བོད་ཡིག

e-texts based on the ACIP/ALL Input

chen po'i bstong pa brgyang pa slob dpon chen po klu sgrub kyi zhal snga nas mdzad pa'o// //dung mol ma'i sgrub thabs bzhugs so/ /*/ /rgya gar skad du/ sh+rI ya de biM ma hA kA li swA d+ha ni pi ka/ bod skad du/ dpal lha mo tshan mo'i sgrub thabs/ dpal lha mo nag mo chen mo la phyag 'tshal lo/ /dpal lha mo sgrub par 'dod pa'i rnal 'byor pas/ yo byang phun sum tshogs pa dang ldan par bshams la/ de nas dur khrod dam shing gcig gi drung dam/ /gcod rong dam khang stong dam dben pa'i gnas su phyin la/ /de nas dang po phyogs skyong bcu la sogs pa 'jig rten pa'i lha 'dre thams cad la gtor ma byin zhing/ gser skyems rgyas par gtong ngo/ /de nas e'i maN+Dal kun tu khru re la/ 'phangs su khru gang gi tshang du bya'o/ / de la stegs bu sum rim du bya/ /bar ma zla gam gsum du bya tha ma gru gsum du bya/ tha ma'i gru gsum re re la rabs chad kyi thod pa 'am/ yang na gang yang rung ba'i thod pa re re gzhug ste/ de yang thod pa steng mngon par byas la/ thod pa'i nang du yi ge ya nag po re re rdo sol gyis bri'o/ /thod pa'i phyi la yi ge ma dmar po re re khrag gis bri'o/ /zla gam gsum yang dmar por byug /gru gsum dmar por tshon btang ste/ ma legs na yang 'di lta bu'i skyon yod de tshen sboms na slob dpon slob bu la nad mang du yong/ tshon 'phras na slob dpon slob bu nor yal ba 'ong ngo/ /ya yong gyur na yul du 'brug pa 'od so/ /bar chad par gyur na slob dpon slob bu myur du 'chi bar 'gyur/ de bas re kha smyeg ma 'bring po tsam pa byas la/ /g.yas nas bskor zhing bris te/ tshon dgye ba yang gru gsum nyis 'gyur gyi bar du dgye ste/ nang gi gru gsum nag por bya/ /phyi'i gru gsum dmar por bya/ nang gi? gru gsum gyi rtse mo re re la/ rdo rje phyed pa re res mtshan par bri/ thal chen dang khrag skams pa bsres pas e'i dbus su sngags kyi sa bon hUM bri/ /nang gi zur gsum la ma mo thams cad kyi srog gi snying po phul ba b+hyo re re bri bar bya'o/ /de nas da du ra'i khu ba dang ra rog po'i khrag dang/ bya mo nag mo'i khrag dang/ de dag cha bsnyams nas bsres la zhib tu btags la tshon rtsi dang sbyar nas/ /dur khrod kyi ras la dpal lha mo'i sku bris la/ e'i maN+Dal gyi dbus su bzhugs su gsol te/ /der yang spos la sogs ba'i mchod pa'i yo byad lnga tshang bar bsags la mchod pa 'bul te/ de yang bdag dam tshig gi lha mor bsgoms te/ dang por rnal 'byor pa'i snying ga'i dbus su pad+ma 'dab ma bzhi pa'aM/ /yang na 'dab ma brgyad pa snying po dang bcas pa zhig bsam/ pad+ma de'i snying po'i dbus su yi ge aM klad kor dang bcas pa la 'od 'bar ba zhig bsam/ /de'i steng du yi ge raM raM gyi gzi brjid kyis raM nyid me ltar 'bar ba zhig bsam/ /me des bdag gi rnam par rtog pa can gyi lus bsregs na thal bar gyur par bsam mo/ /de nas yang thal ba de'i dbus su zhi ba'i yid kyi bsam par bya ba/ /sngon gyi pad+ma'i snying po la gnas pa srog gi rang bzhin yi ge aM/ de'i steng du yi ge baM bsam mo/ /de nas baM de yongs su gyur pa las/ bum pa dkar po kha nas bdud rtsi'i chu rgyun 'bab pa cig bsam/ /de nas sngon gyi srog du bshad pa'i yi ge aM de la/ /bdud rtsi'i chu rgyun bab cing sbrengs pas yi ge kun gyi mchog tu bshad pa'i aM zhes pa chu des lhag par yang brtan zhing brtas par byas nas gzi brjid dang ldan par gyur nas/ /zla ba dang kha ba dang 'o ma dang/ kun da dang sprin dkar po dang dung lta bur bsams te/ de nas dpal lha mo'i mtshan gyi sngags/ oM mahA kA li de bi ka ra la/ bi kritna/ kA la rA tri/ tsaN+Da rU? pi Ni hUm phaT/ ces brjod pa'i sgo nas/ /sngags kyi sa bon aM de las sa bon lhar bsgrubs te/ /dpal lha mo chen mo'i skur bsgyur zhing bsgom par bya ba ni dud pa'i sol ba sku mdog nag mo/ nag po'i sprin dang bung ba lta bur gnag pa/ shin tu sbeg pa/ keng rus kyi lus can/ zhal gcig phyag bzhi/ zhabs gnyis pa/ g.yas kyi dang po na ral gri/ 'og ma na band+ha dmar gyis bskyil ba/ skra 'khrol ba/ g.yon gyi dang po'i phyag na shaka ti/ 'og ma na tri shU las mgul ba na dar dbyangs phyar ba thogs pa/ mi ro rengs pa khar bcug nas mche ba bzhi gtsigs pa/ spyan gsum dmar po bzlog nas blta ba/ dbu skra ral pa gyen du brdzes shing lan bu g.yon du 'khyil ba/ dbu skra la sbrul dang thod phreng gis brgyan pa/ rma bya'i rgyal mtshan btsugs nas 'char ba snyan cha g.yas na sprul gyi mgul na dril bu gsil ba/ snyan cha g.yon pa na seng+ge'i ral dmar 'phyo ba/ rna ltag gnyis na me tog dang dar dmar po'i cod pan 'phur ga /lha ma yin la sogs pa'i thod pas do shal du byas la/ glang po che'i ko rlon gyis stod g.yogs byas pa/ ba lang gi ko rlon chan pas dras pa la/ re lde ser po sham bur btags pas sku smad dkris pa/ khrag dang zhag gi thig les dum bur bris pa/ klu'i rgyal po gshigs pas ska rags byas pa/ zhabs gnyis lcags sgrog gis brgyan pa/ bong bu ga pa'i steng na btsan skyil du bzhugs pa/ dur khrod brgyad kyi dbus na skad dung dang 'brug gi sgra lta bu sgrogs shing/ /ma mo dang mkha' 'gro dang/ sha za thams cad dbang du sdud pa zhig tu bsgom mo/ /de ltar gsal ba de'i thugs ka'i dbus su/ thugs ma 'am me stag 'dra ba la/ rang gi sor bzhi'i tshod tsam du/ dbyibs sgo nga'i gzugs dang 'dra ba zhig gsal bar bsgo mo sgo nga de'i dbus su hUM nyi ma dang zla ba'i dkyil 'khor dang ldan pa zhig bsgom mo/ /de yang hUM gi thig le ni nyi ma'i dkyil 'khor du bsam/ /hUM gi zla tshes ni zla ba'i dkyil 'khor du bsam mo/ /de'i 'og tu hUM de las 'od zer byung bas/ dgra bgegs thams cad tshar bcad tshur 'dus pa las bzlas pa'i yig 'bru rnams kyi 'phreng bar gyur par bsam/ hUM de nyid kyi mdza' mar bskor bar bsgoms zhing/ hUM de nyid las blta zhing gsal ba dang 'dris shing goms pa'i sbyor bas rtse gcig pa kho na bsgom mo/ /de ltar bdag dam tshig gi lha mor gsal ba dang/ grub pa'i gnas nas rang bzhin gyi lha mo sngon gyi dang 'dra ba zhig /'khor nag mo gcer bu ral pa can/ thod pa ser la khar brgyan pa/ lag pa g.yas pan mi'i snying thogs pa lag pa g.yon pa na band+ha rak+tas bkang ba 'dzin pa/ snying gi dbus na sro gi snying po yi ge b+hyo re re yod pa bsam gyis mi khyab pa dang bcas te byon par bsam mo/ /de ltar nam mkha' la spyan drangs nas/ mdun gyi e'i dbus kyi sngags kyi sa bon hUM dang b+hyo la so sor thim bas sku phyag rgyar bzhengs par bya'o/ /de yang dgug pa dang/ gzhug pa dang bcing ba dang dbang du bya ba'i sngags 'dis bya'o/ /sh+rI sha dza(rgyud 'grel bsgo'o/ de ltar mi ston na oM hUM b+hyaM/ /e ar li h+ri dza(rgyud 'grel dam tshig kyang gur gum gyi chu la sngags kyis btab la sbyin no/ /dam tshig gi sngags 'di 'o/ /oM ha na ha na badzra sa ma ya a ti kra ma nan hUM phaT/ dam tshig gi chu byin nas bsgo ba/ lha mo khyod dam chig 'di las 'das na bsgom pa bzhin du mnyan gyi bar du gzir ba chen por byed pa dang/ dam tshig gi chu 'di yang dug ha la ha la chen por gyur te/ mthong bas khrag du sgyug pa dang/ rdo rje chen pos snying dral te/ me sbal rdo rje 'bar bas tshig nas lus thal bar byas te/ so so rang rang gi mna' bo ru ba bzhin du dmyal ba 'bod grogs su skye bar 'gyur ro/ /zhes dam tshig bor ro/ /de nas dpal lha mo la mchod pa lnga dang gtor ma dbul te/ oM hUM sh+rI ya de pi kA yi kA li ma tA ka li hUM btyo/ oM badzra puShpe pu dza mo g+ha sa mu dra spha ra Na sa ma ye hUM phaT/ ces brjod de me tog dbul lo/ /oM badzra d+hu pa pu dza me g+ha sa mu dra spha ra Na sa ma ye hUM phaT/ ces brjod de bdug spos shad la dbul lo/ /oM badzra dri pe pu dza me g+ha se mu dra spha ra Na sa ma ye hUM phaT/ ces mar me spyan la dbul lo/ /oM badzra gan+t+te pU je me g+ha saM mu draM spha ra Na sa ma ye hUM phaT/ ces dri chab thugs kar dbul lo/ /oM badzra nai li rye mu dza me g+ha sa mu dra spha ra Na sa ma ye hUM phaT/ ces brjod de lta bshos phyag du dbul lo/ /de nas ra rog bo'i sha khrag dang/ bya mo nag mo'i sha khrag dang/ gzhan gyi yang sha khrag sna tshogs gang 'byong dbyor dang chang la sogs pa bzar ba sna tshogs dang ldan pa'i gtor ma dbul bar byas te/ /ma hA maM sa khrag dang/ bya mo nag kha'i/ ma hA ba sU ta kha'i/ /i dam pa ling gri h+Na graM h+Na pa ya hUM phaT swAhA/ /zhes brjod de gtor ma dbul bar bya'o/ /de nas mchod pa rdzogs par phul nas/ bstod de gling bu 'am mi ??? rkang 'bud/ cang te 'u 'am mi thod kyi rnga brdung zhing dbyangs snyan pas bstod par bya ste/ /oM dpal ldan lha mo mi 'pham sring gsum bdag /rang don bsgrub phyir rnam thar la gzhol kyang/ /snying rje'i dbang gis gzhan don rjes thob cing/ /shes rab sna tshogs dag gi 'gro don byed/ /lha mo sku mdog nag mo tshar sprin mdog /mtshan mo nag mo shin tu gtum pa'i gzung/ /shin tu sgeg cing rkang rus lus can ma/ /zhal gcig phyag bzhi zhabs gnyis brjid pa'i sku/ /ral pa gyen 'greng lan bu g.yon du 'khyil/ /skra rked sbrul dang thod pa'i phreng ba can/ /rna lhag mo te dar nag cod pan can/ /khrag gi chang gis ra ro spyan rtsa dmar/ /mi ro rengs pa kha bcug mche ba bzhi/ /rnam par gtsigs nas khrag la shin tu dgyes/ /snyan g.yas sbrul gyi mgul nas dril gsil zhing/ /gdug pa btul nas tshangs pa'i sgra sgrogs ma/ /snyan cha g.yon pa seng ge'i ral pa dmar/ / dpa' bo khams gsum seng ge sga sgrogs ma/ /phyag bzhi g.yas kyi dang po ral gri 'dzin/ /'og ma ban d+ha rak+tas dmar bskyil 'dzin/ /g.yon gyi dang po shak+ti'i mtshon cha 'dzin/ / 'og ma tri shu'i mgul na dar dbyangs 'phyar/ /shak+ti ral gri'i mtshon gyi gsad pa yi/ /lha ma yin gyi thod sogs do shal byas/ /glang po che yi ko rlon stod g.yogs 'dzin/ /smad ni ba lang ko rlon dras pa la/ /phyed ni re lde ser po sham bur dkris/ /klu'i dbang po gshibs pa'i rked bcings can/ /zhabs gnyis lcags sgrog dag gis mdzes par brgyan/ /khrag zhag mang po'i tshom bus thig ler bris/ /bong bu ga zhon mtshan mo dur khrod rgyu/ /bong bu'i rmig pa glog gi shugs can ma/ /khams gsum skad cig dag gis bskor bar byed/ /skad ni dung dang 'brug gi sgra lta bus/ /ma mo mkha' 'gro sha za dbang du sdud/ /lho phyogs gshin rje'i pho brang rtag tu gnas/ /dam pa'i sa nas gzugs sku gnyis gzigs ma/ /ting 'dzin dbang thob gzugs khams gnas su byon/ /tshangs pa'i rgyal po la sogs phyag byas/ /gzhan la dbang sgyur 'dod khams ya mthar phyin/ /dbang phyug chen po'i sku la dgyes 'khril ma/ / sum cu rtsa gsum gnas bzhir byon pa'i tshe/ /lha rnams dbang phyug brgya byin phyag byas ma/ /lha ma yin rnams phung par byas pa'i tshe/ /lhe min dbang po kun gyis phyag byas ma/ / sku mchog ri rab che dang bsgril pa'i tshe/ /lte ba'i thad kyi phyogs nas nyi zla 'char/ /rgyal chen bzhi la sogs pa phyag byas ma/ /rgya mtsho'i gting nas me 'bar mtsho skems nus/ / 'og de bang po kun gyis phyag byas ma/ /lha mo khyod kyis cho 'phrul 'di bstan pas/ /bdud dang mu stegs rgyal po 'dar zhing 'dud/ /ma mo srin mi'i tshogs rnams rngam zhing rgod/ /rin chen gur phub tsi t+ta'i gzhal yas nas/ /nyi zla'i dkyil 'khor brtsegs pa'i 'od zer 'bar/ /phyogs bcu'i 'jig rten dug gi bcud bsdus nas/ /nyi ma'i dkyil 'khor dag la thim par mdzad/ /dug gi rlangs pas nag po'i phyogs rnams kyi/ /bzhi brgya rtsa bzhi'i nad rnams slong byed mo/ /de phyir nad kyi bdag mo dam la 'du/ /phyogs bcu'i 'jig rten bdud rtsi'i bcud bsdus nas/ /zla ba'i dkyil 'khor dag la thim par mdzad/ /bdud rtsi'i rlangs pas dkar po'i phyogs rnams kyi/ /bzhi brgya rtsa bzhi'i nad ni rtsad gcong ma/ bdud rtsi sman gyi rgyal mo dam la 'du/ /gang zhig khyod la dad na ma bas byams/ /de phyir ma gcig nad bdag sman gyi gtso/ /lha mo khyod la bdag gis rtag tu bstod/ /sangs rgyas shAkya thub pa'i sbyan sngar ru/ /bdag gis 'di nas 'khor ba ji srid bar/ /dkar po'i phyogs kyi nang dang sdug bsngal sogs/ /zhi bar bya phyir tshe dang longs spyod spel/ /nag po'i phyogs ni dgug cing dbang du bsdu/ /smyo 'bog bsad pa la sogs las 'di dag /bstan pa bsrung phyir las 'di grub par bgyi/ /'di las 'gal na rgyal ba'i sku bsrus bas/ /dus gsum rgyal ba'i rdo rjes mgo 'gems shog/ /de skad rgyal ba'i spyan sngar dam bcas pa/ /dam bcas bzhin du phrin las myur du mdzod/ / rnal 'byor bdag dang bdag gi 'khor rnams la/ ngis? pa?/ zhal nas bdud rtsi char ba'i rgyun phob la/ /nad sogs sdug bsngal tshogs ni zhi bar mdzod/ /tshe dang dbang thang longs spyod rgyas par mdzod/ /zang zing lo tog 'bru yi phung po dang/ /rin chen rkang 'gro'i phyugs rnams 'phel bar mdzod/ /bla ma smod cing dkon mchog dbu 'phang smod/ /bdag gi dge ba'i par chad byed pa'i dgra/ /che ge mo zhes bya ba'i las ngan 'di/ /khyod kyi khong nas dug gi /rlung bus la/ /'du ba rnam bzhi'i nad rnams khang nas slong/ /bag bzhi sa la lhung nas brdabs? su chub/ /don snying smad lnga'i khong khrag skyug tu chug /las ngan 'khor bcas brang chen brdung du chug smre sngags chod chen gnam du 'bod du chug / 'chi ba'i dug lnga smyo 'bog ba sod par mdzod/ /gcan zun mkha' lding la sogs ltas ngan phob/ /bstan pa bsrung ba'i las 'di myur du mdzod/ /oM du ru ro ru bo ta ta bto si/ ka ma la rak+Sha si hUM b+hyo/ che ge mo mA ra ya hUM phaT/ ces bzlas shing/ dmar brlab cing gtor mar sbreng zhing/ brgya rtsa brgyad dam yang na nyi shu rtsa gcig bzlas la gzhan yang lha mo'i gzungs la sogs pa bstod pa mdza' dag bya'o/ /de nas lha mo'i sbyor ba la gnas nas /thams cad don ni grub byed pa'i/ /snying po yi ni gsang sngags 'di/ /rtag par bzlas pa bya ba ste/ myur ba yang ni ma yin pa/ /'thogs pa yang ni ma yin pa/ /mi gsal ba yang ma yin pa/ /gug skye nyams pa ma yin par/ /g.yeng ba'i rtog pa spangs la bzlas pa'o/ /oM hUM sh+rI ya de bi kA li kA li ma hA kA li hUM b+hyo/ /e a ra li h+ri dza(rgyud 'grel sngags kyi bzlas pa thams cad kyang lha mo'i tshig yin no bar che ba'i nga rgyal bya zhing/ rang gi sprul pa'i lha mo thams cad kyi zhal nas kyang sngags kyi sgra byung bar bsaM? zhing/ bzlas pa la brtson par byas pas de lta bu thams cad kyis/ bzlas par 'gyur ro/ /des ni sngon du bsnyen pa bya ba'i sngags te/ 'bum phrag bdun bzlas pa 'am/ /yang na 'bum phrag gsum bzlas pas las thams cad 'grub po/ /de yang sngags khri phrag re re bzlas nas gtor ma re re gtang ste/ khu tshur gnyis bcings mdzub mo gnyis bsgreng la/ /kha 'gram g.yas g.yon du mche ba ltar byas la/ /oM b+hya ba b+ha ta li b+ha ti li tshe/ zhes lan bdun nam gsum bzlas nas/ /'di skad du/ dur khrod bdag mo dngos grub zhal/ /gtum mo 'jigs byed yi dags zhal/ /dam tshig srung ma khrag dga' mo/ /ki li sgra sgrogs sbyor zin ma/ /dur khrod ro yi tshal dbus na/ /tshogs dang pho nyar bcas pa ru/ gtsigs byed gtum mo dud sol ma/ /gsol cig bzhes cig dam tshig lha/ /gnas nas gnas su mdzad du gsol/ /bdag gi sems la ci 'dod pa/ /de ni khyod kyis grub par mdzod/ /bdag gis las ni ci byed kyang/ /de la kun gyis grogs gyis shig /hUM gri h+Na gri h+Na sarba duSh+Ta na/ b+hak+Sha/ b+hak+Sha/ phroM phroM phroM phaT swA hA/ /zhes brjod de/ se gol lan gsum gdab ste btang bar bya'o/ /'dzab ma rdzogs kyi bar du rgyun de ltar shes par bya'o/ /ji srid skyo bar ma gyur gyis bar du de ltar bzlas la/ /skyo bar gyur na yang bstod pa byas la mchod pa phul te/ phyag byas te lha mo slar gshegs su gsol lo/ /dpal lha mo nag mo sngon du bsnyen pa chen po dbul zhing/ bsnyen pa rdzogs par byas la/ lha mos lung bstan cing mtshan ma thob pa'i rnal 'byor pas kyang/ /dang po nyid du snying po'i sngags la 'bum phrag gcig du bzlas la/ /de nas bstod cing las la sbyar ro/ /de nas smyo zhing bsad pa'i las bya na/ /grog mkhar gyi sa dang/ chu phar 'gram tshur 'gram gyi sa dang/ dur khrod kyi sa dang/ dur khrod kyi thal ba dron mo dang/ dur khrod kyi sol ba dang/ rdzas de dag gcig tu bsres te zhib tu btags la/ /bod bu'i gci na gyis sbrus te bsgrub bya'i gzugs brnyan bya'o/ /'dum pu dang/ 'dum bu med na lang thang tse'i 'bras bu dang dug dang ske tshe dang lan tshar khrag dang sbyar bas/ mi de'i ming rus rigs kyi bla gang yin pa'i bla gzugs gro ga la bris la/ /bla de'i lus la dgra bo de'i ming rus dang sod cig pa'i skul tshig dang bcas pa bris te/ 'di skad du hUM che ge mo mA ra ya phaT/ u na ma na taM ku ru phaT/ ces bris la bla rdo dang sbrags la gzugs brnyan gyi snying gar gzhug /gzhan yang gong gi rdzas dang che ba gsum mu zin nag po rnams bsres te/ zhib par btags te bong bu'i gcin dang sbrar te/ gzugs brnyan gyi kun tu khyab par bsku'o/ /de nas gcan zan gyi thod pa'i kha nang du bcug la maN+Dal gyi dbus su bzhag /de nas gang la bya ba de bkug cing gzugs brnyan la bstim/ /de yin pa kho nar bsams la las bya'o/ /rgya gar phan tshang na mi gsod pa'i gsal shing rtsa gcig pa byed pa de/ 'dir gri lcags las gsal shing rtse gcig pa brdungs la bya'o/ /byas bas ni lha mo yin te/ gzugs brnyan gyi rkub kha nas gyon du btsugs te/ bar phyung la gzugs so/ /de nas sngags 'bum phrag gsum bzlas na dgra bo brlag par 'gyur ro/ /de'i dus su bsam par bya ba ni bsgrub bya de'i snying ga'i dbus kyi yi ge kaM las gyur pa'i sdig pa kha dog nag po mi sdug pa zhig gis/ /snying ga'i mang me'i dbus nas snying khrag mthu bzhing za bar bsam mo/ /gzhan yang bdag dpal lha mo bsgoms snying ga'i mar me'i nang gi hUM gi 'od zer las dza dmar pos bsgril ma phyogs bcur 'phros 'dus pa las/ /de yongs su gyur pa las lcags kyi lcang mo ral ba can cig tu bsgom/ des bsgru bya'i snying rtsa dbu mar thon nas khrag brdubs pa bsam zhing sngags bzlas te/ oM hUM sh+rI ya de bi kA li kA li mahA kA li hUM b+hyo/ ma ma sha truM a mu kaM mA ra ya mA ra ya hUM hUM phaT phaT/ brgya rtsa brgyad 'od re bzlas nas/ /rdzas ni ka na ka'i rtsa ba dang/ zi ra nag po dang/ dbang po lag pa dang/ gnod sbyin lag ba dang/ byi'u rug pa dang/ skyi ba dmar po/ dur khrod sol ba dang/ lan tsha bsregs pa'i phye ma de rnams zhi bdu btags pa'i phye ma'i sbyor ba byas pa la bsngags nas gzugs brnyan la gdab/ phur bu rdo rje drag po dmar lhag ge bsregs la snying gar gdab/ /de nas gzugs brnyan mtshon rnon bos gtubs la phye ma byas la/ /smyo shing gis 'bras bu yod na rag ming na lad thang co'i 'bras bu brgya rtsa brgyad btsag mo'i nas du btags nas gzugs brnyan gyi phye ma dang bsres la/ dpal lha mo'i sbyor bas skra bshig gcer bur byas nas/ kha lho phyogs su bltas nas tshor ma'i me la sbyin srog bya'o/ /de'i sngags la/ oM hUM sh+rI ya de bi kA li kA li mahA kA li hUM b+hyo/ ma ma sha druM/ a mu kaM mA ra ya phaT/ u na ma na taM ku ru hUM phaT/ ces brgya rtsa brgyad bzlas te rdzas dang bstun zhing brgya rtsa brgyad du bzlas par bya'o/ /de ltar byas na smyo bar 'gyur ro/ /haM gyi thal bde nyid blangs te/ de nyid kyi spyi bor btab na lo nyi shu rtsa gcig tu smyo bar 'gyur ro/ zhes kyang bshad do/ / gzhan yang bdag gi rmi lta su/ /bu mo nag mo khros pa yis/ /gang zhig 'chings pa snum pa/ /bu ba rdul dang khrag 'dzag pa/ 'dang ba'i cha byad can zhig tu bsam/ yang na mngon sum du bsams te/ bdag lha mong gnas pa'i snying ga'i hUM las 'ong zer nyi mo'i zer dang me stag lta du las/ bskal ba'i me bzhin du 'bar zhing 'ur sgra dang tog tog dang chem chem can du drag po'i yi ge hUM du 'gyur te/ hUM de las rdo rje 'bar ba'i khab tu gyur par bsam/ /rdo rje 'bar ba'i khab de dgra bo'i gzhang kha'i sgor zhugs te/ snying phug nas kha'i nang dam spyi bo tshangs pa'i bu gar phyung nas cher 'bar bar bsams te/ snying po'i sngags kyi 'jug la/ che ge mo ha na ha na/ da ha da ha/ phaT phaT kyi sngags kyis khas spub du lhung bar bsam mo/ /de lta bu'i bsam gtan gyis/ lha chen po yang 'chi na/ 'on kyang 'khor ban gnas pa'i mi lta smos kyang ci dgos mkha' 'gro ma dud sel gyi sgrub thabs/ mkhas pa chen po nA ro pas mdzad pa rdzogs so// // lo ka sh+rIs bsgyur pa'o// //rje mar pa lo tsa'i phyag dpe la zhus pa dag go/ /