<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1513: kun tu bzang po zhes bya ba'i sgrub pa'i thabs<br><table><tr><td>
<input type="button" onclick="location.href='tcompletep.php?id=N1513&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1513&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1513&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">lo ts+tsha ba dge slong khyung weng rin chen bzang pos bsgyur zhing zhus te gtan la phab pa'o// //dpal gsang ba 'dus pa'i sgrub thabs kun tu bzang po zhes bya ba slob dpon chen po sangs rgyas ye shes kyis mdzad pa'o// //*/ /rgya gar skad du/ sa man+ta b+ha dra nA
 ma swa d+ha ni/ bod skad du/ kun tu bzang po zhes bya ba'i sgrub pa'i thabs/ /bcom ldan 'das 'jam pa'i rdo rje la phyag 'tshal lo/ /dpal ldan mi shes kun spangs dri med gzi brjid ldan/ /dpag med rigs kyi sprul pa rnams kyis dbu brgyan cing/ /shes rab yan lag
 'dus pas 'bar zhing rnam mdzes pa/ /'jam dpal gad de mchod phyir de la phyag 'tshal lo/ /dpal ldan 'dus pa'i gzhung lugs bshes gnyen ni/ /dram pa yis ni bskul phyir spyo byas te/ /'gro ba ma lus don ni phun tshogs pa'i/ /rgyur gyur
 cho ga bdag gis bshad par bya/ /ral 'byor 'di ni shin tu g.yo ba dang/ /'jig rten skye bo dam pa phrad rnyed dka' / /de bas shes rab thabs la gzhol ba yi/ /yid la byed pa'i mchog de bsgrub bar bya/ /de la sngags pa snying rje'i stobs kyis ni/ /
 byang chub mchog tu sems ni bskyed pa dang/ /gtong ba la sogs yon tan rnams kyis brgyan/ /zab mo'i tshul dag la ni lhag par mos/ /dpal ldan 'dus pa'i dkyil 'khor cho ga yis/ /rang gi dbang bskur phun sum tshogs ldan zhing/ /cho ga bzhin du rjes gnang
 thob pa yi/ /blo dang ldan pas rang sngags mnyes par bya/ /la la dri med chu ni phun tshogs shing/ /shing mchog mdzes pas rnam par brgyan pa yi/ /ri bo'i phyogs gcig tu ni bcom ldan 'das/ /'jam dbyangs zhes bya de ltar rab bsgrub bya/ /dang por nang
 par snying ga'i zla dbus su/ /dri med 'od zer rab tu 'phro ba'i maM/ /de nyid zhes bya rnam bkod brtser ldan pas/ /sgo la sogs pa yang dag dag par bya/ /tsan dan bzang po la sogs kyis byugs shing/ /dri zhim me tog bcal bkram mchog
 gi cha/ /bsam gtan gnas su bde ba'i bstan la ni/ /gnas nas dus gsum bzhugs pa'i sangs rgyas rnams/ /dmigs te sna tshogs mchod pa'i sprin rnams ni/ /dang por spro sogs blo ldan gyis bya zhing/ /dge ba rnams ni 'phel bar bya ba'i
 phyir/ /sdig pa dag ni bshags pa la sogs bya/ /gang zhig thog med srid pa'i chu klung du/ /ma lus kun rtog gis bsags rnyog pa rnams/ /thugs rje che ldan spyan lngar de dag ni/ /cho ga bzhin du thams cad bshags par bgyi/ /rdzogs sangs
 rgyas dang byang chub sems dpa' dang/ /'phags pa gzhan gyis dge ba gang mdzad pa/ /de dag kun la yang dag yi rang zhing/ /byang chub tu ni yongs su bsngo bar gyi/ yid kyi rol pa dri med zla 'dras bsgrubs/ /snying rje dam pa mdza' yas pa yi thabs//
 rang gi yid la gnas par gyur pa yi/ /bde gshegs rnams la rtag tu skyabs su mchi/ /rtog pa ma lus pa las nges grol zhing/ /sems dpa' dam pa kun gyi phun tshogs gzhi/ /dngos po thams cad ro gcig ngo bo nyid/ /dam pa'i chos la rtag par skyabs
 su mchi/ /'ching ba rnams las yang dag grol gyur cing/ /snying rje mchog gis ? pa'i dpal dang ldan/ /rab tu dga' sogs sa la rab zhugs pa/ /brtul zhugs dbang po'i tshogs la skyabs su mchi/ /bsam dang rnam par smin pa dag gyur pas/ /sgrib pa kun gyi bag
 chags yang dag 'byin/ /lhag par mos pas rnam par brgyan pa yi/ /sems ni byang chub dam pa bskyed par bgyi/ /bde gshegs sras bcas rnams kyi lam gcig pu/ /sbyin sogs rnam bcu dkar po'i yon tan tshul/ /rdzogs sangs rgyas dag ma lus ngo bo'i slos//
 yang dag nyid du da ni gnas par bgyi/ /snying rjes 'jig rten 'di ni ma lus pa/ /lta ba'i dra bas bcings la dmigs nas ni/ /yang dag byang chub sems ni mnyam med pa/ /sngags pas cho gas de ltar bsgom par bya/ /ngo bo nyid dang bral phyir stong pa ste/ /rang bzhin
 rgyu dang bral bas mtshan ma med/ /rtog pa rnams dang bral phyir dngos po ni/ /ma lus smon pa las ni nges par gro/ /oM shU n+ya tA dz+nyA na badzra swa b+hA ba Atka konyahaM/ /de 'og hUM gis rdo rjer byas pa'i sar/ /kun tu bzang las byung bar bsam pa ni/ /ston ka'i zla ba lta bur
 ? dkar pa/ /mdza' las phyogs gnas sna tshogs 'od dang ldan/ /grub gsum gyen du gnas pa'i nang gi ni/ /nam mkha' rang gi ngo bo rdo rje 'dzin/ /chos 'byung zhes bya phyag rgya'i dbus gnas pa/ /pad+ma sna tshogs rdo rje mdzes pa der/ /brum gyi 'khor lo
 las byung rig bcas pa'i/ /rnam snang mdzad yan lag las yang dag byung/ /thub dbang 'od kyi dkyil 'khor sna tshogs pa'i/ /zer gyis phyogs tshogs ma lus kun tu khyab/ /mi mnyam pa dag med phyir zur bzhi mnyam/ /dran dang dbang po'i mchog gi sgo
 rnams yin/ /bsam gtan bzhi po dag gi rta babs dang/ /ting 'dzin kha khyer gyis ni kun tu bskor/ /kha khyer de la brten pa'i mchod pa ni/ /dam pa 'dzin pa gzungs kyi tshogs rnams yin/ /sna tshogs rgyan rnams kun gyis rnam
 spras pa/ /gang phyir 'gro ba'i bsam kun rdzogs mdzad pa'i/ /rlung gis bskyod pa'i ba dan phreng ba dang/ /dril bu sgra sgrogs phyogs sgo kun khyab pa/ /gang phyir dam chos gsung rab yan lag dgu/ /gdul bya thams cad la ni bskyod pa po/ /me long
 'dre ba dra phyed me tog gi /phreng ba sna tshogs kyis brgyan mnyam pa med/ /ye shes me long dri med byang chub kyi/ /yan lag dri ni me tog phun sum tshogs/ /ka ba bzang po brgyad kyis nyer mdzes pa/ /rnam thar brgyad po rnam par dag pa yin/ /rdo rje'i thig
 dang yang dag ldan pa ni/ /rdo rje theg chos 'khor lo rab bskor ba'o/ /bla med mdza' yas 'dod pa'i yon tan lnga/ /gzugs sogs yul rnams rnam par dag pa yin/ /mchod pa lnga yis rnam par brgyan pa ni/ /chos dbyings rnam par dag pa'i rgyu mthun
 yin/ /sna tshogs pad+ma'i 'dab mar leg gnas pa'i/ /nyi zla mgon bcas lha yi gnas rnams dang/ /rin chen ma lus pa yis rnam spras pa/ /gzhal yas khang pa der ni bsam par bya/ /bcu drug cha dang tshogs las byung ba yi/ /zla ba'i dkyil
 'khor dag ni dbus nyid du/ /'od zer dpag tu med pa'i tshogs ldan pa/ /dbus ma'i gdan la cho ga bzhin du bsam/ /dpal mchog dang po'i snying po las byung ba'i/ /rdo rje bzang 'dir nor bu dmar 'dra la/ /dpag med thub pa'i 'od tshogs
 rnam 'phro ba/ /phyogs sgo mdza' yas khyad par rab bsgrub pa/ /dang po'i snying po mchog bcas bsgoms nas ni/ /nga rgyal de ltar mdza' yas sprul pa yis/ /'gro ba mchog gi don rnams byas gyur cing/ /thub mchog phra rab las bsgrubs mtshungs med pa//
 zla ba rgyas 'drar dkar ba'o mdangs ldan zhing/ /g.yas dang g.yon pa'i zhal ni sngo dang dmar/ /sna tshogs rgyan rnams 'bar ba'i phyag gnyis kyis/ /rig ma dam par 'khyud par mdzad pa'o/ /lhag ma'i phyag gis rdo rje ral gri dang/ /pad+ma rin chen bsnams pas zung
 gnyis mdzes/ /khams gsum khod ni rnam par brgyan pa yis/ /thub pa'i 'od tshogs su ma rnam par 'gyed/ /rnam par thar ba'i sgo gsum rnam dag bas/ /shes rab thabs kyi bdag nyid snying rje mchog /ma lus 'gro ba'i de nyid gcig pu nyid/ /rgyal ba
 skyed byed nyid kyi sku ru bsam/ /mchog tu rjes chags phun tshogs dpag med kyis/ /'dul ba'i 'jig rten thams cad dmigs nas ni/ /dga' ba'i sgyu ma'i sgra yis de rnams dang/ /rgyal ba'i tshogs rnams ma lus gzhugs par bya/ /de ni spyan la
 sogs pa'i lha mo dang/ /gzugs sogs ma lus yul gyi rang bzhin du/ /phyung nas rig ma de dag thams cad ni/ /rang gi rig ma'i nang du chud par bya/ /de yi pad+ma'i te ba'i nang du ni/ /dkyil 'khor dri med zla zer las byung bar/ /bsams nas
 blo yis 'gro ba'i tshogs rnams ni/ /ma lus de ni rab tu gzhug par bya/ /gsang ba'i rdo rje dam pa'i dbus su ni/ /rnam snang la sogs rgyal ba'i tshogs gzhug ste/ /zla ba zhu ba'i gzugs su gyur pa dang/ des ni de rnams de 'og dbang bskur
 bya/ /sa yi snying po phyag na rdo rje dang/ /mkha' snying 'jig rten dbang phyug sgrib sel bcas/ /dpal ldan kun tu bzang po zhes bya bas/ /de dag dmigs la sogs pa grangs bzhin no/ /gzugs dang sgra dang dri dang ro dag dang/ /reg bya dang ni chos
 dbyings rdo rje dang/ /sa dang chu dang me dang rlung rnams kyi/ /ngo bo nyid gyur spyan la sogs par grags/ /gzugs dang tshor ba de bzhin 'du shes dang/ /'du byed dang ni rnams par shes bshad pa/ /rnam par snang mdzad la sogs pa de gshegs te
 de rjes sa bon gyis ni dbyung bar bya/ /k+Sh+riM dzaM khaM gaM Sh+kaM saM zhes bshad pa/ /'di dag mig la sogs pa rnams kyis mig /dza hUM baM hUM khaM raM zhes bshad pa/ /de dag zugs kyi rdo rje la sogs pa/ /laM baM paM taM zhes bya bzhir
 bshad pa/ /de dag spyan la sogs pa rnams kyi yin/ /bruM Am dzrAM khaM hUM zhes bya ba 'di/ /rim pa ji bzhin brtag pa la sogs pa'i 'o/ /oM A(rgyud 'grel pa mnyam med pa/ /shes rab chags pas zhu bar bya bar bsam/ /de yi 'od kyi mthu yis gnyis ka yang/ /zla ba zhu bar byas bar mthong ba dang/ /spyan la sogs pa'i lha mo rnams kyis ni/ /glu yi sgra yis bskul bar byas bar bsam/ /sems
 can khams na gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag las khyab tu gsol/ /mgon po gal te de ring bdag gi gson par mchi bzhed na/ /sems can yab chen mnyen mchog bdag
 la dgyes par mdzad du gsol/ /rdo rje'i sku khyod bka' yi 'khor lo sems can kun la phan/ /sangs rgyas don du byang chub don dam rab tu phan par gzigs/ /mgon po gal te de ring bdag ni gson par mchis bzhed na/ /'dod chags
 dam tshig chags pas bdag la dgyes par mdzad du gsol/ /khyod ni rdo rje'i gsung ste kun la ban zhing thugs brtse ba/ /'jig rten dag gi don dang dgos pa mdzad la rab tu brtson/ /mgon po gal te de ring bdag ni gson
 par mchis bzhed na/ /dga' ba'i spyod pa kun tu bzang po bdag la dgyes par mdzad du gsol/ /khyod ni rdo rje 'dod pa dam tshig mchog gi phan don che/ /yang dag rdzogs sangs rgyas kyi gdung mchog mnyam nyid thugs brtse ba/ /
 mgon po gal te de ring bdag ni gson par mchis bzheng na/ /yon tan rin chen mang po'i gter gyur bdag la dgyes par mdzod/ /de lta'i glu yi ngo ru byas bas na/ /chos kun sgyu ma lta bur yang dag rig /snang ba'i 'od zer gyis ni dkyil 'khor
 can/ /rang gi sngags kyi lus su rang nyid gyur/ /de yi 'od zer ma lus pa rnams kyis/ /rang lha dang mtshungs sprul pa'i thub dbang pos/ /dpag tu med pa'i yid kyis bcug pa las/ /dpal ldan 'jam pa'i rdo rje zhes byar gyur/ /gur gum
 bzang po'i mdog ltar dmar ba la/ /g.yas dang g.yon pa'i zhal ni sngo dang dkar/ /sna tshogs brgyan gyis rnam par rgyan pa yi/ /phyag gnyis shes rab dam pa 'khyud pa dang/ /mdangs ldan ral gri dang ni mda' nyid dang/ /utpal sngon gzhu mdza' 
 yas 'od ldan bsnams/ /ma lus rigs rnams 'phro bas rnam brgyan cing/ /skyob pa nam mkha' ma lus dkyil 'khor yin/ /dngos rnams thams cad gzung dang 'dzin pa dang/ /bral bas dngos po med pa nyid du shes/ /rnam par byang la mngon par
 zhen pa ni/ /med pas byin gyis brlabs pa 'di nyid bya/ /oM d+harmmad+hA tu swa b+hA ba At+ma ko haM/ de 'og rang snying sa bon 'od rnams kyis/ /rang gi mig sogs sa snying la sogs pas/ /ji bzhin dkang nas dri med rang zla yis/ /rdo rje lte ba'i
 dbus gnas yi ge hUM/ thugs kyi rdo rje'i de bzhi kha dang ni/ /mgo bor pad+ma 'khor lo la gnas pa'i /a dang oM ni gsung gi rdo rje dang/ /sku yi rdo rje nyid du bsam par bya/ /de yi thugs kha'i 'od kyi tshogs rnams dang/ /shes
 rab dam par gnas pa'i 'od rnams kyis/ /kun nas rgyal ba'i dbang po mchod nas ni/ /thugs kyi rdo rje la sogs byin gyis brlab/ /dpal ldan rdo rje thugs 'chang ba/ /rdo rje mi phyed gsum bsgoms pas/ /deng bdag byin gyis brlab
 nas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlab nas su/ /rdo rje thugs kyis mdzad du gsol/ /oM sarba ta thA ga ta tsit+ta badzra
 swa b+hA ba At+ma ko haM/ chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin gyis brlab nas su/ /rdo rje gsum gi mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms
 pas/ /deng bdag byin gyis brlab nas su/ /rdo rje gsung gis mdzad du gsol/ /oM sarba ta thA ga ta bAk badzra swa b+hA ba At+ma kohaM/ /dpal ldan rdo rje sku 'chang ba/ /rdo rje mi byed gsum bsgoms pas dang bdag byin gyis bslab nas su/ /rdo rje skus ni
 mdzad du gsol/ /phyogs bcur bzhugs pa'i sangs rgyas rnams/ /rdo rje mi byed gsum bsgoms pa/ /deng bdag byin gyis brlab nas su/ /rdo rje skus ni mdzad du gsol/ /oM sarba ta thA ga ta kA ya badzra swa b+hA ba At+ma ko haM/ nam mkha' lta bur ngo bor rdo
 rje gsum/ /mtshan nyid dag dang bral bar dmigs nas ni/ /phyogs bcur kun bzhugs pa yi thub pa'i tshogs/ /snying po'i 'od zer rnams kyis yang dag bskul/ /thub pa'i mchog gi 'od zer las byung ba'i/ /rig pa'i tshogs rnams phyag na bum
 bsnyams te/ /ye shes chu yis mngon par dbang bskur bas/ /rang gi rigs kyi gtsos brgyan cod pan gyur/ /de bzhin rang gi lha 'dra rang snying pos/ /sprul pa'i rig pa nyid ni yang dag lta/ /mig la sogs pa dgang zhing yi ge gsum/ /rnam par
 bkod pas lus ni 'od dang ldan/ /de nyid shes bas mgo dang snying ga dang/ /lte ba gsang ba de bzhin brla gnyis sogs/ /oM hUM swA A(rgyud 'grel 'od kyi phreng ba dam pas 'gro gsum khyab/ /a yis sna tshogs pad+ma'i lte ba bya/ /hUM gis 'dab ma brgyad pa rnam par sprul/ /shes rab dam pa'i rgyu mthun ngo bo nyid/ /thabs dang bcas par 'byung ba'i rang gi lus/ /de yis bde gshegs rjes su mnyes bya zhes/ /sngags
 pas dga' ba kun tu brtsam par bya/ /oM sarba ta thA ga ta a nu rA ga Na badzra swe b+hA ba At+ma ko haM/ thugs ka'i zla ba'i sngags kyi 'od rnams kyis/ /ma lus sangs rgyas tshogs rnams bcug nas ni/ /hUM gi rdo rje las byung dri ma med pa yi/ /yid tshul dam
 pa'i tshul skyes la gnas pa/ /rang gi snying po las byung ma las pa'i/ /rang gi dkyil 'khor pa yi gzugs bsams la/ /cho ga 'di yis sems ni brtan po dang/ /'jig rten rnams la phan phyir yang dag 'byung/ /badzra d+h+rika ces bya dang thugs rdo rje/ /skye
 bo dam pa'i don mdzad yang dag bskul/ /nor bu sngon po'i 'od 'drar yang dag 'bar/ /g.yas dang g.yon pa'i zhal ni dkar dang dmar/ /dam pa dang po lta bu'i phyag dang ldan/ /kha dog dpag tu med pa'i 'od chogs mnga' / /blo dang ldan pas legs bsdus bdag
 nyid kyi/ /dngos po thams cad kyis ni zhugs par bya/ /dzi na dzika ces bya ba sku rdo rje/ /rdo rje 'dzin dang 'dra ba'i sku mdog zhal gyis mdzes/ /'khor lo la sogs phyag mtshan rnams de bzhin/ /shar gyi pad+mar zla ba'i dbus su bsam/ /ratna d+h+rika ces bya ba 'di
 yis ni/ /nor bu rin chen 'byung zhal gzhon nu 'dra/ /gtso ma'i gser gyi mdangs dang 'dra ba la/ /phyag drug brgyad rin chen la sogs bsnams/ /A ro li ka 'od dpag med pad+ma ni/ /rA ga ltar dmar zhal gnyis de dang 'dra/ /'od zer 'bar zhing phyag
 na pad+ma sogs/ /mtshan ma bsnams ba nub tu bsam par bya/ /pradz+nyA d+h+rika ces bya dang don yod grub/ /rin chen mrgad lta bu'i mdog ldan zhing/ /snga ma lta bu'i zhal sogs phun sum tshogs mnga' ba/ /ral gri la sogs bsnams pa byang du bsam/ /ral pa cod
 pa na mdzes dang sna tshogs pa'i/ /rin chen chog gi 'od zer 'bar bas brgyan/ /rig pa mgon dang rab tu bcas pa'i sku/ /thams cad nyi ma'i dkyil 'khor dag la bsam/ /mo ha ra ti zhes pas lha mo spyan/ /zla ba dkyil 'khor rdzogs pa la
 gnas pa/ /mchog tu sreg cing sku yi rdo rje 'dra/ /me yi phyogs nyid du ni bsam par bya/ /dwe Sha ra ti zhes pa dga' ba che/ /dga' chen mchog 'dod mA ma kI zhes pa/ /zhal mdzes phyag rnams thugs kyi gtso bo 'dra ba/ /rnam par sgeg ba bden bral
 mtshams su bsam/ /rA ga d+hi zhes bya yum ma tshogs ni/ /gos dkar yon tan rin chen mdza' yas pa/ /dri med sku ni gsung gi dbang phyug 'dra/ /rlung gi phyogs su rnam par bsam par bya/ /badzra ra ti sa rab bskul sgrol ma ni/ /dri med rin chen 'od
 kyi phreng ba yis/ /phyogs kyi tshogs khebs rang gi ngo bo ni/ /rin chen dbang 'dra dbang ldan phyogs su bsam/ /lha mo 'di rnams nges pa'i phyag mtshan ni/ /'khor lo bzang dang utpa la dmar po dang/ /pad+ma utpal gser mdog rim bzhin bsam//
 lhag ma rnams ni bdag po ji bzhin 'dod/ /de nyid gsum gyis gzugs kyi rdo rje sogs/ /lha mos rnams ni sku la sogs 'dra bar/ /dkyil 'khor gyi ni mtshams gyur bzhi po dang/ /rtsa ba'i sgo yi ngos gnyis dag tu bsam/ /ya
 mAn+ta krita ces byas gshin rje gshed/ /mdza' yas 'jigs 'od phyogs kun khyab dang ldan/ /dus mdza' mi bzad sprin gyi dkyil 'khor mdog /thugs kyi rgyal po dag dang sku mtshungs pa/ /drag po'i rigs 'od dpag med rnam 'phro
 bas/ /gshin rje mthar mdzad shin tu gdug pa yi/ /sprul gyis lus kyi yan lag rnam brgyan pa/ /dpal ldan shar gyi sgo na bsam bar bya/ /pradz+nyAn+ta krita ces byas bla med 'od/ /drag cing phyogs sogs sku yi rdo rje 'dra/ /gzhan gyis mi thub
 ces phyag tu ma po ni/ /lho phyogs kyi ni sgo ru bsam par bya/ /pad+man+ta krita ces byas phyogs rnams kyis/ /'khor los 'od kyis mngon par khebs byed pa/ /'od mdangs 'jigs dus med 'drar 'jig par ldan/ /phyag la sogs par gsung gi rdo rje 'dra/ /gdug pa du
 ma rnam gnon 'jigs pa'i zhal/ /thub dbang ha ha zhes ni bzhad pa yis/ /ri bor bcas pa skyel bas skrag mdzad pa/ /rta mgrin de bzhin nub kyi phyogs su bsam/ /big+hAM ta krita ces byas dpa' bo ni/ /dus mdza' i me ltar nag po bdud rtsi 'khyil/ /'phags
 pa'i zhabs sogs mi bskyod dang mtshungs pa/ /de bzhin byang gi sgo ru bsam par bya/ /rnam par snang mdzad thugs gtso 'od dpag med/ /thugs kyi dbang po rim bzhin cod pan yin/ /tho ba dbyug pa de bzhin pad+ma dang/ /rdo rje sogs 'di phyag ni kun la
 bsam/ /de ltar yongs su rdzogs pa'i dkyil 'khor la/ /dngos po thams cad kyis ni bstan? ? te/ /snying po'i sngags kyi 'od zer lcags kyu yis/ /drangs nas bde bar gshegs rnams bsgom par bya/ /shes rab thabs kyi rang bzhin dri med pa'i/ /ting
 'dzin las byung dam pa'i ba des gang bar/ /'khor lo bsams nas de nas pa gshin rje ni/ /mthar byed la sogs bshad pas bsrung bar bya/ /rang gi snying pos mngon bzlas mchod yon ni/ /tsan dan bzang sogs me tog gis mdzes dbul/ /rang las
 byas pa lta bur dbang bskur zhing/ /cho ga yis ni mngon par mchod par bya/ /pad nang rang gi sa bon 'di rnams kyis/ /gzugs la sogs pa thams cad drangs nas ni/ /yang dag byang chub yid kyi ngo bo yi/ /'od kyi dkyil 'khor ngag tu bsgom par
 bya/ /shes rab ba spu re las byung ba yi/ /'od zer rnam pa sna tshogs rgya chen tshogs/ /ma lus nam mkha' i gtos ni kun tu khyab/ /de la blo dang ldan pas rab tu spro/ /'od kyi sgo las nges par byung ba yi/ /yan lag dri med rgyan kun gyis legs brgyan/
 me long pi wang dri ngad ro yi snod/ /gos dang chos 'byung ba la sogs pa yi/ /mtshan mas rim gyis rnam par sgeg bcas shing/ /ral pa'i lag pa dam pa rnams dang ni/ /'od kyi snang bas sprul pa sna tshogs pa'i/ /mchod pa'i sprin
 gyi dra bas khyab pa dang/ /dngos rnams sgyu ma la sogs so sor ni/ /yang dag rig cing 'jig rten lta mkhas pa/ /rtog pa ma lus kun las nges gral zhing/ /mchog tu bde ba bskyed pa'i rgyur gyur pa/ /gzugs la sogs pa'i lha mo rnams dang ni//
 de bzhin phyi yi dri sogs thams cad kyis/ /rgyal ba'i dbang po rnams ni legs mchod cing/ /de ltar tha dad rtog la nges grol bya/ /oM sarba ta thA ga ta pU dza badzra swo b+hA ba At+ma ko haM/ sgra yi yul rnams ma lus pa rnams ni/ /brag ca'i sgra 'drar nges
 brtag der rjes la/ /yang yid lhag pa'i lha ru gnas pa la/ /chos rnams bstod pa'i sgra ni byed par bsam/ /mi bskyod rdo rje ye shes che/ /rdo rje dbyings ni mkha' i chen po/ /rdo rje gsum mchog dkyil 'khor gsum/ /rdo rje dbyangs la phyag 'tshal
 lo/ /rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog /ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri med mkha' / /rang bzhin dag pa gos pa med//
 rdo rje'i sku la phyag 'tshal lo/ /rdo rje mi 'chi rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje'i gsung la phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang
 bzhin dag pa nyid las byung/ /rdo rje sems dpa' phyag 'tshal lo/ /'bar ba'i rlung gis byin brlabs rlung dang me'i/ /dkyil 'khor la gnas rab sbar bdud rtsi lnga/ /de nas yi ge gsum bzlas dpag med pa'i/ /thub pa'i dbang po'i nang du chud par bya/ /ye
 shes bdud rtsi'i ngo bor bsams nas ni/ /hUM dgod rdo rje'i lce ni bzang po dang/ /snying ga'i zla ba'i dbus su ma lus pa'i/ /rgyal ba'i 'khor lo des ni tshim par bya/ /snying po'i 'od zer dpag med kyis sprul ba'i/ /thub pas mi shes kun tu nges gsal nas/ /'gro ba
 ma lus rdzogs sangs rgyas byas te/ /rang gi gsang sngags nang du chud par bya/ /gzugs la sogs pa'i rnam pa dang bral bas/ /'dzin pa de ni mngon sum mthong mi nus/ /gzung ba rnams kyang cung zad yod min la/ /gzhan pa'i 'brel pa yis
 kyang mthong ba med/ /bde sogs de ni yongs su 'dzin pa ni/ /bya ba 'ga' yang yod par ma mthong ste/ /cig car shes pa'i phyir na gzugs sogs bzhin/ /'di dag 'dzin ba por ni yod ma yin/ /dkar po la sogs gang zhig mthong ba rnams/ /de nyid
 dus gzhan dag tu mthong mi 'gyur/ /'di nyid rtag tu gcig la gcig 'gal ba/ /yin phyir bde ba la sogs dag dang mtshungs/ /thog mdza' la sogs bye brag snang bas na/ /gzugs la sogs pa 'di dag gcig ma yin/ /phra rab rnams kyang mthong ba ma yin
 pas/ /du ma'i gzugs su min pa'ang de dang 'dra/ /rdul phran cha shas med pa nyid kyang ni/ /phra rab du ma 'dus pa yod min pas/ /sa yi dkyil 'khor la sogs rang bzhin te/ /bsags pa 'ga' yang 'dir ni med par 'gyur/ /de bas 'dzin po la sogs
 ngang bral bas/ /rang rgyud gzugs sogs brtag pa'i ngo bo nyid/ /rgyu dang mi rgyu dngos po ma lus pa/ /dri za'i grong khyer dag dang mtshungs pa yin/ /bdag dang bdag gi rnam rtog rgyun gyi ni/ /ngo bo dag gis der ni 'khor ba ste/ /dag pa phyin ci log de med pa
 yi/ /ngo bo tsam gyis rnam par shes par bya/ /'dir ni zhi dang srid pa'i ngo bo dag /chos nyid kyis ni dbye ba 'ga' yang med/ /gang phyir gzung ba la sogs rnam pa dang/ /bral bar thams cad de ni rtag tu grub/ /de ni snang ba'i rang bzhin kun rtog las/ /thams
 cad ci yang yod pa ma yin te/ /sems las gzhan pa dag ces bya ba ni/ /yod pa ma yin de phyir de bdag nyid/ /gang zhig gzugs la so sor zhugs gyur pa/ /de'i bdag nyid gang yin de nyid gzugs/ /de bas thams cad khyab par
 med par brtag /snang bar gyur pa'i yul rnams gang yin pa/ /gang zhig rtog pa'i gnas su gyur ba rnams/ /de de gnyis su sbyor ba dang bral bas/ /des na rnam par dbye ba thams cad min/ /dad dang brtson 'grus rnam par dang/ /de bzhin
 dran dang bsam gtan rnams dag pa'ang/ /sgo bzang srung bar byed pa'i ngo bo nyid/ /shes rab rnams dag ma lus yul du snang/ /mtshan ma med pa'i dga' ba rnam dag pa/ /ma lus lha mo'i tshogs kyi ngo bo nyid/ /sems can don dang
 bdag dang rnam rtog dang/ /'jug pa'i rnam shes rnam par dag ba yang/ /me long sogs yid dri med ngo bo bas/ /sangs rgyas thams cad kyi yang rang bzhin te/ /de bzhin nyid ni rnam dag sbyor ba yis/ /'khor lo'i gtso bo 'di
 ni rnam par bzhugs/ /gzugs la sogs pa'i 'khrul pa rnam bral bas/ /dri med phung po la sogs ngo bor grub/ /ser sna la sogs ldog par gyur pa ni/ /pha rol phyin pa dkar po'i chos rang bzhin/ /rnam rtog med par bdag
 gzhan don 'byung ba'i/ /rgyu nyid kyis na de yang go rim bzhin/ /zab pa dang ni rgya che ba yis na/ /shes rab thabs kyis bdag nyid can sems yin/ /dam pa'i don du ci yang gzhan dag las/ /dbye med dbye ba med min mi 'dod ste//
 gzhan du 'dzin pa las ni bzlog phyir dang/ /de bzhin bye brag la sogs rtog bral yin/ /de ltar brtags nas rab snying dri med pa/ /zla ba la gnas mtshon mar bsgom par bya/ /gsang sngags dam pa thig le'i gzugs su ni/ /rang
 yid 'od dang ldan par yongs su bsgom/ /sems de'i 'od zer dri med pas sad pa'i/ /sku gsung rdo rje'i lus ni mchog gyur pa'i/ /slar yang 'di nyid du ni nges bzhugs shing/ /ye shes bdud rtsi 'bab par bsam par bya/ /nang gi lus dang de bzhin
 thams cad kyang/ /de yis kun tu mthar ni snang byas nas/ /ba spu re re'i khod las byung ba yi/ /tshogs kyis sna tshogs kun tu dgang par bya/ /yang na rang gi mtshan ma phra mo ni/ /'od ldan sna rtser gnas par thub pa yi/ /'khor lo nang du chud byas
 snying rje yis/ /nang gi shes rab dam pa nyid mtshan bsgom/ /mtshan ma brton po mthong na spro ba ni/ /'od zer de yis sprul pa'i thub dbang dang/ /rnam pa sna tshogs pa yi phyag mtshan rnams/ /blo dang ldan pas yang dang yang du spro/ /yang na
 bzlas la rtse gcig sems nyid ni/ /dngos kun bdag nyid rang gi sems dbang po/ /rang gi sngags ni sna tshogs 'od ldan par/ /byas pas blo dang ldan pas bsgom par bya/ /srogs dang brtsol ba shin tu ma bsdams par/ /gsang sngags/
 rgyal po gsal bar brjod bya zhing/ /sku sogs rim pa bzhin du yang na ni/ /cig car spro ba dag ni legs par bya/ /nam mkha' gtos dang mnyam pa sku sogs pa'i/ /'od kyi sku yi snang bas yang dag dgang/ /de nas snga ma bzhin du sna
 tshogs pa'i/ /mchod pa'i sprin gyis bkod pa kun tu spro/ /yongs su sbas pa'i rig pa mchog rnams ni/ /bde chen bab pas gzhan gyis dbang thob nas/ /rnam par sgeg pa'i thub dbang tshogs rnams ni/ /mthar ni rang gi lus la gzhug
 par bya/ /rang gi snying po'i de nyid nges rtogs pa'i/ /skyo bas sems kyi spyod pa zhum gyur na/ /rig pa'i tshegs kyis yang dag glung blangs pas/ /rab tu bskul nas yongs su mchod par bya/ /sems bzang po yi chu rgyun srog dang ni/ /stsol ba'i
 'od kyi lcags kyus drangs nas ni/ /cho ga ji bzhin sku rdo rje sogs la/ /nges par dbang pas skyo ba bsal bar bya/ /de ltar thangs cig ngal gso byas nas ni/ /sngar bshad cho ga yis ni de nyid shes/ /gsang sngags dam pa rgyun tu bzla ba ni
 sngags pa'ang kun tu chags pa med par bya/ /bstod dang mchod sogs gshegs su gsol ba dang/ /sngags pas rab tu 'bad de rnams bya zhing/ /oM la sogs par 'khor lo bsdus nas ni/ /sku la sogs pa brtag pa ngag tu bya/ /de ltar
 de nyid mthong bas rnam grol ba/ /sems can khams rnams kun tu dmigs nas ni/ /snying rje 'gro ba rnams la phan don du/ /smon lam rnams ni mngon sum nyid du bya/ /langs nas dag pa'i sems dpa' rang gi lha'i/ /rnam pa'i nga rgyal
 yid la byas nas ni/ /kun tu snang bar gnas pa'i yul rnams ni/ /snga ma bzhin du yul du yongs su bsgom/ /rang rang gi ni ngo bo rnam dag pa/ /rim bzhin sku la sogs pa'i rdo rjer gyur/ /dpal ldan rdo rje 'dzin pa lta bur ni/ /chos nyid kyis
 na phan tshun khyad par med/ /phyin ci log gi rtog pa spangs pa yis/ /bya ba ma lus pa ni rdzogs par bya/ /de yi thub pa'i 'khor lo ma lus pa/ /mchod pa 'di ni kun tu mchog yin no/ /bza' za'i tshe na snying ga'i zla ba la/ /'khor
 lo'i gtso bo rang gi gsang sngags kyis/ /kun tu dmigs te byang chub sems kyi ni/ /ngo bo nyid gyur 'od dang ldan par bsam/ /rang gi zas la de nyid gsum bzlas te/ /thams cad mnyam pa nyid kyis rnam dag pa/ /de yis sku yi
 rdo rje la sogs pa/ /lha rnams kun tu tshim pa nyid du bya/ /phyi yi sbyin sreg cho gas bsgre bya zhing/ /yid kyi'ang yid nyid kyis ni bya ba ste/ /phung po'i bud shing rnam par bsreg pa yi/ /ye shes 'bar ba bla na med par bshad/ /de ltar
 ma lus pa yi 'dod pa yis/ /sa? bdag nyid dam ni gzhan dag rang rang gi /lha yi gzugs gyur pa la yang dag mchod/ /dam tshig 'di ni bde gshegs rnams kyis gnad/ /rjes su mthun pa'i 'gro ba'i don rnams ni/ /ma lus bde gshegs
 mchod par yang dag brtag /lus la sogs pa'i las rnams de dang de/ /rtag tu legs par mnyam par bzhag ste bya/ /rnam pa de 'dra'i sems ldan lus dang ni/ /ngag yid las rnams ci yang rung ba dag /phyag rgya dang ni sngags kyi rnam
 pa ru/ /rdzogs pa'i sangs rgyas kun gyis de gsungs so/ /gang phyir dngos po gcig la'ang sna tshogs pa'i/ /kun tu rtogs pas bsags pa'i rnam pa las/ /sdug bsngal bde dang grol ba skyed byed pa'i/ /las kyi khyad par mang po 'byung
 bar 'gyur/ /de bas lus sogs ngag dang mi dge ba'i/ /rnam pa'i las rnams sems kyi dbang las gsungs/ /de ltar rnyog pa ma lus spangs pa yi/ /sems ni nag po'i las su ga la 'gyur/ /dam tshig nyams la snying ga'i
 zla bar ni/ /snying pos sna tshogs rdo rje ci bzhin bsam/ /dpal ldan dam tshig rdo rje'i rnal 'byor pas/ /'gro ba rang bzhin gyis dag rnam bsams la/ /sna tshogs pad+ma'i 'dab ma dbus su ni/ /sngar gyi rim pas dbang bskur kun tu
 blang/ /phyi rol gyi yang khrus kyi cho ga la/ /rim 'di khyad par du yang bsam par bya/ /thun mtshams su yang de bzhin mchod la sogs/ /sngon du 'gro ba'i bzlas brjod byas nas ni/ /snying ga'i nang du 'khor lo chud byas la/ /snying rje dang
 ni shes rab ldan par nyal/ /ldang ba'i dus su dam tshig lha mo yi/ /yang dag glu yis dpal ldan bskul bas ni/ /langs na thub pas bzlas brjod la sogs pa/ /cho? ga snga ma bzhin du bya ba yin/ /dngos grub thob pa'i mtshan
 ma mthong nas ni/ /de nyid gsum mchod byas nas rang gi sems/ /sngar bshad dkyil 'khor dag la gnas nas ni/ /'dod pa'i dngos grub rab tu bsgrub par bya/ /bgegs rnams bdud rtsi thab sbyor 'khor lo yis/ /dbang
 bskur byas nas 'bad pa med par 'joms/ /gang zhig dbus su gnas par gyur pa yi/ /'khor lo de yang de yi yin par 'gyur/ /tha mal rnam rtog rgyun las gzhan pa yi/ /srid pa'i sdug
 bsngal gzhan ci 'ang yod ma yin/ /de dang rnam par 'gal bar 'gyur ba'i sems/ /'di ni mngon sum du ni rtogs par 'gyur/ /zab cing rgya che ba yi bdag nyid can/ /gang yin der ni kun rtog snang mi 'gyur/ /rig pa las ni gzhan du gyur
 pa dag /yod pa min par sngar ni bsgrubs pas na/ /gang zhig gang dang mi mthun pa dag tu/ /lan cig gyur pa'ang de bgrod rgyas gyur pa/ /mthong ba'i bslabs pa rnam par 'phel pa yis/ /rang gi mi mthun shin tu 'gag par byed/ /sbyin pa la sogs
 bdag med ldan pas kyang/ /tha mal pa yi rang gi ngo bo las/ /rnam par ldog par mi 'gyur gang phyir 'dir/ /yod kyang de ni mi mthun 'gyur ma yin/ /de ltar rtogs na snying rjer ldan pa dag /ye shes bsam yas skad cig gis sgrub pa/ /
 dpal ldan kun tu bzang po'i rang gi ni/ /ngo bo su zhig nges par bsgom mi byed/ /dri med blo yi 'od zer rnams kyis ni/ /mun pa thams cad rnam par sel byed pa/ /rnam par bstan pas mdzad pa 'dis mchog gi /bdag 'dra'i go skabs dag
 ni ga la yod/ /bla ma dam pa'i gzhung ni cung zad tsam/ /bzung ba gang yin de yang dang por ni/ /'ching pa lhod ces bya bar grags pas na/ /des na 'di la shin tu 'bad pa yin/ de ltar rnam par sbyar las legs byung pa'i/ /dge ba dri med
 de'i nang du rdzas rnams bzhag la/ de'i steng du oM bsam mo/ /bdud rtsi'i snod kyi kha gab rdo rje rtse lnga par lte bar hUM dang ldan pa bsams la rlung gis me sbar bas bdud rtsi bcas par bsam mo/ /oM dang hUM gi 'od zer gyis kyang smin par byas te/ rnal
 'byor ba skra ba shig la/ lus dud khrod kyi thal bas byugs te/ rtag tu bsgoms nas bza' bar bya zhes bya ba rdzas de 'bar gyi bar du bsgoms la/ 'bar nas bza' bar bya ste/ stong par bsgom mo/ /gzhung de dag gis mnyam par bzhag pa'i