བོད་ཡིག

e-texts based on the ACIP/ALL Input

rdo rje las kyi cho gas rim par phye ba'i cho ga slob dpon b+ha bas mdzad pa bzhugs so/ //rgya gar skad du/ badzra sutra tsakra karma bid+hi/ bod skad du/ rdo rje las kyi tshogs rim par phye ba'i cho ga /bcom ldan 'das rdo rje bsnams pa la dad cing gus pas phyag 'tshal lo/ /sems can la ni phan pa'i phyir/ /las kyi tshogs ni bdud rtsi mtshungs/ /rgyad rnams kun las btus nas ni/ /bdag gis sgrub bo'i don du bshad/ /las rnams thams cad ci byed kyang/ /gtor ma'i las 'di grogs su 'gyur/ /de bas gtod ma sngon la bshad/ /gtor ma'i las rnams kun la yang/ /ting 'dzin sngags dang phyag rgya dang/ /tshigs bcad rdzas kyi nus pa'i mthus/ /de lnga tshogs na las rnams 'grub/ /de yang ting 'dzin rgyal po'i tshul/ /bram ze sngags kyi nus mthu can/ /rje'u rigs phyag rgya nyid dang mthun/ /tshigs bcad tha ma la spyod pa 'dra/ /rdzas ni kun gyi bzhi rten 'gyur/ /de yang spyi dang khyad par ro/ /spyi ni kun gyi nu mthu can/ /nus pa drag po 'byin pa yin khyad par so so kun la yang/ /nus pa che chung rim pa 'byung/ /de yi rnal 'byor dam pa yang/ /las dang po ni mos pa 'jog/ /dngos grub phra mo phrin las dbang/ /ye shes phra mos phrin las rdzogs/ /ye shes can ni de nyid thob/ /yang dag pas ni bya ba rdzogs/ /rnal 'byor de lnga'i rim pas kyang/ /gtor ma la sogs las rnams la/ /ting 'dzin la sogs 'jug thabs lnga/ /man ngag can gyi shes par bya/ /de bzhin las rnams kun la yang/ /man ngag can gyis spyad bar bya'o/ / gtor ma dbul ba'i rim pa yang/ /mgron gyi lha ni gnyis mu? bya/ /'jig rten 'das dang 'jig rten pa/ /'jig rten 'das la gnyis yod gde/ /bde gshegs sprul dang sa la gnas/ /de dag gnyis la'ang spyi dang ni/ /so so'i khyad par shes par bya/ /'jig rten pa la gnyis yod de/ /spyi dang so so'i khyad par ro/ /spyi ni khams gsum sems can kun/ /khyad par chos skyong gsungs ma rnams/ /de la khyad par so so la/ /dpag tu med pa yod mod kyang/ /dgos pa bsdus pa bstan par bya/ /gtor ma'i rdzas rnams bstan pa ni/ /thun mong rdzas dang khyad par rdzas/ /thun mong drug cur sbyar zhes bya/ /khyad par bdud rtsi rnam lnga dang/ /dkar gsum bang mar gsum sogs dang/ / sha sna khrag la sogs pa dang/ /mgron gyi skabs dang sbyar bar bya/ /ting 'dzin bstan pa'i rim pa yang/ /bdag nyid lhag pa'i lhar skyed la/ /mtshan dang ldan pa'i snod mchog du/ /nyi zla'i gdan bsam bdud rtsi bsam/ / sa bon las skyeng nges su tshan/ /de 'og me dang rlung ni bsam/ /de yi steng du rdo rje bsam/ /de yi steng du ri bo can/ /yi ge oM gyis mtshan pa yin/ /hUM bskyod pas ni rlung 'byung bas/ /me 'bar bdud rtsi drod par 'gyur/ /oM gyi ye shes bdud rtsi phab/ /rdo rjes dkrug cing sku gsung bzlas/ /dri med dag pa'i bdud rtsir gyur/ /de ni thun mong ting 'dzin yin/ /khyad par so so'i skabs su bstan/ /thun mong gi ni sngags bstan pa/ oM bud+ha rA ki ni sarba sa? la? ti kha kha khA hi/ oM badzre DA?? ki nI sarba baM liM ta kha kha khA hi/ oM ratna DA ki nI sarba ba liM ta kha kha khA hi/ oM pad+ma DA ki nI sarba ba liM ta kha kha khA hi/ oM bi shwa DA ki nI sarba ba liM ta kha kha khA hi/ oM sarba DA ki nI sarba? ba liM ha kha kha khA hi/ khyad par gyi sngags bsnyan pa ni/ oM badzra DA ki bya ba khye ra ci/ ru pha kA kA sya tsi la kA la ru ba/ i maM ba li gri ha tu sa ma yaM raksha n+tu ya theSh+Ta sarba sid+d+ha mme pra yats+tshandu hUM hUM phaT swAhA/ tshigs bcad kyi ni rim pa yang/ /spyi dang khyad par gnyis su bstan/ /spyi yi tshigs bcad bstan pa ni/ /mkha' dbyings rnam dag klong dkyil nas/ /smon lam thugs rje dbang gis na/ /mkha' 'gro mi zad sku sprul nas/ /'jig byed 'jigs pa'i sku 'chad ma/ /sku la sgribs pa mi mnga' yang/ /'gro ba sems can don slad du/ /bdud rtsi las gsogs gsol mdzad ma/ /dgyes pa'i tshul gyis 'dir gshegs mchod pa bzhes/ /bud+d+ha mkha' 'gro dpal 'bar ba/ /smug nag 'bar ba'i ral ba can/ /stobs ldan drag shul sku 'chang ma/ /sku yi stobs ldan mthu chen las/ /sku yi lha mo'i sprul pa 'gyed/ /bud+d+ha mkha' 'gro 'khor bcas rnams/ /yang sprul smug mo 'bum gyis skor/ /dgyes pa'i tshul gyis 'dir gshegs mchod pa bzhes/ /rdo rje mkha' 'gro dpal 'bar ma/ /mthing nag 'bar ba'i ral pa can/ /thugs mchog 'bar ba'i rigs ldan ma/ /mi 'gyur thugs kyi dpal be'u nas/ /thugs kyi lha mo sprul pa 'gyed/ /rdo rje mkha' 'gro 'khor bcas rnams/ /'khor du nag mo 'bum gyis bskor/ /dgyes pa'i tshul gyis 'dir gshegs mchod pa bzhes/ /rin chen mkha' 'gro dpal 'bar ma/ /ser nag 'bar ba'i ral pa can/ /yon tan rgyas pa'i rigs ldan ma/ /rin chen 'bar ba'i mdzod spu nas/ /rin chen rigs kyi sprul pa 'gyed/ /rin chen mkha' 'gro 'khor bcas rnams/ /'khor du ser mo 'bum gyis bskor/ /dgyes pa'i tshul gyis 'dir gshegs mchod pa bzhes/ / pad+ma mkha' 'gro dpal 'bar ma/ /dmar nag 'bar ba'i ral pa can/ /gsungs mchog 'bar ba'i rig ldan ma/ /dri med gsung gi bum pa nas/ /gsung gi lha mo sprul pa 'gyed/ /sgra rnams sgrogs pa'i mkha' 'gro ma/ /'khor du dmar mo 'bum gyis bskor/ /dgyes pa'i tshul gyis 'dir gshegs mchod pa bzhes/ /las kyi mkha' 'gro dpal 'bar ma/ /ljang nag 'bar ba'i ral pa can/ /las rnams mdzad pa'i rigs ldan ma/ /phyag zhabs pad+ma'i 'khor lo las/ /las kyi lha mo'i sprul pa 'gyed/ /drag shul las kyi mkha' 'gro ma/ /'khor du ljang nag 'bum gyis bskor/ /dgyes pa'i tshul gyis 'dir gshegs mchod pa bzhes/ /mkha' la 'gro ba'i mkha' 'gro ma/ /rdo rje nam mkha' 'gro ba'i mkha' 'gro ma/ /sa la 'gro ba'i mkha' 'gro ma/ /rdo rje 'og 'gro ma dang/ /bar snang 'gro ba'i mkha' 'gro ma/ /mkha' 'gro ma dang shugs 'gro ma/ /ma mo'i tshogs dang sring mo'i tshogs/ / nag mo dbang phyug tshogs rnams kun/ /dgyes pa'i tshul gyis 'dir gshegs mchod pa bzhes/ /gnod sbyin tshogs rnams ma lus dang/ /zhes bya ba la sogs pa klog 'phreng nas 'byung ba'i rgyud bzhin du gtang ngo/ /khyad par so so'i tshigs bcad ni/ /mkha' la spyod pa'i mkha' 'gro ma/ /bya rogs gzugs can 'jigs pa'i gzugs/ /pad+ma las gnas kha' gdong ma/ /thod pa kha TwAM ga yis brgyan/ /gri gug gcod mdzad thod khrag 'thung/ /phyag bzhi de bzhin rol pa mdzad/ /zhal gyi nga ngos bdud rnams rgyal/ /spyan gsum smin ma'i dkyus ldan ma/ /spyan gsum 'od kyis khams gsum gsal/ /rol pa'i 'dug stangs gar dang ldan/ /sgeg pa la sogs ro ldan pa/ gar gyi spyod ldan mkha' 'gro ma/ /khro bo'i rgyal po stobs chen rnams/ /sbyor ldan tshul gyis 'khor gyis bskor/ /'khor bcas ma lus thams cad kyang/ /dgyes pa'i tshul gyis 'dir gshegs mchod pa bzhes/ /mkha' 'gro chen mo sa spyod ma/ /khyi yi gdong can 'jigs pa'i gzugs/ /spyan mig glog 'gyu stong mdzad ma/ /zhal gdangs pas ni khams gsum rdud/ /phyag gi gar gyis dgyes par mdzad/ /sku yi sgeg pas rol pa ldan/ /zhabs kyis 'byung po? zil gyi gon na/ /drag po 'khor dang bcas pa rnams/ /dgyes pa'i tshul gyis 'dir gshegs mchod pa bzhes/ /sa 'og gnas pa'i mkha' 'gro ma/ /gau ri nag mo chen mo ni/ /nya yi gdong can 'jigs pa'i gzugs/ /spyan gsum 'od zer 'bar ba yis/ /khams gsum ma lus skrag par byed/ /zhal gyis sa 'og sems can gsol/ /phyag gi dri yis nyams rnams btub/ /zhabs rnams rol pas sa 'og gnon/ /gar gyi 'gying? tshul la brtson pa/ /ha ha hi hi sgra sgrogs ma/ /drag po'i 'khor dang bcas pa rnams/ /dgyes pa'i tshul gyi 'dir gshegs mchod pa bzhes/ /phyogs spyod gnas pa'i mkha' 'gro ma/ /thod pa 'bar ba'i gzhal yas nas/ /rdo rje hUM bdag gtso bdag mdzad/ /sdigs 'dzug rdo rje 'gying bag can/ /shin tu mi bzad 'jigs mdzad ma/ /spyan ni sngon po'i mdog dang ldan/ /'bar bar sngon por rab tu khyab/ /bskyang bskum tshul gnas ma mo non/ /de 'khor phyogs spyod mkha' 'gro ma/ /shar gyis phyogs kyi tshangs pa mo/ /zhal gcig spyan gsum gang la brtson/ /rdub dang skrag dang 'dzin pa'i las/ /phreng ba spyi blugs bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /lho na gnas pa'i khyab 'jug ma/ / zhal gcig spyan gsum gang la brtson/ /rdub dang skrag dang 'dzin pa'i las/ /'khor lo pad+ma bsnams pa'o mkha' 'gro ma/ /dgyes pa'i tshul gyis 'dir gshegs mchod pa bzhes/ /nub na gnas pa'i gzhon nu ma/ /zhal gcig spyan gsum gar la brtson/ /rdub dang skrag dang 'dzin pa'i las/ /rtse gsum phreng ba rnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /byang na gnas pa'i gshin rje cas? /zhal gcig spyan gsum gar la brtson/ /rdub dang skrag dang 'dzin pa'i las/ /dbyug pa mi mgo bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /me yi phyogs na gnas pa'i tsa muN+Di?/ /zhal gcig spyan gsum gar la brtson/ /rdub dang skrag dang 'dzin pa'i las/ /'khor lo seng ge bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /srin po'i phyogs na gnas pa'i tsa muN+Di/ /zhal gcig spyan gsum gar la brtson/ /rdub dang skrag dang 'dzin pa'i las/ /ral gyi rgyal mtshan bsnams pa'i mkha' 'gro ma/ /dgyes pa'i tshul gyi 'dir gshegs mchod pa bzhes/ /dbang ldan mtshams na gnas pa'i dbang ldan ma/ /zhal gcig spyan gsum gar la brtson/ /rdub dang skrag dang 'dzin pa'i las/ /mdung thung thod pa bsnams pa'i mkha' 'gro ma/ /dgyes pa'i tshul gyis 'dir gshegs mchod pa bzhes/ /rlung gi phyogs na gnas pa'i rlung lha ma/ /zhal gcig spyan gsum gang la brtson/ /rdub dang skrag dang 'dzin pa'i las/ /gos dang thong pa bsnams pa'i mkha' 'gro ma/ /ma mo mkha' 'gro 'khor bcas rnams/ /dgyes pa'i tshul gyis 'dir gshegs mchod pa bzhes/ /mkha' 'gro chen mo thang? spyod ma/ /khyung mchog rdo rje 'jigs pa'i gzugs/ /de yi thugs las sprul pa mo /mkha' 'gro drag mo mthu mo che/ /ro langs ma ni za la dga' / /gtum mo 'jigs pa'i cha lugs can/ / seng ge chen mo 'chod byed ma/ /stag mo chen mo 'khyug byed ma/ /'ug gdong chen mo mun pa 'joms/ /lce spyang ma ni khrag tu za/ /mkha' 'gro chen mo 'khor bcas kyang/ /dgyes pa'i tshul gyis 'dir gshegs mchod pa bzhes/ / mkha' 'gro chen mo gzhon nu ma/ /sku mdog ser mo 'od zer 'bar/ /'od zer phreng ba stong phrag 'phro/ /mdzes pa'i rgyan rnams kun gyis brgyan/ /rnam par snang mdzad kyi dbu rgyan can/ /mya ngan med pa'i me tog phreng /dbu la mdzes pa'i rgyan du byas/ /zhal gsum phyag drug mthu mo che/ /sgeg cing rol dang bcas pa mo/ /gzhon nu chen mo 'khor bcas kyang/ /dgyes pa'i tshul gyis 'dir gshegs mchod pa bzhes/ /mkha' 'gro chen mo lhag sdud ma/ / dur khrod brgyad kyis dbus gnas pa/ /bcom ldan 'khor ba sgrol ba'i mchog /dar mo nga yi nang gnas pa/ /ljang khu'i mdog can 'gying bag can/ /gru gsum nang gi phyogs dag na/ /ye shes can dang mkha' 'gro ma/ /skyon ma gos pa'i gos dkar mo/ /nyon mongs 'khru phyed mA mA kI/? 'bar ba'i phreng bas khyab cing drag /mkha' 'gro chen mo khyod bzhi yang/ /lhag sdud rnams kyi gtse mor grags/ /mkha' 'gro chen mo lhag sdud rnams/ /dru khrod brgyad kyi phyogs dag na/ /kha TwAM ga dang mgo la sogs/ /thod pa rnams kyis yongs su brgyan/ /shing gcig dang ni ldan pa nyid/ /khra dang khyi dang spyang gu dang/ /seng ge stag dang byi la dang/ /bya rgod la sogs 'khor gyis bskor/ /dpa' bo rnal 'byor ma tshogs kyis/ /mnyes par spras pa'i gzugs 'dzin ma/ /mkha' 'gro chen mo keng rus ma/ /drag po gri gug snod thogs pa/ /gri gug gcod pa'i las mdzod cig /thod pa'i khrag ni 'thung bar byed/ /sra? bshig pa la spyan gsum pas/ /yi dags zhal du rdub par byed/ /drag po mi bzang gsum pa 'phyang/ /thod pa 'bar ba'i rgyan dang ldan/ /rgyu ma'i phreng bas nges par brgyan/ /stag gi lpags pa'i sham thabs can/ /mi yi drus pa'i phreng ldan pa'i/ /ska rags khrag gi thig le can/ /yi dags klang pa'i tshil dang zhag /lus la byugs pa la dgyes pa/ /lag 'gro chen mo'i rna cha can/ /brang 'gro'i rkang gdub 'jigs rung ba/ /kha dog dkar po 'bar ba'i tshogs/ /gzi brjid thub pa dag pa yi/ /shin tu mi zad khros pas ni/ /gnod sbyin la sogs bsdigs par byed/ /ha ha chen po'i sgra sgrogs pa/ /mkha' 'gro chen mo dud sol gdong/ /de 'dra'i mkha' 'gro dpag med dang/ sha za la sogs 'khor gyis bskor/ /'khor bcas ma lus thams cad kyis/ /'dir gshegs lhag ma'i gtor ma bzhes/ /lhag ma'i gtor ma 'di bzhes la/ /las rnams ma lus myur du mjod/ /khyed kyi las rnams mdzad tshul ni/ /rgyal ba shAkya thub bstan pa la/ /gnas pa'i rnal 'byor bsrung ba dang/ /bstan pa gnyan po bsrung ba dang/ /nad rnams ma lus bzlog pa dang/ /de la sogs pa'i las rnams kun/ /myur du mdzad cing bsrung du gsol/ /gzhan yang bcol ba'i las rnams ni/ /rdo rje slob dpon smod pa dang/ /sangs rgyas bstan pa bshig pa dang/ /rgyal khams yongs su smod pa dang/ /dge 'dun 'du ba'i sgo 'phrog dang/ /gsang sngags theg chen smod pa dang/ /rnal 'byor spyi yi dgrang gyur rnams/ /mkha' 'gro khyed kyi myur du sgrol/ /sha za mo ni 'jigs pa'i gzugs/ /dur khrod gnas pa'i shing gcig la/ /rtse mor gnas bcas kun tu lta/ /gcer bu sgra bshig sha za ma/ rtag tu sha ni za bar byed/ /sha za 'khor dang bcas pa rnams/ /'dir gshegs mchod pa dam pa bzhes/ /mkha' lding rgyal po gser mig can/ gdong gcig pa la lag bzhi ba/ /kha dog dkar po'i 'od chen ldan/ /gser kyi gshog pa'i dbu rgyan can/ /nor bu baiDUrya yi chu/ /rkang gzer byi ru las byung ba/ /shel ltar dkar ba'i mdog dang ldan/ /skye ba'i gnas su bdud rtsis bkang/ /phyag gi bum 'dzin phyag 'tshal bstod/ /'od zer dmar po'i tshogs kyis ni/ /mkha' lding bar phyag 'khor bcas spros/ /gshog brur brgyab pas rgya mcho skams/ /klu rnams ma lus zas su za/ /mkha' lding rgyal po 'khor bcas rnams/ /'khor gshegs mchod 'dam pa bzhes/ /klu yi rgyal po gzi brjid can/ /klu chen brgyad du sku sprul pa/ /klu chen rgyal po nor rgyas bu/ /sku mdog dkar po skyen ma gos/ /shar phyogs klu rnams 'dul mdzad pa/ /skul? mgo can la phyag 'tshal bstod/ /klu yi rgyal po 'jog po ni/ /sku mdog ser po sprul mgon na/ /byang phyogs la gru rnams 'dul mdzad pa/ /sbrul zhags bsnams la phyag 'tshal bstod/ /klu chen rgyal po stobs kyi rgyu/ /sku mdog dmar po sgrul mgo can/ /nub phyogs klu rnams 'dul mdzad pa/ /mthu chen khyod la phyag 'tshal bstod/ /klu chen rgyal por pad+ma'i ?? rgyal/ /sku mdog sngon po sbrul mgo can/ /lho phyogs klu rnams 'dul mdzad pa/ /yon tan rgyas la phyag 'tshal bstod/ /klu chen rgyal po pad+ma che/ /sku mdog dkar ser sprul mgo can/ /dbang ldan klu rnams 'dul mdzad pa/ /skyon ma gos la phyag 'tshal bstod/ /klu chen rgyal po dur skyor ni/ /sku mdog dkar sngo sbrul mgo can/ /shar lha'i klu rnams 'dul mdzad pa/ /dug rnams 'joms la phyag 'tshal bstod/ /klu chen rgyal po rigs lnga ni/ / sku mdog sngo dmar sbrul mgo can/ /lho nub klu rnams 'dul mdzad pa/ /stobs po che la phyag 'tshal bstod/ /klu chen rgyal po pad+ma 'khyil/ /sku mdog dmar ser sgrul mgo can/ /nub byang klu rnams 'dul mdzad pa/ /nad rnams sel la phyag 'tshal bstod/ /oM mdza' yas dang ni nor rgyas bu/ /'jog po dang ni stobs kyi rgyu/ /pad+ma pad+ma chen po dang/ /lha mo lha mo chen mo dang/ /zla ba spyi gtsug spyi gtsug che/ /ba con 'dzin dang be con che/ / snying po med dang mgu la ti/ /dga' bo dang ni nyer dga' dang/ /rgya mtsho dang ni rgya mtsho che/ /gdung ba dang ni gdung chen mo/ /dpal gyi 'od dang 'od po che/ /rin chen 'od dang gzugs bzang dang/ /gzugs chen sprul bzangs lto phye che/ /smig rgyu dang ni smig rgyu che/ /klu chen rgyal po 'khor bcas rnams/ /'dir gshegs mchod sbyin gtor ma bzhes/ /dpal ldan mgon po nag po che/ /sku mdog mthing nag zhal gcig pa/ /g.yon brkyang g.yas bskum 'byung po 'dul/ /mthu stobs can la phyag 'tshal bstod/ /nam mkha' i gos can mthu po che/ /stag gi lpags pa'i sham thabs can/ /sprul dang thod pa'i phreng bar ldan/ /mthu chen thob la phyag 'tshal bstod/ / mche ba gcigs pas mi zad pa/ /thod pa'i phreng ba bskod pa yis/ /mgrin pa rkang pa rnams brgyan pa/ /mi bzad thod phreng can la bstod/ /smin ma kham pa'i smin 'khrug can/ /spyan gsum gyis ni rnam par sbras/ /khams gsum la ni gzigs pa'i rtags/ /sku gsung thugs ldan khyod la bstod/ /dang po spyan ni nag po mtshungs/ /g.yas pa sngon por snang ba ste/ /g.yon pa dmar por shin tu mdzes/ /gsal bar mkhyen la phyag 'tshal bstod/ /ye shes spyan ni gsum po yang/ /mi 'gyur phrin las chags pa'i rtags/ /nyi ma khri dang mtshungs pa'i 'od/ /'od gsal khyod la phyag 'tshal bstod/ /pha rol phyin bcu'i mthu ldan pa'i/ /phyag bcus 'gro ba'i don mdzad pa'i/ /shes rab ral gri rnon po yis/ /nyon mongs gcod mdzad khyod phyag 'tshal/ /thugs rje 'bar ba'i tho ba yis/ /dgra bgegs tha par rlog mdzad pa/ /rtse gsum 'bar ba'i 'od zer gyis/ /dug gsum rtsad gcod khyod phyag 'tshal/ /rgyud sbreng la ni brtson gyur ba/ /mkha' 'gro rnams ni skul ba'i rtags/ /g.yas kyi thabs kyi phyag rnams ni/ /las rnams mdzad pa khyod phyag 'tshal/ /g.yon gyi thod pas khrag bkang pa/ /dgra bgegs zhal du rdub mdzad pa/ /kha TwAM rtse gsum bsnams pa ni/ /'byung po 'joms mdzad khyod phyag 'tshal/ /bi bang sgra snyan bsnams pa ni/ /nyon mongs gdung bsel mdzad pa/ /gar gyi thabs kyi phyag rgya ni/ /las la bskul mdzad khyod phyag 'tshal/ /mi yi lpags pa khrag 'dzag pa/ /steng gi phyag zhi gnyis na bsnams/ /drag po'i las la rol ba'i rtags/ /drag po'i las mdzad khyod phyag 'tshal/ /de yi bka' sngod pho nya mo/ /mkha' 'gro chen mo mi sdug gdong/ //khyod kyis drag bo'i las mdzod cig /drag po'i las mdzad khyod phyag 'tshal/ /seng gdong chen mo rtsal mo che/ /'byung po thams cad 'jigs mdzad ma/ /'byung po bsgral pa'i las mdzod cig /sgrol mdzad khyod la phyag 'tshal bstod/ /mkha' 'gro chen mo glang po'i gdeng/ /khyod kyis stobs kyis bdud rnams 'dul/ /bdud rnams ma lus khyod kyis 'dul/ /bdud 'dul chen mo khyod phyag 'tshal/ /mkha' 'gro chen mo dred mo'i gdong/ /rdo rje brag kyang 'gas par byed/ /brag 'gas chen mo mthu rtsal cam/ mthu rtsal can la phyag 'tshal bstod/ /mkha' 'gro chen mo sbrul gyi gdong/ /gsong byed gsong byed mthu mo che/ /sman dang dug gi sbyor mkhan ma/ /sbyor mkhan ma la phyag 'tshal bstong/ /mkha' 'gro chen po spyi ?? gdong/ /mgyogs byed rtsal dang ldan pa mo/ /gang la bya ba'i don grub ma/ /don grub ma la phyag 'tshal bstod/ /mkha' 'gro chen mo khyi gdong ma/ /gtsang sme med bar za ba'i mchog /sha khrag dus gsum gsol mdzad mo/ / gsol mdzad pa la phyag 'tshal bstod/ /mkha' 'gro chen mo stag gi gdong/ /dpal brtul chen mo mthu mo che/ /gsong la dga' ba'i mkha' 'gro ma/ /gsong bdag chen mo khyod phyag 'tshal/ /mkha' 'gro chen mo khyod rnams kyang/ /'khor du yang sbrul 'bum gyis bskor/ /ha ha zhes pa'i sgra sgrogs shing/ /smongs pa rnams ni skrag byed cing/ /thod pa'i nang du blugs pa'i khrag /'thung bar byed pa'i mkha' 'gro ma/ /skad cig yud la sgrol par byed/ /'khor bcas khyed la phyag 'tshal bstod/ /dpal ldan mgon po nag po la/ /mchod pa dam pa 'bul ba ni/ /me tog spos dang mar me dang/ /dri la sogs pa dbul gyis bzhes/ /mthun pa'i gtor ma 'bul ba ni?/ thug pa nag po'i 'o thug dang/ /sbyar ba la sogs mi bzad dbul/ /bstan pa bsrung ba'i las mdzod cig /rlon pa dang ni btsos pa dang/ /bsregs pa'i sha yi bye brag rnams/ /mi bzad dbul gyis bzhes su gsol/ / bstan pa bsrung pa'i las mdzod cig /zhag dang klad pa'i tshil rnams dang/ /khrag dang glo ba la sogs pa/ /nya la sogs pa mi bzad dbul/ /bstan pa bsrung ba'i las mdzad cig /rkun chang dang ni sbyar ba'i 'chang/ /'bru'i chang la sogs ba dang/ /'phrang bu'i chun bo mi bzad dbul/ /sgog pa'i bye brag bdun rnams dang/ /snum khur 'bru la sogs pa dang/ /zangs lcags la sogs mi bzad dbul/ /bstan pa srung pa'i las mdzod cig /gzhan yang mkha' 'gro chen mo rnams/ /spyang gdong ma dang seng gdong ma/ /glang po'i gdong dang dreng kyi gdong/ /sbrul gyi gdong dang byi la'i gdong/ /khyi gdong ma dang stag gdong ma/ /mkha' 'gro chen mo 'khor bcas la/ /sha khrag gtor ma mi ba zang dbul/ /mchod ba dam pa 'di bzhes la/ /khyed la bcol ba'i 'phrin las ni/ /rdo rje slob dpon smod pa dang/ /sangs rgyas bstan pa bshig pa dang/ /rgyal khams yongs la gnod pa dang/ /dge 'dun 'du ba'i sgo 'phrog dang/ /theg chen chos la smod pa dang rnal 'byor skyi yi dgrar gyur rnams/ /ma thogs myur sgral? du gsol/ /phyi nang tshul du sku sprul pa'o/ /rgyal po chen po bzhi rnams ni/ /so so'i phyogs kyi 'khor skyong ba/ /drag po'i las mdzod rgyal po bzhi/ /yul 'khor skyong gi rigs rnams kun/ /char sbangs pa yi gtor ma long/ /rgyal ba chen po rnam thos sras/ /gnod sbyin stong la mnga' mdzad ba/ /khyed kyi mthun pa'i dam rdzas ni/ /sha chang la sogs gtor ma longs/ /rgyal po chen po 'phags skyes po/ /grul bum stong pa mnga' mdzad pa'i/ /shin tu khrag la dgyes pa'o/ /khrag gis bkang ba'i gtor ma long/ /rgyal po chen po spyan ma bzang/ /klu rnams stong la mnga' mdzed pa/ /'o ma dag la shin tu dgyes/ /'o mas bkang ba'i gtor ma long/ /rgyal po chen po 'khor bcas kyang/ /'dir gshegs mchod sbyin gtor ma bzhes/ /dri za'i rgyal po zur phud can/ /spos dang ldan pa'i rtse la gnas/ /dri rnams zhim pos lus la byugs/ /me tog phreng bas lus ni brgyan/ / dri za'i bu mo lus la 'khril/ /sa 'dzin la sogs klu yin/ /bye brag bdun gyis sgra rnams sgrogs/ /zas su dri rnams za bar byed/ /dri za'i 'khor dang bcas pa rnams/ /'dir gshegs tshul bzhin gtor ma bzhes/ /sha za'i rgyal po mthu bo cha/ /shin tu 'jigs pa'i nga ro sgrogs/ /zhal gdangs pas ni sha rnams gsol/ /sha za 'khor dang bcas pa rnams/ /'dir gshegs tshul bzhin gtor ma bzhes/ /rnal 'byor chen mo 'phrog ma'i gdong/ /mche ba gtsigs pa 'jigs su rung/ /kha nas lce 'dril mthu mo che/ /gar gyi tshul du tshod mdzad ma/ /gnod sbyin 'brog ma 'khor bcas rnams/ /'dir gshegs mchod pa dam pa bzhes/ /lha dang lha min rgyal po ni/ /rgyu ba dang ni cher rgyu ba/ /yi dags rgyu ba nyi ma zla/ /dngos grub gdong dang rgyal po dang/ /rta'i rgyal po zla ba'i rgyal/ /lha mo klu mo 'ga' 'ga' dang/ /gzugs mdzes skar ma 'dus pa dang/ /gza' rnams kun dang tshogs kyi gtso/ /ka rti ka dang dpal ldan ma/ /lha mo ri bong 'dzin pa nyid/ /lhag ma dang ni lhag ma che/ /lha yi rgyal po lha min rgyal/ /bu ka si dang sbom chen mo/ /lha dang lha min rgyal bo che/ /'khor bcas ma lus thams cad kyang/ 'dir gshegs mchod bar ma pa bzhes/ /gnod sbyin rgyal po chen po ni/ /nor bu bzang dang gang ba bzang/ /rgyal po bzang po dga' byed phur/ /phur bu che dang pad ma'i gtsug /tung gi gtsug pu dgar dang ni/ /gar chen 'bigs par byed pa dang/ /gcod par byed dang gang bar byed/ /nor dang nor min shin tu nor/ /gzugs bzang rol pa rol chen po/ /rgong dang rtse ldan rnam par spyod/ /dpal bzangs dang ni gzugs mdzes rnams/ /bde ba chen po'i bka' 'di yis/ /gnod sbyin gnod sbyin ma 'dir shog /gnod sbyin gnod bcas ma lus kyang/ /'dir gshegs mchod sbyin gtong ma long/ /mkha' 'gro nag mo chen mo ni/ /oM shing gcig dang ni dur khrod dang/ /ri bo dang ni su la phug /grong dang bzhi mdo zhing dang ni/ /khyad par du ni khang stong dang/ /sems can gnod dang thang dang ni/ /khyad par du ni chu la gnas/ /nag po chen po drag chen po/ /lha sbyin mnyam du ston pa dang/ /nag po gtsags dang 'jigs byed dang/ / dga' las 'jas dang log 'dre na rnams/ /rgan byed mo dang drag mo dang/ /'jigs byed ma dang u ma dang/ /rgyal dang rnam par rgyal ba dang/ /mi thub gzhan gyis mi thub ma/ /nag mo bzang mo nag mo che/ /nag mo spom dang rnal 'byor ma/ / dbang mo dang ni zla ba che/ /drag tu sdang dang 'chang ba mo/ /'phrog byed ma dang mar me ma/ /'jigs byed grong gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thong chen ma/ /thong 'phreng phreng can kha TwA ga/ sbrul chen ral gri dgra sta can/ /rdo rje de bzhin gzhu can ma/ /de nyid chen mo mkha' 'gro ma/ /las kun rjes su grub byed ma/ /sbyor ba'i dkyil 'khor rgya chen mo/ /de bzhin rdo rje dbang phyug gtso/ /de bzhin gshegs pa'i sku chen te/ / ? rdul med rnam 'byor la byin pa ma/ /rdo rje dbang pho'i bka' 'di yis/ /thams cad kun nas 'dir sbyon cing/ /mkha' 'gro nag mo 'jigs pa'i gdong/ /nag mo chen mo tshogs kyis bskor/ /dur khrod kun tu rgyug mdzad ma/ /dpag tshad brgyad khri bzhi stong nas/ /skad cig yud pa phyin mdzad ma /khrag gi dri snoms phyin mdzang ma/ /khrag gi dri snom mthu mo che/ /'khor bcas 'dir gshegs gtor ma long/ /khyod la bcol ba'i phrin las ni/ /rdo rje slob dpon smod pa dang/ /sangs rgyas bstan pa 'jig pa dang/ /rgyal khams yongs su gnod pa dang/ /dge 'dun 'du ba'i sgo 'phrog dang/ /gsang sngags theg chen smod pa dang/ /rnal 'byor spyi yi dgrang gyur rnams/ /ma thogs myur du bsgral du gsol/ /rnal 'byor lcam dral bsrung ba dang/ /rims nad yams nad bcad pa dang/ /mi mthun rkyen dbang bzlog du gsol/ /de nas gsang sngags bstan bya ste/ /sngags rnams nus pa'i mthu yis ni/ / dug rnams 'joms shing thams cad sbyong/ /sngags rnams so so'i tshigs bcad dang/ /sbyar ba ru ni shes par bya/ /yang na sngags rnams phyogs gcig gtang/ /tshigs bcad kyang ni phyogs gcig btang/ /de ni man ngag skabs shes bya'o/ /skabs rnams de ni ma shes na/ /nus pa'i mthu ni nyams par 'gyur/ /yang na tshigs bcad gcig pus kyang/ /gang yin don rnams 'grub par 'gyur/ /rdo rje'i tshigs bcad don ldan ni/ /sngags dang 'dra ba nyid du gsungs/ /rdo rje tshig gi khyad par gyi/ /sngags kyi lha yi yon tan gyi/ /don rnams kun ni brjod pas su/ /don dam kun rdzob las mi 'da' / /don dam kun rdzob brjod tshig du/ /sngags mtshon byed pa'i rdo rje'i tshig/ /de la sngags zhes bya ba yin/ /oM na ma sh+rI badzra DA kI ye/ oM zha? kA sye hUM hUM phaT/ oM a yan+t+ra yaM du DA ki bya sha na thag tra ma ho/ /gra b+hi ma wa/ i sha i maM pi li/ /b+hu nya dza ji g+h+ra pi pa gri h+Nata/ A ta a kaM puSh+TiM ku ru/ /sa ma ya ma nu sma ra a hUM phaT swAhA/ oM shwa na se b+hu ce ri e i me ba lI/ gihUM thaM hUM/ hUM hUM phaT/ oM e hye hi ma hA pA la ba ryi ba ra kram yo dza na sa ha sre pra laM bar? pu shaM/ ti li ti si gi yi ma hA ti ming gi li bra b+h+ri ha yo ma hA mi na a d+hi pa ti ya a sa ni ni ha ta b+ha ban+tu/ ma ma a baM be ta wa id+d+hi ma bi ta ra na tu swAhA/ oM A A i a'i u a'u ri rI li lI e i o oM a(rgyud 'grel phaT/ oM ko pAM rI ye hUM phaT/ oM tsa muN+Te ya hUM phaT/ oM i shA n+yai h+ri hUM phaT/ oM me prA h+ri hUM phaT/ oM a A aM a/ a kU ro mu khaM sarba d+ha rmA NI a tya nu tpa n+na twang oM A(rgyud 'grel b+ha d+ha li bA ra hA mu khi sarba du Shbu naM mu khaM/ b+ha ma dta b+ha na d+ha hUM hUM phaT/ aM maM ba li pra tI ts+tsha sa ma ya ma nu sma ra ma hUM phaT swA tA/ oM mA hA kA a ya ti a A hi/ me hA bi ha ra ba lan barba DA kI ni ya kA rak+Sha sa pa ri ba po/ at+tA sa n+ni haM to b+ha bas swAhA/ oM a ra sho ri ka ji A rya saM bya pa ti Sh+Thi ta/ sarba da sha di ka lo ka d+hA tu pa ra ma n+ya pa ran tang par ting/ sarba ti ga lo ka pa ya/ /mA hA kA la badzra A u d+ha mA ya badzra/ badzra na ma badzrag la badzra mu sa la nA gA badzra/ /badzra e ni la/ badzra she na DA/ badzra kro d+ha/ ba dzra pra pa/ badzre ka na dta shaMpa ri pu ra/ sa thA ya bA/ hA sAM sa ngaM mar ma sarba sa sa taM naM tsa/ satu kha sid+d+hi ye swatA/ ya kA b+ha banju hUM hUM phaT swAhA/ oM badzra DA ki sa ma ya ma nu pA la ya/ badzra DA ki tre ni pa ti tha DI Dha me b+ha ba/ su toM khyo me b+ha pa/ gzhu rag to me b+ha ba/ su po Sh+yo me b+ha ba/ sarba sid+hi mme bra yats+tsha/ sarba ka rma su tsa me/ /tsit+ta sh+rI yaM ku ru hUM/ ha ha ha ha ho/ /b+ha ga bA na/ sarba ta thA ga ta DA ki ma me mu ny+tsa/ DA kI b+ha pa mahA sa ma ya satwa a(rgyud 'grel se nra d+hi pa ta ye i i ba lI pra tits+tsha sa ma ya ma nu sma ra ya hUM hUM phaT swAhA(rgyud 'grel pa ta ye/ i maM bi laM pra tI ts+tsha sa ma ya ma nu sma ra A(rgyud 'grel ha yan+tu/ b+ha ga bI badzra d+ha ra shas ni tiSh+Tha n+tu/ a tra saM ne ha ti b+hya bo swAhA/ oM swa b+ha ba shud+d+ha(rgyud 'grel sa ma yi staM dri sh+ya ho/ /oM pi tsi pi tsi sma she na rba si b+ho/ /ma hA pi shA ci b+hya/ /i mdaM baM liM g+hi h+Na ta b+hu nyja tha pi pa tha/ ma mSh+Ta sid+h mai pra ya ts+tshi du swAhA/ oM d+he pa kI rE dza ya/ /A gats+tsha sarba duSh+TaM naM mu khaM b+han d+ha ku ru ma hA kA la ku ta bi sha ba hi ri sh+rI gras sa ma ye tiSh+Ta/ stuM stuM stuM sa sa sa hUM hUM hUM/ phaT phaT phaT swAhA/ oM sarba ta thA ga ta na bi tya sa ma ya sa mu dra/ spa ra Na sh+rI ye hUM oM na mo b+ha ga ba te A rya pa ra ma a shwa ya/ te thA ga tA ya/ a ra hA te/ saM mya ka saM bu d+ha ya/ oM tA re tut+tA re tu re swAhA/ oM gri h+Na puShpa d+hU pa la li i maM sarba u ba tsa ra saM pan+naM/ kha gA d+hi pa te la kha khA hi sa ma ya ma nus sna ra a(rgyud 'grel pa swA hA/ oM ku ru wa pa tra li/ si d+d+huM mu khi pdma sha na kha si ni/ /pre ta wa ta ni tsa d+hi ka re li/ ru d+hi ra pri ye/ /sa ma ya rakA ti/ go gat+tsi/ ki li ki li/ ra be badzra pre ti wa na mi d+ha b+hu ny+dza ti/ b+ha ga ni gu hya na du te/ b+hu maM ga ri/ tsa Na Da kA ra li/ ti thung hiSh+Sha/ i mu u ts+tsha Sh+Na pa li grih+Na sarba du shT bak+Sha yA/ hUM phruM broM phaT swA ha'/ oM ba le pa ta le mahA pa ta le hUM hUM dzhta sA ha/ hUM hUM ho ho A ka rSha ya/ /A ka rSha ya/ /sa ma ya a d+hi pa te bO phaT sw'hA/ /oM A gats+tsha A gats+tsha ma hA nA nga/ a d+hi pa te sarba b+hur bu ba(rgyud 'grel shIM n+ti ku ru hUM hUM phaT dzre swahA/ oM ti Sh+Tha hUM bak+Sha dzdza dzdza swAhA/ /de ltar sngags rnams bstan nas ni/ /khyad par byin brlab bstan pa ni/ /de nas blo dang ldan pa yis/ /gal ta sbyong ba gzhan dang bcas/ /tshon chen gyis ni gos dag gam/ /dang la sogs pa gon nas ni/ /rdo rje dril bu nga ba bzhin du/ /rgyan rnams kun gyis mdzes pa'i brgyan/ /shar la sogs pa'i phyags rnams su/ /las kyi skabs dang bstun te blta/ /'dug stangs la sogs de bzhin sbyar/ /bskyed pa'i smin pa tshul bzhin bsgom/ /myur bar 'dod na rdzus skyes tshul/ /mchong bya sprul dang spyan dang ba/ /gang 'dod pa ni bya ba yin/ /gnyis kas bya bar 'dod pa'ang yod/ /thun mong byin brlabs gong bzhin no/ /khyad par byin brlabs bstan pa hUM/ /zla ba oM rli bsams nas su/ /'od zer stobs kyis rnam rtog song/ /nyi ma? sogs bsams nas kyang/ /dri ma med par bsams par blta/ /gnyis ka'i hUM gi 'od du 'bar/ /has su bdud rtsi hu bar bsam/ /yi ge raM gyis mtshan ma bspegs/ /yaM gyis bregs pa gtor bar bya/ /khaM gyis bdud rtsi dri med 'gyung/ /oM gyis gang 'dod don rnams 'grub/ /hUM gis sbyangs nas as su 'bar/ /oM gyis rtogs par bya ba yin/ /has su gzugs bcom h+ri yis na/ /rol sogs pa bcom pa yin/ /hos su bdud rtsi 'bar bar bsam/ /yang na jis su ro dang hos su dri/ /bdud rtsi'i rang bzhin nyid du blta/ /ri rab rdo rjes dkrugs nas kyang/ /ye shes bdud rtsi bstim pa 'am/ /hUM ni gcig pus sbyang zhing bsreg /ye shes kyang ni des su dbab/ /so so rtsa ba'i sngags kyis ni/ /lan gsum lan bdun brjod pas su/ /sbyang zhing byin gyis brlab pa dang/ /sngags rnams so so'i nus mthu ni/ /brgyad rnams so so dag nas ni/ /'byung ba dag gis brlab pa 'am/ /sngags ni gong ma lan zhes bya/ /so so lha yi yig 'brus kyang/ /lan gsum lan bdun sbyang pa yin/ /de ltar byin brlabs man ngag rnams/ /'jig rten 'das dang 'jig rten pa'i/ /byin brlab man ngag skabs dang sbyar/ /byin gyis brlabs pa'i las rnams so/ /phyag rgya bcings pa'i sbyor ba ni/ /thun mong phyag rgya thams cad ni/ /rdo rje thal mo'i tshul du ni/ /bcangs nas kha ni dbye ba dang/ /rdo rje se gol gtogs la'o/ /lag pa g.yon pa'i gung mo bsgreng/ /mthe chung mthe pos so sor bkug / mdzub mo srin lag nung zang dgug /mkha' lding dgug pa'i phyag rgya'o/ /rtse gsum phyag rgyas byin gyis brlab/ /rdo rje khu tshur gnyis bcings nas/ / rgyab dang rgyab du sbyar bar bya/ /pad+ma ma gdugs sprel nas su/ /dkar po dang ni 'gi hang bsgreng/ /dkar po nud zad bkug pa yis/ /lha min dgug pa'i phyag rgya yi/ /zla ba snod la reg nas ni/ /nyi ma rdo rje khu tshur bcing/ /dkar po bsgreng te byin gyis brlab/ /zla las su tshur bstang na bcings la/ /rnam shes kyang nis gdugs brkyang/ /nyi ma lag pa legs brkyang ste/ /gdengs pa'i tshul du steng du sbyar/ /phyag rgyas snod la reg par bya/ /khu tshur gnyis ni sbyar nas su/ /snying kha'i phyogs su sbyar bar bya/ /rdo rje khu tshur gnyis sbyangs nas/ /rgyab dang rgyab tu sbyar bar bya/ /pad+ma dag ni sa gdugs sbrel/ /dkar po'i 'gi har sgrog tu bya/ /de bzhin phyag rgyas byin brlab cing/ /dgug pa yang ni shes par? bya/ /phyag rgya'i man nag? gzhan sogs kyang/ /skabs dang sbyar te shes par bya/ /gtor ma'i rdzas rnams so so dang/ /maN+Dal la sogs cho ga dang/ /de la sogs pa'i man ngag rnams/ /thabs rnams thob pa'i slob dpon gyis/ /sna tshogs gtor mas rgyas par bstan/ / de dang mthun par shes par bya/ /gtor ma'i las sna tshogs pa'i cho ga ste dang po'o// //tshogs kyi las kyi sbyor ka bstan pa ni/ /tshogs kyi bya ba'i rim pa rnams/ /tshogs kyi 'khor lor shes par bya/ /cho ga'i las rnams 'di ru bstan/ /'khro lo phyi nang gsang ba la/ /cho ga'i rim pa skabs dang sbyar/ /phyi mchod nang mchod gsang ba'i mchod/ /phyi mchod rim pa bstan pa ni/ /phyi la yang ni gnyis su bstan/ /mi zad dbyings kyi mchod pa ni/ /rnal 'byor rgyud du shes bar bya?/ mtshan ldan dri med snod mchog tu/ /byang chub sems kyi dri med chu/ /dkyil 'khor bzhugs pa'i lha la dbul/ /thugs rjes dgongs la bzhes su gsol/ /zhes bya ba la sogs pas gtad do/ /oM na mo nI laM ba ra d+ha ra badzra pA Ni maN+Dal de pa lha nam/ /a ha pA dza ma g+ha snya? mu dra sta ra na sa ma ye hUM/ d+hu pa ni rA ta yA mi hUM/ a ro lig ni rya ta yA ma hUM/ puShpe/ d+hU pe/ A lo ke/ gan d+he/ nai bi dyai/ shabde/ nri tye/ nam pa sa/ spa rsha/ nan ratna/ sarba pastu/ gan d+ha rb+ha/ badzra lA sye hUM/ badzra mA le hUM badzra gI te hUM/ badzra nri tya hUM/ bA dzha d+hUM pa hUM/ badzra pu Shpe hUM/ pa dzra A lo ke hUM/ badzra gand+he hUM/ re re laM yang rdo rje'i glu gsum gsum brjod la/ /lha mo dpag med sbrul nas kyang/ /dkyil 'khor lha la mchod pa dbul/ /de nas mchod pa nyi shu ni/ / rdo rje glu ni phra mo yis/ /hUM gi glu dang sbyar bar bya/ /de nas pad kor sngon 'gro ba'i/ /sgeg pa'i tshul gyis sgog pa dang/ pi wang tshul gyis 'bud pa dang/ /gling bu'i tshul gyis 'bud pa dang/ sil snyan tshul gyis dkrol ba dang/ /brdabs pa'i chul gyis rdebs pa dang/ /gar gyi tshul gyis yan lag bskyod/ /rlung yab tshul gyis g.yob pa dang/ /rgyal mtshan tshul gyis bsgreng ba dang/ /bla res tshul gyis bre ba dang/ /ba dan tshul gyis 'phyar pa dang/ /cang te 'u tshul gyis rdebs pa dang/ /gdugs kyi tshul gyis dbub pa dang/ /rnga yi tshul gyis brdung ba dang/ /bzhad pa'i tshul gyis 'dzum pa dang/ /gar gyi tshul gyis gar byed dang/ /khro ba'i tshul gyis khro ba dang/ /sgeg pa'i tshul gyis sgeg pa dang/ /'gyid ba'i tshul gyis 'gyid ba dang/ /mda''dren tshul gyis 'khyad pa dang/ /rdo rje gsor zhing phyag 'tshal pa'i/ /tshul gyis 'dud bar byed pa ste/ /phyag rgya'i mchod pa nyi shu nyid/ /rdo rje dril bu rol bcas pa'i/ /glu yi sgra yis dga' bar bya/ /lha mo dpag med sprul nas ni/ /ji ltar mnyes pa'i mchod pa dbul/ /de nas bdud rtsi lnga po nyin/ /lha gsum gyis ni bsgrubs nas kyang/ /mtshan ldan snod mchog bkram nas kyang/ /nyi ma pad+mar bzhag par bya/ /rdo rje srin mthab sbyar nas kyang/ /thigs pa'i gtor ma kun la dbul/ /rnal 'byor shes rab gar rnams bskor/ /yang na bzlog pas thabs kyang de/ /lan gsum mchod pas gnas gsum gyi/ /sku gsung thugs kyi lha gsum mnyes/ /rdo rje glu dang ldan pa yis/ /sdags ni lan gsum brjod par bya/ /so so rtsa ba'i sngags mdza' la/ /bdud rtsi'i sngags ni gdab par bya/ /de nas lcags kyu lnga po ni/ /gang ma bzhin du dbul bar bya/ /lha mo drug gis mchod ba ni/ /gzugs kyi rdo rje'i lha mo ni/ /gzugs brnyan bzhin du rgyas mdzad ma/ /kha dog dbyibs ldan mchod ba 'bul/ /bde gshegs sbyan mchog rgyas gyur cig /sgra yi rdo rje lha mo ni/ /gsungs dbyangs yan lag brgyad ldan pa'i/ /sgra snyan yid 'ong mchod pa 'bul/ /bde gshegs snyan mchog rgyas gyur cig/ rdo rje lha mo dri ldan ma/ /dri zhim bdug spos dad bsrung ldan/ /dri zhim yid 'ong mchod 'bul bas/ /shangs kyi mchog rnams rgyas gyur cig /rdo rje lha mo ro ldan ma/ /ro mchog brgyad ldan mdzes pa 'di/ /yid 'ong dpag med mchod pa 'bul/ /bde gshegs ljags ni rgyas gyur cing/ /rdo rje lha mo reg ldan ma/ /na bza' ling ka mjos pa rnams/ /yid 'ong dpag med mchod pa 'bul/ /bde gshegs sku rnams rgyas gyur cig/ /rdo rje lha mo chos ldan ma/ /rin chen 'bar ba'i chos sgrogs ma/ /ying 'ong dpag med mchod pa 'bul/ /bde gshegs thugs mchod rgyas gyur cig/ sems dpa' chen po dang po mchog /dkyes chen rnams kyi dga' ba che/ /kun tu bzang po kun gyi bdag/ rdo rje snyems pa bdag po'i bdag /thugs kyis sems dpa' ting 'dzin mchog/ rdo rje'i rdo rje stobs po che/ /kun tu bzang po spyod pa'i mchog /bdud kyi bdud sde 'joms pa po/ /sems dpa' kun gyi sems byang chub/ /sangs rgyas byang chub mchog skyes mchog /rdo rje hUM ste hUM mdzad pa/ /'jig rten dbang phyug nor sbyin pa/ /'dod chags chen po bde ba che/ /'dod dang thor ba nor che ba/ /dus gsum srid gsum mchog gsum ste/ /'jig rten gsum mchog khams gsum pa/ /mi rgyu ba ni mchog tu gsal/ /shin tu phra dang sbom po'i chogs/ /rgyu ba rnams kyi rab mchog brnyes/ /srid ba'i 'khor lo sbyong mdzad pa/ /thog mdza' med cing gsal ba min/ /shes rang sdud la rnam par gnas/ /thugs kyi phyag rgya snyoms zhugs pa/ /de nyid sems dpa' i che bas che/ /rdo rje khro bo khro chen po/ /'jigs pa'i me ni 'dul mdzad pa/ /gdugs pa'i mchog ni 'dul ba che/ /drag po'i drags cho ga 'jigs byed pa/ /de bzhin gshegs pa'i dngos grub che/ /chos kyi las chen 'dzin pa po/ /dam chos la ni bzang ba'i lam/ /byang chub sems ni sbyod bar mdzad/ /thams cad dag tu pad+ma che/ /shes rab thabs kyi nor che ba/ /'dod chags dag pa'i ting 'dzin mchog /sna tshogs chags pa'i dbang phyug che/ /nam mkha' mdza' las rtags pa'i don/ /sems can kun gyi gnas chen po/ /dpal gyi 'byor ba 'byor ba'i rgyal/ /bsam pa thams cad rdzogs mdzad pa/ / phyag 'tshal phyag 'tshal phyag 'tshal 'dud/ /phyag 'tshal 'dud cing phyag 'tshal 'dud/ /dad pas khyed la 'dud bgyis pas/ /bdag sems rdo rje sems grub mdzod/ /rdo rje lha mo'i mchod pa dang/ /te na te te hUM zhes bya ba la sogs pa yang gtang ngo/ /dang po 'dren pa'i tshigs? bcad ni/ /'khor lo nyid dang mthun bar bya/ /bstod pa la sogs rgyas par bya'o/ /tha ma 'dren pa'i tshegs bcang ni/ /dam tshig sbyod pa thams cad la/ /tshigs bshad 'dis ni sbyin par bya/ / ltos shes mcos pa tham pa'i chos/ /'di la the tshom byar mi rung/ /khyi dang bram ze gdol pa gsum/ /rang bzhin cig pas ltan cig bza' / /pad+ma'i las skor sngon 'gro bas/ /gzhan gyis de bzhin bzung nas kyang/ /sbom pas chung du mnan nas kyang?/ /lhag ma rtse gsum lta bur bya/ /nyi mar zla ba bzhag nas ni/ /tshigs bcad 'di ni rjes su bzla/ /rin thang mang pa'i dam pa'i chos/ /'dod chags dri bral legs 'ong cing/ /gzungs dang mtshan ma rnam spangs pa/ /de nyid gnas la phyag 'tshal lo/ /de nas rnal 'byor so so yi/ /nang gi 'khor lo gsal bsgoms nas/ /khrus ni rnam gsum bya bar gsungs/ /de dus rnal 'byor ci dgar rol/ /rdo rje sme gdung bshags pa ni/ /bdag cag rnal 'byor sgrub ba bos/ /bla ma yi dam lha dang ni/ /dkyil 'khor 'khor bzhugs pa'i spyan lam du/ /sdom pa gsum la gnas pa dang/ /khyad par nang gi sngom pa ni/ /sngo zhing bsgred bar khas blangs nas/ /tshul bzhin ma gyur bshags par bgyi/ /bla ma rdo rje slob dpon la/ /gshes shing smad pa la sogs bshags/ /bde gshegs dka' yis chos rnams la/ /gzhung bzhin ma gyur 'brul pa bshags/ /rnal 'byor lam cig spun rnams la/ /brtsod pa la sogs bgyis pa bshags/ /snying rje'i yul gyur sems can la/ /snying rje la sogs smangs pa bshags/ /chos rnams kun gyi bya? ba ste/ /byang sems phyi nang spangs pa bshags/ /rang dang gzhan gyi grub mdza' la/ /smad cing spangs par gyur ba bshags/ /ma smin pa yi sems can la/ /man ngag gsang ba bsgrags pa bshags/ /phung po ha yi dkyil 'khor la/ /smad cing spangs pa la sogs bshags/ /rang gzhan dag ba'i chos rnams la/ /the tshom la sogs bgyis pa bshags/ /bstan pa la gnod sems can la/ /ma bsgral byams pa bgyis pa bshags/ /chos nyid spros dang bral ba la/ /yod med mtshan mang brtags pa bshags/ /sems can dad dang ldan pa la/ /sems sun phyud bar byas pa bshags/ /dam tshig rnams la thams cad 'byung/ /ma brten bgrang bsngo ma bgyis bshags/ /bud med shes rab rang bzhin la/ /smad cing spangs pa la sogs bshags/ /rtsa ba'i dam tshig ji snyed kun/ /tshul bzhin ma bsrungs rngo ma thogs/ /bde gshegs bka' dang ma mthun pa/ /ji snyed pa gyis ba de dag kun/ /rdo rje slob dpon yi dam lha/ /gsang ba'i dkyil 'khor lha rnams dang/ /ma mo mkha' 'gro'i tshogs bcas la/ /'gyod pa'i sems kyis mthol lo bshags/ /rnal 'byor ma ni byin brlabs ma bgyis par/ /nan ? pa bgyis pa bshags/ /bla ma'i man dag mthob par/ /nan rtegs chos rnams bgyis pa bshags/ /mi zab lam gcig sbun rnams la/ /rtsod pa la sogs bgyis pa bshags/ /gsang mchod man ngag shes gyur kyang/ /snod ldan rnams la ma bstan bshags/ /dang dang ldan pa'i sems can la/ /chos rnams log par bstan pa bshags/ /rnal 'byor la sogs mi shes par/ /sngags par nga rgyal bgyis pa bshags/ /lta ba sbyod pa mi gcig pa'i/ /nyan thos lam du zhag 'das bshags/ /phyi yi chos bshad yin pa la/ /gsang pa'i chos rnams bshad pa bshags/ /mdor na yan lag dam tshig rnams/ /nyin mtshan bgrang bsngom bgyis dang/ /bla ma mchod pa la sogs dang/ / bshags pa la sogs ma bgyis rnams/ /rdo rje slob dpon yo dam lha/ /dkyil 'khor gsang ba'i lha rnams dang/ /ma mo mkha' 'gro'i tshogs la bshags/ /mtshams med mi dge bshags pa dang/ /mkha' 'gro ma yi bshaD pa ni/ /mkha' 'gro'i gsar rgyud de zhan bya/ /de la sogs pa'i cho ga rnams/ /man ngag bsdebs su shes par bya/ /tshogs kyi las kyi sbyor ka ste/ /gnyis pa'o/ /sbyin sreg las kyi cho ga ni/ /sbyir na sbyin sreg las rnams la/ / sems can rnams rtogs ma bzang par/ /bsam gyis mi khyab gsum med kyang/ /bsdus na bcu drug dag tu 'dus/ /de 'di bzhi ru 'dus pan/ /bzhi por ri dag la yang/ /rgyas dang bsdus dad shin tu bsdus/ /gsum gsum dag tu shes par bya/ /dang po sa yi cho ga ni/ /brtan pa la sogs rgyas pa yang/ /cho ga la sogs gzhan dang mthun/ /bsdus pa'i cho ga bstan pa ni/ /lhag pa'i lha yi ting 'dzin gnas/ /sa yi bdag po rnams la ni na/ /gtor ma phul pas sa rnams blang/ /khro bo'i las rnams thams cad pa'i/ /phyag rgya bcas nas sngags rnams brjod/ /thugs kyi 'od zer dag gis ni/ /sa rnams sbyang zhing byin gyis brlabs/ /shin tu bsdus pa'i cho ga ni/ /'od zer stobs kyi byin brlabs kyis/ / thab khung gang 'dad byin gyis brlabs/ /mchen ma la sogs dga' ba dang/ /rgyas par spro ba'i gang zag dang/ /las dang po yi gang zag gi /thabs rnams bru ba rgyas par bstan/ /mtshan ma la sogs mi dga' la/ /thabs rnams bri 'am me tog dgram/ /rnal 'byor nus pa thob pa yis/ /rin chen snod du bya yang bzod/ /yang na de dag shes rab chung/ /rgyas pa mi nus dag la bstan/ /thabs rnams bru ba'i rim pa yang/ /rgya ru ji tsam yod pa'i tshad/ /de yi phyed ni thur la pru/ /yang na sum cha bru ba 'am/ /mtho gang dag tu bru ba 'am/ /brgya yi tshad cam bru pa ni/ /rgyud rnams kun dang mthun par ni/ /mkhas pa yi ni shes par bya/ /kha khyer mur na tshad sogs kyang/ /so so'i gzhung dang mthun par bya thabs kyi dbyings rnams bslan pa yang/ /zhi ba la ni zla ma bar ro/ /rgyas ba gru bzhi 'am rin chen dbyibs/ /dbang la zla gam tshul du'o/ /drag po gru gsum rnam par bstan/ /mdor na dbang dang drag po gnyis/ /go bzlog par ni bstan pa yang/ /de yam dgongs pas shes bar bya/ /gzhan yang thun mong las rnams la/ /zla ba kham ba lta bu 'am/ /go che rin chen pad+ma dang/ /rdo rje lcags kyu la sogs su/ /mi 'dra thabs kyi dbyibs bstan pa/ /rgyud rnams rnams kun tu shes par bya/ /tshe bsrid la sogs las la sngags/ /thabs kyi rgya yi tshad rnams kyang/ /khru bzhi khru gsum khru do dang/ /khru gang khru phyed sum cha'o/ /de la sogs pa'i tshad rnams kyang/ /rgyud dang mthun bar shes par bya/ /tshon rnams bri ba'i rim pa yang/ /gzhan dang mthun te khyad par ni/ /zhi la dkar te rgyas la ser/ /dbang la dmar po drag la gnag /las ni thams cad thab khung la/ /kha dog lnga char tshang ba'am/ /yang na las kyi skabs dang sbyar/ las ni thams cad pa yi dbyibs/ /a shwad lo ma lta bu dang/ /pad+ma 'dab gcig lta bu 'am/ /pad+ma kha phye lta bu 'am/ /kha yi ge sar lta bu 'am/ /de sogs gzhung ni mang mos kyang/ /rnal 'byor mos la gtso zhes bya/ /gzar bu mtshan nyid bstan pa ne/ /yu ba chad ba lnga yi tshad/ /gzar bu'i skod bu sor bzhi dang/ /mchu yang sor bzhi'i tshad du bya/ /zabs su sor gcig brko ba 'am/ /sor gnyis brko ba so so'i gzhung/ /de ni rab yin 'bring ni phyed/ /tha ma de bas cung zad chung/ /khung bu che chung mtshan nyid do/ /yu ba'i tshad ni mnyam zhes bya/ /rgyud gzhan dag la brten nas mi/ /slob dpon gzhan gyis gzhung dag gis/ /yu ba yang ni che chung 'dod/ /snyoms 'jug rgyud la brten nas kyang/ /yur? sor ni nyi shu bzhi/ /khung bur brgyar ni sor bzhi la/ /zabs cu sor gnyis kho na ste/ /mchu yang rdo rje rtse gsum dbyibs/ /sor bzhi'i tshul du shes par bya/ /las ni thams cad gzar bu yang/ /pad+ma'i dbyibs sam 'dab ma'i dbyibs/ /mchu yang pad+ma'i 'dab 'dra dang/ /a shwang rdo rje'i rnam par ro/ /zhi ba la ni zlu ma po ste/ /rgyas pa la ni grub bzha'o/ /dbang ni zla gam lta bu ste/ /drag po gru gsum rnam par byang/ /dbus su 'khor lo rin chen dang// / pad+ma khro bo rdo rje bri/ /yang na rgyud gzhan dag la brten nas ni/ /slob dpon gzhan dag 'dod gzhung ni/ /sum cha sum cha phri bas su/ /rab 'bring gsum du 'dod pa yin/ /de ni dgang gzar mtshan nyid do/ /brugs gzar mtshan nyid bstan pa ni/ /yu ba chang ba lnga yi tshad/ /khung bur rgyar ni sor gnyis la/ /zabs su sor gcig shes par bya/ /de ni rab yin 'bring ni phyed/ /tham cung zad chung ba'o/ /yang na slob dpen gzhan dag ni/ /mthe bo san mo gang las ni/ /dang 'bring gsum ni dbye bar bya'o/ /de rnams se se'i mtshan ma yang/ /geng ma bzhin du shes par bya/ /me lha'i mtshan nyid bstan ba ni/ /ba ba ka zhes bya ba yis/ /zhi ba'i me lha sku mdog dkar/ /chu yi dkyil 'khor dag la gnas/ / rgyas pa'i me lha sku mdog ser/ /dbang chen dkyil 'khor dag la gnas/ /dbang gi me lha sku mdog dmar/ /me yi dkyil 'khor dag la gnas/ /drag bo'i me lha sku mdog gnag /rlung gi dkyil 'khor dag la gnas/ /de dag kun la mthun par ni/ /zhal gcig phyag ni bzhi pa ste/ /phyag g.yas dbyug pa mchod sbyin can/ /g.yon pa'i phreng ba ril ba bsnams/ /mi tra zhes pa'i ma lta ni/ /las rnams kun la bsngags pa ste/ /mid pa ring la gzi mdangs can/ /thor tshugs ser bo'i spru can la/ /las la rjes mthun kha dog ma/ /dud pa lta bu'i mdog tu ste/ /phyag ni bgrang phreng ril ba ni/ /spyi lu dag ni bsnams pa yin/ /'jig rten pa'i me lha dang/ /'jig rten 'das pa'i me lha dang/ /bcu gnyis bzhi ru rtsa sogs ni/ /rgyud kyi nang du shes par bya/ /'jig rten me lha'i thugs kar ni/ /'jig rten 'das pa bskyed pa dang/ /'jig rten pa ni sbyangs nas kyang/ /dam tshig me lha bskyed pa dang/ /ye shes me lha bskyed pa dang/ /'jig rten me lha'i khong pa ru/ /dam tshig me lha bskyed nas kyang/ /ye shes me lha bstim pa 'am/ /'jig rten 'das pa nyid la yang/ /dam tshig bskyed dang ye shes bstim/ /sprul pa'i me lha nyid kyis kyang/ /'jig rten pa dang mthun pa'i phyir/ /'jig rten pa dang mthun par bstan/ /de la sogs pa'i the tshom dang/ /me nyid cho ga zin pa dang/ /shar lhor mtshams su gnas pa dang/ /me lha'i 'thugs kar bskyed pa dang/ /'bar dang gshegs dang steng pa rnams/ /slob dpon man dag nyid kyis bshad/ /dang pos sa cho ga rjogs byas la/ /de nas thabs kyi cho ga bya/ /de nas rjas rnams rdzogs pa dang/ /mchod yon gyi ni cho ga bstan/ /de rnams bud shing yam shing dang/ / bas gra dang dgram pa la sogs kun/ /gzhan dang mthun par shes par bya/ /chos grangs dus dang 'dug stangs dang/ /rgyan cha la sogs pa go ba yang/ /las kyi skabs dang sbyang bar bya/ /bdag nyid lhag pa'i lha bskyed nas/ / me lha'i cho ga rgyas par bya/ /me yi cho ga zin nas kyang/ /de nas lha'i cho ga bya/ /tha ma me yi cho gas bsdu/ /me yi rgyas 'debs bzhi po yang/ /bsam dang bcing dang brjod pa gsum/ /bzhi ga ni sbyar bar bya/ /thugs kar rdo rje bsams nas kyang/ /lag pa'i sor mo bcings nas kyang/ /g.yas pa 'bar ba lta bur bya/ /sngags ni oM badzra a na la ma hA b+hu ta dzwa la sarba b+ha smi ku ru sarba du Sh+TaM hUM/ /sa ma ya staM sa ma ya staM A(rgyud 'grel bsams te/ /phyag mtshan dang bcas shing bsams pa ni/ /phyag rgya chen po'o/ /phyag rgya bzhi yis rgyas gdab pa ni/ /bsam pa tsam du 'dod pa yang yod/ /thams cad tshang bar 'dod pa yang yod/ /rgyas 'debs gcig tu 'dod pa yang yo tha dag rtog pa med pas su/ /ji ltar mos pa gco bor bya/ /dbang bskur la yang de bzhin no/ /me lha'i bstod pa bya ba yang/ /gzi brjid chen po me yi lha/ /bdag gzhan don grub sa la gnas/ /'dod pa thams cad scol mdzad pa/ / 'jin byed me lha nyid la 'dud/ /me lha'i rgyal po drang srong mchog/ /bskal pa'i me dpung gzi brjid 'bar/ /nyon mongs thams cad sreg pa'i mchog/ /ye shes me lha khyod la 'dud/ /me lha rnams kyi gtso chen po/ /'khor rnams 'dul zhing skyod mdzad pa/ /dug rnams 'joms shing mthu ldan pa/ /dug 'joms sman pa khyod la 'dud/ /me lha'i rgyal po gzi brjid can/ /'gro ba mi mthun la gdul slang du/ /'dod dgur sgyur ba'i gzugs ston pa/ /las rnams kun mdzad khod la 'dud/ /da ni thun mong gi bstod pa'o/ /khyad par gyi bstod pa ni rgyud du shes par bya'o/ /sbyin sreg gi las kyis rim pa ste bzhi pa'o// //dang po yi ni rnal 'byor dang/ /rdo rje slob dpon byid bas su/ /bdag gzhan tshogs ni bsags ba'i phyir/ /slob dpon la ni srog lus dang/ /yul zhing sno bran chung mar bcas/ /sgyu ma'i sems kyi phul nas su/ /yang dang yang du? gsol btab la/ /man ngag las kyi rim pa 'di/ /nyams su bla ma zhing the tshom bcad/ /de nas gzhung bzhin spyad par bya/ /de ltar byas na nges par ni/ /dngos grub rnam gnyis thob par bgyur/ /drang ba'i don ni ma yin no/ /de ltar mi byed ser sna can/ /bdag 'dzin dam po gzung nas su/ /slob dpon mnyes par mi 'gyur te/ slob dpon mnyes par ma gyur na/ /dbang dang man dag thob mi 'gyur/ /yang na man ngag thob nas kyang/ /slob dpon la ni rgyab kyi phyogs/ /dam tshig med pa'i nyams pa ste/ /rdo rje da myal bar 'tsho bar 'gyur/ /de nas rang gi rgyud rtags la/ /skyon de yod na spang bar bya'o/ /bdag gi 'gro ba'i don du ni/ /cho ga 'di brtsams dge ba yis/ /bdag dang mdza' yas sems can rnam /bla med byang chub thob par shog/ //rdo rje las kyi tshogs rim par phye ba'i cho ga /slob dpon b+ha ba bas mdzad pa rdzogs so// //lo lo tsA ba khu ba pir ya dang/ /dge slong gzhon nu tshul khrims kyis bsgyur cing gtan la phab ba lags so// //bkra shis/ zhal dro'o//