བོད་ཡིག

e-texts based on the ACIP/ALL Input

gshin rje gshed dmar po'i sgrub thabs bzhugs so// //rgya gar skad du/ rak+ta ya mA ri sA d+ha naM/ bod skad du/ gshin rje gshed dmar po'i sgrub thabs/ dpal gshin rje gshed dmar po la phyag 'tshal lo/ /'jig rten gsum la mi 'jigs sbyin pa'i sku sprul thugs ni zhi ba'i rang bzhin can/ /sku ni dmar po'i rnam par mdzad cing 'jigs par mdzad pa 'gro ba'i don bsgrub pa/ /bdud kyi sde rnams sngags par mdzad dpal dus kyi dgra bo dmar po la btud nas/ /de yi sgrub thabs rgyas pa ma yin nyung du 'di ni bdag gis bri bar bya/ /sngags pas dang por bde ba'i stan la rab tu 'dug rang gi snying gar oM yig las skyes pa'i/ /nyi ma'i dkyil 'khor dbus su hUM yig dmar po mtshungs pa med pa'i gzugs 'bar ba/ /de las 'phros pa'i 'od zer dmar pos nam mkhar spyan drangs sangs rgyas bla ma rnams/ /dpal ldan gshin rje gshed dmar la sogs dang bcas mngon par dmigs nas hUM yig las/ /sna tshogs me tog dri bzangs bdug pa rnam pa du mas mchod pa'i cho ga rdzogs byas la/ /bdag tu gtogs pa'i sdig pa gang yod de ni de rnams mdun du bshags par bya/ /phyi nas cho ga lhag mchog ji bzhin bsgrubs nas stong nyid bsgom bya ste/ /oM shu n+ya la sogs pa'i tshig gis rjes oM yig las skyes nyi ma la/ /yi ge hUM las sprul ba'i dbyug pa ri bong 'dzin mtshungs brlan bcas mi mgos mtshan/ /yi ge hUM gis rnam brgyan de rnams mdza' dag yun ring rnam par bltas nas ni/ /bsgom pa po yis dpal ldan gshin rje gshed dmar gnyug ma'i sku ni yang dag bsam/ /g.yon brkyang stabs kyis bzhugs pa shin tu rnam 'gyur sku dmar pon nas rmad du byung/ /drag po zhal gcig phyag gnyis dang ldan g.yas dang cig shos dag na nges gnas pa/ /khrag gis bkang ba'i thob pa dang ni de rjes dbyug pa dkar po mi mgos mtshan/ /sku la sprul gyi tshogs kyis rim pa bzhin du brgyan pas mdzes byas dbu skyes ni/ dmar ser gyen du gnas shing stags gi pags pa rlon bcas na bza' byas pa ste/ mgul nas rab tu 'khyud pa'i mdzes ma yang dag dam pa'i rang 'od thod bskam po yi/ /phreng ba dang ldan na bza' dang bral phyag gnyis ldan ma zhal gcig chu skyes ni/ /dam du 'khyud cing kha sbyor ro gcig g.yas brkyang pa yi stabs kyis gzhugs pa mo/ /phyi nas mgon po'i thugs kar rab tu gtum pa'i 'od ldan de yang hUM yig las/ /skyes pa'i dbyug pa shin tu dkar ba mdzag bcas mi mgo dang ldan 'od 'bar ba/ /de'i dbus shin du dmar ba'i yi ge hUM mchog 'bar ba'i nyi ma la gnas pa/ /mkhas pas blta bya bcom ldan 'das kyi gsang ba'i bye brag hUM skyes rdo rje ste/ /sa bon oM mchog yongs gyur las byung bcom ldan 'das ma'i gsang ba chu skyes 'dab brgyad pa/ /slar oM sarba zhes la sogs mnyam med gsang sngags sgrub pa po yis brjod par bya/ /de nas lte ba'i 'og tu pad+ma 'dab brgyad kun nas dmar ba yang dag 'bar/ /h+rI(rgyud 'grel shin du dmar ba'i mnyam med khyab bdag dpal ldan gshin rje gshed po bsgom par bya/ /'gro ba thams cad 'di 'drar bsrung ba mnyam par kun nas 'drigs/ /ma he'i steng na rgyal po bzhin du mnyam bzhugs bla na med/ /ji ltar gsungs pa'i dam tshig can gyis rnal 'byor dam tshig sngon 'gro bas/ /dogs pa kun dang bral ba'i yid kyis thun gsum bsgom par bya/ /de la nges par 'gro ba'i bla ma'i chog 'di legs par grub 'gyur bsgoms pa las/ /'jig rten snang bar byed pa rnam par brtan byed rab tu rtson pa'i rim pa 'dis/ /sngags pa'ang de nas btsams te nyin re bzhin du lha dang lha min bdag po yis/ /bka' las mi 'da' gdug pa drag po 'byung po sogs kyis nges par bde ba bsgrub/ /oM aM badzri khaM hUM dam tshig byin gyis brlabs pa'i sngags so/ /oM h+rI(rgyud 'grel dpal ldan gshin rje mthar byed dmar po'i sgrub thabs bla ma dam pa'i man ngag gi /gsung rnams mnyan nas rnam par snang mdzad srung ba bdag gis 'gro ba kun gyi don/ /sgrub pa'i ched du brtsams pa'i bsod nams dri med dam pa gang zhig thob pa des/ /srid pa'i 'dam du bying ba'i lus can nyon mongs mun nag yang dag 'joms par shog /gshin rje gshed dmar po'i bsgrub pa'i thabs dpal rnam par snang mdzad srung bas mdzad pa rdzogs so// //rgya gar gyi mkhan po bla ma rje btsun chen po nyi ma'i dbang po'i 'od zer gyi zhal snga nas dang/ chag lo rtsa ba dge smod chos rje dpal gyis bsgyur cing zhus te gtan la phab pa'o/ /'di bris pa yis dge ba nges/ /sems can 'khor ba'i sdug bsngal zhi bar shog/ // !/ /rang byin gyi brlab pa'i rim pa dang gshin rje gshed dmar po'i mngon rtogs dang bcas pa bzhugs so// //rgya gar skad du/ yu pa de sha swA d+hiSh+ThA na kra ma rak+ta ya mAn+ta ka'i b+hi sa ma ya/ /bod skad du/ rab byin gyis brlab pa'i rim pa'i