<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1460: byang chub sems kyi 'grel pa zhes bya ba<br><table><tr><td>
<input type="button" onclick="location.href='tcompletep.php?id=N1460&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1460&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1460&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">btsas kyis bsgyur ba'o// //byang chub sems kyi 'grel ba zhes bya ba slob dpon glu sgrub kyi zhal snga nas mdzad pa'o// */ /rgya gar skad du/ /bod+ha tsit+ti pi bar Na nA ma/ bod skad du/ byang chub sems kyi 'grel ba zhes bya ba/ dpal rdo rje sems dpa' la phyag 'tshal lo/ /
 dngos po thams cad dang bral ba/ /phung po khams dang skye mched gyi/ /gzung dang 'dzin pa rnams spangs pa/ /chos bdag med pas mnyam nyid pas/ /rang sems gdod nas ma skyes pa/ /stong pa nyid kyi rang bzhin no/ /zhes bya ba 'byung ngo/ /sangs rgyas bcom ldan
 'das rnams dang/ byang chub sems dpa' chen po de rnams kyis ji ltar byang chub chen por thugs bskyed pa de bzhin du /bdag gis kyang sems can ma bsgral ba rnams bsgral ba dang/ mgrol ba rnams grol ba dang/ dbugs ma byung ba rnams dbugs
 dbyung ba dang/ yongs su mya ngan las ma 'das pa rnams yongs su mya ngan las bzla ba'i phyir dus 'di nas bzung nas snying po byang chub la mchis kyi par du byang chub chen por sems bskyed par bgyi'o/ /byang chub sems dpa' gsung? sngags
 kyi sgor spyad pa spyod pa rnams kyis de ltar kun rdzob kyi rnam pas byang chub kyi sems smon pa'i rang bzhin can bskyed nas/ don dam pa'i byang chub kyi sems bsgom pa'i stobs kyis bskyed par byas yin pas de'i phyir de'i rang bzhin bshad par bya'o/ byang chub
 sems kyi bdag nyid dngos/ /dpal ldan rdo rje rnams btung de/ /byang chub sems kyi bsgom pa ni/ /srid pa 'jig de bdag gis bshad/ /sangs rgyas rnams kyi byang chub sems / /bdag dang phung sogs rnam rig gi /rtog ba rnams kyis ma bsgribs pa/ /rtag tu stong
 nyid mtshan nyid bzhed/ /snying rjes brlan pa'i sems kyis ni/ /'bad pas bsgom par bya ba yin/ /thugs rje'i bdag nyid sangs rgyas kyis/ /byang chub sems 'di rtag tu bsgoms/ /mu stegs can gyis gang brtags pa/ /bdag de rig pas rnam dpyad na/ /phung
 rnams kun gyi nang rnams na/ /gang zhig gnas kyang rnyed ma yin/ /phung rnams yod kyi de rtag min/ /de yang bdag gi ngo bo min/ /gang yang rtag dang mi rtag gnyis/ /rten dang rten pa'i dngos bo med/ /bdag ces bya ste yod min na/ /byed po zhes bya ga la rtag /
 chos can yod na chos rnams la/ /'jig rten na ni spyod pa 'jug /gang phyir rtag pas don byed pa/ /rim dang cig car gyis min pa/ /de phyir phyi rol nang du ni/ /rtag pa'i dngos de med pa nyid/ /gal te nus na ci de ltos/ /de ni cig car dngos ba byin 'gyur/ /
 gang zhig dngos gzhan la ltos la/ /de ni rtag dang nus ldan min/ /gal te dngos na rtag min te/ /dngos rnams rtag tu skad cig phyir/ /gang phyir mi rtag dngos po la/ /byed pa po nyid bkag pa med/ /bdag sogs bral ba'i 'jig rten 'di/ /phung po khams dang
 skye mched dang/ /gzung 'dzin blo yis 'joms par 'gyur/ /phan par bzhed pa rnams kyis ni/ /gzugs dang tshor ba 'du shes dang/ /'du byed rnam shes phung po lnga/ /de ltar nyan thos rnams la gsungs/ /rkang gnyis mchog gis rtag tu yang/ /gzugs ni dbu ba
 rdzas? 'dra snang/ /tshor ba chu yi chu bur 'dra/ /'du shes smig rgyu dang mtshungs shing/ /'du byed chu shing dang 'dra la/ /rnam shes sgyu ma lta bu zhes/ /phung po bstan pa 'di lta bu/ /byang chub sems dpa' rnams la gsungs/ /'byung chen bzhi yi rang bzhin can/ /gzugs
 kyi phung por rab tu bshad/ /lhag ma gzugs med nyid du ni/ /med na mi 'byung phyir na 'grub/ /de dag rnams kyi mig gzugs sogs/ /khams rnams bshad pa de dag nyid/ /skye mched dag ni gzung ba dang/ /'dzin par yang ni shes par bya/ /gzugs rdul dbang
 shes skyed min te/ /de ni dbang po las 'das yin/ /'dus pas de rnams skyed byed na/ /tshogs pa de yang mi 'dod do/ /phyogs kyi dbye bas phye ba yis/ /rdul phran la yang dbye ba mthong/ /gang la cha shas kyis brtags pa/ /der ni rdul phran ji ltar 'thad/ /phyi rol
 don ni rnam cig la/ /tha dad shes pa 'jug par 'gyur/ /yid 'ong gzugs ni gang yin pa/ /de nyid gzhan la gzhan du 'gyur/ /bud med gzugs ni gcig pu la/ /ro dang 'dod bya bza' ba la/ /kun rgyu chags can khyi rnams bzhin/ /rnam par rtog pa gsum
 yin no/ /don mtshungs ba yis don byed ba/ /rmi lam gnod pa bzhin min nam/ /rmi lam sang pa'i gnas skabs la/ /don byed pa la khyad par med/ /gzung dang 'dzin pa'i ngo bo yis/ /rnam shes snang ba gang yin pa/ /rnam shes las ni tha dad par/ /phyi rol don ni
 'ga' yang med/ /de phyir dngos po'i ngo bor ni/ /phyi don rnam pa kun tu med/ /rnam shes so sor snang ba 'di/ /gzugs kyi rnam par snang bar 'gyur/ /ji ltar skye bo sems rmongs pas/ /sgyu ma smig rgyu dri za yi/ /grong khyer la sogs mthong ba ltar/ /de bzhin
 gzugs sogs snang ba yin/ /bdag tu 'dzin pa bzlog pa'i phyir/ /phung po khams sogs bstan pa yin/ /sems tsam po la gnas nas ni/ /skal chen rnams kyis de yang spangs/ /rnam par shes par smra pa la/ /sna tshogs 'di
 ni sems su grub/ /rnam shes rang bzhin gang zhe na/ /nga ni de nyid bshad bya ste/ /'di dag thams cad sems tsam zhes/ /thub pas bstan pa gang mdzad de/ /byis pa rnams kyi skrag pa ni/ spang ba'i phyir yin de nyid min/ /kun brtags? dang ni
 gzhan dbang dang/ /yongs su grub pa 'di nyid ni/ /stong nyid bdag nyid gcig pu yi/ /ngo bo sems la brtags pa yin/ /theg chen dga' ba'i bdag nyid la/ /chos la bdag med mnyam pa nyid/ /sems ni gdod nas ma skyes te/ /sangs
 rgyas kyis ni mdor bsdus gsungs/ /rnal 'byor spyod pa pa rnams kyis/ /rang gi sems kyi dbang byas te/ /gnas yongs gyur nas dag pa'i sems/ /so sor rang gi spyod yul brjod/ /'das pa gang yin de ni med/ /ma 'ongs pa ni thob pa min/ /gnaS
 phyir gnas ni yongs gyur pa/ /da lta ba la ga la yod/ /de ji ltar de ltar snang min/ /ji ltar snang de de ltar yin/ /rnam shes bdag med ngo bo ste/ /rten gzhan rnam par shes pa med/ /ji ltar khab len dang nye bas/ /lcags ni myur du yongs su 'khor/ /de la semS
 ni yod min te/ /sems dang ldan zhing snang bar 'gyur/ /de bzhin kun gzhi rnam shes ni/ /bden min bden pa bzhin du ni/ /gang tshe? sgra 'od g.yo bar 'gyur/ /de tshe srid pa 'dzin par byed/ /ji ltar rgya mche dang ni shing/ /sems ni med kyang g.yo par 'gyur/ /
 de bzhin kun gzhi rnam shes ni/ /lus brten nas ni g.yo ba yin/ /lus med na ni rnam par shes/ /yod pa min zhes yongs rtog na/ /de yi so so rang rig nyid/ /ci 'dra zhes kyang brjod par gyis/ /so so rang rig nyid brjod pas/ /de ni dngos po nyid du
 brjod/ /'di de yin zhes brjod pa ni/ /nus min zhes kyang brjod pa yin/ /rang la de bzhin gzhan dag la/ /nges pa bskyed par bya ba'i phyir/ /rtag tu 'khrul pa med par ni/ /mkhas rnams rab tu 'jug pa yin/ /shes pas shes bya rtogs pa ste/ /shes bya med par shes pa
 med/ /de ltar na ni rig bya dang/ /rig byed med ces cis mi 'dod/ /sems ni ming tsam yin pa ste/ /ming las gzhan du dga' yang med/ /ming tsam du ni rnam rig blta/ /ming yang rang bzhin med pa yin/ /nang dam de bzhin phyi rol lam/ /yang na gnyis ka'i bar dag tu/ /rgyal ba
 rnams kyi sems ma rnyed/ /de phyir sgyu ma'i rang bzhin sems/ /kha dog dbyibs kyis dbye ba 'am/ /gzung ba dang ni 'dzin pa 'am/ /skyes pa bud med ma ning sogs/ /ngo bo sems ni gnas pa yin/ /mdor na sangs rgyas rnams kyis ni/ /gzigs par ma gyur gzigs mi
 'gyur/ /rang bzhin med pa'i rang bzhin can/ /ji lta bur na gzigs par 'gyur/ /dngos po zhes bya rnam rtog yin/ /rnam rtog med pa stong pa yin/ /gang du rnam rtog snang gyur pa/ /der ni stong nyid ga la yod/ /rtogs bya rtogs byed rnam pa'i sems/ /
 de bzhin gshegs rnams kyis ma gzigs/ /gang na rtogs bya rtogs byed yod/ /der ni byang chub yod ma yin/ /mtshan nyid med cing skye ba med/ /yod? gyur ma yin dag lam bral/ /mkha' dang byang chub sems dang ni/ /byang chub gnyis med mtshan nyid can/ /
 byang chub snying po la bzhugs pa'i/ /bdag nyid chen po'i sangs rgyas dang/ /brtse ldan kun gyis dus kun tu/ /stong pa mkha' dang mtshungs par mkhyen/ /de phyir chos rnams kun gyi gzhi/ /zhi zhing sgyu ma dang mtshungs par/ /gzhi med srid pa 'jig byed pa'i
 stong pa nyid 'di rtag tu bsgom/ / skye med dang ni stong nyid dang/ /bdag med ces byar stong pa nyid/ /bdag nyid dman pa gang sgom pa/ /de de sgom par byed pa min/ /dge dang mi dge'i rnam rtog gi/ rgyun chad pa yi mtshan nyid can/ /stong nyid sangs rgyas
 kyis gsungs gzhan/ /de dag stong pa nyid mi bzhed/ /sems la dmigs pa med pa yi/ /gnas pa nam mkha' i mtshan nyid yin/ /de dag stong nyid sgom pa ni/ /nam mkha' sgom par bzhad pa yin/ /stong nyid seng+ge'i sgra yis
 ni/ /smra ba thams cad skrag par mdzad/ /gang dang gang du de dag bzhugs/ /de dang der ni stong nyid 'gyur/ /gang gi rnam shes skad cig ma/ /de yi de ni rtag ma yin/ /sems ni mi rtag nyid yin na/ /stong pa nyid du ji ltar 'gal/ /mdor ? sangs rgyas la
 rnams kyis ni/ /sems ni mi rtag nyid bzhed na/ /de dag sems ni stong nyid du/ /ci'i phyir na bzhed mi 'gyur/ /thog ma nyid nas sems kyi ni/ /rang bzhin rtag tu med par 'gyur/ /dngos po rang bzhin gyis grub pa/ /rang bzhin med nyid brjod pa
 min/ /de skad brjod na sems kyi ni/ /bdag gi gnas pa spangs pa yin/ /rang gi rang bzhin las 'das pa/ /de ni chos rnams chos ma yin/ /ji lta bur ram mngar ba dang/ /me yi rang bzhin tsha ba bzhin/ /de bzhin chos rnams
 thams cad kyi/ /rang bzhin stong pa nyid du 'dod/ /stong nyid rang bzhin du brjod pas/ /gang zhig chad par smra ba min/ /des ni rtag pa nyid du yang/ /'ga' zhig smras pa ma yin no/ /ma rig nas brtsams dga' ba yin/ /mthar thug yan lag bcu gnyis kyi/ /brten
 nas byung ba'i bya ba ni/ /kho bo rmi lam sgyu 'drar 'dod/ /yan lag bcu gnyis 'khor lo 'di/ /srid pa'i khyim du 'khor ba ste/ /de las gzhan du sems can gang/ /las 'bras spyod par 'dod pa med/ /ji ltar me long la brten nas/ /bzhin gyi dkyil 'khor snang
 gyur pa/ /de ni der 'tho ma yin zhing/ /de med par yang de yod min/ /de bzhin phung po nyid mtshams sbyor/ /srid pa gzhan du skye ba dang/ /'pho ba med par mkhas rnams kyis/ /rtag tu nges par bya ba yin/ /mdor na stong pa'i chos rnams la/ /chos rnams
 stong pa skye bar 'gyur/ /byed po las 'bras longs spyod pa/ /kun rdzob tu ni rgyal bas bstan/ /ji ltar rnga yi sgra dang ni/ /de bzhin myu gu tshogs pas bskyed/ /phyi yi rten cing 'brel 'byung ba/ /rmi lam sgyu ma dang mtshungs 'dod/ /chos rnams rgyu las skyes pa ni/ /nam yang
 'gal bar mi 'gyur te/ /rgyu ni rgyu nyid kyis stong pas/ /de ni skye ba med par rtogs/ /chos rnams kyi ni skye ba med/ /stong nyid yin par rab tu bshad/ /mdor na phung po lnga rnams ni/ /chos kun zhes ni bshad pa yin/ /de nyid ji bzhin bshad pas na/ /kun rdzob rgyun ni
 'chad mi 'gyur/ /kun rdzob las ni tha dad par/ /de nyid dmigs pa ma yin te/ /kun rdzob stong pa nyid du bshad/ /stong pa kho na kun rdzob yin/ /med na mi 'byung nges pa'i phyir/ /byas dang mi rtag ji bzhin no/ /kun rdzob nyon mong las las byung/ /las ni sems laS
 byung ba yin/ /sems ni bag chags rnamS kyis bsags/ /bag chags bral na bde ba ste/ /bde ba'i sems ni zhi ba nyid/ /sems zhi ba ni rmongs mi 'gyur/ /rmongs med de nyid rtogs pa ste/ /de nyid rtogs pa grol thob 'gyur/ /de bzhin nyid dang yang dag mdza' / /mtshan ma
 med dang don dam nyid/ /byang chub sems mchog de nyid dang/ /stong nyid du yang bshad pa yin/ /gang dag stong nyid mi shes pa/ /de dag thar pa'i rten ma yin/ /'gro drug srid pa'i btson rang ni/ /rmongs pa de dag 'khor bar 'gyur/ /de ltar stong pa nyid 'di ni/ /rnal 'byor pa yis
 bsgom byas na/ /gzhan gyi don la chags pa'i blo/ /'byung bar 'gyur ba the tshom med/ /gang dag pha dang ma dang ni/ /gnyen bshes gyur bas bdag la sngon/ /phan pa byas par gyur pa yis/ sems can de dag rnams la ni/ /byas pa bzo bar gyur par bya/ /srid
 pa'i btson rang sems can ni/ /nyon mongs me yis gdungs rnams la/ /bdag gis sdug bsngal byin pa ltar/ /de bzhin bde ba sbyin par rigs/ /'jig rten bde 'gro ngan 'gro yis/ /'dod dang mi 'dod 'bras bu de/ /sems can rnams la phan pa dang/ /gnod pa las ni ? 
 'byung bar 'gyur/ /sems can bsten pas sangs rgyas kyis/ /go 'bangs bla med nyid 'gyur na/ /lha dang mi yi longs spyod par/ /tshangs dang dbang po drag po dang/ /'jig rten skyong bas brten de dag /sems can phan pa tsam zhig gis/ /ma drangs
 pa ni 'gro gsum 'dir/ /'ga' yang med la mtshar ci yod/ /sems dmyal dud 'gro yi dags su/ /sdug bsngal rnam pa du ma'i dngos/ /sems can rnams kyis myong ba gang/ /de ni sems can gnod las byung/ /bkres skom phan tshun bdeg pa dang/ /gzir ba yi
 ni sdug bsngal nyid/ /bzlog par dka' zhing zad med de/ /sems can gnod pa'i 'bras bu yin/ /sangs rgyas byang chub sems nyid dang/ /de 'gro dang ni ngan 'gro gang/ /sems can gang gi rnam smin kyang/ /ngo bo gnyis su shes par bya/ /dngos po kun gyis rten bya
 zhing/ /rang gi lus bzhin bsrung bar bya/ /sems can rnams la chags bral ba/ /dug bzhin 'bang pas spang bar bya/ /nyan thos rnams ni chags bral bas/ /byang chub dman pa thob min nam/ /sems can yongs su ma dor bas/ /rdzogs sangs rgyas kyis byang chub
 thob/ /de ltar phan dang mi phan pa'i/ /'bras bu 'byung bar dpyad pa na/ /de dag skad cig gcig kyang ni/ /rang don gnas shing ji ltar gnas/ /snying rjes brtan pa'i rtsa ba can/ /byang sems myu gu las byung ba/ /gzhan don gcig 'bras byang chub ni/ /rgyal ba'i sras
 rnams sgom par byed/ /gang zhig bsgom pas brtan pa ni/ /gzhan gyi sdug bsngal gyis thed nas/ /bsam gtan bde ba dor nas kyang/ /mnar med pa yang 'jug par byed/ /'di ni ngo mtshar 'di bsngags 'os/ /'di ni dam pa'i tshul lugs mchog /de dag rnams kyi
 rang lus dang/ /nor rnams byin pa ngo mtshar min/ /chos rnams stong pa 'di shes nas/ /las dang 'bras bu sten pa gang/ /de ni ngo mtshar bas ngo mtshar/ /rmad du 'byung bas rmad du 'byung/ /sems can bskyab pa'i bsam pa can/ /de dag srid pa'i 'dam skyes
 kyang/ /de byung nyes pas mgos pa/ /chu yi pad+ma'i 'dab ma bzhin/ /kun bzang la sogs rgyal ba'i sras/ /nyon mongs bud shing bsregs mod kyi/ /de lta'ang snying rjes brlan 'gyur cing/ /snying rje'i dbang du gyur pa rnams/ /gshegs dang bltam dang rol pa dang/ /?
 nas 'byung dang dka' ba spyod/ /byang chub che dang bdud sde 'joms/ /chos kyi 'khor lo skor ba dang/ /lha rnams kun gyis zhus pa dang/ /de bzhin du ni mya ngan las/ /'das pa stong par mdzad pa yin/ /tshangs dang dbang po khyab 'jug dang/ /drag sogs gzugs su sprul mdzad nas/
 'gro ba 'dul ba'i sbyor ba yis/ /thugs rje'i rang bzhin can gar mdzad/ /srid pa'i lam la skyo rnams la/ /ngal so'i don du theg pa che/ /'byung ba'i ye shes gnyis po yang/ /gsungs pa yin te don dam min/ /ji srid sangs rgyas kyis ma bskul/ /de srid ye shes
 lus dngos can/ /ting nge 'dzin myos pas rgyal 'gyur ba/ /nyan thos de dag gnas par 'gyur/ /bskul na sna tshogs gzugs kyis ni/ /sems can don la chags gyur cing/ /bsod nams ye shes tshogs bsags nas/ /sangs rgyas byang chub thob par 'gyur/ /
 gnyis kyis bag chags yod pa'i phyir/ /bag chags sa bon brjod pa yin/ /sa bon de dngos tshogs pa ni/ /srid pa'i myu gu skyed par byed/ /'jig rten mgon rnams kyis bstan pa/ /sems can bsam dbang rjes 'gro ba/ /'jig rten du ni thabs mang po/ /rnam
 pa mang po tha dad 'gyur/ /zab cing rgya che'i dbye ba dang/ /la lar gnyis ka'i mtshan nyid can/ /tha dad bstan pa yin yang ni/ /stong dang gnyis med tha dad min/ /gzungs rnams dang ni sa rnams dang/ /sangs rgyas pha rol phyin gang dag/ de dag byang chub sems kyi
 char/ /kun mkhyen rnams kyis gsungs pa yin/ /lus ngag yid kyis brtags par ni/ /de ltar sems can don byed pa/ /stong nyid rtsod par smra rnams la/ /chad pa'i rtsod pa nyid yod min/ /'khor ba mya ngan 'das pa la/ /bdag nyid che ste mi gnas pa/ /de
 phyir sangs rgyas rnams kyis ni /mi gnas mya ngan 'das 'dir bshad/ /snying rje ro gcig bsod nams gyur /stong nyid ro ni mchog gyur pa/ /bdag dang gzhan don sgrub don du/ /gang 'thung de dag rgyas sras yin/ /dngos po kun gyis
 de la 'dud/ /srid pa gsum na rtag mchod 'os/ /sangs rgyas gdung ni 'tsho ba don du/ /'jig rten 'dren pa de dag bzhugs/ /byang chub sems 'di theg chen po/ /mchog ni yin par bshad pa ste/ /mnyam par gzhag pa'i dbang? pa yis/ /byang chub
 sems ni bskyed par gyis/ /rang dang gzhan don bsgrub don du/ /srid na thabs gzhan yod ma yin/ /byang chub sems ni ma gtogs pas/ /sangs rgyas kyis sngar thabs ma gzigs/ /byang chub sems bskyed tsam gyis ni/ /bsod nams phung po gang thob gcig
 gal te gzugs can yin na ni/ /nam mkha' gang ba las ni lhag /skyes bu gang zhig skad cig tsam/ /byang chub sems ni sgom byed pa/ /de yi bsod nams phung po ni/ /rgyal ba yis kyang bgrang ma sbyed/ /nyon mongs med pa'i rin chen sems/ /'di ni nor
 mchog gcig pu ste/ /nyon mongs bdud sogs chom rkun gyis/ /gnod min phrogs par bya ba min/ /ji ltar 'khor bar sangs rgyas dang/ /byang chub sems dpa' i smon lam ni/ /mi g.yo de ltar blo nyid ni/ /byang chub sems gzhol rnams kyis bya/ /do
 mtshar gyis kyang khyed cag gis/ /ji ltar bshad pa la 'bad kyis/ /de rjes kun bzang spyod pa ni/ /rang nyid kyis ni rtogs par 'gyur/ /rgyal mchog rnams kyis bstod pa yi/ /byang chub sems ni bstod byas pa'i/ /bsod nams mtshungs med deng du bdag
 gis thob pa gang yin pa/ /de yis srid pa'i rgya mtshe dpa' klong nang du nub pa yi/ /sems can rkang gnyis dbang pos bsten pa'i lam du 'gro bar shog/ byang chub sems kyi 'grel ba slob dpon bdag nyid chen po 'phags pa klu sgrub kyis mdzad pa
 rdzogs so// //rgya gar gyi mkhan po gu Na a ka ra dang/ lots+tsha bar bzhi bshes gnyen gyis bsgyur cing zhus/ slad kyi rgya gar gyi mkhan po ka na ? warma dang/ bod kyi lo tsA ba pa tsha ba nyi ma grags kyis bcos pa// //rgya gar skad du ? d+he