བོད་ཡིག

e-texts based on the ACIP/ALL Input

rje dpal bzang pas bsgyur ba'o// //rgya gar skad du/ su ni pra pany+tsa tat+to pra pany+tsa tat+ta pa de shanA ma/ bod skad du/ shin tu spros pa med pa de kho na nyid kyi man ngag ces bya ba/ bcom ldan 'das 'jam dpal dbyangs la phyag 'tshal lo/ /stong nyid snying rje gcig pa'i sku/ /srid gsum bde chen po nyid/ /spros pa'i dri mas ma gos pa'i/ /bla ma rdo rje can zhabs 'dud/ /lo gsum par du rnyed bka' ba/ /bla ma mchog gi bka' drin gyis/ /skad cig nyid la 'char ba ni/ /bla ma nye bar bsten par bshad/ /shin tu 'jigs pa'i dur khrod du/ /'jig rten chos la lta med pa'i/ /rnam rtog kun spangs dpa' bos ni/ /dog pa med par bsgrub par bya/ /blo gros mchog ldan sgrub pa pos/ /bza' skar chos grangs 'dir med de// dkyil 'khor la sogs lha rnams dang/ /phyi rol bkod pa 'dir mi dgos/ /bsam gtan bzlas pa yod ma yin/ /sreg blugs dang ni gtor ma med/ /phyag rgya bcing dang 'khrul 'khor sogs/ /phyi rol g.yeng pa kun spangs te/ /brtse ldan gzhan gyi don sems pa/ /bla ma'i byin rlabs la brten nas/ /skad cig nyid la dngos grub 'gyur/ /thog mar bla ma lhar bcas la/ /maN+Dal dbul zhing mchod gsol gdab/ /gsang sngags rgyal po rjes dran nas/ /sems ni dag cing las rung 'gyur/ /bla ma dang ni rdo rje sems/ /tha dad par ni mi bya ste/ /bla ma sangs rgyas chos dang ni/ /de bzhin dge bdun bla ma ste/ /dngos grub go 'phang mchog 'dod pas/ /kun nas bla ma mnyes par bya/ sangs rgyas kun dngos rdo rje 'chang/ rtsod pa'i pa'i dus 'dir bdag don du/ kun dang mthun par ston mdzad pa/ /de ltar shes nas dngos kun gyis/ /bsten bya dus gsum sangs rgyas kyi/ /dngos grub rgya chen snod du 'gyur/ /srid pa'i rtsa ba nyon mongs dang/ /bdag 'dzin la sogs ma lus pa/ /zhen pa med pa'i sems kyis ni/ /ltas pa med par btang bar bya/ /dkon mchog gsum dang bla ma la/ /bsam pa thag pas skyabs song bas/ /lus ngag yid gsum sgrib pa gang/ /bag la nyal dang bcas las grol/ /sku gsum thugs kyi ye shes ni/ /rdo rje rnams dang dbyer med 'gyur/ /'di nyid gsal zhing stong pa dang/ /rig pa de nyid ma 'gags pa/ /rang rig ye shes skad cig la/ /'dir ni thog ma dbus mdza' med/ /srid med mya ngan las 'das pa med bdag med gzhan yang med pa ste/ /'di ni mchog du bde chen nyid/ /'di nyid gsal zhing stong pa nyid/ /'di las mtshon te shes bar bya/ /'di ni rang bzhin sku gsum dang/ /ye shes lnga yi bdag nyid can/ /sems can rnams ni sangs rgyas nyid/ /sangs rgyas gzhan du bstan du med/ /sangs rgyas rnams kyi ye shes sku/ /gzhan du bcas bas brnyed pa yin no/ /chos kun stong pa nyid rtogs pas/ /'gro la snying rje rgyun mi 'chad/ /thabs mkhas spyod bas mdza' yas pa/ /yul dang dngos po med pa'o/ /rgya ma lta bur 'dzin med pa/ /rgya chen bsod nams tshogs la 'bad/ /rnam rtog ma rig chen po ste/ /srid pa'i rgya mtshor chub byed yin/ /rtog pa'i 'ching ba las grol ba/ /de cho mchog gi lam rnyed do/ /phyi rol yul gyi 'ching byed rnams/ /bu ga dgu nas snying gar bsdu/ /gang gi rnam rtog zung rdu yang/ /spyi gtsug nas ni rkang mthil bar/ /mi shel tsam du snying gar dgug/ snying gi bu ga gsal bor phye/ /skad mda''pho ba ji lta bar/ /rgya mtsho'i mthar thugs spro bar bya/ /rtog pa dang ni bral ba ni/ /lus kyi bde ba can der sen/ /yi ge gsum gyi gsang sngags brjod/ /mkha' dang rang rig stong pa nyid/ /ro gcig nam mkha' ye shes bsgom/ /'di ni sangs rgyas thams cad kyi/ /thugs kyi gsang chen bla na med/ /'di ni srid dang zhi las grol blang dang dor pa ci yang med/ /bde ba dang ni sdug bsngal dang/ /bdud dang nyon mongs yod ma yin/ /lha dang srin po 'dir med de/ /nad dang sdug bsngal gyis mi gos/ /'dis ni bdud dang nyon mongs 'joms/ /'joms byed bcom ldas 'das shes bya/ /de las gzhan pa gang yin pa/ /chos kun nyen por mi 'gyur te/ /thams cad rtog pa yin phyir ro/ /rtog pa'i rtog pas 'ching bar 'gyur/ /de nyid rnal 'byor pas shes nas/ /phyi dang nang dang gzhan rnams kyis/ /spros pa'i 'dra ba rnams par bcad/ /yul gyi 'dzin ba rnam par bshig/ /stong pa nyid la gtang legs na/ /rtog pa'i dra ba spong bar 'gyur/ /rten dang brten pa rnam par dbye/ /mnyam par gzhag pa goms par bya/ /de nas byang chub sems bskyed pa'i/ /bla ma man ngag bshad par bya/ /bla ma rdo rje 'chang gi sku/ /'og min bde chen der bsgoms te/ /mi phyed bsam pas gsol ba gdab/ /mthar phyin tshe na rang la bstim/ /thog med bsam pas sbyangs pa yi/ /drin can rnams la snying rje bsam/ /gnod byung 'di rnams bdag gi ma/ /sngon che yang yang phan btags kyang/ /smyon pa bzhin du rang dbang med/ /mi dge'i las kyi mnar med 'gyur/ /de ltar dran pas srid gsum la/ /snying rje mthar phyin 'gyur pa yin/ /phyi nang spyod? pa mi bsrun pas/ /blo gros shin tu 'khrugs pa'i tshe/ /bdag dang gzhan du brje ba yis/ /byang chub sems 'di dran par bya/ /nges ni bdud dang nyon mongs tshogs/ /'joms shing spros med nying du 'gyur/ /srog 'gag pa yi sbyor ba yis goms par byed pa'i rnal 'byor pas/ /ji ltar rdo rje'i rnal 'byor gyis/ /lus 'di rnam dag sbyar bar bya/ /dgad ba'i sbyor bas spyi gtsug nas/ /rkang mthil bar du dgang byas la/ /rdub pa'i sbyor bas zhi bar bya/ /dang por srub rtsing bsrub par bya// gnyis pa rgya mtsho bskyod pa de/ /gsum pa gsang pa nor lha gnyis/ /bzhi pa yan lag brgyad bskum 'di/ /phyogs bzhi g.yo zhing srid gsum bsgrags/ /'di yi sbyor ba goms byas na/ /nad kun las ni grol 'gyur zhing/ /'di lta rgud dang rgas pa dang/ /'chi bdag thag ring kun rtog 'joms/ /srid pa'i 'ching ba las grol zhing/ /spros med ye shes go 'phang 'thob/ /dag pa'i bzhi mnyam blang byas te/ /gla ba yis ni dug med 'gyur/ /gon ji dang ni bar tsam? sga skya dang ni lhan cig byas/ /bu ram mar dang sbrang rtsir bcas/ /gsang sngags bzlas zhing zhag bdun bsgrub/ /dam tshig brtan ldan rnal 'byor pas/ /nang par dus su bsten par bya/ /skra dkar gnyer ma la sogs spong/ /dbang po rnams ni mchog tu gsal/ /lus kyi mdog rgyas zo mdog bde/ /mkha' 'gro rnams kyis byin gyis rlob/ /bde ba chen po'i ting 'dzin dang/ /spros med ye shes go 'phang 'thob/ /rdo rje 'jigs byed sbyor ba yis/ /rgyal ba'i tshogs su mnyes byas te/ /snying gi kun rdzob sna rtse nas/ /sor bzhi bcal nas dbu mar gzhug /nor bu'i bar du bsreg 'dzin pa/ /steng gi dag pas zin pa yin/ /phyag na rdo rje gzung bya ste/ /g.yas pa'i mthil gyis bum pa sbyor/ /tsak+Shu gyen du blta bar bya/ /cig shos g.yo bar mi byed de/ /ba thag tsam yang mi 'byung ngo/ /gal te phyi rol byung ba na/ /mkha' 'gro rnams kyis tshar bcad do/ /'og rlung rngam pas dgra tshogs zhi/ /steng rlung mnan pas bdud rnams 'joms/ /dbus rlung dkrugs pas bar chod sel// rnal 'byor 'di la sgrub pa pos/ /du ba la sogs mngon shes so/ /rnam rtog dra ba ma lus bcod/ /shin tu spros med go 'phang 'thob/ /sgrub po'i lam gyi gegs byed pa/ /bar du bcod pa de sel ba/ /phyi rol bdud kyi dkrugs pa dang/ /yul? la sems dang rang rig dang/ /nang dang sdug bsngal rengs pa yis/ /bar du gcod pa phal cher la/ /sngar gyi man ngag bsgoms pa yis mkha' la sprin? tshogs 'khrigs pa la/ /mi bzad rlung gis bskyod pa bzhin/ /gzhan yang bdud kyi bar chad gang spros? med de nyid dbyings su bstim/ /sten dang brten pa so sor bya/ /'dzin pa nyid la gtad par bya/ /de ltar goms pas spros med 'gyur/ /dga' dang bde ba dang ba yis/ /phyi dang gsang ba mtshon par bya/ /blo yi rtog pa ma zhi na/ /sems lam gyis ni/ dpa' bskyed la/ /til mar dang btags ral gri bzhin/ /thogs pa med par gzhom par bya/ /shin tu spros med bla ma'i gsung/ /blo yi yul du goms na yang/ /spros pa rtsub mos bskyod pa'i tshe/ /blo la spros med kyis la reg /blo ni phal par brten par/ ? de tshe spros pa spros med du/ /ro gcig mnyam pa nyid du thim/ /'dre dang srin po 'jigs pa'i tshogs/ /dur khrod ro langs la sogs pa/ /'khun dang ngar ba bshugs pa 'bod/ /'jigs pa rnam pa sna tshogs pa/ /sems las ma gtogs gzhan med pas bar sems skar mnga' 'pho ba ltar/ /de yi snying la thim pa yis/ /blo dang gzhan dang spos mang rnams/ /spros med ye shes nyid du 'gyur/ /yang na blo de nyid la gtad/ /bdag gi gtsas te mchod sbyin bya/ /mi bzad gdon dang 'go ba'i nad/ /sdig pa'i rmi lam 'pho ba sogs/ /gza' dang rgyu skar gdon la sogs/ /nad dang mya ngan sdug bsngal dang/ /dgra dang 'byung ba'i gnod pa dang/ /mi dang mi ma yin pa yi/ /nye bar 'tshe ba sna tshogs pa/ /thag pa'i sbrul ni sangs pa bzhin/ /skyags pro ba dang gtsang sbra dang/ /'dzem bag dang ni ngo tsha dang/ /spros med ye shes kyis gzhom bya/ /bla ma 'dod ltar bsgrub bya ste/ /dga' dang bde dang rangs pa dang/ /tshim dang nga rgyal dregs pa dang/ /sgeg dang tshul 'chos rgyan la sogs/ /spros med ye shes ngo bo nyid// zhum dang sgyid lug mi mthun phyogs/ /thams cad spros med nyid du 'gyur/ /mi bzad nyon mongs gang yin pa/ /spros med de nyid las bzhan min/ /de ltar bgrod dang bgrod min pa/ /yid du 'ong dang mi 'ong ba/ /shin tu spros med sems kyis ni// zhen pa nyid du mi bya'o/ /'jig rten rnams dang mthun pa yi/ /rnam gzhag h+rul po gshig nas kyang/ /dogs pa med pa'i sems kyis ni/ /dpa' bo seng ge bzhin du spyod/ /de las yon tan phun sum tshogs/ /dpal ldan rdo rje 'dzin par 'gyur/ /e ma zhi ba chen po'i chos/ /i ma khro bo 'jigs mdzad pa/ /e ma mya ngan 'das pa mchog/ e ma 'khor ba zhi ba nyid/ /e ma 'di ni rab tu mtshar/ /skyon ni gang yin yon tan 'gyur/ /byang chub med cing mngon rtogs med/ /dngos po min zhing sgom pa min/ /khams kyang min zhing rnam shes min/ /nam mkha' i dkyil dang mtshungs pa nyid/ /nam mkha' lta bur bdag med pa/ /chos 'di bde ba chen po'o/ /sa yang ma yin chu yang min/ /me min rlung min nam mkha' min/ /rdo rje sems dpa' i sbyor ba yis/ /skye ba 'di la rab tu gnas/ /dngos po thams cad dngos med bshad/ /dngos po med ces ma bsgrags pa/ /rnal 'byor sbyor ba dang 'brel phyir/ /chad pa ma yin rtag pa min/ /yan lag med cing kha dog med/