བོད་ཡིག

e-texts based on the ACIP/ALL Input

rdzogs so// //rgya gar gyi mkhan po gu Na a ka ra dang/ lots+tsha bar bzhi bshes gnyen gyis bsgyur cing zhus/ slad kyi rgya gar gyi mkhan po ka na ? warma dang/ bod kyi lo tsA ba pa tsha ba nyi ma grags kyis bcos pa// //rgya gar skad du ? d+he tsi tA bi ba ra Na/ /bod skad du / byang chub sems kyi 'grel ba/ 'phags pa 'jam dpal la phyag 'tshal lo/ /de nas byang chub kyi sems sgom pa'i 'grel pa bshad par bya'o/ /bcom ldan 'das kyis chos thams cad sems kyis rnam par brtags pa'i zhes gsungs bas re zhig sems ni de nyid kyi rang bzhin ci zhig zhes des par rtog pa na/ /dngos po thams cad dang bral ba/ /phung po khams dang skye mched dang/ /gzung dang 'dzin pa rnam par spangs/ /chos bdag med par mnyam nyid pas/ /rang sems gdod nas ma skyes ba/ /stong pa nyid kyi rang bzhin no/ /zhes gsungs so/ /smras pa 'di yi don ci yin zhe na/ brjod pa/ dngos po dang bral zhes te/ dngos po'i sgras bdag la sogs pa mngon bar brjod do/ /'di skad du sems de ni bdag dang/ sems can dang/ srog dang/ gsong? dang/ skyes bu dang/ gang zag dang/ shes las skyes dang/ shed bu dang/ byed po la sogs pa'i rang bzhin ma yin no/ /ci'i phyir zhe na/ de dag la bya ba'i mtshan nyid can yod pa ma yin pa'i phyir ro/ /de nyid kyi phyir bdag la sogs pa'i dngos po yod pa ma yin na/ sems de'i rang bzhin du gyur pa lta ga la yod ces smras par 'gyur ro/ /de'i phyir dngos po thams cad dang bral zhing bdag dang 'dzin btsam gyis yang dag par bskyed ba'o/ /nyon mongs pa thams cad bdag tu 'dzin pas yang rig par bskyed ba'i phyir sems ni de'i rang bzhin du 'gyur ro zhe na/ sems de ni phung po dang khams dang skye mched kyi rang bzhin ma yin pa'i phyir/ phung po khams dang skye mched dang/ /gzung dang 'dzin pa rnam par spangs zhes gsungs so/ /'di ltar re zhig phung po la sogs pa nyid kyi dngos po don dam par ma dmigs na/ sems de'i rang bzhin du 'gyur ba lta ga la yod/ ji ltar zhe na/ re zhig gzugs la sogs pa'i phung po rnams dngos po rnaMs dngoS po med pa nyid de/ gzugs kyi phung po ni 'byung ba dang 'byung ba las gyur pa'i tshogs so/ /'byung ba ni bzhi ste/ sa dang chu dang/ me dang rlung ngo/ /'byung ba las gyur pa lnga ste/ gzugs dang/ sgra dang/ dri dang/ ro dang/ reg bya'o/ /sa la sogs pa 'byung ba rnams dang/ gzugs la sogs pa 'byung ba las gyur pa de dag re re zhing tha dad pa'i dngos po nyid du ma dmigs te/ gang du gcig tu yod pa der gzhan yang yod pa'i phyir ro/ /de'i phyir gzugs ni ming tsam du kun tu brtags pa'o/ /gzugs kyi phung po ni gzugs kyi phung pos stong zhes gsungs pa las ni gzugs kyi phung po yang yongs su ma grub pa'o/ /de bzhin du tshor ba'i phung po yongs su ma grub ste /ji lta zhe na/ tshor ba rnam gsum mo/ /bde ba dang/ sdug bsngal ba dang/ sdug bsngal ma yin zhing bde ba yang ma yin pa de dag phan tshun ltos pa'i phyir te/ sdug bsngal ba la bltos nas bde ba dang/ bde ba la bltos nas sdug bsngal du 'dogs bar byed do/ /chos gang zhig gcig pur gnas pa dmigs pa med pa de ni rdzas nyid du yod pa yin te/ ring po dang thung du bzhin no/ /gzhan du tshor ba ni rnam pa gnyis te/ lus las byung ba dang/ sems las byung ba'i zhes par yang re zhig lus ni gzugs kyi phung pos bsdus pa'i phyir ma dmigs so/ /de'i phyir lus med pa'i phyir lus las 'byung ba'i tshor ba ma grub bo/ /sems kyang yul na mi gnas pa/ phyogs na mi gnas pa/ /gzugs med pa / /bstan du med pa/ rab tu mi gnas pa/ snang ba med pa/ rnam par mi rig par gsungs na/ tshor ba de ni ci 'dra zhig de'i phyir sems las byung ba yang ma grub bo/ /de'i phyir tshor ba'i phung po'o zhes gsungs pa las na/ tshor ba'i phung po yang yongs su ma grub bo/ /'du shes kyi phung po yang med tsam gyis dngos po nyid de / 'du shes ni mtshan mar 'dzin pa'i bdag nyid can yin la/ de ltar re zhig gang dag la mtshan mar bzung bar bya ba'i dngos po yod pa ma yin pa de'i phyir mtshan ma med pas mtshan ma can yang yod pa ma yin no/ /'du shes kyi phung po ni 'du shes kyi phung pos stong ngo zhes gsungs pa las na 'du shes kyi phung po yang yongs su ma grub po/ /'du byed kyi phung po yang yongs su ma grub ste/ tshogs pa tsam gyi phyir ro/ /'du byed kyi phung po ni tshor ba dang/ sems dpa' dang 'du shes dang 'dun pa dang reg pa dang blo dang/ dran pa dang yid la byed pa dang mos pa la sogs pa mtshungs par ldan pa rnams dang/ sa dang chu dang me dang rlung la sogs pa'i skye ba la sogs pa mtshungs par mi ldan bdag la brjod na/ sems las byung ba'i chos rnams dang skye ba la sogs pa dag kyang re re zhing la skye ba yod pa ma yin no/ /'du byed kyi phung po ni las kyi mtshan nyid can yin pa'i phyir yang med pa nyid do/ /byed pa po med pa'i phyir bya ba yang dngos po med do/ /'du byed kyi phung po ni 'du byed kyi phung po'i dngos pos stong ngo zhes gsungs pa las na 'du byed kyi phung po yongs su grub pa med do/ /rnam par shes pa'i phung po yang yongs su ma grub ste/ 'di ltar rnam par shes pa'i phung po nyid ni mig dang/ rna ba dang/ sna dang/ lce dang/ lus dang/ yid kyi rnam par shes pa rnams yin la/ mig gi rnam par shes pa la sogs pa de dag kyang re re zhing rang gi ngo bo ma dmigs so/ /ci'i phyir zhe na/ mig dang gzugs la brten nas mig gi rnam par shes pa 'byung zhing med na mi 'byung ste/ mig dang gzugs med na mig gi rnam par shes pa ji ltar 'byung bar 'gyur/ de ltar na re zhig mig gi rnam par shes pa yongs su ma grub po/ /tshig de nyid kyis rna ba dang/ sna dang lce dang lus kyi rnam par shes pa yang shes par bya'o/ /yid kyi rnam par shes pa yang yid 'das pa dang ma 'ongs ba'i chos thams cad kyi rten can yin na/ ci ltar 'das pa dang ma 'ongs pa'i chos rnams yid kyi rnam par shes pa skyed pa'i rkyen du 'gyur/ bcom ldan 'das kyis re zhig 'das pa ni de nyid dang/ lhan cig 'gags shing ma 'ongs ba ni mthob pa yin la/ da ltar byung ba rnam par shes pa dang lhan cig pa yang gnas pa yod pa ma yin zhes gsungs so/ /rnam par shes pa'i phung po yang rnam par shes pa'i phung pas stong ngo/ /zhes pa las na rnam par shes ba'i phung po yang yongs su ma grub bo/ /de ltar phung po de nyid khams dang skye mched du bstan pa'i phyir logs su dag par mi bya ste/ sa bon med pas myu gu med pa bzhin du phung po rang bzhin med pa nyid kyis de rnams kyang rang bzhin med par grub po/ /de'i phyir sems ni phung po dang/ khams dang/ skye mched dang bral ba zhes bya'o/ /gzung dang 'dzin pa rnam par spangs zhes bya ba ni yang dag par rdzogs pa'i sangs rgyas kyis de bzhin gshegs pa'i gsang ba'i mdo las/ sems ni sngon po dang/ ser po dang/ dmar po dang/ btsong kha dang/ shel dang/ dngul gyi kha dog dang/ ring po dang/ zung du dang/ zlum po dang/ gru gsum dang/ gru bzhi la sogs pa'i rnam pa dang/ skyes pa dang/ bud med dang/ ma ning gi rnam pa ma mthong ngo zhes ba dang/ gsang ba'i bdag po sems ni 'dod pa'i khams kyi rang bzhin ma yin/ gzugs kyi khams kyi rang bzhin ma yin/ gzugs med pa'i khams kyi rang bzhin ma yin/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang mi ma yin pa'i 'gro ba'i rang bzhin ma yin no/ /zhes pa nas rnam pa thams cad du yongs su btsal na ma dmigs so zhes bya ba'i bar du gsungs so/ /de ltar na re zhig sems de ni gzung ba ma yin no/ /ji ltar 'dzin pa yang ma yin pa de ltar brjod par bya ste/ 'di ltar bcom ldan 'das kyis gsang ba'i bdag po sems de ni nang na yang ma yin phyi rol na yang ma yin/ gnyis ka'i bar na yang ma yin no/ /de ci'i phyir zhe na/ gsang ba'i bdag po sems de ni rang bzhin gyis yongs su dag pa'i phyir ro/ /de'i phyir gang rnam pa thams cad kyis yongs su btsal na ma dmigs pa de ji ltar gzung ba dang 'dzin pa yin par 'gyur/ de ltar na sems de ni gzung ba dang 'dzin pa dang bral ba zhes bya'o/ /chos bdag med par mnyam pa nyid pas zhes bya ba ni phung po la sogs pa thams cad bdag med pa de bzhin du/ sems de yang ngo/ /de skad du bcom ldan 'das kyiS chos thams cad stong pa de bzhin du sems kyang stong pa'i mtshan nyid do/ /chos thams cad bdag med pa de bzhin du sems de yang bdag med pa'i mtshan nyid do/ /chos thams cad rnam par dben pa ste/ de bzhin du sems de yang rnam par dben pa'i mtshan nyid do/ /de'i phyir chos bdag med par mnyam pa nyid kyis sems de mnyam pa yin pa'i phyir rang gi sems gdong ma nas ma skyes pa'o/ /de'i phyir stong pa nyid kyi rang bzhin no/ /stong pa nyid kyi rang bzhin ci zhe na/ stong pa nyid ni nam mkha' i rang bzhin no/ /de skad du 'ang nam mkha' stong pa'o/ /chos thams cad nam mkha' i rang bzhin no/ /byang chub kyang de'i rang bzhin no zhes gsungs so/ /de bzhin du nam mkha' rang bzhin med pa'i ming tsam mo/ /de bzhin du sems kyang rang bzhin med pa'i ming tsam yin/ gang yang sems ma skyes ma 'gag bar khong du chud pa de ni byang chub bo/ /de skad du yang bcom ldan 'das kyis byang chub gang zhe na/ gang sems kyi yang dag pa ji lta ba bzhin yongs su shes pa ste/ /de nyid bla na med pa yang dag par rdzogs pa'i byang chub po/ /gsang ba'i bdag po phra ba yang yod pa ma yin zhing dmigs pa med pa des na bla na med pa yang dag par rdzogs pa'i byang chub zhes brjod bo/ /ci'i phyir zhe na/ byang chub ni nam mkha' i mtshan nyid de/ rtogs pa po dang rtogs par bya ba 'ga' yang med do/ /de ci'i phyir zhe na/ byang chub ni nam mkha' i mtshan nyid kyi mtshan nyid kyi phyir ro zhes gsungs so/ /de phyir gang zhig rang gi sems yang dag pa ji lta ba bzhin ma rig pa de la brtse ba'i thabs byas/ /kye ma kyi ? ? sems ? 'di dag sdug bsngal ba/ 'di dag ni yang gi sems kyi chos nyid kyi rang bzhin ma rtogs pa yang dag pa ma yin pa'i rnam par rtog pa phyin ci log gi gdon gyis bzung ba/ 'khor ba na sdug bsngal sna tshogs nyams su myong ba yin zhing/ ji ltar de dag rang gi sems kyi chos nyid kyi rang bzhin rtogs par 'gyur ba de bzhin du bdag gis 'bad bar bya'o zhes sems can la dmigs pa'i sems skye bar 'gyur ro/ /gang snying rje chen pos yongs su bzung ba'i sems bskyed pa de ni byang chub kyi sems dang/ sems can thams cad la phan pa'i sems dang/ sems can thams cad la bde ba'i sems dang/ bla na med pa'o sems dang/ chos kyi dbyings la? 'jug pa'i sems dang/ sems can thams cad la brten nas skyes pa'i byang chub kyi sems zhes bya'o/ /byang chub sems kyi 'grel pa slob dpon klu sgrub kyis mdzad pa rdzogs so// //kha che'i paN+Di ta dzA? ya ananda dang/ bod kyi lots+tsha ba khu mdo sde 'bar gyis bsgyur pa'o// //rim pa lnga pa slob dpon chen po bsgrub kyi zhal snga nas mdzad pa zhugs so// */ /rgya gar skad du / pany+tsa kra ma /bod skad du/ rim pa lnga pa 'dzi? dpal