<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1482: rdo rje 'chang chen po'i lam gyi rim pa'i man ngag bdud rtsi gsang ba<br><table><tr><td>
<input type="button" onclick="location.href='tcompletep.php?id=N1482&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1482&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1482&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rdzogs so// //paN+Ti ta de nyid dang 'gos lhas btsas kyi bsgyur ba'o// // */ /rdo rje 'chang chen po'i lam gyi rim pa'i man ngag bdud rtsi gsang ba slob dpon sgra dbyangs bcu gcig pas mdzad pa dang 'dus pa'i gtor
 cho ga shan+ta de pas mdzad pa rab 'jigs rdo rjes mdzad pa'i sbyin sreg/ mdor bsdus pa'i sgrub thabs kyi 'grel pa rin chen phreng ba zhes bya ba slob dpon rin chen 'byung gnas zhi ba'i zhal snga nas mdzad pa rnams bzhugs so// //*/ /rgya gar skad du/ mahA badzra d+ha ro ma thA kra mo pa de
 sha a mri ta gu hya/ bod skad du/ rdo rje 'chang chen po'i lam gyi rim pa'i man ngag bdud rtsi gsang ba/ dpal rdo rje sems dpa' la phyag 'tshal lo/ /mngon par byang chub bde ba che/ /rdo rje lta bu'i ting 'dzin dang/ shes rab ye shes lnga yi dngos gyur pa/
 rdo rje 'chang la phyag 'tshal te/ /pad+ma lta bu dam pa'i chos/ /skyon med ston pa rdo rje 'chang/ /gnyis pa rnam par snang mdzad rigs/ /dkon mchog thog mar 'byung la 'dud/ /de bzhin gshegs pa thams cad kyi/ /man ngag bla ma brgyud pa yi/ /rim pa 'babS
 pa rmi lam na/ /rin chen gter dang phreng? pa bzhin/ /'gyur gyis dogs pa'i 'jigs pa dang/ /gsang ba shes rab ye shes dbang/ /bskur ba'i slob ma snying rje yis/ /gzung ba'i phyir na bri bar bya/ /de las 'byung ba dang 'byung ba las gyur pa'i lus su
 gyur nas/ rdo rje 'chang chen po'i ye shes kyi lus thob par 'gyur pa la lam rnam pa gsum ste/ sems dang po bskyed pa'i lam gyi rim pa dang/ theg pa sar la zhugs pa'i lam gyi rim pa dang/ rnal 'byor pa'i lam gyi rim pa'o/ /sems
 dang po bskyed pa'i lam gyi rim pa la drug ste/ dge pa'i bshes gnyen dam pa mnyes par bya ba dang/ dbang nod pa dang das pa'i chos nyan pa dang /grogs mthun pa dang/ mchod pa'i longs spyod dang/ mthun pa'i gnas so//
 theg pa sar la zhugs pa'i lam gyi rim pa la rnam pa bzhi ste/ snying rje chen po'i ting nge 'dzin dang/ bka' i 'khor lo'i ting nge 'dzin dang/ srung pa'i 'khor ting nge 'dzin dang/ stong pa nyid kyi ting nge 'dzin to/ /rnal 'byor gyi lam kyi rim pa la rnam pa
 gnyis te/ /thun mong gi lam dang/ mchog gi lam mo/ /thun mong gi lam ni rdo rje rnam pa bzhi'o/ /mchog gi lam ni yan lag drug go/ de skad du rnal 'byor chen po'i rgyud dpal gsang ba 'dus pa'i rgyud phyi ma las/ /thun mong mchog gi dbye ba
 yis/ /sgrub thabs rnam pa gnyis su 'gyur/ /thun mong rdo rje rnam bzhi ste/ mchog ni yan lag drug yin no/ /zhes gsungs pa yin no/ /rdo rje rnam pa bzhi gang zhe na/ rgyud de nyid las/ /dang po stong nyid byang chub che/ /gnyis pa sa bon
 'byung ba'o/ /gsum pa gzugs rnams rdzogs pa ste/ /bzhi pa yi ge dgod pa'o/ /rdo rje rnam bzhi de dag ni/ /thun mongs sgrubs pa'i thabs yin no zhes gsungs pa ste/ de dag gis ni bsnyen pa dang/ /nye bar sgrub pa dang/ sgrub pa chen po bzhi
 go rim bzhin du gsungs pa yin no/ /de ji ltar gsungs she na/ 'di ltar sa'i cha bskyed nas don dam pa'i dkyil 'khor bsgom pa'i bar ni byang chub la dmigs shing sgrub pa la bsnyen pa la bsnyen pa'i phyir bsnyen pa zhes bya la/ nye bar
 sgrub pa las sogs pa gsum gyi sngon du don dam pa'i dkyil 'khor bsgoms pa yin pas na dang po stong pa'i byang chub ste zhes kyang gsungs so/ /ldang bar bya ba nas/ rdo rje 'chang chen po'i dam tshig sems dpa' skyed pa'i bar ni
 sgrub cing bskyed pa'i phyir nye bar sgrub pa zhes bya la/ nye bar sgrub pa'i 'bras bu gsum gyi rgyu las lha'i sku byung ba yin pas na gnyis pa sa bon 'byung ba'o zhes kyang gsungs so/ /rdo rje 'chang chen po'i sku de la rnam par snang mdzad spyi bor dgod pa nas
 ting nge 'dzin sems pa bsgom pa'i bar ni bdag gi don sgrub pa yin pa'i phyir sgrub pa zhes bya la/ /nye bar sgrub pa'i 'og tu rdo rje 'chang gi sku rdzogs pa yin pas na gsum pa gzugs rnams rdzogs pa ste zhes kyang gsungs so/ /dang po sbyor ba nas
 las rgyal mchog gi mthar thug gi bar ni gzhan gyi don chen po sgrub pa'i phyir sgrub pa chen po zhes bya la /sgrub pa'i 'og tu sngags kyis dkyil 'khor du dbyung ba yin pas na bzhi pa yi ge dgod pa'o zhes kyang gsungs pa yin no//
 yan lag drug gang yin zhes na yang rgyud de nyid las/ so sor sdud dang bsam gtan dang/ srog rtsol de bzhin 'dzin pa dang/ /rjes su dran dang ting 'dzin rnams/ /sbyor ba'i yan lag drug ces bya zhes kyang gsungs pa yin no/ /de dag kyang
 rgyud de/ nyid las bshad pa ni/ /dbang po rnam pa bcu rnams kyis/ /rang gi 'jug gnas thams cad du/ /'dod pa so sor sdud pa nas/ so sor sdud pa zhes bya'o/ /'dod pa lnga ni mdor bsdus na/ /sangs rgyas lnga ru sbyor ba yis/ /brtag pa bsam
 gtan zhes bshad de/ /bsam gtan de las rnam lngar 'gyur/ /rtogs dang dpyod dang dgang ba dang/ /de bzhin bde ba nyid dang yang/ /sems ni rtse gcig gyur pa ste/ /lnga po der ni bsam gtan bsdus/ /gsang ba gsum 'byung rtog pa ste/ /de nyid
 rab rtogs dpyod pa'o/ /gsal ba dga' ba gsum pa ste/ bde pas bsdus pa bzhi pa'o// shes dang shes bya byung zang pa'i/ /rang sems lnga phar shes par bya/ /sangs rgyas kun dngos zhi ba ni/ /'gro ba kun la rang bzhin gnas/ /ye shes
 lnga'i rang bzhin dbugs/ /'byung ba lnga'i ngo bo nyid/ /gong bu'i gzugs kyis byung nas ni/ /sna yi rtse mor rab tu brtag/ rin chen kha dog sna lnga pa/ /srog dang rtsol ba zhes byar bshad/ /rang sngags snying gar bsamS
 nas ni/ /srog ni thig ler gyur par gzhag/ rang dbang rin chen bkag pa yin /gzung ba 'dzin pa yin par bshad/ /sems ni 'gog pa'i rdo rjer gyur/ /mtshan ma nyer 'dzin 'byung bar 'gyur/ /mtshan ma'i khams ni rnam pa lngar/ /byang
 chub rdo rjes gsungs pa yin/ /smig rgyu 'dra ba dang po ste/ /du ba lta bur gnyis pa yin/ /mkha' snang 'dra ba gsum pa ste/ /mar me ltar 'bar bzhi pa'o/ /sprin med nam mkha' lta bu ni/ /rtag tu snang ba lnga pa'o/ /brtan gyur rdo rje'i laM
 nas ni/ /nam mkha' i khams su spro bar bya// rjes dran gang zhig rnam sgom pa/ /de dang 'dra bar bsgom par bya/ /rjes su dran pa zhes bshad de/ /so sor snang ba de las skyes/ /thabs dang shes rab snyoms 'jug pas/ /dngos po thaMs cad
 mdor bsdus nas/ /dbus ni gzugs su rnam par bsgom/ /yud kyis ye shes rdzogs byed pa/ /ting nge 'dzin ces brtags pa yin zhes gsungs pa ste/ de dag gis ni lus rnam par dben pa dang/ dag rnam par dben pa dang/ semS
 rnam par dbyen pa dang /kun rdzob kyi bden pa dang/ don dam pa'i bden pa dang/ zung 'jug dang/ /lhun gyis grub pa'i lam rnams gsungs pa yin no/ /dang por lus rnam par dben pa'i gzhir gyur pa gzung 'dzin gyi nga rgyal
 gyis gnas pa'i lus tha mal pa las dben pa bstan par bya ba'i phyir dbang po rnam pa bcu zhes bya ba las sogs pa gsungs ste/ dbang po lnga dang yul lnga ni dbang po rnam pa bcu ste/ yul can gyi ming yul la btagS pa'i
 phyir ro/ /de rnams kyi rang gi 'jug pa ni rang gi gzung 'dzin gyi rang bzhin gyis bdag gi gzugs las sogs par 'jug cing gnas pa ni 'jug gnas so/ /thams cad du ni sha'i khams tshad dang/ /rtsa dang rgyus pa las sogs pa chogs pa'o/ /'dod pa ni
 bdag gis gzugs las sogs pa yul te/ dbang po rnams kyi 'dod cing chags par bya ba'i yul yin pa'i phyir ro/ /de pas na de rnams dbang po rnams kyis so sor rang gis sdud cing len pas na so sor bsdud pa zhes bshad do/ /lus rnam par
 dben pa'i gzhi bshad pa ste yan lag dang po'o/ /tha mal pa las rnaMs par dben pa bstan par bya ba'i phyir 'dod pa lnga ni zhes bya ba las sogs pa gsungs te/ 'dod pa lnga ni gzugs kyi phung po las sogs phung po lnga'o/ /phung po de re re la
 yang nang gi dbye ba tha dad pa du ma yod pa thams cad kyang lngar bsdus pas na/ mdor bsdus na'o/ /de dag rnam par snang mdzad la sogs pa sangs rgyas lnga'i rang bzhin du sbyor bas na sangs rgyas lnga ru sbyor pa yis te/ de ltar lhar brtags pa de ni bsam
 gtan zhes bshad do/ /bsam gtan de las dbye pa rnam pa lnga ru 'gyur te/ rtog dang zhes pa las sogs pa ni de las dbye ba ste/ go sla'o/ /gsang ba gsum ni khams dang/ skyed mched dang yul te/ gsang pa gsum po de rnams kyang de bzhin gshegs
 pa lnga'i bdag nyid yin no zhes gang rtogs pa de ni rtog pa yin no/ /de nyid las rab tu phye ste rtog pa 'di ni dpyod pa'o/ /de ltar dpyad pas shin tu gsal bar mthong ba ni dga' ba gsum pa ste/ de lta bu'i rnal 'byor la zhugs pas lus
 shin tu sbyang ba las sogs pa'i bde ba gang thob pa de ni bde bas bsdus pa bzhi pa'o/ /de yang dpal gsang ba 'dus pa las/ /mdor na phung po lnga rnams ni/ sangs rgyas lngar ni rab tu grags/ /rdo rje skye mched nyid ngag kyang/ /byang chub seMs
 dpa' i dkyil 'khor mchog/ sa yi khams ni sangs rgyas spyan/ /chu yi khams ni mA ma kI //mi yi khams ni gos dkar mo/ /sgrol ma rlung du rab du grags/ /gzugs dang sgra sogs sngags pa yis/ /lha nyid du ni rtag tu sgoms
 zhes gsungs pa yin no/ /rnal 'byor pa la dben pa bstan pa'i phyir shes dang bya ba las sogs pa gsungs te/ shes dang ni mig las sogs pa'i rnam par shes pa ste 'dzin pa'o/ /shes bya ni phung po las sogs pa'i lha ste gzung ba'o/ /gyur
 pa ni de dag rtogs pa'o/ /zad pa ni gzung ba 'dzin pa dang stong pa nyid du shes pa ste/ de lta bu'i ye shes kyi mtshan nyid sems rtse gcig pa las rang sems lnga par shes par bya zhes bya'o/ /rang sems ni sangs rgyas kun gyis
 dngos po zhi ba yin te/ /sku dang gsung dang thugs mi phyed par gyur pa'i phyir ro/ /de lta bu'i dben pa gnyis ni 'gro ba kun la rang bzhin gyis grub nas gnas so/ /de yang dpal gsang ba 'dus pa las khyed kyis sems lus lta bu
 dang ngag sems lta bur dang /sems tshig tu brjod pa lta bur skyed cig ces gsungs pa yin no/ /lus rnam par dben pa'i bshad pa ste yan lag gnyis pa'o/ /dag rnam par dben pa la rnam pa gnyis te/ /tha mal pa las
 dben pa dang rnal 'byor las dben pa'o/ /tha mal pa las dben pa bstan pa'i phyir ye shes lnga zhes bya ba la sogs pa gsungs te/ spyir sems can gyi lus la rtsa ba'i rlung lnga dang/ yan lag gi rlung lnga ste bcu gnas so/ /de yang
 rdo rje sgo zhes bya ba rnal 'byor chen po'i rgyud las/ /srog dang thur? du sol ba dang/ me dang mnyam du gnas pa dang/ gyen du rgyu dang khyab byed dang/ /rgyu ba dang rnam par rgyu ba dang/ yang dag par rgyu ba dang/ /rab tu rgyu ba dang/ nges
 par rgyu ba dang zhes gsung pa yin no/ /rlung bcu po de dag ni dbugs dbyung ba dang/ rdub par 'gyur ba dang/ me long lta bu la sogs pa ye shes lnga'i rang bzhin du 'gyur ba yin pas na ye shes lnga'i rang bzhin dbugs shes bya'o/ /rlung la sogs pa 'byung ba
 lnga'i bdag nyid du gyur pa yin pas na sa byung ba lnga'i ngo bo nyid do/ /rlung de rnams 'jug pa dang gnas pa dang lnga pa gsum du 'gyur pas na gong bu'o/ /de yang oM A:hUM gsum gyi gzugs su gyur nas me'i dkyil 'khor la sogs pa nas
 gzugs kyis byung nas so/ /byung nas sna'i rtse mor rab tu brtag ces pa ste/ kun rdzob kyi sna sgo g.yas pa la sogs pa'i rim gyis byung bar brtag ces pa'i 'don to/ /de dag ji ltar brtag ces na/ rin chen zhes bya ba la sogs pa
 gsungs te/ 'jug gnas ldang ba dang dbyer med pa'i yi ge gsum ni de bzhin gshegs pa lnga'i bdag nyid yin pa'i phyir na rin chen no/ /sku mdog gi bye brag gis dkar po la sogs pa'i 'od zer lnga dang ldan pas kha dog
 sna lnga pa'o/ /'tsho bar byed pa'i phyir de nyid la srog ces bya la/ /lhun gyis grub pa'i tshul gyis nyin dang mtshan du spro zhing sdud pas na rtsol ba zhes bya bar yang bshad pa ste/ de lta bu'i rdo rje bzlas pa byed par brtag cing bsgo mo
 zhes bya ba'i don to/ /de yang gyen du rgyu ba'i rlung lkog ma na gos dkar mo'i rang bzhin gyis me'i dkyil 'khor la gnas shing kun rdzob kyi sna sgo g.yas nas rgyu ba de bzhin gshegs pa 'od dpag tu med pa'i bdag nyid
 'od zer dmar po'i ngo bo nyid de/ las kyi rlung rnams dbang po'i sgor spro ba dang/ bza' ba la sogs pa lce'i rnam par shes pas nyams su myong bar byed do/ /me ang mnyam du gnas pa lte ba na sgrol ma'i rang bzhin gyi rlung gi dkyil 
 'khor la gnas shing sna g.yon nas rgyu ba ni don yod grub pa'i bdag nyid 'od zer nag po'i ngo bo nyid de/ las ni bza' ba la sogs pa dus mnyam du 'ju bar byed do/ /thur du sel ba gsang ba na spyan ma'i rang
 bzhin gyis sa'i dkyil 'khor la gnas shing sna sgo gnyis ga las rgyu ba rin chen 'byung ldan gyi bdag nyid 'od zer ser po'i ngo bo ste/ /rlung dang bshad gci la sogs pa thur du sel ba'i las byed de/ /srog snying ka na mA ma kI'i
 rang bzhin gyi chu'i dkyil 'khor la gnas zhing rgyu ba bul ba ni mi bskyod pa'i bdag nyid 'od zer dkar po'i ngo bo nyid dag pa ste /rlung rnams dbang po'i sgor spro ba dang nang du sdus pa'i las byed do/ /khyab byed tshigs thaMs cad
 la gnas pa ni de bzhin gshegs pa rnam par snang mdzad kyi bdag nyid kun la khyab pa'i 'od zer can nam mkha' i ngo bo nyid de/ gang dang gang byung ba de dang de'i dkyil 'khor gyi tshul du 'byung la 'chi bI tshe gtso bo'i tshul
 gyis 'byung ba ste/ lus gyis 'greng gug dang bskyod pa la sogs pa'i bya ba byed do/ /rlung de dag gi thun mong gi las ni rnam par shes pa'i bzhin pa byed do/ /rgyu ba la sogs pa'i yan lag gi rlung lnga ni mig la sogs dbang
 po lnga go rim bzhin du gnas nas phyi rol gyi gzugs la sogs pa'i yul gyi ba bye ba byed do/ /de lta bu'i rlung thams cad kyi de kho na nyid ? 'jug gnas ldang ba gsum yin la/ 'jug gnas ldang ba gsum ni oM A:
 hUM gsum gyi bzhon par nas mi phyed pa'i tshul gyis snying gi dkyil gyi pad+ma'i lte ba la gnas pa'i mi shigs pa'i thig le las ldang ba hUM dang 'jug pa oM dang gnas pa A:I rang bzhin chu'i dkyil 'khor la soD
 pa'i mtshan nyid can kha dog dkar po la sogs pa la brten te/ kun rdzob kyi sna sgo g.yas pa la sogs pa'i las lhun gyis grub pas rdo rje bzlas pa byas te/ sngon gyi las kyi sgrib pa thams cad byang bar byed do/ /gzhan yang yi ge gsum po de nyid
 kyi bskyed pa'i rim pa'i skabs su sngags kyi lus skyed par byed do/ /tha mal ba'i dus su 'jug pa dang gnas pa dang ldang ba'i rim gyis lus 'dzin par byed do/ /dbang po gnyis sbyor ba'i dus su kha grur? du bltas nas gsang ba'i sna'i bu gnas
 sa bon gyi gzugs kyis byung nas sems can thams cad bskyed par byed do/ /las dang po'i dus su yi ge'i gzugs su brtags nas dag gi bzlas pa byas te /phyi'i kha dog la sogs pa la brten nas zhi pa la sogs pa'i las byed do/ /rnal
 'byor pa kha zas za ba'i dus su sbyang pa dang rtogs pa dang 'bar bar byas te/ bdud rtsir byed do/ /de dag kyang rnal 'byor chen po'i rgyud rdo rje phreng ba las/ sangs rgyas lnga yi rang bzhin gnas/ /sna rtse'i bu ga la byung pa'i/ /rlung lnga steng du yang
 ngag rgyu/ /lus la rtag tu sbyor bar 'gyur/ /kun rdzob sna las nges 'byung ba/ /g.yon dang g.yas dang gnyi ga dang/ /ngal bar rgyu dang rnam pa bzhin/ /nang gi dus ni yin par bshad/ /g.yas pa na ni 'byung ba'i khams/ /me yi dkyil 'khor nyid
 yin te/ /kha dog dmar pa'i mchog 'di ni/ /pad+ma'i mgon po rgyu ba'o/ /g.yon pa nas ni 'byung ba'i khams/ /rlung gi dkyil 'khor 'byung ba dag/ ljang ser dag tu snang ba ste/ /las kyi mgon po rgyu ba'o/ /gnyi ga las ni 'byung ba'i khams//
 gser gyi mdog tu snang ba ste/ /dbang chen gyi ni dkyil 'khor nyid/ /rin chen mgon po rgyu pa'o/ /dal zhing rgyu pa med pa'i khams/ /dag pa shel ltar snang pa ni/ /chu yi dkyil 'khor nyid yin te/ /rdo rje mgon po rgyu ba'o/ /lus kun
 la ni gnas pa'i rlung/ /khams 'di kun gyi 'khor 'byung ba/ /rnam snang mdzad chen sku yin te/ /'chi ba'i tshe na gtso bor 'byung/ /lkog ma snying ga lte ba dang/ /gsang ba'i pad+mar 'gro 'ong ston/ /thun phyed kyi ni
 dus ngag tu/ /go rim ji bzhin gnas par bstan/ /dkyil 'khor bzhi po 'di dag nyid/ /mnyam par bzhag pas rang nyid kyis/ /zlos pa'i sngags bzhi sbyor ba ni/ /nyin dang mtshan tu rtag par zlos zhes gsungs pa yin no/ /sngags
 zlos pa'i grangs ni nyin zhag gcig la nyi khri chig stong drug brgya zlos so/ /de la thun phyed pa nyi shu rtsa bzhi'o/ /thun chen po bcu gnyis so/ /dbyug skor drug go/ de yang rnal 'byor chen po'i rgyud dgongs pa lung ston las/ /gos dkar la
 sogs bzlas bshad pa/ /brgya phrag gnyis dang nyi shu lnga/ /bzhi pa legs par bsgres pa yis/ /sbyor bzhi bsdus pas brgya phrag dgu/ /dgu brgya dag tu gang bstan pa/ /nyi shu rtsa bzhi'i rim gyi ni/ /de ni so sor 'byung ba las/ /nyi khri chig
 stong drug brgya'o zhes gsungs pa yin no/ /A li dang kA li las byung ba'i sbrul la sogs pa'i sngags thams cad kyi de kho na nyid ni oM A:hUM gsum yin te sngags thams cad bud med dang skyes pa dang ma ning gi tshul gyis
 yi ge gsum der 'du ba'i phyir/ /de yang dpal gsang ba 'dus pa las/ /de bzhin gshegs pa thams cad kyi sku dang gsung thugs kyi gsang sngags thams cad kyi snying po skul bar byed pa zhes bya ba mchog tu gsang ? nyid kyi
 sku dang thugs rdo rje las tshig ma nges par brjod pas sngags bsdus pa 'di lta bu gsungs so/ /oM A:hUM zhes gsungs pa yin no/ /rnal 'byor las dben pa bstan pa'i phyir rang sngags shes pa la sogs pa gsungs te/ rang sngaD
 ni oM A:hUM ngo/ /snying gar bsam pa ni oM A:hUM gsum 'jug gnas ldang pa gsum la thim/ /de gsum yang snying ga'i srog ces bya ba'i rlung la thim par bsgom pa ni rang sngags snying gar bsam pa'o/ /de nas ni srog ces bya ba'i rlung yang mi shigs pa'i thig le'o?
 thim par bsgom par bya ba yin pas na srog ni thig ler gyur par bzhag ces bya'o/ /ngag rnam par dben pa bshad pa ste yan lag gsum pa'o/ /sems rnam par dben pa la rnam pa gsum ste/ sems rnam par dben pa ma rtog pa'i skyon dang/ tha mal pa
 las dben pa dang/ rnal 'byor las dben pa'i/ /sems rnam par dben pa ma rtogs pa'i skyon bstan pa'i phyir rang dbang zhes gsungs so/ /rang ni gzugs la sogs pa'i yul gzung par snang ba'o/ /dbang po ni mig la sogs pa'i rnam par shes pa ste/
 rten gyi ming brten can la brtags pa'i phyir ro/ de ni 'dzin par snang ba'o/ /gzung ba dang 'dzin par snang ba'i ngo bo nyid ni stong zhing dben pa yin pa la/ de ltar ma shes pas/ gzung ba dang 'dzin pa rang gi rnam par rtogs pa las byung
 bas sdug bsngal gyi phung po chen por mngon par grub nas nga'i lus dang nga'i ngag dang nga'i sems so zhes bdag tu rlob pa dang/ ngar sems pa las dge ba dang mi dge ba byas te/ de'i 'bras bu rnam par smin pa nyams su myong nas 'od gsal tu 'jug pa'i
 rims gyis phung po spangs te/ rlung gi khams kyis 'phangs nas srid pa bar ma zhes bya bar gyur nas 'gro ba lnga rnams su gcig nas gcig tu nyid mtshams sbyor bas lus blangs shing 'khor ba'i sdug bsngal nyams su myong bar 'gyur ro/ /de yang
 dgongs pa bla na med pa las/ /de 'dra'i rang bzhin mi shes pas/ /mi shes mun pas khebs pa rnams/ /dge dang mi dge'i las byas nas/ /'gro ba lngar ni 'khor bar 'gyur/ mtshamS med la sogs byas nas ni/ /dmyal ba la sogs 'chod par
 'gyur/ /sbyin sogs dge pa byas nas ni/ /mtho ris la sogs dag tu 'gyur/ /skye ba dpag med stong phrag ni/ /du mar yang dang yang thob? pa/ /'di ni sngon las rnam smin zhes/ /rmongs pa rnams ni mya ngan byed/ /ces
 gsungs pa yin no/ /tha mal pa las dben pa bstan pa'i phyir rin chen zhes gsungs te/ sems dben par shes nas sangs rgyas kyi ye shes rin po che skye pa'i rgyu yin pa'i phyir sems la rin chen zhes bya'o/ /de yang 'da' ka ye shes
 kyi mdo las/ sems ni ye shes 'byung pa'i rgyu/ sangs rgyas gzhan du mtshol cig ces gsungs pa yin no/ /sems de'i ngo bo nyid ji lta bur zhe na/ de ni rang rig pa tsam mtshan ma thams cad dang bral ba dmigs su med pa'o//
 de yang dkon mchog brtsegs pa chen po'i mdo las/ /'od srungs sems ni yongs su brtsal na mi rnyed mi rnyed pa de mi dmigs so/ /gang la dmigs pa de 'das pa ma yin/ /ma 'ongs pa ma yin da ltar byung ba ma yin no zhes bya
 pa la sogs pa gsungs pa yin no/ /de lta bu'i sems de yang dbye na rnam pa gsum du gyur te/ snang ba dang snang ba mched pa dang snang ba thob pa 'am/ sems dang sems las byung ba dang ma rig pa 'am/ /stong pa dang shin tu stong pa
 dang stong pa chen po 'am/ /'dod chags dang 'dod chags bar mi dang 'dod chags dang bral ba zhes bya'o/ /de gsum rlung la zhol te rlung dang dbyer med par gyur nas dbang po'i lam nas skad cig dang thang
 cig dang yud tsam dang mig btsums pa dang thal mo brdabs pa tsam du byung nas/ yul thams cad la dmigs par 'gyur ro/ /de kho na nyid kyi tshe na 'dod chags shes bya ba la sogs pa'i rang bzhin brgyad cu'i sems
 de bzhin du 'byung bar 'gyur go /de yang dgongs pa bla na med pa la/ /rang rig tsam gyi ye shes ni/ /nam mkha' 'dra par mtshan nyid med/ /'on kyang de la dbye yod de /mtshan mo nyin mo mtshams bdag nyid/ /snang ba dang ni snang ba mched/ de bzhin snang ba
 nyer thob pa/ /sems ni rnam par gsum bshad nas/ /de'i rang bzhin bshad par bya/ /pra ba'i gzugs can rlung dang ni/ /ye shes dag 'dres gyur pa/ /yul rnams la ni dmigs par 'gyur/ /gang tshe snang ba ldan gyur pa/ /rlung gi bzhon par gyur pa
 yin/ /de che rang bzhin de thams cad/ /ma lus lus pa med par gyur/ /rlung ni gang dgang? gnas pa/ /rang bzhin de dang de rjes spyod ces gsung spa yin no/ /snang ba la sogs pa de dag gi mtshan nyid kyang ji lta bu zhe na/ ston gyi zla ba'i 'od zer nam
 mkha' dri ma med pa la khyab ste gsal ba ltar rang bzhin gyis gsal ba'i rnam par dngos po ma lus pa thams cad la dmigs pas na snang ba ste/ de la ni sems dang stong pa zhes kyang bya'o/ /ston gyi nyi ma'i 'od zer gyis nam mkha' dri ma med pa
 la khyab pa ltar shin tu gsal zhing dri ma med pa'i ngo bo nyid du dngos po ma lus pa la dmigs pas na snang ba ched pa ste/ /sems las byung ba dang shin du stong pa zhes kyang bya'o/ /mtshams kyi smag la bab pa ltar mtshan ma'i dngos po/
 thams cad mi snang bar nub pa phra zhing bdag med pa srog dang rtsol ba rgyu med pas na snang ba thob pa ma rig pa ste/ stong pa chen po zhes kyang bya'o/ /de lta mod kyi de gsum char yang lus dang ngag dang sems med pa mtshan ma'i dngos po thams
 cad bral ba nyid du rig par bya'o/ /de yang rnam par snang mdzad mngon par byang chub pa'i rgyud las/ sems de ni rang bzhin gyis yongs su dag pa yin te/ de ni nad na yang med phyi rol na yang med/ gnyis kyi bar na yang mi gnas so//
 gsang ba'i bdag po sems de ni de bzhin gshegs pa dgra bcom pa yang dag par rdzogs pa'i sangs rgyas rnams kyis ma gzigs gzigs par mi 'gyur te/ sngon por ma yin/ ser
 por ma yin /dmar pos ma yin/ dkar por ma yin/ le brgan du ma yin/ shel gyi kha dog du ma yin/ thung dur ma yin /ring por ma yin/ zlum por ma yin/ gru bzhir ma yin/ /snang bar ma yin/ /mun par ma yin/ bud
 med du ma yin skyes par ma yin/ ma ning du ma yin/ gsang ba'i bdag po sems de ni 'dod pa'i khams kyi rang bzhin du ma yin /gzugs kyi khams kyi rang bzhin du ma yin /gzugs med pa'i khams kyi rang bzhin
 du ma yin no zhes bya ba la sogs pa gsungs pa yin no/ /rnal 'byor las dben pa bstan pa'i phyir 'gog pa yis/ /gzung ba 'dzin pa yin par bshad ces gsungs te/ de yang dang por rdo rje dang pad+ma'i sbyor ba med par rnam par
 shes pa gsum mngon du byas par mi nus so te /de skad du rnal 'byor chen po'i rgyud ye shes rdo rje kun las btus pa las bsngags dang phyag rgyas sngon du 'dus byas pa'i rdo rje dang pad+ma mnyam par sbyor ba med par rnam par shes
 pa gsum dri? bar brtag par mi nus so/ zhes gsungs so/ /de bas na rdo rje dang pad+ma sbyor ba las rtsa phran stong phrag bdun cu rtsa gnyis mas byang chub kyi sems rlung gis bskyod nas rtsa thams cad 'dus pa'i rdo rje'i rtsa bar
 phyin pa'i tshe snang ba'i ye shes skye/ rdo rje'i sked par phyin pa'i tshe snang ba mched pa'i ye shes skye/ /byang chub kyi sems rdo rje'i rtse mor phyin pa'i tshe snang ba thob pa'i ye shes skye bas gang dang gang skye ba de dang de la mngon
 gsum du bya'o/ /de yang 'das ma thag pa'i rgyu dang nyid las rdo rje dang pad+ma sbyor ba'i chags pa las 'dod chags dang/ 'dod chags bar ma dang/ 'dod chags dang spal ba'i ye shes su shes par bya ste/ de'i phyir rnam par shes pa gsum du
 gsungs so zhes pa yin no/ /sems gang skyes pa de thams cad 'od gsal gyi bde bar bcug pa ni 'gog pa'i zhes bya'o/ /bde ba der sems gzung bar bya ba yin pas na gzung pa'o/ /bde ba des sems 'dzin pa de nyid gzung ba 'dzin
 pa yin par bshad ces bya'o/ /de yang dgongs pa bla na med pa las/ /ji ltar sprin ni sna tshogs shing/ /mdog dang dbyibs ni tha dad pa/ /nam mkha' i dbyings su byung nas ni/ /de nyid du ni thim par gyur/ /de bzhin rang bzhin thams cad ni/ /snang
 pa gsum gyi rgyu babs pa //ma lus yul la zhugs nas ni/ /'od gsal par ni 'jug par 'gyur zhes gsungs pa yin no/ /de ltar sems kyi bde ba sngon du bya ba'i thabs shes nas 'khor ba las myur du grol bar 'gyur te/ de yang
 rgyud de nyid las/ /rang bzhin snang ba'i tshul gyi ni/ /gang zhig skye ba nyon mongs pa/ /de nyid shes na ye shes can/ /srid pa'i gze pa las grol bar 'gyur/ /zhes bya ba dang/ sde snod gsum gyi tshul las/ /gcig tu 'gro zhing ring du
 rgyu/ lus med dbang po'i phug na gnas/ /'dul bar dkar ba'i sems 'dul byed/ /bdud kyi bcings pa las grol 'gyur zhes gsungs pa dang/ /gtsug tor gyi mdo las kyang/ /nyon mongs pa'i mdud pa grol bar 'dod pa
 khong nas khrol? bar bya'o zhes gsungs pa yin no/ /sems rnam par dben pa bshad pa ste yan lag bzhi pa'o// //kun rdzob kyi bden pa bstan pa'i phyir so sor snang ba de las skyes shes gsungs 
 te/ de la kun rdzob kyi bden pa ni bdag byin gyis brlab pa'i man ngag gis lha'i skur sprul pa'o/ /de yang rang gi sems yang dag par ji lta ba bzhin shes pa las byung ba ste/ /'di ltar nang gi 'od gsal ma
 rig pa rlung la zhon te byung/ ma rig pa las byung ba'i sems las byung ba dang sems kyi snang ba rlung dang dbyer med pa ye shes tsam du snang ba 'od zer lnga dang bcas pa las rgyu ma lta bu'i lha'i sku 'byung bar bsam mo/ /de nyid
 la yid kyi lus shes kyang bya'o/ /de bas na 'phags pa de kho na nyid bsdus pa'i rgyud las rigs kyi bu mnya par gzhog la rang gi sems la so sor rtogs shig ces gsungs pa dang /bsam gtan gyi sgo'i mdo
 las kyang/ phyi rol kyi mtshan mas sgrub par byed pa ni bskal pa grangs med pas kyang thob par mi nus so/ /nang gi sems kyi tshor ba'i ngo bo nyid rig na yul tsam gyis bla na med par 'tshang rgya'o zhes gsungs pha//
 byang chub kyi sde snod kyi mdo las kyang/ sems yud tsam gyis shes rab dang ldan pas bla na med pa'i byang chub tu 'tshang rgya'o zhes gsungs pa yin no/ /de ltar bdag byin gyis brlabs pa'i man ngag gis bdag
 nyid rdo rje sems dpa' i skur sprul pa ni rtsig pa'i ras kyi sku'i gzugs brnyan me long gi nang ba lta bu ste/ sku blta bas chog mi shes pa'i mtshan dang dpe byad bzang po brgyad cus so sor gsal zhing sku
 mdog 'ja' tshon ltar snang bas na so sor snang ba zhes bya'o/ /de yang ye shes rdo rje kun las btus pa'i rgyud las/ /sems dang sems las byung ba'i rnal 'byor chen po'i bde ba chen po'i ting nge 'dzin to/ /de
 ni sgyu ma'i dpes nye bar mtshon te/ de bas na sangs rgyas kyi zhing gaM gA'i klung gi bye ma rnyed kyi de bzhin gshegs pa ni rgyu ma lta bu dang /chu zla lta bu dang /mig ?  lta bu dang /rmi lam dang /brag tsa dang /dri za'i grong khyer dang/ mig
 'phrul dang/ dbang po'i gzhu dang /glog dang chu'i chu bur dang /me long gi gzugs brnyan lta bu ste/ sgyu ma'i dpe bcu gnyis kyis bde ba chen po'i ting nge 'dzin nye bar mtshon pa yin no zhes gsungs pa dang/ rnam par snang mdzad
 mngon par byang chub pa'i rgyud las kyang/ 'ja' tshon lta bu'i lus ngag ni/ /de nyid bsgoms pas thob par 'gyur zhes gsungs pa yin no/ /bdag 'ba' zhig de ltar sgom par ma zad kyi chos thams cad sgyu ma lta bur shes par bya'o//
 sgyu ma lta bu'i ting nge 'dzin de yang de bzhin gshegs pa thams cad kyi man ngag gsang ba yin pa dang/ shes rab can nga rgyal bcag par bya ba'i phyir yan lag lngar sbas te bzhag ba yin no/ /de ltar sgyu ma lta bu'i ting nge 'dzin
 la gnas pas 'od gsal bsgoms nas de las 'od gsal gyi ye shes skye bar 'gyur bas na de las skyes shes gsungs pa yin no/ /kun rdzob kyi bden pa bshad pa ste yan lag lnga ba las phye'o// //
 don dam pa'i bden pa la gnyis te/ phyi'i mngon par byang chub pa dang/ /nang gi mngon par byang chub pa'o/ /phyi'i mngon par byang chub pa la bzhi ste/ ji srid tho rangs kyi thun mtshams nas nyi ma shar ba'i bar de srid du ni lus
 dang ngag dang yid dang bral ba thams cad stong pa'i mtshan nyid do/ /gang gis tsho nyi ma shar nas nyi ma yod pa de'i tshe na snang pa mched pa shin tu stong pa'o/ /ji srid nyi ma nub pa nas zla ba ma shar ba'i bar de srid ni
 ma rig pa stong pa chen po'o/ /ji srid du zla ba shar ba nas tho rangs gyi thun mtshams de srid du ni snang ba thob stong pa'i mtshan nyid do/ /nang gi mngon par byang chub pa la rnam pa gnyis te /thun mong dang
 thun mong ma yin pa'o/ /thun mong ni sems can thams cad kyi snying ga'i dkyil 'khor na mi shigs pa'i thig le de bzhin gshegs pa'i snying po rang bzhin gyis 'od gsal ba mi g.yo ba chos thams cad kyi rgyur
 'gyur ba rang bzhin gyis grub nas gnas so/ /de yang de bzhin gshegs pa'i snying po'i mdo las/ de bzhin gshegs pa'i sku ye shes dang ldan pa spyan dang ldan pa sems can thams cad kyi lus kyi nang na ji bzhin
 mi g.yo bar bzhugs so/ /zhes gsungs pa dang/ lang+kar gshegs pa'i mdo las kyang/ de bzhin gshegs pa'i snying po de rang bzhin gyis 'od gsal ba rnam par dag pa thog ma nas rnam par dag pa'i mtshan
 nyid mtshan sum cu rtsa gnyis dang/ dpe byad bzang po brgyad cu dang ldan pa/ sems can thams cad kyi lus kyi nang na mchis so zhes gsungs pa dang/ gser 'od dam pa'i mdo las/ de bzhin gshegs pa'i
 snying po mtshan ma thams cad rnam pa dag pa ste/ dper na gser gyi rang bzhin ye nas dag pa dang /chu'i rang bzhin ye nas dag pa dang nam mkha' i rang bzhin ye nas dag pa med pa ma yin pa de bzhin du chos thams
 cad kyi ye nas dag pa'ang med pa ma yin no/ /zhes gsungs so// thun mong ma yin pa ni sangs rgyas thams cad kyi man ngag theg pa chen po'i 'ang yul ma yin pa gsang ba'i 'ang gsang ba chen po yin pa de'i
 phyir yan lag lnga pa dang/ /drug pa gnyis dkrugs te gsungs pa yin no/ /de yang rnal 'byor chen po'i rgyud lha mo bzhis zhus pa las/ /snying po shin tu snying po mchog /gang de kun bdag la gnas pa'i/ /sangs rgyas kun gyi gsang chen
 ni/ /lha mo khyod la bshad par bya zhes gsungs ba yin no/ /gsang ba de yang ril por 'dzin pa dang/ rjes su gzhig pa'i bsam gtan gnyis kyis mngon du bstan te/ /de la ril phor 'dzin pa'i bsam gtan bstan pa'i phyir thabs
 dang shes rab snyoms 'jug pa zhes gsungs te/ dang por shes rab mtshan dang ldan pa brlab pa la 'byongs pa dang/ dus mnyam du rgyu ma lta bu'i lha'i ting nge 'dzin la snyoms par zhugs la 'khyud pa dang 'o byed pa dang /ma mchu
 'jib pa dang /thal mo bsdab pa dang/ so dang sen mo 'debs pa dang /nu ma nyad pa dang/ 'phyang 'thag dang/ brkyang ba dang / grong gi bya ba dang/ mu tig gi phreng ba dang dpung brgyan dang/ gdub bu dang/ rkang gdub kyis sgra dang
 ldan par yul dang dbang po ste rdo rje dang pad+ma ma mnyam par sbyor ba la thabs dang shes rab snyoms 'jug pa zhes bya'o/ /de ltar snyoms par 'jug pa'i dga' bas mgo'o nas rkang pa'i bar du gnas dgu la sogs pa na gnas pa'i byang
 chub kyi sems rtsa phran stong phrag bdun cu rtsa gnyis nas drangs nas dregs pa dang/ ru sbal dang zla ba gang ba ste /rtsa sbubs gsum sor mo gsum gyis bskyod cing rab tu bskul bas mgo bo nas rkang pa'i bar gyi phung po dang
 khams dang skye mched kyi ngo bo nyid kyi de bzhin gshegs pa thams cad kyang 'dod chags chen po'i mes zhu bar 'gyur nas dngul chu dri ma med pa lta bur mchog tu dga' ba'i bde ba chen po byang chub kyi sems 'od gsal
 ba shin tu gsal zhing dang ba ye shes lnga'i ngo bo yud dkar? kyi phyed tsam 'od zer sna tshogs 'bar ba snying ga'i dbus na yungs dkar tshe ba'i tshad tsam pad+ma dkar po 'dab ma brgyad kyi lte ban? thun
 ming gi don dam pa gnas pa la me long la khyab pa'i dbugs rim gyis dbus su 'du ba ltar bsdus te thim nas thun mong dang thun mong ma yin pa chu dang 'o ma ltar dbyer med pa'i bde ba chen po dang ldan pa'i bsam gtan de
 de la rab tu gnas te/ yang dag pa'i mdza' la 'jug par bya'o/ /de yang lha mo bzhis zhus pa las phra mo dang thig le gsungs pa/ byang chub sems dag 'od gsal ba/ /zla ba shel de mnyam pa'i 'od/ /de nyid ye shes
 lnga yi dngos/ /yungs kar che ba'i 'bru tshad tsam/ /de'i dbus su bzhugs pa'i lha/ /mi gsal gsal ba'i gzugs can te/ phyed tshad tsam gyis phra mo mchog /yid kyi dngos bo thig le'i gzugs/ /rtag tu snying
 ka'i dbus gnas pa/ /'od zer chen po 'bar ba can/ /ji snyed du ni dgu yi bar/ /dpral ba la gnas rkang mthil bar/ /thig le kha nar bsdu ba ste/ /lte ba'i dbus su rnam par gnas shes gsungs pa
 'dis gsal bar bstan pa dang/ rdo rje dkyil 'khor rgyan ces bya ba'i rgyud las kyang/ snying ka'i dbus su mi shigs pa/ 'bar zhing mar me dag dang mtshungs/ /mi 'gyur mchog dang phra ba ste /a ni
 gtso bo dam pa'o zhes gsungs pa dang/ /dpal gsang ba 'dus pa las kyang/ /rin chen kha dog snga lnga pa/ /yungs kar gyi ni 'bru tshad tsam/ /sna yi rtse mor nan tan du/ /de nyid sbyor bas rtag tu bsgoms
 zhes gsungs pa dang/ 'dus pa'i rgyud phyi ma las kyang/ /sangs rgyas kun dngos zhi ba'i ni/ /'gro ba kun la rang bzhin gnas/ /ye shes lnga yi rang bzhin dbugs/ /'byung ba lnga yi ngo bo nyid/ /gong bu'i gzugs kyis byung nas ni/ /sna yi
 rtse mor rab tu brtag /rin chen kha dog sna lnga pa/ /srog dang rtsol ba zhes su bshad/ /rang sngags snying gar bsams nas ni/ /srog ni thig ler gyur par bzhag ces gsungs pa'i don ni lung de dag las mthar thug pa'i don gyis
 bshad pa ni de lta bu yin no/ /lhag pa'i byang chub kyi sems gsang ba'i rdo rje'i gnas nas pad+ma'i sna rtser yig 'brur gyur par bsams te/ phyung ba ni sbas pa'i don gyis bshad pa yin no/ /steng gi sna rtser rdo rje la sogs pa'i
 mtshan ma la yig 'bru ba sams pa ni spyi'i don gyis bshad pa yin no/ /kun rdzob kyi sna sgo g.yas pa la sogs pa nas rlung dang sngags kyi de kho na nyid 'byung bar bstan pa ni nges pa'i don gyis bshad pa yin no/ /rnam
 pa gcig tu na ye shes kyi sna rtser bde ba chen bo'i bsam gtan de mi thub pa 'dra nas gsang ba'i pad+ma'i sna rtser bsams par bya ste /thig le byang chub sems bde ba chen po rdo rje'i rtsa bar phyin pa'i tshe snang ba'i ye shes
 skye /rdo rje'i rked par phyin pa'i tshe snang ba mched pa'i ye shes skye/ rdo rje'i rtse mor phyin pa'i che snang ba thob pa'i ye shes skye / sangs rgyas rin chen gab tsher phyin ba'i tshe 'od gsal gyi ye shes skye ba de la rab tu
 gnas ba yang dag pa'i mdza' la 'jug par bya'o/ /rjes su gzhigs pa'i bsam gtan bstan par bya ba'i phyir dngos po thams cad ces bya ba la sogs pa gsungs te/ byang chub kyi sems mi shigs pa'i thig
 le las snang ba thob pa dang/ snang ba mched pa dang/ snang ba'i rim pas 'od zer lnga 'byung bas rgyu ba dang mi rgyu ba'i dngos po thams cad la khyab pas dang po gsal bar byas te/ mi shigs pa
 la bsdu pa yin pas nas dngos po thams cad mdor bsdu na'o/ /gong bu'i tshul gyis bsdus nas ni zhes pa ni byang chub kyi sems 'od kyi gong bu'i tshul de lta bu de nyid kyis bsdus nas de nyid la thim pa'o/ /de'i rjes
 su bdag gi sa'i khams la sogs pa mi shigs pa la thim par bsgom pa bstan pa'i phyir mtshan ma nye 'dzin 'byung bar 'gyur zhes pa la sogs pa gsungs pa ste /de la mtshan ma rnams kyi nye bar 'dzin pa ni
 mtshan ma snang ba'o/ /'byung bar 'gyur ba ni skye bar 'gyur ba'o/ /mtshan ma'i khams ni rnam pa lngar/ /byang chub rdo rjes gsungs pa yin zhes pa ni dang po sa chu la thim par gyur pa las smig rgyu dang snang ba
 skye par 'gyur ba ni dang po'o/ /de bzhin du chu me la thim par gyur pa las du ba lta bu de gnyis pa'o/ /me rlung la thim par gyur pa las nam mkha' ltar snang ba ste gsum pa'o/ /khams phra ba snang pa la thim
 pa mched pa snang ba thob la thim par gyur pa las mar me ltar 'bar ba te bzhi pa'o/ /snang ba thob pa 'od gsal du chul chu thim 'am mar la mar thim par gyur pa la ni sems ni 'gog pa'i rdo rjer gyur zhes bya'o/ /der
 gyur par las sprin med pa'i nam mkha' lta bur snang ba 'od gsal nyi ma dang zla ba dang me dang nor bu'i 'od ltar shin tu gsal ba don dam pa'i mtshan nyid ye shes kyi mig gis mthong bar 'gyur te/ de ni
 mtshan ma lnga pa'o/ /de yang las kyi mdza' rnam par 'byed pa las/ /dang po sa ni chu la thim /chu yang me la thim par gyur/ /me ni rlung la thim par gyur/ /rlung yang rnam par shes par 'jug /rnam shes gzung ba de nyid ni//
 'od gsal bar yang 'jug bar 'gyur/ /zhes gsungs pa yin no/ /de ltar rnam par shes pa gsum rnam par dag ste/ /stod pa bzhi gcig tu gyur pa la ni 'od gsal chen po dang/ /don dam chen po dang/ /chos kyi dbyings
 dang/ /de bzhin nyid dang/ byang chub kyi sems bde ba chen po dang/ shes rab kyi pha rol tu phyin pa dang/ mya ngan las 'das pa dang/ sangs rgyas dang/ /las dang skye ba las rnam bar grol ba dang/ /thams
 cad stong pa dang mngon par byang chub pa dang / yang dag pa'i mdza' zhes bya'o/ /don dam pa'i bden pa bshad pa ste yan lag lnga pa'o/ /zung 'jug gi ting nge 'dzin bstan par bya ba'i phyir/ bstan 'gyur zhes
 bya ba la sogs pa gsungs pa ste/ bstan 'gyur ni yang dag pa'i mdza' ste brtan par 'gyur ba'o/ /rdo rje'i lam yang dag pa'i mdza' de nyid yin pas de nam mkha' i khams su te/ /'jig rten gyi khams thams cad
 du spro bar bya'o/ /ci 'dra ba spro bar brtan bar bya ba'i phyir/ /rjes su dran pa zhes bya ba la sogs pa gsungs te /gang mngon rjes su dran pa'i smig rgya lta bu la sogs pa'i rnam par dag pa'i mdza' thob pa de 'dra ba'i snang ba thob
 pa stong pa chen po mun pa lta bu'i ngo bo nyid las snang ba sbro bar bya'o/ /de las snang ba mched pa shin tu stong pa'i nyi ma'i 'od zer ltar tsha ba'i ngo bo nyid kyi snang ba spro bar bya'o/ /de las snang ba stong pa zla ba'i 'od zer ltar bsil
 ba'i ngo bo nyid kyi snang ba spro bar bya'o/ /spro ba de la rjes su dran pa zhes kyang bshad do/ /de yang dpal mchog dang po las/ nam mkha' las ni nam mkha' 'byung/ /thams cad stong pa nam mkha' 
 che/ /zhes gsungs pa yin no/ /da ltar stong pa gzhi gcig tu gyur pa la ni nam mkha' i tshogs snang ba lta bus 'jig rten gyi khams thams cad snang bar byas te/ /mngon du gyur pa de'i tshe ni zung 'jug gi ting nge
 'dzin la gnas pa dang/ /dpa' bar 'gro ba'i ting nge 'dzin la gnas pa dang/ /rdzogs pa'i ting nge 'dzin la gnas pa dang/ rnam par mi rtog pa'i ting nge 'dzin la gnas pa dang/ /chos kyi dbyings rnam
 par dag pa dang/ /sbyang ba byas pa dang/ rdzogs par sangs rgyas pa dang/ gnyis su med pa'i ye shes dang/ de kho na nyid dang/ bla na med pa yang dag par rdzogs pa'i byang chub dang/
 mi gnas pa'i mya ngan las 'das pa dang/ chos thams cad kyi de bzhin nyid dang zhes bya'o/ /slob bzhin pa'i rnal 'byor pa'i ting nge 'dzin de lta bu la zhugs pas kyang 'dod chags dang bcas pa'i
 lam gyi spyod pa la sogs pa gang yang rung ba gnyis su med pa'i don gyis spyad par bya'o/ /ji srid dang po sems bskyed pa nas bzung te/ zung 'jug gi ting nge 'dzin 'di mngon sum du ma gyur ba'i bar de
 srid du ni bslab par bya ba'i lam yin par shes par bya'o/ /de yang dpa' bar 'gro ba'i ting nge 'dzin gyi mdo las/ gang gis dpa' bar 'gro ba'i ting nge 'dzin thob pa'i skyes bu dam pa de dag ni sangs rgyas thams cad
 cad kyi yul du mchis pa lags so/ /rang dbang gi ye shes la dbang bgyid pa lags so/ /gang gis dpa' bar 'gro ba'i ting nge 'dzin 'di mthos pa'i phyir byang chub sems dpa' de la ni mngon par shes pa thob pa zhes
 da mi smra'o /dpa' bar 'gro ba'i ting nge 'dzin 'di ma thob pa'i phyir /byang chub sems dpa' de la ni sbyad ba byas pa zhes na mi smra'o/ /dpa' bar 'gro ba'i ting nge 'dzin 'di ma thob pa'i phyir/ byang chub sems dpa' de la ni sbyin pa dang tshul khrims dang
 bzod pa dang brtson 'grus dang bsam gtan dang shes rab dang ldan pa zhes nga mi smra'o/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni mang du thos pa zhes da?
 mi smra'o/ /dpa' bar 'gro ba'i ting 'dzin 'di mi thob pa'i phyir / byang chub sems dpa' de la ni spobs pa dang ldan pa zhes nga mi smra'o/ /rigs kyi bu de bas na lam thams cad kyi mchog
 nges par 'byung bar 'dod pa'i byang chub sems dpa' rlom sems thams cad med pa'i phyir / dpa' bar 'gro ba'i ting nge 'dzin 'di la bslab par bya'o zhes gsungs pa yin no/ /zung 'jug
 gi ting nge 'dzin bshad ba ste / yan lag lnga pa las phye ba'o// //lhun gyis grub pa'i lam bstan par bya ba'i phyir dbus zhes bya ba la sogs pa gsungs te/ /dbus ni chos kyi sku la
 bya ste/ mdza' thams cad dang bral ba'i phyir ro/ /chos kyi sku ni dpa' bar 'gro ba'i ting nge 'dzin thob nas ring por mi thob par thob par 'gyur ro/ /de yang gtsug tor gyi mdo las /bskal par bsags pa'i mtshan ma phyin ci log /ma spangs par
 yang dpa' bar 'gro ba yis/ /brgyan pa'i rgyal po 'di ni yun ring mthar/ /mi thogs chos kyi sku yang rdzogs par 'gyur zhes gsungs pa yin/ /de la yun ring mthar mi thogs zhes bya ba'i sgras ni skad cig ma dang po
 la dpa' bar 'gro ba'i ting nge 'dzin thob nas skad cig ma gnyis pa la byang chub dang thams cad mkhyen pa'i ye shes skye te skad cig ma gsum pa la chos kyi sku'i ming thob par 'gyur ba yin par mngon no/ /byang chub dang thams cad mkhyen pa
 ni chos thams cad kyi de bzhin nyid la dmigs pa'i khams phra pa dang dbyer med pa'i ye shes lnga lhun gyis grub pa'i tshul gyis skye'o/ /de yang sangs rgyas sa'i mdo las/ byang chub ni mnyam pa nyid kyi ye shes so/ /thams cad mkhyen pa ni so
 sor rtogs pa'i ye shes la sogs pa yin no/ /zhes gsungs pa yin no/ /byang chub dang thams cad mkhyen pa zhes bya ba'i ye shes lnga po 'di yang 'dir chos thams cad kyi de bzhin nyid la dmigs par mtshungs pa'i phyir ngo bo nyid gcig pa yin
 no/ /de yang rnam par snang mdzad mngon par byang chub pa'i rgyud las/ byang chub dang rnam pa thams cad mkhyen pa 'di gnyis ni gnyis su med cing gnyis su byar med do zhes gsungs pa yin no/ /chos kyi sku'i ngo bo nyid ni nam mkha' 'am grib ma ltar bcad
 du med cing gzhig tu med pa/ zag pa med pa nyon mongs pa'i sgrib pa la sogs pa thams cad las rnam par grol ba/ sangs rgyas kyi che ba'i yon tan la sogs pa ma lus pa 'dod pa tsam la rag las pa chos thams cad kyi de bzhin
 nyid dang/ de bzhin nyid la dmigs pa'i ye shes dbyer med pa'i tshul gyis ldan par 'gyur ba'o/ /de yang gser 'od dam pa'i mdo las/ nyon mongs pa'i sgrib ba la sogs pa yongs su bsal nas dge ba'i chos rnams yongs su rdzogs
 par 'gyur ba'i phyir chos thams cad kyi de bzhin nyid kyi ye shes kho na dang ldan par 'gyur pa gang yin pa de ni chos kyi sku zhes bya'o zhes gsungs pa yin no/ /chos kyi sku la ni rnam par rtog pa mi mnga' mor kyi sngon gyi smon lam la mnga' ?
 ba'i phyir dang/ sngon rdo rje 'chang chen po'i sku gzugs su rnam par bsgoms ba'i dbang gis skad cig tsam gyis chu klung dang ba las nya ldang ba'am/ gnyid log pa las myur du sad pa ltar rdo rje 'chang chen po'i ye shes kyi sku cha zla lta bu dbang phyug
 brgyad dang ldan pa'i mtshan dang dpe byad gsal bar rdzogs par ston par mdzad bas na yud kyi ye shes rdzogs byed pa zhes gdags so/ /ngo bo nyid la 'gyur ba med pa'i phyir na ting nge 'dzin zhes kyang brtags pa yin no/ /rdo rje 'chang chen po'i sku
 blta bas cho ga mi shes pa de las kyang 'gro ba ji ltar 'dul bde ltar snang ba'i sku ston par mdzad do/ /de yang gsang ba 'dus pa las e ma'o rdo rje e rdo rje/ e ma'o rdo rje bstan pa ni/ gang du lus ngag sems med pa/ der ni
 gzugs su rnam par bsgom zhes gsungs pa dang/ rgya cher rol pa'i mdo las kyang/ rnam par dag pa'i 'od gsal che/ /rdo rje lta bu'i ting nge 'dzin gyis/ /rab tu dga' ba'i rdo rje'i sku/ /thob nas skya red 'char ba'i tshe/ /chu zla dang
 ni smig rgyu sogs/ /sgyu ma'i yon tan rnams kyis brgyan/ /byang chub snying por bzhugs nas ni/ /bdud kyi dpung rnams pham par mdzad/ /shAkya'i mgon pos yang dag pa'i/ /ye shes bla med legs thob nas/ 'gro ba gsum
 la phan ba'i phyir/ de nyid 'dir ni ston par mdzad ces gsung ba dang/ gser 'od dam pa'i mdo las kyang/ /rigs kyi bu 'di lta ste/ nyi ma dang zla ba la'ang rtog pa med/ chu dang me long la yang rnam par rtog pa med/ 'od snang ba
 la yang rnam par rtog pa med mod kyi 'on kyang gsum 'dus pa las gzugs brnyan 'byung bar 'gyur ro/ /de bzhin du chos kyi de bzhin nyid dang/ de bzhin nyid kyi ye shes la yang rnam par rtog pa mi mnga' 
 mod kyi 'on kyang smon lam la mnga' brnyes pa'i phyir sems can skal ba dang ldan pa dag la longs spyod rdzogs pa'i sku dang/ sprul pa'i sku ston par mdzad do zhes bya ba dang/ 'di lta ste dper na nam mkha' stong pa la brten te glog
 snang ngo/ /glog la brtan te 'od snang ngo/ /de bzhin du chos kyi sku la brten pa'i phyi rol spyod rdzoD pa'i sku ston par mdzad do/ /longs spyod rdzogs pa'i sku la brten pa'i phyir sprul pa'i/? ston par mdzad do zhes gsungs pa yin no/ /lhun gyis grub pa'i lam bshad pa ste yan lag drug pa'o/
 lam log theg dman rtog ge me long rgyu dang ldan/ /snying rje blo gsal dang pa lha dbang bla ma mnyes bral la/ /man ngag mi sbyin tshig tsam yang ni brjod par mi bya na/ /de bas na lhag pa'i snod ngan rnams la mi sbyin smos ci dgos//
 snod dang mi ldan pa la man ngag ster ba gang yin pa/ /de la mkha' 'gro rnams kyang rig sngags chad pas bcod par 'gyur/ /khrag skyug mdze dug 'bras bu gdon gyis btab nas tshe yi dus/ /byas nas sems can dmyal bI
 gnas su yun ring gnas/ /snod dang ldan pa dag la gnyis pa gsum pa'i dbang bskur tshe/ /rin chen yul mkhar la sogs yon mchog phul ba blangs nas ni/ /bla ma mdangs dang ldan par byas ste snying rje bskyed byas la/ /man ngag sbyin
 bya byin pa nyid kyis de nyid grol bar 'gyur/ /u dum ba ra'i me tog ji bzhin lam 'di shes pa dkon/ /rim gnyis man ngag gsal bar byed ba'i phyir na sgron ma'i mchog /de ni rin chen lta bu'i 'phags pa'i chos thob g.yung
 drung sku/ /sku dang thugs kyi man ngag bdud rtsi lta bu bdag blo rin po che/ /za ma tog tu bcug pa yan lag brgyad dang ldan pa'i lung/ /sngon du bltas shing bsgoms nas man ngag bdud rtsi ston pa 'di/ /'gro kun nyon mongs rtsod dang bral
 nas rdo rje 'chang gi lam/ /dam pa 'dir ni bzhugs nas de bzhin gshegs pa'i sa thob shog /rdo rje 'chang chen po'i lam gyi rim pa'i man ngag bdud rtsi gsang ba zhes bya la/ slob dpon chen po sgra dbyangs bcu gcig pas mdzad
 pa rdzogs so// //rgya gar gyi mkhan po d+harma sh+rI b+ha dra/ lo tsA ba dge slong rin chen bzang pos bsgyur cing zhus te gtan la phab pa'o// //rgya gar skad du/ sh+rI(rgyud 'grel