བོད་ཡིག

e-texts based on the ACIP/ALL Input

zhus te gtan la phab pa'o// //rgya gar skad du/ rak+ta ya mA ri de sha pA d+hiSh+na na/ bod skad du/ gshin rje mthar byed dmar po'i byin gyis brlab pa'i rim pa/ khams gsum po ni ma lus pa/ /snying rjes chags pa'i ngo bo nyid/ /bde chen gshin rje gshed po la/ /btud de 'dir? ni phyin brlabs bshad/ /de la 'dir ni rim pa 'dis/ /rnal 'byor byang chub 'dod pa yis/ /dad pa chen po brtan byas te/ /bla ma'i kha las shes par bya/ /rdo rje 'dzin rgyal gsang sngags dang/ /bla ma bkur dang mkha' 'gro bsnyen/ /ji ltar gsungs pa'i rdo rje la/ /mchod sogs las su rung bar bya/ /maN+Dal la sogs yo byad dang/ /bum pa dkyil 'khor gsang sngags bri/ /lha yi gzugs brnyan gsal ba dang/ /bzlas dang mchod sogs sdog 'gro bas/ /bgegs sbyar gsol ba gdab pa dang/ /dam tshig gzung dang sems bskyed bya/ /oM badzra yo ga tsit+to twA da yA mi su ra ta sa ma ya stwaM/ hoM sid+d+hi badzra ya thA su khaM/ de nyid gsum gyi skad cig la/ /lus sogs ye shes gsum du bya/ /ji skad gsungs pa'i man ngag gis/ /rang nyid ye shes dran pa dang/ /rdo rje sgra ni brjod par bya/ /cho ga las byung chu sogs lnga'i/ /ji bzhin dbang ni sbyin byas la/ /'dod na rang snying pad 'dab la/ /yi ge lnga ni dgod par bya/ /hUM b+hUM aM dzi da khaM kha dog lnga yi 'od zer gyis/ /ma lus lus pa med pa yi/ /sangs rgyas la sogs yon tan tshogs/ /'od ni gsal bas yang dang yang/ /bkug nas spro dang brtan par bya/ /rdo rje rnams dang dbyer med pa/ /skad cig nyid la thob par 'gyur/ /oM h+rI(rgyud 'grel sems kyis yid ni de ltar blta/ /bsdus te dmar pos thig le bya/ /bla ma'i man ngag gi rjes 'gro /rig pa'i rgyal po'i bzlas pa 'ang sbyin/ /bu ga'i sbyor ba dam pa yis/ /yid ni bde ba can du 'phang/ /de ltar rten dang brten med bar/ /gang la gang gis bdag 'dzin med/ /gdod nas skye ba med pa yi/ /skye sogs spros las 'das pas na/ /spros pa nyid ni spros med pas/ /zung 'jug 'od gsal bde chen nyid/ /bde bas bde ba rtog pa'o/ /rdo rje 'dzin rgyal ye shes che/ /gang na btsal yang mi rnyed de/ /bla ma mnyes thabs kha las so/ /de ni rtog ba tsam gyis ni/ /srid dang mya ngan 'das pa yi/ /'ching ba kun spangs rnam grol gyi/ /ye shes mchog ni thob pa'o/ /'jig rten gsum na mnyam pa spangs/ /'di ni bla ma gshin rje'i dgrar gyur pas/ /bdag la rjes su gzung bas dngos grub thob/ /de don gzhan la'ang sbyin phyir yi ge ru/ /bris la bla ma mkha' 'gro bzod par mdzod/ /phod la ma yin man ngag med la min/ shin tu gces pas phangs pas phangs par bya/ /de ltar bla ma'i drin las zab mo gsal phye bas// 'gro kun lhan cig skyes dga' bde ba'i gtso/ /kun khyab bde gsal mi rtog ye shes zung 'jug sku/ /thob nas bde bas bde la rnam rol dgyes par shog /gshin rje mthar byed dmar pos byin gyis brlab pa'i rim pa grub thob kyi 'khor los bsgyur ba bram ze dpal 'dzin gyi zhal snga nas mdzad pa rdzogs so// //rgya gar gyi mkhan po d+ha ra paN A tsArya dang/ glo bo lo tsa pa dge slong shes rab rin chen gyi bsgyur ba'o// // bod du 'gyur ba'i byin rlabs kyi bka' la 'di las zab pa tshad pa byin brlabs che ba/ mnyan pa/ brgyud pa dang ldan pa med pas su thod thod la ma byin/ /bsnyen pa yongs su ma rdzogs na mkha' 'gro ma'i bka' chad 'ong bas shin tu mnyan/ /rjes gnang ma thob par dpe 'ang ma ston a zhes bla ma rgya gar shar phyogs pa gsung/ sku gsung thugs kyi rgya// //rgya gar skad du/ de wi d+ha ra pra b+hA d+hiShthA na/ bod skad du/ lha mo