<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1809: phyag na rdo rje gos sngon po can gnod sbyin drag po chen po rdo rje gnod sbyin me lce'i rgyud kyi 'grel pa zhes bya ba<br><table><tr><td>
<input type="button" onclick="location.href='tcompletep.php?id=N1809&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1809&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1809&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">phyag na rdo rje gos sngon pho can gnor sbyin drag po chen po rdo rje me lce'i rgyud kyi 'brel pa// //rgya gar skad/ nI lI ba ra d+ha ra badzra pA Ni yak+Sha ma hA ru dra badzrA gni ji hwi tan+t+ra drit+ti nA ma/ /bod skad du phyag na rdo rje gos sngon po can gnod sbyin drag mo che
 po rdo rje gnod sbyin me lce'i rgyud kyi 'grel pa zhes bya ba/ /'phags pa phyag na rdo rje la phyag 'tshal lo/ /gang zhig nyon mongs skyon gyis ma gos rin chen bai Dhurya ltar dang zhing rab 'bar ri rab ltar brjid ??
 'gro la rigs pas myur bar ston dang hUM las rab byung stong gsum skrad par mdzad pa nyid/ /gdod nas mi rtog zhi ba'i ngang la snying rje'i stobs kyis mdza' dag sdud mdzad zhe sdang chen par gsal/ /dus gsum sangs rgyas kun gyis
 gsang ba'i mdzod du rab gyur rdo rje 'dzin pa'i bdag nyid de la phyag 'tshal nas/ /rgyud kyi rgyal po 'gro don mdzad pa nyid la phyi nang sdug bsngal zhi mdzad gsang ba zab mo'i don/ /bla ma brgyud pa'i stobs las rang byung bdag
 nyid rab sbyor drag po de yi bdud rtsi'i 'od zer nges par rab brnyed nas/ /dang ba'i ming la lag na rdo rjes snang ba zhes byar 'jig rten kun las grags pa rab thob ste/ /bdag gis 'grel 'di rnyed dang bkur sti grags pa rlom
 sems phyir/ /ming 'di dran dang 'gro la phan phyir rgyas par bri bar bya/ /de la de kho na nyid snang ba zhes bya ba 'dis rim pa ji lta ba bzhin du bla ma'i man ngag la rag las pa rnams bshad par bya ste/ /'di skad bdag gis thos
 pa'i dus gcig na zhes bya ba la/ e baM ma ya'i bshad pa ni 'og nas rig par bya'o/ /bdag ni sdud pa po nyid du rig par bya ste/ de yis de'i skad cig de nyid la thos pas na thos pa'i dus gcig na'o/ /bcom ldan 'das thams cad
 'byung ba'i yum btsun mo'i b+ha ga la bzhugs te zhes bya ba la/ bcom ldan 'das rdo rje gar mkhan nyid snga ma'i cha byad rnams yang dag par spangs te b+ha ga la bzhugs pa'o/ /bcom ldan 'das ma'i sgras ni b+ha dang 'joms pa nyid dang
 ldan par ston to/ /thams cad 'byung ba'i sgra ni 'byung ba bzhi'i sa bon rnams nam mkha' la yang dag par brten te gnas pa de'i sa bon gyi gzugs drag po'i dkyil 'khor la bzhugs te/ de nyid bud med kyi b+ha ga dang dbyibs mthun pas b+ha ga la
 bzhugs so/ /de las 'gro ba rnams byung bas na thams cad byung ba nyid do/ /yang na stong pa nyid las dngos po thams cad 'byung zhing de'i dad la gnas par bzhugs so/ /yum ni dngos po rnams bskyed pa'o/ /btsun mo ni bde ba bskyed pa'i rgyu
 yin te/ de dang mthun par stong pa nyid la sbyor bas bde ba'i 'bras bu skye'o/ /b+ha ga'i sgras nges ba'i rtags ston pa'am/ yang na gong ma'i sgra dang mthun par gdug pa rnams 'joms pas na b+ha ga'o/ /'byung ba dang yum dang btsun mo'i
 sbra ni dus rnam pa gsum la'ang 'jug ste/ dus gsum du nges pa'i don bstan pa la'ang sbyar ro/ /de nas gnod sbyin la sogs pa gdug pa'i rigs thams cad dang thabs gcig ces pa ni ci'i phyir 'dus she na/ de dag 'dul ba'i
 phyir nyid kyis byin gyis brlabs kyis bkug pa'o/ /de na'i sgra ni nyid kyis drung na gnas pas thabs gcig pa'o/ /de nas bcom ldan 'das drag po'i skyil mo krung bcas nas zhes pa ni/ drag po rnams bsgral bar bya ba'i phyir
 zhabs kyi mkhri la? gnyis sbyar nas tshigs gnyis bcag pas bzhugs so/ /phyag g.yas pa steng du bsgreng g.yon pa sa la bsgrad nas sbyan bzlog pas phyogs bcur gzigs pa ni gdug pa rnams gdug pa'i phyir drag po'i phyag
 rgyar shes ba'o/ /hUM dang ha ni sngags su rig par bya ste/ sdud pa dang 'dzoms pa'o/ /yang na thabs dang shes rab kyi bdag nyid kyis 'dul bar shes par bya'o/ /sgra char phyud pa ni lte bas yongs su bskyod pa'o/ /de nas 'khor thams cad gtso
 bo snang bas yun ring zhig tu brgyal bar gyur to/ /zhes bya ba la gong ma'i sngags kyis brgyal ba las phyogs rmongs par gyur te de nyid kyang mi snang ba'o/ /de'i skad cig de nyid la bcom ldan 'das kyis spyi bo
 nas sangs rgyas thams cad kyis gnang ba zhes bya ba ni dbu'i gtsug tor nas phyung ba la bya ste/ gnang ba ni dus gsum gyis sangs rgyas rnams kyis dbang bskur ba byas nas gsang ba'i bdag por gnad ba byin te bsgom pa'o/ /sngags
 rnam pa gsum gyi bdag po zhes bya ba nas/ /rgya mtshor bzhugs so/ /bya ba'i bar la sngags rnam pa gsum ni sku gsung thugs kyi yi ge gsung las sngags thams cad 'byung bas de'i bdag po yin par bstan pa dang/ rigs
 sngags dang/ gsang sngags dang/ gzung sngags gsum gyi bdag po yin par bstan pa'o/ /phyag brnyan zhes pa ni dang po'i tshig la 'jug pa'o/ /pho nya yin par bstan pa'o/ /kha dog sngon po'i sgra yis ni rnam par rtog pa thams
 cad spangs pa nyid dang/ nyes pa'i skyon gyis ma gos par bstan pa'o/ /lhag ma ni go sla'o/ /nam mkha' lding gshog pa bskyod nas zhes bya ba nas /rang gi bdag po'i lag par slar sor ro/ /zhes bya ba'i bar la nam mkha' lding gi bdag
 po'i rgyan blang ba'i phyir rgya mtshor zhugs te/ klu rnams kyi gzugs brnyan bsgyur nas sprul gyis sku la rgyan cha bdun du brgyan pa'o/ /nam mkha' lding yang de nyid kyi byin gyi brlabs kyis bskyed pa ste/ slar bdag po'i phyag mtshan du gnas pa'o
 de nas gnod sbyin bye ba phrag bcu dang zhes pa nas/ mdun du snying po dang ldan pa'i skyil mo krung bcas te 'dug go zhes bya ba'i bar du go bla bas 'dir ma bshad do/ /de nyid ni bde bar gshegs pa'i bka' la rag las par ma gyur pa'i
 gang zag kha cig na re gnod sbyin dngos yin par 'dod na de ni bka' la rmongs par gyur pas de ltar mi lta'o/ /de ni lag na rdo rje dbang bskur ba'i rgyud las 'byung ba dang mthun par rig par bya ste/ bcom ldan 'das phyag na rdo rje dngos so/ /de
 nas bcom ldan 'das kyis nam mkha' dang sa la gzigs nas bar snang du yang sbyan gyis 'khor bar gzigs so/ /zhes bya ba ni nam mkha' dang sa la gzigs pa la gzigs pa dang bar snang du yang ni phyogs bcu na gnas pa'i gdug pa ma lus pa
 'dul ba bstan pa'o/ /de nas khaM bruM saM zhes pa'i sngags brjod pa ni/ khaM gi snying pos steng gi phyogs su 'dul ba'o/ /bruM gi snying pos 'og gi phyogs su 'dul ba bstan pa'o/ /saM gi snying pos phyogs mtshams brgyad po 'dul bar bstan pa'o/ /de nas
 phyag na rdo rje stan las langs te/ rdo rje thal mo rang gi snying khar sbyar ba byas nas bcom ldan 'das la 'di skad ces gsol to/ /zhes bya ba la/ rdo rje thal mo ni rdo rje rtse lnga ba'i phyag rgya'o/ /de nas thugs kar sbyar nas bcom ldan 'das la
 'og nas 'byung ba'i tshig gsol ba'o/ /kye ma bcom ldan 'das la gsang ba drag po'i don bdag sems can thams cad la sman pa'i phyir zhu na ci bcom ldan 'das kyi skabs dbye bar gnang zhes bya ba la/ dang po'i tshig la kye'i sgra dang ldan
 pa ni shin tu ngo? mtshar du gyur pa'o/ /gsang ba ni nyan thos rang sangs rgyas la sogs pa rnams la shin tu gsang bar gyur pa'i phyir gsang ba'o/ /drag po ni gdug pa'i tshogs 'dul ba dang/ gzhan yang shin tu drag po'i chos nye
 par ston pas na de'i don nyid dang/ sems can thams cad la phan par bya ba'i phyir rgyas par gsol ba'o/ /cang mi gsung zhes bya ba la sogs pa la/ cang mi gsung ba ni sgra'i don las zab mo'i don rgyas par gsung par rig par bya'o/ /
 gdug pa'i tshogs 'dul ba zhes bya ba ni bla ma'i dag las shes par bya'o/ /lhag ma ni go sla'o/ /de nas ting nge 'dzin de las bzhengs nas lag na rdo rje la gzigs te/ byed pa g.yon pa chu'i snying po nas
 drangs te zhes bya ba ni/ gzigs pa ni zhu ba po'i re ba skong ba'i rtags so/ /byed pa zhes bya ba ni/ las ni sgra don la nye bar sbyor ba zhes bya ste lus kyis yan lag rnams las/ lag pas bya ba byed ces 'bru mang po kun tu rgyu'i
 sgra yin te/ lag pa la rig par bya'o/ /chu'i snying po nas drangs pa ni rnga'i sgra la nye bar sbyor ba ste/ ka ta la'i sgra gong 'og dang sde bar ldan pa dang/ gcig la grogs kyis sgrogs bas chu shing ni mdzub mo'i snying po nas drangs pa na
 kun rdzob tu drag po'i snying po nyid de/ de'i thad ka nas drangs nas lcags kyu'i phyag rgya bcas nas gnas pa'o/ /byed pa skyed ba chu shing sgra dang bcas pas brkyang ste gnas so zhes bya ba ni de la yang gong ma'i sgra sbyor gyis
 'jug ste/ skyes pa ni drag po'i sgra dang ldan pa dang/ stobs che ba'i phyir te/ g.yas pa la rig par bya'o/ /sgra dang bcas pa ni rang gi rigs la dang po dang gnyis pa'i sbyor ba'i sgra dang bcas pa'o/ /brkyang pa ni dngos su ste/
 de yang gnas ni sgo'i thad kar gnas pa'o/ /de nas phyag na rdo rjes phyag rgya de nyid yang dag par rig ste zhes pa ni/ de'i don bda'i sgo nas rig nas tshig brjod pa'o/ /khyed la sogs 'khor dag ces pa nas snga ma bzhin
 'khod do zhes pa'i bar la/ drag po'i chos ston pas de dang mi mthun pa rnams de'i skad cig de la mi thos par bya ba'i phyir brjod pa'o/ /sgra gnas kyi khung bur sgrib byed kyi tshig song ste zhes pa ni/ sgra gnas pa ni brten byed pa'i
 phyir rna ba la'o/ /khung bur ni dngos so/ /sgrib byed kyi tshig ni tshig de dngos la bya ste/ ci'i phyir sgrib par byed cen/ gnyis kyis byin gyis brlabs kyis bcing ba gnyis kyis yang dag par gnas cings nas te/ bsgribs nas 'khod pa'o/ /'khod pa ni ri
 dang 'dra'o/ /snga ma ni dang po las 'dus bzhin du'o/ /rdo rje me lce'i rgyud kyi 'grel pa de kho na nyid snang ba zhes bya ba las le'u dang po'i bshad pa'o// //de nas phyag na rdo rje yis zhes bya ba nas mtshan ma nges par bshad par
 bya zhes pa'i bar du ni spyi don rgyas par zhu ba gsol ba dang/ nan tan du gnang ba legs par byin pa dang/ lag na rdo rje nyid kyi rgyud bshad par mtshan pa dang/ sems can thams cad la phan pa'i don du bshad par dam bca' bar shes
 par bya'o/ /ba ni rnam par snang mdzad de/ /dza ni mi bskyod thub pa'o/ /ra ni rin chen kun 'byung ste zhes bya ba la/ sku gsung thugs rnam pa gsum la/ rdo rje'i tshigs nye bar sbyar ba ste/ sku gsum la sgra'i sbyor ba'i sgo nas bzhi'i yi ge la
 grogs nye bar brtags bar sku gsum la 'jug pa'o/ /me lte'i yig 'bru gsum pa la/ /dang po'i gtso bo bshad bya ba zhes bya ba 'og tu btags pa'i 'khor mo gtogs par dang po yang yin la gtso bo yang yin pas dang po'i
 gtso bo'o/ /de dag yongs su bshad par bya bar sbyar ro/ /pa ni rdo rje 'joms byed ma/ /na ni pad+ma 'joms byed ma/ /a ni kun 'gro 'joms byed ma zhes bya ba la/ de yang dang po 'thun par bzhi'i yi ge la grogs nye bar sbyar bas
 shas par bya ste/ 'joms par byed pa'i sgra ni grogs dang bstongs? pas 'og brtags gsum po la yod pas na/ 'og brtags gsum po'i ming mthar sbyar zhes pa'o/ /i ni kun tu go byed de/ ma ni smin par byed pa ste/ di?? ni
 kun nas sdud pa yin/ /la ni yongs su rten pa'i las/ /ya ni yang dag bskyod par bshad/ go byed gnyis dang steng gnas pa'i snang ldan du shes par bya zhes bya ba la/ rang bzhin gyis grub pa'i sa bon sngar yongs
 su gsungs te/ me dang chu dang sa dang rlung dang nam mkha' i 'byung ba rgyud gzhan dang mthun par shes par bya ste/ des tshig kyang bshad pa'i phyir ro/ /de la 'dir ma gsungs mod kyang sgrol ma la sogs pa lha mo lnga dang/ dga' ba bzhi
 dang/ sde pa la sogs pa mdza' dag rgyas par shes par bya'o/ /de la nges par 'byung bas na/ /kun gnang gang yin dngos dang sbyar/ /bsams pa'i dngos la 'jug rnams kyi/ /yan lag rnams la thams cad du/ /gong du smos
 pa brjod pa yin/ /zhes bya ba la/ de zhes pa ni gong du smos pa'i sa bon rnams so/ /de la dngos po thams cad yang dag par 'byung bas na/ de las nges par 'byung bar sbyar ro/ /kun tu gnang ba ni/ kun tu'i sgras bdag dang
 gzhan gyi rgyud la yang dag par 'jug ste/ 'di ltar gnang ba ni g.yo ba dang mi g.yo ba'o/ /de'i dngos la sbyar ba dang/ bsam pa'i dngos po ni rnal 'byor pa gang zhig chos nyid bsgom pa'o/ /de yang skyes bu'i spyi'i sgra 'bru mang po
 par sbyar bar bya'o/ /yan lag de'i las la 'jug pa'i yan lag gam/ thabs su gsungs pas na yan lag thabs rnam su sbyar ro/ /gong du smos pas ni gong ma'i sa bon la sbyar bar bya'o/ /don tu gsal bar zlos pa yi/ /
 tshig ni rgyas par brjod mi dgos zhes pa ni 'di skad bdag gis te/ la de'i tshig la gsal bar brjod mi dgos pa'o/ /las las skyes pa'i gzugs rnams la/ /drag po yongs su ston pa dang/ /gnod sbyin be tson thogs rnams la/ /
 gtso bo'i don du bshad pas na/ /tshig tu nges par yang dag brjod ces bya ba ni las las 'grub pa ni gnod sbyin te/ de rnams kyi gzugs so/ /drag po yongs su ston pa ni sngags dang phyag rgya dang thabs rnams drag po'i ston pa'o/ /su??
 la ston zhe na/ las las grub pa'i gzugs drag po'i rigs thams cad la'o/ /gnod sbyin be con thogs pa la sogs pa gnod sbyin gyi rigs thams cad la gtso bo'i lag na rdo rje nyid gtso bor bshad cing sbyor bas na gtso bo'i don
 tu yongs su shes par bya'o/ /tshig tu nges par brjod pa ni nges pa'i tshig rgyud la yang dag par gong 'og dang sbyar te gsungs pa dang/ gsungs par sbyar ro/ /khyod kyis tshul 'chang rab dga' bas/ /de nyid rigs su 'byung ba ste/ /kun kyang
 nag po'i las la dga' / /gnang ba dag par mi mthong zhing/ /de nyid la ni nges par brjod ces bya ba ni khyod kyi tshul 'chang zhes pa ni lag na rdo rje nyid kyis tshul 'chang ba'o/ /rab dga' ni gdug pa gzhan rnams so/ /de la rab tu dga' bas
 gdug ba gzhan rnams de nyid gnod sbyin gyis rigs su 'byung bar sbyar ro/ /de dag thams cad nag po'i las sdig pa la dga' bas snang ba ni ye shes la sbyar te/ de dag thams cad kyis mi mthong bzhin du/ de nyid ni sdig pa
 la grol ba dang/ thar par lta ba de nyid la nges par brjod pa'am 'dod pa'o/ /gong du bstan pa gang yin pa/ /so sor dag la gdon mi za/ /sbyor ba sna tshogs ngas bsgrubs nas/ /rnal 'byor pa ni sna tshogs pa/ /mngon tu rgyas shing
 nges par gsal/ /zhes bya ba la/ gong du bstan pa ni 'di nyid du'o/ /gang yin pa ni sbyor ba dang thabs thams su sbyar ro/ /so so dag la ni gdug pa'i rigs rang rang la'o/ /gdon mi za ba ni the tshom med par 'grub par sbyar ro?/
 sbyor ba sna tshogs pa ni 'dir bstan pa rnams te/ de dag nges par bsgrubs pas snang ba ye shes dang/ 'byor ba sna tshogs pa rnams mngon par 'grub cing nges par gsol ba'o/ /snang ba'i chen po bdag med
 par/ /rgyud pas yongs su 'grub pa yin/ /zhes bya ba la/ rnam par mi rtog pa'i ye shes dang chos nyid stong pa nyid bdag dang gzhan du mi dmigs pa'i phyag rgya nyid gnang ba dang/ gnang ba'i nye bar thob pas/ brgyud pas 'grub
 pa'o/ /kun rdzob gong ma'i dngos por ltar/ /brtan pa lta bu rab tu mthong/ /don dam 'og ma'i sgra lta bur/ /nyon mongs kun sregs rang bzhin gyis/ /'od gsal ba ru gnas pa yin zhes bya ba la/ /nges pa'i chig sgra sbyor gyi sgo
 las don dam pa dang/ /kun rdzob gnyis la yang dag par sbyar te gsungs pa las/ gong ma'i dngos po ni sna tshogs pa dang/ brtan pa mi 'jigs par mthong bas kun rdzob gong ma'i tshig tu sbyar ro/ /don dam pa ni nyon mongs pa'i
 bud shing rnams bsregs pa'i chul du sbyangs pa dang/ rnam par rtog pa med pas rang bzhin gyis 'od gsal bar gnas pas 'og ma'i dgra lta bur shes par bya'o/ /snying po don dam la 'jug pa/ /phyi rim kun rdzob la brten pa/ /
 dang por sangs rgyas mi? gnas shing/ /snga ma bya ba'i sbyor bas brtson zhes bya ba la/ snying po don dam pa'i ni bsgrub pa'i bya ba dngos po brtan pa mi 'jigs pa la bya ste/ de la 'jug par 'dod pas phyi rim zhes bya ba ni ba yog?
 dang gsob tu gyur pa dngos po ji lta ba bzhin du las dang po ba rnams kyis thabs la mkhas pas yongs su bsgrub par bya'o/ /dang por sangs rgyas mi gnas pa ni theg pa chen po'i sngags la zhugs pa tsam gyis rmongs pa kha cig ??
 rgyas par 'dod de/ de lta bu'i nga rgyal la brten nas thabs kyi yan lag ma shes pas ngan 'gror lhung bar 'gyur ro/ /de nas snga ma'i bya ba las dang po rnams kyi thabs kyi sbyor ba rim pa ji lta ba bzhin du brtson bar bsgrub par bya bar ro/ /
 dbang thob pa la rlom sems byed/ /bla ma'i man ngag nges pa las/ /bla ma nyid la ci nus kyis/ /yang dag par ni mchod par bya zhes bya ba dang/ dbang thob pa tsam dag la bdag rdo rje sems dpar kha cig rlom sems par byed de/ de ltar rlom
 sems par ni mi bya bar bla ma dam pa'i man ngag nges par rnyed pa rtog pa dang bral ba'i rim pa ji lta ba bzhin du thabs kyi yan lag yang dag par shes par byas nas/ bla ma dam pa la bu dang chung ma dang rin po che sna tshogs pas yongs su mchod
 par bya'o/ /ci'i phyir mchod ce na/ bla ma las dngos grub thob par gsungs pas dngos grub nye bar bya ba'i phyir mchod pa'o/ /rdo rje ngo bo kun 'byung dang/ /gdug pa thams cad sreg phyir dang/ /dngos la 'jug pa nges pa'i sgras/ /gong ma'i tshig
 tu brjod pa yin zhes bya ba la/ /rdo rje kun 'byung ba ni sngags pa rnam pa gsum dang/ phyag rgya'i snying po ye shes kyi thabs dang/ de kho na nyid thams cad 'byung bas na ngo bo kun 'byung ngo/ /gdug pa thams cad ma lus par skrag cing
 rlag par byed de/ sreg pas sreg pa ste dngos po 'di nyid ngo/ /dngos po nyid la mthun pa'i des pa'i sgras sbyar na gong ma'i rdo rje me lcer gsungs par sbyar ro/ /rdo rje me lce'i rgyud kyi 'grel pa de kho na nyid snang ba zhes bya ba las le'u gnyis pa'i
 bshad pa'o// //gos sngon lag na rdo rje yis shes pa nas/ lha yi sbyor ba bshad par bya zhes pa'i bar du ni/ lag na rdo rje gang dag sgrub pa'i thabs su dkyil 'khor zhus pa dang/ bcom ldan 'das kyis yang dag pa'i don dngos
 por gyur na kha dog dang dbyibs dang lha dang sngags la sogs pa med de/ 'o na yang 'gro ba'i rtog pa bsal ba dang/ las dang pos bsgrub pa'i thabs su bshad par dam bcas par shes par bya'o/ /gang zhig
 mos par byed pa yis/ /khru gsum dkyil 'khor phyogs bzhi pa/ /nags sam dur khrod khang stong ngam/ /gtsug lag khang dang mchod rten nang/ /de dag rnams su nges par brtsam zhes bya ba la/ mos par ram grub par byed pa'i gang zag
 gis phyogs bzhi ru khru gsum pa'i dkyil 'khor gnas go sla ba rnams su nges pa'am/ gdon mi za bar brtsam par bya bar sbyar bar bya'o/ /dang po bsnyen pa rab gnas pas/ /bu mo bcu drug ston mo byas/ /bdag gis zhag gsum khrus
 bya zhing/ /spyi bo lkog ma snying ga ru/ /gsang ba gsum gyi yi ge brtag ces bya ba la dang po bsnyen pa la bu mo lo bcu drug lon pa rgyal rigs sam bram ze'i rigs sam/ rje'u rigs la gzugs dang kha dog phun sum tshogs par
 ldan pa/ zhe ba byang chub kyi sems la lhag par chags pa la/ bdag gi sngags chu dang ldan pa'i bum pas khrus nyi ma gsum du byas la/ tsan dan dmar po'i 'di gus gnas rnam pa gsum po ru gsang ba gsum gyis yi ge'i
 gden thig le legs par bsku bar bya'o/ /da yang ba pa si ta badzra hUM zhes pa'i sngags kyis yongs su bskus la/ sku gsung thugs kyi yi ge brtan bar bya bar 'brel to/ /rams su btsos pa'i gos nyid la/ gur gum thig les
 ras btab ste/ /de nyid pa ni bskon par bya zhes bya ba la/ gos sngon po la gur kum gyis thig les gnas bcu bdun tu bsku bar bya'o/ /skyes pa dang ni sbrad mi bya zhes pa nas/ gnas gang yin par bdag la gtad ces pa'i bar
 skyes pa dang mi sbrad pa ni de'i bar du'o/ /dkar gsum ni 'o ma dang zho dang 'bras gsum mo/ /de yongs su gsol la snying po ni 'di yin te/ de yis 'bum du bzlas pa'o/ /oM a mri te si d+haM badzra hUM zhes bsngags la/ rang gi sngags su
 mo'i khar btab pa dang/ de nyid la'ang bslab pa'o/ /de nas bsnyen pa rdzogs pa dang/ bu mo la nyol cig dang longs shig pa'i chig brjod nas/ kun 'dus pa ni tshong 'dus so/ /der mi sgeg par dngos po gang yin pa nyos la/ rigs
 mthun pa ni gos sngon po der gtums la/ gnas ni gnas pa'i sa ru/ bdag ni sgrub pa po gted par 'brel to/ /de yis zhag gsum sbyor ba yis/ /phyag rgya nges pa nyid dang yang/ /snying po gang gi sbyor ba yis/ /dri chu btab la
 grangs tshad du/ /phyin par yang dag bzlas par bya zhes bya ba la/ de yis zhes pa ni rnal 'byor pa'o/ /rnal 'byor pas ni pa'i rnam pa nga la sogs pa zhag gsum gyi/ bar du bdag gi phyag rgya ni rdo rje rtse gcig pa'o/ /lha'i snying po kun la
 grangs nyi shu rtsa gcig tu yang dag pa'i bzlas la/ dre chus kun la phog par gtor bar bya bar 'brel to/ /lhag ma ni go slobs 'dir ma bshad do/ /dang por byang shar mtshams nyid nas/ kun rten kha dog rigs mthun blang/ yongs su
 sdus byas nyid du nges/ /gnyis pa gnyis par yang dag ldan/ /gsum pa gcig gis ched byas la zhes bya ba la/ byang shar mtshams nas kun rten pa'i stobs dang ldan pa'i sgra rtags kyis dbye bas 'jug ste sa la nges pa'o/ /sa kha
 dog rigs mthun pa ni sngon por shes par bya'o/ /sa de yongs su bsdus pa kha dkyil 'khor nges par bya bar 'brel te/ /gnyis pa gnyi yar yang dag ldan pa ni/ rab 'bring tha ma'i tshad la bya ste/ rab ni gong du bstan par zad do/ /'bring ni gnyis
 pa ste khru gnyis pa las byas pa'o/ /gsum pa gcig pa ni khru gcig pa la nges par bya'o/ /de ltar chad du byas pa las/ /shin tu mnyam par 'thas par bya/ /de nyid rjes su 'jug pa yis/ /dang por srad pu
 gang yin pas/ /kha dog ser po thig gdab bya zhes bya ba la/ rab 'bring tha ma'i tshad du byas pa la mnyam pa dang 'thas legs par byas par byas la de nyid rjes su 'jug pa ni gang zag rnal 'byor pa'o/ /de yis dang po srad bu ni/ bu mos
 bkal ba'i dgu sgril lo/ /kha dog ser po ni yung ba la sogs pa'i gang yang rung ba'i thig gdab par sbyar ro/ /dkyil 'khor dgu ru nges pa las/ /'bru dang sa dang rin chen gang/ /phye ma nyid du btags pa yis/ /dkyil du pad+ma bcu
 drug pa/ /'dab mar ldan par bri bar bya zhes bya ba la thig btab pa'i le tse dgu la dkyil du rgyal po dang blon po dang/ bram ze dang/ dmangs rigs la rim par sbyar la/ rin po che mu tig la sogs pas bri ba dang/ 'bras btags pa la
 rams la sogs pas kha dog bskyur ba dang/ sa kha dog lnga pa la zhib par btags pas pad+ma bcu drug dang ldan pa bri bar sbyar bar bya'o/ /shar dang lho dang zhes bya ba nas/ /kun kyang stag gi lpags pa yis/ /smad ni yongs su dkris
 pa yin/ /zhes bya ba'i bar ni go slabs 'dir ma bshad do/ /de stengs gdan ni rab gnas pas/ /gtso bo nyid la nyi zla yis/ /phrag pa la ni 'khor bar rgyu/ /tshangs pa dbang po lha chen gnyis/ /zhabs kyis yongs su mnan pa yin
 zhes bya ba la/ lha'i bu nyi ma dang zla ba gnyis phrag pa la rgyu bar byed de/ de ci'i phyir zhe na/ /bde bar gshegs pas lung gsum du gsungs te/ gcig ni lag na rdo rje'i skus ri rab kyi rked par sleb pas nyi ma dang zla pa yang ri rab kyi rked pa
 nas/ rgyu ba lag na rdo rje'i phrag pa la phog pa'o/ /gcig ni 'jig rten pa rnams la 'phrin las rnam pa gnyis kyis 'dul ba dang/ thabs dang shes rab tu ldan pas a li snyoms par 'jug pa'i don gsum du rig par bya'o/ /de yang
 lung gang las grub ce na rim pa ji lta pa bzhin du lag na rdo rje dbang bskur ba'i rgyud dang lag na rdo rje bde bar rol pa'i rgyud dang lag na rdo rje yum lcang lo ma'i rgyud las rig par bya'o/ /tshangs pa dang dbang po gnyis srid pa dang/ mya ngan las
 'das pa'i rtags su bstan nas de gnyis la mi gnas pa dang/ yang na rtog pa dang/ mi rtog pa gnyis ka la mi gnas pa'i rtags dang/ yang na bdud kyi snying kha nyams dga' bar bcom ldan 'das rol pas bzhugs pa'o/ /
 shar gyi lha chen rnam rgyal nyid/ /keng rus steng na gnas pa bzhin/ /gzhan yang de ltar gnas pa yin/ /sa bon gnas pa gang yin pa/ /sgra dang bcas pas shes bar bya zhes bya ba la/ /shar na bzhugs pa'i khro bo khams
 gsum rnam par rgyal ba keng rus skam po'i steng na bzhugs pa bzhin du nag po chen po la sogs pa'ang keng rus skam po'i steng na bzhugs pa 'brel to/ de yang ci'i phyir keng rus skam po'i steng bzhugs she na/ thams cad
 kyang rnam par rtog pa dang bral ba'i phyir dang/ sgra'i sbyar bas kaM raM ka la gdug pa rnams skrag par bya ba'i phyir dang/ drag po'i las su sbyar bas na keng rus la bzhugs pa'o/ /sa bon gnas pa de ni de dag thams cad skyed pa'i sa
 pon la bya ste yig 'bru rnams so/ /sgra dang bcas pa ni bcom ldan 'das rdo rje gar mkhan gyi zhal sgra dang bcas par phyung pa'o/ /de yang ji lta bu zhe na/ sa bon gyi yi ge re re la 'od zer rigs mi 'dra ba re re dang/ sgra mi 'dra ba re re
 yang dag phyud ste bsgrags par sbyar ro/ /dang po gtso bo skyed byed gang/ /hUM las nges par rdzogs bya zhing/ /gzhin rnams 'di las 'byung bar bsam zhes bya ba la dang por gtso bo phyag na rdo rje nyid kyi
 bskyed par bya ba'i sa bon du hUM nag po las yang dag par shes par bya'o/ /gzhan rnams 'di las zhes pa ni 'og nas 'byung ba'i sa bon bcu drug po rim pa ji lta ba bzhin du khams gsum rnam par rgyal pa nas/
 sha za ma'i bar du kha dog mi 'dra ba ni bla ma'i ngag las yongs su rig par bya zhing de rnams las 'byung ba 'am skyed par 'brel to/ /lhag ma ni go sla'o/ /de las rags pa gang zhig gis/ /bar 'phran nges par bskyed par
 bya/ /dang por kun kyang brtsigs pa yis/ /baM las gyur pa sna tshogs pa/ /yang dag par ni bskyed par bya/ /de 'og kaM las rab skyed pa/ /skam por yongs su brtags pa yin/ /zhes bya ba la rags pa ni sku nyid do/ /bar
 'phra ni dang por gcig pa'i paM dmar po las byung ba'i pad+ma 'dab ma bcu drug pa sna tshogs pa bskyed par bya'o/ /de 'og ces pa ni/ de'i gting la byung bas de'i 'og ste/ de'i steng du kaM dkar po las yang dag pa byung pa'i keng
 rus skam po rab tu gnas pa'o/ /lhag ma ni bla ma'i man ngag las shas par bya'o/ /de dag rnams ni rab rdzogs pa'i/ /sku ru yongs su rdzogs byas la/ /bdag gi rnal 'byor yang dag bsgrub ces bya ba la/ /de dag gi ni
 gong du smos pa'i gdan dang yig 'bru dang bla ma'i ngag la sogs pas rdzogs pa'i sku ru ni rang rang gi cho ga gsum las rang rang gi skur rdzogs par byas la zhes par 'brel to/ /de nas bdag rnal 'byor pas mchod pa la sogs
 ba'i rnal 'byor yang dag par sgrub par 'brel to/ /de nas sngags pa blo ldan pas/ /rigs su gsungs pa gang yin pa/ /thabs 'di la ni 'jug par bya/ /zhes bya ba ni rigs rnam pa lnga las mi 'da' bas rigs kyi rjes su 'breng bas
 rnal 'byor yang dag par bsgrub pa gsungs te su yis zhe na/ sngags pa shes rab can gyis so/ /de yang sbyir rigs la brten te bsgrub par gsungs so/ /thabs ni 'og nas ston pa rnams la 'jug par 'bral to/ /kun la 'jug
 bar 'gyur ba yi/ /khyab pa'i bdag po chen po ni/ /rigs kyi gtso bos spyi la khyab zhes bya ba ni spyir khyab ba rnam pa gsum gyis yongs su ston te sku gsungs thugs kyi khyab pa'o/ /kun la 'jug pa ni las kyi bya ba thams cad la'o/ /khyab pa'i
 bdag bo ni rigs kun la 'jug ba dang/ gtso bo dang bdag por 'brel pas na bdag por 'brel to/ /rigs kyi gtso bo ni rigs thams cad las 'byung bas na gtso bo yin te de yis kun la khyab par 'jug par bstan pa'o /mdun
 na rdo rje'i rigs yin te/ /lha min la sogs nges par 'jig /g.yas ni rin chen rigs yin te/ /sha za la sogs yang dag 'jig /rgyab na gnas pa gang yin pa/ pad+ma'i rigs su yang dag ldan/ /nor la sogs pa gang dgos
 pa/ /re ba bzhin du skongs par byed/ /g.yon na gnas pa gang yin pa/ /las kyi rigs kyi nges pa las/ /klu dang gnod sbyin la sogs pa/ /mu rungs pa rnams yongs su 'jigs ces bya ba la/ mdun ni shar du rig par
 bya ste/ khams gsum rnam par rgyal ba ni rdo rje'i rigs su nges pas tshangs pa dang lha ma yin rnams 'jig pa'o/ /g.yas pa ni lhor rig pa ste/ /nag bo chen po rin po che'i rigs su nges pas gshin rje dang sha za rnams
 'jigs pa'o/ /rgyab ni nub yin te rnam thos sras pad+ma'i rigs yin te/ nor dang bzhon pa la sogs pa rnam nges par ster pa dang gnod sbyin rnams 'dul bar gsungs so/ /g.yon ni byang du rig bar bya ste/
 bdud rtsi thabs sbyor gyis klu dang yang ma rungs pa rnams 'jigs par bsrungs so/ /gzhan ma lhag ma thams cad kun/ /pho nya'i tshul du nges par gnas shes pa ni rdo rje gnod sbyin la sogs pa thams cad pho nya'i tshul du
 yang dag par gnas par 'brel to/ dang po nyi ma shar bas na/ /so so dag la snying po ni/ /gong du 'bum las rab rdzogs pa/ /brgya rtsa brgyad du nges par bzlas/ /shes pa la dkyil 'khor bri ba'i snga dro tshon rtsi lnga la las kyi
 sbyor ba sna tshogs pa zhes bya brjod de/ de la snying po brgya rtsa brgyad yang dag par bzlas zhes pa ni/ gong gi bsnyen pa'i dus su snying po 'bum la sogs pa bzlas pa'o/ /de nas snga dro'i dus su brgya rtsa brgyad bzlas pas sbyor ba bri bar
 bya'o/ /hUM gi sgra dang rab ldan pas/ /bdag nyid kha nas me 'bar gsal/ /phyag rgya gnang bar rab bcas te/ /de nyid stabs stabs bskyod pa yis/ /gdug pa thams cad skrag byed pa/ /bde gshegs mngon par bgyes par bya/ /zhes
 bya ba la/ snga dro'i dus su rgyan cha lnga la sogs pa yongs su bkod la/ rdo rje dril bu nges par gzung ste hUM hUM hUM zhes pa'i sngags kyis kha nas me 'bar bar bsams la/ phyag rgya ni gar gyis yang dag par byas la/ de nyid ces
 ba ni/ don dam pa gnyis la sgra rnam pa gnyis 'jug ste/ rnal 'byor pa de nyid kyis lag na rdo rje de nyid kyi stang stabs bya bar gsungs pa ste/ /g.yas pa brkyang ba la sogs pa nges par bkug nas/ rdo rjes rgya gram 'gros kyis phyogs
 bzhir bskyod pas gdug pa can thams cad skrag bar 'gyur ba dang/ bde bar gshegs pa rnams gar gyis mngon par dgyes pa'o/ /rdo rje dril bu bzung byas nas/ /khro bo cha lugs gang yin pas/ /phyogs rnams rmongs par
 byed pa yin/ /lha mo'i gzugs 'chang gang yin pas/ /gzhan gyi sems kyang 'phrog par byed ces pa la/ /dus rnam ba gnyis kyi sbyor bas gsungs pa yin te/ /bgegs bskrad pa dang mchod pa nyid la sbyor ba gsungs so/ /
 de la khro bo'i stang stabs kyis rdo rje'i dril bu bzung bas kha nas hUM 'bar bas yang dag bar bskyod pas gdug pa rnams bsgyel te ci'i phyir 'khrugs she na/ brgyal bas so/ /brgyal bas shar phyogs la sogs pa mi shes so/ /
 lha mo'i gzugs su bdag nyid yang dag par bsgrubs la gnas par bya ste/ ji lta bu zhe na/ las kyi lha mo sna tshogs ma/ dbu rgyan dang/ gdu bu dang/ stong g.yogs la sogs pa rgyun cha bcu gcig gis yang dag par brgyan la/
 nu ma cung zad 'bur bar bya ste/ mchod pa'i rdzas thams cad rdo rje'i glu dang gar dang/ phyag rgya la sogs pas yang dag par mchod pa dang/ 'dod pa'i yon tan lngas skul mchod par bya'o/ /de'i gzugs dkyil 'khor
 bri ba'i skabs su shes par bya ste re mig ni dkyil 'khor lnga la bya ste/ de'i bar me'i 'od kyis bri bar 'brel to/ /'khor lo ni dkyil 'khor la shes par bya ste/ de'i 'og tu chos 'byung gi phyag rgya gru gsum pa/ mtshan ma kun la khyab
 par bri bar bya bar 'brel to/ de yang ci'i phyir chos 'byung gi phyag rgya bri zhe na/ bcom ldan 'das kyis 'di skad gsungs pa'o/ /thabs dang shes rab ldan pa dang/ /kun 'byung yum du nges par gsal/ /
 rten 'brel yang dag 'byung ba yin/ /kun rdzob la ni don dam brten/ /don dam nyid la kun rdzob yang/ /brten pa nyid la 'gyur ba yin/ /de bas gnang ba mi gsal bar/ /chos 'byung phyag rgya nges par bri/ /rgyas pa la sogs ma
 yin gyi/ /drag po'i dkyil 'khor yin ba dang/ /de bzhin dbyibs su rab gsal bas/ /dran dang bcas pas bri bar bya zhes bya ba la/ chos thams cad thabs dang shes rab tu 'brel par gnas pa dang/ /chos thams cad
 de las 'byung bas na/ de yang dag par bri ba 'brel te/ yang rten cing 'brel bar 'byung ba'i chos su dngos po kun grub bas bri bar bya'o/ /ji ltar rten cing 'brel zhe na/ kun rdzob la zhes pa gsungs te/ kun rdzob la don dam
 par brten pa dang/ don dam pa la kun rdzob rten pa'i phyir te/ chos 'byung ni don dam pa'i phyag rgya yin pa dang/ dkyil 'khor ni kun rdzob kyi phyag rgya yin par 'brel to/ /yang na drag po'i dkyil 'khor yin par gsungs
 pas/ /skabs 'dir yang dran po'i skabs la bab bas na/ /de yang dbyings mthun pa'i phyir gnang ba mi gsal bar bri bar bya'o/ /gnang ba mi gsal ba ni gong du bstan par zad do/ /de bas na rnam pa thams cad du yang
 rnal 'byor pas chos 'byung ba'i phyag rgya mnyam par bzhag cing dran pa dang bcas pas bri bar gsungs so/ /mthu dang ldan pa'i gang zag la/ /stobs ni shin tu nges par skyed/ /dkyil 'khor lha nyid mdon bsgrubs bas/ /
 lus la gzi brjid 'jug pa'o/ /zhes bya ba la/ mthu zhes pa ni/ a a nu b+ha ba'i sbyor bas skabs mang po la 'jug ste/ skabs 'dir ni sngon gyi las 'phro dang ldan pa la bya'o/ /de dang ldan pa'i gang zag la ni phyag na rdo rje'i stobs skye bar 'gyur ro/ /
 de nas dkyil 'khor gyi lha rnams mngon par bsgrubs pas ni/ /lus ni bdag gi phung bo'i rgyud la gzi brji ye shes 'jug par gsungs so/ /rdo rje me lcer rgyud kyi 'grel pa de kho na nyid snang ba zhes bya ba las/ le'u gsung bar bshad
 pa'o// //lag na rdo rje zhes bya ba nas thabs de gang lags gsung du gsol zhes pa'i bar du go sla'o/ /nang gi bdag nyid can dang yang/ /phyi yis khrus sogs rab byas la/ /rab gsal la sogs rgyud tshang nas/ /gang
 yang rung ba'i lo nyid la/ /ston zla ra ba nas brtsams la/ /lha min lha dang me tog mdzes/ /drag po'i dang po 'di nyid la/ /bdag gis nges par sbyor ba brtsam zhes bya ba la/ dang por nang gi bdag nyid ni nang ste/ phyir rol gyi dngos
 por mi 'dzin pa dang/ bag dang gzhan du mi rtog pa dang/ stong pa dang mi stong pa'i mdza' gnyis dang bral ba'o/ /phyi'i chos ~dang nang gi chos thams cad rang bzhin gyis rnam par dag par byed pas khrus mchog tu gsungs so/ /phyi'i
 khrus ni go sla'o/ /khrus rnam pa gnyis byas nas/ rab gsal sogs zhes smos te/ shes rab gsal bas na rab gsal lo/ /de yang shes rab lnga dang rgyun bcad pa ni/ rnam par bza' bar mi bya ba dang/ sogs pa ni myos 'gyur yang longs
 spyod par mi bya'o/ /gang yang mi rung ba ni byi ba la sogs lo gang yang rung ba'o/ /ston zla ra ba smos pa ni ston zla ra ba la me tog kun tu rgyas bas de'i phyir/ de nas brtsis pa'i lha ma yin gyi bla ma don thams cad kun tu 'grub pa dang/ me tog
 mdzes bkra shis par gsungs pa de dang/ drag po bya ba ni 'od zer drag po gang la yod pa la drag po zhes smos pa'o/ /dang bo'i zhes bya ba ni cha bzhir bgos pa'i dang bo'o/ /de gsum yongs su 'dzoms pas na bdag rnal 'byor bas
 sbyor ba yang dag par brtsam par bya bar gsungs so/ /de nas bdag nyid lus nyid la/ /rgyan cha lnga yis rab brgyan te/ /lus la gos dag sngon po nyid/ /bla gos smad g.yogs yang dag bcings/ /spyi bo la sogs gnas lnga ru/ /
 sprul gyi yongs su bcing bar bya/ /rang nyid dkyil 'khor shar sgo ru/ /'dus bas sbyor pa brtsam par bya/ /zhes bya ba rnal 'byor pa'i lus la dbu rgyan la sogs pa lngas brgyan bar bya'o/ /stod g.yogs dang smad g.yogs sngon pos
 lus la bgo par bya ba dang/ /srog song pa'i sbrul lam/ /yang na shing shun la gzugs byas pa snga ma'i rgyan cha'i rtsar bcing bar sbyar ro/ /bdag nyid shar gyi phyogs su 'dug pas las bya bar 'drel to/ /de nas dang por bla
 rig gang zhes bya ba nas/ /gso bar yang dag gtsang bar bya zhes bya ba'i bar du ni go gla ngas 'dir ma bshad do/ /de nas sngags pa blo ldan pas/ bdag nyid bsrung ba'i 'khor lo brtsam/ /rang gi phyi rol mtsham rnams su/ /mi 'gyur
 bas ni bsil ldan bsgom/ /de steng bsdung ba'i dngos po gang/ /kha dog nag po yang dag bsam/ /de las khyab byed rigs lnga pa/ /yang dag par ni bsam par bya/ /de dag yongs su rdzogs byas pas/ /bdud rtsi 'khyil bar bdag bsams
 te/ /rdo rje sdigs mdzub phyag rgya yis/ /bsngaT bzlas pa yis bgegs bskad bya/ /rigs gtso'i rtse mo de nyid la/ /kaM las lus skyob bsam byas te/ /spyi bor gnas par khyab par bsam/ /zhes bya ba la/ skabs 'dir rdang por 'jug
 pa'i las la/ bdag nyid la bsrung ba'i 'khor lo bya bar gsungs te/ de'i dang por bla ma'i man ngag las yang dag par shes par bya ba ni/ rgyud las 'byung bas bdag gis don gsal bar brjod pa ni 'gal ba yod pa'i phyir te/ mi ge
 ba yin pa'i/ /de nas zhes pa ni tshig gi lhag ma lus pa dang/ gzhan nye bar ston pa'i tshig ste/ sngags pa shes rab can gyis bsrung ba'i 'khor lo bya bar ston pa'o/ /rang gi phyi rol ni rang gi rgyud las ma rtogs pa'i phyir rol lo/ /mtshams
 ni rgyud las ma gtogs pa dang/ /phyi rol gyis dngos po'i mtshams su mi 'gyur ba ni yi ge dang po'o/ /bsil ldan ni 'od zer kha dog dkar po dang ldan pa'o/ /de'i steng ni bsil ldan gyi steng du/ sdud pa'i dngos po ni/ /thugs kyi
 yi ge la kha dog nag por bsam par bya bar 'brel to/ /de las ni sdud pa'i dngos po la ste/ khyab byed ni kun du khyab par byed pa dang/ mi 'jigs pa'i gnas pa la bya ste/ dngos po'i de rigs lnga pa'i 'khor lo'i rigs la
 sogs pa dang ldan pa'i/ /de yang dag par bsgom par 'brel to/ /de dag yongs su rdzogs pa ni/ gong du smos pa'i cho ga rnam pa gsum pa'o/ /de gsum rdzogs pa las bdag nyid khro bo bdud rtsi thal sbyor du yang dag par bsam
 par bya ste/ sku mdog ljang khu phyag gnyis pa la thal mo phan tshun bsnol ba ni/ /dam tshig gi phyag rgya bcas la/ /de nas las kyi phyag rgya ni/ g.yon pa dkur brten te g.yas pa ni/ /rdo rje bcang pa'i phyag gis sdigs mdzub tu byas
 la/ sngags 'dis bgags bskrad par bya'o/ /oM big+h+naM ta krit+ta ya hUM phaT/ rigs gtso'i rtse mo ni gong ma'i sngags lnga las ma gtogs pa'i nang gi rgyud kyi rigs lnga ba dang po'i rtse mo la ye ge kaM dkar po las lus skyob pa'i
 byed pa yongs su bsam par byas la/ spyi bo nas rtse mo yang dag par btsugs te/ oM badzra ba tsa hUM phaT shA hA/ /zhes pa'i sngags kyis lus thams cad la khyab par bsam mo/ /de yang 'od zer
 gdug pa dang bcas pa 'bar ba 'brel to/ /'dis ni sa'i cho ga dang thig gi gnyis yongs su rgyas par ston pa'i skabs te/ de nas gtor ma zhes bya ba nas/ phyogs bzhi mtshams su nges par gdab ces pa'i bar du go
 slabs 'dir ma bshad do/ /kha nas hUM gi sgra 'bar zhing/ /sna tshogs rdo rje gar thabs kyis/ /lan gsum bar du bskor ba bya/ /de nas gdug pa gang yin pas/ /phyogs bzhi dag tu song ba las/ /sa phyogs nges par
 gtsang bar 'gyur zhes bya ba las/ kha nas hUM hUM hUM zhes pa'i sgra drag po dag phyung bas gdug pa rnams kyis kha nas me 'bar ba mthong ba'o/ /sna tshogs rdo rje gar thabs ni/ /lag pa g.yas par be tsen sngon po bzung
 nas/ g.yon pa rdo rje thogs bas snying khar bzung la/ rkang pa g.yon pa lte bar gnas te/ g.yas pa phyogs ru rtse gsum pa'i gom pa dor ba dang/ de dang mthun bar ba con gyi thabs dang/ shes rab la bskor
 bas sa la gdab par bya'o/ /de nas gom pa gtsig gis bar du gsal bar 'brel to/ /de ltar yan lag gsum gyi bar du bskor bas/ gdug pa rnams phyogs gzhan du byer te/ /sa phyogs de gdug bas gtsang bar gyur
 par 'brel to/ /de nas thig sogs btab pa yis zhes pa nas/ shes rab thabs kyis bsal bar brtags/ /shes pa'i par du ni/ sta gon gyi cho ga rgyas bar bstan par rigs pa ni rgyud gzhan dang mthun par 'brel to/ /sangs
 rgyas dkyil 'khor bzhengs bya'i phyir/ /bdag gis drag po dang po la/ /phye ma lnga dang sngags dag dang/ /phyag rgya bcas pas byin gyis brlab ces bya ba la/ /bdag rnal 'byor pas 'od zer drag po dang bcas pa'i dang po'i nyi ma shar ba'o/ /phyi ma
 ni rab 'dring tha ma gsum phye ma'o/ /de la sngags ni 'di dag go /dkar po la sogs pa thams cad la/ rim pa bzhin du rin po che 'bar ba'i phyag rgya bcas la/ /oM swa ti b+ha ba ti hUM/ /oM pi ta su d+ha ra b+ha re na b+ha ba ti hUM/ /oM ra gto po ba la
 b+ha ba ti hUM oM ha'i ta ma ra ka ta b+ha ba ti hUM/ oM kri sna gaM ka pa ti hUM zhes byin gyis bral ba ni rim pa ji lta ba bzhin du/ mu tig dang/ gser dang/ byi ru dang/ slogs btsod dang/ mu men du brlab par sbyar ro/ /de nas snod dag thod pa
 las/ /? byes pas rdo rje'i phyag rgya rab/ /nges pas las kyis byor ba bcom/ /phyogs su legs par bskor ba yis/ /lpugs rgyu ba'i dnges po gang/ /yi ge mngon par gsal ba yis/ /rgyun mi 'chad par bri bar bya/ /zhes bya ba la
 snod ni thong ba'i dum bu la byas pas phye ma der blugs pas 'brel to/ /rdo rje phyag rgya ni rdo rje'i rtse gcig pa'i phyag rgya dang/ gung mo mthe bong sbyar ba'i bar nas tson rtsi dgye bar bya ste/ mdzub mo brkyang ba'o/ /de yis rab tu gsungs
 pas sbyor ba ni bri bar bya'o/ /phyogs su legs par bskor ba yis/ /zhes pa ni/ phyogs su g.yas phyogs su ma 'khrul bar bri bar 'bral to/ /lbags rgyu ba'i dngos po ni bla ma'i man ngag gis shes par bya ste/ sdud pa'i dngos
 po'o/ /de'i yi ge mngon par bsal ba ni/ /mngon par ni sa la phreng bar 'byung ba'o/ /bsal ba ni sgra dag par brjod pa nyid do/ /lpugs rgyun mi 'chad par bri bar 'brel to/ /skabs kyi skad cig shes pa las/ /par du khro gnyer
 bstan par bya/ /dang po nag po bri ba zhing/ /gnyis pa dkar po nges par dgye/ /gsum pa nyid la ser po ste/ /bzhi pa dmar po yang dag ldan/ /lnga pa ljang khu bri bya zhing/ /drug pa kha dog sna tshogs rgyas/ /
 zhes bya ba la/ skabs ni phyogs dang mtshams su bab pa la'o/ /phyogs gang yang rung ba dang mtshams su ba ba hUM phaT(rgyud 'grel rgyas zhes bya ba ni/ kha dog sna tshogs phan chun du bsregs nas dmar skya la sogs par spyar ba la bya'o/ /dkyil 'khor las nyid rdzogs pa dang/ /rdzas su yang dag ldan byas te/ /gru bzhi dag tu byang shar gyi/ /mtshams ni
 sa gang bu mo yis/ /blangs pa las byas mchod rten ni/ /sngon po bzhi dag yongs su bzhag /de yi 'khor lo'i rtse mo la/ /gong gi srad bu btags bya ste/ /me tog sngon po'i phreng ba yis/ /'khor bar yongs su brgyan par
 bya/ /bum pa sngon po bcu bdun nyid/ /mdza' yi phyogs su nges par gzhag ces bya ba la/ dkyil 'khor bri ba dang/ 'di nas mar mchod pa'i rdzas bshams pa gsungs te/ dkyil 'khor gyi zur bzhi dag tu/ /byang shar
 mtshams nas bu mos sa sngon po blangs pa la/ sku gdung rgyar sor bcu gnyis pa las/ dbangs su sor nyi shu rtsa bzhi pa byas la/ /de'i 'khor lo'i rtse mo la tshon skud sna lngas brgyan pa ste/ /me tog gis yongs
 su bri bar bya bar 'brel to/ /bum pa sngon pos bskus pa'i lta'i grangs su sbyar bas/ /dkyil du gcig tu phyogs mnyam par bkod pa'o/ /sman dang spong dang zhes pa nas/ /lus la mngon par phyogs pas bzhag ces
 pa'i bar du go sla'o/ /de nas sngags pa blo ldan pas shes pa nas/ phyi ma rnams kyi gnang mi bya zhes pa'i bar du ni/ bcu bdun bcu bdun du rdzas kun la shes par bya'o/ /de la gdugs dang rgyal mtshan dang/ bdan ni bum pa la gzugs
 par bya'o/ /phreng ba ni be con la gdags par bya ba dang/ chengs pa'i skud pa ni ral gri'i rtse mo la gdags par bya'o/ /bdag po ni lag ni rdo rje dngos te/ de'i na bza' dar ram sam snam bu la gur gum gyi thig le yongs su blas
 la dbul par bya'o/ /yol ba sngon pos dkyil 'khor bskor bar bya ba dang/ bla res steng nas phub nas gzhan la snang bar mi bya ba 'brel to/ /gal te snang bar gyur pa na/ /rang gi lugs ni ma rtogs pa'i/ /gzhan rnams brlag par
 'gyur ba yin/ /de bas legs par bsgribs pa yi/ /phyi rol gzhan la bstan mi bya/ /zhes bya ba la/ gal te gzhan rnams kyis mthong bar 'gyur ba na/ rang gi lus ni lag na rdo rje gos sngon po can gyi rim pa dang dbang legs
 par thob pa la bya ste/ de ma yin pa rnams brlag pa 'gyur ba ni/ dam tshigs las 'das pas nad dang gdug pas 'tshe bar byed do/ /de bas na bdag rnal 'byor pas legs par bsgribs pas ci nas kyi phyi rol gzhan la bstan
 par mi bya bar sbyar ro/ /gang zag gcig bu gnas pa yin/ /las kyi sbyor ba 'di brtsam bya/ /zhes pa la/ mi mang po rnams yongs su ma bsnyen bar bdag nyid gcig pus 'og nas 'byung ba'i las rnams sbyang par gsungs so/ /
 phyag dag sngon du 'gro ba yis/ /mchod pa'i las la mnyam par gzhag /bdag nyid las kyi phyag rgyas gnas/ /bsam pa sngon du gyur pa yis/ /kun gyi 'bras bu gang yin pa/ /bdag gis bsang bar rab tu brtag /sngags
 dang phyag rgya rab ldan pa'o/ /mchod pa 'di dag nges pa las/ bgegs gsal ye shes rab dbab pa'i/ /rnal 'byor rdzogs pas yang dag gnas/ /rang rang rigs kyi phyag rgya yis/ /sngags bzas pa yis
 dbul bar bya zhes bya ba la/ /'di nas mar mchod pa'i rim par gsungs te/ /dang por bla ma'i man ngag gis/ /spyan drang bar bya ba dang/ /tshig gis kyang 'di ltar spyan drang par bya'o/ /oM bdag gshegs gtso bo kun khyab
 dang/ /lha rnams phyogs su 'khor ba rnams/ /bdag dang sems can rgyud sbyangs phyir/ /skad cig tsam gyis gshegs su gsol/ /zhes brjod la spyan drang bar bya'o/ /de nas bzhugs su gsol ba la sogs pa yongs su rdzogs
 par byas la/ /de nas phyag 'tshal ba dang/ mchod pa'i las la mnyam par bzhag ba ni yang dag bar sbyang par bya ste/ bdag nyid las kyi phyag rgya ni/ /dngos po ma bsgyur bar dam tshig sems dpa' i ngo bos gnas pa la
 bya'o/ /bsam pa mngon du gyur pa'i gang zag rnal 'byor pas dmigs par bya ste/ kun gyi 'bras bu ni stong pa nyid la bdag gis gsal bar skad cig yun ring bar rab tu brten par 'brel to/ /sngags dang phyag rgya ni
 'di ltar sbyar te/ sngags ni 'og nas ston to/ /phyag rgya ni dang por gang gyis sku gsung thugs su nges par sbyar nas/ /bsam pas kyang mchod pa'i sprin rgyas par sbros la/ pad+ma kha 'bus ltar byas la/ spyi bo'i steng du gnas pa
 dang/ g.yon g.yon gyi mtheb srin des par sbyar la 'dud de/ gzhan rnams bkug pas g.yon pa'i mdzub mo bsgreng nas sna'i thad kar gnas pa dang/ g.yas g.yon gung mtheb sbyar nas sprad des mdzub mo gnyis kyis kyang bsgreng
 bas sna sbrad pas byas nas/ gzhan rnams yongs su brkyang nas mig gi thad dkar gnas pa dang/ mtheb srin sbyar bas steng du bstan te/ snying khar gnas pa dang/ lag pa gnyis kyis tha ba ltar sbyar nas/ sna sgo'i tha dkar gnas
 pa dang/ lag pa gnyis cung zad bsnol te/ gung mo gnyis cung zad brkyang bas kha sbyor du gnas te/ rna ba g.yas pa'i thad kar gnas te bzung ba dang/ gar gyi phyag rgya dngos dang/ phreng ba 'dzin pa'i tshul dang/ 'khyud pa'i phyag rgya
 dang/ sna tshogs pa'i phyag rgya yang dag par bcas la dbul bar sbyar ro/ /de'i dang por bgegs ni dri chu la sngags kyis btab la bskrang pa dang/ ye shes dbab pas yongs su bzung ba'o/ /de'i sngags dang mchod pa dang/ sdig
 pa bshigs pa'i phyag rgya yis/ /yang dag par ni bshags pa ni/ /phyag rgya gsum las shes par bya'o/ /sngags ni pa ba d+he sa na la sogs pa'i sngags kyis yang dag bar shes pa'o/ /sdig pa bshegs pa ni smre sngags zhes
 pa nas/ gnas bzhi'i bar du ni go sla bas ma bshad do/ /gong du bstan pa'i phyag rgya ni/ /skabs 'di dag tu bsam par bya/ /dang po rgyud las skyes pa las/ /phyi nas ring po mi gnas shing/ /rang bzhin du ni 'od gsal
 bsgom zhes bya ba la spyad pa las dang gong du bstan pa ni/ stong pa nyid skabs 'dir bsgom par gsungs so/ /dang por rgyud las skyes bya ba'i tshig 'di ni skabs gnyis su shes par bya ste/ gcig ni bdun rnam par dag pa dang/ sems tsam
 du dmigs pa'i rgyud las skyes pas/ /phyi nas stong pa nyid snga ma'i dngos por mi gnas par rang bzhin du 'od gsal bar bsgom pa'o/ /gcig ni dkyil 'khor gyi rgyu yi rgyu/ de las skyes pa ni sgri'i sbyor bas bsdus pa 'jug bas
 rgyu'i 'bras bu stor pa nyid kyis gshegs su gsol ba 'brel to/ /rdo rje me lce'i rgyud kyi 'brel pa de kho na nyid snang ba las/ le'u bzhi pa'i bshad pa'o// //de nas phyag na rdo rje yis/ gsang pa'i
 mgon la 'di skad gsol/ /bsam pa rab tu rdzogs pa yis/ /nang gi rnal 'byor gsung du gsol zhes ba la/ lag na rdo rje gsang ba'i mgon ni gsang ba rnam pa gsum du bdag por gyur pa ste/ de mgon du ci ltar 'od zhe na/ gsang pa
 dang ldan pa la gsang ba'i mgon no/ /dper na ral gri'i 'khor lo mkhan pa'i mi la/ /ral gri'i mgon po zhes zer pa dang 'dra bar/ skabs 'di yang gsang ba'i don rgyas rab bston pa'i skabs su bas pa dang/ de dang ldan par ba?
 gsang ba'i mgon no/ /de la bsam pa rab tu rdzogs pa ni/ dper na yid bzhin gyi nor bu rin po che dang 'dra bar/ 'dis kyang 'jig rten dang 'jig rten las 'das pa'i dge ba thams cad 'grub pa'i thabs/ nang gi rnal 'byor
 gsung bar zhu bar 'brel to/ /bde gshegs gsang bas bka' stsal pa/ gang gis sgrub par bya ba la/ /thabs kyis dngos grub thob par 'gyur/ /zhes bya ba la/ bde bar gshegs pa yang dag pa'i don gsang ba dang ldan pas/
 bde bar gshegs pa gsang ba'o/ /de yis yongs su gsungs pa ni 'og ma rnams so/ /gang gis shes pa ni gang gis bsgrub par bya ba la/ thabs khyad par can gyi dngos grub sgrub pa'o/ /thob pa ni myur ba'i sgra rang ldan pa'o/ /dang
 ngos shes rab can ngag gis/ /bdag si? dngos por snang ba las/ /de nyid snang la mchog nyid las/ /'od zer bsil ldan yang ngag bsam/ /zhes bya ba la dang por shes rab can rigs dang ldan pa las/ bdag gis dngos po snang ba ni
 bdag tu snang ba'o/ /de nyid ni sgra'i sbyor babs bdun ba la sogs pa'i sgra la mngon par zhen pa yin te/ /rdzing bu la 'jug pa'o/ /rdzing bu'i nang na 'od zer bsil ldan ni chu shel bsam pa'o/ /'di nas mar ni phan tshesgs su bya ste/ de las
 gong ni tshu shel las gong du ste/ dbugs rgyu ba ni kha sbyor spu gu can no/ /de bsams la de las gsal ldan ni me long stong ste/ me long la rdo rje la sogs pa'i phreng ba lnga dang po'o/ /de stong pa'i dbe ni rnam par rtog pa dang bral ba'i
 ri la song bas gzugs bzang ma dang/ stong 'joms ma la sogs pa'i rig ma lngas de la len pa'o/ /mi 'chi ba ni sdugs te/ dus 'gyur dus kyi skad cig 'gyur ba'o/ /de yis 'jin pa can la byin par bsams pa ste/ 'dzin pa
 can ni skam ba'o/ /de nas sngags 'og ma 'dis rab tu gnas par byas nas/ bdag nyid rigs su ldan pa ni lcags te thob pas bdag po yin pa'i phyir ro/ /phyag rgya ni rjes sam rtags gsal bar sbyar ro/ /sngags ni oM a b+hi
 shiny+tsa zhes pa nas stu stim hUM zhes pa'i bar du'o/ /bdag nyid dngos po la brten nas/ /mtshan mar mi gsal ma skyes pa'i/ /gdong nas grub par bsam bya ste/ /sangs rgyas dngos la rab sbyor bas/ /dang por dngos dag bsam bya
 ste/ /bdag nyid gang gi gzugs gnas la/ /steng du mi 'dra dngos por bsgom/ /zhes bya ba las/ bdag nyid dngos po ni rdzing bu'o/ /rdzing bu la yongs su brten te/ mtshan mar mi gnas ba dang/ gdong nas grub ba dang/ ma skyes pa
 gsum? rdzing bu ru bsam par bya'o/ /de yang ji lta bu zhe na/ sangs rgyas dngos la rab sbyor bas zhes gsungs pa ste/ gang zag sangs rgyas nyid la rab dad pas/ dngos po rdzing bu nyid bsam par byas la/ bdag nyid gong gi gzugs
 gnas la zhes pa ni/ snga ma'i mi dngos su yang dag par gnas te/ steng du mig 'dra ba'i dngos po ni me shel du shes par bya ste rdzing bu'i steng du'o/ /de las gong du gyur pa yis/ /'jigs pa byed rigs dgu
 nges par bsgom/ /mig 'dra'i spu gur rang 'byar pas/ /snying po'i steng du gsal bar snang/ /zhes bya ba la/ da las ni mi shel las gong du gyur pa'o/ /'jigs byed ni sta ril bya ste/ /rigs dgu ni sta ri'i logs thig le dgu bris
 pa bsam par bya'o/ /de yang gang du gnas she na/ /mig 'dra'i bu gur rab 'byar bas/ /zhes gsungs te/ me shel gyi mig las 'byor par bsgom pa'o/ /snying po'i steng ni me shel gyi snying po'i steng ngo/ /gsal bar snang ba ni
 chud par snang bar 'brel to/ /snying po'i steng du chu bsgrub pas/ /yan lag stong dang ldan pa nyid/ /spun la phyogs pas kha bltas nas/ /bdag las gang du gyur pa yi/ /zhes bya ba la/ snying po ni me shel te/ de'i steng du chu bsgrubs
 pa ni ha la bye ste/ nya'i kha nas yan lag brgyad dang ldan pa'i chu 'bab pa la bya'o/ /spun la phyogs pa ni mi mthun pas zla ba nya la bya ste/ /de la phyogs par kha bltas pa'o/ /de la kha bltas nas/ /bdag la gong du
 gyur cha ni thong pa la bya ste/ /de yang ji lta bu zhe na/ hUM gi nyas las bsgrubs te me'i nges par gsal byed sbar ba las/ /dngos por snying por rab song bas/ /de las mi 'chi 'od ldan pas/ /'joms byed steng na rab gnas
 pa'i/ /mig 'dra'i yan lag brgyad dang ldan/ /'joms byed mig 'drar gar ma 'byor/ /zhes gsungs te/ thod pa na hUM gnyis las grub pa yin pas na/ hUM gnyis las bsgrubs pas so/ /nges par gsal byed sbar ba
 las sa thod pa las me sbar ba las/ /dngos po ni dngos po thams cad la bya ste/ de rnams kyi snying po ni nam mkha' o/ de rnams kyi snying po ni nam mkha' o/ /de bas ni nam mkha' la me lce song bas/ /nam mkha' las mi 'chi bar byed pa'i sman reg 'og dang ldan pa mthong bar
 byed don?/ de yi 'joms byed ne sta ri ste/ sta ri la gnas pa'i mig 'dra ba ni me shel te/ de la yan lag brgyad dang ldan pa'i sman gnas pas na/ yan lag brgyad dang ldan par 'brel to/ /'joms byed sta ri dang mi 'dra mi shel
 du gar ma'am dam por sbyor te/ spyi gnas pa ni thams cad yang dag par 'byor pa'o/ /thabs dang shes rab gsum du nges/ /dngos po gsum du rab nges te/ /snying po'i steng na gnas pa yin/ /mig 'dra'i steng na nges par
 song zhes bya ba las thabs sta ri dang shes rab ye shel gsum du nges par gnas par sbyar ro/ /dngos po gsum ni sta ri dang/ me shel gnyis la dngos po gsum ste/ de gsum brgyud nas snying po ni rdzing bu ste/ rdzing bu'i steng na
 gnas pa'i me shel la nges par song bar 'brel to/ /rang gi gar ma'i khyon tsam la/ /skad cig bye brag bcu drug pa'i/ /thabs su yongs su rdzogs pa yis/ /dang po'i dngos po brtags mi bya/ /zhes bya ba la/ rang gi gar
 ma ni slabs 'dir so gnyis sbyar ba la bya ste/ /so gnyis bstams pa'i nang gi khyon tsam la/ skad cig bye brag ba cu drug ni/ /dbyu gu'i cha yis yongs su brtsis la /de'i thabs kyis yongs su rdzogs pa'o/ /gang rdzogs she
 na sman rdzogs pa'o/ /gang la rdzogs she na sman la rdzogs pa'o/ /dang po'i dngos po ni me shel la sogs pa ste/ /de'i yongs su mi brtag pa'o/ /rdzogs pa gnyis la me 'bar bas/ /rim pa de gnyis mi gnas shing/ /dngos por
 snang ba gang yin pa/ /mar me'i rtse mo lta bu ste/ /phyi nas de ni 'od gsal ba'o zhes bya ba la/ rdzogs pa nyid na gong ma'i sman rdzogs pa'o/ /de las me 'bar bas rims kyis de rnams dngos mi gnas bde
 dngos po snang ba'i sman la ste/ de yang mar me'i rtse mo ltar rim pas phra bar bsams te/ phyi nas rang bzhin gyis/ 'od gsal ba'o/ /dngos po rab tu brtag bya ba/ /rim pa gsum las rab rdzogs yin/ /steng du baM
 nyid rab 'bar dang/ /hUM las skyes pa thub pa'i sku/ /yang dag pa ru brtag par bya/ /'on kyang gong ma'i sa bon las/ /skyed par bya ba kho na yin zhes bya ba la/ /dang por de dag rnam par rab tu brtags pa na/ /steng zhes
 pa ste/ rdzing bu'i steng dang/ /sta ri'i steng ste/ /de gnyis ni paM las skyed par bya'o/ /hUM las skyes pa ni sta ri ste/ /thub pa'i sku'o 'og ces bya ba ni rdzing bu'i 'og na gnas pa'i me shel ni gong ma'i sa bon las bskyed par gsungs
 so/ /sems dpa' gnyis su nges pa las/ /'khor lo spros pas char lta bu'o/ /lo tog shin tu smin byed pa/ /skyon rnams bsal nas de nyid du/ /slar yang ngo bos yang dag gnas shes bya ba la/ sems dpa' gnyis
 go sla ste/ ye shes dang dam tshig sems dpa' o/ /'khor lo spros pa ni phyogs bcu rnams su ste/ de yang dang po nam mkha' las/ /ye shes sems dpa' spyan drangs pa la sogs pa ma lus pa byas nas/ de nas dam tshig gi
 'khor lo myur du gzhug pa'o/ /lo tog lta bu'i sems can la/ char lta bu'i 'khor lo spros pas/ skyon rnams dang bral te/ slar de'i ngo bor gnas pa'o/ /de ltar gsal bar ma 'khrul par/ /skyon gyis ma gos dri med do
 zhes bya ba ni gong ma ltar gsal zhing mi snang bar bsgoms na/ 'khor ba'i bag chags kyi skyon gyis mi gos te/ nam mkha' dangs pa ltar dri ma med par gsungs so/ /de yang las kyi sbyar ba las yang dag par gsungs so/ /mkha' 
 kun zhes pa'i sems kyis su rdo rje lam du rab zhugs nas/ /nor bu dri med zla ba yi/ /las kyi sbyor ba sna tshogs par/ /mnyam par sbyor bas bde ba'i mchog /mi 'dzag gnas dang ldan par 'gyur zhes bya ba la/ /nam mkha' la
 yang dag par zhes pa ste nam mkha' dang dbyibs mthun pa'i chos 'byung ngo/ /de la zhen pas nor bu 'bar ba dang/ /zla ba lta bu'i byang chub kyi sems rdo rje lam du yongs su zhugs pas/ /lam la sbyor ba dang mnyam par sbyar bas bde
 ba'i mchog cir yang mi rtog pa skyes nas phyis mi 'dzag par 'brel to/ /mkhas pa sangs rgyas bde bas bde/ /lus la chags par mi lta zhing/ /sems la chags pa chen por bskyed/ /ces bya ba la/ lus dngos por snang
 ba'i dbyibs dang/ ba dog la chags par mi lta bar sems ni ye shes te/ ye shes la kun nas zhen pa'am/ yang dag par longs spyod pa'o/ /de ltar sbyar bas mkhas pa de nyid sangs rgyas kyi bde ba dngos yin pas na/ bde bas
 bde bar 'brel to/ /de 'dra'i spyod pas yongs bsdus nas/ gang zhig mya ngan 'das pa las/ /mchog gyur mi gnas mya ngan 'das/ /zhes pa ni/ gang zag rnal 'byor pa gang zhig gis gong du bstan pa'i spyod pa de lta bus bdag rgyud
 yongs su bsdus na/ mi de mya ngan 'das pa las mchog tu gyur pa'i mi gnas pa'i mya ngan las 'das pa thob par 'gyur ro/ /sa la mngon par mi gnas shing/ /kun tu mngon par bsgrad pas ni/ /ye shes rdo rje go 'phang nyid/ /rgyud
 pas mngon du byed pa la/ /zhes bya ba la/ sa ni bcu gcig la sogs pa ste/ de la'ang mi gnas pa dang/ gzhan thams cad la mngon par mi dga' bas/ /ye shes rdo rje ni phyag rgya chen po nyid do/ /
 de'i go 'phang yang kun tu rgyud pas mchog tu byed na/ zhes pa ni gang bsgrub par bya ba gzhan la dga' sla med par gsungs pa'o/ /'di ni rdzas la sogs pa yi/ /'di yi dngos grub gang yin pa/ /nges par 'grub pa smos
 ci dgos/ /shes rab can gyi las 'di la/ /chags pa chen po yang dag 'grub /ces bya ba la/ 'di zhes bya ba ni tshe 'di la ste/ tshe 'di'i rdzas dbul dang ral gri dang grub par 'jig rten 'di'i dngos grub gang yin pa rnams
 nges par ram gdon mi za bar smos ci dgos par 'brel to/ /shes rab can blo dang ldan pas 'di lta bu la chags sam zhen pa chen por yang dag par bsgrub par bya'o/ /lus la me 'bar chen po yis/ /snying po 'di nyid
 bzlas pa las/ /rang nyid pad+ma gsang ba yis/ /drag po'i rtags su nges song ste/ /de bzhin rtag tu bsgrub par bya/ /zhes bya ba la/ lus la me 'bar ba ni lag na rdo rje'i rigs te gzi brjid chen po dang ldan pa'i phyir ro/ /de'i
 snying po 'og nas 'byung ba 'di nyid bzlas pa'i thabs ni rang nyid pad+ma gsang ba'i kha sbyor bas byas la/ /drag po'i rtogs ni tha ma me'i dkyil 'khor la bya ste/ de ltar brgyud pas brtag tu bzlas pas bya bar 'brel to/ /de la oM b+ho
 b+ho zhes pa nas rA d+hE ba a ti'i bar du ni rtsa ba'i sngags su shes par bya'o/ /oM daM shTra ka ra lo zhes pa nas/ b+haksha ya zhes pa'i bar du ni/ rkang pa brgyad pa'i sngags so/ /lhag ma ni rim pa ji lta ba bzhin gzhan rnam par rgyal
 ba la sogs pa'i snying po'o/ /de'i lhag ma bdun ni do bsgrub pa dang/ bsrung ba'i las dang/ sa tshon byin gyis brlab pa dang/ dri chu bsngags pa dang/ srang bu bsngags pa dang/ bu mo ba sngags pa dang bde byed bsngags de'i sngags
 te/ de yang skabs kyi dus su bla ma'i man ngag las shes par bya'o/ /de nas phyogs bcur 'khrug pa las/ yi ge des par gang yin pa/ /bla ma'i man ngag rab gsal bas/ /gcig tu bsdus nas rab gsal bya zhes bya ba la/
 rtsa ba'i sngags bstod pa la sogs pa dang/ /bzlas pa nyid snying po'i sngags phyogs kun tu 'khrug pa de rnams yi ge'i phyogs gcig tu bsdus nas zlas pa nges par bya ba ni/ bla ma'i man ngag las shes par bya'o/ /rang 'byung
 sngags pa bdag nyid la/ /grangs tshang bzung ba gang yin pa/ /rigs kyi dbang gis des par bshad ces bya ba la rnal 'byor pa'i 'khor ba la rab tu 'byung ba'i sngags pas/ bdag nyid bzlas pa'i grangs tshad ni phreng ba ste/ de
 ni rigs kyis dbang gis yang dag par bshad pa las shes par bya ba ni drag po la sogs pa'i las la rang rang gi phreng bas 'og nas 'byung bas bzlas par gsungs so/ /kun tu gnang ba gang yin pas/ /rigs su
 bsdus nas ngag gi yang/ /sbyor yul ma yin tha ma nyid ces pa ni/ kun tu gnang ba'i las la 'jug pa dang/ rigs su bsdus pa'i ngag gi bzlas pa dang/ /tha mal pa ni yid kyis bzlas par gzungs pa ste/
 de yang skyes bu dgug pa'i don la log par bskor ba'i sgras yang ma ni byed pa 'jug pa'o/ /dag po'i snying po nyid dang yang/ /rang bzhin rdo rje bzlas pa yis/ /rigs gsum yang dag
 bzlas pa ni/ /zhes bya ba ni spyir bzlas? ba rnam pa gsum du gsungs te/ drag po'i bzlas pa dang/ rang bzhin gyi bzlas pa dang/ rdo rje'i bzlas pa dang/ gsum du gsungs te/ sku gsung thugs dang/ rdo
 rje dang/ rin po che dang/ pad+ma dang gsum du gsungs so/ /gong ma'i sngags la rab bsngags pas/ /mdza' ru kun la hUM gis brgyan/ /de mthar skod pa'i tshig dag gis/ /yongs su brgyan pa nges par bzlas/ gang dang gang
 la las sbyor ba/ /de dang de la man ngag gis/ /mngon par shes par yang dag bshad ces bya ba la/ gong ma rnams kyi sngags la/ /sdud pa la ni hUM gdags so/ /skyod pa la phaT kyi sgra yongs su gdags so/ /de la sogs pa dang
 bcing ba dang/ smyo ba rnams la rang rang gi sngags kyis sbyar man bla ma'i man ngag las shes par bya bar 'brel to/ /bzlas pa phun sum tshogs ldan pas/ /rab 'bring tha mar ldan pa yis/ /dang por sbyor ba des pa yis/ /tha
 mar las la 'jug pa la/ /grags dang cha ru rnam par ldan/ /spyod yul bsdus par nges bsal bas/ /bdag gis dag la brtan par bya zhes bya ba la/ phun sum tshogs pa ni dmigs pa dang/ /tshad dang phreng ba dang/ gang las
 drang ba rnams dang ldan pa'o/ /rab ni 'bum/ /'breng ni khre'o/ /tha mos stong du shes par bya'o/ /dang por sbyor ba ni bsnyen pa'i tshang dang/ tha mar las la 'jug pa de'i dus la sbyor ba'o/ /spyod yul bsdus pa ni lus dang ngag dang/
 yid kyi spyod yul mthun par nges par sbyar ba'o/ /dag la brtag pa ni kun la 'jug pa'i sgra yis 'jug pa'o/ /dang por sred pa chags pa dang/ /bar du gar zhig gnas pa nyid/ /tha mar 'jig pa gang yin pas/ /sngags rnam sangs?
 rgyas par gsungs/ /zhes bya ba la srid pa chags pa dang/ bar du gnas pa dang/ tha mar 'jig pa la sbyar te/ sngags thams cad las dang po dang/ /par dang tha ma'i rigs pas 'byung bar gsungs so/ /de ying ji lta bu zhe na/ /'byung ba
 lnga dang rab ldan nas/ /de la tshe rnams thams cad pa/ /yongs su bsdus pas yang dag gnas/ /de dang sbyor dang dang po'i don/ /'di las sgrub par 'gyur ba gang/ /las rnams sna tshogs gang yin pa/ /gdon mi za bar 'grub pa yin
 zhes bya ba la/ yi ge gang las 'byung ba lnga'i sa bon yang dag par gnas pas/ /'byung ba lnga dang ldan pa'o/ /'byung ba lnga chos thams cad bskyod par gsungs te/ de bas na 'dir yang dang po'i yi ge lnga pa smos pa ni/ de las yongs
 su 'byung bar bya'o/ /de'i don dngos po thams cad la rgyas par bya ba dang/ de'i don shes pa de sgrub pa ni las sna tshogs pa thams cad gdon mi za bar sbyor ba'o/ /de dag la sogs pa nang dang sngags kyi le'u thams cad du yang dag par
 ni bla ma'i man ngag las shes par bya'o/ /sgra ji bzhin pa dang ji bzhin pa ma yin pa dang/ ji bzhin ma yin pa'i sgra log par go bar bya'o/ /rdo rje me lce'i rgyud kyi 'grel pa de kho na nyid snang ba zhes pa las le'u lnga pa'i bshad
 pa'o/ /sa bon rdo rje ges sngon gyis/ /bcom ldan mgon la 'di skad gsol/ /sems can smin par bya ba yis/ /'jug pa'i thabs nyid gsung du gsol/ /zhes bya ba la/ /sems can smin par bya ba'i 'jug pa'i thabs yongs su
 zhus pa'i/ /kun mkhyen mgon pos bka' stsal pa/ /dang po sa brtag la sogs pa/ /nges par gong du brtan pa ltar/ /las rnams nges par rdzogs par bya/ /zhes bya ba la/ kun dngos pa ma lus par thams cad mkhyen pa yang
 yin la/ lha la sogs pa yang yin pas kun mkhyen mgon po'o/ /de yi yongs su bshad par gsungs te sa brtag pa dang/ /blang ba la sogs pa dkyil 'khor dang/ mchod pa'i skabs su bshad pa
 ltar ma lus par rdzogs par gsungs so/ /sa phyogs dben pa'i khyim rnams su/ /ba yi rnam lnga la sogs dang/ /raM sogs mdun du nges par spyad/ /tha ma'i tshul du rab byas la/ /gur gum chu yis yongs su gang gi
 ces pa ni/ /ba'i rnam lnga la sogs pa rnams kyis legs par byugs la/ tha ma'i tshad ni khru gang gis yang dag par byas pa'o/ /de gang du bya zhes na/ /sa phyogs dben pa'i khyim du'o/ /zhal zas sna tshogs zhes pa
 nas sems bskyed pa dang zhes bya ba'i bar du go sla bas ma bshad do/ /gsang ba gsum gyis gnas rnams su dri yi thig le rdo rje dang/ bcas pa'i gung mo nges par bsku/ /mi 'gyur gsum las sku gsung du/ /sngags
 'di dag gis byin gyis brlab ces pa la/ /gsang ba gsum ni dbral ba dang/ /lkog ma dang/ snying kha gsum du dri'i thig le rdo rje dang bcas pa'i gung mos bsdus la/ de'i steng du dang po'i yi ge gsum las mi bskyod
 pa dang/ rin chen 'byung ldan dang/ snang ba mdza' yas gsum du yang dag par brtags la sngags 'dis byin gyis brlab bo/ /oM ti ma ta bi so d+ha ya hUM de nas so shing dag la ni zhes pa nas/ yang dag par ni sbyor ba brtsam
 zhes pa'i bar du ni go sla bas 'dir ma bshad do/ /sngags gnyis pa ni gong mar shes par bya'o/ /rang bzhin mi gnas dgos pa yis/ /kun rdzob dri ma spang bar bya zhes bya ba ni dbang nod pa'i dus su slob ma khrus yang dag par
 byed du bzhug pa'o/ /de nas sna tshogs zhes bya ba nas mchod par bya zhes pa'i bar du ni go sla'o/ /de nyid gzugs la rab tu yang gnas pa'i bdag nyid de nyid du/ yang dag par ni bskyod par bya zhes pa ni/ /de nyid ni phyag na rdo rje nyid de/ /gang
 gi dus su lag na rdo rje'i gzugs bris skuAm/ /'dzim pa'am/ lugs su blugs pa'i gzugs la mchod pas yang dag par mchod la/ rim pa ji lta ba bzhin du yang rab tu gnas par byas la/ /phyis nas chog gsum las bdag nyid de'i skur
 yang dag par bskyed par bya'o/ /pad+ma nyid la sogs la sogs/ /zhes pa nas/ rags pa rnams par dag par 'dod ces pa'i bar du/ mig bkab pas bdud rtsi 'khyil ba'i sngags kyis yang dag par nang du bcug la/ yol
 ba'i phyi ru gnas pas rang gi 'byor bas khas len du gzhug pa dang/ de nas snang ba ji lta bu dngos grub brjod pa dang/ sngags kyis me tog dor du bcug la/ lha rnams rim pa ji lta ba bzhin du bstan pa dang/ de nas sems bskyed
 pa la sogs pa byas nas/ rnam par rgyal ba'i bum pa'i chus dbang bskur bar bya'o/ /de yang dang por rim pa ji lta ba bzhi cod pan la sogs pa'i dbang rim par bskur ba dang/ slob dpon yang bum par shes par byas la/ de yis
 bskur ba ni lus te/ lus rnam par dag par gsungs so/ /de nas phyag rgya bcas pa las/ byang chub sems ldan ma nyams pas/ /bdag dang gzhan rnams gang rung bcas/ /bed ba mngon du rab spyad de/ /bsam pas yang dag sbyang
 byas nas/ /thabs dang shes rab phyag rgya yis/ /de'i kha ru sbyin par bya/ /zhes bya ba la/ phyag rgya na lam rnam pa gnyis yang dag par spyad par bya'o/ /de yang ji lta bu zhe na/ pho nya dang dngos la zhe pa ni/ /shes rab ma gzugs dang kha dog
 phun sum tshogs pa la phyag rgya bcos te/ de yang bdag rang gi 'am/ gzhan gyi yang rung ste/ /bdag byang chub kyi sems ma nyams pas/ bde ba mngon du spyod la/ de bsams pa dang/ lag pa gnyis
 kas sbyangs te/ thabs dang shes rab kyi phyag rgya gnyis kas de'i pad+ma sbyin par gsungs te/ de ni gsang ba'i dbang yin pas/ de'i 'og ces pa ni ngag ste/ de rnam par dag par gsungs so/ /rnal 'byor dang mi dmigs pa la
 'jug pa ni 'di ltar shes par bya'o/ /de nas bdag gis dngos po gang/ /bu mo mdog bzangs sngon mo la/ /gar dang ldan pa'i yang bas bskyod/ /cho gas yang dag gzung byas la/ thabs gnyis rab tu bskyod pa yis/ /sna tshogs
 dngos po gnas pa yis/ /de 'og sor bzhi gzhal byas nas/ /shes rab gnyis la mnan pa yis/ /bde ba dpag tu med pa myong/ /de myong skad cig rdzogs pa yis/ /de la blta pa yin par bstan/ /de yis shes rab ye shes kyis/
 dbang nyid mngon par rdzogs par 'gyur zhes bya ba la/ de yang gong ma'i lam gyis shes par bya ste/ bdag gang zag rnal 'byor pas/ dngos po bu mo mdog dang ldan pa sngon mo nyid la/ gar dang ldan pa ni skeg pa la sogs
 pa dang ldan pa'o/ /gzhan yang na rol pa'i skabs su sgyu rtsal bcu dang ldan zhing/ de la yang bag dang ldan pa'o/ /de la cho ga ni sngags bzla ba dang bsam bas yongs su bzung ba la bya'o/ /thabs ni go sla'o/ /de yis sna tshogs
 dngos po gnas pa ni/ /bu ga 'phred la yod pa'i sa'o/ /de nas sor bzhi gzhal ba dang/ shes rab ma gnyis la mnyam par sbyar bas/ de'i mong la bde ba dpag tu med pa myong bar 'gyur ro/ /de myong ba'i skad cig tha ma la dpe'i
 ye shes yin par bstan pa ste/ de ye shes dngos mtshon pa'i phyir de gsungs pa'o/ /de yis shes rab ye shes kyi dbang thob pa ste/ sems rnam par dag par 'gyur ba'o/ /bzhi pa chos nyid mngon rtogs dbang/ /med pa mngon par
 snang bar 'gyur/ /de'i spyi la khyab gnas te rang la yod bzhin nges par smos zhes bya ba la/ bzhi pa'i dbang chos nyid mngon par rtogs pa zhes bya ste/ de yang ji lta bu zhe na/ shes rab ye shes la sogs pa'i dbang rnams rtogs
 pa'am/ gsal bar byed pa yin no/ /med pa mngon par snang ba ni/ yod pa'i med pa dang/ med pa'i yong pa dang/ med pa la snang ba dang/ yong pa mi snang bar sbyar ro/ /de yang ji lta bu snyam pa la/ rang la nges par yong bzhin du/ bdag
 rmongs ba ste/ gdong nas ye shes yod pa la ma rig pas yang dag par bsgribs pa'o/ /de mngon par rtogs pas ni mngon par rtogs pa'i dbang ngo/ /ci nge logs shig pa'am/ spyil khyab snyam pa la/ de yis spyi la khyab
 gnas zhes gsungs te/ de ni dbang thams cad la spyi la khyab par gnas pa'i/ /sngags rnam pa gnyis pa ni/ gzhug pa dang me tog dor ba'i sngags su rig par bya'o/ /sangs rgyas kun gyi phyag brnyan par/ /de nyid du ni slob ma
 sgrub /ngar la sogs pa sngon po yis/ /slob ma gnyis la dbang bskur bya/ /zhes bya ba dang/ lag na rdo rje dngos su slob ma bsgrub pa la thun mong gi dpang ma gtogs pa dbang lngas slob ma bsgrub par gsungs te/ dar ram ras
 sogs sngon go tshang med pa la sngags 'og ma nyid dang/ phyag rgya dang po dang/ gnyis pa gzugs la bskor ba bya bar 'brel te/ /mkha' lding sngon po 'dab rgyas la/ /mgul du dar dbyangs bcings pa yis/ /bu nyid la ni nges par
 sbyin/ zhes bya ba ni shog bu la nam mkha' lding gi gzugs byas la slob ma la sngags dang bcas par sbyin par 'brel to/ /dngos grub sna tshogs grub pa dang zhes pa nas/ phyar te byed pa po la bzhag ces bya ba'i par
 la/ gdon thams cad zhi bar bya ba'i phyir shing la be con khru dob byas la/ rtse mo spom pa dang/ rtsa ba phra ba rims kyis yongs su byugs te/ de'i rtse mo'i phyogs su me tog sngon po'i phreng bas bcings te/ lag pa g.yas pa'i
 mthe bo dang/ gung mo la sogs gsum du sbyar bas me tog bzung ste/ g.yon pas sku la yongs su brten pas/ be con spyi bo'i steng du bzung bas sngags bzlas te/ slob ma'i lag pa g.yas par sbyin pa'o/ /de nas ras
 gsar pa la skud pa bzhin du yang dag par bskal te/ rtsa ba'i sngags dang dri chus yang dag par bsangs te/ lhag mar byas te/ g.yas pas steng du drangs g.yon pa sa la btsugs pas/ 'og ma'i sngags bzlas pa/ shar bcing
 bar bya'o /de'i ci phyir bcing zhe na/ tshangs pa chen po lag na rdo rje mthong bar bya ba dang/ mchod pa rnams bsdu ba'i phyir bcing bar bya'o /de yang khro gnyer g.yon du phyogs pas sbyin par 'brel to/ /sngags ni rgyud nas 'byung bar
 shes par bya'o/ /de'i lag pa skrom byas la/ de'i lag pa'ang sgrom bya ste/ zhes bya ba la/ bdag dang de'i lag pa gnyis ka khu tshur rtseg ma la sbu gur byas te/ drag po'i phreng ba nang nas bton pa 'og nas 'byung ba'i snying po
 'di nyid lan grangs brgya rtsa brgyad du bzlas la snying po sbyin par bya'o/ /snying po ni rgyud las 'byung pa'o/ /de nas legs pa'i mtshan ma la/ /chos la dbang sogs mi gnas na/ /'jug par 'gyur ba ga la srid ces bya ba la/
 legs pa'i mtshan ma ni gang zag 'jug pa po ste/ de yang dbang dam tshig tu mi ldan na chos 'di la 'jug pa mi srid do/ /mi srid pa ni 'jug pa'i sgras mi srid gzhug par 'brel to/ /rgyud gzhan la ni spyi dbang gnas/ /des ni kun ma
 'jug par 'gyur/ /spyi nyid dbang la mi ltos par/ /'di nyid la ni rtogs pa'i mchog /de yis 'jug pa kho na yin zhes bya ba la bde bar gshegs pas gsungs pa'i rgyud gzhan thams cad la spyi'i dbang gis 'jug par gsungs
 te/ 'di la ni spyi'i dbang la mi ltos par 'di nyid la rtog pa'i mchog 'di kho na la bya bar gsungs so/ /rdo rje me lce'i rgyud kyi 'grel pa de kho na nyid snang ba zhes bya ba las le'u drug pa'i bshad pa'o// //lag na
 rdo rje gos sngon gyis/ /bcom ldan mgon la 'di skad gsol/ /gang dag klu yis zin pa la/ /thabs de gang lags gsung du gsol/ zhes pa ni/ sems can la phan gdags pa'i phyir las rnam pa bzhi ru gsungs te/ gang du
 bsdus pa'i thabs nges par bstan par gsungs so/ kun mkhyen gtso bo zhes pa nas/ /bu mo la ni yongs su bsngags shes bya ba'i bar du ni go sla bas 'dir ma bshad do/ /rgyan cha lnga yis rgyan btags la/ /rkang pa'i rgyud mar
 ?? ras btags te/ /lag pa'i rgyud mar dbang bsgyur du/ /yang dag gnas pas phyag rgya bcas/ /zhes bya ba la bu mo la dbu rgyan la sogs pa lngas yang dag par btags la/ rkang pa'i rgyud mar ni gom pa'i 'gros so/ /lag pa'i rgyud
 ma ba ni phyag rgya bcas pa ste/ de yang ji lta bu zhe na/ lag pa gnyis phan tshun du nang nas nang du bskor zhing yang dag par gnas pa'o/ /klu yi mchen ma gang yin pa/ /dngos po gang la rab sbyar nas/ /gtso bo kun 'byung mchog nyid la/ gdor?
 rnams brgyad kyis nges bskor te/ /zhes bya ba ni/ klu'i mtshan ma ni klu'i ming la bya ste/ dngos po gang gi kun 'byung ba'i yi ge'o/ /de la rab tu sbyar nas 'khor brgyad ni/ nA ga ba shi kar yaM hUM zhes
 bya bar yang dag par bskor ba spyad pa'o/ /nub du dngos po ston 'byed pa/ /grub bzhi pa dag rab tu btags/ /de nyid sa ru rab tu thob/ /de steng ci nus sbyar ba bsgrub/ /ces bya ba/ nub ni skyes bu la 'jug pa'i sgra rgyab la
 'jug ste/ rgyab tu dngos po 'di sa la bya ste/ sa de rten par byed pa'i pha tshe yongs su gdags par bya ba'o/ /de nyid sa ni na'i steng du phyin pas thob pa'o/ /de steng zhes pa ni/ na'i steng nas sa ci 'byor pa 'am/ nus pas
 blang bar bya bar 'brel to/ /de thob rab tu bral ba las/ /de yi phyogs su mi lta zhing/ /drag po chen po'i sngags bzlas bya zhes pa ni/ sa de thob pa las bdag de dang bral bar byas la/ sa'i phyogs su mi lta bar bdud rtsi 'khyil
 pa'i sngags bzlas bar bya'o/ /de nyid bdag gis mthong ba las/ /legs so snyam pa'i tshig kyang brjod/ /de nas sa phyogs rab dben bar/ /bdag gis sbyor bar legs brtsam pa bya zhes pa las/ de zhes pa'i bu mo de
 bu mo bdag gis blangs nas 'ong ba mthong ba dang legs so/ /zhes bya ba 'am/ yang na rdo rjes su yi rang ba'i tshigs gis brjod par bya'o/ /de kun gnas dben pa'i sa ru bdag rnal 'byor pas dkyil 'khor la sogs
 pa'i sbyor bas brtsam par gsungs so/ /rgyar ni khru do nges pa las shes pa las yang dag par ni bskor bar bya zhes pa'i ni go sla bar 'dir ma bshad do/ /sngon du sor brgyad bskor ba ni/ /mdog dmar kun nas zlum
 par bya /de steng klu rigs drug po dag /nya dang sbal pa lcong mo dang/ /sbrul dang rtsang ba chu srin dang/ /mi dang ru sbal ba lang dang/ /byi la nor bu rgyal 'bud rnams/ /gtso bo cha yis bzung byas nas/ /shul du drag par drangs byas la zhes bya
 ba la/ sngon du ni dkyil 'khor chen po'i yang sdun dang/ bdag gis yang sdun du sor mo brkyang ba ni mtho ste/ /mtho gang bzlum por bskor bar byas la/ kha dog mtshal la sogs pas yongs su byug par bya ba'o/ /de'i steng du klu ba
 su ta rigs drug po rnams/ bag zan las gzugs bya ste/ shul dug gi shul nas drag par drangs nas bkug pa'o/ /de yang ci kun nam 'on te 'ga' mnyam pa las gtso bo'i cha'i gzungs byas nas zhes gsungs te/ gtso
 bo ni zung du sdebs pa dang po rnams so/ /ma tu lung ka'i phye ma yis/ /bzhi bkang rigs mthun dngos po ni/ rab tu gsal bar bya ba yin zhes pa la/ ma tu lung ka'i shing gi lo ma'i phye mas de'i steng yongs su bkang la/ rigs mthun
 pa ni li khri'i phye mas gsal bar byas pa ni mtshams yongs su bcad par bya bar gsungs so/ /mtshan mo drag po'i gtor ma la/ /snang ba zhi ba nges par bya/ /bzlas pa'i sngags ni rab 'bar bas/ /drag po'i phreng ba gzung byas nas/ /
 gur dag sngon bos phub byas te/ /zhes bya ba la/ mtshan mo drag po'i gtor ma btang bar bya ba dang/ nyin mo la zhi ba'i gtor ma btang bar gsungs pa dang/ drag po'i phreng bas drag po'i rigs nye bar bzung ste/ bzlas pa'i sngags bzlas par
 'bral to/ /gur sngon pos ni dkyil 'khor phub par gsungs so/ /ji srid de nyid ma rdzogs par/ /bdag gis blta bar mi bya zhing/ drag po nyid la mngon par bzlas zhes bya ba la/ bzlas ba'i sngags 'bum du ma rdzogs par bdag
 gis dkyil 'khor blta bar mi bya ba dang/ drag po nyid ni drag po nyid la nges par bzlas par 'brel to/ /de yi phyi rim dag la ni zhes ba nas/ /rab 'bring tha mar yang dag ldan zhes pa'i bar du go sla'o/ /bdag
 gis gtso bo'i cha lugs la/ sngags dang phyag rgya yang dag go /bzlas pa'i grangs su rdzogs byas la/ /nad pa der ni bkug byas te zhes bya ba la/ bla gos la sogs ba la sngags kyis bsngags la/ gon ba'i dus
 su badzra bA ni hUM zhes bas rdo rje rtse lnga ba'i phyag rgyas brgyan cha bdun du bgo bar gsungs so/ /bzlas pa'i grangs 'bum du thim par bya la nar pa der zhes pa ni dkyil 'khor gyis rtsar bkug par 'brel to/ /de yang dkyil
 'khor gyi byang phyogs su yang dag par gnas par bya'o/ /dngul gyi rdzing bu nyid du yang/ /brang gi sa bon dkar po yis/ /yongs su gang bar bya bar yin/ /zhes bya ba la/ dngul gyi rdzing bu ni gzhong ba la bya ste/ de
 dang brang gi sa bon ni nu zhos yongs su gang bar 'brel to/ /rdzogs pa'i sgra ldan bcu drug gis/ lcags kyis skam bas ka pi tsa'i/ /shing dag sor ni bcu gnyis par/ /yongs su bcad par byas pa la/ /sngags kyis
 mngon par bzlas bya ste/ /de nyid dag tu spang bar bya zhes bya ba la/ rdzogs pa'i sgra dang ldan pa ni pu ru Sha'i sgras byed pa la 'jug pa dang/ bsrung bya la nges pa'i sgra sbyar bas ni skyes bu la 'jug ste/ skyes ba lo bcu
 drug lon pa yis/ /lcags kyi skam pa nges par bzung nas/ /de yis shing ka bi rtsa 'am/ /bal po se'u'i lcug ma la/ /sor bcu gnyis pa bcad nas de nyid drag po'i sngags kyis btab la/ /'khar bzheng de nyid du
 spang bar 'brel to/ /rma bya'i mdongs la zhes pa nas/ rigs drug po la nges par gdab ces pa'i bar du ni go sla bas 'dir ma bshad do/ /de nas de nyid snying khar ni/ /thig le drug tu nges par bri/ /de ster rigs drug
 bsam byas nas/ /g.yon na gnas pa'i nga rgyal mchog /sngags kyi mngon par bsku byas bas/ /drag po'i shugs kyis rab song ste/ /rngam pa'i zhal du nges par bstab ces bya ba la/ de nas de'i snying kha ni nang pa'i snying kha la sor
 bzhis par chod par byas la/ steng 'og tu cen ngan gyi thig le drug bsku bar bya ste/ de'i steng du dang po'i gtso bo rnams gsal bar bsam pa'o/ /de nas g.yon na gnas pa ni nam mkha' lding ste/ de ni nga rgyal gyi rang bzhin
 yin pas/ /de sngags kyis yang dag par bskul bas shugs drag po dang ldan bar der song ste/ de dag nges par blangs nas rdam pa lag na rdo rje'i zhal du nges par bstabs pas gsol bar bsam par 'brel to/ /de ltar
 bsam ba rab brtan pas/ /yongs su bsgom par bya ba yin/ /de yis de la gnod byed pa/ /skad cig tsam yang mi gnas shing/ /myur bar skrag par phyogs bcur 'bros zhes bya ba la/ gong du bstan pa de ltar
 bsam pa rab tu brtan par bsgoms pas/ bsam pa de'i stobs kyis nad pa de la gnod pa'i bgegs de shin tu skrag pas myur bar phyogs bcur 'bras par sbyar ro/ /de la gong du sngags rnam pa mang por gsungs pa
 bsam pa rab tu brtan par bsgoms pas/ bsam pa de'i stobs kyis nad pa de gnod pa'i bgegs de shin tu skrag pas myur bar phyogs bcur 'bras par sbyar ro/ /de la gong du sngags rnam par mang por gsungs pa
 thams cad ni rim pa ji lta ba bzhin du 'di las shes par bya'o/ /oM badzra kro d+ha zhes pa nas/ bi d+hA na sa na hUM phaT/ zhes pa'i bar la bla ma'i man ngag las yang dag par shes par bya'o/ /bzhin ni rab tu 'bar
 ba dang/ /zhes sdang rdo rje'i ting 'dzin gyis/ /'brug sgra ldan pas yongs su gtub ces pa ni/ phyi nang bdag rnal 'byor pas zhe sdang drag po bskyed la bzhin khro gnyer bzlog pas kha nas sngags gong
 mas 'brug sgra drag po brjod do/ seng ldeng gi phur bas rigs drug po yang dag par gtub par 'brel to/ /de nas drag po'i sras kyis su shes pa nas/ de yang rtag tu nges pa yin/ zhes pa'i bar du go sla bas 'dir ma bshad
 do/ /dang por rab tu 'byor pa las/ /nang gi bgegs nyid gsal ba yis/ /phyi nas phyi yi nang bsal ba/ /sman la sogs pa'i sbyor ba yis/ /mkhas pas phyi yi nang bsal te/ /zhes bya ba la/ dang po ni bsgrub pa dang/
 bsnyen pa rnams su 'byor pa las nang gi bgegs bsal bya ste/ phyi nang phyi'i nad bsal bar bya ba'i phyir sman sna tshogs pa'i sbyor bas rten cing 'brel bar 'byung ba'i stobs la brten nas mkhas pas nad bsal
 bar gsungs so/ /de la sman ni 'di dag go/ /brgyal ka la sogs sman rnams kyis/ /mar nag nyid la nges btab la/ /zhag grangs bdun ni mnan pa yis/ /sbu chung legs par khyab par snang zhes bya ba la/ brgyal
 ka zhes ba ni sgra'i stobs las rnam par gcod pa la bya ste/ rnam par gcad pa lnga tib mar gyi nang du blugs te/ zhag drug bdun du yongs su mnan pa las de'i sU chung mu tig lta bu kun la khyab par mthong ba dang/
 kha bsengs la khyi ma gtsang mar gzhag go /de nas sbyor ba 'dis yang dag par bya ste/ 'di skad gsungs so/ /sug pa la sogs gtsang sbyar bas/ /gong du sngags kyis bsnyen par gnas/ /'od zer dkar po yongs gnas
 pa'i/ /nyi ma nyid la khrus byas te/ /dri ma dag par bsal ba la/ /drug sbyar nges par bsku bar bya zhes pa la/ sug pa dang/ spu dang tsan dan dang/ sbrang rtsi la sogs pa drug gis yang dag par sbyar ba bya la/ gong du gong gi sngags
 kyi snyan bas sngags kyi chu la 'bum du yongs su btab pas de nas 'od dkar po gang la yod de la 'od zer dkar po can te/ de yongs su rdzogs pa'i nyi ma dang po la kha shar du ltas te/ sngags kyi skyor bas khrus bya ba 'brel
 to/ /de nas dri ma dag pa la/ /drug sbyor ni rnam bcod lnga dang til mar drug tu sbyar ba bya ste/ de yis lus la bsku bar bya'o/ /de 'og mchog gi sman nyid gang/ /grags ldan chen po srang gcig ni/ /legs par bskol bas
 kha nyid du/ /zhag ngag nges par 'chags par 'gyur/ /de yis lus la bsku bya zhing/ /rtsigs ma zho gsum za bar bya zhes bya ba la/ de'i 'og tu mchog gi sman nyid kyis sbyar bar gsungs te/ de yang gang zhe na grags ldan
 chen po ni 'jigs pa kun la grags pa'i rigs sdud do/ /de srang ni bde skyong gcig go /de nges par bzhu ba las mar dkar du 'chags te/ mar des lus la bsku ba dang/ de'i rtsigs ma zho gsum za ru gzhug par bya'o/ /snying po
 gsum la sha bcos te/ khu ba nges par gtang bar bya zhes pa la/ /snying po gsuM ni pad+ma dang/ uta pa la dang/ na ga ge sar gsum gyi snying po la bya ste/ de nas nya sha'i nang du btsos la/ /de yis khu bas nges par blud par bya'o/ /
 gnam sgron nag por zur gsum pa/ /rtse mo shin tu rno ba la/ /ri mo sna tshogs yod gyur pa/ /brgya dag shin tu gdus byas la/ /bcu drug cha ru nges par bskor/ /de yis lus la bskus pa yis/ /kha ru nges par blung par bya zhes bya ni
 gnam sgro gang gi sa la bya ste/ /zur gsum pa dang ldan pa'i ri mo sna tshogs pa dang ldan pa/ skam por gyur pa/ brgya shin tu gdus par ste/ de yang tshang ji tsam du snyam pa la/ bcu drug cha
 ru zhes gsungs pa ste/ bre bcu drug la bre gang du bskol te/ de yis lus la bsku ba dang/ kha ru yang blud par sbyar ro/ /de yis kun kyang skyug 'gyur te/ nad ni nges par 'byung bar 'gyur zhes pa ni blud pas nang na
 gnas pa'i nang skyug par 'gyur ba dang/ 'byung bar 'gyur bas na 'tsho bar 'gyur bar sbyar ro/ /dri zhim sna tshogs sbyar ba yis/ /chang du zhag bcu nges par spang/ /de nas sngon por gyur pa dang/ /lan tshwa phul gang nges
 bar gdab/ /de btab zhag bzhi spang byas nas/ /bcu bzhi pa la lo mar nyid/ /phul do dang ni bsres byas la/ /spu ba dangs par yang dag bskul/ /de yis lus la bsku ba dang/ /gsum gnyis mang du nges par blung ces bya ba la/ /
 dri zhim po sna tshogs pa ni ga pur la sogs pa bcu bdun no/ /de nas srang gsum gsum sbyar te/ chang gi nang du zhag bcu'i bar du spangs la/ de nas lan tshwa phul gang blugs nas zhag bzhi'i bar gzhag par bya'o/ /de nas
 lo mar phul do dang bsres la/ /bskol ba'i spu ba dangs bar ro/ /de yang dang por chang ni bre ngor shes par bya'o/ /mar ni de'i lus la sum cha bsku bar bya ba dang/ khar sum gnyis blud par bya'o/ /bor ba de la rab brten
 na/ gdon mi za bar 'tsho bar 'gyur zhes gsungs te/ de lta bu'i sbyor ba de la brten nas nges par byas nas brtsegs zhes bya ba'i nad gdon mi za bar 'tsho bar gsungs te/ bdag gis kyang yang dag par 'tsho bar gsungs pa'i phyir nges
 bar 'grub pa'o/ /rdo rje me lce'i rgyud kyi 'grel ba de kho na nyid snang ba zhes bya ba las le'u bdun pa'i bshad pa'o// //de nas lag na rdo rje yis zhes pa nas/ /tha mal pa'i 'gro ba min zhes pa'i bar du ni go sla bas
 'dir ma bshad do/ /bram ze'i sngags pa mi zad pa/ /yang na drag po'i sgra ldan pa/ /ston mo bcu gnyis byas pa las/ /zhag gsum bar du dkar gsum zas/ /rgyun mi 'chad par sbyin par bya zhes bya ba la/ bram zer sngags pa mi zad
 pa ni'u mo rgyal rigs can la bya ste/ ci'i phyir sngags pa mi bzang ce na/ /bram ze'i rgyud drang srong mdon bar rtogs pa las 'di skad 'byung ngo/ /rgyal rigs bu mo bcu bzhi ma/ /dmar ser mdog tu 'dug pa la/ /'jig rten
 'di dang 'das pa yi/ /dngos grub bde ba thams cad gnas zhes 'byung bas na/ rgyal po'i bu mo bcu bzhi lon pa 'am/ yang na drag po'i sgra dang ldan pa'i skyes pa la bya ste/ de yang lo ni bcu bzhi lon pa la bya ste/ zhag
 gsum gyi bar du zas dkar gsum byin la/ bdag gi 'og nas 'byung ba rnams sgrub par 'brel to/ /rigs byed sngags su ldan pa nyid/ /de la bslab par bya ba yin/ tshangs pa'i skud pas stong dkris la/ /gos dag
 dkar po yongs su bsgon zhes da ni rig byed kyi sngags 'og nas 'byung ba de khye'u la bslabs te/ tshangs pa'i skud pa dkar po la spos chus btab ste/ se ral khar bcings nas gos dkar po bskon par bya'o/ /spyi bor thor
 rtsog bcing bya ste/ /lag pa g.yas bzhi pa nyid la/ /dkri zhing dngos po yongs su bsdam/ /zhes bya ba ni/ spyi bos skra 'am yang na ras la thor cog bcings te/ lag pa g.yas pa'i sor mo bzhi pa la ku sha yis yongs su
 bsdams nas/ shar phyogs su btang bar bya'o/ /shar phyogs ngag tu song ba las/ /shing chen rtsa nas khru gang nyid/ /'og nas brkos pas sa blang bya/ /de steng ras yug dkar po yis/ /thob pas
 phyogs su mi lta zhing/ /shar phyogs khro bo sngags bzlas bya zhes bya ba/ khye'u de shar phyogs su song ba las/ shing chen po'i rtsa ba nas khru gang 'og tu brkos pa'i sa blangs nas/ ras dkar po'i pha tshe'i nang du blugs
 te/ phyir 'ongs pa las phyi mig mi lta bar/ khams gsum rnam par rgyal ba'i sngags 'og nas 'byung ba bzhin bzlas par bya'o/ /de nas de nyid mthong ba dang/ /ha la ha la'i sgra yang brjod ces pa ni de nyid ni khye'u ste/
 khye'u de mthong ba dang/ rnal 'byor pas ha la ha la hUM zhes bya ba'i sngags bzla bar bya'o/ /pa'i rnam lnga nyid dang yang zhes pa nas/ mdza' ma yongs su 'khor bar bya zhes pa'i bar du ni go sla bas 'dir ma bshad do/ /steng yang
 phub pas yungs kar la/ /sngags bzlas pa yis yongs su bsnun/ /gtor ma stobs rnams skyed byed dang/ /mchod pa lnga yis dus gnyis su/ /yang dag par ni mchod par bya zhes bya ba la/ steng du phub pa ni skyed pa'i
 phung bas phub la/ /'og nas 'byung ba'i sngags kyis yungs kar lnga bsngags la/ /tshangs pa'i gzugs la brdegs par gsungs so/ /gtor ma las sna tshogs 'grub par byed pa dang/ stobs skyed par byed pa yin pas
 de dang mtshad pa rnam pa lnga ni lha rnams la nyen mtshan gnyis la nyin lan cig mtshan lan cig dbul bar bya ste/ gtor ma ni sems can thams cad la'o/ /rang nyid snga ma'i tshul gnas la/ /yid chen phreng ba rnams
 bzung bas/ /drag po'i rigs la rtsa ba'i sngags/ /tshad du phyin par yongs su bzlas zhes bya ba la/ /rang nyid snga ma'i tshul ni lag na rdo rje nyid kyi tshul du gnas par byas la/ yid chen ni mi la bya ste/ mi rus kyi phreng ba drag po'i rigs sor
 mo lnga pa las yongs su bzung nas rtsa ba'i sngags rnams tshang 'bum du phyin par bzlas par 'brel to/ /de mthar snying po ma lus par/ /brgya rtsa brgyad dag bzlas par bya/ /de yi mdza' ru bzlas bya ba/ /de yi srog snying nges bar
 bzlas shes pa la/ /rtsa ba'i sngags thim nas lha thams cad kyi snying po'i de la brgya rtsa brgyad du bzlas par 'brel to/ /de'i mthar tshangs pa srin po'i/ srog snying bzlas par bya'o/ /skyed pa'i tsher mar spangs la/ /dkyil
 'khor mdza' ru gnas par bya/ /de nas 'gugs pa'i sngags bzlas pa/ /tshang du nges par thim byas la zhes bya ba skyed pa'i tsher ma bam por spangs la mi'i skras yongs su bcings la dkyil 'khor gyi rtsar gzhag pa'o/ /de
 nas tshangs pa 'gugs pa'i sngags brgya rtsa brgyad yongs su bzlas pa'o/ /de nyid 'ongs par ma gyur na zhes pa nas/ bdag nyid snying las chung du yin zhes bya ba'i bar du go sla bas 'dir ma bshad do/ /'on te 'gro bar
 mi 'gyur na/ /bdag gi sbyor ba 'di brtsam bya/ /zhes bya ba ni 'di lta ba'i shes par bya'o/ /'ongs par gyur na gong ma'i sngags dang phyag rgyas dgug pa dang/ bkug nas rim pa'i sbyor bas/ mdun du gnas par bya
 ba dang/ 'ongs pa'i rtags brtan pa dang/ dang la zhi ba'i tshigs gdangs par byas la/ gal te song nas rnal 'byor pas snying las chung dus gnas par bya'o/ /gal te 'gro bar mi 'gyur na/ /'og nas 'byung ba'i sbyor bar brtsam
 bar gsungs pa ni 'di ltar ro/ /skud pa sna lnga ldan pa la/ /khro bo'i sngags kyi rab bsngags te/ /zhags mig dam por nad pa bcing/ /lcags kyus snying nas drangs byas nas/ g.yon du
 rdo rjes gzung byas nas/ /g.yas pas yid chen phreng ba la/ /lus dag yid gsum rab grags pa/ /sngags sogs yongs su bzlas par bya zhes bya ba la/ tshon skud sna lnga la rnam par rgyal pa'i sngags kyis bsngaT
 lar srad bu de yis de'i ske la zhags mig gis bsdams te/ lcags kyu dang/ rdo rje dang/ zhags pa gsum lag pa g.yon pas gzung la/ g.yas pas mi rus kyi phreng bas drag po'i rigs la bzung bas
 sngags 'og ma rnams bzlas par bya'o/ /phyag rgya lnga yis bsngams byas la/ de nyid la ni yongs su gtab ces pa ni/ zhags pa la sogs pa lngas yas dag par bcings la/ de nyid gzugs la yang dag
 par dbab pa'o/ /de nas skyes pa'i bam po la zhes pa nas/ gsang ba'i don du kha dag pa bya zhes pa'i bar du go sla'o/ /dang po nas sngags rnams ni rim pa ji lta ba bzhin du 'di las shes par bya'o/ /oM
 b+hu ra Ta zhes pa nas phaT gsum po'i bar du ni sngags su rig par bya'o/ de bsregs bdag gi lus ngag ni/ /tshig pas de la 'gyod pa'i dag /bdag gis nges par brjod par bya de yis de la lus la sogs/
 gdon? dang bral bar zhi bar 'gyur zhes pa la/ tshangs pa de bsregs pas lus ngag rnams tshig pas/ de la ni tshangs pa la ste/ 'gyod pa'i tshig gis rang la gnod pa rnams/ /byas pas rang nyid sdug bsngal
 myong/ /de myong dga' bar 'tsho ram 'di/ /zhes pa la sogs pa'i tshig brjod par bya'o/ /gong ma'i sbyor bas nad pa de'i sdug bsngal dang bral nas zhi bar sbyar ro/ /de nas thal bas nang pa la/ lus la bskus na bsrung ba yi/
 'khor lo 'di ltar gdags par bya zhes bya ba la/ /tshangs pa'i gzugs bsregs pa'i thal ba sa lus la bskus na gdon rnams 'jigs pas phyis mi 'jug par 'gyur ro/ /dper na bya rog bsang ba'i ro shing pa ka ti/ bsrung ba'i
 khar gzhag pas/ bya rog gzhan ma rnams bsad de 'ong ba'i bsam pas skrag ste shing de legs par bsrung ba'o/ /de bzhin du bgegs rnams thal ba la sngags dang bla ma'i man ngag gis gtab pas bskrang pa ste/ phyis mi 'jug
 par 'brel to/ /bsrung ba'i 'khor lo ni 'og nas 'byung ba ste/ go sla'o/ /khams gsum rnam par rgyal 'bar ba'i zhes pa nas/ phyag rgya bcas pas sngags pa yin zhes pa'i bar du ni phyi nas sngags pa la lus la gzi phyin
 bskyad par bya ba'i don to/ /sangs rgyas byang chub sems dpa' dang/ /bla ma rdo rje 'dzin pa la/ /gus pa yis ni sangs rgyas bde zhes bya ba la/ /sangs rgyas dang byang chub sems dpa' dang/ bla ma rnam pa gsum la mchod pa dang/ phyag
 btshal ba la sogs pa gus pa byas pas 'bras bu sangs rgyas pas bde ba'i 'bras bu thob par gyur pa kho na'o/ /mchod pa rab tu rgyas pa yis/ /sngon du bsnyen pa yongs su bsgrub/ /ces bya ba ni spyir khyab par gnas pa
 dang/ rnam par rgyal ba'i bsgrub pa dang/ gong du bsnyen pa yongs su sgrub par 'brel to/ /khams gsum rnam par rgyal ba zhes pa pa nas/ stag gi lpags pas smad dkris bya zhes pa ni go sla'o/ /don dang ldan pa'i snying po
 bsam/ /khrag gis do yang bskus byas la/ /nag por rtogs pa'i 'pho ba brgyad/ /yol ba'i ming la zhugs byas la/ skar ma dag la nges par bsgom zhes bya ba la/ don dang ldan pa'i snying po nig bla ma'i
 man ngag las spros pa thams cad dang bral ba'i sa bon gyi gzhi nges par bskyod par bya'o/ /khrag ni mi khrag gis lus bskus nas/ nag por gtogs pa ste/ de'i tshes brgyad la mig dmar gyi skar ma la rnal 'byor bas zhuT
 la skar ma la yongs su sgom par byed pa'o/ /chang du ba la gnas bcas la/ shes rab zung du 'brel pa yis/ /skar ma nyid la mnyam sbyar la/ /brgyud pa yi ni sngags bzlas bya zhes bya ba la/ chang 'tshong ma'i khang par
 gnas byas la/ bu mo gzhon nu ma la sum cu las mi rgan pa gnyis la cho gas yongs su bzung la/ /g.yas dang g.yon du bsnyen pas skar ma mnyam par sbyar te/ thabs dang shes rab kyi 'khor lo brgyud pas sngags pas
 sngags bzlas par gsungs so/ /zhag grangs brgya rtsa brgyad pa yis zhes pa nas/ snying du sdug pa nges pa yin zhes bya ba'i bar du go sla'o/ /mkha' 'gro ma sogs phra men mas/ bdag la lus ni nges par ston zhes bya ba ni/
 mkha' 'gro ma dang phra men la sogs pa'i gzugs ston pa na rnal 'byor grub pa yin pa na bdag gis 'jigs par mi bya'o/ /de'i dgongs pa ji lta bur 'grub ce na/ sdug bsngal rtag tu mi 'gyur zhing/ /lha min
 la sogs gdug pa yis/ /me'i phung por mthong pa yin zhes pa ni/ tshe 'di dang pha rol tu sdug bsngal mi 'byung ba dang/ /lha ma yin la sogs ba gdug ba thams cad kyis me'i phung por mthong ba'o/ /bdag la sdig pa dmar
 pos 'jus/ /de las 'jigs pa bskyed mi bya/ /bdag la gdug pa sna tshogs pa/ /gnod pa sna tshogs byed pa na/ /de la 'jigs pa mi bskyed cing/ /sems dga' ba yis yongs su mchod ces bya ba la/ /sngag pa dmar ngas
 'jigs pa'i gzugs bdag la snying khar 'jus pa na skrag par mi byed pa dang/ bdag la 'dug pa sna tshoD pa gnod pa'i las byed na/ de la bag tsha'i sems mi bskyed mchod pas dga' bar bya bar sbyar ro/ /de ni dngos grub
 yin pas na dga' ba'i sems bskyed pa'o/ /de la spyod ba'i sngags ni 'di la rig par bya'o/ /oM ka pa la zhes pa nas/ sa ma ya zhes pa'i bar du ni rim pa ji lta ba bzhin du dngos grub bsgrub pa'i sngags su shes par bya'o/ /
 rdo rje me lce'i rgyud kyi 'grel pa de kho na nyid snang ba zhes bya ba las le'u brgyad pa'i bshad pa'o// //lag na rdo rje gos sngon gyis zhes pa nas/ thabs 'di yang dag sbyar bar bya zhes bya ba'i bar
 du go sla'o/ /rang gi sbyor bas gzung byas nas/ /drag po'i sgra ldan nyi shu pa/ /shin tu dpa' zhing dang ldan pa/ /stobs ldan gtum pa'i bdag nyid can/ /zhag drug par du bsnyen bya ba/ /zhes pa ni rang gi sbyor bas gzung ba
 ni/ 'og nas 'byung ba ste/ de yis yongs su gzung bar 'brel te/ drag po'i sgra dang ldan pa ni skyes pa la bya ste/ skyes pa lo nyi shu lon pa shin tu dpa' dang ldan pa stobs che ba/ gtum bag can la bdag rnal 'byor pas
 zhag drug gi bar du bsnyen par sbyar ro/ /sha lnga la sogs chang byin la/ /de la 'ang sngags kyis nges brtab nas/ /sha gos khra bos yongs bskon zhes bya ba la/ mi la sogs pa'i sha lnga dang/ chang la sngags 'og ma btab
 la sbyin pa'o/ /sha gos ni smad g.yogs la bya ste/ de khra bor bskon par 'brel to/ /me tog phreng bas brgyan byas la/ /sngags 'di dag gis 'bum du bzlas/ /de nas de yis g.yas nyid
 du/ /zhags pa nges par bskur byas la/ /ga sa ga sa'i snying po brjod/ /g.yon du dngos po lugs byed pa/ /yid chen las ni rab tu bcoms zhes pa ni go sla'o/ /nag po gtogs pa'i gsum pa la/ /skar ma nyid
 la rab bskul te/ mnyam pa yis ni blang bar bya zhes bya ba la/ /nag por gtogs pa'i chos gsum gyi mtshan mo btang bar byo pa'o/ / de nas de yis mnyam pa yis ni dur khrod kyi sa'i las bya ste/ nge yis
 blang bar bya'o/ /ci'i phyir mnyam pa zhes bya zhe na/ rnam par rtogs pa dang bral bas yin pas na mnyam ba'o/ /de thob sngags pa blo ldan pas ces pa nas/ 'bum du tshang bar? bzlas par bya zhes pa'i bar go sla
 bas 'dir ma bshad do/ /bshad nyid snga ma'i dbyibs gnas te/ 'bor gnyis rus pa'i phreng ba la/ drag po'i rigs la gzung bya ste/ rtsa ba'i sngags sogs thim par bzlas zhes bya ba la/ bdag nyid lag na rdo rje'i
 gzugs su gnas par bya la/ 'bor gnyis zhes bya ba ni/ rnga mo la bya ste/ 'bor gnyis dang ldan pa'i phyir ro/ /de'i dus pa las byas phreng ba gzung ste/ drag po'i rigs la rtsa ba'i sngags dang/ mgon po nag po'i
 sngags grags su thim par bzlas par sbyar ro/ /mchod pa rnam pa lnga dag dang zhes pa nas/ de steng der gyis nges par gding zhes pa'i bar du ni go sla'o/ /de ltar zhag grangs sum cu'i bar yongs su bsnyen pa byas pa
 las/ nad pa'i gos la sogs pa dang/ /kha 'phro la sogs bdag gi rnams/ /snod du thams cad bsogs bya ste/ /sngags chen gyis ni yang dag bsngags/ zhes bya ba ni zla ba ni zla ba cig tu gong du bstan pa ltar bsten par?
 nad pa'i kha 'phro dang/ gos kyi snal ma dang dri ma la sogs pa rnams zangs kyi snod du bsogs la/ sngags chen po ni gtso bo'i sngags kyis yang dag par sngags la/ gtor ma gtang bar 'brel to/ /de ltar bsnyen pa rdzogs pa
 dang/ /nad pa yongs su bkug byas la/ /thal mo yongs su sbyar bya ste/ /sems bskyed pa dang skyabs 'gro bya/ /zhes bya ba la/ bsnyen pa rdzogs nas nad pa bkug la byang chub tu sems bskyed pa dang/ gsum la skyabs su
 'gro ba dang/ sdom pa nod pa la sogs pa byas la gso bar bya par 'brol to/ /rdo rje 'bar ba'i lcags kyu yis/ /de yi snying la drangs byas la/ /hUM dza phaT kyi sgra yang bsgrag /zhe sdang rdo rje'i ting 'dzin dang/ /khro ba'i gzugs
 dang drag po'i sgras/ /g.yas par phreng ba thogs byas la/ /g.yon pa ral gri 'bar ba gzung/ /nag po chen po rab rbad la/ /de yi phung po 'joms par bsam zhes bya ba la/ /lag ba g.yon pas lcags kyu dang/ ral gri bzung
 nas g.yas pa phreng ba bzung ste/ zhe sdang chen por bskyed la bzhin bzlog nas/ dang bor dza zhes pa'i dag drag por bton la/ nang ba chen po rbad la gshin rje 'joms par bsam pa'o/ /de nas sngags pa blo ldan pa zhes pa nas/ phyi
 nas bgegs mi 'jug pa yin zhes pa'i bar ni go sla'o/ /de la gong du sngags smos pa thams cad ni rim pa ji lta bas 'di las shes par bya'o/ /oM phaT phaT ces pa nas/ rak+Sha rak+Sha swA hA zhes pa'i bar la sngags rnams ri
 bar bya'o/ /de ltar gnod pa nges bsal nas/ /rnal 'byor pa la gnod byed pa'i/ /dngos po gang dag gsang bya'i phyir/ /nag po chen po de sgrub bya zhes bya ba la/ /phan pa dang gnod pa rnam gnyis bya? gnod
 par byed pa rnam pa gnyis sol te/ gong du bstan pa de ltar byas pas se naM nad pa gnod pa bgegs bsal bar sbyar ro/ /'di nas mar la rnal 'byor pa la gnod par byed pa'i gang zag bstan te 'di ltar go bar bya'o/ /rnal 'byor pa la gnod par byed pa'i dgrags dpang bya ba'i phyir nag po chen po
 sgrub par 'brel te/ /snying rje chen po'i sbyor ba brtsam/ /shin tu brtags la mngon par bsgrub/ /phra mo co la bya ba min/ /bstan pa yongs su 'jig la sogs shes bya ba la/ /snying rje chen po ni mi nges gzhan brten nas sdig pa'i las
 mang por bsags pas de un ring du gnas na de nyid la gnod pas/ bdag gis snying rje rab bltas pas/ /de bsad pa'i sbyor ba brtsam par bya'o/ /shin tu rtags pa ni de lta bu'i mi brtags par bya'o/ /phra mo tsam la bya ba
 min pa ni rang gi ched dam rdzas phra mo tsam la bya ba min pa'o/ /ji lta bu la bya zhe na/ bstan pa dngos su 'jig pa la bya bar gsungs so/ /de yang gnas ji lta ji lta bur bya snyam pa las/ dngos por gtsug lag khang chen nam/
 mchod rten khang stong chen po'am/ /rab tu sngags pa dur khrod mchog /bdag gis nag po chen po yi/ /gzugs brnyan lags par bris pa las/ /zhes bya ba la gtsug lag khang chen po dang/ mchod rten dang/ /khang pa stong pa
 dang/ dur khrod rnams su mchog yin par gsungs pas de ru bdag gis nag po chen po'i gzugs brnyan gang nas 'byung ba bzhin du bris la bya bar 'brel to/ /mchod pa sna tshogs 'byor pa dang/ /rab gsal lnga yi
 dud pa dang/ /mi 'chi lnga yi dud pa yis/ /zhag bdun bar du bdug par bya zhes bya ba la/ mchod pa sna tshogs pa ni ci 'byor pa'i me tog la sogs pa ste/ de'i mchod par gsungs so/ /rab gsal lnga ni mi la sogs pa'i sha lnga'o/ /mi 'chi
 lta ni stobs mchag la sogs pa ste/ de rnam pa kyi dud pas zhag bdun gyi bar du de'i gzugs brnyan bdag par bya'o/ /dang po gzhi ma'i dngos po gang ming chen lpags pa des pa las/ de las byung ba gang yin pa/ /yang dag par ni bri bar bya
 zhes bya ba la/ /gzugs brnyan bri ba'i gzhi ni yid shas che ba'i lpags pa la bya ba dang/ de bri ba'i tshon rtsi ni/ /de rang las byung ba'i khu ba dang snag tsha bsres la bri bar bya'o/ /de nas gnas gang yin pa ru/ /skar ma dag la yongs
 mchod pa/ /rab gsal lnga dang mi 'chi lnga/ /gzhan yang rab gsal sna tshogs pa/ /yang dag pa ru mchod par bya/ /zhes pa ni gnas gtsug lag khang la sogs pa ru mi la sogs pa'i rab gsal lnga dang/ stobs mchog lnga
 sogs pa'i mi 'chi lnga dang/ gzhan yang rab gsal sna tshogs pas skar ma la mchod pa 'brel to/ /dpa' bo sna tshogs 'byor pa dang/ /mchod pa sna tshogs ci 'byor pas/ /zlas gsum bar du mchod bya zhing/ /rang nyid cha lugs
 bsgyur ba yi/ /lus la khrag gis rnam par bsku zhes bya ba la/ /dpa' bo ni dpa' bar byed pa'i rgyad dpa' bo zhes bya bar/ /de bas na sna tshogs pas mchod pa dang/ gzhan yang mchod pa sna tshogs pas zla ba gsum
 gyi bar du bdag cha lugs nag por bsgyur la/ /lus la khrag gis bskus nas mchod par sbyar ro/ /brlag byed dngos po gang yin pa/ /'bar ba'i dkyil 'khor phyogs kun tu/ /stod kyi tshigs gnyis bkug pa yis/ /
 yongs su bri bar bya ba yin/ /de yi nang du dngos po gang/ /yang dag par ni blugs byas la/ /zhes bya ba la/ stod kyi tshigs gnyis ni gru mo gnyis bkug par 'bar ba'i dkyil 'khor zur gsum pa dri
 bar byas la/ de'i nang du phyogs kun khyab par brlag par byed pa dang/ /mda' sha dang/ mgo cho ba gsum bsres pas blugs par 'brel to/ /gang la dmigs par bya ba yis/ /dngos po yang dag der bsam bya/ /sngags
 dang phyag rgya sbyor shes pas/ /gsal bar dmigs te dbul bar bya/ /zhes bya ba la/ gang la dmigs par bya ba ni gnod par byed pa ste/ de'i dngos po de ru bsams la/ /sngags 'og ma dang phyag rgya bcas la nag po chen
 po la dbul bar bya bar 'brel to/ /gtor ma nyid la sna tshogs pa'o/ /dngos po yongs su blugs byas la/ /mtshan mo byed pas yongs su btang/ /zhes bya ba ni go sla'o/ /de yis thugs ka nyid nas ni/ /thugs yig bsdu ba yongs
 su bsam/ /'di yi stong kyi cha gang la/ /mi 'gyur gnas pa rab tu bsgom zhes bya ba la/ /de zhes pa ni nag po chen po ste/ /de'i thugs ka nas thugs kyi yi ge sdud pa'i dngos po bsam pa dang/ /'di zhes bya ba'i rnal 'byor pa
 ro stong snying kha la mi 'gyur ba gnas pa'i yi ge bsgom par bya'o/ /'di gnyis kyi dgos pa ni ci kha dog ji lta bu snyam pa las de gnyis dkar dang nag pa ste/ 'di las 'brel bar gyur pa yis/ /dang pa nag po de nyid
 las/ /dngos po dkar po gang yin pa/ /stobs skyed gsal bar bskyed par bya zhes gsungs te/ de yang ji ltar bu snyam pa la 'di ltar shes par bya'o/ /sdud pa dang gnas pa'i yi ge gnyis/ /sdud pa ni gnag la gnas pa
 ni dkar po'o/ /'di las zhes pa ni rnal 'byor pas 'di la 'byor par gyur pa yis sdud pa po'i dngos po nas/ gnas pa'i dngos po la stobs skyed par byed pa'i dngos po nag pos gnas par bya bar 'brel to/ /de ltar skad cig
 du ma yis shes pa nas/ /nges pa nyid du 'grub pa nyid ces pa'i bar du ni go sla bas 'dir ma bshad do/ /de 'grub bsgrub bya gang yin pa/ /de nyid rnams gsum bsres pa yis/ /chag gang pa'i dbyibs byas la zhes
 bya ba la/ de bsgrub ces pa ni nag po chen po de'o/ /de bsgrub pa dang/ de nyid rnams gsum bsres pa la bya'o/ /de nyid rnams gsum ni rang 'byung rnam pa gsum la/ /chags gang ba'i gzugs bya bar 'brel to/ /de yi dkyil
 du srog snying gzhug /de nag po chen po la/ ma nyes pa'i tshig brjod de/ nag po chen po nyid la btab ces bya ba la/ /de ni chag gang ba'i gzugs byas la/ de'i dkyil du de'i srog snying bcug la/ rang gis ma nyes pa'i
 tshig skad drag po bton te/ nag po chen po la btab par 'brel to/ /ji ltar btab ce na/ 'di ltar bstab par gsungs so/ /de yi sngags ngag bzlas pa'i sa/ /rab gsal lnga dang mi 'chi lnga/ /dpa' bo la sogs thams cad
 kyis/ /yongs su sbyar ba de nyid gsum/ /dngos po gang nyid la sogs pa/ mtshon gyis yongs su gtul bar bya/ /zhes bya ba la/ de'i sngags ni nag po'i sngags bzlas pas/ /rab gsal lnga dang/ dbang po la sogs pa
 thams cad dang/ de nyid gsum ni dug la sogs pa gsum du sbyar la/ dngos po gang ni dgra bo'i gzugs ral gris yongs su gtubs la bsreg par bya'o/ /de nas me ni rab sbar bas/ /sngags dang phyag rgya rab ldan
 pas/ lus ngag yid gsum drag po yis/ /las kyi sbyor ba nges par spyad ces bya ba la/ drag po'i shing la me legs par sbar la/ sngags 'og ma dang phyag rgya bcas pas/ lus khro bo'i cha lugs
 su bsgyur la/ /ngag drag po lan pas sems zhe sdang chen por bskyed la/ /de rnams bsreg lugs stong tshang bar bya'o/ /oM mahA ka la zhes pa nas swAhA zhes pa'i bar du go bar bya'o/ /de nas sngags pa yongs rtogs pas
 zhes pa nas/ gong ma'i sems kyi yang dag sbyar zhes pa'i bar du bla bas ma bshad do/ /de la bla ma'i man ngag gis/ /yang dag par ni dbye bar bya/ /bla ma nyid la ca nus pas/ /yongs su mchod pas man ngag dpral zhes bya
 ba la/ /de la zhes pa ni gong du smos pa'i sbyor ba rnams la ste/ sbyor bde rnams la bla ma'i man ngag gis rim pa ji lta ba bzhin du thabs dang man ngag rnams kyis yang dag par dbye ba'o/ /bla ma la ji ltar byas
 pas dbral snyam pa la ci nus pas yongs su mchod pas dbral bar sbyar ro/ /'dis ni nges par 'grub pa na/ /yid ches pa yis yongs su 'grub ces pa ni/ /sbyar ba gong ma de yis nges par 'grub pas na bdag
 gis yid ches pas yongs su 'grub par 'brel to/ /yid ches pa zhes bya ba ci'i phyir smos she na/ /yid ma ches par som nyi za ba yis mi 'grub par gsungs so/ /rdo rje me lce'i rgyud kyi 'grel pa de kho na nyid
 snang ba zhes bya ba las le'u dgu pa'i bshad pa'o// //lag na rdo rje zhes pa nas/ thabs 'di yang dag brtsam par bya zhes pa'i bar ni go bla bas ma bshad do/ /drag po'i sgra dang rab ldan pa'i/ /kha dog
 ser ba sum pa'i gzugs/ /stobs dang ldan zhing rab tu gus/ /zas su sbrang rtsi zar bcug la/ /zhag bdun bar du nges par bsnyen zhes bya ba la/ /drag po'i sgra dang ldan pa ni skyes pa'o/ /ci'i phyir drag po'i sgra dang
 ldan zhes yi ge nges par sbyar ba yi/ /pho yi rtags ni 'dzin pas na/ /drag po'i sgra dang ldan pa'o/ /skyes pa lo sum cu lon pa la kha dog ser po stobs dang nyams rtsa la che ba/ /rab tu gus par ldan pa las/ zas rnams
 la sbrang rtsi bsres te/ zas byin zhing zhag bdun gyi bar du rnam thos sras kyi sngags kyis bsngags la/ spyi bor me tog bor bar byas la bsnyen pa bya'o/ /gos ngag ljang khu bskon byas la zhes pa nas snying po nyid kyang
 gong na bya zhing zhes pa'i bar du ni gos pa'o/ /de thob byang phyogs khro bo yi/ sngags bzlas pa'i phyir mi blta zhes pa ni/ de zhes pa ni sa la bya ste/ sa de thob pa dang byang phyogs na gnas pa'i khro bo bdud rtsi thab sbyor gyi sngags
 bzlas shing phyi mig mi ltar 'ong ba'o/ /sngags ma zlas na skyon ci yod ce na/ /gnang sbyin gyis gnod pa byed pa'i phyir ro/ /de nas sngags pa blo ldan pas zhes pa nas yongs su gtang bar bya bshes pa'i bar du ni go bla ba'o/ /
 sgra ?? chen po'i khu ba la/ /phred pa byas pas drag po'i rigs/ /de nyid la ni gdrung ba yis/ /rtsa ba'i sngags sogs 'bar ba bzla/ /zhes bya ba la/ sgra skad chen po ni bod du ste/ de'i dus pa la phreng ba byas la/ sor mo drag
 por rigs la bzung bas lag na rdo rje'i rtsa ba'i sngags dang/ /rnam par rgyal ba la sogs pa'i sngags rnams tshang du phyin par bzlas par 'bral to/ /de dag gong du thim 'gyur bas/ /lus dan sras pa'i sngags bzlas pas/ /
 de yang gong ma'i tshad nyid du/ /phyin pas yongs su bzlas par bya zhes bya ba la/ de dag ces pa ni rtsa ba'i sngags la sogs pa la bya ste/ de dag gong du thim pa las/ phyi nas rnam thos sras kyi
 sngags gong ma'i ched du phyin par bzlas sbyar ro/ /yid chen phur bu sor bcu pa zhes pa nas sngags chu yis ni khrus byas te zhes bya ba'i bar du ni bshad du med pa'i phyir ma bshad do lus ngag yid gsum
 drag po yis/ dngos po yongs su bcing byas la/ /khru gang brkos pa'i nang du bzhug /phur bus steng du gzar byas la/ /phaT kyi sngags kyis yang dag mnan zhes bya ba la/ lus khro bo'i gzugs su bsgyur la/
 dag drag cing gtum pa dang/ yid zhe sdang chen por yang dag par bskyed lo/ /dngos po ni bris sku de'i gzugs byas te/ de yang dag par skud pas bcings la/ dang po'i khung bu khru gang ba ru bcug la mi rus
 kyi thur bu steng du btsugs phaT nyi shu rtsa bzhi bzlas pas mnan par 'brel to/ /de ni zhes pa nas/ phyi nas mi 'jug pa yang yin zhes pa'i bar du go sla ba'o/ /gang du smos pa'i sngags rnams ni rim pa ji lta
 bu bzhin du/ /oM bai sh+ra ba Na ye zhes pa nas hUM zhes pa'i bar gyis shes par bya'o/ /sangs rgyas byang chub sems dpa' dang/ /bdag la sogs pa phan gnod gnyis/ /yongs su sbyar ba yang dag bshad/
 de gnyis lus ngan sras po las/ /gang bstabs nges par de nyid 'jig ces bya ba la/ sangs rgyas dang byang chub sems dpa' dang/ bdag la sogs pa rnams la gnod pa dang/ phan bar gyur pa'i sgyur ba yang
 dag par bshad par gsungs te/ de yang lus ngan sras po la yongs su bstabs pas des pa 'jig ste/ sgra'i sbyor bas bstabs pa dang/ 'jig pa ni don gnyis la 'jug go /de yang ji lta bu zhe na/ lus
 ngan sras pe la gnod par byed pa bstabs pa de'i lus 'jig par 'gyur ba'o/ /lus ngan sras po la bdag gis bstabs pas 'jig par sbyar ro/ /de yi sbyor ba bya ba'i phyir/ lus ngan sras po'i sgrubs
 bshad/ /dang po de yi gzugs bya ba/ /rams dang yung ba rab sbyar bas/ /ba dan ne le'i rkyal pa dang/ /sku gdung g.yas phyogs bzhag byas la/ /gong ma lta bu'i gzugs su bri zhes pa ni go bla'o/ /g.yas
 g.yon gnyis su de nyid kyi/ /yi ge gnyis po bris byas la/ /bden bdar drag po'i snying po bri zhes bya ba ni/ gzugs kyi g.yas g.yon du'o/ /dang por 'byung ba dang/ sdud pa'i gtso bos byas nas de'i mthar
 drag po'i snying po bri bar bya'o/ /gsum sbyar dngos po 'bugs byed pa/ /tshig gis gsum du dre ba las/ /dar dag dmar po kha tshon gang/ /me tog phreng bas yongs su brgyan/ /ces bya ba la/ gsum sbyar ba las dngos
 po mi la sogs pa la 'bugs par byed pa'i tshigs gsum pa la dar dmar po kha tshon gang btags la/ /me tog gis phreng bas brgyan par byas la phyi nas 'di skad yongs su gsung ba'o/ /dri yi phyi ma sna tshogs dang/ /rin
 chen sna lnga'i phyes yis/ /phung pa byas pa gdags par bya/ /zhes pa ni go bla'o/ /srog gi snying po bris byas la/ /de yi ming rus khrag gi bris/ /'bru dag dkar po'i steng btsugs la/ /de nyid la ni chags par 'gyur zhes bya
 ba la/ /lus ngan sras po'i srog snying bla ma'i man ngag gis 'o mas bris la/ de'i 'og tu dgra bo'i ming rus khrag gis bris la/ 'bras dkar po'i steng du bcugs la de la lus
 ngan sras po 'chags par 'gyur ro/ /dkyil 'khor khru gang zhes pa nas/ yongs su shes pa'i bya ba yin zhes pa'i bar du ni go bla bas 'dir ma bshad do/ /sngags ni bla ma'i ngag las shes par
 bya'o/ /lhag ma ni go bla'o/ /rdo rje me lce'i rgyud kyi 'brel pa de kho na nyid snang zhes bya ba las le'u bcu pa'i bshad pa'o// //lag na rdo rje gos sngon gyis zhes pa nas yang dag par ni bsgrub
 par bya zhes pa'i bar du go bla'o/ /dur khrod la sogs gang yin par/ /ri mo mkhan ni rim pa bzhin/ /yang dag par ni dbang bskur bya/ /tha ga ma yang bsnyen byas la/ /dri zhim pa'i yis yongs su byug
 ces bya ba la/ dur khrod dang shing gcig la sogs pa'i gnas su/ ri mo mkhan dang thag ma gnyis ka dbang bskur la/ tha ga ma'i snal ma la dri zhim po gur kum la sogs pas yongs su byug par bya'o/ /
 steng 'og gnyis dang mdza' gnyis gsum/ /mnyam par bzhag pas yang dag brtag ces pa ni go bla ste/ /thag pas yang dag par bya ba'i las so/ /dmar po lnga yis rab byugs la/ /sa bon yang dag
 ldan pa dang/ /dri zhim pa ni sna tshogs pas/ /yang dag par ni byug par bya zhes bya ba la/ dmar po lnga ni rab gsal lnga'i khu ba la bya ste/ de yang sa bon ni yid chen skyod pa'i sa bon la bya ste/ sa bon
 dang ga bur la sogs pa'i dri zhim pa sna tshogs pas/ ras la byug par sbyar ro/ /tshon rtsi rnam pa sna tshogs la/ yid chen rnams kyi tshon rtsi rnams/ /mnyam par sbyar bas bri bar bya/ /zhes pa ni rams la sogs pa'i
 tshon thams cad la mi 'chi rnams pa lnga yis sbyar la bri bar bya'o/ /snod dag thod pa nyid la ni/ /pir ni zhing gi skra yis bya/ /dur khrod la sogs khang stong ngam/ /gnas dben par ni yongs su bri/ /zhes pa ni tshon rnams
 kyi snod ni thod pa'i dum bu la byas la/ /pir ni zhing chen gyi skra la bya ste/ khang stong la sogs pa gnas dben par bya'o/ /las mkhan sngon po'i gos bgos te/ /khrag gis gdong yang byugs byas la/ sngags 'di dag
 gis rtag tu bzlas zhes bya ba la/ las mkhan ni ri mo mkhan te/ de'i gos sngon po bgos te/ mi khrag gis gdong byugs te/ sngags 'og ma bzlas zhing bri bar gsungs so/ /sngags ni oM tsaN+Da zhes pa la sogs pa'o/ /
 gtor ma drag po gang yin pa/ /bri ba'i dus su gzhag byas la/ /zin nas gtor ma gtang bar bya zhes bya ba la/ /drag po'i gtor ma ni sha sna tshogs pa dang/ /khrag sna tshogs la sogs pa'i gtor ma dang po 'bri ba'i dus
 su gzhag la 'dri ba'i 'phro bcas pa dang de gtang bar 'brel to/ /dang por tshon rtsi thams cad la/ /rin chen sna lngar byin gyis brlabs/ /rdo rje rtse gcig phyag rgya yis/ /yang dag pa du bri bya ste/ /skyed byed dang ni yang dag gi
 bsam pas yongs su bri bar bya/ /dang po tshon rtsi dkar po la sogs pa thams cad la mu tig la sogs pa lngar lngags dang phyag rgyas byin gyis brlab pa dang/ /rdo rje rtse gcig pa ni mthe bod dang gung mo'i bar du bcug la mdzub mo nges
 par brkyang pas bri bar bya'o/ /skyed byed ces pa ni ma la bya ste/ de yang sku nyid 'dri tsam na phyag rgya chen po'i yum du byin gyis brlabs la de las bskyed par bsam ste bri'o/ /de nas rgyan 'dogs pa'i dus
 su ni bdag yon gyi bdag pos rgyan 'bul bar bsams la bri ba nyid de/ /dkyil du pad+ma bcu drug pa zhes pa nas/ mnyen par byas pa yongs su bsdams shes pa'i bar ni go sla'o/ /de nas lag g.yon stong kyi bar/ /de nyid
 dag tu yongs su sba zhes bya ba ni/ lag pa g.yon pa'i stong kyi bar gang yin par glegs bam sba bar gsungs so/ /sangs rgyas lnga'i bdag po mchod/ /nges par rdo rje rnon po nyid/ /sdang ba thams cad 'dul byed cing/ /dngos
 su dpa' po rab 'bar ba zhes pa ni dpal rdo rje 'dzin pa nyid yin pa'i phyir/ /sangs rgyas lnga yang de'i ngo bo las mi 'da' o/ /gsung gis 'dul ba'i bar du nges par rlag byed cing 'chad bas na rdo rje rnon ba nyid do/ /de sku
 gsung thugs kyi byin brlabs kyis gdug pa thams cad 'dul bar byed pa'o/ /dngos su na mig gi snang ba me'i phung bor mthong ba'i phyir rab tu 'bar ba'o/ /chen po nyid kun la mkha' 'gro chen po ste/ sku chen rab grags
 'jigs gzugs can/ mkha' ltar mnyam la phyag 'tshal bstod/ /ces bya ba la 'jig rten pa rnams kyi chen po ni dbang phyug chen po la sogs pa ste/ de'i yang chen po yin pa'i phyir chen po'i chen po'o/ /kun ni sems
 can thams cad la thugs kyi nam mkha' las 'gro ba'i don mdzad cing gshegs pas nas kun la mkha' 'gro'o/ /sku chen ba drag ni sku shin tu cha ba la rab tu brag pa'i gzugs 'jigs pa dang bcas pas ni/ rab drag 'jiT
 gzugs can no/ /mkha' ltar mnyam pa ni thugs ye shes la bya ste/ sku'i sbrul pa ni sna tshogs par 'gyed/ gsung gi sgra ni sna tshogs par sgrogs kyang thugs kyi ye shes mkha' dang 'dra ba kun la mnyam par
 bzhugs pa'o/ /de la bdag ri mo mkhan la sogs pa'i phyag 'tshal zhing bstod par bya'o/ /las la 'jug pa snang ba nyid/ kun btud pas ni de brjod bya zhes pas ni/ ri mo mkhan dang 'dri mkhan gyis las
 la 'jug pas na sku gzugs sam po ta snang ba mthong ba na/ kun na yang dag kun btud pas/ gong ma'i bstod pa brjod par bya zhing phyag 'tshal bar 'phrel to/ /rdo rje me lce'i rgyud kyi 'grel pa de kho na nyid snang ba
 zhes bya ba las le'u bcu gcig pa'i bshad pa'o// //lag na rdo rje gos sngon gyis/ /bcom ldan mgon la 'di skad gsol/ /gang zhig rgyud 'di la sbyor bas/ /thabs kyi yan lag sna
 tshogs pa/ /yang dag rgyas par bshad du gsol zhes bya ba la lag na rdo rje ges sngon po dang ldan pa nges bdag dang sems can thams cad kyis mgon po bcom ldan 'das la gang zhig rgyud 'di la sbyor ba na/ kun rdzob tu
 'jug pa'i thabs sna tshogs pa rnams yang dag par ma nor ba bden pa nyid rgyas pa'am gsal bar bshad du gsol zhes zhus par sbyar ro/ /bde gshegs mchog gis bka' stsal ba/ dang pa'i rang bzhin can gyi mis/ /'di nyid la
 ni mngon par sgrub cis bya ba la bde bar gsheT pa thams cad kyi mchog gis rgyas par bshad par gnang ba byin pa dad pa dang ldan pa'i rang bzhin can nges par yid ches pas 'og nas gsungs pa'i thabs 'di la mngon par
 sgrub par gsungs so/ /klu gdug 'bar bas zin pas ni zhes bya ba nas/ gnod sbyin gdon du yin par bshad ces pa'i tshig tha ma'i bar du ni na ba'i rtags brtan pa dang/ mtshan ma'i rmi lam bstan pa dang/ sngags
 kyi sbyor bas gnod pa'i rtags brtan par bya'o/ /de yang go bla ba'i phyir mi bshad do/ /chom pa dang ni phrad pa dang/ /sbyor ba 'di yis yang dag sbyar/ /dur khrod mi mang bsregs pa yis/ /sna tshogs thal ba blang bya bzhes bya ba la/ dur khrod
 kyis gang du mi mang po bsregs pa'i thal ba ni sna tshogs thal ba'o/ /ci'i phyir sna tshogs pa zhe na/ sna tshogs pa ni du ma la bya ste/ rigs rnam pa bzhi dang/ glang po chen po la sogs pa'i thal pa yin ba'i phyir sna tshogs thal
 pa'o/ /de dag gis sna tshogs thal ba la sngags bzlas shing gza' phur bu'i nyi ma la blangs la sbyor bar 'brel to/ /chang dang nges par sbrus byas te/ sgrul gyi lpags par gtums byas nas/ /til gyi gang bu grags pa
 la/ /'bum du yang dag bzlas byas te/ /bdag nyid gos la yongs su gtums shes pa la/ sa nge dang chang gnyis sbrus la/ sbrul gyi lpags par gtum bya ste/ lag na rdo rje rtsa ba'i sngags 'bum du thim par bya
 steng de yang til gyi 'bras bu/ brgya la sngags re re dang sbyar la/ de'i mthar sbyor ba'i las kyi sngags btags te/ lus ngag yid gsum drag dang/ rmugs par bems pas bsnun par 'brel te/ /de nas thim pa dang/ bdag nyid kyi gos
 'og ma la yang dag par gtams la gar 'gro ba'i phyogs su bsgyer bar 'brel to/ /de nas de dang phrad pa na/ /drag po'i las ni sbyor ba yis/ /de gnyis la ni phog par gtor/ /de yis de la gtor ba yis/ /de ni rengs
 dang rmongs par 'gyur zhes bya ba la/ de nas de dang ni chom po la bya ste/ chom po dang phrad ba na bdag gis zhe sdang drag po'i skyed la/ lus rtsa rgyud bsgrims pas mig bzlog ste/ sngags drag po bzlas pas lan bdun gyi bar du lus la gtor bar 'brel to/ /de
 gtor bas chom po de rengs par 'gyur ba dang/ rmongs par 'gyur ba ni nges pa'o/ /sbyor ba las kyi sngags ni oM ma nus zhes bya ba la soT pas drag po la skrad chen gyi phred bas so/ /skya ma dbang du bsdu byas nas/ /sbyor ba 'di ni brtsam par bya/ zhes pa ni bram ze mo la sogs
 pa cho ga'i phyir 'gugs par byang na 'og nas 'byung ba'i sbyor ba rnams spyad par bya'o/ /do 'jam dngul dang zla ba dang/ /bgegs kyi gnyen po khu ba dang/ sgo chen las kyi khu bas su/ /byed pa gnyis ka'i bar bsgrubs la/ /de
 dang mthun pa nyid la ni/ /yongs su skus nas sbyin par bya zhes bya ba la/ nga 'jam ni sha'i me long la bya ste/ sha'i me long na dngul gyi'i gzhun pa dang/ zla ba ni bdag gi zla ba dang/ /'gegs kyi snying po ni nyungs kar la bya ste/ de dang sgo
 chen las kyi khu ba ni gang du rgyan lugs kyi sbyar ba mang po la sgo chen zhes cher te/ dbyibs che ba ni ma yin te/ dper na yon tan dum dang ldan pa'i mi la yi chen po zhes zer ba dang 'dra ba ste/ de bsan de'i khu ba dang ngo/ /byed pa gnyis
 gan? lag pa gnyis pa bya ste/ lag pa gnyis kyi bar du sbrus la de la mthun pa'i dngos po gang la bskus bas bu mo la sbyin par bya'o/ /de yang dang por rang gi rtags la zhag gsum par du bcings pas so/ /de nas des pa'i dus su gtab la/ /kha sbyor ba ni yang dag bsngaT zhes
 ba? ni/ bdag gis yid la ngas pa'i dus sa phyogs dben par btab la/ dbyung ba ni bdag gis cho ga'i mchog kha sbar bas bsngags pa'o/ /sngaT ni a na mo ka ma zhes nas swA hA/ /zhes pa'i par du go bla'o/ /nor dag sgrub par 'dod ba na/ nor 'dzin lta mo yongs su bri zhes pa ni/
 rnal 'byor pas sbyin pa la sogs pa gtad ba'i phyir nor sgrub par 'dod na/ nor 'dzin gyi lha mo'i gzugs bri bar bya'o/ /de yang ji lta bur bri bar bya zhe na/ 'di skad gsungs te kha dog ser ba nyid la ni/ phyag bzhi par na ya bdag? bri/
 zhal gcig nu ma 'bur pa la/ /g.yas kyi dang po po ti 'dzin/ /gnyis pas 'bras kyi snye ma 'dzin/ /g.yon gyi dang po nying na ni/ /rin chen 'bar ba yang dag bsnams/ /gnyis pas ne le'i rgyal pa bsnams? zhes bya ba la/ de ji lta ba bzhin du'o/ /
 de la rgyan cha lnga dang smad g.yogs la sogs pas yang dag par brgyan te/ pad+ma dmar po'i steng na bzhugs par bri bar bya'o/ /de lta bu'i gzugs byas la/ /sna tshogs dri yis yang dag mchod/ /mchod ba rnam pa lnga dag dang/ /na bza' dar la sogs
 ba ni/ /yang dag pa ru mchod par bya zhes pa ni/ /gong ma lta bu'i gzugs byas pa bris tshogs pa'i thig le bsku ba dang/ mchod pa rnam pa lnga nyin mtshan dus drug tu dbul ba dang/ dkyil 'khor yang legs par phub pas bsgrub pa'o/ /zhag grangs
 brgya rtsa brgyad bar du/ yongs su bsnyen pas sngags bzlas bar bya zhes pa ni de lta bus zhag brgyad du sngags 'di bzlas bar gsungs so/ /oM ba sa su du da ra ye hUM/ de nas 'grub bar 'gyur ba'i rtags/ /de nyid g.yo bar 'gyur ba yin/ /de 'grub gter ni
 rnyed pa ??/ /de yis lus ni ston par byed/ de nas dbyig ni mi zad ba'i/ /bdag bor mi de nges par 'gyur zhes bya ba la/ de grub pa'i rtags ni sku g.yo ba'o/ /lha mo grub pa ni bdag las phyogs che ge mo 'di na gter 'di lta bu yod bas long zhig ces
 pa'o lung ston par byed pa na/ mtshan mo'i rmi lam na'o/ /de nas blangs pa las dbyig mi zad pa'i bdag por bsgrub pa po de 'gyur bar nges par sbyar/ /de yang bla ma'i man ngag las yid ches par sbyar bar bya'o/ /ma dungs pa dag sbyor gzhug na/ /sbyor
 pa'i 'di dag nges pa brtsam/ /zhes bya ba ni gang dag rnal 'byor ba rnams la gnod pa dang/ 'cho bar byed pa'i ma rungs pa rnams bzod pa la nye bar sbyor ba'i phyir 'og nas 'byung ba'i sbyor ba rnams brtsam par gsungs so/ /de yi kun grags nyid dang ni/ /khu chen la sogs
 pa la/ sngags 'di yis ni 'bum du bzlas/ /de nas bsnyen pa rdzogs pa la/ /yid chen dung la sbu bu can/ /song bdun nyid la blugs te zhes pa la/ de'i zhes pa ni ma rungs pa'i de'i'o/ /de'i kun grags pa 'jig rten pa kun la
 grags pa chen po thob pa de la bya ste/ re dang khu chen 'dzeg pa dang de'i rjes kyis blangs la de gsum dang dug bsres nas yid chen gyi dod sbu bu can sor bdun bcad la/ de'i nang du dngos po rnams blugs te/ 'og nas dbyung ba'i sngags 'bum bzlas par
 'brel to/ /skud pa sngon pos rab bcings la/ /nub phyogs dag tu des par gdags/ /de yis 'byung bas bskyod pas na/ /mi de nges par smyo bar 'gyur/ zhes bya ba la skud pa sngon po me tog pa li ka'i nang du btsos pas yongs su bcings la/ nub phyogs ngos su
 ka ra bi ra'i lcug ma la btags te/ bzhag pas dngos po de 'byung ba rlung gis bskyod pas mi de nges par smyo bar gsungs so/ /sngags ni oM mo ha ya zhes bya ba la sogs pa'o/ /mi rnams nges par mi gsal bas/ /rdo rje mo ni yongs su sgrub ces bya ba la/ mngon
 bar shes pa dang mi ldan pas/ bsgrub par bya ba gzhan la mi gsal ba'i phyir rdo rje mo sgrub par 'brel to/ /de yang ji lta lta bu bsgrub snyam pa la 'di skad do/ /sal phyogs bzhi mtshams brgyad du/ /re mig bcu gnyis bris byas la/ /mi rig la sogs rtags kyis ni/
 dngos po yang dag gri bar bya zhis bya ba la/ sa la rim bzhi bsnol te/ zung bzhi ru yang ri mo bzhi/ /bris pas ling tse bcu gnyis su 'gyur ro/ /de nas bde tse bcu gnyis la ma rig pa la sogs pa'i rtags rim pa ji lta ba bzhin du a la sogs pa bris la brtag
 par gsungs so/ /de nas sngags pas rab sngags la/ /bsam pa rab tu rdzogs byas te/ de nyid dngos po gang yin pas/ /bsam pa sbyor bas me tog bor/ /zhes pa la/ bdag sngags pas rnam par rgyal ba'i sngags las me tog la bsngags
 te/ bzang ngan gang yin pa ston cig pa'i bsam pas rang gi me tog bor bar 'brel to/ /gang du bab pa der gnas la/ /shes rab can gyis rnam dpyad nas/ /bzang ngan ltas rnams yongs su bshad/ /ces bya ba la/ rten 'brel bcu gnyis po gang la
 bab pa de la bzang ba dang ngan pa'i ltas rnams shes rab dang ldan pas dpyad la bshad par bya'o/ /rig pa legs pa sbas pa yis/ /ba yi lci bar rab gtums la/ /dang po gnyis su shes par bya/ /ri lus bye brag med pa yis/ /bcom ldan sngon du
 gzhag byas la/ /zhes bya ba la rim pa zhes bya ba ni bzang ba dang/ ngan pa'i rim pa la bya ste/ de'i ming dang ha gnyis bris la rams kyis btsos la lci ba'i nang du btud te/ gnyis su byas nas ri lu 'dra ba mnyam par byas la/ bde bar gshegs pa'i
 mdun du gzhag par bya'o/ /dang por mchod pa yang dag 'byor/ /dmod dag yongs su btsugs pa yis/ /zhes pa ni /dang por bde bar gshegs pa mchod pa rnam pa lngas yang dag par mchod nas phyag 'tshal te/ ltas 'di nges par bstan du gsol
 zhes pa'i dmong gzugs par 'brel to/ /shes rab bcu gsum bdag nyid can/ /dmar po gos kyis rab brgyan te/ /khrus dag nges par byas pa dang/ /dri yis lus la byugs byas la/ /zhes pa ni/ bud med shes rab kyi bdag nyid yin pas bu mo lo bcu
 gnyis lon pa la gos dmar pos yang dag bar bskon pa dang/ dang por khrus legs par bya ste/ tsan dan gyis lus la bskus la sbyor la btsam bar 'brel to/ /dbral bar thig le dmar po bsku/ /me tog dri zhim phreng ba nyid/ /de yi lag tu sbyin par bya/ /de
 yis de la blangs pa las/ /de nyid dngos po bsam bya ste/ /bzang ngan ltas su nges par ston/ /zhes bya ba la/ bu mo'i dbral ba la thig le dmar po li khris bskus la/ me tog dri zhim po mo'i lag par sbyin te/ bu mos kyang de bde bar gshegs pa la dbul bar
 bya'o/ /de nas bu mo la bdag rnal 'byor par tshig khyod kyis gang yang rung ba cig ling shig par brjod par bya'o/ /de nas cig phye bas bzang ngan gang yang rung ston par 'gyur ro/ /gzhan yang sna tshogs pa'i las rnams yang dag par spyod par gsungs so/ /
 de yang ji lta bu zhen/ lag na rdo rje bkod pa'i rgyud las shes par bya'o/ /'di nas mar ni spyi'i bgegs 'dul ba'i thabs ston par shes par bya'o/ /sbyir na sna tshogs gdon la ni/ /'bar pa chen po sngags bzlas la/ /gu gul nag po'i dud pa dag /
 de yi snar ru bdug byas la/ zhes bya ba'i gdon chen po bzhi las ma btogs pa gdon thams cad la sbyor ba 'di yang dag par sbyar bar bya'o/ /'bar pa chen po ni lag na rdo rje dngos la bya ste/ de'i rtsa ba'i sngags stong du thim par bzlas la gu gul nag
 po'i du dpos? nad pa'i sna ru btul bar bya'o/ /yungs kwa ra gu gul me tog dang/ /de yi snying po bsregs par bya'o/ /de yis nad pa gang yin pa/ /bgegs dang nges par dbral bar bya zhes bya ba la/ gu gul dang me tog dang/ yungs kar gsum la/ de re de
 bzhin du ?? thams cad kyi snying pos ?? bag+hAM ha na ha na hUM ka zhes pa yis bsreg blugs steng du tshad bar bya'o/ /de yis nad pa de bgegs dang bral bar 'gyur ro/ /srin lag gnyis la skud pa ni/ /sngon po yang dag bsngams byas la/ /spyi bo'i
 ?? ??/ bu ga? ??/ /?? pas sngags ni ?? nges par bzlas zhes bya ba la/ nad pa'i srin lag la skud pa sngon pos yang dag par bcings la/ bsrungs pa'i 'khor lo yang dag par bya'o/ /de yang sngags gong mas yang dag par bya bar 'byung ngo/ /
 ci'i phyir bya zhes bya ba la sogs pa ni rgyud gzhan las go bar bya'o/ /'khrug pa'i sde dag rgyal 'dod na/ /khams gsum rnam rgyal snying po yis/ /'bum du bzlas pas bsnyen pa bya/ /zhes pa ni g.yul ngo bzlog pa'i
 phyir khams gsum rnam par rgyal ba'i snying po yis/ /gi wang la yang dag par 'bum du bzlas par 'brel to/ /de nas a ma ta yi lo ma la/ /yud bas yongs su bris byas la/ /ge wang gis ni rab tu bsku/ /zhes pa ni a mra'i lo ma gi wang
 gis yang dag par bskus la/ yung bas khams gsum rnam par rgyal ba'i snying po steng du bris la/ sbyor ba brtsam par gsungs so/ /cod pan spyi bor btums byas la/ /rang nyid sku ru bsgom byas la/ /lag pa g.yas pas yungs kar dang
 ske tse nyid du sbyor ba yis/ /sngags bzlas sdigs mdzub phyag rgya yis/ /yongs su bris pas sde rgyal 'gyur zhes bya ba la/ rnam par rgyal ba'i snying po nyid mig gis spyi bor gtums te/ rang nyid rnam par rgyal ba'i sku ru bsam nas ske tshe dang/
 yungs kar gnyis bsres te/ sngags bzlas zhing sdigs mdzub kyi phyag rgya bcas pas g.yul gyi phyogs su rgya bri bar bya bar gsungs so/ /de yang ske tshe dang yung kar gnyis la yang gong du sngags bzlas pas shes par bya'o/ /rnal 'byor pa'i
 bdag nyid la/ /'chi bslu bar yang dag bya zhes bya ba la/ bdag rnal 'byor la yun ring du rnal 'byor la yun ring du rnal 'byor bsgrub pa'i phyir/ dus ma yin par 'chi ba bdag gis slu bar bya'o/ de la ji lta bus 'chi bar 'gyur zhe na/ bdag gi rgyud la 'chi ltas ni/
 phyi nang bcu gnyis yang dag ldan/ /bdag gi brang la sha mtshan dag /dmar bo byung bar gyur pas na/ /zla ba gsum na 'chi bar 'gyur/ /rig pa'i rgyal mo'i sngags kyis su/ /til la bsreg blugs stong du ni/ /tshangs par byas pas de zlogs 'gyur
 zhes bya ba la/ bdag rnal 'byor pa'i rgyud la phyi'i 'chi ltas drug dang/ nang gi drug ste bcu gnyis yang dag par ldan par 'gyur ro/ /de dag gang zhe na snyam pa la/ bdag gi brang la sha mtshan dag /ces gsungs te/ bdag la sha mtshan dmar po brang gi g.yos?
 phyogs su byung ba na/ bdag zla ba gsum na 'chi ba'i ltas yin pas/ de la bdag gis rig pa'i rgyal po'i sngags dang sbyar bas/ dkyil 'khor lha dang bcas pa bris la/ me tog dang til bsreg blugs lan grangs stong du tshang par byas par 'brel to/ /de
 la yang bdag gi 'chi ba slu ba'i sngags mthar gdags te/ bsam pa dang ldan pas byas la nges par zlogs par 'gyur ro/ /de dang cha mthun gang yin pas/ /rkan la 'brum bu gsum pa dang/ lce yi rtse mor sme ba dang 'dzag gnyis dbugs ngag gsum pa dang/
 rdo rje lam nas khrag 'jag dang/ /ri yi rtse mor shu ba byung/ nang gi 'chi ltas nges pa ste/ /zhes bya ba la/ de dang zhes pa ni go dam dang gnyis cha mthun pa'i 'chi ltas gsungs so/ /de yang ji lta bu snyam pa la/ rkan la 'brum bu gsum pa zhes gsungs
 te/ rkan gyi dkyil du 'brum du yungs kar gyi lo bu tsam pa gsum tshul du gnas pa 'am/ yar nas gsum tshoms su byung na de yang nang gi 'chi ltas yin pa ste/ 'chi ba'i dus 'og nas rig par bya'o/ /de bzhin du 'chi ba bzlog pa'i thabs kyang 'og
 nas rig? par bya'o/ /gzhan par? lce'i rtse mo la smed nag po me tog dru ru ka'i snying po tsam gyur na/ de yang nang gi 'chi ltas su rig par bya ste/ dus dang bzlog pa ni gong ma bzhin no/ /yang dag gis gsung ba'i rdo rje'i lam nas mar khrag 'dzag pa 'am
 chu ser po gur gum gyi khu blta bu byung na de yang nang gi 'chi ltas su rig par bya'o/ /dus dang bzlog pa ni gong ma bzhin no/ /yang bdag gi lus la dus mnyam par 'dzag pa gnyis dang dbugs gcig ste/ gsum du byung ba de yang nad gi 'chi ltas su
 rig par bya'o/ /yang bdag gi ri'i rtse mo ru shu ba zar ma'i me tog lta bu byung ba ni/ de yang nang gi 'chi ltas su rig par bya'o/ /de yod pa dang bsgrub ces pa gsungs te/ de yang bzlog pa'i thabs gsungs so/ /stag dang
 'brug dang byi la dang/ /rtsangs pa bya gag nag po ru/ /yongs su sbyor bas rig pa bzlas/ /gi wang 'ug ba ru sbal dang/ /tsam pa ka dang utpal dang/ /seng ldeng 'bras bu gang yin pa/ /'ug pa'i sgro la sbyor ba zhes bya ba ni sman dang sngags
 kyi sbyor bas 'chi ba'i ltas bzlog par gsungs so/ /da ni phyi'i 'chi ltas yang dag par ston te/ /bya rog mkha' la 'phur ba yi/ /dkar pos bdag la phog pa na/ /phyi yi 'chi ltas yin pa ste/ /gang du grags pa'i sar song ste/ /rigs pa la sogs sbyor
 ba yi/ /yongs su bzlog par bya ba yin zhes bya ba la/ bya rog nam mkha' la 'bur ba'i bya thal dkar pos bdag gis lus ngag gang yang rung ba la phog par gyur na 'chi ba'i rtags yin pas/ gang du bog pa'i mi la grags pa'i sar song la sngags
 dang sman dang dge ba la sbyor bas yongs su bzlog par bya'o/ /de yi 'chi ltas su bab nas dus nges pa ni 'og nas rig par bya'o/ /gzhan yang phyi'i 'chi ltas rnams 'di ltar go bar bya'o/ /mkha' la sna lnga mthong ba dang/ /chul mi 'jugs mthong gyur
 pa/ /shin tu sdig pa'i ltas su bstan/ /rmi lam na ni stag la zhon/ /mchod rten nyid la 'dzog pa dang/ /seng ge khar ne zhugs rmi dang/ /yongs su sdig pa'i ltas yin pas zhes bya ba la/ mkha' la sna lnga ni/ nam mkha' la 'ja' tshon kha dog sna lnga nyi
 ma byed na mthong ba dang/ chu'i nang na mi'i gzugs mthong ba dang/ rmi lam du stag la zhon pa rmi ba dang/ /pad+ma la sogs pa'i mchod sdong 'dzag pa rmi pa dang/ rang gis lus pos seng ge'i khar zhug par rmi ba rnams yongs su sdig pa'i 'chi ltas su
 nges par rig par bya'o/ /de la 'chi ba'i dus ngas pa ni rim pa ji lta ba bzhin du 'di ltar shes par bya'o/ /logs shig ser mo rtsa gsum dang/ /bse ru'i phyogs dang kun da'i 'dab/ /yon tan rgya mtsho mchan gzungs dang/ /skye mched 'phags lam chu srin
 so/ /lo gsum zhag bzhi bzla ba lnga/ /mi de nges par 'chi ba yin zhes bya ba la/ logs shig dang/ bse ru ngang chu srin gyi so rnam pa gsum ni lo ru shes par bya'o/ /mtshan bzangs dang skye mched dang sor mo dang/ phyogs rnam pa bzhi ni zhag tu rig par bya'o
 rtse gsum dang kun da'i 'dab ma dang/ 'phags pa'i lam dang/ yon tan rgya mtsho rnam pa lnga ni zla bar shes par bya'o/ /de ltar sngags pa blo dang ldan pa'i bla ma'i ngag las sang dag par shes par bya la/ mnyam par bzhag pas dus thams cad du brtag
 par bya'o/ /de nas rtogs pa bdag gis bsrung ba'i 'khor lo bsam pa dang/ 'chi ba bzlog pa'i thabs la gang gis bzlog pa ni 'di las shes par bya'o/ /rig pa'i rgyal po bdud rtsi 'phyi la/ /rten 'brel yi ge brgya pa yis/ /sngags kyis sman la bsrung
 par bya/ /khams gsum rnam rgyal 'jig rten mgon/ /de dag gi ni snying po yis/ /stag sogs gsob la nges par bzlas/ /phyag na rdo rje 'jam dbyangs dang/ /stobs chen khro bo gang dag gis/ /sngags chen seng ldeng lug sgro dang/ /ku sha byil la sogs
 pa'i gsol la sogs pas yongs su bzlog /gtor ma sbyin bsreg las kyis ni/ /yongs su bzlog par bya ba yin/ /zhes bya ba la/ rig pa'i rgyal mo so so 'brang ma'i sngags ni/ oM mu ni mu ni bi mu ni bi mu ni/ tsi ri ci li ba ya big ste/ b+ha ya ha ra Ni/ bo
 b+he ba b+he/ po d+ha ya bo d+ha ya/ bu ti li gu ti li/ sarba ta thA ga ta h+ri nga badzra she swAhA/ oM mu ni mu ni/ ba re sarba ta thA ga ta h+ri dA d+hi Shidzi ti badzra swAhA/ zhes bya ba'i sngags kyis sman ga bur dang/ dzA te phal dang/ gur kum gsum srang lnga lnga cha bsnyams la/ zhag gi
 dang po la sngags 'bum du 'am/ /yang na stong dam/ yang na khri bzlas pas bdag btung bar byas pas lo dang po zlogs par gsungs so/ /de nas bdud rtsi 'khyil pa'i srags gong ma yis tsam pa ka dang utpal la lan grangs stong du bzlas nas
 sa gtsang sar por na/ zla ba dang po'i 'chi ba zlogs par 'gyur ro/ /rten 'brel gyi snying po ye d+harmA zhes bya ba yis gi wang la lan stong du bsngags nas dpral bar thig le byas na/ lo bar ma'i 'chi ba zlogs par bya'o/ /yi ge brgya pa'i sngags kyis seng ldeng
 gi lcug ma la lan sdong du bzlas pas sa la lan gsum du brngabs pas lo tha ma'i 'chi ba zlog par 'gyur ro/ /'jig rten mgon gyi snying po/ /na mo ratna tra yA ya zhis bya ba la sogs pa yis stag gi so la lan stong du bzlas nas chu'i nang du bsgyur bas
 zla ba gnyis pa'i 'chi ba zlogs par 'gyur ro/ /phyag na rdo rje'i snying po gong nas 'byung ba'i oM tsaN+Da mahA/ zhes pa'i sngags kyis 'brug gi gsob la lan stong du bzlas te/ me'i nang du bsregs pas zla ba gsum pa'i 'chi ba zlogs par 'gyur ro/ /
 'jam dbyangs kyi sngags yig 'bru gcig pa yis byi la'i gsob la lan stong du bzlas nas sa'i 'og tu bcug pas zla ba bzhi pa'i 'chi ba zlog par 'gyur ro/ /khro bo stobs po che'i snying po oM mahA ba la ru ru pa ha ra ya pa ti phaT ces bya ba'i sngags stong
 du bzlas pa bya gag nag po'i gsob la sngags btang ste/ me'i nang du bor pas zla ba lnga'i 'chi ba zlogs par 'gyur ro/ /zhag dang ba ni khams gsum rnam par rgyal ba'i sbyor bas 'chi ba zlog par bya'o/ /zhag gnyis pa'i 'chi ba bzlog pa ni/ ru
 sbal dang 'ug pa'i sgro la rma bya chen po'i sngags/ oM ma hA ma yU ri rak+Sha pa ya ni me g+hu pu ti ba bi shAn ti ya hUM zhes pas sngags ma lus pa byabs te/ chu mig tu bor bas zlogs par 'gyur ro/ /zhag gsum pa'i 'chi ba ni gtor ma 'byung po thams cad
 la lan brgya rtsa brgyad gtang bas bzlog par bya'o/ /zhag bzhi ba'i 'chi ba ni zhi ba'i sbyin sreg nyi shu rtsa gcig byas pas 'chi ba zlog pas bya'o/ /de yang rnal 'byor pas lus ngag yid gsum rang gi rgyud la nang dang sdug bsngal la sogs pa mi 'ong ba dang/
 dus ma yin par 'chi ba rnams bzlog pa'i phyir gong ma'i sbyor ba rnams yang dag par bsnyen pa dang/ las sna tshogs su gang gis gang la bsrung ba dang/ sbyor ba thams cad la mchod pa rnam pa lnga'i dngos po mchod par bya'o/ /skyabs su gsol ba la sogs
 pa ni rim pa ji lta ba bzhin du nges par spyad par bya'o/ /shin tu dpa' dang dang par ldan/ /shes rab che dar thos pa bsags/ /ma la gus sbyin gtong ba bod/ /ltung bas ma gos gcang ma la zhes bya ba la 'di na mar la slob ma'i rgyud brtags par
 gsungs te/ de yang 'di yis yang dag par shes par bya'o/ /shin tu spyod pa la sogs pa thams cad la zhum pa med par dpa' ba dang/ chos la dad pa drag po yun ring bar gnas pa dang/ shes rab che la bstan bcos la sogs thos pa
 sna tshogs pa bsags pa dang/ bla ma la lhag par gus pa la/ sbyin pa gtong bar phod pa dang/ gsang sngags kyi'am/ byang chub sems dpa' 'am/ nyan thos kyi ltung ba rnam gyis ma gos pa ni slob ma snod dang ldan pa yin pas nang la bdag
 gis sbyor ba 'di lta bus phongs su sbyar bar bya'o/ /de yang gang zhe na snyam pa la 'di skad gsungs te/ rim pa bzhin du dbang bskur nas/ /tshogs kyi 'khor lo lnga bskor nas/ shes rab lhan la bstan bya yi/ /gsar ba drag po'i rgyud rgyal 'di/ /
 gnyan lnga? bshad par bya ba min zhes bya ba la/ bum pa la sogs pa'i dbang rim pa gzhin du bskur nas/ bsod nams kyi tshogs bsags pa dang/ sdig pa sbyang ba'i phyir tshogs kyi 'khor lo rim pa lnga ru yang dag par byas la/ shes rab ldan pa la
 gsang ba drag po'i rgyud kyi rgyal po 'di bstan par bya yi/ /de rnams dang mi ldan pa la ni bshad par mi bya'o/ /gsang ba'i bdag po khyod kyis ni/ /phan dang gnod bya gang yin la/ /rim pa bzhin du shes pa yis/ /legs par snga dang
 bshad pa yin/ zhes bya ba la/ bcom ldan 'das kyis lag na rdo rje gsang ba rnam pa gsum gyi bdag po nan tan du yang dag par gsungs te gtan pa'i/ /de la khyod kyis phan pa sems can thams cad la rgyud sbyar ba'i phyir legs par
 bshad par sbyar ro/ /gang zag snod dang mi ldan pa la ni sba bar bya'o/ /de phang rim par brtag par bya bar 'brel to/ /gnas skabs du ma rab ldan zhing/ /kun la nges par bzhugs pa yi/ /rgyud 'di la ni nges par brtag ces pa ni gnas skabs
 du ma rin ban par bya ba dang/ gnad par bya ba'i lnga la sogs pa la dbang bskur la/ nges par zhugs pa yis rgyud 'di la bzhugs par gsungs so/ /rgyud 'di gang la gnas pa ni/ /phyogs de na ni gdug pa rnams/ /ring du bsrings pas gnas mi byed/
 gal te gnas par byed pa na/ /de rnams kun gyi rgyud tshig 'gyur zhes pa la/ rgyud 'di gad na gnas pa gdug pa thams cad gnas par mi byed pa'o/ /de ci'i phyir zhe na/ drag po'i sbyor ba gsungs pas gdug pa rnams gal te gnas na gdug
 pa rnams kyi rgyad tshig par 'gyur ba'o/ /drag po'i rgyud kyi rgyal po la/ /gang zhig grub par gyur pa des/ /dug gsum sku la rab rgyas te/ /btsun so b+ha ga la gnas nas/ /nyon mongs 'khor gyis rab bskor te/ /bde ba chen po'i rol pas gnas
 zhes bya ba dang/ drag po'i chos ston pas drag po nga'i rgyud rnams kyi rgyal po yin pas na rgyud kyi rgyal po ste/ de la gang zhig gus pa 'am sgrub pa de yi 'dod chags la sogs pa dug gsum ni me long lta bu'i ye shes la sogs pa gsum
 du rgyas nas btsun mo'i b+ha ga ni stong pa nyid de/ de la gnas te nyon mongs pa gzhan rnams rang gi rgyud la ye shes phra mo ru gyur nas gnas pa ni bskor bar 'brel to/ /de bas na bde ba chen po'i rol pas stong pa nyid la gnas pa'o/ /lag na rdo rje de nyid
 du/ /skad cig tsam gyis bskor ba ni/ /'bum phral du mas rab bskor nas/ /bde bar gshegs la 'di skad gsol/ /bdag gis rgyud kyi rgyal po 'di/ /nges pa'i don dang rab sbyor nas/ /gsang ba nyid du sra bar bgyi/ /zhes bya ba la/ lag na rdo rjes zhabs
 gcig pa'i goms pas skad cig tsam gyis bde bar gshegs pa la bskor ba lan 'bum byas nas bde bar gshegs pas bka' stsal pa bzhin du rgyud kyi rgyal po 'di nges pa'i don bka' sbas pa bzhin du gsang bar bgyi zhes gnang ba blangs
 par sbyar ro/ /bdag gi rgyud kyi rgyal po gang/ /drag po'i 'grel pa 'di byas pas/ /bsod nams rgya che gang thob des/ /skye ba bzhi bsdus sems can rnams/ /kun rdzob don dam rim zhugs la/ /thabs dang shes rab mnyam sbyor bas/ /phyi nang
 bgegs gnyis rnam bsal te/ /myur du rdo rje 'dzin par shog /slob dpon chen po 'phags pa phyag na rdo rje'i dngos grub brnyes pa de'i sku sprul nus pa phyag na rdo rje mdzad pa/ /rdo rje me lce'i rgyud kyi 'grel pa de kho na nyid snang ba zhes bya ba rdzogs
 so// //rgya gar gyi mkhan po many+dzu sh+ri dang/ bod kyi lo tsA ba dge slong bzhon nu tshul khrims kyis bsgyur cing zhus te gtan la phab ba'o// //lhag bsam gangs ri'i ngos las legs byung ba'i/ /dge ba'i rgyu ni dri ma
 med pa 'dis/ /rnam mkhyen par pa'i gling du legs byin nas/ /kun la chos kyi dga' ston 'gyed par shog/ /phags pa phyag na rdo rje gos sngon po can gyi sgrub thabs bzhugs so// //*/ /rgya gar skad du/ nI lAM pa ra d+ha ra badzra pA Ni sA