<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1528: grol ba'i thig le zhes bya ba'i rnam par bshad pa<br><table><tr><td>
<input type="button" onclick="location.href='tcompletep.php?id=N1528&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1528&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1528&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rdzogs so// //paN+Di ta chen po n+ya ya na sh+rI dang/ bod kyi lo tsa ba chen po shAkya'i dge slong blo ldan shes rab kyis bal yul mthil du bsgyur pa'o// //*/ (/grol ba'i thig le zhes bya ba'i rnam par bshad pa slob
 dpon chen po bi ta pA das mdzad pa bzhugs so/) /*/ /rgya gar skad du/ muk+tati la ka nA ma byA khyA naM/ bod skad du/ grol ba'i thig le zhes bya ba'i rnam par bshad pa/ dpal rdo rje sems dpa' la phyag 'tshal lo/ /dpal ldan 'khrul pa
 gsal bas dri ma med/ /'od zer mdza' yas rigs kyi sprul 'phro ba/ /shes rab yan lag gis 'khyud 'bar zhing mdzes/ /'jam dpal de la dngos po kun gyis 'dud/ /ces bya ba la sogs pa'i tshigs su bcad pa gsum gyis ni rab tu
 byed pa 'di rtsom par 'dod pa'i rje btsun chen po lha sangs rgyas ye shes zhabs zhes bya bas khyad par gyi rin po che gsum la skyabs su 'gro ba ston te/ gang gi phyir 'dod pa'i don grub cing bgegs kyi bar chad mi 'ong bar bsam pa rdzogs/
 par 'gyur bas de'i phyir de nyid mdzad nas yang dag pa'i shes pa dang ldan pa rnams 'jug pa'i rgyu gsungs so/ /de la dang po dpal ldan zhes bya ba la sogs pa'i tshig dang po 'dis ni 'dod pa'i lha'i sgo nas sangs rgyas la
 skyabs su 'gro ba ston to/ /de yang dpal ldan zhes bya ba nas/ mdzes zhes bya ba'i bar gyi khyad par gyis 'jam dpal zhes bya ba khyad par du byas pa'i yul la/ thabs dngos po kun gyis 'dud pas phyag 'tshal lo/ /de ltar bsdus pa'i don
 bstan nas/ yan lag gi don dgrol ba'i phyir gsungs pa/ dpal ldan zhes bya ba la sogs pa'o/ /de la dpal zhes bya ba ni bdag gi dpal dang/ gzhan gyi dpal dang lhan cig skyes pa'i dpal lo/ /de rnams gang la yod pa de la dpal
 ldan zhes bya ba'o/ de rnams kyang rdo rje snying po rgyan gyi rgyud las gzhung 'dis bstan te/ stong dang bdun cu rtsa gnyis las/ /bcu drug gnas su yang dag gnas/ /de las snying dbus rab zhugs te/ /rlung gi sbyor bar phul byas pas/ /bteg
 mdog rab mdzes bde rdzogs sku/ /bdag gi dpal du shes par bya/ /nor bu'i bar du mthong byas pa/ /de yi bde ba rtog bral ba/ /mkha' 'dra rab tu gsal ba ni/ /lhan cig skyes par shes par bya/ /de las thig le 'gog pa ste/ /nam mkha' i
 khams kun gang ba'i gzugs/ /bral ba'i shes pas don byed pa/ /gzhan gyi dpal du shes par bya zhes bya ba gsungs so/ /de nyid kyang gang zhe na/ 'khrul pa gsal bas zhes te/ nyon mongs pa'i sgrib pa la sogs pa yang dag pa'i don
 mthong ba la bgegs su gyur pa'i 'khrul pa ste/ de bsal ba ni mi skye bar byas pa ste/ rgyu gang gi stobs kyis de rnams bsal ba de'i stobs kyis mtshan bzang po sum cu rtsa gnyis dang/ dpe byad bzang po brgyad cus yongs su dag pa'i
 sku chen po snang ba nyid nam skyes pa'i gzugs yongs su dag pa'i gdul bya rnams la snang ba ste/ de ni bdag gi dpal ste/ dpe med bde rdzogs kyi sku'o/ /dri ma med zhes pa ni sgrib pa rnam par bsal ba'i me long lta bu'i ye shes la sogs pa'i ngo bo rnam par rtog?
 pa'i dri ma thams cad bral ba/ nam mkha' i dkyil ltar rnam par dag pa gnyis su med pa'i gzugs thog ma nas zhi bar ldan pa ste/ de ni lhan cig skyes pa'i dpal te/ thams cad bsdus pa'i sku'o/ /'od zer zhes pa ni lhan cig skyes pa nyi ma lta bu'o/ /mdza' 
 yas rigs zhes pa ni rigs gcig las gsum/ gsum las lnga/ lnga las nyi shu rtsa lnga/ de las brgya/ de las mdza' yas pa'i rigs ni mdza' yas rigs te/ de dag 'gro ba ni sprul pa 'phro ba'o/ /de yang rang rig pa'i ye shes bsnyes pa'i dus na
 rang bzhin gyis thob pa ste/ rigs gcig la sogs pas gdul bya'i rgyud la snang bar 'gyur bas/ de'i rgyud yongs su dag par byed cing/ spyi dang so so'i las kyis mdza' med pa'i 'khor ba'i bar du gnas te/ /gzhan gyi dpal te sprul pa dpag med kyi
 sku'o/ de bar sku gsum po de rtogs par byed pa'i rgyud gsungs pa/ shes rab zhes bya ba la sogs pa'o/ /de la shes rab zhes bya ba ni shes rab kyi pha rol tu phyin pa'i phyag rgya'o/ /de'i yan lag ni yan lag rnams te/ yan lag nges 'khyung?/
 pa ni 'khyud pa'i sbyor ba'o/ /des 'jam pa'i dbyangs 'bar zhing rnam par mdzes pa'o/ /de yang shes rab kyi pha rol tu phyin pa las byung ba'i lha mo la sogs pa'am/ mi'i bu mo legs par sbyangs pa lo bcu drug ma gzugs la sogs pas
 dag pa'i ngo bo sa bcu'i rang bzhin de dang 'dus pa dang gru ma brkyang ba dang dpyar thag la sogs ji skad gsungs pa'i bya bas gong du gsungs pa rnams dang po dang phyi'i dus su go rim bzhin du mi bslu pa dang/ ji lta ba bzhin de rtogs pa
 ste/ ji skad du rim pa gnyis pa'i de kho na nyid bsgom pa zhes pa zhal gyi lung las/ byang chub sems dpa' 'jam pa'i dbyangs/ /gsal zhing rab dga' khams mnyam pa/ /gzhan du rag? mar mi 'gyur bas?/ /? med ? ?
 ma'i phyag rgya ni/ /sgyu ma kun las/ byad par 'phags/ /sgyu ma de yang 'jig rten 'dir/ /spyan la sogs pas yongs dag pas/ /rigs ni rnam par bzhir 'gyur te/ /zhes bya ba la sogs pas phyag rgya'i mtshan nyid rgyas par ston te der shes par
 bya'o/ da ltar gyur dang 'bras bu gnyis kyis bcom ldan 'das kyi khyad par gyi chos bstan nas/ de yi gzhi bstan pa'i phyir 'jam dpal de la zhes de dga' ba rnam pa gsum pa la zug rdu'i nyes pa thams cad dang bral te/ tshogs gnyis
 dag pa'i ngo bos rtogs pas 'jam dpal te/ de la phyag 'tshal ba'i thabs ni dngos po kun gyis 'dus ces te/ lus la sogs pa'i dngos po'i chos kun phyag rgyas dga' ba gsum du bcug pa ste/ rang gi bla ma'i kha nas rang gi ye shes
 rtogs shing de la blo gnas pa la de skad ces bya'o/ /ji skad du thams cad dag cing rnam par dag pa'i rim pa las/ slob dpon shAkya bshes gnyen gyi zhal snga nas/ ji ltar bstod cing phyag 'tshal ba/ /gang la phyag 'tshal gang gis 'dud
 ji ltar chu la chu thim dang/ /ji ltar mar la mar zhu bzhin/ /rang gis rang gi ye shes che/ /legs par mthong ba de 'dir phyag /'on kyang kun mkhyen ma thob par/ /de ni nye bar mi dmigs te/ /mi shes mun pas sgribs pas na/ /drin gyi snang
 ba yang dag skye zhes so/ /de'i snying dbus zhes pa la sogs pas ni/ mi shigs pa'i thig le'i sgo nas chos la skyabs su 'gro ba ston to/ /de la de'i snying dbus zhes bya ba bcom ldan 'das de'i snying ga'i pad+ma kha sbyor gyi dbus na zhes
 gnas ston to/ /gzhom du med pa'i zhes pa ni 'dis dngos po thams cad 'joms shing de gang gis kyang gzhom du med pa ste/ 'jug ba'i dus su yang me la sogs pas gzhig par mi nus te/ de 'ba' zhig gnas pa de las yang thams cad 'byung bas so/ /ji skad du
 byang chub sems dpa' 'jam ba'i dbyangs kyi lung las/ da ni gnyis med ye shes nyid/ /kun rdzob gzugs la brten nas kyang/ /mi g.yo la sogs g.yo dang bcas/ /tshangs sogs lha dang lha min sogs/ /thams cad rab tu mi snang yang/ /thig le 'gog
 par mi 'gyur te/ /rgyu dang mi rgyur bcas pa kun/ /slar yang de las 'byung bar byed/ /de bas skye bo rnams kyis ni/ /yang dag ma rtogs pa yi phyir/ /tshangs pa'i sgo nga las skyes par/ /'khrul pas chos kun gyis mi sgul/ /gang gis kyang ni mi shigs pa
 ji srid 'di ni lus gnas pas/ /las dang las min rab byed pas/ /brtan po 'jigs pa rab spangs pas/ /mi shigs thig le bsgom pa bshad/ /zhes pa ste nus pa bstan to/ /dngos kun ro gcig ces pa ni rgyu dang mi rgyu ba'i chos thams cad lhan cig
 skyes pa'i ye shes su ro gcig pa ste/ rang bzhin no/ /mi shigs thig le'i gzugs zhes ba ni snying ga'i kha sbyor na tsa na ka'i gzugs sam yungs kar gyi gzugs tsam du gnas te chos thams cad kyi ma spros pa'i phyir na de skad de/ thig le'i
 gzugs so/ /mi gsal gsal ba'i bdag nyid du gnas pa zhes pa ni/ de la gzugs la sogs pa'i chos gzung ba la sogs pa'i mngon par zhen pa gang yin pa de ni med pa ste/ lhan cig skyes pa'i ye shes zab mo dang gsal ba gnyis
 su med pa ni tha snyad tsam du gsal ba ste/ de'i bdag nyid du gnas pa'i mi shigs pa'i thig le ste/ 'dis kyang rang bzhin bstan to/ /brgyud rims las byung zhes pa ni bla ma dam pa'i ma nor ba'i lam du brten pa'o/ /bsnyen bkur ba las
 rna ba nas rna bar brgyud pa ste 'byung ba'i rgyu bstan to/ /de 'dra ba'i de nyid la 'dul bya zhes pa ni thig le gsum bsgom pa la sogs pa'i cho gas de la blo rnam par gnas pa la de skad ces bya'o/ /de 'dra ston byed zhes pa la sogs pa
 ni/ slob dpon gsum gyi sgo nas dge 'dun la phyag 'tshal ba ston to/ /de la de 'dra ston byed ces pa ni mi shigs pa'i thig le'i rang bzhin lhan cig skyes pa ston par byed pa'o/ /bla ma gsum zhes pa ni rgyu'i slob dpon chen po dang/ rkyen
 gyi slob dpon dang lhan cig skyes pa'i slob dpon no/ /ji skad du rin chen phreng ba zhes bya ba'i de kho na nyid las/ thun mong thun min dam tshig gnas/ /chu sogs rims pas rang gi rgyud/ /dag byed slob dpon nyid du bsgrub/ /rgyu yi slob dpon
 chen po'o/ /de dang lhan cig rtse byed cing/ /bcu drug cha yis rang rgyud la/ /zhing dag byed pa'i lha mo che/ /rkyen gyi slob dpon nyid du bshad/ /de yis gnad byas rang gi sems/ /lhan cig skyes pa'i byin rlob pas/ /dga' ba lhan cig skyes
 rtogs pas/ /lhan cig skyes pa'i slob dpon no zhes gsungs so/ /de rnams ni bla ma gzhan las khyad par du gyur pa'i phyir rab mchog go /'jig rten gsum zhes pa ni sa 'og dang sa steng dang bar snang ngo/ /de'i khang pa na gnas pa ni sems
 can rnams te/ /de'i gzung ba dang 'dzin pa'i 'dri ma rnams rim pa gnyis bstan pas sel bar byed pa ste las bsten to/ /de dang 'dra ba de la 'dud par byed pa'i thabs ni/ de la me tog snyim bkad mgrin dma' bas zhes pa ste/
 gang gi phyir gzhan dum rnyed pa'i yang dag pa'i gdams ngag ster bar 'gyur ba de'i phyir/ de la dus gsum du zhabs drung du gnas la me tog gis snyim pa bkang nas thal mo sbyar dman pa'i tshul du mgrin pa dma' bas
 'dud zhes pa dang sbyar ro/ /ji skad du slob dpon 'jo sgeg rdo rje'i zhal nas/ dus gsum du ni rdo rje slob dpon la/ /phyogs bcu 'jig rten khams na rab bzhugs pa'i/ /de bzhin gshegs rnams byon nas phyag mdzad do/ /de la gus pa dam pa yis/ /ston ba bla chen
 zhal snga ru/ /dus gsum maN+Dal me tog snyim/ /zhabs la mgo bos phyag bya'o zhes bya'o/ /de'i dus kyang mdza' med pa'i 'khor ba yan chad kyi bar du yongs su dag pa'i bsam pas dngos suAm/ /smon lam gyis skyo du ba med pa kho nar 'dud par bya'o zhes phyag
 'tshal bar bstan to/ /da ni bshad par zhal gyis bzhes pas dgos 'brel rnams ston par byed pa gsungs pa/ dpal ldan zhes pa la sogs pa'o/ /de la dpal ldan zhes pa bshad zin to/ /gsang ba zhes pa ni rdo rje dang pad+ma dang sa bon te/ ra zhes
 bya ba rdo rjer bshad/ /ha zhes bya ba pad+mar bshad/ sya zhes bya ba sa bon no zhes rdo rje thod pa las gsungs so/ /de la yi ge ra ni rdo rje'i rtse mo 'dra ba dang/ ha ni bya'i lce 'dra ba dang/ sya ni sa bon gyi tshul du gnas pas na 'di skad do/ /der 'dus pa ni lhan
 cig skyes pa'i dga' ba rnams 'dus pas na'o/ /de ston par byed pa'i gzhung la yang de skad ces bya ste/ /lus gi khungs so/ /bla mas gsol thob yid ches brod ldan pas zhes pa ni 'jam dpal dbyangs zhes bya bas rim pa dang po la sogs pa brir gnad
 bam? rang la yid ches nas byed pa'i brod pa dang ldan pas rtsom par byed pa'i sbyor ba la zhugs pa'o/ /ji skad du byang chub sems dpa' 'jam pa'i dbyangs kyi lung las/ de bas khyod kyi yid gcig tu/ /yang dag bsdus la ma 'ongs pa'i/ /gang zag sngon
 du tshogs bskyed pa/ /skal ldan 'ga' la rna bar brgyud/ /sim byed 'di la sbyor du chug zhes pa nas/ 'di yi rim pa dang po yi/ /sgrub pa'i thabs dang sbyin sreg dang/ /gtor ma sna tshogs 'khor lo dang/ /bsdus pa dang ni rnam bshad dang/ /dkyil
 'khor cho ga la sogs pa/ /mi shes mun bsgribs sems can gyi/ /thur ma lta bur bsam par gyis zhes 'di rtsom pa'i rgyu gsungs so/ /gang brtsams she na/ dngos po kun las grol ba mi shigs pa'i thig le'i don dngos po thams
 cad la khyab pa'i ngo bo ste/ de skal pa dang ldan pa'i rnal 'byor pa 'ga' zhig gi don du bshad par bya'o zhes ston to/ /de ltar des yang dag pa'i shes rab dang ldan pa'i 'jug pa'i rgyu brjod par bya ba la sogs pa ston to/ /'di ltar dngos po kun las
 grol pa'i mi shigs pa'i thig le ni brjod par bya'o/ /de rnal 'byor ba skal pa dang ldan pa 'gas bla ma'i zhal las rtogs pa ni dgos pa'o/ /dgos pa de yang rab tu byed pa 'dis byed pas na/ de gnyis thabs dang thabs las byung pa'i mtshan
 nyid 'brel par 'gyur ro/ /dgos pa de'i dgos pa ni rim pa ji lta ba bzhin du gnas pas rnal 'byor bzhi'i tshul gyis phyag rgya chen po'i dngos grub grub pa'o/ /de rnams dang ldan pa ni chos yang dag pa'i zhes gsungs so/ /da ni gnyis su med pa'i ye shes
 kyi gzhi rnam par dgod pa bstan pa'i phyir/ dngos po thams cad 'di lta ste zhes pa la sogs pa gsungs so/ /'og min gnas zhes pa'i bar gyi ni khams gnyis kyi mi rgyu ba'i dngos po rnams bstan to/ /de la gnas pa ji snyed dang zhes pa ni rgyu'i
 dngos po rnams bstan to/ /yod min gyi sde mched ces pa'i bar gyis ni gzugs med pa'i rgyu ba'i dngos po bstan to/ /de ltar des gnyis su med pa'i ye shes kyi gzhi khams gsum du rgyu ba dang mi rgyu ba rnams yin par bstan to/ /de sbyod zhes pa ni
 khams gsum pa de sbyor bar byed pa'o/ /rnam grol chen po'i lam rnams so zhes pa'i bar gyis ni 'jig rten las 'das pa'i lam rnams bstan to/ /de gnyis su med pa'i ye shes kyis 'jig rten las 'das pa rnams la khyab par bstan to/ /de
 ltar dag pa dang ma dag pa'i chos thams cad la khyab par byed pa'i gnyis su med pa'i ye shes nyid bstan pa'i phyir/ de dag kun gyi zhes pa la sogs pa'o/ /de yang chos de dag kun gyi rang bzhin gang yin pa de ni nam mkha' i dbyings ltar shin tu rnam par dag pa'i ngo
 bo gzung ba la sogs pa'i spros pa'i rnam pa kun dang bral ba zab mo dang gsal ba gnyis su med pa'i ye shes zhes bstan to/ /de ltar na 'khor ba'i chos 'di bden par gnas sam zhe na/ 'khor ba nyid ma grub par bstan pa'i phyir thams cad rnam rtog
 zhes pa la sogs pa'o/ /chos thams cad la so so'i skye bo dang nyan thos dang rnal 'byor spyod pa dang dbu ma pa rnams kyis brtags pa'i rnam par rtog pa dang bral bas ni 'khor ba zhes bya yod pa min zhes so/ /'o na ji ltar snang ba 'di gang zhe na/ 'on
 kyang zhes bya ba la sogs pa gsungs te/ 'khor ba'i chos ni gtan nas med par mi 'dod de/ 'on kyang thag pa'i sprul lta bur snang zhing yod pa nyid du 'dod do zhes dpe'i sgo nas bstan to/ /gang gis rab rib spangs nas theg pa las sbrul la sogs pa gzhan
 gang cung zad kyang rnyed par mi 'gyur ro/ /dpe de bzhin no/ /spros pa'i gnas thams cad spangs pa'i gnyis med pa'i dkyil 'khor la 'khor ba zhes bya ba'i chos cung zad kyang rnyed par mi 'gyur zhes te 'khor ba 'khrul pa'i log pa yin par bstan to/
 de bas na chos thams cad don 'di kho nar nges par bstan pa'i phyir des na zhes bya ba la sogs pa'o/ /des na zab mo dang yang dag par gsal ba'i dkyil 'khor du snang bas/ nga la sogs pa dus rtag tu mya ngan las 'das pa 'di ni nges pa'o zhes so/ /des
 na ji ltar na sems can rnams sdug bsngal gyi gzir bar 'gyur zhe na/ de don zhes pa la sogs pa'o/ /zab mo dang gsal ba de'i don thog ma med pa'i dus nas spros pa'i bag chags kyi dbang gis/ so so'i skye bos ma shes pa'i dbang
 gis srid pa gsum gyi sdug bsngal gyis gzir ba ltar snang ngo/ /'o na de gang gis rtogs zhe na/ des na zhes pa la sogs pa'o/ /des na gnyis su med pa'i ye shes de kho na rtogs pas sdug bsngal de las grol lo zhes so/ /
 mthong bsgom pa gnyis rnam par gsal ba'i phyir gsungs pa zab mo kho na zhes bya ba la sogs pa'o/ /thal byung gi zab mo kho nar bsgom pa ni nyan thos lta bur lhung pa'i skal ba can pas/ de grol par 'dod pa de la nga ni shin tu yang ma dang po zhes so/
 'o na blo la ji lta bu zhig bsgom zhe na/ gnyis su med pa'i ye shes de kho na la blo bzhag par bstan pa'i phyir/ de bas gnyis med ces pa la sogs pa'o/ /zab mo dang gsal ba gnyis su med pa de kho na rtogs pas tshe 'di nyid la 'bras bu thob par
 nges so zhes so/ /de'i zab mo ji lta bu zhig ce na/ rnam par rtog pa zhes pa la sogs pa'o/ /phyin ci log gi rnam pa kun dang bral bas bsam pa dang brjod pa thams cad las yang dag par gdod ma nas 'das pa/ nam mkha' bzhin du dngos
 po kun spangs pas dri ma med pa de las gsal ba'i ye shes 'byung ste so so'i skye bo la sogs pas kun tu rtogs pa bral ba de la gting mi dpogs pa'i zab mo zhes bya'o/ /gsal pa gang zhes na/ phyag rgya chen po zhes bya ba la sogs pa'o/
 de'i dang las byung ba'i rtag pa la sogs pa'i phyag rgya chen po'i gzugs 'chang ba/ sgyu ma dang 'ja' tshon lta bur gsal ba nyid na ma skyes ba'i sku/ rang dang 'gro ba gzhan gyi rgyud kyi nyon mongs pa rnam par spyod ba de la ni yang dag par gsal
 ba zhes bya'o/ /de ltar zab mo dang gsal ba de gnyis su med pa'i rang bzhin dngos po thams cad la khyab pa'i bdag nyid 'khor ba'i chos kyis rab tu ma zin pa de la ni chos kyi dbyings zhes bshad do/ /de 'dra ba'i don te rtog ge pa rnams
 kyis mi shes par bstan pa'i phyir/ de 'dra rab mchog zhes pa la sogs pa'o/ /mngon sum la sogs pas zhes pa ni phyi rol gyi'o/ /dpyad mkhan zhes pa ni tshangs pa la sogs pa'o/ /mi shes 'khrul pa zhes pa ni ma rig pa ste/ des nyan thos pa rnams rab
 tu g.yogs pa zhes te 'brel pa'o/ /ji skad du kun nas nyon mongs bag chags 'brel/ /kun nas dang ldan ma yin zhes/ /'phags pa lang+gar gshegs pa las gsungs so/ /spyod yul bag la nyal shes pa zhes pa ni spyod yul rnams kyi bag la
 nyal yang med par shes pa ste yul med par rtogs pa zhes so/ /ji skad du/ gzung ba'i rtog pa nyams phyir dang/ /'dzin pa ma spangs phyir dang ni/ /rten gyis bse ru lta bu'i lam/ /yang dag gsungs pas shes par bya zhes 'phags pa byas pas
 gsungs so/ /'o na 'di gang las shes par bya zhe na/ sangs rgyas kun gyis zhes pa la sogs pa 'di shes par byed pa'i rgyu bla mas gsungs so/ /nam mkha' i khams kyi spyod yul lo zhes pa ni sems nam mkha' lta bur mnyam par bzhag pas/ rang bzhin
 nam mkha' lta bu mtshan ma thams cad dang bral ba rtogs par 'gyur ro zhes so/ /de yang ji tsam gyi rtogs she na/ gnyis su med pa 'di'i don shes shing rna ba nas rna bar brgyud pa'i man ngag chen po dang ldan pa'i bla ma dam pa dus rtag tu bkur ba dang
 ldan pas u du ba ra ltar dus 'ga' zhig na sngon du bsod nams kyi cho gas bskyed pa dang/ skyes bu yang dag pa'i gzhi la brten pa'i bsod nams can 'ga' zhig gi rgyud la mi bslu ba'i de kho na nyid du skad cig la skye bar 'gyur ro/ /de skyes
 pas ji skad du gsungs pa'i cho gas rab dang rab kyi mthar phyin par 'gyur ro zhes so/ /don 'di kho na la rnam par bzhag pa la bya ba rnams gces su mi 'dzin par bstan pa'i phyir 'di'i don shes rnal 'byor pas zhes bya ba la sogs pa
 gsungs so/ /dkyil 'khor la sogs pa lus ngag gi las gtso bas na/ des sems ngal bar byed pas na sems tshol ba de la ci zhig bya zhes so/ /'o na bcom ldan 'das kyis ci'i phyir ngal ba'i rgyu 'di bstan ce na/ dang po pa rnams 'dri ?
 phyir ro zhes te/ las dang po ba rtog pa thams cad kyis bsgribs pas gnyis su med pa la yid mi rtog cing de bstan pas mi 'dul ba rnams 'drid pa'i phyir ro zhes gsungs so/ /bya ba rnams ci'i phyir smad ce na ci'i phyir zhes pa la sogs pa'o/ /gnyis
 su med pa'i ye shes ni rtog pa'i sgo nas sangs rgyas pa yin te/ rang bzhin gyis rnam par dag pa'i don bsgoms pa las byung ba'i phyir na rtog pa dang bcas pa'i cho ga de dang de dag thams cad kun gyis spang bar bya'o/ /'o na 'di lta bu'i bya ba ye shes
 la mi dgos sam zhe na/ rang bzhin las zhes pa la sogs pa'o/ /rang bzhin las ni thams cad yod do/ /de yongs su shes pa las thams cad med de de kho na'o/ /de'i dpe gsungs pa/ dper na mi gang chu klung gi zhes pa la sogs pa'o/ /dpe de bzhin
 du 'khor pa'i pha rol gyi dngos po'i de kho na nyid rtogs par byas nas rtog pa dang bcas pa'i cho gas sems dral bar byed pas rnam par spangs te/ byang chub ni sems bde bas thob pas zhes so/ /da ni gnyis su med pa'i ye shes de la lung gi
 tshul lta bur sems can rnams bskul ba gsungs pa/ de'i phyir rnam rtog ces pa la sogs pa'o/ /rnam par rtog pa kun spangs la zab mo dag gsal ba'i chos gong nas gong du spel te rgyud las gsungs pa'i dam tshig dang sbyor ba la sogs
 pa la rnam rtog ma byed cig ces te/ som nyi ma za cig ces gdams pa la sogs pa'o/ /ci'i phyir zhe na/ rnam par rtog pa ni gti mug chen po ste/ de'i dbang gis 'khor ba'i rgya mtshor lhung bar byed pas rnam par rtog pa med pa nam mkha' ltar
 shin tu dri ma med pa gnyis su med pa'i ting nge 'dzin la gnas so/ zhes gdams pa'o/ /da ni gnyis su med pa'i don de lta bu la sbyar bas/ tshe 'di nyid la de mngon du byed pa gsungs pa nyid kyi dbang po zhes pa la sogs pa'o/ /thabs dang shes rab gnyis kyi
 sgo mnyam par sbyar bas/ bdag gi lus dang ngag dang yid gsum gnyis su med pa'i ye shes su rab tu bsdus nas de lta bu'i rlom pa nga'o snyam pas sems kyi gzi bskyed la/ dam sdom gyi rnam pa kun gyis rab tu brgyan nas rnal 'byor dang ldan pas
 ni 'ching ba las grol ba gsungs pa rdo rje lus can zhes bya ba la sogs pas gsungs pa'o/ /rdo rje sems dpa' las byung ba'i phyir skyes pa dang bud med kyi gzugs du ma la brnyas par mi bya ba ni sku'i dam tshig go /de bzhin du rdo rje sems kyi ngo bo bas sems
 la ngan par rtog pa dang bzang por rtog pa kun rang gi sems phyi mas snga ma sum mi dbyung ba ni thugs kyi dam tshig go /rdo rje gsung gi rang bzhin kho na bas na 'dod pas bskyed pa'i chig rtsub mo la sogs ci rigs par smra zhing dgag par mi bya ba ni
 gsung gi dam tshig go /de bzhin du sha la sogs pa yang rnam par snang mdzad la sogs pa blo gros dang ldan pa rnams kyis brten par bya'o zhes so/ /de nye bar mtshon pa tsam ste ye shes rdo rje kun las btus pa ltar rigs brgya'i dbye bas 'byung
 bzhis bsdus pa'i lus 'di bsgom par bya'o/ /'dod chags la sogs pa rnyon mongs pa lnga yang/ skye mched rnams kyis gsungs pas mi spong ba'i dam tshig go /de bzhin bshang gci la sogs pa 'jig rten pas mi gtsang bar btags pa
 de ye shes kyi mes sbyangs pa'i nus pa dang ldan pas blo gros can gyis dus rtag tu dam tshig gi phyir bza' zhing lus kyi dkyil 'khor mnyes par bya ba'i phyir sbyin sreg bya'o zhes bza' ba'i dam tshig bstan to/ /de ltar dam tshig dang
 ldan zhing de nyid bsgoms na myur du srid pa'i 'ching ba rnams glog gis mun pa bsal ba bzhin du rnal 'byor pa gsum par gyur pa'i tshe/ brtul zhugs kyi spyod pas skad cig tsam la gnyis su med pa'i ye shes 'bar bas som nyi mi bya'o/ /de
 ltar dam tshig dang sdom pa la rnam par gnas pas rim pa gnyis pa'i de kho na nyid bsgom pa'i phyir de'i gzhi rim pa dang po rnams dpe'i sgo nas bstan pa gsungs pa de bas zhes bya ba la sogs pa'o/ /de bas na dngos po thams cad kyi
 mdza' i de nyid bla ma'i zhal las thob par byas nas/ snga ma'i sdom pas lus ngag yid gsum bsdams nas snying rje chen pos sems can kun la dmigs nas/ dgon pa 'am gang rung ci rung gi gnas su dang po bya bar 'os pa kun byas te dus rtag
 tu gnyis su med pa'i don bsgom par bya'o zhes so/ /de yang dang por tshad med pa'i sa bon rnam par bsgom ste/ de'i rgyus sdug bsngal la sogs pa las grol bar 'dod pa'i snying rje 'byung ste snying rje de yod pas thabs rnams tshol bar 'gyur ro
 des de bzhin gshegs par 'gyur ro/ /de bas na snying rje 'ba' zhig dang por bsgoms na de las yon tan thams cad 'byung bas na de la ni sdong po rtsa ba dang 'dra zhes bya'o/ /dga' ba sdong bu yal ga ni zhes pa ni sdug bsngal la sogs pa las
 grol nas bde ba shin tu rgyas par 'dod pa'i byams pa sdong bu lta bu ste/ de las byung ba'i phyir ro/ /yal ga 'phel nas gsal 'gyur ba zhes pa ni de las yal gar gyur pa rang gi sems kyis de kho na rig cing sems can ma dag pa rnams
 rnam par dag par bya'o zhes de'i thabs la khyad par du lha nyid kyis spyod par byed cing sems can smin pa dang grol bar byed pa de la spyad nas spro ba bskyed pa de la dga' ba tshim byed ces bya ste yal ga lta bu ste/ kun tu dmigs pa'i phyir ro/ /spong ba len pa
 zhes pa ni las kyi sgrib pa rnam par sbyong bar byed cing de'i dag pa len pa ste rgyun mi 'chad par smon lam 'debs zhes te rten dmigs pa dang mchod pa la sogs nas grub pa'i mtshan ma dmigs pa'i tshogs gnyis bsgoms pas zhing gshin pa
 ltar byed pa ste ji ltar zhing dul ba la sa bon btab na lo tog rgyas par 'gyur ba ste/ 'di las kyi sgrib pa dag par byas pas dkyil 'khor gyi 'khor lo 'jug par 'gyur ro/ /de bas na 'di ni lo du ma lta bu ste me tog dang 'bras bu'i rten du gyur pa'i phyir ro
 rten 'brel rnam pa gnyis 'byung ba zhes pa ni rgyu gang gis rang gi rgyud smin par byed pa dang/ gzhan gyi rgyud smin par byed pa'i rgyu de la me tog ces te 'bras bu'i rgyur gyur pa'i phyir ro/ /rten 'brel gnyis gsungs pa rang rgyud nang du smin byed pa zhes pa ni 'khor
 ba'i sa'i bag chags bcad pa nas rgyu dang 'bras bu'i sbyor ba'i rang rgyud smin pa'i rgyu bas na me tog gi 'bras bu ste mo gsham lta bu min no/ /de bzhin du gzhan rgyud smin byed spyod pa ni zhes pa ye shes dang shes bya'i cha rnams rnam par zab pa'i cho ga
 nas/ dkyil 'khor gyi 'khor lo cho ga sbyor bas gzhan gyi phyi rol gyi rgyud spyi dang khyad par gyi las kyis smin par byed pas na me tog lta bu ste/ mo gsham lta bu min zhes te/ 'bras bu mi 'byung ba lta bu min zhes so/ /de bas na rang gi rgyud smin par
 'gyur ba dang gzhan gyi rgyud rab tu smin par gyur pa ni 'bras bu ste de thams cad gang gi snying rje rab tu 'gyur bas na snying rje 'ba' zhig rtsa bar 'gyur bar shes par bya'o/ /'di med pas 'di las phyin ci log tu 'gyur bar bstan pa'i phyir rtsa ba
 snying rje med gyur na zhes pa la sogs pa'o/ /snying rje'i rtsa ba sdong bu med par gyur na dka' ba sna tshogs pa mi nus pas bde ba'i bsod nams 'phel mi nus so/ /des sems can gyi don byed mi nus so/ /des bsam pa'i dga' ba dang
 bral bas blo gros kyi smon lam yang mi 'debs so/ /des dge ba'i chos mi len pas 'gro ba rnams la chos mi 'dzud pas sems can rnams yongs su smin pa las bral ba na log pa'o/ /de bas snying rje med pas na skyon de dag tu 'phel bas na snying rjes
 gzhi rab tu bzung bas snying rje las bzod pa de las bsam pa'i dga' ba de las smon lam 'debs pa de las skye ba yongs su smin pa 'byung bas na rtsa ba la sogs pa'i dpes mtshon pa'o/ /de bas na phyis 'bras bu mchog 'byung ba yang dang po'i snying rje
 kho na yin pas des sems can gyi don la spyod pa zhes shes par bya'o/ /sdug bsngal las grol nas bde ba bskyed pa de shin tu rgyas par gyur pa de las bzod pa'i mtshan nyid sdong po lta bu rgyas pa las yal ga 'phel ba de nyid lta bus
 bsgom pa'i don chen po thob par 'dod pa yin no/ /btang snyoms kun tu khyab ba ni zhes pa ni zab gsal gnyis su med pa bsgoms pas 'jig rten pa'i chos brgyad spangs pa zhes bya'o/ /tshangs chen spyod pa dam pa'o zhes pa ni bzhi po de ston pa
 sangs rgyas bcom ldan 'das kyi spyod pa dam pa'o zhes so/ /da ni de ltar bskyed pa'i rim pa la gnas pas rim pa gnyis pa'i de nyid bsgom pa bstan pa'i phyir de dag la gnas zhes pa la sogs pa'o/ /de dag la gnas zhes pa ni rim pa
 dang po la gnas pa'o/ /des ci bsgom zhe na/ snying po sangs rgyas thams cad kyi spyod yul du gyur pa gang yin pa ste kun gyi bdag nyid la gnas pa'i dngos po thams cad kyi mdza' i de bzhin nyid bsgom par bya'o zhes so/ /de ji ltar bsgom nas
 na dpral ba la gnas rkang mthil bar zhes pa la sogs pa'o/ /sa bon las byung pa'i 'od zer gyi rtse la 'phros pa'i bde gshegs kyis sems can thams cad sangs rgyas bar bya ste ye shes kyi ngo bor 'dus nas mtshan ma'i dbus kyi sa bon la zhugs
 pas de byang chub sems dag 'od gsal ba zhes bya ba la sogs pa'i thig le tsa na ka'i 'bru'i tshod tsam gyi gzugs 'od zer lnga dang ldan pas bsams te de'i 'od zer gyi nang la sogs pa gsal bar byas nas/ bdag gi dpral ba la gnas pa nas
 rkang mthil gyi bar na gnas pa'i byang chub kyi sems sgra yig bcu drug gi gzugs su gnas pa drangs nas thig ler bsdu bar bya'o zhes so/ /der sems de bcug pa tsam gyis de'i dbus su g.yo ba ste lha dang/ gnas pa ste gzhal yas khang du bcas pa'i
 dkyil 'khor gong ma ltar mi gsal gsal bar yang dag par sbyor ba bsgoms te/ de'i gtso bo'i thugs kar gsal ba mi shigs thig le'i gzugs mtshan ma 'bum pa la gnas pa yungs kar gyi 'bru tsam 'od zer lnga 'bar ba 'dzag pa'i ngang tshul
 can snying gi dbus na rtag tu gnas pa de ye shes chen pos bzung bas skad cig tsam gyis rnal 'byor pa la gnyis su med pa 'bar bar the tshom med do/ /ji ltar lta zhe na/ steng gi snal nges par 'byung zhes pa la sogs pa'o/ /thig le de'i
 'od zer steng gi sna las byung nas phyogs bcu'i 'jig rten gyi khams na bzhugs pa'i de bzhin gshegs pa rnams kyi zhal du zhugs nas snying ga'i mi shigs pa'i thig ler song nas bdud rtsi blangs nas rdo rje lam du byung nas nam mkha' 
 las 'o ma'i rgyun ltar 'dus nas thabs dang shes rab kyi bye brag gis g.yas g.yon du rab tu zhugs te gong gis gsal ba'i ye shes kyi thig le'i snang ba'i thig le la rab tu gnas par byas nas gnyis su med pa'i ye shes bzung bas de la reg par 'gyur ro//
 'gog pa'i rdo rje sems nyid du zhes pa ni thig le de las dbugs 'jug pa'i spyod pa'i sems kyis so/ /nam zhig de la sus reg pa zhes pa ni sems des rag pas rtags rnams skye bar 'gyur ba la som nyi mi bya'o/ /de skyes pas sangs
 rgyas kyi mchog sbyin pa yid bzhin gyi dpal dang 'dra bar 'gyur zhes bya bas de la brtan pa'i yon tan bstan to/ /mi shigs pa'i thig le bsgom pa'i cho ga'o/ /yang ni 'dzag pa'i thig le las zhes pa ni sa bon gyis bskul ba'i de bzhin gshegs
 pa rnams zhal du zhugs nas zhu par gyur ba 'dzag pa'i thig ler song bas/ de yang rdul dang mun pa dang snying stobs kyi tshul du de la babs nas nor bur rnam par gnas zhes rdo rje nor bu'i dbus su gnas pa las rang gi lha'i mtshan ma phra
 mo'i dbus su gang gi rim pa ltar dkyil 'khor rab tu mos pas bsgoms te de'i gtso bo'i thugs kar ye shes sems dpa' la mtshan ma la gnas pa'i thig le bsgoms te de la snang ba'i thigs pa zhes bya'o/ /gong gi rim pas spro bsdu
 bas zhes pa ni mi shigs pa'i thig le ltar 'od zer spro ba dang bdud rtsi dgug pa dang slar gzhug pa'i rim pas thig pa de la sems gnyis su med pa'i ye shes bzung bas don de la reg par 'gyur bas rgyud gsungs lnga po yang dag 'byung
 zhes pa ni sa chu la zhugs pa la sogs pas rgyud las gsungs pa'i smig rgyu 'dra pa dang po dang/ du ba lta bu gnyis pa dang/ /mkha' snang 'dra ba gsum pa dang/ /mar me ltar 'bar bzhi pa dang/ /sprin med nam mkha' lta bu ru/ /rtag tu snang ba lnga
 pa 'byung bar 'gyur ro/ /de byung bas sngon mthong ba'i don phyis spro bsdu las rjes su dran pa nas sangs rgyas rjes su dran pa nas zhe sdang gi rigs la sogs pa'i mchod pa rjes su dran pa'i bar bsgoms nas/ don des kun la khyab par bya ba'i phyir
 yan lag 'di bsgom par bya'o zhes so/ /gsang ba'i thig le bsgom pa'i cho ga'o/ /yang ni sprul pa'i thig le zhes pa ni nor bur gnas pa de nyid sprul pa'i sku'i gzugs kyi kun tu khyab par gnas pa'i phyir thig le rnam pa bzhi po 'di bsgom par bya'o zhes so/ /spyi
 bor rlung dbus oM bsam mo zhes pa ni mtshan ma'i dbus na gnas pa'i sku'i rdo rje'i thugs kar mtshan ma la rlung bsams nas de'i steng du zla ba oM dkar po 'od ba'i rang bzhin bsam mo/ /mgrin par chu dbus a bsam mo zhes pa la sogs pa yang rim pa
 des bsgre bar bya'o/ /khyad par du a gnas pa dang/ hUM 'gro ba'i rang bzhin bsam pa dang/ rang gi lha'i sa bon gnas pa dang/ 'jug pa dang ldan pa las grol ba'i ngo bo bsam pa'o/ /thig le bzhi las 'od zer 'byung ste thig le ste yi ge bzhi'o/ /ma
 spros pas thig le ste de las 'od zer steng gi sna'i sgo las nges par 'byung ste/ de yang sna'i g.yas kyi g.yas kyi g.yas nas 'byung ba rlung gi dkyil 'khor kha dog nag po'i ngo bo ni sku'i rdo rje rgyu bar byed pa ste mun pa ru ni shes par bya'o/ /de bzhin du de'i g.yon
 las 'byung ba chu'i dkyil 'khor kha dog dkar po'i ngo bo gsung rdo rje rgyu ba'i rang bzhin te rdul du shes par bya'o/ /de'i gnyis las drag tu 'byung ba me'i dkyil 'khor kha dog dmar po'i ngo bo'o/ /thugs kyi rdo rje rgyu ba'i rang bzhin te snying stobs su shes
 par bya'o/ /de bzhin du de gnyis las dal bus byung ba'i dbang chen gyi dkyil 'khor kha dog ser po'i ngo bo lha thams cad kyi rgyu'i rang bzhin te de dga' ba bar ma'i ye shes te bar ma ni phyogs thams cad dang bral ba'o/ /re re phyag rgya bzhi bzhi
 ste zhes pa ni/ g.yas la sogs pa'i rgyu ba re re yang 'od zer sna tshogs 'phro ba phyag rgya bzhi bzhi ste/ de yang gang zhe na 'byung ba hUM zhes pa la sogs pa'o/ /de la phyir 'byung ba'i rlung bzhi po thams cad ni hUM gi ngo bo ste phyag rgya chen po'o/ /des
 sangs rgyas la sogs pa spros pas de'i dus su gnas pa'i chos grub par byed cing de rnams dang phyi rol gyi g.yo ba'i chos thams cad kyang dag par byed pa'o/ /de bzhin du nang du 'jug pa'i rlung bzhi po rnams oM gyi ngo bo ste las kyi
 phyag rgya'o/ /des sangs rgyas la sogs pa bsdud par byed cing de'i dus su g.yo ba'i chos kun grub par byed cing de rnams dag par byed do/ /de bzhin du gnas pa'i rlung bzhi po a'i ngo bo chos kyi phyag rgya'o/ /des sangs rgyas la sogs pa bzung bas
 dus der g.yo ba dang gnas pa'i chos thams cad gnyis su med pa'i ye shes su 'jug go /de bzhin du de kho na nyid bar du bzung ba bzhi po ni ye shes sems dpa' i ngo bo ste dam tshig gi phyag rgya'o/ /de'i dus su chos thams cad gnyis su med pa'i
 ye shes su skad cig gis zhugs par shes par bya'o/ /de 'dra ba'i bzlas pa de thams cad la khyab kyang man ngag med par mi shes pa'i phyir de ltar dbyer med zhes pa la sogs pa'o/ /de ltar phyag rgya bzhi'i bzlas pa de zhag gcig la ji ltar zlos pa'i
 grangs nges pa gsungs pa/ phyag rgya bzhi 'brel zhes pa la sogs pa'o/ /phyag rgya bzhi bo re re la g.yas la sogs pa nas phyir 'byung nang 'jug gcig de brtsis pa'i nyis brgya nyi shu rtsa lnga ru zlos te/ de ltar g.yas dang g.yon dang dal pa drag
 pa bzhi la dgu brgya'o/ /de zhag gcig la g.yas nas g.yon du 'pho ba dang/ g.yon nas g.yas su 'pho ba nyi shu rtsa bzhir brtsis na khri phrag gnyis dang stong gcig stong drug brgya ru shes par bya'o/ /de la ci'i phyir bzlas pa ru bshad ce na de ni rgyud
 chen las zhes pa la sogs pa'o/ /spro dang bsdu pa'i ngo bo las zhes pa ni 'gro ba dang 'ong ba dang gnas pa gsum gyi yi ge gsum ste de'i phyir zhes pa'o/ /bzlas pa 'od rtogs pas phyi rol gyi bzlas pa la sems mi phyogs par bstan pa'i
 phyir 'di 'dra ba'i bzlas pa zhes pa la sogs pa'o/ /'di 'dra ba'i rdo rje'i bzlas ba ma rtogs par phyi rol gyi bzlas pa la mngon par zhen pas ni yang dag pa'i don rtogs par mi nus so/ /'on kyang bsod nams thob par bya ba la sogs pa ni yan lag
 dam pa'o/ /de bas gnyis su med pa'i ye shes 'dod pas ni de spangs nas bzlas pa 'di la 'jug pa bstan pa'i phyir de bas rnal 'byor zhes pa la sogs pa'o/ /bar chod pa zhes pa ni dag de nyid g.yeng pa'i rgyu'i phyir ro/ /de'i phyir spangs zhes bya'o/ /'o na ji lta
 bu bsgom zhe na/ rdo rje 'chang ba'i ngo bo rang bzhin gyi bzlas pa mchog chen po gong gi rim pas bsgom par bya'o zhes so/ /de bsgoms pas ji lta bu'i rtogs pa rgyud la skye zhe na/ de bsgoms stobs kyis zhes pa la sogs pa'o/ /skad cig rtogs
 pas rab rtogs so/ zhes pa ni de bsgoms pas nang dang phyi rol gyi chos thams cad sgyu ma la sogs pa skad cig gam thang cig gam yud tsam dang mig btsums pa 'am/ thal mo brdabs pa'am/ nyi ma 'am zla ba 'am/ lo la sogs pa'i bar du shes
 nas/ des sa bcu'i mgon po rnams dang skal bar skye ste/ de bas na thabs des dngos po kun gyi de nyid bden pas bsgrub par bya'o/ dngos po kun gyi de nyid de yang ji lta bu zhe na/ gnyis su med zhes pa ni bden pa gnyis zung du 'jug pa'o/ /bde ba
 zhes pa ni shin tu rgyas pa'o/ /gzhan gyis mi rtags pas na gsang chen no/ /de nyid ji lta ba bzhin du rtogs pa'i dus ni lam du snang bas sangs rgyas byang chub bsgrub pa zhes bya'o/ /de nyid mngon par byang chub pa'i dus na sangs rgyas byang chub
 ngo bo ste la sogs pa'o/ /gnyis med zhes bya'o/ mdza' med pa'i 'khor ba'i bar du 'jug kyang 'gyur ba med pa'i phyir zad med mi 'jig rtag pa'o/ /thog ma skye ba med pas tha ma 'jig pa med pa'i phyir thog ma tha ma med pa'i mchog go/
 de nyid zab mos yod pa bzlog /gsal bas med pa bzlog pas yod pa med cing med ba med zhes so/ /de gsal bar brtan pa'i phyir dbang po dang bcas zhes pa la sogs pa'o/ /de yang sbyor ba'i lam gyis mthong ba'o/ /zhes pa
 ni phyag rgya'i sbyor ba nyid lam ste des mi bslu ba'i de kho na nyid du rtogs par 'gyur te/ de'i rim pas ji lta ba rnyed par gyur pas de skad do/ /de ci'i phyir mthong zhe na phyi'i sbyor ba'i zhes pa la sogs pas chos thams cad sems kho nar 'dus te/ de
 yang der zhugs te myong bas shes so zhes so/ /de yang phyi'i sbyor ba gzugs la sogs pa'i chos g.yo ba dang gnas pa thams cad sems ye shes su gnas pas de gcig po 'dis khyab pa ste zhes so/ /gcig pos khyab pa de yang gang zhe na/ thams
 cad sems tsam kho na'o zhes so/ /de ci'i phyir zhe na/ sems can thams cad rnam shes phung po kho na'o zhes bya ba'o/ /de blun po rnams kyis ma shes pas srid par rgyu'o zhes pa'o/ /de bas sems dang sems las byung ba dang ye shes dang shes
 bya thams cad kyang rnam par shes pa kho na'o/ /gang gi tshe lus kyi rkyen du 'gyur ba'i sa bon dang bcas pa'i ngo bo chos kun chos gcig tu 'gyur zhing bsdus pa de'i tshe dngos po thams cad kyang thim par 'gyur ro zhes so/ /ji ltar thim par
 'gyur zhe na ci'i phyir na zhes pa la sogs pa'o/ /chu bo thams cad kyang rgya mtshor thim nas lan tshwa'i bor ro gcig pa de bzhin du chos kyi rnam pa thams cad kyang brtul zhugs la sogs pa'i rim pas gnyis su med pa'i ye shes su zhugs
 shing thar pa'i dus su dngos po med pa'i ngo bor gcig kho na dmar po ru mi snang bar 'gyur ro/ /de gang las shes she na/ de'i nang gi sbyor ba zhes bya ba la sogs pa'o/ /de lta bu'i dngos po thams cad kyi de bzhin nyid 'di la phyi rol du grogs
 ba la sogs pa yang rdzogs par bstan pa'i phyir de bzhin zab gsal zhes pa la sogs pa'o/ /gnyis su med pa'i ye shes de ni zab mo dang gsal ba gnyis su med par gnas pas sbyor zhes bya'o/ /de la thams cad sems rtse gcig pas ting nge 'dzin
 zhes bya'o/ /ye shes nges thams cad mnyes par byed cing tshim par byed pas na gtor ma zhes bya'o/ /des sdig pa thams cad zhi bar byed pa'i phyir bzhi pa'o/ /de'i dus na bsod nams thams cad rgyas pas na rgyas pa zhes bya'o/ /de nyid chags pa chen po'i ngo bo
 bas chos thams cad der 'dus par byed pas dbang zhes bya'o/ /des dngos po thams cad dngos po med par gsod pa'i phyir mngon spyod ces bya'o/ /de bsgoms pas dngos grub chen po la sogs pa'i rtags 'gugs pa'i phyir dgug pa'i las zhes
 bya'o/ de yis nyan thos la sogs pa'i chos rnams kun brtags pas ring du zhi bar byed pas na bskrad pa zhes bya'o/ /de la sngags pa gang gnas pa'i rnal 'byor pas de rtogs na gzhan gyis mi rdzi pas na bsrung ba'i las zhes bya'o/ /de shes na chos
 thams cad kyi ngo bo kun gnyis su med pa'i gcig tu rtogs pas mig rnon zhes bya'o/ /de rtogs na rnam par rtog pa ma lus pa rnams ye shes kyi ngo bor gyur pas na dug gzhom pa'i cho ga zhes kyang bya'o/ /des phung po la sogs pa'i blun po rdzas
 can rnams bsregs pas sbyin sreg ces kyang bya'o/ /zab pas kyang dngos po las bzlog /gsal bas kyang med pa las bzlog nas chos thams cad cha bsnyams pas thig btab pa zhes kyang bya'o/ /de gsol ba dang 'ja' tshon lta bu brjod du med pa'i
 sku btags pa la dben pas chos nyi shu rtsa gcig ste/ gzugs la sogs pa rnams rtag pa la sogs pas rang bzhin gyis bzung bas na mtshon btab pa zhes bya'o/ /de'i ngo bo thams cad rang bzhin gyis gnas pas na slob dpon dang slob
 ma zhugs pa zhes kyang bya'o/ /de lta bu'i ngo bo de ming tsam gyis bla ma las 'byung ba lta bur snang yang/ rang rig pa'i bde bas rtogs pas na dbang bskur ba zhes kyang de la bya'o/ /de bas na de la sogs pa mdza' yas pa'i chos thams
 cad dang ming dang ldan pas de nyid mchog ste khyab bdag chen po zhes bya'o/ /de yang mtshan nyid de rnams dang ldan pas dkyil 'khor mchog yin par bstan pa'i phyir yan lag thams cad ces pa la sogs pa'o/ /de yang phyi nang gi yan lag thams cad
 las 'das te yod par rtog pa dang med par rtog pa med pa las grol ba gnyis su med pa'i ye shes de ni 'dri ba'i gug skyed dang thig le'i tsheg drag las 'das pas na 'di ni dkyil 'khor mchog ces bya'o/ /de bzhin du ye shes de dge ba'i chos dang
 dge ba ma yin pa'i chos min pa thams cad kyang de la spyod pa chos rnams thams cad kyang de'i ngang las rab tu rtogs pa ltar snang ba yang de'i dus nyid du rnam par dag pa nam mkha' dang 'dra ba'i don 'di la mi g.yo bas na dkyil 'khor 'di ni bstan pa
 yin zhes so/ /de bzhin du ye shes de mi bslu ba'i tshul du gnas pas na 'dod chags te dga' ba dang longs spyod rdzogs pa'i sku dang/ mi chags te dga' bral dang sprul pa'i sku dang/ 'dod chags mnyam pa ste dga' ba bar ma dang chos kyi
 sku'o/ de rnams ni nam mkha' i khams gang nas kyang skyon gyi mi gos pas na chu'i pad+ma dang 'dra zhes te dpe gsungs so/ /de yang gang zhe na rang gi sems yang dag pa'i 'dod chags kyi rang bzhin ji skad du bshad pa'i shin tu chags pa ste/ 'di ni mi bslu
 pa'i dkyil 'khor mchog ces bya'o/ /de bas na ye shes de gzugs dang gzugs min pa thams cad kyi dri ma dang bral bas na dri ma med pa'i zla ba lta bu ste des khams thams cad kun la 'jug par 'gyur bas na rang gi sems ni chu zla 'dra zhes te
 chu lta bur zla ba'i rten byed cing ye shes de bskul bar byed pas na dkyil 'khor zhes bya'o zhes so/ /'o na thams cad dkyil 'khor de lta bu yin na ji ltar sems can rnams kyis ma rtogs zhe na de 'dra ba yi rang rig ces pa la sogs pa'o/ /de'i don ni 'di
 lta ste/ de 'dra ba'i rang rig pa'i dkyil 'khor nam mkha' lta bu las thog ma med pa'i dus nas sprin gyi tshul lta bur rtog pa 'byung ste/ de las rlung/ de las me/ de las chu/ de las sa/ de dag 'dus pa las phyin ci log tu snang ba'i phung po la sogs pa
 rab tu sgrub pas gong gi nam mkha' lta bu'i dkyil 'khor de bsgribs par gyur pas ma rtogs zhes so/ /'o na ji tsam gyi rtogs zhe na/ skyes bu gang zhig ces pa la sogs pa'o/ /de yis byin brlabs zhes pa ni bum pa la sogs pa'i ril pas zhes so
 rim pa de rtogs nas snga ma'i rim pas bsgrub pa la shin tu dpa' bar bya bas mthong ba'i chos 'di nyid la brtul zhugs la sogs pa'i rim pas gnas na/ phyin ci log gi phung po la sogs pa rnams rim gyis log nas zhes pa ni sa chu la thim
 pa dang/ chu me la thim pa dang/ me rlung la thim pa dang/ rlung rnam par shes pa la thim pa'o/ /rnam par shes pa de yang gnyis su med pa'i ye shes la thim pas spros bral dkyil 'khor 'bar bar 'gyur zhes bya'o/ /de bas na dkyil 'khor 'di 'ba' 
 zhig bsgom par bya'o zhes so/ /da ni 'di la dad pa la sogs pa yang sangs rgyas kyi sa bon thob pas bsod nams chen por 'gyur ba bstan pa'i phyir skad cig gcig tsam du dad pa yang zhes pa la sogs pa'o/ /da ni shAkya thub pa la
 sogs pa las kyang tshogs dpag tu med pa bsags kyang gnyis su med pa'i ye shes bla ma'i kha las ma shes par dam pa yang dag pa'i sangs rgyas ma yin par bstan pa'i phyir/ ci'i phyir shAkya thub pa yis shes pa la sogs pa'o/ /
 'di'i don ma rtogs zhes pa ni zhal las brgyud pa'i rim pa 'di ma rtogs par zhes so/ /ci yang ma yin zhes pa ni thal byung gi stong pa nyid la gnas zhes so/ /de ston pa'i bla ma gsungs pa/ de tshe bde gshegs kun zhes so/ /thal
 byung blo can de bzlog ste zhes pa ni bsam gtan 'di ni ltung skal can te/ 'dis mdza' i de bzhin nyid mi rtogs pa'o zhes de la blo bzlog pa'o/ /'o na ji lta bur rtogs zhe na/ nam mkha' i dbyings ltar rnam par dag pa'i zab gsal gnyis su med pa'i/
 rang bzhin bstan te/ nam gyi phyed dus su lhan cig byed pa'i slob dpon gyis byin gyis brlabs nas brgyal ba ltar de nyid ma thob nas/ de'i mthus tho rangs kyi dus su byang chub kyi snying po la zhugs pas dpung chen po'i bdud rnams bcom ste/
 de nas sems can rnams la chos kyi 'khor lo bskor te/ dus de nas bzung ste don chen po 'di nyid skyes bu yang dag pa'i gzhi la brten pa'i skal pa dang ldan pa 'ga' la zhal nas zhal du 'pho bar byas nas/ des pa'i don 'di bstan to zhes 'di ltar brgyud
 pa'i khungs? kyang bstan te/ /da ni don 'di la gnas pa'i rnal 'byor pa la skyon gyis mi gos pas na phan pa bsngags pa gsungs pa'o/ /ye shes kyis ni rgyas btab pas zhes pa ni lhan cig skyes pa rtogs pa la rgyas btab pa zhes bya'o/ /grel ba'i thig le sim
 byed ces pa yang de nyid de/ /mi bslu ba'i thig le dang mi 'gyur ba'i thig le'o/ /dgos pa kun zhes pa 'jig rten las 'das pa kun kyang sbyin par byed pa ni 'di'o zhes so/ /de bas na de dang ldan pa'i rnal 'byor pa de mthong na yang dag pa dang ldan pa
 zhes bya ba de la mchog ston pa kun mthong ba dang/ rgyal ba mchog mchod pa zhes bya'o/ /des srid pa'i 'ching ba gcod cing 'grel ba'i ston pa mchog yin par shes par bya'o/ /de la lha kun mchod cing phyag kyang 'tshal zhes te dus
 gsum zhes bya'o/ /ji ltar ston pa sangs rgyas bcom ldan 'das 'jig rten la phan pa'i phyir skyes pa ltar sna tshogs kyi gnyis su med pa'i ye shes rjes su bsdus pa rnal 'byor pa de yang de kho na bzhin du 'gyur ro zhes so/ /de pas de bsgoms pas na
 dngos grub thams cad stobs kyis 'grub par bstan pa'i phyir gang gis dam sdom zhes pa la sogs pa'o/ /skyes bu gang gis dam tshig dang sdom pa rnams bsrungs te gnyis su med pa'i bde ba chen po rdo rje sems dpa' bsgoms na dngos
 grub chen po zhes te phyag rgya chen po des 'grub par shes par bya'o/ /ci'i phyir zhe na rdo rje sems dpa' i ngo bos dus thams cad rgyas btab na/ mi 'grub pa ni cung zad kyang med zhes te rig pa 'dzin pa la sogs pa kun zhes so/ /ji ltar zhes na bde ba
 chen po'i phyag rgya'i stobs las grub par shes par bya'o/ /de bas don 'di bsgom par byed pa'i rnal 'byor pas spyod pa thams cad la rol par bya'o zhes so/ /spyod pa de la dus ji tsam na rol zhe na/ rnal 'byor gsum pa'i dus kyi tshe las dang po
 pa'i rnal 'byor las 'gyur zhing cung zad ye shes dbang du 'gyur ba'i rnal 'byor du gyur pa dang/ de las kyang gyur cing sgyu ma lta bu'i dkyil 'khor rang dang gzhan gyis mthong bar byed pa'i ye shes dbang du gyur pa'i rnal 'byor gyi tshe na
 zhes bya'o/ /de la ci'i phyir rol ce na/ sna tshogs don chen la gzung phyir zhes pa ste/ sna tshogs pa'i khams rnams don chen po la gzung ba'i phyir na sbyod pa'i phyir na slob dpon nag po lta bu rgyu zhing gnas so zhes bya'o/ /'o na ji lta bu'i spyod pas rol
 zhe na/ la lar shin tu dga' bar spyod ces pa la sogs pa nas/ /la lar kun tu tshig ngan smra zhes pa'i bar dang de la sogs pa mdza' yas pa'i ral pas kun la rol cing rtsen te rnal 'byor pa des thams cad du 'phrul pas 'jig
 rten pa'i dam tshig kyang dus der shes par bya'o/ /'o na spyod pa des ji lta bu zhig sgrub ce na/ thabs des sems can thams cad kun don gcig la ni gzung phyir ro zhes so/ /'dod chags chen pos dag pa'i lam 'di la
 sems can rnams gzung pa'i phyir ro zhes so/ /de ltar spyod pa la gnas pa de de kho na bzhin du mi 'gyur ram zhe na/ de las rnal 'byor pa bzhi par 'gyur ba bstan pa'i phyir/ de 'dra ba'i spyod pa la gnas zhes pa la sogs pa'o/ /de 'dra ba'i spyod
 pa zhes pa ni gong du gsungs pa'i spyod pa dang/ rig pa gsang ba'i brtul zhugs dang mtshan ma bzhi mngon du gyur pa'i rnal 'byor pa des zla ba drug la sogs par gnas pas skad cig gis ni zhes pa ni rang gi rigs kyi bu mo dang lhan
 cig tu rtse zhing rol pa'i lhan cig skyes pa'i dga' ba'i yan lag dang bcas pa'i dus zhes so/ /sbyor ba bdun rtogs nas zhes pa ni dga' ba'i sbyor bar gnyis dang/ dga' ba bar ma'i sbyor ba gnyis dang/ dga' bral gyi sbyor ba gcig
 dang/ gsum gyi sbyor ba gnyis te bdun rtogs pa'o/ /de rtogs nas 'khor ba ji srid yod pa de srid kyi bar du ro myang ba'i mtshan nyid brgyad brtag pa dang gcig pa dang bsil ba dang mi gdung ba dang bde ba dang dri ma med pa dga' ba dang
 yid bde ba dang ldan par gyur pa de la ni yang dag pa'i ye shes dbang du gyur pa'i rnal 'byor pa ste mthar thug pa'o/ /ji lta bu zhe na/ bya ba byas pa'i zhes pa la sogs pa'o/ /de bas na des lam thams cad rdzogs par byas pas na bya ba byas
 pa'o/ thams cad kyi bdag po bas na dbang phyug che'o/ /'khor ba'i chos thams cad 'khrul pa tsam du med par shes pas na 'khor ba'i mdza' i pha rol son pa'o/ /zab mo dang gsal ba gnyis su med pas mdza' gnyis dor bas gden pa
 gnyis med rnal 'byor che'o/ /lta ba'i khur la sogs pa bzhi dang bral bas na khur bor ba'o/ /gnyis su med pa'i ye shes rang dang chos kun la khyab pa rnyed pas na bdag don rjes su rnyed pa'o/ /thams cad khyu mchog lta bur gyur pas glang po che'o/
 phyin ci log thams cad kyis ma bsnyengs pas na dul ba'o/ /des phyin ci log gi 'dod chags la sogs pa'i zug rngu bsal bas na tshor ma dkrugs pa'o/ /gzugs nas kun mkhyen gyi bar zab pa dang rgya che ba'i shes pas na thams cad
 mkhyen pa'o/ /ji bzhin pa'i de kho na nyid du phyin ci ma log par chud pas na de bzhin gshegs pa'o/ /dngos po thams cad bcom pa'i don dang ldan pas na bcom ldan 'das so/ /mtshan dang dpe byad kyi sku brjod du med pa dang ldan pas na
 longs spyod rdzogs pa'i sku'o/ /ye shes kun rtogs dang bral ba thams cad bsdus pa'i phyir na chos kyi sku'o/ /dag pa dang ma dag pa'i chos thams cad kyi don byed pas na sprul pa'i sku'o/ /sku de gsum yang khams kun la 'jug cing gnas
 te/ sku'i dkyil 'khor sprul pa'i skus dag pa dang/ gsung gi dkyil 'khor longs spyod rdzogs pa'i sku dag pa dang/ thugs kyi dkyil 'khor chos kyi skus dag pa ste/ de lta bu'i sprul pa dpag med kyi spyi'i gzugs bdag po rdo rje 'chang ba ste zhes
 bya'o/ ji lta bu zhe na/ dpal dang ldan pa thams cad kyi bdag nyid rdo rje 'chang/ sangs rgyas dang sems can thams cad kyi gnas chos thams cad kyi chos nyid de sangs rgyas thams cad kyi thabs kyis bsgrub par bya'o/ /zhes rdzogs pa'i
 rim pa'i rnal 'byor pa'o/ /da ni grol ba'i thig les mtshon pa'i zhes te mi bslu ba 'dis mtshon pa zhes bya'o/ /da ni rim pa gnyis kyis dbye ba bstan par bya ba'i phyir sangs rgyas rnams kyis zhes pa la sogs pa'o/ /bskyed pa'i rim
 pa rnam pa gnyis zhes pa ni bskyed ba'i rim pa dang po rnal 'byor la sogs pa dang/ rdzogs pa'i rim pa ni thig la sogs pa'o/ /de bzhin rdzogs pa'i rim pa'o zhes pa ni de bzhin du bskyed pa'i rim pa thig le gsum bsgom pa
 dang/ rdzogs pa'i rim pa des mtshon pa'i ji bzhin pa'i don no/ /da ni rim pa gnyis kyis lha'i sku'i bye brag bstan pa'i phyir rim pa gnyis kyis zhes pa la sogs pa'o/ /de la sngags kyi sku zhes pa ni bskyed pa'i sku ste/ hUM la sogs pa las byung ba'i
 phyir te ma dag pa'o/ /ye shes sku zhes pa ni rdzogs pa'i sku ste dag pa'o/ /de la yang gnyis te ye shes dang zhes pa ni sgyu ma lta bu'i sku ste/ rnal 'byor pa gsum pas rtogs pa'i ye shes cung zad dag pa'i sku'o/ /rnam par dag pa'i sku zhes
 pa dang gnyis so/ /de la yang gnyis so/ /mtshan nyid kyi tshul du gnas pas ni bslu ba'i sku dang/ de ji bzhin pa'i sku 'bras bu'i sku'o/ /de gnyis ni ye nas shin tu dag pa'i sku ste sbyor ba bdun no/ /rdzogs pa'i rim pa'i rdzogs rims kyang
 de'o/ rnam pa kun gyi mchog dang ldan pa'i thams cad mkhyen pa yang de nyid yin par shes par bya'o/ /de bas na rim pa 'di la gnas pa'i skyed pa'i rim pa cung zad 'khrul yang nyes par mi 'gyur bar bstan pa'i phyir/ don 'di
 gnas pa'i rnal 'byor che zhes pa la sogs pa'o/ /ci'i phyir de nyes par mi 'gyur zhe na/ sna tshogs pa zhes pa la sogs pa'o/ /dag pa dang ma dag pa'i chos thams cad rdo rje sems dpa' i sprul pa'i phyir don de la gnas pas
 gzhan cung zad 'khrul yang mi skyon bar bshad do/ /de bas na yang dag pa'i gzhi can las long zhig par bstan pa'i phyir de bas zhes pa la sogs pa'o/ /de bas nas de lta bu'i ye shes dam pa'i yul du gyur pa'i don dam par
 rnal 'byor pa gang gis rtogs par 'dod pas/ de shes pa'i bla ma dam pa'i ji skad du gsungs pa'i yon tan dang ldan pa thabs thams cad kyis mnyes par byas te/ ji bzhin pa'i don yang dag par blang bar gyis shig ces gdams pa'o// //
 da ni rje btsun 'dis bdag nyid nga rgyal gzhom zhing dgos pa bstan pa'i phyir/ shes rab dri med zhes pa la sogs pa'o/ /ston pa sangs rgyas bcom ldan 'das rnams kyi shes rab ni gzung 'dzin gyi dri ma med pa ste/ des 'gro rnams kyi ma
 rig pa sel bar byed pa'i phyir rgyud chen po rnam par bshad pa gang yin pa de 'dra bas mi dpogs pas na bzhag par 'os na zhes so/ /'on kyang skyes bu dam pa 'ga' zhig gis bzung ba rnams 'khor ba'i bcings pa dam po grol
 bar 'dod pa'i phyir na bdag gis sems khral du byas so zhes so/ /da ni dge ba'i rtsa ba bsngo ba ston te/ 'di brtsams pa las byung ba'i dge ba kha ba dang zla ba ltar dkar ba des 'gro ba'i sems phyin ci log gi rtog pa thams cad las log
 nas/ sangs rgyas ye shes zab mo dang gsal ba'i dkyil 'khor 'khor lo'i lam chen pos rdo rje 'dzin pa'i sa dge ba bcu gsum par de thams cad 'gro bar shog cig ces rnam par smon pa'o/ /de bas na de ltar byas pa las
 byung dge ba des/ /'gro sems phyin log las ni bzlog byas ste/ sangs rgyas ye shes dkyil 'khor 'khor lo yi/ /lam gyi rdo rje 'dzin pa'i sar 'gro shog ces bya'o/ /grol ba'i thig le zhes bya ba'i rnam par bshad pa slob dpon chen
 po bi ta bA ta sa mdzad pa rdzogs so// //rgya gar gyi mkhan po ka ma la gu hya dang/ bod kyi zhu chen gyi lo rtsa ba chen po mnga' bdag lha ye shes rgyal mtshan gyis bsgyur cing zhus te gtan la phab pa'o// //