བོད་ཡིག

e-texts based on the ACIP/ALL Input

mkha' i khams su bzhugs su gsol te/ stegs bu dri zhim pa rin po che 'am/ me tog gcal bkram pa'i steng du glegs bam bzhag la/ sardza ra rdza la sogs bkul te/ lkog ma sbyang ba byas nas/ mchan yang dag par brjod pa bklag par bya'o/ /de nas yan lag bdun pa byas la/ yang sngar bzhin sangs rgyas thams cad kyi dbang bskur ba rin po che thob nas/ lhan cig skyes pa'i rnal 'byor la gnas par bya'o/ /'di dag gi rnal 'byor ni zhal gsum dkar zhing zhi ba dang/ phyag bzhi pa nyi ma dang zla ba yangs ba'o/ /yid la mi byed pa'i rnal 'byor glegs bam gyi go 'phangs dang ldan pa rnams kyis ni brag cha lta bu'i kha don byas te/ nges par brjod par bya'o// //bdag gis mngon par rtogs pa 'dis/ /blun po rnams ni blo 'phel zhing/ /blo gros can rnams bde rnyed nas/ /ye shes sems dpa' i gnas 'gyur shog /rin chen rgyud rgyal 'di ni sa phyogs gang na gnas pa dang/ 'don cing klog par byed pa'i skye bu de nyid ni/ /yid bzhin nor bu brgya byin gtsug na gnas pa bzhin/ /bdud rnams zil gnon 'jig rten thams cad bde bar 'gyur/ /'phags pa 'jam dpal ye shes sems dpa' i mngon par rtogs pa zhes bya ba rgya gar gyi mkhan po dpal ldan gnyis su med pa'i rdo rjes mdzad pa/ rnal 'byor pa pradz+nyA sh+ri dz+nyA na kI rtis rang 'gyur du mdzad pa'o// // rgya gar skad du/ dz+nyA na sa tra many+dzu sh+rI na ba la ratna mu tra bi d+hi nA ma/ bod skad du/ 'jam dpal ye shes sems dpa' i rin po che'i phyag rgya dri ma med pa'i cho ga zhes bya ba/ 'phags pa 'jam dpal ye shes sems dpa' chen po la phyag 'tshal lo/ /bdag blo yang ldan cho ga rdzogs pa dang/ /drin ldan mnyes gshin byang chub sems dpa' nges/ /rtsod dus rkyen dbang shes rab nyam chung la/ /rgyud kyi rin chen phyag rgya btung de bshad/ /snying rje che dang chen por ldan/ /brtse bas don byed skye ba med/ /spobs pa che zhing phan blor? ldan dang tshul bzang zhing skyo bar bzod/ /shes rab che zhing nus pa yod/ /rtsod dang tshig gi sbyor bsdebs mkhas/ /dpa' zhing rtul phod brtson 'grus che/ /bkas bsgo ba la drin mi 'jog /dad dang shes rab gtso bor gnas/ /bla ma'i rgyud thabs srog bzhin bsrung/ /ying la mi byed don bstan na/ /pad+ma'i mdangs 'phro gnas la ldog/ /dam tshig gsum ni mig bzhin du/ /bsrung byed rin chen phyag rgya'i snod/ /de la 'jam dpal ye shes sems dpa' i mtshan thos pa tsam gyis yid la sos par 'gyur ba'i skyes bu des ni grub pa'i tshegs chung dus bdag gir byed par 'gyur ro/ /de yang bsam gtan gyi khang par yid du 'ong ba'i ras bris kyi mdun du glegs bam rab tu gnas pa byas te bdag la/ de dang nye bar tsandan dkar pos byugs pa'i maN+Dal khru gad pa gru bzhi pa'i steng du me tog gi tshom bus mchod la/ tsandan gyi bdar bu dang/ me tog dkar po snyim pa gang thogs te/ 'phags pa 'jam dpal ye shes sems dpa' la phyag 'tshal lo/ /ye shes sems dpa' chen mchog nyid la phyag 'tshal lo/ /mtshan gyi 'khro lo thams cad la phyag 'tshal lo/ /bdag gi rnam par shes pa'i tshogs thams cad dang yang dag pa'i don gyi rnal 'byor du mdzad du gsol zhes lan nyi shu rtsa gcig tu brjod la/ me tog dkar po'i 'phreng ba mgo la bcings te/ tsandan sen rtsi dang/ til mar la bdar ba'i chu mig la byugs la rmi lam brtag pa'i ltas kyang shes bar bya'o/ /de nas tho rangs ci rigs pa'i rnal 'byor du gnas te/ slob ma rtag pa dang rmi lam gyis shes pa'i yo byad kyis spras nas/ nye ba dang lha'i maN+Dal dang/ sems bskyed pa'i rin po che'i phyag rgya'i yon phul te/ tshul dang mthun pa'i gnas la/ oM kye kye kye ye shes sems dang zhi ba rab mdzes sku/ /khyod thugs bskyed pa 'gro la sman pa'i gtso/ /'khor lo'i phyag rgyas gti mug bral mdzad cing/ /me long lta bu'i mtshan bstod thugs chung ltar/ / sems bskyed la mos bde gshegs rigs 'gyur dag /'gro ba rnams kyi sku yis gdul bya'i phyir/ /bde gshegs rigs kyi sems bskyed gzung bar bgyi/ /dkyil 'khor 'khor lo bdag byin brlab tu gsol/ /zhes lan gsum dang gsum du brjod pa ni dbang po dang shes pa'i bye brag gis shes par bya'o/ /phyag rgya'i bye brag ni man ngag gis so/ /de nas tshes gcig nas nye bar bzung ste/ rnal 'byor pas nang gi spyod pa bcu la zhugs nas/ lha'i bsgrub pa'i bstan pa'i mtshan yang dag par brjod pa'i gnyen po ji srid spro'i bar du bya'o/ /thun mtshams dang glo bur gyi las ni mkhas pa dag gis ci rigs par sbyar ro/ /paN+Di ta dang/ rgyal po dang/ blon po chen po dang/ dmag dpon dang/ bram ze sgo ba dang/ grong du 'jug pa dang/ don gnyer ba la sogs pa'i tshogs na gnas pa rnams kyis ni dran pa gcig pa'i byin gyis brlabs pa tsam la ci rigs pas bstod de/ bdag dang 'gro ba sbyang tsam bya'o/ /tshe la sogs pa'i sbyor ba 'phel ba dang/ /'dir gsungs yon tan rnams ni 'grub par 'gyur/ /lha dang mi yi mchog 'gyur gtso bo bzhin/ /lo ka dag las lhag pa'i gnas su 'gro/ /mun nag mthug pos dkris pa rnams/ /brang 'gyur dri ma med pa'i 'od zer spung/ /pad+ma'i rtsa bar rtsi'i mchog gnas gang/ /g+ha Ta shing gi 'dab mas len bzhin du/ / bskal pa'i grangs la rag las mi 'gyur bar/ /mi yi tshe 'di nyid kyis 'dod bzhin thob/ /yang dag mtshan 'di'i sgo la dang pa gang/ /de'i mtshams med lnga yang skad cig de/ /dag na 'don dang klog pa smos ci dgos/ /ri khrod mgon po las thob pa'i/ / rgyud kyi rin chen phyag rgya 'di/ /sgyu 'phrul dra ba'i ting nge 'dzin/ /skye ba'i rim 'byung byams bas byas/ /rigs gang rigs kyi lha las ni/ /dngos grub thogs med thob gyur cig /nam mkhas gar khyab lo ka 'gro ba rnams/ /ma rig phyag rgyas rab tu bcings gyur bar? blo gros chen po'i phyag rgyas bcad nas kyang/ /'jam dpal ye shes sems dpa' i zhabs grub shog /'phags pa 'jam dpal ye shes sems dpa' i rin po che'i phyag rgya dri ma med pa'i cho ga zhes bya ba/ /rgya gar gyi mkhan po dpal ldan gnyis su med pa'i rdo rjes mdzad pa rdzogs so// //rnal 'byor pa bsong snyoms pa pradz+nyA sh+rI dz+nyA na kIrtis rang 'gyur du mdzad pa'o// //rgya gar skad du/ man+t+ra tsa rya da sha ka swa b+hA ba d+ha sa nA ma/ bod skad du/ rang bzhin du gnas pa'i sngags kyi spyod pa bcu pa zhes bya ba/ 'phags pa 'jam dpal ye shes sems dpa' la phyag 'tshal lo/ /bla ma dang ni lhag pa'i lha/ /tha dad med par mchod par bya/ 'gro ba rnams dang rang nyid la/ /bdag gzhan mi 'byed dus gsum gter/ /lus dang longs spyod srog