<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1463: spyod pa bsdus pa'i sgron ma<br><table><tr><td>
<input type="button" onclick="location.href='tcompletep.php?id=N1463&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1463&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1463&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">mkhan bo ka mA la gupta dang/ yul dbus kyi dpe dang yang gtugs te gtan la thab? pa'o// //spyod pa bsdus pa'i sgron ma slob dpon chen po arya de ba'i zhal snga nas mdzad pa bzhugs so// /rgya gar skad du /tsarya ? pA na pra dI paM/ bod skad du / spyod
 pa bsdus pa'i sgron ma/ byang chub sems dpa' sems dpa' chen po 'jam dpal ye shes sems dpa' la phyag 'tshal lo/ /dngos med rnam dag nam mkha' mnyam la phyag 'tshal lo/ /ma lus tshig med yi ge bral la phyag mtshal lo/ /'das dang ma byon
 kun tu son la phyag 'tshal lo/ /kun tu ma lus thams cad stong la phyag 'tshal lo/ /rdo rje theg pa 'di la sngags kyi sgor spyod pa ni rnam pa gnyis te/ /slob dpon gsang sngags la mchog tu gzhol ba dang/ nang la mchog tu gzhol ba ste/ thos
 pa'i pha rol tu son pa rnams kyis sems can thams cad rjes su gzung bar bya ba'i don du/ mdo sde dang rgyud rtog pa dag las yang dag par gsungs pa'i lung gi tshig rnam par gsal par bya ba'i phyir tshig snyan cing rgya che ba du ma dag bltas nas
 tshigs su bcad pa dang rkyang pa la soD pa sba sbas pa rnams dang spel zhing ? tu spel ba rnams kyi rgyud yang dag pa rnams las btus te/ byis pa'i skya bo rnams kyis khong du chung par bya ba'i phyir sgrub pa'i thabs kyi yan lag mar me lta bu byed ba dag sngon byung
 bar gyur pa ni mi rigs so/ /de ci'i phyir zhe na/ rdzogs ldan dang gsum ldan dang gnyis ldan gyi dus na ni 'jig rten ba rnams tshe dang nang med pa phun sum tshogs shing/ /sbyin ba dang/ tshul khrims la spyod pa la yon tan phun sum tshogs pa
 dang ldan pa rnams ni bstan bcos la gnas shing yongs su chol bas de kho na nyid shes pa la mngon par zhugs shing tshig rgya che ba la sogs pa rnams dang/ sbas ba'i sgra'i sgo nas de kho na nyid ston la/ de rnams kyis kyang khong
 du chud pa yin no/ /da ltar ni rtsod pa'i dus te/ 'jig rten pa rnams tshe dang/ nang med ba dang/ phun sum tshogs pa dman zhing g.yo dang sgyu dang dregs pa dang/ phrag dog dang ldan la / shes rab zhan cing log par lta ba las ngan pa la sogs
 pa la dga' bas ji srid du tshig rgya che ba la sogs pa sbas pa'i sgra'i don rnams la nges par mi dga' bas de kho na nyid tshol bar mi byed do/ /de'i phyir na dang po'i bstan bcos yongs su tshol ba spangs pas de kho na nyid mi rtogs shing dge ba dang mi
 dge ba'i las la mngon par gzhol bas dus byed par 'gyur ro/ /de bas na thob pa thob par 'dod pa rnams la dgos pa med par 'gyur te / tshig snyan pa dang rgya che ba la sogs pa'i thog ma tshig gi sgo la gnas pa'i sgra rnams ni gzings dang
 'dra ba yin pa'i phyir ro/ /bcom ldan 'das kyis kyang ji skad du don gyi rjes su 'brang bar bya'i sgra ji bzhin par ma yin no zhes gsungs so/ /de bas na don gyi dbang 'di mthong nas bdag gis slob dpon klu sgrub kyi zhal snga nas kyi man ngag
 las bskyed pa'i go rim gyis rdzogs pa'i go rim gyi ting nge 'dzin thob nas 'dus byas pa dang 'dus ma byas pa'i slob ma rnams kyi thun mong du bshad pa'i sgra yi sgo nas sngags kyi de kho na nyid dang / phyag rgya'i de kho na nyid dang/ bdag gi
 de kho na nyid dang/ chos kyi de kho na nyid dang/ lha'i de kho na nyid de go rim rnam pa lnga rnam par gsal bar bya ba'i phyir mdo sde dang/ rgyud dang /rtog pa rnams bsres nas bshad par bya'o/ /bcom ldan 'das kyis mdo sde la sogs pa
 bshad pa'i gsung rab kun las/ /bskal ba bye ba rnams su yang/ /de nyid bral nas 'grub mi 'gyur/ /zhes gsungs te/ ji skad du/ bcom ldan 'das la lha mo bzhis zhus pa zhes bya ba'i rnal 'byor chen po'i rgyud las kyang / thub pa chen
 po'i chos rnams kyi/ /phung po brgyad khri bzhi stong la/ /gang gis de nyid mi shes pa/ /de yi thams cad 'bras bu med ces gsungs pas so/ /rdo rje slob mas gsol pa /de kho na nyid mi shes par 'tshang rgya bar mi 'gyur ro zhes bcom ldan 'das
 kyis gsungs na / yang de kho na nyid ces bya ba'i rang gi mtshan nyid gsung rab kyi sgo nas nyan par 'tshal lo/ /gang gi phyir theg ba chen po pa dang /rtog ge pa la sogs pa rnams ni don 'di nyid la gnas nas rnam pa sna tshogs pas de kho
 na nyid rtogs par bgyid na/ de rnams bsdu bar bya ba'i phyir de kho na nyid ces bya ba 'di gang yin pa bcom ldan 'das kyis bshad du gsol / rdo rje slob dpon gyis smras pa / yang dag pa gang yin pa de ni de kho na nyid do/ /gsol pa/ bcom
 ldan 'das yang dag pa zhes bgyi pa de ji lta bu lags / smras pa / gang mi slu ba zhes bya ba de ni yang dag pa zhes bya'o/ /gsol pa / mi bslu ba zhes bya ba de ji lta bu lags/ smras pa/ shin tu yang dag pa'i tshul gyis bdag nyid can gyi ting nge
 'dzin de ni mi slu ba zhes bya'o/ /gsol pa/ yang dag pa'i tshul gyi bdag nyid can gyi ting nge 'dzin ces ba de gang lags/ smras pa/ gang bden pa gnyis gnyis su med pa'i rnam pa'i mtshan nyid can de ni yang dag pa'i tshul
 gyi bdag nyid can gyi ting nge 'dzin to/ /gsol pa/ bcom ldan 'das bden pa gnyis zhes bgyi ba de gang lags/ smras pa/ dang po ni kun rdzob kyi bden pa dang/ gnyis pa ni don dam pa'i bden pa'o/ /gsol pa/ bcom ldan 'das bden pa
 gnyis kyi mtshan nyid ji lta bu lags/ rdo rje slob dpon gyis smras pa/ bcom ldan 'das kyis rdo rje gtsug tor gyi rgyud las bka' stsal te/ /phyag na rdo rjes gsol ba/ bcom ldan 'das chos thams cad kyi gnas don dam pa'i
 bden ba ji lta bu lags/ bcom ldan 'das kyis bka' stsal pa/ gsang ba'i bdag po chos thams cad phung po dang khams dang skye mched rnams dang/ 'gro ba rgyu ba dang mi rgyu ba rnams te/ de yang don dam pa'i bden pa la gnas pas
 gnas pa med ba'i tshul gyis don dam pa'i bden pa ni bdag med pa zil gyis mi non pa thams cad stong pa ste/ 'phel ba med pa/ 'grib pa med pa/ rnam par dag pa / nam mkha' dang mnyam pa dang/ dri ma med pa'i ngo bo nyid yi ge med
 pa/ tshig med pa/ lus med pa dang ngag dang yid dang bral ba / yod pa ma yin /med pa ma yin/ rgyu ba ma yin/ mi rgyu ba ma yin / thag ring ba ma yin/ thag nye ba ma yin/ stong pa ma yin/ mi stong pa ma yin/ dbu ma
 yang ma yin pa 'di ni don dam pa'i bden pa'o/ /de bas na de ni mchog tu zab ba dang/ 'jug par dka' ba dang / skye ba med pa dang / 'gag pa med pa ste /kun rdzob kyi bden pa'i rkyen can no/ /rgyu rkyen gyis 'byung ba ni kun rdzob kyi bden pa ste/
 de ni ji srid tu rmi lam dang/ mig 'dul dang/ gzugs brnyan ltar snang ba dang ldan pa sgyu ma lta bu'i ting nge 'dzin te / rang gi mtshan nyid kyis tshangs pa'i gnas pa bzhi'i rgyur gyur pa ni kun rdzob kyi bden pa'o/ /de gnyis zung du 'brel par
 'jug pa'i rim la 'di ni yang dag pa'i tshul gyi bdag nyid can gyi ting nge 'dzin te/ dmigs pa thams cad nye bar zhi ba gang yin pa de kho na nyid ces bya'o/ /rdo rje slob mas gsol pa/ bdag cag lta bu'i so so'i skye bo thog ma med pa nas
 phyi rol gyi dngos po rnam pa sna tshogs pa la mngon par zhen pas yod pa dang med pa dang / gcig dang / du ma dang/ gnyis dang/ gnyis ka ma yin pa dang/ yod pa ma yin/ med pa yang ma yin pa dang/ rtag pa dang chad pa la sogs
 pa'i rang bzhin gyi bag chags kyi rgyas rnam par rtog pa la mngon par zhen pa la zhugs pa rnams kyi rdzogs pa'i rim pa'i go rim kyi ting nge 'dzin la slob pa na go rim ji lta ba bzhin du bslab par bgyi 'am/ yang na bla ma'i man ngag tsam
 gyis de dag skad cig tsam gyis so sor snang bar bgyi / rdo rje slob dpon gyis smras pa/ rim gyis 'jug pas bslab par bya'i cig car ni ma yin no/ /bcom ldan 'das nyid kyis kyang langkar gshegs pa'i mdo las gsungs te/ de nas bcom
 ldan 'das la byang chub sems dpa' sems dpa' chen po blo gros chen pos rang gi sems snang ba'i rgyud rnam par dag par bya ba'i phyir yang /gsol ba btab pa / bcom ldan 'das rang gi sems snang ba'i rgyud cig car ram /rim gyis 'jug
 par sam /ji ltar rnam par ngag par 'gyur/ bcom ldan 'das kyiS bka' stsal pa/ blo gros chen po rang gi sems snang ba'i rgyud ni rim gyis 'jug pas rnam par dag par 'gyur te/ cig car ni ma yin no/ /'di lta ste/ blo gros chen po shing a
 'bra'i 'bras bu no rim gyis sbyin par 'gyur gyi /cig car ni ma oyin no/ /blo gros chen po de bzhin du sems can rnams kyi rang gi sems snang ba'i rgyud kyang rim gyis rnam par dag ste / cig car ni ma yin no/ /blo gros chen po 'di lta ste/ ? mkhan
 gyi snod rnams ni rim gyis byed kyi cig car ni ma yin no/ /blo gros chen po de bzhin du de bzhin gshegs pa yang sems can rnams kyi rang gi sems snang ba'i rgyud kyang rim gyis rnam par sbyor ste/ cig car ni ma yin no/ /blo gros chen po 'di 
 lta ste /sa chen po las rtswa dang/ shing gal pa dang/ sman dang/ nags tshal rnams rim gyis mjug pas skye'i/ cig car ni ma yin no/ /blo gros chen po de bzhin du de bzhin gshegs pa yang sems can thams cad
 kyi rang gi sems snang ba'i rgyud rim gyis spyong ste/ cig car ni ma yin no/ /blo gros chen po 'di lta ste/ bzhad gad dang rol mo dang glu dang/ pi wang dang sil snyan dang rol mo dag la mkhas pa ni rim gyis 'byung gi /cig car ni ma yin no/ /
 blo gros chen po de bzhin du de bzhin gshegs pa yang sems can thams cad kyi rang gi sems snang ba'i rgyud rim gyis sbyong ste/ cig car ni ma yin no/ /rim pa 'di nyid ni dpa' bar 'gro ba'i ting nge 'dzin gyi mdo las kyang gsal bar
 gsungs te/ de nas byang chub sems dpa' sems dpa' chen po blo gros brtan pas 'di skad ces gsol to/ /bcom ldan 'das ji ltar slob na byang chub sems dpa' bslab pa thams cad la rlom sems ma mchis par dpa' par 'gro
 ba'i ting nge 'dzin 'di la slob pa lags/ de skad gsol pa dang/ bcom ldan 'das kyis byang chub sems dpa' sems dpa' chen po blo gros bstan pa la 'di skad ces bka' stsal to/ /blo gros brtan pa 'di lta ste/ dper na 'phong
 gi slob dpon nam/ 'phong gi slob ma ni thog mar ba lang gi ko ba la phog par byed do/ /gang gi tshe ba lang gi ko ba la lobs pa de'i tshe shing leb la phog par byed do/ /gang gi tshe shing leb la lobs pa de'i tshe 'ben la phog par byed do/ /
 gang gi tshe 'ben la lobs pa de'i tshe dbyu gu la phog par byed do/ /gang gi tshe dbyu gu la lobs pa de'i tshe skra brgya la phog par byed do/ /gang gi tshe skra la lobs pa de'i tshe skra bcu la phog par byed do/ /gang gi tshe skra bcu la lobs pa de'i tshe skra
 gcig la phog par byed do/ /gang gi tshe skra gcig la lobs pa de'i tshe sgras mtshon la phog par byed do/ /gang gi tshe sgras mtshon la phog pa de'i tshe mi 'chor bar phog par 'gyur ro/ /gang gi tshe mi 'chor bar phog pa de'i tshe 'phong slob pa mthar phyin
 pa yin te/ de 'dod na mun pa mun nag gi nang na yang mi dang mi ma yin pa gang dang gang gi sgra grag pa de dang der lhun gyis grub cing mi 'tshor ba nyid du mnga' 'gro'o/ /sgras mtshon pa la phog par byed par 'ongs? pas phyis gang du yang mi slob ste/
 de ci'i phyir zhe na /sngon legs par bslabs pa'i phyir phog par bya ba thams cad de la mngon sum du 'gyur ro/ /blo gros brtan pa de bzhin du dpa' bar 'gro ba'i ting nge 'dzin 'di la gnas pa'i byang chub sems dpa' phyis chos gang la yang bslab par mi
 bya'o/ /de ci'i phyir zhe na/ ting nge 'dzin de nyid la sngon legs par bslabs pa'i phyir/ byang chub sems dpa' i yon tan gyi chos thams cad de la mngon sum du 'gyur ro/ /yang tshul 'di nyid kyis rdo rje'i theg pa la gnas pa'i dpa' bar 'gro ba'i ting nge
 'dzin la slob par 'dod pas kyang rim pa 'di nyid kyis bslab par bya'o/ /de'i rim pa yang 'di yin te/ thog ma nyid du ni sangs rgyas kyi theg pa'i bsam pa la slob bo/ /gang gi tshe sangs rgyas kyi theg pa'i bsam pa la lobs par gyur pa de'i tshe theg pa sar la
 dran pa gcig pa'i ting nge 'dzin la slob po/ /gang gi tshe theg pa sar la dran pa cig pa'i ting nge 'dzin la lobs pa de'i tshe rtog pa'i rnal 'byor la slob po/ /gang gi tshe rtog pa'i rnal 'byor la longs pa de'i tshe las dang po pa'i ting 'dzin la rab tu gnas par
 'gyur ro/ /gang gi tshe las dang po pa'i ting nge 'dzin la gnas pa de'i tshe rigs brgya 'i? dbye ba la 'jug go /gang gi tshe rigs brgya'i dbye bas lus rnam par dben pa shes pa de'i tshe/ sku rdo rje'i ting nge 'dzin la gnas par 'gyur ro/ /lus rnam
 par dben pa la gnas nas/ A li kA yi ? dag rnam par dben pa la 'jug go /gang gi tshe rdo rje bzlas pa'i rim gyis srog dang rtsol ba shes par gyur pa de'i tshe gsung rdo rje'i ting nge 'dzin la rab tu gnas par 'gyur ro//
 dag rnam par dben pa la gnas nas rang bzhin gyis snang ba'i rim gyis sems rnam par dben pa la 'jug go/ gang gi tshe rang bzhin gyis snang ba la rlung gi gzhon pa'i rab tu dbye bas yang dag pa ji lta ba bzhin du slob pa de'i tshe sems kyi ting nge
 'dzin la snyoms par 'jug par 'gyur ro/ /sems yang dag pa ji lta ba bzhin du yongs su shes pa la gnas nas sgyu ma'i dpe bcu gnyis kyis kun rdzob kyis bden pa la 'jug par 'gyur ro/ /gang gi tshe sgyu ma lta bu'i ting nge 'dzin la
 snyoms par 'jug pa de'i tshe sangs rgyas kyi dbang bskur ba thob po/ /gang gi tshe dbang bskur thob pa de'i tshe sgyu ma lta bu'i ting nge 'dzin la gnas la gnas nas stong pa chen po bco brgyad kyi rim gyis don dam pa'i bden pa la 'jug go/ gang gi tshe ril
 por 'dzin pa dang rjes su gzhig pa'i ting nge 'dzin gyi yang dag pa'i mdza' la 'jug pa de'i tshe nyon mongs pa thams cad rnam par dag par 'gyur ro/ /gang gi tshe ye shes kyi rim gyis ldang ba'i phyir rang bzhin gyis 'od gsal ba'i bden pa
 gnyis la gnyis su med pa'i rnam pas bdag nyid mngon par rdzogs par sangs rgyas pa de'i tshe rdzogs pa'i ting nge 'dzin la slob par gyur pa yin no/ /gang gi tshe rdzogs pa'i ting nge 'dzin la snyoms par zhugs pa'i rnal 'byor pas ni phyis
 chos gang la yang mi slob bo/ /de ci'i phyir zhe na/ des sngon legs par bslab pa'i phyir te/ ji ltar 'phong gi slob dpon ni sgras mtshon pa la phog par byed par gnas pas phyis gang du yang mi slob bo/ /de ci'i phyir zhe na/ sngon legs par bslabs
 ba'i phyir de'i sngon gyi 'phen shugs kyi stobs kyis mngon du 'gyur ro/ /de bzhin du rdzogs pa'i ting nge 'dzin la rab tu gnas pa ni phyis gang la yang slob par mi 'gyur te/ sngon shin tu bslabs pa'i phyir/ /de'i phyir 'jig rten dang 'jig rten las
 'das pa'i dngos grub dag ni lhun gyis grub pa nyid du mngon sum du 'gyur ro/ /de bzhin du rdzogs pa'i rim pa'i ting nge 'dzin la slob par byed pas kyang rim gyis 'jug pas bslab par bya'i cig car ni ma yin no/ /de bas na lus rnam par dben pa med par
 rnam par dben pa shes par mi nus so/ /dag rnam par dben pa dang bral bas ni sems rnam par dben pa rtogs par mi nus so/ /sems kyi rang bzhin gyi snang ba'i ting 'dzin med par kun rdzob kyi bden pa mngon sum bya bar mi nus so/ /kun rdzob kyi
 bden brtog pa dang bral bas ni don dam pa'i bden pa mngon sum du bya bar mi nus so/ /don dam pa'i bden pa rtogs pa med par ni zung du 'jug pa'i rim pa mngon sum du bya bar mi nus so/ /bcom ldan 'das kyis kyang ngon gyi dbang 'di gzigs nas
 rim gyis 'jug par bslab par bya'i cig car ni ma yin no/ /rim gyis 'jug pas rdzogs pa'i rim pa la bslabs pas cig car rang gi rgyud rnam par dag par 'gyur te/ bcom ldan 'das nyid kyis kyang langkar gshegs pa'i mdo las/ blo gros
 chen po 'di lta ste/ me long gi nang du gzugs kyi gzugs su snang ba thams cad rnam par rtog pa med pas cig car snang ngo?/ /de bzhin du blo gros chen po de bzhin gshegs pa yang sems can thams cad kyi rang gi sems snang ba'i rgyud rnam par me rtog cing snang
 ba med pa'i spyod yul rnams cig car rnam par spyod do/ /blo gros chen chos? lta ste /zla ba dang nyi ma'i dkyil 'khor ni 'od zer rnams kyis gzugs su snang ba thams cad cig car mngon par byed do/ /de bzhin du blo gros chen po de bzhin gshegs pa
 yang sems can rang gi sems snang ba'i gnas ngan len gyi bag chags dang bral ba rnams la rgyal ba'i ye shes bsam gyis mi khyab pa'i yul dang spyod yul yang dag par ston to/ /'dir bshad pa/ sems can dang
 po'i las can rnams/ /dam pa'i don la 'jug pa la/ /thabs 'di rdzogs pa'i sangs rgyas kyis/ /skas kyi rim pa lta bur bzhag /ces bya ba'i rim pa lnga'i go rims dang bral bas ni rdzogs pa'i ting nge 'dzin rtogs par mi nus so/ /zhes khong
 du chud par bya'o/ /spyod pa bsdus pa las/ the tsom yongs su gcod pa ste le'u dang po'o// //rdo rje slob mas gsol pa/ bcom ldan 'das dang por rang gi lus rnam par dben pa la ji ltar bslab par bgyi/ rdo rje slob dpon gyi smras pa/
 sems can chen po legs so legs so/ /lus rnam par dben pa brgya cher khong du chud par bya'o/ /de la khams bzhi pos lus mngon par bskyed pa las lus su grub pa 'di ni spungs pa bzhin du gnas te/ sha'i kham tshad dang/ rtsa dang/ rgyus pa dang/
 mgo bo dang/ klad pa dang/ klad rgyas dang/ rus pa dang/ rkang dang/ rgyu ma dang/ gnye ma dang/ mkhal ma dang/ snying dang/ lto dang/ glo ba dang/ mtsher pa dang/ gcin dang/ phyi sa dang/ lgang pa dang/ pho ba dang/ long ga dang/ zhag
 dang/ chu ser dang/ rnag dang/ khrag dang/ mkhris pa dang/ bad kan dang/ ngar snabs dang/ skra dang/ kha sU dang /sen mo dang/ sbu dang/ pags pa dang/ lag pa dang/ rkang pa dang/ mig dang /yan lag la sogs pa tshogs
 pa la spungs pa zhes bya'o/ /yang de la phung po lnga dang/ /khams bzhi dang/ skye mched drug dang/ yul lnga dang/ shes pa lnga ni spungs pa zhes bya ste/ dper na 'bras dang/ nas dang/ til dang/ gro dang/ mon sran rde'u mang po la'ang spungs pa zhes bya'o//
 de bzhin du lus kyi yan lag dang/ nyid lag tu gtogs pa tshogs pa la spungs pa zhes bya'o/ /khams rnams tshogs pa las/ shes rab dang/ lta ba dang/ yid dang/ ma rig pa dang/ bag chags dang/ srid pa dang/ nyon mongs pa'i
 rgyun la ni bsags pa pa zhes bya'o/ /rnam par shes pa'i tshogs pa spungs pa ni nye bar dmigs par mi 'gyur te/ gnas med pa'i phyir ro/ /ji skad du bzang skyod gi zhus pa las kyang/ lus 'di la rnam par shes pa gang na yang mi gnas te/ rnam
 par shes pa med na yang lus skye bar mi 'gyur ro/ /bzang skyong de'i phyir nyon cig/ bden pha ma mthong bas ni rnam par sheS ba mi shes mi mthong ste/ de ni lag mthil du skyu ru ra bzhag pa bzhin du mthong bar mi 'gyur ro zhes gsungs so/ /yang 'di ltar phung po dang
 khams dang skye mched rnams thog ma med pa nas tha mal pa'i nga rgyal gyis gnas pa rnams ni/ da ltar de bzhin gshegs pa thams cad kyis rdul phra rab las bsgrubs ba'i ngo bo nyid du bstan te/ gsang ba 'dus pa zhes bya ba rnal 'byor chen po'i
 rgyud las/ mdor na phung po lnga rnams ni/ /sangs rgyas lngar ni rab tu bsgrags/ /rdo rje skye mched nyid dag kyang/ /byang chub sems dpa' i dkyil 'khor mchog /sa ni spyan zhes bya ba yin/ /chu yi khams ni mA ma kI/ /me yi khams ni gos
 dkar mo/ /sgrol ma rlung du rab tu bsgrags/ /gzugs dang sgra sogs sngags pa yis/ /lha nyid du ni rtag tu bsgom/ zhes gsungs pa dang/ yang phung po la sogs pa de dag re re zhing lnga lnga rnam par phye na brgyar 'gyur te/ zla gsang thig le las/
 rigs ni rnam pa brgyar bstan te/ mdo du bsdus na rnam pa lnga/ lus dang ngag yid sbyor ba yis/ /gsum du yang ni 'gyur ba yin/ zhes gsungs pas/ de la dang po nyid du rigs brgya'i rab tu dbye pa bstan par bya'o/ /de la gzugs kyi phung po'i
 tshogs ni rnam par snang mdzad do/ /de yang rnam pa lngar phye ba la/ de bzhin gshegs pa rnam pa lngas byin gyis brlabs pa yin te /de la ring po dang thung du la sogs phyi dang nang dang gnyi ga'i dbyibs kyi gzugs ni
 rnam par snang mdzad kyis byin gyis brlabs ba'o/ /bdag dang gzhan gnyis ka la sogs pa'i rnam pa'i gzugs ni rin chen 'byung ldan gyis so/ /phyi dang nang gi sngon po la sogs pa kha dog lnga'i gzugs ni snang ba mdza' yas kyis so/ /phyi dang nang gi zla ba
 dang nyi ma la sogs pa snang ba'i rnam pa ni don yod grub pas so/ /rang rig pa tsam 'ba' zhig gi rnam par rig byed ma yin pa ni mi bskyod pas byin gyis brlabs pa ste/ gzugs kyi phung po rnam pa lngar bshad do/ /rin chen 'byung ldan gyi ting nge 'dzin
 gyi dbang du byas te bshad pa/ tshor ba'i phung po'i tshogs ni rin chen 'byung ldan no/ /de yang de bzhin gshegs pa lngas byin gyis brlabs pa yin te/ de la 'dus pa dang mkhris pa las byung ba'i tshor ba ni mi bskyod pas so/ /bad kan dang rlung las
 skyes pa'i chor ba ni rin chen 'byung ldan gyis so/ /bde ba'i tshor ba ni 'od dpag med kyis so/ /sdug bsngal gyi tshor ba ni don yod grub pas so/ /tshor ba mnyam pa nyid ni rnam par snang mdzad kyis byin gyis brlabs pa zhes bya ste/ tshor ba'i phung po rnam pa
 lngar bshad do/ /snang ba mdza' yas kyi ting nge 'dzin gyi dbang du byas te bshad pa/ 'du shes kyi phung po'i tshogs ni snang ba mdza' yas te/ 'di na rgyu ba dang mi rgyu ba'i dngos po rnams skyes ba rnams kyi 'dus byas pa nyid kyang rkang gnyis dang rkang
 med la sogs pa'i dbye bas phye na ming tha dad pa'i dngos bor yod pa rnams la de rnam par shes pas nye bar bzung nas yongs su gcod par byed la mtshan ma de'i 'du shes kyi phung po zhes bya bar tha dad par rnam par 'jog bar 'gyur ro/ /'du shes de yang de
 bzhin gshegs pa lngas byin gyis brlabs pa yin te/ de la rkang gnyis pa'i 'du shes ni mi bskyod pa'i 'o/ /rkang bzhi pa'i 'du shes ni rin chen 'byung ldan gyi'o/ /rkang med kyi 'du shes ni 'od dpag tu med pa'i'o/ /rkang mangs kyi 'du shes ni don yod grub
 ba'i 'o/ /mi g.yo zhing mi 'gyur ba'i 'du shes ni rnam par snang mdzad kyis byin gyis brlabs pa ste/ 'du shes kyi phung po rnams sngar bshad do/ /don yod grub pa'i ting nge 'dzin gyi dbang du byas te bshad pa/ 'du byed kyi phung po'i tshogs ni don yod grub pa'o/ /
 de yang de bzhin gshegs pa lngas byin gyis brlabs pa yin te/ lus kyi 'du byed ni rnam par snang mdzad kyi'o/ /ngag gi 'du byed ni 'od dpag tu med pa'i'o/ /yid kyi 'du byed ni mi bskyod pa'i'o/ /khams gsum gyi 'du byed ni rin chen 'byung ldan gyi'o//
 thar pa'i 'du byed ni don yod grub pa'i byin gyis brlabs pa ste / 'du byed kyi phung po rnam pa lngar bshad do/ /mi bskyod pa'i ting nge 'dzin gyi dbang du byas te bshad pa/ gang don gzung ba dang/ don yongs su gcod pa dang/ don khong du chud pa de ni rnam
 par shes pa'o/ /rnam par shes pa la gnas pas kyang phyi'i don gyi rnam par rab tu brtags la phyi'i don gyi rnam par shes bar brtags te/ de ltar phan tshun ltos pas shes pa dang/ shes par bya ba gnyis grub bo/ /rnam par shes pa de yang rnam
 pa lngar phye ba la de bzhin gshegs pa lngas byin gyis brlabs pa yin par shes par bya'o/ /de la rnam par shes pa'i phung po'i cho gas ni mi bskyod pa ste/ mig gi rnam par shes pa ni rnam par snang mdzad kyi'o/ /rna ba'i rnam par shes pa ni rin chen 'byung ldan
 gyi'o/ /sna'i rnam par shes pa ni 'od dpag tu med pa'i'o/ /lce'i? rnam par shes pa ni don yod? grub pa'i'o/ /lus kyi rnam par shes pa ni mi bskyod pas byin gyis brlabs pa ste/ rnam par shes pa'i phung po rnam pa lngar bshad do/ /mdor na
 phung po lnga rnams ni sangs rgyas lngar ni rab tu bsgrags/ zhes bya ba'i mdo'i don bshad zin to/ /khams rnam pa bzhi'i dbang du/ bya ste bshad pa/ so'i? khams gang zhe na/ gang lci ba nyid dang sra ba nyid de/ de yang las ni rten
 pa'o/ /chu'i khams gang zhe na/ gang gsher pa nyid dang rlan pa nyid de/ de yang las ni bsdud pa'o/ /de la me'i khams gang zhe na /gang bro ba nyid dang yongs su smin pa nyid de de yang las ni snyems? pa'o/ /de la rlung gi khams gang zhe na/ gang brkyang
 pa dang/ bskum pa dang/ dbugs rdub pa dang/ dbugs 'byin pa nyid de/ las ni yang zhing g.yo ba'o/ /de ltar theg pa chen po'i rim pas khams rnam pa bzhi'i rang rang gi mtshan nyid rnam par bzhag nas/ da ni tha mal ba'i nga rgyal rnam par spang bar bya
 ba'i phyir rdo rje theg pa'i rim pas sangs rgyas lnga'i rang bzhin du bya ste /de la sa'i khams kyi tshogs ni sangs rgyas sbyan no/ /de yang khams rnam pa lngar phye ba la de bzhin gshegs pa lngas byin gyis brlabs pa yin te / skra dang rus pa dang
 phyi sa dang mchin pa dang snying ni rnam par snang mdzad kyi'o/ /spu dang sen mo dang rnag dang snying ni rin chen 'byung ldan gyi'o/ /so dang bags pa dang sha dang snying ni 'od dpag tu med pa'o/ /rgyus pa dang sha dang rtsib ma dang snying ni don yod grub pa'i 'o/ /
 dri ma dang rgyu ma dang khris pa dang snying ni mi bskyod pa ste /ji skad du rdo rje phreng ba las kyang/ snying ni lnga la nges gnas te/ /rgyud lngar rnam par 'byung pa ni/ /rlung lnga dang ni ldan pa ru/ /'dod pa lnga rnams spyod par byed/ ces gsungs pas so/ /
 de bzhin du yang phyi rol gyi sa'i khams kyang rnam pa lngar dbye ste/ de yang gling bzhi dang ni ri rab bo/ /de la ri'i rgyal po ri rab ni rnam par snang mdzad kyis byin gyis brlabs pa'o/ /lus 'phags po ni mi bskyod pa yis byin gyis brlabs pa'o/ /'dzam bu
 gling ni rin chen 'byung ldan gyis byin gyis brlabs pa'o/ /ba lang spyod ni 'od dpag med kyis byin gyis brlabs pa'o/ /sga mi snyan ni don yod grub pas byin gyis brlabs pa'o/ /sa'i khams rnam pa lngar bshad do/ /mA ma ki ri ting nge 'dzin gyi dbang du bya/
 ste bshad pa/ de la chu'i khams kyi tshogs ni mA ma kI'o/ de yod de bzhin gshegs pa lngas byin gyis brlabs pa ste/ bad kan dang mchi ma ni rnam par snang mdzad kyis byin gyis brlabs pa'o/ /gcig ni mi bskyod pas byin gyis brlabs pa'o/ /rdul ni?
 rin chen 'byung ldan gyis byin gyis brlabs pa'o/ /khrag ni 'od dpag med kyis byin gyis brlabs pa'o/ /kha chu ni don yod grub pas byin gyis brlabs pa'o/ /phyi rol gyi yang rnam pa lngar bltas te/ de yang rgya mtsho'i chu ni mi bskyod pa'o/ /chu bo'i rku? ni rin
 chen 'byung ldan gyi'o/ /bkod ma'i chu ni 'od dpag du med pa'o/ /lteng ga'i chu ni don yod grub pa'i'o/ /'bab chu'i chu ci rnam par snang mdzad kyis byin gyis brlabs pa ste/ chu'i khams rnam pa lngar bshad do/ /gos dkar mo'i ting nge 'dzin gyi dbang du byas te
 bshad pa/ me'i khams kyi tshogs ni gos dkar mo'o// /de yang de bzhin gshegs pa lngas byin gyis brlabs pa ste/ mgo be'i drod ni rnam par snang mdzad kyis byin gyis brlabs pa'o/ /snying ga'i drod ni mi bskyod pa'i'o/ /lte ba'i drod ni rin chen 'byung ldan gyi'o/ /
 yan lag thams cad kyi drod ni 'od dpag tu med pa'i'o/ /lto ba'i drod ni don yod grub pas byin gyis brlabs pa'o/ /phyi rol gyi yang rnam pa lngar bstan te/ de la rgyun bzhag gi me ni mi bskyod pa'i'o/ /rdo las byung ba'i me ni rnam par snang mdzad kyi'o/ /me shel
 las byung ba'i me ni rin chen 'byung ldan gyi'o/ /shing las byung ba'i me ni 'od dpag tu med pa'o/ /nags kyi me ni don yod grub pas byin gyis brlabs pa ste/ me'i khams rnam pa lngar bshad do/ /sgrol ma'i ting nge 'dzin gyi dbang du byas te bshad pa/
 de yang rlung gi khams kyi tshogs ni sgrol ma'o/ /de yang de bzhin gshegs pa lngas byin gyis brlabs pa yin te/ de la srog ces bya ba snying la gnas pa ni mi bskyod pa'i'o/ /thur du sel ba zhes bya ba ni 'doms na gnas pa ni
 rin chen 'byung ldan gyi'o/ /steng du rgyu ba zhes bya ba lkog mar gnas pa ni 'od dpag med kyi'o/ /me dang mnyam du gnas zhes bya ba lte bar gnas pa ni don yod grub pa'i'o/ /khyab byed ces bya ba tshigs thams cad la gnas pa ni rnam par snang
 mdzad kyis byin gyis brlabs pa'o/ /yang de rnams re re'i las bshad pa /dbang po'i sgo yi rgyun las ni/ /srog dang rtsol ba rgyu ba dang/ /rtag pa'i dus su rgyu ba ni/ /srog ces bya ba yin par bshad/ /rlung dang gcin dang phyi sa dang/ /de bzhin du ni khu
 ba rnams/ /'og 'dren 'di ni thur sel bar/ /rtag tu rnal 'byor pas shes bya/ /myang dang za dang blngag? pa dang/ /kun tu 'thung dang 'jib par ni/ /gang zhig rtag tu mnyam gnas par/ mnyam du gnas zhes bya ba yin/ /gyen du 'gro zhing sdud pa dang/ /
 bza' bar myang sogs za ba ni/ /shes dang lhan cig 'byor pa dag / gyen rgyu'i las su shes par bya/ /khyab dang 'dzin pa nyid dang ni/ /'gro dang de bzhin ldog pa dang/ /tshigs rnams kun tu khyab pas na/ /khyab byed ces ni bya bar bshad/ phyi rol gyi yang
 rnam pa lngar blta ste/ shar gyi rlung ni mi bskyod pa'i 'o/ /lho'i rlung ni rin chen 'byung ldan gyi'o/ /nub kyi rlung ni 'od dpag tu med pa'i'o/ /byang gi rlung ni don yod grub pa'i'o/ /steng gi rlung ni rnam par snang mdzad kyis byin gyis brlabs pa ste /rlung
 gi khams rnam pa lngar bshad do/ /'byung ba chen po bzhi po 'di rnams ni/ gang du cig yod pa der bzhi char yod de/ de bas na 'di rnams ni phan tshun bltos pa med par ngo bo nyid kyis rang grub pa ni med do/ /nam mkha' i ni dbang po las 'das
 shing 'dus ma byas pa'i phyir 'byung ba chen po ma yin te/ go 'byed par byed pas na nam mkha' ni dngos po thams cad la mi sgrib pa'i bya ba byed do/ zhes bya ba'i bar du'o/ /sa ni spyan zhes bya ba yin/ /chu yi khams ni mA ma kI? /me ni gos dkar mo yin no/ /rlung ni
 sgrol mar rab tu bsgrags/ /zhes bya ba'i mdo'i tshig bshad zin to/ /da ni sa'i snying po la sogs pa'i byang chub sems dpa' sems dpa' chen po rnams kyi ting nge 'dzin gyi dbang du byas te/ bshad pa/ de la mig gi skye mched kyi tshogs ni sa'i snying
 po'o/ /de yang rnam pa lngar phye ba la de bzhin gshegs pa lngas byin gyis brlabs pa yin te/ de la mig gi 'bras bu'i nang na rkun 'brum gyi 'bras bu'i tshang tsam gyi mig gi dbang po de mi bskyod pa'i'o/ /mig 'bras dkar po'i rang bzhin ni rin chen 'byung
 ldan gyi'o/ /zur gyis blta ba'i gzugs ni 'od dpag tu med pa'i'o/ /mig rnam par g.yo pa ni don yod grub pa'i'o/ /gzugs gsum 'dzin pa ni rnam par snang mdzad kyis byin gyis brlabs pa yin te/ mig gi skye mched rnam pa lngar bshad do/ /de
 bzhin du rna ba'i skye mched kyi tshogs ni phyag na rdo rje ste/ 'di la rna pa'i nang na gro ga gcus te bcad pa lta bu'i rdul phra rab bsags pa'i gzugs can rna pa'i dbang po ni mi bskyod pa'i'o/ /rna pa'i rang bzhin rnam par snang mdzad kyi'o/ /rna pa'i bu ga ni 'od
 dpag tu med pa'i'o/ /rna ba'i rtsa ba ni don yod grub pa'i'o/ /sgra gsum 'dzin pa ni rin chen 'byung ldan gyis byin gyis brlabs pa yin te/ rna ba'i skye mched rnam pa lngar bshad do/ /sna'i skye mched kyi tshogs ni nam mkha' i snying po ste/ sna'i nang gi
 mig sman gyi thur ma? phru ba lta bu'i rdul phra rab bsags pa'i gzugs can sna'i dbang po de ni mi bskyod pa'i'o/ /sna'i rang bzhin ni rnam par snang mdzad kyi'o/ /nang gi dbus ni rin chen 'byung ldan gyi'o/ /sna bug ni don yod grub pa'i'o/ /dri gsum 'dzin pa
 ni snang ba mdza' yas kyis byin gyis brlabs pa yin te / sna'i skye mched rnam pa lngar bshad do/ /lce'i skye mched kyi tshogs ni 'jig rten dbang phyug ste/ de la rdul phrar ba bsags pa'i gzugs can? zla ba phyed pa'i dbyibs lta
 bu'i lce'i dbang po ni mi bskyod pa'i'o/ /lce'i rang bzhin ni rnam par snang mdzad kyi'o/ /lce'i rtsa ba ni rin chen 'byung ldan gyi'o/ /lce'i rtse mo ni 'od dpag tu med pa'i'o/ /de gsum 'dzin pa ni don yod par grub pas byin gyis brlabs pa yin te /lce'i skya
 mched rnam pa lngar bshad do/ /lus kyi skye mched kyi tshogs ni sgrib pa thams cad rnam par sel ba ste /de la lus kyi rdul phra rab bsags pa'i ma lus pa'i gzugs can gyi lus kyi dbang po de ni rnam par snang mdzad kyi'o/ /rus pa'i rang bzhin
 ni rin chen 'byung ldan gyi'o/ /sha'i rang bzhin ni 'od dpag tu med pa'i'o/ /bags pa'i rang bzhin ni don yod grub pa'i'o/ /rig pa gsum 'dzin pa ni mi bskyod pas byin gyis brlabs pa yin te / lus kyi skye mched rnam pa lngar bshad do/ /
 'jam dpal gyi ting nge 'dzin gyi dbang du byas te bshad pa/ 'di na lus kyi nang na snang ba'i rnam par shes pa de ni yid kyi dbang po ste/ dbang po thams cad kyi bdag po yin zhing so sor rang rig pa yin pas phyi'i yul ni med kyi chos kyi dbyings
 yul du byas nas sgyu 'phrul dra bas mngon par rdzogs par byang chub pa'i rim gyis bdag nyid mngon par rdzogs par byas nas sangs rgyas kyi yon tan ma lus dang ldan pas sangs rgyas kyi zhing nas sangs rgyas kyi zhing du 'gro ba'o/ /'jam dpal gyi ting nge
 'dzin bshad zin to/ /rdo rje skye mched nyid dag kyang/ /byang chub sems dpa' i dkyil 'khor mchog /ces bya ba'i mdo'i don bshad zin to/ /yul rnams lha mo'i ting nge 'dzin gyi dbang du bshad pa / rdo rje sgo zhes bya ba rnal 'byor chen po'i rgyud
 las rlung bcu gsum ta/ 'di lta ste/ srog dang thur d sel ba dang/ gyen du rgyu ba dang/ mnyam du gnas pa dang/ khyab byed dang/ ldang zhing rgya ba dang /rnam par rgyu ba dang /yang dag par rgyu ba dang/ rab tu rgyu ba dang /nges par rgyu ba'o/ /de la srogs
 sogs pa'i rlung lnga ni phung po lnga la brten te/ phung po'i bya ba rnams byed do/ /ldang zhing rgyu ba la sogs pa'i rlung lnga ni dbang po rnams la gnas nas phyi rol gyi bya ba rnams byed do/ /de la ldang zhing rgyu ba zhes bya ba'i rlung ni mig gi skye mched la brten nas
 gzugs rnam pa lnga'i bya ba rdzogs par byed do/ /de yang snang ba dang sgrib g.yogs med pa dang/ yid la byed pa dang/ mig gi dbang po tshogs pa dang ldan pa'i rgyus gzugs kyi yul rnams mthong ste/ de ni rnam par snang mdzad kyi'o/ /'gying bag
 dang rnam par rol pa dang steg pa'i gzugs ni mi bskyod pa'i'o/ /rjes su chags pa'i gzugs ni rin chen 'byung ldan gyi'o/ /yid du 'ong ba dang yid du mi 'ong ba dang btang snyoms kyi 'du shes can gyi gzugs ni 'od dpag tu med pa'i'o/ /bya ba thamS
 cad sgrub pa'i gzugs ni don yod grub phas byin gyis brlabs pa ste/ gzugs kyi yul rnam pa lngar bshad do/ /de la rnam par rgyu ba zhes bya ba'i rlung ni rna ba'i skye mched la brten nas / sgra rnam pa lnga'i bya ba byed de/ de la rna ba'i nang gi sgra dang mgo
 dang sku'i? sgra ni rnam par snang mdzad kyi'o/ /glu dang rgyun gyi sgr ani rin chen 'byung ldan gyi'o/ /rkan dang mchu dang ngag gi sgra ni 'od dpag tu med pa'i'o/ /nags tshal dang chu bo dang se gol dang thal mo dang rdza rnga la sogs pa'i rol mo'i sgra ni don yod
 grub pa'i'o/ /yi ge hUM zhi ba dang drag po'i sgra ni mi bskyod pa'i byin gyis brlabs pa yin te sgra'i yul rnam pa lngar bshad de/ /yang dag par rgyu ba zhes bya ba'i rlung ni sna'i skye mched la brten nas dri rnam pa lnga'i bya ba byed do/ /de la dri ma lus pa ni rnam par
 snang mdzad kyi'o/ /yan lag thams cad kyi dri ni rin chen 'byung ldan gyi'o/ /dri gsum gyi bye brag ni 'od dpag tu med pa'i'o/ /ro'i? drin don yod grub pa'i'o/ /dri mi zad pa ni mi bskyod pa'i byin gyis brlabs pa ste/
 dri'i skye mched rnam pa lngar bshad do/ /rab tu rgyu ba zhes bya ba'i rlung ni lce'i skye mched la brten nas ro rnam pa lnga skyong par byed de/ de la ro mngar ba ni rnam par snang mdzad kyi'o/ /ro bska ba ni rin chen 'byung ldan gyi'o/ /lan
 tshwa'i ro? ni 'od dpag tu med pa'i'o/ /ro kha ba ni mi bskyod pa'i'o/ /ro tsha ba dang sgyur ba la sogs pa'i ro drug gi bye brag ni don yod grub par byin gyis brlabs pa yin te/ ro'i skye mched rnam pa lngar bshad do/ /nges par rgyu pa zhes bya ba ni lus
 kyi skye mched la brten nas stobs 'gyed pa la sogs pa stobs dang spro ba rnams te/ de yang reg bya'i bya ba lnga rjes su skyong bar byed do/ /de la stan cig la gnas pa'i reg bya ni rnam par snang mdzad kyi'o/ /'khyud pa'i reg bya ni rin chen 'byung
 ldan gyi'o/ /ro byed pa'i reg bya ni 'od dpag tu med pa'i'o/ /rdub pa'i reg bya ni don yod par grub pa'i'o/ /b+ha ga dang ling ga'i sbyor ba'i reg bya chags pa chags pa dang bral ba dang/ dbu ma'i chags pa'i ngo bo nyid nye bar dmigS pa ni mi bskyed
 pa'i byin gyis brlabs pa ste/ reg bya'i yul rnam pa lngar bshad do/ /gzugs sgra la sogs sngags pa yis/ /lta nyid du ni rtag tu bsgom/ zhes bya ba'i mdo'i don bshad zin to/ /ye shes lnga'i dbang du bya ste bshad pa/ me long la
 gzugs brnyan snang ba bzhin du dngos po ma lus pa rnams cig car yongs su shes ba ni me 'ong lta bu'i ye shes te/ de ni rnam par snang mdzad kyi'o/ /rkang med dang rkang gnyis dang/ rkang bzhi dang/ rkang mangs kyi sems can rnams kyang sems tsam
 mo zhes rnam pa gcig tu rtogs pa ni mnyam pa nyid kyi ye shes te/ de ni rin chen 'byung ldan gyi'o/ /phung po dang khams la sogs pa'i phyi dang nang gi dngos po rnams so sor rnam par phye ste rnam par brtags na thams cad kyang sangs rgyas kyi rang bzhin no zhes
 shes nas chos thams cad kyis cha shes ni 'di dag go zhes pad+ma'i 'dab ma ltar so sor rtog cing rtog pa med pas gnas pa de ni so sor rtogs pa'i ye shes te/ de ni 'od dpag tu med pa'o/ /bdag dang gzhan gyi bya ba lus dang ngag yid kyi las rdzogs
 par byed pa'i ngo bo nyid ni bya ba sgrub pa'i ye shes te de ni don yod grub pa'i'o/ /lus dang ngag dang yid kyi sgrib pa dag cing las dang nyon mongs pa las grol te/ dge ba dang mi dge ba'i rnam par rtog pa'i bag chags rnam par sbyangs pa ni chos kyi dbyings
 rnam par dag pa'i ye shes te/ de ni mi bskyod pas byin gyis brlabs pa'o/ /de bas na phung po khams dang de bzhin skye mched rnams/ /lnga po dbye ba lnga ru byas pa la/ /de bzhin gshegs pas so sor byin brlabs na/ /'khor ba'i las rnamS
 dag ni ga las 'byung/ /de bzhin dbang po phyi rol yul bcas lnga/ /re re zhing yang bder gshegs lnga rnams kyis/ /de la rang rang rtag tu byin rlob cing/ /ye shes lnga dang gsum duAng yang dag gnas/ zhes gsungs pa'i phyir ro/ /rig
 ni rnam pa brgyar bshad pa/ zhes bya ba'i mdo'i don bshad zin to/ rdo rje slob mas gsol pa/ rig brgya'i rim pas de bzhin gshegs pa thams cad kyi rdul phra rab yongs su bsags pa las grub pa'i lus yin par ni som nyi ma mchis na/ yang
 ji ltar na de ni mdor bsdus na rnam pa lngar 'gyur ba lags / rdo rje slob dpon gyis smras pa/ khams bzhi po dag la lus kyi phung po mngon par 'grub par 'gyur te/ khams rnams tshogs pa'i phyir 'byung ba las gyur pa 'byung ba yin te/ de bas na
 gzugs kyi phung po la sogs pa 'byung ba las gyur pa ni de bzhin gshegs pa'i rigs can te/ de ni sa'i khams sdud par byed pas nye par 'gro'o/ /de bzhin du rin po che'i rigs can rnams ni chu'i khams so/ /pad+ma'i
 rigs can rnams ni me'i khams so/ /las kyi rigs can rnams ni rlung gi khams so/ /rdo rje'i rigs can rnams ni rnam par shes pa'i khams su bsdus par gyur pa yin no/ /tshul 'di na rang gi lus kyi dkyil 'khor 'byung ba dang 'byung ba las
 gyur pa'i dbye bas phung po lnga rnams brgyar gyur pa yang gsang ba lnga'i de kho na nyid 'byung ba chen po lnga'i de kho na nyid du 'gyur te/ 'dir gsang ba 'dus pa las nam mkha' i dbyings kyi dbus gnas par/ /dkyil 'kho rdo rje kun las skyes/ /zhi
 ba rdo rje 'dzin 'dod na/ /bsdu ba dag kyang rab tu bya/ zhes gsungs pa dang/ don de nyid gsal bar bya ba'i phyir thams cad gsang ba'i rgyud las/ 'byung ba lnga yi bdag nyid lngar/ /mi yi lus ni brtag bya ste/ /dngos de nges
 par bsgoms pa yi/ /rang sams mthu yis sangs rgyas 'gyur/ zhes bshad pa dang/ nam mkha' dang mnyam pa'i rgyud las kyang/ /'gro ba 'di kun sangs rgyas lnga'i bdag /gar mkhan dag dang ri mo bzang ltar snang/ /gang
 du bde chen zhes bya gcig pu nyid/ /gcig pu nyams ni du mas gar mdzad do zhes gsungs pas so/ /mdor bsdu na rnam pa lnga zhes bya ba'i mngo'i don bshad zin to/ /rdo rje slob mas gsol pa/ /rnam pa lnga las ji ltar rnam
 pa gsum du 'gyur ba lags/ /rdo rje slob dpon gyis smras pa/ rin chen 'byung ldan ni sku rdo rje dang lhan cig gnyis su med par 'gyur ro/ /don yod grub pa ni gsang ba rdo rje dang lhan cig gnyis su med par 'gyur ro/ /mi bskyod pa ni
 drug pa de bzhin gshegs pa dang lhan cig gnyis su med par 'gyur te/ de ltar rigs brgya nas brtsams te/ rigs lnga'i bar gyi bdag nyid can gyi sangs rgyas dang byang chub sems dpa' rnams ni rang gi lus dang ngag dang yid kyis bsdus par
 gyur pa yin no/ /ji skad du bcom ldan 'das kyis gsang ba 'dus pa zhes bya ba rnal 'byor chen po'i rgyud las/ de nas de bzhin gshegs pa thams cad mi zad pa'i rdo rje gsum gyis nyid kyi sku dang gsung dang thugs la rab tu zhugs par 'gyur ro/
 zhes bya ba dang lus dang ngag dang sems dmigs na/ /ngo bo nyid kyis dmigs su med/ /sngags kyi lus su sbyor ba la/ /byang chub med cing bsgom pa'ang med/ /lus dang ngag sems mtshan nyid du/ /mdor na rnam par dpyad nas su/ /sngags
 kyis brtags pa'i ting nge 'dzin/ /sbyor ba'i cho ga bsgom par bya/ zhes gsungs pa dang/ sangs rgyas thams cad mnyam par sbyor mkha' 'gro ma sgyu ma bde ba'i mchog las kyang don 'di gsal bar bstan te/ gzugs brnyan lugs ma sogs
 pa las/ rnal 'byor 'byung bar mi 'gyur gyi/ /byang chub sems la rab brtson na/ /de las rnal 'byor lhar 'gyur ngo/ /bdag nyid sangs rgyas thams cad dang/ /dpa' bo thams cad bdag yin no/ /de bas bdag nyid ltar sbyor bas/ bdag nyid
 rab tu bsgrub par bya /zhes gsungs pas te lus dang ngag sems sbyor ba yis/ gsum du yang ni 'gyur ba yin / zhes bya ba'i mdo'i don bshad zin to/ /rdo rje slob mas gsol pa/ rtogs pa thams cad kyi bdag nyid sangs rgyas dang byang
 chub sems dpa' rnams ni rang gi lus dang ngag dang yid kyis yang dag par bsdus pa la ni som nyi ma mchis na rigs gsum po ngo yang ji ltar na rdo rje gsum mi phyed pa'i bdag nyid can sku rdo rjer 'gyur ba lags/ bcom ldan 'das rdo rje slob dpon
 ston pas bshad du gsol/ rdo rje slob dpon gyis smras pa/ sems can chen po 'dus pa'i don la zhugs pa rnams la phan par bya ba'i phyir lus rnam par dag pa'i mthar thug pa 'dri par byed pa legs so legs so/ /de bas na
 nges lus dang ngag dang yid dang phan tshun cig la cig rgyur gyur pa bstan nas sku rdo rje'i ting nge 'dzin la rab tu bzhag par bya yis nyon cig /don la dmigs pa'i lus dang ni/ /ngag kyang yid kyis bskul bya zhing/ yid ni dga' bar byed pa yin/ /
 dngos grub rab mchog bsgrub par bya/ zhes bcom ldan 'das kyis gsang ba 'dus pa las gsungs te/ 'di'i dgongs pa ni 'di yin te/ de la sku rdo rjer gyur nas rkan dang mchu sbyar pa dang/ lca'o? chogs? rnam par gyur pa las/ gsung rdo rje la
 'jug par 'gyur ro/ /thugs rdo rje ni de la skul par byed pa yin te de ltar gsum tshogs pa las yid dga' zhing tshim par byed pa'i ngos grub rdzogs par byed ngo zhes pa'i don to/ /de ltar lus dang ngag dang yid la sogs pa'i bsgom
 pa'i mtshan nyid brtags nas nga ni rdo rje gsum mi phyed pa'i mtshan nyid bzhag par bya ste/ gsang ba 'dus pa las khyed kyi sems lus lta bu dang/ lus sems lta bu dang/ sems tshig tu brjod pa lta bu skyed cig ces gsungs paS bdag
 ni rang bzhin gyi bdag po'o zhes bdag nyid brten pa bskyed la rdo rje gsum gyi bdag nyid rdo rje 'chang chen por lhag par mos par byas pa ni byin gyis brlabs pa'i rnal 'byor ces bya bar bshad do/ /lus rnam par dben pa bsdus
 pa'i the tshom gcod pa ste/ le'u gnyis pa'o// //rdo rje slob mas gsol pa/ lus rnam par dpen pa la bslab pa la ni som nyi ma mchis na/ bcom ldan 'das ngag rnam par dben pa la ji ltar bslab par bgyi/
 ji ltar bsgrub par bgyi/ bcom ldan 'das rdo rje slob dpon ston pas bshad du gsol/ rdo rje slob dpon gyis smras pa/ sems can chen po legs so legs so/ /phung po khams dang skye mched la sogs pa bshad ma theg pa ni lus rnam
 par dben pa ste /de la lha rnam par dgod pa ni thams cad kyi thun mong ste/ rags pa'i rnal 'byor yin pa'i phyir ro/ /ngag rnam par dpen pa de yang rnal 'byor pa'i ye shes te/ shin tu phra ba theg pa chen po 'i? rnams kyi yul ma yin pa rdo rje'i theg
 pa rnams las kyang bskyed pa'i rim pa la spyod pa rnams kyi yul ma yin te shin tu phra ba'i phyir ro/ /de bas na ngas khyod la bshad pa'i rgyud kyi rjes su 'brangs nas gsung rdo rje'i ting nge 'dzin rgya cher so sor rtogs par bya yis shin tu 'bad de nyon cig/
 de la rigs ni rnam pa brgyar gsungs te/ zhes bya ba la sogs pa'i sngar bshad pa'i tshigs su bcad pa'i mdo ni lus dang ngag dang/ sems rnam par dpen pa'i yang thun mong yin no/ /de la dag rnam par dben pa zhes bya ba ni sngags
 kyi de kho na nyid do/ /de yang rlung gi de kho na nyid kyi rim pa dang bral bas ni shes par mi 'gyur ro/ /rlung gi de kho na nyid ces bya ba ni srog dang rtsol pa'o/ /de bas na rlung gi de kho na nyid bstan pa'i tshig dpal gsang ba 'dus pa las/ /rin chen kha dog sna
 lnga pa/ /yungs kar gyi ni 'bru tshad tsam/ /sna yi rtse mor nan tan du/ /de nyid sbyor pas rtag tu bsgom/ zhes gsungs te/ rdo rje'i tshig 'di nges pa dang drang ba'i don gyi dbye bas lha'i rnal 'byor rnam pa gnyis la yang sbyar te/ de la bskyed pa'i
 rim pa bsgom par byed pas ni sna'i rtse mor yungs kar gyi 'bru tshod tsam gyi rang gi lha'i mtshan ma rang gi sems brtan par bya ba'i phyir bsgom par bya'o zhes brtan pa 'di ni phra mo'i rnal 'byor bshadpa yin no/ /'di nyid rdzogs pa'i rim pa
 la gnas pa rnams kyi phra mo'i rnal 'byor bshad pa ni A li kA li rnams kyi bud med dang skyes pa dang ma ning gi tshul gyi yi ge gsum bskyed la yi ge gsum yang 'jug pa dang gnas pa dang ldang par nges par spyar la dkyil 'khor
 bzhi'i rim gyis srog dang rtsol ba'i bdag nyid can gyi rdo rje'i bzlas pa bya'o/ /don 'di nyid bstan par bya ba'i phyir gsang ba 'dus pa'i rgyud phyom? las/ ye shes lnga yis rang bzhin dbugs/ /'byung ba lnga yi ngo bo nyid/ /gong bu'i gzugs kyis
 phyung nas ni/ /sna yi rtse mor rab tu brtag /rin chen kha dog sna lnga pa/ /srog dang rtsol ba zhes bya bshad/ /ces gsungs pa'o/ /mdor bstan pa 'di'i bshad pa gsang ba 'dus pa'i bshad pa'i rgyud dgongs pa lung ston pa las bshad de/ de
 nas bcom ldan rdo rje can/ /rdo rje snying po'i don gsungs pa/ 'gro ba'i bla ma cig pu la/ /phyag 'tshal nas ni slar gsol pa/ /'jig rten pa yi lung nyid kyis/ /byang chub sems ni rab gsungs na/ ji ltar 'jig rten las 'das pa/ /ma 'ongs
 pa yis ji ltar rtogs/ /lta pa thams cad rab spang phyir/ /khyed ni chos rnams sngon mdzad na/ /ji ltar byang chub sems de nyid/ /lta ba de ni rab bstan 'gyur/ /dgongs pa'i tshig la rmongs pa rnams/ /gsungs pa'i don ni ma rtogs nas/ /
 gsungs pa 'di las gzhan min zhes/ /de ni ji bzhin sgyar 'dzin to/ /de nas bcom ldan sna tshogs pas/ /lag na rdo rje la gsungs pa/ khyed gsang dgongS pa ma rtogs pa/ /'dri bar byed pa legs so legs so/ /byang chub sems ni rlung
 'gyur zhing/ /nam mkha' la ni rnam gnas pa/ /sems can kun? gyi srog gyur yin/ /lnga yi bdag nyid bcu ming can/ /rten 'brel bcu gnyis zhes grags pa/ /ngo bo nyid rnam gsum du 'gyur/ /rlung zhes bya ba'i byang chub sems/ /dbang
 po kun gyi gtso 'di yin/ /'di ltar mi mngon phra ba las/ /rtag tu gsal par brjod pa yin/ /'gro pa yul sogs las byed pa/ /'dir ni de la brten pa yin/ /zhi ba dang ni rgyas pa dang /dbang dang de bzhin mngon spyod rnams/ /de nyid gsum gangs?
 la brten nas/ /de kun byang chub sems kyis byed/ /ji srid 'jig rten brtags pa dang/ /de bzhin brtags pa sna tshogs rnams/ /rnam rtog byang chub sems shes pa'i/ /skrung? las rtag tu 'byung ba yin/ /bde sdug la sogs chos rnams kyi/ /sa
 bon lta bur bshad pa yin/ /byang chub sems kyi ngo bo 'di/ /phung? sogs gnyis med mkha' dang mnyam/ /shes rab thabs gcig sbyor ba yis/ /byang chub sems ni 'gro par 'gyur/ /klog dang bsam gtan rnam spangs par/ /bdag po rang nyid zlos pa
 ste/ /nyin dang mtshan mo dbye ba yis/ /nyi zla rab tu sbyor ba yin/ /dngos po med pas 'gro khyab pa'i/ /byang chub sems kyi rlung gcig pu/ /dge dang mi dge 'bras spangs na/ /nam mkha' 'dra bar 'gyur ba yin/ /zhes gsungs pas so/ /rdo rje slob
 mas gsol pa/ rlung lnga'i bdag nyid bcu ming can/ zhes gsungs pa/ bcom ldan 'das kyis thugs brtse ba nye bar bzhag ste /re re'i ming gi dbye ba gzhan bshad du gsol/ rdo rje slob dpon gyis smras pa/ bshad ma thag pa'i
 bshad pa'i rgyud nyid las bstan pa de dgrol bar bya'o/ /de nas de bzhin gshegs kun dang/ /de bzhin byang chub sems dpa' rnams/ /de bzhin gshegs pa bdag po de/ /mnyes bya'i phyir ni zhugs par 'gyur/ /srog dang thur
 sel gyen rgyu dang/ /khyab dang mnyam gnas zhes bshad dang/ /klu dang rus sbal rtsangs pa dang/ /lha sbyin dang ni gzhu las rgyal/ /de dag bdag gzugs bud med du/ /slar yang sprul par mdzad pa yin/ /rlung bcu po 'di dag ni sangs rgyas thams
 cad dang mnyam par sbyor ba mkha' 'gro ma bde pa'i mchog gi tshul las ni sgra? ji bzhin ma yin pas gsungs te/ koTa kha /koTa ba/ koTa/ koTa pashtsa sha /koTa ra ga:? ko la khya?/ ko la ba/ ko la ko la bashtsa/ ko ? ta? ?
 bcu po 'di dag ni rdo rje'i sgo zhes bya ba'i rnal 'byor chen po'i rgyud las kyang/ sgra ji bzhin pa'i don gyis rlung bcur gsungs te/ /srog dang thur du sel ba dang/ me dang mnyam du gnas pa dang/ gyen? du rgyu ba dang/ khyab byed dang/ rgyu ba dang
 rnam par rgyu ba dang/ yang dag par rgyu ba dang/ rab tu rgya ba dang /nges par rgyu ba zhes bya'o/ /rdo rje slob mas gsal pa/ srog ces bya ba la sogs pa rlung bcu po lus 'di la gang zhig rab tu gzhas nas ci zhig bgyid pa bcom ldan 'das rdo
 rje slob dpon ston pas bshad du gsol/ /rdo rje slob dpon gyis smras pa/ rlung lnga ni lus kyi cha la gnas nas lus kyi bya ba rnams byed do/ /rlung lnga ni mig la sogs pa'i skye mched la gnas nas dbang po rnams kyi bya ba rnams byed do/ /de la srog
 ces bya ba'i rlung snying gar gnas pa ni de bzhin gshegs pa ni bskyod pa'o/ /thung? du sel ba 'doms na gnas pa ni de bzhin gshegs pa rin chen 'byung ldan no/ /gyen du rgyu ba lkog mar gnas pa ni de bzhin gshegs pa 'od dpag tu? med
 pa'o/ /me dang mnyam du gnas pa lte bar gnas pa ni de bzhin gshegs pa don yod grub pa'o/ /khyab byed ces bya ba ni tshigs thams cad la gnas pa ni de bzhin gshegs pa rnam par snang mdzad do/ /rgyu ba'i rlung ni gzugs so/ /rnam
 par rgyu ba ni sgra'o/ /yang dag par rgyu ba ni dri'o/ /rab tu rgyu ba ni ro'o/ /nges par rgyu ba ni reg bya'o/ /yang rlung bcu po 'di dag ni dbugs 'byung ba dang rdub? par 'gyur pa dang/ de rnams kyang rlung la sogs pa'i dkyil 'khor bzhi'i bdag
 nyid can du 'gyur ba dang/ yang de rnams lha mo bzhi'i bdag nyid can du 'gyur ba dang/ yang de rnams 'byung ba rnam pa lngar 'gyur ba dang/ yang de rnams me long lta bu la sogs pa'i ye shes rnam pa lngar 'gyur pa dang/ yang de rnams dkar? po?
 la sogs pa 'od zer rnam pa lnga'i bdag nyid can du 'gyur ba dang/ yang de rnams de bzhin gshegs pa lnga'i bdag nyid can du 'gyur ba dang/ yang de rnams yi ge gsum gyi gzhing? gyur nas 'jug pa dang gnas pa dang ldang ba'i rim gyis rdo rje bzlas?
 pa byed par 'gyur ba dang/ yang rlung de rnams yi ge a'i gzhing gyur nas tshig ma lus par smra bar byed pa dang/ yang de rnams mi shig pa thob na dngos po med par 'gyur ro/ /rdo rje slob mas gsol pa/ bcom ldan 'das ji ltar na rlung
 bcu po 'di bdag cig dang du ma'i ngo bo rang gi lus la nyin dang mtshan du spro ba dang sdud par bgyid/ bcom ldan 'das rdo rje slob dpon ston pas bshad du gsol /rdo rje slob dpon gyis smras pa/ sems dpa' chen po legs so legs so/ /dpal de khor
 na nyid bsdus pa la sogs pa rtsa ba'i rgyud bla ma las ji ltar rlung gi de kho na nyid dgongs par bshad kyis gsal bar gsungs la/ de bshad pa'i rgyud las/ sgra ji bzhin par gsungs pas de la 'jug par bya'o/ /sangs rgyas lnga yi rigs gnas
 pas/ sna rtsi'i bu ga las byung zhing/ /rlung lnga steng du yang dag rgyu/ /lus la rtag tu spyod par 'gyur/ /kun rdzob snar ni spyod pa yi/ /sgo de las ni rnam par 'byung/ /g.yon dang g.yas dang gnyis ka dang/ /ngal bar rgyu dang rnam pa bzhi/ /g.yas
 ba nas ni 'byung ba'i khams/ me yi dkyil 'khor nyid yin te/ kha dog dmar ba'i mchog 'di ni/ /pad+ma mgon po rgyu ba'o/ /g.yon pa nas ni 'byung ba'i lams?/ /rlung gi dkyil 'khor byung ba dag r/ljang ser dag tu snang ba ste/ las kyi mgon 
 po rgyu ba'o/ /gnyis ka las ni 'byung ba'i khams/ /gser gyi mdog tu snang ba ste/ /dbang chen gyi ni dkyil 'khor nyid/ /rin chen mgon po rgyu ba'o/ /dal zhing rgyu ba med pa'i khams/ /dag pa'i shel ltar snang pa
 ste/ /skad cig chu yi dkyil 'khor ste/ /rdo rje mgon po rgyu ba'o/ /khams gsum yang dag 'byung ba yi/ /rten dang brten par bzung ba ni/ /rnam snang mdzad chen sku yin no/ /'chi ba'i mthar ni 'byung bar 'gyur/ /dkyil 'khor bzhi po 'di dag ni//
 mnyam par bzhag pas rtag tu zlos/ /sngags bzlas pa yi grangs kyis ni/ /nyin dang mtshan du rtag par zlos/ /zhes bcom ldan 'das kyis rdo rje phreng ba zhes bya ba rnal 'byor gyi rgyud chen po las gsungs so// //'di'i don ni 'di
 yin te/ pad+ma dang rdo rje'i sna dag las 'od zer rnams byung nas steng du song ste/ kun rdzob kyi sna'i sgo las g.yon pa dang/ g.yas pa dang gnyis ka dang ngal gyis rgyu ba'i rim gyis 'byung ngo/ /de'i rim pa ni 'di yin te/ sna g.yon pa nas nges
 par 'byung ba'i rlung ni de bzhin gshegs pa don yod par grub pa'i rlung gi ngo bo ste/ rlung gi dkyil 'khor mdog ljang ser 'od zer nag po'i ngo bo nyid do/ /sna g.yas nas rgyu ba'i rlung ni de bzhin gshegs pa 'od dpag tu med pa ste/ me'i rang
 bzhin me'i dkyil 'khor 'od zer dmar po'i ngo bo nyid do/ /sna gnyis ka las 'byung ba'i rlung ni rin chen 'byung ldan te/ dbang chen gyi dkyil 'khor 'od zer ser po'i ngo bo nyid do/ /dal zhing rgyu ba'i bul ba'i rlung ni mi bskyod pa'i ngo bo nyid de/ gsal
 ba'i rang bzhin chu'i dkyil 'khor 'od zer dkar po'i ngo po nyid do/ /khyab byed kyis ni khams kyi dkyil 'khor bzhi char la khyab pa'i rlung ste /mi 'byung zhing khyab pa'i 'od zer can ni/ de bzhin gshegs pa rnam par snang mdzad de/ de nam mkha' 
 dang mnyam pa'i ngo bo nyid do/ /de lta mod kyi 'od zer re re 'byung ba na yang 'od zer lnga lnga nges par 'byung ste/ khams kyi dkyil 'khor gcig gis kyang khams bzhi chang la khyab pa yin no/ /dkyil 'khor re re la yi ge gsum gyi sngags kyi bdag po 'jug pa
 la sogs pa'i rim gyis rtag tu rang nyid zlos pa yin te/ 'di ni rlung gi de kho na nyid mdor bsdus nas bshad pa yin no/ /rdo rje slob mas gsol pa/ bla ma'i zhal snga nas kyi bka' drin gyis rlung gi de kho na nyid lung dang rtog pa dag gis legs par bslabs te/
 da ni sngags kyi de kho na nyid kyi rang gi mtshan nyid shes par 'chal na thugS rtse ba nye bar bzhag ste/ bcom ldan 'das rdo rje slob dpon ston pas bshad du gsol/ slob dpon gyis smras pa/ sems can chen po legs so legs so/ /sngags kyi de kho na 
 nyid ces bya ba gang de kho na nyid bsdus pa la sogs pa'i rtsa ba'i rgyud dang rgyud bla ma las sngags tsam gsungs kyi sngags btu ba ni ma bstan to/ /bshad pa'i rgyud las ni sngags btu ba dang/ sngags kyi brda dang/ sngags kyi don dang/ sngags kyi de kho na nyid
 bcom ldan 'das kyis bden pa kho nar gsungs so/ /de nas bshad pa'i rgyud ma rtogs na phyi rol gyi sngags rnams la mngon par zhen pa rnams kyis shes par mi 'gyur te/ de bas na 'bad pas nyon cig / bshad pa'i rgyud kyi rjes su 'brang nas/ sngags kyi de kho
 na nyid 'ba' zhig khong du chud par bya'o/ /de la sprul la sogs pa'i sngags rnams ni A li kA li las yang dag par byung ba rnams so/ /de rnams kyi de kho na nyid ni mi shigs pa las byung ba'i yi ge gsum ste/ gang gi phyir sngags thams cad ni bud med
 dang skyes pa dang ma ning gi ngo bo nyid kyi man ngag ji ltar thos pas yi ge gsum la rab tu 'jug go /de nas yi ge gsum ni sngags thams cad kyi bdag po'o/ /de ni yang re re zhing mi shigs pa dang lhan cig yi ge gsum gsum las 'byung ba yin no/ /da ni
 yi ge gsum gyi bya ba bstan par bya ste/ de la dang por gsum yang dag par sbyor ba las lta'i sku 'byung bar 'gyur ro/ /de nyid 'jug pa dang gnas pa rang ldang ba'i rim gyis lus nyin mtshan du 'dzin par byed do/ /de nyid A li kA
 li rnams dang lhan cig dbang po gnyis mnyam par sbyor ba'i dus su kha thur du bltas par gyur pas gsang ba'i sna'i bu gnas sa bon gyi gzugs kyis byung nas sems can gyi khams rnams skyed par byed do/ /de nyid srog pa rtsol ba dang lhan cig
 yang steng du yang song nas dbang bo'i sgo rnams sad par byed cing kun rdzob kyi sna'i sgo nas g.yon dang g.yas la sogs pa'i rim pas byung nas lhun gyis grub pas rdo rje bzlas pa bya ste sngon gyi las kyi sgrib pa rnam par sbyong bar byed do/ /de nyid nyin mo dang
 mtshan mo'i rim gyis bzlas pa'i grangs nye bar bzung nas chul sogs pa'i dkyil 'khor du byung ste/ dkar po la sogs pa'i kha? dog la gnas nas zhi ba la sogs pa'i las rnams byed do/ /de nyid yi ge'i gzugs su yongs su brtags la lce rtse shin tu
 mi bskyod cing/ zhes bya ba la sogs pa'i ngag gi bzlas brjod kyi mtshan nyid gyis bzlas brjod byas nas phyi'i kha dog la sogs pa'i bya ba la brten te/ zhi ba la sogs pa'i las rnams byed do/ /yi ge gsum po de nyid ni sbyang ba dang/ rtogs par bya ba dang/ 'bar
 bar bya ba'i rim gyis kha zas rnam par sbyangs te skyon med par byed do/ /de ltar lus la gnas pa'i skabs su thams cad bya ste /mthar mi shigs par zhugs nas yang tha mal pa'i lus la brten te/ de bzhin du thams cad byed do/ /da ni yi ge
 gsum bskyed pa dgongs pa lung ston pa zhes bya ba'i rnal 'byor chen po'i rgyud las gsungs pa/ dang po gcig ni dgu dbus na/ /gang zhig bcu yis ma gcings pa/ /de ni bcings med ces bya ste/ /de shes pa ni mchog gi gnas/ /dbyangs dang
 gsal byed yi ge ste/ /grangs dgu yi ni rjes 'jug pa/ /las bcings phan tshun sbyor ba la/ /gang gis de shes 'gro ba'i bla/ /gang zhig shes nas rnam grol ba'i/ /'bras bu phun tshogs grub 'dod pa/ /de ni de nyid 'grub 'gyur te/ /dngos med par
 ni dngos spangs pa/ /'byung ba'i mdza' ni yang dag ldan/ /cha la sogs pa bcu drug gnas/ /lnga pa lnga dang yang dag ldan/ /gzhi ni gsum du nges par sbyar/ /yi ge aM bcas ring por bcas/ /yon tan sbyor sogs phyis dang ldan/ /thung du ma lus
 dag tu 'gyur/ /gcig min du ma ma yin ne/ /ya yi don gyis gang ci 'ang rung/ /bya ba'i dngos grub 'dod gyur pas/ /rang? la sogs pa gsum nyid kyis/ /'gro ba'i don la rab tu 'jug /yi ge gang zhig sngar bshad dang/ /gang yang mngon par
 phyogs pa rnams/ /bud med skyes pa ma ning ste/ /khams la sogs par rab tu brtags/ /'og nas steng du bcas par ni/ /shes nas blos ni nges par sbyar/ /drug bshad bzhi dang gsum dang gcig /dngos med ngo bo gcig las byung/ /
 ? yang sogs ngon sbyar nas/ /dus gsum shes pa'ang 'byung bar 'gyur/ /mkhas pas sgyu ma mig 'phrul bzhin/ /'gro la rnams ni rgyu mthar bya/ /brjod pa yi ni sngags 'di dag /dngos med ngo bo las byung ba/ /de ni yongs su gyur pa'i gzugS/ /
 lha ru nye bar dmigs pa gang/ /brda yis de nyid gsum gnas pa/ /rang bzhin zlas pa'i mtshan nyid do/ /ming med brjod du med pa ste/ /byang chub sems mchog 'di yin no/ /gsum po de nyid gcig gyur pa/ /'gro ba med cing 'ong ba med/ /
 'gag med rab tu zhi ba nyid/ /rtag dang chad pa rnams spangs pa/ /dus gsum mkhyen bas ma byas pa'i/ /rtog pa na mkha' dbyer med mtshan/ /'di nyid kho na don dam ste/ /so so rang rig mtshan nyid do/ /bya ba thams cad nyid du yang/ /rnal
 'byor rig pa nyal sogs la/ /ming med brjod du med pa dang/ dus gsum bzlas pa rtag tu bzla/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsdus pa yis/ /sbyor bzhi bsdus
 pas brgya phrag dgu/ /dgu brgya dag tu gang bstan pa/ /nyi shu rtsa bzhi rim gyis ni/ /de ni so sor 'byung ba las/ /nyi khri chig stong drug brgya'o/ /de 'dir gsang ba dgongs pa yis/ /phra ma'i rnal 'byor bstan pa yin/ /klog dang bsam gtan med mod kyi/ /'on
 kyang bzlas pa yin par bshad/ /ces gsungs te/ de ni sngags kyi de kho na nyid yin par bshad do/ /rdo rje slob ma sa gsol pa/ nang gi bdag nyid can gyi dag gi yi ge la 'jug par bya ba la ni som nyi ma mchis na/ gzhan yang thung ngu ma
 lus tshig tu 'gyur/ zhes gsungs pa/ /bcom ldan 'das de ji ltar na thung ngu zhes bya ba yi ge a tshig ma lus pa la rab tu 'jug pa'i rgyur 'gyur/ /rdo rje slob dpon gyis smras pa/ /sems dpa' chen po legs so legs so/ /'di na gsung
 rab 'chad pa dag ni bya kar Na'i tshig sngon du byas nas sgra'i don 'ba' zhig gi rjes su 'brang gi/ /yang yi ges brjod pa gang du gang gi phyir ji ltar rab tu 'jug par shes pa ni ma yin no/ /yi ge'i don de kho na nyid ji lta ba nyid ni mi shes te/ sangs rgyas
 rnams kyi spyod yul yin pa'i phyir ro/ /bstan pa'i rim gyis de khod du chu dpar bya yis nyon cig /de la sgra ni A li kA li rnams kyi rang bzhin te/ A li ni a la sogs pa dbyangs kyi yi ge bcu drug go /kA li zhes bya ba ni yi ge ka la sogs pa yi
 ge gsum cu rtsa gsum ste/ dbyangs kyi yi ge bcu drug dang ldan pa'i yi ge bzhi bcu rtsa dgu po ma lus shing lus pa med pa thams cad de dbyangs kyi yi ge dang/ /gsal byed dang/ thig le dang/ chog drag dang bcas pa dang skad kyi byings dang/ rnam par
 'byed pa'i tshig dang/ mtshams sbyar ba dang/ tshig rnam par sbyar ba dang/ rtags gsum dang/ ta mdza' gsum dang/ bya ba dang de la phan pa'i rkyen la srogs gnas bshad pa'i mthar thug pa ni bya ka ra Na zhes pa'i ming gi brdas yongs su bshad pas
 shes bar 'gyur ro/ /de bas na de'i tshig dang ngag dang sdeb sbyor dang/ 'grel pha dang/ /tshigs su bcad pa dang/ rkyang ba dang rgyun chags la sogs pas chos kyi phung po brgya khri bzhi stong gi mdo sde dang/ rgyud dang/ rtog pa dang/ /sde snod gsum dang/
 snyan dang gas? dang/ gar gyi bstan bcos la sogs pa 'jig rten las 'das pa'i bstan bcos rnams yang dag par 'byung ste/ bstan chos pa brten nas dngos grub thams cad rdzogs par 'gyur te/ ji skad du bcom ldan 'das kyis la dkar gshegs pa'i
 mdo las kyang blo gros chen po 'di lta ste/ /skyes bu la la zhig mar me thogs nas phyogs 'di na de'i? tshor? 'di lta bu 'di yod do/ /zhes nor lta ba de bzhin du blo gros chen po tshig tu rnam par rtog pa'i sgra'i mar mes byang chub sems dpa' sems dpa' 
 chen po rnams tshig gi rnam par rtog pa dang bral ba so so rang gis rig pa'i don gyi yul la rjes su 'jug go zhes gsungs so/ /'on kyang tshig de rnams kyi tshig dang ngag la sogs par gtegs pa'i yi ge rnams kyi bye brag rnam
 par shes par 'gyur ba mi a zhes bya ba 'di yin te /gang gi phyir a dang yang dag par ldan par ma gyur pa'i ka la sogs pa'i yi ge ni yod pa ma yin te/ mdza' can yin pa'i phyir tshig tu mi 'gyur ro/ /ji skad du bcom ldan 'das kyis
 mtshan yang dag par brjod pa las a ni yig 'bru? rnams kyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ brjod pa kun gyi rgyu yi mchog /tshig kun rab tu bsal bar byed/ /ces
 gsungs te de bas na bcom ldan 'das kyis bsam gtan ma lus pa'i sgo'i sa bon gyi tshig a ni skye ba med pa'i phyir chos thams cad kyi sgo'o zhes gsungs pa dang/ lhan cig skyes pa'i yi ge yin par yang gsungs
 te/ rdo rje dkyil 'khor rgyan zhes bya ba'i rgyud las a gsal bar bstan pa'i phyir snying gi dbus na mi shes pa/ /'bar zhing mar me dag dang mtshungs/ /mi 'gyur mchog tu phra ba ste/ /a ni gtso bo dam pa'o zhes gsungs so/ /de ltar na de bzhin
 gshegs pa thams cad a'i rigs su gyur pa dang/ /a rgyur gyur pa dang/ a las nges par 'byung ba ste/ brjod bzhin pa na 'gag pa'i ngo bo nyid ngag gi rnam par rtog pa'i mtshan nyid can yang dag pa ji lta ba nyid shes na sgra dang sgra ma yin pa
 las bltos pa med par sems can gyi bsam pa'i dbye bas gdul bya'i skye bo rnams ba chos ston par mdzad pa yin no/ /de bas na bcom ldan 'das kyis langkar gshegs pa'i mdo las/ blo gros chen po byang chub sems dpa' sems dpa' chen boS don
 la ston par bya'i yi ge la ston par mi bya'o/ /blo gros chen po yi ge'i phyir 'brang pa'i rigs kyi bu po 'am/ rigs kyi bu mo ni bdag kyang don dam pa las nyams par byed cing gzhan yang khong du chud par mi byed do/ /'di lta ste blo gros chen po la las gcig
 gi gcig la sor mo'i rtse mos ji zhig bstan na sor mo'i rtse mo nyid la blta zhing 'brang ba de bzhin du blo gros chen po byis pa so so'i skye bo'i sde rnams kyis byis pa'i rang bzhin can lta bu sgra ji bzhin gyi sor mo'i rtse mo la mngon par chags shing zhen to/ /
 mngon par zhen cing dus byed de sgra ji bzhin ba'i sor mo'i rtse mo lta bu'i don spangs nas don dam pa la tshol bar mi byed do/ /de bas na don 'dod pas de bstan par bya'o/ /de'i phyir na gang sgra ji bzhin pa'i phyin ci log la mngon par zhen pa de ni spang bar bya'o/ /don
 btsal bar bya'o/ /zhes bya ba'i tshig la 'jug pa yang rnam pa bzhir bcom ldan 'das kyis mdo sde 'di nyid las gsungs te /blo gros chen po tshig gi rnam phar rtog pa'i mtshan nyid rnam pa bzhi yod de /'di ltar mtshan nyid kyi tshig dang/ rmi lam gyi tshig
 dang/ gnas dan len la mngon par zhen pa'i tshig dang /thog ma med dus kyi rnam par rtog pa'i tshig go/ /blo gros chen po de la mtshan nyid kyi tshig ni rang gi rnam par rtog pa'i gzugs la mtshan mar mngon par zhen pa las byung ngo/ /blo gros chen po rmi lam
 gyi tshig ni sngon myod ba'i yul rjes su dran nas rtog pa'i yul med bzhin du 'byung ba'o/ /yang blo gros chen po gnas ngan len gyi rnam par rtog pa la mngon par zhen pa'i tshig ni sngon sgras byas pa'i las rjes su dran pa las 'byung ngo/ /blo gros chen po thog ma
 med pa'i dus nas rnam par rtog pa'i tshig ni thog ma med pa'i dus kyi spros pa la mngon par zhen pa'i gnas dan len gyi rang gi sa bon las 'byung ste/ 'di ni blo gros chen po tshig gi rnam par rtog pa'i mtshan nyid rnam pa bzhi'o zhes gang brjod pa
 de'i phyir bshad pa'o/ /rigs pa 'dis na sgra rnams ni yi ge a las byung ba na mi 'gyur ba ste /'gyur ba ni 'jig pa'o/ /mi 'gyur ba ni mi 'jig pa ste /mi bden pa'i ngo bo nyid kyi sgra'i sgo nas rab tu bstan pa de yang ma bcos pa'i thog ma dang
 tha ma med pa'i ngo bo nyid do/ /ji skad du tshul gcig par bstan pa'i mdo las/ chos 'di sgra skad dag gi lung bstan te/ /chos dang sgra dag 'dir ni snang mi 'gyur/ /chos nyid tshul gcig dngos la 'ang 'jug byed pa/ /bzod mchog bla na med la reg par 'gyur/
 zhes gsungs pa dang/ rnam par snang mdzad mngon par byang chub pa zhes bya ba spyod pa'i rgyud las/ gsang ba'i bdag po gzhan yang gsang sngags kyi mtshan nyid ni de bzhin gshegs pa thams cad kyis ma byas byed du ma gcug /rjes su yi rang ba
 ma yin no/ /de ci'i phyir zhe na /'di ni chos thams cad kyi chos nyid do/ /'di lta ste de bzhin gshegs pa rnams byung yang rung ma byung yang rung ste /chos rnams chos nyid de ni ye nas gnas pa ste/ de yang 'di ltar gsang sngagS
 rnaMs kyi gsang spang kyi chos nyid do/ /de la gsang ba'i bdag po 'dod pa'i khams kyi dbang phyug la myos par byed pa zhes bya ba'i rig sngags yod de / des 'dod pa na spyod pa'i lha'i bu thams cad myos pas brgyal bar byed cing/ me tog mang po sna tshogs dang
 ldan pa'i sa phyogs nyams dga' ba sna tshogs kyang ston la/ yongs su spyad pa dang/ nye bar spyad pa rnam pa tha dad pa sna tshogs pa rnams kyang mngon par sprul nas/ gzhan 'phrul dbang byed kyi lha rnams la yang sbyin la bdag nyid kyang yongs su spyod do//
 'di lta ste lha'i du dbang phyug chen po la yid mgyogs zhes bya ba'i gsang sngags yod de/ nges stong gsum gyi stong chen po'i 'jig rten gyi khams su sems can gyi dgos pa byed kyang nye bar spyod pa dang/ yongs su spyad pa thams cad kyang mngon
 par sprul nas gnas gtsang ma'i ris kyi lha'i bu rnams la yang sbyin la/ bdag nyid kyang kun tu spyod do/ /'di lta ste dper na mig 'phrul mkhan gyis gsang sngags kyis kun dga' i ra ba dang/ mtsho dang 'bab chu dang/ mi la sogs pa rnam
 pa tha dad pa sna tshogs ston to/ /'di lta ste dper na lha ma yin rnams ni gsang sngags kyis sgyu ma rnams ston to/ /'di lta ste dper na gsang sngags dag gis ni dug dang rims la sogs pa med par 'gyur ro/ /'di lta ste ma mo zhes bya ba'i lha mo
 rnams ni gsang sngags kyis nad 'gro ba gtong ngo/ /'di lta ste dper na gsang sngags kyis me'i tshe ba med par byas nas grang bar byed par 'gyur ro/ /rigs kyi bu dag dpe'i tshig 'di rnams kyis gsang sngags kyi mthu la mngon par dad par bya'o//
 gsang sngags kyi mthu de yang gsang sngags rnams las byung ba ma yin / rdzas las 'jug pa yang ma yin / sbyor pa po las dmigs pa yang ma yin mod kyi / rigs kyi bdag 'on kyang gsang sngags kyi byon gyis ? kyi chos nyid 'byung ba las
 'da' bar mi 'gyur te/ dus gsum las 'das pa'i phyir dang / rten cing 'brel par 'byung ba zab mo bsam gyis mi khya pa las mngon par grub pa'i phyir ro/ /rigs kyi bu dag de bas na chos bsam gyis mi khyab pa'i ngo bo nyid rtogs pa khong du chud pas
 rtag tu rgyun ma'i chad par gsang sngags kyi tshul gyi rjes su 'jug par bya'o zhes gsungs so// //de ltar phyi dang nang gi sngags dang / nor bu dang sman rnams kyi bsam gyis mi khyab pa'i mthu rtog pa dag bstan nas / da ni rdzogs pa dang
 ma rdzogs pa'i sems can rnams kyi khams rnams kyi ngag rnam par dag pa ji lta ba nyid bstan par bya ba'i phyir bshad pa / mi 'am ci'i rgyal pos zhus pa'i mdo las gsungs pa / mi'am ci'i bdag po sems can thams cad kyi sgra skad gang las byung
 smras pa / rigs kyi bu sems can thams cad kyi sgra skad ni nam mkha' las byung ngo/ /smras pa/ mi 'am ci'i bdag po sems can thams cad kyi sgra skad khong pa'i nang nas mi 'byung ngam / smras pa/ rigs kyi bu ji snyam du sems / sems can thams
 cad kyi sgra skad lus kyi nang khong nas 'byung ngam / 'on te sems las 'byung / smras pa / mi 'am ci'i bdag po lus las kyang ma yin/ sems las kyang ma yin no/ /ci'i phyir zhe na / lus ni bems po g.yo ba med pa byed pa med/
 rtswa dang / bong ba dang/ rtsig pa dang / shing dang /mig yor lta bu'o/ /sems ni gzugs med pa / bstan du med pa / thogs pa med pa/ rnam par rig pa med pa ste sgyu ma lta bu'o/ /smras pa / rigs kyi bu lus dang sems ma gtogs par
 gzhan gang nas sgra 'byung par 'gyur ro/ /smras pa mi 'am ci'i bdag po sems can rnams kyi sgra ni nam mkha' las 'byung bar rtogs so/ /smras pa / gal te nam mkha' med na sgra gang las 'byung / smras pa /mi'am
 ci'i bdag po nam mkha' gtogs par gzhan gang nas sgra 'byung bar 'gyur/ smras pa/ rigs kyi bu de'i phyir rnam grangs 'dis sgra'i tha snyad gang ji snyed 'byung ba de dag thams cad ni nam mkha' las 'byung bar rig par bya'o/ /nam mkha' i
 ngo bo nyid ni sgra ste /rnam par rig ma thag tu 'gag go / 'gags nas nam mkha' i ngo bo nyid du yang dag par gnas so/ /de'i phyir chos thams cad ni nam mkha' dang mnyam zhes bya ste/ rnam par rig pa med pa de rnam par shes pa bya ba ma yin mod
 kyi sgra dang sgra'i brdas rjod do/ /rjod pa de yang tha snyad do/ /gang sgras brjod pa 'dis 'dra bar rab tu shes pa de ni chos gang la yang mngon par mi chags so/ /gang mngon par mi chags pa de rnam par mi 'phro/ gang rnam par mi 'phro ba de mi 'khor ro/ /
 gang mi 'khor bde ni mi phyed pa'o/ /gang mi phyad pa de mi skye ba'o/ /gang mi skye ba de mi 'jigs par 'dod do/ gang mi 'jigs pa de dang ba'o/ /gang dang ba de dag pa'o/ /gang dag pa de dri ma med pa de 'od gsal ba'o/ /gang 'od gsal ba
 de sems gyi rang bzhin no/ /sems kyi rang bzhin gang yin pa de 'jug pa'o/ /gang 'jug pa de mtshan ma thams cad gnod pa'o/ /gang mtshan ma thams cad gnod pa de skyon med pa la 'jug pa zhes bya'o/ /byang chub sems dpa' i skyon
 med pa la 'jug pa gang yin pa de ni mi skye ba'i chos la bzod pa thob pa ste /des na skyon med pa la zhugs pa'i byang chub sems dpa' ni mi skye ba'i chos la bzong pa thob pa zhes bya'o/ /gang bzod pa thob pa nges thams cad bzod do/ /nges stong par yang
 bzod/ gang zag du yang bzod do/ /de ci'i phyir zhe na/ gang zag las stong pa gzhan ma yin te/ gang zag nyid stong pa'o/ /de mtshan mar yang bzod do/ /mtshan ma med par bzod do/ /de ci'i phyir zhe na/ mtshan ma'i ngo bo nyid mtshan ma med pa'o de smon gsum du
 bzod/ /smon pa med par yang bzod do/ de ci'i phyir zhe na / smod lam gyi ngo bo nyid kyi mtshan nyid ni smon pa med pa'o/ /de sems can thams cad rang bzhin gyis yongs su mya ngan las 'da' bar yang bzod / de sems can rnams 'chi 'pho dang skye bar yang bzod do/ /de ci'i
 phyir zhes na /'chi ? pho rang skye ba ni sgyu ma'i ngo bo nyid do/ /rigs kyi bu de ltar mi skye ba'i chos la bzod pa thob pa'i byang chub sems dpa' ni 'gag pa med pa ste/ chos thams cad dang 'gal ba med pa yin no/ /de ltar gsung gi rdo rje'i ting nge 'dzin la gnas pa'i
 rnal 'byor pa chen pos rdzogs pa dang ma rdzogs pa'i sems can gyi khams rnams kyi nyes pa dang yon tan brjod pa'i tshig thos nas rjes su chags par mi bya / yang dag par dga' bar mi bya / skrag par mi bya/ kun tu skrag par mi bya / smod par mi bya'o/ /
 'jig rten dang 'jig rten las 'das pa'i bstan bcos rgyun chags dang rkyang ba la sogs pa'i sgra rnam par dgod pa'i khyad par thos nas zhen par mi bya / smad par mi bya/ rmongs par mi bya ste/ sems can thams cad kyi 'gro ba rtogs par 'gyur ba'i phyir dang/
 sgra'i de kho na nyid yin pa'i phyir/ ji skad du / bcom ldan 'das kyi chos thams cad rab tu 'jug pa bstan par bya pa'i mdo las / lha'i bu sgra grag pa la 'jug pas zhugs pa'i byang chub sems dpa' rnams ni gal te gang+gA'i klung gi bye ma snyed kyi
 bskal par mi bden zhing bsnyen bkur ma yin pa'i tshig smras par gyur cing / yongs su brjod par gyur kyang de de la khong khro bar mi 'gyur ro/ /gal te gang+gA'i bye ma snyed du bsnyen bkur byed/ /bla mar byed cing / bde ba'i yo byang thams cad
 dang chos gos dang / bsod snyoms dang / mal stan dang / na ba'i gso sman dang / yo byad rnams kyis mchod cing rjed kyang de la rjes su chags pa'i sems skye bar mi 'gyur ro/ zhes gsungs so/ /de bzhin du gsung gi
 rdo rje'i ting nge 'dzin la gnas pa'i sngags pas sa brgyad pa'i dbang phyug ni rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / /bde ba dang sdug bsngal ba thams cad kyis 'ching bar mi 'gyur
 ro/ /yang dag par dga' par mi 'gyur ro/ /de bsan 'jig rten pa'i chos thams cad zil gyis mnan nas bskyed pa'i rim pa'i ting nge 'dzin las 'das pa sems rnam par dben pa tshol bar 'dod pas dge ba'i bshes gnyen la bsnyen bkur
 bya'o/ /ngag rnam par dben pa bsdus pa'i the tshom bcod pa ste/ /le'u gsum ba'o// //rdo rje slob mas gsol pa/ slob dpon gyis zhal snga nas kyi bka' drin gyis rlung gi de kho na nyid kyi rim pas sngags kyi de kho na nying dang/ ngag rnam par
 dben pa la yang som nyi ma mchis te / da ni sems rnam par dben pa la slob par 'tshal na ji ltar slab par bgyi / zab mo la lhag par mos pa rnams la phan par bya ba'i bcom ldan 'das rdo rje slob dpon ston pas bshad du gsol / rdo rje
 slob dpon gyis smras pa/ sems can chen po legs so legs so/ /de bzhin gshegs pa thams cad kyi yang dag par 'gro ba las kha phyir bltas pa rnams kyi spyod yul ma yin pa / shin tu zab pa / mchog tu bzung bar bka' ba//
 sangs rgyas rnams kyi spyod yul yongs su dris pa'i sems gang yin pa de'i ngo bo nyid ni rtsa ba med pa/ /gnas med pa / gzhi med pa / dbyibs dang kha dog med pa / dbang po las 'das pa/ rtog ge rnams kyi yul ma yin pa'o
 zhes bcom ldan 'das kyi rgyud thams cad las bstan pa'i tshig la gsungs pa'o/ /de lta bas na rdo rje theg pa la gnas nas sangs rgyas nyid thob par 'dod pas dge ba'i bshes gnyen mnyes par byas nas rang gi sems kyi ngo bo nyid btsal bar
 bya'o/ /ji skad du bcom ldan 'das kyis de kho na nyid bsdus pa'i rgyud las / rigs kyi bu mnyam par bzhag pas rang gi sems so sor rtog shing ces gsungs pa dang/ dpal rnam par snang mdzad mngon par byang chub pa'i rgyud las kyang byang
 chub ni rang gi sems yang dag par ji lta ba bzhin du yongs su shes pa'o zhes gsungs pa dang / sde snod gsum gyi tshul las kyang gcig pu 'gro zhing ring du rgyu/ /lus med dbang po'i phug na gnas/ /gdul bar dka' ba'i sems gdul byang/ /de ni bram
 zer des bshad do/ /bdud kyi bcing ba las grol 'gyur / zhes gsungs so/ /de bas na sgyu ma lta bu'i ting nge 'dzin mngon sum du byed par 'dod pas g.yong ba dang sgrib pa thams cad spangs te / de bzhin gshegs pa thams cad kyi man ngag
 yang dag par thogs pa'i rdo rje slob dpon mnyes par byas la dpal ye shes rdo rje kun las btus pa zhes bya ba la sogs pa bshad pa'i rgyud kyi rjes su 'brangs nas rnam par shes pa gsum gyi rang bzhin gyi snang ba rtogs par bya'o/ /ji skad du lang kar gsh+ye?
 pa'i mdo las kyang / yang blo gos chen po gzhan yang byang chub sems dpa' sems dpa' chen pos rang gi sems kyi snang ba'i gzung ba dang 'dzin pa'i rnam par rtog pa'i spyod yul yongs su shes par 'dod pas 'du ba dang / 'du 'dzi dang/ gnyid
 dang/ sgrib pa med par bya'o/ /de la rnam par shes pa gsum ni dngos po thams cad kyi rgyur gyur pa yin te/ 'di lta ste / mtho ris dang/ ngan 'gro dang / rgyu ba dang/ mi rgyu ba dang / gzung ba dang/ 'dzin pa dang / rten cing 'brel par 'byung
 ba yan lag bcu gnyis kyi 'khor lo dang/ dge ba dang / mi dge ba dang /rnam par rtog pa dang/ snang ba dang/ mun pa dang/ skyes pa dang /bud med dang/ ma ni ? la sod pa'i bdag nyid can dang/ skye ba dang/ gnas pa ?
 'jig pa ste/ mdor na khams gsum po'i dbang po'i spyod yul rnams ni rnam par shes pa gsum yin no zhes gsungs pa dang / ji skad du bcom ldan 'das la bzang skyong gis zhus pa'i mdo las kyang/ bcom ldan ngas kyis bka' stsal
 pa/ bzang skyong 'khrul 'khor de ni las kyi dbang gis 'jug ste / las de yang gzugs can ma yin zhing rnam par shes pa las mngon par grub pa'o/ /de bzhin du lus kyi 'khrul 'khor 'di yang rnam par shes pa'i dbang gis 'byung ste/
 rnam par shes pa'i khams 'di ni lus sna tshogs la 'jug pa yin no/ /rnam par shes pa'i khams 'di ni lus skyed par byed pa'i phyir byed pa po yang yin no/ /rnam par shes pa'i khams 'di ni chos kyi dbyings la brten pa'i phyir
 mi zad pa yang yin no/ /rnam par shes pa'i khams 'di ni sngon gyi lus kyi gnas rjes su dran pa'i phyir blo gros phun sum tshogs pa yin no/ /rnam par shes pa'i khams 'di ni nyi ma'i 'od zer dang 'dra bar blta bar bya ste / dper na nyi
 ma'i 'od zer ni dri nga ba dag dang mi gtsang pa dag dang/ ro dag la yang 'bab ste / 'on kyang dri de gos par yang mi 'gyur la /nyi ma yang dri nga ba bor te yang mi 'gro'o/ /de bzhin du rnam par shes pa'i khams 'di yang phyi sa dang/ /snyig snyig za
 ba'i khyi dang phag gi skyes dag tu yang skye ba yongs su 'dzin te 'on kyang rnam par shes pa'i khams la spyod pa ngan pa de dag gis gos pa med do/ /de nas sman chen gyis bcom ldan 'das kyi zhabs la gtugs nas / bcom ldan 'das la 'di skad ces
 gsol to/ /rnam par shes pa lus las 'pho? ba de'i rang bzhin ji lta bu zhig lags/ /bcom ldan 'das kyis bka' stsal pa/ sman chen da ltar khyod kyis nga la ji skad du bskul ba de ni de bzhin te legs so legs so/ /dri ba de ni mchog tu zab po/ /dri ba 'di
 ni de bzhin gshegs pas bstan par bya ba yin te/ rnam par shes pa de ston pa ni de bzhin gshegs pa ma gtogs pa gzhan med do/ /de nas bcom ldan 'das la bzang spyod gis 'di skad ces gsol to/ /bcom ldan 'das rgyal le'u bu gzhon nu sman
 chen ni zab mo'i don zhu ba la mkhas lags te/ blo bcing 'dzangs la mkhas pa lags so/ /bcom ldan 'das kyis bka' stsal pa/ bzang skyong de de bzhin te/ rgyal po'i bu gzhon nu sman chen 'di ni bcom ldan 'das rnam par gzigs la dge ba'i rtsa ba bskyed pa
 yin no/ /bzang skyor? rgyal po'i bu gzhon nu sman chen 'od ni tshe rabs lnga brgya'i bar du gzhan mu stegs can du gyur nas de 'di snyam du sems te /rnam par shes pa'i khams 'di ci yin/ rnam par shes pa'i khams 'di gang yin/ rnam par shes pa'i
 khams 'di ji lta bu zhig snyam mo/ /bzang skyong 'on kyang rnam par shes pa'i 'gro ba dang 'ong ba khong du mchud te ngas 'di'i the tshom bsal bar bya'o/ /gzhan yang rnam par shas pa zhes bya ba'i don ci zhe na/ sa bon gyis lus kyi myu gu mngon par grub par byed la/
 sems pas shes pa dran pa thob par 'gyur te/ de pas na sa bon dang shes pa la rnam par shes pa zhes bya'o/ /dper na rgya shug dang/ 'bra go dang/ amra dang/ nyo ti dang/ se'u dang/ bilba dang/ /ka bde la sogs pa'i 'bras bu rnams ni ro du mar
 'grub ste / tsha ba dang/ kha ba dang/ sgyur ba dang/ mngar pa dang/ lan tshwa'i ro dang/ bskab la sogs pa'i ro re rer rnam par smin par 'gyur te/ la la ni ro tsha bar 'gyur/ la la ni skyur/ la la ni mngar ro/ /'bras bu de ngag med par gyur pa'i sa bon 
 gang dang gang du 'pho bar gyur pa de dang der ro yang 'pho bar 'gyur ro/ /de bzhin du rnam par shes pa'i khams 'di gang dang gang du 'pho bde dang der tshor ba yang 'pho bar 'gyur ro/ /bsod nams dang bsod nams ma yin pa dang dran pa yang
 'pho bar 'gyur ro/ /gzhan yang rnam par shes pa'i khams 'dis ni lus yongs su btang nas bdag gis lus 'di longs su gtong ngo snyam du rab tu shes te/ de bsan 'di la rnam par shes pa'i khams zhes bya'o/ /dge ba'i las kyang rab tu shes so/ /
 mi dge ba'i las kyang rab tu shes so/ /las 'di dag ni bdag gi phyi bzhin 'brang ngo/ /bdag kyang 'di dag gi phyi bzhin 'brang ngo snyam du de ltar rab tu shes te/ de bsan rnam par shes pa zhes bya'o/ /gzhan yang lus 'di'i bya ba thams cad rab
 tu shes te de bsan rnam par shes pa zhes bya'o/ /lus 'di la rnam par shes pa gang na yang mi gnas te / rnam par shes pa med na yang lus skye bar mi 'gyur ro/ /bzang skyong de'i phyir nyon cig /bden pa ma mthong bas ni rnam par shes pa 'di
 mi shes so/ zhes gsungs te / de ltar na rnam par shes pa ni kha dog med pa/ mtshan ma med pa / dbyibs med pa'i bdag nyid can rang rig pa'i ye shes tsam du theg pa chen po'i mdo sde las bstan to/ /gzhan yang rdo rje'i theg pa gsang ba
 'dus pa la sogs pa rnal 'byor chen po'i rgyud la ma zhugs par gang+gA'i gi bye ma dang mnyam pa snyed kyi bskal pa thams cad kyis kyang rang gi sems kyi yang dag pa ji lta pa nyid shes par bya ba mi nus shing kun rdzob kyi bden pa mthong bar mi 'gyur
 ro zhes so/ /de bas na dpal ye shes rdo rje kun las btus pa zhes bya ba rnal 'byor chen po'i rgyud kyi rjes su 'brang nas / bla ma'i zhal snga nas kyi drin las rnam par shes pa gsum gyi yang dag pa ji lta ba shes par bya'o/ /rgyud de las rdo rje lta bu'i
 tshig bshad pa cung zad gcig la 'jug par bya ste /de nas byang chub sems dpa' sems dpa' chen pos bcom ldan 'das kyi zhabs la phyag 'tshal te/ bcom ldan 'das kyi zhabs gnyis la btud nas slar yang zhus pa/ e ma'o stod pa rnam
 par shes pa gsum ni rtogs par dka' zhing mchog tu rtogs par dka' ste /rnam par shes pa gsum gyi dbye ba bcom ldan 'das kyis bshad du gsol/ bde bar gshegs pas bshad du gsol/ bcom ldan 'das kyis bka' stsal pa/ rnam par
 shes pa ni 'od gsal ba las byung ba'o/ /de nyid ni sems dang yid ces bya ste/ kun nas nyon mongs pa dang rnam par byang ba'i bdag nyid can gyi chos thams cad ni de'i rtsa ba can yin no/ /de las bdag dang gzhan du rtog pa rnam pa gnyis 'byung bar 'gyur ro/ /
 rnam par shes pa de rlung las zhon te zer byung/ rlung las ni me'o/ /me las ni chu'o/ /chu las ni sa'o/ /de rnams las ni phung po lnga dang/ skye mched drug dang/ dbang po lnga rnams te/ de dag thamS cad ni rlung dang rnam par shes pa yang dag par 'dre'o/ /de nas
 rnam par shes pa gsum gyi rang bzhin snang ba la rab tu spyod pa yongs su gsal bar nyams su myong bar 'gyur zhing snang ba'i sgyus rang bzhin rnams 'byung bar 'gyur ro/ /mdor bstan pa'i tshig de rnams kyi rgyas par bshad pa'i bsdus pa bstan par bya ste/ de la
 dang po kho nar rnam par shes pa gsum gyi rnam grangs dag bshad par bya'o/ /de yang bcom ldan 'das kyis shes rab dang thabs zhes bya ba'i ming gsal ba'i dgongs pas bshad pa 'dis ma ning gi tshig ni nye bar mtshon pa yin la/ nye bar thob pa'i ye shes
 ni gsal ba ma yin no/ /de bas na sems dang yid dang rnam par shes pa zhes bya ba dang/ kun ba rtags pa dang/ gzhan dbang dang/ yongs su grub pa dang/ 'dod chags dang/ zhe sdang dang/ gti mug ces bya ba dang/ ngo bo nyid gsum zhes bya ba
 la sogs pa'i rnam grangs theg pa chen po dang thun mong du gyur pa'o/ /rdo rje theg pa 'dir rnam grangs gsungs pa/ snang ba dang/ snang ba mched pa dang/ snang ba thob pa dang/ stong ba dang/ shin tu stong pa dang/ stong pa chen po dang/ sems dang
 sems las byung ba dang/ ma rig pa dang/ 'dod chags dang/ 'dod chags dang bral ba dang/ 'dod chags bar ma zhes bya'o/ /de ltar sems kyi rnam grangs bstan nas/ de ni so sor rang rig pa'i ngo bo nyid kyi rang gi mtshan nyid dag gi sgo la
 brten nas bstan par bya ste / bcom ldan 'das kyis sems ni dbyibs dang kha dog dang bral ba nam mkha' i mtshan nyid can no zhes gsungs pa dang/ yang bcom ldan 'das kyis snang ba'i mtshan nyid can dang/ rjes su myong ba'i mtshan nyid du so sor
 rtogs par bya'o zhes lung bstan to/ /de bas na de'i man ngag la 'jug par bya ste/ 'di lta ste/ dang po kun tu snang ba dang/ phyi nas rang bzhin no/ /de la snang ba dang/ snang ba mched pa dang/ snang ba thob pa zhes bya ba ste/ snang ba gsum mo/ /de la
 snang ba'i mtshan nyid gang zhe na/ rnam pa med pa'i rang bzhin lus dang dag med pa ste / ji ltar ston gyi dus su nam mkha' dri ma med pa la zla ba'i dkyil 'khor gyi 'od zer snang bar byed pas khyab par byed pa bzhin du rang bzhin gyis gsal ba'i rnam par
 dngos po ma lus pa thams cad la dmigs pas na snang ba ste/ 'di ni don dam pa'i byang chub kyi sems shes rab kyi snang ba stong pa dang po ste /aM zhes bya ba dag gi sgo la brten par byed pa'i rgyu ste / mos ba chung ba'i sems can rnams kyis de
 bzhin gshegs pas dgongs te gsungs pa rtogs par mi 'gyur bas de zla ba'i dkyil 'khor gyi gzugs so zhes dmigs par byed cing pad+ma 'am/ bud med kyi gzugs sam/ g.yon pa'i ming ngam / mtshan mo'i ming dang/ 'jam pa'i
 dngos por sems kyi kun rdzob kyi gzugs gsal ba'o/ /snang ba mched pa'i mtshan nyid gang zhe na / de yang gzung ba dang 'dzin pa dang bral pa'i rnam pa med pa'i rang bzhin can lus dang ngag med pa ste/ ji ltar ston ka'i dus su nyi ma'i 'od zer gyis khyab
 pa bzhin du shin tu gsal zhing ma med pa'i ngo bo nyid du dngos po ma lus par dmigs pa byang chub kyi sems kun tu bzang po gnyis pa ste/ rim pa gnyis pa shin tu stong pa'i mtshan nyid can a:zhes bya ba ngag gi sgo la brten pa'i sa bon brtan pa'i sa bon brtan par byed pa'i
 rgyu ste / mos pa chung ba'i sems can rnams kyis de bzhin gshegs pas dgongs te gsungs pa rtogs par mi 'gyur bas nyi ma'i dkyil 'khor la brten nas dmigs par byed cing rdo rje rtse lnga pa 'am/ rin po che 'am/ nyin mo 'am/ skyes ba'i gzugS
 sam? ta g.yas pa zhes bya ba 'am/ rtsub pa'i rnam pa ni sems las byung ba'i kun rdzob kyi gzugs so/ /snang ba thob pa gang zhe na/ de bzhin du nam mkha' i mtshan nyid dngos po med pa'i gzugs can lus dang dag med pa ste/ ji ltar mtshams kyi sma ga la bab
 pa'i ngo bor khyab pa phra zhing bdag med pa srog dang rtsol ba mi rgyu ba med pa ste/ sems dpa' med pa mi g.yo ba dag gi sa bon la brten pa'i sgo yongs su grub pa zhes bya ba 'di ni snang ba thob pa ma rig pa'i mtshan nyid can stong pa chen po ste/ rnam par shes pa
 gsum du bshad do/ /de ltar sangs rgyas thams cad kyi man ngag stong gsum gyi mtshan nyid bstan nas/ da ni ye shes re re 'byung ba la rang bzhin 'byung bar rnam par bzhag par bya ste/ de la shes rab kyi rang bzhin ni 'dod chags dang bral ba dang/ 'dod
 chags dang bral ba bar ma dang/ shin tu 'dod chags dang bral ba'i gang yid kyi 'gro ba dang 'od pa dag dang mya ngan dang/ mya ngan par ma dang/ zhin tu mya ngan du gyur pa dang/ zhi ba dang/ rnam par rtog pa dang/ 'jigs pa dang/ 'jigs par mma dang/ shin
 tu 'jigs pa dang/ sred pa dang/ sred pa bar ma dang/ shin tu sred pa dang/ nye bar len pa dang/ mi dge ba dang/ bkres pa dang/ skom pa dang/ tshor ba dang/ tshor ba bar ma dang/ shin tu tshor ba dang/ rig pa po dang/ rig pa
 dang/ 'dzin pa'i gzhi dang/ so sor rtog pa dang/ ngo tsha shes pa dang/ snying rje dang/ brtse ba dang/ brtse ba bar ma dang/ shin tu brtse ba dang/ dogs pa dang bcas pa dang/ sdud pa dang/ phrag dog ste/ mtshan nyid sum cu rtsa gsum mo/ /thabs kyi
 ye shes kyi rang bzhin ni chags pa dang/ kun tu chags pa dang/ dka' ba dang/ dga' ba bar ma dang/ shin tu dga' ba dang/ rangs pa dang/ rab tu mgu ba dang/ ngo mtshar ba dang/ dgong ba dang/ tshim pa dang/ 'khyud pa dang/ 'o byed pa dang/ 'jib pa dang/
 brtan pa dang/ brtson pa dang/ khengs pa dang/ bya ba dang/ dbrog pa dang/ stobs dang/ spro ba dang/ dka' ba la sbyor ba dang/ dka' ba la sbyor ba bar ma dang/ shin tu dka' ba la sbyor ba dang/ drag pa dang/ rnam par sgeg pa dang/ 'gras pa dang/ dge ba dang/
 tshig gsal ba dang/ bden pa dang/ mi bden pa dang/ nges par dang/ nye bar mi len pa dang/ sbyin pa po dang/ skul ba dang/ dpa' ba dang/ ngo tsha med pa dang/ skrin? pa dang/ gdug pa dang/ mi srun pa dang/ gya gyu che ba ste/ mtshan nyid bzhi bcu tham
 pa'o/ /snang ba thob pa'i ye shes kyi rang bzhin ni 'di lta ste/ chags pa bar ma dang/ brjed ngas pa dang/ 'khrul ba dang/ mi smra ba dang/ skyo ba dang/ le lo dang/ the tshom dang bcas pa ste/ 'di'i rang bzhin gyi mtshan nyid ni bdun po 'di dag go/
 rang bzhin rnam pa brgyad cu ? de dag gi mtshan nyid ni mngon sum du phye bar gyur na brgya drug cu ste/ nyin dang mtshan du sgo nga las skyes pa la sogs pa rnams kyang nyin dang mtshan du spyod de pho dang mo'i skye gnas kyi dbye pas phye ba'i phyir ni ma
 yin no/ /rdo rje slob mas gsol pa/ rang bzhin rnam pa brgyad cu'i sems nyid dang mchan du rab tu rgyu ba bdag gzhan rnams kyi so so rang rig pa yin par ni so ma nyi ma mchis na 'on kyang lung gis yid ches bar bgyi ba bcom ldan 'das rdo rje slob dpon ston pas bshad du /
 gsol / rdo rje slob dpon gyis smras pa/ sngags kyi sgra'i nges pa'i tshig bcom ldan 'das kyis gsad pa 'dus pa'i rgyud phyi ma las gsungs te/ rkyen las byung ba gang dang gang/ /dbang po dang ni yul gyis yid/ /yid de man zhes bya bar bshad/ /tra ni gsal bar byed
 pa'i don ces bya'i/ /rang bzhin rnam pa brgyad cu las/ nyon mongs pa dgu bcu rtsa brgyad 'byung ba dang/ yang lha ba drug cu rtsa gnyis la sogs pa 'byung bar 'gyur ro/ /rdo rje slob mas gsol pa/ shes rab dang stong pa'i ye shes ni zla ba lta bu snang ba stong pa nyid tsam mo/ /thabs
 kyi ye shes kyang nyi ma snang ba lta bu shin tu stod pa nyid tsam mo/ /de bzhin du snang ba nye bar thab pI ye shes ni mun nag lta bu ste / stong pa chen po'i mtshan nyid yin la/ rnam par shes pa gsum po de dag ni nam mkha' i mtshan nyid can rnam pa med pa'i ngo bor khyab pa
 'gro ba dang 'ong ba dang bral ba'o zhes bshad na/ ji ltar na nyin dang mtshan du lus la spro zhing sdud pr byed/ gang zhig 'dir mel tshe byed / su zhig ni sems dpa' med par byed/ 'dod chags dang/ 'dod chags dang bral ba dang/ 'dod chags bar ma la sogs
 pa rang bzhin brgya drug cu gang las nyams su myong bar 'gyur ba'i rgyu 'dir bcom ldan 'das rdo rje slob dpon ston pas bshad du gsol/ rdo rje slob dpon gyis smras pa/ rnam par shes pa gsum ni rtsa ba med pa/ gnas pa med pa/ gzhi med pa/ mtshan nyid
 med pa/ kha dog dang dbyibs med pa/ dbang po las 'das pa yin bar ni bden te/ da lta mod kyi snang ba dang bcas pa yin la nges na rlung gi khams dang lhan cig me la tshe byed de gang gi phyir rlung gi khams ni gzugs med kyang g.yo zhing bskyod pa la sogs pa'i bya ba ston pas
 rjes su dpag pa las shes par bya'o/ /de bzhin du rnam par shes pa snang ba med? gzugs med pa la 'dod chags dang/ 'dod chags dang bral ba dang ? 'dod chags bar mi la sogs pa'i rang bzhin rnams las rjes su dpag bar bya ba yin
 pas na rjes su dpag par bya ba'o/ /ji skad du rnam par shes pa 'pho ba'i mdo las/ bzang skyod dper na rlung gi khams gzugs can ma yin yang bstan du yod cing gzung du med pa las gzugs su snang ngo/ /de la bstan du yod p ani shing 'gul zhing g.yo
 ba dang sgra skad 'ur 'ur po'i skra skad 'byin pa dang/ grang pa dang dro ba'i reg pas tshor bskyed pa yin yang de la rkang lag dang/ mig dang gdong dmigs par mi 'gyur te/ sngo bsangs dang dkar ba zhes kha dog lhag par mi dmigs so/ /bza' skyob de bzhin du
 rnam par shes pa'i khams 'di yang gzugs su mi dmigs shing gzugs su snang bar mi 'gyur te/ khyod kyis rgyu'i bye brag ngag gi ma rnam par shes pa'i khams rtogs par bya'o/ /zhes gsungs pas so/ /gtan tshigs nges na khams phra ba dang/
 rnam par shes pa snang ba dag ni gzugs med pas mar gyi nang du mar bcug pa dang 'dra bar 'dres par gyur nas 'jig rten las 'das pa'i bya ba thamS cad rdzogs par bya'o// //ji skad du dgongs pa bla na med pa las/ rang rig tsam gyi ye shes ni/
 nam mkha' 'dra bar mtshan nyid med / 'on kyang de la dbye yod de/ /bar mtshams nyin dang mtshan mo'i bdag / snang ba dang ni snang ba mched/ /de bzhin snang ba thob pa can/ /sems ni rnam pa gsum du bshad/ /de yi gzhi ni bshad par bya/ /phra
 ba'i gzugs can rlung dang ni/ /ye shes dag ni 'dres gyur pa/ /dbang po lam nas byung nas ni/ /yul rnams la ni dmigs par 'gyur/ /gang tshe snang ba ldan gyur pa/ /rlung gi bzhon par gyur pa yin/ /de tshe rang bzhin de thams cad/ /ma lus
 lus pa med par 'byung/ /rlung ni gang dang gar gnas pa/ /rang bzhin de dang der? rjes spyod ces gsungs pa dang/ don 'di nyid gsal bar bya ba'i phyir ye shes skad cig mer yang dag par 'byung ba nam mkha' snang byed lta bu phyogs bcu khyab pa rab tu 'bar ba'o/ /zhes
 dgongs pas bshad pas gsungs pas so// /ji ltar na ye shes skad cig mar 'byung ba yin zhe na/ skad cig dang thang cig dang/ yud tsam dang/ mig btsums dang/ thal mo brdabs pa tsam du snang ba 'byung ba zhes bya ba'i don to/ /nam mkha' snang byed lta bu zhes
 bya ba ni nam mkha' gsal bar byed pas na nam mkha' gsal bar byed pa ste / don de dang 'dra ba'i don gyis phyog bcu khyab cing rab tu 'bar ba'i snang ba gsuM du snang ste/ mkha' snang zhes bya ba ni srin bu me khyer ni ma yin no/ /de bsan khams phra ba la 'jug pa las skad
 cig dang/ thang cig dang/ yud tsam dang/ mig btsums dang / thal mo brdabs par snang ba g.yo ba'o/ /de nas skad cig dang/ thang cig dang/ yud tsam dang/ mig btsu mas dang/ thal mo brdabs pa las rang bzhin rnams rjes su myong par 'gyur ro/ /
 sems pa med pa gang yin zhen ma rig pa ste / de bas na ma lus 'byung bar 'gyur ro/ /de nas rlung gi khams kyi rgyus rang bzhin rnams phan tshun gcig la gcig yul gyi longs spyod ma lus shing lus pa med pa rnams nyin dang mtshan dur ? dang gzhan gyi rgyud
 la rjes su myong bar 'gyur ro/ /de ltar na rang bzhin gyi snang ba rlung gi bzhon pa dang bcas pa ni dbye ba rtogs par gyur pa'i rnal 'byor pas 'das pa dang/ ma 'ongs pa dang/ da ltar byung ba'i sems can thams cad kyi sems kyi spyod pa rnam par g.yo ba shes
 par 'gyur te/ bcom ldan 'das kyis ji skad du mi 'am ci'i rgyal po ljon pas zhus pa'i mdo las/ yang dag par rdzogs pa'i sangs rgyas ni thogs pa med pa'i ye shes mthong ba dang ldan no/ /de ci'i phyir zhe na / rigs kyi bu gang sems can thams cad kyi 
 'das pa'i sems kyi rgyud zad pa dang/ 'gags pa dang bral ba dang/ rnam bar gyur pa thams cad ni de bzhin gshegs pas rab tu mkhyen to/ /rgyu gang dag las sems kyi rgyud de dag 'byung ba dang/ rgyu gang dag med pas ?
 cing bral bar bstan pa dge ba 'am/ mi dge ba'am/ lung du bstan pa 'am/ lung dum bstan pa de dag thams cad rnam pa dang bcas/ gzhi dang bcas gtan tshigs dang bcas bar de bzhin gshegs pas rab tu shes so/ /de ltar byung ba'i dus kyi sems
 can thams cad kyi sems kyi rgyud du 'byung ba dge ba'am/ mi dge ba'am/ lung du bstan pa 'am/ lung du ma bstan pa yang rung ste/ sems gang gi 'og tu sems gang 'byung ba de dag thams cad kyang rnam pa dang bcas/ yul phyogs dang bcas/
 gzhi ci las gyur ba dang bcas par de bzhin gshegs pas rab tu shes so/ /gang ma 'ongs pa'i sems can thams cad kyi sems kyi rgyud dang sems las byung ba'i chos dge ba'am/ mi dge ba'am/ /lung du bstan pa 'am/ lung du ma bstan pa
 yang rung ste/ sems gang gi 'og tu sems gang 'byung bar 'gyur ba de dag thams cad kyang rnam pa dang bcas yul phyogs dang bcas/ gzhi ci las gyur pa dang bcas par de bzhin gshegs pas rab tu shes so/ /rigs kyi bu de ltar na de bzhin
 gshegs pa dgra bcom pa yang dag par rdzogs pa'i sangs rgyas ni thogs pa med pa'i ye shes dang ni ldan pa yin no/ zhes gsungs pas so/ /rigs pa 'dis na thugs kyi ting nge 'dzin la gnas pa'i ye shes can gyis smon pa po dang/ smon
 lam dang/ smon par bya ba la sogs pa'i phyi rol gyi dngos po sna tshogs la mngon par zhen pa spangs nas bdag la byin gyis brlab pa'i sgo la mngon par phyogs par 'gyur te / rtsa ba'i rgyud las/ rigs kyi bu mnyam par gzhag pas rang gi sems
 la so sor rtogs shig ces gsungs pas so/ /de ltar bshad pa'i rgyud la brten nas rang gi rang bzhin snang ba'i rjes su 'brangs las rang gi sems yang dag pa bzhin du ma rtogs par las su smra ba'i sems can rnams/ 'khor ba thog ma med pa nas dang
 gi sems rnam par rtog pa las byung ba'i las dang nyon mongs pa'i 'ching bas dar gyi srin bu bzhin du rang nyid kyis sdug bsngal gyi phung po chen bo mngon par 'dus byas naS skye ba gcig nas gcig tu nye bar bsogs pa'i dge ba dang/ mi dge ba'i las rnams kyi 'dras bu/
 rnam par smin pa myong nas yang don dam pa'i bden ba'i dkyil 'khor la 'jug pa'i rim gyis phung po yongs su spangs te/ rlung gi khams kyis blangs nas tshor ba dang ldan zhing sred pas rjes su bcings la/ chos kyi dbyings kyi rgyu mthun pa las byung ba'i dran/
 pas yongs su bzung ba/ dge ba dang mi dge pa'i rnam pa'i yid dang ldan pa/ byis pa lo lnga pa dang mnyam pa thams cad mthong ba/ dbang bo thams cad tshang ba/ dri'i zas la spyod pa/ rdo rje la sogs pas kyang mi bzlog pa mtshan nyid thams cad ldan pa/
 las kyi rdzu 'phrul gyi shugs dang ldan pa/ nyi ma mdun gyis 'od ba'i bar la gnas nas rang gi rnam par rtog pa las byung ba'i dge ba dang mi dge bas bskul bar gyur pas rgyu dang rkyen thob nas 'gro ba lnga rnams su ? chun gyi 'khrul 'khor gyi tshul gyis yang
 dang yang du/ nyid mtshams sbyor ba len par byed cing/ 'khor ba'i sdug bsngal rjes su myong bar 'gyur ro/ /sems rnam par dben pa bsdus pa'i the tshom gcod pa zhes bya ba ste/ /le'u bzhi pa'o// //rdo rje slob mas gsol pa/ bcom ldan
 'das rnam par shes pa sna tshogs pa gzhan dag kyang zhu bar 'tshal lo/ /bcom ldan 'das gal te rnam par shes pa gsum gyi rang bzhin gyi snang ba ni gzugs med pa yin la rlung gi khams kyang gzugs med pa yin zhing las kyang gzugs med
 ba ste/ de bzhin du 'di rnams kyi phan tshun shes pa med pas/ bcom ldan 'das kyis lung gi tshig las stong pa nyid tu gsungs na/ de ji ltar na las dge ba dang mi dge bas 'khor ba thog ma med pa nas yid kyi rang bzhin gyi lus de
 bcings par ma gyur/ de bzhin du rang bzhin brgya drug cu po 'di rnams kyis dge ba dang mi dge ba rnams nye bar bsags nas de 'di nyid skad cig thang cig tu skye zhing rab tu 'jig par 'gyur na des ji ltar na yang nas yang du 'jig rten pha rol tu nye bar dmigs
 par 'gyur/ yang na dge ba dang mi dge ba dag gzhan dag las mchi bar 'gyur/ /yang na rang gi sems skyi bag chags las 'byung bar 'gyur ba lags/ bdag gi 'gyod pa 'di dag bcom ldan 'das rdo rje slob dpon ston pas rnam par bsal tu gsol/
 rdo rje slob dpon gyis smras pa/ sems can chen po legs so legs so/ /las rnam par dag pa yongs su shes par bya ba shin tu yang zab pa sangs rgyas rnams kyi spyod yul te/ rigs kyi bu 'di ni las dang po pa rnams dang las su smra ba rnams kyis ma
 yin no/ /de bas na lung dang rigs pa dag gis las rnam par dag pa so sor rtogs par bya ba yis rab tu 'bad pas nyon cig /nga la dang po kho nar las dge ba dang mi dge ba rnams kyi rang gi mtshan nyid bzhag par bya'o/ /de la dge ba bcu'i las gyi lam
 rnams dang/ /de las bzlog pa ni mi dge ba bcu'i las kyi lam rnams te/ las kyi lam 'di rnams ni lus dang ngag dang yid las kun tu byung ba'o zhes bcom ldan 'das kyis rdo rje gtsug tor gyi rgyud las gsungs pas de la 'jug par bya ste/ bcom ldan
 'das kyis bka' stsal pa/ gsang ba'i bdag po nyon cig /lus kyis nyes par spyod pa ni rnam pa gsum mo/ /ngag gi nyes par sbyod pa ni rnam pa bzhi'o/ /yid kyis nyes par sbyod pa ni rnam pa gsum ste/ de dag gis sems can dmyal bar ltung bar 'gyur ro//
 phyag na rdo rjes gsol ba/ lus kyi nyes par sbyod pa dan ngag gi nyes par spyod pa'i rab tu dbye ba dang/ /yid gyis nyes par spyod pa zhig mchis pa bcom ldan 'das kyis bshad du gsol/ /bde bar gshegs pa bshad du gsol/ /bcom ldan 'das
 kyis bka' stsal ba/ gsang ba'i bdag po nyes par spyod ba de nyid ni lci bar gyur pa dang/ tha mal pa rnams te/ de la pha dang/ ma dang/ bla mar gyur pa la sogs pa la gsod pa dang rdog pa la sogs pa ni nyes par spyod pa la lci ba'o/ srog gcod pa la sogS
 ba mi dge ba'i las kyi lam rnams ni nyes par spyod pa tha mal pa'o/ /dag gi nyes par spyod pa gang zhe na/ dam pa'i chos spyod ba'i tshig mi smra ba nyid kyis dag gis nyes par spyod pa'i tshig nyid dang/ pha dang ma dang bla mar gyur pa la sogs pa rnams la tshig ngan par
 smras pa ni dag gis nyes par spyod pa'i lci ba'o/ /skyes bu 'ga' zhig gang zag dad pa can gzhan dag nan tan nyams su len cing dge brtsom pa'i gtam gyi skabs su 'jig rten pha rol med do/ zhes bya ba'i rgya che ba'i tshig 'jig rten las 'das pa'i brdzun smra
 bas dge ba'i las kyi bar chad byed pa dang/ tshig khyal par smra ba dang/ lkog 'phyas byed pa dang/ mi dge ba'i las kyi gtam rnams ni dag gis nyes par spyod pa tha mal pa'o/ /yid kyis nyes par spyod pa ni/ gang dang por ni rmugs pa ste/ de nyid kyi rang
 bzhin ni yid kyi rang bzhin gyi sems kyi nyes par spyod pa dang/ sems lals byung ba'i rang bzhin gyi nyes par spyod pa dang/ ma rig pa'i rang bzhin gyi nyes par spyod pa'o/ /phyag na rdo rjes gsol ba/ sems dang sems las byung ba dang/ ma rig pa'i nyes par spyod pa
 rnams bcom ldan 'das kyis bshad du gsol pa/ bde bar gshegs pas bshad du gsol/ /bcom ldan 'das kyis bka' stsal pa/ gsang ba'i bdag po nyon cig /rnam par gsod pa'i sems dang ma chags pa'i sems de dang/ dge ba
 bcu'i las kyi lam rnams lam chags pa de nyid ni sems kyi nyes par spyod pa'o/ /rgyags pa dang/ dregs pa dang/ nga rgyal dang/ khro ba dang/ sems can rnam par 'jig pa dang/ 'dod chags kyi sems kyis gzhan gyi bud med
 la chags pa dang/ gzhan gyi nor 'phrog pa dang/ bla mar gyur pa la sems gya gyu zhing rab tu sdang ba ni sems las byung bI nyes par spyod pa'o/ /dge ba bcu'i las kyi lam rnams dang/ pha rol tu phyin pa drug rnam par 'dor zhing rjes pas ba dang
 som nyi mtshan ma'i gdong dang/ yid shin tu rmongs par gyur pas na ma rig pa'i nyes par spyod pa tha mal pa'o/ /de ltar 'di dag ni lus dang ngag dang yid kyi nyes par spyod pa'o/ /zhes mi shes shing rang nyid kyis rang bzhin gyi snang ba rlung gi bzhon
 pa'i rang bzhin can ma shes nas pa'i lus dang/ nga'i dag dang/ nga'i sems yin no zhes bdag tu rlom pa dang/ ngar sems pas dge ba dang mi dge ba rnams byas nas bde 'gro dang ngan 'gror mchog tu gzhol bar 'gyur ro/ /rang bzhin snang ba'i rim
 gyis sems rnam par dben pa rtogs pa'i ye shes can ni lus dang/ ngag dang / yid kyi legs par spyod pa dang/ nyes par spyod par sems par mi byed cing rtogs par mi byed de/ gang gi phyir zhe na/ dge ba dang mi dge ba'i rang bzhin ni stong
 pa gsum las kun tu byung pa rlung gi bzhon pa'i dbang gis skad cig thang cig la 'byung zhing/ yul rnams rjes su myong nas yang nas yang du 'od gsal bar 'jug par 'gyur ro/ /ji skad du dgongs pa bla na med pa las/ ji ltar sprin ni sna tshogs shing/ /mdog
 dang dbyings ni tha dad pa/ /nam mkha' i dbyings su byung nas ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyun can te/ /ma lus yul las zhugs nas ni/ /'od gsal bar ni 'jug par 'gyur/ /de 'dra'i rang bzhin
 ma shes pas/ /mi shes mun pas khebs pa rnams/ /dge dang mi dge'i las byas nas/ /'gro ba lngar ni 'khor bar 'gyur/ /mtshams med la sogs byas nas ni/ /dmyal ba la sogs 'tshod bar 'gyur/ /sbyin sogs dge ba byas nas ni/ ?
 mtho ris la sogs dag tu mchod/ /skye ba dpag med stong phrag ni/ /'dir ni yang dang yang thob ba/ /'di ni sngon las rnam smin zhes/ /rmongs pa rnams ni mya ngan byed/ /rang bzhin snang ba'i tshul gyis ni/ /gang gis skye ba nyon mongs pa/ /de nyid shes
 nas ye shes can/ /srid ba'i gzeb las grol bar 'gyur/ zhes gsungs pa dang/ don 'di nyid gsal bar bya ba'i phyir mi 'am ci'i rgyal po ljon pas zhus pa'i mdo las kyang/ sems kyi spyod pa rnams ni 'dus ma byas pa gzugs can ma yin pa las ji
 lta ba bzhin gyi dbyebs rlung yang thogs pa med pa ste/ 'jig rten thams cad kyi sems kyi rang bzhin shes pa de ni rnam par dag pa yin pas na nyon mongs par 'gyur ba mi srid do zhes gsungs pas so/ /yang rigs pa 'dis sems rnam par dang dben pa mngon par rtogs
 pa'i rnal 'byor pa chen pos dge ba dang mi dge ba'i las kyi 'bras bu la bltos pa med par thar pa la mngon par phyogs par 'gyur ro/ /ji skad du bcom ldan 'das kyi rdo rje gcod ba las/ chos kyang spang bar bya na chos ma yin pa lta smos kyang ci dgos zhes
 gsungs pa dang/ gsang ba 'dus pa zhes bya ba rnal 'byor gyi rgyud chen po las kyang/ dge ba bcu yi las kyi lam/ byed pa ye shes spangs pa'o/ /zhes gsungs pa'o/ /de ltar na sems can dge ba'i bshes gnyen dang bral bas rang gi sems ji lta
 ba nyid yongs su shes pa ma gtogs par dang 'dzin pa dang/ nga yir 'dzin pa dang/ gsob dang/ gsog la brtags nas dge ba dang mi dge ba la sogs par brtags pas 'khor ba thog ma med pa nas sdug bsngal nyams su myong ba yin no/ /ji skad du bcom
 ldan 'das kyis shes rab kyi pha rol tu phyin ba brgyad spyod pa'i dge ba'i bshes gnyen gyi le'u las/ rab 'byor gyis gsol pa/ bcom ldan 'das gal te chos thams cad dben pa dang stong pa lags na/ bcom ldan 'das ji ltar
 na sems can rnams kyi kun nas nyon mongs par gda' bar 'gyur /ji ltar rnam par byang bar 'gyur/ bcom ldan 'das dben pa ni kun nas nyon mongs par yang mi 'gyur/ rnam par byang bar yang mi 'gyur ro/ /bcom ldan 'das stong pa ni kun nas
 nyon mongs par yang mi 'gyur ro/ rnam par byang bar yang mi 'gyur ro/ /bcom ldan 'das dben ba 'am/ /stong pa nyid bla na med pa yang dag par rdzogs pa'i byang chub mngon par rdzogs par 'tshad mi rgya'o/ bcom ldan 'das dben pa dang /stong pa nyid
 las gung na chos gang bla na med ba yang dag par rdzogs pa'i byang chub mngon par rdzogs par sangs rgyas ba 'am/ mngon bar rdzogs bar 'tshad rgya ba 'am/ /mngon par rdzogs par 'chod rgya ba'i chos de dmigs su ma mchis na bcom ldan 'das bshad
 pa de'i don ji lta bur 'tshal bar bgyi bcom ldan 'das kyis bstan du gsol/ /bde bar gshegs pa bstan du gsol/ de skad ces gsol pa dang/ bcom ldan 'das kyis tshe dang ldan pa rab 'byor la 'di skad? ces bka' stsal to/ /rab 'byor de ji snyam
 du sems/ sems can rnams ni yun ring po nas ngar 'dzin pa dang/ nga yir 'dzin pa la skyod dam/ rab 'byor gyis gsol ba/ bcom ldan 'das de de bzhin no/ /bde bar gshegs pa de de bzhin te/ sems can rnams ni ngar 'dzin pa dang /de
 yir 'dzin pa la spyod do/ /bcom ldan 'das kyis bka' stsal ba/ rab 'byor de ji snyam du sems/ 'on kyang dar 'dzin pa dang/ nga yir 'dzin ba stong ba yin mod/ rab 'byor gyis gsol ba/ bcom ldan 'das stong pa lags so/ /bde bar gshegs pa
 stod pa lags so/ /bcom ldan 'das kyis bka' stsal ba/ rab 'byor de ji snyam du sems ngar 'dzin pa dang/ nga yir 'dzin pas sems can rnams 'khor ba na 'khor ram rab 'byor gyis gsol pa/ bcom ldan 'das de de bzhin no/ /bde bar gshegs ba de de
 bzhin te /ngar 'dzin pa dang /nga yir 'dzin pas sems can rnams 'khor ba na 'khor ro/ /bcom ldan 'das kyis bka' stsal pa/ rab 'byor ngo ltar na sems can rnams kun nas nyon mongs par yang snang ngo/ /rnam par byad bar yang ngo zhes gsungs pa dang
 de bzhin du las kyi sgrib pa thams cad rnam par dag pa'i mdo las kyang /dge slong 'di ji snyam du sems/ ci skye ba med pa skye ba 'am/ 'gag ba 'am/ kun nas nyon mongs pa'am rnam par byang bar 'gyur ram/ gsol pa/ bcom ldan 'das de ni ma lags
 so/ /bcom ldan 'das kyis bka' stsal pa/ dge slong 'di ji snyam du sems /ci skye ba med pa'i chos rnams sems can dmyal bar 'gro bar 'gyur ram/ /dud 'gro'i skye gnas sam/ gshin rje'i 'jig rten du skye bar 'gyur ram/ gsol pa bcom ldan 'das
 skye ba ma mchis pa nyid kyang ma mchis pa lags na /ngan 'gror mchis par 'gyur ba lhag la mchis/ bcom ldan 'das kyis bka' stsal pa/ dge slong de ltar chos thams cad ni de ltar 'od gsal ba yin na yang byis ba so so'i skye bo rnams ni yang
 dag pa ma yin pa'i chos rnams la btags/ phyin ci log la btags/ gso ba dang/ gsog lta bu'i chos thams cad la btags bas/ sems can dmyal ba dang dud 'gro'i skye gnas dang gshin rje'i 'jig rten du 'gro bar 'gyur ro/ /dge slong ci sems
 kun nas nyon mongs bas sems can rnams kun nas nyon mongs pa can edu 'gyur ram/ sems rnam bar dag bas sems can rnam bar dag bar 'gyur ro/ /zhes gsungs ba dang /de bzhin gshegs pa'i mdzod kyi mdo las kyang chos thams cad la dad pa med
 pas mngon par dad cing lhag par mos na de ni sems can de ngan 'gror 'gro bar mi smra'o/ /de ci'i phyir zhe na/ nyon mongs pa rnams la phung po med pa'i phyir ro/ /nyon mongs pa thams cad rnam par dpon? pa las rgyud brgyan
 tshogs pa dang phrang pa las skye bar 'gyur la/ skyes ba tsam gyis 'gag par 'gyur te/ gang skye ba dang 'jig pa de ni nyon mongs pa rnams kyi 'jig pa'o zhes gsungs pa dang/ klu sgrub kyi zhal snga nas gyis don 'di gsal bar bya ba'i phyir/ gal te
 'di kun stong ba dang/ /skye med ngo bo nyid yin na/ /bde ba dang sdug bsngal sogs 'jug 'dir/ /ji ltar las kyis 'khor bar 'gyur/ /bdag tu rlom? par gyur ma thag /de bzhin 'dod chags sogs dri ma/ /brtags pas gzhan gyi dbang
 gyur pas/ /byis pa sdug bsngal gyis nyon mongs/ /'di dag thams cad sems tsam ste/ /sgyu ma'i rnam par yang dag 'byung/ /de nas dge dang mi dge'i las/ /des ni bde 'gro ngan 'gror skye/ zhes gsungs pas so/ /de ltar na rigs pa 'dis lung
 dang rigs pa dag gis de bzhin gshegs pa snying rje chen po'i bdag nyid can thams cad kyis sems can thams cad sdug bsngal gyi rba klong du lhung bar gyur cing skyabs med pa dpung gnyen med pa rnams la gzigs nas kun rdzob kyi bden pa'i tshul gyis
 nyon mongs pa'i ngo bo nyid yongs su shes pas nyon mongs pa rnam bar dag par mdzad cing/ kun rdzob kyi bden pa yang don dam pa'i bden pas rnam par sbyangs nas yang dag pa'i tshul gyi bdag nyid can gyi ting nge 'dzin la yang dag par 'jog par mdzad pa yin no/ /
 las kyi mdza' rnam par 'byed pa'i bsdus pa'i the tshom gcod ba ste/ le'u lnga pa'o// //rdo rje slob mas gsol pa/ khyed kyi zhal snga nas kyi bka' drin gyi bshad ma thag pa'i gsung rab kyi rjes su 'brangs nas lus dang ngag dang semS
 kyi mtshan nyid la so sor brtags pas nges par 'tshal te ting nge 'dzin gzhan gyi khyad par yang rje btsun gyi zhal snga nas gsol nas gong nas gong du ting nge 'dzin gyi khyad par zhu bar 'tshal lo/ /bskyed pa'i rim pa nas brtsams te lus rnam par dben pa'i
 mthar thug pa'i bar du rdo rje gsum la sogs pas kyang mtshan nyid la lhag par mos btsam lags te/ de bsan lus rnam par dben pa la yang lha'i gzugs med de/ lus ni rdul phra rab bsags pa tsam yin pa'i phyir ro/ /dag? rnam par dben pa'i
 mthar thug pa yang 'jug pa la sogs pa'i rim gyis rdo rje bzlas pa tsam yongs su shes pa ste/ de la yang lha'i rnam pa med de sgra rnams ni brag ca lta bu yin pa'i phyir ro/ /sems rnam par dben ba'i mthar thug pa yang rang bzhin gyis snang ba tsam yongs su
 shes pa tsam du zad pas der yang rnam pa thams cad kyi mchog dang ldan pa'i lha'i sku'i ngo bor rnyed par mi 'gyur te/ sems ni snang ba tsam yin pa'i phyir rigs pa 'dis kun rdzob la brten nas gnas pa rnyed par mi 'gyur ro/ /de bas na ye shes tsam gyis
 lta nyid du bskyed pa slob dpon gyi zhal snga las rtog par bgyid 'tshal lo/ /rdo rje slob dpon gyis smras pa/ sems can chen po legs so legs so/ /lha'i de kho na nyid bsam gyis mi khyab pa sangs rgyas thams cad kyis bshad pa man ngag bla ma
 brgyud pa'i rim pa las 'ongs pa/ sa bcu'i dbang phyug rnams kyi yang yul ma yin pa de das khong du chud par bya'o/ /rang gi sems yang dag pa ji lta ba bzhin du yongs su shes par zhes bya ba phung po dang khams dang skye mched rnams la yang med pa/ ye
 shes tsam du yongs su snang ba tsam gyis mtshan thams cad dang ldan pa'i lha'i skur gzung ba de yang sgyu ma dang/ rmi lam la sogs pa'i dpe rnams bcu gnyis kyis nye bar mtshon pa 'di ni sangs rgyas rnams kyi yid kyi rang bzhin gyi sku yin no/ /rdo rje slob mas
 gsol pa/ brten pa'i lus med par sems kyi rang bzhin yang med la/ sems med par yang lus dmigs su med do zhes lung gi tshig pas gsungs na/ de ji ltar na sems 'ba' zhig tsam gyis phyag dang zhabs la ?
 pa mtshan thams cad dang ldan pa'i lha'i sku rdzogs par 'gyur/ /dmigs pa'i lta ba can rnams ni lung dang rtogs pa ni dpar yid tshes par mi 'gyur ro/ /de bas na de rnams dmigs su med pa'i lha'i de kho na nyid bde blag tu mngon du bya ?
 thabs bcom ldan 'das rdo rje slob dpon ston pas bshad du gsol/ rdo rje slob dpon gyis smras pa/ sems can chen po legs so legs so/ /gang mdo sde la sogs pa'i tshul la zhugs pa dang/ bskyed pa'i rim pa la gnas pa'i sgom la po
 rnams kyang chos thams cad sgyu ma lta bu dang/ rmi lam lta bu dang/ gzugs brnyan lta bu zhes dper brjod cing lhag par mos kyang de rnams dpes bdag la byin gyis brlabs pa'i man ngag ye shes tsam gyis yid gyis rang bzhin gyi lha'i sku rdzogS
 par 'gyur ba shes par ni mi 'gyur ro/ /de bas na pas rnal 'byor gyis rgyud kyi rjes su 'brangs nas rdo rje sems dpa' rdzogs par 'gyur ba'i rgyu dang rkyen khyod la khong du chud par bya'o/ /bden bar na sems ni dbyibs dang kha dog dang bral ba snang ba tsam nas
 mkha' dang mnyam pa'i ngo bo nyid ngon dam pa'i bden pa dang 'dra bar reg par dka' ba'o/ /de lta mod kyi snang ba tsam gyi snang ba gsum po rlung la brten par gyur pa dang/ thun mong du gyur pas ldang ste/ de bas na rlung ga rnam par shes bcings pa yin no//
 de nas shes rab dang thabs kyi snang ba gnyis 'od zer lnga dang bcas shing sna tshogs pa'i yon tan thams cad dang ldan pa'i sgyu ma lta bu'i lha'i sku 'byung bar 'gyur ro/ /'di'i gzhon pa gang yin zhe na/ rlung zhes bya ba ste sems rdo rje gang yid pa de lta
 bu'i rlung la zhon nas gang du 'dod pa der 'pho bar 'gyur ro/ /rnam bar shes pa 'pho ba'i mdo las kyang gsal ngar gsungs te/ bcom ldan 'das kyis dka' stsal pa/ sman chen nges tshigs su bcad pa phyed? kyi don gyi phyir grag gi rtse mo nas lus bor ?/
 ba rnam pa brgya stong du ma brgya stong nyams su myong ngo/ /sman chen khyod ci dang ci 'dod pa dris shig dang/ ngas khyod la lan gdab bo/ /de skad ces bka' stsal pa dang/ bcom ldan 'das la sman chen gyis 'di skad ces gsol to/ /bcom ldan 'das rnam
 par shes pa 'di yi rang bzhin ci lags/ bcom ldan 'das kyis bka' stsal pa/ sman chen sgyu ma mkhan gyi ma'i rang bzhin gang yin pa dang/ ma'i grib mchu'i nang du 'byung ba gsal ba ma yin zhing mi gsol ba'i rang bzhin gang yin pa dang/ srid
 ba'i rang bzhin gang yin pa de bzhin no/ /gang yang sman chen khyod kyis skye ba med pa nyid kyis ji ltar thog mar 'chibs byas pa'i gzugs ba lta bar bya zhes bya ba bshad par bya'o/ /'di lta ste/ chu'i nang du byung ba'i skyes bu'i grib ma'i gzugs bzhin du blta bar
 bya'o/ /de'i nang du byung ba'i snang bar zhin du blta bar mi bya'o/ /yang sman chen de'i mgo bo dang lag pa dang/ rkang pa dang ldan par gyur pa yang chu'i nang du byung ba'i skyes bu nyid bzhin no/ /der ni grang ba'am dro ba'am lus dub? pa la sogs pa med de/ de la sha dang
 nya sha la sogs pa mi srid ba'i phyir dang grib ma ni khams kyis rnam par gzhig mi nus ba'i phyir ro/ /de na chu'i nang du byung ba'i skyes bu'i gzugs brnyan ni bde ba'i sgra'am sdug bsngal ba'i sgra brjod par mi 'gyur ro/ /de bzhin du rnam par shes pa 'di
 yang thog mar 'cho ba'i lus kyi rang bzhin yongs su spangs nas nges byas pa'i gzugs su gyur pa'o/ /de ltar byis pa so so'i skye bo srid ba bar ma pa zhes bya ba'i 'khor ba'i rgyur 'gyur ro/ /de nyid bla ma brgyud ba'i rim gyis de bzhin gshegs ba thams cad kyi? na
 ngag thob pa rnams ni bdag la byin gyis brlabs ba zhes bya ba 'di ltar rtsig pa'i rus ris me long gnad du nye bar snang ba de bzhin du rdo rje'i sku'i ngo bo nyid kyis bdag nyid sprul te/ rnam pa thams cad kyi mchog dang ldan pa sku blta bas
 chog mi shes pa skyes bu tshon po'i mtshan sum cu rtsa gnyis la sogs pas lus la brgyan pa ste/ mdor na sangs rgyas thams cad kyi yon tan gyis brgyan pa zhes pa'i bar du'o/ /ji skad du bcom ldan 'das kyis rnam par snang mdzad mngon par byang
 chub pa'i rgyud las/ 'ja' tshon lta bu'i lus ngag ni/ de nyid bsgoms pas thob par 'gyur/ zhes gsungs so/ /'di'i don ni 'di yin te/ 'ja' tshon zhes bya ba ni lha'i dbang po'i gzhu ste/ /de yang gang zhe na/ dngos su 'od zer lngas nye bar mtshon
 pa ste/ ji ltar 'ja' tshon nam mkha' i dkyil na kha dog lnga'i dbyed ba yongs su gsal ba yin te/ lus kyang de 'dra bar nye bar mtshon pa'i phyir/ 'ja' tshon lta bu'i lus dag ni/ zhes pa'i don to/ /de nyid bsgoms pas thob par 'gyur/ zhes bya ba ni bla
 ma las man ngag yang dag par thob nas de kho na nyid bsgom zhing don dam pa'i bden pha la dmigs pas 'thob pa'i don to/ /rdo rje slob mas gsol pa/ bcom ldan 'das som nyid gyur pa gzhan 'ga' zhig bdag la mchis te/ ci'i phyir yun
 ring por gnyid lo gnas ci'i phyir lus kyi khog pa bor te/ rmi lam du sum cu rtsa gsum pa'i gnas sam/ yul phyogs gzhan dag tu song nas 'dod pa'i yon tan lnga nyams su myong ste/ yang yul 'dir 'ongs nas ci'i phyir rmi lam na dge ba dang
 mi dge pa mthod ba'i 'bras bu thob bar 'gyur/ de bzhin du gnyid log pa'am/ gnyid ma log pa'i gnas skabs dgan? tha dad bar mchis sam/ 'on te ma mchis/ rdo rje slob dpon gyis smras pa/ sems can chen po legs so legs so/ /thog ma med
 ba'i rang bzhin gyi lus la dngos por bltas nas 'dzin pa rnams kyis the tshom bsal ba'i phyir dang/ bdag la byin gyis brlab par bshad pa rnam par gsal bar bya ba'i phyir rmi lam gyi mtshan nyid yongs su 'dri bar byed pa legs so legs so/ /de bas na rmi lam gyi
 sgo nas gzugs brnyan du bshad pa'i lha'i sku thams cad kyi so so rab rib par gyur pa rgyud dang mdo sde rnas kyi rjes su 'brangs nas rab tu rtogs par bya yis rtse gcig pa'i sems kyis nyon cig /phung po khams dang skye mched dbang sogs la/ /shes pa
 gnyis po de 'dir rang 'dus nas/ /stong chen gyur pa gang zhig gnyid log pa/ /rlung gi shugs kyis rmi lam mthong bar 'gyur/ /rmi lam sad la bye brag gzhan med par/ /kun tu rtog pas rmi lam 'bras 'dod pas/ /'gro ba nyid mtshan nye bar gnyis lo ka
 cing// nas mthug gyur bas rab tu ring gnyid log /'bras bu ma smin byas ba ni las rnams kyis/ /skye 'dir? rlung ni slar yang 'jug par 'gyur/ /'bras bu smod par gyur na rlung 'di nyid/ /'jig rten 'chi ba gzhan du myur 'gror 'gyur/ /ji ltar
 phyog cur bzhugs pa'i rgyal dbang po/ /de yi sku la rkang rus dag med kyang/ /sems can phan phyir khams la 'jug mdzad cing/ /sprul pa'i sku yis bya ba mdzad pa yin/ /rim pa de bzhin gnyid log sad pa'i sems/ /'bras bu 'dod pa'i rnam rtog dra
 ba can/ /de bas chos kun rmi lam lta bu ste/ /bden dang brdzun pa dag kyang yod ma yin/ zhes bya'o/ /don 'di nyid gsal br bya ba'i phyir las kyi sgrib pa thams cad rnam par dag ba'i mdo las kyang/ /dge slong 'di ji snyan du sems/ ci
 khyod kyis gnyid log pa'i mi lam na kun tu rtog pa'i tshe 'dod chags spyod pa myod dam/ gsol pa/ bcom ldan 'das myong lags so/ /bcom ldan 'das kyis bka' stsal pa/ dge slong sems kyis 'dod chags spyad par khyod kyis
 mi shes sam/ gsol ba/ bcom ldan 'das de ni de lta bu lags so/ /bcom ldan 'das kyis bka' stsal pa/ dge slong ci khyod kyis rmi lam gyi sems dang/ /nyid ma log pa'i sems 'di la bye brag dang thob
 dang du bya ba zhig yod par mthong ngam/ gsol pa/ bcom ldan 'das bdag gis ni rmi lam gyi sems dang gnyid ma log pa'i sems la tha dad du bgyi ba cung zad kyang ma mthong lags so/ /bcom ldan 'das kyis bka' stsal ba/ dge
 slong 'di ji snyam du sems/ chos thams cad ni rmi lam lta bu'o zhes pas ma bstan tam/ gsol pa/ bcom ldan 'das de ni de ltar legs so zhes gsol ba dang/ bcom ldan 'das kyis don 'di nyid gsal bar bya ba'i phyir
 gsang ba 'dus pa zhes bya ba rnal 'byor chen po'i rgyud las kyang/ kye bcom ldan 'das de bzhin gshegs pa thams cad 'di lta ste/ dper na byang chub kyi sems ni de bzhin gshegs pa thams cad kyi ye shes 'byung bar byed pa rdo rje'i
 gnas lte bu ste/ byang chub kyi sems de yang lus la mi gnas /dga' mi gnas /sems la mi nan so/ /chos gang khams gsum na mi gnas pa de la skye ba yang med de/ 'di ni ye shes 'byung ba'i rdo rje'i gnas de yin no/ /kye bcom ldan 'das de
 bzhin gshegs pa thams cad rmi lam 'di ni bdag gis khams gsum du rmi lam mthong bar bya'o snyam du mi sems so/ /mi yang bdag gis rmi lam mthod bo snyam du mi sems te/ khams gsum gyi bya ba de rnams rmi lam lta bu rmi lam dang 'dra
 ba rmi lam las byung ba'o/ /de bzhin du bcom ldan 'das de bzhin gshegs ba thams cad phyogs bcu'i 'jig rten gyi khams kyi sangs rgyas dang byang chub sems dpa' ji snyed pa rnams dang/ sems can ji snyed pa thams cad phyogs bcu'i 'jig rten gyi khams kyi sangs rgyas dang byang chub sems dpa' ji snyed ba rnams dang/ sems can ji snyed pa thams cad kyang rmi
 lam ltar bdag med ba'i gnas su rig par bya'o zhes gsungs pa dang/ sgyu ma lta bu'i ting nge 'dzin 'di nyid gsal dang bya ba'i phyir ye shes rdo rje kun las btus ba zhes bya ba rnal 'byor chen po'i rgyud las kyang/ sems dang sems las byung ba'i rnal 'byor chen po ni bde ba chen
 po'i ting nge 'dzin to/ /de ni sgyu ma'i dpes nye bar mtshon pa ste/ de bas na sangs rgyas kyi zhing gang+gA'i klung gi bye ma snyed kyi de bzhin gshegs ma thams cad ni sgyu ma lta bu dang/ chu zla lta bu dang/ mig yong lta bu dang/ mig rgyu lta bu dang/ rmi lam dang/ brag ca dang
 dri za'i grong khyer dang/ mig 'phrul dang 'ja' tshon dang/ glog dang/ chu'i chu bur dang/ me long gi gzugs brnyan te/ sgyu ma'i dpe bcu gnyis kyis bde ba chen po'i ting nge 'dzin nye bar mtshon par 'gyur ba yin te/ /de ltar phyogs bcu'i 'jig rten gyi khams na
 gnas pa'i de bzhin gshegs ba thams cad 'khor ba ji srid pa'i bar du sgyu ma lta bu'i ting nge 'dzin gyis bzhugs nas 'dod pa'i yon tan lnga rnams kyis rol par mdzad cing dga' bar mdzad pas yongs su spyod bar mdzad la/ thams cad mkhyen ba'i yon tan dang ldan bas
 bdag nyid bzhed bcom gyis sangs rgyas kyi zhing nas sangs rgyas kyi zhing du gshegs par mdzad do/ /de ltar dus gsum gyi 'khor ba'i sdug bsngal rjes su dran nas rnam par grol bar 'dod pas rdo rje slob dpon 'bad pas mnyes par byas la bdag la byin
 gyis brlab pa'i rim pa'i man ngag thob nas/ de rnam dag ba'i thabs btsal bar bya'o/ /kun rdzob kyi bden pa bsdus pa'i the tshom gcod pa ste/ le'u drug pa'o// //rdo rje slob mas gsol pa/ kun rdzob kyi bden pa la ni som nyi ma mchis
 pa?/ da ni snang ba rnam par dag pa'i gnas don daM pa'i bden pa'i tsha bla ma'i zhal snga nas kyis bka' drin gyis ches shes par? 'tshal lo/ /rdo rje slob dpon gyis smras pa/ kun rdzob kyi bden pa zhes bya ba ni bdag la byin gyis brlab pa'i rim gyis rdo rje sems dpa' i skur
 rdzogs pa ni sgyu ma'i dpe bcu gnyis kyis rab tu bstan par nus kyi don dam pa'i bden pa ni yang lus med pa/ dpe med pa/ rtsom pa thams cad dang bral ba/ so so rang gis rig pa ste/ de bas na bla ma'i kha las bstan pa med
 par shes par mi 'gyur ro/ /ji skad du gsungs pa'i tshig las kyang/ ji ltar mar me bum nang gnas/ /phyi rol tu ni snang mi 'gyur/ /bum pa de nyid bcag gyur na/ /de 'og mar me 'od snang 'gyur/ /de bzhin bum pa rang lus nyid/ /de nyid mar me
 lta bu nyid/ bla ma'i kha yis legs bcag na/ sangs rgyas ye shes gsal bar 'gyur/ /nam mkha' las ni nam mkha' 'byung/ /mkha' yis nam mkha' mthong 'gyur ba'i/ /de nyid bla ma'i kha nyid las/ /sbyor ba legs par ston pa yin/ zhes gsungs te/ rigs
 pa 'dis na sgra'i rnam pa las byung ba yin pas thog ma dang tha ma med cing/ /dngos po med pa'i ngo bo nyid gzung ba dang 'dzin pa dang bral ba ni kun rdzob kyi bden pa'i mtshan nyid kyi sgra gang yin pa'i sgo nas rab tu bstan pa'o/ /don dam pa'i bden pa de yang
 ma bcos pa'i nam mkha' dang mnyam pa dri ma med pa'i ngo bo nyid de dan 'di nyid gsal bar bya ba'i phyir tshul gcig par bstan pa'i mdo las/ /chos 'di sgra skad dag gis lung bstan te/ /chos dang sgra dag 'dir ni rnyed mi 'gyur/ /chos nyid tshul gcig dngos la
 'ang 'jug byed pa/ /bzod mchog bla na med la reg par 'gyur/ zhes gsungs so/ /de ltar rgyu dang 'bras bu gnyis su med par khong du chud ba'i slob mas bstan pa'i lung thob nas rgyud las ji skad bshad pa'i cho ga dang/ 'byor pa ci yod pas tshogs
 kyi dkyil 'khor byas la nam phyed na legs par bslab pa'i phyag rgya lus dri zhim pos byugs shing rgyan thams cad kyis brgyan pa bla ma la phul te/ gsang ba dang de las gzhan pa'i mchod pas yang dag par mchad la bla ma'i mdun du pus mo g.yas/
 pa'i lta nga sa la btsugs te/ thal mo sbyar ba byas la 'khor ba las skyob pa'i yid kyis slob dpon la de bzhin gshegs pa mngon sum bzhin du lhag par mos pa dang/ bstod pa'i mchod pa 'dis mngon par byang chub par gsol ba gdab par bya'o/ /mchog sbyin rdo rje
 mchog khyod 'dud/ /yang dag mthar gyur khyed la 'dud/ /stong nyid las byung khyod la 'dud/ /sangs rgyas byang chub phyag 'tshal 'dud/ /mngon par byang chub mthong ba ni/ slob dpon chen po bdag 'tshal lo/ /sangs rgyas kun gyi ye shes che/ /thams cad stong pa bla na med/
 rang myong mtshan nyid gcig pa nyid/ /sems dpa' chen po stsal du gsol/ /las dang skye las rnam grol ba'i/ /tshe 'dir byang chub nyid 'thob pa/ /khyod zhabs pad+ma spangs nas ni/ /gtso bo gzhan du skyabs ma mchis/ /'gro ba'i dpa' bo thub chen /
 po/ /de bas sangs rgyas mchog mnyes mdzod/ /de ltar gsol ba'i cho ga mchog /dam pa de ni thos gyur nas/ /bla ma dpal ldan yon tan mtsho/ /snying rje slob ma la skyed la/ /bzhin ni rab tu dang gyur bas/ /rang gi brtse bas rab dga' zhing/ /rnal
 'byor rgyud las byung ba'i mchog /dam tshig bzang po bstan par bya/ /de nas slob dpon snyoms zhugs nas/ /bum pa'am yang na dung chos su/ /byang chub sems ni bzhag par bya/ /de nas slob ma de pos te/ /sangs rgyas kun gyis byin brlabs la/ /rgyal ba'i
 phyag rgyar bcas pa yis/ /dam tshig dag ni bstan par bya/ /rdo rje can ni gnyis pa yis/ /dbang bskur ba ni sbyin par bya /bkra shis sgra ni bsgrags pa dang/ /rol mo'i skra skang sna tshogs kyis/ /khams gsum pa'i dbang bskur bas/ /slob ma 'dud
 cing thal sbyar ba/ /dor ni rab tu bskul ba yis/ /rjes su gnang ba de nas sbyin/ /phreng ba chu dang rdzogs sangs rgyas/ /rdo rje dril bu me long dang/ /mid dang slob dpon rjes gnang ste/ /dbang bskur rim pa 'di yin no/ /de nas byang chub mtshan nyid ni/ /bla ma rgyud
 rim las 'ongs pa/ /man ngag gi ni gzhi thob pa/ /de nas de la sbyin pa dbye/ /de la mngon par byang chub pa'i rim pa ni rnam pa gnyis te/ /'di lta ste phyi dang nang gi'o/ /de la dang por phyi'i bstan par bya ste/ tho rangs kyi thun
 mtshams su ma rig pa'i snang ba 'das nas ji srid nyi ma gsal bar ma gyur pa ste/ 'di la ni 'od gsal ba dri ma med pa'i rnam pa gsal zhing lus dang ngag dang yid dang bral ba thams cad stong pa'i mtshan nyid can no/ /nyi ma shar ba ni snang ba mched pa'o/ /
 nyi ma nub pa'i thun mtshams su ma rig pa'o/ /zla ba shar ba'i tshe ni snang ba'o/ /de ltar stong pa nyid rnam pa bzhi phyi rol la nges par bstan pa bshad nas/ da ni nang gi mngon par byang chub pa so so rang gis rig pa'i mtshan nyid can rim pa 'dis bstan
 par bya ste/ dang por smig rgyu lta bu la 'od zer lnga'i tshogs dang ldan par mthong ngo/ /gnyis pa ni snang ba ste/ zla ba'i 'od zer lta bu'o/ /gsum pa ni snang ba mched pa ste/ nyi ma'i 'od zer lta bu'o/ /bzhi pa ni snang ba thob pa ste/ mun pa lta bu'o/ /
 de nas mun pa dang bral ba'i skad cig la 'od gsal ba ste/ shin tu gsal brtag tu snang ba'i mtshan nyid can don dam pa'i bden pa'i rang gi mtshan nyid ye shes kyi mig gis mthong ngo/ /de ltar thams cad stong pa nyid mngon sum du byas nas rim
 pa 'dis bsam gtan rnam pa gnyis la dmigs par byed do/ /de'i rim pa ni 'di yin te/ chu bo 'am/ lted ka'i chu ni dri med dag la gor du gnas pa ltar/ /de bzhin de la rim gyis rjes su gzhig par byed pas rnal 'byor pas ni rtag tu/
 bsam/ /me long la ni rlung dag rim gyis zad par byed pa bzhin duAng blta bya ste/ /ril por 'dzin la 'ang bya ba'i rim pa 'dir ni de bzhin yang dag brtag /nga ni ming la mngon par zhe nas rnams kyis 'khrul pa bsal bar bya ba'i phyir/ don dam pa'i
 bden pa'i ming gis rnam grangs 'ga' zhig la 'jug par bya ste/ de la dang por ni 'od gsal ba dang/ thams cad stong pa dang/ sangs rgyas kyi ye shes dang/ rdo rje'i ye shes dang/ bla na med pa'i ye shes dang/ dri ma med pa dang/ dngos po med pa
 dang/ snang ba med pa dang/ bdag med pa dang/ mya ngan las 'das pa dang/ sems can med pa dang/ srog med pa dang/ gang zag med pa dang/ gos med pa dang/ skye ba med pa dang/ 'gag pa med pa dang/ yi ge med pa dang/ tshig med pa dang/
 dmigs su med pa dang/ bla na med pa dang/ brjod du med pa dang/ bsam gyis mi khyab pa dang/ mdza' yas pa dang/ grangs med pa dang/ dbang po las 'das pa dang/ gnas med pa dang/ mtshan nyid med pa dang/ 'dus ma byas pa dang/ mtshan
 ma med pa dang/ mi g.yo ba dang/ dmigs pa dang la ba dang/ rnam par mi shes pa dang/ rtag tu med pa dang/ zad pa med pa dang/ 'phel pa med pa dang/ tshig med pa dang/ sgrib pa med pa dang/ tshul gcig pa dang/ zhi ba dang/ zhi ba nyid dang/
 nam mkha' dang mnyam pa dang/ rang bzhin gyis dag pa dang/ thog ma med pa dang/ dbus med pa dang/ tha ma med pa dang/ 'gro ba med pa dang/ 'ong ba med pa dang/ ring ba ma yin pa dang/ nye ba ma yin pa dang/ gcig pa ma yin pa dang/ tha dad pa ma
 yin pa dang/ reg par dka' ba dang/ rnam par bsgom par dka' ba dang/ bsam gtan nyid dang/ yang dag ba dang/ chos kyi sku dang/ yang dag pa'i mdza' dang/ chags pa med pa'i mdza' dang/ chos kyi dbyings dang/ lus med pa dang/ rdul med pa
 dang/ mdza' med pa dang/ grub pa dang/ gsang ba grub pa dang/ pha rol tu phyin pa rnam par dag pa dang/ lta ba rnam par dag pa dang/ rgyu rnam par dag pa dang/ 'bras bu rnam par dag pa dang/ khams gsum rnam par dag pa dang/ bsod rnamS
 rnam par dag pa dang/ sdig pa rnam par dag pa dang/ nyon mongs pa rnam par dag pa dang/ las rnam par dag pa dang/ skye ba rnam par dag pa dang/ de dag ni shes rab kyi pha rol tu phyin pa dang/ sangs rgyas thams cad kyi
 yum dang/ thams cad mkhyen pa dang/ rnam pa thams cad mkhyen pa dang/ lam pa thams cad mkhyen pa dang/ de bzhin nyid dang/ mnor ba de bzhin nyid dang/ mnyam pa nyid dang/ bsod nams dang ye shes kyi tshogs mi zad pa nyid dang/ ye
 shes 'ba' zhig pa nyid dang/ byang chub sems dpa' thams cad bskyed pa dang/ nyan thos thams cad kyi yum dang/ rang sangs rgyas thams cad skrun pa dang/ 'jig rten thams cad 'byin pa dang/ lha'i mig rnam par dag par byed pa dang/ lha'i
 rna ba rab tu ster bar byed pa dang/ gzhan gyi sems shes par byed pa dang/ sngon gyi gnas rjes su dran bar byed pa dang/ rdzu 'phrul dpag tu med par byed pa dang/ nyon mongs pa thams cad zad par byed pa zhes bya'o/ /de bzhin du gsang ba 'dus pa /
 zhes bya ba rnal 'byor chen po'i rgyud las kyang/ dngos po med pa sgom pa'i dngos zhes bya ba la sogs pa byang chub kyi sems drug gi tshigs su bcad pa rnams kyis mngon par byang chub pa'i mtshan nyid gsungs pa dang/ rnal 'byor chen po'i rgyud gzhan
 dag las kyang/ yan lag kun bsgoms las 'das shing/ rtog dang rnam rtog spangs nas kyang/ /gug skyed thig le la 'das ba/ 'di ni dkyil 'khor mchog yin no/ /sems can thams cad 'jug pa ni/ /gzugS dang gzugs med dri med la/ /semS
 ni bskul zhing rtogs byas pa'i/ /dkyil 'khor dkyil 'khor lta bu'o/ /yod dang med pa gnyi ga mdza' yin ste/ /ngag dang ma dag 'di yang mdza' nyid yin/ /de bas mdza' gnyis rnam par spangs nas ni/ /mkhas pa dbus la'ang gnas par mi
 byed do/ zhes gsungs pa dang/ nam mkha' mthA med brtag pa'i don/ sems can kun gyi gnas chen po/ /dpal gyi 'byor pas 'byor pa'i rgyal/ /bsam pa thams cad rdzogs byed pa/ /zhes bya ba gsungs so/ /dgongs pas bshad pa'i tshig mang po'i ming gi rnam gra?
 bsdus pas ci zhig bya zhe na/ ji srid chos kyi phung po brgyad khri bzhi stong gi sgra'i don dka' ba dang/ mtshan nges pa med pa'i tshig 'di dag ni don dam pa'i bden pa la brten par mngon par grags so/ /de nas rdo rje slob mas mngon par byang chub pa'i rim pa rnam pa gnyis dang/
 bsam gtan rnam pa gnyis rtogs par gyur cing don dam pa'i bden pa'i ming gis rnam grangs thos nas mngon par zhen pa spangs te/ bzhin rab tu dang ba dang/ thal mo sbyar ba byas te ched du brjod pa'i tshig 'di smas? so/ /e ma'o sangs rgyas se sangs rgyas//
 chos bshad pa ni ngo mtshar che/ /yang dag don ni dag ba'i don/ /byang chub sems la phyag 'tshal lo/ /de nas rdo rje slob dpon gyis/ /slob dpon gnyis pa ltar bltas nas/ /dngos po thams cad dang bral ba/ /phung po khams dang skye mched dang/ /gzung dang 'dzin
 pa rnams spangs pa/ /chos la bdag med mnyam nyid pas/ /rang sems gzod nas ma skyes pa/ /stong pa nyid kyi rang bzhin no/ /zhes bya ba'i tshigs su bcad pa brjod nas gnyis med par dmigs te/ shes rab dang ye shes kyi dbang bskur ba sbyin par
 bya'o/ /rim pa 'di nyid kyis bcom ldan 'das dpal shAkya thub pa la de bzhin gshegs pa thams cad kyis se gol gyi sgras bskul bar gyur pas mi g.yo ba'i ting nge 'dzin las bzhengs te/ byang chub kyi shing drung la bzhugs nas mtshan phyed kyi dus su
 'od gsal pa mngon du mdzad de/ sgyu ma lta bu'i ting nge 'dzin las bzhengs nas/ 'gro ba rnams la chos ston par mdzad pa yin no/ /deng nas brtsams te/ dam pa'i chos ji srid gnas pa de srid du bla ma'i kha nas bla ma'i khar ba rgyud pa yin no/ /rnal 'byor
 gnyis rnam par dag pa la dga' ba rnams kyi mngon par byang chub pa'i rim pa don dam pa'i bden pa bsdus pa'i the tshom gcod pa ste/ le'u bdun pa'o// //rdo rje slob mas gsol pa/ don dam pa'i bden pa rtogs pa
 la ni som nyi ma mchis na bcom ldan 'das ji ltar na don dam pa'i bden pa la zhugs te dngos po med par gyur nas ldang bar bgyid/ /'dir mngon du phyogs pa nyams su myong ba ni gang zhig lags/ /phyir mi ldog par gyur pa ni gang zhig legs/ /
 thar pa'i don ni gang zhig lags/ /ci'i phyir na grol bar 'gyur/ /grol ba ni su zhig lags/ /rdo rje slob dpon gyis smras pa/ sems can chen po legs so legs so/ /'od gsal ba las ldad ba'i rim pa de bzhin gshegs pa'i man ngag las
 kha phyir bltas pa rnams kyi yul ma yin pa gsang ba 'dus pa zhes bya ba rnal 'byor chen po'i rgyud kyi rjes su 'brangs nas khyod la khong du chud par bya ba yis/ rtse gcig pa'i yid kyis nyon gcig /rdo rje theg pa 'di la bskyed pa'i rim pa
 la bslabs nas sa brgyad pa thob ste/ yang nas yang du bde 'gror skye zhing ji srid rdzogs pa'i rim pa ma thob pa de srid du dge ba'i bshes gnyen mnyes par bya'o/ /sku dang gsung dang thugs mngon par rtogs nas kyang sa bcu thob pa sgyu ma lta bu'i ting nge 'dzin
 so sor thob cing sgyu ma lta bu'i ting nge 'dzin yang dag par rtogs nas snang ba rnam par dag pa so sor thob ste/ snang ba med pa las langs nas zung du 'jug par gnas pa'i rim gyis sangs rgyas kyi bya ba mngon sum du byas nas/ rdo rje lta bu'i /
 ting nge 'dzin gyi yon tan thams cad kyis brgyan nas gnas par 'gyur ro/ /ji skad du bcom ldan 'das kyis langkar gshegs pa'i mdo las kyang/ blo gros chen po snying rje chen po dang thabs pa mkhas pa'i lhun gyis grub pa'i sbyor ba dang/ sems
 can gyis khams thams cad sgyu ma dang/ gzugs brnyan dang/ mnyam pa nyid dang/ /rkyen gyis ma brtsams bras phyi dang nang gis yul rnam par dben pa dang/ sems phyi rol tu lta bas mtshan ma med pa'i byin gyis brlabs dang ldan pa rnams ni ma?
 gyis sa'i rim pa'i ting nge 'dzin gyi yul la rjes su 'jug na khams gsum dag gi sems sgyu mar shin tu mos baS rab tu bsgom pa sgyu ma lta bu'i ting nge 'dzin rab tu thab par 'gyur ro/ /blo gros chen po de lta bas na/ bdag gi sems snang ba med
 pa tsam la 'jug pas shes rab kyi pha rol tu phyin pa la gnas pa rjes su thob pa skye ba dang/ bya ba dang bral ba'i byang chub sems dpa' rnams ting nge 'dzin rdo rje'i gzugs lta bu de bzhin gshegs pa'i sku'i rjes su song ba de bzhin nyid kyi sprul pa
 dang ldan pa'i stobs dang/ mngon par shes pa dang/ dbang dang/ snying brtse ba dang/ snying rje dang/ thabs kyis brgyan pa/ sangs rgyas thams cad kyi zhing gi mu stegs can gyi gnas su nye bar 'gro ba'i sems dang/ yid dang/ yid kyi rnam par
 shes pa dang bral ba'i rim gyis gnas 'phos pa'i de bzhin gshegs pa'i sku rab tu thob par 'gyur ro/ /blo gros chen po de bas na byang chub sems dpa' sems dpa' chen po de bzhin gshegs pa'i sku'i rjes su 'brangs pa rab tu thob pa rnams
 kyis phung po dang khams dang skye mched dang/ sems dang/ rgyu dang/ rkyen dang/ bya ba dang ldan pa dang/ skye ba dang/ gnas pa dang/ 'jig pa'i rnam par rtag pa'i spros pa dang bral bar sems tsam gyi rjes su 'brang bar bya'o zhes gsungs pas sgyu ma lta
 bu'i ting nge la snyom par zhugs pa rnams kyis kyang ji srid du don dam pa'i bden pa mngon par rtogs pa thob pa ma yin pa de srad kyi bar du ni phyir ldog par 'gyur ba yin no/ /de ci'i phyir zhe na/ ji srid du snang ba gsum rnam par dag par ma gyur pa
 de srid du ni rnam par shes pa'i kun tu rtog pa'o/ /ji srid du kun tu rtog pa de srid du ni nyon mongs pa'i bag chags kyi rgyun no/ /nyon mongs pa'i bag chags kyi rgyun gyis ni yang srid par 'gyur ba yin la/ gang sems gzhan dag?
 dang bral ba de ni rnam par dag pa'i gnas te/ ji skad du dpal mchog dang po zhes bya ba'i rnal 'byor gyis rgyud las kyang 'di lta ste 'dod chags rnam par dag pa'i gnas de ni byang chub sems dpa' i gnas so/ /'di lta ste/ zhe sdang rnam par dag pa'i
 gnas de ni byang chub sems dpa' i gnas so/ /'di lta ste gti mug rnam par dag pa'i gnas de ni byang chub sems dpa' i gnas so zhes gsungs pa dang/ slob dpon kampa? la'i zhal snga nas kyis kyang nang gi bdag nyid sgrub thabs las sgra ji bzhin pa'i rang bzhin
 sbom por bshad la/ de bzhin du sems dpa' i rang bzhin ni bya ba ste/ sems dpa' dang bral ba ni rnal 'byor pa rnams kyi mchog gi gnas so zhes bshad pa'i phyir ro/ /gang rigs pa 'dis mngon par byang chub pa'i rim pa 'dis 'od gsal ba yang dag pa
 thob par gyur pa de'i lus dang ngag dang sems dri ma med pa'i ngo bo nyid thams cad stong pa nyid yin pas rnam par shes pa gsum rnam par dag pa'i shes rab kyi pha rol tu phyin pa'i ngo bo nyid la ni sems pa med cing smra ba med pa gang yin pa 'di ni mya ngan las 'das
 pa'i khams te/ gzugs med pa/ reg par dka' ba/ las dang skye ba las rnam par grol ba/ nyi ma dang/ zla ba dang/ me dang/ nor bu'i 'od kyis ngo bo nyid bzhin du gsal ba'o/ /de las ni mun pa'i snang ba ste/ snang ba nye bar thob pa la sogs
 par 'gyur ro/ /snang ba nye bar thob pa las gsal ba'i nyi ma'i 'od kyi snang ba'i tsha ba'i ngo bo snang ba mched pa 'byung bar 'gyur ro/ /de las ni gsal ba zla ba'i 'od zer bsil ba'i ngo bo nyid kyi snang pas khyab pa shes rab kyi ye shes 'byung bar
 'gyur ro/ /dpal mchog dang po las kyang nam mkha' las ni nam mkha' 'byung/ /thams cad stong pa nam mkha' che/ /zhes gsungs so/ /de bas na stong pa nyid gzhi gcig tu gyur pa'i snang ba'i go? nam mkha' snang byed lta bus 'jig rten gyi khams thams cad snang
 bar byas te/ khams phra ba dang lhan cig tu grib ma dang 'dra bar bcad du med pa dang gzhig tu med pa'i rdo rje'i sku'i ngo bo nyid 'pho ba med cing zag pa med pas nyon mongs pa'i bag chags thams cad las rnam par grol ba 'dod pa tsam gyi dbang du gyur pa thob
 pa chu las nya lta buAm/ myur bar gnyid log cing sad pa bzhin du mchog tu dga' ba'i lus kyi ngo bo nyid kyi gzugs 'byung bar gyur pa'i gzugs kyi bdag nyid can gyi ming ni rdo rje 'chang chen po zhes bya'o/ /'khor ba'i 'ching ba las nges par
 grol bas na thar ba zhes bya'o/ /don 'di nyid gsal bar bya ba'i phyir dpal gsang ba grub pa las kyang rang gis rig pa'i de kho na/ gzhan gyi brjod las mi 'byung ste/ mos dang bsgoms pas rtogs 'gyur gyi/ /dam tshig de ni gzhan du min/ /de
 nyid de nyid min spangs te/ /mos pas bsam pas nyin mtshan du/ /zhi ba'i go 'phang bla na med/ /mchog tu mya ngan 'das pa der/ /de dang de mos pa yi mthus/ /bsgom pa'i stobs kyis gang sprul pa/ /der ni skye bar 'gyur ba'i gzugs/ /kun dga' 
 las 'byung mchog skyes pa'ang/ /skad cig tsam gyis 'byung ba ste/ /spro dang sdud par byed pa'o/ /khams gsum 'di dag thams cad kyis/ /'gro dang mi 'gro bcas snang byed/ /bsgom pa'i de nyid mthu yis ni/ /thabs shes bdag nyid can zhi ba/ /nyon mongs
 kun las rnam grol zhing/ /mtshan rnams kun gyis rab brgyan par/ /stong nyid ye shes las byung ba/ /gnyis med mchog tu zhi ba nyid/ /rnam pa kun gyi mchog ldan zhing/ /gzung dang 'dzin pa rnam spangs pa/ /ye shes sgyu ma 'dra zhing dag / 'og
 gsal rang bzhin dri ma med/ /sgra dang dri dang ro las 'das/ /de bzhin reg pa rnam spangs pa/ /ting 'dzin ye shes mig can gyi/ /mchog gcig gis ni mthong bar 'gyur/ /gring ma sgyu ma lta bu'i mchog /mchog gi dbye ba la
 dang yang dag ldan/ /ye shes chu rlabs 'phros pa yis/ /rnam pa sna tshogs dpag med gzugs/ /'ja' tshon lta bu'i lus nyid ni/ /de nyid bsgoms pas thob par 'gyur/ /bsgom pa'i sbyor pa'i stobs kyis ni/ /dam tshig dag ni
 bsrungs pa yis/ /rgyal bas kyang ni brjod med pa'i/ /'di 'dra'i gzugs ni thob par 'gyur/ /gang du ser sna'i gnas gyur pa'i/ /lus ngag yid dang bral ba'i mchog /der ni yang dag bstan dbang gis/ /rang gi gzugs ni rnam par
 bsgom/ /e ma'o shin tu rmad byung ba/ /e ma'o zhi ba dbang po 'das/ /e ma'o mchog tu zab pa nyid/ /sangs rgyas nyid kyis gnas mchog yin/ /zhes bshad pa dang/ ldang ba'i rim pa 'di nyid gsang ba 'dus pa zhes bya ba rnal 'byor chen
 po'i rgyud las de bzhin gshegs pa rnams kyis gsungs te/ e ma'o rdo rje e rdo rje/ /e ma'o rdo rje chos bstan pa/ /gang du lus ngag sems med pa/ /der ni gzugs su rnam par bsgom/ /zhes gsungs pa dang/ rje btsun gyi zhal snga nas kyis
 kyang/ /khong stong khyod kyi sku la med/ /sha dang rus pa khrag kyang med/ /nam mkha' la ni 'ja' tshon ltar/ /khyed kyi sku ni ston par mdzad/ /sku la snyun med mi gtsang med/ /bkres dang skom pa 'byung med kyang/ /khyed ni 'jig rten 'jug pa'i
 phyir/ /'jig rten bya ba ston par byed/ /ces bshad pa dang/ rtog pa kun las btus pa las kyang/ /dag pa'i sems ni bzung gyur na/ /rdo rje lus ni rnam bsgoms pas/ /brtan lus khong stong ma yin pa/ /rdo rje'i sku ni des thob 'gyur/ /zhes
 gsungs pa dang/ ting nge 'dzin rgyal po'i mdo la zla 'od gzhon nur gyur pas kyang de bzhin gshegs pa'i skur bshad de/ /nam mkha' 'dra zhing rdul bral gzugs bzang 'chang/ /shes rab sras bo lus dang mtshon mi mnga' / /yon tan rgya mtsho rab zab? thugS?
 rje can/ /mtshungs med phyag ni bdag gi spyi bor zhog /ces gsungs pa dang/ 'phags pa shes rab kyi pha rol tu phyin pa brgyad stong pa las kyang/ rab 'byor gyis smras pa/ lha'i pu dag mya ngan las 'das pa yang rmi lam lta bu sgyu ma lta bur smra'o/ /mya ngan
 las 'das pa las ches lhag pa'i chos gzhan zhig yod kyang de yang rmi laM lta bu sgyu ma lta bur smra'o/ /zhes gsungs pas so/ /de nas de nyid kyi khyad par ni gzugs can ma yin pa dang/ gzugs med pa ma yin pa dang/ bden pa ma yin pa dang/ brdzun pa ma
 yin pa dang/ dngos po ma yin pa dang/ dngos po med pa ma yin pa dang/ rtag pa med pa dang/ chad pa med pa dang/ rnam pa dang bcas pa ma yin pa dang/ rnam pa med pa ma yin pa dang/ chos ma yin pa dang/ chos ma yin pa'ang ma yin pa dang/ kun nas
 nyon mongs pa ma yin pa dang/ rnam par byang ba ma yin pa dang/ 'khor ba ma yin pa dang/ mya ngan las 'das pa ma yin pa dang/ rtag pa ma yin pa dang/ mi rtag pa ma yin pa dang/ bdag ma yin pa dang/ gzhan gyi bdag nyid ma yin pa dang/ nang ma yin pa dang/ phyi rol
 ma yin pa dang/ 'jig rten pa ma yin pa dang/ 'jig rten las 'das pa ma yin pa dang/ gnyis pa ma yin pa dang/ gnyis su med pa ma yin pa zhes bya ba'o/ /zung du 'jug pa'i sku yongs su rdzogs pa 'di ming gi rnam grangs 'ga' zhig la
 'jug par bya ste/ rig pa chen po'i skyes bu'i gzugs dang/ bden pa gnyis kyi tshul la gnas pa dang/ rang bzhin gyis 'od gsal ba'i bdag nyid can dang/ thabs dang shes rab kyi bdag nyid can dang/ 'jig rten gsum gyi bdag nyid
 can dang/ dus gsum gyi bdag nyid can dang/ theg pa gsum gyi bdag nyid can dang/ dkyil 'khor gsum gyi bdag nyid can dang/ thabs kyi bdag nyid can dang/ de bzhin du skyes bu dam pa dang/ skyes bu mchog dang/ skyes
 du chen po dang/ skyes bu cang shes dang/ skyes bu dpa' bo dang/ skyes brtan po dang/ skyes bu 'dul ba dang/ skyes bu 'dul ba po dang/ skyes bu mchog dang/ skyes bu kha lo sgyur ba dang/ skyes bu seng ge dang/ skyes bu nam mkha' dang/ skyes bu
 thams cad kyis bdag nyid can dang/ skyes bu dag pa'i bdag nyid can zhes bya ba dang/ de bzhin du 'khor ba las brgal ba dang/ skam sar phyin pa dang/ bde ba thob pa dang/ 'jigs pa med pa thob pa dang/ pha rol tu 'gro bas 'bar ba dang/ tsher
 ma dkrugs pa dang/ spros pa med pa dang/ dge slong dang/ dgra bcom pa dang/ zag pa zad pa dang/ ci yang med pa dang/ dge slong dang/ bram ze dang/ rgyal rigs dang/ sangs rgyas kyi sras dang/ nyon mongs pa med pa dang/ dbang du
 gyur pa dang/ sems rnam par grol ba dang/ shes rab rnam par grol ba dang/ kun shes pa dang/ glong po chen po dang/ bya ba byas pa dang/ byed pa byas pa dang/ khur bor ba dang/ bdag gi don rjes su thob pa dang/ srid par sbyo ba yongs
 su zad pa dang/ yang dag pa'i bkas sems rnam par grol ba dang/ shes rab rnam par grol ba dang/ sems thams cad la dbang thob pa dang/ mchog tu pha rol tu phyin pa dang/ 'khor ba'i pha rol gyi mdza' la gnas pa dang/ ye shes kyi
 sku dang/ rang byung zhes bshad do/ /rdo rje lta bu'i ting nge 'dzin 'di nyid kyi khyad par bcom ldan 'das kyis dpa' bar 'gro ba'i ting nge 'dzin gyi mdo las kyang/ gang gi dpa' bar 'gro pa'i ting nge 'dzin 'di dag thob pa'i skyes bu dam pa ni sangs rgyas
 thams cad kyi yul du mchis pa lags so/ /rang dbang gi ye shes la dbang bgyid pa lags so/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni byang chub sems dpa' zhes nga? mi smra'o/ /dpa' bar 'gro pa'i ting nge
 'dzin 'di ma thob pa'i phyir byang chub sems dpa' de la ni mngon par shes pa thob pa'o zhes nga mi smra'o/ /dpa' bar 'go ba'i ting nge 'dzin ma thob pa'i phyir byang chub sems dpa' de la ni sbyar ba byas pa'o/ /zhes pa mi smra'o/ /dpa' bar
 'gro ba'i ting nge 'dzin 'di ma thob pa'i phyir byang chub sems dpa' de la ni sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang ldan pa'o zhes de mi smra'o/ /dpa' bar 'gro ba'i
 ting nge 'dzin 'di ma thob pa'i phyir byang chub sems dpa' de la ni mang du thos pa zhes da mi smra'o/ /dpa' bar 'gro ba'i ting nge 'dzin 'di ma thob pa'i phyir byang chub sems dpa' de la ni spobs pa dang ldan pa'o/ /zhes da mi smra'o/ /rigs kyi bu dag de bas
 na nges par 'byung ba'i lam thams cad du nges par 'byung bar 'dod pa'i byang chub sems dpa' rlom sems thams cad med pa'i phyir dpa' bar 'gro ba'i ting nge 'dzin 'di la bslab par bya'o zhes gsungs so/ /mi gnas pa'i mya ngan las 'das pa'i khams
 bsdus pa'i the tshom gced? pa ste/ le'u brgyad pa'o// //rdo rje slob mas gsol pa/ thas pa dang bsam pa'i rang bzhin gyis 'bras bu dang bcas pa'i rim pas de kho na nyid rtogs pa yongs su gcod pa bla mas rjes su snang ba byas pas
 thams cad mkhyen pa'i phun sum tshogs pa la slob par 'dod pa'i rnal 'byor bas rgyu'i gnas skabs su ji ltar gnas par bgyi/ ji ltar sgom par bgyi/ ji ltar brtul zhugs kyi sbyang ba spyod par bgyi ba bcom ldan 'das rdo rje slob dpon ston
 pas lung bstan du gsol/ rdo rje slob dpon gyis smras pa/ sems dpa' chen po legs so legs so/ /khyad par gyi rgyu thob cing brtson 'grus 'bar ba rnams dang/ lus dang srog la bltos pa med pa rnams kyis che 'di nyid la rang gi
 gzugs su 'dzin pa las yongs su log nas/ yon tan gyi dbang phyug brgyad kyi 'bras bu rdzogs par byed par 'dod pa rnams kyi the tshom med par bya ba'i phyir yongs su 'dri bar byed pa legs so legs so/ /dngos por 'dzin pa rnam par bsal nas thar par
 'dod pa rnams kyi sgom pa rnam par dag pa dang/ spyod pa rnam par dag pa khyed la rim bzhin du bshad kyis nyon cig / 'di la bden pa rnam pa gnyis gnyis su med pas rgyu dang 'bras bu dag kyang gnyis su med pa yin la/ rgyu dang 'bras bu gnyis su med
 pas thos pa dang thob par bya ba dag kyang gnyis su med pa yin la/ thob pa dang 'thob par bya ba gnyis su med pas bsgom pa dang bsgom par bya ba dag kyang gnyis su med pa ste/ gnyis su med pa la ni sgrub pa po dang/ sgrub pa dang/ bsgrub par bya ba dmigS
 par mi 'gyur ro/ /de dmigs par mi 'gyur bas 'dir gang zhig la ni bsgom par bya ba 'am/ su zhig spyod pa spyad par 'gyur zhes rnam par brtags na/ slob par byed pa dang/ yongs su rdzogs pa dag la khyad par med de/ mthong ba'i chos la mya ngan
 'das/ /bya ba byas pa'ang? de nyid yin/ zhes bshad pa'i phyir ro/ /'on kyang gnas skabs kyi khyad par thob pa na ni rgyu dang 'bras bu dag kyang 'jig rten du snang ste/ gzhan du rgyu med pa'i nyes pa dang bcas par thal bar 'gyur ro/ /de bas na slob
 bzhin pa'i skabs su ni sgom pa po? dang/ sgom pa dang/ bsgom par bya ba dang/ sgrub ba po dang/ sgrub pa dang/ bsgrub par bya ba'i khyad par gyi spyod pa rnams kyang yod do zhe 'am/ med do zhes som nyir mi bya ste/ 'dir sgrub pa po ni kun rdzob kyi bden
 pa rtogs pa'o/ /sgrub pa ni don dam pa'i bden pa'o/ /bsgrub par bya ba ni gnyis su med pa'i ye shes so/ /de bas na rgyu dang 'bras bu dag gnyis su med par bya ba yongs su shes pa ni 'dir sgom pa nyid du bshad de/ ji skad du thams cad gsang ba'i rgyud
 las 'bras bus rgyu ni rgyas btab cing/ rgyu yang 'bras bu rgyas btab par/ /bsgom gyi gzhan du dngos grub ni/ /bskal pa bye bar 'byung mi 'gyur/ zhes gsungs pas so/ /spyod pa rnam par dag pa bshad pa ni/ gnyis su med pa'i ye shes ?
 par gyur nas/ mnyam par bzhag pa dang/ mnyam par ma bzhag pa'i gnas skabs su gnyis su med par 'gyur la/ de gnyis su med nas su zhig spyod pa rnams spyod de/ ji ltar byed pa po med par gyur pas bya ba rnams kyang med par 'gyur ba ni 'jig
 rten na nges pa yin no/ /yang brtul zhugs kyi spyod pa med par thog ma med par nyon mongs pa'i bag chags zad par bya bar ni mi nus so/ /zhes lung las bshad pa dang 'jig rten du grags so/ /ji skad du gsang ba 'dus pa'i rgyud las/ rdo rje
 sems dpa' rgyal po che /yang dang yang du bskul bar bya zhes gsungs pa dang/ ji skad du gsang ba grub pa las kyang/ /rkang brkyang bya ba spangs nas ni/ /'khor ba'i cho gas ni dor nas su/ /rtag tu brtson dang ldan yid kyis/ /rdo rje sems
 mchog bsgrub par bya/ /'gyod dang gnyid dang rmugs? la sogs/ /rab tu 'bad de spang bar ba/ /gzhan du bskal pa bye bar ni/ /brgya ryang 'grub par ni 'gyur ro/ /zhes gsungs so/ /de bas na mtshan ma med pa'i ting nge 'dzin la snyoms par zhugs
 pas thog pa med pa'i nyon mongs pa'i bag chags kyi stobs spangs nas/ lhun gyis grub pa'i 'bras bu thob par 'dod pas spy+d pa spyad pa na spyod do zhe'am/ mi spy+d do zhes bya ba'i yid la byed pa spangs nas 'jig rten gyi chos brgyad zil gyis mnan te
 ji skad du bshad pa'i rnal 'byor gyi spyod pa la spyad par bya'o/ /de bas na yang dag par gyur pa'i spyod pa de bla ma'i zhal snga nas kyi drin gyis ci nus par rnam bar dbye bar bya'o/ /de la thog ma kho nar? bcom ldan 'das spyod ?
 pa'i spyod pa byang chub sems dpa' i gnas skabs su gling la sogs pa la gzigs par mdzad de / dga' ldan gyi gnas nas babs par mdzad nas/ rgyud la sogs pa'i tshul rnam pa bzhir bstan te/ 'dod chags dang bral ba'i gzugs su mngon par
 sprul nas/ dman pa la mos pa rnams la 'phags pa'i bden pa rnam pa bzhi rtogs par mdzad cing 'dod chags dang bral ba'i spyod pa bstan pa dang?/ /yang rgya chen po la mngon par zhen pa rnams la rnam par shes pa'i tshogs brgyad la sogs pa chos
 bdag med pa rtogs par mdzad cing sa dang pha rol tu phyin pa'i spyod pa ston par mdzad ba dang/ yang 'khor los sgyur ba'i gzugs su ma bon? par sprul nas/ thab mo la lhag par mos pa rnams la 'dod chags kyis bden pa gnyis rtogs par bya ba'i phyir
 'dod chags kyi chos kyi spyod pa ston par mdzad pa yin no/ /de bas na bden pa gnyis yongs su gzung ba'i lus dngos po'i don ma lus pa yongs su gcod par byed cing bde ba chen po'i 'bras bu'i mchog la mngon par dga' ba rnams la nyan thos dang mdo sde'i
 tshul dang ldan pa'i spyod pa ma gsungs te/ gang gi phyir nyan thos la sogs pa ni dman pa la lhag par mos shing rnam par rtog pa la spyod pa/ bdag la bsgrub pa dang bral ba / sbyin pa dang tshul khrims la sogs pa'i bya ba'i lam la zhugs pa/ de kho
 na nyid kyi ye shes la dad pa med pa/ thar pa dang rgyang ring ba zhes bya ba bde ba'i thabs ma rtogs pa sbyangs pa'i yon tan bcu gnyis la sogs pa spyod pa dka' ba rnams kyis dus ring por byang chub tshol bar byed mod kyi/ 'on kyang thob par mi byed de/ rdzogS
 pa'i rim pa ma rtogs shing khong du ma chud pa'i ? ro/ /de bas na 'di ltar bcom ldan 'das kyis/ gang zhig dge slong dngos gnas dang/ /gang yang rtog la dga' ba'i mi/ /gang zhig rgan por gnas gyur pa/ /de la de nyid mi bstan to/ /zhes gsungs pa dang/
 rnam par snang mdzad mngon par byang chub pa'i spyod pa'i rgyu ba las kyang/ thabs dang mi ldan ye shes dang/ bslab pa dag kyang bshad pa ni/ /dpa' bo chen pos nyan thos rnams/ /de la gzung ba'i phyir bshad do/ /zhes gsungs pa dang/ rtsa ba'i mdo las kyang
 dge ba bcu yi las kyi lam/ /byed pa ye shes spangs pa'o /zhes gsungs pa dang/ de bas na bcom ldan 'das kyis / dge slong nyan thos theg pa la mi bslab/ /byang chub spyod pa de la bslab bya ste/ /byang chub spyod pas sangs rgyas yon tan dang/ /glang?
 gzhi 'di las rang 'byung dag tu 'gyur/ /zhes gsungs so/ /de bas na khyad par gyi rgyu las khyad par gyi 'bras bu 'brang bar 'gyur ro/ /de bzhin du gzugs la sogs pa'i 'dod pa lnga'i yul rnams la khyad par gyi longs spyod kyi ngo bor gyur pas
 khyad bar gyi 'bras rtsa thob par gyur pa yin par shes par bya'o/ /gzhan du spyod pa dka' ba rnams kyis sems rtse gcig pa 'thob par mi 'gyur te/ dbang po lnga tshar bcad pa'i phyir ro/ /ji skad du bcom ldan 'das kyis dpal mchog dang po'i rgyud laS/
 dka' thub sdom ba mi bzang pas/ /lus skams 'gyur zhing sdug bsngal la/ /sdug bsngal gyi ni sems g.yengs pas/ /g.yengs pas dngos grub gzhan du 'gyur zhes gsungs pa dang/ rtsa ba'i rgyud las kyang/ dka' thub dka' spyad mi bzang
 pas/ /brtan na 'grub par mi 'gyur gyi/ /'dod pa kun la longs spyod cing/ /brten na myur du 'grub bar 'gyur/ /zhes gsungs pas so/ /rdo rje slob mas gsol pa/ 'dod chags zhe sdang gti mug ste /'di dag 'jig rten dug gsum mo/ /zhes gsungs
 pa dang / de bzhin du gzugs la sogs pa'i yul rnams ni nyon mongs pa rab tu skye ba'i rgyur gyur pa yin pas ngan song gi rgyu yin par bcom ldan 'das kyis gsungs na/ ji ltar na yang de dag bsten par gyur pas
 bla na med pa'i go 'phang 'grub par 'gyur re zhes bgyi ba phan tshun 'gal bar mi 'gyur lags sam/ rdo rje slob dpon gyis smras pa/ rdo rje slob ma khyod gang 'dod chags la spyod pa rnams kyi the tshom med par bya ba'i phyir ro/ /yongs su 'dri bar byed pa
 legs so legs so/ /de bas na don chen po bstan par bya yis nyon cig /nyon mongs pa rnams ni nyan thos la sogs pa dmings par lta ba rnams kyi nyon mongs pa rnams rkyen du 'gyur te/ nyon mongs pa'i ngo bo nyid yongs su ma shes pa'i phyir ro/ /ngo bo nyid
 yongs su shes nas ni byang chub kyi rgyur 'gyur ro/ /zhes bcom ldan 'das kyi mdo sde dag las gsungs te/ ji skad du dpal mchog dang po zhes bya ba'i rnal 'byor chen po'i rgyud las kyang/ 'dod chags zhe sdang gti mug gsum/ /'dzin pas dug tu
 'gyur ba yin/ dug nyid nye bar zhi gyur na/ /dug ni dug med byas pa yin/ /bdud rtsi rim gyis brten nas ni/ /bdud rtsi nyid du 'gyur ba'ang yin/ /zhes gsungs pa dang/ dkon mchog brtsegs pa'i mdo las kyang/ 'od srungs 'di lta ste /
 dper na grong khyer chen po'i lung gang yin pa de ni bu ram shing gi zhing dag dang/ 'bras kyi zhing dag dang/ rgun 'brum gyi zhing dag la phan par 'gyur ba yin no/ /'od srung de bzhin du byang chub sems dpa' i nyon mongs pa'i lung gang yin pa de yang
 thams cad mkhyen pa nyid la phan par 'gyur ba yin no/ /'od srungs 'di lta ste/ dper na sngags dang sman gyis yongs su zin pa'i dug gis 'chi bar byed mi nus so/ /'od srungs de bzhin du shes rab dang thabs mkhas pas yongs su zin pa'i
 nyon mongs pa'i dug gis kyang log bar ltung bar byed mi nus so zhes gsungs pa dang/ gzhan yang 'dul pa don yod par grub pa zhes bya ba'i rnal 'byor chen po'i rgyud las kyang/ gang gis blun po 'ching gyur pa/ /de yis mkhas pa yongs grol
 zhes/ /byang chub rnam par bsgoms nas ni/ /'di dag thams cad phyin ci log /gang gis rmongs pa 'ching 'gyur zhing/ /du 'bod mthar ni nges 'gyur ba/ /de nyid kyis ni grol gyur cing/ /shes rab stobs kyis bde ba thob/ /ces gsungs
 te/ rigs pa 'dis ni khyad par can bskul bar 'gyur ba dang/ khyad par can gyis yongs su gyur pas khyad par can gyi 'bras bu yid du 'ong ba skyed pa'i rgyur gyur par zhugs pa'i bla na med pa'i bde ba chen po'i 'bras bu thob par bya ba la sgrub pa gzhan med
 de /de'i don du de nyid kyis bza' dang/ gnas la sogs pa bde ba rnams kyis yon tan gyi dbang phyug brgyad la sogs pa dang ldan pa'i thams cad mkhyen pa'i phun sum tshogs pa mngon sum du byed par 'gyur ro/ /bde mchog las kyang/
 nges na bde bas bde nyid kyi/ /sangs rgyas thams cad nyid thob 'gyur zhes gsungs so/ /de la 'dod chags las byung ba'i byang chub sems dpa' i spyod pa ni rnam pa gsum ste/ 'di lta ste/ spros pa dang bcas pa dang/ spros pa med pa dang/ shin tu
 spros pa med pa zhes bya ba'o/ de la spros pa dang bcas pa'i spyod pa gang zhe na/ 'di lta ste/ de bzhin gshegs pa'i dbugs dbyung ba dang/ rdo rje 'chang ba'i dbugs dbyung ba ji skad du bstan pa'i de bzhin gshegs pa thams cad kyi a ra li rgyas pa
 de ni spros pa dang bcas pa'o/ /de la spros pa med pa'i ni gang yin zhe na/ rtag tu khyab pa las dgos pa'i dbang du 'ga' zhig la rol pa de ni spros pa med pa'o/ /shin tu spros pa med pa gang yin zhe na/ 'du 'ji thams cad rnam par spangs
 nas bsam gtan gyi zas dang/ gnas pa 'ba' zhig dang/ ye shes kyi phyag rgya dang/ snyoms par 'jug pa las goms pa de ni shin tu spros pa med pa ste/ dper na shing tshig par gyur kyang thal bar 'gyur ro/ /ta la'i lo
 ma tshig ngar 'gyur kyang thal bar 'gyur ro/ /ras bal gyi lo ma tshig par gyur kyang thal bar 'gyur te/ thams cad kyang thal bar 'gyur ro/ /de bzhin du dpros pa gsum car gyis kyang rdo rje 'dzin pa'i go 'phang mngon par 'dod pa nyid skye bar 'gyur ro//
 yang sgrub pa po la ni de kho na nyid bsdus pa pa la sogs pa'i rgyud kyi rjes su 'brangs nas lag pa'i phyag rgya dang/ glu'i mchod pa dang/ stangs stabs la sogs pa'i tshul dang/ gar la sogs pa'i sbyor ba rtag tu brtson pa'i yid dang/
 nyin dang mtshan du spros pa dang bcas pa'i spyod pas phyag rgya chen po'i dngos grub sgrub par byed do/ /de bzhin du la la ni dpal mchog dang pe la sogs pa rnal 'byor chen po'i rgyud la brten nas skyil mo krung gi 'dug stangs dang/ nyams rnam
 pa dgu la sogs pa de bzhin gshegs pa thams cad kyi rol mo spros pa dang bcas pa'i spyod pas phyag rgya chen po'i go 'phang thob par byed do/ /gsang ba 'dus pa'i rgyud 'di las ni spros pa med pa dang shin tu spros pa med pa'i gnas 'ba' zhig
 ston to/ /nga ni spros pa dang bcas pa'i spyod pa dpal sangs rgyas thams cad dang mnyam par sbyor ba mkha' 'gro ma sgyu ma bde ba'i mchog ces bya ba rnal 'byor chen po'i rgyud la 'jug par bya ste/ de nas yang dag bshad bya ba/ /rnam pa sna tshogs mchog
 gyur pa/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /dpal ldan sangs rgyas kun gyi dngos/ /rdo rje sems pa'i bde 'byung ba/ /
 de bzhin gshegs pa'i lha rdzas mchog / rin chen rgyan la sogs pas spras/ /dril bu rgyal mtshan mchog ldan pa'i/ /bla re dam pa bres pa na/ /rdo rje glu dang mchod la sogs/ /glu dang saM la? snyan rnam par 'phrul/ /me tog bdug pa'i sbyor ba
 dang/ mar me dri dang sogs ldan par/ /sangs rgyas thams cad mnyam sbyor ba/ /mkha' 'gro sgyu ma bde mchog bsgrub/ /yang na srid pa gsum dag gam/ /yang na bdag gi gnas dag gam/ /skyed mos tshal la sogs par bsgrub/ /der
 ni dang por gdan bshams te/ /'jam zhing reg na bde 'gyur ba/ /sna tshogs pad+ma ras kyis g.yogs/ /der ni thams cad dag pa'i gdan/ /sangs rgyas thams cad mnyam sbyor bas/ /sbyor ba'i dbang phyug rnam 'phrul bas/ /rdo rje sems dpa' 
 dpal gyi lha/ /de ni rnam par 'phrul par mdzad/ /khams kyi rang bzhin thams cad dang/ /de bzhin srog dang rtsol las byung/ /rang gi lha la mngon phyogs pa'i/ /grub pa'i phyag rgyas rab tu bskor/ /lugs ma 'am yang na 'bur dang ni/ /mngon
 par 'dus byas legs bris pa/ /rnam pa sna tshogs gzugs brnyan ni/ /mtshan ma'i phyag rgya rab tu brtag /stan de dag ni thams cad la/ /ji ltar gnas pa bzhin du dgod/ /gru bzhi pa la sgo bzhi pa/ /rta babs bzhi yis mdzes par byas/ /rdo rje
 rin chen pad+ma sogs/ /sgo srung dang ni ldan par bya/ /rang gi lha dang ldan pa yi/ /bud med dag ni legs bslabs pa/ /skal bzang rang bzhin phyag rgyas mtshan/ /tshogs kyi dkyil 'khor brtag par bya/ /zhes gsungs pa'o/ /de la mdo'i tshig
 de rnams kyi don rgya cher dgrol bar bya ste/ de la dang po kho nar skyed mos tshal la sogs pa yid dang rjes su mthun pa rnam par dben pa'i gnas su tshul dang mi mthun pa la sogs pa skal pa ngan pa rnams dang bral ba'i gnas dag tu so phag laS
 byas pa'i khang pa sum brtsegs la rgyan rnam pa sna tshogs dang ldan par byed du gzhug go /de la khang pa dang por ni tshang mad?  bzhag par bya'o/ /khang pa gnyis par ni pi ? la sogs pa glu gar dang/ rol mo'i mchod pa'i
 yo byad rnams bzhag par bya'o/ /khang pa gsum par ni rnal 'byor ma rnams dang lhan cig tu dpal sna tshogs skal pa bzang po'i mchog gnas par bya'o/ /yang na sa'i khang pa rab brtan pa la sogs pa dang yang dag par ldan pa rgyan rnams
 sna tshogs dang/ rdo rje'i rang bzhin gyis sa'i cha la shel dang/ baiDUrya dang/ in+d+ra nI la dang/ mar gang dang/ pad+ma rA ga'i rang bzhin can ri'i rgyal po de? dpal? rdo rje rtse mo can gyi gzhal yas khang du rnam par bsams te/ gru bzhi pa la sgo bzhi
 pa/ /rta babs? bzhis ni mdzes pas byas/ /thig bzhi dang ni yang dag ldan/ /ka ba brgyad kyis mdzes byas pa/ /dra ba dra ba phyed pas spras/ /dang dang me tog phreng bas brgyan/ /dril bu ba dan legs par mdzes/ /rnga yab la sogs
 rnams kyis brgyan/ /sgo yi mtshams ni thams cad dang/ /mtshams su zla phyed rdo rjer ldan/ bskas dang rta babs sgo la sogs/ /sa tshogs pad+mas mdzes byas pa/ /zhes bya ba bstan te/ der sgrub pa po bla ma las gnang ba thob pas rdzogs pa
 dang na rdzogs pa'i rnal 'byor gyi dbang phyugs rnams legs par mchod la lhan cig spyod pa dang/ rjes su spyod pa rnams dang ltan cig tu tha mal pa'i nga rgyal bsal ba rnams dang/ lhan cig tu 'dzam? pa med par gyur pa'i sems kyis sems
 seng+ge 'dra bas rim pa 'dis phyag rgya chen po bsgrub pa la 'jug par bya'o/ /de la rim pa ni 'di yin te /don dam pa'i bden pa la dmigs pa sngon du 'gro bas bdag la byin gyis brlab pa'i rim gyis rdo rje sems pa'i skur bdag nyid bskyed la
 dkyil 'khor gyi bdag po'i tshul gyis 'dug nas gzugs kyi yul la spyod par byed do/ /de nas de bzhin gshegs pa thams cad bud med sgyu ma lta bur rab tu bstan par bya ba'i phyir la la ni bde mchog sgyu ma lta bus 'dod chags kyi ngo bo nyid kyis bcom ldan 'das
 kyis spyan sngar 'dug la/ la la ni e ma'o bde ba lta bus rab tu dga' ba'i rgyud kyi ngo bo nyid kyis g.yas phyogs su gnas so/ /la la ni sgron ma lta bus drag po'i rgyud kyi ngo bo nyid kyis nub phyogs su gnas so/ /la la ni sha shi lta bus srog gi rgyud kyi ngo bo nyid kyis
 byang phyogs su gnas te/ 'di dag na lhan cig spyod pa'o/ /la la ni sangs rgyas kyi byang chub lta bus gti mug rnam par sbyong ba'i phyir shar lho'i mtshams su gnas so/ /la la ni chos kyi 'khor lo lta bus khams gsum brgal cing gdon pa'i gnas rnam par sbyor pas lho
 nub mtshams su gnas so/ /la la ni khams gsum rnam par rgyal ma lta bus zhe sdang rnam par bsal ba'i phyir nub byang mtshams su gnas so/ /la la ni 'dod pa'i lcug ma lta bus 'dod chags kyi mun pa bsal ba'i phyir byang shar gyi mtshams su gnas so/ /
 la la ni gling bu ma lta bus phyi rol gyi mi'i phyogs su gnas so/ /la la ni rgyud mangs lta bus sgeg cing bi baM len pas khams gsum dbang du byed cing phyi rol gyi bden bral gyi phyogs su gnas/ /la la ni rgyud gcag? pa lta bus rnga bo che ?  zhing dug dang rims
 rnam par sel bas phyi rol gyi rlung gi phyogs su gnas so/ /la la ni rgyud stug po lta bus rdza rnga bdung zhing phyi rol gyi dbang ldan gyi phyogs su gnas so/ /la la ni rdo rje me tog ma lta bus lag na me tog thogs te/ phyi rol gyi shar lho'i mtshams su gnas
 so/ /la la ni rdo rje bdug pa ma lta bus spos khang thogs nas lho nub kyi mtshams su gnas so/ /la la ni rdo rje mar me ma lta bus mar me chen po thogs nas nub byang gi mtshams su gnas so/ /la la ni rdo rje byug pa ma lta bus dris yongs su gang ba'i dung phor 
 thogs nas phyi rol gyi snam bu'i byang shar mtshams su gnas so/ /la la ni rta gdong lta bus rta mchog gi kha nas 'byung ba'i dbugs kyis srid pa gsum skems shing shar phyogs kyi sgo srung byed par gnas so/ /la la ni rdo rje phag
 gdong lta bus khams gsum thams cad sdud cing lho phyogs kyi sgo srung byed par gnas so/ /la la ni rdo rje snang ba'i gzugs kyis khams gsum la blta zhing nub phyogs kyi sgo srung byed par gnas so/ /la la ni thal ba rab tu 'jig pa'i ro? langs ma lta bu?
 sa 'og dang sa steng dang /mtho ris su dbugs 'byin cing thal bar gyur pa yang 'tsho bar byed de byang phyogs kyi sgro srung byed pas gnas so/ /de la bcom ldan 'das bde ba chen po 'khor los sgyur ba ni sngon byung pa'i tshul gyis bdag nyid can gyi ting nge 'dzin la
 dgongs pa sngon du 'gro bas rang gi sku'i dkyil 'khor la gnas pa'i de bzhin gshegs pa thams cad tshim bar bya'o zhes khyad par gyi nga rgyal bskyed la/ dang po gzugs la sogs pa yul rnam pa gsum nyams su myong nas de'i rjes su sbyang
 pa la sogs pa cho ga rnam pa gsum gyis zas thams cad mngon par sbyangs la rang bzhin gyis grub pa'i nang gi thab khung rjes su dran te/ ting nge 'dzin sems dpa' i zhal du rtse gsum pa'i me'i nang du sbyin seg dbul la zhes bya ba'i nga rgyal
 bskyed nas zas la spyad par bya ste / de'i 'og tu bde bar yongs su zhu nas ra sa ya nar 'gyur ro/ /de ltar sgrub pa pos bza' ba dang/ bca' ba dang / btung ba rnams kyis sku rdo rje yang dag par tshim par byas la/ mthar rim pa 'dis lnga pa
 reg bya'i yul pa spyod par bya ste / lhan cig spyod pa la sogs pa lha mo'i tshogs rje su mnyes par byed pa la sogs pa la mkhas pa la bstan nas / ji ltar mngon par 'dod pa'i phyag rgya blangs nas nye bar bzhag ste / phyag rgya chen po'i
 dngos grub rdzogs par bya'o zhes lhag par mos pa brtan pa bskyed nas/ A ling+ga Na dang/ tsu ba na dang/ tsu shaM na dang/ na ga pra ha ra Na dang/ sItka ra dang/ ko ki la dang /pung? ba'i sgra dang/ nA li yang dag bskul ba la sogs pa byas nas/ de bzhin
 gshegs pa'i skyil mo krung dang/ rdo rje skyil mo krung dang/ rin po che'i skyil me krung dang/ pad+ma'i skyil mo krung dang/ las kyi skyil mo krung la sogs pa bcas nas las la gnas par 'gyur ro/ /de nas rdo rje dang pad+ma yang dag pa 'dus pa las thabs dang sheS
 rab snyoms par zhugs pas phung po la sogs pa'i ngo bo nyid kyi de bzhin gshegs pa thams cad kyi spyi bo nas brtsams te/ nA li bdun cu rtsa gnyis las dri ma med pa'i chu rgyun lta bus A li kA li 'ju bar gyur pas 'dod chags dang/ 'dod chags dang bral
 ba dang/ chags pa bar ma'i rim gyis 'bab po/ /de nas shes rab kyi pha rol tu phyin pa'i ngo bo nyid so so rang gis rig pa rdzogs par byed do/ /de ltar dpal bde ba chen po'i ting nge 'dzin la slob pa'i mchog thob pa'i rnal 'byor pas tshogs kyi dkyil 'khor
 de nyid du rjes su gzung ba dang/ tshar gcod pas sems can rnams smin par byed do gdul bya stong pa nyid kyi lta ba can la la dag la bcom ldan 'das dpal bde ba chen po de nyid rnam par snang mdzad kyi gzugs kyi zhi ba chen po'i ting nge 'dzin dang/ stong pa ma
 yin mi stong min zhes bya ba'i mi gnas pa'i mya ngan las 'das pa'i mtshan nyid can rab tu bstan nas/ stong pa nyid kyi lta ba tshar gcod par mdzad do/ /de bzhin du shin tu gdug cing gdul bar dka' ba rnams la dpal rdo rje he ru ka'i khro bo'i rgyal
 po'i ting nge 'dzin gyis lta ba ngan pa tshar bcad nas phan 'dogs par mdzad do/ /log par lta ba rnams ni pad+ma gar gyi dbang phyug gi gzugs kyis don dam pa'i bden pa bstan nas dbang du mdzad de/ /shin tu dman zhing ser sna can brkam pa rnams la
 dpal rdo rje nyi ma'i gzugs dang /rgyas pa chen po'i ting nge 'dzin gyi nyon mongs pa'i lta ba tshar gcod par mdzad do/ /brtson 'grus shin tu dman pa rnams la ni rta mchog gi gzugs dang/ drag po'i spyor ba'i?
 ting nge 'dzin gyis pha rol gnon pas brtson 'grus zhen pa rnams tshar gcod par mdzad do/ /de la bcom ldan 'das dpal bde ba chen po ni chos 'byung ba'i a ra li chen po'i rol ba'i ngo bo nyid rab tu brtan par bya ba'i phyir thugs gzhon tu mi?
 'gyur ba dang/ phan tshun rab tu dga' bar bya ba'i phyir rim pa 'dis sangs rgyas kyi rol mo mdzad de/ phyag rgya dang/ phyag rgya'i lan dang/ phyag dang/ phyag gi lan dang/ mchod pa dang/ mchod pa'i lan dang/ gar dang/ gar gyi lan dang/ glu dang/
 glu'i lan dang/ lus kyi brda dang/ ngag gi brda tha snyad rnams su byed pa yin no/ /de la dag gi brda bstan par bya ste/ oM a ti ho zhes pa ni brda'i phyag 'tshal lo zhes ston pa yin no/ /oM pra ti ka zhes pa ni slar phyag lan to/ /ts+tsheM ts+tsheM zhes bya
 ba ni slob dpon la phyag bya pa'o/ /b+hak+Sha ni zhugs shig pa'o/ /tshtshoM ni legs par 'ongs sam zhes pa'o/ /ts+tshaM ni 'dug cig zhes pa'o/ /kha ni zo cig pa'o/ /kha ni rab tu zo zhig pa'o/ /traM traM ni sha'o/ /sh+raM sh+raM ni khrag go /dreM dreM ni sha
 zo zhig pa'o/ /dza phai ni rdo rje'i chu'o/ /so ma ni bdud rtsi'i chu'o/ /i da ya ni chang ngo/ /shaM pa ri ni btung pa'o/ /saM pa ri ni chu'o/ /su phri yaM ni me tog go /saM tsha ya ma ni 'bras bu'o/ /dza la kaM ni gos so/ /skaM ni khyim mo/ /k+Sho rnams ni rang
 gi khyim mo/ /ka ma dam ni lha'i khang pa'o/ /k+She pa na ni dkyil 'khor ro/ /b+ho da na ni dkyil 'khor gyi slob dpon no/ /u pA ya ni slob ma'o/ /mi tra ta raM ni spun no/ /rany+dzi na ni lha mo'o/ /ko bi ta ni rdo rje rnal 'byor ma'o/ /tar ma ri ni mkha' 
 'gro ma'o/ /bi gla ba ni ma'o/ /swa mu kha ni pa'o/ /ka yo kya ni bu'o/ /priM priM ni bu mo'o/ /ba hu la ni gzugs bzang ma'o/ /lo Ta Ta ni 'gro ba dang 'ong ba'o/ /ba hir ni zo zhig pa'o/ /lha cu nga ni rdzas byin cig? pa'o/ /she she na song? zhig pa'o/ /pre pre na shog
 cig pa'o/ /traM ni med pa'o/ /bi tru mo ni khros pa'o/ /tshor ni bsad pa'o/ /dzib ni bsrung pa'o/ /nI ra ni chags pa dang bral ba'o/ /h+ri ni chags pa'o/ /dra ba ni rdzas so/ /rim pa bzhin du mchod pa na su ra ta stwaM zhes brjod par bya'o/ /rang gi lha rjes su dran pa
 la su ra to haM zhes brjod par bya'o/ /a nu ta rA ga yA mi zhes bya ba ni lan te/ rdo rje sems dpa' i sgrub pa la'o/ /dpal rdo rje rnam par snang mdzad kyi sgrub pa la ni a nu bo da yA mi zhes bya ba lan yin no/ /dpal he ru ka'i rdo rje sgrub pa ni a nu mo da A mi zhes bya
 ba lan yin no/ /dpal pad+ma gar gyi dbang phyug gi sgrub pa la ni yang a nu rA ga ya mi zhes bya ba lan yin no/ /rta mchog gi sgrub pa la ni a nu bar Sha yA mi zhes bya ba lan yin no/ /lha mo gang yin pa rnams kyi mchod pa'i lan yin te/ sa ma ya stwaM zhes
 bya ba'i tshig lngas so/ /rang gi lha rjes su dran par bya ba la ni/ sa ma yo haM zhes bya ba'i tshig gis ni dpal rdo rje sems dpa' i dkyil 'khor te tshogs kyi mchod pa'o/ /ngag gi brda'i le'u'i rim pa'o// //da ni lus kyi brda bstan par bya ste/
 spyi bor nyug pa ni phyag 'tshal ba'o/ /dpral bar reg pa ni phyag gi lan no/ /g.yas pa'i smin ma bskyod pa ni sku'i dngos grub po/ /g.yon pas ni rnam par rgyal ba'o/ /mig g.yon pa la reg pa ni bud med bzang mo yin zhes pa'o/ /g.yas pas ni
 skyes pa bzang po'o/ /rna ba g.yon pa la reg pa ni legs par 'ongs pa'o/ /g.yas pas ni legs par smras pa'o/ /sna khung g.yas pa la reg pa ni spos so/ /g.yon pa la ni dri slong ba'o/ /lce g.yas su sgul ba ni sha'o/ /g.yon du ni chang slong ba'o/ /mchan
 khung g.yon par reg pa ni zas so/ /g.yas par reg pa ni tshang? ma slong ba'o/ /lus kyi brda'i le'u'i rim pa'o// //de ltar 'jig rten pa'i bsam gtan rnam par bsal zhing yid la re ba rnams spangs nas
 rtag tu rab tu dga' ba'i yid can gyis rnal 'byor pa rnams dang lhan cig dga' bzhin pas ni ji ltar rgyal po in+d+ra b+hU ti dang 'dra bar phung po'i khog pa brjes te / rdo rje'i lus su gyur nas btsun mo'i tshogs dang lhan cig tu mi snang bar gyur te/ yon
 tan brgyad dang ldan pas sangs rgyas kyi zhing nas sangs rgyas kyi zhing du 'gro ste / ji skad du rtsa ba'i mdo las / lha mo kun gyis longs spyod la/ /ci bde bar ni brten bya ba/ /bdag ni che ba'i lhar sbyor bas/ bdag la bdag gis rab tu mchod//
 rnal 'byor thams cad bde ba yi/ /rjes su sbyor bas mchod byed cing/ /rtag tu myang bar byed pa na/ /shin tu sbyor bas rab tu 'gyur/ /sangs rgyas thams cad bdag nyid kyi/ /ras ya nI bde ba des/ /rdo rje sems dpa' dpal tshe dang/ /lang tsho nad
 med bde mchog 'grub/ /sangs rgyas kun gyi sku chen dang/ /sangs rgyas kun gyi gsung snyan dang/ /sangs rgyas kun gyi thugs chen po/ /sangs rgyas kun gyi mchod pa che/ /sangs rgyas kun gyi rgyal chen po/ /rdo rje 'dzin pa kun gyi bdag /
 'jig rten dbang phyug kun gyi bdag /gtso rin chen dbang phyug kun gyi/ /de dag dang ni dga' spyod na/ /'dod ba bzhin du 'gro 'od? lding/ /lha mo thams cad grub chen po/ /'khor los sgyur ba rab tu 'grub/ /ces gsungs pa'i phyir ro/ /yang
 na 'byor pa chung ba rnams kyis bshad ma thag pa'i rim pas rol pa'i spros pa rgya che ba dang/ rtag tu phun sum tshogs par mi nus pa des ni spros pa med pa dang shin tu spros pa med pa 'di nyid bde mchog tu bstan pa'i spyod pa bshad par bya ste/ /
 nyin re 'am yang na zla re 'am/ /yang na de bzhin lo rer ni/ /ji bzhin byin gyis brlabs nas kyang/ /sangs rgyas bde mchog gar bya'o/ /zhes bya ba dang/ langs pa 'am ni 'dug pa'am/ /'chag gam ji ltar gnas pa dang/ /rgod dam
 rab tu smra yang rung/ /gang na ji ltar spyod kyang rung/ /zhes bya ba dang dbang po gang dang gang lam gyur/ /de dang de yi ngo bor bya/ /mnyam par ma bzhag sbyor ba yis/ /thams cad sangs rgyas rang bzhin bya/ /zhes gsungs pa'i phyir ro/ /'dod chags
 chos kyi tshul bstan pa'i/ /rnam par rol pa spros pa ni/ /nam mkha' mnyam pas mkha' lta bu/ /mdza' med rgya mtsho dag dang mtshungs/ /slob mas khong du chud pa'i phyir/ /dngos po tsam zhig blangs pa yin/ /'dod chags bstan par bya ba ni/ /
 skye ba du mas bshad nus sam/ /dpal sangs rgyas thams cad dang mnyam par sbyor ba mkha' 'gro ma sgyu ma bde ba'i mchog gi tshul las/ byang chub sems dpa' sems dpa' chen po'i spyod pa chos 'byung ba'i mngon par byang chub pa'i spros pa dang bcas
 pa bsdus pa'i the tshom gcad pa ste/ le'u dgu pa'o// //rdo rje slob mas gsol pa/ spros pa dang bcas pa'i spyod pa ni yongs su gsal bar gyur lags na/ spros pa med pa'i spyod pa bcom ldan 'das rdo rje slob dpon ston pas bshad du gsol/
 rdo rje slob dpon gyis smras pa/ sems can chen po legs so legs so/ /dpal gsang ba 'dus pa zhes bya ba rnal 'byor chen po'i rgyud kyi man ngag gis rab tu bstan par bya yis/ /rtse gcig pa'i yid kyis nyon cig /ri bo shin tu dben pa dang/ /dgon pa chen
 po'i sa phyogs ni/ /'bras bu me tog rnams kyis brgyan/ /'dir ni bsam gtan bsdus pa'o/ /zhes bya ba la sogs pa'i rgyud las gsungs pa'i yid dang rjes su mthun pa'i sa phyogs su sa'i khang pa ji skad du bshad pa bzhin mngon par sbyangs la der zur bzhi
 la sogs pa'i yon tan dang ldan pa'i rdo rje nor bu'i rtse mo can gyi gzhal yas khang bskyed la / de'i 'og tu tha mal pa'i nga rgyal dang bral ba'i rnal 'byor chen pos phyi rol gyi phyag rgya mngon par sbyangs la gcig tu gtogs pa'i rang gi slob
 ma dang lhan cig tu 'og nas bshad pa'i rim gyis phyag rgya chen po sgrub pa brtsam par bya'o/ /de'i rim pa ni 'di yin te / dang po kho nar don dam pa'i bden pa la dmigs nas/ bdag la byin gyis brlab pa'i rim gyis mi bskyod pa phyung ste / rjes su bcul?
 nas dkyil 'khor gyi bdag po nyid du gnas la/ de nas tha mal pa'i nga rgyal bsal te / mi phyed pa'i 'khor rnams rang gi sku'i dkyil 'khor lta bur yan lag tu gyur pa'i rnam par snang mdzad la sogs pa'i dkyil 'khor gyi lha rnams su lhag par mos pas
 dkyil 'khor gyi 'khor lo'i lha ma lus pa rjes su mnyes par byas la rang gi phyag rgya dang lhan cig ril por 'dzin pa'am gzhig pa'i rim gyi don dam pa'i bden pa la 'jug go /de nas spyan la sogs pa'i lha mo rnams kyis tshangs pa'i gnas bzhi'i don
 gyis rdo rje sems khyod ces bya ba la sogs pa'i tshigs su bcad pa rnams kyis yang dag par bskul bas bdag la byin gyis brlab pa'i rim gyis skad cig gis langs nas mchog tu dga' ba'i ro myang bar bya ba'i phyir nyams rnam pa dgus rol pa mdzad do/ /de
 ltar yang nas yang du yang dag pa'i mdza' la rab tu zhugs nas yang nas yang du bzhengs te/ de bzhin gshegs pa lnga'i ngo bo nyid du gyur pas 'dod pa'i yon tan lnga rnams myong bar mdzad de / ji ltar yid zhum par mi 'gyur de ltar de bzhin gshegs pa
 thams cad kyi a ra li rdzogs par byed de/ de la rang gi gzugs la sogs pa gzugs kyi yul rnam pa gsum la rjes su spyod pa byed pa dang/ glu dang pi bang la sogs pa'i sgra'i yul rnam pa gsum la rjes su spyod par byed pa dang/ spos dang me tog
 la sogs pa dri rnam pa gsum la rjes su spyod par byed pa dang/ kha ba dang/ tsha ba dang/ bska ba dang/ sgyur ba dang/ lan tshwa la sogs pa'i ro rnam pa gsum la rjes su sbyod par byed bo/ /de nas lo bcu drug ma skyed gnas ma nyams nyid nu ma mkhrang? zhing
 rgyas pa'i mchung? ji lta ba'i sme sha can dang/ btso blag mkhan dang/ gar mkhan ma dang/ phred? rgyud ma dang/ mnga' mkhan ma 'am/ bzo byed ma 'am/ gzhan yang rung/ yan lag mi dman pa'am/ rtsa lag tu gyur pa'i bud med dang/ gzhan la'ang des bgrod par bya ste/ de
 nas rnam par mi rtog pa'i bdag nyid can gyi rnal 'byor pas bdag nyid dngos po thams cad kyi bdag nyid du bstan par bya ba'i phyir/ 'jig rten pas smad pa'i dam tshig rnams gang yin pa la spyad pa la sogs pa'i rim gyis mngon par 'dus byas la 'jig
 rten pa'i mtshan ma dmigs pa spangs te/ rab tu gsang ba'i gnas na 'dug ste longs spyad par bya'o/ /de bzhin du phyag rgya mi bcing ba dang/ dkyil 'khor med pa dang/ thab khung med pa dang / mchod rten gyi las mi bya ba dang/ glegs bam mi klag
 pa dang/ lus kyi ngal dub spang ba dang/ ras ris dang shing dang rdo'i gzugs brnyan la phyag mi bya ba dang/ nyan thos dang rang sangs rgyas rnams la skyabs su mi 'gro ba dang/ chos grangs dang byed pa dang thang cig dang skar ma'i dus la bltos par mi byed de /de'i
 rim pa ni 'di ni nang gi bdag nyid kho nas rdzogs par byed do/ /gal te 'byor pa ma tshang ba yis bsdus pa'i dkyil 'khor rdzogs par bya bar mi nus par gyur na sgrub pa po nges de kho na nyid rnam pa lngas kyang spros pa med pa'i spyod pa la rim pa 'dis brlab par
 bya'o/ /rim pa ni 'di yin te/ la la ni gzugs rdo rje lta bus lag pa'i pad+ma 'jam pa dang/ me long thogs nas zhi ba'i mig gis lta zhing mu tig gi chun 'phyang ma lus par 'khrol zhing rnam pa phyi ba dang/ nu ma rgyas shing cung zad mnyen pa dang/ 
 gos grol zhing ro smad cung zad ston pas bde ba chen po rjes su mnyes par bya ba'i phyir shar lho'i mtshams su gnas so/ /la la ni sgra rdo rje lta bu mig rnam par 'byed cing lta ba dang/ sgeg pa'i nyams dang ldan pas rol cing 'gyid
 bag dang bcas pas 'dod chags la spyod pa'i chos ston pa'i chad pa la mkhas shing dge ba'i gtam smra zhing rab tu glu len la kA ka la'i glu'i rjes su pi baM gi rolmo rab tu brdung bas lho nub gyi mtshams su gnas so/ /la la ni dri rdo rje lta bus 'dzum
 pa dang bcas pa'i mig gis lta bar byed cing sor mo mthon po bimpa? lta bu'i 'od kyi rnam par mdzes pa zangs ltar dmar zhing dra bas 'brel pa'i lag pa'i rtse mos gar byed pa lta bus nor bu'i rang bzhin gyi snod thogs pa 'dzin cing gur kum dang/ a ga
 ru dang/ gla rtsi dang tsan dan sbrul gyi snying po dang/ ga bur la sogs pa'i dri rnams kyis bsgos pas phyogs bcu ma lus pa dri khyab par byed pa'i dri'i snod thogs te nub byang gi mtshams su gnas so/ /la la ni ro rdo rje lta bus brtse ba dang bcas pa'i mig gis lta
 bar byed cing/ gser dang/ dngul la sogs pa dang/ rin po che dpag tu med pa'i snod thogs te /tshad ma rnam pa sna tshogs kyis bkang ba'i ro'i mchog rnams dang/ lha'i kha zas bdud rtsi chen po mthun pa'i kha zas thogs nas byang shar mtshams
 su gnas so/ /la la ni reg rdo rje lta bus lus mtshan thams cad kyi brgyan pa khrem gnyer gsum gyis mngon par mdzes pa/ dbus shin tu phra ba rgyal mtshan ltar lte ba rgya che zhing g.yas phyogs nas 'khyil cing zab pa sku smad lci ba 'gros dal
 zhing shin tu sgeg pa bzhin 'dzum pa dang bcas shing zhi bas blta ba bde ba chen po rjes su mnyes par bya ba'i phyir phang bar nye bar nye bar bzhag nas gnas so/ /de nas bde ba chen po'i dpal rab tu dga' ba'i spyod pa bstan par bya ba'i phyir/ A li ga na dang /tsuM ba
 na dang/ tsu shaM na dang/ ku tsa gra ha ni dang/ pu la ka twa Da na dang/ da sha na kha da na dang/ mar dan dang/ dol dang/ su tsi dang/ kur bar la sogs pa'i ka ngan dang/ rab tu rmongs pas mu tig gi chun 'phyang bskyed cing gdu bu dang/ dbu rgyan dang/ rkang
 gdub kyi sgra dang ldan par yul dang/ dbang po dang/ rdo rje dang/ pad+ma dang/ thabs dang/ shes rab dang/ ye shes dang/ shes bya la snyoms par zhugs shing/ A li kA li dang/ ma ngan pa tra dang/ kurma kaN+Tha dang/ sha shAdka ste / nA Di gsum tyaM? ku
 las rab tu bskul bas phung po la sogs pa'i ngo bo nyid kyi de bzhin gshegs pa thams cad dri ma med pa'i rgyun lta bus zhu bar gyur nas ye shes kyi sa thob nas mchog tu bde ba chen po'i gnas yang dag par rig par 'gyur ro/ /don 'di nyid gsal
 bar bya ba'i phyir/ rtsa ba'i mdo las/ chags can ye shes 'dod pa yis/ /rtag tu 'dod pa'i yon tan bsten/ /ces gsungs pas so/ /gal te gzugs rdo rje la sogs pa dag kyang med na de'i tshe reg rdo rje gcig pu dang lhan cig pa'i kun tu sbyor bas kyang
 bsgrub par bya ste/ gang gi phyir de bzhin gshegs pa thams cad ni sgrub pa bo'i lus kyi dkyil 'khor gyi nang du 'dus pa yin la lha mo thams cad ni reg rdo rje'i lus kyi dkyil 'khor gyi nang du 'dus pa yin te / de bas na mi phyed pa'i nga rgyal gyi rnam par mi
 rtog par bslab par bya'o zhes rab tu bstan par bya ba'i phyir/ rtsa ba'i rgyud las kyang/ de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi rig pa'i brtul zhugs yang dag par len pa'i spyod pa
 nyid kyi sku dang gsung dang thugs rdo rje las phyung po/ /sku gsung thugs kyi rdo rje rnams/ /lus dang dag sems bsgom pa ni/ /rang gi ngo bor de byas na/ /myur du dngos grub thob par 'gyur/ /de la 'di ni sku dang gsung dang thugs rdo rje'i rig pa'i brtul zhugs
 so/ /thog tshugs dbu rgyan can gyi gzugs/ /chen po kha dog dkar po 'dra/ /sngags kyi sdom pas kun tu bsdams/ /cho gi bzhin du thams cad bya/ /pho grangs bcu drug lon pa ni/ /rgyan rnams kun gyis rnam par klubs/? /bzhin
 sdug mig ni dkyus ring ba/ /rnyed nas rig pa'i brtul zhugs spyad/ /spyan gyi go 'phang longs spyod pas/ /rdo rje mtshan mas bsgom par bya/ /phyag rgya sngags kyi cho ga shes/ /sngags dang rgyud ni legs ? bslabs/ /de bzhin gshegs
 pa'i btsun mor bya/ /sangs rgyas byang chub rab gnas la/ /brtul zhugs chen po dus bzhir ni/ /gsang ba'i mchod pa rab tu bya/ /sdong bu rtsa ba 'bras bu yin/ /bza' dang bca' ba spyad par bya/ /'on kyang myur du sangs rgyas gyur/ /bdag po
 ye shes rgya mtsho che/ /zla ba drug gis de dag kun/ /gdon mi za bar 'grub par 'gyur/ /sgrub pa po ni blo brtan pas/ /nags tshal rtag tu bsod snyoms bslang/ /kha zas bzang po bstar ba dag /skrag nas de dag ster bar 'gyur/ /
 'das na rdo rje gsum bdag nyid/ /rdo rje mi 'gyur ma rung 'gyur/ /lha mo klu mo gnod sbyin mo/ /lha ma yin nam mi mo'ang rung/ /rnyed nas reg pa'i brtul zhugs spyad/ /rdo rje gsum gyis ye shes bsten/ /zhes gsungs te/ de ltar 'dod pa na spyod pa
 na drug ste/ gnyis gnyis 'khyud pa dang /lag pa bcangs pa dag/ bltas pa dang/ rgod pa'i/ 'khrig pas mchog tu dga' ba'i bde ba skad cig skad cig la nyams su myong bar byed do/ /rdzogs pa'i gnas skabs na yang 'khor ba dag
 las rtag tu dga' ba'i gzugs can du gyur ro/ /don 'di nyid gsal bar bya ba'i phyir lha thams cad yang dag par 'dus pa'i rgyud las/ dbang po gnyis ni mnyam sbyor te/ /rtsol ba'i cho ga'i 'og tu ni/ /dga' ba'i sems kyis thugs
 'grub pa/ /bde ba chen po zhes bya'o/ /spros ba med pa'i sbyong ba bsdus pa'i the tshom gcod pa ste/ le'i bcu pa'o// //da ni shin tu spros pa med pa'i spyod pa la 'jug par bya ste/ /ri bo shin tu dben pa'am/ /chu dogs 'bab rgyu'i
 gnas rnams dang/ /du khrod la sogs gnas rnams su/ /bsam gtan bsdus pa 'di bya'o/ /zhes rgyud las gsungs pa'i yid dang rjes su mthun pa'i sa phyogs su kha zas sbyor ba'i phyir gnod sbyin mo mdag gzhugs ma la sogs pa bsgrub pas bya'o/ /yang na grub pa'i grogs
 mchog gam/ tshogs chen pas kha zas tsam bsgrubs nas rim pa 'dis shin tu spros pa med pa'i spyod pa la 'jug par bya'o/ /de'i rim pa ni 'di yin te/ de la dang po kho nar sgrub pa pos 'khor ba thog ma med pa can gyi sdug bsngal dran par byas ? mya
 ngan las 'das pa'i bde ba 'dod pas 'du 'dzi thams cad yongs su spang bar bya zhing tha na rgyal srid kyi dbang phyug la'ang sdug bsngal gyi 'du shes bsgom par bya'o/ /gnyis pa til 'bru tsam la'ang dngos por 'dzin pa'i blo spang bar bya'o/ /gsum pa don dam pa'i
 bden pa la dad pas lus dang srog la'ang bltos pa med par bya'o/ /ji skad du ting nge 'dzin rgyal po'i mdo las/ rigs kyi bu de nas byang chub sems dpa' sems dpa' chen po ting nge 'dzin 'di 'dod cing myur du bla na med pa yang dag par rdzogs pa'i byang chub tu mngon
 par rdzogs par 'chang rgya bar 'dod pas lus dang srog la bltos pa med par bya'o/ /zhes gsungs pas so/ /de bzhin du 'jig rten pa'i dngos grub phra mo dang/ grub pa chen po brgyad la don du gnyer bar mi bya ste / rnam par g.yengs par 'gyur ba dang/
 phyir ldog par 'gyur ba'i phyir ro/ /ji skad du mthun mong ma yin pa'i gsang ba zhes bya ba'i rnal 'byor chen po'i rgyud las / de nas gzhan yang thams cad mkhyen pa'i dngos grub thob pa'i phyir dngos grub gang ci yang rung ba la tshol bar mi byed de/ 'jig rten rgyad
 phan ba'i ngag gi dngos grub dang/ mdag gzhug pa'i dngos grub dang/ bum pa bzang po'i dngos grub dang/ sa 'og gi dngos grub dang/ rgyal srid kyi dngos grub dang/ rgyas pa'i dngos grub dang/ dbang du bya ba'i dngos grub dang/ mngon spyod kyi
 dngos grub rnams don du gnyer bar mi bya ste/ de ci'i phyir zhe na/ 'di ltar dngos grub chen po'i don du dngos grub pra mo 'dod pa bskyed par mi bya'o/ /rnam par mi rtog pa'i dngos grub 'ba' zhig la sems rtse gcig par 'gyur bar bya'o/ /de skad du gsang ba grub
 pa las kyang/ sbyor ba la sogs 'bad pa ni/ /de nyid rig pas spang bar bya/ /rdo rje sems dpa' des 'dug pa/ /spangs nas gzhan du mi bya'o/ /dag pa'i de nyid la gnas pas/ /sbyor ba rnams kyang mi bya ste/ /bdag med gnas pa'i sbyor ba yis/ /rje srid par
 du so sor brtag /dngos med go 'phang la gnas dang/ /thabs bzang dag dang ldan pa yis/ /rtog las gang ci 'byung ba rnams/ /ma rtogs par ni 'grub par 'gyur/ /bsgom pa'i sbyor ba'i stobs kyis ni/ /dngos grub mtshan nyid gang ci 'ang rung/ /de
 kun skad cig tsam la ni/ /rang nyid gnas par 'gyur ba yin/ /de bas phyi rol gyi bud med rnam par spangs nas snying gar gnas pa'i ye shes kyi phyag rgya dang lhan cig snyoms par 'jug pas shin tu myur bar rdo rje 'chang chen po'i go 'phang rdzogs par
 bya'o/ /zhes spros pas dmigs te/ cig pu kho nar 'og nas bshad pa'i rim pa bzhin du bsam par bya'o/ /de yi rim pa ni 'di yin te/ ji srid phung po'i za ma tog yod pa de srid kyi bar du ni rnam par shes pa gsum gyi ngo bo ste/ rang bzhin
 gyis snang ba 'gro ba dag dang gzhan la snang bar 'gyur ro/ /ji lta zhe na/ dang po ni snang ba'o/ /gnyis pa ni rang bzhin no/ /de rlung dang bcas pas gang phyogs bcur 'khor ba ste/ gang gis shes na/ 'dod chags dang bral ba dang/ 'dod chags
 bar ma la sogs pa dang/ gzhan yang drag po dang/ zhi ba dang/ dga' ba dang/ mya ngan dang/ bkres shes pa dang/ bskom pa dang/ tshor ba zhes bya ba la sogs pa rang bzhin rgya drug cu nyin mtshan nyid yid la byas nas ma rig pa rang 'gags shing yang
 langs nas rlung gi dbang gis 'khor bar 'gyur ba ste / de lus dkrus nas ji srid du mi la sogs pa'i dbang po yul la dmigs pa de srid du de nyid du dmigs par 'gyur te/ thog ma med pa'i dus nas goms pa'i phyir ro/ /de nas skye ba gcig nas
 gcig tu goms pas bdag med pa'i chos la bslabs pa sa rnam par bsres pa'i sbyor ba khong du chung nas rang bzhin gyis snang ba dang gcig tu 'dre bar bya ste/ rim pa 'dis don dam pa'i bden pa la dmigs par bya'o/ /de'i rim pa ni 'di yin te/ phung
 po la sogs pa ni khams phra ba la gzhug go / khams phra ba ni yang sems la zhugs go /sems ni yang sems pa la gzhug go /sems ni yang ma rig pa la gzhug ste/ de ltar sbyar nas gnyid log par byed do/ /de la dus 'dir
 ni sems dang sems dpa' rig pa la rab tu zhugs pa'i skad cig la dran pa brjed pa'o/ /phyis ni brjed pa yang med pa'i ye shes kyi ngo bo nyid ni 'od gsal ba'o/ /yang grol ba na rlung gi rang bzhin snyed de/ gang gi tshe rmi lam gzhan dag
 'byung ba ni ji sried du rnam par shes pa mi g.yo ba de srid du gnyid log nas 'od gsal ba la blta ste/ de ni so so rang gis rig pa lus dang ngag dang sems dang/ bral ba'i don daM pa'i bden pa nang gi mngon par byang chub pa zhes bya'o/ /rim
 pa 'dis lus kyis dkyil 'khor la gnas pa'i de bzhin gshegs pa'i tshogs bsad par bya zhing de bzhin nyid kyi gzhug par byas nas skal pa bzang po'i dngos grub thob par 'gyur te / spros pa dang bcas pa dang spros pa med pa'i
 sbyod pa la bltos pa mod pas shin tu myur bar 'dir rang gi gzugs yongs su brdzas par 'gyur ro/ /zhes bya ba'i don te/ don 'di nyid dgongs pa lung bstan pa zhes bya ba rnal 'byor chen po'i rgyud las/ gzugs
 sogs nang gi chos rnams ni/ /mthong ba lhag mthong zhes brjod la/ /mi bskyod la sogs grangs bzhin du/ /brtags pa dag ni zhi gnas yin/ /'di dag dngos med gyur pa yis/ /de bzhin nyid ni zhi bar bshad/ /de bzhin nyid kyi
 dkyil 'khor du/ /rnal 'byor ba yis sangs rgyas gzhug /ces gsungs pa dang/ yang lha thams cad yang dag par 'dus pa'i rgyud las kyang/ /mya ngan 'das pa'i mi bzad med/ /tha la'ang lus par mi 'gyur te/ /des na der ni dbang
 don dang/ /khams rnams 'dir ni yod pa yin/ /zhes gsungs so/ /rim pa 'dis ni lung dang rigs pa dag gis mngon par rtogs pa'i ngo bo nyid sangs rgyas thams cad kyi yum nges par byas nas/ yul la zhen pa dang rol pa thams
 cad spangs te/ rim pa 'dis b+hu su ku tsam gyi spyod pa la spyad de/ de'i rim pa ni 'di'o/ /b+hu zhes bya ba ni zas la spyod pa ste/ de tsam zhig rjes su dran pa dang/ 'du 'dzi spong bar byed cing/ dka' thub dang brtul zhugs so/ /zhes gang la
 'od? bsam byar mi bya'o/ /su zhes bya ba ni gnyer log ba ste rnam par shes ba 'di dag ma rig pas nye bar mtshon pas mngon sum du byed do/ /ma rig pa lcags kyu lta bu de nyid kyis rnam par shes pa gang la'ang 'dre bar mi byed de/ 'od
 gsal ba nyid mngon par 'du byed cing dri ma med pa'i ngo bo nyid do/ /ku zhes bya ba ni bshad sar 'gro ba ste/ bshad pa dang gci ba 'dor ba'i phyir de tsam zhig rjes su dran par byed cing 'du 'dzi spong byar byed la/ lus dang tshor ba dang yul
 dang dbang po'i ngo bo nyid la sems par mi byed do/ /shin tu spros pa med pa'i spyod pa smyon pa'i brtul zhugs bshad pa'i mdo las gsungs pa'i rim pas kyang bshad par bya'o/ /de yis rim pa ni 'di yin te/ gang tshe brtan par mi rtog la/ /gnas
 shin 'jig rten pa spangs te/ /spyod pa thams cad bsdus byas na/ /de la de tshe sangs rgyas gzigs/ /kun tu the tshom gcod pa yis/ /rigs pas byis pa ji bzhin spyad/ /gang tshe chags med rnal 'byor pa/ /de tshe phun sum tshogs 'phel 'gyur/ /sdig pa
 ma lus ldan ba dang/ /gti mug sdig pa rab gnas na/ /smon pa'i brtul zhugs sbyor ba yis/ /zla ba drug gis don yod 'grub/ /rang nyid sangs rgyas kun mthong zhing/ /'dod pa kun gyis rab tu 'gengs/ /zad med gzhom du med pa dang/ /dang po'i tshe
 lus 'byung bar 'gyur/ /bla na med pa'i byang chub mchog /'bad? pa med par yang dag 'thob/ /'dod pa kun gyis dga' mo rnams/ /'bad dang bral bas 'grub par 'gyur/ /'gro dang 'dug dang gnas pa na/ /mchog tu zab pa'i gnas la brtag /'ong
 gsal ye shes la mkhas pa/ /mtshan nyid rtag par rnal 'byor ba'i/ /bsam gtan sbyor ba 'di yin te/ /sems kyi rin chen brtan par 'gyur/ /sangs rgyas byang chub rab zhugs pa/ /byin gyis brlab pa mdzad par 'gyur/ /de ltar
 gyur par zhugs nas kyang/ /ji srid sems ni mi skyo'i phyed do/ /mnyam gzhag yid ni bzang po yis/ /de la 'bod pas bsgom par bya/ /de'i 'og tu ci dga' ba'i/ /spyod pa yis ni spyang byas nas/ /cung zad spyan phye'i mtshan nyid can/ /byang chub
 rgya chen 'thob par 'gyur/ /rgod dom smro 'am 'dug pa dang/ /la la rab tu gar byed par/ /ji srid skyo bar mi 'gyur bar/ /sgom pa'i sems la zhen par bya/ /de lta'i dam tshig ldan 'gyur zhing/ /rnam par mi rtog sngags pa yis/ /dus kyi nges pa
 yongs spangs nas/ /bla med go 'phang thob par 'gyur/ /de ltar chung du dang/ 'bring dang/ chen po'i dbye ba dang/ na chod dang rjes su mthun pas spyod pa rnam pa gsum zla ba phyed dam / zla ba cig gam zla ba drug zlas par
 'gyur bas phyag rgya chen po'i dngos grub thob pa'i mtshan ma nye bar 'byung bar 'gyur te/ /de la mtshan ma ni 'di dag yin no/ /gzugs phra ba dang/ reg pa yang ba dang/ khyab pa dang/ yang dag thob pa nyid dang/ rab tu snang ba
 nyid dang/ brtan pa dang/ dbang du gyur pa dang/ 'dod dgur sgyur ba zhes bya'o/ /yang rmi lam gyi mtshan ma gsang ba 'dus pa zhes bya ba rnal 'byor chen po'i rgyud las/ byang chub ye shes mchog thob pas/ /sangs rgyas sku dang mtshungS
 par mthong/ /sangs rgyas rdzogs longs spyod pa'i sku/ bdag med pa ni myur du mthong/ /sems dpa' chen po khams gsum pas/ /mchod pa byed pa des mthong ngo/ /ye shes chen po 'di yis gzugs/ /sangs rgyas byang chub sems
 dpa' yis/ /'dod pa'i yo tan lnga rnams kyis/ /rtag tu mchod pa byed pa mthong/ /rdo rje sems dbang gzugs chen dang/ /grags chen rdo rje mchog dag tu/ /rmi lam dag na rang gzugs mthong/ /grags chen rdo rje gsang ba dang/ /
 byang chub sems dpa' rdo rje can/ /sangs rgyas chen po phyag 'tshal ba'o/ /rmi lam 'di 'dra mthong 'gyur ba/ /lus ngag sems kyi mthu las skyes/ /rgyan rnams thams cad yongs rdzogs pa'i/ /lha yi bu mo yid 'ong dang/ /khye'u
 bu mo dag mthong na/ /de ni dngos grub thob par 'gyur/ /phyogs bcu'i sangs rgyas thams cad rnams/ /zhing na gnas pa nges par mthong/ /thugs ni dgyes par gyur nas kyang/ /chos mdzod yid du 'ong ba stsol/ /chos kyi 'khor lo
 sgyur ba'i sku/ /semS can gyis yongs bskor ba/ /bsam gtan rdo rje la gnas pa'i/ /dam tshig sbyor bas mthong bar 'gyur/ /rdo rje slob mas gsol pa/ gal te sgrub pa po bden pa mthong yang sngon gyi bag chags la goms pa'i stobs
 kyis/ zhing dang/ las dang/ tshong dang/ bsnyen bkur la sogs pas g.yengs pas spyod pa rnams gsum spyod par mi byed pa dang/ sgrub pa po gzhan dag 'byor pa mtshang bas rgyud las ji skad gsungs pa'i cho ga rdzogs par byed
 mi nus pa'i phyir mi sbyod ba de dag ni/ 'chi ba'i dus byas nas yang/ /srid pa gzhan du 'gro bar 'gyur ram/ /yang na rdo rje 'chang ba nyid thob par 'gyur/ /rdo rje slob dpon gyis smras ba/ 'di la bsal ba gang yang med/ /bzhag par bya ba ci
 yang med/ /yang dag nyid la yang dag blta/ /yang dag mthong nas rnam par grol/ /zhes bya ba ni rdzogs pa'i rim pa la gnas pa'i dbang du byas pa'i tshig ste/ 'di lta ste/ yang dag pa mthong ba'o/ /zhes bya ba ni yang dag pa'i mthong bas/
 rtag pa dang/ chad pa dang/ 'pho ba la sogs pa'i lta ba ngan pa 'gags par 'gyur ro/ /'on kyang tha snyad la brten nas 'pho ba rnam par dag pa nges par spyad par bya ste / 'di ni phung po la sogs pa ni 'jig rten pha rol tu 'pho bar mi byed de/ rtag
 pa'i skyon du thal bar 'gyur ba'i phyir ro/ /'jig rten pha rol 'chi ba las gzhan las kyang 'byung ba ma yin te/ rgyu med pa'i nyes par thal bar 'gyur ba'i phyir ro/ /'di lta ste/ mar me las mar me dang/ rgya las rgya dang/ sgra las brag ca dag ni
 de nyid dam de las gzhan pa zhes brjod par mi nus so/ /de bas na gser 'od dam pa'i mdo las kyang/ sangs rgyas mya ngan mi 'da' zhing/ /chos kyang nub par mi 'gyur te/ /sems can rnams ni gdul ba'i phyir/ /mya ngan 'da' bar
 bstan pa yin/ /zhes gsungs pa dang/ de bzhin du langkar gshegs pa'i mdo las kyang/ 'di la gang yang rkyon rnams kyis/ /skye ba med cing 'gag pa med/ /brtags pa'i rkyen rnams kho na ni/ /skyes zhing
 'gag par 'gyur ba yin/ /zhes gsungs pas so/ /rigs pa 'dis na bcom ldan 'das shAkya thub pas mdzad pa thams cad mdzad pa nas mya ngan las 'das pa nye bar ston par mdzad pa yin no/ /de bzhin du rdzogs pa'i rim pa rtogs
 par gyur pas kyang thams cad byas nas 'jig rten du mya ngan las 'da' bar 'gyur ba 'di la som nyi mi bya'o/ /de bas na de kho na shes pa ni/ rkyen ma tshang bas ji skad du bshad pa'i spyod pa gal te ma spyad du zin kyang/ lta ba thams cad rnam par
 spangs nas 'chi bar 'gyur ba ni don dam pa'i bden pa yin la/ skye ba ni kun rdzob kun gyi bden pa'o zhes yang dag par mngon par rtogs nas/ brgya lam na 'od gsal bar zhugs nas/ tha ma la pa'i phung po bor nas bdag la byin gyis brlab pa'i
 rim ldang bar bya'o/ /zhes brtan pa'i sems bskyed de/ yid la byed pas gnas par byed na/ de skye ba gzhan du yid la byed pa de 'dor bar mi 'gyur te/ de bas na thams cad mkhyen par 'gyur ro/ /de bas na/ bsam pa gang dang gang gis
 ni/ /mi rnams yid ni yang dag sbyor/ /de ni de yi rang bzhin 'gyur/ /sna tshogs nor bu ji bzhin no/ /zhes gsungs so/ /de bas na 'di dag thams cad ni khyad par can du yongs su bsgyur bas yongs su 'gyur bzhin pas khyad par can gyi 'bras bu
 'byung bar 'gyur ro/ /'dir bshad pa/ gang zhig skye ba kun rdzob bden zhes bya/ /'chi ba'i ming yang don dam bden pa yin/ /rim gnyis de dag bla ma'i drin gyis ni/ /rnyed pa 'di ni ma 'ongs sangs rgyas yin/ /bden gnyis de la zung du
 'jug pa ni/ /mi 'chad bzhin du de dag khyad par med/ /ming gnyis mdza' ma gcig du kho nar ni/ /shes pa de 'dir bcings las grol ba yin/ /ri dbang rtse las 'ga' zhig lhung gyur na/ /lhung bar mi 'dod kyang ni ltung bar 'gyur/ /bla ma'i drin
 gyis phan pa'i lung thob na/ /grol bar mi 'dod kyang ni grol bar 'gyur/ /'jig rten dag na don yod gsung gi de nyid rtogs mthu 'gro ba la med de/ /mtsho chen chu la drag po'i rlung gis kun tu g.yengs pa'i til mar thig pa 'dra/ /de na bdag
 gis cung zad tsam zhig blangs nas bsdu bar byas pa ni/ /mthar thug kun rdzob kyis 'jigs skal ldan skye bo'i blo la sgron ma ltar bu yin/ /shin tu spros med pa'i spyod pa bsdus pa'i the tshom gcod pa ste / le'u bcu gcig pa'o// //
 spyod pa bsdus pa'i sgron ma/ slob dpon chen po Arya de ba'i zhal snga nas kyis mdzad pa rdzogs sto// //rgya gar gyi khan po sh+rAd+d+ha? ka ra warma dang/ zhus chen gyi lo tsA ba/ dge slong rin chen bzang pos bsgyur cing zhus te gtan la phab
 pa'o// //'di la rgya gar gyi shlo ka stong sum brgya yod/ /phyag dpe gnyis la gtugs so// //sems kyi sgrib pa rnam par sbyong ba zhes bya ba slob dpon chen po 'phags pa lhas mdzad pa bzhugs so/ /*/ /rgya gar skad du / tsit+tA ba ra bi sho d+ha nA ma bra