<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1813: gnod sbyin gyi sde dpon chen po lag na rdo rje gos sngon po can gyi sgrub thabs<br><table><tr><td>
<input type="button" onclick="location.href='tcompletep.php?id=N1813&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1813&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1813&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">bas mdzad pa'i sgrub thabs chen po rdzogs so// //rgya gar skad du/ mahA yak+Sha se nA pa ti nI lAM ba ra d+ha ra badzra pA Ni sA d+ha naM/ bod skad du/ gnod sbyin gyi sde dpon chen po lag na rdo rje gos sngon po can
 gyi sgrub thabs/ /dkon mchog gsum la phyag 'tshal lo/ /rdo rje mkha' 'gro rgyud dag la/ /brten nas nang gi sgrub thabs 'di/ /bdag gis dran phyir bshad par bya/ /lha yi rnal 'byor yud tsam bsam/ /rang gi snying khar zla
 dkyil bsam/ /de yi steng du hUM yig bsam/ /hUM las 'od zer 'phros pa las/ /phyi nang gsal nas 'od zer 'phros/ /bla ma dang ni gos sngon can/ /dkon mchog la sogs spyan drangs nas/ /phyag 'tshal mchod cing bshags pa
 dang/ /rjes su yi rang bskul zhing gsol ba gdab/ /skyabs gsol lus dpul dge rtsa bsngo/ /tshad med bzhi yang bsgom par bya/ /de nas stong pa'i ting 'dzin bsgom/ /de la 'od phung tshul du bdag rang nyid/ /de yi nang na hUM gnas la/ /
 de las tsam 'phros 'khor lo 'gyur/ /lte bar nyi bsam hUM de nyid/ /de las gnod mdzes rgyal por gyur/ /de yi hUM gi 'phro 'du yis/ /khro bo chen po bcu ru gyur/ /hUM bzhi'i gsang sngags brjod pa yis/ /khro bcu'i sprul pas gdug
 bkug /sku gsung thugs kyi phur bus gdab/ /btul zhing sbyangs nas nam mkhar gyur/ /de nas hUM gi 'phro 'du yis/ /rdo rje gur dang ra ba dang/ /dra ba nyid du gyur ba'o/ /hUM gi 'phro 'dus slar la zhu/ /stong pa nyid las 'ong dpung byung/ /de las nyi zla
 kha sbar gyur/ /A li kA yis nyi zla brgyan/ /dbus su a dang hUM sbyar te /kha dog dkar mngar nyid du blta/ /'od zer dkar dmar 'phro 'du las/ /zhu bas rdo rje pad+mar gyur/ /pad steng rdo rje rked nub tsam/ /lta ba nyid la snying pos bskor/ /de gnyis
 las ni thugs dang gsung/ /gnyi gas sku bsdus byin gyis brlab/ /de nyid 'od du zhu ba las/ /rdo rje las ni khro bor gyur/ /pad+ma las ni khro mor gyur/ /kho bo rdo rje gos sngon can/ /sku mdog mthing nag zhal gcig pa/ /phyag gnyis rdo rje
 dril bu bsnams/ /mche ba gtsigs pas 'dod dgur gyur/ /zhabs gnyis brkyang bskum 'khril ba'i tshul/ /g.yon du rdo rje khro mo ni/ /sku mdog ljang dmar zhal gcig ma/ /phyag g.yas rdo rje gri gug gtso la 'khyud/ /g.yon
 pa ban dmar gtso la stobs/ /gnyis med 'khril ba'i tshul du sgoms nas/ /ye shes sems dpa' spyan drangs te/ /phyi nang bdud rtsi mchod nas bstim/ /'od zer 'phro 'du byin gyis brlab/ /de bzhin khro chu lus byin brlabs/
 dbang bskur bas ni mi bskyod 'gyur/ /de ltar bsgoms nas bzlas pa bya/ /de steng ye shes sems dpa' yi/ /mtshan ma la sogs bsgoms nas su/ /thugs kar 'khor ram yul 'khor la/ /'od zer la ni yi 'bru bskyod?
 ma gsal bar du bsgom par bya/ /de ltar rab 'bring tha ma yis/ /'buM maM nyi 'bum sum 'bum 'grub/ /the tshom med na dngos grub 'grub/ /dam tshig nyams sam sdig che bas/ /sbyin sreg la sogs mang du bya/ /mtshan ma gsum mam
 nus par rtag /de ltar byung na bsgrub pa brtsam/ /sngon du bsnyen pa'i cho ga'o// //bsgrub pa'i rim pa bstan pa ni/ /mkha' 'gro 'du ba'i gnas phyin la/ /dkyil 'khor gru gsum nag por bya/ /rdo rje gri gug nang du ste/ /
 bar du me ri gtang bar bya/ /gzhu dang dgra sta mdung dang gsum/ /me ri'i zur na gtang bar bya/ /chub ma dur khrod sol ba dang/ /bdud rtsi bag zan gsugs brnyan bya/ /snying khar gru gsum gzugs brnyan gzhug /ba gcad sed ldang
 phul la btong/ /mtshan ldan gla pA la ru ni/ /bdud rtsi lnga dang sha lngas dgang/ /de na gos sngon nyid la mchod/ /lcags kyi gru gsum nang du ni /bdud rtsi sha lnga khrag gsum dgang/ /de ni nag po'i gtar rta'o/ /rnel gri'i snod du dug
 gter gsags/ /phye ma gsum dang yungs kar gdab/ /slob dpon slob ma gnyis ka yang/ /gos sngon gos nag rgyan cha bgo /rag sha rus pa'i phreng ba bsgreng/ /nub dang lho ru la bltas te/ /bskyed pa'i rim pa'i tshul bzhin bsgom/ /
 thun mong sngags dang khyad par sngags/ /dgra 'am 'byung po klu rnams la/ bzlas pas gsang ba'i rim pa brtsams/ /snying kha'i mtshan ma la sogs gsal/ /lce ni hUM gi rdo rjer bsgyur/ /'od zer dkar dmar 'phros pa las/ /de la khro tshogs
 byung bas dgug /yang na mgon po skul bas bsam/ /khri yi bar du bzlas nas ni/ /thun bar du ni phye ma gsum/ /mgon pos las kyi gtor mar gdab/ /yungs kar gos sngon can gyis so/ /phyi ma dug nag 'od zer dgang/ /yungs kar khro chung nyid
 du spro/ /rtags byung nas ni gzugs brnyan bzhugs/ /de nas bsgrub khang them rtsa ru/ /gru gsum nag po'i 'brub khung du/ /de nyid bcug la kha bcad ri rab bri/ /de steng mnan cing stang stabs bya/ /de ni mnan pa'i sbyor ba'o/ /phur bus gdab cing
 gri gug gtub/ /de nas gru gsum gtor mar dbul/ /nag po chen po nyid la bstab/ /drag sngags bzlas pa'i gtor ma yis/ /gsang ba'i man ngar shes par bya'o/ /yang na sbyin sreg nyid kyis bya/ /de rnams gsang nga'i sbyor ba'o/ /
 pad+ma 'dab brgyad bskyed pa yi/ /lte bar gtso bo bskyed nas ni/ /klu chen brgyad po 'dab mar bskyed/ /rin chen snod du gtor ma bsham/ /chu gcang sman la sogs pa dang/ /khyad par klu sman sna tshogs dang/ /dkar gsum mthar gsum rnams
 kyis bya/ /sbyang zhing byin gyis brlabs sogs bya/ /klu la byin pas zhe sdang zhi/ /lhag ma 'khor la byin pa yis/ /gnod pa rnams ni zhi bar 'gyur/ /sngags bzlas 'od zer phog pa yis/ /btso bo'i dam tshig rjes dran pas/ /'khor rnams zhe sdang
 zhi bar 'gyur/ /yang na zhi ba'i sbyin sreg bya/ /bskrad dang bcing dang dgug pa yis/ /de la sogs pa'i sbyor ba ni/ /sbyor ka chen por shes pa bya/ /'khor lo ser po'i lte bar gtso/ /mdun du rgyas po bskyed par bya/ /de yi g.yas su nor lha ni/ /
 sku mdog dkar po 'dzum bag can/ /nor bu'i sgrom ni g.yas g.yon bsnams/ /mchod cing bskor? pa gsang sngags bzlas/ /gzugs brnyan 'di ba rin chen brten/ /kha dog ljang dang gser gyis mtshon/ /kha dog sir po'i bzlas thi mas nas/ /
 ci 'dod ba yi nor rnams ster/ /de ni thun mong dngos grub po/ /bdud rtsi rtsa ba lnga btsal la/ /bdag nyid lha yi rnal 'byor bya/ /dkar gsum mngar gsum nyid la ni/ /sngags bzlas ri lu byas te bza' / /zas dang sman pa sra ra la
 brje/ /brjes zin zhag gsum 'bras bu 'byung/ /de gsum skye ba bdun pa dang/ /yum gyi cha sres sman rnams sbyar/ /de sgrub 'od zer btul zhing sbyang/ /rtags byung nas ni bza' zhing byug /de yis thun mong dngos grub 'grub/ /mchog gi
 yang ni grogs su 'gyur/ /mchog gi dngos grub bsgrub pa yang/ /thugs ka yi ni dkyil 'khor du/ /rtsa rgyud 'dab ma brgyad du bsam/ /de dkyil rtsa ni lnga rta'i tshad/ /de yi nang du dbugs kyi lha/ /kha dog lnga dang ldan pa'o/ /de dkyil thig le
 byang chub sems/ /de la lta zhing bsgom pa ni/ /rtags lnga'i mthar ni stong nyid 'gyur/ /de nyid spro zhing bsdu ba dang/ /dgug cing bskyil ba'i rim pa 'am/ /mnan cing bzlog pa'i man ngag gis/ /rim gyis ye shes skye bar 'gyur/ /de nas phyag
 rgya'i dngos grub 'thob/ /nang sgrub rim pa 'di yis ni/ /bdag dang mdza' yas sems can dang/ /'di la brten pa'i rnal 'byor pa/ /bla med byang chub thob par shog /gnod sbyin gyi sde dpon chen po phyag na rdo rje gos sngon po can gyi sgrub thabs/ /
 slob dpon b+ha bas mdzad pa rdzogs so// //*/ /lag na rdo rje gos sngon po can gyi cho ga slob dpon b+ha bas mdzad pa bzhugs so// //rgya gar skad du/ ma hA yak+Sha sen pa ta ye nI lI ba ra d+ha ra badzra pA Ni ye maN+Da la nA ma/ bod skad du/