བོད་ཡིག

e-texts based on the ACIP/ALL Input

rgya gar skad du/ sh+rI kriSh+Na ya mA ri sA d+ha naM nA ma/ bod skad du/ dpal gshin rje gshed nag po sgrub pa'i thabs zhes bya ba/ dpal gshin rje gshed la phyag 'tshal lo/ /gus pa yis ni bla ma yi/ /zhabs kyi pad+ma phyag 'tshal te/ /bla ma'i zhal snga'i bka' drin gyis/ /nag po zhal gsum phyag drug pa'i/ /mdor bsdus pa yi sgrub thabs bshad/ /dang por rnal 'byor dbang phyug gis/ /dben pa'i gnas su 'dug nas ni/ /stong pa'i sems la mnyam bzhag ste/ snying ga pad+ma 'dab brgyud bsam/ /de steng nyi ma'i dkyil 'khor ro/ /de yi steng du hUM bsams te/ hUM las 'od byung mdun du ni/ /bla ma mkha' 'gro bzhugs par bsam/ /phyag 'tshal ba dang mchod byas la/ /sdig bshags la sogs tshogs bcu bsag / de nas snying ga'i hUM las ni/ /'od byung lus ngag bag chags rnams/ /bsres nas stong pa nyid du bsgom/ /de ni ye shes tshogs yin no/ /sems ni hUM gi rnam bar bsam/ /hUM las rdo rje rtse lngar gyur/ /rdo rje las ni skur bskyed do/ /zhal gsum phyag drug sku mdog nag /g.yas dkar g.yon dmar dbus mthing zhal/ /spyan gsum mche ba gtsigs pa'i zhal/ /dbu skra kham nag gyen du mdzes/ /rdo rje ral gri gri gug gsum/ /g.yas pa yi ni phyag na bsnams/ /'khor lo pad+ma thod ba gsum/ /g.yon gyi phyag na bsnams pa yin/ /g.yas skum g.yon brkyang bsus po che/ /lha mo phag mos mgul nas 'khyud/ /phag mo zhal gcig phyag gnyis ma/ /g.yas pa gri gug banda g.yon/ /gtso bo'i sku la 'khyud pa'i tshul/ / gnyis su med pa'i gnas su bzhugs/ /mig dang lus sogs dbang po drug/ sangs rgyas drug kyang yod par bsam/ /sku gsung thugs kyang byin gyis brlabs/ /snying ga'i hUM las 'od byung bas/ /ye shes mkha' 'gro spyan drangs la/ /tshig gi dbang yang blang bar bya/ /bcom ldan de bzhin gshegs pa kun/ /bcom ldan mnga' bdag chen po rnams/ khyed kyis bdag la dbang bskur gsol/ /de skad bdag gis dbang blangs pas/ /ye shes bdud rtsi'i chu rgyun gyis/ /bdag gi spyi bor dbang bskur bar/ /rigs lnga cod pan gyur par bsam/ /mchod dang bstod dang bdud rtsi bza' / /rdo rje'i bzlas pa bya ba ste/ /bzlas pa'i sngags ni 'di yin no/ /oM h+rI(rgyud 'grel grub pa'i don du bzlas/ /gtor ma'i sngags ni 'di yin te/ /oM a kA ro mu khaM sarba d+harmA NAM Adya nutpan+na twA da oM A(rgyud 'grel rnal 'byor ngal gso bya/ /snying ga'i hUM gi 'od zer gyis/ /khams gsum ma lus kun la khyab/ /kun kyang sangs rgyas sku ru gyur/ /gyur pa kun kyang bdag la bsdu/ /bdag kyang hUM la bsdu byas la/ /hUM yang thig ler gyur par bsgom/ lhag ma'i rtog pa spangs pa ste/ /yang dag bde ba'i rnam pa'o/ /phyag med zhal med kha dog med/ /mchog tu dga' i ba'i mtshan nyid do/ /'di byas bsod nams gang thob nges/ /sems can thams cad sangs rgyas shog/ nag po zhal gsum phyag drug pa'i mdor bsdus pa'i bsgrub thabs rdzogs so// //*/ /rgya gar skad du /kriSh+Na ya mA ri kro d+ha rA dza ba tra sa ra sA d+ha ni nA ma/ bod skad du/ khro bo'i rgyal po gshin rje gshed nag po dus?