo rje bsnyems pa 'chang ba dang gcig tu bya'o/ /de ltar de bkod nas de bzhin gshegs pa'i dkyil 'khor gyi lha rnams ji lta bu zhe na/ dam tshig rnams kyi mchog mchog ni dam pa'o/ /de bzhin gshegs pa ni mi bskyod pa la sogs pa de'o/ /sras dang bcas
 ba ni rdo rje sems dpa' la sogs pa'i byang chub sems dpa' rnams rdo rje mtshon cha ma la sogs pa dang bcas pa gzung ste de dag yongs su dgod do/ /byang chub sems dpa' sems dpa' che/ /me tog la sogs spyir thal sbyar zhes bya ba la rdo rje
 sems dpa' la sogs pa ye shes kyi sems dpa' 'di dag nyid dang/ me tog dang/ bdug pa dang/ mar me chen po dang/ dri la sogs pa thal mo sbyar ba spyi bor 'jog par rdo rje sbrang rtsi ma la sogs pa'i gzugs su gnas par bri bar bya'o/ /de bzhin
 du sgeg mo la sogs pa'i gzugs 'dzin pa'i lha mo la sogs pa bri bar bya'o/ /de la 'di ni 'jug pa'i cho ga rgyas pa'i khyad par yin no zhes bya ba la/ de la zhes bya ba'i sgra ni tshig nye bar dgod pa'i don to/ /'di zhes bya ba la thugs la gnas par gzung ste/
 'jug pa la sogs pa'i cho ga rgyas pa gang yin pa de skad ces bya'o/ /sogs pa'i sgras ni thog mdza' med pa'i sems dpa' ni zhes bya ba nas brtsams te mchod cing phyag byas nas slar byung zhes bya ba'i bar gyi dpal rdo rje sems dpa' dkyil 'khor chen
 por gsungs pa'i cho ga rnams gsung ngo/ /de bzhin gshegs pa thams cad la phyag bya ba'i phyag rgyas 'jug par bya'o zhes bya ba ni/ de bzhin gshegs pa'i khu tshur gnyis bcings la des me tog gi phreng ba blangs nas dkyil 'khor lnga pas phyag byas la
 dkyil 'khor du 'jug par bya'o/ /'di'i de bzhin gshegs pa thams cad la phyag bya ba'i phyag rgyas te/ des dkyil 'khor 'dis 'jug par bya'o/ /ji ltar zhe na/ glu 'di yis zhes bya ba la sogs pa gsungs te/ 'di yis zhes bya ba ni 'og
 nas bshad pa'i rjes thogs nyid la bshad pa'i rdo rje glus so/ /rdo rje bsdus pas na zhes bya ba ni thabs dang shes rab kyi rang bzhin byang chub sems chen po bskyed pa ni rdo rje sems dpa' bsdus shing nye bar blangs pa yin te/ thabs dang shes rab kyi rang bzhin de
 bzhin gshegs pa'i rigs thugs su chud pa zhes bya ba'i tha tshig go /de ltar rdo rje sems dpa' i bsdus pa'i rgyu des na/ rdo rje rin chen bla na med par 'gyur ro zhes bya bar shugs kyi sbyar te/ sbyin pa'i pha rol tu phyin pa'i rang bzhin can gyi
 sems dang sems las byung ba dang/ rin po che'i rigs ni rdo rje rin chen de nyid ni 'di'i gong na gzhan med pas bla na med pa'o/ /shes rab kyi pha rol tu phyin pa'i rang bzhin gyi sems dang sems las byung ba rnams dang/ pad+ma'i rigs ni rdo rje chos te de
 rnams kyi glu blangs pas ni so sor rang rig pa'i rnam pas mngon du byed pas ni rdo rje chos kyi glu blangs pa yin te/ rdo rje chos kyi glu blangs des so sor rtog pa'i ye shes kyi rang bzhin can gyi sems dang sems las byung ba rgyur gyur pas rdo rje las ni byed par
 'gyur zhes sgrub pa pos bod pa yin te/ las kyis dngos grub gsol ba 'debs shing/ brtson 'grus kyi pha rol tu phyin pa'i rang bzhin can gyi sems dang sems las byung ba dang/ las kyi rigs ni rdo rje zhes pa bcom ldan 'das rnam par
 snang mdzad don yod par 'grub pa'i rang bzhin can gyi sems las de dag byed cing rdzogs par gyur pas mdzod cig ces slob dpon gyis bod pa'i tshig tu smras pa dang/ bcom ldan 'das la gsol ba 'debs pa yin no/ /de nas zhes bya ba de ltar zhugs
 nas thog mdza' med pa zhes bya ba nas brtsams te mchod cing phyag byas la slar byung zhes bya ba'i bar gyi cho ga rnams spyad pa'i rjes thogs nyid la sgo dbye ba dang bsdu ba byas nas/ mtshan brgya rtsa brgyad pas yang dag par bstod la/ de nas dgug
 par bya ba yin no/ /gang gis de dgug par byed ce na/ de bzhin gshegs pa thams cad kyis bya ba smos pa ste/ de bzhin gshegs pa thams cad kyi dran pa dang shes rab dang yang dag par ldan pa'i gnyis su med pa'i ye shes ni de bzhin
 gshegs pa thams cad kyi ye shes kyi gzungs ste des ston par byed pa'i rigs las nye bar gdags pas de skad ces bya ste/ de bzhin gshegs pa thams cad kyi ye shes kyi gzungs kyi ste/ des bcom ldan 'das rnam par snang mdzad 'khor dang
 bcas pa dgug par bya'o/ /phyag rgya gang zhig ce na/ bde ba chen po'i rdo rje'i lcags kyus so zhes bya ba smos te/ de bzhin gshegs pa'i khu tshur gnyis kyi byang chub mchog gi phyag rgya bcings la mdzub mo g.yas pa lcags kyur byas la 'di ni bde
 ba chen po rdo rje gsang ba'i lcags kyu ma yin no/ /de nas zhes bya ba la sogs pa ni go sla'o/ /de nas cho ga rgyas pa ni de bzhin no/ /zhes bya ba ni rdo rje sems dpa' i dkyil 'khor chen por bgegs gsal ba la sogs pa'i cho ga gsungs pa de
 bzhin du 'di byas te/ 'dis ni slob dpon las kyi cho ga dang/ slob ma 'jug pa la sogs pa'i cho ga gsungs pa yin no/ /yang 'di'i cho ga'i don gsal bar bya ba'i phyir brjod par bya ste/ rdo rje sems dpa' i dkyil 'khor chen po bshad pa'i
 rim pas sngon du bsnyen pa'i cho gas rjes su spyad la/ sa sbyang ba dang/ yongs su gzung ba byas la dkyil 'khor bri bar bya'o/ /de la re zhig dang po bgegs gzhom pa la sogs pa byas la/ de nas rdo rje 'khor los dkyil 'khor sprul la/
 phyag bya ba la sogs pa sngon du 'gro bas sdom pa gzung bar bya'o/ /de nas rim pa 'dis rnal 'byor chen po bya ba de la dang por re zhig badzra any+dza li zhes bya ba rdo rje thal mo bcings la badzra band+ha zhes bya bas rdo rje bsdams pa byas nas badzra band+ha tra Ta ces bya bas rdo rje
 thal mo snying gar dgrol bar bya'o/ /badzra A be sha zhes bya bas rdo rje thal mo snying gar dgrol bar bya'o/ /badzra A be sha a zhes bya bas rdo rje 'bebs pa'i dam tshig gi phyag rgya bcings la/ a zhes bya bas bdag nyid la dbab par bya'o/ /tiSh+Tha badzra zhes bya ba
 la sogs pas rang gi snying gar phyag rgya bkrol badzra muSh+Ti zhes bya bas zlos shing dam tshig rdo rje khu tshur bcings la/ badzra san+ti baM zhes bya bas lan gsum bzla bar bya'o/ /de nas yi ge hUM gis dang po'i rdo rje bcings la/ rnam par
 snang mdzad la sogs pa nas rdo rje 'bebs pa'i bar dag gi dam tshig gi phyag rgyas sa ma yastwaM zhes brjod la bcings nas/ de rnams kyis rang rang gi snying po lan gsum brjod nas/ oM badzra mu(rgyud 'grel par snang mdzad nas rdo rje 'bebs pa'i bar du rang gi snying gar gnas pa'i sems ma rdo rje yid kyis gzhug par bya'o/ /de nas de bzhin du sdig pa dral ba'i phyag rgyas sdig pa dral bar bya'o/ /de nas mngon par byang chub pa lnga'i rim pas de bzhin du rnam
 par snang mdzad du bsams la/ rdo rje rnam par snang mdzad kyi dam tshig gi phyag rgya bcings la 'di skad ces brjod par bya'o/ /sa ma yastwaM haM/ de nas dam tshig gi phyag rgya bcings pa de nyid kyis snying ga dang/ dpral ba dang/ lkog ma dang/ spyi bor
 byin gyis brlab cing sa ma yastwaM/ satwa a d+hi tiSh+Tha swa mAM/ de nas de bzhin gshegs pa'i khu tshur gnyis bcings la g.yon pa'i de bzhin gshegs pa'i khu tshur rdo rje dril bu dang bcas pas bsnyems pa byas te bzhag la/ g.yas pas de
 bzhin gshegs pa'i rdo rje blangs la gsod zhing rang gi snying gar bstod pa'i tshul gyis bzhag la/ oM d+hi zhes bya ba'i gzungs brjod nas/ sku dang gsung dang thugs rdo rje rnam par snang mdzad du rang nyid 'gyur ro/ /'di ni bdag la byin gyis brlab par
 yang 'gyur ba yin no/ /de nas rang gi snying gar zla ba'i dkyil 'khor bsams la/ de'i steng du rnam par snang mdzad kyi dkyil 'khor nam mkha' dang mnyam pa'i sbyor bas zhugs la bskyed par bya'o/ /de nas bdag nyid dkyil 'khor du 'jug pa'i cho
 gas zhugs la rang gi me tog gi phreng ba gtor te/ blangs nas ji lta ba bzhin du bcings la dngos grub kyi rdo rje brtul zhugs kyi bar du rjes su spyad la dkyil 'khor de rang gi snying ga'i zla bar gnas pa dang gcig tu gyur par bsams la rjes su sbyor ba byas la/ rdo rje dbyings
 las gsungs pa'i rnal 'byor chen po bya'o/ /dang po'i rdo rje bcings la badzra satwa a d+hi tiSh+Tha swa mAM zhes bya bas rang gi snying ga'i zla ba'i rdo rje rtse lnga pa bsam par bya'o/ /badzra ratna a d+hi tiSh+Tha swa mAM zhes bya bas dpral ba'i gnas su rin po che'o/ /badzra d+harma a
 d+hi tiSh+Tha swa mAM zhes bya bas lkog ma'i phyogs su rdo rje pad+ma/ badzra karma a d+hi tiSh+Tha swa mAM zhes bya bar spyi bor rdo rje sna tshogs bsam par bya'o/ /de nas rdo rje rin po che'i cod pan gyis dbang bskur la yi ge gnyis kyis cho gas bdag nyid go bgos la mthar mnyam pa'i
 thal mos mnyes par bya'o/ /de nas yi ge brgya pas brtan par byas na de bzhin gshegs pa'i rdo rje dang bdag po dang ming gi dbang bskur blangs nas dngos grub kyi rdo rje brtul zhugs blang bar bya'o/ /de nas rdo rje mtshon cha ma la sogs pa phyag rgya'i
 mchod pa bcu gnyis kyis yang dag par mchod la/ rnam par sgeg pa'i bcom ldan 'das rnam par snang mdzad la phyag byas nas de kho na nyid kyis/ de bzhin gshegs pa'i rdo rje gzung zhing chos kyi dril bu dkrol lo/ /de nas dam tshig gi phyag
 rgya chen por byin gyis brlabs la/ oM d+hi zhes bya ba lan gsum brjod par bya'o/ /de ltar rnal 'byor chen po bskyed la dang po'i rdo rje bcings te sa la bzhag ste/ a d+hu rA ga ya mi hUM zhes brjod cing/ bcom ldan 'das rnam par snang mdzad kyi gzhal
 yas khang nam mkha' i gtos thams cad dang mnyam par bskyed por bya'o/ /de nas lha thams cad kyi gnas su h+ri las sna tshogs pad+ma'i gdan rnams bsams la de nas dbus su sems dpa' i skyil mo krung gi 'dug ste/ bdag nyid spro ba bskyed par bya'o/ / 
 deng du bdag chos 'bras bu yod/ /bdag gi gsen pa 'bras bu bcas/ /lha dang dam tshig gis mnyam par/ /gyur par bdag ni the tshom med/ /byang chub sems dang sems gcig la/ /mi ldog par na bdag gyur pa/ /de
 bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng 'dus pa yi mchog yin no/ /zhes brjod la de nas lus thams
 cad kyi phyag byas la/ dang po'i sbyor ba dang/ dkyil 'khor gyi rgyal po'i mchog dang/ las kyi rgyal po'i mchog bsgom par bya'o/ /de nas bcom ldan 'das rnam par snang mdzad kyi phyag rgya chen po bcings la oM h+ri zhes bzla bar bya'o/ /de
 nas bdag nyid la de bzhin gshegs pa thams cad kyi gsol ba btab par gyur par bsams la/ bcom ldan khyod la gsol pa ni/ /'dod chags chen po bde pa che/ /snying po yi ni brtag pa nyid/ /bde chen myur du grub par mdzod/ /de
 nas langs te de bzhin gshegs pa thams cad kyis nam mkha' gang bar bsams la/ de bzhin gshegs pa thams cad la phyag 'tshal ba 'di skad brjod do/ /bdag nyid rang nyid rdo rje can/ /rdo rje sems dpa' bdag rang nyid/ /
 bdag ni sangs rgyas rgyal po che/ /stobs chen rdo rje can bdag nyid/ /bdag nyid rnal 'byor dbang phyug rgyal/ /phyag na rdo rje brtan bdag yin/ /bdag po rdo rje chen po bdag /byin gyis brlab pa mi 'dor ro/ /oM h+ri zhes bya ba brjod par
 bya'o/ /dngos grub cho ga thams cad la/ /rdo rje dril bu rab bskul bas/ /cho ga lhag ma tshang ba/ /'grub 'gyur dmad par mi bya'o zhes bcom ldan 'das rdo rje sems dpas gsungs so/ /de nas bcom ldan 'das rnam par snang mdzad kyis dam tshig gi phyag rgya
 dang oM h+ri badzro tiSh+Tha maN+Da la ud tha pa ye zhes brjod la dkyil 'khor bteg la nam mkhar bzhag ste/ de nyid kyis bdag la byin gyis brlabs la yang phyag rgya chen po bcings te/ badzra driSh+Ti maT ces bya ba mig gnyis su bkod la/ phyag rgya la gnas de bzhin langs//
 kun tu rnam par bltas nas ni/ /snying po yang dag bzlos byed cing/ /bsgyings pa'i tshul gyis yongs su bskor/ /oM d+hi las rkang mthil gnyis su sna tshogs rdo rje bsams la rkang mthil nas brtsams te nam mkha' i khams ma lus pa'i gtos dang mnyam pa'i sa'i
 cha rdo rjer gyur par bsam par bya'o/ /rdo rje lta bas kyang g.yon nas bskor ba dang/ g.yas nas 'og bcing ba dang nam mkha' bcing ba dang/ phyogs dang mtshams dang dkyil 'khor bcing pa byas nas ra ba dang dra ba bya'o/ /de nas sgo dbye ba'i phyag rgyas sgo phye la gsang
 ba'i dkyil 'khor rdo rje rgyu'i ngo bo zhal bzhi pa phyag bzhi pa phyag rgya 'di dang ldan pas dgug par bya'o/ /oM badzra maN+Da la hUM dza(rgyud 'grel 'gugs par byed pa'o/ /oM badzra tsakra a d+hi tiSh+Tha sid+d+ha hUM zhes bya ba'i rig pa phyag rgya dang ldan pas ye shes kyi dkyil 'khor byin gyis brlab par bya'o/ /'di'i phyag rgya ni rdo rje khu tshur gnyis 'gal me'i 'khor lo bskor ba'i tshul du bya'o/ /de nas seng ldeng la
 sogs pa'i phur? bu zhes bya ba nas bsang? chu'i bum pa bzhag pa'i bar snga ma bzhin du thig gdab par bya'o zhes bya ba'i bar du rdo rje sems dpa' i dkyil 'khor las gsungs pa'i cho ga rnams su spyad la/ tshon dmar po dang ljang gu dang sngon po dang ser po dang/ dkar pos
 ji skad bshad pa'i tshul gyis phyi rol gyi ra ba nas brtsams te ra ba ji lta ba bzhin du yang dag par bris la sna tshogs pad+ma'i gdan la sogs pa yang dag par bri bar bya'o/ /dkyil 'khor 'di thams cad rdo rje sems dpa' i dkyil 'khor dang 'dra bas/ dkyil
 'khor dbus ma'i dbus su bcom ldan 'das rnam par snang mdzad zla ba'i mdog can phyag g.yon pa de bzhin gshegs pa'i khu tshur gyis rdo rje dril bu 'gying bag gis bsnams pa/ phyag g.yas pa la de bzhin gshegs pa'i rdo rje rang gi thugs
 kar bstod pa'i tshul gyis bsnams pa 'dzum pa dang bcas pa/ 'od zer dmar po kun tu 'khrug pa de bzhin gshegs pa thams cad kyi rin po che'i cod pan dang/ dar dpyangs kyi dbang bskur ba sna tshogs pad+ma la rdo rje'i skyil mo krung gis sku drang por bzhag
 ste/ bzhugs pa oM sa ma yastwaM zhes brjod cing bri bar bya'o/ /bcom ldan 'das rnam par snang mdzad kyi mdun du rdo rje yid las byung ba'i gnas su rdo rje mtshon cha ma/ phyag g.yon na de bzhin gshegs pa'i khu tshur gyi me tog gi gzhu bsnams pa/ phyag
 g.yas pas rdo rje mda' gsor ba la brtson pa'o/ /bcom ldan 'das kyi g.yas logs su rdo rje kI li kI la gnas su rdo rje kI li kI li 'aM ske la phyag gnyis de bzhin gshegs pa'i khu tshur bcings pas de bzhin gshegs pa'i rdo rje rang gi thugs ka'i gnas su
 'khyud pa'i tshul gyis bzhugs pa'o/ /bcom ldan 'das kyi rgyab logs su rdo rje dran pa'i gnas su rdo rje dran ma de bzhin gshegs pa'i khu tshur gyi chu srin gyi rgyal mtshan bsnams shing g.yon pas gdan la bsnyems pa dang bcas pas bzhugs pa'o/ /
 bcom ldan 'das kyi g.yon logs su rdo rje snying po'i gnas su rdo rje snying po ma/ de bzhin gshegs pa'i khu tshur gyis de bzhin gshegs pa'i rdo rje bsnams shing bsnyems tshul gnyis kyis bzhugs pa la brtson pa'o/ /nang gi dkyil 'khor de nyid kyi ma'i
 mtshams su rdo rje mi phyed ma/ bden bral gyi mtshams su rdo rje sprin ma/ rlung gi mtshams su rdo rje ston ma/ dbang ldan gyi mtshams su rdo rje dgun ma ste/ go rim bzhin du me tog dang/ bdug spos dang/ mar me dang/ /dri spyi bor thal mo sbyar pa'i
 tshul gyis bsnams par ro/ /phyi'i dkyil 'khor gyi lha'i snam bur me'i mtshams su sgeg mo/ /de bzhin gshegs pa'i khu tshur gnyis kyis de bzhin gshegs pa'i rdo rje bsnams nas rdo rje bsnyems ma'i tshul gyis bsam pa g.yos pa dang rab tu 'dud pa'o/ /
 bden bral gyi mtshams su bzhad ma so'i phreng ba gnyis dang ldan pa/ de bzhin gshegs pa'i rdo rje bsnams nas rnam par snang mdzad la sogs pa rang gi 'dzum pas rmad du byung ba la 'jog ba/ phyag g.yon pa gdan la gnyis pa'i tshul gyis bzhugs par ro/ /
 rlung gi mtshams glu chen po rdo rje pi wang len par brtson par ro/ /dbang ldan gyi mtshams su gar ma rdo rje rtse gsum pas mtshan ma phyag gnyis na bsnams nas gar mdzad par bzhugs pa'o/ /phyi dang nang du bcas pa'i shar sgo gnyis su rdo rje lcags kyu ma rdo rje
 lcags kyus de bzhin gshegs pa thams cad 'gugs par mdzad pa'o/ /lho phyogs kyi sgo gnyis su rdo rje zhags pa ma rdo rje zhags pas de bzhin gshegs pa thams cad dkyil 'khor du 'jug par mdzad pa'o/ /nub phyogs kyi sgo gnyis su rdo rje lcags
 sgrog ma rdo rje lcags sgrog gis de bzhin gshegs pa thams cad 'ching bar mdzad pa'o/ /byang phyogs kyi sgo gnyis su rdo rje 'bebs ma rdo rje dril bus de bzhin gshegs pa thams cad dbang du mdzad cing yang dag par zhugs par bri bar bya'o/ /de nas 'di rnams
 kyi snying po go rim ji lta ba bzhin du bshad par bya'o/ /oM badzrA d+hiSh+Tha sA ma ke maT/ oM badzra kI li kI la hUM/ hUM badzra sma ra badzri Ni band+ha/ hUM tu Sh+ya ta badzri Ni ni hUM/ hUM ma d+hu badzri Ni hUM/ hUM badzra me g+he hUM sha rad badzri/ hUM badzra shi shi no/ haM badzra lA sye hA sye
 badzri Ni/ oM badzra kI te/ oM badzra ni dzya? badzra/ dza badzra badzra oM ku she hUM badzra pA? she/ baM badzra spho Te/ oM badzra g+haN+To/ 'di dag thams cad la sna tshogs pad+ma'i gdan la rdo rje skyil mo krung gis bzhugs pa/ sangs rgyas lnga'i cod pan can sku mdog dkar po rnam par snang
 mdzad la mngon par phyogs pa'o/ /de nas dkyil 'khor gyi sgo ji lta ba bzhin du phye la/ mchod yon phul te bum pa la sogs pas/ bcom ldan 'das rnam par snang mdzad la sogs pa 'khor dang bcas pa la mchod par bya'o/ /dril
 bu rtser btags rgyal mtshan rnams/ /mtshams kyi mdun du gzugs par bya'o/ /phyi yi mtshams kyi gnas rnams su/ /bum pa bcug nas rnam rgyan dang/ /rnam par snang mdzad spyan sngar ni/ /dri yi chus bkang bum pa bzhag /khengs shing
 nor babs rdo rjer bcas/ /lcug ma las kyang bzlas brjod bya/ /'di skad ston par 'gyur te bum pa las nag po ra ri med pa lto phye ba dang/ ske ring ba mchu 'phyang ba/ rin po che la sogs pa rdo rje sems dpa' i dkyil 'khor las bshad pa rdzas thams
 cad dang ldan pa'i bum pa/ de bzhin gshegs pa'i khu tshur gyis yongs su bzung ste/ rdo rje me tog gi lcug ma las rnam par snang mdzad la sogs pa'i snying po brgya rtsa brgyad bzlas nas phyi rol tu lha rnams la re re dbul bar bya'o/ /dang por ni bcom
 ldan 'das rnam par snang mdzad kyi bum pa shar sgor bltas par phyi rol tu bzhag par bya'o/ /gnyis pa ni nang gi dkyil 'khor bcom ldan 'das rnam par snang mdzad kyi mdun du yang sngags 'di nyi shu rtsa gcig bzlas la bzhag bar bya'o/ /oM mahA su
 kha badzra sa ma ya shaM ka dza(rgyud 'grel kar yang snga ma'i rjes su 'brangs nas dbul bar bya ba dang/ rol mo bcu po stong ngam/ rol mo bcu ji lta ba bzhin du dbul bar bya ste/ gzhan dag kyang de bzhin du shes par bya'o/ /de nas phyi rol tu gtor ma byin nas ras shin tu dmar bo la
 snga ma bzhin du bzlas te/ smad g.yogs dang stod g.yogs dang gdong g.yogs byas la sdom pa ji lta ba bzhin du blangs te/ oM sarba yo ga tsit+taM utpA dA ya mi zhes bya ba byang chub chen por sems bskyed la/ g.yas pa'i khu tshur gyis de bzhin gshegs
 pa'i khu tshur gyis rang gi rdo rje blangs te/ rang gi snying gar bzhag nas/ hUM las rang gi snying gar rdo rje bskyed la/ 'di skad ces brjod par bya'o/ /su ra ta sa ma yastwaM ho badzra sid+d+ha ya thA su khaM/ de nas phyi rol gyi sgor mngon du bltas nas bzhag pa'i bum
 pa'i bdag nyid dbang bskur la ji skad du bshad pa'i phyag 'tshal ba'i phyag rgyas badzra badzra rdo rje sems dpa' bsdus pa na/ rdo rje rin chen bla na med/ /rdo rje chos kyi glu blangs pa/ /rdo rje las ni byed par 'gyur zhes bya ba dang/ rdo rje glu len cing dang por shar
 sgo nas/ dkyil 'khor du zhugs la dzdza badzra aM ku shi lan gsum brjod la/ rdo rje lcags kyu mas bdag nyid bkug par gyur par bsam par bya'o/ /yang lho phyogs kyi sgo nas de bzhin du zhugs la/ hUM badzra pA she zhes brjod cing rdo rje zhags pa mas bdag
 nyid bcug par bsam par bya'o/ /de nas nub phyogs nas de bzhin du zhugs la baM spho Te zhes zlos shing rdo rje lcags sgrog mas bdag nyid bcings bzhin par bsam par bya'o/ /de nas de bzhin du byar sgo nas zhugs la a badzra g+haN+Ta zhes brjod cing rdo rje
 'bebs pas bdag nyid dbang du byas par bsam par bya'o/ /de nas de bzhin du yang shar phyogs kyi sgo nas zhugs la/ thog mdza' med pa'i sems dpa' ni/ /rdo rje sems dpa' bde ba che/ /khyod ni kun tu bzang po ste/ /rdo rje bsnyems ma'i bdag po
 gtso/ /rdo rje sems dpa' i ting 'dzin gyis/ /rdo rje de bzhin rdo rje 'dzin/ /rdo rje kun mchog rnam bsgrubs pa/ /rdo rje sems dpa' bdag grub mdzad/ /de nas rdo rje sems dpa' i dkyil 'khor chen po las bshad pa'i cho ga snga ma bzhin du rjes su spyad la/ mtshan
 brgya rtsa brgyad pas bstod nas/ rdo rje mtshon cha ma la sogs pa'i gsang ba'i mchod pa bzhi dang/ glu dang rol mo'i mchod pas bcom ldan 'das la yang dag par mchod la/ phyi'i dkyil 'khor gyi nang du sna tshogs pad+ma shar sgor bltas par
 bris la rnam par snang mdzad kyi phyag rgya chen po pad+ma dang der ji lta ba bzhin du 'dug ste/ dri dang me tog la sogs pas bdag nyid yang dag par mchod la/ mchod yon blangs nas rnam par rgyal ba'i bum pa las de bzhin gshegs pa'i khu tshur gyis
 blangs la/ oM d+hi oM badzra a b+hi Shiny+tsa zhes brjod la/ des bdag nyid dbang bskur bya zhing chu de btung bar bya'o/ /de nas rdo rje rin chen gyi phyag rgyas bdag nyid dbang bskur ba'i rdo rje rin chen gyis byin gyis brlabs pa'i rin po che'i cod pan gyis kyang dbang
 bskur bar bya'o/ /de nas 'dis de bzhin gshegs pa'i rdo rje dang rdo rje dril bu blang bar bya'o/ /hUM sarba d+harmA mahA badzra d+hA ra e She twaM? a b+hi Shiny+tsa maM? grih+Na/ kye ma che ge mo gsod A/ de ltar rdo rje dbang bskur ba blangs nas/ bdag po'i dbang bskur ba snga ma bzhin du
 glang bar bya'o/ /de nas ming gi dbang bskur ba blangs nas dngos grub kyi rdo rje brtul zhugs blang bar bya'o/ /de nas de kho na nyid kyi rdo rje gzung zhing chos kyi dril bu dkrol la/ dam tshig gi phyag rgya chen por byin gyis brlabs la/ oM h+ri zhes bya ba bzla bar bya'o/
 de nas mchod pa rnam pa lnga dang/ rdo rje mtshon 'am la sogs pa mchod pa bcu gnyis kyis yang dag par mchod la/ tshigs su bcad pa lngas rjes su gnang ba dang/ gzengs bstod pa dang/ lung bstan pa dang/ sngags dang phyag rgya bzhi'i man ngag
 bcom ldan 'das la phyag bya ba dang/ bcom ldan 'das la mnos te bdag la byin gyis brlabs pa la sogs pa byas la/ rang gi ming nas brjod de/ bcom ldan 'das rnam par snang mdzad kyi phyag rgya chen po bcings la/ oM h+ri zhes zlos shing
 bcom ldan 'das rnam par snang mdzad dkyil 'khor dbus ma'i rang gi gnas su de bzhin gshegs pa'i rdo rje bsam par bya'o/ /de nas oM d+hi badzro he zhes zlos shing/ de bzhin gshegs pa'i rdo rjer bdag nyid bsgom par bya'o/ /de nas oM h+ri bai ro tsa
 na hUM/ zhes bya bas rdo rje rnam par snang mdzad du bsgom par bya'o/ /de bzhin du rdo rje 'bebs pa'i bar gyi phyag rgya chen po bcings la/ oM badzra g+haN+Te a zhes brjod la/ rdo rje 'bebs pa'i gnas su rdo rje 'bebs pa'i rang bzhin rdo rje dril bu'i ngo bor bsam par bya'o/ /
 de nas/ dril bu a g+haN+Ta zhes bya ba dang/ badzra g+haN+To haM zhes bya bas rdo rje dril bu'i nga rgyal bsgom par bya'o/ /oM badzra g+haN+Ta badzra g+haN+To zhes zlos shing dril bu de rdo rje dril bu'i gzugs su bdag nyid bsgom par bya'o/ /de ltar dkyil 'khor rab tu bsgrubs nas bsdu ba byas nas mtshan
 brgya rtsa brgyad pas bstod la/ 'di skad du bshad pa'i bde ba chen po'i rdo rje lcags kyu ma thams cad mnyam pa nyid kyi ye shes 'dzin ma zlos shing/ bcom ldan 'das rnam par snang mdzad 'khor dang bcas pa'i dkyil 'khor du zhugs nas/ rdo rje gnod sbyin gyis
 bgegs bskrad pa byas la/ mtshams dang dkyil 'khor 'khor dang/ nam mkha' bcing ba dang/ phyogs bcing ba dang/ ra ba dang dra ba yang byas la rdo rje khu tshur gyis dkyil 'khor gyi sgo rnams bcad do/ /rdo rje srung bas dkyil 'khor thams cad kyi bsrung ba yang dag
 par bsrungs la oM d+hi zhes zlos shing bcom ldan 'das 'khor dang bcas pa la mchod yon phul nas/ bcom ldan 'das 'khor dang bcas pa dam tshig gi phyag rgyas mngon par bsgrub pa'o/ /de nas chos dang las dang phyag rgya chen pos rgyas btab
 la/ dbang bskur ba'i phyag rgya rnams kyis dbang bskur te/ yang mchod yon phul te mchod pa lngas mchod cing rdo rje mtshon cha ma la sogs pa phyag rgya'i mchod pa bcu gnyis kyis yang dag par mchod la/ rnam par sgeg pa'i dga' ba'i rdo rjes phyag
 bzhi bya'o/ /de nas bcom ldan 'das rnam par snang mdzad kyi phyag rgya chen po bcings la lha thams cad kyi sku dang gsung dang thugs rdo rje'i bdag nyid can bsgom zhing/ oM badzra at+ma ko haM zhes bzla'o/ /de nas chos thams cad rang bzhin gyis dag par
 bsgoms/ oM swa b+hA ba shud+d+ho haM zhes bzlas shing de nas sa mo haM zhes bzlos shing chos thams cad bdag med par mnyam pa nyid kyis lha thams cad dang bdag nyid mnyam par bsgom mo/ /de nas phyi rol du gtor ma byin la sbyin sreg bya'o/ /de nas yang bcom ldan 'das
 'khor dang bcas pa yang dag par mchod la/ ji srid mtshan ma thob par gyur pa de srid kyi bar du bsgom par bya'o/ /de nas phyag byas la 'di skad ces brjod do/ /khyed sngon khyim la dga' ba yi/ /srid ba'i bde ba dag bya'i phyir/ /'dod pa kun gyi dngos grub ces/ /
 'gro ba kun kyang grub par mdzad/ /de ltar bka' nos nas slob ma gzhug par bya'o/ /slob dpon las kyi cho ga rdzogs so// //de nas bslab pa'i gzhi lnga yongs su gzung ba 'am/ dge sbyong ngam/ dge slong gi bslab pa yongs su gzung bas sngar
 bshad pa'i cho gas rig pa'i sdom pa slob mas gzung bar bya'o/ /de nas slob dpon gyis oM sarba yo ga tsit+ta utpa dA yA mi zhes bya bas byang chub kyi sems bskyed du gzhug go /de nas de'i snying gar snga ma bzhin du rdo rje bskyed la/ de nas rnam par snang mdzad
 du byin gyis brlabs la/ spos dang me tog la sogs pas mngon par mchod de/ yon gyi mchog blangs nas phyi rol nas shar phyogs kyis sgor bltas te gnas pa'i chus dbang bskur la/ bdag nyid 'jug pa'i tshul gyis bcug la/ de'i bya bar
 'di skad ces brjod do/ /chags bral gyis 'dul 'jig rten rnams/ /chags bral gyis ni 'dul bar 'gyur/ /'dod chags chen po bde ba che/ /rdo rje sems dpa' i bzlas pa yin/ /'dod chags bral 'dra'i sdug bsngal ni/ /gzhan dag ngo bo nyid
 gyis med/ /de bas kun la chags bral bar/ /khyod ni nam yang ma byed cig /de nas 'di skad ces brjod par bya ste/ deng khyod de bzhin gshegs pa thams cad kyi rigs su khugs kyis/ ngas khyod la ye shes gang gis de bzhin gshegs pa thams cad du
 'grub pa yang thob na dngos grub gzhan lta smos kyang ci dgos/ de lta bu'i ye shes bskyed par bya ba yis/ khyod kyi dkyil 'khor chen po ma mthong ba rnams la smra bar ma byed cig /khyed dam tshig nyams par gyur ta re/ de nas slob dpon rang nyid kyis/ sems
 ma rdo rje ma'i phyag rgya kha thur du bstan pa dang/ gyen du bstan pa bcings la/ rdo rje slob ma'i spyi bor bzhag la 'di skad ces brjod par bya'o/ /'di ni khyod kyi dam tshig yin gyis/ gal te 'ga' zhig la smras na klad pa 'gas par 'gyur ro/ /de nas
 dam tshig gi phyag rgya de nyid dang/ mna'i snying po 'di lan gcig bzlas nas/ slob ma de 'thung du bcug la 'di skad ces brjod par bya'o/ /de la dam tshig gi snying po 'di yin te/ rdo rje sems dpa' deng khyod kyi/ /snying la yang dag zhugs par mdzad//
 gal te tshul 'di smras na ni/ /de ma thag tu dral nas gshegs/ /badzro da ka Tha(rgyud 'grel khyod kyis nga la brnyas par ma byed cig /mi bde ba ma spangs pas khyod dus byas nas dmyal bar 'gyur ta de/ de nas 'di skad ces brjod par bya'o/ /de nas de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par gyur cig
 ces smros shig /de nas rdo rje slob dpon gyis myur du rdo rje sems dpa' i phyag rgya bcings la de'i snying gar bzhag ste/ 'di skad ces brjod du gzhug go /'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med ni/ /
 di ring nyid du 'bab par shog /badzra A be sha a zhes lan brgya'i bar du bzlas par bya'o/ /yang g.yon pa'i khu tshur gyis sems ma rdo rje ma'i dral bar bya zhing/ oM h+rI(rgyud 'grel bzla bar bya zhing/ bcom ldan 'das rnam par snang mdzad sku mdog dmar pos yongs su gang bar bya'o/ /de nas babs nas lha'i ye shes kyang skye bar 'gyur ro/ /de nas me tog dor la phreng ba'i dbang bskur ba dang/ gdong g.yogs dgrol ba dang/ dkyil
 'khor bstan pa dang/ 'jug pa'i phyag rgya dgrol ba dag slob dpon gyi cho gas byed du gzhug go /de nas slob dpon gyi dbang bskur ba'i cho gas dbang bskur ba byin la der blung de 'di skad ces brjod do/ /'di ni khyod kyi dmyal ba'i chu/ /dam tshig 'das
 na sreg par byed/ /dam tshig bsrungs na dngos grub 'gyur/ /rdo rje bdud rtsi'i chu 'thung zhig /rdo rje dril bu'i phyag rgya dang/ /gal te dkyil 'khor ma mthong smras/ /dad pa med pas bgad pa 'am/ /skye bo 'dus nang gnas smra ba/ /de nas rdo rje rin
 po che'i phyag rgyas dbang bskur ba dang/ rdo rje rin po che'i cod pan dang/ dar dpyangs kyi dbang bskur ba byin la/ rdo rje dang bdag po dang ming gis dbang bskur ba dang/ dngos grub kyi rdo rje brtul zhugs kyi sbyin par bya'o/ /de nas de kho na nyid kyis rdo rje
 byin la/ chos kyi rdo rje dril bu dkrol du gzhug cing/ dam tshig gi phyag rgya chen por byin gyis brlabs par bya ba'i phyir man ngag brlab par bya'o/ /de nas me tog la sogs pa dang/ rdo rje mtshon cha ma la sogs pa phyag rgya'i mchod pa bcu gnyis
 kyis de legs par mchod la/ oM d+hi zhes bya ba'i sngags byin la phyag rgya chen po la sogs pa bzhi bcing ba bslab par bya'o/ /cho ga lhag ma ni dpal rdo rje sems dpa' i dkyil 'khor las bshad pa las shes par bya'o/ /slob ma gzhug pa la
 sogs pa'i cho ga rdzogs so// //da ni dam tshig dang dbang bskur ba thob pa rnams la slob dpon gyi ye shes bslab par bya'o zhes bya ba'i cho ga bstan par bya ba'i phyir sgrub par zhes bya ba la sogs pa gsungs te/ 'di bsgrubs pas na sgrub pa ste sgrub pa'i thabs so/ /'dir
 de ji lta bu zhe na de bzhin du zhes bya ba la sogs pa gsungs te/ ji ltar dpal rdo rje sems dpa' i sgrub pa gsungs pas de bzhin du dpal rnam par snang mdzad kyi sgrub pa la yang de ltar bya bar shes par bya'o/ zhes bya ba'i tha tshig go /yid las 'dod pa'i dngos grub rnams
 zhes par ni/ ji ltar rdo rje sems dpa' bsgrubs pas yid la mngon par bsgrub pa'i 'bras bu'i tshul grub par 'dod pa de bzhin du rnam par snang mdzad bsgrubs par 'gyur ro zhes ston to/ /don yod pa dang thogs pa med par myur du dam pa grub pa yang yin te/
 zhes bya ba ni ji ltar rdo rje sems dpa' bsgrubs pas don yod cing 'bras bu dang bcas pa gzhom par mi nus pas/ thogs pa med pa yin pa dang/ myur ba ste tshe 'di nyid las sangs rgyas nyid dam rdo rje 'dzin pa nyid kyi mtshan nyid kyi dngos grub du 'gyur pa
 yin pa de bzhin du rnam par snang mdzad bsgrubs pas kyang 'byung bar 'gyur ro zhes ston to/ /'di skad ston te badzra any+dza li zhes bya bas rdo rje thal mo bcings par bya'o/ /de nas badzra band+ha zhes bya bas rdo rje bsdams pa bcings la/ badzra band+ha traT ces bya bas rdo
 rje bsdams pas snying gar lan gsum dral bar bya'o/ /de nas badzra A be sha zhes bya bas rdo rje 'bebs pa'i dam tshig gi phyag rgya bcings la a zhes pas bdag nyid la dbab par bya'o/ /tiSh+Tha badzra zhes bya bas dbab pa'i phyag rgyas rang gi snying gar dkrol
 la/ badzra muSh+Ti zhes zlos shing dam tshig gi rdo rje khu tshur bcings la/ oM badzra sand+hi baM? zhes brjod par bya'o/ /de nas yi ge hUM gis dang po'i rdo rje bcings la hUM nyid zlos shing bcing ba thams cad rang dbang du bya'o/ /de nas snga ma bzhin du rnam par snang mdzad
 kyi phyag rgya chen po bcing bar bya'o/ /de nas sngar bshad pa'i tshul gyis gsang ba'i lcags kyu ma bcings la/ ye shes sems dpa' i rang bzhin can rnam par snang mdzad lus la bcug la/ bcom ldan 'das kyis dam tshig gi phyag rgya bcings la
 sa ma yastwaM zhes brjod de/ 'od kyi dkyil 'khor 'od zer 'bar ba kun tu 'khrug pa bskyed nas sa ma yastwaM a haM oM h+ri zhes lan gsum bzlas te/ rang gi lus kyi nang du chud pa'i bcom ldan 'das dang bdag nyid chu dang 'o ma ltar gcig tu gyur par bsam par
 bya'o/ /de nas chos kyi phyag rgya lce la bkod cing/ las kyi phyag rgya chen po yang bcings la/ de bzhin du yid kyi legs so zhes bya ba'i sbyor bas sangs rgyas thams cad lus la bcug la/ rang gi dam tshig gi phyag rgyas bsgrub par bya'o/ /de nas de rnams chos dang
 las dang phyag rgya chen pos rgyas btab la dang po'i rdo rje bcings te/ snga ma bzhin du badzra satwa badzra ratna/ badzra d+harma/ badzra karma badzra a d+hi tiSh+Tha swa mAM zhes bya bas byin gyis brlabs nas/ rdo rje rin chen gyis phyag rgyas dbang bskur te/ dngos grub kyi rdo rje brtul zhugs
 kyi bar gyis cho ga rnams rjes su spyad la rdo rje mtshon cha ma la sogs pa gsang ba'i mchod pa bzhis bdag nyid yang dag par mchod nas/ rnam par sgeg pa'i dga' byed rdo rje'i bcom ldan 'das la phyag byas phyag bzhi yang bya ste/ de nyid kyis ni rdo rje gzung/ /chos
 kyi dril bu dkrol bar bya/ /dam tshig gis ni phyag rgya che/ /byin gyis brlabs nas snying po bzla zhes bya ba rang gi snying gar gnas pa'i de bzhin gshegs pa'i rdo rje la/ oM d+hi zhes bya ba yid kyi bris la/ rdo rje dam tshig gis zlos shing phyag rgya chen po bcings la
 bsgom par bya'o/ /de ltar byin gyis brlab pa la sogs pa lan gcig byas na ji srid zla ba gcig la zla ba drug gam lo gcig gis bdag nyid rnam par snang mdzad du mngon sum du mthong bar gyur pa de srid kyi bar du bsgom par bya'o/ /de nas zla ba nya ba la
 mtshan thog thag bsgom par bya'o/ /de nas nyi ma 'char ba'i dus su de bzhin gshegs par 'gyur ro/ /gal te ras la bsgrub par 'dod na sngar bshad pa'i tshul gyis mtshan ma thob par gyur pa dang/ ras la bcom ldan 'das rnam par snang mdzad 'brir
 gzhug par bya ste/ de'i phyogs dang mtshams rnams su de bzhin gshegs pa'i dkyil 'khor las bshad pa'i de bzhin gshegs pa brgyad bris la/ de'i mdun du bdag la byin gyis brlab pa la sogs pa byas la ras ris la bcom ldan 'das spyan
 drangs la mchod pa thams cad kyi ji lta ba bzhin du yang dag par mchod la phyag byas nas mdun du 'dug la snying gar gnas pa'i de bzhin gshegs pa'i dbus su oM d+hi zhes bya ba nyid kyis bris la/ bcom ldan 'das kyi phyag rgya chen po bcings la bzlas
 brjod 'bum ji lta ba bzhin du bya'o/ /de nas zla ba nya ba la mtshan thog thag bzlas brjod bya'o/ /mtshan phyed na bdud kyi dpung mthong bar 'gyur la/ de bzhin du bdud thams cad bcom ldan 'das pas gzhom par bya'o/ /de nas de bzhin du phyag rgya chen po
 bcings la bsgom par byas la nang par de bzhin gshegs pa nyid dam/ byang chub sems dpa' chen po nyid thob par 'gyur/ gal te rdo rje 'dzin pa chen po nyid thob par 'dod na de bzhin du mtshan ma thob pas rdo rje sems dpa' i sku gzugs sngar bshad pa'i mtshan nyid
 can byed du gzhug go /de nas de'i mdun du de bzhin gshegs pa'i rnal 'byor byas la sku gzugs la rdo rje sems dpa' gsung ba'i lcags kyu mas spyan drangs la/ de bzhin gshegs pa'i dam tshig gis phyag rgyas bsgrub bar bya'o/ /de nas oM d+hi zhes brjod pas de bzhin
 gshegs pa'i chos kyi phyag rgya rdo rje sems dpa' i ljags la bsams nas/ rdo rje sems dpa' i las kyi phyag rgya dang/ phyag rgya chen po yang nye bar bstan par bya'o/ /de nas sangs rgyas lnga'i cod pan gyi dbang bskur la mchod pa rnam pa lnga dang/ rdo rje mtshon cha ma
 la sogs pa de bzhin gshegs pa'i mchod pa'i phyag rgya bcu gnyis kyis yang dag par mchod nas/ rnam par sgeg pa'i dga' ba'i rdo rje dang phyag bzhis phyag bya'o/ /de nas rdo rje sems dpa' i phyag rgya chen po bcings la/ oM d+hi zhes bya ba zlos
 shing rdo rje sems dpar bdag nyid bsgoms na zla ba drug na rdo rje 'dzin par 'gyur ro/ /gal te de bzhin gshegs pa'i sku gzugs la de bzhin gshegs pa 'gugs na de bzhin du mtshan ma thob pas/ de'i mdun du 'dug la gsang ba'i lcags kyu ma bcings
 te/ oM d+hi zhes bya bas nyin re zhing bdag la byin gyis brlab pa la sogs pa byas nas grub par bya'o/ /de nas zla ba phyed kyis thams cad stsol bar 'gyur ro/ /de nas de bzhin gshegs pa'i phyag rgya chen pos bdag nyid de bzhin gshegs pa sgrub par
 'dod na de bzhin du mtshan ma thob nas phyag rgya chen po bcings la zla ba phyed tsam bsgoms na mthar mtshan thog thag bsgoms na de'i 'og tu de bzhin gshegs par 'gyur ro/ /de nas ma bsgrubs pa'i zhes bya ba la sogs pa la bshad ma thag pa'i bsgrub
 pas ma bsgrubs pa'i snying po ni ma bsgrubs pa ste/ ma bsgrubs pa'i snying po lan cig bzlas pas thams cad bsrung ba la sogs pa'i las rnams byed par 'gyur ro/ /thams cad bsrung ba la sogs pa rdo rje gtsug tor gyis so zhes bya ba ni snga ma bzhin
 du de bzhin gshegs pa'i rnal 'byor byas la/ rdo rje bsdams pa lag mthil phye ba bcings la/ mthe bo gnyis dpa' bo'i skyil mo krung du byas mdzub mo gnyis gshibs te rtse mo byas nas/ oM d+hi zhes bya ba zlos shing spyi gtsug tu bzhag la bsgrub par
 bya ba dang/ lhan cig tu gyur par byas la yid kyis bsgrub par bya ba skyes bu chen po'i mtshan sum cu rtsa gnyis dbu'i gtsug tor dang ldan pa'i de bzhin gshegs pa'i skur bsam par bya'o/ /de lta bus ni thams cad bsrung bar 'gyur ro/ /sems can
 thams cad dbang du bya ba la ni rdo rje mdzod spus so zhes bya ba ni de bzhin du de bzhin gshegs pa'i sbyor ba byas la/ bshad ma thag pa'i phyag rgyas bzlog nas mdzod spu ru mdzub mo'i rtse mo gnyis bzhag la/ mdzod spu'i phyogs nas rig pa'i rgyal po rdo rje mdzod spu spros
 la nges bsgrub par bya ba zhal gyis bzhes te zil gyis mnan te rang gi rkang mthil du babs cing rang dbang du bya bar bsam par byas te/ de lta bus dbang du byas par 'gyur ro/ /chos nyid thams cad thob pa la ni rdo rje chos kyis so zhes bya ba ni/ de bzhin gshegs
 pa'i rnal 'byor byas la/ thams cad bsrung ba'i phyag rgya de nyid snying gar bzhag ste/ chos thams cad rang bzhin gyis rnam par dag pa'o zhes bsgom zhing rdo rje chos kyi skur yang bdag nyid bsam par bya ste/ de lta bus ni chos thams cad thob par 'gyur ro/ /de
 bzhin gshegs pa thams cad kyi mchod pa'i dngos grub ni rdo rje mchod pas so zhes bya ba ni snga ma bzhin du de bzhin gshegs pa'i rnal 'byor byas la bshad ma thag pa'i phyag rgya gar gyi khu tshur gyis bskor la 'khur ba spyi gtsug tu gzhug par bya zhing/ rdo rje mtshon cha
 ma la sogs pa mchod pa rnams kyi bdag nyid mchod par bsam par bya ste de lta bus ni mchod pa thams cad 'grub par 'gyur ro/ /gdug pa thams cad 'dul ba la ni rdo rje khro bos so zhes bya ba ni/ de bzhin du de bzhin gshegs pa'i rnal 'byor byas la rdo rje khu
 tshur gnyis bcings pa ste/ rdo rje hUM mdzad du bdag nyid bsams la mdzub mo gnyis kyis sdigs mdzub bya zhing rang gi snying gar rdo rje'i rigs rnams spros la des gdug pa thams cad gdul bar bya'o/ /byang chub kyi spyod pa ma lus par rdzogs par bya ba ni rdo rje
 spyod pa'i phyag rgyas so zhes bya ba ni de bzhin du de bzhin gshegs pa'i rnal 'byor byas la de bzhin gshegs pa'i khu tshur gnyis kyi sbyin pa gtong ba ltar bya zhing/ thams cad sgrol ba la sogs pa'i tshul gyis dbye ba mdza' yas pa dang/ nam mkha' i mdzod kyi 
 ting nge 'dzin gyis nam mkha' i khams thams cad gang ba'i sbyin pa gtong bar byed par bdag nyid bsam par bya'o/ /bdud thams cad gzhom pa la ni bdud thams cad 'joms par byed pas so zhes bya ba ni de bzhin gshegs pa'i rnal 'byor byas
 la/ g.yon pa'i de bzhin gshegs pa'i khu tshur snying gar bzhag la g.yas pa'i de bzhin gshegs pa'i khu tshur gyis sor mo thams cad brkyang bas sa la reg par bya zhing/ de bzhin gshegs pa mi bskyod pa'i skur bdag nyid bsams la rang gi lus la byung
 ba'i rdo rje 'dzin pa la sogs pas bdud bcom par gyur par bsam par bya ste/ de lta bus ni bdud thams cad bcom par 'gyur ro/ /'dir rang gi snying pos kyang rdo rje sems dpa' lhag par mos par bya'o/ /de bzhin gshegs pa thams cad nyid du bya ba
 la ni rdo rje ye shes kyis khu tshur gyis so zhes bya ba ni/ de bzhin du rnam par snang mdzad kyi sbyor ba byas la/ bcom ldan 'das rnam par snang mdzad kyi phyag rgya chen po bcings te/ ji srid bdag nyid de'i gzugs su gyur pa de srid kyi bar du bsgom par bya'o/ /bde
 ba chen po rdo rje gsang ba ni de bzhin gshegs pa'i dkyil 'khor te/ de las de bzhin gshegs pa thams cad kyi bde ba chen po rdo rje gsang ba nyid kyi cho ga rgyas pa ste/ de ston par byed pa'i rtog pa'i rgyun no/ /dpal mchog dang po'i rgya cher bshad pa shes rab
 kyi pha rol tu phyin pa byung ba zhes bya ba las dum bu gnyis pa rtsa ba'i rgyud las/ de bzhin gshegs pa'i rtog pa bshad pa rdzogs so// //de ltar de bzhin gshegs pas 'dul ba'i sems can rnams rjes su gzung bar bya ba'i phyir de bzhin gshegs
 pa'i rtog pa bstan nas/ da ni khro bas khro ba spang ba'i phyir/ de nas bcom ldan 'das zhes bya ba la sogs pas rdo rje rigs kyi rtog pa gsungs pa yin no/ /de nas zhes bya ba'i sgra ni snga ma bzhin te/ dang po sbyor ba'i rjes thogs nyid la'o/ /'dir dang
 po sbyor ba ni dpal rdo rje sems dpa' i dkyil 'khor chen por bshad pa nyid do/ /bcom ldan 'das zhes bya ba ni rnam par snang mdzad do/ /thogs pa med pa ni mi thogs pa'o/ /don yod pa ni 'bras bu yod pa'o/ /bka' ni lung bsgo ba'o/ /de nyid kyi bstan pa
 'di la mda' bas na de bzhin gshegs pa thogs pa med cing don yod pa'i bka' i bstan pa la rdo rje sems dpa' la gsol ba btab po zhes bya bar sbyar ro/ /ci zhig mdzad nas she na/ de bzhin gshegs pa thams cad kyi zhes bya ba la sogs pa gsungs te/ de
 bzhin gshegs pa thams cad kyi thugs rje chen po ni gnyis su med pa'i thugs rje chen po'o/ /des bskyed pa'i rdo rje'i rigs ni thabs so/ /de nyid ni bde ba chen por khro bo'i thob pa'i thabs yin pa'i phyir bde ba chen po'i khro bo ste/ de las skye zhing de'i rang bzhin
 yin pa'i phyir bde ba chen po'o/ /de la dmigs pa'i ting nge 'dzin gang yin pa de la ni ming de skad ces bya ste/ de la snyoms par zhugs shing mngon sum du mdzad pa'o/ /rang gi rdo rje sems dpa' ni rang nyid kyi rdo rje sems dpa' ste/ rang gi byang chub kyi thugs
 zhes bya ba'i tha tshig go /de la gsol ba btab po zhes bya ba ni gsol ba btab par 'gyur ro/ /bde ba chen po rab grub phyir zhes bya ba la sogs pa ni bshad zin to/ /gdug pa thams cad gzhom pa'i phyir/ rang gi sprul mdzad rdo rje 'dzin ces bya ba ni
 gdug pa yang yin la thams cad kyang yin pas na gdug pa thams cad de drag po la sogs pa'o/ /de rnams gzhom pa ni sdig pa las bzlog pa'i phyir btsir zhing bar gcod pa'o/ /rang gi rigs ni rdo rje'i rigs so/ /sprul par mdzod cig pa ni bskyed
 par mdzod cig pa'o/ /rdo rje 'dzin ces bya ba ni bod pa'o/ /de nas zhes bya ba ni gsol ba btab pa'i rjes thogs nyid la bcom ldan 'das rdo rje sems dpa' khro bo gsungs so zhes bya bar sbyar ro/ /ci zhig mdzad nas she na/ de bzhin gshegs pa thams
 cad kyi zhes bya ba la sogs pa gsungs te/ de bzhin gshegs pa thams cad kyis bka' ni gdug pa gdul bar bya ba'i phyir lung bsgo ba'o/ /oM rak+ta dza la zhes bya ba la sogs pa ni sngags so/ /de'i mi phyed pa ni ting nge 'dzin ni
 rdo rje rigs kyi dkyil 'khor ro/ /sprul pa des sems can gyi don mdzad pas ming de skad ces bya ba'i rnam par gnon pa de mdzad pa'o/ /rab tu dga' ba'i rdo rje khro bo zhes bya ba gsungs so zhes bya ba la rab tu dga' ba ni rdo rje sems dpa' ste/ de las byung ba'i rdo rje
 khro bo ni rab tu dga' ba'i rdo rje khro bo ste/ bcom ldan 'das thugs rje chen po'i stobs kyis gdug pa gdul bar bya ba'i phyir rdo rje'i rigs gang zhig ston par mdzad pa de ston par byed pa'i sngags la yang nye bar gdags pas rab tu dga' ba'i rdo rje khro bo zhes bya ba
 ste/ de gsungs pa ni bka' stsal pa'o/ /'di ni zhes bya ba ni thugs la gnas pa'o/ /de nas zhes bya ba la sogs pa la bcom ldan 'das phyag na rdo rje'i rdo rje las byung ste/ dkyil 'khor chen po'i tshul gyis bzhugs so zhes bya bar sbyar ro/ /bcom ldan
 'das rdo rje sems dpas rab tu dga' ba'i rdo rje khro bo'i sngags gsungs pa tsam gyi rjes thogs nyid la bcom ldan 'das phyag na rdo rje'i phyag na gnas pa'i rdo rje las so/ /kun nas dmar po 'bar ba'i snying po zhes bya ba ni kun nas dmar po 'bar ba ste
 de'i snying po ni de'i dbus na bzhugs pas zhes bya ba'i tha tshig go /smin ma 'gyur zhing khro gnyer bsdu ba gang yin pa de la de skad ces bya la/ de bzhin du sma ra gser gyi mdog tu gnas pa dang/ spyan dmar ba gang yin pa de la mid de skad ces bya'o/ /rdo rje
 mche ba gnyis gtsigs pa ni shin tu khro bar ston par byed pa'o/ /sgros rnam par gnon pa ni ma mchu mnan pa'o/ /de ltar ma mchu rnam par gnon pa nyid kyi mi bzad cing 'jigs su rung ba'i zhal gang la mnga' ba de la de skad ces bya'o/ /smin ma 'gyur zhing
 khro gnyer bsdus pa yang yin la smar ser zhing spyan 'bar ba yang yin zhing/ rdo rje'i mche ba gtsigs pas ma mchu'i sgros mnan pa'i zhal mi bzad pa yang mnga' ba gang yin pa de ni smin ma 'gyur zhing khro gnyer bsdus pa/ sma ra ser zhing spyan 'bar ba la rdo rje mche ba
 gtsigs pas ma mchu'i sgros mnan pa'i zhal mnga' ba zhes bya ba'o/ /de lta bu 'ba' zhig du ma zad kyi dbu skra gyen du 'bar zhing rab tu 'bar ba gang la mnga' ba de ni dbu skra gyen du 'bar ba'o/ /de la mtshon cha ji lta bu zhe na/ rdo rje gzhu la sogs pa yongs su 'dzin pa zhes bya
 ba smos te/ rdo rje gzhu ni rdo rje yid las byung ba'i khro bo'i gzhu dang bcas pa yin par shes par bya'o/ /de nyid thog mar byas la gang yin pa de ni rdo rje gzhu la sogs pa ste/ de yongs su 'dzin pa gang yin pa de ni rdo rje gzhu la sogs su 'dzin pa'o/ /de yang rdo rje
 yid las byung ba'i khro bo nas brtsams te/ rdo rje 'bebs pa'i khro bo'i bar du'o/ /dkyil 'khor chen po'i tshul gyis bzhugs so zhes/ rdo rje sems dpa' i dkyil 'khor gyi dbyings su bzhugs pa'o/ /bcom ldan 'das kyis zhes bya ba ni rab tu dga' ba ni rdo rje khro bo ste hUM
 mdzad du 'brel ba'o/ /bcom ldan 'das zhes bya ba la sogs pa la de ltar dkyil 'khor chen po'i tshul gyis gnas pa'i rdo rje yid las byung ba'i khro bo rnams la/ de'i rjes thogs nyid la bcom ldan 'das kyis dkyil 'khor byin gyis brlabs so zhes bya bar sbyar ro bcom
 ldan 'das rab tu dga' ba'i rdo rje khro bo khams gsum pa thams cad 'dul bar mdzad nas/ kun nas nyon mongs pa dang ldan pa'i 'jig rten gyi khams na gnas pa'i dbang phyug chen po la sogs pa'i 'jig rten gsum po phyir mi ldog pa'i sa la bzhag pas 'dul
 bar mdzad do/ /de nas de mdzad nas rdo rje dam tshig chen po'i dkyil 'khor chen po byin gyis brlabs so zhes bya ba la/ rdo rje dam tshig kyang yin la chen po yang yin pas na rdo rje dam tshig chen po ste/ rdo rje rigs chen po ste/ rab tu dga' ba'i rdo rje khro bo la sogs
 pa nas rdo rje 'bebs pa'i khro bo'i mthar thug pa'o/ /de'i dkyil 'khor ni de'i dam tshig chen po'i dkyil 'khor ro/ /de byin gyis brlabs pa ni brtan par mdzad pa ste slob dpon gcig nas gcig tu brgyud pas phyi ma'i mthar thug pa
 med pa las 'khor ba las sems can gdon par bya ba'i phyir byin gyis brlabs pa'o/ /de ltar na de nas bcom ldan 'das zhes bya ba nas brtsams te/ rdo rje dam tshig chen po'i dkyil 'khor byin gyis brlabs so zhes bya ba'i bar du bstan pas ni ting nge 'dzin
 gnyis pa gsungs pa yin no/ /de nas bsdu ba bya ste/ bdag nyid dbang bskur ba ji lta ba bzhin du blangs nas/ rdo rje lcags kyus khro bo 'khor dang bcas pa dgug par bya zhing rdo rje zhag pas khro bo bcug la/ rdo rje lcags sgrog gis khro bo bcings nas/ rdo rje 'bebs
 pas khro bo dbang du bya'o/ /de nas dam tshig gi phyag rgya rnams kyi bcom ldan 'das 'khor dang bcas pa bsgrub par bya'o/ /de nas chos dang las dang phyag rgya chen po rnams kyis rgyas btab la dbang bskur nas phyag rgya chen po las sbyar bar bya'o/ /de la las ni 'di dag
 yin te/ rab tu dga' ba'i rdo rje'i phyag rgya bcings la/ bcom ldan 'das rab tu dga' ba'i rdo rje khro bo thugs rje chen po'i khro bos sems can gyi khams gdug cing gtum pa rnams byang chub kyi sems chen po la rab tu 'jog par mdzod cig ces brjod par
 bya'o/ /rdo rje yid las byung ba'i phyag rgya chen po bcings nas/ bcom ldan 'das rdo rje yid las byung ba'i khro bo 'dod chags kyi mda' rnam par dag pa'i khro bo de khro bo 'dod chags kyi mda' rnam par dag pa'i gnas la rab tu dgod par mdzod cig ces pa dang/
 kI li kI la'i khro bo'i phyag rgya chen po bcings la bcom ldan 'das kI li kI la'i khro bo reg pa rnam par dag pa'i khro bo reg pa rnam par dag pa'i gnas la rab tu 'jog par mdzod cig ces bya ba dang/ rdo rje dran pa'i khro bo'i phyag rgya chen po bcings nas/ bcom ldan 'das rdo rje khro bo'i
 dran pa'i khro bo bsdus pa bcings pa rnam par dag pa'i khro bo de gdug pa'i bcing ba rnam par dag pa'i gnas la 'jog par mdzod cig ces brjod do/ /rdo rje bsnyems pa'i khro bo'i phyag rgya chen po bcings la/ bcom ldan 'das rdo rje bsnyems pa'i khro
 bo thams cad la dbang phyug rang dbang rnam par dag pa'i khro bos de thams cad kyi dbang phyug dang dbang rnam par dag par mdzod cig ces brjod nas/ rdo rje 'bebs pa'i khro bo'i phyag rgya chen po bcings la bcom ldan 'das rdo rje 'bebs pa'i khro bos sems can gyi khams su gdug cing
 gtum pa rnams rang bzhin gyis 'od gsal ba'i ye shes babs pas dbang du mdzod cig ces brjod do/ /'di ni 'dir las kyi rgyal po mchog ces bya ba'i ting nge 'dzin gsum pa yin no/ /de ltar ting nge 'dzin gsum gsungs nas/ da ni dam tshig dang dbang bskur
 ba thob pas bzlas pa dang/ bsgom par bya'o zhes bya ba'i don bstan par bya ba'i phyir/ dkyil 'khor chen po'i tshul gyis ni zhes bya ba la sogs pas slob dpon gyi las kyi cho ga rgyas pa slob ma 'jug pa la sogs pa'i cho ga rgyas pas gsungs pa yin no/
 dkyil 'khor chen po'i tshul gyis ni zhes bya ba'i dpal rdo rje sems dpa' i dkyil 'khor chen po'i dbyings so/ /dkyil 'khor thams cad thig gdab par bya ste/ dkyil 'khor gyi phyi dang nang du bcas pa'i thig rdo rje sems dpa' i dkyil 'khor chen po'i tshul du bya'o/
 zhes bya ba'i don to/ /de la dang po khros pa bzhag ces bya ba ni der zhes bya ba'i dkyil 'khor de'i dbus su dang po'i rdo rje sems dpa' i khros pas bzhag par bya'o/ /ci zhig zlos shing bzhag par bya zhe na/ su ra to b+ha ba hUM zhes bya ba gsungs so/ /sku mdog ci 'dra zhe na/
 utpa la sngon po'i 'dab ma'i mdangs zhes bya ba smos te/ utpa la sngon po'i 'dab ma'i mdog 'dra ba'o/ /'bar zhes bya ba na sprin dang bral ba'i nyi ma phyed kyi dus ltar 'od gsal ba'o/ /rdo rje bsnyems pa 'dzin pa mchog ces bya ba rdo rje dril bu dang bcas pa'i rdo rje sems
 dpa' i phyag rgya chen po ni rdo rje bsnyems pa ste/ de 'dzin pas na rdo rje bsnyen pa 'dzin pa'o/ /mchog ni dam pa ste/ rdo rje bsnyems pa 'dzin pa'i mchog tu de bzhag par bya'o/ /mche ba cung zad gtsigs pa'i zhal gyis zhes bya ba ni/ mche ba yang
 yin la cung zad kyang yin pas na mche ba cung zad de mche ba zhal nas cung zad byung ba zhes bya ba'i tha tshig go /de nyid gtsigs pa ni bsdams shing 'bur ba'i zhal gang la mnga' ba de la de skad ces bya'o/ /khro dang bcas pa bzhad pa'i zhal zhes bya ba ni/ khro zhing
 gtum pa dang bcas pas gnas pas na khro bcas so/ /khro ba dang bcas pa yang yin la/ bzhed pa'i zhal yang yin pas na khro ba dang bcas pas bzhad pa'i zhal lo/ /khro ba dang bcas pas zhal mnga' ba de/ rdo rje skyil mo krung gi bzhugs pa yang yin te/ g.yas
 pa'i spang par rkang pa g.yon pa'i rkang pa 'jog pa 'di ni rdo rje skyil mo krung ngo/ /de yang dag par zhugs pas na/ rdo rje skyil mo krung legs bzhugs nyid do/ /nyid ces bya ba ni nges par bzung ba ste/ rdo rje skyil mo krung nyid kyis legs par bzhugs pa yin no/ /'od zer
 'bar ba 'khrug pa'i 'od ces bya ba ni 'od zer 'bar ba kun tu 'khrug pa'i 'od gang la mnga' ba de ni 'od zer 'bar ba 'khug pa'i 'od de bcom ldan 'das rab tu dga' ba'i rdo rje khro bo 'bar ba kun tu 'khrug pa'i 'od mnga' ba de bzhag par bya'o/ dkyil
 'khor chen po'i tshul gyis ni/ /thams cad du ni khro bo bri zhes bya ba ni rab tu dga' ba'i rdo rje khro bo de phyogs dang mtshams rnams su rdo rje yid las byung ba la sogs pa'i khro bo'i rdo rje sems dpa' dkyil 'khor chen po'i dbyibs su byin pa yin pas na bshad
 pa'i mtshan nyid can bri'o/ /'jug pa ni rab dga' rdo rje khro bo'i zhes bya ba ni bcom ldan 'das rdo rje hUM mdzad ni rab tu dga' ba'i rdo rje khro bo ste/ de'i phyag rgya chen po ni rdo rje sems dpa' i phyag rgya chen po dang 'dra ba ni rab tu dga' ba'i rdo rje khro bo zhes bya ste/ 'dir
 des dang po slob dpon gyis 'jug pa bya'o/ /zhes bya ba ni dang po kho na slob dpon gyis de bzhin gshegs pa'i dkyil 'khor du 'jug pa ltar/ 'dir 'jug pa byas la phyis ni gzhan dag bya'o zhes bya ba'i tha tshig go /slob ma rnams dang de bzhin no/ /zhes bya
 ba ni rab tu dga' ba'i rdo rje khro bos slob dpon ji ltar 'jug pa de bzhin du slob ma rnams kyang 'jug par bya'o/ /slob dpon zhugs nas khros pas lcags kyu de nyid kyis dgug par bya'o zhes bya ba ni rab tu dga' ba'i rdo rje khro bo'i phyag rgya chen pos/ slob dpon zhugs
 nas rang gi cho ga thams cad rjes su spyad la dkyil 'khor rdo rjes rab tu bsgrubs nas/ sgo dbye ba byas la 'jug pa'i phyag rgyas mdzub mo g.yas pa lcags kyur byas la/ dkyil 'khor gyi lha thams cad spyan drang ba'i sngags kyi lha thams cad spyan drang bar bya'o/ /
 de nas zhes bya ba la sogs pa ni go sla'o/ /de nas cho ga rgyas pa yang de bzhin no zhes bya ba ni dpal rdo rje sems dpa' i dkyil 'khor chen por cho ga ji ltar gsungs pa de bzhin du 'dir yang shes par bya'o/ de ltar slob dpon gyi las kyi cho ga dang/ slob ma
 'jug pa la sogs pa'i cho ga gsungs nas/ de ni dam tshig dang dbang bskur ba thob pa rnams la/ slob dpon gyis dngos grub kyi ye shes bslab par bya'o zhes bya ba'i cho ga 'di bstan par bya ba'i phyir bsgrubs na zhes bya ba la sogs pa gsungs pa yin te/ de la
 'di bsgrub pas na bsgrubs pa ste/ sgrub pa'i thabs la sgrub pa zhes bya'o/ /phyag rgya chen po la sogs pa'i dngos grub rnams ni dngos grub thams cad de/ bsgrub par bshad pa na de'i 'bras bu grub pa rnams bshad par bya'o/ /de yang snga ma bzhin du rdo rje sems dpa' 
 bsgrub pa'i tshul gyis dang po'i rdo rje phyag rgya bcing ba'i bar gyis/ phyag rgya bcing ba rjes su spyad la/ rang gi snying gar gnas pa'i rdo rje 'bar ba rtse mo bzhi'i dbus su bcom ldan 'das kyi sngags kyi yi ge yid kyis bris la/ de nyid la zlos shing bdag med par bsgom par
 bya'o/ /de nas de'i dbyangs kyi yi ge bcu drug dang bcas pa las rang gi sems zla ba'i dkyil 'khor gyi rnam pa tshad mdza' yas par bsam par bya'o/ /de'i steng du yang de nyid dang ka la sogs pa gsal byed kyi yi ge zla ba lta bu dang bcas
 pa las/ zla ba'i dkyil 'khor gnyis pa bsam par bya'o/ /de nas zla ba'i dkyil 'khor gnyis pa de'i steng du sngags kyi yi ge rnams bsams la/ de zla ba'i dkyil 'khor gnyis pa de dang bcas pa las rdo rje 'bar ba'i rtse mo bzhi pa bsam par bya'o/ de
 nas rdo rje 'bar ba'i dbus su sngags kyi yi ge rnams bsams la/ sems dpa' ji lta bur phyag rgya de bzhin phyag rgya ji ltar bdag kyang zhes nga rgyal bsgoms la/ rdo rje 'bar ba las rdo rje'i rigs rnams spros te/ des phyogs bcur gdug pa thams cad gdul bar byas
 nas/ de rnams rdo rje der yid kyis bcug nas rdo rje sems dpa' byin gyis brlabs pa'i sbyor bas rdo rje sems dpar bdag nyid bsams la rab tu dga' ba'i rdo rje khro bo zlos shing bdag nyid kyi rdo rje sems dpa' i gzugs rab tu dga' ba'i rdo rje khro bor
 bsams par bya'o/ /de nas mahA sa ma yastwaM haM zhes bya ba lan gsum bzlas la/ dam tshig chen po'i sems dpa' i nga rgyal bskyed nas/ rab tu dga' ba'i rdo rje khro bo'i phyag rgya bcings la/ sa mo yo haM zhes zlos shing dam tshig sems dpa' i bdag
 nyid bsgoms la/ /sa ma ya satwa a d+hi tiSh+Tha swa mAM zhes bya ba dang/ de nyid kyis snying ga dang dpral ba dang/ lkog ma dang/ sbyi bor byin gyis brlab par bya'o/ /de nas rdo rje skyil mo krung bcas pa g.yon pa'i rdo rje khu tshur gyis 'bar ba'i rdo rje dril bu blangs
 lha/ g.yas pas rdo rje 'bar ba rtse bzhi pa gzung ste/ de bsnyems pa dang bcas pa la rdo rje gsor nas/ rang gi sngags zlos shing rang gi snying gar bstod pa'i tshul gyis 'dzin pa'i sku dang gsung dang/ thugs rdo rjes rab tu dga' ba'i rdo rje khro bor bdag nyid bsam
 pa 'di ni/ bcom ldan 'das kyi phyag rgya chen po'o/ /de ltar phyag rgya chen po bcings la/ bcom ldan 'das kyi sngags zlos shing/ a zhes bya ba brjod de/ mdun du sna tshogs pad+ma'i steng du/ rdo rje 'bar rtse bzhi pa bsam par bya'o/ /de'i dbus su bcom
 ldan 'das kyi sngags bsams la de nyid zlos shing rdo rje 'bar ba ni/ bdag go zhes bsgom par bya'o/ /de nas de nyid zlas shing rdo rje 'bad bde rab tu dga' ba'i rdo rje khro bor bdag nyid bsams la/ su ra ta stwaM badzra kro d+hi haM zhes bzla bar bya'o/ /de nas de bzhin du rdo rje
 lcags kyu'i khro bo la sogs pa'i las kyi phyag rgya rnams kyis bcom ldan 'das rab tu dga' ba'i rdo rje khro bo dgug pa dang/ gzhug ba dang/ bcing ba dang/ dbang du byas la rab tu dga' ba'i rdo rje khro bo'i dam tshig bcings la/ hUM rak+ta dza la ma la pra la
 ya agni pra ti ba te dza mahA su kha su ra ta badzra kro d+ha dza(rgyud 'grel g.yas pa'i mdzub mo lcags kyus haM su ra ta badzra kro d+ha a yA hi mahA su kha badzra satwa dza(rgyud 'grel gar hUM las rdo rje 'bar ba bsams la bcom ldan 'das kyi dam tshig gi phyag rgya bcings te sa ma ya stwaM zhes brjod de/ rgyab tu zla ba'i dkyil 'khor bsams te de nas rang gi lus la gnas pa'i bcom ldan 'das dang bdag nyid chu dang 'o ma ltar gcig
 tu gyur par bsams la sa ma yastwaM hUM/ rak+ta dza la mA lA pra la ya agni pra ti pa ta te tsi mahA su kha su ra ta badzra kro d+ha dza(rgyud 'grel pa 'bar ba'i mchog /mche bcud zad gtsigs pa'i zhal/ /khro dang bcas par bzhad pa'i zhal/ /rdo rje skyil krud lags bzhugs nyid/ /'od zer 'bar ba 'khrug pa'i 'od ces bya ba bsam mo/ /de nas chos dang las dang phyag rgya chen
 pos rgyas btab nas de bzhin du yid kyis legs so zhes bya ba'i sbyor bas lus la de bzhin gshegs pa thams cad bcug la dam tshig gi phyag rgya bsgrub par bya'o/ /de nas chos dang las dang phyag rgya chen pos de bzhin gshegs pa rnams la rgyas btab
 la dang po'i rdo rje bcings te/ rdo rje sems dpa' dang/ rin chen dang/ chos dang las kyi snying pos de bzhin nyid du byin gyis brlabs la sangs rgyas lnga dang rdo rje phreng ba'i dbang bskur ba'i phyag rgyas dbang bskur bar bya'o/ /de nas rdo rje dang bdag po dang ming
 gi dbang bskur ba blangs la dngos grub kyi rdo rje brtul zhugs gzung bar bya'o/ /de nas khro bo'i rdo rje mtshon cha ma la sogs pa gsang ba'i phyag rgya'i mchod pa bzhis bdag nyid yang dag par mchod la rnam par sgeg pa'i dga' ba'i rdo rje dang phyag rgya bzhis
 bcom ldan 'das la phyag byas la/ yang phyag rgya chen po bcings te de kho na nyid kyi rdo rje gzung bar bya'o/ /de nas chos kyi dril bu dkrol lo/ /de nas dam tshig gi phyag rgya chen po byin gyis brlab par bya'o/ /de nas rang gi snying gar gnas pa'i rdo rje 'bar ba'i
 dbus su rdo rje bzlas pa'i don du sngags yid kyis bris la/ nyin re zhing bdag la byin gyis brlab pa la sogs pa lan gcig byas nas ji srid zla ba gcig gam/ zla ba drug gam/ lo gcig gis mtshan ma thob par gyur pa de srid kyi bar du khro bo'i tshig gis
 bzlas brjod bya'o/ /de nas zla ba nya ba la bzlas brjod mtshan thog thag bzlas nas/ nang par rdo rje hUM mdzad du gyur pa ni dngos grub dang po'o/ /gal te de bzhin gshegs pa bsgrub par 'dod na des rdo rje sems dpa' i rtog pa las bshad pa'i cho gas bcom ldan
 'das rnam par snang mdzad de/ de bzhin gshegs pa brgyad kyis bskor ba/ phyag gnyis kyis byang chub mchog gi phyag rgya bcings la/ ras la 'drir gzhug par bya'o/ /de'i mdun du snga ma bzhin du rab tu dga' ba'i rdo rje khro bo'i sbyor ba byas la ras ris la bcom ldan
 'das rnam par snang mdzad rab tu dga' pa'i rdo rje khro bo'i lcags kyu chen pos spyan drangs la/ rab tu dga' ba'i rdo rje khro bo'i dam tshig gi phyag rgyas bsgrub bo/ /de nas rab tu dga' ba'i rdo rje khro bo'i tshes kyi phyag rgya lce la rgyas btab nas de nas ni de bzhin gshegs pa'i
 las kyi phyag rgya dang/ phyag rgya chen pos rab tu dga' ba'i rdo rje khro bo'i sngags zlos shing rgyas gdab par bya'o/ /de nas rdo rje rin chen gyi dbang bskur bas dbang bskur la bcom ldan 'das mchod pa thams cad kyis yang dag par mchod de/ phyag byas la 'dug nas byang
 chub mchog gi phyag rgya chen po bcings te/ de bzhin gshegs par bdag nyid bsams la/ ji srid 'bum phrag brgya tshang bar gyur pa de srid kyi bar du dga' ba'i rdo rje khro bo'i sngags bzla bar bya'o/ /da nas 'bum tshad ba dang mtshan phyed na bdud kyi dpung thams
 cad 'od bar 'gyur ro/ /de nas rnal 'byor pas bdud thams cad 'joms par byed pas bdud kyi stobs gzhom par bya'o/ /de nas nang par gyi dus su de bzhin gshegs pa nyid dam byang chub sems dpa' chen po nyid thob par 'gyur ro zhes bcom ldan 'das rdo
 rje 'chad bas gsungs so/ /gal te de rab tu dga' ba'i rdo rje khro bo nyid bsgrub par 'dod na des rab tu dga' ba'i rdo rje khro bo'i sku gzugs byed du bcug la/ de'i mdun du de bzhin du rab tu dga' ba'i rdo rje khro bo'i rnal 'byor byas la sku gzugs la/ bcom ldan 'das
 sngar bshad pa'i spyan drang ba'i cho gas sbyan drangs la mchod pa thams cad kyis yang dag pa ji lta ba bzhin du mchod nas phyag byas la phyag rgya chen po bcings te/ nyin re bzhin du bdag la byin gyis brlabs pa la sogs pa lan gcig byas la sgrub par
 byas shing bzlas brjod dpag tu med pa byas nas/ zla ba drug gis rdo rje hUM mdzad nyid nges thob par 'gyur ro/ /yang na rab tu dga' ba'i rdo rje chen pos bdag nyid rab tu dga' ba'i rdo rje khro bos bsgrub par 'dod na/ de bzhin du rab tu dga' ba'i rdo rje
 khro bo'i sbyor ba byas la/ nyin re'i sbyor bas phyag rgya chen po bcings la ji srid nyin re zhing/ bdag nyid de'i sku mthong bar gyur pa de srid kyi bar du bsgom par bya'o/ /de nas zla ba phyed tsam bsgoms la/ sgrub na rab tu dga' ba'i rdo rje khro bor 'gyur ro/ /de bzhin du
 dngos grub gzhan dag kyang snga ma'i rjes su 'brangs nas bsgrub pa yin par shes par bya'o/ /de nas ma grub pa ni zhes bya ba la sogs pa la de ltar bshad ma thag pa'i sgrub pa gang gi tshe/ ji skad ston du bshad pa'i dngos grub grub par ma gyur pa'i sngags ni ma grub pa
 zhes bya ba la/ ma grub pa de ma grub du zin kyang/ lan gcig bzlas pa tsam zhes? ji skad du bshad pa'i las rnams byed par 'gyur ro/ /khams gsum ma lus pa las rgyal bar bya ba la ni/ rdo rje hUM mdzad kyi phyag rgyas so zhes bya ba ni 'jig rten gyi khams mi
 mdzed la sogs pa/ sangs rgyas kyi zhing ma dag pa ni khams gsum pa ma lus pa'o/ /de las rgyal ba ni der gnas pa'i dbang phyug chen po la sogs pa 'dul ba'o/ /de yang rdo rje hUM mdzad du mnyam par bzhag la/ khro bo'i khu tshur gnyis bcings te/
 mthe'u chung gnyis phan tsun lcags sgrog tu sbrel la/ mdzub mo gnyis bsgreng ste/ sdigs mdzub byed pa la sogs pas snying ga'i phyogs su bzhag pa 'di ni rdo rje hUM mdzad kyi phyag rgya ste 'di khams gsum ma lus pa las rgyal bar 'gyur ro/ /thams cad du yang rab
 tu dga' ba'i rdo rje khro bo'i sngags bzlas pas las rnams grub par gyur par shes par 'gyur ro/ /'dis ni 'di skad ston te de bzhin du rab tu dga' ba'i rdo rje khro bo'i sbyor ba byas la dbang phyug chen po la sogs pa 'dul ba'i bsam pas rdo rje hUM mdzad kyi phyag rgya bcings
 la bzlas brjod byas nas rang gi lus las byung ba'i rdo rje hUM mdzad kyi skus dbang phyug chen po la sogs pa thams cad rjes su btul bar bsam par bya'o/ /de lta bus ni khams gsum ma lus pa las rnal 'byor rgyal bar 'gyur ro/ /sems can gyi khams thams cad 'dul ba ni zhes bya ba ni sems can gyi khams thams cad
 skal ba ji lta ba bzhin du lung dang rtogs pa'i bdag nyid can la rab tu bzhag pa ni btul ba'o/ /de ji ltar 'gyur zhe na rdo rje khro bo'i gsang bas so zhes bya ba gsungs te rdo rje khro bo ni rdo rje khro bo rdo rje khro bo ste/ rab tu dga' ba'i rdo rje khro bo'i gsang ba ni rdo rje khro bo'i gsang
 ba'i phyag rgya ste des rab tu 'jig par 'gyur ro/ /'di skad ston pa yin te de bzhin du rab tu dga' ba'i rdo rje khro bo'i sbyor ba byas la rdo rje hUM mdzad kyi phyag rgya de bzhin du bcings la g.yon pa'i mdzub mos bsgrub par bya ba la sdigs mdzub bya'o/ /de nas phyag rgya
 'di las byung ba'i bcom ldan 'das hUM mdzad kyis rjes su bstan cing dul ba la rab tu 'jog par 'gyur ro/ /'jig rten gsum ma lus pa las rnam par rgyal ba ni zhes bya ba la/ dbang phyug chen po la sogs pa 'jig rten las rgyal ba'i 'jig rten gsum ma
 lus pa las rgyal ba'o/ /de ji ltar 'gyur zhe na/ 'jig rten gsum rnam par rgyal ba ni rdo rjes so zhes bya ba gsungs te/ de bzhin du bcom ldan 'das kyi sbyor ba byas la/ rdo rje hUM mdzad g.yon brkyang ba'i gnas pa'i bzhugs pas sdigs mdzub byas shing rang
 gi lus las byung ba'i bcom ldan 'das rdo rje hUM mdzad kyi zhabs g.yon pas bsgrub par bya ba mnan par byas te/ de lta bus ni 'jig rten gsum ma lus pa las rnam par rgyal bar 'gyur ro/ /thams cad dgug pa dang zhes bya ba la sogs pa la dbang
 phyug chen po la sogs pa dgug pa ni thams cad dgug pa'o/ /de rnams nyid dkyil 'khor ram snod la 'jug pa dang/ snod la bzhugs pa de rnams nyid dbab pa ni g.yo ba la sogs pas dbab pa'o/ /gdon de rnams lcags sgrog gis bsdams
 te rang dbang med par byas nas bcing ba'o/ /de rnams nyid rang dbang du bya ba ni dbang du bya ba'o/ /de g.yul 'gyed par zhugs pa'i dregs pa bsam par bya ba 'am se 'og gi 'khrul 'khor la sogs pa gzhom pa ni gzhig pa'o/ /
 de rnams nyid mi 'gyur bar byas pa ni rengs par byas pa'o/ /de rnams gnyid log par bya ba dang/ rgyas gdab pa dang/ bsgyel ba dang/ bsad par bya ba ni go bar zad do/ /'di dag thams cad ji ltar bya zhe na bde ba chen po rdo rje gsang ba'i dam tshig gi
 khro bos so zhes bya ba gsungs te/ de bzhin du bcom ldan 'das hUM mdzad kyi rnal 'byor byas la rdo rje hUM mdzad bcings te/ mdzub mo gnyis gshibs la rtse mo sbyar nas bsgrub par bya ba la sdigs mdzub byas te/ 'di ni bde ba chen po gsang ba'i dam tshig
 gi khro bo'i phyag rgya yin te/ des bsgrub par bya ba dgug pa'i bsam pas bsgrub par bya ba la sdigs mdzub bya zhing/ sdigs mdzub kyi rdo rje las byung ba'i bcom ldan 'das rdo rje lcags kyu'i khro bos bsgrub par bya ba 'gugs par bsam par bya ste/ de lta bus ni
 thams cad dgug par 'gyur ro/ /gzhug pa'i bsam pas de bzhin du sdigs mdzub byas la/ sdigs mdzub kyi rdo rje las byung ba'i rdo rje zhags pas btab la bzhugs par bsams na de lta bus ni bcings par 'gyur ro/ /de bzhin du dbab pa'i bsam pas
 sdigs mdzub byas la/ bcom ldan 'das rdo rje 'bebs pa'i phyag rgya khro bo sku mdog dmar po rlung dang me'i dkyil 'khor gyi dbus na bzhugs pas bsgrub par bya ba'i rkang pa nas brtsams te/ spyi bo'i bar du shing skam po bzhin du rab tu 'bar bar bsams
 na de lta bus ni 'bab par 'gyur ro/ /de bzhin du bcing ba'i bsam pas srin po la sogs pa sdigs mdzub byas la bcom ldan 'das rdo rje lcags sgrog gi khro bos lcags sgrog gi bsdams par bsams na de lta bus ni bcings par 'gyur ro/ /de bzhin
 du dbang du bya ba'i bsam pas sdigs mdzub bya zhing bcom ldan 'das rdo rje yid las byung ba'i khro bo me tog gi mdangs dang/ bsgrub par bya ba'i snying gar phog cing dmar por gyur pas dbang du gyur nas rang nyid dam nor gyis kyang rkang pa la 'dud par bsam par
 bya ste de lta bus ni dbang du 'gyur ro/ /de bzhin du gzhom par bya ba'i bsam pas sdigs mdzub bya zhing phyag rgya bcings pa las rdo rje 'bar brtse mo bzhi pa spros la/ 'khrul 'khor la sogs pa la dbab par bya ste de lta bus ni rnam par gzhig par 'gyur ro/ /de
 bzhin du dbab pa la sogs pa la rengs par bya ba'i bsam pas sdigs mdzub bya zhing bcom ldan 'das rdo rje hUM mdzad sku mdog ser po sna tshogs rdo rje gser gyi mdog can nam mkha' dang mnyam pa'i steng na g.yon brkyang bas bzhugs pas bsgrub par bya ba mnan
 par bsam par bya ste de lta bus ni rengs par 'gyur ro/ /de bzhin du gnyid log tu gzhug pa'i bsam pas bsgrub par bya ba sdigs mdzub bya zhing bcom ldan 'das rdo rje hUM mdzad bsgrub par bya ba dang lhan cig tu gyur nas/ mig btsums te gnyid log par
 bsams na de lta bus ni gnyid log par 'gyur ro/ /de bzhin du rgyas btab pa'i bsam pas sdigs mdzub bya zhing bsgrub par bya ba'i snying gar yang hUM las rdo rje 'bar ba byung bar bsam par bya ste de lta bus ni rgyas btab par 'gyur ro/ /de bzhin du bsgyel
 ba'i bsam pas sdigs mdzub byas la sdigs mdzub kyi rdo rje las rdo rje 'bar ba spros la bsgrub par bya ba'i steng du 'bab par yang dang yang du bsams nas 'gyel bar 'gyur ro/ /de bzhin du bsad pa'i bsam pas sdigs mdzub byas la rang gi lus las
 rdo rje gnod sbyin dang/ srin po dang/ mkha' 'gro dang/ bya rgod dang stag dang/ seng ge dang/ bya rog dang wa dang spyang kyi la sogs pa byung la bsgrub par bya ba zos par bsams na de lta bus ni gsong par 'gyur ro/ /thams cad ltung bar bya ba la ni rdo rje
 phra mo khros so zhes bya ba ni de bzhin du bcom ldan 'das kyi sbyor ba byas la/ rdo rje hUM mdzad bcings nas sna'i dbugs kyi rlung gis sna'i rtse mo las rdo rje phra mo phyung la/ de bsgrub par bya ba'i steng du dbab par bya ste de lta bus ni thams cad ltung bar
 'gyur ro/ /thams cad du dbab pa la ni rdo rje 'bebs pa'i khro bos zhes bya ba ni de bzhin du bcom ldan 'das kyi sbyor ba byas la rdo rje hUM mdzad bcings te/ yi ge a'i mdza' can gyi sngags bzlas te/ bcom ldan 'das rdo rje hUM mdzad kyi kun tu gang bar
 gyur bar bsam par bya ste de lta bus ni thams cad 'bab par 'gyur ro/ /thams cad des par gnon pa la ni rdo rje gang brkyangs kyis so zhes bya ba la ni bcom ldan 'das kyi sbyor ba byas la rdo rje hUM mdzad bcings te/ yi ge ha'i mdza' can gyi sngags bzlos
 shing ha ha zhes bya ba'i gang mo rta ba gang byas shing bcom ldan 'das rdo rje hUM mdzad kyi zhabs kyi bsgrub par bya ba la bsnun pas kha thur du sbub cing 'gyel bar bsam par bya ste de lta bus ni nges par gnon par 'gyur ro/ /las thams cad la nye bar dgod pa zhes bya ba
 la ni las kyang yin la thams cad kyang yin pas las thams cad de/ rab tu dga' ba'i rdo rje khro bo la sogs pa nas rdo rje 'bebs pa'i rdo rje khro bo'i bar gyi phyag rgya chen po la sogs pa'i las rnams so/ /de rnams la nye bar dgod pa ni phyag rgya chen po la sogs
 pa'i las kyi phyag rgya chen po la sogs pa'i 'bras bu thob pa'o/ /de ji ltar 'gyur zhe na bde ba chen po rdo rje dam tshig gi khro bos so zhes bya ba gsungs te/ de bzhin du bcom ldan 'das kyi sbyor bar byas la rdo rje 'bar ba rtse mo bzhi pa bsgom zhing rab tu dga' ba'i
 rdo rje khro bo'i phyag rgya chen po bcings la las gang la gang dgos pa de la dgos pa de thob cing rnyed pa'i bsam pas sngags bzla bar bya'o/ /de lta bus ni phyag rgya chen po la sogs pas las thams cad kyi 'bras bu thob par 'gyur ro/ /bde ba chen po rdo rje gsang ba
 las kyi zhes bya ba la bde ba chen po rdo rje ni bshad zin to/ /de'i gsang ba ni rdo rje rigs kyi rtogs pa'o/ /de las rab tu dga' ba las byung ba rdo rje gsang ba'i dam tshig gi rdo rje sems dpa' las byung ba'i rab tu dga' ba'i rdo rje khro bo ste/ de'i cho ga rgyas pa ni de'i
 dkyil 'khor la sogs pa sgrub pa dang/ bsgrub par bya ba'i rtog pa'i rgyun yin no/ /yang 'di'i don bde blag tu rtogs par bya ba'i phyir brjod par bya ste/ dam tshig sems dpar byin gyis brlabs pa snga ma bzhin du byas la rab tu dga' ba'i rdo rje khro bo'i phyag rgya chen
 po bcings nas nam mkha' dang mnyam pa'i sbyor bas rang gi snying gar yid kyis zhugs la/ der rdo rje khro bo'i phyag rgyas rab tu dga' ba'i rdo rje khro bo'i dkyil 'khor nam mkha' dang mnyam par sprul la 'og nas bshad pa'i 'jug pa'i cho gas me tog phreng ba glang te 'jug
 par bya'o/ /de nas rang gi mgor me tog gi phreng ba gtor la ji lta ba bzhin du bcings nas dngos grub kyi rdo rje brtul zhugs kyi bar gyi cho ga rnams rjes su spyad la dkyil 'khor de'i rang gi snying ga'i zla ba'i dkyil 'khor gyi nang du 'dus shing gcig tu gyur par
 bsams par bya'o/ /de nas rdo rje sems dpa' i rnal 'byor chen po ltar rang gi rnal 'byor chen po byas la cho ga thams cad rjes su spyad de/ de kho na nyid kyis rdo rje bzung zhing chos kyi dril bu dkrol la dam tshig gis phyag rgya chen por byin gyis brlabs nas/ rang
 gi sngags lan gsum bzla bar bya'o/ /de nas rdo rje 'khor los nam mkha' i phyogs su bcom ldan 'das kyi dkyil 'khor sprul la lha thams cad kyi gnas su a h+rI zhes bya bas sna tshogs pad+ma bskyed par bya'o/ /de nas dbus su sems dpa' i skyil mo krung gis 'dug
 la sngon du bsnyen pa bya ba dang/ de bzhin du bdag nyid spro ba bskyed par bya'o/ /de nas snga ma bzhin du sangs rgyas spyan drang bar byas nas de'i 'og tu ting nge 'dzin rnam gsum bsgom par bya'o/ /de nas bcom ldan 'das rab tu dga' ba'i rdo rje khro bo'i phyag rgya chen
 bcings la sngags de bzla bar bya'o/ /de nas de bzhin gshegs pa thams cad kyis bdag nyid la gsol ba btab par bsam par bya'o/ /bcom ldan khyod la gsol ba ni/ /'dod chags chen po bde ba che/ /snying po 'di yis
 brtan pa nyid/ /bde chen myur du sgrub par mdzod/ /ces gsol ba btab par bsam mo/ /de nas langs la de bzhin gshegs pa thams cad la phyag byas la de bzhin gshegs pa thams cad kyis nam mkha' i khams gang bar bsams la/ bdag ni
 rang nyid rdo rje can zhes bya ba la sogs pa brjod de de'i 'og tu rang gi sngags bzla'o/ /de nas bcom ldan 'das rab tu dga' ba'i rdo rje khro bo'i dam tshig gi phyag rgya dang/ hUM rAk+ta dzA la mA la pra la ya agni prad bit+ta te sa ma hA sarba mahA su kha su ra ta mahA
 kro d+ha dza(rgyud 'grel langs/ /kun tu rnam par bltas nges ni/ /rang gi sngags ni rab bzlas shing/ /bsnyems pas yengs su bskor bar bya/ /de nas rdo rje sems dpa' i dkyil 'khor las bshad pa'i cho ga rnams rjes su spyad la/ dkyil 'khor 'di ji lta ba bzhin du bri
 par bya'o/ /de nas dkyil 'khor dbus ma'i dbus su sna tshogs pad+ma'i steng du bcom ldan 'das rab tu dga' ba'i rdo rje khro bo'i snying po 'dis sngar bshad pa'i mtshan nyid can bri bar bya'o/ /su ra tod b+ha ba hUM/ bcom ldan 'das rab tu dga' ba'i rdo rje khro bo'i thams
 cad du rdo rje yid las byung ba nas rdo rje 'bebs pa'i bar du/ rdo rje sems dpa' i dkyil 'khor chen po'i sbyor bas rdo rje skyil mo krung du bzhugs pa/ sku mdog sngo ba dang rdo rje gzhu dang mda' la sogs pa bsnams pa 'od zer dmar po kun nas 'bar ba khyab
 pa/ khro gnyer 'gyu zhing bsdus pa smrar dmar ser can/ spyan 'bar ba rdo rje'i mche ba gtsigs pas ma mchu'i sgros mnan pa/ zhal rnam par 'gyur ba/ dbu skra gyen du brdzes shing 'bar ba bri bar bya'o/ /de nas 'di rnams kyi snying po bshad par bya'o/ /he driSh+Ta sA ya ka
 maT hUM badzra kI li kI la hUM haM sma ra badzra band+ha/ hUM badzra to Sha hUM/ oM ma d+hu badzri/ oM me g+hA badzri/ hUM sha ra ta badzri/ hUM she she ri haM badzra lA sye/ hA sya badzra ni/ oM badzra gI te/ oM nri te badzri/ dza badzra aM ku sha/ hUM badzra pA sha/ baM badzra sphe Ta/ a badzra g+haN+Ta/ 'di dag
 thams cad sangs rgyas lnga'i cod pan dang/ rdo rje phreng bas dbang bskur ba'i cod pan can yin no/ /de nas ji lta ba bzhin du sgo phye la/ khro bo'i khu tshur gyis yongs su gzung ba'i rdo rje 'bar ba dang/ me tog gi lcug ma las yongs su bzlas pa'i bum pa dang/ bum pa gang ba
 rnams kyis bcom ldan 'das 'khor dang bcas pa la snga ma bzhin du mchod la/ mchod pa thams cad kyis kyang yang dag par mchod par bya'o/ /de nas snga ma bzhin du yongs su bzlas pa'i gos sngon pos smad g.yogs dang/ stod g.yogs dang/ gdong
 g.yogs pa ji lta ba bzhin du byas la sdom pa yang ji lta ba bzhin du blangs nas/ byang chub kyi sems bskyed de/ khro ba'i khu tshur gyis rang gi rdo rje blangs la rang gi snying gar bzhag nas/ hUM las rang gi snying gar rdo rje bskyed la 'di skad ces brjod do/ /su ra ta sa
 ma yastwaM ho badzra sid+d+ha ya thA su khaM/ de nas phyi rol gyi sgor bltas pa'i bum pa'i chus bdag nyid dbang bskur la/ rdo rje sems dpa' i dkyil 'khor chen po las bshad pa'i 'jug pa'i glu len cing 'jug par bya'o/ /de nas de bzhin du bdag la byin gyis brlab
 pa byas nas rnam par rgyal ba'i bum pa las khro bo'i khu tshur gyis chu blangs nas bdag nyid dbang bskur bar bya'o/ /de nas sangs rgyas lnga'i cod pan dang dbang bskur ba'i phyag rgyas bdag nyid la dbang bskur nas/ phyi rol gyi sangs rgyas lnga'i cod pan 'bar
 ba'i rdo rje phreng ba dang bcas pas kyang dbang bskur bar bya'o/ /de nas 'bar ba'i rdo rje dang/ bdag po dang ming gis dbang bskur bas dbang bskur la dngos grub kyi rdo rje brtul zhugs blang bar bya'o/ /de la 'bar ba'i rdo rje phreng ba'i phyag rgya ni 'di yin te/
 rdo rje thal mo bcings la mdzub mo gnyis phan tshun du lcags sgrog tu sbrel te/ mthe bong gnyis gzhibs srin lag gnyis gzhibs te rtse mor byas la bzlog ste/ 'dis spyi bo nas brtsams te phyogs bzhir gtugs nas dpral bar bzhag par bya ste/ de lta bus
 ni 'bar ba'i rdo rje'i phreng bas dbang bskur bar 'gyur ro/ /'di'i snying po ni a b+hiShe ka zhes bya'o/ /de nas de kho na nyid kyis rdo rje gzung zhing chos kyi dril bu dkrol la/ dam tshig gi phyag rgya chen pos byin gyis brlabs nas rang gi sngags bzla bar bya'o/ /de nas
 mchod pa lnga dang/ rdo rje mtshon cha ma la sogs pa phyag rgya'i mchod pa bcu gnyis kyis bdag nyid yang dag par mchod la/ tshigs su bcad pa lngas rjes su gnang ba dang/ gzengs bstod pa dang/ lung bstan pa dang/ sngags gzung ba dang/ phyag rgya bzhi brlab pa
 bcom ldan 'das la phyag byas nas bcom ldan 'das la mnos la snga ma bzhin du bdag la byin gyis brlab pa la sogs pa byas nas/ rang gi ming nas brjod de/ de nas rdo rje bsgrub par bya'o/ /rdo rje slob dpon sems dpa' yis/ /rdo rje lcags kyu
 bcings nas ni/ /se gol mang po brdab bgyis la/ /sangs rgyas thams cad bsdu bar bya/ /de nas mtshan brgya rtsa brgyad pas bstod pa ni lta ba bzhin du byas la/ sngar bshad pa'i lcags kyus bcom ldan 'das 'khor dang bcas pa/ dkyil 'khor chen
 por bcug la/ rdo rje gnod sbyin gyis bgegs bskrad de/ ra ba dang dra ba yang byas la/ rdo rje khu tshur gyis sgo rnams bcad de/ rdo rje bsrung bas bsrung ba thams cad yang dag par bsrungs la/ bcom ldan 'das 'khor dang bcas pa la rang gi sngags kyis
 mchod yon phul la bcom ldan 'das 'khor dang bcas pa rang gi dam tshig gi phyag rgyas bsgrub par bya'o/ /de nas chos dar las dang phyag rgya chen pos rgyas btab la dbang bskur ba'i phyag rgya gnyis kyis dbang bskur la/ yang mchod yon phul la mchod pa
 dang rdo rje mtshon cha ma la sogs pa phyag rgya'i mchod pa bcu gnyis kyis yang dag par mchod nas rnam par sgeg pa'i dga' ba'i rdo rje dang phyag byas la phyi rol tu gtor ma byin te sbyin sreg bya'o/ /de nas bcom ldan 'das 'khor dang bcas pa la yang
 dag par mchod nas phyag rgya chen po bcings la ji srid mtshan ma thob par gyur pa de srid kyi bar du dkyil 'khor bsgom par bya'o/ /de nas phyag byas la 'di skad ces brjod par bya'o/ /srid pa'i bde ba dag bya'i phyir/ /khyed sngon srid pa la dgar
 gyur/ /'dod pa kun gyi dngos grub che/ /'gro ba kun la'ang grub pa yin/ /de ltar gnang ba thob nas slob ma gzhug par bya'o/ /slob dpon gyi las kyi cho ga rgyas pa rdzogs so// //de nas bslab pa'i bzhi la sogs pa yongs su slob pa'i sdom pa
 don? du gnyer ba la sdom pa 'dzin du gzhug go /de nas de'i snying gar rdo rje de bzhin du bsam par bya'o/ /de nas de rab tu dga' ba'i rdo rje khro bo byin gyis brlabs la dri dang me tog la sogs pas mchod de yon gyi mchog blangs la phyi rol na gnas pa'i bum
 pa'i chus dbang bskur la rang gi 'jug pa'i tshul gyis bcug la rna bar 'di skad ces brjod par bya'o/ /'dod chags bral ba zhes bya ba nas ma byed cig ces bya ba'i bar du de bzhin gshegs pa'i dkyil 'khor las bshad pa'i cho ga ltar de'i cho ga thams cad
 bya'o/ /slob ma 'jug pa la sogs pa'i cho ga rgyas pa rdzogs so// //cho ga gzhan dag ni gsal bas ma bshad do/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud
 las rab tu dga' ba'i rdo rje khro bo'i rtog pa bshad pa rdzogs so// //de ltar khro bas khro ba spang ba'i phyir rdo rje khro bo'i rtog pa gsungs nas nga ni log par lta ba'i gnyen por gyur pa yang dag par lta ba'i rang bzhin can shes rab kyi pha
 rol tu phyin pa'i bdag nyid pad+ma'i rigs bstan pa'i phyir de nas zhes bya ba la sogs pa gsungs te/ de nas zhes bya ba'i sgra ni bar ma chad pa ste dang po sbyor ba'i rjes thogs nyid la'o/ /'dir dang po sbyor ba'i ting nge 'dzin ni dpal rdo rje sems dpa' i dkyil 'khor
 chen por bshad pa nyid yin no/ /bcom ldan 'das zhes bya ba ni rnam par snang mdzad do/ /de bzhin gshegs pa yang yin la thams cad kyang yin pas de bzhin gshegs pa thams cad de rang bzhin gyis dag cing gnyis su med pa'i sems dang sems
 las byung ba de nyid ni don yod cing thogs pa med pa yin no/ /thams cad dag pa ni bsgribs pa med pa'o/ /pad+ma'i rigs kyi tshul gyis chos gang yin pa de la de skad ces bya'o/ /de de ltar gyur pa bcom ldan 'das rdo rje sems dpa' nyid byin gyis brlab pa'o/ /
 ci zhig mdzad nas she na/ de bzhin gshegs pa thams cad kyis zhes bya ba la sogs pa gsungs te de bzhin gshegs pa thams cad kyi rdo rje ye shes ni chos thams cad rang bzhin gyi dag pa'o/ /de'i phyag rgya ni pad+ma'i rigs te gzugs brnyan gyi tshul
 du sems can gyi khams rgyas btab nas phyag rgya'o/ /dngos por 'dzin pa'i mngon par zhen pa ni sgrib pa'o/ /de 'di la mi mnga' bas sgrib pa med pa'o/ /de lta bu gang yin pa de la dmigs pas ming de skad bya ba'i ting nge 'dzin ni de bzhin gshegs pa thams cad
 kyi sgrib pa med pa'i rdo rje ye shes kyi tshul gyi phyag rgya zhes bya ba'i ting nge 'dzin de la snyoms par zhugs pa'o/ /snyoms par zhugs nas bcom ldan 'das rdo rje sems dpa' la gsol ba btab par gyur pa'o/ /'di skad ston te/ bcom ldan 'das rnam par
 snang mdzad pad+ma'i rigs kyi rnam par thugs rtse gcig tu mdzad de pad+ma'i rigs sprul nas sems can gyi don bya ba'i phyir rdo rje sems dpa' la gsol ba btab pa yin no/ /bde ba chen po zhes bya ba la sogs pa ni bshad zin to/ /pad+ma yang yin la chen
 po yang yin pas na pad+ma'i rigs chen no/ /de nyid gzung ba dang 'dzin pa'i dri ma dang bral ba ni dag pa'o/ /skyed par mdzad ces bya ba ni 'byung bar mdzod cig pa'o/ /mchog kyang yin la chen po yang yin pas na mchog yin te/ rang bzhin gyis
 yang dag pa'i ye shes kyi tshul gyis thams cad du song bas chen po'o/ /tshul de nyid kyi dam par gyur pas na mchog go /de nas zhes bya ba'i sgra ni de ma thag pa ste gsol ba btab pa'i rjes thogs la zhes bya ba'i tha tshig go /bcom ldan 'das rdo rje 'chang
 chen pos sngags gsungs so zhes bya bar sbyar ro/ /ci zhig mdzad nas zhe na/ chos thams cad ces bya ba la sogs pa smos te/ chos kyang yin la thams cad kyang yin pas na chos thams cad de pad+ma'i rigs kyi tshul lo/ /de rnams la gzigs pa ni
 ting nge 'dzin gyis so sor rtog par mdzad pa'o/ /de nas rdo rje ltar mi phyed pa gang yin pa de la de skad ces bya'o/ /rnam par gnon pa ni mthu rtsal lo/ /pad+ma'i rigs sprul pas 'gro ba'i don mdzad nas sngags gsungs pa yin no/ /bcom ldan
 'das kyi zhal nas zhes bya ba ni rdo rje 'jig rten dbang phyug gi zhal nas so/ /pad+ma'i mdog gi mdangs can zhes bya ba ni dkar dmar ro/ /zla ba'i dkyil 'khor gyi 'od can no zhes bya ba ni go sla'o/ /de rnams phyag na ci zhig bsnams she na pad+ma'i
 mda' la sogs pa yongs su 'dzin pa zhes bya ba la sogs pa gsungs te/ rdo rje yin las byung ba la sogs pa de dag nyid pad+mas mtshan pa'i rdo rje mda' la sogs pa bsnams pa pad+ma'i rigs kyi tshul gyis phyung ngo zhes bya ba'i tha tshig go /de bzhin 
 gshegs pa'i dbang bskur ba'i 'chang ba zhes bya ba ni de bzhin gshegs pa 'od dpag tu med pa 'dzin pa'o/ /ral ba dang/ cod pan dang/ na bza' dmar po 'chang ba zhes bya ba ni go bar zad do/ /pad+ma chen po'i sems dpa' rnams phyung
 nas dkyil 'khor chen po'i tshul gyis bzhugs so zhes bya ba ni pad+ma chen po'i rigs kyis sems dpa' i ngo bor sems dpa' de rnams rdo rje 'jig rten dbang phyug gi zhal nas byung nas rdo rje sems dpa' i dkyil 'khor chen po'i dbyings kyis bcom ldan 'das
 rdo rje 'jig rten dbang phyug yongs su bskor nas phyogs dang mtshams rnams su zhugs pa'o/ /bcom ldan 'das ni 'jig rten dbang phyug go /de ltar na bcom ldan 'das zhes bya ba nas brtsams te rdo rje skyil mo krung gis bzhugs so zhes bya ba'i bar gyi ting nge 'dzin
 gnyis pa gsungs pa yin no/ /de nas bsdu ba sngon du 'gro bas rang gi cho ga rnams rjes su spyad nas/ rdo rje pad+ma'i lcags kyu la sogs pa'i las kyi phyag rgya rnams kyis bcom ldan 'das 'khor dang bcas pa dgug pa dang gzhug pa dang/ dbang du bya ba la
 dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab pa la mngon par 'dod pa'i dbang bskur ba 'am pad+ma'i phreng bas dbang bskur la bcom ldan 'das 'khor dang bcas pa las rnams la
 sbyar bar bya'o/ /de la las ni 'di dag yin te/ bcom ldan 'das rdo rje 'jig rten dbang phyug gi phyag rgya chen po bcings la de'i sngags bzlas nas 'di skad du bcom ldan 'das 'jig rten dbang phyug rang bzhin gyis dag pa'i ting nge 'dzin gyis sems
 can gyi khams thams cad rnam par dag par mdzod cig ces brjod do/ /de nas pad+ma'i rdo rje yid las byung ba'i phyag rgya chen po bcings la/ bcom ldan 'das pad+ma'i rdo rje yid las byung ba pad+ma'i 'dod chags kyi mnga' rnam par dag pa'i gnas la
 sems can gyi khams rab tu 'jog par mdzod cig ces brjod par bya'o/ /pad+ma kI li kI la'i phyag rgya chen po bcings la bcom ldan 'das pad+ma kI li kI la la sems can gyi khams ma lus pa pad+ma'i rig pa'i gnas rnam par dag pa'i gnas la 'jog par mdzod
 ces brjod do/ /de bzhin du pad+ma'i bebs pa'i bar gyi phyag rgya chen po bcings la/ bcom ldan 'das pad+ma'i 'bebs pas sems can gyi khams ma lus pa rang bzhin gyis 'od gsal ba'i pad+ma 'bebs pa'i ye shes nyid kyi dbang du mdzod cig ces bya ba'i bar du
 brjod par bya'o/ /'di ni las kyi rgyal po mchog ces bya ba'i ting nge 'dzin gsum pa yin no/ /de ltar ting nge 'dzin gsum bshad nas da ni dam tshig dang dbang bskur ba thob pa rnams kyis bzlas brjod dang bsgom par bya'o/ /zhes bya ba 'di'i don bstan par bya ba'i phyir dkyil
 'khor zhes bya ba la sogs pa la slob dpon gyi las kyi cho ga dang/ slob ma 'jug pa la sogs pa gsungs pa yin no/ /dkyil 'khor chen po'i tshul gyis ni/ /dkyil 'khor thams cad thig gdab bo zhes bya ba ni dpal rdo rje sems dpa' i dkyil 'khor chen po'i
 dbyibs ltar 'di'i dkyil 'khor thig gdab par bya'o/ /de'i nang du snga ma bzhin du ka ba brgyad kyi tshul gyis pad+ma 'dab ma brgyad pa la pad+ma'i phreng bas yongs su bskor ba bri ba ni rdo rje 'jig rten dbang phyug dang pad+ma rdo rje yid las byung ba dang/ pad+ma kI li kI la dang/ pad+ma dran
 pa dang/ pad+ma bsnyems pa'i sngags thig skud la lan brgya rtsa brgyad bzlas shing/ oM badzra sU tra mA ti kra ma hUM zhes bya ba rdo rje bsdams pa bzung la thig skud la brgya rtsa brgyad bzla bar bya'o/ /de nas de dkyil 'khor thig gdab bo/ /de bzhin du thams cad du yang bdag po
 lnga'i sngags bzlas pa sa'i rjes la thig gdab pa'i sngags thig skud la lan brgya rtsa brgyad bzlas pa yin par shes par bya'o/ /rdo rje 'jig rten dbang phyug bzhag /pad+mas mtshan pa'i tshogs rnams bri zhes bya ba ni de ltar dkyil 'khor thig btab nas/ de bzhin du
 yang bdag po lnga'i sngags bzlas la/ tshon rtsi dgya ba byas la bcom ldan 'das rdo rje 'jig rten dbang phyug dkyil 'khor dbus su ji lta ba bzhin du bzhag cing bzhugs su gsol ba pad+ma'i rdo rje yid las byung ba nas pad+ma 'bebs pa'i bar du rang
 rang gi gnas su ji lta ba bzhin du bri bar bya'o/ /oM h+ri(rgyud 'grel dpon rdo rje pad+ma'i phyag rgya dang/ badzra badzra zhes bya ba rdo rje shugs zlos shing rdo rje sems dpa' i dkyil 'khor chen por 'jug pa'i glu yang len cing 'jug par bya'o/ /rdo rje bsdams pa las byung ba'i dang po'i rdo rje bcings la mdzub mo gnyis bsgreng
 la bkug ste/ pad+ma'i 'dab ma gnyis kyi tshul gyis bkan te bzhag la snying ga'i phyogs su bzhag pa ni rdo rje pad+ma ste dkyil 'khor du 'jug pa'i phyag rgya'o/ /'dis zhugs pa la cho ga thams cad rjes su spyad de/ dkyil 'khor ji lta ba bzhin du bsgrub
 par bya'o/ /de nas bsdu ba byas la mtshan brgya rtsa brgyad kyis yang dag par bstod nas/ bcom ldan 'das 'khor dang bcas pa'i dkyil 'khor du spyan drang bar bya'o/ /mdzub mo'i lcags kyu gnyis kyis zhes bya ba la 'jug pa'i phyag rgya'i mjug
 mo gnyis kyis lcags kyu gnyis byas la spyan drang ba'i sngags zlos shing des dgug par bya'o/ /de nas zhes bya ba la sogs pa ni go bar zad do/ /cho ga rgyas pa thams cad de bzhin no zhes bya ba ni rdo rje sems dpa' i dkyil 'khor du cho ga thams cad
 ji ltar gsungs pa 'dir yang de bzhin du bya'o zhes bya ba'i tha tshig go /de ltar gzhung 'dis slob dpon gyis las kyi cho ga dang slob ma 'jug pa la sogs pa'i cho ga rgyas par gsungs pa yin no/ /yang 'di'i don brjod par bya ste bdag bsrung ba dang gnas
 bsrung ba byas nas rdo rje 'khor lo'i phyag rgyas bcom ldan 'das rdo rje 'jig rten dbang phyug gi gsung gi dkyil 'khor sprul te/ phyag 'tshal ba la sogs pa byas nas sdom pa gzung bar bya'o/ /de nas rdo rje thal mo dang rdo rje bsdams pa bcings la rdo rje bsdams pa snying
 gar dral bar bya'o/ /de nas rdo rje 'bebs pas bdag nyid la dbab par byas la rang gi snying gar phyag rgya dgrol bar byas nas rdo rje khu tshur gyis dam tshig gi phyag rgya bcings la snga ma bzhin du dang po'i rdo rje bcing bar bya'o/ /de nas rang gi snying gar phyag rgya thams cad dgrol
 bar byas la sdig pa rnams dral bar bya'o/ /de nas rang gi snying gar gnas pa'i rdo rje pad+ma'i rdo rje 'jig rten dbang phyug gi snying po oM d+hi baM ho zhes bya ba yid kyis bris la de nyid yid la zlos shing swa b+hA ba shu d+d+ha sarba d+harmA zhes bya bas chos thams cad bdag med par bsgom
 par bya'o/ /de nas rang gi sems dbyangs kyi yi ge bcu drug snying po dang bcas pa las zla ba'i dkyil 'khor gyi gzugs su bsam par bya'o/ /de'i steng du yi ge ka la sogs pa gsal ba'i snying po dang bcas pa las zla ba'i dkyil 'khor gnyis pa bsam par bya'o/ /
 yang de nyid du snying po dang bcas pa las dang po'i rdo rje rtse lnga pa rdo rje pad+mar bsams la de'i dbu su snying po bsams te/ rdo rje pad+ma bdag go zhes bsgom zhing/ pad+ma las pad+ma'i rigs sprul la des 'gro ba thams cad 'dul bar byas nas/ de yang pad+ma der
 yid kyis bcug la pad+ma de rdo rje sems dpa' i byin gyis brlab pa'i sbyor bas dpal rdo rje sems dpa' i cho ga rnam par bsams la snying po rdo rje 'jig rten dbang phyug bdag nyid rdo rje sems dpar bsams nas 'di skad ces brjod do/ /mahA sa ma ya satwa haM/ de nas
 'phags pa spyan ras gzigs dbang phyug gi dam tshig gi phyag rgya bcings la 'di skad brjod do/ /sa ma yo haM dam tshig gi phyag rgya de nyid kyi snying ga dang dpral ba dang lkog ma spyi bor byin gyis brlabs la sa ma ya satwa a d+hi tiSh+Tha swa mAM zhes brjod do/ /de nas snying
 po zlos shing rdo rje 'jig rten dbang phyug gi phyag rgya chen po bcing bar bya'o/ /de nas nam mkha' dang mnyam pa'i sbyor bas rang gi snying ga'i zla bar yid kyi zhugs la rdo rje 'khor lo'i phyag rgyas bcom ldan 'das kyi dkyil 'khor de bzhin du bskyed
 la/ 'jug pa'i phyag rgyas me tog gi phreng bas blangs la 'jug pa'i cho gas 'jug par bya'o/ /de nas rang gi mgor me tog gi phreng ba dor la langs te ji lta ba bcings nas/ dngos grub kyi rdo rje brtul zhugs kyi bar gyi cho ga rnams rjes su spyad la/ dkyil
 'khor de rang gi snying ga'i zla bar bcug ste/ rdo rje sems dpa' i dkyil 'khor chen po las bshad pa'i rnal 'byor chen po bsgrub pa'i tshul gyis rdo rje 'jig rten dbang phyug gi rnal 'byor chen po bsgrub par bya'o/ /de nas dang po'i rdo rjes rdo rje sems
 dpa' la sogs pa byin gyis brlabs nas dngos grub kyi rdo rje brtul zhugs kyi bar gyi cho ga rjes su spyad par bya'o/ /de nas de kho na nyid kyi rdo rje pad+ma gzung zhing chos kyi dril bu dkrol la dam tshig gi phyag rgya chen por byin gyis brlabs te snying po lan gsum bzla
 bar bya'o/ /de nas pad+ma'i mtshon cha ma la sogs pa phyag rgya'i mchod pa bcu gnyis kyis bdag nyid la yang dag par mchod nas phyag rgya chen po bcings te yid kyis nam mkha' i phyogs su gnas nas rang gi snying po brjod par bya'o/ /de nas de nyid du rdo rje
 'khor lo'i phyag rgya nam mkha' ltar mdza' yas pa'i rang gi dkyil 'khor bskyed la lha thams cad kyi gnas su h+ri las sna tshogs pad+ma'i gdan bskyed de/ ting nge 'dzin gsum nas brtsams te ji srid dkyil 'khor mngon du mthong bar gyur pa de srid kyi bar du
 nyin re zhing bsgom par bya'o/ /de nas sngar bshad pa bzhin du dkyil 'khor gyi sa'i dbus su 'dug la cho ga rnams de bzhin du rjes su spyad cing rdo rje 'khor los rang gi dkyil 'khor nam mkha' dang mnyam pa de bzhin du bskyod nas sna tshogs pad+ma'i gdan nam
 mkha' ltar mdza' yas par 'dug ste snga ma bzhin bdag nyid spro ba bskyed par bya'o/ /de nas de bzhin du sangs rgyas thams cad spyan drang par byas nas ting nge 'dzin gsum po bsgom par bya'o/ /de nas bcom ldan 'das 'jig rten dbang phyug gi phyag rgya chen po bcings
 la de'i snying po brjod par bya'o/ /de nas de bzhin gshegs pa thams cad kyis de bzhin du bdag nyid la gsol ba btab par bsam par bya'o/ /de nas snga ma bzhin du cho ga thams cad rjes su spyad la rang gi dam tshig gis phyag rgyas bcings te/ oM d+hi baM ho badzro da tiSh+Tha maN+Da
 la ud tha pa ya zhes zlos shing/ dkyil 'khor bteg la nam mkha' i phyogs su bzhag ste bdag nyid de nyid kyi rang gi dam tshig gi phyag rgyas byin gyis brlabs la yang phyag rgya chen po bcings te/ phyag rgya la gnas de bzhin langs/ /kun tu rnam par bltas nas ni/ /
 snying po yang dag zlos byed cing/ /bsgyings pa'i tshul gyis yongs su bskor/ /de nas rdo rje sems dpa' i dkyil 'khor chen por sngar bshad pa'i sngar gyi cho ga rnams rjes su spyad la dkyil 'khor thig gdab ste bris nas/ 'jig rten dbang phyug 'khor dang bcas pa
 sngar bshad pa'i snying pos gnas ji lta ba bzhin du dgod par bya'o/ /de nas sgo phye la pad+ma'i khu tshur gyis pad+ma'i lcug ma las bum pa dang bum pa gang ba la de bzhin du bzlas te lha rnams la dbul bar bya'o/ /de nas mchod pa rnam pa lnga dang mchod pa thams
 cad kyis kyang bcom ldan 'das 'khor dang bcas pa la yang dag par mched la/ rdo rje gnod sbyin la sogs pa bzlas pa'i gos dmar pos smad g.yogs dang stod g.yogs byas la/ phyag bya ba la sogs pa'i cho ga rjes su spyad nas sdom pa blangs la byang chub
 kyi sems bskyed nas g.yas pa'i pad+ma'i khu tshur gyis rdo rje pad+ma gzung la rang gi snying ga'i phyogs su 'dzin cing rang gi snying ga'i zla ba rdo rje pad+ma'i snying ga'i zla bar rdo rje pad+ma'i snying po 'dis bsam par bya'o/ /su ra ta sa ma yastwaM ha badzra sid+d+ha ya thA su khaM/ de nas
 shar phyogs kyi sgo nas bltas te phyi rol na gnas pa'i bum pa'i chus bdag nyid dbang bskur la 'jug pa'i phyag rgyas bcings te de nyid kyis me tog gi phreng ba blangs la badzra badzra zhes zlos shing rdo rje sems dpa' i dkyil 'khor chen por bshad pa'i
 'jug pa'i glu zlos shing rang gi cho gas snga ma bzhin du 'jug par bya'o/ /de nas rang gi cho ga rjes su spyad la pad+ma'i khu tshur gyis rnam par rgyal ba'i bum pa las chu blangs la de nas des bdag nyid ji lta ba bzhin du dbang bskur la/ 'od dpag tu med pa'i dbang
 bskur ba dang/ pad+ma'i dbang bskur ba yang blangs la 'od dpag tu med pa dang/ pad+ma'i phreng ba dag dang ldan pa'i cod pan gyis dbang bskur nas rdo rje pad+ma dang/ bdag po dang ming gis dbang bskur bas dbang bskur te de bzhin du dngos grub kyi rdo rje brtul
 zhugs blang bar bya'o/ /de nas de bzhin du de kho na nyid kyi rdo rje pad+ma gzung la chos kyi dril bu dkrol la dam tshig gi phyag rgya chen por byin gyis brlabs nas snying po bzla bar bya'o/ /de nas mchod pa rnam pa lnga dang/ pad+ma'i mtshon cha ma la sogs pa phyag
 rgya'i mchod pa bcu gnyis kyi gang bdag nyid la mchod nas bcom ldan 'das las tshigs su gcad pa lngas rjes su gnang ba dang/ gzengs bstod pa dang/ lung bstan pa dang/ rang gi sngags gzung ba dang/ phyag rgya bzhi'i ye shes nye bar bstan pa
 dang/ /bcom ldan 'das la phyag 'tshal te blangs nas yang de bzhin du bdag la byin gyis brlab pa la sogs pa byas te rang gi ming nas brjod la rdo rje bsgrub par bya'o/ /de nas pad+ma'i slob dpon gyis/ /sems dpa' i rdo rje lcags kyu bcing/ /se gol
 mang po gdab byas nas/ /sangs rgyas thams cad bsdu bar bya/ /de nas mtshan brgya rtsa brgyad pas bstod par byas la sngar bshad pa'i lcags kyus bcom ldan 'das 'khor dang bcas pa dkyil 'khor du bcug la/ rdo rje gnod sbyin dang/ khu tshur
 dang bsrung bas las rnams de bzhin du byas nas bcom ldan 'das 'khor dang bcas pa la rang gi sngags kyis mchod yon phul la/ dam tshig gi phyag rgya rnams kyis bcom ldan 'das 'khor dang bcas pa la bsgrub par bya'o/ /de nas chos dang las dang
 phyag rgya chen pos rgyas btab la dbang bskur nas yang mchod yon phul la mchod pa rnam pa lnga dang pad+ma'i mtshon tsham la sogs pa phyag rgya'i mchod pa rnams kyis yang dag par mchod la phyi rol tu gtor ma byin la sbyin sreg bya'o/ /de nas yang bcom ldan
 'das la mchod nas rnam par sgeg pa'i dga' ba'i rdo rje phyag bzhis kyang phyag byas/ ji srid dngos grub kyi mtshan ma thob par gyur pa de srid kyi bar du dkyil 'khor bsgom par bya'o/ /de nas phyag byas la 'di skad du/ srid pa'i sbyor ba rnam dag phyir zhes bya ba la sogs
 pa brjod do/ /de ltar bka' nos nas slob ma gzhug par bya'o/ /slob dpon gyi las kyi cho ga rdzogs so// //de nas bslab pa'i gzhi lnga yongs su gzung ba 'am dge slong ma 'am/ dge slong gi bslab pa yongs su ma gzung ba sdom pa don du gnyer ba dag sdom
 pa 'dzin du gzhug go /de nas de'i snying gar pad+ma'i khu tshur gyis rdo rje pad+ma bzhag la de bzhin du rdo rje pad+ma bskyed par bya'o/ /de nas slob ma rdo rje 'jig rten dbang phyug du byin gyis brlabs la dri dang me tog la sogs pas de yon gyis mchog blangs nas/ shar gyi phyogs kyi sgor
 kha bltas te phyi rol na gnas pa'i bum pa'i chus dbang bskur la rang gi 'jug pa'i cho gas gzhug par bya'o/ /de nas de'i rna bar 'dod chags dang bral ba zhes bya ba nas ma byed cig ces bya ba'i bar du brjod par bya'o/ /de nas cho ga lhag ma rnams ni de bzhin gshegs
 pa'i dkyil 'khor du bshad pa las shes par bya'o/ /slob ma 'jug pa la sogs pa'i cho ga rdzogs so// //de ltar slob dpon gyi las kyi cho ga dang/ slob ma 'jug pa la sogs pa'i cho ga bshad pas dam tshig dang dbang bskur ba thob pa rnams la slob dpon gyi
 dngos grub kyi ye shes thob par bya'o/ /zhes bya ba'i don bstan pa'i phyir bsgrub pa zhes bya ba la sogs pa yin te/ de sgrub pa ni sgrub pa'i thabs so/ /dngos grub thams cad ces bya ba ni dpal rdo rje sems dpa' i dkyil 'khor la bshad pa'i dngos grub ji
 skad bshad pa de thams cad bstan pa'o/ /'di skad ston te bdag bsrungs dang gnas bsrung ba byas la bcom ldan 'das kyi sku gzugs lugs ma'am brkos ma la sogs pa mdun du bzhag ste/ gsum la skyabs su 'gro ba dang/ byang chub kyi sems blangs la
 rdo rje thal mo dang rdo rje bsdams pa bcing par bya'o/ /de nas rdo rje bsdams pa snying gar dkrol lo/ /de nas rdo rje dbab pa bskyed la rdo rje 'bebs pa'i phyag rgya de bzhin du dkrol te/ rdo rje khu tshur gyi dam tshig gi phyag rgya bcing bar bya'o/ /de nas dang po'i rdo rje bcings
 la rang gi snying gar gnas pa'i rdo rje pad+ma la bzlas par bya ba'i sngags bsams te/ chos thams cad bdag med pa la sogs pa bsgoms la dam tshig sems dpar byin gyis brlab pa'i bar gyi cho ga rdzogs par byas nas/ phyag rgya chen po bcings nas ye shes
 sems dpa' rang gi lus la gcug la dam tshig gi phyag rgya sgrub ste/ chos dang las dang phyag rgya chen pos rgyas btab pa nas de bzhin gshegs pa thams cad rang gi lus la bcug ste/ dam tshig gi phyag rgya bsgrub par bya'o/ /de nas de rnams chos dang
 las dang phyag rgya chen pos rgyas btab nas dang po'i rdo rjes de bzhin du bdag nyid byin gyis brlabs la/ de bzhin gshegs pa'i sku'i mchog bcings te 'od dpag tu med pas dbang bskur la/ pad+ma'i phreng ba'i rigs pas pad+ma'i phreng ba'i dbang bskur ba yang blangs
 la rdo rje pad+ma'i bdag po dang/ ming gi dbang bskur ba yang blangs te dngos grub kyi rdo rje brtul zhugs gzung nas pad+ma'i mtshon cha ma la sogs pa'i gsang ba'i mchod pa bzhis bdag nyid mchod la/ rnam par sgeg pa'i dga' ba'i rdo rje dang phyag bzhis phyag byas nas
 rdo rje pad+ma de kho na nyid kyi gzung la/ chos kyi pad+ma'i dril bu dkrol te de nas dam tshig gi phyag rgya chen por byin gyis brlabs nas/ rang gi snying po lan gsum bzlas nas rang gi snying ga'i gnas pa'i rdo rje pad+ma la bzlas par bya ba'i sngags yid kyis bris te/ rdo rje ting nge 'dzin
 kyi tshig gis zlos shing bzlas pa'i don gyis bdag nyid rdo rje 'jig rten dbang phyug du bsgom par bya ste zla ba gcig gam/ zla ba drug gam/ lo gcig gam dus ji srid kyi bdag nyid rang gi lha'i skur mngon sum du mthong bar gyur pa de srid kyi bar du nyin re zhing bsgom
 par bya'o/ /de nas zla ba phyed tsam bsgoms nas rdo rje 'jig rten dbang phyug du 'gyur ro/ /de bzhin du dngos grub gzhan dag bsgrub pa la yang snga ma'i rjes su 'brangs nas shes par bya'o/ /de nas ma bsgrubs pa ni zhes bya ba la sogs pa snga ma bzhin no/ /sgrib pa thams cad
 rnam par sbyad ba la ni pad+ma chen pos so zhes bya ba la ni/ de bzhin du rdo rje 'jig rten dbang phyug gi sbyor ba byas la thal mo khong stong bcings te mthe bo gnyis dang mthe chung gnyis phye la pad+ma 'dab ma bzhi pa'i tshul du snying gar bzhag pa 'dis ni pad+ma chen po'o/ /'di
 bcings nas swa b+hA pa shud+d+ho mahA zhes bya ba'i snying po 'di zlos shing bsgoms na de lta bus sgrib pa thams cad rnam par sbyong bar 'gyur ro/ /thams cad bsrung ba la ni pad+ma'i gtsug tor gyis so zhes bya ba ni de bzhin du rdo rje 'jig rten dbang phyug gi sbyor ba byas la pad+ma chen
 po'i phyag rgyas bcings te spyi bor bzhag la yid kyis grub par bya ba dang lhan cig tu byas la/ bsgrub par bya ba skyes bu chen po'i mtshan spyi gtsug ltar mngon pa dang ldan pa'i rdo rje 'jig rten dbang phyug du bsgom par bya ste de lta bus ni thams cad bsrung bar 'gyur ro//
 thams cad rjes su chags par bya ba la ni pad+ma la bltas pas so zhes bya ba ni de bzhin du rdo rje 'jig rten dbang phyug gi sbyor ba byas la rang gi snying ga'i phyogs su pad+ma chen po bcings te/ de nyid la rdo rje'i lta bas blta zhing pad+ma'i 'dab ma kha phye ba la sogs pas rang nyid 'jig
 rten dbang phyug sku mdog dmar po dang/ /pad+ma dmar po'i 'od zer gyi tshogs kyis bsgrub par bya ba kun tu bkang zhing kha dog dmar por byas la rjes su chags par bsams te/ de lta bus ni thams cad rjes su chags par 'gyur ro/ /thams cad dag pa'i ting nge
 'dzin thob pa la ni pad+ma kha 'byed pas so zhes bya ba ni de bzhin du rdo rje 'jig rten dbang phyug gi sbyor ba byas la pad+ma chen po bcings te/ de'i sor mo thams cad kyis pad+ma kha phye ba byas la chos thams cad rang bzhin gyis rnam par dag pa'o zhes bsgom zhing/ bdag nyid
 pad+ma kha 'byed pa'i tshul gyis gnas shing 'jig rten dbang phyug tu bsam par bya ste/ de lta bus ni thams cad dag pa'i ting nge 'dzin thob par 'gyur ro/ /bud med thams cad dbang du bya ba la ni pad+ma chen po'i 'dod chags kyis so zhes bya ba ni de bzhin du rdo rje 'jig rten
 dbang phyug gi sbyor ba byas la/ rang gi snying ga'i phyogs su pad+ma chen po bcings te mdzub mo gnyis gung mo gnyis kyi rgyab tu sbyar la gung mo dang mthe bong gnyis gzhibs la mig 'bras kyi tshul du byas pa 'di ni rdo rje spyan pad+ma'i 'dod chags zhes bya ba yin te 'di
 bcings la pad+ma rdo rje yid las byung ba kha dog dmar po bdag nyid bsgom zhing pad+ma dmar po'i 'od kyi tshogs kyis bsgrub par bya ba'i gnod sbyin ma la sogs pa'i gzugs kun tu gang ba bya zhing kha dog dmar por byas nas 'od kyi tshogs de yang drangs pa rang gi
 tshogs de yang drangs la rang gi rkang pa'i drung du bzhag nas/ lung nod pa la 'bad pas rab tu gdug cing bdag nyid dang nor gyi phyogs par byed cing dbang du gyur par bsam par bya ste de lta bus ni bud med thams cad dbang du 'gyur ro/ /skyes pa thams cad dbang du
 bya ba la ni pad+ma'i dbang gis so zhes bya ba ni de bzhin du 'jig rten dbang phyug gi sbyor ba byas la pad+ma chen po bcings te mdzub mo legs so zhes bya ba sbyin par bya'o/ /bdag nyid kyang pad+ma legs pa'i sku kha dog dmar po bsams la bsgrub par byed pad+ma dmar po'i
 'od kyis bkang ste bkug nas rang gi rkang mthil 'dud par byas te/ /de lta bus ni skyes pa thams cad dbang du 'gyur ro/ /rmi lam gdab pa la ni pad+ma chen po dmar pos so zhes bya ba ni de bzhin du rdo rje 'jig rten dbang phyug gi sbyor ba byas la bcom ldan 'das spyan drangs
 te/ mchod pa thams cad kyis yang dag pa ji lta ba bzhin du yang dag par mchod la mtshan phyed kyi dus su pad+ma chen po bcings la/ dpral ba'i phyogs su bzhag la 'di skad du/ bcom ldan 'das rdo rje 'jig rten dbang phyug bden pa gang gis chos thams cad rmi lam lta bu yin
 pa'i bden pa des mngon par 'dod pa'i don de rmi lam du mthong zhing ston par mdzod cig ces brjod la/ de nas ji srid yid skyo bar ma gyur pa de srid kyi bar du snying po bzla bar bya'o/ /de nas rdo rje 'jig rten dbang phyug de nyid la gsol ba 'debs shing g.yas logs
 phab ste nyal na thams cad ston par mdzad do/ /bcom ldan 'das las mchog thob par bya ba la ni rdo rje gsang ba'i pad+ma rmongs pa med pas so zhes bya ba ni de bzhin du rdo rje 'jig rten dbang phyug gi sbyor ba byas la bcom ldan 'das mdun du spyan drangs te/ cho ga thams
 cad ji lta ba bzhin du rjes su spyad la pad+ma chen po bcings te/ g.yon pa'i mthe bong dang mdzub mo skye gnas su byas par g.yas pa'i mthe bo'i mtshan bcug la mchog gsol ba 'debs pa'i bsam pas snying po bzla bar bya ste/ de lta bus mchog thams cad thob par
 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las/ bcom ldan 'das rdo rje 'jig rten dbang phyug gi rtog pa'i rgyal po rdzogs so// //de ltar log par lta ba
 spang ba'i phyir pad+ma'i rigs bstan nas/ da ni ser sna spang ba'i phyir rin po che'i rigs gsungs pa ni/ de nas zhes bya ba la sogs pa gsungs pa yin te/ de nas zhes bya ba'i sgra ni snga ma bzhin te dang po sbyor ba'i rjes thogs nyid la zhes bya ba'i tha tshig go /'dir dang
 po'i sbyor ba ni dpal rdo rje sems dpa' i dkyil 'khor chen por bshad pa yin no/ /bcom ldan 'das zhes bya ba ni rnam par snang mdzad do/ /'jig rten gsum po ma lus pa'i bdag po zhes bya ba ni phyogs bcu na gnas pa'i khams gsum pa
 thams cad khams gsum pa ma lus pa'o/ /de'i bdag por gyur pa ni khams gsum pa thams cad na spyod pa'i nyon mongs pa bag chags dang bcas pa spangs pas chos kyi rgyal srid thob pa'i phyir ro/ /khams gsum pa der rang dbang thob pas na dbang phyug go /
 de bzhin gshegs pa zhes bya ba ni bshad zin to/ /bsam pa thams cad rdzogs pa'i rin chen zhes bya ba la sogs pa rin po che'i rigs rnams thob par sred pa ni bsam pa thams cad do/ /des 'dul ba'i sems can gyi khams la rin po che'i rigs grub
 ba de la kun nas yongs su bskyed cing rdzogs par mdzad pa ni yongs su rdzogs pa'o/ /de'i don gyi rdo rje rin po che'i rtse mo rdo rje rtse lnga pas mtshan pa yid bzhin gyis nor bu rin po che'o/ /de las byung ba ni rin po che'i rigs kyi tshul gyis dbang bskur ba'i phyag rgya
 ni/ rdo rje rin chen gyi dbang bskur ba'i phyag rgya'o/ /gang yang ming de skad ces btags shing de la dmigs pa'i ting nge 'dzin de ni bsam pa thams cad yongs su rdzogs pa'o/ /rdo rje rin po che dbang bskur ba'i phyag rgya zhes bya ba'i ting nge 'dzin te snyoms
 pas zhugs shing mngon du mdzad de/ nor bu'i rigs kyi rnam par thugs rtse gcig tu mdzad ces bya ba'i tha tshig go /rang gi rdo rje sems dpa' la sogs pa ni bshad zin to/ /'gro ba zhes bya ba la sogs pa la 'gro ba ni sems can gyi
 khams rnams so/ /de'i 'byor ba ni rnam par 'byor cing phun sum tshogs pa ste nor bu'i rigs grub ces bya ba'i tha tshig go /de lta bu'i don du nor bu'i rin po che'i rigs kyi mchog bskyed par mdzod cig pa ni nyid kyi phyag na gnas pa'i
 rdo rje rin po che las byung bar gsol zhes pa'o/ /de nas bcom ldan 'das zhes bya ba ni bcom ldan 'das kyis gsol ba'i rjes thogs nyid la bcom ldan 'das rdo rje 'chang chen pos rig pa gsungs so zhes bya bar sbyar ro/ /ci zhig mdzad nas she na de bzhin
 gshegs pa thams cad kyis zhes bya ba la sogs pa smos te/ de bzhin gshegs pa thams cad kyis dbang bskur ba ni nor bu'i rigs te de nyid dam tshig go /rab tu bzhag pa ni khams gsum pa'i sems can thams cad kyi bsam pa thams cad yongs su rdzogs par
 bya ba'i phyir phyi ma'i mthar thug pa med par bzhag pa'o/ /de'i don du rdo rje ltar mi phyed pa gang yin pa de la ming de skad ces bya ba'i rnam par gnon pas nor bu'i rigs yang dag par ston pas don thams cad de/ de ni de bzhin gshegs pa thams cad kyi dbang bskur ba
 la rab tu bzhag pa rdo rje zhes bya ba'i rnam par gnon pa mdzad nas rdo rje rin po che'i nor bu'i rigs kyis rgyal mtshan te/ mtshan ma gang yin pa'i rig pa de la ming de skad ces bya ste rdo rje rin po che'i rgyal mtshan zhes bya ba'i rig pa de gsungs pa ni bka' gsal ba ste/
 oM li Ti ba be Da Te traM zhes bya ba'o/ /bcom ldan 'das kyis dbang bskur ba'i bde ba chen po rdo rje las byung ba ni/ /bcom ldan 'das rdo rje 'chang chen po'i mdzod spu'i phyags nas ji skad du bshad pa'i mtshan nyid dang ldan pa'i nor bu rin po che ste/ yid bzhin gyi
 nor bu rin po che byung nas bcom ldan 'das rdo rje 'chang chen po'i phyag g.yon par rab tu gnas so/ /de nas zhes bya ba la sogs pa la bcom ldan 'das kyi phyag g.yon par gnas pa'i rdo rje rin po che de las so/ /nyon mongs pa'i dri ma thams cad dang bral bas na
 dag pa'o/ /kha dog ji lta bu zhe na mrgad rnyog pa med pa'i mdog can no zhes bya ba gsungs te/ rnyog pa ni dri ma dang bcas pa'o/ /rnyog pa dang bral ba ni rnyog pa med pa'o/ /mrgad ni rin po che'o/ /de dang mdog 'dra ba gang yin pa de ni mrgad rnyog pa med pa'i
 mdog can de/ bri yang ku ltar mdog ljang ser zhes bya ba'i tha tshig go /rdo rje rin po che'i rang gi 'od zer gyis dbang bskur ba zhes bya ba ni rdo rje rin po che'i rang gi 'od gang yin pa des dbang bskur ba'i cod pan gang la mnga' ba de ni rdo rje rin po che'i rang gi 'od
 zer gyis dbang bskur ba ste rdo rje rin po che'i 'od zer las grub pa'i rdo rje rin po che'i cod pan gyi dbang bskur ba yin na zhes ston no/ /de mtshon cha ci zhig bsnams zhe na/ nor bu rin po che'i mda' la sogs pa'i mtshan ma yongs su bsnams pa zhes bya ba smos te rdo rje
 yid las byung ba de dag nyid rang gi mtshan ma nor bus mtshan ma thogs te byung de zhes bya ba'i tha tshig go /byung nas gang du bzhugs she na/ bcom ldan 'das kyi dkyil 'khor chen po'i tshul gyis bzhugs so/ /zhes bya ba smos te/ bcom ldan 'das rdo rje
 sems dpa' i dkyil 'khor chen po'i dbyings kyi bcom ldan 'das 'phags pa nam mkha' i snying pos yongs su bskor te bzhugs so/ /de ltar de nas zhes bya ba nas brtsams te dkyil 'khor chen pos bzhugs so zhes bya ba'i bar gyis bshad pas ting nge 'dzin
 gnyis pa bshad pa yin no/ /de nas bsdu ba bya'o/ /de nas de bzhin du cho ga thams cad rjes su spyad la/ rin po che lcags kyu la sogs pas bcom ldan 'das 'khor dang bcas pa dgug pa dang/ gzhug pa dang bcing ba dang/ dbang du byas la dam
 tshig phyag rgyas bsgrub par bya'o/ /de nas chos dang las dang phyag rgya chen pos rgyas btab nas rdo rje rin chen gyi dbang bskur ba'i phyag rgyas dbang bskur nas las la sbyar ba ni las kyi rgyal po mchog ces bya ba'i ting nge 'dzin gsum pa yin no/ /de nas
 lam rnams bshad par bya ste bcom ldan 'das 'phags pa nam mkha' i snying po'i phyag rgya chen po bcings la bcom ldan 'das nam mkha' i snying po sems can gyi khams thams cad rang gi dbang bskur bas dbang bskur bar mdzad cig ces brjod par bya'o/ /de bzhin du nor
 bu rin po che 'bebs pa'i phyag rgya chen po bcings la/ /bcom ldan 'das nor bu rin po che 'bebs pa sems can gyi khams thams cad rang bzhin gyis 'od gsal ba'i nor bu rin po che 'bebs pa'i ye shes kyi dbang du mdzod cig ces bya ba'i bar du brjod par bya'o/ /de
 ltar ting nge 'dzin gsum bshad nas/ da ni dam tshig dang dbang bskur ba thob pa rnams kyi bzlas pa dang bsgom par bya'o/ /zhes bya ba 'di ni bya ba bstan pa'i phyir/ de nas dkyil 'khor chen po zhes bya ba la sogs pa'i slob dpon gyi las kyi cho ga dang/ slob ma 'jug pa la sogs
 pa'i cho ga rgyas pa gsungs pa yin no/ /de nas zhes bya ba'i sgra ni snga ma bzhin no/ /dkyil 'khor zhes bya ba ni 'byung ste zhes bya bar don gyi sbyar ro/ /dkyil 'khor chen po'i tshul gyis ni zhes bya ba ni rdo rje sems dpa' i dkyil 'khor chen po'i dbyings kyis so/ /dkyil
 'khor thams cad thig gdab po zhes bya ba ni phyi'i dkyil 'khor thig gdab po zhes bya ba'i tha tshig go /nang gi dkyil 'khor ni dum bu dang po las bshad pa'i nor bu rigs kyi dkyil 'khor ltar shes par bya ste/ gang gi phyir 'og nas rigs thams cad 'khor
 lo'i khyad par de ltar bshad pa'i phyir ro/ /rdo rje 'khor lor gang bstan pa de ni 'khor lo dam pa'o/ /de bzhin du 'bar ba'i 'khor lo ni pad+ma 'dab ma brgyad pa'i nor bu chen por bya'o/ /rdo rje rin chen bdag po bzhag /nor bu'i rigs ni chen po yi zhes bya ba ni
 dkyil 'khor dbus su bcom ldan 'das 'phags pa nam mkha' i snying po bris la rdo rje yid las byung ba'i gnas su rin po che yid las byung ba la sogs pa bri'o/ /rdo rje rin chen gyi phyag rgyas bzhugs te zhes bya ba ni rdo rje thal mo brkyang la mdzub mo dang mthe bo'i rtse mor sbyar
 te/ dpral ba'i mdzad spu'i gnas su bzhag pa 'di ni thams cad dbang bskur ba'i phyag rgya ste/ rdo rje rin chen gyi phyag rgya'o/ /'dis me tog gi phreng ba blangs la/ badzra badzra zhes bya ba dang/ rdo rje sems dpa' i dkyil 'khor chen por gsungs pa'i 'jug pa'i klu zlos
 shing dkyil 'khor du ji lta ba bzhin du 'jug par bya'o/ /mdzub mo gnyis po de nyid lcags kyur byas la dgug pa bya zhing zhugs nas cho ga thams cad rdzogs par byas la 'jug pa'i phyag rgyas mdzub mo gnyis lcags kyu gnyis su byas te de dang spyan
 'dren pa'i sngags kyi dkyil 'khor gyi lha thams cad bkug nas dkyil 'khor du gzhug par bya'o/ /de nas zhes bya ba ni go sla'o/ /cho ga rgyas pa thams cad de bzhin no zhes bya ba ni dpal rdo rje sems dpa' i dkyil 'khor du gsungs pa'i bsgrub par bya ba dang sgrub pa'i
 rgyun rnams gzung ngo zhes bya ba'i tha tshig go /'di skad ston te bdag bsrung ba dang/ gnas bsrung ba byas la bcom ldan 'das rdo rje 'jig rten dbang phyug gi cho ga bshad pa'i tshul gyis sdig pa dral ba'i mthar thug pa'i cho ga rnams rjes su spyad nas rang gi snying
 gar gnas pa'i rdo rje rin po che la oM li Ti ba be Ta te taM zhes bya ba yid kyi bris la rig pa 'di nyid yid la zlos shing chos thams cad nam mkha' dang mnyam par bsgom par bya'o/ /de nas rig pa de nyid dang dbyangs kyi yi ge bcu drug dang bcas pas rang gi sems zla
 ba'i dkyil 'khor du bsams la/ de'i steng du rig pa de nyid dang/ ka la sogs pa nas k+Sha'i mthar thug pa skar ma lta bu'i gzugs can 'dra ba las zla ba'i dkyil 'khor gnyis pa'o/ /yang zla ba'i dkyil 'khor gnyis pa rig pa de dang bcas pa las dang
 po'i rdo rje bsam par bya'o/ /de nas rig ba zlos shing rdo rje de rdo rje rin po cher bsams la/ rin po che'i dbus su rig pa yi ge rnam par bsams nas de nyid yid la zlos shing sangs rgyas thams cad kyi dbang bskur ba dang/ bcom ldan 'das rdo rje las kyi
 mchod pa'i dam tshig gi dngos grub grub par bsgom zhing de thams cad las nor bu'i rigs yid kyis spros te/ des sems can gyi khams thams cad kyi bsam pa thams cad yongs su rdzogs par byas nas de rnams der bcug la/ rin po che'i nga rgyal
 bsgom par bya'o/ /de nas rin po che de sems dpar byin gyis brlab pa'i sbyor bas bdag nyid rdo rje sems dpar bskyed la/ yang rig pa zlos shing rdo rje sems dpa' de 'phags pa nam mkha' i snying por bdag nyid bsam par bya'o/ /de nas mahA sa ma ya satwa haM zhes
 nga rgyal bskyed la/ rang gi dam tshig gi phyag rgyas bcings te/ sa ma ya ho haM zhes bya bas dam tshig ni bdag yin no zhes bsgom par bya'o/ /de nas dam tshig gi phyag rgya de nyid kyis rang gi snying ga dang dpral ba dang lkog ma dang spyi bor byin gyis brlab par bya
 zhing sa ma ya satwa a d+hi tiSh+Tha swa mAM zhes bya bas dam tshig sems dpar byin gyis brlab par bya'o/ /de nas sems dpa' i skyil mo krung du 'dug la g.yon pa'i rin po che'i khu tshur gyis rdo rje rin po che gzung la bsnyems tshul du byas te lag pa g.yas la nor
 bus mtshan pa'i dang po'i rdo rje rang gi snying gar bstod pa'i tshul gyis 'jog cing rig pa bzla bar bya ste 'di ni bcom ldan 'das kyi phyag rgya chen po'o/ /de nas nam mkha' dang mnyam pa'i sbyor bas rang gi snying ga'i zla bar yid kyis zhugs la rdo rje 'khor los 'phags
 pa nam mkha' i snying po'i dkyil 'khor bskyed la 'jug pa'i phyag rgya bcings te/ des me tog gi phreng ba blangs la dkyil 'khor du 'jug par bya'o/ /zhugs nas me tog phreng ba rang gi mgo la dor bar bya'o/ /de nas de rang gi mgo la ji lta ba bzhin du bcings te/
 dngos grub kyi rdo rje brtul zhugs kyi bar gyi cho ga rdzogs par byas nas/ dkyil 'khor de rang gi snying ga'i zla bar zhugs par bsams la sngar bshad pa'i tshul gyis rnal 'byor chen po byas nas cho ga thams cad rjes su spyad la phyag rgya chen po bcings te/ yid kyis
 nam mkha' i phyogs su 'dug ste yang rdo rje 'khor los nam mkha' i phyogs su rang gi lha'i dkyil 'khor bskyed la/ lha thams cad kyi gnas su h+ri las sna tshogs pad+ma'i gdan bskyed par bya'o/ /de nas dkyil 'khor gyi sa'i dbus su de bzhin du 'dug la bdag nyid  
 la spro ba bskyed par bya'o/ /de nas de bzhin du sangs rgyas thams cad spyan drang ba byas nas ting nge 'dzin gsum bsgom par bya'o/ /de nas bcom ldan 'das nam mkha' i snying po'i phyag rgya chen po bcings la rang gi rig pa brjod par bya'o/ /de nas de
 bzhin du de bzhin gshegs pa thams cad kyi bdag nyid la gsol ba btab par bsam par bya'o/ /de nas cho ga snga ma bzhin du rjes su spyad la bcom ldan 'das kyis rang gi dam tshig gi phyag rgya bcings te rang gi rig pa zlos shing badzrod tiSh+Tha maN+Da
 laM u tha ba yA zhes bya bas dkyil 'khor de nam mkhar bzhag ste dam tshig gi phyag rgya de nyid kyis bdag nyid la lan gcig byin gyis brlabs la yang phyag rgya chen po bcings te/ phyag rgya la gnas de bzhin langs/ /kun tu rnam par bltas nas ni/ /
 rang gi rig pa yongs zlos shing/ /bsgyings pa'i tshul gyis yongs su bskor/ /de nas rdo rje sems dpa' i dkyil 'khor chen po bshad pa'i cho gas snga ma bzhin du cho ga thams cad rjes su spyad la dkyil 'khor thig gdab po/ /yang dag par bris la sngar
 bshad pa'i mtshan nyid dang ldan pa'i bcom ldan 'das nam mkha' i snying po 'khor dang bcas pa gnas ji lta ba bzhin du dgod par bya'o/ /bcom ldan 'das kyis dgod pa'i rig pa ni rang gi rig pa nyid yin no/ /rin po che yid las byung ba la sogs pa
 ni rdo rje sems dpa' i dkyil 'khor chen po las bshad pa'i snying po rnams yin no/ /de ltar dkyil 'khor yang dag par bris la sgo phye la g.yas pa'i rin po che'i khu tshur gyis gzung ba'i rin po che'i me tog gi lcug ma las bum pa dang/ bum
 pa gang ba la yongs su bzlas la lha thams cad la dbul bar bya'o/ /de nas mchod pa rnam pa lnga dang mchod pa thams cad kyis kyang bcom ldan 'das 'khor dang bcas pa las yang dag par mchod la rdo rje gnod sbyin la sogs pa yongs su bzlas pa'i
 ras ser pos stong g.yogs dang smad g.yogs dang gdong g.yogs byas la/ phyag bya pa la sogs pa'i cho ga rjes su spyad de sdom pa gzung nas byang chub sems bskyed de g.yas pa'i rin po che khu tshur gyis rdo rje rin po che gzung la rang gi snying gar 'jog cing
 snying po 'dis snying gar rdo rje rin po che bsam par bya'o/ /su ra te sa ma yastwaM ho badzra sid+d+hi ya tA su khaM/ de nas shar sgor bltas nas phyi rol na gnas pa'i bum pa'i chus g.yas pa'i rin po che'i khu tshur gyis blangs la bdag nyid la dbang bskur bar bya'o/ /de
 nas 'jug pa'i phyag rgya bcings ba de nyid kyi me tog phreng ba blangs la badzra badzra zhes bzlos shing rdo rje sems dpa' i dkyil 'khor chen por bshad pa'i 'jug pa'i glu yang 'don cing dkyil 'khor du ji lta ba bzhin du 'jug par bya'o/ /de nas rang gi cho ga rjes su spyad de g.yas
 ba'i rin po che khu tshur gyis rnam par rgyal ba'i bum pa las chu blangs nas de bzhin ji lta ba bzhin du dbang bskur zhing/ rdo rje rin po che'i phyag rgya dang rin po che'i cod pan gyis kyang bdag nyid dbang bskur la/ rdo rje rin po che dang bdag po dang ming gis dbang bskur bas kyang
 dbang bskur la dngos grub kyi brtul zhugs blangs te dum bu dang po las bshad pa'i tshul gyis de kho na nyid kyi rdo rje rin po che gzung zhing chos kyi dril bu dkrol la/ de bzhin du dam tshig gi phyag rgya chen por byin gyis brlabs la snying po bzla bar bya'o/ /de nas mchod
 pa rnam pa lnga dang rin po che'i mtshon cha la sogs pa phyag rgya'i mchod pa bcu gnyis kyis yang dag par mchod la bcom ldan 'das las tshigs su bcad pa lngas rjes su gnang ba dang gzengs bstod pa dang/ lung bstan pa dang/ rig pa dang/ phyag rgya
 bzhi nye bar bstan pa bcom ldan 'das la phyag byas nas mnos la/ yang bdag la byin gyis brlab pa byas la/ rang gi ming nas kyang brjod nas/ dkyil 'khor de bzhin du rdo rje bsgrub par bya'o/ /de nas rin chen slob dpon gyis/ /sems dpa' i lcags kyu
 bcings nas ni/ /sel gol mang po brdab kyis la/ /sangs rgyas thams cad bsdu bar bya/ /de nas mtshan brgya rtsa brgyad pas bstod pa byas nas/ sngar bshad pa'i lcags kyus bcom ldan 'das 'khor dang bcas pa'i dkyil 'khor du
 bcug ste/ rdo rje gnod sbyin dang khu tshur dang bsrung bas las rnams byas la/ bcom ldan 'das 'khor dang bcas pa la rang gi rig pas mchod yon phul la/ dam tshig gi phyag rgyas bcom ldan 'das 'khor dang bcas pa bsgrub par bya'o/ /de nas
 chos dang las dang phyag rgya chen po rgyas btab la dbang bskur ba'i phyag rgyas dbang bskur ba dang yang mchod yon phul la mchod pa rnam pa lnga dang/ rin po che'i mtshon cha me la sogs pa phyag rgya'i mchod pa bcu gnyis kyis yang dag par mchod nas/ phyi
 rol tu gtor ma byin la sbyin sreg bya'o/ /de nas yang bcom ldan 'das la yang dag par mchod de rnam par mchod de rnam par sgeg pa'i dga' ba'i rdo rje dang phyag rgya bzhis kyang phyag byas la chen po bcings te ji srid mtshan ma thob pa de srid kyi bar du dkyil
 'khor bsgom par bya'o/ /de nas phyag byas nas/ srid pa'i bde ba rnam dag phyir zhes bya ba la sogs pa brjod par bya'o/ /de ltar bka' mnos nas slob ma gzhug par bya'o/ /slob dpon gyi las kyi cho ga rdzogs so// //de nas bslab pa'i
 gzhi lnga yongs su 'dzin pa 'am dge sbyong dang dge slong gi bslab pa gzung ba'i slob ma la rig pa'i sdom pa ji lta ba bzhin du 'dzin du gzhug go /de nas de byang chub kyi sems bskyed pa byed du gzhug go /de nas de'i snying gar rin po che'i khu tshur gyi rdo rje rin po
 che blangs la bzhag ste snga ma bzhin du bskyed do/ /de nas slob ma 'phags pa nam mkha' i snying por byin gyis brlabs la dri dang me tog la sogs pas mchod nas yon gyi mchog blangs te shar sgor bltas te phyi rol na gnas pa'i bum pa'i chus dbang bskur la/ rang
 gi 'jug pa'i tshul gyi dkyil 'khor du zhugs par bya'o/ /de nas de'i rna bar chags bral lta bu zhes bya ba la sogs pa brjod par bya'o/ /cho ga lhag ma rnams ni de bzhin gshegs pa'i dkyil 'khor du bshad pa las shes par bya'o/ /slob ma 'jug pa la sogs
 pa'i cho ga rgyas pa rdzogs so// //de ltar slob dpon gyi las kyi cho ga dang/ slob ma 'jug pa la sogs pa'i cho ga rgyas par bshad nas/ da ni dam tshig dang dbang bskur ba thob pa rnams la slob dpon gyis bsgrub pa'i ye shes bslab par bya'o/ /zhes bya ba 'di'i
 don bstan par bya ba'i phyir de bzhin du zhes bya ba la sogs pa gsungs te/ de nas ma bsgrub pa'i las rnams lan gcig bzlas par 'gyur ro/ /zhes bya ba ni ji skad bshad pa'i bsgrub pa byas pa na gang gi tshe rnal 'byor pas ji skad du bshad pa'i dngos grub ma thob
 na de'i tshe rang gi rig pa de lan gcig bzlas pa'i rjes thogs nyid la 'chad par 'gyur ba'i las rnams grub par 'gyur ba'o/ /'di skad ston te bdag bsrung ba dang gnas bsrung ba byas nas bcom ldan 'das nam mkha' i snying po'i sku gzugs lugs ma
 'am brkos pa la sogs pa mdun du bzhag pa de la phyag byas nas gsum la skyabs su 'gro ba dang/ byang chub kyi sems bskyed pa dang/ dang po'i rdo rje bcing ba'i bar du byas la rdo rje thal mo la sogs pa'i phyag rgya bcing ba'i cho ga rnams rjes su spyad de/ rang
 gi snying gar gnas pa'i rdo rje rin po che la rig pa yid kyis bris la/ chos thams cad bdag med par bsgoms nas dam tshig sems dpar byin gyis brlab pa'i bar gyi cho ga thams cad snga ma bzhin du rjes su spyad par bya'o/ /de nas phyag rgya chen po bcings
 la ji skad du bshad pa'i ye shes sems dpa' rang gi lus la bcug ste/ dam tshig gi phyag rgyas bsgrubs nas/ chos dang las dang phyag rgya chen pos rgyas btab la de bzhin du de bzhin gshegs pa thams cad rang gi lus la bcug ste/ de nas chos dang
 las dang phyag rgya chen pos rgyas btab la dang po'i rdo rje byin gyis brlab pa snga ma bzhin du byas la/ rdo rje rin chen gyi phyag rgyas bdag nyid dbang bskur te rdo rje rin po che dang/ bdag po dang ming gi dbang gis dbang bskur la dngos grub kyi rdo rje brtul
 zhugs gzung nas/ rin po che mtshon cha ma la sogs pa gsang ba'i mchod pa bzhis bdag nyid yang dag par mchod de/ rnam par sgeg pa'i dga' ba'i rdo rje dang phyag rgyas bcom ldan 'das la phyag byas la de kho na nyid kyis rdo rje gzung zhing chos kyi dril bu
 dkrol bar bya'o/ /de nas dam tshig gi phyag rgya chen por byin gyis brlab po/ /de nas rang gi rig pa lan gsum bzlas la/ rang gi snying gar gnas pa'i rdo rje rin po che la rig pa yid kyis bris la/ rang gi tshig gis zlos shing bzlas pa'i don gyis bdag nyid
 rdo rje rin po che'i rigs kyi bdag po zhes bya ba 'phags pa nam mkha' i snying po zla ba gcig la sogs pa ji srid mngon du gyur pa de srid kyi bar du bsgom par bya'o/ /de nas zla ba phyed tsam gyi bar du bsgoms nas bsgrubs na 'phags pa nam mkha' i snying por 'gyur ro/ /de
 bzhin du dngos grub gzhan dag kyang sngar bshad pa'i rjes su 'brangs nas bsgrub par shes par bya'o/ /de ltar bsgrub pa 'dis gang gi tshe snying por grub par ma gyur pa de'i tshe de ma grub pa ma yin te/ ma grub pa de yang las 'di byed par 'gyur ro/ /dbang bskur ba thams
 cad thob pa la ni rdo rje rin po che myu gus so zhes bya ba ni de bzhin du 'phags pa nam mkha' i snying po'i sbyor ba byas la/ 'phags pa nam mkha' i snying po'i rdo rje rin chen gyi phyag rgya thal mo las byung ba bcings la gung mo gzhibs te rtse mor byas nas rig pa zlos shing dpral
 ba'i phyogs su bzhag la 'phags pa nam mkha' i snying pos bdag nyid dbang bskur bar bsam par bya ste/ de lta bus dbang bskur ba thams cad thob par 'gyur ro/ /nor thams cad thob pa la ni rdo rje rin chen gyi rgyal mtshan gyi rtse mos so zhes bya ba ni de bzhin du
 'phags pa nam mkha' i snying po'i sbyor ba byas la bshad ma thag pa'i rdo rje rin chen gyi phyag rgya bcings la/ rdo rje rin chen dkrol te/ rdo rje thal mo khong stong byas nas srin lag gnyis gzhibs te rtse mor byas la mthe'u chung gnyis phye ste brkyang ba 'di ni rdo rje rin chen gyi
 rgyal mtshan gyi rtse mo ste 'di bcings la rig pa zlos shing gter la sogs pa thob par bsam par bya ste de lta bus ni nor thams cad thob par 'gyur ro/ /bsam pa thams cad yongs su rdzogs par bya ba la ni rdo rje nor bu chen po'i mtshan ma'i phyag rgyas so zhes bya ba ni rdo rje
 rin chen bcings la/ gung mo gnyis nor bur bya ba 'di ni rdo rje nor bu chen po'i mtshan ma'i phyag rgya ste 'di bcings la snga ma bzhin du 'phags pa nam mkha' i snying po'i rnal 'byor byas la rig pa zlos shing mngon par 'dod pa ni nor bu thob pa grub par bsams te de lta bus
 ni bsam pa thams cad yongs su rdzogs par 'gyur ro/ /gter chen po thob pa la ni rdo rje rin chen gyis 'og gi phyag rgyas so zhes bya ba ni 'phags pa nam mkha' i snying po'i sbyor ba byas la/ rdo rje rin chen bcings te mthe'u chung gnyis gzhibs nas rtse mor byas la
 rig pa bzla bar bya'o/ /'di ni rdo rje rin chen gyi sa 'og gi phyag rgya ste 'di bcings nas yid kyis gter blangs la gdeg par bya ste/ de lta bus ni gter chen po thob par 'gyur ro/ /rdo rje dbang bskur ba thob pa la ni zhes bya ba ni nor bu'i mtshan ma la sogs pa rdo rje
 thob pa ni rdo rje dbang bskur ba thob pa ste/ bcom ldan 'das 'phags pa nam mkha' i snying po'i rdo rje thob pa zhes bya ba'i don to/ /de ji ltar thob par 'gyur zhe na/ rdo rje rin chen chen po'i sa 'og gi phyag rgyas so zhes bya ba gsungs te de bzhin du 'phags pa nam mkha' i
 snying po'i sbyor ba byas la rdo rje rin chen bcings la/ 'di thur du blugs pa ltar byas pa 'di ni rdo rje rin po che'i sa 'og gi phyag rgya ste 'di bcings la stong pa nyid bsgom zhing 'phags pa nam mkha' i snying pos gzugs brnyan lta bu nor bus mtshan pa'i dang po'i
 rdo rje stsol ba la sogs pa mdun du bsam par bya ste de lta bus ni rdo rje dbang bskur ba thob par 'gyur ro/ /rdo rje dbang bskur ba thob pa la zhes bya ba la rdo rje rin chen gyi cod pan gyi dbang bskur ba thob pa la ni rdo rje dbang bskur ba thob pa ste de ji
 ltar 'gyur zhe na/ rdo rje chen po'i phreng bas so zhes bya ba gsungs te de lta bus ni rdo rje dbang bskur ba thob par 'gyur ro/ /rdo rje bsdams pa bcings la mdzub mo gnyis kyis nor bur byas la 'di ni rdo rje phreng ba chen po 'di bcings te/ 'phags pa nam mkha' i snying
 po'i sbyor bas dbang bskur bar gsol ba'i bsam pas bcom ldan 'das mdun na dbang bskur stsol ba la brtson par mdzad par bsam par bya ste/ de lta bus ni rdo rje phreng ba chen po'i dbang bskur ba thob par 'gyur ro/ /byang chub sems dpa' chen por dbang
 bskur ba thob pa la ni zhes bya ba ni byang chub sems dpa' chen po 'phags pa nam mkha' i snying po'i dbang bskur ba thob pa ni byang chub sems dpa' chen po'i dbang bskur ba thob pa'o/ /de ji ltar 'gyur zhe na/ rdo rje rin po che chen po'i phreng bas so zhes bya bas so zhes bya ba
 gsungs te rdo rje bsdams pa bcings te mthe bong dang mdzub mo dang/ gung mo'i sor mos nor bu rin po che gsum byas te mdun dang mgo bo dang rna ba gnyis kyi steng du bdag nyid dbang bskur ba byas te/ 'di ni rdo rje rin chen gyi phreng ba'o/ /'di bcings la
 de bzhin gshegs pa nam mkha' i snying po'i sbyor bas mdun du yang bcom ldan 'das bsams nas de nas dbang bskur ba blang bar bya'o/ /de bzhin gshegs pa'i dbang bskur ba thob pa la ni zhes bya ba la ni rnam par snang mdzad la sogs pa de
 bzhin gshegs pa'i dbang bskur ba thob pa ni de bzhin gshegs pa'i dbang bskur ba thob pa'o/ /de ji ltar 'gyur zhe na/ rdo rje rin chen gyi dbang bskur ba dam pa'i phreng bas so zhes bya ba gsungs te/ de bzhin du nam mkha' i snying po'i sbyor ba byas la bdag nyid rnam par snang mdzad la sogs pa
 de bzhin gshegs pa'i skur bsams te/ rdo rje bsdams pa las byung ba'i rdo rje rin chen gyi phyag rgyas bcings la mdzod spu'i gnas su bzhag nas/ mdzub mo gnyis kyi rgyab tu mdud ste dar dbyangs kyi tshul du bya'o/ /'di bcings la rig pa bzlas nas de
 bzhin gshegs pa'i dbang bskur ba thob par 'gyur ro/ /rdo rje 'dzin pa chen po'i dbang bskur ba thob pa la ni de bzhin gshegs pa thams cad kyi sku'i mchog gi rdo rje rin chen gyi cod pan gyi phreng bas so zhes bya ba ni de bzhin du 'phags pa nam mkha' i
 snying po'i sbyor ba byas la rdo rje sems dpar bdag nyid bsams te/ rdo rje bsdams pa bcings la mthe'o gnyis dpa' bo'i skyil krung du byas la mdzub mo gnyis bkug ste zlum par bya ba ni sku'o/ /gung mo gnyis gshibs te bsgred ba ni mchog ste de bzhin
 gshegs pa'i sku'i mchog 'di dang rig ba zlos shing shar nas brtsams nas mdun dang/ g.yas dang/ rgyab dang/ g.yon du cod pan gyi tshul du byas la mdun du de bzhin du mdud la phreng ba'i tshul gyis rgyab tu mdud la sgeg pa dang bcas pas mdza' nas dkrol
 ngos gnyis ka nas dar dbyangs 'phyar ba'i tshul du bya'o/ /'di ni de bzhin gshegs pa thams cad kyi sku'i mchog rdo rje rin chen gyi dbang bskur ba'i phreng ba yin te/ de sangs rgyas lnga'i cod pan gyi dbang bskur ba'i rdo rje 'dzin pa chen por 'gyur ro/ /dpal mchog
 dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las gsungs ba'i 'phags pa nam mkha' i snying po'i rtog pa bshad pa rdzogs so// //de ltar dum bu gnyis pa rtsa ba'i rgyud du rigs lnga'i dkyil
 'khor bstan nas/ de ni 'jig rten dang 'jig rten las 'das pa'i dkyil 'khor du 'jug pa'i dang/ dbang bskur ba dang/ bsgrub pa dang dngos grub rnams dkyil 'khor gcig nyid du bsdu bar bya ba'i phyir/ de nas zhes bya ba la sogs pa bsdus pa'i dkyil
 'khor gsungs pa yin no/ /de nas zhes bya ba'i sgra ni snga ma bzhin te dang po'i sbyor ba rjes thogs la zhes bya ba'i tha tshig go /'di dang po'i sbyor ba ni dpal rdo rje sems dpa' i dkyil 'khor chen po bshad pa nyid yin par shes par bya'o/ /bcom
 ldan 'das zhes bya ba ni rnam par snang mdzad de rdo rje sems dpa' la gsol ba btab po zhes bya bar sbyar ro/ /bcom ldan 'das khyad par ji lta bu zhig ce na/ rigs thams cad kyis zhes bya ba la sogs pa gsungs te/ rigs kyang yin la thams cad kyang
 yin pas na rigs thams cad do/ /de rnams kyis bsdus pa ni nye bar bsdus pa'o/ /rdo rje ltar mi phyed par byin gyis brlabs shing phyi ma'i mthar thug pa med par bstan pa byas pa gang yin pa de brnyes shing thugs su chud do zhes bya ba'i tha tshig go /bcom ldan
 'das ci zhig mdzad nas bcom ldan 'das rdo rje sems dpa' la gsol ba btab ce na/ sems can thams cad ces bya ba gsungs te/ sems can yang yin la thams cad kyang yin pas na sems can thams cad de/ rdo rje sems dpa' la sogs pas 'dul ba rnams
 so/ /de rnams gzhug par bya ba'i phyir 'khor lo bsdus pa'i dkyil 'khor te de nyid rdo rje ltar mi phyed pa'i phyag rgya gang yin pa de la ming de skad ces btags pa de la mi dmigs pas na sems can thams cad 'jug pa'i 'khor lo rdo rje'i phyag rgya zhes bya ba'i ting nge
 'dzin gang yin pa de la snyoms par zhugs shing mngon sum du mdzad nas/ bcom ldan 'das rnam par snang mdzad kyis bcom ldan 'das thog ma dang tha ma med pa'i rdo rje sems dpa' la sogs pa btab par mdzad pa ni gsol ba btab par gyur pa ste/ bcom
 ldan 'das rnam par snang mdzad bsdus pa'i dkyil 'khor gyi rnam par thugs rtse gcig tu mdzad nas/ bcom ldan 'das rdo rje sems dpas sems can thams cad der 'jug cing der bskyed par bya ba'i phyir/ bcom ldan 'das rdo rje sems dpa' la gsol ba
 yin no/ /bde ba chen po rab grub phyir/ /'dod chags chen po yongs dag pa zhes bya ba ni bshad zin to/ /bde ba chen po'i don gyi phyir zhes bya ba ni bde ba yang yin la chen po yang yin pas bde ba chen po ste/ rnal 'byor pa sngags pa thams cad kyi stobs kyis 'jig
 rten pa'i bde ba gang yin pa de yang thar pa chen po mngon du byed pa'i rgyur gyur pas bde ba chen po yin te/ de'i don bsdus pa'i dkyil 'khor du 'gro ba rnams 'jug par gyis shig pa'o/ /ci bde ba zhes bya ba ni ci 'dod par ro/ /de nas bcom ldan 'das kyi snying po
 thams cad gsungs so zhes bya bar sbyar ro/ /de nas zhes bya ba'i sgra ni de ma thag pa ste gsol ba btab pa'i rjes thogs nyid la'o/ /thams cad ces bya ba la sogs pa ni de khyad par du byed de/ 'jig rten gsum po thams cad las rgyal ba ni thams cad las rgyal ba
 ste rdo rje hUM mdzad do/ /de yang rab tu dga' ba'i rdo rje khro bo'i sku dang ldan pa 'dis dbang phyug chen po la sogs pa 'jig rten gsum po las rnam par rgyal bas na de skad ces bya ste/ dbang phyug chen po la sogs pa dad pa'i sems can gyi khams ni 'gro ba ste/ des
 dbang phyug chen po la sogs pa'i tshul gyis rang bzhin gyis dag pa'i shes rab kyi pha rol tu phyin pa'i lam la rab tu 'jog cing 'dul bar mdzad pas 'gro ba 'dul ba ste 'jig rten dbang phyug go /dam tshig thams cad ces bya ba la ni sangs rgyas dang byang chub
 sems dpa' rnams rigs kyi dran pa dang shes rab dang rab tu ldan pa'i shes rab dang/ sems dang sems las byung ba dang/ de bzhin gshegs pa'i dkyil 'khor ni/ sangs rgyas dang byang chub sems dpa' thams cad kyis 'da' bar bya ba ma yin pas na
 dam tshig thams cad do/ /dngos grub thams cad rab tu gsol ba zhes bya ba ni nor bu'i rigs chen po'i tshul gyis sems can thams cad la 'jig rten dang 'jig rten las 'das pa'i dngos grub rnams rab tu stsol bas na dngos grub thams cad stsol ba'o/ /
 rdo rje 'chang chen po zhes bya ba ni rdo rje sems dpa' i dkyil 'khor chen por thams cad du song ba'i rdo rje chen po 'dzin par mdzad ba 'am/ de kho na nyid kyi rdo rje chen po 'dzin par mdzad pas sam gzhan dag tu byang chub chen por mtshan nyid can gyi
 thugs kyis rdo rje 'chang chen po'i zhes bya ste/ sems dpar byin gyis rlob pa'i sbyor ba las byung ba'i rdo rje sems dpa' o/ /de yang de ltar na bcom ldan 'das rdo rje 'chang chen po nyid gang yin zhe na/ sems dpar byin brlabs sbyor bas ni/ /bdag la byin brlabs
 mchog grub pa/ /nyin re grub pa de yis ni/ /rdo rje sems dpa' nyid thob bo/ /zhes 'og nas bshad pa'i phyir ro/ /ston ba po zhes bya ba ni bden pa rtog par bya ba'i phyir yang dag pa'i lam rtogs par 'chad pas sems can rnams 'dul zhing rang
 gi bka' bsgo ba la 'jog par mdzad pas na ston pa'o/ /bsrung mdzad ces bya ba ni ngan 'gro ba la sogs pa'i 'jigs pa thams cad las 'phags pa gtsug tor rnam par rgyal ba la sogs pa'i gzungs dang/ 'di las bshad pa ji skad du
 gsungs pa'i las kyi phyag rgya rnams kyis sems can rnams kun tu bsrung bar mdzad nas bsrung ba'o/ /stobs dang pha rol gnon pa thog pa med pa zhes bya ba ni/ de bzhin gshegs pa'i stobs bcu dang sku'i stobs de rnams dang thogs pa med pa dang/ cho
 'phrul bzhis sems can gyi don mdzad pa ni pha rol gnon pa ste thogs pa med pas so/ /rnam par gnon pa don yod pa grub pa zhes bya ba ni thogs pa med par sems can gyi don gyi bya ba mdzad pa ni don yod par grub pa'o/ /de nyid 'di'i rnam par
 gnon pa yin pa na rnam par gnon pa don yod par grub ba zhes bya'o/ /yon tan gyi khyad par ji lta bu dang ldan pa'i bcom ldan 'das rdo rje 'chang chen pos snying po thams cad gsungs so/ /ci zhig mdzad nas she na/ thams cad las rjes su ston pa
 zhes bya ba gsungs te/ rdo rje sems dpa' la sogs pas 'dul ba ni thams cad de/ de rnams rjes su 'dul bar mdzad pas na thams cad la rjes su bstan pa'o/ /rdo rje sems dpa' la sogs pa'i bsgrubs pas rdo rje sems dpa' la sogs pa grub cing de'i don
 du'o/ /dam tshig gis ba spus pa'i dkyil 'khor ni dkyil 'khor ro zhes bshad de/ de nyid dam tshig ces grags so zhes bshad pa'o/ /de rdo rje ltar mi byed pa'i pha rol gnon pa de yis bsdus pas sems can gyi don mdzad pas rtsal de la de skad ces bya ste/ de
 mdzad pa ni bsdus pa'i dkyil 'khor sprul pa des 'dul ba'i sems can gyi khams rnams 'dul bas na zhes bya ba'i tha tshig go /bde ba'i dngos grub thams cad kyis dam tshig ces bya ba ni dngos grub kyang yin la thams cad kyang yin pas na dngos grub thams
 cad de/ rdo rje sems dpa' la sogs pa 'jig rten las 'das pa bde ba'i dngos grub thams cad do/ /de rnams kyi dam tshig ni skye ba'i rgyu'o/ /ming de skad ces bya zhing don yod par 'bras bu dang bcas pa yin la/ /mtshungs pa med pa ni 'dra ba med pa'o/ /rigs
 thams cad kyi ngo bo nyid bsdus pa'i dkyil 'khor bskyed pa'i rgyu 'o/ /snying po thams cad bsrungs pa ni bka' stsal pa ste/ ho a hUM h+ri traM zhes bya ba'o/ /de nas zhes bya ba la sogs pa bsdus pa'i dkyil 'khor bskyed par byed pa'i snying po bcom ldan 'das rdo rje
 'chang chen pos gsungs pa tsam gyis so/ /de bzhin gshegs pa thams cad ces bya ba la sogs pa la thams cad kyang yin la/ de bzhin gshegs pa yang yin pas na de bzhin gshegs pa thams cad de/ dpal rdo rje sems dpa' la sogs pa
 'jig rten khams thams cad kyi rdul phra rab dang mnyam pa rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'i sku sprul pa'i sku dang bcas pa'o/ /de rnams kyi dkyil 'khor ni rdo rje sems
 dpa' dang/ rnam par snang mdzad kyi dkyil 'khor ro/ /de dang po gyur pa gang yin pa de ni de bzhin gshegs pa thams cad la sogs pa'i dkyil 'khor ro/ /de gang yin zhe na/ 'jig rten dang 'jig rten las 'das pa zhes bya ba smos te/ de la
 'jig rten pa'i dkyil 'khor ni ming po gsum dang/ sring mo bzhi dang/ lha ma yin dang/ klu'i dkyil 'khor ro/ /'jig rten las 'das pa'i ni/ rdo rje sems dpa' dang de bzhin gshegs pa dang/ rab tu dga' ba'i rdo rje khro bo dang/ 'jig rten dbang phyug dang/
 'phags pa nam mkha' i snying po'i dkyil 'khor ro/ /dkyil 'khor chen po der zhes bya ba ni bsdus pa'i dkyil 'khor du'o/ /yang dag par gnas pa zhes bya ba ni de'i khongs su chud pa'o/ /dkyil 'khor gcig tu gyur ta zhes bya ba ni bsdus pa'i dkyil 'khor
 du gyur pa'o/ /de ltar na de nas bcom ldan 'das zhes bya ba nas brtsams te dkyil 'khor gcig tu gyur ta zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas bsdu ba'i sngon du 'gro ba ni gsum pa yin par shes par
 bya'o/ /dam tshig dang dbang bskur ba thob pas bzlas brjod dang bsgom par bya'o zhes bya ba 'di'i cho ga bstan par bya ba'i phyir/ de nas zhes bya ba la sogs pa slob dpon gyi cho ga dang/ slob ma 'jug pa la sogs pa'i cho ga rgyas pa gsungs pa yin no/ /de nas
 zhes bya ba'i sgra ni snga ma bzhin te ting nge 'dzin gsum gyi rjes thogs nyid la/ bcom ldan 'das rdo rje 'chang chen pos dkyil 'khor thams cad gsungs so zhes bya bar sbyar ro/ /ming de skad ces bya zhe na/ sems can thams cad ces bya ba la sogs pa smos
 te sems can thams cad ni rdo rje sems dpa' la sogs pa 'dul ba rnams so/ /des bsdus pa'i dkyil 'khor du zhugs pa ni sems can thams cad rjes su zhugs pa'o/ /de'i don du bde ba chen po las byung ba'i dang po'i rdo rje dam tshig bde ba chen po'i rdo
 rje dam tshig ste bsdus pa'i dkyil 'khor ro/ /de nyid skye bo thams cad dang thun mong ma yin pas na gsang ba'o/ /ming de skad ces bya ba'i dkyil 'khor thams cad gsungs pa ni bka' stsal pa'o/ /dkyil 'khor chen po'i tshul gyis ni/ /dkyil 'khor
 thams cad kun tu dri zhes bya ba ni dum bu gnyis pa'i rtsa ba'i dkyil 'khor gyi dbyibs ltar 'di'i gzhi'i dkyil 'khor kun tu bri bar bya'o/ /dkyil 'khor chen po dang por ni/ /de yi dbus su brtag par bya zhes bya ba la dpal rdo rje sems dpa' i dkyil
 'khor ni chen po dang de gzhi'i dkyil 'khor de'i dbus su ste re'u cha dbus ma la brtag par bya zhing yang dag par bri bar bya'o/ /de'i zhes bya ba la dkyil 'khor dbus ma'i re'u cha dbus mar bris pas rdo rje sems dpa' i dkyil 'khor de'i phyogs bzhir de
 bzhin gshegs pa dang/ rdo rje dang/ pad+ma dang/ nor bu'i rigs kyi dkyil 'khor yang dag par bri bar bya'o/ /phyi'i dkyil 'khor gyi mtshams kyi mdza' ni phyi'i mtshams kyi mdza' ste/ de rnams kyi dbyibs kyi gnas la phyi'i dkyil 'khor gyi tshogs
 bri bar bya'o/ /sgo rnams kun tu 'jug par ni/ /rang gi phyag rgya rab tu gnas zhes bya ba ni rdo rje sems dpa' la sogs pa'i dkyil 'khor du 'jug pa'i ji ltar bshad pa bzhin du/ rdo rje sems dpa' la sogs pa'i dkyil 'khor nas klu'i dkyil 'khor
 gyi bar du 'jug par bya'o/ /de bas na 'dir sgo thams cad du 'jug pas na rang gi phyag rgya dang rjes su 'brel ba yin pas rang rang gi phyag rgya la rab tu ste shin tu gnas par 'gyur ba yin pas na rang gi phyag rgya dang rjes su 'brel to zhes bya ba'i tha tshig go /rdo rje
 shugs kyis 'jug bya zhing/ /dkyil 'khor dam pa lnga sdud do zhes bya ba ni rang gi dkyil 'khor gyi bdag po'i sbyor bas rnal 'byor byas la badzra badzra zhes zlos shing 'jug pa'i glu yang len cing 'jug par bya'o zhes bya ba'i tha tshig go/ /rdo rje sems dpa' dang
 rnam par snang mdzad dang/ rab tu dga' ba'i rdo rje khro bo dang/ rdo rje 'jig rten dbang phyug dang 'phags pa nam mkha' i snying po'i dkyil 'khor te/ dkyil 'khor lnga bdag nyid la rab tu sdud pa'i 'jug pas dkyil 'khor dam pa lnga sdud do zhes bya ba
 bsdus pa'i dkyil 'khor ro/ /dkyil 'khor gyi cho ga rgyas pa thams cad kyang de bzhin no zhes bya ba ni bsdus pa'i dkyil 'khor du gtogs pa'i rdo rje sems dpa' i dkyil 'khor rnams so/ /rang gi phyag rgyas 'jug pas so so'i khyad par gyi 'jug pa gsungs pa
 de bzhin du de dag las bshad pa'i so so'i sgrub pa dang/ bsgrub par bya ba'i khyad par yang de ltar bya ba yin par shes par bya'o/ /'di skad ston te rdo rje sems dpa' i sbyor bas rnal 'byor chen po byas la/ rang gi snying gar ji srid dkyil khor 'di mngon du mthong
 bar gyur pa de srid kyi bar du bsgom par bya'o/ /de nas rdo rje sems dpa' i dkyil 'khor chen po las bshad pa'i dang po'i sbyor ba bsgoms nas/ bsdus pa'i dkyil 'khor sprul ba ji lta ba bzhin du byas la las kyi rgyal po mchog bsgom par bya'o/ /de nas dang po'i
 rdo rjes dkyil 'khor 'di nam mkha' la bzhag la/ de nyid la bdag nyid kyis byin gyis brlabs la bsdus pa'i dkyil 'khor gyi snying po zlos bzhin du bskor bar bya'o/ /de nas dum bu gnyis pa'i rtsa ba'i rgyud las gsungs pa'i dang po'i dkyil 'khor ltar dkyil
 'khor thig gdab par bya'o/ /dkyil 'khor dbus ma'i dbus kyi re mig gi char rdo rje sems dpa' i dkyil 'khor chen por rdo rje yid las byung ba'i gnas su rnam par snang mdzad kyi dkyil 'khor/ kI li kI la'i gnas su rab tu dga' ba'i rdo rje khro bo'i dkyil 'khor
 rdo rje dran pa'i gnas su rdo rje 'jig rten dbang phyug gi dkyil 'khor/ rdo rje snying po'i gnas su nam mkha' i snying po'i dkyil 'khor/ phyi'i dkyil 'khor gyi snam bu la me'i mtshams kyi char ming po gsum gyi dkyil 'khor/ bden bral gyi mtshams su sring mo
 bzhi'i dkyil 'khor/ rlung gi mtshams su lha ma yin gyi dkyil 'khor/ dbang ldan gyi mtshams su klu'i dkyil 'khor thig gdab par bya'o/ /de nas ji lta ba bzhin du bris la rdo rje sems dpa' i dkyil 'khor du rdo rje sems dpa' i dkyil 'khor dang bcas pa bri bar bya'o//
 de bzhin du klu'i dkyil 'khor dang/ klu'i bdag po 'khor dang bcas pa'i bar du bri bar bya'o/ /gzhi'i dkyil 'khor gyi nang du dkyil 'khor gyi mtshams bzhir rdo rje sems dpa' i dkyil 'khor chen por bshad pa'i rdo rje sbrang rtsi ma la sogs pa bzhi bri bar bya'o/ /de
 nyid kyi phyi dang nang gi sgo rnams su rdo rje sems dpa' i dkyil 'khor chen po las gsungs pa'i sgo bsrungs bzhi bri bar bya'o/ /de nas cho ga thams cad rjes su spyad la/ rdo rje sems dpa' i sbyor bas rnal 'byor chen po byas la rdo rje sems dpa' i dkyil 'khor las bshad
 pa'i 'jug pa'i cho gas gzhi'i dkyil 'khor du 'jug par bya'o/ /de nas slob dpon gyi las thams cad byas la dkyil 'khor dbus ma'i dbus kyi ri'u char gnas pa'i rdo rje sems dpa' i dkyil 'khor du rang gi cho gas 'jug par bya'o/ /de bzhin du klu'i
 dkyil 'khor gyi bar la rang gi cho gas 'jug par bya'o/ /de nas slob dpon gyi las kyi cho ga thams cad bya'o/ /slob dpon gyi cho ga rgyas pa rdzogs so// //de nas rang gi 'jug pa la sogs pa'i cho ga bzhin du slob ma 'jug pa la sogs pa'i
 cho ga rgyas pa bya'o/ /slob ma 'jug pa la sogs pa'i cho ga rgyas pa rdzogs so// //de ltar slob dpon gyi las kyi cho ga dang/ slob ma 'jug pa la sogs pa'i cho ga rgyas par bshad nas/ da ni dam tshig dang dbang thob pa rnams la slob dpon
 gyis dngos grub kyi ye shes bslab par bya'o zhes bya ba'i don bstan pa'i phyir/ dkyil 'khor thams cad ces bya ba la sogs pa smos te/ rdo rje sems dpa' la sogs pa'i dkyil 'khor gang dang gang du dngos grub gang dang gang las gang dang gang
 bshad pa'i dngos grub dang/ las de dag thams cad bslab par bya'o zhes bya ba'i tha tshig go /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba dum bu gnyis pa rtsa ba'i rgyud las bsdus pa'i dkyil
 'khor gyi bshad pa rdzogs so// //de ltar sems can thams cad rjes su 'dzin par byed pas bsdus pa'i dkyil 'khor gsungs nas/ da ni ming po gsum gyi 'dul ba rnams kyi don du ming po gsum gyi dkyil 'khor gsungs pa ni/ de nas zhes bya ba la sogs pas gsungs pa yin no/ /de nas zhes
 bya ba'i sgra ni dang po sbyor ba'i rjes thogs nyid la 'dir dang po'i sbyor ba ni rdo rje sems dpa' i dkyil 'khor du bshad pa nyid yin no/ /lha la sogs pa zhes bya ba ni lha la sogs pa gang yin pa de ni lha la sogs pa ste/ lhag ma khro bo'i tshogs dang pho nya dang bran dang
 chung ma dang bcas pa'o/ /dam tshig sems dpa' thams cad ces bya ba ni bshad ma thag pa'i lha la sogs pa ste/ dam tshig sems dpa' yang yin la thams cad kyang yin pas dam tshig sems dpa' thams cad de/ de ltar grags pa'i lha la sogs pa'i
 gzugs ni kun rdzob kyi sems dpa' yin gyi/ byang chub kyi sems la sogs pa'i don dam pa'i bde ba'i rang bzhin ni ma yin no zhes bya ba'i don to/ /'dis ni 'jig rten pa'i shes pa'i rgyu 'thun pa las byung ba'i dam tshig gi sems dpa' bshad pa yin la 'jig
 rten las 'das pa ye shes kyi rgyu 'thun pa las byung ba ni sems dpa' chen po zhes bshad pa yin no/ /bcom ldan 'das las rang rang gi rjes su gnang ba nos te zhes bya ba ni bcom ldan 'das rdo rje 'chang chen po las snying po smra ba'i bka' nos nas rang rang
 gi snying po phul lo/ /'di zhes bya ba ni blo la gnas pa'o/ /sems can kun la bde slad du zhes bya ba ni/ 'jig rten pa'i lha la lhag par mos pa'i sems can rnams la 'jig rten pa'i lha'i dkyil 'khor bskyed pas sangs rgyas nyid thob pa'i phyir zhes
 pa/ phyir mi ldog pa'i sa bon bskyed pa ni bde ba yin te/ de'i don du bcom ldan 'das rdo rje 'chang chen po'i zhabs la phyag bya'o zhes bya ba ste/ bcom ldan 'das rdo rje 'chang chen po mnyes par bya ba'i phyir bdag nyid bcom ldan 'das kyis ci zhig bgyi zhes
 bya ba'i phyir rang gi gsang ba'i snying po ste/ rang gi shes pa'i nges pa ston par byed pa'i sgra'i tshul phul ba ni bstabs pa'o/ /de nas zhes bya ba'i sgra ni gnas skabs te rang gi gsang ba'i snying po 'di phul ba'i gnas skabs su zhes bya ba'i tha tshig go /'jig rten gsum
 pos gsol ba ni smras pa ste oM hUM h+ri zhes bya bas so/ /de ltar na lha la sogs pa zhes bya ba nas brtsams te/ oM b+hu h+ri zhes bya ba'i bar gyi bshad pas 'jig rten gsum gyi ting nge 'dzin gnyis pa gsungs pa yin no/ /de nas bsdu ba'i sngon du 'gro ba ni gsum
 ba yin par shes par bya'o/ /dam tshig dang dbang bskur ba thob pas bzlas brjod dang bsgom pa bya'o zhes bya ba 'di'i cho ga bstan par bya ba'i phyir/ de nas dkyil 'khor zhes bya ba la sogs pas slob dpon gyi las kyi cho ga dang/ slob ma 'jug pa la sogs pa
 ni cho ga rgyas par gsungs pa yin no/ /de nas zhes bya ba'i sgra ni 'das ma thag pa ste/ dam tshig gsum gyi rjes thogs nyid la'o/ /dkyil 'khor ces bya ba ni dkyil 'khor zhes bya bar shugs kyi sbyor ro/ /zur bzhi pa la sogs pa ni bshad zin to/ /gzhu'i se
 ral kha zhes bya ba ni gzhu'i mchod phyir thogs pa yod pa'o/ /mda' dang tsa sha ka zhes bya ba ni lag pa g.yas na mda' thogs pa/ g.yon na kha phor tsa sha ka zhes bya ba thogs pa'o/ /'jug pa ni mdung rtse gsum pa'i phyag rgyas so zhes bya ba ni/ ming po
 gsum gyi dkyil 'khor 'dir slob dpon 'jug pa na mdung rtse gsum pas mtshan ma'i phyag rgya 'og nas bshad pa'i mtshan nyid can gyi 'jug par bya'o/ /de'i mtshan nyid ni 'di yin te mdzub mo dang gung mo dang srin lag gzhibs te rtse gsum pa byas la
 mthe bo dang mthe'u chung gnyis gdu bur bsgres la shes par bya'o/ /pus mo'i lha nga zhes pa ni ming po gsum gyi dkyil 'khor du pus mo'i lha nga sa la btsugs te 'jug par bya'o zhes bya ba'i tha tshig go /zhugs nas dam tshig bcings nas ni/ /
 yang dag 'gugs pa nyid du bya zhes bya ba ni/ ji skad bshad pa'i 'jug pa'i phyag rgyas zhugs la/ dum bu dang po las bshad pa'i rang gi cho gas rang gi cho ga thams cad rdzogs par byas la/ bshad ma thag pa'i mdung rtse gsum pas mtshan pa'i phyag rgya las
 g.yas pa'i mdzub mo lcags kyur byas pa dang/ 'gugs pa'i snying po nyi shu rtsa gcig bzlas la ming po gsum 'khor dang bcas pa dgug par bya'o/ /de la 'gugs pa'i snying po 'di yin te/ oM b+hur b+hu ba swa(rgyud 'grel thams cad la zhugs par bya'o zhes bya ba ni/ de ltar ming po gsum dkyil 'khor dang bcas pa drangs nas dam tshig gi phyag rgya bsgrub par bya'o/ /de nas chos dang las dang phyag rgya chen pos rgyas btab la rdo rje rin chen gyi phyag rgyas dbang bskur la mchod
 pa rnam pa lnga dang/ phyag rgya'i mchod pa la sogs pas legs par mchod la slob ma gzhug pa'i phyir gnang ba nos nas rang gi 'jug pa'i cho gas slob ma thams cad gzhug par bya'o/ /de kho na nyid dang gsang ba yang brjod par bya ste/ rdul dang mun pa
 snying stobs nyid/ /tshangs pa khyab 'jug dbang phyug che/ /ming po gsum po 'di dag ni/ /'di nyid de yi gsang bar brjod/ /ci zhig byas nas de kho na nyid brjod par bya zhe na/ dam tshig mchog ni byin nas ni zhes bya ba smos te/ gal te ma brtags
 la smras zhes bya ba la sogs pa'i dam tshig byin la de kho na nyid dang/ gsang ba 'di brjod par bya'o/ /gal te ma brtags la smras na zhes bya ba la sogs dkyil 'khor du ma zhugs pa ni ma brtags pa ste dkyil 'khor du ma zhugs shing
 ma brtags pa de la/ gal te ming ming po gsum gyi dkyil 'khor 'di smras par gyur na/ de'i tshe khyed kyi snying mdung rtse gsum gyi bcom zhing gsod par 'gyur ro/ /'on te ji skad bshad pa'i chos/ /'dir ni kun tu ma spyad na/ /rtse gsum gyis ni khyod snying 'joms zhes
 bya ba ni dkyil 'khor du ma zhugs pa la dkyil 'khor smra bas rtse gsum gyis khyod kyi snying 'joms par ma zad kyi/ ji skad du bshad pa'i chos ma spyad na yang khyed kyi snying mdung rtse gsum gyis snying 'joms par 'gyur ro/ /zhes bya ste gal te snying stobs dang rdul dang mun pa
 khyed sgom par byed na de'i tshe yang khyed kyi snying mdung rtse gsum gyis gsod par 'gyur ro zhes bya ba'i tha tshig go /de ni snying stobs zhes bya ba la sogs pas chos de rnam par 'grel ba yin te/ de la snying stobs ni dbang phyug chen po ste/ sems kyi rang bzhin dri ma thams
 cad dang bral zhing 'od gsal ba'o/ /rdul ni tshangs pa ste 'jig rten gsum byed pa'o/ /mun pa ni khyab 'jug ste/ 'jig rten gsum ston par byed pa ste sems can thams cad kyi rgyud la rjes su zhugs pa'i 'dod chags dang zhe sdang dang gti mug ni de dag yin
 pas sems can thams cad tshangs pa dang khyab 'jug dang dbang phyug chen por brtag go zhes bya ba'i tha tshig go /'di dag kyang dngos po la mngon par zhen pas ni ngan song gsum gyi rgyur 'gyur la rang bzhin gyis yang dag par bsgoms te bsten pas ni
 bdud rtsi'i rgyur 'gyur ba yin no/ /de yang/ 'dod chags zhe sdang gti mug rnams/ /thams cad la ni rnam par gnas/ /mi bzad par ni brten gyur na/ /dug nyid du ni 'gyur ba yin/ /bdud rtsi'i tshul du brten gyur na/ /bdud rtsi nyid du 'gyur ba yin//
 'dod chags tshangs pa'i byin pa'i mchog /zhe sdang drag po'i ting 'dzin nyid/ /gti mug khyab par bstan byas pa/ /'jig rten gsum legs byin gyis brlabs zhes bshad pa yin no/ /ming po gsum po 'di dag ste zhes bya ba ni tshangs pa dang/ khyab 'jug
 dang dbang phyug chen po gang yin pa de nyid ni ming po gsum po 'di yin te/ rgyal bar byed pa dang/ sbrang rtsir byed pa dang/ don thams cad grub pa'i ngo bo yang gzhan ma yin no/ /de la rgyal bar byed pa ni stobs bzang gi gzugs 'dzin pa
 ni dbang phyug chen po'o/ /sbrang rtsir byed pa ni 'dod pa'i lha'i gzugs 'dzin pa'i tshangs pa'o/ /don thams cad grub pa ni dpyid kyi gzugs 'dzin pa ni khyab 'jug go /nam yang brnyas par mi bya'o zhes bya ba ni/ 'jig rten gsum du lhag par mos pas
 de'i gzugs su bsgoms nas skyes bu don bzhi po bsgrub par 'dod pas ming po gsum po de dag gzugs brnyan lta bur bsgom par bya'o/ /'dis ci zhig bya zhe na/ nam yang brnyas par mi bya zhing 'di la dngos po la mngon par zhen pa yang mi bya'o/ /gang zhig
 'di dag la zhes bya ba la sogs pa las 'di la dad pa gang la la zhig tshul 'di gnyis brtan par byed pa dag dkyil 'khor bris nas/ zhugs la yang dang yang du mchod par byed pa de thams cad kyis chos dang nor bu 'dod pa dang thar pa'i rang bzhin la thams
 cad grub pa thob par 'gyur ro/ /phyag rgya dag kyang bstan par bya zhes bya ba ni phyag rgya chen po dang/ chos dang las kyi phyag rgya rnams slob ma rnams la bstan cing bslabs nas zhes bya ba'i tha tshig go /de yis gang gis mchod par bya zhes bya ba ni ming po gsum
 'khor dang bcas pa'i las kyi phyag rgyas gar gyi mchod pa bya ba'i tshul gyis gar bya ba'i mchod pas slob dpon gyis dkyil 'khor 'di mchod par bya'o/ /rtag tu zhes bya ba ni nyin re zhing rgyun du'o/ /'dod pa'i yon tan lngas zhes bya ba ni/ gzugs dang/
 sgra dang/ dri dang/ ro dang/ reg bya dang/ chos dang/ nor dang/ thar pa dang/ rjes su 'thun par bya ba'i ngan song du 'gro ba'i rgyur gyur pas ni ma yin no/ /'di'i cho ga rgyas par ni shes rab kyi pha rol tu phyin pa'i dum bur bshad zin pas de nyid las shes par bya'o/ /'dir
 khyad par ni 'di yin par shes par bya ste/ badzra badzra oM b+hu h+ri zhes bya ba'i yi ge gsum gyi snying pos 'jug par bya'o/ /de la badzra swa bya ba'i yi ge gcig pa'i snying po dang bcas par bya'o/ /dum bu gnyis pa rtsa ba'i rgyud las ming po'i rtog pa bshad pa rdzogs so// //
 de ltar ming po gsum gyi dkyil 'khor bshad nas/ da ni sring mo bzhis 'dul ba las brtsams te/ de nas zhes bya ba nas brtsams nas sring mo bzhi'i rtog pa gsungs pa yin no/ /de nas zhes bya ba'i sgra ni 'das ma thag pa ste dang po'i sbyor ba'i rjes thogs nyid
 la'o/ /'dir dang po'i sbyor ba ni ming po gsum gyi skabs su bshad pa nyid yin no/ /gsang bas lha mo zhes bya ba ni 'di dag ni ming po gsum gyis sprul pa yin gyi 'di dag rgyud gzhan las sprul pa ni ma yin no/ /de bas na 'dis ni de rnams kyi rang bzhin gyis 'od gsal
 ba la brtson pa'i rang bzhin can gyi las kyi gsal ba'i rang bzhin gsal bar byed pa dang/ de thob par byed pa yin pas/ de'i phyir de dag ni gsang ba'ang yin la lha mo yang yin pas/ gsang ba'i lha mo ste/ dga' ba mo la sogs pa bzhi'o/ /rang gi phyag rgya phul lo
 zhes pa ni rang gi dkyil 'khor sgrub par byed pa'i rig pa ni rang gi phyag rgya ste de phul zhing bstabs pa'o/ /de ni h+ri hUM sh+ri b+hyo zhes bya ba yin no/ /'di yan chad kyi sring mo bzhi'i ting nge 'dzin gnyis pa bshad pa yin no/ /de nas de bzhin du bsdu ba sngon du 'gro ba ni gsum pa
 yin par shes par bya'o/ /de ltar dam tshig gsum bshad nas/ dam tshig dang/ dbang bskur ba thob pa rnams kyi 'dir bzlas brjod dang bsgom pa bya'o/ /zhes bya ba'i nga'i cho ga bstan par bya ba'i phyir/ de nas dkyil 'khor zhes bya ba la sogs pas slob dpon
 gyi las kyi cho ga dang slob ma 'jug pa la sogs pa'i cho ga rgyas par gsungs pa yin no/ /de nas dkyil 'khor zhes bya ba ni go sla'o/ /de nas dang por dkyil 'khor du/ /de bzhin kun nas 'jug par bya zhes bya ba ni de ltar dkyil 'khor bris nas de'i rjes thogs 
 nyid la 'jug par bya ste/ dang po kho nar spyan drang ba byas nas dkyil 'khor gyi sgo bzhi nas/ de ltar shar nas bya ba de bzhin du lho dang nub dang byang nas kun 'jug par bya'o/ /zhes bya ba ni de bzhin zhes bya ba'i sgras ston to/ /phyag rgya gang gis
 'jug par bya zhe na/ sring mo bzhi'i phyag rgya bzhi'i zhes bya ba smos te sring mo bzhi'i rang gi phyag rgya gang yin pa des 'jug par bya'o/ /de yang ji ltar zhe na ji lta ba'i go rim zhes bya ba'i sgros te shar gyi dkyil 'khor nas ni dga' ba mo'i sbyor bas so/ /lho nas
 ni srin mo'i sbyor bas so/ /nub nas ni phag mo'i sbyor bas so/ /byang gi dkyil 'khor nas ni grub pa mo'i sbyor bas 'jug par bya zhing thams cad du badzra badzra h+ri hUM sh+ri b+hyo zhes zlos shing 'jug par bya'o/ /'di ni go rim zhes bya ba'i sgra'i don yin no/ /zhugs
 nas bdug pa la sogs kyis/ /cho ga de bzhin du de bzhin mchod ces bya ba la sogs pa la/ de ltar zhugs nas rang gi cho ga thams cad snga ma'i rjes su 'brangs nas byas la/ mchod pa rnam pa lngas dkyil 'khor ji lta ba bzhin du legs par mchod de
 spyan drang ba dang/ dgug pa dag slob dpon des bya'o gang gi bya zhe na/ gsang ba'i de nyid rab grub pas/ /oM zhes bya ba la sogs pa'i snying po ni de kho na nyid gsang bas gtso bo ste/ de kho na nyid dang/ gsang ba nyid dang/ gsang ba grub pa'i de spyan drang ba'i phyag rgya dang
 ldan pas lha mo rnams yang dag par dgug par bya'o/ /gung mo dang srin lag rdo rje bsdams pa byas la/ mthe bo de gung mo dang mthe'u chung dang srin lag gi sor mo brgyad rtse sprad pa ni sring mo bzhi'i dam tshig gi phyag rgya ste/ 'di nyid kyis spyan drang ba dang
 'di nyid kyi dkyil 'khor du gzhug par bya'o/ /de nas thams cad 'bab par 'gyur ro/ /zhes bya ba ni de ltar spyan drang ba byas lhag par gnas par bya ba'i slob ma thams cad la 'bab par 'gyur ba ste/ lha mo rnams spyan drang ba'i mthus de rnams la 'bab par
 'gyur ro zhes bya ba'i tha tshig go /babs nas gzhug par bya'o zhes bya ba ni lha mo'i tshogs rnams spyan drangs nas dam tshig gis phyag rgyas bsgrub par bya'o/ /de nas chos dang las dang phyag rgya chen pos rgyas btab la rdo rje rin chen gyi phyag rgyas dbang bskur te/ mchod pa thams cad
 kyis yang dag par mchod la slob ma gzhug pa'i phyir rjes su gnang ba blangs la slob ma bcug na rang gi 'jug pa'i sbyor bas slob dpon 'jug par bya ste/ gang gi phyir de bzhin zhes bshad pa'i phyir ro/ /de nas phyag rgya bcings pa bslabs la gsang ba brjod par bya'o zhes bya
 ba ni lha mo rnams kyi snying po byin nas phyag rgya chen po bcing ba dang/ chos dang las dang dam tshig gi phyag rgya bcing bar bslab par bya'o/ /de ltar bslabs nas de rnams la 'dod chags zhe sdang gti mug dag /zas dang skom dang ro de bzhin/ /chos kyis brten na bde ba ste/ /
 chos min pas ni sdug bsngal bskyed ces bya ba'i sngags ngo bo brjod par bya'o/ /ji ltar zhe na/ gnas bsgags nas ni zhes bya ba smos te mna' ni 'di yin pa ste/ sems can don la gang zhugs pa zhes bya ba nas brtsams te gal te gsang ba mi srun na zhes bya
 ba'i bar yin no/ /da ni 'dod chags zhes bya ba la sogs pa'i gsang ba brjod par bya ba yin no/ /'dod chags zhe sdang gti mug dang zhes bya ba ni bshad zin to/ /de bzhin zas dang skom dang ro zhes bya ba la zas ni kha zas la sogs pa'o/ /skom ni btud pa la sogs
 bas gsher ba'i rdzas so/ /ro ni mngar ba dang/ skyur ba dang/ lan tshwa dang/ bska ba'i dbye bas rnam pa drug go /de bzhin zhes bya ba ni rnam pa de dang 'dra bas ji ltar 'dod chags dang/ zhe sdang dang/ gti mug chos kyi brten na ni bde bar 'gyur la chos cha ma yin
 pa brten na ni sdug bsngal bskyed pa de bzhin du zas dang skom dang ro yang de dang 'dra'o zhes ston pa yin no/ /'di skad ston pa yin te/ gang la la zhig rgyal bar byed pa la sogs pa'i sbyor bas sring mo bzhi bsgrub par byed pa/ de bdag nyid gzugs brnyan dang 'dra bar
 ming po gsum gyi gzugs su bsams la lha mo de rnams kyang gzugs brnyan dang mnyam pas mdun du bzhag la de dang yang dag par sbyor bar bsgom par bya zhing de zas dang skom dang ro rnams gzugs brnyan dang 'dra bar lhag par mos par bsten
 par bya ste/ de ni 'di rnams kyi chos dang rig pa yin no/ /chos 'dis bsten na 'jig rten dang 'jig rten las 'das pa'i bde ba bskyed par 'gyur ro/ /dngos po la mngon par zhen pas ni dmyal ba la sogs pa ngan 'gro'i rgyur 'gyur ro/ /de ltar yang ji ltar
 shes she na gang gi phyir sring mo rnams ni 'dod chags dang zhe sdang dang gti mug dam pa'i rgyud nyid yin par bcom ldan 'das kyis gsungs pa la/ 'di skad gzugs brnyan dang 'dra bar bsgoms pas ni des 'dul ba rnams la ming po gsum gyi ting nge
 'dzin rdzogs par byed pa yin no/ /de bas na 'di dag ni dam par byed pa'i rgyu nyid yin pas thams cad dang ldan pas bsten dgos so/ /phyag rgya zhes bya ba la sogs pa la de ltar slob ma'i tshogs la bsten nas/ slob dpon slob ma'i tshogs dang bcas
 pas sring mo bzhi'i las kyi cho ga phyag rgyas gar gyi mchod pa byas te/ sring mo bzhi po dag rtag tu nyid du mchod par bya'o/ /ji ltar zhe na/ ci 'dod pa zhes bya ba smos te ji ltar mngon par 'dod pas zhes bya ba'i tha tshig go /des ji lta bu'i tshul gyis sbyin par bya zhe na/
 ci 'dod par ni mchod par bya zhes smos pa yin no/ /ji snyed pa zhes bya ba la sogs pa la yul gzugs dang sgra dang/ dri dang/ ro dang/ reg bya ji snyed pa lha rnams grub pa'i rgyur gyur pa lha mo rnams la dbul bar bya ste/ bde ba'i phyag rgya gang gis mchod
 pas yang dag par mchod do zhes bya ba yin no/ /dkyil 'khor 'di'i cho ga'i dbye ba rgyas pa dang sgrub pa dang/ bsgrub par bya ba'i khyad par rnams ni shes rab kyi pha rol tu phyin pa'i dum bur bshad pas de nyid las shes par bya'o/ /dpal mchog dang
 po'i dum bu gnyis pa rtsa ba'i rgyud las/ sring mo bzhi'i rtog pa bshad pa rdzogs so// //sring mo bzhi'i rtog pa bshad nas/ da ni de nas de bzhin gshegs pa la sogs pas khyab 'jug dang bcas pa'i lha ma yin la sogs pa'i dkyil
 'khor gsungs pa yin no/ /de nas zhes bya ba'i sgras ni snga ma bzhin te dang po'i sbyor ba'i rjes thogs nyid la'o/ /'dir dang po'i sbyor ba ni ming po gsum gyi skabs su bshad pa yin no/ /lha ma yin rnams kyis rang gi snying po phul lo/ /de rnams kyi snying po
 phul ba dang/ de nas lha ma yin gyi dkyil 'khor byung ba ni ting nge 'dzin gnyis pa yin no/ /de nas bsdus pa nas brtsams te gsum pa yin par shes par bya'o/ /dam tshig dang dbang bskur ba thob pas bzlas brjod dang bsgom par bya'o zhes bya ba'i
 cho gas bstan par bya ba'i phyir/ slob dpon gyi las kyi cho ga dang/ slob ma 'jug pa la sogs pa cho ga rgyas par bstan pa yin no/ /de nas dkyil 'khor zhes bya ba la 'byung ste zhes bya ba shugs kyi sbyar ro/ /brkos te zhes bya ba la sogs pa la sor
 nyi shu rtsa bzhi tsam brkos rim pa bzhi las bcas par rgyar khru brgyad par sa brkos la der dkyil 'khor gru bzhi pa sgo shar du btod cing kha gyen du bltas par bri bar bya'o/ /de ltar bris nas de'i dbus su khyab 'jug gi 'khor lo de'i shar gyi dbus su lha ma
 yin gyi dbang po bde mchog bri bar bya'o/ /lhor thags bzang ris/ nub tu lag bzang/ byang du lha ma yin gyi dbang po srin po zhes bya ba bri bar bya ste/ 'di dag thams cad kyang 'khor dang bcas par bri bar bya'o/ /mtshams bzhir lha ma yin gyi bu
 mo bri bar bya'o/ /'khor los zhugs la zhes bya ba ni/ de ltar dkyil 'khor bris nas 'khor lo'i phyag rgya bcings te de nyid kyis me tog gi phreng ba blangs la slob dpon 'jug par bya'o/ /de nas rang gi cho ga byas la khyab 'jug
 'khor dang bcas pa dgug cing spyan drang bar bya'o zhes bya ba'i tha tshig go /de nas ji lta ba bzhin du spyan drangs la khyab 'jug 'khor dang bcas pa la mchod pa rnam pa lngas mchod nas lha ma yin gyi dbang po 'khor dang bcas pa rnams la nya
 la sogs pa gtor ma sbyin par bya'o/ /slob ma yang de bzhin du gzhug par bya'o zhes bya ba ni ji ltar slob dpon 'jug pa de bzhin du 'dir slob ma gzhug par bya'o/ /'di skad ston te bdag bsrung ba dang gnas bsrung ba byas la rdo rje 'khor lo'i phyag
 rgyas mdun du lha ma yin gyi dkyil 'khor sprul la me tog la sogs pas legs par mchod de phyag bzhi byas la/ byang chub chen por sems bskyed pa dang/ gsum la skyabs su 'gro ba byas nas rdo rje thal mo dang rdo rje bsdams pa bcing bar bya'o/ /
 de nas rdo rje bsdams pa snying gar dral bar bya'o/ /de nas rdo rje 'bebs pa'i phyag rgyas bdag nyid la dbab par bya'o/ /da nas de bzhin du phyag rgya dgrol ba byas la/ rdo rje khu tshur gyi dam tshig gi phyag rgya bcing bar bya'o/ /de nas dang po'i rdo rje snga ma bzhin du
 bsam mo/ /de nas rang gi snying gar gnas pa'i rdo rje la/ sarba sa ma ya tsakra pra barta ya dar sha ya hUM phaT ces bya ba yid kyis bris la/ 'di nyid yid kyis bris shing chos thams cad bdag med par bsgom par bya'o/ /de nas snying po de nyid kyis
 rang gi sems zla ba'i dkyil 'khor lta bu bskyed la de'i steng du snying po de nyid kyis zla ba'i dkyil 'khor gnyis pa yang de snying po de dang bcas pa'i dang po'i rdo rje de nyid khyab 'jug gi 'khor lo de'i dbus su snying po bsams la/ de nyid zlos shing 'khor lo ni bdag
 yin no zhes bsgom par bya'o/ /'khor lo de nyid sems dpar byin gyis brlab pa'i sbyor bas/ rdo rje sems dpar bdag nyid bskyed la oM sarba sa ma ya tsakra pra barta ya sarba hUM phaT ces brjod la/ rdo rje sems dpa' 'am khyab 'jug du bdag nyid bsgom par bya'o//
 de nas mahA sa ma ya satwa a haM zhes brjod la dam tshig sems dpa' chen po'i nga rgyal bskyed la khyab 'jug gi 'khor lo'i dam tshig gi phyag rgya bcings la sa ma yo haM zhes zlos shing dam tshig sems dpa' i nga rgyal bskyed la/ sa ma ya satwa a d+hi tiSh+Tha swa maM zhes
 zlos shing khyab 'jug gi 'khor lo'i dam tshig gi phyag rgya de nyid kyis/ snying ga dang/ dpral ba dang/ lkog ma dang/ spyi bor byin gyis brlab par bya'o/ /de nas khyab 'jug gi tshul gyis 'khor lo thogs la snying po zlos shing 'jug pa bya ste/ 'di ni de la phyag rgya chen
 po'o/ /de lta bu'i phyag rgya chen po bcings la/ a'i mthar thug pa'i snying po zlos shing mdun du khyab 'jug gi 'khor lo sna tshogs pad+ma'i steng du bsgom par bya'o/ /da'i dbus su snying po bsams la 'khor lo'i nga rgyal bsgom par bya'o/ /yang snying po de nyid zlos
 shing bdag nyid khyab 'jug tu bsgom par bya'o/ /de nyid du khyab 'jug rdo rje lcags kyu la sogs pa dgug pa dang gzhug pa dang/ bcing ba dang/ dbang du byas nas khyab 'jug gi 'khor lo'i dam tshig gi phyag rgya bcings te oM sarba sa ma ya tsakra pra barta ya
 dar sha ya sarba hUM phaT dri sh+ya zhes brjod la blta bar bya'o/ /de nas 'khor lo lcags kyu dgug pa dang/ gzhug pa dang/ bcing ba dang/ dbang du byas la rang gi lus la khyab 'jug gi 'khor lo'i phyag rgya bcings la sa ma yastwaM zhes brjod de 'od kyi dkyil
 'khor bskyed par bya'o/ /de nas rang gi lus kyi nang du chud pa'i khyab 'jug gi lus dang lhan cig tu gyur par bdag nyid bsams la/ sa ma yastwaM haM/ oM sa ma ya tsakra pra barta ya dar sha ya sarba hUM phaT ces bya ba lan gsum brjod par bya'o/ /de nas khyab
 'jug gi 'khor lo'i dam tshig gi phyag rgya ni 'di yin te/ lag pa g.yon pa bkan te shin tu brkyang pa'i ster lag pa g.yas pa kha sbub la/ shin tu brkyang ste bzhag la/ de nas mthe bo dang mthe'u chung gnyis rdo rje ltar byas la/ sor mo lhag ma rnams kyis rtsibs
 drug par byas pa 'di ni khyab 'jug gi 'khor lo'i dam tshig gi phyag rgya'o/ /phyag rgya 'di nyid kyi mdzub mo gnyis la lcags kyu gnyis byas la/ dgug pa'i snying po zlos shing dgug par bya'o/ /de nas dang po'i rdo rje dkar po bsams
 la snying po bkod pa 'di ni 'dir chos kyi phyag rgya'o/ /yi ge a las rang gi snying gar sna tshogs rdo rje bsams la/ las kyi phyag rgya bcing bar bya'o/ /de nas hUM las rang gi snying gar rdo rje rtse lnga pa bsams la khyab 'jug gi phyag rgya chen po bsam par bya'o/
 de nas dang po'i rdo rje bcings la de bzhin du bdag nyid byin gyis brlabs la rdo rje rin po che'i phyag rgyas dbang bskur nas/ 'khor lo'i dbang bskur ba dang/ bdag po dang ming gi dbang bskur ba'i snying po zlos shing blangs la/ me tog la sogs pa'i mchod pa
 rnams dang/ rang gi las kyi phyag rgya rnams kyis bdag nyid la mchod la/ khyab 'jug gi phyag rgya chen po bcings la bdag ni khyab 'jug go zhes nga rgyal bskyed nas/ rang gi snying gar gnas pa'i rdo rje la snying po bsams nas/ nyin re'i sbyor bas
 bzlas brjod 'bum byas nas sngon du bsnyen pa byas par 'gyur ro/ /de nas khyab 'jug gi sbyor ba byas la dkyil 'khor gyi sa'i dbus su 'dug ste/ ting nge 'dzin gsum po ji lta ba bzhin du bsgoms la dam tshig gi phyag rgyas dkyil 'khor nam mkhar bzhag par bya'o/
 de nas de nyid kyis bdag lan gcig byin gyis brlabs la yongs su bskor bar bya'o/ /de nas ji skad bshad pa'i tshul gyis lhag par gnas pa'i cho ga byas la/ nyi ma 'char ba'i dus su dkyil 'khor thig gdab par bya'o/ /de nas tshon gyi phye ma lngas dkyil
 'khor bris la/ dkyil 'khor gyi lte ba sna tshogs pad+ma la khyab 'jug gi 'khor lo bri bar bya zhing lha ma yin gyi dbang po 'khor dang bcas pa bri bar bya'o/ /de nas sgo dbye ba'i phyag rgyas sgo phye la khyab 'jug 'khor dang bcas pa la bum pa la sogs
 pas legs par mchod nas/ rdo rje gnod sbyin la sogs pas yongs su bzlas pa'i ras kyis gdong g.yogs pa la sogs pa byas la/ phyag rgya gzhi sngon du 'gro bas byang chub kyi sems bskyed par byas la skyabs su gzung bar bya'o/ /de nas phyi rol na gnas pa'i chus bdag
 nyid dbang bskur la phyi rol gyi rdo rje khu tshur gyis dang po'i rdo rje rang gi snying gar bzhag la/ de bskyed la me tog la sogs pas bdag nyid mchod la/ khyab 'jug gi 'khor lo'i dam tshig gi phyag rgya bcings la badzra badzra zhes zlos shing rang gi snying pos dkyil 'khor du 'jug
 par bya'o/ /de nas khyab 'jug la phyag byas la/ dkyil 'khor skor ba lan gsum byas nas khyab 'jug gi mdun du 'dug ste/ 'di skad ces brjod par bya'o/ /dza(rgyud 'grel brgyad bzla bar bya'o/ /yang khro bo'i khu tshur gyis sems dpa' i rdo rje dral la bdag nyid la dbab par bya'o/ /a zhes bya ba de bzhin du bzla bar bya'o/ /de nas rang gi snying pos me tog dor bar bya'o/ /de nas de blangs la de nyid kyis rang gi mgo la bcing bar bya'o/ /
 de nas de nyid kyis gdong g.yogs dgrol bar bya'o/ /de nas de nyid zlos shing dkyil 'khor gyi shar phyogs nas brtsams te dbus ma'i 'khor lo'i bar du blta bar bya'o/ /de nas khyab 'jug gi dam tshig gi phyag rgya bcings la/ tiSh+Tha badzra zhes bya ba la sogs pas
 snying gar dgrol bar bya'o/ /de nas khyab 'jug gi phyag rgya chen po bcings la de rdo rje lta ba khro ba dang bcas pas bltas la/ ji srid mthong bar 'gyur zhing rang gi dngos grub ster ba de srid kyi bar du snying po bzla bar bya'o/ /de nas de bzhin du bltas la rdo rje thal mos bskor bas
 phyag byas nas me tog la sogs pa'i dbang bskur bas blang bar bya'o/ /de la dang por re zhig phyi rol gyi rdo rje khu tshur gyis gzung ba'i 'khor lo'i lcug? ma la yang rnam par rgyal ba'i bum pa la dpal rdo rje sems dpa' i dkyil 'khor la bshad pa'i bum pa la sngags lan 
 nyi shu rtsa gcig yongs su bzla bar bya'o/ /de nas bdag nyid khyab 'jug du byin gyis brlabs la/ dkyil 'khor nang gi shar ngos su sna tshogs pad+ma bris nas/ de'i steng du khyab 'jug gi phyag rgya chen por bsams te 'dug la me tog la
 sogs pas bdag nyid mchod la/ mchod yon blangs te/ phyi rol gyi rdo rje khu tshur gyis rnam par rgyal ba'i bum pa las chu blangs nas/ oM sarba ma ma tsa kraM pra brta' ya dar sha ya sa baM hUM phaT/ oM badzra a b+hi Shiny+tsa zhes brjod cing de nas bdag nyid dbang
 bskur bar bya zhing chu de btung bar bya'o/ /de nas rdo rje rin chen gyi phyag rgyas dbang bskur la/ rin po che'i cod pan gyis dbang bskur bar bya'o/ /de nas rang gi snying gar 'khor lo dril bu dang bcas pa bzung la de nyid kyis bdag po dang/ ming gi dbang bskur ba blangs
 nas/ mchod pa rnam pa lnga dang/ las kyi phyag rgya rnams kyis kyang bdag nyid yang dag par mchod la khyab 'jug la phyag byas te snying po bzung la phyag rgya bzhi'i ye shes blangs nas/ bdag la byin gyis brlabs pa la sogs pa byas la rang gi ming nas brjod de/ dkyil
 'khor rdo rje bsgrub par bya'o/ /de nas bsdu ba byas la khyab 'jug gi 'khor lo'i phyag rgya'i mdzub mo gnyis kyis lcags kyu'i khyab 'jug 'khor dang bcas pa dgug pa dang/ gzhug pa dang/ bcing ba dang/ dbang du byas la dkyil 'khor du bsgrub par bya'o/ /de nas
 khyab 'jug gi 'khor lo'i dam tshig gi phyag rgya bcings la/ oM sarba ma ya tsa kram pra brta' ya dar sha yA ya sarba hUM phaT dri sh+ya' dza(rgyud 'grel bya'o/ /de nas de bzhin du khyab 'jug gi 'khor dang bcas pa'i lce la snying po bsams la las kyi phyag rgya dang phyag rgya dang po bcings te/ rdo rje rin chen gyi phyag rgyas khyab 'jug 'khor dang bcas pa la dbang bskur te/ mchod yon byin la mchod yon thams
 cad kyis mchod par bya'o/ /de nas phyi rol du gtor ma byin la sbyin sreg bya'o/ /de nas khyab 'jug gi phyag rgya chen po bcings la/ ji srid mtshan ma thob par gyur pa de srid kyi bar du dkyil 'khor bsgom par bya'o/ /de nas bka' nos la slob ma gzhug par bya'o/
 slob dpon gyi las kyi cho ga rdzogs so// //de nas rang gi 'jug pa'i cho gas slob ma bcug la dam tshig sbyin par bya'o/ /'di ni khyed kyi dam tshig yin te/ sems can thams cad la yid mi rton pa dang/ rtag tu sgyu ma'i mchog thams cad ston cing bslu
 ba dang/ de rnams la khyed kyis bsgrubs na 'grub cing 'grub par 'gyur ro/ /de nas cho ga thams cad rdzogs par byas la slob ma rnams la rma bya'i sgra'i bcings ma sbyin par bya zhing sgrub pa bslab par bya'o/ /ras la 'khor lo bris la de'i ngos thams cad du bde mchog
 la sogs pa lha ma yin gyi dbang po 'khor dang bcas pa dang/ rgyu ba dang mi rgyu ba'i dngos po thams cad bri bar bya'o/ /de nas tshes bcu bzhi la ras ris kyi mdun du bdag la byin gyis brlabs pa la sogs pa byas nas/ ras ris la khyab 'jug 'khor
 dang bcas pa spyan drangs te/ mchod pa thams cad kyis legs par mchod la phyag byas la/ rma bya'i sgro'i chings ma la bzlas brjod 'bum bya'o/ /de nas chings ma blangs te/ lag pa bzung la nyin re bya ba'i sbyor bas bzlas brjod 'bum bya'o/ /gang
 gi tshe nyal ba de'i tshe mgo bor bzhag go /de nas bzlas brjod 'bum tshang ba dang/ tshes bcu bzhi la 'khor lo phyag rgyas bzung ste/ mtshan thog thag bzlas brjod byas nas nang par de las thams cad mthong bar 'gyur ro/ /de nas brtsams te des sgyu ma /
 thams cad ston par byed do/ /dpal mchog dang po'i dum bu gnyis pa'i rtsa ba'i rgyud las/ lha ma yin gyi rtog pa bshad pa rdzogs so// //de ltar lha ma yin gyi rtog pa bshad nas de nas zhes bya ba la sogs pas klu'i 'dul ba las
 brtsams te/ klu'i rtog pa gsungs pa yin no/ /de nas zhes bya ba'i sgra ni de ma thag ston par byed pa'i tha tshig ste/ dang po sbyor ba'i rjes thogs nyid la'o/ /'dir dang po'i sbyor ba ni ming po gsum gyi dkyil 'khor las bshad pa
 yin no/ /klu'i rigs bzhi zhes bya ba ni bram ze la sogs pa'i dbye bas klu'i rigs brgyad po bzhir 'gyur ro/ /de la mdza' yas dang rigs ldan ni bram ze'o/ /nor rgyas dang dung skyong ni rgyal rigs so/ /'jog po dang pad+ma chen po ni rje'u rigs so/ /kar
 ko Ta dang pad+ma ni dmangs rigs so/ /rang gi snying po phul ba ni zhes bya ba gsungs/ 'di brjod pa tsam gyis klu'i dkyil 'khor 'byung bar 'gyur te/ 'di yan chad kyis ni ting nge 'dzin gnyis pa bshad pa yin no/ /de nas bsdu ba sngon du 'gro ba ni gsum pa
 yin par shes par bya'o/ /dam tshig dbang bskur ba thob pa bzlas brjod dang bsgom par bya'o zhes de'i cho ga bstan par bya ba'i phyir/ de nas dkyil 'khor zhes bya ba la sogs pas slob dpon gyi las kyi cho ga dang/ slob ma 'jug pa la sogs pa'i cho ga rgyas
 par gsungs pa yin no/ /de nas dkyil 'khor zhes bya ba la sogs pa las 'byung ste/ zhes bya bar shugs kyis sbyar bar bya'o/ /sgo bzhi pa zhes bya ba la sogs pa la rnam pa thams cad du shar dang/ lho dang nub dang/ byang gi ri mo'i rtse mo bzhi 'di la yod
 pas na/ dkyil 'khor zung bzhi pa'o/ /sgo bzhi zhes bya ba ni ngos bzhi'i dbus kyi char cha brgyad pa'i tshad kyis sgo bzhi 'di la yod pas na sgo bzhi'o/ /sprul gyi thig gis kun tu bri zhes bya ba ni/ sprul lta bu'i tshon gyi rim ni sprul te/ de srad bu 'di la yod
 pas na sprul? gyi thig go /klu'i gdengs ka'i rtse mo'i sgo khyud ces bya ba ni klu'i gdengs ka ni sprul gyi gdengs ka ste/ de'i rtse mo can gyi sgo khyud 'di la yod pas na/ klu'i gdengs ka'i rtse mo'i sgo khyud can gyi dkyil 'khor ro/ /de yang sgo re re
 zhing sprul gnyis gnyis kyi gdengs ka'i rnam pa sgo khyud 'di la yod do zhes bya ba'i tha tshig go /mtshams kyi mthar ni 'jug rtse mdud ces bya ba ni mtshams kyi mthar sprul gyi mjug ma 'di la yod pas na mtshams mthar te/ sprul gyi mjug ma de'i rtse ste tha mar mdud
 pa byas pa yod pas na mtshams kyi mthar ni mjug rtse mdud ces bya'o/ /de yang dkyil 'khor gyi mtshams re re zhing sprul gyi mjug ma gnyis phan tshun mdud par byas pas mtshams su mdud pa byas pas zhes bya ba'i tha tshig go /de'i zhes bya ba la sogs pa la de ltar sprul
 brgyad kyis/ zur bzhi pa sgo bzhi pa sprul gyi gdeng ka'i rtse mo'i sgo khyud can mtshams kyi mthar mjug ma'i rtse mo mdud pa'i dkyil 'khor bris nas/ de'i dbus su chu'i ri mo chu srin la sogs pas yongs su gang bar bya'o/ /dkyil 'khor de'i lte ba'i phyogs su klu'i rgyal
 po she Sha gdengs ka brgyad dang ldan pa lus kyi tshad med pa bri bar bya'o/ /de nas phyogs kyi char klu'i rgyal po mdza' yas gdengs ka bdun dang ldan pa me'i mtshams su rigs ldan/ lho phyogs su nor rgyas bden bral gyi mtshams su dung skyong/ nub phyogs su 'jog po/ rlung
 gi phyogs su pad+ma chen po/ byang phyogs su kar ko Ta/ dbang ldan gyi mtshams su pad+ma bri bar bya'o/ /de nas 'jug par bya'o zhes bya ba la sogs pa de ltar lha rnams bkod nas sgo dbye ba la sogs pa byas te/ bum pa la sogs pas dkyil 'khor yang dag par mchod la
 srog dang bcas pa'am bzor bya ba'i sprul blangs la/ badzra badzra phu zhes zlos shing khros pa'i shugs kyis rgyug cing/ dkyil 'khor du zhugs la gdengs ka'i phyag rgya bcings nas/ /de nyid kyis me tog gi phreng ba blang bar bya'o/ /de nas rang gi cho ga thams cad
 rjes su spyad la/ gdengs ka'i phyag rgya dang/ oM h+rI(rgyud 'grel dgug par bya'o/ /de nas zhes bya ba la sogs pas de ltar dgug pa'i rjes thogs nyid la/ klu'i bu'i slob ma rnams zhes bya ba zlos shing dkyil 'khor du zhugs nas babs par 'gyur zhing phan tshun 'thab bo/ /de nas slob dpon gyis bu zhes bya ba
 zlos shing ri mo'i phyag rgya bcings la de rnams dug med par bya'o/ /de nas zhes bya ba la sogs pa la de nas slob dpon gyi gdengs ka'i phyag rgya dang/ rang gi 'jug pa'i cho gas slob ma thams cad gzhug par bya'o/ /de nas 'di skad ces brjod par bya ste/ khyed rnams
 kyis klu rnams dbyung bar mi bya/ sprul thams cad bsad par mi bya/ sprul za ba rnams la bsrung ba dang/ byad pa dang/ gso ba ma byed cig /gsang ba'i dam tshig 'di yang brjod par bya ste/ 'ja' min thabs ni gzhan dag gis/ /dug ma rtog par gnod mi bya/ /
 dug bslang ba 'am dam tshig 'das/ /klu yi rigs kun rigs sregs 'gyur/ /de nas dam tshig sbyin par bya ste/ 'dod chags zhe sdang gti mug ste/ /'di dag 'jig rten dug gsum po/ /gal te de las 'das 'gyur na/ /'tsho ba'i 'jig rten 'dir
 brtags nas/ /gal te dngos grub thob 'dod na/ /glog la brnyas par mi bya zhing/ /ser bzlog par mi bya la/ /sprul ni gang yang gsang mi bya/ /de nas snying po bzhi byin la phyag rgya bzhi/ /blang bar bya'o/ /gdengs ba'i lag pa dang/ nam mkha' lding gi de
 khong nyid dang/ dug bskyed pa dang/ dug bsal ba ni zhes bya ba ni de rnams kyi bsgrub pa yin no/ /khro bo gos kyis g.yogs la las bya'o/ zhes bya ba ni de nas brtsams te dug thams cad zos kyang bdud rtsi ltar 'ju bar 'gyur/ /nor rgyas dang yang lhan cig
 gar byed de/ /dug thams cad sbyar ba dang gzhig par nus par 'gyur ro/ /yang 'di'i don brjod par bya ste/ de bzhin du dang po'i rdo rje'i phyag rgya bcing ba'i bar gi phyag rgya bcing bar byas la rang gi snying gar gnas pa'i rdo rje yig phu bsams la chos thams cad
 bdag med par bsgom par bya'o/ /de nas phu zhes bya ba de nyid las rang gi sems zla ba'i dkyil 'khor du bsams la de'i steng du yi ge phu las zla ba'i dkyil 'khor gnyis pa phu nyid dang bcas pa'i dang po'i rdo rje nyid las klu'i zhags pa de'i dbus su yi ge phu bsams la/
 klu'i zhags pa'i nga rgyal bsgoms nas zhags pa de sems dpar byin gyis brlab pa'i sbyor bas/ rdo rje sems dpar bdag nyid bsams la/ phu de nyid zlos shing klu'i rgyal po she Sha'i gdengs ka brgyad dang ldan par bdag nyid bsams la/ mahA sa ma ya satwaM haM zhes
 zlos shing dam tshig chen po sems dpa' i nga rgyal bskyed la dam tshig ni bdag go zhes bsgom zhing sa ma ya satwaM a d+hi tiSh+Tha swa maM zhes bya bas snying ga dang/ dpral ba dang/ lkog ma dang/ spyi bor byin gyis brlab par bya'o/ /de nas lag pa g.yas pas rdo rje rtse gsum
 bzung zhing/ g.yon pas klu'i zhabs pa bzung la phu zhes zlos pa 'di ni phyag rgya chen po'o/ /de ltar phyag rgya chen po bcings nas phu a zhes zlos shing mdun du sna tshogs pad+ma'i steng du klu'i zhags pa bskyed la phu zhes zlos shin klu'i zhags pa'i nga rgyal bsgoms la de nyid
 klu'i rgyal po she Shar bsams la she Sha nA ga rA dza ho phu zhes brjod par bya'o/ /de nas de nyid du lcags kyu la sogs pas dgug pa dang gzhug pa dang/ bcing ba dang dbang du byas la klu'i rgyal po she Sha'i kha'i gdengs ka'i phyag rgya bcings dri sh+ya zhes bya bas blta bar bya'o/ /
 de nas dgug pa'i phyag rgya dang/ dgug pa'i snying pos rang gi lus la dgug pa dang/ gzhug pa dang/ bcing ba dang/ dbang du byas la yang gdengs ka'i phyag rgya bcings la/ sa ma yastwaM'zhes brjod cing/ 'od kyi dkyil 'khor bsams te/ der zhugs pas klu'i
 rgyal po she Sha dang lhan cig tu gyur par bsams la sa ma yastwaM haM phu zhes lan gsum bzla bar bya'o/ /de la gdengs ka chen po'i phyag rgya zhes bya ba ni 'di yin te mthe bo gnyis bcings la kha phyi rol bstan te/ sor mo brgyad gdengs ka'i tshogs su byas pa ni klu thams
 cad dgug pa dang/ gzhug pa dang/ bcing ba dang/ dbang du bya ba'i dam tshig gi /sor mo thams cad legs par gcer la gdengs ka'i steng du bzhag pa ni gdengs ka'i lag pa'o/ /de nas chos dang las dang phyag rgya chen pos bdag nyid
 rgyas btab la dang po'i rdo rje de bzhin du byin gyis brlabs nas/ rdo rje rin chen gyis phyag rgyas dbang bskur la bu zhes bya bas/ klu'i zhags pa dang rdo rje rtse gsum pa thogs la phu nyid kyis bdag po'i dbang bskur ba dang/ ming gis dbang bskur ba blangs la las kyi
 phyag rgyas yang dag par mchod de/ rnam par sgeg pa'i dga' ba'i rdo rje dang/ phyag bzhis phyag byas la spyan drang pa sngon du 'gro ba dang/ klu'i rgyal po she Sha'i snying po 'am rang gi snying po 'am rang gi snying po'i rdo rje bsams la/ de'i dbus su nyin re'i sbyor bas ji srid
 mtshan ma thob par gyur pa de srid kyi bar du bzlas te bsgom par bya'o/ /de nas dkyil 'khor gyi sa'i dbus su/ klu'i rgyal po sha Sha'i rnal 'byor de bzhin du byas la ting nge 'dzin gsum pa ji lta ba bzhin du bsgom par bya'o/ /de nas gdengs ka'i phyag rgya dang/ phu
 badzro ta tiSh+Tha maN+Da' la utwA dA ya(rgyud 'grel tshul gyis bsnyen par byas la/ nyi ma 'char ka'i tshe dkyil 'khor thig gdab par bya'o/ /de nas klu'i dkyil 'khor klu'i rigs brgyad dang bcas pa snga ma bzhin du bri bar bya'o/ /de nas sgo dbye ba byas la klu'i rgyal po 'khor dang bcas pa mchod nas/ rdo rje
 gnod sbyin dang/ phu bzlas pa'i gos kyis gdong g.yogs pa la sogs pa byas la/ phyag bzhi sngon du 'gro bas byang chub chen po'i sems bskyed pa dang/ gsum la skyabs su 'gro ba blangs la phyi rol gyis rdo rje khu tshur gyis dang po'i rdo rje rang gi snying gar
 'dzin cing rang gi snying ga de bzhin du bskyed la/ phyi rol na gnas pa'i bum pa'i chus bdag nyid dbang bskur la/ lag pa gdengs ka'i phyag rgya bcings te/ de nyid kyi me tog gi phreng ba blangs te/ lag pa g.yon pas klu'i zhags pa bzung ste/ badzra badzra bu zhes bzlos shing
 dkyil 'khor du 'jug par bya'o/ /de nas klu'i rgyal po she Sha klu'i rigs brgyad dang bcas pa la phyag byas la dkyil 'khor lan gsum bskor byas nas/ she Sha'i mdun du 'dug la 'di skad ces brjod par bya'o/ /dza(rgyud 'grel la a zhes bya ba lan brgya rtsa brgyad zlos shing bdag nyid la dbab par bya'o/ /yang khro bo'i khu tshur gyis sems ma'i rdo rje phye la a zhes bya ba de bzhin du zlos shing bdag nyid la dbab par bya'o/ /de nas phu nyid kyis me tog dor bar bya'o/ /de nas de blangs la de
 nyid kyis bcing bar bya'o/ /de nas de nyid kyis gdong g.yogs dkrol lo/ /de nas de nyid zlos shing dkyil 'khor blta bar bya'o/ /de nas gdengs ka'i lag pa bcings la tiSh+Tha badzra zhes bya ba la sogs pas rang gi snying gar dgrol bar bya'o/ /de nas she Sha'i
 phyag rgya bcings la de rdo rje lta ba khro bo dang bcas pas bltas la ji srid dngos grub ster bar byed pa de srid kyi bar du phu phu zhes bya ba brjod par bya'o/ /de nas de bzhin du bltas la rdo rje thal mos bskor ba byas la me tog gi phreng ba la sogs dbang bskur ba
 yang blang bar bya'o/ /de la dang po re zhig phyi rol gyi rdo rje khu tshur gyis yongs su bzung ba'i rdo rje'i lcug ma las/ rnam par rgyal ba'i bum pa la/ dpal rdo rje sems dpa' i dkyil 'khor du bshad pa'i bum pa'i sngags lan nyi shu rtsa gcig bzlas par bya'o/ /
 de nas bdag nyid she bar byin gyis brlabs la shar phyogs kyi skor bltas pas dkyil 'khor gyi nang du sna tshogs pad+ma bris la/ de'i steng du she Sha'i phyag rgya chen pos 'dug ste/ dri la sogs pas bdag nyid mchod de/ mchod yon blangs nas phyi rol gyi rdo rje
 khu tshur gyis rnam par rgyal ba'i bum pa las chu blangs la/ phu oM badzra a b+hi Shiny+tsa zhes zlos shing/ des bdag nyid la dbang bskur bar bsam zhing chu de btung ba yang bya'o/ /de nas rdo rje rin chen gyis phyag rgyas dbang bskur zhing rin po
 che'i cod pan gyi dbang bskur bar bya'o/ /de nas zhes bya ba dang/ rdo rje rtse gsum pa blangs la de bzhin du bdag pa'i dbang bskur ba dang/ ming gi dbang bskur ba blang bar bya'o/ /de nas mchod pa rnam pa lnga dang las kyi phyag rgya rnams kyis bdag nyid la mchod la
 she Sha la phyag bya zhing phu zhes bya ba dang/ phyag bzhi'i ye shes blangs la/ bdag la byin gyis brlab pa la sogs pa byas nas rang gi ming nas kyang brjod de/ dkyil 'khor rdo rjes bsgrub par bya'o/ /de nas bsdu ba byas la gdengs ka'i lag pas she Sha 'khor
 dang bcas pa dkyil 'khor du bcug la/ gdengs ka'i phyag rgya bcings la phu dri sh+ya zhes bya bas she Sha 'khor dang bcas pa la blta bar byas la sa ma yastwaM/ sa ma yastwaM dza(rgyud 'grel rang gi lce la rdo rje dkar po bsams la she Sha la sogs pa'i lce la yang phu zhes bya ba bsams la/ 'di ni de rnams kyi chos kyi phyag rgya'o/ /a las rang gi snying gar sna tshogs rdo rje bsams la she Sha la sogs pa'i las kyi phyag rgya bcing bar bya'o//
 de nas hUM las rang gi snying gar rdo rje rtse lnga pa bsams la she Sha la sogs pa'i phyag rgya chen po bcing bar bya'o/ /de nas rdo rje rin chen gyis phyag rgyas she Sha la sogs pa la dbang bskur la mchod pa lngas mchod par bya'o/ /de nas phyi rol tu
 gtor ma byin la sbyin sreg bya'o/ /de nas yang phyag rgya chen po bcings la ji srid mtshan ma thob par gyur pa de srid kyi bar du bsgom par bya'o/ /de legs par mchod la phyag byas te/ slob ma gzhug pa'i phyir bka' nos la/ slob ma gzhug
 par bya'o/ /slob dpon gyi las kyi cho ga rdzogs so// //de nas slob ma thams cad drug med par byas la/ rang gi 'jug pa'i cho gas bcug la rang gi cho ga de rnams kyi khyad par gyi cho ga snga ma ltar bya'o/ /slob ma 'jug pa la sogs pa'i cho ga rgyas
 pa rdzogs so// //dpal mchog dang po'i dum bu gnyis pa'i rtsa ba'i rgyud las klu'i dkyil 'khor gyi rtog pa rgyas par bshad pa rdzogs so// //bde ba chen po rdo rje gsang ba ni 'jig rten dang 'jig rten las 'das pa'i dkyil 'khor
 thams cad de rtog pa bcu'o/ /de nyid ni rtog pa'i rgyal po chen po de nyid las bde ba thams cad kyi dam tshig chen po rdo rje gsang ba'i cho ga rgyas pa rdzogs pa ni/ rtsa ba'i rgyud kyi tshul gyis so/ /de la bde ba thams cad ni 'jig rten dang 'jig rten las 'das pa'o/ /
 de nyid ni 'jig rten dang 'jig rten las 'das pa'i tshul gyis thams cad du khyab pas na dam tshig go /de las byung ba ni dang po'i rdo rje'o/ /de'i gsang ba ni ji skad du bshad pa'i 'jig rten pa dang 'jig rten las 'das pa'i dkyil 'khor bcu'o/ /de'i cho ga rgyas pa
 ni bsgrub par bya ba dang/ sgrub par byed pa'i tshogs so/ /dpal mchog dang po'i rgya cher bshad pa shes rab kyi pha rol tu phyin pa 'byung ba las/ dum bu gnyis pa'i rtsa ba'i rgyud las 'jig rten pa dang 'jig rten las 'das pa'i dkyil 'khor bcu'i rtog pa bshad
 pa rdzogs so// //de ltar dum bu gnyis pa rtsa ba'i rgyud las/ dkyil 'khor bcu'i rtogs pa gsungs nas/ da ni shes rab kyi pha rol tu phyin par gsungs pa'i rtog pa rnams kyang gal te gdul bya'i nyes pas grub par ma gyur na/ bsgrub pa'i khyad
 par gyi myur du bsgrub par bya ba'i phyir/ de nas shes bya ba la sogs pas dpal rdo rje sems dpa' i gsang ba'i rtog pa gsungs pa yin no/ /de nas zhes bya ba ni 'das ma thag pa ston pa'i tshig ste/ sngar bshad pa'i tshul gyis shes rab kyi pha rol tu phyin pa'i tshul gyi sgo'i
 chos kyi rnam grangs bstan nas don de bsgom par bya ba'i phyir bde ba chen po rdo rje sems dpa' i bzhugs gnas kyi gzhal yas khang bskyed nas/ der ji lta ba bzhin du zhugs te rdo rje sems dpar dbang bskur nas/ bcom ldan 'das rnam par
 snang mdzad bzhugs pa de'i rjes thogs nyid la'o/ /rdo rje ri rab chen po'i rtse mo na rdo rje'i gzhal yas khang chen po na bde ba chen po'i tshul gyis bzhugs so zhes bya bar sbyar ro/ /de bzhin gshegs pa thams cad kyi tshogs las byung ba 'dod pa'i khams thams
 cad kyi gdul bya rnams la so sor snang bar gyur pa rdo rje rang bzhin gyi ri rab chen po'i rtse mo de'i steng na phyogs bcu thams cad du gnas pa'i rdo rje nor bu chen por ro/ /der khyad par ji lta bus bcom ldan 'das bzhugs she na rdo rje rin chen la sogs pa smos
 te/ rdo rje rtse lnga pas rtse mo mtshan pa'i yid bzhin gyi nor bu rin po che 'dir nor bu rin po che yin te/ gang gi phyir rdo rje phyed dang ldan pa ni rdo rje rin chen no zhes 'og nas bshad pa'i phyir ro/ /de rnams kyi 'od 'bar ba ste/ de nyid kyis gsal ba'i snang ba
 'di la yod pas na rdo rje rin chen 'od gsal ba'o/ /des brgyan pa ni brgyan par byas pa'o/ /dra ba dang dra ba phya de la sogs pas 'od dang mdangs dri ma med pa 'di la yod bas na dri med mdangs dang ldan pa'o/ /dri ma med pa'i 'od kyis brgyan pa de ni de skad ces bya'o/ /zur
 bzhi pa zhes bya ba la sogs pa ni bshad zin to/ /ba dan dang 'phan rlung gis bskyod pa ni shin tu mdzes pa de la dril bu btags pa des sgra sgogs pa ni theg pa gsum gyis chos ston pa'i sgra sgrogs pa de na'o/ /dra ba zhes bya ba la sogs pa la de la dra ba ni
 mu tig gi chun 'phyang dbus na yod pa'o/ /me long ni go bar zad do/ /me tog chun po ni dpag bsam gyi shing gi me tog go /dra ba dang me long dang me tog chen po dang/ me tog gi phreng ba dang/ rgyan rnams kyis bskor ba ni brgyan pa'o/ /de lta bu der bde ba chen
 po rdo rje chen po ste der dang po'i rdo rje'o/ /rdo rje kun gyis ni rdo rje dang/ rdo rje rin chen dang/ rdo rje pad+ma dang/ sna tshogs rdo rje'o/ /bde ba chen po rdo rje chen po dang/ rdo rje thams cad ni bde ba chen po rdo rje thams cad do/ /de rnams kyis mngon par 'dus byas pa ni bskyed pa'o/ /de rdo rje
 sems dpa' i snang ba chen po yod pa rdi rdo rje chen po'i snang ba chen po'o/ /der sangs rgyas kun gyis zhes bya ba 'jig rten gyi khams thams cad kyi rdul phra rab dang mnyam pa'i de bzhin gshegs pa rnams kyis nges par bsten pa ste/ der bzhugs pas de bsten par mdzad pa'o/ /gnas
 der byang chub sems dpa' i rang bzhin can gyi sems dpa' i rang bzhin can gyi sems dpa' ni byang chub sems dpa' ste/ de rnams kyi gnas pa ni spyod lam rnam pa bzhi dang/ thugs rje chen po la sogs pa yid kyis bzhugs pa'o/ /de mchog tu gyur pas na byang chub sems dpa' i gnas pa
 mchog ces bya'o/ /der rdo rje 'chang ba kun ni de bzhin gshegs pa rnams dang/ rigs lnga po rnams so/ /de rnams kyi gnas ni bzhugs gnas te/ der bde ba chen po rdo rje che/ /nor bu rin chen ces bya ba ni/ bde ba chen po'i nor bu chen po rdo rje rin chen ni ji skad du bshad
 pa'i nor bu chen po'o/ /des mchog tu gyur pa ni dam par gyur pa gang yin pa de la ming de skad ces bya bas nor bu rin chen mchog ces bya ba/ rdo rje chen po gzhal yas khang zhes bya'o/ /der stong pa nyid bco brgyad kyi ting nge 'dzin ni rdo rje chen po ste/ de'i rgyu 'thun pa las byung ba'i
 gzhal yas khang yin pas na rdo rje chen po'i khang brtsegs na zhes bya'o/ /na zhes bya ba'i sgra ni nges par bzung ba'o/ /rnam par bzhugs zhes bya ba ni de lta bu'i khyad par can gyi gnas na bde ba chen po bzhugs pa ni gnas par mdzad pa'o/ /'dis bde ba chen po rnam
 par bzhugs zhes pa ni 'di la bde ba chen po mnga' bas na bde ba chen po ni dpal rdo rje sems dpa' ste/ 'di'i gnyis su med pa'i ye shes zhes bya ba'i tha tshig go /bde ba chen po 'di'i khyad par ji lta bu zhig ce na/ thog ma tha ma med ces bya ba la sogs pas de khyad
 bar du byas pa yin te/ /thog ma tha ma med ces bya ba ni/ dang po ni thog mar skye ba'o/ /tha ma ni dus tshigs med par 'jigs pa'o/ /gang la thog ma dang tha ma med pa de ni thog mdza' med pa'o/ /sems dpa' ni dmigs pa med pa'i thugs rje chen
 po'i tshul gyis 'gro ba'i don la chags pas na sems dpa' o/ /rdo rje sems dpa' zhes bya ba ni stong pa nyid bcu drug gi rang bzhin yin pas na rdo rje sems dpa' o/ /de yang thog ma dang tha ma med pa nyid dang/ rdo rje sems dpa' nyid kyi dbang du mdzad nas/ de la ji ltar
 na thog ma dang tha ma med pa'i yin zhing rdo rje sems dpa' zhe na/ nam mkha' las byung mtshan ldan phyir/ /thog ma tha ma med pa'i mchog /rdo rje sems dpa' i dam tshig sems/ /rdo rje sems dpa' zhes bshad do zhes 'og nas bshad pa'i phyir ro/ /yang dga' 
 ba chen po ci zhig la chags she na/ sems can rnams la chags par mdzad do zhes gsungs pa yin no/ /dga' ba che zhes bya ba ni chos thams cad kyi de kho na nyid la dgyes pa dang/ sems can gyi don la dgyes pas na dga' ba che'o/ /de yang ji ltar na/
 bcom ldan 'das dga' ba chen po nyid yin zhe na/ nyes bral shin tu rtog pa dang/ chags pa kun la rjes su dgyes/ /de nyid kyis gsang bcom ldan 'das/ /'dod chags chen po dga' ba che zhes gsungs pa'i phyir ro/ /kun tu bzang po che zhes bya ba ni
 gdul bya rnams la 'di nas kun nas bzang zhing dge bas na kun tu bzang po ste/ kun tu bzang po yin pa 'am nyon mongs bag chags dang bcas pa dang bral ba nyid kyi phyir kun nas yongs su dga' bas na kun tu bzang po'o/ /kun bdag nyid ces bya ba ni thams cad kyi bdag ste/
 rang bzhin yin pas na kun bdag nyid de rgyu ba dang mi rgyu ba'i dngos po thams cad kyi rang bzhin zhes bya ba'i tha tshig go /don gnyis pa 'di nyid kyi dbang du byas nas shin tu dag pa kun gyi mchog /gdod nas grol ba de bzhin gshegs/ /kun tu bzang po kun
 bdag nyid/ /byang chub sems dpa' sems dpa' i mchog /ces 'og nas bshad pa yin no/ /rdo rje bsnyems tshul bdag ces bya ba ni bcom ldan 'das rdo rje sems dpa' i phyag rgya chen po gang yin pa dang/ de nyid kyi lha mo gang yin pa de ni rdo rje bsnyems tshul lo/ /
 de'i bdag po ni byang chub chen po'i mtshan nyid can gyi thugs so/ /de'i dbang du byas nas phyag rgya de gang gi phyir 'khor ba ji srid pa'i bar du rgyun tu 'gro ba'i don mdzad pa'i phyir bzhugs pa yin la/ phyag rgya chen po de la yang rtag pa nyid du dbang nyid kyis gtso bor gyur pa
 nyid mnga' ba'o zhes bdag po'i sgra gnyis pas ston pa yin no/ /de nas yang bcom ldan 'das kyis kun mchog dngos grub chen po yi/ /dbang phyug chen po'i phyag rgya yis/ /rdo rje'i dbang phyug cher stong pa/ /rdo rje bsnyems tshul bdag po'i bdag /ces gsungs
 pa yin no/ /yon tan gyi khyad par de lta bu dang ldan pa'i bde ba chen po nyid du ji ltar 'gyur zhes rtog pa dag yod pas bde ba chen po nyid rtogs par bya ba'i phyir/ sems can kun gyi zhes bya ba la sogs pa rang gi sems yongs su sbyang ba'i ye shes gsungs pa
 yin te/ sems can kun gyi sems kun gzhi rnam par shes pa gang yin pa de nyid chos bdag med pa'i tshul gyis rang bzhin gyis 'od gsal ba yin zhing/ gzung ba dang 'dzin pa'i rnam par rtog pas bskyod par mi nus pas na brtan pa yin la/ nyon
 mongs pa dang/ phung po dang/ 'chi bdag dang/ lha'i bu'i bdud kyis rdo rje ltar mi phyed pa yin la/ de ltar mi phyed pa nyid kyis byang chub chen po las bzlog par mi nus pa'i phyir sems dpa' zhes bshad de/ mi shigs pa'i tshul can no/ /mnyam par bzhag
 pas ting nge 'dzin ces bya ba ni/ mi shigs pa'i tshul can gyi sems de nyid sems can thams cad kyi rnam par rtogs pa thams cad dang bral ba/ de bzhin nyid du ro gcig par sems rtse gcig pa nyid ni mnyam par bzhag pa'i rang bzhin nyid yin pas ting nge 'dzin ces
 bya bar bshad do/ /nges pa'i phyir na rdo rjer gyur ces bya ba ni/ sems can thams cad kyi sems chos bdag med pa'i rang bzhin can de nyid zla ba'i dkyil 'khor gyi rnam pa dang/ zla ba'i dkyil 'khor la rdo rje rtse lnga pa/ rdo rje'i bdag nyid can du bsgoms
 pa'i nges pa'i rgyur gyur pa las rdo rje nyid du gyur pa yin te/ rdo rje ngo bo nyid du rdo rje ngo bo nyid de rdo rje'i rang bzhin thob pa'o/ /sems dpar byin rlabs sbyor ba yis/ /rdo rje sems dpa' ang nyid du 'gyur zhes bya ba ni/ rdo rjer gyur pa'i sems de nyid sems dpar byin
 brlabs tshul gyis zhes bya ba rdo rje sems dpa' i skur rnam par bsgoms na/ rdo rje sems dpa' i skur yang 'gyur ro/ /de ltar rdo rje sems dpa' bskyed pa bstan nas/ da ni de nyid ces bya ba la sogs pas de bzhin gshegs par skyed par gsungs pa
 yin no/ /de nyid ces bya ba ni thog ma dang tha ma med pa chos kyi dbyings de nyid bdud bzhi bcom pas na/ bcom ldan 'das zhes bya'o/ /rtag pa ni brtan zhing mi 'gyur ba'o/ /byang chub spyod pa'i rjes 'gro yin zhes bya ba ni mngon par byang chub
 pa lnga ni byang chub bo/ /de'i don du spyod pa ni byang chub spyod pa ste/ rang gi sems ji lta ba bzhin du rtogs pa ni sangs rgyas kyi rang bzhin ji lta ba bzhin du rtogs shing rjes su 'gro ba yin pa'i phyir/ byang chub spyod pa rjes 'gro yin zhes bya'o/ /ji ltar 'di byang
 chub kyi spyod pa'i rjes su 'gro ba yin zhe na/ rang gi sems so sor rtogs pa la sogs pa ni sangs rgyas byang chub ces bya ba la sogs pa ni/ rang nyid kyi sems ni rang gi sems te kun gzhi rnam par shes pa dang/ nyon mongs pa can gyi yid dang/ yid
 kyi rnam par shes pa dang/ mig la sogs pa'i sgo lnga'i rnam par shes pa'o/ /de'i so sor rtogs pa ni gzung ba dang 'dzin pa'i dngos po'i ngo bo nyid med par rtogs pa'o/ /de nyid la sogs pa sangs rgyas kyi byang chub gang yin pa de ni rang gi
 sems so sor rtogs pa la sogs pa ni sangs rgyas kun gyi byang chub yin te/ 'phags pa de kho na nyid bsdus pa las mngon par byang chub pa rnam pa lnga ji ltar gsungs pa de bzhin du/ mngon par byang chub pa lnga bsgoms pas bcom ldan 'das de sangs
 rgyas kyi byang chub kyi rang bzhin du gyur pas na sems dpar byin gyis brlabs pa las byung ba'i rigs kyi rang bzhin du 'gyur ro zhes ston pa yin no/ /bdud ces bya ba ni de nyid ni sems can thams cad kyi bdud lta bu'i sems can yin pas na bdud do/ /sangs rgyas
 zhes bya ba ni sems dpa' i rdo rjer gyur pa de nyid sangs rgyas kyi skur bsgoms pas sangs rgyas su'o/ /rdo rje chen po zhes bya ba ni rdo rje yang yin la chen po yang yin pas na rdo rje chen po ste/ dang po'i rdo rje'o/ /gang de bzhin gshegs pa thams cad kyis rdo rje
 'chang chen po nyid thob par bya ba'i phyir/ gang zhig mdzad pa de ni rdo rje 'chang chen po zhes bya'o/ /rdo rje chen po 'dzin pa nyid ces bya ba ni rdo rje sems dpar gyur pa'i bcom ldan 'das de nyid sems dpar byin gyis brlabs pa'i rdo rje dang dril bu bsnams pa'i phyag rgya
 chen po'i tshul gyis ting nge 'dzin gyis bskyed pa'i rdo rje 'dzin pa chen po'o/ /de nyid de bzhin gshegs pa'i rigs zhes bya ba ni rdo rje 'chang chen por gyur pa'i sems dpa' de nyid rdo rje yid las byung ba'i skur bsgoms na de bzhin gshegs pa'i rigs su 'gyur ro/ /de nyid rdo
 rje rigs chen po zhes bya ba ni sems dpa' i byin gyis brlab pa'i sbyor bas rdo rje sems dpar gyur pa de nyid rab tu dga' ba'i rdo rje khro bo la sogs pa'i skur bsgoms na/ rab tu dga' ba'i rdo rje sems dpa' la sogs pa'i khro bo'i tshul gyis nam mkha' chen po dang
 mnyam pa'i rdo rje'i rigs su 'gyur ro/ /de nyid pad+ma'i rigs dag pa zhes bya ba ni/ sems dpar byin gyis brlabs pa'i sbyor bas rdo rje sems dpar gyur pa de nyid rdo rje 'jig rten dbang phyug la sogs pa'i skur bsgoms pas rdo rje 'jig rten dbang phyug la sogs pa'i tshul 
 gyis rang bzhin gyis dag pa'i pad+ma'i rigs su 'gyur ro/ /de nyid rigs dam pa zhes bya ba ni sems dpar byin gyis brlabs pa'i sbyor ba las byung ba'i rdo rje sems dpa' de nyid 'phags pa nam mkha' i snying po'i sku dang/ de'i rigs kyi tshul du bsgoms
 na nor bu'i rigs dam par 'gyur ro/ /de nyid 'dod chags zhes bya ba ni sems can smin cing dgrol ba la chags pa ni 'dod chags so/ /chags bral nyid ces bya ba ni/ 'dod pa thams cad dang bral ba'i rang bzhin nyan thos dang/ rang sangs rgyas kyi byang chub ces
 bya ba'i tha tshig go /'dod na zhes bya ba ni 'dod cing don du gnyer ba zhes bya ba'i tha tshig ste/ 'dod pa ni bcom ldan 'das rdo rje sems dpa' ni 'dod pa zhes gsungs pa yin no/ /thar pa zhes bya ba ni gnyis su med pa'i sems dang sems las byung ba ni thar pa yin pa
 'am/ bde ba chen po la bya ste/ nga ni thar pa'o zhes 'og nas bshad pa'i phyir ro/ /dus gsum zhes bya ba ni dus gsum du snang ba'i ye shes kyi ngo bo yin pa'i phyir ro/ /srid gsum zhes bya ba ni ming po gsum gyi tshul gyis sems can gyi don byed pa'i phyir ro/ /mchog
 gsum zhes bya ba ni de nyid kyi khyad par gzhan no/ /'jig rten gsum zhes bya ba ni sa'i 'jig rten la sogs pa'i rang bzhin yin pa'i phyir ro/ /khams gsum pa zhes bya ba ni sa'i 'jig rten la sogs pa'i sems can gyi 'dod pa dang gzugs dang gzugs
 med pa'i tshul gyis gnas par mdzad pa'i phyir ro/ /mi g.yo ba zhes bya ba ni mi 'gyur ba ste/ ri rab la sogs pa thams cad do/ /mchog ni dam pa'o/ /brtan zhing sra ba ni rdo rje dang 'dra ba'o/ /nor che ba ni rin po che'i 'byung khung yang de nyid yin no/ /rgyu ba zhes
 bya ba ni sems dang ldan pa'i stobs kyis 'gro bas na rgyu ba'o/ /de nyid bstan pa ni sems kyi 'du byed pa zhes bya ba yin te/ sems kyis 'dus byas pa ni sems kyi 'du byed de sems kyi 'du byed de las shin tu 'gro bas na rgyu ba ste/ bcom ldan 'das so/ /'dod
 chags la sogs pa'i sems las byung ba'i tshul ston pa'i sgo nas khams gsum du zo chun brgyud pa'i tshul gyis yang dang yang du skye bar kun tu ston par mdzad do zhes bya ba'i tha tshig go /thams cad byed pa zhes bya ba ni ji skad du bshad pa'i rdo rje sems dpa' i ngo bo nyid
 nas rgyu ba zhes bya ba'i bar du mdzad pas na thams cad byed do/ /thams cad nyid ces bya ba ni dngos po thams cad kyi ngo bo nyid yin pa'i phyir ro/ /dang po'i sems dpa' zhes bya ba ni bskal pa bzang po la sogs pa'i dang por thog ma med pa'i ngo bos bzhugs pa'i phyir/ dang po'i
 sems dpa' o/ /sems dpa' che zhes bya ba ni/ chos bdag med pa'i ye shes kyis tshul gyis thams cad du khyab pas na sems can chen po'o/ /byang chub sems dpa' zhes bya ba ni byang chub kyi rang bzhin can gyi sems dpa' yin pas na byang chub sems dpa' chen po'o/ /
 bde rab gsol ces bya ba ni sems can gyi tshogs la bskal pa ji lta ba bzhin du rdo rje sems dpa' la sogs pa'i bde ba stsol bas bde rab gsol to/ /sems dpa' i skyil krung zhes bya ba la sogs pa ni go sla'o/ /btsun mo'i tshogs bcas zhes bya ba ni btsun mo'i
 'khor gyi tshogs dang lhan cig bzhugs pa'o/ /sna tshogs pa ni dngos po tha dad pa'i bdag nyid can te/ rdo rje mtshon cha ma la sogs pa nas rdo rje 'bebs pa'i bar gyi rdo rje lha mo rnams kyi mdun du bltas nas/ de bzhin gshegs pa bzhugs pas na rdo rje lha
 mos yongs su bskor ba'o/ /de ltar na de nas zhes bya ba nas brtsams te/ rdo rje lha mo yongs bskor zhes bya ba'i bar gyi bshad pa ni 'dir dang po sbyor ba'i ting nge 'dzin gsungs pa yin no/ /de ltar dang po'i sbyor ba gsungs nas da ni bde ba chen por rab grub zhes bya ba la sogs
 pas ting nge 'dzin gnyis pa gsungs pa yin no/ /bde ba chen po ni thar pa chen po ste/ de grub pa ni mngon sum du byed pa'o/ /de'i don du 'dod chags chen po rnam dag phyir zhes bya ste/ 'dod chags chen po ni bcom ldan 'das rdo rje sems dpa' i phyag rgya
 chen po'o/ /de yang dngos grub kun las rjes chags pas/ /'dod chags chen po bcom ldan 'das/ /rdo rje sems dpa' i phyag rgya 'di/ /'od zer dmar po sna tshogs 'bar zhes gsungs pa'i phyir ro/ /de'i rnam par dag pa ni nyon mongs pa bag chags
 dang bcas pa bral ba ste/ de'i don du'o/ /ma lus gdul bya'i don du ni zhes bya ba ni/ 'jig rten dang 'jig rten las 'das pa'i theg pa ma lus pa la lhag par mos pa'i sems can gyi khams ma lus pa thams cad lung dang rtogs pa la rab tu 'jog pa
 ni 'dul ba'o/ /de'i don du dngos grub thams cad rab grub phyir zhes bya ba/ rdo rje sems dpa' la sogs pa'i dngos grub ni dngos grub thams cad do/ /de rab tu grub pa ni de bsgom pa dang ldan pa rnams kyis de shin tu thob pa ste/ de'i phyir bdag sogs zhes
 bya ba la sogs pa la/ rdo rje sems dpa' i rang gi ngo bo ste/ de la sogs pa'i mdzes pa gang yin pa de ni sems dpa' chen po la sogs pa ste/ rdo rje yid las byung ba la sogs pa sems dpa' chen po dam pa ni/ rdo rje sems dpa' i tshul gyi rdo rje 'chang ba
 chen po'i bdag nyid do/ /sogs pa'i sgras ni rdo rje yid las byung ba nas brtsams te klu'i dkyil 'khor gyi bar gyi tshul la bslab pa'o/ /de rnams kyi dngos grub thams cad ni ji skad bshad pa'i dngos grub thams cad do/ /de lta bu'i dngos grub thams cad
 rab tu grub par bya ba'i phyir/ dam tshig las mi 'da' bar bya'o/ /dam tshig mchog ni de bzhin gshegs pa rnams kyi'o/ /rgyal bas kyang ni bsrung bar bya zhes bya ba ni/ bcom ldan 'das rdo rje sems dpa' i phyag rgya chen po'i rang bzhin/ de bzhin gshegs
 pa rnams kyis kyang bsrung bar bya ste/ dpal rdo rje sems dpar lhag par mos pa'i sems can gyi don du dpal rdo rje sems dpa' i gzugs 'dzin pa'i de bzhin gshegs pa rnams kyi tshul du byas la/ de ltar na de bsrung bar bya ba yin no/ /rdo rje bsnyems ma'i
 tshul 'chang zhes pa ni bshad zin to/ /phyag rgya thams cad rnam dag phyir zhes bya ba ni phyag rgya yang yin la thams cad kyang yin pas na phyag rgya thams cad de phyag rgya chen po la sogs pa rigs thams cad kyi phyag rgya'o/ /de rnams kyi rnam par dag pa ni gdul bya gzhan du
 gyur pa'i sems kyi rtogs pa'o/ /rdo rje sems dpa' mchog grub phyir zhes bya ba ni rdo rje sems dpa' i dngos grub kyi mchog ni/ rdo rje sems dpa' i grub mchog ste/ /gdul bya rnams kyis rdo rje 'chang chen po mngon sum du byas pa'o/ /bde chen rdo rje che sgrub pa
 zhes bya ba ni bde ba chen po ni dpal rdo rje sems dpa' i gsang ba'i dkyil 'khor ro/ /de sgrub pa ni bskyed pa'o/ /rgyu ci zhig gi phyir zhe na/ dngos grub kun la zhes bya ba smos te/ phyag rgya chen po'i dngos grub la sogs pa'i thams cad do/ /de thams cad sgrub pa
 de'i don du snying po gsungs pa'o/ /ci de 'ba' zhig gis gsungs sam zhe na/ ye shes phyag rgyar yang dag ldan zhes gsungs te/ de la phyag rgya chen po la sogs pas bsgrub pa la nges par sbyar ba'i bsgom pa ni ye shes kyi phyag rgya'o/ /de ston par byed
 pa'i sgra la yang nye bar gdags pas de skad ces bya ste/ a nu rA ga ya mi zhes gang bshad pa'o/ /'dod chags dam tshig ces grags te/ /chos kyi 'dod pa yid du 'ong/ /de yi rjes grub rnal 'byor ni/ /rjes su chags pa zhes bshad do zhes gsungs pa yin no/ /
 ye shes kyi phyag rgya nyid dam tshig ste/ thog ma dang tha ma med pa'i chos kyi dbyings su ro gcig pa'i ye shes la nges par sbyar ba'i tshul gyis bzung ba dang 'dzin pa'i rnam par rtogs pa med pa'i phyir de dang yang dag par ldan pa ni bcings pa ste/ ye shes kyi
 phyag rgya dang yang dag pa'i snying po ni yi ge hUM de ston par byed pa 'am de bskyed par byed pa'o/ /de nyid kyis na dam pa'o/ /gang gis bsod nams dang mi ldan pa dang zhes bya ba ni dam pa'i chos spong ba 'am/ mtshams med pa la sogs pa mi dge ba
 thams cad byed pa ni bsod nams mi ldan pa'o/ /de rnams kyang gang gis dngos grub thams cad rnyed par dka' ba ma yin par 'gyur ro/ /de bzhin dkyil 'khor ma zhugs pa zhes bya ba ni dkyil 'khor du ji lta ba bzhin du ma zhugs te de dag
 kyang ngo/ /don yod pa ni 'bras bu yod pa'o/ /thogs pa med pa ni bzlog tu med pa'o/ /myur ba ni rings pa'o/ /mchog ni dam par gyur pa'o/ /thams cad ni ma lus pa ste dngos grub thams cad rnyed par dka' ba ma yin pa ste/ snying po gang zhig gsungs
 pa des don yod pa dang/ thogs pa med pa dang/ myur ba dang/ mchog gi dngos grub thams cad rnal 'byor pa rnams kyis dngos grub rdo rje sems dpa' la sogs par bskyed par gyur pa de la de skad ces bya'o/ /bde ba chen po rdo rje che/ /gsang ba'i
 mchog ste dam tshig brtan zhes bya ba ni bde ba chen po rdo rje gsang ba'i dkyil 'khor gyi dam tshig gi mchog ste/ skyed pa'i rgyu'o/ /brtan pa ni mi shigs pa'o/ /dngos grub thams cad bsgrub pa ni zhes bya ba'i bum pa bzang po la sogs pa dngos po thams cad
 bsgrub pa'o/ /rtog pa thams cad myur 'grub ces bya ba ni shes rab kyi pha rol tu phyin pa'i dum bur phyag rgya chen po la sogs pa'i tshul gyis rtog pa gsungs pa dang/ gnyis par gang gsungs pa de rnams bsgrub pa ni yi ge hUM snying po'i
 tshul gyis bsgrub pa'o/ /thog mdza' med cing zhes bya ba la sogs pa la thog ma ni dang por bskyed pa'o/ /tha ma ni 'jig pa'o/ /'di la mi mnga' bas na thog mdza' med cing ces bya ba ste/ thog ma dang tha ma'i bral ba dang/ de ltar byung ba'i ngo bo nyid kyis
 rtag tu bzhugs so zhes ston pa yin no/ /dang por byung zhes bya ba ni/ bskal pa bzang po la sogs pa'i dang por thog ma med pa'i tshul nyid kyis bzhugs pa yin pa'i phyir dang po byung ba'o/ /bsod nams thams cad cher mtho ba zhes bya ba ni gtsang bar byed pas/
 bsod nams te/ sdig pa'i dri ma thams cad 'khrud pas dag par byed do zhes bya ba'i tha tshig /bsod nams kyang yin la thams cad kyang yin pas na bsod nams thams cad de/ 'jig rten dang 'jig rten las 'das pa'i bsod nams de thams cad ni chen
 po yang yin la mthon po yang yin pas na/ bsod nams thams cad cher mtho ba ste/ bsod nams ma lus par skyes zhes bya ba'i tha tshig go /gzi can rnams kyis bde mchog phyir zhes bya ba ni/ chos bdag med pa'i ye shes kyi snang bas bag chags
 dang bcas pa'i nyon mongs pa'i bud shing nges par sreg pas na gzi can te/ gzi mdangs kyi 'bar ba'i byang chub sems dpa' rnams so/ /gzi can de rnams kyi rang gi ngang gis rnam par rtog pa med par byung ba sems dang sems las byung ba ni bde ba yin te/
 de'i don du gdul bya rnams kyi thar pa chen po bsgrub pa'i phyir zhes bya ba'i tha tshig go /'dod chags chen po rnam dag phyir zhes bya ba de rnams kyi ni a nu rA ga ya mi zhes bya ba la sogs pa yin te/ rjes su chags pa bsgom pa ste/ thabs dang shes rab kyi ngo bo gsang
 ba'i dkyil 'khor gyi rang bzhin bcom ldan 'das rdo rje 'chang ba chen po yang dang yang mngon du bya'o zhes bya ba 'di ni rjes su chags par bya'o zhes bya ba yin no zhes bya ba ni rnam par ston pa'i tha tshig ste/ de lta bu'i rnam par zhes bya ba'i tha tshig go /ci bzhin zhes bya ba na ci nus
 pa ste/ rang gi nus pas sam sngon gyi 'phen shugs kyis zhes bya ba'i tha tshig go /ye shes rab 'jug ces bya ba ni lhag pa'i rnal 'byor ni des pa de ni ye shes te/ de'i rab tu 'jug pa ni gsang ba'i dkyil 'khor bskyed de/ sems can thams cad dang thun
 mong du bya ba'o/ /des na a nu rA ga ya mi zhes/ ji bzhin ye shes rab 'jug pas zhes bya ba ni 'dis 'dul ba rnams la thun mong du bya ba'i phyir ro/ /nye ba'i snying po dang bcas snying po zhes bya ba ni/ nye ba'i snying po dang bcas pa'i snying po ni yi ge hUM ngo/ /de nyid ni dang
 po ste thog ma med pa'i tshul gyis bskal pa bzang po la sogs pa'i thog mar rgyun mi 'chad par bzhugs shing mdza' med pas na dang po'o/ /bskal thogs zhes bya ba ni bskal pa ni bzang po la sogs pa'i thog ma med de/ dang por bcom ldan 'das
 gsungs zhes bya ba la bcom ldan 'das rdo rje sems dpas gsungs shing bka' stsal pa ste/ a nu rA ga ya hUM zhes bya ba nye ba'i snying po dang bcas pa'i snying po gsungs so zhes bya ba'i tha tshig go /'dus par 'gyur zhes bya ba ni gcig tu tshogs par mdzad pa'o/ /
 phyung zhes bya ba ni bskyed par gyur pa ste/ phyogs bcu thams cad du 'gro ba sems can dang snod kyi 'jig rten bskyed par bya'o zhes bya ba'i tha tshig go /'di skad ston pa yin te sngon gyi sangs rgyas kyi zhing 'di chags pa'i gong na nam mkhar gyur pa nam mkha' i phyogs der/ bcom
 ldan 'das rdo rje sems dpa' nam mkha' thams cad la gnas pa'i rdo rje chen po'i gzhal yas khang na sna tshogs pad+ma la rdo rje lha mo'i tshogs dang bcas pa bzhugs te/ a nu rA ga ya mi hUM zhes gsungs par gyur pa yin no/ /de nas 'jig rten gyi khams gzhan na
 bzhugs pa'i de bzhin gshegs pa rnams 'dus par mdzad nas gshegs te/ byon nas sangs rgyas kyi zhing 'di'i sems can gyi 'jig rten dang bcas par bskyed par mdzad pa yin no/ /phyung zhing 'gro ba thams cad dang snod kyi 'jig rten sna tshogs te/ rgyu ba dang mi
 rgyu ba'i rang bzhin can bskyed cing phyung bar gyur to/ /gtso bos dngos grub dris 'gyur ba zhes bya ba ni sems can gyi khams de bskyed pa rdo rje sems dpa' la sogs pa ji ltar 'grub par 'gyur zhe na/ bcom ldan 'das rdo rje sems dpa' la dris pa yin no/ /ji ltar
 skad cig gis 'gro grub/ /sems dbang chen po myur du smos zhes bya ba ni ji ltar 'gro ba sems can gyi khams 'di rnams skad cig gis zhes bya ba bskyed pa'i rjes thogs nyid la rdo rje sems dpa' la sogs pa'i ji ltar 'gyur zhe na/ myur du grub pa de lta bus
 sems can chen po myur du smos shig /ces gtso bos dpal rdo rje sems dpa' la dris pa yin no zhes bya ba'i tha tshig go /de nas zhes bya ba la sogs pa ni/ de nas dris pa'i rjes thogs nyid la/ bcom ldan 'das rdo rje sems dpa' dang po'i dkyil 'khor de gsang ba'i dkyil
 'khor dang por sems can thams cad gzhug pas/ byin gyis brlabs nas rgya che ba'i tshul can gyis sems can thams cad la so sor snang ba bskyed pa'i phyir/ gsang ba'i dkyil 'khor de bstan par mdzad pa yin no/ /de'i khyad par ji lta bu zhe na/ rdo rje kun mchog
 dam tshig ni zhes bya ba gsungs te/ rdo rje kun ni de bzhin gshegs pa'i rigs kyi bsdus pa gnyis su med pa'i sems dang sems las byung ba'o/ /de rnams kyi dam tshig gi dkyil 'khor de'o/ /de nas bsgrub pa ni rdo rje 'dzin pa nyid la sogs pa bskyed pa ni grub pa'o//
 cho ga ji lta ba ni/ ji ltar slob ma 'jug pa'i cho gas 'dir slob ma bsgrub pa de bzhin du de rnams kyang ring por mi thogs par snod du rung bar bsgrub pa'o/ /de nas zhes bya ba la sogs pa la de ltar ring por mi thogs par snod du byas pa'i sems can rnams la rdo
 rje sems dpa' nyid la sogs pa dngos grub kyi mchog bsgrubs par 'gyur ba na/ de'i rjes thogs nyid la skyes shing byung ba'o/ /de phan chad ces bya ba ni sems can khams gsum na spyod pa thams cad do/ /ji bzhin las kyi rjes su zhes bya ba ni sems can gang
 de dag gi las dkar po 'am/ nag po 'am/ 'dres ma ji ltar byas pa de bzhin du las des bde 'gro la sogs par ji lta ba bzhin du nye bar 'gro bas na/ ji bzhin las kyi rjes su 'gro ste/ rang gi las dang nyon mongs
 pa'i dbang las skye ba zhes bya ba'i tha tshig go /rtag par sdig kun kun tu spyod ces bya ba ni/ rtag tu zhes bya ba ni nyin re'o/ /sdig pa kun ni srog gcod pa la sogs pa'o/ /kun tu spyod pa ni byed pa de/ des na rtag par sdig kun kun tu spyod ces bya ba ste/ 'dis ni
 sems can sdig pa can mi dge ba kun tu spyod pa yin no/ /ngan zhen ni dngos po ngan pa la chags shing zhen pa ste de nyid du mdza' gtugs pa zhes bya ba'i tha tshig go /'dis ni sems can gyi tshogs gnyis pa gsungs pa yin no/ /le lo byas pa ni
 dge ba'i las la mi 'jug pa dang/ mi dge ba'i las la mi 'jug pa dang/ nor bsags pa la yang mi 'jug pa gang yin pa de ni ci yang mi byed pas na/ de ni 'dir le lo can zhes bya ba'o/ /'dis ni sems can gyi tshogs gsum pa gsungs pa yin no/ /
 nga ni zhes pa ni da ltar te/ bshad ma thag pa'i sems can gyi tshogs gsum pa ni/ sems can gyi khams la gzigs pa'i 'jig rten gyi mgon po de bzhin gshegs pas bcom ldan 'das rdo rje 'chang chen po la dris bar gyur pa ste/ 'dri ba mdzad pa'o/ /
 ji ltar zhe na/ bcom ldan 'das 'o na ji ltar na zhes bya ba la sogs pa gsungs te bcom ldan 'das ni rdo rje 'chang chen po ji ltar zhes bya ba ni mi bzod pa'o/ /na zhes bya ba'i sgra ni rtog pa'o/ /'byin pa zhes bya ba ni sems can thams cad bskyed pa'o/ /dge
 ba thams cad kun tu bskyed ces bya ba ni/ dge ba ni bsod nams so/ /thams cad ni ma lus pa'o/ /kun tu bskyed pa ni bskyed par gyur pa'o/ /'di skad ston pa yin te gal te bcom ldan 'das rdo rje sems dpa' thams cad bskyed par mdzad na/ bsod
 nams thams cad bskyed par gyur na/ de'i yongs su dag pa nyid kyis sems can dag par gyur na/ de lta bur ni mi snang ngo/ /de bas na ci zhig du nges she na sems can gyi phung po nye bar nges pas na bcom ldan 'das ni bskyed pa ma yin no/ /de rnams kyi ni
 tshig gsan nas zhes bya ba ni de rnams kyi dris pa'i tshig gsan nas so/ /tshig ni 'di skad du gsungs pa yin zhes bya ba ni gsungs bar 'gyur ba'o/ /ci zhig gsungs zhe na/ rdo rje 'dzin ces bya ba la sogs pa ste/ rdo rje 'dzin ni rdo rje 'chang ngo/ /rgyu ba dang
 mi rgyu ba'i dngos po thams cad sprul pas na kun byed do/ /skyed par byed pa yin pas na 'byin pa'o/ /yang ci zhig gsungs she na/ las kyi 'ching ba lhod gyur pa zhes bya ba gsungs te/ 'di dag mi dge ba la 'jug pa las kyang dge ba la 'jug par byed la/
 dge ba la zhugs pa las kyang mi dge ba la 'jug par 'gyur la/ la la ni dge ba dang mi dge ba gnyis ka la 'jug pa 'am/ ci yang mi byed pa dag kyang yod do/ /de bas na 'di dag ni 'dres mar spyod pa yin gyi/ 'di rnams kyi las kyi mdza' dge ba
 dang/ mi dge ba'i tshul gcig tu nges par bstan par gyur pa ni ma yin no/ /de bas na 'di rnams rnam pa gsum du gyur pa la/ nga ni lung 'bogs pa tsam gyis tshul gyis 'di rnams kyi 'byin pa po yin gyi rnam pa thams cad nas thams cad du skye bar byed pa ni
 ma yin no/ /gal te thams cad nas thams cad du skyed pa po yin par gyur na ni/ de'i tshe thams cad bde ba nyid du 'gyur ba yin no/ /de'i tshig de zhes bya ba la sogs pa ni go bar zad do/ /shin tu chags pa rnam dag phyir zhes bya ba ni/ lhag par chags pas na
 shin tu chags pa ste/ chos bdag med pa'i 'dod chags dang/ dmigs pa med pa'i thugs rje chen po dang/ de'i rgyu 'thun pa las byung ba'i dpal rdo rje sems dpa' i gsang ba'i dkyil 'khor rnam par dag pa'i gsang ba'i gzugs brnyan dang 'dra bar rtogs
 pa'o/ /yang na chos bdag med pa dngos po med pa'i ngo bo nyid rtogs par byed pa'i gdul bya rnams te de'i don to/ /kun mchog cho ga rgyas pa ni zhes bya ba ni thams cad kyi mchog tu gyur pa gsang ba'i dkyil 'khor bsgrub pa'i rgyun te thams cad kyi mchog tu gyur pa'i
 cho ga rgyas pa de bka' stsol cig ces gsol ba btab bo/ /'di skad ston pa yin te/ gal te las kyi bcing ba lhod pas 'gro ba'i tshogs rnam pa gsum skye bar 'gyur la/ 'ching ba dam po ni tshul gcig pa nyid du 'gyur ba de bas na shin tu 'gyur ba de bas na shin
 tu chags pa nyid thob par bya ba'i phyir gsang ba'i dkyil 'khor gyi cho ga rgyas par bshad pa gang gis sems can de rnams shin tu chags pa rnam par dag pa thob par byed pas bsam pa shin tu brtan pa'i las kyi phyir mi ldog pa'i go 'phang
 rtogs pa nyid du gyur pa'o/ /de nas zhes bya ba la sogs pa la de nas zhes bya ba'i sgra ni de ma thag ston par byed pa'i tshig ste/ bcom ldan 'das rdo rje 'chang ba la de bzhin gshegs pa thams cad kyis gsol ba btab pa'i rjes thogs nyid la bcom ldan 'das
 rdo rje 'chang chen pos bka' stsal pa yin no/ /dngos grub thams cad gsol ba ni gsang ba'i dkyil 'khor gyi dngos grub thams cad stsol ba'o/ /bde ba chen po'i rdo rje gsang ba'i dang po'i rtog pa thams cad ces bya ba ni bde ba chen po'i bde ba nyid ni bde ba chen
 po ste/ de'i rdo rje gsang ba yin pas na bde ba chen po rdo rje gsang ba yin no/ /de nyid dang po ste/ bskal pa bzang po la sogs pa'i thog ma nyid du gnas pas na bde ba chen po'i rdo rje gsang ba dang po ste/ bcom ldan 'das rdo rje sems dpa' i gsang ba'i
 dkyil 'khor ro/ /gnyis su med pa'i ye shes las byung bas na mchog dam pa ste/ bcom ldan 'das rdo rje gsang bas gsungs so/ /dngos grub thams cad gsol ba 'ba' zhig tu ma zad kyi/ rtog pa kun gyis bde ba che/ /rdo rje gsang bas bka' 
 stsal to/ /zhes bya ba ste/ yi ge hUM gi rang bzhin can gyis rtog pa thams cad gsungs so zhes bya bar sbyar ro/ /rang bzhin ji lta ba bzhin du dpa' bo zhes bya ba gsungs te/ gdul bya skye bo rnams kyis don bskyed par bya ba'i phyir/ stsol bzhin pa'i
 tshul gyis 'jig pa med par rtag tu bzhugs pa'i phyir yi ge hUM gi snying po ni dpa' bo'o/ /de lta bu'i snying po dpa' bo de'i rtog pa 'di yang ji lta bu gzhan yin zhe na/ dkyil 'khor la sogs pa cho ga zhes bya ba gsungs so/ /cho ga chen po de nyid
 rnam par dbye ba ni sna tshogs zhes bya ba la sogs pa smos pa yin te/ dngos po thams cad kyi bdag nyid can yin pas na sna tshogs so/ /'jig rten las 'das pa'i sbyor ba ni rgyud phyi ma ste/ de dang lhan cig gnas pas na phyi ma'i rgyud dang bcas pa ces bya
 pa yin no/ /dngos grub thams cad rab grub byed ces bya ba ni/ sems can rnams kyi 'jig rten dang 'jig rten las 'das pa'i dngos grub thams cad bskyed cing rdzogs par byed pas na dngos grub byed ces so/ /de nyid ci'i phyir/ /rdo rje 'chang ba'i snying
 po'i rtog pa gsung bar mdzad ce na/ 'jig rten thams cad ces bya ba la sogs pa smos te/ thams cad kyang yin la/ 'jig rten yang yin pas na 'jig rten thams cad de/ sems can gyi 'jig rten no/ /de'i khams chen po ni snod kyi 'jig rten
 te/ phyogs bcu na sangs rgyas bzhugs pa dang/ sangs rgyas mi bzhugs pa'i zhing khams so/ /de'i rdul phra rab ji snyed yod pa de dang mnyam pa'i sems can rnams zhes bya ba yi ge hUM gi rang bzhin nam mkha' dang mnyam pas che bas/ sangs rgyas nyid
 du grub pa la sogs pas bde ba dam pa nyid du 'gyur ro zhes te/ bde ba yang yin la dam pa yang yin pas na dam pa nyid bde ba dam pa ste/ sangs rgyas pa'i bde ba chen po thams cad do/ /de'i ngo bor gyur pas ni bde ba dam pa nyid do/ /gyur pa ni thob  
 pa'o zhes nges par byas pa'o/ /'di skad ston pa yin te snying po 'dis 'jig rten gyi khams thams cad kyi rdul phra rab dang mnyam pa'i sems can rnams sangs rgyas nyid la sogs pa'i dngos grub kyi bskal pa bzang po la sogs pa'i dang
 por grub pa yin te/ de bas na snying po 'di ni dngos grub kyi dam pa bskyed pa yin no zhes nges pa bskyed nas/ bcom ldan 'das rdo rje sems dpa' de bzhin gshegs pas gsol ba btab pa'i tshig gsan nas rtog pa gsungs pa yin te/ 'jig rten thams
 cad sangs rgyas nyid grub par bya ba'i phyir ro/ /de ltar bde ba chen po rab grub phyir zhes bya ba nas brtsams te/ bde ba dam pa nyid du 'gyur zhes bya ba'i bar gyi bshad pas dkyil 'khor gyi rgyal po mchog ces bya ba'i ting nge 'dzin gnyis pa gsungs
 ba yin no/ /de nas bsdu ba sngon du 'gro ba ni gsum yin par shes par bya'o/ /de ni dam tshig dang dbang bskur ba thob pa rnams kyis bzlas brjod dang/ bsgom pa bya'o zhes don bstan par bya ba'i phyir de nas de bzhin gshegs pa de rnams zhes bya ba la sogs pa
 slob dpon gyi las kyi cho ga dang/ slong ma 'jug pa la sogs pa'i cho ga gsungs pa yin no/ /de nas zhes bya ba'i sgra ni snga ma bzhin/ /de ltar de bzhin gshegs pa thams cad kyis gsol ba btab pa dang/ bcom ldan 'das rdo rje sems dpas bskal pa
 bzang po la sogs pa'i thog mar sems can thams cad la sangs rgyas nyid du grub par stsol ba'i rtog pa gsungs pa'i rjes thogs nyid la'o/ /bde bar gshegs pa de rnams zhes bya ba ni go sla'o/ /dang po'i dkyil 'khor par grub stsal zhes bya ba ni dang
 po ni bcom ldan 'das rdo rje sems dpa' ni dkyil 'khor gyi dngos grub gsol bas na dngos grub ste/ dkyil 'khor gyi dngos grub gsol ba la de bzhin gshegs pas gsol ba btab pa yin no/ /ci chags pa dang bral ba'i gdul bya rnams kyi phyir chags
 pa med par bstan par bya ba 'am zhes bya ba ni nyan thos dang/ rang sangs rgyas kyi mya ngan las 'das pa na chags pa dang bral ba'o/ /nyan thos dang/ rang sangs rgyas kyi byang chub 'dir 'dul zhing rab tu 'jog pas na de'i gdul bya'o/ /ci chags pa dang bral
 ba 'dul ba gang yin pa de la chags pa dang bral bas 'dul zhing don du gnyer ba dra'i chad du chags pa med par so so thar pa'i sdom pa bstan par bya ba'i phyir/ sprul pa'i sku des 'dul ba rnams kyi phyir/ bslab pa dang bcas par bya ba'am zhes ba ste/ mdo sde
 tshul bstan par bya ba 'am zhes bya ba'i tha tshig go /'dod chags thams cad ces bya ba la sogs pa la/ 'dod chags kyang yin la thams cad kyang yin pas na 'dod chags thams cad de rigs lnga'i lha rnams pa soms pas 'dul ba rnams so/ /de'i rnam par dag pa ni
 gzung ba dang 'dzin ba'i rtog pa dang bral ba nyid kyi rigs lngar rtogs pa'o/ /de'i don du rdo rje 'chang chen pos gsungs shig ces/ de bzhin gshegs pas bcom ldan 'das rdo rje sems dpa' nyid kyi thugs kyi bya ba gsol ba btab pa yin no/ /de la nyid kyi thugs kyi bya ba ni/
 bcom ldan 'das rdo rje sems dpa' ni gsang ba'i dkyil 'khor gyi don gyi tshul gyis don mdzad pa'o/ /de nas bcom ldan 'das dkyil 'khor brtan par mdzad do zhes bya bar sbyar ro/ /de nas de bzhin gshegs pa thams cad kyi gsol ba btab pa'i tshig gi
 rjes thogs nyid la bcom ldan 'das rdo rje sems dpa' rdo rje klu gsungs so zhes bya ba ste/ rdo rje klu len cing dkyil 'khor te/ gsang ba'i dkyil 'khor brtag bar mdzad pa ni yongs su brtag par mdzad pa ste/ dkyil 'khor bri ba'i cho ga gsungs pa'o zhes bya ba'i tha tshig go /da ni
 rdo rje klu ste/ rjes su chags pa zhes bya ba la sogs pa gsungs pa yin te/ rjes su chags pa yang yin la thams cad kyang yin pas na rjes su chags pa thams cad de/ rdo rje sems dpa' la sogs pa'i sngags bsgrub pa'i sbyor ba'o/ /des bskyed ba'i bde ba ni rjes su chags
 pa thams cad kyi bskyed pa'i bde pa'o/ /des yid mchog tu bde bar gyur pa ni rjes su chags pa thams cad kyi bde ba dam pa'i yid do/ /de rnams 'byung ba'i rgyu ni khyed gnyis yin pas na bskyed pa'i rgyu'o/ /ji ltar zhe na/ rab dga' ba zhes bya ba la sogs pa smos te/ gang
 gi phyir khyed ni rab tu dga' ba yin zhing 'gro ba ste/ sems can rnams kyi bde ba chen po brtan zhing mtho bar byed pa zhes bya ba ni bde ba chen po ste/ gnyis su med pa'i ye shes kyi brtan pa ni rdo rje ltar mi phyed pa'o/ /de mdzad pas na brtan zhing mtho ba mdzad pa'o/ /bdag
 kyang der mdzod ces bya ba ni ji ltar khyed ni rnams kyi brtan zhing mtho bar mdzad pa de bzhin du bdag kyang brtan zhing mtho bar mdzad pa de bzhin du mdzod cig pa'o/ /rdo rje sems dpa' gsang ba'i dkyil 'khor la rings shing myur bar grub ba'i nyid du phyogs
 shing mngon du gyur par mdzod cig ces pa ste/ slob dpon de lta bu glu len cing rtag pas rdo rje sems dpa' i gsang ba'i dkyil 'khor bri bar bya'o zhes bya ba'i tha tshig go /dkyil 'khor chen po'i tshul gyis ni/ /dang po'i dkyil 'khor bstan par bya zhes bya ba ni/
 dpal rdo rje sems dpa' i dkyil 'khor chen po'i dbyibs ltar/ dkyil 'khor 'di thams cad bri bar bya'o/ /phyag na rdo rje'i thams cad du/ rdo rje lha mo la sogs zhes bya ba ni/ 'dir khyad par ni 'di yin te/ thams cad dkyil 'khor chen po dang 'dra bar las
 'dir rdo rje yid las byung ba nas/ rdo rje 'bebs pa'i bar du thams cad bud med kyi cha lugs 'dzin par bya'o/ /de ltar rdo rje klu len cing dkyil 'khor bris nas dkyil 'khor bri bar bya'o/ /ji ltar zhe na/ cho ga bzhin du zhes bya ba gsungs te/ ji ltar sngar bshad
 pa'i rdo rje sems dpa' i rnal 'byor chen po byas la/ rang gi snying pos lha rnams dgod par bya'o de la snying po ni 'di dag yin te/ a nu rA ga ya mi hUM zhes bya ba bcom ldan 'das kyi'o/ /hUM badzra driSh+Ta sa ma kE maT/ hUM badzra kI li kI la hUM/ hUM sma raT badzra Ni band+ha/
 hUM du? shu badzra Ni hUM zhes bya ba ni/ rdo rje yid las byung ba la sogs pa'i'o/ /rdo rje mtshon cha ma la sogs pa dang/ rdo rje sbrang rtsi ma la sogs pa'i snying po ni dkyil 'khor chen po las gsungs pa yin no/ /rdo rje lcags kyu ma la sogs pa'i ni de bzhin gshegs
 pa'i dkyil 'khor las gsungs pa'i snying po rnams yin par shes par bya'o/ /de nas sgo dbye ba byas la mchod yon dbul bar bya'o/ /de nas bum pa la sogs pas dkyil 'khor thams cad yang dag par mchod la/ dkyil 'khor chen po las bshad pa'i
 tshul du bdag nyid brgyan la/ sngon du spyod pa byas shing sems rtse gcig thob pa'i rdo rje bsnyems ma'i lha mo sbyor ba dang ldan pa'i gzungs ma g.yas pa'i khu tshur gyis rdo rje dril bu thogs pa dang bcas pas bsnyems pa byas shing lag pa g.yon pa na dang po'i rdo rje thogs pa
 blangs la 'dzin pa'i tshul gyis rdo rje dang bcas pa'i rdo rje bsnyems pa mchog gi phyag rgyas bdag nyid 'jug par bya ba ni/ bcom ldan 'das rdo rje sems dpa' i phyag rgya chen po rdo rje dril bu dang bcas pa bcings la lag pa g.yas pas ji skad du bshad pa'i gzungs blangs nas
 gzung ba'i tshul gyi badzra badzra zhes bya ba dang/ sngar bshad pa'i tshul gyis rdo rje'i glu zlos shing de bzhin du/ slob dpon bdag nyid 'jug par bya'o/ /zhugs pa zhes bya ba la sogs pa la de ltar dkyil 'khor du zhugs nas skor ba lan gsum byas te/ bcom
 ldan 'das phyag na rdo rje'i spyan sngar 'dug la/ hUM zhes bya ba la sogs pas de kho na nyid dang/ gsang ba brjod la sngar bshad pa'i cho ga thams cad bya'o/ /de ltar sngar bshad pa'i cho ga rgyas par rdzogs par byas nas/ dbang bskur ba thams cad kyis bdag nyid ji
 lta ba bzhin du/ dbang bskur la dngos grub kyi rdo rje brtul zhu blangs nas mchod pa thams cad kyis mchod de/ de kho na nyid kyis rdo rje bzung zhig chos kyi dril bu dkrol la/ dam tshig gi phyag rgya chen por byin gyis brlabs nas rjes su gnang ba
 dang lung bstan pa dang/ snying po dang/ phyag rgya bzhi'i ye shes bcom ldan 'das la blangs nas/ bdag la byin gyis brlabs pa la sogs pa byas la/ rang gi rdo rje ming nas brjod pa yang byas nas/ dkyil 'khor rdo rjes bsgrub par bya'o/ /de nas bsdu ba dang
 mtshan brgya rtsa brgyad pas bstod par byas la/ snga ma bzhin du dkyil 'khor chen po las bshad pa'i tshogs/ bcom ldan 'das 'khor dang bcas pa dkyil 'khor du gzhug par bya'o/ /de nas dkyil 'khor chen po las bshad pa'i cho gas cho gas thams cad rjes su
 spyad la/ rdo rje slob dpon rab tu dga' ba'i rdo rje dam tshig gi phyag rgyas rjes su zhugs la de bzhin du de kho na nyid chen po 'byung bas rjes su bskul te/ rang gi cho ga thams cad rjes su spyad la/ srid pa'i bde ba rnam dag phyir zhes bya ba la sogs pa slob
 ma gzhug pa'i phyir/ bka' mnos la phyir 'byung bar bya'o/ /slob dpon las kyi cho ga rdzogs so// //gzhug par bya'o zhes bya ba ni/ dkyil 'khor chen po las bshad pa'i cho ga nyid kyi rab tu dga' ba'i rdo rje dam tshig gis slob ma gzhug
 par bya'o/ /de nas de bzhin du cho ga thams cad rdzogs par bya'o/ /'dir rang nyid 'jug pas dkyil 'khor du 'jug par 'gyur ro zhes bya ba ni/ ji ltar dkyil 'khor du rang nyid 'jug pas/ dkyil 'khor du 'jug par 'gyur ba de bzhin du 'dir yang
 'jug par 'gyur ro zhes ston to/ /rdo rje slob dpon thams cad ces bya ba ni/ dkyil 'khor gyi slob dpon thams cad do/ /phyag rgya thams cad kyi bdag po zhes bya ba ni/ dkyil 'khor gyi mtshan ma thams cad kyi bdag po'o/ /dam tshig thams cad shes
 pa zhes bya ba ni/ dam tshig thams cad ni dkyil 'khor gyi dam tshig thams cad de/ de shes pas na dam tshig thams cad shes pa'o/ /de yang dam tshig gi dkyil 'khor gyi slob dpon zhes bya ba'i tha tshig go /thams cad tshar gcod pa dang/ phan 'dogs
 par nus pa zhes bya ba ni/ las kyi phyag rgya thams cad kyi dkyil 'khor pa'i slob pa'i tshul gyis sems can thams cad la tshar gcod pa dang/ phan 'dogs par nus pa'o/ /ji ltar na de ltar 'gyur zhe na/ dngos grub thams cad ces bya ba la sogs pa smos
 te/ gang gi phyir dngos grub thams cad phun sum tshogs pa'i ye shes kyi las skad cig gis byed pa nyid du/ bcom ldan 'das kyis byin gyis brlabs pa mdzad pa der dngos grub thams cad de/ rdo rje sems dpa' la sogs pa'i dngos grub bsgrub pa de/ 'jig rten dang
 'jig rten las 'das pa'i 'byor pa thams cad phun sum tshogs pa'i ye shes de las gang gis byed pa ste/ sems can gyi don gyi bya ba dang/ sangs rgyas kyi mchod pa la sogs pa'i tshul de dag ni dngos grub thams cad ni ye shes phun sum tshogs pa'i las
 te/ de byed pas na dngos grub thams cad kyi phun sum tshogs pa'i ye shes kyi las byed pa'o/ /skad cig nyid kyis zhes bya ba ni/ bcom ldan 'das rdo rje sems dpas dus gzhan du byin gyis brlab par mdzad pa ma yin gyi/ rigs lnga'i dngos grub kyi bya ba byed par
 mdzad do zhes bya ba'i tha tshig go /ji ltar zhe na/ rang nyid 'jug pa nyid kyi zhes bya ba gsungs te/ 'jug pa tsam zhes smos pas ni dbang bskur ba dga' ba yin te/ des ni shin tu yang byin gyis rlob par mdzad do zhes ston to/ /slob dpon ma yin pa yang zhes bya ba ni/ dkyil
 'khor 'dir ma zhugs pa'o/ /de ci'i phyir zhe na zhes bya ba ni rgyu ci'i phyir slob dpon ma yin zhing dkyil 'khor du ma gzhug pa dag la yang bcom ldan 'das de ltar byin gyis rlob par mdzad ce na/ 'di ltar zhes bya ba la sogs pa gsungs te/ 'di ltar zhes bya ba rnams
 'dis rang nyid dkyil 'khor du 'jug par byed pa dang/ gang gi phyir bcom ldan 'das rdo rje sems dpa' nges par rang gi dam tshig gis shes pa dkyil 'khor du 'jug pa'i rang gi dam tshig gi cho ga 'dis rdo rje slob dpon du gyur nas so/ /slob dpon 'jug pa ni
 zhes bya ba ni zhugs nas dbab pa la sogs pa'i cho ga thams cad byed du 'jug pa'o/ /snying po 'di yang byin gyis brlabs kyis/ zhes bya ba ni hUM gi mthus dkyil 'khor du ma zhugs pa la yang 'jig rten dang 'jig rten las 'das pa'i dkyil 'khor thams
 cad du 'jug pa'o/ /rdo rje slob dpon thams cad ces bya ba ni rdo rje sems dpa' i dkyil 'khor gyi slob dpon du hUM zhes bya ba lan gcig bzlas pas kyang 'grub pa'o/ /mi gsong pa zhes bya ba ni rdo rje la sogs pas kyang bcom par mi nus pa'o/ /mi tshugs
 pa zhes bya ba ni zil gyis mnan par mi nus pa'o/ /thams cad byed ces bya ba ni snga ma bzhin no/ /nam mkha' la sogs pa las a la sogs pa'i yi ge thams cad nas sna tshogs ston cing mngon par 'dod pa'i don gsal bar byed pa'i lus kyis  thams cad mthong ngo/ /zhes bya ba ni 'das pa dang/ ma 'ongs pa dang/ da ltar byung ba'i mngon par 'dod pa'i dngos po thams cad yi ges gsal bar byas nas mig gis mthong ba'o/ thos zhes bya ba ni rna bas so/ /rig ces bya ba ni yid kyi rnam par shes pas
 so/ /shes zhes bya ba ni bsam pa'i rang bzhin gyis shes pas nges par 'dzin pa'o/ /dngos po thams cad ces bya ba ni gsang ba'i dkyil 'khor la sogs pa'i tshul lo/ /de bzhin gshegs pa ni rnam par snang mdzad la sogs pa'o/ /rdo rje 'chang chen po
 ni rdo rje sems dpa' la sogs pa'i byang chub sems dpa' dang bcas pa 'am 'dus pa mdzad nas gsol ba'o/ /yongs su sbyang ba'i don ni ma yin no/ zhes bya ba la sogs pa la/ ji ltar dkyil 'khor chen po bsgrub pa ni dbang bskur bar byed pa ltar ni ma
 yin te/ sangs rgyas dang byang chub sems dpa' de nyid bsgrub par gsol ba'o/ /de bzhin gshegs pa rnams rnam par dag pa dang gdul bar bya ba'i phyir bgegs mdzad pa dang sdug bsngal bskyed par mdzad pa de bzhin du gsang ba'i dkyil 'khor du rang nyid
 zhugs par dkyil 'khor du ma zhugs pa'i slob dpon la yang de ltar mdzad pa ma yin no/ /bcom ldan 'das zhes bya ba la sogs pa la/ de bzhin gshegs pa rnams de la bgegs mi mdzad par ma zad kyi/ bcom ldan 'das bde ba chen po rdo rje
 'chang shin tu brtan pa'i sems rtse gcig pa mngon du 'gyur ozhing/ shin tu dgyes pa ni sgrub pa po'i ting nge 'dzin gyis yang dag pa'i byang chub kyi tshul gyis mngon du bya'o/ /rjes su chags pa ni sgrub pa po rang gi dngos grub rdzogs par mdzad pa la thugs
 gcig pa'o/ /shin tu rgyas pa ni ting nge 'dzin gyi stobs kyis sgrub pa pos bdag nyid kyi dor bya'o/ /dngos grub thams cad ni ji skad bshad pa rnams so/ /phun sum tshogs pa thams cad dang/ ye shes thams cad dang las thams cad ni ji skad du bshad pa rnams sgrub
 par mdzad pa yin no/ /ji ltar sgrub par mdzad ce na/ gdon mi za bar grub pa zhes bye? bas so/ /dus ring pos sam zhe na/ ma yin te myur du zhes bya bas so/ /'on kyang zhes bya ba la sogs pa las rang nyid zhugs pa tsam gyis de lta bu la sogs pa'i dngos grub de la
 gsol bar mdzad pa de 'ba' zhig tu ma zad kyi/ gsang ba'i dkyil 'khor slob dpon gang gis dkyil 'khor bri ba 'am/ de'i gsang ba'i dkyil 'khor 'brir bcug gam/ gsang ba'i dkyil 'khor gyi rtog pa lan gcig brjod pa 'am/ gzhung dang don
 gyi rang bzhin 'dzin pa des grub na'ang zhes bya ba ni bsgrubs pa 'ba' zhig la gsol bar ma zas kyi 'on kyang ma bsgrub pa la yang ngo/ /dkyil 'khor ma zhugs na yang zhes bya ba ni/ klog dang 'dzin pa'i nus pas dngos grub thams cad pa'i mchog gi
 dngos grub 'byung bar 'gyur ro/ /dngos grub kyang yin la thams cad kyang de nyid yin pas dngos grub thams cad de/ phyag rgya chen po la sogs pa'i dngos grub thams cad do/ /de rnams dang bcas pa'i mchog gi dngos grub ni rdo rje 'chang ba chen po nyid la sogs
 pa thob pa'o/ /skye ba 'di nyid la zhes bya ba ni skye ba gang la ngas gsang ba'i rtog pa 'di lan gcig brjod pa 'am/ 'dzin pa'i skye ba de nyid la ji ltar 'dod pa'i dngos grub thams cad dang bcas pa'i mchog gi dngos grub thob pa yin no/ /gzhung 'dis ni skye ba
 rgyud pas goms pa'i rnal 'byor gang lhan cig tu brjod pa 'am/ 'dzin pa de nyid skye ba 'di dag la mchog gi dngos grub bsgrub par byed pa yin te/ gzhan ni ma yin no zhes bstan to/ /de ci'i phyir zhe na zhes bya ba ni rgyu gang gi phyir te dge ba'i rtsa ba yongs su
 smin bas gang zhig nyan pa dang 'dzin pa de/ tshe 'di nyid du mchog gi dngos grub sgrub par byed pa yin te/ gzhan ni ma yin no zhes bstan pa'i phyir/ 'di lta ste zhes bya ba la sogs pa gsungs te/ gang gi phyir yi ge hUM gi rtog pa 'dis gang
 zag khyad par can de la 'dod pa'i dngos grub rdzogs par byed pas/ gdon mi za ba dang/ thogs pa med pa'o/ /ci'i phyir gdon mi za ba dang/ thogs pa med pa yin ce na/ bdag ces bya ba la gang gi phyir rdo rje 'chang bdag dang/ de bzhin gshegs
 pa thams cad kyis kyang 'di la bar gcod byed par nus pa ma yin no/ /de nyid ci'i phyir zhe na/ tham cad rjes su chags pa nyid kyi phyir zhes bya ba smos te/ thams cad kyang yin la rjes su chags pa yang de nyid yin pas na thams cad rjes su chags pa zhes bya
 ste/ sems rtse gcig pa'i rang bzhin gyis shin tu rnal 'byor dang ldan pa'i phyir zhes bya ba'i don to/ /sangs rgyas kyi byang chub kyang rjes su chags pa las kyang byung ba yin no zhes bya ba ni de bzhin gshegs pa la sogs rang bzhin gyi sems rtse gcig pa nyid
 kyi mtshan nyid kyi rjes su chags pa des mnyam pa med pa'i sangs rgyas kyi rnal 'byor rnams las 'byung bar 'gyur na/ dngos grub gzhan yang 'byung bar mi 'gyur ba ma yin te/ 'on kyang 'byung ba yin zhes bstan pa yin no/ /rjes su chags pa 'byung
 zhes bya ba bstan pa'i phyir 'dod pa bstan pa zhes bya ba la sogs pa gsungs te/ 'dod pa bstan pa ni sangs rgyas nyid la sogs pa 'dod pa'i bsam pa bstan pas shin tu rnal 'byor gyi mtshan nyid can gyi rjes su chags pa de 'byung ba yin gyis gzhan
 du ni ma yin no/ /'dod pa bstan pa de la ci dgos zhes rnam par rtog pa de gsal ba'i phyir de mi 'dod pas ji ltar zhes bya ba la sogs pa gsungs te/ shin tu rnal 'byor gyi rang bzhin rjes su chags pa de mi 'dod na ji ltar 'byung bar 'gyur zhes
 sbyar ro/ /ji ltar zhes bya ba ni yun ring pos zhes bya ba'i don to/ /mchog ni phul du byung ba'o/ /bde ba chen po la sogs pa'i go 'phang thams cad ces bya ba la bde ba chen po ni rdo rje sems dpa' ste/ rdo rje yid las byung ba la sogs pa gang la de nyid thog mar
 yod pa de nyid du bde ba chen po la sogs pa'i go 'phang ngo/ /thams cad kyang yin la go 'phang yang de nyid yin pas thams cad kyi go 'phang ngo/ /bde ba chen po la sogs pa yang yin la thams cad kyi go 'phang yang yin pas na bde ba chen po la sogs pa
 thams cad kyi go 'phang ngo/ /grub na zhes bya ba la sogs pa la shin tu rnal 'byor gyi mtshan nyid can gyi de bzhin gshegs pa la sogs pa'i bsgom pas grub pa'i rnal 'byor la'o/ /ni'i sgra ni nges par gzung bas te grub pa po kho na la'o/ /bde ba chen po ni
 thar pa chen po'o/ /gsang ba chen po ni phyag rgya chen po ste/ /snying po 'di dag skad cig ma gcig gis ster bar byed pas na/ bde ba chen po dang/ rdo rje chags pa skad cig ma gcig la ster ba'o/ /de gang yin zhe na/ sgrub pa'i dam tshig 'di yin te/ zhes bya
 bas ni bsgrub par bya bas bsgrub pa ste/ bde ba chen po dang chags pa chen po ste/ rdzogs par bya'o zhes bya ba'i don to/ /bsgrub pa'i dam tshig ni sgrub pa'i dam tshig ste rgyu'o de yang shin tu rnal 'byor gyi mtshan nyid do/ /'di ni kun gyi 'da' bar dka' zhes bya
 ba ni shin tu rnal 'byor gyis rang bzhin sgrub pa'i dam tshig 'di de bzhin gshegs pa thams cad kyi tshul gang gis kyang 'da' bar mi spyod pas na 'da' bar dka' ba yin no/ /sdig pa chen po byed pa dang/ de bzhin dkyil 'khor ma mthong ba zhes bya ba ni
 gang zhig dam pa'i chos spangs pa dang/ mtshams med pa la sogs pa'i sdig? pa chen po byed pa dang/ gang zhig dkyil 'khor la ma zhugs pa de rnams kyang shin tu rnal 'byor gyi mtshan nyid can gyis bsgrub pa'i dam tshig 'dis dpal rdo rje sems
 dpa' la sogs pa bsgrub pa yin no/ /dngos grub gang gis 'grub ce na/ mchog gi dngos grub ces bya ba ni mang gi phyi ma'i mdza' la sten pa'i rdo rje sems dpa' la sogs pa'i dngos grub kyi'o/ /ni'i sgra ni nges par gzung ba'o/ /mchog
 gi dngos grub kyis ji ltar 'grub ce na/ lan gcig bzlas pas sdig pa sbyang bas zhes bya ba ni shin tu rnal 'byor 'dis/ rdo rje 'chang chen po lan gcig bzlas pas rnal 'byor pa la dam pa'i chos spangs pa la sogs pa'i rang bzhin gyi sdig
 pa sbyang bar mdzad pa yin no/ /sdig pa spyad pa'i rgyu lan gcig gi bzlas pas des mchog gi sgrub pa yin no/ /rtog pa gsungs pa zhes bya ba ni dpal rdo rje sems dpa' 'am/ de bzhin gshegs pa la sogs pa gzhan gyi rang rang gi brtag
 pa rnam pa gsum zhal bzhi dang/ phyag brgyad la sogs pa'i phyag rgya chen po'i khyad par dpal rdo rje sems dpa' la sogs pa rnams kyis gang gsungs pa'i rtog pa rnams las gsungs pa de rang gi yid kyis 'dod pa'i gzugs brnyan rjes su dran
 pa'i bsgom pa ni phyag rgya chen po'i khyad par bsgom pa rnams kyis snying po yi ge hUM brjod pa 'am/ glegs bam zhes bya ba ni dpal mchog dang po'i glegs bam mdun du bzhag nas/ der bcom ldan 'das spyan drangs te bsdoms na de yang
 'grub par 'gyur ro/ /de ci'i phyir zhe na/ /thams cad nyid kyi phyir zhes bya ba la bcom ldan 'das de nyid dam tshig chen po'i de ko na nyid la sogs pa'i rtog pa las gsungs pa'i phyag rgya chen po'i gzugs yi ge hUM dang glegs bam gyi tshul du bzhugs pa
 rnams kyi de'i phyir/ thams cad nyid kyi bdag po 'grub ces bya ba ni/ gang la zhes bya ba la sogs pa la sgrub pa po gang la gzugs brnyan na ma/ glegs bam med pa ni de'i snying po yi ge hUM/ ras sam rtsig pa la bris nas bsgrub pa ni sngon du bsnyen
 pa byas shing bzlas pa dang/ bsgom pa dag gis phyag rgya chen po la sogs pa bsgrub par bya'o/ /gang gis yi ge hUM bri zhe na/ bdag gi zhes bya ba ni bdag gi yi ge hUM bris nas/ bdag nyid phyag rgya chen po la sogs pa bsgrub par bya ba yin/ /'di gang gis
 gsungs she na/ don yod cing thogs pa med pa'i dngos grub can bcom ldan 'das rdo rje 'chang chen pos gsungs pa yin no/ /de nas zhes bya ba la sogs pa gsungs pa la gal te slob dpon gang zhig gsang ba'i rtog pa 'di dang/ dkyil 'khor chen po
 la sogs pa'i rtog pa rnams sgrub par 'dod na/ de'i? gsang ba'i dkyil 'khor 'di la thig gdag par bya ste/ ji lta ba bzhin du dpal rdo rje sems dpa' la sogs pa'i mtshan ma'i phyag rgya rnams bris nas/ dpal rdo rje sems dpa' la sogs pa'i
 gnas rnams su bri bar bya'o/ /de sgo ba bye ba byas la bum pa la sogs pa rnams kyi dkyil 'khor thams cad yang dag par mchod de/ cho ga ji lta ba bzhin du dang po'i rdo rje bcings nas rang nyid 'jug par bya'o/ /zhugs nas chags pa chen po zhes bya ba la
 sogs pa brjod par bya'o/ /chags pa chen po ni dpal rdo rje sems dpa' i phyag rgya chen po'i chags pa chen po de las thogs pa chen po ste rnal 'byor thams cad skye bar 'gyur te/ thams cad bdag nyid yin no zhes bya ba ni/ rnal 'byor sgrub pa
 po rnams la skye bar 'gyur ro/ /dngos grub thams cad rjes chags phyir/ /chags pa chen po bcom ldan 'das/ /rdo rje sems dpa' i phyag rgya ni/ /sna tshogs dmar ba'i 'od 'bar ba zhes 'og nas gsungs pa'i phyir ro/ /thogs pa tshe las
 bde ba che zhes bya ba ni thams cad kyi rnal 'byor de las bde ba chen po ste bde ba chen po mngon du'o/ /byang chub kyi sems kyi rang bzhin can gnyis su med pa'i sems dang sems las byung ba mngon du byas par 'gyur ro zhes bya ba'i don to/ /bde ba
 che las rdo rje brtan zhes bya ba ni gnyis su med pa'i sems dang sems dpas? byung ba'i rang bzhin byang chub kyi sems kyi ngo bo de las stong pa nyid bcu drug gi ting nge 'dzin gyi ngo bo mi phyed pa dang po'i rdo rje rtse lnga pa byung ba yin no/ /rdo rje las
 ni phyag rgya 'byung zhes bya ba ni dang po'i rdo rje de las mnga' la sogs pa'i phyag rgya rnams 'byung bar 'gyur ba yin no/ /dang po'i rdo rje la sogs pa'i phyag rgya rnams ci'i phyir/ phyag rgya zhes brjod snyam du rtog pa bsal ba'i phyir sku gsung
 thugs kyi rdo rje zhes bya ba la sogs pa gsungs te/ sku gsung thugs kyi rdo rje ni bshad zin to/ /de rnams kyi gzugs brnyan gyi sbyor ba ni de'i rang bzhin la lhag par mos pa'o/ /gzugs brnyan gyi sbyor ba des phyag rgya thams cad de phyag rgya chen po la sogs
 pa'i phyag rgya thams cad bshad pa yin no/ /sgrub pa po la sogs pa'i rgyud la rgyas 'debs pas ni phyag rgya zhes rab tu grags pa yin no/ /dam tshig 'da' bar dka' ba zhes bya ba ni 'da' bar dka' ba'i don ni dam tshig ces bya bar brjod pa yin te/ de bzhin
 gshegs pa thams cad kyis kyang mnga' bar dka' ba nyid kyi phyir ro/ /ji skad du phyag rgya'i dam tshig rab gsungs te/ /yid kyi gzugs ni brtan phyir zhes gsungs so/ /ci'i phyir phyag rgya'i dam tshig 'da' bar dka' ba yin zhe na/ phyag rgya bcings pa
 tsam gyis ni zhes bya ba la sogs pa la sku gsung thugs kyi rdo rje ston cing mngon par 'dren pa'i rang bzhin gyis phyag rgya rnams bcings pa tsam gyis sangs rgyas dang/ rdo rje 'chang la sogs pa yang bsdus pas 'grub par 'gyur/ /nyams pas 'jigs
 pa zhes bya ba ni dam tshig nyams? pas de rnams 'grub par 'gyur ro/ /phyag rgya'i rang bzhin gyis dam tshig de rnams kyi ji ltar 'da' bar mi mdzad ce na/ de bas na 'khor los sgyur ba'i rgyal po'i bka' la phyag rgya'i rgyas btab pa de'i yul na gnas pa rnams
 kyis/ 'da' bar mi nus pa de bzhin du phyag rgya rnams skye bo thams cad kyis kyang 'da' bar nus pa ma yin no/ /de bas na de bzhin gshegs pa rnams nyams pas 'jigs pas grub pa yin no/ /shes rab kyi pha rol tu phyin pa'i theg pas kyang gzhung lugs nyams pa'i 'jigs
 pas grub na/ de'i phyir phyag rgya'i dam tshig 'dis ci zhig bya zhe na/ sangs rgyas nyid ces bya ba la sogs pa la ji ltar bshad pa'i rang bzhin gyis sangs rgyas nyid dam rdo rje 'chang nyid shes rab kyi pha rol tu phyin pa'i theg pa'i rnam pas bskal pa bye ba rnams kyis kyang de
 ltar thob pa ma yin no/ ji ltar tshe 'di nyid la phyag rgya chen po la sogs pa'i phyag rgya'i mchog bsdus pa yod na thob par 'gyur ro/ /de ci'i phyir zhe na/ ji ltar zhes bya ba la sogs pa la gang gis 'jig rten 'dul bar bya ba gang gis 'jig rten 'dul bar bya ba de ni
 'dul ba ste/ rdo rje sems dpa' la sogs pa'i bsgom pa'o/ /rnam pa gang gis ji ltar 'dul bar yod pa de ni ji ltar 'dul ba can gyi 'jig rten no/ /de bzhin dngos grub gsungs pa yin zhes bya ba ni/ de lta bu'i dngos grub 'jig rten de la
 gsungs pa yin no/ /de bas na de thob par bya ba'i phyir thabs gsungs pa ni de'i thabs ni phyag rgya yin zhes bya ba la sogs pa dngos grub de la ji ltar 'dul ba dang? ldan pa'i 'jig rten pas rdo rje sems dpa' la sogs pa thob pa'i phyir/ rdo rje
 sems dpa' la sogs pa'i phyag rgya kho na thabs yin no/ /thabs de'i las ji lta bu ldan pa yin zhe na/ de? dngos grub thams cad byed pa mchog ces bya ba la mchog ni phul du byung ba'o/ /de nas cho ga rgyas pa na de yin no zhes bya ba ni de ltar ji lta ba bzhin du
 bshad pa'i rim pas phyag rgya'i dkyil 'khor 'dir slob dpon gyis 'jug par bya'o/ /zhugs nas tshigs che ba la sogs pa che zhes bya ba nas brtsams nas/ dngos grub thams cad byed pa mchog ces bya ba'i bar du brjod la/ rang gi cho ga thams cad rjes
 su brjod nas/ slob ma gzhug par bya ba'i phyir/ gnang ba thob nas slob ma gzhug par bya ba ste/ 'di ? ? pa de bzhin du cho ga rgyas pa'o zhes bya ba'i don yin no/ /dngos grub thams cad shin tu gdon mi za'o zhes bya ba ni ji ltar gsang ba'i dkyil
 'khor du slob dpon dang/ slob ma dag la dngos grub thams cad 'byung ba de bzhin du phyag rgya chen po'i dkyil 'khor du yang shin tu gdon mi za bar 'byung ba yin no zhes bya ba'i don to/ /slar yang 'di'i don bshad par bya ste/ dpal rdo rje sems dpa' i
 dkyil 'khor chen po las gsungs pa'i rnal 'byor chen po sgrub pa'i tshul gyis gsang ba'i dkyil 'khor gyi dpal rdo rje sems dpa' i rnal 'byor chen po rab tu bsgrubs la/ rang gi snying gar rdo rje 'khor los gsang ba'i dkyil 'khor sprul la/ dpal
 rdo rje sems dpa' la sogs pa nas/ rdo rje 'bebs pa'i bar du rang rang gi snying po rnams kyis rang rang gi gnas su bzhag ste/ oM badzra At+ma ko haM zhes bya ba brjod la/ dpal rdo rje sems dpa' la sogs pa'i sku gsung thugs kyi rdo rje'i rang bzhin du bdag nyid
 bsgom par bya'o/ /de nas oM swa b+hA ba shud+d+ha(rgyud 'grel dpal rdo rje sems dpa' i gsang ba'i dkyil 'khor gyi rang bzhin bdag rang yin no/ /zhes bya ba'i nga rgyal bskyed par bya'o/ /de nas bcom ldan 'das kyi phyag rgya chen po bcings la/ lha thams cad snying ga na gnas pa'i dang po'i rdo rje'i nang du/ a nu
 rA ga ya mi zhes bya ba bsams te/ rab tu dga' ba'i dog gam/ rdo rje'i dag gam/ yid kyis brjod cing bzlos pa'i don du bsgom par bya'o/ /nyin re bzhin du lan gcig byin gyis brlab pa la sogs pa byas nas/ ji srid mngon sum du byas la
 bzhin du zla ba gcig gam/ zla ba drug gam/ lo gcig gis dkyil 'khor mthong bar 'gyur ro/ /de nas nyin re 'am zla ba re re la dkyil 'khor gri bar bya'o/ /de la re zhig dang po ji ltar bshad pa'i dkyil 'khor gyis gzhi'i dbus su bdag bsrung ba dang/ gnas
 bsrung ba byas la/ rnal 'byor chen po rdzogs pa'i bar gyi cho ga rdzogs par bya'o/ /de nas dpal rdo rje sems dpa' i phyag rgya chen po bcings la snying po dang bcas pa'i yi ge hUM brjod pa la brtson pas yi ge ta? las mig g.yon zla bar bya/ g.yas pa yi ge ma las nyi
 mar dgod/ hUM gis mig 'bras bskal ba'i mer byas te/ tshul 'di nyid kyi rdo rje'i blta ba byas nas/ rlung gi dkyil 'khor las byung ba'i/ /rna zhing 'bar bas khyab par byed/ /dbus su yi ge ba bkod pa'i/ /rdo rje brtul zhugs can gyis bsam/ /rdo rje me yi thal
 bar byas pa'i rgya mtsho dang/ /sa 'dzin dang bcas sa nyid kyang ni de bzhin du/ /nam mkha' i khams su yi ge kho na rnam bsgom la/ /rnam par snang mdzad chu rgyun 'bebs pa bsam par bya/ /rba rlabs phreng ba kun tu 'khrug par gyur pa yi/ /dpag tu med pa'i chu yi phung po
 de bzhin 'byung/ /de tshe yi ger yis chu yi rgya mtsho mched/ /pad+ma gyur pa yongs su brtag par bya ba yin/ /gsor gyi rus sbal snang ba zhes rab grags pa ni/ /chu skyes kyi ni rtsa bar bsam par bya ba yin/ /'dzam bu gser dang mtshungs pa'i lte ba ru/ /rnam pa
 nyid ni de nyid du yang bsam par bya/ /de nas khaM gi ngo bo rnam snang mdzad dang bcas/ /byin nas lte ba la ni bzhugs par gyur pa yin/ /de nas gcig tu gyur pa nyid las ri rab ni/ /rin chen bzhi yi cha shas las ni gyur pa yin/ /hUM suM hUM zhes bya ba'i ri rab
 bskyed par byed pa'i sa bon gyi yi ge rnams brjod cing bsam par bya'o/ /de nas rdo rje bcings pas sa la de bzhin du reg cing rdo rje'i ri rab byin gyis brlabs nas/ de'i steng du rdo rje 'khor lo'i phyag rgyas ji skad bshad pa'i mtshan nyid can?  gyi dpal rdo rje sems
 dpa' i bzhugs gnas rdo rje chen po'i gzhal yas khang bskyed la yi ge h+rI las lha thams cad kyi gnas snams su sna tshogs pad+ma rnams bskyed nas/ dkyil 'khor gyi sa'i dbus su sems dpa' i skyil mo krung gis 'dug la/ bdag nyid
 spro ba bskyed par bya'o/ /de nas de bzhin du sangs rgyas thams cad spyan drangs nas/ dang po sbyor ba dang/ dkyil 'khor rgyal mchog dang/ las kyi rgyal po mchog bsgom par bya'o/ /de nas phyag rgya chen po bcings la de bzhin du yi ge brjod cing bsgom
 par bya'o/ /de nas dkyil 'khor bri bar bya ba'i phyir snga ma bzhin du de bzhin sangs rgyas gshegs pa thams cad la gsol ba btab par bsam par bya'o/ /de nas langs te de bzhin gshegs pa thams cad la phyag byas te/ de bzhin gshegs pa
 thams cad kyis nam mkha' gang bar bsams la/ thams cad bdag nyid yin no zhes bya ba la sogs pa brjod par bya'o/ /de nas dang po'i rdo rje a nu rA ga ya mi hUM badzrod tiSh+Tha gu hya maN+Da la u tha pa ya zhes brjod cing nam mkha' la dkyil 'khor bteg cing
 de nyid du bzhag la/ dang po'i rdo rje de nyid kyis lan gcig bdag nyid byin gyis brlabs nas slar yang phyag rgya chen po bcings la/ badzra driSh+Ti maT ces bya mig gnyis la rnam par bkod do/ /phyag rgya la gnas de bzhin langs/ /kun tu rnam par bltas
 nas ni/ /yi ge hUM ni brjod pa yis/ /bsgyings pa'i tshul gyis yongs su bskor/ /de nas snga ma bzhin du cho ga thams cad rjes su spyad nas/ mal nas langs te ji lta ba bzhin du rnal 'byor chen po byas nas/ nyi ma 'char ka'i dus su dkyil 'khor de bzhin du
 nam mkha' i phyogs su bzhag ste/ oM badzra sa ma ya sU te mA ti kra ma hUM zhes bya ba dang/ rdo rje glu len cing snga ma bzhin du thig gdab par bya'o/ /de nas ji lta ba bzhin du yang dag par bris te/ dbus kyi dkyil 'khor gyi lte ba'i dbus su sna tshogs pad+ma'i steng du lugs
 ma la sogs pa rang bzhin/ 'od zer dmar po 'bar ba 'khrug /zla ba dang mtshungs zhal bzhad pa/ /sangs rgyas phreng ba sogs kyis mdzes/ /kha dog rnams kyis dbus la byugs/ /sems dpa' i skyil mo krung gyis bzhugs/ /rdo rje bsnyems pa 'dzin pa'i
 mchog /g.yon na rdo rje khu tshur gyis bsnyems pas dril bu 'dzin pa/ g.yas pa bstod pa'i tshul gyis/ rang gi thugs kar dang po'i rdo rje 'dzin pa'i dpal rdo rje sems dpa' / sa ma yastwaM/ a nu rA ga ya mi hUM/ brjod cing dgod par bya'o/ /bcom ldan
 'das rdo rje sems dpa' i mdun du rdo rje yid las byung ba'i gnas su rdo rje mtshon cha ma rdo rje yid las byung ba dang 'dra bas na/ ji srid rdo rje dril bu'i gnas su rdo rje dril bu ma rdo rje dril bu dang bcas pa 'dra ba'i bar du bri bar bya'o/ /'di rnams kyi snying po rnams ni
 bshad zin to/ /de nas de bzhin du dkyil 'khor gyi sgo rnams phye la dpal rdo rje sems dpa' i rnal 'byor gyis bsdu ba byas la/ mtshan brgya rtsa brgyad kyis bstod par bya'o/ /de nas bcom ldan 'das kyi phyag rgya chen po bcings la g.yas pa'i
 sdigs mdzub kyi lcags kyus bcom ldan 'das 'khor dang bcas pa rdo rje sems dpa' i dkyil 'khor chen po las gsungs pa'i spyan drang ba'i sngags kyis dkyil 'khor du gzhug par bya'o/ /de nas de bzhin du cho ga thams cad rjes su spyad nas phyag bzhi sngon
 du 'gro bas sdom pa blangs la/ oM sarba yo ga tsit+taM utpa dA ya mi zhes bya bas/ byang chub chen por sems bskyed nas/ g.yas pa'i rdo rje khu tshur gyis dang po'i rdo rje blangs te/ rang gi snying gar bzhag la su ru te sa ma yastwaM ho badzra sid+d+ha ya thA su khaM zhes
 bya ba brjod cing yi ge hUM las rdo rje bskyed par bya'o/ /de nas phyi'i sgo la mngon par phyogs nas gnas pa'i bum pa'i chu sa bdag nyid la dbang bskur te/ rdo rje slob dpon rang nyid ji snyed pa'i dris lus la byugs te/ rgyan dang bcas shing me tog gi phreng
 bas brgyan pa/ gos dmar po zung cig bgos? pa kha dri zhim pos bgos pa/ gos dmar pos gdong g.yogs bcings nas/ rdo rje sems dpa' i yid du 'ong ba'i rnal 'byor dang ldan pa'i gzungs ma lag pa g.yon pas rdo rje
 'dzin pa/ g.yas pas rdo rje khu tshur gyis rdo rje dril bu 'dzin pa/ rkang pa ya gcig mdun du 'dor ba phyag g.yas pas me skor gyi chul gyis blangs la 'jug par bya'o/ /bcom ldan 'das kyis phyag rgya chen po bcings la de nyid kyis me tog gi phreng ba blangs te/ 'dod
 chags la sogs pa de kun yid khyod ni/ /kun bsdus bdag la bde ba gsol mdzod cig /rdo rje sems dgongs myur du bdag bstan mdzod/ /bdag dgyes mdzad dang bde mchog grub la 'dud ces bya ba'i drug ldan la sogs pa'i klu'i rgyal po thams cad
 kyis gsang ba'i glu brjod la/ dang por shar gyi sgo nas 'jug par bya'o/ /rdo rje lcags kyu ma yang brjod par bya'o/ /slar yang lho'i sgo nas 'jug ste rdo rje zhags pa ma'i snying po brjod par bya'o/ /de nas de bzhin du nub kyi sgo nas zhugs te/ rdo rje lcags
 sgrog ma'i snying po brjod par bya'o/ /de nas de bzhin du byang gi sgo nas zhugs te/ rdo rje dril bu ma'i snying po brjod par bya'o/ /slar yang shar gyi sgo nas snga ma bzhin du zhugs te/ sgeg mo'i dga' ba'i rdo rje mas bcom ldan 'das la phyag byas te/ dkyil
 'khor la lan gsum bskor ba byas la/ bcom ldan 'das kyi mdun du 'dug ste 'di skad ces brjod par bya'o/ /hUM mahA su badzra satwa dza(rgyud 'grel a nA d+hi ni d+ha na satwa mahA su kha badzra gu hya sa ma ya/ sid+d+hi me pra yats+tsha ha ha ha ha A(rgyud 'grel yang bcom ldan 'das kyi mdun du 'dug ste/ de kho na nyid 'di lan gcig brjod par bya'o/ /'dod chags chen po bde ba che/ /rdo rje chen po las che ba/ /rdo rje sems dpa' deng bdag 'grub/ /dza(rgyud 'grel 'thungs la/ yi ge a yis bdag nyid la dbab par bya ste/ slar yang g.yon pa'i khro bo'i khu tshur gyis/ thams cad kyi rdo rje ma dral zhing bdag nyid la 'dis dbab par bya ste/ a nu rA ga ya mi hUM a su/ de nas mahA su kha badzra satwa pra ti grih+na sa ma yastwaM
 zhes bya ba 'dis me tog rnams dor bar bya'o/ /de nas de rnams blangs te/ de ring khyod la rdor 'dzin gyis/ /dngos grub kun phyir dbang bskur mdzod/ /'dod pa kun gyis dbang phyug nyid/ /sems can kun la bde ba ster zhes bya ba 'dis/ rang gi spyi bo la bcings
 par bya'o/ /oM mahA su kha badzra satwa a b+hi Shiny+tsa su rastwaM zhes bya ba yang brjod do/ /de nas oM badzra tsak+Shu ka ma sa ya sarba su rastwaM zhes bya ba 'dis gdong g.yogs dgrol bar bya'o/ /de nas he badzra ba sh+ya zhes bya ba brjod cing shar gyi sgo nas dkyil 'khor la blta bar bya'o/ /
 de nas 'jug pa'i phyag rgya bcings la tiSh+Tha badzra zhes bya ba la sogs pa rang gi snying gar dgrol bar bya'o/ /de nas rdo rje thal mo bskor bas shis pa brjod sbyin pa'i mngon par 'dren pas snying ga'i phyogs su 'dzin cing mtshan brgya rtsa brgyad kyis bstod par bya'o/ /de nas
 rdo rje mtshon cha ma la sogs pa gsang ba'i mchod pa bzhi pos bcom ldan 'das la yang dag par mchod la/ glu dang rol mo'i mchod pas bcom ldan 'das kyi mdun du gzungs ma dang bcas pas sems dpa' i skyil mo krung gis nye bar 'dug la 'jug pa'i phyag
 rgya bcings te/ sgeg mo dga' ba'i rdo rje mas slar yang bcom ldan 'das la phyag byas ba 'di skad ces brjod par bya ste/ oM baM? su ra ste ra haM su ra haM me/ b+ha ga bAn/ /sarba mu khA b+ha ma na tha ut+ta ma sid+d+haM me pra yats+tsha/ a ni na sa tyi na oM mahA su kha badzra satwa dza(rgyud 'grel baM ho(rgyud 'grel badzra satwa sid+d+hya dza(rgyud 'grel nyid la rdo rje sems dpa' 'dra bar 'gyur ro/ /gzungs ma de yang rdo rje bsnyems ma dang 'dra bar 'gyur ro/ /gal te bcom ldan 'das kyis de la dbang bskur bar mdzad na de'i tshe/ rang nyid kyis rdo rje sems dpa' i dkyil 'khor chen po las bshad pa'i
 cho gas dbang bskur ba thams cad blang bar bya'o/ /de nas rdo rje brtul zhugs kyi dngos grub blangs te/ de nyid kyis ni rdo rje gzung/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas rjes chags bya/ /hUM
 zhes bya ba lan gsum brjod par bya'o/ /slar yang dril bu dkrol la/ dam tshig gsum gyi rdo rje klu'i mchod pa byas la/ mchod pa lnga dang/ rdo rje mtshon cha ma la sogs pa'i lha mo bcu gnyis kyis bdag nyid mchod par bya'o/ /de nas
 tshigs su bcas pa lngas rjes su gnang ba dang/ snying po dang/ phyag rgya bzhi'i ye shes dang/ lung bstan pa 'byung ba/ bcom ldan 'das kyi drung nas blangs te mchod pa thams cad kyis bcom ldan 'das yang dag par mchod nas byung bar bya'o/ /de nas
 slob ma gzhug par bya ba'i phyir/ dkyil 'khor 'bri ba yin no/ de'i tshe rab tu dga' ba'i rdo rje'i dam tshig gi phyag rgya gzungs ma med par slob dpon gyis 'jug par bya'o/ /zhugs pas cho ga thams cad rdzogs par byas nas rjes su gnang ba nod par bya
 ste/ srid pa'i bde ba rnam dag phyir/ /sngar gyi srid pa la khyod dga' / /'dod pa kun gyi dngos grub che/ /'gro ba kun la bsgrub par gyis/ /de ltar rjes su gnang ba mnos la slob ma rnams gzhug par bya'o/ /slob dpon gyi las kyi cho ga rgyas pa rdzogs so// //
 de la bslab pa ni gnas lnga yongs su 'dzin pa 'am/ dge sbyong dang/ dge slong gi sdom pa yongs su 'dzin pa'i slob mas/ sngar bshad pa'i cho gas rig pa'i sdom pa gzung bar bya ba yin no/ /de nas sarba yo ga tsit+ta utpA dA yA mi zhes bya bas byang chub tu sems
 bskyed pa slob dpon gyis byed du gzhug go /de nas de'i snying gar de bzhin du rdo rje sems dpar byin gyis brlabs nas/ mchod pa lnga yis yang dag par mchod par bya'o/ /de nas de la 'di ltar brjod par bya ste/ de khyod bcom ldan 'das kyis byin gyis brlab par gyur
 pa yin gyis/ de bzhin gshegs pa thams cad kyis gsang ba'i dkyil 'khor du ma zhugs pa la khyod kyis smra bar mi bya ba dang/ dad pa med pa rnams la brjod par mi bya'o/ /de nas mda' lnga bsdus pa bcings nas 'di ltar brjod par bya ste/ sangs rgyas kun
 gyi rab bsgrubs pa'i/ /khyod kyis dam tshig gsang ba 'di/ /gal te dkyil 'khor med la smras/ /khyod kyi rigs kun brlag par 'gyur/ /oM mahA su khah+na sa ma ya a ti kra me na NaM su ra ta stwaM/ de nas yon gyi mchog blangs la/ shar gyi sgo la mngon par
 phyogs pa'i phyi rol na gnas pa'i bum pa'i chus dbang bskur la/ rab tu dga' ba'i rdo rje'i dam tshig gi phyag rgyas me tog gi phreng ba 'dzin du 'jug la/ rang nyid 'jug pa'i sbyor bas slob ma gzhug par bya'o/ /de nas rna bar 'di ltar brjod par bya ste/ chags
 bral 'dul ba'i 'jig rten ni/ /chags bral nyid kyis dag par 'gyur/ /'dod chags chen po bde ba che/ /rdo rje sems dpa' sbas pa yin/ /'dod chags bral bar lta bu yi/ /sdug bsngal gzhan ni rang bzhin med/ /de bas sems can chags
 bral la/ /slar yang yid ni ma byed cig /de nas 'di ltar brjod par bya ste/ deng khyod de bzhin gshegs pa thams cad kyi rigs su zhugs kyis/ de bas na ngas khyod la ye shes gang gis de bzhin gshegs pa thams cad kyi dngos grub thob
 par 'gyur ba'i rdo rje'i ye shes bskyed par 'gyur na dngos grub gzhan lta smos kyang ci dgos/ khyod kyis dkyil 'khor ma mthong ba la brjod par mi bya'o/ /de ltar ma yin na khyod la dam tshig gis gnod par 'gyur ro/ /de nas rdo rje slob dpon rang nyid kyis
 sems ma rdo rje ma'i phyag rgya 'og dang steng du kha blta ba bcings la/ rdo rje slob ma'i spyi bor bzhag nas 'di skad ces brjod par bya ste/ 'di ni rdo rje'i dam tshig ste/ /khyod kyis su la smras na ni/ /khyod kyi spyi bo 'gems par byed/ /de nas phyag rgya de nyid
 kyis mna' bsgag par bya ba'i phyir ro/ snying po chu la lan gcig bzlas la/ slob ma de 'thung du gzhug par bya'o/ /de la 'di skad brjod par bya ste/ rdo rje sems dpa' deng khyod kyis/ snying la yang dag zhugs par mdzod/ /gal te tshul 'di smras
 na ni/ /de ma thag tu dral te gshegs/ /badzrod ka Tha zhes bya'o/ /de nas slob ma la 'di skad ces brjod par bya ste/ deng nas brtsams te khyod kyi phyag na rdo rjer yin gyis/ des gang bsgo ba de gyis shig /khyod kyis nga la bsnyas pa ma byed cig /de ma
 yin na mi bde ba ma spangs par 'chi ba'i dus byas nas sems can dmyal bar lhung bar 'gyur ro/ /de bzhin gshegs pa thams cad kyis byin gyis brlab pa mdzad pa dang/ rdo rje sems dpa' bdag la dbab par mdzod cig ces smos shig ces brjod par
 bya'o/ /de nas myur du rdo rje slob dpon gyis sems dpa' rdo rje ma bcings te/ de'i snying khar bzhag nas/ 'di skad ces brjod par bya ste/ 'di de rdo rje'i dam tshig ste/ /rdo rje sems dpa' zhes brjod pas/ /rdo rje'i ye shes bla med pa/ /khyod la
 de ring dbab par mdzad/ /de nas badzra A be sha zhes bya ba 'dis lan brgya brjod par bya'o/ /slar yang g.yon pa'i khro bo'i khu tshur gyis sems ma dral zhing/ a nu rA ga mi hUM/ a a a a(rgyud 'grel sngags de nyid kyi me tog gi phreng ba 'dor du gzhug par bya'o/ /de nas phreng ba'i dbang bskur ba byin nas/ gdong g.yogs dgrol bar bya'o/ /de nas dkyil 'khor bstan par bya'o/ /de nas 'jug pa'i phyag rgya slob ma'i snying khar de bzhin du dgrol du
 bcug la/ sems can kun gyi yid khyab cing zhes bya ba la sogs pa'i de kho na nyid chen po snga ma bzhin du brjod par bya'o/ /de nas de bzhin du dbang bskur ba thams cad kyis slob ma la dbang bskur te/ rdo rje brtul zhugs kyi dngos grub byin la/ de nyid
 kyis ni rdo rje gzung/ /chos kyi dril bu dkrol bar bya zhes bya ba de la sbyin par bya'o/ /da nas dam tshig gis ni phyag rgya cher/ /byin gyis brlabs nas snying po bzla zhes bya ba slob tu gzhug go /de nas me tog la sogs pa dang/ rdo rje la sogs pa phyag rgya bcu
 gnyis kyis de yang dag par mchod la/ oM mahA su kha badzra satwa dza(rgyud 'grel srid de nas chos dang las kyi phyag rgya rnams la yang bslab par bya'o zhes bya ba'i bar du slob tu gzhug go /gang zhig rdo rje sems dpa' i dkyil 'khor chen po'i skabs su gsungs pa de dag thams cad 'dir yang rjes su spyad pa thams cad kyis ci nus par
 mchod par bgyi zhes bya ba de bzhin gshegs pa thams cad la zhu ba byas la/ slob ma thams cad mchod pa byed du gzhug go zhes bya ba la sogs ?? bshad pa'i cho ga shes par bya'o/ slob ma gzhag pa'i cho ga rgyas pa rdzogs so// //de ltar dpal
 rdo rje sems dpa' i dkyil 'khor du slob dpon gyi las kyi cho ga dang/ slob ma gzhug pa la sogs pa'i cho ga rgyas pa bstan nas/ da ni rtogs pa thams cad las gsungs pa'i dngos grub dang/ rang gi rtog pa las gsungs pa'i rang gi
 lha mo phyag rgya bzhis rang gi lha'i rnal 'byor byas nas mdun du yang/ rang gi lha la sogs pa'i lha rnams la rang gi phyag rgya bzhis rgyas btab nas/ mngon par 'dod pa'i phyag rgya bcings pas bsgrub par bya'o/ /zhes bya ba'i don 'di bstan par bya ba'i phyir
 de nas dang po'i dkyil 'khor gyi gsang ba'i dam tshig gi phyag rgya bcings pa 'di yin no zhes bya ba gsungs te/ de nas zhes bya ba'i sgras ni skabs su bab pa'o/ /dang po'i dkyil 'khor ni rdo rje sems dpa' i dkyil 'khor ro/ /de la gsang ba'i dam
 tshig gi phyag rgya ni gsang ba'i dkyil 'khor gyi rdo rje sems dpa' la sogs pa rnams kyi dam tshig 'dzin pa'i phyag rgya rnams te/ de rnams bcing ba ni 'ching ba'i mtshan nyid skabs su bab pa yin no/ /de la rdo rje thal mo dang rdo rje bsdams pa ni go sla'o//
 rdo rje bsdams pa zhes bya ba la sogs pa la rdo rje bsdams pa bcings la g.yon pa'i mdzub mo dang mthe bo gnyis kyi tshigs gsum pa phan tshun sbyar nas skye gnas su byas la/ de gnyis kyi bu gar g.yas pa'i mthe bo 'og tu kha blta ba bcug
 nas btsir bar byas te/ de nas mthe bo de nyid de nyid du bskyod la lcags kyu'i rnam pa byas pa'i mda' lnga bsdus pa zhes bya ba la sogs pa la/ 'di bcings nas sor mo dbus ma gnyis nang du bcug la/ rtse mo'i sbyor bas gzung bar bya'o/ /mthe
 bo bsnyams pa'i mdza' rdo rje zhes bya ba mthe bo gnyis bsnyams la sbyar nas rtse mo dang/ mthe chung gnyis kyang bsnyams la sbyar la rtse mor byas te/ mthe bo dang mdza' ma bsnyams pa'i rdo rjer 'gyur ro/ /'di'i khyad par ji lta bu yin ce na/ de dang
 por zhes bya ba la sogs pa la gang zhig bcom ldan 'das rnam par snang mdzad kyi dpal rdo rje sems dpa' la byin pa dang po ste/ 'di ni bde ba bstan pa ni mi phyed pa rdo rje lta bu ste/ bdud thams cad kyi mi phyed pa nyid kyi phyir ro/ /'dis ni 'di ltar bshad
 par 'gyur te/ mda' lnga bsdus pa bcings nas/ sor mo dbus ma gnyis nang du bcug la/ rtse mor byas te mthe bo gnyis dang/ mthe chung gnyis kyi zur la rtse mo gnyis byas te/ 'di ni dang po'i rdo rje zhes bya ba bcom ldan 'das kyi dam tshig gi phyag rgya
 gnyis pa yin no/ /mtheb mdzub rtse sbyar dbus ma'i rtse/ /mig 'bras ltar byas 'dzin pa yi zhes bya ba la/ dang po'i rdo rje'i g.yon pa'i sor mo dbus ma'i rtse mo g.yas pa'i mdzub mo dang mthe bo zhags pa'i rnam pas bzung ba ste/ 'di ni rdo rje mtshon cha
 ma'i dam tshig gi phyag rgya yin no/ /dbus ma'i rdo rje'i 'og tu ni/ /mthe bong gis mnan btsir bar bya zhes bya ba ni/ dang po'i rdo rje kho na las/ /dbus ma'i rdo rje mthe bo gnyis kyi de nyid du sbyar la/ rab tu btsir ba 'di ni/ kI li kI la'i yin no/ /rdo rje 'dren
 ma dang 'dra ba'i/ /srin lag mthe chung kha phye ba'i zhes bya ba ni/ rdo rje mtshon cha ma'i phyag rgya ni rdo rje 'dren ma ste/ srin lag gnyis dang mthe'u chung gnyis sbyar ba'i rtse mo'i kha phye ba ni rdo rje dran ma'i 'o/ /bskor nas pus mor bzhag pa ni zhes bya ba ni dang po'i
 rdo rje kho na g.yas pa'i pus mo'i phyogs su bzhag nas bskor te/ pus mo g.yon pa'i phyogs su 'dzin pa ni rdo rje mtshon cha ma'i'o/ /gyen du 'phang ba zhes bya ba ni dang po'i rdo rje kho na me tog dbul ba'i tshul gyis gyen du gtor ba ni rdo rje dpyid ma'i'o/ /thur du
 blugs pa zhes bya ba ni dang po'i rdo rje kho na spos dbul ba'i tshul du thur du blugs pa ni rdo rje sprin ma'i'o/ /mthe bo sbyar bas bskor ba'i'o/ /zhes bya ba ni dang po'i rdo rje de kho na las mthe bo gnyis phan tshun gyi phyogs su yang dag par sbyar nas/ rtse mo gyen du
 byas la/ mar me dbul ba'i tshul gyis bskor ba ni/ rdo rje ston ka ma'i'o/ /rab tu brkyang zhing byug pa dang/ bskor zhing spyi bor gnas pa'o/ /zhes bya ba ni dang po'i rdo rje rab tu brkyang pa de nyid dri byug pa'i tshul du byas nas/ slar yang dang po'i
 rdo rje de nyid bskor zhing spyi bor 'dzin pa ste/ 'di ni rdo rje dgun pa'i'o/ /bskor zhing snying gar bzhag par bya ba ni dang po'i rdo rje snying ga'i phyogs su g.yon du bskor zhing 'dzin par byed pa ste/ 'di ni sgeg mo'i'o/ /yongs su bskor zhing rgod pa'o/ zhes bya ba ni dang
 po'i rdo rje rgod pa'i tshul gyis kha la yongs su bskor nas/ kha'i mdza' ru yongs su 'dzin pa ste/ 'di ni bzhad ma'i'o/ /kha las gyen du dbyung ba ni zhes bya ba la/ dang po'i rdo rjes tshig 'byin pa'i tshul du byas pa 'di ni glu ma'i'o/ /de bzhin gar gyis
 bskor ba'o zhes bya ba ni dang po'i rdo rje bcings la gar gyis tshul du bskor nas/ 'di ni rdo rje gar ma'i'o/ /mdzub mo'i sor mo gnyis kyis ni zhes bya ba la dang po'i rdo rje kho na las/ mdzub mo gnyis lcags kyu ma'i'o/ /g.yon pa'i mdzub mo g.yas kyis
 gzung zhes bya ba ni dang po'i rdo rje mdzub mo'i mdzub mo lcags kyus g.yon mdzub mo bsgreng ba bzung ba byas pa 'di ni rdo rje zhags pa ma'i'o/ /mdzub mo'i mthe bor bcings pa ni zhes bya ba la/ dang po'i rdo rje kho na las/ mdzub mo dang mthe bo dag gi phan tshun lu gu rgyud du
 bcing ba rdo rje lcags sgrog ma'i'o/ /mthe bong mdza' ma'i nang du gzhug ces bya ba ni/ dang po'i rdo rje las mthe bo rang gi srin lag dang mthe chung gi nang du 'dzin pa 'di ni/ rdo rje dril bu ma'i dam tshig gi phyag rgya'o/ /khu tshur gyi phyag rgya rnams so
 zhes bya ba ni sku gsung thugs kyi rdo rje rnams kyi rdo rje rnams chos bdag med pa'i sbyor bas gcig tu byed pa ni khu tshur ste/ de dang rgyu 'thun pa'i dpal rdo rje sems dpa' i dkyil 'khor yang ston par byed pa'o/ /dpal rdo rje sems dpa' i gsang ba'i
 dkyil 'khor gyi dam tshig gi phyag rgya rnams ni khu tshur gyi phyag rgya zhes brjod pa yin no/ /de nas zhes bya ba la sogs pa la de nas zhes bya ba'i sgra ni skabs su bab pa'o/ /don yod pa dang thogs pa med pa ni go sla'o/ /'di rnams kho na zhes bya ba ni/ dang po'i rdo rje la
 sogs pa rnams kyi'o/ /las kyi phyag rgya bcing ba zhes bya ba ni/ las kyi phyag rgya bcing ba'i mtshan nyid do/ /mchog tu gsang ba zhes bya ba ni/ mchog kyang yin la gsang ba yang de nyid yin pas na mchog tu gsang ba'o/ /mchog ni phul du byung ba'o/ /
 gsang ba ni skye bo thams cad thun mong ma yin pa'o/ /bla na med pa zhes bya ba la sogs pa la/ de'i gong nas gzhan med pas na/ bla na med pa nyid kyi phyir bla na med pa ste phul du byung ba'o/ /las kyi tshogs sgrub par byed pa ni skad cig mas/ rdo rje 'chang chen
 po nyid la sogs pa'i las kyi tshogs rdzogs par byed pa gang yin pa de skabs su bab pa 'di yin te/ gnod par mi nus pa ni sngags la sogs pas gnod par mi nus pa ste/ sangs rgyas thams cad dang bcas pa'i rdo rje 'chang ba dag gis kyang/ gnod par
 mi nus so/ /de la bde ba chen po'i rdo rje dbus ma'i las zhes bya ba ni/ dang po'i rdo rje kho na bde ba chen po'i rdo rje ste/ dbus ma'i rtse mo de nyid kyis/ rdo rje 'chang chen po nyid la sogs pa'i las byed par 'gyur bas na/ dbus ma'i las so/ /rdo rje sen mo rtse mo
 mchu la sogs par bzhag par bya zhes bya ba la/ rdo rje ni dbus ma'i rtse mo ste/ de'i sen mo dag go /rtse mo mchu la sogs pa gang la yod pa de ni/ rtse mo mchu la sogs pa can no/ /rdo rje sen mo yang de yin la/ rtse mo mchu la sogs pa yang de nyid yin
 pas na/ rdo rje sen mo'i rtse mo mchu la sogs pa can te/ de dag bzhag par bya'o/ /'di'i don ni 'di yin te/ sgrub pa chen po la zhugs pa'i rnal 'byor pa gal te grub par ma gyur na/ de'i tshe dpal rdo rje sems dpa' i rnal 'byor byas te/ dang 
 po'i rdo rje bcings nas/ de'i dbus ma'i rdo rje rtse mo gnyis mchu dang/ dpral ba dang/ spyi bo dang snying gar bzhag cing bdag nyid rdo rje 'chang chen por bsgom par bya'o/ /'khor lo rab tu bskor ba zhes bya ba de bzhin du dpal rdo rje sems dpa' i rnal
 'byor byas la/ dang po'i rdo rje bcings te/ de'i dbu mi'i rtse mo chos kyi 'khor lo bskor ba'i tshul du byas shing/ a nu rA ga ya mi hUM/ zhes bya ba brjod cing/ kun tu bzang po la sogs pa'i byang chub sems dpa' chen po rnams la chos bstan par mdzad
 pa'i de bzhin gshegs pa snang ba mdza' yas su bdag nyid bsam par bya'o/ /rdo rje nor bu zhes bya ba ni de bzhin du dpal rdo rje sems dpa' i rnal 'byor byas nas/ dang po'i rdo rje dbus ma'i rtse mos rin chen byas te a nu rA ga ya mi hUM/ zhes bya ba brjod do?
 cing rin po che'i rigs kyi rang bzhin du bdag nyid bsgom par bya'o/ /ji ltar 'dod pa'i dngos grub kun byed pa rnams/ zhes bya ba ni ji ltar 'dod pa'i dngos grub ni/ phyag rgya chen po la sogs pa ji lta ba de bzhin du 'dod pa'i dngos grub bo/ /kun tu byed
 pa ni ji ltar mngon par 'dren pa ste/ de bzhin du dpal rdo rje sems dpa' i rnal 'byor byas nas/ dang po'i rdo rje bcings te phyag rgya chen po'i dngos grub kyi tshul du dbus ma'i rtse mos byas te/ a nu rA ga ya mi hUM zhes bya ba brjod cing/ rdo rje sems dpa' la
 sogs pa'i phyag rgya chen po la sogs pa'i dngos grub kyi rang bzhin du bdag nyid bsam par bya'o/ /kun tu byed pa zhes bya ba'i sgra 'di ni/ rnal 'byor bzhi char la yang sbyar bar bya'o/ /de rnams kyi 'bras bu bstan pa'i phyir/ rdo rje 'chang chen po zhes bya ba la
 sogs pa gsungs te/ de la rdo rje sen mo'i rtse mo'i mchu la sogs par bzhag pas rdo rje 'chang chen po'i dngos grub po/ /'khor lo rab tu bskor ba'i tshul gyis sangs rgyas dang byang chub sems dpa' i dngos grub bo/ /rdo rje nor bu'i sbyor ba'i tshul gyis
 rdo rje rin po che'i rigs kyi dngos grub bo/ /ji ltar mngon par 'dod pa'i dngos grub kyi tshul gyis mchog gi dngos grub thams cad 'grub par 'gyur ro/ /de ltar dpal rdo rje sems dpa' i rnal 'byor gyis las bzhi po bstan nas/ da ni rdo rje mtshon cha ma yi rnal 'byor
 gyi las kyi cho ga dngos grub par bya ba'i phyir/ rdo rje 'dren mas ni mig 'bras kyi las so/ /zhes bya ba gsungs te/ rdo rje 'dren ma ni rdo rje mtshon cha ma'i dam tshig gi phyag rgya'o/ /de bcings te mig gnyis kyi thams cad rjes su chags par byed pa la sogs pa'i
 las ni mig 'bras gnyis kyi las yin no/ /mig g.yon pa dang g.yas zhes bya ba la sogs pa la/ rdo rje mtshon cha ma'i rnal 'byor byas nas/ rdo rje 'dren ma bcings la rdo rje mtshon cha ma'i snying po brjod cing/ mig g.yon pa dang g.yas pa steng
 du bltas pas rdo rje yid la byung ba la sogs pa thams cad rjes su chags par byas pa yin no/ /mig tshur 'dren pas dgug pa'o zhes bya ba ni/ de bzhin du rdo rje mtshon cha ma'i rnal 'byor gyis rdo rje 'dren ma bcings la mig 'bras tshur 'dren pa
 dag gis rdo rje yid la byung ba la sogs pa dngos po thams cad dgug par 'gyur ro/ /'jug pa thams cad 'jug pa'o zhes bya ba la de bzhin du rdo rje mtshon cha ma'i rnal 'byor gyis rdo rje 'dren ma bcings la/ rang gi lus la sogs par rdo rje yid
 las byung ba la sogs pa dngos po thams cad gzhug pa'i bsam pas/ mig 'bras rab tu gzhug par byas la dngos po thams cad 'jug par 'gyur ro/ /chen po'i rdo rje ni dang po'i rdo rje ste/ de'i dbus ma'i rtse mo las thams cad byed par 'gyur ba'i
 tshul du/ a nu rA ga ya mi hUM zhes bya ba'i bzlas pa bya zhing dpal rdo rje sems dpa' i rnal 'byor pa las thams cad sgrub par byed pas/ dngos grub thams cad 'byung bar 'gyur ro/ /sgeg mo dga' ba'i rdo rje ma zhes bya ba la sogs pa la/ 'das ma thag tu bshad
 pa'i las 'di rnams kho na sgeg mo dga' ba'i rdo rje mas phyag 'tshal zhing/ phyag btsal nas mi g.yo ba las grub pa'i tshul du byas na thog ma med par 'grub pas las thams cad 'grub par 'gyur ba yin no/ /de bzhin du rang
 gi phyag mtshan rnams kyi dngos grub thams cad 'grub par 'gyur ro/ /zhes bya ba ni ji ltar dpa' rdo rje sems dpa' i phyag rgya chen po dang/ dam tshig gi phyag rgya las thams cad yod cing 'grub pas 'grub par 'gyur ba de bzhin du rdo rje mtshon cha ma la sogs pa'i
 phyag rgya chen po la sogs pa rnams dang/ rang rang gi snying po bzlas pa las thams cad don yod cing 'grub par 'gyur ba yin no/ /de ltar gsang ba'i dkyil 'khor gyi dam tshig phyag rgya rnams dang/ las 'grub par byed pa'i phyag rgya rnams bstan
 pa yin no/ /phyag rgya chen po dang/ chos dang las kyi phyag rgya dang/ mchod pa'i phyag rgya rnams kyi dkyil 'khor ? chen po las gsungs pa bzung bar bya'o/ /dang po nyin re lan gcig tu phyag rgya chen pos snying po bzla zhes bya ba la sogs
 pa la ji ltar yang gsungs pa'i las rnams byed par 'dod na/ rang gi lha'i rnal 'byor ji lta ba bzhin du byas nas rang gi lha'i phyag rgya rnams rang gi lha'i snying po bzla zhing bcing bar bya'o/ /de'i 'og tu rdo rje sems dpa' i las sgrub par byed pas/
 a nu rA ga ya mi hUM zhes bya ba'i nye ba'i snying po dang bcas pa'i snying po bzla zhing las thams cad bsgrub par bya ba yin no/ /rdo rje mtshon cha ma la sogs pa'i zlos pa po rnams kyis kyang a nu rA ga ya mi hUM badzra driSh+Ta sa ma ki ma Ta zhes bya ba la sogs
 pa'i rdo rje mtshon cha ma la sogs pa'i snying po bzla zhing ji ltar gsungs pa'i las rnams bsgrub par bya ba yin no/ /thams cad yod par grub pa zhes bya ba ni gang zhig nye ba'i snying po 'di thams cad don yod par sgrub par byed pas na de'i phyir/ de dang
 lhan cig tu snying po thams cad bzlas nas thams cad sgrub par byed pa yin no/ /bde ba chen po'i rdo rje ni ji ltar bshad pa'o/ /de'i gsang ba'i rtog pa ni sems dpa' i gsang ba'i 'khor gyi rtog pa'i rjes la bshad pa'o/ /de'i mchog ni phul du byung ba ste yi ge
 hUM gi rang bzhin gyi snying po'o/ /de ci'i phyir phul du byung ba yin zhe na/ /phyi ma zhes bya ba la/ phyi ma ni mchog tu gyur pa ste/ thugs kyi gsang ba ston par byed pa'o/ zhes bya ba'i don to/ /sgrub pa don yod dam tshig ni zhes bya ba la/ sgrub pa ni phyag rgya chen po la sogs
 pa'i dngos grub ste/ 'bras bu yod pa'i rgyu nyid yin pa'i phyir/ don yod pa'i dam tshig go /don yod pa'i dam tshig yin pa'i phyir de nyid snying pos skad cig dngos grub zhes bya ba yin no/ /rtsa ba'i rgyud ces bya ba ni 'das ma thag tu bshad pa'i dkyil 'khor bcu
 gcig gi rgyud de ni rtsa ba'i rgyud dang/ rgyud phyi ma'i 'og nas 'chad par 'gyur ba'i dpal rdo rje sems dpa' la sogs pa'i dkyil 'khor ston par byed pa'o/ /'di gnyis dang bcas pa 'das ma thag tu bshad pa'i dkyil 'khor gyi phyag rgya'i rgyud ni bla na med pa yin no/ /de
 ci'i phyir zhe na/ dngos grub mchog ni 'di bzhin du zhes bya ba la/ rang gi rtog pa'i cho gas phyag rgya'i rgyud 'di ji ltar phyag rgya chen po la sogs pa'i dngos grub rdzogs par byed pas/ mchog tu gyur pa de bzhin du de dag dang bcas pa yang bla na med pa'i ye shes sgrub par
 byed pa yin no/ /dpal mchog dang po'i phyag rgya cher bshad pa/ shes rab kyi pha rol tu phyin pa 'byung ba zhes bya ba las/ dum bu gnyis pa'i rtsa ba'i rgyud las/ dpal rdo rje sems dpa' i gsang ba'i dkyil 'khor gyi phyag rgya'i rtog pa bshad pa rdzogs so// //
 da ni dum bu gnyis pa rtsa ba'i rgyud las gsungs pa'i/ dpal rdo rje sems dpa' i dkyil 'khor chen po nas brtsams te/ phyag rgya'i mtshan nyid bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa la ste gsang ba'i dkyil
 'khor gyi phyag rgya bcings pa'i rjes thogs la'o/ /dang po'i dkyil 'khor ni rdo rje sems dpa' i dkyil 'khor la sogs pa'i phyag rgya thams cad de/ phyag rgya chen po dang/ dam tshig dang/ chos dang las kyi phyag rgya'o/ /de rnams kyi rgyud ni ston par byed pa'i
 sgra'i tshogs te/ de'i cho ga rgyas pa ni phyag rgya chen po la sogs pa'i mtshan nyid can gyis sgrub par byed pa'i 'bras bu ston pa'i rgyun no/ /de la bcom ldan 'das kyi phyag rgya chen po'i rgyud ni zhes bya ba la/ dkyil 'khor chen po las gsungs pa'i dpal rdo rje sems
 dpa' i rtogs pa dang ye shes kyi brtson 'grus kyi las so/ /de ston par byed pa dang/ de dang rgyu 'thun pa dang/ de bskyed par byed pa'i las kyi phyag rgya ni las kyi phyag rgya'o/ /rdo rje khu tshur med pa rnams kyis rtogs par bya'o zhes bya ba la/ rdo rje la sogs pa'i phyag
 mtshan dang dral ba'i rdo rje khu tshur rnams ni rdo rje khu tshur rdo rje med pa rnams so/ /de dag gi las kyi phyag rgya rnams rtogs par bya ste/ las kyi phyag rgya thams cad rdo rje khu tshur gnyis las byung ba slob ma rnams la bstan par bya'o zhes bya ba'i don to/ /g.yon du rdo rje
 bsnyems pa zhes bya ba la sogs pa la rdo rje khu tshur gnyis bcings nas g.yon pa'i rdo rje khu tshur gyis bsnyems par byas nas g.yas pa'i rdo rje khu tshur rang gi snying gar bstod pa'i tshul gyis 'dzin pa 'di ni rdo rje bsnyems pa zhes bya ba bcom ldan 'das rdo rje
 sems dpa' i las kyi phyag rgya yin no/ /'di'i las bstan par bya ba'i phyir rab tu dga' ba brtan par byed cing dngos grub thams cad ster ba'o zhes bya ba la/ rab tu dga' ba ni bshad zin to/ /de bstan par byed cing brtson 'grus kyi stobs kyis gang gi phyir rnal 'byor
 pa rnam par rtog pa thams cad kyis mi bskyod pa'i phyir rab tu dga' ba mi phyed pa dang ldan par 'gyur ba yin no/ /dngos grub thams cad ster ba ni phyag rgya chen po la sogs pa'i dngos grub thams cad gsol ba'o/ /'dis ni don 'di bstan par 'gyur ro/ /phyag
 rgya chen po la sogs pa'i phyag rgya thams cad sgrub par byed pas las kyi phyag rgya rnams bcings par bya ba yin no/ /gzhu dang mda' stod pas rdo rje mtshon cha ma'o zhes bya ba ni g.yon pa'i rdo rje khu tshur gyi rdo rje gzhu 'dzin pa'i tshul du byas la rdo rje khu tshur de snying ga'i phyogs su
 gyen du bltas par bzhag nas de'i steng du g.yas pa'i rdo rje khu tshur 'og tu blta ba bzhag ste/ slar yang des mda' gsor ba'i tshul du byas pa 'di ni rdo rje yid las byung ba'i'o/ /'og tu 'khyud pa zhes bya ba ni rdo rje khu tshur gnyis kyis bdag nyid kyi mtshan khung gi 'og tu
 'khyud pa 'di ni kI li kI li'o/ /rgyal mtshan gyen du bsgreng ba zhes bya ba ni rdo rje khu tshur gnyis rgyal mtshan gyen du bsgreng ba'i tshul du 'dzin pa 'di ni rdo rje dran pa'i'o/ /rdo rje bsnyems pa gnyis stong pa zhes bya ba ni rdo rje khu tshur gnyis bcings te nang du mngon par phyogs
 shing steng du kha blta ba des lag pa gnyis dkul brten par byas pa ni/ rdo rje bsnyems pa'i'o/ /sgeg pa dang bcas pas mdza' la sogs pa bkrol bar bya zhes bya ba la sogs pa la khu tshur gnyis bcings nas/ sgeg pa dang bcas pas mdza' ma la sogs pa'i sor mo
 thams cad bkrol nas glog 'gyu ba'i tshul gyi gar bya'o/ /de ji lta bu zhe na/ g.yas su yongs su bskor bas zhes bya ba ni g.yas su bskor bas yongs su bskor ba ni g.yas su yongs su bskor ba ste/ des me tog la sogs pa'i ka pu Ta g.yas su yongs su bskor ba ni me tog la sogs
 pa'i ka pu Ta'o/ /me tog la sogs ston par byed pa'i ka pu Ta ni me tog la sogs pa'i ka pu Ta ka pu Ta'i thal mo'o/ /sogs pa'i sgras ni spos dang mar me dang dri ston par byed pa'i ka pu Ta zhes par bya'o/ /me tog la sogs pa'i ka pu Ta de spyi bo'i phyogs su 'dzin cing
 de nas phab la de bzhin du sgeg pa dang bcas pas mchod pa dor bar bya'o zhes bya ba dang sbyar ro/ /ji ltar zhe na/ rdo rje thal mos zhes bya ba'i me tog la sogs pa'i ka pu Ta de phab nas rdo rje thal mo byas te/ byed par gyur rdo rje thal mo de rnam par 'gyur ba min nam ma
 yin ce na bkrol ba zhes bya ba ni me tog la sogs pa bkrol ba'i tshul dang bcas pas so/ /sgeg pa dang bcas pas mchod pa dor ba'o/ /zhes bya ba ni sgeg pa dang bcas pas me tog la sogs pa 'bul ba'i tshul gyis dor bar bya'o/ /de la rdo rje
 thal mos sgeg pa dang bcas pas mchod pa dor ba ji lta bu zhen de bzhin du'o zhes bya ba ste/ ji ltar dam tshig gi phyag rgya'i skabs su sgeg pa dang bcas pas mchod pa dor bar bstan pa de bzhin du las kyi phyag rgya'i skabs su 'dir yang bya ba yin no/ /'dis ni 'di ltar
 'chad par 'gyur te/ rdo rje khu tshur gnyis kyis ji skad bshad pa'i rdo rje mtshon cha ma'i snying po brjod cing gar bya ste/ ka pu Ta'i thal mo bcings la spyi bor bzung bar bya ste/ de nas de las phab nas rdo rje thal mo bcings te/ de nas rjes la sgeg pa dang bcas pas
 me tog 'bul ba'i tshul gyis steng du gtor bar bya ste/ de nas rdo rje mtshon cha ma'i las kyi phyag rgya bcing bar bya'o/ /de nas rdo rje kI li kI la'i snying po brjod cing de bzhin du rdo rje thal mo bcings la de nyid sgeg pas spos 'bul ba'i tshul gyis 'og tu ldugs pa ste/ de
 nas kI li kI la'i las kyi phyag rgya bcing bar bya'o/ /de nas rdo rje dran ma'i snying po brjod cing de bzhin du rdo rje thal mo bcings la de nyid sgeg bas mar me 'bul ba'i tshul gyis mthe bo sbyar nas bskor bar bya ste/ rdo rje dran ma'i las kyis phyag rgya bcing bar bya'o/ /de
 nas rdo rje bsnyems ma'i snying po brjod cing de bzhin du rdo rje thal mo bcings nas de nyid sgeg pas snying ga'i phyogs su brkyang la dris byung ba'i tshul du sbyar te/ rdo rje thal mo spyi bor gzung bar bya ste/ de nas rdo rje bsnyems ma'i las kyis phyag rgya bcing bar bya'o//
 rdo rje yid las byung ba dang/ kI li kI la dang/ rdo rje dran ma dang/ rdo rje bsnyems pa'i las kyi phyag rgya rnams gang yin pa de nyid go rim ji lta ba bzhin du rdo rje mtshon cha ma dang/ kI li kI la dang/ rdo rje dran ma dang/ rdo rje bsnyems ma la sogs pa rnams kyi
 yang yin par gzung bar bya'o/ /de ltar rdo rje mtshon cha ma la sogs pa'i las kyi phyag rgya bstan nas/ da ni dpyid ka rdo rje ma la sogs pa'i las kyi phyag rgya bstan par bya ba'i phyir/ rdo rje gar ni nang gi mtshams rnams la'o/ /zhes bya ba la rdo rje gar ni
 'das ma thag tu bshad pa'i mtshan nyid can te/ nang gi mtshams bzhi po la dpyid ka rdo rje ma la sogs pa bzhi dang/ phyi'i dkyil 'khor gyi mtshams bzhi la sgeg mo la sogs pa rnams kyi las kyi phyag rgya bskyed pa'i rgyur gyur pa shes par bya'o/ /de ci'i phyir zhe na/
 rdzogs pa zhes bya ba la sogs pa ste/ phyi'i yo byad me tog dang spos dang mar me dang dri dang ldan pa ni rdzogs pa'o/ /ma tshang ba ni de dang bral ba'o/ /yang na ji ltar rnyed pa'i zhes bya ba la me tog la sogs pa'i mchod pa'i rdzas rnams las phyogs gcig thob
 pa ni ji snyed pa ste/ ji snyed pa des kyang ngo/ /me tog la sogs pa'i mchod pa rnams kyi mtshan ma ni me tog la sogs pa'i mchod pa'i mtshan ma ste/ me tog la sogs pa'i tshul rnams so/ /sogs pa'i sgras ni spos la sogs pa gzung bar bya'o/ /me
 tog la sogs pa'i mchod pa'i mtshan ma de rnams kyi dngos grub kun gsol thun mong yin zhes bya ba ni dpyid ka rdo rje ma la sogs pa'i las kyi phyag rgya thams cad grub pa'i phyir/ thun mong gi rgyur gyur pa rdo rje yin pas na/ dpyid ka rdo rje ma la sogs
 pa'i las kyi phyag rgya rnams bskyed pa'i rgyur gyur pa yin no/ o/dpyid ka rdo rje ma la sogs pa'i las kyi phyag rgya ma rnams kyi mtshan nyid ji ltar shes par bya zhe na/ dam tshig gi phyag rgya'i sbyor bas mtshan ma yongs su bzung ba zhes bya ba la ji ltar dpyid ka'i rdo
 rje ma la sogs pa'i dam tshig gi phyag rgya'i sbyor bas bstan pa de bzhin du de rnams kyi las kyi phyag rgya'i sbyor ba yang de yin no/ /'dis ni 'di ltar bstan par 'gyur te/ rdo rje khu tshur gnyis bcings la/ dpyid ka rdo rje ma'i snying po brjod cing gar byas te snga ma 
 bzhin du ka pu Ta'i thal mo spyi ba'i phyogs su bcing bar bya zhing de nas de phab la/ rdo rje khu tshur gnyis bskor bas bcings te me tog 'bul ba'i tshul gyis steng du gtor bar bya ste/ 'dis ni dpyid ka rdo rje ma'i las kyi phyag rgya yin no/ /de
 nas de bzhin du rdo rje sprin ma'i snying po brjod cing/ rdo rje'i gar bya ste ka pu Ta'i thal mo spyi bo'i phyogs su bcings la phab ste/ rdo rje khu tshur gnyis bskor ba bcings te me tog spos 'bul ba'i tshul gyis ldugs par bya ste 'di ni rdo rje sprin ma'i'o/ /
 de nas de bzhin du ston ka'i rdo rje ma'i snying po brjod cing spyi bo'i phyogs su ka pu Ta'i thal mo bcings nas phab la rdo rje khu tshur gnyis bskor ba bcings te mar me 'bul ba'i tshul gyis mthe bo sbyar la bskor bar bya ste/ 'di ni ston ka'i rdo rje ma'i'o/ /de
 bzhin du dgun ma'i snying po brjod cing gar byas la spyi bo'i phyogs su ka pu Ta'i thal mo bcings shing phab ste/ rdo rje khu tshur gnyis bcings shing snying ga'i phyogs su brkyang ste/ slar yang rdo rje khu tshur gnyis bcings la/ spyi bor gzung bar bya ste
 'di ni rdo rje dgun ma'i las kyi phyag rgya'o/ /de bzhin du sgeg mo'i snying po'i phyogs/ ka pu Ta'i thal mo bcings shing phab la rdo rje khu tshur gnyis bcings la snying ga'i phyogs su bskor bas gzung bar bya ste 'di ni sgeg mo'i'o/ /de bzhin du bzhad
 ma'i snying po brjod cing ka pu Ta'i thal mo bcings la/ rdo rje khu tshur gnyis kyis bskor bas bcings la rgod pa'i tshul gyis sa yongs su bskor te/ kha'i phyogs su gzung bar bya ste 'di ni bzhad ma'i 'o/ /de bzhin du glu ma'i snying po brjod cing ka pu Ta'i
 thal mo bcings nas phab la rdo rje khu tshur gnyis bskor bar cing ste tshig 'byin pa'i tshul gyi kha'i phyogs nas gyen du 'dren pa'i tshul du bya ste/ 'di ni glu ma'i 'o/ /de bzhin du rdo rje gar ma'i snying po brjod cing gar las byung ba'i ka pu Ta'i thal mo
 bcings nas phab la rdo rje khu tshur gnyis bskor ba bcings te/ gar gyi tshul gyis bskor bar byas te 'di ni gar ma'i'o/ /de nas rdo rje lcags kyu ma'i snying po brjod cing rdo rje khu tshur gnyis bcings la mdzub mo gnyis kyis lcags kyur byas te/ 'di ni rdo rje lcags
 kyu ma'i'o/ /de nas rdo rje zhags pa'i snying po brjod cing rdo rje khu tshur gnyis bcings la/ g.yas pa'i mdzub mo lcags kyus g.yon pa'i mdzub mo bsgreng ba gzung bar bya ste/ 'di ni rdo rje zhags pa'i'o/ /de nas lcags sgrog gi snying po rjes su dran zhing rdo rje khu tshur
 gnyis bcings la mdzub mo dang mthe bo dag gis mdud pa bcings pa'i tshul du bya ste/ 'di ni rdo rje lcags sgrog gi'o/ /de'i rjes la rdo rje dril bu'i snying po brjod cing rdo rje khu tshur gnyis bcings la/ phan tshun yang dag par sbyor ba 'di ni rdo rje dril bu'i las kyi
 phyag rgya'o/ /'di rnams kyi don yod pa'i las grub pa rnams so zhes bya ba ni ji ltar phyag rgya chen po rnams dang dam tshig dang chos kyi phyag rgya rnams don yod pa'i las grub pa'i rgyur gyur pa de bzhin du las kyi phyag rgya rnams kyang dngos grub thams cad kyi don
 du gyur pa yin no/ /rdo rje khu tshur gyis bdud rtsi'i chu bzla'o zhes bya ba la/ rdo rje khu tshur gyis rdo rje me tog gi yal ga gcig gzung ste bum pa'i sngags kyis bum pa la mngon par bsngags par bya'o zhes bya ba'i tha tshig go /'jug pa'i mchog ni phyag rgya
 bshad pa yin zhes bya ba la/ dkyil 'khor du 'jug pa'i phyag rgya ste de sngar bshad zin to/ /dkyil 'khor chen po zhes bya ba ni/ rdo rje sems dpa' i dkyil 'khor chen po ste/ der thams cad kyi slob dpon ni rdo rje sems dpa' i dkyil 'khor chen po'i
 slob dpon yin no/ /de byin gyis brlabs pa ni brtan par bya ba ste/ phyi ma'i mdza' i bar du'o/ /de'i don du gsang ba'i dam tshig ces bya ba'i phyag rgya gang yin pa de bshad zin to/ /'jug pa'i phyag rgya gnyis pa zhes bya ba ni/ slob ma 'jug pa'i
 don du dkyil 'khor brtags la 'jug pa'i phyir bshad pa'i phyag rgya gang yin pa de 'jug pa'i phyag rgya gnyis pa yin no/ /de ji lta bu yin zhe na/ rdo rje bsdams pa zhes bya ba la sogs pa la/ rdo rje bsdams pa bcings nas g.yon pa'i mdzub mo dang mthe bo dag gis de
 bzhin du skye gnas der g.yas pa'i mthe bo 'og tu kha lta ba bcug la btsir te mdzub mo gnyis kyi lcags kyu byas la dkyil 'khor chen por 'jug par bya'o/ /yang na sems dpa' gang la 'jug /de ni myur du 'grub par 'gyur zhes bya ba la rnam
 par snang mdzad la sogs pa'i dkyil 'khor gang la yang 'di bcings nas/ rnam par snang mdzad la sogs pa'i 'jug pa'i cho gas 'jug na/ sems dpa' de rnam par snang mdzad la sogs pa'i rang gi dngos grub kyi rnam par snang mdzad la sogs
 pa'i dkyil 'khor der myur ba kho nar 'grub par 'gyur ro/ /'dis ni dkyil 'khor thams cad la 'jug pa'i thun mong gi phyag rgya 'di yin no zhes bstan pa yin no/ /rab tu dga' ba'i rdo rje ma zhes bya ba la rab tu dga' ba'i rdo rje sems dpa' ste de'i
 phyag rgya gang yin pa de ni rab tu dga' ba'i rdo rje ma yin no/ /rang gi khu tshur gyis rdo rje'i bdud rtsi'i chu blangs nas zhes bya ba la sogs pa la/ rdo rje sems dpa' i dkyil 'khor du rdo rje khu tshur gyis rnam par rgyal ba'i bum pa las chu blangs nas des
 bdag nyid dang slob ma rnams la dbang bskur bar bya'o/ /de bzhin gshegs pa'i dkyil 'khor du de bzhin gshegs pa'i khu tshur dang/ rdo rje rigs kyi dkyil 'khor du rdo rje khro bo'i khu tshur dang pad+ma rigs kyi khu tshur dang/ nor bu'i rigs kyi dkyil
 'khor du rin po che'i khu tshur dang/ phyi rol du rdo rje rigs kyi dkyil 'khor du phyi rol gyi rdo rje'i khu tshur gyi chu blangs te/ rang dang gzhan dag la dbang bskur bar bya'o/ /de nyid kyis chu de rang 'thungs pa dang gzhan 'thung du bcug nas rnal 'byor
 dang pha rol po yang dbang bskur bar 'gyur ro/ /thams cad ces bya ba la sogs pa ni go sla'o/ /skyil mo krung gis gar dang mchod pa 'bul bar bya'o zhes bya ba la rdo rje sems dpa' dkyil 'khor du sems dpa' i skyil mo krung dang/ de bzhin gshegs pa
 dang/ rab tu dga' ba'i rdo rje khro bo'i rdo rje dang/ 'jig rten dbang phyug gi dkyil 'khor rnams su rdo rje skyil mo krung gi 'dug ste mchod pa dang gar dbul bar bya ba yin no/ /nor bu'i rigs kyi dkyil 'khor du yang mchod pa dang gar dbul ba ni sems dpa' i skyil
 mo krung kho nas bya ba yin no/ /de nas mchod pa rnams ni rdo rje gar gyis so zhes bya ba la/ phyag rgya bcu gnyis kyi mchod pa thams cad du rdo rje gar gyi bya ba yin gyi gzhan gyis ni ma yin no/ /zhes bya ba'i nges pa bstan pa yin no/ /rdo rje glu blangs pas rdo rje gar dbul bar
 bya'o zhes bya ba ni/ phyag rgya bcu gnyis kyi mchod pa dang gar dbul ba ni/ 'dod chags la sogs pa de kun yid khyod ni/ /kun bsdus bdag la bde ba gsol mdzod cig /rdo rje sems dgongs myur du bdag bstan mdzod/ /bdag dgyes mdzad dang bde mchog
 grub la 'dud ces bya ba'i glu len cing bya ba yin no/ /de ltar phyag rgya bcu gnyis kyi mchod pa rnams kyis thun mong gi cho ga bstan nas/ da ni gsang ba'i mchod pa bzhi po'i khyad par gyi mtshan nyid bstan par bya ba'i phyir/ rdo rje gar gyi mchod pa rnams dbul
 zhes bya ba la sogs pa gsungs te/ rdo rje khu tshur gnyis bcings nas/ sngar bshad pa'i rdo rje glu len cing/ ji skad bshad pa'i gar byas te ka pu Ta'i thal mo kha sbyor spyi bor bcings te de las phab la rdo rje thal mo byas nas me tog 'bul ba'i tshul gyis
 sgeg pa dang bcas pas steng du gtor bar bya'o/ /de nas rdo rje khu tshur gnyis kyis rdo rje sems dpa' i phyag rgya rdo rje bsnyems ma bcings par bya'o/ /de nas rdo rje mtshon cha ma'i las kyi phyag rgya bcing bar bya ste/ 'di ni rdo rje khu tshur gyis mnga' gzhu 'dren
 pa'i tshul can no/ /'di ni gsang ba'i mchod pa'i phyag rgya dang po yin no/ /slar yang rdo rje khu tshur gnyis bcings nas rdo rje glu len cing gar byas te/ ka pu Ta'i thal mo kha sbyor ba bcings la phab nas rdo rje thal mo bcings la spos 'bul ba'i
 tshul gyis 'og tu blugs bar bya'o/ /'dis ni rdo rje sems dpa' i las kyi phyag rgya bcings nas de nyid kyi snying pos brjod par bya'o/ /de nas rdo rje kI li kI la'i snying po brjod cing rdo rje khu tshur gnyis kyis bdag nyid la 'khyud par bya ste/ 'di ni gsang ba'i
 mchod pa gnyis pa yin no/ /de nas de bzhin du rdo rje thal mo bcings nas de nyid sgeg pas mar me 'bul ba'i tshul gyis mthe bo sbyar ba bskor bar bya ste/ rdo rje sems dpa' i las kyi phyag rgya bcings par bya'o/ /de nas rdo rje dran ma'i snying po brjod cing rdo rje
 khu tshur gnyis kyis rgyal mtshan bsgreng ba'i tshul du byas te 'di ni gsang ba'i mchod pa gsum pa'o/ /de nas de bzhin du rdo rje thal mo bcings la de nyid sgeg pas snying ga'i phyogs su bcings te/ dri chus byugs pa'i tshul gyis rab tu sbyar la/ rdo rje
 thal mo bcings la spyi bor gzung bar bya'o/ /de nas rdo rje sems dpa' i las kyi phyag rgya bcing bar bya'o/ /de nas rdo rje bsnyems ma'i snying po brjod cing rdo rje khu tshur gyis bsnyems pa gnyis bcing bar bya ste/ 'di ni gsang ba'i mchod pa'i phyag rgya bzhi pa'o//
 lha mo rnams kyi las kyi phyag rgya dang/ gang zhig mchod pa'i phyag rgya dang de rnams kyi khyad par gang zhig yin zhes bya ba'i rnam par rtog pa 'di la khyad par brjod par bya ste/ rdo rje mtshon cha ma la sogs pa'i snying po bzla zhing gar byas nas las kyi phyag
 rgya bcings bar bya'o/ /rdo rje glu len cing gar byas nas mthar rdo rje mtshon cha ma la sogs pa'i snying po bzlas nas mchod pa'i phyag rgya rnams bcing bar bya'o zhes bya ba ste khyad par 'di yin no/ /gsang ba'i mchod pa rnams rdo rje sems dpa' i las kyi phyag rgya
 las byung ba yin no zhes bya ba ni 'di'i khyad par gnyis pa yin no/ /de ltar rdo rje mtshon cha ma la sogs pa'i khyad par du byas pa'i rdo rje mtshon cha ma la sogs pa'i gsang ba'i mchod pa bzhi pa'o/ /rdo rje sems la sogs
 pa'i rnal 'byor dang ldan pa'i bdag nyid la yang dag par mchod la mthar sgeg mo dga' ba'i rdo rje ma gsang ba'i phyag rgyas phyag 'tshal bar bya'o/ /sgeg mo dga' ba'i rdo rje ma de khyad par ji lta bu zhe na/ bzhad pa dang bcas pa'i zhal dang spyan g.yo pa
 gang yin pa des 'dud pa 'am/ yang na spyi ba bkug pas phyag 'tshal ba gang yin pa 'di sgeg mo dga' ba'i rdo rje ma'o/ /'dis ni bcom ldan 'das kyi phyag rgya chen po bcings la phyag 'tshal ba'i glu len cing phyag 'tshal bar bya ba yin no/ /phyag
 'tshal ba des ji ltar 'gyur zhe na/ bcom ldan 'das rdo rje 'chang dgyes pas dga' ba thams cad la sogs pa'i bde ba thams cad dang yid bde ba'i dngos grub thams cad gsol ba'i yin no zhes bya ba la/ de la zag pa dang bcas pa dang zag pa med
 pa'i yid bde ba'i khyad par ba spu ldang ba'i rgyur gyur pa ni dga' ba yin no/ /bde ba ni lus kyi tshor ba bde ba'o/ /de las gzhan pa sems kyi tshor ba bde ba ni yid bde ba'o/ /dga' ba thams cad la sogs pa'i bde ba dang yid bde ba gang la
 thog mar yod pa de ni/ dga' ba thams cad la sogs pa'i bde ba thams cad dang yid bde ba rnams so/ /de dag gis dngos grub ni yongs su rdzogs pa ste/ dngos grub de rnams sgeg mo dga' ba'i rdo rje mas rdo rje 'chang chen po la phyag 'tshal
 nas sgrub pa po la gsol ba yin no/ /rdo rje bsdams pa zhes bya ba la sogs pa la dkyil 'khor bris nas rang dang gzhan gyi cho ga thams cad yongs su rdzogs par byas la/ sngon du bsnyen pa'i dus sam sgrub pa'i dus su bzlas pa dang bsgom pas/ slob
 dpon nam slob ma skyo bar gyur pas lhag gshegs su gsal 'dod na/ de'i tshe rdo rje bsdams pa bcings nas rang gi lha'i snying po bzla zhing rang gi snying ga'i phyogs su bde bar bcings la badzra mu(rgyud 'grel thams cad dang rang rang gi gnas su dgrol bar bsams na/ de ltar dkyil 'khor gyi phyag rgya thams cad bkrol bar 'gyur ro/ /sngon du bsnyen pa la sogs pa'i dus su yang rnal 'byor ba rnams kyis rang gi lha'i phyag rgya thams cad kyang bkrol bar
 'gyur ro/ /rdo rje sems dpa' i bsam pas zhes bya ba la sogs pa la/ badzra badzra zhes brjod cing bdag nyid rdo rje sems dpar bsgoms la/ rdul tshon gyi re khA dang thig skud kyi re khA dang rdo rje dang rigs thams cad phyag mtshan yid kyis gyen du bteg
 la/ rdo rje shugs kyi dkyil 'khor gyi nang du 'jug pa 'am/ phyir 'byung bar byas nas rnal 'byor ba'i dam tshig nyams par mi 'gyur ro/ /de bzhin du rdo rje sems dpa' i bsgom pas dkyil 'khor phyag na dam tshig nyams par mi 'gyur ro
 zhes bya ba la sngar bshad pa'i tshul gyis dkyil 'khor bris nas/ cho ga thams cad rjes su spyad la phyag rgya bkrol bar byas nas lha thams cad gshegs su gsol bar bya'o/ /de nas sprul pa'i dkyil 'khor rang gi lus la bcug ste/ kha
 dog dang dbyibs kyi bdag nyid can gyi bar la sogs pa ji ltar bris pa rdo rje sems dpa' i snying po brjod cing phyag na dam tshig nyams par mi 'gyur ro/ /de nas las kyi phyag rgya'i rgyud ces bya ba de nas kyi sgra ni skabs la bab pa'o/ /las sgrub par
 byed pa'i phyag rgya ni las kyi phyag rgya ste de rnams ston par byed pa'i sgra'i tshigs ni rgyud de/ de 'di ltar yin no zhes bya ba ni tshig gi lhag ma'o/ /de ji ltar yin zhe na/ bde ba chen po rdo rje zhes bya ba la sogs pa la/ dang po'i rdo rje ni bde ba chen
 pa'i rdo rje steng bcings la spyi bor 'dzin na bdag nyid bsrung bar 'gyur ro/ /dpral bar 'dzin na gzhan bsrung bar 'gyur ro/ /snying ga'i phyogs su phab nas bzhag na phyogs thams cad du 'bar ba'i rnam pa can gyi byed pa dang ldan pa'i rdo rje 'bar pa
 'byung ba yin no/ /rdo rje khro ba'i rgyal po rnams kyis kyang 'jug par mi nus so zhes bya bar bcom ldan 'das rdo rje sems dpas gsungs so/ /'dis ni phyogs dang mtshams thams cad dang dkyil 'khor bcings par 'gyur ro/ /snying gar bsgom pa rdo rje
 dang bcas pa'o zhes bya ba la/ de nyid snying ga'i phyogs su bzhag la rang rang gi snying ga'i zla ba la rdo rje rtse lnga pa bsgom par byas nas bdud thams cad kyi stobs 'joms par 'gyur ro/ /gyin du kha blta ba bltung bar bya'o zhes bya ba ni de nyid bcings
 nas de'i dbus ma'i rdo rje'i steng du kha bltas par bkag nas 'thungs nas che 'phel bar 'gyur ro/ /rang gi gdong yongs su sbyangs nas gdod par bkrol bar bya'o/ /zhes bya ba la dang pa'i rdo rjes rang gi gdod pa yongs su sbyangs nas de nyid rang gi gdod
 yongs su bkrol bar byas nas gzugs phun sum tshogs pa chen po dang ldan par 'gyur ro/ /dbus ma rdo rje ldeg par yang bya'o zhes bya ba la dang po'i rdo rje dbus ma'i rdo rje ldeg par byas nas gzi brjid 'phel bar 'gyur ro/ /dpung mgo gnyis su bzhag
 cing snying gar bzhag par bya'o zhes bya ba la/ dang po'i rdo rje dpung mgo gnyis la bzhag nas/ snying ga'i phyogs su gzub nas mdangs dang stobs 'phel bar 'gyur ro/ /rab tu dga' ba'i rdo rje mnga' lnga bsdus pa'i mdzub mo gnyis kyi lcags kyu gang
 yin pa des/ cod pan dang dar dpyangs bcings pa'i dbang bskur ba mthong ba'i tshul byas nas/ /dbang bskur ba thams cad thob par 'gyur ro/ /skyes gnas las dong tshe 'byin pa'o zhes bya ba ni/ rab tu dga' ba'i rdo rjes rang gi rtags la dod tshe 'byin
 pa'i tshul bstan nas nor rnyed par 'gyur ro/ /spyi bor bzhag par bya ba la rab tu dga' ba'i rdo rje spyi bor gzung nas rgyal srid rnyed par 'gyur ro/ /sa la reg par bya zhes bya ba la rab tu dga' ba'i rdo rjes sa la reg nas thob par 'gyur ro/ /rab tu
 dga' pa'i rdo rjes rtags kyi las so zhes bya ba la/ rab tu dga' ba'i rdo rje bcings te/ der thams cad dbab pa la sogs pa'i rang gis brtags la reg pas las rnams 'byung bar 'gyur ro/ /de ji ltar zhe na/ lcags kyu zhes bya ba la rab tu dga' ba'i
 rdo rje mdzub mo gnyis kyis lcags kyus rang gi rtags par 'dren pas thams cad dbab pa dang/ g.yo ba dang/ gar byed du bcug pa dang/ dus gsum gyi bden pa smar 'jug par 'gyur ba yin no/ /rtse mo gtong pa zhes bya ba la rab tu dga' ba'i rdo rje'i
 mdzub mo gnyis kyis lcags kyus rang gi rtags kyi rtse mo gtad par byas na/ pra dbab pa thams cad 'grub par 'gyur ro/ /skyes gnas bkrol ba'o zhes bya ba ni rang gi rtags de rang gi skyes gnas de la rab tu dga' ba'i rdo rje reg pa'i tshul gyis
 bkrol bar byas nas/ gdon thams cad las 'grel bar 'gyur ro/ /lag pa g.yon pa'i mthil nyed cing bsnun par bya'o zhes bya ba la/ rab tu dga' ba'i rdo rjes rang gi rtags la reg cing lag pa g.yon pa'i mthil g.yas pa'i mthe bos mnyes
 shing bsnun na gdug pa thams cad 'jig par 'gyur ro/ /btsir bar bya'o zhes bya ba la rab tu dga' ba'i rdo rjes rang gi rtags btsir na thams cad rengs par 'gyur ro/ /mig btsum par bya'o zhes bya ba la rab tu dga' ba'i rdo rjes rang gi rtags la reg
 cing mig btsum par byas na/ /thams cad gnyid log tu bcug par 'gyur ro/ /bskor zhing btsir nas rdo rje khro bo'i ltabs blta bar bya'o zhes bya ba la/ rab tu dga' ba'i rdo rjes rang gi rtags la reg cing de ltar gtod par byas nas btsir te/ rab
 tu gcig gis shing khro gnyer bsdus pa'i khro bo'i mig gis lta bas bsgrub bya la bltas na thams cad la rgyas btab par 'gyur ro/ /yongs su bskor nas kha'i mthar mche ba bstan pa'i zhes bya ba la/ rab tu dga' ba'i rdo rjes rang gi rtags la reg nas bskor te
 kha'i mdza' gnyis su mche ba ston pa'i tshul gyis gzung na thams cad gsod par 'gyur ro/ /g.yas pa'i mdzub mos sdigs mdzub bya'o zhes bya ba la/ rab tu dga' ba'i rdo rjes rang gi rtags la reg cing g.yas pa'i mdzub mos bsgrub bya la sdigs mdzub
 byas na thams cad ltung bar 'gyur ro/ /mdzub mos sa la ldang bar bya'o zhes bya ba la rab tu dga' ba'i rdo rje bcings nas de las rang gi rtags la reg cing/ g.yas pa'i mdzub mos bslang bar byas la des sgrub bya las bslang ba byas na thams cad
 bslang bar 'gyur ro/ /mthe bos mthe bo bcing bar bya'o zhes bya ba la rab tu dga' ba'i rdo rje bcings nas de yi rang gi rtags la dag cing mthe bo bcings bar byas na thams cad 'ching bar 'gyur ro/ /yi ge mu(rgyud 'grel ba'i rdo rje bcings nas/ de'i rang gi rtags la bzhag ste/ oM mahA su kha badzra satwa dza(rgyud 'grel mthe'u chung gi rdo rjes bsnun par bya'o zhes bya ba la/ /dang po'i rdo rje'i mthe chung gnyis kyis rtse mos bsgrub bya la brdeg par byas na/ de ltar na phra min ma thams cad las grol bar 'gyur ro/ /de nyid rnam par 'gyur ba'i gdong pas so zhes bya ba la dang po'i
 rdo rje bcings nas/ gdong pa rnams bsgyur bar sbyar bar bya ste de ltar na ma mo dang gdon thams cad las grol bar 'gyur ro/ /de nyid yongs su bskor nas dpral bar gyen du kha blta bar gnas pa zhes bya ba la dang po'i rdo rje bcings te/ yongs su bskor nas
 dpral ba'i phyogs su mthe bong gi rtse mo gnyis kyis rdo rje he ru ka'i phyag rgya bcings te bzhag na/ de ltar mkha' 'gro ma thams cad kyis rgyas btab pa las grol ba dang rengs par 'gyur ro/ /de nyid kyi nam mkha' las ldeg pa'o
 zhes bya ba la/ dang po'i rdo rje nyid kyis gdug pa thams cad kyi phyag rgya bzhig pa'i bsam pas nam mkha' ldeg pa'i tshul byas te/ de ltar na gdug pa thams cad kyi phyag rgya 'jig par 'gyur ro/ /g.yo zhing btsums pa'i mig gnyis kyis phyag rgya
 bcings pa bkrol ba'o zhes bya ba la/ dang po'i rdo rje bcings te de nas rims kyis btab pa'i spyi bo nas brtsams te/ byab par bya ste g.yo zhing btsum pa'i mig gis de nyid bkrol bar byas nas de ltar na rims thams cad zhi bar 'gyur ro/ /
 mthe chung gi nor bus reg par bya zhes bya ba la/ dang po'i rdo rje mthe bo chung gnyis rdo rje rin po cher byas nas des dug la sogs pa thams cad 'jig par 'gyur ro/ /mdzub mo mnyam pos zhabs kyi sor mo brje bar bya ste bza' ba 'am yid kyis
 bzhag par bya'o/ /zhes bya ba la dang po'i rdo rje mdzub mo gnyis yang dag par sbyar zhing rtse mor byas la de nyid dpal rdo rje sems dpa' i zhabs kyi sor mo'i rang bzhin can du bsam par bya ste/ de ltar mdzub mo mnyam par dang zhabs
 kyi sor mo brje bar byas par 'gyur te/ de ltar zhabs kyi sor mo brje bar byas nas/ phyag rgya de nyid du gi ster du bzhag ste bdud rtsir byas nas bza' bar bya'o/ /yang na yid kyi ji ltar mngon par 'dod pa'i gnas su bzhag par bya ste/ de
 ltar na dug thams cad bdud rtsi byas par 'gyur ro/ /mdzub mo sbyin sreg byed pa zhes bya ba ni dang po'i rdo rje bcings te mdzub mo gnyis kyi kha la sbyin sreg gi tshul du byas nas gshed byed dang/ byur dang/ ro langs dang/ dpal dang mi
 ldan pa 'jig par 'gyur ro/ /rab tu dga' ba'i rdo rje ni mda' lnga bsdus pa'i mdzub mo gnyis kyi lcags kyu ste de gnyis gdong du bkrol bar byas na/ 'thab mo dang 'thab pa dang rtsod pa dang 'gyed pa thams cad 'jig par 'gyur ro/ /sbyin sreg byed
 pa zhes bya ba ni rab tu dga' ba'i rdo rje bcings na sbyin sreg gi tshul du byas na/ yams dang/ byur dang sdig pa dang/ rmi lam ngan pa thams cad 'jig par 'gyur ro/ /mthe chung gnyis skye gnas byas la sbyar te phyag rgya dral bar bya'o zhes
 bya ba la/ rab tu dga' ba'i rdo rje bcings te/ de'i mthe chung gnyis rang gi rtags la bzhag nas phyag rgya bcings pa dral bar byas na pha rol gyi dpung thams cad rengs dang/ gnyid log par bya ba dang/ rmongs pa dang 'jig pa dang/ rgyas
 btab pa dang/ gsod par 'gyur ro/ /srin lag tha ma mnyam par sbyar te so sor ba dan gyi tshul du bsgreng bar bya'o zhes bya ba la/ rab tu dga' ba'i rdo rje bcings nas srin lag gnyis dang/ mthe'u chung gnyis brkyang nas so sor sbyar te rtse mo
 gnyis byas nas gyen du gtod cing gzung na 'thab mo thams cad las rgyal ba thob par 'gyur ro/ /rdo rje bsdams pa zhes bya ba la rdo rje bsdams pa bcings te/ des las rnams bya ba yin no/ /ji ltar zhe na/ legs par byed pa zhes bya ba la sogs
 pa la rdo rje bsdams pa bcings nas mdzub mo dang mthe bo dag gis legs pa sbyin pa'i tshul byas na sdig pa thams cad 'jig par 'gyur ro/ /mdzub mo dang mthe bo mnyam por phye ba dgug pa zhes bya ba la/ rdo rje bsdams pa bcings nas
 mdzub mo gnyis dang mthe bong gnyis mnyam par byas nas cung zad kha phye ba dang/ cung zad bkug pa byas te mthe bo ltar khar gzung ba byas nas 'dis bgegs thams cad rnam par 'jig par 'gyur ro/ /bskor nas dral bar bya'o zhes
 bya ba ni rdo rje bsdams pa bcings nas bskor te dral bar byas nas dgra thams cad rnam par 'joms par 'gyur ro/ /rdo rje bsdams pa nang du brkyang pa'i mthil gyis sa la reg pa zhes bya ba ni rdo rje bsdams pa bcings te/ brkyang nas rdo rje bsdams
 pa brkyang ba'i mthil des sa'i steng du reg par byas na bdud kyi dpung thams cad 'jig par 'gyur ro/ /dang po'i rdo rjes sprin bskyed pa zhes bya ba ni dang po'i rdo rje bcings nas sprin bskyed pa'i tshul du byas na 'dis sprin bskyed par 'gyur ro/ /mdzub mos
 char bskyed pa zhes bya ba ni sngar bshad pa'i tshul gyis sprin bskyed par byas nas/ de ma thag tu dang po'i rdo rjes bcings te mdzub mo gnyis kyis rtse mo sbyar ba byas nas rtse mo des char gyi rgyun 'bab pa'i tshul byas na char 'bab par 'gyur ro/ /mdzub
 mo bzlog par bya'o zhes bya ba la/ dang po'i rdo rje bcings nas mdzub mo gnyis sbyar ba'i rtse mo des bzlog par byas nas thog dang klog dang char rnams zhi bar 'gyur ro/ /rdo rje blta bas 'phrog par bya'o zhes bya ba la dang po'i rdo rje bcings nas mdzub
 mo gnyis sbyar ba'i rtse mo byas te/ rdo rje blta ba'i phyag rgya dang bcings pa'i rtse mo des sprin dang mun pa dang khug rna rnams bsal bar byas te/ de ltar na de rnams bzlog par 'gyur ro/ /rab tu dga' ba'i rdo rje bshad pa'o zhes bya ba la rab tu dga' 
 ba'i rdo rje bcings nas mdzub mo gnyis kyi lcags kyus klu thams cad 'gugs pa'o/ /mdzub mo gcig ni nor bu'o zhes bya ba la rab tu dga' ba'i rdo rje bcings nas g.yas pa'i mdzub mo'i steng du bskul ba'i sbyor bas nor bu byas na klu
 thams cad dbang du byed par bya ba yin no/ /mthe'u chung gi rdo rje sdigs mdzub ces bya ba la rab tu dga' ba'i rdo rjes mthe'u chung gnyis yang dag par sbyar ba'i rtse mo sdigs mdzub kyi tshul du bzhag na 'dis klu thams cad bran du byed par
 'gyur pa yin no/ /mdzub mos sa'i 'og nas chu mig bkug pa ston pa'o zhes bya ba la/ rab tu dga' ba'i rdo rje bcings nas mdzub mo gnyis kyi lcags kyus chu mig dang bcas pa'i klu dgug pa byas na klu thams cad gdod pa grub pa yin no/ /
 bde ba chen po'i rdo rjes sa la gzung nas g.yo bar bya'o/ /zhes bya ba la dang po'i rtse mo bcings te des sa la gzung nas g.yo ba byas nas ma lus pa g.yo bar byed pa'o/ /mdzub mo gnyis kyis gdengs ka'i tshul bstan pa'o zhes bya ba la
 dang po'i rdo rje bcings nas mdzub mo gnyis kyi lto 'phye'i gzugs kyi tshul du byas na 'dis chu med pa'i yul du chu'i phung po 'byung bar 'gyur ro/ /rtse mo bzhi'i 'od zer gyi me stag bstan pa'o zhes bya ba la/ dang po'i rdo rje bcings nas mdza' 
 ma gnyis dang/ gzhi'i rtse mo nyi ma'i 'od 'bar ba'i tshul du byas na 'dis mun par nyi ma'i snang ba bskyed par 'gyur ro/ /mdzub mos rlung bskyed pa'o zhes bya ba ni dang po'i rdo rje bcings nas mdzub mo gnyis yang dag par sbyar nas rtse mor byas
 nas rtse mo dang rlung bskyed pa'i tshul du byas na rlung thams cad dbang du bya ba yin no/ /rab tu dga' ba'i rdo rje zhes bya ba ni ji lta bshad pa'i mtshan nyid can gyi rab tu dga' ba'i rdo rje gzugs thams cad mthong ba la sogs pa'i las
 rnams sgrub par byed do/ /ji ltar zhe na/ mdzub mo zhes bya ba la sogs pa la rab tu dga' ba'i rdo rje bcings nas mdzub mo gnyis kyi rtse mo me long gi dkyil 'khor blta ba'i tshul gyis gzung bar byas na/ 'dis nam mkha' la gzugs thams
 cad cad mthong bar byed do/ /rol pa zhes bya ba ni dngos po thams cad bsgrub pa'o/ /'dis ni 'di skad ston par 'gyur te/ rab tu dga' ba'i rdo rje bcings nas de'i mdzub mo gnyis kyis lcags kyus nam mkha' la dngos po thams cad bsgrub pa'i
 tshul du byas nas dngos po thams cad 'byung ba yin no/ /nam mkha' la rdo rje'i blta bas so/ /zhes bya ba la rab tu dga' ba'i rdo rje nam mkha' i rdo rje bcings nas nam mkha' la rdo rje'i lta bas blta zhing de nyid nam mkha' la rang gi bdag nyid kyis
 dngos po lta ba'i tshul gyis gzung na nam mkhar rang gi bdag nyid kyi dngos po mthong ba yin no/ /steng du bskor ba'o zhes bya ba la rab tu dga' ba'i rdo rje bcings nas shin tu bskor bar byas na nam mkhar de bzhin gshegs pa thams cad dang/ byang chub sems
 dpa' la sogs pa thams cad mthong bar 'gyur ro/ /rdo rje mda' zhes bya ba la bcom ldan 'das rdo rje yid las byung ba'i dam tshig phyag rgyas me tog la sogs pa bskyed par 'gyur ro/ /ji ltar zhe na/ shing drung dang/ nags dang/ skyed mos tshal
 thams cad dang/ 'bru rnams la bzhag bar bya'o zhes bya ba la/ bcom ldan 'das rdo rje yid las byung ba'i dam tshig gi phyag rgya bcings nas shing drung dang/ nags tshal dang/ skyed mos tshal thams cad dang 'bru rnams la nam mkhar me tog dang/ lo
 ma 'bras bu bskyed pa'i bsam pas bzhag par byas na nam mkha' la me tog dang lo ma dang 'bras bu thams cad skye bar 'gyur ro/ /rnon pos sa rlog bar bya'o zhes bya ba la/ bcom ldan 'das rdo rje yid las byung ba'i dam tshig gi phyag rgya bcings nas
 lcags rno ba dang ldan pa'i gshol la byin gyis brlabs pa byas na phyag rgya de nyid dad bshol des sa bzlog na thams cad du 'bru thams cad smin pa 'byung bar 'gyur ro/ /bdag nyid kyis thams cad la dral bar bya'o zhes bya ba la/ rdo rje yid las
 byung ba'i dam tshig gi phyag rgya de nyid bcings la 'dis dngos po thams cad las bza' ba la sogs pa thams cad rang nyid kyis drang bar byas nas thams cad las bza' ba dang btung ba dang/ gos dang/ rgyan dang/ gnas thams cad dang/ mchog
 tu gyur pa'i bu mo gzhon nu dang/ bud med thams cad dang skyes bu dang bran dang bran mo rnams 'byung bar 'gyur ro/ /gzhan gyi dpung gi mdun du bskor bar bya'o zhes bya ba la/ rdo rje yid las byung ba'i dam tshig gi phyag rgya de nyid bcings la gzhan gyi
 dpung gi mdun du bskor bar byas na/ g.yul du yan lag bzhi'i dpung gi tshogs su mthong zhing 'thab par mthong bar 'gyur ro/ /rdo rje khu tshur gnyis kyis bya ba la rdo rje khu tshur gnyis bcings nas/ 'dis sgyu ma mthong ba la sogs pa'i las rnams bsgrub par
 bya'o/ /ji ltar zhe na/ gleg 'gyur bas bskor bar bya'o/ /zhes bya ba la rdo rje khu tshur gnyis bcings la glog 'gyu ba'i tshul gyis bskor bar byas na sgyu ma thams cad ston par 'gyur ro/ /bskor ba zhes bya ba ni rdo rje khu tshur gnyis bcings te mgal me'i 'khor
 lo bzhin du bskor ba byas na ji ltar gsungs pa'i las thams cad kyi bya ba 'grub pa yin no/ /glog 'gyu ba'i nam mkha' la zhes bya ba ni rdo rje khu tshur gnyis bcings la glog 'gyu ba'i tshul gyis nam mkha' la bskor bar byas te de ltar rmad du byung ba dang cho 'phrul
 thams cad mthong bar 'gyur ro/ /g.yas pas g.yon pa la brdeg par bya'o zhes bya ba la g.yas pa'i rdo rje khu tshur gyis g.yon pa'i rdo rje khu tshur la brdeg na thams cad phyir bzlog pa'i bya ba 'grub par 'gyur ro/ /rdo rje khu tshur gnyis g.yo zhing g.yo ba me la
 bzhag par bya'o zhes bya ba ni/ rdo rje khu tshur gnyis bcings nas sngar bshad pa'i tshul gyis me'i steng du g.yo ba dang bcas par bzhag na ma rengs par 'gyur ro/ /mdzub mo mnyam pa'i dkyil 'khor ni nor bu'o zhes bya ba la rdo rje khu tshur gnyis bcings
 nas mdzub mo gnyis blang ba gzung la nor bu rin po che'i rnam par steng nas dgugs pa'i tshul du byas te chu drang bar bya'o/ /mdzub mo rdo rje zhes bya ba la rdo rje khu tshur gnyis bcings nas mdzub mo gnyis yang dag par sbyor nas rtse mor byas te 'dis dgon
 par grong khyer dang/ rgu bo dang/ mtsho dang/ skyed mod tshal dang bza' ba dang/ btung ba dang/ gnas sprul par 'gyur ro/ /mthe bo g.yon pa'i bug la g.yas pa'i mdzub mo gzhug par bya zhes bya ba la rdo rje khu tshur gnyis bcings
 nas mthe bo g.yon pa'i bu ga la byang chub mchog gi tshul gyis g.yas pa'i mdzub mo gzhug par bya ste/ 'dis ni sngar bshad pa'i tshul gyis chu'i steng du 'chag pa dang/ gzugs mang po'i rang bzhin gyis bdag nyid kyi dngos po mthong ba dang/ mi snang
 ba dang/ nam mkha' la 'gro ba'i dngos grub thob par 'gyur ro/ /rab tu dga' ba'i rdo rje zhes bya ba la ji ltar bshad pa'i mtshan nyid can gyi rab tu dga' ba'i rdo rjes lha la sogs pa thams cad mngag gzhug byed pa'i dngos grub thob par 'gyur ro/ /ji ltar
 zhe na/ steng du nam mkha' la bka' bskyod pa zhes bya ba la/ rab tu dga' ba'i rdo rje bcings nas sprin pa med pa'i steng gi phyogs su bka' bsgo ba'i tshul gyis rab tu dga' ba'i rdo rje de nyid bskyod par byas na lha la sogs pa thams cad mngag gzhug byed
 par 'gyur ro/ /skye gnas g.yo ba zhes bya ba la rab tu dga' ba'i rdo rje de nyid kyis rang rtags g.yo bar byas na sems can thams cad dbang du byed par 'gyur ro/ /dbus ma rdo rje zhes bya ba la rab tu dga' ba'i rdo rje bcings nas sor mo dbus ma
 gnyis kyi rtse mor yang dag par sbyar ba byas na/ mi rgyu ba thams cad dgug pa dang/ dbab pa dang bden par smar 'jug par 'gyur ro/ /bskyod cing btsir ba'o zhes bya ba la rab tu dga' ba'i rdo rje bcings nas/ bskyod cing btsir ba byas na gzugs
 brnyan gyis su thams cad dbab pa dang/ dgug pa dang/ rgod du gzhug pa dang/ gar byed du gzhug pa dang/ rtser gzhug pa dang bka' bsgo ba thams cad byed pa dang/ thams cad 'dren pa dang/ 'phrog tu gzhug pa dang/ las thams cad byed du gzhug
 pa dang/ de rnams byed du 'jug par 'gyur ro/ /rdo rje yid las byung zhes bya ba la bcom ldan 'das rdo rje yid las byung ba'i phyag rgya chen po ni/ rdo rje yid las byung ba ste/ des thams cad rjes su chags par 'gyur ba yin no/ /rdo rje kI li kI la'o zhes bya
 ba ni bcom ldan 'das kI li kI la'i phyag rgya chen po gang yin pa de ni/ rdo rje kI li kI li ste des rgyu ba dang mi rgyu ba thams cad rtser 'jug par 'gyur ro/ /rdo rje chu srin no zhes bya ba la bcom ldan 'das rdo rje dran pa'i phyag rgya chen po gang yin pa de ni rdo rje chu
 srin te/ des thams cad brtan par byed par 'gyur ro/ /rdo rje bsnyems ma ni bshad pa'o zhes bya ba la bcom ldan 'das rdo rje bsnyems ma'i phyag rgya chen po gang yin pa de ni/ rdo rje bsnyems ma ste des thams cad sa rab tu sgrub par 'gyur ro/ /bshad
 ba zhes bya ba ni rer la yang sbyar te/ rdo rje yid las byung ba bshad pa dang kI li kI li'i bshad pa dang/ rdo rje chu srin bshad pa dang/ rdo rje bsnyems ma bshad pa'o zhes bya ba'o/ /rdo rje bsdams pa mdzub mo rdo rjes so zhes bya ba la/ rdo rje bsdams pa bcings
 na mdzub mo gnyis kyi rtse mor yang dag par sbyar ba byas na/ des rmi lam 'debs par 'gyur ro/ /ji ltar zhe na/ gsol ba 'debs par byed pas zhes bya ba la mdzub mo gnyis kyi rtse mo de nyid gsol ba btab pa'i tshul gyis gzung na rma 'babs pa sgrub par
 byed pa yin no/ /mdzub mo gnyis kyi rang gi mig gnyis bkab la ma btsum par bsgoms na gang mngon par 'dod pa'o zhes bya ba la/ rdo rje bsdams pa bcings nas mdzub mo gnyis kyi rang gi mig gnyis bkab la mig ma btsum par ji ltar 'dod pa'i
 bcom ldan 'das mdun du bsgom par byas na gzhan rnams la rang gi mngon par 'dod pa'i rmi lam ston par byed pa yin no/ /sbyin sreg byed pa zhes bya ba la/ rdo rje bsdams pa bcings nas mdzub mo gnyis yang dag par sbyar ba'i rtse mos sbyin
 sreg byed pa'i tshul byas na 'dis rmi lam ngan pa thams cad 'jig par 'gyur ro/ /mdzub mo gnyis kyi rtse mos rang gi mig bkab na rmi lam bzang po thams cad brtan par sgrub par byed par 'gyur ro/ /so rnams kyi gzung bar bya'o zhes
 bya ba la rdo rje bsdams pa bcings nas mdzub mo gnyis kyi rtse mo yang dag par bya ba ste/ so rnams kyi gzung ba byas na 'dis 'bras dang nad thams cad 'phrog par 'gyur ro/ /btung bar bya'o zhes bya ba ni mdzub mo gnyis kyis rtse mo de nyid btung ba'i
 tshul du byas na nad thams cad zhi bar 'gyur ro/ /rtse mo bskyod cing sbyin sreg bya'o zhes bya ba la/ mdzub mo gnyis kyi rtse mo kha la bskyod cing sbyin sreg gi tshul du byas na 'dis dus ma yin par 'chi ba zhi bar 'gyur ro/ /gang gi mthe bo
 'og tu rab tu brkyang la brdeg par bya'o zhes bya ba la rdo rje bsdams pa bcings nas mdzub mo gnyis kyi rtse mo yang dag par sbyar bar byas te/ mthe bo gnyis 'og tu mnyam por byas la brkyang ste mthe bong gnyis po des sdig pa la brdeg
 par byas na ngan song gsum dang dral bar 'gyur ro/ /rdo rje sku mchog gi phyag rgya zhes bya ba ni/ gang zhig rdo rje'i sku'i mchog tu gyur pa'i phyag rgya des sku thams cad kyi dngos grub thob par 'gyur ro/ /des ji lta bu yin zhe na/ mthe bo sems
 dpa' i skyil krung gis/ mdzub mo'i rdo rje'i sku mchog go zhes bya ba la rdo rje bsdams pa bcings nas mthe bo g.yon pa'i steng du mthe bo g.yas sems dpa' i skyil mo krung gi tshul gyis bzhag la/ mdzub mo gnyis kyi rtse mo yang dag par sbyar
 ba byas na 'dis rdo rje sku'i mchog ste 'dis sku thams cad kyi dngos grub thob par 'gyur ro/ /dbus ma'i mnyam pa'i kha dbus kyi kha 'byin pa zhes bya ba la rdo rje sku'i mchog gi phyag rgya'i sor mo dbus ma'i gnyis kyi me tog gi mgo
 lcogs kyi tshul byas te phyag rgya 'dis ngag 'byin pa'i tshul gyis kha la gyen du bsgreng bar byas na ngag gi dngos grub thams cad grub par 'gyur ro/ /snying gar bzhag nas oM bo d+hi tsit+ta utpA dA yA mi zhes bya ba bsgom par bya'o zhes bya ba la/ rdo rje sku mchog
 bcings nas rang gi snying ga'i phyogs su gzung ste/ oM bo d+hi tsit+ta utpA dA yA mi zhes bya ba brjod cing rang gi snying gar sems dpa' i rdo rje bsgom par byas na thugs kyi dngos grub thams cad 'grub par 'gyur ro/ /mthe bo'i rtags g.yon ba'i mthe bo'i bu gar gzhug par bya'o
 zhes bya ba la/ sku mchog bcings nas g.yon pa'i mthe bo'i bu gar g.yas pa'i mthe bo 'og tu kha blta ba bcug na thams cad kyi dngos grub thob par 'gyur ro/ /rdo rje khu tshur gnyis kyis glog 'gyu ba ltar bskor bas rdo rje'i 'khor lo zhes bya ba la rdo rje
 khu tshur gnyis bcings nas/ de nyid glog 'gyu ba'i tshul gyis bskor ba byas nas 'dis dkyil 'khor thams cad la zhugs par 'gyur ro/ /rdo rje bsnyems ma dang bcas pa'o zhes bya ba la/ bcom ldan 'das rdo rje sems dpa' i rdo rje khu tshur
 gnyis las byung ba'i phyag rgya rdo rje dang bcas pa bcings nas/ 'dis phyag rgya thams cad bcings pa'i dngos grub thob par 'gyur ro/ /yi ge hUM gis sdigs mdzub bya'o/ zhes bya ba la rdo rje khu tshur gnyis bcings nas yi ge hUM brjod pa dang bcas pas
 mdzub mo gnyis so sor bsgreng ste sdigs mdzub byas na des dam tshig thams cad 'grub par 'gyur ro/ /rab tu dga' ba'i las rdo rje gar gyi tshul gyis kha sbyor ro zhes bya ba la/ rab tu dga' ba'i rdo rjes bcings nas gar gyi tshul gyis langs te spyi bor
 thal mo kha sbyar ba byas na 'dis ni las thams cad kyi dngos grub thob par 'gyur ro/ /rdo rje bsnyems ma bshad pa'o zhes bya ba la dpal rdo rje sems dpa' i las kyi phyag rgya ni/ rdo rje bsnyems ma ste dngos grub thams cad thob par 'gyur ro/ /mthe chung
 gi ngos kyi mdud pa'i mdzub mo mnyam pa yongs su bskor te 'og nas bteg pa la mdzub mo mnyam pa'i rtse mo dbang bskur ba'i gnas su bzhag na rdo rje mdzod spu'o zhes bya ba la rdo rje khu tshur gnyis bcings nas mthe
 chung gnyis phan tshun dus la 'dud pa byas na mdzub mo gnyis kyi rtse mo'i steng du kha blta bar yang dag par sbyar nas 'og nas bteg la dbang bskur ba'i gnas su gzung bar byas na 'dis phun sum tshogs pa thams cad 'thob par 'gyur ro/ /de
 bzhin gshegs pa thams cad kyi khu tshur ni 'og nas bshad par bya'o zhes bya ba ni/ dum bu 'di gnyis kyi rgyud phyi ma las rdo rje khu tshur gnyis las byung ba'i byang chub mchog ni de bzhin gshegs pa thams cad kyi khu tshur du 'chad pa yin no//
 de bcings na ye shes thams cad 'thob par 'gyur te/ rdo rje gar ni bshad pa yin no zhes bya ba la rdo rje khu tshur gnyis bcings te/ sgeg pa dang bcas pas mdza' ma la sogs pa bkrol bas glog 'gyu ba'i gar gyis g.yas su bskor ba gang
 yin pa de ni rdo rje gar ma ste/ des ni thams cad kyi mchod par bya ba nyid 'thob par 'gyur ro/ /mdzub mo phyir phyogs pa bslang ba'i rdo rje snying gar badzro haM zhes bya ba ni phyag rgya chen po'i zhes bya ba la/ rdo rje khu tshur gnyis bcings mdzub mo gnyis phyir
 blta ba bslang ste rtse mo yang dag par sbyar nas snying ga'i phyogs su gzung zhing badzro haM zhes bya ba bsgoms nas rdo rje thams cad kyi mchog gi dngos grub 'thob par 'gyur ro/ /ye shes kyi khu tshur gyis ta thA ga to haM zhes bya ba la byang chub mchog bcings nas te
 thA ga ho haM zhes bya ba la bsgoms na 'dis de bzhin gshegs pa thams cad kyi mchog gi dngos grub 'thob par 'gyur ro/ /bcom ldan 'das kyi phyag rgya chen po bshad pa yin no zhes bya ba la dpal rdo rje sems dpa' i phyag rgya chen po ni bshad zin pa
 ste/ des rdo rje 'chang chen po'i mchog gi dngos grub thams cad 'thob par 'gyur ro/ /las kyi phyag rgya'i mtshan nyid thams cad bstan pa yin no/ /rdo rje med pa'i rdo rje khu tshur rnams kyi las kyi phyag rgya bcing bar bya'o zhes bya ba gsungs te/ rdo rje khu tshur de
 dag bskyed pa'i rgyu bshad par bya ba'i phyir/ de nas rdo rje khu tshur bcing ba'o zhes bya ba gsungs te/ de nas kyi sgra ni de ma thag brjod par byed pa ste/ rang gi rdo rje khu tshur gyis phyag rgya rnams gang las byung zhes bya ba'i rnam par rtog pa 'di skye bas de ma thag kho nar rdo rje khu tshur gyi
 phyag rgya 'ching ba'i mtshan nyid ni 'ching ba zhes brjod par bya ste/ rdo rje bsdams pa zhes bya ba la sogs pa la ji ltar bshad pa'i mtshan nyid can gyi rdo rje bsdams pa bcings te/ mthe bo gnyis rdo rje bsdams pa'i nang du bcug ste/ rang gi mthe chung dang srin lag gi bar du
 bzhag nas mdzub mo gnyis bkug cing de'i rtse mo rang gi mthe bo'i steng du bzhag par byas nas/ 'di ni dam tshig chen po'i rdo rje mchog gi khu tshur zhes bya ba'i phyag rgya'o/ /thams cad dngos grub mchog gsol ba zhes bya ba la/ phyag rgya thams cad 'ching ba'i dngos grub
 steng ba yin no/ /de gnyis su byas nas zhes bya ba de ni dam tshig rdo rje mchog gi khu tshur ro/ /dngos grub phyir zhes bya ba ni las kyi phyag rgya thams cad bcings pa rdzogs pa'i don du'o/ /rdo rje khu tshur rab tu brtag ces bya ba la/ 'jig rten dang 'jig rten las 'das pa'i rdo rje
 thams cad la byin gyis brlab pa dang/ mdzad pa dang las kyi phyag rgya rdzogs par mdzad pa'i phyir/ sangs rgyas dang byang chub sems dpa' thams cad kyi rdo rje khu tshur gnyis po 'di brtag par mdzad pa yin no/ /dpal mchog dang po'i rgya cher bshad pa/ shes rab
 kyi pha rol tu phyin pa 'byung ba zhes bya ba las/ dum bu gnyis pa'i rtsa ba'i rgyud las dpal rdo rje sems dpa' i dkyil 'khor chen po'i phyag rgya'i bshad pa rdzogs so// //de ltar rdo rje sems dpa' i dkyil 'khor chen po'i phyag rgya'i mtshan nyid bstan nas
 da ni de bzhin gshegs pa'i dkyil 'khor gyi phyag rgya'i mtshan nyid bstan par bya ba'i phyir/ de nas de bzhin gshegs pa'i rigs kyi phyag rgya'i rgyud kyi cho ga rgyas pa zhes bya ba gsungs te/ de nas kyi sgra ni skabs la bab pa'o/ /de bzhin
 gshegs pa dang/ de'i rigs ni de bzhin gshegs pa'i rigs te/ de'i phyag rgya ni phyag rgya chen po la sogs pa'i phyag rgya rnams te/ de rnams kyi rgyud ni phyag rgya'i mtshan nyid ston pa'i sgra'i cho gas so/ /de'i cho ga rgyas pa ni phyag rgya chen po la sogs pa'i
 dbye bas phye bar gyur pa'i rgyun no/ /phyag rgya chen po rnams ni de bzhin gshegs pa ni bdag yin no zhes bya ba bcing bar bya ba yin te/ ji lta ba bzhin du sems so sor rtogs pa la sogs pa'i rim pas bdag nyid de bzhin gshegs par rnam bsams la/
 ya thA sarba ta thA ta sta tho haM zhes bya bas nga rgyal bskyed la/ de nas sa ma yo haM zhes bya bas dam tshig gi nga rgyal bskyed par bya'o/ /de nas rang gi dam tshig gi phyag rgyas sa ma ya satwa a d+hi tiSh+Tha swa maM zhes bya bas byin gyis brlabs la rdo rje skyil mo krung bcings
 la/ de bzhin gshegs pa'i khu tshur gnyis bcing bar bya ste/ khu tshur g.yon pa de bzhin gshegs pa'i dril bu dang bcas pas bsnyems par byas nas g.yas pas de bzhin gshegs pa'i rdo rje blangs la gsor te/ oM d+hi ta thA ga to haM zhes brjod cing
 rang gi snying gar bstod pa'i tshul gyis gzung bar byas na/ 'di ni rnam par snang mdzad kyi phyag rgya chen po yin no/ /rdo rje mtshon cha ma la sogs pa rnams kyi phyag rgya chen po ni/ ji ltar bris pa'i rjes su 'brangs pa las 'dir shes par bya'o/ /dam tshig
 mchog ces bya ba ni dam tshig gi phyag rgya rnams te/ de dag ji ltar shes par bya zhe na/ mthe bo mthe chung mnyam pa yi/ /rdo rje sna tshogs rdo rje'o zhes bya ba la rdo rje bsdams pa bcings nas mthe bo gnyis kyi rtse mo zur du yang dag par sbyar ba byas la/ mthe
 chung gnyis kyis kyang rtse mo sbyar te dang po'i rdo rje'i tshul gyis dbus ma gnyis nang du bcug ste rtse mo sbyar te 'di ni dbus ma'i rtse mo can te/ sna tshogs rdo rje zhes bya ba yin no/ /'di yang de bzhin gshegs pa'i dam tshig gi phyag rgya ste/ sna tshogs rdo rje
 zhes bya bar brjod do/ /mnga' la sogs pa bcing ba ni de bzhin no zhes bya ba la/ ji ltar rdo rje sems dpa' i gsang ba'i dkyil 'khor du/ rdo rje mtshon cha ma la sogs pa rnams kyi dang po'i rdo rje las byung ba'i mnga' gzhu la sogs pa'i phyag rgya bstan
 pa de bzhin du 'dir yang de bzhin gshegs pa'i dam tshig gi phyag rgya las byung ba'i/ rdo rje mtshon cha ma la sogs pa'i dam tshig gi phyag rgya rnams shes par bya'o/ /'dis ni 'di skad bstan par 'gyur te/ rdo rje bsdams pa las byung pa'i dang po'i rdo rje ni
 bcom ldan 'das rnam par snang mdzad kyis dam tshig gi phyag rgya ste/ 'di nyid mtheb mdzub rtse sbyar dbus ma'i rtse/ /mig 'bras ltar byas pas 'dzin pa'o zhes bya ba ni rdo rje mtshon cha ma'i'o/ /de nyid dbus ma'i rdo rje 'og tu ni/ /mthe bong gis mnan btsir
 bar bya zhes bya ba ni kI li kI la'i'o/ /rdo rje mtshon cha ma'i phyag rgya nyid rdo rje 'dren ma dang 'dra bar/ srin lag mthe chung kha phye ba zhes bya ba ni rdo rje dran ma'i'o/ /de bzhin gshegs pa'i dam tshig gi phyag rgya nyid bskor nas pus mor bzhag pa gang yin pa de ni rdo rje
 bsnyems ma'i'o/ /de bzhin gshegs pa'i phyag rgya nyid/ /gyen du gtor dang thur du blugs/ /mthe bo sbyar nas bskor ba dang/ /rab tu brkyang zhing byugs pa dang/ /bskor zhing spyi bor gnas pa dang/ /bskor zhing snying gar gzhag par bya/ /yongs su bskor
 zhing bzhad pa dang/ /kha las gyen du dbyung ba dang/ /de bzhin gar gyis bskor ba'o/ /mdzub mo'i sor mo gnyis so/ /g.yon pa'i mdzub mo g.yas kyis gzung/ /mdzub mo mthe bo 'ching ba dang/ /mthe bo mdza' ma'i nang du bzhag ces bya ba 'di rnams rim
 ba bzhin du dpyid ka rdo rje mnas brtsams te/ rdo rje dril bu ma'i bar gyi dam tshig gi phyag rgya rnams yin no/ /de bzhin gshegs pa la sogs pa rnams kyi rang gi snying po rnams kho na 'dir chos kyi phyag rgya rnams yin no/ /las kyi phyag rgya
 rnams ni de nyid yin no zhes bya ba la rdo rje sems dpa' i dkyil 'khor du rdo rje sems dpa' nas brtsams te/ rdo rje dril bu ma'i bar du las kyi phyag rgya rnams gang bstan pa de nyid de bzhin gshegs pa'i dkyil 'khor 'dir yang las kyi phyag rgya gzung
 bar bya'o/ /khyad par ni 'di yin te 'dir khu tshur gnyis las 'byung ba yin no/ /'di nyid bstan par bya ba'i phyir de bzhin gshegs pa'i khu tshur gyis de bzhin du bcing ba'o/ /zhes bya ba la 'dis ni don 'di bstan par 'gyur te/ de bzhin gshegs pa'i
 khu tshur gnyis bcings nas g.yon pa rdo rje bsnyems ma dang/ g.yas pa rdo rje bstod pa'i tshul gyis snying gar bzung ste/ 'di ni rnam par snang mdzad kyi las kyi phyag rgya yin no/ /de bzhin gshegs pa'i khu tshur gnyis bcings nas sgeg pa dang bcas pas
 mdza' la sogs pa bkrol la glog 'gyu ba'i tshul gyis g.yas su yongs su bskor te spyi bo'i phyogs su ka pu Ta'i thal mo kha sbyor bcings te phab nas rdo rje thal mo bcings la de nyid sgeg pas me tog 'bul ba'i tshul gyis te/ steng du gtor la slar yang de bzhin gshegs
 pa'i khu tshur gnyis bcings la/ mnga' dang gzhug gtod pa'i tshul bya ste/ 'di ni rdo rje mtshon cha ma'i las kyi phyag rgya yin no/ /de bzhin du gar byas nas rdo rje thal mo bcings la/ de nyid sgeg pas spos 'bul ba'i tshul gyis 'og tu blugs la/ de
 bzhin gshegs pa'i khu tshur gnyis bcings la bdag nyid 'khyud par bya ste/ 'di ni rdo rje kI li kI la'i'o/ /de bzhin du gar byas nas rdo rje thal mo bcings te de nyid sgeg cing mar me 'bul ba'i tshul gyis mthe bo sbyar zhing bskor bar byas la/ de bzhin gshegs
 pa'i khu tshur gnyis bcings la rgyal mtshan bsgreng ba'i tshul gyis gzung bar bya ste 'di ni rdo rje dran ma'i'o/ /de bzhin du gar byas la rdo rje thal mo bcings te/ de nyid sgeg pas snying ga'i phyogs su brkyang la/ dri byugs pa'i tshul gyis rab tu sbyar te/ slar yang rdo rje
 thal mo bcings nas spyi bor bzung ste/ de nas de bzhin gshegs pa'i khu tshur gnyis bcings la bsnyems pa gnyis bya ste/ 'di ni rdo rje bsnyems ma'i'o/ /de bzhin du de bzhin gshegs pa'i khu tshur gnyis kyis gar byas la kha sbyor gyi thal mo spyi bor
 bcings nas phab ste/ de nas de bzhin gshegs pa'i khu tshur gnyis snying ga'i phyogs su bskor zhing bcings te/ me tog 'bul ba'i tshul gyis steng du gtor bar bya ste/ 'di ni rdo rje dpyid ka ma'i'o/ /de bzhin du gar byas nas de bzhin gshegs pa'i khu tshur
 gnyis bskor zhing snying ga'i phyogs su bcings la sbos 'bul ba'i tshul gyis 'og tu blugs par bya ste 'di ni rdo rje sprin ma'i'o/ /de bzhin gshegs pa'i khu tshur gnyis bskor zhing bcings la mar me 'bul ba'i tshul gyis mthe bo sbyar zhing bskor bar bya ste
 'di ni ston ka rdo rje ma'i'o/ /de bzhin du de bzhin gshegs pa'i khu tshur gnyis bcings nas bskor te snying ga'i phyogs su brkyang ste/ des dris byugs pa'i tshul du bya ste/ slar yang de bzhin gshegs pa'i khu tshur gnyis bcings te spyi bo'i phyogs su gzung
 bar bya ste 'di ni rjes su dgun ma'i'o/ /de bzhin du de bzhin gshegs pa'i khu tshur gnyis bskor nas snying ga'i phyogs su bcings nas gzung bar bya ste 'di ni sgeg mo'i'o/ /de bzhin du de bzhin gshegs pa'i khu tshur gnyis bskor zhing bcings la bzhad
 pa'i tshul gyis yongs su bskor nas kha'i mthar gzung bar bya ste 'di ni bzhad ma'i'o/ /de bzhin du de bzhin gshegs pa'i khu tshur gnyis bcings la dag 'byin pa'i tshul gyis kha las gyen du drang bar bya ste/ 'di ni glu ma'i'o/ /de bzhin gshegs
 pa'i khu tshur gnyis bskor zhing bcings la/ gar gyi tshul gyis bskor bar bya ste 'di ni gar ma'i'o/ /gar dang bral ba'i de bzhin gshegs pa'i khu tshur gnyis bcings te/ mdzub mo gnyis kyis lcags kyu gnyis byas te/
 'di ni rdo rje lcags kyu ma'i'o/ /de bzhin gshegs pa'i khu tshur gnyis bcings te g.yas pa'i mdzub mo'i lcags kyus g.yon pa'i mdzub mo bsgreng ba gzung bar bya ste/ 'di ni rdo rje zhags pa ma'i'o/ /de bzhin gshegs pa'i khu tshur gnyis
 bcings te mdzub mo dang mthe bo dag gi mdud pa'i tshul du bcings par byas te 'di ni rdo rje lcags sgrog ma'i'o/ /de bzhin gshegs pa'i khu tshur gnyis bcings te phan tshun yang dag par sbyar ba byas nas rang rang gi mthe chung dang/ srin lag gi nang du
 mthe bo gnyis bcug la gzung bar byas te/ 'di ni rdo rje dril bu ma'i las kyi phyag rgya yin no/ /lcags kyu ma ni de bzhin du zhes bya ba la/ de bzhin gshegs pa'i phyag rgya chen po bcings la/ g.yas pa'i mdzub mo'i lcags kyu ni rdo rje chen po gsang ba'i lcags
 kyu ma ste/ 'dis oM badzra d+hA ra Ni zhes bya ba la sogs pa de bzhin gshegs pa thams cad kyi ye shes mnyam pa nyid kyi gzungs brjod cing/ de bzhin gshegs pa'i dkyil 'khor du 'khor dang bcas pa'i de bzhin gshegs pa spyan drang bar bya'o/ /khu tshur
 gyi khyad par ro zhes bya ba ni rdo rje sems dpa' i dkyil 'khor du gsungs pa'i phyag rgya chen po dang/ de bzhin gshegs pa'i las kyi phyag rgya rnams dang/ rdo rje sems dpa' i las kyi phyag rgya rnams kyi khu tshur gyi khyad par shes par bya'o/ /'dis ni
 'di skad bstan par 'gyur te de bzhin gshegs pa'i khu tshur gnyis las byung ba ni de bzhin gshegs pa'i phyag rgya chen po'o/ /slar yang rdo rje khu tshur gnyis las byung ba ni rdo rje sems dpa' i dkyil 'khor gyi phyag rgya chen po'o/ /slar yang rdo rje
 khu tshur mthe bo gnyis las byung ba ni rdo rje sems dpa' i dkyil 'khor gyi las kyi phyag rgya'o/ /de bzhin gshegs pa'i khu tshur gnyis las byung ba ni de bzhin gshegs pa'i dkyil 'khor gyi phyag rgya rnams te de ltar khu tshur gyi khyad par shes par bya'o/ /da ni
 khu tshur gyi khyad par nyid bstan par bya ba'i phyir/ rdo rje khu tshur mthe bo gnyis la gnas pa zhes bya ba la sogs pa gsungs te/ dam tshig rdo rje'i khu tshur bcings la mthe bo gnyis kyi rtse mo phyi rol tu yang dag par sbyar bar bya ste/ 'di ni de bzhin gshegs pa'i dkyil
 'khor du dam tshig gi phyag rgya'o/ /de gnyis su phye nas de bzhin gshegs pa'i khu tshur ro zhes bya ba la 'das ma thag tu bshad pa'i mtshan nyid can gyi de bzhin gshegs pa'i dam tshig gi khu tshur de gnyis su byas nas de bzhin gshegs pa'i khu tshur gnyis 'byung ba yin no//
 de bzhin gshegs pa'i khu tshur gnyis dang/ dkyil 'khor lngas phyag bcol zhing 'jug par bya'o zhes bya ba la 'das ma thag tu bshad pa'i de bzhin gshegs pa'i khu tshur gnyis bcings te/ de bzhin gshegs pa'i dkyil 'khor du spyi bo dang lag mthil gnyis dang/
 pus mo'i lha nga gnyis kyis rang bzhin dkyil 'khor lngas phyag 'tshal ba dang/ 'jug pa'i glu brjod cing 'jug par bya'o 'di dag kyang dngos grub thams cad gsol ba zhes bya ba la ji ltar rdo rje sems dpa' gsang ba'i dkyil 'khor du gsungs pa'i phyag rgya chen
 po dang/ dam tshig dang chos kyi phyag rgya rnams dngos grub thams cad ster ba de bzhin du de bzhin gshegs pa'i dkyil 'khor las gsungs pa'i de bzhin gshegs pa'i phyag rgya chen po dang/ dam tshig dang chos dang las kyi phyag rgya 'di rnams kyis kyang las kyi
 dngos grub thams cad gsol ba yin no/ /de ltar de bzhin gshegs pa'i dkyil 'khor gyi phyag rgya rnams bstan nas/ da ni de bzhin gshegs pa'i dkyil 'khor gyi las kyi tshigs sgrub par byed pa'i phyag rgya rnams bstan par bya ba'i phyir/ de nas las kyi
 phyag rgya bcings pa zhes bya ba gsungs te/ de nas kyi sgra ni skabs la bab pa ste/ las kyi phyag rgya bcing pa'i skabs su bab pa zhes bya ba'i don to/ /las bsgrub par byed pa'i phyag rgya rnams kyi mtshan nyid ni bcing ba zhes brjod do/ /rdo rje sku mchog gi
 zhes bya ba la/ rdo rje bsdams pa 'og tu bcings nas/ mthe bo gnyis brtan pa'i skyil mo krung gi tshul byas la/ mdzub mo gnyis yang dag par sbyar nas/ rtse mo'i tshul gyis gzung bar bya ste/ 'di ni rdo rje sku mchog gi phyag rgya'o/ /'di bcings la gar
 gyis tshul gyis yongs su bskor bar bya ste/ rdo rje sku mchog 'dis thams cad bsrung ba la sogs pa bsgrub par bya'o/ /ji ltar zhe na/ gtsug tor zhes bya ba la ji ltar bshad pa'i mtshan nyid can gyi rdo rje sku mchog 'di gtsug tor gyi tshul du bzhag na gtsug
 tor gyi phyag rgyar 'gyur te/ gtsug tor 'dis thams cad bsrung bar 'gyur ba yin no/ /'di nyid yongs su bskor nas mdzub mo gnyis kyis mdzod spu'i phyogs su 'dzin par byed pa yin no/ /snying gar bzhag pa zhes bya ba la rdo rje sku mchog de nyid snying ga'i
 phyogs su 'dzin na 'dis chos thams cad 'thob par 'gyur ro/ /bskor zhing bskor bas mkhur tshod dang/ gtsug tor zhes bya ba la rdo rje sku mchog bcings nas gar gyis yongs su bskor bar bya ste/ de nas yang bskor zhing mkhur tshos dang spyi bor gzung ba byas na 'dis
 mchod pa thams cad kyi dngos grub 'thob par 'gyur ro/ /de bzhin gshegs pa'i khu tshur gnyis kyis sdigs mdzub byas na 'dis gdug pa thams cad 'dul bar 'gyur ro/ /de bzhin gshegs pa'i khu tshur gnyis sbyin pa'i tshul byas na 'dis byang chub
 kyi spyod pa rdzogs par 'gyur ro/ /de bzhin gshegs pa'i khu tshur gnyis bcings te g.yon pa'i khu tshur snying ga'i phyogs su gzung ste/ de bzhin gshegs pa'i khu tshur g.yas pa brkyang nas sa la reg par byas na 'dis bdud thams cad 'dzems par
 'gyur ro/ /g.yon pa'i khro bo mdzub mo zhes bya ba la sogs pa la byang chub mchog bcings nas bdag nyid rnam par snang mdzad du bsgoms nas 'dis de bzhin gshegs pa thams cad nyid du 'gyur ba yin no/ /rdo rje bsdams pa 'og tu bcings nas skyil mo krung ngo
 zhes bya ba la/ rdo rje bsdams pa'i nang du bcings la mthe bo bstan pa'i skyil mo krung du byas te/ mdzub mo gnyis yang dag par sbyar ba'i rtse mo 'dir rdo rje sku mchog shes par bya'o/ zhes bya ba'i tha tshig go /dpal mchog dang po'i rgya cher bshad pa shes
 rab kyi pha rol tu phyin pa 'byung ba zhes bya ba las dum bu gnyis pa'i rtsa ba'i rgyud las/ de bzhin gshegs pa'i dkyil 'khor gyi phyag rgya'i bshad pa rdzogs so// //de ltar de bzhin gshegs pa'i dkyil 'khor gyi phyag rgya'i rtog pa
 bstan nas/ da ni rab tu dga' ba'i rdo rje'i khro bo'i phyag rgya'i rtog pa bstan par bya ba'i phyir/ de nas rdo rje'i rigs kyi phyag rgya'i rgyud kyi cho ga rgyas pa zhes bya ba gsungs te/ de nas kyi sgra ni skabs su bab pa ste phyag rgya'i mtshan nyid ston pa'i skabs su'o/ /rdo rje'i
 rigs te de las byung ba'o/ /gang gi phyir phyag na rdo rje'i rdo rje las byung ba'i phyir ro/ /rdo rje rigs de'i phyag rgya ni phyag rgya chen po la sogs pa'i rang bzhin can no/ /de'i rgyud ni snga ma bzhin no/ /de'i cho ga rgyas pa ni rgyun no/ /'jug pa'i phyag rgya ni rab tu dga' 
 ba'i rdo rje khro bo zhes bya ba la bcom ldan 'das bde ba chen po rab tu dga' ba'i rdo rje khro bo hUM mdzad kyi phyag rgya chen po ni rab tu dga' ba'i rdo rje khro bo zhes bya ba ste/ de 'dir rdo rje rigs kyi dkyil 'khor du 'jug pa'i phyag rgya yin no/ /dgug pa'i phyag rgya de
 nyid zhes bya ba la rab tu dga' ba'i rdo rje khro bo'i phyag rgya chen po nyid ni mdzub mo g.yas pa'i lcags kyum ste/ dkyil 'khor gyi lha thams cad dgug pa'i phyag rgya'o/ /de nas bcom ldan 'das rab tu dga' ba'o/ /rdo rje khro bo 'khor dang bcas pa sngar
 bshad pa'i spyan drang ba'i sngags kyis dkyil 'khor du gzhug par bya'o/ /phyag rgya chen po de bzhin du bya'o zhes bya ba la/ /bcom ldan 'das rab tu dga' ba'i rdo rje khro bo 'khor dang bcas pa bris pa'i cho gar phyag rgya chen po ji ltar
 bstan pa de bzhin du bcing bar bya'o zhes bya ba'i don to/ /dam tshig ni dam tshig gi phyag rgya'o/ /'og tu rdo rje bsdams pa ni rdo rje bsdams pa nang du bcings te/ sor mo thams cad nang du bcings te/ der mthe bo rdo rje zhes bya ba ni ji ltar bshad pa'i rdo rje
 bsdams pa nang du bcings nas/ steng du kha bltas par byas la/ sor mo thams cad phan tshun du yang dag par sbyar te 'bar ba ltar gdung ba byas la/ mthe bo gnyis kyi rtse mo yang dag par sbyar zhing srin lag dang dbus ma'i sor mo dag gi nang du gzung
 bar byas na 'dis ni rdo rje khro bo ti rin ti ri zhes bya ba la rdo rje 'chang chen po'i dam tshig gi phyag rgya ste rdo rje 'chang chen po sgrub par byed pa'o/ /gzhan dag kyang de bzhin no zhes bya ba la rdo rje khro bo yid las byung ba'i dam tshig gi phyag rgya ni rdo rje yid las byung ba la
 sogs pa'i dam tshig gi phyag rgya nyid yin no/ /'dis ni 'di ltar ston par 'gyur ro/ /dang po'i rdo rje bcings nas mdzub mo gnyis lcags kyu phyi rol tu mngon par phyogs pa dang/ mthe bos 'khyud pa dang/ mthe bo gnyis kha phye la mdzub mo gnyis kyi
 rtse mos dbus ma dag gi rtse mo phan tshun 'dren cing mdza' ma dang srin lag mnyam par byas te kha phye la rdo rje chu srin gyi rgyal mtshan bsgreng ba dang brla gnyis la bskor zhing gnas pa dang/ rdo rje thal mo bskor ba'i phyag rgya ni/ /gyen du gtor dang thur du
 blugs/ /mthe bo sbyar nas bskor ba dang/ /rab tu brgyang zhing byug pa dang/ /bskor zhing spyi bor gnas pa dang/ /bskor nas snying gar bzhag par bya/ /yongs su bskor zhing bshad pa dang/ /kha las gyen du 'byin pa dang/ /de bzhin gar gyis bskor/
 ba'o/ /rdo rje bsdams pa bcings te mdzub mo gnyis kyi lcags kyu dang/ g.yon pa'i mdzub mo g.yas kyis gzung/ /mdzub mo mthe bo 'ching ba dang/ /mthe bo mdza' ma'i nang du bzhag ces bya ba ni 'di rnams rdo rje khro bo yid las byung ba nas brtsams te/ rdo rje
 khro bo dril bu'i bar gyi dam tshig gi phyag rgya yin no/ /chos kyi phyag rgya ni de rnams nyid do zhes bya ba la/ rdo rje sems dpa' i dkyil 'khor chen po las gsungs pa nyid 'di ltar lha thams cad kyi phyag rgya yin no/ /de yang 'di dag yin te ho zhes bya ba ni bcom
 ldan 'das kyi'o/ /b+hid ces bya ba ni khro bo yid las byung ba'i'o/ /hUM zhes bya ba ni khro bo kI li kI la'i'o/ /d+h+rid? ces bya ba ni khro bo rdo rje dran ma'i'o/ /hUM zhes bya ba ni khro bo rdo rje bsnyems pa'i lhag ma rnams kyi yang rdo rje sems dpa' i dkyil 'khor chen po las
 gsungs pa'i snying po rnams nyid kyi phyag rgya yin no/ /las kyi phyag rgya rnams ni de bzhin du zhes bya ba la/ rdo rje sems dpa' i dkyil 'khor chen po las gsungs pa nyid khro bo rab tu dga' ba'i rdo rje la sogs pa'i las kyi phyag rgya rnams su shes par bya'o/ /
 khu tshur gyi khyad par re zhes bya ba la des rdo rje khu tshur gnyis las byung ba yin pa la 'dis khro bo'i khu tshur gnyis las byung ba ste 'di ni khyad par yin no/ /rdo rje khu tshur gnyis kyi mdzub mo gnyis sdigs mdzub po zhes bya ba la/ rdo rje khu tshur gnyis kyi
 mdzub mo gnyis sdigs mdzub kyi chul gyis gzung la so sor bsgreng bar bya ste/ 'di ni khro bo'i khu tshur gnyis kyi phyag rgya yin no/ /dam tshig las byung ba ni de bzhin no zhes bya ba la ji ltar rdo rje sems dpa' i dkyil 'khor du
 dam tshig gi rdo rje khu tshur bcings la de gnyis su byas nas rdo rje khu tshur gnyis kyi phyag rgya 'byung ba de bzhin du 'dir yang ngo/ /'dis ni 'di skad ston par 'gyur te/ dam tshig gi rdo rje khu tshur bcings te de gnyis su byas la rdo rje khu tshur gnyis su byas nas
 'di'i mdzub mo gnyis gzung bar byas na khro bo'i khu tshur gnyis su 'gyur ba yin te/ 'dis las kyi phyag rgya rnams bcing par bya'o/ /de dag kyang 'di yin te/ g.yon pa'i bsnyems pa dang bcas pa'i khu tshur gtong pa'i tshul gyis
 gzung bar bya ste/ 'di ni rab tu dga' ba'i rdo rje khro bo'i las kyi phyag rgya yin no/ /mnga' gzhu gtong pa ni khro bo rdo rje yid las byung ba'i'o/ /'og tu 'khyud pa'i khro bo'i rdo rje kI li kI la'i'o/ /rgyal mtshan bsgreng ba rdo rje dran pa'i'o/ /bsnyems pa
 gnyis gtong pa khro bo bsnyems pa'i'o/ /khro bo khu tshur gnyis po de nyid sgeg pa dang bcas bas mdza' ma la sogs pa bkrol bas glog 'gyu ba'i gar gyis yongs su bskor bas spyi bo'i phyogs su ka pu Ta'i thal mo bcings te phab la khro bo'i khu tshur gnyis bskor
 zhing bcings te mar me 'bul ba'i tshul gyis steng du gtor bar bya ste 'di ni dpyid ka rdo rje ma'i'o/ /de nas de bzhin du khro bo'i khu tshur gar byas la khro bo'i khu tshur gnyis bskor zhing bcings te/ spos 'bul ba'i tshul gyis 'og tu blugs par bya ste 'di ni
 rdo rje sprin ma'i'o/ /de nas de bzhin du khro bo'i rdo rje khu tshur gnyis bskor zhing bcings te mar me 'bul ba'i tshul gyis mthe bo mnyam pas bskor bar bya ste 'di ni ston ka rdo rje ma'i'o/ /de bzhin du khro bo'i khu tshur gnyis bcings te rgod pa'i tshul gyis
 yongs su bskor la kha'i mthar gzung bar bya ste/ 'di ni bzhad ma'i'o/ /de bzhin du khro bo'i khu tshur gnyis bcings te ngag 'byin pa'i tshul gyis kha las gyen du drang bar bya ste 'di ni glu ma'i'o/ /de bzhin du khro bo'i khu tshur gnyis bcings te gar gyis
 tshul gyis bskor bar byas te 'di ni gar ma'i'o/ /gar dang bral ba'i khro bo'i khu tshur gnyis bcings la mdzub mo gnyis kyi lcags kyu gnyis byas la 'di ni khro bo rdo rje lcags kyu'i'o/ /khro bo'i khu tshur gnyis bcings te g.yas pa'i mdzub mo'i
 lcags kyu g.yon pa'i mdzub mo bsgreng bas gzung bar bya ste 'di ni khro bo rdo rje zhags pa'i'o/ /khro bo'i khu tshur gnyis bcings te mdzub mo dang mthe bo dag gis mdud pa bcing bar bya ste 'di ni khro bo rdo rje lcags sgrog gi'o/ /khro bo'i khu tshur gnyis bcings
 te phan tshun yang dag par sbyar ba gzung bar bya ste 'di ni khro bo rdo rje dril bu'i las kyi phyag rgya yin no/ /de ltar dkyil 'khor gyi phyag rgya rnams bstan nas da ni las kyi tshogs sgrub par byed pa'i phyag rgya rnams bstan par bya ba'i phyir/ de nas las kyi phyag rgya zhes
 bya ba gsungs te/ 'jig rten gsum ma lus pa las rnam par rgyal ba la sogs pa'i las sgrub par byed pa'i phyag rgya ni las kyi phyag rgya rnams so/ /rdo rje hUM mdzad las byung ba'o zhes bya ba la/ 'jig rten gsum ma lus pa las rnam par rgyal ba la sogs
 pa'i sgrub par byed pa'i phyag rgya rnams kyang rdo rje hUM mdzad las byung bar gzung bar bya'o/ /rdo rje hUM mdzad de ji lta bu yin zhe na/ lag pa rdo rje zhes bya ba la sogs pa la/ rdo rje khu tshur gnyis bcings te/ rdo rje lag pa mnyam sbyar nas/ /mthe chung lcags kyu
 bcings byas te/ /mdzub mo gnyis kyis sdigs mdzub ni/ /'jig rten gsum rgyal bya ba yin/ /de ni rdo rje hUM mdzad de/ /'dis 'jig rten gsum ma lus pa las rnam par rgyal ba'i dngos grub 'thob par 'gyur ro/ /g.yon pa'i mdzub mo zhes bya ba la
 rdo rje hUM mdzad bcings nas g.yon pa'i mdzub kyis bsgrub bya la sdigs mdzub bya ste/ 'dis sems can gyi khams thams cad las rnam par rgyal bar 'gyur ro/ /rdo rje hUM mdzad g.yon pa brkyang bas gnas pa zhes bya ba la/ ji ltar bshad pa'i hUM mdzad
 bcings la g.yon brkyang ba'i lta stangs kyis 'dug nas bsgrub bya la sdigs mdzub byas nas 'dis ni khams gsum ma lus pa las rnam par rgyal bar 'gyur ro/ /mdzub mo'i rdo rjes sdigs mdzub bo zhes bya ba la/ rdo rje hUM mdzad bcings te mdzub mo ma?
 gnyis kyi rtse mo yang dag par sbyar ba byas nas des sdigs mdzub byas nas dgug pa la sogs pa'i las thams cad 'grub par byed pa yin no/ /sna'i dbugs dang yi ge hUM gis so zhes bya ba la rdo rje hUM mdzad bcings te sna'i dbugs dang yi ge
 hUM gis thams cad btung bar 'gyur ro/ /khros pas yi ge a sbyar bar bya'i zhes bya ba la/ rdo rje hUM mdzad bcings te khros pas yi ge a brjod par byas na 'dis thams cad babs par 'gyur ro/ /ha ha rgod par bya zhes bya ba la/ rdo rje hUM mdzad bcings te ha ha rgod
 par byas na 'dis thams cad gnon par 'gyur ro/ /snying gar rdo rje bsgoms pas rdo rje'i phyag rgya chen po'i zhes bya ba la/ rang gi snying gar khro bo rdo rje rtse bzhi pa bsgom zhing bcom ldan 'das rab tu dga' ba'i rdo rje khro bo'i phyag rgya chen po bcings nas las thams
 cad dgos pa'i dngos grub thams cad sgrub par byed pa yin no/ /dpal mchog dang po'i rgya cher bshad pa'i shes rab kyi pha rol tu phyin pa 'byung ba zhes bya ba las dum bu gnyis pa'i rtsa ba'i rgyud kyi rab tu dga' ba'i rdo rje'i khro bo'i phyag rgya rtog pa bshad pa rdzogs
 so// //de ltar rdo rje rigs kyi phyag rgya'i rtogs pa bstan nas da ni pad+ma'i rigs kyi phyag rgya'i rtog pa bstan pa'i phyir/ de nas pad+ma'i rigs kyi phyag rgya'i cho ga rgyas pa'i rgyud ces bya ba gsungs te/ de nas kyi sgra ni snga ma bzhin no/ /pad+ma ni rdo rje 'jig
 rten dbang phyug ste de'i rigs ni pad+ma'i rigs so/ /de'i phyag rgya chen po dang dam tshig dang chos dang las kyi phyag rgya rnams so/ /de'i cho ga rgyas pa'i rgyud ni sgra'i tshogs so/ /de bzhin gshegs pa'i rdo rje'i mdzub mo gnyis zhes bya ba la sogs pa la rdo rje bsdams
 pa las byung ba'i dang po'i rdo rje ni de bzhin gshegs pa'i rdo rje ste/ mdzub mo gnyis bsgreng ba bkug la pad+ma'i 'dab ma gnyis kyi rnam par gar byas la snying ga'i phyogs su gzung bar bya ste/ 'di ni rdo rje pad+ma'i zhes bya ba la 'jig rten dbang phyug gi dkyil 'khor
 du 'jug pa'i phyag rgya yin no/ /'di nyid kyi mdzub mo gnyis kyis lcags kyus rdo rje 'jig rten dbang phyug 'khor dang bcas pa spyan drang ba'i sngags kyis spyan drang bar bya'o/ /phyag rgya chen po la sogs pa'i phyag rgya thams cad ni de bzhin du'o zhes bya ba la ji
 ltar rdo rje sems dpa' i dkyil 'khor chen por dpal rdo rje sems dpa' la sogs pa rnams kyi phyag rgya chen po la sogs pa phyag rgya rnams bsnan pa de bzhin 'dir yang shes par bya'o/ /dam tshig gi khyad par dang khu tshur gyi khyad par ro zhes bya ba la 'dir
 yang dam tshig gi phyag rgya khyad par can du shes par bya'o/ /phyag rgya chen po dang/ las kyi phyag rgya rnams bskyed pa'i rgyur gyur pa'i khu tshur gyi khyad par yang shes par bya ba yin no/ /da ni dam tshig gi phyag rgya'i khyad par dang/ khu tshur gyi khyad par bstan par
 bya ba'i phyir/ kha 'bus pa'i thal mo zhes bya ba la sogs pa gsungs te/ kha 'bus pa'i thal mos bcings nas mthe bo gnyis mthe chung gnyis kha phye bar byas la pad+ma 'dab ma bzhi pa'i tshul gyis gzung bar bya ste/ 'di ni pad+ma chen po zhes bya ba 'phags
 pa spyan ras gzigs dbang phyug gi dam tshig gi phyag rgya yin no/ /thams cad bcing ba ni ji lta ba bzhin no zhes bya ba la/ pad+ma yid las byung ba la sogs pa rnams kyis kha 'bus pa'i thal mo byung ba'i dam tshig gi phyag rgya bcing ba ni rdo rje sems dpa' i
 dkyil 'khor chen po las gsungs pa'i tshul gyis shes par bya'o/ /zhes bya ba'i don to/ /de ltar dam tshig gi phyag rgya'i khyad par bstan nas khu tshur gyi khyad par bstan par bya ba'i phyir/ khu tshur gyi khyad par zhes bya ba la sogs pa gsungs te/ rdo
 rje bsdams pa bcings la mdzub mo gnyis dang dbus ma gnyis mnyam por byas la/ mthe bo'i rtse mor rang rang gi dbus ma dang mdzub mo'i rtse sbyar la gzung bar bya ste/ 'di ni pad+ma'i khu tshur gyi dam tshig gi phyag rgya yin no/ /'di gnyis su byas la
 phyag rgya chen po dang las kyi phyag rgya rnams bcing bar bya'o/ /'dis ni 'di skad ston par 'gyur te/ pad+ma'i khu tshur gnyis bcings pad+ma'i khu tshur gyis rdo rje pad+ma blangs te bsnyems par byas nas g.yas pa'i pad+ma khu tshur gyis rdo rje rtse lnga
 pa blangs te gsor la gtod pa'i tshul gyis rang gi snying gar 'dzin par bya ste/ 'di ni rdo rje 'jig rten dbang phyug gi phyag rgya chen po yin no/ /'di bzhin du pad+ma'i yid las byung ba la sogs pa rnams kyi rang gi phyag rgya chen po bris pa'i rjes su 'brangs nas
 bcing bar bya'o/ /bcom ldan 'das rdo rje 'jig rten dbang phyug gi dam tshig gi phyag rgya ni pad+ma chen po zhes bya bas bstan zin to/ /kha 'bus pa'i thal mo bcings la mdzub mo gnyis kyi rtse mo phyi rol du phyogs par dgug par byas te 'di ni pad+ma'i
 yid las byung ba'i'o/ /kha 'bus ba'i thal mo bcings te mthe bo gnyis pa'i skyil mo krung gis 'khyud bar bya ste/ 'di ni pad+ma kI li kI la'i'o/ /kha 'bus pa'i thal mo g.yas pa'i mdzub mo'i lcags kyus g.yon pa'i dbus ma'i rtse mo gzung
 ba dang/ g.yon pa'i mdzub mo'i lcags kyus g.yas pa'i dbus ma'i rtse mor gzung bar byas la mthe bo gnyis so sor bsgrengs te/ srin lag gnyis kyi rtse mo yang dag par sbyar zhing mdza' ma gnyis so sor rab tu phyir brkyang nas gzung bar
 bya ste/ 'di ni pad+ma dran pa'i'o/ /kha 'bus pa'i thal mo bskor nas brla gnyis la gzung bar bya ste/ 'di ni pad+ma bsnyems pa'i'o/ /kha 'bus pa'i thal mo bskor zhing bcings la steng du gtor bar bya ste 'di ni dpyid ka'i rdo rje ma'i'o/ /de nyid
 spos 'bul ba'i tshul gyis 'og tu blugs par byas te/ 'di ni sprin ma'i'o/ /de nyid mar me 'bul ba'i tshul gyis mthe bo sbyar zhing bskor ba'i rnam pas gzung bar byas te 'di ni ston ka rdo rje ma'i'o/ /de nyid snying ga'i phyogs su brkyang zhing dris byugs
 pa'i tshul du rab tu sbyar zhing bskor la spyi bor gzung bar bya ste 'di ni dgun ma'i'o/ /pad+ma'i thal mo bskor zhing snying ga'i phyogs su gzung ba ste 'di ni sgeg mo'i'o/ /pad+ma'i thal mo sbyar zhing rgod pa'i tshul gyis yongs su bskor la kha'i thad kar
 gzung bar byas te 'di ni bzhad pa ma'i'o/ /pad+ma'i thal mo bskor ba dag 'byin pa'i tshul kha las gyen du drang bar bya ste 'di ni glu ma'i'o/ /pad+ma'i thal mo bskor zhing gar gyi tshul gyis bskor bar bya ste 'di ni pad+ma'i'o/ /kha 'bus pa'i thal mo'i
 mdzub mo gnyis kyis lcags kyu gnyis bya ste 'di ni pad+ma lcags kyu'i'o/ /kha 'bus pa'i thal mo g.yon pa'i mdzub mo bsgrengs la g.yas pa'i mdzub mos gzung bar bya ste 'di ni pad+ma zhags pa ma'i'o/ /kha 'bus pa'i thal mo bcings la
 mdzub mo dang mthe bo dag gi lu gu rgyud du bcings par bya ste 'di ni pad+ma lcags sgrog gi'o/ /kha 'bus pa'i thal mo'i mthe bo gnyis rang gi srin lag dang mthe'u chung gi nang du bcug la gzung bar byas te 'di ni pad+ma dril bu'i dam tshig gi
 phyag rgya yin no/ /rdo rje sems dpa' i dkyil 'khor chen po las gsungs pa nyid chos kyi phyag rgyar gzung bar bya'o/ /pad+ma'i khu tshur gnyis kyis las kyi phyag rgya rnams bcing bar bya'o/ /g.yon pa'i khu tshur gyis bsnyems pa byas nas
 g.yas pa'i pad+ma'i khu tshur rang gi snying gar gtong ba'i tshul gyis gzung bar bya ba ste 'di ni rdo rje 'jig rten dbang phyug gi las kyi phyag rgya yin no/ /g.yon pa'i pad+ma'i khu tshur gyis gzhu blang ba'i tshul gyis te/ de nyid snying ga'i phyogs su gyen du kha bltas par bzhag pa de'i steng
 du g.yas pa'i pad+ma'i khu tshur 'og tu kha bltas par bzhag la slar nges mda' gsor ba'i tshul du byas na 'di ni pad+ma yid las byung ba'i'o/ /pad+ma'i khu tshur gnyis kyi bdag nyid la 'khyud par bya ste/ 'di ni kI li kI la'i'o/ /pad+ma'i khu tshur gnyis
 kyis rgyal mtshan bsgreng ba'i tshul du bya ste 'di ni pad+ma dran pa'i'o/ /pad+ma'i khu tshur gnyis nang du kha bltas pa'i lag pa gnyis dkur bzhag par bya ste 'di ni pad+ma bsnyems pa'i'o/ /pad+ma'i khu tshur gnyis bcings te sgeg pa dang bcas
 pas mdza' ma la sogs pa bkrol zhing glog 'gyu ba'i gar gyi g.yas su bskor nas spyi bo'i phyogs su ka pu Ta'i kha sbyor bcings te phab la/ pad+ma'i khu tshur gnyis bskor zhing bcings te snying ga'i phyogs su bzhag nas me tog 'bul ba'i tshul gyis gyen du
 gtor bar bya ste 'di ni dpyid ka pad+ma'i'o/ /de bzhin du pad+ma'i khu tshur gnyis bskor la snying ga'i phyogs su bcings te spos 'bul ba'i tshul gyis thur du blugs par bya ste 'di ni pad+ma sprin ma'i'o/ /de bzhin du pad+ma'i khu tshur gnyis bskor zhing bcings la mar
 me 'bul ba'i tshul gyis mthe bo gnyis sbyar zhing bskor bar bya ste 'di ni ston ka pad+ma'i'o/ /de bzhin du pad+ma'i khu tshur gnyis bskor zhing bcings te snying ga'i phyogs su brgyad la dris byugs pa'i tshul gyis rab tu sbyar te/ slar yang pad+ma'i khu tshur
 gnyis bskor zhing bcings nas spyi bo'i phyogs su gzung bar bya ste 'di ni pad+ma dgun ma'i'o/ /de bzhin du pad+ma'i khu tshur gnyis bskor zhing bcings la snying ga'i phyogs su gzung bar bya ste 'di ni pad+ma'i sgeg ma'i'o/ /de bzhin du pad+ma'i khu tshur gnyis
 bskor zhing bcings la rgod pa'i tshul gyis yongs su bskor zhing kha'i mthar gzung bar bya ste 'di ni pad+ma bzhad ma'i'o/ /de bzhin du pad+ma'i khu tshur gnyis bskor zhing bcings la/ kha las gyen du drang bar bya ste 'di ni pad+ma glu ma'i'o/ /de bzhin du pad+ma'i
 khu tshur gnyis bskor zhing bcings la gar gyi tshul gyis bskor bar bya ste 'di ni pad+ma gar ma'i'o/ /gar dang bral ba'i pad+ma'i khu tshur gnyis bcings te/ mdzub mo gnyis kyi lcags kyu gnyis byas te 'di ni pad+ma lcags kyu ma'i 'o/ /pad+ma'i khu tshur
 gnyis bcings la g.yas pa'i mdzub mo'i lcags kyus g.yon pa'i mdzub mo bsgreng ba gzung bar bya ste 'di ni pad+ma zhags pa'i'o/ /pad+ma'i khu tshur gnyis bcings te mdzub mo dang mthe bo dag gi mdud pa bcings par bya ste 'di ni pad+ma lcags sgrog gi'o/ /
 pad+ma'i khu tshur gnyis bcings te/ phan tshun du yang dag par sbyar la mthe chung srin lag gi nang du mthe bo gnyis bcug gnas gzung bar bya ste 'di ni pad+ma'i dril bu las kyi phyag rgya yin no/ /de nas las kyi phyag rgya rnams zhes bya ba la las kyi tshogs bsgrub
 par byed pa'i phyag rgya ni las kyi phyag rgya rnams te de dag brjod par bya'o zhes bya ba'i don to/ /pad+ma chen po bshad do zhes bya ba la bcom ldan 'das rdo rje 'jig rten dbang phyug gi dam tshig gi phyag rgya gang yin pa de ni pad+ma chen po zhes bya ba ste/ de bcings nas snying
 gar bzhag pa byas na sgrib pa thams cad rnam par spyod par 'gyur ro/ /de nyid spyi bo zhes bya ba la pad+ma chen po de nyid bcings la spyi bo'i phyogs su gzung ba byas na thams cad bsrung bar 'gyur ro/ /de nyid rdo rje lta bas blta bar bya'o zhes bya ba pad+ma chen po de nyid bcings
 la rdo rje lta bas blta bar byas na thams cad rjes su chags par 'gyur ro/ /de nyid sor mo thams cad la kha phye ba'o zhes bya ba la pad+ma chen po bcings la sor mo thams cad kha phye la/ pad+ma 'dab ma brgyad pa'i rnam pas gzung bar byas ni ting nge 'dzin ngag pa
 thams cad 'thob par 'gyur ro/ /de nyid rdo rje gnyis kyi mig go ces bya ba la mdzub mos 'khyud pa'i dbus ma'i mig 'bras mthe bo dang sbyar ba zhes bya ba gang yin pa de ni rdo rje gnyis kyi mig ste 'dis bud med thams cad dbang du byed par 'gyur ro/ /'di
 nyid legs de? ni byed pa'o zhes bya ba la pad+ma chen po bcings te mdzub mo dang mthe bo dag gis legs par sbyin pa'i tshul du bya ba ste 'dis skyes pa thams cad dbang du byed par 'gyur ro/ /de nyid dpral bar byas nas gsol ba gdab par bya'o zhes bya ba la/
 pad+ma chen po dpral ba'i phyogs su gzung zhing gsol ba gdab par bya ste rmi lam 'debs pa grub par 'gyur ro/ /de nyid g.yon pa'i skye gnas su mthe bo'i rtags kyis ming la'o zhes bya ba la pad+ma chen po bcings te/ g.yon pa'i mdzub mo
 dang mthe bo skye gnas su byas la skye gnas de la g.yas pa'i mthe bo'i 'og tu kha ba lta ba bcug ste/ mchog 'dod pa'i bsam pas snying po bzla bar bya ste/ de ltar byas na mchog thams cad bskyed par 'gyur ro/ /dpal mchog dang po'i rgya cher bshad
 pa shes rab kyi pha rol tu phyin pa 'byung ba zhes bya ba las dum bu gnyis pa'i rtsa ba'i rgyud las rdo rje 'jig rten dbang phyug gi phyag rgya'i rtog pa'i bshad pa rdzogs so// //de ltar rdo rje 'jig rten dbang phyug gi phyag rgya'i rtog pa bstan nas nga ni nor
 bu'i rigs kyi phyag rgya'i rtog pa bstan par bya ba'i phyir de nas nor bu'i rigs kyi phyag rgya'i rgyud kyi cho ga rgyas pa'o zhes bya ba gsungs te/ de nas kyi sgra ni snga ma bzhin no/ /ji lta ba bzhin du bshad pa'i 'phags pa nam mkha' i snying po phyag na gnas pa'i
 yid bzhin gyi nor bu rin po che ni nor bu ste/ de'i rigs ni de las byung ba'i rin po che'i rigs so/ /de'i phyag rgya ni phyag rgya chen po la sogs pa'i phyag rgya rnams te ston par byed pa'i sgra'i tshogs ni rgyud do/ /de'i cho ga rgyas pa ni phyag rgya chen po la sogs
 pa'i rdzogs par byed pa'i rgyun no/ /rdo rje thal mo zhes bya ba la sogs pa la rdo rje'i thal mo bcings te mthe bo gnyis yang dag par sbyar nas mdzub mo'i rtse mo bsgreng bar byas la/ mdzub mo gnyis rtse mo phan tshun du sbyar te steng nas bkug pa rin po cher
 byas nas mthe bo'i rtse mo gnyis su sbyor ba byas te/ de nas mdzod spu'i phyogs su gzung bar byas na 'di ni rdo rje rin chen gyi phyag rgya ste 'dis ni nor bu'i rigs kyi dkyil 'khor du zhugs par 'gyur ro/ /rdo rje rin chen gyi phyag rgya nyid kyi mdzub mo gnyis kyi lcags
 kyus bcom ldan 'das nam mkha' i snying po 'khor dang bcas pa spyan 'dren pa'i sngags dang bcas pas spyan drangs la dkyil 'khor du gzhug par bya'o/ /phyag rgya chen po la sogs pa'i phyag rgya thams cad bcing ba ni de bzhin zhes bya ba la/ rdo rje sems
 dpa' i dkyil 'khor chen po las gsungs pa'i phyag rgya chen po dang/ chos dang las kyi phyag rgya bcing pa bzhin du 'dir yang phyag rgya chen po dang/ chos dang las kyi phyag rgya bcing ba shes par bya'o zhes bya ba'i tha tshig go /dam tshig ni rdo rje bsdams
 pa'i mdzub mo zhes bya ba la sogs pa la/ rdo rje bsdams pa bcings te mthe bo gnyis bsgreng ba'i rtse mo yang dag par sbyor ba'i tshul gyis gzung bar bya ste mdzub mo gnyis bsgreng la rtse mo phan tshun yang dag par sbyar te steng nas bkug cing rin po cher byas
 la mthe bo'i rtse mo gnyis kyi steng du sbyar bar bya ste/ 'di ni 'phags pa nam mkha' i snying po'i dam tshig gi phyag rgya rdo rje nor bu'i zhes bya ba yin no/ /gzhan rnams ni de las byung ba'o zhes bya ba la 'phags pa nam mkha' i snying po'i dam tshig gi phyag rgya
 las byung ba'i rin po che yid las byung ba la sogs pa rnams kyi dam tshig gi phyag rgya rnams gzung bar bya'o/ /rin po che'i khu tshur zhes bya ba rdo rje bsdams pa bcings te mthe bo yang dag par sbyar zhing bsgreng bar byas la mdzub mo gnyis bsgreng
 ba'i rtse mo gnyis kyi rang gi mthe bo'i rtse mo yang dag par sbyar zhing gzung bar bya ste/ 'di ni rdo rje rin po che'i khu tshur zhes bya ba'i phyag rgya yin no/ /de gnyis su byas la nor bus khu tshur ro zhes bya ba la rdo rje rin po che'i khu tshur gnyis byas na nor
 bu'i khu tshur gnyis su 'gyur pa yin no/ /'dis ni 'di skad bshad par 'gyur te/ g.yon pa'i rin po che'i khu tshur gyis rdo rje rin po che blangs nas g.yas pa'i khu tshur gyis nor bus mtshon pa'i rdo rje rtse lnga pa blangs te gsor la rang gi snying gar gtod pa'i
 tshul gyis gzung bar byas te 'di ni 'phags pa nam mkha' i snying po'i phyag rgya chen po yin no/ /rin po che yid las byung ba la sogs pa rnams kyi yang rin po che'i khu tshur gnyis kyi rang rang gi phyag mtshan dang bcas pa ji lta ba bzhin
 du bris ba'i rjes su 'brangs te phyag rgya chen po bcing bar bya ba yin no/ /'phags pa nam mkha' i snying po'i dam tshig gi phyag rgya'i phyi rol tu mngon par phyogs pa'i lcags kyu ni rin po che yid las byung ba'i dam tshig gi phyag rgya yin no/ /'phags pa
 nam mkha' i snying po'i phyag rgya nyid mthe bo gnyis kyis 'khyud pa ni kI li kI la'i'o/ /'phags pa nam mkha' i snying po'i phyag rgya chen po'i bcing ba nyid mthe bo gnyis kha phye la mdzub mo gnyis kyi rtse mo dbus ma dag gi rtse mo phan tshun 'dren cing mdza' ma
 dang srin lag mnyam par bya ste/ kha phye la rdo rje chu srin gyi rgyal mtshan bsgreng ba ni rin po che dran pa'i'o/ /'phags pa nam mkha' i snying po'i phyag rgya nyid brla gnyis la bskor zhing bzhag pa ni/ rin po che bsnyams pa'i'o/ /de nyid steng du gtor ba
 ni dpyid ka rin po che ma'i'o/ /'og tu blugs pa ni rin po che sprin ma'i'o/ /mthe bo gnyis sbyar zhing bskor ba ni ston ka rin po che ma'i'o/ /rab tu brkyang zhing byug pa dang/ bskor zhing spyi bor bzhag pa zhes bya ba ni rin chen dgun ma'i'o/ /bskor
 zhing snying gar bzhag pa ni rin chen sgeg ma'i'o/ /yongs su bskor zhing rgod pa ni rin chen bzhad ma'i'o/ /kha las gyen du 'byin pa ni rin chen glu ma'i'o/ /de bzhin bskor nas gar byed pa ni rin chen gar ma'i'o/ /mdzub mo'i lcags kyu gnyis
 ni rin chen lcags kyu ma'i'o/ /g.yon pa'i mdzub mo g.yas kyis gzung ba ni rin chen zhags pa ma'i'o/ /mdzub mo'i mthe bong 'ching ba ni rin chen lcags sgrog gi'o/ /mthe bo mdza' ma'i nang du bzhag pa ni rin chen dril bu'i dam tshig gi phyag rgya
 yin no/ /rdo rje sems dpa' i dkyil 'khor chen po las gsungs pa'i nyid 'dir phyag rgya rnams gzung bar bya'o/ /rin po che'i khu tshur gnyis bcangs pa las kyi phyag rgya rnams bcings par bya'o/ /g.yon pa'i rin po che bsnyems pas g.yas
 pa'i khu tshur gtod pa'i tshul gyis snying gar gzung bar bya ste 'di ni bcom ldan 'das kyi las kyi phyag rgya yin no/ /gzhu dang mda' gtod pa'i ni rin po che yid las byung ba'i'o/ /'og tu 'khyud pa ni rin po che kI li kI la'i'o/ /rgyal mtshan bsgreng
 ba ni rin po che dran pa'i'o/ /bsnyems pa gnyis gtod pa ni rin chen bsnyems pa'i'o/ /rin po che'i khu tshur gnyis bcings te sgeg pa dang bcas pas mdza' ma la sogs pa nas bkrol nas glog 'gyu ba'i gar gyis g.yas phyogs su bskor
 bar bskor te/ spyi bo'i phyogs ka pu Ta'i thal mo kha sbyor ba bcings shing phab la rin po che'i khu tshur gnyis bskor zhing snying gar bcings nas me tog 'bul ba'i tshul gyis steng du gtor bar bya ste rin chen dpyid ka ma'i'o/ /de bzhin du rin po che
 khu tshur gnyis bskor zhing bcings te/ spos 'bul ba'i tshul gyis 'og tu ldug par bya ste 'di ni rin chen sprin ma'i'o/ /de bzhin du rin po che'i khu tshur gnyis bskor zhing bcings te/ mar me 'bul ba'i tshul gyis mthe bor sbyang zhing bskor
 bar bya ste 'di ni rin chen ston ka ma'i'o/ /de bzhin du rin po che'i khu tshur gnyis bskor zhing bcings te/ snying ga'i phyogs su brkyang dris byug pa'i tshul gyis rab tu sbyar te/ slar yang rin po che'i khu tshur gnyis bcings la/ spyi bo'i phyogs su
 bskor zhing bzhag par bya ste 'di ni rin chen dgun ma'i'o/ /de bzhin du rin po che'i khu tshur bskor zhing bcings nas snying ga'i phyogs su bzhag par bya ste 'di ni rin chen sgeg mo'i'o/ /de bzhin du rin po che'i khu tshur gnyis bskor zhing bcings nas
 rgod pa'i tshul gyis yongs su bskor la kha'i mthar gzung bar bya ste 'di ni rin chen bzhad pa ma'i'o/ /de bzhin du rin po che'i khu tshur bskor zhing bcings nas kha las gyen du drang bar byas te 'di ni rin chen glu ma'i'o/ /de bzhin
 du rin po che'i khu tshur gnyis bskor zhing bcings nas gar gyi tshul gyis bskor bar bya ste 'di ni rin chen gar ma'i'o/ /gar dang bral ba'i rin po che'i khu tshur gnyis bcings la mdzub mo gnyis kyi lcags kyu gnyis byas te rin chen lcags kyu'i'o/ /
 rin po che'i khu tshur gnyis bskor zhing bcings nas g.yas pa'i mdzub mo lcags kyus g.yon pa'i mdzub mo bsgreng ba gzung bar bya ste/ 'di ni rin chen zhags pa'i'o/ /rin po che'i khu tshur gnyis bcings nas/ mdzub mo dang mthe bo dag gis mdud pa
 bcing bar byas te/ 'di ni rin chen lcags sgrog gi'o/ /rin po che'i khu tshur gnyis bcings la phan tshun yang dag par sbyar te rang gi srin lag dang mthe chung gi nang du mthe bong gnyis bcug la gzung bar bya ste/ 'di ni rin chen dril bu'i las kyi phyag rgya yin no/
 de nas las kyi phyag rgya rnams zhes bya ba la las kyi tshogs sgrub par byed pa'i phyag rgya rnams ni las kyi phyag rgya'o/ /rdo rje rin po che zhes bya ba la 'jug pa'i phyag rgya rdo rje rin chen bcings nas dbus ma gnyis kyi rtse mo sbyar te/ 'di dpral bar bzhag pas
 dbang bskur ba thams cad thob par 'gyur ro/ /kha sbyor byas na zhes bya ba la sogs pa la 'jug pa'i kha sbyor thal mo bcings nas srin lag gnyis kyi rtse mo yang dag par sbyar zhing mdza' ma gnyis kha phye bar byas la bsgreng ste bzung bar byas na/ 'dis
 don thams cad 'thob par 'gyur ro/ /dbus ma'i nor bu zhes bya ba la/ rdo rje rin chen bcings te/ sor mo dbus ma gnyis kyis nor bu byas nas/ 'dis 'dod pa thams cad yongs su rdzogs par 'gyur ro/ /mthe'u chung gi rtse mo zhes bya ba la rdo rje rin chen
 bcings nas mthe'u chung gnyis yang dag par sbyar nas rtse mor byas nas 'dis gter thams cad rnyed par 'gyur ro/ /'og tu gtor ba zhes bya ba la rdo rje rin chen bcings nas/ de'i 'og tu gtor bar byas na de ltar rdo rje'i dbang bskur ba thob par 'gyur ro/ /
 rdo rje bsdams pa las zhes bya ba la rdo rje bsdams pa bcings nas rdo rje bsams pa de las phyag rgya gang dag byung ba de rnams la de rnams bya ba yin no/ /ji ltar zhe na/ mdzub mo'i nor bu brkyang ba'i phreng ba'o zhes bya ba la/ rdo rje bsdams pa bcings
 te mdzub mo yang dag par sbyar ba byas la phan tshun sbyar ba'i rtse mo'i steng nas bkug cing nor bur byas te de ltar na rdo rje'i dbang bskur ba thob par 'gyur ro/ /rdo rje'i dbang bskur ba snga ma las 'di khyad par ci yod ce na/ snga ma ni nor bus mtshan pa'i rdo rje lnga
 pa'i dbang bskur ba yin la 'di ni rdo rje rin chen gyis cod pan gyis dbang bskur ba yin te khyad par ni 'di yin no/ /rdo rje rin po che gsum bdun dang logs bcing bar bya'o zhes bya ba rdo rje bsdams pa bcings te mthe bo dang mdzub mo dang dbus ma rnams kyi nor bu
 rin po che gsum byas te/ slar yang spyi bo dang rna ba gnyis kyi steng du bzung bar bya ste/ 'di ltar na byang chub sems dpa' chen po'i dbang bskur ba thob par 'gyur ro/ /rdo rje rin chen mdzod spu'i phyogs su bzhag ste mdzub mo'i steng du mdud la/ dar dpyangs 'ching
 ba'i tshul du bya'o/ zhes bya ba la/ rdo rje bsdams pa las byung ba'i rdo rje rin chen gyi phyag rgya bcings la mdzod spu'i phyogs su bzhag ste mdzub mo gnyis kyi steng du mdud pa'i tshul du byas nas dar dpyangs bcing ba'i rnam pa byas na 'dis de bzhin gshegs pa'i dbang
 bskur ba thob par 'gyur ro/ /mthe bo gnyis kyis bstan pa'i skyil mo krung zhes bya ba la/ rdo rje bsdams pa bcings la mthe bo gnyis kyis bstan pa'i skyil mo krung byas te/ mdzub mo gnyis bsgreng ba bcug cing dbus ma'i sor mo gnyis kyis gtso mo'i tshigs
 gsum pa bkug la ral grir bya ba ni/ de bzhin gshegs pa thams cad kyi sku'i mchog ces bya ba'i phyag rgya 'dis spyi bo nas brtsams te/ mdun dang rna ba g.yas pa'i steng gi mgo bo'i steng dang rna ba g.yon pa'i steng du cod pan
 gyi tshul byas la slar yang mdun du phreng ba 'ching ba'i tshul gyis mdud pa bya'o/ /slar yang steng du bstan par bya'o/ zhes bya ba rna ba gnyis kyis steng du phreng ba chen po 'ching ba'i tshul du byas nas/ sgeg pa dang bcas pas mdza' ma la sogs pa bkrol
 te/ logs gnyis su dang dpyangs 'ching ba'i tshul du byas nas rdo rje 'chang chen po'i dbang bskur ba thob par 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa'i rtsa ba'i rgyud kyi 'phags
 pa nam mkha' i snying po'i phyag rgya rtog pa'i bshad pa rdzogs so// //de ltar 'phags pa nam mkha' i snying po'i phyag rgya'i rtog pa bstan nas da ni bsdus pa'i dkyil 'khor gyi phyag rgya'i rtog pa bstan par bya ba'i phyir/ rdo rje thams cad kyi rtog pa
 thams cad ni gong du ji lta ba bzhin no zhes bya ba la/ ji ltar dpal rdo rje sems dpa' i dkyil 'khor chen po dang/ de bzhin gshegs pa dang/ rab tu dga' ba'i rdo rje khro bo dang/ rdo rje 'jig rten dbang phyug dang/ 'phags pa nam mkha' i snying
 po rnams kyi dkyil 'khor du phyag rgya gang bstan pa de nyid bsdus pa'i dkyil 'khor gyi phyag rgya chen po la sogs pa'i phyag rgya thams cad bzung bar bya ba yin no/ /bsdus pa'i dkyil 'khor gyi bshad pa rdzogs so// //de ltar bsdus pa'i
 dkyil 'khor gyi phyag rgya'i rtog pa bstan nas/ nga ni phyi'i rdo rje'i rigs kyi phyag rgya'i rtog pa bstan par bya ba'i phyir/ de nas phyi'i phyag rgya shes par bya'o zhes bya ba la de nas kyi sgra ni snga ma bzhin no/ /phyi ni 'jig rten las 'das pa'i ye shes las phyi
 rol du gyur pa rnam par rtog pa dang bcas pa'i ye shes pa can rnams kyi phyag rgya chen po la sogs pa rnams ni phyi'i phyag rgya ste de dag las nges pa'i shes pa'o/ /de bya ba ni skabs la bab pa'o/ /phyag rgya chen po ni g.yon pa kham phor dang/ g.yas su mda' gtod
 ba nyid las kyi phyag rgya'o/ /zhes bya ba la ming po rnams ni lus ston par byed pa'i phyag rgya ni phyag rgya chen po ste/ de'i lag pa g.yon pas kham phor 'dzin pa dang/ lag pa g.yas pa mda' gtod pa ste/ ming po gsum gyi phyag rgya yin no/ /'di nyid gar gyi tshul
 gyis de rnams kyi las kyi phyag rgya yin no/ /dam tshig 'jug pa zhes bya ba la ming po gsum gyi dkyil 'khor du dam tshig gi phyag rgya gang gis 'jug par 'gyur ba 'di ni dam tshig 'jug pa'i sgras bshad pa yin no/ /mdzub mo dang dgung mo dang srin lag gshibs
 te rtse mo gsum par byas la mthe bo dang mthe chung gnyis kyis gdu bu gnyis lcags kyi lu ga rgyud ni ming po rnams kyi'o zhes bya ba mthe bo dang mthe chung rnams kyi lu gu rgyud bcings la mdzub mo dang gung mo dang srin lag gi sor mo drug gi rtse gsum par byas te/
 'di ni ming po rnams kyi rtse gsum gyi mtshan pa zhes bya ba'i dam tshig gi phyag rgya yin no/ /de nyid bcings la g.yas pa'i sdigs mdzub kyi lcags kyus ming po gsum 'khor dang bcas pa dkyil 'khor du gzhug par bya'o/ /ming po rnams kyi snying po 
 kho na chos kyi phyag rgya yin no/ /de ltar ming po gsum gyi phyag rgya'i rtog pa bstan nas/ da ni sring mo bzhi'i bstan par bya ba'i phyir ji ltar bzung ba bzhin du lha mo rnams kyi phyag rgya'o zhes bya ba la bri ba'i cho gar ji ltar bstan pa de bzhin du sring mo bzhi'i phyag rgya chen po
 bcing ba shes par bya'o/ /gang gyi tshul gyis lha mo rnams kyi phyag rgya chen po nyid bcings na las kyi phyag rgyar 'gyur ro/ /dam tshig gi gung mo dang srin lag rdo rje bsdams pas so zhes bya ba la/ dam tshig gi phyag rgya ste gung mo de srin lag gi sor mo rnams kyi
 rdo rje bsdams pa bcings la rdo rje bsdams pa des g.yas pa'i mdzub mo g.yon ma'i phung mo'i rtse mo dang yang dag par sbyar ba dang/ g.yon pa'i mdzub mo'i g.yas pa'i gung mo'i rtse mo dang yang dag par sbyar te/ g.yas pa'i srin
 lag gi rtse mo g.yon pa'i mthe'u chung gi rtse mor sbyar la g.yon pa'i srin lag gi rtse mo g.yas pa'i mthe'u chung gi rtse mo dang sbyar nas gzung bar bya ste/ 'di srid mo bzhi'i dam tshig phyag rgya yin no/ /'di nyid kyi spyan drang ba dang 'di nyid kyis
 dkyil 'khor du 'jug par bya'o/ /lhag ma ni glo sla'o/ /de bzhin du chos kyi phyag rgya rnams ni snying po rnams nyid yin no/ /sring mo bzhi'i phyag rgya'i rtog pa'i bshad pa rdzogs so// //de ltar srid mo bzhi'i phyag rgya'i rtog pa bshad nas/ da ni lha
 ma yin gyi phyag rgya'i rtog pa bstan par bya ba'i phyir de nas zhes bya ba la sogs pa gsungs te/ sgyu ma'i 'khor lo zhes bya ba lha ma yin rnams kyi sgyu ma'i 'khor lo ni mtshan ma'i phyag rgya'o/ /de ji lta bu zhe na g.yon pa'i steng du
 zhes bya ba la sogs pa la/ lag pa g.yon pa brgyad pa'i steng du lag pa g.yas pa brkyang ste 'og tu kha blta bar bzhag nas g.yon pa'i mthe'u chung gi tshigs gsum pa la/ g.yas pa'i mthe bong gi tshigs gsum pa'i nang yang dag par
 sbyar bar bya ste/ g.yas pa'i mthe'u chung gi tshigs gsum pa la g.yon pa'i tshigs gsum pa'i nang yang dag par sbyar ba gzung bar bya ste/ 'di ni lha ma yin thams cad kyi dam tshig gi phyag rgya yin no/ /sgyu ma thams cad don yod par sgrub pa'o zhes
 bya ba la/ 'dis lha ma yin thams cad kyi sgyu ma nges par sgrub pa yin te/ de'i phyir don yod par sgrub pa'i phyag rgya 'di yin no/ /phyag rgya 'di nyid kyis dkyil 'khor du 'jug par 'gyur ro/ /phyag rgya 'di nyid mdzub mo gnyis kyi lcags kyu gnyis byas nas spyan drang bar bya'o/ /
 lha ma yin gyi dkyil 'khor gyi phyag rgya'i rtog pa bshad pa rdzogs so// //de ltar lha ma yin gyi phyag rgya'i rtog pa bstan nas/ da ni klu'i dkyil 'khor gyi phyag rgya'i rtog pa bstan par bya ba'i phyir/ gdengs ka can gyi dbang po zhes bya ba la sogs te/
 gdengs ka can gyi dbang po ni klu yin la de rnams kyi phyag rgya ni 'di yin te/ lag pa gnyis brkyang la mthe bong gnyis phan tshun zlos pa pos/ phyag rgya la sogs pa bsgrub par bya'o/ /lce dang mchu gnyis cung zad g.yo ba gang la yod pa de ni lce dang mchu
 gnyis shin tu g.yo ba ma yin pa ste/ so dang mchu shin tu ma 'byar ba dbyangs bdun dang bral ba'i sgra dang mi ldan pa rdo rje'i dag ste/ de bzhin gshegs pa'i rigs la'o/ /rigs thams cad la dgos pa'o zhes bya ba la/ rdo rje sems dpa' i rigs
 la yang 'dir bzlas par bya ba yin no/ /gang gi phyir 'dis kyang thams cad kyi dngos grub thob par 'gyur ba de'i phyir/ sprin gyi 'brug sgra'i yi ge hUM zhes bya ba la/ sprin bzhin du yi ge hUM 'brug sgra gang las byung ba de ni sprin gi 'brug sgra'i yi ge hUM do/ /
 phra mo sgra dang ldan pa zhes bya ba la cung zad tsam gyi sgra gang la yod pa de ni sgra phra mo dang ldan pa ste/ khro bo'i rdo rje zhes bya ba gsung rdo rje'i rigs la'o/ /ting nge 'dzin gyi dag pad+ma'i rigs so zhes bya ba la gzhan du ni mi g.yeng ba'i sems kyis yid kyis
 bzlas pa ni ting nge 'dzin gyi dgu go /rang bzhin gyis dag pa'i pad+ma zhes bya ba la/ chos thams cad rang bzhin gyis dag pa'o zhes pa'i bsgom pa gang yin pa de ni pad+ma ltar dngos por 'dzin pa'i zhen pa dang bral ba yin la/ de'i phyir rang bzhin gyis
 dag pa'i pad+ma zhes bya bar brjod pa yin te/ rang bzhin gyis dag pa la lhag par mos pa'i rang bzhin can no zhes bya ba'i tha tshig go /chos kyi dag ni nor bu'i rigs la'o zhes bya ba la/ nor bu'i rigs kyi sgom pas sems can thams cad kyi bsam pa
 yongs su rdzogs pa'i chos so/ /de ston par byed pa'i dag gi chos so/ /de nyid so sor rtog pa'i mchod pa'i nor bu'i rigs bskyed pa'i rgyur 'gyur ba dang/ de ston par byed pa dang/ de dang rgyu 'thun pa ste/ de'i phyir na mchod pa'i
 nor bu'o/ /'dis ni 'di ltar ston par 'gyur te/ nor bu'i rigs la lhag par mos pa'i rang bzhin can gyis smra bar 'dod pa ni chos kyi dag ces bya bar brjod pa yin no/ /de nas thugs kyi phyag rgya lnga'i zhes bya ba la de nas kyi sgra ni snga
 ma bzhin no/ /bsgom par bya ba'i rang bzhin gyi phyag rgya rnams ni thugs kyi phyag rgya ste sems kyi dmigs pa'i yul rnams so zhes bya ba'i don to/ /de rnams kyang rigs kyi dbye bas lngar 'gyur ro/ /thams cad bsgrub par bya ba ni rdo rje sems
 dpa' i bsgoms pa'o zhes bya ba la/ rdo rje sems dpa' i rigs kyi rnal 'byor pas rdo rje sems dpa' la sogs pa'i phyag rgya chen po dang/ dam tshig dang/ chos dang/ las kyi phyag rgya rnams dang/ byang chub kyi sems kyi rang bzhin dang
 byang chub kyi sems kyi rgyu 'thun par 'gyur ba bsgom zhing bdag gam gzhan la yid bzhin gyi nor bu dang/ bum pa bzang po la sogs pa'i rdzas thams cad rdo rje sems dpa' i rang bzhin du bsgom zhing bsgrub par bya'o/ /sangs rgyas
 rjes su drin pas de bzhin gshegs pa'i rigs la'o zhes bya ba la bcom ldan 'das rnam par snang mdzad kyi rigs ni de bzhin gshegs pa'i rigs te/ de bzhin gshegs pa'i rigs de la bsgrub par bya ba thams cad gnyis su med pa'i sems las byung ba'i rang bzhin
 dang/ de bzhin gshegs pa'i rang bzhin dang/ de dang rgyu 'thun par gyur pa rdo rje mtshon cha ma la sogs pa'i rang bzhin du de'i rigs kyi rnal 'byor pas bsgom par bya ba yin no/ /bdag gam bdag gis mdun du bsad par bya'o zhes
 bya ba la/ rdo rje'i rigs la'o zhes bya ba la bdag ni bdag nyid ste 'khor ba'i dngos po'o/ /de nyid rdo rje'i rigs kyi rang gi bdag nyid la lhag par mos pas mi snang bar byed pa'o/ /yang mdun du bum pa bzang po la sogs pa'i bsgrub bya rdo rje'i rigs
 kyi rang bzhin du byed pa ni gsod pa ste de ltar bsgom zhing rdo rje'i rigs kyi zlos pa pos bzla bar bya ba yin no/ /bdag gis sbyar bar bya'o zhes bya ba pad+ma'i rigs so zhes bya ba la/ rang bzhin gyis dag pa'i sgom pa gzung ba dang 'dzin pa'i rnam par rtog pa'i
 dri ma bdag nyid dam mdun du sbyar bar bya ste/ sel bar byed pa'o zhes bya ba 'di ltar pad+ma'i rigs zlos pa pos bsgom par bya zhing bzla bar bya ba yin no/ /nam mkha' thams cad kyi bsgoms pas nor bu'i rigs la'o zhes bya ba la/ nor bu'i rigs kyi rnal
 'byor pas ni nam mkha' i snying po la sogs pa rnams gzugs brnyan dang mnyam pa dang/ nam mkha' dang mtshungs par bsgom par byas te/ bsboms pa 'dis ni nor bu'i rigs la bzlas pa bya ba yin no/ /de nas rdo rje'i phyag rgya lnga po zhes bya ba la rigs
 lnga'i dbang bskur ba'i mtshan ma ni rdo rje'i phyag rgya de nyid rigs kyi dbye bas rnam pa lngar 'gyur ba phan tshun lcags kyur bcings na lhag ma'i sor mo brgyad pa rnams kyis gdengs ka'i tshul gyis gdengs ka bsgreng bar byas te/ 'di ni lto 'phye chen po'i
 lag pa zhes bya ba'i phyag rgya yin te/ klu thams cad dgug pa dang/ gzhug pa dang/ bcing ba dang/ dbang du byed pa'i dam tshig go /'di ci'i phyir zhe na gal te 'das par byed na bcing bar 'gyur ro zhes gsungs so/ /dbus ma dang srin lag zhes bya ba
 la sogs pa la gung mo dang srin lag gi sor mo bzhi pos rdo rje bsdams pa nang du byas la mdzub mo dang mthe bo dag gis mgu ba'i tshul gyis steng du bsgreng par byas na de ltar na dug thams cad 'bar bar 'gyur ba yin no/ /phyag rgya 'di nyid bcings la
 mdzub mo gnyis kyi dug thams cad blangs te dug bcing pa'i bsam pas mdzub mo gnyis kyi rtse mor mthe bong gnyis kyi rtse mo gzung bar byas te/ 'dis dug thams cad 'ching bar 'gyur ro/ /de ltar dug yang dag par bsdus te mthe
 chung gnyis kyis rtse mo brdeg par byas te dug thams cad 'jig par 'gyur ro/ /'di nyid kyi zhes bya ba la mthe chung gnyis kyi rtse mo brdeg pas dug thams cad gza' ba dang/ 'pho ba dang dug med pa nyid du 'gyur ba yin no/ /phyag rgya bcing ba
 lhag ma rnams ni sngar bshad pa bzhin du shes par bya'o/ /klu'i dkyil 'khor gyi phyag rgya'i rtog pa'i bshad pa rdzogs so// //phyi rol gyi phyag rgya'i cho ga rgyas pa'i rgyud ces bya ba ji ltar bshad pa'i phyi rol gyi phyag rgya rnams gyi cho ga
 rgyas pa gang yin pa de ston par byed pa'i rgyud ni phyi rol gyi phyag rgyar rgyas pa'i rgyud do/ /phyi rol gyi rdo rje rigs kyi phyag rgya'i rtog pa'i bshad pa rdzogs so// //de nas kyi sgra ni skabs la bab pa'o/ /rtog pa yang yin pa thams cad kyang
 yin pas na rtog pa thams cad de/ ji ltar bshad pa'i rdo rje sems dpa' i rtog pa rnams so/ /de rnams bsgrub pa ni phyag rgya chen po la sogs pa'i phyag rgya thams cad rtog pa ste/ de'i don du phyag rgya gang yin pa de ston par byed pa'i rgyud ni rgyud
 de nyid kyi cho ga rgyas pa gang yin pa de bshad par bya ba ni bstan par bya ba yin no/ /zhes bya ba la bcom ldan 'das bde ba chen po'i rdo rje gsang ba'i dam tshig rdo rje sems dpas gsungs so/ /de la zhes bya ba'i sgra ni dmigs kyis dgar ba'o/ /lnga zhes
 bya bas ni phyag rgya lnga'i rtog pa thams cad sgrub par byed do zhes bya ba'i don to/ /sku'i phyag rgya zhes bya ba re zhig sku'i phyag rgyas rtag pa thams cad sgrub par byed pa yin no/ /sku'i phyag rgya de gang yin zhe na phyag rgya chen po zhes bya'o/ /phyag rgya chen
 po de rigs gang la rtog pa thams cad sgrub par byed pa yin zhe na/ rdo rje 'chang chen po'i rigs la'o/ /'dis ni 'di skad ston par 'gyur te/ phyag rgya chen po bcings la rdo rje sems dpa' i rigs la dngos grub gang bstan pa de rnams bsgrub par
 bya'o/ /dam tshig gi phyag rgya ni de bzhin gshegs pa'i rigs la zhes bya ba la dam tshig gi phyag rgya bcings la/ de bzhin gshegs pa'i dkyil 'khor las gsungs pa'i dngos grub thams cad bsgrub par bya'o/ /rdo rje hUM mdzad rdo rje'i rigs so zhes bya ba
 la rdo rje hUM mdzad bcings te rab tu dga' ba'i rdo rje khro bo'i rtog pa las gsungs pa'i dngos grub thams cad bsgrub par bya'o/ /pad+ma chen po ni pad+ma'i rigs so zhes bya ba la/ pad+ma chen po bcings la rdo rje 'jig rten dbang phyug gi rtog pa las gsungs pa'i
 dngos grub rnams bsgrub par bya'o/ /rdo rje nor bu rin po che ni nor bu'i rigs la'o/ /zhes bya ba la bcom ldan 'das 'phags pa nam mkha' i snying po'i rdo rje bsdams pa las byung ba'i rdo rje rin po che'i phyag rgya ni rdo rje nor bu rin po che ste/ de bcings
 la 'phags pa nam mkha' i snying po'i rigs las gsungs pa'i dngos grub rnams bsgrub par bya'o/ /'dis ni cho ga rgyas pa'i 'jigs pa rnams la/ phyag rgya re res rang gi rigs las byung ba'i dngos grub thams cad bsgrub pa'i
 phyir man ngag bstan pa yin no/ /rang gi dag gi sngags kyis bzlas pa bya zhing dngos grub thams cad bsgrub par bya'o/ zhes bstan par bya ba'i phyir/ de nas gsung gi phyag rgya lnga po ni zhes bya ba gsungs te/ de nas kyi sgra ni snga ma bzhin no/ /rdo rje sems
 dpa' dang/ de bzhin gshegs pa dang/ rdo rje'i rigs dang/ pad+ma dang/ nor bu'i rigs kyi gsung gi dbye bas gsung gi phyag rgya lnga po yin no/ /snyan pa'i glu zhes bya ba la sogs pa la/ snyan pa'i glu ni de las mkhas pa las shes par bya'o/ /rab tu
 dga' ba'i rdo rje'i dag ni/ rdo rje sems dpa' i rigs la ste 'dis sngags brjod cing rdo rje sems dpa' i rigs kyi yin no/ /rdo rje rtse lnga pa zhes bya ba la sogs pa la rtse lnga pa'i rdo rje ni rdo rje rtse lnga pa'o/ /'di nyid bstan par bya ba'i phyir rdo rje
 rtse mo zhes bya ba gsungs te 'od zer gyi phreng ba yongs su khyab pa ni rtse mo'i 'od zer gyi phreng ba dang ldan pa'o/ /dang po zhes bya ba ni bskal pa bzang po nas snga nas gnas pa'o/ /bde ba chen po'i rgyu 'thun pa dang/ bde ba chen po ston par byed pa dang/ bde ba
 chen po thob par byed pas na bde ba chen po'i rdo rje ste/ de lta bur gyur pa'i rdo rje de rdo rje khu tshur gyis blangs te/ rdo rje sems dpa' i rigs la dbang bskur bar bya ba yin no/ /rdo rje rtse lnga pa 'od zer dang bcas pa de bzhin gshegs pa'i khu tshur
 blangs te/ de bzhin gshegs pa'i rigs la dbang bskur bar bya'o/ /'bar ba'i ngo bo'i rdo rje rtse bzhi pa khro bo'i khu tshur gyis blangs te rdo rje'i rigs la mtshan ma'i dbang bskur bar bya'o/ /'dab ma bcu drug pa'i 'dab ma'i lte bar gnas
 pa'i de bzhin gshegs pa'i rdo rje pad+ma'i khu tshur gyis blangs te/ pad+ma'i rigs las mtshan ma'i dbang bskur bar bya'o/ /rdo rje rtse lnga pa rtse mo'i phyogs su gnas pa las phyed yid bzhin gyi nor bu rin po che'i nang du zhugs pa'i rdo rje phyed ba ni/
 rdo rje rin chen steng du nor bu'i khu tshur gyis blangs te/ nor bu'i rigs la dbang bskur ba yin no/ /de ltar rigs thams cad kyi phyag rgya'i dbang bskur ba bstan nas/ da ni rdo rje sems dpa' i dam tshig snying po'i thugs kyi las kyis phyag rgya'i
 tshul gyis dngos grub gang 'dod pa de nyid rnal 'byor pas bsgrub par bya'o/ /zhes bstan par bya ba'i phyir de nas rigs thams cad ces bya ba la sogs pa gsungs te/ de nas rigs thams cad kyi rtog pa'i sgrub pa thams cad kyi rgyud 'dir
 bshad par bya'o zhes bya ba dang sbyar ro/ /de nas kyi sgra ni snga ma bzhin no/ /rigs thams cad kyi rdo rje sems dpa' dang de bzhin gshegs pa dang/ rdo rje dang/ pad+ma dang/ nor bu'i rigs te/ de rnams kyi rtog pa ni ji ltar bshad pa'o/ /de rnams kyi sgrub pa'i
 rgyu gang yin pa de'i khyad par bstan pa'i phyir/ gsang ba zhes bya ba la sogs pa gsungs te skye bo thams cad kyi mngon sum ma yin pa'i phyir gsang ba'o/ /gang gis kyang dgag par mi nus pa'i phyir thogs pa med pa'o/ /'dod pa'i dngos grub nges
 par sgrub par byed pa'i phyir don yod pa'o/ /rgyu de 'di ltar gyur pa ci'i phyir zhe na de kho na nyid kyi bden pa'o zhes bya ba la sogs pa la/ byang chub kyi sems kyi sgra'i rjes su 'gro ba'i shes rab rang bzhin gyis dag pa'i ye shes kyi rang bzhin gyis 'od gsal
 pa'i rnam par thar pa'i sgo rnams ni/ de kho na nyid kyi bden pa yin la de'i mchog ni phul du byung ba ste/ myur du dngos grub gsol ba'i rdo rje sems dpa' i dam tshig gi snying po rjes su chags pa'i las kyi phyag rgya gang yin pa de rnams kyi cho ga rgyas pa ni dam tshig
 gi phyag rgya la sogs pa nges par sgrub rgyun no/ /de nyid 'dod pa'i dngos grub thams cad bsgrub pa'i rgyud yin pas na/ de'i gsang ba dang thogs pa med pa dang/ don yod pa'i rgyud yin no/ /de bshad par bya ba'i zhes bya ba ni/ bcom ldan 'das rdo rje
 sems dpas de skad gsungs pa'o/ /de ji lta bu yin zhe na/ rdo rje sems dpa' zhes bya ba la sogs pa bcom ldan 'das rdo rje sems dpa' i phyag rgya chen po ni rdo rje sems dpa' i phyag rgya chen po ste/ de gang yin pa des rtog pa thams cad las
 gsungs pa'i dngos grub thob par 'gyur ro/ /de gang zhe na/ bde ba chen po rdo rje gsang ba'i dam tshig go zhes bya ba la/ dang po'i rdo rje ni bde ba chen po'i dam tshig ces bstan pa yin no/ /'dis ni 'di ltar bstan par 'gyur te/ dang po'i rdo rje bcings la dngos
 grub gang dang gang sgrub par 'dod pa de dang de bsgrub par bya ste/ don yod par de dang de'i dngos grub thob par 'gyur ro/ /gsung gi phyag rgya ni snying po'i zhes bya ba la/ rdo rje sems dpa' i snying po ni gsung gi phyag rgya ste/ de bzla zhing
 rigs thams cad las gsungs pa'i dngos grub bsgrub par bya'o/ /thugs kyi phyag rgya nye ba'i snying po zhes bya ba la/ dngos grub gang dang gang sgrub par byed pa de dang de a nu rA ga ya mi zhes bya ba'i bzlas pa'o/ /don shes ba sgrub par bya ste de ltar na
 rigs thams cad las gsungs pa'i dngos grub rnams thob par 'gyur ro/ /rdo rje'i phyag rgya rdo rje snyems ma'i'o zhes bya ba la/ rdo rje sems dpa' i las kyi phyag rgya ni rdo rje snyems ma ste/ de bcings la rigs thams cad las gsungs pa'i
 ji ltar mngon par 'dod pa'i dngos grub rnams sgrub par byed pa yin no/ /de ltar rdo rje sems dpa' i phyag rgya bzhi pos rtog pa thams cad las gsungs pa'i dngos grub sgrub par bstan nas/ da ni rigs dang rigs su blta ba'i las kyi
 dngos grub bstan par bya ba'i phyir/ phra mo'i las kyi phyag rgya zhes bya ba la sogs pa gsungs te/ de nas kyi sgra ni snga ma bzhin no/ /phra mo yang de yin la las kyi phyag rgya yang de yin pas na phra mo'i las kyi phyag rgya rnams te blta ba'i phyag
 rgya'o/ /de rnams kyi rgyud kyi khyad par ji lta bu yin zhe na/ don yod cing thogs pa med pa gang yin pa de skabs su bab pa'o/ /ma mchu'i sgros so rnams kyis bzung nas zhes bya ba la/ rdo rje sems dpa' i rigs sam gnod sbyin mo la sogs pa'i
 sgrub bya mdun du bkug pa de la/ tsum pa na'i bsam pas bdag nyid kyi ma mchu so rnams kyis bzung bar bya ste/ de yang rdo rje'i lta bas blta zhing bzlas pa 'am bsgom pa byas na thams cad rjes su chags pa dang/ dbang du byed pa dang rol pa dang/ brtan par
 byed pa'i dngos grub kyi mtshan ma thob na/ skad cig mas so sor nyams su myong bar byed pa yin no/ /sgrub pa la 'jug pa de rigs gang las she na/ rdo rje sems dpa' i rigs la'o/ /rdo rje phra mo zhes bya ba la sna'i rtse mo nas 'bras kyi tshad tsam gyi rdo rje rtse lnga
 pa'i rnam pa can/ sems rtse gcig pa nyid ni phra mo'i rdo rje ste de dang lhan cig tu zhi ba la sogs pa'i lta ba 'dom gang tsam du blta ba gang yin de zhi bar blta ba 'dom gang gi tshad du khyab par byed pa des de bzhin gshegs pa thams cad kyi tshul khrims
 la sogs pa'i dngos grub thob par 'gyur ro/ /lta ba 'di ni rigs gang zhe na/ de bzhin gshegs pa'i rigs las skyes zhes bya ba la de bzhin gshegs pa'i rigs las byung ba ni de bzhin gshegs pa'i rigs las skyes pa'o/ /khro bo ston par byed pa'i
 dpral ba'i phyogs kyi ri mo ni khro gnyer te de dang bcas pa'i khro bo ni zhe sdang ngo/ /des mi bzang pa ste 'jigs par byed pa'i lta ba gang yin pa de byas la shin tu ma 'gal ba bsdams pa'i rnal 'byor gang yin pa de rdo rje rigs kyi lta bas las rnams byed na thams
 cad ltung ba dang/ dbab pa dang/ rengs pa dang/ gnyid log tu gzhug pa dang/ rgyas btab pa dang/ gsod pa dang gzhan gyi dpung gzhig pa rnams kyi mtshan ma thob na/ skad cig mas thams cad las rnam par rgyal ba'i dngos grub thob par 'gyur ro/ /
 lta ba'i rigs gang las she na/ rdo rje'i rigs kyi khro bo rdo rje lta ba'o zhes bya ba la/ khro bo rdo rje ni rdo rje'i rigs te/ de'i lta ba ni khro bo rdo rje'i lta ba'o/ /mig ma btsums pa zhes bya ba la sogs pa la btsums pa med pa'i bstan pa'i rdo rje'i lta bas blta ba'i
 rnal 'byor pas chu gnyis mnyam par sbyar nas bzlas pa byas na sgrib pa thams cad sbyang ba dang/ bsrung ba dang/ ting nge 'dzin mngon du gyur ba'i dngos grub kyis grub par 'gyur ro/ /rigs gang la zhe na/ pad+ma'i rigs la'o/ /'bar ba'i blta bas zhes bya ba
 la sogs pa la mang du rab tu g.yo ba mig gi rdzi ma 'dren pa'i mig gis 'bar ba'i blta bas bzhad pa'i rnal 'byor pas/ dbang bskur ba thams cad dang/ don thams cad dang/ rdzogs pa dang/ mchod pa'i cho ga
 thams cad rgyas pa'i dngos grub myur du thob par 'gyur ro/ /de ltar phyag rgya thams cad bcing ba'i mtshan nyid bstan nas da ni rang gi lha'i snying po brjod cing dam tshig gi phyag rgya rnams kyi phyag rgya thams cad bcing bar bya'o zhes bya ba'i don 'di rab tu bstan
 par bya ba'i phyir/ de nas phyag rgya thams cad bcing ba bsgrub pa'o zhes bya ba gsungs te/ phyag rgya yang yin la thams cad kyang yin pas na phyag rgya thams cad de dam tshig gi phyag rgya la sogs pa'i phyag rgya rnams so/ /de rnams bcing ba ni
 phyag rgya thams cad bcing ba'o/ /de bsgrub pa ni rang nyid la dbang du bya ba'i phyir/ rang gi lha'i snying pa bzla ba'o/ /nyin re zhes bya ba ni zhag re re la'o/ /sngon du ni snga ma'i thun mtshams kyi dus su'o/ /lan gcig ni lan gcig go /rang gi
 lha'i snying pos rang nyid bsgrub pa ni bdag nyid bsgrub pa'o/ /rang nyid bsgrub pa 'dis cir 'gyur zhe na/ rang gis bcings nas mdor bsdus pas phyag rgya thams cad 'grub par 'gyur zhes bya ba la 'dis ni 'di skad ston par 'gyur te/ rang gi
 lha'i phyag rgya gang dang gang bcings te/ de dang de rang gi lha'i snying po brjod cing bcing bar byas na/ 'di ltar phyag rgya de dang de rang nyid dam tshig gi bcing bas bcings nas sgrub pa po de'i dbang du 'gyur ba yin no/ /'dod pa'i dngos grub thams
 cad kyang 'byung ngo/ /de ltar rang gi lha'i snying po brjod pas/ dang por phyag rgya thams cad bcings te/ phyi nas rang gi lha'i snying po a nu rA ga ya mi zhes pa 'di dang bcas par bzlas na de rnams grub par 'gyur ro zhes bya ba'i don 'di bstan par bya
 ba'i phyir/ de nas phyag rgya thams cad kyi gsang ba bsgrub pa zhes bya ba la sogs pa gsungs te/ phyag rgya chen po la sogs pa'i rigs thams cad kyi phyag rgya rnams kyi gsang ba bsgrub pa/ a nu rA ga ya mi zhes bya ba'i snying po 'di dang bcas pa'i rigs thams cad
 kyi snying po brjod par bya'o/ /snying po phyag rgya sngags rigs pa zhes bya ba la snying po ni dkyil 'khor chen po las gsungs pa'i rigs dang rigs su sngags kyi yi ge rnams so/ /phyag rgya ni gzungs so/ /sngags ni chos kyi dkyil 'khor las gsungs pa'i yi ge rnams so/ /rig pa ni
 las kyi dkyil 'khor las gsungs pa'i phyag rgya chen po dang/ chos dang las kyi phyag rgya rnams kyang snying po sngags dang phyag rgya dang las kyi phyag rgya dang rig par brjod pa yin te/ snying po sngags dang phyag rgya dang/ rig pa 'di rnams sgrub pa 'di ni rjes su chags pa'i
 mtshan nyid can nye ba'i snying po'o/ /de nyid rmad du byung ba ni sngon ma byung ba'i phyir ro/ /'di nyid bstan par bya ba'i phyir/ ci nus ci 'dod bzlas pa yi/ /nye ba'i snying po gsang ba'o zhes bya ba la gang zhig 'di ni nus pa dang/ yid kyi mngon par 'dod pa'i bzlas
 pas gsang bas te/ rjes su chags pa'i dngos po nye ba'i snying po bsgrub pa bstan pa de ni rmad du byung ba sgrub pa yin no/ /de ci'i phyir zhe na/ don yod ces bya ba la don yod thogs med gsang ba ni phyag rgya rnams so/ /grub pa ni de dag grub pa'o/ /ji ltar zhe na
 rang bzhin zhes bya ba ste rang bzhin gyis so/ /de bzhin du rjes su chags pa sgrub pa'i rnam pa des bsod nams dang mi ldan pa'i sgrub pa po sdig pa dang ldan pa rnams kyi yang phyag rgya chen po la sogs pa'i rigs thams cad kyi phyag rgya rnams dngos grub
 thams cad sgrub par 'gyur te/ de'i phyir phyag rgya thams cad sgrub pa 'di rmad du byung ba yin no/ /dkyil 'khor du ma zhugs pa rnams la snying po mchog 'di sbyin mi bya'o zhes bya ba la/ rdo rje sems dpa' la sogs pa'i snying po dkyil 'khor
 du ma zhugs pa rnams la sbyin par mi bya'o/ /gsang zhing gsang ba'i rgyud dam ni zhes bya ba la/ yang dpal mchog dang po'i rgyud 'di gsang ba'i dkyil 'khor du ma zhugs pa rnams la bstan par mi bya'o/ /gal te dngos grub
 yid 'ong 'dod ces bya ba la gal te slob dpon des dpal mchog dang po'i dngos grub shin tu yid du 'ong ba 'dod na de'i tshe dkyil 'khor du ma zhugs pa rnams la sbyin par mi bya'o/ /gang gi khyim du gnas gyur pa zhes bya ba la sogs pa ni go
 sla'o// //de ltar dum bu gnyis pa'i rtsa ba'i rgyud bstan nas/ da ni de nyid dang dum bu dang po las gsungs pa'i rtsa ba'i rgyud kyi rtog pa thams cad bsdu ba'i phyir/ sems can thams cad bde don du zhes bya ba la sogs pa gsungs te/ de la
 sems can thams cad kyi bde ba 'jig rten dang 'jig rten las 'das pa ste de'i don du'o/ /de bzhin du bstan pa thams cad ni de bzhin gshegs pa'i bka' phan pa dang bde ba'i don du gnyer ba rnams kyi bya ba 'di yin no zhes bya'o/ /de grub pa
 ni gdul bya rnams kyi de'i rjes su 'brang bas te/ de'i don du 'jig rten gyi khams thams cad kyi rdul phra rab dang mnyam pa'i sangs rgyas thams cad de/ de bzhin gshegs pa rnams byang chub sems dpa' sras dang bcas pas bcom ldan
 'das rdo rje mchog 'dzin pa rdo rje 'chang chen po de la 'di skad ces zhus so/ /bde ba chen po rab grub phyir zhes bya ba ni gdul bya rnams kyis so/ /chags pa chen po rnam dag phyir zhes bya ba ni de dag nyid kyis so/ /rtog pa thams cad bsdus pa'i rgyud/
 sems dpa' chen po bshad du gsol zhes bya ba la rdo rje sems dpa' la sogs pa'i rigs lnga'i rtog pa rnams bsdus pa ni rtog pa thams cad bsdus pa ste/ de dang der bstan pa'i rtog pa la sogs pa sgra thams cad kyi don gdul bya rnams kyis
 gzung ba'i don zhes bya ba'i tha tshig go /de ston par byed pa'i rgyud ni ming gi rnam grangs kyi sgo nas don ston par byed pa'i sgra'i tshogs gsungs shig ces bya ba de bzhin gshegs pa sras dang bcas pa rnams kyis bcom ldan 'das rdo rje 'chang chen po la
 zhus pa'o/ /rnam rtogs med pa'i chos rnams la zhes bya ba nas brtsams te bdag cag rnams la bshad du gsol zhes bya ba'i bar gyis mdor bstan pa'i gzhung gis zhus pa yin no/ /de nas kyi sgra ni de ma thag pa ste de bzhin gshegs pa thams cad
 kyi zhus pa'i rjes thogs nyid la'o/ /sems can thams cad kyi don du de bzhin gshegs pa thams cad kyi rtog pa rnams bsdus pa dris pa'i bka' grub pa'i bstan pa'i don yod par gzigs nas zhal shin tu rnam par bzhad pa'o/ /dam tshig
 chen po thams cad kyi de kho na nyid kyi rdo rje zhes bya ba rnam par gnon pa mdzad nas zhes bya ba la/ dam tshig chen po yang yin la thams cad kyang yin pas na dam tshig chen po thams cad de/ rigs thams cad gnyis su med par shes pa'o/ /de kho
 na nyid kyis ni rigs lnga'i de kho na nyid bcu'i bdag nyid do/ /de nyid de bzhin nyid rdo rje ltar mi phyed pa'i phyir rdo rje ste/ de'i ming can gyi rnam par gnon pa'i rigs lngar sprul pas sems can gyi don mdzad pa ste de mdzad nas 'di zhes bya ba ni thugs
 la gnas pa'i rtog pa thams cad ji lta ba bzhin du shes pa'i rgyud phyi ma ste/ mchog tu gyur pa'i sgra'i tshogs bcom ldan 'das rdo rje 'chang chen pos gsungs pa yin no/ /de la phyag rgya chen po la sogs pa'i rtog pa nges par shes pas
 dngos grub thob par 'gyur ro zhes bya ba'i don na 'di rab tu bstan par bya ba'i phyir/ de la rnam par mi rtog pa'i rtog pa khyab pa'i rgyud 'di yin no/ /zhes bya ba gsungs te de la zhes bya ba'i sgra ni dmigs kyi dkar ba 'am/ ngag nye bar dgod pa la
 blta bar bya'o/ /'di zhes bya ba ni snga ma bzhin no/ /rnam par mi rtog pa ni rtog pa med pa'i ting nge 'dzin te/ de las sngon goms pa'i stobs kyi byung ba'i dkyil 'khor la sogs pa sgrub pa'i rnam par rtog pa ni rnam par mi rtog pa'i rtog
 pa'o/ /de khyab pa ni gdul bya skye bo'i rgyud la so sor gtad pa'i don du sgra'i tshogs ni 'dir khyab pa'i rgyud yin no/ /de bzhin gshegs pa rnams kyis gzung ba dang 'dzin pa'i rnam par rtog pa bral ba'i chos bdag med pa'i ting nge 'dzin ni rnam par mi
 rtog pa'o/ /ni'i sgra ni nges par gzung ba ste rnam par mi rtog pa'i ting nge 'dzin de nyid las so/ /sems can don ni yongs su brtag ces bya ba la phyag rgya chen po la sogs pa'i dngos grub sems can rnams kyi don du gnyer bar byas na sems can gyi
 don no/ /sems can gyi don de yongs su ni phyogs bcu kun tu sangs rgyas bcom ldan 'das rnams kyi rab tu 'jug pas na yongs su brtag par brjod pa yin no/ /yongs su brtag pa'i rgyud de'i phyir/ des na rtog par bshad pa ste zhes bya ba la/ rtog
 pa las byung ba'i rgyud de nyid kyi phyir phyag rgya chen po la sogs pa ston par byed pa'i sgra'i tshogs ni rtog pa zhes bya ste/ de bshad pa ni brjod pa yin no/ /rtog pa yongs su dag phyir ro/ /zhes bya ba la sogs pa gdul bya rnams kyi rnam par rtog
 pa spang ba'i phyir ro/ /'dis ni 'di skad ston par 'gyur te/ sangs rgyas bcom ldan 'das rnams ni rtag tu mnyam par bzhag pa ste/ sngon gyi 'phen pa'i shugs kyi dbang gis bstan pa la 'jug pa yin no/ /slar yang gdul bya rnams
 la ni/ 'di ltar rtog pa 'byung ba yin te/ bcom ldan 'das rnam par rtog cing rnam par dpyad nas tshig tu gsung pa yin gyi/ rnam par rtog pa dang rnam par dpyod pa med pas ni ma yin no/ /de ltar bstan pa'i phyag rgya chen po la sogs
 pa'i sgom pa po rnams rnam par mi rtog pa'i ting nge 'dzin rtogs pa'i phyir slob bzhin pa rnams kyi rnam par rtog pa dang bral ba'i ting nge 'dzin yin no/ /de bas rtog pas yongs su dag pa'i phyir rtog pa bshad pa yin no/ /de ltar phyag rgya chen po la sogs pa'i
 rtog pa shes pa bstan nas/ da ni snying po'i rgyud shes pas dngos grub thob pa yin gyi rnam pa gzhan gyis ni ma yin no zhes bstan par bya ba'i phyir/ de la bde ba chen po zhes bya ba la sogs pa gsungs te/ bde ba chen po rdo rje gsang ba'i dkyil
 'khor ni rigs thams cad kyi dkyil 'khor yin la/ de ston par byed pa'i rgyud ni ma yin te/ sa la yi ge gnas bris nas zhes bya ba la ji ltar bshad pa'i mtshan nyid can gyi dkyil 'khor gyis sa gzhi la/ kha dog dbyibs kyi bdag nyid can gyi
 dkyil 'khor bri bar bya'o/ /ji lta bu yin zhe na/ yi ge'i gnas ni yi ge'i gnas te rten no/ /'gyur ba med pa chos kyi dbyings mngon du byed pa'i thabs so zhes bya ba'i don to/ /bde ba chen po zhes brjod do zhes bya ba la bde ba chen po thob par byed pa'i thabs dang
 bde ba chen po'i rgyu dang 'thun pa dang/ bde ba chen po ston par byed pa nyid kyi phyir/ kha dog dang dbyibs kyi bdag nyid kyi dkyil 'khor de nyid bde ba chen po zhes bya bar brjod pa yin no/ /de'i dam tshig rdo rje zhes bya ba la gang zhig bde ba chen po'i snying po yi ge bcu bdun po
 nyid ni mi phyed pa'i phyir ro/ /rdo rje de nyid rigs thams cad kyi dkyil 'khor de'i dam tshig ni bskyed pa'i rgyu yin no/ /de ji lta bu zhe na/ snying po thams cad sgrub par byed pa'o zhes bya ba la rnam par mi rtog pa'i ye shes byang chub chen po'i mtshan nyid can gang yin
 pa de ni snying po ste/ de las byung ba'i yi ge bcu bdun gyi bdag nyid can nye bar btags pa'i snying po'o/ /de nyid 'jig rten dang 'jig rten las 'das pa'i dkyil 'khor thams cad rdzogs par byed pa nyid kyi phyir thams cad sgrub par byed pa yin no/ /'dis ni/ 
 byang chub chen po'i mtshan nyid can du nges pa'i ye shes ni snying po'o/ /de las byung ba'i sgra'i rang bzhin rigs thams cad kyi dkyil 'khor rnams bskyed pa'i rgyu gang yin pa de yang snying por bstan te/ /de ci'i phyir zhe na/ bskal pa
 bzang po la sogs pa las sngon du thog ma med pa'i ngo bo gnyis su med pa'i ye shes gnas pa yin te de'i phyir yi ge bcu bdun pa'i snying po bar mchams med pa nyid du rigs thams cad kyi dkyil 'khor rnams bskyed par byed pa nyid du gnas pa
 yin no/ /de ltar snying po shes pa'i rgyud bstan nas/ da ni ji ltar sprul pa'i dkyil 'khor shes pas dngos grub thob pa'i don du dkyil 'khor gyi bshad pa'i rgyud bstan pa'i phyir de la zhes bya ba la sogs pa gsungs te/ ji ltar gnas zhes bya ba
 ni ji ltar dkyil 'khor rgyal mchog bsgoms pa'i dus su/ /gzhan 'phrul dbang byed kyi lha'i gnas la sogs pa'i gnas bstan pa de bzhin du skyed mos tshal gyi gnas su dkyil 'khor gnas te rnam par bsgoms la gnas de ru dkyil
 'khor bri bar bya'o/ /ji ltar dus zhes bya ba ni/ rgyas pa'i las ni sngar ro/ /drag po'i las ni nyi ma byed dam mtshan phyed zhi ba la ni srod kyi dus su'o/ /sgrub pa chen po la ni nyi ma 'char ka'i dus su dkyil 'khor bri bar bya'o/ /ji ltar 'jig rten zhes
 bya ba ni dpal rdo rje sems dpa' i rigs su ni sgeg pa'i nyams gtso ba'o/ /de bzhin gshegs pa ni zhi ba'i nyams gtso ba'o/ /rdo rje hUM mdzad ni khro zhing rngam pa ste khro bo'i nyams gtso'o/ /rdo rje 'jigs rten dbang phyug gi ni snying rje'i nyams gtso ba'o/ /
 'phags pa nam mkha' i snying po'i ni khams gsum pa'i chos kyi rgyal srid kyi rang bzhin dpa' ba' i nyams gtso bo ste dgyes shing dgyes pa yin no/ /'dir 'jig rten gyi sgras rigs brjod pa yin te/ 'jig rten de yang gang gi gang yin pa de nyid kyis
 de bri bar bya'o/ /ji lta bu zhes bya ba ni dbyibs la brten nas 'di gsungs pa yin te/ 'jig rten de'i dbyibs ji lta bu yod pa de lta bu kho na dkyil 'khor du bri bar bya'o/ /'khor ni dgod par bya ba ste zhes bya ba la bri ba'i dkyil 'khor cho ga gang du lha rnams kyi gnas kyi
 nges pa bstan ba de bzhin du lha de bri bar bya ste gzhan du ni ma yin no zhes bya ba'i tha tshig go /de ltar dkyil 'khor gyi don gyi rgyud bstan nas/ de ni dkyil 'khor du zhugs pa'i phan yon shes pas kyang dngos grub 'grub par 'gyur ro zhes bstan par bya ba'i phyir/ dkyil
 'khor du zhugs pa'i rnam par smin pa'i rgyud ces bya ba gsungs te/ rigs thams cad kyi dkyil 'khor du zhugs na bsod nams dang ye shes kyi tshogs gdul bya rnams la gang 'byung ba de ni rnam par smin pa zhes brjod de phan yon zhes bya ba'i don to/ /
 rdo rje sems sogs sems dpa' i zhes bya ba la/ rdo rje sems dpa' gang la yod pa de ni rdo rje sems dpa' la sogs pa'i sems dpa' rnams te/ rdo rje yid las byung ba nas brtsams te rin chen dril bu'i mthar thug pa'i rigs lnga'i lha rnams so/ /de rnams
 kyi 'khor dang bcas te tshe dkyil 'khor du zhes bya ba la/ 'khor dang lhan cig tu zhugs pas na 'khor dang bcas pa ste rdo rje sems dpa' la sogs pa'i dkyil 'khor ro/ /chos kyi longs spyod kyi phyir sprul pa'i 'khor dang bcas pa dkyil 'khor der
 de tshe ste de'i dus su ji ltar skal ba dang ldan pa rnams bzhugs pas/ bsod nams kyi tshad ji tsam 'byung ba'i tshad de tsam dang mtshungs pa nyid kyi bri ba'i dkyil 'khor 'dir de ltar zhugs kyang 'byung ba yin no/ /de ltar dkyil 'khor du zhugs pa'i 'bras bu
 gdul bya'i skye ba rnams spros par bya ba'i phyir bstan nas/ da ni rigs thams cad kyi 'khor lo'i khyad par shes pas kyang dngos grub 'byung ba yin no zhes rab tu bstan par bya ba'i phyir/ de nas rigs thams cad 'khor lo'i rgyud ces bya ba/ rigs thams
 cad kyi 'khor lo'i khyad par shes pa'i rgyud gsungs pa yin te/ rigs thams cad kyi 'khor lo ni dkyil 'khor te/ de rnams kyi khyad par ni gsal ba'i dbye ba'o/ /rdo rje 'khor lo bstan bzhin bya ba la/ rdo rje sems
 dpa' dang/ de bzhin gshegs pa dag gi dkyil 'khor ni/ rdo rje 'khor lo ste sngar bri ba'i cho gar gnyis po'i kha dog dang dbyibs kyi bdag nyid ji ltar bshad pa de bzhin du gzung bar bya'o/ /lcags kyi 'khor lo dam pa ste zhes bya ba la
 dkyil 'khor dam pa ni phul du byung ba ste nang gi dkyil 'khor ni lcags kyi bri bar bya'o/ /de gang yin zhe na/ 'bar ba'i 'khor lo zhes bya ba la rab tu dga' ba'i rdo rje khro bo'i nang gi rim pa gang yin pa de 'bar ba'i 'khor lo ste/ lcags
 kyi yin no zhes bya ba'i don to/ /de bzhin du pad+ma 'dab brgyad ces bya ba la ji ltar sngar bshad pa'i mtshan nyid can gyi rdo rje sems dpa' dang/ de bzhin gshegs pa dag gi dkyil 'khor du gsungs pa de bzhin du mtshan nyid de nyid kyi rdo rje 'jig
 rten dbang phyug gi dkyil 'khor pad+ma 'dab ma brgyad pa shes par bya'o/ /nor bu che zhes bya ba 'phags pa nam mkha' i snying po'i nang gi dkyil 'khor zur brgyad pa'i nor bu chen po'i rang bzhin du shes par bya'o/ /de ltar 'khor lo'i khyad par shes
 pa bstan nas/ da ni dkyil 'khor thams cad kyi sgrub par shes pas dngos grub 'byung ba yin no zhes bstan par bya ba'i phyir de nas dkyil 'khor thams cad bsgrub pa'i rgyud ces bya ba gsungs te/ dkyil 'khor thams cad ni ji ltar bshad pa
 bzhin te/ de rnams bsgrub pa mi rdzogs pa'i rgyu'o/ /dkyil 'khor brtag par byas nas ni zhes bya ba ji lta ba bzhin du dkyil 'khor bris te yang dag par mchod la nang go rim pas 'jug bya ste/ zhes bya ba la 'jug pa'i chos dkyil 'khor
 du zhugs nas/ dkyil 'khor gyi bdag nyid chen po ste gtso bo la/ dza(rgyud 'grel nas rdo rje sems dpa' nyid bshad pa'i rgyud ces bya ba gsungs te/ rdo rje sems dpa' dngos po ni rdo rje sems dpa' nyid do/ /de'i bshad pa'i rgyud 'di yin te sangs rgyas la sogs sems can kun zhes bya ba la/ 'jig rten dang 'jig rten las 'das
 pa'i sems can kun zhes bya ba la/ 'jig rten dang 'jig rten la 'das pa'i sems can thams cad kyi dang por sangs rgyas gang la yod pa de ni sangs rgyas la sogs sems can kun te/ sangs rgyas la sogs pa'i sems can thams cad
 do/ /de rnams ni thams cad nyid ni thams cad kyi sems kyi ngo bo'o/ /de gang yin zhe na/ bcom ldan 'das rdo rje 'chang chen yin la/ thog ma tha ma med pa'i chos kyi dbyings kyi rang bzhin can bcom ldan 'das rdo rje 'chang chen pa'o/ /mchog
 ces bya ba ni phul du 'byung ba ste/ kun gzhi rnam par shes pa la sogs pa'i sems can ni don dam par thog ma nas ma skyes pa'i phyir zhes bya bar dgongs so/ /sems can 'byung phyir sems dpa' ste zhes bya ba la/ thog ma tha ma med pa'i chos kyi
 dbyings kyi ngo bo bcom ldan 'das rdo rje 'chang chen po de la rigs lnga'i rang bzhin can gyi sems can rnams sngon goms pa'i stobs kyis sems can thams cad kyi bsam pa yongs su rdzogs par byed par 'byung ba yin te de'i phyir nye bar btags nas
 sems dpa' zhes brjod pa yin no/ /rdo rje sems dpa' ni mi phyed pa'o/ /rab tu grags pa ni rdo rje 'chang gis rab tu bstan pa yin no/ /de ltar rdo rje sems dpa' bshad nas/ da ni dam tshig chen po'i de kho na nyid shes na dngos grub thob par 'gyur
 ro zhes bstan par bya ba'i phyir/ dam tshig chen bo'i de kho na'i rgyud ces bya ba gsungs te/ dam tshig kyang yin la chen po yang yin pas dam tshig chen po ste/ thog ma tha ma med pa'i chos kyi dbyings kyi rang bzhin thams
 cad la khyab pa'i phyir/ rdo rje 'chang chen po'i de nyid yin no/ /de'i de kho na nyid ni rab tu dga' ba'i kun tu bzang po nyid do/ /thog ma tha ma med pa'o/ /zhes bya ba la sogs pa ni bshad zin to/ /khams gsum pa'i chos nyid dang/
 khams gsum pa sprul pa mthong bas 'khor ba'o/ /de bzhin mya ngan 'das zhes bya ba ni nyan thos dang rang sangs rgyas dang/ de bzhin gshegs pa'i mya ngan las 'das pa'i rang bzhin nyid yin pa'i phyir don dam pa ste/ de'i phyir mya
 ngan las 'das pa'i/ /de ltar dam tshig chen po'i de kho na nyid kyi bshad pa'i rgyud bstan nas/ da ni thog ma tha ma med pa nyid shes pas dngos grub thob par 'gyur ro zhes bstan par bya ba'i phyir/ thog ma dang tha ma med pa nyid bshad pa'i
 rgyud ces bya ba gsungs te/ thog ma dang tha ma med pa'i dngos po ni thog ma dang tha ma med pa nyid de/ thog ma dang tha ma med pa nyid ni dang po nas ma skyes pa'i 'dus byas thams cad do/ /de nyid bshad par bya ba ni nam mkha' 'byung ba chen po'i
 gnas zhes bya ba gsungs so/ /nam mkha' i skye ba zhes bya ba ni rtsig pa la sogs pa zhig pa nam mkha' skye ba ste/ rdzas thams cad med pa'i mtshan nyid can no/ /ci'i phyir zhe na skye med phyir zhes bya ba la/ skye ba med pa ni skye ba med pa ste/ rgyu
 de'i phyir rtsig pa la sogs pa zhig pa nyid nam mkha' i skye ba ste/ nam mkha' i rdzas ma yin pa'i phyir ro/ /rdo rje sems dpa' de bzhin no zhes bya ba la/ ji ltar rtsig pa la sogs pa rnam par zhig pa ni nam mkha' skye bar 'dogs pa de bzhin du rnal
 'byor pa las ma byung ba'i kun tu brtags pa 'jigs pa ni rdo rje sems dpa' skye zhes 'dogs pa yin no/ /de ltar thog ma dang tha ma med pa nyid bstan nas da ni rab tu dga' ba nyid shes pas kyang dngos grub thob bo zhes bstan pa'i phyir/ de nas bcom
 ldan 'das kyis rab tu dga' ba nyid kyis bshad pa'i rgyud ces bya ba gsungs te mi gnas pa'i mya ngan las 'das pa'i rang bzhin can/ bskal pa bzang po la sogs pa las kyang sngar gnas pa'i rnal 'byor pas/ rdo rje lha mo tshogs kyi nang du bde
 ba thams cad nyams su myong zhing bzhugs pa'i bcom ldan 'das rdo rje sems dpa' ni rab tu dga' ba ste de'i dngos po ni rab tu dga' pa nyid do/ /rab tu dga' phyir nyon mongs te zhes bya ba la bud med dang skyes pa dag gi dbang po gnyis snyoms par zhugs
 pa las byung ba'i bde ba dang yid bde ba'i khyad par ni rab tu dga' ba'o/ /de'i don du 'gro ba thams cad ste chags pa dang bcas pa'i sems can gyi khams nyon mongs par 'gyur ro/ /de khyad par ci dang ldan pa yin zhe na/ bde ba 'dod pa zhes bya ba ni
 'gro ba de dag thams cad bde ba 'dod pas tshol khro'i sdus bsngal gyis nyon mongs par 'gyur ro/ /de la zhes bya ba'i ni 'gro ba der ro/ /bde ba rnam dag phyir zhes bya ba ni bde ba rnam par dag pa'i don du'o/ /bskal pa bzang po la sogs pa las snga rol
 du lha mo'i tshogs kyi nang na bzhugs pa thog ma dang tha ma med pa'i bcom ldan 'das rdo rje sems dpa' skye ba yin te/ 'dod pa'i khams kyi dbang phyug la sogs pa 'dul bar mdzad pa'i phyir rdo rje 'dod pa'i khams kyi dbang phyug gi gzugs su skye ba yin no/ /
 de nas de'i gzugs mthong bas 'dod ba'i khams kyi dbang phyug ye shes 'bab pa thob nas sa brgyad dbang phyug tu grub ste/ de'i phyir bcom ldan 'das 'dod pa'i khams kyi dbang phyug thob par 'dod pa gzhan dag kyang 'dul bar mdzad pa'i phyir/
 rdo rje 'dod pa'i dbang phyug gi gzugs su phyi ma'i mdza' i bar du 'khor bar bzhugs pa yin no/ /de ltar bcom ldan 'das kyi rab tu dga' ba nyid bstan nas da ni de snying po'i de kho na nyid shes pas dngos grub thob par 'gyur
 ro/ /zhes bstan par bya ba'i phyir/ de nas dang po'i snying po de kho na nyid bshad pa'i rgyud ces bya ba gsungs te/ dang po yang yin la snying po yang yin pas dang po'i snying po ste yi ge hUM ngo/ /de'i de kho na nyid ni 'dod pa can thams cad bsad par
 byed pa'i las so/ /chags pa kun nas chags pa che zhes bya ba la chags pa yang yin la kun kyang yin pas chags pa kun te/ rdo rje sems dpa' la sogs pa rnams kyi thabs dang shes rab kyi rang bzhin nyid do/ /chags pa kun
 de nyid las chags pa che ba ste/ snying po 'byung ba yin no/ /de las ji lta bu dang ldan pa yin zhe na/ 'dod ldan thams cad sad par byed ces bya ba la/ dngos grub thams cad 'dod pa ni 'dod ldan thams cad do/ /de sad pa ni rab tu
 gsal bar byed pa'o/ /chags pa 'bar ba dri za'i snying po zhes bya ba la chags pa ni rdo rje sems dpa' ste/ chags pa dam tshig rab tu bshad ces 'og nas gsungs pa'i phyir ro/ /de 'bar ba ni sgrub pa po'i rgyud la mngon du 'gyur bar
 byed pa ste/ de'i don du dri za'i snying po ni glu'i snying po ste yi ge hUM yin no/ /zhes bya ba'i don to/ /de gang gi snying po yin zhe na/ phyag na rdo rje zhes bya ba ste rdo rje 'chang gi'o zhes bya ba'i tha tshig go /da ni yi ge hUM gi glu blang ba shes pas dngos grub
 thob par 'gyur ro zhes bstan pa'i phyir de nas yi ge hUM gi glu blang ba'i rgyud ces bya ba gsungs te/ yi ge hUM nyid glu ste yi ge hUM gi glu'o/ /de'i glu blang ba ni drug ldan la sogs pa'i glu rnam pa rnams kyi mngon par 'dod pa'i don bsgrub pa'i
 phyir bzlas pa'o/ /glu las chags pa zhes bya ba ni yi ge hUM dang bcas pa'i glu'i bzlas pa las rdo rje sems dpa' la sogs pa'i yul la chags pa ni zhen pa'o/ /zhen pa de las dga' ba skye ba'o/ /dga' ba las 'dod pa ste/ rdo rje sems dpa' 
 la sogs pa'i bsgom pa las byung ba'i bde ba dang yid bde ba ni 'dod pa'o/ /rab tu dga' ba las thams cad 'byung zhes bya ba ni rdo rje sems dpa' la sogs pa'i sgom pa las byung ba'i bde ba dang/ yid bde ba'i bdag nyid kyi rab tu dga' ba de las
 rigs thams cad 'byung bas yin no/ /thams cad 'byung bar grub pa'i phyir/ bskal pa'i dang por bcom ldan 'das su zhes bya ba la/ rigs thams cad 'byung ba ni skye ba ste/ de grub pa ni gdul bya'i skye bo'i rgyud la rdzogs pa'o/ /de'i don
 du bskal pa bzang po'i dang por bcom ldan 'das rdo rje 'chang chen pos yi ge hUM gi zhes bya ba'i snying po gsungs pa yin no/ /de ltar yi ge hUM gi glu blang ba'i rgyud bstan nas/ da ni yi ge hUM gi glu'i bzlas pa'i don shes pas dngos grub thob pa yin
 no zhes bstan pa'i phyir/ de nas yi ge hUM gi bzlas pa'i don gyi bshad pa'i rgyud ces bya ba gsungs te yi ge hUM gi bzlas pa'i don ni rjes su chags pa ste de ston par byed pa'i rgyud bcom ldan 'das kyis gsungs pa'o/ /myur du thams cad rjes
 su chags pas zhes bya ba la/ thams cad ni rdo rje sems dpa' la sogs pa ste/ de rjes su chags pa ni yang dang yang du mngon du gyur pa'o/ /thams cad rjes su chags pa de las myur du rdo rje sems dpa' la sogs pa'i dngos grub thams cad rjes
 su chags pa ni sgrub pa po'i mngon du gyur pa yin no/ /rjes su chags par byed mchog ni zhes bya ba la/ ji ltar bzhugs pa'i thabs dang shes rab kyi rang bzhin can rdo rje sems dpa' la sogs pa'i sku yang dang yang du rjes su chags par byed
 pa ni bdag gi mngon sum du byed pa yin no/ zhes bya ba de lta bu'i mchog ni phul du byung ba ste snying po'i yi ge hUM bzlas pa'i don yin no/ /ni'i sgra ni nges par bzung ba ste snying po'i bzlas pa'i don 'di nyid mchog tu gyur pa yin
 gyi gzhin ma yin no zhes bya ba'i don to/ /de ltar yi ge hUM gi glu'i bzlas pa'i don bstan nas da ni rdo rje sems dpar shes pas dngos grub thob pa yin no zhes bstan par bya ba'i phyir/ de nas rdo rje sems dpar 'byung ba'i bshad pa'i rgyud ces bya ba gsungs
 te glu rnams zhes bya ba la sogs pa la/ ji ltar glu rnams khro bo'i rnam pa can gyi sems rtse gcig pa nyid kyi mthu las/ rdo rje thogs rdzogs pa'i blos rdo rje thog bstan par gyur pa 'bebs pa de bzhin du rdo rje bsdus pa'o zhes bya ba la chos
 bdag med pa'i ting nge 'dzin chos thams cad rang bzhin med pa'i spyod pa'i sems rtse gcig pa'i ngo bos de bzhin gshegs pa lnga'i ye shes lnga'i rtse mo mi phyed pa can gyi sems bsdus par brtag pa ni rdo rje sems dpa' nyid du 'gyur ro/ /
 de ltar sems rdo rje nyid du bstan nas da ni rdo rje sems dpa' 'byung ba shes pas dngos grub thob par 'gyur ro zhes bya ba bstan pa'i phyir/ de nas rdo rje sems dpa' 'byung ba shes pa'i rgyud ces bya ba gsungs te/ rdo rje sems dpa' 'byung ba
 ni skye ba ste/ rnal 'byor pa'i rgyud la shes pa gang las 'byung ba de ni rdo rje sems dpa' i 'byung ba shes pa'o/ /sems dpa' ni rdo rje sems dpa' o/ /ni'i sgra ni gang gi phyir zhes bya ba'i tha tshig go /thams cad bdag nyid ces bya ba la
 thams cad ni de bzhin gshegs pa la sogs pa'i sems can rnams te/ /de'i bdag nyid ni thams cad kyi bdag nyid de thams cad sems dang sems las byung ba'i rang bzhin can no zhes bya ba'i don to/ /bdag gi bdag nyid
 la yang gnas zhes bya ba la/ bdag gi sems dang sems las byung ba la yang de'i bdag nyid rjes su zhugs te tha mi dad pa'i tshul gyis thog ma dang tha ma med pa'i chos kyi ngo bo nyid du gnas pa yin no/ /rdo rje sems dpa' dngos su 'dir
 zhes bya ba la dngos su lhag pa'i bsam pa'i stobs kyi rdo rje dang dril bu 'dzin pa'i bcom ldan 'das rdo rje sems dpa' rnal 'byor pa 'di la bzhugs pa ste/ gzung ba'i cha'i dngos po ting nge 'dzin la tha mi dad par 'gyur zhing myur du bzhugs pa
 yin no/ /rdo rje sems dpa' de ji lta bu yin zhe na/ thams cad la bzhugs zhes bya ba la/ sems can thams cad kyi rgyud la bzhugs pa'o/ /de ltar rdo rje sems dpa' 'byung ba'i shes pa'i rgyud bstan nas/ da ni de bzhin gshegs
 pa 'byung bar shes pa sangs rgyas nyid thob pa yin no zhes rab tu bstan pa'i phyir/ de nas de bzhin gshegs pa'i rgyud ces bya ba gsungs te/ 'dod las chags pa zhes bya ba gzugs dang/ sgra dang/ dri dang/ ro dang/ reg bya rnams ni 'dod pa de la
 chags pa ste yul la chags pa'o/ /dga' las bde zhes bya ba la 'dod pa la brten pa dga' ba'i sems las 'khor ba'i sems can rnams la bde ba 'byung ba'o/ /bde ba las sdig pa zhes bya ba rdo rje sems dpa' lta bu'i mthu ni gzi
 brjid chen po'o/ /de dag 'phel ba ni gong nas gong du 'khor ba ji srid kyi bar du 'jug pa yin no/ /de ji ltar zhe na/ bde ba chen po rdo rje'i gzugs kyi gzi brjid kyis so/ zhes bya ba la/ bde ba chen po rdo rje gzugs kyi gzi brjid ni rdo rje sems dpa' 
 ste de'i phyag rgya gang yin pa de ni bde ba chen po'i rdo rje'i gzugs kyi gzi brjid do/ /de bzhin du thams cad byas la/ dang po'i rdo rje dbus ma dang mthe bo dang mthe'u chung rnams kyi rtse mo'i tshul du byas te/ rang gi gdong yongs su sbyangs la phyag
 rgya rang gi gdong du dgrol bar byas te/ rang gi gdong la rab tu bzhugs pa'i bcom ldan 'das rdo rje sems dpa' yang lus thams cad khyab cing rdo rje sems dpa' nyid du gyur par bsam par bya ste/ de ltar na gzugs
 chen po dang/ gzi brjid 'phel bar 'gyur ro/ /'du byed thams cad 'phel ba zhes bya ba la/ 'du byed kyang yin la chen po yang de nyid yin pas na 'du byed phung po ste/ dpal rdo rje sems dpa' i brtson 'grus kyi pha rol tu phyin pa'i rang bzhin 
 can gyi 'du byed kyi phung po'o/ /de 'phel ba ni snga ma bzhin no/ /de ji ltar zhe na/ bde ba chen po'i rdo rje 'du byed chen pos so zhes bya ba la/ bde ba chen po'i rdo rje 'du byed chen po ni don yod grub pa'i rang bzhin can gyi rdo rje sems dpa' 
 ste de'i phyag rgya gang yin pa ste de ni bde ba chen po'i 'du byed chen po'o/ /'dis ni 'di skad 'chad par 'gyur te/ de bzhin du dpal rdo rje sems dpa' i rnal 'byor gyi cho ga thams cad rjes su spyad la dang po'i rdo rje bcings te/ rang gi lus
 thams cad du bskor bar bya'o/ /de nas bdag nyid de bzhin gshegs pa don yod grub par bsgom zhing snying gar phyag rgya dgrol bar bya'o/ /'jig rten gyi khams thams cad kyi rdul phra rab dang mnyam pa'i de bzhin gshegs pa'i
 don yod grub pa'i sku rnams rang gi snying gar gzhug par bya ste/ de ltar na 'du byed chen po thams cad 'phel bar 'gyur ro/ /sems can thams cad kyi bdag nyid thams cad bsrung bar bya ba la/ sems can yang yin la
 thams cad kyang de nyid yin pas sems can thams cad de/ de rnams kyi bdag nyid ni sems can thams cad kyi bdag nyid de/ phung po lnga'i rang bzhin gyi bdag nyid kyi dngos po'o/ /de thams cad bsrung ba ni thams cad bsrung ba'o//
 de ji ltar 'gyur zhe na/ bde ba chen po'i rdo rje bsrung bas so zhes bya ba la bde ba chen po'i rdo rje bsrung ba ni/ rdo rje sems dpa' i gtsug tor gyi gzungs dang ldan pa'i rdo rje sems dpa' ste/ de'i phyag rgya gang yin pa de ni bde ba chen po'i rdo rje bsrung ba'o/ /
 de bzhin du dpal rdo rje sems dpa' i rnal 'byor byas la dang po'i rdo rje bcings te/ bsrung bar bya ba'i sems can dang yid kyis gcig tu byas la/ rdo rje sems dpa' i cod pan gyi rang bzhin can du bdag nyid bsgom zhing dang po'i rdo rje spyi bo'i phyogs su
 gzung bar byas te/ de ltar na sems can thams cad kyi bdag nyid thams cad bsrung bar 'gyur ba yin no/ /phyogs thams cad dang/ mtshams dang/ dkyil 'khor bcing ba ni bshad zin to/ /de ji ltar 'gyur zhe na/ bde ba chen po rdo rje
 bskor bas so zhes bya ba la/ de bzhin du dpal rdo rje sems dpa' i rnal 'byor gyis dang po'i rdo rje bcings te/ phyogs bcing ba'i bsam pas phyogs bcur bskor bar byas na phyogs thams cad rdo rje 'bar ba rnams kyi bar mtshams med par khyab
 par 'gyur ba yin te/ de ltar na phyogs thams cad bcing bar 'gyur ba yin no/ /de nyid mtshams bcing ba'i tshul gyis bskor bar bya ste/ de ltar na rdo rje'i mtshams bcing bar 'gyur ro/ /de nyid dkyil 'khor bcing ba'i tshul gyis bskor
 bar bya ste/ de ltar na dkyil 'khor bcings par 'gyur ro/ /de ltar byas par ci 'gyur zhe na/ thams cad rdo rje khro bo'i ngo bo nyid rdo rje khro bo'i rgyal po chen po ni rdo rje hUM mdzad de des kyang zhugs par mi nus shing mi phyed par 'gyur ro/ /sdig pa thams
 cad bsrung ba zhes bya ba la sdig pa yang yin la thams cad kyang yin pas na sdig pa thams cad de/ sems can thams cad la 'tshe bar byed pa'i bdud kyi lus can gyi lha'i gzugs so/ /de rnams las thams cad du bsrung bas na
 sdig pa thams cad bsrung ba ste/ 'dod chags la sogs pa'i nyon mongs pa dang/ nye ba'i nyon mongs pa rnams las rang gi sems bsrung ba'o/ /de ji ltar 'gyur zhe na/ bde ba chen po rdo rjes byin gyis brlabs pas
 so zhes bya ba la/ de bzhin du rdo rje sems dpa' i rnal 'byor byas la/ dang po'i rdo rje bcings te/ go cha bcing ba'i bsam pas snying gar bzhag la sems kyis rgyu ba dang/ de nas dpung pa gnyis dang/ spyi bo dang dpral bar bzhag la rdo rje
 khu tshur gnyis kyi phreng ba bcings te/ /snying ga'i phyogs su rdo rje khu tshur gnyis kyi go cha bcing bar bsam par bya'o/ /de bzhin du mgrin pa'i steng dang/ slar yang snying ga dang/ de nas nu ma'i bar dang/ slar yang snying ga dang/ de nas mgrin
 pa'i steng dang/ dpral ba'i steng dang/ de nas snying gar bcing ba'i tshul gyis rna ba gnyis kyi steng du nam mkha' lding gi gshog pa byas la mthar dar dpyangs su byas te 'di ni bde ba chen po rdo rje byin gyis brlabs pa ste 'dis sdig pa thams cad las
 bsrung bar 'gyur ro/ /bdag nyid kyis dngos po thams cad dam/ gzhan dag rdo rjer byed pa zhes bya ba ni go sla'o/ /de ji ltar 'gyur zhe na/ bde ba chen po rdo rje go chas so zhes bya ba la/ de bzhin du dpal rdo rje sems dpa' i rnal 'byor byas la
 dang po'i rdo rje bcings te/ rdo rje bsrung bar bdag nyid bsams nas bdag nyid go cha'i bsam pa 'am/ gzhan bsrung ba'i bsam pas phyag rgya de snying ga 'am/ dpral ba 'am spyi bo'i phyogs su gzung bar bya ste/ de ltar na bdag nyid kyi dngos po
 thams cad dam/ gzhan dag gi rdo rje nyid du byed par 'gyur ro/ /'thab mo thams cad las rnam par rgyal ba zhes bya ba la/ mchog dang mchog ma yin pa'i 'thab mo kun las rnam par rgyal ba ni 'thab mo thams cad las rnam par rgyal
 ba'o/ /de ji ltar zhe na bde ba chen po'i rdo rje rgyal mtshan mchog gi dpung rgyan gyis so zhes bya ba la/ de bzhin du dpal rdo rje sems dpa' i rnal 'byor byas la/ dang po'i rdo rje bcings te gyen du drangs la sor mo dbus ma gnyis dar gyi ba dan gyi tshul gyis gzung bar bya
 ste/ phyag rgya bcing ba de las kyang yan lag bzhi'i dpung gi tshogs spros la de yis pha rol gyi dpung bsad par bya ste/ de ltar na 'thab mo kun las rnam par rgyal bar 'gyur ba yin no/ /'thab mo bsrung ba zhes bya ba la/ 'thab mo thams cad las bdag nyid kyi
 dpung bsrung ba ni/ 'thab mo bsrung ba'o/ /de ji ltar zhe na/ bde ba chen po'i rdo rje gzhan gyis mi thub pas so zhes bya ba la/ de bzhin du dpal rdo rje sems dpa' i rnal 'byor byas la dang po'i rdo rje bcings te/ bdag nyid 'phags pa byams par rnam par bsam
 la byams pa'i go cha lus thams cad byugs shing des bsrung bar bya ste de ltar na 'thab mo las bsrung par bya ste/ de ltar na 'thab mo las bsrung bar 'gyur ro/ /pha rol gyi dpung thams cad gzhig pa ni go sla'o/ /ji ltar zhe na/ bde ba chen po rdo rje
 'jigs par byed pas so zhes bya ba la de bzhin du dpal rdo rje sems dpa' i rnal 'byor byas la dang po'i rdo rje bcings te bdag nyid zhal gyi mche pa rnam par gtsigs pa'i rdo rje gnod sbyin du rnam par bsams la 'jigs par byed pa'i lta bas blta zhing
 steng du kha bltas pas khro bo'i bzhad pa bya ste/ steng du kha blta ba'i phyag rgya rang gi khar gzung zhing rang gi kha las kyang rdo rje gnod sbyin srin po ro langs rnams spros la de rnams kyis gzhan gyi dpung bza' bar bya ste de ltar na gzhan gyi dpung thams cad
 'jig par 'gyur ro/ /gzhan gyi dpung thams cad nyams pa zhes bya ba la sogs pa la/ nyams pa ni dman pa ste stobs chung ba nyid du byed pa'o/ /de nyid las gzhan zil gyis gnon pa bskyed pa ni ldang ba'o/ /rgyas btab pa ni thams cad snying
 ga'i zla ba rnams la 'bar ba'i rdo rje bskyed pa'o/ /ltung ba ni go sla'o/ /bsad pa ni bya ba byed pa med pa dang/ shin tu bsad pa'o/ /de dag thams cad ji ltar 'gyur zhe na/ bde ba chen po'i rdo rje glog bskor bas so/ /zhes bya
 ba la de bzhin du dpal rdo rje sems dpa' i rnal 'byor byas la dang po'i rdo rje bcings te bdag nyid drag po chen po'i bdag po rdo rje hUM mdzad zhal bzhi pa phyag brgyad pa rdo rje'i rigs spro ba'i tshul gyis bzhugs par rnam par bsams la/
 dang po'i rdo rje mthe'u chung dang/ mthe bo dag gis 'bar ba bzhi pa'i tshul byas la/ khro zhing gzhan gyi dpung mngon pa'i phyogs su gtor bar bya ste/ phyag rgya gtor ba las rdo rje ro langs la sogs pa spros te de rnams kyis gzhan gyi dpung
 nyams pa 'am ldang ba'am rgyas gdab pa'am/ ltung ba 'am/ bsad par bsam par bya ste/ de ltar na ji lta ba bzhin du bsam pa gang yin pa de 'grub par 'gyur ro/ /rigs thams cad la sogs pa dang/ nad thams cad dang/ nad chen
 po zhi ba zhes bya ba la/ rims thams cad ni sman gyi bstan bcos la ji ltar grags pa'o/ /nad thams cad ni skyar bab la sogs pa'i nad do/ /nad chen po ni gcod chen po la sogs pa'o/ /de rnams zhi ba ni 'jig pa'o/ /de ji ltar
 'gyur zhe na/ bde ba chen po'i rdo rje blta bas 'phrog pas so zhes bya ba la/ dpal rdo rje sems dpa' i rnal 'byor byas la dang po'i rdo rje rang gi snying gar bcings te/ zhi ba'i lta bas de'i dbus ma rdo rje'i rtse mo 'phrog cing rims nad
 thams cad la sogs pa 'phrog par byed pa yin no/ /bdag nyid 'phags pa gtsug spyod kyi rang bzhin du bsams la/ bcom ldan 'das 'phags pa gtsug spyod kyis kyang/ nad pa'i spyi bo nas rkang pa'i bar du gang bar bsam par bya'o/
 de ltar na rims thams cad dang nad thams cad nad chen po zhi bar 'gyur ro/ /dug thams cad gzhig par bya ba la ni mi snang bar bya ba'o/ /dug thams cad kyi nus pa 'phrog pa ni dug med par bya ba'o/ /de ji ltar 'gyur zhe na/ bde ba chen
 po'i rdo rje lta bas 'phrog pas so zhes bya ba la dang po'i rdo rje bcings nas byams pa'i lta bas 'phrog par bya'o/ /'di ltar ston par 'gyur te/ de bzhin du dpal rdo rje sems dpa' i rnal 'byor byas la byams pa'i lta bas blta zhing dang po'i rdo rjes
 dug 'phrog par bya'o/ /bcom ldan 'das rdo rje sems dpa' zla ba'i sku mdog can gyis kyang dug thams cad bdud rtsir gyur par bsam par bya ste/ de ltar na dug thams cad 'jig pa dang dug med par 'gyur ro/ /gdon thams cad dgrol bar
 zhes bya ba la/ rig pa mchog las gsungs pa'i gdon bco brgyad ni gdon thams cad de/ de rnams bkrol ba ste gdon thams cad bkrol ba ste gdon thams cad kyi gzung ba rnams gsol ba zhes bya ba'i tha tshig go /ji ltar 'gyur zhe na/ bde ba chen po rdo rje
 'byung po bskrad pas so zhes bya ba la/ de bzhin du rdo rje sems dpa' i rnal 'byor byas te dang po'i rdo rje bcings la 'phags pa stobs po che dbu stong dang/ phyag stong mnga' bar bdag bsams la des bsgrub bya la dbab par bya'o/ /bsgrub bya'i
 snying ga na bzhugs pa'i bcom ldan 'das 'phags pa stobs po ches kyang bsgrub bya kun tu gang bar byas nas/ dang po'i rdo rje dbus ma'i rtse mos gdon blangs te/ gdon dgrol ba'i bsam pas dang po'i rdo rje zhu nas dgrol bar bya ste/ de ltar
 na gdon thams cad las grol bar 'gyur ro/ /ma mo dang mkha' 'gro ma dang gdon thams cad ni shes par zad do/ /de rnams dgrol ba chen po ni bsgrub bya'i lus las shin tu 'jig pa'o/ /de rnams nyid kyi 'thab pa sngags dang phyag rgya dag gis
 'joms pa'o/ /de dag nyid kyi sems can gang gis snying gton nas zos pa de las gzhan gyi snying bcug pa ni 'byung ba'o/ /de nyid kyi bsad pa'i sems can ni shi ba ste de gso ba ni shi ba gso ba ste/ slar yang srog byin pa'o/ /
 de nyid las srog byin nas sngar sngon gyi bsags pa'i tshe'i bar chod med pa nyid du gong nas gong du rab tu 'jug pa ni tshe 'phel ba'o/ /ma mo dang mkha' 'gro ma dang/ gdon thams cad kyis de zil gyis non par mi 'gyur ba nyid ni shin tu bsrung?
 ba'o/ /de ji ltar bya ba yin zhe na/ bde ba chen po'i rdo rje'i phyag rgya'i lan gyis so zhes bya ba la/ dpal rdo rje sems dpa' i rnal 'byor byas la sngar bshad pa'i mtshan nyid can gyi dpal he ru kar bdag nyid rnam par bsams la dang po'i rdo
 rjes yongs su bskor te/ mthe bo'i rtse mo dag gis mdzod spu'i phyogs su bzung bar bya'o/ /de nas sor mo dbus ma gnyis bskyod par bya'o/ /dpal he ru ka 'khor dang bcas pas bsgrub bya'i lus la zhugs te/ ma mo dang mkha' 'gro ma
 dang/ gdon thams cad za bar 'gyur bar bsam par byas te/ de ltar na ma mo dang/ mkha' 'gro ma dang/ gdon thams cad las grol bar 'gyur ba yin no/ /'thab pa 'gyur ba de rnams kyi sngags dang phyag rgya dag gi dbus ma'i rdo rje rtse mo
 las 'bar ba'i rdo rje rnams spros te de rnams kyi steng du yid kyis dbab par bya ste/ de ltar na 'joms par 'gyur ro/ /de bzhin du dbus ma'i rtse mo gnyis bskyod par byas shing dpal he ru ka 'khor dang bcas pa snying bton pa'i lus la bcug ste
 de'i 'bad pa'i lcags kyu rnams kyi mkha' 'gro ma dang gdon rnams la snyeng? bkug la sgrub par bya ba'i lus la rab tu bcug par bya ste/ de ltar na snying gzhan yang 'byung bar 'gyur ro/ /de bzhin bdag nyid dpal he ru kar rnam par bsams la/ dbus ma'i rtse
 mo gnyis bskyed cing dpal he ru ka'i sgrub bya'i lus la rab tu bcug ste bya ba med par 'gyur ba'i bsgrub bya ldang du bcug ste/ de ltar na 'chi ba gso ba'o/ /de ltar srog byin la tshe 'phel ba'i bsam pas snying gar dpal rdo rje sems dpa' bsam zhing de
 nyid spyi bor yang bdud rtsi 'dzag par bsam par bya ste/ de ltar na tshe 'phel bar 'gyur ro/ /de bzhin du dbus ma'i rtse mo bskyod cing bsgrub bya'i snying gar rdo rje bsam par bya ste/ de ltar na shin tu bsrungs par 'gyur ro/ /thams cad dbab pa ni rgyu ba dang mi rgyu ba
 thams cad dbab pa'o/ /g.yo ba ni de nyid rang gi gnas nas bskyod pa'o/ /'chi ba ni de nyid rdo rje lcags kyu'i lu gu rgyud kyis so/ /gar ni de nyid gar byed du bcug pa'o/ /glu ni glu len du bcug pa'o/ /sngar ma byung ba so sor ston pa ni de nyid
 'das pa dang/ ma 'ongs pa dang/ da ltar byung ba smrar gzhug pa'o/ /de nyid rmad du byung ba smrar gzhug pa dang de nyid rdzu 'phrul ston du gzhug pa dang/ bden pa smrar gzhug pa dang/ de nyid bcings la bkrol ba dang/ de nyid byur? thams cad phral ba
 de las bsrung ba'o/ /so su gzhug pa ni sems can gyi khams thams cad de nyid la rgas pa la sogs pa ji 'jig par byed pa'o/ /'di dag thams cad ji ltar 'gyur zhe na/ bde ba chen po'i rdo rje dbab pas so zhes bya ba la/ de bzhin du dpal rdo rje sems
 dpa' i rnal 'byor byas la dang po'i rdo rje snying ga'i phyogs su bzhag ste/ de'i dbus ma'i rtse mo rang gi snying ga las bstod pas thams cad la dbab pa ste/ dpal rdo rje sems dpa' i bzhugs pa'i bsgoms pas so/ /de nyid kyi rang gi snying bskyod cing
 dngos po thams cad g.yo ba'i bsam pas thams cad g.yo ba'o/ /de nyid kyis bcing ba'i bsam pas rdo rje lcags sgrog gi pho nyas dngos po thams cad bcing ba'o/ /gar byed du gzhug pa'i bsam pas dbus ma'i rtse mo de nyid kyi dngos po
 thams cad la rdo rje sems dpa' bcug nas/ gar byed du bcug pa ste de ltar byed du bcug pa yin no/ /dbus ma'i rtse mo de nyid kyis bsgrub bya'i lus la bcug ste/ glu len du bcug pa'i bsam pas kha las gyen du drang bar bya
 ste de ltar na glu len du bcug pa'o/ /dbus ma'i rtse mo de nyid phan tshun ba tsir bar bya ste/ de ltar na sngar ma byung ba'i so sor bstan pa mtheng bar 'gyur ro/ /dbus ma'i rtse mo de nyid phan tshun kha 'bus pa'i rnam par byas na rmad du byung ba dang cho 'phrul
 mthong bar 'gyur ro/ /dbus ma'i rtse mo de nyid dag 'byin pa'i tshul gyis kha las gyen du drang bar byas te de ltar na bden pa thams cad smrar gzhug pa'o/ /dbus ma'i rtse mo de nyid bcings la thams cad bkrol ba'i bsam pas myur du bkrol bar
 byas te de ltar na thams cad bkrol ba'o/ /dbus ma'i rtse mo de nyid bsrung ba'i bsam pa bskyod par bya ste/ de ltar na go cha la sogs thams cad bsrungs par 'gyur ro/ /dbus ma'i rtse mo de nyid kyis bsgrub bya byab par bya ste de ltar na thams
 cad so su bcug par 'gyur ro/ /rgyu ba dang mi rgyu ba'i dngos po thams cad la yid kyi 'dod pa'i pra dbab pa thams cad grub pa zhes bya ba la pra dbab pa thams cad ni sngar bshad pa ste/ de rnams ji ltar bsgrub par bya zhe na/ bde ba chen pa'i rdo
 rje pra dbab pas so zhes bya ba la/ de bzhin du dpal rdo rje sems dpa' i rnal 'byor byas te khye'u 'am bu mo dang po'i rdo rje sems dpar byin gyis brlabs te/ de'i rna ba dang mig gnyis/ /yi ge hUM las rdo rje rnam par bsams la a nu
 rA ga ya mi hUM zhes brjod cing/ sbyin sreg gi thal bas me long yang dag par sbyangs la nye 'khor gyi sa'i phyogs dri bzang pos byug par byas nas me tog bkram par nye bar mdzes par byas la der me long bzhag ste de la bcom ldan 'das
 sprul te/ 'dus byas nas mtshan brgya rtsa brgyad kyis bstod pa byas te sgo phye nas spyan drang ba'i phyag rgya dang sngags dag gi sprul pa la bcug par bya'o/ /de nas gnod sbyin gyis bgegs bskrad pa la sogs pa byas nas rdo rje khu tshur gyis sgo bcad
 de a ka ru phul la dam tshig gi phyag rgyas bsgrub par bya'o/ /de nas chos dang las dang phyag rgya chen po la sogs pa rnams kyis bcom ldan 'das la rgyas btab la dbang bskur ba'i phyag rgyas dbang bskur te/ mchod pa lngas yang dag par
 mchod la rnam pa bcu gnyis kyis phyag rgya'i mchod pa rnams kyis kyang yang dag par mchod de/ phyag byas nas bzlas pa brgya rtsa brgyad bya'o/ /de nas slar yang dag par mchod de/ kye bcom ldan 'das rdo rje sems dpa' bden pa gang gis/ chos
 thams cad gzugs brnyan dang mtshungs pa'i bden pa des bdag la mngon par 'dod pa'i dngos po ston cig ces bya ba dang/ bden pa gang gis sgra rnams brag ca dang 'dra ba'i bden pa des/ bdag la mngon par 'dod pa gsungs shig
 ces bya ba'i bden pa'i byin brlabs byas nas dang po'i rdo rje bcings te rang gi snying gar bzhag nas dbus ma'i kha sbyor bskyod cing bzla bar bya ste/ de ltar na khye'u dang bu mo dag gi thams cad mthong ba dang thos pa yin no/ /de ltar na pra dbab pa
 gzhan rnams kyi sgrub pa yang shes par bya'o/ /rang gi lus zhes bya ba la sogs pa rang gi lus dang ngag yid ni rang gi lus dang yid rnams so/ /de dag nyid rtse gcig pa'i rnal 'byor gyis rtog pa med cing mi phyed pa rdo rje lta bu ste rdo
 rje'o/ /de rnams kyi ji lta ba bzhin du thams cad mthong ba dang/ thos pa dang/ smra ba dang/ ston pa'i shes pa rnams grub pa ni rdzogs pa'o/ /de ji ltar zhe na/ bde ba chen po'i rdo rje'i bdag nyid rnam par bsgoms pas so/ /zhes bya ba la de
 yang 'di yin te de bzhin du dpal rdo rje sems dpa' i rnal 'byor byas la dang po'i rdo rje ni rang gi snying ga'i phyogs su bcings te/ des nyin rer lus la sbyangs pas lus 'grub par 'gyur/ de nyid dag 'byin pa'i tshul
 gyis kha las gyen du drang bar bya ste de ltar na dag grub pa'o/ /de nyid snying gar bzhag la rang gi snying gar sems dpa' i rdo rje bsgoms te de ltar na sems grub pa'o/ /de nyid la blta zhing bzlas par byas te/ de ltar na thams cad
 mthong ba yin no/ /de nyid rna ba la bzhag par bya ste de ltar na rna ba'i shes pa grub pa'o/ /de nyid kha la bzhag nas bzlas par bya ste de ltar na lces thams cad smra ba yin no/ /de nyid chos bstan pa'i bsam pas khar bzung zhing blta
 bar byas na thams cad ston pa'i shes pa grub par 'gyur ro/ /thams cad las 'das pa dang/ ma 'ongs pa dang/ da ltar byung ba zhes bya ba la sogs pa la dngos po thams cad dang/ nam mkha' i phyogs las 'das pa dang/ ma 'ongs pa dang
 da ltar byung ba'i dngos po'i rang bzhin gang yin pa de la/ bka' shes pa smra ba shes pa ste/ mthong ba ni mngon sum du byed pa'o/ /de ji ltar zhe na yi ge a la sogs pa ste/ de nyid sna tshogs pa ni rdo rje sems dpa' la sogs
 pa'i phyag rgya chen po'i rang bzhin can yin no/ /yang na dngos po thams cad ni 'das pa dang/ ma 'ongs pa dang/ da ltar byung ba'i dngos po'i rang bzhin rnams kyis rna ba'i shes pa 'jug pa ni ma 'khrul pa'i rnam par shes pa la sogs pa
 rdzogs pa de nyid sgrub pa yin no/ /de phyag rgya gang gis rdzogs pa yin zhe na/ bde ba chen po'i rdo rje'i thams cad mkhyen pas so zhes bya ba la/ bde ba chen po rdo rje sems dpa' ste/ de'i thams cad mkhyen pa ni dus gsum
 gyi dngos po 'dzin pa'i rnam par shes pa la sogs pa ste/ de rdzogs par byed pa'i phyag rgya ni bde ba chen po rdo rje thams cad mkhyen pa ste des de thob par 'gyur ro/ /'di ltar bshad par 'gyur te gsang ba'i dkyil 'khor las gsungs
 pa'i dpal rdo rje sems dpa' i rnal 'byor byas la dang po'i rdo rje bcings la/ bden pa'i byin gyis brlabs bya'o/ /de nas bdag nyid rdo rje sems dpa' bsgom zhing phyag rgya des 'das pa dang/ ma 'ongs pa dang/ da ltar byung ba'i gzugs
 mtheng ba'i bsam pas nyin re zhing lan gcig mig tu bzhag ste thams cad du bskor bar byas na thams cad mthong bar 'gyur ro/ /rna bar bzhag nas bskor bar byas na thams cad thos pa dang/ snar bzhag nas snom pa dang/ lcer bzhag
 nas thams cad smra ba dang/ lus la bzhag nas thams cad la reg pa dang/ snying gar bzhag nas thams cad du bskor bar byas na de ltar yid kyis thams cad shes pa yin no/ /glog dang char dang/ thog 'bab pa thams cad bzlog pa dang/
 sprin gzhig pa zhes bya ba ni go sla'o/ /ji ltar zhe na bde ba chen po rdo rje khro bo'i lta bas so zhes bya ba la/ bde ba chen po rdo rje khro bo'i lta ba ni khros pas blta ba ste de dang bcas pa'i phyag rgyas bde ba chen po rdo rje khro bo'i lta ba ste des de 'grub par
 'gyur ba yin no/ /'di ltar bshad par 'gyur te snga ma bzhin du rdo rje sems dpa' i rnal 'byor la dang po'i rdo rje bcings la de'i dbus ma'i rdo rje dang/ khro bo'i lta bus blta zhing glog bzlog pa'i tshul gyis glog bzlog par bya'o/ /char
 bzlog pa'i tshul gyis char bzlog par bya'o/ /thog 'bab pa bzlog pa'i tshul gyis thog bzlog par bya'o/ /sprin gzhig pa'i tshul gyis sprin gzhig par bya'o/ /sa'i 'og nas sngar ma byung ba'i 'bru la sogs pa thams cad ces bya ba la
 sogs pa la/ de bzhin du dpal rdo rje sems dpa' i rnal 'byor byas la dang po'i rdo rje bcings te dbus ma'i rdo rje'i 'di rnams bya ste/ 'og nas 'byung ba'i sbyor bas sa'i 'og nas sngar ma byung ba'i 'bru la sogs pa'i 'bras
 bu thams cad 'byung ba'i bsam pas sngar ma byung ba'i 'bras bu bskyed par bya'o/ /de nye bar len pa ni thams cad las dgug cing nye bar blangs pa'o/ /chu med pa'i gnas la chu'i phung po 'byung ba ni bskyed pa'o/ /de nyid sbyin pa'i tshul
 gyis nye bar bslang ba'o/ /'bar ba dang/ me stag 'phro bas mun par snang ba chen po bskyed pa ste snang ba chen po sbyor ba'i tshul gyis snang ba chen po nye bar len pa'o/ /rlung gi tshul gyis rlung thams cad bka' bsgo ba ste rlung thams cad nye
 bar blang ba'i tshul gyis de nye bar len pa'o/ /phyogs bcur gnas pa'i nam mkha' thams cad las dngos po thams cad mthong ba'i bsgom pas dngos po thams cad mthong ba'o/ /dngos po thams cad nye bar len pa'i bsgom pas
 dngos po thams cad nye bar blang bar bya ste/ 'di ni bde ba chen po'i rdo rje dbyings kyi dbang phyug ma yin no/ /thams cad gzhom pa dang/ rengs pa dang/ dral ba dang/ rmugs pa dang/ gnyid log par bya ba dang/ rgyas gdab pa dang/ ltung ba dang/ rmongs
 pa dang/ bsad pa dang/ phyir mi ldog pa rnams ni bshad zin to/ /'di rnams ji ltar 'gyur zhe na/ bde ba chen po rdo rje gdug pa'i phyag rgyas so zhes bya ba la/ bde ba chen po gdug pa ni drag po'i gzugs can gyi rdo rje sems dpa' ste/ de'i rdo rje'i
 phyag rgya'i ba dan gyis las de rnams 'grub par 'gyur ro/ /'dis ni 'di skad ston par 'gyur te/ de bzhin du rdo rje sems dpa' i rnal 'byor byas la dang po'i rdo rje bcings te/ bdag nyid drag po chen po'i gzugs can gyi rdo rje sems dpar
 rnam par bsams la/ dang po'i rdo rje dbus ma'i rdo rjes las rnams bya'o/ /dbus ma'i rdo rje bsnun pas thams cad 'joms pa'o/ /dbus ma'i rdo rje rtse mo gnyis snying ga'i phyogs su btsir bar btsir na thams cad rengs pa'o/ /dbus ma'i rdo
 rje sen mo dag dral bas na thams cad dral ba'o/ /dbus ma rdo rjes rang gi mig la reg pas thams cad rmugs par byed pa'o/ /dbus ma'i rdo rjes rang gi mig btsum par byas na thams cad gnyis log tu bcug pa'o/ /dbus ma'i rdo rje sor mo bcu
 gnyis phan tshun snyim par yang dag par sbyar bar bya ste/ des rang gi snying gar mnan par byas na rgyas btab pa'o/ /dbus ma'i rdo rjes ltung ba'i tshul du byas na thams cad ltung ba'o/ /dbus ma'i rdo rje glod par byas na rmongs par byed pa'o/ /dbus
 ma'i rdo rjes phan tshun du brdegs pas gsod pa'o/ /dbus ma'i rdo rje'i dngos po nyid rang gi snying gar gzung bar byas na phyir bzlog par 'gyur ro/ /thams cad rjes su chags pa dang/ dgug pa dang/ gzhug pa dang/ dbab pa dang/ bcing ba dang/
 dgrol ba dang/ dral ba dang/ ltung ba slor ba dang/ 'dren pa dang/ bran du byed pa dang/ mngag gzhug bsgo bar byed pa dang/ thams cad tshur drang ba dang/ phar btang ba dang/ bsad pa dang/ slar gso ba la sogs pa'i las thams cad byed pa dang/
 dbang du byed pa'i sgrub pa ni bde ba chen po'i rdo rje thams cad grub pas so zhes bya ba la/ de bzhin du dpal rdo rje sems dpa' i rnal 'byor byas la dang po'i rdo rje dbus ma'i rdo rje las de rnams bya ba yin te mnga' gtod pa'i tshul gyis thams cad rjes su chags
 pa'o/ /dbus ma gnyis kyis lcags kyu gnyis bya ste des bsgrub bya bkug pa'i tshul gyis thams cad bkug pa'o/ /g.yon pa'i dbus ma'i rdo rje las g.yas pa'i dbus ma'i sor mo bcug pas thams cad gzhug pa'o/ /dbus ma'i rdo rje'i rtse mo
 bskyod pas dbab pa'o/ /dbus ma'i rdo rje gdu bu bcings pas bcing ba'o/ /dbus ma'i rdo rje myur du bkrol bas bkrol ba'o/ /dbus ma'i rdo rje sor mo gnyis mnyam por byas la myur du dral bas na dral pa'o/ /dbus ma'i rdo rje ltung bar
 byas pas na ltung ba'o/ /dbus ma'i rdo rje 'og nas steng du drangs pa ltung ba bslang bar bya'o/ /dbus ma'i rdo rje sor mo g.yon pa g.yas pa'i sor mo dbus mas drangs pas na 'dren pa'o/ /dbus ma'i rdo rje las thams cad sbyor bar byed pas na bran du byed
 pa'o/ /dbus ma'i rdo rjes 'og tu bskyod cing steng du dor bas mngag gzhug bka' bsgo bar byed pa'o/ /dbus ma'i rdo rje tshur drangs pas tshur 'dren pa'o/ /dbus ma'i rdo rjes mngon par 'dod pa'i gnas su khyer nas bzhag pas phar btang ba'o/ /dbus
 ma'i rdo rje'i g.yon pa dang g.yas pa'i drag tu brdeg pas bsad pa'o/ /dbus ma'i rdo rje rang gi snying ga la gnas pa'i rtse mo gyen du drangs pas slar gso ba la sogs pa'o/ /dbus ma'i rdo rje las thams cad sbyor bar byed pas las thams cad
 byed pa dang dbang du byed pa grub par 'gyur ro/ /thams cad ces bya ba la sogs pa la rigs thams cad ni 'jig rten dang 'jig rten las 'das pa'i rigs kyi dkyil 'khor rnams so/ /de dag ni mchog gi dngos grub ni sa dang pha rol tu phyin pa
 la sogs pa'o/ /de nyid sangs rgyas nyid dang/ rdo rje 'chang ba nyid kyi mtshan nyid can gyi mchog gi dngos grub thams cad kyi dang por gang la yod par de skad ces bya'o/ /mchog gi dngos grub thams cad ni khams gsum pa'i chos kyi rgyal
 srid kyi dbang bskur ba'o/ /de nyid 'jig rten dang 'jig rten las 'das pa'i phun sum tshogs pa thams cad kyi thog mar gang la yod pa de la de skad ces bya'o/ /thams cad rjes su chags pa la sogs pa'i bde ba dang yid bde ba thams cad
 rab tu zhugs pa ni bdag dang gzhan gyi rgyud la rdzogs pa'o/ /mchod pa chen po thams cad ni rdo rje mtshon cha ma la sogs pa'i mchod pa bcu gnyis dang/ las kyi dkyil 'khor las gsungs pa'i mchod pa bcu drug ste/ de dag las thams cad kyi sgrub
 pa myur du grub pa'i cho ga rgyas pa'i dang por gang la yod pa de la de skad ces bya'o/ /de ji ltar 'gyur zhe na/ bde ba chen po rdo rje mchog gi dngos grub kyi so zhes bya ba la sogs 'di ltar 'chad par 'gyur te/ dpal rdo rje sems dpa' i rnal 'byor byas la
 dang po'i rdo rje bcings te snying ga'i phyogs su dkyil 'khor sprul pa'i tshul gyis bskor bar bya ste/ rigs thams cad kyi mchog gi dngos grub la sogs pa'i mchog gi dngos grub thams cad thob par 'gyur ro/ /dang po rdo rje dang nyid kyis dbang bskur
 pa'i phreng ba dang/ dar dpyangs 'ching ba'i tshul byas la/ dbang bskur ba thams cad la sogs pa'i phun sum tshogs pa thams cad thob par 'gyur ro/ /dang po'i rdo rje snying ga'i phyogs nas bteg ste/ bde ba yid bde ba nyams su myong ba'i bsam pas
 de nyid kyi bdag nyid la bde bar yongs su sbyang ba bya ste/ thams cad rjes su chags pa la sogs pa'i bde ba dang yid bde ba thams cad rab tu zhugs par 'gyur ro/ /dang po'i rdo rje gar gyi tshul gyis bslang ste spyi bor bkrol bar byas na mchod pa thams cad la sogs
 pa'i las thams cad kyi bsgrub pa myur du grub pa cho ga rgyas pa grub pa yin no/ /de la 'di zhes bya ba la rtog pa thams cad kyi phyag rgya'i mtshan nyid kyi rgyud thugs la gnas pa gsungs te de la 'di'i rgyud ces bya ba dang sbyar ro/ /bde ba chen po rdo rje gsang
 ba'i dam tshig ni gsang ba'i dkyil 'khor te/ de'i dang po mchog ni phul du byung ba'i dam tshig gi rang bzhin can gyi las grub par byed pa'i phyag rgya ni bde ba chen po rdo rje gsang ba'i dang po mchog ni dam tshig gi las kyi phyag rgya rnams so/ /de ston par
 byed pa'i sgra'i tshogs ni rgyud de 'das ma thag tu bshad pa'i rdo rje sems dpa' i gsang ba'i dkyil 'khor las gsungs pa'i las brgya rtsa brgyad sgrub par byed pa'i bde ba chen po'i rdo rje tshe la sogs pa'i phyag rgya'i mtshan nyid
 'di yin no/ zhes bya ba'i don to bde ba chen po rdo rje dang po'i rdo rje ste de sgrub pa po la rdo rje sems dpa' i tshe ster ba yin no/ /'dir las kyi phyag rgya thams cad bcing bar bya'o/ /zhes bya ba la dang po'i rdo rje bcings te bde ba chen po rdo rje che la sogs pa'i
 phyag rgya rnams bcing bar bya'o zhes bya ba la sogs pa'i don to/ /dbus ma'i rdo rje btung bar bya'o/ zhes bya ba la/ dang po'i rdo rje dbus ma'i rtse mos btung bar byas nas tshe shin tu ring ba 'phel bar 'gyur ro/ /rtse mo 'od zer byas pas gdong
 yongs su spyangs te gdong pa dgrol bar bya'o zhes bya ba la/ dang po'i rdo rje dbus ma dang/ mthe bo'i rtse mo dag gis 'bar ba'i tshul byas shing rang gi gdong yongs su sbyangs te/ phyag rgya rang gi gdong par bkrol bar byas na gzugs dang gzi brjid
 'phel bar 'gyur ro/ /bdag nyid la thams cad du bskor zhing snying gar dgrol bar bya'o zhes bya ba la dang po'i rdo rje bcings la rang gi lus thams cad du bskor bar bya zhing de nas snying gar bkrol na 'du byed chen po thams cad 'phel
 bar 'gyur ro/ /gtsug tor zhes bya ba la dang po'i rdo rje spyi bor bzung bar byas na sems can thams cad kyi bdag nyid dngos po bsrung ba'o/ /phyogs thams cad dang dkyil 'khor bskor ba'o zhes obya ba la/ dang po'i rdo rje phyogs bcing ba'i
 bsam pas phyogs thams cad bcings par 'gyur ro/ /de nyid mtshams bcing ba'i tshul gyis bskor bar byas na mtshams bcing bar 'gyur ro/ /de nyid dkyil 'khor bcing ba'i tshul gyis bskor na dkyil 'khor bcings par 'gyur ro/ /snying ga
 yid kyis rgyab dang phrag pa dang spyi bo dang dpral bar byas na rdo rje khu tshur gnyis kyi phreng ba bcings la go cha byas te mdud pa byas la rdo rje'i gnas rnams su slar yang phreng ba byas pas rgyab tu mdud pa byas te/ dang dpyangs bya'o zhes bya ba la/ dang po'i rdo rje
 snying ga'i phyogs su go cha bcing ba'i bsam pas bzhag la yid kyis rgyab tu bzhag ste/ de nas phrag pa la sogs par bzhag la/ /khu tshur gnyis bcings te des phreng ba 'ching ba'i tshul du byas na snying ga'i phyogs su go cha 'ching ba'i tshul du byas nas snying
 ga'i phyogs su go cha 'ching ba'i tshul du bya'o/ /de bzhin du mgrin pa'i steng dang/ slar yang snying ga dang/ de nas nu ma'i bar dang/ slar yang snying ga dang/ de nas dpral ba'i steng du mdud pa bcing ba'i tshul du byas la/ slar yang dar 'ching ba'i tshul
 gyis rna ba gnyis kyis steng du nam mkha' lding gi gshog pa byas nas mthar dar dpyangs su dmigs par byas nas 'dis sdigs pa thams cad la bsrung ba yin no/ /snying ga dang/ dpral ba dang/ mgrin pa dang/ spyi bor bzhag la zhes bya ba dang po'i rdo rje
 bcings nas snying ga'i phyogs dang/ dpral ba dang/ mgrin pa dang/ spyi bo'i phyogs su go cha bskyed pa'i bsam pas bzung bar bya ste/ de ltar na bdag nyid kyi dngos po thams cad dam gzhan dag rdo rje nyid du byed par 'gyur ro/ /dbus ma'i dar phyogs ces
 bya ba la dang po'i rdo rje sor mo dbus ma gnyis dar gyi bdan gyi tshul gyis gyen du bzung bar byas te/ 'dis 'thab mo thams cad las rnam par rgyal bar 'gyur ro/ /byab pa zhes bya ba la dang po'i rdo rjes rang gi dpung gi tshogs thams cad byab bar bya ste/ de ltar
 na 'thab mo bsrung ba'o/ /gyen du kha blta ba'i dbugs dang 'jigs byed kyi gdong gi lta bas zhes bya ba la/ dang po'i rdo rje bcings la 'jigs byed kyi lta bas blta zhing steng du kha bltas pa'i khro bo'i bzhad pa byas te phyag rgya de yang gyen du kha bltas pas
 rang gi khar bzung nas pha rol gyi dpung thams cad gzhom pa'o/ /'bar ba bzhi'i tshul gyis dor zhing khros pa'o zhes bya ba la dang po'i rdo rje'i mthe bong dang mthe'u chung khros pa 'bar ba bzhi'i tshul du byas te de ltar pha rol gyi
 dpung thams cad 'jig pa dang/ bslang ba dang/ rgyas gdab pa dang/ bsad pa dang/ brdeg par 'gyur ro/ /rang gi snying gar bcings te zhi ba'i lta bas rtse mo 'phrog par bya'o zhes bya ba la/ dang po'i rdo rje rang gi snying ga'i phyogs su bcings te zhi ba'i
 lta bas de'i dbus ma'i rdo rje'i rtse mo 'phrog bar byas te de ltar na rims nad la sogs pa dang/ nang thams cad zhi bar 'gyur ro/ /lta bas 'phrog par bya'o zhes bya ba la dang po'i rdo rje bcings te byams pa'i lta bas blta zhing dug 'phrog par
 bya ste/ de ltar na dug thams cad 'jig pa dang dug med par 'gyur ro/ /dbab pas myur du dgrol bar bya'o zhes bya ba la/ dang po'i rdo rje bcings te des bsgrub bya la dbab cing phyag rgya myur du dgrol bar bya ste de ltar na gdon thams cad las
 grol bar 'gyur ro/ /yongs su bskor nas dpral bar bzhag ste/ dbus ma'i rdo rje rtse mo gnyis bskyod par byas na ji lta ba bzhin du las byed pa'o zhes bya ba la/ dang po'i rdo rje bcings te yongs su bskor la mthe bo'i rtse mo gnyis kyi mdzod spu'i
 phyogs su yongs su bzung bar byas la de nas sor mo dbus ma'i rtse mo gnyis bskyod par byas te/ de ltar na ma mo thams cad dang/ mkha' 'gro ma dang/ gdon rtsams dgrol ba chen po dang/ snying gzhan dbyung ba dang/ 'chi ba 'tsho ba dang/ tshe 'phel
 ba dang/ shin tu bsrung ba rnams sngar bshad pa'i tshul gyis 'byung bar 'gyur ro/ /snying gar bzhag ste dbus ma'i rdo rje las so zhes bya ba la/ dang po'i rdo rje rang gi snying ga'i phyogs su bzung zhing dbus ma'i rtse mos las rnams bya'o/ /de dag
 gang yin ji ltar zhe na/ 'di lta ste zhes bya ba la sogs pa la snying gar bstod pa zhes bya ba ni dang po'i rdo rje snying ga'i phyogs su bzhag la de'i dbus ma'i rtse mo snying gar bstod pas thams cad dbab pa'o/ /bskyod pa zhes bya ba ni dang po'i rdo rje rang gi snying bskyod
 pas thams cad g.yo bar byed do/ /'ching ba zhes bya ba ni dang po'i rdo rjes dngos po thams cad bcing ba'i bsam pas dngos po thams cad 'ching ba'o/ /gar byed du gzhug pa zhes bya ba ni dang po'i rdo rje'i rtse mos gar gyis bsam pas bskor na dngos
 po thams cad gar byed du gzhug go /mgrin pa gsal zhes bya ba ni dang po'i rdo rje dbus ma'i rtse mos ngag 'byin pa'i bsam pas kha las gyen du drang bar byas te/ de ltar na dngos po thams cad glu len du 'jug pa'o/ /rdo rje btsir ba zhes bya ba ni
 dang po'i rdo rje dbus ma'i rtse mo ngag 'byin pa'i tshul gyis kha las gyen du drang bar bya ste/ de ltar na dngos po thams cad bden pa smrar gzhug pa'o/ /bcings pa myur du bkrol ba zhes bya ba la dang po'i rdo rje dbus ma'i rtse mo myur du bkrol bar byas te/
 de ltar na bcings pa thams cad bkrol ba'o/ /bsrung ba zhes bya ba ni dang po'i rdo rje dbus ma'i rtse mo bsrung bar bya ste/ de ltar na thams cad bsrung ba'o/ /byab pa'i las zhes bya ba ni dang po'i rdo rje dbus ma'i rtse mos bsgrub bya la byab par bya ste de ltar na
 thams cad som par byed pa yin no/ /snying gar kha sbyor bskyod pa'o zhes bya ba la dang po'i rdo rje dbus ma'i kha sbyor rang gi snying ga'i phyogs su bskyod par bya ste de ltar na pra dbab pa thams cad 'jug par 'gyur ro/ /nyin re zhes bya ba ni zhag re la'o/ /
 snga rol tu zhes bya ba ni dus mtshams snga ma'i dus su'o/ /lan gcig ni ro gcig go /lus yongs su sbyangs pa ni dang po'i rdo rje rang gi snying ga'i phyogs su bcings te/ nyin re zhing snga rol lan gcig des rang lus la yongs su byab bar bya ste/
 de ltar na lus grub par 'gyur ro/ /mgrin pa gsal ba'i ngag ces bya ba ni dang po'i rdo rje ngag 'byin pa'i tshul gyis kha las gyen du drang bar bya ste de ltar na ngag grub pa'o/ /snying gar bzhag pa zhes bya ba ni de nyid rang gi snying ga'i
 phyogs su bzhag nas yid grub pa'o/ /phyag rgyal lta ba zhes bya ba ni dang po'i rdo rje la blta zhing bzlas pa bya ste de ltar na thams cad mthong ba yin no/ /de nyid rna bar bzhag par bya ste de ltar na rna ba'i shes pa grub pa'o/ /de nyid la bzhag cing bzlas pa
 bya ste de ltar na thams cad smra ba yin no/ /de nyid chos ston pa'i bsam pas blta zhing bzlas pa bya ste de ltar na chos thams cad ston pa'i shes pa grub par 'gyur ro/ /nyin rer snga dro lan gcig ces bya ba ni snga ma bzhin no/ /dbang po thams cad
 la bzhag ste thams cad du bskor bar bya'o zhes bya ba la/ dang po'i rdo rje bcings la mig la bzhag ste nyin rer snga dro lan gcig tu dngos po thams cad la blta ba'i bsam pas thams cad du bskor bar bya ste de ltar thams cad mthong ba'o/ /
 sgra thams cad nyan pa'i bsam pas rna bar bzhag la thams cad du bskor bar byas te thams cad thos pa'o/ /dri thams cad la snom pa'i bsam pas gnas thams cad snom pa'o/ /thams cad smra ba'i bsam pas lces thams cad smra ba
 yin no/ /reg bya thams cad nyams su myong ba'i bsam pas lus la bzhag ste thams cad du bskor bar bya ste/ de ltar na lus kyis thams cad la reg pa'o/ /snying gar bzhag nas thams cad du bskor bar byas te de ltar na yid kyis
 thams cad shes par 'gyur ro/ /dbus ma'i rdo rjes byed pa zhes bya ba la dang po'i rdo rjes dbus ma'i glog bzlog pa la sogs pa'i las kyi tshul ni byed pa'o/ /khro bo'i lta ba rdo rje blta bas so zhes bya ba la khro bo'i lta ba dang bcas pas so/ /'di
 ltar 'chang bar 'gyur te dang pa'i rdo rje bcings la khro bo'i lta bas blta zhing/ dbus ma'i rdo rjes glog bzlog pa'i tshul gyis bzlog par bya'o/ /char bzlog pa'i tshul gyis char bzlog par bya'o/ /thog 'bab pa bzlog pa'i tshul gyis thog 'bab pa bzlog par
 bya'o/ /sprin gzhig pa'i bsam pas sprin gzhig par bya'o/ /dbus ma'i rdo rje'i las zhes bya ba la dang po'i rdo rje'i dbus ma'i rtse mo'i las ni dbus ma'i rdo rje'i las te sngar ma byung ba'i 'bras bu bskyed pa la sogs pa'i las so/ /'og nas 'byung
 ste zhes bya ba la dang po'i rdo rje bcings te de'i dbus ma'i rtse mo 'og nas 'byung ba'i tshul du byas te de ltar na thams cad kyi 'og nas sngar ma byung ba'i 'bras bu 'byung bar 'gyur ro/ /nye bar longs spyod pa zhes bya ba ni dang po'i dbus ma'i rtse mo 'bras bu la nye bar
 longs spyod pa'i tshul du bya ste 'bras bu thams cad nye bar longs spyod pa'o/ /thams cad 'gugs par byed pa zhes bya ba la/ dang po'i rdo rjes dbus ma'i rtse mos ri bo la sogs pa'i phyogs la klu dgug pa'i tshul du byas te de ltar na de bkug pas ri
 bo la sogs pa chu med pa'i phyogs su 'bab chu la sogs pa'i chu 'byung bar 'gyur ro/ /dbab pa sbyin pa zhes bya ba la/ dang po'i rdo rjes dbus ma'i rtse mos chu 'bab ba sbyin pa'i tshul bya ste de ltar na chu'i phung po nye bar len par 'gyur ro/ /'bar
 pa'i me tog byed pa zhes bya ba la/ dang po'i rdo rje dbus ma'i rtse mos 'bar ba'i me tog gi tshul bya ste de ltar mun pa snang ba chen por bskyed pa yin no/ /nye bar len pa zhes bya ba la/ nye bar len pa ni nges par sbyar ba'o/ /de yang dang po'i rdo rje
 dbus ma'i rtse mo byas te de ltar na snang ba chen po nye bar len pa'o/ /rlung gi tshul zhes bya ba la dang po'i rdo rje dbus ma'i rtse mos rlung gi tshul bya ste de ltar na rlung thams cad la bka' bsgo ba nyan par 'gyur ro/ /nye bar len pa zhes bya ba ni dang po'i
 rdo rje dbus ma'i rtse mos rlung thams cad nye bar sbyor ba'i tshul bya ste de ltar na rlung thams cad nye bar len par 'gyur ro/ /nam mkha' thams cad bsgom pa las du ma'o zhes bya ba ni dang po'i rdo rje dbus ma'i rtse mos phyogs bcur
 gnas pa'i nam mkha' las dngos po thams cad mthong ba'i tshul byas na dngos po thams cad mthong ba'i bsgom pas dngos po thams cad mthong ba yin no/ /dngos po thams cad nye bar sbyor ba'i tshul dang/ bsgom pa dag gis dngos po thams
 cad nye bar len par 'gyur ba yin no/ /dbus ma'i rdo rje'i las zhes bya ba la dang po'i rdo rje dbus ma'i rtse mo las ni dbus ma'i rdo rjes las te thams cad gzhom pa la sogs pa'o/ /phyag rgya gzhom pa zhes bya ba ni dang po'i rdo rje dbus ma'i
 rtse mos thams cad 'joms pa'i bsam pas gzhom pas na thams cad 'joms pa'o/ /rtse mo gnyis snying gar btsir ba zhes bya ba ni dang po'i rdo rje'i rtse mo snying ga'i phyogs su btsir na thams cad rengs pa'o/ /sen mo dag brung pa zhes bya ba ni
 dang po'i rdo rje dbus ma'i rdo rje'i sen mo gnyis brung pas thams cad dral ba'o/ /mig la reg pa zhes bya ba ni dang po'i rdo rje dbus ma'i rtse mos rang gi mig gnyes na thams cad rmugs pa'o/ /btsum pa zhes bya ba ni rdo rje dbus
 ma'i rtse mos rang gi mig btsum par byas na thams cad gnyid log tu bcug pa'o/ /sor mo mnyam po snying gar brdeg pa zhes bya ba ni dang po'i rdo rje dbus ma'i rdo rje'i rtse mo gnyis phan tshun yang dag par sbyar bar bya ste de yis rang
 gi snying gar brdeg par byas na thams cad la rgyas btab pa'o/ /ltung bar byed pa zhes bya ba ni dang po'i rdo rje dbus ma'i rtse mos ltung ba'i tshul byas na thams cad ltung ba'o/ /glod par byed pa zhes bya ba ni dang po'i rdo rjes glod par byas na thams
 cad rmongs pa'o/ /phan tshun brdeg pa zhes bya ba la dang po'i rdo rjes phan tshun brdegs na thams cad bsad pa'o/ /rang gi snying gar rang bzhin du bzhag pa'i las so zhes bya ba la/ de'i dbus ma'i rdo rje rang gi snying gar rnal du bzung bar byas na thams
 cad phyir bzlog par 'gyur ro/ /dbus ma'i rdo rje las zhes bya ba ni snga ma bzhin no/ /mnga' gtod pa zhes bya ba ni/ ...  dang po'i rdo rje'i dbus ma'i rdo rjes mnga' gtod pa'i tshul du byas
 te/ de ltar na thams cad rjes su chags par 'gyur ro/ /lcags kyu gnyis kyis dgug pa zhes bya ba ni dang po'i rdo rje dbus ma'i rtse mo lcags kyu gnyis byas te des bsgrub bya dgug par byas na thams cad 'gugs pa'o/ /g.yon pa la g.yas pa
 bcug pa zhes bya ba la/ dang po'i rdo rje dbus ma'i rdo rje g.yon pa la g.yas pa'i sor mo dbus ma bcug pas thams cad gzhug pa'o/ /rtse mo bskyod pas zhes bya ba la/ dang po'i rdo rje dbus ma'i rdo rje'i rtse mo bskyod pa thams cad 'bab pa'o/ /gdu
 bu 'ching ba zhes bya ba ni dang po'i dbus ma'i rdo rje gdu bur bcings pas thams cad 'ching ba'o/ /myur du dgrol ba zhes bya ba ni dang po'i rdo rje dbus ma'i rdo rje myur du dkrol bas thams cad dkrol ba'o/ /sor mo mnyam por myur du dral bzhes
 bya ba ni dang po'i rdo rje sor mo dbus ma gnyis mnyam por byas la/ myur du dral bar byas na thams cad dral bar 'gyur ro/ /ltung bar byed pa zhes bya ba ni dang po'i rdo rjes ltung ba'i tshul byas te des thams cad ltung bar 'gyur ro/ /'og nas
 bteg pa zhes bya ba ni dang po'i rdo rje dbus ma'i rdo rjes 'og nas gyen du gdeg par bya ste de ltar na ltung ba slong ba'o/ /g.yon pas g.yas pa dran bar zhes bya ba ni g.yon pa'i sor mo dbus ma'i rdo rje g.yas pa'i ser mo dbus mas
 drangs nas thams cad 'dren pa'o/ /las thams cad la sbyor bar byed pa zhes bya ba ni dang po'i rdo rje dbus ma'i rdo rje las thams cad la nges par sbyar ba'i tshul du byas te/ de ltar na gnod sbyin la sogs pa rjes su
 'brang bar byed do/ /'og nas bskyod cing gyen du drang ba zhes bya ba ni dang po'i rdo rje dbus ma'i rdo rje 'og nas bskyod cing gyen du btegs pas mngag gzhug bka' bsgo bar byed pa'o/ /tshur 'dren pa zhes bya ba ni dang po'i rdo rje dbus ma'i rdo rjes tshur
 drangs pas thams cad tshur 'gugs pa yin no/ /phar gtong ba zhes bya ba ni dang po'i rdo rje dbus ma'i rdo rjes mngon par 'dod pa'i gnas su khyer zhing gzhag bas phar gtong ba'o/ /g.yon dang g.yas kyi drag por brdeg pa zhes bya ba ni dang po'i rdo
 rje dbus ma'i sor mo gnyis khros pas phan tshun brdeg par bya ste de ltar na thams cad gsod pa'o/ /rang gi snying gar rtse mo 'dren pa zhes bya ba ni dang po'i rdo rje dbus ma'i rtse mo rang gi snying gar gyen du drang bar bya ste de ltar na slar gso ba la
 sogs pa'o/ /las thams cad la nges par sbyor bar byed pa'i las zhes bya ba la/ dang po'i rdo rje dbus ma'i rdo rje las thams cad nges par sbyar ba'i tshul gyis dbang du byed pa sgrub pa yin no/ /snying gar 'khor lo gzhug pa zhes bya
 ba ni dang po'i rdo rje bcings la rang gi snying ga'i phyogs su dkyil 'khor sprul pa'i bsam pas bskor bar bya ste/ de ltar na rigs thams cad kyi mchog gi dngos grub thams cad 'grub par 'gyur ro/ /dbang bskur ba'i phreng ba dang/ dar
 'ching bar byed pa zhes bya ba ni dang po'i rdo rje dbang bskur ba'i phreng ba dang dar 'ching ba'i tshul byas te de ltar na dbang bskur ba thams cad la sogs pa'i phun sum tshogs pa thams cad thob par 'gyur ro/ /snying ga las drangs te bde ba
 thams cad yongs su sbyang ba zhes bya ba ni dang po'i rdo rje rang gi snying gar bcings te bslang nas bde ba dang/ yid bde ban nyams su myong ba'i bsam pas de nyid kyi bde bas bdag nyid la kun tu khyab par byas te de ltar na thams cad rjes su chags pa la
 sogs pa dang/ bde ba dang yid bde ba thams cad rab tu 'jug par 'gyur ro/ /gar gyi bteg ste spyi bor dkrol ba'i las so zhes bya ba la dang po'i rdo rje bcings la gar gyi tshul gyis bslangs te spyi bor dgrol bar bya'o/ /las ni dang po'i rdo rjes rang gi
 lha'i mchod pa thams cad la sogs pa'i las thams cad grub par 'gyur ro/ /las rgya sgrub par byed pa'i phyag rgya rnams kyi mtshan nyid 'di dag bstan pa yin no/ /phyag rgya'i rgyud 'di ci'i don du gsungs pa yin zhe na/ bde ba chen po rab tu
 bsgrub pa dang/ chags pa chen po rnam dag phyir zhes bya ba la sogs pas 'bras bu bstan pa yin no/ /rdo rje 'dzin pa chen po yis zhes bya bas ni rdo rje sems dpas so/ /des phyag rgya'i rgyud 'di gang la bde ba la sogs pa sgrub pa'i don du rab tu brtag
 pa yin zhe na/ sangs rgyas sras bcas bdag nyid kun zhes bya ba la/ sras dang bcas pa'i de bzhin gshegs pa rnams la'o zhes bya ba'i don to/ /sems can yang yin la kun yang yin pas sems can kun de/ de dag gi dngos grub
 myur ba ni gdul bya rnams la skye ba 'di nyid la/ rdo rje sems dpa' la sogs pa'i dngos grub sgrub pa'o/ /de'i don du don yod dngos grub kun stsol ba'o zhes bya ba la rdo rje sems dpa' la sogs pa'i dngos grub nges par ster ba ni 'di nyid yin no/
 dkyil 'khor dag tu ma zhugs pa zhes bya ba la/ rdo rje sems dpa' gsang ba'i dkyil 'khor 'dir gang dag ma zhugs pa de dag la yang dngos grub thams cad ster ba'i phyag rgya'i rgyud 'di yin no/ /sdig pa'i las ni kun dang ldan zhes bya ba la
 mtshams med pa la sogs pa byed pa rnams la yang ngo/ /de dag kyang zhes bya ba ni go sla'o/ /mtshams med pa la sogs pa byed pa rnams kyi yang dngos grub thams cad rdzogs pa'i phyir sgrub pa yin no/ /kyang gi sgra ni
 dkyil 'khor du zhugs pa dang/ chos dang ldan pa rnams la phyag rgya chen po rgyud 'dis shin tu grub pa yin no zhes bstan pa yin no/ /rgyu gang gi phyir de dag las 'grub par yin zhe na/ bcings pa tsam gyi sdig sbyang phyir zhes bya ba la/
 gang gi phyir las rgya sgrub par byed pa'i phyag rgya 'di rnams sgrub pa po rnams kyi bcings pa tsam gyis sgrub pa po rnams la sdig pa thams cad sbyong bar byed pa'i phyir ro/ /gang zhig le lo nyid kyis zhes bya ba la/ gang zhig le lo nyams pas yo
 byad yod kyang 'khor lo rtag par mi nus pa 'am/ nang na brtson 'grus dang ldan na yang phun sum tshogs pa ma tshang ba de rnams la yang bcom ldan 'das rdo rje sems dpa' las rgya 'grub pa'i phyag rgya bcing ba'i nus pa grub par 'gyur te/
 de'i phyir bcings pa tsam gyis las rgya sgrub par byed pa'i phyag rgya 'di rnams kyis sdig pa sbyang bar bya ba yin no/ /dkyil 'khor med pa'i sems can gang zhes bya ba ni dkyil 'khor du ma zhugs pa'o/ /slob dpon nyid byin gyis brlabs
 pa zhes bya ba la yang na dkyil 'khor du zhugs na yang slob dpon gyi dbang bskur ba ma bskur ba'o/ /de dag grub mchog rdo rje che zhes bya ba la sogs pa la/ dkyil 'khor du ma zhugs pa 'am/ dbang ma bskur bar dkyil 'khor du zhugs pa de rnams
 phyag rgya bcings ba tsam gyis rdo rje slob dpon du 'gyur ro/ /slar yang de'i khyad par bstan par bya ba'i phyir don yod pa zhes bya ba gsungs te don med pa ma yin no/ /mchog ni phul du byung ba'o/ /sna tshogs pa'i mngon par 'dod pa'i bya ba
 thams cad sgrub par byed pa'o/ /bcings pa tsam gyis myur 'grub byed ces bya ba la ji lta ba bzhin du bshad pa'i bsam pa thams cad rdzogs pa sangs rgyas nyid dang/ byang chub sems dpa' nyid la sogs pa'i mchog gi dngos grub thams cad
 gdul bya rnams la rab tu 'jug par byed pa yin no/ /phyag rgya'i rgyud 'di gang las byung zhe na/ dang po zhes bya ba la sogs pa la/ bskal pa bzang po 'di'i snga rol du byung bas na dang por byung ba'o/ /rdo rje rnams kyi phul du byung bas na rdo rje mchog go /
 dang por byung ba yang yin la rdo rje mchog kyang yin pas na dang por byung ba'i rdo rje mchog go /dang por byung ba'i rdo rje mchog kyang de nyid yin la bde ba chen po yang yin pas na/ dang po byung ba'i rdo rje mchog gi bde ba chen po ste bla na med pa yang
 dag par rdzogs pa'i byang chub kyi rang bzhin can thog ma dang tha ma med pa'i chos kyi dbyings te/ de las byung ba'i skye ba gang la yod pa de skad ces bya'o/ /dag pa ni 'dod chags la sogs pa dang bral ba'o/ /shin tu 'grub pa zhes bya ba ni mi
 'jigs pa'i dngos grub kyi grub pa'o/ /gang la zhe na 'gro ba thams cad la yang ngo zhes bya ba la/ dkyil 'khor du ma zhugs pa rnams la yang zhes bya ba'i tha tshig go /de ltar las rgya sgrub par byed pa'i phyag rgya'i rgyud bstan nas da ni yi
 ge hUM brjod cing las rgya sgrub par byed pa'i phyag rgya bcings te/ de'i rjes la a nu rA ga ya mi hUM zhes bya ba brjod cing las rgya rab tu bsgrub par bya'o zhes bya ba'i cho ga 'di rab tu bstan par bya ba'i phyir de nas phyag rgya thams cad bsgrub pa'i gsang
 ba'i rgyud ces bya ba gsungs te/ de nas gyi sgra ni sngar bshad pa'i de ma thag pa'i don ston par byed pa'o/ /phyag rgya yang yin la thams cad kyang de nyid yin pas phyag rgya thams cad de las rgya sgrub par byed pa'o/ /de rnams sgrub par byed pa ni rdzogs par byed pa'i
 rgyu ste/ de ston par byed pa'i gsang ba'i rgyud 'di yin te/ las 'dod pa zhes bya ba la tshe 'phel ba la sogs pa'i las byed par 'dod pas dang po kho nar yi ge hUM brjod cing dang po'i rdo rje bcing bar bya ste/ de nas a nu rA ga ya mi hUM
 zhes bya ba bzla zhing las thams cad bsgrub par bya ba yin no/ /bde ba chen po'i bya ba la sogs pa ni bshad zin to/ /rgyud phyi ma'i cho ga rgyas pa'o zhes bya ba la/ dpal rdo rje sems dpa' i gsang ba'i dkyil 'khor gyi rang bzhin gyi cho ga rgyas pa ni
 bsgrub par bya ba dang/ sgrub bar byed pa'i rgyun te yongs su rdzogs pa ni thar thug pa yin no/ /de ltar dum bu gnyis pa rtsa ba'i rgyud dang/ rgyud phyi ma rgyas par bshad pa byas nas da ni ji lta ba bzhin du bris pa'i dkyil 'khor rnams gshegs su gsol
 nas/ slob dpon gyis sprul pa rang gi lus la bcug ste/ de bzhin gshegs pa thams cad kyis rtog pa 'di byin gyis brlabs pa'i phyir bdag nyid gsol ba 'debs pa byed par rnam par bsams la yongs su rdzogs shing mthar thug par byin
 gyis brlabs pa'i tshigs su bcad pa brjod nas bdag nyid bsrung bar byas la ldang bar bya'o/ /zhes bya ba bstan pa'i phyir de nas zhes bya ba la sogs pa gsungs te/ de nas bcom ldan 'das de bzhin gshegs pa thams cad kyis rdo rje
 sems dpa' la gsol ba btab pa'o zhes bya ba dang sbyar ro/ /ji ltar zhe na yongs su mthar thug pa med pa zhes bya ba sogs pa la yongs su mthar thug pa ni yongs su rdzogs pa'o/ /yongs su mthar thug pa med pa ni yongs su mthar thug pa ste yongs
 su ma rdzogs pa'o/ /sku gsung thugs kyi rdo rje thams cad kyi las kyi sbyor ba zhes bya ba ni nam mkha' thams cad khyab par byed pa'i gzugs thams cad gzigs pa'i ye shes kyis 'khor ba ji srid kyi bar du sangs rgyas bcom ldan 'das rnams
 sems can gyi don mdzad pa ste mthar thug pa med pa'i sbyor ba des de rnams kyis gsol ba btab pa yin no/ /'o na de rnams gcig pu yin nam zhe na/ rdo rje 'chang dang bcas zhes bya ba ni rdo rje yid las byung ba la sogs pa'i rdo rje 'chang chen po dang
 bcas pa rnams so/ /ci'i don du zhe na 'di zhes bya ba la sogs pa la/ rtog pa'i rgyal po chen po 'dir yongs su mthar thug pa'i don to zhes bya ba dang sbyar ro/ /dum bu gnyis pa rtsa ba'i rgyud dang phyi ma'i rang bzhin 'das ma thag tu bshad pa'i thog ma tha
 ma med pa'i nam mkha' dang mnyam pa nyid kyi ye shes kyi rang bzhin dang/ sbyin pa'i pha rol tu phyin pa dang/ dam tshig phyag rgya las byung ba'o/ /bde ba chen po rdo rje gsang ba'i dam tshig ces bya ba ni gzugs thams cad ston par nam mkha' thams
 cad khyab par byed pa'o/ /khams thams cad ces bya ba ni nam mkha' i khams dang chos kyi dbyings dang/ 'jig rten gyi khams thams cad rdul phra rab rnams kyi khams thams cad do/ /khams thams cad kyang de yin la ma lus pa yang de yin pas khams thams cad
 ma lus pa'o/ /der kun tu 'gro ba ni spro ba ste khyab pa gang gang la yod pa de skad ces bya'o/ /phyag rgya chen po la sogs pa'i dngos grub thams cad kyi cho ga rgyas pa ni bsgrub par bya ba dang bsgrub par byed pa'i rgyun gang la yod pa de la yang de skad ces bya'o/ /srid pa
 thams cad kyi mdza' ni khams gsum gyi rang bzhin can te de yongs su mthar ma thug pa'i gsung rab kyi bstan pa gang ba yod pa de la de skad ces bya ste/ de yongs su mthar thug pa'i don ni yongs su rdzogs pa'i phyir thog ma tha ma med pa'i rdo rje
 sems dpa' la de bzhin gshegs pa thams cad kyi gsol ba btab pa yin no/ /gang zhig yongs su mthar thug pa'i byin gyis brlab pa'i don du gsol ba btab pa'i rtog pa'i rgyal po de nyid kyis khyad par slar yang bstan pa'i phyir rdo rje nam
 mkha' la sogs pa gsungs te nam mkha' dang mnyam pa nyid kyi ye shes kyi rang bzhin yin pa'i phyir ro/ /rdo rje'i ni nam mkha' o/ /rgyu 'di nyid kyi phyir chos kyi dbyings chen po spro ba ste de bzhin nyid kyis khyab pa'i dngos po'o/ /rdo rje 'chang gi theg
 pa ni rtog pa'i rgyal po 'di nyid de/ de'i phyir rtog pa gzhan dag las mchog ste phul du byung ba'o/ /chos thams cad las khyab par byed pa'i de bzhin nyid ni rdo rje nam mkha' chen po'i chos kyi dbyings te/ de spro ba'i dngos grub ni de bzhin nyid rtog pa'o/ /
 de gsol bas na rdo rje 'chang chen po'i chos kyi dbyings spro ba'i dngos grub gsol ba ste/ rdo rje 'chang rnams kyi theg pa de yin no/ /de ltar gyur pa'i theg pa chen po ste rdo rje 'chang gcig pu'i ma yin te/ 'on kyang rtag tu sangs rgyas thams cad dang/ rdo rje
 'chang chen po dang bcas pa zhes bya ba la/ 'jig rten gyi khams thams cad kyi rdul phra rab dang mnyam pa'i rnam par snang mdzad dang/ mi bskyod pa dang/ rin chen 'byung ldan dang/ snang ba mdza' yas dang/ don yod pa gtso bor gyur pa'i sangs
 rgyas thams cad do/ /de dag nyid rtag tu ste dus thams cad du de bzhin nyid kyis rdo rje chen po 'dzin pas na/ rdo rje 'chang chen po rdo rje sems dpa' la sogs pa'i rigs thams cad kyi lha'i rang bzhin can rdo rje 'chang chen po ste/ de dang bcas pa ni de
 dang lhan cig tu'o/ /rdo rje 'chang gi theg pa ni zhes bya ba la sangs rgyas dang byang chub sems dpa' nyid rdo rje 'chang chen po ste/ de rnams nyid kyi rtog pa'i rgyal po chen po de theg pa yin te gzhan dag ni ma yin no/ /yongs su mthar thug nus pa min
 zhes bya ba la nam mkha' khyab pas mdza' yas pa'i phyir rtog pa'i rgyal po'i theg pa yin te/ sangs rgyas dang byang chub sems dpa' rnams kyis yongs su rdzogs pas bstan pas gdul bya rnams la bstan par mi spyod pa de'i phyir le lo can la
 mdor bsdus nas rab tu bstan par mdzad pa'i phyir rtog pa 'di yongs su mthar thug par byin gyis brlab pa'i don du de bzhin gshegs pa rnams kyis rdo rje 'chang chen po la gsol ba btab pa yin no/ /dngos po mi sdug pa la zhen pas na ngan zhen no/ /
 e ma'i sgra ni rjes su bzung ba la'o/ /rtog pa'i rgyal po thos pa dang bsam pa la rab tu 'jug pa la dbang ba med pa'i sems can ni le lo can no/ /mi dge ba'i las kyi lam bcu la spyod pas na las kun ldan pa'o/ /thugs rje dam pa'i rdo rje khyod
 zhes bya ba la dmigs pa med pa'i thugs rje chen po'i rang bzhin ni thugs rje dam pa'i rdo rje'o/ /byang chub sems ni bla na med ces bya ba la sogs pa ni go sla'o/ /rab sgrub pa zhes bya ba ni rgya che bas 'jigs pas 'jigs pa rnams la mngon par 'dod pa'i
 dngos grub rab tu sgrub pa ste/ de ltar yongs su mthar thug par byin gyis brlab pa'i don du gsol ba btab pa'i bcom ldan 'das rdo rje 'chang chen pos mdor bsdus pa'i gzhung byin gyis brlabs thugs rtse gcig par mdzad nas bde ba chen po
 rab sgrub pa zhes bya ba la sogs pa ni yongs su rdzogs pa'i byin gyis brlab pa gsungs pa yin no/ /gang gis tshul 'dis ni dum bu gnyis pa'i rtsa ba'i rgyud dang/ rgyud phyi ma 'khrul pa med pa'i rna ba'i shes pa mchog ste phul du byung ba nyan par 'gyur
 ba 'am rigs thams cad kyi gsang ba'i rang bzhin gyis tshul 'di glegs bam la bris te/ sems can gang dag gi khyim na gnas par gyur pa de rnams la ji lta ba bzhin du bshad pa'i phan yon gyi mngon par 'dod pa'i 'dod pa'i dngos grub tshe 'di nyid
 la 'grub par 'gyur te/ ji ltar bya ba'i rgyud la sogs pa'i sgrub pa po'i gdul bya rnams la sdig pa yongs su zad par bya ba'i phyir de bzhin gshegs pa rnams kyis thog mar spyod pa la sogs pa'i tshul mdzad pa de bzhin du 'dir ni ma yin te/
 bsgom pa'i stobs kho na sdig pa yongs su zad pa'i phyir ro/ /rgyu 'di nyid kyi phyir phyi rol gyi bgegs rnams 'byung ba ma yin no/ /zhes bya ba bstan par bya ba'i phyir/ bgegs med de bzhin bdud kyang med/ rtog par zhes bya ba la
 mnyam pa nyid kyi ye shes bsgoms pa'i stobs kyis bdud bzhi mi dmigs pa'i phyir rtog pa 'dir dngos grub thams cad 'phel ba kho nar byin gyis brlabs pa ste/ ji lta ba bzhin du bris pa'i dkyil 'khor byas pa la mngon par zhen pa rnams la
 bdud chen po'i gzugs dmigs pa'i nus pas bdud nyid du 'gyur ba de bzhin du 'dir ni ma yin no/ /brtan pa med pa nyid ces bya ba la sogs pa ni go sla'o/ /'dis ni 'di skad ston par 'gyur te/ ji lta ba bzhin bris pa'i dkyil 'khor rnams
 ji ltar bshad pa'i tshul gyis yang dag par mchod nas gshegs su gsol ba la slob dpon gyis sprul ba rang gi lus la bcug ste/ de bzhin gshegs pa rnams kyis gsol ba btab pa'i rdo rje sems dpar bdag nyid rnam par bsams la byin
 gyis brlab pa'i tshigs su bcad pa brjod nas/ rdo rje bsrung ba dang/ rdo rje gnod sbyin dang/ rdo rje khu tshur gyi dam tshig gi phyag rgya rnams kyis bdag nyid bsrung ba byas na yang rdo rje sems dpa' yang nas yang du yongs su bzlas te/ yi ge brgya
 pa lan gsum brjod nas langs te/ ji ltar mngon bar 'dod pa'i glegs bam klag pa la sogs pa'o/ /dge ba'i bya bas gnas par bya'o/ /bde ba chen po zhes bya ba la sogs pa la/ bde ba chen po ni 'dir mnyam pa nyid kyi ye shes te de
 nyid rdo rje'o/ /de'i gsang ba ni de dang rgyu 'thun pa'i dum bu gnyis pa la rtsa'i rgyud dang rgyud phyi ma'i rang bzhin can gyi rtog pa'i rgyal po'o/ /dang po zhes bya ba ni bskal pa bzang po las snga nas gnas pa'o/ /mchog tu grub pa zhes bya ba ni shes
 rab kyi pha rol tu phyin pa'i dum bu la bltos na mchog gi bsgrub bya dang/ sgrub pa'i cho ga rgyas pa'i rang bzhin nyid kyi phyir mchog tu grub pa yin no/ /yongs su rdzogs pa ni mthar thug pa ste/ nyon mongs pa can gyi yid rnam par dag pa'i mtshan nyid kyi mnyam
 pa nyid kyi ye shes kyi rang bzhin bstan pa'i ngo bo dang/ rnam par smin pa'i sku dang/ mtshan ma med pa rnam par thar pa'i sgo dang/ sbyin pa'i pha rol tu phyin pa dang dam tshig gi phyag rgya bstan pa'i ngo bo nyid yin pa'i phyir ro/ /dpal mchog dang po'i rgya cher bshad
 pa/ shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud dang/ rgyud phyi ma'i bshad pa rdzogs so// //rgya gar gi mkhan po paN+Di ta mkhas pa chen po man+t+ra ka la sha dang/ sgra bsgyur gyi lo tsa ba chen po bod kyi dpal lha
 btsan po lha bla ma dge slong zhi ba'i 'dra kyi zhal snga nas bsgyur cing zhus te gtan la phab pa'o// // !/ (/dpal mchog dang po'i rgya tshar bshad pa las nam mkha' i snying po'i rtog pa bzhugs so/) /#/ /de ltar na dum bu gnyis pa rtsa ba'i rgyud dang/ rgyud phyi ma /
 gsungs nas/ da ni dum bu gnyis pa nyid kyi rtog pa thams cad kyi phyi ma'i rgyud kyi rang bzhin sgrub pa po'i rang bzhin myur du grub pa bshad pa ni de nas zhes bya ba la sogs pa gsungs pa yin te/ de nas dang po gnas nyams dgar bde ba chen po rnam par bzhugs
 zhes bya ba sbyar te/ de nas zhes bya ba ni de ma thag pa ston pa'i tshig phreng yin te dum bu dang po dang gnyis pa las gsungs pa'i don gyi sgrub pa'i khyad par gyis dngos grub myur du sgrub par bcom ldan 'das rdo rje sems dpas gsungs la/ sngar gsungs