<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1469: dus pa'i sgrub pa'i thabs rnam par bzhag pa'i rim pa zhes bya ba<br><table><tr><td>
<input type="button" onclick="location.href='tcompletep.php?id=N1469&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1469&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1469&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dpal gsang pa 'dus pa'i rdzogs rim mthar phyin pa slob dpon Arya de bas mdzad pa rdzogs sto// // */ /'dus pa'i sgrub thabs rnam par bzhag pa'i ? zhes bya ba grub pa'i slob dpon klu'i blo'i zhal snga nas mdzad pa'o// //
 rgya gar skad du/ sa ma dza sA d+ha naM bya ba s+tho la nA ma / bod skad du/ 'dus pa'i sgrub pa'i thabs rnam par bzhag pa'i rim pa zhes bya ba/ dpal rdo rje sems dpa' la phyag 'tshal lo/ /rdo rje gsum po mi phyed sku/ /rdo rje sems dpa' phyag byas te/ /
 'dus pa'i sgrub thabs yan lag gi/ rnam gzhag rim pa bshad par bya/ /de la dang bo re re zhig dngos po med la zhes bya ba la sogs pa tshigs su bcad pa brjod nas snod la sog pa'i dngos po rnams stong pa nyid du gzhug par bya'o/ /de nas nam mkha' i
 dbyings kyi dbus gnas par/ rlung gi dkyil 'khor bsgom par bya zheS bya ba la soD pas dkyil 'khor bzhi'i rim gyis sa'i cha bsgrubs te/ /de'i steng du b+h+ruM las gzhal yas khang bskyed la/ der mi bskyod pa la sogs pa'i lha'i 'khor lo thams cad
 lhag par mos bas dgod par bya'o/ /de'i 'og tu rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po'i rim pas rdo rje ? chen po'i bdag nyid du skyed de/ dbang po gnyis mnyam par sbyar pa las dkyil 'khor gyis
 lha rnams phyung ste/ bsgom pa dang bzlas pa byas nas gshegs su gsol 'di bsgom pa bsdus te bstan pa'o/ /rnam par gzhag pa dang po nye bar bstan pa brjod par bya ste/ gang gi cho 'dir 'jig rten du 'jig pa thob par gyur cing/ khams gsum
 pa'i sems can gcig kyang ma lus par gyur nas snod kyi 'jig rten 'ba' zhig lus pa de'i ? rim gyis rim gyis nyi ma bdun gyi 'od zer rnams rab tu bklags pas khams gsum pa bsregs te nam mkha' i rang bzhin du byed do/ /don 'di
 ltar bskyed pa'i rim pa sgom pa pos/ /dngos po med la zhes bya ba la sogs pa'i tshigs su bcad pa brjod cing bsam par bya'o/ /de nas yang rten cing 'brel bar 'byung ba'i rgyun gyi stobs las khad kyi khang kyis rlung rnams g.yos te/ rlung/
 de rnams 'phel bar gyur pa ni/ rngams su ni dpag tshad 'bum phrag bcu drug go /rgyar grangs med pa'i rlung gi dkyil 'khor de nam mkha' i steng du chags par gyur nas rlung gi dkyil 'khor de las byung ba shing rta'i phad lo tsam gyi char gyi rgyun bab par gyur te /de
 las chu'i dkyil 'khor du gyur to/ /de'i tshad ni rngams su 'bum phrag bcu gcig dang stong phrag nyi shu'o/ /de yang slar chu la rlung gi bsrubs pas ? ser gyi rang bzhin gyis gzhi chu'i ster du chags te/ de'i tshad ni 'bum? phrag
 gsum dang stong phrag nyi shu'o/ /me'i dkyil 'khor yang de dag gi nang nyid du gnas so/ /de ltar yang dag par sgrub cing skyes pa'i rnal 'byor pa nam mkha' dbyings kyi dbus gnas par rlung gi dkyil 'khor sgom par bya zhes bya ba la sogs pas
 dkyil 'khor bzhi'i rim pas sa'i cha bskyed par bya'o/ /de ltar sems can rnams kyi las kyi dbang gis yang dag par byung ba'i rlung rnams kyis yang dag par bsrubs pas gser la sogs pa'i tshogs kyis byas pa'i ri rab la sogs pa'i ri
 dang/ lha'i gzhal med khang dang/ gling lcags ris bskor ba tshun chad du shing dang ljon pa dang lcugs ma la sogs pa 'byung bar 'gyur ro/ /srid pa'i rim pa de ltar sgom par byed pa rnams kyis der ni zhes bya ba la sogs pa'i gzhung gis
 stong pa nyid dmigs pa mngon du song bas dkyil 'khor bzhi'i rim pas sa'i cha skyed de'i steng du gzhal yas khang bskyed par bya'o zhes bstan par 'gyur ro/ /de nas rnam par shes pa'i bdag po rdo rje 'chang chen po sems can skyed par mdzad
 pa pos snod kyi 'jig rten bskyed kyi 'og tu sems can gyi khams nges par sprul bar mdzad de/ /gnas ni bsgom pa mngon 'gro bas / /rdo rje gsum bskyed bsgom par bya/ /zhes gsungs pa'i phyir ro/ /der skye gnas bzhi pa 'di lta ste
 sgo nga las skyes pa dang/ mngal las skyes pa dang/ drong gsher las skyes ba dang/ brdzubs? te skyes pa'o/ /skye gnas ni skye pa'o/ /sgo pa las skyes pa gang zhe na/ sems can gang dag sgo nga las skye bar 'gyur pa'o/ /de dag kyang gang zhe na
 dang pa dang/ khrung khrung dang/ rma bya dang /ne tso dang/ sha ri ka la sogs ba'o/ /mngal nas skye ba gang zhe na/ sems can gang dag mngal nas skye ba ste/ de dag kyang gang zhe na/ glang po dang/ rta dang/ ba lang dang/ ma he dang/ bod bu dang/ /pag dang/ ma ?
 sogs pa'o/ /drong gsher las skyes pa gang zhe na/ sems can gang dag 'byung ba'i drong las skyes pa ste/ de dag gang zhe na/ srin bu dang/ phye ma leng dang/ mchu spang la sogs pa'o/ /brdzus te skyes pa gang zhe nas sems can gang dag dbang po ma
 tshad ba med cing ma rdzogs pa med pa yan lag dang nyid lag thams cad dang ldan par cig car skyes pa ste/ de dag kyang gang zhe na/ lha dang/ dmyal ba dang/ srid pa bar ma dang/ bskal pa dang po pa'i mi la sogs pa'o/ /'dir gsol pa/
 gling gsum pa'i mi rnams kyang so sor gnas pa lags sam/ ci'i slad skye ba cig gis thogs pa'i byang chub sems dpa' sems dpa' chen po dga' ldan gyi gnas mchog nas der 'jug par mi mdzed par 'dir nges pa kho nar 'dzam bu'i
 gling du 'jug cing mi rnams la chos ston pa'i rgyu nyid bcom ldan 'das rdo rje slob dpon ston pas bshad du gsol/ /rdo rje slob dpon gyis smras pa/ shar gyi lus 'phags dang/ nub kyi ba lang spyong dang /byang gi sgra mi snyan gyi mi rnams longs
 spyod chen po dang ldan te/ de lta mod kyi blun zhing rmongs bas mi dpyod cing mi 'byed do/ /'dzam bu'i gling pa 'di ni las kyis pa yin te/ de na legs par spyad pa dang/ /nyes par spyad pas mchog dang 'bring dang tha ma'i sems can rnams su las kyi 'bras
 bu rnam par smin pas 'dir snang bar 'gyur ro/ /'di lta ste 'dzam bu'i gling pa'i mi rnams g.yo ba dang/ sgyu dang/ dregs pa dang/ phrag dog dang/ gdug pa'i bsam pas rims nang la sogs pas yongs su gzir bar 'gyur ro/ /'on kyang mgo smos pas 
 go ba dang/ dbang po rna zhing sgran pa ste/ des na byang chub sems dpa' rnams 'dzam bu'i gling ge skye bo'i? gnas kyi dbus su sku 'khrung zhing chos ston par 'gyur ro/ /de'i phyir gsungs pa/ mi ru la grungs pa des tshul dang po ste/
 rab tu byung ba tshul ni gnyis ba'o/ /'dul bsrung ba tshul chen gsum pa ste/ /ting 'dzin brnyes ba tshul mchog bzhi pa yin/ /zhes bya ba thun mong ma yin pa'i gsang ba zhes bya ba'i rnal 'byor chen po'i rgyud las gsungs pas 'das ba
 dar ma 'ongs pa dang da ltar byung ba'i sangs rgyas thams cad mi'i bdag nyid kyi srid par zhugs te thams cad mkhyen pa'i dngos grub kyi go 'phang brnyes pa dang ldan par 'gyur ro/ /rgyu des na 'dir ma'i srid pa'i skye ba'i rim pa bstan to/ /de la
 bskal pa dang bo'i mi rnams sangs rgyas kyi yon tan thams cad kyis brgyan cing yid kyi rang bzhin gyi lus can yan lag dag nyid lag thams cad kyis mtshan ba/ dbang po mtshang ba med cing ma rdzogs pa med pa/ /kha dog gsal ba'i
 lus can/ rang gi mthus nam mkhar 'gro ba/ tshe ring zhing dga' ba la sbyor ba/ /ye shes kyi lus can yin yang di rnams kyis sgyu ma lta bu'i ting nge 'dzin mi shes shing ma shes pas na thog ma med pa'i dus nas mi shes pa'i bag chags
 kyi rgyun gyi stobs pa sgra? rim gyis rang gi sems las byung ba'i las dang nyon mongs pa rnams kyis mngon par zil gyis mnan bar 'gyur ro/ /de nas de dag gi yid kyi rang bzhin gyi lus spangs te nyon mongs pa'i rgyun gyiS? riM? gyis tha
 mal pa'i ma'i bdag nyid kyi dngos por yongs su 'dzin to/ /de lta bu'i thugs rdo rje dge ba'i bshes gnyen dang bral bas rang gi rang bzhin yongs su ye shes pas sems can gyi ris nas 'pho zhing ji srid du skye bo'i tshogs pa ma rnyed pa
 de srid du nyin zhag bdun du srid? pa bar mngon gnas so zhes nges par bshad do/ /srid pa bar ma'i rang bzhin ji lta bu lags/ smras pa/ 'chi ba'i srid ba dang skye ba'i srid pa'i bar na bdag gi ngo bo mngon par grub cing yul gzhan du skye ba grub pa de la?
 srid pa bar ma zhes bya'o/ /de yang dbang po rno bar 'gyur te/ ji ltar skye ba gcig gis thogs pa'i byang chub sems dpa' mtshan thams cad dang dpe byang dpal ngo tsho yongs su rdzogs pa de bzhin du srid pa bar ma na gnas pa yang ma'i
 dum du rab tu 'jug pa'o/ /bye ba brgya yang 'di'i 'od kyi snang bas gsal bar byed do/ /ji skad du bzang skyong gis zhus pa'i mdo las gsungs te/ de yang 'byung ba chen po rnams rab tu spangs te lha'i dran pa rab tu thob cing 'dod pa drug la spyod
 ba'i lha mthong ba dang dmyal ba bcu drug mthong ngo/ /de yang rkang ba dang lag pa mtshang ba med cing rang gi ngo bor snang bar 'gyur ro/ /'di ltar yang bdag gi lus de dang de ni 'di yin no/ /zhes rang tu shes so/ /de yang ji skad du mdzod kyi le'u?
 byas pa las/ sngon dus srid pa'i sha tshugs can/ /dbang po kun tshang thogs med ldan/ /las kyi rdzu 'phrul shugs dang ldan/ /ris mthun lha mig dag pas mthong/ /zhes gsungs pa'o/ /'dis bskyed pa'i rim pa bsgom par byed pa rnams
 kyis kyang rnal 'byor dang/ rjes su rnal 'byor gyi rim pas lha'i sku bskyed ba bstan te/ ji ltar skye ba gcig gis thogs pa'i byang chub sems dpa' sems dpa' chen pos longs spyod rdzogs pa'i skus mi rnams kyi don mdzad par mi spyod
 pas phung po dang khams dang skye mched kyi rjes su zhugs pas sprul pa'i sku 'dzin pa'i don tu mngal du 'jug pa nye bar bstan pa de bzhin du srid pa bar man gnas pa yang nyin zhag bdun pa dor te/ thog ma med pa'i rang gi rnam par rtog ?
 bag chags las byung ba'i las kyis yang dag par bskul te/ rim pa 'dis skye ba len to/ /de la rim pa ni 'di yin te/ dang po'i bskal pa'i mi rnams bdud rtsi zab nas ji srid du 'bras chan za ba yan lag? kyis lus?
 sra ba dang lci ba nyid kyis non te/ 'od mi snang bar 'gyur ro/ /de'i 'og tu mun pa skyes pas nyi ma dang zla ba dag 'jig rten du rab tu byung ba'o/ /de nas thabs dang shes rab kyi rnam par dbye ba bstan pa'i ched du de dag gi pho dang mo'i dbang po
 rab tu dod cing dbyibs tha dad cing/ de dag sngon goms pa'i dbang gis gcig la gcig lta zhing phan tshun du chags ba'i sems skye'o/ /gang gi phyir log par zhugs pa de nas brtsams te/ pho dang mo dang? zhes bya ba'i ming du 'jig rten du grags
 so/ /de nas dri za nye bar 'khor ba'i sems can gnas skabs gsum nye bar gyur pas ma'i rum du mngal du 'jug par 'gyur te/ mo nang med pa dang/ khrag dang ldan pa dang/ ma dang pha rjes su chags par 'gyur ba'o/ /de nas de dag phan
 tshun rjes su chags pas rdo rje byin gyis brlabs nas 'khyud pa dang 'o bya ba la sogs pa'i bya bas dbang po gnyis mnyam par sbyor ba mthong bas 'dod pa nye bar len pa'i phyir srid pa bar ma spangs te rta zhon pa bzhin rnam par shes pa'i
 bdag po thugs rdo rje rlung gi bzhon pa la yang dag par zhon nas shin tu myur bar 'od zhing skad cig thad cig gam yud tsam gyis ye shes sems dpa' ltar rnam par snang mdzad kyi sgo nas zhugs te/ ye shes kyis thob nas thabs kyi ye
 shes dang lhan cig gnyis su med par gyur nas shin tu dga' bar chung pa'i snying po yin te / rgyud las de bzhin gshegs pa thams cad zil gyis/ gnon pa'i ting nge 'dzin gsungs pa'i rigs pa dang/ shes rab kyi mdo las/
 gnyis ka mchog tu dga' ba'i bde bas tshim par byas pas rtsa stong phrag bdun cu rtsa gnyis yang dag par bskul te/ A li dang kA li rnams gcig tu gyur nas khams phra ba la zhugs pas shes rab ye shes kyi 'od zer shar bas gnyis ? zhu
 bar gyur te khu ba dang khrag yang dag par 'dres nas skye gnas kyi dbus su thig le'i gzugs su babs so zhes gsungs so/ /'di'i don don gsal bar gsungs pa rtsa la'i? rgyud las/ /de bzhin gshegs pa thams cad kyi sku dang/ gsung thugs rdo rje'i btsun mo'i b+ha ga la bzhugs
 zhes gsungs so/ /de'i 'og tu rim gyis 'phel te/ dang por mer mer po'i rnam pa'o/ /mer mer po las ltar ltar por 'gyur/ /ltar ltar po las gor gor po'o/ /gor gor bo las mkhrad gyur/ mkhrad gyur las yang rlung gis bskul te/
 des rkang lag 'gyu ste gnas skabs lnga gsal bar 'gyur ro/ /de'i 'og tu skra dang/ kha sbu dang/ sen mo la sogs pa dang/ dbang po rnams dang/ gzugs dang mtshan ma rnams rim gyis skye'o/ /de yang de bzhin gshegs pa ldas byin gyis
 brlabs pa la sa bon gyi gnas skabs nas brtsams te gnas skabs lnga des par skye'o/ /de la mer mer po ni mi bskyod pa'o/ /ltar ltar bo ni rin chen 'byung ldan gyi'o/ /gor gor po ni 'od dpag med gyi'o/ /mkhrad gyur ni don yod grub pa'i 'o/ /rkang lag
 'gyu ni rnam par snang mdzad kyis byin gyis brlabs ba'o/ /khrag gi yang gnas skabs lngar bstan par bya ste /de la zhu ba ni mi bskyod pa'o/ /dmar po ni 'od dpag med kyi'o/ /gor gor po ni rin chen 'byung ldan gyi'o/ /mkhrang? gyur ni don yod par grub
 pa'i 'o/ /yang dag par 'dres pa ni rnam par snang mdzad kyis byin gyis brlabs pa'i'o/ /de yang skyes gnas dbus kyi rtsa gnyis ni/ /g.yas dang g.yon na de bzhin gnas/ /g.yon na khu ba shes par bya/ /g.yas pa na ni khrag nyid de/ /de dag
 gcig tu 'dres ba nyid/ /chos kyi dbyings su bsdus pa yin/ /zhes gsungs so/ /de ltar na mer mer po la sogs pas sa bon dang myu gu bzhin yongs su smin pa thob ste/ mngal gyi snod kyi nang du las kyi rnam par smin pa las skyes
 pa'i rlung rgyu ba gang dag gis mngal gyi snod yongs su bsgyur nas ma'i rus nas chos kyi 'byung gnas kyi sgor mngon par phyogs shing gnas par 'gyur ro/ /de yang pho zhig yin na ma'i rum gyi g.yas su brtan cing rgyab tu
 mngon par ltas te tsog tsog bor gnas so/ /gal te mo zhig na de'i phyir mngal gyi g.yon du brten te/ lte bar mngon par bltas te gnas so/ /de'i 'og tu zla ba bcu'i tha mar rtsa ba'i rgyud las gsungs pa'i dam tshig 'byung ba'i rdo
 rje'i ting nge 'dzin la yang dag par bstan pa'i rim pas ma'i mngal nas 'thon bar gyur te/ de'i phyir dri za nye bar 'khor gyi sems can sha'i mig gi yul du gyur to/ /de ltar rtsa ba'i rgyud las gsungs te/ bcom ldan 'das de
 bzhin gshegs pa byang chub kyi sems rdo rje zhal gsum pa lta bur de bzhin gshegs pa thams cad kyis yang dag par gzigs par gyur to/ /zhes gsungs so/ /'dir gsungs pa/ chu yi khams ni pha yin te/ /me'i khams
 ni ma zhes bya/ /pags pa sha dang khrag rnams ni/ /ma zhes su ni bstan pa yin/ /rgyus pa rkang dang khu ba rnams/ /pha zhes su yang bstan pa yin/ /de tsam zhig tu bstan pa ni/ /lus kyi gong bu bsdus pa'o/ /gzugs dang tshor ba
 'du shes dang/ /'du shes rnam par shes pa nyid/ /phung po la sogs sangs rgyas lnga'i/ /rang bzhin dngos shes bstan pa yin/ /zhes bcom ldan 'das kyis lha mo bzhis zhus pa'i rnal 'byor chen po'i rgyud las gsungs so/ /gzhung
 'dis rnal 'byor bzhi las bsgrubs pa ni bdag yin no zhes sngags pas nga rgyal bskyed par bya'o zhes bstan to/ /rnam par dgod pa bstan pa'i rim par bye ba ste dang po'o// //da ni rnam par bzhag pa'i rim pa gnyis pa nye bar
 bstan pa'i phyir dang po kho nar sku'i dkyil 'khor rnam par bshad par bya ste/ tshangs pa'i thig nas yang dag brtsams/ /gru bzhi pa ru rnam par dbye/ /gzhal yas khang ltar snang ba yis/ /rnal 'byor pa yi sku dkyil 'khor/ /de skad du b+ha ga'i dkyil
 'khor zhes bya dang/ /byang chub sems kyi dkyil 'khor dang/ dkyil 'khor lus su gsungs pa ste/ /dkyil 'khor rnam pa gsum du brtags/ /shes 'dus pa'i rgyud phyi ma las gsungs so/ /de ltar byung pa'i rang gi lus kyi dkyil 'khor la
 phung po dang khams dang skye mched kyi rang bzhin gyis lha rnams dgod pa'i rgyu dang 'bras bu gsungs pa/ de la gzugs kyi phung po ni rnam par snang mdzad/ /tshor ba'i phung po ni rin chen 'byung ldan/ /'du shes kyi phung po ni 'od dpag med/ /'du byed kyi phung
 po ni don yod grub pa/ rnam par shes pa ni mi bskyod ba'o/ /de'i phyir rtsa ba'i rgyud las/ mdor na phung po lnga rnams ni/ /sangs rgyas lnga ru rab tu bsgrags/ /zhes gsungs so/ /des na phung po la sogs pa'i mtshan nyid shes par bya ste/ de
 bzhin gshegs pa dgod ba las/ phung po lnga byang chub kyi rgyur 'gyur te/ ji skad du rtsa ba'i rgyud las/ /gti mug zhe sdang chags pa dang/ /yid bzhin nor bu dam tshig rnams/ /de ltar rigs ni lnga nyid de/ /'dod dang thar par ba sgrub byed/
 ces gsungs so/ /lha mo rnams rnam par bzhag pa gsungs pa/ gti mug dga' ma spyan ma ni sa'i khams so/ /zhe sdang dga' ma mA ma kI ni chu'i khams so/ /'dod chags dga' ma gos dkar mo ni me'i khams so/ /rdo rje dga' ma sgrol ma
 ni rlung gi khams so/ /don de nyid gsal bar bya ba'i phyir rtsa ba'i rgyud las/ /sa yi khams ni spyan mar bshad/ /chu yi khams ni mA ma kI/ me'i gos dkar mor bshad de?/ /rlung ni sgrol ma rab tu grags/ /zhes gsungs so/ /de
 ltar khams rnams kyi yang rang gi mtshan nyid shes par bya ste/ lha mo rnams bkod pas khams rnams kyis sangs rgyas nyid stsol bar 'gyur ro/ /mig la sogs pa'i skye mched rnams la byang chub sems dpa' rnams dgod pa'i rgyu dang
 'bras bu gsungs pa/ bcom ldan 'das thugs rdo rje de nyid kyis sa'i snying po'i ting nge 'dzin mig gi dbang po la bkod pas gzugs gsum la 'od gsal ba'i thogs pa med pa'i rdo rje'i mig gi dbang po stsol bar 'gyur ro/ /de bzhin du phyag na
 rdo rje rna ba la bkod pas sgra gsum la de bzhin du thogs pa med ba'i rdo rje'i rna ba'i dbang po rab tu stsol lo/ /nam mkha' i snying po sna la bkod pas dri gsum la thogs pa med pa'i rdo rje sna'i dbang po rab tu stsol lo/ /'jig rten dbang phyug
 lce la bkod pas ro gsum la thogs pa med pa'i rdo rje lce'i dbang po rab tu ster ro/ /bcom ldan ldas 'jam dpal 'jug pa'i rnam par shes pa mdza' drug la bkod pas ye shes gsum la thogs pa med pa'i gzhan gyi semS
 shes pa'i mngon par shes pa rab tu stsol lo/ /bcom ldan 'das sgrib pa rnam par sel ba lus kyi dbang po la bkod pas sgrib pa med par nang gi khams rnams cig la gcig bsdus te skye ba la rab tu bzhugs nas rdo rje'i sku rab tu bsgrub par
 'gyur ro/ /bcom ldan 'das kun tu bzang po tshogs thams cad la bkod pas 'od gsal du tshigs thams cad gzigs par 'gyur ro/ /bcom ldan 'das byams pa rgyus pa'i rang bzhin la bkod pas rgyus pa'i rang bzhin 'od
 gsal bar rab tu 'jug go/ bcom ldan 'das de nyid gzugs gsum gyi rnam pas phyi rol lta bur snang bas mig gi dbang po la bde stsol ba'i gzugs rdo rje'o/ /de ltar sgra rdo rje la sogs pa rnams kyang khong du chud par bya'i/ /ji skad du rnal 'byor
 thams cad bcom ldan 'das/ /rdo rje sems dpa' de bzhin gshegs/ /khams gsum pa ni ma lus kun/ /de yi nye bar longs spyod nyid/ /ces bde mchog las gsungs te/ 'dis lha ma rnams dgod pa'i rang bzhin yongs su
 shes pas yul rnam par dag pa bsgrub par 'gyur ro/ /don 'di nyid gsal bar rtsa ba'i rgyud las/ /rdo rje skye mched nyid dag kyang/ /byang chub sems dpa' i dkyil 'khor mchog ces pa dang/ gzugs sgra dri ro sngags pa yis/ /lha rnams
 su ni rtag par bsgom/ /zhes gsungs pas so/ /yan lag thams cad la khro bo rnams bkod pa'i rgyu dang 'bras bu gsungs pa/ lag pa g.yas pa gshin rje gshed/ /g.yon la gzhan gyis mi thub pa/ /kha yi pad+mar rta mgrin bsam/ /
 rdo rjer bdud rtsi 'khyil ba ste/ /dpung ba g.yas par mi g.yo ba/ /g.yon par 'dod pa'i rgyal po'o/ /bus mo g.yas par bsam bya ba/ /dbyug pa sngon po 'bar chen po/ /bus mo g.yon la stobs po che/ /spyi bor gtsug tor
 'khor los bsgyur/ /rkang thil gnyis su bsam bya ba/ /gnod mdzes rgyal po rnam par bsam/ /khro ba'i rgyal po 'di dag ni/ /sgrub pa po'i yan lag la bkod pas 'bar ba med par zhal gsum phyag drug pa'i rnam pa lta bu nyid
 kyi sku'i dkyil 'khor las byung nas phyogs bcu'i bgegs kyi tshogs la bsdigs par mdzad do/ /'dir rtsa ba'i rgyud las khro bo zhe sdang gnas las skyes/ /rtag tu gsod la brtson pa ste/ /gsod ba'i don gyis 'grub par 'gyur/ /sgrub
 pa'i mchog la chos can yin /zhes gsungs so/ /sku'i dkyil 'khor rnam par bzhag pa'i rim par phye ba ste gnyis pa'o// //sku'i dkyil 'khor la lha rnams dgod pa'i rgyu dang 'bras bu rtogs
 pa'i sngags pas gzhan gyi don bsgrub pa'i phyir sku'i dkyil 'khor las phyung ba'i dkyil 'khor 'di sprul pa bya ste /de'i rim pa ni 'di yin te/ /sems can rang gi rigs kyi bu mo spros pa 'am/ yang na phyi rol gyi bu mo blangs la sgrub thabS
 las gsungs pa'i rim pas dbang po gnyis mnyam par sbyor ba byas te/ sngon du gsungs pa'i rim pas gzhal yas khang bsgrubs la byang chub kyi sems las bsgrub cing badzra d+h+ri ka ces bya ba la sogs pa'i sngags rjod de lha thams cad
 kyi 'khor lo spro bar bya'o/ /phyung ba'i dkyil 'khor pa'i sngags bstan par bya ste /mngon par byang chub pa rnam pa lnga ston pa'i rdo rje bsnams pas na rdo rje 'chang ngo/ /'dis nyon mongs pa zhe sdang rnam par sbyangs nas slar byon te/ rdo
 rje 'chang chen po dang gnyis su med par 'gyur te/ ? sbyor bas mi bskyod pa'i gzugs kyis bzhugs so/ /de bzhin du rtsibs bcu gnyis pa'i chos kyi 'khor los bdud bzhi las rgyal bas na rgyal ba rgyal lo/ /bsam pa thams cad
 yongs su rdzogs par byed pa'i rin po che 'dzin pas ni rin chen 'chang ngo/ /A ni ma lus pa'o/ /ro ni 'khor ba ste 'khor ba las 'das shing 'gro bas na 'khor 'das so/ /rnam par 'byed pa'i mtshan nyid ni shes rab ste/ de'i 'dzin
 pas shes rab 'chang ngo/ /gti mug ni rnam par snang mdzad de/ de la dga' bas na gti mug dga' ma'o/ /zhe sdang ni mi bskyod pa ste/ de la dga' bas na zhe sdang dga' ma'o/ /'dod chags ni 'od dpag med de/ de la dga' bas
 na 'dod chags dga' ma'o/ /rdo rje ni don yod par grub pa ste/ /de la dga' bas na rdo rje dga' ma'o/ /sa ltar mi g.yo ba'i ting nge 'dzin de nyid snying po ste nang gi bdag nyid gang la yod pa de ni sa'i snying po'o/ /ye shes lnga'i rang bzhin gyi rdo rje 'chang bar
 mdzad pas na phyag na rdo rje'o/ /nam mkha' ni sgrib pa dang bral ba'i ye shes te/ de nyid snying po ste nam mkha' i snying po'o/ /ting nge 'dzin gyi stobs kyis 'jig rten rnams dbang du byed pas na 'jig rten dbang phyug go /'od gsal zhing yid du 'od ba'i ting nge
 'dzin gyis bskul ba'i dpal yod pas na 'jam dpal lo/ /sgrib pa thams cad ni nyon mongs pa rnams sgyu ma lta bu'i ting nge 'dzin gyi stobs kyis mnan pas na sgrib pa thams cad sel ba'o/ /kun nas mdzes ba na kun tu bzang po'o/ /byams pa'i
 yon tan gang la yod pa ni byams pa'o/ /blta bar bya bas na gzugs so/ /mnyan par bya bas na sgra'o/ /bsnams par bya bas na dri'o/ /myang bar bya bas na ro'o/ /reg par bya bas na reg bya'o/ /rdo rje'i sgras ni de dag gi ting nge 'dzin gyis
 gzugs la sogs pa rnam par dag pa bstan to/ /gshin rje 'di myal ba ste/ de 'joms pa dang ldan pa'i phyir te/ khro bo chen po'i ting nge 'dzin gyis mthar byed pas na gshin rje mthar byed do/ /shes rab kyi 'ching ba rnams mthar byed pas
 na shes rab mthar byed do/ /pad+ma da ltar 'dod chags la sogs pa rnam par dag pas mthar byed pas na pad+ma mthar byed do/ /bgegs ni bdud bzhi ste nge 'joms pa dang ldan pas na khro bo chen po'i ting nge 'dzin gyis de rnams mthar
 byed pas na bgegs mthar byed do/ /'jig rten gyi chos brgyad kyis rtag tu sems rab tu bskyod pa rnams rdo rje lta bu'i ting nge 'dzin gyis mnan cing bcom pas na mi g.yo ba'o/ /Tak+ki ni 'dod pa'i 'dod chags te/ de bsal bar byed
 cing rnam par dag par byed pas na 'dod pa'i rgyal po'o/ /sngon po ni sems can rnams kyi sdig pa'i las so/ /dbyug ba ni de chad pas tshar gcod ba ste/ de byed pas na dbyug sngon po/ /don dam gir stobs kyis sems can rnams
 kyi nye ba'i nyon mongs pa 'joms par byed pas na stobs po che'o/ /sems can rnams la khams gsum las rnam par sgrol ba'i ye shes stsal bas na gtsug tor 'khor los sgyur ba'o/ /phyogs bcu'i bgegs kyi tshogs nges par bkug nas
 phur bus 'debs pas na gnod mdzes rgyal po'o/ /lha sum cu rtsa gnyis po 'di dag gi sprul pa'i sku zhal gsum phyag drug pa mtshan ma'i phyag mtshan sna tshogs phyag na bsnams pa rnams byang chub sems las sngags kyi gzugs kyi
 sprul pa yang 'bad pa mang ba nyid kyis grub pa po'i lus kyi dkyil 'khor las phyung ste/ bsod nams kyi tshogs 'phel bar bya ba'i don du 'dod chags dang zhe sdang dang gti mug la spyod pa'i sems can rnams kyi nyon mongs pa'i sgrib pa
 rnams ting nge 'dzin de dang des sbyangs nas slar byon te rang rang gi stan la bzhugs par gyur to/ /rdo rje dang/ 'khor lo dang/ rin po che dang/ pad+ma dang/ ral dri dang/ dril bu rnam gangs bzhin du de bzhin gshegs pa drug gi mtshan mar
 gsungs te/ de nyid mtshon cha lta bur bsnams so/ /zhi pa dang rgyas pa la sogs pa'i las kyi dbye ba yis kha dog so sor bya'o/ /rin po che thams cad dang ldan pa'i phyir mdog in+d+ra nI la lta bu'o/ /phyung ba'i dkyil 'khor 'di nyid bshad
 pa'i phyir rtsa ba'i rgyud las/ de nas de bzhin gshegs pa mi bskyod pa de bzhin gshegs pa thams cad btsun mo'i b+ha ga la rdul dang bral ba'i dam tshig chen po'i dkyil 'khor byin gyis brlabs pa ni gsal ba de'i ngo bo nyid/ /sna
 tshogs gzugs kyis kun tu mtshan/ /sangs rgyas sprin gyis kun tu khyab/ /'od zer 'phro ba mang po 'khrug/ gsal pa la sogs dkyil 'khor ldan/ /de bzhin gshegs pa kun gyis gzhi/ zhes gsungs so/ /gsol ba gal te rgyab 'di la lag pa'i phyag
 rgya med na 'di ltar phyag rgya bzhi sa rgyas btab pa'i lha'i sku bskyed par 'gyur/ bka' stsal pa /sangs rgyas kyiyon tan ma lus pas brgyan pa'i gzhir gyur pa'i lha'i sku ni phyag rgya chen po'o/ /btsun mo ni dam tshig gi phyag rgya'o/ /sngags kyi yi
 ge ni chos kyi phyag rgya'o/ /gzugs sna tshogs kyis sems can thams cad kyi don byed cing sgrub pa ni las kyi phyag rgya'o/ /gsol pa/ de kho na nyid bsdus pa la sogs pa dang/ gnyis ka'i rgyud las ni zhal gcig par rab tu grags na ci'i phyir
 'dir zhal gsum pa lta bur snang bar 'gyur/ bka' stsal pa/ bcom ldan 'das nyid kyis 'di'i don bshad pa'i rgyud dgongs pa lung ston ba'i rgyud las/ gang zhig phyi nang bdag gyur dang/ de nyid gnyis ka'i rtog pa rnams/ /gnyis su med par
 bshad pa ste/ /'di yi de nyid chen po yin/ /lag pa g.yon par rab grags pa'i/ /mthe'u chung tha rtag gung mo dang/ /de bzhin mdzub mo mthe bong ni/ /rim bzhin gzugs la sogs par gzung/ /de rnams dngos po med payi/ /shes rab rnam
 par 'byed mtshan nyid/ /chos kyi sku ru rnam par bshad/ /de bzhin nyid du gnyis med ming/ /mi bskyod rin chen dpag med dang/ /don yod rnams snang de bzhin gshegs/ /'di dag lag pa g.yas pa yi/ /mthe'u chung la sogs rim bzhin gnas//
 gnyis ka gcig tu sbyar ba yi/ /'di yi de nyid skyabs gsum pa/ /sangs rgyas ches dang dge 'dun te/ /gcig kyang gsum du brtags pa yin/ /phan tshun sbyor bas rdo rje sems/ /shes rab thabs kyi go 'phang mchog/ thal mo sbyor ba tsam gyis ni/ /
 sangs rgyas thams cad yang dag 'gugs/ /skyabs gsum de nyid gsum yin te/ /sku gsum rnam par thad gsum gyis/ /zhal gsum yin te mdog gsum yang/ /sbyor gsum dam tshig gsum sbyor bas/ /khams gsum du ni
 lha gsum gyi/ /dkyil 'khor gsum gyis dus gsum du/ /lam gsum gyis ni mchog gsum gyi/ /ji snyed du ni rtog pas bskul/ /gsol ba 'debs pa yid la byed/ /'jig rten rnams kyi don rnams byed/ /yang dag sangs rgyas de mnyes 'gyur/ /de nyid
 'dir ni thal mor gnas/ /sems can gang de sangs rgyas yin/ /de bzhin nyid dang gnyis med chos/ /gnas med gnas pa'i sbyor ba yis/ /sangs rgyas thams cad rnam par bzhugs zhes gsungs so/ /gsol pa 'dir gsang ba 'dus pa'i dkyil 'khor
 la lha rnams dgod pa slob dpon sna tshogs pa'i gzhung 'jig rten du rab tu 'jug par 'gyur te/ de ji ltar sgrub pa po rnams so ma nyi ma mchis par 'gyur/ sems dpa' chen po legs so legs so/ /lung dang rigs pas so sor bshad par bya'o//
 ji ltar sku'i dkyil 'khor la phung po la sogs pa'i rang bzhin gyi lha rnams ming gis dgod ba de bzhin du phung ba'i dkyil 'khor la yang lha rnams dgod par 'gyur ro/ /da lta mod kyi rtsa ba'i rgyud las lha dgod pa rdzogs par ma bstan
 pa ni 'di ltar slob dpon med par 'jug par ma gyur cig snyam du dgongs so/ /dkyil 'khor dgod pa yang gcig tu yongs su rdzogs par bcom ldan 'das kyis dpal rdo rje phreng ba zhes bya ba'i bshad pa'i rgyud las yang dag par gsungs te/ de
 la 'jug par bya'o/ /sems kyis gzhan ni mi bsam par/ /sems dpa' chen po mnyan par gyis/ /rdo rje dpon lus 'di la/ /rgyal ba'i sku ni rim bzhin gnas/ /dang po sku yi rdo rje ni/ /gzugs phung la ni rab tu bzhugs/ /rjes su chags
 pa'i rdo rje ni/ /tshor ba'i phung por rab tu zhugs/ /bcom ldan gsung gi rdo rje ni/ /'du shes kyi ni phung por bzhugs/ /mchod pa kun gyi rdo rje ni/ /'du byed kyi ni phung por bzhugs/ /bcom ldan thugs kyi rdo rje ni/ /rnam shes phung por yang dag bzhugs/ /'di
 yi sha sogs sa khams la/ /bcom ldan 'das yum spyan ma bzhugs/ /khrag sogs chu yi khams la ni/ /bcom ldan 'das yum ma mA ma bzhugs/ /dro ba la sogs me khams la/ /bcom ldan 'das yum gos dkar bzhugs/ /bskyod pa la
 sogs rlung khams la/ /bcom ldan 'das yum sgrol ma bzhugs/ /de yi mig gi dbang gnyis la/ /de bzhin gshegs pas snying po/ /de yi rna ba'i dbang gnyis la/ /bde gshegs phyag na rdo rje'o/ /de yi sna yi dbang gnyis la/ /de bzhin gshegs pa
 mkha' snying bzhugs/ /de lce dbang la bzhugs pa ni/ /de bzhin gshegs pa 'jig rten dbang/ /khams bzhi'i rang bzhin gong bu ni/ /rang gi lus zhes bya ming la/ /sgrib pa thams cad rnam sel ba/ /de bzhin gshegs pa 'dir bzhugs so/ /de yi
 yid kyi dbang po la/ /de bzhin gshegs pa 'jam dbyangs bzhugs/ /lus kyi tshigs ni thams cad la/ /de bzhin gshegs pa kun tu bzang/ /lus kyi rtsa rgyus thams cad la/ /de bzhin gshegs pa byams pa'o/ /lag pa g.yas pa'i
 rtsa bar ni/ /de bzhin gshegs pa gshin rje gshed/ /lag pa g.yon pa'i rtsa bar ni/ /bder gshegs gzhan gyis mi thub pa/ /kha yi pad+mar bzhugs pa ni/ /de bzhin gshegs pa rta mgrin no/ /gsang pa'i gnas su bzhugs pa ni/ /de
 bzhin gshegs pa bdud rtsi 'khyil/ /dpung pa g.yas par bzhugs pa ni/ /de bzhin gshegs pa mi g.yo ba/ /dpung pa g.yon par bzhugs pa ni/ /de bzhin gshegs pa 'dod pa'i rgyal/ /pus mo g.yas na bzhugs pa ni/ /de bzhin gshegs
 pa dbyug pa sngon/ /bus mo g.yon la bzhugs pa ni/ /de bzhin gshegs pa stobs po che/ /rang gi spyi bor bzhugs pa ni/ /de bzhin gshegs pa 'khor los bsgyur/ /rkang pa'i thil du bzhugs pa ni/ /de bzhin gshegs
 pa gnod mdzes te/ /lus ni 'di nyid kun la 'dir/ /sku yi dkyil 'khor zhes brjod pa/ /rdo rje slob dpon nyid kyi lus/ /sangs rgyas rnams kyi sku rdzogs pa/ /'di dag ma lus rdzogs sangs rgyas/ /rdo rje legs byas bstan pa ni/ /mya ngan 'das
 la 'jug par 'gyur/ /bcom ldan mya ngan 'das 'gyur ? khyod kyi dge ba yongs su smin/ /de ni rdo rje slob dpon gyi/ /lus la rgyal ba thams cad bzhugs/ /nyon cig mthong ba don yod kye/ /phyi ma'i dus na sems dpa' che/ /dang po'i las kyi
 sems can gyi/ /rab tu 'bad de bla ma brten/ /de tshe mthong ba don yod bcas/ /byang chub sems dpa' grags pa che/ /dga' zhing mgul rab dang ldan/ /phyag 'tshal nas ni mchim blags/ /zhes gsungs so/ /gsol pa/ nyon mongs pa thamS
 cad spangs pa'i sangs rgyas dang byang chub sems dpa' stobs bcu dang mi 'jigs pas sangs rgyas kyi yon tan brnyes pa rnams 'dir tha mal pa'i lus la dgod pa mi 'gal lags sam/ bka' stsal pa/ ji srid du bkru bshal gyi snod
 yin pa'i gnas skabs su ni mtshil? ma dor la gzhong pa'i gnas skabs su 'jig rten pa rnams zas za'o/ /gzugs brnyan gyi gnas skabs su mchod par byed do/ /de bzhin du tha mal pa'i lus la 'dod chags dang zhe sdang gti mug la
 sogs pas brlan pa'i sngon gyi gnas skabs su 'khor ba'i rgyu yin la phyis rang bzhin yongs su shes shing yongs su dag pas thams cad mkhyen pa grub pa'i rgyur 'gyur pa la skyon med do/ /de yang gsungs pa/ shin tu mi gtsang gzugs 'di
 gzung byas na/ /rgyal ba'i rin chen gzugs byas rin thang med/ /rtsi yis sbyangs ba lta bur bskyed pa 'di/ /byang chub sems ni rab tu brtan par gzung zhes bya ba dang/ de bzhin du yang dkon mchog brtsegs pa'i mod las/ 'od srung 'di lta ste ?
 kyis g.yogs pa'i sa gzhi las/ sa bon thams cad skye bar 'gyur ro/ /'od srungs de bzhin du nyon mongs pa'i lud kyis khyab pa'i 'jig rten pa rnams la byang chub sems dpa' i sangs rgyas kyi chos rnams skye bar 'gyur ro zhes gsungs pa dang/
 dgongs pa lung ston pa zhes bya ba'i rgyud las kyang/ /phra mo'i sbyor don de nyid shes/ /phyag na rdo rje grags chen la/ /'gro ba gnyis med sbyor ba yis/ /phra mo'i de nyid dgongs pas gsungs/ /mngon bar byang chub rnams lnga 'di/ /ma 'ongs skye po'i
 rgyun can yin/ /chos rnams yang dag brjod pa'i sku/ /ji lta ji ltar yin gsungs pa/ /phung po 'di dag sangs rgyas yin/ /rdzogs pa'i byang chub rkyen du 'gyur/ /gnyis med de bzhin nyid 'jug pas/ /de yang de bzhin gshegs par gsungs/
 zhes so/ /phyung ba'i dkyil 'khor gyi rim par phye ba ste gsum pa'o// //da ni don dam pa'i dkyil 'khor gyi rnam par bzhag pa bstan pa'i phyir/ mdor bstan pa'i tshig rtsa ba'i rgyud las 'jug par bya ste/ dam tshig
 khu phyung chog bzhin/ /'bras bu 'dod pas btung bar bya/ /de bzhin gshegs pa'i tshogs bsad nas/ /dngos grub rab mchog thob par 'gyur/ zhes le'u bdun pa las mdor bstan te/ 'di'i bshad pa dgongs pa lung ston pa zhes bya ba'i
 bshad pa'i rgyud las gsungs te/ /gzugs sogs nang gi chos rnams ni/ /mthong ba lhag mthong zhes bshad de/ /mi bskyod la sogs grangs bzhin du/ /brtags pa dag ni zhi gnas bya/ /'di dag dngos po med 'gyur ba'i/ /de bzhin nyid ni
 zhi ming can/ /de bzhin nyid kyi dkyil 'khor du/ /rnal 'byor bas ni sangs rgyas gzhug /'di yang slar bshad pa rdo rje phreng ba zhes bya ba rnal 'byor chen po'i rgyud las gsungs te/ de la 'jug par bya'o/ /gzugs phung rtogs la me
 long dang/ /sa khams mig gi dbang po dang/ /gzugs dang rnam lngar gyur pa ste/ /khro bo byams par yang dag ldan/ /tshor ba'i phung po mnyam nyid dang/ /chu khams rna ba'i dbang po dang/ /sgra dang rna lngar gyur pa ste/ /khro bo gnyis dang yang dag ldan//
 'du shes so sor rtog pa dang/ /byin za sna yi dbang po dang/ /dri za rnam lngar 'gyur pa ste/ /khro bo gnyis dang yang dag ldan/ /'du byed bya ba grub pa dang/ /rlung khams lce yi dbang po dang/ /ro dang rnam lngar gyur pa ste/ /khro bo gnyis dang yang dag ldan/ /steng
 'og khro bo shin tu bcas/ /rang bzhin gyiS ni snang ba nyid/ /rnam shes phung por bzhugs pa ste/ /rnam shes kyang ni 'od gsal ba'o/ /mya ngan 'das bcas kun stong dang/ /chos kyi skur yang bshad pa yin/ /brtan par bya ba'i don du ni/ /gsang sngaD
 'di ni brjod par bya/ /oM shU n+ya tA dz+nyA na badzra swa b+hA ba at+ma konyahaM zhes brjod par bya'o/ /rnam par bzhag pa bzhi pa 'di nyid kyis rdzogs pa la gnas pa nye bar bshad par bya ste/ /de la gzugs kyi phung po 'od gsal du bzhugs pa'i mtshan ma
 mkhas pas shes par bya ste/ /yan lag thams cad phra ba dang/ lus kyi nyams chung zhing lhod par 'gyur ro/ /me long lta bu'i ye shes thim pa na rab rib tu 'gyur ro/ /sa'i khams 'gags pa na lus thams cad skams par 'gyur ro/ /mig gi
 dbang po 'gag pa na mig 'gyur zhing brum par 'gyur ro/ /gzugs kyi yul 'gag pa na rang gi lus kyi mdangs med cing nyams zad pa nyid du 'gyur ro/ /de ltar 'khor ba thog ma med pa nas rkang med dang/ rkang gnyis dang/ rkang bzhi dang/ rkang mangs
 la sogs pa'i sems can rnam par snang mdzad kyi rigs can rnams sku'i dkyil 'khor la gnas te/ don dam pa'i dkyil 'khor du skad cig pa'i rim gyis 'jug go /gang dag cha shas la gnas pa de dag gi ni 'dir rnam par bzhag pa med mod kyi/ /'on
 kyang rim gyis don dam pa'i bden par rab tu 'jug go /de bzhin du gnyis pa rin po che'i rigs kyi lha rnams don dam pa'i bden par 'jug pa de'i tshe mtshan ma mkhas pas shes par bya ste/ tshor ba'i phung po thim pa na rlung dang mkhris pa dang bad kan dang
 'dus pa la sogs pa lus tshor ba nyams su myong bar mi 'gyur ro/ /mnyam pa nyid kyi ye shes thim pa na yid kyi tshor ba rnam pa gsum dran par mi 'gyur ro/ /chu'i khams skams pa na rang gi lus la kha chu dang khrag dang khu ba la sogs pa skams par
 'gyur ro/ /rna ba'i dbang po thim pa na phyi dang nang du bcas pa'i sgra thos par mi 'gyur ro/ /sgra'i yul thim pa na rang gi lus kyi sgra thos par mi 'gyur ro/ /gnyis pa rin po che'i rigs kyi lha rjes su gzhug pa'o/ /gsum pa pad+ma'i rigs kyi lha rnams 'jug pa'i
 dus su mtshan ma mkhas pas shes par bya ste/ 'du shes kyi phung po thim pa na rkang gnyis pa la sogs pa'i sems can rnams dran par mi 'gyur ro/ /so sor rtog pa'i ye shes thim pa na pha dang ma dang bu dang gnyen la sogs dang 'gro ba thams
 cad kyi ming mi dran no/ /me'i khams thim phan? bza' ba thams cad mi 'ju'o/ /sna'i dbang po thim pa na steng gi rlung rtseg cing rtseg cing ser 'gro bar 'gyur ro/ /dri'i yul thim pa na rang gi lus dri'i yul bro bar mi 'gyur ro/ /gsum pa pad+ma'i rigs
 kyi lha rjes su gzhug pa'o/ /bzhi pa las kyi rigs kyi lha rnams kyi yang dag pa'i mthar 'jug pa'i mtshan ma mkhas pas shes par bya ste/ de la 'du byed kyi phung po thim pa na lus kyi bya ba thams cad la 'jug par mi 'gyur ro/ /bya ba? grub pa'i
 ye shes thim pa na 'jig rten pa'i bya ba dang dgos pa dran par mi 'gyur ro/ /rlung gi khams thim pa na srog la sogs pa'i rlung bcu rang gi gnas nas 'pho'o/ /lce'i dbang po thim pa na lce sgom pa dang thung ba dang thung ba dang rtsa ba sngon por
 'gyur ro/ /ro'i lus thim pa na ro drug nyams su mi myong ngo/ /bzhi pa las kyi rigs kyi lha rnams rjes su gzhug pa'o/ /lhag ma rang bzhin gyi snang ba 'jam dpal gyi ye shes rim pa gnyis par bya ste/ de yang srog dang rtsol ba dang bcas par rdo rje bzlas pa'i
 rim pas gnas te/ ril po 'dzin pa dang/ rjes su gzhig pa'i rim pas mi shigs pa mngon sum du bya ste/ 'dzin pa nye bar bsdus nas de'i tshe/ oM shU n+ya tA dz+nyA na badzra swa b+hA ba at+ma konyahaM zhes bya ba'i sngags kyi don mngon sum byed par 'gyur ro/ /
 gsol ba/ sngags 'di'i don bcom ldan 'das rdo rje slob dpon ston pas bshad du gsol/ /rdo rje slob dpon gyis gsungs pa/ bcom ldan 'das kyis bshad pa'i rgyud las gsungs te/ de bshad par bya'o/ /de nas de bzhin gshegs pa
 kun/ /phra mo'i sbyor ba rnam par bzhugs/ /oM zhes pas ni gcig dang ldan/ /shU n+ya tA ni gnyis pa yin/ /dz+nyA na zhes pa gsum pa yin/ /bzhi pa badzra ming can te/ /swa b+hA ba at+ma ko lnga pa/ /drug pa a haM zhes su brjod/ /de ltar de bzhin gshegs pa
 drug/ skye bo mchog la bstan pa yin/ /oM shU n+ya tA zung dang po'o/ /dz+nyA na badzra gnyis pa yin/ swa b+hA ba ni/ at+ma ko haM gsum pa yin/ /de nyid gsum du 'di ru bstan/ /de nyid gsum ni gcig tu 'gyur/ /gsal dang mi gsal ming can te//
 gzhan yang rdo rje 'dzin gang zhig/ gsum gyi brda dang ldan pa'i mi/ /spyan drangs gshegs su gsol ba dang/ /de bzhin du ni bzhugs pa'o/ /'jug pa yis ni spyan drangs te/ /myur ba yis ni gshegs su gsol/ /dal ba yis ni de bzhugs 'gyur/ /
 dag pa las ni dngos grub mchog /skyes bu de de'i sbyor ba yis/ /phyag rgya chen po gcig tu 'gyur/ /myur ba la sogs gsum ldan pa/ /phyag rgya bsgrub pa bshad pa yin/ /myur dang rnam bsdus dal ba can/ /sngags su nges par sbyor ba yi/ /slob dpon gyis ni dbang?
 pa yin/ /slob ma'i rna ba'i drung du brjod/ /dpal gsang ba 'dus pa zhes bya ba'i rnal 'byor chen po'i rgyud las don dam pa'i dkyil 'khor gyi rnam par bzhag pa'i rim par phye ba ste bzhi pa'o// //grub pa'i slob dpon klu'i
 blo'i zhal snga nas kyi mdzad pa rnam par bzhag pa'i rim pa bzhi pa rdzogs sto// //*/ /dpal gsang ba 'dus ba'i dkyil 'khor gyi cho ga nyi shu pa zhes bya ba slob dpon klu'i byang chub kyis mdzad pa'o// //*/ /rgya gar skad du/