བོད་ཡིག

e-texts based on the ACIP/ALL Input

tu byed pa slob dpon klu sgrub kyi zhal snga nas mdzad pa bzhugs so// */ /rgya gar skad du/ she ka tsa tu pra ka ra Na/ dbang bzhi pa'i rab tu byed pa/ /dpal rdo rje sems dpa l phyag 'tshal lo/ /'phags pa spyan ras gzigs kyi dbang phyug la phyag 'tshal lo/ /dngos kun rnam dag 'od gsal rang bzhin bde ba chen po'i sku/ /'gro ba 'di kun thugs rjes khyab mdzad cir yang snang ba'i sku/ /ma lus yul du gyur pas khams gsum ro mnyam gnyis su med/ /zung 'jug gzod nas dbyer med rdo rje 'chang ba de la 'dud/ /de yi dngos grub thob pa'i thabs ston pa/ /rdo rje 'chang dang tha dad med pa yi/ /lung dang man ngag brgyud pa ma nyams pa'i/ /bla ma rje btsun de la phyag 'tshal nas/ /dbang bzhi'i rab tu byed pa'i gdams ngag bri/ /rnyed dang bkur sti grags spangs byams dang ldan/ /'khor ba'i sdug bsngal sgrol ba'i thugs rje can/ /rgyud dag grol bar ston par dgyes pa po/ /mtho dman med par kun la mnyam por gzigs/ /dad ldan g.yo rgyu med cing gtang dka' gtong/ /'khor bas yid byung mya ngan 'das pa sgrub/ /sman bcud mi 'bod dus kyi bdud rnams spong/ / las kyi rkyen thub rtse gcig bsam gtan byed/ /rten dang brten med ngo bo nyid/ /bdag byin brlob pa'i man ngag go /dang por maN+Dal lnga byas te/ /gdugs sogs me tog rin po che/ /kha dang mngar sogs ro? drug dang/ /glang po? rta dang rin chen khyim/ /brgyad khri bzhi? stong chos phung po/ /lha mi klu sogs bu mo sdug/ gnas lnga dag tu dbul bar bya/ /bdag byin rlobs shig gsol ba gtab/ /khong stong khyod kyi sku la med/ /bya ba la sogs chig bcad kyis/ /gsol pa gang bcing gnang ba spyin/ /bsrun ba'i' khor lo sngon 'gro bas/ /byang chub mchog tu sems kyang bskyed/ /gzugs brnyan lus dang byang chub sems/ /mtshan ma dbyibs dang spas pa yum/ /zhal gyis bum bas dbang bskur te/ /phyi yi bzhi pa grangs kyi bzhi/ /spas pa'i bzhi ba dga' bral bzhi/ /bde chen bzhi pa 'bras bu'i bzhi/ /de ltar de bzhin bzhi pa yang/ /yang gi sgra don kyang ldan phyir/ /'di ni bde chen bzhi pa ste/ /dang por nga rgyal sgom du gzhug /nga ni ye nas rdo rje 'chang/ /gnas skabs glo bur gyis bsgribs shing/ /rang gi mtshan nyid ngo ma shes/ /dam pa'i drin gyis de mthong nas/ /rang gi lus la de nyid gnas/ /chu khams gser dang nam mkha' 'dra/ /de ltar mos ldan blo bzang la/ /spro ba skyed pa'i bum pa zhal/ /dang po lus 'di grub pa ni/ / cho ga gsum dang byang chub lnga'o/ /pha ma'i sa bon bar do'i sems/ /las kyi rlung la zhon nas ni/ /ma rig pa yis len par byed/ /chags dang phrag dog dbang gis zhugs/ /mer mer ltar ltar yi ge lnga/ /gor gor ma brang gyur mtshan ma lnga/ /yan lag rdzogS pa rigs lnga'i sku/ /sngon du shi ba chos sku ste/ /bar do longs spyod rdzogs pa'o/ /sa bon gsum 'dres zla ba yin/ /gnas skabs gnyis ni yi ge ste/ /gnas skabs gnyis ni mtshan ma yin/ /gcig ni sprul pa'i sku rdzogs pa'o/ /rab tu byung zhing tshul khrims bsrung/ /mgo zlum dpung zlum chos gos gyon/ /kham zas spangs shing bcud kyis 'tsho/ /thal sbyar gus pas mgo zlos byed/ /sa bcu'i bar du dka' thub bsrungs/ /de nas sngags kyi spyad pa spyod/ /dbang thob don du gsol 'debs pa/ /sgyur? byed rlung gis zlog par byed/ /bcom ldan dkyil 'khor sgor bltas te/ /thal sbyar gdong g.yogs bkrol par byed/ /a hi sgra sgrogs gsol ba 'debs/ /nga rgyal byed pa'i lha yis te/ /sbas pa'i yum ni bum ba'o/ /ku sha bsrung skud shis pa brjod/ /lhan cig skyes pa'i gnyid kyis nyal/ /bkra shis rdzas rnam lag thogs shing/ /nam mkha' ca co'i sgras bkang nas/ /'jig rten 'das dang 'jig rten pa'i/ /bde legs phun sum tshogs pa brjod/ /chu dang cod pan rdo rje dang/ /dril bu ming gi dbang rnams bskur/ /de gnyis yang ni lan gnyis brjod/ /zas dang mal stan nu ma dang/ /bshang gci la sogs brtul zhugs yin/ /pha dang ma yis longs spyod la/ /'di yi bdag po byed pa yin/ /pha dang ma dang gzhan pa la/ /rag ma lus par rang stobs ldan/ /rin chen rta dang glang bo khyim/ /rjes su gnas nas rang dbang thob/ /'di ni bum pa'i bzhi pa'o/ /sme sha can sogs bu mo rnams/ /rgyas shing smin par gyur pa la/ /gzhan gyi spro ba skyed byed cing/ /gzhan dag snyoms par 'jug pa la/ /dga' dang mos pas 'jug byed cing/ /skye po cog ces mos skyed pa/ /'di ni gsang ba'i bzhi pa yin/ /phyag rgya dang ni lhan cig tu/ /'o dang 'khyud pa'i 'jib par byed/ /snyoms bar zhugs nas srub par byed/ /snang ba rang bzhin bcas pa nub/ /stong pa zhes ni brjod pa yin/ /semS la dmigs pa bang po'o// rtsa rnams kun kyang dud khan nas/ /'dod chags chen po mes bzhu ste/ /a ba d+hU tI'i sgor zhugs shing/ /k+Sha yi sgo ni ma phye bar/ /mched pa rang bzhin bcas pa nub/ /shin tu stong pa zhes brjod do/ /sems la dmigs pa gnyis pa yin/ /ye shes tsam la snyoms 'jug cing/ /yi ge k+Sha yi sgo phye ba/ /bde chen bde ba chen po ni/ /skad cig tsam la nyams myong ba/ /dpal du yid ches byed pa yin/ /log rtog mtshan ma ma lus 'gog /nyer thob rang bzhin dang bcas grub?/ /stong pa chen? po zhes brjod de/ /sems la dmis pa gsum pa'o/ /gong ma de la rtog dpyod byed/ /glan po che yi lcags kyu 'dra/ /mchog dan dga' bral dbus dg tu/ /mtshan nyid dmigs la brtan par gyis/ /thun dam zla phyed zla ba ? /bskal pa g.ye shes ? la sbyor/ /stong pa gsum ni ro mnyam pa/ /thams cad stong pa 'od gsal ba/ /sems la dmigs pa bzhi pa'o/ /'di ni gsum pa'i bzhi pa yin/ /rang sems gdod nas ma skyes pa/ /stong pa nyid kyi rang bzhin no/ /dbugs gtod ? pa ma yin te/ / spyan phye btsums pa ma yin no/ /skye ba ma yin sbu? ba min/ /gsung ba ma yin mi gsung min/ /phyir ni yul la mi dpyod cing/ /nang du sems la mi rtog go/ sems gang gis ni byis pa rnams/ /'khor pa'i bcing bas 'ching bar 'gyur/ /sems gang giS ni rnal 'byor pa/ /bde gshegs gnas su skye bar 'gyur/ /bya ba thamS cad blos btang la/ /gang ltar gnas pa'i don la bzhag /ma bcos pa nyid ma nor ba/ /bde ba chen po rang so nyid/ /don du snang ba rang bzhin med/ /dngos por gsal ba rtog pa med/ /chu dang rnyog ma de bzhin no/ /byi zhing lci ba gzeng bstod cing/ /mthong zhing 'phyang ba rang sor bzhag /cung zad cung zad goms byas pas/ /gong nas gong du khyad par 'gro/ /mthar ni mi rtog ting 'dzin dag /lhun gyis grub pa thob par 'gyur/ /sems kyi 'jun bu btang la bzhag /bla ma nyidkyang mnyam gzhag la/ /slob ma byin gyis brlab par bya/ thun gyi nges pa yod min te/ /ci tsam gnas kyi bar du bzhag /'dod pa'i longs spyod kun brten cing/ /lus kyi 'byung la ro yang mnyam/ /bzhi pa'i dbang bskur cho ga'o/ /de yi don ni bshad bya ste/ /e baM ma ya'i? yi ge bzhin/ /don bzhi dang ni sbyad bar bya/ /rgyud rnams kun gyi don bsdus pa'o/ /oM ni 'jug pa bi ni gnas/ /oM ni bsrung ba ya ni grogs/ /e ni las dang baM ni chos/ /ma ni ru pha? a? dA dka' / /oM? ni snang bstong pa ste/ /baM ni mched pa shin tu stong/ /ma ni nyer thob chen po stong/ /ya ni ro mnyam thams cad stong/ /e ni ma thob thob par byed/ /baM ni thob pa bstan bar byed/ /ma ni gong nas gong du 'gro ma ni cha 'dir rdzogs sangs rgyas/ /e ni rgan bo dang ma dang/ /gzhon dang lang tsho bab pa'o/ /de bzhin bdag na ma khris pa dang/ /rlung dang 'du ba cha mnyam pa'o/ /de bzhin gti mug zhe sdang dang/ /'dod chags dug gsum cha mnyam pa'o/ /ti pa skyes bu las zin dang/ /gzhon pa'i dondang spyad thag chad/ /go rim bzhin du shes par bya e ka ka la zhes pa ste/ /rang gi rgyud la cher te bltos/ /skyes bu ma bcos dang du gnas/ /bla ma dm pas mi rtag sbyar/ /rang dbang? med par rnam rtog phrogs/ /baM ni mar me rgyan tshe dang/ /dig? ma'i rmi lam khyung chen 'dra/ /brtan par zung la mnyam pa zhog /rjes thob bzhin ni sgyu ma bzhin/ /ma ni nor bu so ka'i be'u/ /rgyal po'i btsun mo 'khor o 'dra/ /legs par spyod la rtag tu bsrungs/ /ya ni seng+ge glang chen dang/ /sbyon pa'am lceb pa lta bu yin/ /mgon po'i tsarya dus dang sbyor/ /sngags kyi tsarya gdod nas spyod/ /zhi pa'i cho ga'i gdams pa ste/ rigs dang dus dang gnas dang ni/ /bya ba spyod pa 'di ma nges/ /rin chen lta bu'i gang zag la/ /nas 'dun so 'du ba nyon mongs sbyar/ /kho na zla ba bcu gnyis pa'o/ /? ldan ni sngon sangs rgyas/ /rten can las la brten pa ste/ /las ni lus ngag nyid kyi las/ /de las rgyas 'debs phyag rgya yin/ /dog 'bral? la ni bzhi pa brjod/ /sems la dmigs pa ji bzhin du/ /sgem pa sems la dmigs pa ste/ /rten can zhes ni brjod pa yin/ /rten med rang lus thabs ldan nam/ /'khor lo bzhi dang 'khor lo gnyis/ /rdo rje sems dpa' i dbang? thabs sam/ /rnam par shes pa thad? sbyor? ram/ yi ge hUM gi dbab thabs sam/ /gtum po 'am mkha' 'gro'i byin brlabs sam/ /bla ma'i dus thabs bsten pas so/ /nyams su myong ba bzhi pa ste/ /rnam shes rlung dang ro gcig pa'o/ /ngo bo nyid ? dang rje ? yan lag bdun dang ldan pa ste/ /longs spyod rdzogs pa kha sbyor bde chen rang bzhin med/ /snying rjes nges gang rgyun mi 'chad cing 'gog pa med/ /lha la dmigs shing 'dod la spyad/ /longs spyod rdzogs pa'i rgyu ru bshad/ /las kyi phyag rgya rang 'od yum/ /ye shes phyag rgyas rgyas btab cing/ /dkyil 'khor sgrub dang dbang gnyis dus so/ /tshogs dang spyod pa ro mnyam dus/ /yum dang bcas pa'i rgyu ru bshad/ /bde la stong pas rgyas btab cing/ /ye shes tsam la snyoms 'jug pa/ /lha dang mi yi bde ba las/ /bsdus byas rdo rje 'dzin pa yid ? bcu drug char yang me thod do/ /dngos kun rang gi mtshan nyid las/ /ku dan yod pa ma yin na/ /lha sogs ye shes snang ba las/ /gzhan du dmigs pa smos ci dgos/ /chu'i nang gi zla ba ni/ /bden pa ma yin rdzun pa min/ /de bzhin dkyil 'khor 'khor/ lo yang/ /rang bzhin med lugs de ltar snang/ /rnam dag tshangs pa'i gnas bzhi dang/ /smon lam snying rje gang ba'i rgyu/ /thog mdza' med pa'i rdo rje sems/ /dus dang phyogs ris rnam par spangs/ /chu bo'i gzhung ltar rgyun mi 'chad/ /'di dang 'di la byas ni bral/ nyon mongs la sogs 'dod lnga rnams/ /ma bkag bde chen rgyan du shes/ /gser 'gyur rtsi bzhin shes pas 'grub/ /bde chen bde ba chen po'i sku/ /rang snang rigs mas nyer brgyan ba?/ /'og min gnas su dus rtag tu/ /mtshan dang dbye byang 'bar bas bzhugs// gang dang gang gis 'dul 'gyur pa/ /de de bzhin du so sor snang/ /mos pa'i dbang gis tha dad pa/ /sems can rnams ni 'dul bar mdzad/ /rgyud gzhan dag las bshad pa ni/ /sbyang bya gsum dang ma rigs pa/ /sbyong byed smin byed dbang bzhi po/ /grol byed rgyud dang sngags dang chos/ /gsang ba'i rim pas bzhi pa na 'dod/ /'di nyid yi ge spyi dang sbas/ /mthar thug yin pas bzhi par 'dod/ /mkha' 'dra chos sku stong pa las/ /rtog med ye shes 'ja''dras?/ /rlung dang ye shes ting 'dzin gyis/ /'bad ? bral bas lhun gyis grub/ /dka' thub dka' spyad 'dir mi dgos/ /dka' thub sdom pa mi bzad pa/ /lus skams nas ni sems gdungs nas/ /sdug bsngal 'ba' zhig byed par zang/ /khrus dang gtsang sbras gdung ba skyed/ /'dod pa lnga ni ma spangs par/ /dka' thub kyis ma? ma gdungs par/ /bde bas byang chub tshe 'dir 'thog /bskal pa grangs med gsum du ni/ /lus dang srog la ma bltas kyang/ /bde ba chen po rnyed par dka' / /phyag rgya chen po rdo rje ye shes kyis/ /dbang bskur bzhi pa'i gdams pa byas pa yin/ /'gro kun byang chub sems kyi dkyil 'khor mthong nas ni/ /zung 'jug rdo rje 'chang gi go 'phang thob par shog/ dbang bzhi pa'i rab tu byed pa/ slob dpon na gardzu? nas mdzad pa rdzogs so// //rgya gar gyi mkhan po shan+ti garb+ha dang/ /bod kyi lo tsA ba 'gos lhas btsas kyis bsgyur ba'o// //byang chub sems kyi 'grel ba zhes bya ba slob dpon glu sgrub kyi zhal snga nas mdzad pa'o// */ /rgya gar skad du/ /bod+ha tsit+ti pi bar Na nA ma/ bod skad du/ byang chub sems kyi 'grel ba zhes bya ba/ dpal rdo rje sems dpa' la phyag 'tshal lo/ /